गजेन्द्र ठाकुर- प्रबन्ध-निबन्ध-समालोचना (भाग-२) (कुरुक्षेत्रम् अन्तर्मनक-२)

𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩- 𑒣𑓂𑒩𑒥𑒢𑓂𑒡-𑒢𑒱𑒥𑒢𑓂𑒡-𑒮𑒧𑒰𑒪𑒼𑒔𑒢𑒰 (𑒦𑒰𑒑-𑓒)
(𑒏𑒳𑒩𑒳𑒏𑓂𑒭𑒹𑒞𑓂𑒩𑒧𑓂 𑒁𑒢𑓂𑒞𑒩𑓂𑒧𑒢𑒏-𑓒)























𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩𑒏 𑒖𑒢𑓂𑒧 𑒦𑒰𑒑𑒪𑒣𑒳𑒩𑒧𑒹 𑒮𑒢𑓂 𑓑𑓙𑓗𑓑 𑒧𑒹 𑒦𑒹𑒪𑒢𑓂𑒯𑒱 𑒂 𑒂𑒃 𑒏𑒰𑒪𑓂𑒯𑒱 𑒍 𑒠𑒱𑒪𑓂𑒪𑒲𑒧𑒹 𑒩𑒯𑒻 𑒕𑒟𑒱।



















𑒣𑓂𑒩𑒥𑒢𑓂𑒡-𑒢𑒱𑒥𑒢𑓂𑒡-𑒮𑒧𑒰𑒪𑒼𑒔𑒢𑒰 (𑒦𑒰𑒑-𑓒)
(𑒏𑒳𑒩𑒳𑒏𑓂𑒭𑒹𑒞𑓂𑒩𑒧𑓂 𑒁𑒢𑓂𑒞𑒩𑓂𑒧𑒢𑒏-𑓒)







𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩



𑒬𑓂𑒩𑒳𑒞𑒱 𑒣𑓂𑒩𑒏𑒰𑒬𑒢, 𑒢𑒄 𑒠𑒱𑒪𑓂𑒪𑒲



Prabandh-Nibandh_Samalochna (Part-2): KurukShetram Antarmanak-2 : A collection of papers-essays and criticism in Maithili by Gajendra Thakur first published in 2012 by M/s Shruti Publications, India
Price: Rs.100
𑒮𑒩𑓂𑒫𑒰𑒡𑒱𑒏𑒰𑒩 © 𑒣𑓂𑒩𑒲𑒞𑒱 𑒚𑒰𑒏𑒳𑒩 2012
𑒣𑒯𑒱𑒪 𑒮𑓀𑒮𑓂𑒏𑒩𑒝 : 2012
ISBN : 978-93-80538-54-9
Gajendra Thakur asserts the moral right to be identified as the author of this work.
Every effort has been made to trace or contact all copyright holders. The publishers will be pleased to make good any omissions or rectify any mistakes brought to their attention at the earliest opportunity.
All rights reserved. This book is sold subject to the condition that it shall not, by way of trade or otherwise, be lent, resold, hired out, or otherwise circulated without the publisher’s prior written consent in any form of binding or cover other than that in which it is published and without a similar condition including this condition being imposed on the subsequent purchaser and without limiting the rights under copyright reserved above; no part of this publication may be reproduced, stored in or introduced into a retrieval system, or transmitted, in any form or by any means- photographic, electronic, mechanical, photocopying, recording, taping, information storage- or otherwise, without the prior written permission of both the copyright owner and the aforementioned publisher of this book or as expressly permitted by law.
𑒬𑓂𑒩𑒳𑒞𑒱 𑒣𑓂𑒩𑒏𑒰𑒬𑒢 :𑒩𑒖𑒱𑒮𑓂𑒙𑒩𑓂𑒛 𑒂𑒤𑒱𑒮: 𑓘/𑓒𑓑, 𑒦𑒴𑒞𑒪, 𑒢𑓂𑒨𑒴 𑒩𑒰𑒖𑒹𑒢𑓂𑒠𑓂𑒩 𑒢𑒑𑒩, 𑒢𑒄 𑒠𑒱𑒪𑓂𑒪𑒲-𑓑𑓑𑓐𑓐𑓐𑓘.𑒠𑒴𑒩𑒦𑒰𑒭-(𑓐𑓑𑓑) 𑓒𑓕𑓘𑓘𑓙𑓖𑓕𑓖-𑓕𑓘 𑒤𑒻𑒏𑓂𑒮- (𑓐𑓑𑓑)𑓒𑓕𑓘𑓘𑓙𑓖𑓕𑓗
Website:http://www.shruti-publication.com
e-mail: shruti.publication@shruti-publication.com
Printed at: Ajay Arts, Delhi-110002
Distributor : Pallavi Distributors, Ward no- 6, Nirmali (Supaul), 𑒧𑒼.- 957245.4.5, 9931654742
Prabandh-Nibandh_Samalochna (Part-2): KurukShetram Antarmanak-2 : A collection of papers-essays and criticism in Maithili by Gajendra Thakur



𑒁𑒢𑒳𑒏𑓂𑒩𑒧
𑒔𑒰𑒩𑒱𑒙𑒰 𑒅𑒞𑓂𑒞𑒩 𑒂𑒡𑒳𑒢𑒱𑒏 𑒢𑒰𑒙𑒏: 𑒮𑒻𑒧𑒳𑒁𑒪 𑒥𑒻𑒏𑒹𑒙𑒏 𑒤𑓂𑒩𑒹𑓀𑒔 𑒢𑒰𑒙𑒏 “𑒫𑒹𑒙𑒱𑓀𑒑 𑒤𑒰𑒩 𑒑𑒼𑒛𑒼”, 𑒯𑒻𑒩𑒼𑒪𑓂𑒛 𑒣𑒱𑓀𑒙𑒩𑒏 𑒁𑓀𑒑𑓂𑒩𑒹𑒖𑒲 𑒢𑒰𑒙𑒏 “𑒠 𑒥𑒩𑓂𑒟𑒛𑒹 𑒣𑒰𑒩𑓂𑒙𑒲”, 𑒥𑒰𑒠𑒪 𑒮𑒩𑒏𑒰𑒩𑒏 𑒥𑒰𑓀𑒑𑓂𑒪𑒰 𑒢𑒰𑒙𑒏 “𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞” 𑒂 𑒅𑒠𑒨 𑒢𑒰𑒩𑒰𑒨𑒝 𑒮𑒱𑓀𑒯 ‘𑒢𑒔𑒱𑒏𑒹𑒞𑒰’𑒏 𑒧𑒻𑒟𑒱𑒪𑒲 𑒢𑒰𑒙𑒏 “𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬”
𑒫𑒱𑒠𑓂𑒨𑒰𑒣𑒞𑒱: 𑒏𑒱𑒕𑒳 𑒣𑓂𑒩𑒔𑒪𑒱𑒞 𑒏𑒳𑒣𑓂𑒩𑒔𑒰𑒩𑒏 𑒢𑒱𑒩𑒰𑒏𑒩𑒝
𑒩𑒰𑒖𑒠𑒹𑒫 𑒧𑒝𑓂𑒛𑒪𑒏 𑒁𑒧𑓂𑒥𑒩𑒰
𑒧𑒻𑒟𑒱𑒪𑒲𑒏 𑒦𑒱𑒐𑒰𑒩𑒲 𑒚𑒰𑒏𑒳𑒩𑒏 𑒢𑒰𑒧𑒮𑒿 𑒣𑓂𑒩𑒮𑒱𑒠𑓂𑒡 𑒧𑒻𑒟𑒱𑒪𑒲𑒏 𑒣𑒯𑒱𑒪 𑒖𑒢𑒏𑒫𑒱 𑒩𑒰𑒧𑒠𑒹𑒫 𑒣𑓂𑒩𑒮𑒰𑒠 𑒧𑒝𑓂𑒛𑒪 ‘𑒗𑒰𑒩𑒴𑒠𑒰𑒩’𑒏 𑒑𑒲𑒞 𑒂 𑒗𑒰𑒩𑒴 - “𑒯𑒧𑒩𑒰 𑒥𑒱𑒢𑒳 𑒖𑒑𑒞 𑒮𑒳𑒢𑓂𑒢𑒰 𑒕𑒻”
𑒧𑒳𑒢𑓂𑒢𑒰𑒖𑒲𑒏 “𑒧𑒰𑒿𑒗 𑒂𑓀𑒑𑒢𑒧𑒹 𑒏𑒞𑒱𑒂𑒋𑒪 𑒕𑒲”
𑒧𑒳𑒢𑓂𑒢𑒰𑒖𑒲𑒏 𑒧𑒻𑒟𑒱𑒪𑒲 𑒫𑒱𑒯𑒢𑒱 𑒏𑒟𑒰𑒏 𑒮𑓀𑒑𑓂𑒩𑒯 “𑒣𑓂𑒩𑒞𑒲𑒏”
𑒩𑒰𑒧𑒫𑒱𑒪𑒰𑒮 𑒮𑒰𑒯𑒳 𑒖𑒲𑒏 𑒏𑒫𑒱𑒞𑒰, 𑒑𑒲𑒞, 𑒯𑒰𑒃𑒏𑒴, 𑒬𑒹𑒢𑒩𑓂𑒨𑒴 𑒂 𑒙𑒢𑒏𑒰 𑒮𑓀𑒑𑓂𑒩𑒯 “𑒩𑒟𑒏 𑒔𑒏𑓂𑒏𑒰 𑒅𑒪𑒙𑒱 𑒔𑒪𑒻 𑒥𑒰𑒙”
𑒅𑒧𑒹𑒬 𑒧𑒝𑓂𑒛𑒪 𑒖𑒲𑒏 “𑒢𑒱𑒬𑓂𑒞𑒳𑒏𑒲” 𑒏𑒫𑒱𑒞𑒰, 𑒪𑒒𑒳-𑒏𑒫𑒱𑒞𑒰, 𑒯𑒰𑒃𑒏𑒴/ 𑒙𑒢𑒏𑒰 𑒂 𑒑𑒖𑒪𑒏 𑒮𑓀𑒑𑓂𑒩𑒯𑒏 𑒠𑒼𑒮𑒩 𑒮𑓀𑒮𑓂𑒏𑒩𑒝𑒏 𑒧𑒰𑒠𑒹𑒿
𑒅𑒧𑒹𑒬 𑒣𑒰𑒮𑒫𑒰𑒢𑒏 𑒏𑒫𑒱𑒞𑒰 𑒮𑓀𑒑𑓂𑒩𑒯 “𑒫𑒩𑓂𑒝𑒱𑒞 𑒩𑒮”
𑒮𑒳𑒖𑒲𑒞𑒏 𑒖𑒱𑒠𑓂𑒠𑒲
𑒫𑒱𑒢𑒲𑒞 𑒚𑒰𑒏𑒳𑒩𑒏 𑒥𑒰𑒿𑒏𑒲 𑒁𑒕𑒱 𑒯𑒧𑒩 𑒠𑒴𑒡𑒏 𑒏𑒩𑓂𑒖
𑒮𑓀𑒞𑒼𑒭 𑒏𑒳𑒧𑒰𑒩 𑒧𑒱𑒬𑓂𑒩- “𑒋𑒢𑒰 𑒏𑒱𑒋..?” 𑒂 “𑒣𑒼𑒮𑒣𑒳𑒞”
𑒧𑒻𑒟𑒱𑒪𑒲- 𑒮𑒳𑒩𑒖𑒰𑒣𑒳𑒩𑒲- 𑒩𑒰𑒖𑒥𑓀𑒬𑒲
𑒠𑒴𑒩𑓂𑒫𑒰𑒏𑓂𑒭𑒞
𑒕𑒳𑒞𑒯𑒩/ 𑒕𑒳𑒞𑒯𑒩 𑒒𑒻𑒪/ 𑒕𑒳𑒞𑒯𑒰 𑒒𑒻𑒪
𑒮𑒰𑒯𑒱𑒞𑓂𑒨𑒧𑒹 𑒪𑒼𑒏-𑒞𑒞𑓂𑒫: 𑒑𑒰𑒟𑒰/ 𑒢𑒵𑒞𑓂𑒨/ 𑒢𑒰𑒙𑒏
𑒮𑓂𑒫. 𑒬𑓂𑒩𑒲 𑒫𑒻𑒠𑓂𑒨𑒢𑒰𑒟 𑒧𑒱𑒬𑓂𑒩 “𑒨𑒰𑒞𑓂𑒩𑒲”
𑒯𑒱𑒢𑓂𑒠𑒲 𑒂 𑒧𑒻𑒟𑒱𑒪𑒲 𑒂 𑒮𑒰𑒯𑒱𑒞𑓂𑒨𑒱𑒏 𑒬𑒥𑓂𑒠𑒰𑒫𑒪𑒲
𑒧𑒻𑒟𑒱𑒪𑒲 𑒪𑒹𑒪 𑒋𑒏𑒙𑒰 𑒁𑒢𑒳𑒫𑒰𑒠 𑒮𑒱𑒠𑓂𑒡𑒰𑒢𑓂𑒞
𑒦𑒰𑒩𑒼𑒣𑒲𑒨 𑒦𑒰𑒭𑒰 𑒣𑒩𑒱𑒫𑒰𑒩 𑒧𑒡𑓂𑒨 𑒧𑒻𑒟𑒱𑒪𑒲𑒏 𑒮𑓂𑒟𑒰𑒢
𑒛𑒰. 𑒥𑒰𑒥𑒰𑒮𑒰𑒯𑒹𑒥 𑒂𑒧𑓂𑒥𑒹𑒛𑒏𑒩 (𑓑𑓘𑓙𑓑-𑓑𑓙𑓕𑓖)
𑒁𑒦𑒱𑒢𑒨 𑒣𑒰𑒚𑒬𑒰𑒪𑒰
𑒠𑒼𑒯𑒰/ 𑒩𑒼𑒪𑒰/ 𑒏𑒳𑒝𑓂𑒛𑒪𑒱𑒨𑒰
𑒩𑒰𑒧𑒪𑒼𑒔𑒢 𑒬𑒩𑒝𑒏 𑒧𑒻𑒟𑒱𑒪𑒲 𑒩𑒰𑒧 𑒔𑒩𑒱𑒞 𑒧𑒰𑒢𑒮
𑒧𑒻𑒟𑒱𑒪𑒲 𑒢𑒰𑒙𑒏/ 𑒤𑒱𑒪𑓂𑒧𑒏 𑒋𑒏𑒙𑒰 𑒮𑒧𑒰𑒢𑒰𑒢𑓂𑒞𑒩 𑒠𑒳𑒢𑒱𑒨𑒰𑒿
𑒔𑒰𑒩𑒱𑒙𑒰 𑒁𑓀𑒑𑓂𑒩𑒹𑒖𑒲 𑒢𑒰𑒙𑒏- 𑒛𑒰𑒏𑓂𑒙𑒩 𑒤𑒰𑒮𑓂𑒙𑒮, 𑒮𑒻𑒧𑒮𑒢 𑒋𑒑𑒼𑒢𑒱𑒮𑓂𑒙𑒹𑒮, 𑒧𑒩𑓂𑒛𑒩 𑒃𑒢 𑒠 𑒏𑒻𑒟𑒹𑒛𑓂𑒩𑒪 𑒂 𑒮𑓂𑒙𑓂𑒩𑒰𑒃𑒤
𑒧𑒻𑒟𑒱𑒪𑒲 𑒑𑒠𑓂𑒨 𑒂 𑒣𑒠𑓂𑒨 𑒮𑒰𑒯𑒱𑒞𑓂𑒨𑒏 𑒮𑒧𑒲𑒏𑓂𑒭𑒰𑒬𑒰𑒮𑓂𑒞𑓂𑒩
𑒥𑒴𑒔 𑒖𑒲𑒏 𑒏𑒫𑒱𑒞𑒰𑒏 -𑒧𑒰𑒩𑓂𑒏𑓂𑒮𑒫𑒰𑒠, 𑒌𑒞𑒱𑒯𑒰𑒮𑒱𑒏 𑒠𑒵𑒭𑓂𑒙𑒱, 𑒮𑓀𑒩𑒔𑒢𑒰𑒫𑒰𑒠, 𑒖𑒰𑒠𑒴-𑒫𑒰𑒮𑓂𑒞𑒫𑒱𑒏𑒞𑒰𑒫𑒰𑒠, 𑒅𑒞𑓂𑒞𑒩-𑒂𑒡𑒳𑒢𑒱𑒏 , 𑒢𑒰𑒩𑒲𑒫𑒰𑒠𑒲 𑒂 𑒫𑒱𑒐𑒝𑓂𑒛𑒢𑒫𑒰𑒠 𑒠𑒵𑒭𑓂𑒙𑒱𑒮𑒿 𑒁𑒡𑓂𑒨𑒨𑒢 𑒮𑓀𑒑𑒧𑒹 𑒦𑒰𑒩𑒞𑒲𑒨 𑒮𑒾𑒢𑓂𑒠𑒩𑓂𑒨𑒬𑒰𑒮𑓂𑒞𑓂𑒩𑒏 𑒠𑒵𑒭𑓂𑒙𑒱𑒮𑒿 𑒮𑒹𑒯𑒼 𑒁𑒡𑓂𑒨𑒨𑒢
𑒫𑒱𑒠𑒹𑒬𑒲 𑒣𑒴𑒿𑒖𑒲 𑒢𑒱𑒫𑒹𑒬𑒏 𑒦𑒰𑒭𑒰𑒣𑒩 (𑒧𑒻𑒟𑒱𑒪𑒲 𑒮𑒯𑒱𑒞) 𑒣𑓂𑒩𑒦𑒰𑒫
𑒠𑒴𑒭𑒝 𑒣𑓀𑒖𑒲
𑒩𑒧𑒹𑒬 𑒢𑒰𑒩𑒰𑒨𑒝𑒏 “𑒣𑒰𑒟𑒩𑒏 𑒢𑒰𑒫” 𑓒. 𑒫𑒱𑒢𑒼𑒠 𑒥𑒱𑒯𑒰𑒩𑒲 𑒫𑒩𑓂𑒧𑒰𑒏 “𑒥𑒪𑒰𑒢𑒏 𑒥𑒼𑒢𑒱𑒯𑒰𑒩 𑒍 𑒣𑒪𑓂𑒪𑒫𑒲 (𑒞𑒟𑒰 𑒁𑒢𑓂𑒨 𑒏𑒟𑒰)”
𑒁𑒢𑓂𑒞𑒩𑓂𑒖𑒰𑒪 𑒁𑒣𑒩𑒰𑒡- 𑒂 𑒞𑒏𑒩𑒰 𑒣𑒏𑒛𑓃𑒥𑒰𑒏 𑒫𑒱𑒡𑒱
𑒁𑓀𑒞𑒩𑓂𑒖𑒰𑒪 𑒂 𑒧𑒻𑒟𑒱𑒪𑒲
𑒮𑓂𑒫. 𑒬𑓂𑒩𑒲 𑒯𑒩𑒱𑒧𑒼𑒯𑒢 𑒗𑒰 (𑓑𑓙𑓐𑓘-𑓑𑓙𑓘𑓔)
𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪
𑒣𑓂𑒩𑒹𑒧𑒬𑓀𑒏𑒩 𑒮𑒱𑓀𑒯
𑒫𑒱𑒠𑒹𑒯: 𑒪𑒼𑒑𑒼:: 𑒫𑒱𑒠𑓂𑒨𑒰𑒣𑒞𑒱
𑒫𑒱𑒠𑒹𑒯: 𑒪𑒼𑒑𑒼:: 𑒫𑒱𑒠𑓂𑒨𑒰𑒣𑒞𑒱:𑒅𑒑𑒢𑒰:𑒧𑒱𑒟𑒱𑒪𑒰:𑒧𑒻𑒟𑒱𑒪𑒲
𑒧𑒱𑒟𑒱𑒪𑒰 𑒂 𑒮𑓀𑒮𑓂𑒏𑒵𑒞
𑒖𑒨𑒏𑒰𑒢𑓂𑒞 𑒧𑒱𑒬𑓂𑒩 𑒂 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒭
𑒃𑒢𑓂𑒤𑒰𑒩𑒧𑒹𑒬𑒢 𑒮𑒼𑒮𑒰𑒃𑒙𑒲, 𑒮𑒰𑒩𑓂𑒫𑒦𑒾𑒧 𑒧𑒰𑒢𑒫𑒰𑒡𑒱𑒏𑒰𑒩 𑒒𑒼𑒭𑒝𑒰 𑒂 𑒦𑒰𑒩𑒞𑒲𑒨 𑒮𑓀𑒫𑒱𑒡𑒰𑒢
𑒁𑒢𑓂𑒯𑒰𑒩𑒏 𑒫𑒱𑒩𑒼𑒡𑒧𑒹 𑒯𑒰𑒟𑒲 𑒔𑒪𑒋 𑒥𑒖𑒰𑒩 -𑒁𑒩𑒫𑒱𑒢𑓂𑒠 𑒚𑒰𑒏𑒳𑒩 𑒂 𑒠𑒹𑒫𑒬𑓀𑒏𑒩 𑒢𑒫𑒲𑒢
𑒢𑒔𑒱𑒏𑒹𑒞𑒰𑒏 𑒧𑒡𑓂𑒨𑒧𑒣𑒳𑒩𑒳𑒭 𑒋𑒏𑒫𑒔𑒢
𑒧𑒻𑒟𑒱𑒪𑒏 𑒫𑒩𑓂𑒞𑒧𑒰𑒢 𑒮𑒧𑒮𑓂𑒨𑒰
𑒧𑒱𑒟𑒱𑒪𑒰𑒮𑒿 𑒣𑒪𑒰𑒨𑒢
𑒣𑒘𑓂𑒖𑒲-𑒣𑓂𑒩𑒥𑒢𑓂𑒡𑒧𑒹 𑒅𑒣𑒪𑒥𑓂𑒡 𑒏𑒱𑒕𑒳 𑒂𑒡𑒱𑒏𑒰𑒩𑒱𑒏 𑒂 𑒮𑒰𑒧𑒰𑒖𑒱𑒏 𑒬𑒥𑓂𑒠𑒰𑒫𑒪𑒲
𑒧𑒻𑒟𑒱𑒪𑒲 𑒅𑒣𑒢𑓂𑒨𑒰𑒮𑒣𑒩 𑒁𑓀𑒑𑓂𑒩𑒹𑒖𑒲 𑒮𑒰𑒯𑒱𑒞𑓂𑒨𑒏 𑒣𑓂𑒩𑒦𑒰𑒫
𑒬𑒥𑓂𑒠 𑒫𑒱𑒔𑒰𑒩: 𑒮𑒱𑒠𑓂𑒡 𑒮𑒩𑒯𑒣𑒰𑒠 𑒂 𑒞𑒱𑒥𑓂𑒥𑒞𑒲 𑒪𑒱𑒣𑒱: 𑒏𑒧𑓂𑒣𑓂𑒨𑒴𑒙𑒩 𑒂 𑒧𑒻𑒟𑒱𑒪𑒲
𑒧𑒻𑒟𑒱𑒪𑒲 𑒢𑒰𑒙𑒏 𑒂 𑒂𑒡𑒳𑒢𑒱𑒏 𑒩𑓀𑒑𑒧𑓀𑒔


















𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩-𑒔𑒰𑒩𑒱𑒙𑒰 𑒅𑒞𑓂𑒞𑒩 𑒂𑒡𑒳𑒢𑒱𑒏 𑒢𑒰𑒙𑒏: 𑒮𑒻𑒧𑒳𑒁𑒪 𑒥𑒻𑒏𑒹𑒙𑒏 𑒤𑓂𑒩𑒹𑓀𑒔 𑒢𑒰𑒙𑒏 “𑒫𑒹𑒙𑒱𑓀𑒑 𑒤𑒰𑒩 𑒑𑒼𑒛𑒼”, 𑒯𑒻𑒩𑒼𑒪𑓂𑒛 𑒣𑒱𑓀𑒙𑒩𑒏 𑒁𑓀𑒑𑓂𑒩𑒹𑒖𑒲 𑒢𑒰𑒙𑒏 “𑒠 𑒥𑒩𑓂𑒟𑒛𑒹 𑒣𑒰𑒩𑓂𑒙𑒲”, 𑒥𑒰𑒠𑒪 𑒮𑒩𑒏𑒰𑒩𑒏 𑒥𑒰𑓀𑒑𑓂𑒪𑒰 𑒢𑒰𑒙𑒏 “𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞” 𑒂 𑒅𑒠𑒨 𑒢𑒰𑒩𑒰𑒨𑒝 𑒮𑒱𑓀𑒯 ‘𑒢𑒔𑒱𑒏𑒹𑒞𑒰’𑒏 𑒧𑒻𑒟𑒱𑒪𑒲 𑒢𑒰𑒙𑒏 “𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬”
[𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑓒𑓐𑓐𑓘 𑒄. 𑒧𑒹 𑒕𑒣𑒪 𑒂 𑒮𑒰𑒯𑒱𑒞𑓂𑒨 𑒁𑒏𑒰𑒠𑒹𑒧𑒲 𑒣𑒳𑒩𑒮𑓂𑒏𑒰𑒩 𑒪𑒹𑒪 𑒋𑒏𑒩 𑒔𑒨𑒢 𑓒𑓐𑓑𑓐, 𑓒𑓐𑓑𑓑 𑒥𑒰 𑓒𑓐𑓑𑓒 𑒧𑒹 𑒢𑒻 𑒦𑓄 𑒮𑒏𑒪𑒻। 𑒂𑒥 𑒄 𑒣𑒼𑒟𑒲 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨 𑒪𑒹𑒪 𑒮𑒰𑒯𑒱𑒞𑓂𑒨 𑒁𑒏𑒰𑒠𑒹𑒧𑒲 𑒣𑒳𑒩𑒮𑓂𑒏𑒰𑒩 𑒪𑒹𑒪 𑒅𑒣𑒪𑒥𑓂𑒡 𑒢𑒻 𑒩𑒯𑒞। 𑒌 𑒞𑒩𑒯𑒏 𑒂𑒢𑒼 𑒅𑒠𑒰𑒯𑒩𑒝 𑒩𑒯𑒪 𑒁𑒕𑒱। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒏 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨 𑒂 𑒫𑒱𑒬𑓂𑒫 𑒮𑒰𑒯𑒱𑒞𑓂𑒨 𑒧𑒡𑓂𑒨 𑒮𑓂𑒟𑒰𑒢 𑒢𑒲𑒔𑒰𑒿𑒏 𑒂𑒪𑒹𑒐𑒧𑒹 𑒢𑒱𑒩𑒴𑒣𑒱𑒞 𑒏𑒋𑒪 𑒖𑒰 𑒩𑒯𑒪 𑒁𑒕𑒱। 𑒄 𑒬𑒵𑓀𑒐𑒪𑒰 𑒂𑒑𑒰𑒿 𑒮𑒹𑒯𑒼 𑒖𑒰𑒩𑒲 𑒩𑒯𑒞।]

𑒔𑒰𑒩𑒱𑒙𑒰 𑒅𑒞𑓂𑒞𑒩 𑒂𑒡𑒳𑒢𑒱𑒏 𑒢𑒰𑒙𑒏: 𑒮𑒻𑒧𑒳𑒁𑒪 𑒥𑒻𑒏𑒹𑒙𑒏 𑒤𑓂𑒩𑒹𑓀𑒔 𑒢𑒰𑒙𑒏 “𑒫𑒹𑒙𑒱𑓀𑒑 𑒤𑒰𑒩 𑒑𑒼𑒛𑒼”, 𑒯𑒻𑒩𑒼𑒪𑓂𑒛 𑒣𑒱𑓀𑒙𑒩𑒏 𑒁𑓀𑒑𑓂𑒩𑒹𑒖𑒲 𑒢𑒰𑒙𑒏 “𑒠 𑒥𑒩𑓂𑒟𑒛𑒹 𑒣𑒰𑒩𑓂𑒙𑒲”, 𑒥𑒰𑒠𑒪 𑒮𑒩𑒏𑒰𑒩𑒏 𑒥𑒰𑓀𑒑𑓂𑒪𑒰 𑒢𑒰𑒙𑒏 “𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞” 𑒂 𑒅𑒠𑒨 𑒢𑒰𑒩𑒰𑒨𑒝 𑒮𑒱𑓀𑒯 ‘𑒢𑒔𑒱𑒏𑒹𑒞𑒰’𑒏 𑒧𑒻𑒟𑒱𑒪𑒲 𑒢𑒰𑒙𑒏 “𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬”
.......................................
"𑒫𑒹𑒙𑒱𑓀𑒑 𑒤𑒰𑒩 𑒑𑒼𑒛𑒼” 𑒠𑒴 𑒁𑓀𑒏𑒲𑒨 𑒙𑓂𑒩𑒹𑒖𑒲-𑒏𑒰𑒧𑒹𑒛𑒲 𑒁𑒕𑒱। 𑒮𑒻𑒧𑒳𑒁𑒪 𑒥𑒻𑒏𑒹𑒙 𑒠𑓂𑒫𑒰𑒩𑒰 𑒄 1952 𑒄. 𑒧𑒹 𑒤𑓂𑒩𑒹𑓀𑒔 𑒦𑒰𑒭𑒰𑒧𑒹 𑒪𑒱𑒐𑒪 𑒑𑒹𑒪 𑒂 𑒋𑒏𑒩 𑒣𑒯𑒱𑒪 𑒣𑓂𑒩𑒠𑒩𑓂𑒬𑒢 𑒣𑒹𑒩𑒱𑒮𑒧𑒹 1953 𑒄. 𑒧𑒹 𑒦𑒹𑒪। 𑒋𑒏𑒩 𑒁𑓀𑒑𑓂𑒩𑒹𑒖𑒲 𑒮𑓀𑒮𑓂𑒏𑒩𑒝𑒏 𑒣𑓂𑒩𑒠𑒩𑓂𑒬𑒢 𑒪𑓀𑒠𑒢𑒧𑒹 1955 𑒄. 𑒧𑒹 𑒦𑒹𑒪 𑒂 𑒁𑓀𑒑𑓂𑒩𑒹𑒖𑒲 𑒮𑓀𑒮𑓂𑒏𑒩𑒝 1956 𑒄. 𑒧𑒹 𑒣𑓂𑒩𑒏𑒰𑒬𑒱𑒞 𑒦𑒹𑒪।
𑒯𑒻𑒩𑒼𑒪𑓂𑒛 𑒣𑒱𑓀𑒙𑒩𑒏 𑒁𑓀𑒑𑓂𑒩𑒹𑒖𑒲 𑒢𑒰𑒙𑒏 “𑒠 𑒥𑒩𑓂𑒟𑒛𑒹 𑒣𑒰𑒩𑓂𑒙𑒲” 𑒏𑒻𑒧𑓂𑒥𑓂𑒩𑒱𑒖𑒧𑒹 1958 𑒄. 𑒧𑒹 𑒧𑓀𑒔𑒱𑒞 𑒦𑒹𑒪 𑒂 1960 𑒄. 𑒧𑒹 𑒣𑓂𑒩𑒏𑒰𑒬𑒱𑒞 𑒦𑒹𑒪।

𑒥𑒰𑒠𑒪 𑒮𑒩𑒏𑒰𑒩𑒏 𑒥𑒰𑓀𑒑𑓂𑒪𑒰 𑒢𑒰𑒙𑒏 “𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞” 1962 𑒄. 𑒧𑒹 𑒪𑒱𑒐𑒪 𑒑𑒹𑒪 𑒂 𑒄 1965 𑒄. 𑒧𑒹 𑒏𑒪𑒏𑒞𑓂𑒞𑒰𑒧𑒹 𑒧𑓀𑒔𑒱𑒞 𑒦𑒹𑒪।

𑒅𑒠𑒨 𑒢𑒰𑒩𑒰𑒨𑒝 𑒮𑒱𑓀𑒯 ‘𑒢𑒔𑒱𑒏𑒹𑒞𑒰’𑒏 “𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬” 2008 𑒄. 𑒧𑒹 𑒄-𑒣𑓂𑒩𑒏𑒰𑒬𑒱𑒞 𑒂 𑒤𑒹𑒩 𑒍𑒯𑒲 𑒥𑒩𑓂𑒐 𑒣𑓂𑒩𑒏𑒰𑒬𑒱𑒞 𑒦𑒹𑒪। 19 𑒤𑒩𑒥𑒩𑒲 2011 𑒏𑒹𑒿 𑒏𑒳𑒝𑒰𑒪𑒏 𑒢𑒱𑒩𑓂𑒠𑒹𑒬𑒢𑒧𑒹 𑒏𑒰𑒪𑒱𑒠𑒰𑒮 𑒩𑓀𑒑𑒰𑒪𑒨, 𑒣𑒙𑒢𑒰𑒧𑒹 𑒄 𑒛𑒹𑒜𑓃 𑒒𑒝𑓂𑒙𑒰𑒏 𑒢𑒰𑒙𑒏 𑒧𑓀𑒔𑒱𑒞 𑒦𑒹𑒪।

𑒤𑓂𑒩𑒹𑓀𑒔, 𑒁𑓀𑒑𑓂𑒩𑒹𑒖𑒲, 𑒥𑒰𑓀𑒑𑓂𑒪𑒰 𑒂 𑒧𑒻𑒟𑒱𑒪𑒲𑒏 𑒄 𑒔𑒰𑒩𑒴 𑒢𑒰𑒙𑒏 𑒣𑒼𑒮𑓂𑒙-𑒧𑒰𑒛𑒩𑓂𑒢 𑒢𑒰𑒙𑒏𑒏 𑒬𑓂𑒩𑒹𑒝𑒲𑒧𑒹 𑒑𑒰𑒢𑒪 𑒖𑒰𑒃𑒞 𑒁𑒕𑒱। 𑒖𑒐𑒢 𑒮𑒻𑒧𑒳𑒁𑒪 𑒥𑒻𑒏𑒹𑒙𑒏 “𑒫𑒹𑒙𑒱𑓀𑒑 𑒤𑒰𑒩 𑒑𑒼𑒛𑒼” 𑒠𑒹𑒐𑒱 𑒏’ 𑒪𑒼𑒏 𑒮𑒦 𑒒𑒳𑒩𑒪 𑒩𑒯𑒟𑒱 𑒞𑒿 𑒯𑒳𑒢𑒏𑒰 𑒪𑒼𑒏𑒢𑒱𑒏𑒹𑒿 𑒋𑒏𑒙𑒰 𑒫𑒱𑒔𑒱𑒞𑓂𑒩 𑒁𑒢𑒳𑒦𑒫𑒮𑒿 𑒮𑒰𑒏𑓂𑒭𑒰𑒞𑓂𑒏𑒰𑒩 𑒦𑒹𑒪 𑒕𑒪𑒢𑓂𑒯𑒱। 𑒌 𑒢𑒰𑒙𑒏𑒧𑒹 𑒧𑒰𑒞𑓂𑒩 𑒣𑒰𑒿𑒔𑒙𑒰 𑒣𑒰𑒞𑓂𑒩 𑒁𑒕𑒱- 𑒋𑒮𑓂𑒙𑓂𑒩𑒰𑒑𑒼𑒢, 𑒫𑓂𑒪𑒰𑒠𑒲𑒧𑒲𑒩, 𑒪𑒏𑒲, 𑒣𑒼𑒖𑒼 𑒂 𑒋𑒏𑒙𑒰 𑒕𑒾𑒛𑓃𑒰। 𑒋𑒏𑒙𑒰 𑒏𑒝𑓂𑒙𑓂𑒩𑒲 𑒩𑒼𑒛𑒣𑒩 𑒮𑒰𑒿𑒗𑒧𑒹 𑒋𑒏𑒙𑒰 𑒑𑒰𑒕 𑒪𑒑 𑒋𑒮𑓂𑒙𑓂𑒩𑒰𑒑𑒼𑒢 𑒋𑒏𑒙𑒰 𑒜𑒱𑒧𑒏𑒰𑒣𑒩 𑒥𑒻𑒮𑒪 𑒁𑒕𑒱 𑒂 𑒁𑒣𑒢 𑒖𑒳𑒞𑓂𑒞𑒰 𑒠𑒳𑒢𑒴 𑒯𑒰𑒟𑒮𑒿 𑒢𑒱𑒏𑒰𑒪𑒥𑒰𑒏 𑒣𑓂𑒩𑒨𑒰𑒮 𑒏’ 𑒩𑒯𑒪 𑒁𑒕𑒱 𑒂 𑒁𑒣𑒮𑓂𑒨𑒰𑒿𑒞 𑒁𑒕𑒱, 𑒂 𑒟𑒰𑒏𑒱 𑒖𑒰𑒃𑒋। 𑒫𑓂𑒪𑒰𑒠𑒲𑒧𑒲𑒩 𑒮𑓀𑒑𑒹 𑒍 𑒑𑒣𑒏 𑒣𑓂𑒩𑒰𑒩𑒧𑓂𑒦 𑒯𑒼𑒃 𑒕𑒻, 𑒋𑒧𑓂𑒯𑒩 𑒍𑒧𑓂𑒯𑒩𑒏 𑒤𑒳𑒮𑒱𑒨𑒰𑒿𑒯𑒲𑒏 𑒢𑒧𑒑𑒩 𑒑𑒣𑒬𑒣 𑒯𑒼𑒃 𑒕𑒻। 𑒣𑒼𑒖𑒼 𑒂 𑒪𑒏𑒲 𑒁𑒥𑒻𑒋। 𑒣𑒼𑒖𑒼 𑒥𑒳𑒗𑒰𑒃𑒋 𑒧𑒰𑒪𑒱𑒏 𑒁𑒕𑒱 𑒂 𑒪𑒏𑒲 𑒠𑒰𑒮। 𑒠𑒰𑒮𑒼 𑒞𑒹𑒯𑒹𑒢 𑒖𑒏𑒩𑒰 𑒑𑒩𑓂𑒠𑒢𑒱𑒧𑒹 𑒢𑒧𑒑𑒩 𑒩𑒮𑓂𑒮𑒰 𑒣𑒼𑒖𑒼 𑒪𑒑𑒹𑒢𑒹 𑒁𑒕𑒱। 𑒣𑒯𑒱𑒢𑒹 𑒪𑒏𑒲 𑒁𑒥𑒻𑒋, 𑒤𑒹𑒩 𑒩𑒮𑓂𑒮𑒰 𑒣𑒏𑒛𑓃𑒢𑒹 𑒣𑒼𑒖𑒼। 𑒪𑒏𑒲 𑒥𑒛𑓃𑒏𑒰 𑒥𑒻𑒑, 𑒋𑒏𑒙𑒰 𑒤𑒼𑒪𑓂𑒛𑒱𑓀𑒑 𑒮𑓂𑒙𑒴𑒪, 𑒋𑒏𑒙𑒰 𑒣𑒱𑒏𑒢𑒱𑒏 𑒥𑒰𑒮𑓂𑒏𑒹𑒙 𑒂 𑒑𑓂𑒩𑒹𑒙𑒏𑒼𑒙 𑒅𑒒𑒢𑒹 𑒁𑒕𑒱। 𑒣𑒼𑒖𑒼 𑒪𑒑 𑒔𑒰𑒥𑒳𑒏 𑒕𑒻। 𑒪𑒏𑒲 𑒂𑒠𑒹𑒬𑒣𑒰𑒪𑒏 𑒁𑒕𑒱। 𑒧𑒰𑒪𑒱𑒏𑒏 𑒑𑒣 𑒧𑒰𑒢𑒱 𑒤𑒹𑒩 𑒮𑒦 𑒥𑒼𑒗 𑒅𑒚𑒰 𑒏’ 𑒚𑒰𑒜𑓃 𑒦’ 𑒖𑒰𑒃𑒋। 𑒋𑒮𑓂𑒙𑓂𑒩𑒰𑒑𑒼𑒢 𑒂 𑒫𑓂𑒪𑒰𑒠𑒲𑒧𑒲𑒩𑒏𑒹𑒿 𑒍𑒏𑒩 𑒥𑒼𑒗𑒰 𑒅𑒒𑒢𑒰𑒃 𑒢𑒲𑒏 𑒢𑒻 𑒪𑒑𑒻 𑒕𑒻। 𑒧𑒳𑒠𑒰 𑒣𑒼𑒖𑒼 𑒖𑒐𑒢 𑒏𑒯𑒻 𑒕𑒻 𑒖𑒹 𑒍 𑒍𑒯𑒱𑒢𑒹 𑒕𑒻 𑒞𑒿 𑒋𑒮𑓂𑒙𑓂𑒩𑒰𑒑𑒼𑒢 𑒣𑒼𑒖𑒼𑒏𑒹𑒿 𑒂𑒞𑒞𑒰𑒨𑒲 𑒥𑒳𑒗𑒻 𑒕𑒻। 𑒋𑒮𑓂𑒙𑓂𑒩𑒰𑒑𑒼𑒢 𑒪𑒏𑒲𑒏 𑒢𑒼𑒩 𑒣𑒼𑒕𑒻𑒋 𑒞𑒐𑒢 𑒍𑒏𑒩𑒰 𑒪𑒏𑒲 𑒧𑒳𑒏𑓂𑒏𑒰 𑒧𑒰𑒩𑒻 𑒕𑒻। 𑒣𑒼𑒖𑒼 𑒏𑒯𑒻 𑒕𑒻 𑒖𑒹 𑒞𑒼𑒩𑒰 𑒏𑒯𑒪𑒱𑒨𑒾 𑒢𑒹 𑒖𑒹 𑒪𑒏𑒲𑒏𑒹𑒿 𑒁𑒢𑒔𑒱𑒢𑓂𑒯𑒰𑒩 𑒪𑒼𑒏 𑒣𑒮𑒱𑒢𑓂𑒢 𑒢𑒻 𑒕𑒻। 𑒂 𑒋𑒮𑓂𑒙𑓂𑒩𑒰𑒑𑒼𑒢 𑒂 𑒫𑓂𑒪𑒰𑒠𑒲𑒧𑒲𑒩 𑒍𑒞’ 𑒏𑒲 𑒏’ 𑒩𑒯𑒪 𑒁𑒕𑒱? 𑒍 𑒠𑒳𑒢𑒴 𑒑𑒼𑒙𑒹 𑒏𑒼𑒢𑒼 𑒑𑒼𑒛𑒼 𑒢𑒰𑒧𑓂𑒢𑒰 𑒫𑓂𑒨𑒏𑓂𑒞𑒱𑒏 𑒥𑒰𑒙 𑒖𑒼𑒯𑒱 𑒩𑒯𑒪 𑒁𑒕𑒱।
𑒣𑒼𑒖𑒼 𑒂 𑒪𑒏𑒲 𑒔𑒪𑒱 𑒖𑒰𑒃𑒋। 𑒋𑒮𑓂𑒙𑓂𑒩𑒰𑒑𑒼𑒢 𑒂 𑒫𑓂𑒪𑒰𑒠𑒲𑒧𑒲𑒩 𑒪𑒑 𑒋𑒏𑒙𑒰 𑒕𑒾𑒛𑓃𑒰 𑒁𑒥𑒻 𑒕𑒻 𑒂 𑒏𑒯𑒻 𑒕𑒻 𑒖𑒹 𑒑𑒼𑒛𑒼 𑒂𑒃 𑒢𑒻 𑒂𑒥𑒱 𑒮𑒏𑒞𑒰, 𑒏𑒰𑒪𑓂𑒯𑒱 𑒋𑒞𑒰। 𑒤𑒹𑒩 𑒋𑒧𑓂𑒯𑒩 𑒍𑒧𑓂𑒯𑒩𑒏 𑒤𑒳𑒮𑒱𑒨𑒰𑒿𑒯𑒲𑒏 𑒑𑒣𑒬𑒣 𑒯𑒼𑒃𑒋 𑒂 𑒍𑒯𑒼 𑒕𑒾𑒛𑓃𑒰 𑒔𑒪𑒱 𑒖𑒰𑒃𑒋। 𑒞𑒐𑒢𑒹 𑒧𑓀𑒔𑒣𑒩 𑒮𑒿 𑒥𑒱𑒖𑒪𑒲 𑒔𑒪𑒱 𑒖𑒰𑒃 𑒕𑒻 𑒂 𑒤𑒹𑒩 𑒩𑒰𑒞𑒱 𑒦’ 𑒖𑒰𑒃 𑒕𑒻, 𑒔𑒢𑓂𑒠𑓂𑒩𑒧𑒰 𑒅𑒑𑒪 𑒕𑒻। 𑒫𑓂𑒪𑒰𑒠𑒲𑒧𑒲𑒩 𑒂 𑒋𑒮𑓂𑒙𑓂𑒩𑒰𑒑𑒼𑒢𑒏 𑒑𑒣𑒬𑒣 𑒬𑒳𑒩𑒴 𑒯𑒼𑒃 𑒕𑒻। 𑒤𑒳𑒮𑒱𑒨𑒰𑒿𑒯𑒲𑒏 𑒑𑒣𑒧𑒹 𑒏𑒱𑒕𑒳 𑒁𑒩𑓂𑒟𑒣𑒴𑒩𑓂𑒝 𑒑𑒣𑒬𑒣 𑒮𑒹𑒯𑒼 𑒯𑒼𑒃 𑒕𑒻। 𑒠𑒳𑒢𑒴 𑒑𑒼𑒙𑒹 𑒖𑒹𑒥𑒰𑒏 𑒢𑒱𑒩𑓂𑒝𑒨 𑒏𑒩𑒻 𑒕𑒟𑒱 𑒧𑒳𑒠𑒰 𑒯𑒱𑒪𑒻 𑒢𑒻 𑒕𑒟𑒱। 𑒣𑒯𑒱𑒪 𑒁𑓀𑒏𑒏 𑒣𑒩𑓂𑒠𑒰 𑒐𑒮𑒻𑒋।
𑒠𑒼𑒮𑒩 𑒁𑓀𑒏, 𑒫𑒋𑒯 𑒮𑒧𑒋 𑒂 𑒮𑓂𑒟𑒰𑒢। 𑒫𑓂𑒪𑒰𑒠𑒲𑒧𑒲𑒩𑒏𑒹𑒿 𑒮𑒦 𑒏𑒱𑒕𑒳 𑒧𑒼𑒢 𑒕𑒻 𑒧𑒳𑒠𑒰 𑒋𑒮𑓂𑒙𑓂𑒩𑒰𑒑𑒼𑒢 𑒥𑒱𑒮𑒩𑒱 𑒑𑒹𑒪 𑒁𑒕𑒱। 𑒋𑒮𑓂𑒙𑓂𑒩𑒰𑒑𑒼𑒢 𑒏𑒯𑒻𑒋 𑒖𑒹 𑒍 𑒮𑒦 𑒏𑒱𑒕𑒳 𑒞𑒳𑒩𑒞𑓂𑒞𑒹 𑒥𑒱𑒮𑒩𑒱 𑒖𑒰𑒃𑒋 𑒥𑒰 𑒏𑒯𑒱𑒨𑒼 𑒢𑒻 𑒥𑒱𑒮𑒩𑒻𑒋। 𑒍𑒏𑒩𑒰 𑒏𑒱𑒕𑒳-𑒏𑒱𑒕𑒳 𑒧𑒼𑒢𑒼 𑒣𑒛𑓃𑒻 𑒕𑒻। 𑒣𑒼𑒖𑒼 𑒂 𑒪𑒏𑒲 𑒁𑒥𑒻𑒋। 𑒣𑒼𑒖𑒼 𑒂𑒢𑓂𑒯𑒩 𑒦’ 𑒑𑒹𑒪 𑒁𑒕𑒱, 𑒪𑒏𑒲 𑒍𑒯𑒱𑒢𑒰 𑒥𑒼𑒗𑒰 𑒅𑒒𑒢𑒹 𑒁𑒕𑒱। 𑒩𑒮𑓂𑒮𑒰 𑒮𑒹𑒯𑒼 𑒕𑒻 𑒧𑒳𑒠𑒰 𑒏𑒱𑒕𑒳 𑒕𑒼𑒙। 𑒣𑒼𑒖𑒼 𑒂 𑒪𑒏𑒲 𑒐𑒮𑒱 𑒣𑒛𑓃𑒻𑒋। 𑒣𑒼𑒖𑒼 𑒮𑒯𑒰𑒨𑒞𑒰 𑒪𑒹𑒪 𑒏𑒯𑒻𑒋 𑒧𑒳𑒠𑒰 𑒋𑒮𑓂𑒙𑓂𑒩𑒰𑒑𑒼𑒢 𑒂 𑒫𑓂𑒪𑒰𑒠𑒲𑒧𑒲𑒩 𑒑𑒣𑒬𑒣 𑒏𑒩𑒻𑒋।
𑒋𑒮𑓂𑒙𑓂𑒩𑒰𑒑𑒼𑒢 𑒫𑓂𑒪𑒰𑒠𑒲𑒧𑒲𑒩𑒏𑒹𑒿 𑒣𑒯𑒱𑒪 𑒁𑓀𑒏 𑒖𑒹𑒏𑒰𑒿 “𑒠𑒲𑒠𑒲” 𑒏𑒯𑒻𑒋। 𑒫𑓂𑒪𑒰𑒠𑒲𑒧𑒲𑒩 𑒥𑒰𑒖𑒻𑒋 𑒖𑒹 “𑒯𑒧𑒩𑒰 𑒮𑒦𑒏𑒹𑒿 𑒤𑒳𑒮𑒱𑒨𑒰𑒿𑒯𑒲𑒏 𑒑𑒣𑒬𑒣𑒧𑒹 𑒮𑒧𑒨 𑒢𑒻 𑒥𑒩𑓂𑒥𑒰𑒠 𑒏𑒩𑒥𑒰𑒏 𑒔𑒰𑒯𑒲।“ 𑒣𑒼𑒖𑒼𑒏 “𑒮𑒯𑒰𑒨𑒞𑒰”𑒏 𑒂𑒩𑓂𑒞𑒢𑒰𑒠 𑒢𑒱𑒨𑒞 𑒁𑓀𑒞𑒩𑒰𑒪𑒣𑒩 𑒥𑒹𑒩-𑒥𑒹𑒩 𑒯𑒼𑒃 𑒕𑒻। 𑒧𑒳𑒠𑒰 𑒞𑒃𑒣𑒩 𑒋𑒮𑓂𑒙𑓂𑒩𑒰𑒑𑒼𑒢 𑒂 𑒫𑓂𑒪𑒰𑒠𑒲𑒧𑒲𑒩 𑒡𑓂𑒨𑒰𑒢 𑒢𑒻 𑒠𑒻𑒋। 𑒣𑒼𑒖𑒼 𑒂𑒥 𑒮𑒯𑒰𑒨𑒞𑒰 𑒪𑒹𑒪 𑒮𑒋 𑒤𑓂𑒩𑒻𑓀𑒏 𑒤𑒹𑒩 𑒠𑒴 𑒮𑒋 𑒤𑓂𑒩𑒻𑓀𑒏𑒏 𑒪𑒰𑒪𑒔 𑒠𑒻𑒋। 𑒫𑓂𑒪𑒰𑒠𑒲𑒧𑒲𑒩 𑒍𑒏𑒩𑒰 𑒅𑒚𑒥𑒻𑒪𑒹 𑒖𑒰𑒃𑒋, 𑒣𑓂𑒩𑒨𑒰𑒮𑒧𑒹 𑒁𑒣𑒢𑒼 𑒐𑒮𑒱 𑒣𑒛𑓃𑒻𑒋 𑒂 𑒮𑒯𑒰𑒨𑒞𑒰𑒏 𑒣𑒳𑒏𑒰𑒩 𑒏𑒩𑒻𑒋। 𑒤𑒹𑒩 𑒏𑒱𑒕𑒳 𑒑𑒣𑒬𑒣𑒏 𑒥𑒰𑒠 𑒫𑓂𑒪𑒰𑒠𑒲𑒧𑒲𑒩𑒏𑒹𑒿 𑒅𑒚𑒹𑒥𑒰𑒏 𑒣𑓂𑒩𑒨𑒰𑒮𑒧𑒹 𑒋𑒮𑓂𑒙𑓂𑒩𑒰𑒑𑒼𑒢 𑒐𑒮𑒱 𑒣𑒛𑓃𑒻𑒋। 𑒫𑓂𑒪𑒰𑒠𑒲𑒧𑒲𑒩 𑒣𑒼𑒖𑒼𑒏𑒹𑒿 𑒧𑒰𑒩𑒻𑒋, 𑒣𑒼𑒖𑒼 𑒒𑒳𑒮𑒏𑒳𑒢𑒱𑒨𑒰 𑒠𑒻𑒋। 𑒞𑒐𑒢 𑒫𑓂𑒪𑒰𑒠𑒲𑒧𑒲𑒩 𑒍𑒏𑒩𑒰 𑒞𑒰𑒏𑒻𑒋, 𑒏𑒯𑒻𑒋- 𑒂𑒥𑒱 𑒖𑒼, 𑒞𑒼𑒩𑒰 𑒢𑒼𑒏𑒮𑒰𑒢 𑒢𑒻 𑒣𑒯𑒳𑒿𑒔𑒹𑒥𑒾।
𑒋𑒮𑓂𑒙𑓂𑒩𑒰𑒑𑒼𑒢 𑒂 𑒫𑓂𑒪𑒰𑒠𑒲𑒧𑒲𑒩 𑒅𑒚𑒥𑒰𑒏 𑒣𑓂𑒩𑒨𑒰𑒮 𑒏𑒩𑒥𑒰𑒏 𑒮𑒼𑒔𑒻𑒋 𑒂 𑒅𑒚𑒱 𑒖𑒰𑒃𑒋। 𑒋𑒮𑓂𑒙𑓂𑒩𑒰𑒑𑒼𑒢 𑒏𑒯𑒻𑒋- 𑒅𑒚𑒢𑒰𑒃 𑒥𑒔𑓂𑒔𑒰𑒏 𑒐𑒹𑒪 𑒮𑒢 𑒯𑒪𑓂𑒪𑒳𑒏 𑒁𑒕𑒱 𑒂 𑒫𑓂𑒪𑒰𑒠𑒲𑒧𑒲𑒩 𑒥𑒖𑒻𑒋- 𑒄 𑒧𑒰𑒞𑓂𑒩 𑒂𑒞𑓂𑒧𑒬𑒏𑓂𑒞𑒱𑒏 𑒣𑓂𑒩𑒬𑓂𑒢 𑒁𑒕𑒱। 𑒣𑒼𑒖𑒼 𑒮𑒯𑒰𑒨𑒞𑒰 𑒪𑒹𑒪 𑒏𑒯𑒻𑒋। 𑒠𑒳𑒢𑒴 𑒣𑒼𑒖𑒼𑒏𑒹𑒿 𑒅𑒚𑒥𑒻𑒋, 𑒤𑒹𑒩 𑒕𑒼𑒛𑓃𑒻𑒋, 𑒣𑒼𑒖𑒼 𑒐𑒮𑒱 𑒣𑒛𑓃𑒻𑒋। 𑒤𑒹𑒩 𑒠𑒳𑒢𑒴 𑒍𑒏𑒩𑒰 𑒅𑒚𑒥𑒻𑒋 𑒂 𑒣𑒏𑒛𑓃𑒢𑒹 𑒩𑒯𑒻𑒋। 𑒏𑒱𑒕𑒳 𑒏𑒰𑒪𑒧𑒹 𑒏𑒢𑒹 𑒕𑒼𑒛𑓃𑒱 𑒏’ 𑒖𑒰𑒿𑒔𑒻𑒋 𑒧𑒳𑒠𑒰 𑒖𑒐𑒢 𑒣𑒼𑒖𑒼 𑒐𑒮’ 𑒪𑒑𑒻𑒋 𑒞𑒿 𑒣𑒏𑒛𑓃𑒱 𑒪𑒻𑒋। 𑒣𑒼𑒖𑒼 𑒮𑒹𑒯𑒼 𑒥𑒳𑒗𑒰 𑒣𑒛𑓃𑒻𑒋 𑒖𑒹 𑒏𑒰𑒪𑓂𑒯𑒱𑒏 𑒒𑒙𑒢𑒰 𑒥𑒱𑒮𑒩𑒪 𑒮𑒢 𑒁𑒕𑒱। 𑒍 𑒏𑒯𑒻𑒋 𑒖𑒹 𑒍 𑒋𑒏 𑒠𑒱𑒢 𑒮𑒳𑒞𑒱 𑒏’ 𑒅𑒚𑒪 𑒞𑒿 𑒁𑒣𑒢𑒰𑒏𑒹𑒿 𑒂𑒢𑓂𑒯𑒩 𑒠𑒹𑒐𑒪𑒏, 𑒍 𑒏𑒯𑒻𑒋 𑒖𑒹 𑒍𑒏𑒩𑒰 𑒪𑒑𑒻 𑒕𑒻 𑒖𑒹 𑒍 𑒁𑒐𑒢𑒼 𑒮𑒳𑒞𑒪𑒹 𑒞𑒿 𑒢𑒻 𑒁𑒕𑒱। 𑒍 𑒪𑒏𑒲𑒏 𑒫𑒱𑒭𑒨𑒧𑒹 𑒣𑒴𑒕𑒻𑒋। 𑒪𑒰𑒑𑒻𑒋 𑒖𑒹 𑒏𑒼𑒢𑒰 𑒍 𑒠𑒳𑒢𑒴 𑒐𑒮𑒪, 𑒮𑒹 𑒍𑒏𑒩𑒰 𑒧𑒼𑒢 𑒢𑒻 𑒕𑒻। 𑒣𑒼𑒖𑒼 𑒏𑒯𑒻𑒋 𑒖𑒹 𑒪𑒏𑒲𑒏 𑒑𑒩𑓂𑒠𑒢𑒱𑒏 𑒩𑒮𑓂𑒮𑒰𑒏𑒹𑒿 𑒖𑒼𑒩𑒮𑒿 𑒐𑒲𑒔𑒴 𑒥𑒰 𑒧𑒳𑒿𑒯𑒣𑒩 𑒖𑒴𑒞𑒰𑒮𑒿 𑒧𑒰𑒩𑒴 𑒞𑒿 𑒍 𑒅𑒚𑒱 𑒖𑒰𑒋𑒞। 𑒫𑓂𑒪𑒰𑒠𑒲𑒧𑒲𑒩 𑒋𑒮𑓂𑒙𑓂𑒩𑒰𑒑𑒼𑒢𑒏𑒹𑒿 𑒏𑒯𑒻𑒋 𑒖𑒹 𑒍𑒏𑒩𑒰 𑒪𑒹𑒪 𑒥𑒠𑒪𑒰 𑒪𑒹𑒥𑒰𑒏 𑒢𑒲𑒏 𑒁𑒫𑒮𑒩 𑒕𑒻। 𑒋𑒮𑓂𑒙𑓂𑒩𑒰𑒑𑒼𑒢 𑒣𑒳𑒕𑒻𑒋 (𑒍𑒏𑒩 𑒮𑓂𑒧𑒵𑒞𑒱 𑒒𑒳𑒩𑒻 𑒕𑒻!) 𑒖𑒹 𑒖𑒿 𑒪𑒏𑒲 𑒁𑒣𑒢 𑒩𑒏𑓂𑒭𑒰 𑒏𑒩𑒋 𑒞𑒐𑒢? 𑒞𑒃𑒣𑒩 𑒣𑒼𑒖𑒼 𑒥𑒰𑒖𑒻𑒋 𑒖𑒹 𑒪𑒏𑒲 𑒏𑒐𑒢𑒼 𑒁𑒣𑒢 𑒩𑒏𑓂𑒭𑒰 𑒢𑒻 𑒏𑒩𑒻𑒋। 𑒧𑒳𑒠𑒰 𑒋𑒮𑓂𑒙𑓂𑒩𑒰𑒑𑒼𑒢 𑒢𑒻 𑒫𑓂𑒪𑒰𑒠𑒲𑒧𑒲𑒩 𑒪𑒏𑒲𑒏𑒹𑒿 𑒣𑒋𑒩𑒮𑒿 𑒧𑒰𑒩’ 𑒪𑒑𑒻𑒋 𑒧𑒳𑒠𑒰 𑒁𑒣𑒢𑒹 𑒍𑒏𑒩𑒰 𑒔𑒼𑒙 𑒪𑒰𑒑𑒱 𑒖𑒰𑒃 𑒕𑒻। 𑒒𑒙𑒢𑒰𑒏𑓂𑒩𑒧𑒮𑒿 𑒪𑒑𑒻 𑒕𑒻 𑒖𑒹 𑒣𑒼𑒖𑒼 𑒂𑒥 𑒁𑒣𑒢𑒰𑒮𑒿 𑒚𑒰𑒜𑓃 𑒦’ 𑒑𑒹𑒪 𑒁𑒕𑒱।
𑒣𑒼𑒖𑒼 𑒖𑒹 𑒪𑒏𑒲𑒏𑒹𑒿 𑒏𑒼𑒢𑒼 𑒯𑒰𑒙𑒧𑒹 𑒥𑒹𑒔𑒻𑒪𑒹 𑒪’ 𑒖𑒰 𑒩𑒯𑒪 𑒁𑒕𑒱, 𑒏𑒹𑒿 𑒢𑒹 𑒏𑒰𑒪𑓂𑒯𑒱𑒏 𑒏𑒱𑒕𑒳 𑒧𑒼𑒢 𑒕𑒻 𑒂 𑒢𑒯𑒱𑒨𑒹 𑒏𑒰𑒪𑓂𑒯𑒱 𑒂𑒖𑒳𑒏 𑒏𑒱𑒕𑒳 𑒧𑒼𑒢 𑒩𑒯𑒞𑒻। 𑒍 𑒪𑒏𑒲𑒏𑒹𑒿 𑒅𑒚𑒻𑒪𑒹 𑒏𑒯𑒻𑒋 𑒂 𑒪𑒏𑒲 𑒅𑒚𑒱 𑒖𑒰𑒃𑒋 𑒂 𑒁𑒣𑒢 𑒥𑒼𑒗 𑒅𑒚𑒰 𑒪𑒻𑒋। 𑒣𑒼𑒖𑒼 𑒁𑒣𑒢 𑒔𑒰𑒥𑒳𑒏 𑒧𑒰𑓀𑒑𑒻𑒋। 𑒪𑒏𑒲 𑒮𑒦 𑒥𑒼𑒗 𑒩𑒰𑒐𑒻𑒋, 𑒂 𑒔𑒰𑒥𑒳𑒏 𑒣𑒼𑒖𑒼𑒏 𑒯𑒰𑒟𑒧𑒹 𑒠’ 𑒏’ 𑒮𑒦 𑒥𑒼𑒗 𑒅𑒚𑒰 𑒪𑒻𑒋। 𑒣𑒼𑒖𑒼 𑒩𑒮𑓂𑒮𑒰 𑒧𑒰𑓀𑒑𑒻𑒋, 𑒪𑒏𑒲 𑒮𑒦 𑒥𑒼𑒗 𑒩𑒰𑒐𑒱 𑒩𑒮𑓂𑒮𑒰 𑒣𑒼𑒖𑒼𑒏𑒹𑒿 𑒣𑒏𑒛𑓃𑒰 𑒏’ 𑒮𑒦 𑒥𑒼𑒗 𑒅𑒚𑒰 𑒪𑒻𑒋!
𑒪𑒏𑒲 𑒂 𑒣𑒼𑒖𑒼 𑒔𑒪𑒱 𑒖𑒰𑒃𑒋। 𑒍 𑒕𑒾𑓀𑒛𑓃𑒰 𑒁𑒥𑒻𑒋। 𑒍 𑒫𑓂𑒪𑒰𑒠𑒲𑒧𑒲𑒩𑒏𑒹𑒿 𑒁𑒪𑓂𑒥𑒩𑓂𑒙 𑒏𑒯𑒱 𑒮𑒧𑓂𑒥𑒼𑒡𑒱𑒞 𑒏𑒩𑒻𑒋। 𑒫𑓂𑒪𑒰𑒠𑒲𑒧𑒲𑒩 𑒣𑒳𑒕𑒻 𑒕𑒻 𑒖𑒹 𑒏𑒲 𑒍 𑒍𑒏𑒩𑒰 𑒢𑒻 𑒔𑒱𑒢𑓂𑒯𑒪𑒏, 𑒏𑒲 𑒍 𑒏𑒰𑒪𑓂𑒯𑒱 𑒢𑒻 𑒂𑒋𑒪 𑒕𑒪। 𑒕𑒾𑒛𑓃𑒰 𑒏𑒯𑒻𑒋 𑒖𑒹 𑒂𑒃 𑒍 𑒣𑒯𑒱𑒪 𑒥𑒹𑒩 𑒂𑒋𑒪 𑒁𑒕𑒱। 𑒮𑓀𑒠𑒹𑒬 𑒫𑒋𑒯 𑒕𑒻, 𑒑𑒼𑒛𑒼 𑒂𑒃 𑒢𑒻 𑒂𑒋𑒞 𑒧𑒳𑒠𑒰 𑒏𑒰𑒪𑓂𑒯𑒱 𑒁𑒫𑒬𑓂𑒨 𑒂𑒋𑒞। 𑒫𑓂𑒪𑒰𑒠𑒲𑒧𑒲𑒩 𑒣𑒳𑒕𑒻𑒋 𑒖𑒹 “𑒑𑒼𑒛𑒼” 𑒏𑒩𑒻𑒋 𑒏𑒲? 𑒞𑒿 𑒕𑒾𑒛𑓃𑒰 𑒏𑒯𑒻𑒋 𑒖𑒹 𑒑𑒼𑒛𑒼 𑒏𑒱𑒕𑒳 𑒢𑒻 𑒏𑒩𑒻𑒋। 𑒫𑓂𑒪𑒰𑒠𑒲𑒧𑒲𑒩 𑒣𑒳𑒕𑒻𑒋 𑒖𑒹 𑒕𑒾𑒛𑓃𑒰𑒏 𑒦𑒰𑒋 𑒏𑒹𑒯𑒢 𑒕𑒻। 𑒞𑒿 𑒅𑒞𑓂𑒞𑒩 𑒦𑒹𑒙𑒻 𑒕𑒻 , 𑒍 𑒠𑒳𑒐𑒱𑒞 𑒕𑒻। 𑒫𑓂𑒪𑒰𑒠𑒲𑒧𑒲𑒩 𑒣𑒳𑒕𑒻𑒋 𑒖𑒹 𑒏𑒲 𑒏𑒰𑒪𑓂𑒯𑒱 𑒍𑒏𑒩 𑒦𑒰𑒋 𑒂𑒋𑒪 𑒕𑒪𑒻- 𑒞𑒿 𑒮𑒹 𑒕𑒾𑒛𑓃𑒰𑒏𑒹𑒿 𑒢𑒻 𑒥𑒳𑒗𑒪 𑒕𑒻। 𑒕𑒾𑒛𑓃𑒰 𑒅𑒞𑓂𑒞𑒩 𑒠𑒻𑒞 𑒏𑒯𑒻𑒋 𑒖𑒹 𑒑𑒼𑒛𑒼𑒏𑒹𑒿 𑒠𑒰𑒜𑓃𑒲 𑒕𑒻 𑒂 𑒍 𑒏𑒰𑒩𑒲 𑒢𑒻 𑒑𑒼𑒩 𑒕𑒻। 𑒕𑒾𑒛𑓃𑒰 (𑒣𑒯𑒱𑒪 𑒁𑓀𑒏 𑒖𑒏𑒰𑒿) 𑒣𑒳𑒕𑒻𑒋 𑒖𑒹 𑒍 𑒑𑒼𑒛𑒼𑒏𑒹𑒿 𑒏𑒲 𑒖𑒰 𑒏’ 𑒏𑒯𑒞𑒻। 𑒫𑓂𑒪𑒰𑒠𑒲𑒧𑒲𑒩 𑒏𑒯𑒻𑒋- 𑒖𑒰 𑒏’ 𑒏𑒯𑒴 𑒖𑒹 𑒞𑒼𑒩𑒰 𑒯𑒧𑒩𑒰 𑒮𑒦𑒮𑒿 𑒦𑒹𑒿𑒙 𑒦𑒹𑒪𑒅। 𑒫𑓂𑒪𑒰𑒠𑒲𑒧𑒲𑒩 𑒕𑒾𑒛𑓃𑒰𑒣𑒩 𑒕𑒛𑓃𑒣𑒻𑒋 𑒧𑒳𑒠𑒰 𑒍 𑒣𑒛𑓃𑒰 𑒖𑒰𑒃𑒋। 𑒮𑒴𑒩𑓂𑒨𑒰𑒮𑓂𑒞 𑒯𑒼𑒃 𑒕𑒻। 𑒔𑒢𑓂𑒠𑓂𑒩𑒧𑒰 𑒠𑒹𑒐𑒰 𑒣𑒛𑓃𑒻 𑒕𑒻।
𑒋𑒮𑓂𑒙𑓂𑒩𑒰𑒑𑒼𑒢 𑒏𑒯𑒻𑒋 𑒖𑒹 𑒖𑒿 𑒠𑒳𑒢𑒴 𑒑𑒼𑒙𑒹 𑒁𑒪𑒑 𑒦’ 𑒖𑒰𑒋 𑒞𑒿 𑒄 𑒠𑒳𑒢𑒴 𑒪𑒹𑒪 𑒢𑒲𑒏 𑒯𑒹𑒞𑒻। 𑒖𑒿 𑒏𑒰𑒪𑓂𑒯𑒱 𑒑𑒼𑒛𑒼 𑒢𑒻 𑒋𑒞𑒻 𑒞𑒿 𑒍 𑒠𑒳𑒢𑒴 𑒑𑒼𑒙𑒹 𑒩𑒮𑓂𑒮𑒰𑒮𑒿 𑒪𑒙𑒏𑒱 𑒖𑒰𑒋𑒞 (𑒫𑓂𑒪𑒰𑒠𑒲𑒧𑒲𑒩 𑒏𑒯𑒻𑒋) 𑒂 𑒖𑒿 𑒋𑒞𑒻 𑒞𑒿 𑒥𑒔𑒱 𑒖𑒰𑒋𑒞। 𑒫𑓂𑒪𑒰𑒠𑒲𑒧𑒲𑒩 𑒪𑒏𑒲𑒏 𑒯𑒻𑒙𑒧𑒹 𑒞𑒰𑒏𑒻𑒋, 𑒯𑒱𑒪𑒥𑒻𑒋, 𑒤𑒹𑒩 𑒣𑒯𑒱𑒩𑒻𑒋। 𑒠𑒳𑒢𑒴 𑒖𑒹𑒥𑒰𑒏 𑒢𑒱𑒩𑓂𑒝𑒨 𑒏𑒩𑒻𑒋 𑒧𑒳𑒠𑒰 𑒏𑒱𑒨𑒼 𑒢𑒻 𑒯𑒱𑒪𑒻𑒋। 𑒣𑒩𑓂𑒠𑒰 𑒐𑒮𑒻𑒞 𑒁𑒕𑒱।
............
𑒯𑒻𑒩𑒼𑒪𑓂𑒛 𑒣𑒱𑓀𑒙𑒩𑒏 𑒞𑒲𑒢 𑒁𑓀𑒏𑒲𑒨 𑒢𑒰𑒙𑒏 “𑒠 𑒥𑒩𑓂𑒟𑒛𑒹 𑒣𑒰𑒩𑓂𑒙𑒲”
𑒣𑒲𑒙𑒹, 𑒧𑒹𑒑, 𑒮𑓂𑒙𑒻𑒢𑒪𑒹, 𑒪𑒳𑒪𑒳, 𑒑𑒼𑒪𑓂𑒛𑒥𑒩𑓂𑒑 𑒂 𑒧𑒻𑒏𑒏𑒰𑒢 𑒋𑒏𑒩 𑒣𑒰𑒞𑓂𑒩 𑒕𑒟𑒱।
𑒣𑒯𑒱𑒪 𑒁𑓀𑒏- 𑒧𑒹𑒑 𑒣𑒲𑒙𑒹𑒏𑒹𑒿 𑒖𑒪𑒐𑒻 𑒠𑒻𑒋, 𑒣𑒳𑒕𑒻𑒋 𑒖𑒹 𑒮𑓂𑒙𑒹𑒢𑒪𑒲 𑒅𑒚𑒪𑒻 𑒂𑒏𑒱 𑒢𑒻। 𑒮𑓂𑒙𑒹𑒢𑒪𑒲 𑒁𑒥𑒻𑒋, 𑒍𑒏𑒩𑒼 𑒧𑒹𑒑 𑒖𑒪𑒐𑒻 𑒠𑒻𑒋। 𑒣𑒲𑒙𑒹 𑒏𑒰𑒖𑒣𑒩 𑒔𑒪𑒱 𑒖𑒰𑒃𑒋। 𑒧𑒹𑒑 𑒂 𑒮𑓂𑒙𑒻𑒢𑒪𑒹𑒧𑒹 𑒁𑓀𑒞𑒩𑓀𑒑 𑒑𑒣 𑒯𑒼𑒃𑒋, 𑒯𑒿𑒮𑒲 𑒧𑒖𑒰𑒏 𑒯𑒼𑒃𑒋। 𑒣𑒲𑒙𑒹 𑒧𑒹𑒑𑒮𑒿 𑒏𑒯𑒢𑒹 𑒩𑒯𑒻 𑒖𑒹 𑒠𑒴 𑒑𑒼𑒙𑒹 𑒋𑒞𑒻 𑒂 𑒏𑒱𑒕𑒳 𑒠𑒱𑒢 𑒍𑒏𑒩𑒰 𑒒𑒩𑒧𑒹 𑒩𑒯𑒞𑒻। 𑒍𑒏𑒩 𑒒𑒩 𑒮𑒴𑒔𑒲 (𑒥𑒼𑒩𑓂𑒛𑒱𑓀𑒑 𑒯𑒰𑒅𑒮)𑒧𑒹 𑒕𑒻। 𑒮𑓂𑒙𑒻𑒢𑒪𑒲 𑒄 𑒮𑒳𑒢𑒱 𑒣𑒴𑒕-𑒣𑒰𑒕 𑒏𑒩𑒻 𑒕𑒻, 𑒍 𑒔𑒱𑓀𑒞𑒱𑒞 𑒦’ 𑒖𑒰𑒃𑒋। 𑒮𑓂𑒙𑒻𑒢𑒪𑒲 𑒏𑒯𑒻𑒋 𑒖𑒹 𑒍𑒏𑒩𑒰 𑒣𑒹𑒩𑒱𑒮𑒧𑒹 𑒢𑒰𑒃𑒙 𑒏𑓂𑒪𑒥𑒧𑒹 𑒣𑒱𑒨𑒰𑒢𑒼 𑒥𑒖𑒹𑒥𑒰𑒏 𑒢𑒼𑒏𑒩𑒲𑒏 𑒂𑒤𑒩 𑒂𑒋𑒪 𑒕𑒻। 𑒤𑒹𑒩 𑒋𑒟𑒹𑓀𑒮, 𑒏𑒰𑓀𑒢𑓂𑒮𑒙𑒹𑒢𑒙𑒱𑒢𑒼𑒣𑒪, 𑒖𑒰𑒑𑓂𑒩𑒹𑒥, 𑒫𑓂𑒪𑒰𑒠𑒲𑒫𑒼𑒮𑓂𑒙𑒏 𑒮𑒹𑒯𑒼। 𑒄 𑒮𑒧𑓂𑒣𑒴𑒩𑓂𑒝 𑒫𑒱𑒬𑓂𑒫𑒏 𑒠𑒩𑓂𑒬𑒢𑒥𑒪𑒰 𑒢𑒼𑒏𑒩𑒲 𑒁𑒕𑒱। 𑒣𑒳𑒕𑒪𑒰𑒣𑒩 𑒍 𑒏𑒯𑒻𑒋 𑒖𑒹 𑒍 𑒮𑓀𑒣𑒴𑒩𑓂𑒝 𑒫𑒱𑒬𑓂𑒫, 𑒮𑓀𑒣𑒴𑒩𑓂𑒝 𑒠𑒹𑒬𑒧𑒹 𑒣𑒱𑒨𑒰𑒢𑒼 𑒥𑒖𑒹𑒢𑒹 𑒁𑒕𑒱। 𑒋𑒏 𑒥𑒹𑒩 𑒍 𑒏𑓀𑒮𑒩𑓂𑒙 𑒮𑒹𑒯𑒼 𑒏𑒹𑒢𑒹 𑒩𑒯𑒋। 𑒤𑒹𑒩 𑒍 𑒏𑒯𑒻𑒋 𑒖𑒹 𑒣𑒯𑒱𑒪 𑒏𑓀𑒮𑒩𑓂𑒙 𑒧𑒹 𑒍 𑒮𑓂𑒟𑒰𑒢𑒏 𑒣𑒞𑒰 𑒯𑒩𑒰 𑒠𑒹𑒪𑒏 𑒂 𑒢𑒻 𑒣𑒯𑒳𑒿𑒔𑒱 𑒮𑒏𑒪। 𑒠𑒼𑒮𑒩 𑒏𑓀𑒮𑒩𑓂𑒙𑒧𑒹 𑒖𑒐𑒢 𑒍 𑒣𑒯𑒳𑒿𑒔𑒪 𑒞𑒿 𑒮𑓂𑒟𑒪𑒣𑒩 𑒞𑒰𑒪𑒰 𑒪𑒰𑒑𑒪 𑒩𑒯𑒻। 𑒧𑒹𑒑𑒏 𑒃𑒔𑓂𑒕𑒰 𑒢𑒻 𑒕𑒻 𑒖𑒹 𑒮𑓂𑒙𑒹𑒢𑒪𑒲 𑒏𑒞𑒾 𑒖𑒰𑒋।
𑒮𑓂𑒙𑒹𑒢𑒪𑒲𑒏𑒹𑒿 𑒪𑒰𑒑𑒻 𑒕𑒻 𑒖𑒹 𑒍 𑒠𑒳𑒢𑒴 𑒑𑒼𑒙𑒹 𑒏𑒏𑒩𑒼 𑒐𑒼𑒖𑒧𑒹 𑒁𑒕𑒱। 𑒪𑒳𑒪𑒳𑒏 𑒁𑒥𑒰𑒖 𑒁𑒥𑒻𑒋। 𑒧𑒹𑒑 𑒐𑒩𑒲𑒠𑒰𑒩𑒲𑒏 𑒗𑒼𑒩𑒰 𑒪’ 𑒏’ 𑒥𑒯𑒩𑒰 𑒖𑒰𑒃𑒋, 𑒏𑒱𑒨𑒼 𑒍𑒏𑒩𑒰𑒮𑒿 𑒧𑒱𑒮𑒹𑒖 𑒥𑒼𑒪𑓂𑒮 𑒮𑒧𑓂𑒥𑒼𑒡𑒱𑒞 𑒏’ 𑒑𑒣 𑒏𑒩𑒻 𑒕𑒻। 𑒪𑒳𑒪𑒳 𑒁𑒥𑒻𑒋 𑒂 𑒮𑓂𑒙𑒻𑒢𑒪𑒲𑒮𑒿 𑒑𑒣 𑒏𑒩𑒻𑒋। 𑒪𑒳𑒪𑒳 𑒥𑒯𑒩𑒰𑒃𑒋 𑒞𑒿 𑒑𑒼𑒪𑓂𑒛𑒥𑒩𑓂𑒑 𑒂 𑒧𑒻𑒏𑒏𑒹𑒢 𑒁𑒥𑒻𑒋। 𑒧𑒻𑒏𑒏𑒹𑒢 𑒑𑒼𑒪𑓂𑒛𑒥𑒩𑓂𑒑𑒏𑒹𑒿 𑒢𑒻𑒙 𑒏𑒯𑒱 𑒮𑒧𑓂𑒥𑒼𑒡𑒱𑒞 𑒏𑒩𑒻𑒋। 𑒮𑓂𑒙𑒻𑒢𑒪𑒲 𑒔𑒼𑒩𑒰 𑒏’ 𑒣𑒯𑒱𑒢𑒯𑒱𑒨𑒹 𑒥𑒯𑒩𑒰 𑒖𑒰𑒃𑒋। 𑒧𑒹𑒑 𑒁𑒥𑒻𑒋, 𑒑𑒼𑒪𑓂𑒛𑒥𑒩𑓂𑒑 𑒍𑒏𑒩𑒰 𑒧𑒱𑒮𑒹𑒖 𑒥𑒼𑒪𑓂𑒮 𑒏𑒯𑒱 𑒮𑒧𑓂𑒥𑒼𑒡𑒱𑒞 𑒏𑒩𑒻𑒋 𑒂 𑒁𑒣𑒢𑒰𑒏𑒹𑒿 𑒑𑒼𑒪𑓂𑒛𑒥𑒩𑓂𑒑 𑒂 𑒮𑓀𑒑𑒲𑒏𑒹𑒿 𑒧𑒻𑒏𑒏𑒹𑒢 𑒏𑒯𑒱 𑒣𑒩𑒱𑒔𑒨 𑒠𑒻𑒋। 𑒑𑒣𑒬𑒣𑒏 𑒏𑓂𑒩𑒧𑒧𑒹 𑒑𑒼𑒪𑓂𑒛𑒥𑒩𑓂𑒑 𑒣𑒳𑒕𑒻 𑒕𑒻 𑒖𑒹 𑒍𑒃 𑒩𑒯𑒢𑒱𑒯𑒰𑒩𑒏 𑒢𑒰𑒧 𑒏𑒲 𑒕𑒻 𑒂 𑒍 𑒏𑒲 𑒏𑒩𑒻𑒋। 𑒧𑒹𑒑 𑒏𑒯𑒻𑒋 𑒖𑒹 𑒍𑒏𑒩 𑒢𑒰𑒧 𑒮𑓂𑒙𑒻𑒢𑒪𑒹 𑒫𑒹𑒥𑒩 𑒕𑒻 𑒂 𑒍 𑒋𑒏 𑒥𑒹𑒩 𑒏𑓀𑒮𑒩𑓂𑒙 𑒠𑒹𑒪𑒏 𑒧𑒳𑒠𑒰 𑒏𑒹𑒨𑒩𑒙𑒹𑒏𑒩𑒏 𑒑𑒪𑒞𑒲𑒮𑒿 𑒩𑒰𑒞𑒱𑒧𑒹 𑒍 𑒍𑒞𑒻 𑒥𑒢𑓂𑒠 𑒩𑒯𑒱 𑒑𑒹𑒪 𑒂 𑒦𑒼𑒩 𑒡𑒩𑒱 𑒥𑒢𑓂𑒠 𑒩𑒯𑒪। 𑒂 𑒤𑒹𑒩 “𑒙𑒱𑒣” 𑒪’ 𑒏’ 𑒙𑓂𑒩𑒹𑒢 𑒣𑒏𑒛𑓃𑒱 𑒋𑒞’ 𑒂𑒥𑒱 𑒑𑒹𑒪। 𑒞𑒐𑒢𑒹 𑒧𑒹𑒑 𑒏𑒯𑒻𑒋 𑒖𑒹 𑒂𑒃 𑒍𑒏𑒩 “𑒥𑒩𑓂𑒟𑒛𑒹” 𑒕𑒱𑒌। 𑒂 𑒤𑒹𑒩 “𑒥𑒩𑓂𑒟𑒛𑒹 𑒣𑒰𑒩𑓂𑒙𑒲” 𑒢𑒱𑒩𑓂𑒡𑒰𑒩𑒱𑒞 𑒯𑒼𑒃 𑒕𑒻 9 𑒥𑒖𑒹। 𑒪𑒳𑒪𑒳𑒏𑒹𑒿 𑒮𑒹𑒯𑒼 𑒥𑒹𑒩𑒴 𑒣𑒯𑒩 𑒢𑒼𑒞𑒱 𑒠𑒹𑒪 𑒖𑒹𑒞𑒻। 𑒞𑒲𑒢𑒴 𑒥𑒯𑒩𑒰𑒃𑒋 𑒂 𑒮𑓂𑒙𑒻𑒢𑒪𑒲 𑒐𑒱𑒛𑓃𑒏𑒲𑒮𑒿 𑒞𑒰𑒏𑒻𑒋। 𑒧𑒹𑒑 𑒁𑒥𑒻𑒋। 𑒮𑓂𑒙𑒻𑒢𑒪𑒲 𑒍𑒃 𑒠𑒳𑒢𑒴𑒮𑒿 𑒂𑒬𑓀𑒏𑒱𑒞 𑒁𑒕𑒱। 𑒢𑒰𑒧 𑒣𑒳𑒕𑒻𑒋 𑒞𑒿 𑒧𑒹𑒑 𑒢𑒰𑒧 𑒥𑒱𑒮𑒩𑒱 𑒖𑒰𑒃𑒋 𑒂 𑒍𑒏𑒩𑒰 𑒑𑒼𑒪𑓂𑒛.. 𑒧𑒼𑒢 𑒣𑒛𑓃𑒻 𑒕𑒻 𑒞𑒿 𑒮𑓂𑒙𑒻𑒢𑒪𑒲 𑒧𑒼𑒢 𑒣𑒰𑒛𑓃𑒻 𑒕𑒻- 𑒑𑒼𑒪𑓂𑒛𑒥𑒩𑓂𑒑। 𑒧𑒹𑒑 𑒣𑒳𑒕𑒻𑒋 𑒖𑒹 𑒏𑒲 𑒮𑓂𑒙𑒹𑒢𑒪𑒲 𑒍𑒏𑒩𑒰 𑒔𑒱𑒢𑓂𑒯𑒻𑒋 𑒞𑒿 𑒮𑓂𑒙𑒻𑒢𑒪𑒲 𑒑𑒳𑒧𑓂𑒧 𑒩𑒯𑒻𑒋। 𑒤𑒹𑒩 𑒮𑓂𑒙𑒻𑒢𑒪𑒲 𑒏𑒯𑒻𑒋 𑒖𑒹 𑒂𑒃 𑒍𑒏𑒩 𑒥𑒩𑓂𑒟𑒛𑒹 𑒢𑒻 𑒕𑒱𑒌। 𑒧𑒹𑒑 𑒍𑒏𑒩𑒰 𑒪𑒹𑒪 𑒥𑒔𑓂𑒔𑒰𑒏 𑒛𑓂𑒩𑒧 𑒅𑒣𑒯𑒰𑒩𑒧𑒹 𑒁𑒢𑒢𑒹 𑒁𑒕𑒱 𑒂 𑒞𑒏𑒩 𑒥𑒠𑒪𑒰𑒧𑒹 𑒍 𑒮𑓂𑒙𑒻𑒢𑒪𑒲𑒮𑒿 𑒔𑒳𑒧𑓂𑒧𑒰 𑒧𑒰𑓀𑒑𑒻𑒋।
𑒁𑓀𑒏 2 𑒧𑒹 𑒮𑓂𑒙𑒻𑒢𑒪𑒲 𑒂 𑒧𑒻𑒏𑓂𑒏𑒰𑒢𑒏 𑒑𑒣𑒬𑒣 𑒦’ 𑒩𑒯𑒪 𑒕𑒻। 𑒮𑓂𑒙𑒻𑒢𑒪𑒲 𑒥𑒰𑒯𑒩 𑒖𑒰𑒋 𑒔𑒰𑒯𑒻𑒋। 𑒍 𑒧𑒻𑒏𑓂𑒏𑒰𑒢𑒏𑒹𑒿 𑒏𑒯𑒻 𑒕𑒻 𑒖𑒹 𑒄 𑒥𑒼𑒩𑓂𑒛𑒱𑓀𑒑 𑒯𑒰𑒅𑒮 𑒢𑒻 𑒕𑒲, 𑒢𑒯𑒱𑒨𑒹 𑒏𑒯𑒱𑒨𑒼 𑒩𑒯𑒻। 𑒣𑒲𑒙𑒹 𑒂 𑒑𑒼𑒪𑓂𑒛𑒥𑒩𑓂𑒑 𑒁𑒥𑒻𑒋। 𑒑𑒼𑒪𑓂𑒛𑒥𑒩𑓂𑒑 𑒣𑒲𑒙𑒹𑒏𑒹𑒿 𑒧𑒱𑒮𑓂𑒙𑒩 𑒥𑒼𑒪𑓂𑒮 𑒏𑒯𑒱 𑒮𑒧𑓂𑒥𑒼𑒡𑒱𑒞 𑒏𑒩𑒻𑒋। 𑒣𑒲𑒙𑒹𑒏 𑒑𑒹𑒪𑒰𑒏 𑒥𑒰𑒠 𑒮𑓂𑒙𑒻𑒢𑒪𑒲 𑒏𑒯𑒻𑒋 𑒖𑒹 𑒌 𑒒𑒩𑒏 𑒪𑒼𑒏𑒏 𑒮𑒳𑓀𑒒𑒥𑒰𑒏 𑒬𑒏𑓂𑒞𑒱 𑒔𑒪𑒱 𑒑𑒹𑒪 𑒕𑒻 𑒞𑒹𑒿 𑒍 𑒑𑒼𑒪𑓂𑒛𑒥𑒩𑓂𑒑 𑒂 𑒧𑒻𑒏𑓂𑒏𑒰𑒢𑒏 𑒐𑒞𑒩𑒰 𑒢𑒻 𑒔𑒲𑒢𑓂𑒯𑒱 𑒣𑒰𑒥𑒱 𑒩𑒯𑒪 𑒕𑒟𑒱, 𑒯𑒳𑒢𑒏𑒰 𑒮𑒦𑒏 𑒣𑓂𑒩𑒞𑒱 𑒍𑒏𑒩 (𑒮𑓂𑒙𑒻𑒢𑒪𑒲𑒏) 𑒖𑒱𑒧𑓂𑒧𑒹𑒫𑒰𑒩𑒲 𑒕𑒻।
𑒧𑒻𑒏𑓂𑒏𑒰𑒢 𑒍𑒏𑒩𑒰𑒮𑒿 𑒔𑒬𑓂𑒧𑒰 𑒕𑒲𑒢𑒱 𑒪𑒻𑒋। 𑒧𑒻𑒏𑓂𑒏𑒰𑒢 𑒂 𑒑𑒼𑒪𑓂𑒛𑒥𑒩𑓂𑒑 𑒍𑒏𑒩𑒰𑒮𑒿 𑒣𑒳𑒕𑒻𑒋 𑒖𑒹 𑒍 𑒏𑒱𑒋 𑒁𑒣𑒢 𑒣𑒞𑓂𑒢𑒲𑒏 𑒯𑒞𑓂𑒨𑒰 𑒏𑒹𑒪𑒏। 𑒍 𑒢𑒰𑒧 𑒥𑒠𑒪𑒢𑒹 𑒁𑒕𑒱 𑒂 𑒔𑒩𑒱𑒞𑓂𑒩𑒯𑒲𑒢 𑒁𑒕𑒱, 𑒮𑓂𑒞𑓂𑒩𑒲𑒏𑒹𑒿 𑒠𑒴𑒭𑒱𑒞 𑒏𑒩𑒻𑒋।
𑒗𑒑𑒛𑓃𑒰 𑒬𑒳𑒩𑒴 𑒯𑒼𑒃 𑒕𑒻। 𑒧𑒳𑒠𑒰 𑒗𑒑𑒛𑓃𑒰 𑒩𑒳𑒏𑒪𑒰𑒏 𑒥𑒰𑒠 (𑒣𑓂𑒩𑒰𑒨𑓁 𑒧𑒹𑒑𑒏𑒹𑒿 𑒢𑒻 𑒥𑒳𑒗𑒪 𑒕𑒻) 𑒧𑒹𑒑 𑒣𑒰𑒩𑓂𑒙𑒲 𑒛𑓂𑒩𑒹𑒮𑒧𑒹 𑒁𑒥𑒻𑒋। 𑒮𑒰𑒧𑒰𑒢𑓂𑒨 𑒑𑒣 𑒯𑒼𑒃 𑒕𑒻।
𑒪𑒳𑒪𑒳 𑒁𑒥𑒻𑒋, 𑒑𑒼𑒪𑓂𑒛𑒥𑒩𑓂𑒑 𑒍𑒏𑒩𑒰 𑒏𑒼𑒩𑒰𑒧𑒹 𑒥𑒻𑒮𑒥𑒻𑒋। 𑒪𑒳𑒪𑒳𑒏 𑒣𑒳𑒕𑒪𑒰𑒣𑒩 𑒖𑒹 𑒍𑒏𑒩𑒰 𑒞𑒿 𑒯𑒼𑒃 𑒕𑒪𑒻 𑒖𑒹 𑒍 “𑒢𑒻𑒙” 𑒕𑒲, 𑒑𑒼𑒪𑓂𑒛𑒥𑒩𑓂𑒑 𑒏𑒯𑒻 𑒕𑒻 𑒖𑒹 𑒍𑒏𑒩 𑒣𑒞𑓂𑒢𑒲 𑒍𑒏𑒩𑒰 “𑒮𑒱𑒧𑒹” 𑒏𑒯𑒱 𑒥𑒖𑒥𑒻 𑒕𑒻।
𑒣𑒰𑒩𑓂𑒙𑒲𑒧𑒹 𑒐𑒹𑒪 𑒬𑒳𑒩𑒴 𑒯𑒼𑒃𑒋, 𑒂𑒿𑒐𑒱𑒧𑒹 𑒣𑒙𑓂𑒙𑒲 𑒥𑒰𑒢𑓂𑒯𑒱 𑒏’। 𑒧𑒱𑒮𑒹𑒖 𑒥𑒼𑒪𑓂𑒮𑒏𑒹𑒿 𑒪𑒳𑒪𑒳 𑒮𑓂𑒏𑒰𑒩𑓂𑒤𑒮𑒿 𑒂𑒿𑒐𑒱 𑒥𑒰𑒢𑓂𑒯𑒻𑒋। 𑒍 𑒖𑒏𑒩𑒰 𑒕𑒴 𑒠𑒹𑒞 𑒞𑒏𑒩𑒰 𑒂𑒿𑒐𑒱𑒣𑒩 𑒣𑒙𑓂𑒙𑒲 𑒥𑒰𑒢𑓂𑒯𑒪 𑒖𑒰𑒋𑒞। 𑒍 𑒧𑒻𑒏𑓂𑒏𑒹𑒢𑒏𑒹𑒿 𑒕𑒳𑒥𑒻𑒋। 𑒤𑒹𑒩 𑒮𑓂𑒙𑒻𑒢𑒪𑒲 𑒕𑒳𑒂𑒃𑒋। 𑒍𑒏𑒩 𑒔𑒬𑓂𑒧𑒰 𑒪𑒹𑒪 𑒖𑒰𑒃 𑒕𑒻। 𑒮𑓂𑒙𑒹𑒢𑒪𑒲𑒏𑒹𑒿 𑒣𑒙𑓂𑒙𑒲 𑒥𑒰𑒢𑓂𑒯𑒪 𑒖𑒰𑒃 𑒕𑒻। 𑒧𑒻𑒏𑓂𑒏𑒹𑒢 𑒮𑓂𑒙𑒹𑒢𑒪𑒲𑒏 𑒔𑒬𑓂𑒧𑒰 𑒞𑒼𑒛𑓃𑒱 𑒠𑒻𑒋। 𑒧𑒻𑒏𑓂𑒏𑒹𑒢 𑒛𑓂𑒩𑒧𑒏𑒹𑒿 𑒮𑓂𑒙𑒹𑒢𑒪𑒲𑒏 𑒩𑒮𑓂𑒞𑒰𑒧𑒹 𑒩𑒰𑒐𑒻𑒋, 𑒍 𑒐𑒮𑒱 𑒣𑒛𑓃𑒻𑒋 𑒂 𑒧𑒹𑒑𑒏 𑒑𑒩𑓂𑒠𑒢𑒱 𑒠𑒥𑒥’ 𑒔𑒰𑒯𑒻𑒋, 𑒧𑒻𑒏𑓂𑒏𑒹𑒢 𑒂 𑒑𑒼𑒪𑓂𑒛𑒥𑒩𑓂𑒑 𑒥𑒔𑒥𑒻 𑒕𑒻।
𑒁𑒢𑓂𑒯𑒰𑒩 𑒣𑒮𑒩𑒻𑒋।
𑒮𑓂𑒙𑒻𑒢𑒪𑒲𑒏𑒹𑒿 𑒁𑒥𑒻𑒞 𑒠𑒹𑒐𑒱 𑒪𑒳𑒪𑒳 𑒥𑒹𑒯𑒼𑒬 𑒦’ 𑒖𑒰𑒃𑒋। 𑒮𑓂𑒙𑒻𑒢𑒪𑒹 𑒪𑒳𑒪𑒳𑒏𑒹𑒿 𑒙𑒹𑒥𑒳𑒪𑒣𑒩 𑒩𑒰𑒐𑒻𑒋। 𑒧𑒻𑒏𑓂𑒏𑒰𑒢𑒏𑒹𑒿 𑒙𑒰𑒩𑓂𑒔 𑒦𑒹𑒙𑒻 𑒕𑒻। 𑒍 𑒙𑒹𑒥𑒳𑒪 𑒂 𑒮𑓂𑒙𑒻𑒢𑒪𑒲𑒣𑒩 𑒙𑒰𑒩𑓂𑒔 𑒥𑒰𑒛𑓃𑒻𑒋।
𑒁𑓀𑒏 3: 𑒣𑒲𑒙𑒹 𑒂 𑒧𑒹𑒑𑒧𑒹 𑒑𑒣 𑒯𑒼𑒃 𑒕𑒻। 𑒧𑒹𑒑 𑒮𑓂𑒙𑒻𑒢𑒪𑒲𑒏 𑒫𑒱𑒭𑒨𑒧𑒹 𑒣𑒲𑒙𑒹𑒮𑒿 𑒣𑒳𑒕𑒻𑒋। 𑒪𑒳𑒪𑒳 𑒁𑒥𑒻𑒋, 𑒑𑒼𑒪𑓂𑒛𑒥𑒩𑓂𑒑𑒮𑒿 𑒣𑒳𑒕𑒻𑒋 𑒖𑒹 𑒍𑒏𑒩 𑒣𑒱𑒞𑒰 𑒥𑒰 𑒋𑒛𑒲 (𑒍𑒏𑒩 𑒣𑒯𑒱𑒪 𑒣𑓂𑒩𑒹𑒧𑒲) 𑒏𑒲 𑒮𑒼𑒔𑒞 𑒖𑒿 𑒍 𑒄 𑒮𑒳𑒢𑒞। 𑒍 𑒏𑒯𑒻𑒋 𑒖𑒹 𑒑𑒼𑒪𑓂𑒛𑒥𑒩𑓂𑒑 𑒁𑒣𑒢 𑒠𑒳𑒭𑓂𑒙 𑒣𑒱𑒨𑒰𑒮 𑒞𑒵𑒣𑓂𑒞 𑒏𑒹𑒪𑒏, 𑒍 𑒪𑒳𑒪𑒳𑒏𑒹𑒿 𑒮𑒹 𑒮𑒦 𑒮𑒱𑒐𑒹𑒪𑒏 𑒖𑒹 𑒋𑒏𑒙𑒰 𑒨𑒳𑒫𑒞𑒲 𑒞𑒲𑒢 𑒥𑒹𑒩 𑒥𑒱𑒨𑒰𑒯𑒪 𑒖𑒹𑒥𑒰𑒏 𑒥𑒰𑒠𑒹 𑒮𑒲𑒐𑒞। 𑒑𑒼𑒪𑓂𑒛𑒥𑒩𑓂𑒑 𑒏𑒯𑒻𑒋 𑒖𑒹 𑒍 𑒄 𑒏𑒹𑒪𑒏 𑒏𑒰𑒩𑒝 𑒪𑒳𑒪𑒳 𑒍𑒏𑒩𑒰 𑒄 𑒏𑒩’ 𑒠𑒹𑒪𑒏।
𑒪𑒳𑒪𑒳 𑒖𑒰𑒃𑒋।
𑒧𑒹𑒑𑒏 𑒁𑒢𑒳𑒣𑒮𑓂𑒟𑒱𑒞𑒱𑒧𑒹 𑒑𑒼𑒪𑓂𑒛𑒥𑒩𑓂𑒑 𑒂 𑒧𑒻𑒏𑓂𑒏𑒰𑒢 𑒮𑓂𑒙𑒹𑒢𑒪𑒲𑒏𑒹𑒿 𑒪’ 𑒖𑒰𑒃𑒋। 𑒣𑒲𑒙𑒹 𑒍𑒏𑒩𑒰 𑒕𑒼𑒛𑓃𑒻𑒪𑒹 𑒏𑒯𑒻𑒋। 𑒑𑒼𑒪𑓂𑒛𑒥𑒩𑓂𑒑 𑒂 𑒧𑒻𑒏𑓂𑒏𑒰𑒢 𑒣𑒲𑒙𑒹𑒏𑒹𑒿 𑒮𑒹𑒯𑒼 𑒮𑓀𑒑𑒧𑒹 𑒔𑒪𑒻𑒪𑒹 𑒏𑒯𑒻𑒋, 𑒏𑒰𑒩𑒧𑒹 𑒖𑒑𑒯 𑒕𑒻। 𑒣𑒲𑒙𑒹 𑒮𑓂𑒟𑒱𑒩 𑒩𑒯𑒻𑒋। 𑒣𑒲𑒙𑒹 𑒁𑒮𑒑𑒩𑒹 𑒩𑒯𑒱 𑒖𑒰𑒃𑒋, 𑒧𑒹𑒑 𑒁𑒥𑒻𑒋। 𑒣𑒳𑒕𑒻𑒋, 𑒍 𑒮𑒦 𑒑𑒹𑒪? 𑒣𑒲𑒙𑒹 𑒏𑒯𑒻𑒋- 𑒯𑒿। 𑒮𑓂𑒙𑒹𑒢𑒪𑒲𑒏 𑒫𑒱𑒭𑒨𑒧𑒹 𑒧𑒹𑒑 𑒣𑒳𑒕𑒻𑒋- 𑒍 𑒮𑒳𑒞𑒪𑒹 𑒁𑒕𑒱? 𑒣𑒲𑒙𑒹 𑒏𑒯𑒻𑒋- 𑒍 𑒮𑒳𑒞𑒪 𑒁𑒕𑒱।
-𑒮𑒳𑒞’ 𑒠𑒱𑒨𑒾।
𑒧𑒹𑒑 𑒣𑒳𑒕𑒻𑒋- 𑒏𑒲 𑒄 𑒢𑒲𑒏 𑒣𑒰𑒩𑓂𑒙𑒲 𑒢𑒻 𑒕𑒪 𑒞𑒿 𑒣𑒲𑒙𑒹 𑒏𑒯𑒻𑒋- 𑒍 𑒥𑒰𑒠𑒧𑒹 𑒂𑒋𑒪।
𑒣𑒩𑓂𑒠𑒰 𑒐𑒮𑒻𑒋।
.......
𑒥𑒰𑒠𑒪 𑒮𑒩𑒏𑒰𑒩𑒏 “𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞”
“𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞” 𑒧𑒹 𑒪𑒹𑒐𑒏, 𑒏𑒰𑒏𑒲, 𑒧𑒰𑒢𑒮𑒲, 𑒁𑒧𑒪, 𑒫𑒱𑒧𑒪, 𑒏𑒧𑒪, 𑒃𑒢𑓂𑒠𑓂𑒩𑒖𑒲𑒞 𑒂 𑒃𑒢𑓂𑒠𑓂𑒩𑒖𑒲𑒞𑒏 𑒣𑒞𑓂𑒢𑒲 ( 𑒢𑒰𑒙𑒏𑒧𑒹 𑒥𑒰𑒠𑒧𑒹) 𑒠𑒼𑒮𑒩 𑒧𑒰𑒢𑒮𑒲 𑒣𑒰𑒞𑓂𑒩 𑒁𑒕𑒱।
𑒁𑓀𑒏 1- 𑒪𑒹𑒐𑒏 𑒋𑒏𑒙𑒰 𑒢𑒰𑒙𑒏𑒏 𑒐𑒼𑒖𑒧𑒹 𑒁𑒕𑒱। 𑒍𑒏𑒩 𑒏𑒰𑒏𑒲 𑒍𑒏𑒩 𑒐𑒹𑒢𑒰𑒃-𑒣𑒱𑒢𑒰𑒃 𑒕𑒼𑒛𑓃𑒱 𑒪𑒱𑒐𑒻𑒞 𑒩𑒯𑒥𑒰𑒣𑒩 𑒞𑒧𑒮𑒰𑒋𑒪 𑒕𑒻। 𑒧𑒰𑒢𑒮𑒲 𑒣𑒳𑒕𑒻𑒋 𑒖𑒹 𑒍 𑒣𑒜𑓃𑒞 𑒖𑒹 𑒏𑒱𑒕𑒳 𑒍 𑒪𑒱𑒐𑒪𑒏। 𑒪𑒹𑒐𑒏 𑒏𑒯𑒻𑒋, 𑒍 𑒏𑒱𑒕𑒳 𑒢𑒻 𑒪𑒱𑒐𑒪𑒏। 𑒧𑒰𑒢𑒮𑒲 𑒍𑒏𑒩𑒰 𑒣𑓂𑒩𑒨𑒰𑒮 𑒏𑒩𑒻𑒪𑒹 𑒏𑒯𑒻 𑒕𑒻। 𑒪𑒹𑒐𑒏 𑒠𑒩𑓂𑒬𑒏𑒧𑒹𑒮𑒿 𑒔𑒰𑒩𑒱𑒙𑒰 𑒥𑒰𑒠𑒧𑒹 𑒂𑒥𑒻𑒥𑒪𑒰𑒏𑒹𑒿 𑒮𑓂𑒙𑒹𑒖𑒣𑒩 𑒥𑒖𑒥𑒻𑒋, 𑒁𑒧𑒪, 𑒫𑒱𑒧𑒪, 𑒏𑒧𑒪। 𑒔𑒰𑒩𑒱𑒧 𑒁𑒣𑒢 𑒢𑒰𑒧 𑒢𑒱𑒩𑓂𑒧𑒪 𑒏𑒳𑒧𑒰𑒩 𑒏𑒯𑒻𑒋। 𑒪𑒹𑒐𑒏 𑒏𑒯𑒻𑒋- 𑒄 𑒢𑒻 𑒦’ 𑒮𑒏𑒻 𑒕𑒻, 𑒁𑒣𑒢 𑒁𑒮𑒪𑒲 𑒢𑒰𑒧 𑒥𑒞𑒰𑒅। 𑒍 𑒏𑒯𑒻𑒋- 𑒃𑒢𑓂𑒠𑓂𑒩𑒖𑒲𑒞 𑒩𑒰𑒨। 𑒁𑒧𑒪, 𑒫𑒱𑒧𑒪, 𑒏𑒧𑒪 𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞। 𑒧𑒰𑒢𑒮𑒲 (𑒁𑒮𑒪𑒲 𑒢𑒰𑒧 𑒠𑒼𑒮𑒩 𑒧𑒳𑒠𑒰 𑒪𑒹𑒐𑒏 𑒏𑒯𑒻𑒋 𑒧𑒰𑒢𑒮𑒲𑒨𑒹) 𑒍𑒏𑒩 𑒧𑒧𑒱𑒨𑒾𑒞 𑒥𑒯𑒱𑒢 𑒕𑒱𑒌। 𑒍 𑒍𑒏𑒩𑒰𑒮𑒿 𑒣𑓂𑒩𑒹𑒧 𑒏𑒩𑒻𑒋, 𑒣𑒩𑒧𑓂𑒣𑒩𑒰 𑒞𑒼𑒛𑓃’ 𑒔𑒰𑒯𑒻𑒋
𑒁𑓀𑒏 2: 𑒥𑒰𑒠𑒧𑒹 𑒍𑒏𑒩𑒰 𑒪𑒰𑒑𑒻 𑒕𑒻 𑒖𑒹 𑒏𑒲 𑒖𑒿 𑒄 𑒣𑓂𑒩𑒹𑒧 𑒮𑒤𑒪 𑒦𑒃𑒨𑒼 𑒖𑒹𑒞𑒻 𑒞𑒿 𑒍𑒏𑒩𑒰 𑒅𑒞𑓂𑒞𑒩 𑒦𑒹𑒙𑒞𑒻? 𑒢𑒻 𑒢𑒹। 𑒍 𑒪𑓀𑒠𑒢 𑒮𑒹𑒯𑒼 𑒖𑒰𑒋𑒞। 𑒧𑒵𑒞𑓂𑒨𑒳 𑒔𑒰𑒯𑒻𑒋, 𑒢𑒻 𑒏’ 𑒣𑒰𑒥𑒻𑒋। 𑒪𑒹𑒐𑒏 𑒠𑓂𑒫𑒰𑒩𑒰 𑒢𑒰𑒧𑒱𑒞 𑒃𑒢𑓂𑒠𑓂𑒩𑒖𑒲𑒞𑒏 𑒧𑒰𑒢𑒮𑒲 𑒁𑒫𑒱𑒫𑒰𑒯𑒱𑒞 𑒁𑒕𑒱, 𑒯𑒖𑒰𑒩𑒲𑒥𑒰𑒑𑒧𑒹 𑒣𑒜𑓃𑒥𑒻𑒋।
𑒧𑒳𑒠𑒰 𑒁𑒧𑒪, 𑒫𑒱𑒧𑒪, 𑒏𑒧𑒪𑒏 𑒫𑒱𑒣𑒩𑒲𑒞 𑒃𑒢𑓂𑒠𑓂𑒩𑒖𑒲𑒞 𑒪𑒲𑒐𑒣𑒩 𑒢𑒻 𑒔𑒪𑒻𑒋। 𑒁𑒪𑒑 𑒏𑒱𑒕𑒳 𑒏𑒩’ 𑒔𑒰𑒯𑒻𑒋। 𑒏𑒰𑒏𑒰, 𑒖𑒏𑒩𑒰 𑒍 𑒧𑒰𑒋 𑒏𑒯𑒻𑒋, 𑒐𑒰𑒃𑒪𑒹 𑒏𑒯𑒻 𑒕𑒻 𑒂 𑒧𑒰𑒢𑒮𑒲 𑒪𑒱𑒐𑒻𑒪𑒹। 𑒧𑒳𑒠𑒰 𑒖𑒐𑒢 𑒋𑒏 𑒥𑒹𑒩 𑒧𑒰𑒢𑒮𑒲 𑒪𑒹𑒐𑒏𑒏𑒹𑒿 𑒐𑒰𑒃𑒪𑒹 𑒏𑒯𑒱 𑒠𑒻𑒋 𑒞𑒿 𑒪𑒹𑒐𑒏 𑒠𑒳𑒐𑒲 𑒦’ 𑒖𑒰𑒃𑒋, 𑒢𑒻, 𑒁𑒯𑒴𑒿? 𑒢𑒻।
𑒧𑒳𑒠𑒰 𑒤𑒹𑒩 𑒧𑒰𑒢𑒮𑒲𑒏𑒹𑒿 𑒑𑒪𑒞𑒲𑒏 𑒦𑒰𑒢 𑒯𑒼𑒃 𑒕𑒻, 𑒍 𑒍𑒏𑒩 𑒪𑒹𑒐𑒢𑒏 𑒫𑒱𑒭𑒨𑒧𑒹 𑒣𑒳𑒕𑒻𑒋। 𑒪𑒹𑒐𑒏 𑒔𑒱𑓀𑒞𑒱𑒞 𑒁𑒕𑒱, 𑒄 𑒃𑒢𑓂𑒠𑓂𑒩𑒖𑒲𑒞 𑒫𑒰𑒮𑓂𑒞𑒫𑒱𑒏𑒞𑒰𑒏𑒹𑒿 𑒢𑒻 𑒧𑒰𑒢𑒻𑒋, 𑒏𑒼𑒢𑒼 𑒣𑓂𑒩𑒞𑒱𑒥𑒠𑓂𑒡𑒞𑒰 𑒍𑒏𑒩𑒰𑒧𑒹 𑒢𑒻 𑒕𑒻। 𑒧𑒳𑒠𑒰 𑒧𑒰𑒢𑒮𑒲 𑒮𑒹 𑒢𑒻 𑒧𑒰𑒢𑒻𑒋।
𑒍 𑒮𑒣𑒢𑒰 𑒞𑒿 𑒠𑒹𑒐𑒻𑒋 𑒢𑒹।
𑒃𑒢𑓂𑒠𑓂𑒩𑒖𑒲𑒞 𑒪𑓀𑒠𑒢𑒮𑒿 𑒏𑒼𑒪𑒏𑒰𑒞𑒰 𑒒𑒳𑒩𑒻𑒋, 𑒋𑒏𑒙𑒰 𑒠𑒼𑒮𑒩 𑒮𑓂𑒞𑓂𑒩𑒲𑒮𑒿 𑒥𑒱𑒨𑒰𑒯 𑒏𑒩𑒻𑒋, 𑒍𑒏𑒩𑒼 𑒢𑒰𑒧 𑒧𑒰𑒢𑒮𑒲 𑒕𑒱𑒌 (𑒃𑒢𑓂𑒠𑓂𑒩𑒖𑒲𑒞 𑒋𑒏𑒩𑒰 𑒧𑒰𑒢𑒮𑒲 𑒏𑒯𑒻𑒋, 𑒣𑒯𑒱𑒪𑒳𑒏𑒰 𑒧𑒰𑒢𑒮𑒲 𑒖𑒹𑒏𑒩𑒰 𑒪𑒹𑒐𑒏 𑒧𑒰𑒢𑒮𑒲 𑒏𑒯𑒻𑒋 𑒍 𑒃𑒢𑓂𑒠𑓂𑒩𑒖𑒲𑒞𑒏 𑒧𑒧𑒱𑒨𑒾𑒞 𑒕𑒱𑒌, 𑒖𑒏𑒩𑒰𑒮𑒿 𑒃𑒢𑓂𑒠𑓂𑒩𑒖𑒲𑒞 𑒣𑓂𑒩𑒹𑒧 𑒏𑒩𑒻𑒋 𑒧𑒳𑒠𑒰 𑒍 𑒦𑒰𑒋𑒏 𑒩𑒱𑒬𑓂𑒞𑒰𑒮𑒿 𑒍𑒏𑒩𑒰𑒮𑒿 𑒥𑒱𑒨𑒰𑒯 𑒢𑒻 𑒏𑒩𑒻𑒋 𑒖𑒹 𑒪𑒼𑒏 𑒏𑒲 𑒏𑒯𑒞𑒻, 𑒂 𑒃𑒢𑓂𑒠𑓂𑒩𑒖𑒲𑒞 𑒪𑒹𑒐𑒏𑒏𑒹𑒿 𑒏𑒯𑒻𑒞 𑒩𑒯𑒻𑒋 𑒖𑒹 𑒍𑒏𑒩 𑒢𑒰𑒧 𑒧𑒰𑒢𑒮𑒲 𑒢𑒻 𑒕𑒱𑒌। )
𑒃𑒢𑓂𑒠𑓂𑒩𑒖𑒲𑒞 𑒥𑒳𑒗’ 𑒪𑒑𑒻𑒋 (𑒧𑒰𑒢𑒮𑒲𑒏𑒹𑒿 𑒍 𑒏𑒯𑒻𑒋) 𑒖𑒹 𑒫𑓂𑒨𑒏𑓂𑒞𑒱𑒏 𑒦𑒱𑒢𑓂𑒢𑒞𑒰𑒏 𑒧𑒰𑒞𑓂𑒩 𑒦𑓂𑒩𑒧 𑒁𑒕𑒱। 𑒮𑓂𑒫𑒣𑓂𑒢 𑒮𑓂𑒫𑒣𑓂𑒢 𑒁𑒕𑒱 𑒍 𑒫𑒰𑒮𑓂𑒞𑒫𑒱𑒏𑒞𑒰 𑒢𑒻 𑒥𑒢𑒱 𑒮𑒏𑒻𑒋। 𑒧𑒰𑒢𑒮𑒲, 𑒧𑒰𑒢𑒮𑒲, 𑒧𑒰𑒢𑒮𑒲, 𑒮𑒦 𑒧𑒰𑒢𑒮𑒲, 𑒖𑒹𑒢𑒰 𑒁𑒧𑒪, 𑒫𑒱𑒧𑒪, 𑒏𑒧𑒪। 𑒪𑒹𑒐𑒏 𑒣𑒴𑒕𑒻𑒋 𑒞𑒿 𑒃𑒢𑓂𑒠𑓂𑒩𑒖𑒲𑒞 𑒏𑒯𑒻𑒋- 𑒁𑒧𑒪, 𑒫𑒱𑒧𑒪, 𑒏𑒧𑒪 𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞 (𑒮𑒹𑒯𑒼!)।


𑒪𑒹𑒐𑒏𑒏 𑒨𑒰𑒞𑓂𑒩𑒰𑒏 𑒏𑒼𑒢𑒼 𑒪𑒏𑓂𑒭𑓂𑒨 𑒢𑒻, 𑒏𑒼𑒢𑒼 𑒅𑒠𑓂𑒠𑒹𑒬𑓂𑒨 𑒢𑒻, 𑒤𑒳𑒮𑒱𑒨𑒰𑒿𑒯𑒲𑒏 𑒨𑒰𑒞𑓂𑒩𑒰 𑒖𑒏𑒩 𑒏𑒼𑒢𑒼 𑒏𑒰𑒩𑒝 𑒢𑒻। 𑒪𑒹𑒐𑒏 𑒃𑒢𑓂𑒠𑓂𑒩𑒖𑒲𑒞𑒏𑒹𑒿 𑒏𑒯𑒻𑒋, 𑒯𑒧𑒩𑒰 𑒮𑒦𑒏𑒹𑒿 𑒖𑒲𑒥𑒰𑒏 𑒁𑒕𑒱, 𑒔𑒪𑒥𑒰𑒏 𑒁𑒕𑒱, 𑒏𑒼𑒢𑒼 𑒡𑒩𑓂𑒧𑒮𑓂𑒟𑒪 𑒢𑒻 𑒞𑒻𑒨𑒼 𑒞𑒲𑒩𑓂𑒟𑒨𑒰𑒞𑓂𑒩𑒰 𑒏𑒩𑒥𑒰𑒏 𑒁𑒕𑒱।

𑒅𑒠𑒨 𑒢𑒰𑒩𑒰𑒨𑒝 𑒮𑒱𑓀𑒯 ‘𑒢𑒔𑒱𑒏𑒹𑒞𑒰’𑒏 “𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬”

𑒣𑓂𑒩𑒟𑒧 𑒏𑒪𑓂𑒪𑒼𑒪: 𑒄 𑒢𑒰𑒙𑒏 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒣𑒩𑒧𑓂𑒣𑒩𑒰𑒧𑒹 𑒏𑒪𑓂𑒪𑒼𑒪𑒧𑒹 (𑒯𑒳𑒢𑒏𑒩 𑒫𑒩𑓂𑒝 𑒩𑒞𑓂𑒢𑒰𑒏𑒩 𑒏𑒪𑓂𑒪𑒼𑒪𑒧𑒹 𑒫𑒱𑒦𑒏𑓂𑒞 𑒁𑒕𑒱 𑒖𑒹 𑒢𑒰𑒙𑒏 𑒢𑒯𑒱 𑒕𑒲, 𑒡𑒴𑒩𑓂𑒞-𑒮𑒧𑒰𑒑𑒧 𑒖𑒹 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒪𑒱𑒐𑒱𑒞 𑒢𑒰𑒙𑒏 𑒁𑒕𑒱- 𑒁𑓀𑒏𑒧𑒹 𑒫𑒱𑒦𑒏𑓂𑒞 𑒁𑒕𑒱) 𑒫𑒱𑒦𑒰𑒖𑒱𑒞 𑒁𑒕𑒱। 𑒔𑒰𑒩𑒱 𑒏𑒪𑓂𑒪𑒼𑒪𑒏 𑒫𑒱𑒦𑒰𑒖𑒢𑒏 𑒣𑓂𑒩𑒟𑒧 𑒏𑒪𑓂𑒪𑒼𑒪 𑒮𑓂𑒫𑒩𑓂𑒑 (𑒫𑒰 𑒢𑒩𑒏) 𑒏𑒹𑒩 𑒠𑓂𑒫𑒰𑒩𑒣𑒩 𑒂𑒩𑒧𑓂𑒦 𑒯𑒼𑒃𑒞 𑒁𑒕𑒱। 𑒍𑒞𑒋 𑒥𑒯𑒳𑒞 𑒩𑒰𑒮 𑒧𑒳𑒃𑒪 𑒪𑒼𑒏 𑒠𑓂𑒫𑒰𑒩𑒏 𑒦𑒲𑒞𑒩 𑒣𑓂𑒩𑒫𑒹𑒬𑒏 𑒪𑒹𑒪 𑒣𑓀𑒏𑓂𑒞𑒱𑒥𑒠𑓂𑒡 𑒕𑒟𑒱। 𑒏𑓂𑒨𑒼 𑒣𑒟 𑒠𑒳𑒩𑓂𑒒𑒙𑒢𑒰𑒧𑒹 𑒬𑒱𑒏𑒰𑒩 𑒦𑒹𑒪 𑒥𑒰𑒖𑒰𑒩𑒲 𑒕𑒟𑒱 𑒞𑒿 𑒮𑓀𑒑𑒧𑒹 𑒨𑒳𑒠𑓂𑒠𑒧𑒹 𑒧𑒵𑒞 𑒦𑒹𑒪 𑒮𑒻𑒢𑒱𑒏 𑒂 𑒔𑒼𑒩𑒱 𑒏𑒩𑒋 𑒏𑒰𑒪 𑒧𑒰𑒩𑒪 𑒑𑒹𑒪 𑒔𑒼𑒩, 𑒅𑒔𑓂𑒔𑒏𑓂𑒏𑒰 𑒂 𑒣𑒰𑒏𑒱𑒙𑒧𑒰𑒩 𑒮𑒹𑒯𑒼 𑒕𑒟𑒱। 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒡𑒴𑒩𑓂𑒞𑒮𑒧𑒰𑒑𑒧𑒧𑒹 𑒖𑒹 𑒁𑒞𑒱 𑒂𑒡𑒳𑒢𑒱𑒏 𑒁𑒥𑓂𑒮𑒩𑓂𑒛𑒱𑒙𑒲 𑒁𑒕𑒱 𑒮𑒹 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒮𑒹𑒯𑒼 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒁𑒕𑒱। 𑒣𑓂𑒩𑒟𑒧 𑒏𑒪𑓂𑒪𑒼𑒪𑒧𑒹 𑒖𑒹 𑒥𑒰𑒖𑒰𑒩𑒲 𑒕𑒟𑒱 𑒮𑒹, 𑒣𑓀𑒏𑓂𑒞𑒱 𑒞𑒼𑒛𑓃𑒱 𑒂𑒑𑒰𑒿 𑒥𑒜𑓃𑒪𑒰 𑒅𑒞𑓂𑒞𑒩, 𑒔𑒼𑒩 𑒂 𑒅𑒔𑒏𑓂𑒏𑒰 𑒠𑒳𑒢𑒴 𑒑𑒼𑒙𑒹𑒏𑒹𑒿, 𑒏𑒰𑒪𑒩 𑒣𑒏𑒛𑓃𑒱 𑒣𑒳𑒢𑓁 𑒯𑒳𑒢𑒏𑒩 𑒮𑒦𑒏 𑒧𑒴𑒪 𑒮𑓂𑒟𑒰𑒢𑒣𑒩 𑒠𑒋 𑒁𑒥𑒻𑒞 𑒕𑒟𑒱। 𑒅𑒔𑒏𑓂𑒏𑒰 𑒖𑒹 𑒥𑒰𑒠𑒧𑒹 𑒣𑒞𑒰 𑒔𑒪𑒻𑒞 𑒁𑒕𑒱 𑒖𑒹 𑒑𑒳𑒝𑓂𑒛𑒰-𑒠𑒰𑒠𑒰 𑒟𑒱𑒏 𑒧𑒳𑒠𑒰 𑒥𑒰𑒖𑒰𑒩𑒲 𑒪𑒑 𑒮𑒘𑓂𑒔-𑒧𑒘𑓂𑒔 𑒩𑒯𑒻𑒞 𑒁𑒕𑒱, 𑒯𑒳𑒢𑒏𑒰𑒮𑒿 𑒁𑓀𑒑𑒰 𑒕𑒼𑒛𑓃𑒥𑒰𑒏 𑒪𑒹𑒪 𑒏𑒯𑒻𑒞 𑒁𑒕𑒱। 𑒧𑒳𑒠𑒰 𑒖𑒐𑒢 𑒣𑒰𑒏𑒹𑒙𑒧𑒰𑒩 𑒥𑒰𑒖𑒰𑒩𑒲 𑒠𑒱𑒮𑒮𑒿 𑒔𑒼𑒩𑒏 𑒫𑒱𑒣𑒏𑓂𑒭𑒧𑒹 𑒥𑒖𑒻𑒞 𑒁𑒕𑒱 𑒞𑒐𑒢 𑒅𑒔𑒏𑓂𑒏𑒰 𑒔𑒏𑓂𑒏𑒴 𑒢𑒱𑒏𑒰𑒪𑒱 𑒁𑒣𑒢 𑒁𑒮𑒪 𑒩𑒴𑒣𑒧𑒹 𑒂𑒥𑒱 𑒖𑒰𑒃𑒞 𑒁𑒕𑒱 𑒂 𑒣𑒰𑒏𑒹𑒙𑒧𑒰𑒩𑒣𑒩 𑒧𑒰𑒩𑒱-𑒧𑒰𑒩𑒱 𑒏𑒋 𑒅𑒚𑒻𑒞 𑒁𑒕𑒱। 𑒧𑒳𑒠𑒰 𑒖𑒐𑒢 𑒔𑒼𑒩 𑒏𑒯𑒻𑒞 𑒕𑒢𑒱 𑒖𑒹 𑒄 𑒮𑒹𑒯𑒼 𑒁𑒣𑒢𑒹 𑒥𑒱𑒩𑒰𑒠𑒩𑒲𑒏 𑒁𑒕𑒱 𑒖𑒹 𑒕𑒼𑒙-𑒕𑒲𑒢 𑒣𑒰𑒏𑒹𑒙𑒧𑒰𑒩 𑒧𑒰𑒞𑓂𑒩 𑒥𑒢𑒱 𑒮𑒏𑒪, 𑒍𑒏𑒩 𑒖𑒏𑒰𑒿 𑒧𑒰𑒿𑒖𑒪 𑒔𑒼𑒩 𑒢𑒯𑒱, 𑒂 𑒅𑒔𑒏𑓂𑒏𑒰 𑒖𑒹𑒏𑒰𑒿 𑒑𑒳𑒝𑓂𑒛𑒰-𑒥𑒠𑒧𑒰𑒬 𑒥𑒢𑒥𑒰𑒏 𑒞𑒿 𑒮𑒼𑒔𑒱𑒍 𑒢𑒘𑒱 𑒮𑒏𑒪, 𑒞𑒐𑒢 𑒅𑒔𑒏𑓂𑒏𑒰 𑒧𑒯𑒩𑒰𑒖 𑒔𑒼𑒩𑒏 𑒣𑒰𑒕𑒰𑒿 𑒣𑒛𑓃𑒱 𑒖𑒰𑒃𑒞 𑒕𑒟𑒱, 𑒖𑒹 𑒥𑒠𑒧𑒰𑒬 𑒏𑒏𑒩𑒰 𑒏𑒯𑒪𑒿𑒯। 𑒂𑒥 𑒣𑒰𑒏𑒹𑒙𑒧𑒰𑒩 𑒧𑒾𑒏𑒰 𑒠𑒹𑒐𑒱 𑒣𑒏𑓂𑒭 𑒥𑒠𑒪𑒻𑒞 𑒁𑒕𑒱 𑒂 𑒅𑒔𑒏𑓂𑒏𑒰𑒏𑒹𑒿 𑒏𑒯𑒻𑒞 𑒕𑒢𑓂𑒯𑒱 𑒖𑒹 𑒁𑒯𑒰𑒿𑒏𑒹𑒿 𑒢𑒯𑒱 𑒯𑒧𑒩𑒰 𑒏𑒯𑒪𑒏। 𑒮𑓀𑒑𑒹 𑒄𑒯𑒼 𑒏𑒯𑒻𑒞 𑒁𑒕𑒱 𑒖𑒹 𑒔𑒼𑒩𑒱 𑒞𑒿 𑒄 𑒞𑒹𑒯𑒢 𑒏𑒩𑒋 𑒖𑒢𑒻𑒞 𑒁𑒕𑒱, 𑒖𑒹 𑒑𑒱𑒩𑒯𑒟𑒏 𑒥𑒹𑒙𑒰 𑒂 𑒏𑒳𑒏𑒳𑒩 𑒮𑒦 𑒔𑒼𑒩𑒱 𑒏𑒩𑒻𑒞 𑒏𑒰𑒪 𑒣𑒲𑒙𑒻𑒞-𑒣𑒲𑒙𑒻𑒞 𑒋𑒞𑓄 𑒣𑒚𑒰 𑒠𑒹𑒪𑒏𑒋 𑒂 𑒯𑒧𑒩 𑒐𑒱𑒡𑒰𑓀𑒬 𑒏𑒩𑒻𑒞 𑒁𑒕𑒱, 𑒥𑒛𑓃𑒏𑒰 𑒔𑒼𑒩 𑒦𑒹𑒪𑒰 𑒯𑒿। 𑒦𑒠𑓂𑒩 𑒫𑓂𑒨𑒏𑓂𑒞𑒱 𑒔𑒼𑒩𑒏 𑒥𑒑𑒹𑒥𑒰𑒢𑒲 𑒠𑒹𑒐𑒱 𑒄 𑒫𑒱𑒬𑓂𑒫𑒰𑒮 𑒢𑒯𑒱 𑒏𑒋 𑒣𑒥𑒻𑒞 𑒕𑒟𑒱 𑒖𑒹 𑒍 𑒔𑒼𑒩 𑒟𑒱𑒏𑒰𑒯। 𑒞𑒰𑒯𑒱𑒣𑒩 𑒣𑒰𑒏𑒹𑒙𑒧𑒰𑒩, 𑒔𑒼𑒩 𑒧𑒯𑒰𑒩𑒰𑒖𑒏𑒹𑒿 𑒂𑒩 𑒏𑒱𑒔𑒏𑒱𑒔𑒥𑒻𑒞 𑒕𑒢𑓂𑒯𑒱। 𑒞𑒐𑒢 𑒍 𑒔𑒼𑒩 𑒧𑒯𑒩𑒰𑒖 𑒋𑒯𑒱 𑒑𑒣𑒣𑒩 𑒠𑒳𑒐 𑒣𑓂𑒩𑒏𑒙 𑒏𑒩𑒻𑒞 𑒕𑒟𑒱 𑒖𑒹 𑒢𑒯𑒱 𑒞𑒿 𑒍𑒯𑒱 𑒩𑒰𑒞𑒱 𑒋𑒯𑒱 𑒣𑒰𑒏𑒹𑒙𑒧𑒰𑒩𑒏𑒹𑒿 𑒔𑒼𑒩𑒱𑒣𑒩 𑒪𑒋 𑒖𑒋𑒞𑒟𑒱 𑒂 𑒢𑒹 𑒍 𑒯𑒳𑒢𑒏𑒰 𑒣𑒱𑒙𑒻𑒞 𑒠𑒹𑒐𑒱 𑒮𑒏𑒻𑒞। 𑒋𑒧𑓂𑒯𑒩 𑒥𑒖𑒰𑒩𑒲 𑒖𑒹 𑒣𑒯𑒱𑒢𑒹 𑒔𑒼𑒩 𑒂 𑒅𑒔𑓂𑒏𑓂𑒏𑒰𑒏𑒹𑒿 𑒏𑒰𑒪𑒩 𑒣𑒏𑒛𑓃𑒱 𑒒𑒱𑒮𑒱𑒨𑒰 𑒔𑒳𑒏𑒪 𑒕𑒪𑒰𑒯, 𑒑𑒳𑒧𑓂𑒧 𑒦𑒹𑒪 𑒮𑒦𑒙𑒰 𑒮𑒳𑒢𑒻𑒞 𑒕𑒟𑒱 𑒂 𑒠𑒳𑒐 𑒣𑓂𑒩𑒏𑒙 𑒏𑒩𑒻𑒞 𑒕𑒟𑒱 𑒖𑒹 𑒋𑒏𑒩𑒰 𑒮𑒦𑒏 𑒮𑓀𑒑 𑒮𑓂𑒫𑒩𑓂𑒑𑒧𑒹 𑒩𑒯𑒥, 𑒞𑒿 𑒮𑓂𑒫𑒩𑓂𑒑 𑒏𑒹𑒯𑒢 𑒯𑒼𑒋𑒞 𑒮𑒹 𑒢𑒯𑒱 𑒖𑒰𑒢𑒱। 𑒂𑒥 𑒥𑒖𑒰𑒩𑒲 𑒧𑒯𑒩𑒰𑒖 𑒑𑒲𑒞𑒏 𑒋𑒏𑒙𑒰 𑒙𑒳𑒏𑒛𑓃𑒲 𑒋𑒯𑒱 𑒫𑒱𑒭𑒨𑒣𑒩 𑒣𑒜𑓃𑒻𑒞 𑒕𑒟𑒱। 𑒖𑒹𑒢𑒰 𑒡𑒴𑒩𑓂𑒞𑒮𑒧𑒰𑒑𑒧𑒧𑒹 𑒑𑒲𑒞 𑒁𑒕𑒱 𑒞𑒯𑒱𑒢𑒰 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒮𑒹𑒯𑒼, 𑒄 𑒋𑒯𑒱 𑒮𑓂𑒟𑒪𑒣𑒩 𑒣𑓂𑒩𑒰𑒩𑒧𑓂𑒦 𑒯𑒼𑒃𑒞 𑒁𑒕𑒱 𑒖𑒹 𑒋𑒯𑒱 𑒢𑒰𑒙𑒏𑒏𑒹𑒿 𑒮𑓀𑒑𑒲𑒞𑒏 𑒥𑒢𑒰 𑒠𑒻𑒞 𑒁𑒕𑒱। 𑒍𑒧𑓂𑒯𑒩 𑒣𑒰𑒏𑒹𑒙𑒧𑒰𑒩𑒖𑒲 𑒮𑒦𑒏 𑒣𑒰𑒏𑒹𑒙 𑒏𑒰𑒙𑒱 𑒪𑒻𑒞 𑒕𑒟𑒱 𑒂 𑒥𑒙𑒳𑒂 𑒮𑒰𑒤 𑒏𑒋 𑒠𑒻𑒞 𑒕𑒟𑒱। 𑒂𑒥 𑒤𑒹𑒩 𑒑𑒲𑒞𑒧𑒨 𑒤𑒏𑒛𑓃𑒰 𑒬𑒳𑒩𑒴 𑒦𑒋 𑒖𑒰𑒃𑒞 𑒁𑒕𑒱 𑒧𑒳𑒠𑒰 𑒞𑒐𑒢𑒹 𑒋𑒏𑒙𑒰 𑒧𑒵𑒞 𑒩𑒠𑓂𑒠𑒲𑒥𑒪𑒰 𑒮𑒦𑒏 𑒞𑓀𑒠𑓂𑒩𑒰𑒏𑒹𑒿 𑒞𑒼𑒛𑓃𑒱 𑒠𑒻𑒞 𑒕𑒟𑒱, 𑒄 𑒏𑒯𑒱 𑒖𑒹 𑒨𑒧𑒰𑒪𑒨𑒏 𑒥𑒢𑓂𑒠 𑒠𑒩𑒥𑒖𑓂𑒖𑒰𑒏 𑒍𑒯𑒱 𑒣𑒰𑒩, 𑒄 𑒥𑒙𑒳𑒂 𑒂 𑒣𑒰𑒃-𑒏𑒾𑒛𑓃𑒲 𑒏𑒼𑒢𑒼 𑒏𑒰𑒖𑒏 𑒢𑒯𑒱 𑒁𑒕𑒱। 𑒂𑒥 𑒠𑒳𑒢𑒴 𑒧𑒵𑒞 𑒦𑒠𑓂𑒩 𑒫𑓂𑒨𑒏𑓂𑒞𑒱 𑒮𑒹𑒯𑒼 𑒥𑒖𑒻𑒞 𑒕𑒟𑒱, 𑒖𑒹 𑒯𑒿 𑒠𑒼𑒮𑒩 𑒠𑒹𑒮𑒧𑒹 𑒠𑒼𑒮𑒩 𑒠𑒹𑒮𑒏 𑒮𑒱𑒏𑓂𑒏𑒰 𑒏𑒯𑒰𑒿 𑒔𑒪𑒻𑒞 𑒁𑒕𑒱। 𑒂𑒥 𑒋𑒏𑒙𑒰 𑒩𑒧𑒝𑒲𑒧𑒼𑒯𑒢 𑒢𑒰𑒧𑓂𑒢𑒰 𑒧𑒵𑒞 𑒩𑒮𑒱𑒏 𑒦𑒠𑓂𑒩 𑒫𑓂𑒨𑒏𑓂𑒞𑒱𑒏 𑒠𑒼𑒮𑒩 𑒠𑒹𑒮𑒏 𑒮𑒱𑒏𑓂𑒏𑒰 𑒢𑒯𑒱 𑒔𑒪𑒥𑒰𑒏 𑒫𑒱𑒭𑒨𑒧𑒹 𑒙𑒲𑒣 𑒠𑒻𑒞 𑒕𑒟𑒱, 𑒖𑒹 𑒯𑒿 𑒄 𑒞𑒿 𑒍𑒯𑒱𑒢𑒰 𑒁𑒕𑒱 𑒖𑒹𑒢𑒰 𑒣𑓂𑒩𑒹𑒨𑒮𑒲𑒏 𑒠𑒼𑒮𑒩𑒏 𑒣𑒞𑓂𑒢𑒲 𑒥𑒢𑒥। 𑒂𑒥 𑒋𑒯𑒱 𑒑𑒣𑒣𑒩 𑒒𑒧𑒩𑓂𑒟𑒢 𑒬𑒳𑒩𑒴 𑒦𑒋 𑒖𑒰𑒃𑒞 𑒁𑒕𑒱। 𑒞𑒐𑒢 𑒩𑒧𑒝𑒲 𑒧𑒼𑒯𑒢 𑒑𑒣𑒏 𑒩𑒳𑒐𑒱 𑒒𑒳𑒧𑒰 𑒠𑒻𑒞 𑒕𑒟𑒱 𑒖𑒹 𑒠𑒩𑒥𑒖𑓂𑒖𑒰𑒏 𑒦𑒲𑒞𑒩 𑒩𑒧𑓂𑒦𑒰-𑒧𑒹𑒢𑒏𑒰 𑒮𑒦 𑒯𑒹𑒞𑒲𑒯। 𑒦𑒱𑒐𑒧𑓀𑒑𑒢𑒲 𑒖𑒹 𑒞𑒰𑒫𑒞 𑒁𑒣𑒢 𑒏𑒼𑒩𑒰𑒧𑒹 𑒪𑒹𑒪 𑒋𑒏𑒙𑒰 𑒣𑒳𑒞𑒩𑒰𑒏𑒹𑒿 𑒠𑒼𑒮𑒩𑒰𑒏 𑒯𑒰𑒟𑒧𑒹 𑒠𑒋 𑒥𑒯𑒮𑒧𑒹 𑒬𑒰𑒧𑒱𑒪 𑒦𑓄 𑒑𑒹𑒪 𑒕𑒟𑒱, 𑒄𑒩𑓂𑒭𑓂𑒨𑒰𑒫𑒬 𑒩𑒧𑓂𑒦𑒰-𑒧𑒹𑒢𑒏𑒰𑒏𑒹𑒿 𑒧𑒳𑒿𑒯𑒗𑒛𑓃𑒏𑒲 𑒃𑒞𑓂𑒨𑒰𑒠𑒱 𑒏𑒯𑒻𑒞 𑒕𑒟𑒱। 𑒧𑒳𑒠𑒰 𑒣𑒰𑒏𑒹𑒙𑒧𑒰𑒩 𑒏𑒯𑒻𑒞 𑒁𑒕𑒱 𑒖𑒹 𑒦𑒲𑒞𑒩𑒧𑒹 𑒮𑒳𑒐 𑒢𑒯𑒱 𑒠𑒳𑒐𑒼 𑒦𑒋 𑒮𑒏𑒻𑒞 𑒁𑒕𑒱। 𑒋𑒯𑒱𑒣𑒩 𑒥𑒲𑒧𑒰 𑒥𑒰𑒥𑒴 𑒁𑒣𑒢 𑒏𑒰𑒩𑓂𑒨𑒏 𑒮𑓂𑒏𑒼𑒣 𑒠𑒹𑒐𑒱 𑒣𑓂𑒩𑒮𑒢𑓂𑒢 𑒦𑒋 𑒖𑒰𑒃𑒞 𑒕𑒟𑒱। 𑒂𑒥 𑒣𑒰𑒏𑒹𑒙𑒧𑒰𑒩 𑒃𑒢𑓂𑒠𑓂𑒩𑒏 𑒫𑒖𑓂𑒩 𑒣𑒩 𑒩𑒳𑒣𑒻𑒨𑓂𑒨𑒰𑒏 𑒥𑒼𑒪𑒲 𑒬𑒳𑒩𑒴 𑒏𑒩𑒻𑒞 𑒁𑒕𑒱। 𑒋𑒯𑒱 𑒥𑒹𑒩 𑒥𑒖𑒰𑒩𑒲 𑒞𑒢𑓂𑒠𑓂𑒩𑒰 𑒦𑓀𑒑 𑒏𑒩𑒻𑒞 𑒁𑒕𑒱 𑒂 𑒠𑒳𑒢𑒴 𑒦𑒠𑓂𑒩 𑒫𑓂𑒨𑒏𑓂𑒞𑒱 𑒯𑒳𑒢𑒏𑒩 𑒮𑒧𑒩𑓂𑒟𑒢 𑒏𑒩𑒻𑒞 𑒏𑒯𑒻𑒞 𑒁𑒕𑒱, 𑒖𑒹 𑒄 𑒁𑒠𑓂𑒦𑒳𑒞 𑒢𑒲𑒪𑒰𑒧𑒲 𑒁𑒕𑒱, 𑒖𑒹 𑒏𑒩𑒥𑒰 𑒩𑒯𑒪 𑒁𑒕𑒱 𑒮𑒹 𑒣𑒰𑒏𑒹𑒙𑒧𑒰𑒩 𑒂 𑒍𑒯𑒱𑒧𑒹 𑒬𑒰𑒧𑒱𑒪 𑒁𑒕𑒱 𑒔𑒼𑒩 𑒂 𑒦𑒱𑒐𑒧𑓀𑒑𑒢𑒲, 𑒣𑒯𑒱𑒪𑒹-𑒣𑒯𑒱𑒪 𑒮𑒳𑒢𑒪 𑒁𑒕𑒱 𑒂 𑒤𑒹𑒩 𑒮𑓀𑒑𑒲𑒞𑒧𑒨 𑒤𑒏𑒛𑓃𑒰 𑒮𑒦 𑒬𑒳𑒩𑒴 𑒦𑒋 𑒖𑒰𑒃𑒞 𑒁𑒕𑒱। 𑒧𑒳𑒠𑒰 𑒞𑒐𑒢𑒹 𑒢𑓀𑒠𑒲-𑒦𑒵𑓀𑒑𑒲 𑒬𑒰𑒮𑓂𑒞𑓂𑒩𑒲𑒨 𑒮𑓀𑒑𑒲𑒞𑒣𑒩 𑒢𑒔𑒻𑒞 𑒣𑓂𑒩𑒫𑒹𑒬 𑒏𑒩𑒻𑒞 𑒕𑒟𑒱। 𑒂𑒥 𑒢𑓀𑒠𑒲-𑒦𑒵𑓀𑒑𑒲𑒏 𑒄 𑒣𑒳𑒕𑒪𑒰𑒣𑒩 𑒖𑒹 𑒠𑒩𑒥𑒖𑓂𑒖𑒰𑒏 𑒦𑒲𑒞𑒩 𑒏𑒲 𑒁𑒕𑒱, 𑒮𑒦 𑒑𑒼𑒙𑒹 𑒁𑒣𑒢𑒰-𑒁𑒣𑒢𑒰 𑒯𑒱𑒮𑒰𑒥𑒮𑒿 𑒮𑓂𑒫𑒩𑓂𑒑-𑒢𑒩𑒏 𑒂 𑒁𑒏𑒰𑒮-𑒣𑒞𑒰𑒪 𑒏𑒯𑒻𑒞 𑒕𑒟𑒱। 𑒧𑒳𑒠𑒰 𑒢𑓀𑒠𑒲-𑒦𑒵𑓀𑒑𑒲 𑒏𑒯𑒻𑒞 𑒕𑒟𑒱 𑒖𑒹 𑒮𑒦 𑒑𑒼𑒙𑒹 𑒮𑒞𑓂𑒨 𑒏𑒯𑒻𑒞 𑒕𑒲 𑒂 𑒏𑓂𑒨𑒼 𑒑𑒼𑒙𑒹 𑒣𑒴𑒩𑓂𑒝 𑒮𑒞𑓂𑒨 𑒢𑒯𑒱 𑒥𑒖𑒪𑒯𑒳𑒿। 𑒤𑒹𑒩 𑒥𑒖𑒻𑒞-𑒥𑒖𑒻𑒞 𑒍 𑒏𑒯𑒋 𑒪𑒑𑒻𑒞 𑒕𑒟𑒱, 𑒏𑓂𑒨𑒼 𑒔𑒼𑒩𑒱 𑒏𑒰𑒪 𑒧𑒰𑒩𑒪 𑒑𑒹𑒪𑒰𑒯 (𑒔𑒼𑒩 𑒄 𑒮𑒳𑒢𑒱 𑒦𑒰𑒑𑒋 𑒪𑒑𑒻𑒞 𑒕𑒟𑒱 𑒞𑒿 𑒠𑒳-𑒞𑒲𑒢 𑒑𑒼𑒙𑒹 𑒣𑒏𑒛𑓃𑒱 𑒮𑒼𑒗𑒰𑒿 𑒪𑒋 𑒁𑒢𑒻𑒞 𑒕𑒢𑓂𑒯𑒱!) 𑒞𑒿 𑒏𑓂𑒨𑒼 𑒋𑒏𑓂𑒮𑒲𑒛𑒹𑒢𑓂𑒙𑒮𑒿, 𑒂 𑒋𑒯𑒱 𑒞𑒩𑒯𑒹𑒿 𑒮𑒦𑒙𑒰 𑒑𑒢𑒥𑒋 𑒪𑒑𑒻𑒞 𑒕𑒟𑒱, 𑒧𑒳𑒠𑒰 𑒥𑒲𑒧𑒰-𑒥𑒰𑒥𑒴 𑒏𑒼𑒢𑒰 𑒥𑒱𑒢 𑒧𑒵𑒞𑓂𑒨𑒳𑒏 𑒋𑒞𑒋 𑒂𑒨𑒪 𑒕𑒟𑒱 𑒮𑒹 𑒯𑒳𑒢𑒏𑒯𑒳 𑒪𑒼𑒏𑒢𑒱𑒏𑒹𑒿 𑒢𑒯𑒱 𑒥𑒳𑒗𑒪 𑒕𑒢𑓂𑒯𑒱 ! 𑒥𑒲𑒧𑒰 𑒥𑒰𑒥𑒴 𑒏𑒯𑒻𑒞 𑒕𑒟𑒱 𑒖𑒹 𑒍 𑒢𑒫 𑒧𑒰𑒩𑓂𑒏𑒹𑒙𑒏 𑒁𑒢𑓂𑒫𑒹𑒭𑒝𑒧𑒹 𑒂𑒋𑒪 𑒕𑒟𑒱 ! 𑒮𑒹 𑒥𑒱𑒢 𑒧𑒩𑒪 𑒮𑒹𑒯𑒼 𑒋𑒏 𑒑𑒼𑒙𑒹 𑒍𑒞𑒋 𑒕𑒟𑒱 ! 𑒦𑒵𑓀𑒑𑒲 𑒢𑓀𑒠𑒲𑒏𑒹𑒿 𑒜𑓃𑒹𑒩 𑒩𑒰𑒮 𑒥𑒲𑒧𑒰 𑒏𑒧𑓂𑒣𑒢𑒲𑒏 𑒂𑒑𑒧𑒢𑒮𑒿 𑒂𑒋𑒪 𑒏𑒧𑓂𑒣𑒲𑒙𑒱𑒬𑒢𑒏 𑒫𑒱𑒭𑒨𑒧𑒹 𑒥𑒳𑒗𑒥𑒻𑒞 𑒕𑒟𑒱 ! 𑒋𑒧𑓂𑒯𑒩 𑒣𑓂𑒩𑒹𑒧𑒲-𑒣𑓂𑒩𑒹𑒧𑒱𑒏𑒰𑒧𑒹 𑒒𑒼𑓀𑒒𑒰𑒅𑒖 𑒬𑒳𑒩𑒴 𑒯𑒼𑒃𑒞 𑒕𑒢𑓂𑒯𑒱, 𑒏𑒰𑒩𑒝 𑒣𑓂𑒩𑒹𑒧𑒲 𑒂𑒥 𑒒𑒳𑒩𑒱 𑒖𑒰𑒋 𑒔𑒰𑒯𑒻𑒞 𑒕𑒟𑒱। 𑒩𑒧𑒝𑒲 𑒧𑒼𑒯𑒢 𑒣𑓂𑒩𑒹𑒧𑒲𑒏 𑒑𑒧𑒢𑒮𑒿 𑒣𑓂𑒩𑒮𑒢𑓂𑒢 𑒯𑒼𑒃𑒞 𑒕𑒟𑒱 𑒖𑒹 𑒣𑓂𑒩𑒹𑒧𑒱𑒏𑒰 𑒂𑒥 𑒁𑒮𑒑𑒩𑒹 𑒩𑒯𑒞𑒲𑒯 𑒂 𑒯𑒳𑒢𑒏𑒰 𑒪𑒹𑒪 𑒧𑒾𑒏𑒰 𑒕𑒢𑓂𑒯𑒱। 𑒧𑒳𑒠𑒰 𑒦𑒵𑓀𑒑𑒲 𑒄 𑒏𑒯𑒱 𑒖𑒹 𑒋𑒞𑒋𑒮𑒿 𑒑𑒹𑒢𑒰𑒃 𑒞𑒿 𑒮𑓀𑒦𑒫 𑒢𑒯𑒱 𑒧𑒳𑒠𑒰 𑒄 𑒦𑓄 𑒮𑒏𑒻𑒞 𑒁𑒕𑒱 𑒖𑒹 𑒠𑒳𑒢𑒴 𑒖𑒼𑒛𑓃𑒲 𑒧𑒰𑒨-𑒥𑒰𑒣 (!) 𑒏𑒹𑒿 𑒋𑒏𑓂𑒮𑒲𑒛𑒹𑒢𑓂𑒙 𑒏𑒩𑒥𑒰𑒋 𑒋𑒞𑒯𑒱 𑒥𑒖𑒥𑒰 𑒪𑒹𑒪 𑒖𑒰𑒋। 𑒧𑒳𑒠𑒰 𑒁𑒣𑒢𑒰 𑒪𑒹𑒪 𑒧𑒰𑒋-𑒥𑒰𑒣𑒏 𑒥𑒪𑒱 𑒪𑒹𑒪 𑒣𑓂𑒩𑒹𑒧𑒲-𑒣𑓂𑒩𑒹𑒧𑒱𑒏𑒰 𑒞𑒻𑒨𑒰𑒩 𑒢𑒯𑒱 𑒕𑒟𑒱। 𑒞𑒐𑒢 𑒢𑓀𑒠𑒲 𑒦𑒵𑓀𑒑𑒲 𑒠𑒳𑒢𑒴 𑒑𑒼𑒙𑒹𑒏 𑒫𑒱𑒫𑒰𑒯 𑒑𑒰𑒖𑒰-𑒥𑒰𑒖𑒰𑒏 𑒮𑓀𑒑 𑒏𑒩𑒰 𑒠𑒻𑒞 𑒕𑒟𑒱 𑒂 𑒏𑒢𑓂𑒨𑒰𑒠𑒰𑒢 𑒏𑒩𑒻𑒞 𑒕𑒟𑒱 𑒥𑒖𑒰𑒩𑒲।
𑒠𑒼𑒮𑒩 𑒏𑒪𑓂𑒪𑒼𑒪: 𑒠𑒼𑒮𑒩 𑒏𑒪𑓂𑒪𑒼𑒪𑒏 𑒂𑒩𑒧𑓂𑒦 𑒯𑒼𑒃𑒞 𑒁𑒕𑒱 𑒋𑒯𑒱 𑒂𑒦𑒰𑒮𑒮𑒿, 𑒖𑒹 𑒏𑓂𑒨𑒼 𑒢𑒹𑒞𑒰 𑒧𑒩𑒪𑒰𑒏 𑒥𑒰𑒠 𑒂𑒥𑒋𑒥𑒪𑒰 𑒕𑒟𑒱, 𑒯𑒳𑒢𑒏𑒩 𑒠𑒳𑒢𑒴 𑒁𑒢𑒳𑒔𑒩 𑒧𑒵𑒞 𑒦𑒋 𑒂𑒥𑒱 𑒔𑒳𑒏𑒪 𑒕𑒟𑒱 𑒂 𑒢𑒹𑒞𑒰𑒖𑒲𑒏 𑒁𑒋𑒥𑒰𑒏 𑒮𑒦 𑒏𑓂𑒨𑒼 𑒣𑓂𑒩𑒞𑒲𑒏𑓂𑒭𑒰 𑒏𑒋 𑒩𑒯𑒪 𑒕𑒟𑒱, 𑒠𑒳𑒢𑒴 𑒁𑒢𑒳𑒔𑒩 𑒕𑒼𑒙-𑒧𑒼𑒙 𑒦𑒰𑒭𑒝 𑒠𑒋 𑒢𑒹𑒞𑒰𑒖𑒲𑒏 𑒫𑒱𑒪𑒧𑓂𑒥𑒮𑒿 𑒁𑒋𑒥𑒰𑒏 (𑒧𑒵𑒞𑓂𑒨𑒳𑒏 𑒥𑒰𑒠𑒼 !) 𑒏𑓂𑒭𑒞𑒱𑒣𑒴𑒩𑓂𑒞𑒱 𑒏𑒋 𑒩𑒯𑒪 𑒕𑒟𑒱, 𑒑𑒲𑒞𑒏 𑒨𑒼𑒑 𑒠𑒋। 𑒋𑒏𑒙𑒰 𑒑𑒲𑒞 𑒔𑒼𑒩 𑒢𑒯𑒱 𑒥𑒳𑒗𑒻𑒞 𑒕𑒟𑒱 𑒧𑒳𑒠𑒰 𑒦𑒱𑒐𑒧𑓀𑒑𑒢𑒲 𑒂 𑒩𑒠𑓂𑒠𑒲𑒥𑒪𑒰 𑒥𑒳𑒗𑒱 𑒖𑒰𑒃𑒞 𑒕𑒟𑒱, 𑒞𑒰𑒯𑒱 𑒣𑒩 𑒥𑒯𑒮 𑒬𑒳𑒩𑒴 𑒯𑒼𑒃𑒞 𑒁𑒕𑒱। 𑒔𑒼𑒩𑒏𑒹𑒿 𑒁𑒣𑒢𑒰𑒏𑒹𑒿 𑒔𑒼𑒩 𑒏𑒯𑒪𑒰𑒣𑒩 𑒂𑒣𑒞𑓂𑒞𑒱 𑒁𑒕𑒱 𑒂 𑒦𑒱𑒐𑒧𑓀𑒑𑒢𑒲𑒏𑒹𑒿 𑒍 𑒦𑒱𑒐-𑒧𑓀𑒑 𑒏𑒯𑒻𑒞 𑒁𑒕𑒱 𑒞𑒿 𑒦𑒱𑒐𑒧𑓀𑒑𑒢𑒲 𑒍𑒏𑒩𑒰 𑒩𑒼𑒏𑒱 𑒏𑒯𑒻𑒞 𑒕𑒟𑒱 𑒖𑒹 𑒍 𑒮𑒩𑒱𑒮𑒫𑒣𑒰𑒯𑒲𑒏 𑒁𑒢𑒮𑒴𑒨𑒰 𑒕𑒟𑒱, 𑒧𑒱𑒟𑒱𑒪𑒰-𑒔𑒱𑒞𑓂𑒩𑒏𑒰𑒩, 𑒧𑒳𑒠𑒰 𑒠𑒱𑒪𑓂𑒪𑒲𑒏 𑒁𑒬𑒼𑒏𑒥𑒮𑓂𑒞𑒲 𑒂𑒥𑒱 𑒥𑒳𑒗𑒪𑒢𑓂𑒯𑒱 𑒖𑒹 𑒋𑒯𑒱 𑒢𑒑𑒩𑒧𑒹 𑒏𑒪𑒰-𑒫𑒮𑓂𑒞𑒳 𑒏𑓂𑒨𑒼 𑒢𑒯𑒱 𑒏𑒱𑒢𑒻𑒞 𑒁𑒕𑒱 𑒂 𑒞𑒐𑒢 𑒔𑒾𑒥𑒙𑒱𑒨𑒰𑒏 𑒦𑒱𑒐𑒧𑓀𑒑𑒢𑒲 𑒥𑒢𑒱 𑒩𑒯𑒱 𑒑𑒹𑒪𑒲𑒯। 𑒔𑒼𑒩 𑒏𑒯𑒻𑒞 𑒁𑒕𑒱 𑒖𑒹 𑒧𑒰𑒞𑓂𑒩 𑒍 𑒥𑒠𑒢𑒰𑒧 𑒕𑒟𑒱, 𑒔𑒼𑒩𑒱 𑒞𑒿 𑒮𑒦 𑒏𑒩𑒻𑒞 𑒁𑒕𑒱। 𑒢𑒫 𑒥𑒰𑒞 𑒏𑒼𑒢𑒼 𑒢𑒯𑒱 𑒁𑒕𑒱, 𑒮𑒦 𑒁𑒕𑒱 𑒣𑒳𑒩𑒢𑒏𑒰𑒏 𑒔𑒼𑒩𑒱। 𑒞𑒏𑒩 𑒥𑒰𑒠 𑒢𑒹𑒞𑒰𑒖𑒲 𑒣𑒯𑒳𑒿𑒔𑒱 𑒖𑒰𑒃𑒞 𑒕𑒟𑒱 𑒂 𑒪𑒼𑒏𑒏 𑒔𑒼𑒩, 𑒅𑒔𑒏𑓂𑒏𑒰 𑒂 𑒣𑒰𑒏𑒹𑒙𑒧𑒰𑒩 𑒯𑒼𑒋𑒥𑒰𑒏 𑒏𑒰𑒩𑒝 𑒮𑒧𑒰𑒖𑒏 𑒮𑓂𑒟𑒱𑒞𑒱𑒏𑒹𑒿 𑒏𑒯𑒻𑒞 𑒕𑒟𑒱। 𑒞𑒐𑒢𑒹 𑒋𑒏𑒙𑒰 𑒫𑒰𑒧𑒣𑓀𑒟𑒲 𑒁𑒥𑒻𑒞 𑒕𑒟𑒱 𑒂 𑒍 𑒄 𑒠𑒹𑒐𑒱 𑒏𑓂𑒭𑒳𑒥𑓂𑒡 𑒕𑒟𑒱 𑒖𑒹 𑒢𑒹𑒞𑒰𑒖𑒲 𑒔𑒼𑒩, 𑒅𑒔𑒏𑓂𑒏𑒰 𑒂 𑒣𑒰𑒏𑒹𑒙𑒧𑒰𑒩𑒮𑒿 𑒒𑒱𑒩𑒪 𑒕𑒟𑒱। 𑒧𑒳𑒠𑒰 𑒔𑒼𑒩 𑒁𑒣𑒢 𑒞𑒩𑓂𑒏 𑒪𑒋 𑒣𑒳𑒢𑓁 𑒣𑓂𑒩𑒮𑓂𑒞𑒳𑒞 𑒯𑒼𑒃𑒞 𑒁𑒕𑒱 𑒂 𑒢𑒹𑒞𑒰𑒖𑒲𑒏 𑒩𑒰𑒐𑒪 “𑒔𑒼𑒩-𑒣𑒳𑒩𑒰𑒝” 𑒢𑒰𑒧𑒏 𑒂𑒡𑒰𑒩𑒣𑒩 𑒥𑒖𑒰𑒩𑒲 𑒖𑒲 𑒑𑒲𑒞 𑒬𑒳𑒩𑒴 𑒏𑒋 𑒠𑒻𑒞 𑒕𑒟𑒱।
𑒞𑒹𑒮𑒩 𑒏𑒪𑓂𑒪𑒼𑒪: 𑒂𑒥 𑒢𑒹𑒞𑒰𑒖𑒲 𑒂 𑒫𑒰𑒧𑒣𑓀𑒟𑒲𑒧𑒹 𑒑𑒚𑒥𑓀𑒡𑒢 𑒂 𑒫𑒰𑒧𑒣𑓀𑒟𑒲 𑒠𑓂𑒫𑒰𑒩𑒰 𑒮𑒩𑒏𑒰𑒩𑒏 𑒥𑒰𑒯𑒩𑒮𑒿 𑒠𑒹𑒪 𑒮𑒧𑒩𑓂𑒟𑒢𑒣𑒩 𑒔𑒩𑒔𑒰 𑒬𑒳𑒩𑒴 𑒦𑒋 𑒖𑒰𑒃𑒞 𑒁𑒕𑒱। 𑒢𑒹𑒞𑒰𑒖𑒲 𑒤𑒹𑒩 𑒑𑒲𑒞𑒧𑒨 𑒯𑒼𑒃𑒞 𑒕𑒟𑒱 𑒂𑒏𑒱 𑒞𑒐𑒢𑒹 𑒮𑓂𑒙𑓀𑒙-𑒮𑒲𑒢 𑒏𑒩𑒻𑒞 𑒋𑒏𑒙𑒰 𑒧𑒳𑒃𑒪 𑒁𑒦𑒱𑒢𑒹𑒞𑒰 𑒫𑒱𑒫𑒹𑒏 𑒏𑒳𑒧𑒰𑒩𑒏 𑒁𑒋𑒪𑒰𑒮𑒿 𑒂𑒏𑒩𑓂𑒭𑒝 𑒍𑒧𑓂𑒯𑒩 𑒔𑒪𑒱 𑒖𑒰𑒃𑒞 𑒁𑒕𑒱। 𑒙𑒙𑒏𑒰-𑒥𑓂𑒩𑒹𑒏𑒱𑓀𑒑 𑒢𑓂𑒨𑒴𑒖 𑒠𑒹𑒥𑒰𑒏 𑒧𑒖𑒥𑒴𑒩𑒲𑒣𑒩 𑒢𑒹𑒞𑒰𑒖𑒲 𑒫𑓂𑒨𑓀𑒑𑓂𑒨 𑒏𑒩𑒻𑒞 𑒕𑒟𑒱। 𑒫𑒰𑒧𑒣𑓀𑒟𑒲 𑒠𑒴 𑒥𑒹𑒩 𑒠𑒴 𑒑𑒼𑒙 𑒑𑒣- 𑒢𑒫 𑒑𑒣 𑒏𑒯𑒱 𑒖𑒰𑒃𑒞 𑒕𑒟𑒱, 𑒋𑒏 𑒖𑒹 𑒥𑒱𑒢 𑒁𑒦𑒱𑒢𑒹𑒞𑒰 𑒥𑒢𑒢𑒹 𑒏𑓂𑒨𑒼 𑒢𑒹𑒞𑒰 𑒢𑒯𑒱 𑒥𑒢𑒱 𑒮𑒏𑒻𑒞 𑒁𑒕𑒱 𑒂 𑒠𑒼𑒮𑒩 𑒖𑒹 𑒔𑒼𑒩 𑒢𑒹𑒞𑒰 𑒢𑒯𑒱 𑒥𑒢𑒱 𑒮𑒏𑒻𑒕 (𑒄 𑒔𑒼𑒩 𑒏𑒯𑒻𑒞 𑒁𑒕𑒱) 𑒧𑒳𑒠𑒰 𑒢𑒹𑒞𑒰 𑒮𑒦 𑒞𑒿 𑒔𑒼𑒩𑒱 𑒏𑒩𑒥𑒰𑒧𑒹 𑒏𑒏𑒩𑒼𑒮𑒿 𑒣𑒰𑒕𑒰𑒿 𑒢𑒯𑒱 𑒕𑒟𑒱। 𑒞𑒐𑒢𑒹 𑒋𑒏𑒙𑒰 𑒅𑒔𑓂𑒔 𑒫𑓀𑒬𑒲𑒨 𑒧𑒯𑒱𑒪𑒰 𑒁𑒥𑒻𑒞 𑒕𑒟𑒱 𑒂 𑒯𑒳𑒢𑒏𑒩 𑒣𑓂𑒩𑒬𑓂𑒢𑒼𑒞𑓂𑒞𑒩𑒏 𑒥𑒰𑒠 𑒋𑒏𑒙𑒰 𑒮𑒰𑒧𑒰𑒢𑓂𑒨 𑒏𑓂𑒨𑒴𑒏 𑒮𑓀𑒑 𑒋𑒏𑒙𑒰 𑒫𑒲.𑒂𑒃.𑒣𑒲.𑒏𑓂𑒨𑒴 𑒥𑒢𑒱 𑒖𑒰𑒃𑒞 𑒁𑒕𑒱। 𑒁𑒦𑒱𑒢𑒹𑒞𑒰, 𑒢𑒹𑒞𑒰 𑒂 𑒫𑒰𑒧𑒣𑓀𑒟𑒲 𑒮𑒦 𑒫𑒲.𑒂𑒃.𑒣𑒲.𑒏𑓂𑒨𑒴𑒧𑒹 𑒚𑒰𑒜𑓃 𑒦𑓄 𑒖𑒰𑒃𑒞 𑒕𑒟𑒱 ! 𑒄 𑒣𑒳𑒕𑒪𑒰𑒣𑒩 𑒖𑒹 𑒣𑓀𑒏𑓂𑒞𑒱 𑒏𑒱𑒋𑒏 𑒥𑒢𑒪 𑒁𑒕𑒱 (?) 𑒞𑒰𑒯𑒱𑒣𑒩 𑒔𑒼𑒩-𑒣𑒰𑒏𑒹𑒙𑒧𑒰𑒩 𑒏𑒯𑒻𑒞 𑒕𑒟𑒱 𑒖𑒹 𑒯𑒳𑒢𑒏𑒰 𑒪𑒼𑒏𑒢𑒱𑒏𑒹𑒿 𑒣𑓀𑒏𑓂𑒞𑒱 𑒥𑒢𑒋𑒥𑒰𑒏 (𑒂 𑒞𑒼𑒛𑓃𑒥𑒰𑒏 𑒮𑒹𑒯𑒼) 𑒁𑒦𑓂𑒨𑒰𑒮 𑒕𑒢𑓂𑒯𑒱।
𑒔𑒞𑒳𑒩𑓂𑒟 𑒏𑒪𑓂𑒪𑒼𑒪: 𑒨𑒧𑒩𑒰𑒖 𑒮𑒦𑒏 𑒐𑒰𑒞𑒰-𑒐𑒹𑒮𑒩𑒰 𑒠𑒹𑒐𑒱 𑒪𑒻𑒞 𑒕𑒟𑒱 𑒂 𑒔𑒱𑒞𑓂𑒩𑒑𑒳𑒣𑓂𑒞 𑒄 𑒩𑒯𑒮𑓂𑒨𑒼𑒠𑓂𑒒𑒰𑒙𑒢 𑒏𑒩𑒻𑒞 𑒕𑒟𑒱 𑒖𑒹 𑒋𑒏 𑒨𑒳𑒑 𑒕𑒪 𑒖𑒐𑒢 𑒮𑒼𑒗𑒰𑒿𑒏 𑒠𑒩𑒥𑒖𑓂𑒖𑒰 𑒐𑒳𑒖𑒱𑒞𑒼 𑒕𑒪 𑒂 𑒥𑒢𑓂𑒢 𑒮𑒹𑒯𑒼 𑒯𑒼𑒃𑒞 𑒕𑒪। 𑒢𑓀𑒠𑒲 𑒦𑒵𑓀𑒑𑒲 𑒣𑒯𑒱𑒢𑒯𑒱 𑒮𑒴𑒔𑒱𑒞 𑒏𑒋 𑒠𑒹𑒪𑒢𑓂𑒯𑒱 𑒖𑒹 𑒮𑒼𑒗𑒰𑒿𑒏 𑒠𑒩𑒥𑒖𑓂𑒖𑒰 𑒮𑓂𑒫𑒣𑓂𑒢 𑒢𑒯𑒱, 𑒧𑒰𑒞𑓂𑒩 𑒥𑒳𑒗𑒥𑒰𑒏 𑒠𑒼𑒭 𑒕𑒪। 𑒠𑒩𑒥𑒖𑓂𑒖𑒰𑒏 𑒍𑒯𑒱 𑒣𑒰𑒩 𑒏𑒲 𑒁𑒕𑒱 𑒞𑒰𑒯𑒱 𑒫𑒱𑒭𑒨𑒧𑒹 𑒮𑒦 𑒏𑓂𑒨𑒼 𑒁𑒣𑒢𑒰-𑒁𑒣𑒢𑒰 𑒯𑒱𑒮𑒰𑒥𑒮𑒿 𑒅𑒞𑓂𑒞𑒩 𑒠𑒻𑒞 𑒕𑒟𑒱। 𑒔𑒱𑒞𑓂𑒩𑒑𑒳𑒣𑓂𑒞 𑒏𑒯𑒻𑒞 𑒕𑒟𑒱 𑒖𑒹 𑒮𑒦𑒏 𑒫𑒩𑓂𑒝𑒢𑒏 𑒮𑒦 𑒫𑒮𑓂𑒞𑒳 𑒕𑒻 𑒍𑒯𑒱𑒣𑒰𑒩। 𑒢𑓀𑒠𑒲-𑒦𑒵𑓀𑒑𑒲 𑒮𑒴𑒔𑒱𑒞 𑒏𑒩𑒻𑒞 𑒕𑒟𑒱 𑒖𑒹 𑒋𑒯𑒱 𑒑𑒹𑒙𑒧𑒹 𑒣𑓂𑒩𑒫𑒹𑒬 𑒢𑒱𑒭𑒹𑒡 𑒕𑒻, 𑒢𑒼 𑒋𑒝𑓂𑒙𑓂𑒩𑒲 𑒏𑒹𑒩 𑒥𑒼𑒩𑓂𑒛 𑒪𑒰𑒑𑒪 𑒕𑒻। 𑒂𑒯𑒱 𑒩𑒹 𑒥𑓂𑒥𑒰! 𑒂𑒥 𑒏𑒲 𑒯𑒼𑒁𑒋 ! 𑒢𑒹𑒞𑒰𑒖𑒲𑒏𑒹𑒿 𑒣𑒚𑒰𑒍𑒪 𑒖𑒰𑒃𑒞 𑒕𑒢𑓂𑒯𑒱 𑒨𑒧𑒩𑒰𑒖𑒏 𑒮𑒼𑒗𑒰𑒿, 𑒧𑒳𑒠𑒰 𑒯𑒳𑒢𑒏𑒩 𑒮𑒩𑒮𑓂𑒫𑒞𑒲 𑒍𑒞𑒋 𑒧𑒢𑓂𑒠 𑒦𑒋 𑒖𑒰𑒃𑒞 𑒕𑒢𑓂𑒯𑒱। 𑒥𑒠𑒩𑒲 𑒫𑒱𑒬𑒰𑒪 𑒧𑒱𑒬𑓂𑒩 𑒣𑓂𑒩𑒮𑒱𑒠𑓂𑒡 𑒢𑒹𑒞𑒰𑒖𑒲, 𑒏𑒹𑒩 𑒐𑒱𑓀𑒔𑒰𑒄 𑒬𑒳𑒩𑒴 𑒯𑒼𑒃𑒞 𑒕𑒢𑓂𑒯𑒱 𑒁𑒮𑒪𑒲 𑒏𑒹𑒩 𑒥𑒠𑒪𑒰 𑒮𑒩𑓂𑒙𑒱𑒤𑒱𑒏𑒹𑒙 𑒥𑒪𑒰 𑒏𑒧 𑒏𑒋 𑒪𑒱𑒐𑒰𑒍𑒪 𑒅𑒧𑒩𑒱𑒣𑒩। 𑒣𑒔𑒣𑒢 𑒥𑒩𑒱𑒐 𑒂𑒨𑒳 𑒂 𑒬𑒬 𑒨𑒼𑒑 𑒏𑒯𑒻𑒞 𑒁𑒕𑒱 𑒖𑒹 𑒮𑒞𑓂𑒞𑒩𑒱 𑒮𑒹 𑒆𑒣𑒩 𑒖𑒲𑒞𑒰𑒯 𑒮𑒹 𑒍 𑒂 𑒮𑓀𑒑𑒧𑒹 𑒧𑒵𑒞 𑒔𑒰𑒩𑒴 𑒮𑒻𑒢𑒱𑒏𑒏𑒹𑒿 𑒂𑒣𑒱𑒮 𑒣𑒚𑒰 𑒠𑒹𑒪 𑒖𑒰𑒃𑒞 𑒁𑒕𑒱। 𑒠𑒴𑒙𑒰 𑒮𑒻𑒢𑒱𑒏 𑒢𑒹𑒞𑒰𑒖𑒲𑒏 𑒮𑓀𑒑 𑒔𑒪𑒱 𑒖𑒰𑒃𑒞 𑒕𑒟𑒱 𑒂 𑒠𑒴 𑒙𑒰 𑒁𑒢𑒳𑒔𑒩 𑒮𑒹𑒯𑒼 𑒖𑒰𑒋 𑒔𑒰𑒯𑒻𑒞 𑒁𑒕𑒱। 𑒧𑒳𑒠𑒰 𑒢𑒹𑒞𑒰𑒖𑒲𑒏 𑒁𑒢𑒳𑒔𑒩 𑒮𑒦𑒏 𑒁𑒣𑒩𑒰𑒡 𑒥𑒛𑓃 𑒦𑒰𑒩𑒲, 𑒮𑒹 𑒔𑒱𑒞𑓂𑒩𑒑𑒳𑒣𑓂𑒞𑒏 𑒂𑒠𑒹𑒬𑒣𑒩 𑒢𑓀𑒠𑒲-𑒦𑒵𑓀𑒑𑒲 𑒯𑒳𑒢𑒏𑒰 𑒪𑒋, 𑒏𑒩𑒰𑒯𑒲𑒧𑒹 𑒦𑒳𑒖𑒥𑒰𑒏 𑒪𑒹𑒪 𑒥𑒰𑒯𑒩 𑒪𑒋 𑒖𑒰𑒃𑒞 𑒕𑒟𑒱 𑒞𑒿 𑒥𑒰𑒿𑒔𑒪 𑒠𑒳𑒢𑒴 𑒮𑒻𑒢𑒱𑒏 𑒯𑒳𑒢𑒏𑒰 𑒣𑒏𑒛𑓃𑒱 𑒏𑒹𑒿 𑒪𑒋 𑒖𑒰𑒃𑒞 𑒕𑒟𑒱 𑒂 𑒢𑓀𑒠𑒲-𑒦𑒵𑓀𑒑𑒲 𑒤𑒹𑒩 𑒧𑓀𑒔𑒣𑒩 𑒒𑒳𑒩𑒱 𑒁𑒥𑒻𑒞 𑒕𑒟𑒱। 𑒞𑒯𑒱𑒢𑒰 𑒞𑒩𑓂𑒏𑒏 𑒥𑒰𑒠 𑒣𑓂𑒩𑒹𑒧𑒲-𑒣𑓂𑒩𑒹𑒧𑒱𑒏𑒰, 𑒠𑒳𑒢𑒴 𑒦𑒠𑓂𑒩 𑒣𑒳𑒩𑒳𑒭 𑒂 𑒥𑒖𑒰𑒩𑒲𑒏𑒹𑒿 𑒮𑒹𑒯𑒼 𑒞𑓂𑒩𑒰𑒝 𑒦𑒹𑒙𑒻𑒞 𑒕𑒢𑓂𑒯𑒱 𑒜𑒼𑒪-𑒣𑒱𑒣𑒯𑒲𑒏 𑒮𑓀𑒑 𑒯𑒳𑒢𑒏𑒰 𑒥𑒰𑒯𑒩 𑒪𑒋 𑒑𑒹𑒪 𑒖𑒰𑒃𑒞 𑒁𑒕𑒱। 𑒂𑒥 𑒢𑒢𑓂𑒠𑒲 𑒖𑒐𑒢 𑒁𑒦𑒱𑒢𑒹𑒞𑒰𑒏 𑒢𑒰𑒧 𑒫𑒱𑒫𑒹𑒏 𑒏𑒳𑒧𑒰𑒩 𑒅𑒩𑓂𑒤...𑒥𑒖𑒻𑒞 𑒕𑒟𑒱 𑒞𑒿 𑒁𑒦𑒱𑒢𑒹𑒞𑒰 𑒖𑒲 𑒩𑒼𑒏𑒱 𑒠𑒻𑒞 𑒕𑒟𑒱, 𑒖𑒹 𑒏𑒞𑒹𑒏 𑒧𑒹𑒯𑒢𑒞𑒱𑒮𑒿 𑒖𑒰𑒞𑒱 𑒯𑒳𑒢𑒏𑒩 𑒣𑒰𑒕𑒰𑒿 𑒕𑒼𑒛𑓃𑒱 𑒮𑒏𑒪 𑒁𑒕𑒱, 𑒮𑒹 𑒅𑒩𑓂𑒤 𑒞𑒿 𑒕𑒼𑒛𑓃𑒱𑒋 𑒠𑒹𑒪 𑒖𑒰𑒋। 𑒫𑒰𑒧𑒣𑓀𑒟𑒲 𑒑𑒼𑒭𑓂𑒚𑒲𑒏𑒹𑒿 𑒁𑒦𑒱𑒢𑒹𑒞𑒰 𑒠𑓂𑒫𑒰𑒩𑒰 𑒧𑒠𑒞𑒱 𑒏𑒹𑒩 𑒫𑒱𑒫𑒩𑒝𑒣𑒩 𑒫𑒰𑒧𑒣𑓀𑒟𑒲 𑒣𑓂𑒩𑒞𑒱𑒫𑒰𑒠 𑒏𑒩𑒻𑒞 𑒕𑒟𑒱। 𑒯𑒳𑒢𑒏𑒼 𑒣𑒚𑒰 𑒠𑒹𑒪 𑒖𑒰𑒃𑒞 𑒕𑒢𑒱। 𑒫𑒰𑒧𑒣𑓀𑒟𑒲𑒏 𑒏𑒲 𑒯𑒹𑒞𑒢𑓂𑒯𑒱, 𑒯𑒳𑒢𑒏𑒩 𑒏𑒟𑒰𑒧𑒹 𑒞𑒿 𑒢𑒹 𑒮𑓂𑒫𑒩𑓂𑒑-𑒢𑒩𑓂𑒏 𑒁𑒕𑒱 𑒂 𑒢𑒹 𑒨𑒧𑒩𑒰𑒖-𑒔𑒱𑒞𑓂𑒩𑒑𑒳𑒣𑓂𑒞। 𑒯𑒳𑒢𑒏𑒰 𑒁𑒣𑒢 𑒦𑒫𑒱𑒭𑓂𑒨𑒏 𑒢𑒱𑒩𑓂𑒝𑒨 𑒮𑓂𑒫𑒨𑓀 𑒏𑒩𑒥𑒰𑒏 𑒁𑒫𑒮𑒩 𑒠𑒹𑒪 𑒖𑒰𑒃𑒞 𑒕𑒢𑓂𑒯𑒱। 𑒧𑒳𑒠𑒰 𑒫𑒰𑒧𑒣𑓀𑒟𑒲 𑒏𑒯𑒻𑒞 𑒕𑒟𑒱 𑒖𑒹 𑒯𑒳𑒢𑒏𑒩 𑒬𑒱𑒏𑓂𑒭𑒰 𑒂𑒢 𑒣𑓂𑒩𑒏𑒰𑒩𑒏 𑒕𑒪𑒢𑓂𑒯𑒱, 𑒧𑒳𑒠𑒰 𑒋𑒐𑒢 𑒖𑒹 𑒮𑒼𑒗𑒰𑒿 𑒒𑒙𑒱𑒞 𑒦𑒋 𑒩𑒯𑒪 𑒕𑒢𑓂𑒯𑒱 𑒞𑒰𑒯𑒱𑒣𑒩 𑒏𑒼𑒢𑒰 𑒁𑒫𑒱𑒬𑓂𑒫𑒰𑒮 𑒏𑒩𑒟𑒳? 𑒧𑒳𑒠𑒰 𑒨𑒧𑒩𑒰𑒖 𑒏𑒯𑒻𑒞 𑒕𑒟𑒱 𑒖𑒹- 𑒦𑓄 𑒮𑒏𑒻𑒞 𑒁𑒕𑒱, 𑒖𑒹 𑒁𑒯𑒰𑒿 𑒠𑒹𑒐𑒱 𑒩𑒯𑒪 𑒕𑒲 𑒮𑒹 𑒠𑒳𑓁𑒮𑓂𑒫𑒣𑓂𑒢 𑒯𑒼𑒁𑒋, 𑒖𑒞𑒋 𑒣𑒻𑒮𑒻𑒞 𑒖𑒰𑒋𑒥 𑒍𑒞𑒋 𑒪𑒱𑒐𑒪 𑒁𑒕𑒱 𑒢𑒼 𑒋𑒝𑓂𑒙𑓂𑒩𑒲। 𑒂𑒥 𑒨𑒧𑒩𑒰𑒖 𑒣𑓂𑒩𑒬𑓂𑒢 𑒣𑒳𑒕𑒻𑒞 𑒕𑒟𑒱 𑒖𑒹 𑒫𑒱𑒭𑒧 𑒏𑒹, 𑒧𑒢𑒳𑒏𑓂𑒐 𑒂𑒏𑒱 𑒣𑓂𑒩𑒏𑒵𑒞𑒱 ? 𑒫𑒰𑒧𑒣𑓀𑒟𑒲 𑒏𑒯𑒻𑒞 𑒕𑒟𑒱 𑒖𑒹 𑒠𑒳𑒢𑒴, 𑒧𑒳𑒠𑒰 𑒣𑓂𑒩𑒏𑒵𑒞𑒱𑒧𑒹 𑒞𑒿 𑒢𑒹𑒔𑒳𑒩𑒪 𑒖𑒮𑓂𑒙𑒱𑒮 𑒏𑒠𑒰𑒔𑒱𑒞𑓂 𑒯𑒼𑒃𑒞𑒼 𑒕𑒻 𑒧𑒳𑒠𑒰 𑒧𑒢𑒳𑒏𑓂𑒐𑒏 𑒮𑓂𑒫𑒦𑒰𑒫𑒧𑒹 𑒮𑒹 𑒑𑒳𑒢𑓂𑒖𑒰𑒃𑒬 𑒏𑒞𑒋 ? 𑒧𑒳𑒠𑒰 𑒫𑒰𑒧𑒣𑓀𑒟𑒲 𑒩𑒰𑒖𑒢𑒲𑒞𑒱 𑒋𑒏𑒩 (𑒮𑒧𑒰𑒢𑒞𑒰𑒏, 𑒮𑒳𑒡𑒰𑒩 𑒏𑒹𑒩) 𑒣𑓂𑒩𑒨𑒰𑒮 𑒏𑒩𑒻𑒞 𑒁𑒕𑒱। 𑒞𑒰𑒯𑒱𑒣𑒩 𑒯𑒳𑒢𑒏𑒰 𑒮𑓀𑒑 𑒔𑒼𑒩-𑒅𑒔𑒏𑓂𑒏𑒰 𑒂 𑒣𑒰𑒏𑒹𑒙𑒧𑒰𑒩𑒏𑒹𑒿 𑒣𑒚𑒰𑒍𑒪 𑒖𑒰𑒃𑒞 𑒁𑒕𑒱, 𑒄 𑒁𑒫𑒮𑒩 𑒠𑒻𑒞 𑒖𑒹 𑒯𑒱𑒢𑒏𑒰 𑒮𑒦𑒏𑒹𑒿 𑒥𑒠𑒪𑒴। 𑒔𑒼𑒩 𑒏𑒢𑒹𑒏 𑒖𑒰𑒋𑒧𑒹 𑒃𑒞𑒮𑓂𑒞𑓁 𑒏𑒩𑒻𑒞 𑒁𑒕𑒱 𑒂 𑒄 𑒖𑒱𑒖𑓂𑒘𑒰𑒮𑒰 𑒏𑒩𑒻𑒞 𑒁𑒕𑒱 𑒖𑒹 𑒯𑒧 𑒮𑒦 𑒞𑒿 𑒖𑒰𑒃𑒋 𑒩𑒯𑒪 𑒕𑒲 𑒧𑒳𑒠𑒰 𑒋𑒯𑒱𑒮𑒿 𑒂𑒑𑒰𑒿 ? 𑒢𑓀𑒠𑒲-𑒔𑒱𑒞𑓂𑒩𑒑𑒳𑒣𑓂𑒞-𑒨𑒧𑒩𑒰𑒖 𑒮𑒧𑒫𑒹𑒞 𑒮𑓂𑒫𑒩𑒧𑒹 𑒏𑒯𑒻𑒞 𑒕𑒟𑒱- 𑒢𑒼 𑒋𑒝𑓂𑒙𑓂𑒩𑒲। 𑒦𑒵𑓀𑒑𑒲 𑒞𑒐𑒢𑒹 𑒁𑒥𑒻𑒞 𑒕𑒟𑒱, 𑒁𑒦𑒱𑒢𑒹𑒞𑒰𑒏𑒹𑒿 𑒕𑒼𑒛𑓃𑒢𑒹। 𑒨𑒧𑒩𑒰𑒖 𑒏𑒯𑒻𑒞 𑒕𑒟𑒱 - 𑒧𑒰 𑒣𑓂𑒩𑒫𑒱𑒬। 𑒦𑒵𑓀𑒑𑒲 𑒢𑒲𑒔𑒰𑒿𑒧𑒹 𑒯𑒼𑒃𑒞 𑒔𑒩𑒔𑒰𑒏 𑒑𑒣 𑒏𑒯𑒻𑒞 𑒁𑒕𑒱, 𑒖𑒹 𑒋𑒞𑒳𑒏𑓂𑒏𑒰 𑒢𑒱𑒁𑒧 𑒥𑒠𑒪𑒪 𑒖𑒋𑒥𑒰𑒏 𑒂 𑒏𑒞𑒹𑒏 𑒑𑒼𑒙𑒹𑒏𑒹𑒿 𑒣𑒵𑒟𑓂𑒫𑒲𑒣𑒩 𑒒𑒳𑒩𑒋 𑒠𑒹𑒪 𑒖𑒋𑒥𑒰𑒏 𑒔𑒩𑒔𑒰 𑒮𑒩𑓂𑒫𑒞𑓂𑒩 𑒦𑒋 𑒩𑒯𑒪 𑒁𑒕𑒱। 𑒨𑒧𑒠𑒴𑒞 𑒮𑒦 𑒁𑒢𑒹𑒩𑒹 𑒏𑒛𑓃𑒰𑒯 𑒪𑒑 𑒚𑒰𑒜𑓃 𑒕𑒟𑒱 𑒏𑓂𑒨𑒼 𑒦𑒳𑒖𑒋 𑒪𑒹𑒪 𑒏𑒯𑒰𑒿 𑒦𑒹𑒙𑒪 𑒕𑒢𑓂𑒯𑒱 (𑒧𑒰𑒞𑓂𑒩 𑒠𑒴 𑒙𑒰 𑒁𑒢𑒳𑒔𑒩 𑒕𑒼𑒛𑓃𑒱)। 𑒂𑒥 𑒏𑓂𑒨𑒼 𑒢𑒯𑒱 𑒂𑒥𑒋 𑒥𑒪𑒰 𑒥𑒔𑒪 𑒁𑒕𑒱, 𑒮𑒹 𑒮𑒦 𑒏𑒯𑒻𑒞 𑒕𑒟𑒱। 𑒔𑒱𑒞𑓂𑒩𑒑𑒳𑒣𑓂𑒞 𑒁𑒣𑒢 𑒢𑒧𑒯𑒩 𑒠𑒰𑒜𑓃𑒲 𑒂 𑒨𑒧𑒩𑒰𑒖 𑒁𑒣𑒢 𑒧𑒳𑒏𑒳𑒙 𑒅𑒞𑒰𑒩𑒱 𑒪𑒻𑒞 𑒕𑒟𑒱 𑒂 𑒮𑓂𑒫𑒰𑒦𑒰𑒫𑒱𑒏 𑒧𑒢𑒳𑒏𑓂𑒐 𑒩𑒴𑒣𑒧𑒹 𑒂𑒥𑒱 𑒖𑒰𑒃𑒞 𑒕𑒟𑒱! 𑒧𑒳𑒠𑒰 𑒔𑒱𑒞𑓂𑒩𑒑𑒳𑒣𑓂𑒞𑒏 𑒧𑒹𑒏𑒣 𑒥𑒪𑒰 𑒢𑒧𑒯𑒩 𑒠𑒰𑒜𑓃𑒲 𑒠𑒹𑒐𑒱 𑒦𑒱𑒐𑒧𑓀𑒑𑒢𑒲 𑒖𑒹 𑒍𑒞𑒋 𑒕𑒪𑒲𑒯, 𑒯𑒿𑒮𑒱 𑒠𑒻𑒞 𑒕𑒟𑒱। 𑒦𑒵𑓀𑒑𑒲 𑒅𑒠𑓂𑒒𑒰𑒙𑒢 𑒏𑒩𑒻𑒞 𑒕𑒟𑒱 𑒖𑒹 𑒦𑒱𑒐𑒧𑓀𑒑𑒢𑒲 𑒯𑒳𑒢𑒏𑒹 𑒮𑒦 𑒖𑒹𑒏𑒰𑒿 𑒏𑒪𑒰𑒏𑒰𑒩 𑒕𑒟𑒱 ! 𑒏𑒼𑒢 𑒁𑒦𑒱𑒢𑒨 ! 𑒞𑒏𑒩 𑒫𑒱𑒫𑒩𑒝 𑒧𑒳𑒯𑒥𑓂𑒥𑒞 𑒂 𑒑𑒳𑒠𑒑𑒳𑒠𑒲𑒣𑒩 𑒐𑒞𑒧 𑒯𑒼𑒃𑒞 𑒁𑒕𑒱, 𑒞𑒿 𑒦𑒱𑒐𑒧𑓀𑒑𑒢𑒲 𑒏𑒯𑒻𑒞 𑒕𑒟𑒱 𑒖𑒹 𑒢𑒯𑒱 𑒋𑒯𑒱 𑒞𑒩𑒯𑒏 𑒁𑒦𑒱𑒢𑒨 𑒞𑒿 𑒍𑒞𑒋 (𑒠𑒹𑒐𑒰 𑒏𑒋) 𑒦𑓄 𑒩𑒯𑒪 𑒁𑒕𑒱। 𑒍𑒞𑓂𑒞𑓄 𑒩𑒧𑒝𑒲 𑒧𑒼𑒯𑒢 𑒂 𑒅𑒔𑓂𑒔𑒫𑓀𑒬𑒲𑒨 𑒧𑒯𑒱𑒪𑒰 𑒢𑒱𑒦𑒰𑒏 𑒩𑒼𑒧𑒰𑓀𑒮 𑒔𑒪𑒱 𑒩𑒯𑒪 𑒁𑒕𑒱। 𑒧𑒳𑒠𑒰 𑒢𑒱𑒦𑒰𑒖𑒲 𑒞𑒿 𑒥𑒖𑒱𑒞𑒹 𑒢𑒯𑒱 𑒕𑒟𑒱। 𑒦𑒱𑒐𑒧𑓀𑒑𑒢𑒲 𑒨𑒧𑒩𑒰𑒖𑒮𑒿 𑒏𑒯𑒻𑒞 𑒕𑒟𑒱 𑒖𑒹 𑒍 𑒞𑒐𑒢𑒹 𑒥𑒖𑒞𑒲𑒯 𑒖𑒐𑒢 𑒋𑒯𑒱 𑒠𑒩𑒥𑒖𑓂𑒖𑒰𑒏 𑒞𑒰𑒪𑒰𑒏 𑒔𑒰𑒦𑒲 𑒯𑒳𑒢𑒏𑒰 𑒦𑒹𑒙𑒞𑒢𑓂𑒯𑒱, 𑒥𑒳𑒗𑒞𑒲𑒯 𑒖𑒹 𑒁𑒣𑒮𑒩𑒰 𑒥𑒢𑒥𑒰𑒧𑒹 𑒨𑒧𑒩𑒰𑒖 𑒧𑒠𑒞𑒱 𑒠𑒋 𑒮𑒏𑒻𑒞 𑒕𑒟𑒱, 𑒄 𑒩𑒧𑒝𑒲𑒏 𑒯𑒵𑒠𑒨 𑒟𑒱𑒏 𑒋𑒞𑒯𑒳 𑒢𑒼 𑒋𑒝𑓂𑒙𑓂𑒩𑒲 ! 𑒨𑒧𑒩𑒰𑒖 𑒐𑒐𑒮𑒻𑒞 𑒕𑒟𑒱, 𑒞𑒿 𑒔𑒱𑒞𑓂𑒩𑒑𑒳𑒣𑓂𑒞 𑒥𑒳𑒗𑒱 𑒖𑒰𑒃𑒞 𑒕𑒟𑒱 𑒖𑒹 𑒨𑒧𑒩𑒰𑒖 “𑒣𑓀𑒔𑒬𑒩”𑒮𑒿 𑒑𑓂𑒩𑒮𑒱𑒞 𑒦𑒋 𑒑𑒹𑒪 𑒕𑒟𑒱 ! 𑒔𑒱𑒞𑓂𑒩𑒑𑒳𑒣𑓂𑒞𑒏 𑒏𑒯𑒪𑒰 𑒅𑒞𑓂𑒞𑒩 𑒮𑒦 𑒏𑓂𑒨𑒼 𑒋𑒏 𑒏𑒰𑒞 𑒪𑒋 𑒖𑒰𑒍𑒪 𑒖𑒰𑒃𑒞 𑒕𑒟𑒱 𑒧𑒰𑒞𑓂𑒩 𑒨𑒧𑒩𑒰𑒖 𑒂 𑒢𑒱𑒦𑒰 𑒧𑓀𑒔𑒣𑒩 𑒩𑒯𑒱 𑒖𑒰𑒃𑒞 𑒕𑒟𑒱। 𑒨𑒧𑒩𑒰𑒖 𑒢𑒱𑒦𑒰𑒏 𑒮𑒼𑒗𑒰𑒿- 𑒮𑒳𑒢𑒴 𑒢𑒹 𑒢𑒱𑒦𑒰... 𑒏𑒯𑒱 𑒩𑒳𑒏𑒱 𑒖𑒰𑒃𑒞 𑒕𑒟𑒱। 𑒮𑒦𑒏 𑒅𑒞𑓂𑒮𑒰𑒯𑒱𑒞 𑒏𑒋𑒪𑒰𑒣𑒩 𑒨𑒧𑒩𑒰𑒖 𑒥𑒛𑓃𑒏𑒰 𑒔𑒰𑒦𑒲 𑒯𑒳𑒢𑒏𑒰 𑒠𑒻𑒞 𑒕𑒟𑒱, 𑒧𑒳𑒠𑒰 𑒢𑒱𑒦𑒰 𑒔𑒰𑒦𑒲 𑒦𑒹𑒙𑒪𑒰𑒣𑒩 𑒩𑒧𑒝𑒲 𑒧𑒼𑒯𑒢𑒏 𑒮𑓀𑒑 𑒞𑒹𑒢𑒰 𑒂𑒑𑒰𑒿 𑒥𑒜𑓃𑒻𑒞 𑒕𑒟𑒱 𑒖𑒹𑒢𑒰 𑒏𑒏𑒩𑒼 𑒁𑒢𑒏𑒰 𑒔𑒱𑒢𑓂𑒯𑒱𑒞𑒹 𑒢𑒯𑒱 𑒯𑒼𑒟𑒱 ! 𑒍 𑒔𑒰𑒦𑒲 𑒩𑒧𑒝𑒲 𑒧𑒼𑒯𑒢𑒏𑒹𑒿 𑒠𑒋 𑒠𑒻𑒞 𑒕𑒟𑒱 𑒧𑒳𑒠𑒰 𑒍 𑒞𑒰𑒪𑒰 𑒢𑒯𑒱 𑒐𑒼𑒪𑒱 𑒣𑒥𑒻𑒞 𑒕𑒟𑒱। 𑒤𑒹𑒩 𑒢𑒱𑒦𑒰 𑒁𑒣𑒢𑒹 𑒣𑓂𑒩𑒨𑒰𑒮 𑒏𑒩𑒋 𑒪𑒹𑒪 𑒂𑒑𑒰𑒿 𑒥𑒜𑓃𑒻𑒞 𑒕𑒟𑒱 𑒧𑒳𑒠𑒰 𑒔𑒱𑒞𑓂𑒩𑒑𑒳𑒣𑓂𑒞 𑒏𑒯𑒻𑒞 𑒕𑒟𑒱 𑒖𑒹 𑒄 𑒧𑒼𑒢𑒏 𑒠𑒩𑒥𑒖𑓂𑒖𑒰 𑒟𑒱𑒏, 𑒍𑒢𑒰 𑒢𑒯𑒱 𑒐𑒳𑒖𑒞। 𑒧𑒯𑒱𑒪𑒰 𑒚𑒏𑒋 𑒪𑒹𑒪 𑒔𑒰𑒦𑒲 𑒠𑒹𑒥𑒰𑒏 (!) 𑒑𑒣 𑒏𑒯𑒻𑒞 𑒕𑒟𑒱। 𑒮𑒦 𑒏𑓂𑒨𑒼 𑒯𑒿𑒮𑒲 𑒏𑒩𑒻𑒞 𑒕𑒢𑒱 𑒖𑒹 𑒧𑒼𑒢 𑒏𑒞𑒋 𑒕𑒼𑒛𑓃𑒱 𑒁𑒋𑒪𑒯𑒳𑒿 ? 𑒞𑒰𑒯𑒱𑒣𑒩 𑒋𑒏𑒥𑒹𑒩 𑒣𑒳𑒢𑓁 𑒩𑒧𑒝𑒲 𑒧𑒼𑒯𑒢 𑒂 𑒢𑒱𑒦𑒰 𑒧𑒼𑒢 𑒮𑓀𑒖𑒼𑒑𑒱 𑒏𑒋 𑒞𑒰𑒪𑒰 𑒐𑒼𑒪𑒥𑒰𑒏 𑒁𑒮𑒤𑒪 𑒣𑓂𑒩𑒨𑒰𑒮 𑒏𑒩𑒻𑒞 𑒕𑒟𑒱। 𑒢𑓀𑒠𑒲-𑒦𑒵𑓀𑒑𑒲-𑒦𑒱𑒐𑒧𑓀𑒑𑒢𑒲 𑒑𑒲𑒞 𑒑𑒰𑒥𑒋 𑒪𑒑𑒻𑒞 𑒕𑒟𑒱 𑒖𑒏𑒩 𑒞𑒰𑒞𑓂𑒣𑒩𑓂𑒨 𑒄𑒋𑒯 𑒖𑒹 𑒧𑒼𑒢𑒏 𑒞𑒰𑒪𑒰 𑒁𑒕𑒱 𑒪𑒰𑒑𑒪, 𑒧𑒳𑒠𑒰 𑒍𑒞𑒋 𑒁𑒕𑒱 𑒢𑒼 𑒋𑒝𑓂𑒙𑓂𑒩𑒲। 𑒧𑒳𑒠𑒰 𑒇𑒞𑒳 𑒫𑒮𑒢𑓂𑒞𑒧𑒹 𑒣𑓂𑒩𑒹𑒧 𑒯𑒼𑒃𑒕 𑒁𑒢𑒢𑓂𑒞 𑒂 𑒏𑒩𑒹𑒖 𑒏𑒯𑒻𑒞 𑒁𑒕𑒱 𑒧𑒻𑒢𑒰-𑒧𑒻𑒢𑒰 । 𑒞𑒿 𑒋𑒞𑒯𑒱 𑒢𑒼 𑒋𑒝𑓂𑒙𑓂𑒩𑒲 𑒠𑒩𑒥𑒖𑓂𑒖𑒰𑒣𑒩 𑒡𑒩𑒢𑒰 𑒠𑒹𑒪 𑒖𑒰𑒋।

𑒅𑒞𑓂𑒞𑒩 𑒂𑒡𑒳𑒢𑒱𑒏 𑒦𑒰𑒫𑒣𑓂𑒩𑒡𑒰𑒢 𑒢𑒱𑒩𑒩𑓂𑒟𑒏 (𑒋𑒥𑒮𑒩𑓂𑒛) 𑒢𑒰𑒙𑒏: 𑒋𑒢 𑒋𑒙𑒹𑒝𑓂𑒛𑒹𑒢𑓂𑒙 𑒑𑒼𑒛𑒼 𑒏 𑒮𑒻𑒧𑒳𑒁𑒪 𑒥𑒹𑒏𑒻𑒙 𑒠𑓂𑒫𑒰𑒩𑒰 𑒮𑓂𑒫𑒨𑓀 𑒤𑓂𑒩𑒹𑓀𑒔𑒮𑒿 𑒁𑓀𑒑𑓂𑒩𑒹𑒖𑒲𑒧𑒹 𑒁𑒢𑒳𑒫𑒰𑒠 𑒏𑒋𑒪 𑒑𑒹𑒪 “𑒫𑒹𑒙𑒱𑓀𑒑 𑒤𑒰𑒩 𑒑𑒼𑒛𑒼” 𑒬𑒲𑒩𑓂𑒭𑒏𑒮𑒿 𑒂 𑒅𑒣𑒬𑒲𑒩𑓂𑒭𑒏 “𑒁 𑒙𑓂𑒩𑒹𑒖𑒱𑒏𑒰𑒧𑒹𑒛𑒲 𑒃𑒢 𑒙𑒴 𑒋𑒏𑓂𑒙𑓂𑒮” 𑒮𑒹𑒯𑒼 𑒖𑒼𑒛𑓃𑒪 𑒑𑒹𑒪 𑒖𑒹 𑒤𑓂𑒩𑒹𑓀𑒔 𑒮𑓀𑒮𑓂𑒏𑒩𑒝𑒧𑒹 𑒢𑒻 𑒕𑒪। 𑒙𑓂𑒩𑒹𑒖𑒲𑒏𑒰𑒧𑒹𑒛𑒲 𑒧𑒰𑒢𑒹 𑒙𑓂𑒩𑒹𑒖𑒹𑒛𑒲 𑒂 𑒏𑒰𑒧𑒹𑒛𑒲𑒏 𑒧𑒱𑒬𑓂𑒩𑒝। 𑒋𑒏𑒩 𑒏𑒟𑒰𑒢𑒏𑒮𑒿 𑒮𑓂𑒣𑒭𑓂𑒙 𑒦𑓄 𑒑𑒹𑒪 𑒯𑒋𑒞 𑒖𑒹 𑒋𑒏𑒩 𑒧𑒳𑒐𑓂𑒨 𑒣𑒰𑒞𑓂𑒩 “𑒑𑒼𑒛𑒼” 𑒌 𑒢𑒰𑒙𑒏𑒧𑒹 𑒕𑒻𑒯𑒹 𑒢𑒻, 𑒠𑒼𑒮𑒩 𑒍 𑒦𑒰𑒫𑒏 𑒠𑒵𑒭𑓂𑒙𑒱𑒮𑒿 𑒮𑒹𑒯𑒼 𑒢𑒰𑒙𑒏𑒏 𑒧𑒳𑒐𑓂𑒨 𑒞𑒞𑓂𑒫 𑒢𑒻 𑒕𑒻। 𑒢𑒰𑒙𑒏𑒏 𑒧𑒳𑒐𑓂𑒨 𑒞𑒞𑓂𑒫 𑒕𑒻 “𑒫𑒹𑒙𑒱𑓀𑒑” 𑒧𑒰𑒢𑒹 𑒥𑒰𑒙 𑒞𑒏𑒢𑒰𑒃। 𑒦𑒰𑒭𑒰, 𑒮𑓂𑒙𑒹𑒖, 𑒥𑒰𑒖𑒥, 𑒔𑒳𑒣𑓂𑒣 𑒩𑒯𑒥, 𑒔𑒪𑒥𑒰𑒏 𑒞𑒩𑒲𑒏𑒰, 𑒄 𑒮𑒦 𑒌 𑒢𑒰𑒙𑒏𑒏 𑒁𑒦𑒱𑒢𑓂𑒢 𑒁𑓀𑒑 𑒕𑒱𑒌। 𑒠𑒹𑒬-𑒏𑒰𑒪𑒧𑒹 𑒦𑒰𑒑𑒻𑒥𑒪𑒰 𑒥𑒢𑒖𑒰𑒩𑒰 𑒖𑒲𑒫𑒢𑒬𑒻𑒪𑒲𑒏 𑒪𑒼𑒏 𑒮𑒦 𑒁𑒕𑒱 𑒋𑒏𑒩 𑒧𑒳𑒐𑓂𑒨 𑒣𑒰𑒞𑓂𑒩। 𑒥𑒱𑒢𑒳 𑒥𑒖𑒢𑒹 𑒬𑒰𑒩𑒲𑒩𑒱𑒏 𑒦𑒰𑒫𑒮𑒿 𑒁𑒦𑒱𑒢𑒨 𑒏𑒩𑒻𑒥𑒪𑒰 “𑒧𑒰𑒃𑒧 𑒏𑒪𑒰𑒏𑒰𑒩” 𑒖𑒹𑒏𑒰𑒿 𑒌 𑒢𑒰𑒙𑒏𑒏 𑒣𑒰𑒞𑓂𑒩 𑒁𑒦𑒱𑒢𑒨 𑒏𑒩𑒻 𑒕𑒟𑒱। 𑒢𑒰𑒙𑒏𑒧𑒹 𑒣𑓂𑒪𑒰𑒙 𑒂 𑒮𑓀𑒞𑒳𑒪𑒢𑒏 𑒢𑒫 𑒣𑒩𑒱𑒦𑒰𑒭𑒰 𑒄 𑒢𑒰𑒙𑒏 𑒑𑒜𑓃𑒻𑒞 𑒁𑒕𑒱। 𑒂𑒡𑒳𑒢𑒱𑒏 𑒟𑒱𑒨𑒹𑒙𑒩𑒏𑒹𑒿 𑒄 𑒢𑒰𑒙𑒏 𑒢𑒫 𑒨𑒳𑒑𑒧𑒹 𑒣𑓂𑒩𑒫𑒹𑒬 𑒏𑒩𑒰𑒥𑒻𑒞 𑒁𑒕𑒱। 𑒥𑓂𑒩𑒱𑒙𑒹𑒢𑒏 “𑒧𑓂𑒨𑒴𑒖𑒱𑒏 𑒯𑒰𑒪” 𑒟𑒱𑒨𑒹𑒙𑒩 𑒧𑒹 𑒮𑓀𑒑𑒲𑒞 𑒯𑒰𑒮𑓂𑒨 𑒩𑒯𑒻 𑒕𑒪𑒻 𑒖𑒃𑒧𑒹 𑒖𑒲𑒫𑒢𑒏 𑒢𑒱𑒩𑒰𑒬𑒰 “𑒏𑓂𑒩𑒰𑒮-𑒙𑒰𑒏”𑒮𑒿 𑒥𑒹𑒏𑒹𑒙 𑒂 𑒩𑒰𑒖𑒢𑒻𑒞𑒱𑒏-𑒮𑒰𑒧𑒰𑒖𑒱𑒏 𑒂𑒞𑓀𑒏 𑒯𑒻𑒩𑒼𑒪𑓂𑒛 𑒣𑒱𑒢𑓂𑒙𑒩 𑒯𑒰𑒮𑓂𑒨 𑒩𑒴𑒣𑒧𑒹 𑒠𑒹𑒐𑒥𑒻𑒞 𑒕𑒟𑒱। “𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬” 𑒮𑒹𑒯𑒼 𑒮𑓂𑒫𑒩𑓂𑒏 (𑒥𑒰 𑒢𑒩𑒏) 𑒏 𑒠𑓂𑒫𑒰𑒩𑒣𑒩 𑒂𑒩𑒧𑓂𑒦 𑒯𑒼𑒃𑒋 𑒖𑒞𑒋 𑒍𑒢𑒰 𑒞𑒿 𑒮𑒦 𑒧𑒵𑒞 𑒪𑒼𑒏 𑒣𑓀𑒏𑓂𑒞𑒱𑒥𑒠𑓂𑒡 𑒕𑒟𑒱 𑒧𑒳𑒠𑒰 𑒋𑒏𑒙𑒰 𑒖𑒲𑒫𑒱𑒞 𑒫𑓂𑒨𑒏𑓂𑒞𑒱 𑒮𑒹𑒯𑒼 𑒕𑒟𑒱!𑒅𑒔𑒏𑓂𑒏𑒰 𑒥𑒰𑒖𑒰𑒩𑒲 𑒪𑒑 𑒮𑒘𑓂𑒔-𑒧𑒘𑓂𑒔 𑒩𑒯𑒻𑒋! 𑒣𑓂𑒩𑒹𑒧𑒲-𑒣𑓂𑒩𑒹𑒧𑒱𑒏𑒰𑒏 𑒍𑒞𑒋 𑒥𑒱𑒨𑒰𑒯𑒼 𑒦𑓄 𑒖𑒰𑒃 𑒕𑒻! 𑒢𑒹𑒞𑒰𑒖𑒲 𑒧𑒵𑒞𑓂𑒨𑒳𑒏 𑒥𑒰𑒠𑒼 𑒫𑒱𑒪𑒧𑓂𑒥𑒮𑒿 𑒋𑒥𑒰 𑒪𑒹𑒪 𑒁𑒦𑒱𑒬𑒣𑓂𑒞 𑒕𑒟𑒱! 𑒫𑒰𑒧𑒣𑓀𑒟𑒲 𑒍𑒞𑒾 𑒥𑒰𑒯𑒩𑒮𑒿 𑒮𑒧𑒩𑓂𑒟𑒢 𑒠𑒻 𑒕𑒟𑒱! 𑒫𑒲.𑒂𑒃.𑒣𑒲. 𑒏𑓂𑒨𑒴 𑒮𑒿 𑒍𑒞𑒾 𑒞𑓂𑒩𑒰𑒝 𑒢𑒻 𑒦𑒹𑒙𑒻 𑒕𑒻! 𑒧𑒳𑒠𑒰 𑒖𑒃 𑒠𑒩𑒥𑒖𑓂𑒖𑒰𑒏 𑒥𑒰𑒯𑒩 𑒪𑒼𑒏 𑒣𑓀𑒏𑓂𑒞𑒱𑒥𑒠𑓂𑒡 𑒕𑒟𑒱 𑒮𑒹 𑒋𑒏 𑒨𑒳𑒑𑒧𑒹 𑒐𑒳𑒖𑒱𑒞𑒼 𑒕𑒪 𑒂 𑒥𑒢𑓂𑒢 𑒮𑒹𑒯𑒼 𑒯𑒼𑒃𑒞 𑒕𑒪, 𑒄 𑒩𑒯𑒮𑓂𑒨𑒼𑒠𑓂𑒡𑒰𑒙𑒢 𑒔𑒱𑒞𑓂𑒩𑒑𑒳𑒣𑓂𑒞 𑒏𑒩𑒻 𑒕𑒟𑒱! 𑒧𑒰𑒢𑒹 𑒂𑒥 𑒄 𑒢𑒻 𑒐𑒳𑒖𑒞 𑒞𑒐𑒢 𑒃𑒢𑓂𑒞𑒖𑒰𑒩𑒲 𑒏𑒟𑒲𑒏? 𑒢𑒢𑓂𑒠𑒲-𑒦𑒵𑓀𑒑𑒲 𑒏𑒯𑒻𑒋 𑒖𑒹 𑒮𑒼𑒗𑒰𑒿𑒏 𑒠𑒩𑒥𑒖𑓂𑒖𑒰 𑒮𑓂𑒫𑒣𑓂𑒢 𑒢𑒻, 𑒧𑒰𑒞𑓂𑒩 𑒥𑒳𑒗𑒥𑒰𑒏 𑒠𑒼𑒭 𑒕𑒪! 𑒁𑒦𑒱𑒢𑒹𑒞𑒰 𑒫𑒱𑒫𑒹𑒏 𑒏𑒳𑒧𑒰𑒩 𑒁𑒣𑒢 “𑒮𑒩𑒢𑒹𑒧” 𑒣𑒳𑒕𑒪 𑒑𑒹𑒪𑒰𑒣𑒩 𑒏𑒯𑒻 𑒕𑒟𑒱 𑒖𑒹 𑒏𑒞𑒹𑒏 𑒧𑒼𑒬𑓂𑒏𑒱𑒪𑒮𑒿 𑒞𑒿 𑒖𑒰𑒞𑒱 𑒯𑒳𑒢𑒏𑒩 𑒣𑒰𑒕𑒰𑒿 𑒕𑒼𑒛𑓃𑒪𑒏 𑒁𑒕𑒱 𑒮𑒹 𑒅𑒩𑓂𑒤 𑒞𑒿 𑒕𑒼𑒛𑓃𑒱𑒨𑒹 𑒠𑒹𑒪 𑒖𑒰𑒋। 𑒫𑒰𑒧𑒣𑓀𑒟𑒲𑒏 𑒏𑒟𑒰𑒧𑒹 𑒢𑒹 𑒮𑓂𑒫𑒩𑓂𑒑-𑒢𑒩𑓂𑒏 𑒯𑒼𑒃 𑒕𑒻 𑒂 𑒢𑒯𑒱𑒨𑒹 𑒨𑒧𑒩𑒰𑒖-𑒔𑒱𑒞𑓂𑒩𑒑𑒳𑒣𑓂𑒞, 𑒧𑒳𑒠𑒰 𑒋𑒞𑒳𑒏𑓂𑒏𑒰 𑒣𑒩𑒱𑒮𑓂𑒟𑒱𑒞𑒱 𑒠𑒹𑒐𑒱 𑒏𑓄 𑒍 𑒁𑒫𑒱𑒬𑓂𑒫𑒰𑒮 𑒏𑒼𑒢𑒰 𑒏𑒩𑒟𑒳? 𑒧𑒳𑒠𑒰 𑒨𑒧𑒩𑒰𑒖𑒹 𑒯𑒳𑒢𑒏𑒰 𑒏𑒯𑒻 𑒕𑒟𑒱𑒢𑓂𑒯 𑒖𑒹 𑒄 𑒠𑒳𑓁𑒮𑓂𑒫𑒣𑓂𑒢 𑒯𑒳𑒁𑒋। 𑒨𑒧𑒠𑒴𑒞 𑒮𑒦 𑒏𑒛𑓃𑒰𑒯 𑒪𑒑 𑒁𑒢𑒹𑒩𑒹 𑒚𑒰𑒜𑓃 𑒕𑒟𑒱 𑒏𑒱𑒨𑒼 𑒦𑒴𑒖𑒻𑒪𑒹 𑒦𑒹𑒙𑒱𑒞𑒹 𑒢𑒻 𑒕𑒢𑓂𑒯𑒱, 𑒔𑒱𑒞𑓂𑒩𑒑𑒳𑒣𑓂𑒞𑒏 𑒧𑒹𑒏𑒣 𑒥𑒪𑒰 𑒠𑒰𑒜𑓃𑒲 𑒠𑒹𑒐𑒱 𑒦𑒱𑒐𑒧𑓀𑒑𑒢𑒲𑒏 𑒯𑒿𑒮𑒪𑒰𑒣𑒩 𑒦𑒵𑓀𑒑𑒲 𑒏𑒯𑒻 𑒕𑒟𑒱 𑒖𑒹 𑒦𑒱𑒐𑒧𑓀𑒑𑒢𑒲 𑒮𑒹𑒯𑒼 𑒯𑒳𑒢𑒏𑒹 𑒮𑒦 𑒖𑒹𑒏𑒰𑒿 𑒏𑒪𑒰𑒏𑒰𑒩 𑒕𑒟𑒱। 𑒧𑒼𑒢𑒏 𑒠𑒩𑒥𑒖𑓂𑒖𑒰 𑒧𑒼𑒢 𑒕𑒼𑒛𑓃𑒱 𑒋𑒪𑒰𑒣𑒩 𑒏𑒼𑒢𑒰 𑒐𑒳𑒖𑒞?
𑒤𑓂𑒩𑒹𑓀𑒔 𑒢𑒰𑒙𑒏 “𑒫𑒹𑒙𑒱𑓀𑒑 𑒤𑒰𑒩 𑒑𑒼𑒛𑒼”, 𑒯𑒻𑒩𑒼𑒪𑓂𑒛 𑒣𑒱𑓀𑒙𑒩𑒏 𑒁𑓀𑒑𑓂𑒩𑒹𑒖𑒲 𑒢𑒰𑒙𑒏 “𑒠 𑒥𑒩𑓂𑒟𑒛𑒹 𑒣𑒰𑒩𑓂𑒙𑒲”, 𑒥𑒰𑒠𑒪 𑒮𑒩𑒏𑒰𑒩𑒏 𑒥𑒰𑓀𑒑𑓂𑒪𑒰 𑒢𑒰𑒙𑒏 “𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞” 𑒂 𑒅𑒠𑒨 𑒢𑒰𑒩𑒰𑒨𑒝 𑒮𑒱𑓀𑒯 ‘𑒢𑒔𑒱𑒏𑒹𑒞𑒰’𑒏 𑒧𑒻𑒟𑒱𑒪𑒲 𑒢𑒰𑒙𑒏 “𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬” 𑒣𑒳𑒩𑒰𑒢 𑒢𑒰𑒙𑒏 𑒖𑒹𑒏𑒰𑒿 𑒣𑒩𑒱𑒦𑒰𑒭𑒱𑒞 𑒂𑒩𑒧𑓂𑒦 𑒂 𑒁𑒢𑓂𑒞𑒏 𑒣𑒩𑒱𑒡𑒱𑒮𑒿 𑒁𑒪𑒑 𑒁𑒕𑒱। 𑒄 𑒏𑒞𑒾 𑒮𑒿 𑒬𑒳𑒩𑒴 𑒦𑓄 𑒖𑒰𑒃𑒞 𑒁𑒕𑒱, 𑒏𑒞𑒾 𑒐𑒞𑒧 𑒦𑓄 𑒖𑒰𑒃𑒞 𑒁𑒕𑒱। 𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞 𑒧𑒹 𑒪𑒹𑒐𑒏 𑒣𑒰𑒞𑓂𑒩 𑒞𑒰𑒏𑒱 𑒩𑒯𑒪 𑒁𑒕𑒱, 𑒂 𑒁𑒢𑒔𑒼𑒏𑓂𑒏𑒹 𑒍 𑒠𑒩𑓂𑒬𑒏 𑒠𑒲𑒩𑓂𑒒𑒰𑒏𑒹𑒿 𑒮𑒧𑓂𑒥𑒼𑒡𑒱𑒞 𑒏𑒩𑒻𑒞 𑒔𑒰𑒩𑒱𑒙𑒰 𑒠𑒹𑒩𑒲𑒮𑒿 𑒂𑒋𑒪 𑒠𑒩𑓂𑒬𑒏𑒏𑒹𑒿 𑒧𑓀𑒔𑒣𑒩 𑒥𑒖𑒰 𑒪𑒻𑒋 𑒂 𑒍𑒏𑒩𑒰 𑒢𑒰𑒙𑒏𑒏 𑒣𑒰𑒞𑓂𑒩 𑒥𑒢𑒰 𑒠𑒻𑒋। 𑒔𑒰𑒩𑒱𑒧 𑒣𑒰𑒞𑓂𑒩 𑒍𑒏𑒩𑒰 𑒣𑓂𑒩𑒱𑒨 𑒕𑒻, 𑒍 𑒢𑒱𑒩𑓂𑒧𑒪 𑒢𑒻 “𑒃𑒢𑓂𑒠𑓂𑒩𑒖𑒲𑒞” 𑒕𑒲। 𑒍 𑒁𑒪𑒑 𑒁𑒕𑒱, 𑒃𑒢𑓂𑒠𑓂𑒩𑒏𑒹𑒿 𑒖𑒲𑒞𑒻𑒥𑒪𑒰 𑒌𑒞𑒱𑒯𑒰𑒮𑒱𑒏 𑒣𑒰𑒞𑓂𑒩 𑒁𑒕𑒱। 𑒍 𑒁𑒧𑒪 𑒫𑒱𑒧𑒪, 𑒏𑒧𑒪 𑒖𑒹𑒏𑒰𑒿 𑒪𑒲𑒐𑒣𑒩 𑒢𑒻 𑒔𑒪𑒞। 𑒧𑒳𑒠𑒰 𑒁𑒢𑓂𑒞 𑒖𑒰𑒃𑒞 𑒖𑒰𑒃𑒞 𑒃𑒢𑓂𑒠𑓂𑒩𑒖𑒲𑒞 𑒮𑒹𑒯𑒼 𑒁𑒧𑒪 𑒫𑒱𑒧𑒪, 𑒏𑒧𑒪 𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞 𑒦𑓄 𑒖𑒰𑒃𑒋।
𑒯𑒻𑒩𑒼𑒪𑓂𑒛 𑒣𑒱𑒢𑓂𑒙𑒩𑒏 “𑒠 𑒥𑒩𑓂𑒟𑒛𑒹 𑒣𑒰𑒩𑓂𑒙𑒲”𑒏 𑒣𑓂𑒩𑒰𑒩𑒧𑓂𑒦𑒧𑒹 𑒞𑒹𑒯𑒹𑒢 𑒮𑒧𑒲𑒏𑓂𑒭𑒰 𑒦𑒹𑒪 𑒖𑒹 𑒯𑒳𑒢𑒏𑒩 𑒪𑒹𑒐𑒏𑒲𑒨 𑒖𑒲𑒫𑒢 𑒮𑒧𑒰𑒣𑓂𑒞 𑒯𑒳𑒁𑒋 𑒣𑒩 𑒂𑒥𑒱 𑒑𑒹𑒪। 𑒧𑒳𑒠𑒰 𑒋𑒏𑒩 𑒣𑒳𑒢𑒩𑓂𑒣𑒰𑒚 𑒋𑒏𑒩𑒰 𑒏𑓂𑒪𑒰𑒮𑒱𑒏 𑒥𑒢𑒰 𑒠𑒹𑒪𑒏। 𑒏𑒱𑒕𑒳 𑒩𑒯𑒮𑓂𑒨, 𑒏𑒱𑒕𑒳 𑒂𑒞𑓀𑒏𑒏𑒹𑒿 𑒍 𑒮𑒧𑓂𑒣𑒴𑒩𑓂𑒝 𑒢𑒰𑒙𑒏𑒧𑒹 𑒥𑒢𑒹𑒢𑒹 𑒩𑒯𑒪𑒰𑒯, 𑒯𑒰𑒮𑓂𑒨 𑒏𑒟𑓂𑒨𑒏𑒹𑒿 𑒂𑒩 𑒧𑒖𑒑𑒴𑒞 𑒏𑒹𑒪𑒏। 𑒮𑓂𑒙𑒻𑒢𑒪𑒹 𑒏𑒲 𑒁𑒕𑒱, 𑒕𑒪 𑒥𑒰 𑒥𑒢𑓄 𑒔𑒯𑒻𑒞 𑒁𑒕𑒱? 𑒏𑒲 𑒍 𑒮𑓂𑒞𑓂𑒩𑒲𑒏𑒹𑒿 𑒠𑒴𑒭𑒱𑒞 𑒏𑒩𑒻𑒋, 𑒥𑒰 𑒍 𑒁𑒣𑒢 𑒣𑒞𑓂𑒢𑒲𑒏 𑒯𑒞𑓂𑒨𑒰 𑒏𑒹𑒪𑒏? 𑒧𑒳𑒠𑒰 𑒧𑒹𑒑 𑒞𑒿 𑒍𑒏𑒩𑒰 𑒣𑒮𑒱𑒢𑓂𑒢 𑒏𑒩𑒻 𑒕𑒻? 𑒍𑒏𑒩 𑒣𑒯𑒱𑒪 𑒂 𑒠𑒼𑒮𑒩 𑒏𑒢𑓂𑒮𑒩𑓂𑒙, 𑒏𑒹 𑒞𑒏𑒩 𑒥𑒰𑒡𑒏 𑒥𑒢𑒪𑒻? 𑒏𑒲 𑒍 𑒗𑒴𑒚 𑒥𑒖𑒻𑒋 𑒥𑒰 𑒫𑒩𑓂𑒞𑒧𑒰𑒢 𑒮𑒰𑒧𑒰𑒖𑒱𑒏 𑒂 𑒩𑒰𑒖𑒢𑒻𑒞𑒱𑒏 𑒣𑒩𑒱𑒦𑒰𑒭𑒰𑒮𑒿 𑒁𑒪𑒑 𑒫𑓂𑒨𑒫𑒯𑒰𑒩𑒏 𑒁𑒕𑒱? 𑒍 𑒧𑒹𑒑𑒏𑒹𑒿 𑒧𑒼𑒏𑓄 𑒔𑒰𑒯𑒻𑒋 𑒧𑒳𑒠𑒰 𑒞𑒻𑒨𑒼 𑒏𑒱𑒋 𑒧𑒹𑒑 𑒍𑒏𑒩𑒰 𑒣𑒮𑒱𑒢𑓂𑒢 𑒏𑒩𑒻 𑒕𑒻 𑒂 𑒮𑒰𑒧𑒰𑒖𑒱𑒏 𑒂 𑒩𑒰𑒖𑒢𑒻𑒞𑒱𑒏 𑒬𑒏𑓂𑒞𑒱 𑒍𑒏𑒩𑒰 𑒏𑒱𑒋 𑒂 𑒏𑒼𑒢𑒰 𑒅𑒚𑒰 𑒏𑓄 𑒪𑓄 𑒑𑒹𑒪 𑒖𑒰𑒃 𑒕𑒻, 𑒖𑒏𑒩 𑒮𑒱𑒣𑒰𑒯𑒲 𑒑𑒼𑒪𑓂𑒛𑒥𑒩𑓂𑒑 (𑒑𑒼𑒪𑓂𑒛𑒥𑒩𑓂𑒑𑒏 𑒪𑒳𑒪𑒳𑒏 𑒮𑓀𑒑 𑒩𑒯𑒮𑓂𑒨𑒧𑒨 𑒫𑓂𑒨𑒫𑒯𑒰𑒩) 𑒮𑓂𑒫𑒨𑓀 𑒂𑒠𑒩𑓂𑒬 𑒅𑒣𑒮𑓂𑒟𑒱𑒞 𑒢𑒻 𑒏𑓄 𑒣𑒰𑒥𑒻 𑒕𑒟𑒱।
𑒮𑒳𑒢𑓂𑒢-𑒧𑒮𑒰𑒢 𑒮𑒛𑓃𑒏𑒏 𑒏𑒰𑒞𑒏 𑒧𑒰𑒙𑒱𑒏 𑒜𑒱𑒧𑒏𑒰 𑒂 𑒣𑒞𑓂𑒩𑒯𑒲𑒢 𑒢𑒑𑓂𑒢 𑒑𑒰𑒕 “𑒫𑒹𑒙𑒱𑓀𑒑 𑒤𑒰𑒩 𑒑𑒼𑒛𑒼” 𑒏 𑒮𑓂𑒙𑒹𑒖 𑒕𑒱𑒌, 𑒞𑒰𑒪𑒰 𑒪𑒰𑒑𑒪 𑒠𑒩𑒥𑒖𑓂𑒖𑒰𑒏 𑒥𑒰𑒯𑒩𑒏 𑒮𑓂𑒟𑒪/ 𑒧𑒝𑓂𑒛𑒣 “𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬”𑒏 𑒮𑓂𑒙𑒹𑒖 𑒕𑒱𑒌 𑒞𑒿 “𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞”𑒧𑒹 𑒠𑒩𑓂𑒬𑒏 𑒠𑒲𑒩𑓂𑒒𑒰, 𑒮𑒋𑒯 𑒮𑓂𑒙𑒹𑒖 𑒥𑒢𑒱 𑒖𑒰𑒃𑒋। “𑒠 𑒥𑒩𑓂𑒟𑒛𑒹 𑒣𑒰𑒩𑓂𑒙𑒲”𑒧𑒹 𑒒𑒩𑒏 𑒏𑒼𑒚𑒪𑒲 𑒮𑓂𑒙𑒹𑒖 𑒕𑒱𑒌 𑒧𑒳𑒠𑒰 𑒣𑒱𑒢𑓂𑒙𑒩 𑒋𑒏𑒩 𑒣𑒰𑒞𑓂𑒩 𑒮𑓂𑒙𑒻𑒢𑒪𑒹 𑒏𑒹𑒿 𑒛𑒹𑒩𑒲𑒛𑒰𑒏 “𑒫𑒱𑒐𑒝𑓂𑒛𑒢” 𑒣𑒠𑓂𑒡𑒞𑒱𑒮𑒿 𑒏𑒐𑒢𑒼 𑒐𑒝𑓂𑒛 𑒏𑓄 𑒠𑒻𑒞 𑒕𑒟𑒱 𑒞𑒿 𑒏𑒐𑒢𑒼 𑒤𑒹𑒩𑒮𑒿 𑒖𑒼𑒛𑓃𑒱 𑒠𑒻 𑒕𑒟𑒱। 𑒪𑒼𑒏 𑒥𑒰 𑒠𑒩𑓂𑒬𑒏 𑒍𑒏𑒩𑒰𑒮𑒿 𑒄𑒩𑓂𑒭𑓂𑒨𑒰 𑒏𑒩𑓄 𑒪𑒑𑒻𑒋, 𑒐𑒢𑒹 𑒮𑒯𑒰𑒢𑒳𑒦𑒴𑒞𑒱 𑒏𑒩𑓄 𑒪𑒑𑒻𑒋 𑒐𑒢𑒹 𑒒𑒵𑒝𑒰 𑒏𑒩𑓄 𑒪𑒑𑒻𑒋, 𑒧𑒳𑒠𑒰 𑒮𑓂𑒙𑒻𑒢𑒪𑒲 𑒑𑒼𑒪𑓂𑒛𑒥𑒩𑓂𑒑 𑒂 𑒧𑒻𑒏𑓂𑒏𑒰𑒢𑒏 𑒮𑒼𑒗𑒰𑒿 𑒖𑒐𑒢 𑒢𑒱𑒩𑓂𑒥𑒪 𑒥𑒳𑒗𑒱 𑒣𑒛𑓃𑒻𑒋 𑒞𑒿 𑒠𑒩𑓂𑒬𑒏 𑒍𑒏𑒩𑒰 𑒮𑓀𑒑 𑒁𑒣𑒢𑒰𑒏𑒹𑒿 𑒠𑒹𑒐𑒻𑒋, 𑒖𑒹𑒢𑒰 𑒍 “𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞” 𑒧𑒹 𑒃𑒢𑓂𑒠𑓂𑒩𑒖𑒲𑒞 𑒮𑓀𑒑 𑒁𑒣𑒢𑒰𑒏𑒹𑒿 𑒠𑒹𑒐𑒻𑒋। “𑒫𑒹𑒙𑒱𑓀𑒑 𑒤𑒰𑒩 𑒑𑒼𑒛𑒼” 𑒧𑒹 𑒖𑒐𑒢 𑒪𑒼𑒏 𑒑𑒳𑒪𑒰𑒧 𑒮𑓀𑒑 𑒁𑒣𑒢𑒰𑒏𑒹𑒿 𑒠𑒹𑒐𑒻𑒋 𑒞𑒐𑒢𑒹 𑒮𑒯𑒰𑒢𑒳𑒦𑒴𑒞𑒱 𑒠𑒹𑒐𑒹𑒪𑒰𑒣𑒩 𑒔𑒧𑒹𑒙𑒰 𑒣𑒛𑓃𑒪𑒰𑒣𑒩 𑒍 𑒯𑒞𑒣𑓂𑒩𑒦 𑒩𑒯𑒱 𑒖𑒰𑒃𑒋। “𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬” 𑒧𑒹 𑒦𑒱𑒐𑒧𑓀𑒑𑒢𑒲 𑒄𑒩𑓂𑒭𑓂𑒨𑒰𑒫𑒬 𑒩𑒧𑓂𑒦𑒰-𑒧𑒹𑒢𑒏𑒰𑒏𑒹𑒿 𑒧𑒳𑒿𑒯𑒗𑒛𑓃𑒏𑒲 𑒏𑒯𑒻𑒋! 𑒣𑒰𑒏𑒹𑒙𑒧𑒰𑒩 𑒃𑒢𑓂𑒠𑓂𑒩𑒏 𑒫𑓂𑒩𑒖𑒣𑒩 𑒩𑒳𑒣𑒻𑒨𑓂𑒨𑒰𑒏 𑒥𑒼𑒪𑒲 𑒪𑒑𑒥𑒻𑒋। 𑒢𑒢𑓂𑒠𑒲-𑒦𑒵𑓀𑒑𑒲 𑒏𑒯𑒻𑒋 𑒖𑒹 𑒮𑒦 𑒑𑒼𑒙𑒹 𑒮𑒞𑓂𑒨 𑒕𑒲 𑒧𑒳𑒠𑒰 𑒏𑓂𑒨𑒼 𑒑𑒼𑒙𑒹 𑒣𑒴𑒩𑓂𑒝 𑒮𑒞𑓂𑒨 𑒢𑒻 𑒥𑒖𑒪𑒾𑓀। “𑒋𑒫𑒧𑓂 𑒃𑒢𑓂𑒠𑓂𑒩𑒖𑒲𑒞”𑒧𑒹 𑒃𑒢𑓂𑒠𑓂𑒩𑒖𑒲𑒞𑒏 𑒯𑒰𑒪 𑒮𑒱𑒮𑒲𑒤𑒮 𑒮𑒢 𑒕𑒻। 𑒬𑒰𑒣𑒱𑒞 𑒑𑓂𑒩𑒲𑒏 𑒧𑒱𑒟𑒏 𑒮𑒱𑒮𑒲𑒤𑒮, 𑒮𑓀𑒑𑒧𑒩𑒧𑒩𑒏 𑒣𑒰𑒟𑒩𑒣𑒩 𑒔𑒜𑓃𑒥𑒰𑒏 𑒪𑒹𑒪 𑒁𑒦𑒱𑒬𑒣𑓂𑒞, 𑒂 𑒖𑒐𑒢𑒹 𑒍 𑒔𑒼𑒙𑒲𑒣𑒩 𑒣𑒯𑒳𑒿𑒔𑒻𑒋 𑒂𑒏𑒱 𑒣𑒰𑒟𑒩 𑒤𑒹𑒩 𑒑𑒳𑒩𑒏𑒱 𑒏𑓄 𑒍𑒏𑒩𑒰 𑒢𑒲𑒔𑒰𑒿 𑒂𑒢𑒱 𑒠𑒻 𑒕𑒻। 𑒧𑒢𑒳𑒏𑓂𑒐𑒏 𑒏𑒰𑒖 𑒂 𑒖𑒲𑒫𑒢 𑒢𑒱𑒩𑒩𑓂𑒟𑒏𑒞𑒰𑒣𑒩 𑒂𑒡𑒰𑒩𑒱𑒞 𑒁𑒕𑒱। 𑒧𑒢𑒳𑒏𑓂𑒐 𑒁𑒮𑒤𑒪 𑒯𑒼𑒃𑒪𑒹 𑒁𑒦𑒱𑒬𑒣𑓂𑒞 𑒁𑒕𑒱, 𑒃𑒢𑓂𑒠𑓂𑒩𑒖𑒲𑒞 𑒖𑒹𑒏𑒰𑒿? 𑒂𑒏𑒱 “𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬”𑒏 𑒮𑓂𑒫𑒩𑓂𑒑-𑒢𑒩𑒏, 𑒨𑒧𑒩𑒰𑒖-𑒔𑒱𑒞𑓂𑒩𑒑𑒳𑒣𑓂𑒞𑒏 𑒁𑒧𑒰𑒢𑓂𑒨𑒞𑒰 𑒠𑒹𑒐𑒪𑒰𑒯𑒰 𑒑𑒣𑒏𑒹𑒿 𑒠𑒹𑒐𑒱 𑒥𑒠𑒪𑒞? 𑒧𑒳𑒠𑒰 𑒞𑒐𑒢 𑒨𑒧𑒩𑒰𑒖𑒹 𑒏𑒯𑒻 𑒕𑒟𑒱 𑒖𑒹 𑒠𑒹𑒐𑒪𑒰𑒯𑒰 𑒑𑒣 𑒠𑒳𑓁𑒮𑓂𑒫𑒣𑓂𑒢 𑒦𑓄 𑒮𑒏𑒻𑒋? “𑒫𑒹𑒙𑒱𑓀𑒑 𑒤𑒰𑒩 𑒑𑒼𑒛𑒼” 𑒄𑒬𑓂𑒫𑒩𑒏 𑒃𑒢𑓂𑒞𑒖𑒰𑒩𑒲 𑒢𑒻 𑒕𑒱𑒌, 𑒥𑒹𑒏𑒹𑒙 𑒮𑓂𑒫𑒨𑓀 𑒏𑒯𑒻 𑒕𑒟𑒱 𑒖𑒹 𑒃𑒢𑓂𑒞𑒖𑒰𑒩𑒲 “𑒑𑒰𑒛”𑒏 𑒢𑒻 “𑒑𑒼𑒛𑒼”𑒏 𑒦𑓄 𑒩𑒯𑒪 𑒁𑒕𑒱, 𑒍𑒢𑒰 𑒏𑓂𑒩𑒱𑒮𑓂𑒙𑒱𑒨𑒹𑒢𑒱𑒙𑒲 “𑒧𑒱𑒟𑒼𑒪𑒼𑒖𑒲” 𑒁𑒕𑒱 𑒮𑒹 𑒍 𑒞𑒏𑒩 𑒣𑓂𑒩𑒨𑒼𑒑 𑒏𑒩𑒻 𑒕𑒟𑒱। 𑒁𑒮𑓂𑒞𑒱𑒞𑓂𑒫𑒫𑒰𑒠𑒲 𑒫𑒱𑒔𑒰𑒩𑒡𑒰𑒩𑒰, 𑒧𑒢𑒳𑒏𑓂𑒐 𑒂 𑒥𑓂𑒩𑒯𑓂𑒧𑒰𑒝𑓂𑒛 𑒮𑒦 𑒢𑒱𑒩𑒩𑓂𑒟𑒏 𑒁𑒕𑒱, 𑒁𑒥𑒮𑒩𑓂𑒛 𑒁𑒕𑒱।








𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩- 𑒫𑒱𑒠𑓂𑒨𑒰𑒣𑒞𑒱: 𑒏𑒱𑒕𑒳 𑒣𑓂𑒩𑒔𑒪𑒱𑒞 𑒏𑒳𑒣𑓂𑒩𑒔𑒰𑒩𑒏 𑒢𑒱𑒩𑒰𑒏𑒩𑒝
𑓑
𑒮𑒧𑒰𑒢𑒰𑒢𑓂𑒞𑒩 𑒣𑒩𑒧𑓂𑒣𑒩𑒰𑒏 𑒫𑒱𑒠𑓂𑒨𑒰𑒣𑒞𑒱 𑒂 𑒣𑒰𑒑
𑒫𑒱𑒠𑓂𑒨𑒰𑒣𑒞𑒱𑒏 𑒮𑓀𑒮𑓂𑒏𑒵𑒞 𑒑𑓂𑒩𑒢𑓂𑒟𑒧𑒹 𑒚𑒏𑓂𑒏𑒳𑒩 𑒫𑒱𑒠𑓂𑒨𑒰𑒣𑒞𑒱 𑒏𑒵𑒞𑒰 𑒪𑒱𑒐𑒪 𑒁𑒕𑒱/ 𑒂 𑒍 𑒫𑒱𑒠𑓂𑒨𑒰𑒣𑒞𑒱 𑒥𑓂𑒩𑒰𑒯𑓂𑒧𑒝 𑒕𑒟𑒱। 𑒯𑒧𑒩 𑒅𑒠𑓂𑒠𑒹𑒬𑓂𑒨 𑒧𑒻𑒟𑒱𑒪𑒲 𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒮𑒿 𑒁𑒕𑒱... 𑒖𑒻 𑒮𑒧𑓂𑒥𑒢𑓂𑒡𑒧𑒹 𑒯𑒧 𑒔𑒩𑓂𑒔𑒰 𑒏𑒹𑒪𑒾𑓀 𑒖𑒹 𑒯𑒳𑒢𑒏𑒰 𑒏𑒱𑒋 𑒣𑒰𑒑 𑒣𑒯𑒱𑒩𑒰 𑒏𑓄 "𑒯𑒧𑓂𑒧𑒩 𑒫𑒱𑒠𑓂𑒨𑒰𑒣𑒞𑒱" 𑒥𑒢𑒰 𑒪𑒹𑒪 𑒑𑒹𑒪... 𑒄 𑒞𑒐𑒢 𑒢𑒻 𑒦𑒹𑒪 𑒖𑒐𑒢 𑒥𑒱𑒠𑒰𑒣𑒞 𑒢𑒰𑒔𑒏 𑒧𑒰𑒡𑓂𑒨𑒧𑒮𑒿 𑒂𑒚 𑒮𑒋 𑒥𑒩𑓂𑒐 𑒑𑒋𑒩 𑒥𑓂𑒩𑒰𑒯𑓂𑒧𑒝 𑒮𑒧𑒳𑒠𑒰𑒨 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒖𑒱𑒋𑒢𑒹 𑒩𑒐𑒪𑒏, 𑒧𑒳𑒠𑒰 𑒞𑒐𑒢 𑒦𑒹𑒪 𑒖𑒐𑒢 𑒥𑓀𑒑𑒰𑒪 𑒫𑒱𑒠𑓂𑒨𑒰𑒣𑒞𑒱 𑒏𑒹𑒿 𑒂 𑒑𑒼𑒫𑒱𑒢𑓂𑒠𑒠𑒰𑒮𑒏𑒹𑒿 𑒁𑒣𑒢 𑒥𑒢𑒰 𑒪𑒹𑒪𑒏 𑒂 𑒥𑓀𑒑𑒰𑒪𑒹𑒏 𑒫𑒱𑒠𑓂𑒫𑒰𑒢 𑒩𑒰𑒖𑒏𑒵𑒭𑓂𑒝 𑒧𑒳𑒐𑒼𑒣𑒰𑒡𑓂𑒨𑒰𑒨 𑒮𑒩𑓂𑒫𑒣𑓂𑒩𑒟𑒧 𑒏𑒯𑒪𑒢𑓂𑒯𑒱 𑒖𑒹 𑒫𑒱𑒠𑓂𑒨𑒰𑒣𑒞𑒱 𑒧𑒱𑒟𑒱𑒪𑒰𑒏 𑒦𑒰𑒭𑒰𑒏 𑒏𑒫𑒱 𑒕𑒟𑒱 𑒂 𑒥𑓀𑒑𑒰𑒪𑒹𑒏 𑒢𑒑𑒹𑒢𑓂𑒠𑓂𑒩𑒢𑒰𑒟 𑒑𑒳𑒣𑓂𑒞 𑒮𑒩𑓂𑒫𑒣𑓂𑒩𑒟𑒧 𑒏𑒯𑒪𑒢𑓂𑒯𑒱 𑒖𑒹 𑒑𑒼𑒫𑒱𑒢𑓂𑒠𑒠𑒰𑒮 𑒮𑒹𑒯𑒼 𑒧𑒱𑒟𑒱𑒪𑒰𑒏 𑒦𑒰𑒭𑒰𑒏 𑒏𑒫𑒱 𑒕𑒟𑒱 𑒂 𑒖𑒐𑒢 𑒄 𑒞𑒟𑓂𑒨 𑒮𑒼𑒗𑒰𑒿 𑒅𑒚𑒪 𑒞𑒿 𑒣𑒯𑒱𑒢𑒹 𑒞𑒿 𑒮𑒑𑒩 𑒥𑓀𑒑𑒰𑒪 𑒯𑒳𑒢𑒏𑒰𑒣𑒩 𑒧𑒰𑒩-𑒧𑒰𑒩 𑒏𑓄 𑒅𑒚𑒪 𑒂 𑒥𑒰𑒠𑒧𑒹 𑒧𑒰𑒢𑒱 𑒑𑒹𑒪। 𑒤𑒹𑒩 𑒧𑒱𑒟𑒱𑒪𑒰𑒏 𑒫𑒱𑒠𑓂𑒫𑒰𑒢𑒏𑒹𑒿 𑒮𑒼𑒯 𑒋𑒪𑒢𑓂𑒯𑒱 𑒂 𑒫𑒱𑒠𑓂𑒨𑒰𑒣𑒞𑒱𑒏 𑒮𑓀𑒮𑓂𑒏𑒵𑒞 𑒑𑓂𑒩𑒢𑓂𑒟, 𑒑𑒼𑒫𑒱𑒢𑓂𑒠𑒠𑒰𑒮 𑒢𑒰𑒧𑓂𑒢𑒰 𑒂 𑒫𑒱𑒠𑓂𑒨𑒰𑒣𑒞𑒱 𑒢𑒰𑒧𑓂𑒢𑒰 𑒣𑒘𑓂𑒖𑒲𑒧𑒹 𑒅𑒣𑒪𑒥𑓂𑒡 𑒫𑒱𑒫𑒩𑒝 𑒠𑓄 𑒫𑒱𑒠𑓂𑒨𑒰𑒣𑒞𑒱 𑒚𑒰𑒏𑒳𑒩 𑒂 𑒑𑒼𑒫𑒱𑒢𑓂𑒠𑒠𑒰𑒮 𑒗𑒰 (!!!) 𑒢𑒱𑒏𑒰𑒪𑒪 𑒑𑒹𑒪- 𑒩𑒧𑒰𑒢𑒰𑒟 𑒗𑒰𑒏 𑒣𑒘𑓂𑒖𑒲𑒏 𑒮𑒞𑒯𑒲 𑒖𑓂𑒘𑒰𑒢 𑒂 𑒮𑒲𑒧𑒱𑒞 𑒠𑒵𑒭𑓂𑒙𑒱𑒏𑒼𑒝 𑒢𑒼𑒏𑒮𑒰𑒢 𑒣𑒯𑒳𑒿𑒔𑒹𑒪𑒏। 𑒤𑒹𑒩 𑒁𑒢𑒔𑒼𑒏𑓂𑒏𑒹 𑒣𑒰𑒑 𑒣𑒯𑒱𑒩𑒰 𑒏𑓄 𑒫𑒱𑒠𑓂𑒨𑒰𑒣𑒞𑒱 (𑒧𑒻𑒟𑒱𑒪𑒲 𑒥𑒪𑒰, 𑒮𑓀𑒮𑓂𑒏𑒵𑒞 𑒥𑒪𑒰 𑒢𑒻) 𑒏𑒹𑒿 "𑒯𑒧𑓂𑒧𑒩 𑒫𑒱𑒠𑓂𑒨𑒰𑒣𑒞𑒱" 𑒥𑓂𑒩𑒰𑒯𑓂𑒧𑒝 𑒫𑒩𑓂𑒑 𑒠𑓂𑒫𑒰𑒩𑒰 𑒥𑒢𑒰 𑒪𑒹𑒪 𑒑𑒹𑒪। 𑒏𑒱𑒕𑒳 𑒑𑒼𑒙𑒹 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒦𑒰𑒞𑒱𑒖 𑒏𑒯𑒱 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒮𑒧𑓂𑒥𑒼𑒡𑒱𑒞 𑒏𑒩𑓄 𑒪𑒑𑒪𑒰𑒯!!

𑒧𑒳𑒠𑒰 𑒏𑒫𑒲𑒬𑓂𑒫𑒩 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒮𑒢 𑒥𑒯𑒳𑒞 𑒩𑒰𑒮 𑒏𑒫𑒱 𑒣𑒖𑓂𑒖𑒲𑒧𑒹 𑒅𑒣𑒪𑒥𑓂𑒡 𑒕𑒟𑒱। 𑒂 𑒖𑒹 𑒢𑒰𑒧𑒏 𑒁𑒢𑓂𑒞𑒩 𑒫𑒱𑒠𑓂𑒨𑒰𑒣𑒞𑒱𑒧𑒹 𑒂𑒥𑒱 𑒖𑒰𑒃 𑒕𑒢𑓂𑒯𑒱 (𑒖𑒐𑒢 𑒏𑒱 𑒮𑒦 𑒏𑒰𑒖 𑒣𑓂𑒪𑒰𑒢𑒱𑓀𑒑𑒮𑒿 𑒦𑒹𑒪𑒻 𑒞𑒻𑒨𑒼 𑒋𑒏𑒙𑒰 𑒮𑒥𑒴𑒞 𑒥𑒔𑒱 𑒑𑒹𑒪𑒻) 𑒮𑒹 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒧𑒹 𑒏𑒱𑒋 𑒢𑒻 𑒁𑒥𑒻𑒋।

𑓒. 𑒁𑒯𑒰𑒿 𑒥𑓀𑒑𑒰𑒪 𑒏𑒱𑒋 𑒖𑒰𑒃 𑒕𑒲, 𑒣𑒴𑒩𑓂𑒝𑒱𑒨𑒰𑒿𑒧𑒹 𑒑𑓂𑒩𑒰𑒧𑒠𑒹𑒫𑒞𑒰𑒏 𑒣𑒴𑒖𑒰𑒧𑒹 𑒯𑒧 𑒑𑒹𑒪 𑒕𑒲 𑒂 𑒩𑒰𑒧 𑒚𑒰𑒏𑒳𑒩 (𑒦𑒑𑒫𑒰𑒢)𑒏𑒹𑒿 𑒠𑒹𑒫𑒞𑒰 𑒩𑒴𑒣𑒧𑒹 𑒜𑒹𑒣𑒰𑒥𑒪𑒰 𑒐𑒹𑒞𑒧𑒹 𑒯𑒧 𑒠𑒹𑒐𑒢𑒹 𑒕𑒲, 𑒏𑒱𑒨𑒼 𑒖𑒼𑒞𑒱 𑒠𑒹𑒢𑒹 𑒩𑒯𑒻।

𑓓.𑒧𑒱𑒟𑒱𑒪𑒰𑒮𑒿 𑒕𑒞𑓂𑒞𑒲𑒮𑒑𑒜𑓃 𑒧𑒡𑓂𑒨 𑒣𑓂𑒩𑒠𑒹𑒬𑒧𑒹 𑒑𑒹𑒪 𑒩𑒯𑒟𑒱, 𑒧𑒡𑓂𑒨 𑒣𑓂𑒩𑒠𑒹𑒬𑒮𑒿 𑒩𑒰𑒖𑓂𑒨𑒮𑒦𑒰 𑒮𑒰𑓀𑒮𑒠 𑒣𑓂𑒩𑒦𑒰𑒞 𑒗𑒰 𑒏𑒯𑒱 𑒩𑒯𑒪 𑒕𑒪𑒰, 𑒖𑒹 𑒥𑒩𑒯𑒲 (𑒏𑒰𑒭𑓂𑒚𑒏𑒰𑒩) 𑒧𑒱𑒟𑒱𑒪𑒰𑒮𑒿 𑒑𑒹𑒪𑒰 𑒞𑒿 𑒧𑒻𑒟𑒱𑒪𑒲 𑒦𑒰𑒭𑒲 𑒯𑒹𑒥𑒰𑒏 𑒏𑒰𑒩𑒝 𑒪𑒼𑒏 𑒯𑒳𑒢𑒏𑒰 𑒗𑒰𑒖𑒲 𑒏𑒯𑒋 𑒪𑒰𑒑𑒪, 𑒂 𑒍 𑒮𑒦 𑒂𑒥 𑒗𑒰 𑒙𑒰𑒃𑒙𑒱𑒪 𑒩𑒐𑒻 𑒕𑒟𑒱, 𑒣𑓂𑒩𑒦𑒰𑒞 𑒗𑒰 𑒏𑒻𑓀𑒣𑒹𑒢𑒱𑓀𑒑 𑒏𑓄 𑒠𑒹𑒪𑒐𑒱𑒢𑓂𑒯 𑒂 𑒋𑒏 𑒫𑒼𑒙𑒮𑒿 𑒏𑒹𑒝𑓂𑒛𑒲𑒛𑒹𑒙 𑒖𑒲𑒞𑒱 𑒑𑒹𑒪𑒻। 𑒯𑒧𑒩𑒰 𑒁𑒯𑒰𑒿 𑒮𑒦𑒏𑒹𑒿 𑒄 𑒁𑒢𑒳𑒦𑒫 𑒁𑒕𑒱 𑒖𑒹 𑒏𑒼𑒢𑒼 𑒙𑒰𑒃𑒙𑒱𑒪 𑒯𑒳𑒁𑒋 𑒣𑒯𑒱𑒢𑒹, 𑒣𑒙𑒢𑒼 𑒡𑒩𑒱𑒧𑒹 𑒪𑒼𑒏 𑒗𑒰𑒖𑒲 𑒫𑒰 𑒗𑒾𑒂 𑒍𑒏𑒩𑒰 𑒏𑒯𑒱 𑒠𑒻 𑒕𑒻। 𑒥𑓀𑒑𑒰𑒪𑒏 𑒧𑒰𑒪𑒠𑒯 𑒖𑒱𑒪𑒰𑒧𑒹 𑓔-𑓕 𑒑𑒰𑒧𑒧𑒹 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝𑒏 𑒙𑒰𑒃𑒙𑒱𑒪 𑒍𑒗𑒰 𑒕𑒻, 𑒂 𑒁𑒪𑒲𑒑𑒜𑓃𑒧𑒹 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑓂𑒝 (𑒥𑓂𑒩𑒖𑒮𑓂𑒟 𑒧𑒻𑒟𑒱𑒪)𑒏 𑒬𑒩𑓂𑒧𑒰।

𑓔.𑒣𑒘𑓂𑒖𑒲𑒧𑒹 𑒏𑒞𑒹𑒏 𑒫𑒱𑒠𑓂𑒨𑒰𑒣𑒞𑒱𑒏 𑒫𑒱𑒫𑒩𑒝 𑒅𑒣𑒪𑒥𑓂𑒡 𑒁𑒕𑒱: 𑓑.𑒣𑒢𑒱𑒔𑒼𑒦 𑒮𑒿 𑒫𑒱𑒠𑓂𑒨𑒰𑒣𑒞𑒱𑒮𑒳𑒞 𑒩𑒧𑒰𑒣𑒞𑒱𑒏 𑒫𑒱𑒫𑒰𑒯 𑒫𑒱𑒠𑓂𑒨𑒰𑒣𑒞𑒱𑒏- 𑒧𑒰𑒞𑒰(𑒠𑒹𑒫𑒠𑒰𑒮𑒲)-𑒠𑒴𑒭𑒝 𑒣𑓀𑒖𑒲 𑓒.𑒧𑒯𑒼 𑒏𑒹𑒬𑒫𑒼 𑒮𑒳𑒞 𑒧.𑒧.𑒣𑒰ō 𑒑𑒼𑒫𑒱𑒢𑓂𑒠 𑒮𑒳𑒞𑒰 𑒧𑒯𑒼 𑒪𑒏𑓂𑒭𑓂𑒧𑒲𑒢𑒰𑒟 𑒧.𑒧. 𑒫𑒱𑒠𑓂𑒨𑒰𑒣𑒞𑒱 𑒧.𑒧. 𑒠𑒰𑒧𑒼𑒠𑒩 𑓓.𑒧𑒯𑒰𑒧𑒯𑒼 𑒫𑒱𑒠𑓂𑒨𑒰𑒣𑒞𑒱 𑒑𑓀𑒑𑒼𑒪𑒲 𑒮𑒿 𑒧𑒰𑒢𑒏𑒳𑒜𑓃 𑒫𑒰𑒮𑒲 𑒏𑒫𑒱𑒩𑒰𑒖 𑒑𑒝𑒹𑒬𑓂𑒫𑒩 𑓔.𑒒𑒼𑒮𑒼𑒞𑒮𑒿 𑒧.𑒧. 𑒑𑒼𑒫𑒱𑒢𑓂𑒠 𑒮𑒳𑒞𑒰 𑒧. 𑒪𑒏𑓂𑒭𑓂𑒧𑒲𑒡𑒩 𑒧.𑒧. 𑒫𑒱𑒠𑓂𑒨𑒰𑒣𑒞𑒱 𑓕.𑒩𑒰𑒖𑒣𑒝𑓂𑒛𑒱𑒞 𑒧.𑒧. 𑒅. 𑒫𑒱𑒠𑓂𑒨𑒰𑒣𑒞𑒱 𑓖.𑒏𑒩𑒧𑒯𑒰𑒮𑒿 𑒠𑒹𑒫𑒢𑒰𑒟 𑒮𑒳𑒞 𑒏𑒫𑒱 𑒫𑒱𑒠𑓂𑒨𑒰𑒣𑒞𑒱 𑓗.𑒑𑒳𑒝𑒣𑒞𑒱 𑒮𑒢𑓂𑒞𑒞𑒱-𑒣𑒚𑒼𑒓𑒑𑒲)॥ 𑒫𑒱𑒠𑓂𑒨𑒰𑒣𑒞𑒱-𑒣𑒳𑒛𑒩𑒲𑒏-𑒧𑒕𑒠𑒲। 𑒏𑒹𑒬𑒫-𑒁𑒧𑒩𑒰𑒫𑒞𑒲।𑓘.॥ 𑒮𑒱𑓀𑒯𑒰𑒬𑓂𑒩𑒧 𑒮𑒿𑒫𑒱𑒠𑓂𑒨𑒰𑒣𑒞𑒱 𑒠𑓂𑒠𑒾o 𑒦𑒰𑒑𑒲𑒩𑒟 𑒮𑒳𑒞𑒾 𑒏𑒳𑒪𑒹𑒬𑓂𑒫𑒩: 𑓙.𑒮𑒱𑒡𑒴𑒏: 𑒋 𑒮𑒳𑒞𑒰 𑒠𑒹𑒪𑓂𑒯𑒢 𑒫𑒱𑒬𑓂𑒫𑒢𑒰𑒟 𑒬𑓂𑒩𑒲𑒢𑒰𑒟𑒰: 𑒮𑒱𑓀𑒯𑒰𑒬𑓂𑒩𑒧 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑒾॥ 𑓑𑓐.𑒧𑒱𑒬𑓂𑒩 𑒖𑒨𑒠𑒹𑒫 (𑓗𑓖/𑓐𑓖) 𑒮𑒳𑒞𑒰 𑒢𑒑𑒫𑒰𑒛𑓃 𑒒𑒼𑒮𑒼𑒞 𑒮𑒿 𑒧𑒯𑒰𑒧𑒯𑒼𑒣𑒰𑒡𑓂𑒨𑒰𑒨 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓑𑓑.𑒧𑒯𑒰𑒧𑒯𑒼𑒣𑒰𑒡𑓂𑒨𑒰𑒨 𑒑𑒼𑒫𑒱𑒢𑓂𑒠 𑒮𑒳𑒞𑒰 𑒧𑒯𑒰𑒧𑒯𑒼 𑒪𑒏𑓂𑒭𑓂𑒧𑒲𑒢𑒰𑒟𑒰 𑒣𑒩𑒢𑒰𑒧𑒏 (𑓒𑓐𑓙/𑓐𑓕) 𑒚𑒏𑒩𑒴 𑒧o 𑒧o 𑒅𑒣𑒰o 𑒫𑒱𑒠𑓂𑒨𑒰𑒣𑒞𑒱 𑓑𑓒.𑒠𑓂𑒠𑒾o॥ 𑒋𑒫𑒧𑓂 𑒚o 𑒫𑒱𑒠𑓂𑒨𑒰𑒣𑒞𑒱 𑒧𑒰𑒞𑒵𑒏 𑒔𑒏𑓂𑒩𑓀॥𑓑𑓓.𑒧𑒯𑒼𑒧𑒯𑒼𑒣𑒰𑒡𑓂𑒨𑒰𑒨 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞𑒰 𑒁𑒢𑒱𑒩𑒴𑒠𑓂𑒡 𑒁𑒢𑒢𑓂𑒞 𑒁𑒔𑓂𑒨𑒳𑒞𑒰: 𑒋𑒏𑒯𑒩𑒰 𑒮𑒿 𑒏𑒰𑒬𑒲 𑒠𑒾 𑓑𑓔.𑒮𑒠𑒳o𑒮𑒳𑒣𑒹 𑒮𑒳𑒞𑒾 𑒠𑒰𑒧𑒼𑒠𑒩: 𑒋 𑒮𑒳𑒞𑒾 𑒛𑒰𑒪𑒴𑒏: 𑒣𑒫𑒾𑒪𑒲𑒮𑒿 𑒑𑒼𑒜𑒱 𑒠𑒾 𑒛𑒰𑒪𑒴 (𑓓𑓔/𑓐𑓖) 𑒮𑒳𑒞𑒼 𑒫𑒱𑒠𑓂𑒨𑒰𑒣𑒞𑒱 𑓑𑓕.𑒮𑒳𑒞𑒰 𑒬𑒱𑒩𑒴 𑒣𑒠𑒧 𑒪𑒰𑒐𑒴 𑒑𑒰𑒠𑒴𑒏𑒰: 𑒋𑒏𑒯𑒩𑒰 𑒮𑒿 𑒬𑓂𑒩𑒲 𑒏𑒩 𑒮𑒳𑒞 𑒔𑒰𑒢𑓂𑒠 𑒠𑒾 𑒐𑒾𑒂𑒪 𑒮𑒿 𑒦𑒴𑒪𑒹 𑒠𑓂𑒠𑒾o 𑒧𑒡𑒳𑒮𑒴𑒠𑒢 𑒮𑒳𑒞𑒰 𑒅𑒧𑒰𑒣𑒞𑒱 (𑓘𑓔/𑓐𑓑) 𑒫𑒱𑒠𑓂𑒨𑒰𑒣𑒞𑒱 𑓑𑓖.𑒧𑒳𑒮𑒻 𑒮𑒳𑒞𑒰 𑒐𑒾𑒂𑒪 𑒮𑒿 𑒛𑒰𑒪𑒴 𑒮𑒳𑒞 𑒫𑒱𑒠𑓂𑒨𑒰𑒣𑒞𑒱 𑒠𑒾 𑒦𑒝𑓂𑒛𑒰𑒩𑒱𑒮𑒧 𑒮𑒿 𑒬𑒳𑒦𑒹 𑒠𑓂𑒠𑒾o 𑒚o 𑓑𑓗.𑒮𑒼𑒠𑒩𑒣𑒳𑒩 𑒮𑒿 𑒕𑒼𑒙𑒰𑒄 𑒠𑒾 (𑓒𑓘/𑓐𑓘) 𑒥𑒮𑒰𑒅𑒢 𑒮𑒳𑒞𑒰 𑒣𑒬𑒳𑒣𑒞𑒱 𑒫𑒱𑒠𑓂𑒨𑒰𑒣𑒞𑒱 𑓑𑓘.𑒏𑒪𑓂𑒨𑒰𑒝 𑒮𑒳𑒞𑒰 𑒏𑒩𑒧𑒯𑒰 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓑𑓙.𑒖𑒰𑒪𑒨 𑒮𑒿 𑒩𑒰𑒧𑒹𑒬𑓂𑒫𑒩𑒮𑒳𑒞 𑒧𑒯𑒱𑒒𑒩 𑒠𑒾 𑒨𑒧𑒳𑒑𑒰𑒧 𑒮𑒿 𑒑𑒹𑒝𑒰𑒄 𑒠𑓂𑒠𑒾o 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞𑒼 𑒦𑒑𑒲𑒩𑒟: 𑓒𑓐.𑒯𑒩𑒐𑒴 𑒑𑒼𑒫𑒱𑒢𑓂𑒠𑒰 𑒮𑒏o 𑒑𑒳𑒝𑒹 𑒮𑒳𑒞 𑒫𑒱𑒠𑓂𑒨𑒰𑒣𑒞𑒱 𑒠𑒾 𑒮𑒳𑒩𑒑𑒢 𑒮𑒿 𑒯𑒼𑒩𑒹 𑒠𑓂𑒠𑒾o 𑓒𑓑.𑒏𑒵𑒭𑓂𑒝𑒣𑒞𑒱 𑒮𑒳𑒞𑒰 𑒧𑒳𑒩𑒰𑒩𑒱 𑒫𑒱𑒠𑓂𑒨𑒰𑒣𑒞𑒱 𑒣𑓂𑒩𑒖𑒰𑒣𑒞𑒱 𑒙𑒏𑒥𑒰𑒪 𑒮𑒿 𑒩𑒰𑒧𑒏𑒩 𑒠𑒾॥𑓒𑓒.𑒏𑒫𑒱𑒢𑓂𑒠𑓂𑒩 𑒣𑒠𑒰𑓀𑒏𑒱𑒞 𑒧o 𑒧o 𑒅o 𑒩𑒒𑒳𑒢𑒰𑒟𑒰 𑒏𑒩𑒧𑒯𑒰 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓒𑓓.𑒮𑒳𑒞𑒼 𑒫𑒱𑒠𑓂𑒨𑒰𑒣𑒞𑒱 𑒧𑒰𑒝𑓂𑒛𑒩𑒮𑒿 𑒨𑒑𑓂𑒨𑒣𑒞𑒱 𑒠𑒾 𑓒𑓔.𑒞𑒪𑓂𑒯𑒢𑒣𑒳𑒩 𑒮𑒿 𑒑𑒜𑓃𑒫𑒨 𑒠𑓂𑒠𑒾. 𑒫𑒱𑒠𑓂𑒨𑒰𑒣𑒞𑒱 𑓒𑓕.𑒨𑒬𑒳 𑒮𑒳𑒞𑒼 𑒩𑒫𑒱𑒣𑒞𑒱 𑒩𑒴𑒠𑓂𑒩𑒣𑒞𑒱 𑒫𑒱𑒠𑓂𑒨𑒰𑒣𑒞𑒱 𑒔𑒢𑓂𑒠𑓂𑒩𑒣𑒞𑒱 𑓒𑓖.𑒢𑒩𑒅𑒢 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓒𑓗.𑒩𑒫𑒱𑒣𑒞𑒱 𑒮𑒳𑒞𑒼 𑒏𑒵𑒭𑓂𑒝𑒣𑒞𑒱 𑒫𑒱𑒠𑓂𑒨𑒰𑒣𑒞𑒱 𑒒𑒳𑒮𑒾𑒞 𑒮𑒿 𑒯𑒼𑒩𑒹 𑒠𑒾॥ 𑓒𑓘.𑒫𑒱𑒠𑓂𑒨𑒰𑒣𑒞𑒱 𑒮𑒳𑒞𑒰 𑒥𑒹𑒪𑒅𑒿𑒔 𑒮𑒿𑒩𑒰𑒧 𑒠𑒾 𑓒𑓙.𑒑𑒳𑒝𑒹 𑒮𑒳𑒞 𑒑𑒾𑒩𑒲𑒣𑒞𑒱 𑒫𑒱𑒠𑓂𑒨𑒰𑒣𑒞𑒱 𑒪𑒏𑓂𑒭𑓂𑒧𑒲𑒣𑒞𑒱 𑒏𑒳𑒪𑒣𑒞𑒱𑒨: 𑒠𑒩𑒱o 𑒠𑒱𑒫𑒰𑒏𑒩 𑒠𑒾 𑓓𑓐.𑒧𑒯𑒱𑒣𑒞𑒱 𑒗𑒰𑒏 𑒧𑒰𑒞𑒰𑒧𑒯 𑒏𑒫𑒱 𑒏𑒼𑒏𑒱𑒪 𑒫𑒱𑒠𑓂𑒨𑒰𑒣𑒞𑒱 𑒚𑒰𑒏𑒩) 𑒠𑒰𑒧𑒼𑒠𑒩 𑒮𑒳𑒞𑒼 𑒣𑒰𑒿𑒮𑒠𑒳. 𑒯𑒩𑒱𑒠𑒹𑒫: 𑒢𑒩𑒅𑒢𑒮𑒿 𑒧𑒰𑒓𑒢𑒱 𑒠𑒾 𑓓𑓑.𑒑𑒝𑒣𑒞𑒱 𑒮𑒳𑒞𑒼 𑒏𑒫𑒱 𑒏𑒼𑒏𑒱𑒪 𑒩𑒰𑒖𑒣𑒝𑓂𑒛𑒱𑒞 𑒧o 𑒧o 𑒅𑒣𑒰o 𑒫𑒱𑒠𑓂𑒨𑒰𑒣𑒞𑒱: 𑒋 𑒮𑒳𑒞𑒾 𑒯𑒩𑒱𑒣𑒞𑒱 𑒡𑒢𑒣𑒞𑒱॥ 𑓓𑓒.𑒧𑒯𑒰𑒧𑒯𑒼𑒣𑒰𑒡𑓂𑒨𑒰𑒨 𑒫𑒱𑒠𑓂𑒨𑒰𑒣𑒞𑒱𑒮𑒳𑒞𑒰 𑒯𑒵𑒭𑒱𑒏𑒹𑒬 𑓓𑓓.𑒯𑒩𑒣𑒞𑒱 𑒮𑒳𑒞𑒰 𑒫𑒱𑒠𑓂𑒨𑒰𑒣𑒞𑒱 𑒏𑒰𑒬𑒲 𑒠𑒰𑒧𑒼𑒠𑒩𑒰:𑓓𑓔.𑒩𑒞𑒱𑒣𑒞𑒱 𑒮𑒳𑒞𑒰 𑒮𑒼𑒠𑒩o 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓓𑓕.𑒫𑒱𑒠𑓂𑒨𑒰𑒣𑒞𑒱 𑒣𑓂𑒩𑒣𑒾𑒞𑓂𑒩 𑒣𑒾𑒞𑓂𑒩 𑒯𑒩𑒱𑒬𑓂𑒫𑒩 𑒡𑒢𑒹𑒬𑓂𑒫𑒩 𑒮𑒳𑒞𑒼 𑒑𑒼𑒢𑓂𑒠𑒴𑒏 𑒣𑒰𑒪𑒲𑒮𑒿 𑒖𑓂𑒘𑒰𑒢𑒠𑒾॥𑓓𑓖.𑒫𑒱𑒠𑓂𑒨𑒰𑒣𑒞𑒱 𑒠𑓂𑒠𑒾. 𑒫𑒹𑒝𑒲 𑒮𑒳𑒞𑒼 𑒩𑒫𑒱𑒢𑒰𑒟: 𑓓𑓗.𑒮𑒼𑒠𑒩o 𑒫𑒱𑒠𑓂𑒨𑒰𑒣𑒞𑒱 𑒠𑓂𑒠𑒾o 𑒢𑒱𑒏𑒰𑒩 𑓓𑓘.𑒬𑓂𑒩𑒲𑒣𑒞𑒱 𑒮𑒳𑒞𑒼 𑒫𑒱𑒠𑓂𑒨𑒰𑒣𑒞𑒱 𑒣𑒩𑒰𑒢𑒾 𑒠𑒩𑒱𑒯𑒩𑒰 𑓓𑓙.𑒮𑒼𑒠𑒩o 𑒫𑒱𑒠𑓂𑒨𑒰𑒣𑒞𑒱 𑒠𑓂𑒠𑒾o 𑒧𑒱𑒬𑓂𑒩 𑒏𑒧𑒪𑒢𑒨𑒢 𑒮𑒳𑒞𑒰 𑒯𑒩𑒱𑒁𑒧 𑒮𑒿 𑒥𑒕𑒰𑒄 𑒠𑒾 𑓔𑓐.𑒩𑒫𑒾𑒂𑒪𑒮𑒿 𑒮𑒼𑒢𑒹 𑒠𑒾 𑒠𑒹𑒫𑒢𑒰𑒟 𑒮𑒳𑒞𑒼 𑒏𑒫𑒱 𑒫𑒱𑒠𑓂𑒨𑒰𑒣𑒞𑒱 𑒣𑒔𑒯𑒲 𑒮𑒼𑒠𑒩𑒣𑒳𑒩𑒮𑒿 𑒖𑒑𑒢𑓂𑒢𑒰𑒟 𑒠𑒾 𑓔𑓑.𑒑𑒼𑒣𑒲 𑒮𑒳𑒞𑒼 𑒫𑒱𑒠𑓂𑒨𑒰𑒣𑒞𑒱 𑒫𑒰𑒔𑒮𑓂𑒣𑒞𑒱 𑒬𑒲𑒫𑒰 𑒯𑒩𑒱𑒁𑒧𑒮𑒿 𑒢𑒰𑒩𑒰𑒨𑒝 𑒠𑒾॥𑓔𑓒.𑒫𑒱𑒠𑓂𑒨𑒰𑒣𑒞𑒱 𑒢𑒱𑒡𑒱 𑒣𑓂𑒩. 𑒡𑒩𑒰𑒣𑒞𑒱𑒨: 𑓔𑓓.𑒞𑒩𑒾𑒢𑒲 𑒏𑒩𑒧𑒯𑒰𑒮𑒿 𑒧𑒯𑒱𑒡𑒩 𑒠𑒾॥(𑓔𑓖/𑓐𑓓) 𑒫𑒱𑒠𑓂𑒨𑒰𑒣𑒞𑒱 (𑓑𑓑𑓑/𑓐𑓓) 𑒮𑒳𑒞𑒼 𑒧𑒡𑒳𑒮𑒴𑒠𑒢: 𑓔𑓔.𑒏𑒳𑒪𑒰𑒢𑒢𑓂𑒠 𑒯𑒵𑒠𑒨𑒢𑒢𑓂𑒠𑒢𑒼 𑒏𑒩. 𑒣𑒢𑒰𑒄 𑒠𑒾 (𑓑𑓐𑓙//𑓑𑓐𑓖) 𑒫𑒱𑒠𑓂𑒨𑒰𑒣𑒞𑒱 (𑓓𑓑𑓔/𑓐𑓕) 𑒮𑒳𑒞𑒰 𑒣𑓂𑒩𑒱𑒞𑒱𑒢𑒰𑒟 𑒬𑒼𑒦𑒢𑒰𑒟 𑒧𑒯𑒱𑒢𑒰𑒟𑒰: 𑓔𑓕.𑒅𑒿𑒧𑒰𑒣𑒞𑒱 𑒮𑒳𑒞 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞𑒼 𑒖𑒨𑒣𑒞𑒱: 𑓔𑓖.𑒖𑒰𑒑𑒴 𑒮𑒳𑒞𑒰 𑒮𑒳𑒩𑒣𑒞𑒱 𑒯𑒩𑒱𑒣𑒞𑒱 𑒣𑓂𑒩𑒦𑒰𑒣𑒞𑒱 𑒑𑒱𑒩𑒣𑒞𑒱 𑒫𑒱𑒠𑓂𑒨𑒰𑒣𑒞𑒱𑒨: 𑓔𑓗.𑒯𑒔𑒪𑒴 𑒮𑒳𑒞𑒰 𑒯𑒩𑒣𑒞𑒱 𑒫𑒱𑒠𑓂𑒨𑒰𑒣𑒞𑒱 𑒧𑒯𑒼 𑒖𑓂𑒘𑒰𑒢𑒣𑒞𑒱 𑒠𑒱𑒢𑒣𑒞𑒱 𑒧𑒝𑒱𑒏𑓀𑒚𑒰 𑓔𑓘.𑒏𑒵𑒭𑓂𑒝 𑒮𑒳𑒞𑒰 𑒩𑒧𑒰𑒣𑒞𑒱 𑒬𑓂𑒩𑒲𑒣𑒞𑒱 𑒩𑒞𑓂𑒢𑒣𑒞𑒱 𑒫𑒱𑒠𑓂𑒨𑒰𑒣𑒞𑒱: 𑒥𑒴𑒡𑒫𑒰𑒪 𑒮𑒿 𑒡𑒲𑒩𑒴 𑒠𑒾॥𑓔𑓙.𑒠𑒰𑒬𑒹 𑒮𑒳𑒞𑒰 𑒠𑒨𑒼𑒩𑒲 𑒐𑒝𑓂𑒛𑒥𑒪𑒰 𑒮𑒿 𑒑𑒼𑒣𑒲𑒢𑒰𑒟 𑒠𑒾 (𑓘𑓕//𑓐𑓒) 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞 𑒖𑒲𑒫𑒢𑒰𑒟 𑓕𑓐.𑒢𑒩𑒅𑒢 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑓂𑒠𑒾o 𑓕𑓑.𑒡𑒩𑓂𑒧𑒰𑒡𑒱𑒏 𑒩𑒝𑒱𑒏 𑒥𑒰𑒙𑒴 𑒮𑒳𑒞𑒼 𑒫𑒱𑒠𑓂𑒨𑒰𑒣𑒞𑒱 𑓕𑓒.𑒮𑒼𑒠𑒩𑒣𑒳𑒩 𑒮𑒿 𑒑𑒨𑒢 𑒠𑒾 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞𑒰 𑒩𑒧𑒰𑒣𑒞𑒱 𑒯𑒼𑒩𑒱𑒪 𑒯𑒩𑒩𑒫𑒴 𑒖𑒱𑒫𑒰𑒄𑒏𑒰 𑒧𑒰𑒝𑓂𑒛𑒩 𑒮𑒿 𑒮𑒼𑒜𑒴 𑒠𑒾॥ 𑓕𑓓.𑒐𑒾𑒂𑒪 𑒮𑒿 𑒩𑒒𑒳𑒢𑒰𑒟 𑒠𑒾 (𑓕𑓔//𑓐𑓗) 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞 𑒖𑒰𑒢𑒴 𑓕𑓔.𑒙𑒏𑒥𑒰𑒪𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑓂𑒠𑒾 𑒧𑒞𑒱𑒢𑒰𑒟 𑓕𑓕.𑒐𑒝𑓂𑒛𑒥𑒪𑒰𑒮𑒿 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞 𑒖𑒲𑒫𑒢𑒰𑒟 𑒠𑒾 𑓕𑓖.𑒏𑒩𑒧𑒯𑒰 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑓂𑒠𑒾o 𑒫𑒱𑒬𑓂𑒫𑒢𑒰𑒟 𑓕𑓗.𑒏𑒵𑒭𑓂𑒝𑒣𑒞𑒱 𑒮𑒳𑒞𑒼 𑒅𑒿𑒧𑒰𑒣𑒞𑒱 (𑒥o 𑓒𑓘/𑓐𑓑) 𑒫𑒱𑒠𑓂𑒨𑒰𑒣𑒞𑒱 (𑓓𑓐𑓒/𑓐𑓓) 𑒣𑒝𑓂𑒛𑒳𑒂 𑒮𑒿 𑒣𑒰𑒿 𑒦𑒑𑒲𑒩𑒟 𑒠𑒾 𑓕𑓘.𑒧𑒯𑒼 𑒯𑒩𑒱𑒏𑒵𑒭𑓂𑒝 𑒮𑒳𑒞𑒰 𑒐𑒾𑒂𑒪 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓕𑓙.𑒧𑒡𑒳𑒮𑒴𑒠𑒢 𑒮𑒳𑒞𑒼 𑒫𑒱𑒠𑓂𑒨𑒰𑒣𑒞𑒱: 𑒁𑒪𑒨 𑒮𑒿 𑒁𑒢𑒱𑒩𑒴𑒠𑓂𑒡 𑒠𑒾 𑓖𑓐.𑒧𑒰𑒝𑓂𑒛𑒩 𑒮𑒿 𑒠𑒹𑒫𑒬𑒩𑓂𑒧𑓂𑒧 𑒠𑓂𑒠𑒾o 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞𑒰 𑒢𑒩𑒅𑒢 𑒮𑒿 𑒥𑒠𑒢𑒲 𑒠𑒾 𑓖𑓑.𑒚o 𑒬𑓂𑒨𑒰𑒧 𑒮𑒳𑒞𑒼 𑒣𑒳𑒩𑒢𑓂𑒠𑒩 𑒣𑒩𑒧𑒰𑒢𑒢𑓂𑒠𑒼 𑒧𑒰𑒝𑓂𑒛𑒩 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓖𑓒.𑒫𑒱𑒠𑓂𑒨𑒰𑒣𑒞𑒱 𑒮𑒳𑒞𑒰 𑒮𑒼𑒠𑒩𑒣𑒳𑒩 𑒮𑒿 𑒖𑒨𑒩𑒰𑒧 𑓖𑓓.𑒡𑒩𑓂𑒧𑒹𑒬𑓂𑒫𑒩𑒾 𑒐𑒾𑒂𑒪 𑒮𑒿 𑒯𑒩𑒰𑒄 𑒮𑒳𑒞 𑒧𑒢𑒼𑒯𑒩 𑒠𑒾 𑒩𑒴𑒠 𑒮𑒳𑒞𑒼 𑒩𑒰𑒧: 𑒑𑓀𑒑𑒼𑒪𑒲 𑒮𑒿 𑒠𑒹𑒫𑒹 𑒠𑒾 𑒫𑒱𑒮𑓂𑒤𑒲 𑒮𑒿 𑒏𑒫𑒱 𑒏𑒼𑒏𑒱𑒪 𑒩𑒰𑒖 𑒣𑒝𑓂𑒛𑒱𑒞 𑒧o 𑒧o 𑒣𑒰o 𑒫𑒱𑒠𑓂𑒨𑒰𑒣𑒞𑒱 𑒠𑓂𑒠𑒾o 𑒩𑒰𑒧 𑒮𑒳𑒞𑒼 𑒦𑒱𑒩𑒫𑒴𑒏: 𑒤𑒢𑒢𑓂𑒠𑒯 𑒮𑒿 𑒪𑒼𑒔𑒢 𑒠𑒾 𑒣𑒏𑒪𑒱𑒨𑒰 𑒮𑒿 𑒠𑒱𑒢𑒴 𑒠𑓂𑒠𑒾o 𑒦𑒱𑒩𑒫𑒴 𑒮𑒳𑒞𑒼 𑒯𑒩𑒰𑒃𑒏: 𑒮𑒼𑒠𑒩𑒣𑒳𑒩 𑒮𑒿 𑒫𑒱𑒩 𑒮𑒳𑒞 𑒯𑒩𑒱𑒠𑒾 𑒐𑒾𑒂𑒪 𑒮𑒿 𑒬𑒳𑒦𑒹 𑒠𑓂𑒠𑒾o 𑒯𑒩𑒰𑒄 𑒮𑒳𑒞𑒰 𑒧𑒼𑒯𑒢 𑒧𑒢𑒼𑒯𑒩𑒰 𑒏𑒧𑒪 𑒢𑒰𑒩𑒰𑒨𑒝𑒰: 𑒮𑒼𑒠𑒩𑒣𑒳𑒩 𑒮𑒿 𑒖𑒑𑒢𑓂𑒢𑒰𑒟 𑒮𑒳𑒞 𑒦𑒫𑒰𑒢𑒲 𑒠𑒾 𑒦𑒫𑒰𑒢𑒲 𑒮𑒳𑒞𑒼 𑒯𑒩𑒱𑒠𑒹𑒫 𑒮𑒠𑒰𑒨𑒏𑒾 𑒯𑒩𑒱𑒁𑒧 𑒮𑒿 𑒑𑒼𑒫𑒱𑒢𑓂𑒠 𑒮𑒳𑒞 𑒬𑓂𑒩𑒲𑒡𑒩 𑒠𑒾 𑒮𑒏o 𑒖𑒰𑒑𑒹 𑒠𑓂𑒠𑒾o 𑒧𑒢𑒼𑒯𑒩 𑒮𑒳𑒞𑒰 𑒏𑒩𑒧𑒯𑒰 𑒮𑒿 𑒩𑒞𑒢𑒣𑒞𑒱 𑒮𑒳𑒞 𑒏𑒵𑒭𑓂𑒝𑒠𑒰𑒬 𑒠𑒾 𑒏𑒵𑒭𑓂𑒝𑒠𑒰𑒬 𑒮𑒳𑒞𑒰 𑒮𑒼𑒠𑒩𑒣𑒳𑒩 𑒮𑒿 𑒧𑒡𑒳𑒮𑒴𑒠𑒢 𑒮𑒳𑒞 𑒮𑒳𑒢𑓂𑒠𑒩 𑒠𑒾 (𑓔𑓗//𑓐𑓕) 𑒠𑒩𑒱𑒯𑒩𑒰 𑒮𑒿 𑒧𑒳𑒬𑒰𑒄 𑒠𑓂𑒠𑒾o 𑒯𑒩𑒱 𑒮𑒳𑒞𑒼 𑒣𑓂𑒩𑒰𑒝𑒣𑒞𑒱: 𑒮𑒼𑒠𑒩𑒣𑒳𑒩 𑒮𑒿 𑒢𑒰𑒩𑒰𑒨𑒝 𑒮𑒳𑒞 𑒢𑒢𑒴 𑒠𑒾 (𑓑𑓑𑓐//𑓐𑓑) (𑓑𑓐𑓑//𑓐𑓑) 𑒢𑒰𑒩𑒰𑒨𑒝 𑒮𑒳𑒞𑒼 𑒢𑒢𑒴𑒏: 𑒫𑒳𑒡𑒫𑒰𑒪 𑒮𑒿 𑒥𑒯𑒳𑒛𑓃𑒲 𑒠𑒾 (𑓑𑓘𑓐/𑓐𑓔) 𑒠𑒰𑒧𑒼𑒠𑒩 𑒮𑒳𑒞𑒼 𑒥𑒯𑒳𑒛𑓃𑒲𑒏: 𑒮𑒼𑒠𑒩𑒣𑒳𑒩 𑒮𑒿 𑒣𑒩𑒧𑒰𑒢𑒢𑓂𑒠 𑒮𑒳𑒞 𑒏𑒰𑓀𑒑𑒫 𑒠𑒾 𑒣𑒩𑒧𑒰𑒢𑒢𑓂𑒠 𑒮𑒳𑒞𑒼 𑒏𑒰𑓀𑒑𑒫: 𑒧𑒰𑒝𑓂𑒛𑒩 𑒮𑒿 𑒯𑒪𑒒𑒩 𑒮𑒳𑒞 𑒣𑒲𑒞𑒰𑒧𑓂𑒥𑒩 𑒠𑒾 (𑓕𑓘//𑓐𑓕) 𑒏𑒩𑒧𑒯𑒰 𑒮𑒿 𑒬𑓂𑒩𑒲𑒩𑒰𑒧 𑒠𑓂𑒠𑒾o 𑒏𑒰𑓀𑒑𑒫 𑒮𑒳𑒞𑒰 𑒏𑒩𑒧𑒯𑒰 𑒮𑒿 𑒬𑒱𑒫𑒠𑒹𑒫 𑒮𑒳𑒞 𑒏𑒰𑒩𑒧 𑒠𑒾 𑒧𑒰𑒝𑓂𑒛𑒩 𑒮𑒿 𑒫𑒰𑒫𑒴 𑒠𑒾𑒯𑒱𑒞𑓂𑒩 𑒠𑒾o 𑓖𑓔. 𑒫𑒰𑒫𑒴 𑒠𑒳𑒩𑓂𑒑𑒰𑒣𑒞𑒱 𑒮𑒱𑓀𑒯: 𑒮𑒳𑒞𑒼 𑒫𑒰𑒫𑒴 𑒫𑒱𑒠𑓂𑒨𑒰𑒣𑒞𑒱 𑒮𑒱𑓀𑒯: 𑒏𑒩𑒧𑒯𑒰 𑒮𑒿 𑒯𑒩𑒱𑒢𑒰𑒟 𑒮𑒳𑒞 𑒞𑒰𑒩𑒰𑒢𑒰𑒟 𑒠𑒾 𑓖𑓕. 𑒐𑒾𑒂𑒪 𑒮𑒿 𑒨𑒳𑒫𑒩𑒰𑒖 𑒠𑓂𑒠𑒾o 𑒥𑒰𑒫𑒴 𑒫𑒱𑒠𑓂𑒨𑒰𑒣𑒞𑒱 𑒮𑒱𑓀𑒯 𑒮𑒳𑒞𑒼 𑒫𑒰𑒫𑒴 𑒑𑒱𑒩𑒱𑒖𑒰𑒣𑒞𑒱 𑒮𑒱𑓀𑒯 𑓖𑓖.𑒫𑒰𑒫𑒴 𑒑𑓀𑒑𑒰𑒣𑒞𑒱 𑒮𑒱𑓀𑒯 𑒮𑒳𑒞𑒰 𑒦𑒹𑒭𑒣𑒞𑒱 𑒮𑒱𑓀𑒯 𑒫𑒱𑒠𑓂𑒨𑒰𑒣𑒞𑒱 𑒮𑒱𑓀𑒯 𑓖𑓗.𑒫𑒰𑒫𑒴 𑒦𑒹𑒭𑒣𑒞𑒱 𑒮𑒱𑓀𑒯 𑒣𑒞𑓂𑒢𑒲 𑒁𑒢𑓂𑒞𑒩𑓂𑒖𑒰𑒞𑒲𑒨 𑒋 𑒮𑒳𑒞 𑒯𑓀𑒮𑒣𑒞𑒱 𑒮𑒱𑓀𑒯: 𑒫𑒰𑒫𑒴 𑒫𑒱𑒠𑓂𑒨𑒰𑒣𑒞𑒱 𑒮𑒱𑓀𑒯 𑒮𑒳𑒞𑒼 𑒩𑒧𑒢 𑒏𑒳𑒧𑒰𑒩 𑒮𑒱𑓀𑒯:𑓖𑓘.𑒥𑒰𑒪𑒰 𑒮𑒳𑒞𑒼 𑒦𑒻𑒨𑒰 𑒏𑒪𑓂𑒨𑒰𑒝𑒾 𑒐𑒾𑒂𑒪 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓖𑓙.𑒫𑒱𑒬𑓂𑒫𑒢𑒰𑒟 𑒏𑒰𑒬𑒲𑒢𑒰𑒟𑒰: 𑒁𑒪𑒨 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓗𑓐.𑒣𑒰𑒚𑒏 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞𑒼 𑒠𑒳𑒐𑒧𑓀𑒖𑒢 𑒏𑒪𑒩𑒾 𑒂𑒮𑒲 𑒋𑒏𑒯𑒩𑒰 𑒮𑒿 𑒅𑒿𑒧𑒰𑒢𑒢𑓂𑒠 𑒠𑒾 𑓗𑓑.𑒢𑒩𑒣𑒞𑒱 𑒮𑒳𑒞𑒰 𑒏𑒪𑓂𑒨𑒰𑒝𑒣𑒳𑒩 𑒫𑒱𑒮𑓂𑒤𑒲 𑒮𑒿 𑒮𑒳𑒢𑓂𑒠𑒩 𑒠𑒾 𑒏𑒧𑒪𑒢𑒨𑒢 𑒮𑒳𑒞 𑒢𑒰𑒩𑒰𑒨𑒝 𑒮𑒳𑒞𑒼 𑒮𑒳𑒢𑓂𑒠𑒩: 𑒏𑒩𑒧𑒯𑒰 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓗𑓒.𑒧𑒳𑒩𑒰𑒩𑒱 𑒮𑒳𑒞𑒰 𑒠𑒰𑒧𑒼𑒠𑒩 𑒫𑒱𑒠𑓂𑒨𑒰𑒣𑒞𑒱 𑒧𑒯𑒱𑒒𑒩 𑒂𑒢𑒢𑓂𑒠𑒰:𑓗𑓓.𑒫𑒱𑒠𑓂𑒨𑒰𑒣𑒞𑒱 𑒮𑒳𑒞𑒰 𑒣𑒠𑓂𑒧𑒰𑒣𑒞𑒱 𑒮𑒦𑒰𑒣𑒞𑒱 𑒂𑒠𑒱𑒣𑒞𑒱 𑒑𑒝𑒣𑒞𑒱𑒨:॥ 𑓗𑓔.𑒫𑒱𑒠𑓂𑒨𑒰𑒣𑒞𑒱 𑒮𑒳𑒞𑒼 𑒕𑒲𑒞𑒴 𑒣𑒩𑒧𑒰𑒢𑒢𑓂𑒠𑒼 𑒧𑒰𑒝𑓂𑒛𑒩 𑒮𑒿 𑒢𑒩𑒣𑒞𑒱 𑒠𑒾 𑒥𑒯𑒹𑒩𑒰𑒜𑓃𑒲 𑒮𑒿 𑒑𑒠𑒰𑒡𑒩 𑒠𑓂𑒠𑒾o 𑓗𑓕.𑒁𑒪𑒨 𑒮𑒿 𑒏𑒧𑒪 𑒮𑒳𑒞 𑒢𑒏𑒙𑒴 𑒠𑒾. 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞 𑒖𑒲𑒫𑒢𑒰𑒟 𑒮𑒳𑒞𑒼 𑒣𑒩𑒧: 𑒠𑒩𑒱. 𑒩𑒰𑒧 𑒠𑒾॥ 𑓗𑓖.𑒏𑒩𑒧𑒯𑒰 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞 𑒧𑒡𑒳𑒮𑒴𑒠𑒢 𑒠𑒾 𑓗𑓗.𑒧𑒰𑒢𑒲 𑒮𑒼𑒠𑒩𑒣𑒳𑒩 𑒮𑒿 𑒫𑒰𑒔𑒮𑓂𑒣𑒞𑒱 𑒮𑒳𑒞 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓗𑓘.𑒐𑒝𑓂𑒛𑒥𑒪𑒰 𑒮𑒿 𑒫𑒰𑒫𑒴 𑒠𑒳𑒩𑓂𑒑𑒰𑒣𑒞𑒱 𑒮𑒱𑓀𑒯 𑒮𑒳𑒞 𑒫𑒰𑒫𑒴 𑒫𑒱𑒠𑓂𑒨𑒰𑒣𑒞𑒱 𑒮𑒱𑓀𑒯 𑒠𑒾 𑓗𑓙.𑒐𑒾𑒂𑒪 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑒾 𑒚. 𑒧𑒡𑒳𑒩𑒰𑒣𑒞𑒱 𑒮𑒳𑒞𑒼 𑒫𑒰𑒕 𑒬𑒱𑒫𑒰𑒢𑒢𑓂𑒠𑒢𑒼𑓘𑓐.𑒮𑒼𑒠𑒩𑒣𑒳𑒩 𑒮𑒿 𑒥𑒻𑒠𑓂𑒨𑒢𑒰𑒟 𑒠𑓂𑒠𑒾. 𑒯𑒩𑒱𑒏𑒵𑒭𑓂𑒝 𑒮𑒳𑒞𑒰 𑒐𑒾𑒂𑒪 𑒮𑒿 𑒧𑒡𑒳𑒮𑒴𑒠𑒢𑒮𑒳𑒞 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓘𑓑.𑒧𑒡𑒳𑒮𑒴𑒠𑒢 𑒮𑒳𑒞 𑒫𑒱𑒠𑓂𑒨𑒰𑒣𑒞𑒱 𑒠𑒾 𑓘𑓒.𑒠𑒩𑒱𑒯𑒩𑒰 𑒮𑒿 𑒩𑒧𑒰𑒣𑒞𑒱 𑒮𑒳𑒞 𑒫𑒹𑒝𑒲 𑒠𑒾 𑒁𑒪𑒨 𑒮𑒿 𑒏𑒵𑒭𑓂𑒝𑒣𑒞𑒱 𑒮𑒳𑒞 𑒫𑒱𑒠𑓂𑒨𑒰𑒣𑒞𑒱 𑒠𑓂𑒠𑒾 𑓘𑓓.𑒁𑒪𑒨 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑓂𑒠𑒾.॥ 𑓘𑓔.𑒖𑓂𑒨𑒼. 𑒬𑒱𑒫𑒢𑒢𑓂𑒠𑒢 𑒮𑒳𑒞𑒼 𑒫𑒱𑒠𑓂𑒨𑒰𑒣𑒞𑒱 . 𑓘𑓕.𑒐𑒾𑒂𑒪 𑒮𑒿 𑒦𑒫𑒠𑒹𑒫 𑒮𑒳𑒞 𑒫𑒱𑒠𑓂𑒨𑒰𑒣𑒞𑒱 𑒠𑒾. 𑓘𑓖.𑒣𑒰𑒚𑒏 𑒏𑒵𑒭𑓂𑒝𑒣𑒞𑒱 𑒮𑒳𑒞𑒼 𑒅𑒭𑒰𑒣𑒞𑒱 𑒫𑒱𑒠𑓂𑒨𑒰𑒣𑒞𑒱 . 𑓘𑓗.𑒫𑒱𑒠𑓂𑒨𑒰𑒣𑒞𑒱 𑒮𑒳𑒞𑒼 𑒠𑒳𑒐𑒦𑓀𑒖𑒢 𑒏𑒪𑒩𑒼 𑒋𑒏𑒯𑒩𑒰 𑒮𑒿 𑒠𑒹𑒫𑒰𑒢𑒢𑓂𑒠 𑒮𑒳𑒞 𑒅𑒿𑒧𑒰𑒢𑒢𑓂𑒠 𑒠𑒾 𑓘𑓘.𑒁𑒪𑒨 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒮𑒳𑒞 𑒏𑒪𑒩𑒳 𑒠𑒾 𑓘𑓙.𑒏𑒰𑒩𑒳 𑒮𑒳𑒞𑒰 𑒣𑒱𑒞𑒰𑒧𑓂𑒥𑒩 𑒫𑒱𑒠𑓂𑒨𑒰𑒣𑒞𑒱 𑒠𑒹𑒫𑒏𑒲𑒧𑒰𑒢𑒰 𑒏𑒰 𑒮𑒼𑒠𑒩𑒣𑒳𑒩 𑒮𑒿 𑒫𑒻𑒠𑒨𑒢𑒰𑒟 𑒮𑒳𑒞 𑒖𑒨𑒱 𑒠𑒾 𑓙𑓐.𑒮𑒳𑒩𑒼𑒃 𑒣𑓂𑒩. 𑒬𑒰𑒩𑒠𑒰𑒢𑒢𑓂𑒠 𑒮𑒳𑒞𑒰 𑒑𑒾𑒩𑒲𑒢𑒢𑓂𑒠𑒢 𑒫𑒰𑒔𑒮𑓂𑒣𑒞𑒱 𑒣𑓂𑒩. 𑒫𑒱𑒠𑓂𑒨𑒰𑒣𑒞𑒱 𑒠𑒱𑒫𑒰𑒏𑒩 𑒣𑓂𑒩. 𑒧𑒢𑓂𑒠𑒴 𑒩𑒞𑓂𑒢𑒰𑒏𑒩 𑒣𑓂𑒩.𑒦𑓂𑒩. 𑒦𑒼𑒪𑒢 𑒖𑒲 𑒏𑒰 𑒢𑒑. 𑒒𑒳𑒮𑒾𑒞 𑒮𑒿 𑒠𑒰𑒧𑒼𑒠𑒩 𑒮𑒳𑒞 𑒅𑒑𑓂𑒩𑒧𑒼𑒯𑒢 𑒠𑒾 𑒋𑒏𑒯𑒩𑒰 𑒮𑒿 𑒬𑒼𑒦𑒰𑒢𑒢𑓂𑒠 𑒠𑓂𑒠𑒾.𑓙𑓑.𑒐𑒾𑒂𑒪 𑒮𑒿 𑒫𑒱𑒠𑓂𑒨𑒰𑒣𑒞𑒱 𑒠𑒾.



𑒂𑒥 𑒂𑒅 𑒧𑒴𑒪 𑒧𑒳𑒠𑓂𑒠𑒰𑒣𑒩। 𑒯𑒧𑒩𑒰 𑒩𑒰𑒖𑒣𑒝𑓂𑒛𑒱𑒞 𑒂 𑒂𑒩 𑒏𑒞𑒹𑒏 𑒩𑒰𑒮 𑒡𑒩𑓂𑒧𑒰𑒡𑒱𑒏𑒰𑒩𑒝𑒱𑒏 𑒫𑒱𑒠𑓂𑒨𑒰𑒣𑒞𑒱 𑒮𑒦 𑒖𑒻𑒧𑒹 𑒋𑒏𑒙𑒰 𑒠𑒹𑒫𑒠𑒰𑒮𑒲𑒏 𑒣𑒳𑒞𑓂𑒩 𑒮𑒹𑒯𑒼 𑒩𑒯𑒟𑒱, 𑒏𑒹𑒩 𑒥𑓂𑒩𑒰𑒯𑓂𑒧𑒝 𑒯𑒹𑒥𑒰𑒧𑒹 𑒏𑒼𑒢𑒼 𑒮𑒢𑓂𑒠𑒹𑒯 𑒢𑒻 𑒁𑒕𑒱। 𑒯𑒧 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁 𑒂 𑒏𑒲𑒩𑓂𑒞𑒱𑒪𑒞𑒰 𑒏𑒲𑒩𑓂𑒞𑒱𑒣𑒞𑒰𑒏𑒰 𑒢𑒻 𑒫𑒩𑒢 𑒫𑒱𑒠𑓂𑒨𑒰𑒣𑒞𑒱 𑒣𑒠𑒰𑒫𑒪𑒲𑒏 𑒑𑒣 𑒏𑓄 𑒩𑒯𑒪 𑒕𑒲। 𑒞𑒹𑒿 𑒏𑒼𑒢𑒼 𑒍𑒗𑒩𑒲𑒧𑒹 𑒢𑒻 𑒩𑒯𑒪 𑒖𑒰𑒋।𑒂𑒥 𑒂𑒅 𑒑𑒋𑒩 𑒥𑓂𑒩𑒰𑒯𑓂𑒧𑒝 𑒠𑓂𑒫𑒰𑒩𑒰 𑒑𑒰𑒍𑒪 𑒥𑒱𑒠𑒰𑒣𑒞, 𑒖𑒹 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒮𑒿 𑒣𑒴𑒩𑓂𑒫 (𑒮𑒧𑓂𑒦𑒫𑒞𑓁 ) 𑒥𑒰𑒩𑓂𑒥𑒩 𑒏𑒰𑒮𑓂𑒙𑒧𑒹 𑒦𑒹𑒪 𑒩𑒯𑒟𑒱 𑒂 𑒞𑒏𑒩 𑒣𑓂𑒩𑒧𑒰𑒝 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒠𑓂𑒫𑒰𑒩𑒰 𑒫𑒩𑓂𑒝𑒢 𑒩𑒞𑓂𑒢𑒰𑒏𑒩𑒧𑒹 𑒌 𑒏𑒫𑒱 𑒂 𑒍𑒏𑒩 𑒏𑒵𑒞𑒱𑒏 𑒔𑒩𑓂𑒔𑒰 𑒁𑒕𑒱।

𑒧𑒯𑒰𑒠𑒹𑒫 𑒧𑒴𑒪𑒞𑓁 𑒑𑒋𑒩 𑒥𑓂𑒩𑒰𑒯𑓂𑒧𑒝𑒏 𑒠𑒹𑒫𑒞𑒰 𑒩𑒯𑒟𑒱, 𑒂𑒮𑓂𑒞𑒹-𑒂𑒮𑓂𑒞𑒹 𑒍 𑒥𑓂𑒩𑒰𑒯𑓂𑒧𑒝 𑒪𑒼𑒏𑒢𑒱 𑒠𑓂𑒫𑒰𑒩𑒰 𑒁𑒣𑒢𑒰𑒍𑒪 𑒑𑒹𑒪𑒰𑒯। 𑒫𑒱𑒠𑓂𑒨𑒰𑒣𑒞𑒱𑒏 𑒏𑒼𑒢𑒼 𑒣𑒠𑒰𑒫𑒪𑒲𑒏 𑒩𑒔𑒢𑒰𑒧𑒹 𑒯𑒳𑒢𑒏𑒩 𑒮𑓀𑒮𑓂𑒏𑒵𑒞/ 𑒁𑒫𑒯𑒙𑓂𑒚 𑒪𑒹𑒐𑒏 𑒯𑒹𑒥𑒰𑒏 𑒔𑒩𑓂𑒔 𑒢𑒻 𑒁𑒕𑒱। 𑒧𑒳𑒠𑒰 𑒯𑒳𑒢𑒏𑒩 𑒩𑒔𑒢𑒰 (𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒩𑒳𑒠𑓂𑒡, 𑒖𑒹 𑒠𑒼𑒮𑒩 𑒫𑒱𑒠𑓂𑒨𑒰𑒣𑒞𑒱𑒏 𑒩𑒔𑒢𑒰 𑒕𑒲, 𑒖𑒹 𑒥𑓂𑒩𑒰𑒯𑓂𑒧𑒝 𑒩𑒯𑒟𑒱) 𑒮𑒩𑓂𑒫𑒯𑒰𑒩𑒰𑒏 𑒪𑒹𑒪 𑒖𑒹 𑒠𑒩𑓂𑒠 𑒁𑒕𑒱 𑒮𑒹 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒠𑓂𑒨𑒰𑒣𑒞𑒱𑒧𑒹 𑒏𑒱𑒋 𑒢𑒻 𑒁𑒕𑒱? 𑒅𑒠𑒰𑒯𑒩𑒝 𑒠𑒹𑒐𑒴।

𑒫𑒱𑒠𑓂𑒨𑒰𑒣𑒞𑒱𑒏 𑒥𑒱𑒠𑒹𑒮𑒱𑒨𑒰- 𑒣𑒱𑒂 𑒠𑒹𑒮𑒰𑒿𑒞𑒩

𑒦𑒼𑒖𑒣𑒳𑒩𑒲𑒏 𑒮𑒰𑒯𑒱𑒞𑓂𑒨 𑒧𑒻𑒟𑒱𑒪𑒲𑒮𑒿 𑒏𑒧 𑒮𑒧𑒵𑒠𑓂𑒡 𑒁𑒕𑒱 𑒧𑒳𑒠𑒰 𑒮𑒹 𑒁𑒕𑒱 𑒧𑒰𑒞𑓂𑒩 𑒣𑒩𑒱𑒧𑒰𑒝𑒧𑒹, 𑒑𑒳𑒝𑒫𑒞𑓂𑒞𑒰𑒏 𑒠𑒵𑒭𑓂𑒙𑒱𑒧𑒹 𑒄 𑒏𑒞𑒹𑒏 𑒏𑓂𑒭𑒹𑒞𑓂𑒩𑒧𑒹 𑒂𑒑𑒰𑒿 𑒁𑒕𑒱। 𑒦𑒼𑒖𑒣𑒳𑒩𑒲𑒏 𑒦𑒱𑒐𑒰𑒛𑓃𑒲 𑒚𑒰𑒏𑒳𑒩𑒏 𑒥𑒱𑒠𑒹𑒮𑒱𑒨𑒰𑒏 𑒮𑒢𑓂𑒠𑒩𑓂𑒦𑒧𑒹 𑒯𑒧 𑒄 𑒏𑒯𑒱 𑒩𑒯𑒪 𑒕𑒲। 𑒦𑒱𑒐𑒰𑒛𑓃𑒲 𑒚𑒰𑒏𑒳𑒩 𑒏𑒪𑒏𑒞𑓂𑒞𑒰𑒧𑒹 𑒣𑓂𑒩𑒫𑒰𑒮𑒲 𑒩𑒯𑒟𑒱, 𑒒𑒳𑒩𑒱 𑒏𑒨 𑒁𑒋𑒪𑒰𑒯 𑒂 𑒦𑒼𑒖𑒣𑒳𑒩 𑒏𑓂𑒭𑒹𑒞𑓂𑒩𑒧𑒹 𑒁𑒣𑒢 𑒏𑒭𑓂𑒙𑒏 𑒫𑒩𑓂𑒝𑒢 𑒖𑒰𑒯𑒱 𑒧𑒩𑓂𑒧𑒮𑓂𑒣𑒩𑓂𑒬𑒲 𑒩𑒴𑒣𑒮𑒿 𑒑𑒰𑒧𑒹-𑒑𑒰𑒧𑒹 𑒒𑒳𑒧𑒱 𑒏𑒋 𑒂 𑒑𑒰𑒥𑒱 𑒏𑒋 𑒮𑒳𑒢𑒍𑒪𑒢𑓂𑒯𑒱 𑒮𑒹 𑒥𑒢𑒪 𑒥𑒱𑒠𑒹𑒮𑒱𑒨𑒰 𑒢𑒰𑒙𑒏। 𑒧𑒱𑒟𑒱𑒪𑒰𑒧𑒹 𑒣𑓂𑒩𑒫𑒰𑒮 𑒂𑒖𑒳𑒏 𑒒𑒙𑒢𑒰 𑒕𑒲, 𑒑𑒰𑒧𑒏-𑒑𑒰𑒧 𑒮𑒳𑒢𑓂𑒢 𑒦𑓄 𑒑𑒹𑒪 𑒁𑒕𑒱। 𑒧𑒱𑒟𑒱𑒪𑒰𑒏 𑒥𑒱𑒠𑒹𑒮𑒱𑒨𑒰 𑒪𑒼𑒏𑒢𑒱 𑒠𑒹𑒬𑒏 𑒏𑒼𑒢-𑒏𑒼𑒢𑒧𑒹 𑒣𑒮𑒩𑒱 𑒑𑒹𑒪 𑒕𑒟𑒱। 𑒧𑒳𑒠𑒰 𑒣𑒯𑒱𑒢𑒹 𑒦𑒼𑒖𑒣𑒳𑒩 𑒃𑒪𑒰𑒏𑒰 𑒖𑒹𑒏𑒰𑒿 𑒣𑓂𑒩𑒫𑒰𑒮𑒏 𑒒𑒙𑒢𑒰 𑒧𑒱𑒟𑒱𑒪𑒰𑒧𑒹 𑒢𑒯𑒱 𑒕𑒪। 𑒣𑓂𑒩𑒫𑒰𑒮 𑒧𑒼𑒩𑓀𑒑 𑒡𑒩𑒱 𑒮𑒲𑒧𑒱𑒞 𑒕𑒪 𑒖𑒹 𑒢𑒹𑒣𑒰𑒪𑒏 𑒧𑒱𑒟𑒱𑒪𑒰𑓀𑒔𑒪 𑒏𑓂𑒭𑒹𑒞𑓂𑒩 𑒁𑒕𑒱। 𑒂 𑒞𑒰𑒯𑒱𑒮𑒿 𑒧𑒻𑒟𑒱𑒪𑒲𑒧𑒹 𑒪𑒼𑒏𑒑𑒰𑒟𑒰𑒏 𑒮𑒴𑒏𑓂𑒭𑓂𑒧 𑒫𑒱𑒫𑒩𑒝𑒏 𑒥𑒛𑓃 𑒁𑒦𑒰𑒫, 𑒖𑒹 𑒁𑒕𑒱𑒨𑒼 𑒮𑒹 𑒪𑒼𑒏𑒑𑒰𑒟𑒰 𑒢𑒰𑒨𑒏𑒏 𑒫𑒱𑒫𑒩𑒝 𑒢𑒯𑒱 𑒫𑒩𑒢 𑒧𑒯𑒰𑒏𑒰𑒫𑓂𑒨𑒏 𑒢𑒰𑒨𑒏𑒏 𑒧𑒻𑒟𑒱𑒪𑒲𑒧𑒹 𑒫𑒱𑒫𑒩𑒝 𑒖𑒹𑒏𑒰𑒿 𑒁𑒕𑒱, 𑒂 𑒥𑒼𑒗𑒱𑒪 𑒁𑒕𑒱, 𑒦𑒱𑒐𑒰𑒛𑓃𑒲 𑒚𑒰𑒏𑒳𑒩𑒏 𑒥𑒱𑒠𑒹𑒮𑒱𑒨𑒰𑒏 𑒖𑒼𑒛𑓃 𑒢𑒯𑒱। 𑒮𑒪𑒯𑒹𑒮𑒏 𑒏𑒟𑒰𑒏 𑒫𑒱𑒫𑒩𑒝 𑒪𑒱𑒁, 𑒏𑓂𑒭𑒹𑒞𑓂𑒩𑒲𑒨 𑒣𑒩𑒱𑒡𑒱 𑒣𑒰𑒩 𑒏𑒩𑒱𑒞𑒹 𑒮𑒪𑒯𑒹𑒮 𑒩𑒰𑒖𑒰𑒮𑒿 𑒔𑒼𑒩 𑒥𑒢𑒱 𑒖𑒰𑒃𑒞 𑒕𑒟𑒱 𑒂 𑒔𑒼𑒩𑒮𑒿 𑒩𑒰𑒖𑒰। 𑒞𑒯𑒱𑒢𑒰 𑒔𑒴𑒯𑒛𑓃𑒧𑒪 𑒏𑓂𑒭𑒹𑒞𑓂𑒩𑒲𑒨 𑒣𑒩𑒱𑒡𑒱 𑒣𑒰𑒩 𑒏𑒩𑒱𑒞𑒹 𑒖𑒞𑒋 𑒮𑒪𑒯𑒹𑒮 𑒩𑒰𑒖𑒰 𑒥𑒢𑒻𑒞 𑒕𑒟𑒱 𑒍𑒞𑒋 𑒔𑒼𑒩 𑒥𑒢𑒱 𑒖𑒰𑒃𑒞 𑒕𑒟𑒱, 𑒂 𑒖𑒞𑒋 𑒮𑒪𑒯𑒹𑒮 𑒔𑒼𑒩 𑒏𑒯𑒪 𑒖𑒰𑒃𑒞 𑒕𑒟𑒱 𑒍𑒞𑒳𑒏𑓂𑒏𑒰 𑒩𑒰𑒖𑒰/ 𑒬𑒏𑓂𑒞𑒱𑒬𑒰𑒪𑒲𑒏 𑒩𑒴𑒣𑒹𑒿 𑒖𑒰𑒢𑒪 𑒖𑒰𑒃𑒞 𑒕𑒟𑒱। 𑒧𑒳𑒠𑒰 𑒋𑒯𑒱 𑒮𑒦𑒣𑒩 𑒏𑒼𑒢𑒼 𑒬𑒼𑒡 𑒢𑒯𑒱 𑒦𑒋 𑒮𑒏𑒪 𑒁𑒕𑒱। 𑒋𑒯𑒱 𑒏𑓂𑒩𑒧𑒧𑒹 𑒫𑒱𑒠𑓂𑒨𑒰𑒣𑒞𑒱𑒏 𑒣𑒠𑒰𑒫𑒪𑒲𑒏 𑒣𑒠 𑒮𑒦𑒧𑒹 𑒞𑒏𑒻𑒞 𑒯𑒧𑒩𑒰 𑒮𑒧𑒏𑓂𑒭 𑒫𑒱𑒦𑒱𑒢𑓂𑒢 𑒣𑓂𑒩𑒏𑒰𑒩𑒏 𑒑𑒲𑒞 𑒮𑒦 𑒮𑒼𑒗𑒰𑒿𑒧𑒹 𑒂𑒋𑒪। 𑒋𑒯𑒱𑒧𑒹 𑒖𑒹 𑒁𑒡𑒱𑒏𑒰𑓀𑒬 𑒕𑒪 𑒮𑒹 𑒩𑒯𑒋 𑒣𑓂𑒩𑒹𑒧𑒲-𑒣𑓂𑒩𑒹𑒧𑒱𑒏𑒰𑒏 𑒫𑒱𑒩𑒯𑒏 𑒫𑒱𑒫𑒩𑒝 𑒂 𑒥𑒱𑒠𑒹𑒮𑒱𑒨𑒰𑒏 𑒖𑒹 𑒧𑒴𑒪 𑒏𑒢𑒮𑒹𑒣𑓂𑒙 𑒁𑒕𑒱- 𑒩𑒼𑒖𑒲-𑒩𑒼𑒙𑒲 𑒂 𑒂𑒖𑒲𑒫𑒱𑒏𑒰 𑒪𑒹𑒪 𑒧𑒼𑒢-𑒧𑒰𑒩𑒱 𑒏𑒋 𑒣𑓂𑒩𑒫𑒰𑒮, 𑒞𑒰𑒯𑒱𑒮𑒿 𑒤𑒩𑒰𑒏। 𑒞𑒐𑒢 𑒖𑒰 𑒏𑒋 𑒯𑒧𑒩𑒰 𑒏𑒱𑒕𑒳 𑒫𑒱𑒬𑒳𑒠𑓂𑒡 𑒥𑒱𑒠𑒹𑒮𑒱𑒨𑒰 𑒖𑒏𑒩𑒰 𑒫𑒱𑒠𑓂𑒨𑒰𑒣𑒞𑒱 𑒣𑒱𑒂-𑒠𑒹𑒮𑒰𑒿𑒞𑒩 𑒏𑒯𑒻𑒞 𑒕𑒟𑒱 𑒦𑒹𑒙𑒪। 𑒋𑒯𑒱𑒧𑒹 𑒮𑓂𑒫𑒰𑒦𑒰𑒫𑒱𑒏 𑒩𑒴𑒣𑒹𑒿 𑒁𑒡𑒱𑒏𑒰𑓀𑒬 𑒫𑒱𑒠𑓂𑒨𑒰𑒣𑒞𑒱𑒏 𑒢𑒹𑒣𑒰𑒪 𑒣𑒠𑒰𑒫𑒪𑒲𑒮𑒿 𑒦𑒹𑒙𑒪 𑒂 𑒋𑒏𑒙𑒰 𑒢𑒑𑒹𑒢𑓂𑒠𑓂𑒩𑒢𑒰𑒟 𑒑𑒳𑒣𑓂𑒞𑒏 𑒮𑓀𑒑𑓂𑒩𑒲𑒯𑒲𑒞 𑒣𑒠𑒰𑒫𑒪𑒲𑒮𑒿। 𑒧𑒼𑒩𑓀𑒑 𑒢𑒹𑒣𑒰𑒪 𑒮𑓂𑒟𑒱𑒞 𑒧𑒱𑒟𑒱𑒪𑒰𑒏 𑒦𑒰𑒑 𑒁𑒕𑒱 𑒂 𑒣𑓂𑒩𑒫𑒰𑒮 𑒪𑒹𑒪 𑒣𑓂𑒩𑒮𑒱𑒠𑓂𑒡 𑒕𑒪, 𑒮𑒹 𑒋𑒏𑒩 𑒮𑒧𑓂𑒦𑒰𑒫𑒱𑒞 𑒏𑒰𑒩𑒝।𑒞𑒰𑒯𑒱 𑒂𑒡𑒰𑒩𑒣𑒩 𑒄 𑒮𑓀𑒏𑒪𑓂𑒣𑒱𑒞 𑒢𑒰𑒙𑒱𑒏𑒰 𑒣𑓂𑒩𑒮𑓂𑒞𑒳𑒞 𑒁𑒕𑒱।𑒫𑒱𑒠𑓂𑒨𑒰𑒣𑒞𑒱𑒏 𑒣𑒱𑒂 𑒠𑒹𑒮𑒰𑒿𑒞𑒩 𑒠𑒵𑒬𑓂𑒨 𑓑𑒮𑓂𑒙𑒹𑒖𑒣𑒩 𑒯𑒧𑒩 𑒥𑒱𑒠𑒹𑒮𑒱𑒨𑒰 𑒥𑒱𑒠𑒹𑒮 𑒢𑒼𑒏𑒩𑒲𑒏 𑒪𑒹𑒪 𑒥𑒱𑒠𑒰 𑒯𑒼𑒃𑒞 𑒕𑒟𑒱 𑒂 𑒖𑒳𑒫𑒞𑒲 𑒑𑒥𑒻𑒞 𑒕𑒟𑒱- 𑒑𑒲𑒞𑒏 𑒥𑒲𑒔𑒧𑒹 𑒋𑒏𑒙𑒰 𑒣𑒟𑒱𑒏 𑒁𑒥𑒻𑒞 𑒕𑒟𑒱 । 𑒧𑓀𑒔𑒏 𑒠𑒼𑒮𑒩 𑒕𑒼𑒛𑓃𑒣𑒩 𑒔𑒼𑒩 𑒪𑒼𑒏𑒢𑒱 𑒡𑒣𑒰𑒃𑒞 𑒢𑒳𑒏𑒰𑒨𑒪 𑒕𑒟𑒱। 𑒧𑓀𑒔𑒏 𑒠𑒼𑒮𑒩 𑒕𑒼𑒩𑒣𑒩 𑒏𑒼𑒞𑒫𑒰𑒪 𑒂 𑒬𑒳𑒦𑓂𑒩 𑒡𑒼𑒞𑒲𑒡𑒰𑒩𑒲 𑒣𑒹𑒙𑒣𑒩 𑒯𑒰𑒟 𑒠𑒹𑒢𑒹 𑒢𑒱𑒤𑒱𑒏𑒱𑒩 𑒥𑒻𑒮𑒪 𑒕𑒟𑒱।𑒡𑒢𑒕𑒲 𑒩𑒰𑒑𑒹 (𑒢𑒹𑒣𑒰𑒪𑒮𑒿 𑒣𑓂𑒩𑒰𑒣𑓂𑒞 𑒫𑒱𑒠𑓂𑒨𑒰𑒣𑒞𑒱 𑒣𑒠𑒰𑒫𑒪𑒲)-𑒯𑒧 𑒖𑒳𑒫𑒞𑒲, 𑒣𑒞𑒱 𑒑𑒹𑒪𑒰𑒯 𑒥𑒱𑒠𑒹𑒮। 𑒪𑒑 𑒢𑒯𑒱 𑒥𑒮𑒋 𑒣𑒛𑓃𑒅𑒮𑒱𑒯𑒳 𑒪𑒹𑒮।𑒯𑒧 𑒨𑒳𑒫𑒞𑒲 𑒕𑒲 𑒂 𑒯𑒧𑒩 𑒣𑒞𑒱 𑒥𑒱𑒠𑒹𑒮 𑒑𑒹𑒪 𑒕𑒟𑒱। 𑒪𑒑𑒧𑒹 𑒣𑒛𑓃𑒼𑒮𑒲𑒏 𑒏𑒼𑒢𑒼 𑒁𑒫𑒬𑒹𑒭 𑒢𑒯𑒱 𑒁𑒕𑒱।


𑒮𑒰𑒮𑒳 𑒢𑒢𑒢𑓂𑒠 𑒏𑒱𑒕𑒳𑒂𑒍 𑒢𑒯𑒱 𑒖𑒰𑒢। 𑒂𑒿𑒐𑒱 𑒩𑒞𑒾𑒢𑓂𑒡𑒲, 𑒮𑒳𑒢𑒋 𑒢 𑒏𑒰𑒢।𑒮𑒰𑒮 𑒂 𑒢𑒢𑒠𑒱 𑒮𑒹𑒯𑒼 𑒏𑒱𑒕𑒳 𑒢𑒯𑒱 𑒥𑒳𑒗𑒻𑒞 𑒕𑒟𑒱। 𑒯𑒳𑒢𑒏𑒩 𑒮𑒦𑒏 𑒂𑒿𑒐𑒱𑒧𑒹 𑒩𑒞𑒾𑒿𑒡𑒲 𑒕𑒢𑓂𑒯𑒱 𑒂 𑒍 𑒮𑒦 𑒏𑒰𑒢𑒮𑒿 𑒮𑒹𑒯𑒼 𑒏𑒱𑒕𑒳 𑒢𑒯𑒱 𑒮𑒳𑒢𑒻𑒞 𑒕𑒟𑒱।


𑒖𑒰𑒑𑒯 𑒣𑒟𑒱𑒏, 𑒖𑒰𑒯 𑒖𑒢𑒳 𑒦𑒼𑒩। 𑒩𑒰𑒞𑒱 𑒁𑒢𑓂𑒡𑒰𑒩, 𑒑𑒰𑒧 𑒥𑒛𑓃 𑒔𑒼𑒩।𑒯𑒹 𑒣𑒟𑒱𑒏! 𑒢𑒱𑒢𑓂𑒢𑒏𑒹𑒿 𑒞𑓂𑒨𑒰𑒑𑒴। 𑒏𑒰𑒪𑓂𑒯𑒱 𑒦𑒼𑒩𑒧𑒹 𑒢𑒯𑒱 𑒂𑒆। 𑒁𑒢𑓂𑒯𑒩𑒱𑒨𑒰 𑒩𑒰𑒞𑒱 𑒁𑒕𑒱 𑒂 𑒑𑒰𑒧𑒧𑒹 𑒥𑒛𑓂𑒛 𑒔𑒼𑒩 𑒮𑒦 𑒁𑒕𑒱।


𑒮𑒣𑒢𑒹𑒯𑒳 𑒦𑒰𑒍𑒩 𑒢 𑒠𑒹𑒁 𑒏𑒼𑒙𑒥𑒰𑒩। 𑒣𑒍𑒪𑒹𑒯𑒳 𑒪𑒼𑒞𑒹 𑒢 𑒏𑒩𑒋 𑒥𑒱𑒔𑒰𑒩।𑒏𑒼𑒞𑒥𑒰𑒪 𑒮𑓂𑒫𑒣𑒢𑒯𑒳𑒧𑒹 𑒣𑒯𑒩𑒰 𑒢𑒯𑒱 𑒠𑒻𑒞 𑒁𑒕𑒱 𑒂 𑒢𑒼𑒞 𑒠𑒹𑒪𑒼𑒣𑒩 𑒫𑒱𑒔𑒰𑒩 𑒢𑒯𑒱 𑒏𑒩𑒻𑒞 𑒁𑒕𑒱।


𑒢𑒵𑒣 𑒃𑒟𑒱 𑒏𑒰𑒯𑒳 𑒏𑒩𑒟𑒱 𑒢𑒯𑒱 𑒮𑒰𑒞𑒱।𑒣𑒳𑒩𑒐 𑒧𑒯𑒞 𑒮𑒥 𑒯𑒧𑒩 𑒮𑒖𑒰𑒞𑒱॥𑒞𑒰𑒯𑒱 𑒠𑓂𑒫𑒰𑒩𑒹 𑒩𑒰𑒖𑒰 𑒏𑒏𑒩𑒼 𑒠𑒝𑓂𑒛 𑒢𑒯𑒱 𑒠𑒻𑒞 𑒕𑒟𑒱 𑒂 𑒮𑒦𑒙𑒰 𑒣𑒻𑒒 𑒪𑒼𑒏 𑒋𑒏𑒹 𑒩𑓀𑒑 𑒕𑒟𑒱।


𑒫𑒱𑒠𑓂𑒨𑒰𑒣𑒞𑒱 𑒏𑒫𑒱 𑒋𑒯 𑒩𑒮 𑒑𑒰𑒥। 𑒅𑒏𑒳𑒞𑒱𑒯𑒱 𑒦𑒰𑒫 𑒖𑒢𑒰𑒥।𑒫𑒱𑒠𑓂𑒨𑒰𑒣𑒞𑒱 𑒏𑒫𑒱 𑒄 𑒩𑒮 𑒑𑒥𑒻𑒞 𑒕𑒟𑒱। 𑒅𑒏𑒞𑒲𑒮𑒿 𑒦𑒰𑒫 𑒖𑒢𑒰 𑒩𑒯𑒪𑒲𑒯 𑒁𑒕𑒱।


𑒫𑒱𑒠𑓂𑒨𑒰𑒣𑒞𑒱 𑒏𑒫𑒱𑒏 𑒣𑓂𑒩𑒫𑒹𑒬 𑒯𑒼𑒃𑒞 𑒕𑒢𑓂𑒯𑒱। 𑒏𑒼𑒞𑒫𑒰𑒪𑒏 𑒪𑒑 𑒬𑒳𑒦𑓂𑒩-𑒡𑒼𑒞𑒲𑒡𑒰𑒩𑒲 𑒂 𑒋𑒏𑒙𑒰 𑒑𑒩𑒲𑒥𑒏 𑒂𑒑𑒧𑒢 𑒯𑒼𑒃𑒞 𑒁𑒕𑒱। 𑒏𑒼𑒞𑒫𑒰𑒪 𑒂𑒦𑒰𑒮𑒮𑒿 𑒡𑒼𑒞𑒲𑒡𑒰𑒩𑒲𑒏 𑒣𑒏𑓂𑒭𑒧𑒹 𑒢𑒱𑒩𑓂𑒝𑒨 𑒮𑒳𑒢𑒥𑒻𑒞 𑒕𑒟𑒱 𑒂 𑒧𑓀𑒔𑒏 𑒠𑒼𑒮𑒩 𑒏𑒼𑒢𑒣𑒩 𑒥𑒻𑒮𑒪𑒱 𑒖𑒳𑒫𑒞𑒲 𑒧𑒰𑒟 𑒣𑒱𑒙𑒻𑒞 𑒕𑒟𑒱। 𑒑𑒲𑒞𑒏 𑒁𑒢𑓂𑒞𑒱𑒧 𑒔𑒰𑒩𑒱 𑒣𑒰𑒿𑒞𑒲 𑒫𑒱𑒠𑓂𑒨𑒰𑒣𑒞𑒱 𑒏𑒫𑒱 𑒑𑒥𑒻𑒞 𑒕𑒟𑒱। 𑒠𑒵𑒬𑓂𑒨 𑓒 𑒖𑒳𑒫𑒞𑒲 𑒋𑒏𑒙𑒰 𑒠𑒼𑒏𑒰𑒢 𑒐𑒼𑒪𑒢𑒹 𑒕𑒟𑒱, 𑒮𑒰𑓀𑒏𑒹𑒞𑒱𑒏। 𑒧𑓀𑒔𑒏 𑒠𑒼𑒮𑒩 𑒏𑒰𑒞𑒮𑒿 𑒮𑒰𑒮𑒳 𑒂 𑒢𑒢𑒠𑒱𑒏𑒹𑒿 𑒖𑒋𑒥𑒰𑒏 𑒂 𑒏𑓂𑒩𑒹𑒞𑒰 𑒣𑒟𑒱𑒏𑒏 𑒁𑒋𑒥𑒰𑒏 𑒮𑓀𑒑 𑒨𑒳𑒫𑒞𑒲 𑒑𑒹𑒢𑒰𑒃 𑒬𑒳𑒩𑒴 𑒏𑒩𑒻𑒞 𑒕𑒟𑒱 𑒂 𑒮𑒦 𑒣𑒰𑒿𑒞𑒱𑒏 𑒥𑒰𑒠 𑒫𑒱𑒠𑓂𑒨𑒰𑒣𑒞𑒱 𑒧𑓀𑒔𑒣𑒩 𑒁𑒥𑒻𑒞 𑒕𑒟𑒱 𑒁𑒩𑓂𑒟 𑒏𑒯𑒻𑒞 𑒕𑒟𑒱 𑒂 𑒁𑓀𑒡𑒏𑒰𑒩𑒧𑒹 𑒫𑒱𑒪𑒲𑒢 𑒦𑓄 𑒖𑒰𑒃𑒞 𑒕𑒟𑒱। 𑒧𑒳𑒠𑒰 𑒁𑒢𑓂𑒞𑒱𑒧 𑒣𑒰𑒿𑒞𑒲 𑒫𑒱𑒠𑓂𑒨𑒰𑒣𑒞𑒱 𑒑𑒥𑒻𑒞 𑒕𑒟𑒱 𑒂 𑒖𑒳𑒫𑒞𑒲 𑒍𑒏𑒩 𑒁𑒩𑓂𑒟 𑒥𑒿𑒔𑒻𑒞 𑒕𑒟𑒱।𑒧𑒰𑒪𑒫𑒩𑒰𑒑𑒹 (𑒢𑒹𑒣𑒰𑒪𑒮𑒿 𑒣𑓂𑒩𑒰𑒣𑓂𑒞 𑒫𑒱𑒠𑓂𑒨𑒰𑒣𑒞𑒱 𑒣𑒠𑒰𑒫𑒪𑒲)-𑒥𑒛𑓃𑒱 𑒖𑒳𑒛𑓃𑒱 𑒋𑒯𑒱 𑒞𑒩𑒳𑒏 𑒕𑒰𑒯𑒩𑒱, 𑒚𑒰𑒧𑒹 𑒚𑒰𑒧𑒹 𑒥𑒮 𑒑𑒰𑒧।𑒋𑒯𑒱 𑒑𑒰𑒕𑒏 𑒕𑒰𑒯 𑒥𑒛𑓂𑒛 𑒬𑒲𑒞𑒪 𑒁𑒕𑒱। 𑒚𑒰𑒧𑒹-𑒚𑒰𑒧 𑒑𑒰𑒧 𑒥𑒮𑒪 𑒁𑒕𑒱। 𑒯𑒧 𑒋𑒏𑒮𑒩𑒱, 𑒣𑒱𑒂 𑒠𑒹𑒮𑒰𑒿𑒞𑒩, 𑒢𑒯𑒱 𑒠𑒳𑒩𑒖𑒢 𑒢𑒰𑒧।𑒯𑒧 𑒁𑒮𑒑𑒩𑒱 𑒕𑒲, 𑒣𑓂𑒩𑒱𑒨 𑒣𑒩𑒠𑒹𑒮𑒧𑒹 𑒕𑒟𑒱, 𑒏𑒞𑒯𑒳 𑒠𑒳𑒩𑓂𑒖𑒢𑒏 𑒢𑒰𑒧 𑒢𑒯𑒱 𑒁𑒕𑒱।


𑒣𑒟𑒱𑒏 𑒯𑒹, 𑒋𑒟𑒰 𑒪𑒹𑒯 𑒥𑒱𑒮𑒩𑒰𑒧।𑒯𑒹 𑒣𑒟𑒱𑒏! 𑒋𑒞𑒨 𑒫𑒱𑒬𑓂𑒩𑒰𑒧 𑒏𑒩𑒴।𑒖𑒞 𑒥𑒹𑒮𑒰𑒯𑒥 𑒏𑒱𑒕𑒳 𑒢 𑒧𑒯𑒒, 𑒮𑒥𑒹 𑒧𑒱𑒪 𑒋𑒯𑒱 𑒚𑒰𑒧।𑒖𑒹 𑒏𑒱𑒕𑒳 𑒏𑒲𑒢𑒥, 𑒏𑒱𑒕𑒳𑒍 𑒧𑒯𑒑 𑒢𑒯𑒱। 𑒮𑒦 𑒏𑒱𑒕𑒳 𑒋𑒞𑒋 𑒦𑒹𑒙𑒞। 𑒮𑒰𑒮𑒳 𑒢𑒯𑒱 𑒒𑒩, 𑒣𑒩 𑒣𑒩𑒱𑒖𑒢 𑒢𑒢𑒢𑓂𑒠 𑒮𑒯𑒖𑒹 𑒦𑒼𑒩𑒱।𑒒𑒩𑒧𑒹 𑒮𑒰𑒮𑒳 𑒢𑒯𑒱 𑒕𑒟𑒱, 𑒣𑒩𑒱𑒖𑒢 𑒠𑒴𑒩𑒧𑒹 𑒕𑒟𑒱 𑒂 𑒢𑒢𑒠𑒱 𑒮𑓂𑒫𑒦𑒰𑒫𑒮𑒿 𑒮𑒩𑒪 𑒕𑒟𑒱।𑒋𑒞𑒯𑒳 𑒣𑒟𑒱𑒏 𑒫𑒱𑒧𑒳𑒐 𑒖𑒰𑒋𑒥 𑒞𑒥𑒹 𑒁𑒢𑒰𑒃𑒞𑒱 𑒧𑒼𑒩𑒱।𑒋𑒞𑒹𑒏 𑒩𑒯𑒱𑒞𑒼 𑒖𑒹 𑒁𑒯𑒰𑒿 𑒫𑒱𑒧𑒳𑒐 𑒦𑒋 𑒖𑒰𑒋𑒥 𑒞𑒿 𑒂𑒥 𑒯𑒧𑒩 𑒮𑒏𑓂𑒏 𑒢𑒯𑒱 𑒁𑒕𑒱।𑒦𑒢 𑒫𑒱𑒠𑓂𑒨𑒰𑒣𑒞𑒱 𑒮𑒳𑒢 𑒞𑒘𑒹 𑒖𑒳𑒫𑒞𑒲 𑒖𑒹 𑒣𑒳𑒩 𑒣𑒩𑒏 𑒂𑒮।𑒫𑒱𑒠𑓂𑒨𑒰𑒣𑒞𑒱 𑒏𑒯𑒻𑒞 𑒕𑒟𑒱- 𑒯𑒹 𑒨𑒳𑒫𑒞𑒲! 𑒮𑒳𑒢𑒴 𑒖𑒹 𑒁𑒯𑒰𑒿 𑒠𑒼𑒮𑒩𑒰𑒏 𑒂𑒮 𑒣𑒴𑒩𑒰 𑒏𑒩𑒻𑒞 𑒕𑒲। 𑒠𑒵𑒬𑓂𑒨 𑓓𑒋𑒯𑒱 𑒑𑒲𑒞𑒧𑒹 𑒫𑒱𑒠𑓂𑒨𑒰𑒣𑒞𑒱 𑒢𑒯𑒱 𑒕𑒟𑒱। 𑒖𑒳𑒫𑒞𑒲𑒏 𑒢𑒢𑒠𑒱 𑒣𑒟𑒱𑒏𑒏𑒹𑒿 𑒠𑒥𑒰𑒩𑒱 𑒩𑒯𑒪 𑒕𑒟𑒱, 𑒮𑒹 𑒠𑒹𑒐𑒱 𑒖𑒳𑒫𑒞𑒲𑒏𑒹𑒿 𑒁𑒣𑒢 𑒣𑒱𑒂 𑒠𑒹𑒮𑒰𑒿𑒞𑒩 𑒧𑒼𑒢 𑒣𑒛𑓃𑒱 𑒖𑒰𑒃𑒞 𑒕𑒢𑓂𑒯𑒱। 𑒍 𑒢𑒢𑒠𑒱 𑒂 𑒮𑒐𑒲𑒏𑒹𑒿 𑒮𑒧𑓂𑒥𑒼𑒡𑒱𑒞 𑒏𑒋 𑒑𑒲𑒞 𑒑𑒥𑒻𑒞 𑒕𑒟𑒱। 𑒑𑒲𑒞𑒏 𑒁𑒩𑓂𑒟 𑒮𑒐𑒲 𑒏𑒯𑒻𑒞 𑒕𑒟𑒱, 𑒮𑒦 𑒣𑒰𑒿𑒞𑒲𑒏 𑒥𑒰𑒠।𑒡𑒢𑒕𑒲𑒩𑒰𑒑𑒹 (𑒢𑒹𑒣𑒰𑒪𑒮𑒿 𑒣𑓂𑒩𑒰𑒣𑓂𑒞 𑒫𑒱𑒠𑓂𑒨𑒰𑒣𑒞𑒱 𑒣𑒠𑒰𑒫𑒪𑒲)- 𑒣𑒩𑒞𑒯 𑒣𑒩𑒠𑒹𑒮, 𑒣𑒩𑒯𑒱𑒏 𑒂𑒮। 𑒫𑒱𑒧𑒳𑒐 𑒢 𑒏𑒩𑒱𑒁, 𑒁𑒥𑒮 𑒠𑒱𑒮 𑒥𑒰𑒮।𑒣𑒩𑒠𑒹𑒮𑒧𑒹 𑒢𑒱𑒞𑓂𑒨 𑒠𑒼𑒮𑒩𑒰𑒏 𑒂𑒮 𑒩𑒯𑒻𑒞 𑒁𑒕𑒱। 𑒮𑒹 𑒏𑒏𑒩𑒼 𑒫𑒱𑒧𑒳𑒐 𑒢𑒯𑒱 𑒏𑒩𑒥𑒰𑒏 𑒔𑒰𑒯𑒲। 𑒁𑒫𑒬𑓂𑒨 𑒫𑒰𑒮 𑒠𑒹𑒥𑒰𑒏 𑒔𑒰𑒯𑒲।𑒋𑒞𑒯𑒱 𑒖𑒰𑒢𑒱𑒁 𑒮𑒐𑒱 𑒣𑒱𑒁𑒞𑒧-𑒏𑒟𑒰।𑒯𑒹 𑒮𑒐𑒲 ! 𑒣𑓂𑒩𑒱𑒨𑒞𑒧𑒏 𑒪𑒹𑒪 𑒋𑒞𑒥𑒲 𑒏𑒟𑒰 𑒥𑒳𑒗𑒴।𑒦𑒪 𑒧𑒢𑓂𑒠 𑒢𑒢𑓂𑒠𑒢 𑒯𑒹 𑒧𑒢𑒹 𑒁𑒢𑒳𑒧𑒰𑒢𑒱। 𑒣𑒟𑒱𑒏𑒏𑒹𑒿 𑒢 𑒥𑒼𑒪𑒱𑒁 𑒙𑒴𑒙𑒪𑒱 𑒥𑒰𑒢𑒱।𑒯𑒹 𑒢𑒢𑒠𑒱! 𑒧𑒼𑒢𑒧𑒹 𑒢𑒲𑒏-𑒁𑒡𑒪𑒰𑒯𑒏 𑒁𑒢𑒳𑒧𑒰𑒢 𑒏𑓄 𑒣𑒟𑒱𑒏𑒏𑒹𑒿 𑒙𑒴𑒙𑒪 𑒑𑒣 𑒢𑒯𑒱 𑒥𑒰𑒖𑒴।


𑒔𑒩𑒢-𑒣𑒐𑒰𑒩𑒢, 𑒂𑒮𑒢-𑒠𑒰𑒢। 𑒧𑒡𑒳𑒩𑒯𑒳 𑒫𑒔𑒢𑒹 𑒏𑒩𑒱𑒁 𑒮𑒧𑒡𑒰𑒢।𑒔𑒩𑒝 𑒣𑒐𑒰𑒩𑒴, 𑒂𑒮𑒢 𑒠𑒱𑒨𑒾𑒏 𑒂 𑒧𑒡𑒳𑒩 𑒫𑒔𑒢 𑒏𑒯𑒱 𑒮𑒰𑒢𑓂𑒞𑓂𑒫𑒢𑒰 𑒠𑒱𑒨𑒢𑓂𑒯𑒳।𑒋 𑒮𑒐𑒱 𑒁𑒢𑒳𑒔𑒱𑒞 𑒋𑒞𑒹 𑒠𑒳𑒩 𑒖𑒰𑒋। 𑒂𑒍𑒩 𑒏𑒩𑒱𑒁 𑒖𑒞 𑒁𑒡𑒱𑒏 𑒥𑒛𑓃𑒰𑒃।𑒯𑒹 𑒮𑒐𑒲 𑒣𑒟𑒱𑒏 𑒋𑒞𑒨𑒮𑒿 𑒠𑒴𑒩 𑒖𑒰𑒨𑒞 𑒮𑒹 𑒁𑒢𑒳𑒔𑒱𑒞 𑒮𑒹 𑒍𑒏𑒩 𑒂𑒩 𑒥𑒛𑓃𑒰𑒄 𑒏𑒩𑒴।𑒠𑒵𑒬𑓂𑒨 𑓔𑒖𑒳𑒫𑒞𑒲 𑒂 𑒢𑒢𑒠𑒱 𑒢𑒑𑒩 𑒂𑒥𑒱 𑒚𑒾𑒩 𑒡𑒹𑒢𑒹 𑒕𑒟𑒱। 𑒋𑒏𑒙𑒰 𑒣𑒟𑒱𑒏 𑒂𑒥𑒱 𑒂𑒬𑓂𑒩𑒨 𑒧𑒿𑒑𑒻𑒞 𑒕𑒟𑒱 𑒞𑒿 𑒖𑒳𑒫𑒞𑒲 𑒑𑒥𑒻𑒞 𑒕𑒟𑒱 𑒂 𑒢𑒢𑒠𑒱 𑒮𑒦 𑒣𑒰𑒿𑒞𑒲𑒏 𑒥𑒰𑒠 𑒁𑒩𑓂𑒟 𑒏𑒯𑒻𑒞 𑒕𑒟𑒱। 𑒥𑒲𑒔𑒧𑒹 𑒔𑒰𑒩𑒱 𑒣𑒰𑒿𑒞𑒲 𑒥𑒱𑒢𑒰 𑒁𑒩𑓂𑒟𑒏 𑒢𑒹𑒣𑒟𑓂𑒨𑒮𑒿 𑒁𑒥𑒻𑒞 𑒁𑒕𑒱। 𑒤𑒹𑒩 𑒖𑒳𑒫𑒞𑒲 𑒂𑒑𑒰𑒿 𑒑𑒥𑒻𑒞 𑒕𑒟𑒱 𑒂 𑒢𑒢𑒠𑒱 𑒁𑒩𑓂𑒟 𑒥𑒖𑒻𑒞 𑒕𑒟𑒱। 𑒁𑒢𑓂𑒞𑒧𑒹 𑒁𑒢𑓂𑒞𑒱𑒧 𑒠𑒴 𑒣𑒰𑒿𑒞𑒲 𑒫𑒱𑒠𑓂𑒨𑒰𑒣𑒞𑒱 𑒂𑒥𑒱 𑒑𑒥𑒻𑒞 𑒕𑒟𑒱। 𑒠𑒵𑒬𑓂𑒨𑒏 𑒁𑒢𑓂𑒞𑒧𑒹 𑒢𑒢𑒠𑒱 𑒏𑒯𑒻𑒞 𑒕𑒟𑒱 𑒖𑒹 𑒯𑒧 𑒖𑒹 𑒍𑒯𑒱 𑒠𑒱𑒢 𑒣𑒟𑒱𑒏𑒏𑒹𑒿 𑒠𑒥𑒰𑒩𑒱 𑒩𑒯𑒪 𑒕𑒪𑒯𑒳𑒿 𑒮𑒹 𑒁𑒯𑒰𑒿𑒏𑒹𑒿 𑒢𑒲𑒏 𑒢𑒯𑒱 𑒪𑒰𑒑𑒪 𑒩𑒯𑒋, 𑒧𑒳𑒠𑒰 𑒂𑒃 𑒣𑒟𑒱𑒏𑒏𑒹𑒿 𑒂𑒬𑓂𑒩𑒨 𑒏𑒱𑒋𑒏 𑒢𑒯𑒱 𑒠𑒹𑒪𑒱𑒨𑒻𑒏।𑒏𑒼𑒪𑒰𑒩𑒩𑒰𑒑𑒹 (𑒢𑒹𑒣𑒰𑒪𑒮𑒿 𑒣𑓂𑒩𑒰𑒣𑓂𑒞 𑒫𑒱𑒠𑓂𑒨𑒰𑒣𑒞𑒱 𑒣𑒠𑒰𑒫𑒪𑒲)-𑒯𑒧 𑒋𑒏𑒮𑒩𑒱, 𑒣𑒱𑒁𑒞𑒧 𑒢𑒯𑒱 𑒑𑒰𑒧। 𑒞𑒹𑒿 𑒧𑒼𑒯𑒱 𑒞𑒩𑒞𑒧 𑒠𑒹𑒃𑒞𑒹 𑒚𑒰𑒧।𑒯𑒧 𑒋𑒏𑒮𑒩𑒱 𑒕𑒲 𑒂 𑒣𑓂𑒩𑒱𑒨𑒞𑒧 𑒑𑒰𑒧𑒧𑒹 𑒢𑒯𑒱 𑒕𑒟𑒱। 𑒞𑒰𑒯𑒱 𑒠𑓂𑒫𑒰𑒩𑒹 𑒩𑒰𑒞𑒱 𑒥𑒱𑒞𑒰𑒥𑒋 𑒪𑒹𑒪 𑒏𑒯𑒥𑒰𑒧𑒹 𑒯𑒧𑒩𑒰 𑒞𑒰𑒩𑒞𑒧𑓂𑒨 𑒦𑓄 𑒩𑒯𑒪 𑒁𑒕𑒱।𑒁𑒢𑒞𑒯𑒳 𑒏𑒞𑒯𑒳 𑒠𑒹𑒁𑒃𑒞𑒯𑒳𑒿 𑒥𑒰𑒮। 𑒠𑒼𑒮𑒩 𑒢 𑒠𑒹𑒐𑒱𑒁 𑒣𑒛𑓃𑒍𑒮𑒱𑒍 𑒣𑒰𑒮।𑒨𑒠𑒱 𑒏𑓂𑒨𑒼 𑒪𑒑𑒧𑒹 𑒩𑒯𑒱𑒞𑒟𑒱 𑒞𑒿 𑒠𑒼𑒮𑒩 𑒚𑒰𑒧 𑒏𑒞𑒯𑒳 𑒥𑒰𑒮 𑒠𑒹𑒐𑒰 𑒠𑒻𑒞𑒯𑒳𑒿।


𑒕𑒧𑒯 𑒯𑒹 𑒣𑒟𑒱𑒏, 𑒏𑒩𑒱𑒁 𑒯𑒧𑒹 𑒏𑒰𑒯। 𑒥𑒰𑒮 𑒢𑒑𑒩 𑒦𑒧𑒱 𑒁𑒢𑒞𑒯 𑒔𑒰𑒯।𑒯𑒹 𑒣𑒟𑒱𑒏 𑒏𑓂𑒭𑒧𑒰 𑒏𑒩𑒴 𑒂 𑒖𑒰𑒆 𑒂 𑒢𑒑𑒩𑒧𑒹 𑒏𑒞𑒯𑒳 𑒥𑒰𑒮 𑒞𑒰𑒏𑒴।


𑒂𑒿𑒞𑒩 𑒣𑒰𑒿𑒞𑒩, 𑒮𑒰𑒿𑒗𑒏 𑒥𑒹𑒩𑒱। 𑒣𑒩𑒠𑒹𑒮 𑒥𑒮𑒱𑒁 𑒁𑒢𑒰𑒃𑒞𑒱 𑒯𑒹𑒩𑒱।𑒥𑒲𑒔𑒧𑒹 𑒣𑓂𑒩𑒰𑒢𑓂𑒞𑒩 𑒁𑒕𑒱 𑒮𑒢𑓂𑒡𑓂𑒨𑒰𑒏 𑒮𑒧𑒨 𑒁𑒕𑒱 𑒂 𑒣𑒩𑒠𑒹𑒮𑒧𑒹 𑒦𑒫𑒱𑒭𑓂𑒨𑒏𑒹𑒿 𑒮𑒼𑒔𑒻𑒞 𑒏𑒰𑒖 𑒏𑒩𑒥𑒰𑒏 𑒔𑒰𑒯𑒲।


𑒧𑒼𑒩𑒰 𑒧𑒢 𑒯𑒹 𑒐𑒢𑒯𑒱 𑒐𑒢 𑒦𑒰𑒿𑒑। 𑒖𑒾𑒫𑒢 𑒑𑒼𑒣𑒥 𑒏𑒞 𑒧𑒢𑒮𑒱𑒖 𑒖𑒰𑒑।𑒔𑒪 𑒔𑒪 𑒣𑒟𑒱𑒏 𑒏𑒩𑒱𑒁 𑒣... 𑒏𑒰𑒯। 𑒫𑒰𑒮 𑒢𑒑𑒩 𑒦𑒧𑒱 𑒁𑒢𑒞𑒯𑒳 𑒔𑒰𑒯।𑒮𑒰𑒞 𑒣𑒔 𑒒𑒩 𑒞𑒢𑓂𑒯𑒱 𑒮𑒖𑒱 𑒠𑒹𑒪। 𑒣𑒱𑒂 𑒠𑒹𑒮𑒰𑒢𑓂𑒞𑒩 𑒂𑒢𑓂𑒞𑒩 𑒦𑒹𑒪।𑒥𑒰𑒩𑒯 𑒫𑒩𑓂𑒭 𑒁𑒫𑒡𑒱 𑒏𑒋 𑒑𑒹𑒪। 𑒔𑒰𑒩𑒱 𑒫𑒩𑓂𑒭 𑒞𑒢𑓂𑒯𑒱 𑒑𑒹𑒪𑒰 𑒦𑒹𑒪।


𑒒𑒼𑒩 𑒣𑒨𑒼𑒡𑒩 𑒖𑒰𑒧𑒱𑒢𑒱 𑒦𑒹𑒠। 𑒖𑒹 𑒏𑒩𑒞𑒥 𑒞𑒰 𑒏𑒩𑒯 𑒣𑒩𑒱𑒕𑒹𑒠।𑒦𑒨𑒰𑒍𑒢 𑒧𑒹𑒒 𑒁𑒕𑒱, 𑒩𑒞𑒳𑒏𑒰 𑒑𑒣 𑒕𑒲 𑒮𑒼𑒔𑒱 𑒏𑒋 𑒢𑒱𑒩𑓂𑒝𑒨 𑒏𑒩𑒴।


𑒦𑒢𑒃 𑒫𑒱𑒠𑓂𑒨𑒰𑒣𑒞𑒱 𑒢𑒰𑒑𑒩𑒱-𑒩𑒲𑒞𑒱। 𑒫𑓂𑒨𑒰𑒖-𑒫𑒔𑒢𑒹 𑒅𑒣𑒖𑒰𑒥 𑒣𑒱𑒩𑒲𑒞𑒱।𑒫𑒱𑒠𑓂𑒨𑒰𑒣𑒞𑒱 𑒏𑒯𑒻𑒞 𑒕𑒟𑒱, 𑒄 𑒢𑒑𑒩𑒏 𑒩𑒲𑒞𑒱 𑒁𑒕𑒱 𑒖𑒹 𑒏𑒙𑒳 𑒫𑒔𑒢𑒮𑒿 𑒣𑓂𑒩𑒲𑒞𑒱 𑒁𑒢𑒻𑒞 𑒁𑒕𑒱। 𑒠𑒵𑒬𑓂𑒨 𑓕𑒁𑒯𑒴 𑒠𑒵𑒬𑓂𑒨𑒧𑒹 𑒫𑒱𑒠𑓂𑒨𑒰𑒣𑒞𑒱 𑒢𑒯𑒱 𑒕𑒟𑒱। 𑒋𑒏𑒙𑒰 𑒣𑒟𑒱𑒏 𑒁𑒥𑒻𑒞 𑒕𑒟𑒱 𑒧𑒳𑒠𑒰 𑒮𑒰𑒮𑒳-𑒢𑒢𑒠𑒱 𑒏𑒏𑒩𑒼 𑒢𑒯𑒱 𑒠𑒹𑒐𑒱 𑒥𑒰𑒮 𑒏𑒩𑒥𑒰𑒮𑒿 𑒮𑓀𑒏𑒼𑒔𑒫𑒬 𑒧𑒢𑒰 𑒏𑒋 𑒂𑒑𑒰𑒿 𑒥𑒜𑓃𑒱 𑒖𑒰𑒃𑒞 𑒕𑒟𑒱। 𑒖𑒳𑒫𑒞𑒲 𑒑𑒥𑒻𑒞 𑒕𑒟𑒱।𑒒𑒢𑒕𑒲𑒩𑒰𑒑𑒹 (𑒢𑒹𑒣𑒰𑒪𑒮𑒿 𑒣𑓂𑒩𑒰𑒣𑓂𑒞 𑒫𑒱𑒠𑓂𑒨𑒰𑒣𑒞𑒱 𑒣𑒠𑒰𑒫𑒪𑒲)-𑒅𑒔𑒱𑒞 𑒥𑒮𑒋 𑒧𑒼𑒩 𑒧𑒢𑒧𑒟 𑒔𑒼𑒩। 𑒔𑒹𑒩𑒱𑒂 𑒥𑒳𑒜𑓃𑒱𑒂 𑒏𑒩𑒋 𑒁𑒑𑒼𑒩।𑒏𑒰𑒧𑒠𑒹𑒫 𑒩𑒴𑒣𑒲 𑒔𑒼𑒩𑒏 𑒪𑒹𑒪 𑒯𑒧𑒩 𑒁𑒫𑒮𑓂𑒟𑒰 𑒚𑒲𑒏 𑒁𑒕𑒱। 𑒥𑒳𑒜𑓃𑒱𑒨𑒰 𑒔𑒹𑒩𑒲 𑒣𑒯𑒩𑒰 𑒠𑓄 𑒩𑒯𑒪 𑒕𑒟𑒱।


𑒥𑒰𑒩𑒯 𑒥𑒩𑒐 𑒁𑒫𑒡𑒱 𑒏𑒋 𑒑𑒹𑒪। 𑒔𑒰𑒩𑒱 𑒥𑒩𑒐 𑒞𑒢𑓂𑒯𑒱 𑒑𑒹𑒪𑒰𑒿 𑒦𑒹𑒪।𑒥𑒰𑒩𑒯𑒧 𑒥𑒩𑒐𑒏 𑒩𑒯𑒲, 𑒞𑒐𑒢 𑒍 𑒑𑒹𑒪𑒰𑒯 𑒂 𑒂𑒥 𑒔𑒰𑒩𑒱 𑒥𑒩𑓂𑒐 𑒞𑒏𑒩 𑒦𑓄 𑒑𑒹𑒪।


𑒥𑒰𑒮 𑒔𑒰𑒯𑒻𑒞 𑒯𑒼𑒁 𑒣𑒟𑒱𑒏𑒯𑒳 𑒪𑒰𑒖। 𑒮𑒰𑒮𑒳 𑒢𑒢𑒢𑓂𑒠 𑒢𑒯𑒱 𑒁𑒕𑒋 𑒮𑒧𑒰𑒖।𑒮𑒰𑒮 𑒂 𑒢𑒢𑒠𑒱 𑒏𑓂𑒨𑒼 𑒮𑓀𑒑 𑒢𑒯𑒱 𑒕𑒟𑒱 𑒂 𑒣𑒟𑒱𑒏 𑒮𑒹𑒯𑒼 𑒛𑒹𑒩𑒰 𑒠𑒹𑒥𑒰𑒮𑒿 𑒪𑒖𑒰𑒃𑒞 𑒕𑒟𑒱।


𑒮𑒰𑒞 𑒣𑒰𑒿𑒔 𑒒𑒩 𑒞𑒢𑓂𑒯𑒱 𑒮𑒖𑒱 𑒠𑒹𑒪। 𑒣𑒱𑒂 𑒠𑒹𑒮𑒰𑒿𑒞𑒩 𑒂𑒿𑒞𑒩 𑒦𑒹𑒪।𑒍 𑒏𑒰𑒧𑒠𑒹𑒫 𑒪𑒹𑒪 𑒒𑒩 𑒮𑒖𑒰 𑒏𑒋 𑒠𑒹𑒬𑒰𑒢𑓂𑒞𑒩 𑒔𑒪𑒱 𑒑𑒹𑒪𑒰𑒯 𑒂 𑒯𑒧𑒩𑒰 𑒮𑒦𑒏 𑒥𑒲𑒔𑒧𑒹 𑒁𑒢𑓂𑒞𑒩 𑒂𑒥𑒱 𑒑𑒹𑒪।


𑒣𑒛𑓃𑒹𑒍𑒮 𑒫𑒰𑒮 𑒖𑒼𑒋𑒢𑒮𑒞 𑒦𑒹𑒪। 𑒟𑒰𑒢𑒹 𑒟𑒰𑒢𑒹 𑒁𑒫𑒨𑒫 𑒮𑒥𑒹 𑒑𑒹𑒪।𑒣𑒛𑓃𑒼𑒮𑒏 𑒥𑒰𑒮 𑒖𑒹𑒢𑒰 𑒮𑒨 𑒨𑒼𑒖𑒢𑒏 𑒦𑓄 𑒑𑒹𑒪 𑒮𑒦 𑒮𑒩-𑒮𑒧𑓂𑒥𑒢𑓂𑒡𑒲 𑒖𑒞𑒋 𑒞𑒞𑒋 𑒔𑒪𑒱 𑒑𑒹𑒪𑒰𑒯।


𑒢𑒳𑒏𑒰𑒥𑒱𑒁 𑒞𑒱𑒧𑒱𑒩𑒏 𑒮𑒰𑒢𑓂𑒡𑒱। 𑒣𑒛𑓃𑒅𑒮𑒱𑒢𑒱 𑒠𑒹𑒁𑒋 𑒤𑒛𑓃𑒏𑒲 𑒥𑒰𑒢𑓂𑒡𑒱।𑒪𑒼𑒏𑒏 𑒮𑒧𑒴𑒯 𑒁𑒢𑓂𑒯𑒰𑒩𑒧𑒹 𑒫𑒱𑒪𑒲𑒢 𑒦𑓄 𑒑𑒹𑒪, 𑒣𑒛𑓃𑒼𑒮𑒱𑒢 𑒤𑒰𑒙𑒏𑒱 𑒥𑒢𑓂𑒢 𑒏𑒋 𑒪𑒹𑒪𑒢𑓂𑒯𑒱।


𑒧𑒼𑒩𑒰 𑒧𑒢 𑒯𑒹 𑒐𑒢𑒯𑒱 𑒐𑒢 𑒦𑒰𑒑। 𑒑𑒧𑒢 𑒑𑒼𑒣𑒥 𑒏𑒞 𑒧𑒢𑒧𑒟 𑒖𑒰𑒑।𑒯𑒧𑒩 𑒧𑒼𑒢 𑒏𑓂𑒭𑒝-𑒏𑓂𑒭𑒝 𑒦𑒰𑒑𑒱 𑒩𑒯𑒪 𑒁𑒕𑒱। 𑒏𑒰𑒧𑒠𑒹𑒫 𑒖𑒰𑒑𑒱 𑒩𑒯𑒪 𑒕𑒟𑒱 𑒑𑒧𑒢𑒏𑒹𑒿 𑒏𑒞𑒹𑒏 𑒏𑒰𑒪 𑒡𑒩𑒱 𑒢𑒳𑒏𑒰𑒋𑒥।𑒠𑒵𑒬𑓂𑒨 𑓖 𑒋𑒯𑒱 𑒠𑒵𑒬𑓂𑒨𑒧𑒹 𑒮𑒹𑒯𑒼, 𑒢𑒯𑒱 𑒞𑒿 𑒢𑒢𑒠𑒱 𑒕𑒟𑒱, 𑒢𑒯𑒱𑒨𑒹 𑒮𑒰𑒮𑒳 𑒂 𑒢𑒯𑒱𑒨𑒹 𑒫𑒱𑒠𑓂𑒨𑒰𑒣𑒞𑒱। 𑒋𑒏𑒙𑒰 𑒁𑒞𑒱𑒟𑒱 𑒁𑒥𑒻𑒞 𑒕𑒟𑒱 𑒂𑒏𑒱 𑒞𑒐𑒢𑒹 𑒧𑒹𑒒 𑒪𑒰𑒡𑒱 𑒠𑒻𑒞 𑒁𑒕𑒱 𑒂 𑒖𑒳𑒫𑒞𑒲 𑒑𑒥𑒻𑒞 𑒕𑒟𑒱।𑒡𑒢𑒕𑒲𑒩𑒰𑒑𑒹 (𑒢𑒹𑒣𑒰𑒪𑒮𑒿 𑒣𑓂𑒩𑒰𑒣𑓂𑒞 𑒫𑒱𑒠𑓂𑒨𑒰𑒣𑒞𑒱 𑒣𑒠𑒰𑒫𑒪𑒲)-𑒁𑒣𑒢𑒰 𑒧𑒢𑓂𑒠𑒱𑒩 𑒥𑒻𑒮𑒪𑒱 𑒁𑒕𑒪𑒱𑒯𑒳𑒿, 𑒒𑒩 𑒢𑒯𑒱 𑒠𑒼𑒮𑒩 𑒏𑒹𑒫𑒰।𑒁𑒣𑒢 𑒒𑒩𑒧𑒹 𑒥𑒻𑒮𑒪 𑒕𑒪𑒯𑒳𑒿, 𑒒𑒩𑒧𑒹 𑒏𑓂𑒨𑒼 𑒠𑒼𑒮𑒩 𑒢𑒯𑒱 𑒕𑒪, 𑒞𑒯𑒱𑒐𑒢𑒹 𑒣𑒯𑒱𑒂 𑒣𑒰𑒯𑒼𑒢 𑒂𑒋𑒪 𑒥𑒩𑒱𑒮𑒋 𑒪𑒰𑒑𑒪 𑒠𑒹𑒫𑒰।𑒞𑒐𑒢𑒹 𑒣𑒟𑒱𑒏 𑒁𑒞𑒱𑒟𑒱 𑒁𑒋𑒪𑒰𑒯 𑒂 𑒥𑒩𑒐𑒰 𑒪𑒰𑒡𑒱 𑒠𑒹𑒪𑒏।


𑒏𑒹 𑒖𑒰𑒢 𑒏𑒱 𑒥𑒼𑒪𑒞𑒱 𑒣𑒱𑒮𑒳𑒢 𑒣𑒛𑓃𑒾𑒮𑒱𑒢𑒱 𑒫𑒔𑒢𑒏 𑒦𑒹𑒪 𑒁𑒫𑒏𑒰𑒮𑒹।𑒏𑒲 𑒥𑒖𑒞𑒲𑒯 𑒄𑒩𑓂𑒭𑓂𑒨𑒰𑒪𑒳 𑒣𑒛𑓃𑒼𑒮𑒱𑒢 𑒮𑒹 𑒢𑒯𑒱 𑒖𑒰𑒢𑒱, 𑒥𑒖𑒥𑒰𑒏 𑒁𑒫𑒮𑒩 𑒖𑒹 𑒦𑒹𑒙𑒱 𑒑𑒹𑒪𑒢𑓂𑒯𑒱।𑒒𑒼𑒩 𑒁𑒢𑓂𑒡𑒰𑒩, 𑒢𑒱𑒩𑒢𑓂𑒞𑒩 𑒡𑒰𑒩𑒰 𑒠𑒱𑒫𑒮𑒯𑒱 𑒩𑒖𑒢𑒲 𑒦𑒰𑒢𑒹।𑒠𑒱𑒢𑒯𑒱𑒧𑒹 𑒩𑒰𑒞𑓂𑒩𑒱 𑒖𑒹𑒏𑒰𑒿 𑒯𑒼𑒧𑒋 𑒪𑒰𑒑𑒪।𑒏𑒘𑒼𑒢𑒹 𑒏𑒯𑒥 𑒯𑒧𑒹, 𑒏𑒹 𑒣𑒞𑒱𑒁𑒋𑒞, 𑒖𑒑𑒞 𑒫𑒱𑒠𑒱𑒞 𑒣𑒿𑒔𑒥𑒰𑒢𑒹।𑒯𑒧 𑒏𑒏𑒩𑒰 𑒏𑒯𑒥 𑒂 𑒏𑒹 𑒣𑒞𑒱𑒨𑒰𑒨𑒞। 𑒏𑒰𑒩𑒝 𑒏𑒰𑒧𑒠𑒹𑒫𑒏 𑒐𑓂𑒨𑒰𑒞𑒱 𑒞𑒿 𑒖𑒑𑒞 𑒦𑒩𑒱𑒧𑒹 𑒁𑒕𑒱।𑒠𑒵𑒬𑓂𑒨 𑓗𑒧𑓀𑒔𑒏 𑒋𑒏 𑒠𑒱𑒮𑒮𑒿 𑒮𑒰𑒮𑒳𑒏 𑒧𑒵𑒞𑓂𑒨𑒳𑒏 𑒥𑒰𑒠 𑒯𑒳𑒢𑒏𑒩 𑒪𑒯𑒰𑒬 𑒢𑒱𑒏𑒪𑒻𑒞 𑒕𑒢𑓂𑒯𑒱 𑒂 𑒧𑓀𑒔𑒣𑒩 𑒁𑒢𑓂𑒯𑒰𑒩 𑒯𑒼𑒃𑒞 𑒁𑒕𑒱। 𑒤𑒹𑒩 𑒃𑒖𑒼𑒞 𑒦𑒹𑒪𑒰𑒣𑒩 𑒢𑒢𑒠𑒱𑒏 𑒫𑒩 𑒯𑒳𑒢𑒏𑒰 𑒮𑒰𑒮𑒳𑒩 𑒪𑒋 𑒖𑒰𑒃𑒞 𑒕𑒢𑓂𑒯𑒱। 𑒣𑒟𑒱𑒏 𑒩𑒮𑓂𑒞𑒰𑒣𑒩 𑒕𑒟𑒱 𑒠𑒩𑓂𑒬𑒏𑒑𑒝𑒏 𑒧𑒡𑓂𑒨 𑒂 𑒠𑒩𑓂𑒬𑒏𑒑𑒝𑒏𑒹𑒿 𑒃𑒬𑒰𑒩𑒰 𑒏𑒩𑒻𑒞 𑒖𑒳𑒫𑒞𑒲 𑒑𑒲𑒞 𑒑𑒥𑒻𑒞 𑒕𑒟𑒱 𑒂 𑒫𑒱𑒠𑓂𑒨𑒰𑒣𑒞𑒱 𑒮𑒦 𑒣𑒰𑒿𑒞𑒱𑒏 𑒥𑒰𑒠 𑒁𑒩𑓂𑒟 𑒏𑒯𑒻𑒞 𑒕𑒟𑒱। 𑒁𑒢𑓂𑒞𑒱𑒧 𑒠𑒴 𑒣𑒰𑒿𑒞𑒱𑒧𑒹 𑒫𑒱𑒠𑓂𑒨𑒰𑒣𑒞𑒱 𑒑𑒲𑒞 𑒂 𑒁𑒩𑓂𑒟 𑒠𑒳𑒢𑒴 𑒥𑒖𑒻𑒞 𑒕𑒟𑒱- 𑒫𑒱𑒠𑓂𑒨𑒰𑒣𑒞𑒱 𑒁𑒢𑓂𑒞𑒱𑒧 𑒠𑒴 𑒣𑒰𑒿𑒞𑒱 𑒂 𑒍𑒏𑒩 𑒁𑒩𑓂𑒟 𑒏𑒻𑒏 𑒥𑒹𑒩 𑒠𑒼𑒯𑒩𑒰𑒥𑒻𑒞 𑒕𑒟𑒱।𑒢𑒑𑒹𑒢𑓂𑒠𑓂𑒩𑒢𑒰𑒟 𑒑𑒳𑒣𑓂𑒞 𑒮𑒧𑓂𑒣𑒰𑒠𑒱𑒞 𑒣𑒠𑒰𑒫𑒪𑒲-𑒮𑒰𑒮𑒳 𑒖𑒩𑒰𑒞𑒳𑒩𑒱 𑒦𑒹𑒪𑒲। 𑒢𑒢𑒢𑓂𑒠𑒱 𑒁𑒕𑒪𑒱 𑒮𑒹𑒯𑒼 𑒮𑒰𑒮𑒳𑒩 𑒑𑒹𑒪𑒲।𑒮𑒰𑒮𑒳 𑒔𑒪𑒱 𑒥𑒮𑒪𑒲𑒯, 𑒢𑒢𑒠𑒱 𑒮𑒹𑒯𑒼 𑒮𑒰𑒮𑒳𑒩 𑒑𑒹𑒪𑒲𑒯𑒞𑒻𑒮𑒢 𑒢 𑒠𑒹𑒐𑒱𑒁 𑒏𑒼𑒄। 𑒩𑒨𑒢𑒱 𑒖𑒑𑒰𑒋 𑒮𑒧𑓂𑒦𑒰𑒮𑒢 𑒯𑒼𑒄।𑒏𑓂𑒨𑒼 𑒢𑒯𑒱 𑒮𑒧𑓂𑒦𑒰𑒭𑒝𑒏 𑒪𑒹𑒪 𑒣𑒩𑓂𑒨𑒢𑓂𑒞,𑒋𑒯𑒱 𑒣𑒳𑒩 𑒋𑒯𑒹 𑒥𑒹𑒥𑒯𑒰𑒩𑒹। 𑒏𑒰𑒯𑒳𑒏 𑒏𑒹𑒍 𑒢𑒯𑒱 𑒏𑒩𑒋 𑒣𑒳𑒕𑒰𑒩𑒹।𑒋𑒞𑒳𑒏𑒰 𑒋𑒯𑒢 𑒥𑒹𑒥𑒯𑒰𑒩, 𑒏𑒏𑒩𑒼 𑒏𑓂𑒨𑒼 𑒣𑒳𑒕𑒰𑒩𑒲 𑒢𑒯𑒱 𑒏𑒩𑒻𑒞 𑒁𑒕𑒱।𑒧𑒼𑒩𑒱 𑒣𑒱𑒁𑒞𑒧𑒏𑒰𑒿 𑒏𑒯𑒥𑒰। 𑒯𑒧𑒹 𑒋𑒏𑒮𑒩𑒱 𑒡𑒢𑒱 𑒏𑒞 𑒠𑒱𑒢 𑒩𑒯𑒥𑒰।𑒯𑒧𑒩 𑒣𑒱𑒁𑒞𑒧𑒏𑒹𑒿 𑒏𑒯𑒥, 𑒯𑒧 𑒁𑒮𑒑𑒩𑒹 𑒏𑒞𑒹𑒏 𑒠𑒱𑒢 𑒩𑒯𑒥।𑒣𑒟𑒱𑒏, 𑒏𑒯𑒥 𑒧𑒼𑒩 𑒏𑒢𑓂𑒞𑒰। 𑒯𑒧 𑒮𑒢𑒱 𑒩𑒧𑒢𑒱 𑒢 𑒞𑒹𑒖 𑒩𑒮𑒧𑒢𑓂𑒞𑒰।𑒣𑒟𑒱𑒏 𑒯𑒳𑒢𑒏𑒰 𑒏𑒯𑒥𑒢𑓂𑒯𑒱, 𑒯𑒧𑒩𑒰 𑒮𑒢 𑒩𑒧𑒝𑒱𑒏 𑒩𑒮𑒏 𑒞𑒹𑒖 𑒏𑒐𑒢 𑒡𑒩𑒱 𑒩𑒯𑒞।𑒦𑒢𑒃 𑒫𑒱𑒠𑓂𑒨𑒰𑒣𑒞𑒱 𑒑𑒰𑒥𑒹। 𑒦𑒧𑒱-𑒦𑒧𑒱 𑒫𑒱𑒩𑒯𑒱𑒢𑒱 𑒣𑒟𑒳𑒏 𑒥𑒳𑒗𑒰𑒥𑒹।𑒫𑒱𑒠𑓂𑒨𑒰𑒣𑒞𑒱 𑒑𑒥𑒻𑒞 𑒕𑒟𑒱, 𑒫𑒱𑒩𑒯𑒢𑒱 𑒒𑒴𑒧𑒱-𑒒𑒴𑒧𑒱 𑒏𑒋 𑒣𑒟𑒱𑒏𑒏𑒹𑒿 𑒏𑒯𑒱 𑒩𑒯𑒪 𑒕𑒟𑒱।


𑒫𑒱𑒠𑓂𑒨𑒰𑒣𑒞𑒱 𑒑𑒥𑒻𑒞-𑒑𑒥𑒻𑒞 𑒏𑒢𑒹𑒏 𑒐𑒮𑒻𑒞 𑒕𑒟𑒱- 𑒁𑒢𑓂𑒯𑒰𑒩 𑒣𑒮𑒩𑒋 𑒪𑒑𑒻𑒞 𑒁𑒕𑒱 𑒞𑒿 𑒋𑒏 𑒑𑒼𑒙𑒹 𑒖𑒳𑒫𑒞𑒲 𑒠𑒱𑒮 𑒁𑒢𑓂𑒯𑒰𑒩𑒮𑒿 𑒁𑒥𑒻𑒞 𑒁𑒮𑓂𑒣𑒭𑓂𑒙 𑒠𑒹𑒐𑒢𑒰 𑒖𑒰𑒃𑒞 𑒕𑒟𑒱। 𑒏𑒲 𑒫𑒻𑒯 𑒕𑒟𑒱 𑒣𑒱𑒂 𑒠𑒹𑒮𑒰𑒢𑓂𑒞𑒩!! 𑒯𑒿, 𑒂𑒏𑒱 𑒢𑒯𑒱!!!


𑒣𑒱𑒂 𑒠𑒹𑒮𑒰𑒢𑓂𑒞𑒩𑒏 𑒒𑒼𑒪 𑒯𑒼𑒃𑒞 𑒁𑒕𑒱 𑒂 𑒧𑓀𑒔𑒣𑒩 𑒮𑓀𑒑𑒲𑒞𑒏 𑒧𑒡𑓂𑒨 𑒣𑒙𑒰𑒏𑓂𑒭𑒹𑒣 𑒯𑒼𑒃𑒞 𑒁𑒕𑒱।


𑒣𑒱𑒂 𑒠𑒹𑒮𑒰𑒢𑓂𑒞𑒩𑒏 𑒄 𑒏𑒢𑓂𑒮𑒹𑒣𑓂𑒙 𑒮𑒳𑒡𑒲𑒑𑒝𑒏 𑒮𑒧𑒏𑓂𑒭 𑒁𑒕𑒱 𑒂 𑒧𑒻𑒟𑒱𑒪 𑒥𑒱𑒠𑒹𑒮𑒱𑒨𑒰 𑒪𑒼𑒏𑒢𑒱𑒏 𑒫𑒩𑓂𑒞𑒧𑒰𑒢 𑒠𑒳𑒩𑓂𑒠𑒬𑒰𑒏 𑒥𑒲𑒔 𑒄 𑒧𑒯𑒰𑒏𑒫𑒱 𑒫𑒱𑒠𑓂𑒨𑒰𑒣𑒞𑒱𑒏 𑒣𑓂𑒩𑒞𑒱 𑒮𑒮𑒧𑓂𑒧𑒰𑒢 𑒁𑒩𑓂𑒣𑒱𑒞 𑒁𑒕𑒱।

𑓑.𑒏𑒲 𑒄 𑒠𑒩𑓂𑒠 𑒁𑒫𑒯𑒙𑓂𑒚 𑒂 𑒮𑓀𑒮𑓂𑒏𑒵𑒞𑒏 𑒫𑒱𑒠𑓂𑒨𑒰𑒣𑒞𑒱𑒧𑒹 𑒕𑒢𑓂𑒯𑒱?


𑓒.𑒣𑒠𑒰𑒫𑒪𑒲 𑒋𑒏𑒙𑒰 𑒣𑒻𑒩𑒹𑒪𑒪 𑒮𑓀𑒮𑓂𑒏𑒵𑒞𑒱𑒏 𑒠𑓂𑒨𑒼𑒞𑒏 𑒁𑒕𑒱। 𑒋𑒏𑓂𑒏𑒹 𑒮𑒧𑒨𑒧𑒹 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒋𑒏𑓂𑒏𑒹 𑒪𑒹𑒐𑒏 𑒪𑒱𑒐 𑒪𑒹𑒞, 𑒍𑒏𑒩𑒰 𑒏𑒭𑓂𑒙 𑒕𑒻 𑒖𑒹 𑒁𑒫𑒯𑒙𑓂𑒚𑒧𑒹 𑒪𑒱𑒐𑒪𑒰𑒣𑒩 𑒫𑒱𑒠𑓂𑒫𑒰𑒢 𑒍𑒏𑒩 𑒅𑒣𑒯𑒰𑒮 𑒏𑒩𑒻 𑒕𑒟𑒱, 𑒧𑒳𑒠𑒰 𑒄 𑒠𑒩𑓂𑒠 𑒏𑒲 𑒋𑒏𑒩 𑒪𑒹𑒬𑒼𑒧𑒰𑒞𑓂𑒩 𑒣𑒠𑒰𑒫𑒪𑒲𑒏 𑒫𑒱𑒠𑓂𑒨𑒰𑒣𑒞𑒱𑒧𑒹 𑒢𑒻 𑒕𑒢𑓂𑒯𑒱। 𑒍𑒞𑒋 𑒞𑒿 𑒅𑒪𑓂𑒪𑒰𑒮 𑒂 𑒠𑒩𑓂𑒠 𑒕𑒻, 𑒮𑒩𑓂𑒫𑒯𑒰𑒩𑒰𑒏 𑒅𑒪𑓂𑒪𑒰𑒮 𑒂 𑒠𑒩𑓂𑒠। 𑒍 𑒫𑒱𑒠𑓂𑒨𑒰𑒣𑒞𑒱 𑒖𑒹 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 (𑒣𑒰𑒪𑒲 𑒞𑒰𑒪𑒲 𑒢𑒻) 𑒍 𑒩𑒰𑒖𑒣𑒝𑓂𑒛𑒱𑒞 𑒕𑒪𑒰 𑒮𑒹 𑒫𑒱𑒠𑓂𑒫𑒰𑒢 𑒩𑒯𑒟𑒱, 𑒯𑒳𑒢𑒏𑒰 𑒁𑒫𑒯𑒙𑓂𑒚𑒼𑒧𑒹 𑒪𑒱𑒐𑒪𑒰𑒣𑒩 𑒪𑒼𑒏 𑒢𑒱𑒢𑓂𑒠𑒰 𑒏𑒩𑒢𑓂𑒯𑒱। 𑒧𑒳𑒠𑒰 𑒧𑒻𑒟𑒱𑒪𑒲𑒏 𑒫𑒱𑒠𑓂𑒨𑒰𑒣𑒞𑒱 𑒖𑒹 𑒣𑒻𑒩𑒹𑒪𑒪 𑒣𑒩𑒧𑓂𑒣𑒩𑒰𑒏 𑒁𑓀𑒑 𑒕𑒟𑒱, 𑒍𑒃𑒮𑒿 𑒠𑒴𑒩 𑒕𑒪𑒰। 𑒄 𑒣𑒻𑒩𑒹𑒪𑒪 𑒣𑒩𑒧𑓂𑒣𑒩𑒰 𑒇𑒑𑒫𑒹𑒠𑒏 𑒮𑒧𑒨𑒮𑒿 𑒕𑒻 (𑒍𑒃 𑒮𑒧𑒨𑒧𑒹 𑒢𑒰𑒩𑒰𑒬𑓀𑒮𑒲 𑒩𑒯𑒻)। 𑒄 𑒣𑒻𑒩𑒹𑒪𑒪 𑒣𑒩𑒧𑓂𑒣𑒩𑒰𑒏 𑒫𑒱𑒠𑓂𑒨𑒰𑒣𑒞𑒱 𑒥𑒰𑒩𑓂𑒥𑒩 𑒏𑒰𑒮𑓂𑒙𑒏 𑒩𑒯𑒥𑒹 𑒏𑒩𑒟𑒱, 𑒫𑒰 𑒥𑓂𑒩𑒰𑒯𑓂𑒧𑒝 𑒏𑒰𑒮𑓂𑒙𑒏 𑒩𑒯𑒥𑒹 𑒏𑒩𑒟𑒱, 𑒮𑒹 𑒃𑒞𑒱𑒯𑒰𑒮 𑒍𑒃𑒣𑒩 𑒧𑒾𑒢 𑒁𑒕𑒱। 𑒧𑒳𑒠𑒰 𑒪𑒼𑒏𑒏𑒟𑒰 𑒂 𑒣𑒩𑒧𑓂𑒣𑒩𑒰, 𑒥𑒱𑒠𑒰𑒣𑒞𑒏 𑒮𑒩𑓂𑒫𑒯𑒰𑒩𑒰𑒮𑒿 𑒮𑒒𑒢 𑒮𑒧𑓂𑒥𑒢𑓂𑒡, 𑒥𑒱𑒮𑓂𑒤𑒲𑒏 𑒣𑒩𑒧𑓂𑒣𑒩𑒰 𑒯𑒳𑒢𑒏𑒰 𑒑𑒋𑒩 𑒥𑓂𑒩𑒰𑒯𑓂𑒧𑒝 𑒮𑒱𑒠𑓂𑒡 𑒏𑒩𑒻𑒋। 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒏𑒼𑒢𑒼 𑒣𑒰𑒿𑒞𑒱 𑒢𑒯𑒱𑒨𑒹 𑒍𑒃 𑒫𑒱𑒠𑓂𑒨𑒰𑒣𑒞𑒱𑒏 𑒣𑒠𑒰𑒫𑒪𑒲𑒏 𑒔𑒩𑓂𑒔𑒰 𑒏𑒩𑒻𑒋 ; 𑒂 𑒢𑒯𑒱𑒨𑒹 𑒣𑒠𑒰𑒫𑒪𑒲 𑒣𑒠𑒰𑒫𑒪𑒲𑒏 𑒫𑒱𑒠𑓂𑒨𑒰𑒣𑒞𑒱𑒏 𑒮𑓀𑒮𑓂𑒏𑒵𑒞 𑒫𑒰 𑒁𑒫𑒯𑒙𑓂𑒚 𑒏𑒹𑒩 𑒩𑒔𑒢𑒰𑒏 𑒔𑒩𑓂𑒔𑒰 𑒏𑒩𑒻𑒋। 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒧𑒳𑒮𑓂𑒪𑒱𑒧 𑒂𑒏𑓂𑒩𑒧𑒝𑒏, 𑒖𑒢𑒾 𑒂 𑒧𑒢𑓂𑒠𑒱𑒩 𑒦𑓂𑒩𑒭𑓂𑒙 𑒯𑒹𑒥𑒰𑒣𑒩 𑒠𑒳𑒐𑒲 𑒁𑒕𑒱 𑒧𑒳𑒠𑒰 𑒣𑒠𑒰𑒫𑒪𑒲 𑒞𑒿 𑒮𑒩𑓂𑒫𑒯𑒰𑒩𑒰𑒏 𑒯𑒩𑓂𑒭 ,𑒅𑒪𑓂𑒪𑒰𑒮 𑒂 𑒮𑓀𑒒𑒩𑓂𑒭 𑒁𑒕𑒱; 𑒍𑒃 𑒞𑒩𑒯𑒏 𑒯𑒰𑒏𑓂𑒩𑒼𑒮 𑒍𑒞𑒋 𑒢𑒻।𑒂 𑒖𑒐𑒢 𑒧𑒻𑒟𑒱𑒪𑒲𑒥𑒪𑒰 𑒫𑒱𑒠𑓂𑒨𑒰𑒣𑒞𑒱 𑒥𑓂𑒩𑒰𑒯𑓂𑒧𑒝 𑒩𑒯𑒥𑒼 𑒏𑒩𑒟𑒱 𑒫𑒰 𑒢𑒻 𑒞𑒯𑒲𑒣𑒩 𑒮𑒫𑒰𑒪 𑒁𑒕𑒱 𑒞𑒐𑒢 𑒣𑒰𑒑 𑒣𑒯𑒱𑒩𑒰 𑒏𑓄 𑒏𑒼𑒢 𑒮𑒼𑒔 𑒯𑒧 𑒮𑒦 𑒣𑒻𑒠𑒰 𑒏𑓄 𑒩𑒯𑒪 𑒕𑒲, "𑒫𑒱𑒠𑓂𑒨𑒰𑒣𑒞𑒱" 𑒯𑒧𑓂𑒧𑒩 𑒕𑒪𑒰𑒯 𑒏𑒲 𑒢𑒻? 𑒏𑒲 𑒫𑒱𑒠𑓂𑒨𑒰𑒣𑒞𑒱𑒏 𑒥𑓂𑒩𑒰𑒯𑓂𑒧𑒝 𑒢𑒻 𑒩𑒯𑒪𑒰𑒮𑒿 𑒍 𑒯𑒧𑒩 𑒢𑒻 𑒯𑒹𑒞𑒰𑒯? 𑒏𑒲 𑒯𑒳𑒢𑒏𑒩 "𑒣𑒱𑒂 𑒠𑒹𑒬𑒰𑓀𑒞𑒩" 𑒥𑒪𑒰 𑒧𑒰𑒃𑒑𑓂𑒩𑒹𑒬𑒢 𑒥𑒪𑒰 𑒑𑒲𑒞 𑒧𑒯𑒞𑓂𑒫𑒯𑒲𑒢 𑒦𑒋 𑒖𑒹𑒞𑒻? 𑒏𑒲 𑒯𑒳𑒢𑒏𑒩 𑒮𑒵𑒢𑓂𑒑𑒩𑒱𑒏 𑒑𑒲𑒞𑒏 𑒧𑒰𑒞𑓂𑒩 𑒔𑒩𑓂𑒔𑒰 𑒏𑒼𑒢𑒼 𑒭𑒛𑓃𑒨𑓀𑒞𑓂𑒩 𑒞𑓀 𑒢𑒻 ? 𑒫𑒱𑒠𑓂𑒨𑒰𑒣𑒞𑒱 𑒮𑒢 𑒏𑒫𑒱𑒏𑒹𑒿 𑒣𑒰𑒑 𑒣𑒯𑒱𑒩𑒰 𑒏𑓄 𑒖𑒰𑒞𑒱𑒑𑒞 𑒥𑒢𑓂𑒡𑒢𑒧𑒹 𑒥𑒰𑒢𑓂𑒯𑒥 𑒏𑒞𑒹𑒏 𑒮𑒯𑒲 𑒁𑒕𑒱?‎"𑒧𑒡𑓂𑒨𑒏𑒰𑒪𑒲𑒢 𑒧𑒱𑒟𑒱𑒪𑒰"𑒧𑒹 𑒫𑒱𑒖𑒨 𑒏𑒳𑒧𑒰𑒩 𑒚𑒰𑒏𑒳𑒩 𑒪𑒱𑒐𑒻 𑒕𑒟𑒱: "𑒧𑒱𑒟𑒱𑒪𑒰𑒏 𑒡𑒰𑒩𑓂𑒧𑒱𑒏 𑒏𑓂𑒭𑒹𑒞𑓂𑒩𑒧𑒹 𑒋𑒯𑒱 𑒮𑒰𑒧𑒢𑓂𑒞𑒫𑒰𑒠𑒲 𑒨𑒳𑒑𑒲𑒢 𑒡𑒰𑒩𑓂𑒧𑒱𑒏 𑒫𑒱𑒔𑒰𑒩𑒡𑒰𑒩𑒰𑒏 𑒣𑓂𑒩𑒦𑒰𑒫 𑒋𑒯𑒢 𑒮𑒩𑓂𑒫𑒫𑓂𑒨𑒰𑒣𑒲 𑒕𑒪 𑒖𑒹 𑒋𑒐𑒢𑒯𑒳𑒿 𑒋𑒯𑒱 𑒣𑒩𑒧𑓂𑒣𑒩𑒰𑒏 𑒢𑒱𑒧𑓂𑒢𑒪𑒱𑒐𑒱𑒞 𑒁𑒫𑒬𑒹𑒭 𑒮𑒧𑒰𑒖𑒧𑒹 𑒫𑒱𑒠𑓂𑒨𑒧𑒰𑒢 𑒁𑒕𑒱: ...(𑒒) 𑒣𑒰𑒑 𑒮𑒹𑒯𑒼 𑒞𑒰𑓀𑒞𑓂𑒩𑒱𑒏 𑒫𑒱𑒔𑒰𑒩𑒡𑒰𑒩𑒰𑒮𑒿 𑒮𑒧𑓂𑒥𑒠𑓂𑒡 𑒁𑒕𑒱।" (𑒣𑒵.𑓒𑓖) 𑒞𑒿 𑒄𑒯𑒼 𑒞𑓀𑒞𑓂𑒩 𑒧𑓀𑒞𑓂𑒩 𑒥𑒱𑒨𑒰𑒯 𑒅𑒣𑒢𑒨𑒢 𑒡𑒩𑒱 𑒢𑒹 𑒩𑒯𑒋 𑒠𑒱𑒨𑒾। 𑒏𑒱𑒋 𑒍𑒃 𑒣𑒻𑒩𑒹𑒪𑒪 𑒣𑒩𑒧𑓂𑒣𑒩𑒰𑒏 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒍𑒃𑒧𑒹 𑒮𑒰𑒢𑒻 𑒕𑒱𑒨𑒢𑓂𑒯𑒱। 𑒖𑒿 𑒍 𑒥𑒰𑒩𑓂𑒥𑒩 𑒏𑒰𑒮𑓂𑒙𑒏 𑒩𑒯𑒟𑒱 𑒞𑒻𑒨𑒼 𑒂 𑒖𑒿 𑒥𑓂𑒩𑒰𑒯𑓂𑒧𑒝 𑒩𑒯𑒟𑒱 𑒞𑒿 𑒂𑒩𑒼 (𑒏𑒰𑒩𑒝 𑓒𑓑𑒧 𑒬𑒞𑒰𑒥𑓂𑒠𑒲𑒏 𑒥𑓂𑒩𑒰𑒯𑓂𑒧𑒝𑒏 𑒏𑒙𑓂𑒙𑒩𑒞𑒰 𑒞𑒿 𑒠𑒹𑒐𑒱𑒨𑒹 𑒩𑒯𑒪 𑒕𑒲 𑒂 𑒄 𑒯𑒖𑒰𑒩 𑒮𑒰𑒪 𑒣𑒳𑒩𑒰𑒝 𑒥𑓂𑒩𑒰𑒯𑓂𑒧𑒝 𑒖𑒿 𑒣𑒻𑒩𑒹𑒪𑒪 𑒣𑒩𑒧𑓂𑒣𑒩𑒰𑒏 𑒩𑒯𑒟𑒱 𑒞𑒿 𑒣𑒰𑒑𑒩𑒴𑒣𑒲 𑒮𑒰𑒧𑒢𑓂𑒞𑒫𑒰𑒠𑒲 𑒁𑒫𑒬𑒹𑒭 𑒞𑒰𑓀𑒞𑓂𑒩𑒱𑒏 𑒡𑒰𑒩𑓂𑒧𑒱𑒏 𑒏𑒩𑓂𑒧𑒧𑒹 𑒧𑒰𑒞𑓂𑒩 𑒣𑓂𑒩𑒨𑒳𑒏𑓂𑒞 𑒯𑒳𑒁𑒋, 𑒫𑒱𑒠𑓂𑒨𑒰𑒣𑒞𑒱𑒏 𑒧𑒰𑒟𑒣𑒩 𑒢𑒻)।

𑒧𑒯𑒰𑒏𑒫𑒱 𑒫𑒱𑒠𑓂𑒨𑒰𑒣𑒞𑒱
𑒏𑒫𑒲𑒬𑓂𑒫𑒩 𑒖𑓂𑒨𑒼𑒞𑒱𑒩𑒲𑒬𑓂𑒫𑒩(𑒪𑒑𑒦𑒑 𑓑𑓒𑓗𑓕-𑓑𑓓𑓕𑓐)𑒮𑒿 𑒣𑒴𑒩𑓂𑒫 (𑒏𑒰𑒩𑒝 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒑𑓂𑒩𑒢𑓂𑒟𑒧𑒹 𑒯𑒱𑒢𑒏 𑒔𑒩𑓂𑒔 𑒁𑒕𑒱), 𑒧𑒻𑒟𑒱𑒪𑒲𑒏 𑒂𑒠𑒱 𑒏𑒫𑒱। 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁𑒮𑒿 𑒦𑒱𑒢𑓂𑒢।
𑒮𑒧𑓂𑒦𑒫𑒞𑓁 𑒥𑒱𑒮𑓂𑒤𑒲 𑒑𑒰𑒧𑒏 𑒥𑒰𑒩𑓂𑒥𑒩 𑒏𑒰𑒮𑓂𑒙𑒏 𑒬𑓂𑒩𑒲 𑒧𑒯𑒹𑒬 𑒚𑒰𑒏𑒳𑒩𑒏 𑒣𑒳𑒞𑓂𑒩।
𑒮𑒧𑒰𑒢𑒰𑒢𑓂𑒞𑒩 𑒣𑒩𑒧𑓂𑒣𑒩𑒰𑒏 𑒥𑒱𑒠𑒰𑒣𑒞 𑒢𑒰𑒔𑒧𑒹 𑒫𑒱𑒠𑓂𑒨𑒰𑒣𑒞𑒱 𑒣𑒠𑒰𑒫𑒪𑒲𑒏 (𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒮𑒿 𑒣𑒴𑒩𑓂𑒫𑒮𑒿) 𑒢𑒵𑒞𑓂𑒨-𑒁𑒦𑒱𑒢𑒨 𑒯𑒼𑒃𑒞 𑒁𑒕𑒱।
𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁 1350-1435 𑒫𑒱𑒭𑒋𑒫𑒰𑒩 𑒥𑒱𑒮𑓂𑒤𑒲-𑒏𑒰𑒬𑓂𑒨𑒣 (𑒩𑒰𑒖𑒰 𑒬𑒱𑒫𑒮𑒱𑓀𑒯𑒏 𑒠𑒩𑒥𑒰𑒩𑒲) 𑒂 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒪𑒹𑒐𑒏। 𑒏𑒲𑒩𑓂𑒞𑒱𑒪𑒞𑒰, 𑒏𑒲𑒩𑓂𑒞𑒱𑒣𑒞𑒰𑒏𑒰, 𑒣𑒳𑒩𑒳𑒭 𑒣𑒩𑒲𑒏𑓂𑒭𑒰, 𑒑𑒼𑒩𑒏𑓂𑒭𑒫𑒱𑒖𑒨, 𑒪𑒱𑒐𑒢𑒰𑒫𑒪𑒲 𑒂𑒠𑒱 𑒑𑓂𑒩𑓀𑒟 𑒮𑒧𑒹𑒞 𑒫𑒱𑒣𑒳𑒪 𑒮𑓀𑒐𑓂𑒨𑒰𑒧𑒹 𑒏𑒰𑒪𑒖𑒨𑒲 𑒩𑒔𑒢𑒰। 𑒄 𑒧𑒻𑒟𑒱𑒪𑒲𑒏 𑒂𑒠𑒱𑒏𑒫𑒱 𑒫𑒱𑒠𑓂𑒨𑒰𑒣𑒞𑒱 (𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫)𑒮𑒿 𑒦𑒱𑒢𑓂𑒢 𑒕𑒟𑒱।



𑒥𑒼𑒡𑒱 𑒏𑒰𑒨𑒮𑓂𑒟

𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁𑒏 𑒣𑒳𑒩𑒳𑒭 𑒣𑒩𑒲𑒏𑓂𑒭𑒰𑒧𑒹 𑒯𑒱𑒢𑒏 𑒑𑓀𑒑𑒰𑒪𑒰𑒦𑒏 𑒏𑒟𑒰 𑒫𑒩𑓂𑒝𑒱𑒞 𑒁𑒕𑒱। 𑒧𑒯𑒰𑒏𑒫𑒱 𑒫𑒱𑒠𑓂𑒨𑒰𑒣𑒞𑒱(𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫 𑒧𑒻𑒟𑒱𑒪𑒲 𑒣𑒠𑒰𑒫𑒪𑒲 𑒮𑒦𑒏 𑒪𑒹𑒐𑒏) 𑒏 𑒫𑒱𑒭𑒨𑒧𑒹 𑒮𑒹𑒯𑒼 𑒑𑓀𑒑𑒰𑒪𑒰𑒦𑒏 𑒄 𑒏𑒟𑒰 𑒣𑓂𑒩𑒔𑒪𑒱𑒞 𑒂 𑒥𑒰𑒠𑒧𑒹 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑒏 (𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒪𑒹𑒐𑒏)𑒫𑒱𑒭𑒨𑒧𑒹 𑒮𑒹𑒯𑒼 𑒑𑓀𑒑𑒰𑒪𑒰𑒦𑒏 𑒄 𑒏𑒟𑒰 𑒣𑓂𑒩𑒔𑒪𑒱𑒞 𑒦𑒹𑒪।


𑒅𑒑𑒢𑒰 𑒧𑒯𑒰𑒠𑒹𑒫

𑒧𑒯𑒰𑒠𑒹𑒫 (𑒅𑒑𑒢𑒰𑒩𑒴𑒣𑒲) 𑒫𑒱𑒠𑓂𑒨𑒰𑒣𑒞𑒱𑒏 𑒁𑒯𑒱𑒚𑒰𑒧 𑒑𑒲𑒞 𑒮𑒳𑒢𑒥𑒰 𑒪𑒹𑒪 𑒅𑒑𑒢𑒰 𑒢𑒼𑒏𑒩 𑒥𑒢𑒱 𑒩𑒯𑒻𑒞 𑒕𑒪𑒰𑒯। 𑒧𑒻𑒟𑒱𑒪𑒲𑒏 𑒂𑒠𑒱𑒏𑒫𑒱 𑒫𑒱𑒠𑓂𑒨𑒰𑒣𑒞𑒱 (𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫) 𑒂 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁 (𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒪𑒹𑒐𑒏 𑒂 𑒩𑒰𑒖𑒰 𑒬𑒱𑒫𑒮𑒱𑓀𑒯𑒏 𑒠𑒩𑒥𑒰𑒩𑒲) 𑒠𑒳𑒢𑒴𑒮𑒿 𑒮𑒧𑓂𑒥𑒠𑓂𑒡 𑒏𑓄 𑒅𑒑𑒢𑒰𑒏 𑒄 𑒏𑒟𑒰 𑒣𑓂𑒩𑒮𑒱𑒠𑓂𑒡 𑒦𑒹𑒪।


𑓒
“𑒫𑒱𑒠𑓂𑒨𑒰𑒣𑒞𑒱𑒏 𑒧𑒱𑒟𑒱𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒣𑒩𑒱𑒭𑒠 𑒠𑓂𑒫𑒰𑒩𑒰 𑒨𑒖𑓂𑒘𑒼𑒣𑒫𑒲𑒞 𑒮𑓀𑒮𑓂𑒏𑒰𑒩 𑒂 𑒣𑒰𑒑-𑒣𑓂𑒩𑒞𑒱𑒭𑓂𑒚𑒰𑒣𑒢”
𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒥𑒪𑒰 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁 𑒂 𑒏𑒫𑒱𑒏𑒼𑒏𑒱𑒪 𑒫𑒱𑒠𑓂𑒨𑒰𑒣𑒞𑒱𑒏 𑒥𑒲𑒔𑒏 𑒁𑒢𑓂𑒞𑒩 "𑒧𑒱𑒟𑒱𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒣𑒩𑒱𑒭𑒠" 𑒂 𑒍𑒃𑒮𑒿 𑒖𑒳𑒛𑓃𑒪 "𑒏𑒱𑒬𑒼𑒩𑒲𑒏𑒰𑒢𑓂𑒞 𑒧𑒱𑒬𑓂𑒩" 𑒂𑒠𑒱 𑒢𑒻 𑒥𑒳𑒗𑒱 𑒮𑒏𑒪𑒰 𑒫𑒰 𑒢𑒻 𑒥𑒴𑒗𑓄 𑒔𑒰𑒯𑒪𑒢𑓂𑒯𑒱। 𑒌𑒞𑒱𑒯𑒰𑒮𑒱𑒏 𑒪𑒱𑒐𑒱𑒞 𑒞𑒟𑓂𑒨 𑒁𑒕𑒱 𑒖𑒹 𑒑𑒼𑒢𑒴 𑒗𑒰 𑓑𑓐𑓕𑓐-𑓑𑓑𑓕𑓐 𑒧𑒹 𑒦𑒹𑒪𑒰𑒯 𑒧𑒳𑒠𑒰 𑒅𑒭𑒰 𑒏𑒱𑒩𑒝 𑒐𑒰𑒢 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒮𑒿 𑒯𑒳𑒢𑒏𑒩 𑒬𑒰𑒮𑓂𑒞𑓂𑒩𑒰𑒩𑓂𑒟 𑒏𑒩𑒥𑒻 𑒕𑒟𑒱 (𑒯𑒱𑒢𑓂𑒠𑒲𑒏 𑒌𑒞𑒱𑒯𑒰𑒮𑒱𑒏 𑒅𑒣𑒢𑓂𑒨𑒰𑒮 𑒮𑒱𑒩𑒖𑒢𑒯𑒰𑒩, 𑒦𑒰𑒩𑒞𑒲𑒨 𑒖𑓂𑒘𑒰𑒢𑒣𑒲𑒚𑒧𑒹)। 𑒫𑒲𑒩𑒹𑒢𑓂𑒠𑓂𑒩 𑒗𑒰 𑒏𑒯𑒻 𑒕𑒟𑒱 𑒖𑒹 𑒑𑒼𑒢𑒴 𑒗𑒰 𑓕𑓐𑓐 𑒮𑒰𑒪 𑒣𑒯𑒱𑒢𑒹 𑒦𑒹𑒪𑒰 𑒂 𑒞𑒰𑒩𑒰𑒢𑒢𑓂𑒠 𑒫𑒱𑒨𑒼𑒑𑒲 𑒑𑒼𑒢𑒴 𑒗𑒰 𑒏𑒹𑒿 𑓓𑓐𑓐 𑒮𑒰𑒪 𑒣𑒯𑒱𑒢𑒹 𑒦𑒹𑒪 𑒧𑒰𑒢𑒻 𑒕𑒟𑒱 (𑒠𑒳𑒢𑒴 𑒑𑒼𑒙𑒹𑒏 𑒯𑒱𑒢𑓂𑒠𑒲𑒧𑒹 𑒣𑓂𑒩𑒏𑒰𑒬𑒱𑒞 𑒑𑒼𑒢𑒴 𑒗𑒰𑒣𑒩 𑒣𑒼𑒟𑒲, 𑒏𑓂𑒩𑒧𑒮𑒿 𑒩𑒰𑒖𑒏𑒧𑒪 𑒣𑓂𑒩𑒏𑒰𑒬𑒢 𑒂 𑒢𑒹𑒬𑒢𑒪 𑒥𑒳𑒏 𑒙𑓂𑒩𑒮𑓂𑒙𑒮𑒿 𑒣𑓂𑒩𑒏𑒰𑒬𑒱𑒞) 𑒞𑒿 𑒫𑒱𑒦𑒰 𑒩𑒰𑒢𑒲𑒏 𑒑𑒼𑒢𑒴 𑒗𑒰𑒣𑒩 𑒯𑒱𑒢𑓂𑒠𑒲 𑒣𑒼𑒟𑒲 (𑒫𑒰𑒝𑒲 𑒣𑓂𑒩𑒏𑒰𑒬𑒢) 𑒧𑒹 𑒏𑒳𑒝𑒰𑒪 𑒑𑒼𑒢𑒴 𑒗𑒰𑒏𑒹𑒿 𑒦𑒫 𑒮𑒱𑓀𑒯𑒏 𑒩𑒰𑒖𑓂𑒨𑒧𑒹 (𑓑𑓔𑒧 𑒬𑒞𑒰𑒥𑓂𑒠𑒲) 𑒦𑒹𑒪 𑒧𑒰𑒢𑒻𑒞 𑒕𑒟𑒱। 𑒖𑒐𑒢 𑒣𑓀𑒖𑒲𑒧𑒹 𑒅𑒣𑒪𑒥𑓂𑒡 𑒪𑒱𑒐𑒱𑒞 𑒁𑒦𑒱𑒪𑒹𑒐𑒢 𑒑𑒼𑒢𑒴 𑒗𑒰𑒏𑒹𑒿 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒮𑒿 𑒠𑒮 𑒣𑒲𑒜𑓃𑒲 𑒣𑒯𑒱𑒢𑒹 𑒁𑒦𑒱𑒪𑒹𑒐𑒱𑒞 𑒏𑒩𑒻𑒞 𑒁𑒕𑒱, 𑒞𑒐𑒢 𑒄 𑒯𑒰𑒪 𑒁𑒕𑒱।
𑒮𑒧𑒰𑒢𑒰𑒢𑓂𑒞𑒩 𑒣𑒩𑒧𑓂𑒣𑒩𑒰𑒏 𑒫𑒱𑒠𑓂𑒨𑒰𑒣𑒞𑒱 𑒂 𑒣𑒰𑒑- 𑒫𑒱𑒠𑓂𑒨𑒰𑒣𑒞𑒱𑒏 𑒮𑓀𑒮𑓂𑒏𑒵𑒞 𑒑𑓂𑒩𑒢𑓂𑒟𑒧𑒹 𑒚𑒏𑓂𑒏𑒳𑒩 𑒫𑒱𑒠𑓂𑒨𑒰𑒣𑒞𑒱 𑒏𑒵𑒞𑒰 𑒪𑒱𑒐𑒪 𑒁𑒕𑒱/ 𑒂 𑒍 𑒫𑒱𑒠𑓂𑒨𑒰𑒣𑒞𑒱 𑒥𑓂𑒩𑒰𑒯𑓂𑒧𑒝 𑒕𑒟𑒱। 𑒯𑒧𑒩 𑒅𑒠𑓂𑒠𑒹𑒬𑓂𑒨 𑒧𑒻𑒟𑒱𑒪𑒲 𑒣𑒠𑒰𑒫𑒪𑒲 𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒮𑒿 𑒁𑒕𑒱, 𑒯𑒳𑒢𑒏𑒰 𑒏𑒱𑒋 𑒣𑒰𑒑 𑒣𑒯𑒱𑒩𑒰 𑒏𑓄 "𑒯𑒧𑓂𑒧𑒩 𑒫𑒱𑒠𑓂𑒨𑒰𑒣𑒞𑒱" 𑒥𑒢𑒰 𑒪𑒹𑒪 𑒑𑒹𑒪। 𑒄 𑒞𑒐𑒢 𑒢𑒻 𑒦𑒹𑒪 𑒖𑒐𑒢 𑒥𑒱𑒠𑒰𑒣𑒞 𑒢𑒰𑒔𑒏 𑒧𑒰𑒡𑓂𑒨𑒧𑒮𑒿 𑒂𑒚 𑒮𑒋 𑒥𑒩𑓂𑒐 𑒑𑒋𑒩 𑒥𑓂𑒩𑒰𑒯𑓂𑒧𑒝 𑒮𑒧𑒳𑒠𑒰𑒨 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒖𑒱𑒋𑒢𑒹 𑒩𑒐𑒪𑒏, 𑒧𑒳𑒠𑒰 𑒞𑒐𑒢 𑒦𑒹𑒪 𑒖𑒐𑒢 𑒥𑓀𑒑𑒰𑒪 𑒫𑒱𑒠𑓂𑒨𑒰𑒣𑒞𑒱 𑒂 𑒑𑒼𑒫𑒱𑒢𑓂𑒠𑒠𑒰𑒮𑒏 𑒣𑒠𑒰𑒫𑒪𑒲𑒏𑒹𑒿 𑒁𑒣𑒢 𑒥𑒢𑒰 𑒪𑒹𑒪𑒏 𑒧𑒳𑒠𑒰 𑒥𑓀𑒑𑒰𑒪𑒹𑒏 𑒫𑒱𑒠𑓂𑒫𑒰𑒢 𑒩𑒰𑒖𑒏𑒵𑒭𑓂𑒝 𑒧𑒳𑒐𑒼𑒣𑒰𑒡𑓂𑒨𑒰𑒨 𑒮𑒩𑓂𑒫𑒣𑓂𑒩𑒟𑒧 𑓑𑓘𑓗𑓕 𑒄. 𑒧𑒹 𑒏𑒯𑒪𑒢𑓂𑒯𑒱 𑒖𑒹 𑒫𑒱𑒠𑓂𑒨𑒰𑒣𑒞𑒱 𑒧𑒱𑒟𑒱𑒪𑒰𑒏 𑒏𑒫𑒱 𑒕𑒟𑒱 𑒂 𑒥𑓀𑒑𑒰𑒪𑒹𑒏 𑒢𑒑𑒹𑒢𑓂𑒠𑓂𑒩𑒢𑒰𑒟 𑒑𑒳𑒣𑓂𑒞 𑒮𑒩𑓂𑒫𑒣𑓂𑒩𑒟𑒧 𑒏𑒯𑒪𑒢𑓂𑒯𑒱 𑒖𑒹 𑒑𑒼𑒫𑒱𑒢𑓂𑒠𑒠𑒰𑒮 𑒮𑒹𑒯𑒼 𑒧𑒱𑒟𑒱𑒪𑒰𑒏 𑒏𑒫𑒱 𑒕𑒟𑒱 𑒂 𑒖𑒐𑒢 𑒄 𑒞𑒟𑓂𑒨 𑒮𑒼𑒗𑒰𑒿 𑒅𑒚𑒪 𑒞𑒿 𑒣𑒯𑒱𑒢𑒹 𑒞𑒿 𑒮𑒑𑒩 𑒥𑓀𑒑𑒰𑒪 𑒯𑒳𑒢𑒏𑒰𑒣𑒩 𑒧𑒰𑒩-𑒧𑒰𑒩 𑒏𑓄 𑒅𑒚𑒪 𑒂 𑒥𑒰𑒠𑒧𑒹 𑒧𑒰𑒢𑒱 𑒑𑒹𑒪।
𑒩𑒰𑒖𑒏𑒵𑒭𑓂𑒝 𑒧𑒳𑒐𑒼𑒣𑒰𑒡𑓂𑒨𑒰𑒨 𑒖𑒃 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒧𑒱𑒟𑒱𑒪𑒰𑒏 𑒏𑒯𑒢𑒹 𑒩𑒯𑒟𑒱 𑒍 𑒣𑒠𑒰𑒫𑒪𑒲𑒏 𑒫𑒱𑒠𑓂𑒨𑒰𑒣𑒞𑒱𑒏 𑒮𑒢𑓂𑒠𑒩𑓂𑒦𑒧𑒹 𑒕𑒪, 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁 𑒏𑒹𑒿 𑒥𑓀𑒑𑒰𑒪 𑒏𑒯𑒱𑒨𑒼 𑒁𑒣𑒢 𑒢𑒻 𑒏𑒯𑒢𑒹 𑒕𑒪।
𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒮𑓀𑒮𑓂𑒏𑒵𑒞 𑒡𑒴𑒩𑓂𑒞𑒮𑒧𑒰𑒑𑒧 𑒢𑒰𑒙𑒏 𑒂 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒏 𑒑𑒼𑒩𑒏𑓂𑒭𑒫𑒱𑒖𑒨 𑒢𑒰𑒙𑒏 𑒧𑒡𑓂𑒨 𑒠𑒹𑒪 𑒧𑒻𑒟𑒱𑒪𑒲 𑒑𑒲𑒞 𑒮𑒹𑒯𑒼 𑒣𑒠𑒰𑒫𑒪𑒲𑒏 𑒣𑒳𑒩𑒰𑒢 𑒣𑒩𑒧𑓂𑒣𑒩𑒰𑒏 𑒠𑓂𑒨𑒼𑒞𑒏 𑒁𑒕𑒱 𑒂 𑒌 𑒠𑒳𑒢𑒴 𑒪𑒹𑒐𑒏𑒣𑒩 𑒧𑒻𑒟𑒱𑒪𑒲 𑒣𑒠𑒰𑒫𑒪𑒲𑒏 𑒣𑓂𑒩𑒦𑒰𑒫 𑒠𑒹𑒐𑒥𑒻𑒞 𑒁𑒕𑒱।
𑒤𑒹𑒩 𑒧𑒱𑒟𑒱𑒪𑒰𑒏 𑒫𑒱𑒠𑓂𑒫𑒰𑒢𑒏𑒹𑒿 𑒮𑒼𑒯 𑒋𑒪𑒢𑓂𑒯𑒱 𑒂 𑒫𑒱𑒠𑓂𑒨𑒰𑒣𑒞𑒱𑒏 𑒮𑓀𑒮𑓂𑒏𑒵𑒞-𑒁𑒫𑒯𑒙𑓂𑒚 𑒑𑓂𑒩𑒢𑓂𑒟, 𑒑𑒼𑒫𑒱𑒢𑓂𑒠𑒠𑒰𑒮 𑒢𑒰𑒧𑓂𑒢𑒰 𑒂 𑒫𑒱𑒠𑓂𑒨𑒰𑒣𑒞𑒱 𑒢𑒰𑒧𑓂𑒢𑒰 𑒣𑒘𑓂𑒖𑒲𑒧𑒹 𑒅𑒣𑒪𑒥𑓂𑒡 𑒫𑒱𑒫𑒩𑒝 𑒠𑓄 𑒫𑒱𑒠𑓂𑒨𑒰𑒣𑒞𑒱 𑒚𑒰𑒏𑒳𑒩 𑒂 𑒑𑒼𑒫𑒱𑒢𑓂𑒠𑒠𑒰𑒮 𑒗𑒰 (!!!) 𑒢𑒱𑒏𑒰𑒪𑒪 𑒑𑒹𑒪, 𑒋𑒞𑓄 𑒩𑒧𑒰𑒢𑒰𑒟 𑒗𑒰𑒏 𑒣𑒘𑓂𑒖𑒲𑒏 𑒮𑒞𑒯𑒲 𑒖𑓂𑒘𑒰𑒢 𑒂 𑒮𑒲𑒧𑒱𑒞 𑒠𑒵𑒭𑓂𑒙𑒱𑒏𑒼𑒝 𑒢𑒼𑒏𑒮𑒰𑒢 𑒣𑒯𑒳𑒿𑒔𑒹𑒪𑒏। 𑒤𑒹𑒩 𑒁𑒢𑒔𑒼𑒏𑓂𑒏𑒹 𑒣𑒰𑒑 𑒣𑒯𑒱𑒩𑒰 𑒏𑓄 (𑒧𑒱𑒟𑒱𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒣𑒩𑒱𑒭𑒠- 𑒄 𑒮𑓀𑒮𑓂𑒟𑒰 𑒦𑒰𑒩𑒞𑒏 𑒮𑓂𑒫𑒞𑓀𑒞𑓂𑒩𑒞𑒰𑒏 𑒥𑒰𑒠 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒣𑒰𑒑 𑒣𑒯𑒱𑒩𑒰 𑒏𑓄 𑒯𑒳𑒢𑒏𑒰 𑒥𑓂𑒩𑒰𑒯𑓂𑒧𑒝 𑒒𑒼𑒭𑒱𑒞 𑒏𑒩𑒥𑒰𑒏 𑒏𑒳𑒏𑒵𑒞𑓂𑒨 𑒏𑒹𑒪𑒏) 𑒫𑒱𑒠𑓂𑒨𑒰𑒣𑒞𑒱 (𑒧𑒻𑒟𑒱𑒪𑒲 𑒥𑒪𑒰, 𑒮𑓀𑒮𑓂𑒏𑒵𑒞 𑒥𑒪𑒰 𑒢𑒻) 𑒏𑒹𑒿 "𑒯𑒧𑓂𑒧𑒩 𑒫𑒱𑒠𑓂𑒨𑒰𑒣𑒞𑒱" 𑒥𑓂𑒩𑒰𑒯𑓂𑒧𑒝 𑒫𑒩𑓂𑒑 𑒠𑓂𑒫𑒰𑒩𑒰 𑒥𑒢𑒰 𑒪𑒹𑒪 𑒑𑒹𑒪। 𑒧𑒳𑒠𑒰 𑒏𑒫𑒲𑒬𑓂𑒫𑒩 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒮𑒢 𑒥𑒯𑒳𑒞 𑒩𑒰𑒮 𑒏𑒫𑒱 𑒣𑒘𑓂𑒖𑒲𑒧𑒹 𑒅𑒣𑒪𑒥𑓂𑒡 𑒕𑒟𑒱। 𑒂 𑒖𑒹 𑒢𑒰𑒧𑒏 𑒁𑒢𑓂𑒞𑒩 𑒫𑒱𑒠𑓂𑒨𑒰𑒣𑒞𑒱𑒧𑒹 𑒂𑒥𑒱 𑒖𑒰𑒃 𑒕𑒢𑓂𑒯𑒱 (𑒖𑒐𑒢 𑒏𑒱 𑒮𑒦 𑒏𑒰𑒖 𑒣𑓂𑒪𑒰𑒢𑒱𑓀𑒑𑒮𑒿 𑒦𑒹𑒪𑒻 𑒞𑒻𑒨𑒼 𑒋𑒏𑒙𑒰 𑒮𑒥𑒴𑒞 𑒥𑒔𑒱 𑒑𑒹𑒪𑒻) 𑒮𑒹 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒧𑒹 𑒏𑒱𑒋 𑒢𑒻 𑒁𑒥𑒻𑒋।
𑒂𑒥 𑒂𑒅 𑒑𑒋𑒩 𑒥𑓂𑒩𑒰𑒯𑓂𑒧𑒝 𑒠𑓂𑒫𑒰𑒩𑒰 𑒑𑒰𑒍𑒪 𑒥𑒱𑒠𑒰𑒣𑒞, 𑒖𑒹 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒮𑒿 𑒣𑒴𑒩𑓂𑒫 (𑒮𑒧𑓂𑒦𑒫𑒞𑓁) 𑒢𑒾𑒂 𑒚𑒰𑒏𑒳𑒩 𑒖𑒰𑒞𑒱𑒧𑒹 𑒦𑒹𑒪 𑒩𑒯𑒟𑒱 𑒂 𑒞𑒏𑒩 𑒣𑓂𑒩𑒧𑒰𑒝𑒧𑒹 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒠𑓂𑒫𑒰𑒩𑒰 𑒫𑒩𑓂𑒝𑒢 𑒩𑒞𑓂𑒢𑒰𑒏𑒩𑒧𑒹 𑒌 𑒏𑒫𑒱𑒏 𑒔𑒩𑓂𑒔𑒰 𑒁𑒕𑒱।
𑒫𑒱𑒠𑓂𑒨𑒰𑒣𑒞𑒱𑒏 𑒏𑒼𑒢𑒼 𑒣𑒠𑒰𑒫𑒪𑒲𑒏 𑒩𑒔𑒢𑒰𑒧𑒹 𑒁𑒣𑒢 𑒮𑓀𑒮𑓂𑒏𑒵𑒞/ 𑒁𑒫𑒯𑒙𑓂𑒚 𑒪𑒹𑒐𑒏 𑒯𑒹𑒥𑒰𑒏 𑒔𑒩𑓂𑒔 𑒢𑒻 𑒏𑒹𑒢𑒹 𑒕𑒟𑒱। 𑒧𑒳𑒠𑒰 𑒯𑒳𑒢𑒏𑒩 𑒩𑒔𑒢𑒰 (𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒩𑒳𑒠𑓂𑒡, 𑒖𑒹 𑒠𑒼𑒮𑒩 𑒫𑒱𑒠𑓂𑒨𑒰𑒣𑒞𑒱𑒏 𑒩𑒔𑒢𑒰 𑒕𑒲, 𑒖𑒹 𑒥𑓂𑒩𑒰𑒯𑓂𑒧𑒝 𑒩𑒯𑒟𑒱) 𑒮𑒩𑓂𑒫𑒯𑒰𑒩𑒰𑒏 𑒪𑒹𑒪 𑒖𑒹 𑒠𑒩𑓂𑒠 𑒁𑒕𑒱 𑒮𑒹 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒠𑓂𑒨𑒰𑒣𑒞𑒱𑒧𑒹 𑒏𑒱𑒋 𑒢𑒻 𑒁𑒕𑒱? 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒠𑓂𑒨𑒰𑒣𑒞𑒱 𑒞𑒿 𑒮𑒩𑓂𑒫𑒯𑒰𑒩𑒰𑒮𑒿 𑒒𑒵𑒝𑒰 𑒏𑒩𑒻 𑒕𑒟𑒱 𑒂 𑒪𑒱𑒐𑒱𑒞 𑒩𑒴𑒣𑒧𑒹 𑒏𑒙𑓂𑒙𑒩 𑒥𑓂𑒩𑒰𑒯𑓂𑒧𑒝 𑒕𑒟𑒱।
𑒧𑒳𑒠𑒰 𑒣𑒠𑒰𑒫𑒪𑒲𑒏 𑒫𑒱𑒠𑓂𑒨𑒰𑒣𑒞𑒱 𑒞𑒿 𑒢𑒱𑒬𑓂𑒕𑒪 𑒕𑒟𑒱, 𑒏𑒱𑒕𑒳 𑒏𑒙𑓂𑒙𑒩 𑒣𑒠 𑒏𑒙𑓂𑒙𑒩 𑒥𑓂𑒩𑒰𑒯𑓂𑒧𑒝𑒫𑒰𑒠𑒲 𑒮𑒧𑓂𑒣𑒰𑒠𑒏 𑒪𑒼𑒏𑒢𑒱 𑒠𑓂𑒫𑒰𑒩𑒰 𑒒𑒼𑒮𑒼𑒂𑒍𑒪 𑒑𑒹𑒪 𑒁𑒕𑒱 (𑒯𑒰𑒮𑓂𑒨𑒰𑒮𑓂𑒣𑒠 𑒩𑒴𑒣𑒧𑒹)।
𑒣𑒱𑒂 𑒠𑒹𑒮𑒰𑒢𑓂𑒞𑒩 (𑒫𑒱𑒠𑓂𑒨𑒰𑒣𑒞𑒱𑒏 𑒥𑒱𑒠𑒹𑒮𑒱𑒨𑒰)𑒏 𑒏𑒢𑓂𑒮𑒹𑒣𑓂𑒙 𑒂𑒥 𑒮𑒳𑒡𑒲𑒑𑒝𑒏 𑒮𑒧𑒏𑓂𑒭 𑒁𑒕𑒱 𑒂 𑒧𑒻𑒟𑒱𑒪 𑒥𑒱𑒠𑒹𑒮𑒱𑒨𑒰 𑒪𑒼𑒏𑒢𑒱𑒏 𑒫𑒩𑓂𑒞𑒧𑒰𑒢 𑒠𑒳𑒩𑓂𑒠𑒬𑒰𑒏 𑒥𑒲𑒔 𑒄 𑒧𑒯𑒰𑒏𑒫𑒱 𑒫𑒱𑒠𑓂𑒨𑒰𑒣𑒞𑒱𑒏 𑒣𑓂𑒩𑒞𑒱 𑒮𑒮𑒧𑓂𑒧𑒰𑒢 𑒁𑒩𑓂𑒣𑒱𑒞 𑒁𑒕𑒱। 𑒏𑒲 𑒄 𑒠𑒩𑓂𑒠 𑒁𑒫𑒯𑒙𑓂𑒚 𑒂 𑒮𑓀𑒮𑓂𑒏𑒵𑒞𑒏 𑒫𑒱𑒠𑓂𑒨𑒰𑒣𑒞𑒱𑒧𑒹 𑒕𑒢𑓂𑒯𑒱?
𑒣𑒠𑒰𑒫𑒪𑒲 𑒋𑒏𑒙𑒰 𑒣𑒻𑒩𑒹𑒪𑒪 𑒮𑓀𑒮𑓂𑒏𑒵𑒞𑒱𑒏 𑒠𑓂𑒨𑒼𑒞𑒏 𑒁𑒕𑒱। 𑒋𑒏𑓂𑒏𑒹 𑒮𑒧𑒨𑒧𑒹 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒋𑒏𑓂𑒏𑒹 𑒪𑒹𑒐𑒏 𑒪𑒱𑒐 𑒪𑒹𑒞, 𑒍𑒏𑒩𑒰 𑒏𑒭𑓂𑒙 𑒕𑒻 𑒖𑒹 𑒁𑒫𑒯𑒙𑓂𑒚𑒧𑒹 𑒪𑒱𑒐𑒪𑒰𑒣𑒩 𑒫𑒱𑒠𑓂𑒫𑒰𑒢 𑒍𑒏𑒩 𑒅𑒣𑒯𑒰𑒮 𑒏𑒩𑒻 𑒕𑒟𑒱, 𑒧𑒳𑒠𑒰 𑒄 𑒠𑒩𑓂𑒠 𑒏𑒲 𑒋𑒏𑒩 𑒪𑒹𑒬𑒼𑒧𑒰𑒞𑓂𑒩 𑒣𑒠𑒰𑒫𑒪𑒲𑒏 𑒫𑒱𑒠𑓂𑒨𑒰𑒣𑒞𑒱𑒧𑒹 𑒕𑒢𑓂𑒯𑒱? 𑒍𑒞𑒋 𑒞𑒿 𑒅𑒪𑓂𑒪𑒰𑒮 𑒂 𑒠𑒩𑓂𑒠 𑒕𑒻, 𑒮𑒩𑓂𑒫𑒯𑒰𑒩𑒰𑒏 𑒅𑒪𑓂𑒪𑒰𑒮 𑒂 𑒠𑒩𑓂𑒠। 𑒍 𑒫𑒱𑒠𑓂𑒨𑒰𑒣𑒞𑒱 𑒖𑒹 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒧𑒹 𑒪𑒱𑒐𑒪𑒢𑓂𑒯𑒱 𑒍 𑒩𑒰𑒖𑒣𑒝𑓂𑒛𑒱𑒞 𑒕𑒪𑒰 𑒮𑒹 𑒫𑒱𑒠𑓂𑒫𑒰𑒢 𑒩𑒯𑒟𑒱, 𑒯𑒳𑒢𑒏𑒰 𑒁𑒫𑒯𑒙𑓂𑒚𑒼𑒧𑒹 𑒪𑒱𑒐𑒪𑒰𑒣𑒩 𑒪𑒼𑒏 𑒢𑒱𑒢𑓂𑒠𑒰 𑒏𑒩𑒢𑓂𑒯𑒱। 𑒧𑒳𑒠𑒰 𑒧𑒻𑒟𑒱𑒪𑒲𑒏 𑒫𑒱𑒠𑓂𑒨𑒰𑒣𑒞𑒱 𑒖𑒹 𑒣𑒻𑒩𑒹𑒪𑒪 𑒣𑒩𑒧𑓂𑒣𑒩𑒰𑒏 𑒁𑓀𑒑 𑒕𑒟𑒱, 𑒍𑒃𑒮𑒿 𑒠𑒴𑒩 𑒕𑒪𑒰। 𑒄 𑒣𑒻𑒩𑒹𑒪𑒪 𑒣𑒩𑒧𑓂𑒣𑒩𑒰 𑒇𑒑𑒫𑒹𑒠𑒏 𑒮𑒧𑒨𑒮𑒿 𑒕𑒻 (𑒍𑒃 𑒮𑒧𑒨𑒧𑒹 𑒢𑒰𑒩𑒰𑒬𑓀𑒮𑒲 𑒩𑒯𑒻)। 𑒄 𑒣𑒻𑒩𑒹𑒪𑒪 𑒣𑒩𑒧𑓂𑒣𑒩𑒰𑒏 𑒫𑒱𑒠𑓂𑒨𑒰𑒣𑒞𑒱 𑒢𑒾𑒂 𑒚𑒰𑒏𑒳𑒩 𑒖𑒰𑒞𑒱𑒏 𑒩𑒯𑒥𑒹 𑒏𑒩𑒟𑒱, 𑒫𑒰 𑒥𑓂𑒩𑒰𑒯𑓂𑒧𑒝 𑒖𑒰𑒞𑒱𑒏 𑒩𑒯𑒥𑒹 𑒏𑒩𑒟𑒱, 𑒮𑒹 𑒃𑒞𑒱𑒯𑒰𑒮 𑒍𑒃𑒣𑒩 𑒧𑒾𑒢 𑒁𑒕𑒱।
𑒧𑒳𑒠𑒰 𑒪𑒼𑒏𑒏𑒟𑒰 𑒂 𑒣𑒩𑒧𑓂𑒣𑒩𑒰, 𑒥𑒱𑒠𑒰𑒣𑒞𑒏 𑒮𑒩𑓂𑒫𑒯𑒰𑒩𑒰𑒮𑒿 𑒮𑒒𑒢 𑒮𑒧𑓂𑒥𑒢𑓂𑒡, 𑒥𑒱𑒮𑓂𑒤𑒲𑒏 𑒣𑒩𑒧𑓂𑒣𑒩𑒰 𑒯𑒳𑒢𑒏𑒰 𑒑𑒋𑒩 𑒥𑓂𑒩𑒰𑒯𑓂𑒧𑒝 𑒮𑒱𑒠𑓂𑒡 𑒏𑒩𑒻𑒋। 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒏𑒼𑒢𑒼 𑒣𑒰𑒿𑒞𑒱 𑒢𑒯𑒱𑒨𑒹 𑒍𑒃 𑒫𑒱𑒠𑓂𑒨𑒰𑒣𑒞𑒱𑒏 𑒣𑒠𑒰𑒫𑒪𑒲𑒏 𑒔𑒩𑓂𑒔𑒰 𑒏𑒩𑒻𑒋 𑒂 𑒢𑒯𑒱𑒨𑒹 𑒣𑒠𑒰𑒫𑒪𑒲 𑒣𑒠𑒰𑒫𑒪𑒲𑒏 𑒫𑒱𑒠𑓂𑒨𑒰𑒣𑒞𑒱𑒏 𑒮𑓀𑒮𑓂𑒏𑒵𑒞 𑒫𑒰 𑒁𑒫𑒯𑒙𑓂𑒚 𑒏𑒹𑒩 𑒩𑒔𑒢𑒰𑒏 𑒔𑒩𑓂𑒔𑒰 𑒏𑒩𑒻𑒋। 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒧𑒳𑒮𑓂𑒪𑒱𑒧 𑒂𑒏𑓂𑒩𑒧𑒝𑒏, 𑒖𑒢𑒾 𑒂 𑒧𑒢𑓂𑒠𑒱𑒩 𑒦𑓂𑒩𑒭𑓂𑒙 𑒯𑒹𑒥𑒰𑒣𑒩 𑒠𑒳𑒐𑒲 𑒁𑒕𑒱 𑒧𑒳𑒠𑒰 𑒣𑒠𑒰𑒫𑒪𑒲 𑒞𑒿 𑒮𑒩𑓂𑒫𑒯𑒰𑒩𑒰𑒏 𑒯𑒩𑓂𑒭, 𑒅𑒪𑓂𑒪𑒰𑒮 𑒂 𑒮𑓀𑒒𑒩𑓂𑒭 𑒁𑒕𑒱; 𑒍𑒃 𑒞𑒩𑒯𑒏 𑒯𑒰𑒏𑓂𑒩𑒼𑒮 𑒍𑒞𑒋 𑒢𑒻, 𑒯𑒳𑒢𑒏𑒰 𑒮𑒧𑒋𑒧𑒹 𑒞𑒿 𑒣𑓂𑒩𑒰𑒨𑓁 𑒧𑒳𑒮𑓂𑒪𑒱𑒧 𑒧𑒱𑒟𑒱𑒪𑒰𑒧𑒹 𑒩𑒯𑒥𑒼 𑒢𑒻 𑒏𑒩𑒟𑒱।𑒂 𑒖𑒐𑒢 𑒧𑒻𑒟𑒱𑒪𑒲𑒥𑒪𑒰 𑒫𑒱𑒠𑓂𑒨𑒰𑒣𑒞𑒱 𑒥𑓂𑒩𑒰𑒯𑓂𑒧𑒝 𑒩𑒯𑒥𑒼 𑒏𑒩𑒟𑒱 𑒫𑒰 𑒢𑒻 𑒞𑒯𑒲𑒣𑒩 𑒮𑒫𑒰𑒪 𑒁𑒕𑒱 𑒞𑒐𑒢 𑒣𑒰𑒑 𑒣𑒯𑒱𑒩𑒰 𑒏𑓄 𑒏𑒼𑒢 𑒮𑒼𑒔 𑒯𑒧 𑒮𑒦 𑒣𑒻𑒠𑒰 𑒏𑓄 𑒩𑒯𑒪 𑒕𑒲, "𑒫𑒱𑒠𑓂𑒨𑒰𑒣𑒞𑒱" 𑒯𑒧𑓂𑒧𑒩 𑒕𑒪𑒰𑒯 𑒏𑒱 𑒢𑒻? 𑒏𑒲 𑒫𑒱𑒠𑓂𑒨𑒰𑒣𑒞𑒱𑒏 𑒥𑓂𑒩𑒰𑒯𑓂𑒧𑒝 𑒢𑒻 𑒩𑒯𑒪𑒰𑒮𑒿 𑒍 𑒯𑒧𑒩 𑒢𑒻 𑒯𑒹𑒞𑒰𑒯? 𑒏𑒲 𑒯𑒳𑒢𑒏𑒩 "𑒣𑒱𑒂 𑒠𑒹𑒬𑒰𑓀𑒞𑒩" 𑒥𑒪𑒰 𑒧𑒰𑒃𑒑𑓂𑒩𑒹𑒬𑒢 𑒥𑒪𑒰 𑒑𑒲𑒞 𑒧𑒯𑒞𑓂𑒫𑒯𑒲𑒢 𑒦𑓄 𑒖𑒹𑒞𑒻? 𑒏𑒲 𑒯𑒳𑒢𑒏𑒩 𑒬𑒵𑓀𑒑𑒰𑒩𑒱𑒏 𑒑𑒲𑒞𑒏 𑒧𑒰𑒞𑓂𑒩 𑒔𑒩𑓂𑒔𑒰 𑒏𑒼𑒢𑒼 𑒭𑒛𑒨𑓀𑒞𑓂𑒩 𑒞𑒿 𑒢𑒻? 𑒫𑒱𑒠𑓂𑒨𑒰𑒣𑒞𑒱 𑒮𑒢 𑒏𑒫𑒱𑒏𑒹𑒿 𑒣𑒰𑒑 𑒣𑒯𑒱𑒩𑒰 𑒏𑓄 𑒖𑒰𑒞𑒱𑒑𑒞 𑒥𑒢𑓂𑒡𑒢𑒧𑒹 𑒥𑒰𑒢𑓂𑒯𑒥 𑒏𑒞𑒹𑒏 𑒮𑒯𑒲 𑒁𑒕𑒱? "𑒧𑒡𑓂𑒨𑒏𑒰𑒪𑒲𑒢 𑒧𑒱𑒟𑒱𑒪𑒰"𑒧𑒹 𑒫𑒱𑒖𑒨 𑒏𑒳𑒧𑒰𑒩 𑒚𑒰𑒏𑒳𑒩 𑒪𑒱𑒐𑒻 𑒕𑒟𑒱: "𑒧𑒱𑒟𑒱𑒪𑒰𑒏 𑒡𑒰𑒩𑓂𑒧𑒱𑒏 𑒏𑓂𑒭𑒹𑒞𑓂𑒩𑒧𑒹 𑒋𑒯𑒱 𑒮𑒰𑒧𑒢𑓂𑒞𑒫𑒰𑒠𑒲 𑒨𑒳𑒑𑒲𑒢 𑒡𑒰𑒩𑓂𑒧𑒱𑒏 𑒫𑒱𑒔𑒰𑒩𑒡𑒰𑒩𑒰𑒏 𑒣𑓂𑒩𑒦𑒰𑒫 𑒋𑒯𑒢 𑒮𑒩𑓂𑒫𑒫𑓂𑒨𑒰𑒣𑒲 𑒕𑒪 𑒖𑒹 𑒋𑒐𑒢𑒯𑒳𑒿 𑒋𑒯𑒱 𑒣𑒩𑒧𑓂𑒣𑒩𑒰𑒏 𑒢𑒱𑒧𑓂𑒢𑒪𑒱𑒐𑒱𑒞 𑒁𑒫𑒬𑒹𑒭 𑒮𑒧𑒰𑒖𑒧𑒹 𑒫𑒱𑒠𑓂𑒨𑒧𑒰𑒢 𑒁𑒕𑒱: ...(𑒒) 𑒣𑒰𑒑 𑒮𑒹𑒯𑒼 𑒞𑒰𑓀𑒞𑓂𑒩𑒱𑒏 𑒫𑒱𑒔𑒰𑒩𑒡𑒰𑒩𑒰𑒮𑒿 𑒮𑒧𑓂𑒥𑒠𑓂𑒡 𑒁𑒕𑒱।" (𑒣𑒵.𑓒𑓖)
𑒞𑒿 𑒄𑒯𑒼 𑒞𑓀𑒞𑓂𑒩 𑒧𑓀𑒞𑓂𑒩 𑒥𑒱𑒨𑒰𑒯 𑒅𑒣𑒢𑒨𑒢 𑒡𑒩𑒱 𑒢𑒹 𑒩𑒯𑒋 𑒠𑒱𑒨𑒾। 𑒏𑒱𑒋 𑒍𑒃 𑒣𑒻𑒩𑒹𑒪𑒪 𑒣𑒩𑒧𑓂𑒣𑒩𑒰𑒏 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒍𑒃𑒧𑒹 𑒮𑒰𑒢𑒻 𑒕𑒱𑒨𑒢𑓂𑒯𑒱। 𑒂 𑒄 𑒏𑒳𑒏𑒵𑒞𑓂𑒨 𑒏𑒱𑒬𑒼𑒩𑒲𑒏𑒰𑒢𑓂𑒞 𑒧𑒱𑒬𑓂𑒩𑒏 𑒧𑒱𑒟𑒱𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒣𑒩𑒱𑒭𑒠 𑒏𑒹𑒪𑒏। 𑒌 𑒞𑒩𑒯𑒏 𑒪𑒼𑒏 𑒖𑒻 𑒧𑒱𑒟𑒱𑒪𑒰𑒏 𑒮𑓀𑒮𑓂𑒏𑒵𑒞𑒱𑒏 𑒩𑒏𑓂𑒭𑒏, 𑒍 𑒮𑓀𑒮𑓂𑒏𑒵𑒞𑒱 𑒂 𑒦𑒰𑒭𑒰 𑒖𑒿 𑒂𑒃𑒨𑒼 𑒥𑒰𑒿𑒔𑒪 𑒕𑒻, 𑒞𑒿 𑒄 𑒍𑒃 𑒮𑓀𑒮𑓂𑒏𑒵𑒞𑒱 𑒂 𑒦𑒰𑒭𑒰𑒏 𑒫𑒱𑒬𑒹𑒭𑒞𑒰 𑒕𑒱𑒌।
𑒂 𑒩𑒰𑒧𑒪𑒼𑒔𑒢 𑒚𑒰𑒏𑒳𑒩 𑒁𑒯𑒲 𑒣𑓂𑒩𑒞𑒱𑒏𑓂𑒩𑒱𑒨𑒰𑒫𑒰𑒠𑒲 "𑒏𑒱𑒬𑒼𑒩𑒲𑒏𑒰𑒢𑓂𑒞 𑒧𑒱𑒬𑓂𑒩"𑒏 𑒧𑓀𑒔𑒮𑒿 𑒧𑓀𑒔 𑒮𑒰𑒣𑒹𑒏𑓂𑒭 𑒥𑒨𑒰𑒢 𑒠𑒹𑒪𑒢𑓂𑒯𑒱 (𑒅𑒣𑒢𑓂𑒨𑒰𑒮𑒏 𑒮𑓀𑒐𑓂𑒨𑒰𑒏 𑒮𑒧𑓂𑒥𑒢𑓂𑒡𑒧𑒹) 𑒖𑒏𑒩 𑒏𑒼𑒢𑒼 𑒌𑒞𑒱𑒯𑒰𑒮𑒱𑒏 𑒧𑒯𑒞𑓂𑒫 𑒢𑒻 𑒕𑒻। 𑒔𑒹𑒞𑒢𑒰 𑒮𑒧𑒱𑒞𑒱𑒏 𑒣𑒞𑓂𑒩𑒱𑒏𑒰𑒧𑒹 𑒧𑒰𑒢𑒹𑒬𑓂𑒫𑒩 𑒧𑒢𑒳𑒖 𑒮𑒹𑒯𑒼 𑒧𑓀𑒔 𑒮𑒰𑒣𑒹𑒏𑓂𑒭 𑒥𑒨𑒰𑒢𑒧𑒹 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒏 𑒅𑒣𑒢𑓂𑒨𑒰𑒮𑒏 𑒮𑓀𑒐𑓂𑒨𑒰 𑒧𑒰𑒞𑓂𑒩 𑓔 𑒪𑒱𑒐𑒪𑒢𑓂𑒯𑒱!!!
𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒏 𑒢𑒰𑒧𑒧𑒹 𑒖𑒿 𑒧𑒝𑓂𑒛𑒪 𑒙𑒰𑒃𑒙𑒱𑒪 𑒢𑒻 𑒩𑒯𑒻𑒞 𑒧𑒰𑒞𑓂𑒩 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒩𑒯𑒻𑒞 𑒞𑒿 𑒩𑒧𑒰𑒢𑒰𑒟 𑒗𑒰𑒏 𑒁𑒢𑒳𑒨𑒰𑒨𑒲 𑒯𑒳𑒢𑒏𑒰 𑒬𑓂𑒩𑒼𑒞𑓂𑒩𑒱𑒨, 𑒁𑒧𑒩-𑒩𑒰𑒧𑒠𑒹𑒫 𑒗𑒰𑒏 𑒁𑒢𑒳𑒨𑒰𑒨𑒲 𑒯𑒳𑒢𑒏𑒰 𑒥𑓂𑒩𑒰𑒯𑓂𑒧𑒝 𑒂 "𑒪𑒰𑒪𑒠𑒰𑒮𑒏 𑒮𑓂𑒧𑒰𑒩𑒱𑒏𑒰"𑒏 𑒪𑒹𑒐𑒏 𑒫𑒩𑓂𑒧𑒰 𑒖𑒲 𑒯𑒳𑒢𑒏𑒰 𑒏𑒰𑒨𑒮𑓂𑒟 𑒒𑒼𑒭𑒱𑒞 𑒏𑓄 𑒠𑒻𑒞𑒟𑒱।
𑒂 𑓂𑒖𑒿 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒏 𑒤𑒼𑒙𑒼 𑒅𑒣𑒪𑒥𑓂𑒡 𑒢𑒻 𑒩𑒯𑒱𑒞𑒻 𑒞𑒿 𑒏𑒱𑒬𑒼𑒩𑒲𑒏𑒰𑒢𑓂𑒞 𑒧𑒱𑒬𑓂𑒩𑒏 𑒣𑓂𑒩𑒞𑒱𑒏𑓂𑒩𑒱𑒨𑒰𑒫𑒰𑒠𑒲 𑒧𑒱𑒟𑒱𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒣𑒩𑒱𑒭𑒠 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒏 𑒨𑒖𑓂𑒘𑒼𑒣𑒫𑒲𑒞 𑒮𑓀𑒮𑓂𑒏𑒰𑒩 𑒏𑓄 𑒯𑒳𑒢𑒏𑒰 𑒣𑒰𑒑 𑒣𑒯𑒱𑒩𑒰 𑒤𑒹𑒩 𑒫𑒋𑒯 𑒏𑒳𑒏𑒵𑒞𑓂𑒨 𑒏𑒩𑒱𑒞𑒋 𑒖𑒹 𑒍 𑒫𑒱𑒠𑓂𑒨𑒰𑒣𑒞𑒱𑒏 𑒮𑓀𑒑 𑒋𑒏 𑒯𑒖𑒰𑒩 𑒮𑒰𑒪𑒏 𑒥𑒰𑒠 𑒏𑒹𑒪𑒏। 𑒂 𑒥𑒹𑒩𑒧𑒰𑒏 𑒏𑒼𑒢𑒼 𑒥𑒳𑒜𑓃𑒥𑒰 𑒧𑒰𑒙𑒱𑒏 𑒜𑒱𑒧𑒏𑒰𑒏𑒹𑒿 𑒠𑒹𑒐𑒥𑒻𑒞 𑒖𑒑𑒠𑒲𑒬 𑒣𑓂𑒩𑒮𑒰𑒠 "𑒗𑒰/ 𑒚𑒏𑓂𑒏𑒳𑒩𑓁" 𑒏𑒹𑒩 𑒏𑒰𑒪𑓂𑒣𑒢𑒱𑒏 𑒒𑒩𑒰𑒛𑓃𑒲, 𑒨𑒋𑒯 𑒕𑒲, 𑒒𑒼𑒭𑒱𑒞 𑒏𑓄 𑒠𑒱𑒞𑒋।
𑒧𑒪𑓀𑒑𑒱𑒨𑒰𑒏 𑒥𑒹𑒙𑒰, 𑒩𑒰𑒧𑒠𑒹𑒫 𑒗𑒰𑒏 𑒥𑒹𑒙𑒰 𑒂 𑒜𑒹𑒩 𑒩𑒰𑒮 𑒕𑒠𑓂𑒧𑒢𑒰𑒧𑒲𑒏 𑒠𑒹𑒪 𑒑𑒰𑒛𑓃𑒱 𑒮𑒹𑒯𑒼 𑒫𑒱𑒠𑒹𑒯𑒧𑒹 𑒥𑒱𑒢𑒰 𑒏𑒰𑒿𑒙-𑒕𑒰𑒿𑒙𑒏 𑒕𑒣𑒢𑒹 𑒁𑒕𑒱, 𑒖𑒹 𑒪𑒼𑒏 𑒣𑒜𑓃𑒱 𑒮𑒏𑒋, 𑒏𑒱𑒕𑒳 𑒑𑒰𑒛𑓃𑒱 𑒖𑒹 𑒢𑒻 𑒕𑒰𑒣𑒪 𑒖𑒰 𑒮𑒏𑒻𑒋, 𑒮𑒋𑒯 𑒙𑒰 𑒢𑒻 𑒕𑒣𑒢𑒹 𑒕𑒲। 𑒂 𑒑𑒰𑒩𑒱𑒏 𑒛𑒩𑒮𑒿 𑒁𑒐𑒢 𑒡𑒩𑒱𑒏 𑒧𑒻𑒟𑒱𑒪𑒲 𑒂 𑒧𑒱𑒟𑒱𑒪𑒰𑒏 𑒃𑒞𑒱𑒯𑒰𑒮𑒏𑒰𑒩 𑒌 𑒫𑒱𑒭𑒨𑒣𑒩 𑒃𑒬𑒰𑒩𑒰 𑒞𑒿 𑒏𑒹𑒪𑒢𑓂𑒯𑒱 𑒧𑒳𑒠𑒰 𑒂𑒑𑒰𑒿 𑒢𑒻 𑒥𑒜𑓃𑒪𑒰।

𑒞𑒹𑒿 𑒍 𑒖𑓂𑒨𑒼𑒞𑒱𑒩𑒲𑒬𑓂𑒫𑒩(𑓑𑓒𑓗𑓕-𑓑𑓓𑓕𑓐) 𑒣𑒴𑒩𑓂𑒫 𑒫𑒱𑒠𑓂𑒨𑒰𑒣𑒞𑒱𑒨𑒹 𑒩𑒯𑒟𑒱 𑒮𑒹 𑒤𑒹𑒩 𑒮𑒱𑒠𑓂𑒡 𑒯𑒼𑒃𑒋। 𑒖𑒨𑒠𑒹𑒫 (𑒪𑒑𑒦𑒑 𑓑𑓒𑓐𑓐)𑒏 𑒑𑒲𑒞-𑒢𑒵𑒞𑓂𑒨 𑒂 𑒏𑒱𑒩𑒞𑒢𑒱𑒨𑒰𑒿 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫 𑒫𑒱𑒠𑓂𑒨𑒰𑒣𑒞𑒱𑒏 𑒣𑒠𑒰𑒫𑒪𑒲 𑒧𑒹𑒪 𑒐𑒰𑒃𑒞 𑒁𑒕𑒱, 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒏 𑒏𑒰𑒫𑓂𑒨 𑒮𑒾𑒭𑓂𑒚𑒫𑒮𑒿 𑒧𑒹𑒪 𑒢𑒻 𑒐𑒰𑒃𑒞 𑒁𑒕𑒱।

𑒂𑒥 𑒣𑒳𑒢𑓁 𑒂𑒥𑒲 𑒧𑒱𑒟𑒱𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒣𑒩𑒱𑒭𑒠𑒏 𑒧𑓀𑒔 𑒖𑒞𑒋𑒮𑒿 𑒩𑒰𑒧𑒪𑒼𑒔𑒢 𑒚𑒰𑒏𑒳𑒩 𑒧𑓀𑒔 𑒮𑒰𑒣𑒹𑒏𑓂𑒭 𑒥𑒨𑒰𑒢 𑒠𑒹𑒪𑒢𑓂𑒯𑒱। 𑒄 𑒣𑒩𑒱𑒭𑒠 𑒫𑒱𑒠𑓂𑒨𑒰𑒣𑒞𑒱𑒏 𑒨𑒖𑓂𑒘𑒼𑒣𑒫𑒲𑒞 𑒮𑓀𑒮𑓂𑒏𑒰𑒩 𑒢𑒻, 𑒧𑒻𑒟𑒱𑒪𑒲𑒏 𑒨𑒖𑓂𑒘𑒼𑒣𑒫𑒲𑒞 𑒮𑓀𑒮𑓂𑒏𑒰𑒩 𑒏𑒹𑒪𑒏। 𑒍𑒏𑒩 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒣𑒯𑒱𑒩𑒰𑒍𑒪 𑒣𑒰𑒑, 𑒏𑒼𑒪𑒏𑒰𑒞𑒰𑒮𑒿 𑒥𑒱𑒢𑓂𑒡𑓂𑒨𑒹𑒬𑓂𑒫𑒩 𑒧𑒝𑓂𑒛𑒪 𑒂 𑒬𑓂𑒩𑒲𑒏𑒰𑒢𑓂𑒞 𑒧𑒝𑓂𑒛𑒪𑒏𑒹𑒿 𑒪𑒳𑒣𑓂𑒞 𑒏𑓄 𑒠𑒹𑒪𑒏 𑒂 𑒧𑒻𑒟𑒱𑒪𑒲𑒏 𑒨𑒖𑓂𑒘𑒼𑒣𑒫𑒲𑒞 𑒮𑓀𑒮𑓂𑒏𑒰𑒩 𑒣𑒴𑒩𑓂𑒝 𑒦𑓄 𑒑𑒹𑒪।
𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒏 𑒖𑒰𑒞𑒱𑒑𑒞 𑒏𑒙𑓂𑒙𑒩𑒞𑒰𑒏 𑒥𑒰𑒢𑒑𑒲 𑒠𑒹𑒐𑒲:-
𑒏𑒲𑒩𑓂𑒞𑒱𑒪𑒞𑒰- 𑒖𑒰𑒞𑒱-𑒁𑒖𑒰𑒞𑒱𑒏 𑒫𑒱𑒫𑒰𑒯 𑒁𑒡𑒧 𑒏𑒋𑒿 𑒣𑒰𑒩𑒏।
𑒣𑒳𑒩𑒳𑒭-𑒣𑒩𑒲𑒏𑓂𑒭𑒰𑒧𑒹 𑒫𑒱𑒠𑓂𑒨𑒰𑒣𑒞𑒱 𑒏𑒟𑒰 𑒏𑒯𑒻𑒞-𑒏𑒯𑒻𑒞 𑒪𑒹𑒐𑒏𑒲𑒨 𑒫𑒏𑓂𑒞𑒫𑓂𑒨 𑒠𑒻 𑒕𑒟𑒱 𑒏𑒱 𑒩𑒰𑒖𑒣𑒴𑒞𑒏 𑒮𑓂𑒞𑓂𑒩𑒲 𑒔𑒩𑒱𑒞𑓂𑒩𑒯𑒲𑒢 𑒯𑒼𑒃𑒞 𑒁𑒕𑒱, 𑒄 𑒍𑒯𑒱𑒢𑒰 𑒦𑒹𑒪 𑒖𑒹𑒢𑒰 𑒁𑒟𑒩𑓂𑒫𑒫𑒹𑒠𑒧𑒹 𑒬𑒴𑒠𑓂𑒩𑒏 𑒣𑒞𑓂𑒢𑒲𑒏𑒹𑒿 𑒥𑒱𑒢𑒰 𑒮𑓂𑒫𑒲𑒏𑒵𑒞𑒱𑒏 𑒏𑒱𑒨𑒼 𑒯𑒰𑒟 𑒣𑒏𑒛𑓃𑒱 𑒪𑓄 𑒖𑒰 𑒮𑒋 𑒥𑒪𑒰 𑒫𑒏𑓂𑒞𑒫𑓂𑒨। 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱 𑒖𑒰𑒞𑒱-𑒁𑒖𑒰𑒞𑒱𑒣𑒩 𑒫𑒱𑒬𑒹𑒭 𑒥𑒪 𑒠𑒻 𑒕𑒟𑒱, 𑒩𑒏𑓂𑒞 𑒬𑒳𑒠𑓂𑒡𑒞𑒰/ 𑒖𑒰𑒞𑒱 𑒯𑒳𑒢𑒏𑒰 𑒪𑒹𑒪 𑒧𑒯𑒞𑓂𑒫𑒣𑒴𑒩𑓂𑒝 𑒕𑒢𑓂𑒯𑒱। 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱 𑒏𑒯𑒻 𑒕𑒟𑒱- 𑒁𑒏𑒳𑒪𑒲𑒢 𑒏𑒼𑒢𑒼 𑒠𑒨𑒰𑒏 𑒁𑒡𑒱𑒏𑒰𑒩𑒲 𑒢𑒻 𑒁𑒕𑒱!! 𑒂 𑒮𑒾𑒢𑓂𑒠𑒩𑓂𑒨 𑒧𑒰𑒞𑓂𑒩 𑒡𑒢𑒱𑒏 𑒂 𑒫𑒱𑒬𑒱𑒭𑓂𑒙 𑒫𑒩𑓂𑒑𑒏 𑒋𑒏𑒰𑒡𑒱𑒏𑒰𑒩 𑒁𑒕𑒱!! 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 (𑒏𑒱𑒬𑒼𑒩𑒲𑒏𑒰𑒢𑓂𑒞 𑒧𑒱𑒬𑓂𑒩𑒏 𑒧𑒱𑒟𑒱𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒣𑒩𑒱𑒭𑒠𑒏 𑒖𑒢𑒾 𑒂 𑒣𑒰𑒑𑒥𑒪𑒰) 𑒫𑒱𑒠𑓂𑒨𑒰𑒣𑒞𑒱 𑒏𑒯𑒻 𑒕𑒟𑒱- 𑒖𑒰𑒞𑒱 𑒮𑒰𑒧𑒰𑒖𑒱𑒏 𑒖𑒲𑒫𑒢𑒧𑒹 𑒁𑒢𑓂𑒞𑒱𑒧 𑒢𑒱𑒩𑓂𑒡𑒰𑒩𑒏 𑒞𑒞𑓂𑒫 𑒁𑒕𑒱। 𑒖𑒹 𑒐𑒩𑒰𑒣 𑒏𑒳𑒪𑒧𑒹 𑒖𑒢𑓂𑒧 𑒪𑒻𑒋 𑒍 𑒠𑒳𑒭𑓂𑒙 𑒠𑒱𑒧𑒰𑒑𑒏 𑒮𑒰𑒿𑒣 𑒧𑒰𑒞𑓂𑒩 𑒥𑒢𑒱 𑒮𑒏𑒻𑒋!! 𑒏𑒱𑒬𑒼𑒩𑒲𑒏𑒰𑒢𑓂𑒞 𑒧𑒱𑒬𑓂𑒩𑒏 𑒧𑒱𑒟𑒱𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒣𑒩𑒱𑒭𑒠𑒏 𑒖𑒢𑒾 𑒂 𑒣𑒰𑒑𑒥𑒪𑒰 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱 𑒏𑒯𑒻 𑒕𑒟𑒱- 𑒍 𑒠𑒹𑒬 𑒖𑒞𑓄 𑒖𑒰𑒞𑒱𑒏 𑒢𑒱𑒁𑒧 𑒪𑒰𑒑𑒴 𑒢𑒻 𑒯𑒼𑒃𑒋 𑒮𑒹 𑒧𑓂𑒪𑒹𑒔𑓂𑒕 𑒠𑒹𑒬 𑒟𑒱𑒏( Aspects of Society and Economy of Medieval Mithila)- Upendra Thakur
𑒁𑒧𑒲𑒩 𑒐𑒳𑒮𑒩𑒼𑒮𑒿 𑒣𑒯𑒱𑒢𑒹 𑒣𑒰𑒑𑒏 𑒫𑒩𑓂𑒝𑒢 𑒯𑒧𑒩𑒰 𑒢𑒻 𑒦𑒹𑒙𑒪 𑒁𑒕𑒱।
𑒧𑒳𑒠𑒰 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫 𑒫𑒱𑒠𑓂𑒨𑒰𑒣𑒞𑒱 (𑒣𑒠𑒰𑒫𑒪𑒲𑒏 𑒪𑒹𑒐𑒏) 𑒏𑒯𑒻 𑒕𑒟𑒱:- 𑒢𑒵𑒣 𑒃𑒟𑒱 𑒏𑒰𑒯𑒳 𑒏𑒩𑒟𑒱 𑒢𑒯𑒱 𑒮𑒰𑒞𑒱।
𑒣𑒳𑒩𑒐 𑒧𑒯𑒞 𑒮𑒥 𑒯𑒧𑒩 𑒮𑒖𑒰𑒞𑒱॥
𑒞𑒰𑒯𑒱 𑒠𑓂𑒫𑒰𑒩𑒹 𑒩𑒰𑒖𑒰 𑒏𑒏𑒩𑒼 𑒠𑒝𑓂𑒛 𑒢𑒯𑒱 𑒠𑒻𑒞 𑒕𑒟𑒱 𑒂 𑒮𑒦𑒙𑒰 𑒣𑒻𑒒 𑒪𑒼𑒏 𑒋𑒏𑒹 𑒩𑓀𑒑 𑒕𑒟𑒱।
𑒑𑒼𑒫𑒱𑒢𑓂𑒠𑒠𑒰𑒮𑒏 𑒣𑒠𑓂𑒨𑒼 𑒏𑓂𑒪𑒱𑒭𑓂𑒙 𑒕𑒪𑒢𑓂𑒯𑒱 𑒂 𑒋𑒏𑒩 𑒮𑒧𑒰𑒢𑒰𑒢𑓂𑒞𑒩 𑒣𑒩𑒧𑓂𑒣𑒩𑒰 𑒮𑒹𑒯𑒼 𑒢𑒻 𑒕𑒪 (𑒮𑒧𑓂𑒦𑒫𑒞𑓁 𑒮𑒫𑒩𑓂𑒝 𑒧𑒡𑓂𑒨 𑒣𑓂𑒩𑒔𑒪𑒢𑒏 𑒏𑒰𑒩𑒝 𑒄 𑒠𑒳𑒢𑒴 𑒔𑒲𑒖 𑒕𑒪), 𑒮𑒹 𑒥𑒱𑒠𑒰𑒣𑒞 𑒢𑒰𑒔 𑒖𑒏𑒰𑒿 𑒍 𑒋𑒞𑒳𑒏𑓂𑒏𑒰 𑒧𑒰𑒿𑒙𑒱𑒧𑒹 𑒮𑓀𑒩𑒏𑓂𑒭𑒱𑒞 𑒢𑒻 𑒦𑓄 𑒮𑒏𑒪। 𑒑𑓀𑒑𑒹𑒬 𑒅𑒣𑒰𑒡𑓂𑒨𑒰𑒨𑒏 𑒞𑒞𑓂𑒞𑓂𑒫𑒔𑒱𑒢𑓂𑒞𑒰𑒧𑒝𑒱𑒏 𑒔𑒩𑓂𑒔𑒰 𑒧𑒳𑒠𑒰 𑒫𑒩𑓂𑒡𑒧𑒰𑒢 𑒖𑒹 𑒯𑒳𑒢𑒏𑒰 𑒮𑒳𑒏𑒫𑒱𑒏𑒻𑒩𑒫𑒏𑒰𑒢𑒢𑒹𑒢𑓂𑒠𑒳𑓁 𑒏𑒯𑒻 𑒕𑒟𑒱, 𑒍 𑒏𑒫𑒱𑒞𑒰 𑒮𑒦 𑒏𑒞𑓄 𑒑𑒹𑒪? 𑒣𑒏𑓂𑒭𑒡𑒩 𑒪𑒱𑒐𑒻𑒣𑒩 𑒣𑓂𑒩𑒞𑒱𑒥𑒢𑓂𑒡 𑒪𑒑𑒹𑒪𑒢𑓂𑒯𑒱 𑒧𑒳𑒠𑒰 𑒩𑒒𑒳𑒢𑒰𑒟 𑒬𑒱𑒩𑒼𑒧𑒝𑒱 𑒂 𑒯𑒳𑒢𑒏𑒩 𑒬𑒱𑒭𑓂𑒨 “𑒅𑒠𑒨𑒢” 𑒂 “𑒑𑓀𑒑𑒹𑒬”𑒏 𑒏𑒵𑒞𑒱𑒏𑒹𑒿 𑒩𑒙𑒱 𑒏𑓄 𑒔𑒪𑒱 𑒑𑒹𑒪𑒰𑒯 𑒂 𑒢𑒫𑒠𑓂𑒫𑒲𑒣𑒧𑒹 𑒢𑒫𑓂𑒨-𑒢𑓂𑒨𑒰𑒨 𑒮𑓂𑒏𑒴𑒪𑒏 𑒮𑓂𑒟𑒰𑒣𑒢𑒰𑒏 𑒮𑓀𑒑𑒹 𑒥𑓀𑒑𑒰𑒪𑒮𑒿 𑒫𑒱𑒠𑓂𑒨𑒰𑒩𑓂𑒟𑒲 𑒋𑒢𑒰𑒃 𑒥𑒢𑓂𑒠 𑒦𑓄 𑒑𑒹𑒪।
𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫 𑒫𑒱𑒠𑓂𑒨𑒰𑒣𑒞𑒱:- 𑒏𑒬𑓂𑒧𑒲𑒩𑒏 𑒁𑒦𑒱𑒢𑒫 𑒑𑒳𑒣𑓂𑒞 (𑒠𑒬𑒧 𑒬𑒞𑒰𑒥𑓂𑒠𑒲𑒏 𑒁𑒢𑓂𑒞 𑒂 𑒋𑒑𑒰𑒩𑒯𑒧 𑒬𑒞𑒰𑒥𑓂𑒠𑒲𑒏 𑒣𑓂𑒩𑒰𑒩𑒧𑓂𑒦)- 𑒑𑓂𑒩𑒢𑓂𑒟 “𑒄𑒬𑓂𑒫𑒩 𑒣𑓂𑒩𑒞𑓂𑒨𑒰𑒦𑒱𑒖𑓂𑒘𑒰- 𑒫𑒱𑒦𑒩𑓂𑒭𑒱𑒝𑒲” 𑒧𑒹 𑒫𑒱𑒠𑓂𑒨𑒰𑒣𑒞𑒱𑒏 𑒅𑒪𑓂𑒪𑒹𑒐 𑒏𑒩𑒻 𑒕𑒟𑒱।
𑒬𑓂𑒩𑒲𑒡𑒩 𑒠𑒰𑒮𑒏 𑒮𑒠𑒳𑒏𑓂𑒞𑒱𑒏𑒩𑓂𑒝𑒰𑒧𑒵𑒞, - 𑒬𑓂𑒩𑒲𑒡𑒩 𑒠𑒰𑒮 𑒫𑒱𑒠𑓂𑒨𑒰𑒣𑒞𑒱𑒏 𑒣𑒰𑒿𑒔 𑒙𑒰 𑒣𑒠 𑒅𑒠𑓂𑒡𑒵𑒞 𑒏𑒹𑒢𑒹 𑒕𑒟𑒱 𑒖𑒹 𑒫𑒱𑒠𑓂𑒨𑒰𑒣𑒞𑒱𑒏 𑒣𑒠𑒰𑒫𑒪𑒲𑒏 𑒦𑒰𑒭𑒰 𑒕𑒲।
“𑒖𑒰𑒫 𑒢 𑒧𑒰𑒪𑒞𑒼 𑒏𑒩 𑒣𑒩𑒑𑒰𑒮
𑒞𑒰𑒫𑒹 𑒢 𑒞𑒰𑒯𑒱 𑒧𑒡𑒳𑒏𑒩 𑒫𑒱𑒪𑒰𑒮।”
𑒂
“𑒧𑒳𑒢𑓂𑒠𑒪𑒰 𑒧𑒳𑒏𑒳𑒪 𑒏𑒞𑒨 𑒧𑒏𑒩𑒢𑓂𑒠”
(𑒧𑒡𑓂𑒨𑒏𑒰𑒪𑒲𑒢 𑒧𑒱𑒟𑒱𑒪𑒰, 𑒅𑒣𑒹𑒢𑓂𑒠𑓂𑒩 𑒚𑒰𑒏𑒳𑒩)
𑒖𑓂𑒨𑒼𑒞𑒱𑒩𑒲𑒬𑓂𑒫𑒩 (𑓑𑓒𑓗𑓕-𑓑𑓓𑓕𑓐) 𑒭𑒭𑓂𑒚𑓁 𑒏𑒪𑓂𑒪𑒼𑒪- ॥𑒁𑒟 𑒫𑒱𑒠𑓂𑒨𑒰𑒫𑒢𑓂𑒞 𑒫𑒩𑓂𑒝𑒢𑒰॥….. 𑒫𑒱𑒠𑒰𑒞𑒘𑒼 𑒂𑒮𑓂𑒟𑒰𑒢 𑒦𑒲𑒞𑒩 𑒦𑒅. 𑒞𑒏𑒰 𑒣𑒕𑒰 𑒞𑒹𑒪𑒓𑓂𑒑𑒲. 𑒧𑒩𑒯𑒚𑒲. 𑒫𑒱।𑒠𑒍𑒞𑒱𑒢𑒲 𑒠𑒳𑒃 𑒔𑒱𑒞𑓂𑒩𑒏𑒃 𑒑𑒰𑒓𑓂𑒑 𑒖𑒅𑒢 𑒢𑒱𑒯𑒰𑒪𑒱 𑒁𑒃𑒮𑒢𑒱 𑒠𑒹𑒭𑒳𑒁𑒯. 𑒔𑒅𑒂𑒘𑓂𑒔𑒩𑒱 𑒔𑒲𑒩𑒱 𑒋𑒏𑒯𑒼𑒓𑓂𑒏 𑒣𑒩𑒱𑒯𑒢𑒹 …….𑒮𑒹 𑒏𑒃𑒮𑒢 𑒠𑒹𑒭𑒳. 𑒖𑒃𑒮𑒹 𑒣𑓂𑒩𑒨𑒰𑒑𑒏𑓂𑒭𑒹𑒞𑓂𑒩 𑒮𑒩𑒮𑓂𑒫𑒞𑒲𑒏𑒹𑒿 𑒑𑒓𑓂𑒑𑒰𑒖𑒧𑒳𑒢𑒰𑒏 𑒮𑒧𑓂𑒫𑒰𑒯𑒱। 𑒏𑒰 𑒯𑒼 𑒞𑒃𑒮𑒹 𑒞𑒰 𑒫𑒱𑒠𑒰𑒘𑒼𑒞𑒏𑒹 𑒠𑒳𑒁𑒍 𑒮𑒧𑓂𑒫𑒰𑒯𑒱𑒏𑒰 𑒯𑒼 𑒦𑒅𑒁𑒯 . 𑒠𑒬𑒘𑒳𑒢𑓂𑒡𑒲 𑒩𑒰𑒖𑒰 𑒁𑒫𑒡𑒰𑒢 𑒏𑒩𑒰𑒅. 𑒫𑒱𑒠𑒰𑒘𑒼𑒞 𑒂𑒮𑓂𑒟𑒰𑒢 𑒫𑒃𑒮𑒳.
(𑒫𑒱𑒠𑒰𑒘𑒼𑒞 (𑒣𑒳𑒩𑒳𑒐) 𑒦𑒲𑒞𑒩 𑒦𑒹𑒪, 𑒞𑒏𑒩 𑒣𑒰𑒕𑒰𑒿 𑒞𑒹𑒪𑒓𑓂𑒑𑒲, 𑒧𑒩𑒯𑒚𑒲। 𑒫𑒱𑒠𑒍𑒞𑒢𑒲 (𑒮𑓂𑒞𑓂𑒩𑒲) 𑒠𑒴𑒙𑒰 𑒩𑓀𑒑𑒏 𑒑𑒓𑓂𑒑𑒰 𑒨𑒧𑒳𑒢𑒰𑒧𑒹 𑒢𑒯𑒰𑒨𑒪𑒱 𑒋𑒯𑒢 𑒠𑒹𑒐𑒰𑒃𑒋। 𑒔𑒰𑒩𑒱-𑒔𑒰𑒩𑒱 𑒂𑒿𑒔𑒩𑒥𑒪𑒰 𑒔𑒲𑒩 𑒋𑒏𑒯𑒏𑒙𑒰 𑒣𑒯𑒱𑒩𑒢𑒹। 𑒮𑒹 𑒏𑒹𑒯𑒢 𑒠𑒹𑒐𑒴. 𑒖𑒹𑒢𑒰 𑒣𑓂𑒩𑒨𑒰𑒑𑒏𑓂𑒭𑒹𑒞𑓂𑒩 𑒮𑒩𑒮𑓂𑒫𑒞𑒲𑒏𑒹𑒿 𑒑𑒓𑓂𑒑𑒰𑒖𑒧𑒳𑒢𑒰𑒏 𑒮𑓀𑒑𑒥𑒹 𑒞𑒹𑒯𑒢𑒹 𑒍𑒃 𑒫𑒱𑒠𑒰𑒘𑒼𑒞𑒏𑒹𑒿 𑒠𑒳𑒢𑒴 𑒮𑒧𑓂𑒫𑒰𑒯𑒱𑒏𑒰। 𑒠𑒬𑒘𑒳𑒢𑓂𑒡𑒲 𑒩𑒰𑒖𑒰𑒏𑒹𑒿 𑒁𑒫𑒡𑒰𑒢 𑒏𑒩𑒹𑒪𑒏, 𑒫𑒱𑒠𑒰𑒘𑒼𑒞 𑒮𑓂𑒟𑒰𑒢𑒣𑒩 𑒥𑒻𑒮𑒪𑒰।
𑒁𑒭𑓂𑒙𑒧𑓁 𑒏𑒪𑓂𑒪𑒼𑒪𑓁- ॥𑒁𑒟 𑒩𑒰𑒖𑓂𑒨 𑒫𑒩𑓂𑒝𑒢𑒰॥ …𑒫𑒱𑒠𑒰𑒘𑒼𑒞 𑒞।𑒢𑓂𑒯𑒱𑒏 𑒑𑒲𑒞. 𑒢𑒵𑒞𑓂𑒨. 𑒫𑒰𑒠𑓂𑒨. 𑒞𑒰𑒪. 𑒒𑒰𑒒𑒩 𑒣𑒩𑒱𑒚𑒩𑒃𑒞𑒹𑒿 𑒂𑒯…
𑒫𑒱𑒠𑒰𑒘𑒼𑒞 𑒪𑒼𑒏𑒢𑒱𑒏 𑒑𑒲𑒞, 𑒢𑒵𑒞𑓂𑒨, 𑒫𑒰𑒠𑓂𑒨, 𑒞𑒰𑒪, 𑒒𑒰𑒒𑒩 𑒣𑒯𑒲𑒩𑒱 𑒏𑓄 𑒦𑒹𑒪।
𑒅𑒑𑒢𑒰 𑒧𑒯𑒰𑒠𑒹𑒫: 𑒧𑒯𑒰𑒠𑒹𑒫 (𑒅𑒑𑒢𑒰𑒩𑒴𑒣𑒲) 𑒫𑒱𑒠𑓂𑒨𑒰𑒣𑒞𑒱𑒏 𑒌𑒚𑒰𑒧 𑒑𑒲𑒞 𑒮𑒳𑒢𑒥𑒰 𑒪𑒹𑒪 𑒅𑒑𑒢𑒰 𑒢𑒼𑒏𑒩 𑒥𑒢𑒱 𑒩𑒯𑒻 𑒕𑒪𑒰𑒯। 𑒧𑒻𑒟𑒱𑒪𑒲𑒏 𑒂𑒠𑒱𑒏𑒫𑒱 𑒫𑒱𑒠𑓂𑒨𑒰𑒣𑒞𑒱 (𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫) 𑒂 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁 (𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒪𑒹𑒐𑒏 𑒂 𑒩𑒰𑒖𑒰 𑒬𑒱𑒫𑒮𑒱𑓀𑒯𑒏 𑒠𑒩𑒥𑒰𑒩𑒲) 𑒠𑒳𑒢𑒴𑒮𑒿 𑒮𑒧𑓂𑒥𑒠𑓂𑒡 𑒏𑓄 𑒅𑒑𑒢𑒰𑒏 𑒄 𑒏𑒟𑒰 𑒣𑓂𑒩𑒮𑒱𑒠𑓂𑒡 𑒦𑒹𑒪।
𑒥𑒼𑒡𑒱 𑒏𑒰𑒨𑒮𑓂𑒟: 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁𑒏 𑒣𑒳𑒩𑒳𑒭 𑒣𑒩𑒲𑒏𑓂𑒭𑒰𑒧𑒹 𑒯𑒱𑒢𑒏 𑒑𑓀𑒑𑒰𑒪𑒰𑒦𑒏 𑒏𑒟𑒰 𑒫𑒩𑓂𑒝𑒱𑒞 𑒁𑒕𑒱। 𑒧𑒯𑒰𑒏𑒫𑒱 𑒫𑒱𑒠𑓂𑒨𑒰𑒣𑒞𑒱 (𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫 𑒧𑒻𑒟𑒱𑒪𑒲 𑒣𑒠𑒰𑒫𑒪𑒲 𑒮𑒦𑒏 𑒪𑒹𑒐𑒏) 𑒏 𑒫𑒱𑒭𑒨𑒧𑒹 𑒮𑒹𑒯𑒼 𑒑𑓀𑒑𑒰𑒪𑒰𑒦𑒏 𑒄 𑒏𑒟𑒰 𑒣𑓂𑒩𑒔𑒪𑒱𑒞 𑒕𑒪 𑒂 𑒥𑒰𑒠𑒧𑒹 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑒏 (𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒪𑒹𑒐𑒏) 𑒫𑒱𑒭𑒨𑒧𑒹 𑒮𑒹𑒯𑒼 𑒑𑓀𑒑𑒰𑒪𑒰𑒦𑒏 𑒄 𑒏𑒟𑒰 𑒣𑓂𑒩𑒔𑒪𑒱𑒞 𑒦𑒹𑒪।

𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁𑒏 𑒮𑓀𑒮𑓂𑒏𑒵𑒞 𑒮𑒰𑒯𑒱𑒞𑓂𑒨 𑒧𑒱𑒟𑒱𑒪𑒰𑒏 𑒫𑒱𑒠𑓂𑒫𑒰𑒢 𑒣𑒩𑒧𑓂𑒣𑒩𑒰𑒏 𑒪𑒼𑒣𑒏 𑒥𑒰𑒠 𑒮𑒼𑒗𑒰𑒿 𑒂𑒋𑒪, 𑒂 𑒮𑓀𑒮𑓂𑒏𑒵𑒞 𑒮𑒰𑒯𑒱𑒞𑓂𑒨𑒧𑒹 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁𑒏 𑒏𑒼𑒢𑒼 𑒐𑒰𑒮 𑒔𑒩𑓂𑒔 𑒢𑒻 𑒦𑒹𑒙𑒻𑒞 𑒁𑒕𑒱 𑒂 𑒥𑓀𑒑𑒰𑒪𑒏 𑒫𑒱𑒠𑓂𑒨𑒰𑒩𑓂𑒟𑒲𑒏 𑒋𑒢𑒰𑒃𑒨𑒼 𑒏𑒧 𑒦𑓄 𑒑𑒹𑒪 𑒕𑒪, 𑒖𑒹 𑒁𑒥𑒱𑒞𑒼 𑒩𑒯𑒟𑒱 𑒯𑒳𑒢𑒏𑒰 𑒪𑒹𑒪 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁𑒏 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒮𑒰𑒯𑒱𑒞𑓂𑒨 𑒮𑒧𑒏𑒰𑒪𑒲𑒢𑒏 𑒮𑒰𑒯𑒱𑒞𑓂𑒨 𑒕𑒪 𑒖𑒹 𑒐𑒞𑒧 𑒯𑒼𑒃𑒞 𑒫𑒱𑒠𑓂𑒫𑒞𑒰 𑒣𑒩𑒧𑓂𑒣𑒩𑒰𑒏 𑒮𑒰𑒯𑒱𑒞𑓂𑒨 𑒕𑒪 𑒂 𑒮𑒹𑒯𑒼 𑒞𑒐𑒢 𑒪𑒱𑒐𑒰𑒃𑒨𑒹 𑒩𑒯𑒪 𑒕𑒪, 𑒧𑒳𑒠𑒰 𑒖𑓂𑒨𑒼𑒞𑒱𑒩𑒲𑒬𑓂𑒫𑒩-𑒣𑒴𑒩𑓂𑒫 𑒣𑒠𑒰𑒫𑒪𑒲 𑒣𑓂𑒩𑒮𑒱𑒠𑓂𑒡𑒱 𑒣𑓂𑒩𑒰𑒣𑓂𑒞 𑒏𑓄 𑒪𑒹𑒢𑒹 𑒕𑒪। 𑒍𑒃 𑒏𑒰𑒪𑒏 𑒑𑒼𑒢𑒴 𑒫𑒰 𑒫𑒱𑒠𑓂𑒨𑒰𑒣𑒞𑒱𑒏 𑒮𑒧𑒨 𑒣𑒰𑒑 𑒩𑒯𑒥𑒼 𑒏𑒩𑒋 𑒮𑒹𑒯𑒼 𑒢𑒱𑒬𑓂𑒔𑒱𑒞 𑒢𑒻, 𑒏𑒰𑒩𑒝 𑒁𑒧𑒲𑒩 𑒐𑒳𑒮𑒩𑒼 (𑓑𑓒𑓕𑓓-𑓑𑓓𑓒𑓕) 𑒧𑒰𑒞𑓂𑒩 𑒋𑒏𑒩 𑒔𑒩𑓂𑒔 𑒏𑒹𑒢𑒹 𑒕𑒟𑒱। 𑒫𑒱𑒖𑒨 𑒏𑒳𑒧𑒰𑒩 𑒚𑒰𑒏𑒳𑒩 𑒋𑒏𑒩𑒰 𑒮𑒰𑒧𑒢𑓂𑒞𑒫𑒰𑒠𑒲 𑒣𑓂𑒩𑒞𑒲𑒏 𑒂 𑒞𑓀𑒞𑓂𑒩 𑒧𑓀𑒞𑓂𑒩𑒮𑒿 𑒮𑒧𑓂𑒥𑒠𑓂𑒡 𑒧𑒰𑒢𑒻 𑒕𑒟𑒱। 𑒧𑒳𑒮𑓂𑒪𑒱𑒧 𑒂𑒏𑓂𑒩𑒧𑒝𑒏 𑒥𑒰𑒠 𑒁𑒡𑒲𑒢𑒮𑓂𑒟 𑒮𑒰𑒧𑒢𑓂𑒞𑒏𑒹𑒿 𑒄 𑒣𑒯𑒱𑒩𑒰𑒍𑒪 𑒑𑒹𑒪 𑒯𑒋𑒞 𑒂 𑒄 𑒧𑒳𑒮𑓂𑒪𑒱𑒧 𑒙𑒼𑒣𑒲𑒮𑒿 𑒧𑒹𑒪 𑒐𑒰𑒃𑒞𑒼 𑒁𑒕𑒱, 𑒂 𑒧𑒰𑒞𑓂𑒩 𑒥𑓂𑒩𑒰𑒯𑓂𑒧𑒝-𑒏𑒰𑒨𑒮𑓂𑒟 𑒧𑒳𑒮𑓂𑒪𑒱𑒧 𑒂𑒏𑓂𑒩𑒧𑒝𑒏 𑒥𑒰𑒠 𑒧𑒱𑒟𑒱𑒪𑒰𑒧𑒹 𑒮𑒰𑒧𑒢𑓂𑒞 𑒩𑒯𑒟𑒱 (𑒩𑒰𑒖𑒣𑒴𑒞 𑒢𑒻) 𑒂 𑒂𑒃𑒨𑒼 𑒁𑒯𑒲 𑒠𑒴 𑒫𑒩𑓂𑒑𑒏 𑒥𑒲𑒔 𑒄 𑒏𑒯𑒱𑒨𑒼 𑒏𑒰𑒪 𑒥𑒱𑒨𑒰𑒯 𑒂𑒠𑒱𑒧𑒹 𑒣𑓂𑒩𑒨𑒳𑒏𑓂𑒞 𑒯𑒼𑒃𑒋।
𑒧𑒯𑒰𑒏𑒫𑒱 𑒫𑒱𑒠𑓂𑒨𑒰𑒣𑒞𑒱- 𑒏𑒫𑒲𑒬𑓂𑒫𑒩 𑒖𑓂𑒨𑒼𑒞𑒱𑒩𑒲𑒬𑓂𑒫𑒩(𑒪𑒑𑒦𑒑 𑓑𑓒𑓗𑓕-𑓑𑓓𑓕𑓐)𑒮𑒿 𑒣𑒴𑒩𑓂𑒫 (𑒏𑒰𑒩𑒝 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒑𑓂𑒩𑒢𑓂𑒟𑒧𑒹 𑒯𑒱𑒢𑒏 𑒔𑒩𑓂𑒔 𑒁𑒕𑒱), 𑒧𑒻𑒟𑒱𑒪𑒲𑒏 𑒂𑒠𑒱 𑒏𑒫𑒱। 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁𑒮𑒿 𑒦𑒱𑒢𑓂𑒢। 𑒮𑒧𑓂𑒦𑒫𑒞𑓁 𑒥𑒱𑒮𑓂𑒤𑒲 𑒑𑒰𑒧𑒏 𑒢𑒾𑒂 𑒚𑒰𑒏𑒳𑒩 𑒬𑓂𑒩𑒲 𑒧𑒯𑒹𑒬 𑒚𑒰𑒏𑒳𑒩𑒏 𑒣𑒳𑒞𑓂𑒩 (𑒣𑒩𑒧𑓂𑒣𑒩𑒰 𑒁𑒢𑒳𑒮𑒰𑒩)। 𑒮𑒧𑒰𑒢𑒰𑒢𑓂𑒞𑒩 𑒣𑒩𑒧𑓂𑒣𑒩𑒰𑒏 𑒥𑒱𑒠𑒰𑒣𑒞 𑒢𑒰𑒔𑒧𑒹 𑒫𑒱𑒠𑓂𑒨𑒰𑒣𑒞𑒱 𑒣𑒠𑒰𑒫𑒪𑒲𑒏 (𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒮𑒿 𑒣𑒴𑒩𑓂𑒫𑒮𑒿) 𑒢𑒵𑒞𑓂𑒨-𑒁𑒦𑒱𑒢𑒨 𑒯𑒼𑒃𑒞 𑒁𑒕𑒱।
𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁 𑓑𑓓𑓕𑓐-𑓑𑓔𑓓𑓕 𑒫𑒱𑒭𑒋𑒫𑒰𑒩 𑒥𑒱𑒮𑓂𑒤𑒲-𑒏𑒰𑒬𑓂𑒨𑒣 (𑒩𑒰𑒖𑒰 𑒬𑒱𑒫𑒮𑒱𑓀𑒯𑒏 𑒠𑒩𑒥𑒰𑒩𑒲) 𑒂 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒪𑒹𑒐𑒏। 𑒏𑒲𑒩𑓂𑒞𑒱𑒪𑒞𑒰, 𑒏𑒲𑒩𑓂𑒞𑒱𑒣𑒞𑒰𑒏𑒰, 𑒣𑒳𑒩𑒳𑒭 𑒣𑒩𑒲𑒏𑓂𑒭𑒰, 𑒑𑒼𑒩𑒏𑓂𑒭𑒫𑒱𑒖𑒨, 𑒪𑒱𑒐𑒢𑒰𑒫𑒪𑒲 𑒂𑒠𑒱 𑒑𑓂𑒩𑓀𑒟 𑒮𑒧𑒹𑒞 𑒫𑒱𑒣𑒳𑒪 𑒮𑓀𑒐𑓂𑒨𑒰𑒧𑒹 𑒏𑒰𑒪𑒖𑒨𑒲 𑒩𑒔𑒢𑒰। 𑒄 𑒧𑒻𑒟𑒱𑒪𑒲𑒏 𑒂𑒠𑒱𑒏𑒫𑒱 𑒫𑒱𑒠𑓂𑒨𑒰𑒣𑒞𑒱 (𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫)𑒮𑒿 𑒦𑒱𑒢𑓂𑒢 𑒕𑒟𑒱।

𑓓
𑒤𑒝𑒲𑒬𑓂𑒫𑒩𑒢𑒰𑒟 𑒩𑒹𑒝𑒳 𑒥𑒱𑒠𑒰𑒣𑒞 𑒢𑒰𑒔𑒣𑒩 𑒩𑒱𑒣𑒼𑒩𑓂𑒞𑒰𑒖 𑒪𑒱𑒐𑒪𑒢𑒱 𑒖𑒹 𑓑 𑒁𑒑𑒮𑓂𑒞 𑓑𑓙𑓔𑓕 𑒄. 𑒏𑒹𑒿 𑒮𑒰𑒣𑓂𑒞𑒰𑒯𑒱𑒏 “𑒫𑒱𑒬𑓂𑒫𑒧𑒱𑒞𑓂𑒩”𑒧𑒹 𑒣𑓂𑒩𑒏𑒰𑒬𑒱𑒞 𑒦𑒹𑒪। 𑒌 𑒩𑒱𑒣𑒼𑒩𑓂𑒞𑒰𑒖𑒏 𑒧𑒯𑒞𑓂𑒫 𑒁𑒕𑒱, 𑒏𑒰𑒩𑒝 𑒄 𑒌 𑒫𑒱𑒭𑒨𑒣𑒩 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒠𑓂𑒫𑒰𑒩𑒰 𑒪𑒱𑒐𑒱𑒞 𑒫𑒱𑒫𑒩𑒝𑒏 𑓗𑓐𑓐 𑒥𑒩𑓂𑒐 𑒥𑒰𑒠 𑒪𑒱𑒐𑒪 𑒑𑒹𑒪 𑒂 𑒌 𑓗𑓐𑓐 𑒥𑒩𑓂𑒐𑒧𑒹 𑒖𑒹 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒮𑒧𑒰𑒢𑒰𑒢𑓂𑒞𑒩 𑒣𑒩𑒧𑓂𑒣𑒩𑒰 𑒖𑒱𑒂 𑒏𑓄 𑒩𑒐𑒪𑒏।
𑒂 𑒖𑒹 𑒋𑒏𑒩𑒰 𑒖𑒱𑒂 𑒏𑓄 𑒩𑒐𑒪𑒏 𑒍𑒏𑒩𑒰𑒮𑒿 𑒁𑒢𑒔𑒼𑒏𑓂𑒏𑒹 𑒫𑒱𑒠𑓂𑒨𑒰𑒣𑒞𑒱 𑒕𑒲𑒢𑒱 𑒪𑒹𑒪 𑒑𑒹𑒪𑒢𑓂𑒯𑒱। 𑒥𑒱𑒠𑒹𑒬𑓂𑒫𑒩 𑒚𑒰𑒏𑒳𑒩 𑒫𑒱𑒠𑓂𑒨𑒰𑒣𑒞𑒱 𑒑𑒲𑒞 𑒑𑒥𑒻𑒞 𑒂 𑒯𑒰𑒏𑓂𑒩𑒼𑒬 𑒏𑒩𑒻𑒞 𑒧𑒵𑒞𑓂𑒨𑒳𑒏𑒹𑒿 𑒣𑓂𑒩𑒰𑒣𑓂𑒞 𑒏𑒹𑒪𑒢𑓂𑒯𑒱 𑒖𑒹 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒣𑒰𑒑 𑒣𑒯𑒱𑒩𑒰 𑒏𑓄 𑒥𑓂𑒩𑒰𑒯𑓂𑒧𑒝 𑒮𑒦 𑒕𑒲𑒢𑒱 𑒪𑒹𑒪𑒏। 𑒥𑓂𑒩𑒯𑓂𑒧𑒣𑒳𑒩𑒰𑒏 𑒏𑒰𑒢𑒴𑒢𑒑𑒼 𑒥𑒠𑓂𑒩𑒲 𑒣𑓂𑒩𑒮𑒰𑒠 𑒚𑒰𑒏𑒳𑒩, 𑒣𑒼𑒐𑒩𑒱𑒦𑒲𑒛𑓃𑒰𑒏 𑒥𑒱𑒢𑒼𑒠 𑒚𑒰𑒏𑒳𑒩, 𑒩𑒳𑒠𑓂𑒩𑒣𑒳𑒩𑒏 𑒮𑒩𑒨𑒳𑒑 𑒚𑒰𑒏𑒳𑒩 𑒂 𑒧𑒹𑓀𑒯𑒟𑒏 𑒖𑒨𑒩𑒰𑒧 𑒚𑒰𑒏𑒳𑒩 𑒂 𑒥𑒱𑒮𑓂𑒤𑒲𑒏 𑒮𑒾𑒿𑒮𑒹 𑒑𑒰𑒧 𑒂𑒃𑒨𑒼 𑒄 𑒩𑒙𑒱 𑒩𑒯𑒪 𑒕𑒟𑒱। 𑒬𑒰𑒪𑒱𑒑𑓂𑒩𑒰𑒧 𑒨𑒰𑒠𑒫, 𑒁𑒫𑒡𑒱𑒨𑒰 𑒚𑒰𑒏𑒳𑒩 𑒥𑒱𑒮𑓂𑒤𑒲 𑒑𑒰𑒧𑒏 𑒣𑒩𑒧𑓂𑒣𑒩𑒰𑒏 𑒑𑒫𑒰𑒯 𑒕𑒟𑒱। 𑒫𑒱𑒠𑓂𑒨𑒰𑒣𑒞𑒱 𑒏𑒩𑓂𑒧𑒏𑒰𑒝𑓂𑒛𑒲𑒨 𑒁𑒣𑒯𑒩𑒝 𑒧𑒹 𑒯𑒳𑒢𑒏𑒩 𑒖𑒢𑓂𑒧 𑒂𑒠𑒱𑒏 𑒣𑓂𑒩𑒞𑒱 𑒮𑒦 𑒞𑒩𑒯𑒏 𑒁𑒢𑒩𑓂𑒑𑒪 𑒞𑒩𑓂𑒏 𑒅𑒣𑒮𑓂𑒟𑒱𑒞 𑒯𑒼𑒃𑒞 𑒩𑒯𑒪 𑒧𑒳𑒠𑒰 𑒯𑒳𑒢𑒏𑒩 𑒮𑒧𑒰𑒢𑒰𑒢𑓂𑒞𑒩 𑒣𑒩𑒧𑓂𑒣𑒩𑒰𑒏 𑒧𑒰𑒠𑒹 𑒏𑒼𑒢𑒼 𑒬𑒼𑒡-𑒣𑒞𑓂𑒩𑒧𑒹 𑒔𑒩𑓂𑒔𑒼 𑒡𑒩𑒱 𑒢𑒻 𑒦𑒹𑒪। 𑒄 𑒂𑒪𑒹𑒐 𑒥𑒱𑒠𑒹𑒬𑓂𑒫𑒩 𑒚𑒰𑒏𑒳𑒩 𑒮𑒢 𑒯𑒖𑒰𑒩𑒏 𑒯𑒖𑒰𑒩 𑒮𑒧𑒰𑒢𑒰𑒢𑓂𑒞𑒩 𑒣𑒩𑒧𑓂𑒣𑒩𑒰𑒏 𑒪𑒼𑒏𑒏 𑒣𑓂𑒩𑒞𑒱 𑒮𑒧𑒩𑓂𑒣𑒱𑒞 𑒁𑒕𑒱 𑒖𑒹 𑒥𑒱𑒠𑒰𑒣𑒞𑒏 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒂 𑒤𑒝𑒲𑒬𑓂𑒫𑒩𑒢𑒰𑒟 𑒩𑒹𑒝𑒳𑒏 𑒠𑒳𑒢𑒴 𑒂𑒪𑒹𑒐𑒏 𑒥𑒲𑒔 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒖𑒱𑒂 𑒏𑓄 𑒩𑒐𑒪𑒢𑓂𑒯𑒱।

𑒧𑒱𑒟𑒱𑒪𑒰𑒏 𑒬𑒞𑒣𑒟 𑒥𑓂𑒩𑒰𑒯𑓂𑒧𑒝𑒏 𑒣𑒩𑒧𑓂𑒣𑒩𑒰 𑒂 𑒧𑒱𑒟𑒱𑒪𑒰𑒏 𑒮𑒧𑒰𑒢𑒰𑒢𑓂𑒞𑒩 𑒣𑒩𑒧𑓂𑒣𑒩𑒰:
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒏 𑒣𑓂𑒩𑒰𑒔𑒲𑒢𑒞𑒧 𑒑𑓂𑒩𑒢𑓂𑒟 𑒇𑒑𑒫𑒹𑒠𑒮𑒿 𑒣𑒯𑒱𑒢𑒹𑒮𑒿 𑒦𑒰𑒭𑒰 𑒁𑒮𑓂𑒞𑒱𑒞𑓂𑒫𑒧𑒹 𑒩𑒯𑒪 𑒯𑒋𑒞। 𑒏𑒞𑒹𑒏 𑒧𑒾𑒐𑒱𑒏 𑒮𑒰𑒯𑒱𑒞𑓂𑒨 𑒖𑒹𑒢𑒰 𑒑𑒰𑒟𑒰, 𑒢𑒰𑒩𑒰𑒬𑓀𑒮𑒲, 𑒠𑒻𑒫𑒞 𑒏𑒟𑒰 𑒂 𑒂𑒐𑓂𑒨𑒰𑒢 𑒮𑒦 𑒍𑒯𑒱𑒧𑒹 𑒩𑒔𑒪 𑒑𑒹𑒪 𑒯𑒋𑒞। 𑒋𑒯𑒢𑒹 𑒑𑒰𑒟𑒰 𑒮𑒦𑒏 𑒑𑒰𑒨𑒏𑒏 𑒪𑒹𑒪 “𑒑𑒰𑒟𑒱𑒢”, “𑒑𑒰𑒞𑒳𑒫𑒱𑒠𑓂” 𑒂 “𑒑𑒰𑒟𑒣𑒞𑒱” 𑒇𑒑𑒫𑒹𑒠𑒧𑒹 𑒣𑓂𑒩𑒨𑒳𑒏𑓂𑒞 𑒦𑒹𑒪।
𑒫𑒻𑒠𑒱𑒏 𑒏𑒰𑒪𑒹𑒮𑒿 𑒑𑒰𑒟𑒰 𑒂 𑒢𑒰𑒩𑒰𑒬𑓀𑒮𑒲 𑒮𑒧𑒰𑒢𑒰𑒢𑓂𑒞𑒩 𑒩𑒴𑒣𑒧𑒹 𑒩𑒯𑒪।
𑒣𑓂𑒩𑒰𑒏𑒵𑒞𑒮𑒿 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞 𑒥𑒯𑒰𑒩 𑒦𑒹𑒪 𑒂𑒏𑒱 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒮𑒿 𑒣𑓂𑒩𑒰𑒏𑒵𑒞? 𑒫𑒹𑒠𑒧𑒹 𑒢𑒰𑒩𑒰𑒬𑓀𑒮𑒲 𑒢𑒰𑒧𑓂𑒢𑒰 𑒖𑒢 𑒂𑒐𑓂𑒨𑒰𑒢 𑒨𑒋𑒯 𑒮𑒱𑒠𑓂𑒡 𑒏𑒩𑒻𑒞 𑒁𑒕𑒱 𑒖𑒹 𑒠𑒳𑒢𑒴 𑒮𑒧𑒰𑒢𑒰𑒢𑓂𑒞𑒩 𑒩𑒴𑒣𑒹𑒿 𑒥𑒯𑒳𑒞 𑒠𑒱𑒢 𑒡𑒩𑒱 𑒔𑒪𑒪। 𑒄 𑒮𑒧𑒰𑒢𑒰𑒢𑓂𑒞𑒩 𑒣𑒩𑒧𑓂𑒣𑒩𑒰 𑒠𑒳𑒢𑒴𑒏𑒹𑒿 𑒣𑓂𑒩𑒦𑒰𑒫𑒱𑒞 𑒏𑒹𑒪𑒏। 𑒂𑒥 𑒇𑒑𑒫𑒹𑒠 𑒠𑒹𑒐𑒴- 𑒍𑒞𑒋 𑒠𑒳𑒩𑓂𑒪𑒦 𑒪𑒹𑒪- 𑒠𑒴𑒪𑒦, (𑒇𑒑𑒫𑒹𑒠 𑓔.𑓙.𑓘) 𑒣𑓂𑒩𑒨𑒼𑒑 𑒏𑒲 𑒮𑒱𑒠𑓂𑒡 𑒏𑒩𑒻𑒞 𑒁𑒕𑒱? 𑒁𑒟𑒩𑓂𑒫𑒫𑒹𑒠𑒧𑒹 𑒣𑒬𑓂𑒔𑒰𑒞𑓂 𑒪𑒹𑒪 𑒣𑒬𑓂𑒔𑒰 (𑒁𑒟𑒩𑓂𑒫𑒫𑒹𑒠 𑓑𑓐.𑓔.𑓑𑓐) 𑒏𑒲 𑒮𑒱𑒠𑓂𑒡 𑒏𑒩𑒻𑒞 𑒁𑒕𑒱? 𑒑𑒼𑒣𑒟 𑒥𑓂𑒩𑒰𑒯𑓂𑒧𑒝𑒧𑒹 𑒣𑓂𑒩𑒞𑒱𑒮𑒢𑓂𑒡𑒰𑒨 𑒪𑒹𑒪 𑒣𑓂𑒩𑒞𑒱𑒮𑓀𑒯𑒰𑒨 𑒏𑒲 𑒮𑒱𑒠𑓂𑒠 𑒏𑒩𑒻𑒞 𑒁𑒕𑒱? (𑒑𑒼𑒣𑒟 𑒥𑓂𑒩𑒰𑒯𑓂𑒧𑒝 𑓒.𑓔)।
𑒖𑒹 𑒂𑒩𑓂𑒨 𑒕𑒟𑒱 𑒮𑒹 𑒦𑒰𑒩𑒞𑒏 𑒣𑒔𑓂𑒕𑒱𑒧 𑒦𑒰𑒑𑒮𑒿 𑒧𑒱𑒟𑒱𑒪𑒰𑒧𑒹 𑒋𑒪𑒰𑒯, 𑒂 𑒯𑒳𑒢𑒏𑒰 𑒮𑒦𑒏 𑒋𑒥𑒰𑒮𑒿 𑒣𑒴𑒩𑓂𑒫 𑒫𑒹𑒠𑒏 𑒏𑒱𑒕𑒳 𑒁𑓀𑒬 𑒫𑒱𑒠𑓂𑒨𑒧𑒰𑒢 𑒕𑒪, 𑒞𑒹𑒿 𑒢𑒹 𑒥𑒯𑒳𑒞 𑒩𑒰𑒮 𑒬𑒥𑓂𑒠 𑒖𑒹 𑒧𑒻𑒟𑒱𑒪𑒲𑒧𑒹 𑒁𑒕𑒱, 𑒥𑒯𑒳𑒞 𑒩𑒰𑒮 𑒅𑒔𑓂𑒔𑒰𑒩𑒝 𑒖𑒹 𑒧𑒻𑒟𑒱𑒪𑒲𑒧𑒹 𑒁𑒕𑒱 𑒍 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒁𑒕𑒱, 𑒧𑒳𑒠𑒰 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒢𑒻 𑒁𑒕𑒱। 𑒁𑒫𑒱𑒠𑓂𑒨𑒰, 𑒏𑒩𑓂𑒧𑒮𑒱𑒠𑓂𑒡𑒰𑒢𑓂𑒞, 𑒖𑒢𑓂𑒧 𑒂 𑒣𑒳𑒢𑒩𑓂𑒖𑒢𑓂𑒧𑒏 𑒂𑒫𑒰𑒖𑒰𑒯𑒲 𑒂 𑒧𑒼𑒏𑓂𑒭 𑒄 𑒮𑒦 𑒁𑒢𑒰𑒩𑓂𑒨𑒮𑒿 𑒂𑒩𑓂𑒨𑒏𑒹𑒿 𑒦𑒹𑒙𑒪𑒻। 𑒞𑒹𑒿 𑒢𑒹 𑒅𑒣𑒢𑒱𑒭𑒠𑒧𑒹 𑒧𑒼𑒏𑓂𑒭 𑒣𑓂𑒩𑒰𑒣𑓂𑒞𑒱𑒏 𑒧𑒰𑒩𑓂𑒑 𑒕𑒻, 𑒮𑓂𑒫𑒩𑓂𑒑 𑒣𑓂𑒩𑒰𑒣𑓂𑒞𑒱𑒏 𑒢𑒻। 𑒧𑒼𑒏𑓂𑒭 𑒦𑒹𑒙𑒞 𑒏𑒼𑒢𑒰? 𑒨𑒖𑓂𑒘 𑒏𑒹𑒪𑒰𑒮𑒿? 𑒢𑒻, 𑒄 𑒦𑒹𑒙𑒞 𑒖𑓂𑒘𑒰𑒢𑒮𑒿 𑒂 𑒧𑒢𑒢-𑒔𑒱𑒢𑓂𑒞𑒢 𑒂 𑒮𑒧𑒰𑒡𑒱𑒮𑒿। 𑒩𑒰𑒖𑒰 𑒖𑒢𑒏𑒏 𑒮𑓀𑒩𑒏𑓂𑒭𑒝𑒧𑒹 𑒨𑒰𑒖𑓂𑒘𑒫𑒪𑓂𑒏𑓂𑒨 𑒥𑒵𑒯𑒠𑒰𑒩𑒝𑓂𑒨𑒏 𑒅𑒣𑒢𑒱𑒭𑒠𑒏 𑒞𑒱𑒩𑒯𑒳𑒞𑒏 𑒁𑒢𑒰𑒩𑓂𑒨 𑒏𑓂𑒭𑒹𑒞𑓂𑒩𑒧𑒹 𑒩𑒔𑒢𑒰 𑒏𑒹𑒪𑒢𑓂𑒯𑒱।
𑒫𑒰𑒔𑒮𑓂𑒣𑒞𑒱 𑒧𑒱𑒬𑓂𑒩 𑒮𑒰𑓀𑒐𑓂𑒨𑒏𑒰𑒩𑒱𑒏𑒰𑒏 𑒮𑒢𑓂𑒞𑒰𑒫𑒢𑒧 𑒮𑒴𑒞𑓂𑒩𑒏 𑒫𑓂𑒨𑒰𑒐𑓂𑒨𑒰 𑒏𑒩𑒻𑒞 𑒏𑒯𑒻 𑒕𑒟𑒱 𑒖𑒹 𑒏𑒲 𑒄 𑒏𑒯𑒱 𑒮𑒏𑒻 𑒕𑒲 𑒖𑒹 𑒁𑒔𑒹𑒞𑒢 𑒠𑒴𑒡 𑒏𑒹𑒩 𑒣𑒼𑒭𑒝𑒮𑒿 𑒣𑒩𑒳 𑒣𑒼𑒮𑒰𑒃𑒋 𑒂 𑒁𑒔𑒹𑒞𑒢 𑒣𑓂𑒩𑒏𑒵𑒞𑒱𑒏 𑒮𑓀𑒔𑒰𑒪𑒢𑒮𑒿 𑒖𑒲𑒫𑒏𑒹𑒿 𑒧𑒳𑒏𑓂𑒞𑒱𑒏 𑒖𑓂𑒘𑒰𑒢 𑒦𑒹𑒙𑒻𑒋? 𑒄𑒬𑓂𑒫𑒩 𑒞𑒿 𑒮𑓂𑒫𑒨𑓀𑒧𑒹 𑒣𑒴𑒩𑓂𑒝 𑒕𑒟𑒱 𑒞𑒿 𑒍 𑒏𑒼𑒢 𑒅𑒠𑓂𑒠𑒹𑒬𑓂𑒨𑒹 𑒫𑒱𑒬𑓂𑒫𑒏 𑒮𑒵𑒭𑓂𑒙𑒱 𑒏𑒩𑒞𑒰𑒯 𑒂 𑒖𑒲𑒫 𑒪𑒹𑒪 𑒖𑒿 𑒍 𑒮𑒵𑒭𑓂𑒙𑒱 𑒏𑒩𑒞𑒰𑒯 𑒞𑒿 𑒮𑒵𑒭𑓂𑒙𑒱𑒏 𑒥𑒰𑒠𑒹 𑒞𑒿 𑒖𑒲𑒫 𑒥𑒢𑓂𑒯𑒰𑒃𑒋 𑒂 𑒮𑒵𑒭𑓂𑒙𑒱𑒮𑒿 𑒣𑒴𑒩𑓂𑒫 𑒞𑒿 𑒥𑒢𑓂𑒯𑒹𑒥𑒰𑒏 𑒣𑓂𑒩𑒬𑓂𑒢𑒹 𑒢𑒻 𑒁𑒕𑒱, 𑒞𑒐𑒢 𑒖𑒲𑒫𑒏 𑒣𑓂𑒩𑒞𑒱 𑒏𑒟𑒲𑒏 𑒠𑒨𑒰? 𑒮𑒹 𑒣𑓂𑒩𑒏𑒵𑒞𑒱 𑒠𑓂𑒫𑒰𑒩𑒰 𑒮𑒵𑒭𑓂𑒙𑒱 𑒯𑒼𑒃𑒋 𑒂 𑒖𑒲𑒫 𑒁𑒣𑒢 𑒣𑓂𑒩𑒨𑒰𑒮𑒮𑒿 𑒁𑒣𑒫𑒩𑓂𑒑𑒏 𑒣𑓂𑒩𑒰𑒣𑓂𑒞𑒱 𑒏𑒩𑒻 𑒕𑒟𑒱। 𑒂 𑒫𑒱𑒫𑒹𑒏𑒮𑒿 𑒯𑒼𑒃𑒋 𑒣𑓂𑒩𑒪𑒨। 𑒮𑒹 𑒄𑒬𑓂𑒫𑒩𑒫𑒰𑒠 𑒢𑒻 𑒢𑒱𑒩𑒲𑒬𑓂𑒫𑒩𑒫𑒰𑒠 𑒁𑒕𑒱 𑒫𑒰𑒔𑒮𑓂𑒣𑒞𑒱𑒏 𑒫𑓂𑒨𑒰𑒐𑓂𑒨𑒰। 𑒣𑓂𑒩𑒏𑒵𑒞𑒱 𑒮𑓀𑒔𑒰𑒪𑒢𑒧𑒹 𑒖𑒿 𑒄𑒬𑓂𑒫𑒩 𑒦𑒰𑒑 𑒪𑒻 𑒕𑒟𑒱 𑒞𑒿 𑒍 𑒔𑒹𑒞𑒢 𑒣𑓂𑒩𑒏𑓂𑒩𑒱𑒨𑒰 𑒯𑒋𑒞 𑒖𑒹 𑒏𑒼𑒢𑒼 𑒅𑒠𑓂𑒠𑒹𑒬𑓂𑒨𑒹𑒮𑒿 𑒯𑒋𑒞 𑒂 𑒞𑒏𑒩 𑒏𑒼𑒢𑒼 𑒐𑒑𑒞𑒰 𑒄𑒬𑓂𑒫𑒩𑒏𑒹𑒿 𑒕𑒢𑓂𑒯𑒱𑒨𑒹 𑒢𑒻। 𑒢𑓂𑒨𑒰𑒨𑒮𑒴𑒞𑓂𑒩𑒏 𑒩𑒔𑒢𑒰 𑒏𑒹𑒢𑒱𑒯𑒰𑒩 𑒧𑒱𑒟𑒱𑒪𑒰𑒏 𑒑𑒾𑒞𑒧 𑒮𑒼𑒪𑒯 𑒣𑒠𑒰𑒩𑓂𑒟𑒏 𑒖𑓂𑒘𑒰𑒢𑒮𑒿 𑒖𑒲𑒫𑒏 𑒢𑒱𑓁𑒬𑓂𑒩𑒹𑒨𑒮 𑒣𑓂𑒩𑒰𑒣𑓂𑒞 𑒏𑒩𑒥𑒰𑒏 𑒔𑒩𑓂𑒔 𑒏𑒩𑒻 𑒕𑒟𑒱, 𑒧𑒳𑒠𑒰 𑒌 𑒮𑒦𑒧𑒹 𑒄𑒬𑓂𑒫𑒩𑒏 𑒏𑒞𑒾 𑒔𑒩𑓂𑒔 𑒢𑒻 𑒁𑒕𑒱 𑒖𑒹 𑒯𑒳𑒢𑒏𑒼 𑒠𑓂𑒫𑒰𑒩𑒰 𑒧𑒳𑒏𑓂𑒞𑒱 𑒮𑒧𑓂𑒦𑒫 𑒁𑒕𑒱। 𑒫𑒻𑒬𑒹𑒭𑒱𑒏 𑒮𑒴𑒞𑓂𑒩 𑒏𑒯𑒻𑒋 𑒖𑒹 𑒫𑒹𑒠 𑒫𑒱𑒠𑓂𑒫𑒰𑒢 𑒪𑒼𑒏𑒢𑒱 𑒠𑓂𑒫𑒰𑒩𑒰 𑒩𑒔𑒪 𑒑𑒹𑒪 𑒁𑒕𑒱 𑒢𑒻 𑒏𑒱 𑒄𑒬𑓂𑒫𑒩 𑒠𑓂𑒫𑒰𑒩𑒰। 𑒏𑒳𑒧𑒰𑒩𑒱𑒪 𑒦𑒙𑓂𑒙 𑒏𑒯𑒻 𑒕𑒟𑒱 𑒖𑒹 𑒮𑒵𑒭𑓂𑒙𑒱𑒏 𑒣𑒴𑒩𑓂𑒫 𑒄𑒬𑓂𑒫𑒩𑒏 𑒫𑒱𑒭𑒨𑒧𑒹 𑒏𑒼𑒢𑒼 𑒫𑒱𑒬𑓂𑒫𑒮𑒢𑒲𑒨 𑒔𑒩𑓂𑒔𑒰 𑒁𑒮𑒧𑓂𑒦𑒫 𑒁𑒕𑒱।

𑒬𑒞𑒣𑒟 𑒥𑓂𑒩𑒰𑒯𑓂𑒧𑒝𑒏 𑒞𑒟𑒰𑒏𑒟𑒱𑒞 𑒧𑒳𑒐𑓂𑒨 𑒡𑒰𑒩𑒰, 𑒂 𑒞𑒏𑒩 𑒮𑒧𑒰𑒢𑒰𑒢𑓂𑒞𑒩 𑒧𑒳𑒐𑓂𑒨𑒡𑒰𑒩𑒰:
𑒥𑓂𑒩𑒰𑒯𑓂𑒧𑒝 𑒂 𑒑𑒋𑒩 𑒥𑓂𑒩𑒰𑒯𑓂𑒧𑒝𑒫𑒰𑒠 𑒧𑒱𑒟𑒱𑒪𑒰𑒧𑒹 𑒬𑒳𑒩𑒳𑒋𑒮𑒿 𑒩𑒯𑒪 𑒁𑒕𑒱। 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒪𑒱𑒐𑒻 𑒕𑒟𑒱- 𑒥𑒾𑒡 𑒣𑒏𑓂𑒭 𑒁𑒃𑒮𑒢- 𑒂𑒣𑒰𑒞 𑒦𑒲𑒭𑒝। 𑒁𑒑𑒞𑒱𑒬𑒲𑒪 𑒬𑒞𑒣𑒟 𑒥𑓂𑒩𑒰𑒯𑓂𑒧𑒝𑒏 𑒣𑒩𑒧𑓂𑒣𑒩𑒰 𑒢𑒰𑒧𑒏 𑒮𑒰𑒧𑓂𑒨𑒞𑒰𑒏 𑒏𑒰𑒩𑒝 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒣𑒴𑒖𑓂𑒨 𑒥𑒢𑒥𑒻𑒣𑒩 𑒥𑒱𑒩𑓂𑒞 𑒁𑒕𑒱। 𑒇𑒏𑓂 𑒂 𑒢𑒰𑒩𑒰𑒬𑓀𑒮𑒲, 𑒧𑒯𑒰𑒏𑒫𑒱 𑒫𑒱𑒠𑓂𑒨𑒰𑒣𑒞𑒱 𑒂 𑒣𑒰𑒑𑒥𑒪𑒰 𑒫𑒱𑒠𑓂𑒨𑒰𑒣𑒞𑒱, 𑒧𑒼𑒏𑓂𑒭 𑒂 𑒮𑓂𑒫𑒩𑓂𑒑-𑒢𑒩𑓂𑒏 𑒄 𑒠𑒳𑒢𑒴 𑒣𑒩𑒮𑓂𑒣𑒩 𑒫𑒱𑒩𑒼𑒡𑒲 𑒫𑒱𑒔𑒰𑒩𑒡𑒰𑒩𑒰 𑒧𑒱𑒟𑒱𑒪𑒰𑒧𑒹 𑒩𑒯𑒪।
𑒬𑒞𑒣𑒟 𑒥𑓂𑒩𑒰𑒯𑓂𑒧𑒝𑒏 𑒫𑒱𑒠𑒹𑒒𑒧𑒰𑒟𑒫 𑒂 𑒣𑒳𑒩𑒰𑒝𑒏 𑒢𑒱𑒧𑒱 𑒠𑒳𑒢𑒴 𑒑𑒼𑒙𑒹𑒏 𑒣𑒳𑒩𑒼𑒯𑒱𑒞 𑒑𑒾𑒞𑒧 𑒕𑒟𑒱 𑒮𑒹 𑒠𑒳𑒢𑒴 𑒋𑒏𑒹 𑒕𑒟𑒱 𑒂 𑒋𑒞𑒋𑒮𑒿 𑒫𑒱𑒠𑒹𑒯 𑒩𑒰𑒖𑓂𑒨𑒏 𑒣𑓂𑒩𑒰𑒩𑒧𑓂𑒦। 𑒧𑒰𑒟𑒫𑒏 𑒣𑒳𑒩𑒯𑒱𑒞 𑒑𑒾𑒞𑒧 𑒧𑒱𑒞𑓂𑒩𑒫𑒱𑒢𑓂𑒠 𑒨𑒖𑓂𑒘𑒏/ 𑒥𑒪𑒱𑒏 𑒣𑓂𑒩𑒰𑒩𑒧𑓂𑒦 𑒏𑒋𑒪𑒢𑓂𑒯𑒱 𑒂 𑒣𑒳𑒢𑓁 𑒋𑒏𑒩 𑒣𑒳𑒢𑓁𑒮𑓂𑒟𑒰𑒣𑒢𑒰 𑒦𑒹𑒪 𑒧𑒯𑒰𑒖𑒢𑒏-𑓒 𑒏 𑒮𑒧𑒨𑒧𑒹 𑒨𑒰𑒖𑓂𑒘𑒫𑒪𑓂𑒏𑓂𑒨 𑒠𑓂𑒫𑒰𑒩𑒰। 𑒧𑒻𑒞𑓂𑒩𑒹𑒨𑒲, 𑒨𑒰𑒖𑓂𑒘𑒫𑒪𑓂𑒏𑓂𑒨, 𑒮𑒲𑒞𑒰, 𑒖𑒢𑒏𑒏𑒹𑒿 𑒩𑒙𑒻𑒞-𑒩𑒙𑒻𑒞 𑒄 𑒣𑒩𑒧𑓂𑒣𑒩𑒰 𑒫𑒱𑒠𑓂𑒨𑒰𑒣𑒞𑒱𑒏 𑒨𑒖𑓂𑒘𑒼𑒣𑒫𑒲𑒞 𑒮𑓀𑒮𑓂𑒏𑒰𑒩 𑒂 𑒣𑒰𑒑 𑒣𑓂𑒩𑒞𑒱𑒭𑓂𑒚𑒰𑒣𑒢 𑒖𑒃 𑒞𑒲𑒫𑓂𑒩 𑒑𑒞𑒱𑒨𑒹 𑒏𑒹𑒪𑒏 𑒮𑒹 𑒍𑒏𑒩 𑒬𑒞𑒣𑒟 𑒥𑓂𑒩𑒰𑒯𑓂𑒧𑒝𑒏 𑒞𑒟𑒰𑒏𑒟𑒱𑒞 𑒧𑒳𑒐𑓂𑒨 𑒡𑒰𑒩𑒰𑒏 𑒁𑒢𑒳𑒏𑒴𑒪 𑒕𑒪।

𑓑𑓗𑓖𑓐 𑒄.𑒏 𑒧𑒰𑒡𑒫 𑒮𑒱𑓀𑒯𑒏 𑒬𑒰𑒐𑒰 𑒣𑒘𑓂𑒖𑒲𑒏 𑒂𑒠𑒹𑒬𑒏 𑒥𑒰𑒠 𑒧𑒱𑒟𑒱𑒪𑒰𑒧𑒹 𑒥𑓂𑒩𑒰𑒯𑓂𑒧𑒝 𑒂 𑒏𑒰𑒨𑒮𑓂𑒟 𑒧𑒡𑓂𑒨 𑒢𑒫-𑒏𑒳𑒪𑒲𑒢𑒫𑒰𑒠𑒏 𑒣𑓂𑒩𑒮𑒰𑒩 𑒦𑒹𑒪 𑒂 𑒦𑒪𑒧𑒰𑒢𑒳𑒮 (𑒥𑒞𑓂𑒞𑒹𑒮𑒑𑒧𑒱𑒨𑒰) 𑒅𑒣𑒖𑒰𑒞𑒱𑒏 𑒏𑒩𑓂𑒝 𑒏𑒰𑒨𑒮𑓂𑒟𑒧𑒹 𑒂 𑒮𑓂𑒩𑒼𑒞𑓂𑒩𑒱𑒨 𑒅𑒣𑒖𑒰𑒞𑒱𑒏 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝𑒧𑒹 𑒅𑒞𑓂𑒣𑒞𑓂𑒞𑒱 𑒦𑒹𑒪, 𑒍𑒃𑒮𑒿 𑒬𑒰𑒩𑒲𑒩𑒱𑒏 𑒂 𑒧𑒰𑒢𑒮𑒱𑒏 𑒥𑒲𑒧𑒰𑒩𑒲 𑒌 𑒠𑒳𑒢𑒴 𑒅𑒣𑒖𑒰𑒞𑒱 𑒧𑒡𑓂𑒨 𑒦𑒨𑓀𑒏𑒩 𑒩𑒴𑒣𑒮𑒿 𑒥𑒜𑓃𑒪, 𑒮𑓀𑒑𑒹 𑒥𑒯𑒳𑒫𑒱𑒫𑒰𑒯, 𑒥𑒰𑒪-𑒫𑒱𑒫𑒰𑒯𑒏 𑒂 𑒫𑒱𑒡𑒫𑒰𑒏 𑒮𑓀𑒐𑓂𑒨𑒰𑒧𑒹 𑒁𑒞𑓂𑒨𑒡𑒱𑒏 𑒫𑒵𑒠𑓂𑒡𑒱 𑒦𑒹𑒪। 𑒂 𑒄𑒯𑒼 𑒖𑒃 𑒬𑒰𑒢𑓂𑒞𑒱𑒣𑒴𑒩𑓂𑒝 𑒩𑒴𑒣𑒮𑒿 𑒂 𑒞𑒲𑒫𑓂𑒩𑒑𑒞𑒱𑒮𑒿 𑒦𑒹𑒪 𑒮𑒹 𑒬𑒞𑒣𑒟 𑒥𑓂𑒩𑒰𑒯𑓂𑒧𑒝𑒏 𑒞𑒟𑒰𑒏𑒟𑒱𑒞 𑒧𑒳𑒐𑓂𑒨 𑒡𑒰𑒩𑒰𑒏 𑒁𑒢𑒳𑒏𑒴𑒪 𑒕𑒪।

𑒫𑒱𑒠𑓂𑒨𑒰𑒣𑒞𑒱𑒣𑒩 𑒠𑒱𑒢𑒹𑒬𑓂𑒫𑒩 𑒪𑒰𑒪 𑒂𑒢𑒢𑓂𑒠 𑒂 𑒩𑒰𑒧𑒫𑒵𑒏𑓂𑒭 𑒥𑒹𑒢𑒲𑒣𑒳𑒩𑒲𑒏 𑒫𑒱𑒔𑒰𑒩!!
𑒠𑒱𑒢𑒹𑒬𑓂𑒫𑒩 𑒪𑒰𑒪 𑒂𑒢𑒢𑓂𑒠𑒏𑒹𑒿 𑒦𑓂𑒩𑒧 𑒩𑒯𑒢𑓂𑒯𑒱, 𑒍𑒃 𑒏𑒰𑒪𑒧𑒹 𑒣𑒘𑓂𑒖𑒲 𑒑𑒳𑒣𑓂𑒞 𑒔𑒲𑒖 𑒩𑒯𑒻, 𑒖𑒹 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒏 𑒫𑒱𑒭𑒋𑒫𑒰𑒩 𑒥𑒱𑒮𑓂𑒤𑒲𑒏𑒹𑒿 𑒣𑒘𑓂𑒖𑒲𑒧𑒹 𑒖𑒨𑒫𑒰𑒩 (𑒢𑒱𑒧𑓂𑒢 𑒏𑒼𑒙𑒱𑒏) 𑒏𑓄 𑒠𑒹𑒪 𑒑𑒹𑒪 𑒩𑒯𑒻। 𑒬𑒰𑒐𑒰 𑒣𑒘𑓂𑒖𑒲 𑓑𑓗𑓖𑓐 𑒄.𑒮𑒿 𑒣𑒯𑒱𑒢𑒹 𑒩𑒯𑒥𑒹 𑒢𑒻 𑒏𑒩𑒻 𑒂 𑒞𑒏𑒩 𑒣𑓂𑒩𑒧𑒰𑒝 𑒁𑒕𑒱 𑒖𑒹 𑒁𑒨𑒰𑒔𑒲 𑒧𑒱𑒬𑓂𑒩𑒏 𑒧𑒴𑒪𑒏 𑒢𑒱𑒔𑒳𑒪𑒏𑒰 𑒣𑒲𑒜𑓃𑒲 𑒮𑓂𑒩𑒼𑒞𑓂𑒩𑒱𑒨 𑒅𑒣𑒖𑒰𑒞𑒱𑒧𑒹 𑒁𑒕𑒱 𑒂 𑒥𑓂𑒩𑒰𑒯𑓂𑒧𑒝 𑒅𑒣𑒖𑒰𑒞𑒱𑒧𑒹 𑒮𑒹𑒯𑒼। 𑒄 𑒍𑒯𑒱𑒢𑒰 𑒁𑒕𑒱 𑒖𑒹 𑒮𑒱𑒢𑓂𑒡𑒳 𑒒𑒰𑒙𑒲 𑒮𑒦𑓂𑒨𑒞𑒰𑒧𑒹 𑒥𑒛𑓃𑒠 𑒩𑒯𑒻 𑒧𑒳𑒠𑒰 𑒑𑒰𑒨 𑒢𑒻 (𑒮𑒲𑒪𑒣𑒩), 𑒧𑒳𑒠𑒰 𑒥𑒱𑒢𑒳 𑒑𑒰𑒨 𑒥𑒛𑓃𑒠𑒏 𑒅𑒞𑓂𑒣𑒞𑓂𑒞𑒱 𑒏𑒼𑒢𑒰 𑒯𑒋𑒞। 𑒠𑒱𑒢𑒹𑒬𑓂𑒫𑒩 𑒪𑒰𑒪 𑒂𑒢𑒢𑓂𑒠𑒏𑒹𑒿 𑒣𑒘𑓂𑒖𑒲𑒏 𑒮𑒦 𑒞𑒟𑓂𑒨 𑒅𑒣𑒪𑒥𑓂𑒡 𑒢𑒻 𑒩𑒯𑒢𑓂𑒯𑒱, 𑒣𑓂𑒩𑒰𑒨𑓁 𑒣𑒠𑒰𑒫𑒪𑒲 𑒥𑒪𑒰 𑒫𑒱𑒠𑓂𑒨𑒰𑒣𑒞𑒱 𑒂 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒏 𑒋𑒏𑓂𑒏𑒹 𑒯𑒹𑒥𑒰𑒏 𑒠𑒳𑒭𑓂𑒣𑓂𑒩𑒔𑒰𑒩𑒧𑒹 𑒯𑒳𑒢𑒏𑒰 𑒪𑒰𑒑𑒪 𑒯𑒹𑒞𑒢𑓂𑒯𑒱 𑒖𑒹 𑒁𑒫𑒯𑒙𑓂𑒚𑒧𑒹 𑒪𑒱𑒐𑒥𑒰𑒏 𑒏𑒰𑒩𑒝 𑒖𑒿 𑒫𑒱𑒭𑒋𑒫𑒰𑒩 𑒥𑒱𑒮𑓂𑒤𑒲𑒏𑒹𑒿 𑒣𑒘𑓂𑒖𑒲𑒧𑒹 𑒖𑒨𑒫𑒰𑒩 𑒏𑒩𑒥𑒰𑒏 𑒮𑒧𑓂𑒥𑒢𑓂𑒡𑒮𑒿 𑒖𑒼𑒛𑓃𑒪 𑒖𑒰𑒋 𑒞𑒿 𑒫𑒱𑒠𑓂𑒨𑒰𑒣𑒞𑒱 𑒚𑒏𑓂𑒏𑒳𑒩𑓁 𑒏𑒱𑒋 𑒏𑓂𑒩𑒰𑒢𑓂𑒞𑒱𑒏𑒰𑒩𑒲 𑒦𑒹𑒪𑒰𑒯 𑒮𑒹 𑒫𑓂𑒨𑒰𑒐𑓂𑒨𑒰 𑒏𑒋𑒪 𑒖𑒰 𑒮𑒏𑒞। 𑒧𑒳𑒠𑒰 𑒠𑒱𑒢𑒹𑒬𑓂𑒫𑒩 𑒪𑒰𑒪 𑒂𑒢𑒢𑓂𑒠 𑒮𑒹𑒯𑒼 𑒧𑒰𑒢𑒻 𑒕𑒟𑒱 𑒖𑒹 𑒣𑒠𑒰𑒫𑒪𑒲𑒏 𑒯𑒳𑒢𑒏𑒩 (𑒫𑒱𑒠𑓂𑒨𑒰𑒣𑒞𑒱𑒏) 𑒯𑒰𑒟𑒏 𑒞𑒿 𑒕𑒼𑒛𑓃𑒴, 𑒯𑒳𑒢𑒏𑒩 𑒏𑒰𑒪𑒼𑒧𑒹 𑒮𑓀𑒑𑒵𑒯𑒲𑒞 𑒣𑒠𑒏 𑒏𑒼𑒢𑒼 𑒫𑒱𑒫𑒩𑒝 𑒢𑒻 𑒁𑒕𑒱। 𑒧𑒳𑒠𑒰 𑒮𑒹 𑒏𑒼𑒢𑒰 𑒮𑒧𑓂𑒦𑒫 𑒖𑒐𑒢 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱 𑒁𑒣𑒢 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒑𑓂𑒩𑒢𑓂𑒟 𑒮𑒦 𑒙𑒯𑓀𑒏𑒰𑒩𑒮𑒿 𑒂𑒩𑒧𑓂𑒦 𑒂 𑒮𑒧𑒰𑒣𑒢 𑒏𑒩𑒻 𑒕𑒟𑒱, 𑒏𑒹 𑒩𑒰𑒖𑒰-𑒩𑒰𑒢𑒲 𑒯𑒳𑒢𑒏𑒰 𑒣𑓂𑒩𑒹𑒩𑒱𑒞 𑒏𑒹𑒪𑒐𑒱𑒢𑓂𑒯, 𑒏𑒏𑒩 𑒂𑒬𑓂𑒩𑒱𑒞 𑒕𑒪𑒰𑒯, 𑒮𑒦 𑒫𑒩𑓂𑒝𑒢 𑒠𑒻𑒞। 𑒣𑒴𑒩𑓂𑒝 𑒪𑒹𑒐𑒏𑒲𑒨 𑒁𑒢𑓂𑒠𑒰𑒖, 𑒮𑒩𑒮𑓂𑒫𑒞𑒲 𑒂 𑒪𑒏𑓂𑒭𑓂𑒧𑒲 𑒠𑒳𑒢𑒳𑒏 𑒥𑒪; 𑒞𑒐𑒢 𑒣𑒠𑒰𑒫𑒪𑒲𑒧𑒹 𑒮𑒹 𑒏𑒱𑒋 𑒢𑒻? 𑒠𑒱𑒢𑒹𑒬𑓂𑒫𑒩 𑒪𑒰𑒪 𑒂𑒢𑒢𑓂𑒠 𑒑𑒳𑒧𑓂𑒧 𑒕𑒟𑒱। 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒥𑒪𑒰 𑒫𑒱𑒠𑓂𑒨𑒰𑒣𑒞𑒱 𑒁𑒣𑒢 𑒂𑒬𑓂𑒩𑒨𑒠𑒰𑒞𑒰𑒏 𑒫𑒱𑒭𑒨𑒧𑒹 𑒪𑒱𑒐𑒢𑒹 𑒕𑒟𑒱 𑒧𑒳𑒠𑒰 𑒏𑒼𑒢𑒼 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚 𑒑𑓂𑒩𑒢𑓂𑒟𑒧𑒹 𑒁𑒣𑒢𑒰 𑒫𑒱𑒭𑒨𑒧𑒹 𑒏𑒱𑒕𑒳𑒍 𑒢𑒻 𑒪𑒱𑒐𑒢𑒹 𑒕𑒟𑒱। 𑒍 𑒁𑒫𑒯𑓂𑒙𑓂𑒚 𑒪𑒱𑒐𑒥𑒼𑒧𑒹 𑒠𑒫𑒰𑒥𑒏 𑒁𑒢𑒳𑒦𑒫 𑒏𑒩𑒻 𑒕𑒟𑒱, 𑒖𑒹 𑒞𑒐𑒳𑒢𑒏𑒰 𑒧𑒳𑒐𑓂𑒨 𑒣𑒩𑒧𑓂𑒣𑒩𑒰𑒏 𑒮𑒰𑒯𑒱𑒞𑓂𑒨𑒱𑒏 𑒦𑒰𑒭𑒰 𑒕𑒪। 𑒧𑒳𑒠𑒰 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒣𑒴𑒩𑓂𑒫 𑒫𑒱𑒠𑓂𑒨𑒰𑒣𑒞𑒱𑒏 𑒣𑓂𑒩𑒦𑒰𑒫 𑒋𑒞𑒹𑒏 𑒕𑒪𑒢𑓂𑒯𑒱 𑒖𑒹 𑒯𑒳𑒢𑒏𑒰 𑒮𑓀𑒮𑓂𑒏𑒵𑒞 𑒢𑒰𑒙𑒏 𑒑𑒼𑒩𑒏𑓂𑒭𑒫𑒱𑒖𑒨𑒧𑒹 𑒧𑒻𑒟𑒱𑒪𑒲 𑒑𑒲𑒞 𑒪𑒱𑒐𑓄 𑒣𑒛𑓃𑒪𑒢𑓂𑒯𑒱 (𑒖𑒹𑒢𑒰 𑒫𑒱𑒠𑒰𑒘𑒼𑒞𑒏 𑒣𑒯𑒱𑒪 𑒩𑒱𑒣𑒼𑒩𑓂𑒞𑒰𑒖 𑒪𑒱𑒐𑒢𑒱𑒯𑒰𑒩 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏𑒹𑒿 𑒮𑓀𑒮𑓂𑒏𑒵𑒞 𑒢𑒰𑒙𑒏 𑒡𑒴𑒩𑓂𑒞𑒮𑒧𑒰𑒑𑒧𑒧𑒹 𑒧𑒻𑒟𑒱𑒪𑒲 𑒑𑒲𑒞 𑒪𑒱𑒐𑓄 𑒣𑒛𑓃𑒪𑒢𑓂𑒯𑒱)।
𑒑𑒼𑒫𑒱𑒢𑓂𑒠 𑒗𑒰 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒫𑒱𑒠𑒰𑒘𑒼𑒞𑒧𑒹 𑒫𑒱𑒠𑓂𑒨𑒰𑒣𑒞𑒱𑒏 𑒣𑒩𑒧𑓂𑒣𑒩𑒰 𑒠𑒹𑒐𑒱 𑒪𑒻 𑒕𑒟𑒱, 𑒔𑒩𑓂𑒔 𑒏𑒩𑒻 𑒕𑒟𑒱 𑒧𑒳𑒠𑒰 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒂𑒑𑒰𑒿 𑒏𑒱𑒋 𑒢𑒻 𑒥𑒜𑓃𑒰 𑒣𑒥𑒻𑒞 𑒕𑒟𑒱 𑒖𑒐𑒢 𑒥𑒱𑒠𑒹𑒬𑓂𑒫𑒩 𑒚𑒰𑒏𑒳𑒩 𑒑𑒰𑒥𑒱-𑒑𑒰𑒥𑒱 𑒏𑓄 𑒣𑓂𑒩𑒰𑒝 𑒞𑓂𑒨𑒰𑒑𑒱 𑒩𑒯𑒪 𑒕𑒟𑒱? 𑒫𑒱𑒠𑓂𑒨𑒰𑒣𑒞𑒱 𑒢𑒰𑒙𑒏𑒧𑒹 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒣𑓂𑒨𑒰𑒮 𑒖𑒞𑓄 𑒪𑒑𑒪𑒢𑓂𑒯𑒱 𑒍 𑒢𑒰𑒙𑒏 𑒪𑒹𑒐𑒏𑒏 𑒑𑒰𑒧 𑒏𑒼𑒢𑒰 𑒦𑓄 𑒖𑒰𑒃𑒋? 𑒮𑒦 𑒁𑒣𑒢𑒰-𑒁𑒣𑒢𑒰 𑒯𑒱𑒮𑒰𑒥𑒮𑒿 “𑒯𑒧𑓂𑒧𑒩 𑒫𑒱𑒠𑓂𑒨𑒰𑒣𑒞𑒱”𑒣𑒩 𑒢𑒰𑒙𑒏 𑒪𑒱𑒐𑒱 𑒩𑒯𑒪 𑒕𑒟𑒱।

𑒩𑒰𑒧𑒥𑒵𑒏𑓂𑒭 𑒥𑒹𑒢𑒲𑒣𑒳𑒩𑒲 𑒪𑒑 𑒮𑒹𑒯𑒼 𑒣𑒘𑓂𑒖𑒲𑒏 𑒞𑒟𑓂𑒨 𑒢𑒻 𑒕𑒢𑓂𑒯𑒱। 𑒋𑒏𑒙𑒰 𑒅𑒣𑒖𑒰𑒞𑒱𑒏 𑒥𑒢𑒼𑒞𑒩𑒲 𑒂 𑒏𑒱𑓀𑒫𑒠𑒢𑓂𑒞𑒲𑒏 𑒂𑒡𑒰𑒩𑒣𑒩 𑒍 𑒏𑒹𑒬𑒫 𑒧𑒱𑒬𑓂𑒩𑒏 𑒫𑒱𑒠𑓂𑒨𑒰𑒣𑒞𑒱𑒣𑒩 𑒯𑒿𑒮𑒥 𑒪𑒱𑒐𑒻 𑒕𑒟𑒱; 𑒠𑓂𑒫𑒻𑒞 𑒣𑒩𑒱𑒬𑒱𑒭𑓂𑒙𑒏 𑒄 𑒏𑒹𑒬𑒫 𑒧𑒱𑒬𑓂𑒩 𑒫𑒰𑒔𑒮𑓂𑒣𑒞𑒱-𑓒 (𑓑𑓔𑓐𑓐-𑓑𑓔𑓙𑓐) 𑒏 𑒣𑒾𑒞𑓂𑒩 𑒕𑒟𑒱। 𑒋𑒏𑒙𑒰 𑒂𑒩 𑒏𑒹𑒬𑒫 𑒧𑒱𑒬𑓂𑒩 (𑓑𑓑𑓕𑓐 𑒪𑒑𑒦𑒑) 𑒕𑒟𑒱 𑒖𑒹 𑒞𑒩𑓂𑒏𑒦𑒰𑒭 𑒪𑒱𑒐𑒻 𑒕𑒟𑒱 𑒂 𑒖𑒏𑒩 𑒮𑒧𑒲𑒏𑓂𑒭𑒰 𑒞𑒞𑓂𑒫𑒔𑒱𑒢𑓂𑒞𑒰𑒧𑒝𑒱𑒏𑒰𑒩𑒏 𑒑𑓀𑒑𑒹𑒬𑒏 𑒣𑒳𑒞𑓂𑒩 𑒫𑒩𑓂𑒡𑒧𑒰𑒢 “𑒞𑒩𑓂𑒏𑒣𑓂𑒩𑒏𑒰𑒬”𑒧𑒹 𑒏𑒩𑒻 𑒕𑒟𑒱। 𑒂𑒢𑒢𑓂𑒠 𑒏𑒳𑒧𑒰𑒩𑒮𑓂𑒫𑒰𑒧𑒹 𑒖𑒞𑒹𑒏 𑒬𑒼𑒡 𑓑𑓙𑓑𑓕 𑒄. 𑒧𑒹 𑒏𑒹𑒢𑒹 𑒩𑒯𑒟𑒱 𑒍𑒃𑒮𑒿 𑒋𑒏𑓂𑒏𑒼 𑒛𑒹𑒑 𑒂𑒑𑒰𑒿 𑒢𑒯𑒱𑒨𑒹 𑒥𑒹𑒢𑒲𑒣𑒳𑒩𑒲 𑒖𑒰 𑒮𑒏𑒪𑒟𑒱 𑒢𑒯𑒱𑒨𑒹 𑒂𑒢𑒢𑓂𑒠𑒮𑓂𑒫𑒰𑒧𑒲𑒏 𑒮𑒋 𑒥𑒩𑓂𑒐 𑒥𑒰𑒠 𑒏𑒱𑒨𑒼 𑒠𑒼𑒮𑒩 𑒧𑒳𑒐𑓂𑒨𑒡𑒰𑒩𑒰𑒏 𑒬𑒼𑒡𑒏𑒩𑓂𑒞𑒰 𑒖𑒰 𑒮𑒏𑒪 𑒕𑒟𑒱। 𑒫𑒋𑒑 𑒅𑒑𑒢𑒰𑒏 𑒏𑒟𑒰 𑒥𑒹𑒢𑒲𑒣𑒳𑒩𑒲 𑒏𑒯𑒻 𑒕𑒟𑒱, 𑒧𑒳𑒠𑒰 𑒧𑒯𑒰𑒠𑒹𑒫 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒏𑒙𑓂𑒙𑒩 𑒫𑒱𑒠𑓂𑒨𑒰𑒣𑒞𑒱𑒏 “𑒬𑒻𑒫𑒮𑒩𑓂𑒫𑒮𑓂𑒫𑒮𑒰𑒩”𑒣𑒩 𑒏𑒻𑒪𑒰𑒬𑒧𑒹 𑒢𑒔𑒞𑒰 𑒂𑒏𑒱 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒣𑒴𑒩𑓂𑒫 𑒫𑒱𑒠𑓂𑒨𑒰𑒣𑒞𑒱𑒏 𑒢𑒔𑒰𑒩𑒲𑒣𑒩, 𑒍𑒃𑒣𑒩 𑒑𑒳𑒧 𑒕𑒟𑒱। 𑒂𑒢𑒢𑓂𑒠 𑒏𑒳𑒧𑒰𑒩𑒮𑓂𑒫𑒰𑒧𑒲 𑒖𑒏𑒰𑒿 𑒥𑒹𑒢𑒲𑒣𑒳𑒩𑒲𑒏𑒹𑒿 𑒥𑒳𑒗𑒪 𑒕𑒢𑓂𑒯𑒱 𑒖𑒹 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒠𑓂𑒨𑒰𑒣𑒞𑒱𑒏 𑒯𑒰𑒟𑒏 𑒪𑒱𑒐𑒪 𑒦𑒰𑒑𑒫𑒞 𑒅𑒣𑒪𑒥𑓂𑒡 𑒁𑒕𑒱 𑒂 𑒃𑒯𑒼 𑒖𑒹 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒑𑓀𑒑𑒰𑒪𑒰𑒦 𑒏𑒼𑒢𑒰 𑒦𑒹𑒪𑒢𑓂𑒯𑒱, 𑒑𑓀𑒑𑒰 𑒯𑒳𑒢𑒏𑒰 𑒁𑒣𑒢𑒰𑒧𑒹 𑒪𑒲𑒪𑒱 𑒪𑒹𑒪𑒐𑒱𑒢𑓂𑒯। 𑒂𑒢𑒢𑓂𑒠 𑒏𑒳𑒧𑒰𑒩𑒮𑓂𑒫𑒰𑒧𑒲 𑒖𑒏𑒰𑒿 𑒥𑒹𑒢𑒲𑒣𑒳𑒩𑒲𑒏𑒹𑒿 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒠𑓂𑒨𑒰𑒣𑒞𑒱𑒏 𑒪𑒱𑒐𑒪 𑒣𑒳𑒩𑒳𑒭𑒣𑒩𑒲𑒏𑓂𑒭𑒰𑒏 𑒫𑒱𑒭𑒨𑒧𑒹 𑒮𑒳𑒢𑒪 𑒕𑒢𑓂𑒯𑒱 𑒧𑒳𑒠𑒰 𑒣𑒜𑓃𑒪 𑒢𑒻 𑒕𑒢𑓂𑒯𑒱, 𑒂 𑒮𑒹 𑒢𑒻 𑒞𑒿 𑒯𑒳𑒢𑒏𑒰 𑒥𑒳𑒗𑒪 𑒩𑒯𑒱𑒞𑒢𑓂𑒯𑒱 𑒖𑒹 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒠𑓂𑒨𑒰𑒣𑒞𑒱 𑒑𑓀𑒑𑒰𑒪𑒰𑒦𑒏 𑒏𑒟𑒰 𑒥𑒼𑒡𑒱 𑒏𑒰𑒨𑒮𑓂𑒟𑒏 𑒫𑒱𑒭𑒨𑒧𑒹 𑒪𑒱𑒐𑒢𑒹 𑒕𑒟𑒱। 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫 𑒫𑒱𑒠𑓂𑒨𑒰𑒣𑒞𑒱𑒏 𑒫𑒱𑒭𑒨𑒧𑒹 𑒄 𑒏𑒟𑒰 𑒅𑒑𑒢𑒰𑒏 𑒏𑒟𑒰 𑒮𑒢 𑒣𑓂𑒩𑒔𑒪𑒱𑒞 𑒕𑒪 𑒖𑒹 𑒥𑒰𑒠𑒧𑒹 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒏 𑒫𑒱𑒠𑓂𑒨𑒰𑒣𑒞𑒱𑒮𑒿 𑒏𑒩𑓂𑒧𑒏𑒰𑒝𑓂𑒛𑒲𑒨 𑒩𑒴𑒣𑒧𑒹 𑒖𑒼𑒛𑓃𑒪 𑒑𑒹𑒪 𑒂 𑒣𑒳𑒩𑒳𑒭𑒣𑒩𑒲𑒏𑓂𑒭𑒰𑒏 𑒏𑒟𑒰 𑒥𑒼𑒡𑒱 𑒏𑒰𑒨𑒮𑓂𑒟 𑒋𑒏𑒩 𑒣𑓂𑒩𑒧𑒰𑒝 𑒁𑒕𑒱। 𑒏𑒲𑒩𑓂𑒞𑒱𑒣𑒞𑒰𑒏𑒰𑒏𑒹𑒿 𑒥𑒹𑒢𑒲𑒣𑒳𑒩𑒲 𑒧𑒻𑒟𑒱𑒪𑒲 𑒑𑒲𑒞𑒏 𑒮𑓀𑒑𑓂𑒩𑒯 𑒏𑒯𑒻 𑒕𑒟𑒱𑒃!! 𑒣𑒴𑒕𑒱-𑒣𑒰𑒕𑒱 𑒏𑓄 𑒬𑒼𑒡 𑒏𑒋𑒪 𑒖𑒰𑒃 𑒕𑒻? 𑒖𑒹 𑒂𑒡𑒰𑒩 𑒏𑒳𑒧𑒰𑒩𑒮𑓂𑒫𑒰𑒧𑒲 𑒮𑒋 𑒥𑒩𑓂𑒐 𑒣𑒯𑒱𑒢𑒹 𑒩𑒐𑒪𑒢𑓂𑒯𑒱, 𑒍𑒃𑒣𑒩 𑒮𑒳𑒐𑒰𑒋𑒪 𑒧𑒳𑒐𑓂𑒨𑒡𑒰𑒩𑒰 𑒏𑒱𑒋 𑒢𑒻 𑒂𑒑𑒰𑒿 𑒥𑒜𑓃𑒪 𑒏𑒰𑒩𑒝 𑒄 𑒬𑒞𑒣𑒟 𑒥𑓂𑒩𑒰𑒯𑓂𑒧𑒝𑒫𑒰𑒠𑒲 𑒧𑒳𑒐𑓂𑒨𑒡𑒰𑒩𑒰 𑒍𑒏𑒩𑒰 𑒋𑒏𑒩 𑒁𑒢𑒳𑒧𑒞𑒱 𑒢𑒻 𑒠𑒻 𑒕𑒻। 𑒧𑒳𑒠𑒰 𑒥𑒱𑒢𑒰 𑒏𑒼𑒢𑒼 𑒣𑓂𑒩𑒧𑒰𑒝𑒏 𑒬𑒱𑒫𑒮𑒱𑓀𑒯𑒏 𑒧𑒱𑒞𑓂𑒩 𑒣𑒳𑒩𑒰𑒠𑒱𑒞𑓂𑒨𑒏𑒹𑒿 𑒦𑒴𑒧𑒱𑒯𑒰𑒩 𑒥𑓂𑒩𑒰𑒯𑓂𑒧𑒝 𑒮𑒱𑒠𑓂𑒡 𑒏𑓄 𑒠𑒻 𑒕𑒟𑒱, 𑒍𑒯𑒱𑒢𑒰 𑒖𑒹𑒢𑒰 𑒑𑒼𑒫𑒱𑒢𑓂𑒠𑒠𑒰𑒮 (𑒗𑒰) 𑒏𑒹𑒿 𑒩𑒧𑒰𑒢𑒰𑒟 𑒗𑒰 𑒮𑓂𑒩𑒼𑒞𑓂𑒩𑒱𑒨 𑒥𑒞𑒹𑒪𑒢𑓂𑒯𑒱 (𑒮𑒳𑒏𑒳𑒧𑒰𑒩 𑒮𑒹𑒢 𑒞𑒏𑒩𑒰 𑒯𑒰𑒮𑓂𑒨𑒰𑒮𑓂𑒣𑒠 𑒧𑒰𑒢𑒻 𑒕𑒟𑒱), 𑒂 𑒩𑒰𑒧𑒠𑒹𑒫 𑒗𑒰 𑒥𑓂𑒩𑒰𑒯𑓂𑒧𑒝 𑒮𑒱𑒠𑓂𑒡 𑒏𑒩𑒻 𑒕𑒟𑒱 𑒂 𑒏𑒰𑒪𑒱𑒠𑒰𑒮𑒏𑒹𑒿 𑒫𑒩𑓂𑒧𑒰𑒖𑒲 (𑒪𑒰𑒪𑒠𑒰𑒮 𑒮𑓂𑒧𑒰𑒩𑒱𑒏𑒰𑒧𑒹) 𑒏𑒰𑒨𑒮𑓂𑒟 𑒮𑒱𑒠𑓂𑒡 𑒏𑒩𑒻 𑒕𑒟𑒱।
𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱 𑒣𑒴𑒩𑓂𑒝 𑒏𑒩𑓂𑒧𑒏𑒰𑒝𑓂𑒛𑒏 𑒮𑓀𑒑 𑒣𑒳𑒮𑓂𑒞𑒏𑒏 𑒣𑓂𑒩𑒰𑒩𑒧𑓂𑒦 𑒂 𑒁𑒢𑓂𑒞 𑒏𑒩𑒻 𑒕𑒟𑒱, 𑒩𑒰𑒖𑒰-𑒩𑒰𑒢𑒲-𑒂𑒬𑓂𑒩𑒨𑒠𑒰𑒞𑒰𑒏𑒹𑒿 𑒧𑒼𑒢 𑒣𑒰𑒛𑓃𑒻 𑒕𑒟𑒱 𑒧𑒳𑒠𑒰 𑒁𑒣𑒢 𑒔𑒩𑓂𑒔 𑒢𑒻 𑒏𑒩𑒻 𑒕𑒟𑒱। 𑒧𑒳𑒠𑒰 𑒣𑒠𑒰𑒫𑒪𑒲 𑒪𑒼𑒏𑒏𑒝𑓂𑒚𑒧𑒹 𑒏𑒱𑒋 𑒩𑒯𑒱 𑒑𑒹𑒪, 𑒣𑒳𑒮𑓂𑒞𑒏𑒏 𑒞𑒰𑒧𑒗𑒰𑒧 𑒍 𑒞𑒏𑒩𑒰 𑒏𑒱𑒋 𑒢𑒻 𑒠𑒹𑒪𑒢𑓂𑒯𑒱, 𑒏𑒰𑒩𑒝 𑒍 𑒯𑒳𑒢𑒏𑒰𑒮𑒿 𑒏𑒋 𑒮𑒋 𑒣𑒴𑒩𑓂𑒫𑒏 𑒩𑒔𑒢𑒰 𑒕𑒪, 𑒖𑒐𑒢 𑒣𑒰𑒑𑒏 𑒅𑒞𑓂𑒣𑒞𑓂𑒞𑒱 𑒧𑒱𑒟𑒱𑒪𑒰𑒧𑒹 𑒢𑒻 𑒦𑒹𑒪 𑒕𑒪। 𑒣𑒠𑒰𑒫𑒪𑒲𑒧𑒹 𑒩𑒴𑒣𑒢𑒰𑒩𑒰𑒨𑒝, 𑒬𑒱𑒫𑒮𑒱𑓀𑒯, 𑒪𑒐𑒱𑒧𑒰, 𑒠𑒹𑒫 𑒮𑒱𑓀𑒯, 𑒯𑒩 𑒮𑒱𑓀𑒯, 𑒣𑒠𑓂𑒧 𑒮𑒱𑓀𑒯, 𑒫𑒱𑒬𑓂𑒫𑒰𑒮 𑒠𑒹𑒫𑒹, 𑒁𑒩𑓂𑒖𑒳𑒢-𑒁𑒧𑒩, 𑒩𑒰𑒒𑒫 𑒮𑒱𑓀𑒯, 𑒩𑒳𑒠𑓂𑒩 𑒮𑒱𑓀𑒯, 𑒡𑒲𑒩 𑒮𑒱𑓀𑒯, 𑒦𑒻𑒩𑒫 𑒮𑒱𑓀𑒯, 𑒔𑒢𑓂𑒠𑓂𑒩 𑒮𑒱𑓀𑒯 𑒂𑒠𑒱 𑒥𑒰𑒠𑒧𑒹 𑒒𑒼𑒮𑒱𑒂𑒋𑒪 𑒑𑒹𑒪, 𑒖𑒹 𑒑𑒲𑒞𑒏 𑒪𑒨𑒏𑒹𑒿 𑒣𑓂𑒩𑒦𑒰𑒫𑒱𑒞 𑒏𑒩𑒻𑒞 𑒮𑓂𑒣𑒭𑓂𑒙 𑒩𑒴𑒣𑒮𑒿 𑒠𑒵𑒭𑓂𑒙𑒱𑒑𑒼𑒔𑒩 𑒯𑒼𑒃𑒞 𑒁𑒕𑒱। 𑒮𑓀𑒮𑓂𑒏𑒵𑒞-𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱 𑒦𑒴-𑒣𑒩𑒱𑒏𑓂𑒩𑒧𑒰 (𑒠𑒹𑒫 𑒮𑒱𑓀𑒯), 𑒏𑒲𑒩𑓂𑒞𑒱𑒪𑒞𑒰 (𑒏𑒲𑒩𑓂𑒞𑒱 𑒮𑒱𑓀𑒯 𑒂 𑒫𑒲𑒩 𑒮𑒱𑓀𑒯), 𑒏𑒲𑒩𑓂𑒞𑒱𑒣𑒞𑒰𑒏𑒰, 𑒑𑒼𑒩𑒏𑓂𑒭𑒫𑒱𑒖𑒨 (𑒬𑒱𑒫 𑒮𑒱𑓀𑒯), 𑒪𑒱𑒐𑒢𑒰𑒫𑒪𑒲 (𑒣𑒳𑒩𑒰𑒠𑒱𑒞𑓂𑒨), 𑒠𑒰𑒢 𑒫𑒰𑒏𑓂𑒨𑒰𑒫𑒪𑒲 (𑒩𑒰𑒢𑒲 𑒡𑒲𑒩𑒧𑒞𑒱) 𑒂𑒠𑒱 𑒮𑓂𑒣𑒭𑓂𑒙 𑒩𑒴𑒣𑒮𑒿 𑒩𑒰𑒖𑓂𑒨𑒰𑒬𑓂𑒩𑒱𑒞 𑒩𑒔𑒢𑒰 𑒕𑒪। 𑒑𑒼𑒩𑒏𑓂𑒭𑒫𑒱𑒖𑒨 𑒢𑒰𑒙𑒏 𑒦𑒻𑒩𑒫 𑒣𑒴𑒖𑒰𑒏 𑒁𑒫𑒮𑒩𑒣𑒩 𑒪𑒱𑒐𑒪 𑒑𑒹𑒪 𑒂 𑒌 𑒧𑒹 𑒡𑒴𑒩𑓂𑒞 𑒮𑒧𑒰𑒑𑒧 𑒮𑒢 𑒧𑒻𑒟𑒱𑒪𑒲 𑒑𑒲𑒞 𑒕𑒪 𑒖𑒹 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫 𑒫𑒱𑒠𑓂𑒨𑒰𑒣𑒞𑒱𑒏 𑒦𑒨𑓀𑒏𑒩 𑒣𑓂𑒩𑒦𑒰𑒫 𑒮𑓂𑒫𑒩𑒴𑒣 𑒕𑒪। 𑒢𑒰𑒧𑒏 𑒁𑒮𑒧𑒰𑒢𑒞𑒰 𑒢𑒻 𑒩𑒯𑒻𑒞 𑒞𑒿 𑒖𑓂𑒨𑒼𑒞𑒱𑒩𑒲𑒬𑓂𑒫𑒏𑒹𑒿 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫 𑒫𑒱𑒠𑓂𑒨𑒰𑒣𑒞𑒱 𑒥𑒢𑒰 𑒠𑒹𑒪 𑒖𑒰𑒃𑒞।
𑒞𑒞𑓂𑒫𑒔𑒱𑒢𑓂𑒞𑒰𑒧𑒝𑒱𑒏𑒰𑒩𑒏 𑒑𑓀𑒑𑒹𑒬 𑓑𑓒𑓐𑓐𑓐 𑒑𑓂𑒩𑒢𑓂𑒟𑒏 𑒥𑒩𑒰𑒥𑒩 𑒋𑒏𑒙𑒰 𑒑𑓂𑒩𑒢𑓂𑒟 𑒪𑒱𑒐𑒪𑒢𑓂𑒯𑒱। 𑒣𑓂𑒩𑒼𑒤𑒹𑒮𑒩 𑒠𑒱𑒢𑒹𑒬𑒔𑒢𑓂𑒠𑓂𑒩 𑒦𑒙𑓂𑒙𑒰𑒔𑒰𑒩𑓂𑒨 “𑒯𑒱𑒮𑓂𑒙𑓂𑒩𑒲 𑒂𑒤 𑒢𑒫𑓂𑒨-𑒢𑓂𑒨𑒰𑒨 𑒃𑒢 𑒧𑒱𑒟𑒱𑒪𑒰” 𑒧𑒹 𑒪𑒱𑒐𑒻 𑒕𑒟𑒱- “The family which was inferior in social status is now extinct in Mithila…Gangesha’s family is completely ignored and we are not expected to know even his father’s name.” 𑒂 𑒄 𑒮𑒦 𑒮𑒴𑒔𑒢𑒰, 𑒍 𑒪𑒱𑒐𑒻 𑒕𑒟𑒱, 𑒯𑒳𑒢𑒏𑒰 𑒣𑓂𑒩𑒼. 𑒂𑒩.𑒗𑒰 (𑒩𑒧𑒰𑒢𑒰𑒟 𑒗𑒰) 𑒠𑒹𑒪𑒐𑒱𑒢𑓂𑒯!
𑒂𑒥 𑒂𑒅 𑒣𑒘𑓂𑒖𑒲𑒧𑒹 𑒫𑒩𑓂𑒝𑒱𑒞 𑒞𑒟𑓂𑒨𑒣𑒩- 𑒍𑒃𑒧𑒹 𑒮𑓂𑒣𑒭𑓂𑒙 𑒩𑒴𑒣𑒮𑒿 𑒪𑒱𑒐𑒪 𑒁𑒕𑒱 𑒖𑒹 𑒞𑒞𑓂𑒫𑒔𑒱𑒢𑓂𑒞𑒰𑒧𑒝𑒱𑒏𑒰𑒩𑒏 𑒑𑓀𑒑𑒹𑒬𑒏 𑒖𑒢𑓂𑒧 𑒣𑒱𑒞𑒰𑒏 𑒧𑒵𑒞𑓂𑒨𑒳𑒏 𑒣𑒰𑒿𑒔 𑒫𑒩𑓂𑒭 𑒥𑒰𑒠 𑒦𑒹𑒪𑒢𑓂𑒯𑒱 𑒂 𑒍 𑒔𑒩𑓂𑒧𑒏𑒰𑒩𑒱𑒝𑒲𑒮𑒿 𑒫𑒱𑒫𑒰𑒯 𑒏𑒹𑒪𑒢𑓂𑒯𑒱, 𑒞𑒿 𑒄 𑒑𑒣 𑒩𑒧𑒰𑒢𑒰𑒟 𑒗𑒰 𑒠𑒱𑒢𑒹𑒬𑒔𑒢𑓂𑒠𑓂𑒩 𑒦𑒙𑓂𑒙𑒰𑒔𑒰𑒩𑓂𑒨𑒮𑒿 𑒏𑒱𑒋 𑒢𑒳𑒏𑒹𑒪𑒢𑓂𑒯𑒱? 𑒋𑒏𑒙𑒰 𑒅𑒣𑒖𑒰𑒞𑒱 𑒠𑓂𑒫𑒰𑒩𑒰 𑒯𑒱𑒢𑒏𑒩 𑒧𑒴𑒩𑓂𑒐𑒮𑒿 𑒫𑒱𑒠𑓂𑒫𑒰𑒢 𑒥𑒢𑒥𑒰𑒏 𑒑𑒣𑒣𑒮𑒰𑒩𑒪 𑒑𑒹𑒪𑒢𑓂𑒯𑒱 𑒂 𑒯𑒱𑒢𑒏𑒰 𑒐𑒞𑒧 𑒏𑒩𑒥𑒰𑒏 𑒮𑒰𑒖𑒱𑒬 𑒦𑒹𑒪।
𑒑𑓀𑒑𑒹𑒬𑒏 𑒣𑒳𑒞𑓂𑒩 𑒫𑒩𑓂𑒠𑓂𑒡𑒧𑒰𑒢 𑒑𑓀𑒑𑒹𑒬𑒏𑒹𑒿 𑒮𑒳𑒏𑒫𑒱𑒏𑒻𑒩𑒫𑒏𑒰𑒢𑒢𑒹𑒢𑓂𑒠𑒳𑓁 𑒏𑒯𑒻 𑒕𑒟𑒱। 𑒧𑒳𑒠𑒰 𑒑𑓀𑒑𑒹𑒬 𑒮𑒢 𑒣𑓂𑒩𑒮𑒱𑒠𑓂𑒡 𑒫𑒱𑒠𑓂𑒫𑒰𑒢𑒏 𑒏𑒫𑒱𑒞𑒰 𑒏𑒼𑒢 𑒮𑒰𑒖𑒱𑒬𑒏 𑒁𑒢𑓂𑒞𑒩𑓂𑒑𑒞 𑒂𑒃 𑒅𑒣𑒪𑒥𑓂𑒡 𑒢𑒻 𑒁𑒕𑒱 𑒮𑒹 𑒆𑒣𑒩 𑒠𑒹𑒪 𑒅𑒠𑒰𑒯𑒩𑒝𑒮𑒿 𑒮𑓂𑒣𑒭𑓂𑒙 𑒁𑒕𑒱। 𑒥𑓀𑒑𑒰𑒪𑒏 𑒫𑒰𑒮𑒳𑒠𑒹𑒫 𑒣𑒏𑓂𑒭𑒡𑒩 𑒧𑒱𑒬𑓂𑒩𑒏 𑒮𑒯𑒣𑒰𑒚𑒲 𑒩𑒯𑒟𑒱, 𑒧𑒱𑒟𑒱𑒪𑒰 𑒣𑒜𑓃𑒻𑒪𑒹 𑒋𑒪𑒰, 𑒬𑒪𑒰𑒏𑒰 𑒣𑒩𑒲𑒏𑓂𑒭𑒰 𑒅𑒞𑓂𑒞𑒲𑒩𑓂𑒝 𑒏𑒹𑒪𑒢𑓂𑒯𑒱 𑒂 𑒮𑒩𑓂𑒫𑒦𑒾𑒧 𑒅𑒣𑒰𑒡𑒱 𑒦𑒹𑒙𑒪𑒢𑓂𑒯𑓂। 𑒫𑒰𑒮𑒳𑒠𑒹𑒫 𑒑𑓀𑒑𑒹𑒬𑒏 𑒞𑒞𑓂𑒫𑒔𑒱𑒢𑓂𑒞𑒰𑒧𑒝𑒱 𑒂 𑒅𑒠𑒨𑒢𑒏 𑒢𑓂𑒨𑒰𑒨𑒏𑒳𑒮𑒳𑒧𑒰𑓀𑒖𑒪𑒱𑒏 𑒏𑒰𑒩𑒱𑒏𑒰𑒏𑒹𑒿 𑒏𑓀𑒚𑒮𑓂𑒟 𑒏𑓄 𑒪𑒹𑒪𑒢𑓂𑒯𑒱। 𑒣𑒏𑓂𑒭𑒡𑒩 𑒂 𑒂𑒢 𑒧𑒱𑒟𑒱𑒪𑒰𑒏 𑒬𑒱𑒏𑓂𑒭𑒏 𑒞𑒞𑓂𑒫𑒔𑒱𑒢𑓂𑒞𑒰𑒧𑒝𑒱 𑒪𑒱𑒐𑒥𑒰𑒏 (𑒣𑓂𑒩𑒞𑒱𑒪𑒱𑒣𑒱 𑒏𑒩𑒥𑒰𑒏) 𑒁𑒢𑒳𑒧𑒞𑒱 𑒢𑒻 𑒠𑒻 𑒕𑒪𑒰! 𑒫𑒰𑒮𑒳𑒠𑒹𑒫𑒏 𑒬𑒱𑒭𑓂𑒨 𑒩𑒒𑒳𑒢𑒰𑒟 𑒬𑒱𑒩𑒼𑒧𑒝𑒱 𑒁𑒣𑒢 𑒑𑒳𑒩𑒳 𑒣𑒏𑓂𑒭𑒡𑒩 𑒧𑒱𑒬𑓂𑒩𑒏𑒹𑒿 𑒬𑒰𑒮𑓂𑒞𑓂𑒩𑒰𑒩𑓂𑒟𑒧𑒹 𑒯𑒩𑒰 𑒣𑓂𑒩𑒧𑒰𑒝𑒱𑒞 𑒏𑒩𑒥𑒰𑒏 𑒁𑒡𑒱𑒏𑒰𑒩 𑒪𑒹𑒪𑒢𑓂𑒯𑒱। 𑒢𑒫𑓂𑒨𑒢𑓂𑒨𑒰𑒨 𑒮𑓂𑒏𑒴𑒪𑒏 𑒢𑒫𑒠𑓂𑒫𑒲𑒣𑒧𑒹 𑒫𑒰𑒮𑒳𑒠𑒹𑒫-𑒩𑒒𑒳𑒢𑒰𑒟 𑒠𑓂𑒫𑒰𑒩𑒰 𑒮𑓂𑒟𑒰𑒣𑒢𑒰 𑒦𑒹𑒪। 𑒣𑒏𑓂𑒭𑒡𑒩 𑒧𑒱𑒬𑓂𑒩 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒏 𑒮𑒧𑒏𑒰𑒪𑒲𑒢 𑒕𑒪𑒰। 𑒂 𑒩𑒒𑒳𑒢𑒰𑒟𑒏 𑒮𑓀𑒑 𑒥𑓀𑒑𑒰𑒪𑒮𑒿 𑒧𑒱𑒟𑒱𑒪𑒰 𑒫𑒱𑒠𑓂𑒨𑒰𑒩𑓂𑒟𑒲𑒏 𑒂𑒑𑒧𑒢 𑒥𑒢𑓂𑒠 𑒦𑓄 𑒑𑒹𑒪।

𑒬𑒱𑒫𑒮𑒱𑓀𑒯 𑒠𑓂𑒫𑒰𑒩𑒰 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒖𑒹 𑒥𑒱𑒮𑓂𑒤𑒲 𑒞𑒰𑒧𑓂𑒩𑒣𑒞𑓂𑒩 𑒠𑒹𑒪 𑒑𑒹𑒪 𑒞𑒏𑒩𑒰 𑒑𑓂𑒩𑒱𑒨𑒩𑓂𑒮𑒢 𑒤𑒩𑓂𑒖𑒲 𑒏𑒯𑒪𑒢𑓂𑒯𑒱 𑒏𑒰𑒩𑒝 𑒍 𑒫𑒱𑒠𑓂𑒨𑒰𑒣𑒞𑒱𑒏 𑒣𑒠𑒰𑒫𑒪𑒲𑒮𑒿 𑒣𑒩𑒱𑒔𑒱𑒞 𑒩𑒯𑒟𑒱 𑒂 𑒥𑒴𑒗𑒱 𑒑𑒹𑒪 𑒩𑒯𑒟𑒱 𑒖𑒹 𑒍𑒃 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒄 𑒞𑒰𑒧𑓂𑒩𑒣𑒞𑓂𑒩 𑒦𑒹𑒙𑒥 𑒁𑒮𑒧𑓂𑒦𑒫 𑒕𑒪। 𑒧𑒳𑒠𑒰 𑒄 𑒞𑒰𑒧𑓂𑒩𑒣𑒞𑓂𑒩 𑒞𑒿 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒦𑒹𑒙𑒪 𑒕𑒪𑒢𑓂𑒯𑒱 𑒂 𑒠𑒳𑒢𑒴𑒏 𑒥𑒲𑒔𑒏 𑒁𑒢𑓂𑒞𑒩 𑒑𑓂𑒩𑒱𑒨𑒩𑓂𑒮𑒢 𑒢𑒻 𑒮𑒼𑒔𑒱 𑒮𑒏𑒪𑒰। 𑒧𑒳𑒠𑒰 𑒮𑒹 𑒧.𑒧. 𑒯𑒩𑒣𑓂𑒩𑒮𑒰𑒠 𑒬𑒰𑒮𑓂𑒞𑓂𑒩𑒲 𑒮𑒼𑒔𑒪𑒢𑓂𑒯𑒱 𑒂 𑒌 𑒞𑒰𑒧𑓂𑒩𑒣𑒞𑓂𑒩𑒏𑒹𑒿 𑒁𑒮𑒪𑒲 𑒥𑒞𑒹𑒪𑒢𑓂𑒯𑒱।

𑒬𑓂𑒩𑒲𑒡𑒩𑒠𑒰𑒮𑒏 𑒮𑒠𑒳𑒏𑓂𑒞𑒱𑒏𑒩𑓂𑒝𑒰𑒧𑒵𑒞𑒧𑒹 𑒏𑒻𑒫𑒩𑓂𑒞 𑒣𑒣𑒲𑒯𑒰𑒏 𑒑𑓀𑒑𑒰𑒣𑒩 𑒮𑓂𑒞𑒳𑒞𑒱 𑒑𑒲𑒞 𑒁𑒕𑒱। 𑒩𑒰𑒡𑒰𑒏𑒵𑒭𑓂𑒝𑒏 𑒑𑒲𑒞 𑒁𑒕𑒱। 𑒪𑒏𑓂𑒭𑓂𑒧𑒝𑒮𑒹𑒢𑒏 𑒩𑒰𑒖 𑒏𑒫𑒱 𑒡𑒼𑒨𑒲 (𑒖𑒼𑒪𑒯𑒰) 𑒩𑒯𑒟𑒱। 𑒪𑒐𑒱𑒧𑒰 𑒚𑒏𑒳𑒩𑒰𑒃𑒢 𑒣𑒠𑒰𑒫𑒪𑒲 𑒢𑒻 𑒪𑒱𑒐𑒪𑒢𑓂𑒯𑒱 𑒮𑓀𑒮𑓂𑒏𑒵𑒞𑒧𑒹 𑒣𑒠𑓂𑒨 𑒪𑒱𑒐𑒪𑒢𑓂𑒯𑒱 (𑒑𑓂𑒩𑒱𑒨𑒩𑓂𑒮𑒢)। 𑒬𑓂𑒩𑒲𑒡𑒩𑒠𑒰𑒮𑒏 𑒁𑒦𑒱𑒪𑒹𑒐 𑒁𑓀𑒡𑒩𑒰 𑒚𑒰𑒜𑓃𑒲𑒧𑒹 𑒁𑒕𑒱 𑒂 𑒍 𑒢𑒰𑒢𑓂𑒨𑒠𑒹𑒫 𑒂 𑒑𑓀𑒑𑒠𑒹𑒫𑒏 𑒧𑓀𑒞𑓂𑒩𑒲 𑒩𑒯𑒟𑒱। 𑒯𑒳𑒢𑒏𑒩 𑒫𑓀𑒬𑒖 𑒁𑒧𑒱𑒁𑒏𑒩 𑒮𑓀𑒮𑓂𑒏𑒵𑒞 𑒂 𑒁𑒫𑒯𑒙𑓂𑒚𑒥𑒪𑒰 𑒫𑒱𑒠𑓂𑒨𑒰𑒣𑒞𑒱𑒏 𑒮𑒧𑒏𑒰𑒪𑒲𑒢 𑒩𑒯𑒟𑒱। 𑒑𑓀𑒑𑒠𑒹𑒫𑒏𑒹𑒿 𑒅𑒣𑒹𑒢𑓂𑒠𑓂𑒩 𑒚𑒰𑒏𑒳𑒩 𑒏𑒪𑒔𑒳𑒩𑒲 𑒧𑒰𑒢𑒻 𑒕𑒟𑒱। 𑒫𑒱𑒖𑒨 𑒏𑒳𑒧𑒰𑒩 𑒚𑒰𑒏𑒳𑒩 𑒏𑒪𑒔𑒳𑒩𑒱 𑒏𑒩𑓂𑒝𑒏 𑒮𑓂𑒞𑒳𑒞𑒱𑒧𑒹 𑒮𑒠𑒳𑒏𑓂𑒞𑒱𑒏𑒩𑓂𑒝𑒰𑒧𑒵𑒞 (𑒬𑓂𑒩𑒲𑒡𑒩𑒠𑒰𑒮)𑒏 𑒫𑒱𑒠𑓂𑒨𑒰𑒣𑒞𑒱𑒏 𑒑𑒲𑒞𑒏𑒹𑒿 𑒧𑒰𑒢𑒻 𑒕𑒟𑒱। 𑒩𑒰𑒡𑒰𑒏𑒵𑒭𑓂𑒝 𑒔𑒾𑒡𑒩𑒲𑒏 𑒧𑒞 𑒌 𑒮𑒿 𑒦𑒱𑒢𑓂𑒢 𑒕𑒢𑓂𑒯𑒱। 𑒏𑒼𑒢𑒼 𑒣𑒩𑒱𑒮𑓂𑒟𑒱𑒞𑒱𑒧𑒹 𑒄 𑒫𑒱𑒠𑓂𑒨𑒰𑒣𑒞𑒱 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫 𑒩𑒯𑒟𑒱। “𑒩𑒰𑒧𑒔𑒩𑒱𑒞”- 𑒫𑒱𑒑𑓂𑒩𑒯𑒣𑒰𑒪-𑓓 𑒏𑒩𑓂𑒝𑒏𑒹𑒿 𑒯𑒩𑒹𑒪𑒢𑓂𑒯𑒱, 𑒌 𑒮𑒧𑓂𑒥𑒢𑓂𑒡𑒧𑒹 𑒥𑒹𑒑𑒴𑒮𑒩𑒰𑒨𑒮𑒿 𑒅𑒞𑓂𑒞𑒩 𑓑𑓖 𑒏𑒱𑒧𑒲. 𑒢𑒾𑒪𑒰𑒑𑒜𑓃𑒮𑒿 𑒠𑒴𑒙𑒰 𑒣𑒰𑒪 𑒁𑒦𑒱𑒪𑒹𑒐 𑒩𑒰𑒡𑒰𑒏𑒵𑒭𑓂𑒝 𑒔𑒾𑒡𑒩𑒲𑒏𑒹𑒿 𑒦𑒹𑒙𑒪𑒢𑓂𑒯𑒱। 𑒍𑒯𑒼 𑒏𑒩𑓂𑒝 𑓑𑓑𑒧 𑒬𑒞𑒰𑒥𑓂𑒠𑒲𑒏 𑒕𑒟𑒱। 𑒡𑒴𑒩𑓂𑒞 𑒮𑒧𑒰𑒑𑒧 𑒮𑒹𑒯𑒼 𑒠𑒏𑓂𑒭𑒱𑒝 𑒦𑒰𑒩𑒞𑒧𑒹 𑒣𑓂𑒩𑒮𑒱𑒠𑓂𑒡 𑒁𑒕𑒱।

𑒁𑒢𑒳𑒪𑒑𑓂𑒢𑒏:
𑒤𑒝𑒲𑒬𑓂𑒫𑒩 𑒢𑒰𑒟 𑒩𑒹𑒝𑒳
𑒋𑒏𑒙𑒰 𑒪𑒼𑒏𑒑𑒲𑒞𑒏 𑒫𑒱𑒠𑓂𑒨𑒰𑒣𑒞𑒱
𑒦𑒴𑒧𑒱𑒏𑒰
𑒧𑒯𑒰𑒏𑒫𑒱 𑒫𑒱𑒠𑓂𑒨𑒰𑒣𑒞𑒱𑒣𑒩 “𑒐𑒼𑒖”𑒏𑒩𑒻𑒞 𑒏𑒰𑒪 𑒯𑒧𑒩𑒰 𑒪𑒰𑒑𑒪 𑒖𑒹 𑒋𑒏 𑒁𑒡𑓂𑒨𑒰𑒨𑒏 𑒬𑒲𑒩𑓂𑒭𑒏 𑒩𑒰𑒐’ 𑒣𑒛𑓃𑒞- “𑒐𑒹𑒞𑒱𑒯𑒩-𑒥𑒼𑒢𑒱𑒯𑒰𑒩 𑒂 𑒥𑒯𑒪𑒧𑒰𑒢𑒏 𑒏𑒫𑒱 𑒫𑒱𑒠𑓂𑒨𑒰𑒣𑒞𑒱”। 𑒏𑒰𑒩𑒝 𑒣𑒴𑒩𑓂𑒝𑒱𑒨𑒰𑒿-𑒮𑒯𑒩𑒮𑒰𑒏 𑒃𑒪𑒰𑒏𑒰𑒧𑒹 𑒂𑒃𑒨𑒼 𑒫𑒱𑒠𑓂𑒨𑒰𑒣𑒞𑒱𑒏 𑒣𑒠𑒰𑒫𑒪𑒲 𑒑𑒰𑒥𑒱-𑒑𑒰𑒥𑒱 𑒏’ 𑒦𑒰𑒫 𑒠𑒹𑒐𑒰𑒏’𑒢𑒰𑒔𑒻𑒥𑒪𑒰𑒏 𑒧𑒝𑓂𑒛𑒪𑒲 𑒮𑒦 𑒁𑒕𑒱। 𑒌 𑒧𑒝𑓂𑒛𑒪𑒲 𑒮𑒦𑒏 𑒢𑒰𑒨𑒏 𑒧𑒯𑒱𑒮𑒫𑒰𑒩, 𑒔𑒩𑒥𑒰𑒯 𑒂 𑒑𑒰𑒛𑓃𑒲𑒏 𑒥𑒯𑒪𑒧𑒰𑒢𑒹 𑒯𑒼𑒃 𑒕𑒟𑒱 𑒣𑓂𑒩𑒰𑒨𑓁। 𑒧𑒻𑒟𑒱𑒪 𑒣𑒝𑓂𑒛𑒱𑒞 𑒪𑒼𑒏𑒢𑒱𑒮𑒿 𑒣𑒳𑒕𑒪𑒾𑓀
, 𑒄 𑒏𑒼𑒢𑒰 𑒦𑒹𑒪? 𑒥𑒖𑒪𑒰, 𑒁𑒯𑒰𑒿 𑒏𑒼𑒢 𑒤𑒹𑒩𑒰𑒧𑒹 𑒣𑒛𑓃𑒪 𑒕𑒲? 𑒁𑒯𑒲 𑒮𑒦 𑒧𑒴𑒩𑓂𑒐𑒏 𑒏𑒰𑒩𑒝 𑒂𑒃 𑒫𑒱𑒠𑓂𑒨𑒰𑒣𑒞𑒱𑒏 𑒠𑒳𑒩𑓂𑒠𑒬𑒰 𑒦’ 𑒩𑒯𑒪 𑒁𑒕𑒱। 𑒌 𑒧𑒰𑒧𑒴𑒪𑒲 𑒪𑒼𑒏 𑒮𑒦𑒏 𑒧𑒼𑒢𑒧𑒹 𑒖𑒐𑒢 𑒋𑒪𑒻 𑒫𑒱𑒠𑓂𑒨𑒰𑒣𑒞𑒱𑒏 𑒢𑒰𑒧𑒣𑒩 “𑒔𑒰𑒩𑒱𑒙𑒰 𑒣𑒠𑒰𑒫𑒪𑒲” 𑒖𑒼𑒛𑓃𑒱 𑒠𑒹𑒪𑒏। ..𑒁𑒯𑒰𑒿 𑒠𑒱𑒑𑓂𑒦𑓂𑒩𑒧𑒱𑒞 𑒦’ 𑒩𑒯𑒪 𑒕𑒲।.. 𑒧𑒱𑒟𑒱𑒪𑒰𑒏 𑒣𑒝𑓂𑒛𑒱𑒞𑒏 𑒫𑒩𑓂𑒖𑒢𑒰-𑒫𑒰𑒝𑒲𑒣𑒩 𑒏𑒰𑒢-𑒥𑒰𑒞 𑒢𑒻 𑒠𑒻𑒞 𑒯𑒧 𑒮𑒯𑒩𑓂𑒭 𑒮𑒯𑒩𑒮𑒰 (𑒥𑒰 𑒮𑒯𑒩𑓂𑒭𑒰?) 𑒨𑒰𑒞𑓂𑒩𑒰𑒏 𑒞𑒻𑒨𑒰𑒩𑒲 𑒬𑒳𑒩𑒴 𑒏’𑒠𑒹𑒪𑒾𑓀। ..𑒏𑒢𑒔𑒲𑒩𑒰 𑒑𑒰𑒧 𑒋𑒏𑒙𑒰 𑒋𑒯𑒢 𑒑𑒰𑒧 𑒁𑒕𑒱 𑒖𑒃𑒣𑒩 𑒠𑒴-𑒠𑒴 𑒖𑒱𑒪𑒰𑒏 𑒖𑒱𑒪𑒰 𑒁𑒡𑒱𑒏𑒰𑒩𑒲𑒏 𑒬𑒰𑒮𑒢 𑒔𑒪𑒻𑒞 𑒁𑒕𑒱। 𑒁𑒠𑒯𑒰 𑒑𑒰𑒧 𑒮𑒯𑒩𑒮𑒰𑒧𑒹, 𑒁𑒠𑒯𑒰 𑒑𑒰𑒧 𑒣𑒴𑒩𑓂𑒝𑒱𑒨𑒰𑒿𑒧𑒹।
... 𑒏𑒢𑒔𑒲𑒩𑒰𑒏 𑒫𑒱𑒠𑓂𑒨𑒰𑒣𑒞𑒱-𑒧𑒝𑓂𑒛𑒪𑒲𑒏 𑒢𑒰𑒧 𑒠𑒳𑒢𑒴 𑒖𑒱𑒪𑒰𑒏 𑒪𑒼𑒏 𑒪𑒻 𑒕𑒟𑒱। ... 𑒖𑒃 𑒠𑒱𑒢 𑒏𑒢𑒔𑒲𑒩𑒰 𑒑𑒰𑒧 𑒣𑒯𑒳𑒿𑒔𑒪𑒾𑓀, 𑒑𑒰𑒧𑒧𑒹 𑒋𑒏𑒙𑒰 𑒁𑒒𑒙 𑒒𑒙𑒢𑒰 𑒒𑒙𑒱𑒞 𑒦’ 𑒑𑒹𑒪 𑒩𑒯𑒻। 𑒠𑒮 𑒮𑒰𑒪𑒮𑒿 𑒃𑒪𑒰𑒏𑒰𑒏 𑒣𑓂𑒩𑒞𑒱𑒢𑒱𑒡𑒱𑒞𑓂𑒫 𑒏𑒩𑒻𑒥𑒪𑒰 𑒢𑒹𑒞𑒰𑒖𑒲 𑒔𑒳𑒢𑒰𑒫𑒧𑒹 𑒔𑒱𑒞𑓀𑒑 𑒦’ 𑒑𑒹𑒪 𑒩𑒯𑒟𑒱। 𑒞𑒃 𑒠𑓂𑒫𑒰𑒩𑒹 𑒍𑒃 𑒩𑒰𑒞𑒱 𑒢𑒰𑒔-𑒑𑒰𑒢𑒏 𑒠𑒼𑒮𑒩𑒹 𑒧𑒞𑒪𑒥 𑒢𑒱𑒏𑒰𑒪𑒪 𑒖𑒰 𑒮𑒏𑒻 𑒕𑒪, 𑒌 𑒛𑒩𑒹 “𑒫𑒱𑒠𑓂𑒨𑒰𑒣𑒞𑒱-𑒧𑒝𑓂𑒛𑒪𑒲”𑒏 𑒢𑒰𑒨𑒏 𑒖𑒢𑒏𑒠𑒰𑒮 𑒢𑒰𑒔 𑒏𑒩𑒥𑒰𑒏 𑒁𑒢𑒳𑒧𑒞𑒱 𑒢𑒻 𑒠𑒹𑒪𑒢𑒱।
𑒠𑒼𑒮𑒩 𑒩𑒰𑒞𑒱 𑒍 𑒥𑒛𑓂𑒛 𑒐𑒳𑒬𑒰𑒧𑒠 𑒏𑒩𑒹𑒪𑒰𑒏 𑒥𑒰𑒠 𑒁𑒢𑒳𑒧𑒞𑒱 𑒠𑒹𑒪𑒢𑒱। 𑒢𑒰𑒨𑒏 𑒖𑒢𑒏𑒠𑒰𑒮 𑒥𑒛𑓂𑒛 𑒞𑒩𑓂𑒏-𑒫𑒱𑒞𑒩𑓂𑒏 𑒏𑒹𑒪𑒰𑒏 𑒥𑒰𑒠 𑒒𑒳𑒧𑒰-𑒤𑒱𑒩𑒰 𑒏’ 𑒠𑒼𑒯𑒩𑒰-𑒞𑒹𑒯𑒩𑒰 𑒏’ 𑒏𑒯𑒪𑒢𑒱, “𑒫𑒱𑒠𑓂𑒨𑒰𑒣𑒞𑒱- 𑒢𑒰𑒔” 𑒏 𑒖𑒢𑓂𑒧 𑒯𑒳𑒢𑒏𑒹 𑒣𑒩𑒱𑒫𑒰𑒩𑒧𑒹 𑒣𑒯𑒱𑒪𑒹-𑒣𑒯𑒱𑒪 𑒦𑒹𑒪। 𑒫𑒱𑒮𑓂𑒞𑒰𑒩𑒮𑒿 𑒍 𑒏𑒯𑒱𑒨𑒼 𑒏𑒱𑒕𑒳 𑒢𑒻 𑒏𑒯𑒪𑒢𑒱। 𑒂 𑒯𑒳𑒢𑒏𑒰 𑒖𑒐𑒢 𑒄 𑒫𑒱𑒬𑓂𑒫𑒰𑒮 𑒦’ 𑒑𑒹𑒪𑒢𑒱 𑒖𑒹 “𑒫𑒱𑒠𑓂𑒨𑒰𑒣𑒞𑒱 𑒢𑒰𑒔 𑒧𑒝𑓂𑒛𑒪𑒲”𑒏 𑒢𑒰𑒧𑒣𑒩 𑒐𑒩𑓂𑒔 𑒏𑒩𑒥𑒰 𑒪𑒹𑒪 𑒯𑒖𑒰𑒩- 𑒠𑒴 𑒯𑒖𑒰𑒩 𑒙𑒰𑒏𑒰 𑒮𑒩𑒏𑒰𑒩𑒏 𑒐𑒖𑒰𑒢𑒰𑒮𑒿 𑒪’ 𑒏’ 𑒯𑒧 𑒢𑒻 𑒥𑒯𑒩𑒰𑒋𑒪 𑒕𑒲, 𑒞𑒐𑒢 𑒍 𑒧𑒵𑒠𑓀𑒑𑒣𑒩 𑒟𑒰𑒣 𑒠𑒹𑒪𑒢𑒱। 𑒩𑒰𑒞𑒱 𑒦𑒩𑒱 𑒢𑒰𑒔 𑒠𑒹𑒐𑒻𑒞 𑒩𑒯𑒪𑒾𑓀। 𑒑𑒰𑒋 𑒔𑒩𑒥𑒻𑒥𑒪𑒰 𑒕𑒾𑒛𑓃𑒰, 𑒮𑒰𑒛𑓃𑒲 𑒣𑒯𑒲𑒩 𑒫𑒱𑒩𑒯𑒱𑒢𑒲 𑒩𑒰𑒡𑒰 𑒥𑒢𑒱 𑒑𑒹𑒪𑒱 𑒂 𑒏𑒰𑒢𑒱-𑒏𑒰𑒢𑒱 𑒑𑒰𑒥𑒋 𑒪𑒰𑒑𑒪𑒱- “𑒏𑒞𑒹𑒏 𑒠𑒱𑒫𑒮 𑒯𑒩𑒱 𑒐𑒹𑒣𑒥 𑒯𑒼, 𑒞𑒳𑒧 𑒋𑒮𑒏𑒩𑒱 𑒢𑒰𑒩𑒲!” 𑒠𑒼𑒮𑒩 𑒠𑒱𑒢, 𑒖𑒢𑒏𑒠𑒰𑒮𑒮𑒿 𑒌 𑒢𑒰𑒔𑒏 𑒅𑒞𑓂𑒣𑒞𑓂𑒞𑒱𑒏 𑒃𑒞𑒱𑒯𑒰𑒮 𑒣𑒳𑒕𑒪𑒾𑓀 𑒞𑒿 𑒍 𑒥𑒰𑒖𑒪- 𑒢𑒻 𑒖𑒰𑒢𑒱 𑒏𑒯𑒱𑒨𑒰𑒮𑒿 𑒌 𑒢𑒰𑒔𑒏 𑒧𑒴𑒪𑒑𑒻𑒢𑒲 𑒯𑒧𑒩𑒰 𑒣𑒩𑒱𑒫𑒰𑒩𑒧𑒹 𑒔𑒪𑒻𑒞 𑒂𑒥𑒱 𑒩𑒯𑒪 𑒁𑒕𑒱। 𑒖𑒢𑒏𑒠𑒰𑒮𑒏 𑒌 𑒅𑒠𑒰𑒮𑒲𑒏 𑒏𑒰𑒩𑒝 𑒕𑒪- 𑒯𑒧𑒩 𑒙𑒹𑒣𑒩𑒹𑒏𑒰𑒩𑓂𑒛𑒩।.. 𑒔𑒳𑒣𑓂𑒣𑒹-𑒔𑒳𑒣𑓂𑒣𑒹 𑒮𑒦 𑒑𑒲𑒞 𑒤𑒲𑒞𑒰𑒧𑒹 𑒁𑒯𑒰𑒿 𑒦𑒩𑒱 𑒪𑒹𑒪𑒾𑓀, 𑒔𑒪𑒰𑒏𑒲𑒮𑒿। 𑒧𑓀𑒑𑒢𑒲𑒧𑒹 𑒁𑒣𑒢 𑒏𑒰𑒖 𑒮𑒳𑒞𑒰𑒩𑒱 𑒪𑒹𑒪𑒾𑓀 𑒁𑒯𑒰𑒿?𑒂, 𑒁𑓀𑒞𑒱𑒧𑒧𑒹 𑒣𑒔𑒰𑒮 𑒙𑒰𑒏𑒰 𑒢𑒑𑒠𑒲 𑒠𑒹𑒪𑒰𑒏 𑒥𑒰𑒠𑒼 𑒍 𑒯𑒧𑒩 𑒌 𑒣𑓂𑒩𑒬𑓂𑒢𑒏 𑒏𑒼𑒢𑒼 𑒅𑒞𑓂𑒞𑒩 𑒢𑒻 𑒠𑒹𑒪𑒢𑒱 𑒏𑒱 𑒐𑒹𑒞𑒱𑒯𑒩-𑒥𑒼𑒢𑒱𑒯𑒰𑒩, 𑒔𑒩𑒫𑒰𑒯 𑒂 𑒥𑒯𑒪𑒧𑒰𑒢 𑒮𑒦 𑒏𑒯𑒱𑒨𑒰 𑒂 𑒏𑒹𑒢𑒰 𑒫𑒱𑒠𑓂𑒨𑒰𑒣𑒞𑒱𑒏 𑒣𑒠𑒰𑒫𑒪𑒲𑒏𑒹𑒿 𑒑𑒰𑒥𑒱-𑒑𑒰𑒥𑒱 𑒢𑒰𑒔𑒥 𑒣𑓂𑒩𑒰𑒩𑒧𑓂𑒦 𑒏𑒹𑒪𑒢𑒱। 𑒖𑒢𑒏𑒠𑒰𑒮𑒏 𑒣𑒪𑒰𑒢𑒲𑒧𑒹 𑒣𑒳𑒂𑒩𑒣𑒩 𑒣𑒛𑓃𑒪 𑒩𑒯𑒲 𑒠𑒱𑒢 𑒦𑒩𑒱, 𑒍𑒏𑒩𑒰 𑒠𑒨𑒰 𑒢𑒻 𑒪𑒑𑒪𑒻। 𑒍𑒏𑒩 𑒧𑒮𑒼𑒧𑒰𑒞 𑒖𑒫𑒰𑒢 𑒥𑒹𑒙𑒲 𑒯𑒧𑒩𑒰 𑒠𑒱𑒮𑒮𑒿 𑒣𑒻𑒩𑒫𑒲 𑒏𑒹𑒪𑒏, 𑒞𑒐𑒢𑒼 𑒍 𑒢𑒻 𑒣𑒮𑒱𑒗𑒪, 𑒁𑒣𑒢 𑒐𑒰𑒢𑒠𑒰𑒢𑒲𑒏 “𑒯𑒿𑒮𑒲” 𑒏𑒩𑒥𑒻𑒥𑒪𑒰 𑒑𑒣 𑒏𑒹 “𑒑𑒖𑒙” 𑒧𑒹 “𑒕𑒰𑒣𑒲” 𑒏𑒩𑒰𑒥’ 𑒔𑒰𑒯𑒞? 𑒥𑒳𑒩𑒯𑒰 𑒖𑒢𑒏𑒠𑒰𑒮 𑒥𑒛𑓃𑒠 𑒐𑒼𑒪𑒱 𑒔𑒩𑒥𑒻 𑒪𑒹𑒪 𑒔𑒪𑒱 𑒑𑒹𑒪𑒰। 𑒯𑒧 𑒍𑒏𑒩 𑒣𑒪𑒰𑒢𑒲𑒧𑒹 𑒣𑒛𑓃𑒪 𑒩𑒯𑒪𑒾𑓀 𑒂 𑒞𑒏𑒩 𑒥𑒰𑒠𑒹 𑒋𑒏𑒙𑒰 𑒐𑒱𑒮𑓂𑒮𑒰 𑒮𑒳𑒢𑒪𑒾𑓀 𑒥𑒰 𑒮𑒣𑒢𑒰 𑒠𑒹𑒐𑒪𑒾𑓀 𑒥𑒰“𑒦𑓂𑒩𑒧”𑒧𑒹 𑒣𑒛𑓃𑒱 𑒑𑒹𑒪𑒾𑓀- 𑒄 𑒢𑒻 𑒏𑒯𑒱 𑒮𑒏𑒻 𑒕𑒲।








𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩- 𑒩𑒰𑒖𑒠𑒹𑒫 𑒧𑒝𑓂𑒛𑒪𑒏 𑒁𑒧𑓂𑒥𑒩𑒰
𑒏𑒫𑒱𑒞𑒰: 𑒏𑒫𑒱𑒞𑒰 𑒪𑒼𑒏 𑒏𑒧 𑒣𑒜𑓃𑒻𑒞 𑒁𑒕𑒱। 𑒮𑓀𑒮𑓂𑒏𑒵𑒞𑒮𑒢 𑒦𑒰𑒭𑒰𑒏 𑒣𑓂𑒩𑒔𑒰𑒩-𑒣𑓂𑒩𑒮𑒰𑒩 𑒪𑒹𑒪 𑒏𑒋𑒪 𑒖𑒰 𑒩𑒯𑒪 𑒣𑓂𑒩𑒨𑒰𑒮𑒏 𑒁𑓀𑒞𑒩𑓂𑒑𑒞 𑒮𑒧𑓂𑒦𑒰𑒭𑒝-𑒬𑒱𑒫𑒱𑒩𑒧𑒹 𑒮𑒩𑒪 𑒮𑓀𑒮𑓂𑒏𑒵𑒞𑒏 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱। 𑒏𑒟𑒰-𑒅𑒣𑒢𑓂𑒨𑒰𑒮𑒏 𑒂𑒡𑒳𑒢𑒱𑒏 𑒦𑒰𑒭𑒰 𑒮𑒦𑒮𑒿 𑒮𑓀𑒮𑓂𑒏𑒵𑒞𑒧𑒹 𑒁𑒢𑒳𑒫𑒰𑒠 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒏𑒫𑒱𑒞𑒰 𑒍𑒯𑒱 𑒣𑓂𑒩𑒏𑓂𑒩𑒱𑒨𑒰𑒧𑒹 𑒥𑒰𑒩𑒪 𑒩𑒯𑒻𑒞 𑒁𑒕𑒱। 𑒏𑒰𑒩𑒝 𑒏𑒫𑒱𑒞𑒰 𑒏𑒱𑒨𑒼 𑒢𑒻 𑒣𑒜𑓃𑒻𑒞 𑒁𑒕𑒱 𑒂 𑒖𑒻 𑒦𑒰𑒭𑒰 𑒪𑒹𑒪 𑒬𑒱𑒫𑒱𑒩 𑒪𑒑𑒹𑒥𑒰𑒏 𑒂𑒫𑒬𑓂𑒨𑒏𑒞𑒰 𑒦𑓄 𑒑𑒹𑒪 𑒁𑒕𑒱, 𑒞𑒻 𑒦𑒰𑒭𑒰𑒧𑒹 𑒏𑒫𑒱𑒞𑒰𑒏 𑒁𑒢𑒳𑒫𑒰𑒠 𑒆𑒩𑓂𑒖𑒰𑒏 𑒁𑒢𑒩𑓂𑒑𑒪 𑒣𑓂𑒩𑒨𑒼𑒑 𑒧𑒰𑒢𑒪 𑒖𑒰𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒮𑓂𑒟𑒱𑒞𑒱 𑒋𑒯𑒢 𑒮𑒢 𑒦𑓄 𑒑𑒹𑒪 𑒁𑒕𑒱, 𑒖𑒹 𑒑𑒰𑒧 𑒂𑒃 𑒐𑒞𑒧 𑒦𑓄 𑒖𑒰𑒋 𑒞𑒿 𑒌 𑒦𑒰𑒭𑒰𑒏 𑒥𑒰𑒖𑒋𑒥𑒪𑒰𑒏 𑒮𑓀𑒐𑓂𑒨𑒰 𑒥𑒛𑓂𑒛 𑒢𑓂𑒨𑒴𑒢 𑒦𑓄 𑒖𑒰𑒋𑒞। 𑒪𑒼𑒏 𑒮𑒹𑒧𑒲𑒢𑒰𑒩 𑒂 𑒥𑒻𑒮𑒏𑒲𑒧𑒹 𑒧𑒰𑒞𑓂𑒩 𑒧𑒻𑒟𑒱𑒪𑒲𑒧𑒹 𑒥𑒖𑒞𑒰𑒯। 𑒧𑒻𑒟𑒱𑒪𑒲-𑒅𑒔𑓂𑒔𑒰𑒩𑒝 𑒪𑒹𑒪 𑒬𑒱𑒫𑒱𑒩 𑒪𑒑𑒹𑒥𑒰𑒏 𑒂𑒫𑒬𑓂𑒨𑒏𑒞𑒰 𑒞𑒿 𑒁𑒢𑒳𑒦𑒴𑒞 𑒦𑒃𑒋 𑒩𑒯𑒪 𑒁𑒕𑒱। 𑒞𑒿 𑒋𑒯𑒱 𑒮𑓂𑒟𑒱𑒞𑒱𑒧𑒹 𑒧𑒻𑒟𑒱𑒪𑒲𑒧𑒹 𑒏𑒫𑒱𑒞𑒰 𑒪𑒱𑒐𑒥𑒰𑒏 𑒏𑒲 𑒂𑒫𑒬𑓂𑒨𑒏𑒞𑒰 𑒂 𑒎𑒔𑒱𑒞𑓂𑒨 ? 𑒮𑒧𑒨𑒰𑒦𑒰𑒫𑒧𑒹 𑒏𑒫𑒱𑒞𑒰 𑒪𑒱𑒐𑒻 𑒕𑒲, 𑒋𑒯𑒱 𑒑𑒣𑒣𑒩 𑒖𑒼𑒩 𑒠𑒹𑒪𑒰𑒮𑒿 𑒄 𑒮𑓂𑒟𑒱𑒞𑒱 𑒂𑒩 𑒦𑒨𑒰𑒫𑒯 𑒦𑓄 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱। 𑒋𑒯𑒢𑒰 𑒮𑓂𑒟𑒱𑒞𑒱𑒧𑒹 𑒂𑒮-𑒣𑒛𑓃𑒼𑒮𑒏 𑒒𑒙𑒢𑒰𑒏𑓂𑒩𑒧, 𑒫𑓂𑒨𑒏𑓂𑒞𑒱𑒑𑒞 𑒧𑒯𑒞𑓂𑒫𑒰𑒏𑒰𑓀𑒏𑓂𑒭𑒰, 𑒂𑒏𑓂𑒭𑒹𑒣 𑒂 𑒨𑒰𑒞𑓂𑒩𑒰-𑒫𑒱𑒫𑒩𑒝𑒲 𑒨𑒋𑒯 𑒧𑒻𑒟𑒱𑒪𑒲 𑒏𑒫𑒱𑒞𑒰𑒏 𑒫𑒱𑒭𑒨-𑒫𑒮𑓂𑒞𑒳 𑒥𑒢𑒱 𑒑𑒹𑒪 𑒁𑒕𑒱। 𑒧𑒳𑒠𑒰 𑒌 𑒮𑒦 𑒪𑒹𑒪 𑒑𑒠𑓂𑒨𑒏 𑒣𑓂𑒩𑒨𑒼𑒑 𑒏𑒱𑒋 𑒢𑒻 ? 𑒏𑒟𑒰𑒏 𑒢𑒰𑒙𑓂𑒨-𑒩𑒴𑒣𑒰𑒢𑓂𑒞𑒩𑒝 𑒩𑓀𑒑𑒧𑓀𑒔 𑒪𑒹𑒪 𑒏𑒋𑒪 𑒖𑒰𑒃𑒞 𑒁𑒕𑒱 𑒧𑒳𑒠𑒰 𑒑𑒠𑓂𑒨𑒏 𑒩𑒴𑒣𑒰𑒢𑓂𑒞𑒩𑒝 𑒏𑒫𑒱𑒞𑒰𑒧𑒹 𑒏𑒼𑒢 𑒅𑒠𑓂𑒠𑒹𑒬𑓂𑒨𑒮𑒿। 𑒮𑒧𑒨𑒰𑒦𑒰𑒫𑒧𑒹 𑒪𑒱𑒐𑒪 𑒖𑒰 𑒩𑒯𑒪 𑒌 𑒞𑒩𑒯𑒏 𑒏𑒫𑒱𑒞𑒰 𑒮𑒦𑒏 𑒣𑒰𑒚𑒏 𑒕𑒟𑒱 𑒑𑒼𑒪𑒾𑒮𑒲 𑒏𑒹𑒢𑒱𑒯𑒰𑒩 𑒮𑒧𑒲𑒏𑓂𑒭𑒏 𑒪𑒼𑒏𑒢𑒱 𑒂 𑒮𑓂𑒫𑒨𑓀 𑒂𑒧𑒳𑒐𑒏 𑒧𑒰𑒡𑓂𑒨𑒧𑒮𑒿 𑒁𑒣𑒢 𑒏𑒫𑒱𑒞𑒰𑒏 𑒢𑒲𑒏 𑒮𑒧𑒲𑒏𑓂𑒭𑒰 𑒏𑒹𑒢𑒱𑒯𑒰𑒩 𑒑𑒠𑓂𑒨𑒮𑒿 𑒣𑒠𑓂𑒨𑒧𑒹 𑒩𑒴𑒣𑒰𑒢𑓂𑒞𑒩𑒏𑒰𑒩 𑒧𑒯𑒰𑒏𑒫𑒱 𑒪𑒼𑒏𑒢𑒱 ! 𑒣𑒠𑓂𑒨 𑒮𑒩𑓂𑒖𑒢𑒰𑒏 𑒧𑒼𑒪 𑒏𑒹 𑒥𑒴𑒗𑒞 ! 𑒫𑓂𑒨𑒏𑓂𑒞𑒱𑒑𑒞 𑒪𑒾𑒏𑒱𑒏 𑒁𑒢𑒳𑒦𑒫 𑒖𑒹 𑒑𑒯𑒲𑓀𑒩 𑒡𑒩𑒱 𑒢𑒻 𑒅𑒞𑒩𑒞 𑒞𑒿 𑒮𑒹 𑒞𑒳𑒏𑒰𑒢𑓂𑒞 𑒩𑒯𑒪𑒰 𑒅𑒣𑒩𑒰𑒢𑓂𑒞𑒼 𑒅𑒞𑓂𑒏𑒵𑒭𑓂𑒙 𑒏𑒫𑒱𑒞𑒰 𑒢𑒻 𑒥𑒢𑒱 𑒮𑒏𑒞। 𑒣𑒰𑒩𑒪𑒾𑒏𑒱𑒏 𑒔𑒱𑒢𑓂𑒞𑒢 𑒏𑒞𑒥𑒼 𑒁𑒧𑒴𑒩𑓂𑒞 𑒩𑒯𑒞 𑒂 𑒖𑒹 𑒍 𑒪𑒾𑒏𑒱𑒏𑒮𑒿 𑒢𑒻 𑒧𑒱𑒪𑒞 𑒞𑒿 𑒍 𑒮𑒹𑒯𑒼 𑒁𑒞𑒳𑒏𑒰𑒢𑓂𑒞 𑒫𑒰 𑒑𑒼𑒪𑒾𑒮𑒲 𑒂 𑒫𑒰𑒠𑒏 𑒮𑒼𑓀𑒑𑒩𑒏 𑒁𑒕𑒻𑒞𑒯𑒳𑒿 𑒮𑒱𑒯𑒩𑒰 𑒢𑒻 𑒮𑒏𑒞। 𑒧𑒢𑒳𑒏𑓂𑒐𑒏 𑒂𑒫𑒬𑓂𑒨𑒏 𑒁𑒕𑒱 𑒦𑒼𑒖𑒢, 𑒫𑒮𑓂𑒞𑓂𑒩 𑒂 𑒂𑒫𑒰𑒮। 𑒂 𑒞𑒏𑒩 𑒥𑒰𑒠 𑒣𑒰𑒩𑒪𑒾𑒏𑒱𑒏 𑒔𑒱𑒢𑓂𑒞𑒢। 𑒖𑒐𑒢 𑒥𑒳𑒠𑓂𑒡 𑒄 𑒣𑒳𑒕𑒻 𑒕𑒟𑒱 𑒖𑒹 𑒄 𑒮𑒦 𑒅𑒞𑓂𑒮𑒫𑒧𑒹 𑒦𑒰𑒑 𑒪𑒹𑒢𑒱𑒯𑒰𑒩 𑒮𑒦 𑒮𑒹𑒯𑒼 𑒧𑒵𑒞𑓂𑒨𑒳𑒏 𑒁𑒫𑒬𑓂𑒨𑓀𑒦𑒰𑒫𑒱𑒞𑒰𑒏𑒹𑒿 𑒖𑒢𑒻 𑒕𑒟𑒱? 𑒂 𑒮𑒹 𑒖𑒹 𑒖𑒢𑒻 𑒕𑒟𑒱 𑒞𑒐𑒢 𑒏𑒼𑒢𑒰 𑒅𑒞𑓂𑒮𑒫𑒧𑒹 𑒦𑒰𑒑 𑒪𑓄 𑒩𑒯𑒪 𑒕𑒟𑒱। 𑒮𑒹 𑒂𑒡𑒳𑒢𑒱𑒏 𑒧𑒻𑒟𑒱𑒪𑒲 𑒏𑒫𑒱 𑒖𑒐𑒢 𑒁𑒣𑒢 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱𑒏 𑒂 𑒂𑒩𑓂𑒟𑒱𑒏 𑒂𑒡𑒰𑒩𑒏 𑒂𑒡𑒰𑒩 𑒁𑒣𑒢𑒰 𑒣𑒋𑒩𑒏 𑒢𑒲𑒔𑒰𑒿𑒮𑒿 𑒫𑒱𑒪𑒳𑒣𑓂𑒞 𑒯𑒼𑒃𑒞 𑒠𑒹𑒐𑒻 𑒕𑒟𑒱 𑒂 𑒞𑒐𑒢𑒯𑒳 𑒂𑒿𑒐𑒱 𑒧𑒴𑒢𑒱 𑒏𑓄 𑒍𑒯𑒱 𑒮𑒞𑓂𑒨𑒞𑒰𑒏𑒹𑒿 𑒢𑒻 𑒧𑒰𑒢𑒻𑒞 𑒕𑒟𑒱, 𑒞𑒐𑒢 𑒖𑒹 𑒠𑒹𑒬-𑒫𑒱𑒠𑒹𑒬𑒏 𑒒𑒙𑒢𑒰𑒏𑓂𑒩𑒧𑒏 𑒫𑒰𑒠 𑒏𑒫𑒱𑒞𑒰𑒧𑒹 𑒒𑒼𑒮𑒱𑒨𑒰𑒥𑒋 𑒔𑒰𑒯𑒻 𑒕𑒟𑒱, 𑒠𑒹𑒬𑒖 𑒂 𑒠𑒪𑒱𑒞 𑒮𑒧𑒰𑒖 𑒪𑒹𑒪 𑒖𑒹 𑒍 𑒅𑒣𑒏𑒩𑒱 𑒏𑓄 𑒪𑒱𑒐𑓄 𑒔𑒰𑒯𑒻 𑒕𑒟𑒱, 𑒅𑒣𑒏𑒰𑒩 𑒏𑒩𑓄 𑒔𑒰𑒯𑒻 𑒕𑒟𑒱, 𑒞𑒿 𑒞𑒰𑒯𑒱𑒧𑒹 𑒡𑒰𑒩 𑒢𑒻 𑒂𑒥𑒱 𑒣𑒥𑒻 𑒁𑒕𑒱। 𑒧𑒳𑒠𑒰 𑒖𑒐𑒢 𑒩𑒰𑒖𑒠𑒹𑒫 𑒧𑓀𑒛𑒪 𑒏𑒫𑒱𑒞𑒰 𑒪𑒱𑒐𑒻 𑒕𑒟𑒱-
....
𑒙𑒣-𑒙𑒣 𑒔𑒳𑒥𑒻𑒞 𑒐𑒴𑒢𑒏 𑒥𑒴𑒢 𑒮𑒿
𑒡𑒩𑒞𑒲 𑒦𑓄 𑒩𑒯𑒪 𑒮𑓂𑒢𑒰𑒞
𑒣𑒴𑒕𑒱 𑒩𑒯𑒪 𑒁𑒕𑒱 𑒔𑒱𑒛𑓃𑒻
𑒁𑒣𑒢𑒰 𑒧𑒢 𑒮𑒿 𑒄 𑒥𑒰𑒞
𑒂𑒥𑓄 𑒥𑒰𑒪𑒰 𑒄 𑒏𑒰𑒩𑒲 𑒂 𑒦𑒰𑒩𑒲 𑒩𑒰𑒞𑒱
𑒏𑒱 𑒢𑒯𑒱 𑒥𑒰𑒿𑒔𑒞 𑒯𑒧𑒩 𑒖𑒰𑒞𑒱...?
𑒞𑒿 𑒮𑒹 𑒯𑒧𑒩𑒰 𑒮𑒦𑒏𑒹𑒿 𑒮𑒱𑒯𑒩𑒰 𑒠𑒻𑒞 𑒁𑒕𑒱। 𑒏𑒫𑒱𑒏 𑒏𑒫𑒱𑒞𑓂𑒫𑒏 𑒖𑒰𑒞𑒱, 𑒍𑒃 𑒔𑒱𑒛𑓃𑒻𑒏 𑒖𑒰𑒞𑒱 𑒂𑒏𑒱..। 𑒏𑒼𑒢 𑒑𑒼𑒪𑒾𑒮𑒲 𑒂 𑒂𑒞𑓂𑒧𑒧𑒳𑒑𑓂𑒡 𑒂𑒧𑒳𑒐𑒏 𑒠𑒩𑒏𑒰𑒩 𑒕𑒻 𑒌 𑒏𑒫𑒱𑒞𑒰𑒏𑒹𑒿। 𑒏𑒼𑒢 𑒑𑒼𑒪𑒾𑒮𑒲𑒏 𑒂 𑒣𑓀𑒟𑒏 𑒮𑒼𑓀𑒑𑒩 𑒔𑒰𑒯𑒲 𑒌 𑒮𑒧𑓂𑒫𑒹𑒠𑒢𑒰𑒏𑒹𑒿। 𑒞𑒿 𑒏𑒫𑒱𑒞𑒰𑒏𑒹𑒿 𑒅𑒞𑓂𑒏𑒵𑒭𑓂𑒙𑒞𑒰 𑒔𑒰𑒯𑒲। 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱𑒏 𑒂𑒡𑒰𑒩 𑒔𑒰𑒯𑒲। 𑒍𑒏𑒩𑒰 𑒐𑒰𑒪𑒲 𑒂𑒨𑒰𑒞𑒱𑒞 𑒫𑒱𑒭𑒨-𑒫𑒮𑓂𑒞𑒳 𑒢𑒻 𑒔𑒰𑒯𑒲, 𑒖𑒹 𑒍𑒏𑒩𑒰𑒣𑒩 𑒅𑒣𑒏𑒰𑒩 𑒏𑒩𑒥𑒰𑒏 𑒠𑒵𑒭𑓂𑒙𑒱𑒋𑒿 𑒂𑒢𑒪 𑒑𑒹𑒪 𑒕𑒻। 𑒍𑒏𑒩𑒰 𑒂𑒨𑒰𑒞𑒱𑒞 𑒮𑒧𑓂𑒫𑒹𑒠𑒢𑒰 𑒮𑒹𑒯𑒼 𑒢𑒻 𑒔𑒰𑒯𑒲 𑒖𑒹 𑒍𑒏𑒩 𑒣𑒋𑒩𑒏 𑒢𑒲𑒔𑒰𑒮𑒿 𑒫𑒱𑒪𑒳𑒣𑓂𑒞 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱 𑒂 𑒂𑒩𑓂𑒟𑒱𑒏 𑒂𑒡𑒰𑒩𑒏𑒹𑒿 𑒞𑒏𑒥𑒰𑒏 𑒅𑒣𑒩𑒗𑒣𑒏𑒲 𑒅𑒣𑒏𑒵𑒞 𑒣𑓂𑒩𑒨𑒰𑒮 𑒧𑒰𑒞𑓂𑒩 𑒯𑒼𑒁𑒋। 𑒢𑒲𑒏 𑒏𑒫𑒱𑒞𑒰 𑒏𑒼𑒢𑒼 𑒫𑒱𑒭𑒋𑒣𑒩 𑒪𑒱𑒐𑒪 𑒖𑒰 𑒮𑒏𑒻𑒞 𑒁𑒕𑒱। 𑒥𑒳𑒠𑓂𑒡𑒏 𑒧𑒰𑒢𑒫𑒏 𑒦𑒫𑒱𑒭𑓂𑒨𑒏 𑒔𑒱𑒢𑓂𑒞𑒰𑒏𑒹𑒿 𑒪𑓄 𑒏𑓄 𑒁𑒮𑒘𑓂𑒖𑒰𑒞𑒱 𑒧𑒢𑒏𑒹𑒿 𑒮𑒧𑓂𑒥𑒪 𑒠𑒹𑒥𑒰 𑒪𑒹𑒪 𑒮𑒹𑒯𑒼, 𑒢𑒻 𑒞𑒿 𑒪𑒼𑒏 𑒣𑓂𑒩𑒫𑒔𑒢𑒧𑒹 𑒜𑓃𑒼𑓀𑒑𑒲 𑒥𑒰𑒥𑒰 𑒪𑒹𑒪 𑒖𑒰𑒃𑒞𑒹 𑒩𑒯𑒞𑒰𑒯। 𑒮𑒧𑒰𑒖𑒏 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱 𑒂 𑒂𑒩𑓂𑒟𑒱𑒏 𑒂𑒡𑒰𑒩𑒏 𑒪𑒹𑒪 𑒮𑒹𑒯𑒼, 𑒢𑒻 𑒞𑒿 𑒧𑒻𑒟𑒱𑒪𑒲 𑒪𑒹𑒪 𑒬𑒱𑒫𑒱𑒩 𑒪𑒑𑒰𑒥𑒋 𑒣𑒛𑓃𑒞। 𑒥𑒱𑒧𑓂𑒥𑒏 𑒮𑓀𑒣𑓂𑒩𑒹𑒭𑒝𑒲𑒨𑒞𑒰 𑒮𑒹𑒯𑒼 𑒂𑒫𑒬𑓂𑒨𑒏, 𑒢𑒻 𑒞𑒿 𑒏𑒫𑒱 𑒪𑒹𑒪 𑒣𑒯𑒱𑒢𑒹𑒮𑒿 𑒫𑒰𑒞𑒰𑒫𑒩𑒝 𑒥𑒢𑒰𑒥𑒋 𑒣𑒛𑓃𑒞 𑒂 𑒯𑒳𑒢𑒏𑒩 𑒏𑒫𑒱𑒞𑒰𑒏 𑒪𑒹𑒪 𑒧𑓀𑒔𑒏 𑒍𑒩𑒱𑒂𑒍𑒢 𑒏𑒩𑒋 𑒣𑒛𑓃𑒞, 𑒯𑒳𑒢𑒏𑒩 𑒬𑒥𑓂𑒠𑒰𑒫𑒪𑒲 𑒂 𑒫𑒰𑒠𑒏 𑒪𑒹𑒪 𑒬𑒱𑒫𑒱𑒩 𑒪𑒑𑒰 𑒏𑓄 𑒣𑓂𑒩𑒬𑒱𑒏𑓂𑒭𑒝 𑒠𑒹𑒪 𑒖𑒋𑒥𑒰𑒏 𑒂𑒫𑒬𑓂𑒨𑒏𑒞𑒰 𑒁𑒢𑒳𑒦𑒴𑒞 𑒏𑒋𑒪 𑒖𑒰𑒋𑒞 𑒂 𑒮𑒹 𑒏𑒫𑒱 𑒪𑒼𑒏𑒢𑒱 𑒏𑒃𑒨𑒼 𑒩𑒯𑒪 𑒕𑒟𑒱 !
𑒧𑒱𑒟𑒱𑒪𑒰𑒏 𑒦𑒰𑒭𑒰𑒏 𑒏𑒼𑒧𑒪 𑒂𑒩𑒼𑒯-𑒁𑒫𑒩𑒼𑒯, 𑒋𑒞𑒳𑒏𑓂𑒏𑒰 𑒮𑒩𑓂𑒫𑒯𑒰𑒩𑒰 𑒫𑒩𑓂𑒑𑒏 𑒮𑒩𑓂𑒫𑒑𑒳𑒝𑒮𑓀𑒣𑒢𑓂𑒢𑒞𑒰, 𑒮𑓀𑒑𑒯𑒱 𑒋𑒞𑒳𑒏𑓂𑒏𑒰 𑒩𑒯𑒢-𑒮𑒯𑒢 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒏𑒙𑓂𑒙𑒩𑒞𑒰 𑒂 𑒩𑒰𑒖𑒢𑒲𑒞𑒱, 𑒠𑒱𑒢𑒔𑒩𑓂𑒨𑒰, 𑒮𑒰𑒧𑒰𑒖𑒱𑒏 𑒧𑒰𑒢𑓂𑒨𑒞𑒰, 𑒂𑒩𑓂𑒟𑒱𑒏 𑒮𑓂𑒟𑒱𑒞𑒱, 𑒢𑒻𑒞𑒱𑒏𑒞𑒰, 𑒡𑒩𑓂𑒧 𑒂 𑒠𑒩𑓂𑒬𑒢 𑒮𑒹𑒯𑒼 𑒮𑒰𑒯𑒱𑒞𑓂𑒨𑒧𑒹 𑒁𑒋𑒥𑒰𑒏 𑒔𑒰𑒯𑒲। 𑒂 𑒮𑒹 𑒢𑒻 𑒦𑒹𑒢𑒹 𑒮𑒰𑒯𑒱𑒞𑓂𑒨 𑒋𑒏𑒦𑒑𑒰𑒯 𑒦𑓄 𑒖𑒰𑒋𑒞, 𑒍𑒪𑒛𑓃𑒱 𑒖𑒰𑒋𑒞, 𑒤𑓂𑒩𑒹𑒧 𑒪𑒑𑒰 𑒏𑓄 𑒙𑓀𑒑𑒥𑒰 𑒖𑒼𑒑𑒛𑓃 𑒦𑓄 𑒖𑒰𑒋𑒞। 𑒏𑒫𑒱𑒞𑒰 𑒩𑒔𑒥 𑒫𑒱𑒫𑒬𑒞𑒰 𑒁𑒕𑒱, 𑒮𑒰𑒯𑒱𑒞𑓂𑒨𑒱𑒏 𑒫𑒱𑒫𑒬𑒞𑒰। 𑒖𑒯𑒱𑒨𑒰 𑒧𑒱𑒟𑒱𑒪𑒰𑒏 𑒪𑒼𑒏𑒏𑒹𑒿 𑒧𑒻𑒟𑒱𑒪𑒲 𑒦𑒰𑒭𑒰 𑒮𑒱𑒐𑒹𑒥𑒰 𑒪𑒹𑒪 𑒬𑒱𑒫𑒱𑒩 𑒪𑒑𑒰𑒍𑒪 𑒖𑒋𑒥𑒰𑒏 𑒂𑒫𑒬𑓂𑒨𑒏𑒞𑒰 𑒁𑒢𑒳𑒦𑒴𑒞 𑒯𑒼𑒋𑒞, 𑒞𑒯𑒱𑒨𑒰 𑒏𑒫𑒱𑒞𑒰𑒏 𑒁𑒮𑓂𑒞𑒱𑒞𑓂𑒫𑒣𑒩 𑒣𑓂𑒩𑒬𑓂𑒢 𑒮𑒹𑒯𑒼 𑒚𑒰𑒜𑓃 𑒏𑒋𑒪 𑒖𑒰 𑒮𑒏𑒞। 𑒂 𑒮𑒹 𑒠𑒱𑒢 𑒢𑒻 𑒂𑒥𑒋 𑒞𑒻 𑒪𑒹𑒪 𑒮𑒹𑒯𑒼 𑒏𑒫𑒱𑒏𑒹𑒿 𑒮𑒞𑒩𑓂𑒏 𑒩𑒯𑒋 𑒣𑒛𑓃𑒞𑒢𑓂𑒯𑒱।
𑒂 𑒮𑒹 𑒩𑒰𑒖𑒠𑒹𑒫 𑒧𑓀𑒛𑒪 𑒮𑒞𑒩𑓂𑒏 𑒕𑒟𑒱 𑒂 𑒞𑒻𑒿 𑒯𑒱𑒢𑒏𑒩 𑒏𑒫𑒱𑒞𑒰-𑒮𑓀𑒑𑓂𑒩𑒯 𑒁𑒧𑓂𑒥𑒩𑒰 𑒋𑒏𑓂𑒏𑒻𑒮𑒧 𑒬𑒞𑒰𑒥𑓂𑒠𑒲𑒏 𑒣𑒯𑒱𑒪 𑒠𑒬𑒏𑒏 𑒮𑒩𑓂𑒫𑒬𑓂𑒩𑒹𑒭𑓂𑒚 𑒧𑒻𑒟𑒱𑒪𑒲 𑒏𑒫𑒱𑒞𑒰 𑒮𑓀𑒑𑓂𑒩𑒯 𑒥𑒢𑒱 𑒂𑒋𑒪 𑒁𑒕𑒱।




𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩- 𑒧𑒻𑒟𑒱𑒪𑒲𑒏 𑒦𑒱𑒐𑒰𑒩𑒲 𑒚𑒰𑒏𑒳𑒩𑒏 𑒢𑒰𑒧𑒮𑒿 𑒣𑓂𑒩𑒮𑒱𑒠𑓂𑒡 𑒧𑒻𑒟𑒱𑒪𑒲𑒏 𑒣𑒯𑒱𑒪 𑒖𑒢𑒏𑒫𑒱 𑒩𑒰𑒧𑒠𑒹𑒫 𑒣𑓂𑒩𑒮𑒰𑒠 𑒧𑒝𑓂𑒛𑒪 ‘𑒗𑒰𑒩𑒴𑒠𑒰𑒩’𑒏 𑒑𑒲𑒞 𑒂 𑒗𑒰𑒩𑒴 - “𑒯𑒧𑒩𑒰 𑒥𑒱𑒢𑒳 𑒖𑒑𑒞 𑒮𑒳𑒢𑓂𑒢𑒰 𑒕𑒻”

𑒧𑒻𑒟𑒱𑒪𑒲𑒏 𑒦𑒱𑒐𑒰𑒩𑒲 𑒚𑒰𑒏𑒳𑒩 “𑒩𑒰𑒧𑒠𑒹𑒫 𑒣𑓂𑒩𑒮𑒰𑒠 𑒧𑒝𑓂𑒛𑒪 "𑒗𑒰𑒩𑒴𑒠𑒰𑒩" ” 𑒠𑒃 𑒕𑒟𑒱 𑒧𑒰𑒙𑒱 𑒂 𑒏𑒯𑒻 𑒕𑒟𑒱 “𑒯𑒧𑒩𑒰 𑒥𑒱𑒢𑒳 𑒖𑒑𑒞 𑒮𑒳𑒢𑓂𑒢𑒰 𑒕𑒻”।
𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨 𑒫𑒰 𑒏𑒼𑒢𑒼 𑒦𑒰𑒭𑒰𑒏 𑒮𑒰𑒯𑒱𑒞𑓂𑒨𑒧𑒹 𑒗𑒰𑒩𑒴 𑒢𑒰𑒧𑒏 𑒏𑒰𑒫𑓂𑒨 𑒫𑒱𑒡𑒰 𑒮𑒳𑒢𑒢𑒹 𑒩𑒯𑒱𑒌? 𑒩𑒰𑒧𑒠𑒹𑒫 𑒣𑓂𑒩𑒮𑒰𑒠 𑒧𑒝𑓂𑒛𑒪 “𑒗𑒰𑒩𑒴𑒠𑒰𑒩” 𑒖𑒲𑒏 𑒗𑒰𑒩𑒴𑒏𑒹𑒿 𑒕𑒼𑒛𑓃𑒱 𑒏𑓄? 𑒢𑒻 𑒢𑒹!
𑒏𑒰𑒩𑒝 𑒩𑒰𑒧𑒠𑒹𑒫 𑒣𑓂𑒩𑒮𑒰𑒠 𑒧𑒝𑓂𑒛𑒱𑒪 “𑒗𑒰𑒩𑒴𑒠𑒰𑒩” 𑒧𑒯𑒲𑒮𑒏 𑒣𑒲𑒚, 𑒐𑒹𑒞𑒏 𑒂𑒛𑓃𑒱-𑒡𑒴𑒩 𑒂 𑒩𑒮𑓂𑒞𑒰 𑒔𑒾𑒥𑒙𑒱𑒨𑒰𑒣𑒩 𑒮𑓂𑒫𑒞𑓁 𑒮𑓂𑒤𑒴𑒩𑓂𑒞 𑒖𑒹 𑒢𑒫 𑒫𑒱𑒡𑒰𑒏 𑒂𑒫𑒱𑒭𑓂𑒏𑒰𑒩 𑒏𑒹𑒢𑒹 𑒕𑒟𑒱 𑒮𑒹 𑒮𑒧𑒰𑒖𑒏 𑒠𑒳𑒩𑓂𑒑𑒳𑒝𑒏𑒹𑒿 𑒐𑒩𑒛𑓃𑒰𑒮𑒿 𑒐𑒩𑒛𑓃𑒥𑒰 𑒪𑒹𑒪 𑒕𑒻। 𑒤𑒳𑒪𑒗𑒰𑒛𑓃𑒴𑒮𑒿 𑒐𑒩𑒱𑒯𑒰𑒢 𑒢𑒻 𑒥𑒯𑒰𑒩𑒪 𑒯𑒋𑒞, 𑒂 𑒐𑒩𑒛𑓃𑒰 𑒮𑒿 𑒍𑒮𑒰𑒩𑒰 𑒢𑒻 𑒥𑒯𑒰𑒩𑒱 𑒮𑒏𑒻 𑒕𑒲। 𑒪𑒰𑒚𑒲𑒧𑒹 𑒩𑒰𑒯𑒛𑓃𑒱𑒏 𑒛𑒰𑒿𑒙𑒏 𑒗𑒰𑒩𑒴𑒮𑒿 𑒗𑒼𑒪-𑒗𑒰𑒪 𑒮𑒰𑒤 𑒏𑒋𑒪 𑒖𑒰𑒃𑒋। 𑒮𑒹 𑒞𑒩𑒯-𑒞𑒩𑒯𑒏 𑒥𑒰𑒜𑓃𑒢𑒱, 𑒂 𑒐𑒩𑒛𑓃𑒰𑒏 𑒣𑓂𑒩𑒔𑒪𑒢 𑒁𑒕𑒱। 𑒩𑒰𑒧𑒠𑒹𑒫 𑒖𑒲 𑒑𑒲𑒞 𑒮𑒹𑒯𑒼 𑒪𑒱𑒐𑒻 𑒕𑒟𑒱, 𑒂 𑒣𑒢𑒱𑒮𑒼𑒐𑒰 𑒮𑒢 𑒩𑓀𑒑 𑒥𑒱𑒩𑓀𑒑𑒏 𑒗𑒰𑒩𑒴 𑒮𑒹𑒯𑒼। 𑒖𑒹𑒯𑒹𑒢 𑒮𑒧𑒮𑓂𑒨𑒰 𑒞𑒹𑒯𑒢𑒹 𑒗𑒰𑒩𑒴। 𑒂 𑒧𑒻𑒟𑒱𑒪𑒲𑒧𑒹 𑒖𑒐𑒢 𑒑𑒼𑒞𑓂𑒩-𑒧𑒴𑒪𑒏 𑒅𑒣𑒢𑒰𑒧 𑒩𑒐𑒥𑒰𑒏 𑒣𑓂𑒩𑒫𑒵𑒞𑓂𑒞𑒱 𑒏𑒱𑒕𑒳 𑒢𑒫 𑒂 𑒣𑒳𑒩𑒰𑒢 𑒪𑒹𑒐𑒏𑒧𑒹 𑒠𑒹𑒐𑒪 𑒖𑒰 𑒩𑒯𑒪 𑒁𑒕𑒱 𑒞𑒐𑒢 𑒄 “𑒗𑒰𑒩𑒴𑒠𑒰𑒩” 𑒅𑒣𑒢𑒰𑒧 𑒏𑒲 𑒮𑒦 𑒔𑒲𑒖 𑒥𑒱𑒢𑒳 𑒏𑒯𑒢𑒹 𑒏𑒯𑒱 𑒖𑒰𑒃𑒋?
𑒂 𑒏𑒫𑒱𑒏 𑒂𑒞𑓂𑒧𑒫𑒱𑒬𑓂𑒫𑒰𑒮, 𑒯𑒧 𑒢𑒻 𑒞𑒿 𑒏𑒱𑒕𑒳 𑒢𑒻।
𑒯𑒧𑒩𑒰𑒮𑒿 𑒣𑒯𑒱𑒪𑒹 𑒏𑒼𑒢𑒼 𑒢𑒻 𑒬𑒰𑒮𑒢।
𑒢𑒻 𑒕𑒻 𑒏𑒼𑒢𑒼 𑒡𑒩𑓂𑒧𑒏 𑒫𑒱𑒡𑒰𑒢॥
𑒯𑒧𑒩𑒰 𑒥𑒱𑒢𑒳 𑒖𑒑𑒞 𑒮𑒳𑒢𑓂𑒢𑒰 𑒕𑒻।
𑒯𑒞𑒻𑒥𑒪𑒰 𑒕𑒻 𑒣𑒬𑒳 𑒮𑒧𑒰𑒢॥
𑒂𑒥 𑒞𑒰𑒏𑒱 𑒪𑒱𑒁 𑒌 𑒗𑒰𑒩𑒴𑒧𑒹 𑒥𑒾𑒠𑓂𑒡 𑒠𑒩𑓂𑒬𑒢𑒏 𑒬𑒴𑒢𑓂𑒨𑒫𑒰𑒠 𑒂 𑒬𑓀𑒏𑒩𑒏 𑒁𑒠𑓂𑒫𑒻𑒞 𑒠𑒩𑓂𑒬𑒢!
𑒯𑒳𑒢𑒏𑒰 𑒣𑒻𑒮𑒰𑒏 𑒩𑒼𑒑 𑒢𑒻 𑒔𑒰𑒯𑒲 𑒞𑒿 𑒁𑓀𑒡𑓂𑒫𑒱𑒬𑓂𑒫𑒰𑒮𑒏 𑒩𑒼𑒑 𑒮𑒹𑒯𑒼 𑒢𑒻।
𑒮𑒦 𑒥𑒢𑒪 𑒕𑒻 𑒣𑒻𑒮𑒰 𑒩𑒼𑒑𑒲,
𑒁𑒢𑓂𑒡𑒢𑒫𑒱𑒬𑓂𑒫𑒰𑒮, 𑒏𑒳𑒩𑒲𑒞𑒏 𑒖𑒼𑒑𑒲
𑒧𑒳𑒠𑒰 𑒌 𑒪𑒹𑒪 𑒩𑒰𑒧𑒏 𑒞𑒲𑒩 𑒏𑒧𑒰𑒢 𑒔𑒰𑒯𑒲 𑒏𑒲? 𑒏𑒰𑒩𑒝 𑒞𑒃 𑒪𑒹𑒪 𑒞𑒿 𑒩𑒰𑒧𑒏 𑒁𑒫𑒞𑒰𑒩𑒏 𑒣𑓂𑒩𑒞𑒲𑒏𑓂𑒭𑒰 𑒏𑒩𑒋 𑒣𑒛𑓃𑒞। 𑒢𑒻, 𑒮𑓂𑒫𑒨𑓀𑒣𑒩 𑒏𑒩𑒴 𑒫𑒱𑒬𑓂𑒫𑒰𑒮, 𑒏𑒰𑒩𑒝 𑒖𑒿 𑒮𑒧𑒮𑓂𑒨𑒰 𑒁𑒯𑒰𑒿 𑒕𑒲 𑒞𑒿 𑒮𑒧𑒰𑒡𑒰𑒢 𑒮𑒹𑒯𑒼 𑒁𑒯𑒲𑓀।
𑒁𑒯𑒰𑒿 𑒥𑒱𑒢𑒰 𑒏𑒹 𑒄 𑒠𑒳𑒐 𑒯𑒩𑒞𑒻
𑒁𑒯𑒲𑓀𑒮𑒿 𑒄 𑒮𑒦 𑒠𑒰𑒢𑒫 𑒧𑒩𑒞𑒻
𑒏𑒪𑒧𑒏𑒹𑒿 𑒋𑒏 𑒥𑒹𑒩 𑒤𑒹𑒩 𑒥𑒢𑒰𑒥𑒴
𑒩𑒰𑒧𑒏 𑒞𑒲𑒩 𑒏𑒧𑒰𑒢 𑒨𑒾।

𑒂𑒣𑒮𑒲 𑒋𑒏𑒞𑒰𑒏 𑒧𑒯𑒞𑓂𑒫 𑒏𑒫𑒱 𑒢𑒲𑒏 𑒖𑒹𑒏𑒰𑒿 𑒥𑒳𑒗𑒻 𑒕𑒟𑒱, 𑒧𑒳𑒠𑒰 𑒋𑒏𑒞𑒰 𑒏𑒼𑒢𑒰 𑒂𑒍𑒞, 𑒞𑒏𑒩 𑒮𑒧𑒰𑒡𑒰𑒢 𑒠𑒹𑒐𑒴:
𑒋𑒏𑒞𑒰 𑒥𑒢𑒻𑒪𑒹 𑒮𑒯𑒋 𑒣𑒛𑓃𑒻 𑒕𑒻
𑒒𑒙𑒼 𑒪𑒑𑒰 𑒏𑓄 𑒥𑒯𑒋 𑒣𑒛𑓃𑒻 𑒕𑒻
𑒁𑒣𑒢 𑒑𑒪𑒞𑒣𑒩 𑒪𑒯𑒋 𑒣𑒛𑓃𑒻 𑒕𑒻।
𑒢𑒰𑒩𑒲𑒏 𑒮𑓂𑒟𑒱𑒞𑒱, 𑒮𑒹 𑒍 𑒢𑒰𑒩𑒲 𑒑𑒰𑒧𑒏 𑒯𑒼𑒟𑒱 𑒫𑒰 𑒍 𑒢𑒹𑒞𑒰 𑒢𑒹 𑒏𑒱𑒋 𑒥𑒢𑒱 𑒑𑒹𑒪 𑒯𑒼𑒟𑒱, 𑒁𑒐𑒢𑒼 𑒙𑒲𑒮 𑒅𑒚𑒥𑒻𑒞 𑒁𑒕𑒱, 𑒂 𑒏𑒫𑒱 𑒖𑒿 𑒗𑒰𑒩𑒴𑒠𑒰𑒩 𑒯𑒼𑒟𑒱 𑒞𑒿 𑒍𑒃 𑒙𑒲𑒮𑒏 𑒫𑒩𑓂𑒝 𑒋𑒢𑒰 𑒯𑒼𑒃𑒞 𑒁𑒕𑒱:
𑒢𑒰𑒩𑒲 𑒮𑒲𑒞𑒰 𑒩𑒰𑒡𑒰 𑒁𑓀𑒬,
𑒣𑒳𑒩𑒴𑒭 𑒥𑒢𑒪 𑒕𑒻 𑒩𑒰𑒫𑒝 𑒏𑓀𑒬।
𑒤𑒹𑒩 𑒏𑒼𑒢𑒰 𑒏𑓄 𑒔𑒪𑒞𑒻,
𑒄 𑒒𑒩 𑒠𑒳𑒢𑒱𑒨𑒰𑒿𑒠𑒰𑒩𑒲 𑒨𑒾।

𑒧𑒳𑒠𑒰 𑒞𑒏𑒩 𑒅𑒣𑒰𑒨, 𑒏𑒲 𑒣𑒳𑒩𑒳𑒭 𑒥𑒠𑒪𑒞 𑒢𑒰𑒩𑒲𑒏 𑒠𑒬𑒰? 𑒢𑒻, 𑒄 𑒂𑒞𑓂𑒧𑒫𑒱𑒬𑓂𑒫𑒰𑒮 𑒮𑓂𑒫𑒨𑓀 𑒢𑒰𑒩𑒲𑒧𑒹 𑒕𑒢𑓂𑒯𑒱, 𑒍 𑒬𑒱𑒏𑓂𑒭𑒰𑒏 𑒛𑒼𑒩 𑒣𑒏𑒛𑓃𑒞𑒲 𑒂…
𑒂𑒥 𑒢𑒻 𑒢𑒰𑒩𑒲 𑒩𑒯𑒥 𑒁𑒢𑒰𑒩𑒲,
𑒥𑒢𑒥𑒻 𑒮𑒐𑓂𑒞 𑒏𑒚𑒼𑒩 𑒨𑒾।
𑒞𑒿 𑒏𑒲 𑒫𑒋𑒯 𑒢𑒰𑒩𑒲 𑒫𑒰 𑒖𑒰𑒞𑒱-𑒣𑒰𑒞𑒱 𑒂𑒠𑒱𑒏 𑒮𑒧𑒮𑓂𑒨𑒰 𑒙𑒰 𑒣𑒩 𑒡𑓂𑒨𑒰𑒢 𑒕𑒢𑓂𑒯𑒱 𑒏𑒫𑒱𑒏? 𑒢𑒻, 𑒍 𑒣𑓂𑒩𑒠𑒴𑒭𑒝 𑒮𑒢 𑒫𑒱𑒖𑓂𑒘𑒰𑒢𑒏 𑒠𑒹𑒢𑒣𑒩 𑒮𑒹𑒯𑒼 𑒔𑒱𑒢𑓂𑒞𑒱𑒞 𑒕𑒟𑒱:
𑒫𑒱𑒖𑓂𑒘𑒰𑒢𑒏 𑒄 𑒠𑒹𑒢 𑒣𑓂𑒩𑒠𑒴𑒭𑒝
𑒥𑒢𑒱 𑒒𑒩 𑒒𑒳𑒮𑒪 𑒔𑒳𑒯𑒰𑒩 𑒨𑒾।
𑒥𑒰𑒒 𑒥𑒢𑒱 𑒄 𑒧𑒳𑒿𑒯 𑒥𑒾𑒢𑒹 𑒁𑒕𑒱
𑒠𑒳𑒱𑒢𑒨𑒰𑒿 𑒥𑒢𑒪 𑒮𑒱𑒏𑒰𑒩 𑒨𑒾

𑒂 𑒣𑓂𑒩𑒠𑒴𑒭𑒝 𑒏𑒼𑒢𑒰 𑒏𑒧 𑒯𑒋𑒞, 𑒮𑒹𑒯𑒼 𑒍 𑒢𑒫 𑒐𑒰𑒜𑓃𑒲𑒏𑒹𑒿 𑒩𑒰𑒯 𑒠𑒹𑒐𑒥𑒻 𑒕𑒟𑒱:
𑒃𑓀𑒖𑒢 𑒯𑒼 𑒣𑒴𑒩𑒰 𑒏𑓀𑒛𑒲𑒮𑒢
𑒡𑒳𑒂𑒿 𑒢𑒻 𑒕𑒼𑒛𑓃𑒻 𑒥𑒹𑒏𑒰𑒩 𑒨𑒾।
𑒏𑒩𑒴 𑒐𑒱𑒨𑒰𑒪 𑒏𑒱𑒕𑒳 𑒁𑒑𑒱𑒪𑒰 𑒣𑒱𑒜𑓃𑒲
𑒏𑒼𑒢𑒰 𑒩𑒔𑒞 𑒮𑓀𑒮𑒰𑒩 𑒨𑒾।
𑒂 𑒌 𑒣𑒩 𑒯𑒳𑒢𑒏𑒩 𑒋𑒏𑒙𑒰 𑒗𑒰𑒩𑒴 𑒮𑒹𑒯𑒼 𑒕𑒢𑓂𑒯𑒱, 𑒍 𑒫𑒢𑒹 𑒙𑒰 𑒢𑒻 𑒫𑒢𑒫𑒰𑒮𑒲𑒏 𑒮𑒹𑒯𑒼 𑒮𑓀𑒩𑒏𑓂𑒭𑒝 𑒔𑒰𑒯𑒻 𑒕𑒟𑒱:
𑒫𑒢 𑒗𑒲𑒪 𑒢𑒠𑒲 𑒂 𑒫𑒢𑒫𑒰𑒮𑒲
𑒣𑒯𑒰𑒩 𑒣𑒚𑒰𑒩 𑒮𑓀𑒑 𑒩𑒹𑒑𑒱𑒮𑓂𑒞𑒰𑒢।
𑒏𑒩𑒴 𑒮𑒳𑒩𑒏𑓂𑒭𑒰 𑒣𑒩𑓂𑒨𑒰𑒫𑒩𑒝 𑒏𑒹𑒩
𑒌 𑒮𑒿 𑒠𑒹𑒬 𑒥𑒢𑒞 𑒡𑒢𑒫𑒰𑒢॥

𑒠𑒯𑒹𑒖 𑒂 𑒏𑒰𑒙𑒩 𑒣𑓂𑒩𑒟𑒰𑒣𑒩 𑒩𑒰𑒧𑒠𑒹𑒫 𑒖𑒲 𑒪𑒱𑒐𑒻 𑒕𑒟𑒱:
𑒂𑒃 𑒯𑒩 𑒒𑒩𑒧𑒹 𑒮𑒲𑒞𑒰 𑒩𑒼𑒌 𑒕𑒻
𑒩𑒰𑒃𑒞-𑒩𑒰𑒃𑒞 𑒦𑒩𑒱 𑒢𑒻 𑒖𑒢𑒏 𑒮𑒳𑒞𑒻 𑒕𑒻
𑒏𑒞𑒋 𑒮𑒿 𑒋𑒞𑒻 𑒠𑒯𑒹𑒖𑒏 𑒣𑒻𑒮𑒰
𑒯𑒹𑒞𑒻 𑒏𑒹𑒢𑒰 𑒏𑒢𑓂𑒨𑒰𑒠𑒰𑒢 𑒨𑒾

𑒧𑒱𑒟𑒱𑒪𑒰𑒣𑒩 𑒗𑒰𑒩𑒴𑒠𑒰𑒩𑒏𑒹𑒿 𑒑𑒩𑓂𑒫 𑒕𑒢𑓂𑒯𑒱, 𑒏𑒼𑒢 𑒧𑒱𑒟𑒱𑒪𑒰𑒣𑒩:
𑒖𑒑𑒞𑒩𑒢𑒲 𑒖𑒞𑒋 𑒑𑓀𑒑𑒰 𑒡𑒰𑒩𑒰, 𑒖𑓂𑒨𑒼𑒞𑒱 𑒪𑒱𑓀𑒑 𑒏𑒹𑒩 𑒖𑒞𑒋 𑒅𑒖𑓂𑒨𑒰𑒩𑒰।
𑒯𑒖𑒩𑒞 𑒞𑒳𑒪𑒮𑒲 𑒫𑒰𑒪𑓂𑒧𑒱𑒏𑒏 𑒑𑒳𑒿𑒖𑒱 𑒩𑒯𑒪 𑒅𑒣𑒠𑒹𑒬।

𑒧𑒳𑒠𑒰 𑒥𑒱𑒯𑒰𑒩 𑒁𑒢𑓂𑒞𑒩𑓂𑒑𑒞 𑒖𑒹 𑒧𑒱𑒟𑒱𑒪𑒰 𑒕𑒻 𑒞𑒏𑒩 𑒠𑒬𑒰𑒣𑒩 𑒗𑒰𑒩𑒴𑒠𑒰𑒩 𑒔𑒱𑒢𑓂𑒞𑒱𑒞 𑒕𑒟𑒱 𑒂 𑒥𑒱𑒯𑒰𑒩𑒏 𑒧𑒳𑒐𑓂𑒨𑒧𑓀𑒞𑓂𑒩𑒲 𑒢𑒲𑒞𑒱𑒬 𑒏𑒳𑒧𑒰𑒩, 𑒖𑒹 𑒫𑒱𑒏𑒰𑒮 𑒣𑒳𑒞 𑒏𑒯𑒪 𑒖𑒰𑒃 𑒕𑒟𑒱 𑒯𑒳𑒢𑒏𑒰 𑒗𑒰𑒩𑒴𑒠𑒰𑒩 𑒏𑒱𑒕𑒳 𑒠𑒹𑒐𑒥𑓄 𑒔𑒰𑒯𑒻 𑒕𑒟𑒱:
𑒏𑒹𑒧𑒩𑒰𑒮𑒿 𑒞𑒮𑓂𑒫𑒲𑒩 𑒥𑒢𑒹𑒥𑒻
𑒧𑒱𑒟𑒱𑒪𑒰 𑒧𑒻𑒟𑒱𑒪 𑒣𑒩𑒱𑒫𑒰𑒩 𑒏𑒹𑒩।
𑒞𑒏𑒩𑒰 𑒠𑒹𑒐𑒹𑒥𑒻 𑒣𑒙𑒢𑒰 𑒖𑒰 𑒏𑓄
𑒫𑒱𑒏𑒰𑒮 𑒣𑒳𑒞 𑒢𑒲𑒱𑒞𑒬 𑒏𑒳𑒧𑒰𑒩𑒏𑒹𑒿।
𑒤𑒼𑒙𑒼 𑒥𑒢𑒹𑒥𑒻 𑒐𑒹𑒞 𑒁𑒮𑒱𑓀𑒔𑒱𑒞
𑒮𑒱𑓀𑒔𑒰𑒃 𑒣𑒰𑒢𑒱 𑒫𑒱𑒖𑒪𑒲𑒮𑒿 𑒫𑓀𑒔𑒱𑒞।

𑒧𑒰𑒢𑒫𑒞𑒰 𑒏𑒏𑒩𑒰𑒧𑒹 𑒯𑒹𑒞𑒻, 𑒧𑒰𑒢𑒫𑒹 𑒧𑒹 𑒢𑒹। 𑒂 𑒞𑒏𑒩𑒹 𑒢𑒹 𑒦𑒹𑒙𑒞𑒻 𑒠𑒳𑒢𑒱𑒨𑒰𑒿𑒏 𑒞𑒰𑒖 𑒂 𑒮𑒋𑒯 𑒢𑒹 𑒖𑒲𑒞𑒻 𑒥𑒢𑒱 𑒗𑒰𑒩𑒴𑒠𑒰𑒩!

𑒞𑒰𑒖 𑒧𑒱𑒪𑒻 𑒮𑒧𑓂𑒣𑒴𑒩𑓂𑒝 𑒖𑒑𑒞𑒏
𑒂 𑒥𑒢𑒱 𑒖𑒲𑒥𑒋 𑒗𑒰𑒩𑒴𑒠𑒰𑒩
𑒧𑒰𑒢𑒫𑒧𑒹 𑒧𑒰𑒢𑒫𑒞𑒰 𑒯𑒼𑒃 𑒞𑒿
𑒥𑒠𑒪𑒻 𑒢𑒻 𑒍𑒏𑒩 𑒁𑒫𑒞𑒰𑒩

𑒞𑒿 𑒗𑒰𑒩𑒴 𑒂 𑒑𑒲𑒞, 𑒖𑒹 𑒥𑒼𑒢-𑒗𑒰𑒿𑒏𑒳𑒩𑒧𑒹 𑒐𑒹𑒞-𑒣𑒟𑒰𑒩𑒧𑒹 𑒒𑒳𑒧𑒻𑒞-𑒤𑒱𑒩𑒻𑒞 𑒪𑒱𑒐𑒰𑒋𑒪 𑒮𑒹 𑒞𑒿 𑒫𑒱𑒬𑒱𑒭𑓂𑒙 𑒯𑒹𑒥𑒹 𑒏𑒩𑒞𑒻 𑒂 𑒍𑒏𑒩 𑒪𑒱𑒐𑒻𑒥𑒪𑒰𑒏𑒹𑒿 𑒮𑒹 𑒞𑒰𑒖 𑒦𑒹𑒙𑒥𑒹 𑒏𑒩𑒞𑒻। 𑒧𑒱𑒟𑒱𑒪𑒰𑒏 𑒦𑒱𑒐𑒰𑒩𑒲 𑒚𑒰𑒏𑒳𑒩 𑒍𑒃 𑒞𑒰𑒖𑒏𑒹𑒿 𑒣𑒯𑒲𑒩𑒱 𑒗𑒰𑒩𑒴𑒠𑒰𑒩 𑒏𑒯𑒹𑒥𑒹 𑒏𑒩𑒞𑒻।











𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩- 𑒧𑒳𑒢𑓂𑒢𑒰𑒖𑒲𑒏 “𑒧𑒰𑒿𑒗 𑒂𑓀𑒑𑒢𑒧𑒹 𑒏𑒞𑒱𑒂𑒋𑒪 𑒕𑒲”
“𑒧𑒰𑒿𑒗 𑒂𑓀𑒑𑒢𑒧𑒹 𑒏𑒞𑒱𑒂𑒋𑒪 𑒕𑒲” 𑒧𑒳𑒢𑓂𑒢𑒰𑒖𑒲𑒏 𑒩𑒳𑒥𑒰𑒃 𑒂 𑒑𑒖𑒪 𑒮𑓀𑒑𑓂𑒩𑒯𑒏 𑒢𑒰𑒧 𑒁𑒕𑒱। 𑒏𑒞𑒱𑒂𑒋𑒪 𑒂 𑒮𑒹𑒯𑒼 𑒧𑒰𑒿𑒗 𑒂𑓀𑒑𑒢𑒧𑒹! 𑒏𑒲 𑒏𑒥𑒲𑒩𑒏 𑒅𑒪𑒙𑒥𑒰𑒮𑒲𑒏 𑒣𑓂𑒩𑒦𑒰𑒫 𑒁𑒕𑒱 𑒄 𑒂𑒏𑒱 𑒑𑒖𑒪𑒏 𑒮𑓂𑒫𑒦𑒰𑒫 𑒁𑒕𑒱 𑒄? 𑒢𑒯𑒱𑒨𑒹 𑒄 𑒏𑒥𑒲𑒩𑒏 𑒅𑒪𑒙𑒥𑒰𑒮𑒲𑒏 𑒣𑓂𑒩𑒦𑒰𑒫 𑒁𑒕𑒱 𑒢𑒯𑒱𑒨𑒹 𑒄 𑒑𑒖𑒪𑒏 𑒮𑓂𑒫𑒦𑒰𑒫 𑒁𑒕𑒱, 𑒄 𑒋𑒏𑒙𑒰 𑒨𑒟𑒰𑒩𑓂𑒟 𑒁𑒕𑒱। 𑒧𑒳𑒢𑓂𑒢𑒰𑒖𑒲 𑒮𑒢 𑒏𑒞𑒹𑒏𑒼 𑒪𑒼𑒏 𑒏𑒞𑒱𑒂𑒋𑒪 𑒕𑒟𑒱, 𑒣𑓂𑒩𑒞𑒱𑒦𑒰 𑒁𑒕𑒻𑒞 𑒯𑒹𑒩𑒰𑒋𑒪 𑒕𑒟𑒱। 𑒧𑒳𑒠𑒰 𑒑𑒖𑒪𑒏𑒰𑒩 𑒮𑒦𑒙𑒰 𑒠𑒼𑒐 𑒁𑒣𑒢𑒹𑒣𑒩 𑒪𑓄 𑒪𑒻 𑒕𑒟𑒱।
𑒂𑒥 𑒞𑒿 𑒧𑒰𑒿𑒗 𑒂𑓀𑒑𑒢𑒧𑒹 𑒏𑒞𑒱𑒂𑒋𑒪 𑒕𑒲
𑒁𑒣𑒢𑒹 𑒔𑒰𑒪𑒱𑒮𑒿 𑒂𑒥 𑒥𑒹𑒩𑒰 𑒑𑒹𑒪𑒯𑒳𑒿 𑒯𑒧

𑒂 𑒮𑒋𑒯 𑒏𑒰𑒩𑒝 𑒁𑒕𑒱 𑒖𑒹 𑒍 𑒢𑒼𑒩𑒏 𑒮𑒳𑒐 𑒦𑒼𑒑𑓄 𑒪𑒰𑒑𑒻 𑒕𑒟𑒱।
𑒢𑒼𑒩 𑒞𑒿 𑒐𑒮𑒻𑒋 𑒧𑒳𑒠𑒰 𑒧𑒖𑒰 𑒮𑒢 𑒪𑒑𑒻𑒋
𑒏𑒹𑒯𑒢 𑒢𑒲𑒏 𑒣𑓂𑒩𑒹𑒧𑒏 𑒠𑒳𑒐 𑒪𑒹𑒪𑒯𑒳𑒿 𑒯𑒧

𑒥𑒛𑓃𑒏𑒰 𑒐𑒰𑒡𑒱𑒧𑒹 𑒐𑒮𑒻 𑒕𑒟𑒱 𑒂 𑒞𑒯𑒴 𑒪𑒹𑒪 𑒁𑒣𑒢𑒹𑒏𑒹𑒿 𑒠𑒼𑒐𑒲 𑒧𑒰𑒢𑒻 𑒕𑒟𑒱:
𑒕𑒼𑒙𑒏𑒼 𑒚𑒹𑒮𑒮𑒿 𑒢𑒻 𑒮𑒥𑒏 𑒪𑒹𑒪𑒯𑒳𑒿 𑒯𑒧
𑒞𑒿𑒋 𑒥𑒛𑓃𑒏𑒰 𑒐𑒰𑒡𑒱𑒧𑒹 𑒐𑒮𑒱 𑒑𑒹𑒪𑒯𑒳𑒿 𑒯𑒧

𑒞𑒿 𑒏𑒲 𑒑𑒖𑒪𑒏𑒰𑒩 𑒣𑓂𑒩𑒹𑒧𑒏 𑒧𑒯𑒞𑓂𑒫 𑒥𑒱𑒮𑒩𑒱 𑒑𑒹𑒪 𑒕𑒟𑒱, 𑒢𑒻 𑒣𑓂𑒩𑒹𑒧 𑒞𑒿 𑒮𑒦𑒏𑒹𑒿 𑒔𑒰𑒯𑒲।
𑒮𑒦 𑒅𑒧𑒹𑒩 𑒫𑒩𑓂𑒑𑒏𑒹𑒿 𑒣𑓂𑒩𑒹𑒧 𑒔𑒰𑒯𑒲
𑒧𑒩𑒱𑒞𑒼 𑒡𑒩𑒱 𑒏𑒳𑒬𑒪-𑒕𑒹𑒧 𑒔𑒰𑒯𑒲

𑒂 𑒯𑒱𑒢𑒏𑒰 𑒖𑒿 𑒏𑒼𑒮 𑒠𑒴-𑒏𑒼𑒮 𑒧𑒰𑒞𑓂𑒩 𑒔𑒪𑒥𑒰𑒏 𑒩𑒯𑒱𑒞𑒢𑓂𑒯𑒱 𑒞𑒐𑒢 𑒢𑒹, 𑒯𑒱𑒢𑒏𑒰 𑒞𑒿 𑒥𑒯𑒳𑒞 𑒂𑒑𑒰𑒿 𑒥𑒜𑓃𑒥𑒰𑒏 𑒕𑒢𑓂𑒯𑒱 𑒞𑒹𑒿 𑒣𑓂𑒩𑒹𑒧 𑒔𑒰𑒯𑒲।
𑒛𑒰𑒯𑒮𑒿 𑒣𑒯𑒳𑒿𑒔𑒥 𑒏𑒼𑒮-𑒠𑒴 𑒏𑒼𑒮
𑒂𑒑𑒴 𑒥𑒜𑓃𑒥𑒰 𑒪𑒹𑒪 𑒞𑒿 𑒣𑓂𑒩𑒹𑒧 𑒔𑒰𑒯𑒲

𑒂 𑒮𑒹 𑒮𑒦 𑒚𑒰𑒧। 𑒋𑒏𑒙𑒰 𑒯𑒧𑒩 𑒮𑓀𑒑𑒲 𑒕𑒪, 𑒋𑒏𑒙𑒰 𑒣𑒩𑒲𑒏𑓂𑒭𑒰𑒧𑒹 𑒙𑒰𑒣 𑒏𑒹𑒪𑒏 𑒞𑒿 𑒥𑒰𑒖𑒪- 𑒢𑒻 𑒏𑒧𑓂𑒣𑒲𑒙 𑒏𑒩𑒻 𑒕𑒲 𑒞𑒿 𑒢𑒻 𑒏𑒩𑒻 𑒕𑒲, 𑒂 𑒏𑒩𑒻 𑒕𑒲 𑒞𑒿 𑒙𑒰𑒣 𑒏𑒩𑒻 𑒕𑒲। 𑒍 𑒑𑒖𑒪𑒏𑒰𑒩 𑒢𑒻 𑒕𑒪 𑒖𑒿 𑒩𑒯𑒱𑒞𑒋 𑒞𑒿 𑒁𑒯𑒱𑒢𑒰 𑒪𑒱𑒐𑒱𑒞𑒋 𑒖𑒹𑒢𑒰 𑒧𑒳𑒢𑓂𑒢𑒰𑒖𑒲 𑒪𑒱𑒐𑒻 𑒕𑒟𑒱:
𑒥𑒠𑒩𑒲 𑒪𑒰𑒠𑒪 𑒩𑒯𑒻 𑒏𑒼𑒢𑒼 𑒥𑒰𑒞 𑒢𑒻
𑒖𑒠𑒱 𑒥𑒩𑒮𑒲 𑒞𑒿 𑒥𑒩𑒱𑒮𑒰𑒞 𑒥𑒢𑒱 𑒏𑓄

𑒂 𑒢𑒖𑒩𑒱-𑒢𑒖𑒩𑒱𑒏 𑒤𑒹𑒩 𑒂 𑒯𑒰𑒤 𑒑𑓂𑒪𑒰𑒮 𑒤𑒳𑒪, 𑒄 𑒠𑒳𑒢𑒴 𑒙𑒰 𑒁𑒫𑒡𑒰𑒩𑒝𑒰 𑒌 𑒩𑒴𑒣𑒧𑒹 𑒍 𑒩𑒰𑒐𑒻 𑒕𑒟𑒱:
𑒢𑒖𑒩𑒱 𑒅𑒚𑒰 𑒏𑓄 𑒠𑒹𑒐𑒥𑒻 𑒞𑒿 𑒐𑒰𑒪𑒲 𑒥𑒳𑒗𑒰𑒋𑒞 𑒄 𑒠𑒳𑒢𑒱𑒨𑒰𑒿
𑒢𑒖𑒩𑒱 𑒑𑒩𑒰 𑒏𑓄 𑒠𑒹𑒐𑒥𑒻 𑒞𑒿 𑒮𑒦 𑒠𑒹𑒐𑒰𑒋𑒞 𑒄 𑒠𑒳𑒢𑒱𑒨𑒰𑒿

𑒮𑒧𑒰𑒪𑒼𑒔𑒢𑒰 𑒂 𑒫𑒱𑒩𑒼𑒡 𑒠𑒳𑒢𑒴𑒏𑒹𑒿 𑒑𑒖𑒪𑒏𑒰𑒩 𑒢𑒲𑒏 𑒧𑒰𑒢𑒻 𑒕𑒟𑒱।
𑒣𑒏𑓂𑒭𑒡𑒩𑒮𑒿 𑒩𑒰𑒐𑒴 𑒁𑒣𑒢𑒰𑒏𑒹𑒿 𑒥𑒔𑒰 𑒏𑓄
𑒫𑒱𑒣𑒏𑓂𑒭𑒲𑒏 𑒮𑒦 𑒥𑒰𑒞𑒏𑒹𑒿 𑒢𑒻 𑒞𑒲𑒞 𑒥𑒳𑒗𑒴

𑒧𑒯𑒑𑒰𑒃𑒮𑒿 𑒪𑒼𑒏 𑒥𑒹𑒏𑒪 𑒁𑒕𑒱 𑒧𑒳𑒠𑒰 𑒞𑒏𑒩𑒰 𑒪𑒹𑒪 𑒗𑒳𑒧𑒻𑒞 𑒧𑒔𑒰𑒢𑒏 𑒥𑒱𑒧𑓂𑒥 𑒠𑒹𑒐𑒴:
𑒧𑒯𑒑𑒰𑒃𑒮𑒿 𑒐𑒴𑒢𑒹 𑒢𑒻 𑒯𑒛𑓂𑒛𑒱𑒨𑒼 𑒮𑒳𑒐𑒰𑒃𑒋
𑒂𑒥 𑒗𑒳𑒪𑒻𑒞 𑒧𑒔𑒰𑒢 𑒮𑒢 𑒪𑒑𑒻𑒋 𑒪𑒼𑒏

𑒂 𑒄 𑒅𑒪𑒙𑒥𑒰𑒮𑒲 𑒠𑒹𑒐𑒴, 𑒥𑒱𑒧𑓂𑒥 𑒢𑒫, 𑒦𑒰𑒫𑒢𑒰 𑒬𑒰𑒬𑓂𑒫𑒞:
𑒯𑒧 𑒞𑒿 𑒒𑒴𑒩 𑒖𑒛𑓃𑒹𑒪𑒾𑓀 𑒑𑒩𑓂𑒧𑒲 𑒧𑒰𑒮𑒧𑒹
𑒧𑒱𑒗𑒰𑒋𑒪 𑒂𑒑𑒱𑒮𑒿 𑒣𑒮𑒰𑒯𑒲 𑒏𑒯𑒱𑒨𑒼

𑒄 𑒏𑒼𑒢 𑒑𑒼𑒭𑓂𑒚𑒲 𑒕𑒲 𑒖𑒹 𑒁𑒕𑒱 𑒏𑒼𑒢 𑒣𑒞𑓂𑒩𑒱𑒏𑒰𑒏 𑒣𑓂𑒩𑒰𑒨𑒼𑒖𑒱𑒞 𑒔𑒱𑒙𑓂𑒚𑒲 𑒕𑒣𑒥𑒰𑒏 𑒩𑒰𑒖𑒢𑒲𑒞𑒱 𑒮𑒢, 𑒄 𑒩𑒳𑒥𑒰𑒃 𑒠𑒹𑒐𑒴:
𑒧𑒼𑒢 𑒦𑒋 𑒅𑒚𑒪 𑒠𑒳𑒐𑒱𑒞 𑒯𑒼𑒯𑒏𑒰𑒩𑒲𑒮𑒿
𑒅𑒚𑒱 𑒠𑒩𑓂𑒬𑒏 𑒦𑒰𑒑𑒪 𑒧𑒰𑒩𑒰𑒧𑒰𑒩𑒲𑒮𑒿
𑒣𑓂𑒩𑒰𑒨𑒼𑒖𑒏 𑒞𑒿 𑒣𑒟𑒢𑒹 𑒩𑒯𑒪 𑒏𑒰𑒢 𑒁𑒣𑒢
𑒏𑒩𑓂𑒞𑒰 𑒠𑒹𑒐𑒰𑒩 𑒦𑒹𑒪𑒰 𑒖𑒞𑒱𑒨𑒰𑒩𑒲𑒮𑒿

𑒧𑒳𑒠𑒰 𑒥𑒰𑒜𑓃𑒱𑒏 𑒫𑒱𑒭𑒨 𑒖𑒿 𑒧𑒻𑒟𑒱𑒪𑒲 𑒑𑒖𑒪𑒏 𑒁𑓀𑒑 𑒢𑒻 𑒥𑒢𑒋 𑒞𑒿 𑒥𑒳𑒗𑒴 𑒖𑒹 𑒑𑒖𑒪𑒏𑒰𑒩 𑒮𑒧𑒰𑒖𑒮𑒿 𑒏𑒞𑒱𑒂𑒋𑒪 𑒕𑒟𑒱। 𑒧𑒳𑒠𑒰 𑒮𑒹 𑒢𑒻 𑒁𑒕𑒱।
𑒡𑒰𑒩 𑒋𑒐𑒢 𑒡𑒩𑒱 𑒞𑒿 𑒅𑒤𑒰𑒢𑒣𑒩 𑒁𑒕𑒱
𑒪𑒼𑒏 𑒞𑒰𑒏𑒰-𑒞𑒰𑒏𑒲 𑒏𑒩𑒻𑒞 𑒥𑒰𑒢𑓂𑒯𑒣𑒩 𑒁𑒕𑒱

𑒂𑒥 𑒣𑒛𑓃𑒰𑒃𑒢 𑒒𑒙𑒪 𑒁𑒕𑒱, 𑒧𑒱𑒟𑒱𑒪𑒰𑒮𑒿 𑒣𑒛𑓃𑒰𑒃𑒢। 𑒥𑒰𑒯𑒩𑒲 𑒪𑒼𑒏 𑒥𑒱𑒯𑒰𑒩𑒲𑒏𑒹𑒿 𑒧𑒖𑒠𑒴𑒩 𑒂 𑒬𑓂𑒩𑒧𑒱𑒏𑒏 𑒣𑒩𑓂𑒨𑒰𑒨𑒫𑒰𑒔𑒲 𑒧𑒰𑒢𑒱 𑒪𑒹𑒢𑒹 𑒕𑒟𑒱। 𑒞𑒯𑒴𑒣𑒩 𑒑𑒖𑒪𑒏𑒰𑒩𑒏 𑒏𑒪𑒧 𑒔𑒪𑒪 𑒁𑒕𑒱।
𑒥𑒱𑒯𑒰𑒩𑒏 𑒮𑒱𑒩𑒐𑒰𑒩𑒲 𑒥𑒠𑒪𑒱 𑒑𑒹𑒪 𑒮𑒢 𑒪𑒑𑒻𑒋 𑒂𑒥
𑒬𑓂𑒩𑒧𑒱𑒏 𑒒𑒙𑒪𑒰𑒮𑒿 𑒏𑓀𑒣𑒢𑒲-𑒧𑒰𑒪𑒱𑒏 𑒪𑒑𑒻 𑒥𑒱𑒯𑒰𑒩𑒲 𑒖𑒏𑒰𑒿

𑒧𑒳𑒢𑓂𑒢𑒰𑒖𑒲𑒏 𑒑𑒖𑒪 𑒂 𑒩𑒳𑒥𑒰𑒃 𑒮𑓂𑒫𑒔𑓂𑒕𑒢𑓂𑒠 𑒩𑒴𑒣𑒮𑒿 𑒥𑒧𑒏𑒼𑒪𑒰 𑒖𑒹𑒏𑒰𑒿 𑒥𑒯𑒪 𑒁𑒕𑒱। 𑒬𑒹𑒩𑒏 𑒮𑓂𑒫𑒦𑒰𑒫 𑒯𑒼𑒃 𑒕𑒻 𑒖𑒹 𑒖𑒿 𑒍𑒏𑒩𑒰 𑒢𑒲𑒏𑒮𑒿 𑒏𑒯𑒪 𑒖𑒰𑒋 𑒞𑒿 𑒂𑒯-𑒥𑒰𑒯 𑒪𑒼𑒏 𑒏𑒩𑒱𑒞𑒹 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒑𑒖𑒪-𑒩𑒳𑒥𑒰𑒃 𑒖𑒃 𑒞𑒩𑒯𑒹𑒿 𑒣𑓂𑒩𑒮𑒰𑒩𑒱𑒞 𑒦𑓄 𑒩𑒯𑒪 𑒁𑒕𑒱 𑒮𑒹 𑒠𑒹𑒐𑒱 𑒏𑓄 𑒨𑒋𑒯 𑒪𑒰𑒑𑒱 𑒩𑒯𑒪 𑒁𑒕𑒱 𑒖𑒹 𑒖𑒞𑒹𑒏 𑒄 𑒫𑒱𑒡𑒰 𑒁𑒣𑒢𑒰𑒏𑒹𑒿 𑒣𑒮𑒰𑒩𑒱 𑒩𑒯𑒪 𑒁𑒕𑒱 𑒞𑒃𑒮𑒿 𑒥𑒹𑒬𑒲 𑒧𑒻𑒟𑒱𑒪𑒲 𑒪𑒰𑒦𑒰𑒢𑓂𑒫𑒱𑒞 𑒦𑓄 𑒣𑒮𑒩𑒱 𑒩𑒯𑒪 𑒁𑒕𑒱।









𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩
𑒧𑒳𑒢𑓂𑒢𑒰𑒖𑒲𑒏 𑒧𑒻𑒟𑒱𑒪𑒲 𑒫𑒱𑒯𑒢𑒱 𑒏𑒟𑒰𑒏 𑒮𑓀𑒑𑓂𑒩𑒯 “𑒣𑓂𑒩𑒞𑒲𑒏”
𑒧𑒳𑒢𑓂𑒢𑒰𑒖𑒲𑒏 𑒧𑒻𑒟𑒱𑒪𑒲 𑒫𑒱𑒯𑒢𑒱 𑒏𑒟𑒰𑒏 𑒮𑓀𑒑𑓂𑒩𑒯 “𑒣𑓂𑒩𑒞𑒲𑒏” 𑒫𑒱𑒯𑒢𑒱 𑒏𑒟𑒰𑒏 𑒣𑓂𑒩𑒞𑒲𑒏𑒰𑒞𑓂𑒧𑒏𑒞𑒰𑒏 𑒣𑓂𑒩𑒞𑒲𑒏 𑒥𑒢𑒱 𑒑𑒹𑒪 𑒁𑒕𑒱। 𑒥𑒱𑒩𑒰𑒩𑒮𑒿 𑒫𑒱𑒯𑒢𑒱 𑒅𑒣𑒰𑒩𑒱 𑒡𑒰𑒢 𑒂 𑒧𑒹𑒩𑒔𑒰𑒃 𑒩𑒼𑒣𑒥𑒰𑒏 𑒣𑓂𑒩𑒏𑓂𑒩𑒱𑒨𑒰 𑒌 𑒮𑓀𑒑𑓂𑒩𑒯𑒏 𑒮𑒦 𑒏𑒟𑒰 𑒮𑒦𑒧𑒹 𑒠𑒹𑒐𑒧𑒰𑒧𑒹 𑒂𑒍𑒞। 𑒞𑒹𑒿 𑒄 𑒕𑒱𑒙𑒳𑒂 𑒢𑒻 𑒩𑒼𑒣𑒳𑒂 𑒡𑒰𑒢𑒏 𑒐𑒹𑒞𑒲 𑒥𑒢𑒱 𑒑𑒹𑒪 𑒁𑒕𑒱। 𑒞𑒲𑒢 𑒧𑒼𑒢𑒏 𑒏𑒙𑓂𑒚𑒰 𑒮𑒦 𑒑𑒼𑒙𑒹 𑒮𑒳𑒢𑒻𑒞 𑒯𑒼𑒋𑒥, 𑒧𑒳𑒠𑒰 𑒋𑒞𑓄 𑒠𑒹𑒐𑒥।
𑒫𑒱𑒯𑒢𑒱 𑒏𑒟𑒰 𑒯𑒰𑒮𑓂𑒨 𑒏𑒝𑒱𑒏𑒰 𑒢𑒻 𑒁𑒕𑒱, 𑒄 𑒏𑒟𑒰𑒏 𑒖𑒛𑓃𑒱 𑒁𑒕𑒱, 𑒥𑒲𑒂 𑒁𑒕𑒱, 𑒕𑒱𑒙𑒳𑒂 𑒡𑒰𑒢𑒮𑒿 𑒦𑒹𑒪 𑒣𑒾𑒡 𑒂 𑒫𑒱𑒯𑒢𑒱𑒮𑒿 𑒦𑒹𑒪 𑒣𑒾𑒡𑒧𑒹 𑒥𑒛𑓂𑒛 𑒁𑒢𑓂𑒞𑒩 𑒕𑒻। 𑒕𑒱𑒙𑒳𑒂 𑒡𑒰𑒢 𑒤𑒾𑒠𑒰𑒃 𑒢𑒻 𑒕𑒻। 𑒮𑒹 𑒯𑒰𑒮𑓂𑒨 𑒏𑒝𑒱𑒏𑒰 𑒥𑒱𑒚𑒳𑒏𑒙𑓂𑒙𑒰 𑒯𑒼𑒃 𑒕𑒻, 𑒌 𑒧𑒹 𑒯𑒿𑒮𑒲 𑒁𑒥𑒻 𑒕𑒻, 𑒧𑒳𑒠𑒰 𑒍 𑒕𑒱𑒙𑒳𑒂 𑒡𑒰𑒢 𑒖𑒹𑒏𑒰𑒿 𑒁𑒕𑒱। 𑒠𑒼𑒮𑒩 𑒥𑒹𑒩 𑒍𑒃 𑒥𑒱𑒚𑒳𑒏𑒙𑓂𑒙𑒰 𑒏𑒟𑒰𑒏𑒹𑒿, 𑒯𑒰𑒮𑓂𑒨 𑒏𑒝𑒱𑒏𑒰𑒏𑒹𑒿 𑒮𑒳𑒢𑒥 𑒞𑒿 𑒢𑒹 𑒯𑒿𑒮𑒱𑒨𑒹 𑒪𑒰𑒑𑒞 𑒂 𑒢𑒯𑒱𑒨𑒹 𑒕𑒑𑒳𑒝𑒞𑒹। 𑒞𑒐𑒢 𑒖𑒿 𑒥𑒱𑒢𑒳 𑒮𑒱𑒗𑒢𑒹 𑒫𑒱𑒯𑒢𑒱 𑒏𑒟𑒰 𑒪𑒱𑒐𑒰𑒋𑒞, 𑒥𑒱𑒢𑒳 𑒮𑒱𑒗𑒹𑒢𑒹 𑒫𑒱𑒯𑒢𑒱 𑒏𑒟𑒰 𑒪𑒱𑒐𑒥 𑒞𑒿 𑒪𑒞𑒲𑒤𑒰 𑒥𑒢𑒥𑒹 𑒙𑒰 𑒏𑒩𑒞। 𑒂 𑒯𑒰𑒮𑓂𑒨 𑒏𑒝𑒱𑒏𑒰 𑒫𑒱𑒯𑒢𑒱, 𑒪𑒒𑒳 𑒂 𑒠𑒲𑒩𑓂𑒒 𑒏𑒟𑒰 𑒫𑒰 𑒅𑒣𑒢𑓂𑒨𑒰𑒮𑒧𑒹 𑒪𑒹𑒐𑒏𑒲𑒨 𑒮𑒰𑒧𑒩𑓂𑒟𑓂𑒨𑒏 𑒁𑒢𑒳𑒮𑒰𑒩 𑒣𑓂𑒩𑒨𑒳𑒏𑓂𑒞 𑒯𑒼𑒃𑒞 𑒩𑒯𑒪 𑒁𑒕𑒱 𑒂 𑒯𑒼𑒃𑒞 𑒩𑒯𑒞।
𑒧𑒳𑒠𑒰 𑒅𑒮𑒢𑒰 𑒡𑒰𑒢𑒮𑒿 𑒥𑒱𑒩𑒰𑒛𑓃𑒧𑒹 𑒫𑒱𑒯𑒢𑒱 𑒢𑒻 𑒥𑒯𑒩𑒰𑒋𑒞। 𑒮𑒹 𑒥𑒱𑒢𑒳 𑒅𑒮𑒲𑒢𑒢𑒹 𑒥𑒲𑒂 𑒥𑒰𑒅𑒑 𑒏𑒩𑓄 𑒣𑒛𑓃𑒞। 𑒥𑒱𑒢𑒳 𑒅𑒮𑒲𑒢𑒢𑒹 𑒮𑒱𑒗𑒰𑒥𑓄 𑒣𑒛𑓃𑒞 𑒂 𑒞𑒃 𑒪𑒹𑒪 𑒥𑒹𑒬𑒲 𑒧𑒹𑒯𑒢𑒞𑒱 𑒏𑒩𑓄 𑒣𑒛𑓃𑒞। 𑒂 𑒥𑒲𑒂 𑒕𑒲𑒙𑒥 𑒞𑒻𑒨𑒼 𑒮𑒦 𑒡𑒰𑒢𑒮𑒿 𑒫𑒱𑒯𑒢𑒱 𑒢𑒻 𑒥𑒯𑒩𑒰𑒋𑒞, 𑒏𑒱𑒕𑒳 𑒮𑒿 𑒢𑒯𑒱𑒨𑒼 𑒥𑒯𑒩𑒰𑒋𑒞। 𑒮𑒹 𑒫𑒱𑒯𑒢𑒱 𑒏𑒟𑒰𑒏𑒹𑒿 𑒮𑒤𑒪 𑒯𑒹𑒥𑒰𑒏 𑒣𑓂𑒩𑒞𑒱𑒬𑒞 𑒏𑒧 𑒕𑒻, 𑒪𑒒𑒳𑒏𑒟𑒰𑒏 𑒮𑒤𑒪𑒞𑒰𑒏 𑒣𑓂𑒩𑒞𑒱𑒬𑒞 𑒏𑒢𑒹 𑒥𑒹𑒬𑒲 𑒕𑒻, 𑒠𑒲𑒩𑓂𑒒-𑒏𑒟𑒰 𑒂 𑒅𑒣𑒢𑓂𑒨𑒰𑒮𑒏 𑒮𑒤𑒪𑒞𑒰𑒏 𑒣𑓂𑒩𑒞𑒱𑒬𑒞 𑒂𑒩 𑒥𑒹𑒬𑒲 𑒕𑒻। 𑒧𑒳𑒠𑒰 𑒅𑒣𑒢𑓂𑒨𑒰𑒮 𑒗𑓀𑒗𑒙𑒱𑒨𑒰 𑒏𑒰𑒖 𑒕𑒻, 𑒧𑒼𑒢 𑒒𑒼𑒩 𑒏𑓄 𑒠𑒻 𑒕𑒻, 𑒥𑒹𑒬𑒲 𑒮𑒧𑒋 𑒪𑒰𑒑𑒻 𑒕𑒻। 𑒫𑒱𑒯𑒢𑒱 𑒏𑒟𑒰 𑒡𑒰𑒿𑒃-𑒡𑒰𑒿𑒃 𑒪𑒱𑒐𑒰𑒃 𑒕𑒻। 𑒧𑒳𑒠𑒰 𑒖𑒯𑒱𑒢𑒰 𑒏𑒫𑒱𑒞𑒰 𑒪𑒹𑒪 𑒂𑒫𑒹𑒑 𑒔𑒰𑒯𑒲 𑒞𑒯𑒱𑒢𑒰 𑒫𑒱𑒯𑒢𑒱 𑒏𑒟𑒰 𑒪𑒹𑒪, 𑒢𑒻 𑒞𑒿 𑒢𑒹 𑒡𑒰𑒿𑒃-𑒡𑒰𑒿𑒃 𑒪𑒱𑒐𑒹𑒥𑒹 𑒏𑒩𑒞 𑒂 𑒣𑒠𑓂𑒨𑒏 𑒑𑒠𑓂𑒨 𑒂 𑒑𑒠𑓂𑒨𑒏 𑒣𑒠𑓂𑒨 𑒥𑒢𑒥𑒰𑒏 𑒂𑒬𑓀𑒏𑒰 𑒮𑒹𑒯𑒼 𑒩𑒯𑒞। 𑒮𑒦 𑒅𑒣𑒢𑓂𑒨𑒰𑒮𑒏𑒰𑒩 𑒏𑒞𑒹𑒏 𑒩𑒰𑒮 𑒫𑒱𑒯𑒢𑒱 𑒅𑒣𑒰𑒛𑓃𑒱 𑒏𑓄 𑒮𑒖𑒥𑒻𑒋। 𑒅𑒣𑒢𑓂𑒨𑒰𑒮 𑒑𑒠𑓂𑒨 𑒕𑒱𑒌 𑒧𑒳𑒠𑒰 𑒍𑒃𑒧𑒹 𑒏𑒼𑒢𑒼 𑒣𑒰𑒞𑓂𑒩 𑒖𑒿 𑒑𑒲𑒞 𑒑𑒰𑒥𑓄 𑒪𑒰𑒑𑒋 𑒞𑒿 𑒍𑒏𑒩𑒰 𑒁𑒯𑒰𑒿 𑒩𑒼𑒏𑒱 𑒠𑒹𑒥𑒻? 𑒖𑒹 𑒅𑒣𑒢𑓂𑒨𑒰𑒮𑒏𑒰𑒩 𑒩𑒯𑒻𑒋 𑒍 𑒫𑒱𑒯𑒢𑒱 𑒠𑒹𑒐𑒱 𑒅𑒣𑒢𑓂𑒨𑒰𑒮𑒏 𑒡𑒢𑒐𑒹𑒞𑒲 𑒠𑒹𑒐𑓄 𑒪𑒑𑒻𑒋, 𑒏𑒐𑒢𑒼 𑒍 𑒫𑒱𑒯𑒢𑒱 𑒏𑒟𑒰 𑒪𑒱𑒐𑒱𑒨𑒼 𑒠𑒻𑒋, 𑒤𑒹𑒩 𑒪𑒼𑒦 𑒮𑓀𑒫𑒩𑒝 𑒢𑒻 𑒦𑒹𑒪𑒰𑒮𑒿 𑒍𑒃 𑒫𑒱𑒯𑒢𑒱𑒏 𑒣𑓂𑒩𑒨𑒼𑒑 𑒅𑒣𑒢𑓂𑒨𑒰𑒮𑒧𑒹, 𑒠𑒲𑒩𑓂𑒒𑒏𑒟𑒰𑒧𑒹, 𑒪𑒒𑒳𑒏𑒟𑒰𑒧𑒹 𑒮𑒹𑒯𑒼 𑒏𑒩𑒻𑒋।
𑒞𑒐𑒢 𑒧𑒳𑒢𑓂𑒢𑒰𑒖𑒲𑒏 𑒫𑒱𑒯𑒢𑒱 𑒏𑒟𑒰𑒏 𑒏𑒲 𑒫𑒱𑒬𑒹𑒭𑒞𑒰। 𑒧𑒳𑒢𑓂𑒢𑒰𑒖𑒲 𑒯𑒧𑒩 𑒣𑒛𑓃𑒼𑒮𑒲 𑒮𑒳𑒩𑒖𑒳 𑒦𑒰𑒃 𑒕𑒟𑒱, 𑒍 𑒥𑒱𑒩𑒰𑒛𑓃𑒧𑒹 𑒖𑒞𑒹𑒏 𑒥𑒲𑒂 𑒪𑒑𑒥𑒻 𑒕𑒟𑒱 𑒍𑒏𑒩 𑒠𑒬𑒼 𑒣𑓂𑒩𑒞𑒱𑒬𑒞 𑒁𑒣𑒢 𑒐𑒹𑒞𑒧𑒹 𑒢𑒻 𑒪𑒑𑒰 𑒣𑒥𑒻 𑒕𑒟𑒱। 𑒥𑒰𑒜𑓃𑒱𑒏 𑒃𑒪𑒰𑒏𑒰 𑒕𑒻 𑒮𑒹 𑒪𑒼𑒏𑒏 𑒐𑒹𑒞 𑒣𑒛𑓃𑒪 𑒩𑒯𑒱 𑒖𑒰𑒃 𑒕𑒻 𑒥𑒱𑒢𑒳 𑒫𑒱𑒯𑒢𑒱𑒏। 𑒮𑒹 𑒮𑒳𑒩𑒖𑒴 𑒦𑒰𑒃𑒏 𑒣𑒛𑓃𑒼𑒮𑒲 𑒍𑒃𑒮𑒿 𑒪𑒰𑒦 𑒅𑒚𑒥𑒻 𑒕𑒟𑒱 𑒏𑒰𑒩𑒝 𑒥𑒰𑒜𑓃𑒱𑒧𑒹 𑒏𑒐𑒢𑒼 𑒏𑒰𑒪 𑒞𑒲𑒢-𑒞𑒲𑒢 𑒥𑒹𑒩 𑒡𑒢𑒩𑒼𑒣𑒢𑒲 𑒯𑒼𑒃 𑒕𑒻, 𑒋𑒏 𑒥𑒹𑒩 𑒩𑒼𑒣𑒴 𑒥𑒰𑒜𑓃𑒱 𑒂𑒋𑒪, 𑒠𑒼𑒮𑒩 𑒥𑒹𑒩 𑒩𑒼𑒣𑒴 𑒤𑒹𑒩 𑒥𑒰𑒜𑓃𑒱 𑒂𑒋𑒪। 𑒂 𑒮𑒳𑒩𑒖𑒴 𑒦𑒰𑒃 𑒕𑒟𑒱 𑒞𑒹𑒿 𑒪𑒼𑒏 𑒫𑒱𑒯𑒢𑒱 𑒪𑒹𑒪 𑒢𑒱𑒬𑓂𑒔𑒱𑒢𑓂𑒞 𑒩𑒯𑒻𑒋।
𑒂 𑒧𑒳𑒢𑓂𑒢𑒰𑒖𑒲𑒏 𑒫𑒱𑒯𑒢𑒱 𑒏𑒟𑒰 𑒮𑒹𑒯𑒼 𑒢𑒱𑒬𑓂𑒔𑒱𑒢𑓂𑒞 𑒏𑒩𑒻𑒋।
“𑒩𑒹𑒫𑒰𑒖” 𑒫𑒱𑒯𑒢𑒱 𑒏𑒟𑒰 𑒪𑒱𑒁। 𑒑𑒰𑒧 𑒒𑒩𑒧𑒹 𑒧𑒮𑒼𑒧𑒰𑒞𑒏𑒹𑒿 𑒪𑒼𑒏 𑒛𑒰𑒃𑒢 𑒏𑒯𑒻 𑒕𑒻 𑒧𑒳𑒠𑒰 𑒧𑒳𑒃𑒪𑒰𑒏 𑒥𑒰𑒠 𑒒𑒩𑒰𑒛𑓃𑒲 𑒪𑒹𑒪 𑒍𑒏𑒩𑒰 𑒂𑒑𑒱 𑒠𑒹𑒥𑒰 𑒪𑒹𑒪 𑒅𑒣𑒩𑒾𑓀𑒗 𑒯𑒼𑒃 𑒕𑒻। 𑒋𑒞𑓄 𑒧𑒳𑒠𑒰 𑒫𑒱𑒯𑒢𑒱 𑒪𑒹𑒪 𑒖𑒹 𑒥𑒲𑒂 𑒕𑒲𑒙𑒪 𑒑𑒹𑒪 𑒕𑒻 𑒮𑒹 𑒏𑒢𑒹 𑒅𑒔𑓂𑒔 𑒮𑓂𑒞𑒩𑒏 𑒕𑒻। 𑒋𑒞𑓄 𑒧𑒵𑒞𑒏𑒏𑒹𑒿 𑒥𑒹𑒙𑒰 𑒢𑒻 𑒕𑒻 𑒧𑒳𑒠𑒰 𑒣𑒞𑓂𑒢𑒲 𑒂 𑒥𑒹𑒙𑒲 𑒕𑒻। 𑒮𑒹 𑒖𑒐𑒢 𑒧𑒵𑒞𑒏𑒏 𑒦𑒰𑒃 𑒏𑒼𑒯𑒰 𑒅𑒚𑒥𑓄 𑒔𑒰𑒯𑒻𑒋 𑒞𑒿 𑒫𑒱𑒡𑒫𑒰 𑒍𑒏𑒩𑒰 𑒩𑒼𑒏𑒻 𑒕𑒻 𑒂 𑒥𑒹𑒙𑒲𑒏𑒹𑒿 𑒏𑒼𑒯𑒰 𑒅𑒚𑒥𑒻𑒪𑒹 𑒏𑒯𑒻 𑒕𑒻। 𑒂 𑒮𑓀𑒑 𑒏𑒹 𑒠𑒹𑒞 𑒌 𑒢𑒫 𑒩𑒹𑒫𑒰𑒖𑒧𑒹, 𑒖𑒹 𑒂𑒃𑒨𑒹𑒮𑒿 𑒣𑓂𑒩𑒰𑒩𑒧𑓂𑒦 𑒦𑒹𑒪 𑒁𑒕𑒱? 𑒞𑒐𑒢 𑒅𑒞𑓂𑒞𑒩𑒼 𑒦𑒹𑒙𑒻𑒋- 𑒢𑒱𑒣𑒳𑒞𑒩𑒰𑒯𑒰 𑒮𑒦।
𑒞𑒯𑒱𑒢𑒰 “𑒏𑒧𑒩𑒳𑒢𑒱𑒮𑒰” 𑒫𑒱𑒯𑒢𑒱 𑒏𑒟𑒰 𑒁𑒕𑒱। 𑒯𑒮𑒲𑒢𑒰 𑒧𑓀𑒖𑒱𑒪 𑒮𑒢 𑒋𑒏𑒙𑒰 𑒂𑒩𑒼 𑒬𑓂𑒩𑒹𑒭𑓂𑒚 𑒅𑒣𑒢𑓂𑒨𑒰𑒮 𑒌 𑒫𑒱𑒯𑒢𑒱 𑒏𑒟𑒰 (𑒮𑒲𑒛 𑒮𑓂𑒙𑒼𑒩𑒲)𑒮𑒿 𑒧𑒳𑒢𑓂𑒢𑒰𑒖𑒲 𑒢𑒻 𑒥𑒢𑒰 𑒮𑒏𑒻 𑒕𑒟𑒱 𑒏𑒲? 𑒏𑒧𑒩𑒳𑒢𑒱𑒮𑒰𑒏 𑒣𑒱𑒞𑒰 𑒩𑒯𑒧𑒰𑒢। 𑒪𑒯𑒚𑒲𑒏 𑒏𑒰𑒖 𑒖𑒹𑒏𑒰𑒿 𑒠𑒧𑓂𑒧𑒰 𑒮𑒹𑒯𑒼 𑒍𑒏𑒩 𑒮𑒦𑒏 𑒣𑒳𑒬𑓂𑒞𑒻𑒢𑒲 𑒫𑒾𑒮𑓂𑒞𑒳 𑒕𑒪𑒻। 𑒏𑒧𑒩𑒳𑒢𑒱𑒮𑒰𑒏 𑒁𑒥𑓂𑒥𑒰-𑒁𑒧𑓂𑒧𑒲𑒏 𑒖𑒰𑒢 𑒄 𑒠𑒧𑓂𑒧𑒰 𑒪𑒹𑒪𑒏𑒻 𑒂 𑒤𑒹𑒩 𑒏𑒧𑒩𑒳𑒢𑒱𑒮𑒰…
“𑒖𑒱𑒨𑒰 𑒖𑒩𑒋 𑒮𑒑𑒩 𑒩𑒰𑒞𑒱”𑒧𑒹 𑒋𑒛𑓂𑒮𑒏 𑒮𑒧𑒮𑓂𑒨𑒰 𑒂 𑒪𑒱𑒫𑒱𑓀𑒑 𑒩𑒱𑒪𑒹𑒬𑒢𑒏 𑒔𑒩𑓂𑒔 𑒁𑒕𑒱 𑒞𑒿 “𑒠𑒱𑒨𑒰𑒠”𑒧𑒹 𑒣𑒢𑒯𑒲𑒏 𑒆𑒣𑒩𑒮𑒿 𑒔𑒱𑒏𑓂𑒏𑒢 𑒔𑒳𑒢𑒧𑒳𑒢 𑒯𑒹𑒥𑒰𑒏 𑒧𑒳𑒠𑒰 𑒢𑒲𑒔𑒰𑒿𑒮𑒿 𑒐𑒪𑒍𑒠𑒰𑒩 𑒏𑒹𑒢𑒹 𑒖𑒹𑒥𑒰𑒏 𑒫𑒱𑒫𑒩𑒝 𑒠𑒹𑒪 𑒑𑒹𑒪 𑒁𑒕𑒱।
“𑒢𑒣𑒢𑒰” 𑒧𑒹 𑒮𑓂𑒞𑓂𑒩𑒲𑒏 𑒏𑒰𑒖𑒏 𑒮𑓂𑒫𑒩𑒴𑒣 𑒞𑒨 𑒏𑒋𑒪 𑒑𑒹𑒪 𑒕𑒻। 𑒁𑒐𑒢𑒼 𑒖𑒢𑒑𑒝𑒢𑒰 𑒏𑒰𑒪𑒧𑒹 𑒮𑒩𑒏𑒰𑒩 𑒮𑓂𑒞𑓂𑒩𑒲𑒏 𑒒𑒩𑒏 𑒏𑒰𑒖𑒏𑒹𑒿 𑒂𑒧𑒠𑒢𑒲𑒧𑒹 𑒢𑒻 𑒖𑒼𑒛𑓃𑒻𑒞 𑒁𑒕𑒱, 𑒂 𑒌 𑒏𑒟𑒰𑒧𑒹 𑒁𑒢𑓂𑒞 𑒯𑒼𑒃𑒋 𑒖𑒐𑒢 𑒋𑒏𑒙𑒰 𑒮𑓂𑒞𑓂𑒩𑒲𑒏 𑒔𑒩𑓂𑒔 𑒁𑒥𑒻𑒋 𑒖𑒹 𑒢𑒼𑒏𑒩𑒲𑒨𑒼 𑒏𑒩𑒻𑒋 𑒂 𑒒𑒩𑒏 𑒏𑒰𑒖𑒼।
“𑒠𑒹𑒯, 𑒧𑒼𑒢 𑒂 𑒣𑓂𑒩𑒹𑒧” 𑒋𑒏𑒙𑒰 𑒯𑒰𑒮𑓂𑒨 𑒏𑒝𑒱𑒏𑒰𑒏𑒹𑒿 𑒏𑒼𑒢𑒰 𑒫𑒱𑒯𑒢𑒱 𑒏𑒟𑒰𑒧𑒹 𑒣𑒩𑒱𑒫𑒩𑓂𑒞𑒱𑒞 𑒏𑒋𑒪 𑒖𑒰𑒋, 𑒞𑒏𑒩 𑒅𑒠𑒰𑒯𑒩𑒝 𑒁𑒕𑒱। 𑒮𑒥𑒲𑒢𑒰 𑒂 𑒧𑒼𑒯𑒮𑒱𑒢 𑒢𑒰𑒧𑓂𑒢𑒰 𑒣𑒰𑒞𑓂𑒩 𑒪𑓄 𑒏𑓄 𑒄 𑒔𑒧𑒞𑓂𑒏𑒰𑒩 𑒧𑒳𑒢𑓂𑒢𑒰𑒖𑒲 𑒏𑒹𑒢𑒹 𑒕𑒟𑒱।
𑒂𑒃 𑒏𑒰𑒪𑓂𑒯𑒱 𑒖𑒐𑒢 𑒪𑒼𑒏𑒏 𑒖𑒱𑒢𑒑𑒲 𑒑𑒞𑒱 𑒣𑒏𑒛𑓃𑒱 𑒪𑒹𑒢𑒹 𑒁𑒕𑒱 𑒞𑒐𑒢 𑒫𑒱𑒯𑒢𑒱 𑒏𑒟𑒰𑒏 𑒧𑒯𑒞𑓂𑒫 𑒥𑒜𑓃𑒱 𑒑𑒹𑒪 𑒁𑒕𑒱। 𑒧𑒳𑒢𑓂𑒢𑒰𑒖𑒲 𑒫𑒱𑒯𑒢𑒱 𑒏𑒟𑒰 𑒪𑒹𑒪 𑒮𑒧𑒩𑓂𑒣𑒱𑒞 𑒕𑒟𑒱 𑒂 𑒄 𑒮𑓀𑒑𑓂𑒩𑒯 𑒯𑒳𑒢𑒏𑒩 𑒌 𑒮𑒧𑒩𑓂𑒣𑒝𑒏 𑒑𑒳𑒝𑒰𑒞𑓂𑒧𑒏 𑒁𑒦𑒱𑒫𑓂𑒨𑒏𑓂𑒞𑒱 𑒕𑒢𑓂𑒯𑒱।


𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩

𑒩𑒰𑒧𑒫𑒱𑒪𑒰𑒮 𑒮𑒰𑒯𑒳 𑒖𑒲𑒏 𑒏𑒫𑒱𑒞𑒰, 𑒑𑒲𑒞, 𑒯𑒰𑒃𑒏𑒴, 𑒬𑒹𑒢𑒩𑓂𑒨𑒴 𑒂 𑒙𑒢𑒏𑒰 𑒮𑓀𑒑𑓂𑒩𑒯 “𑒩𑒟𑒏 𑒔𑒏𑓂𑒏𑒰 𑒅𑒪𑒙𑒱 𑒔𑒪𑒻 𑒥𑒰𑒙”
“𑒩𑒟𑒏 𑒔𑒏𑓂𑒏𑒰 𑒅𑒪𑒙𑒱 𑒔𑒪𑒻 𑒥𑒰𑒙” 𑒄 𑒩𑒰𑒧𑒫𑒱𑒪𑒰𑒮 𑒮𑒰𑒯𑒳 𑒖𑒲𑒏 𑒏𑒫𑒱𑒞𑒰, 𑒑𑒲𑒞, 𑒯𑒰𑒃𑒏𑒴, 𑒬𑒹𑒢𑒩𑓂𑒨𑒴 𑒂 𑒙𑒢𑒏𑒰 𑒮𑓀𑒑𑓂𑒩𑒯𑒏 𑒢𑒰𑒧 𑒁𑒕𑒱। 𑒐𑒰𑒿𑒙𑒲 𑒬𑒥𑓂𑒠𑒰𑒫𑒪𑒲𑒏 𑒣𑓂𑒩𑒨𑒼𑒑 𑒂 𑒍𑒃 𑒧𑒰𑒡𑓂𑒨𑒧𑒮𑒿 𑒞𑒲𑒢 𑒣𑒰𑒿𑒞𑒱𑒏 𑒯𑒰𑒃𑒏𑒴/ 𑒬𑒹𑒢𑒩𑓂𑒨𑒴 𑒂 𑒣𑒰𑒿𑒔 𑒣𑒰𑒿𑒞𑒱𑒏 𑒙𑒢𑒏𑒰𑒧𑒹 𑒯𑒱𑒢𑒏𑒩 𑒣𑓂𑒩𑒏𑒵𑒞𑒱-𑒣𑓂𑒩𑒹𑒧𑒏 𑒧𑒰𑒡𑓂𑒨𑒧𑒮𑒿 𑒦𑒰𑒫𑒼𑒠𑓂𑒑𑒰𑒩𑒧𑒹 𑒋𑒞𑒹𑒏 𑒩𑒰𑒮 𑒞𑒟𑓂𑒨 𑒮𑒼𑒗𑒰𑒿 𑒁𑒢𑒻𑒋, 𑒋𑒞𑒹𑒏 𑒩𑒰𑒮 𑒮𑒧𑒮𑓂𑒨𑒰 𑒂 𑒮𑒧𑒰𑒡𑒰𑒢 𑒞𑒏𑒻𑒋 𑒖𑒹 𑒣𑒜𑓃𑒢𑒱𑒯𑒰𑒩 𑒥𑒰𑒖𑒱 𑒮𑒏𑒻𑒋, 𑒯𑒿 𑒄 𑒯𑒧 𑒏𑒱𑒋 𑒢𑒻 𑒮𑒼𑒔𑒱 𑒮𑒏𑒪𑒾𑓀, 𑒧𑒳𑒠𑒰 𑒂𑒥 𑒮𑒼𑒔𑒱 𑒮𑒏𑒥।

𑒩𑒟𑒏 𑒔𑒏𑓂𑒏𑒰
𑒅𑒪𑒙𑒱 𑒔𑒪𑒻 𑒥𑒰𑒙
𑒔𑒰𑒏 𑒔𑒪𑒻 𑒕𑒻
𑒚𑒰𑒧𑒹 𑒚𑒰𑒧 𑒢𑒔𑒻𑒞
𑒠𑒳𑒢𑒳 𑒏𑒩𑒻 𑒠𑒴 𑒏𑒰𑒧

𑒖𑒰𑒣𑒰𑒢𑒏 𑒥𑒰𑒬𑒼 𑒢𑒻 𑒧𑒼𑒢 𑒣𑒛𑓃𑒱 𑒖𑒰𑒃 𑒕𑒟𑒱 𑒩𑒰𑒧𑒫𑒱𑒪𑒰𑒮 𑒮𑒰𑒯𑒳 𑒖𑒲𑒏 𑒌 𑒙𑒢𑒏𑒰𑒮𑒿:
𑒮𑒰𑒫𑒢 𑒧𑒰𑒮
𑒖𑒪𑒏 𑒥𑒳𑒢𑓂𑒢𑒠 𑒣𑒛𑓃𑒻
𑒂𑒮𑒧𑒰𑒢𑒮𑒿
𑒥𑒹𑓀𑒑𑒏 𑒥𑒰𑒖𑒰 𑒥𑒖𑒻
𑒐𑒢𑓂𑒞𑒰 𑒛𑒥𑒩𑒰 𑒦𑒩𑒻
𑒯𑒱𑒢𑒏𑒩 𑒧𑒰𑒢𑒫 𑒂 𑒣𑓂𑒩𑒏𑒵𑒞𑒱𑒏 𑒧𑒹𑒪 𑒏𑒞𑒹𑒏 𑒁𑒠𑓂𑒦𑒳𑒞 𑒪𑒑𑒻𑒞 𑒁𑒕𑒱:
𑒏𑒰𑒩𑒲 𑒏𑒰𑒖𑒩
𑒧𑒳𑒐𑒛𑓃𑒰 𑒱𑒥𑒑𑒰𑒩𑒻𑒞
𑒏𑒰𑒩𑒲 𑒏𑒼𑒃𑒪𑒲
𑒧𑒡𑒳𑒩 𑒑𑒲𑒞 𑒑𑒥𑒻
𑒮𑒦𑒏𑒹𑒿 𑒪𑒪𑒔𑒰𑒥𑒻

𑒧𑒳𑒠𑒰 𑒏𑒰𑒩𑒲 𑒏𑒰𑒖𑒩𑒏 𑒅𑒣𑒧𑒰 𑒋𑒞𑒻 𑒐𑒞𑒧 𑒢𑒻 𑒦𑒹𑒪 𑒁𑒕𑒱:

𑒏𑒰𑒩𑒲 𑒏𑒰𑒖𑒩
𑒂𑒿𑒐𑒱 𑒠𑒹𑒞 𑒮𑒳𑒐𑒰𑒨
𑒏𑒰𑒩𑒲 𑒥𑒰𑒠𑒪
𑒥𑒩𑒐𑒰𑒮𑒿 𑒛𑒳𑒥𑒰𑒨
𑒧𑒳𑒐𑒩𑒰 𑒠𑒹𑒞 𑒥𑒱𑒑𑒰𑒛𑓃𑒱

𑒩𑒾𑒠𑒏 𑒑𑒳𑒝 𑒞𑒿 𑒣𑓂𑒩𑒏𑒵𑒞𑒱-𑒣𑓂𑒩𑒹𑒧𑒲 𑒏𑒫𑒱 𑒣𑒜𑓃𑒱 𑒪𑒻𑒋, 𑒫𑒮𑒢𑓂𑒞 𑒂 𑒯𑒹𑒧𑒢𑓂𑒞 𑒫𑒩𑓂𑒝𑒢𑒰𑒮𑒿 𑒏𑒲 𑒄 𑒏𑒧 𑒁𑒕𑒱?

𑒔𑒻𑒞𑒏 𑒩𑒾𑒠
𑒞𑒣𑒰𑒥𑒻 𑒧𑒰𑒙𑒱-𑒣𑒰𑒢𑒱
𑒣𑒕𑒱𑒨𑒰 𑒯𑒫𑒰
𑒣𑒏𑒰𑒥𑒻 𑒔𑒢𑒰-𑒑𑒯𑒳𑒧
𑒥𑒯𑒰𑒩𑒻 𑒡𑒴𑒩-𑒏𑒝
𑒏𑒫𑒱𑒞𑒰 𑒏𑒯𑒻𑒧𑒹 𑒏𑒫𑒱 𑒮𑒹𑒯𑒼 𑒣𑒰𑒕𑒰𑒿 𑒢𑒻 𑒕𑒟𑒱, 𑒏𑒼𑒮𑒲 𑒡𑒰𑒩 𑒯𑒳𑒢𑒏𑒰 𑒯𑒱𑒪𑒼𑒩𑒻 𑒕𑒢𑓂𑒯𑒱:

𑒖𑒱𑒢𑒑𑒲 𑒥𑒢𑒪 𑒁𑒕𑒱 𑒯𑒧𑒩 𑒏𑓀𑒑𑒰𑒪
𑒗𑒾𑒂, 𑒣𑒙𑒹𑒩, 𑒏𑒰𑒬 𑒐𑒑𑒩𑒰 𑒯𑒧𑒩𑒰𑒮𑒿 𑒏𑒩𑒻𑒋 𑒩𑒑𑒛𑓃𑒰
𑒥𑒰𑒪 𑒥𑒔𑓂𑒔𑒰 𑒏 𑒖𑒱𑒢𑒑𑒲 𑒥𑒰𑒅𑒪𑒧𑒹 𑒮𑒧𑒰𑒋𑒪

𑒁𑒢𑓂𑒡𑒫𑒱𑒬𑓂𑒫𑒰𑒮𑒣𑒩 𑒏𑒫𑒱𑒏 𑒏𑒪𑒧 𑒔𑒪𑒻 𑒕𑒢𑓂𑒯𑒱:

𑒑𑒰𑒹𑒮𑒰𑒿𑒃 𑒐𑒹𑒪𑒹 𑒦𑒑𑒞𑒰-𑒦𑒑𑒞𑒱𑒢𑒱𑒨𑒰𑒿
𑒕𑒞𑓂𑒞𑒲𑒮 𑒠𑒹𑒫𑒲 𑒔𑒾𑒠𑒯𑒼 𑒠𑒹𑒥𑒰𑒢
𑒁𑒐𑒢 𑒕𑒾 𑒠𑒹𑒯𑒣𑒩 𑒱𑒫𑒩𑒖𑒧𑒰𑒢
𑒖𑒹 𑒧𑒰𑓀𑒑𑒥 𑒮𑒹 𑒣𑒴𑒩𑒰 𑒏𑒩𑒞𑒾
𑒏𑒰𑒩𑒢𑒲𑒏 𑒮𑒦 𑒩𑒼𑒑 𑒫𑒱𑒨𑒰𑒡𑒱 𑒯𑒩𑒞𑒾
𑒤𑒴𑒪-𑒁𑒔𑓂𑒕𑒞𑒮𑒿 𑒫𑒩𑒠𑒰𑒢 𑒠𑒹𑒞𑒾
𑒥𑒱𑒑𑒩𑒪 𑒏𑒰𑒖 𑒧𑒢𑒼𑒏𑒰𑒧𑒢𑒰
𑒔𑒳𑒙𑒏𑒲 𑒥𑒖𑒱𑒞𑒹 𑒣𑒴𑒩𑒰 𑒏𑒩𑒞𑒾
𑒥𑒠𑒪𑒰𑒧𑒹 𑒪𑒛𑓂𑒛𑒳-𑒕𑒰𑒑𑒩-𑒣𑒰𑒚𑒲 𑒧𑒰𑓀𑒑𑒞𑒾

𑒏𑒫𑒱 𑒏𑒱𑒮𑒰𑒢 𑒕𑒟𑒱 𑒞𑒿 𑒏𑒱𑒮𑒰𑒢𑒲 𑒏𑒼𑒢𑒰 𑒥𑒱𑒮𑒩𑒞𑒰𑒯:

𑒥𑒱𑒯𑒰𑒢𑒹𑒮𑒿 𑒑𑒖𑒰𑒩 𑒏𑒠𑒥𑒰
𑒯𑒳𑒁𑒋 𑒪𑒑𑒪 𑒐𑒹𑒞
𑒯𑒩 𑒖𑒼𑒞𑒻𑒞 𑒯𑒩𑒥𑒰𑒯
𑒥𑒱𑒩𑒯𑒰 𑒑𑒰𑒥𑒻𑒞

𑒂 𑒤𑒹𑒩…
“𑒯𑒩𑒏 𑒢𑒰𑒬 𑒂
𑒐𑒹𑒞𑒏 𑒔𑒰𑒮𑒣𑒩
𑒣𑒹𑒙 𑒦𑒩𑒥𑒰𑒏 𑒁𑒕𑒱
𑒮𑒦𑒏𑒹𑒿 𑒂𑒬।”

𑒂 𑒞𑒐𑒢……

𑒑𑒯𑒳𑒧𑒏 𑒠𑒰𑒢𑒰 𑒏𑒼𑒚𑒲𑒧𑒹 𑒦𑒩𑒪𑒾𑓀
𑒦𑒴𑒮𑒲𑒏𑒹𑒿 𑒦𑒳𑒮𑒏𑒰𑒿𑒩𑒧𑒹 𑒙𑒪𑒱𑒨𑒹𑒪𑒾𑓀
𑒔𑒰𑒩𑒱 𑒧𑒰𑒮𑒏 𑒑𑒯𑒳𑒧𑒏 𑒤𑒮𑒪𑒱
𑒠𑒱𑒢-𑒩𑒰𑒞𑒱 𑒐𑒙𑒱 𑒏𑓄 𑒒𑒩 𑒏𑒹𑒪𑒾𑓀
𑒮𑒰𑒪-𑒦𑒩𑒱 𑒩𑒼𑒙𑒱𑒨𑒼 𑒐𑒰𑒋 𑒖𑒲𑒁𑒥

𑒑𑒰𑒧𑒏 𑒬𑒥𑓂𑒠𑒰𑒫𑒪𑒲 𑒤𑒏𑒩𑒰-𑒏𑒯𑒥𑒲𑒏 𑒧𑒰𑒡𑓂𑒨𑒧𑒮𑒿 𑒥𑒯𑒳𑒞 𑒩𑒰𑒮 𑒑𑒣 𑒏𑒯𑒱 𑒖𑒰𑒃 𑒕𑒟𑒱 𑒏𑒫𑒱:

𑒯𑒰𑒙𑒏 𑒔𑒰𑒅𑒩 𑒥𑒰𑒙𑒏 𑒣𑒰𑒢𑒱
𑒥𑒢𑒱𑒨𑒰𑒿 𑒒𑒩𑒏 𑒞𑒩𑒖𑒴𑒏𑒹𑒿
𑒢𑒻 𑒯𑒼𑒃 𑒕𑒻 𑒏𑒼𑒢𑒼 𑒧𑒰𑒃𑒢

𑒏𑒰𑒩𑒝..
𑒯𑒰𑒙𑒏 𑒔𑒰𑒅𑒩 𑒥𑒰𑒙𑒹 𑒥𑒱𑒪𑒰𑒋𑒪
𑒒𑒰𑒙𑒏 𑒣𑒰𑒢𑒱 𑒒𑒰𑒙𑒹 𑒮𑒳𑒐𑒰𑒋𑒪

𑒠𑒹𑒬𑒲 𑒃𑒪𑒰𑒖 𑒂 𑒩𑒼𑒑𑒏 𑒩𑒼𑒏𑒟𑒰𑒧 𑒮𑒹𑒯𑒼 𑒏𑒫𑒱𑒏𑒹𑒿 𑒥𑒳𑒗𑒪 𑒕𑒢𑓂𑒯𑒱:

𑒃𑒔𑒢𑒰, 𑒣𑒰𑒹𑒚𑒲 𑒧𑒰𑒕𑒏 𑒔𑒙𑒢𑒲
𑒮𑓀𑒑𑒹 𑒖𑒹 𑒐𑒰𑒃 𑒧𑒩𑒴𑒂 𑒩𑒼𑒙𑒲
𑒢𑒯𑒱 𑒥𑒢𑒞 𑒩𑒼𑒑𑒲 𑒧𑒼𑒙𑒲
𑒩𑒏𑓂𑒞 𑒔𑒰𑒣, 𑒧𑒡𑒳𑒧𑒹𑒯, 𑒖𑒪𑒼𑒠𑒩

𑒩𑒰𑒧𑒫𑒱𑒪𑒰𑒮 𑒮𑒰𑒯𑒳 𑒖𑒲 𑒔𑒻𑒞𑒰𑒫𑒩 𑒑𑒥𑒻 (𑒪𑒱𑒐𑒻) 𑒕𑒟𑒱, 𑒥𑒱𑒩𑒯𑒰 𑒮𑒳𑒢𑒻 𑒕𑒟𑒱, 𑒡𑒢𑒩𑒼𑒣𑒢𑒲𑒣𑒩 𑒂 𑒏𑒱𑒮𑒰𑒢𑒲𑒣𑒩 𑒏𑒫𑒱𑒞𑒰 𑒏𑒯𑒻 𑒕𑒟𑒱। 𑒂 𑒌 𑒮𑒦 𑒫𑒱𑒭𑒨𑒣𑒩 𑒯𑒱𑒢𑒏𑒩 𑒏𑒫𑒱𑒞𑒰𑒏 𑒖𑒼𑒛𑓃𑒰 𑒮𑒰𑒯𑒱𑒞𑓂𑒨𑒧𑒹 𑒦𑒹𑒙𑒥 𑒏𑒚𑒱𑒢। 𑒄 𑒮𑒦 𑒫𑒱𑒭𑒨 𑒧𑒻𑒟𑒱𑒪𑒲 𑒏𑒫𑒱𑒞𑒰𑒏𑒹𑒿 𑒫𑒱𑒮𑓂𑒞𑒰𑒩 𑒠𑒹𑒪𑒏 𑒁𑒕𑒱, 𑒂 𑒍𑒃𑒣𑒩 𑒪𑒱𑒐𑒥𑒰𑒏 𑒮𑒰𑒧𑒩𑓂𑒟𑓂𑒨 𑒩𑒰𑒧𑒫𑒱𑒪𑒰𑒮 𑒮𑒰𑒯𑒳 𑒖𑒲𑒧𑒹 𑒕𑒢𑓂𑒯𑒱, 𑒍𑒏𑒩 𑒦𑒲𑒞𑒩𑒧𑒹 𑒜𑒳𑒏𑒱 𑒏𑓄 𑒪𑒱𑒐𑒥𑒰𑒏 𑒮𑒰𑒧𑒩𑓂𑒟𑓂𑒨 𑒩𑒰𑒧𑒫𑒱𑒪𑒰𑒮 𑒮𑒰𑒯𑒳𑒖𑒲𑒧𑒹 𑒕𑒢𑓂𑒯𑒱।




𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩
𑒅𑒧𑒹𑒬 𑒧𑒝𑓂𑒛𑒪 𑒖𑒲𑒏 “𑒢𑒱𑒬𑓂𑒞𑒳𑒏𑒲” 𑒏𑒫𑒱𑒞𑒰, 𑒪𑒒𑒳-𑒏𑒫𑒱𑒞𑒰, 𑒯𑒰𑒃𑒏𑒴/ 𑒙𑒢𑒏𑒰 𑒂 𑒑𑒖𑒪𑒏 𑒮𑓀𑒑𑓂𑒩𑒯𑒏
𑒅𑒧𑒹𑒬 𑒧𑒝𑓂𑒛𑒪 𑒖𑒲𑒏 “𑒢𑒱𑒬𑓂𑒞𑒳𑒏𑒲” 𑒏𑒫𑒱𑒞𑒰, 𑒪𑒒𑒳-𑒏𑒫𑒱𑒞𑒰, 𑒯𑒰𑒃𑒏𑒴/ 𑒙𑒢𑒏𑒰 𑒂 𑒑𑒖𑒪𑒏 𑒮𑓀𑒑𑓂𑒩𑒯 𑒟𑒱𑒏। 𑒧𑒻𑒟𑒱𑒪𑒲𑒏 𑒢𑒫 𑒞𑒳𑒩 𑒧𑒰𑒞𑓂𑒩 𑒅𑒧𑒹𑒩𑒏𑒹𑒿 𑒣𑓂𑒩𑒞𑒱𑒭𑓂𑒚𑒰 𑒢𑒻 𑒠𑒹𑒥𑓄 𑒔𑒰𑒯𑒻𑒋, 𑒖𑒿 𑒍 𑒅𑒧𑒹𑒩 𑒁𑒑𑓂𑒩𑒑𑒰𑒧𑒲 𑒢𑒻 𑒯𑒼𑒟𑒱। 𑒂 𑒮𑒹 𑒯𑒹𑒥𑒰𑒏𑒼 𑒔𑒰𑒯𑒲, 𑒏𑒰𑒖𑒏 𑒮𑒧𑓂𑒧𑒰𑒢 𑒕𑒻 𑒅𑒧𑒹𑒩𑒏 𑒂 𑒣𑒳𑒩𑒰𑒢𑒏 𑒢𑒻। 𑒂 𑒞𑒹𑒿 𑒣𑒳𑒩𑒰𑒢 𑒂 𑒅𑒧𑒹𑒩𑒑𑒩 𑒖𑒿 𑒁𑒑𑓂𑒩𑒑𑒰𑒧𑒲 𑒕𑒟𑒱 𑒞𑒿 𑒞𑒱𑒢𑒏𑒰 𑒣𑓂𑒩𑒞𑒱𑒭𑓂𑒚𑒰 𑒏𑒱𑒋 𑒢𑒻 𑒦𑒹𑒙𑒢𑓂𑒯𑒳?
𑒄 𑒙𑒢𑒏𑒰 𑒠𑒹𑒐𑒴:
𑒮𑒧𑒮𑓂𑒨𑒰𑒿 𑒂𑒣𑓂𑒞
𑒮𑒼𑒪𑒯𑒢𑒲 𑒮𑒖𑒪
𑒮𑒰𑒯𑒱𑒞𑓂𑒨𑒏𑒰𑒩
𑒪𑒹𑒐𑒹 𑒣𑒳𑒩𑒰𑒢 𑒕𑒻 𑒂𑒣𑓂𑒞
𑒏𑒹𑒢𑒰 𑒋𑒞𑒻 𑒨𑒟𑒰𑒩𑓂𑒟

𑒂 𑒞𑒹𑒿 “𑒥𑒳𑒜𑓃𑒰𑒩𑒲𑒧𑒹” 𑒏𑓂𑒭𑒝𑒱𑒏𑒰𑒧𑒹 𑒍 𑒏𑒯𑒻 𑒕𑒟𑒱:
𑒖𑒱𑒢𑒑𑒲 𑒔𑒰𑒯 𑒏𑒩𑒻𑒋
𑒏𑒩𑓂𑒧𑒏 𑒥𑒰𑒙 𑒠𑒹𑒐𑒥𑒻𑒋

𑒂 𑒏𑒩𑓂𑒧𑒏𑒰 𑒥𑒰𑒙 𑒖𑒿 𑒣𑒏𑒛𑓃𑒱 𑒪𑒹𑒥 𑒞𑒐𑒢 𑒡𑒳𑒡𑒳𑒋𑒥𑒹 𑒏𑒩𑒥:
𑒦𑒳𑒩𑒏𑒲-𑒮𑒿-𑒦𑒰𑒩 𑒥𑒢𑒱
𑒥𑒲𑒪 𑒥𑒼𑒯𑒩𑒱 𑒡𑒩𑒱
𑒥𑒢𑒱-𑒥𑒢𑒱 𑒁𑒮𑓀𑒞𑒼𑒭
𑒡𑒼𑒡𑒩𑒱 𑒥𑒢𑒱 𑒡𑒳𑒡𑒳𑒂 𑒩𑒯𑒪 𑒁𑒕𑒱

𑒧𑒱𑒟𑒱𑒪𑒰𑒮𑒿 𑒣𑒛𑓃𑒰𑒃𑒢 𑒦𑓄 𑒩𑒯𑒪 𑒕𑒻। 𑒮𑒹 𑒩𑒯𑒱-𑒩𑒯𑒱 𑒏𑒔𑒼𑒙𑒻 𑒕𑒢𑓂𑒯𑒱 𑒏𑒫𑒱𑒏𑒹𑒿। 𑒂 𑒖𑒿 𑒫𑒮𑒢𑓂𑒞𑒏 𑒂𑒑𑒧𑒢 𑒦𑓄 𑒖𑒰𑒋 𑒞𑒐𑒢 𑒞𑒞𑓂𑒫 𑒖𑓂𑒘𑒰𑒢 𑒦𑒻𑒨𑒹 𑒢𑒹 𑒖𑒰𑒋𑒞!
𑒥𑒮𑓀𑒞 𑒂𑒋𑒪
𑒑𑒰𑒧 𑒖𑒰𑒋𑒥
𑒂𑒥 𑒋𑒞𑒋
𑒩𑒯𑒱 𑒢𑒻 𑒣𑒰𑒋𑒥
𑒥𑒮𑓀𑒞𑒹𑒏 𑒐𑒼𑒖𑒧𑒹 𑒞𑒿
𑒕𑒲 𑒥𑒾𑒂𑒋𑒪

𑒌 𑒣𑒛𑓃𑒰𑒃𑒢𑒮𑒿:-
𑒑𑒰𑒧𑒏 𑒧𑒳𑒿𑒯𑒟𑒩𑒱
𑒖𑓀𑒑𑒪 𑒥𑒢𑒪 𑒁𑒕𑒱

𑒯𑒳𑒢𑒏𑒰 𑒫𑒱𑒔𑒰𑒩𑒏 𑒤𑒰𑒿𑒙 𑒮𑒹𑒯𑒼 𑒩𑒯𑒱-𑒩𑒯𑒱 𑒠𑒹𑒐𑒰 𑒣𑒛𑓃𑒻 𑒕𑒢𑓂𑒯𑒱:
𑒁𑒯𑒰𑒿𑒏 𑒑𑒣
𑒁𑒣𑒢 𑒧𑒢
𑒠𑒳𑒢𑒴 𑒧𑒱𑒪𑒻𑒋
𑒧𑒱𑒪𑒱 𑒠𑒳𑒢𑒴 𑒁𑒕𑒱 𑒔𑒾𑒔𑓀𑒑
𑒐𑒼𑒖𑒱 𑒩𑒯𑒪 𑒁𑒕𑒱 𑒫𑒮𑓀𑒞
𑒧𑒳𑒠𑒰
𑒥𑒮𑓀𑒞𑒏 𑒔𑒱𑒛𑓃𑒻𑒏𑒹𑒿
𑒮𑓀𑒑 𑒢𑒻 𑒩𑒰𑒐𑒋 𑒔𑒰𑒯𑒻 𑒕𑒲 𑒯𑒧


𑒯𑒳𑒢𑒏𑒰 𑒥𑒳𑒗𑓄𑒧𑒹 𑒂𑒥𑒱 𑒩𑒯𑒪 𑒕𑒢𑓂𑒯𑒱 :
𑒦𑒏𑒼𑒦𑒢 𑒍𑒃 𑒁𑒢𑓂𑒯𑒰𑒰𑒩 𑒏𑒼𑒚𑒩𑒲𑒧𑒹

𑒂 𑒍 𑒁𑒯𑒰𑒿𑒮𑒿 𑒣𑒴𑒕𑒱 𑒩𑒯𑒪 𑒕𑒟𑒱:
𑒞𑒐𑒢 𑒬𑒲𑒬𑒰𑒧𑒹 𑒏𑒹𑒢𑒰 𑒠𑒹𑒐𑒰𑒋𑒞
𑒍𑒏𑒩 𑒔𑒱𑒞𑓂𑒩 𑒏𑒹𑒢𑒰 𑒂𑒋𑒞?
𑒂 𑒏𑒱𑒨𑒼 𑒢𑒻 𑒮𑒳𑒢𑓄 𑒔𑒰𑒯𑒻 𑒕𑒟𑒱 𑒍 𑒑𑒲𑒞 𑒖𑒞𑓄 𑒧𑒰𑒞𑓂𑒩 𑒂 𑒧𑒰𑒞𑓂𑒩 𑒑𑒰𑒍𑒪 𑒖𑒰 𑒩𑒯𑒪 𑒁𑒕𑒱 𑒮𑓀𑒮𑓂𑒏𑒵𑒞𑒱𑒏 𑒑𑒲𑒞:
𑒯𑒢𑒯𑒢𑒰𑒃𑒞, 𑒦𑒢𑒦𑒢𑒰𑒃𑒞 𑒍𑒃 𑒮𑓂𑒫𑒩𑒏𑒹𑒿
𑒮𑒳𑒢𑒻𑒪𑒹 𑒢𑒻 𑒕𑒟𑒱 𑒏𑒱𑒨𑒼 𑒞𑒻𑒨𑒰𑒩

𑒏𑒱𑒋 𑒢𑒻 𑒮𑒳𑒢𑒻 𑒪𑒹𑒪 𑒕𑒟𑒱 𑒞𑒻𑒨𑒰𑒩, 𑒏𑒰𑒩𑒝 𑒁𑒕𑒱 𑒛𑒩, 𑒠𑒩𑓂𑒠𑒏 𑒛𑒩𑒹 𑒍 𑒢𑒻 𑒮𑒳𑒢𑓄 𑒔𑒰𑒯𑒻 𑒕𑒟𑒱 𑒯𑒢𑒯𑒢𑒰𑒃𑒞, 𑒦𑒢𑒦𑒢𑒰𑒃𑒞 𑒍𑒃 𑒮𑓂𑒫𑒩𑒏𑒹𑒿।
𑒏𑒱𑒕𑒳 𑒁𑒖𑒲𑒥 𑒥𑒰𑒞 𑒮𑒦 𑒯𑒳𑒢𑒏𑒰 𑒁𑒮𑒯𑒖 𑒪𑒑𑒻 𑒕𑒢𑓂𑒯𑒱:
𑒂𑒑𑒱-𑒣𑒰𑒢𑒱𑒏𑒹𑒿
𑒧𑒢𑒏 𑒧𑒰𑒃𑒢𑒏𑒹𑒿

𑒏𑒰𑒩𑒝 𑒮𑒹𑒯𑒼 𑒕𑒻, 𑒁𑒑𑒱𑒪𑒯𑒲𑒏 𑒥𑒱𑒧𑓂𑒥 𑒠𑒹𑒐𑒴:
𑒮𑒣𑓂𑒣𑒞 𑒐𑒰𑒃 𑒏𑒰𑒪 𑒠𑒹𑒫𑒞𑒰
𑒪𑒼𑒏𑒏 𑒒𑒩 𑒖𑒛𑓃𑒥𑒻𑒏𑒰𑒪 𑒧𑒱𑒞𑓂𑒞𑒰

𑒖𑓂𑒘𑒰𑒢 𑒂 𑒖𑓂𑒘𑒰𑒢𑒲 𑒂 𑒖𑓂𑒘𑒰𑒢𑒏 𑒣𑓂𑒩𑒏𑒰𑒬 𑒮𑒹𑒯𑒼 𑒯𑒳𑒢𑒏𑒰 𑒏𑒐𑒢𑒼 𑒍𑒗𑒩𑒲𑒧𑒹 𑒡𑓄 𑒠𑒻 𑒕𑒢𑓂𑒯𑒱:
𑒖𑓂𑒘𑒰𑒢𑒼 𑒦𑓄 𑒖𑒰𑒃𑒞 𑒁𑒕𑒱 𑒑𑒳𑒪𑒰𑒧
𑒮𑒰𑓀𑒏𑒵𑒞𑓂𑒨𑒰𑒨𑒢 𑒣𑒛𑓃𑒻 𑒕𑒟𑒱 𑒧𑒼𑒢 𑒡𑒩𑒰𑒧

𑒪𑒯𑒰𑒮 𑒖𑒹 𑒁𑒯𑒰𑒿𑒏𑒹𑒿 𑒥𑒳𑒗𑒰 𑒣𑒛𑓃𑒻𑒋 𑒮𑒹𑒯𑒼 𑒂𑒥 𑒥𑒰𑒖𑒞:
𑒂𑒥 𑒍 𑒥𑒰𑒖𑒞
𑒥𑒖𑒻𑒞-𑒥𑒖𑒻𑒞 𑒯𑒿𑒮𑒞
𑒁𑒯𑒰𑒿𑒏 𑒏𑒵𑒞𑒱𑒣𑒩
𑒥𑒢𑒪 𑒮𑓀𑒮𑓂𑒏𑒵𑓃𑒞𑒱𑒣𑒩

𑒧𑓀𑒑𑒪 𑒂 𑒧𑓀𑒑𑒪𑒰 𑒯𑒳𑒢𑒏𑒩 𑒏𑒫𑒱𑒞𑒰𑒧𑒹 𑒮𑒹𑒯𑒼 𑒏𑒋𑒏 𑒚𑒰𑒧 𑒂𑒋𑒪 𑒁𑒕𑒱। 𑒫𑒱𑒫𑒬𑒞𑒰𑒏 𑒣𑓂𑒩𑒞𑒲𑒏 𑒁𑒕𑒱 𑒧𑓀𑒑𑒪𑒰!
𑒏𑒰𑒞𑒧𑒹 𑒚𑒰𑒜𑓃 𑒦𑓄 𑒧𑓀𑒑𑒪𑒰

𑒂 𑒂𑒑𑒰𑒿…
𑒁𑒣𑒢𑒰𑒏𑒹𑒿 𑒏𑒹𑒪𑒏 𑒋𑒏𑒼𑒩

𑒞𑒿 𑒮𑒳𑒐𑒰𑒋𑒪 𑒒𑒰𑒙𑒏 𑒒𑒙𑒫𑒰𑒩𑒲 𑒧𑓀𑒑𑒪𑒰𑒣𑒩 𑒠𑒹𑒐𑒴 𑒍𑒏𑒩 𑒫𑒱𑒫𑒬𑒞𑒰:
𑒮𑒳𑒐𑒪𑒾 𑒒𑒰𑒙𑒏 𑒪𑒹𑒞𑒻 𑒐𑒹𑒥𑒰𑒃
𑒢𑒻 𑒠𑒹𑒥𑒻 𑒞𑒿 𑒠𑒹𑒞 𑒄 𑒩𑒹𑒥𑒰𑒛𑓃𑒱।
𑒮𑒋𑒯 𑒦𑒹𑒪 𑒧𑓀𑒑𑒪𑒰 𑒒𑒳𑒩𑒱 𑒑𑒹𑒪
𑒣𑒕𑒱𑒧𑒹 𑒧𑒳𑒩𑒱 𑒑𑒹𑒪

𑒏𑒫𑒱 𑒏𑒳𑒧𑓂𑒯𑒩𑒾𑒙𑒏 𑒥𑒱𑒧𑓂𑒥 𑒋𑒢𑒰 𑒁𑒢𑒻 𑒕𑒟𑒱:
𑒏𑒰𑒿𑒔 𑒧𑒰𑒙𑒱𑒏 𑒧𑒴𑒩𑓂𑒞𑒱 𑒖𑒯𑒱𑒢𑒰
𑒜𑒰𑒹𑒔𑒰 𑒧𑒰𑒞𑓂𑒩 𑒏𑒯𑒥𑒻𑒋।
𑒞𑒯𑒱𑒢𑒰 𑒞𑒿 𑒤𑒴𑒪𑒼𑒮𑒿 𑒥𑒢𑒪 𑒤𑒪
𑒮𑒱𑒩𑒐𑒰𑒩 𑒧𑒰𑒞𑓂𑒩 𑒏𑒯𑒥𑒻𑒋।
𑒂 𑒫𑒋𑒯 𑒮𑒱𑒩𑒐𑒰𑒩 𑒢𑒹
𑒂𑒬𑒰 𑒥𑒰𑒢𑓂𑒯𑒱𑒰-𑒥𑒰𑒢𑓂𑒯𑒱
𑒩𑒾𑒠-𑒥𑒮𑒰𑒞 𑒮𑒯𑒻𑒋

𑒂 𑒁𑒣𑒢𑒹 𑒮𑒢 𑒂𑒩 𑒥𑒙𑒼𑒯𑒲 𑒮𑒹𑒯𑒼 𑒯𑒱𑒢𑒏𑒰 𑒦𑒹𑒙𑒱 𑒖𑒰𑒃 𑒕𑒢𑓂𑒯𑒱:
𑒯𑒧𑒩𑒹 𑒮𑒢 𑒃𑒯𑒼 𑒮𑒦 𑒥𑒙𑒼𑒯𑒲
𑒯𑒩𑒰𑒋𑒪 𑒥𑒰𑒙 𑒥𑒜𑓃𑒋 𑒔𑒰𑒯𑒻𑒋

𑒏𑒫𑒱𑒏𑒹𑒿 𑒏𑒼𑒢𑒼 𑒦𑓂𑒩𑒧 𑒢𑒻 𑒕𑒢𑓂𑒯𑒱 𑒖𑒹 𑒖𑒹𑒯𑒢𑒹 𑒥𑒰𑒙 𑒔𑒪𑒥 𑒞𑒹𑒯𑒢𑒹 𑒒𑒰𑒙 𑒦𑒹𑒙𑒞 𑒂 𑒞𑒐𑒢 𑒍𑒃 𑒒𑒰𑒙𑒣𑒩 𑒣𑒰𑒢𑒱 𑒮𑒹𑒯𑒼 𑒞𑒹𑒯𑒢𑒹 𑒦𑒹𑒙𑒞:
𑒖𑒯𑒱𑒢𑒰 𑒔𑒪𑒻𑒏 𑒥𑒰𑒙 𑒯𑒼𑒃 𑒕𑒻
𑒞𑒯𑒱𑒢𑒰 𑒞𑒿 𑒥𑒳𑒗𑒻𑒨𑒼𑒏 𑒥𑒰𑒙 𑒕𑒻
𑒖𑒹𑒯𑒹𑒢 𑒖𑒹 𑒥𑒰𑒙 𑒔𑒪𑒻 𑒕𑒻
𑒞𑒹𑒯𑒢𑒹 𑒒𑒰𑒙 𑒣𑒯𑒳𑒿𑒔𑒻 𑒕𑒻

𑒄 𑒥𑒰𑒙 𑒂 𑒫𑒱𑒔𑒰𑒩 𑒯𑒳𑒢𑒏𑒩 𑒋𑒏𑒙𑒰 𑒂𑒩𑒼 𑒏𑒫𑒱𑒞𑒰𑒧𑒹 𑒁𑒥𑒻𑒞 𑒁𑒕𑒱:
𑒫𑒱𑒔𑒰𑒩𑒏 𑒮𑓀𑒑 𑒖𑒿 𑒔𑒰𑒪𑒱 𑒩𑒯𑒪
𑒒𑒰𑒙𑒣𑒩 𑒖𑒰𑒃𑒮𑒿 𑒏𑒱𑒨𑒼 𑒢𑒻 𑒩𑒼𑒏𑒞

𑒂 𑒢𑒲𑒏 𑒫𑒰 𑒁𑒡𑒪𑒰𑒯 𑒥𑒰𑒙 𑒏𑒱𑒨𑒼 𑒏𑒹𑒢𑒰 𑒡𑒩𑒻𑒋, 𑒞𑒯𑒴𑒣𑒩 𑒯𑒳𑒢𑒏𑒩 𑒪𑒹𑒐𑒢𑒲 𑒔𑒪𑒻 𑒕𑒢𑓂𑒯𑒱:
𑒖𑒹𑒯𑒢𑒹 𑒒𑒩𑒏 𑒪𑒼𑒏 𑒩𑒯𑒻 𑒕𑒻
𑒒𑒩𑒏 𑒧𑒳𑒿𑒯𑒟𑒩𑒱 𑒞𑒹𑒯𑒢𑒹 𑒯𑒼𑒃 𑒕𑒻।
𑒖𑒹𑒯𑒢𑒹 𑒒𑒩𑒏 𑒧𑒳𑒿𑒯𑒟𑒩𑒱 𑒩𑒯𑒻 𑒕𑒻
𑒞𑒹𑒯𑒢𑒹 𑒢𑒹 𑒥𑒰𑒙𑒼 𑒡𑒛𑓃𑒻 𑒕𑒻

𑒂 𑒄 𑒥𑒰𑒙 𑒯𑒳𑒢𑒏𑒩 𑒣𑒕𑒼𑒛𑓃 𑒑𑒖𑒪𑒧𑒹 𑒮𑒹𑒯𑒼 𑒢𑒻 𑒕𑒼𑒛𑓃𑒻 𑒕𑒢𑓂𑒯𑒱:
𑒑𑒼𑒩 𑒧𑒾𑒑𑒲 𑒑𑒾𑒩𑒥𑒹 𑒂𑒢𑓂𑒯𑒩 𑒦𑒹𑒪𑒱 𑒁𑒛𑓃𑒪
𑒏𑒩𑒱𑒨𑒰 𑒥𑒰𑒙 𑒥𑒳𑒗𑒰𑒃𑒋 𑒔𑒪𑒴 𑒒𑒳𑒩𑒱 𑒔𑒪𑒲

𑒍 𑒢𑒱𑒩𑒰𑒬 𑒏𑒐𑒢𑒼 𑒢𑒻 𑒯𑒼𑒃 𑒕𑒟𑒱:
𑒧𑒩𑒪𑒹𑒧𑒹 𑒧𑒰𑒩𑒱 𑒐𑒰-𑒐𑒰
𑒧𑒰𑒩𑒪 𑒥𑒳𑒃𑒡 𑒏𑒯𑒥𑒻 𑒕𑒲

𑒂 𑒋𑒏𑒩 𑒏𑒰𑒩𑒝 𑒕𑒻, 𑒍 𑒏𑒯𑒻 𑒕𑒟𑒱:
𑒖𑒯𑒱𑒢𑒰 𑒣𑒥𑒱𑒞𑒹 𑒁𑒠𑓂𑒩𑒰𑒏 𑒣𑒰𑒢𑒱
𑒧𑒳𑒃𑒪𑒯𑒼 𑒡𑒰𑒩 𑒖𑒲𑒥𑒻 𑒕𑒻।
𑒦𑒪𑒯𑒱𑓀 𑒖𑒲𑒞𑒯𑒰 𑒡𑒰𑒩 𑒥𑒲𑒔
𑒞𑒲𑒢-𑒧𑒮𑒳𑒂 𑒍 𑒏𑒯𑒥𑒻 𑒕𑒻

𑒂 𑒌 𑒂𑒬𑒰-𑒂𑒏𑓂𑒩𑒼𑒬 𑒂 𑒢𑒱𑒩𑒰𑒬𑒰𑒏 𑒧𑒡𑓂𑒨 𑒍 𑒪𑒱𑒐𑒻 𑒕𑒟𑒱:
𑒕𑒼𑒛𑓃𑒱 𑒠𑒹𑒢𑒹 𑒙𑒴𑒙𑒱 𑒖𑒰𑒋𑒞 𑒮𑒧𑒰𑒖
𑒁𑒣𑒢 𑒅𑒧𑒹𑒬 𑒖𑒼𑒛𑓃𑒞𑒻 𑒞𑒿 𑒔𑒯𑒏𑒞𑒻 𑒪𑒑𑒻𑒋 𑒄।


𑒅𑒧𑒹𑒬 𑒧𑒝𑓂𑒛𑒪 𑒖𑒹 𑒏𑒱𑒕𑒳 𑒏𑒯𑒻 𑒕𑒟𑒱 𑒢𑒱𑒬𑓂𑒞𑒳𑒏𑒲 𑒏𑒯𑒻 𑒕𑒟𑒱, 𑒒𑒳𑒩𑒕𑒲, 𑒍𑒗𑒩𑒲 𑒮𑒦𑒙𑒰 𑒔𑒰𑒩𑒴 𑒏𑒰𑒞 𑒣𑒮𑒩𑒪 𑒕𑒢𑓂𑒯𑒱। 𑒧𑒳𑒠𑒰 𑒮𑒼𑒗𑒩𑒰𑒥𑒻 𑒕𑒟𑒱, 𑒍𑒗𑒩𑒰𑒥𑒻 𑒢𑒻 𑒕𑒟𑒱।











𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩
𑒅𑒧𑒹𑒬 𑒣𑒰𑒮𑒫𑒰𑒢𑒏 𑒏𑒫𑒱𑒞𑒰 𑒮𑓀𑒑𑓂𑒩𑒯 “𑒫𑒩𑓂𑒝𑒱𑒞 𑒩𑒮”

𑒏𑒫𑒱𑒏𑒹𑒿 𑒨𑒳𑒫𑒰𑒣𑒩 𑒦𑒩𑒼𑒮 𑒕𑒢𑓂𑒯𑒱, 𑒂 𑒞𑒹𑒿 𑒨𑒳𑒫𑒰𑒏𑒹𑒿 𑒮𑒧𑓂𑒥𑒼𑒡𑒱𑒞𑒼 𑒏𑒩𑒻 𑒕𑒟𑒱 𑒂 𑒍𑒏𑒩 𑒂𑒯𑓂𑒫𑒰𑒢𑒼 𑒏𑒩𑒻 𑒕𑒟𑒱, 𑒖𑒹𑒢𑒰 “𑒯𑒧 𑒨𑒳𑒫𑒰” 𑒏𑒫𑒱𑒞𑒰𑒧𑒹 - 𑒖𑒰𑒞𑒱-𑒡𑒩𑓂𑒧/ 𑒧𑒖𑒯𑒥 𑒏𑒹𑒩 𑒢𑒰𑒧𑒣𑒩/ 𑒭𑒛𑒨𑓀𑒞𑓂𑒩 𑒩𑒔𑒻𑒋 𑒏𑒱𑒨𑒼/ 𑒯𑒧𑒩 𑒠𑒹𑒬𑒏𑒹𑒿/ 𑒦𑒲𑒞𑒩 𑒂𑒥𑒱 𑒏𑓄/ 𑒂𑒞𑓀𑒏𑒫𑒰𑒠𑒏/ 𑒑𑒰𑒕 𑒩𑒼𑒣𑒻𑒋 𑒏𑒱𑒨𑒼
𑒂 𑒞𑒏𑒩 𑒮𑒧𑓂𑒥𑒢𑓂𑒡 𑒯𑒳𑒢𑒏𑒩 “𑒖𑒲𑒞𑒏 𑒗𑒝𑓂𑒛𑒰” 𑒏𑒫𑒱𑒞𑒰𑒧𑒹 𑒦𑒹𑒙𑒞 𑒖𑒹𑒢𑒰:- 𑒖𑒩𑒻 𑒖𑒰𑒅/ 𑒫𑒞𑒢 𑒏𑒹𑒩 𑒠𑒳𑒬𑓂𑒧𑒢/ 𑒂𑒑𑒱 𑒮𑒳𑒢𑒑𑒰𑒋𑒪 𑒏𑒩𑒴।
𑒄 𑒖𑒹 𑒠𑒳𑒬𑓂𑒧𑒢 𑒁𑒕𑒱 𑒮𑒋𑒯 𑒤𑒯𑒩𑒥𑒰𑒥𑒃𑒋 𑒖𑒲𑒞𑒏 𑒗𑒝𑓂𑒛𑒰:- 𑒂𑒑𑒱 𑒮𑒳𑒢𑒑𑒰𑒋𑒪 𑒏𑒩𑒴/ 𑒖𑒲𑒞 𑒏𑒹𑒩 𑒗𑓀𑒛𑒰 𑒤𑒯𑒩𑒰𑒋𑒪 𑒏𑒩𑒴 𑒂 “𑒯𑒧 𑒨𑒳𑒫𑒰”𑒧𑒹 𑒮𑒹𑒯𑒼 𑒍 𑒏𑒯𑒻 𑒕𑒟𑒱:- 𑒂𑒞𑓀𑒏𑒫𑒰𑒠𑒏/ 𑒑𑒰𑒕 𑒩𑒼𑒣𑒻𑒋 𑒏𑒱𑒨𑒼/ 𑒦𑒰𑒩𑒞𑒫𑒰𑒮𑒲 𑒬𑒹𑒩 𑒕𑒲/ 𑒬𑒹𑒩𑒏𑒹𑒿 𑒧𑒰𑒠𑒧𑒹 𑒂𑒥𑒱 𑒏𑓄/ 𑒖𑒑𑒥𑒻𑒋 𑒏𑒱𑒨𑒼। 𑒏𑒰𑒩𑒝 𑒖𑒹 𑒠𑒹𑒬𑒏 𑒨𑒳𑒫𑒰 𑒕𑒟𑒱 𑒮𑒹:- 𑒯𑒧 𑒕𑒲 𑒑𑒼𑒪𑒲,/ 𑒯𑒧 𑒕𑒲 𑒥𑒰𑒩𑒴𑒠/ 𑒯𑒧𑒯𑒲 𑒐𑓀𑒖𑒩 𑒞𑒪𑒫𑒰𑒩 𑒕𑒲। 𑒞𑒐𑒢 𑒌 𑒑𑒼𑒪𑒲 𑒪𑒹𑒪 𑒣𑒹𑒮𑓂𑒞𑒾𑒪, 𑒥𑒰𑒩𑒳𑒠 𑒪𑒹𑒪 𑒂𑒑𑒱 𑒏𑒹 𑒕𑒟𑒱? 𑒍 𑒕𑒟𑒱 𑒨𑒳𑒫𑒰 𑒖𑒹 𑒕𑒟𑒱 𑒐𑓀𑒖𑒩 𑒂 𑒞𑒪𑒫𑒰𑒩।
𑒞𑒿 𑒏𑒲 𑒠𑒳𑒬𑓂𑒧𑒢𑒲 𑒂𑒡𑒰𑒩𑒱𑒞 𑒖𑒼𑒬 𑒕𑒢𑓂𑒯𑒱 𑒯𑒳𑒢𑒏𑒩 𑒏𑒫𑒱𑒞𑒰? 𑒢𑒻 𑒮𑒹 𑒢𑒻 𑒁𑒕𑒱- 𑒖𑒾𑓀 𑒠𑒼𑒮𑓂𑒞𑒲𑒏 𑒪𑒹𑒪 𑒯𑒰𑒟 𑒥𑒜𑓃𑒰𑒋𑒥/ 𑒞𑒿 𑒯𑒧𑒯𑒲 𑒤𑒴𑒪𑒏 𑒧𑒰𑒪𑒰/ 𑒑𑒪𑒰 𑒏𑒹𑒩 𑒯𑒰𑒩 𑒕𑒲। 𑒏𑒫𑒱𑒏𑒹𑒿 𑒙𑓀𑒑𑒒𑒱𑒔𑓂𑒔𑒰-𑒒𑒱𑒔𑓂𑒔𑒲𑒏 𑒐𑒹𑒪 𑒢𑒻 𑒣𑒮𑒱𑒢𑓂𑒢 𑒕𑒢𑓂𑒯𑒱। 𑒂 𑒏𑒫𑒱 𑒏𑒯𑒻 𑒕𑒟𑒱।
𑒆𑒣𑒩𑒮𑒿 𑒢𑒴𑒢𑒴 𑒥𑒾𑒂/ 𑒦𑒱𑒞𑒩𑒹-𑒦𑒱𑒞𑒩 𑒏𑒯𑒻𑒋 𑒥𑒏𑒪𑒹𑒪/ 𑒥𑒩𑓂𑒭𑒼𑒮𑒿 𑒠𑒹𑒐𑒱 𑒩𑒯𑒪 𑒕𑒲/ 𑒯𑒩 𑒞𑒩𑒯𑒮𑒿 𑒠𑒪𑒱𑒞𑒏 𑒅𑒣𑒹𑒏𑓂𑒭𑒰।
𑒥𑒰𑒜𑓃𑒱𑒏 𑒣𑓂𑒩𑒏𑒼𑒣 𑒏𑒫𑒱𑒏𑒹𑒿 𑒏𑒯𑒥𑒰𑒣𑒩 𑒫𑒱𑒫𑒬 𑒏𑒩𑒻 𑒕𑒢𑓂𑒯𑒱: 𑒏𑒹𑒢𑒰 𑒏𑓄 𑒌𑒥𑒹𑒩 𑒐𑒹𑒞𑒏 𑒂𑒛𑓃𑒱𑒣𑒩/ 𑒖𑒰 𑒏𑓄 𑒏𑒯𑒥/ 𑒮𑒹𑒩-𑒥𑒩𑒼𑒥𑒩𑒱/ 𑒅𑒐𑒻𑒩 𑒮𑒢 𑒥𑒲𑒙/ 𑒮𑒧𑒰𑒚 𑒮𑒢 𑒮𑒱𑒮। 𑒑𑒥𑒯𑒰 𑒮𑓀𑒏𑓂𑒩𑒰𑒢𑓂𑒞𑒱𑒣𑒩 𑒏𑒫𑒱𑒏𑒹𑒿 𑒏𑒯𑓄 𑒣𑒛𑓃𑒻 𑒕𑒢𑓂𑒯𑒱: 𑒏𑒹𑒢𑒰 𑒏𑓄 𑒑𑒳𑒖𑒩 𑒔𑒪𑒞/ 𑒅𑒣𑒖𑒰 𑒏𑓄 𑒏𑒰𑒮-𑒣𑒙𑒹𑒩। 𑒍 𑒏𑒼𑒮𑒲𑒏𑒹𑒿 𑒏𑒯𑒻 𑒕𑒟𑒱: 𑒏𑓄 𑒠𑒹𑒪𑒱𑒌 𑒧𑒱𑒟𑒱𑒪𑒰𑒏𑒹𑒿 𑒠𑒴-𑒦𑒰𑒑𑒧𑒹/ 𑒁𑒯𑒰𑒿 𑒣𑒴𑒥𑒧𑒹 𑒮𑒯𑒩𑒮𑒰-𑒮𑒳𑒣𑒾𑒪/ 𑒣𑒕𑒱𑒧𑒧𑒹 𑒧𑒡𑒳𑒥𑒢𑒲-𑒠𑒩𑒦𑓀𑒑𑒰/ 𑒥𑒱𑒔𑒧𑒹 𑒁𑒑𑒥𑒹 𑒥𑒰𑒪𑒳 𑒂 𑒡𑒴𑒪।
𑒧𑒳𑒠𑒰 𑒤𑒹𑒩 𑒢𑒱𑒩𑓂𑒧𑒪𑓂𑒪𑒲𑒏 𑒣𑒳𑒪 𑒥𑒢𑒥𑒰𑒏 𑒔𑒩𑓂𑒔: 𑒏𑒯𑒴 𑒂𑒥 𑒏𑒞𑒹𑒏 𑒔𑒳𑒣 𑒩𑒯𑒥/ 𑒌𑒥𑒹𑒩 𑒯𑒧 𑒥𑒢𑒰 𑒠𑒹𑒪𑒾𑓀 𑒣𑒳𑒪।
𑒣𑒜𑓃𑒪-𑒪𑒱𑒐𑒪 𑒠𑒪𑒱𑒞𑒏 𑒮𑒰𑒧𑒰𑒢𑓂𑒨 𑒠𑒪𑒱𑒞𑒏 𑒣𑓂𑒩𑒞𑒱 𑒫𑓂𑒨𑒫𑒯𑒰𑒩𑒣𑒩 𑒖𑒞𑒹𑒏 𑒁𑒧𑓂𑒥𑒹𑒛𑒏𑒩 𑒠𑒳𑒐𑒲 𑒩𑒯𑒟𑒱 𑒞𑒞𑒥𑒹 𑒔𑒱𑒢𑓂𑒞𑒰 𑒅𑒧𑒹𑒬 𑒣𑒰𑒮𑒫𑒰𑒢𑒏𑒹𑒿 𑒮𑒹𑒯𑒼 𑒕𑒢𑓂𑒯𑒱: 𑒮𑓂𑒫𑒨𑓀 𑒠𑒪𑒱𑒞 𑒕𑒲/ 𑒠𑒪𑒱𑒞𑒏 𑒠𑒩𑒠 𑒖𑒢𑒻 𑒕𑒲/ 𑒏𑒱𑒕𑒳 𑒫𑓂𑒨𑒏𑓂𑒞𑒱𑒏 𑒏𑒱𑒩𑒠𑒰𑒢𑒲𑒮𑒿 𑒔𑒏𑒱𑒞 𑒕𑒲/ 𑒠𑒪𑒱𑒞 𑒦𑓄 𑒏𑓄 𑒍/ 𑒫𑓂𑒨𑒏𑓂𑒞𑒱 𑒁𑒣𑒢𑒼 𑒮𑒧𑒰𑒖𑒏𑒹𑒿 𑒥𑒱𑒮𑒩𑒱 𑒑𑒹𑒪/ 𑒁𑒣𑓂𑒣𑒢 𑒦𑒰𑒭𑒰-𑒦𑒹𑒭 𑒕𑒼𑒛𑓃𑒱 𑒏𑓄/ 𑒠𑒼𑒮𑒩𑒏 𑒩𑓀𑒑-𑒜𑓀𑒑𑒧𑒹 𑒜𑒪𑒱 𑒑𑒹𑒪।
𑒍 𑒮𑒧𑒰𑒖𑒮𑒿 𑒣𑒳𑒕𑒻 𑒕𑒟𑒱: 𑒯𑒧 𑒠𑒪𑒱𑒞 𑒕𑒲/ 𑒧𑒹𑒯𑒢𑒞𑒱-𑒧𑒖𑒠𑒳𑒩𑒲 𑒏𑒋 𑒏𑓄 𑒥𑒱𑒞𑒥𑒻 𑒕𑒲 𑒁𑒣𑒢 𑒖𑒲𑒫𑒢/ 𑒞𑒻𑒨𑒼 𑒖𑒩𑒻𑒞 𑒁𑒕𑒱।
𑒏𑒫𑒱 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪 𑒖𑒲 𑒮𑒿 𑒣𑓂𑒩𑒦𑒰𑒫𑒱𑒞 𑒕𑒟𑒱 𑒂 𑒮𑒹 𑒍 𑒋𑒏𑒙𑒰 𑒏𑒫𑒱𑒞𑒰𑒏 𑒧𑒰𑒡𑓂𑒨𑒧𑒹 𑒏𑒯𑒻 𑒕𑒟𑒱: 𑒯𑒧 𑒕𑒲 𑒮𑒹𑒫𑒏 𑒧𑒻𑒟𑒱𑒪/ 𑒖𑒑𑒠𑒲𑒬 𑒥𑒰𑒥𑒴𑒏 𑒔𑒹𑒪𑒰/ 𑒢𑒻 𑒯𑒧𑒩𑒰 𑒪𑒛𑓃𑒴 𑒐𑒱𑒨𑒾𑒪𑒢𑒱/ 𑒢𑒻 𑒠𑒹𑒪𑒟𑒱 𑒧𑒱𑒬𑓂𑒩𑒲𑒏 𑒜𑒹𑒪𑒰।
𑒧𑒳𑒠𑒰 𑒯𑒰𑒮𑓂𑒨𑒮𑒿 𑒍 𑒠𑒴𑒩 𑒢𑒻 𑒑𑒹𑒪 𑒕𑒟𑒱:
𑒗𑒼𑒙𑒰 𑒗𑒼𑒙𑒾𑒥𑒪𑒱/ 𑒯𑒹𑒞𑒾 𑒢𑒙𑒱𑒢𑒱𑒨𑒰/ 𑒞𑒼𑒩𑒰 𑒮𑓀𑒑 𑒁𑒯𑒲 𑒥𑒹𑒩 𑒑𑒹।
𑒫𑒮𑒢𑓂𑒞𑒏 𑒂𑒑𑒧𑒢𑒮𑒿 𑒧𑒰𑒞𑓂𑒩 𑒤𑒴𑒪-𑒣𑒰𑒞 𑒢𑒻 𑒂𑒢-𑒂𑒢 𑒖𑒲𑒫𑒢𑒮𑒿 𑒮𑒧𑓂𑒥𑒢𑓂𑒡𑒱𑒞 𑒫𑒾𑒮𑓂𑒞𑒳𑒣𑒩 𑒡𑓂𑒨𑒰𑒢 𑒖𑒰𑒃 𑒕𑒢𑓂𑒯𑒱 𑒯𑒳𑒢𑒏𑒩: 𑒑𑒰𑒕-𑒫𑒵𑒏𑓂𑒭𑒧𑒹 𑒢𑒫 𑒏𑒢𑒼𑒖𑒩𑒱𑒏 𑒮𑓀𑒑 𑒧𑒼𑒖𑒩 𑒤𑒴𑒪 𑒱𑒢𑒏𑒪𑒻𑒞 𑒁𑒕𑒱/ 𑒐𑒹𑒞𑒧𑒹 𑒑𑒯𑒳𑒧-𑒐𑒹𑒮𑒰𑒩𑒲 𑒞𑒱𑒮𑒲-𑒧𑒮𑒳𑒩𑒲 𑒞𑒼𑒩𑒲𑒏 𑒤𑒴𑒪𑒮𑒿 𑒮𑒧𑒳𑒔𑓂𑒔𑒰𑒯 𑒥𑒰𑒡 𑒑𑒧𑒏𑒻𑒞 𑒁𑒕𑒱/ 𑒧𑒡𑒳𑒧𑒰𑒕𑒲 𑒪𑒑𑒾𑒢𑒹 𑒮𑒹𑒢𑒳𑒩𑒱𑒨𑒰 𑒂𑒧𑒏 𑒑𑒰𑒕𑒣𑒩 𑒕𑒞𑓂𑒞𑒰 𑒠𑒹𑒐𑒱 𑒏𑓄 𑒪𑒳𑒏𑓂𑒐𑒲 𑒛𑒩𑒻𑒞 𑒁𑒕𑒱/ 𑒁𑒩𑒯𑒳𑒪𑒏 𑒤𑒴𑒪 𑒔𑒴𑒮𑒱 𑒏𑓄 𑒤𑒳𑒪𑒔𑒼𑒦𑒲 𑒔𑒱𑒯𑒳𑒏𑒻𑒞 𑒁𑒕𑒱/ 𑒏𑒾𑒂 𑒂 𑒏𑒼𑒃𑒪𑒲𑒧𑒹 𑒦𑒹𑒪 𑒁𑒕𑒱 𑒏𑒢𑒰𑒃𑒩।
𑒣𑒰𑒢𑒱 𑒢𑒻 𑒔𑒪𑒥𑒰𑒏 𑒑𑒣 𑒢𑒻 𑒥𑒳𑒗𑒰𑒃 𑒕𑒢𑓂𑒯𑒱 𑒯𑒳𑒢𑒏𑒰: 𑒠𑒹𑒯𑒮𑒿 𑒠𑒹𑒯 𑒏𑒹𑒢𑒰 𑒕𑒳𑒥𑒰𑒃 𑒕𑒻/ 𑒏𑒱𑒋𑒏 𑒢𑒻 𑒔𑒪𑒻𑒋 𑒯𑒧𑒩 𑒕𑒳𑒁𑒪 𑒣𑒰𑒢𑒱 𑒨𑒾/ 𑒏𑒼𑒢 𑒖𑒳𑒪𑒳𑒧𑒏 𑒮𑒖𑒰 𑒯𑒧𑒩𑒰 𑒠𑓄 𑒩𑒯𑒪 𑒕𑒲/ 𑒏𑒱𑒁𑒋 𑒥𑒳𑒗𑒻 𑒕𑒲 𑒯𑒧𑒩𑒰 𑒁𑒣𑒧𑒰𑒢𑒲 𑒨𑒾।
𑒮𑒳𑒠𑒰𑒧𑒰 𑒂 𑒏𑒵𑒭𑓂𑒝𑒏 𑒠𑒼𑒮𑓂𑒞𑒲𑒏𑒹𑒿 𑒮𑒦 𑒁𑒪𑒑 𑒏𑓄 𑒠𑒹𑒪𑒏: 𑒠𑒳𑒢𑒴 𑒠𑒼𑒮𑒏𑒹𑒿 𑒁𑒪𑒑 𑒏𑓄 𑒠𑒹𑒪𑒏 𑒪𑒼𑒏/ 𑒁𑒣𑓂𑒣𑒢 𑒩𑒰𑒮𑓂𑒞𑒰𑒏 𑒠𑒱𑒫𑒰𑒩 𑒖𑒏𑒰𑒿/ 𑒯𑒿𑒮𑒻𑒞 𑒐𑒹𑒪𑒻𑒞...।
𑒂 𑒄 𑒠𑒬𑒰 𑒏𑒱𑒋 𑒦𑒹𑒪? :- 𑒮𑒯𑒪𑒾𑓀 𑒮𑒦 𑒏𑒱𑒕𑒳 𑒮𑒪𑒯𑒹𑒬𑒏 𑒮𑓀𑒞𑒰𑒢 𑒩𑒯𑒱𑒞𑒼/ 𑒖𑒯𑒱𑒨𑒰 𑒞𑒏 𑒔𑒳𑒣 𑒩𑒯𑒪𑒾𑓀 𑒯𑒧।
𑒂 𑒏𑒯𑒻 𑒕𑒟𑒱: 𑒏𑒞𑒹𑒏 𑒪𑒱𑒐𑒥 𑒠𑒪𑒱𑒞𑒏 𑒥𑒹𑒟𑒰/ 𑒮𑒪𑒯𑒹𑒬 𑒑𑒰𑒧𑒏 𑒮𑓀𑒠𑒹𑒬।

𑒧𑒳𑒠𑒰 𑒏𑒲 𑒧𑒱𑒟𑒱𑒪𑒰𑒏 𑒦𑒰𑒭𑒰 𑒮𑓀𑒮𑓂𑒏𑒵𑒞𑒱 𑒏𑒏𑒩𑒼 𑒁𑒢𑒏𑒩 𑒕𑒲? 𑒢𑒻 𑒄 𑒞𑒿 𑒯𑒧𑒩 𑒕𑒲 𑒂 𑒞𑒻 𑒣𑒩 𑒑𑒩𑓂𑒫 𑒏𑒩𑒻 𑒕𑒟𑒱 𑒏𑒫𑒱:
𑒯𑒩𑒏 𑒣𑒰𑒕𑒰𑒿 𑒥𑒑𑒳𑒪𑒰 𑒒𑒳𑒧𑒻𑒋/ 𑒯𑒩𑒥𑒰𑒯𑒰 𑒖𑒼𑒩𑒮𑒿 𑒥𑒩𑒠𑒏𑒹𑒿 𑒥𑒰𑒥𑒴 𑒦𑒻𑒨𑒰 𑒏𑒯𑒱 𑒯𑒿𑒏𑒻𑒋।
𑒠𑒹𑒬𑒏 𑒫𑒱𑒏𑒰𑒮 𑒂 𑒢𑒹𑒞𑒰 𑒣𑒩 𑒯𑒳𑒢𑒏𑒰 𑒂𑒏𑓂𑒩𑒼𑒬 𑒕𑒢𑓂𑒯𑒱: 𑒌𑒚𑒰𑒧𑒏 𑒢𑒹𑒞𑒰 𑒕𑒻 𑒧𑒰𑒪𑒰-𑒧𑒰𑒪/ 𑒩𑒼𑒛-𑒮𑒛𑓃𑒏𑒏𑒹𑒿 𑒠𑒹𑒐𑒱𑒨𑒾 𑒞𑒿/
𑒏𑒠𑒥𑒰 𑒑𑒖𑒰𑒩 𑒮𑒢 𑒕𑒻 𑒟𑒰𑒪।
𑒂 𑒖𑒹 𑒥𑒛𑓃𑒏𑒰-𑒥𑒛𑓃𑒏𑒰 𑒩𑒰𑒭𑓂𑒙𑓂𑒩𑒲𑒨 𑒩𑒰𑒖𑒧𑒰𑒩𑓂𑒑 (𑒢𑒹𑒬𑒢𑒪 𑒯𑒰𑒃𑒫𑒹, 𑒋𑒢.𑒋𑒔.) 𑒕𑒻 𑒮𑒹 𑒞𑒏𑒩 𑒫𑒱𑒫𑒩𑒝 𑒏𑒱𑒕𑒳 𑒋𑒢𑒰 𑒕𑒻: 𑒧𑒾𑒞𑒏 𑒔𑒾𑒩𑒰𑒯𑒰 𑒥𑒢𑒪 𑒁𑒕𑒱 𑒋𑒢.𑒋𑒔 𑒦𑒳𑒞𑒯𑒰 𑒧𑒼𑒛𑓃।
𑒂 𑒪𑒼𑒏𑒏 𑒠𑒬𑒰-𑒠𑒱𑒬𑒰𑒣𑒩 𑒧𑒳𑒩𑓂𑒠𑒰 𑒮𑒹𑒯𑒼 𑒔𑒱𑒢𑓂𑒞𑒱𑒞 𑒁𑒕𑒱: 𑒑𑒰𑒩𑒪 𑒧𑒳𑒩𑓂𑒠𑒰 𑒕𑒙𑒣𑒙𑒰 𑒩𑒯𑒪 𑒁𑒕𑒱/ 𑒦𑒱𑒞𑒩𑒮𑒿 𑒁𑓀𑒑𑒳𑒩𑒲
𑒁𑒣𑓂𑒣𑒢 𑒅𑒚𑒰 𑒩𑒯𑒪 𑒁𑒕𑒱।
𑒢𑒰𑒩𑒲𑒏 𑒏𑒩𑓂𑒧𑒢𑒱𑒭𑓂𑒚 𑒮𑓂𑒫𑒦𑒰𑒫𑒣𑒩 𑒯𑒱𑒢𑒏𑒩 𑒪𑒹𑒐𑒢𑒲 𑒐𑒴𑒥 𑒔𑒪𑒪 𑒕𑒢𑓂𑒯𑒱: 𑒍𑒧𑒯𑒩 𑒥𑒱𑒂 𑒖𑒹 𑒅𑒐𑒰𑒩𑒻 𑒕𑒻 𑒧𑒯𑒱𑒪𑒰 𑒖𑒢/ 𑒏𑒼𑒃 𑒏𑒩𑒻 𑒕𑒻, 𑒮𑒰𑒮𑒳-𑒢𑒢𑒠𑒱𑒏 𑒢𑒱𑒢𑒰-𑒥𑒱𑒢𑒰/ 𑒏𑒼𑒃 𑒑𑒥𑒻 𑒕𑒻 𑒮𑒼𑒯𑒩-𑒮𑒧𑒠𑒰𑒻𑒢।
𑒏𑒫𑒱 𑒞𑒳𑒏𑒧𑒱𑒪𑒰𑒢𑒲𑒧𑒹 𑒮𑒹𑒯𑒼 𑒜𑒹𑒩 𑒩𑒰𑒮 𑒑𑒣 𑒏𑒯𑒱 𑒖𑒰𑒃 𑒕𑒟𑒱, 𑒣𑓀𑒖𑒰𑒥𑒧𑒹 𑒯𑒼𑒃𑒞 𑒧𑒖𑒠𑒴𑒩𑒏 𑒣𑒪𑒰𑒨𑒢𑒏 𑒔𑒩𑓂𑒔 𑒠𑒹𑒐𑒴:
𑒖𑒾𑓀 𑒁𑒐𑒰𑒩 𑒧𑒯𑒱𑒢𑒰𑒧𑒹 𑒥𑒳𑒜𑓃 𑒥𑒛𑓃𑒠/ 𑒣𑒖𑒩𑒰𑒧𑒹 𑒠𑒩𑒠/ 𑒣𑓀𑒖𑒰𑒥𑒧𑒹 𑒧𑒩𑒠 𑒁𑒕𑒱/ 𑒞𑒿 𑒮𑒧𑒗𑒴 𑒯𑒹 𑒑𑒹𑒪𑒯𑒹 𑒒𑒩 𑒕𑒲।
𑒍 𑒂𑒯𑓂𑒫𑒰𑒢 𑒏𑒩𑒻 𑒕𑒟𑒱: 𑒮𑒰𑒯𑒱𑒞𑓂𑒨𑒏 𑒠𑒪𑒱𑒠𑒩 𑒏𑒞𑒹𑒏 𑒖𑒳𑒪𑒳𑒧 𑒏𑒩𑒻𑒋 𑒯𑒧𑒩𑒰𑒣𑒩/ 𑒏𑒱𑒨𑒼 𑒞𑒿 𑒥𑒰𑒖𑒴/ 𑒏𑒱𑒨𑒼 𑒯𑒧𑒩𑒰 𑒠𑒱𑒮𑒮𑒿 𑒁𑒫𑒰𑒖 𑒅𑒚𑒰𑒅।
𑒂 𑒁𑒡𑒱𑒏𑒰𑒩 𑒞𑒿 𑒔𑒰𑒯𑒥𑒹 𑒏𑒩𑒲: 𑒁𑒣𑓂𑒣𑒢 𑒮𑒼𑒪𑓂𑒯𑒢𑒲 𑒥𑒪𑒰 𑒩𑒮𑒰 𑒂𑒥 𑒢𑒻 𑒮𑒳𑒢𑒥 𑒯𑒧/
𑒥𑒩𑓂𑒐𑒰 𑒞𑒼𑒛𑓃𑒱 𑒠𑒻𑒋 𑒥𑒰𑒢𑓂𑒯𑒏𑒹𑒿 𑒂 𑒥𑒢𑒰 𑒠𑒻𑒋 𑒑𑒰𑒧 𑒏𑒹𑒿 𑒏𑒼𑒮𑒲 𑒂 𑒏𑒧𑒪𑒰: 𑒪𑒡𑒢𑒹 𑒕𑒪 𑒮𑒞𑒯𑒱𑒨𑒰/ 𑒜𑒾𑒮𑒰𑒥𑒹𑓀𑒑 𑒏𑒱𑒛𑓃𑒲-𑒧𑒏𑒾𑒛𑓃𑒲
𑒏𑒩𑒻 𑒕𑒪 𑒮𑒼𑒩/ 𑒦𑒳𑒩𑒳𑒏𑒳𑒥𑒰 𑒏𑒢𑒲 𑒅𑒑𑒪 𑒕𑒪 𑒔𑒳𑒯-𑒔𑒳𑒯𑒱𑒨𑒰।
𑒞𑒿 𑒏𑒲 𑒏𑒯𑒪 𑒖𑒰𑒋 𑒌 “𑒫𑒩𑓂𑒝𑒱𑒞 𑒩𑒮” 𑒮𑒦𑒏𑒹𑒿। 𑒏𑒲 𑒏𑒫𑒱𑒏 𑒫𑒮𑒢𑓂𑒞 𑒧𑒰𑒞𑓂𑒩 𑒤𑒴𑒪-𑒣𑒰𑒞 𑒠𑒹𑒐𑒻𑒋 𑒖𑒹 𑒧𑒰𑒞𑓂𑒩 𑒮𑒳𑒑𑒢𑓂𑒡 𑒠𑒻𑒋, 𑒂𑒿𑒐𑒱𑒏𑒹𑒿 𑒮𑒳𑒐 𑒠𑒻𑒋, 𑒧𑒳𑒠𑒰 𑒖𑒩𑒪 𑒣𑒹𑒙𑒏𑒹𑒿 𑒮𑒹 𑒢𑒲𑒏 𑒪𑒑𑒞𑒻? 𑒞𑒹𑒿 𑒏𑒫𑒱𑒏 𑒫𑒩𑓂𑒝𑒱𑒞 𑒫𑒮𑒢𑓂𑒞𑒏 𑒩𑒮 𑒍 𑒤𑒪 𑒫𑒱𑒯𑒲𑒢 𑒮𑒳𑒢𑓂𑒠𑒩 𑒤𑒴𑒪 𑒢𑒻 𑒦𑓄 𑒮𑒏𑒻𑒋, 𑒂 𑒮𑒹 𑒢𑒯𑒱𑒨𑒹 𑒁𑒕𑒱। 𑒠𑒪𑒱𑒞 𑒫𑒱𑒧𑒩𑓂𑒬 𑒠𑒪𑒱𑒞 𑒠𑓂𑒫𑒰𑒩𑒰, 𑒂 𑒍𑒃 𑒠𑒪𑒱𑒞 𑒠𑓂𑒫𑒰𑒩𑒰 𑒖𑒹𑒏𑒩 𑒡𑒳𑒂𑒡𑒖𑒰 𑒕𑒻 𑒮𑒪𑒯𑒹𑒬 𑒮𑒢, 𑒢𑒻 𑒥𑒱𑒮𑒩𑒪 𑒁𑒕𑒱 𑒁𑒣𑒢 𑒮𑓀𑒮𑓂𑒏𑒵𑒞𑒱, 𑒥𑒼𑒪𑒲-𑒫𑒰𑒝𑒲, 𑒢𑒻 𑒥𑒱𑒮𑒩𑒪 𑒁𑒕𑒱 𑒮𑒼𑒯𑒩-𑒮𑒧𑒠𑒾𑒢। 𑒂 𑒮𑒹 𑒕𑒟𑒱 𑒅𑒧𑒹𑒬 𑒣𑒰𑒮𑒫𑒰𑒢। 𑒂 𑒖𑒹 𑒯𑒳𑒢𑒏𑒩 𑒫𑒮𑒢𑓂𑒞𑒏𑒹𑒿 𑒠𑒹𑒐𑒥𑒰𑒏, 𑒋𑒢.𑒋𑒔.𑒏 𑒔𑒾𑒩𑒰𑒯𑒰𑒏𑒹𑒿 𑒠𑒹𑒐𑒥𑒰𑒏 𑒠𑒵𑒭𑓂𑒙𑒱 𑒤𑒩𑒰𑒏 𑒁𑒕𑒱 𑒞𑒹𑒿 𑒯𑒳𑒢𑒏𑒩 𑒏𑒫𑒱𑒞𑒰 𑒮𑒹𑒯𑒼 𑒤𑒩𑒰𑒏 𑒁𑒕𑒱।

𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩
𑒮𑒳𑒖𑒲𑒞𑒏 𑒖𑒱𑒠𑓂𑒠𑒲
𑒮𑒳𑒖𑒲𑒞𑒏 𑒢𑒫 𑒏𑒟𑒰 𑒮𑓀𑒑𑓂𑒩𑒯 𑒮𑒧𑓂𑒫𑒹𑒠𑒢𑒰𑒧𑒹 𑒑𑒯𑒲𑓀𑒩𑒡𑒩𑒱 𑒅𑒞𑒩𑒪 𑒁𑒕𑒱 । 𑒂𑒠𑒩𑓂𑒬 𑒏𑒟𑒰𑒧𑒹 𑒏𑒟𑒰𑒏𑒰𑒩 𑒮𑒳𑒖𑒲𑒞 𑒧𑒯𑒱𑒪𑒰 𑒮𑒴𑒞𑓂𑒩𑒡𑒰𑒩 𑒥𑒢𑒪 𑒕𑒟𑒱, 𑒬𑒻𑒪𑒲𑒏 𑒦𑒱𑒢𑓂𑒢𑒞𑒰𑒏 𑒮𑓀𑒑 𑒒𑒩 𑒥𑒪𑒰𑒮𑒿 𑒣𑒯𑒱𑒢𑒹 𑒢𑒯𑒰𑒋𑒪 𑒕𑒲 𑒞𑓄 𑒥𑒰𑒪𑓂𑒙𑒱𑒢 𑒧𑒰𑒿𑒖𑒱 𑒠𑒱𑒨 𑒢𑒯𑒱 𑒞𑓄 𑒒𑒩 𑒥𑒪𑒰𑒏𑒹 𑒅𑒧𑒹𑒩 𑒒𑒙𑒻𑒞 𑒕𑒻𑒏 । 𑒮𑒰𑒮𑒳𑒏 𑒧𑒳𑒿𑒯𑒮𑒿 𑒄 𑒑𑒣 𑒮𑒴𑒢𑒱 𑒦𑒻𑒩𑒯𑒫𑒰 𑒢𑒑𑒩𑒧𑒹 𑒣𑒪𑒪𑒱 𑒧𑒳𑒠𑒰 𑒠𑒹𑒯𑒰𑒞𑒧𑒹 𑒥𑒱𑒨𑒰𑒯𑒪𑒱 𑒧𑒯𑒱𑒪𑒰 𑒏𑒟𑒰 𑒮𑒴𑒞𑓂𑒩𑒡𑒰𑒩 𑒁𑒣𑒢 𑒫𑒱𑒡𑒫𑒰 𑒮𑒰𑒮𑒳𑒏 𑒫𑒱𑒭𑒨𑒧𑒹 𑒮𑒼𑒔𑒻 𑒕𑒟𑒱 𑒖𑒹 𑒖𑒿 𑒥𑒰𑒪𑓂𑒙𑒱𑒢 𑒧𑒿𑒖𑒪𑒰𑒮𑒿 𑒣𑒞𑒱𑒏 𑒅𑒧𑒹𑒩 𑒥𑒜𑒞𑒻 𑒕𑒻 𑒞𑓄 𑒍 𑒏𑒱𑒋 𑒫𑒱𑒡𑒫𑒰 𑒦𑓄 𑒑𑒹𑒪𑒲 ! 𑒣𑒞𑒱 𑒁𑒩𑒳𑒝 𑒁𑒏𑒮–𑒞𑒱𑒏𑒮𑒧𑒹 𑒣𑒩𑒪 𑒁𑒕𑒱 । 𑒧𑒰𑒋 𑒂 𑒣𑒞𑓂𑒢𑒲 𑒠𑒳𑒢𑒴 𑒍𑒏𑒩𑒰 𑒔𑒰𑒯𑒲 । 𑒧𑒳𑒠𑒰 𑒮𑒴𑒞𑓂𑒩𑒡𑒰𑒩 𑒒𑒩 𑒕𑒼𑒛𑓃𑒱 𑒋𑒪𑒲𑒯 । 𑒁𑒩𑒳𑒝 𑒏𑒯𑒻𑒞 𑒩𑒯𑒟𑒱 𑒖𑒹 𑒖𑒿 𑒯𑒳𑒢𑒏𑒰 𑒥𑒹𑒙𑒰 𑒯𑒋𑒞𑒻𑒢𑓂𑒯𑒱 𑒞𑓄 𑒍 𑒍𑒏𑒩 𑒢𑒰𑒧 𑒂𑒠𑒩𑓂𑒬 𑒩𑒐𑒞𑒰𑒯 ।
𑒖𑒱𑒠𑓂𑒠𑒲 𑒏𑒟𑒰𑒧𑒹 𑒬𑒰𑒩𑒠𑒰 𑒁𑒣𑒢 𑒢𑒵𑒞𑓂𑒨 𑒂 𑒁𑒦𑒱𑒢𑒨𑒏 𑒥𑒱𑒔𑓂𑒔𑒹𑒧𑒹 𑒕𑒼𑒛𑓃𑒪 𑒖𑒋𑒥𑒰𑒏 𑒥𑒰𑒞 𑒧𑒼𑒢𑒧𑒹 𑒩𑒐𑒢𑒹 𑒕𑒟𑒱 𑒂 𑒥𑒹𑒙𑒰 𑒖𑒨𑒢𑓂𑒞 𑒂 𑒥𑒹𑒙𑒲 𑒑𑒱𑒢𑓂𑒢𑒲𑒏 𑒢𑒵𑒞𑓂𑒨 𑒂 𑒁𑒦𑒱𑒢𑒨𑒏 𑒣𑓂𑒩𑒞𑒱 𑒮𑓂𑒢𑒹𑒯𑒧𑒹 𑒁𑒣𑒢 𑒅𑒠𑓂𑒠𑒹𑒬𑓂𑒨 𑒠𑒹𑒐𑒻 𑒕𑒟𑒱 । 𑒣𑒞𑒱 𑒫𑒱𑒩𑒼𑒡 𑒏𑒩𑒻 𑒕𑒟𑒱 । 𑒥𑒹𑒙𑒰 𑒞𑓄 𑒢𑒵𑒞𑓂𑒨 𑒂 𑒁𑒦𑒱𑒢𑒨 𑒕𑒼𑒛𑓃𑒱 𑒠𑒻𑒞 𑒁𑒕𑒱 𑒧𑒳𑒠𑒰 𑒥𑒹𑒙𑒲 𑒯𑒳𑒢𑒏𑒩 𑒅𑒠𑓂𑒠𑒹𑒬𑓂𑒨𑒏𑒹𑒿 𑒣𑒴𑒩𑓂𑒝 𑒏𑒩𑒻𑒞 𑒠𑒹𑒐𑒰𑒃𑒞 𑒕𑒻𑒢𑓂𑒯𑒱 । 𑒧𑒳𑒠𑒰 𑒞𑒐𑒢𑒹 𑒠𑒰𑒩𑒳, 𑒮𑒱𑒑𑒩𑒹𑒙 𑒂 𑒁𑒢𑒻𑒞𑒱𑒏 𑒮𑒧𑓂𑒥𑒢𑓂𑒡.. 𑒏𑒟𑒰𑒏 𑒣𑒴𑒩𑓂𑒫𑒰𑒩𑓂𑒡𑒹 𑒢𑒵𑒞𑓂𑒨 𑒂 𑒁𑒦𑒱𑒢𑒨𑒏 𑒣𑓂𑒩𑒞𑒱 𑒠𑒵𑒭𑓂𑒙𑒱𑒏𑒼𑒝 𑒅𑒞𑓂𑒞𑒩𑒰𑒩𑓂𑒡 𑒧𑒯𑒱𑒪𑒰 𑒮𑒬𑒏𑓂𑒞𑒱𑒏𑒩𑒝 𑒠𑒱𑒮 𑒖𑒰𑒃𑒞–𑒖𑒰𑒃𑒞 𑒏𑒞𑒾 𑒂𑒢 𑒚𑒰𑒧 𑒔𑒪𑒱 𑒖𑒰𑒃𑒞 𑒁𑒕𑒱 । 𑒥𑒹𑒙𑒰 𑒢𑒵𑒞𑓂𑒨 𑒂 𑒁𑒦𑒱𑒢𑒨 𑒕𑒼𑒛𑓃𑒱 𑒠𑒻𑒕𑒻𑒢𑓂𑒯𑒱 𑒧𑒳𑒠𑒰 𑒬𑒰𑒩𑒠𑒰𑒏 𑒥𑒹𑒙𑒲 𑒢𑒻.. 𑒧𑒯𑒱𑒪𑒰𑒏 𑒂𑒏𑒰𑓀𑒏𑓂𑒭𑒰 𑒧𑒯𑒱𑒪𑒰 𑒠𑓂𑒫𑒰𑒩𑒰 𑒣𑒴𑒩𑓂𑒝 𑒯𑒼𑒃𑒞–𑒯𑒼𑒃𑒞 𑒁𑒢𑒔𑒼𑒏𑓂𑒏𑒹 𑒏𑒟𑓂𑒨 𑒂 𑒅𑒠𑓂𑒠𑒹𑒬𑓂𑒨 𑒦𑒮𑒱𑒨𑒰 𑒖𑒰𑒃𑒞 𑒁𑒕𑒱 ।
𑒣𑒴m𑒪 𑒤𑒳𑒪𑒰𑒃𑒋𑒏𑓄 𑒩𑒯𑒪𑒧𑒹 𑒮𑒹𑒯𑒼 𑒧𑒯𑒱𑒪𑒰 𑒮𑒴𑒞𑓂𑒩𑒡𑒰𑒩𑒏 𑒧𑒰𑒢𑒮𑒱𑒏 𑒫𑒱𑒬𑓂𑒪𑒹𑒭𑒝 𑒮𑒼𑒗𑒰𑒿 𑒂𑒋𑒪 𑒁𑒕𑒱 । 𑒏𑒢𑒹𑒏 𑒩𑓀𑒑 𑒠𑒥 𑒩𑒯𑒥𑒰𑒏 𑒏𑒰𑒩𑒝 𑒥𑒱𑒨𑒰𑒯𑒧𑒹 𑒠𑒱𑒏𑓂𑒏𑒞 𑒯𑒼𑒃 𑒕𑒻𑒢𑓂𑒯𑒱, 𑒧𑒳𑒠𑒰 𑒤𑒹𑒩 𑒋𑒏𑒙𑒰 𑒮𑒳𑒢𑓂𑒢𑒩 𑒪𑒛𑓃𑒏𑒰 𑒦𑒹𑒙𑒻 𑒕𑒻𑒢𑓂𑒯𑒱 । 𑒧𑒳𑒠𑒰 𑒍𑒞𑒾 𑒡𑒼𑒐𑒰.. 𑒧𑒳𑒠𑒰 𑒍 𑒁𑒣𑒢𑒰𑒏𑒹𑒿 𑒮𑒧𑓂𑒯𑒰𑒩𑒱 𑒪𑒻 𑒕𑒟𑒱 𑒂 𑒏𑒱𑒕𑒳 𑒠𑒱𑒢𑒧𑒹 𑒮𑒦 𑒚𑒲𑒏 𑒦𑓄 𑒖𑒰𑒃𑒞 𑒁𑒕𑒱 ।
‘𑒏𑒹𑒯𑒢 𑒮𑒖𑒰𑒨’ 𑒏𑒟𑒰𑒧𑒹 𑒋𑒏𑒙𑒰 𑒣𑒩𑒱𑒫𑒰𑒩 𑒁𑒣𑒢 𑒑𑒼𑒠 𑒪𑒹𑒪 𑒥𑒹𑒙𑒲𑒏𑒹𑒿 𑒕𑒼𑒛𑓃𑒱 𑒠𑒻𑒞 𑒁𑒕𑒱, 𑒁𑒡𑒹𑒩 𑒅𑒧𑒹𑒩𑒧𑒹 𑒖𑒐𑒢 𑒍𑒏𑒩𑒰 𑒁𑒣𑒢 𑒥𑒔𑓂𑒔𑒰 𑒯𑒼𑒃 𑒕𑒻 𑒞𑒐𑒢 ! 𑒧𑒳𑒠𑒰 𑒋𑒯𑒱 𑒏𑒟𑒰𑒧𑒹 𑒮𑒹𑒯𑒼 𑒏𑒟𑒰 𑒏𑒯𑒻𑒞–𑒏𑒯𑒻𑒞 𑒏𑒟𑒰𑒏𑒰𑒩 𑒩𑒱𑒞𑒹𑒬 𑒂 𑒔𑒧𑒹𑒪𑒲𑒏 𑒣𑓂𑒩𑒹𑒧𑒏𑒹𑒿 𑒤𑒩𑒱𑒕𑒰 𑒢𑒃𑒿 𑒣𑒥𑒻 𑒕𑒟𑒱 । 𑒔𑒧𑒹𑒪𑒲𑒏𑒹𑒿 𑒖𑒹 𑒧𑒰𑒞𑒰–𑒣𑒱𑒞𑒰 𑒑𑒼𑒠 𑒪𑒹𑒪𑒐𑒱𑒢𑓂𑒯 𑒮𑒹 𑒨𑒰𑒠𑒫 𑒩𑒯𑒟𑒱, 𑒄 𑒏𑒯𑒥𑒰𑒏 𑒂𑒫𑒬𑓂𑒨𑒏𑒞𑒰 𑒏𑒟𑒰𑒏𑒰𑒩𑒏𑒹𑒿 𑒢𑒃𑒿 𑒣𑒛𑓃𑒥𑒰𑒏 𑒔𑒰𑒯𑒲, 𑒏𑒰𑒩𑒝 𑒋𑒯𑒱 𑒏𑒟𑒰𑒧𑒹 𑒨𑒰𑒠𑒫𑒏 𑒪𑒼𑒏 𑒮𑓀𑒮𑓂𑒏𑒵𑒞𑒱𑒏 𑒏𑒼𑒢𑒼 𑒫𑒩𑓂𑒝 𑒢𑒻 𑒦𑒹𑒪 𑒕𑒻 । 𑒤𑒹𑒩 𑒏𑒟𑒰𑒏𑒰𑒩 𑒞𑒐𑒢𑒹 𑒣𑒹𑒙𑒧𑒹 𑒥𑒔𑓂𑒔𑒰 𑒦𑓄 𑒑𑒹𑒪 𑒏𑒯𑒱 𑒏𑒟𑒰𑒏𑒹𑒿 𑒏𑒣𑒔𑒱 𑒠𑒻𑒞 𑒕𑒟𑒱 । 𑒂𑒡𑒳𑒢𑒱𑒏 𑒏𑒟𑒰–𑒏𑒟𑒰𑒧𑒹 𑒏𑒟𑓂𑒨 𑒞𑓄 𑒯𑒼𑒃𑒞𑒹 𑒁𑒕𑒱, 𑒧𑒳𑒠𑒰 𑒍𑒯𑒱 𑒮𑓀𑒑 𑒖𑒍𑓀 𑒞𑒯𑒣𑒩 𑒞𑒯 𑒮𑒧𑒮𑓂𑒨𑒰 𑒦𑒹𑒙𑒻𑒞 𑒁𑒕𑒱 𑒞𑓄 𑒞𑒏𑒩 𑒮𑒧𑒰𑒡𑒰𑒢 𑒪𑒹𑒪 𑒮𑒹𑒯𑒼 𑒏𑒟𑒰𑒏𑒰𑒩𑒏𑒹𑒿 𑒬𑒫𑓂𑒠𑒰𑒫𑒪𑒲, 𑒪𑒼𑒏𑒫𑓂𑒨𑒫𑒯𑒰𑒩 𑒂 𑒬𑒱𑒪𑓂𑒣𑒏 𑒮𑓀𑒑 𑒪𑒹𑒥𑓄 𑒣𑒛𑒻Þ𑒞 𑒕𑒻𑒢𑓂𑒯𑒱। 𑒮𑒧𑓂𑒫𑒹𑒠𑒢𑒰𑒏 𑒞𑒯𑒧𑒹 𑒏𑒟𑒰𑒏𑒰𑒩 𑒖𑒰𑒃 𑒞𑓄 𑒕𑒟𑒱, 𑒧𑒳𑒠𑒰 𑒥𑒹𑒮𑒲 𑒚𑒰𑒧 𑒏𑒟𑓂𑒨 𑒏𑒯𑒱 𑒠𑒹𑒥𑒰𑒡𑒩𑒱 𑒮𑒱𑒧𑒱𑒞 𑒩𑒯𑒱 𑒑𑒹𑒪𑒰𑒮𑒿 𑒏𑒟𑒰 𑒏𑒰𑒿𑒔 𑒩𑒯𑒱 𑒑𑒹𑒪 𑒮𑒢 𑒥𑒴𑒗𑒱 𑒣𑒛𑒻Þ𑒞 𑒁𑒕𑒱 । 𑒂𑒬𑒰 𑒁𑒕𑒱 𑒂𑒑𑒰𑒿𑒏 𑒮𑓀𑒑𑓂𑒩𑒯𑒧𑒹 𑒏𑒟𑒰𑒏𑒰𑒩𑒏 𑒮𑒰𑒧𑒟𑓂𑒩𑓂𑒨 𑒂𑒍𑒩 𑒢𑒲𑒏 𑒖𑒏𑒰𑒿 𑒠𑒹𑒐𑒰𑒃 𑒣𑒛𑓃𑒞 ।

𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩
𑒫𑒱𑒢𑒲𑒞 𑒚𑒰𑒏𑒳𑒩𑒏 𑒥𑒰𑒿𑒏𑒲 𑒁𑒕𑒱 𑒯𑒧𑒩 𑒠𑒴𑒡𑒏 𑒏𑒩𑓂𑒖
𑒥𑒰𑒿𑒏𑒲 𑒁𑒕𑒱 𑒯𑒧𑒩 𑒠𑒴𑒡𑒏 𑒏𑒩𑓂𑒖- 𑒋𑒯𑒱 𑒢𑒰𑒧𑒮𑒿 𑓑𑓐 𑒙𑒰 𑒑𑒲𑒞𑒏 𑒮𑓀𑒑𑓂𑒩𑒯 𑒪𑒋 𑒬𑓂𑒩𑒲 𑒥𑒱𑒢𑒲𑒞 𑒚𑒰𑒏𑒳𑒩- 𑒬𑒱𑒏𑓂𑒭𑒏, 𑒣𑓂𑒩𑒑𑒞𑒱 𑒂𑒠𑒩𑓂𑒬 𑒄. 𑒮𑓂𑒏𑒴𑒪, 𑒪𑒑𑒢𑒐𑒹𑒪, 𑒪𑒪𑒱𑒞𑒣𑒳𑒩 𑒣𑓂𑒩𑒮𑓂𑒞𑒳𑒞 𑒦𑒹𑒪 𑒕𑒟𑒱। 𑒄 𑒋𑒯𑒱 𑒮𑒰𑒪𑒏 𑒠𑒼𑒮𑒩 𑒣𑒼𑒟𑒲 𑒕𑒲 𑒖𑒹 𑒠𑒹𑒫𑒢𑒰𑒑𑒩𑒲𑒏 𑒮𑓀𑒑 𑒧𑒱𑒟𑒱𑒪𑒰𑒏𑓂𑒭𑒩𑒧𑒹 𑒮𑒹𑒯𑒼 𑒂𑒨𑒪 𑒁𑒕𑒱, 𑒂𑓄 𑒋𑒏𑒩𑒰 𑒯𑒧 𑒁𑓀𑒬𑒳𑒧𑒢 𑒣𑒰𑒝𑓂𑒛𑒹𑒨𑒏𑒹𑒿 𑒣𑒚𑒰 𑒠𑒹𑒪𑒱𑒨𑒢𑓂𑒯𑒱, 𑒨𑒴𑒢𑒲𑒏𑒼𑒛𑒏 𑒧𑒻𑒣𑒱𑓀𑒑𑒏 𑒪𑒹𑒪, 𑒏𑒰𑒩𑒝 𑒫𑒱𑒢𑒲𑒞𑒖𑒲 𑒯𑒧𑒩𑒰 𑒋𑒯𑒱 𑒣𑒼𑒟𑒲𑒏𑒹𑒿 𑒄-𑒧𑒹𑒪𑒮𑒿 𑒣𑒚𑒹𑒥𑒰𑒏 𑒁𑒢𑒳𑒧𑒞𑒱 𑒠𑒹𑒢𑒹 𑒕𑒟𑒱, 𑒞𑒰𑒯𑒱 𑒪𑒹𑒪 𑒯𑒳𑒢𑒏𑒰 𑒡𑒢𑓂𑒨𑒫𑒰𑒠।
“𑒦𑒩𑒪 𑒢𑒼𑒩𑒧𑒹” 𑒬𑒲𑒩𑓂𑒭𑒏 𑒣𑒠𑓂𑒨𑒧𑒹 𑒏𑒲 𑒮𑒳𑒞𑒪𑒰𑒮𑒿 𑒦𑒹𑒙𑒪𑒻 𑒁𑒕𑒱 𑒏𑒏𑒩𑒼 𑒁𑒡𑒱𑒏𑒰𑒩 𑒂𑓄 “𑒑𑒰𑒧 𑒢𑒑𑒩𑒧𑒹”- 𑒪𑒼𑒏𑒞𑓀𑒞𑓂𑒩𑒧𑒹 𑒁𑒣𑒢 𑒁𑒡𑒱𑒏𑒰𑒩 𑒪𑓄 𑒏𑓄 𑒩𑒯𑒞 𑒧𑒡𑒹𑒮𑒲, 𑒄 𑒒𑒼𑒭𑒝𑒰 𑒕𑒢𑓂𑒯𑒱 𑒏𑒫𑒱𑒏 𑒞𑒿 “𑒏𑒼𑒩𑒼 𑒂𑓄 𑒣𑒰𑒜𑓃𑒱’𑒧𑒹 𑒑𑒩𑒲𑒥 𑒕𑒼𑒛𑓃𑒱𑒏𑓄 𑒏𑒹 𑒥𑒳𑒗𑒞𑒻 𑒑𑒩𑒲𑒥𑒲𑒏𑒹 𑒧𑒰𑒩𑒱- 𑒄 𑒏𑒯𑒱 𑒏𑒫𑒱 𑒁𑒣𑒢 𑒂𑒩𑓂𑒟𑒱𑒏 𑒔𑒱𑒢𑓂𑒞𑒢 𑒮𑒹𑒯𑒼 𑒮𑒼𑒗𑒰𑒿 𑒩𑒐𑒻𑒞 𑒕𑒟𑒱। 𑒔𑒯𑒳𑒿𑒠𑒱𑒬 𑒁𑒧𑒓𑓂𑒑𑒪𑒧𑒹 𑒖𑒓𑓂𑒑𑒪𑒏 𑒫𑒱𑒢𑒰𑒬𑒣𑒩 –𑒧𑒳𑒬𑓂𑒏𑒱𑒪𑒹𑒮𑒿 𑒮𑒳𑒢𑒲 𑒔𑒱𑒛𑓃𑒱𑒨𑒰𑒏𑒹 𑒔𑒱𑒯𑒳𑓀-𑒔𑒱𑒯𑒳𑓀- 𑒏𑒯𑒱 𑒏𑒫𑒱 𑒁𑒣𑒢 𑒣𑒩𑓂𑒨𑒰𑒫𑒩𑒝 𑒔𑒱𑒢𑓂𑒞𑒢 𑒮𑒼𑒗𑒰𑒿 𑒩𑒐𑒻𑒞 𑒕𑒟𑒱। “𑒖𑒹 𑒏𑒩𑒟𑒱 𑒒𑒼𑒙𑒰𑒪𑒰” 𑒧𑒹 𑒦𑓂𑒩𑒭𑓂𑒙𑒰𑒔𑒰𑒩𑒣𑒩 𑒂𑓄 “𑒖𑒰𑒃𑒞𑒏 𑒙𑒳𑒏𑒛𑓃𑒲”𑒧𑒹 𑒖𑒰𑒞𑒱 𑒣𑓂𑒩𑒟𑒰𑒣𑒩 𑒏𑒫𑒱 𑒢𑒱𑒩𑓂𑒧𑒧𑒞𑒰𑒮𑒿 𑒔𑒼𑒙 𑒏𑒩𑒻𑒞 𑒕𑒟𑒱 𑒞𑒿 “𑒥𑒹𑒙𑒲𑒏 𑒦𑒰𑒑𑓂𑒨𑒫𑒱𑒡𑒰𑒢”𑒧𑒹 𑒏𑒫𑒱𑒏 𑒦𑒰𑒫𑒢𑒰 𑒅𑒤𑒰𑒢𑒣𑒩 𑒁𑒕𑒱। “𑒏𑒧𑓂𑒣𑓂𑒨𑒳𑒙𑒩𑒏 𑒠𑒳𑒢𑒱𑒨𑒰” 𑒂𑓄 “𑒁𑒓𑓂𑒑𑒩𑒹𑒖𑒱𑒨𑒰”𑒧𑒹 𑒏𑒫𑒱 𑒮𑒰𑒧𑒨𑒱𑒏𑒞𑒰𑒏𑒹𑒿 𑒢𑒯𑒱 𑒥𑒱𑒮𑒩𑒪 𑒕𑒟𑒱 𑒞𑒿 𑒁𑒢𑓂𑒞𑒱𑒧 𑒣𑒠𑓂𑒨 “𑒞𑒰𑒪 𑒧𑒱𑒮𑒩𑒲” 𑒧𑒹 𑒫𑒩𑒏 𑒮𑒰𑒮𑒳𑒩 𑒣𑓂𑒩𑒹𑒧 𑒏𑒢𑒹𑒏 𑒫𑓂𑒨𑓀𑒑𑓂𑒨𑒰𑒞𑓂𑒧𑒏 𑒮𑒳𑒩𑒧𑒹 𑒏𑒫𑒱 𑒏𑒯𑒱 𑒁𑒣𑒢 𑒋𑒯𑒱 𑒏𑓂𑒭𑒹𑒞𑓂𑒩𑒧𑒹 𑒮𑒹𑒯𑒼 𑒠𑒏𑓂𑒭 𑒯𑒼𑒋𑒥𑒰𑒏 𑒣𑓂𑒩𑒧𑒰𑒝 𑒠𑒻𑒞 𑒕𑒟𑒱। 𑒍𑒢𑒰 𑒞𑒿 𑒏𑒫𑒱𑒏 𑒄 𑒣𑓂𑒩𑒟𑒧 𑒣𑓂𑒩𑒏𑒰𑒬𑒱𑒞 𑒏𑒵𑒞𑒱 𑒕𑒢𑓂𑒯𑒱, 𑒧𑒳𑒠𑒰 𑒏𑒫𑒱 𑒖𑒰𑒯𑒱 𑒪𑒋 𑒮𑒿 𑒏𑒫𑒱𑒞𑒰 𑒏𑒋𑒢𑒹 𑒕𑒟𑒱 𑒍𑓄 𑒁𑒦𑒴𑒞𑒣𑒴𑒩𑓂𑒫 𑒩𑒴𑒣𑒹𑒿 𑒣𑓂𑒩𑒬𑓀𑒮𑒢𑒲𑒨 𑒁𑒕𑒱।

𑒮𑓀𑒞𑒼𑒭 𑒏𑒳𑒧𑒰𑒩 𑒧𑒱𑒬𑓂𑒩- “𑒋𑒢𑒰 𑒏𑒱𑒋..?” 𑒂 “𑒣𑒼𑒮𑒣𑒳𑒞”
𑓑
𑒮𑓀𑒞𑒼𑒭𑒖𑒲𑒏 “𑒋𑒢𑒰 𑒏𑒱𑒋..?” 𑒣𑒠𑓂𑒨 𑒮𑓀𑒑𑓂𑒩𑒯 𑒧𑒻𑒟𑒱𑒪𑒲 𑒣𑒠𑓂𑒨𑒏 𑒦𑒫𑒱𑒭𑓂𑒨𑒏 𑒣𑓂𑒩𑒞𑒱 𑒂𑒬𑓂𑒫𑒮𑓂𑒞𑒱 𑒠𑒻𑒞 𑒁𑒕𑒱। 𑒋𑒯𑒱𑒧𑒹 𑒨𑒳𑒫𑒰 𑒏𑒫𑒱𑒏 𑓒𑓔 𑒑𑒼𑒙 𑒣𑒠𑓂𑒨𑒏 𑒮𑓀𑒑𑓂𑒩𑒯 𑒁𑒕𑒱।
𑒮𑓀𑒞𑒼𑒭𑒖𑒲𑒏 𑒏𑒫𑒱𑒞𑒰 𑒋𑒢𑒰 𑒏𑒱𑒋 𑒧𑒹 𑒮𑓂𑒞𑓂𑒩𑒲𑒏 𑒮𑒧𑒮𑓂𑒨𑒰 𑒞𑒿 𑒏𑒰𑒪𑓂𑒣𑒢𑒲𑒏 𑒮𑒞𑓂𑒨𑒧𑒹 𑒖𑒲𑒫𑒢𑒏 𑒠𑒩𑓂𑒬𑒢𑒏 𑒠𑓂𑒫𑒢𑓂𑒠 𑒮𑒼𑒗𑒰𑒿 𑒁𑒢𑒻𑒞 𑒕𑒟𑒱। 𑒥𑒱𑒔𑒱𑒞𑓂𑒩 𑒏𑒫𑒱𑒞𑒰 𑒮𑒹𑒯𑒼 𑒠𑓂𑒫𑒢𑓂𑒠𑒹 𑒁𑒕𑒱 𑒂 𑒁𑒋𑒢𑒰 𑒏𑒫𑒱𑒏𑒹𑒿 𑒁𑒣𑒢 𑒥𑒔𑒯𑒢𑒏 𑒮𑓂𑒧𑒵𑒞𑒱𑒧𑒹 𑒪𑓄 𑒖𑒰𑒃𑒞 𑒕𑒢𑓂𑒯𑒱। 𑒠𑒳𑒫𑒱𑒡𑒰 𑒏𑒫𑒱𑒞𑒰𑒧𑒹 𑒏𑒫𑒱 𑒋𑒯𑒱 𑒠𑒳𑒫𑒱𑒡𑒰𑒧𑒹 𑒕𑒟𑒱 𑒖𑒹 𑒁𑒢𑒳𑒦𑒫𑒏𑒹𑒿 𑒛𑒳𑒧𑒰 𑒏𑒋 𑒂 𑒦𑒰𑒫𑒢𑒰𑒏𑒹𑒿 𑒯𑒹𑒩𑒰 𑒏𑒋 𑒖𑒹 𑒍 𑒣𑓂𑒩𑒹𑒧𑒧𑒹 𑒣𑒛𑓃𑒪𑒰𑒯 𑒮𑒹 𑒮𑒰𑒧𑒰𑒖𑒱𑒏 𑒁𑒣𑒩𑒰𑒡 𑒁𑒕𑒱 ! 𑒦𑒠𑓂𑒩𑒏 𑒥𑒪𑒱 𑒧𑒹 𑒮𑒑𑒩𑒧𑒰𑒟𑒰 𑒂 𑒧𑒏𑒰𑒪𑒳𑒏𑒹𑒿 𑒢𑒯𑒱 𑒕𑒼𑒛𑓃𑒥𑒰𑒏 𑒂 𑒏𑒼𑒬𑒲 𑒂 𑒏𑒩𑓂𑒝𑒪𑒲𑒏𑒹𑒿 𑒐𑒰 𑒖𑒋𑒥𑒰𑒏 𑒥𑒱𑒧𑓂𑒥 𑒏𑒫𑒱𑒞𑒰𑒏𑒹𑒿 𑒮𑒰𑒩𑓂𑒟𑒏 𑒏𑒩𑒻𑒞 𑒁𑒕𑒱। 𑒣𑒯𑒱𑒢𑒹 𑒢𑒳𑒏𑒰 𑒏𑓄 𑒧𑒰𑒩𑒻𑒞 𑒕𑒪 𑒂 𑒂𑒥 𑒠𑒹𑒐𑒰 𑒏𑓄 𑒧𑒰𑒩𑒻𑒞 𑒁𑒕𑒱, 𑒍 𑒩𑒰𑒏𑓂𑒭𑒮 𑒖𑒏𑒩 𑒯𑒰𑒟𑒧𑒹 𑒏𑒰𑒢𑒴𑒢 𑒕𑒻𑒏। 𑒯𑒧𑒩 𑒧𑒰𑒨𑒏𑒹𑒿 𑒥𑒳𑒠𑓂𑒡𑒱𑒋 𑒢𑒯𑒱 𑒕𑒻𑒏 𑒧𑒹 𑒂𑒖𑒳𑒏 𑒮𑒧𑒰𑒖𑒏 𑒮𑒞𑓂𑒨 𑒅𑒠𑓂𑒡𑒰𑒙𑒱𑒞 𑒯𑒼𑒃𑒞 𑒁𑒕𑒱 𑒖𑒞𑒋 𑒢𑒲𑒏 𑒪𑒼𑒏 𑒍 𑒁𑒕𑒱 𑒖𑒹 𑒣𑒰𑒃𑒫𑒪𑒰 𑒁𑒕𑒱; 𑒢𑒲𑒏 𑒣𑒠 𑒣𑓂𑒩𑒰𑒣𑓂𑒞𑒱 𑒏𑒩𑒥𑒰𑒏 𑒪𑒹𑒪 𑒒𑒴𑒮 𑒠𑒹𑒧𑒋 𑒣𑒛𑓃𑒻𑒞 𑒕𑒻𑒏 𑒂 𑒢𑒧𑒯𑒩 𑒢𑒹𑒞𑒰 𑒥𑒢𑒥𑒰𑒏 𑒪𑒹𑒪 𑒖𑒢𑒞𑒰𑒏𑒹𑒿 𑒡𑒼𑒐𑒰 𑒠𑒹𑒪 𑒖𑒰𑒃𑒞 𑒁𑒕𑒱। 𑒢𑒰𑒧𑒲 𑒥𑒢𑒱𑒘𑒰𑒏𑒹𑒿.. 𑒏𑒫𑒱𑒞𑒰𑒧𑒹 𑒏𑒫𑒱 𑒢𑒲𑒏 𑒑𑒥𑒻𑒨𑒰𑒏 𑒮𑓂𑒫𑒩 𑒮𑒳𑒢𑒪𑒰 𑒅𑒞𑓂𑒞𑒩 𑒧𑒯𑒰𑒿 𑒥𑒹𑒏𑒰𑒩 𑒣𑒥𑒻𑒞 𑒕𑒟𑒱। 𑒁𑒢𑓂𑒢𑒹𑒮𑒿 𑒂𑒢𑒢𑓂𑒠 𑒏𑒫𑒱𑒞𑒰 𑒮𑒧𑒰𑒖𑒏 𑒁𑓀𑒡𑒫𑒱𑒬𑓂𑒫𑒰𑒮𑒣𑒩 𑒏𑒙𑒰𑒏𑓂𑒭 𑒁𑒕𑒱। 𑒙𑒯𑒙𑒯𑒲 𑒃𑒖𑒼𑒩𑒱𑒨𑒰𑒮𑒿 𑒏𑒫𑒱𑒏 𑒣𑓂𑒩𑒬𑓂𑒢 𑒂 𑒮𑒾𑒢𑓂𑒠𑒩𑓂𑒨𑒏 𑒣𑒩𑒱𑒦𑒰𑒭𑒰 𑒃𑒖𑒼𑒩𑒱𑒨𑒰 𑒏𑒫𑒱𑒞𑒰𑒧𑒹 𑒦𑒹𑒙𑒻𑒞 𑒁𑒕𑒱 𑒞𑒿 𑒧𑒰𑒨𑒏𑒹𑒿 𑒣𑓂𑒩𑒬𑓂𑒢𑒧𑒹 𑒮𑒰𑒑𑒩𑒏 𑒣𑒰𑒢𑒱𑒮𑒿 𑒥𑒹𑒬𑒲 𑒢𑒼𑒩 𑒥𑒯𑒰𑒥𑒻𑒞 𑒧𑒰𑒋𑒏 𑒠𑒩𑓂𑒠𑒏𑒹𑒿 𑒏𑒫𑒱 𑒮𑓂𑒫𑒩 𑒠𑒻𑒞 𑒕𑒟𑒱। 𑒧𑒰𑒞𑒵𑒦𑒴𑒧𑒱 𑒂 𑒧𑒱𑒟𑒱𑒪𑒰𑒏 𑒖𑒹 𑒕𑒲 𑒞𑒿 𑒏𑒫𑒱𑒞𑒰 𑒧𑒱𑒟𑒱𑒪𑒰 𑒂 𑒧𑒻𑒟𑒱𑒪𑒲𑒏𑒹𑒿 𑒮𑒧𑒩𑓂𑒣𑒱𑒞 𑒁𑒕𑒱 𑒞𑒿 𑒯𑒧𑒩 𑒏𑒢𑒱𑒘𑒰𑒧𑒹 𑒯𑒰𑒮𑓂𑒨𑒏 𑒮𑓀𑒑 𑒠𑒯𑒹𑒖 𑒂 𑒁𑒧𑒹𑒪 𑒫𑒱𑒫𑒰𑒯𑒏 𑒔𑒩𑓂𑒔𑒰 𑒯𑒼𑒃𑒞 𑒁𑒕𑒱। 𑒯𑒧𑒩 𑒂𑒬𑒧𑒹 𑒥𑒔𑓂𑒔𑒰𑒏 𑒂 𑒢𑒫𑒲𑒢 𑒬𑒱𑒏𑓂𑒭𑒰 𑒣𑒠𑓂𑒡𑒞𑒱, 𑒛𑒼𑒢𑒹𑒬𑒢 𑒂𑒡𑒰𑒩𑒱𑒞 𑒋𑒛𑒧𑒱𑒬𑒢𑒏 𑒞𑒿 𑒯𑒧 𑒂 𑒯𑒧𑒩𑒧𑒹 𑒮𑒹𑒯𑒼 𑒏𑒫𑒱 𑒮𑒩-𑒮𑒧𑒰𑒖𑒏 𑒢𑒲𑒏-𑒁𑒡𑒪𑒰𑒯 𑒫𑒩𑓂𑒝𑒢 𑒅𑒚𑒰 𑒏𑓄 𑒏𑒫𑒱𑒞𑒰 𑒥𑒢𑒰 𑒠𑒻𑒞 𑒕𑒟𑒱। 𑒧𑒴𑒪𑓂𑒨 𑒁𑒦𑒱𑒥𑒵𑒠𑓂𑒡𑒱 𑒏𑒩 𑒁𑒩𑓂𑒟𑒫𑓂𑒨𑒫𑒮𑓂𑒟𑒰𑒏 𑒫𑒩𑓂𑒝𑒢 𑒏𑒩𑒻𑒞 𑒁𑒕𑒱। 𑒯𑒧𑒩 𑒧𑒲𑒞 𑒖𑒲𑒫𑒢-𑒧𑒵𑒞𑓂𑒨𑒳𑒏 𑒞𑒿 𑒮𑒦𑒰𑒧𑒹 𑒂𑒥 𑒏𑒹𑒍 𑒢𑒯𑒱 𑒁𑒕𑒱 𑒢𑒱𑒏 𑒪𑒼𑒏 𑒋𑒞𑓄 𑒏𑒯𑒱 𑒏𑒫𑒱 𑒁𑒣𑒢 𑒫𑓂𑒨𑒟𑒰 𑒮𑒼𑒗𑒰𑒿 𑒩𑒐𑒻𑒞 𑒕𑒟𑒱। 𑒥𑒰𑒙𑒧𑒹 𑒛𑒹𑒑-𑒛𑒹𑒑 𑒣𑒩 𑒑𑒯𑒳𑒧𑒢-𑒡𑒰𑒧𑒢 𑒏𑒫𑒱 𑒠𑒹𑒐𑒻𑒞 𑒕𑒟𑒱, 𑒧𑒳𑒠𑒰 𑒖𑒲𑒥𑒢𑒧𑒹 𑒏𑒫𑒱𑒏 𑒂𑒬𑒰𑒫𑒰𑒠𑒱𑒞𑒰 𑒒𑒳𑒩𑒱 𑒁𑒥𑒻𑒞 𑒕𑒢𑓂𑒯𑒱।
𑒋𑒯𑒱 𑒮𑓀𑒑𑓂𑒩𑒯𑒏 𑒣𑒠𑓂𑒨 𑒦𑒰𑒫𑒢𑒰 𑒂 𑒮𑓂𑒧𑒵𑒞𑒱𑒮𑒿 𑒖𑒳𑒛𑓃𑒪 𑒁𑒕𑒱 𑒂 𑒋𑒏𑒙𑒰 𑒂𑒢𑓂𑒞𑒩𑒱𑒏 𑒦𑒴𑒔𑒰𑒪 𑒁𑒢𑒻𑒞 𑒁𑒕𑒱। 𑒁𑒣𑒢 𑒋𑒯𑒱 𑒣𑒠𑓂𑒨 𑒮𑓀𑒑𑓂𑒩𑒯𑒧𑒹 𑒏𑒫𑒱 𑒣𑓂𑒩𑒞𑒱𑒦𑒰𑒏 𑒖𑒹 𑒣𑓂𑒩𑒠𑒩𑓂𑒬𑒢 𑒠𑒹𑒢𑒹 𑒕𑒟𑒱 𑒮𑒹 𑒯𑒧𑒩𑒰 𑒮𑒦 𑒂𑒮𑒧𑒹 𑒕𑒲 𑒖𑒹 𑒯𑒳𑒢𑒏𑒩 𑒂𑒩 𑒮𑓀𑒑𑓂𑒩𑒯 𑒮𑒹𑒯𑒼 𑒁𑒍𑒞𑒢𑓂𑒯𑒱 𑒖𑒹 𑒯𑒧𑒩𑒰 𑒮𑒦𑒏𑒹𑒿 𑒗𑒧𑒰𑒩𑒱 𑒠𑒹𑒞।
𑓒
𑒮𑒢𑓂𑒞𑒼𑒭 𑒏𑒳𑒧𑒰𑒩 𑒧𑒱𑒬𑓂𑒩 𑒏𑒹𑒩 𑒏𑒟𑒰 𑒮𑓀𑒑𑓂𑒩𑒯 𑒣𑒼𑒮𑒣𑒳𑒞 𑒣𑓂𑒩𑒰𑒣𑓂𑒞 𑒦𑒹𑒪 𑒁𑒕𑒱। 𑒢𑒹𑒣𑒰𑒪𑒏 𑒋𑒯𑒱 𑒏𑒟𑒰𑒏𑒰𑒩𑒏 𑒮𑒰𑒞 𑒑𑒼𑒙 𑒏𑒟𑒰 𑒣𑒼𑒮𑒣𑒳𑒞, 𑒋𑒏𑒙𑒰 𑒥𑓂𑒨𑒟𑒰 𑒣𑒞𑓂𑒩𑒧𑒹, 𑒖𑒐𑒢 𑒏𑒢𑒱𑒘𑒰 𑒦𑒹𑒪𑒐𑒱𑒢 𑒥𑒱𑒧𑒰𑒩, 𑒮𑒱𑒣𑒰𑒯𑒱, 𑒛𑒰𑒏𑓂𑒙𑒩, 𑒦𑒰𑒑𑓂𑒨 𑒁𑒣𑓂𑒣𑒢-𑒁𑒣𑓂𑒣𑒢 𑒂’ 𑒠𑒰𑒑 𑒋𑒯𑒱𑒧𑒹 𑒮𑒧𑓂𑒧𑒱𑒪𑒱𑒞 𑒁𑒕𑒱। 𑒏𑒟𑒰𑒫𑒮𑓂𑒞𑒳 𑒣𑓂𑒩𑒮𑓂𑒞𑒳𑒞 𑒏𑒩𑒥𑒰𑒮𑒿 𑒣𑒯𑒱𑒢𑒹 𑒋𑒏𑒩 𑒁𑒢𑓂𑒨 𑒣𑒏𑓂𑒭 𑒣𑒩 𑒔𑒩𑓂𑒔 𑒏𑒩𑒥 𑒂𑒫𑒬𑓂𑒨𑒏।

𑒣𑒯𑒱𑒪 𑒑𑒣 𑒖𑒹 𑒋𑒯𑒱 𑒣𑒳𑒮𑓂𑒞𑒏𑒏 𑒮𑒧𑒲𑒏𑓂𑒭𑒰𑒮𑒿 𑒋𑒏𑒩 𑒣𑓂𑒩𑒰𑒩𑒧𑓂𑒦 𑒦𑒹𑒪 𑒁𑒕𑒱। 𑒬𑓂𑒩𑒲 𑒏𑒰𑒪𑒲𑒏𑒰𑒢𑓂𑒞 ‘𑒞𑒵𑒭𑒱𑒞’, 𑒠𑒹𑒣𑒳𑒩𑒰 𑒩𑒳𑒣𑒻𑒚𑒰, 𑒖𑒢𑒏𑒣𑒳𑒩 𑒋𑒏𑒩 𑒮𑒰𑓀𑒑𑒼𑒣𑒰𑓀𑒑 𑒮𑒧𑒲𑒏𑓂𑒭𑒰 𑒏𑒋𑒪𑒢𑓂𑒯𑒱 𑒁𑒕𑒱, 𑒂’ 𑒄 𑒏𑒟𑒰𑒏𑒰𑒩𑒏 𑒅𑒔𑓂𑒔 𑒧𑒰𑒢𑒮𑒱𑒏𑒞𑒰 𑒁𑒕𑒱 𑒖𑒹 𑒍’ 𑒋𑒯𑒱 𑒮𑒧𑒲𑒏𑓂𑒭𑒰𑒏𑒹𑒿 𑒅𑒔𑒱𑒞 𑒩𑒴𑒣𑒧𑒹 𑒪𑒹𑒪𑒢𑓂𑒯𑒱, 𑒏𑒰𑒩𑒝 𑒖𑒾𑒿 𑒮𑒹 𑒢𑒯𑒱 𑒩𑒯𑒻𑒞 𑒞𑒿 𑒋𑒏𑒩 𑒋𑒯𑒱 𑒩𑒴𑒣𑒧𑒹 𑒮𑓂𑒟𑒰𑒢 𑒣𑒼𑒟𑒲𑒧𑒹 𑒢𑒯𑒱 𑒦𑒹𑒙𑒻𑒞।

𑒠𑒼𑒮𑒩 𑒑𑒣 𑒖𑒹 𑒄 𑒣𑒼𑒟𑒲 𑒋𑒏 𑒠𑒱𑒬𑒱𑒮𑒿 𑒠𑒹𑒐𑒪𑒰 𑒅𑒞𑓂𑒞𑒩 𑒠𑒹𑒫𑒢𑒰𑒑𑒩𑒲𑒧𑒹 𑒂’ 𑒠𑒼𑒮𑒩 𑒠𑒱𑒬𑒱𑒮𑒿 𑒠𑒹𑒐𑒪𑒰 𑒅𑒞𑓂𑒞𑒩 𑒧𑒱𑒟𑒱𑒪𑒰𑒏𑓂𑒭𑒩𑒧𑒹 𑒪𑒱𑒐𑒪 𑒥𑒳𑒗𑒱 𑒣𑒛𑓃𑒻𑒞 𑒁𑒕𑒱 𑒂’ 𑒮𑒹 𑒁𑒕𑒱𑒨𑒼। 21𑒧 𑒬𑒞𑒰𑒥𑓂𑒠𑒲𑒏 𑒄 𑒣𑓂𑒩𑒰𑒨𑓁 𑒋𑒯𑒱 𑒞𑒩𑒯𑒏 𑒣𑓂𑒩𑒟𑒧 𑒣𑓂𑒩𑒨𑒰𑒮 𑒁𑒕𑒱, 𑒖𑒹 𑒧𑒻𑒟𑒱𑒪𑒲𑒧𑒹 𑒠𑒹𑒐𑒥𑒰𑒧𑒹 𑒂𑒋𑒪 𑒁𑒕𑒱।

𑒂𑒥 𑒣𑒯𑒱𑒢𑒹 𑒞𑒵𑒭𑒱𑒞 𑒖𑒲𑒏 𑒮𑒧𑒰𑒪𑒼𑒔𑒢𑒰 𑒠𑒹𑒐𑒻𑒞 𑒕𑒲। 𑒍’ 𑒪𑒱𑒐𑒻𑒞 𑒕𑒟𑒱, 𑒖𑒹 𑒏𑒟𑒰𑒏𑒰𑒩𑒏 𑒏𑒟𑒰𑒧𑒹 𑒣𑒪𑒰𑒨𑒢𑒫𑒰𑒠𑒲 𑒮𑒼𑒔𑒏 𑒣𑓂𑒩𑒡𑒰𑒢𑒞𑒰 𑒩𑒯𑒻𑒞 𑒁𑒕𑒱, 𑒮𑓀𑒑𑒯𑒱 𑒄𑒯𑒼 𑒑𑒣 𑒅𑒚𑒥𑒻𑒞 𑒕𑒟𑒱 𑒖𑒹 𑒮𑒰𑒯𑒱𑒞𑓂𑒨 𑒮𑒵𑒭𑓂𑒙𑒰𑒏𑒹𑒿 𑒞𑒙𑒮𑓂𑒟 𑒣𑓂𑒩𑒮𑓂𑒞𑒼𑒞𑒰 𑒯𑒼𑒨𑒥𑒰𑒏 𑒔𑒰𑒯𑒲 𑒂𑒏𑒱 𑒣𑒟 𑒣𑓂𑒩𑒠𑒩𑓂𑒬𑒏, 𑒣𑒪𑒰𑒨𑒢𑒫𑒰𑒠𑒹 𑒯𑒼𑒨𑒥𑒰𑒏 𑒔𑒰𑒯𑒲 𑒂𑒏𑒱 𑒮𑓀𑒒𑒩𑓂𑒭𑒏 𑒣𑓂𑒩𑒹𑒩𑒝𑒰𑒬𑓂𑒩𑒼𑒞?
‘𑒣𑒼𑒮𑒣𑒳𑒞’𑒏 𑒫𑒱𑒭𑒨𑒧𑒹 𑒞𑒵𑒭𑒱𑒞 𑒖𑒲 𑒏𑒯𑒻𑒞 𑒕𑒟𑒱, 𑒖𑒹 𑒋𑒯𑒱𑒧𑒹 𑒞𑒲𑒢𑒣𑒳𑒮𑓂𑒞𑒏 𑒫𑒩𑓂𑒝𑒢 𑒁𑒕𑒱, 𑒂’ 𑒩𑒰𑒖𑒰 𑒧𑒯𑒹𑒢𑓂𑒠𑓂𑒩 𑒂’ 𑒩𑒰𑒖𑒰 𑒞𑓂𑒩𑒱𑒦𑒳𑒫𑒢𑒏 𑒮𑒧𑒨𑒧𑒹 𑒦𑒹𑒪 𑒒𑒙𑒢𑒰𑒏 𑒫𑒩𑓂𑒝𑒢 𑒖𑒼𑒛𑓃𑒥𑒰𑒏 𑒁𑒦𑒱𑒣𑓂𑒩𑒰𑒨 𑒮𑓂𑒣𑒭𑓂𑒙 𑒢𑒯𑒱 𑒁𑒕𑒱।
’𑒋𑒏𑒙𑒰 𑒫𑓂𑒨𑒟𑒰 𑒣𑒞𑓂𑒩𑒧𑒹’ 𑒏𑒹𑒩 𑒫𑒱𑒭𑒨𑒧𑒹 𑒇𑒭𑒱𑒞 𑒏𑒯𑒻𑒞 𑒕𑒟𑒱 𑒖𑒹 𑒏𑒰𑒪𑒏 𑒑𑒞𑒱 , 𑒪𑒼𑒏𑒏 𑒫𑒱𑒫𑒬𑒞𑒰 𑒂’ 𑒁𑒢𑒳𑒦𑒴𑒞𑒱𑒏 𑒫𑒩𑓂𑒝𑒢 𑒁𑒕𑒱 𑒋𑒯𑒱𑒧𑒹।
𑒞𑒹𑒮𑒩 𑒏𑒟𑒰 ‘ 𑒖𑒐𑒢 𑒏𑒢𑒱𑒘𑒰 𑒦𑒹𑒪𑒐𑒱𑒢 𑒥𑒱𑒧𑒰𑒩’ 𑒏𑒹𑒿 𑒞𑒵𑒭𑒱𑒞 𑒖𑒲 𑒥𑒱𑒧𑒰𑒩 𑒏𑒟𑒰 𑒒𑒼𑒭𑒱𑒞 𑒏𑒩𑒻𑒞 𑒕𑒟𑒱।
‘𑒮𑒱𑒣𑒰𑒯𑒲’ 𑒏𑒟𑒰𑒧𑒹 𑒍𑒯𑒱 𑒣𑒠𑒏 𑒫𑒱𑒫𑒩𑒝 𑒁𑒕𑒱 𑒖𑒹 𑒫𑒱𑒫𑒰𑒯 𑒠𑒰𑒢𑒧𑒹 𑒣𑓂𑒩𑒰𑒟𑒧𑒱𑒏𑒞𑒰 𑒣𑒥𑒻𑒞 𑒕𑒪 𑒂’ 𑒂𑒥 𑒞𑓂𑒨𑒰𑒖𑓂𑒨 𑒦’ 𑒑𑒹𑒪 𑒁𑒕𑒱।

‘𑒛𑒰𑒏𑓂𑒙𑒩’ 𑒏𑒟𑒰𑒏𑒹𑒿 𑒞𑒵𑒭𑒱𑒞𑒖𑒲 𑒣𑒪𑒰𑒨𑒢𑒫𑒰𑒠𑒲 𑒮𑒼𑒔𑒏 𑒣𑒩𑒰𑒏𑒰𑒭𑓂𑒚𑒰 𑒏𑒯𑒻𑒞 𑒕𑒟𑒱। 𑒞𑒵𑒭𑒱𑒞𑒖𑒲𑒏 𑒫𑒱𑒔𑒰𑒩𑒹𑒿 𑒛𑒰𑒏𑓂𑒙𑒩𑒏𑒹𑒿 𑒧𑒩𑒻𑒞 𑒠𑒧 𑒞𑒏 𑒩𑒼𑒑𑒲𑒏𑒹𑒿 𑒥𑒔𑒹𑒥𑒰𑒏 𑒣𑓂𑒩𑒨𑒰𑒮 𑒏𑒩𑒥𑒰𑒏 𑒔𑒰𑒯𑒲।
’𑒦𑒰𑒑𑓂𑒨 𑒁𑒣𑒢 𑒁𑒣𑒢’ 𑒦𑒰𑒑𑓂𑒨 𑒔𑒏𑓂𑒩 𑒣𑒩 𑒂𑒡𑒰𑒩𑒱𑒞 𑒁𑒕𑒱। ‘𑒠𑒰𑒑’𑒧𑒹 𑒏𑓂𑒭𑒝𑒱𑒏 𑒂𑒫𑒹𑒬𑒧𑒹 𑒅𑒚𑒰𑒍𑒪 𑒑𑒹𑒪 𑒛𑒹𑒑, 𑒁𑒣𑒩𑒱𑒣𑒏𑓂𑒫 𑒅𑒧𑓂𑒩𑒧𑒹 𑒦𑒹𑒪 𑒣𑓂𑒩𑒹𑒧𑒫𑒱𑒫𑒰𑒯 𑒤𑒹𑒩 𑒞𑒏𑒩𑒰 𑒥𑒰𑒠 𑒠𑒼𑒮𑒩𑒰𑒏 𑒮𑓀𑒑 𑒦𑒰𑒑𑒱 𑒖𑒰𑒨𑒥 𑒄 𑒮𑒦 𑒣𑒟𑒦𑓂𑒩𑒭𑓂𑒙𑒞𑒰𑒏 𑒣𑓂𑒩𑒞𑒲𑒏 𑒁𑒕𑒱।
𑒣𑒼𑒮𑒣𑒳𑒞 𑒂𑒞𑓂𑒧𑒏𑒟𑒰𑒞𑓂𑒧𑒏 𑒬𑒻𑒪𑒲𑒧𑒹 𑒪𑒱𑒐𑒪 𑒑𑒹𑒪 𑒁𑒕𑒱, 𑒧𑒳𑒠𑒰 𑒋𑒏𑒩 𑒮𑒧𑒰𑒣𑒢 𑒁𑒏𑒮𑓂𑒧𑒰𑒞𑓂 𑒯𑒼𑒃𑒞 𑒁𑒕𑒱, 𑒣𑒼𑒮𑒣𑒳𑒞𑒏 𑒏𑒱𑒩𑒠𑒰𑒢𑒲𑒮𑒿 𑒂’ 𑒧𑒰𑒨𑒏 𑒢𑒻𑒯𑒩𑒱 𑒖𑒋𑒥𑒰𑒮𑒿।
𑒠𑒼𑒮𑒩 𑒏𑒟𑒰 𑒣𑒞𑓂𑒩 𑒬𑒻𑒪𑒲𑒧𑒹 𑒁𑒕𑒱, 𑒖𑒞𑒨 𑒣𑒼𑒮𑓂𑒣𑒳𑒞 𑒏𑒟𑒰 𑒖𑒹𑒏𑒰𑒿 𑒣𑒰𑒞𑓂𑒩 𑒮𑓀𑒞𑒼𑒭 𑒕𑒟𑒱। 𑒋𑒯𑒱 𑒏𑒟𑒰𑒏 𑒮𑒧𑒰𑒣𑒢 𑒮𑒹𑒯𑒼 𑒥𑒛𑓂𑒛 𑒯𑒛𑓃𑒥𑒛𑓃𑒲𑒧𑒹 𑒦𑒹𑒪 𑒁𑒕𑒱, 𑒂’ 𑒒𑒙𑒢𑒰𑒏 𑒞𑒰𑒩𑒞𑒧𑓂𑒨 𑒪𑒹𑒐𑒏𑒮𑒿 𑒣𑒰𑒚𑒏 𑒡𑒩𑒱 𑒢𑒯𑒱 𑒣𑒯𑒳𑒿𑒔𑒱 𑒮𑒏𑒪।
𑒍𑒯𑒱𑒢𑒰 𑒖𑒐𑒢 𑒏𑒢𑒱𑒘𑒰 𑒦𑒹𑒪𑒐𑒱𑒢 𑒥𑒱𑒧𑒰𑒩𑒧𑒹 𑒪𑒹𑒐𑒏 𑒁𑒣𑒢 𑒏𑒟𑓂𑒨 𑒮𑓂𑒣𑒭𑓂𑒙 𑒢𑒯𑒱 𑒏𑒋 𑒮𑒏𑒪𑒰𑒯।
𑒮𑒱𑒣𑒰𑒯𑒱 𑒏𑒟𑒰𑒧𑒹 𑒮𑒹𑒯𑒼 𑒣𑒰𑒞𑓂𑒩𑒏 𑒢𑒰𑒧 𑒮𑓀𑒞𑒼𑒭 𑒕𑒢𑓂𑒯𑒱, 𑒧𑒳𑒠𑒰 𑒏𑒟𑓂𑒨 𑒂𑒞𑓂𑒧𑒏𑒟𑒰𑒞𑓂𑒧𑒏 𑒢𑒯𑒱 𑒁𑒕𑒱। 𑒛𑒰𑒏𑓂𑒙𑒩𑒏𑒹𑒿 𑒠𑒹𑒬𑒧𑒹 𑒮𑒹𑒫𑒰 𑒏𑒩𑒥𑒰𑒏 𑒣𑒳𑒩𑒮𑓂𑒏𑒰𑒩 𑒦𑒹𑒙𑒪𑒻𑒏 𑒣𑓂𑒩𑒧𑒰𑒝-𑒣𑒞𑓂𑒩𑒏 𑒩𑒠𑓂𑒠 𑒯𑒼𑒨𑒥 𑒂’ 𑒮𑒹 𑒍𑒏𑒩𑒰 𑒯𑒹𑒞𑒳 𑒣𑓂𑒩𑒰𑒝𑒒𑒰𑒞𑒏 𑒮𑒱𑒠𑓂𑒡 𑒦𑒹𑒪।𑒦𑒰𑒑𑓂𑒨 𑒁𑒣𑒢-𑒁𑒣𑒢 𑒣𑒳𑒩𑒰𑒢 𑒐𑒱𑒮𑓂𑒮𑒰 𑒏𑒯𑒥𑒰𑒏 𑒬𑒻𑒪𑒲𑒧𑒹 𑒁𑒕𑒱, 𑒖𑒹 𑒩𑒰𑒖𑒰 𑒠𑒹𑒬𑒧𑒹 𑒮𑒩𑓂𑒫𑒹𑒏𑓂𑒭𑒝 𑒏𑒩𑒋𑒥𑒰𑒏 𑒯𑒹𑒞𑒳 𑒩𑒰𑒖𑒏𑒳𑒧𑒰𑒩𑒏𑒹𑒿 𑒣𑒚𑒥𑒻𑒞 𑒕𑒟𑒱 𑒂’ 𑒄 𑒏𑒟 𑒢𑒲𑒏 𑒥𑒢𑒱 𑒣𑒛𑓃𑒪 𑒁𑒕𑒱। 𑒠𑒰𑒑 𑒏𑒟𑒰 𑒏𑒟𑒰𑒞𑓂𑒧𑒏 𑒁𑒕𑒱 𑒂’ 𑒯𑒛𑓃𑒥𑒛𑓃𑒲𑒧𑒹 𑒪𑒱𑒐𑒪 𑒦𑒰𑒭𑒱𑒞 𑒯𑒼𑒃𑒞 𑒁𑒕𑒱।

𑒋𑒯𑒱 𑒏𑒟𑒰 𑒮𑓀𑒑𑓂𑒩𑒯𑒏𑒹𑒿 𑒞𑒵𑒭𑒱𑒞 𑒖𑒲 𑒮𑒧𑒲𑒏𑓂𑒭𑒰𑒏 𑒮𑓀𑒑 𑒦𑒰𑒭𑒰𑒨𑒲 𑒩𑒴𑒣𑒮𑒿 𑒮𑓀𑒣𑒰𑒠𑒱𑒞 𑒢𑒯𑒱 𑒏𑒋𑒪𑒢𑓂𑒯𑒱, 𑒏𑒰𑒩𑒝 𑒋𑒯𑒱𑒧𑒹 𑒧𑒰𑒢𑒏𑒞𑒰𑒏 𑒁𑒦𑒰𑒫 𑒁𑒕𑒱। 𑒣𑓂𑒩𑒴𑒤 𑒩𑒲𑒛𑒱𑓀𑒑 𑒮𑒹𑒯𑒼 𑒢𑒲𑒏 𑒖𑒹𑒿𑒏𑒰 𑒢𑒯𑒱 𑒦𑒹𑒪 𑒁𑒕𑒱। 𑒧𑒰𑒢𑒏𑒞𑒰𑒏 𑒯𑒹𑒞𑒳 𑒫𑒱𑒠𑒹𑒯 𑒂’ 𑒧𑒱𑒟𑒱𑒪𑒰 𑒧𑓀𑒟𑒢𑒮𑒿 𑒣𑓂𑒩𑒨𑒰𑒮 𑒬𑒳𑒩𑒴 𑒦𑒹𑒪 𑒁𑒕𑒱, 𑒂’ 𑒫𑒱𑒠𑒹𑒯𑒏 𑒩𑒔𑒢𑒰 𑒪𑒹𑒐𑒢 𑒮𑓂𑒞𑓀𑒦𑒧𑒹 𑒋𑒏𑒩𑒰 𑒮𑓂𑒟𑒰𑒢 𑒠𑒹𑒪 𑒑𑒹𑒪 𑒁𑒕𑒱।𑒏𑒹𑒢𑓂𑒠𑓂𑒩𑒲𑒨 𑒦𑒰𑒩𑒞𑒲𑒨 𑒦𑒰𑒭𑒰 𑒮𑓀𑒮𑓂𑒟𑒰𑒢, 𑒧𑒻𑒮𑒴𑒩 𑒠𑓂𑒫𑒰𑒩𑒰 𑒮𑒹𑒯𑒼 𑒧𑒻𑒟𑒱𑒪𑒲 𑒮𑓂𑒙𑒰𑒃𑒪 𑒧𑒻𑒢𑒳𑒁𑒪𑒏 𑒢𑒱𑒩𑓂𑒧𑒰𑒝 𑒦’ 𑒩𑒯𑒪 𑒁𑒕𑒱, 𑒂𑒫𑒬𑓂𑒨𑒏𑒞𑒰 𑒁𑒕𑒱, 𑒖𑒹 𑒢𑒹𑒣𑒰𑒪𑒏 𑒫𑒱𑒠𑓂𑒫𑒰𑒢 𑒪𑒼𑒏𑒢𑒱 𑒮𑒹𑒯𑒼 𑒁𑒣𑒢 𑒧𑒞 𑒧𑒻𑒟𑒱𑒪𑒲 𑒁𑒏𑒰𑒠𑒧𑒲𑒏 𑒧𑒰𑒢𑒏 𑒢𑒱𑒩𑓂𑒡𑒰𑒩𑒝 𑒬𑒻𑒪𑒲𑒏 𑒂𑒡𑒰𑒩 𑒣𑒩 𑒥𑒢𑒰𑒍𑒪 𑒖𑒰’ 𑒩𑒯𑒪 𑒬𑒻𑒪𑒲 𑒣𑒩 𑒠𑒹𑒟𑒱, 𑒖𑒰𑒯𑒱𑒮𑒿 𑒄 𑒮𑒩𑓂𑒫𑒑𑓂𑒩𑒰𑒯𑓂𑒨 𑒯𑒼𑒋।



𑒧𑒻𑒟𑒱𑒪𑒲- 𑒮𑒳𑒩𑒖𑒰𑒣𑒳𑒩𑒲- 𑒩𑒰𑒖𑒥𑓀𑒬𑒲
𑒧𑒻𑒟𑒱𑒪𑒲
𑒥𑒰𑒥𑒴𑒏𑒹𑒿 𑒁𑒣𑒢 𑒌 𑒩𑒰𑒖𑒢𑒻𑒞𑒱𑒏 𑒖𑒧𑒲𑒢𑒏 𑒁𑒢𑒳𑒦𑒫 𑒍𑒃 𑒠𑒪𑒧𑒹 𑒩𑒯𑒱𑒞𑒼 𑒢𑒻 𑒦𑒹𑒪 𑒯𑒹𑒞𑒢𑓂𑒯𑒱, 𑒖𑒏𑒩𑒰 𑒏𑒯𑒱𑒨𑒼 𑒍 𑒩𑒰𑒧𑒏 𑒮𑓀𑒑 𑒣𑒙𑒹𑒢𑒹 𑒩𑒯𑒟𑒱। 𑒠𑒪𑒧𑒹 𑒋𑒏𑒙𑒰 𑒣𑓂𑒩𑒦𑒰𑒫𑒲 𑒢𑒹𑒞𑒰 𑒏𑒯𑒻 𑒖𑒰𑒃𑒥𑒪𑒰 𑒥𑒰𑒥𑒴𑒏𑒹𑒿 𑒏𑒯𑒱𑒨𑒼 𑒣𑒱𑒕𑒛𑓃𑒪 𑒫𑒩𑓂𑒑𑒏 𑒢𑒹𑒞𑒰𑒏 𑒩𑒴𑒣𑒧𑒹 𑒣𑓂𑒩𑒮𑓂𑒞𑒳𑒞 𑒢𑒻 𑒏𑒋𑒪 𑒑𑒹𑒪। 𑒧𑒳𑒠𑒰 𑒩𑒰𑒖𑒢𑒻𑒞𑒱𑒏 𑒖𑒧𑒲𑒢𑒮𑒿 𑒥𑒹𑒬𑒲 𑒖𑒼𑒛𑓃𑒞𑒼𑒛𑓃𑒧𑒹 𑒧𑒰𑒯𑒱𑒩 𑒥𑒰𑒥𑒴 𑒠𑒪𑒮𑒿 𑒢𑒱𑒏𑒰𑒪𑒱 𑒠𑒹𑒪 𑒖𑒰𑒃𑒞𑒹 𑒣𑓂𑒩𑒞𑒱𑒣𑒏𑓂𑒭𑒲-𑒠𑒪𑒏 𑒢𑒖𑒩𑒱𑒧𑒹 𑒋𑒢𑒰 𑒔𑒜𑓃𑒪𑒰𑒯 𑒖𑒹 𑒯𑒳𑒢𑒏𑒰 𑒣𑓂𑒩𑒞𑒱𑒣𑒏𑓂𑒭𑒲-𑒠𑒪 𑒁𑒣𑒢𑒰 𑒠𑒱𑒮𑒮𑒿 𑒣𑓂𑒩𑒠𑒹𑒬𑒧𑒹 𑒣𑒱𑒕𑒛𑓃𑒪 𑒫𑒩𑓂𑒑𑒏 𑒑𑒠𑓂𑒠𑒲𑒣𑒩 𑒫𑒱𑒩𑒰𑒖𑒧𑒰𑒢 𑒏𑓄 𑒠𑒹𑒪𑒏।
𑒋𑒏𑒩𑒰 𑒮𑒳𑒩𑒖𑒰𑒣𑒳𑒩𑒲𑒧𑒹 (𑒦𑒰𑒩𑒞 𑒠𑒱𑒮𑒳𑒏𑒰 𑒏𑒱𑒬𑒢𑒑𑓀𑒖 𑒂𑒠𑒱 𑒏𑓂𑒭𑒹𑒞𑓂𑒩𑒧𑒹) 𑒋𑒢𑒰 𑒪𑒱𑒐𑒪/ 𑒥𑒰𑒖𑒪 𑒖𑒰𑒋𑒞:-
𑒥𑒰𑒥𑒴𑒏 𑒁𑒣𑒢𑒰 𑒨𑒯𑒰𑒩 𑒩𑒰𑒖𑒢𑒲𑒞𑒱𑒏 𑒖𑒧𑒲𑒢𑒹𑒩 𑒁𑒯𑒮𑒰𑒮 𑒅𑒮 𑒠𑒪𑒰𑒞 𑒩𑒯𑒪𑒹 𑒢𑒲 𑒯𑒼𑒥𑒹। 𑒖𑒯𑒰𑒏 𑒏𑒼𑒄𑒐𑒳𑒢 𑒫𑒯𑒰𑒨 𑒩𑒰𑒧𑒹𑒩 𑒮𑓀𑒑𑒹 𑒮𑒲𑒔𑒹 𑒕𑒲𑒪𑒹। 𑒠𑒪𑒰𑒞 𑒋𑒏 𑒏𑒠𑓂𑒠𑒰𑒫𑒩 𑒢𑒹𑒞𑒰 𑒏𑒯𑒰 𑒖𑒢𑒫𑒰𑒩 𑒥𑒰𑒥𑒴 𑒏𑒼𑒄𑒐𑒳𑒢 𑒣𑒱𑒕𑒫𑒰𑒛𑓃 𑒢𑒹𑒞𑒰𑒩 𑒪𑒐𑒰 𑒣𑒹𑒬 𑒢𑒲 𑒏𑒩𑒲𑒪। 𑒪𑒹𑒏𑒱𑒢 𑒩𑒰𑒖𑒢𑒲𑒞𑒱𑒏 𑒮𑒹 𑒥𑒹𑒮𑒲 𑒖𑒼𑒛𑓃𑒞𑒼𑒛𑓃𑒼𑒞 𑒧𑒰𑒯𑒱𑒩 𑒥𑒰𑒥𑒴 𑒠𑒪𑒰𑒩 𑒮𑒹 𑒢𑒱𑒏𑒪𑒰𑒞𑒹 𑒯𑒲 𑒣𑓂𑒩𑒞𑒱𑒣𑒏𑓂𑒭𑒲-𑒠𑒪𑒰𑒛𑓃 𑒢𑒖𑒩𑒼𑒞 𑒯𑒱𑒩𑓀𑒑𑒠𑒲 𑒔𑒜𑓃𑒲𑒪 𑒏𑒱 𑒫𑒯𑒰𑒨 𑒣𑒰𑒙𑒲 𑒁𑒣𑒢𑒰𑒩 𑒥𑒲𑒞𑒲 𑒮𑒹 𑒣𑓂𑒩𑒠𑒹𑒬𑒼𑒞 𑒣𑒱𑒕𑒛𑓃𑒰𑒩 𑒢𑒹𑒞𑒰𑒩 𑒑𑒠𑓂𑒠𑒲𑒞 𑒫𑒱𑒩𑒖𑒧𑒰𑒢 𑒏𑒩𑒲𑒪।

𑒋𑒏𑒩𑒰 𑒩𑒰𑒖𑒥𑓀𑒬𑒲 (𑒢𑒹𑒣𑒰𑒪 𑒠𑒱𑒮 𑒮𑒳𑒩𑒖𑒰𑒣𑒳𑒩𑒲𑒏𑒹𑒿 𑒩𑒰𑒖𑒥𑓀𑒬𑒲 𑒦𑒰𑒭𑒰 𑒏𑒯𑒪 𑒖𑒰𑒃 𑒕𑒻, 𑒗𑒰𑒣𑒰, 𑒮𑒩𑒢𑒰𑒧𑒞𑒱, 𑒔𑒏𑒧𑒏𑒲, 𑒧𑒹𑒔𑒲, 𑒞𑒰𑒡𑓀𑒛𑒳𑒫𑒰 𑒂𑒠𑒱𑒧𑒹- 𑒩𑒰𑒖𑒥𑓀𑒬𑒲 𑒂 𑒮𑒳𑒩𑒖𑒰𑒣𑒳𑒩𑒲𑒧𑒹 𑒧𑒰𑒧𑒴𑒪𑒲 𑒁𑒢𑓂𑒞𑒩 𑒕𑒻) 𑒧𑒹 𑒋𑒢𑒰 𑒪𑒱𑒐𑒪 𑒥𑒰𑒖𑒪 𑒖𑒰𑒋𑒞:-
𑒥𑒰𑒥𑒴𑒩 𑒁𑒣𑒢𑒰𑒩 𑒃𑒩 𑒩𑒰𑒖𑒢𑒲𑒞𑒱𑒏 𑒖𑒧𑒲𑒢𑒹𑒩 𑒌𑒯𑒮𑒰𑒮 𑒅𑒐𑒰𑒢 𑒠𑒪 𑒞 𑒩𑒯𑒞𑒹 𑒯𑒳𑒋 𑒦𑒲 𑒢𑒲 𑒯𑒼𑒪, 𑒖𑒃𑒩 𑒏𑒼𑒡𑒼𑒨 𑒅𑒧𑓂𑒯𑒰 𑒩𑒰𑒧𑒹𑒩 𑒮𑓀𑒑𑒹 𑒕𑒱𑒪𑒹। 𑒠𑒪𑒰𑒞 𑒋𑒏 𑒏𑒠𑓂𑒠𑒰𑒫𑒩 𑒢𑒹𑒞𑒰 𑒏𑒯𑒫𑒰𑒩 𑒥𑒰𑒥𑒴𑒩 𑒏𑒼𑒡𑒼𑒨 𑒣𑒱𑒕𑒛𑓃𑒰 𑒢𑒹𑒞𑒰𑒩 𑒪𑒰𑒐𑒰 𑒣𑒹𑒬 𑒢𑒲 𑒏𑒩𑒹। 𑒧𑒰𑒢𑒹 𑒩𑒰𑒖𑒢𑒲𑒞𑒱𑒏 𑒖𑒧𑒲𑒢𑒞 𑒦𑒹𑒪𑓂𑒪𑒰 𑒖𑒼𑒛𑓃𑒞𑒼𑒛𑓃 𑒧𑒰𑒯𑒱𑒩 𑒥𑒰𑒥𑒴 𑒠𑒪 𑒮𑒹 𑒢𑒱𑒏𑒪𑒰𑒪𑒹 𑒯𑒲 𑒣𑓂𑒩𑒞𑒱𑒣𑒏𑓂𑒭𑒲-𑒠𑒪𑒰𑒩 𑒢𑒖𑒩 𑒋𑒢𑓀𑒞𑒱𑓀𑒖 𑒔𑒜𑓃𑒱𑒪 𑒏𑒱 𑒁𑒧𑓂𑒯𑒰 𑒣𑒰𑒩𑓂𑒙𑒲𑒞 𑒁𑒣𑒢𑒰𑒩 𑒞𑒩𑒤 𑒮𑒹 𑒣𑓂𑒩𑒠𑒹𑒬𑒞 𑒕𑒙 𑒖𑒰𑒞𑒱𑒩 𑒢𑒹𑒞𑒰𑒩𑒏 𑒑𑒠𑓂𑒡𑒲 𑒣𑒩 𑒥𑒚𑒰𑒃 𑒠𑒱𑒪।

𑒮𑒳𑒩𑒖𑒰𑒣𑒳𑒩𑒲- 𑒦𑒰𑒩𑒞𑒧𑒹 𑒥𑒱𑒯𑒰𑒩𑒏 𑒏𑒱𑒬𑒢𑒑𑓀𑒖 𑒂 𑒣𑒴𑒩𑓂𑒝𑒱𑒨𑒰𑒿 𑒂𑒠𑒱𑒧𑒹 𑒑𑒰𑒧𑒹-𑒑𑒰𑒧 𑒩𑒰𑒖𑒥𑓀𑒬𑒲 (𑒧𑒯𑒰𑒠𑒪𑒱𑒞) 𑒖𑒰𑒞𑒱 𑒠𑓂𑒫𑒰𑒩𑒰 𑒄 𑒦𑒰𑒭𑒰 𑒥𑒰𑒖𑒪 𑒖𑒰𑒃𑒞 𑒁𑒕𑒱। 𑒏𑒱𑒬𑒢𑒑𑓀𑒖𑒧𑒹 𑒧𑒳𑒮𑓂𑒪𑒱𑒧𑒧𑒹 𑒮𑓂𑒫𑒰𑒧𑒲 𑒖𑒰𑒃𑒞 𑒐𑒼𑒙𑓂𑒙𑒰 𑒂 𑒮𑒹𑒫𑒏 𑒖𑒰𑒞𑒱 𑒏𑒳𑒪𑓂𑒯𑒱𑒨𑒰 𑒏𑒯𑒪 𑒖𑒰𑒃𑒞 𑒕𑒟𑒱। 𑒏𑒳𑒪𑓂𑒯𑒱𑒨𑒰 𑒖𑒰𑒃𑒞 𑒮𑒹𑒯𑒼 𑒮𑒳𑒩𑒖𑒰𑒣𑒳𑒩𑒲 𑒦𑒰𑒭𑒰 𑒥𑒖𑒻𑒞 𑒕𑒟𑒱। 𑒩𑒰𑒖𑒥𑓀𑒬𑒲 𑒂 𑒖𑒹 𑒂𑒢 𑒖𑒰𑒃𑒞 𑒮𑒦 𑒏𑒳𑒪𑓂𑒯𑒱𑒨𑒰𑒏 𑒂𑒮𑒣𑒰𑒮 𑒩𑒯𑒻 𑒕𑒟𑒱 𑒮𑒹 𑒮𑒳𑒩𑒖𑒰𑒣𑒳𑒩𑒲 𑒥𑒖𑒻𑒞 𑒕𑒟𑒱। 𑒄 𑒦𑒰𑒭𑒰 𑒧𑒻𑒟𑒱𑒪𑒲 𑒂 𑒥𑒰𑓀𑒑𑓂𑒪𑒰𑒏 𑒧𑒱𑒬𑓂𑒩𑒝 𑒁𑒕𑒱। 𑒏𑒱𑒨𑒼 𑒏𑒱𑒨𑒼 𑒥𑓀𑒑𑒰𑒪𑒏 𑒏𑒴𑒔 𑒥𑒱𑒯𑒰𑒩𑒏 𑒥𑒰𑒯𑒹 𑒥𑓀𑒑𑒰𑒪𑒲 𑒂 𑒢𑒹𑒣𑒰𑒪𑒏 𑒩𑒰𑒖𑒥𑓀𑒬𑒲 𑒦𑒰𑒭𑒰𑒏𑒹𑒿 𑒮𑒹𑒯𑒼 𑒮𑒳𑒩𑒖𑒰𑒣𑒳𑒩𑒲 𑒦𑒰𑒭𑒰 𑒏𑒯𑒻 𑒕𑒟𑒱। 𑒏𑒱𑒕𑒳 𑒑𑒼𑒙𑒹𑒏 𑒧𑒞 𑒕𑒢𑓂𑒯𑒱 𑒖𑒹 𑒥𑒰𑓀𑒑𑓂𑒪𑒰𑒠𑒹𑒬𑒏 𑒪𑒼𑒏𑒏 𑒦𑒰𑒭𑒰𑒏 𑒏𑓂𑒭𑒹𑒞𑓂𑒩𑒲𑒨 𑒦𑒰𑒭𑒰𑒮𑒿 𑒧𑒱𑒬𑓂𑒩𑒝𑒏 𑒣𑒩𑒱𑒝𑒰𑒧𑒮𑓂𑒫𑒩𑒴𑒣 𑒮𑒳𑒩𑒖𑒰𑒣𑒳𑒩𑒲 𑒦𑒰𑒭𑒰 𑒢𑒱𑒏𑒪𑒪। 𑒣𑒴𑒩𑓂𑒝𑒱𑒨𑒰𑒿 𑒂 𑒏𑒱𑒬𑒢𑒑𑓀𑒖𑒧𑒹 𑒋𑒏𑓂𑒏𑒹 𑒑𑒰𑒧𑒧𑒹 𑒏𑒳𑒪𑓂𑒯𑒱𑒨𑒰 𑒂 𑒩𑒰𑒖𑒥𑓀𑒬𑒲 𑒪𑒼𑒏𑒢𑒱 𑒮𑒳𑒩𑒖𑒰𑒣𑒳𑒩𑒲 𑒥𑒖𑒻 𑒕𑒟𑒱, 𑒮𑓀𑒟𑒰𑒪 𑒪𑒼𑒏𑒢𑒱 𑒮𑓀𑒟𑒰𑒪𑒲 𑒥𑒖𑒻 𑒕𑒟𑒱, 𑒥𑓀𑒖𑒰𑒩𑒰 𑒪𑒼𑒏𑒢𑒱 𑒥𑓀𑒖𑒰𑒩𑒰 𑒦𑒰𑒭𑒰 𑒥𑒖𑒻 𑒕𑒟𑒱 𑒖𑒐𑒢 𑒏𑒱 𑒬𑒹𑒭 𑒮𑒦 𑒑𑒼𑒙𑒹 𑒧𑒻𑒟𑒱𑒪𑒲 𑒥𑒖𑒻 𑒕𑒟𑒱। 𑒖𑒿 𑒧𑒱𑒟𑒱𑒪𑒰 𑒩𑒰𑒖𑓂𑒨𑒧𑒹 𑒌 𑒏𑓂𑒭𑒹𑒞𑓂𑒩 𑒮𑒦𑒏𑒹𑒿 𑒪𑒹𑒪 𑒖𑒰𑒋 𑒞𑒿 𑒯𑒳𑒢𑒏𑒰 𑒮𑒦𑒏𑒹𑒿 𑒯𑒳𑒢𑒏𑒩 𑒦𑒰𑒭𑒰𑒏 𑒫𑒱𑒏𑒰𑒮𑒏 𑒑𑒰𑒩𑒢𑓂𑒙𑒲 𑒠𑒹𑒥𑓄 𑒣𑒛𑓃𑒞। 𑒏𑒲 𑒧𑒱𑒟𑒱𑒪𑒰 𑒩𑒰𑒖𑓂𑒨 𑒁𑒦𑒱𑒨𑒰𑒢𑒏𑒩𑓂𑒧𑒲 𑒮𑒦𑒏 𑒮𑒼𑒔 𑒋𑒞𑓄 𑒡𑒩𑒱 𑒣𑒯𑒳𑒿𑒔𑒪𑒢𑒱 𑒁𑒕𑒱?












𑒠𑒴𑒩𑓂𑒫𑒰𑒏𑓂𑒭𑒞
𑒨𑒖𑒳𑒩𑓂𑒫𑒹𑒠𑒏 𑒁𑒡𑓂𑒨𑒰𑒨 𑓒𑓒 𑒧𑓀𑒞𑓂𑒩 𑓒𑓒 𑒏𑒹𑒿 𑒫𑒱𑒬𑓂𑒫𑒏 𑒣𑒯𑒱𑒪 𑒩𑒰𑒭𑓂𑒙𑓂𑒩𑒦𑒏𑓂𑒞𑒱 𑒑𑒲𑒞 𑒯𑒼𑒋𑒥𑒰𑒏 𑒑𑒾𑒩𑒫 𑒣𑓂𑒩𑒰𑒣𑓂𑒞 𑒕𑒻। 𑒧𑒳𑒠𑒰 𑒧𑒱𑒟𑒱𑒪𑒰𑒧𑒹 𑒠𑒴𑒦𑒱-𑒁𑒏𑓂𑒭𑒞 𑒕𑒲𑒙𑒱 𑒏𑓄 𑒌 𑒧𑓀𑒞𑓂𑒩𑒏𑒹𑒿 𑒠𑒴𑒩𑓂𑒫𑒰𑒏𑓂𑒭𑒞 𑒧𑓀𑒞𑓂𑒩 𑒥𑒢𑒰 𑒠𑒹𑒪 𑒑𑒹𑒪। 𑒥𑒱𑒯𑒰𑒩 𑒮𑓂𑒙𑒹𑒙 𑒙𑒹𑒏𑓂𑒮𑓂𑒙 𑒥𑒳𑒏 𑒣𑒥𑓂𑒪𑒱𑒬𑒱𑓀𑒑 𑒏𑒰𑒩𑒣𑒼𑒩𑒹𑒬𑒢 𑒪𑒱. 𑒠𑒴𑒩𑓂𑒫𑒰𑒏𑓂𑒭𑒞 𑒢𑒰𑒧𑒮𑒿 𑒢𑒫𑒧 𑒫𑒩𑓂𑒑𑒏 𑒏𑒱𑒞𑒰𑒥 𑒕𑒣𑒢𑒹 𑒁𑒕𑒱। 𑒌 𑒣𑒼𑒟𑒲𑒧𑒹 𑒧𑒱𑒟𑒱𑒪𑒰 𑒂 𑒧𑒻𑒟𑒱𑒪𑒲𑒏𑒹𑒿 𑒣𑒕𑒳𑒋𑒥𑒰𑒏 𑒭𑒛𑒨𑓀𑒞𑓂𑒩 𑒣𑒴𑒩𑓂𑒝 𑒩𑒴𑒣𑒮𑒿 𑒠𑒵𑒭𑓂𑒙𑒱𑒑𑒼𑒔𑒩 𑒯𑒼𑒃𑒞 𑒁𑒕𑒱। 𑒁𑒚𑒰𑒩𑒯 𑒣𑒢𑓂𑒢𑒰𑒧𑒹 𑒧𑒱𑒟𑒱𑒪𑒰𑒏 𑒋𑒏𑒙𑒰 𑒖𑒱𑒪𑒰𑒏 𑒮𑓂𑒟𑒰𑒨𑒲 𑒥𑒢𑓂𑒠𑒼𑒥𑒮𑓂𑒞𑒲𑒥𑒪𑒰 𑒖𑒧𑒲𑒢𑓂𑒠𑒰𑒩𑒏 𑒖𑒲𑒫𑒢𑒲 𑒣𑒜𑓃𑒰𑒍𑒪 𑒑𑒹𑒪 𑒁𑒕𑒱!! 𑒧𑒻𑒟𑒱𑒪𑒲 𑒪𑒱𑒣𑒱𑒏 𑒮𑓀𑒩𑒏𑓂𑒭𑒝𑒣𑒩 𑒛𑒹𑒜𑓃 𑒣𑒢𑓂𑒢𑒰𑒏 𑒣𑒔𑒰𑒮 𑒥𑒩𑓂𑒐 𑒣𑒳𑒩𑒰𑒢 𑒪𑒹𑒐 𑒁𑒕𑒱 𑒖𑒏𑒩 𑒂𑒃𑒏 𑒞𑒏𑒢𑒲𑒏𑒲 𑒨𑒳𑒑𑒧𑒹 𑒏𑒼𑒢𑒼 𑒧𑒯𑒞𑓂𑒫 𑒢𑒻 𑒕𑒻, 𑒣𑓂𑒩𑒫𑒰𑒮𑒲 𑒧𑒻𑒟𑒱𑒪 𑒮𑒧𑒰𑒖 𑒪𑒹𑒐 𑒣𑒳𑒩𑒰𑒞𑒢𑒣𑓀𑒟𑒲 𑒁𑒕𑒱 𑒂 𑒁𑒐𑒳𑒢𑒏𑒰 𑒥𑒔𑓂𑒔𑒰𑒏𑒹𑒿 𑒄 𑒯𑒰𑒮𑓂𑒨𑒰𑒮𑓂𑒣𑒠 𑒥𑒳𑒗𑒹𑒞𑒻, 𑒣𑓂𑒩𑒫𑒰𑒮𑒏 𑒁𑒩𑓂𑒟, 𑒧𑒻𑒟𑒱𑒪𑒏 𑒁𑒩𑓂𑒟 𑒂 𑒣𑓂𑒩𑒫𑒰𑒮𑒏 𑒏𑒰𑒩𑒝 𑒮𑒦 𑒏𑒱𑒕𑒳 𑒥𑒠𑒪𑒱 𑒑𑒹𑒪 𑒁𑒕𑒱। 𑒞𑒿 𑒏𑒲 𑒄 𑒥𑒔𑓂𑒔𑒰 𑒮𑒦𑒏𑒹𑒿 𑒑𑒳𑒪𑒰𑒧𑒲𑒏 𑒣𑒰𑒚 𑒣𑒜𑓃𑒹𑒥𑒰𑒏 𑒭𑒛𑒨𑓀𑒞𑓂𑒩 𑒢𑒻 𑒁𑒕𑒱? 𑒪𑒼𑒏 𑒢𑒫𑒧 𑒫𑒩𑓂𑒑𑒏 𑒯𑒱𑒢𑓂𑒠𑒲, 𑒁𑓀𑒑𑓂𑒩𑒹𑒖𑒲, 𑒥𑒰𑓀𑒑𑓂𑒪𑒰 𑒂 𑒂𑒢 𑒦𑒰𑒭𑒰𑒏 𑒣𑒼𑒟𑒲𑒮𑒿 𑒋𑒏𑒩 𑒞𑒳𑒪𑒢𑒰 𑒏𑒩𑒻𑒋 𑒞𑒿 𑒮𑓂𑒟𑒱𑒞𑒱 𑒂𑒩 𑒦𑒨𑒰𑒫𑒯 𑒦𑓄 𑒖𑒰𑒃𑒋। 𑒬𑒱𑒏𑓂𑒭𑒏𑒮𑒿 𑒂𑒑𑓂𑒩𑒯 𑒖𑒹 𑒖𑒧𑒲𑒢𑓂𑒠𑒰𑒩𑒏 𑒖𑒲𑒫𑒢𑒲 𑒥𑒔𑓂𑒔𑒰 𑒮𑒦𑒏𑒹𑒿 𑒢𑒻 𑒣𑒜𑓃𑒰𑒥𑒟𑒳, 𑒣𑓂𑒩𑒬𑓂𑒢-𑒣𑒞𑓂𑒩 𑒮𑒹𑒙 𑒏𑒹𑒢𑒱𑒯𑒰𑒩𑒮𑒿 𑒂𑒑𑓂𑒩𑒯 𑒖𑒹 𑒍 𑒖𑒧𑒲𑒢𑓂𑒠𑒰𑒩𑒏 𑒖𑒲𑒫𑒢𑒲𑒥𑒪𑒰 𑒁𑒡𑓂𑒨𑒰𑒨𑒮𑒿 𑒣𑓂𑒩𑒬𑓂𑒢 𑒢𑒻 𑒣𑒳𑒕𑒟𑒱।











𑒕𑒳𑒞𑒯𑒩/ 𑒕𑒳𑒞𑒯𑒩 𑒒𑒻𑒪/ 𑒕𑒳𑒞𑒯𑒰 𑒒𑒻𑒪
𑒕𑒳𑒞𑒯𑒰 𑒒𑒻𑒪 𑒧𑒯𑒹𑒢𑓂𑒠𑓂𑒩 𑒧𑒪𑓀𑒑𑒱𑒨𑒰𑒏 𑒢𑒫𑒲𑒢 𑒢𑒰𑒙𑒏𑒏 𑒢𑒰𑒧 𑒕𑒢𑓂𑒯𑒱। 𑒌 𑒕𑒼𑒙𑒮𑒢 𑒢𑒰𑒙𑒏𑒏 𑒦𑒴𑒧𑒱𑒏𑒰 𑒍 𑒠𑒮 𑒣𑒢𑓂𑒢𑒰𑒧𑒹 𑒪𑒱𑒐𑒢𑒹 𑒕𑒟𑒱।
𑒣𑒯𑒱𑒢𑒹 𑒌 𑒦𑒴𑒧𑒱𑒏𑒰𑒣𑒩 𑒂𑒅। 𑒯𑒳𑒢𑒏𑒰 𑒏𑒭𑓂𑒙 𑒕𑒢𑓂𑒯𑒱 𑒖𑒹 𑒩𑒧𑒰𑒢𑒢𑓂𑒠 𑒗𑒰 “𑒩𑒧𑒝” 𑒯𑒳𑒢𑒏𑒰 𑒮𑒳𑒗𑒰𑒫 𑒠𑒹𑒪𑒐𑒱𑒢𑓂𑒯 𑒖𑒹 “𑒕𑒳𑒞𑒯𑒩 𑒒𑒻𑒪”𑒏𑒹𑒿 𑒧𑒰𑒞𑓂𑒩 “𑒕𑒳𑒞𑒯𑒩” 𑒏𑒯𑒪 𑒖𑒰𑒃 𑒕𑒻। 𑒮𑒹 𑒍 𑒞𑒲𑒢 𑒙𑒰 𑒑𑒣 𑒅𑒚𑒹𑒪𑒢𑓂𑒯𑒱- 𑒣𑒯𑒱𑒪-
“𑒞𑒼𑓀 𑒏𑒯𑒱𑒨𑒼 𑒣𑒼𑒟𑒲 𑒏𑒹 𑒪𑒹𑒐𑒲,
𑒯𑒧 𑒏𑒯𑒱𑒨𑒼 𑒁𑒿𑒐𑒱𑒨𑒢 𑒏𑒹 𑒠𑒹𑒐𑒲।”
𑒠𑒼𑒮𑒩- 𑒨𑒰𑒞𑓂𑒩𑒲 𑒖𑒲𑒏 𑒫𑒱𑒪𑒰𑒣 𑒏𑒫𑒱𑒞𑒰-
“𑒏𑒰𑒞𑒹 𑒩𑒯𑒻 𑒕𑒲 𑒖𑒢𑒳 𑒒𑒻𑒪 𑒕𑒳𑒞𑒯𑒩
𑒂𑒯𑒱 𑒩𑒹 𑒯𑒧 𑒁𑒦𑒰𑒑𑒪𑒱 𑒏𑒞 𑒥𑒛𑓃।”
𑒂 𑒏𑒯𑒻 𑒕𑒟𑒱 𑒖𑒹 𑒍𑒃 𑒏𑒫𑒱𑒞𑒰𑒏 𑒫𑒱𑒡𑒫𑒰 𑒂 𑒌 𑒢𑒰𑒙𑒏𑒏 𑒏𑒥𑒴𑒞𑒩𑒲 𑒠𑒹𑒫𑒲𑒏𑒹𑒿 𑒬𑒱𑒫𑒏 𑒧𑒯𑒹𑒬𑓂𑒫𑒩𑒼 𑒮𑒴𑒞𑓂𑒩 𑒂 𑒣𑒰𑒝𑒱𑒢𑒲𑒏 𑒠𑒬 𑒪𑒏𑒰𑒩𑒮𑒿 (𑒫𑒻𑒠𑒱𑒏 𑒮𑓀𑒮𑓂𑒏𑒵𑒞 𑒪𑒹𑒪 𑒣𑒰𑒝𑒱𑒢𑒲 𑓑𑓒 𑒪𑒏𑒰𑒩 𑒂 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞 𑒪𑒹𑒪 𑒠𑒮 𑒪𑒏𑒰𑒩 𑒢𑒱𑒩𑓂𑒡𑒰𑒩𑒱𑒞 𑒏𑒋𑒢𑒹 𑒕𑒟𑒱..𑒐𑒋𑒩…) 𑒏𑒼𑒢 𑒧𑒞𑒪𑒥 𑒕𑒻?
𑒞𑒹𑒮𑒩 𑒍 𑒁𑒣𑒢 𑒮𑓂𑒟𑒱𑒞𑒱𑒏𑒹𑒿 𑒏𑒰𑒣𑒩𑒢𑒱𑒏𑒮 𑒮𑒢 𑒦𑒹𑒪 𑒏𑒯𑒻𑒞 𑒕𑒟𑒱, 𑒖𑒹 𑒪𑒼𑒏𑒏 𑒏𑒯𑒪𑒰𑒮𑒿 𑒏𑒲 𑒯𑒹𑒞𑒻 𑒂 𑒑𑒰𑒧-𑒒𑒩𑒧𑒹 𑒪𑒼𑒏 “𑒕𑒳𑒞𑒯𑒩 𑒒𑒻𑒪” 𑒥𑒖𑒱𑒞𑒹 𑒕𑒻𑒏!!
𑒧𑒳𑒠𑒰 𑒌 𑒞𑒲𑒢𑒴 𑒥𑒱𑒢𑓂𑒠𑒳𑒣𑒩 𑒞𑒲𑒢𑒴 𑒞𑒩𑓂𑒏 𑒧𑒪𑓀𑒑𑒱𑒨𑒰𑒖𑒲𑒏 𑒫𑒱𑒩𑒳𑒠𑓂𑒡 𑒖𑒰𑒃 𑒕𑒢𑓂𑒯𑒱। “𑒁𑒿𑒐𑒱𑒨𑒢 𑒠𑒹𑒐𑒲” 𑒂 𑒪𑒼𑒏𑒫𑓂𑒨𑒫𑒯𑒰𑒩 “𑒕𑒳𑒞𑒯𑒩” 𑒧𑒰𑒞𑓂𑒩 𑒏𑒯𑒪 𑒖𑒰𑒃𑒞 𑒠𑒹𑒐𑒪𑒏 𑒂 𑒮𑒳𑒢𑒪𑒏 𑒁𑒕𑒱, 𑒒𑒻𑒪𑒔𑒲𑒣𑒩 𑒕𑒳𑒞𑒯𑒩𑒏𑒹𑒿 𑒁𑒯𑒰𑒿 𑒩𑒰𑒐𑒱 𑒮𑒏𑒻 𑒕𑒲? 𑒪𑒼𑒃𑒙𑒮𑒿 𑒥𑒛𑓃𑒻𑒥𑒧𑒹 𑒣𑒰𑒢 𑒣𑒙𑒰𑒍𑒪 𑒖𑒰𑒃 𑒕𑒻 𑒞𑒐𑒢 𑒧𑒪𑓀𑒑𑒱𑒨𑒰𑒖𑒲𑒏 𑒯𑒱𑒮𑒰𑒥𑒹 𑒍𑒏𑒩𑒰 “𑒪𑒼𑒃𑒙 𑒒𑒻𑒪” 𑒏𑒯𑒥𑒻। 𑒒𑒻𑒪, 𑒮𑒳𑒩𑒰𑒯𑒲, 𑒏𑒼𑒯𑒰, 𑒞𑒾𑒪𑒰, 𑒕𑒳𑒞𑒯𑒩, 𑒪𑒼𑒃𑒙, 𑒐𑒰𑒣𑒛𑓃𑒱, 𑒏𑒳𑒛𑓃𑒢𑒲, 𑒏𑒳𑒩𑒫𑒰𑒛𑓃, 𑒏𑒼𑒮𑒱𑒨𑒰, 𑒮𑒩𑒥𑒰, 𑒮𑒼𑒥𑒩𑒢𑒰 𑒌 𑒮𑒦 𑒥𑒾𑒮𑓂𑒞𑒳𑒏 𑒁𑒪𑒑 𑒢𑒰𑒧𑒏𑒩𑒝 𑒕𑒻। 𑒤𑒴𑒪𑒔𑒢𑓂𑒠𑓂𑒩 𑒧𑒱𑒬𑓂𑒩 “𑒩𑒧𑒝” (𑒣𑓂𑒩𑒰𑒨𑓁 𑒤𑒴𑒪𑒔𑒢𑓂𑒠𑓂𑒩𑒖𑒲 “𑒕𑒳𑒞𑒯𑒰 𑒒𑒻𑒪” 𑒬𑒥𑓂𑒠𑒏 𑒮𑒳𑒗𑒰𑒫 𑒯𑒿𑒮𑒲𑒧𑒹 𑒠𑒹𑒢𑒹 𑒯𑒹𑒟𑒱𑒢𑓂𑒯, 𑒂 𑒖𑒿 𑒢𑒻 𑒞𑒿 𑒄 𑒋𑒏𑒙𑒰 𑒢𑒫 𑒦𑒰𑒭𑒰𑒏 𑒢𑒫 𑒬𑒥𑓂𑒠 𑒁𑒕𑒱!!)𑒏 𑒮𑒳𑒗𑒰𑒫 𑒧𑒰𑒢𑒻𑒞 𑒧𑒪𑓀𑒑𑒱𑒨𑒰 𑒖𑒲 “𑒕𑒳𑒞𑒯𑒩 𑒒𑒻𑒪” 𑒏𑒹𑒿 “𑒕𑒳𑒞𑒯𑒰 𑒒𑒻𑒪” 𑒏𑓄 𑒠𑒹𑒪𑒢𑓂𑒯𑒱, 𑒄 𑒌 𑒑𑒣𑒏 𑒠𑓂𑒨𑒼𑒞𑒏 𑒖𑒹 𑒯𑒳𑒢𑒏𑒰 𑒑𑒪𑒞𑒲𑒏 𑒁𑒢𑒳𑒦𑒫 𑒦𑓄 𑒑𑒹𑒪𑒢𑓂𑒯𑒱 𑒧𑒳𑒠𑒰 𑒩𑒧𑒰𑒢𑒢𑓂𑒠 𑒗𑒰 “𑒩𑒧𑒝”𑒏 𑒑𑒣 𑒧𑒰𑒢𑒱 𑒪𑒹𑒢𑒹 𑒕𑒼𑒙 𑒦𑓄 𑒖𑒃𑒞𑒟𑒱 𑒮𑒹 𑒐𑒳𑒙𑓂𑒙𑒰 𑒁𑒣𑒢𑒰 𑒯𑒱𑒮𑒰𑒥𑒹 𑒑𑒰𑒛𑓃𑒱 𑒠𑒹𑒪𑒢𑓂𑒯𑒱। 𑒂 𑒥𑒰𑒠𑒧𑒹 𑒩𑒧𑒰𑒢𑒢𑓂𑒠 𑒗𑒰 “𑒩𑒧𑒝” 𑒔𑒹𑒞𑒢𑒰 𑒮𑒧𑒱𑒞𑒱𑒮𑒿 𑒍𑒃 𑒣𑒼𑒟𑒲𑒏𑒹𑒿 𑒕𑒣𑒹𑒥𑒰𑒏 𑒂𑒑𑓂𑒩𑒯 𑒏𑒹𑒪𑒐𑒱𑒢𑓂𑒯 𑒂, 𑒔𑒹𑒞𑒢𑒰 𑒮𑒧𑒱𑒞𑒱 𑒧𑒰𑒞𑓂𑒩 𑓒𑓕𑒙𑒰 𑒣𑓂𑒩𑒞𑒱 𑒠𑒻𑒞𑒢𑓂𑒯𑒱 𑒞𑒹𑒿 𑒍 𑒁𑒣𑒢 𑒮𑓀𑒮𑓂𑒟𑒰𑒮𑒿 𑒋𑒏𑒩𑒰 𑒕𑒣𑒥𑒹𑒪𑒢𑓂𑒯𑒱, 𑒌 𑒮𑒦𑒮𑒿 𑒣𑒚𑒏𑒏𑒹𑒿 𑒏𑒼𑒢 𑒮𑒩𑒼𑒏𑒰𑒩? 𑒂𑒥 𑒂𑒅 𑒨𑒰𑒞𑓂𑒩𑒲𑒖𑒲𑒏 𑒑𑒣𑒣𑒩, 𑒨𑒰𑒞𑓂𑒩𑒲𑒖𑒲𑒏𑒹𑒿 𑒯𑒱𑒢𑓂𑒠𑒲 𑒣𑒰𑒚𑒏𑒏 𑒮𑒹𑒯𑒼 𑒡𑓂𑒨𑒰𑒢 𑒩𑒰𑒐𑓄 𑒣𑒛𑓃𑒻 𑒕𑒪𑒢𑓂𑒯𑒱, 𑒯𑒳𑒢𑒏𑒰 𑒧𑒼𑒢𑒼 𑒢𑒻 𑒩𑒯𑒻 𑒕𑒪𑒢𑓂𑒯𑒱 𑒖𑒹 𑒏𑒼𑒢 𑒏𑒫𑒱𑒞𑒰 𑒯𑒱𑒢𑓂𑒠𑒲𑒧𑒹 𑒕𑒢𑓂𑒯𑒱, 𑒏𑒼𑒢 𑒧𑒻𑒟𑒱𑒪𑒲𑒧𑒹 𑒂 𑒏𑒼𑒢 𑒠𑒳𑒢𑒴𑒧𑒹, 𑒮𑒹 𑒍 𑒕𑒳𑒞𑒯𑒩 𑒒𑒻𑒪 𑒪𑒱𑒐𑒱 𑒠𑒹𑒪𑒢𑓂𑒯𑒱, 𑒋𑒏𑒩 𑒏𑒰𑒩𑒝 𑒨𑒰𑒞𑓂𑒩𑒲𑒖𑒲𑒏 𑒞𑒳𑒏𑒥𑒢𑓂𑒠𑒲 𑒧𑒱𑒪𑒹𑒥𑒰𑒏 𑒂𑒑𑓂𑒩𑒯𑒧𑒹 𑒮𑒹𑒯𑒼 𑒠𑒹𑒐𑒱 𑒮𑒏𑒻 𑒕𑒲। 𑒂 𑒤𑒹𑒩 𑒂𑒅 𑒏𑒰𑒣𑒩𑒢𑒱𑒏𑒮𑒣𑒩, 𑒖𑒿 𑒨𑒰𑒞𑓂𑒩𑒲 𑒖𑒲 𑒫𑒰 𑒧𑒪𑓀𑒑𑒱𑒨𑒰 𑒖𑒲 “𑒒𑒻𑒪 𑒕𑒳𑒞𑒯𑒩”, “𑒕𑒳𑒞𑒯𑒩 𑒒𑒻𑒪” 𑒫𑒰 “𑒕𑒳𑒞𑒯𑒰 𑒒𑒻𑒪” 𑒪𑒱𑒐𑒱𑒨𑒹 𑒠𑒹𑒪𑒢𑓂𑒯𑒱 𑒞𑒿 𑒏𑒲 𑒢𑒹𑒙𑒱𑒫 𑒧𑒻𑒟𑒱𑒪𑒲 𑒦𑒰𑒭𑒲 𑒕𑒳𑒞𑒯𑒩𑒏𑒹𑒿 “𑒒𑒻𑒪 𑒕𑒳𑒞𑒯𑒩”, “𑒕𑒳𑒞𑒯𑒩 𑒒𑒻𑒪” 𑒫𑒰 “𑒕𑒳𑒞𑒯𑒰 𑒒𑒻𑒪” 𑒥𑒰𑒖𑒥 𑒬𑒳𑒩𑒴 𑒏𑓄 𑒠𑒹𑒞। 𑒮𑒹 𑒏𑒰𑒣𑒩𑒢𑒱𑒏𑒮 𑒮𑒹𑒯𑒼 𑒧𑒪𑓀𑒑𑒱𑒨𑒰𑒖𑒲𑒏 𑒫𑒱𑒩𑒳𑒠𑓂𑒡 𑒕𑒟𑒱𑒢𑓂𑒯।
𑒏𑒰𑒣𑒩𑒢𑒱𑒏𑒮𑒏 𑒏𑒱𑓀𑒫𑒠𑒢𑓂𑒞𑒲𑒏 𑒮𑒙𑒲𑒏 𑒣𑓂𑒩𑒨𑒼𑒑 𑒧𑒪𑓀𑒑𑒱𑒨𑒰𑒖𑒲 𑒢𑒻 𑒏𑓄 𑒮𑒏𑒪𑒰𑒯, 𑒣𑓂𑒩𑒰𑒨𑓁 𑒍 𑒑𑒻𑒪𑒱𑒪𑒲𑒨𑒼 𑒮𑒿 𑒏𑒰𑒣𑒩𑒢𑒱𑒏𑒮𑒏𑒹𑒿 𑒏𑒢𑓂𑒤𑓂𑒨𑒴𑒖 𑒏𑓄 𑒩𑒯𑒪 𑒕𑒟𑒱, 𑒏𑒰𑒣𑒩𑒢𑒱𑒏𑒮𑒏 𑒮𑒱𑒠𑓂𑒡𑒰𑒢𑓂𑒞𑒏 𑒮𑒧𑒩𑓂𑒟𑒢 𑒣𑒼𑒣 𑒠𑓂𑒫𑒰𑒩𑒰 𑒦𑒹𑒪 𑒕𑒪 𑒂 𑒏𑒰𑒣𑒩𑒢𑒱𑒏𑒮 𑒣𑒼𑒣 𑒣𑒰𑒪-𑓓 𑒏𑒹𑒿 𑒁𑒣𑒢 𑒯𑒹𑒪𑒱𑒨𑒼𑒮𑒹𑒢𑓂𑒙𑓂𑒩𑒱𑒏 𑒮𑒱𑒠𑓂𑒡𑒰𑒢𑓂𑒞𑒏 𑒔𑒰𑒪𑒲𑒮 𑒣𑒢𑓂𑒢𑒰𑒏 𑒣𑒰𑒝𑓂𑒛𑒳𑒪𑒱𑒣𑒱 𑒮𑒧𑒩𑓂𑒣𑒱𑒞 𑒏𑒹𑒢𑒹 𑒩𑒯𑒟𑒱। 𑒐𑒋𑒩 𑒧𑒪𑓀𑒑𑒱𑒨𑒰𑒖𑒲𑒏 𑒫𑒱𑒖𑓂𑒘𑒰𑒢𑒏 𑒣𑓂𑒩𑒞𑒱 𑒁𑒢𑒦𑒱𑒖𑓂𑒘𑒞𑒰 𑒂 𑒫𑒱𑒖𑓂𑒘𑒰𑒢𑒏 𑒮𑒱𑒠𑓂𑒡𑒰𑒢𑓂𑒞𑒏𑒹𑒿 𑒏𑒱𑒫𑒠𑒢𑓂𑒞𑒲𑒮𑒿 𑒖𑒼𑒛𑓃𑒥𑒰𑒏 𑒮𑒼𑒔𑒣𑒩 𑒁𑒯𑒰𑒿𑒏𑒹𑒿 𑒂𑒬𑓂𑒔𑒩𑓂𑒨 𑒢𑒻 𑒯𑒋𑒞 𑒖𑒐𑒢 𑒁𑒯𑒰𑒿 𑒯𑒳𑒢𑒏𑒩 𑒐𑒰𑒿𑒙𑒲 𑒪𑒼𑒏𑒏𑒟𑒰 𑒮𑒦𑒏 𑒁𑒖𑓂𑒘𑒰𑒢𑒞𑒰𑒏𑒹𑒿 𑒁𑒯𑒲 𑒦𑒴𑒧𑒱𑒏𑒰𑒧𑒹 𑒠𑒹𑒐𑒥।
“𑒁𑒪𑒲 𑒥𑒰𑒥𑒰 𑒂 𑒔𑒰𑒪𑒲𑒮 𑒔𑒼𑒩”- 𑒮𑒧𑓂𑒣𑒴𑒩𑓂𑒝 𑒠𑒳𑒢𑒱𑒨𑒰𑒿𑒏𑒹𑒿 𑒥𑒳𑒗𑒪 𑒕𑒻 𑒖𑒹 𑒄 𑒧𑒡𑓂𑒨𑒏𑒰𑒪𑒲𑒢 𑒁𑒩𑒥𑒲 𑒪𑒼𑒏𑒏𑒟𑒰 𑒁𑒕𑒱 𑒖𑒹 “𑒁𑒩𑒹𑒥𑒱𑒨𑒢 𑒢𑒰𑒃𑒙𑓂𑒮 (𑓑𑓐𑓐𑓑 𑒏𑒟𑒰)” 𑒧𑒹 𑒮𑓀𑒏𑒪𑒱𑒞 𑒁𑒕𑒱 𑒂 𑒍𑒃𑒧𑒹 𑒫𑒱𑒫𑒰𑒠 𑒁𑒕𑒱 𑒖𑒹 𑒄 𑒁𑒩𑒹𑒥𑒱𑒨𑒢 𑒢𑒰𑒃𑒙𑓂𑒮𑒧𑒹 𑒥𑒰𑒠𑒧𑒹 𑒒𑒼𑒮𑒱𑒨𑒰𑒋𑒪 𑒑𑒹𑒪 𑒫𑒰 𑒢𑒻, 𑒧𑒳𑒠𑒰 𑒄 𑒧𑒡𑓂𑒨𑒏𑒰𑒪𑒲𑒢 𑒁𑒩𑒥𑒲 𑒪𑒼𑒏𑒏𑒟𑒰 𑒁𑒕𑒱, 𑒌 𑒧𑒹 𑒏𑒼𑒢𑒼 𑒫𑒱𑒫𑒰𑒠 𑒢𑒻 𑒁𑒕𑒱। 𑒥𑒪𑒥𑒢𑒏 𑒁𑒞𑓂𑒨𑒰𑒔𑒰𑒩 𑒂𑒠𑒱𑒏 𑒏𑒲 𑒏𑒲 𑒑𑒣 𑒮𑒰𑒧𑓂𑒣𑓂𑒩𑒠𑒰𑒨𑒱𑒏 𑒧𑒰𑒢𑒮𑒱𑒏𑒞𑒰 𑒪𑓄 𑒏𑓄 𑒧𑒪𑓀𑒑𑒱𑒨𑒰 𑒖𑒲 𑒏𑒯𑒱 𑒖𑒰𑒃 𑒕𑒟𑒱 𑒮𑒹 𑒯𑒳𑒢𑒏𑒩 𑒪𑒼𑒏𑒏𑒟𑒰𑒏 𑒣𑓂𑒩𑒞𑒱 𑒮𑒞𑒯𑒲 𑒪𑒑𑒰𑒫 𑒧𑒰𑒞𑓂𑒩𑒏𑒿𑒝 𑒠𑒹𑒐𑒰𑒩 𑒏𑒩𑒻𑒞 𑒁𑒕𑒱। “𑒧𑒱𑒟𑒱𑒪𑒰 𑒞𑒞𑓂𑒫 𑒫𑒱𑒧𑒩𑓂𑒬” 𑒫𑒰 “𑒩𑒧𑒰𑒢𑒰𑒟 𑒗𑒰”𑒏 𑒣𑓀𑒖𑒲𑒏 𑒮𑒞𑒯𑒲 𑒖𑓂𑒘𑒰𑒢 𑒥𑒯𑒳𑒞 𑒣𑒯𑒱𑒢𑒯𑒱𑒨𑒹 𑒐𑒞𑒧 𑒏𑓄 𑒠𑒹𑒪 𑒑𑒹𑒪 𑒁𑒕𑒱, 𑒂 𑒞𑒹𑒿 𑒄 𑒪𑒱𑒐𑒱𑒞 𑒩𑒴𑒣𑒮𑒿 𑒯𑒧𑒩𑒰 𑒮𑒦𑒏 𑒣𑓀𑒖𑒲 𑒣𑒼𑒟𑒲𑒧𑒹 𑒫𑒩𑓂𑒝𑒱𑒞 𑒁𑒕𑒱। 𑒑𑒼𑒢𑒴 𑒗𑒰 𑒫𑒱𑒠𑓂𑒨𑒰𑒣𑒞𑒱 𑒮𑒿 𑓓𑓐𑓐 𑒥𑒩𑓂𑒐 𑒣𑒯𑒱𑒢𑒹 𑒦𑒹𑒪𑒰𑒯, 𑒧𑒳𑒠𑒰 𑒧𑒪𑓀𑒑𑒱𑒨𑒰𑒖𑒲 𑓕𑓐 𑒮𑒰𑒪 𑒣𑒳𑒩𑒰𑒢 𑒑𑒣-𑒮𑒩𑒏𑓂𑒏𑒰𑒏 𑒂𑒡𑒰𑒩𑒣𑒩 𑒂𑒑𑒰𑒿 𑒥𑒜𑓃𑒻 𑒕𑒟𑒱। 𑒯𑒳𑒢𑒏𑒰 𑒥𑒳𑒗𑒪 𑒕𑒢𑓂𑒯𑒱 𑒖𑒹 𑒑𑒼𑒢𑒴𑒏𑒹𑒿 𑒡𑒴𑒩𑓂𑒞𑒰𑒔𑒰𑒩𑓂𑒨 𑒏𑒯𑒪 𑒑𑒹𑒪 𑒕𑒢𑓂𑒯𑒱 𑒧𑒳𑒠𑒰 𑒮𑓀𑒑𑒹 𑒑𑒼𑒢𑒴𑒏𑒹𑒿 𑒧𑒯𑒰𑒧𑒯𑒼𑒣𑒰𑒡𑓂𑒨𑒰𑒨 𑒮𑒹𑒯𑒼 𑒏𑒯𑒪 𑒑𑒹𑒪 𑒕𑒢𑓂𑒯𑒱 𑒮𑒹 𑒯𑒳𑒢𑒏𑒰 𑒢𑒻 𑒥𑒳𑒗𑒪 𑒕𑒢𑓂𑒯𑒱!! 𑒑𑒼𑒢𑒴 𑒗𑒰𑒏 𑒮𑒧𑒨𑒧𑒹 𑒧𑒳𑒮𑓂𑒪𑒱𑒧 𑒧𑒱𑒟𑒱𑒪𑒰𑒧𑒹 𑒩𑒯𑒥𑒹 𑒢𑒻 𑒏𑒩𑒟𑒱 𑒞𑒐𑒢 “𑒞𑒯𑒮𑒲𑒪𑒠𑒰𑒩𑒏 𑒠𑒰𑒜𑓃𑒲” 𑒏𑒞𑓄 𑒮𑒿 𑒂𑒍𑒞। 𑒪𑒼𑒏𑒏 𑒏𑒝𑓂𑒚𑒧𑒹 𑒕𑒳𑒞𑒯𑒩 𑒕𑒻 𑒍𑒏𑒩𑒰 “𑒕𑒳𑒞𑒯𑒰 𑒒𑒻𑒪” 𑒏𑓄 𑒠𑒱𑒨𑒾, 𑒪𑒼𑒏𑒏 𑒏𑒝𑓂𑒚𑒧𑒹 “𑒏𑒩 𑒍𑒮𑒴𑒪𑒲”𑒏𑒩𑒻𑒥𑒪𑒰𑒏 𑒠𑒰𑒜𑓃𑒲 𑒕𑒻 𑒍𑒏𑒩𑒰 “𑒞𑒯𑒮𑒲𑒪𑒠𑒰𑒩”𑒏 𑒠𑒰𑒜𑓃𑒲 𑒏𑒯𑒱 𑒮𑒰𑒧𑓂𑒣𑓂𑒩𑒠𑒰𑒨𑒱𑒏 𑒂𑒡𑒰𑒩𑒣𑒩 𑒧𑒳𑒮𑓂𑒪𑒱𑒧𑒏𑒹𑒿 𑒁𑒞𑓂𑒨𑒰𑒔𑒰𑒩𑒲 𑒏𑒩𑒰𑒩 𑒏𑓄 𑒠𑒱𑒨𑒾, 𑒂 𑒞𑒹𑒯𑒹𑒢 𑒦𑒴𑒧𑒱𑒏𑒰 𑒪𑒱𑒐𑒱 𑒠𑒱𑒨𑒾 𑒖𑒹 𑒩𑒧𑒰𑒢𑒢𑓂𑒠 𑒗𑒰 “𑒩𑒧𑒝” 𑒂 𑒂𑒢 𑒑𑒼𑒙𑒹 𑒛𑒩𑒹 𑒮𑒧𑒲𑒏𑓂𑒭𑒰 𑒢𑒻 𑒏𑒩𑒞𑒰𑒯। 𑒋𑒏𑒙𑒰 𑒣𑒻𑒠𑒪 𑒮𑒻𑒢𑒱𑒏 𑒂 𑒋𑒏𑒙𑒰 𑒮𑒞𑒢𑒰𑒧𑒲 (𑒠𑒪𑒱𑒞-𑒣𑒱𑒕𑒛𑓃𑒪 𑒫𑒩𑓂𑒑 𑒠𑓂𑒫𑒰𑒩𑒰 𑒬𑒳𑒩𑒴 𑒏𑒋𑒪 𑒋𑒏𑒙𑒰 𑒣𑓂𑒩𑒑𑒞𑒱𑒫𑒰𑒠𑒲 𑒮𑒧𑓂𑒣𑓂𑒩𑒠𑒰𑒨)𑒏 𑒗𑒑𑒛𑓃𑒰𑒮𑒿 𑒬𑒳𑒩𑒴 𑒦𑒹𑒪 𑒮𑒞𑒢𑒰𑒧𑒲 𑒫𑒱𑒠𑓂𑒩𑒼𑒯 𑒎𑒩𑓀𑒑𑒖𑒹𑒥𑒏 𑒢𑒲𑒞𑒱𑒏 𑒫𑒱𑒩𑒼𑒡𑒧𑒹 𑒕𑒪 𑒂 𑒍𑒃𑒧𑒹 𑒧𑒮𑓂𑒖𑒱𑒠𑒏𑒹𑒿 𑒮𑒹𑒯𑒼 𑒖𑒩𑒰𑒍𑒪 𑒑𑒹𑒪𑒻, 𑒧𑒳𑒠𑒰 𑒑𑒼𑒢𑒴 𑒗𑒰𑒏 𑒏𑒩 𑒍𑒮𑒴𑒪𑒲 𑒁𑒡𑒱𑒏𑒰𑒩𑒲 𑒧𑒳𑒮𑓂𑒪𑒱𑒧 𑒢𑒻 𑒩𑒯𑒟𑒱, 𑒪𑒼𑒏𑒏𑒟𑒰𑒧𑒹 𑒄 𑒑𑒣 𑒢𑒻 𑒕𑒻, 𑒯𑒿 𑒖𑒿 𑒮𑒰𑒧𑓂𑒣𑓂𑒩𑒠𑒰𑒨𑒱𑒏 𑒪𑒼𑒏𑒏𑒟𑒰𑒏𑒰𑒩 𑒏𑒯𑒪 𑒏𑒟𑒰𑒧𑒹 𑒁𑒣𑒢 𑒫𑒰𑒠 𑒒𑒼𑒮𑒱𑒨𑒹𑒪𑒏 𑒂 𑒪𑒱𑒐𑒻 𑒏𑒰𑒪 𑒥𑒹𑒃𑒧𑒰𑒢𑒲 𑒏𑒹𑒪𑒏 𑒞𑒿 𑒞𑒃𑒮𑒿 𑒧𑒻𑒟𑒱𑒪𑒲 𑒪𑒼𑒏𑒏𑒟𑒰𑒏𑒹𑒿 𑒏𑒼𑒢 𑒮𑒩𑒼𑒏𑒰𑒩? 𑒤𑒲𑒪𑓂𑒛𑒫𑒩𑓂𑒏𑒏 𑒂𑒡𑒰𑒩𑒣𑒩 𑒖𑒿 𑒪𑒼𑒏𑒏𑒟𑒰𑒏 𑒮𑓀𑒏𑒪𑒢 𑒢𑒻 𑒏𑒩𑒥 𑒞𑒿 𑒁𑒯𑒱𑒢𑒰 𑒯𑒋𑒞।
𑒧𑒯𑒹𑒢𑓂𑒠𑓂𑒩 𑒢𑒰𑒩𑒰𑒨𑒝 𑒩𑒰𑒧 𑒪𑒱𑒐𑒻 𑒕𑒟𑒱 𑒖𑒹 𑒪𑒼𑒏𑒏𑒟𑒰𑒧𑒹 𑒖𑒰𑒞𑒱𑒞-𑒣𑒰𑒃𑒞 𑒢𑒻 𑒯𑒼𑒃 𑒕𑒻, 𑒧𑒳𑒠𑒰 𑒧𑒪𑓀𑒑𑒱𑒨𑒰𑒖𑒲 𑒮𑒹 𑒏𑒼𑒢𑒰 𑒧𑒰𑒢𑒞𑒰𑒯। 𑒦𑒑𑒞𑒰 𑒮𑒹𑒯𑒼 𑒯𑒳𑒢𑒏𑒩 𑒏𑒟𑒰𑒧𑒹 𑒋𑒥𑒹 𑒏𑒩𑒻 𑒕𑒢𑓂𑒯𑒱। 𑒂 𑒁𑒮𑒪 𑒏𑒰𑒩𑒝 𑒖𑒃 𑒏𑒰𑒩𑒝𑒮𑒿 𑒄 𑒧𑒪𑓀𑒑𑒱𑒨𑒰 𑒖𑒲𑒏 𑒢𑒰𑒙𑒏𑒏 𑒁𑒦𑒱𑒢𑓂𑒢 𑒁𑓀𑒑 𑒥𑒢𑒱 𑒖𑒰𑒃𑒞 𑒁𑒕𑒱 𑒮𑒹 𑒁𑒕𑒱 𑒯𑒳𑒢𑒏𑒩 𑒂𑒢𑒳𑒫𑓀𑒬𑒱𑒏 𑒖𑒰𑒞𑒲𑒨 𑒬𑓂𑒩𑒹𑒭𑓂𑒚𑒞𑒰 𑒂𑒡𑒰𑒩𑒱𑒞 𑒮𑒼𑒔। 𑒯𑒳𑒢𑒏𑒩 𑒢𑒰𑒙𑒏𑒧𑒹 𑒧𑒼𑒙𑒰-𑒧𑒼𑒙𑒲 𑒁𑒜𑓃𑒰𑒃-𑒁𑒜𑓃𑒰𑒃 𑒣𑒢𑓂𑒢𑒰𑒏 𑒒𑒲𑒔 𑒞𑒲𑒩𑒱 𑒏𑓄 𑒮𑒞𑓂𑒩𑒯𑒙𑒰 𑒠𑒵𑒬𑓂𑒨 𑒁𑒕𑒱, 𑒖𑒃𑒧𑒹 𑒣𑒢𑓂𑒠𑓂𑒩𑒯𑒧 𑒠𑒵𑒬𑓂𑒨 𑒡𑒩𑒱 𑒍 𑒕𑒼𑒙𑒏𑒰 𑒖𑒰𑒃𑒞𑒏 (𑒧𑒪𑓀𑒑𑒱𑒨𑒰𑒖𑒲𑒏 𑒁𑒣𑒢 𑒃𑒖𑒰𑒠 𑒏𑒋𑒪 𑒦𑒰𑒭𑒰 𑒠𑓂𑒫𑒰𑒩𑒰) 𑒏𑒟𑒱𑒞 𑒦𑒰𑒭𑒰𑒣𑒩 𑒮𑒫𑒩𑓂𑒝 𑒠𑒩𑓂𑒬𑒏𑒏 𑒯𑒿𑒮𑒥𑒰𑒏, 𑒂 𑒦𑒑𑒞𑒰𑒏 𑒦𑓂𑒩𑒭𑓂𑒙-𑒯𑒱𑒢𑓂𑒠𑒲𑒏 𑒧𑒰𑒡𑓂𑒨𑒧𑒮𑒿 𑒕𑒠𑓂𑒧 𑒯𑒰𑒮𑓂𑒨 𑒅𑒞𑓂𑒣𑒢𑓂𑒢 𑒏𑒩𑒥𑒰𑒏 𑒁𑒣𑒢 𑒣𑒳𑒩𑒰𑒢 𑒣𑒠𑓂𑒡𑒞𑒱𑒏 𑒁𑒢𑒳𑒮𑒩𑒝 𑒏𑒩𑒻 𑒕𑒟𑒱। 𑒏𑒟𑒰𑒏𑒹𑒿 𑒅𑒠𑓂𑒠𑒹𑒬𑓂𑒨𑒣𑒴𑒩𑓂𑒝 𑒥𑒢𑒹𑒥𑒰𑒏 𑒂𑒑𑓂𑒩𑒯 𑒍 𑒮𑒼𑒪𑒯𑒧 𑒠𑒵𑒬𑓂𑒨𑒮𑒿 𑒏𑒩𑒻 𑒕𑒟𑒱 𑒧𑒳𑒠𑒰 𑒥𑒰𑒖𑒲 𑒞𑒰𑒫𑒞 𑒯𑒳𑒢𑒏𑒰 𑒯𑒰𑒟𑒮𑒿 𑒢𑒱𑒏𑒪𑒱 𑒖𑒰𑒃 𑒕𑒢𑓂𑒯𑒱। 𑒂𑒃 𑒖𑒐𑒢 𑒮𑓀𑒮𑓂𑒏𑒵𑒞 𑒢𑒰𑒙𑒏𑒼𑒧𑒹 𑒣𑓂𑒩𑒰𑒏𑒵𑒞 𑒫𑒰 𑒏𑒼𑒢𑒼 𑒠𑒼𑒮𑒩 𑒦𑒰𑒭𑒰𑒏 𑒣𑓂𑒩𑒨𑒼𑒑 𑒢𑒻 𑒯𑒼𑒃𑒞 𑒁𑒕𑒱, 𑒧𑒪𑓀𑒑𑒱𑒨𑒰𑒖𑒲𑒏 𑒦𑒩𑒞𑒏𑒹𑒿 𑒑𑒪𑒞 𑒮𑒢𑓂𑒠𑒩𑓂𑒦𑒧𑒹 𑒮𑒼𑒗𑒰𑒿 𑒂𑒢𑒥 𑒮𑓀𑒮𑓂𑒏𑒵𑒞𑒮𑒿 𑒯𑒳𑒢𑒏𑒩 𑒁𑒢𑒦𑒱𑒖𑓂𑒘𑒞𑒰𑒏𑒹𑒿 𑒠𑒹𑒐𑒰𑒩 𑒏𑒩𑒻𑒞 𑒁𑒕𑒱 𑒂 𑒦𑒩𑒞 𑒢𑒰𑒙𑓂𑒨𑒬𑒰𑒮𑓂𑒞𑓂𑒩𑒣𑒩 𑒯𑒱𑒢𑓂𑒠𑒲𑒧𑒹 𑒖𑒹 𑒮𑒹𑒏𑒹𑒝𑓂𑒛𑒩𑒲 𑒮𑒼𑒩𑓂𑒮𑒏 𑒂𑒡𑒰𑒩𑒣𑒩 𑒪𑒼𑒏 𑒮𑒦 𑒣𑒼𑒟𑒲 𑒪𑒱𑒐𑒢𑒹 𑒕𑒟𑒱, 𑒞𑒏𑒩𑒹 𑒏𑒋𑒪 𑒁𑒡𑓂𑒨𑒨𑒢 𑒮𑒱𑒠𑓂𑒡 𑒏𑒩𑒻𑒞 𑒁𑒕𑒱।
𑒧𑒪𑓀𑒑𑒱𑒨𑒰𑒖𑒲𑒏 𑒄 𑒏𑒯𑒥 𑒁𑒕𑒱 𑒖𑒹 𑒢𑒰𑒙𑒏 𑒖𑒿 𑒣𑒜𑓃𑒥𑒰𑒧𑒹 𑒢𑒲𑒏 𑒁𑒕𑒱 𑒞𑒿 𑒧𑓀𑒔𑒢 𑒨𑒼𑒑𑓂𑒨 𑒢𑒻 𑒯𑒋𑒞, 𑒫𑒰 𑒧𑓀𑒔𑒢 𑒪𑒹𑒪 𑒪𑒱𑒐𑒪 𑒢𑒰𑒙𑒏 𑒣𑒜𑓃𑒥𑒰𑒧𑒹 𑒢𑒲𑒏 𑒢𑒻 𑒪𑒰𑒑𑒞? 𑒯𑒳𑒢𑒏𑒩 𑒮𑓀𑒮𑓂𑒏𑒵𑒞 𑒣𑒰𑒿𑒞𑒲𑒏𑒹𑒿 𑒅𑒠𑓂𑒒𑒵𑒞 𑒏𑒩𑒥𑒰𑒮𑒿 𑒞𑒿 𑒨𑒋𑒯 𑒪𑒑𑒻𑒞 𑒁𑒕𑒱। 𑒖𑒿 𑒢𑒰𑒙𑒏 𑒣𑒜𑓃𑒥𑒰𑒧𑒹 𑒅𑒠𑓂𑒫𑒹𑒪𑒱𑒞 𑒢𑒻 𑒏𑒩𑒞 𑒞𑒿 𑒢𑒱𑒩𑓂𑒠𑒹𑒬𑒏 𑒍𑒏𑒩 𑒧𑓀𑒔𑒢𑒏 𑒢𑒱𑒩𑓂𑒝𑒨 𑒏𑒼𑒢𑒰 𑒪𑒹𑒞? 𑒂 𑒧𑓀𑒔𑒲𑒨 𑒑𑒳𑒝 𑒏𑒲 𑒯𑒼𑒃 𑒕𑒻, 𑒁𑒜𑓃𑒰𑒃-𑒁𑒜𑓃𑒰𑒃 𑒣𑒢𑓂𑒢𑒰𑒏 𑒮𑒞𑓂𑒩𑒯𑒙𑒰 𑒠𑒵𑒬𑓂𑒨, 𑒞𑒟𑒰𑒏𑒟𑒱𑒞 𑒢𑒱𑒧𑓂𑒢 𑒫𑒩𑓂𑒑𑒏𑒹𑒿 𑒁𑒣𑒧𑒰𑒢𑒱𑒞 𑒏𑒩𑒻𑒥𑒪𑒰 𑒖𑒰𑒞𑒱𑒫𑒰𑒠𑒲 𑒦𑒰𑒭𑒰, 𑒦𑒑𑒞𑒰𑒏 “𑒥𑒳𑒗𑒞𑒰 𑒯𑒻 𑒏𑒱 𑒢𑒯𑒲𑓀?” 𑒥𑒪𑒰 𑒯𑒱𑒢𑓂𑒠𑒲 𑒂 𑒌 𑒮𑒦𑒏 𑒮𑒧𑓂𑒧𑒱𑒪𑒢𑒏 𑒄 “𑒮𑓂𑒪𑒻𑒣𑒮𑓂𑒙𑒱𑒏 𑒯𑓂𑒨𑒴𑒧𑒩”? 𑒂 𑒖𑒹 𑒋𑒏𑒩 𑒫𑒱𑒩𑒼𑒡 𑒏𑓄 𑒧𑒻𑒟𑒱𑒪𑒲𑒏 𑒮𑒧𑒰𑒢𑒰𑒢𑓂𑒞𑒩 𑒩𑓀𑒑𑒧𑓀𑒔𑒏 𑒣𑒩𑒱𑒏𑒪𑓂𑒣𑒢𑒰 𑒣𑓂𑒩𑒮𑓂𑒞𑒳𑒞 𑒏𑒩𑒞 𑒮𑒹 𑒦𑓄 𑒑𑒹𑒪 𑒢𑒰𑒙𑒏𑒏 𑒣𑒚𑒢𑒲𑒨 𑒞𑒞𑓂𑒞𑓂𑒫𑒏 𑒂𑒑𑓂𑒩𑒯𑒲 𑒂 𑒖𑒹 𑒣𑒳𑒩𑒰𑒞𑒢𑒣𑓀𑒟𑒲 𑒖𑒰𑒞𑒱𑒫𑒰𑒠𑒲 𑒁𑒕𑒱 𑒮𑒹 𑒦𑒹𑒪 𑒢𑒰𑒙𑒏𑒏 𑒧𑓀𑒔𑒲𑒨 𑒞𑒞𑓂𑒫𑒏 𑒂𑒑𑓂𑒩𑒯𑒲!! 𑒏𑒲 𑓒𑓑𑒧 𑒬𑒞𑒰𑒥𑓂𑒠𑒲𑒧𑒹 𑒧𑒪𑓀𑒑𑒱𑒨𑒰𑒖𑒲𑒏 𑒖𑒰𑒞𑒱 𑒂𑒡𑒰𑒩𑒱𑒞 𑒫𑒰𑒏𑓂𑒨 𑒮𑓀𑒩𑒔𑒢𑒰 𑒮𑓀𑒮𑓂𑒏𑒵𑒞, 𑒯𑒱𑒢𑓂𑒠𑒲 𑒫𑒰 𑒏𑒼𑒢𑒼 𑒂𑒡𑒳𑒢𑒱𑒏 𑒦𑒰𑒩𑒞𑒲𑒨 𑒦𑒰𑒭𑒰𑒏 𑒢𑒰𑒙𑒏𑒧𑒹 (𑒧𑒻𑒟𑒱𑒪𑒲𑒏𑒹𑒿 𑒕𑒼𑒛𑓃𑒱) 𑒮𑓂𑒫𑒲𑒏𑒰𑒩𑓂𑒨 𑒦𑓄 𑒮𑒏𑒞? 𑒂 𑒖𑒿 𑒢𑒻 𑒞𑒿 𑒌 𑒬𑒥𑓂𑒠𑒰𑒫𑒪𑒲 𑒪𑒹𑒪 𑓑𑓘𑓐𑓐 𑒥𑒩𑓂𑒭 𑒣𑒳𑒩𑒢𑒏𑒰 𑒮𑓀𑒮𑓂𑒏𑒵𑒞 𑒢𑒰𑒙𑒏𑒏 𑒑𑒋𑒩 𑒮𑒢𑓂𑒠𑒩𑓂𑒦𑒱𑒞 𑒞𑒟𑓂𑒨𑒏𑒹𑒿, 𑒧𑒴𑒪 𑒮𑓀𑒮𑓂𑒏𑒵𑒞 𑒦𑒩𑒞 𑒢𑒰𑒙𑓂𑒨𑒬𑒰𑒮𑓂𑒞𑓂𑒩 𑒢𑒻 𑒣𑒜𑓃𑒻𑒥𑒪𑒰 𑒢𑒰𑒙𑒏𑒏𑒰𑒩 𑒠𑓂𑒫𑒰𑒩𑒰, 𑒥𑒹𑒩-𑒥𑒹𑒩 𑒜𑒰𑒪𑒏 𑒩𑒴𑒣𑒧𑒹 𑒏𑒱𑒋 𑒣𑓂𑒩𑒨𑒳𑒏𑓂𑒞 𑒏𑒋𑒪 𑒖𑒰𑒃𑒋? 𑒧𑒰𑒟𑒣𑒩 𑒕𑒱𑒙𑓂𑒙𑒰 𑒂 𑒏𑒰𑒿𑒐𑒧𑒹 𑒥𑒔𑓂𑒔𑒰 𑒖𑒿 𑒏𑒱𑒨𑒼 𑒪𑒹𑒢𑒹 𑒁𑒕𑒱 𑒞𑒿 𑒍 𑒢𑒱𑒧𑓂𑒢 𑒫𑒩𑓂𑒑𑒏 𑒁𑒕𑒱? 𑒍𑒏𑒩 𑒂𑓀𑒑𑒢𑒏 𑒥𑒰𑒩𑒯𑒧𑒰𑒮𑒰𑒧𑒹 𑒍 𑒌 𑒢𑒱𑒧𑓂𑒢 𑒫𑒩𑓂𑒑𑒏𑒹𑒿 𑒩𑒰𑒛𑓃 𑒏𑒯𑒻 𑒕𑒟𑒱, 𑒏𑒋𑒏 𑒠𑒬𑒏 𑒥𑒰𑒠 𑒄 𑒡𑒩𑒱 𑒮𑒳𑒡𑒰𑒩 𑒂𑒋𑒪 𑒕𑒢𑓂𑒯𑒱 𑒖𑒹 𑒍 𑒂𑒥 𑒍𑒃 𑒫𑒩𑓂𑒑𑒏𑒹𑒿 𑒢𑒱𑒧𑓂𑒢 𑒫𑒩𑓂𑒑 𑒏𑒯𑒱 𑒩𑒯𑒪 𑒕𑒟𑒱, 𑒄 𑒮𑒳𑒡𑒰𑒩 𑒮𑓂𑒫𑒰𑒑𑒞 𑒨𑒼𑒑𑓂𑒨 𑒧𑒳𑒠𑒰 𑒌 𑒠𑒲𑒩𑓂𑒒 𑒁𑒫𑒡𑒱 𑒪𑒹𑒪 𑒥𑒛𑓂𑒛 𑒏𑒧 𑒁𑒕𑒱। 𑒥𑒥𑒰𑒖𑒲 𑒏𑒼𑒢𑒰 𑒏𑒟𑒰𑒧𑒹 𑒋𑒪𑒻 𑒂 𑒑𑒰𑒖𑒰 𑒏𑒼𑒢𑒰 𑒋𑒪𑒻 𑒂 𑒍𑒃𑒮𑒿 𑒥𑒑𑒱𑒨𑒰𑒏 𑒑𑒰𑒕𑒏 𑒥𑒑𑒱𑒨𑒰𑒏 𑒏𑒼𑒢 𑒮𑒧𑓂𑒥𑒢𑓂𑒡 𑒕𑒻? 𑒧𑒪𑓀𑒑𑒱𑒨𑒰𑒖𑒲 𑒁𑒣𑒢 𑒖𑒰𑒞𑒱-𑒂𑒡𑒰𑒩𑒱𑒞 𑒫𑒰𑒏𑓂𑒨 𑒮𑓀𑒩𑒔𑒢𑒰, 𑒂 𑒦𑓂𑒩𑒭𑓂𑒙-𑒯𑒱𑒢𑓂𑒠𑒲 𑒧𑒱𑒬𑓂𑒩𑒱𑒞 𑒫𑒰𑒏𑓂𑒨 𑒩𑒔𑒢𑒰 𑒏𑒼𑒢𑒰 𑒒𑒼𑒮𑒱𑒨𑒰 𑒮𑒏𑒱𑒞𑒟𑒱 𑒖𑒿 𑒦𑒑𑒞𑒰 𑒂 𑒢𑒱𑒧𑓂𑒢 𑒫𑒩𑓂𑒑𑒏 𑒕𑒠𑓂𑒧 𑒮𑓀𑒏𑒪𑓂𑒣𑒢𑒰 𑒢𑒻 𑒁𑒢𑒱𑒞𑒟𑒱, 𑒄 𑒞𑒟𑓂𑒨 𑒍 𑒥𑒛𑓂𑒛 𑒔𑒞𑒳𑒩𑒰𑒃𑒮𑒿 𑒢𑒳𑒏𑒹𑒥𑒰𑒏 𑒣𑓂𑒩𑒨𑒰𑒮 𑒏𑒩𑒻 𑒕𑒟𑒱, 𑒂 𑒞𑒹𑒿 𑒍 𑒧𑒹𑒛𑒱𑒨𑒼𑒏𑓂𑒩𑒱𑒙𑒲𑒮𑒿 𑒂𑒑𑒰𑒿 𑒢𑒻 𑒥𑒜𑓃𑒱 𑒣𑒥𑒻 𑒕𑒟𑒱। 𑒂 𑒞𑒹𑒿 𑒯𑒳𑒢𑒏𑒰𑒧𑒹 𑒌 𑒢𑒰𑒙𑓂𑒨-𑒏𑒟𑒰𑒏𑒹𑒿 𑒅𑒠𑓂𑒠𑒹𑒬𑓂𑒨𑒣𑒴𑒩𑓂𑒝 𑒥𑒢𑒹𑒥𑒰𑒏 𑒂𑒑𑓂𑒩𑒯 𑒞𑒿 𑒕𑒢𑓂𑒯𑒱 𑒧𑒳𑒠𑒰 𑒮𑒰𑒧𑒩𑓂𑒟𑓂𑒨 𑒢𑒻 𑒂𑒥𑒱 𑒣𑒥𑒻 𑒕𑒢𑓂𑒯𑒱।







𑒮𑒰𑒯𑒱𑒞𑓂𑒨𑒧𑒹 𑒪𑒼𑒏-𑒞𑒞𑓂𑒫: 𑒑𑒰𑒟𑒰/ 𑒢𑒵𑒞𑓂𑒨/ 𑒢𑒰𑒙𑒏

𑒪𑒼𑒏𑒑𑒰𑒟𑒰/ 𑒢𑒵𑒞𑓂𑒨/ 𑒮𑓀𑒑𑒲𑒞 𑒂𑒠𑒱𑒏 𑒌𑒞𑒱𑒯𑒰𑒮𑒱𑒏 𑒫𑒩𑓂𑒝𑒢
𑒧𑒼𑒯𑒢𑒖𑒼𑒠𑒛𑓃𑒼 𑒮𑒦𑓂𑒨𑒞𑒰𑒮𑒿 𑒣𑓂𑒩𑒰𑒣𑓂𑒞 𑒏𑒰𑓀𑒮𑓂𑒨 𑒣𑓂𑒩𑒞𑒱𑒧𑒰 𑒢𑒵𑒞𑓂𑒨𑒏 𑒧𑒳𑒠𑓂𑒩𑒰𑒏 𑒮𑓀𑒏𑒹𑒞 𑒠𑒻𑒞 𑒁𑒕𑒱, 𑒫𑒩𑓂𑒞𑒧𑒰𑒢 𑒏𑒟𑒏 𑒢𑒵𑒞𑓂𑒨𑒏 𑒚𑒰𑒚 𑒧𑒳𑒠𑓂𑒩𑒰 𑒮𑒠𑒵𑒬, 𑒠𑒯𑒱𑒢 𑒯𑒰𑒟 𑓔𑓕 𑒛𑒱𑒑𑓂𑒩𑒲𑒏 𑒏𑒼𑒝 𑒥𑒢𑒹𑒢𑒹 𑒂 𑒫𑒰𑒧 𑒯𑒰𑒟 𑒫𑒰𑒧 𑒕𑒰𑒥𑒰𑒣𑒩, 𑒮𑓀𑒑𑒯𑒱 𑒫𑒰𑒧 𑒣𑒋𑒩 𑒏𑒱𑒕𑒳 𑒧𑒼𑒛𑓃𑒢𑒹। 𑒇𑒑𑒫𑒹𑒠𑒏 𑒬𑒰𑓀𑒐𑒰𑒨𑒢 𑒥𑓂𑒩𑒰𑒯𑓂𑒧𑒝𑒧𑒹 𑒑𑒲𑒞, 𑒫𑒰𑒠𑓂𑒨 𑒂 𑒢𑒵𑒞𑓂𑒨 𑒞𑒲𑒢𑒴𑒏 𑒮𑓀𑒑𑒹-𑒮𑓀𑒑 𑒣𑓂𑒩𑒨𑒼𑒑𑒏 𑒫𑒩𑓂𑒝𑒢 𑒁𑒕𑒱, 𑒌𑒞𑒩𑒹𑒨 𑒥𑓂𑒩𑒰𑒯𑓂𑒧𑒝𑒧𑒹 𑒌 𑒞𑒲𑒢𑒴𑒏 𑒑𑒝𑒢𑒰 𑒠𑒻𑒫𑒲 𑒬𑒱𑒪𑓂𑒣𑒧𑒹 𑒁𑒕𑒱। 𑒇𑒑𑒫𑒹𑒠 𑓑𑓐.𑓗𑓖.𑓖 𑒧𑒹 𑒅𑒭𑒰𑒏 𑒮𑓂𑒫𑒩𑓂𑒝𑒱𑒧 𑒂𑒦𑒰 𑒏𑒫𑒱𑒏𑒹𑒿 𑒮𑒳𑒮𑒖𑓂𑒖𑒱𑒞 𑒇𑒭𑒱𑒏 𑒮𑓂𑒧𑒩𑒝 𑒏𑒩𑒥𑒻𑒞 𑒕𑒢𑓂𑒯𑒱। 𑒇𑒑𑒫𑒹𑒠𑒧𑒹 𑒪𑒼𑒏 𑒢𑒵𑒞𑓂𑒨𑒏 (𑒣𑓂𑒩𑒰𑒢𑓂𑒔𑒼 𑒁𑒑𑒰𑒧 𑒢𑒵𑒞𑒨𑒹) 𑒮𑒹𑒯𑒼 𑒅𑒪𑓂𑒪𑒹𑒐 𑒁𑒕𑒱। 𑒧𑒯𑒰𑒫𑓂𑒩𑒞 𑒢𑒰𑒧𑓂𑒢𑒰 𑒮𑒼𑒧𑒨𑒰𑒑𑒧𑒹 𑒠𑒰𑒮𑒲 𑒮𑒦𑒏 (𑓓-𑓖 𑒠𑒰𑒮𑒲𑒏) 𑒮𑒰𑒧𑒴𑒯𑒱𑒏 𑒢𑒵𑒞𑓂𑒨𑒏 𑒫𑒩𑓂𑒝𑒢 𑒁𑒕𑒱। 𑒬𑒰𑓀𑒐𑒰𑒨𑒢 𑓑.𑓑𑓑.𑓕 𑒧𑒹 𑒫𑒩𑓂𑒝𑒢 𑒁𑒕𑒱 𑒖𑒹 𑒫𑒱𑒫𑒰𑒯𑒧𑒹 𑓔-𑓘 𑒮𑒳𑒯𑒰𑒑𑒱𑒢𑒏𑒹𑒿 𑒮𑒳𑒩𑒰 𑒣𑒱𑒨𑒰𑒍𑒪 𑒖𑒰𑒃𑒞 𑒕𑓂𑒪 𑒂 𑒔𑒞𑒳𑒩𑓂𑒫𑒰𑒩 𑒢𑒵𑒞𑓂𑒨 𑒪𑒹𑒪 𑒣𑓂𑒩𑒹𑒩𑒱𑒞 𑒏𑒋𑒪 𑒖𑒰𑒃𑒞 𑒕𑒪। 𑒫𑒻𑒠𑒱𑒏 𑒮𑒰𑒯𑒱𑒞𑓂𑒨𑒧𑒹 𑒫𑒱𑒫𑒰𑒯 𑒫𑒱𑒡𑒱𑒧𑒹 𑒣𑒞𑓂𑒢𑒲𑒏 𑒑𑒰𑒨𑒢𑒏 𑒅𑒪𑓂𑒪𑒹𑒐 𑒁𑒕𑒱। 𑒮𑒲𑒧𑒢𑓂𑒞𑒼𑒢𑓂𑒢𑒨𑒢 𑒫𑒱𑒡𑒱𑒧𑒹 𑒣𑒞𑒱 𑒫𑒲𑒝𑒰𑒫𑒰𑒠𑒏𑒮𑒿 𑒮𑒼𑒧𑒠𑒹𑒫𑒏 𑒫𑒰𑒠𑒨𑒳𑒏𑓂𑒞 𑒑𑒰𑒢 𑒏𑒩𑒥𑒰𑒏 𑒁𑒢𑒳𑒩𑒼𑒡 𑒏𑒩𑒻𑒞 𑒕𑒟𑒱। 𑒁𑒟𑒩𑓂𑒫𑒫𑒹𑒠𑒧𑒹 𑒫𑒮𑒰 𑒢𑒰𑒧𑓂𑒢𑒰 𑒠𑒹𑒫𑒞𑒰𑒏 𑒢𑒵𑒞𑓂𑒨 𑒇𑒏𑓂, 𑒮𑒰𑒧 𑒂 𑒑𑒰𑒟𑒰𑒮𑒿 𑒮𑒧𑓂𑒥𑒢𑓂𑒡𑒱𑒞 𑒯𑒼𑒋𑒥𑒰𑒏 𑒑𑒣 𑒂𑒋𑒪 𑒁𑒕𑒱, 𑒮𑒼𑒧𑒣𑒰𑒢𑒨𑒳𑒏𑓂𑒞 𑒌 𑒢𑒵𑒞𑓂𑒨𑒧𑒹 𑒑𑒢𑓂𑒡𑒩𑓂𑒫 𑒮𑒹𑒯𑒼 𑒯𑒼𑒃𑒞 𑒕𑒪𑒰𑒯, 𑒮𑒹 𑒫𑒩𑓂𑒝𑒱𑒞 𑒁𑒕𑒱। 𑒁𑒟𑒩𑓂𑒫𑒫𑒹𑒠 𑓑𑓒.𑓑.𑓔𑓑 𑒧𑒹 𑒑𑒲𑒞, 𑒫𑒰𑒠𑒢 𑒂 𑒢𑒵𑒞𑓂𑒨𑒏 𑒮𑒰𑒧𑒴𑒯𑒱𑒏 𑒡𑓂𑒫𑒢𑒱𑒏 𑒫𑒩𑓂𑒝𑒢 𑒁𑒕𑒱। 𑒫𑒻𑒠𑒱𑒏 𑒏𑒰𑒪𑒧𑒹 𑒮𑒰𑒧 𑒮𑓀𑒑𑒲𑒞𑒏 𑒁𑒪𑒰𑒥𑒹 𑒑𑒰𑒟𑒰 𑒂 𑒢𑒰𑒩𑒰𑒬𑓀𑒮𑒲 𑒢𑒰𑒧𑓂𑒢𑒰 𑒪𑒾𑒏𑒱𑒏 𑒑𑒰𑒟𑒰-𑒮𑓀𑒑𑒲𑒞𑒏 𑒮𑒹𑒯𑒼 𑒣𑓂𑒩𑒔𑒪𑒢 𑒕𑒪।

𑒪𑒼𑒏𑒑𑒰𑒟𑒰𑒏 𑒞𑒞𑓂𑒫: 𑒦𑒰𑒭𑒰𑒏 𑒮𑓂𑒫𑒩𑒴𑒣 𑒧𑒾𑒐𑒱𑒏 𑒩𑒯𑒥𑒰𑒏 𑒏𑒰𑒩𑒝𑒮𑒿 𑒑𑒞𑒱𑒬𑒲𑒪 𑒁𑒕𑒱। 𑒏𑒰𑒪 𑒢𑒱𑒩𑓂𑒡𑒰𑒩𑒝 𑒮𑒹𑒯𑒼 𑒁𑒢𑒳𑒧𑒰𑒢𑒣𑒩 𑒂𑒡𑒰𑒩𑒱𑒞 𑒯𑒼𑒃𑒞 𑒁𑒕𑒱।

-𑒑𑒰𑒟𑒰 𑒧𑒹𑒪𑒰, 𑒯𑒰𑒙 𑒥𑒖𑒰𑒩, 𑒫𑒱𑒬𑒱𑒭𑓂𑒙 𑒪𑒼𑒏𑒏 𑒒𑒩, 𑒮𑒰𑒩𑓂𑒫𑒖𑒢𑒱𑒏 𑒮𑓂𑒟𑒪𑒣𑒩 𑒯𑒼𑒃𑒞 𑒁𑒕𑒱 - 𑒮𑒹 𑒖𑒻 𑒖𑒰𑒞𑒱𑒏 𑒪𑒼𑒏𑒠𑒹𑒫𑒞𑒰 𑒩𑒯𑒻𑒞 𑒕𑒟𑒱 𑒞𑒏𑒩 𑒁𑒞𑒱𑒩𑒱𑒏𑓂𑒞 𑒠𑒼𑒮𑒩𑒼 𑒖𑒰𑒞𑒱𑒏 𑒬𑓂𑒩𑒼𑒞𑒰 𑒩𑒯𑒻𑒞 𑒕𑒟𑒱।
𑒮𑒩𑓂𑒖𑒏 𑒂 𑒬𑓂𑒩𑒼𑒞𑒰𑒏 𑒣𑓂𑒩𑒞𑓂𑒨𑒏𑓂𑒭 𑒮𑓀𑒥𑓀𑒡 𑒩𑒯𑒻𑒞 𑒁𑒕𑒱, 𑒬𑓂𑒩𑒫𑒝 𑒞𑒞𑓂𑒫𑒏 𑒏𑒰𑒩𑒝 𑒏𑒟𑒰𑒏 𑒁𑒢𑒰𑒨𑒰𑒮 𑒁𑒪𑓀𑒏𑒩𑒝 𑒦𑒹𑒙𑒻𑒞 𑒁𑒕𑒱, 𑒧𑒳𑒠𑒰 𑒮𑒦𑒙𑒰 𑒮𑒰𑒯𑒱𑒞𑓂𑒨𑒱𑒏 𑒪𑒏𑓂𑒭𑒝 𑒖𑒹𑒢𑒰 𑒮𑒩𑓂𑒑, 𑒕𑒢𑓂𑒠𑒥𑒠𑓂𑒡, 𑒢𑒰𑒙𑓂𑒨-𑒮𑓀𑒡𑒱 𑒂 𑒫𑒮𑓂𑒞𑒳 𑒢𑒱𑒩𑓂𑒠𑒹𑒬𑒏 𑒁𑒦𑒰𑒫 𑒩𑒯𑒻𑒞 𑒁𑒕𑒱। 𑒫𑒮𑓂𑒞𑒳 𑒮𑓀𑒑𑒚𑒢 𑒮𑒳𑒑𑒚𑒱𑒞 𑒢𑒯𑒱 𑒩𑒯𑒻𑒞 𑒁𑒕𑒱। 𑒑𑒰𑒩𑒱𑒏 𑒣𑓂𑒩𑒨𑒼𑒑 𑒂 𑒧𑒠𑓂𑒨𑒣𑒰𑒢𑒏 𑒨𑒞𑓂𑒩-𑒞𑒞𑓂𑒩 𑒫𑒩𑓂𑒝𑒢 𑒩𑒯𑒻𑒞 𑒁𑒕𑒱।
𑒑𑓂𑒩𑒰𑒧𑒲𑒝 𑒫𑓂𑒨𑒫𑒮𑓂𑒟𑒰𑒧𑒹 𑒔𑒼𑒩𑒏 𑒮𑓂𑒟𑒰𑒢 𑒂 𑒍𑒏𑒩 𑒫𑒩𑓂𑒝𑒢, 𑒮𑓂𑒟𑒰𑒢𑒲𑒨 𑒠𑒹𑒫𑒲-𑒠𑒹𑒫𑒞𑒰𑒏 𑒔𑒩𑒔𑒰 𑒂 𑒖𑒰𑒞𑒲𑒨 𑒁𑒮𑓂𑒧𑒱𑒞𑒰𑒏 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱। 𑒏𑒟𑒰-𑒑𑒰𑒨𑒏 𑒂𑒬𑒳 𑒏𑒫𑒱 𑒯𑒼𑒃𑒞 𑒕𑒟𑒱- 𑒋𑒏𑒙𑒰 𑒜𑓃𑒰𑒿𑒔𑒰𑒣𑒩 𑒁𑒣𑒢 𑒯𑒱𑒮𑒰𑒥𑒮𑒿 𑒍 𑒯𑒹𑒩-𑒤𑒹𑒩 𑒏𑓄 𑒑𑒥𑒻𑒞 𑒕𑒟𑒱 𑒣𑓂𑒩𑒰𑒩𑒧𑓂𑒦𑒧𑒹 𑒄𑒬𑓂𑒫𑒩, 𑒫𑒢𑓂𑒠𑒢𑒰 𑒂 𑒥𑒲𑒔-𑒥𑒲𑒔𑒧𑒹 𑒄𑒬𑓂𑒫𑒩𑒮𑒿 𑒏𑓂𑒭𑒧𑒰𑒨𑒰𑒔𑒢𑒰, 𑒄 𑒮𑒦 𑒑𑒰𑒨𑒢 𑒏𑓂𑒭𑒧𑒞𑒰 𑒮𑓂𑒟𑒱𑒩 𑒏𑒩𑒥𑒰𑒏 𑒅𑒠𑓂𑒠𑒹𑒬𑓂𑒨𑒮𑒿 𑒏𑒋𑒪 𑒖𑒰𑒃𑒞 𑒁𑒕𑒱।
𑒒𑒝𑓂𑒙𑒰𑒮𑒿 𑒆𑒣𑒩 𑒑𑒰𑒨𑒢𑒏 𑒥𑒲𑒔𑒧𑒹 𑒯𑒳𑒏𑓂𑒏𑒰-𑒔𑒱𑒪𑒧, 𑒧𑒠𑓂𑒨𑒣𑒰𑒢, 𑒣𑒩𑒱𑒫𑒹𑒬𑒏 𑒫𑒩𑓂𑒝𑒢 𑒯𑒼𑒃𑒞 𑒁𑒕𑒱 𑒑𑒰𑒨𑒢𑒧𑒹। 𑒪𑒼𑒩𑒱𑒏 𑒧𑒢𑒳𑒂𑒩 𑒬𑓂𑒩𑒼𑒞𑒰𑒏 𑒮𑒼𑒗𑒰𑒿 𑒏𑒋𑒪 𑒖𑒰𑒃𑒞 𑒁𑒕𑒱 𑒧𑒳𑒠𑒰 𑒮𑒪𑓂𑒯𑒹𑒮𑒏 𑒏𑒟𑒰 𑒂𑒩𑒰𑒡𑓂𑒨 𑒠𑒹𑒫𑒏 𑒮𑒧𑒏𑓂𑒭।
𑒠𑒻𑒫𑒲 𑒬𑒏𑓂𑒞𑒱 𑒠𑓂𑒫𑒰𑒩𑒰 𑒨𑒳𑒠𑓂𑒡𑒧𑒹 𑒢𑒰𑒨𑒏𑒏 𑒮𑒯𑒰𑒨𑒞𑒰 𑒯𑒼𑒃𑒞 𑒁𑒕𑒱।
𑒢𑒰𑒨𑒏 𑒮𑒹𑒯𑒼 𑒑𑒰𑒩𑒱𑒏 𑒣𑓂𑒩𑒨𑒼𑒑 𑒏𑒩𑒻𑒞 𑒁𑒕𑒱।
𑒧𑒯𑒰𑒏𑒰𑒫𑓂𑒨𑒏 𑒣𑒰𑒞𑓂𑒩𑒏 𑒢𑒰𑒧 𑒂 𑒂𑒢 𑒞𑒞𑓂𑒫𑒏 𑒑𑓂𑒩𑒯𑒝 𑒖𑒹𑒢𑒰 𑒧𑒯𑒰𑒦𑒰𑒩𑒞𑒏 𑒖𑒳𑒂 𑒂𑒠𑒱 𑒣𑓂𑒩𑒨𑒼𑒑𑒧𑒹 𑒂𑒢𑒪 𑒖𑒰𑒃𑒞 𑒁𑒕𑒱।


𑒢𑒱𑒭𑓂𑒏𑒩𑓂𑒭: 𑒮𑒦 𑒮𑒰𑒯𑒱𑒞𑓂𑒨𑒱𑒏 𑒫𑒱𑒡𑒰 𑒠𑒴 𑒣𑓂𑒩𑒏𑒰𑒩𑒏 𑒯𑒼𑒃𑒞 𑒁𑒕𑒱। 𑒪𑒼𑒏𑒡𑒩𑓂𑒧𑒲 𑒂 𑒢𑒰𑒙𑓂𑒨𑒡𑒩𑓂𑒧𑒲, 𑒪𑒼𑒏𑒡𑒩𑓂𑒧𑒲 𑒦𑒹𑒪 𑒑𑓂𑒩𑒰𑒧𑓂𑒨 𑒂 𑒢𑒰𑒙𑓂𑒨𑒡𑒩𑓂𑒧𑒲 𑒦𑒹𑒪 𑒬𑒰𑒮𑓂𑒞𑓂𑒩𑒲𑒨 𑒅𑒏𑓂𑒞𑒱। 𑒑𑓂𑒩𑒰𑒧𑓂𑒨 𑒧𑒰𑒢𑒹 𑒦𑒹𑒪 𑒏𑒵𑒞𑓂𑒩𑒱𑒧𑒞𑒰𑒏 𑒁𑒫𑒯𑒹𑒪𑒢𑒰 𑒧𑒳𑒠𑒰 𑒁𑒖𑓂𑒘𑒰𑒢𑒞𑒰𑒫𑒬 𑒏𑒱𑒕𑒳 𑒑𑒼𑒙𑒹 𑒋𑒏𑒩𑒰 𑒑𑒰𑒧𑒧𑒹 𑒯𑒼𑒃𑒥𑒪𑒰 𑒢𑒰𑒙𑒏 𑒥𑒳𑒗𑒻 𑒕𑒟𑒱। 𑒪𑒼𑒏𑒡𑒩𑓂𑒧𑒲𑒧𑒹 𑒮𑓂𑒫𑒦𑒰𑒫𑒏 𑒁𑒦𑒱𑒢𑒨𑒧𑒹 𑒣𑓂𑒩𑒡𑒰𑒢𑒞𑒰 𑒩𑒯𑒻𑒞 𑒁𑒕𑒱, 𑒪𑒼𑒏𑒏 𑒏𑓂𑒩𑒱𑒨𑒰𑒏 𑒣𑓂𑒩𑒡𑒰𑒢𑒞𑒰 𑒩𑒯𑒻𑒞 𑒁𑒕𑒱, 𑒮𑒩𑒪 𑒂𑓀𑒑𑒱𑒏 𑒣𑓂𑒩𑒠𑒩𑓂𑒬𑒢 𑒯𑒼𑒃𑒞 𑒁𑒕𑒱, 𑒂 𑒌 𑒧𑒹 𑒣𑒰𑒞𑓂𑒩𑒏 𑒮𑒹 𑒍 𑒮𑓂𑒞𑓂𑒩𑒲 𑒯𑒳𑒁𑒋 𑒫𑒰 𑒣𑒳𑒩𑒳𑒭, 𑒞𑒏𑒩 𑒮𑓀𑒐𑓂𑒨𑒰 𑒥𑒛𑓂𑒛 𑒥𑒹𑒮𑒲 𑒩𑒯𑒻𑒞 𑒁𑒕𑒱। 𑒢𑒰𑒙𑓂𑒨𑒡𑒩𑓂𑒧𑒲𑒧𑒹 𑒫𑒰𑒝𑒲 𑒧𑒼𑒢𑒹-𑒧𑒼𑒢, 𑒮𑓀𑒏𑒹𑒞𑒮𑒿, 𑒂𑒏𑒰𑒬𑒫𑒰𑒝𑒲 𑒃𑒞𑓂𑒨𑒰𑒠𑒱; 𑒢𑒵𑒞𑓂𑒨𑒏 𑒮𑒧𑒰𑒫𑒹𑒬, 𑒫𑒰𑒏𑓂𑒨𑒧𑒹 𑒫𑒱𑒪𑒏𑓂𑒭𑒝𑒞𑒰, 𑒩𑒰𑒑𑒥𑒪𑒰 𑒮𑓀𑒑𑒲𑒞, 𑒂 𑒮𑒰𑒡𑒰𑒩𑒝 𑒣𑒰𑒞𑓂𑒩𑒏 𑒁𑒪𑒰𑒥𑒹 𑒠𑒱𑒫𑓂𑒨 𑒣𑒰𑒞𑓂𑒩 𑒮𑒹𑒯𑒼 𑒩𑒯𑒻 𑒕𑒟𑒱। 𑒏𑒼𑒢𑒼 𑒢𑒱𑒩𑓂𑒖𑒲𑒫/ 𑒫𑒰 𑒖𑒢𑓂𑒞𑒳 𑒮𑒹𑒯𑒼 𑒮𑓀𑒫𑒰𑒠 𑒏𑒩𑓄 𑒪𑒑𑒻𑒋, 𑒋𑒏 𑒣𑒰𑒞𑓂𑒩𑒏 𑒛𑒥𑒪-𑒙𑓂𑒩𑒱𑒣𑒪 𑒩𑒼𑒪, 𑒮𑒳𑒐 𑒠𑒳𑒐𑒏 𑒂𑒫𑒹𑒑 𑒮𑓀𑒑𑒲𑒞𑒏 𑒧𑒰𑒡𑓂𑒨𑒧𑒮𑒿 𑒥𑒜𑓃𑒰𑒍𑒪 𑒖𑒰𑒃𑒞 𑒁𑒕𑒱।
𑒫𑒻𑒠𑒱𑒏 𑒂𑒐𑓂𑒨𑒰𑒢, 𑒖𑒰𑒞𑒏 𑒏𑒟𑒰, 𑒌𑒬𑒣 𑒤𑒹𑒥𑒪𑓂𑒮, 𑒣𑓀𑒔𑒞𑓀𑒞𑓂𑒩 𑒂 𑒯𑒱𑒞𑒼𑒣𑒠𑒹𑒬 𑒂 𑒮𑓀𑒑-𑒮𑓀𑒑 𑒔𑒪𑒻𑒞 𑒩𑒯𑒪 𑒪𑒼𑒏𑒑𑒰𑒟𑒰 𑒮𑒦। 𑒮𑒦 𑒚𑒰𑒧 𑒁𑒦𑒱𑒖𑒰𑒞𑓂𑒨 𑒫𑒩𑓂𑒑𑒏 𑒏𑒟𑒰𑒏 𑒮𑓀𑒑 𑒪𑒼𑒏𑒑𑒰𑒟𑒰 𑒩𑒯𑒱𑒞𑒹 𑒁𑒕𑒱।














𑒮𑓂𑒫. 𑒬𑓂𑒩𑒲 𑒫𑒻𑒠𑓂𑒨𑒢𑒰𑒟 𑒧𑒱𑒬𑓂𑒩 “𑒨𑒰𑒞𑓂𑒩𑒲” (𑓑𑓙𑓑𑓑-𑓑𑓙𑓙𑓘):𑒮𑓂𑒫. 𑒬𑓂𑒩𑒲 𑒫𑒻𑒠𑓂𑒨𑒢𑒰𑒟 𑒧𑒱𑒬𑓂𑒩 “𑒨𑒰𑒞𑓂𑒩𑒲” 𑒏𑒹𑒩 𑒖𑒢𑓂𑒧 𑓑𑓙𑓑𑓑 𑒄. 𑒧𑒹 𑒁𑒣𑒢 𑒧𑒰𑒧𑒰𑒑𑒰𑒧 𑒮𑒞𑒪𑒐𑒰𑒧𑒹 𑒦𑒹𑒪𑒢𑓂𑒯𑒱 𑒖𑒹 𑒯𑒳𑒢𑒏𑒩 𑒣𑒻𑒞𑒵𑒏 𑒑𑒰𑒧 𑒞𑒩𑒾𑒢𑒲𑒏 𑒪𑒑𑒹𑒧𑒹 𑒁𑒕𑒱। 𑒨𑒰𑒞𑓂𑒩𑒲 𑒖𑒲 𑒁𑒣𑒢 𑒑𑒰𑒧𑒏 𑒮𑓀𑒮𑓂𑒏𑒵𑒞 𑒣𑒰𑒚𑒬𑒰𑒪𑒰𑒧𑒹 𑒣𑒜𑓃𑒋 𑒪𑒑𑒪𑒰𑒯, 𑒤𑒹𑒩 𑒫𑒰𑒩𑒰𑒝𑒮𑒲 𑒂 𑒏𑒪𑒏𑒞𑓂𑒞𑒰 𑒮𑒹𑒯𑒼 𑒑𑒹𑒪𑒰𑒯 𑒂 𑒮𑓀𑒮𑓂𑒏𑒵𑒞𑒧𑒹 “𑒮𑒰𑒯𑒱𑒞𑓂𑒨 𑒂𑒔𑒰𑒩𑓂𑒨” 𑒏 𑒅𑒣𑒰𑒡𑒱 𑒣𑓂𑒩𑒰𑒣𑓂𑒞 𑒏𑒹𑒪𑒢𑓂𑒯𑒱। 𑒞𑒏𑒩 𑒥𑒰𑒠 𑒍 𑒏𑒼𑒪𑒧𑓂𑒥𑒼 𑒪𑒑 𑒏𑒪𑒢𑒱𑒂 𑒮𑓂𑒟𑒰𑒢 𑒑𑒹𑒪𑒰𑒯 𑒣𑒰𑒪𑒲 𑒂 𑒥𑒳𑒠𑓂𑒡 𑒡𑒩𑓂𑒧𑒏 𑒁𑒡𑓂𑒨𑒨𑒢𑒏 𑒪𑒹𑒪। 𑒍𑒞𑒋 𑒍 𑒥𑒾𑒠𑓂𑒡 𑒡𑒩𑓂𑒧𑒧𑒹 𑒠𑒲𑒏𑓂𑒭𑒱𑒞 𑒦𑓄 𑒑𑒹𑒪𑒰𑒯 𑒂 𑒯𑒳𑒢𑒏𑒩 𑒢𑒰𑒧 𑒣𑒛𑓃𑒪𑒢𑓂𑒯𑒱 -𑒢𑒰𑒑𑒰𑒩𑓂𑒖𑒳𑒢। 𑒧𑒳𑒠𑒰 𑒥𑒰𑒠𑒧𑒹 𑒣𑒳𑒢𑓁 𑒑𑒰𑒧𑒧𑒹 𑒨𑒖𑓂𑒘𑒼𑒣𑒫𑒲𑒞 𑒏𑓄 𑒥𑓂𑒩𑒰𑒯𑓂𑒧𑒝 𑒡𑒩𑓂𑒧𑒧𑒹 𑒒𑒳𑒩𑒪𑒰𑒯।
𑒨𑒰𑒞𑓂𑒩𑒲𑒖𑒲 𑒧𑒰𑒩𑓂𑒏𑓂𑒮𑒫𑒰𑒠𑒮𑒿 𑒣𑓂𑒩𑒦𑒰𑒫𑒱𑒞 𑒕𑒪𑒰𑒯, 𑓑𑓙𑓒𑓙 𑒄. 𑒏 𑒁𑒢𑓂𑒞𑒱𑒧 𑒧𑒰𑒮𑒧𑒹𑒧𑒹 𑒧𑒻𑒟𑒱𑒪𑒲 𑒦𑒰𑒭𑒰𑒧𑒹 𑒣𑒠𑓂𑒨 𑒪𑒱𑒐𑒥 𑒬𑒳𑒩𑒴 𑒏𑒋𑒪𑒢𑓂𑒯𑒱। 𑓑𑓙𑓓𑓕 𑒄.𑒮𑒿 𑒯𑒱𑒢𑓂𑒠𑒲𑒧𑒹 𑒮𑒹𑒯𑒼 𑒪𑒱𑒐𑒋 𑒪𑒑𑒪𑒰𑒯। 𑒮𑓂𑒫𑒰𑒧𑒲 𑒮𑒯𑒖𑒰𑒢𑒢𑓂𑒠 𑒮𑒩𑒮𑓂𑒫𑒞𑒲 𑒂 𑒩𑒰𑒯𑒳𑒪 𑒮𑒰𑓀𑒏𑒵𑒞𑓂𑒨𑒰𑒨𑒢𑒏 𑒮𑓀𑒑 𑒍 𑒏𑒱𑒮𑒰𑒢 𑒂𑒢𑓂𑒠𑒼𑒪𑒢𑒧𑒹 𑒮𑓀𑒪𑒑𑓂𑒢 𑒩𑒯𑒪𑒰𑒯 𑒂 𑓑𑓙𑓓𑓙 𑒮𑒿 𑓑𑓙𑓔𑓑 𑒡𑒩𑒱 𑒌 𑒏𑓂𑒩𑒧𑒧𑒹 𑒫𑒱𑒦𑒱𑒢𑓂𑒢 𑒖𑒹𑒪𑒏 𑒨𑒰𑒞𑓂𑒩𑒰 𑒏𑒋𑒪𑒢𑓂𑒯𑒱। 𑒯𑒳𑒢𑒏𑒩 𑒥𑒯𑒳𑒞 𑒩𑒰𑒮 𑒩𑒔𑒢𑒰 𑒖𑒹 𑒧𑒯𑒰𑒞𑓂𑒧𑒰 𑒑𑒰𑒿𑒡𑒲𑒏 𑒧𑒵𑒞𑓂𑒨𑒳𑒏 𑒥𑒰𑒠 𑒪𑒱𑒐𑒪 𑒑𑒹𑒪 𑒕𑒪, 𑒣𑓂𑒩𑒞𑒱𑒥𑒢𑓂𑒡𑒱𑒞 𑒏𑓄 𑒠𑒹𑒪 𑒑𑒹𑒪। 𑒦𑒰𑒩𑒞-𑒔𑒲𑒢 𑒨𑒳𑒠𑓂𑒡𑒧𑒹 𑒏𑒧𑓂𑒨𑒳𑒢𑒱𑒮𑓂𑒙 𑒣𑒰𑒩𑓂𑒙𑒲 𑒠𑓂𑒫𑒰𑒩𑒰 𑒔𑒲𑒢𑒏𑒹𑒿 𑒠𑒹𑒪 𑒮𑒧𑒩𑓂𑒟𑒢𑒏 𑒥𑒰𑒠 𑒏𑒧𑓂𑒨𑒳𑒢𑒱𑒮𑓂𑒙 𑒣𑒰𑒩𑓂𑒙𑒲𑒮𑒿 𑒧𑒞𑒦𑒹𑒠 𑒦𑒹𑒪𑒢𑓂𑒯𑒱। 𑒖𑒹.𑒣𑒲. 𑒁𑒢𑓂𑒢𑓂𑒠𑒼𑒪𑒢𑒧𑒹 𑒦𑒰𑒑 𑒪𑒹𑒥𑒰𑒏 𑒏𑒰𑒩𑒝 𑒂𑒣𑒰𑒞𑓂𑒏𑒰𑒪𑒧𑒹 𑒯𑒱𑒢𑒏𑒰 𑒖𑒹𑒪𑒧𑒹 𑒚𑒴𑒮𑒱 𑒠𑒹𑒪 𑒑𑒹𑒪। 𑒨𑒰𑒞𑓂𑒩𑒲𑒖𑒲 𑒯𑒱𑒢𑓂𑒠𑒲𑒧𑒹 𑒥𑒰𑒪 𑒮𑒰𑒯𑒱𑒞𑓂𑒨 𑒮𑒹𑒯𑒼 𑒪𑒱𑒐𑒪𑒢𑓂𑒯𑒱। 𑒯𑒱𑒢𑓂𑒠𑒲 𑒂 𑒧𑒻𑒟𑒱𑒪𑒲𑒏 𑒁𑒞𑒱𑒩𑒱𑒏𑓂𑒞 𑒥𑒰𑓀𑒑𑓂𑒪𑒰 𑒂 𑒮𑓀𑒮𑓂𑒏𑒵𑒞𑒧𑒹 𑒮𑒹𑒯𑒼 𑒯𑒱𑒢𑒏𑒩 𑒪𑒹𑒐𑒢 𑒂𑒋𑒪। 𑒧𑒻𑒟𑒱𑒪𑒲𑒏 𑒠𑒼𑒮𑒩 𑒮𑒰𑒯𑒱𑒞𑓂𑒨 𑒁𑒏𑒰𑒠𑒧𑒲 𑒣𑒳𑒩𑒮𑓂𑒏𑒰𑒩 𑓑𑓙𑓖𑓙 𑒄. 𑒧𑒹 𑒨𑒰𑒞𑓂𑒩𑒲𑒖𑒲𑒏𑒹𑒿 𑒯𑒳𑒢𑒏𑒩 𑒏𑒫𑒱𑒞𑒰 𑒮𑓀𑒑𑓂𑒩𑒯 “𑒣𑒞𑓂𑒩𑒯𑒲𑒢 𑒢𑒑𑓂𑒢 𑒑𑒰𑒕”𑒣𑒩 𑒦𑒹𑒙𑒪𑒢𑓂𑒯𑒱। 𑓑𑓙𑓙𑓔 𑒄.𑒧𑒹 𑒍 𑒮𑒰𑒯𑒱𑒞𑓂𑒨 𑒁𑒏𑒰𑒠𑒧𑒲𑒏 𑒤𑒹𑒪𑒼 -𑒯𑒱𑒢𑓂𑒠𑒲 𑒂 𑒧𑒻𑒟𑒱𑒪𑒲 𑒏𑒫𑒱𑒏 𑒩𑒴𑒣𑒧𑒹- 𑒦𑒹𑒪𑒰𑒯।
𑒨𑒰𑒞𑓂𑒩𑒲𑒖𑒲 𑒖𑒐𑒢 𑓒𑓐 𑒫𑒩𑓂𑒭𑒏 𑒕𑒪𑒰𑒯 𑒞𑒐𑒢 𑓑𑓒 𑒫𑒩𑓂𑒭𑒏 𑒏𑒰𑒢𑓂𑒨𑒰𑒮𑒿 𑒯𑒱𑒢𑒏𑒩 𑒫𑒱𑒫𑒰𑒯 𑒦𑒹𑒪। 𑒯𑒱𑒢𑒏𑒩 𑒣𑒱𑒞𑒰 𑒑𑒼𑒏𑒳𑒪 𑒧𑒱𑒬𑓂𑒩 𑒁𑒣𑒢 𑒮𑒧𑒰𑒖𑒧𑒹 𑒁𑒬𑒱𑒏𑓂𑒭𑒱𑒞𑒏 𑒑𑒢𑒞𑒲𑒧𑒹 𑒩𑒯𑒟𑒱 𑒂 𑒔𑒩𑒱𑒞𑓂𑒩𑒯𑒲𑒢 𑒕𑒪𑒰𑒯। 𑒨𑒰𑒞𑓂𑒩𑒲𑒖𑒲𑒏 𑒥𑒔𑓂𑒔𑒰𑒏 𑒮𑓂𑒧𑒵𑒞𑒱𑒧𑒹 𑒕𑒢𑓂𑒯𑒱 𑒖𑒹 𑒯𑒳𑒢𑒏𑒩 𑒣𑒱𑒞𑒰 𑒏𑒼𑒢𑒰 𑒯𑒳𑒢𑒏𑒩 𑒁𑒮𑓂𑒫𑒮𑓂𑒟 𑒂 𑒍𑒕𑒰𑒍𑒢 𑒡𑒋𑒪 𑒧𑒰𑒨𑒣𑒩 𑒏𑒳𑒩𑒯𑒛𑓃𑒱 𑒪𑓄 𑒧𑒰𑒩𑒥𑒰𑒏 𑒪𑒹𑒪 𑒅𑒚𑒪 𑒕𑒪𑒰𑒯, 𑒖𑒐𑒢 𑒍 𑒥𑒹𑒔𑒰𑒩𑒲 𑒯𑒳𑒢𑒏𑒰𑒮𑒿 𑒏𑒳𑒧𑒰𑒩𑓂𑒑 𑒕𑒼𑒛𑓃𑒥𑒰𑒏 𑒑𑒳𑒯𑒰𑒩𑒱 𑒏𑓄 𑒩𑒯𑒪 𑒕𑒪𑒲𑒯। 𑒨𑒰𑒞𑓂𑒩𑒲𑒖𑒲 𑒧𑒰𑒞𑓂𑒩 𑒕𑒯 𑒫𑒩𑓂𑒭𑒏 𑒕𑒪𑒰𑒯 𑒖𑒐𑒢 𑒯𑒳𑒢𑒏𑒩 𑒧𑒰𑒋 𑒯𑒳𑒢𑒏𑒰 𑒕𑒼𑒛𑓃𑒱 𑒣𑓂𑒩𑒨𑒰𑒝 𑒏𑓄 𑒑𑒹𑒪𑒲𑒯। 𑒨𑒰𑒞𑓂𑒩𑒲𑒖𑒲𑒏𑒹𑒿 𑒁𑒣𑒢 𑒣𑒱𑒞𑒰𑒏 𑒍 𑒔𑒱𑒞𑓂𑒩 𑒮𑒹𑒯𑒼 𑒩𑒯𑒱-𑒩𑒯𑒱 𑒮𑒞𑒥𑒻𑒞 𑒩𑒯𑒪𑒢𑓂𑒯𑒱 𑒖𑒃𑒧𑒹 𑒯𑒳𑒢𑒏𑒰𑒮𑒿 𑒧𑒰𑒞𑒵𑒫𑒞 𑒣𑓂𑒩𑒹𑒧 𑒏𑒩𑒋𑒫𑒰𑒪𑒲 𑒯𑒳𑒢𑒏𑒩 𑒫𑒱𑒡𑒫𑒰 𑒏𑒰𑒏𑒲𑒏, 𑒯𑒳𑒢𑒏𑒩 𑒣𑒱𑒞𑒰𑒏 𑒁𑒫𑒻𑒡 𑒮𑒢𑓂𑒞𑒰𑒢𑒏 𑒑𑒩𑓂𑒦𑒣𑒰𑒞𑒧𑒹, 𑒪𑒑𑒦𑒑 𑒧𑒵𑒞𑓂𑒨𑒳 𑒦𑓄 𑒑𑒹𑒪 𑒕𑒪𑒢𑓂𑒯𑒱। 𑒏𑒹 𑒋𑒯𑒢 𑒣𑒰𑒚𑒏 𑒯𑒼𑒋𑒞 𑒖𑒹 𑒨𑒰𑒞𑓂𑒩𑒲𑒖𑒲𑒏 𑒯𑒱𑒢𑓂𑒠𑒲𑒧𑒹 𑒪𑒱𑒐𑒪 “𑒩𑒞𑒱𑒢𑒰𑒟 𑒏𑒲 𑒔𑒰𑒔𑒲” 𑒣𑒜𑓃𑒥𑒰𑒏 𑒏𑒰𑒪 𑒥𑒹𑒩-𑒥𑒹𑒩 𑒢𑒻 𑒏𑒰𑒢𑒪 𑒯𑒼𑒋𑒞। 𑒣𑒱𑒞𑒰-𑒣𑒳𑒞𑓂𑒩𑒏 𑒄 𑒒𑒧𑒰𑒮𑒰𑒢 𑒋𑒯𑒢 𑒥𑒜𑓃𑒪 𑒖𑒹 𑒣𑒳𑒞𑓂𑒩 𑒁𑒣𑒢 𑒥𑒰𑒪-𑒣𑒞𑓂𑒢𑒲𑒏𑒹𑒿 𑒣𑒱𑒞𑒰 𑒪𑒑 𑒕𑒼𑒛𑓃𑒱 𑒫𑒰𑒩𑒰𑒝𑒮𑒲 𑒣𑓂𑒩𑒨𑒰𑒝 𑒏𑒋 𑒑𑒹𑒪𑒰𑒯।
𑒏𑒩𑓂𑒧𑒏 𑒤𑒪 𑒦𑒼𑒑𑒟𑒳 𑒥𑒴𑒜𑓃 𑒥𑒰𑒣
𑒯𑒧 𑒙𑒰 𑒮𑓀𑒞𑒞𑒱, 𑒮𑒹 𑒯𑒳𑒢𑒏 𑒣𑒰𑒣
𑒄 𑒖𑒰𑒢𑒱 𑒯𑓂𑒫𑒻𑒢𑓂𑒯𑒱 𑒖𑒢𑒳 𑒧𑒢𑒮𑓂𑒞𑒰𑒣
𑒁𑒢𑒏𑒼 𑒥𑒱𑒮𑒩𑒏 𑒟𑒱𑒏 𑒯𑒧𑒩 𑒢𑒰𑒧
𑒧𑒰𑒿 𑒧𑒱𑒟𑒱𑒪𑒹, 𑒄 𑒁𑓀𑒞𑒱𑒧 𑒣𑓂𑒩𑒝𑒰𑒧! (𑒏𑒰𑒬𑒲/ 𑒢𑒫𑓀𑒥𑒩 𑓑𑓙𑓓𑓖)
𑒏𑒰𑒬𑒲𑒮𑒿 𑒬𑓂𑒩𑒲𑒪𑓀𑒏𑒰 𑒣𑓂𑒩𑒨𑒰𑒝, “𑒏𑒩𑓂𑒧𑒏 𑒤𑒪 𑒦𑒼𑒑𑒟𑒳 𑒥𑒴𑒜𑓃 𑒥𑒰𑒣” 𑒄 𑒏𑒯𑒱 𑒨𑒰𑒞𑓂𑒩𑒲𑒖𑒲 𑒁𑒣𑒢 𑒣𑒱𑒞𑒰𑒏 𑒣𑓂𑒩𑒞𑒱 𑒮𑒦 𑒅𑒠𑓂𑒑𑒰𑒩 𑒥𑒰𑒯𑒩 𑒏𑓄 𑒠𑒻𑒞 𑒕𑒟𑒱। 𑓑𑓙𑓔𑓑 𑒄. 𑒧𑒹 𑒨𑒰𑒞𑓂𑒩𑒲𑒖𑒲 𑒁𑒣𑒢 𑒣𑒞𑓂𑒢𑒲, 𑒁𑒣𑒩𑒰𑒖𑒱𑒞𑒰, 𑒪𑒑 𑒂𑒥𑒱 𑒑𑒹𑒪𑒟𑒱। 𑓑𑓙𑓔𑓑 𑒄. 𑒧𑒹 𑒨𑒰𑒞𑓂𑒩𑒲𑒖𑒲 𑒠𑒴 𑒙𑒰 𑒧𑒻𑒟𑒱𑒪𑒲 𑒏𑒫𑒱𑒞𑒰 𑒪𑒱𑒐𑒪𑒢𑓂𑒯𑒱- “𑒥𑒴𑒜𑓃 𑒫𑒩” 𑒂 “𑒫𑒱𑒪𑒰𑒣” 𑒂 𑒋𑒏𑒩𑒰 𑒣𑒰𑒧𑓂𑒤𑒪𑒹𑒙 𑒩𑒴𑒣𑒧𑒹 𑒕𑒣𑒥𑒰𑒋 𑒙𑓂𑒩𑒹𑒢𑒏 𑒨𑒰𑒞𑓂𑒩𑒲 𑒪𑒼𑒏𑒢𑒱𑒏𑒹𑒿 𑒥𑒹𑒔𑒪𑒢𑓂𑒯𑒱। 𑒖𑒲𑒫𑒱𑒏𑒰𑒏 𑒞𑒰𑒏𑒱𑒧𑒹 𑒮𑒾𑒿𑒮𑒹 𑒦𑒰𑒩𑒞 𑒠𑒳𑒢𑒴 𑒣𑓂𑒩𑒰𑒝𑒲 𑒒𑒳𑒧𑒪𑒰𑒯। 𑒣𑒞𑓂𑒢𑒲𑒏 𑒖𑒼𑒩 𑒠𑒹𑒪𑒰𑒣𑒩 𑒥𑒲𑒔-𑒥𑒲𑒔𑒧𑒹 𑒞𑒩𑒾𑒢𑒲 𑒮𑒹𑒯𑒼 𑒒𑒳𑒧𑒱 𑒏𑓄 𑒂𑒥𑒟𑒱। 𑒂 𑒤𑒹𑒩 𑒂𑒋𑒪 𑓑𑓙𑓔𑓙 𑒄., 𑒁𑒣𑒢𑒰 𑒮𑓀𑒑 𑒪𑒹𑒢𑒹 𑒨𑒰𑒞𑓂𑒩𑒲𑒖𑒲𑒏 𑒣𑒯𑒱𑒪 𑒧𑒻𑒟𑒱𑒪𑒲 𑒏𑒫𑒱𑒞𑒰-𑒮𑓀𑒑𑓂𑒩𑒯 “𑒔𑒱𑒞𑓂𑒩𑒰”। 𑓑𑓙𑓕𑓒 𑒄. 𑒡𑒩𑒱 𑒣𑒞𑓂𑒢𑒲 𑒮𑓀𑒑𑒧𑒹 𑒒𑒳𑒧𑒻𑒞 𑒩𑒯𑒪𑒟𑒱𑒢𑓂𑒯, 𑒤𑒹𑒩 𑒞𑒩𑒾𑒢𑒲𑒧𑒹 𑒩𑒯𑒋 𑒪𑒑𑒪𑒲𑒯। 𑒨𑒰𑒞𑓂𑒩𑒲𑒖𑒲 𑒥𑒲𑒔- 𑒥𑒲𑒔𑒧𑒹 𑒂𑒥𑒟𑒱। 𑒁𑒣𑒩𑒰𑒖𑒱𑒞𑒰𑒮𑒿 𑒨𑒰𑒞𑓂𑒩𑒲𑒖𑒲𑒏𑒹𑒿 𑒕𑒯 𑒙𑒰 𑒮𑒢𑓂𑒞𑒰𑒢 𑒦𑒹𑒪𑒢𑓂𑒯𑒱, 𑒂 𑒮𑒦𑒏 𑒦𑒰𑒩 𑒣𑒞𑓂𑒢𑒲 𑒁𑒣𑒢𑒰 𑒏𑒰𑒢𑓂𑒯𑒣𑒩 𑒪𑒹𑒢𑒹 𑒩𑒯𑒪𑒲𑒯। 𑒨𑒰𑒞𑓂𑒩𑒲𑒖𑒲 𑒠𑒧𑒰𑒮𑒿 𑒣𑒩𑒹𑒬𑒰𑒢 𑒩𑒯𑒻𑒞 𑒩𑒯𑒟𑒱।
𑒯𑒧 𑒖𑒐𑒢 𑒠𑒩𑒦𑓀𑒑𑒰𑒧𑒹 𑒣𑒜𑓃𑒻𑒞 𑒩𑒯𑒲 𑒞𑒿 𑒨𑒰𑒞𑓂𑒩𑒲𑒖𑒲 𑒐𑓂𑒫𑒰𑒖𑒰 𑒮𑒩𑒰𑒨𑒧𑒹 𑒩𑒯𑒻𑒞 𑒕𑒪𑒰𑒯। 𑒯𑒧𑒩𑒰 𑒧𑒼𑒢 𑒁𑒕𑒱 𑒖𑒹 𑒧𑒻𑒟𑒱𑒪𑒲𑒏 𑒏𑒼𑒢𑒼 𑒏𑒰𑒩𑓂𑒨𑒏𑓂𑒩𑒧𑒧𑒹 𑒨𑒰𑒞𑓂𑒩𑒲𑒖𑒲 𑒂𑒋𑒪 𑒕𑒪𑒰𑒯 𑒂 𑒏𑒧𑓂𑒨𑒳𑒢𑒱𑒮𑓂𑒙 𑒣𑒰𑒩𑓂𑒙𑒲𑒥𑒪𑒰 𑒮𑒦 𑒋𑒖𑒹𑒢𑓂𑒛𑒰 𑒕𑒲𑒢𑒱 𑒪𑒹𑒢𑒹 𑒕𑒪। 𑒁𑒑𑒱𑒪𑒹 𑒠𑒱𑒢 𑒨𑒰𑒞𑓂𑒩𑒲𑒖𑒲 𑒁𑒣𑒢𑒰𑒏𑒹𑒿 𑒍𑒃 𑒡𑒼𑒡𑒰-𑒡𑒼𑒐𑒲𑒧𑒹 𑒑𑒹𑒪 𑒮𑒦𑒰𑒏 𑒏𑒰𑒩𑓂𑒨𑒫𑒰𑒯𑒲𑒮𑒿 𑒯𑒙𑒰 𑒪𑒹𑒪𑒢𑓂𑒯𑒱। 𑒋𑒧𑒩𑓂𑒖𑒹𑒢𑓂𑒮𑒲𑒧𑒹 𑒖𑒹𑒪 𑒑𑒹𑒪𑒰𑒯 𑒞𑒿 𑒂𑒩.𑒋𑒮.𑒋𑒮. 𑒏 𑒏𑒰𑒩𑓂𑒨𑒏𑒩𑓂𑒞𑒰 𑒪𑒼𑒏𑒢𑒱𑒮𑒿 𑒖𑒹𑒪𑒧𑒹 𑒦𑒹𑒿𑒙 𑒦𑒹𑒪𑒢𑓂𑒯𑒱 𑒂 𑒖𑒹.𑒣𑒲.𑒏 𑒮𑒧𑓂𑒣𑒴𑒩𑓂𑒝 𑒏𑓂𑒩𑒰𑒢𑓂𑒞𑒱𑒏 𑒫𑒱𑒩𑒳𑒠𑓂𑒡 𑒮𑒹𑒯𑒼 𑒖𑒹𑒪𑒮𑒿 𑒥𑒰𑒯𑒩 𑒁𑒋𑒪𑒰𑒏 𑒥𑒰𑒠 𑒪𑒱𑒐𑒪𑒢𑓂𑒯𑒱 𑒨𑒰𑒞𑓂𑒩𑒲𑒖𑒲। 𑒨𑒰𑒞𑓂𑒩𑒲𑒖𑒲 𑒧𑒻𑒟𑒱𑒪𑒲𑒧𑒹 𑒥𑒻𑒠𑓂𑒨𑒢𑒰𑒟 𑒧𑒱𑒬𑓂𑒩 "𑒨𑒰𑒞𑓂𑒩𑒲" 𑒂 𑒯𑒱𑒢𑓂𑒠𑒲𑒧𑒹 “𑒢𑒰𑒑𑒰𑒩𑓂𑒖𑒳𑒢” 𑒏 𑒢𑒰𑒧𑒮𑒿 𑒩𑒔𑒢𑒰 𑒪𑒱𑒐𑒪𑒢𑓂𑒯𑒱।
“𑒣𑒵𑒟𑓂𑒫𑒲 𑒞𑒹 𑒣𑒰𑒞𑓂𑒩𑓀” 𑓑𑓙𑓕𑓔 𑒄. 𑒧𑒹 “𑒫𑒻𑒠𑒹𑒯𑒲”𑒧𑒹 𑒣𑓂𑒩𑒏𑒰𑒬𑒱𑒞 𑒦𑒹𑒪 𑒕𑒪, 𑒯𑒧𑒩𑒰 𑒮𑒦𑒏 𑒧𑒻𑒙𑓂𑒩𑒱𑒏𑒏 𑒮𑒱𑒪𑒹𑒥𑒮𑒧𑒹 𑒕𑒪। 𑒨𑒰𑒞𑓂𑒩𑒲𑒖𑒲 𑒪𑒱𑒐𑒻𑒞 𑒕𑒟𑒱-
“𑒂𑒢 𑒣𑒰𑒥𑒢𑒱 𑒞𑒱𑒯𑒰𑒩 𑒞𑒿 𑒖𑒹 𑒮𑒹। 𑒧𑒳𑒠𑒰 𑒢𑒥𑒰𑒢 𑒢𑒱𑒩𑓂𑒦𑒴𑒧𑒱 𑒣𑒩𑒱𑒫𑒰𑒩𑒏𑒹𑒿 𑒠𑒹𑒐𑒰𑒩 𑒏𑒋 𑒠𑒻𑒞 𑒕𑒻𑒏। 𑒮𑒹 𑒏𑒰𑒞𑒱𑒏 𑒁𑒥𑒻𑒞 𑒠𑒹𑒩𑒲 𑒁𑒣𑒩𑒰𑒖𑒱𑒞𑒰 𑒠𑒹𑒫𑒲𑒏 𑒒𑒼𑒒 𑒪𑒙𑒏𑒱 𑒖𑒰𑒃𑒢𑓂𑒯𑒱। 𑒏𑒔𑒼𑒙𑒹𑒿 𑒣𑒣𑒢𑒱𑒨𑒼 𑒢𑒯𑒱 𑒅𑒚𑒰 𑒯𑒼𑒃𑒢𑓂𑒯 𑒏𑒏𑒩𑒼 𑒠𑒱𑒬! 𑒥𑒹𑒮𑒰𑒯𑒪 𑒁𑒢𑓂𑒢𑒮𑒿 𑒏𑒞𑒅 𑒢𑒥𑒰𑒢 𑒦𑒹𑒪𑒃𑒋”?

𑒨𑒰𑒞𑓂𑒩𑒲 𑒋𑒏𑒙𑒰 𑒧𑒱𑒟 𑒕𑒟𑒱? 𑒏𑒲 𑒨𑒰𑒞𑓂𑒩𑒲 𑒋𑒏𑒙𑒰 𑒧𑒱𑒟 𑒕𑒟𑒱? 𑒍 𑒧𑒳𑒐𑓂𑒨𑒞𑓁 𑒯𑒱𑒢𑓂𑒠𑒲𑒏 𑒪𑒹𑒐𑒏 𑒩𑒯𑒟𑒱, 𑒧𑒻𑒟𑒱𑒪𑒲𑒧𑒹 𑒍 𑒯𑒱𑒢𑓂𑒠𑒲𑒏 𑒠𑒬𑒧𑒰𑓀𑒬𑒼 𑒢𑒻 𑒪𑒱𑒐𑒪𑒢𑓂𑒯𑒱। 𑒖𑒹 𑒪𑒱𑒐𑒥𑒼 𑒏𑒹𑒪𑒢𑓂𑒯𑒱 𑒞𑒃𑒧𑒹 𑒮𑒿 𑒥𑒹𑒬𑒲 𑒮𑓂𑒫𑒨𑓀 𑒠𑓂𑒫𑒰𑒩𑒰 𑒯𑒱𑒢𑓂𑒠𑒲𑒮𑒿 𑒁𑒢𑒴𑒠𑒱𑒞। 𑒧𑒻𑒟𑒱𑒪𑒲 𑒂 𑒧𑒱𑒟𑒱𑒪𑒰 𑒏𑓂𑒭𑒹𑒞𑓂𑒩𑒏 𑒬𑒥𑓂𑒠𑒰𑒫𑒪𑒲 𑒂 𑒮𑓀𑒮𑓂𑒏𑒵𑒞𑒱 𑒯𑒱𑒢𑓂𑒠𑒲𑒏 𑒪𑒼𑒏𑒏𑒹𑒿 𑒁𑒥𑒴𑒗 𑒂 𑒞𑒹𑒿 𑒩𑒳𑒔𑒱𑒑𑒩 𑒪𑒑𑒪𑒻 𑒧𑒳𑒠𑒰 𑒞𑒃𑒧𑒹 𑒮𑒹𑒯𑒼 𑒜𑒹𑒩 𑒩𑒰𑒮 𑒏𑒧𑒲 𑒩𑒯𑒻 𑒖𑒹𑒢𑒰 𑒋𑒏𑒙𑒰 𑒅𑒠𑒰𑒯𑒩𑒝 𑒨𑒰𑒞𑓂𑒩𑒲 𑒮𑒧𑒑𑓂𑒩𑒮𑒿- । 𑒨𑒰𑒞𑓂𑒩𑒲 𑒮𑒧𑒑𑓂𑒩-𑒣𑒵.𑓒𑓒𑓐 𑒖𑒹𑒚 𑒮𑒳𑒠𑒲 𑒔𑒞𑒳𑒩𑓂𑒠𑒬𑒲 𑒏𑓄 𑒩𑒯𑒢𑒱 𑒣𑒲𑒮𑒰𑒏 𑒫𑒩𑓂𑒭𑒲। 𑒣𑒯𑒱𑒪𑒹 𑒫𑒩𑓂𑒭𑒲..𑒣𑒵.. 𑓒𑓒𑓒- ..𑒏𑒯𑒰𑒿 𑒖𑒹 𑒋𑒏𑒼 𑒠𑒱𑒢𑒏 𑒐𑒰𑒞𑒱𑒩 𑒖𑒰𑒃, 𑒏𑒩𑓂𑒞𑒰 𑒥𑒢𑒰, 𑒁𑒭𑒰𑒜𑓃 𑒥𑒜𑓃𑒱 𑒞𑒵𑒞𑒱𑒨𑒰𑒏 𑒞𑒱𑒟𑒱𑒣𑒩 𑒣𑒯𑒱𑒪।
𑒋𑒯𑒹𑒢 𑒥𑒹𑒧𑒰𑒩𑒲 𑒂𑒢𑒼 𑒧𑒻𑒟𑒱𑒪𑒲-𑒯𑒱𑒢𑓂𑒠𑒲 𑒪𑒹𑒐𑒏𑒧𑒹 𑒕𑒢𑓂𑒯𑒱। 𑒄 𑒌𑒞𑒱𑒯𑒰𑒮𑒱𑒏 𑒪𑒱𑒐𑒱𑒞 𑒞𑒟𑓂𑒨 𑒁𑒕𑒱 𑒖𑒹 𑒑𑒼𑒢𑒴 𑒗𑒰 𑓑𑓐𑓕𑓐-𑓑𑓑𑓕𑓐 𑒧𑒹 𑒦𑒹𑒪𑒰𑒯 𑒧𑒳𑒠𑒰 𑒅𑒭𑒰 𑒏𑒱𑒩𑒝 𑒐𑒰𑒢 𑒫𑒱𑒠𑓂𑒨𑒰𑒣𑒞𑒱𑒮𑒿 𑒯𑒳𑒢𑒏𑒩 𑒬𑒰𑒮𑓂𑒞𑓂𑒩𑒰𑒩𑓂𑒟 𑒏𑒩𑒥𑒻 𑒕𑒟𑒱 (𑒯𑒱𑒢𑓂𑒠𑒲𑒏 𑒌𑒞𑒱𑒯𑒰𑒮𑒱𑒏 𑒅𑒣𑒢𑓂𑒨𑒰𑒮 𑒮𑒱𑒩𑒖𑒢𑒯𑒰𑒩, 𑒦𑒰𑒩𑒞𑒲𑒨 𑒖𑓂𑒘𑒰𑒢𑒣𑒲𑒚, 𑒧𑒹) 𑒫𑒲𑒩𑒹𑒢𑓂𑒠𑓂𑒩 𑒗𑒰 𑒏𑒯𑒻 𑒕𑒟𑒱 𑒖𑒹 𑒑𑒼𑒢𑒴 𑒗𑒰 𑓕𑓐𑓐 𑒮𑒰𑒪 𑒣𑒯𑒱𑒢𑒹 𑒦𑒹𑒪𑒰 𑒂 𑒞𑒰𑒩𑒰𑒢𑒢𑓂𑒠 𑒫𑒱𑒨𑒼𑒑𑒲 𑒑𑒼𑒢𑒴 𑒗𑒰 𑒏𑒹𑒿 𑓓𑓐𑓐 𑒮𑒰𑒪 𑒣𑒯𑒱𑒢𑒹 𑒦𑒹𑒪 𑒧𑒰𑒢𑒻 𑒕𑒟𑒱 (𑒠𑒳𑒢𑒴 𑒑𑒼𑒙𑒹𑒏 𑒯𑒱𑒢𑓂𑒠𑒲𑒧𑒹 𑒣𑓂𑒩𑒏𑒰𑒬𑒱𑒞 𑒑𑒼𑒢𑒴 𑒗𑒰𑒣𑒩 𑒣𑒼𑒟𑒲, 𑒏𑓂𑒩𑒧𑒮𑒿 𑒩𑒰𑒖𑒏𑒧𑒪 𑒣𑓂𑒩𑒏𑒰𑒬𑒢 𑒂 𑒢𑒹𑒬𑒢𑒪 𑒥𑒳𑒏 𑒙𑓂𑒩𑒮𑓂𑒙𑒮𑒿 𑒣𑓂𑒩𑒏𑒰𑒬𑒱𑒞) 𑒞𑒿 𑒫𑒱𑒦𑒰 𑒩𑒰𑒢𑒲𑒏 𑒑𑒼𑒢𑒴 𑒗𑒰𑒣𑒩 𑒯𑒱𑒢𑓂𑒠𑒲 𑒣𑒼𑒟𑒲 (𑒫𑒰𑒝𑒲 𑒣𑓂𑒩𑒏𑒰𑒬𑒢) 𑒧𑒹 𑒏𑒳𑒝𑒰𑒪 𑒑𑒼𑒢𑒴 𑒗𑒰𑒏𑒹𑒿 𑒦𑒫 𑒮𑒱𑓀𑒯𑒏 𑒩𑒰𑒖𑓂𑒨𑒧𑒹 (𑓑𑓔𑒧 𑒬𑒞𑒰𑒥𑓂𑒠𑒲) 𑒦𑒹𑒪 𑒧𑒰𑒢𑒻𑒞 𑒕𑒟𑒱। 𑒖𑒐𑒢 𑒣𑓀𑒖𑒲𑒧𑒹 𑒅𑒣𑒪𑒥𑓂𑒡 𑒪𑒱𑒐𑒱𑒞 𑒁𑒦𑒱𑒪𑒹𑒐𑒢 𑒑𑒼𑒢𑒴 𑒗𑒰𑒏𑒹𑒿 𑒫𑒱𑒠𑓂𑒨𑒰𑒣𑒞𑒱𑒮𑒿 𑒠𑒮 𑒣𑒲𑒜𑓃𑒲 𑒣𑒯𑒱𑒢𑒹 𑒁𑒦𑒱𑒪𑒹𑒐𑒱𑒞 𑒏𑒩𑒻𑒞 𑒁𑒕𑒱, 𑒞𑒐𑒢 𑒄 𑒯𑒰𑒪 𑒁𑒕𑒱। 𑒧𑒱𑒟𑒱𑒪𑒰 𑒏𑓂𑒭𑒹𑒞𑓂𑒩𑒏 𑒬𑒥𑓂𑒠𑒰𑒫𑒪𑒲 𑒂 𑒮𑓀𑒮𑓂𑒏𑒵𑒞𑒱𑒏- 𑒖𑒹 𑒯𑒱𑒢𑓂𑒠𑒲𑒏 𑒪𑒼𑒏𑒏𑒹𑒿 𑒁𑒥𑒴𑒗 𑒂 𑒞𑒹𑒿 𑒩𑒳𑒔𑒱𑒑𑒩 𑒪𑒑𑒻𑒹 𑒕𑒻- 𑒞𑒟𑓂𑒨𑒧𑒹 𑒄 𑒧𑒻𑒟𑒱𑒪𑒲-𑒯𑒱𑒢𑓂𑒠𑒲 𑒪𑒹𑒐𑒏 𑒮𑒦 𑒁𑒣𑒢 𑒁𑒖𑓂𑒘𑒰𑒢𑒞𑒰𑒮𑒿 𑒜𑒹𑒩 𑒩𑒰𑒮 𑒑𑒪𑒞 𑒞𑒟𑓂𑒨 𑒣𑒛𑓃𑒮𑒱 𑒩𑒯𑒪 𑒕𑒟𑒱, 𑒮𑒰𑒧𑓂𑒣𑓂𑒩𑒠𑒰𑒨𑒱𑒏 𑒪𑒹𑒐𑒏 𑒪𑒼𑒏𑒢𑒱 𑒑𑒼𑒢𑒴 𑒗𑒰𑒏 𑒏𑒟𑒰𑒧𑒹 𑒧𑒳𑒮𑓂𑒪𑒱𑒧 𑒞𑒯𑒮𑒲𑒪𑒠𑒰𑒩𑒏 𑒁𑒞𑓂𑒨𑒰𑒔𑒰𑒩 𑒒𑒼𑓀𑒮𑒱𑒨𑒰 𑒩𑒯𑒪 𑒕𑒟𑒱 (𑒧𑒳𑒮𑓂𑒪𑒱𑒧 𑒪𑒼𑒏𑒢𑒱 𑒧𑒱𑒟𑒱𑒪𑒰𑒧𑒹 𑒑𑒼𑒢𑒴𑒏 𑒮𑒧𑒋 𑒧𑒹 𑒩𑒯𑒥𑒹 𑒢𑒻 𑒏𑒩𑒟𑒱)!
𑒨𑒰𑒞𑓂𑒩𑒲 𑒮𑒧𑒑𑓂𑒩𑒧𑒹 𑒥𑒪𑒔𑒢𑒧𑒰 𑒢𑒻 𑒪𑒹𑒪 𑒑𑒹𑒪 𑒏𑒰𑒩𑒝 𑒍 𑒯𑒱𑒢𑓂𑒠𑒲𑒏 𑒏𑒵𑒞𑒱 𑒁𑒕𑒱, 𑒍𑒏𑒩 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠 𑒮𑒹𑒯𑒼 𑒦𑓂𑒩𑒭𑓂𑒙 𑒁𑒕𑒱 𑒪𑒑𑒻𑒋 𑒖𑒹𑒢𑒰 𑒁𑒠𑒯𑒰 𑒁𑒢𑒳𑒫𑒰𑒠 𑒏𑒹𑒪𑒰𑒏 𑒥𑒰𑒠 𑒧𑒻𑒟𑒱𑒪𑒲 𑒪𑒹𑒪 𑒯𑒳𑒢𑒏𑒰 𑒪𑒑 𑒮𑒧𑒨𑒰𑒦𑒰𑒫 𑒦𑓄 𑒑𑒹𑒪 𑒯𑒼𑒃𑒢𑓂𑒯। 𑒨𑒰𑒞𑓂𑒩𑒲 𑒮𑒧𑒑𑓂𑒩𑒧𑒹 𑒢𑒫𑒞𑒳𑒩𑒱𑒨𑒰 𑒪𑒹𑒪 𑒑𑒹𑒪, 𑒍𑒯𑒼 𑒧𑒴𑒪 𑒯𑒱𑒢𑓂𑒠𑒲 𑒁𑒕𑒱, 𑒏𑒱𑒋 𑒧𑒴𑒪 𑒧𑒻𑒟𑒱𑒪𑒲 𑒏𑒯𑒱 𑒏𑓄 𑒪𑒹𑒪 𑒑𑒹𑒪 𑒞𑒏𑒩 𑒖𑒥𑒰𑒥 𑒮𑒧𑓂𑒣𑒰𑒠𑒏 𑒠𑒹𑒞𑒰𑒯। 𑒧𑒻𑒟𑒱𑒪𑒲𑒧𑒹 𑒣𑓂𑒩𑒴𑒤 𑒩𑒲𑒛𑒩𑒏𑒹𑒿 𑒮𑒧𑓂𑒣𑒰𑒠𑒏 𑒏𑒯𑒹𑒥𑒰𑒏 𑒮𑒐 𑒕𑒢𑓂𑒯𑒱 𑒂 𑒪𑒼𑒏 𑒑𑓂𑒩𑒱𑒨𑒩𑓂𑒮𑒢 𑒡𑒩𑒱𑒏 𑒩𑒔𑒢𑒰𑒏 𑒩𑒱𑒣𑓂𑒩𑒱𑒢𑓂𑒙 𑒁𑒣𑒢 𑒮𑒧𑓂𑒣𑒰𑒠𑒏𑒞𑓂𑒫𑒧𑒹 𑒏𑒩𑒥𑒰 𑒩𑒯𑒪 𑒕𑒟𑒱। 𑒋𑒏𑒙𑒰 𑒠𑒼𑒮𑒩 𑒅𑒠𑒰𑒯𑒩𑒝𑒧𑒹 𑒣𑒲.𑒮𑒲.𑒩𑒰𑒨𑒔𑒾𑒡𑒳𑒩𑒲𑒏 𑒠𑒩𑒦𑓀𑒑𑒰 𑒖𑒱𑒪𑒰 𑒑𑒖𑒹𑒙𑒱𑒨𑒩𑒏 𑒞𑒹𑒮𑒩 𑒁𑒡𑓂𑒨𑒰𑒨𑒏 𑒔𑒰𑒩𑒱𑒙𑒰 𑒅𑒣𑒬𑒲𑒩𑓂𑒭𑒏𑒏 𑒁𑓀𑒑𑓂𑒩𑒹𑒖𑒲 𑒩𑒔𑒢𑒰𑒏𑒹𑒿 𑒧𑒼𑒯𑒢 𑒦𑒰𑒩𑒠𑓂𑒫𑒰𑒖 𑒁𑒣𑒢 𑒮𑒧𑓂𑒣𑒰𑒠𑒏𑒞𑓂𑒫𑒧𑒹 𑒩𑒧𑒰𑒢𑒰𑒟 𑒗𑒰 𑒩𑒔𑒢𑒰𑒫𑒪𑒲𑒧𑒹 -𑒏𑒱𑒢𑒏𑒼 𑒏𑒯𑒪𑒰𑒮𑒿 𑒮𑒞𑓂𑒨 𑒧𑒰𑒢𑒱- 𑒩𑒧𑒰𑒢𑒰𑒟 𑒗𑒰𑒏 𑒩𑒔𑒢𑒰 𑒧𑒰𑒢𑒱 𑒒𑒼𑒮𑒱𑒨𑒰 𑒠𑒹𑒪𑒢𑓂𑒯𑒱, 𑒖𑒐𑒢 𑒏𑒲 𑒪𑒱𑒐𑒱𑒞 𑒂 𑒫𑒻𑒨𑒰𑒏𑒩𑒝𑒱𑒏 𑒬𑒱𑒪𑓂𑒣𑒏 𑒂𑒡𑒰𑒩𑒣𑒩 𑒍 𑒩𑒔𑒢𑒰 𑒣𑒲.𑒮𑒲.𑒩𑒰𑒨𑒔𑒾𑒡𑒳𑒩𑒲𑒏 𑒁𑒕𑒱। 𑒨𑒰𑒞𑓂𑒩𑒲 𑒮𑓂𑒫𑒨𑓀 𑒏𑒯𑒻 𑒕𑒟𑒱 𑒖𑒹 𑒍 𑒧𑒻𑒟𑒱𑒪𑒲 𑒥𑒪𑒔𑒢𑒧𑒰 𑒣𑒯𑒱𑒢𑒹 𑒪𑒱𑒐𑒪𑒢𑓂𑒯𑒱 𑒂 𑒞𑒏𑒩 𑒯𑒱𑒢𑓂𑒠𑒲𑒧𑒹 𑒁𑒢𑒳𑒫𑒰𑒠 𑒏𑒹𑒪𑒢𑓂𑒯𑒱। 𑒧𑒳𑒠𑒰 𑒯𑒱𑒢𑓂𑒠𑒲 𑒥𑒪𑒔𑒢𑒧𑒰𑒧𑒹 𑒍 𑒄 𑒢𑒻 𑒪𑒱𑒐𑒻 𑒕𑒟𑒱 𑒂 𑒍𑒏𑒩𑒰 𑒯𑒱𑒢𑓂𑒠𑒲𑒏 𑒣𑒯𑒱𑒪 𑒂𑓀𑒔𑒪𑒱𑒏 𑒅𑒣𑒢𑓂𑒨𑒰𑒮 𑒏𑒯𑒻 𑒕𑒟𑒱। 𑒄 𑒥𑒹𑒧𑒰𑒩𑒲 𑒂𑒃𑒨𑒼 𑒧𑒻𑒟𑒱𑒪𑒲𑒏 𑒪𑒹𑒐𑒏𑒏𑒹𑒿 𑒑𑒩𑒼𑒮𑒢𑒹 𑒁𑒕𑒱 𑒂 𑒨𑒰𑒞𑓂𑒩𑒲 𑒖𑒲𑒏 𑒌 𑒧𑒹 𑒮𑒰𑒨𑒰𑒮-𑒁𑒢𑒰𑒨𑒰𑒮 𑒨𑒼𑒑𑒠𑒰𑒢 𑒠𑒳𑒐𑒠𑒰𑒨𑒲 𑒁𑒕𑒱।
𑒩𑒰𑒖𑒏𑒧𑒪 𑒨𑒰𑒞𑓂𑒩𑒲𑒏𑒹𑒿 𑒁𑒧𑒩-𑒮𑒳𑒧𑒢 𑒮𑒢 𑒣𑒳𑒩𑒰𑒢 𑒜𑒩𑓂𑒩𑒰𑒏 𑒏𑒫𑒱 𑒏𑒯𑒻 𑒕𑒟𑒱, 𑒣𑓂𑒩𑒰𑒨𑓁 𑒨𑒰𑒞𑓂𑒩𑒲𑒏 𑒕𑒢𑓂𑒠𑒏 𑒣𑓂𑒩𑒞𑒱 𑒮𑒖𑒑𑒞𑒰𑒮𑒿 𑒩𑒰𑒖𑒏𑒧𑒪𑒏𑒹𑒿 𑒄 𑒦𑓂𑒩𑒧 𑒦𑒹𑒪 𑒕𑒪𑒢𑓂𑒯𑒱।
𑒩𑒰𑒧𑒫𑒱𑒪𑒰𑒮 𑒬𑒩𑓂𑒧𑒰 𑒂 𑒨𑒰𑒞𑓂𑒩𑒲𑒖𑒲𑒏 𑒧𑒻𑒟𑒱𑒪𑒲 𑒥𑒼𑒪𑒲 𑒁𑒕𑒱 𑒂𑒏𑒱 𑒦𑒰𑒭𑒰, 𑒌 𑒫𑒱𑒭𑒨𑒏 𑒮𑒧𑓂𑒫𑒰𑒠𑒏 𑒦𑒰𑒭𑒰 𑒫𑒱𑒖𑓂𑒘𑒰𑒢𑒏 𑒠𑒵𑒭𑓂𑒙𑒱𑒋𑒿 𑒏𑒼𑒢𑒼 𑒐𑒰𑒮 𑒧𑒯𑒞𑓂𑒫 𑒢𑒻 𑒕𑒻। 𑒩𑒰𑒧𑒫𑒱𑒪𑒰𑒮 𑒬𑒩𑓂𑒧𑒰 𑒥𑒯𑒳𑒞 𑒣𑒻𑒒 𑒮𑒰𑒧𑓂𑒨𑒫𑒰𑒠𑒲 𑒔𑒱𑒢𑓂𑒞𑒏 𑒩𑒯𑒟𑒱 𑒂 𑒯𑒳𑒢𑒏𑒩 𑒏𑒫𑒱𑒞𑒰, 𑒂𑒪𑒹𑒐 𑒮𑒿 𑒥𑒹𑒮𑒲 𑒣𑓂𑒩𑒦𑒰𑒫𑒲 𑒯𑒳𑒢𑒏𑒩 𑒏𑒋𑒏𑒐𑒝𑓂𑒛𑒏 𑒦𑒰𑒩𑒞𑒏 𑒃𑒞𑒱𑒯𑒰𑒮 𑒫𑒱𑒫𑒹𑒔𑒢 𑒁𑒕𑒱.। 𑒧𑒻𑒟𑒱𑒪𑒲𑒏𑒹𑒿 𑒦𑒰𑒭𑒰𑒏 𑒩𑒴𑒣𑒧𑒹 𑒮𑓂𑒟𑒰𑒣𑒱𑒞 𑒏𑒩𑒥𑒰𑒧𑒹 𑒮𑒳𑒦𑒠𑓂𑒩 𑒗𑒰, 𑒩𑒰𑒧𑒰𑒫𑒞𑒰𑒩 𑒨𑒰𑒠𑒫, 𑒨𑒼𑒑𑒹𑒢𑓂𑒠𑓂𑒩 𑒨𑒰𑒠𑒫, 𑒮𑒳𑒢𑒲𑒪 𑒏𑒳𑒧𑒰𑒩 𑒗𑒰 𑒂𑒠𑒱 𑒦𑒰𑒭𑒰𑒬𑒰𑒮𑓂𑒞𑓂𑒩𑒲 𑒏𑒰𑒖 𑒏𑒹𑒢𑒹 𑒕𑒟𑒱, 𑒩𑒰𑒧𑒫𑒱𑒪𑒰𑒮 𑒬𑒩𑓂𑒧𑒰 𑒂 𑒨𑒰𑒞𑓂𑒩𑒲𑒖𑒲𑒏 𑒮𑒧𑓂𑒫𑒰𑒠 𑒑𑒣𑒰𑒭𑓂𑒙𑒏 𑒧𑒰𑒞𑓂𑒩 𑒁𑒕𑒱।

𑒔𑒞𑒳𑒩𑒰𑒢𑒢 𑒧𑒱𑒬𑓂𑒩 𑒂 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑓀𑒛𑒪 𑒏𑒧𑓂𑒨𑒴𑒢𑒱𑒮𑓂𑒙 𑒂𑒢𑓂𑒠𑒼𑒪𑒢𑒮𑒿 𑒖𑒳𑒛𑓃𑒪 𑒕𑒟𑒱, 𑒣𑓂𑒩𑒰𑒨𑒼𑒑𑒱𑒏 𑒩𑒴𑒣𑒧𑒹, 𑒣𑒰𑒩𑓂𑒙𑒲 𑒮𑓂𑒞𑒩𑒣𑒩, 𑒧𑒳𑒠𑒰 𑒯𑒱𑒢𑒏𑒩 𑒠𑒳𑒢𑒴 𑒑𑒼𑒙𑒹𑒏 𑒅𑒣𑒢𑓂𑒨𑒰𑒮 𑒠𑒹𑒐𑒪𑒰 𑒅𑒞𑓂𑒞𑒩 𑒯𑒧𑒩𑒰 𑒄 𑒏𑒯𑒥𑒰𑒧𑒹 𑒏𑒢𑒹𑒏𑒼 𑒏𑒭𑓂𑒙 𑒢𑒻 𑒯𑒼𑒃𑒞 𑒁𑒕𑒱 𑒖𑒹 𑒖𑒃 𑒩𑒴𑒣𑒧𑒹 𑒨𑒰𑒞𑓂𑒩𑒲 𑒂 𑒡𑒴𑒧𑒏𑒹𑒞𑒳 𑒧𑒰𑒩𑓂𑒏𑓂𑒮𑒫𑒰𑒠𑒏 𑒥𑒻𑒬𑒰𑒐𑒲 𑒪𑓄 𑒅𑒣𑒢𑓂𑒨𑒰𑒮𑒏𑒹𑒿 𑒚𑒰𑒜𑓃 𑒏𑒩𑒻 𑒕𑒟𑒱 𑒞𑒏𑒩 𑒥𑒹𑒑𑒩𑒞𑒰 𑒋𑒯𑒱 𑒠𑒳𑒢𑒴 𑒅𑒣𑒢𑓂𑒨𑒰𑒮𑒏𑒰𑒩𑒏𑒹𑒿 𑒢𑒻 𑒥𑒳𑒗𑒢𑒰 𑒖𑒰𑒃𑒞 𑒕𑒢𑓂𑒯𑒱। 𑒧𑒰𑒩𑓂𑒏𑓂𑒮𑒫𑒰𑒠𑒏 𑒁𑒮𑒪 𑒁𑒩𑓂𑒟 𑒯𑒱𑒢𑒏𑒹 𑒠𑒳𑒢𑒴𑒏 𑒩𑒔𑒢𑒰𑒧𑒹 𑒦𑒹𑒙𑒞। 𑒏𑒞𑒾 𑒣𑒰𑒩𑓂𑒙𑒲𑒏 𑒢𑒰𑒧 𑒫𑒰 𑒫𑒱𑒔𑒰𑒩𑒡𑒰𑒩𑒰𑒏 𑒔𑒩𑓂𑒔 𑒢𑒻 𑒧𑒳𑒠𑒰 𑒖𑒹 𑒁𑒮𑒪 𑒛𑒰𑒨𑒪𑒹𑒏𑓂𑒙𑒱𑒏𑒪 𑒧𑒻𑒙𑒹𑒩𑒱𑒨𑒪𑒱𑒖𑓂𑒧 𑒕𑒻𑒏 𑒞𑒏𑒩 𑒣𑒯𑒱𑒔𑒰𑒢, 𑒖𑒱𑒢𑒑𑒲𑒏 𑒧𑒯𑒞𑓂𑒫𑒣𑒩 𑒫𑒱𑒬𑓂𑒫𑒰𑒮, 𑒠𑓂𑒫𑒢𑓂𑒠𑒰𑒞𑓂𑒧𑒏 𑒣𑒠𑓂𑒡𑒞𑒱𑒏 𑒣𑓂𑒩𑒨𑒼𑒑 𑒂 𑒄 𑒞𑒐𑒢𑒹 𑒮𑒧𑓂𑒦𑒫 𑒯𑒼𑒃𑒞 𑒁𑒕𑒱 𑒖𑒐𑒢 𑒪𑒹𑒐𑒏 𑒠𑒰𑒮 𑒏𑒻𑒣𑒱𑒙𑒪 𑒮𑒯𑒱𑒞 𑒧𑒰𑒩𑓂𑒏𑓂𑒮𑒫𑒰𑒠𑒏 𑒑𑒯𑒢 𑒁𑒡𑓂𑒨𑒨𑒢 𑒏𑒩𑒞 𑒂 𑒣𑓂𑒩𑒰𑒨𑒼𑒑𑒱𑒏 𑒧𑒰𑒩𑓂𑒏𑓂𑒮𑒫𑒰𑒠𑒣𑒩 𑒏𑒞𑒰𑒏 𑒠𑒬𑒏 𑒔𑒪𑒞।
𑒂 𑒁𑒢𑓂𑒞𑒧𑒹 𑒨𑒰𑒞𑓂𑒩𑒲𑒖𑒲𑒏 𑒮𑓀𑒮𑓂𑒏𑒵𑒞 𑒣𑒠𑓂𑒨:-
𑒫𑒰𑒮𑒢𑓂𑒞𑒲 𑒏𑒢𑒏𑒣𑓂𑒩𑒦𑒰 𑒣𑓂𑒩𑒑𑒳𑒝𑒱𑒞𑒰
𑒣𑒲𑒞𑒰𑒩𑒳𑒩𑓂𑒝𑒹𑓁 𑒣𑒪𑓂𑒪𑒫𑒻𑓁
𑒯𑒹𑒧𑒰𑒧𑓂𑒦𑒼𑒖𑒫𑒱𑒪𑒰𑒮𑒫𑒱𑒦𑓂𑒩𑒧𑒩𑒞𑒰
𑒠𑒴𑒩𑒹 𑒠𑓂𑒫𑒱𑒩𑒹𑒤𑒰𑓁 𑒮𑓂𑒞𑒰
𑒨𑒻𑒬𑒮𑒝𑓂𑒛𑒪𑒏𑒹𑒪𑒱𑒏𑒰𑒢𑒢 𑒏𑒟𑒰
𑒫𑒱𑒮𑓂𑒧𑒩𑒱𑒞𑒰 𑒦𑒴𑒞𑒪𑒹
𑒕𑒰𑒨𑒰𑒫𑒱𑒦𑓂𑒩𑒧𑒞𑒰𑒩𑒞𑒧𑓂𑒨𑒞𑒩𑒪𑒰𑓁
𑒞𑒹𑓄𑒧𑒲 “𑒔𑒱𑒢𑒰𑒩” 𑒠𑓂𑒩𑒳𑒧𑒰𑓁॥
-𑒥𑒮𑓀𑒞𑒏 𑒮𑓂𑒫𑒩𑓂𑒝𑒱𑒧 𑒂𑒦𑒰 𑒠𑓂𑒫𑒱𑒑𑒳𑒝𑒱𑒞 𑒦𑓄 𑒑𑒹𑒪 𑒁𑒕𑒱 𑒣𑒲𑒨𑒩-𑒪𑒰𑒪 𑒏𑒼𑒣𑒛𑓃𑒮𑒿। 𑒮𑓂𑒫𑒩𑓂𑒝𑒏𑒰𑒪𑒏 𑒦𑓂𑒩𑒧𑒧𑒹 𑒦𑒾𑒩𑒰 𑒮𑒦 𑒋𑒏𑒩𑒰𑒮𑒿 𑒠𑒴𑒩-𑒠𑒴𑒩 𑒩𑒯𑒻𑒞 𑒁𑒕𑒱। 𑒢𑒢𑓂𑒠𑒢𑒫𑒢𑒏 𑒫𑒱𑒯𑒰𑒩𑒏𑒹𑒿 𑒖𑒹 𑒣𑒵𑒟𑓂𑒫𑒲𑒣𑒩 𑒥𑒱𑒮𑒩𑒰 𑒠𑒻𑒞 𑒁𑒕𑒱, 𑒕𑒰𑒯 𑒗𑒱𑒪𑒧𑒱𑒪 𑒒𑒙𑒻𑒞-𑒥𑒜𑓃𑒻𑒞 𑒖𑒏𑒩 𑒛𑒼𑒪𑒥 𑒁𑒕𑒱 𑒔𑓀𑒔𑒪 𑒂 𑒞𑒩𑒪। 𑒍𑒃 𑒔𑒱𑒢𑒰𑒩𑒏𑒹𑒿 𑒯𑒧 𑒠𑒹𑒐𑒢𑒹 𑒕𑒲 𑒁𑒛𑒱𑒑 𑒦𑒹𑒪 𑒚𑒰𑒜𑓃।








𑒯𑒱𑒢𑓂𑒠𑒲 𑒂 𑒧𑒻𑒟𑒱𑒪𑒲 𑒂 𑒮𑒰𑒯𑒱𑒞𑓂𑒨𑒱𑒏 𑒬𑒥𑓂𑒠𑒰𑒫𑒪𑒲
𑒯𑒱𑒢𑓂𑒠𑒲 𑒖𑒻 𑒯𑒱𑒮𑒰𑒥𑒹 𑒁𑒣𑒢 𑒦𑒴𑒑𑒼𑒪 𑒥𑒜𑒹𑒪𑒏 𑒁𑒕𑒱 𑒍𑒃 𑒯𑒱𑒮𑒰𑒥𑒹 𑒍𑒏𑒩 𑒬𑒥𑓂𑒠𑒰𑒫𑒪𑒲 𑒢𑒻 𑒥𑒜𑓃𑒪 𑒕𑒻𑒏,𑒮𑒹 𑒯𑒱𑒢𑓂𑒠𑒲𑒮𑒿 𑒛𑒩𑒥𑒰𑒏 𑒏𑒼𑒢𑒼 𑒣𑓂𑒩𑒬𑓂𑒢𑒹 𑒢𑒻। 𑒯𑒱𑒢𑓂𑒠𑒲𑒏 𑒮𑒰𑒧𑓂𑒩𑒰𑒖𑓂𑒨𑒫𑒰𑒠 𑒁𑓀𑒑𑓂𑒩𑒲𑒖𑒲𑒏 𑒮𑒰𑒧𑓂𑒩𑒰𑒖𑓂𑒨𑒫𑒰𑒠𑒏 𑒮𑓂𑒟𑒰𑒢 𑒪𑓄 𑒪𑒹𑒢𑒹 𑒁𑒕𑒱 𑒂 𑒮𑒹 𑒮𑒦 𑒯𑒱𑒢𑓂𑒠𑒲 𑒠𑒱𑒫𑒮𑒣𑒩 𑒕𑒼𑒙 𑒦𑒰𑒭𑒰𑒏𑒹𑒿 𑒑𑒱𑒩𑒥𑒰𑒏 𑒍𑒏𑒩 𑒣𑓂𑒩𑒫𑒵𑒞𑓂𑒞𑒱𑒣𑒩 𑒥𑒯𑒮 𑒢𑒻 𑒩𑒼𑒏𑒪 𑒖𑒰 𑒮𑒏𑒞। 𑒪𑒻𑒙𑒱𑒢/𑒠𑒏𑓂𑒭𑒱𑒝 𑒁𑒧𑒹𑒩𑒱𑒏𑒰𑒏 𑒮𑒦𑒙𑒰 𑒧𑒴𑒪 𑒦𑒰𑒭𑒰 𑒐𑒞𑒧 𑒦𑓄 𑒑𑒹𑒪 𑒂 𑒍𑒏𑒩 𑒮𑓂𑒟𑒰𑒢 𑒮𑓂𑒣𑒹𑒢𑒱𑒬 𑒂 𑒣𑒼𑒩𑓂𑒞𑒴𑒑𑒲𑒖 𑒪𑒹𑒪𑒏। 𑒮𑓂𑒣𑒹𑒢 𑒁𑒖𑒙𑒹𑒏 𑒮𑒦𑓂𑒨𑒞𑒰𑒏𑒹𑒿 𑒐𑒞𑒧 𑒏𑒹𑒪𑒏, 𑒍𑒏𑒩 𑒮𑒦 𑒔𑒹𑒢𑓂𑒯𑒰𑒮𑒲 𑒧𑒹𑒙𑒰 𑒠𑒹𑒪𑒏, 𑒧𑒳𑒠𑒰 𑒧𑒹𑒏𑓂𑒮𑒱𑒏𑒼 𑒞𑒏𑒩 𑒣𑒬𑓂𑒔𑒰𑒞𑒰𑒣𑒧𑒹 𑒫𑒱𑒬𑓂𑒫𑒏𑒣 𑒤𑒳𑒙𑒥𑒰𑒪𑒏 𑒂𑒨𑒼𑒖𑒢 𑒪𑒹𑒪 𑒖𑒹 𑒮𑓂𑒙𑒹𑒛𑒱𑒨𑒧 𑒥𑒢𑒹𑒪𑒏 𑒞𑒏𑒩 𑒢𑒰𑒧 𑒁𑒖𑒙𑒹𑒏 𑒮𑓂𑒙𑒹𑒛𑒱𑒨𑒧 𑒩𑒐𑒪𑒏।
𑒛𑒹𑒢𑒧𑒰𑒩𑓂𑒏𑒏 𑒬𑒥𑓂𑒠𑒏𑒼𑒭 𑒥𑒛 𑒫𑒱𑒮𑓂𑒞𑒵𑒞 𑒕𑒻, 𑒣𑓂𑒩𑒰𑒨𑓁 𑓒𑓓 𑒫𑒼𑒪𑓂𑒨𑒴𑒧 𑒮𑒿 𑒥𑒹𑒬𑒲𑒧𑒹 𑒕𑒻, 𑒂𑒣𑓂𑒩𑒫𑒰𑒮𑒲 𑒣𑓂𑒩𑒰𑒨𑓁 𑒍𑒏𑒩 𑒢𑒰𑒑𑒩𑒱𑒏𑒞𑒰 𑒪𑒹𑒪 𑒪𑒻 𑒖𑒰𑒋𑒥𑒪𑒰 𑒣𑒩𑒲𑒏𑓂𑒭𑒰𑒧𑒹 𑒛𑒹𑒢𑒱𑒮 𑒦𑒰𑒭𑒰𑒧𑒹 𑒁𑒢𑒳𑒞𑓂𑒞𑒲𑒩𑓂𑒝 𑒦𑓄 𑒖𑒰𑒃 𑒕𑒟𑒱, 𑒋𑒏𑒙𑒰 𑒧𑒯𑒱𑒪𑒰 𑒖𑒹 𑒛𑒹𑒢𑒱𑒮𑒮𑒿 𑒫𑒱𑒫𑒰𑒯 𑒏𑒹𑒢𑒹 𑒩𑒯𑒟𑒱 𑒯𑒳𑒢𑒏𑒩 𑒥𑒔𑓂𑒔𑒰 𑒛𑒹𑒢𑒧𑒰𑒩𑓂𑒏𑒏 𑒢𑒰𑒑𑒩𑒱𑒏 𑒦𑓄 𑒑𑒹𑒪 𑒧𑒳𑒠𑒰 𑒍 𑒏𑒯𑒪𑒢𑓂𑒯𑒱 𑒖𑒹 𑒦𑒰𑒭𑒰 𑒣𑒹𑒣𑒩 𑒥𑒛𑓂𑒛 𑒏𑒚𑒱𑒢 𑒕𑒻, 𑒛𑒹𑒢𑒱𑒮 𑒮𑒹𑒯𑒼 𑒍𑒃𑒧𑒹 𑒁𑒢𑒳𑒞𑓂𑒞𑒲𑒩𑓂𑒝 𑒦𑓄 𑒖𑒰𑒃 𑒕𑒟𑒱, 𑒖𑒢𑒮𑓀𑒐𑓂𑒨𑒰 𑒫𑒰 𑒏𑓂𑒭𑒹𑒞𑓂𑒩𑒤𑒪𑒏 𑒕𑒼𑒙 𑒩𑒯𑒥 𑒛𑒹𑒢𑒱𑒮 𑒫𑒼𑒏𑒰𑒥𑒳𑒪𑒹𑒩𑒲 𑒪𑒹𑒪 𑒯𑒰𑒢𑒱𑒏𑒰𑒩𑒏 𑒢𑒻 𑒦𑒹𑒪𑒻।

𑒮𑒰𑒯𑒱𑒞𑓂𑒨𑒏𑒏 𑒧𑒴𑒪 𑒮𑒩𑒼𑒏𑒰𑒩 𑒁𑒕𑒱 𑒫𑒱𑒭𑒨-𑒫𑒮𑓂𑒞𑒳𑒮𑒿। 𑒧𑒳𑒠𑒰 𑒬𑒥𑓂𑒠𑒏 𑒁𑒏𑒰𑒪 𑒖𑒿 𑒮𑒰𑒯𑒱𑒞𑓂𑒨𑒏𑒰𑒩𑒹𑒏 𑒧𑒡𑓂𑒨 𑒩𑒯𑒞 𑒞𑒿 𑒍 𑒏𑒲 𑒮𑓀𑒣𑓂𑒩𑒹𑒭𑒝 𑒏𑒩𑒞𑒰𑒯, 𑒫𑒱𑒭𑒨-𑒫𑒮𑓂𑒞𑒳𑒏𑒹𑒿 𑒏𑒼𑒢𑒰 𑒤𑒩𑒱𑒕𑒰 𑒣𑒹𑒞𑒰𑒯। 𑒖𑒹 𑒯𑒰𑒪 𑒯𑒱𑒢𑓂𑒠𑒲 𑒮𑒰𑒯𑒱𑒞𑓂𑒨𑒏 𑒁𑒕𑒱 𑒮𑒋𑒯 𑒧𑒻𑒟𑒱𑒪𑒲𑒏 𑒦𑓄 𑒖𑒰𑒋𑒞। 𑒬𑒥𑓂𑒠𑒰𑒫𑒪𑒲𑒏 𑒑𑓂𑒩𑒰𑒯𑓂𑒨𑒞𑒰 𑒢𑒹𑒙𑒱𑒫 𑒮𑓂𑒣𑒲𑒏𑒩𑒏 𑒑𑒰𑒧𑒧𑒹 𑒥𑒰𑒖𑒪 𑒖𑒰𑒋𑒥𑒪𑒰 𑒬𑒥𑓂𑒠𑒰𑒫𑒪𑒲 𑒢𑒱𑒩𑓂𑒡𑒰𑒩𑒱𑒞 𑒏𑒩𑒞, 𑒮𑓀𑒮𑓂𑒏𑒵𑒞𑒱𑒮𑒿 𑒠𑒴𑒩 𑒣𑓂𑒩𑒫𑒰𑒮𑒲 𑒠𑓂𑒫𑒰𑒩𑒰 𑒥𑒰𑒖𑒪 𑒖𑒰𑒋𑒥𑒪𑒰 𑒬𑒥𑓂𑒠𑒰𑒫𑒪𑒲 𑒢𑒻। 𑒬𑒥𑓂𑒠𑒰𑒫𑒪𑒲𑒏 𑒑𑓂𑒩𑒰𑒯𑓂𑒨𑒞𑒰 𑒢𑒹𑒙𑒱𑒫 𑒮𑓂𑒣𑒲𑒏𑒩𑒏 𑒑𑒰𑒧𑒧𑒹 𑒥𑒰𑒖𑒪 𑒖𑒰𑒋𑒥𑒪𑒰 𑒬𑒥𑓂𑒠𑒰𑒫𑒪𑒲 𑒢𑒱𑒩𑓂𑒡𑒰𑒩𑒱𑒞 𑒏𑒩𑒞, 𑒂 𑒖𑒿 𑒮𑓀𑒮𑓂𑒏𑒵𑒞𑒱𑒮𑒿 𑒏𑒙𑒪 𑒣𑓂𑒩𑒫𑒰𑒮𑒲 𑒠𑓂𑒫𑒰𑒩𑒰 𑒥𑒰𑒖𑒪 𑒬𑒥𑓂𑒠𑒰𑒫𑒪𑒲𑒏𑒹𑒿 𑒂𑒡𑒰𑒩𑒦𑒴𑒞 𑒥𑒢𑒰𑒋𑒥 𑒞𑒿 𑒢𑒲𑒏 𑒮𑒰𑒯𑒱𑒞𑓂𑒨 𑒏𑒼𑒛𑓃𑒱 𑒏𑓄 𑒢𑒱𑒏𑒰𑒪𑒪 𑒥𑒳𑒗𑒰𑒋𑒞 𑒂 𑒑𑒼𑒪𑒻𑒮𑒲 𑒂𑒡𑒰𑒩𑒱𑒞 𑒮𑒧𑒲𑒏𑓂𑒭𑒏𑒏 𑒮𑒧𑒲𑒏𑓂𑒭𑒱𑒞 𑒮𑒰𑒯𑒱𑒞𑓂𑒨 𑒢𑒹𑒔𑒳𑒩𑒪 𑒥𑒳𑒗𑒰𑒋𑒞।
𑒬𑒰𑒮𑓂𑒞𑓂𑒩𑒲𑒨 𑒁𑒢𑒳𑒬𑒰𑒮𑒢 𑒪𑒹𑒐𑒏 𑒪𑒹𑒪 𑒁𑒕𑒱, 𑒣𑒰𑒚𑒏 𑒪𑒹𑒪 𑒢𑒻। 𑒪𑒹𑒐𑒏 𑒖𑒿 𑒑𑒖𑒪, 𑒩𑒼𑒪𑒰, 𑒠𑒼𑒯𑒰, 𑒏𑒳𑒝𑓂𑒛𑒪𑒱𑒨𑒰 𑒬𑒰𑒮𑓂𑒞𑓂𑒩𑒲𑒨 𑒂𑒡𑒰𑒩𑒣𑒩 𑒪𑒱𑒐𑒞𑒰𑒯 𑒞𑒐𑒢𑒹 𑒣𑒰𑒚𑒏𑒏𑒹𑒿 𑒢𑒲𑒏 𑒪𑒑𑒞𑒻, 𑒖𑒿 𑒪𑒹𑒐𑒏 𑒧𑒹𑒯𑒢𑒞𑒱𑒮𑒿 𑒠𑒴𑒩 𑒦𑒑𑒞𑒰𑒯 𑒞𑒿 𑒮𑒰𑒯𑒱𑒞𑓂𑒨𑒱𑒏 𑒣𑒰𑒚𑒏𑒲𑒨𑒞𑒰 𑒒𑒙𑒞। 𑒬𑒰𑒮𑓂𑒞𑓂𑒩𑒏 𑒥𑒰𑒢𑓂𑒯 𑒞𑒼𑒛𑓃𑒥𑒰𑒏 𑒫𑒱𑒡𑒱 𑒮𑒹𑒯𑒼 𑒬𑒰𑒮𑓂𑒞𑓂𑒩𑒏 𑒧𑒡𑓂𑒨 𑒕𑒻𑒏, 𑒮𑒰𑒫𑒱𑒞𑓂𑒩𑒲 𑒧𑓀𑒞𑓂𑒩 𑒖𑒿 𑒬𑒰𑒮𑓂𑒞𑓂𑒩𑒲𑒨 𑒏𑒙𑓂𑒙𑒩𑒞𑒰𑒮𑒿 𑒠𑒹𑒐𑒲 𑒞𑒿 𑒍 𑒑𑒰𑒨𑒞𑓂𑒩𑒲 𑒕𑒢𑓂𑒠𑒧𑒹 𑒢𑒻 𑒕𑒻, 𑒧𑒳𑒠𑒰 𑒯𑒧 𑒮𑒦 𑒍𑒏𑒩𑒰 𑒑𑒰𑒨𑒞𑓂𑒩𑒲𑒧𑒹 𑒧𑒰𑒢𑒻 𑒕𑒲 𑒏𑒰𑒩𑒝 𑒑𑒝𑒢𑒰 𑒣𑒳𑒩𑒹𑒥𑒰𑒪𑒹𑒪 𑒮𑓂𑒫𑓁 𑒏𑒹𑒿 𑒮𑒳𑒫𑓁 𑒏𑒋𑒪 𑒑𑒹𑒪𑒻।

𑒠𑒩𑒦𑓀𑒑𑒰𑒏 𑒧𑒖𑒯𑒩 𑒃𑒧𑒰𑒧𑒏𑒹𑒿 "𑒣𑒱𑒕𑒪𑒹 𑒧𑒾𑒮𑒧 𑒏𑒰 𑒤𑒴𑒪"𑒣𑒩 𑒅𑒩𑓂𑒠𑒴 𑒪𑒹𑒪 𑒮𑒰𑒯𑒱𑒞𑓂𑒨 𑒁𑒏𑒰𑒠𑒹𑒧𑒲 𑒣𑒳𑒩𑒮𑓂𑒏𑒰𑒩 𑒠𑒹𑒪 𑒑𑒹𑒪। 𑒌 𑒮𑓀𑒑𑓂𑒩𑒯𑒧𑒹 𑒑𑒖𑒪 (𑒥𑒯𑒩𑒨𑒳𑒏𑓂𑒞) 𑓕𑓕 𑒙𑒰 𑒂 𑒂𑒖𑒰𑒠 𑒑𑒖𑒪 (𑒥𑒹-𑒥𑒯𑒩) 𑓓 𑒙𑒰 𑒕𑒻, 𑒧𑒳𑒠𑒰 𑒣𑒰𑒚𑒏 𑒯𑒳𑒢𑒏𑒰 𑒑𑒖𑒪 𑒪𑒹𑒪 𑒧𑒼𑒢 𑒩𑒰𑒐𑒢𑒹 𑒕𑒢𑓂𑒯𑒱, 𑒍𑒏𑒩𑒰 𑒧𑒞𑒪𑒥 𑒢𑒻 𑒕𑒻 𑒖𑒹, 𑒖𑒹 𑒑𑒖𑒪 𑒍𑒏𑒩𑒰 𑒢𑒲𑒏 𑒪𑒑𑒪𑒻 𑒮𑒹 𑒥𑒯𑒩𑒧𑒹 𑒕𑒻 𑒫𑒰 𑒢𑒻, 𑒍𑒏𑒩𑒰 𑒞𑒿 𑒢𑒲𑒏 𑒪𑒑𑒪𑒻। 𑒂 𑒏𑒲 𑒄 𑒮𑓀𑒨𑒼𑒑 𑒕𑒲 𑒖𑒹 𑒥𑒯𑒩𑒨𑒳𑒏𑓂𑒞 𑒑𑒖𑒪𑒹 𑒍𑒏𑒩𑒰 𑒢𑒲𑒏 𑒪𑒑𑒪𑒻? 𑒧𑒖𑒯𑒩 𑒃𑒧𑒰𑒧𑒏𑒹𑒿 𑒅𑒩𑓂𑒠𑒴 𑒮𑒰𑒯𑒱𑒞𑓂𑒨 𑒂𑒖𑒰𑒠 𑒑𑒖𑒪𑒏𑒹𑒿 𑒮𑓂𑒟𑒰𑒣𑒱𑒞 𑒏𑒹𑒢𑒱𑒯𑒰𑒩𑒏 𑒩𑒴𑒣𑒧𑒹 𑒧𑒼𑒢 𑒩𑒐𑒢𑒹 𑒁𑒕𑒱।

𑒪𑒹𑒐𑒏𑒏 𑒂𑒃𑒛𑒱𑒨𑒼𑒪𑒼𑒖𑒲 𑒣𑒰𑒢𑒱𑒧𑒹 𑒢𑒴𑒢 𑒮𑒢 𑒯𑒹𑒥𑒰𑒏 𑒔𑒰𑒯𑒲, 𑒣𑒰𑒢𑒱𑒧𑒹 𑒞𑒹𑒪 𑒮𑒢 𑒢𑒻 𑒂 𑒌𑒣𑒩 𑒯𑒧 𑒣𑒯𑒱𑒢𑒯𑒱𑒨𑒼 𑒪𑒱𑒐𑒢𑒹 𑒕𑒲। 𑒨𑒰𑒞𑓂𑒩𑒲 𑒂 𑒡𑒴𑒧𑒏𑒹𑒞𑒳𑒏𑒹𑒿 𑒏𑒧𑓂𑒨𑒴𑒢𑒱𑒮𑓂𑒙 𑒣𑒰𑒩𑓂𑒙𑒲𑒏 𑒮𑒼𑓀𑒑𑒩𑒏 𑒂𑒫𑒬𑓂𑒨𑒏𑒞𑒰 𑒣𑒛𑓃𑒪𑒢𑓂𑒯𑒱 𑒏𑒰𑒩𑒝 𑒫𑒰𑒧𑒣𑓀𑒟 “𑒢𑒲𑒏 𑒮𑒹𑒢𑓂𑒙” 𑒂 “𑒛𑒱𑒖𑒰𑒃𑒢𑒩 𑒫𑒲𑒨𑒩”𑒏 𑒦𑒰𑒿𑒞𑒱 𑒯𑒱𑒢𑒏𑒰 𑒮𑒦 𑒪𑒹𑒪 𑒤𑒻𑒬𑒢 𑒕𑒪, 𑒮𑒹 𑒥𑒪𑒔𑒢𑒧𑒰 𑒏𑒰𑓀𑒑𑓂𑒩𑒹𑒮 𑒂 𑒮𑒧𑒰𑒖𑒫𑒰𑒠𑒲 𑒣𑒰𑒩𑓂𑒙𑒲𑒮𑒿 𑒯𑒙𑒪𑒰𑒏 𑒥𑒰𑒠 𑒏𑒧𑓂𑒨𑒴𑒢𑒱𑒮𑓂𑒙 𑒂 𑒪𑒰𑒪𑒗𑓀𑒛𑒰𑒧𑒹 𑒮𑒦 𑒮𑒧𑒮𑓂𑒨𑒰𑒏 𑒮𑒧𑒰𑒡𑒰𑒢 𑒞𑒏𑒻𑒋, 𑒍𑒏𑒩𑒰 𑒨𑒰𑒞𑓂𑒩𑒲𑒖𑒲 𑒮𑒦 𑒮𑒧𑒰𑒡𑒰𑒢 𑒍𑒃𑒧𑒹 𑒠𑒻 𑒕𑒟𑒱𑒢𑓂𑒯। 𑒡𑒴𑒧𑒏𑒹𑒞𑒳𑒏 𑒣𑒰𑒞𑓂𑒩 𑒪𑒹𑒪 𑒮𑒹𑒯𑒼 𑒪𑒰𑒪 𑒗𑓀𑒛𑒰 𑒪𑒏𑓂𑒭𑒧𑒝 𑒥𑒴𑒙𑒲 𑒁𑒕𑒱। 𑒧𑒳𑒠𑒰 𑒄 𑒪𑒼𑒏𑒢𑒱 𑒏𑒧𑓂𑒨𑒴𑒢𑒱𑒮𑓂𑒙 𑒧𑒴𑒫𑒧𑒹𑒢𑓂𑒙𑒮𑒿 -𑒤𑒻𑒬𑒢𑒏 𑒁𑒞𑒱𑒩𑒱𑒏𑓂𑒞- 𑒖𑒳𑒛𑓃𑒪 𑒢𑒻 𑒕𑒟𑒱 𑒞𑒹𑒿 𑒯𑒱𑒢𑒏𑒩 𑒮𑒰𑒯𑒱𑒞𑓂𑒨𑒧𑒹 𑒂𑒃𑒛𑒱𑒨𑒼𑒪𑒼𑒖𑒲 𑒞𑒹𑒪 𑒮𑒢 𑒮𑒯𑒮𑒯 𑒏𑒩𑒻𑒋। 𑒂𑒥 𑒂𑒅 𑒔𑒞𑒳𑒩𑒰𑒢𑒢𑓂𑒠 𑒧𑒱𑒬𑓂𑒩 𑒂 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒏 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒣𑒩। 𑒔𑒞𑒳𑒩𑒰𑒢𑒢𑓂𑒠 𑒧𑒱𑒬𑓂𑒩𑒏 𑒅𑒣𑒢𑓂𑒨𑒰𑒮𑒧𑒹 𑒫𑒰 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒏 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒧𑒹 𑒏𑒞𑒾 𑒪𑒰𑒪𑒗𑓀𑒛𑒰 𑒫𑒰 𑒏𑒧𑓂𑒨𑒴𑒢𑒱𑒮𑓂𑒙 𑒣𑒰𑒩𑓂𑒙𑒲𑒏 𑒔𑒩𑓂𑒔 𑒁𑒯𑒰𑒿 𑒠𑒹𑒐𑒢𑒹 𑒕𑒲? 𑒋𑒞𑒋 𑒖𑒹 𑒦𑒹𑒙𑒞 𑒮𑒹 𑒁𑒕𑒱 𑒁𑒮𑒪 𑒫𑒰𑒧𑒣𑓀𑒟𑒲 𑒠𑓂𑒫𑒢𑓂𑒠𑒰𑒞𑓂𑒧𑒏 𑒣𑒠𑓂𑒡𑒞𑒱, 𑒖𑒲𑒫𑒢𑒣𑒩 𑒫𑒱𑒬𑓂𑒫𑒰𑒮, 𑒧𑒰𑒢𑒹 𑒂𑒃𑒛𑒱𑒨𑒼𑒪𑒼𑒖𑒲 𑒢𑒴𑒢𑒮𑒢 𑒧𑒱𑒪𑒪। 𑒂 𑒏𑒲 𑒄 𑒧𑒰𑒞𑓂𑒩 𑒮𑓀𑒨𑒼𑒑 𑒁𑒕𑒱 𑒖𑒹 𑒔𑒞𑒳𑒩𑒰𑒢𑒢𑓂𑒠 𑒧𑒱𑒬𑓂𑒩 𑒖𑒲𑒫𑒢𑒏 𑒣𑓂𑒩𑒰𑒩𑒧𑓂𑒦𑒧𑒹 𑒮𑒰𑒯𑒱𑒞𑓂𑒨 𑒪𑒱𑒐𑒻 𑒕𑒟𑒱 𑒂 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪 𑒖𑒲𑒫𑒢𑒏 𑒅𑒞𑓂𑒞𑒩𑒰𑒩𑓂𑒡𑒧𑒹, 𑒁𑒢𑓂𑒞𑒱𑒧 𑒏𑒹𑒮 𑒐𑒞𑒧 𑒦𑒹𑒪𑒰𑒏 𑒥𑒰𑒠? 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒏 𑒑𑒰𑒧 𑒥𑒹𑒩𑒧𑒰𑒏 𑒖𑒧𑒲𑒢𑓂𑒠𑒰𑒩 𑒚𑒰𑒏𑒳𑒩 𑒖𑒲 𑒯𑒧𑒩 𑒣𑒱𑒞𑒨𑒾𑒞 𑒦𑒰𑒃𑒏𑒹𑒿 𑒏𑒯𑒪𑒐𑒱𑒢𑓂𑒯 𑒖𑒹 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪 𑒮𑒞𑓂𑒨 𑒯𑒩𑒱𑒬𑓂𑒔𑒢𑓂𑒠𑓂𑒩 𑒕𑒟𑒱, 𑒯𑒧𑒩 𑒑𑒰𑒧𑒏 𑒑𑒾𑒩𑒫 𑒕𑒟𑒱। 𑒂 𑒮𑒹 𑒞𑒐𑒢, 𑒖𑒐𑒢 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪 𑒏𑒧𑓂𑒨𑒴𑒢𑒱𑒮𑓂𑒙 𑒧𑒴𑒫𑒧𑒹𑒢𑓂𑒙𑒏 𑒢𑒹𑒞𑒵𑒞𑓂𑒫 𑒏𑒹𑒪𑒢𑓂𑒯𑒱 𑒠𑒮𑒼 𑒥𑒹𑒩 𑒖𑒹𑒪 𑒑𑒹𑒪𑒰𑒯, 𑒏𑒹𑒮 𑒯𑒳𑒢𑒏𑒹 𑒮𑒦𑒮𑒿 𑒪𑒛𑓃𑒪𑒢𑓂𑒯𑒱 𑒂 𑒞𑒏𑒩 𑒣𑒩𑒱𑒝𑒰𑒧 𑒦𑒹𑒪 𑒖𑒹 𑒥𑒹𑒩𑒧𑒰𑒧𑒹 𑒂𑒃 𑒠𑒮 𑒥𑒲𑒒𑒰𑒮𑒿 𑒣𑒻𑒒 𑒖𑒼𑒞 𑒏𑒏𑒩𑒼 𑒢𑒻 𑒕𑒻। 𑒂𑒃𑒨𑒼 𑒍 𑒤𑒴𑒮𑒏 𑒒𑒩𑒧𑒹 𑒩𑒯𑒻 𑒕𑒟𑒱 𑒂 𑒞𑒲𑒢 𑒥𑒖𑒹 𑒅𑒚𑒱 𑒏𑓄 𑒛𑒱𑒥𑒱𑒨𑒰 𑒪𑒹𑒮 𑒏𑓄 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨 𑒪𑒱𑒐𑒻 𑒕𑒟𑒱 𑒂 𑒯𑒳𑒢𑒏𑒩 𑒥𑒹𑒙𑒰 𑒯𑒳𑒢𑒏𑒰 𑒂𑒃 𑒡𑒩𑒱 𑒪𑒱𑒐𑒻𑒞 𑒢𑒻 𑒠𑒹𑒐𑒢𑒹 𑒕𑒟𑒱𑒢𑓂𑒯, 𑒖𑒹 𑒏𑒐𑒢 𑒍 𑒪𑒱𑒐𑒻 𑒕𑒟𑒱, 𑒦𑒼𑒑𑒹𑒢𑓂𑒠𑓂𑒩 𑒗𑒰𑒏 𑒢𑒹𑒞𑒵𑒞𑓂𑒫𑒧𑒹 𑒍 𑒣𑓂𑒩𑒝 𑒪𑒹𑒢𑒹 𑒩𑒯𑒟𑒱 𑒖𑒹 𑒖𑒐𑒢 𑒥𑒰𑒖𑒥, 𑒮𑒦 𑒧𑒻𑒟𑒱𑒪𑒲𑒧𑒹 𑒥𑒰𑒖𑒥। 𑒮𑒹 𑒯𑒳𑒢𑒏𑒩 𑒥𑒹𑒙𑒰 𑒯𑒳𑒢𑒏𑒰 𑒧𑒻𑒟𑒱𑒪𑒲𑒏 𑒁𑒞𑒱𑒩𑒱𑒏𑓂𑒞 𑒠𑒼𑒮𑒩 𑒦𑒰𑒭𑒰 𑒥𑒖𑒻𑒞 𑒢𑒻 𑒮𑒳𑒢𑒢𑒹 𑒕𑒟𑒱𑒢𑓂𑒯। 𑒂 𑒮𑒋𑒯 𑒏𑒰𑒩𑒝 𑒁𑒕𑒱 𑒖𑒹 𑒯𑒳𑒢𑒏𑒩 𑒫𑒱𑒭𑒨-𑒫𑒮𑓂𑒞𑒳 𑒢𑒫𑒲𑒢 𑒯𑒼𑒃𑒞 𑒁𑒕𑒱, 𑒯𑒳𑒢𑒏𑒩 𑒬𑒥𑓂𑒠𑒰𑒫𑒪𑒲 𑒢𑒹𑒙𑒱𑒫 𑒮𑓂𑒣𑒲𑒏𑒩𑒏 𑒬𑒥𑓂𑒠𑒰𑒫𑒪𑒲 𑒁𑒕𑒱, 𑒖𑒹 𑒍𑒃 𑒫𑒱𑒭𑒨-𑒫𑒮𑓂𑒞𑒳𑒏𑒹𑒿 𑒤𑒩𑒱𑒕𑒹𑒥𑒰𑒧𑒹 𑒮𑒤𑒪 𑒯𑒼𑒃𑒞 𑒁𑒕𑒱 𑒂 𑒂𑒫𑒬𑓂𑒨𑒏 𑒁𑒕𑒱। 𑒯𑒳𑒢𑒏𑒩 𑒪𑒼𑒏, 𑒯𑒳𑒢𑒏𑒩 𑒑𑒰𑒕-𑒥𑒵𑒔𑓂𑒕, 𑒯𑒳𑒢𑒏𑒩 𑒤𑒴𑒪𑒣𑒰𑒞, 𑒯𑒳𑒢𑒏𑒩 𑒐𑒹𑒞 𑒐𑒪𑒱𑒯𑒰𑒢 𑒁𑒮𑒪 𑒁𑒕𑒱, 𑒖𑒧𑒲𑒢𑒲 𑒁𑒕𑒱, 𑒣𑒞𑒰𑒪𑒮𑒿 𑒏𑒼𑒛𑓃𑒱 𑒏𑓄 𑒢𑒱𑒏𑒰𑒪𑒪 𑒢𑒻। 𑒂 𑒯𑒳𑒢𑒏𑒰𑒮𑒿 𑒣𑓂𑒩𑒹𑒩𑒝𑒰 𑒪𑓄 𑒣𑓂𑒩𑒫𑒰𑒮𑒧𑒹 𑒩𑒯𑒢𑒱𑒯𑒰𑒩 𑒢𑒫 𑒮𑒰𑒯𑒱𑒞𑓂𑒨𑒏𑒰𑒩 𑒧𑒻𑒟𑒱𑒪𑒲 𑒪𑒱𑒐𑒥𑒰𑒮𑒿 𑒣𑒯𑒱𑒢𑒹 𑒧𑒱𑒟𑒱𑒪𑒰𑒏 𑒃𑒞𑒱𑒯𑒰𑒮-𑒦𑒴𑒑𑒼𑒪 𑒂 𑒮𑓀𑒮𑓂𑒏𑒵𑒞𑒱𑒏 𑒖𑓂𑒘𑒰𑒢 𑒣𑓂𑒩𑒰𑒣𑓂𑒞 𑒏𑒩𑒟𑒳, 𑒞𑒐𑒢𑒹 𑒯𑒳𑒢𑒏𑒩 𑒮𑒰𑒯𑒱𑒞𑓂𑒨 𑒤𑒩𑒰𑒏 𑒦𑓄 𑒮𑒏𑒞𑒢𑓂𑒯𑒱। 𑒌 𑒪𑒱𑓀𑒏𑒮𑒿 𑒩𑒰𑒡𑒰𑒏𑒵𑒭𑓂𑒝 𑒔𑒾𑒡𑒩𑒲𑒏 “𑒧𑒱𑒟𑒱𑒪𑒰𑒏 𑒃𑒞𑒱𑒯𑒰𑒮” 𑒂 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒏 “𑒑𑒰𑒧𑒏 𑒖𑒱𑒢𑒑𑒲” 𑒣𑒜𑓃𑒴 https://sites.google.com/a/videha.com/videha-pothi/ 𑒂 𑒧𑒻𑒟𑒱𑒪𑒲 𑒬𑒥𑓂𑒠𑒰𑒫𑒪𑒲 𑒪𑒹𑒪 𑒄 𑒪𑒱𑓀𑒏 𑒠𑒹𑒐𑒴 http://videha.co.in/new_page_13.htm

𑒥𑒹𑒩𑒧𑒰𑒏 𑒚𑒰𑒏𑒳𑒩𑒖𑒲 𑒮𑒢 𑒪𑒼𑒏𑒏 𑒫𑒱𑒔𑒰𑒩 𑒯𑒧𑒩𑒰 𑒪𑒹𑒪 𑒥𑒹𑒬𑒲 𑒧𑒯𑒞𑓂𑒫 𑒩𑒰𑒐𑒻𑒋,𑒥𑒢𑒱𑒮𑓂𑒣𑒞 𑒑𑒼𑒪𑒻𑒮𑒲 𑒏𑒹𑒢𑒱𑒯𑒰𑒩 𑒮𑒰𑒯𑒱𑒞𑓂𑒨𑒏𑒰𑒩𑒏/ 𑒮𑒧𑒲𑒏𑓂𑒭𑒏𑒏 𑒖𑒱𑒢𑒏𑒩 𑒂𑒨𑒰𑒞𑒱𑒞 𑒬𑒥𑓂𑒠𑒰𑒫𑒪𑒲𑒥𑒪𑒰 𑒮𑒰𑒯𑒱𑒞𑓂𑒨 𑒏𑒼𑒢𑒰 𑒧𑒻𑒟𑒱𑒪𑒲 𑒣𑒰𑒚𑒏 𑒒𑒙𑒹𑒪𑒏𑒻; 𑒂 𑒐𑒰𑒿𑒙𑒲 𑒬𑒥𑓂𑒠𑒰𑒫𑒪𑒲 𑒏𑒼𑒢𑒰 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒮𑓂𑒞𑒩 𑒆𑒿𑒔 𑒏𑒹𑒪𑒏𑒻, 𑒂 𑒣𑒰𑒚𑒏 𑒥𑒜𑓃𑒹𑒪𑒏𑒻, 𑒄 𑒂𑒥 𑒏𑒏𑒩𑒼𑒮𑒿 𑒢𑒳𑒏𑒰𑒋𑒪 𑒢𑒻 𑒁𑒕𑒱।

𑒅𑒣𑒢𑓂𑒨𑒰𑒮 𑒪𑒹𑒪 𑒠𑒴-𑒠𑒴 𑒥𑒹𑒩 𑒥𑒴𑒏𑒩 𑒣𑒳𑒩𑒮𑓂𑒏𑒰𑒩 𑒂 𑒮𑒰𑒯𑒱𑒞𑓂𑒨𑒏 𑒪𑒹𑒪 𑒢𑒼𑒥𑒪 𑒣𑒳𑒩𑒮𑓂𑒏𑒰𑒩𑒮𑒿 𑒮𑒧𑓂𑒧𑒰𑒢𑒱𑒞 𑒖𑒰𑒢 𑒧𑒻𑒏𑓂𑒮𑒫𑒹𑒪 𑒏𑒳𑒙𑓂𑒮𑒲 𑒦𑒰𑒭𑒰𑒏 𑒮𑒢𑓂𑒠𑒩𑓂𑒦𑒧𑒹 𑒏𑒯𑒢𑒹 𑒩𑒯𑒟𑒱 𑒖𑒹 𑒁𑒤𑓂𑒩𑒲𑒏𑒰𑒢𑓂𑒮 𑒂 𑒁𑓀𑒑𑓂𑒩𑒹𑒖𑒲 𑒦𑒰𑒭𑒰𑒏 𑒠𑓂𑒫𑒱𑒦𑒰𑒭𑒱𑒨𑒰 𑒧𑒰𑒯𑒾𑒪𑒧𑒹 𑒯𑒳𑒢𑒏𑒩 𑒁𑓀𑒑𑓂𑒩𑒹𑒖𑒲 𑒪𑒹𑒐𑒢 𑒯𑒳𑒢𑒏𑒰 𑒪𑒹𑒪 𑒥𑒯𑒳𑒞 𑒩𑒰𑒮 𑒮𑓀𑒣𑓂𑒩𑒹𑒭𑒝 𑒮𑒧𑓂𑒥𑒢𑓂𑒡𑒲 𑒮𑒧𑒮𑓂𑒨𑒰 𑒮𑒼𑒗𑒰𑒿 𑒁𑒢𑒻𑒞 𑒕𑒪। 𑒍 𑒁𑒤𑓂𑒩𑒲𑒏𑒰𑒢𑓂𑒮𑒮𑒿 𑒁𑓀𑒑𑓂𑒩𑒹𑒖𑒲𑒧𑒹 𑒞𑒏𑒩 𑒣𑓂𑒩𑒞𑒱𑒏𑒰𑒩 𑒮𑓂𑒫𑒩𑒴𑒣 𑒜𑒹𑒩 𑒩𑒰𑒮 𑒁𑒢𑒳𑒫𑒰𑒠 𑒏𑒹𑒪𑒢𑓂𑒯𑒱। 𑒧𑒳𑒠𑒰 𑒧𑒻𑒟𑒱𑒪𑒲𑒏 𑒮𑒰𑒯𑒱𑒞𑓂𑒨 𑒁𑒏𑒰𑒠𑒹𑒧𑒲 𑒣𑒳𑒩𑒮𑓂𑒏𑒰𑒩 𑒫𑒱𑒖𑒹𑒞𑒰 (𑒂 𑒏𑒱𑒕𑒳 𑒌 𑒣𑒳𑒩𑒮𑓂𑒏𑒰𑒩 𑒪𑒹𑒪 𑒪𑒪𑒰𑒃𑒞 𑒂𑒏𑒰𑓀𑒏𑓂𑒭𑒲 𑒪𑒼𑒏𑒢𑒱), 𑒖𑒹 𑒞𑒟𑒰𑒏𑒟𑒱𑒞 𑒮𑒰𑒯𑒱𑒞𑓂𑒨𑒏𑒰𑒩 𑒪𑒼𑒏𑒢𑒱 𑒕𑒟𑒱, 𑒮𑒹 𑒖𑒃 𑒣𑓂𑒩𑒏𑒰𑒩𑒹𑒿 𑒧𑒻𑒟𑒱𑒪𑒲 𑒂 𑒯𑒱𑒢𑓂𑒠𑒲 𑒠𑒳𑒢𑒴𑒏 𑒛𑒼𑒩𑒲 𑒣𑒏𑒛𑓃𑒱 𑒧𑒰𑒯𑒾𑒪 𑒐𑒩𑒰𑒣 𑒏𑒩𑒥𑒰𑒧𑒹 𑒪𑒰𑒑𑒪 𑒕𑒟𑒱, 𑒮𑒹 𑒖𑒰𑒢 𑒧𑒻𑒏𑓂𑒮𑒫𑒹𑒪 𑒏𑒳𑒙𑓂𑒮𑒲𑒮𑒿 𑒏𑒱𑒕𑒳 𑒬𑒱𑒏𑓂𑒭𑒰 𑒑𑓂𑒩𑒯𑒝 𑒏𑒩𑒞𑒰𑒯, 𑒮𑒹 𑒧𑒰𑒞𑓂𑒩 𑒂𑒬𑒰 𑒏𑓄 𑒮𑒏𑒻 𑒕𑒲।
𑒁𑒧𑒹𑒩𑒱𑒏𑒰𑒧𑒹 𑓓𑓕𑓐 𑒬𑒥𑓂𑒠𑒏 𑒁𑓀𑒑𑓂𑒩𑒹𑒖𑒲𑒏 "𑒯𑒰𑒃 𑒣𑓂𑒩𑒹𑒏𑓂𑒫𑒹𑒢𑓂𑒮𑒲" 𑒂 𑓓𑓕𑓐𑓐 "𑒥𑒹𑒮𑒱𑒏 𑒫𑒩𑓂𑒛 𑒪𑒱𑒮𑓂𑒙" 𑒯𑒰𑒃 𑒮𑓂𑒏𑒴𑒪𑒏 𑒕𑒰𑒞𑓂𑒩 𑒪𑒹𑒪 𑒕𑒻 𑒖𑒹 𑒏𑓂𑒩𑒧𑒬𑓁 𑒏𑒰𑒪𑒹𑒖 𑒂 𑒑𑓂𑒩𑒹𑒖𑒳𑒋𑒙 𑒮𑓂𑒏𑒴𑒪 (𑒍𑒞𑒋 𑒣𑒼𑒮𑓂𑒙 𑒑𑓂𑒩𑒹𑒖𑒳𑒋𑒙𑒏𑒹𑒿 𑒑𑓂𑒩𑒹𑒖𑒳𑒋𑒙 𑒮𑓂𑒏𑒴𑒪 𑒏𑒯𑒪 𑒖𑒰𑒃 𑒕𑒻) 𑒡𑒩𑒱 𑒣𑒯𑒳𑒿𑒔𑒪𑒰𑒣𑒩 𑒠𑒳𑒑𑒳𑒢𑒰 (𑒑𑒋𑒩 𑒦𑒰𑒭𑒰 𑒤𑒹𑒏𑒪𑓂𑒙𑒲𑒏 𑒕𑒰𑒞𑓂𑒩 𑒪𑒹𑒪) 𑒦𑓄 𑒖𑒰𑒃 𑒕𑒻। 𑒮𑒰𑒯𑒱𑒞𑓂𑒨𑒏 𑒫𑒱𑒠𑓂𑒨𑒰𑒩𑓂𑒟𑒲/ 𑒮𑒰𑒯𑒱𑒞𑓂𑒨𑒏𑒰𑒩 𑒪𑒹𑒪 𑒌 𑒮𑒿 𑒠𑒮 𑒑𑒳𑒝𑒰 𑒁𑒣𑒹𑒏𑓂𑒭𑒱𑒞 𑒯𑒼𑒃𑒞 𑒁𑒕𑒱। 𑒯𑒱𑒢𑓂𑒠𑒲𑒧𑒹 -𑒁𑒣𑒫𑒰𑒠 𑒮𑓂𑒫𑒩𑒴𑒣 𑒂𑓀𑒔𑒪𑒱𑒏 𑒣𑒼𑒟𑒲 𑒕𑒼𑒛𑓃𑒱- 𑒯𑒱𑒢𑓂𑒠𑒲𑒏 𑒏𑒫𑒱 𑒂 𑒅𑒣𑒢𑓂𑒨𑒰𑒮𑒏𑒰𑒩 𑒁𑒚𑒧𑒰 𑒫𑒩𑓂𑒑𑒏 𑓒𑓐𑓐𑓐 𑒬𑒥𑓂𑒠𑒏 𑒬𑒥𑓂𑒠𑒰𑒫𑒪𑒲𑒮𑒿 𑒮𑒰𑒯𑒱𑒞𑓂𑒨 (𑒣𑒠𑓂𑒨, 𑒅𑒣𑒢𑓂𑒨𑒰𑒮) 𑒩𑒔𑒻 𑒕𑒟𑒱 𑒂 𑒧𑒻𑒟𑒱𑒪𑒲𑒏 𑒏𑒱𑒕𑒳 𑒮𑒰𑒯𑒱𑒞𑓂𑒨𑒏𑒰𑒩 𑒌 𑒥𑒹𑒮𑒱𑒏 𑓒𑓐𑓐𑓐 𑒬𑒥𑓂𑒠𑒏 𑒫𑒩𑓂𑒛 𑒪𑒱𑒮𑓂𑒙𑒏𑒹𑒿 𑒧𑒻𑒟𑒱𑒪𑒲𑒧𑒹 𑒂𑒨𑒰𑒞 𑒏𑒩𑒋 𑒔𑒰𑒯𑒻 𑒕𑒟𑒱, 𑒂 𑒍𑒞𑒥𑒹 𑒡𑒩𑒱 𑒮𑒲𑒧𑒱𑒞 𑒩𑒯𑒋 𑒔𑒰𑒯𑒻 𑒕𑒟𑒱, 𑒖𑒐𑒢 𑒖𑒰𑒣𑒰𑒢𑒲 𑒁𑒪𑓂𑒤𑒰𑒥𑒹𑒙𑒏 𑒔𑒹𑒢𑓂𑒯 𑓕𑓐𑓐 𑒡𑒩𑒱 𑒣𑒯𑒳𑒿𑒔𑒱 𑒖𑒰𑒃 𑒕𑒻।
𑒞𑒰𑒩𑒰𑒢𑒢𑓂𑒠 𑒖𑒲𑒏 𑒖𑒰𑒞𑒱𑒫𑒰𑒠 𑒠𑒼𑒮𑒩𑒹 𑒞𑒩𑒯𑒏 𑒕𑒢𑓂𑒯𑒱- 𑒍 𑒪𑒱𑒐𑒻 𑒕𑒟𑒱- "𑒋𑒞𑒋 𑒞𑓀 𑒧𑒻𑒟𑒱𑒪𑒲𑒏 𑒠𑒳𑒩𑓂𑒥𑒪 𑒏𑒰𑒨𑒰 𑒣𑒩 𑒏𑒴𑒛𑒰-𑒏𑒔𑒛𑒰𑒏 𑒣𑒯𑒰𑒛 𑒚𑒰𑒜 𑒏𑒩𑒥𑒰𑒏 𑒮𑒳𑒢𑒱𑒨𑒼𑒖𑒱𑒞 𑒁𑒦𑒱𑒨𑒰𑒢 𑒔𑒪𑒱 𑒩𑒯𑒪 𑒕𑒻। 𑒋𑒏𑒩 𑒮𑒤𑒰𑒃 𑒪𑒹𑒪 𑒧𑒹𑒯𑒞𑒩𑒏 𑒤𑒾𑒖 𑒔𑒰𑒯𑒲। 𑒚𑒲𑒏𑒹 𑒞𑓀 𑒕𑒻। 𑒣𑒯𑒱𑒢𑒹 𑒏𑒯𑒪 𑒖𑒰𑒨 𑒖𑒹 𑒧𑒻𑒟𑒱𑒪𑒲 𑒥𑓂𑒩𑒰𑒯𑓂𑒧𑒝𑒏 𑒦𑒰𑒭𑒰 𑒕𑒲, 𑒂𑒑𑒴 𑒏𑒯𑒪 𑒖𑒰𑒋𑒞 𑒖𑒹 𑒧𑒻𑒟𑒱𑒪𑒲 𑒧𑒹𑒯𑒞𑒩𑒏 𑒦𑒰𑒭𑒰 𑒕𑒲।" 𑒌 𑒪𑒱𑓀𑒏 https://sites.google.com/a/videha.com/videha-audio/ 𑒣𑒩 𑒧𑒱𑒟𑒱𑒪𑒰𑒏 𑒫𑒱𑒦𑒱𑒢𑓂𑒢 𑒖𑒰𑒞𑒱𑒏 𑒂𑒛𑒱𑒨𑒼 𑒂 𑒌 𑒪𑒱𑓀𑒏 https://sites.google.com/a/videha.com/videha-video/ 𑒣𑒩 𑒫𑒲𑒛𑒱𑒨𑒼 𑒩𑒹𑒏𑒰𑒩𑓂𑒛𑒱𑓀𑒑 𑒂𑒢𑒪𑒰𑒃𑒢 𑒅𑒣𑒪𑒥𑓂𑒡 𑒁𑒕𑒱 𑒖𑒃𑒧𑒹 𑒛𑒼𑒧-𑒧𑒪𑓂𑒪𑒱𑒏 (𑒖𑒏𑒩𑒰 𑒫𑒱𑒨𑒼𑒑𑒲𑒖𑒲 𑒧𑒹𑒯𑒞𑒩 𑒏𑒯𑒻 𑒕𑒟𑒱 𑒂 𑒍𑒏𑒩𑒰 𑒂 𑒍𑒏𑒩 𑒦𑒰𑒭𑒰𑒮𑒿 𑒒𑒵𑒝𑒰 𑒏𑒩𑒻 𑒕𑒟𑒱)𑒏 𑒩𑒹𑒏𑒰𑒩𑓂𑒛𑒱𑓀𑒑 𑒮𑒹𑒯𑒼 𑒬𑓂𑒩𑒲 𑒅𑒧𑒹𑒬 𑒧𑓀𑒛𑒪 𑒖𑒲𑒏 𑒮𑒾𑒖𑒢𑓂𑒨𑒮𑒿 𑒁𑒕𑒱। 𑒧𑒯𑒹𑒢𑓂𑒠𑓂𑒩 𑒧𑒪𑓀𑒑𑒱𑒨𑒰𑒏 𑒏𑒰𑒚𑒏 𑒪𑒼𑒏 𑒂 𑒍𑒏𑒩 𑒂𑓀𑒑𑒢𑒏 𑒥𑒰𑒩𑒯𑒧𑒰𑒮𑒰 𑒖𑒃 𑒞𑒩𑒯𑒹𑒿 𑒠𑒪𑒱𑒞𑒏 𑒦𑒰𑒭𑒰𑒏 𑒏𑒟𑒱𑒞 𑒧𑒻𑒟𑒱𑒪𑒲 (𑒧𑒪𑓀𑒑𑒱𑒨𑒰𑒖𑒲𑒏 𑒮𑒵𑒖𑒱𑒞 𑒏𑒋𑒪)𑒏 𑒣𑓂𑒩𑒞𑒱 𑒒𑒵𑒝𑒰 𑒂 𑒏𑒳𑒣𑓂𑒩𑒔𑒰𑒩𑒏 𑒣𑓂𑒩𑒰𑒩𑒧𑓂𑒦 𑒏𑒹𑒪𑒏 𑒞𑒰𑒩𑒰𑒢𑒢𑓂𑒠 𑒫𑒱𑒨𑒼𑒑𑒲 𑒍𑒏𑒩𑒰 𑒂𑒑𑒰𑒿 𑒥𑒜𑓃𑒹𑒪𑒢𑓂𑒯𑒱। 𑒄 𑒂𑒛𑒱𑒨𑒼 𑒂 𑒫𑒲𑒛𑒱𑒨𑒼 𑒩𑒹𑒏𑒰𑒩𑓂𑒛𑒱𑓀𑒑 𑒁𑒢𑓂𑒞𑒱𑒧 𑒩𑒴𑒣𑒮𑒿 𑒌 𑒒𑒵𑒝𑒰 𑒂 𑒏𑒳𑒣𑓂𑒩𑒔𑒰𑒩𑒏𑒹𑒿 𑒐𑒞𑒧 𑒏𑓄 𑒠𑒹𑒢𑒹 𑒁𑒕𑒱 𑒂 𑒫𑒱𑒬𑓂𑒫 𑒄 𑒮𑒳𑒢𑒱 𑒂 𑒠𑒹𑒐 𑒩𑒯𑒪 𑒁𑒕𑒱 𑒖𑒹 𑒖𑒰𑒞𑒱𑒑𑒞 𑒂𑒡𑒰𑒩𑒣𑒩 𑒧𑒻𑒟𑒱𑒪𑒲 𑒏𑒼𑒢𑒼 𑒞𑒩𑒯𑒹𑒿 𑒦𑒱𑒢𑓂𑒢 𑒢𑒻 𑒁𑒕𑒱। 𑒫𑒱𑒨𑒼𑒑𑒲𑒖𑒲 𑒁𑒣𑒢 𑒆𑒩𑓂𑒖𑒰 𑒇𑒝𑒰𑒞𑓂𑒧𑒏 𑒠𑒱𑒬𑒰𑒧𑒹 𑒪𑒑𑒥𑒻 𑒕𑒟𑒱 𑒂 𑒞𑒏𑒩 𑒏𑒰𑒩𑒝 𑒁𑒕𑒱 𑒯𑒳𑒢𑒏 𑒠𑒵𑒭𑓂𑒙𑒱 𑒂 𑒂𑒃𑒛𑒱𑒨𑒼𑒪𑒼𑒖𑒲𑒏 𑒤𑒩𑒱𑒔𑓂𑒕 𑒢𑒻 𑒯𑒋𑒥 𑒂 𑒞𑒹𑒿 𑒠𑒼𑒮𑒩𑒰𑒏 𑒮𑒧𑒰𑒪𑒼𑒔𑒢𑒰 𑒍 𑒥𑒩𑓂𑒠𑒰𑒮𑓂𑒞 𑒢𑒻 𑒏𑓄 𑒮𑒏𑒻 𑒕𑒟𑒱। 𑒫𑒱𑒠𑒹𑒯𑒏 𑒮𑒧𑓂𑒣𑒰𑒠𑒏𑒲𑒨𑒣𑒩 𑒯𑒳𑒢𑒏𑒩 𑒍 𑒙𑒱𑒣𑓂𑒣𑒝𑒲 𑒂𑒋𑒪 𑒕𑒪 𑒖𑒏𑒩 𑒖𑒫𑒰𑒥 𑒍 𑒁𑒫𑒱𑒢𑒰𑒬 (𑒂𑒥 𑒁𑒫𑒱𑒢𑒰𑒬 𑒠𑒰𑒮)𑒏 𑒤𑒹𑒮𑒥𑒳𑒏 𑒫𑒰𑒪𑒣𑒩 𑒠𑒹𑒢𑒹 𑒩𑒯𑒟𑒱𑒢𑓂𑒯।
𑒍𑒯𑒲 𑒮𑒧𑓂𑒣𑒰𑒠𑒏𑒲𑒨𑒏 𑒩𑒹𑒮𑓂𑒣𑒰𑒢𑓂𑒮𑒧𑒹 𑒑𑓀𑒑𑒹𑒬 𑒑𑒳𑓀𑒖𑒢 𑒖𑒲 𑒪𑒱𑒐𑒢𑒹 𑒩𑒯𑒟𑒱 𑒖𑒹 𑒨𑒳𑒫𑒰 𑒮𑒳𑒦𑒰𑒭 𑒔𑒢𑓂𑒠𑓂𑒩𑒏 𑒄 𑒑𑒣 𑒖𑒹 "𑒑𑓀𑒑𑒹𑒬 𑒑𑒳𑓀𑒖𑒢 𑒣𑒰𑒿𑒔 𑒮𑒰𑒪 𑒣𑒯𑒱𑒢𑒹 𑒏𑒧𑒰𑒢𑒲 𑒂𑒛𑒲𑒙𑒼𑒩𑒱𑒨𑒧𑒧𑒹 𑒏𑒯𑒢𑒹 𑒩𑒯𑒟𑒱 𑒖𑒹 𑒍 𑒯𑒱𑒢𑓂𑒠𑒲𑒧𑒹 𑒪𑒱𑒐𑒻 𑒕𑒟𑒱 𑒧𑒳𑒠𑒰 𑒧𑒻𑒟𑒱𑒪𑒲𑒥𑒪𑒰 𑒮𑒦 𑒯𑒳𑒢𑒏𑒰 𑒣𑒳𑒩𑒮𑓂𑒏𑒵𑒞 𑒏𑓄 𑒠𑒹𑒪𑒏𑒢𑓂𑒯𑒱" 𑒮𑒞 𑒢𑒻 𑒁𑒕𑒱, 𑒍 𑒏𑒯𑒪𑒢𑓂𑒯𑒱 𑒖𑒹 𑒍 𑒄 𑒢𑒻 𑒥𑒰𑒖𑒪 𑒕𑒟𑒱, 𑒮𑒳𑒦𑒰𑒭 𑒔𑒢𑓂𑒠𑓂𑒩 𑒋𑒏𑒩 𑒅𑒞𑓂𑒞𑒩 𑒢𑒻 𑒠𑒹𑒪𑒟𑒱 𑒮𑒹 𑒑𑒳𑓀𑒖𑒢 𑒖𑒲𑒏 𑒑𑒣 𑒧𑒰𑒢𑒪 𑒖𑒰𑒋𑒞। 𑒛𑒰. 𑒡𑒢𑒰𑒏𑒩 𑒚𑒰𑒏𑒳𑒩 𑒮𑒹𑒯𑒼 𑒮𑒰𑒯𑒱𑒞𑓂𑒨 𑒁𑒏𑒰𑒠𑒹𑒧𑒲𑒣𑒩 𑒂𑓀𑒑𑒳𑒩 𑒅𑒚𑒹𑒥𑒰𑒮𑒿 𑒠𑒳𑒐𑒲 𑒩𑒯𑒟𑒱 𑒂 𑒫𑒱𑒠𑒹𑒯𑒏 𑒮𑒯-𑒮𑒧𑓂𑒣𑒰𑒠𑒏 𑒬𑓂𑒩𑒲 𑒅𑒧𑒹𑒬 𑒧𑒝𑓂𑒛𑒪 𑒖𑒲 𑒏𑒹𑒿 𑒏𑒋𑒏𑒙𑒰 𑒧𑒹𑒪 𑒣𑒚𑒹𑒪𑒢𑓂𑒯𑒱। 𑒍 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪 𑒂 𑒅𑒧𑒹𑒬 𑒧𑒝𑓂𑒛𑒪𑒏 𑒁𑒮𑒪𑒲 𑒧𑒰𑒢𑒏𑒲𑒏𑒵𑒞 𑒦𑒰𑒭𑒰𑒏 𑒣𑒏𑓂𑒭𑒧𑒹 𑒢𑒻 𑒕𑒟𑒱, 𑒦𑒰𑒭𑒰 𑒫𑒱𑒖𑓂𑒘𑒰𑒢𑒣𑒩 𑒖𑒐𑒢 𑒅𑒧𑒹𑒬 𑒧𑓀𑒛𑒪 𑒥𑒯𑒮𑒏 𑒣𑓂𑒩𑒰𑒩𑒧𑓂𑒦 𑒏𑒹𑒪𑒢𑓂𑒯𑒱 𑒞𑒿 𑒍 𑒁𑒣𑒢𑒰𑒏𑒹𑒿 𑒛𑒰𑒏𑓂𑒙𑒩 𑒥𑒢𑒰 𑒪𑒹𑒪𑒢𑓂𑒯𑒱 𑒂 𑒥𑒯𑒮𑒧𑒹 𑒦𑒰𑒑 𑒢𑒻 𑒪𑒹𑒪𑒢𑓂𑒯𑒱। 𑒧𑒹𑒪𑒏 𑒁𑒞𑒱𑒩𑒱𑒏𑓂𑒞 𑒯𑒖𑒰𑒩𑒲𑒥𑒰𑒑𑒏 "𑒮𑒑𑒩 𑒩𑒰𑒞𑒱 𑒠𑒲𑒣 𑒖𑒩𑒨"𑒧𑒹 𑒍 𑒂 𑒥𑒯𑒳𑒞𑒼 𑒑𑒼𑒙𑒹 𑒏𑒯𑒻𑒞 𑒮𑒳𑒢𑒪 𑒑𑒹𑒪𑒰𑒯- 𑒋𑒢𑒰 𑒢𑒻 𑒪𑒱𑒐𑒴, 𑒁𑒬𑒼𑒏-𑒬𑓂𑒩𑒲𑒢𑒱𑒫𑒰𑒮 𑒂𑒠𑒱 𑒮𑒢 𑒪𑒱𑒐𑒴, 𑒣𑒯𑒱𑒢𑒹 𑒣𑒜𑓃𑒴 𑒞𑒐𑒢 𑒍𑒯𑒢𑒹 𑒪𑒱𑒐𑒴 (𑒄 𑒧𑒰𑒢𑒱 𑒏𑓄 𑒍 𑒮𑒦 𑒔𑒪𑒻 𑒕𑒟𑒱 𑒖𑒹 𑒍 𑒮𑒦 𑒥𑒱𑒢 𑒣𑒜𑓃𑒢𑒹 𑒪𑒱𑒐𑒻 𑒕𑒟𑒱!)। 𑒥𑒹𑒢𑒲𑒣𑒳𑒩𑒲𑒏 "𑒁𑒧𑓂𑒥𑒰𑒣𑒰𑒪𑒲" 𑒢𑒰𑒙𑒏 𑒯𑒱𑒢𑓂𑒠𑒲𑒧𑒹 𑒕𑒻, 𑒋𑒢.𑒮𑒲.𑒄.𑒂𑒩.𑒙𑒲. 𑒍𑒏𑒩𑒰 𑒮𑓂𑒏𑒴𑒪𑒏 𑒣𑒰𑒚𑓂𑒨𑒏𑓂𑒩𑒧𑒧𑒹 𑒪𑒑𑒹𑒪𑒏 𑒧𑒳𑒠𑒰 𑒮𑒧𑓂𑒣𑒰𑒠𑒏 𑒏𑒯𑒪𑒢𑓂𑒯𑒱 𑒖𑒹 "𑒏𑓂𑒩𑒱𑒨𑒰 ’𑒯𑒻’ 𑒏 𑒁𑒢𑒳𑒣𑒮𑓂𑒟𑒱𑒞𑒱" 𑒖𑒹𑒢𑒰 "𑒫𑒯 𑒖𑒰 𑒩𑒯𑒰", 𑒥𑒹𑒢𑒲𑒣𑒳𑒩𑒲𑒣𑒩 𑒮𑓂𑒟𑒰𑒢𑒲𑒨 𑒏𑓂𑒭𑒹𑒞𑓂𑒩𑒏 𑒣𑓂𑒩𑒦𑒰𑒫𑒏 𑒣𑒩𑒱𑒝𑒰𑒧 𑒁𑒕𑒱 𑒂 𑒞𑒹𑒿 𑒮𑒧𑓂𑒣𑒰𑒠𑒏 𑒧𑒝𑓂𑒛𑒪 𑒍𑒏𑒩 𑒌𑒞𑒱𑒯𑒰𑒮𑒱𑒏𑒞𑒰𑒏𑒹𑒿 𑒠𑒹𑒐𑒻𑒞 𑒮𑓂𑒏𑒴𑒪𑒲 𑒣𑒰𑒚𑓂𑒨𑒏𑓂𑒩𑒧𑒧𑒹 𑒩𑒯𑒪𑒰𑒏 𑒥𑒰𑒠𑒼 𑒍𑒏𑒩𑒰 𑒮𑒧𑓂𑒣𑒰𑒠𑒱𑒞 𑒢𑒻 𑒏𑓄 𑒩𑒯𑒪 𑒁𑒕𑒱। 𑒧𑒳𑒠𑒰 𑒖𑒐𑒢 𑒅𑒧𑒹𑒬 𑒧𑒝𑓂𑒛𑒪/ 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪/ 𑒩𑒰𑒧 𑒫𑒱𑒪𑒰𑒮 𑒮𑒰𑒯𑒴 𑒪𑒱𑒐𑒻 𑒕𑒟,𑒱 𑒍 𑒖𑒰𑒃𑒞, 𑒍 𑒐𑒰𑒃𑒞, 𑒞𑒿 "𑒮𑒑𑒩 𑒩𑒰𑒞𑒱"𑒧𑒹 𑒦𑒰𑒭𑒰-𑒫𑒱𑒖𑓂𑒘𑒰𑒢𑒮𑒿 𑒁𑒢𑒦𑒱𑒖𑓂𑒘 𑒫𑒱𑒬𑒹𑒭𑒖𑓂𑒘 𑒮𑒦 𑒏𑒱𑒕𑒳 𑒋𑒯𑒹𑒢 𑒮𑒪𑒰𑒯 𑒠𑓄 𑒠𑒻 𑒕𑒟𑒱 𑒖𑒹 𑒧𑒻𑒟𑒱𑒪𑒲𑒏 𑒧𑒴𑒪 𑒫𑒱𑒬𑒹𑒭𑒞𑒹 𑒑𑒾𑒝 𑒣𑒛𑓃𑒱 𑒖𑒰𑒋, 𑒧𑒻𑒟𑒱𑒪𑒲𑒮𑒿 𑒣𑓂𑒩𑒦𑒰𑒫𑒱𑒞 𑒥𑒹𑒢𑒲𑒣𑒳𑒩𑒲𑒏 𑒯𑒱𑒢𑓂𑒠𑒲, 𑒋𑒢.𑒮𑒲.𑒄.𑒂𑒩.𑒙𑒲.𑒏 𑒮𑒧𑓂𑒣𑒰𑒠𑒏𑒮𑒿 𑒧𑒻𑒟𑒱𑒪𑒲𑒏 𑒢𑒰𑒧𑒣𑒩 𑒥𑒔𑒱 𑒖𑒰𑒃𑒞 𑒁𑒕𑒱, 𑒧𑒳𑒠𑒰 𑒧𑒻𑒟𑒱𑒪𑒲𑒧𑒹 𑒣𑒮𑒩𑒪 𑒖𑒰𑒞𑒱𑒫𑒰𑒠 𑒍𑒏𑒩𑒰 𑒢𑒻 𑒕𑒼𑒛𑓃𑒥𑒰𑒣𑒩 𑒥𑒱𑒩𑓂𑒞 𑒁𑒕𑒱। 𑒮𑒹 𑒖𑒰𑒞𑒱𑒫𑒰𑒠𑒲 𑒧𑒰𑒢𑒮𑒱𑒏𑒞𑒰 𑒮𑒲.𑒂𑒃.𑒂𑒃.𑒋𑒪.𑒏 𑒁𑒢𑒳𑒫𑒰𑒠 𑒧𑒱𑒬𑒢𑒏 𑒣𑒩𑒱𑒝𑒰𑒧𑒏𑒹𑒿 𑒮𑒹𑒯𑒼 𑒦𑒨𑓀𑒏𑒩 𑒩𑒴𑒣𑒹𑒿 𑒣𑓂𑒩𑒦𑒰𑒫𑒱𑒞 𑒏𑒩𑒞, 𑒏𑒰𑒩𑒝 𑒍𑒃𑒧𑒹 𑒕𑒠𑓂𑒧 𑒧𑒰𑒢𑒏𑒲𑒏𑒩𑒝𑒏 𑒂𑒡𑒰𑒩𑒣𑒩 𑒁𑒢𑒳𑒫𑒰𑒠 𑒏𑒰𑒩𑓂𑒨𑒬𑒰𑒪𑒰 𑒂𑒨𑒼𑒖𑒱𑒞 𑒦𑓄 𑒩𑒯𑒪 𑒁𑒕𑒱। 𑒧𑒻𑒟𑒱𑒪𑒲𑒏 𑒞𑒟𑒰𑒏𑒟𑒱𑒞 𑒮𑓂𑒟𑒰𑒣𑒱𑒞/ 𑒣𑒳𑒩𑒮𑓂𑒏𑒵𑒞 𑒮𑒰𑒯𑒱𑒞𑓂𑒨𑒏𑒰𑒩 𑒨𑒰𑒫𑒞 𑒁𑒮𑒪 𑒧𑒰𑒢𑒏𑒲𑒏𑒩𑒝𑒏𑒹𑒿 𑒢𑒻 𑒣𑒏𑒛𑓃𑒞𑒰𑒯, 𑒯𑒳𑒢𑒏𑒩 𑒁𑒮𑓂𑒞𑒱𑒞𑓂𑒫 𑒅𑒣𑒩𑒼𑒏𑓂𑒞 𑒩𑒰𑒏𑓂𑒭𑒮𑒲 𑒣𑓂𑒩𑒞𑒱𑒦𑒰 (𑒫𑒱𑒭𑒨-𑒫𑒮𑓂𑒞𑒳 𑒂 𑒦𑒰𑒭𑒰 𑒠𑒳𑒢𑒴 𑒠𑒵𑒭𑓂𑒙𑒱𑒏𑒼𑒝𑒮𑒿) 𑒮𑒦𑒏 𑒮𑒼𑒗𑒰𑒿𑒧𑒹 𑒧𑒪𑒱𑒕𑒾𑒢𑒹 𑒩𑒯𑒞।
𑓑.𑒖𑒰𑒞𑒱𑒫𑒰𑒠𑒲 𑒧𑒰𑒢𑒮𑒱𑒏𑒞𑒰 𑒧𑒰𑒢𑒹 𑒖𑒹 𑒏𑒹𑒪𑒏 𑒮𑒹 𑒯𑒧𑒩 𑒂𑒢𑒳𑒫𑓀𑒬𑒱𑒏 𑒖𑒰𑒞𑒱 𑒏𑒹𑒪𑒏, 𑒮𑒹 𑒏𑒏𑒩𑒼𑒧𑒹 𑒦𑓄 𑒮𑒏𑒻𑒋।
𑒕𑒠𑓂𑒧 𑒧𑒰𑒢𑒏𑒲𑒏𑒩𑒝: 𑒋𑒏𑒙𑒰 𑒐𑒰𑒮 𑒖𑒰𑒞𑒱𑒫𑒰𑒠𑒲 𑒮𑓂𑒏𑒴𑒪𑒏 𑒫𑒱𑒔𑒰𑒩𑒏𑒹𑒿 𑒣𑓂𑒩𑒬𑓂𑒩𑒨 𑒠𑒹𑒪𑒰𑒏 𑒣𑒩𑒱𑒝𑒰𑒧, 𑒖𑒹 𑒋𑒏𑒰𑒡 𑒏𑒱𑒞𑒰𑒥 𑒮𑒲.𑒂𑒃.𑒂𑒃.𑒋𑒪. 𑒧𑒻𑒟𑒱𑒪𑒲𑒧𑒹 𑒢𑒱𑒏𑒰𑒪𑒪𑒏 𑒁𑒕𑒱 𑒂 𑒖𑒃 𑒞𑒩𑒯𑒹𑒿 𑒍𑒏𑒩 𑒧𑒰𑒢𑒏𑒲𑒏𑒩𑒝 𑒣𑓂𑒩𑒼𑒖𑒹𑒏𑓂𑒙 𑒮𑒰𑒪𑒏 𑒮𑒰𑒪𑒮𑒿 𑒥𑒱𑒢𑒰 𑒣𑒩𑒱𑒝𑒰𑒧𑒏 𑒔𑒪𑒱 𑒩𑒯𑒪 𑒕𑒻।
𑒁𑒮𑒪 𑒧𑒰𑒢𑒏𑒲𑒏𑒩𑒝: 𑒧𑒱𑒟𑒱𑒪𑒰𑒏 𑒮𑒦 𑒏𑓂𑒭𑒹𑒞𑓂𑒩𑒏 𑒮𑒦 𑒖𑒰𑒞𑒱𑒏 𑒥𑒰𑒖𑒪 𑒖𑒰𑒋𑒥𑒪𑒰 𑒧𑒻𑒟𑒱𑒪𑒲𑒏 𑒂𑒡𑒰𑒩𑒣𑒩 𑒑𑒯𑒢 𑒫𑒱𑒔𑒰𑒩 𑒫𑒱𑒧𑒩𑓂𑒬𑒮𑒿 𑒥𑒢𑒰𑒍𑒪 𑒧𑒰𑒢𑒏𑒲𑒏𑒵𑒞 𑒧𑒻𑒟𑒱𑒪𑒲। 𑒋𑒏𑒩 𑒥𑒰𑒢𑒑𑒲 𑒌 𑒪𑒱𑓀𑒏 https://sites.google.com/a/videha.com/videha-pothi/ 𑒣𑒩 𑒠𑒹𑒪 𑒥𑒹𑒔𑒢 𑒚𑒰𑒏𑒳𑒩/ 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪 𑒂𑒠𑒱𑒏 𑒩𑒔𑒢𑒰𑒧𑒹 𑒦𑒹𑒙𑒞। 𑒤𑒲𑒪𑓂𑒛𑒫𑒩𑓂𑒏 𑒌 𑒪𑒱𑓀𑒏 https://sites.google.com/a/videha.com/videha-audio/ 𑒣𑒩 𑒠𑒹𑒪 -𑒧𑒱𑒟𑒱𑒪𑒰𑒏 𑒮𑒦 𑒖𑒰𑒞𑒱 𑒂 𑒡𑒩𑓂𑒧𑒏 𑒮𑓀𑒮𑓂𑒏𑒰𑒩, 𑒪𑒼𑒏𑒑𑒲𑒞 𑒂 𑒫𑓂𑒨𑒫𑒯𑒰𑒩 𑒑𑒲𑒞 (𑒮𑒾𑒖𑒢𑓂𑒨: 𑒅𑒧𑒹𑒬 𑒧𑓀𑒛𑒪)- 𑓔𑓖 𑒙𑒰 𑒂𑒛𑒱𑒨𑒼 𑒤𑒰𑒃𑒪𑒧𑒹 𑒦𑒹𑒙𑒞 𑒂 𑒌 𑒪𑒱𑓀𑒏𑒏 https://sites.google.com/a/videha.com/videha-video/
- 𑒧𑒱𑒟𑒱𑒪𑒰𑒏 𑒮𑒦 𑒖𑒰𑒞𑒱 𑒂 𑒡𑒩𑓂𑒧𑒏 𑒮𑓀𑒮𑓂𑒏𑒰𑒩, 𑒪𑒼𑒏𑒑𑒲𑒞 𑒂 𑒫𑓂𑒨𑒫𑒯𑒰𑒩 𑒑𑒲𑒞 (𑒮𑒾𑒖𑒢𑓂𑒨: 𑒅𑒧𑒹𑒬 𑒧𑓀𑒛𑒪) - 𑓔𑓔 𑒙𑒰 𑒫𑒲𑒛𑒱𑒨𑒼 𑒤𑒰𑒃𑒪𑒧𑒹 𑒦𑒹𑒙𑒞 𑒞𑒟𑒰 𑓒𑓐𑓐𑓐 𑒣𑒰𑒚𑒏𑒏 𑒫𑒱𑒔𑒰𑒩𑒣𑒩 𑒂𑒡𑒰𑒩𑒱𑒞 𑒮𑒰𑒩𑒰𑓀𑒬 𑒌 𑒪𑒱𑓀𑒏𑒣𑒩 http://www.videha.co.in/new_page_13.htm 𑒦𑒹𑒙𑒞। 𑒂𑒛𑒱𑒨𑒼 𑒂 𑒫𑒲𑒛𑒱𑒨𑒼 𑒤𑒰𑒃𑒪 𑒧𑒯𑒹𑒢𑓂𑒠𑓂𑒩 𑒧𑒪𑓀𑒑𑒱𑒨𑒰 𑒠𑓂𑒫𑒰𑒩𑒰 “𑒏𑒰𑒚𑒏 𑒪𑒼𑒏” 𑒂 “𑒍𑒏𑒩 𑒂𑓀𑒑𑒢𑒏 𑒥𑒰𑒩𑒯𑒧𑒰𑒮𑒰” 𑒠𑓂𑒫𑒰𑒩𑒰 𑒣𑓂𑒩𑒔𑒰𑒩𑒱𑒞 𑒬𑒼𑒪𑓂𑒏𑒢𑓂𑒯𑒏 𑒏𑒟𑒱𑒞 (𑒃𑒖𑒰𑒠 𑒏𑒋𑒪) 𑒧𑒻𑒟𑒱𑒪𑒲𑒣𑒩 𑒁𑒢𑓂𑒞𑒱𑒧 𑒣𑓂𑒩𑒯𑒰𑒩 𑒁𑒕𑒱।
𑒩𑒰𑒏𑓂𑒭𑒮𑒲 𑒣𑓂𑒩𑒞𑒱𑒦𑒰: 𑒣𑒴𑒩𑒰 𑒥𑓂𑒩𑒰𑒯𑓂𑒧𑒝𑒫𑒰𑒠𑒲 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏𑒰𑒩𑒏 𑒁𑒣𑒚𑒱𑒞 𑒠𑒳𑒢𑒱𑒨𑒰𑒿 𑒋𑒏 𑒠𑒱𑒮 𑒂 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪, 𑒩𑒰𑒖𑒠𑒹𑒫 𑒧𑒝𑓂𑒛𑒪, 𑒥𑒹𑒔𑒢 𑒚𑒰𑒏𑒳𑒩𑒏 𑒣𑒚𑒱𑒞 𑒠𑒳𑒢𑒱𑒨𑒰𑒿 𑒠𑒼𑒮𑒩 𑒠𑒱𑒮, 𑒖𑒏𑒩𑒰 𑒥𑓂𑒩𑒰𑒯𑓂𑒧𑒝𑒫𑒰𑒠𑒲 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏𑒰𑒩 𑒪𑒼𑒏𑒢𑒱 “𑒩𑒰𑒏𑓂𑒭𑒮𑒲 𑒣𑓂𑒩𑒞𑒱𑒦𑒰” 𑒮𑒧𑓂𑒦𑒫𑒞𑓁 𑒂𑒪𑒼𑒔𑒢𑒰𑒞𑓂𑒧𑒏 𑒩𑒴𑒣𑒧𑒹 𑒏𑒯𑒞𑒰𑒯/ 𑒏𑒯𑒻 𑒕𑒟𑒱 𑒧𑒳𑒠𑒰 𑒯𑒧𑒩𑒰 𑒧𑒼𑒢𑒹 𑒍 𑒯𑒳𑒢𑒏𑒰 𑒮𑒦𑒏 𑒯𑒰𑒩𑒱𑒏 𑒬𑒳𑒩𑒳𑒂𑒞 𑒁𑒕𑒱।
𑓒. 𑒡𑒢𑒰𑒏𑒩 𑒖𑒲𑒏 𑒋𑒏𑒙𑒰 𑒫𑒱𑒔𑒰𑒩 𑒕𑒪𑒢𑓂𑒯𑒱 (𑒫𑒱𑒔𑒰𑒩 𑒢𑒻 𑒢𑒱𑒩𑓂𑒝𑒨 𑒕𑒪𑒢𑓂𑒯𑒱) 𑒖𑒹 𑒩𑒰𑒧𑒢𑒰𑒟𑒼𑒏 𑒥𑒠𑒪𑒰 𑒩𑒰𑒧𑒢𑒰𑒟𑒯𑒳𑒿 𑒯𑒹𑒥𑒰𑒏 𑒔𑒰𑒯𑒲!! 𑒅𑒧𑒹𑒬 𑒧𑒝𑓂𑒛𑒪 𑒂 𑒡𑒢𑒰𑒏𑒩 𑒚𑒰𑒏𑒳𑒩𑒏 𑒣𑒴𑒩𑓂𑒝 𑒥𑒯𑒮 𑒫𑒱𑒠𑒹𑒯𑒏 𑓘𑓔𑒧 𑒁𑓀𑒏𑒏 𑒮𑒧𑓂𑒣𑒰𑒠𑒏𑒲𑒨𑒧𑒹 𑒂𑒋𑒪 𑒁𑒕𑒱।

𑓓.𑒫𑒱𑒠𑒹𑒯𑒏 𑒢𑒴𑒞𑒢 𑒁𑓀𑒏𑒧𑒹 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒏 𑒠𑒲𑒩𑓂𑒒 𑒏𑒟𑒰 𑒬𑒧𑓂𑒦𑒴𑒠𑒰𑒮 𑒂𑒋𑒪 𑒁𑒕𑒱, 𑒍𑒏𑒩 𑒠𑒼𑒮𑒩 𑒣𑒰𑒩𑒰 𑒠𑒹𑒐𑒪 𑒖𑒰𑒋:- “𑒖𑒯𑒱𑒢𑒰 𑒥𑒰𑒡-𑒫𑒼𑒢𑒏 𑒍𑒯𑒢 𑒣𑒩𑒞𑒲 𑒖𑒃𑒣𑒩 𑒏𑒯𑒱𑒨𑒼 𑒯𑒩-𑒏𑒼𑒠𑒰𑒩𑒱 𑒢𑒻 𑒔𑒪𑒪 𑒮𑒳𑒐𑒱-𑒮𑒳𑒐𑒱 𑒑𑒰𑒱𑒕-𑒫𑒱𑒩𑒱𑒕 𑒐𑒮𑒱 𑒅𑒮𑒩 𑒦𑓄 𑒖𑒰𑒃𑒞, 𑒍𑒃 𑒣𑒩𑒞𑒲𑒣𑒩 𑒨𑒰 𑒞𑒿 𑒔𑒱𑒛𑓃𑒻-𑒔𑒳𑒢𑒧𑒳𑒢𑒲𑒏 𑒧𑒰𑒡𑓂𑒨𑒧𑒮𑒿 𑒫𑒰 𑒯𑒫𑒰-𑒣𑒰𑒢𑒱𑒏 𑒧𑒰𑒡𑓂𑒨𑒧𑒮𑒿 𑒁𑒢𑒹𑒩𑒴𑒂 𑒤𑒴𑒪-𑒤𑒛𑓃𑒏 𑒑𑒰𑒕 𑒖𑒢𑒧𑒱 𑒩𑒾𑒠-𑒫𑒮𑒰𑒞, 𑒣𑒰𑒢𑒱-𑒣𑒰𑒟𑒩, 𑒁𑒢𑓂𑒯𑒩-𑒫𑒱𑒯𑒰𑒛𑓃𑒱 𑒮𑒯𑒱 𑒁𑒣𑒢 𑒖𑒳𑒂𑒢𑒲 𑒣𑒰𑒥𑒱 𑒕𑒰𑒞𑒲 𑒐𑒼𑒪𑒱 𑒥𑒰𑒙-𑒥𑒙𑒼𑒯𑒲𑒏𑒹𑒿 𑒁𑒣𑒢 𑒧𑒲𑒚 𑒮𑒳𑒂𑒠𑒮𑒿 𑒞𑒵𑒣𑓂𑒞𑒱 𑒏𑒩𑒻𑒞 𑒞𑒯𑒱𑒢𑒰 𑒖𑒧𑒳𑒢𑒰 𑒢𑒠𑒲𑒏 𑒞𑒙𑒣𑒩 𑒬𑓀𑒦𑒴𑒠𑒰𑒮𑒏 𑒖𑒢𑓂𑒧 𑒥𑒙𑒰𑒃-𑒏𑒱𑒮𑒰𑒢 𑒣𑒩𑒱𑒫𑒰𑒩𑒧𑒹 𑒦𑒹𑒪𑒢𑒱।”
𑒏𑒲 𑒋𑒞𑒋 “𑒖𑒰𑒃𑒞” "𑒏𑒩𑒻𑒞" 𑒏 𑒥𑒰𑒠 𑒁𑒕𑒱 𑒠𑒹𑒥 𑒂𑒫𑒬𑓂𑒨𑒏 𑒕𑒻𑒏?
𑓔.𑒏𑒱𑒕𑒳 𑒫𑒱𑒔𑒰𑒩 𑒙𑒱𑒣𑓂𑒣𑒝𑒲: 𑒧𑒻𑒟𑒱𑒪𑒲 𑒮𑒧𑓂𑒥𑒢𑓂𑒡𑒲 𑒏𑒱𑒕𑒳 𑒮𑒧𑒰𑒔𑒰𑒩 / 𑒒𑒙𑒢𑒰/ 𑒣𑓂𑒩𑒏𑒰𑒬𑒢 𑒣𑒩 𑒔𑒰𑒩𑒱𑒙𑒰 𑒫𑒱𑒔𑒰𑒩-𑒙𑒱𑒣𑓂𑒣𑒝𑒲—𑒌 𑒮𑒢𑓂𑒠𑒩𑓂𑒦𑒧𑒹।
𑒮𑒲.𑒂𑒃.𑒂𑒃.𑒋𑒪.𑒏 𑒁𑒢𑒳𑒫𑒰𑒠 𑒧𑒱𑒬𑒢𑒏 𑒂𑒩𑒧𑓂𑒦𑒱𑒏 𑒧𑒹𑒯𑒢𑒞𑒱 𑒁𑒣𑒚𑒱𑒞 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒮𑒰𑒯𑒱𑒞𑓂𑒨𑒏𑒰𑒩𑒏 𑒏𑒰𑒩𑓂𑒨𑒬𑒰𑒪𑒰 𑒁𑒕𑒱, 𑒍𑒏𑒩𑒰 𑒣𑒰𑒚𑒏𑒮𑒿 𑒏𑒼𑒢𑒼 𑒧𑒞𑒪𑒥 𑒢𑒻 𑒕𑒻 𑒂 𑒢𑒹 𑒁𑒮𑒪 𑒣𑒚𑒱𑒞 𑒮𑒰𑒯𑒱𑒞𑓂𑒨𑒏𑒰𑒩𑒏 𑒮𑒰𑒯𑒱𑒞𑓂𑒨𑒮𑒿। 𑒮𑒹 𑒍𑒏𑒩 𑒣𑒩𑒱𑒝𑒰𑒧 𑒫𑒋𑒯 𑒯𑒹𑒞𑒻 𑒖𑒹 𑒮𑒰𑒯𑒱𑒞𑓂𑒨 𑒁𑒏𑒰𑒠𑒹𑒧𑒲𑒏 𑒕𑒻। 𑒁𑒧𑒩𑒖𑒲 𑒪𑒱𑒐𑒻 𑒕𑒟𑒱- 𑒮𑒰𑒯𑒱𑒞𑓂𑒨 𑒁𑒏𑒰𑒠𑒹𑒧𑒲𑒏 𑒣𑒼𑒟𑒲 𑒮𑒦 𑒑𑒼𑒠𑒰𑒧𑒧𑒹 𑒮𑒛𑓃𑒱 𑒩𑒯𑒪 𑒕𑒻।















𑒧𑒻𑒟𑒱𑒪𑒲 𑒪𑒹𑒪 𑒋𑒏𑒙𑒰 𑒁𑒢𑒳𑒫𑒰𑒠 𑒮𑒱𑒠𑓂𑒡𑒰𑒢𑓂𑒞
𑒑𑒳𑒝𑒰𑒜𑓂𑒨𑒏 𑒣𑒻𑒬𑒰𑒔𑒲 𑒦𑒰𑒭𑒰𑒏 𑒫𑒵𑒯𑒞𑓂 𑒏𑒟𑒰𑒏 𑒏𑓂𑒭𑒹𑒧𑒹𑒢𑓂𑒠𑓂𑒩𑒏 𑒏𑒟𑒰 𑒧𑓀𑒖𑒩𑒲 𑒫𑒰 𑒮𑒼𑒧𑒠𑒹𑒫𑒏 𑒏𑒟𑒰𑒮𑒩𑒱𑒞𑓂𑒮𑒰𑒑𑒩𑒏 𑒁𑒢𑒳𑒫𑒰𑒠 𑒯𑒼𑒋𑒥𑒰𑒏 𑒏𑒟𑒰 𑒏𑒟𑒰 𑒏𑒯𑒥𑒰𑒏 𑒬𑒻𑒪𑒲 𑒮𑒹𑒯𑒼 𑒦𑓄 𑒮𑒏𑒻𑒋 𑒧𑒳𑒠𑒰 𑒄 𑒁𑒢𑒳𑒫𑒰𑒠𑒏 𑒏𑒟𑒰𑒏 𑒣𑓂𑒩𑒰𑒩𑒧𑓂𑒦 𑒞𑒿 𑒏𑒯𑒱𑒞𑒹 𑒁𑒕𑒱।
𑒁𑒢𑒳𑒫𑒰𑒠𑒏 𑒃𑒞𑒱𑒯𑒰𑒮 𑒥𑒛𑓂𑒛 𑒣𑒳𑒩𑒰𑒢 𑒕𑒻। 𑒏𑒼𑒢𑒼 𑒣𑓂𑒩𑒰𑒔𑒲𑒢 𑒦𑒰𑒭𑒰 𑒖𑒹𑒢𑒰 𑒮𑓀𑒮𑓂𑒏𑒵𑒞, 𑒁𑒫𑒹𑒮𑓂𑒞𑒰, 𑒑𑓂𑒩𑒲𑒏 𑒂 𑒪𑒻𑒙𑒱𑒢𑒏 𑒏𑒼𑒢𑒼 𑒏𑒰𑒪𑒖𑒨𑒲 𑒏𑒵𑒞𑒱 𑒖𑒐𑒢 𑒠𑒳𑒩𑒴𑒯 𑒯𑒹𑒥𑓄 𑒪𑒰𑒑𑒪 𑒞𑒿 𑒍𑒃𑒣𑒩 𑒔𑒰𑒯𑒹 𑒞𑒿 𑒦𑒰𑒭𑓂𑒨 𑒪𑒱𑒐𑒥𑒰𑒏 𑒐𑒑𑒞𑒰𑒏 𑒁𑒢𑒳𑒦𑒫 𑒦𑒹𑒪 𑒂 𑒏𑒢𑒹𑒏 𑒂𑒩 𑒂𑒑𑒰𑒿 𑒍𑒏𑒩𑒰 𑒠𑒼𑒮𑒩 𑒦𑒰𑒭𑒰𑒧𑒹 𑒁𑒢𑒳𑒫𑒰𑒠 𑒏𑓄 𑒥𑒳𑒗𑒥𑒰𑒏 𑒐𑒑𑒞𑒰𑒏 𑒁𑒢𑒳𑒦𑒫 𑒦𑒹𑒪। 𑒣𑓂𑒩𑒰𑒔𑒲𑒢 𑒧𑒾𑒩𑓂𑒨 𑒮𑒰𑒧𑓂𑒩𑒰𑒖𑓂𑒨𑒏 𑒮𑒧𑓂𑒩𑒰𑒙 𑒁𑒬𑒼𑒏𑒏 𑒣𑒰𑒟𑒩𑒣𑒩 𑒏𑒲𑒪𑒱𑒞 𑒬𑒱𑒪𑒰𑒪𑒹𑒐 𑒮𑒦, 𑒏𑒋𑒏𑒙𑒰 𑒪𑒱𑒣𑒱 𑒂 𑒦𑒰𑒭𑒰𑒧𑒹, 𑒩𑒰𑒖𑓂𑒨𑒏 𑒂𑒠𑒹𑒬𑒏𑒹𑒿 𑒫𑒱𑒦𑒱𑒢𑓂𑒢 𑒣𑓂𑒩𑒰𑒢𑓂𑒞𑒧𑒹 𑒣𑓂𑒩𑒮𑒰𑒩𑒱𑒞 𑒏𑒹𑒪𑒏। 𑒦𑒰𑒭𑓂𑒨 𑒣𑒯𑒱𑒢𑒹 𑒧𑒴𑒪 𑒦𑒰𑒭𑒰𑒧𑒹 𑒪𑒱𑒐𑒪 𑒖𑒰𑒃𑒞 𑒕𑒪 𑒂 𑒥𑒰𑒠𑒧𑒹 𑒠𑒼𑒮𑒩 𑒦𑒰𑒭𑒰𑒧𑒹 𑒪𑒱𑒐𑒪 𑒖𑒰𑒋 𑒪𑒰𑒑𑒪।

𑒧𑒻𑒟𑒱𑒪𑒲𑒮𑒿 𑒠𑒼𑒮𑒩 𑒦𑒰𑒭𑒰 𑒂 𑒠𑒼𑒮𑒩 𑒦𑒰𑒭𑒰𑒮𑒿 𑒧𑒻𑒟𑒱𑒪𑒲𑒧𑒹 𑒁𑒢𑒳𑒫𑒰𑒠 𑒪𑒹𑒪 𑒮𑒱𑒠𑓂𑒡𑒰𑒢𑓂𑒞: 𑒧𑒻𑒟𑒱𑒪𑒲𑒮𑒿 𑒮𑒼𑒗𑒹 𑒠𑒼𑒮𑒩 𑒦𑒰𑒭𑒰𑒧𑒹 𑒁𑒢𑒳𑒫𑒰𑒠 𑒁𑒐𑒢 𑒡𑒩𑒱 𑒮𑓀𑒮𑓂𑒏𑒵𑒞, 𑒥𑒰𑓀𑒑𑓂𑒪𑒰, 𑒢𑒹𑒣𑒰𑒪𑒲, 𑒯𑒱𑒢𑓂𑒠𑒲 𑒂 𑒁𑓀𑒑𑓂𑒩𑒹𑒖𑒲 𑒡𑒩𑒱 𑒮𑒲𑒧𑒱𑒞 𑒁𑒕𑒱। 𑒞𑒯𑒱𑒢𑒰 𑒌 𑒣𑒰𑒿𑒔𑒴 𑒦𑒰𑒭𑒰𑒏 𑒮𑒼𑒗 𑒁𑒢𑒳𑒫𑒰𑒠 𑒧𑒻𑒟𑒱𑒪𑒲𑒧𑒹 𑒯𑒼𑒃𑒞 𑒁𑒕𑒱। 𑒌 𑒣𑒰𑒿𑒔 𑒦𑒰𑒭𑒰𑒏 𑒁𑒞𑒱𑒩𑒱𑒏𑓂𑒞 𑒧𑒩𑒰𑒚𑒲, 𑒧𑒪𑒨𑒰𑒪𑒧 𑒂𑒠𑒱 𑒦𑒰𑒭𑒰𑒮𑒿 𑒮𑒹𑒯𑒼 𑒮𑒼𑒗 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠 𑒦𑒹𑒪 𑒁𑒕𑒱 𑒧𑒳𑒠𑒰 𑒮𑒹 𑒢𑒑𑒝𑓂𑒨 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒁𑒢𑒳𑒫𑒰𑒠 𑒂 𑒧𑒻𑒟𑒱𑒪𑒲𑒮𑒿 𑒁𑒢𑓂𑒨 𑒦𑒰𑒭𑒰𑒧𑒹 𑒁𑒢𑒳𑒫𑒰𑒠 𑒌 𑒣𑒰𑒿𑒔𑒴 𑒦𑒰𑒭𑒰𑒏𑒹𑒿 𑒧𑒡𑓂𑒨𑒮𑓂𑒟 𑒦𑒰𑒭𑒰𑒏 𑒩𑒴𑒣𑒧𑒹 𑒪𑓄 𑒏𑓄 𑒯𑒼𑒃𑒞 𑒁𑒕𑒱। 𑒁𑒯𑒴 𑒣𑒰𑒿𑒔 𑒦𑒰𑒭𑒰𑒧𑒹 𑒯𑒱𑒢𑓂𑒠𑒲, 𑒢𑒹𑒣𑒰𑒪𑒲 𑒂 𑒁𑓀𑒑𑓂𑒩𑒹𑒖𑒲𑒏 𑒁𑒞𑒱𑒩𑒱𑒏𑓂𑒞 𑒂𑒢 𑒠𑒴 𑒦𑒰𑒭𑒰𑒏 𑒧𑒡𑓂𑒨𑒮𑓂𑒟 𑒦𑒰𑒭𑒰𑒏 𑒩𑒴𑒣𑒧𑒹 𑒣𑓂𑒩𑒨𑒼𑒑 𑒮𑒲𑒧𑒱𑒞 𑒁𑒕𑒱। 𑒁𑒢𑒳𑒫𑒰𑒠𑒮𑒿 𑒏𑒢𑒹 𑒦𑒱𑒢𑓂𑒢 𑒁𑒕𑒱 𑒩𑒴𑒣𑒰𑒢𑓂𑒞𑒩𑒝, 𑒖𑒹𑒢𑒰 𑒏𑒟𑒰𑒏 𑒢𑒰𑒙𑓂𑒨 𑒩𑒴𑒣𑒰𑒢𑓂𑒞𑒩𑒝 𑒫𑒰 𑒑𑒠𑓂𑒨𑒏 𑒣𑒠𑓂𑒨𑒧𑒹 𑒣𑒠𑓂𑒨𑒏 𑒑𑒠𑓂𑒨𑒧𑒹 𑒩𑒴𑒣𑒰𑒢𑓂𑒞𑒩𑒝। 𑒌 𑒧𑒹 𑒧𑒻𑒟𑒱𑒪𑒲𑒮𑒿 𑒧𑒻𑒟𑒱𑒪𑒲𑒧𑒹 𑒫𑒱𑒡𑒰𑒏 𑒩𑒴𑒣𑒰𑒢𑓂𑒞𑒩𑒝 𑒯𑒼𑒃𑒞 𑒁𑒕𑒱 𑒂 𑒁𑒢𑒳𑒫𑒰𑒠 𑒮𑒱𑒠𑓂𑒡𑒰𑒢𑓂𑒞𑒏 𑒖𑓂𑒘𑒰𑒢 𑒢𑒻 𑒩𑒯𑒢𑒹 𑒩𑒴𑒣𑒰𑒢𑓂𑒞𑒩𑒏𑒰𑒩 𑒁𑒩𑓂𑒟 𑒂 𑒦𑒰𑒫𑒏 𑒁𑒢𑒩𑓂𑒟 𑒏𑓄 𑒠𑒻𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒂 𑒧𑒻𑒟𑒱𑒪𑒲𑒮𑒿 𑒁𑒢𑒳𑒫𑒰𑒠𑒧𑒹 𑒞𑒿 𑒄 𑒮𑒧𑒮𑓂𑒨𑒰 𑒂𑒩 𑒫𑒱𑒏𑒙 𑒁𑒕𑒱।
𑒅𑒞𑓂𑒞𑒧 𑒁𑒢𑒳𑒫𑒰𑒠 𑒪𑒹𑒪 𑒏𑒱𑒕𑒳 𑒂𑒫𑒬𑓂𑒨𑒏 𑒞𑒞𑓂𑒞𑓂𑒫: 𑒬𑒥𑓂𑒠𑒬𑓁 𑒁𑒢𑒳𑒫𑒰𑒠 𑒏𑒩𑒥𑒰 𑒏𑒰𑒪 𑒡𑓂𑒨𑒰𑒢 𑒩𑒰𑒐𑒴 𑒖𑒹 𑒏𑒯𑒥𑒲 𑒂 𑒮𑒢𑓂𑒠𑒩𑓂𑒦𑒏 𑒧𑒴𑒪 𑒦𑒰𑒫 𑒂𑒥𑒱 𑒩𑒯𑒪 𑒁𑒕𑒱 𑒂𑒏𑒱 𑒢𑒻। 𑒬𑓂𑒥𑓂𑒠, 𑒫𑒰𑒏𑓂𑒨 𑒂 𑒦𑒰𑒭𑒰𑒏 𑒑𑒜𑓃𑒢𑒱 𑒁𑒏𑓂𑒭𑒳𑒝𑓂𑒝 𑒩𑒯𑒋 𑒮𑒹 𑒡𑓂𑒨𑒰𑒢𑒧𑒹 𑒩𑒰𑒐𑒴। 𑒧𑒴𑒪 𑒦𑒰𑒭𑒰𑒏 𑒬𑒥𑓂𑒠 𑒮𑒦 𑒖𑒿 𑒣𑓂𑒩𑒰𑒔𑒲𑒢 𑒁𑒕𑒱 𑒞𑒿 𑒁𑒢𑒴𑒠𑒱𑒞 𑒦𑒰𑒭𑒰𑒏 𑒬𑒥𑓂𑒠 𑒮𑒦𑒏𑒹𑒿 𑒮𑒹𑒯𑒼 𑒣𑒳𑒩𑒰𑒢 𑒂 𑒐𑒰𑒿𑒙𑒲 𑒩𑒰𑒐𑒴। 𑒧𑒴𑒪 𑒂 𑒁𑒢𑒴𑒠𑒱𑒞 𑒦𑒰𑒭𑒰𑒏 𑒫𑓂𑒨𑒰𑒏𑒩𑒝 𑒂 𑒬𑒥𑓂𑒠 𑒦𑒝𑓂𑒛𑒰𑒩𑒏 𑒫𑒵𑒯𑒞𑓂 𑒖𑓂𑒘𑒰𑒢 𑒋𑒞𑒋 𑒂𑒫𑒬𑓂𑒨𑒏 𑒦𑓄 𑒖𑒰𑒃𑒞 𑒁𑒕𑒱। 𑒧𑒴𑒪 𑒦𑒰𑒭𑒰𑒧𑒹 𑒧𑒳𑒿𑒯 𑒏𑒼𑒔𑒱𑒨𑒰 𑒏𑓄 𑒥𑒰𑒖𑒪 𑒩𑒰𑒧𑒢𑒰𑒟, 𑒅𑒧𑒹𑒬𑒏 𑒣𑓂𑒩𑒞𑒱 𑒮𑒧𑓂𑒥𑒼𑒡𑒢𑒏𑒹𑒿 𑒩𑒰𑒧𑒢𑒰𑒟𑒼, 𑒅𑒧𑒹𑒬𑒼𑒏 𑒥𑒠𑒪𑒰𑒧𑒹 𑒩𑒰𑒧𑒢𑒰𑒟𑒯𑒳𑒿, 𑒅𑒧𑒹𑒬𑒯𑒳𑒿 𑒏𑓄 𑒁𑒢𑒳𑒫𑒰𑒠 𑒏𑒋𑒪 𑒖𑒰𑒋𑒥 𑒅𑒔𑒱𑒞 𑒯𑒋𑒞 𑒧𑒳𑒠𑒰 𑒮𑒰𑒧𑒰𑒢𑓂𑒨 𑒣𑒩𑒱𑒮𑓂𑒟𑒱𑒞𑒱𑒧𑒹 𑒮𑒹 𑒅𑒔𑒱𑒞 𑒢𑒻 𑒯𑒋𑒞। 𑒮𑒹 𑒬𑒥𑓂𑒠, 𑒦𑒰𑒫, 𑒣𑓂𑒩𑒰𑒩𑒴𑒣𑒧𑒹 𑒮𑒹𑒯𑒼 𑒂 𑒧𑒴𑒪 𑒏𑒵𑒞𑒱𑒏 𑒠𑒹𑒬-𑒏𑒰𑒪𑒏 𑒦𑒰𑒭𑒰𑒧𑒹 𑒮𑒹𑒯𑒼 𑒮𑒧𑒰𑒢𑒞𑒰 𑒔𑒰𑒯𑒲। 𑒁𑒢𑒳𑒫𑒰𑒠𑒏𑒏𑒹𑒿 𑒧𑒴𑒪 𑒂 𑒁𑒢𑒴𑒠𑒱𑒞 𑒏𑒋𑒪 𑒖𑒰𑒋𑒥𑒪𑒰 𑒦𑒰𑒭𑒰𑒏 𑒖𑓂𑒘𑒰𑒢 𑒞𑒿 𑒯𑒹𑒥𑒰𑒏𑒹 𑒔𑒰𑒯𑒲 𑒮𑓀𑒑𑒧𑒹 𑒠𑒳𑒢𑒴 𑒦𑒰𑒭𑒰 𑒏𑓂𑒭𑒹𑒞𑓂𑒩 𑒃𑒞𑒱𑒯𑒰𑒮, 𑒦𑒴𑒑𑒼𑒪, 𑒪𑒼𑒏𑒏𑒟𑒰, 𑒏𑒯𑒥𑒲 𑒂 𑒑𑓂𑒩𑒧𑓂𑒨-𑒫𑒢𑓂𑒨 𑒂 𑒢𑒑𑓂𑒩𑒏 𑒮𑓀𑒮𑓂𑒏𑒵𑒞𑒱𑒏 𑒖𑓂𑒘𑒰𑒢 𑒮𑒹𑒯𑒼 𑒯𑒹𑒥𑒰𑒏 𑒔𑒰𑒯𑒲। 𑒄 𑒧𑒡𑓂𑒨𑒮𑓂𑒟 𑒦𑒰𑒭𑒰𑒮𑒿 𑒁𑒢𑒳𑒫𑒰𑒠 𑒏𑒩𑒥𑒰 𑒏𑒰𑒪 𑒂𑒩 𑒥𑒹𑒮𑒲 𑒧𑒯𑒞𑓂𑒫𑒣𑒴𑒩𑓂𑒝 𑒦𑓄 𑒖𑒰𑒃𑒞 𑒁𑒕𑒱। 𑒌 𑒣𑒩𑒱𑒮𑓂𑒟𑒱𑒞𑒱𑒧𑒹 “𑒠𑒳𑒢𑒴 𑒦𑒰𑒭𑒰 𑒏𑓂𑒭𑒹𑒞𑓂𑒩𑒏 𑒃𑒞𑒱𑒯𑒰𑒮, 𑒦𑒴𑒑𑒼𑒪, 𑒪𑒼𑒏𑒏𑒟𑒰, 𑒏𑒯𑒥𑒲 𑒂 𑒑𑓂𑒩𑒧𑓂𑒨-𑒫𑒢𑓂𑒨 𑒂 𑒢𑒑𑓂𑒩𑒏 𑒮𑓀𑒮𑓂𑒏𑒵𑒞𑒱𑒏 𑒖𑓂𑒘𑒰𑒢” 𑒮𑒿 𑒞𑒰𑒞𑓂𑒣𑒩𑓂𑒨 𑒁𑒢𑒴𑒠𑒱𑒞 𑒂 𑒧𑒴𑒪 𑒦𑒰𑒭𑒰 𑒏𑓂𑒭𑒹𑒞𑓂𑒩𑒮𑒿 𑒯𑒋𑒞 𑒧𑒡𑓂𑒨𑒮𑓂𑒟 𑒦𑒰𑒭𑒰 𑒏𑓂𑒭𑒹𑒞𑓂𑒩𑒮𑒿 𑒢𑒻। 𑒏𑒐𑒢𑒼 𑒏𑒰𑒪 𑒧𑒴𑒪 𑒦𑒰𑒭𑒰𑒏 𑒏𑒼𑒢𑒼 𑒦𑒰𑒭𑒰𑒮𑒿 𑒮𑒧𑓂𑒥𑒢𑓂𑒡𑒱𑒞 𑒞𑒞𑓂𑒞𑓂𑒫 𑒫𑒰 𑒑𑒋𑒩 𑒦𑒰𑒭𑒱𑒏 𑒞𑒞𑓂𑒫 (𑒮𑒰𑓀𑒮𑓂𑒏𑒵𑒞𑒱𑒏 𑒞𑒞𑓂𑒞𑓂𑒫) 𑒏 𑒮𑒯𑒲-𑒮𑒯𑒲 𑒅𑒠𑒰𑒯𑒩𑒝 𑒁𑒢𑒴𑒠𑒱𑒞 𑒦𑒰𑒭𑒰𑒧𑒹 𑒢𑒻 𑒦𑒹𑒙𑒻𑒞 𑒁𑒕𑒱 𑒂 𑒞𑒐𑒢 𑒁𑒢𑒳𑒫𑒰𑒠𑒏 𑒑𑒣𑒏𑒹𑒿 𑒢𑒧𑒩𑒰𑒥𑓄 𑒪𑒑𑒻𑒞 𑒕𑒟𑒱 𑒫𑒰 𑒍𑒃 𑒪𑒹𑒪 𑒋𑒏𑒙𑒰 𑒮𑒢𑓂𑒢𑒱𑒏𑒙 𑒬𑒥𑓂𑒠𑒰𑒫𑒪𑒲 (𑒍𑒃 𑒢𑒻 𑒦𑒹𑒙𑒪 𑒞𑒞𑓂𑒞𑓂𑒫𑒏) 𑒠𑒹𑒧𑒋 𑒪𑒑𑒻𑒞 𑒕𑒟𑒱। 𑒌 𑒣𑒩𑒱𑒮𑓂𑒟𑒱𑒞𑒱𑒧𑒹 𑒮𑒢𑓂𑒢𑒱𑒏𑒙 𑒬𑒥𑓂𑒠𑒰𑒫𑒪𑒲 𑒠𑒹𑒥𑒰𑒮𑒿 𑒢𑒲𑒏 𑒑𑒣𑒏𑒹𑒿 𑒢𑒧𑒩𑒰 𑒏𑓄 𑒥𑒳𑒗𑒰𑒋𑒥 𑒫𑒰 𑒣𑒩𑒱𑒬𑒱𑒭𑓂𑒙 𑒠𑓄 𑒍𑒏𑒩𑒰 𑒮𑓂𑒣𑒭𑓂𑒙 𑒏𑒩𑒥 𑒯𑒋𑒞। 𑒌 𑒮𑒿 𑒧𑒴𑒪 𑒦𑒰𑒭𑒰𑒮𑒿 𑒧𑒡𑓂𑒨𑒮𑓂𑒟 𑒧𑒰𑒭𑒰𑒏 𑒧𑒰𑒡𑓂𑒨𑒧𑒮𑒿 𑒏𑒋𑒪 𑒁𑒢𑒳𑒫𑒰𑒠𑒧𑒹 𑒯𑒼𑒃𑒥𑒪𑒰 𑒮𑒰𑒯𑒱𑒞𑓂𑒨𑒱𑒏 𑒒𑒰𑒙𑒰𑒏𑒹𑒿 𑒢𑓂𑒨𑒴𑒢 𑒏𑒋𑒪 𑒖𑒰 𑒮𑒏𑒞।
𑒏𑒟𑒰, 𑒏𑒫𑒱𑒞𑒰, 𑒢𑒰𑒙𑒏, 𑒅𑒣𑒢𑓂𑒨𑒰𑒮, 𑒧𑒯𑒰𑒏𑒰𑒫𑓂𑒨 (𑒑𑒲𑒞-𑒣𑓂𑒩𑒥𑒢𑓂𑒡), 𑒢𑒱𑒥𑒢𑓂𑒡, 𑒮𑓂𑒏𑒴𑒪-𑒏𑒰𑒪𑒹𑒖𑒏 𑒣𑒳𑒮𑓂𑒞𑒏, 𑒮𑓀𑒑𑒝𑒏 𑒫𑒱𑒖𑓂𑒘𑒰𑒢, 𑒮𑒧𑒰𑒖𑒬𑒰𑒮𑓂𑒞𑓂𑒩, 𑒮𑒧𑒰𑒖 𑒫𑒱𑒖𑓂𑒘𑒰𑒢 𑒂 𑒣𑓂𑒩𑒏𑒵𑒞𑒱 𑒫𑒱𑒖𑓂𑒘𑒰𑒢𑒏 𑒣𑒼𑒟𑒲𑒏 𑒁𑒢𑒳𑒫𑒰𑒠 𑒏𑒩𑒥𑒰 𑒏𑒰𑒪 𑒏𑒱𑒕𑒳 𑒫𑒱𑒬𑒹𑒭 𑒞𑒏𑒢𑒲𑒏𑒏 𑒂𑒫𑒬𑓂𑒨𑒏𑒞𑒰 𑒣𑒛𑓃𑒞। 𑒢𑒱𑒥𑒢𑓂𑒡, 𑒮𑓂𑒏𑒴𑒪-𑒏𑒰𑒪𑒹𑒖𑒏 𑒣𑒳𑒮𑓂𑒞𑒏, 𑒮𑓀𑒑𑒝𑒏 𑒫𑒱𑒖𑓂𑒘𑒰𑒢, 𑒮𑒧𑒰𑒖𑒬𑒰𑒮𑓂𑒞𑓂𑒩, 𑒮𑒧𑒰𑒖 𑒫𑒱𑒖𑓂𑒘𑒰𑒢 𑒂 𑒣𑓂𑒩𑒏𑒵𑒞𑒱 𑒫𑒱𑒖𑓂𑒘𑒰𑒢𑒏 𑒁𑒢𑒳𑒫𑒰𑒠 𑒌 𑒁𑒩𑓂𑒟𑒹𑒿 𑒮𑒩𑒪 𑒁𑒕𑒱 𑒖𑒹 𑒌 𑒮𑒦𑒧𑒹 𑒫𑒱𑒮𑓂𑒞𑒰𑒩𑒮𑒿 𑒫𑒱𑒭𑒨𑒏 𑒔𑒩𑓂𑒔𑒰 𑒯𑒼𑒃𑒞 𑒁𑒕𑒱 𑒂 𑒮𑒩𑓂𑒖𑒢𑒰𑒞𑓂𑒧𑒏 𑒮𑒰𑒯𑒱𑒞𑓂𑒨 {𑒏𑒟𑒰, 𑒏𑒫𑒱𑒞𑒰, 𑒢𑒰𑒙𑒏, 𑒅𑒣𑒢𑓂𑒨𑒰𑒮, 𑒧𑒯𑒰𑒏𑒰𑒫𑓂𑒨 (𑒑𑒲𑒞-𑒣𑓂𑒩𑒥𑒢𑓂𑒡)} 𑒏 𑒫𑒱𑒣𑒩𑒲𑒞 𑒦𑒰𑒫 𑒂 𑒮𑓀𑒮𑓂𑒏𑒵𑒞𑒱𑒏 𑒑𑒳𑒝𑒰𑓀𑒏 𑒢𑒻 𑒩𑒯𑒻𑒞 𑒁𑒕𑒱 𑒫𑒰 𑒏𑒧 𑒩𑒯𑒻𑒞 𑒁𑒕𑒱। 𑒮𑓀𑒑𑒹 𑒋𑒞𑒋 𑒣𑒰𑒚𑒏 𑒮𑒹𑒯𑒼 𑒏𑒏𑓂𑒭𑒰/ 𑒫𑒱𑒭𑒨𑒏𑒏 𑒁𑒢𑒳𑒮𑒰𑒩 𑒮𑒖𑒰𑒋𑒪 𑒩𑒯𑒻𑒞 𑒕𑒟𑒱। 𑒏𑒹𑒧𑒱𑒏𑒪 𑒢𑒰𑒧, 𑒥𑒰𑒨𑒼𑒪𑒼𑒖𑒱𑒏𑒪 𑒂 𑒥𑒼𑒙𑒹𑒢𑒱𑒏𑒪 𑒥𑒰𑒃𑒢𑒩𑒲 𑒢𑒰𑒧 𑒂 𑒂𑒢 𑒮𑒦 𑒮𑒱𑒧𑓂𑒥𑒪 𑒂𑒠𑒱 𑒖𑒹 𑒫𑒱𑒬𑒱𑒭𑓂𑒙 𑒁𑒢𑓂𑒞𑒩𑓂𑒩𑒰𑒭𑓂𑒙𑓂𑒩𑒲𑒨 𑒮𑓀𑒮𑓂𑒟𑒰 𑒮𑒦 𑒠𑓂𑒫𑒰𑒩𑒰 𑒮𑓂𑒫𑒲𑒏𑒵𑒞 𑒁𑒕𑒱 𑒞𑒏𑒩 𑒣𑒩𑒱𑒫𑒩𑓂𑒞𑒢 𑒫𑒰 𑒁𑒢𑒳𑒫𑒰𑒠 𑒁𑒣𑒹𑒏𑓂𑒭𑒱𑒞 𑒢𑒻 𑒁𑒕𑒱। 𑒮𑒩𑓂𑒖𑒢𑒰𑒞𑓂𑒧𑒏 𑒮𑒰𑒯𑒱𑒞𑓂𑒨𑒧𑒹 𑒢𑒰𑒙𑒏 𑒮𑒦𑒮𑒿 𑒏𑒚𑒱𑒢 𑒁𑒕𑒱, 𑒤𑒹𑒩 𑒏𑒫𑒱𑒞𑒰 𑒁𑒕𑒱 𑒂 𑒞𑒐𑒢 𑒏𑒟𑒰, 𑒖𑒿 𑒁𑒢𑒳𑒫𑒰𑒠𑒏𑒏 𑒠𑒵𑒭𑓂𑒙𑒱𑒏𑒼𑒝𑒮𑒿 𑒠𑒹𑒐𑒲 𑒞𑒐𑒢। 𑒢𑒰𑒙𑒏𑒧𑒹 𑒢𑒰𑒙𑒏𑒏 𑒣𑒵𑒭𑓂𑒚𑒦𑒴𑒧𑒱 𑒂 𑒣𑒩𑒼𑒏𑓂𑒭 𑒢𑒱𑒯𑒱𑒞𑒰𑒩𑓂𑒟𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒋 𑒣𑒛𑓃𑒞 𑒮𑓀𑒑𑒯𑒱 𑒣𑒰𑒞𑓂𑒩 𑒮𑒦𑒏 𑒧𑒢𑒼𑒫𑒱𑒖𑓂𑒘𑒰𑒢 𑒥𑒴𑒗𑒋 𑒣𑒛𑓃𑒞। 𑒏𑒫𑒱𑒞𑒰𑒧𑒹 𑒏𑒫𑒱𑒞𑒰𑒏 𑒫𑒱𑒡𑒰𑒮𑒿 𑒍𑒏𑒩 𑒑𑒜𑓃𑒢𑒱𑒮𑒿 𑒁𑒢𑒳𑒫𑒰𑒠𑒏𑒏 𑒣𑒩𑒱𑒔𑒱𑒞 𑒦𑒹𑒢𑒰𑒃 𑒂𑒫𑒬𑓂𑒨𑒏, 𑒖𑒹𑒢𑒰 𑒯𑒰𑒃𑒏𑒴𑒏 𑒧𑒻𑒟𑒱𑒪𑒲𑒮𑒿 𑒁𑓀𑒑𑓂𑒩𑒹𑒖𑒲 𑒁𑒢𑒳𑒫𑒰𑒠 𑒏𑒩𑒻 𑒥𑒹𑒩𑒧𑒹 𑒧𑒻𑒟𑒱𑒪𑒲𑒏 𑒫𑒰𑒩𑓂𑒝𑒱𑒏 𑓕/𑓗/𑓕 𑒏 𑒧𑒹𑒪 𑒖𑒿 𑒁𑓀𑒑𑓂𑒩𑒹𑒖𑒲𑒏 𑒁𑒪𑓂𑒤𑒰𑒥𑒹𑒙𑒮𑒿 𑒏𑒩𑒹𑒥𑒻 𑒞𑒿 𑒁𑒯𑒰𑒿𑒏 𑒁𑒢𑒴𑒠𑒱𑒞 𑒯𑒰𑒃𑒏𑒴 𑒯𑒰𑒮𑓂𑒨𑒰𑒮𑓂𑒣𑒠 𑒦𑓄 𑒖𑒰𑒋𑒞 𑒏𑒰𑒩𑒝 𑒁𑓀𑒑𑓂𑒩𑒹𑒖𑒲𑒧𑒹 𑓕/𑓗/𑓕 𑒮𑒱𑒪𑒹𑒥𑒪𑒏 𑒯𑒰𑒃𑒏𑒴 𑒯𑒼𑒃 𑒕𑒻 𑒂 𑒧𑒻𑒟𑒱𑒪𑒲𑒧𑒹 𑒖𑒹𑒢𑒰 𑒫𑒩𑓂𑒝 𑒂 𑒮𑒱𑒪𑒹𑒥𑒪𑒏 𑒮𑒧𑒰𑒢𑒞𑒰 𑒯𑒼𑒃 𑒕𑒻 𑒮𑒹 𑒁𑓀𑒑𑓂𑒩𑒹𑒖𑒲𑒧𑒹 𑒢𑒻 𑒯𑒼𑒃 𑒕𑒻। 𑒌 𑒮𑒢𑓂𑒠𑒩𑓂𑒦𑒧𑒹 𑒖𑓂𑒨𑒼𑒞𑒱 𑒮𑒳𑒢𑒲𑒞 𑒔𑒾𑒡𑒩𑒲𑒏 𑒧𑒻𑒟𑒱𑒪𑒲𑒮𑒿 𑒁𑓀𑒑𑓂𑒩𑒹𑒖𑒲 𑒁𑒢𑒳𑒫𑒰𑒠 𑒋𑒏𑒙𑒰 𑒣𑓂𑒩𑒞𑒱𑒧𑒰𑒢 𑒣𑓂𑒩𑒮𑓂𑒞𑒳𑒞 𑒏𑒩𑒻𑒞 𑒁𑒕𑒱। 𑒏𑒫𑒱𑒞𑒰𑒏 𑒪𑒨, 𑒥𑒱𑒧𑓂𑒥𑒣𑒩 𑒫𑒱𑒔𑒰𑒩 𑒏𑒩𑒋 𑒣𑒛𑓃𑒞 𑒮𑓀𑒑𑒯𑒱 𑒏𑒫𑒱𑒞𑒰 𑒐𑒝𑓂𑒛𑒏 𑒏𑒫𑒱𑒞𑒰𑒏 𑒧𑒳𑒐𑓂𑒨 𑒬𑒩𑒲𑒩𑒮𑒿 𑒧𑒱𑒪𑒰𑒢 𑒏𑒩𑒋 𑒣𑒛𑓃𑒞। 𑒏𑒟𑒰𑒧𑒹 𑒏𑒟𑒰𑒏𑒰𑒩𑒏 𑒂 𑒏𑒟𑒰𑒏 𑒣𑒰𑒞𑓂𑒩𑒏 𑒮𑓀𑒑 𑒏𑒟𑒰𑒏 𑒏𑓂𑒩𑒧, 𑒥𑒻𑒏𑒤𑓂𑒪𑒻𑒬𑒏 𑒮𑒧𑒨-𑒏𑒰𑒪𑒏 𑒖𑓂𑒘𑒰𑒢 𑒂 𑒫𑒰𑒞𑒰𑒫𑒩𑒝𑒏 𑒖𑓂𑒘𑒰𑒢 𑒂𑒫𑒬𑓂𑒨𑒏 𑒦𑓄 𑒖𑒰𑒃𑒞 𑒁𑒕𑒱। 𑒂𑒥 𑒧𑒯𑒰𑒏𑒰𑒫𑓂𑒨𑒏 𑒁𑒢𑒳𑒫𑒰𑒠 𑒠𑒹𑒐𑒴, 𑒩𑒰𑒧𑒪𑒼𑒔𑒢 𑒬𑒩𑒝𑒏 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮 𑒁𑒫𑒡𑒲𑒮𑒿 𑒧𑒻𑒟𑒱𑒪𑒲𑒧𑒹 𑒁𑒢𑒳𑒫𑒰𑒠 𑒁𑒕𑒱 𑒧𑒳𑒠𑒰 𑒠𑒼𑒯𑒰, 𑒔𑒾𑒣𑒰𑒃, 𑒮𑒼𑒩𑒚𑒰 𑒮𑒦 𑒬𑒰𑒮𑓂𑒞𑓂𑒩𑒲𑒨 𑒩𑒴𑒣𑒹𑒿 𑒁𑒢𑒴𑒠𑒱𑒞 𑒦𑒹𑒪 𑒁𑒕𑒱।
𑒮𑓀𑒮𑓂𑒏𑒵𑒞 𑒦𑒰𑒭𑒰𑒏 𑒁𑒢𑒳𑒫𑒰𑒠𑒏 𑒧𑒰𑒡𑓂𑒨𑒧𑒮𑒿 𑒣𑒰𑒚𑒢 𑒂𑓀𑒑𑓂𑒪 𑒬𑒰𑒮𑒏 𑒪𑒼𑒏𑒢𑒱 𑒠𑓂𑒫𑒰𑒩𑒰 𑒣𑓂𑒩𑒰𑒩𑒧𑓂𑒦 𑒦𑒹𑒪। 𑒌 𑒫𑒱𑒡𑒱𑒮𑒿 𑒢𑒹 𑒪𑒻𑒙𑒱𑒢𑒏 𑒂 𑒢𑒯𑒱𑒨𑒹 𑒑𑓂𑒩𑒲𑒏𑒏 𑒁𑒡𑓂𑒨𑒰𑒣𑒢 𑒏𑒩𑒰𑒍𑒪 𑒑𑒹𑒪 𑒕𑒪। 𑒌 𑒫𑒱𑒡𑒱𑒮𑒿 𑒖𑒿 𑒁𑒯𑒰𑒿 𑒮𑓀𑒮𑓂𑒏𑒞 𑒫𑒰 𑒏𑒼𑒢𑒼 𑒦𑒰𑒭𑒰 𑒮𑒲𑒐𑒥 𑒞𑒿 𑒂𑒔𑒰𑒩𑓂𑒨 𑒂 𑒏𑒼𑒫𑒱𑒠 𑒏𑓄 𑒖𑒰𑒋𑒥 𑒧𑒳𑒠𑒰 𑒮𑒧𑓂𑒦𑒰𑒭𑒝 𑒢𑒻 𑒏𑒋𑒪 𑒯𑒋𑒞। 𑒖𑒿 𑒏𑒼𑒢𑒼 𑒦𑒰𑒭𑒰𑒏𑒹𑒿 𑒁𑒯𑒰𑒿 𑒧𑒰𑒞𑒵𑒦𑒰𑒭𑒰 𑒩𑒴𑒣𑒹𑒿 𑒮𑒲𑒐𑒥 𑒞𑒐𑒢𑒹 𑒮𑒧𑓂𑒦𑒰𑒭𑒝 𑒏𑓄 𑒮𑒏𑒥, 𑒮𑓀𑒮𑓂𑒏𑒵𑒞𑒱 𑒂𑒠𑒱𑒏 𑒣𑒩𑒱𑒔𑒨 𑒣𑒰𑒚𑓂𑒨𑒏𑓂𑒩𑒧𑒧𑒹 𑒬𑒥𑓂𑒠𑒏𑒼𑒭; 𑒂 𑒪𑒼𑒏𑒏𑒟𑒰 𑒂 𑒃𑒞𑒱𑒯𑒰𑒮/ 𑒦𑒴𑒑𑒼𑒪𑒏 𑒮𑒧𑒰𑒫𑒹𑒬 𑒏𑓄 𑒏𑒋𑒪 𑒖𑒰 𑒮𑒏𑒻𑒞 𑒁𑒕𑒱।
𑒮𑓀𑒑𑒝𑒏 𑒠𑓂𑒫𑒰𑒩𑒰 𑒁𑒢𑒳𑒫𑒰𑒠: 𑒮𑒩𑓂𑒖𑒢𑒰𑒞𑓂𑒧𑒏 𑒫𑒰 𑒢𑒱𑒥𑒢𑓂𑒡, 𑒮𑓂𑒏𑒴𑒪-𑒏𑒰𑒪𑒹𑒖𑒏 𑒣𑒳𑒮𑓂𑒞𑒏, 𑒮𑓀𑒑𑒝𑒏 𑒫𑒱𑒖𑓂𑒘𑒰𑒢, 𑒮𑒧𑒰𑒖𑒬𑒰𑒮𑓂𑒞𑓂𑒩, 𑒮𑒧𑒰𑒖 𑒫𑒱𑒖𑓂𑒘𑒰𑒢 𑒂 𑒣𑓂𑒩𑒏𑒵𑒞𑒱 𑒫𑒱𑒖𑓂𑒘𑒰𑒢𑒏 𑒁𑒢𑒳𑒫𑒰𑒠 𑒮𑓀𑒑𑒝𑒏 𑒠𑓂𑒫𑒰𑒩𑒰 𑒣𑓂𑒩𑒰𑒨𑒼𑒑𑒱𑒏 𑒩𑒴𑒣𑒧𑒹 𑒏𑒋𑒪 𑒖𑒰𑒃𑒞 𑒁𑒕𑒱 𑒧𑒳𑒠𑒰 “𑒏𑒼𑒪𑓂𑒛 𑒥𑓂𑒪𑒛𑒹𑒛 𑒋𑒢𑒲𑒧𑒪” 𑒏 𑒁𑒢𑒳𑒫𑒰𑒠 𑒯𑒰𑒮𑓂𑒨𑒰𑒮𑓂𑒣𑒠 𑒩𑒴𑒣𑒹𑒿 “𑒢𑒵𑒬𑓀𑒮 𑒖𑒲𑒫” 𑒏𑒋𑒪 𑒖𑒰𑒃𑒞 𑒁𑒕𑒱। 𑒧𑒳𑒠𑒰 𑒮𑓀𑒑𑒝𑒏𑒏 𑒠𑓂𑒫𑒰𑒩𑒰 𑒁𑒢𑒳𑒫𑒰𑒠 𑒏𑒱𑒕𑒳 𑒏𑓂𑒭𑒹𑒞𑓂𑒩𑒧𑒹 𑒮𑒤𑒪 𑒩𑒴𑒣𑒹𑒿 𑒦𑒹𑒪 𑒁𑒕𑒱, 𑒖𑒹𑒢𑒰 𑒫𑒱𑒏𑒲𑒣𑒲𑒛𑒱𑒨𑒰𑒧𑒹 𑓕𑓐𑓐 𑒬𑒥𑓂𑒠𑒏 𑒋𑒏𑒙𑒰 “𑒥𑒹𑒮𑒲 𑒣𑓂𑒩𑒨𑒳𑒏𑓂𑒞 𑒬𑒥𑓂𑒠𑒰𑒫𑒪𑒲” 𑒂 𑓒𑓖𑓐𑓐 𑒬𑒥𑓂𑒠𑒏 “𑒬𑒥𑓂𑒠𑒰𑒫𑒪𑒲”𑒏 𑒁𑒢𑒳𑒫𑒰𑒠 𑒏𑒹𑒪𑒰𑒮𑒿, 𑒑𑒴𑒑𑒪𑒏 𑒙𑓂𑒩𑒰𑒢𑓂𑒮𑒪𑒹𑒬𑒢 𑒁𑒍𑒖𑒰𑒩 𑒂𑒠𑒱𑒧𑒹 𑒂𑒡𑒰𑒩𑒦𑒴𑒞 𑒬𑒥𑓂𑒠𑒏 𑒁𑒢𑒳𑒫𑒰𑒠 𑒏𑒹𑒪𑒰𑒮𑒿 𑒂 𑒂𑒢 𑒑𑒫𑒹𑒭𑒏 𑒖𑒹𑒢𑒰 𑒧𑒼𑒖𑒱𑒪𑒰 𑒤𑒰𑒨𑒩𑒤𑒰𑒏𑓂𑒮 𑒂𑒠𑒱𑒧𑒹 𑒁𑓀𑒑𑓂𑒩𑒹𑒖𑒲𑒏 𑒮𑒦 𑒣𑒰𑒩𑒱𑒦𑒰𑒭𑒱𑒏 𑒮𑓀𑒑𑒝𑒏𑒲𑒨 𑒬𑒥𑓂𑒠𑒏 𑒁𑒢𑒳𑒫𑒰𑒠 𑒏𑒹𑒪𑒰𑒮𑒿 𑒞𑓂𑒩𑒳𑒙𑒱𑒫𑒱𑒯𑒲𑒢 𑒮𑓂𑒫𑒞𑓁 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠 𑒦𑓄 𑒖𑒰𑒃𑒞 𑒁𑒕𑒱।

















𑒦𑒰𑒩𑒼𑒣𑒲𑒨 𑒦𑒰𑒭𑒰 𑒣𑒩𑒱𑒫𑒰𑒩 𑒧𑒡𑓂𑒨 𑒧𑒻𑒟𑒱𑒪𑒲𑒏 𑒮𑓂𑒟𑒰𑒢

𑒦𑒰𑒭𑒰𑒏 𑒣𑒰𑒩𑒱𑒫𑒰𑒩𑒱𑒏 𑒫𑒩𑓂𑒑𑒲𑒏𑒩𑒝 𑒌𑒞𑒱𑒯𑒰𑒮𑒱𑒏 𑒂𑒡𑒰𑒩𑒣𑒩 𑒯𑒼𑒃𑒞 𑒁𑒕𑒱, 𑒖𑒰𑒯𑒱𑒧𑒹 𑒦𑒰𑒭𑒰𑒏 𑒃𑒞𑒱𑒯𑒰𑒮, 𑒋𑒏 𑒦𑒰𑒭𑒰𑒏 𑒠𑒼𑒮𑒩 𑒦𑒰𑒭𑒰𑒮𑒿 𑒅𑒞𑓂𑒣𑒞𑓂𑒞𑒱, 𑒦𑒰𑒭𑒰𑒏 𑒂𑒏𑒵𑒞𑒱-𑒣𑓂𑒩𑒏𑒵𑒞𑒱 𑒧𑒰𑒢𑒹 𑒩𑒔𑒢𑒰𑒞𑓂𑒧𑒏𑒞𑒰𑒏 𑒮𑓀𑒑 𑒁𑒩𑓂𑒟-𑒞𑒞𑓂𑒞𑓂𑒫𑒣𑒩 𑒮𑒹𑒯𑒼 𑒡𑓂𑒨𑒰𑒢 𑒠𑒹𑒪 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒏𑒼𑒢𑒼 𑒫𑓂𑒨𑒏𑓂𑒞𑒱 𑒫𑒰 𑒮𑒧𑒴𑒯 𑒥𑒲𑒖𑒲𑒣𑒳𑒩𑒳𑒭𑒏 𑒮𑓀𑒏𑒪𑓂𑒣𑒢𑒰 𑒏𑒩𑒻𑒞 𑒁𑒕𑒱 𑒂 𑒍𑒞𑒋𑒮𑒿 𑒁𑒣𑒢𑒰 𑒡𑒩𑒱 𑒋𑒏𑒙𑒰 𑒫𑓀𑒬𑒫𑒵𑒏𑓂𑒭𑒏 𑒢𑒱𑒩𑓂𑒧𑒰𑒝 𑒏𑒩𑒻𑒞 𑒁𑒕𑒱, 𑒞𑒯𑒱𑒢𑒰 𑒦𑒰𑒭𑒰𑒏 𑒃𑒞𑒱𑒯𑒰𑒮𑒏 𑒪𑒹𑒐𑒏 𑒮𑒹𑒯𑒼 𑒂𑒠𑒱, 𑒧𑒡𑓂𑒨 𑒂 𑒂𑒡𑒳𑒢𑒱𑒏 𑒏𑒰𑒪𑒏 𑒂𑒡𑒰𑒩𑒣𑒩 𑒦𑒰𑒭𑒰𑒏 𑒣𑒴𑒩𑓂𑒫𑒫𑒩𑓂𑒞𑒲 𑒂 𑒥𑒲𑒖 𑒦𑒰𑒭𑒰𑒏 𑒮𑓀𑒏𑒪𑓂𑒣𑒢𑒰 𑒮𑒼𑒗𑒰𑒿 𑒁𑒢𑒻𑒞 𑒕𑒟𑒱। 𑒧𑒳𑒠𑒰 𑒦𑒰𑒭𑒰𑒏 𑒃𑒞𑒱𑒯𑒰𑒮𑒧𑒹 𑒣𑒳𑒞𑓂𑒩𑒲 𑒂 𑒥𑒯𑒱𑒢 𑒦𑒰𑒭𑒰𑒏 𑒮𑓀𑒏𑒪𑓂𑒣𑒢𑒰 𑒮𑒹𑒯𑒼 𑒋𑒯𑒱 𑒞𑒩𑒯𑒹𑒿 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱।

𑒧𑒻𑒟𑒱𑒪𑒲𑒏 𑒦𑒰𑒩𑒼𑒣𑒲𑒨 𑒦𑒰𑒭𑒰 𑒣𑒩𑒱𑒫𑒰𑒩𑒧𑒹 𑒮𑓂𑒟𑒰𑒢
𑒮𑓂𑒟𑒰𑒢, 𑒬𑒥𑓂𑒠, 𑒫𑓂𑒨𑒰𑒏𑒩𑒝 𑒂 𑒡𑓂𑒫𑒢𑒱𑒏 𑒂𑒡𑒰𑒩𑒣𑒩 𑒦𑒰𑒭𑒰 𑒋𑒏-𑒠𑒼𑒮𑒩𑒰𑒮𑒿 𑒪𑒑 𑒯𑒼𑒃𑒞 𑒁𑒕𑒱। 𑒧𑒳𑒠𑒰 𑒋𑒯𑒱 𑒧𑒡𑓂𑒨 𑒏𑒱𑒕𑒳 𑒁𑒣𑒫𑒰𑒠 𑒮𑒹𑒯𑒼 𑒁𑒕𑒱। 𑒁𑒫𑒹𑒮𑓂𑒞𑒰, 𑒁𑓀𑒑𑓂𑒩𑒹𑒖𑒲 𑒂 𑒖𑒩𑓂𑒧𑒢 𑒦𑒰𑒭𑒰 𑒧𑒻𑒟𑒱𑒪𑒲𑒮𑒿 𑒦𑒾𑒑𑒼𑒪𑒱𑒏 𑒩𑒴𑒣𑒮𑒿 𑒠𑒴𑒩 𑒩𑒯𑒪𑒼𑒣𑒩 𑒋𑒏𑓂𑒏𑒹 𑒣𑒩𑒱𑒫𑒰𑒩𑒏 𑒁𑒕𑒱, 𑒧𑒳𑒠𑒰 𑒁𑒩𑒥𑒲, 𑒞𑒧𑒱𑒪 𑒂𑒠𑒱 𑒮𑒰𑒣𑒹𑒏𑓂𑒭 𑒩𑒴𑒣𑒹𑒿 𑒦𑒾𑒑𑒼𑒪𑒱𑒏 𑒢𑒱𑒏𑒙𑒞𑒰 𑒁𑒕𑒻𑒞 𑒠𑒼𑒮𑒩 𑒣𑒩𑒱𑒫𑒰𑒩𑒏 𑒁𑒕𑒱।
𑒤𑒹𑒩 𑒦𑒰𑒭𑒰 𑒮𑓂𑒟𑒱𑒞 𑒂𑒨𑒰𑒞𑒱𑒞 𑒫𑒱𑒠𑒹𑒬𑒖 𑒬𑒥𑓂𑒠𑒰𑒫𑒪𑒲𑒏 𑒂𑒡𑒰𑒩𑒣𑒩 𑒯𑒧 𑒋𑒏 𑒦𑒰𑒭𑒰𑒏𑒹𑒿 𑒠𑒼𑒮𑒩 𑒦𑒰𑒭𑒰𑒏 𑒣𑒩𑒱𑒫𑒰𑒩𑒏 𑒮𑒱𑒠𑓂𑒡 𑒢𑒯𑒱 𑒏𑓄 𑒮𑒏𑒻 𑒕𑒲। 𑒞𑒯𑒱𑒢𑒰 𑒡𑓂𑒫𑒢𑒱𑒧𑒴𑒪𑒏 𑒂 𑒬𑒥𑓂𑒠𑒧𑒴𑒪𑒏 𑒁𑒩𑓂𑒟𑒏 𑒮𑒰𑒧𑓂𑒨 𑒮𑒹𑒯𑒼 𑒠𑒴 𑒦𑒰𑒭𑒰 𑒣𑒩𑒱𑒫𑒰𑒩𑒏𑒹𑒿 𑒋𑒏 𑒫𑒩𑓂𑒑𑒧𑒹 𑒢𑒯𑒱 𑒂𑒢𑒱 𑒮𑒏𑒻𑒞 𑒁𑒕𑒱, 𑒖𑒹𑒢𑒰 𑒮𑓀𑒮𑓂𑒏𑒵𑒞𑒏 𑒖𑒰𑒪𑓂𑒧 𑒂 𑒁𑒩𑒥𑒲𑒏 𑒖𑒰𑒪𑒱𑒧 -𑒬𑒥𑓂𑒠𑒧𑒴𑒪𑒏 𑒮𑒰𑒧𑓂𑒨 𑒫𑒰 𑒧𑒻𑒟𑒱𑒪𑒲𑒏 𑒧𑒱𑒨𑒰𑒆𑒿 𑒂 𑒔𑒲𑒢𑒲 𑒧𑒢𑓂𑒠𑒰𑒩𑒱𑒢 𑒦𑒰𑒭𑒰𑒏 𑒧𑓂𑒨𑒰𑒆𑒿 (𑒥𑒱𑒪𑒰𑒛𑓃𑒱)- 𑒡𑓂𑒫𑒢𑒱𑒧𑒴𑒪𑒏 𑒮𑒰𑒧𑓂𑒨।
𑒡𑓂𑒫𑒢𑒱𑒏 𑒮𑒰𑒧𑓂𑒨𑒧𑒹 𑒮𑒹𑒯𑒼 𑒏𑒐𑒢𑒼 𑒏𑒰𑒪 𑒑𑒛𑓃𑒥𑒛𑓃𑒲 𑒯𑒼𑒃𑒞 𑒁𑒕𑒱, 𑒖𑒹𑒢𑒰 𑒧𑒻𑒟𑒱𑒪𑒲𑒧𑒹 𑒛𑓃, 𑒜𑓃 𑒂 𑒔𑒢𑓂𑒠𑓂𑒩𑒥𑒱𑒢𑓂𑒠𑒳𑒏 𑒐𑒴𑒥 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒄 𑒞𑒲𑒢𑒴 𑒡𑓂𑒫𑒢𑒱 𑒮𑓀𑒮𑓂𑒏𑒵𑒞𑒧𑒹 𑒢𑒯𑒱 𑒁𑒕𑒱।
𑒦𑒾𑒑𑒼𑒪𑒱𑒏 𑒂𑒡𑒰𑒩𑒣𑒩 𑒮𑒹𑒯𑒼 “𑒦𑒰𑒩𑒼𑒣𑒲𑒨 𑒦𑒰𑒭𑒰” 𑒄 𑒢𑒰𑒧𑒏𑒩𑒝 𑒣𑒴𑒩𑓂𑒝 𑒩𑒴𑒣𑒮𑒿 𑒮𑒧𑒲𑒔𑒲𑒢 𑒢𑒯𑒱 𑒁𑒕𑒱, 𑒏𑒰𑒩𑒝 𑒮𑒧𑓂𑒣𑒴𑒩𑓂𑒝 𑒦𑒰𑒩𑒞𑒧𑒹 𑒦𑒰𑒩𑒼𑒣𑒲𑒨 𑒦𑒰𑒭𑒰 𑒣𑒩𑒱𑒫𑒰𑒩𑒏 𑒅𑒣𑒮𑓂𑒟𑒱𑒞𑒱 𑒢𑒯𑒱 𑒁𑒕𑒱 𑒂 𑒦𑒰𑒩𑒞𑒧𑒹 𑒦𑒰𑒩𑒼𑒣𑒲𑒨 𑒦𑒰𑒭𑒰𑒏 𑒁𑒞𑒱𑒩𑒱𑒏𑓂𑒞 𑒂𑒢𑒼 𑒦𑒰𑒭𑒰 𑒣𑒩𑒱𑒫𑒰𑒩𑒏 𑒅𑒣𑒮𑓂𑒟𑒱𑒞𑒱 𑒁𑒕𑒱। 𑒨𑒴𑒩𑒼𑒣𑒧𑒹 𑒮𑒹𑒯𑒼 𑒏𑒰𑒏𑒹𑒬𑒱𑒨𑒢 𑒂𑒠𑒱 𑒦𑒰𑒭𑒰 𑒣𑒩𑒱𑒫𑒰𑒩 𑒦𑒰𑒩𑒼𑒣𑒲𑒨 𑒦𑒰𑒭𑒰 𑒣𑒩𑒱𑒫𑒰𑒩𑒧𑒹 𑒢𑒯𑒱 𑒁𑒥𑒻𑒞 𑒁𑒕𑒱।
𑒫𑓂𑒨𑒰𑒏𑒩𑒝 𑒮𑒰𑒧𑓂𑒨𑒏 𑒂𑒡𑒰𑒩 𑒠𑒴 𑒦𑒰𑒭𑒰𑒏𑒹𑒿 𑒋𑒏 𑒣𑒩𑒱𑒫𑒰𑒩𑒧𑒹 𑒩𑒐𑒥𑒰𑒏 𑒮𑒦𑒮𑒿 𑒮𑒳𑒠𑒵𑒜𑓃 𑒂𑒡𑒰𑒩 𑒁𑒕𑒱।
𑒧𑒴𑒪 𑒩𑒴𑒣𑒮𑒿 𑒦𑒰𑒩𑒼𑒣𑒲𑒨 𑒣𑒩𑒱𑒫𑒰𑒩𑒏 𑒦𑒰𑒭𑒰𑒧𑒹 𑒣𑓂𑒩𑒞𑓂𑒨𑒨𑒏 𑒣𑓂𑒩𑒨𑒼𑒑 𑒐𑒴𑒥 𑒯𑒼𑒃𑒞 𑒁𑒕𑒱 𑒂 𑒡𑒰𑒞𑒳𑒧𑒹 𑒣𑓂𑒩𑒞𑓂𑒨𑒨 𑒖𑒼𑒛𑓃𑒱 𑒬𑒥𑓂𑒠 𑒥𑒢𑒻𑒞 𑒁𑒕𑒱। 𑒣𑒳𑒪𑓂𑒪𑒱𑓀𑒑, 𑒮𑓂𑒞𑓂𑒩𑒲𑒪𑒱𑓀𑒑 𑒂 𑒢𑒣𑒳𑓀𑒮𑒏 𑒪𑒱𑓀𑒑, 𑒄 𑒞𑒲𑒢 𑒞𑒩𑒯𑒏 𑒪𑒱𑓀𑒑 𑒁𑒕𑒱 𑒞𑒿 𑒋𑒏𑒫𑒔𑒢, 𑒠𑓂𑒫𑒱𑒫𑒔𑒢 𑒂 𑒥𑒯𑒳𑒫𑒔𑒢 𑒋𑒯𑒱 𑒞𑒲𑒢 𑒞𑒩𑒯𑒏 𑒫𑒔𑒢। 𑒧𑒳𑒠𑒰 𑒂𑒥 𑒁𑒡𑒱𑒏𑒰𑓀𑒬 𑒦𑒰𑒭𑒰𑒧𑒹 𑒋𑒏𑒫𑒔𑒢 𑒂 𑒥𑒯𑒳𑒫𑒔𑒢 𑒨𑒻𑒯 𑒠𑒴𑒙𑒰 𑒫𑒔𑒢 𑒯𑒼𑒃𑒞 𑒁𑒕𑒱। 𑒖𑒰𑒯𑒱 𑒏𑓂𑒩𑒱𑒨𑒰𑒏 𑒤𑒪 𑒮𑓂𑒫𑒨𑓀 𑒣𑓂𑒩𑒰𑒣𑓂𑒞 𑒯𑒼 𑒮𑒹 𑒂𑒞𑓂𑒧𑒢𑒹𑒣𑒠𑒲 𑒂 𑒖𑒏𑒩 𑒤𑒪 𑒠𑒼𑒮𑒩𑒏𑒹𑒿 𑒦𑒹𑒙𑒋 𑒮𑒹 𑒣𑒩𑒮𑓂𑒧𑒻𑒣𑒠𑒲, 𑒄 𑒠𑒴 𑒞𑒩𑒯𑒏 𑒏𑓂𑒩𑒱𑒨𑒰 𑒦𑒰𑒩𑒼𑒣𑒲𑒨 𑒦𑒰𑒭𑒧𑒹 𑒩𑒯𑒻𑒞 𑒁𑒕𑒱। 𑒮𑒧𑒰𑒮𑒏 𑒣𑓂𑒩𑒨𑒼𑒑 𑒮𑒹𑒯𑒼 𑒧𑒼𑒙𑒰-𑒧𑒼𑒙𑒲 𑒦𑒰𑒩𑒼𑒣𑒲𑒨 𑒦𑒰𑒭𑒰𑒏 𑒫𑒱𑒬𑒹𑒭𑒞𑒰 𑒁𑒕𑒱।
𑒦𑒰𑒩𑒼𑒣𑒲𑒨 𑒣𑒩𑒱𑒫𑒰𑒩𑒏 𑒠𑒴 𑒦𑒹𑒠 𑒁𑒕𑒱। 𑒮𑒋 (𑓑𑓐𑓐) 𑒪𑒹𑒪 𑒣𑓂𑒩𑒨𑒳𑒏𑓂𑒞 𑒧𑒴𑒪 𑒦𑒰𑒩𑒼𑒣𑒲𑒨 𑒬𑒥𑓂𑒠 “𑒏𑓂𑒧𑒞𑒼𑒧” 𑒠𑒴 𑒞𑒩𑒯𑒹𑒿 𑒥𑒰𑒖𑒪 𑒖𑒰𑒃𑒞 𑒁𑒕𑒱। 𑒮𑓀𑒮𑓂𑒏𑒵𑒞𑒧𑒹 “𑒬𑒞𑒧𑓂” 𑒂 𑒪𑒻𑒙𑒱𑒢𑒧𑒹 “𑒏𑒹𑒢𑓂𑒙𑒳𑒧𑓂”। 𑒋𑒯𑒱 𑒂𑒡𑒰𑒩𑒣𑒩 𑒮𑓀𑒮𑓂𑒏𑒵𑒞𑒮𑒿 𑒪𑒑 𑒦𑒰𑒭𑒰 𑒮𑒧𑒴𑒯 𑒁𑒫𑒹𑒮𑓂𑒞𑒰 (𑒦𑒰𑒭𑒰 𑒂 𑒑𑓂𑒩𑓀𑒟 𑒠𑒳𑒢𑒴𑒏 𑒢𑒰𑒧, 𑒖𑒹𑒢𑓂𑒠-𑒁𑒫𑒹𑒮𑓂𑒞𑒰- 𑒍𑒯𑒱𑒣𑒩 𑒦𑒰𑒭𑓂𑒨), 𑒤𑒰𑒩𑒮𑒲, 𑒧𑒻𑒟𑒱𑒪𑒲, 𑒩𑒴𑒮𑒲 𑒂𑒠𑒱 𑒁𑒥𑒻𑒞 𑒁𑒕𑒱। 𑒏𑒹𑒢𑓂𑒙𑒳𑒧𑓂 𑒫𑒩𑓂𑒑𑒧𑒹 𑒪𑒻𑒙𑒱𑒢𑒮𑒿 𑒪𑒑 𑒦𑒰𑒭𑒰 𑒖𑒹𑒢𑒰 𑒑𑓂𑒩𑒲𑒏, 𑒖𑒩𑓂𑒧𑒢, 𑒤𑓂𑒩𑒹𑓀𑒔, 𑒃𑒙𑒰𑒪𑒱𑒨𑒢 𑒂𑒠𑒱 𑒁𑒥𑒻𑒞 𑒁𑒕𑒱।
𑒬𑒞𑒧𑓂 𑒫𑒩𑓂𑒑𑒧𑒹 𑒦𑒰𑒩𑒞-𑒃𑒩𑒰𑒢𑒲 (𑒫𑒰 𑒃𑒢𑓂𑒛𑒼 𑒂𑒩𑓂𑒨𑒢), 𑒥𑒰𑒪𑓂𑒙𑒼-𑒮𑓂𑒪𑒰𑒫𑒱𑒏, 𑒂𑒩𑓂𑒧𑒲𑒢𑒲 𑒂 𑒃𑒪𑒲𑒩𑒲 𑒦𑒰𑒭𑒰 𑒮𑒧𑒴𑒯 𑒁𑒥𑒻𑒞 𑒁𑒕𑒱।
𑒃𑒢𑓂𑒛𑒼 𑒂𑒩𑓂𑒨𑒢 𑒫𑒰 𑒦𑒰𑒩𑒞𑒲𑒨-𑒄𑒩𑒰𑒢𑒲 𑒦𑒰𑒭𑒰 𑒮𑒧𑒴𑒯𑒧𑒹 𑒇𑒑𑒫𑒹𑒠 𑒮𑒦𑒮𑒿 𑒣𑓂𑒩𑒰𑒔𑒲𑒢 𑒁𑒕𑒱। 𑒖𑒼𑒩𑒰𑒭𑓂𑒙𑓂𑒩𑒱𑒨𑒢 𑒡𑒩𑓂𑒧𑒏 𑒁𑒫𑒹𑒮𑓂𑒞𑒰 𑒑𑓂𑒩𑒢𑓂𑒟 𑒖𑒹 𑒫𑒻𑒠𑒱𑒏 𑒏𑒰𑒪𑒏 𑒁𑒕𑒱 𑒍 𑒁𑒫𑒹𑒮𑓂𑒞𑒰 𑒦𑒰𑒭𑒰𑒏 𑒑𑓂𑒩𑒢𑓂𑒟 𑒁𑒕𑒱। 𑒄𑒩𑒰𑒢𑒲 𑒦𑒰𑒭𑒰 𑒮𑒧𑒴𑒯𑒧𑒹 𑒁𑒫𑒹𑒮𑓂𑒞𑒰, 𑒣𑓂𑒩𑒰𑒔𑒲𑒢 𑒤𑒰𑒩𑒮𑒲, 𑒣𑒯𑒪𑒫𑒲, 𑒣𑒬𑓂𑒞𑒼, 𑒥𑒪𑒴𑒔𑒲 𑒂 𑒏𑒳𑒩𑓂𑒠 𑒦𑒰𑒭𑒰 𑒣𑓂𑒩𑒧𑒳𑒐 𑒁𑒕𑒱। 𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰 𑒮𑒧𑒴𑒯𑒧𑒹 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞, 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞, 𑒣𑒰𑒪𑒲 (𑒣𑓂𑒩𑒰𑒔𑒲𑒢 𑒣𑓂𑒩𑒰𑒏𑒵𑒞 𑓕𑓐𑓐. 𑒄.𑒣𑒴.𑒮𑒿 𑓑𑓐𑓐 𑒄.𑒣𑒴. 𑒡𑒩𑒱), 𑒣𑓂𑒩𑒰𑒏𑒵𑒞 (𑒧𑒡𑓂𑒨 𑒣𑓂𑒩𑒰𑒏𑒵𑒞 𑓑𑓐𑓐 𑒄.𑒣𑒴. 𑒮𑒿 𑓕𑓐𑓐 𑒄. 𑒡𑒩𑒱), 𑒁𑒣𑒦𑓂𑒩𑓀𑒬 (𑓕𑓐𑓐 𑒄. 𑒮𑒿 𑓙𑓐𑓐 𑒄. 𑒡𑒩𑒱) 𑒂 𑒁𑒫𑒯𑒙𑓂𑒙 (𑓙𑓐𑓐 𑒄. 𑒮𑒿 𑓑𑓑𑓐𑓐 𑒄. 𑒡𑒩𑒱) 𑒂 𑒞𑒏𑒩 𑒥𑒰𑒠 𑒧𑒰𑒑𑒡𑒲 𑒣𑓂𑒩𑒰𑒏𑒵𑒞𑒮𑒿 𑒧𑒻𑒟𑒱𑒪𑒲, 𑒥𑓀𑒑𑒪𑒰, 𑒍𑒛𑓃𑒱𑒨𑒰, 𑒁𑒮𑒧𑒲 𑒂𑒠𑒱 𑒦𑒰𑒭𑒰 (𑓑𑓑𑓐𑓐 𑒄. 𑒮𑒿) 𑒁𑒥𑒻𑒞 𑒁𑒕𑒱।
𑒫𑒱𑒬𑓂𑒫𑒏 𑒦𑒰𑒭𑒰𑒏 𑒣𑒰𑒩𑒱𑒫𑒰𑒩𑒱𑒏 𑒫𑒩𑓂𑒑
(𑒁) 𑒨𑒴𑒩𑒹𑒬𑒱𑒨𑒰, (𑒂)𑒁𑒤𑓂𑒩𑒲𑒏𑒰, (𑒃)𑒣𑓂𑒩𑒬𑒰𑒢𑓂𑒞 𑒧𑒯𑒰𑒮𑒰𑒑𑒩𑒏 𑒏𑓂𑒭𑒹𑒞𑓂𑒩 (𑒣𑒻𑒮𑒱𑒤𑒱𑒏), (𑒄)𑒁𑒧𑒹𑒩𑒱𑒏𑒰

(𑒁) 𑒨𑒴𑒩𑒹𑒬𑒱𑒨𑒰- (𑒏)𑒦𑒰𑒩𑒼𑒣𑒲𑒨, (𑒐)𑒠𑓂𑒩𑒰𑒫𑒱𑒛𑓃, (𑒑)𑒥𑒳𑒩𑒳𑒬𑒮𑓂𑒏𑒲, (𑒒)𑒏𑒰𑒏𑒹𑒬𑒲, (𑒓)𑒨𑒴𑒩𑒰𑒪-𑒁𑒪𑓂𑒞𑒰𑒄, (𑒔)𑒔𑒲𑒢𑒲, (𑒕)𑒖𑒰𑒣𑒰𑒢𑒲-𑒏𑒼𑒩𑒱𑒨𑒰𑒄, (𑒖)𑒯𑒰𑒃𑒣𑒩𑒥𑒼𑒩𑒲, (𑒗)𑒥𑒰𑒮𑓂𑒏, (𑒘)𑒮𑒹𑒧𑒲𑒙𑒱𑒏-𑒯𑒹𑒧𑒱𑒙𑒱𑒏- 𑒁𑒤𑓂𑒩𑒲𑒏𑒰𑒧𑒹

(𑒏)𑒦𑒰𑒩𑒼𑒣𑒲𑒨- (i) 𑒃𑒢𑓂𑒛𑒼 𑒂𑒩𑓂𑒨𑒢, (ii)𑒥𑒰𑒪𑓂𑒙𑒼-𑒮𑓂𑒪𑒰𑒫𑒱𑒏, (iii)𑒂𑒩𑓂𑒧𑒲𑒢𑒱𑒨𑒢, (iv) 𑒃𑒪𑒲𑒩𑒲, (v)𑒑𑓂𑒩𑒲𑒏, (vi)𑒏𑒹𑒪𑓂𑒙𑒱𑒏, (vii)𑒖𑒩𑓂𑒧𑒰𑒢𑒱𑒏, (viii)𑒃𑒙𑒰𑒪𑒱𑒏, (ix)𑒯𑒱𑒞𑓂𑒞𑒲, (x)𑒞𑒼𑒐𑒰𑒩𑒲

(i) 𑒃𑒢𑓂𑒛𑒼 𑒂𑒩𑓂𑒨𑒢- (a)𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰, (b)𑒄𑒩𑒰𑒢𑒲
(a)𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰
(A)𑒣𑓂𑒩𑒰𑒔𑒲𑒢 𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰 (𑓒𑓕𑓐𑓐 𑒄.𑒣𑒴.𑒮𑒿 𑓕𑓐𑓐 𑒄. 𑒣𑒴.)
(B)𑒧𑒡𑓂𑒨𑒏𑒰𑒪𑒲𑒢 𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰 (𑓕𑓐𑓐 𑒄.𑒣𑒴.𑒮𑒿 𑓑𑓐𑓐𑓐 𑒄.)
(C)𑒂𑒡𑒳𑒢𑒱𑒏 𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰(𑓑𑓐𑓐𑓐 𑒄. 𑒮𑒿 𑒂𑒃 𑒡𑒩𑒱)

(A)𑒣𑓂𑒩𑒰𑒔𑒲𑒢 𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰 (𑓒𑓕𑓐𑓐 𑒄.𑒣𑒴.𑒮𑒿 𑓕𑓐𑓐 𑒄. 𑒣𑒴.)- 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞, 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞 (𑒥𑒰𑒪𑓂𑒧𑒲𑒏𑒱 - “𑒧𑒰𑒢𑒳𑒭𑒱𑒧𑒱𑒯 𑒮𑓀𑒮𑓂𑒏𑒵𑒞𑒰𑒧𑓂”- 𑒮𑓀𑒮𑓂𑒏𑒵𑒞 𑒂 𑒧𑒰𑒢𑒳𑒭𑒲 𑒠𑒳𑒢𑒴 𑒦𑒰𑒭𑒰।)
(B)𑒧𑒡𑓂𑒨𑒏𑒰𑒪𑒲𑒢 𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰 (𑓕𑓐𑓐 𑒄.𑒣𑒴.𑒮𑒿 𑓑𑓐𑓐𑓐 𑒄.)- 𑒣𑒯𑒱𑒪 𑒣𑓂𑒩𑒰𑒏𑒵𑒞 (𑒣𑒰𑒪𑒲), 𑒠𑒼𑒮𑒩 𑒣𑓂𑒩𑒰𑒏𑒵𑒞 (𑒮𑒰𑒯𑒱𑒞𑓂𑒨𑒱𑒏 𑒣𑓂𑒩𑒰𑒏𑒵𑒞- 𑒬𑒾𑒩𑒮𑒹𑒢𑒲, 𑒧𑒯𑒰𑒩𑒰𑒭𑓂𑒙𑓂𑒩𑒲, 𑒧𑒰𑒑𑒡𑒲, 𑒁𑒩𑓂𑒠𑓂𑒡𑒧𑒰𑒑𑒡𑒲, 𑒣𑒻𑒬𑒰𑒔𑒲, 𑒥𑓂𑒩𑒰𑒔𑒛, 𑒐𑒮), 𑒞𑒹𑒮𑒩 𑒣𑓂𑒩𑒰𑒏𑒵𑒞 (𑒁𑒣𑒦𑓂𑒩𑓀𑒬- 𑒣𑓂𑒩𑒟𑒧𑒹-𑒣𑓂𑒩𑒟𑒧 𑒫𑓂𑒨𑒰𑒛𑒱 𑒂 𑒣𑒞𑓀𑒖𑒪𑒱 𑒠𑓂𑒫𑒰𑒩𑒰 𑒅𑒪𑓂𑒪𑒹𑒐।)
(C)𑒂𑒡𑒳𑒢𑒱𑒏 𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰(𑓑𑓐𑓐𑓐 𑒄. 𑒮𑒿 𑒂𑒃 𑒡𑒩𑒱) (𑒁) 𑒬𑒾𑒩𑒮𑒹𑒢𑒲𑒮𑒿 𑒐𑒛𑓃𑒲 𑒥𑒼𑒪𑒲, 𑒫𑓂𑒩𑒖𑒦𑒰𑒭𑒰, 𑒥𑒰𑒿𑒑𑒩𑒴, 𑒏𑒢𑓂𑒢𑒾𑒖𑒲, 𑒥𑒳𑒢𑓂𑒠𑒹𑒪𑒲, 𑒧𑒰𑒩𑒫𑒰𑒛𑓃𑒲, 𑒖𑒨𑒣𑒳𑒩𑒲, 𑒧𑒰𑒪𑒫𑒲, 𑒧𑒹𑒫𑒰𑒞𑒲, 𑒑𑒳𑒖𑒩𑒰𑒞𑒲 (𑒂)𑒧𑒯𑒰𑒩𑒰𑒭𑓂𑒙𑓂𑒩𑒲𑒮𑒿 𑒧𑒩𑒰𑒚𑒲, 𑒏𑒼𑓀𑒏𑒝𑒲, 𑒢𑒰𑒑𑒣𑒳𑒩𑒲, 𑒥𑒩𑒰𑒩𑒲 (𑒃) 𑒧𑒰𑒑𑒡𑒲𑒮𑒿 𑒦𑒼𑒖𑒣𑒳𑒩𑒲, 𑒧𑒑𑒯𑒲, 𑒥𑒰𑓀𑒑𑒪𑒰, 𑒍𑒛𑓃𑒱𑒨𑒰, 𑒁𑒮𑒧𑒲, 𑒧𑒻𑒟𑒱𑒪𑒲 (𑒄) 𑒁𑒩𑓂𑒡𑒧𑒰𑒑𑒡𑒲𑒮𑒿 𑒁𑒫𑒡𑒲, 𑒥𑒒𑒹𑒪𑒲, 𑒕𑒞𑓂𑒞𑒲𑒮𑒑𑒜𑓃𑒲 (𑒅) 𑒣𑒻𑒬𑒰𑒔𑒲𑒮𑒿 𑒪𑒯𑒿𑒠𑒲 (𑒆) 𑒥𑓂𑒩𑒰𑒔𑒛𑒮𑒿 𑒮𑒱𑒢𑓂𑒡𑒲, 𑒣𑓀𑒖𑒰𑒥𑒲 (𑒋) 𑒐𑒮𑒮𑒿 𑒣𑒯𑒰𑒛𑓃𑒲 𑒦𑒰𑒭𑒰𑒏 𑒫𑒱𑒏𑒰𑒮 𑒩𑒹𑒐𑒰𑓀𑒏𑒱𑒞 𑒯𑒼𑒃𑒞 𑒁𑒕𑒱।

𑒥𑒰𑒪𑓂𑒧𑒲𑒏𑒱 𑒠𑓂𑒫𑒰𑒩𑒰 𑒮𑒳𑒢𑓂𑒠𑒩𑒏𑒰𑒝𑓂𑒛𑒧𑒹 𑒧𑒰𑒢𑒳𑒭𑒱𑒧𑒱𑒯 𑒮𑓀𑒮𑓂𑒏𑒵𑒞𑒰𑒧𑓂- 𑒮𑓀𑒮𑓂𑒏𑒵𑒞 𑒂 𑒧𑒰𑒢𑒳𑒭𑒲 𑒠𑒳𑒢𑒴 𑒦𑒰𑒭𑒰𑒏 𑒖𑓂𑒘𑒰𑒢 𑒯𑒢𑒳𑒧𑒰𑒢𑒖𑒲𑒮𑒿 𑒏𑒯𑒥𑒰𑒍𑒪 𑒑𑒹𑒪 𑒁𑒕𑒱। 𑒖𑓂𑒨𑒼𑒞𑒱𑒩𑒲𑒬𑓂𑒫𑒩- “𑒣𑒳𑒢𑒳 𑒏𑒃𑒮𑒢 𑒦𑒰𑒙- 𑒮𑓀𑒮𑓂𑒏𑒵𑒞, 𑒣𑒩𑒰𑒏𑒵𑒞, 𑒁𑒫𑒯𑒚, 𑒣𑒻𑒬𑒰𑒔𑒲, 𑒮𑒾𑒩𑒮𑒹𑒢𑒲, 𑒧𑒰𑒑𑒡𑒲 𑒕𑒯𑒳 𑒦𑒰𑒭𑒰𑒏 𑒞𑒞𑓂𑒫𑒖𑓂𑒘” 𑒮𑓀𑒑𑒯𑒱 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒠𑓂𑒫𑒰𑒩𑒰 𑒮𑒰𑒞 “𑒅𑒣𑒦𑒰𑒭𑒏” 𑒔𑒩𑓂𑒔 𑒦𑒹𑒪 𑒁𑒕𑒱। 𑒣𑓂𑒩𑒰𑒏𑒵𑒞𑒏 𑒏𑒻𑒏𑒙𑒰 𑒣𑓂𑒩𑒏𑒰𑒩 𑒕𑒪। 𑒍𑒯𑒱𑒧𑒹 𑒧𑒰𑒑𑒡𑒲 𑒣𑓂𑒩𑒰𑒏𑒵𑒞 𑒧𑒻𑒟𑒱𑒪𑒲 𑒂 𑒁𑒢𑓂𑒨 𑒣𑒴𑒩𑓂𑒫𑒲 𑒦𑒰𑒩𑒞𑒏 𑒦𑒰𑒭𑒰𑒏 𑒫𑒱𑒏𑒰𑒮𑒧𑒹 𑒨𑒼𑒑𑒠𑒰𑒢 𑒠𑒹𑒪𑒏। 𑒁𑒩𑓂𑒡𑒧𑒰𑒑𑒡𑒲𑒧𑒹 𑒖𑒻𑒢 𑒡𑒩𑓂𑒧𑒑𑓂𑒩𑒢𑓂𑒟 𑒂 𑒣𑒰𑒪𑒲𑒧𑒹 𑒥𑒾𑒠𑓂𑒡 𑒡𑒩𑓂𑒧𑒑𑓂𑒩𑒢𑓂𑒟 𑒪𑒱𑒐𑒪 𑒑𑒹𑒪। 𑒏𑒰𑒪𑒱𑒠𑒰𑒮𑒏 𑒮𑓀𑒮𑓂𑒏𑒵𑒞 𑒢𑒰𑒙𑒏𑒧𑒹 𑒮𑓀𑒮𑓂𑒏𑒵𑒞𑒏 𑒁𑒞𑒱𑒩𑒱𑒏𑓂𑒞 𑒁𑒣𑒦𑓂𑒩𑓀𑒬𑒏 𑒣𑓂𑒩𑒨𑒼𑒑 𑒑𑒋𑒩 𑒁𑒦𑒱𑒖𑒰𑒞𑓂𑒨 𑒫𑒩𑓂𑒑𑒏 𑒪𑒹𑒪 𑒣𑓂𑒩𑒨𑒳𑒏𑓂𑒞 𑒦𑒹𑒪 𑒞𑒿 𑒔𑒩𑓂𑒨𑒰𑒣𑒠𑒏 𑒦𑒰𑒭𑒰 𑒮𑒹𑒯𑒼 𑒧𑒰𑒑𑒡𑒲 𑒧𑒱𑒬𑓂𑒩𑒱𑒞 𑒁𑒣𑒦𑓂𑒩𑓀𑒬 𑒕𑒪। 𑒧𑒻𑒟𑒱𑒪𑒲 𑒮𑒯𑒱𑒞 𑒂𑒢 𑒂𑒡𑒳𑒢𑒱𑒏 𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰 𑒠𑒼𑒮𑒩 𑒣𑓂𑒩𑒰𑒏𑒵𑒞𑒮𑒿 𑒫𑒱𑒏𑒮𑒱𑒞 𑒦𑒹𑒪 𑒮𑒹𑒯𑒼 𑒠𑒹𑒐𑒱 𑒣𑒛𑓃𑒻𑒞 𑒁𑒕𑒱। 𑒁𑒣𑒦𑓂𑒩𑓀𑒬 𑒣𑒩𑒫𑒩𑓂𑒞𑒲 𑒏𑒰𑒪𑒧𑒹 𑒣𑒴𑒩𑓂𑒫𑒲 𑒦𑒰𑒩𑒞𑒧𑒹 𑒁𑒫𑒯𑒙𑓂𑒙𑒏 𑒩𑒴𑒣 𑒪𑒹𑒪𑒏। 𑒧𑒻𑒟𑒱𑒪𑒲𑒏 𑒫𑒱𑒬𑒹𑒭𑒞𑒰 𑒖𑒰𑒯𑒱𑒧𑒹 𑒋𑒏𑒩 𑒮𑒦 𑒬𑒥𑓂𑒠𑒏 𑒮𑓂𑒫𑒩𑒰𑓀𑒞 𑒯𑒼𑒋𑒥, 𑒏𑓂𑒩𑒱𑒨𑒰𑒩𑒴𑒣𑒏 𑒖𑒙𑒱𑒪 𑒯𑒼𑒋𑒥 (𑒧𑒳𑒠𑒰 𑒞𑒰𑒯𑒱𑒧𑒹 𑒪𑒻𑓀𑒑𑒱𑒏 𑒦𑒹𑒠 𑒢𑒯𑒱 𑒯𑒼𑒋𑒥), 𑒮𑒩𑓂𑒫𑒢𑒰𑒧𑒏 𑒮𑒧𑓂𑒥𑒢𑓂𑒡 𑒏𑒰𑒩𑒏 𑒩𑒴𑒣 𑒂𑒠𑒱𑒏 𑒩𑒴𑒣𑒩𑒹𑒐𑒰 𑒁𑒫𑒯𑒙𑓂𑒙𑒧𑒹 𑒠𑒵𑒭𑓂𑒙𑒱𑒑𑒼𑒔𑒩 𑒯𑒼𑒋𑒥 𑒬𑒳𑒩𑒴 𑒦𑓄 𑒑𑒹𑒪 𑒕𑒪। 𑒌𑒞𑒱𑒯𑒰𑒮𑒱𑒏 𑒂𑒡𑒰𑒩𑒣𑒩 𑒦𑒰𑒭𑒰𑒏 𑒣𑒰𑒩𑒱𑒫𑒰𑒩𑒱𑒏 𑒫𑒩𑓂𑒑𑒲𑒏𑒩𑒝𑒧𑒹 𑒁𑒫𑒯𑒙𑓂𑒙 (𑒁𑒫𑒯𑒙𑓂𑒚) 𑒏𑒹𑒿 “𑒧𑒻𑒟𑒱𑒪 𑒁𑒣𑒦𑓂𑒩𑓀𑒬” 𑒞𑒰𑒯𑒱 𑒏𑒰𑒩𑒝𑒮𑒿 𑒏𑒯𑒪 𑒖𑒰𑒃𑒞 𑒁𑒕𑒱 𑒂 𑒧𑒰𑒑𑒡𑒲 𑒣𑓂𑒩𑒰𑒏𑒵𑒞𑒮𑒿 𑒮𑒹𑒯𑒼 𑒋𑒏𑒩 𑒫𑒱𑒏𑒰𑒮 𑒠𑒵𑒭𑓂𑒙𑒱𑒑𑒼𑒔𑒩 𑒯𑒼𑒃𑒞 𑒁𑒕𑒱। 𑒁𑒫𑒯𑒙𑓂𑒚 𑒧𑒻𑒟𑒱𑒪𑒲𑒮𑒿 𑒪𑒑 𑒩𑒯𑒱𑒞𑒼 𑒬𑒾𑒩𑒮𑒹𑒢𑒲 𑒣𑓂𑒩𑒰𑒏𑒵𑒞-𑒁𑒣𑒦𑓂𑒩𑓀𑒬𑒮𑒿 𑒮𑒹𑒯𑒼 𑒪𑒑 𑒁𑒕𑒱, 𑒧𑒳𑒠𑒰 𑒠𑒹𑒬𑒲 𑒬𑒥𑓂𑒠𑒏 𑒣𑓂𑒩𑒨𑒼𑒑𑒮𑒿 𑒋𑒯𑒱𑒧𑒹 𑒁𑒣𑒦𑓂𑒩𑓀𑒬𑒮𑒿 𑒥𑒯𑒳𑒞 𑒩𑒰𑒮 𑒫𑓂𑒨𑒰𑒏𑒩𑒝𑒱𑒏 𑒣𑒩𑒱𑒫𑒩𑓂𑒞𑒢 𑒠𑒹𑒐𑒰 𑒣𑒛𑓃𑒻𑒞 𑒁𑒕𑒱। 𑒫𑒱𑒠𑓂𑒨𑒰𑒣𑒞𑒱𑒏 “𑒏𑒲𑒩𑓂𑒞𑒱𑒪𑒞𑒰” 𑒁𑒫𑒯𑒙𑓂𑒚𑒧𑒹 𑒁𑒕𑒱, 𑒧𑒳𑒠𑒰 “𑒔𑒩𑓂𑒨𑒰 𑒑𑒲𑒞” 𑒂 “𑒫𑒩𑓂𑒝 𑒩𑒞𑓂𑒢𑒰𑒏𑒩” 𑒏𑒲𑒩𑓂𑒞𑒱𑒪𑒞𑒰𑒮𑒿 𑒣𑒴𑒩𑓂𑒫𑒫𑒩𑓂𑒞𑒲 𑒯𑒼𑒋𑒥𑒰𑒏 𑒥𑒰𑒠𑒼 𑒣𑒳𑒩𑒰𑒢 𑒧𑒻𑒟𑒱𑒪𑒲 𑒁𑒕𑒱 𑒂 𑒁𑒫𑒯𑒙𑓂𑒚𑒮𑒿 𑒮𑒹𑒯𑒼 𑒪𑒑 𑒁𑒕𑒱। 𑒠𑒰𑒧𑒼𑒠𑒩 𑒣𑓀𑒛𑒱𑒞𑒏 “𑒅𑒏𑓂𑒞𑒱 𑒫𑓂𑒨𑒏𑓂𑒞𑒱 𑒣𑓂𑒩𑒏𑒩𑒝” 𑒮𑒹𑒯𑒼 𑒏𑒲𑒩𑓂𑒞𑒱𑒪𑒞𑒰𑒮𑒿 𑒣𑒴𑒩𑓂𑒫𑒫𑒩𑓂𑒞𑒲 𑒁𑒕𑒱 𑒧𑒳𑒠𑒰 𑒣𑒳𑒩𑒰𑒢 𑒁𑒫𑒡𑒲 𑒂 𑒣𑒳𑒩𑒰𑒢 𑒏𑒼𑒬𑒪𑒲𑒏 𑒣𑓂𑒩𑒞𑒱𑒧𑒰𑒢 𑒣𑓂𑒩𑒮𑓂𑒞𑒳𑒞 𑒏𑒩𑒻𑒞 𑒁𑒕𑒱 𑒂 𑒁𑒫𑒯𑒙𑓂𑒚𑒮𑒿 𑒪𑒑 𑒁𑒕𑒱। 𑒦𑒰𑒩𑒼𑒣𑒲𑒨 𑒦𑒰𑒭𑒰 𑒣𑒩𑒱𑒫𑒰𑒩𑒧𑒹 𑒧𑒻𑒟𑒱𑒪𑒲𑒏 𑒮𑓂𑒟𑒰𑒢 𑒧𑒼𑒙𑒰-𑒧𑒼𑒙𑒲 𑒮𑓀𑒮𑓂𑒏𑒵𑒞, 𑒣𑒰𑒪𑒲, 𑒣𑓂𑒩𑒰𑒏𑒵𑒞, 𑒁𑒣𑒦𑓂𑒩𑓀𑒬 𑒂 𑒁𑒫𑒯𑒙𑓂𑒚𑒏 𑒌𑒞𑒱𑒯𑒰𑒮𑒱𑒏 𑒏𑓂𑒩𑒧𑒧𑒹 𑒁𑒥𑒻𑒞 𑒁𑒕𑒱।

𑒧𑒻𑒟𑒱𑒪𑒲 𑒫𑒰 𑒏𑒼𑒢𑒼 𑒦𑒰𑒭𑒰𑒏 𑒅𑒞𑓂𑒣𑒞𑓂𑒞𑒱𑒏 𑒧𑒴𑒪𑒧𑒹 𑒧𑒢𑒳𑒏𑓂𑒐𑒏 𑒧𑒳𑒿𑒯𑒮𑒿 𑒥𑒯𑒩𑒰𑒋𑒪 𑒡𑓂𑒫𑒢𑒱 𑒂 𑒍𑒯𑒱 𑒡𑓂𑒫𑒢𑒱𑒏 𑒁𑒩𑓂𑒟 𑒏𑒼𑒢𑒼 𑒫𑒮𑓂𑒞𑒳, 𑒫𑓂𑒨𑒏𑓂𑒞𑒱 𑒫𑒰 𑒫𑒱𑒔𑒰𑒩𑒮𑒿 𑒯𑒼𑒋𑒥 𑒮𑒱𑒠𑓂𑒡 𑒯𑒼𑒋𑒞। 𑒡𑓂𑒫𑒢𑒱 𑒞𑒿 𑒔𑒱𑒛𑓃𑒻, 𑒔𑒳𑒢𑒧𑒳𑒢𑒲, 𑒧𑒰𑒪-𑒖𑒰𑒪 𑒂 𑒥𑒾𑒏 𑒫𑓂𑒨𑒏𑓂𑒞𑒱 𑒠𑓂𑒫𑒰𑒩 𑒮𑒹𑒯𑒼 𑒅𑒞𑓂𑒣𑒢𑓂𑒢 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒮𑒹 𑒁𑒩𑓂𑒟𑒣𑒴𑒩𑓂𑒝 𑒢𑒯𑒱 𑒦𑓄 𑒣𑒥𑒻𑒋 𑒂 𑒦𑒰𑒭𑒰𑒏 𑒢𑒱𑒩𑓂𑒧𑒰𑒝 𑒢𑒯𑒱 𑒏𑓄 𑒣𑒥𑒻𑒋।
𑓑𑓘𑓖𑓖 𑒄. 𑒧𑒹 𑒣𑒹𑒩𑒱𑒮𑒧𑒹 “𑒪𑒰 𑒮𑒼𑒮𑒱𑒋𑒞𑒹 𑒠 𑒪𑒱𑓀𑒑𑓂𑒫𑒱𑒮𑓂𑒙𑒲𑒏” 𑒢𑒰𑒧𑓂𑒢𑒰 𑒮𑓀𑒮𑓂𑒟𑒰 𑒦𑒰𑒭𑒰𑒏 𑒅𑒞𑓂𑒣𑒞𑓂𑒞𑒱 𑒂 𑒫𑒱𑒬𑓂𑒫𑒏 𑒦𑒰𑒭𑒰 𑒮𑒦𑒏 𑒢𑒱𑒩𑓂𑒧𑒰𑒝” 𑒋𑒯𑒱 𑒫𑒱𑒭𑒨𑒏𑒹𑒿 𑒁𑒣𑒢 𑒏𑒰𑒩𑓂𑒨𑒏𑒰𑒩𑒱𑒝𑒲𑒮𑒿 𑒯𑒙𑒰 𑒠𑒹𑒪𑒏 𑒏𑒰𑒩𑒝 𑒋𑒯𑒱 𑒫𑒱𑒭𑒨𑒏 𑒫𑒱𑒫𑒹𑒔𑒢 𑒁𑒢𑒳𑒧𑒰𑒢𑒣𑒩 𑒁𑒡𑒰𑒩𑒱𑒞 𑒯𑒼𑒋𑒥𑒰𑒏 𑒏𑒰𑒩𑒝𑒮𑒿 𑒫𑒻𑒖𑓂𑒘𑒰𑒢𑒱𑒏 𑒠𑒵𑒭𑓂𑒙𑒱𑒏𑒼𑒝𑒮𑒿 𑒠𑒴𑒩 𑒩𑒯𑒻𑒞 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒮𑒿 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞 𑒂 𑒍𑒯𑒱𑒮𑒿 𑒣𑒰𑒪𑒲, 𑒣𑓂𑒩𑒰𑒏𑒵𑒞, 𑒁𑒣𑒦𑓂𑒩𑓀𑒬, 𑒁𑒫𑒯𑒙𑓂𑒙 𑒂 𑒧𑒻𑒟𑒱𑒪𑒲𑒏 𑒏𑓂𑒩𑒧 𑒞𑒰𑒏𑒪 𑒖𑒰 𑒮𑒏𑒻𑒞 𑒁𑒕𑒱। 𑒧𑒳𑒠𑒰 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒏 𑒣𑓂𑒩𑒰𑒔𑒲𑒢𑒞𑒧 𑒑𑓂𑒩𑒢𑓂𑒟 𑒇𑒑𑒫𑒹𑒠𑒮𑒿 𑒣𑒯𑒱𑒢𑒹𑒮𑒿 𑒍 𑒦𑒰𑒭𑒰 𑒁𑒮𑓂𑒞𑒱𑒞𑓂𑒫𑒧𑒹 𑒩𑒯𑒪 𑒯𑒼𑒋𑒞। 𑒏𑒞𑒹𑒏 𑒧𑒾𑒐𑒱𑒏 𑒮𑒰𑒯𑒱𑒞𑓂𑒨 𑒖𑒹𑒢𑒰 𑒑𑒰𑒟𑒰, 𑒢𑒰𑒩𑒰𑒬𑓀𑒮𑒲, 𑒠𑒻𑒫𑒞 𑒏𑒟𑒰 𑒂 𑒂𑒐𑓂𑒨𑒰𑒢 𑒮𑒦 𑒍𑒯𑒱𑒧𑒹 𑒩𑒔𑒪 𑒑𑒹𑒪 𑒯𑒼𑒋𑒞। 𑒋𑒯𑒢𑒹 𑒑𑒰𑒟𑒰 𑒮𑒦𑒏 𑒑𑒰𑒨𑒏𑒏 𑒪𑒹𑒪 “𑒑𑒰𑒟𑒱𑒢”, “𑒑𑒰𑒞𑒳𑒫𑒱𑒠𑓂” 𑒂 “𑒑𑒰𑒟𑒣𑒞𑒱” 𑒇𑒑𑒫𑒹𑒠𑒧𑒹 𑒣𑓂𑒩𑒨𑒳𑒏𑓂𑒞 𑒦𑒹𑒪। 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒏 𑒅𑒞𑓂𑒣𑒞𑓂𑒞𑒱 𑒠𑒻𑒫𑒲 𑒩𑒴𑒣𑒧𑒹 𑒦𑒹𑒪 𑒫𑒰 𑒂𑓀𑒑𑒱𑒏-𑒫𑒰𑒏 𑒮𑓀𑒏𑒹𑒞𑒏 𑒮𑓀𑒣𑓂𑒩𑒹𑒭𑒝𑒲𑒨𑒞𑒰 𑒥𑒜𑓃𑒹𑒥𑒰𑒏 𑒪𑒹𑒪 𑒮𑒹 𑒧𑒰𑒞𑓂𑒩 𑒁𑒢𑒳𑒧𑒰𑒢𑒹𑒏 𑒫𑒱𑒭𑒨 𑒦𑓄 𑒮𑒏𑒻𑒞 𑒁𑒕𑒱। 𑒦𑒰𑒭𑒰𑒧𑒹 𑒡𑓂𑒫𑒢𑒱, 𑒬𑒥𑓂𑒠, 𑒣𑒠, 𑒫𑒰𑒏𑓂𑒨 𑒂 𑒁𑒩𑓂𑒟𑒏 𑒣𑒩𑒱𑒫𑒩𑓂𑒞𑒢 𑒦𑒹𑒪𑒰𑒮𑒿 𑒫𑒻𑒠𑒱𑒏𑒮𑒿 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞 𑒥𑒯𑒩𑒰𑒋𑒪 𑒂 𑒤𑒹𑒩 𑒣𑒰𑒪𑒲, 𑒣𑓂𑒩𑒰𑒏𑒵𑒞, 𑒁𑒣𑒦𑓂𑒩𑓀𑒬, 𑒁𑒫𑒯𑒙𑓂𑒙 𑒂 𑒧𑒻𑒟𑒱𑒪𑒲। 𑒣𑒰𑒝𑒱𑒢𑒲 𑒠𑓂𑒫𑒰𑒩𑒰 𑒦𑒰𑒩𑒞𑒏 𑒫𑒱𑒦𑒱𑒢𑓂𑒢 𑒏𑓂𑒭𑒹𑒞𑓂𑒩𑒮𑒿 𑒪𑒹𑒪 𑒬𑒥𑓂𑒠𑒰𑒫𑒪𑒲 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒏𑒹𑒿 𑒞𑒞𑒹𑒏 𑒮𑒧𑒵𑒠𑓂𑒡 𑒏𑒋𑒪𑒏 𑒖𑒹 𑒍𑒯𑒱𑒮𑒿 𑒂𑒢 𑒮𑒦 𑒦𑒰𑒭𑒰𑒏 𑒏𑒞𑒹𑒏𑒼 𑒞𑒩𑒯𑒏 𑒩𑒴𑒣 𑒥𑒯𑒰𑒩 𑒦𑒹𑒪। 𑒏𑒞𑒹𑒏 𑒞𑒩𑒯𑒏 𑒏𑓂𑒭𑒹𑒞𑓂𑒩𑒲𑒨 𑒣𑓂𑒩𑒰𑒏𑒵𑒞 𑒂 𑒁𑒣𑒦𑓂𑒩𑓀𑒬 𑒍𑒯𑒱 𑒦𑒾𑒑𑒼𑒪𑒱𑒏 𑒏𑓂𑒭𑒹𑒞𑓂𑒩𑒏 𑒫𑒱𑒮𑓂𑒞𑒰𑒩𑒏𑒹𑒿 𑒪𑒻𑒞 𑒥𑒯𑒰𑒩 𑒦𑒹𑒪 𑒂 𑒍𑒯𑒱𑒮𑒿 𑒂𑒖𑒳𑒏 𑒂𑒡𑒳𑒢𑒱𑒏 𑒦𑒰𑒩𑒞𑒲𑒨 𑒂𑒩𑓂𑒨 𑒦𑒰𑒭𑒰 𑒮𑒦𑒏 𑒅𑒞𑓂𑒣𑒞𑓂𑒞𑒱 𑒦𑒹𑒪।
𑒧𑒻𑒟𑒱𑒪𑒲 𑒦𑒰𑒩𑒼𑒣𑒲𑒨 𑒦𑒰𑒭𑒰 𑒣𑒩𑒱𑒫𑒰𑒩𑒮𑒿 𑒮𑒧𑓂𑒥𑒢𑓂𑒡𑒱𑒞 𑒁𑒕𑒱। 𑒦𑒰𑒩𑒼𑒣𑒲𑒨 𑒦𑒰𑒭𑒰 𑒣𑒩𑒱𑒫𑒰𑒩𑒏 𑒦𑒲𑒞𑒩 𑒫𑒱𑒬𑓂𑒫𑒏 𑒪𑒑𑒦𑒑 𑒔𑒰𑒪𑒲𑒮 𑒣𑓂𑒩𑒞𑒱𑒬𑒞 𑒖𑒢𑒮𑓀𑒐𑓂𑒨𑒰 𑒁𑒥𑒻𑒞 𑒁𑒕𑒱। 𑒄 𑒮𑒦𑒮𑒿 𑒣𑒻𑒒 𑒦𑒰𑒭𑒰 𑒣𑒩𑒱𑒫𑒰𑒩 𑒁𑒕𑒱, 𑒮𑒦𑒮𑒿 𑒮𑒧𑒵𑒠𑓂𑒡 𑒮𑒹𑒯𑒼। 𑒧𑒼𑒙𑒰-𑒧𑒼𑒙𑒲 𑒋𑒏𑒩 𑒠𑒴 𑒫𑒱𑒦𑒰𑒑 𑒕𑒻𑒏, 𑒣𑒯𑒱𑒪 𑒨𑒴𑒩𑒼𑒣𑒏 𑒂𑒩𑓂𑒨 𑒦𑒰𑒭𑒰 𑒂 𑒠𑒼𑒮𑒩 𑒦𑒰𑒩𑒞-𑒄𑒩𑒰𑒢𑒲 𑒬𑒰𑒐𑒰। 𑒦𑒰𑒩𑒞-𑒄𑒩𑒰𑒢𑒲 𑒂𑒩𑓂𑒨𑒦𑒰𑒭𑒰𑒏 𑒦𑒲𑒞𑒩 𑒄𑒩𑒰𑒢𑒲, 𑒠𑒩𑒠 𑒂 𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰 𑒁𑒥𑒻𑒞 𑒁𑒕𑒱। 𑒠𑒩𑒠 𑒦𑒰𑒭𑒰𑒧𑒹 𑒏𑒬𑓂𑒧𑒲𑒩𑒲 𑒂 𑒣𑒰𑒧𑒲𑒩 𑒣𑒚𑒰𑒩𑒏 𑒣𑒴𑒩𑓂𑒫 𑒠𑒏𑓂𑒭𑒱𑒝𑒏 𑒦𑒰𑒭𑒰 𑒮𑒦 𑒁𑒕𑒱। 𑒧𑒻𑒟𑒱𑒪𑒲 𑒦𑒰𑒭𑒰𑒏 𑒅𑒠𑓂𑒑𑒧 𑒂 𑒫𑒱𑒏𑒰𑒮 𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰𑒏 𑒦𑒲𑒞𑒩 𑒞𑒰𑒏𑒪 𑒖𑒰𑒃𑒞 𑒁𑒕𑒱।
𑒦𑒰𑒭𑒰𑒏 𑒅𑒠𑓂𑒑𑒧 𑒞𑒿 𑒁𑒢𑒳𑒧𑒰𑒢𑒏 𑒫𑒱𑒭𑒨 𑒟𑒱𑒏। 𑒦𑒰𑒭𑒰𑒏 𑒅𑒠𑓂𑒑𑒧𑒏 𑒂 𑒞𑒏𑒩 𑒣𑓂𑒩𑒨𑒼𑒑𑒏 𑒏𑒞𑒹𑒏 𑒫𑒩𑓂𑒭𑒏 𑒣𑒬𑓂𑒔𑒰𑒞𑓂 𑒍𑒯𑒱𑒧𑒹 𑒮𑒰𑒯𑒱𑒞𑓂𑒨 𑒩𑒔𑒢𑒰 𑒯𑒼𑒃𑒞 𑒁𑒕𑒱। 𑒞𑒐𑒢 𑒖𑒰 𑒏𑓄 𑒍𑒏𑒩 𑒩𑒴𑒣 𑒮𑓂𑒟𑒱𑒩 𑒯𑒼𑒃𑒞 𑒁𑒕𑒱। 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒏 𑒣𑓂𑒩𑒰𑒔𑒲𑒢𑒞𑒧 𑒑𑓂𑒩𑒢𑓂𑒟 𑒇𑒑𑒫𑒹𑒠, 𑒪𑒾𑒏𑒏𑒱𑒏 𑒮𑓀𑒮𑓂𑒏𑒵𑒞𑒏 𑒣𑓂𑒩𑒰𑒔𑒲𑒢𑒞𑒧 𑒑𑓂𑒩𑒢𑓂𑒟 𑒫𑒰𑒪𑓂𑒧𑒲𑒏𑒱 𑒩𑒰𑒧𑒰𑒨𑒝, 𑒣𑒰𑒪𑒱 𑒦𑒰𑒭𑒰𑒏 𑒣𑓂𑒩𑒰𑒔𑒲𑒢𑒞𑒧 𑒑𑓂𑒩𑒢𑓂𑒟 𑒥𑒳𑒠𑓂𑒡 𑒞𑓂𑒩𑒱𑒣𑒱𑒙𑒏, 𑒣𑓂𑒩𑒰𑒏𑒵𑒞𑒏 𑒣𑓂𑒩𑒰𑒔𑒲𑒢𑒞𑒧 𑒑𑓂𑒩𑒢𑓂𑒟 𑒫𑒱𑒧𑒪 𑒮𑒴𑒩𑒱𑒏 𑒣𑒅𑒧𑒔𑒩𑒱𑒅, 𑒁𑒣𑒦𑓂𑒩𑓀𑒬𑒏 𑒣𑓂𑒩𑒰𑒔𑒲𑒢𑒞𑒧 𑒑𑓂𑒩𑒢𑓂𑒟 𑒨𑒴𑒑𑒲𑒢𑓂𑒠𑓂𑒩𑒏 𑒣𑒩𑒧𑒰𑒞𑓂𑒧 𑒣𑓂𑒩𑒏𑒰𑒬 𑒁𑒕𑒱। 𑒂𑒠𑒱 𑒧𑒻𑒟𑒱𑒪𑒲𑒏 𑒣𑓂𑒩𑒰𑒔𑒲𑒢 𑒮𑒰𑒯𑒱𑒞𑓂𑒨 𑒮𑒱𑒠𑓂𑒡 𑒮𑒰𑒯𑒱𑒞𑓂𑒨, 𑒥𑒾𑒠𑓂𑒡𑒑𑒰𑒢 𑒂 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒫𑒩𑓂𑒝 𑒩𑒞𑓂𑒢𑒰𑒏𑒩 𑒁𑒕𑒱। 𑒮𑒱𑒠𑓂𑒡 𑒮𑒩𑒯𑒣𑒰𑒠 700-780 𑒮𑒩𑒯𑒣𑒰𑒠-“𑒮𑒱𑒠𑓂𑒡𑒱𑒩𑒞𑓂𑒟𑒳 𑒧𑒃 𑒣𑒜𑓃𑒧𑒹 𑒣𑒜𑓃𑒱𑒁𑒅 ,𑒧𑒝𑓂𑒛 𑒣𑒱𑒥𑒢𑓂𑒞𑒼𑒿 𑒥𑒱𑒮𑒩𑒅 𑒋𑒧𑒃𑒅”।𑒧𑒱𑒟𑒱𑒪𑒰𑒧𑒹 𑒁𑒏𑓂𑒭𑒩𑒰𑒩𑒧𑓂𑒦 𑒮𑒱𑒠𑓂𑒡𑒱𑒩𑒮𑓂𑒞𑒳 (𑒑𑒝𑒹𑒬𑒖𑒲𑒏 𑒁𑓀𑒏𑒳𑒬 𑒂𑒿𑒖𑒲) 𑒮𑒿 𑒯𑒼𑒃𑒞 𑒁𑒕𑒱। 𑒧𑒱𑒟𑒱𑒪𑒰𑒧𑒹 𑒄 𑒡𑒰𑒩𑒝𑒰 𑒁𑒕𑒱 𑒖𑒹 𑒧𑒰𑒿𑒛𑓃 𑒣𑒲𑒪𑒰𑒮𑒿 𑒮𑓂𑒧𑒩𑒝 𑒬𑒏𑓂𑒞𑒱 𑒏𑓂𑒭𑒲𑒝 𑒯𑒼𑒃𑒞 𑒁𑒕𑒱। 𑒠𑒼𑒮𑒩 𑒅𑒠𑒰𑒯𑒩𑒝- 𑒥𑒪𑒠 𑒥𑒱𑒨𑒰𑒨𑒪 𑒑𑒥𑒻𑒨𑒰 𑒥𑒰𑒿𑒗𑒹- 𑒥𑒛𑓃𑒠 𑒥𑒱𑒨𑒰 𑒑𑒹𑒪 𑒂 𑒑𑒰𑒋 𑒥𑒰𑒿𑒗𑒹 𑒁𑒕𑒱।
𑒧𑒡𑓂𑒨𑒏𑒰𑒪𑒲𑒢 𑒧𑒻𑒟𑒱𑒪𑒲𑒏 𑒑𑓂𑒩𑒢𑓂𑒟 𑒫𑒱𑒠𑓂𑒨𑒰𑒣𑒞𑒱𑒏 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨 𑒂 𑒞𑒏𑒩 𑒥𑒰𑒠 𑒔𑒞𑒳𑒩 𑒔𑒞𑒳𑒩𑓂𑒦𑒳𑒖, 𑒬𑓀𑒏𑒩𑒠𑒹𑒫, 𑒫𑒱𑒦𑒱𑒢𑓂𑒢 𑒧𑒪𑓂𑒪 𑒢𑒩𑒹𑒬 𑒠𑓂𑒫𑒰𑒩𑒰 𑒩𑒔𑒱𑒞 𑒮𑒰𑒯𑒱𑒞𑓂𑒨, 𑒏𑒲𑒩𑓂𑒞𑒢𑒱𑒨𑒰 𑒂 𑒁𑓀𑒏𑒱𑒨𑒰 𑒢𑒰𑒙𑒮𑒿 𑒧𑒢𑒥𑒼𑒡 𑒡𑒩𑒱 𑒁𑒥𑒻𑒞 𑒁𑒕𑒱। 𑒂𑒡𑒳𑒢𑒱𑒏 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨 𑒔𑒢𑓂𑒠𑒰 𑒗𑒰𑒮𑒿 𑒣𑓂𑒩𑒰𑒩𑒧𑓂𑒦 𑒯𑒼𑒃𑒞 𑒁𑒕𑒱।
𑒣𑓂𑒩𑒰𑒔𑒲𑒢 𑒦𑒰𑒩𑒞𑒏 𑒂𑒩𑓂𑒨𑒦𑒰𑒭𑒰𑒏 𑒏𑓂𑒭𑒹𑒞𑓂𑒩 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒏 𑒣𑓂𑒩𑒰𑒔𑒲𑒢𑒞𑒧 𑒑𑓂𑒩𑒢𑓂𑒟 𑒇𑒑𑒫𑒹𑒠𑒧𑒹 𑒫𑒩𑓂𑒝𑒱𑒞 𑒡𑒰𑒩 𑒮𑒦𑒏 𑒂𑒡𑒰𑒩𑒣𑒩 𑒢𑒱𑒩𑓂𑒡𑒰𑒩𑒱𑒞 𑒏𑒋𑒪 𑒖𑒰 𑒮𑒏𑒻𑒞 𑒁𑒕𑒱 𑒂 𑒋𑒏𑒩 𑒣𑓂𑒩𑒮𑒰𑒩 𑒏𑒼𑒢𑒰 𑒂𑒢 𑒏𑓂𑒭𑒹𑒞𑓂𑒩𑒧𑒹 𑒦𑒹𑒪 𑒮𑒹𑒯𑒼 𑒋𑒯𑒱𑒮𑒿 𑒢𑒱𑒩𑓂𑒡𑒰𑒩𑒱𑒞 𑒯𑒼𑒃𑒞 𑒁𑒕𑒱। 𑒇𑒑𑒫𑒻𑒠𑒱𑒏 𑒂𑒩𑓂𑒨 “𑒮𑒣𑓂𑒞 𑒮𑒢𑓂𑒡𑒫” 𑒧𑒰𑒢𑒹 𑒮𑒰𑒞 𑒡𑒰𑒩𑒏 𑒏𑓂𑒭𑒹𑒞𑓂𑒩𑒧𑒹 𑒩𑒯𑒻𑒞 𑒕𑒪𑒰𑒯- 𑒄 𑒮𑒰𑒞 𑒡𑒰𑒩 𑒕𑒪 𑒫𑒱𑒞𑒮𑓂𑒞𑒰, 𑒁𑒬𑓂𑒏𑒱𑒢𑒲, 𑒣𑒩𑒳𑒭𑓂𑒝𑒲, 𑒬𑒞𑒳𑒠𑓂𑒩𑒳, 𑒫𑒱𑒣𑒰𑒬𑒰, 𑒏𑓂𑒩𑒳𑒧𑒳 𑒂 𑒑𑒼𑒧𑒞𑒲। 𑒋𑒯𑒱𑒧𑒹 𑒣𑒯𑒱𑒪 𑒣𑒰𑒿𑒔𑒙𑒰 𑒡𑒰𑒩 𑒣𑓀𑒖𑒰𑒥𑒏 𑒂 𑒬𑒹𑒭 𑒠𑒴𑒙𑒰 𑒁𑒤𑒑𑒰𑒢𑒱𑒮𑓂𑒞𑒰𑒢𑒧𑒹 𑒥𑒯𑒻𑒞 𑒕𑒪। 𑒄 𑒮𑒰𑒞𑒼 𑒡𑒰𑒩 𑒇𑒑𑒫𑒹𑒠 𑒏𑒰𑒪𑒏 𑒮𑒦𑒮𑒿 𑒅𑒣𑒨𑒼𑒑𑒲 𑒡𑒰𑒩 𑒮𑒱𑒢𑓂𑒡𑒳𑒏 𑒮𑒯𑒰𑒨𑒏 𑒕𑒪। 𑒇𑒑𑒫𑒹𑒠𑒧𑒹 𑒮𑒩𑒮𑓂𑒫𑒞𑒲 𑒡𑒰𑒩𑒏 𑒫𑒩𑓂𑒝𑒢 “𑒡𑒰𑒩 𑒮𑒦 𑒧𑒰𑒨”𑒏 𑒩𑒴𑒣𑒧𑒹 𑒦𑒹𑒪 𑒁𑒕𑒱। 𑒇𑒑𑒫𑒹𑒠𑒧𑒹 𑒨𑒧𑒳𑒢𑒰𑒏 𑒠𑒴 𑒥𑒹𑒩 𑒂 𑒑𑓀𑒑𑒰𑒏 𑒋𑒏 𑒥𑒹𑒩 𑒫𑒩𑓂𑒝𑒢 𑒁𑒕𑒱। 𑒇𑒑𑒫𑒹𑒠𑒏 𑒠𑒮𑒧 𑒧𑒝𑓂𑒛𑒪𑒧𑒹 “𑒡𑒰𑒩𑒏 𑒮𑓂𑒞𑒳𑒞𑒱” 𑒧𑒹 𑒮𑒱𑒢𑓂𑒡𑒳 𑒂 𑒮𑒣𑓂𑒞𑒮𑒻𑒢𑓂𑒡𑒫𑒏 𑒮𑓂𑒞𑒳𑒞𑒱 𑒦𑒹𑒪 𑒁𑒕𑒱। 𑒍𑒃 𑒏𑒰𑒪𑒧𑒹 𑒣𑒳𑒩𑒳, 𑒁𑒢𑒳, 𑒠𑓂𑒩𑒳𑒯𑓂𑒨, 𑒨𑒠𑒳 𑒂 𑒞𑒳𑒩𑓂𑒫𑒮 𑒢𑒰𑒧𑓂𑒢𑒰 𑒣𑓀𑒔𑒖𑒢 𑒥𑒮𑒻𑒞 𑒕𑒪𑒰𑒯। 𑒏𑓂𑒩𑒱𑒫𑒱, 𑒞𑓂𑒩𑒱𑒞𑓂𑒮𑒳, 𑒮𑒹𑒯𑒼 𑒍𑒯𑒱 𑒏𑒰𑒪𑒧𑒹 𑒕𑒪𑒰𑒯। 𑒣𑒳𑒩𑒳 𑒂 𑒮𑒦𑒮𑒿 𑒬𑒏𑓂𑒞𑒱𑒫𑒰𑒢 𑒦𑒩𑒞 𑒏𑒥𑒲𑒪𑒰 𑒧𑒱𑒪𑒱 𑒥𑒰𑒠𑒧𑒹 𑒏𑒳𑒩𑒳 𑒏𑒥𑒲𑒪𑒰 𑒥𑒢𑒪। 𑒦𑒩𑒞 𑒏𑒥𑒲𑒪𑒰 𑒠𑒰𑒬𑒩𑒰𑒖𑓂𑒘 𑒨𑒳𑒠𑓂𑒡𑒧𑒹 𑒣𑒰𑒿𑒔 𑒂𑒩𑓂𑒨 𑒂 𑒣𑒰𑒿𑒔 𑒁𑒢𑒰𑒩𑓂𑒨 𑒏𑒥𑒲𑒪𑒰𑒏 𑒮𑓀𑒑𑒚𑒢𑒏𑒹𑒿 𑒯𑒩𑒹𑒪𑒏, 𑒖𑒰𑒯𑒱𑒧𑒹 𑒦𑒩𑒞𑒏 𑒣𑒳𑒩𑒯𑒱𑒞 𑒫𑒬𑒱𑒭𑓂𑒚 𑒩𑒯𑒟𑒱 𑒂 𑒣𑒰𑒿𑒔 𑒂𑒩𑓂𑒨 𑒂 𑒣𑒰𑒿𑒔 𑒁𑒢𑒰𑒩𑓂𑒨 (𑒠𑒮𑓂𑒨𑒳) 𑒏𑒥𑒲𑒪𑒰𑒏 𑒮𑓀𑒑𑒚𑒢𑒏 𑒣𑒳𑒩𑒯𑒱𑒞 𑒩𑒯𑒟𑒱 𑒫𑒱𑒬𑓂𑒫𑒰𑒧𑒱𑒞𑓂𑒩। 𑒥𑒼𑒑𑒖𑒏𑒼𑒄 𑒋𑒬𑒱𑒨𑒰 𑒧𑒰𑒃𑒢𑒩𑒧𑒹 𑒯𑒱𑒞𑓂𑒞𑒲 𑒬𑒰𑒮𑒏𑒏 𑓑𑓔𑒧 𑒬𑒞𑒲 𑒄.𑒣𑒴.𑒏 𑒅𑒞𑓂𑒏𑒲𑒩𑓂𑒝𑒱𑒞 𑒁𑒦𑒱𑒪𑒹𑒐𑒧𑒹 𑒃𑒢𑓂𑒠𑓂𑒩, 𑒠𑒬𑒩𑒟, 𑒁𑒩𑓂𑒞𑓂𑒞𑒞𑒧 𑒂𑒠𑒱 𑒩𑒰𑒖𑒰𑒏, 𑒃𑒢𑓂𑒠𑓂𑒩, 𑒫𑒩𑒳𑒝, 𑒢𑒰𑒮𑒞𑓂𑒨, 𑒂𑒠𑒱 𑒠𑒹𑒫𑒞𑒰𑒏 𑒅𑒪𑓂𑒪𑒹𑒐 𑒁𑒕𑒱। 𑒨𑒖𑒳𑒩𑓂𑒫𑒹𑒠𑒏 𑒣𑓂𑒩𑒔𑒪𑒱𑒞 𑒮𑓀𑒯𑒱𑒞𑒰 𑒫𑒰𑒖𑒮𑒢𑒹𑒨𑒲 𑒂 𑒮𑒰𑒧𑒫𑒹𑒠𑒏 𑒮𑓀𑒯𑒱𑒞𑒰 𑒏𑒾𑒟𑒳𑒧, 𑒮𑒰𑒧𑒫𑒹𑒠𑒏 𑒂𑒩𑒝𑓂𑒨𑒏 𑒂 𑒅𑒣𑒢𑒱𑒭𑒠 𑒕𑒰𑒢𑓂𑒠𑒼𑒑𑓂𑒨𑒏 𑒂𑒡𑒰𑒩𑒣𑒩 𑒧𑒱𑒟𑒱𑒪𑒰𑒧𑒹 𑒥𑓂𑒩𑒰𑒯𑓂𑒧𑒝𑒏 𑒫𑒰𑒖𑒮𑒢𑒹𑒨𑒲 𑒂 𑒕𑒰𑒢𑓂𑒠𑒼𑒑𑓂𑒨𑒧𑒹 𑒅𑒩𑓂𑒡𑓂𑒫𑒰𑒡𑒩 𑒫𑒱𑒦𑒰𑒖𑒢 𑒋𑒐𑒢 𑒡𑒩𑒱 𑒁𑒕𑒱। 𑒨𑒖𑒳𑒩𑓂𑒫𑒹𑒠𑒧𑒹 𑒫𑒱𑒠𑒹𑒯𑒏 𑒫𑒩𑓂𑒝𑒢 𑒁𑒕𑒱 𑒞𑒿 𑒇𑒑𑒫𑒹𑒠𑒧𑒹 𑒫𑒻𑒠𑒱𑒏 𑒖𑒢𑒏𑒏 (𑒮𑒲𑒞𑒰𑒏 𑒣𑒱𑒞𑒰 𑒮𑒲𑒩𑒡𑓂𑒫𑒖 𑒖𑒢𑒏 𑒣𑒕𑒰𑒞𑒱 𑒦𑒹𑒪𑒰𑒯।)
'𑒫𑒻𑒠𑒹𑒯 𑒩𑒰𑒖𑒰' 𑒇𑒑𑒫𑒹𑒠𑒱𑒏 𑒏𑒰𑒪𑒏 𑒢𑒧𑒲 𑒮𑒣𑓂𑒨𑒰𑒏 𑒢𑒰𑒧𑒮𑒿 𑒕𑒪𑒰𑒯, 𑒨𑒖𑓂𑒘 𑒏𑒩𑒻𑒞 𑒮𑒠𑒹𑒯 𑒮𑓂𑒫𑒩𑓂𑒑 𑒑𑒹𑒪𑒰𑒯, 𑒇𑒑𑒫𑒹𑒠𑒧𑒹 𑒫𑒩𑓂𑒝𑒢 𑒁𑒕𑒱। 𑒍 𑒃𑒢𑓂𑒠𑓂𑒩𑒏 𑒮𑓀𑒑 𑒠𑒹𑒪𑒢𑓂𑒯𑒱 𑒁𑒮𑒳𑒩 𑒢𑒧𑒳𑒔𑒲𑒏 𑒫𑒱𑒩𑒳𑒠𑓂𑒡 𑒂 𑒞𑒰𑒯𑒱𑒧𑒹 𑒃𑒢𑓂𑒠𑓂𑒩 𑒯𑒳𑒢𑒏𑒰 𑒥𑒔𑒍𑒪𑒢𑓂𑒯𑒱।𑒬𑒞𑒣𑒟 𑒥𑓂𑒩𑒰𑒯𑓂𑒧𑒝𑒏 𑒫𑒱𑒠𑒹𑒒𑒧𑒰𑒟𑒫 𑒂 𑒣𑒳𑒩𑒰𑒝𑒏 𑒢𑒱𑒧𑒱 𑒠𑒳𑒢𑒴 𑒑𑒼𑒙𑒹𑒏 𑒣𑒳𑒩𑒼𑒯𑒱𑒞 𑒑𑒾𑒞𑒧 𑒕𑒟𑒱 𑒮𑒹 𑒠𑒳𑒢𑒴 𑒋𑒏𑒹 𑒕𑒟𑒱 𑒂 𑒋𑒞𑒋𑒮𑒿 𑒫𑒱𑒠𑒹𑒯 𑒩𑒰𑒖𑓂𑒨𑒏 𑒣𑓂𑒩𑒰𑒩𑒧𑓂𑒦। 𑒧𑒰𑒟𑒫𑒏 𑒣𑒳𑒩𑒯𑒱𑒞 𑒑𑒾𑒞𑒧 𑒧𑒱𑒞𑓂𑒩𑒫𑒱𑒢𑓂𑒠 𑒨𑒖𑓂𑒘𑒏/ 𑒥𑒪𑒱𑒏 𑒣𑓂𑒩𑒰𑒩𑒧𑓂𑒦 𑒏𑒋𑒪𑒢𑓂𑒯𑒱 𑒂 𑒣𑒳𑒢𑓁 𑒋𑒏𑒩 𑒣𑒳𑒢𑓁𑒮𑓂𑒟𑒰𑒣𑒢𑒰 𑒦𑒹𑒪 𑒧𑒯𑒰𑒖𑒢𑒏-𑓒 𑒏 𑒮𑒧𑒨𑒧𑒹 𑒨𑒰𑒖𑓂𑒘𑒫𑒪𑓂𑒏𑓂𑒨 𑒠𑓂𑒫𑒰𑒩𑒰। 𑒢𑒱𑒧𑒱 𑒑𑒾𑒞𑒧𑒏 𑒂𑒬𑓂𑒩𑒧𑒏 𑒪𑒑 𑒖𑒨𑒢𑓂𑒞 𑒂 𑒧𑒱𑒟𑒱 -𑒖𑒱𑒢𑒏𑒰 𑒧𑒱𑒟𑒱𑒪𑒰 𑒢𑒰𑒧𑒮𑒿 𑒮𑒹𑒯𑒼 𑒮𑒼𑒩 𑒏𑒋𑒪 𑒖𑒰𑒃𑒞 𑒕𑒢𑓂𑒯𑒱, 𑒧𑒱𑒟𑒱𑒪𑒰 𑒢𑒑𑒩𑒏 𑒢𑒱𑒩𑓂𑒧𑒰𑒝 𑒏𑒋𑒪𑒢𑓂𑒯𑒱। 𑒢𑒱𑒧𑒲𑒏 𑒖𑒨𑒢𑓂𑒞𑒣𑒳𑒩 𑒫𑒩𑓂𑒞𑒧𑒰𑒢 𑒖𑒢𑒏𑒣𑒳𑒩𑒧𑒹 𑒕𑒪, 𑒧𑒱𑒟𑒲𑒏 𑒧𑒱𑒟𑒱𑒪𑒰𑒢𑒑𑒩𑒲𑒏 𑒮𑓂𑒟𑒰𑒢 𑒋𑒐𑒢 𑒡𑒩𑒱 𑒢𑒱𑒩𑓂𑒡𑒰𑒩𑒱𑒞 𑒢𑒯𑒱 𑒦𑒋 𑒮𑒏𑒪 𑒁𑒕𑒱, 𑒁𑒢𑒳𑒧𑒰𑒢𑒱𑒞 𑒁𑒕𑒱 𑒖𑒢𑒏𑒣𑒳𑒩𑒏 𑒪𑒑 । ’𑒮𑒲𑒩𑒡𑓂𑒫𑒖 𑒖𑒢𑒏’ 𑒮𑒲𑒞𑒰𑒏 𑒣𑒱𑒞𑒰 𑒕𑒟𑒱 𑒂 𑒋𑒞𑒨𑒮𑒿 𑒧𑒱𑒟𑒱𑒪𑒰𑒏 𑒩𑒰𑒖𑒰𑒏 𑒮𑒳𑒠𑒵𑒜𑓃 𑒣𑒩𑒧𑓂𑒣𑒩𑒰 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒁𑒕𑒱। ’𑒏𑒵𑒞𑒱 𑒖𑒢𑒏’ 𑒮𑒲𑒩𑒡𑓂𑒫𑒖𑒏 𑒥𑒰𑒠𑒏 18𑒧 𑒣𑒳𑒮𑓂𑒞𑒧𑒹 𑒦𑒹𑒪 𑒕𑒪𑒰𑒯। 𑒏𑒵𑒞𑒱 𑒯𑒱𑒩𑒝𑓂𑒨𑒢𑒰𑒦𑒏 𑒣𑒳𑒞𑓂𑒩 𑒕𑒪𑒰𑒯 𑒂 𑒖𑒢𑒏 𑒥𑒯𑒳𑒪𑒰𑒬𑓂𑒫𑒏 𑒣𑒳𑒞𑓂𑒩 𑒕𑒪𑒰𑒯। 𑒨𑒰𑒖𑓂𑒘𑒫𑒪𑒏𑓂𑒨 𑒯𑒱𑒩𑒝𑓂𑒨𑒰𑒦𑒏 𑒬𑒱𑒭𑓂𑒨 𑒕𑒪𑒰𑒯, 𑒯𑒳𑒢𑒏𑒰𑒮𑒿 𑒨𑒼𑒑𑒏 𑒬𑒱𑒏𑓂𑒭𑒰 𑒪𑒹𑒢𑒹 𑒕𑒪𑒰𑒯। 𑒏𑒩𑒰𑒪 𑒖𑒢𑒏 𑒠𑓂𑒫𑒰𑒩𑒰 𑒋𑒏𑒙𑒰 𑒥𑓂𑒩𑒰𑒯𑓂𑒧𑒝 𑒨𑒳𑒫𑒞𑒲𑒏 𑒬𑒲𑒪-𑒁𑒣𑒯𑒩𑒝𑒏 𑒣𑓂𑒩𑒨𑒰𑒮 𑒦𑒹𑒪 𑒂 𑒖𑒢𑒏 𑒩𑒰𑒖𑒫𑓀𑒬 𑒮𑒧𑒰𑒣𑓂𑒞 𑒦𑒋 𑒑𑒹𑒪 (𑒮𑓀𑒠𑒩𑓂𑒦 𑒁𑒬𑓂𑒫𑒒𑒼𑒭-𑒥𑒳𑒠𑓂𑒡𑒔𑒩𑒱𑒞 𑒂 𑒏𑒾𑒙𑒱𑒪𑓂𑒨-𑒁𑒩𑓂𑒟𑒬𑒰𑒮𑓂𑒞𑓂𑒩)।𑒁𑒩𑓂𑒟𑒬𑒰𑒮𑓂𑒞𑓂𑒩𑒧𑒹(𑓑.𑓖 𑒫𑒱𑒢𑒨𑒰𑒡𑒱𑒏𑒰𑒩𑒱𑒏𑒹 𑒣𑓂𑒩𑒟𑒧𑒰𑒡𑒱𑒏𑒩𑒝𑒹 𑒭𑒛𑒼𑓄𑒡𑓂𑒨𑒰𑒨𑓁 𑒃𑒢𑓂𑒠𑓂𑒩𑒱𑒨𑒖𑒨𑒹 𑒁𑒩𑒱𑒭𑒛𑓂𑒫𑒩𑓂𑒑𑒞𑓂𑒨𑒰𑒑𑓁) 𑒏𑒩𑒰𑒪 𑒖𑒢𑒏𑒏 𑒣𑒞𑒢𑒏 𑒮𑒹𑒯𑒼 𑒔𑒩𑓂𑒔𑒰 𑒁𑒕𑒱। 𑒞𑒠𑓂𑒫𑒱𑒩𑒳𑒠𑓂𑒡𑒫𑒵𑒞𑓂𑒞𑒱𑒩𑒫𑒬𑓂𑒨𑒹𑒢𑓂𑒠𑓂𑒩𑒱𑒨𑒬𑓂𑒔𑒰𑒞𑒳𑒩𑒢𑓂𑒞𑒼𑓄𑒣𑒱 𑒩𑒰𑒖𑒰 𑒮𑒠𑓂𑒨𑒼 𑒫𑒱𑒢𑒬𑓂𑒨𑒞𑒱- 𑒨𑒟𑒰 𑒠𑒰𑒝𑓂𑒛𑒏𑓂𑒨𑒼 𑒢𑒰𑒧 𑒦𑒼𑒖𑓁 𑒏𑒰𑒧𑒰𑒠𑓂 𑒥𑓂𑒩𑒰𑒯𑓂𑒧𑒝 𑒏𑒢𑓂𑒨𑒰𑒨𑒧𑒦𑒱𑒧𑒢𑓂𑒨𑒧𑒰𑒢𑓁 𑒮𑒥𑒢𑓂𑒡𑒩𑒰𑒭𑓂𑒙𑓂𑒩𑒼 𑒫𑒱𑒢𑒢𑒰𑒬 𑒏𑒩𑒰𑒪𑒬𑓂𑒔 𑒫𑒻𑒠𑒹𑒯𑓁,...।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒏 𑒏𑒰𑒪𑒧𑒹 𑒂𑒩𑓂𑒨 𑒮𑒣𑓂𑒞𑒮𑒢𑓂𑒡𑒫𑒮𑒿 𑒫𑒱𑒠𑒹𑒯 𑒡𑒩𑒱 𑒂𑒥𑒱 𑒑𑒹𑒪 𑒕𑒪𑒰𑒯। 𑒁𑒢𑒰𑒩𑓂𑒨 (𑒠𑒮𑓂𑒨𑒳)𑒮𑒿 𑒍𑒯𑒲 𑒏𑒰𑒪𑒧𑒹 𑒯𑒳𑒢𑒏𑒩 𑒮𑒧𑓂𑒣𑒩𑓂𑒏 𑒦𑓄 𑒑𑒹𑒪 𑒕𑒪 𑒂 𑒬𑒰𑒥𑓂𑒠𑒱𑒏 𑒂𑒠𑒰𑒢-𑒣𑓂𑒩𑒠𑒰𑒢 𑒮𑒹𑒯𑒼 𑒦𑓄 𑒑𑒹𑒪 𑒕𑒪। 𑒨𑒖𑒳𑒩𑓂𑒫𑒹𑒠𑒧𑒹 𑒥𑒰𑒠𑒧𑒹 𑒁𑒟𑒩𑓂𑒫𑒫𑒹𑒠𑒧𑒹 𑒄 𑒂𑒠𑒰𑒢-𑒣𑓂𑒩𑒠𑒰𑒢 𑒠𑒵𑒭𑓂𑒙𑒱𑒑𑒼𑒔𑒩 𑒯𑒼𑒃𑒞 𑒁𑒕𑒱। 𑒁𑒢𑒰𑒩𑓂𑒨 (𑒠𑒮𑓂𑒨𑒳) 𑒂 𑒫𑓂𑒩𑒰𑒞𑓂𑒨 (𑒁𑒢𑒰𑒩𑓂𑒨𑒮𑒿 𑒂𑒩𑓂𑒨 𑒥𑒢𑒪 𑒖𑒰𑒞𑒱) 𑒠𑒳𑒢𑒳𑒏 𑒦𑒰𑒭𑒰 𑒮𑒣𑓂𑒞𑒮𑒻𑒢𑓂𑒡𑒫 𑒂𑒩𑓂𑒨𑒏 𑒦𑒰𑒭𑒰𑒮𑒿 𑒧𑒱𑒪𑒱 𑒑𑒹𑒪 𑒂 𑒣𑒳𑒥𑒩𑒱𑒨𑒰 𑒂 𑒂𑒢 𑒏𑓂𑒭𑒹𑒞𑓂𑒩𑒲𑒨 𑒥𑒮𑒰𑒞 𑒪𑒑𑒪𑒰𑒮𑒿 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒥𑒠𑒪𑒱 𑒑𑒹𑒪। 𑒢𑒱𑒩𑒳𑒏𑓂𑒞𑒏 𑒮𑒧𑒨𑒧𑒹 𑒮𑒹𑒯𑒼 𑒫𑒻𑒠𑒱𑒏 𑒬𑒥𑓂𑒠𑒰𑒫𑒪𑒲 𑒏𑒚𑒱𑒢 𑒦𑓄 𑒑𑒹𑒪 𑒕𑒪, 𑒍𑒏𑒩 𑒅𑒞𑓂𑒣𑒞𑓂𑒞𑒱𑒣𑒩 𑒫𑒱𑒫𑒹𑒔𑒢 𑒬𑒳𑒩𑒴 𑒦𑓄 𑒑𑒹𑒪 𑒕𑒪। 𑒣𑒰𑒝𑒱𑒢𑒲𑒏 𑒦𑒰𑒭𑒰 𑒣𑒳𑒥𑒩𑒱𑒨𑒰, 𑒠𑒕𑒱𑒢𑒥𑒩𑒱𑒨𑒰, 𑒣𑒕𑒥𑒩𑒱𑒨𑒰 𑒂 𑒅𑒞𑓂𑒞𑒩𑒥𑒩𑒱𑒨𑒰 𑒮𑒦 𑒏𑓂𑒭𑒹𑒞𑓂𑒩𑒏 𑒠𑒮𑓂𑒨𑒳 𑒂 𑒫𑓂𑒩𑒰𑒞𑓂𑒨 𑒦𑒰𑒭𑒰𑒏 𑒬𑒥𑓂𑒠𑒰𑒫𑒪𑒲𑒏𑒹𑒿 𑒮𑒧𑒰𑒯𑒱𑒞 𑒏𑓄 𑒥𑒢𑒪 𑒕𑒪। 𑒄 𑒮𑓀𑒮𑓂𑒏𑒰𑒩𑒱𑒞 𑒦𑒰𑒭𑒰 𑒥𑒰𑒠𑒏 𑒪𑒼𑒏 𑒧𑒡𑓂𑒨 𑒮𑓀𑒮𑓂𑒏𑒵𑒞𑒏 𑒩𑒴𑒣𑒧𑒹 𑒫𑒱𑒐𑓂𑒨𑒰𑒞 𑒦𑒹𑒪। 𑒣𑒰𑒝𑒱𑒢𑒲 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒏𑒹𑒿 𑒖𑒹𑒢𑒰 “𑒦𑒰𑒭𑒰” 𑒏𑒯𑒪𑒢𑓂𑒯𑒱, 𑒞𑒯𑒱𑒢𑒰 𑒨𑒰𑒮𑓂𑒏 𑒂 𑒣𑒰𑒝𑒱𑒢𑒲 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒏𑒹𑒿 “𑒕𑒢𑓂𑒠𑒮𑓂”। 𑒨𑒻𑒯 𑒕𑒢𑓂𑒠𑒮𑓂 𑒁𑒫𑒹𑒮𑓂𑒞𑒰 𑒦𑒰𑒭𑒰𑒏 𑒦𑒰𑒭𑓂𑒨 𑒪𑒹𑒪 𑒖𑒹𑒢𑓂𑒠 (𑒕𑒢𑓂𑒠) 𑒏𑒯𑒪 𑒑𑒹𑒪।

𑒮𑓀𑒮𑓂𑒏𑒵𑒞, 𑒣𑓂𑒩𑒰𑒏𑒵𑒞, 𑒁𑒫𑒯𑒙𑓂𑒙, 𑒧𑒻𑒟𑒱𑒪𑒲
𑓑. 𑒮𑓀𑒮𑓂𑒏𑒵𑒞
𑒠𑒹𑒫𑒢𑒰𑒑𑒩𑒲𑒏 𑒁𑒞𑒱𑒩𑒱𑒏𑓂𑒞𑓂𑒞 𑒮𑒧𑒮𑓂𑒞 𑒅𑒞𑓂𑒞𑒩 𑒦𑒰𑒩𑒞𑒲𑒨 𑒦𑒰𑒭𑒰 𑒢𑒹𑒣𑒰𑒪 𑒂 𑒠𑒏𑓂𑒭𑒱𑒝𑒏 (𑒞𑒧𑒱𑒪𑒏𑒹𑒿 𑒕𑒼𑒛𑓃𑒱) 𑒮𑒦 𑒦𑒰𑒭𑒰 𑒫𑒩𑓂𑒝𑒧𑒰𑒪𑒰𑒏 𑒩𑒴𑒣𑒧𑒹 𑒮𑓂𑒫𑒩 𑒂 𑒏𑒔𑒙𑒞𑒣 𑒂 𑒨, 𑒩 𑒪 𑒫, 𑒬, 𑒮, 𑒯 𑒏 𑒫𑒩𑓂𑒝𑒧𑒰𑒪𑒰𑒏 𑒅𑒣𑒨𑒼𑒑 𑒏𑒩𑒻𑒞 𑒁𑒕𑒱। 𑒑𑓂𑒫𑒰𑒓 𑒯𑒹𑒞𑒳 𑒮𑓀𑒮𑓂𑒏𑒵𑒞𑒧𑒹 𑒠𑒼𑒮𑒩 𑒫𑒩𑓂𑒝 𑒕𑒻𑒏 (𑒕𑒰𑒢𑓂𑒠𑒼𑒑𑓂𑒨 𑒣𑒩𑒧𑓂𑒣𑒩𑒰𑒧𑒹 𑒋𑒏𑒩 𑒅𑒔𑓂𑒔𑒰𑒩𑒝 𑒢𑒯𑒱 𑒯𑒼𑒃𑒞 𑒁𑒕𑒱 𑒕𑒟𑒱 𑒧𑒳𑒠𑒰 𑒫𑒰𑒖𑒮𑒢𑒹𑒨𑒲 𑒣𑒩𑒧𑓂𑒣𑒩𑒰𑒧𑒹 𑒐𑒴𑒥 𑒯𑒼𑒃𑒞 𑒁𑒕𑒱- 𑒖𑒹𑒢𑒰 𑒕𑒰𑒢𑓂𑒠𑒼𑒑𑓂𑒨 𑒅𑒔𑓂𑒔𑒰𑒩𑒝 𑒮𑒦𑒴𑒧𑒱 𑒞𑒿 𑒫𑒰𑒖𑒮𑒢𑒹𑒨𑒲 𑒅𑒔𑓂𑒔𑒰𑒩𑒝 𑒮𑒦𑒴𑒧𑒲𑒑𑓂𑒫𑓀𑒓), 𑒄 𑒯𑓂𑒩𑒮𑓂𑒫 𑒠𑒲𑒩𑓂𑒒 𑒠𑒳𑒢𑒴 𑒯𑒼𑒃𑒞 𑒁𑒕𑒱। 𑒮𑒱𑒠𑓂𑒡𑒱𑒩𑒮𑓂𑒞𑒳 𑒪𑒹𑒪 𑒮𑒹𑒯𑒼 𑒏𑒧𑒮𑒿 𑒏𑒧 𑒕𑒯 𑒣𑓂𑒩𑒏𑒰𑒩𑒏 𑒫𑒩𑓂𑒝 𑒧𑒱𑒟𑒱𑒪𑒰𑒏𑓂𑒭𑒩𑒧𑒹 𑒣𑓂𑒩𑒨𑒳𑒏𑓂𑒞 𑒯𑒼𑒃𑒞 𑒁𑒕𑒱। 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒅𑒠𑒰𑒞𑓂𑒞, 𑒁𑒢𑒳𑒠𑒰𑒞𑓂𑒞 𑒂 𑒮𑓂𑒫𑒩𑒱𑒞 (𑒏𑓂𑒩𑒧𑒬𑓁 𑒏↑ 𑒏↓ 𑒏॓) 𑒅𑒣𑒨𑒼𑒑 𑒞𑒿 𑒧𑒩𑒰𑒚𑒲𑒧𑒹 𑒝𑓃 𑒂 𑒁𑒩𑓂𑒠𑓂𑒡 𑒩𑓂 𑒏𑒹𑒩 𑒮𑒹𑒯𑒼 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑓄 (𑒥𑒱𑒏𑒰𑒩𑒲 𑒫𑒰 𑒁𑒫𑒑𑓂𑒩𑒯) 𑒏 𑒣𑓂𑒩𑒨𑒼𑒑 𑒮𑓀𑒮𑓂𑒏𑒵𑒞 𑒖𑒏𑒰𑒿 𑒯𑒼𑒃𑒞 𑒁𑒕𑒱 𑒂 𑒂𑒃 𑒏𑒰𑒪𑓂𑒯𑒱 𑒋𑒏𑒩 𑒥𑒠𑒪𑒰𑒧𑒹 𑒙𑒰𑒃𑒣𑒏 𑒮𑒳𑒫𑒱𑒡𑒰𑒢𑒳𑒮𑒰𑒩𑒹 𑒠’ (𑒠𑓄 𑒏 𑒥𑒠𑒪𑒰𑒧𑒹) 𑒋𑒯𑒢 𑒣𑓂𑒩𑒨𑒼𑒑 𑒮𑒹𑒯𑒼 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒄 𑒣𑓂𑒩𑒨𑒼𑒑 𑒍𑒯𑒱 𑒤𑒰𑓀𑒙𑒧𑒹 𑒋𑒏𑒙𑒰 𑒞𑒏𑒢𑒲𑒏𑒲 𑒢𑓂𑒨𑒴𑒢𑒞𑒰𑒏 𑒣𑒩𑒱𑒔𑒰𑒨𑒏 𑒁𑒕𑒱। 𑒧𑒳𑒠𑒰 𑒂𑒏𑒰𑒩 𑒏 𑒥𑒰𑒠 𑒥𑒱𑒏𑒰𑒩𑒲𑒏 𑒂𑒫𑒬𑓂𑒨𑒏𑒞𑒰 𑒢𑒯𑒱 𑒁𑒕𑒱।
𑒖𑒹𑒢𑒰 𑒤𑒰𑒩𑒮𑒲𑒧𑒹 𑒁𑒪𑒱𑒤 𑒥𑒹 𑒮𑒹 𑒂 𑒩𑒼𑒧𑒢𑒧𑒹 𑒋 𑒥𑒲 𑒮𑒲 𑒯𑒼𑒃𑒞 𑒁𑒕𑒱 𑒞𑒯𑒱𑒢𑒰 𑒧𑒼𑒙𑒰-𑒧𑒼𑒙𑒲 𑒮𑒦 𑒦𑒰𑒩𑒞𑒲𑒨 𑒦𑒰𑒭𑒰𑒧𑒹 𑒪𑒱𑒣𑒱𑒏 𑒦𑒱𑒢𑓂𑒢𑒞𑒰𑒏 𑒁𑒕𑒻𑒞 𑒫𑒩𑓂𑒝𑒧𑒰𑒪𑒰𑒏 𑒮𑓂𑒫𑒩𑒴𑒣 𑒋𑒏𑒹 𑒩𑒓 𑒁𑒕𑒱।
𑒫𑒩𑓂𑒝𑒧𑒰𑒪𑒰𑒧𑒹 𑒠𑒴 𑒣𑓂𑒩𑒏𑒰𑒩𑒏 𑒫𑒩𑓂𑒝 𑒁𑒕𑒱- 𑒮𑓂𑒫𑒩 𑒂 𑒫𑓂𑒨𑓀𑒖𑒢। 𑒫𑒩𑓂𑒝𑒏 𑒮𑓀𑒐𑓂𑒨𑒰 𑒁𑒕𑒱 𑓖𑓔 𑒖𑒰𑒯𑒱𑒧𑒹 𑓒𑓒 𑒙𑒰 𑒮𑓂𑒫𑒩 𑒂 𑓔𑓒 𑒙𑒰 𑒫𑓂𑒨𑒘𑓂𑒖𑒢 𑒁𑒕𑒱।
𑒮𑓂𑒫𑒩𑒏 𑒫𑒩𑓂𑒝𑒢 𑒋𑒯𑒱 𑒣𑓂𑒩𑒏𑒰𑒩𑒹𑒿 𑒁𑒕𑒱- 𑒖𑒰𑒯𑒱 𑒫𑒩𑓂𑒝𑒏 𑒅𑒔𑓂𑒔𑒰𑒩𑒝𑒧𑒹 𑒠𑒼𑒮𑒩 𑒫𑒩𑓂𑒝𑒏 𑒅𑒔𑓂𑒔𑒰𑒩𑒝𑒏 𑒁𑒣𑒹𑒏𑓂𑒭𑒰 𑒢𑒯𑒱 𑒩𑒯𑒻𑒞 𑒁𑒕𑒱, 𑒮𑒹 𑒦𑒹𑒪 𑒮𑓂𑒫𑒩।
𑒮𑓂𑒫𑒩𑒏 𑒞𑒲𑒢 𑒙𑒰 𑒦𑒹𑒠 𑒁𑒕𑒱- 𑒯𑓂𑒩𑒮𑓂𑒫, 𑒠𑒲𑒩𑓂𑒒 𑒂 𑒣𑓂𑒪𑒳𑒞। 𑒖𑒰𑒯𑒱𑒧𑒹 𑒥𑒰𑒖𑒻𑒧𑒹 𑒋𑒏 𑒧𑒰𑒞𑓂𑒩𑒰𑒏 𑒮𑒧𑒨 𑒪𑒰𑒑𑒋 𑒮𑒹 𑒦𑒹𑒪 𑒯𑓂𑒩𑒮𑓂𑒫, 𑒖𑒰𑒯𑒱𑒧𑒹 𑒠𑒴 𑒧𑒰𑒞𑓂𑒩𑒰 𑒮𑒧𑒨 𑒪𑒰𑒑𑒪 𑒮𑒹 𑒦𑒹𑒪 𑒠𑒲𑒩𑓂𑒒 𑒂 𑒖𑒰𑒯𑒱𑒧𑒹 𑒞𑒲𑒢 𑒧𑒰𑒞𑓂𑒩𑒰𑒏 𑒮𑒧𑒨 𑒪𑒰𑒑𑒪 𑒮𑒹 𑒦𑒹𑒪 𑒣𑓂𑒪𑒳𑒞।

𑒧𑒴𑒪𑒦𑒴𑒞 𑒮𑓂𑒫𑒩 𑒁𑒕𑒱- 𑒁 𑒃 𑒅 𑒇 𑒪𑒵
𑒣𑒰𑒝𑒱𑒢𑒱𑒮𑒿 𑒣𑒴𑒩𑓂𑒫𑒏 𑒂𑒔𑒰𑒩𑓂𑒨 𑒋𑒏𑒩𑒰 𑒮𑒧𑒰𑒢𑒰𑒏𑓂𑒭𑒩 𑒏𑒯𑒻𑒞 𑒕𑒪𑒰𑒯।
𑒠𑒲𑒩𑓂𑒒 𑒧𑒱𑒬𑓂𑒩 𑒮𑓂𑒫𑒩 𑒁𑒕𑒱- 𑒋 𑒌 𑒍 𑒎
𑒣𑒰𑒝𑒱𑒢𑒱𑒮𑒿 𑒣𑒴𑒩𑓂𑒫𑒏 𑒂𑒔𑒰𑒩𑓂𑒨 𑒋𑒏𑒩𑒰 𑒮𑒢𑓂𑒡𑓂𑒨𑒏𑓂𑒭𑒩 𑒏𑒯𑒻𑒞 𑒕𑒪𑒰𑒯।
𑒪𑒵 𑒠𑒲𑒩𑓂𑒒 𑒢𑒯𑒱 𑒯𑒼𑒃𑒞 𑒁𑒕𑒱 𑒂 𑒮𑒢𑓂𑒡𑓂𑒨𑒏𑓂𑒭𑒩 𑒯𑓂𑒩𑒮𑓂𑒫 𑒢𑒯𑒱 𑒯𑒼𑒃𑒞 𑒁𑒕𑒱।
𑒁 𑒃 𑒅 𑒇 𑒋𑒯𑒱 𑒮𑒦𑒏 𑒯𑓂𑒩𑒮𑓂𑒫, 𑒠𑒲𑒩𑓂𑒒 (𑒂 𑒄 𑒆 𑒈) 𑒂 𑒣𑓂𑒪𑒳𑒞 (𑒂𑓓 𑒄𑓓 𑒆𑓓 𑒈𑓓) 𑒮𑒦 𑒧𑒱𑒪𑒰 𑒏𑓄 𑓑𑓒 𑒫𑒩𑓂𑒝 𑒦𑒹𑒪। 𑒪𑒵 𑒏 𑒯𑓂𑒩𑒮𑓂𑒫 𑒂 𑒣𑓂𑒪𑒳𑒞 𑒠𑒴 𑒦𑒹𑒠 𑒁𑒕𑒱 (𑒪𑒶𑓓), 𑒞𑒿 𑓒 𑒙𑒰 𑒄 𑒦𑒹𑒪। 𑒋 𑒌 𑒍 𑒎 𑒄 𑒔𑒰𑒩𑒴 𑒠𑒲𑒩𑓂𑒒 𑒧𑒱𑒬𑓂𑒩𑒱𑒞 𑒮𑓂𑒫𑒩 𑒁𑒕𑒱 𑒂 𑒋𑒯𑒱 𑒔𑒰𑒩𑒴𑒏 𑒣𑓂𑒪𑒳𑒞 𑒩𑒴𑒣 𑒮𑒹𑒯𑒼 (𑒋𑓓 𑒌𑓓 𑒍𑓓 𑒎𑓓) 𑒯𑒼𑒃𑒞 𑒁𑒕𑒱, 𑒞𑒿 𑓘 𑒙𑒰 𑒄 𑒮𑒹𑒯𑒼 𑒦𑒹𑒪। 𑒦𑓄 𑒑𑒹𑒪 𑒮𑒦𑒙𑒰 𑒧𑒱𑒪𑒰 𑒏𑒋 𑓒𑓒 𑒙𑒰 𑒮𑓂𑒫𑒩।

𑒋𑒯𑒱 𑒮𑒦𑒙𑒰 𑓒𑓒 𑒮𑓂𑒫𑒩𑒏 𑒫𑒻𑒠𑒱𑒏 𑒩𑒴𑒣 𑒞𑒲𑒢 𑒞𑒩𑒯𑒏 𑒯𑒼𑒃𑒞 𑒁𑒕𑒱, 𑒅𑒠𑒰𑒞𑓂𑒞, 𑒁𑒢𑒳𑒠𑒰𑒞𑓂𑒞 𑒂 𑒮𑓂𑒫𑒩𑒱𑒞।
𑒆𑒿𑒔 𑒦𑒰𑒑 𑒖𑒹𑒢𑒰 𑒞𑒰𑒪𑒳𑒮𑒿 𑒅𑒞𑓂𑒣𑒢𑓂𑒢 𑒁𑒏𑒰𑒩𑒰𑒠𑒱 𑒫𑒩𑓂𑒝 𑒅𑒠𑒰𑒞𑓂𑒞 𑒑𑒳𑒝𑒏 𑒯𑒼𑒃𑒞 𑒁𑒕𑒱 𑒂 𑒞𑒹𑒿 𑒅𑒠𑒰𑒞𑓂𑒞 𑒏𑒯𑒪 𑒖𑒰𑒃𑒞 𑒁𑒕𑒱।
𑒢𑒲𑒔𑒰𑒿 𑒦𑒰𑒑𑒮𑒿 𑒅𑒞𑓂𑒣𑒢𑓂𑒢 𑒮𑓂𑒫𑒩 𑒁𑒢𑒳𑒠𑒰𑒞𑓂𑒞 𑒂 𑒖𑒰𑒯𑒱 𑒁𑒏𑒰𑒩𑒰𑒠𑒱 𑒮𑓂𑒫𑒩𑒏 𑒣𑓂𑒩𑒟𑒧 𑒦𑒰𑒑𑒏 𑒅𑒔𑓂𑒔𑒰𑒩𑒝 𑒅𑒠𑒰𑒞𑓂𑒞 𑒂 𑒠𑒼𑒮𑒩 𑒦𑒰𑒑𑒏 𑒅𑒔𑓂𑒔𑒰𑒩𑒝 𑒁𑒢𑒳𑒠𑒰𑒞𑓂𑒞 𑒩𑒴𑒣𑒹𑒿 𑒯𑒼𑒃𑒞 𑒁𑒕𑒱 𑒮𑒹 𑒦𑒹𑒪 𑒮𑓂𑒫𑒩𑒱𑒞।
𑒮𑓂𑒫𑒩𑒏 𑒠𑒴 𑒣𑓂𑒩𑒏𑒰𑒩 𑒂𑒩 𑒁𑒕𑒱, 𑒮𑒰𑒢𑒳𑒢𑒰𑒮𑒱𑒏 𑒖𑒹𑒢𑒰 𑒁𑒿 𑒂 𑒢𑒱𑒩𑒢𑒳𑒢𑒰𑒮𑒱𑒏 𑒖𑒹𑒢𑒰 𑒁।
𑒠𑒞𑓂𑒞𑒹𑒢 𑒢𑒱𑒩𑓂𑒫𑒵𑒞𑓂𑒞𑓁 𑒏𑒴𑒣𑒼 𑒠𑒰𑒞𑓂𑒞𑓁। 𑒠𑒞𑓂𑒞 𑒢𑒰𑒧𑓂𑒢𑒰 𑒣𑒳𑒩𑒳𑒭 𑒠𑓂𑒫𑒰𑒩𑒰 𑒫𑒱𑒣𑒰𑒙𑓂- 𑒥𑓂𑒨𑒰𑒮 𑒡𑒰𑒩𑒏 𑒅𑒞𑒩𑒥𑒩𑒱𑒨𑒰 𑒞𑒙𑒣𑒩 𑒥𑒢𑒥𑒰𑒍𑒪, 𑒋𑒞𑒋 𑒃𑒢𑒰𑒩 𑒦𑒹𑒪 𑒠𑒰𑒞𑓂𑒞। 𑒁𑒘 𑒣𑓂𑒩𑒞𑓂𑒨𑒰𑒢𑓂𑒞 𑒦𑒹𑒪𑒰𑒮𑒿 ’𑒠𑒰𑒞𑓂𑒞’ 𑒂𑒠𑓂𑒨𑒳𑒠𑒰𑒞𑓂𑒞 𑒦𑒹𑒪, 𑒁𑒝𑓂 𑒣𑓂𑒩𑒞𑓂𑒨𑒰𑒨𑒰𑒢𑓂𑒞 𑒯𑒼𑒃𑒞 𑒞𑒿 𑒣𑓂𑒩𑒞𑓂𑒨𑒨 𑒮𑓂𑒫𑒩𑒮𑒿 𑒁𑒢𑓂𑒞𑒼𑒠𑒰𑒞𑓂𑒞 𑒯𑒼𑒃𑒞। 𑒩𑒴𑒣𑒧𑒹 𑒦𑒹𑒠 𑒢𑒯𑒱 𑒦𑒹𑒪𑒼𑒣𑒩 𑒮𑓂𑒫𑒩𑒧𑒹 𑒦𑒹𑒠 𑒁𑒕𑒱। 𑒋𑒯𑒱𑒮𑒿 𑒮𑒱𑒠𑓂𑒡 𑒦𑒹𑒪 𑒖𑒹 𑒮𑒰𑒧𑒰𑒢𑓂𑒨 𑒏𑒵𑒭𑒏 𑒫𑒩𑓂𑒑 𑒮𑒹𑒯𑒼 𑒬𑒥𑓂𑒠𑒏 𑒮𑒮𑓂𑒫𑒩 𑒅𑒔𑓂𑒔𑒰𑒩𑒝 𑒏𑒩𑒻𑒞 𑒕𑒪𑒰𑒯।
𑒮𑓂𑒫𑒩𑒱𑒞𑒏𑒹𑒿 𑒠𑒼𑒮𑒩𑒼 𑒩𑒴𑒣𑒧𑒹 𑒥𑒳𑒗𑒱 𑒮𑒏𑒻𑒞 𑒕𑒲- 𑒖𑒹𑒢𑒰 𑒋𑒯𑒱𑒧𑒹 𑒁𑒢𑓂𑒞𑒱𑒧 𑒮𑓂𑒫𑒩𑒏 𑒞𑒲𑒫𑓂𑒩 𑒮𑓂𑒫𑒩𑒧𑒹 𑒣𑒳𑒢𑒩𑒳𑒔𑓂𑒔𑒰𑒩𑒝 𑒯𑒼𑒃𑒞 𑒁𑒕𑒱।
𑒂𑒥 𑒫𑓂𑒨𑒘𑓂𑒖𑒢 𑒣𑒩 𑒂𑒆।
𑒫𑓂𑒨𑒘𑓂𑒖𑒢 𑓔𑓒 𑒙𑒰 𑒁𑒕𑒱।
𑒏𑓂 𑒐𑓂 𑒑𑓂 𑒒𑓂 𑒓𑓂
𑒔𑓂 𑒕𑓂 𑒖𑓂 𑒗𑓂 𑒘𑓂
𑒙𑓂 𑒚𑓂 𑒛𑓂 𑒜𑓂 𑒝𑓂
𑒞𑓂 𑒟𑓂 𑒠𑓂 𑒡𑓂 𑒢𑓂
𑒣𑓂 𑒤𑓂 𑒥𑓂 𑒦𑓂 𑒧𑓂
𑒨𑓂 𑒩𑓂 𑒪𑓂 𑒫𑓂
𑒬𑓂 𑒭𑓂 𑒮𑓂
𑒯𑓂
𑒨𑓂 𑒫𑓂 𑒪𑓂 𑒮𑒰𑒢𑒳𑒢𑒰𑒮𑒱𑒏 𑒮𑒹𑒯𑒼 𑒯𑒼𑒃𑒞 𑒁𑒕𑒱, 𑒨𑒿 𑒫𑒿 𑒪𑒿 𑒂 𑒢𑒱𑒩𑒳𑒢𑒰𑒮𑒱𑒏 𑒮𑒹𑒯𑒼।
𑒋𑒏𑒩 𑒁𑒞𑒱𑒩𑒱𑒏𑓂𑒞𑓂𑒞 𑒠𑒴 𑒙𑒰 𑒂𑒩 𑒫𑓂𑒨𑒘𑓂𑒖𑒢 𑒁𑒕𑒱- 𑒁𑒢𑒳𑒮𑓂𑒫𑒰𑒩 𑒂 𑒫𑒱𑒮𑒩𑓂𑒖𑒢𑒲𑒨 𑒫𑒰 𑒫𑒱𑒮𑒩𑓂𑒑।
𑒄 𑒠𑒳𑒢𑒴𑒙𑒰, 𑒮𑓂𑒫𑒩𑒏 𑒁𑒢𑒢𑓂𑒞𑒩 𑒣𑓂𑒩𑒨𑒳𑒏𑓂𑒞𑓂𑒞 𑒯𑒼𑒃𑒞 𑒁𑒕𑒱।
𑒫𑒱𑒮𑒩𑓂𑒖𑒢𑒲𑒨 𑒧𑒴𑒪 𑒫𑒩𑓂𑒝 𑒢𑒯𑒱 𑒁𑒕𑒱, 𑒫𑒩𑒢𑓂 𑒮𑓂 𑒫𑒰 𑒩𑓂 𑒏 𑒫𑒱𑒏𑒰𑒩 𑒁𑒕𑒱। 𑒫𑒱𑒮𑒩𑓂𑒖𑒢𑒲𑒨 𑒏𑒱𑒕𑒳 𑒡𑓂𑒫𑒢𑒱 𑒦𑒹𑒠 𑒂 𑒏𑒱𑒕𑒳 𑒩𑒴𑒣𑒦𑒹𑒠𑒮𑒿 𑒠𑒴 𑒣𑓂𑒩𑒏𑒰𑒩𑒏 𑒁𑒕𑒱- 𑒖𑒱𑒯𑓂𑒫𑒰𑒧𑒴𑒪𑒲𑒨 𑒂 𑒅𑒣𑒡𑓂𑒧𑒰𑒢𑒲𑒨। 𑒖𑒱𑒯𑓂𑒫𑒰𑒧𑒴𑒪𑒲𑒨 𑒧𑒰𑒞𑓂𑒩 𑒏 𑒂 𑒐 𑒮𑒿 𑒣𑒴𑒩𑓂𑒫 𑒣𑓂𑒩𑒨𑒳𑒏𑓂𑒞𑓂𑒞 𑒯𑒼𑒃𑒞 𑒁𑒕𑒱, 𑒠𑒼𑒮𑒩 𑒧𑒰𑒞𑓂𑒩 𑒣 𑒂 𑒤 𑒮𑒿 𑒣𑒴𑒩𑓂𑒫।
𑒁𑒢𑒳𑒮𑓂𑒫𑒰𑒩, 𑒫𑒱𑒮𑒩𑓂𑒖𑒢𑒲𑒨, 𑒖𑒱𑒯𑓂𑒫𑒰𑒧𑒴𑒪𑒲𑒨 𑒂 𑒅𑒣𑒡𑓂𑒧𑒰𑒢𑒲𑒨𑒏𑒹𑒿 𑒁𑒨𑒼𑒑𑒫𑒰𑒯 𑒏𑒯𑒪 𑒖𑒰𑒃𑒞 𑒁𑒕𑒱।
𑒅𑒣𑒩𑒼𑒏𑓂𑒞𑓂𑒞 𑒫𑒩𑓂𑒝 𑒮𑒦𑒏𑒹𑒿 𑒕𑒼𑒛𑓃𑒱 𑓔 𑒙𑒰 𑒂𑒩 𑒫𑒩𑓂𑒝 𑒁𑒕𑒱, 𑒖𑒏𑒩𑒰 𑒨𑒧 𑒏𑒯𑒪 𑒑𑒹𑒪 𑒁𑒕𑒱।
𑒏𑒳𑒿 𑒐𑒳𑒿 𑒑𑒳𑒿 𑒒𑒳𑒿 (𑒨𑒟𑒰- 𑒣𑒪𑒱𑒏𑓂 𑒏𑓂𑒢𑒲, 𑒔𑒐 𑒐𑓂𑒢𑓂𑒢𑒳𑒞𑓁, 𑒁𑒑𑓂 𑒑𑓂𑒢𑒱𑓁, 𑒒𑓂 𑒒𑓂𑒢𑒢𑓂𑒞𑒱)
𑒣𑒘𑓂𑒔𑒧 𑒫𑒩𑓂𑒝 𑒂𑒑𑒰𑒿 𑒩𑒯𑒪𑒰 𑒣𑒩 𑒣𑒴𑒩𑓂𑒫 𑒫𑒩𑓂𑒝 𑒮𑒠𑒵𑒬 𑒖𑒹 𑒫𑒩𑓂𑒝 𑒥𑒲𑒔𑒧𑒹 𑒅𑒔𑓂𑒔𑒰𑒩𑒱𑒞 𑒯𑒼𑒃𑒞 𑒁𑒕𑒱 𑒮𑒹 𑒨𑒧 𑒦𑒹𑒪।
𑒨𑒧 𑒮𑒹𑒯𑒼 𑒁𑒨𑒼𑒑𑒫𑒰𑒯 𑒯𑒼𑒃𑒞 𑒁𑒕𑒱।
𑒁 𑒂 𑒏𑒫𑒩𑓂𑒑 𑒯 (𑒁𑒮𑓀𑒨𑒳𑒏𑓂𑒞𑓂𑒞) 𑒂 𑒫𑒱𑒮𑒩𑓂𑒖𑒢𑒲𑒨 𑒏 𑒅𑒔𑓂𑒔𑒰𑒩𑒝 𑒏𑒝𑓂𑒚𑒧𑒹 𑒯𑒼𑒃𑒞 𑒁𑒕𑒱।
𑒃 𑒄 𑒔𑒫𑒩𑓂𑒑 𑒨 𑒬 𑒏 𑒅𑒔𑓂𑒔𑒰𑒩𑒝 𑒞𑒰𑒪𑒳𑒧𑒹 𑒯𑒼𑒃𑒞 𑒁𑒕𑒱।
𑒇 𑒈 𑒙𑒫𑒩𑓂𑒑 𑒩 𑒭 𑒏 𑒅𑒔𑓂𑒔𑒰𑒩𑒝 𑒧𑒴𑒩𑓂𑒡𑒰𑒧𑒹 𑒯𑒼𑒃𑒞 𑒁𑒕𑒱।
𑒪𑒵 𑒞𑒫𑒩𑓂𑒑 𑒪 𑒮 𑒏 𑒅𑒔𑓂𑒔𑒰𑒩𑒝 𑒠𑒰𑒿𑒞𑒮𑒿 𑒯𑒼𑒃𑒞 𑒁𑒕𑒱।
𑒅 𑒆 𑒣𑒫𑒩𑓂𑒑 𑒂 𑒅𑒣𑒡𑓂𑒧𑒰𑒢𑒲𑒨 𑒏 𑒅𑒔𑓂𑒔𑒰𑒩𑒝 𑒍𑒭𑓂𑒚𑒮𑒿 𑒯𑒼𑒃𑒞 𑒁𑒕𑒱।
𑒫 𑒏 𑒅𑒔𑓂𑒔𑒰𑒩𑒝 𑒅𑒣𑒩𑒏𑒰 𑒠𑒰𑒿𑒞𑒮𑒿 𑒁𑒡𑒩 𑒍𑒭𑓂𑒚𑒏 𑒮𑒯𑒰𑒨𑒞𑒰𑒮𑒿 𑒯𑒼𑒃𑒞 𑒁𑒕𑒱।
𑒋 𑒌 𑒏 𑒅𑒔𑓂𑒔𑒰𑒩𑒝 𑒏𑒝𑓂𑒚 𑒂 𑒞𑒰𑒪𑒳𑒮𑒿 𑒯𑒼𑒃𑒞 𑒁𑒕𑒱।
𑒍 𑒎 𑒏 𑒅𑒔𑓂𑒔𑒰𑒩𑒝 𑒏𑒝𑓂𑒚 𑒂 𑒍𑒭𑓂𑒚𑒮𑒿 𑒯𑒼𑒃𑒞 𑒁𑒕𑒱।
𑒨 𑒩 𑒪 𑒫 𑒁𑒢𑓂𑒨 𑒫𑓂𑒨𑒘𑓂𑒖𑒢 𑒖𑒏𑒰𑒿 𑒅𑒔𑓂𑒔𑒰𑒩𑒝𑒧𑒹 𑒖𑒱𑒯𑓂𑒫𑒰𑒏 𑒁𑒑𑓂𑒩𑒰𑒠𑒱 𑒦𑒰𑒑 𑒞𑒰𑒪𑓂𑒫𑒰𑒠𑒱 𑒮𑓂𑒟𑒰𑒢𑒏𑒹𑒿 𑒣𑒴𑒩𑓂𑒝𑒞𑒨𑒰 𑒮𑓂𑒣𑒩𑓂𑒬 𑒢𑒯𑒱 𑒏𑒩𑒻𑒞 𑒁𑒕𑒱। 𑒬𑓂 𑒭𑓂 𑒮𑓂 𑒯𑓂 𑒖𑒏𑒰𑒿 𑒋𑒯𑒱𑒧𑒹 𑒞𑒰𑒪𑒳 𑒂𑒠𑒱 𑒮𑓂𑒟𑒰𑒢𑒮𑒿 𑒒𑒩𑓂𑒭𑒝 𑒮𑒹𑒯𑒼 𑒢𑒯𑒱 𑒯𑒼𑒃𑒞 𑒁𑒕𑒱।
𑒏 𑒮𑒿 𑒧 𑒡𑒩𑒱 𑒮𑓂𑒣𑒩𑓂𑒬 (𑒫𑒰 𑒮𑓂𑒤𑒼𑒙𑒏 𑒏𑒰𑒩𑒝 𑒖𑒱𑒯𑓂𑒫𑒰𑒏 𑒁𑒑𑓂𑒩 𑒠𑓂𑒫𑒰𑒩𑒰 𑒫𑒰𑒨𑒳 𑒣𑓂𑒩𑒫𑒰𑒯 𑒩𑒼𑒏𑒱 𑒏𑓄 𑒕𑒼𑒛𑓃𑒪 𑒖𑒰𑒃𑒞 𑒁𑒕𑒱) 𑒫𑒩𑓂𑒝 𑒩 𑒮𑒿 𑒫 𑒁𑒢𑓂𑒞𑓁𑒮𑓂𑒟 𑒂 𑒭 𑒮𑒿 𑒯 𑒒𑒩𑓂𑒭𑒏 𑒫𑒩𑓂𑒝 𑒦𑒹𑒪।
𑒮𑒦 𑒫𑒩𑓂𑒑𑒏 𑒣𑒰𑒿𑒔𑒧 𑒫𑒩𑓂𑒝 𑒁𑒢𑒳𑒢𑒰𑒮𑒱𑒏 𑒏𑒯𑒥𑒻𑒞 𑒁𑒕𑒱 𑒏𑒰𑒩𑒝 𑒂𑒢 𑒮𑓂𑒟𑒰𑒢 𑒮𑒧𑒰𑒢 𑒩𑒯𑒱𑒞𑒼 𑒋𑒏𑒩 𑒮𑒦𑒏 𑒢𑒰𑒮𑒱𑒏𑒰𑒧𑒹 𑒮𑒹𑒯𑒼 𑒅𑒔𑓂𑒔𑒰𑒩𑒝 𑒯𑒼𑒃𑒞 𑒁𑒕𑒱- 𑒅𑒔𑓂𑒔𑒰𑒩𑒝𑒧𑒹 𑒫𑒰𑒨𑒳 𑒢𑒰𑒮𑒱𑒏𑒰 𑒂 𑒧𑒳𑒿𑒯 𑒥𑒰𑒙𑒹 𑒥𑒯𑒰𑒩 𑒯𑒼𑒃𑒞 𑒁𑒕𑒱।
𑒁𑒢𑒳𑒮𑓂𑒫𑒰𑒩 𑒂 𑒨𑒧 𑒏 𑒅𑒔𑓂𑒔𑒰𑒩𑒝 𑒧𑒰𑒞𑓂𑒩 𑒢𑒰𑒮𑒱𑒏𑒰𑒧𑒹 𑒯𑒼𑒃𑒞 𑒁𑒕𑒱- 𑒂 𑒄 𑒮𑒦 𑒢𑒰𑒮𑒱𑒏𑓂𑒨 𑒏𑒯𑒥𑒻𑒞 𑒁𑒕𑒱- 𑒏𑒰𑒩𑒝 𑒋𑒯𑒱 𑒮𑒦𑒧𑒹 𑒧𑒳𑒐𑒠𑓂𑒫𑒰𑒩 𑒥𑒢𑓂𑒠 𑒩𑒯𑒻𑒞 𑒁𑒕𑒱 𑒂 𑒢𑒰𑒮𑒱𑒏𑒰𑒮𑒿 𑒫𑒰𑒨𑒳 𑒥𑒯𑒰𑒩 𑒯𑒼𑒃𑒞 𑒁𑒕𑒱। 𑒁𑒢𑒳𑒮𑓂𑒫𑒰𑒩𑒏 𑒮𑓂𑒟𑒰𑒢 𑒣𑒩 𑒢𑓂 𑒫𑒰 𑒧𑓂 𑒏 𑒅𑒔𑓂𑒔𑒰𑒩𑒝 𑒢𑒯𑒱 𑒯𑒼𑒋𑒥𑒰𑒏 𑒔𑒰𑒯𑒲।
𑒖𑒐𑒢 𑒯𑒧𑒩𑒰 𑒮𑒦𑒏𑒹𑒿 𑒑𑒣 𑒏𑒩𑒥𑒰𑒏 𑒃𑒔𑓂𑒕𑒰 𑒯𑒼𑒃𑒞 𑒁𑒕𑒱, 𑒞𑒐𑒢 𑒮𑓀𑒏𑒪𑓂𑒣𑒮𑒿 𑒖𑒚𑒩𑒰𑒑𑓂𑒢𑒱 𑒣𑓂𑒩𑒹𑒩𑒱𑒞 𑒯𑒼𑒃𑒞 𑒁𑒕𑒱। 𑒢𑒰𑒦𑒱 𑒪𑒑𑒏 𑒫𑒰𑒨𑒳 𑒫𑒹𑒑𑒮𑒿 𑒅𑒚𑒻𑒞 𑒧𑒴𑒩𑓂𑒡𑒰 𑒡𑒩𑒱 𑒣𑒯𑒳𑒿𑒔𑒱, 𑒖𑒱𑒯𑓂𑒫𑒰𑒏 𑒁𑒑𑓂𑒩𑒰𑒠𑒱 𑒦𑒰𑒑 𑒠𑓂𑒫𑒰𑒩𑒰 𑒢𑒱𑒩𑒼𑒡 𑒦𑒹𑒪𑒰𑒏 𑒁𑒢𑒢𑓂𑒞𑒩 𑒧𑒳𑒐𑒏 𑒞𑒰𑒪𑒳 𑒂𑒠𑒱 𑒦𑒰𑒑𑒮𑒿 𑒒𑒩𑓂𑒭𑒱𑒞 𑒯𑒼𑒃𑒞 𑒁𑒕𑒱 𑒂 𑒞𑒐𑒢 𑒫𑒩𑓂𑒝𑒏 𑒅𑒞𑓂𑒣𑒞𑓂𑒞𑒱 𑒯𑒼𑒃𑒞 𑒁𑒕𑒱। 𑒏𑒧𑓂𑒣𑒢 𑒦𑒹𑒪𑒰𑒮𑒿 𑒫𑒰𑒨𑒳 𑒢𑒰𑒠𑒫𑒰𑒢 𑒂 𑒨𑒻𑒯 𑒑𑒴𑒿𑒖𑒱𑒞 𑒯𑒼𑒃𑒞 𑒣𑒯𑒳𑒿𑒔𑒻𑒞 𑒁𑒕𑒱 𑒧𑒳𑒿𑒯𑒧𑒹 𑒂 𑒍𑒏𑒩𑒰 𑒏𑒯𑒪 𑒖𑒰𑒃𑒞 𑒁𑒕𑒱 𑒒𑒼𑒭𑒫𑒰𑒢, 𑒢𑒰𑒠𑒩𑒯𑒱𑒞 𑒦𑓄 𑒣𑒯𑒳𑒿𑒔𑒻𑒞 𑒁𑒕𑒱 𑒬𑓂𑒫𑒰𑒮𑒧𑒹 𑒂 𑒍𑒏𑒩𑒰 𑒏𑒯𑒪 𑒖𑒰𑒃𑒞 𑒁𑒕𑒱 𑒁𑒒𑒼𑒭𑒫𑒰𑒢𑓂।
𑒬𑓂𑒫𑒰𑒮 𑒣𑓂𑒩𑒏𑒵𑒞𑒱𑒏 𑒫𑒩𑓂𑒝 𑒦𑒹𑒪 “𑒁𑒒𑒼𑒭” , 𑒂 𑒢𑒰𑒠 𑒣𑓂𑒩𑒏𑒵𑒞𑒱𑒏 𑒦𑒹𑒪 “𑒒𑒼𑒭𑒫𑒰𑒢𑓂”। 𑒖𑒰𑒯𑒱 𑒫𑒩𑓂𑒝𑒏 𑒅𑒞𑓂𑒣𑒞𑓂𑒞𑒱𑒧𑒹 𑒣𑓂𑒩𑒰𑒝𑒫𑒰𑒨𑒳𑒏 𑒁𑒪𑓂𑒣𑒞𑒰 𑒯𑒼𑒃𑒞 𑒁𑒕𑒱 𑒮𑒹 𑒁𑒕𑒱 “𑒁𑒪𑓂𑒣𑒣𑓂𑒩𑒰𑒝” 𑒂 𑒖𑒏𑒩 𑒅𑒞𑓂𑒣𑒞𑓂𑒞𑒱𑒧𑒹 𑒣𑓂𑒩𑒰𑒝𑒫𑒰𑒨𑒳𑒏 𑒥𑒯𑒳𑒪𑒞𑒰 𑒯𑒼𑒃𑒞 𑒁𑒕𑒱, 𑒮𑒹 𑒦𑒹𑒪 “𑒧𑒯𑒰𑒣𑓂𑒩𑒰𑒝”।
𑒏𑒔𑒙𑒞𑒣 𑒏 𑒣𑒯𑒱𑒪, 𑒞𑒹𑒮𑒩 𑒂 𑒣𑒰𑒿𑒔𑒧 𑒫𑒩𑓂𑒝 𑒦𑒹𑒪 𑒁𑒪𑓂𑒣𑒣𑓂𑒩𑒰𑒝 𑒂 𑒠𑒼𑒮𑒩 𑒂 𑒔𑒰𑒩𑒱𑒧 𑒫𑒩𑓂𑒝 𑒦𑒹𑒪 𑒧𑒯𑒰𑒣𑓂𑒩𑒰𑒝। 𑒮𑓀𑒑𑒯𑒱 𑒏𑒔𑒙𑒞𑒣 𑒏 𑒣𑒯𑒱𑒪 𑒂 𑒠𑒼𑒮𑒩 𑒦𑒹𑒪 𑒁𑒒𑒼𑒭 𑒂 𑒞𑒹𑒮𑒩, 𑒔𑒰𑒩𑒱𑒧 𑒂 𑒣𑒰𑒿𑒔𑒧 𑒦𑒹𑒪 𑒒𑒼𑒭𑒫𑒰𑒢𑓂। 𑒨 𑒩 𑒪 𑒫 𑒦𑒹𑒪 𑒁𑒪𑓂𑒣𑒣𑓂𑒩𑒰𑒝 𑒒𑒼𑒭। 𑒬 𑒭 𑒮 𑒦𑒹𑒪 𑒧𑒯𑒰𑒣𑓂𑒩𑒰𑒝 𑒁𑒒𑒼𑒭 𑒂 𑒯 𑒦𑒹𑒪 𑒧𑒯𑒰𑒣𑓂𑒩𑒰𑒝 𑒒𑒼𑒭।𑒮𑓂𑒫𑒩 𑒯𑒼𑒃𑒕 𑒁𑒪𑓂𑒣𑒣𑓂𑒩𑒰𑒝, 𑒅𑒠𑒰𑒞𑓂𑒞, 𑒁𑒢𑒳𑒠𑒰𑒞𑓂𑒞 𑒂 𑒮𑓂𑒫𑒩𑒱𑒞।
𑒕𑒢𑓂𑒠𑒼𑒥𑒠𑓂𑒡 𑒩𑒔𑒢𑒰 𑒣𑒠𑓂𑒨 𑒏𑒯𑒥𑒻𑒞 𑒁𑒕𑒱-𑒁𑒢𑓂𑒨𑒟𑒰 𑒍 𑒑𑒠𑓂𑒨 𑒟𑒲𑒏। 𑒕𑒢𑓂𑒠 𑒧𑒰𑒢𑒹 𑒦𑒹𑒪 𑒋𑒯𑒢 𑒩𑒔𑒢𑒰 𑒖𑒹 𑒂𑒢𑒢𑓂𑒠 𑒣𑓂𑒩𑒠𑒰𑒢 𑒏𑒩𑒋 । 𑒧𑒳𑒠𑒰 𑒋𑒯𑒱𑒮𑒿 𑒄 𑒢𑒯𑒱 𑒥𑒳𑒗𑒥𑒰𑒏 𑒔𑒰𑒯𑒲 𑒖𑒹 𑒂𑒖𑒳𑒏 𑒢𑒫 𑒏𑒫𑒱𑒞𑒰 𑒑𑒠𑓂𑒨 𑒏𑒼𑒙𑒱𑒏 𑒁𑒕𑒱 𑒏𑒰𑒩𑒝 𑒫𑒹𑒠𑒏 𑒮𑒰𑒫𑒱𑒞𑓂𑒩𑒲-𑒑𑒰𑒨𑒞𑓂𑒩𑒲 𑒧𑓀𑒞𑓂𑒩 𑒮𑒹𑒯𑒼 𑒬𑒱𑒟𑒱𑒪/ 𑒅𑒠𑒰𑒩 𑒢𑒱𑒨𑒧𑒏 𑒏𑒰𑒩𑒝, 𑒮𑒰𑒫𑒱𑒞𑓂𑒩𑒲 𑒧𑓀𑒞𑓂𑒩 𑒑𑒰𑒨𑒞𑓂𑒩𑒲 𑒕𑓀𑒠, 𑒧𑒹 𑒣𑒩𑒱𑒑𑒝𑒱𑒞 𑒯𑒼𑒃𑒞 𑒁𑒕𑒱 𑒞𑒏𑒩 𑒔𑒩𑒔𑒰 𑒢𑒲𑒔𑒰𑒿 𑒖𑒰 𑒏𑒋 𑒯𑒼𑒋𑒞 - 𑒖𑒹𑒢𑒰 𑒨𑒠𑒱 𑒁𑒏𑓂𑒭𑒩 𑒣𑒴𑒩𑒰 𑒢𑒯𑒱 𑒦𑒹𑒪 𑒞𑒿 𑒋𑒏 𑒂𑒏𑒱 𑒠𑒴 𑒁𑒏𑓂𑒭𑒩 𑒣𑓂𑒩𑒞𑓂𑒨𑒹𑒏 𑒣𑒰𑒠𑒏𑒹𑒿 𑒥𑒜𑓃𑒰 𑒪𑒹𑒪 𑒖𑒰𑒃𑒞 𑒁𑒕𑒱। 𑒨 𑒂 𑒫 𑒏𑒹𑒩 𑒮𑓀𑒨𑒳𑒏𑓂𑒞𑒰𑒏𑓂𑒭𑒩𑒏𑒹𑒿 𑒏𑓂𑒩𑒧𑒬𑓁 𑒃 𑒂 𑒅 𑒪𑒑𑒰 𑒏𑒋 𑒁𑒪𑒑 𑒏𑒋𑒪 𑒖𑒰𑒃𑒞 𑒁𑒕𑒱। 𑒖𑒹𑒢𑒰- 𑒫𑒩𑒹𑒝𑓂𑒨𑒧𑓂=𑒫𑒩𑒹𑒝𑒱𑒨𑒧𑓂
𑒮𑓂𑒫𑓁= 𑒮𑒳𑒫𑓁।
𑒂𑒖𑒳𑒏 𑒢𑒫 𑒏𑒫𑒱𑒞𑒰𑒏 𑒮𑓀𑒑 𑒯𑒰𑒃𑒏𑒴/ 𑒏𑓂𑒭𑒝𑒱𑒏𑒰/ 𑒯𑒻𑒏𑒴𑒏 𑒪𑒹𑒪 𑒧𑒻𑒟𑒱𑒪𑒲 𑒦𑒰𑒭𑒰 𑒂 𑒦𑒰𑒩𑒞𑒲𑒨, 𑒮𑓀𑒮𑓂𑒏𑒵𑒞 𑒂𑒬𑓂𑒩𑒱𑒞 𑒪𑒱𑒣𑒱 𑒫𑓂𑒨𑒫𑒮𑓂𑒟𑒰 𑒮𑒩𑓂𑒫𑒰𑒡𑒱𑒏 𑒅𑒣𑒨𑒳𑒏𑓂𑒞𑓂𑒞 𑒁𑒕𑒱। 𑒞𑒧𑒱𑒪 𑒕𑒼𑒛𑓃𑒱 𑒬𑒹𑒭 𑒮𑒦𑒙𑒰 𑒠𑒏𑓂𑒭𑒱𑒝 𑒂 𑒮𑒧𑒮𑓂𑒞 𑒅𑒞𑓂𑒞𑒩-𑒣𑒬𑓂𑒔𑒱𑒧𑒲 𑒂 𑒣𑒴𑒩𑓂𑒫𑒲 𑒦𑒰𑒩𑒞𑒲𑒨 𑒪𑒱𑒣𑒱 𑒂 𑒠𑒹𑒫𑒢𑒰𑒑𑒩𑒲 𑒪𑒱𑒣𑒱 𑒧𑒹 𑒫𑒻𑒯 𑒮𑓂𑒫𑒩 𑒂 𑒏𑒔𑒙𑒞𑒣 𑒫𑓂𑒨𑒘𑓂𑒖𑒢 𑒫𑒱𑒡𑒰𑒢 𑒁𑒕𑒱, 𑒖𑒰𑒯𑒱𑒧𑒹 𑒖𑒹 𑒪𑒱𑒐𑒪 𑒖𑒰𑒃𑒞 𑒁𑒕𑒱 𑒮𑒻𑒯 𑒥𑒰𑒖𑒪 𑒖𑒰𑒃𑒞 𑒁𑒕𑒱। 𑒧𑒳𑒠𑒰 𑒠𑒹𑒫𑒢𑒰𑒑𑒩𑒲𑒧𑒹 𑒯𑓂𑒩𑒮𑓂𑒫 “𑒃” 𑒋𑒏𑒩 𑒁𑒣𑒫𑒰𑒠 𑒁𑒕𑒱, 𑒄 𑒪𑒱𑒐𑒪 𑒖𑒰𑒃𑒞 𑒁𑒕𑒱 𑒣𑒯𑒱𑒢𑒹, 𑒧𑒳𑒠𑒰 𑒥𑒰𑒖𑒪 𑒖𑒰𑒃𑒞 𑒁𑒕𑒱 𑒥𑒰𑒠𑒧𑒹। 𑒧𑒳𑒠𑒰 𑒧𑒻𑒟𑒱𑒪𑒲𑒧𑒹 𑒄 𑒁𑒣𑒫𑒰𑒠 𑒮𑒹𑒯𑒼 𑒢𑒯𑒱 𑒁𑒕𑒱- 𑒨𑒟𑒰 '𑒁𑒕𑒱' 𑒄 𑒥𑒰𑒖𑒪 𑒖𑒰𑒃𑒞 𑒁𑒕𑒱 𑒁 𑒯𑓂𑒩𑓂𑒮𑓂𑒫 '𑒃' 𑒕 𑒫𑒰 𑒁 𑒃 𑒕। 𑒠𑒼𑒮𑒩 𑒅𑒠𑒰𑒯𑒩𑒝 𑒪𑒱𑒁- 𑒩𑒰𑒞𑒱- 𑒩𑒰 𑒃 𑒞। 𑒞𑒿 𑒮𑒱𑒠𑓂𑒡 𑒦𑒹𑒪 𑒖𑒹 𑒯𑒻𑒏𑒴𑒏 𑒪𑒹𑒪 𑒧𑒻𑒟𑒱𑒪𑒲 𑒮𑒩𑓂𑒫𑒼𑒞𑓂𑒞𑒧 𑒦𑒰𑒭𑒰 𑒁𑒕𑒱। 𑒋𑒏𑒙𑒰 𑒂𑒩 𑒅𑒠𑒰𑒯𑒩𑒝 𑒪𑒱𑒁। 𑒮𑒢𑓂𑒡𑒱 𑒮𑓀𑒮𑓂𑒏𑒵𑒞𑒏 𑒫𑒱𑒬𑒹𑒭𑒞𑒰 𑒁𑒕𑒱, 𑒧𑒳𑒠𑒰 𑒏𑒲 𑒃𑓀𑒑𑓂𑒪𑒱𑒬𑒧𑒹 𑒮𑓀𑒡𑒱 𑒢𑒯𑒱 𑒁𑒕𑒱 ? 𑒞𑒿 𑒄 𑒏𑒲 𑒁𑒕𑒱 - 𑒂𑒃𑒧 𑒑𑒼𑒃𑒓 𑒙𑒴𑒫𑒰𑒩𑓂𑒛𑓂𑒮𑒠𑒋𑒢𑓂𑒛। 𑒋𑒏𑒩𑒰 𑒪𑒱𑒐𑒪 𑒖𑒰𑒃𑒞 𑒁𑒕𑒱- 𑒂𑒃 𑒋𑒧 𑒑𑒼𑒃𑒓 𑒙𑒴𑒫𑒰𑒩𑓂𑒛𑓂𑒮 𑒠 𑒋𑒢𑓂𑒛। 𑒧𑒳𑒠𑒰 𑒣𑒰𑒝𑒱𑒢𑒱 𑒡𑓂𑒫𑒢𑒱 𑒫𑒱𑒖𑓂𑒘𑒰𑒢𑒏 𑒂𑒡𑒰𑒩 𑒣𑒩 𑒮𑓀𑒡𑒱𑒏 𑒢𑒱𑒁𑒧 𑒥𑒢𑒍𑒪𑒢𑓂𑒯𑒱, 𑒧𑒳𑒠𑒰 𑒃𑓀𑒑𑓂𑒪𑒱𑒬𑒧𑒹 𑒪𑒱𑒐𑒥𑒰 𑒏𑒰𑒪𑒧𑒹 𑒞𑒿 𑒮𑓀𑒡𑒱𑒏 𑒣𑒰𑒪𑒢 𑒢𑒯𑒱 𑒯𑒼𑒃𑒞 𑒕𑒻, 𑒂𑒃 𑒋𑒧 𑒏𑒹𑒿 𑒍𑒢𑒰 𑒂𑒃𑒧 𑒤𑒼𑒢𑒹𑒙𑒱𑒏𑒪𑒲 𑒪𑒱𑒐𑒪 𑒖𑒰𑒃𑒞 𑒁𑒕𑒱, 𑒧𑒳𑒠𑒰 𑒥𑒖𑒥𑒰 𑒏𑒰𑒪 𑒋𑒏𑒩 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒮𑒹𑒯𑒼 𑒨𑒟𑒰𑒮𑓀𑒦𑒫 𑒫𑒱𑒦𑒏𑓂𑒞𑓂𑒞𑒱 𑒬𑒥𑓂𑒠𑒮𑒿 𑒮𑒙𑒰 𑒏𑒋 𑒪𑒱𑒐𑒪 𑒂 𑒥𑒰𑒖𑒪 𑒖𑒰𑒃𑒞 𑒁𑒕𑒱।

𑒕𑒢𑓂𑒠 𑒠𑒴 𑒣𑓂𑒩𑒏𑒰𑒩𑒏 𑒁𑒕𑒱।𑒧𑒰𑒞𑓂𑒩𑒰 𑒕𑒢𑓂𑒠 𑒂 𑒫𑒩𑓂𑒝 𑒕𑒢𑓂𑒠 ।
𑒫𑒹𑒠𑒧𑒹 𑒫𑒩𑓂𑒝𑒫𑒵𑒞𑓂𑒞𑒏 𑒣𑓂𑒩𑒨𑒼𑒑 𑒁𑒕𑒱 𑒧𑒰𑒞𑓂𑒩𑒱𑒏 𑒕𑒢𑓂𑒠𑒏 𑒢𑒯𑒱 ।
𑒫𑒰𑒩𑓂𑒝𑒱𑒏 𑒕𑒢𑓂𑒠𑒧𑒹 𑒫𑒩𑓂𑒝/ 𑒁𑒏𑓂𑒭𑒩𑒏 𑒑𑒝𑒢𑒰 𑒧𑒰𑒞𑓂𑒩 𑒯𑒼𑒃𑒞 𑒁𑒕𑒱। 𑒯𑒪𑓀𑒞𑒨𑒳𑒏𑓂𑒞 𑒁𑒏𑓂𑒭𑒩𑒏𑒹𑒿 𑒢𑒯𑒱 𑒑𑒰𑒢𑒪 𑒖𑒰𑒃𑒞 𑒁𑒕𑒱। 𑒋𑒏𑒰𑒩 𑒅𑒏𑒰𑒩 𑒃𑒞𑓂𑒨𑒰𑒠𑒱 𑒨𑒳𑒏𑓂𑒞 𑒁𑒏𑓂𑒭𑒩𑒏𑒹𑒿 𑒍𑒯𑒱𑒢𑒰 𑒋𑒏 𑒑𑒰𑒢𑒪 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒮𑓀𑒨𑒳𑒏𑓂𑒞𑒰𑒏𑓂𑒭𑒩𑒏𑒹𑒿। 𑒮𑓀𑒑𑒯𑒱 𑒁 𑒮𑒿 𑒯 𑒏𑒹𑒿 𑒮𑒹𑒯𑒼 𑒋𑒏 𑒑𑒰𑒢𑒪 𑒖𑒰𑒃𑒞 𑒁𑒕𑒱। 𑒋𑒏𑒮𑒿 𑒥𑒹𑒬𑒲 𑒧𑒰𑒢 𑒏𑒼𑒢𑒼 𑒫𑒩𑓂𑒝/ 𑒁𑒏𑓂𑒭𑒩𑒏 𑒢𑒯𑒱 𑒯𑒼𑒃𑒕। 𑒧𑒼𑒙𑒰-𑒧𑒼𑒙𑒲 𑒞𑒲𑒢𑒙𑒰 𑒥𑒱𑒢𑓂𑒠𑒳 𑒧𑒼𑒢 𑒩𑒰𑒐𑒴-
𑓑. 𑒯𑒪𑓀𑒞𑒨𑒳𑒏𑓂𑒞 𑒁𑒏𑓂𑒭𑒩-𑓐
𑓒. 𑒮𑓀𑒨𑒳𑒏𑓂𑒞 𑒁𑒏𑓂𑒭𑒩-𑓑
𑓓. 𑒁𑒏𑓂𑒭𑒩 𑒁 𑒮𑒿 𑒯 -𑓑 𑒣𑓂𑒩𑒞𑓂𑒨𑒹𑒏।
𑒂𑒥 𑒣𑒯𑒱𑒪 𑒅𑒠𑒰𑒯𑒩𑒝 𑒠𑒹𑒐𑒴-
𑒄 𑒁𑒩𑒠𑒩𑒰𑒏 𑒧𑒹𑒒 𑒢𑒯𑒱 𑒧𑒰𑒢𑒞 𑒩𑒯𑒞 𑒥𑒩𑒮𑒱 𑒏𑒹=𑓑+𑓕+𑓒+𑓒+𑓓+𑓓+𑓓+𑓑=𑓒𑓐
𑒂𑒥 𑒠𑒼𑒮𑒩 𑒅𑒠𑒰𑒯𑒩𑒝 𑒠𑒹𑒐𑒴

𑒣𑒬𑓂𑒔𑒰𑒞𑓂=𑓒
𑒂𑒥 𑒞𑒹𑒮𑒩 𑒅𑒠𑒰𑒯𑒩𑒝 𑒠𑒹𑒐𑒴
𑒂𑒥=𑓒
𑒂𑒥 𑒔𑒰𑒩𑒱𑒧 𑒅𑒠𑒰𑒯𑒩𑒝 𑒠𑒹𑒐𑒴
𑒮𑓂𑒏𑓂𑒩𑒱𑒣𑓂𑒙=𑓒
𑒧𑒳𑒐𑓂𑒨 𑒫𑒻𑒠𑒱𑒏 𑒕𑒢𑓂𑒠 𑒮𑒰𑒞 𑒁𑒕𑒱-
𑒑𑒰𑒨𑒞𑓂𑒩𑒲, 𑒅𑒭𑓂𑒝𑒱𑒏𑓂, 𑒁𑒢𑒳𑒭𑓂𑒙𑒳𑒣𑓂, 𑒥𑒵𑒯𑒞𑒲, 𑒣𑒓𑓂𑒏𑓂𑒞𑒱, 𑒞𑓂𑒩𑒱𑒭𑓂𑒙𑒳𑒣𑓂 𑒂 𑒖𑒑𑒞𑒲। 𑒬𑒹𑒭 𑒍𑒏𑒩 𑒦𑒹𑒠 𑒁𑒕𑒱, 𑒁𑒞𑒱𑒕𑒢𑓂𑒠 𑒂 𑒫𑒱𑒔𑓂𑒕𑒢𑓂𑒠। 𑒋𑒞𑒋 𑒕𑒢𑓂𑒠𑒏𑒹𑒿 𑒁𑒏𑓂𑒭𑒩𑒮𑒿 𑒔𑒱𑒢𑓂𑒯𑒪 𑒖𑒰𑒃𑒞 𑒁𑒕𑒱। 𑒖𑒹 𑒁𑒏𑓂𑒭𑒩 𑒣𑒴𑒩𑒰 𑒢𑒯𑒱 𑒦𑒹𑒪 𑒞𑒿 𑒋𑒏 𑒂𑒏𑒱 𑒠𑒴 𑒁𑒏𑓂𑒭𑒩 𑒣𑓂𑒩𑒞𑓂𑒨𑒹𑒏 𑒣𑒰𑒠𑒧𑒹 𑒥𑒜𑓃𑒰 𑒪𑒹𑒪 𑒖𑒰𑒃𑒞 𑒁𑒕𑒱। 𑒨 𑒂 𑒫 𑒏𑒹𑒩 𑒮𑓀𑒨𑒳𑒏𑓂𑒞𑒰𑒏𑓂𑒭𑒩𑒏𑒹𑒿 𑒏𑓂𑒩𑒧𑒬𑓁 𑒃 𑒂 𑒅 𑒪𑒑𑒰 𑒏𑒋 𑒁𑒪𑒑 𑒏𑒋𑒪 𑒖𑒰𑒃𑒞 𑒁𑒕𑒱। 𑒖𑒹𑒢𑒰-
𑒫𑒩𑒹𑒝𑓂𑒨𑒧𑓂=𑒫𑒩𑒹𑒝𑒱𑒨𑒧𑓂
𑒮𑓂𑒫𑓁= 𑒮𑒳𑒫𑓁
𑒑𑒳𑒝 𑒂 𑒫𑒵𑒠𑓂𑒡𑒱𑒏𑒹𑒿 𑒁𑒪𑒑 𑒏𑒋 𑒮𑒹𑒯𑒼 𑒁𑒏𑓂𑒭𑒩 𑒣𑒴𑒩 𑒏𑒋 𑒮𑒏𑒻𑒞 𑒕𑒲।
𑒋 = 𑒁 + 𑒃
𑒍 = 𑒁 + 𑒅
𑒌 = 𑒁/𑒂 + 𑒋
𑒎 = 𑒁/𑒂 + 𑒍
𑒕𑒢𑓂𑒠𑓁 𑒬𑒰𑒮𑓂𑒞𑓂𑒩𑒧𑒹 𑒣𑓂𑒩𑒨𑒳𑒏𑓂𑒞 ‘𑒑𑒳𑒩𑒳’ 𑒂 ‘𑒪𑒒𑒳’ 𑒕𑓀𑒠𑒏 𑒣𑒩𑒱𑒔𑒨 𑒣𑓂𑒩𑒰𑒣𑓂𑒞 𑒏𑒩𑒴।
𑒞𑒹𑒩𑒯 𑒙𑒰 𑒮𑓂𑒫𑒩 𑒫𑒩𑓂𑒝𑒧𑒹 𑒁,𑒃,𑒅,𑒇,𑒪𑒵 𑒄 𑒣𑒰𑒿𑒔 𑒯𑓂𑒩𑓂𑒮𑓂𑒫 𑒂𑒩 𑒂,𑒄,𑒆,𑒇,𑒋.𑒌,𑒍,𑒎, 𑒄 𑒂𑒚 𑒠𑒲𑒩𑓂𑒒 𑒮𑓂𑒫𑒩 𑒁𑒕𑒱।
𑒄 𑒮𑓂𑒫𑒩 𑒫𑒩𑓂𑒝 𑒖𑒐𑒢 𑒫𑓂𑒨𑓀𑒖𑒢 𑒫𑒩𑓂𑒝𑒏 𑒮𑓀𑒑 𑒖𑒳𑒛𑓃𑒱 𑒖𑒰𑒃𑒞 𑒁𑒕𑒱 𑒞𑒿 𑒍𑒏𑒩𑒰𑒮𑒿 ‘𑒑𑒳𑒝𑒱𑒞𑒰𑒏𑓂𑒭𑒩’ 𑒥𑒢𑒻𑒞 𑒁𑒕𑒱।
𑒏𑓂+𑒁= 𑒏,
𑒏𑓂+𑒂=𑒏𑒰 ।
𑒋𑒏 𑒮𑓂𑒫𑒩 𑒧𑒰𑒞𑓂𑒩𑒰 𑒂𑒏𑒱 𑒋𑒏 𑒑𑒳𑒝𑒱𑒞𑒰𑒏𑓂𑒭𑒩𑒏𑒹𑒿 𑒋𑒏 ‘𑒁𑒏𑓂𑒭𑒩’ 𑒏𑒯𑒪 𑒖𑒰𑒃𑒞 𑒁𑒕𑒱। 𑒏𑒼𑒢𑒼 𑒫𑓂𑒨𑓀𑒖𑒢 𑒧𑒰𑒞𑓂𑒩𑒏𑒹𑒿 𑒁𑒏𑓂𑒭𑒩 𑒢𑒯𑒱 𑒧𑒰𑒢𑒪 𑒖𑒰𑒃𑒞 𑒁𑒕𑒱- 𑒖𑒹𑒢𑒰 ‘𑒁𑒫𑒰𑒏𑓂’ 𑒬𑒥𑓂𑒠𑒧𑒹 𑒠𑒴 𑒙𑒰 𑒁𑒏𑓂𑒭𑒩 𑒁𑒕𑒱, 𑒁, 𑒫𑒰 ।

𑓑. 𑒮𑒦𑒙𑒰 𑒯𑓂𑒩𑒮𑓂𑒫 𑒮𑓂𑒫𑒩 𑒂 𑒯𑓂𑒩𑒮𑓂𑒫 𑒨𑒳𑒏𑓂𑒞 𑒑𑒳𑒝𑒱𑒞𑒰𑒏𑓂𑒭𑒩 ‘𑒪𑒒𑒳’ 𑒧𑒰𑒢𑒪 𑒖𑒰𑒃𑒞 𑒁𑒕𑒱। 𑒋𑒏𑒩𑒰 𑒆𑒣𑒩 U 𑒪𑒱𑒐𑒱 𑒋𑒏𑒩 𑒮𑓀𑒏𑒹𑒞 𑒠𑒹𑒪 𑒖𑒰𑒃𑒞 𑒁𑒕𑒱।
𑓒. 𑒮𑒦𑒙𑒰 𑒠𑒲𑒩𑓂𑒒 𑒮𑓂𑒫𑒩 𑒂𑒩 𑒠𑒲𑒩𑓂𑒒 𑒮𑓂𑒫𑒩 𑒨𑒳𑒏𑓂𑒞 𑒑𑒳𑒝𑒱𑒞𑒰𑒏𑓂𑒭𑒩 ‘𑒑𑒳𑒩𑒳’ 𑒧𑒰𑒢𑒪 𑒖𑒰𑒃𑒞 𑒁𑒕𑒱, 𑒂 𑒋𑒏𑒩 𑒮𑓀𑒏𑒹𑒞 𑒁𑒕𑒱, 𑒆𑒣𑒩𑒧𑒹 𑒋𑒏𑒙𑒰 𑒕𑒼𑒙 -।
𑓓. 𑒁𑒢𑒳𑒮𑓂𑒫𑒰𑒩 𑒏𑒱𑓀𑒫𑒰 𑒫𑒱𑒮𑒩𑓂𑒑𑒨𑒳𑒏𑓂𑒞 𑒮𑒦 𑒁𑒏𑓂𑒭𑒩 𑒑𑒳𑒩𑒴 𑒧𑒰𑒢𑒪 𑒖𑒰𑒃𑒞 𑒁𑒕𑒱।
𑓔. 𑒏𑒼𑒢𑒼 𑒁𑒏𑓂𑒭𑒩𑒏 𑒥𑒰𑒠 𑒮𑓀𑒨𑒳𑒏𑓂𑒞𑒰𑒏𑓂𑒭𑒩 𑒏𑒱𑓀𑒫𑒰 𑒫𑓂𑒨𑓀𑒖𑒢 𑒧𑒰𑒞𑓂𑒩 𑒩𑒯𑒪𑒰𑒮𑒿 𑒍𑒯𑒱 𑒁𑒏𑓂𑒭𑒩𑒏𑒹𑒿 𑒑𑒳𑒩𑒳 𑒧𑒰𑒢𑒪 𑒖𑒰𑒃𑒞 𑒁𑒕𑒱। 𑒖𑒹𑒢𑒰- 𑒁𑒔𑓂, 𑒮𑒞𑓂𑒨। 𑒋𑒯𑒱𑒧𑒹 𑒁 𑒂 𑒮 𑒠𑒳𑒢𑒴 𑒑𑒳𑒩𑒳 𑒁𑒕𑒱।
𑓕. 𑒖𑒹𑒢𑒰 𑒫𑒰𑒩𑓂𑒝𑒱𑒏 𑒕𑒢𑓂𑒠/ 𑒫𑒵𑒞𑓂𑒞 𑒫𑒹𑒠𑒧𑒹 𑒫𑓂𑒨𑒫𑒯𑒰𑒩 𑒏𑒋𑒪 𑒑𑒹𑒪 𑒁𑒕𑒱 𑒞𑒯𑒱𑒢𑒰
𑒮𑓂𑒫𑒩𑒏 𑒣𑒴𑒩𑓂𑒝 𑒩𑒴𑒣𑒮𑒿 𑒫𑒱𑒔𑒰𑒩 𑒮𑒹𑒯𑒼 𑒍𑒯𑒱 𑒨𑒳𑒑 𑒮𑒿 𑒦𑒹𑒙𑒻𑒞 𑒁𑒕𑒱। 𑒮𑓂𑒟𑒴𑒪 𑒩𑒲𑒞𑒱𑒮𑒿 𑒄 𑒫𑒱𑒦𑒏𑓂𑒞 𑒁𑒕𑒱:- 𑓑. 𑒅𑒠𑒰𑒞𑓂𑒞 𑓒. 𑒅𑒠𑒰𑒞𑓂𑒞𑒞𑒩 𑓓. 𑒁𑒢𑒳𑒠𑒰𑒞𑓂𑒞 𑓔. 𑒁𑒢𑒳𑒠𑒰𑒞𑓂𑒞𑒞𑒩 𑓕. 𑒮𑓂𑒫𑒩𑒱𑒞 𑓖. 𑒁𑒢𑒳𑒠𑒰𑒞𑓂𑒞𑒰𑒢𑒳𑒩𑒏𑓂𑒞𑒮𑓂𑒫𑒩𑒱𑒞, 𑓗. 𑒣𑓂𑒩𑒔𑒨 (𑒋𑒏𑒙𑒰 𑒬𑓂𑒩𑒳𑒞𑒱-𑒁𑒢𑒯𑒞 𑒢𑒰𑒠 𑒖𑒹 𑒥𑒱𑒢𑒰 𑒏𑒼𑒢𑒼 𑒔𑒲𑒖𑒏 𑒅𑒞𑓂𑒣𑒢𑓂𑒢 𑒯𑒼𑒃𑒞 𑒁𑒕𑒱, 𑒬𑒹𑒭 𑒮𑒦𑒙𑒰 𑒁𑒕𑒱 𑒂𑒯𑒞 𑒢𑒰𑒠 𑒖𑒹 𑒏𑒼𑒢𑒼 𑒫𑒮𑓂𑒞𑒳𑒮𑒿 𑒙𑒏𑒩𑒍𑒪𑒰 𑒣𑒩 𑒅𑒞𑓂𑒣𑒢𑓂𑒢 𑒯𑒼𑒃𑒞 𑒁𑒕𑒱)।
𑓑. 𑒅𑒠𑒰𑒞𑓂𑒞- 𑒖𑒹 𑒁𑒏𑒰𑒩𑒰𑒠𑒱 𑒮𑓂𑒫𑒩 𑒏𑒝𑓂𑒚𑒰𑒠𑒱 𑒮𑓂𑒟𑒰𑒢𑒧𑒹 𑒆𑒩𑓂𑒡𑓂𑒫 𑒦𑒰𑒑𑒧𑒹 𑒥𑒰𑒖𑒪 𑒖𑒰𑒃𑒞 𑒁𑒕𑒱। 𑒋𑒏𑒩𑒰 𑒪𑒹𑒪 𑒏𑒼𑒢𑒼 𑒔𑒹𑒢𑓂𑒯 𑒢𑒯𑒱 𑒁𑒕𑒱। 𑓒. 𑒅𑒠𑒰𑒞𑒰𑒞𑓂𑒞𑒩- 𑒏𑒝𑓂𑒚𑒰𑒠𑒱 𑒁𑒞𑒱 𑒆𑒩𑓂𑒡𑓂𑒫 𑒮𑓂𑒟𑒰𑒢𑒮𑒿 𑒥𑒰𑒖𑒪 𑒖𑒰𑒃𑒞 𑒁𑒕𑒱। 𑓓. 𑒁𑒢𑒳𑒠𑒰𑒞𑓂𑒞- 𑒖𑒹 𑒏𑒝𑓂𑒚𑒰𑒠𑒱 𑒮𑓂𑒟𑒰𑒢𑒧𑒹 𑒁𑒡𑒼𑒦𑒰𑒑𑒧𑒹 𑒅𑒔𑓂𑒔𑒰𑒩𑒱𑒞 𑒯𑒼𑒃𑒕।𑒢𑒲𑒔𑒰𑒿𑒧𑒹 𑒞𑒲𑒩𑓂𑒨𑒏 𑒔𑒹𑒢𑓂𑒯 𑒐𑒔𑒱𑒞 𑒏𑒋𑒪 𑒖𑒰𑒃𑒕। 𑓔. 𑒁𑒢𑒳𑒠𑒰𑒞𑒰𑒞𑓂𑒞𑒞𑒩- 𑒏𑒝𑓂𑒚𑒰𑒠𑒱𑒮𑒿 𑒁𑒞𑓂𑒨𑓀𑒞 𑒢𑒲𑒔𑒰𑒿 𑒥𑒰𑒖𑒪 𑒖𑒰𑒃𑒞 𑒁𑒕𑒱। 𑓕. 𑒮𑓂𑒫𑒩𑒱𑒞- 𑒖𑒰𑒯𑒱𑒧𑒹 𑒁𑒢𑒳𑒠𑒰𑒞𑓂𑒞 𑒩𑒯𑒻𑒞 𑒁𑒕𑒱 𑒏𑒱𑒕𑒳 𑒦𑒰𑒑, 𑒂 𑒏𑒱𑒕𑒳 𑒩𑒯𑒻𑒞 𑒁𑒕𑒱 𑒅𑒠𑒰𑒞𑓂𑒞। 𑒆𑒣𑒩𑒧𑒹 𑒚𑒰𑒜𑓃 𑒩𑒹𑒐𑒰 𑒐𑒹𑓀𑒔𑒪 𑒖𑒰𑒃𑒞 𑒁𑒕𑒱, 𑒋𑒯𑒱𑒧𑒹। 𑓖. 𑒁𑒢𑒳𑒠𑒰𑒏𑓂𑒞𑒰𑒢𑒳𑒩𑒏𑓂𑒞𑒮𑓂𑒫𑒩𑒱𑒞- 𑒖𑒰𑒯𑒱𑒧𑒹 𑒅𑒠𑒰𑒞𑓂𑒞, 𑒮𑓂𑒫𑒩𑒱𑒞 𑒏𑒱𑓀𑒫𑒰 𑒠𑒳𑒢𑒴 𑒥𑒰𑒠𑒧𑒹 𑒯𑒼𑒃𑒕, 𑒄 𑒞𑒲𑒢 𑒣𑓂𑒩𑒏𑒰𑒩𑒏 𑒯𑒼𑒃𑒕। 𑓗. 𑒣𑓂𑒩𑒔𑒨-𑒮𑓂𑒫𑒩𑒱𑒞𑒏 𑒥𑒰𑒠𑒏 𑒁𑒢𑒳𑒠𑒰𑒞𑓂𑒞 𑒩𑒯𑒪𑒰𑒮𑒿 𑒁𑒢𑒰𑒯𑒞 𑒢𑒰𑒠 𑒣𑓂𑒩𑒔𑒨𑒏,𑒞𑒰𑒢𑒏 𑒅𑒞𑓂𑒣𑒞𑓂𑒞𑒱 𑒯𑒼𑒃𑒞 𑒁𑒕𑒱।
𑓑. 𑒣𑒴𑒩𑓂𑒫𑒰𑒩𑓂𑒔𑒱𑒏𑒧𑒹 𑒏𑓂𑒩𑒧𑒮𑒿 𑒁𑒑𑓂𑒢𑒱, 𑒃𑒢𑓂𑒠𑓂𑒩 𑒂 𑒮𑒼𑒧 𑒣𑒨𑒧𑒰𑒢𑒏𑒹𑒿 𑒮𑓀𑒥𑒼𑒡𑒱𑒞 𑒑𑒲𑒞 𑒁𑒕𑒱।𑒞𑒠𑒳𑒣𑒩𑒰𑒢𑓂𑒞 𑒂𑒩𑒝𑓂𑒨𑒏 𑒏𑒰𑒝𑓂𑒛 𑒂 𑒧𑒯𑒰𑒢𑒰𑒧𑓂𑒢𑒲 𑒂𑒩𑓂𑒔𑒱𑒏 𑒁𑒕𑒱।𑒂𑒑𑓂𑒢𑒹𑒨, 𑒌𑒢𑓂𑒠𑓂𑒩 𑒂 𑒣𑒰𑒨𑒧𑒰𑒢 𑒣𑒩𑓂𑒫𑒏𑒹𑒿 𑒑𑓂𑒩𑒰𑒧𑒑𑒹𑒨𑒝 𑒂 𑒣𑒴𑒩𑓂𑒫𑒰𑒩𑓂𑒔𑒱𑒏𑒏 𑒬𑒹𑒭 𑒦𑒰𑒑𑒏𑒹𑒿 𑒂𑒩𑒝𑓂𑒨𑒏𑒑𑒝 𑒮𑒹𑒯𑒼 𑒏𑒯𑒪 𑒖𑒰𑒃𑒕। 𑒮𑒧𑓂𑒧𑒱𑒪𑒱𑒞 𑒩𑒴𑒣𑒹𑒿 𑒋𑒏 𑒣𑓂𑒩𑒏𑒵𑒞𑒱𑒑𑒝 𑒏𑒯𑒻𑒞 𑒕𑒲। 𑓒.𑒅𑒞𑓂𑒞𑒩𑒰𑒩𑓂𑒔𑒱𑒏: 𑒫𑒱𑒏𑒵𑒞𑒱 𑒂 𑒅𑒞𑓂𑒞𑒩𑒑𑒝 𑒮𑒹𑒯𑒼 𑒏𑒯𑒻𑒞 𑒕𑒲। 𑒑𑓂𑒩𑒰𑒧𑒑𑒹𑒨𑒑𑒝 𑒂 𑒂𑒩𑒝𑓂𑒨𑒏𑒑𑒝𑒮𑒿 𑒧𑓀𑒞𑓂𑒩 𑒔𑒳𑒢𑒱 𑒏𑒨 𑒏𑓂𑒩𑒧𑒬𑓁 𑒅𑒯𑒑𑒝 𑒂 𑒆𑒯𑓂𑒨𑒑𑒝 𑒏𑒯𑒥𑒻𑒕- 𑒞𑒠𑒢𑓂𑒞𑒩 𑒣𑓂𑒩𑒞𑓂𑒨𑒹𑒏 𑒑𑒝 𑒠𑒬𑒩𑒰𑒞𑓂𑒩, 𑒮𑓀𑒫𑒞𑓂𑒮𑒩, 𑒋𑒏𑒯, 𑒁𑒯𑒱𑒢, 𑒣𑓂𑒩𑒰𑒨𑒬𑓂𑒔𑒱𑒞 𑒂 𑒏𑓂𑒭𑒳𑒠𑓂𑒩 𑒣𑒩𑓂𑒫𑒧𑒹 𑒥𑒰𑒿𑒙𑒪 𑒖𑒰𑒃𑒕। 𑒣𑒴𑒩𑓂𑒫𑒰𑒩𑓂𑒔𑒱𑒏 𑒧𑓀𑒞𑓂𑒩𑒏 𑒪𑒨𑒏𑒹𑒿 𑒮𑓂𑒧𑒩𑒝 𑒏’ 𑒅𑒞𑓂𑒞𑒩𑒰𑒩𑓂𑒔𑒱𑒏 𑒏𑒹𑒩 𑒠𑓂𑒫𑒱𑒏, 𑒞𑓂𑒩𑒱𑒏, 𑒂 𑒔𑒞𑒳𑒭𑓂𑒙𑒏 𑒂𑒠𑒱 (𑓒,𑓓, 𑒂 𑓔 𑒧𑓀𑒞𑓂𑒩𑒏 𑒮𑒧𑒴𑒯) 𑒧𑒹 𑒋𑒯𑒱 𑒪𑒨 𑒮𑒦𑒏 𑒣𑓂𑒩𑒨𑒼𑒑 𑒯𑒼𑒃𑒕। 𑒁𑒡𑒱𑒏𑒰𑓀𑒬 𑒞𑓂𑒩𑒱𑒏 𑒂𑒠𑒱 𑒣𑓂𑒩𑒟𑒧 𑒧𑓀𑒞𑓂𑒩 𑒣𑒴𑒩𑓂𑒫𑒰𑒩𑓂𑒔𑒱𑒏 𑒯𑒼𑒃𑒞 𑒁𑒕𑒱, 𑒖𑒏𑒩 𑒪𑒨 𑒣𑒩 𑒣𑒴𑒩𑒰 𑒮𑒴𑒏𑓂𑒞 (𑒞𑓂𑒩𑒱𑒏 𑒂𑒠𑒱) 𑒑𑒰𑒍𑒪 𑒖𑒰𑒃𑒕।
𑒅𑒞𑓂𑒞𑒩𑒰𑒩𑓂𑒔𑒱𑒏 𑒅𑒯𑒰𑒑𑒝 𑒂 𑒅𑒯𑓂𑒨𑒑𑒝 𑒣𑓂𑒩𑒞𑓂𑒨𑒹𑒏 𑒪𑒨𑒏𑒹𑒿 𑒞𑒲𑒢 𑒥𑒹𑒩 𑒞𑒲𑒢 𑒣𑓂𑒩𑒏𑒰𑒩𑒹𑒿 𑒣𑒜𑓃𑒻𑒕। 𑒫𑒻𑒠𑒱𑒏 𑒏𑒩𑓂𑒧𑒏𑒰𑒝𑓂𑒛𑒧𑒹 𑒣𑓂𑒩𑒮𑓂𑒞𑒰𑒫, 𑒣𑓂𑒩𑒮𑓂𑒞𑒼𑒞𑒩 𑒠𑓂𑒫𑒰𑒩𑒰, 𑒅𑒠𑓂𑒑𑒲𑒞 𑒅𑒠𑒑𑒰𑒞𑒩 𑒠𑓂𑒫𑒰𑒩𑒰, 𑒣𑓂𑒩𑒞𑒱𑒒𑒰𑒩 𑒣𑓂𑒩𑒞𑒱𑒯𑒰𑒞𑒩 𑒠𑓂𑒫𑒰𑒩𑒰, 𑒅𑒣𑒠𑓂𑒩𑒫 𑒣𑒳𑒢𑓁 𑒅𑒠𑒑𑒰𑒞𑒵 𑒠𑓂𑒫𑒰𑒩𑒰 𑒂 𑒢𑒱𑒡𑒰𑒢 𑒞𑒲𑒢𑒴 𑒠𑓂𑒫𑒰𑒩𑒰 𑒧𑒱𑒪𑒱 𑒏𑒨 𑒑𑒰𑒍𑒪 𑒖𑒰𑒃𑒕। 𑒣𑓂𑒩𑒮𑓂𑒞𑒰𑒫𑒏 𑒣𑒯𑒱𑒢𑒹 𑒯𑒱𑓀𑒏𑒰𑒩 (𑒯𑒱𑓀,𑒯𑒳𑓀,𑒯𑓀) 𑒞𑒲𑒢𑒴 𑒠𑓂𑒫𑒰𑒩𑒰 𑒂 𑓇 𑒅𑒠𑒑𑒰𑒞𑒵 𑒠𑓂𑒫𑒰𑒩𑒰 𑒅𑒠𑒑𑒲𑒞𑒏 𑒣𑒯𑒱𑒢𑒹 𑒑𑒰𑒍𑒪 𑒖𑒰𑒃𑒕। 𑒄 𑒣𑒰𑒿𑒔 𑒦𑒏𑓂𑒞𑓂𑒞𑒱 𑒦𑒹𑒪।
𑒯𑒰𑒟𑒏 𑒧𑒳𑒠𑓂𑒩𑒰- 𑒯𑒰𑒟𑒏 𑒧𑒳𑒠𑓂𑒩𑒰 𑓑.𑓑.𑒎𑒿𑒚𑒰(𑒣𑓂𑒩𑒟𑒧 𑒂𑒿𑒑𑒳𑒩)-𑒋𑒏 𑒨𑒫 𑒠𑒴𑒩𑒲 𑒣𑒩 𑓒.𑓒. 𑒎𑒿𑒚𑒰 𑒣𑓂𑒩𑒟𑒧 𑒂𑒿𑒑𑒳𑒩𑒏𑒹𑒿 𑒕𑒳𑒥𑒻𑒞 𑓓.𑓓. 𑒎𑒿𑒚𑒰 𑒥𑒲𑒔 𑒂𑒿𑒑𑒳𑒩𑒏𑒹𑒿 𑒕𑒳𑒥𑒻𑒞 𑓔.𑓔. 𑒎𑒿𑒚𑒰 𑒔𑒰𑒩𑒱𑒧 𑒂𑒿𑒑𑒳𑒩𑒏𑒹𑒿 𑒕𑒳𑒥𑒻𑒞 𑓕.𑓕. 𑒎𑒿𑒚𑒰 𑒣𑒰𑒿𑒔𑒧 𑒂𑒿𑒑𑒳𑒩𑒏𑒹𑒿 𑒕𑒳𑒥𑒻𑒞 𑓖.𑓑𑓑. 𑒕𑒚𑒧 𑒏𑓂𑒩𑒳𑒭𑓂𑒙 𑒎𑒿𑒚𑒰 𑒣𑓂𑒩𑒟𑒧 𑒂𑒿𑒑𑒳𑒩𑒮𑒿 𑒠𑒴 𑒨𑒫 𑒠𑒴𑒩𑒲 𑒣𑒩 𑓗.𑓖. 𑒮𑒰𑒞𑒧 𑒁𑒞𑒱𑒬𑓂𑒫𑒩 𑒮𑒰𑒧𑒫𑒹𑒠 𑓘.𑓗. 𑒁𑒦𑒱𑒑𑒲𑒞 𑒇𑒑𑓂𑒫𑒹𑒠
𑒑𑓂𑒩𑒰𑒧𑒑𑒹𑒨𑒑𑒰𑒢- 𑒑𑓂𑒩𑒰𑒧 𑒂 𑒮𑒰𑒩𑓂𑒫𑒖𑒢𑒱𑒏 𑒮𑓂𑒟𑒪 𑒣𑒩 𑒑𑒰𑒍𑒪 𑒖𑒰𑒃𑒞 𑒕𑒪। 𑒂𑒩𑒝𑓂𑒨𑒏 𑒑𑒹𑒨𑒑𑒰𑒢- 𑒫𑒢 𑒂 𑒣𑒫𑒱𑒞𑓂𑒩 𑒮𑓂𑒟𑒰𑒢𑒧𑒹 𑒑𑒰𑒍𑒪 𑒖𑒰𑒃𑒞 𑒕𑒪।
𑒆𑒯𑒑𑒰𑒢- 𑒮𑒼𑒧𑒨𑒰𑒑 𑒋𑒫𑓀 𑒫𑒱𑒬𑒹𑒭 𑒡𑒰𑒩𑓂𑒧𑒱𑒏 𑒁𑒫𑒮𑒩 𑒣𑒩। 𑒣𑒴𑒩𑓂𑒫𑒰𑒩𑓂𑒔𑒱𑒏𑒮𑒿 𑒮𑓀𑒥𑓀𑒡𑒱𑒞 𑒑𑓂𑒩𑒰𑒧𑒑𑒹𑒨𑒑𑒰𑒢 𑒋𑒯𑒱 𑒫𑒱𑒡𑒱𑒮𑒿। 𑒆𑒯𑓂𑒨𑒑𑒰𑒢 𑒂𑒏𑒱 𑒩𑒯𑒮𑓂𑒨𑒑𑒰𑒢- 𑒫𑒢 𑒂 𑒣𑒫𑒱𑒞𑓂𑒩 𑒮𑓂𑒟𑒰𑒢 𑒣𑒩 𑒑𑒰𑒍𑒪 𑒖𑒰𑒃𑒞 𑒁𑒕𑒱। 𑒣𑒴𑒩𑓂𑒫𑒰𑒩𑓂𑒔𑒱𑒏𑒏 𑒂𑒩𑒝𑓂𑒨𑒏 𑒑𑒰𑒢𑒮𑒿 𑒮𑓀𑒥𑓀𑒡। 𑒢𑒰𑒩𑒠𑒲𑒨 𑒬𑒱𑒏𑓂𑒭𑒰𑒧𑒹 𑒮𑒰𑒧𑒑𑒰𑒢𑒏 𑒮𑓀𑒥𑓀𑒡𑒧𑒹 𑒢𑒱𑒩𑓂𑒠𑒹𑒬:- 𑓑.𑒮𑓂𑒫𑒩-𑓗 𑒑𑓂𑒩𑒰𑒧-𑓓 𑒧𑒴𑒩𑓂𑒕𑒢𑒰-𑓒𑓑 𑒞𑒰𑒢-𑓔𑓙
𑒮𑒰𑒞 𑒙𑒰 𑒮𑓂𑒫𑒩 𑒮𑒰,𑒩𑒹,𑒑,𑒧,𑒣,𑒡,𑒢𑒱, 𑒂 𑒞𑒲𑒢 𑒙𑒰 𑒑𑓂𑒩𑒰𑒧-𑒧𑒡𑓂𑒨,𑒧𑒢𑓂𑒠,𑒞𑒲𑒫𑓂𑒩। 𑓗*𑓓=𑓒𑓑 𑒧𑒴𑒩𑓂𑒕𑒢𑒰। 𑒮𑒰𑒞 𑒮𑓂𑒫𑒩𑒏 𑒣𑒩𑒮𑓂𑒣𑒩 𑒧𑒱𑒬𑓂𑒩𑒝 𑓗*𑓗=𑓔𑓙 𑒞𑒰𑒢।
𑒇𑒑𑒫𑒹𑒠𑒏 𑒣𑓂𑒩𑒞𑓂𑒨𑒹𑒏 𑒧𑓀𑒞𑓂𑒩 𑒑𑒾𑒞𑒧𑒏 𑓒 𑒮𑒰𑒧𑒑𑒰𑒢 (𑒣𑒩𑓂𑒏𑒏) 𑒂 𑒏𑒰𑒬𑓂𑒨𑒣𑒏 𑓑 𑒮𑒰𑒧𑒑𑒰𑒢 (𑒣𑒩𑓂𑒏𑒏) 𑒏𑒰𑒩𑒝 𑒞𑒲𑒢 𑒧𑓀𑒞𑓂𑒩𑒏 𑒥𑒩𑒰𑒥𑒩 𑒦𑓄 𑒖𑒰𑒃𑒞 𑒁𑒕𑒱। 𑒧𑒻𑒏𑒛𑒰𑒫𑒹𑒪 𑒃𑒢𑓂𑒠𑓂𑒩𑒰𑒑𑓂𑒢𑒱, 𑒧𑒱𑒞𑓂𑒩𑒰𑒫𑒩𑒳𑒝𑒾, 𑒃𑒢𑓂𑒠𑓂𑒩𑒰𑒫𑒱𑒭𑓂𑒝𑒳, 𑒁𑒑𑓂𑒢𑒱𑒭𑒼𑒧𑒾 𑒋𑒯𑒱 𑒮𑒦𑒏𑒹𑒿 𑒨𑒳𑒑𑒪𑒠𑒹𑒫𑒞𑒰 𑒧𑒰𑒢𑒪𑒢𑓂𑒯𑒱 𑒁𑒕𑒱। 𑒧𑒳𑒠𑒰 𑒨𑒳𑒑𑒪𑒠𑒹𑒫 𑒁𑒕𑒱 –𑒫𑒱𑒬𑒹𑒭𑒝-𑒫𑒱𑒣𑒩𑓂𑒨𑒨।
𑒫𑒹𑒠𑒣𑒰𑒚-
𑓑. 𑒮𑓀𑒯𑒱𑒞𑒰 𑒣𑒰𑒚 𑒁𑒕𑒱 𑒬𑒳𑒠𑓂𑒡 𑒩𑒴𑒣𑒧𑒹 𑒣𑒰𑒚।
𑒁↓𑒑𑓂𑒢𑒱𑒧𑒲↑𑒝𑓃𑒹 𑒣𑒳𑒩𑒼𑒯𑒱↑𑒞 𑒨↓𑒒𑓂𑒨𑒮𑓂𑒨↑𑒠𑒹↓𑒫𑒧𑓂𑒞𑓂𑒫𑒱𑒖↑𑒧।𑒯𑒼𑒞𑒰𑒩↑𑒩𑒞𑓂𑒢↓ 𑒡𑒰𑒞𑒧𑒧𑓂।
𑓒. 𑒣𑒠 𑒣𑒰𑒚- 𑒋𑒯𑒱𑒧𑒹 𑒣𑓂𑒩𑒞𑓂𑒨𑒹𑒏 𑒣𑒠𑒏𑒹𑓀 𑒣𑒵𑒟𑒏 𑒏𑒋 𑒣𑒜𑓃𑒪 𑒖𑒰𑒃𑒞 𑒁𑒕𑒱।
𑓓. 𑒏𑓂𑒩𑒧𑒣𑒰𑒚- 𑒋𑒞𑒨 𑒋𑒏𑒏 𑒥𑒰𑒠 𑒠𑒼𑒮𑒩, 𑒤𑒹𑒩 𑒠𑒼𑒮𑒩 𑒞𑒐𑒢 𑒞𑒹𑒮𑒩, 𑒤𑒹𑒩 𑒞𑒹𑒮𑒩 𑒞𑒐𑒢 𑒔𑒞𑒳𑒩𑓂𑒟। 𑒋𑒢𑒰 𑒏𑒋 𑒣𑒰𑒚 𑒏𑒋𑒪 𑒖𑒰𑒃𑒞 𑒁𑒕𑒱।
𑓔. 𑒖𑒙𑒰𑒣𑒰𑒚- 𑒋𑒯𑒱𑒧𑒹 𑒖𑓂𑒨𑒼𑒿 𑒞𑒲𑒢 𑒙𑒰 𑒣𑒠 𑒏, 𑒐, 𑒂 𑒑 𑒁𑒕𑒱 𑒞𑒐𑒢 𑒣𑒜𑓃𑒥𑒰𑒏 𑒏𑓂𑒩𑒧 𑒋𑒯𑒱 𑒩𑒴𑒣𑒧𑒹 𑒯𑒼𑒋𑒞। 𑒏𑒐, 𑒐𑒏, 𑒏𑒐, 𑒐𑒑, 𑒑𑒐, 𑒐𑒑। 𑓕. 𑒒𑒢𑒣𑒰𑒚-𑒋𑒯𑒱 𑒧𑒹 𑒆𑒣𑒩𑒏𑒰 𑒅𑒠𑒰𑒯𑒩𑒝𑒏 𑒁𑒢𑒳𑒮𑒰𑒩 𑒢𑒱𑒧𑓂𑒢 𑒩𑒴𑒣 𑒯𑒼𑒨𑒞- 𑒏𑒐,𑒐𑒏,𑒏𑒐𑒑,𑒑𑒐𑒏,𑒏𑒐𑒑। 𑓖. 𑒧𑒰𑒪𑒰, 𑓗. 𑒬𑒱𑒐𑒰, 𑓘. 𑒩𑒹𑒐𑒰, 𑓙. 𑒡𑓂𑒫𑒖, 𑓑𑓐. 𑒠𑒝𑓂𑒛, 𑓑𑓑. 𑒩𑒟। 𑒁𑓀𑒞𑒱𑒧 𑒂𑒚𑒏𑒹𑒿 𑒁𑒭𑓂𑒙𑒫𑒱𑒏𑒵𑒞𑒱 𑒏𑒯𑒪 𑒖𑒰𑒃𑒞 𑒁𑒕𑒱।
𑒮𑒰𑒧 𑒫𑒱𑒏𑒰𑒩 𑒮𑒹𑒯𑒼 𑓖 𑒙𑒰 𑒁𑒕𑒱, 𑒖𑒹 𑒑𑒰𑒢𑒏𑒹𑒿 𑒡𑓂𑒨𑒰𑒢𑒧𑒹 𑒩𑒐𑒻𑒞 𑒒𑒙𑒰𑒍𑒪, 𑒥𑒜𑓃𑒰𑒍𑒪 𑒖𑒰 𑒮𑒏𑒻𑒞 𑒁𑒕𑒱। 𑓑. 𑒫𑒱𑒏𑒰𑒩-𑒁𑒑𑓂𑒢𑒹𑒏𑒹𑒿 𑒍𑒑𑓂𑒢𑒰𑒨। 𑓒. 𑒫𑒱𑒬𑓂𑒪𑒹𑒭𑒝- 𑒬𑒥𑓂𑒠/𑒣𑒠𑒏𑒹𑒿 𑒞𑒼𑒛𑓃𑒢𑒰𑒃 𑓓. 𑒫𑒱𑒏𑒩𑓂𑒭𑒝-𑒮𑓂𑒫𑒩𑒏𑒹𑒿 𑒐𑒱𑓀𑒔𑒢𑒰𑒄/𑒁𑒡𑒱𑒏 𑒧𑒰𑒞𑓂𑒩𑒰𑒏 𑒥𑒛𑓃𑒰𑒥𑒩 𑒥𑒖𑒹𑒢𑒰𑒃। 𑓔. 𑒁𑒦𑓂𑒨𑒰𑒮- 𑒥𑒹𑒩-𑒥𑒹𑒩 𑒥𑒖𑒢𑒰𑒃।𑓕. 𑒫𑒱𑒩𑒰𑒧- 𑒬𑒥𑓂𑒠𑒏𑒹𑒿 𑒞𑒼𑒛𑓃𑒱 𑒏𑒨 𑒣𑒠𑒏 𑒧𑒡𑓂𑒨𑒧𑒹 ‘𑒨𑒞𑒱’। 𑓖. 𑒮𑓂𑒞𑒼𑒦-𑒂𑒪𑒰𑒣 𑒨𑒼𑒑𑓂𑒨 𑒣𑒠𑒏𑒹𑒿 𑒖𑒼𑒛𑓃𑒱 𑒪𑒹𑒥। 𑒏𑒾𑒟𑒳𑒧𑒲𑒨 𑒬𑒰𑒐𑒰 ‘𑒯𑒰𑒅’ ‘𑒩𑒰𑒃’ 𑒖𑒼𑒛𑓃𑒻𑒞 𑒕𑒟𑒱। 𑒩𑒰𑒝𑒰𑒢𑒲𑒨 𑒬𑒰𑒐𑒰 ‘𑒯𑒰𑒫𑒳’, ‘𑒩𑒰𑒨𑒱’ 𑒖𑒼𑒛𑓃𑒻𑒞 𑒕𑒟𑒱।
𑒧𑒰𑒞𑓂𑒩𑒱𑒏 𑒕𑒢𑓂𑒠𑒏 𑒣𑓂𑒩𑒨𑒼𑒑 𑒫𑒹𑒠𑒧𑒹 𑒢𑒯𑒱 𑒁𑒕𑒱 𑒫𑒩𑒢𑓂 𑒫𑒩𑓂𑒝𑒫𑒵𑒞𑓂𑒞𑒏 𑒣𑓂𑒩𑒨𑒼𑒑 𑒁𑒕𑒱 𑒂 𑒑𑒝𑒢𑒰 𑒣𑒰𑒠 𑒫𑒰 𑒔𑒩𑒝𑒏 𑒁𑒢𑒳𑒮𑒰𑒩 𑒯𑒼𑒃𑒞 𑒩𑒯𑒋। 𑒧𑒳𑒐𑓂𑒨 𑒕𑒢𑓂𑒠 𑒑𑒰𑒨𑒞𑓂𑒩𑒲, 𑒋𑒏𑒩 𑒣𑓂𑒩𑒨𑒼𑒑 𑒫𑒹𑒠𑒧𑒹 𑒮𑒦𑒮𑒿 𑒥𑒹𑒬𑒲 𑒁𑒕𑒱। 𑒞𑒏𑒩 𑒥𑒰𑒠 𑒞𑓂𑒩𑒱𑒭𑓂𑒙𑒳𑒣 𑒂 𑒖𑒑𑒞𑒲𑒏 𑒣𑓂𑒩𑒨𑒼𑒑 𑒁𑒕𑒱।
𑓑. 𑒑𑒰𑒨𑒞𑓂𑒩𑒲- 𑓘-𑓘 𑒏𑒹𑒩 𑒞𑒲𑒢 𑒣𑒰𑒠। 𑒠𑒼𑒮𑒩 𑒣𑒰𑒠𑒏 𑒥𑒰𑒠 𑒫𑒱𑒩𑒰𑒧। 𑒫𑒰 𑒋𑒏 𑒣𑒠𑒧𑒹 𑒕𑒯 𑒙𑒰 𑒁𑒏𑓂𑒭𑒩।
𑓒. 𑒞𑓂𑒩𑒱𑒭𑓂𑒙𑒳𑒣- 𑓑𑓑-𑓑𑓑 𑒏𑒹𑒩 𑓔 𑒣𑒰𑒠।
𑓓. 𑒖𑒑𑒞𑒲- 𑓑𑓒-𑓑𑓒 𑒏𑒹𑒩 𑓔 𑒣𑒰𑒠।
𑓔. 𑒅𑒭𑓂𑒝𑒱𑒏- 𑓘-𑓘 𑒏𑒹𑒩 𑒠𑒴 𑒞𑒏𑒩 𑒥𑒰𑒠 𑓑𑓒 𑒫𑒩𑓂𑒝-𑒮𑓀𑒐𑓂𑒨𑒰𑒏 𑒣𑒰𑒠।
𑓕. 𑒁𑒢𑒳𑒭𑓂𑒙𑒳𑒣- 𑓘-𑓘 𑒏𑒹𑒩 𑒔𑒰𑒩𑒱 𑒣𑒰𑒠। 𑒋𑒏𑒩 𑒣𑓂𑒩𑒨𑒼𑒑 𑒫𑒹𑒠𑒏 𑒁𑒣𑒹𑒏𑓂𑒭𑒰 𑒮𑓀𑒮𑓂𑒏𑒵𑒞 𑒮𑒰𑒯𑒱𑒞𑓂𑒨𑒧𑒹 𑒥𑒹𑒬𑒲 𑒁𑒕𑒱।
𑓖. 𑒥𑒵𑒯𑒞𑒲- 𑓘-𑓘 𑒏𑒹𑒩 𑒠𑒴 𑒂 𑒞𑒏𑒩𑒰 𑒥𑒰𑒠 𑓑𑓒 𑒂 𑓘 𑒧𑒰𑒞𑓂𑒩𑒰𑒏 𑒠𑒴 𑒣𑒰𑒠।
𑓗. 𑒣𑓀𑒏𑓂𑒞𑓂𑒞𑒱- 𑓘-𑓘 𑒏𑒹𑒩 𑒣𑒰𑒿𑒔। 𑒣𑓂𑒩𑒟𑒧 𑒠𑒴 𑒣𑒠𑒏 𑒥𑒰𑒠 𑒫𑒱𑒩𑒰𑒧 𑒁𑒥𑒻𑒕।
𑒨𑒠𑒱 𑒁𑒏𑓂𑒭𑒩 𑒣𑒴𑒩𑒰 𑒢𑒯𑒱 𑒯𑒼𑒃𑒞 𑒁𑒕𑒱, 𑒞𑒿 𑒋𑒏 𑒫𑒰 𑒠𑒴 𑒁𑒏𑓂𑒭𑒩 𑒢𑒱𑒧𑓂𑒢 𑒣𑓂𑒩𑒏𑒰𑒩𑒹𑒿 𑒒𑒙𑒰-𑒥𑒜𑓃𑒰 𑒪𑒹𑒪 𑒖𑒰𑒃𑒞 𑒁𑒕𑒱।
(𑒁) 𑒫𑒩𑒹𑒝𑓂𑒨𑒧𑓂 𑒏𑒹𑒿 𑒫𑒩𑒹𑒝𑒱𑒨𑒧𑓂 𑒮𑓂𑒫𑓁 𑒏𑒹𑒿 𑒮𑒳𑒫𑓁।
(𑒂) 𑒑𑒳𑒝 𑒂 𑒫𑒵𑒠𑓂𑒡𑒱 𑒮𑒢𑓂𑒡𑒱𑒏𑒹𑒿 𑒁𑒪𑒑 𑒏𑒋 𑒪𑒹𑒪 𑒖𑒰𑒃𑒞 𑒁𑒕𑒱।
𑒋= 𑒁 + 𑒃
𑒍= 𑒁 + 𑒅
𑒌= 𑒁/𑒂 + 𑒋
𑒎= 𑒁/𑒂 + 𑒍
𑒁𑒯𑒴 𑒣𑓂𑒩𑒏𑒰𑒩𑒹𑒿 𑒢𑒯𑒱 𑒣𑒳𑒩𑒪𑒰𑒣𑒩 𑒁𑒢𑓂𑒨 𑒫𑒱𑒩𑒰𑒛𑒰𑒠𑒱 𑒢𑒰𑒧𑒮𑒿 𑒋𑒏𑒩 𑒢𑒰𑒧𑒏𑒩𑒝 𑒯𑒼𑒃𑒞 𑒁𑒕𑒱।
𑒨𑒟𑒰- 𑒑𑒰𑒨𑒞𑓂𑒩𑒲 (𑓒𑓔)- 𑒫𑒱𑒩𑒰𑒙𑓂 (𑓒𑓒), 𑒢𑒱𑒔𑒵𑒞𑓂 (𑓒𑓓), 𑒬𑒳𑒠𑓂𑒡𑒰 (𑓒𑓔), 𑒦𑒳𑒩𑒱𑒏𑓂 (𑓒𑓕), 𑒮𑓂𑒫𑒩𑒰𑒙𑓂(𑓒𑓖)।
𑓇 𑒦𑒴𑒩𑓂𑒦𑒳𑒫𑒮𑓂𑒫𑓁 । 𑒞𑒞𑓂 𑒮𑒫𑒱𑒞𑒳𑒩𑓂𑒫𑒩𑒹𑒝𑓂𑒨𑓀। 𑒦𑒩𑓂𑒑𑒼 𑒠𑒹𑒫𑒮𑓂𑒨 𑒡𑒲𑒧𑒯𑒱 । 𑒡𑒱𑒨𑒼 𑒨𑒼 𑒢𑓁 𑒣𑓂𑒩𑒔𑒼𑒠𑒨𑒰𑒞𑓂 ।
𑒫𑒻𑒠𑒱𑒏 𑒇𑒭𑒱 𑒮𑓂𑒫𑒨𑓀𑒏𑒹𑒿 𑒂 𑒠𑒹𑒫𑒞𑒰𑒏𑒹𑒿 𑒮𑒹𑒯𑒼 𑒏𑒫𑒱 𑒏𑒯𑒻𑒞 𑒕𑒟𑒱। 𑒮𑒧𑓂𑒣𑒴𑒩𑓂𑒝 𑒫𑒻𑒠𑒱𑒏 𑒮𑒰𑒯𑒱𑒞𑓂𑒨 𑒋𑒯𑒱 𑒏𑒫𑒱 𑒔𑒹𑒞𑒢𑒰𑒏 𑒫𑒰𑒓𑓂𑒧𑒨 𑒧𑒴𑒩𑓂𑒞𑓂𑒞𑒱 𑒁𑒕𑒱। 𑒍𑒞𑒋 𑒂𑒡𑓂𑒨𑒰𑒞𑓂𑒧 𑒔𑒹𑒞𑒢𑒰, 𑒁𑒡𑒱𑒠𑒻𑒫𑒞𑓂𑒫𑒧𑒹 𑒅𑒞𑓂𑒞𑒲𑒩𑓂𑒝 𑒦𑒹𑒪 𑒁𑒕𑒱, 𑒋𑒫𑒧𑓂 𑒍𑒏𑒩𑒰 𑒂𑒡𑒱𑒦𑒾𑒞𑒱𑒏 𑒦𑒰𑒭𑒰𑒧𑒹 𑒩𑒴𑒣 𑒠𑒹𑒪 𑒑𑒹𑒪 𑒁𑒕𑒱।
𑒫𑒻𑒠𑒱𑒏 (𑒕𑒢𑓂𑒠𑒮𑓂 ) 𑒂 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞 (𑒦𑒰𑒭𑒰) 𑒏 𑒫𑓂𑒨𑒰𑒏𑒩𑒝 :
𑒫𑒻𑒠𑒱𑒏 𑒂 𑒪𑒾𑒏𑒱𑒏 𑒠𑒳𑒢𑒴 𑒮𑓀𑒮𑓂𑒏𑒵𑒞𑒧𑒹 𑒮𑓀𑒖𑓂𑒘𑒰, 𑒮𑒩𑓂𑒫𑒢𑒰𑒧 𑒂 𑒫𑒱𑒬𑒹𑒭𑒝𑒏 𑒣𑒳𑒪𑓂𑒪𑒱𑓀𑒑, 𑒮𑓂𑒞𑓂𑒩𑒲𑒪𑒱𑓀𑒑 𑒂 𑒢𑒣𑒳𑓀𑒮𑒏 𑒪𑒱𑓀𑒑, 𑒞𑒲𑒢 𑒫𑒔𑒢- 𑒋𑒏, 𑒠𑒴 𑒂 𑒥𑒯𑒳𑒫𑒔𑒢 𑒩𑒯𑒪, 𑒣𑒳𑒪𑓂𑒪𑒱𑓀𑒑, 𑒮𑓂𑒞𑓂𑒩𑒲𑒪𑒱𑓀𑒑 𑒂 𑒢𑒣𑒳𑓀𑒮𑒏 𑒪𑒱𑓀𑒑 𑒪𑒱𑓀𑒑𑒏 𑒠𑓂𑒨𑒼𑒞𑒏 𑒢𑒯𑒱 𑒁𑒕𑒱, 𑒠𑒰𑒩𑒰- 𑒣𑒳𑒪𑓂𑒪𑒱𑓀𑒑, 𑒏𑒪𑒞𑓂𑒩- 𑒢𑒣𑒳𑓀𑒮𑒏 𑒪𑒱𑓀𑒑 𑒂 𑒦𑒰𑒩𑓂𑒨𑒰- 𑒮𑓂𑒞𑓂𑒩𑒲𑒪𑒱𑓀𑒑; 𑒧𑒳𑒠𑒰 𑒞𑒲𑒢𑒴 𑒣𑒞𑓂𑒢𑒲𑒏 𑒣𑒩𑓂𑒨𑒰𑒨𑒫𑒰𑒔𑒲 𑒁𑒕𑒱। 𑒞𑒯𑒱𑒢𑒰 𑒄𑒬𑓂𑒫𑒩𑓁 (𑒣𑒳𑒪𑓂𑒪𑒱𑓀𑒑), 𑒥𑓂𑒩𑒯𑓂𑒧 (𑒢𑒣𑒳𑓀𑒮𑒏 𑒪𑒱𑓀𑒑) 𑒂 𑒔𑒱𑒞𑒱𑓁 (𑒮𑓂𑒞𑓂𑒩𑒲 𑒪𑒱𑓀𑒑) 𑒯𑒼𑒃𑒞 𑒁𑒕𑒱। 𑒮𑓀𑒖𑓂𑒘𑒰, 𑒮𑒩𑓂𑒫𑒢𑒰𑒧 𑒂 𑒫𑒱𑒬𑒹𑒭𑒝𑒏 𑒂𑒚𑒙𑒰 𑒏𑒰𑒩𑒏 (𑒫𑒱𑒦𑒏𑓂𑒞𑒱) 𑒮𑒹𑒯𑒼 𑒯𑒼𑒃𑒞 𑒁𑒕𑒱। 𑒠𑒮 𑒑𑒝𑒏 𑒡𑒰𑒞𑒳𑒏 𑒩𑒴𑒣 𑒣𑒩𑒮𑓂𑒧𑒻𑒣𑒠𑒲 (𑒤𑒪 𑒠𑒼𑒮𑒩𑒰𑒏𑒹𑒿), 𑒂𑒞𑓂𑒧𑒢𑒹𑒣𑒠𑒲 (𑒤𑒪 𑒁𑒣𑒢𑒰𑒏𑒹𑒿) 𑒂 𑒅𑒦𑒨𑒣𑒠𑒲 𑒄 𑒞𑒲𑒢 𑒞𑒩𑒯𑒏 𑒯𑒼𑒃𑒞 𑒁𑒕𑒱। 𑒏𑒩𑓂𑒞𑒵, 𑒏𑒩𑓂𑒧 𑒂 𑒦𑒫 𑒄 𑒞𑒲𑒢 𑒫𑒰𑒔𑓂𑒨 𑒂 𑒥𑒰𑒩𑒯 𑒪𑒏𑒰𑒩 (𑒪𑒙𑓂, 𑒪𑒱𑒙𑓂, 𑒪𑒓𑓂, 𑒪𑒳𑒓𑓂, 𑒪𑒳𑒙𑓂, 𑒪𑒵𑒙𑓂, 𑒪𑒼𑒙𑓂, 𑒫𑒱𑒡𑒱𑒪𑒱𑓀𑒓𑓂, 𑒂𑒩𑓂𑒬𑒲𑒪𑒱𑓀𑒓𑓂, 𑒪𑒵𑒓𑓂, 𑒪𑒹𑒙𑓂 𑒂 𑒪𑒹𑒓𑓂 ) 𑒯𑒼𑒃𑒞 𑒁𑒕𑒱। 𑒪𑒹𑒙𑓂 𑒂 𑒪𑒹𑒓𑓂 𑒪𑒏𑒰𑒩 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞 (𑒦𑒰𑒭𑒰) 𑒧𑒹 𑒢𑒯𑒱 𑒯𑒼𑒃𑒞 𑒁𑒕𑒱।
𑒮𑓀𑒮𑓂𑒏𑒵𑒞𑒧𑒹 𑒞𑒲𑒢𑒙𑒰 𑒣𑒳𑒩𑒳𑒭- 𑒣𑓂𑒩𑒟𑒧 (𑒂𑒢 𑒦𑒰𑒭𑒰𑒏 𑒁𑒢𑓂𑒨 𑒣𑒳𑒩𑒳𑒭) , 𑒧𑒡𑓂𑒨𑒧 𑒂 𑒅𑒞𑓂𑒞𑒧 𑒯𑒼𑒃𑒞 𑒁𑒕𑒱।𑒅𑒠𑓂𑒠𑒹𑒬𑓂𑒨 𑒂 𑒫𑒱𑒡𑒹𑒨; 𑒏𑒩𑓂𑒞𑒰 𑒂 𑒏𑓂𑒩𑒱𑒨𑒰; 𑒫𑒱𑒬𑒹𑒭𑓂𑒨 𑒂 𑒫𑒱𑒬𑒹𑒭𑒝 𑒂 𑒮𑓀𑒖𑓂𑒘𑒰 𑒂 𑒮𑒩𑓂𑒫𑒢𑒰𑒧𑒏 𑒣𑒩𑒮𑓂𑒣𑒩 𑒑𑒳𑒝-𑒮𑒧𑒰𑒢𑒞𑒰 𑒩𑒯𑒻𑒞 𑒕𑒻।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒑𑒲𑒞𑒰𑒞𑓂𑒧𑒏 𑒂 𑒥𑒪𑒰𑒞𑓂𑒧𑒏 𑒮𑓂𑒫𑒩𑒰𑒒𑒰𑒞 𑒩𑒯𑒋 𑒧𑒳𑒠𑒰 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒐𑒰𑒪𑒲 𑒥𑒪𑒰𑒞𑓂𑒧𑒏 𑒮𑓂𑒫𑒩𑒰𑒒𑒰𑒞 𑒩𑒯𑒱 𑒑𑒹𑒪। 𑒫𑒻𑒠𑒱𑒏 𑒅𑒔𑓂𑒔𑒰𑒩𑒝 𑒅𑒠𑒰𑒞𑓂𑒞, 𑒁𑒢𑒳𑒠𑒰𑒞𑓂𑒞 𑒂 𑒮𑓂𑒫𑒩𑒱𑒞 (𑒮𑓀𑒑𑒲𑒞𑒬𑒰𑒮𑓂𑒞𑓂𑒩𑒏 𑒂𑒩𑒼𑒯, 𑒁𑒫𑒩𑒼𑒯 𑒂 𑒮𑒧 𑒮𑒿 𑒞𑒳𑒪𑒢𑒰 𑒠𑓂𑒩𑒭𑓂𑒙𑒫𑓂𑒨) 𑒪𑒾𑒏𑒱𑒏 𑒅𑒔𑓂𑒔𑒰𑒩𑒝𑒧𑒹 𑒐𑒞𑒧 𑒦𑓄 𑒑𑒹𑒪।
𑒫𑒻𑒠𑒱𑒏 𑒕𑒢𑓂𑒠𑒧𑒹 𑒋𑒏 𑒔𑒩𑒝, 𑒖𑒏𑒩𑒰 𑒣𑒰𑒠 𑒏𑒯𑒻𑒞 𑒕𑒱𑒌 𑒍𑒯𑒱 𑒣𑒰𑒠𑒧𑒹 𑒫𑒩𑓂𑒝𑒏 𑒑𑒢𑒞𑒲 𑒯𑒼𑒃𑒞 𑒁𑒕𑒱। 𑒕𑒢𑓂𑒠𑒧𑒹 𑒑𑒞𑒱 (𑒪𑒨) 𑒂 𑒨𑒞𑒱 (𑒫𑒱𑒩𑒰𑒧) 𑒮𑒹𑒯𑒼 𑒯𑒼𑒃𑒞 𑒁𑒕𑒱। 𑒯𑓂𑒩𑒮𑓂𑒫 𑒮𑓂𑒫𑒩 𑒪𑒒𑒳 𑒯𑒼𑒃𑒞 𑒁𑒕𑒱, 𑒯𑓂𑒩𑒮𑓂𑒫𑒏 𑒥𑒰𑒠 𑒮𑓀𑒨𑒳𑒏𑓂𑒞 𑒫𑒩𑓂𑒝 𑒁𑒋𑒪𑒰𑒮𑒿 𑒪𑒒𑒳 𑒮𑓂𑒫𑒩 𑒑𑒳𑒩𑒳 𑒮𑓂𑒫𑒩 𑒦𑓄 𑒖𑒰𑒃𑒞 𑒁𑒕𑒱।
𑒅𑒣𑒮𑒩𑓂𑒑: 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒅𑒣𑒮𑒩𑓂𑒑 𑒏𑓂𑒩𑒱𑒨𑒰𑒮𑒿 𑒣𑒯𑒱𑒢𑒹 𑒁𑒥𑒻𑒞 𑒁𑒕𑒱 𑒧𑒳𑒠𑒰 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒣𑒯𑒱𑒢𑒹, 𑒥𑒰𑒠𑒧𑒹, 𑒁𑒪𑒑𑒮𑒿 𑒂 𑒏𑒞𑒯𑒳 𑒁𑒢𑓂𑒞𑒩𑒰𑒪𑒏 𑒥𑒰𑒠 𑒮𑒹𑒯𑒼 𑒁𑒥𑒻𑒞 𑒁𑒕𑒱। 𑒮𑓀𑒑𑒯𑒱 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒖𑒹 𑒋𑒏 𑒥𑒹𑒩 𑒅𑒣𑒮𑒩𑓂𑒑 𑒏𑓂𑒩𑒱𑒨𑒰𑒏 𑒮𑓀𑒑 𑒂𑒥𑒱 𑒑𑒹𑒪 𑒞𑒿 𑒞𑒏𑒩𑒰 𑒥𑒰𑒠 𑒍𑒯𑒱 𑒧𑓀𑒞𑓂𑒩𑒧𑒹 𑒧𑒰𑒞𑓂𑒩 𑒅𑒣𑒮𑒩𑓂𑒑𑒏 𑒣𑓂𑒩𑒨𑒼𑒑 𑒯𑒼𑒋𑒞 𑒂 𑒫𑒻𑒯 𑒅𑒣𑒮𑒩𑓂𑒑𑒨𑒳𑒏𑓂𑒞 𑒏𑓂𑒩𑒱𑒨𑒰𑒏 𑒠𑓂𑒨𑒼𑒞𑒏 𑒯𑒼𑒋𑒞।
𑒮𑒧𑒰𑒮: 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒮𑒧𑒰𑒮𑒧𑒹 𑒮𑒹𑒯𑒼 𑒏𑒐𑒢𑒼 𑒏𑒰𑒪 𑒦𑒱𑒢𑓂𑒢𑒞𑒰 𑒕𑒻, 𑒖𑒹𑒢𑒰 𑒁𑒭𑓂𑒙𑒏 𑒥𑒰𑒠 𑒏𑒼𑒢𑒼 𑒬𑒥𑓂𑒠 𑒯𑒼𑒃 𑒞𑒿 𑒍 𑒁𑒭𑓂𑒙𑒰 𑒦𑓄 𑒖𑒰𑒃 𑒕𑒻- 𑒁𑒭𑓂𑒙𑒰𑒣𑒠𑒲। 𑒣𑒱𑒞𑒵 𑒂 𑒧𑒰𑒞𑒵𑒏 𑒠𑓂𑒫𑒢𑓂𑒠𑓂𑒫 𑒮𑒧𑒰𑒮 𑒦𑒹𑒪𑒰𑒣𑒩 𑒠𑒳𑒢𑒴𑒧𑒹 𑒂 𑒪𑒑𑒻 𑒕𑒻 𑒂 𑒑𑒳𑒝 𑒯𑒼𑒃 𑒕𑒻- 𑒣𑒱𑒞𑒩𑒰𑒧𑒰𑒞𑒩𑒰।
𑒪𑒹𑒙 𑒪𑒏𑒰𑒩: 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒪𑒹𑒙 𑒪𑒏𑒰𑒩𑒏 𑒣𑓂𑒩𑒨𑒼𑒑 𑒢𑒯𑒱 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒯𑒼𑒃𑒞 𑒁𑒕𑒱 𑒖𑒹𑒢𑒰 𑒦𑒫𑒰𑒞𑒱, 𑒣𑒞𑒰𑒞𑒱 𑒪𑒾𑒏𑒱𑒏𑒧𑒹 𑒧𑒰𑒞𑓂𑒩 𑒦𑒫𑒞𑒱, 𑒣𑒞𑒞𑒱𑒮𑒿 𑒢𑒱𑒠𑒵𑒭𑓂𑒙 𑒯𑒼𑒃𑒞 𑒁𑒕𑒱।
𑒫𑒻𑒠𑒱𑒏 𑒂 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞 𑒏𑒼𑒢𑒼 𑒠𑒴 𑒦𑒰𑒭𑒰 𑒢𑒯𑒱 𑒁𑒕𑒱 𑒫𑒩𑒢𑓂 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞, 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒱𑒏 𑒮𑒩𑒪 𑒩𑒴𑒣 𑒁𑒕𑒱। 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒮𑒿 𑒮𑒦 𑒏𑒱𑒕𑒳 𑒥𑒹𑒬𑒲 𑒁𑒕𑒱 (𑒁𑒣𑒫𑒰𑒠- 𑒪𑒳𑒙𑓂 𑒂 𑒪𑒵𑒙𑓂 𑒪𑒏𑒰𑒩𑒏 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒏𑒧 𑒅𑒣𑒨𑒼𑒑।)
𑒮𑓀𑒯𑒱𑒞𑒰, 𑒥𑓂𑒩𑒰𑒯𑓂𑒧𑒝 𑒑𑓂𑒩𑓀𑒟, 𑒂𑒩𑒝𑓂𑒨𑒏 𑒂 𑒅𑒣𑒢𑒱𑒭𑒠𑒏 𑒦𑒰𑒭𑒰 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞 𑒏𑒯𑒪 𑒖𑒰𑒃𑒞 𑒁𑒕𑒱 𑒂 𑒞𑒏𑒩 𑒥𑒰𑒠𑒏 𑒮𑓀𑒮𑓂𑒏𑒵𑒞 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞 𑒏𑒯𑒪 𑒖𑒰𑒃𑒞 𑒁𑒕𑒱।
𑒠𑒳𑒢𑒴 𑒮𑓀𑒮𑓂𑒏𑒵𑒞𑒧𑒹 𑒡𑒰𑒞𑒳, 𑒬𑒥𑓂𑒠 𑒂 𑒁𑒩𑓂𑒟 𑒣𑓂𑒩𑒰𑒨𑓁 𑒋𑒏𑓂𑒏𑒹 𑒁𑒕𑒱।
𑒠𑒳𑒢𑒴𑒧𑒹 𑒞𑒲𑒢 𑒪𑒱𑓀𑒑, 𑒞𑒲𑒢 𑒫𑒔𑒢 𑒂 𑒞𑒲𑒢 𑒣𑒳𑒩𑒳𑒭 𑒯𑒼𑒃𑒞 𑒁𑒕𑒱।
𑒠𑒳𑒢𑒴𑒧𑒹 𑒮𑒦 𑒬𑒥𑓂𑒠 𑒣𑓂𑒩𑒰𑒨𑓁 𑒡𑒰𑒞𑒳 𑒁𑒕𑒱; 𑒩𑒴𑒜𑓃 𑒬𑒥𑓂𑒠 𑒥𑒛𑓂𑒛 𑒏𑒧 𑒁𑒕𑒱।
𑒮𑒧𑒰𑒮 𑒠𑒳𑒢𑒴𑒧𑒹 𑒁𑒕𑒱, 𑒯𑒿 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒋𑒏𑒩 𑒥𑒹𑒬𑒲 𑒣𑓂𑒩𑒨𑒼𑒑 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒁𑒕𑒱।
𑒕𑒢𑓂𑒠 𑒮𑒹𑒯𑒼 𑒠𑒳𑒢𑒴𑒧𑒹 𑒧𑒼𑒙𑒰-𑒧𑒼𑒙𑒲 𑒋𑒏𑓂𑒏𑒹 𑒩𑒓𑒏 𑒦𑒹𑒙𑒞।
𑒡𑒰𑒞𑒳𑒏 𑒑𑒝 𑒧𑒡𑓂𑒨 𑒫𑒱𑒦𑒰𑒖𑒢 𑒮𑒹𑒯𑒼 𑒠𑒳𑒢𑒴𑒧𑒹 𑒋𑒏𑓂𑒏𑒹 𑒩𑒓 𑒦𑒹𑒙𑒞।
𑒝𑒱𑒔𑓂, 𑒮𑒢𑓂 𑒣𑓂𑒩𑒞𑓂𑒨𑒨 𑒠𑒳𑒢𑒴𑒧𑒹 𑒋𑒏𑓂𑒏𑒹 𑒩𑒓 𑒦𑒹𑒙𑒞।
𑒣𑒠𑒏 𑒢𑒱𑒩𑓂𑒧𑒰𑒝 𑒠𑒳𑒢𑒴𑒧𑒹 𑒋𑒏𑓂𑒏𑒹 𑒞𑒩𑒲𑒏𑒰𑒮𑒿 𑒯𑒼𑒃𑒞 𑒁𑒕𑒱।
𑒮𑒳𑒣𑓂-𑒞𑒱𑒓-𑒏𑒵𑒞𑓂-𑒞𑒠𑓂𑒡𑒱𑒞 𑒠𑒳𑒢𑒴𑒧𑒹 𑒋𑒏𑓂𑒏𑒹 𑒩𑒓 𑒦𑒹𑒙𑒞।
𑒠𑒳𑒢𑒴𑒧𑒹 𑒬𑒥𑓂𑒠𑒏 𑒏𑓂𑒩𑒧 𑒂𑒑𑒰𑒿 𑒣𑒰𑒕𑒰𑒿 𑒦𑒹𑒢𑒹 𑒁𑒩𑓂𑒟𑒏 𑒣𑒩𑒱𑒫𑒩𑓂𑒞𑒢 𑒢𑒯𑒱 𑒯𑒼𑒃𑒞 𑒁𑒕𑒱। 𑒠𑒳𑒢𑒴𑒧𑒹 𑒮𑒢𑓂𑒡𑒱, 𑒏𑒰𑒩𑒏 𑒂 𑒫𑒱𑒦𑒏𑓂𑒞𑒱 𑒯𑒼𑒃𑒞 𑒁𑒕𑒱।
𑒧𑒳𑒠𑒰:-
𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒅𑒣𑒡𑓂𑒧𑒰𑒢𑒲𑒨 𑒂 𑒖𑒱𑒯𑓂𑒫𑒰𑒧𑒴𑒪𑒲𑒨 𑒡𑓂𑒫𑒢𑒱𑒏 𑒣𑓂𑒩𑒨𑒼𑒑 𑒢𑒯𑒱 𑒯𑒼𑒃𑒞 𑒁𑒕𑒱 𑒂 𑒞𑒏𑒩 𑒮𑓂𑒟𑒰𑒢𑒧𑒹 𑒫𑒱𑒮𑒩𑓂𑒑𑒮𑒿 𑒏𑒰𑒖 𑒔𑒪𑒻𑒞 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒝𑓃, 𑒝𑓃𑒯 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒢𑒯𑒱 𑒯𑒼𑒃𑒞 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒠𑒴 𑒮𑓂𑒫𑒩 𑒧𑒡𑓂𑒨 “𑒛” 𑒝𑓃 𑒦𑓄 𑒖𑒰𑒃𑒞 𑒁𑒕𑒱 𑒂 “𑒜” 𑒝𑓃𑒯 𑒦𑓄 𑒖𑒰𑒃𑒞 𑒁𑒕𑒱। 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒮𑒹 𑒢𑒯𑒱 𑒁𑒕𑒱।
𑒑𑓂𑒫𑒰𑒓 (𑒯𑓂𑒩𑒮𑓂𑒫 𑒂 𑒠𑒲𑒩𑓂𑒒) 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒢𑒯𑒱 𑒁𑒕𑒱। 𑒨𑒖𑒳𑒩𑓂𑒫𑒹𑒠𑒧𑒹 𑒯, 𑒬, 𑒭, 𑒮, 𑒩 𑒋𑒯𑒱 𑒮𑒦𑒮𑒿 𑒣𑒴𑒩𑓂𑒫 𑒁𑒢𑒳𑒮𑓂𑒫𑒰𑒩 𑒑𑓂𑒫𑒰𑒓 𑒦𑓄 𑒖𑒰𑒃𑒞 𑒁𑒕𑒱।
𑒅𑒠𑒰𑒞𑓂𑒞, 𑒁𑒢𑒳𑒠𑒰𑒞𑓂𑒞 𑒂 𑒮𑓂𑒫𑒩𑒱𑒞𑒏 𑒅𑒔𑓂𑒔𑒰𑒩𑒝 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒮𑓂𑒣𑒭𑓂𑒙 𑒩𑒴𑒣𑒮𑒿 𑒢𑒯𑒱 𑒯𑒼𑒃𑒞 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒪𑒹𑒙𑓂 𑒪𑒏𑒰𑒩𑒏 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱, 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒢𑒯𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒅𑒣𑒮𑒩𑓂𑒑 𑒡𑒰𑒞𑒳𑒮𑒿 𑒣𑒵𑒟𑒏𑓂 𑒧𑒳𑒠𑒰 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒮𑓀𑒑𑒧𑒹 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒏𑒵𑒞𑓂 𑒣𑓂𑒩𑒞𑓂𑒨𑒨𑒏 𑒞𑒳𑒧𑒳𑒢𑓂 𑒮𑒹, 𑒮𑒹𑒢𑓂, 𑒁𑒮𑒹, 𑒁𑒡𑓂𑒨𑒻 𑒃𑒞𑓂𑒨𑒰𑒠𑒱 𑓑𑓕 𑒙𑒰 𑒣𑓂𑒩𑒞𑓂𑒨𑒨𑒏 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒐𑒰𑒪𑒲 “𑒞𑒳𑒧𑓂” 𑒣𑓂𑒩𑒞𑓂𑒨𑒨𑒏 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒏 𑒮𑒢𑓂𑒡𑒱 𑒢𑒱𑒁𑒧 𑒬𑒱𑒟𑒱𑒪 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒏 𑒠𑒵𑒜𑓃 𑒯𑒼𑒃𑒞 𑒁𑒕𑒱।
𑒫𑒻𑒠𑒱𑒏 𑒏𑒞𑒹𑒏𑒼 𑒬𑒥𑓂𑒠𑒏 𑒁𑒩𑓂𑒟 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒥𑒠𑒪𑒱 𑒑𑒹𑒪 𑒁𑒕𑒱। 𑒖𑒹𑒢𑒰 𑒁𑒮𑒳𑒩 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒬𑒏𑓂𑒞𑒱𑒫𑒰𑒢𑒏𑒹𑒿 𑒏𑒯𑒪 𑒖𑒰𑒃𑒞 𑒕𑒪 𑒧𑒳𑒠𑒰 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒩𑒰𑒏𑓂𑒭𑒮𑒏𑒹𑒿 𑒏𑒯𑒪 𑒖𑒰𑒃𑒞 𑒁𑒕𑒱।
𑒡𑒰𑒞𑒳𑒩𑒴𑒣 𑒮𑒹𑒯𑒼 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒦𑒱𑒢𑓂𑒢 𑒁𑒕𑒱, 𑒁𑒢𑓂𑒞𑒱𑒧 𑒮𑓂𑒫𑒩 𑒠𑒲𑒩𑓂𑒒 𑒮𑒹𑒯𑒼 𑒯𑒼𑒃𑒞 𑒁𑒕𑒱। 𑒖𑒹𑒢𑒰 𑒔𑒏𑓂𑒩- 𑒔𑒏𑓂𑒩𑒰: 𑒠𑓂𑒫𑒱𑒞𑓂𑒫𑒏 𑒁𑒦𑒰𑒫 𑒯𑒼𑒃𑒞 𑒁𑒕𑒱 𑒖𑒹𑒢𑒰 “𑒠𑒠𑒰𑒞𑒱”𑒏 𑒮𑓂𑒟𑒰𑒢𑒧𑒹 “𑒠𑒰𑒞𑒱”; 𑒏𑒐𑒢𑒼 𑒏𑒰𑒪 𑒣𑒩𑒮𑓂𑒧𑒻𑒣𑒠𑒱𑒏 𑒮𑓂𑒟𑒰𑒢𑒧𑒹 𑒂𑒞𑓂𑒧𑓂𑒢𑒹𑒣𑒠 𑒂 𑒂𑒞𑓂𑒧𑒢𑒹𑒣𑒠𑒱𑒏 𑒮𑓂𑒟𑒰𑒢𑒧𑒹 𑒣𑒩𑒮𑓂𑒧𑒻𑒣𑒠 𑒡𑒰𑒞𑒳𑒏 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱; 𑒬𑒣𑓂 𑒮𑓂𑒟𑒰𑒢𑒣𑒩 𑒏𑒐𑒢𑒼 𑒏𑒰𑒪 𑒠𑒼𑒮𑒩 𑒑𑒝𑒏 𑒫𑒱𑒏𑒩𑒝𑒏 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒬𑒥𑓂𑒠 𑒩𑒴𑒣, 𑒡𑒰𑒞𑒳 𑒩𑒴𑒣, 𑒣𑓂𑒩𑒞𑓂𑒨𑒨𑒏 𑒫𑒱𑒫𑒱𑒡𑒞𑒰 𑒥𑒹𑒬𑒲 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒏 𑒏𑒰𑒪-𑒣𑒳𑒩𑒳𑒭-𑒫𑒔𑒢-𑒪𑒱𑓀𑒑𑒏 𑒌𑒔𑓂𑒕𑒱𑒏 𑒣𑒩𑒱𑒫𑒩𑓂𑒞𑒢 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒧𑒼𑒙𑒰𑒧𑒼𑒙𑒲 𑒐𑒞𑒧 𑒦𑓄 𑒑𑒹𑒪 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒏 𑒁𑒔𑓂, 𑒁𑒧𑓂, 𑒖𑒱𑒢𑓂𑒫𑓂, 𑒣𑒱𑒢𑓂𑒫𑓂 𑒂𑒠𑒱 𑒡𑒰𑒞𑒳 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹𑒣𑓂𑒩𑒨𑒼𑒑 𑒢𑒯𑒱 𑒯𑒼𑒃𑒞 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒞𑒩-𑒞𑒧 𑒣𑓂𑒩𑒞𑓂𑒨𑒨 𑒮𑓀𑒖𑓂𑒘𑒰 𑒬𑒥𑓂𑒠 𑒮𑒢 𑒂 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒫𑒱𑒬𑒹𑒭𑒝 𑒮𑒢 𑒣𑓂𑒩𑒨𑒳𑒏𑓂𑒞 𑒯𑒼𑒃𑒞 𑒁𑒕𑒱।
𑒕𑒢𑓂𑒠𑒏 𑒯𑒱𑒮𑒰𑒥𑒮𑒿 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒮𑓂𑒫𑒩𑓂-𑒮𑒳𑒫𑒩𑓂 𑒂 𑒠𑒩𑓂𑒬𑒞, 𑒠𑒩𑒬𑒞 𑒪𑒱𑒐𑒱 𑒪𑒹𑒪 𑒖𑒰𑒃𑒞 𑒁𑒕𑒱। 𑒧𑒳𑒠𑒰 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒮𑒹 𑒢𑒯𑒱 𑒯𑒼𑒃𑒞 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 “𑒂𑒢𑓂” 𑒣𑒠𑒏 𑒁𑒢𑓂𑒞𑒧𑒹 𑒩𑒯𑒪𑒰𑒣𑒩 𑒂 𑒞𑒏𑒩 𑒥𑒰𑒠 𑒁, 𑒃, 𑒅 𑒮𑓂𑒫𑒩 𑒁𑒋𑒪𑒰𑒣𑒩 𑒢𑓂 𑒪𑒳𑒣𑓂𑒞 𑒦𑓄 𑒖𑒰𑒃𑒞 𑒁𑒕𑒱 𑒂 𑒂𑒏𑒰𑒩𑒏 𑒥𑒰𑒠 𑒁𑒢𑒳𑒮𑓂𑒫𑒰𑒩 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒧𑒯𑒰𑒢𑓂 𑒃𑒢𑓂𑒠𑓂𑒩𑓁= 𑒧𑒯𑒰 𑒃𑒢𑓂𑒠𑓂𑒩𑓁। 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒮𑒹 𑒢𑒯𑒱 𑒯𑒼𑒃𑒞 𑒁𑒕𑒱।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞:-𑒡𑒰𑒞𑒳𑒩𑒴𑒣:-
𑒪𑒙𑓂 𑒪𑒏𑒰𑒩 𑒧𑒡𑓂𑒨𑒧𑒣𑒳𑒩𑒳𑒭 𑒥𑒯𑒳𑒫𑒔𑒢 𑒣𑒩𑒮𑓂𑒧𑒻𑒣𑒠𑒱 𑒡𑒰𑒞𑒳 𑒟, 𑒞, 𑒟𑒢, 𑒞𑒢 𑒄 𑒔𑒰𑒩𑒴 𑒣𑓂𑒩𑒞𑓂𑒨𑒨 𑒪𑒑𑒻𑒞 𑒁𑒕𑒱। 𑒖𑒹𑒢𑒰 𑒫𑒠𑓂- 𑒫𑒠𑒟, 𑒫𑒠𑒟𑒢, 𑒫𑒠𑒞, 𑒫𑒠𑒞𑒢।
𑒪𑒙𑓂 𑒪𑒏𑒰𑒩 𑒅𑒞𑓂𑒞𑒧𑒣𑒳𑒩𑒳𑒭-𑒥𑒯𑒳𑒫𑒔𑒢 𑒣𑒩𑒮𑓂𑒧𑒻𑒣𑒠𑒱 𑒡𑒰𑒞𑒳 𑒧𑒮𑓂 (𑒧𑓁), 𑒧𑒮𑒱 𑒄 𑒠𑒴𑒙𑒰 𑒣𑓂𑒩𑒞𑓂𑒨𑒨 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱। 𑒖𑒹𑒢𑒰 𑒢𑒰𑒬𑒨𑒰𑒧𑓁- 𑒢𑒰𑒬𑒨𑒰𑒧𑒮𑒱। 𑒃𑒧𑓁 –𑒃𑒧𑒮𑒱। 𑒮𑓂𑒧𑓁- 𑒮𑓂𑒧𑒮𑒱।
𑒪𑒼𑒙𑓂 𑒪𑒏𑒰𑒩𑒏 𑒧𑒡𑓂𑒨𑒧𑒣𑒳𑒩𑒳𑒭 𑒋𑒏𑒫𑒔𑒢 𑒣𑒩𑒮𑓂𑒧𑒻𑒣𑒠𑒱 𑒡𑒰𑒞𑒳𑒧𑒹 𑒯𑒱, 𑒡𑒱 𑒄 𑒠𑒴𑒙𑒰 𑒣𑓂𑒩𑒞𑓂𑒨𑒨 𑒯𑒼𑒃𑒞 𑒁𑒕𑒱। 𑒖𑒹𑒢𑒰 𑒬𑓂𑒩𑒳𑒝𑒳𑒯𑒱, 𑒬𑓂𑒩𑒳𑒝𑒳𑒡𑒱।
𑒪𑒼𑒙𑓂 𑒪𑒏𑒰𑒩 𑒧𑒡𑓂𑒨𑒧𑒣𑒳𑒩𑒳𑒭 𑒥𑒯𑒳𑒫𑒔𑒢 𑒂𑒞𑓂𑒧𑒢𑒹𑒣𑒠 𑒡𑒰𑒞𑒳𑒧𑒹 𑒡𑓂𑒫𑒧𑓂 𑒂 𑒡𑓂𑒫𑒰𑒞𑓂 𑒄 𑒠𑒴𑒙𑒰 𑒣𑓂𑒩𑒞𑓂𑒨𑒨 𑒯𑒼𑒃𑒞 𑒁𑒕𑒱। 𑒖𑒹𑒢𑒰 𑒫𑒰𑒩𑒨𑒡𑓂𑒫𑒧𑓂, 𑒫𑒰𑒩𑒨𑒡𑓂𑒫𑒰𑒞𑓂।
(𑒕𑒢𑓂𑒠𑒮𑒱 𑒪𑒳𑒓𑓂 𑒪𑒓𑓂 𑒪𑒱𑒙𑓁):- 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒪𑒳𑒓𑓂, 𑒪𑒓𑓂 𑒂 𑒪𑒱𑒙𑓂 𑒪𑒏𑒰𑒩𑒏 𑒣𑓂𑒩𑒨𑒼𑒑 𑒪𑒼𑒙𑓂, 𑒪𑒙𑓂 𑒪𑒏𑒰𑒩𑒏 𑒁𑒩𑓂𑒟𑒧𑒹 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱। 𑒖𑒹𑒢𑒰 𑒂𑒑𑒧𑒞𑓂 (𑒫𑒻𑒠𑒱𑒏 𑒪𑒳𑒓𑓂)= 𑒂𑒑𑒔𑓂𑒕𑒞𑒳 (𑒪𑒼𑒙)। 𑒁𑒫𑒵𑒝𑒲𑒞 (𑒫𑒻𑒠𑒱𑒏 𑒪𑒓𑓂)= 𑒫𑒵𑒝𑒲𑒞𑒹 (𑒪𑒙𑓂)। 𑒧𑒧𑒰𑒩 (𑒫𑒻𑒠𑒱𑒏 𑒪𑒱𑒙𑓂)= 𑒧𑓂𑒩𑒱𑒨𑒞𑒹 (𑒪𑒙𑓂)।
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞:-𑒬𑒥𑓂𑒠𑒩𑒴𑒣:-
[𑒮𑓀𑒮𑓂𑒏𑒵𑒞 (𑒮𑓀= 𑒮𑓂+𑒧- 𑒄 𑒚𑒲𑒏 𑒁𑒕𑒱; 𑒋𑒏𑒩 𑒅𑒔𑓂𑒔𑒰𑒩𑒝 𑒮𑓀= 𑒮𑓂+𑒢 𑒑𑒪𑒞 𑒁𑒕𑒱।)]
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒬𑒥𑓂𑒠𑒩𑒴𑒣𑒏 𑒦𑒱𑒢𑓂𑒢𑒞𑒰 𑒪𑒾𑒏𑒱𑒏𑒮𑒿 𑒥𑒹𑒬𑒲 𑒯𑒼𑒃𑒞 𑒁𑒕𑒱। 𑒖𑒹𑒢𑒰 𑒁𑒏𑒰𑒩𑒰𑒢𑓂𑒞 𑒣𑒳𑒪𑓂𑒪𑒱𑓀𑒑 𑒠𑒹𑒫𑓁 𑒣𑓂𑒩𑒟𑒧𑒰-𑒮𑓂𑒫𑒱𑒞𑒲𑒨𑒰-𑒮𑒧𑓂𑒥𑒼𑒡𑒢-𑒠𑓂𑒫𑒱𑒫𑒔𑒢 𑒫𑒻𑒠𑒱𑒏𑒧𑒹 𑒠𑒹𑒫𑒰, 𑒠𑒹𑒫𑒾 𑒠𑒳𑒢𑒴 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒪𑒾𑒏𑒱𑒏𑒧𑒹 𑒧𑒰𑒞𑓂𑒩 𑒠𑒹𑒫𑒾 𑒯𑒼𑒃𑒞 𑒁𑒕𑒱। 𑒣𑓂𑒩𑒟𑒧𑒰-𑒮𑒧𑓂𑒥𑒼𑒡𑒢-𑒥𑒯𑒳𑒫𑒔𑒢 𑒫𑒻𑒠𑒱𑒏𑒧𑒹 𑒠𑒹𑒫𑒰𑒮𑓁, 𑒠𑒹𑒫𑒰𑓁 𑒧𑒳𑒠𑒰 𑒪𑒾𑒏𑒱𑒏𑒧𑒹 𑒧𑒰𑒞𑓂𑒩 𑒠𑒹𑒫𑒰𑓁 𑒯𑒼𑒃𑒞 𑒁𑒕𑒱। 𑒞𑒵𑒞𑒲𑒨𑒰-𑒋𑒏𑒫𑒔𑒢 𑒫𑒻𑒠𑒱𑒏𑒧𑒹 𑒠𑒹𑒫𑒰, 𑒠𑒹𑒫𑒹𑒢 𑒠𑒳𑒢𑒴 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒪𑒾𑒏𑒱𑒏𑒧𑒹 𑒧𑒰𑒞𑓂𑒩 𑒠𑒹𑒫𑒹𑒢 𑒯𑒼𑒃𑒞 𑒁𑒕𑒱। 𑒞𑒵𑒞𑒲𑒨𑒰-𑒥𑒯𑒳𑒫𑒔𑒢 𑒫𑒻𑒠𑒱𑒏𑒧𑒹 𑒠𑒹𑒫𑒹𑒦𑒱𑓁, 𑒠𑒹𑒫𑒻𑓁 𑒧𑒳𑒠𑒰 𑒪𑒾𑒏𑒱𑒏𑒧𑒹 𑒠𑒹𑒫𑒻𑓁 𑒯𑒼𑒃𑒞 𑒁𑒕𑒱।
𑒞𑒯𑒱𑒢𑒰 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒇𑒏𑒰𑒩𑒰𑒢𑓂𑒞 𑒬𑒥𑓂𑒠𑒏 𑒩𑒴𑒣 𑒣𑒳𑒪𑓂𑒪𑒱𑓀𑒑-𑒮𑓂𑒞𑓂𑒩𑒲𑒪𑒱𑓀𑒑𑒧𑒹 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞 𑒖𑒹𑒏𑒰𑒿 𑒯𑒼𑒃𑒞 𑒁𑒕𑒱, 𑒐𑒰𑒪𑒲 𑒣𑓂𑒩𑒟𑒧𑒰-𑒠𑓂𑒫𑒱𑒞𑒲𑒨𑒰-𑒮𑒧𑓂𑒥𑒼𑒡𑒢-𑒠𑓂𑒫𑒱𑒫𑒔𑒢𑒧𑒹 𑒠𑒴 𑒩𑒴𑒣 𑒯𑒼𑒃𑒞 𑒁𑒕𑒱। 𑒖𑒹𑒢𑒰 𑒠𑒰𑒞𑒵- 𑒠𑒰𑒞𑒰𑒩𑒰, 𑒠𑒰𑒞𑒰𑒩𑒾। 𑒣𑒱𑒞𑒵- 𑒣𑒱𑒞𑒩𑒰, 𑒣𑒱𑒞𑒩𑒾। 𑒧𑒰𑒞𑒵- 𑒧𑒰𑒞𑒩𑒰, 𑒧𑒰𑒞𑒩𑒾।
𑒁𑒮𑓂𑒧𑒠𑓂:- 𑒣𑓂𑒩𑒟𑒧𑒰-𑒠𑓂𑒫𑒱𑒫𑒔𑒢 𑒫𑒻𑒠𑒱𑒏- 𑒫𑒰𑒧𑓂, 𑒂𑒫𑒧𑓂; 𑒪𑒾𑒏𑒱𑒏 𑒂𑒫𑒰𑒧𑓂। 𑒔𑒞𑒳𑒩𑓂𑒟𑒲-𑒋𑒏𑒫𑒔 𑒫𑒻𑒠𑒱𑒏- 𑒧𑒯𑓂𑒨, 𑒧𑒯𑓂𑒨𑒧𑓂; 𑒪𑒾𑒏𑒱𑒏- 𑒧𑒯𑓂𑒨𑒧𑓂। 𑒣𑒘𑓂𑒔𑒧𑒲-𑒠𑓂𑒫𑒱𑒫𑒔𑒢 𑒫𑒻𑒠𑒱𑒏 𑒂𑒫𑒞𑓂, 𑒂𑒫𑒰𑒦𑓂𑒨𑒰𑒧𑓂; 𑒪𑒾𑒏𑒱𑒏- 𑒂𑒫𑒰𑒦𑓂𑒨𑒰𑒧𑓂। 𑒮𑒣𑓂𑒞𑒧𑒲-𑒥𑒯𑒳𑒫𑒔𑒢 𑒫𑒻𑒠𑒱𑒏-𑒁𑒮𑓂𑒧𑒹, 𑒁𑒮𑓂𑒧𑒰𑒮𑒳; 𑒪𑒾𑒏𑒱𑒏- 𑒁𑒮𑓂𑒧𑒰𑒮𑒳।
𑒕𑒢𑓂𑒠:-
𑒣𑒱𑒓𑓂𑒑𑒪 𑒧𑒳𑒢𑒱𑒏 𑒕𑒢𑓂𑒠 𑒬𑒰𑒮𑓂𑒞𑓂𑒩𑒏 𑒂𑒚𑒧𑒹 𑒮𑒿 𑒣𑒯𑒱𑒪 𑒔𑒰𑒩𑒱𑒧 𑒁𑒡𑓂𑒨𑒰𑒨𑒏 𑒮𑒰𑒞𑒧 𑒮𑒴𑒞𑓂𑒩 𑒡𑒩𑒱 𑒫𑒻𑒠𑒱𑒏 𑒕𑒢𑓂𑒠𑒏 𑒂 𑒞𑒏𑒩𑒰 𑒥𑒰𑒠 𑒪𑒾𑒏𑒱𑒏 𑒕𑒢𑓂𑒠𑒏 𑒫𑒩𑓂𑒝𑒢 𑒁𑒕𑒱।
𑒫𑒻𑒠𑒱𑒏 𑒕𑒢𑓂𑒠𑒧𑒹 𑒁𑒏𑓂𑒭𑒩𑒏 𑒑𑒝𑒢𑒰 𑒯𑒼𑒃𑒞 𑒁𑒕𑒱। 𑒍𑒞𑒋 𑒪𑒒𑒳 𑒂 𑒑𑒳𑒩𑒳𑒏 𑒫𑒱𑒔𑒰𑒩 𑒢𑒯𑒱 𑒯𑒼𑒃𑒞 𑒁𑒕𑒱। 𑒇𑒑𑒫𑒹𑒠𑒧𑒹 𑒮𑒦𑒮𑒿 𑒥𑒹𑒬𑒲 𑒞𑓂𑒩𑒱𑒭𑓂𑒙𑒳𑒣𑓂, 𑒤𑒹𑒩 𑒑𑒰𑒨𑒞𑓂𑒩𑒲 𑒂 𑒞𑒐𑒢 𑒖𑒑𑒞𑒲 𑒕𑒢𑓂𑒠𑒏 𑒣𑓂𑒩𑒨𑒼𑒑 𑒦𑒹𑒪 𑒁𑒕𑒱।
𑒞𑓂𑒩𑒱𑒭𑓂𑒙𑒳𑒣𑓂- 𑓔𑓔 𑒁𑒏𑓂𑒭𑒩- 𑓑𑓑 𑒁𑒏𑓂𑒭𑒩𑒏 𑓔 𑒣𑒰𑒠;
𑒑𑒰𑒨𑒞𑓂𑒩𑒲- 𑓒𑓔 𑒁𑒏𑓂𑒭𑒩𑒏 (𑒄 𑓒,𑓓,𑓔,𑓕 𑒣𑒠𑒏 𑒯𑒼𑒃𑒞 𑒁𑒕𑒱), 𑒮𑒦𑒮𑒿 𑒥𑒹𑒬𑒲 𑒪𑒼𑒏𑒣𑓂𑒩𑒱𑒨 𑓘 𑒁𑒏𑓂𑒭𑒩𑒏 𑒞𑒲𑒢 𑒣𑒰𑒠𑒏 𑒑𑒰𑒨𑒞𑓂𑒩𑒲 𑒖𑒰𑒯𑒱𑒧𑒹 𑒠𑒼𑒮𑒩 𑒣𑒰𑒠𑒏 𑒥𑒰𑒠 𑒫𑒱𑒩𑒰𑒧 𑒯𑒼𑒃𑒞 𑒁𑒕𑒱। 𑓒𑓓 𑒁𑒏𑓂𑒭𑒩𑒏 𑒑𑒰𑒨𑒞𑓂𑒩𑒲 𑒢𑒱𑒔𑒵𑒠𑓂 𑒑𑒰𑒨𑒞𑓂𑒩𑒲, 𑓒𑓒 𑒁𑒏𑓂𑒭𑒩𑒏 𑒑𑒰𑒨𑒞𑓂𑒩𑒲 𑒫𑒱𑒩𑒰𑒛𑓂 𑒑𑒰𑒨𑒞𑓂𑒩𑒲, 𑓒𑓕 𑒁𑒏𑓂𑒭𑒩𑒏 𑒑𑒰𑒨𑒞𑓂𑒩𑒲 𑒦𑒳𑒩𑒱𑒑𑓂 𑒑𑒰𑒨𑒞𑓂𑒩𑒲, 𑓒𑓖 𑒁𑒏𑓂𑒭𑒩𑒏 𑒑𑒰𑒨𑒞𑓂𑒩𑒲 𑒮𑓂𑒫𑒩𑒰𑒛𑓂 𑒑𑒰𑒨𑒞𑓂𑒩𑒲 𑒏𑒯𑒪 𑒖𑒰𑒃𑒞 𑒁𑒕𑒱। 𑒮𑒦 𑒣𑒰𑒠𑒧𑒹 𑒋𑒏 𑒁𑒏𑓂𑒭𑒩 𑒏𑒧 𑒦𑒹𑒪𑒰𑒮𑒿 “𑒣𑒰𑒠𑒢𑒱𑒔𑒵𑒠𑓂 𑒑𑒰𑒨𑒞𑓂𑒩𑒲” 𑒏𑒯𑒪 𑒖𑒰𑒃𑒞 𑒁𑒕𑒱।
𑒖𑒑𑒞𑒲- 𑓔𑓘 𑒁𑒏𑓂𑒭𑒩- 𑓑𑓒 𑒁𑒏𑓂𑒭𑒩𑒏 𑒔𑒰𑒩𑒱 𑒣𑒰𑒠।
𑒣𑒰𑒚:-
𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒏𑒹𑒿 𑒮𑓂𑒧𑒩𑒝 𑒩𑒐𑒥𑒰𑒏 𑒏𑒋𑒏𑒙𑒰 𑒫𑒱𑒡𑒱 𑒁𑒕𑒱।
𑒮𑓀𑒯𑒱𑒞𑒰 𑒣𑒰𑒚- 𑒧𑒴𑒪𑒧𑓀𑒞𑓂𑒩 𑒮𑒢𑓂𑒡𑒱 𑒮𑒯𑒱𑒞 𑒮𑒮𑓂𑒫𑒩 𑒣𑒜𑓃𑒪 𑒖𑒰𑒃𑒞 𑒁𑒕𑒱।
𑒣𑒠𑒣𑒰𑒚- 𑒧𑒢𑓂𑒞𑓂𑒩𑒏 𑒣𑒠𑒏 𑒣𑒵𑒟𑒏 𑒣𑒰𑒚 𑒯𑒼𑒃𑒞 𑒁𑒕𑒱।
𑒏𑓂𑒩𑒧𑒣𑒰𑒚- 𑒏𑓂𑒩𑒧𑒮𑒿 𑒠𑒴 𑒣𑒠𑒏 𑒣𑒰𑒚 𑒯𑒼𑒃𑒞 𑒁𑒕𑒱।
𑒖𑒙𑒰𑒣𑒰𑒚- 𑒁𑒢𑒳𑒪𑒼𑒧 𑓑-𑓒, 𑒫𑒱𑒪𑒼𑒧 𑓒-𑓑, 𑒁𑒢𑒳𑒪𑒼𑒧 𑓑-𑓒
𑒬𑒱𑒐𑒰𑒣𑒰𑒚- 𑒖𑒙𑒰𑒣𑒰𑒚𑒧𑒹 𑒣𑒩𑒱𑒫𑒩𑓂𑒞𑒱𑒞 𑒅𑒞𑓂𑒞𑒩𑒣𑒠𑒏 𑒨𑒼𑒑𑒮𑒿 𑒬𑒱𑒐𑒰𑒣𑒰𑒚 𑒯𑒼𑒃𑒞 𑒁𑒕𑒱।
𑒒𑒢𑒣𑒰𑒚- 𑒬𑒱𑒐𑒰𑒧𑒳𑒏𑓂𑒞 𑒫𑒱𑒣𑒩𑓂𑒨𑒏 𑒣𑒠𑒏 𑒣𑒳𑒢𑓁 𑒣𑒰𑒚 𑒯𑒼𑒃𑒞 𑒁𑒕𑒱।

𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒨𑒖𑓂𑒘 𑒂 𑒁𑒡𑓂𑒨𑒰𑒞𑓂𑒧𑒱𑒏 𑒫𑒱𑒭𑒨𑒏 𑒔𑒩𑓂𑒔 𑒯𑒼𑒃𑒞 𑒁𑒕𑒱। 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞𑒧𑒹 𑒃𑒯𑒪𑒾𑒏𑒱𑒏 𑒫𑒱𑒭𑒨𑒫𑒮𑓂𑒞𑒳 𑒮𑒹𑒯𑒼 𑒁𑒥𑒻𑒞 𑒁𑒕𑒱।

𑓒.𑒣𑓂𑒩𑒰𑒏𑒵𑒞
𑒮𑓀𑒮𑓂𑒏𑒵𑒞𑒮𑒿 𑒣𑒯𑒱𑒢𑒹 𑒣𑓂𑒩𑒰𑒏𑒵𑒞 𑒩𑒯𑒋 𑒫𑒰 𑒥𑒰𑒠𑒧𑒹 𑒄 𑒫𑒱𑒫𑒰𑒠𑒏 𑒫𑒱𑒭𑒨 𑒦𑓄 𑒮𑒏𑒻𑒞 𑒁𑒕𑒱 𑒏𑒰𑒩𑒝 𑒇𑒑𑒫𑒹𑒠𑒏 𑒬𑒱𑒟𑒱𑒩, 𑒠𑒴𑒪𑒦, 𑒃𑒢𑓂𑒠𑒩 𑒂𑒠𑒱 𑒬𑒥𑓂𑒠 𑒖𑒢𑒦𑒰𑒭𑒰𑒏 𑒮𑒰𑒯𑒱𑒞𑓂𑒨𑒲𑒏𑒩𑒝𑒏 𑒣𑓂𑒩𑒧𑒰𑒝 𑒁𑒕𑒱। 𑒍𑒢𑒰 𑒋𑒏𑒩 𑒣𑓂𑒩𑒰𑒩𑒧𑓂𑒦𑒱𑒏 𑒣𑓂𑒩𑒨𑒼𑒑 𑒁𑒬𑒼𑒏𑒏 𑒁𑒦𑒱𑒪𑒹𑒐𑒮𑒿 𑒞𑒹𑒩𑒯𑒧 𑒬𑒞𑒰𑒥𑓂𑒠𑒲 𑒄. 𑒡𑒩𑒱 𑒦𑒹𑒙𑒱 𑒖𑒰𑒋𑒞 𑒧𑒳𑒠𑒰 𑒣𑒰𑒩𑒱𑒦𑒰𑒭𑒱𑒏 𑒩𑒴𑒣𑒧𑒹 𑒖𑒰𑒯𑒱 𑒣𑓂𑒩𑒰𑒏𑒵𑒞𑒏 𑒋𑒞𑒋 𑒔𑒩𑓂𑒔𑒰 𑒦𑓄 𑒩𑒯𑒪 𑒁𑒕𑒱 𑒍 𑒣𑒯𑒱𑒪 𑒄.𑒮𑒿 𑒕𑒚𑒧 𑒄. 𑒡𑒩𑒱 𑒮𑒰𑒯𑒱𑒞𑓂𑒨𑒏 𑒦𑒰𑒭𑒰 𑒠𑒴 𑒁𑒩𑓂𑒟𑒹 𑒩𑒯𑒪। 𑒣𑒯𑒱𑒪 𑒮𑓀𑒮𑓂𑒏𑒵𑒞 𑒮𑒰𑒯𑒱𑒞𑓂𑒨𑒏 𑒢𑒰𑒙𑒏𑒧𑒹 𑒖𑒢 𑒮𑒰𑒧𑒰𑒢𑓂𑒨 𑒂 𑒮𑓂𑒞𑓂𑒩𑒲 𑒣𑒰𑒞𑓂𑒩 𑒪𑒹𑒪 𑒬𑒾𑒩𑒮𑒹𑒢𑒲, 𑒧𑒯𑒰𑒩𑒰𑒭𑓂𑒙𑓂𑒩𑒲 𑒂 𑒧𑒰𑒑𑒡𑒲𑒏 (𑒫𑒩𑒩𑒳𑒔𑒱 𑒔𑒰𑒩𑒱𑒧 𑒣𑓂𑒩𑒰𑒏𑒵𑒞𑒧𑒹 𑒣𑒻𑒬𑒰𑒔𑒲𑒏 𑒢𑒰𑒧 𑒖𑒼𑒛𑓃𑒻 𑒕𑒟𑒱) 𑒣𑓂𑒩𑒨𑒼𑒑 𑒮𑒹𑒯𑒼 𑒦𑒹𑒪 (𑒏𑒰𑒪𑒱𑒠𑒰𑒮𑒏 𑒁𑒦𑒱𑒖𑓂𑒘𑒰𑒢 𑒬𑒰𑒏𑒳𑒢𑓂𑒞𑒪𑒧𑓂, 𑒧𑒰𑒪𑒫𑒱𑒏𑒰𑒑𑓂𑒢𑒱𑒧𑒱𑒞𑓂𑒩𑒧𑓂, 𑒬𑒴𑒠𑓂𑒩𑒏𑒏 𑒧𑒵𑒔𑓂𑒕𑒏𑒙𑒱𑒏𑒧𑓂, 𑒬𑓂𑒩𑒲𑒯𑒩𑓂𑒭𑒏 𑒩𑒞𑓂𑒢𑒰𑒫𑒪𑒲, 𑒦𑒫𑒦𑒴𑒞𑒱𑒏 𑒅𑒞𑓂𑒞𑒩𑒩𑒰𑒧𑒔𑒩𑒱𑒞, 𑒫𑒱𑒬𑒰𑒐𑒰𑒠𑒞𑓂𑒞𑒏 𑒧𑒳𑒠𑓂𑒩𑒰𑒩𑒰𑒏𑓂𑒭𑒮) 𑒂 𑒠𑒼𑒮𑒩 𑒖𑒹 𑒤𑒹𑒩 𑒋𑒯𑒱 𑒣𑓂𑒩𑒰𑒏𑒵𑒞 𑒮𑒦𑒧𑒹 𑒮𑒰𑒯𑒱𑒞𑓂𑒨𑒏 𑒢𑒱𑒩𑓂𑒧𑒰𑒝 𑒮𑓂𑒫𑒞𑓀𑒞𑓂𑒩 𑒩𑒴𑒣𑒹𑒿 𑒯𑒼𑒧𑒋 𑒪𑒰𑒑𑒪। 𑒤𑒹𑒩 𑒋𑒯𑒱 𑒣𑓂𑒩𑒰𑒏𑒵𑒞 𑒦𑒰𑒭𑒰𑒏𑒹𑒿 𑒮𑒹𑒯𑒼 𑒫𑓂𑒨𑒰𑒏𑒩𑒝𑒧𑒹 𑒥𑒰𑒢𑓂𑒯𑒪 𑒑𑒹𑒪 𑒂 𑒞𑒐𑒢 𑒄 𑒦𑒰𑒭𑒰 𑒁𑒪𑓀𑒏𑒵𑒞 𑒯𑒼𑒧𑒋 𑒪𑒰𑒑𑒪 𑒂 𑒁𑒣𑒦𑓂𑒩𑓀𑒬 𑒂 𑒁𑒫𑒯𑒙𑓂𑒚𑒏 𑒣𑓂𑒩𑒨𑒼𑒑 𑒪𑒼𑒏 𑒏𑒩𑒋 𑒪𑒑𑒪𑒰𑒯, 𑒍𑒢𑒰 𑒁𑒣𑒦𑓂𑒩𑓀𑒬 𑒣𑓂𑒩𑒰𑒏𑒵𑒞𑒏 𑒮𑓀𑒑 𑒣𑓂𑒩𑒨𑒼𑒑 𑒯𑒼𑒃𑒞 𑒩𑒯𑒋 𑒞𑒏𑒩 𑒣𑓂𑒩𑒧𑒰𑒝 𑒮𑒹𑒯𑒼 𑒅𑒣𑒪𑒥𑓂𑒡 𑒁𑒕𑒱।
𑒁𑒬𑒼𑒏𑒏 𑒁𑒦𑒱𑒪𑒹𑒐𑒧𑒹 𑒬𑒰𑒯𑒥𑒰𑒖𑒑𑒜𑓃𑒲 𑒂 𑒧𑒰𑒢𑒮𑒹𑒩𑒰𑒏 𑒁𑒦𑒱𑒪𑒹𑒐 𑒅𑒞𑓂𑒞𑒩-𑒣𑒔𑓂𑒕𑒱𑒧, 𑒏𑒪𑒮𑒲, 𑒧𑒡𑓂𑒨, 𑒡𑒾𑒪𑒲, 𑒖𑒾𑒑𑒛𑓃 𑒣𑒴𑒩𑓂𑒫 𑒂 𑒑𑒱𑒩𑒢𑒰𑒩 𑒠𑒏𑓂𑒭𑒱𑒝 𑒣𑒔𑓂𑒕𑒱𑒧𑒏 𑒖𑒢𑒦𑒰𑒭𑒰𑒏 𑒏𑓂𑒭𑒹𑒞𑓂𑒩𑒲𑒨 𑒣𑓂𑒩𑒏𑒰𑒩𑒏 𑒠𑒩𑓂𑒬𑒢 𑒏𑒩𑒥𑒻𑒞 𑒁𑒕𑒱। 𑒩𑒰𑒖𑒬𑒹𑒐𑒩 𑒣𑓂𑒩𑒰𑒏𑒵𑒞𑒏𑒹𑒿 𑒧𑒱𑒙𑓂𑒚 𑒂 𑒮𑓀𑒮𑓂𑒏𑒵𑒞𑒏𑒹𑒿 𑒏𑒚𑒼𑒩 𑒏𑒯𑒻 𑒕𑒟𑒱 (𑒫𑒱𑒠𑓂𑒨𑒰𑒣𑒞𑒱 𑒣𑒕𑒰𑒞𑒱 𑒏𑒯𑒻 𑒕𑒟𑒱 𑒠𑒹𑒮𑒱𑒪 𑒥𑒨𑒢𑒰 𑒮𑒦 𑒖𑒢 𑒧𑒱𑒙𑓂𑒚𑒰)।
𑒣𑓂𑒩𑒰𑒔𑒲𑒢 𑒣𑓂𑒩𑒰𑒏𑒵𑒞 𑒣𑒰𑒪𑒲𑒏𑒹𑒿 𑒏𑒯𑒪 𑒖𑒰𑒃𑒞 𑒁𑒕𑒱 𑒖𑒰𑒯𑒱𑒧𑒹 𑒁𑒬𑒼𑒏𑒏 𑒁𑒦𑒱𑒪𑒹𑒐, 𑒧𑒯𑒫𑓀𑒬 𑒂 𑒖𑒰𑒞𑒏 𑒪𑒱𑒐𑒪 𑒑𑒹𑒪। 𑒧𑒡𑓂𑒨 𑒣𑓂𑒩𑒰𑒏𑒵𑒞𑒧𑒹 𑒮𑒰𑒯𑒱𑒞𑓂𑒨𑒱𑒏 𑒣𑓂𑒩𑒰𑒏𑒵𑒞 𑒁𑒥𑒻𑒞 𑒁𑒕𑒱। 𑒥𑒰𑒠𑒏 𑒣𑓂𑒩𑒰𑒏𑒵𑒞𑒧𑒹 𑒁𑒣𑒦𑓂𑒩𑓀𑒬 𑒂 𑒁𑒫𑒯𑒙𑓂𑒚 𑒁𑒥𑒻𑒞 𑒁𑒕𑒱।
𑒧𑒼𑒙𑒰-𑒧𑒼𑒙𑒲 𑒑𑒠𑓂𑒨 𑒪𑒹𑒪 𑒬𑒾𑒩𑒮𑒹𑒢𑒲, 𑒣𑒠𑓂𑒨 𑒪𑒹𑒪 𑒧𑒯𑒰𑒩𑒰𑒭𑓂𑒙𑓂𑒩𑒲 𑒂 𑒡𑒰𑒩𑓂𑒧𑒱𑒏 𑒮𑒰𑒯𑒱𑒞𑓂𑒨 𑒪𑒹𑒪 𑒧𑒰𑒑𑒡𑒲-𑒁𑒩𑓂𑒡𑒧𑒰𑒑𑒡𑒲𑒏 𑒣𑓂𑒩𑒨𑒼𑒑 𑒦𑒹𑒪। 𑒢𑒰𑒙𑒏𑒧𑒹 𑒮𑓂𑒞𑓂𑒩𑒲-𑒫𑒱𑒠𑒴𑒭𑒏 𑒥𑒖𑒻𑒞 𑒩𑒯𑒟𑒱 𑒬𑒾𑒩𑒮𑒹𑒢𑒲𑒧𑒹 𑒧𑒳𑒠𑒰 𑒣𑒠𑓂𑒨 𑒏𑒯𑒟𑒱 𑒧𑒯𑒰𑒩𑒰𑒭𑓂𑒙𑓂𑒩𑒲𑒧𑒹, 𑒢𑒰𑒙𑒏𑒏 𑒞𑒟𑒰𑒏𑒟𑒱𑒞 𑒢𑒱𑒧𑓂𑒢 𑒬𑓂𑒩𑒹𑒝𑒲𑒏 𑒪𑒼𑒏 𑒧𑒰𑒑𑒡𑒲 𑒥𑒖𑒻𑒞 𑒕𑒪𑒰𑒯।
𑒣𑓂𑒩𑒰𑒏𑒵𑒞𑒧𑒹 𑒮𑒳𑒣𑓂 𑒞𑒱𑒓𑓂 𑒡𑒰𑒞𑒳𑒏 𑒮𑓀𑒑 𑒧𑒱𑒖𑓂𑒗𑒩 𑒦𑓄 𑒖𑒰𑒃𑒞 𑒁𑒕𑒱।
𑒣𑓂𑒩𑒰𑒏𑒵𑒞𑒧𑒹 𑒡𑒰𑒞𑒳𑒩𑒴𑒣 𑓑-𑓒 𑒣𑓂𑒩𑒏𑒰𑒩𑒏 (𑒦𑓂𑒫𑒰𑒠𑒱𑒑𑒝 𑒖𑒹𑒏𑒰𑒿) 𑒂 𑒬𑒥𑓂𑒠𑒩𑒴𑒣 𑓓-𑓔 (𑒁𑒏𑒰𑒩𑒰𑒢𑓂𑒞 𑒖𑒹𑒏𑒰𑒿) 𑒣𑓂𑒩𑒏𑒰𑒩𑒏 𑒩𑒯𑒱 𑒑𑒹𑒪, 𑒧𑒰𑒢𑒹 𑒠𑒳𑒢𑒴 𑒩𑒴𑒣 𑒏𑒧 𑒦𑓄 𑒑𑒹𑒪। 𑒧𑒳𑒠𑒰 𑒋𑒯𑒱𑒮𑒿 𑒁𑒩𑓂𑒟𑒧𑒹 𑒁𑒮𑓂𑒣𑒭𑓂𑒙𑒞𑒰 𑒂𑒋𑒪 𑒖𑒏𑒩 𑒢𑒱𑒫𑒰𑒩𑒝 𑒏𑒰𑒩𑒏𑒏 𑒔𑒹𑒢𑓂𑒯 𑒏𑒋𑒪𑒏।
𑒔𑒞𑒳𑒩𑓂𑒟𑒲, 𑒠𑓂𑒫𑒱𑒫𑒔𑒢, 𑒪𑒓𑓂 𑒪𑒱𑒙𑓂 𑒪𑒳𑒓𑓂 𑒂𑒞𑓂𑒧𑓂𑒢𑒹𑒣𑒠 𑒂𑒠𑒱𑒏 𑒁𑒦𑒰𑒫 𑒦𑓄 𑒑𑒹𑒪 𑒣𑓂𑒩𑒟𑒧𑒰 𑒂 𑒠𑓂𑒫𑒱𑒞𑒲𑒨𑒰𑒏 𑒥𑒯𑒳𑒫𑒔𑒢 𑒋𑒏 𑒦𑓄 𑒑𑒹𑒪। 𑒡𑓂𑒫𑒢𑒱 𑒣𑒩𑒱𑒫𑒩𑓂𑒞𑒢 𑒦𑒹𑒪। 𑒇, 𑒌, 𑒎, 𑒨, 𑒬, 𑒭 𑒂 𑒫𑒱𑒮𑒩𑓂𑒑𑒏 𑒁𑒦𑒰𑒫 𑒦𑒹𑒪 (𑒁𑒣𑒫𑒰𑒠 𑒧𑒰𑒑𑒡𑒲𑒧𑒹 𑒨 𑒂 𑒬 𑒁𑒕𑒱 𑒧𑒳𑒠𑒰 𑒮 𑒢𑒯𑒱)।
𑒁𑒢𑓂𑒞𑒧𑒹 𑒂𑒋𑒪 𑒫𑓂𑒨𑓀𑒖𑒢 𑒪𑒳𑒣𑓂𑒞 𑒦𑒹𑒪 (𑒯𑓂𑒩𑒮𑓂𑒫 𑒮𑓂𑒫𑒩𑒏 𑒥𑒰𑒠 𑒠𑒴 𑒂 𑒠𑒲𑒩𑓂𑒒 𑒮𑓂𑒫𑒩𑒏 𑒥𑒰𑒠 𑒋𑒏𑒮𑒿 𑒥𑒹𑒬𑒲 𑒫𑓂𑒨𑓀𑒖𑒢 𑒢𑒯𑒱 𑒩𑒯𑒱 𑒮𑒏𑒻𑒞 𑒁𑒕𑒱।)
𑓒.𑒣𑓂𑒩𑒰𑒏𑒵𑒞
𑒮𑓀𑒮𑓂𑒏𑒵𑒞𑒮𑒿 𑒣𑒯𑒱𑒢𑒹 𑒣𑓂𑒩𑒰𑒏𑒵𑒞 𑒩𑒯𑒋 𑒫𑒰 𑒥𑒰𑒠𑒧𑒹 𑒄 𑒫𑒱𑒫𑒰𑒠𑒏 𑒫𑒱𑒭𑒨 𑒦𑓄 𑒮𑒏𑒻𑒞 𑒁𑒕𑒱 𑒏𑒰𑒩𑒝 𑒇𑒑𑒫𑒹𑒠𑒏 𑒬𑒱𑒟𑒱𑒩, 𑒠𑒴𑒪𑒦, 𑒃𑒢𑓂𑒠𑒩 𑒂𑒠𑒱 𑒬𑒥𑓂𑒠 𑒖𑒢𑒦𑒰𑒭𑒰𑒏 𑒮𑒰𑒯𑒱𑒞𑓂𑒨𑒲𑒏𑒩𑒝𑒏 𑒣𑓂𑒩𑒧𑒰𑒝 𑒁𑒕𑒱। 𑒍𑒢𑒰 𑒋𑒏𑒩 𑒣𑓂𑒩𑒰𑒩𑒧𑓂𑒦𑒱𑒏 𑒣𑓂𑒩𑒨𑒼𑒑 𑒁𑒬𑒼𑒏𑒏 𑒁𑒦𑒱𑒪𑒹𑒐𑒮𑒿 𑒞𑒹𑒩𑒯𑒧 𑒬𑒞𑒰𑒥𑓂𑒠𑒲 𑒄. 𑒡𑒩𑒱 𑒦𑒹𑒙𑒱 𑒖𑒰𑒋𑒞 𑒧𑒳𑒠𑒰 𑒣𑒰𑒩𑒱𑒦𑒰𑒭𑒱𑒏 𑒩𑒴𑒣𑒧𑒹 𑒖𑒰𑒯𑒱 𑒣𑓂𑒩𑒰𑒏𑒵𑒞𑒏 𑒋𑒞𑒋 𑒔𑒩𑓂𑒔𑒰 𑒦𑓄 𑒩𑒯𑒪 𑒁𑒕𑒱 𑒍 𑒣𑒯𑒱𑒪 𑒄.𑒮𑒿 𑒕𑒚𑒧 𑒄. 𑒡𑒩𑒱 𑒮𑒰𑒯𑒱𑒞𑓂𑒨𑒏 𑒦𑒰𑒭𑒰 𑒠𑒴 𑒁𑒩𑓂𑒟𑒹 𑒩𑒯𑒪। 𑒣𑒯𑒱𑒪 𑒮𑓀𑒮𑓂𑒏𑒵𑒞 𑒮𑒰𑒯𑒱𑒞𑓂𑒨𑒏 𑒢𑒰𑒙𑒏𑒧𑒹 𑒖𑒢 𑒮𑒰𑒧𑒰𑒢𑓂𑒨 𑒂 𑒮𑓂𑒞𑓂𑒩𑒲 𑒣𑒰𑒞𑓂𑒩 𑒪𑒹𑒪 𑒬𑒾𑒩𑒮𑒹𑒢𑒲, 𑒧𑒯𑒰𑒩𑒰𑒭𑓂𑒙𑓂𑒩𑒲 𑒂 𑒧𑒰𑒑𑒡𑒲𑒏 (𑒫𑒩𑒩𑒳𑒔𑒱 𑒔𑒰𑒩𑒱𑒧 𑒣𑓂𑒩𑒰𑒏𑒵𑒞𑒧𑒹 𑒣𑒻𑒬𑒰𑒔𑒲𑒏 𑒢𑒰𑒧 𑒖𑒼𑒛𑓃𑒻 𑒕𑒟𑒱) 𑒣𑓂𑒩𑒨𑒼𑒑 𑒮𑒹𑒯𑒼 𑒦𑒹𑒪 (𑒏𑒰𑒪𑒱𑒠𑒰𑒮𑒏 𑒁𑒦𑒱𑒖𑓂𑒘𑒰𑒢 𑒬𑒰𑒏𑒳𑒢𑓂𑒞𑒪𑒧𑓂, 𑒧𑒰𑒪𑒫𑒱𑒏𑒰𑒑𑓂𑒢𑒱𑒧𑒱𑒞𑓂𑒩𑒧𑓂, 𑒬𑒴𑒠𑓂𑒩𑒏𑒏 𑒧𑒵𑒔𑓂𑒕𑒏𑒙𑒱𑒏𑒧𑓂, 𑒬𑓂𑒩𑒲𑒯𑒩𑓂𑒭𑒏 𑒩𑒞𑓂𑒢𑒰𑒫𑒪𑒲, 𑒦𑒫𑒦𑒴𑒞𑒱𑒏 𑒅𑒞𑓂𑒞𑒩𑒩𑒰𑒧𑒔𑒩𑒱𑒞, 𑒫𑒱𑒬𑒰𑒐𑒰𑒠𑒞𑓂𑒞𑒏 𑒧𑒳𑒠𑓂𑒩𑒰𑒩𑒰𑒏𑓂𑒭𑒮) 𑒂 𑒠𑒼𑒮𑒩 𑒖𑒹 𑒤𑒹𑒩 𑒋𑒯𑒱 𑒣𑓂𑒩𑒰𑒏𑒵𑒞 𑒮𑒦𑒧𑒹 𑒮𑒰𑒯𑒱𑒞𑓂𑒨𑒏 𑒢𑒱𑒩𑓂𑒧𑒰𑒝 𑒮𑓂𑒫𑒞𑓀𑒞𑓂𑒩 𑒩𑒴𑒣𑒹𑒿 𑒯𑒼𑒧𑒋 𑒪𑒰𑒑𑒪। 𑒤𑒹𑒩 𑒋𑒯𑒱 𑒣𑓂𑒩𑒰𑒏𑒵𑒞 𑒦𑒰𑒭𑒰𑒏𑒹𑒿 𑒮𑒹𑒯𑒼 𑒫𑓂𑒨𑒰𑒏𑒩𑒝𑒧𑒹 𑒥𑒰𑒢𑓂𑒯𑒪 𑒑𑒹𑒪 𑒂 𑒞𑒐𑒢 𑒄 𑒦𑒰𑒭𑒰 𑒁𑒪𑓀𑒏𑒵𑒞 𑒯𑒼𑒧𑒋 𑒪𑒰𑒑𑒪 𑒂 𑒁𑒣𑒦𑓂𑒩𑓀𑒬 𑒂 𑒁𑒫𑒯𑒙𑓂𑒚𑒏 𑒣𑓂𑒩𑒨𑒼𑒑 𑒪𑒼𑒏 𑒏𑒩𑒋 𑒪𑒑𑒪𑒰𑒯, 𑒍𑒢𑒰 𑒁𑒣𑒦𑓂𑒩𑓀𑒬 𑒣𑓂𑒩𑒰𑒏𑒵𑒞𑒏 𑒮𑓀𑒑 𑒣𑓂𑒩𑒨𑒼𑒑 𑒯𑒼𑒃𑒞 𑒩𑒯𑒋 𑒞𑒏𑒩 𑒣𑓂𑒩𑒧𑒰𑒝 𑒮𑒹𑒯𑒼 𑒅𑒣𑒪𑒥𑓂𑒡 𑒁𑒕𑒱।
𑒁𑒬𑒼𑒏𑒏 𑒁𑒦𑒱𑒪𑒹𑒐𑒧𑒹 𑒬𑒰𑒯𑒥𑒰𑒖𑒑𑒜𑓃𑒲 𑒂 𑒧𑒰𑒢𑒮𑒹𑒩𑒰𑒏 𑒁𑒦𑒱𑒪𑒹𑒐 𑒅𑒞𑓂𑒞𑒩-𑒣𑒔𑓂𑒕𑒱𑒧, 𑒏𑒪𑒮𑒲, 𑒧𑒡𑓂𑒨, 𑒡𑒾𑒪𑒲, 𑒖𑒾𑒑𑒛𑓃 𑒣𑒴𑒩𑓂𑒫 𑒂 𑒑𑒱𑒩𑒢𑒰𑒩 𑒠𑒏𑓂𑒭𑒱𑒝 𑒣𑒔𑓂𑒕𑒱𑒧𑒏 𑒖𑒢𑒦𑒰𑒭𑒰𑒏 𑒏𑓂𑒭𑒹𑒞𑓂𑒩𑒲𑒨 𑒣𑓂𑒩𑒏𑒰𑒩𑒏 𑒠𑒩𑓂𑒬𑒢 𑒏𑒩𑒥𑒻𑒞 𑒁𑒕𑒱। 𑒩𑒰𑒖𑒬𑒹𑒐𑒩 𑒣𑓂𑒩𑒰𑒏𑒵𑒞𑒏𑒹𑒿 𑒧𑒱𑒙𑓂𑒚 𑒂 𑒮𑓀𑒮𑓂𑒏𑒵𑒞𑒏𑒹𑒿 𑒏𑒚𑒼𑒩 𑒏𑒯𑒻 𑒕𑒟𑒱 (𑒫𑒱𑒠𑓂𑒨𑒰𑒣𑒞𑒱 𑒣𑒕𑒰𑒞𑒱 𑒏𑒯𑒻 𑒕𑒟𑒱 𑒠𑒹𑒮𑒱𑒪 𑒥𑒨𑒢𑒰 𑒮𑒦 𑒖𑒢 𑒧𑒱𑒙𑓂𑒚𑒰)।
𑒣𑓂𑒩𑒰𑒔𑒲𑒢 𑒣𑓂𑒩𑒰𑒏𑒵𑒞 𑒣𑒰𑒪𑒲𑒏𑒹𑒿 𑒏𑒯𑒪 𑒖𑒰𑒃𑒞 𑒁𑒕𑒱 𑒖𑒰𑒯𑒱𑒧𑒹 𑒁𑒬𑒼𑒏𑒏 𑒁𑒦𑒱𑒪𑒹𑒐, 𑒧𑒯𑒫𑓀𑒬 𑒂 𑒖𑒰𑒞𑒏 𑒪𑒱𑒐𑒪 𑒑𑒹𑒪। 𑒧𑒡𑓂𑒨 𑒣𑓂𑒩𑒰𑒏𑒵𑒞𑒧𑒹 𑒮𑒰𑒯𑒱𑒞𑓂𑒨𑒱𑒏 𑒣𑓂𑒩𑒰𑒏𑒵𑒞 𑒁𑒥𑒻𑒞 𑒁𑒕𑒱। 𑒥𑒰𑒠𑒏 𑒣𑓂𑒩𑒰𑒏𑒵𑒞𑒧𑒹 𑒁𑒣𑒦𑓂𑒩𑓀𑒬 𑒂 𑒁𑒫𑒯𑒙𑓂𑒚 𑒁𑒥𑒻𑒞 𑒁𑒕𑒱।
𑒧𑒼𑒙𑒰-𑒧𑒼𑒙𑒲 𑒑𑒠𑓂𑒨 𑒪𑒹𑒪 𑒬𑒾𑒩𑒮𑒹𑒢𑒲, 𑒣𑒠𑓂𑒨 𑒪𑒹𑒪 𑒧𑒯𑒰𑒩𑒰𑒭𑓂𑒙𑓂𑒩𑒲 𑒂 𑒡𑒰𑒩𑓂𑒧𑒱𑒏 𑒮𑒰𑒯𑒱𑒞𑓂𑒨 𑒪𑒹𑒪 𑒧𑒰𑒑𑒡𑒲-𑒁𑒩𑓂𑒡𑒧𑒰𑒑𑒡𑒲𑒏 𑒣𑓂𑒩𑒨𑒼𑒑 𑒦𑒹𑒪। 𑒢𑒰𑒙𑒏𑒧𑒹 𑒮𑓂𑒞𑓂𑒩𑒲-𑒫𑒱𑒠𑒴𑒭𑒏 𑒥𑒖𑒻𑒞 𑒩𑒯𑒟𑒱 𑒬𑒾𑒩𑒮𑒹𑒢𑒲𑒧𑒹 𑒧𑒳𑒠𑒰 𑒣𑒠𑓂𑒨 𑒏𑒯𑒟𑒱 𑒧𑒯𑒰𑒩𑒰𑒭𑓂𑒙𑓂𑒩𑒲𑒧𑒹, 𑒢𑒰𑒙𑒏𑒏 𑒞𑒟𑒰𑒏𑒟𑒱𑒞 𑒢𑒱𑒧𑓂𑒢 𑒬𑓂𑒩𑒹𑒝𑒲𑒏 𑒪𑒼𑒏 𑒧𑒰𑒑𑒡𑒲 𑒥𑒖𑒻𑒞 𑒕𑒪𑒰𑒯।
𑒣𑓂𑒩𑒰𑒏𑒵𑒞𑒧𑒹 𑒮𑒳𑒣𑓂 𑒞𑒱𑒓𑓂 𑒡𑒰𑒞𑒳𑒏 𑒮𑓀𑒑 𑒧𑒱𑒖𑓂𑒗𑒩 𑒦𑓄 𑒖𑒰𑒃𑒞 𑒁𑒕𑒱।
𑒣𑓂𑒩𑒰𑒏𑒵𑒞𑒧𑒹 𑒡𑒰𑒞𑒳𑒩𑒴𑒣 𑓑-𑓒 𑒣𑓂𑒩𑒏𑒰𑒩𑒏 (𑒦𑓂𑒫𑒰𑒠𑒱𑒑𑒝 𑒖𑒹𑒏𑒰𑒿) 𑒂 𑒬𑒥𑓂𑒠𑒩𑒴𑒣 𑓓-𑓔 (𑒁𑒏𑒰𑒩𑒰𑒢𑓂𑒞 𑒖𑒹𑒏𑒰𑒿) 𑒣𑓂𑒩𑒏𑒰𑒩𑒏 𑒩𑒯𑒱 𑒑𑒹𑒪, 𑒧𑒰𑒢𑒹 𑒠𑒳𑒢𑒴 𑒩𑒴𑒣 𑒏𑒧 𑒦𑓄 𑒑𑒹𑒪। 𑒧𑒳𑒠𑒰 𑒋𑒯𑒱𑒮𑒿 𑒁𑒩𑓂𑒟𑒧𑒹 𑒁𑒮𑓂𑒣𑒭𑓂𑒙𑒞𑒰 𑒂𑒋𑒪 𑒖𑒏𑒩 𑒢𑒱𑒫𑒰𑒩𑒝 𑒏𑒰𑒩𑒏𑒏 𑒔𑒹𑒢𑓂𑒯 𑒏𑒋𑒪𑒏।
𑒔𑒞𑒳𑒩𑓂𑒟𑒲, 𑒠𑓂𑒫𑒱𑒫𑒔𑒢, 𑒪𑒓𑓂 𑒪𑒱𑒙𑓂 𑒪𑒳𑒓𑓂 𑒂𑒞𑓂𑒧𑓂𑒢𑒹𑒣𑒠 𑒂𑒠𑒱𑒏 𑒁𑒦𑒰𑒫 𑒦𑓄 𑒑𑒹𑒪 𑒣𑓂𑒩𑒟𑒧𑒰 𑒂 𑒠𑓂𑒫𑒱𑒞𑒲𑒨𑒰𑒏 𑒥𑒯𑒳𑒫𑒔𑒢 𑒋𑒏 𑒦𑓄 𑒑𑒹𑒪। 𑒡𑓂𑒫𑒢𑒱 𑒣𑒩𑒱𑒫𑒩𑓂𑒞𑒢 𑒦𑒹𑒪। 𑒇, 𑒌, 𑒎, 𑒨, 𑒬, 𑒭 𑒂 𑒫𑒱𑒮𑒩𑓂𑒑𑒏 𑒁𑒦𑒰𑒫 𑒦𑒹𑒪 (𑒁𑒣𑒫𑒰𑒠 𑒧𑒰𑒑𑒡𑒲𑒧𑒹 𑒨 𑒂 𑒬 𑒁𑒕𑒱 𑒧𑒳𑒠𑒰 𑒮 𑒢𑒯𑒱)।
𑒁𑒢𑓂𑒞𑒧𑒹 𑒂𑒋𑒪 𑒫𑓂𑒨𑓀𑒖𑒢 𑒪𑒳𑒣𑓂𑒞 𑒦𑒹𑒪 (𑒯𑓂𑒩𑒮𑓂𑒫 𑒮𑓂𑒫𑒩𑒏 𑒥𑒰𑒠 𑒠𑒴 𑒂 𑒠𑒲𑒩𑓂𑒒 𑒮𑓂𑒫𑒩𑒏 𑒥𑒰𑒠 𑒋𑒏𑒮𑒿 𑒥𑒹𑒬𑒲 𑒫𑓂𑒨𑓀𑒖𑒢 𑒢𑒯𑒱 𑒩𑒯𑒱 𑒮𑒏𑒻𑒞 𑒁𑒕𑒱।)

𑒢 𑒝 𑒧𑒹, 𑒨 𑒖 𑒧𑒹 𑒂 𑒬, 𑒭 𑒮 𑒧𑒹 𑒣𑒩𑒱𑒫𑒩𑓂𑒞𑒱𑒞 𑒦𑓄 𑒖𑒰𑒃𑒞 𑒁𑒕𑒱।
𑒣𑒠𑒧𑒹 𑒅𑒞𑓂𑒞𑒩𑒣𑒠𑒏 𑒣𑒯𑒱𑒪 𑒁𑒏𑓂𑒭𑒩𑒏 𑒪𑒼𑒣 𑒦𑓄 𑒖𑒰𑒃𑒞 𑒁𑒕𑒱, 𑒧𑒳𑒠𑒰 𑒮𑒹 𑒡𑒰𑒞𑒳𑒩𑒴𑒣 𑒁𑒕𑒱 𑒞𑒐𑒢 𑒪𑒼𑒣 𑒢𑒯𑒱 𑒯𑒼𑒃𑒞 𑒁𑒕𑒱। 𑒖𑒹𑒢𑒰 𑒂𑒩𑓂𑒨𑒣𑒳𑒞𑓂𑒩= 𑒁𑒖𑓂𑒖𑒅𑒞𑓂𑒞 𑒧𑒳𑒠𑒰 𑒂𑒑𑒞𑒧𑓂= 𑒂𑒑𑒠𑓀
𑒁𑒢𑒳𑒠𑒰𑒞𑓂𑒞 𑒁𑒫𑓂𑒨𑒨𑒏 𑒣𑒯𑒱𑒪 𑒁𑒏𑓂𑒭𑒩𑒏 𑒪𑒼𑒣 𑒯𑒼𑒃𑒞 𑒁𑒕𑒱। 𑒖𑒹𑒢𑒰 𑒔= 𑒁
𑒦𑒴 𑒡𑒰𑒞𑒳𑒏 𑒦 𑒣𑒩𑒱𑒫𑒩𑓂𑒞𑒱𑒞 𑒦𑓄 𑒯 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒦𑒫𑒞𑒱= 𑒯𑒼𑒃
𑒏 𑒐 𑒧𑒹 𑒂 𑒣 𑒤 𑒧𑒹 𑒥𑒠𑒪𑒱 𑒖𑒰𑒃𑒞 𑒁𑒕𑒱। 𑒣𑒢𑒮= 𑒤𑒝𑒮, 𑒏𑓂𑒩𑒲𑒛𑓂= 𑒏𑒹𑒪
𑒅𑒔𑓂𑒔𑒰𑒩𑒝 𑒮𑓂𑒟𑒰𑒢𑒏 𑒣𑒩𑒱𑒫𑒩𑓂𑒞𑒢𑒏 𑒏𑓂𑒩𑒧𑒧𑒹 𑒠𑒢𑓂𑒞𑓂𑒨 𑒅𑒔𑓂𑒔𑒰𑒩𑒝 𑒮𑓂𑒟𑒰𑒢 𑒞𑒰𑒪𑒫𑓂𑒨𑒧𑒹 𑒥𑒠𑒪𑒱 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒞𑓂 = 𑒔𑓂
𑒧𑒡𑓂𑒨𑒏 𑒨 𑒪𑒼𑒣𑒱𑒞 𑒦𑓄 𑒖𑒰𑒃𑒞 𑒁𑒕𑒱। 𑒏, 𑒑, 𑒔, 𑒖, 𑒞, 𑒠 𑒏 𑒮𑒹𑒯𑒼 𑒏𑒱𑒕𑒳 𑒁𑒣𑒫𑒰𑒠𑒏𑒹𑒿 𑒕𑒼𑒛𑓃𑒱 𑒪𑒼𑒣 𑒯𑒼𑒃𑒞 𑒁𑒕𑒱। 𑒣, 𑒥, 𑒫 𑒏 𑒪𑒼𑒣 𑒮𑒹𑒯𑒼 𑒏𑒐𑒢𑒼 𑒂𑒪 𑒯𑒼𑒃𑒞 𑒁𑒕𑒱। 𑒖𑒹𑒢𑒰- 𑒣𑓂𑒩𑒱𑒨= 𑒣𑒱𑒁, 𑒪𑒼𑒏= 𑒪𑒼𑒁, 𑒁𑒢𑒳𑒩𑒰𑒑= 𑒁𑒝𑒳𑒩𑒰𑒁, 𑒣𑓂𑒩𑒔𑒳𑒩= 𑒣𑒅𑒩, 𑒦𑒼𑒖𑒢= 𑒦𑒼𑒁𑒝, 𑒩𑒮𑒰𑒞𑒪= 𑒩𑒮𑒰𑒁𑒪, 𑒯𑒵𑒠𑒨= 𑒯𑒱𑒁𑒁, 𑒩𑒴𑒣= 𑒩𑒴𑒁, 𑒫𑒱𑒥𑒳𑒡= 𑒫𑒱𑒅𑒯, 𑒫𑒱𑒨𑒼𑒑= 𑒫𑒱𑒍𑒁
𑒧𑒡𑓂𑒨𑒏 𑒏, 𑒞, 𑒣 𑒏𑓂𑒩𑒧𑒮𑒿 𑒑, 𑒠, 𑒥 𑒦𑓄 𑒖𑒰𑒃𑒞 𑒁𑒕𑒱। 𑒐, 𑒒, 𑒟, 𑒒, 𑒤, 𑒦 𑒄 𑒮𑒦 𑒯 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒢𑒰𑒨𑒏𑓁= 𑒝𑒰𑒁𑒑𑒳, 𑒂𑒑𑒞𑓁= 𑒂𑒑𑒠𑒼, 𑒠𑒲𑒣=𑒠𑒲𑒥=𑒠𑒲𑒫। 𑒧𑒳𑒐= 𑒧𑒳𑒯, 𑒮𑒐𑒲= 𑒮𑒯𑒲, 𑒧𑒹𑒒= 𑒧𑒹𑒯, 𑒪𑒒𑒳𑒏= 𑒪𑒯𑒳𑒁, 𑒨𑒴𑒟= 𑒖𑒴𑒯, 𑒩𑒳𑒡𑒱𑒩= 𑒩𑒳𑒯𑒱𑒩, 𑒫𑒡𑒴= 𑒫𑒯𑒴, 𑒬𑒰𑒤𑒩= 𑒮𑒰𑒯𑒩, 𑒁𑒦𑒱𑒢𑒫= 𑒁𑒯𑒱𑒝𑒫।
𑒏𑒐𑒢𑒼 𑒏𑒰𑒪 𑒧𑒡𑓂𑒨𑒏 𑒫𑓂𑒨𑓀𑒖𑒢 𑒠𑒼𑒥𑒩 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒋𑒏= 𑒋𑒏𑓂𑒏
𑒧𑒡𑓂𑒨𑒏 𑒙, 𑒚 𑒏𑓂𑒩𑒧𑒮𑒿 𑒛, 𑒜 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒏𑒳𑒙𑒳𑒧𑓂𑒥= 𑒏𑒳𑒛𑒳𑒧𑓂𑒥, 𑒣𑒚𑒢= 𑒣𑒜𑒝
𑒧𑒡𑓂𑒨𑒏 𑒣, 𑒥 𑒣𑒩𑒱𑒫𑒩𑓂𑒞𑒱𑒞 𑒦𑓄 𑒫 𑒥𑒢𑒱 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒠𑒲𑒣= 𑒠𑒲𑒫। 𑒬𑒥𑒩= 𑒮𑒫𑒩।
𑒛, 𑒞, 𑒠 𑒣𑒩𑒱𑒫𑒩𑓂𑒞𑒱𑒞 𑒦𑓄 𑒪 𑒥𑒢𑒱 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒏𑓂𑒩𑒲𑒛𑒰= 𑒏𑒲𑒪𑒰, 𑒮𑒰𑒞𑒫𑒰𑒯𑒢= 𑒮𑒰𑒪𑒫𑒰𑒯𑒝, 𑒠𑒼𑒯𑒠= 𑒠𑒼𑒯𑒪।
𑒧 𑒣𑒩𑒱𑒫𑒩𑓂𑒞𑒱𑒞 𑒦𑓄 𑒫 𑒥𑒢𑒱 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒑𑓂𑒩𑒰𑒧= 𑒑𑒰𑒿𑒫।
𑒁𑒢𑓂𑒞𑒱𑒧 𑒮𑓂𑒣𑓂𑒩𑒬 𑒫𑒩𑓂𑒝𑒏 𑒪𑒼𑒣 𑒯𑒼𑒃𑒞 𑒁𑒕𑒱, 𑒁𑒢𑓂𑒞𑒱𑒧 𑒁𑒢𑒳𑒢𑒰𑒮𑒱𑒏𑒧𑒹 𑒁𑒢𑒳𑒮𑓂𑒫𑒰𑒩 𑒢𑒯𑒱 𑒯𑒼𑒃𑒞 𑒁𑒕𑒱, 𑒁𑓁 𑒥𑒠𑒪𑒱 𑒏𑓄 𑒍 𑒦𑓄 𑒖𑒰𑒃𑒞 𑒁𑒕𑒱 𑒫𑒰 𑒍𑒏𑒩 𑒪𑒼𑒣 𑒦𑓄 𑒖𑒰𑒃𑒞 𑒁𑒕𑒱।
𑒧𑒼𑒙𑒰-𑒧𑒼𑒙𑒲 𑒬𑒥𑓂𑒠𑒏 𑒣𑓂𑒩𑒰𑒩𑒧𑓂𑒦𑒧𑒹 𑒋𑒏𑒹𑒙𑒰 𑒫𑓂𑒨𑓀𑒖𑒢 𑒂 𑒧𑒡𑓂𑒨𑒧𑒹 𑒥𑒹𑒬𑒲𑒮𑒿 𑒥𑒹𑒬𑒲 𑒠𑒴𑒙𑒰 𑒫𑓂𑒨𑓀𑒖𑒢 𑒮𑒹𑒯𑒼 𑒠𑓂𑒫𑒱𑒞𑓂𑒫𑒧𑒹 𑒖𑒹𑒢𑒰 𑒏𑓂𑒏 𑒫𑒰 𑒏𑓂𑒐 𑒩𑒴𑒣𑒧𑒹 𑒩𑒯𑒻𑒞 𑒁𑒕𑒱।
𑒫𑓂𑒨𑓀𑒖𑒢𑒏 𑒥𑒪𑒏 𑒁𑒢𑒳𑒩𑒴𑒣𑒹𑒿 𑒢𑒱𑒧𑓂𑒢 𑒣𑓂𑒩𑒏𑒰𑒩𑒏 𑒏𑓂𑒩𑒧 𑒯𑒼𑒃𑒞 𑒁𑒕𑒱।(𑒁) 𑒏𑒫𑒩𑓂𑒑, 𑒔𑒫𑒩𑓂𑒑,, 𑒙𑒫𑒩𑓂𑒑, 𑒞𑒫𑒩𑓂𑒑, 𑒣𑒫𑒩𑓂𑒑 𑒧𑒹 𑒏 (𑒮𑒦𑒮𑒿 𑒥𑒹𑒬𑒲 𑒥𑒪𑒑𑒩) 𑒮𑒿 𑒦 (𑒏𑓂𑒩𑒧𑒮𑒿 𑒏𑒧 𑒥𑒪𑒑𑒩) 𑒡𑒩𑒱, 𑒮𑒦 𑒫𑒩𑓂𑒑𑒏 𑒣𑒰𑒿𑒔𑒧 𑒫𑒩𑓂𑒝 𑒕𑒼𑒛𑓃𑒱 𑒏𑓄। 𑒖𑒹𑒢𑒰 𑒏𑒫𑒩𑓂𑒑𑒏 𑒓, 𑒔𑒫𑒩𑓂𑒑𑒏 𑒘, 𑒙𑒫𑒩𑓂𑒑𑒏 𑒝, 𑒞𑒫𑒩𑓂𑒑𑒏 𑒢 𑒂 𑒣𑒫𑒩𑓂𑒑𑒏 𑒧 𑒕𑒼𑒛𑓃𑒱 𑒏𑓄। 𑒤𑒹𑒩 (𑒂) 𑒏𑒔𑒙𑒞𑒣 𑒫𑒩𑓂𑒑𑒏 𑒣𑒰𑒿𑒔𑒧 𑒫𑒩𑓂𑒝। 𑒤𑒹𑒩 (𑒃) 𑒪, 𑒮, 𑒫, 𑒨, 𑒩। 𑒋𑒯𑒱𑒧𑒹 𑒮𑒧𑒰𑒢𑒥𑒪𑒏 𑒫𑒩𑓂𑒝𑒧𑒹 𑒥𑒰𑒠𑒥𑒪𑒰 𑒫𑒩𑓂𑒝 𑒣𑓂𑒩𑒥𑒪 𑒯𑒼𑒃𑒞 𑒁𑒕𑒱, 𑒁𑒢𑓂𑒨𑒟𑒰 𑒁𑒡𑒱𑒏 𑒥𑒪𑒥𑒪𑒰 𑒥𑒹𑒬𑒲 𑒥𑒪𑒑𑒩 𑒯𑒼𑒃𑒞 𑒂𑒕𑒱। 𑒖𑒹𑒢𑒰- 𑒅𑒞𑓂𑒣𑒪= 𑒅𑒣𑓂𑒣𑒪, 𑒐𑒛𑓂𑒑= 𑒐𑒑𑓂𑒑, 𑒁𑒑𑓂𑒢𑒱= 𑒁𑒑𑓂𑒑𑒱। 𑒤𑒹𑒩 𑒖𑒹 𑒏𑒔𑒙𑒞𑒣 𑒫𑒩𑓂𑒑𑒏 𑒣𑒰𑒿𑒔𑒧 𑒫𑒩𑓂𑒝𑒏 𑒍𑒯𑒲 𑒫𑒩𑓂𑒑𑒏 𑒏𑒼𑒢𑒼 𑒠𑒼𑒮𑒩 𑒫𑒩𑓂𑒝 𑒯𑒼𑒋𑒞 𑒞𑒿 𑒣𑒰𑒿𑒔𑒧 𑒫𑒩𑓂𑒝 𑒍𑒯𑒱𑒢𑒰 𑒩𑒯𑒞, 𑒢𑒯𑒱 𑒞𑒿 𑒍𑒏𑒩 𑒣𑒩𑒱𑒫𑒩𑓂𑒞𑒢 𑒁𑒢𑒳𑒮𑓂𑒫𑒰𑒩𑒧𑒹 𑒦𑓄 𑒖𑒰𑒋𑒞। 𑒖𑒹𑒢𑒰 𑒏𑓂𑒩𑒾𑒘𑓂𑒔= 𑒏𑒼𑒘𑓂𑒔, 𑒠𑒱𑒓𑓂𑒧𑒳𑒐= 𑒠𑒱𑓀𑒧𑒳𑒯।
𑒠𑒼𑒮𑒩 𑒣𑒠𑒏 𑒣𑓂𑒩𑒰𑒩𑒧𑓂𑒦𑒧𑒹 𑒖𑓂𑒘 𑒩𑒯𑒪𑒰𑒮𑒿 𑒍 𑒖𑓂𑒖 𑒥𑒢𑒱 𑒖𑒰𑒃𑒞 𑒁𑒕𑒱। 𑒧𑒢𑒼𑒖𑓂𑒘= 𑒧𑒝𑒼𑒖𑓂𑒖।
𑒏𑒔𑒙𑒞𑒣 𑒫𑒩𑓂𑒑𑒏 𑒥𑒰𑒠 𑒬, 𑒭, 𑒮 𑒩𑒯𑒪𑒰𑒮𑒿 𑒔𑓂𑒕 𑒯𑒼𑒃𑒞 𑒁𑒕𑒱। 𑒖𑒹𑒢𑒰 𑒁𑒣𑓂𑒮𑒩𑒰= 𑒁𑒔𑓂𑒕𑒩𑒰, 𑒧𑒞𑓂𑒮𑒩= 𑒧𑒔𑓂𑒕𑒩।
𑒏𑓂𑒭 𑒥𑒠𑒪𑒱 𑒏𑓄 𑒏𑓂𑒐 𑒦𑓄 𑒖𑒰𑒃𑒞 𑒁𑒕𑒱।𑒖𑒹𑒢𑒰 𑒠𑒏𑓂𑒭𑒱𑒝= 𑒠𑒏𑓂𑒐𑒱𑒝।
𑒬𑒾𑒩𑒮𑒹𑒢𑒲𑒧𑒹 𑒏𑓂𑒭 𑒥𑒠𑒪𑒱 𑒏𑓄 𑒏𑓂𑒐 𑒂 𑒧𑒰𑒑𑒡𑒲𑒧𑒹 𑒔𑓂𑒕 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒏𑒳𑒏𑓂𑒭𑒱= 𑒏𑒳𑒏𑓂𑒐𑒱 (𑒬𑒾𑒩𑒮𑒹𑒢𑒲), 𑒏𑒳𑒔𑓂𑒕𑒱 (𑒧𑒰𑒑𑒡𑒲)।
𑒣𑓂𑒩𑒰𑒏𑒵𑒞𑒧𑒹 𑒇 𑒂 𑒪𑒵 𑒮𑓂𑒫𑒩 𑒢𑒯𑒱 𑒯𑒼𑒃𑒞 𑒁𑒕𑒱। 𑒇 𑒥𑒠𑒪𑒱 𑒏𑓄 (𑒁) 𑒩𑒱 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒇𑒭𑒱= 𑒩𑒱𑒭𑒱, (𑒂) 𑒁 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒏𑒵𑒞= 𑒏𑒠। (𑒃) 𑒃 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒠𑒵𑒭𑓂𑒙𑒱= 𑒠𑒱𑒙𑓂𑒚𑒱। (𑒄) 𑒅 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒣𑒵𑒔𑓂𑒕𑒞𑒱= 𑒣𑒳𑒔𑓂𑒕𑒠𑒱।
𑒌, 𑒎 𑒥𑒠𑒪𑒱 𑒏𑓄 𑒋 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒏𑒾𑒧𑒳𑒠𑒲= 𑒏𑒼𑒧𑒳𑒠𑒲।
𑒮𑓀𑒨𑒳𑒏𑓂𑒞𑒰𑒏𑓂𑒭𑒩𑒮𑒿 𑒣𑒴𑒩𑓂𑒫 𑒯𑓂𑒩𑒮𑓂𑒫 𑒮𑓂𑒫𑒩 𑒩𑒯𑒻𑒞 𑒁𑒕𑒱।
𑒅 𑒥𑒠𑒪𑒱 𑒏𑓄 𑒁 𑒫𑒰 𑒍 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒧𑒳𑒏𑒳𑒪= 𑒧𑒅𑒪। 𑒣𑒳𑒮𑓂𑒞𑒏= 𑒣𑒼𑒞𑓂𑒟𑒁।
𑒆 𑒥𑒠𑒪𑒱 𑒏𑓄 𑒍 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒧𑒴𑒪𑓂𑒨= 𑒧𑒼𑒪𑓂𑒪।
𑒋 𑒥𑒠𑒪𑒱 𑒏𑓄 𑒃 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒋𑒞𑒹𑒢= 𑒋𑒠𑒱𑒝𑒰।
𑒍 𑒥𑒠𑒪𑒱 𑒏𑓄 𑒅 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒁𑒢𑓂𑒨𑒼𑒢𑓂𑒨= 𑒁𑒝𑓂𑒝𑒳𑒝𑓂𑒝।
𑒁𑒢𑒳𑒮𑓂𑒫𑒰𑒩+ 𑒁𑒣𑒱= 𑒣𑒱 𑒂 𑒁𑒢𑒳𑒮𑓂𑒫𑒰𑒩+𑒃𑒞𑒱= 𑒞𑒱 𑒦𑓄 𑒖𑒰𑒃𑒞 𑒁𑒕𑒱। 𑒐𑒪𑒳= 𑒐 𑒦𑓄 𑒖𑒰𑒃𑒞 𑒁𑒕𑒱।
𑒨𑓂 𑒥𑒠𑒪𑒱 𑒏𑓄 𑒃 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒏𑒟𑒨𑒞𑒳= 𑒏𑒡𑒹𑒞𑒳।
𑒣𑓂𑒩𑒰𑒏𑒵𑒞𑒧𑒹 𑒁𑒢𑓂𑒞𑒱𑒧 𑒫𑓂𑒨𑓀𑒖𑒢𑒏 𑒪𑒼𑒣 𑒦𑓄 𑒖𑒰𑒃𑒞 𑒁𑒕𑒱। 𑒫𑓂𑒨𑓀𑒖𑒢 𑒮𑒢𑓂𑒡𑒱𑒏 𑒧𑒼𑒙𑒰-𑒧𑒼𑒙𑒲 𑒁𑒦𑒰𑒫 𑒩𑒯𑒻𑒞 𑒁𑒕𑒱।
𑒮𑓂𑒫𑒩 𑒮𑒢𑓂𑒡𑒱𑒧𑒹 𑒮𑒹𑒯𑒼 𑒧𑒡𑓂𑒨 𑒫𑒩𑓂𑒝𑒏 𑒪𑒼𑒣 𑒦𑒹𑒪𑒼𑒣𑒩 𑒮𑒢𑓂𑒡𑒱 𑒢𑒯𑒱 𑒯𑒼𑒃𑒞 𑒁𑒕𑒱।
𑒬𑒥𑓂𑒠𑒩𑒴𑒣𑒧𑒹 𑒠𑓂𑒫𑒱𑒫𑒔𑒢 𑒐𑒞𑒧 𑒦𑓄 𑒑𑒹𑒪। 𑒔𑒞𑒳𑒩𑓂𑒟𑒲𑒏 𑒩𑒴𑒣 𑒭𑒭𑓂𑒚𑒲𑒧𑒹 𑒧𑒱𑒪𑒱 𑒑𑒹𑒪। 𑒫𑓂𑒨𑓀𑒖𑒢 𑒁𑒢𑓂𑒞𑒥𑒪𑒰 𑒬𑒥𑓂𑒠 𑒐𑒞𑒧 𑒦𑓄 𑒑𑒹𑒪।
𑒡𑒰𑒞𑒳𑒩𑒴𑒣𑒧𑒹 𑒬𑒥𑓂𑒠𑒩𑒴𑒣𑒮𑒿 𑒥𑒹𑒬𑒲 𑒁𑒢𑓂𑒞𑒩 𑒂𑒋𑒪। 𑒫𑓂𑒨𑓀𑒖𑒢 𑒁𑒢𑓂𑒞𑒥𑒪𑒰 𑒡𑒰𑒞𑒳 𑒐𑒞𑒧 𑒦𑓄 𑒑𑒹𑒪। 𑒡𑒰𑒞𑒳𑒩𑒴𑒣 𑒋𑒏𑓂𑒏𑒹 𑒩𑒲𑒞𑒱𑒮𑒿 𑒔𑒪𑒋 𑒪𑒰𑒑𑒪, 𑒠𑓂𑒫𑒱𑒫𑒔𑒢 𑒐𑒞𑒧 𑒦𑓄 𑒑𑒹𑒪, 𑒩𑒴𑒣𑒏 𑒦𑒱𑒢𑓂𑒢𑒞𑒰 𑒏𑒧 𑒦𑓄 𑒑𑒹𑒪। 𑒂𑒞𑓂𑒧𑒢𑒹𑒣𑒠 𑒩𑒴𑒣 𑒧𑒼𑒙𑒰-𑒧𑒼𑒙𑒲 𑒐𑒞𑒧 𑒦𑓄 𑒑𑒹𑒪। 𑒪𑒱𑒙𑓂, 𑒪𑒱𑒓𑓂, 𑒪𑒳𑒓𑓂 𑒩𑒴𑒣 𑒮𑒹𑒯𑒼 𑒧𑒼𑒙𑒰-𑒧𑒼𑒙𑒲 𑒐𑒞𑒧 𑒦𑓄 𑒑𑒹𑒪। 𑒦𑒴𑒞𑒏𑒰𑒪 𑒪𑒹𑒪 𑒏𑒵𑒠𑒢𑓂𑒞 𑒣𑓂𑒩𑒞𑓂𑒨𑒨𑒏 𑒣𑓂𑒩𑒨𑒼𑒑 𑒯𑒼𑒧𑒋 𑒪𑒰𑒑𑒪। 𑒦𑓂𑒫𑒰𑒠𑒱𑒑𑒝 𑒂 𑒔𑒳𑒩𑒰𑒠𑒱𑒑𑒝𑒏 𑒁𑒪𑒰𑒥𑒹 𑒮𑒦 𑒑𑒝 𑒐𑒞𑒧 𑒦𑓄 𑒑𑒹𑒪।
𑒬𑒾𑒩𑒮𑒹𑒢𑒲𑒧𑒹 𑒠𑓂𑒨, 𑒩𑓂𑒖𑓂, 𑒩𑓂𑒨𑓂 𑒥𑒠𑒪𑒱 𑒏𑓄 𑒖𑓂𑒖𑓂 𑒦𑓄 𑒖𑒰𑒃𑒞 𑒁𑒕𑒱।
𑒬𑒾𑒩𑒮𑒹𑒢𑒲 𑒂 𑒧𑒰𑒯𑒰𑒩𑒰𑒭𑓂𑒙𑓂𑒩𑒲- 𑒮𑓀𑒮𑓂𑒏𑒵𑒞𑒏 𑒧𑒡𑓂𑒨𑒏 𑒞 𑒬𑒾𑒩𑒮𑒹𑒢𑒲𑒧𑒹 𑒠 𑒦𑓄 𑒖𑒰𑒃𑒞 𑒁𑒕𑒱 𑒧𑒳𑒠𑒰 𑒧𑒰𑒯𑒰𑒩𑒰𑒭𑓂𑒙𑓂𑒩𑒲𑒧𑒹 𑒍 𑒪𑒼𑒣𑒱𑒞 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰- 𑒮𑓀𑒮𑓂𑒏𑒵𑒞- 𑒖𑒰𑒢𑒰𑒞𑒱= 𑒬𑒾𑒩𑒮𑒹𑒢𑒲 𑒖𑒰𑒝𑒰𑒠𑒱= 𑒧𑒰𑒯𑒰𑒩𑒰𑒭𑓂𑒙𑓂𑒩𑒲 𑒖𑒰𑒝𑒰𑒃
𑒮𑓀𑒮𑓂𑒏𑒵𑒞𑒏 𑒧𑒡𑓂𑒨𑒏 𑒟 𑒬𑒾𑒩𑒮𑒹𑒢𑒲𑒧𑒹 𑒒 𑒧𑒳𑒠𑒰 𑒧𑒰𑒯𑒰𑒩𑒰𑒭𑓂𑒙𑓂𑒩𑒲𑒧𑒹 𑒯 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒮𑓀𑒮𑓂𑒏𑒵𑒞 𑒁𑒟= 𑒬𑒾𑒩𑒮𑒹𑒢𑒲 𑒁𑒒= 𑒧𑒰𑒯𑒰𑒩𑒰𑒭𑓂𑒙𑓂𑒩𑒲 𑒁𑒯।
𑒠𑒼𑒮𑒩 𑒣𑒠𑒏 𑒣𑓂𑒩𑒰𑒩𑒧𑓂𑒦𑒧𑒹 𑒖𑓂𑒘 𑒩𑒯𑒪𑒰𑒮𑒿 𑒧𑒰𑒑𑒡𑒲𑒧𑒹 𑒘𑓂𑒘 𑒥𑒢𑒱 𑒖𑒰𑒃𑒞 𑒁𑒕𑒱।
𑒧𑒰𑒑𑒡𑒲𑒧𑒹 𑒬, 𑒭, 𑒮 𑒄 𑒞𑒲𑒢𑒴 𑒣𑒩𑒱𑒫𑒩𑓂𑒞𑒱𑒞 𑒦𑓄 𑒬; 𑒩 𑒣𑒩𑒱𑒫𑒩𑓂𑒞𑒱𑒞 𑒦𑓄 𑒪; 𑒖 𑒣𑒩𑒱𑒫𑒩𑓂𑒞𑒱𑒞 𑒦𑓄 𑒨 𑒥𑒢𑒱 𑒖𑒰𑒃𑒞 𑒁𑒕𑒱। 𑒁𑒏𑒰𑒩𑒰𑒢𑓂𑒞 𑒣𑓂𑒩𑒟𑒧𑒰 𑒋𑒏𑒫𑒔𑒢𑒧𑒹 𑒋 𑒪𑒑𑒻𑒞 𑒁𑒕𑒱। 𑒖𑒹𑒢𑒰 𑒠𑒩𑒱𑒠𑓂𑒩= 𑒠𑒪𑒱𑒠𑓂𑒠।
𑒧𑒰𑒑𑒡𑒲𑒧𑒹 𑒖 𑒥𑒠𑒪𑒱 𑒏𑓄 𑒨 𑒦𑓄 𑒖𑒰𑒃𑒞 𑒁𑒕𑒱।
𑒧𑒰𑒑𑒡𑒲𑒧𑒹 𑒠𑓂𑒨, 𑒩𑓂𑒖𑓂, 𑒩𑓂𑒨𑓂 𑒥𑒠𑒪𑒱 𑒏𑓄 𑒨𑓂𑒨 𑒦𑓄 𑒖𑒰𑒃𑒞 𑒁𑒕𑒱।
𑒧𑒰𑒑𑒡𑒲𑒧𑒹 𑒝𑓂𑒨, 𑒢𑓂𑒨,𑒖𑓂𑒘,𑒘𑓂𑒖 𑒥𑒠𑒪𑒱 𑒏𑓄 𑒘𑓂𑒘 𑒦𑓄 𑒖𑒰𑒃𑒞 𑒁𑒕𑒱।
𑒧𑒰𑒑𑒡𑒲𑒧𑒹 𑒧𑒡𑓂𑒨𑒏 𑒔𑓂𑒕 𑒥𑒠𑒪𑒱 𑒏𑓄 𑒬𑓂𑒔 𑒦𑓄 𑒖𑒰𑒃𑒞 𑒁𑒕𑒱।
𑒧𑒰𑒑𑒡𑒲𑒧𑒹 𑒭𑓂𑒏= 𑒮𑓂𑒏 𑒫𑒰 𑒬𑓂𑒏, 𑒭𑓂𑒙= 𑒮𑓂𑒙 𑒫𑒰 𑒬𑓂𑒙, 𑒭𑓂𑒣= 𑒮𑓂𑒣, 𑒭𑓂𑒤= 𑒮𑓂𑒤 𑒦𑓄 𑒖𑒰𑒃𑒞 𑒁𑒕𑒱।
𑒧𑒰𑒑𑒡𑒲𑒧𑒹 𑒩𑓂𑒟 𑒥𑒠𑒪𑒱 𑒏𑓄 𑒮𑓂𑒞 𑒦𑓄 𑒖𑒰𑒃𑒞 𑒁𑒕𑒱।
𑒫𑒱𑒡𑒱𑒪𑒱𑒓𑓂 𑒏 𑒣𑓂𑒩𑒨𑒼𑒑 𑒖𑒻𑒢 𑒣𑓂𑒩𑒰𑒏𑒵𑒞- 𑒁𑒩𑓂𑒡𑒧𑒰𑒑𑒡𑒲 𑒂 𑒖𑒻𑒢 𑒧𑒯𑒰𑒩𑒰𑒭𑓂𑒙𑓂𑒩𑒲𑒧𑒹 𑒣𑓂𑒩𑒔𑒪𑒱𑒞 𑒩𑒯𑒪, 𑒂𑒢 𑒣𑓂𑒩𑒰𑒏𑒵𑒞𑒧𑒹 𑒄 𑒧𑒼𑒙𑒰-𑒧𑒼𑒙𑒲 𑒐𑒞𑒧 𑒦𑓄 𑒑𑒹𑒪।
𑒮𑓀𑒮𑓂𑒏𑒵𑒞𑒏 𑒞𑒳𑒧𑓂 𑒬𑒾𑒩𑒮𑒹𑒢𑒲𑒧𑒹 𑒠𑒳𑓀, 𑒧𑒰𑒑𑒡𑒲𑒧𑒹 𑒮𑒹𑒯𑒼 𑒠𑒳𑓀 𑒩𑒯𑒻𑒞 𑒁𑒕𑒱 𑒧𑒳𑒠𑒰 𑒧𑒯𑒰𑒩𑒰𑒭𑓂𑒙𑓂𑒩𑒲𑒧𑒹 𑒅𑓀 𑒦𑓄 𑒖𑒰𑒃𑒞 𑒁𑒕𑒱।

𑒣𑓂𑒩𑒰𑒏𑒵𑒞𑒏 𑒬𑒾𑒩𑒮𑒹𑒢𑒲, 𑒧𑒰𑒑𑒡𑒲, 𑒧𑒯𑒰𑒩𑒰𑒭𑓂𑒙𑓂𑒩𑒲𑒏 𑒁𑒞𑒱𑒩𑒱𑒏𑓂𑒞 𑒣𑒻𑒬𑒰𑒔𑒲 𑒣𑓂𑒩𑒰𑒏𑒵𑒞𑒏 𑒮𑒹𑒯𑒼 𑒅𑒪𑓂𑒪𑒹𑒐 𑒦𑒹𑒙𑒻𑒞 𑒁𑒕𑒱। 𑒑𑒳𑒝𑒰𑒜𑓂𑒨𑒏 𑒫𑒵𑒯𑒞𑓂𑒏𑒟𑒰 𑒋𑒯𑒱 𑒣𑓂𑒩𑒰𑒏𑒵𑒞𑒧𑒹 𑒪𑒱𑒐𑒪 𑒑𑒹𑒪 𑒖𑒹 𑒂𑒥 𑒮𑓂𑒫𑒞𑓀𑒞𑓂𑒩 𑒩𑒴𑒣𑒮𑒿 𑒅𑒣𑒪𑒥𑓂𑒡 𑒢𑒯𑒱 𑒁𑒕𑒱। 𑒋𑒏𑒩 𑒅𑒪𑓂𑒪𑒹𑒐 𑒅𑒠𑓂𑒡𑒩𑒝 𑒩𑒴𑒣𑒧𑒹 𑒏𑒐𑒢𑒼 𑒏𑒰𑒪 𑒦𑒹𑒙𑒻𑒞 𑒁𑒕𑒱। 𑒄 𑒣𑒬𑓂𑒔𑒱𑒧𑒼𑒞𑓂𑒞𑒩 𑒦𑒰𑒩𑒞𑒏 𑒣𑓂𑒩𑒰𑒏𑒵𑒞 𑒕𑒪, 𑒅𑒠𑓂𑒡𑒩𑒝 𑒩𑒴𑒣𑒧𑒹 𑒅𑒣𑒪𑒥𑓂𑒡 𑒮𑒰𑒯𑒱𑒞𑓂𑒨𑒏 𑒁𑒢𑒳𑒮𑒰𑒩 𑒋𑒯𑒱𑒧𑒹 𑒢𑒱𑒧𑓂𑒢 𑒫𑒱𑒬𑒹𑒭𑒞𑒰 𑒕𑒪। 𑒝 𑒥𑒠𑒪𑒱 𑒏𑓄 𑒢 𑒦𑓄 𑒑𑒹𑒪। 𑒩 𑒥𑒠𑒪𑒱 𑒏𑓄 𑒪 𑒦𑓄 𑒑𑒹𑒪। 𑒪 𑒥𑒠𑒪𑒱 𑒏𑓄 𑒩 𑒦𑓄 𑒑𑒹𑒪। 𑒮𑒒𑒼𑒭 𑒁𑒒𑒼𑒭 𑒥𑒢𑒱 𑒑𑒹𑒪। 𑒠𑒴 𑒮𑓂𑒫𑒩𑒏 𑒥𑒲𑒔𑒏 𑒪 𑒥𑒠𑒪𑒱 𑒏𑓄 𑒝𑓃 𑒦𑓄 𑒑𑒹𑒪। 𑒮𑓂𑒫𑒩𑒏 𑒥𑒲𑒔𑒧𑒹 𑒭 𑒥𑒠𑒪𑒱 𑒏𑓄 𑒬 𑒫𑒰 𑒮, 𑒖𑓂𑒘 𑒥𑒠𑒪𑒱 𑒏𑓄 𑒢𑓂𑒨 𑒂 𑒝𑓂𑒨 𑒥𑒠𑒪𑒱 𑒏𑓄 𑒘𑓂𑒘 𑒦𑓄 𑒑𑒹𑒪। 𑒋𑒯𑒱𑒧𑒹 𑒂𑒞𑓂𑒧𑒢𑒹𑒣𑒠 𑒂 𑒣𑒩𑒮𑓂𑒧𑒻𑒣𑒠 𑒠𑒳𑒢𑒴 𑒁𑒕𑒱।
𑒣𑒬𑓂𑒔𑒱𑒧𑒼𑒞𑓂𑒞𑒩𑒏 𑒐𑒼𑒞𑒰𑒢𑒮𑒿 𑒣𑓂𑒩𑒰𑒏𑒵𑒞 𑒡𑒧𑓂𑒧𑒣𑒠 𑒐𑒩𑒼𑒭𑓂𑒚𑒲 𑒪𑒱𑒣𑒱𑒧𑒹 𑒠𑒯𑒱𑒢𑒮𑒿 𑒫𑒰𑒧 𑒪𑒱𑒐𑒪 𑒪𑒹𑒐 𑒣𑓂𑒩𑒰𑒣𑓂𑒞 𑒯𑒼𑒃𑒞 𑒁𑒕𑒱 𑒖𑒰𑒯𑒱𑒧𑒹 𑒬, 𑒭, 𑒮 𑒞𑒲𑒢𑒴𑒏 𑒣𑓂𑒩𑒨𑒼𑒑 𑒁𑒕𑒱।
𑒧𑒼𑒙𑒰-𑒧𑒼𑒙𑒲 𑒣𑓂𑒩𑒰𑒏𑒵𑒞𑒧𑒹 𑒬𑒥𑓂𑒠-𑒡𑒰𑒞𑒳𑒩𑒴𑒣𑒏 𑒮𑒩𑒪𑒲𑒏𑒩𑒝𑒏 𑒣𑓂𑒩𑒏𑓂𑒩𑒱𑒨𑒰 𑒠𑒵𑒭𑓂𑒙𑒱𑒑𑒼𑒔𑒩 𑒯𑒼𑒃𑒞 𑒁𑒕𑒱, 𑒠𑓂𑒫𑒱𑒞𑓂𑒫, 𑒧𑒴𑒩𑓂𑒡𑒢𑓂𑒨𑒲𑒏𑒩𑒝, 𑒁𑒒𑒼𑒭𑒲𑒏𑒩𑒝 𑒂 𑒮𑒒𑒼𑒭𑒲𑒏𑒩𑒝, 𑒪𑒏𑒰𑒩𑒏 𑒥𑒠𑒪𑒰 𑒏𑒵𑒠𑒢𑓂𑒞𑒏 𑒣𑓂𑒩𑒨𑒼𑒑 𑒮𑒹𑒯𑒼 𑒥𑒜𑓃𑒱 𑒑𑒹𑒪।

𑒣𑓂𑒩𑒰𑒏𑒵𑒞 𑒂 𑒣𑒰𑒪𑒱:
𑒣𑓂𑒩𑒰𑒏𑒵𑒞𑒮𑒿 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞 𑒥𑒯𑒰𑒩 𑒦𑒹𑒪 𑒂𑒏𑒱 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒮𑒿 𑒣𑓂𑒩𑒰𑒏𑒵𑒞? 𑒫𑒹𑒠𑒧𑒹 𑒢𑒰𑒩𑒰𑒬𑓀𑒮𑒲 𑒢𑒰𑒧𑓂𑒢𑒰 𑒖𑒢 𑒂𑒐𑓂𑒨𑒰𑒢 𑒨𑒋𑒯 𑒮𑒱𑒠𑓂𑒡𑒏𑒩𑒻𑒞 𑒁𑒕𑒱 𑒖𑒹 𑒠𑒳𑒢𑒴 𑒮𑒧𑒰𑒢𑒰𑒢𑓂𑒞𑒩 𑒩𑒴𑒣𑒹𑒿 𑒥𑒯𑒳𑒞 𑒠𑒱𑒢 𑒡𑒩𑒱 𑒔𑒪𑒪। 𑒄 𑒮𑒧𑒰𑒢𑒰𑒢𑓂𑒞𑒩 𑒣𑒩𑒧𑓂𑒣𑒩𑒰 𑒠𑒳𑒢𑒴𑒏𑒹𑒿 𑒣𑓂𑒩𑒦𑒰𑒫𑒱𑒞 𑒏𑒹𑒪𑒏। 𑒂𑒥 𑒇𑒑𑒫𑒹𑒠 𑒠𑒹𑒐𑒴- 𑒍𑒞𑒋 𑒠𑒳𑒩𑓂𑒪𑒦 𑒪𑒹𑒪- 𑒠𑒴𑒪𑒦, (𑒇𑒑𑒫𑒹𑒠 𑓔.𑓙.𑓘) 𑒣𑓂𑒩𑒨𑒼𑒑 𑒏𑒲 𑒮𑒱𑒠𑓂𑒡 𑒏𑒩𑒻𑒞 𑒁𑒕𑒱? 𑒁𑒟𑒩𑓂𑒫𑒫𑒹𑒠𑒧𑒹 𑒣𑒬𑓂𑒔𑒰𑒞𑓂 𑒪𑒹𑒪 𑒣𑒬𑓂𑒔𑒰 (𑒁𑒟𑒩𑓂𑒫𑒫𑒹𑒠 𑓑𑓐.𑓔.𑓑𑓐) 𑒏𑒲 𑒮𑒱𑒠𑓂𑒡 𑒏𑒩𑒻𑒞 𑒁𑒕𑒱? 𑒑𑒼𑒣𑒟 𑒥𑓂𑒩𑒰𑒯𑓂𑒧𑒝𑒧𑒹 𑒣𑓂𑒩𑒞𑒱𑒮𑒢𑓂𑒡𑒰𑒨 𑒪𑒹𑒪 𑒣𑓂𑒩𑒞𑒱𑒮𑓀𑒯𑒰𑒨 𑒏𑒲 𑒮𑒱𑒠𑓂𑒠 𑒏𑒩𑒻𑒞 𑒁𑒕𑒱? (𑒑𑒼𑒣𑒟 𑒥𑓂𑒩𑒰𑒯𑓂𑒧𑒝 𑓒.𑓔)। 𑒂 𑒫𑒻𑒠𑒱𑒏 𑒏𑒰𑒪𑒧𑒹 𑒮𑓀𑒮𑓂𑒏𑒵𑒞𑒏𑒹𑒿 𑒮𑓀𑒮𑓂𑒏𑒵𑒞 𑒢𑒻 𑒦𑒰𑒭𑒰 𑒏𑒯𑒪 𑒖𑒰𑒃 𑒕𑒪। 𑒂 𑒖𑒏𑒩𑒰 𑒂𑒃 𑒣𑓂𑒩𑒰𑒏𑒵𑒞 𑒏𑒯𑒻 𑒕𑒱𑒌 𑒮𑒹 𑒣𑒰𑒪𑒱𑒏 𑒥𑒰𑒠 𑒍𑒃 𑒩𑒴𑒣𑒧𑒹 𑒥𑒳𑒗𑒪 𑒑𑒹𑒪 (𑒮𑒰𑒯𑒱𑒞𑓂𑒨 𑒪𑒹𑒐𑒢 𑒮𑒧𑓂𑒥𑒢𑓂𑒡𑒧𑒹)।
𑒦𑒩𑒞𑒏 𑒢𑒰𑒙𑓂𑒨𑒬𑒰𑒮𑓂𑒞𑓂𑒩𑒧𑒹 𑓗 𑒙𑒰 𑒂 𑒫𑒩𑒩𑒳𑒔𑒱 𑓔 𑒙𑒰 𑒣𑓂𑒩𑒰𑒏𑒵𑒞𑒏 𑒔𑒩𑓂𑒔𑒰 𑒏𑒩𑒻 𑒕𑒟𑒱।
𑒍𑒢𑒰 𑒞𑒿 𑒧𑒯𑒰𑒫𑒲𑒩𑒏 𑒫𑒔𑒢 𑒁𑒩𑓂𑒡-𑒧𑒰𑒑𑒡𑒲 𑒣𑓂𑒩𑒰𑒏𑒵𑒞 𑒂 𑒥𑒳𑒠𑓂𑒡𑒏 𑒫𑒔𑒢 𑒧𑒰𑒑𑒡𑒲-𑒣𑓂𑒩𑒰𑒏𑒵𑒞𑒧𑒹 𑒠𑒹𑒪 𑒑𑒹𑒪 𑒧𑒳𑒠𑒰 𑒄 𑒠𑒳𑒢𑒴 𑒧𑒴𑒪𑒞𑓁 𑒖𑒢𑒦𑒰𑒭𑒰 𑒩𑒯𑒋।
𑒧𑒳𑒠𑒰 𑒖𑒐𑒢 𑒫𑒱𑒦𑒱𑒢𑓂𑒢 𑒏𑓂𑒭𑒹𑒞𑓂𑒩𑒏 𑒪𑒼𑒏 𑒖𑒳𑒧𑒪𑒰𑒯 𑒞𑒿 𑒥𑒳𑒠𑓂𑒡 𑒮𑒦𑒏𑒹𑒿 𑒁𑒣𑒢 𑒏𑓂𑒭𑒹𑒞𑓂𑒩𑒏 𑒦𑒰𑒭𑒰𑒧𑒹 𑒥𑒳𑒠𑓂𑒡𑒫𑒔𑒢 𑒮𑒱𑒐𑒥𑒰 𑒪𑒹𑒪 𑒏𑒯𑒪𑒢𑓂𑒯𑒱: 𑒁𑒢𑒳𑒖𑒰𑒢𑒰𑒧𑒱 𑒦𑒱𑒏𑓂𑒐𑒫𑒹, 𑒮𑒏𑒰𑒨𑒢𑒱𑒩𑒳𑒞𑓂𑒞𑒱𑒨𑒰𑒥𑒳𑒠𑓂𑒡𑒫𑒔𑒢𑓀 𑒣𑒩𑒱𑒨𑒰𑒣𑒳𑒝𑒱𑒞𑓀- 𑒧𑒰𑒢𑒹 𑒦𑒱𑒏𑓂𑒭𑒳 𑒪𑒼𑒏𑒢𑒱, 𑒁𑒣𑒢-𑒁𑒣𑒢 𑒦𑒰𑒭𑒰𑒧𑒹 𑒥𑒳𑒠𑓂𑒡𑒫𑒔𑒢 𑒮𑒱𑒐𑒥𑒰𑒏 𑒁𑒢𑒳𑒧𑒞𑒱 𑒠𑒻 𑒕𑒲। 𑒂 𑒥𑒳𑒠𑓂𑒡𑒫𑒔𑒢𑒧𑒹 𑒣𑓂𑒩𑒡𑒰𑒢 𑒞𑒞𑓂𑒫 𑒖𑒢𑒦𑒰𑒭𑒰 𑒧𑒰𑒑𑒡𑒲𑒏 𑒩𑒯𑒪 𑒧𑒳𑒠𑒰 𑒂𑒢 𑒂𑒢 𑒦𑒰𑒭𑒰𑒏 𑒞𑒞𑓂𑒫 𑒮𑒹𑒯𑒼 𑒤𑒹𑓀𑒙𑒰𑒋𑒪; 𑒂 𑒮𑒹 𑒦𑒰𑒭𑒰 𑒣𑒰𑒪𑒱 𑒦𑓄 𑒑𑒹𑒪।
𑒣𑒰𑒪𑒱𑒧𑒹:
“𑒇”, “𑒪𑒵”, “𑒌”, “𑒎” 𑒂 “𑒁𑓁” 𑒢𑒻 𑒯𑒼𑒃𑒋 𑒂 “𑒁𑓀” 𑒮𑓂𑒫𑒩 𑒢𑒻 𑒫𑓂𑒨𑓀𑒖𑒢 𑒯𑒼𑒃𑒋।
𑒞𑒰𑒪𑒫𑓂𑒨 𑒬 𑒂 𑒧𑒴𑒩𑓂𑒡𑒢𑓂𑒨 𑒭 𑒮𑒹𑒯𑒼 𑒢𑒻 𑒯𑒼𑒃𑒋 𑒧𑒰𑒞𑓂𑒩 𑒠𑒢𑓂𑒞 𑒮 𑒯𑒼𑒃𑒋।
𑒮𑓀𑒮𑓂𑒏𑒵𑒞𑒏 “𑒝𑓃” 𑒫𑓂𑒨𑓀𑒖𑒢 𑒯𑒼𑒃𑒋।
𑒮𑓀𑒮𑓂𑒏𑒵𑒞𑒏 𑒮𑓀𑒨𑒳𑒏𑓂𑒞 𑒫𑓂𑒨𑓀𑒖𑒢 “𑒏𑓂𑒭”, “𑒞𑓂𑒩” 𑒂 “𑒖𑓂𑒘” 𑒢𑒻 𑒯𑒼𑒃𑒋।
“𑒇” 𑒥𑒠𑒪𑒱 𑒏𑓄 “𑒁”, “𑒃”, “𑒁,𑒃”, “𑒃,𑒅” 𑒦𑓄 𑒖𑒰𑒃𑒋। “𑒫𑒵” 𑒥𑒠𑒪𑒱 𑒏𑓄 “𑒩𑒳” 𑒦𑓄 𑒖𑒰𑒃𑒋।
“𑒪𑒵” 𑒥𑒠𑒪𑒱 𑒏𑓄 “𑒅”𑒦𑓄 𑒖𑒰𑒃𑒋।
“𑒌” 𑒥𑒠𑒪𑒱 𑒏𑓄 “𑒃” 𑒫𑒰 “𑒋” 𑒦𑓄 𑒖𑒰𑒃𑒋।
“𑒎” 𑒥𑒠𑒪𑒱 𑒏𑓄 “𑒅” 𑒂 “𑒍” 𑒦𑓄 𑒖𑒰𑒃𑒋।
𑒮𑓀𑒮𑓂𑒏𑒵𑒞𑒏 𑒯𑓂𑒩𑒮𑓂𑒫𑒏 𑒠𑒲𑒩𑓂𑒒 𑒦𑒹𑒢𑒰𑒃: 𑒮𑒱𑓀𑒯𑓁= 𑒮𑒲𑒯𑒼
𑒮𑓀𑒮𑓂𑒏𑒵𑒞𑒏 𑒠𑒲𑒩𑓂𑒒𑒏 𑒯𑓂𑒩𑒮𑓂𑒫 𑒦𑒹𑒢𑒰𑒃: 𑒧𑒳𑒢𑒲𑒢𑓂𑒠𑓂𑒩𑓁= 𑒧𑒳𑒢𑒱𑒢𑓂𑒠𑒼
𑒢𑒱𑒏𑒙𑒏𑒮𑓂𑒫𑒩: 𑒢𑒱𑒭𑒝𑓂𑒝𑓁= 𑒢𑒱𑒮𑒱𑒢𑓂𑒢𑒼
𑒥𑒪𑒰𑒒𑒰𑒞: 𑒧𑒡𑓂𑒨𑒧𑓁= 𑒧𑒖𑓂𑒗𑒱𑒧𑒼
𑒣𑓂𑒩𑒮𑒰𑒩: 𑒖𑒨𑒞𑒱=𑒖𑒹𑒞𑒱
𑒮𑓂𑒫𑒩𑒪𑒼𑒣: 𑒃𑒞𑒱= 𑒞𑒱
𑒣𑒰𑒪𑒱𑒧𑒹 𑒛 𑒂 𑒜 𑒮𑒹𑒯𑒼 𑒢𑒻 𑒯𑒼𑒃𑒞 𑒁𑒕𑒱। 𑒞𑒰𑒪𑒫𑓂𑒨 𑒬 𑒂 𑒧𑒴𑒩𑓂𑒡𑒢𑓂𑒨 𑒭 𑒪𑒹𑒪 “𑒮” 𑒫𑒰 “𑒕” 𑒣𑓂𑒩𑒨𑒳𑒏𑓂𑒞 𑒯𑒼𑒃𑒋; 𑒛 𑒪𑒹𑒪”𑒝𑓃” 𑒂 𑒜 𑒪𑒹𑒪 “𑒪𑓂𑒯” 𑒣𑓂𑒩𑒨𑒼𑒑 𑒯𑒼𑒃𑒋।
𑒏 𑒥𑒠𑒪𑒻𑒋 “𑒨” 𑒧𑒹: 𑒖𑒹𑒢𑒰 𑒪𑒾𑒏𑒱𑒏𑓁= 𑒪𑒼𑒏𑒱𑒨𑒼 𑒫𑒰 “𑒫” 𑒧𑒹 𑒖𑒹𑒢𑒰 𑒬𑒳𑒏𑓁= 𑒮𑒳𑒫𑒼
𑒂𑒑𑒰𑒿-𑒣𑒰𑒕𑒰𑒿 𑒮𑒹𑒯𑒼 𑒯𑒼𑒃𑒋: 𑒖𑒹𑒢𑒰 𑒧𑒬𑒏𑓁=𑒧𑒏𑒮𑒼𑓁, 𑒏𑒩𑒹𑒝𑒳𑓁=𑒏𑒝𑒹𑒩𑒳
𑒏𑒫𑒩𑓂𑒑 𑒔𑒫𑒩𑓂𑒑𑒧𑒹 𑒥𑒠𑒪𑒻𑒋: 𑒏𑒳𑒢𑓂𑒠𑓁=𑒔𑒳𑒢𑓂𑒠𑒼
𑒞𑒫𑒩𑓂𑒑 𑒙𑒫𑒩𑓂𑒑𑒧𑒹 𑒥𑒠𑒪𑒻𑒋: 𑒣𑓂𑒩𑒟𑒧𑓁=𑒣𑒚𑒧𑒼
“𑒐” 𑒅𑒭𑓂𑒧𑒲𑒏𑒵𑒞 𑒦𑓄 “𑒯”𑒧𑒹 𑒥𑒠𑒪𑒻𑒋: 𑒣𑓂𑒩𑒐𑒩𑓁= 𑒣𑒯𑒩𑒼
“𑒏” 𑒒𑒼𑒭𑒲𑒏𑒵𑒞 𑒦𑓄 “𑒑” 𑒦𑓄 𑒖𑒰𑒃𑒋: 𑒧𑒴𑒏𑓁=𑒧𑒴𑒑𑒼
“𑒑” 𑒁𑒒𑒼𑒭𑒲𑒏𑒵𑒞 𑒦𑓄 “𑒏” 𑒥𑒢𑒱 𑒖𑒰𑒃𑒋: 𑒞𑒛𑒰𑒑𑒧𑓂 = 𑒞𑒝𑓃𑒰𑒏𑓀
“𑒗” 𑒁𑒪𑓂𑒣𑒣𑓂𑒩𑒰𑒝𑒲𑒏𑒵𑒞 𑒦𑓄“𑒖” 𑒥𑒢𑒱 𑒖𑒰𑒃𑒋: 𑒗𑒪𑓂𑒪𑒱𑒏𑒰 = 𑒖𑒪𑓂𑒪𑒱𑒏𑒰
“𑒣” 𑒧𑒯𑒰𑒣𑓂𑒩𑒰𑒝𑒲𑒏𑒵𑒞 𑒦𑓄 “𑒤” 𑒥𑒢𑒱 𑒖𑒰𑒃𑒋: 𑒣𑒩𑒬𑓂𑓁= 𑒤𑒩𑒮𑒳
𑒫𑓂𑒨𑒘𑓂𑒖𑒢𑒏 𑒪𑒼𑒣 𑒮𑒹𑒯𑒼 𑒯𑒼𑒃𑒋: 𑒣𑒫𑒱𑒮𑒱𑒭𑓂𑒨𑒰𑒧𑒱= 𑒣𑒫𑒱𑒮𑓂𑒮𑒰𑒧𑒱
𑒠𑒳𑒩𑓂𑒥𑒪 𑒮𑓀𑒨𑒳𑒏𑓂𑒞 𑒫𑓂𑒨𑓀𑒖𑒢𑒏 𑒪𑒼𑒣: 𑒏𑓂𑒭𑒞𑓂𑒩𑒱𑒨𑓁= 𑒐𑒞𑓂𑒞𑒱𑒨𑒼
𑒡𑓂𑒫𑒖𑓁= 𑒡𑒖𑒼
𑒂𑒥 𑒮𑒩𑒪𑒞𑒰𑒏 𑒮𑓀𑒡𑒰𑒢 𑒠𑒹𑒐𑒼” 𑒑𑒩𑓂𑒯𑒰= 𑒑𑒩𑒯𑒰; 𑒩𑒞𑓂𑒢𑒧𑓂 = 𑒩𑒞𑒢𑓀
𑒣𑒰𑒪𑒱𑒧𑒹 𑒞𑒲𑒢𑒙𑒰 𑒮𑒢𑓂𑒡𑒱 𑒁𑒕𑒱: 𑒮𑓂𑒫𑒩, 𑒫𑓂𑒨𑓀𑒖𑒢 𑒂 𑒁𑒢𑒳𑒮𑓂𑒫𑒰𑒩 (𑒢𑒱𑒑𑓂𑒑𑒯𑒲𑒞) 𑒮𑒢𑓂𑒡𑒱।
𑒮𑓂𑒫𑒩 𑒮𑒢𑓂𑒡𑒱: 𑒮𑓂𑒫𑒩𑒏 𑒥𑒰𑒠 𑒮𑓂𑒫𑒩𑒧𑒹 𑒣𑒴𑒩𑓂𑒫𑒫𑒩𑓂𑒞𑒲/ 𑒣𑒩𑒫𑒩𑓂𑒞𑒲 𑒮𑓂𑒫𑒩𑒏 𑒪𑒼𑒣 𑒫𑒰 𑒏𑒏𑒩𑒼 𑒪𑒼𑒣 𑒢𑒻 𑒯𑒼𑒃𑒞 𑒁𑒕𑒱।
𑒫𑓂𑒨𑓀𑒖𑒢 𑒮𑒢𑓂𑒡𑒱: 𑒯𑓂𑒩𑒮𑓂𑒫 𑒫𑒰 𑒠𑒲𑒩𑓂𑒒 𑒮𑓂𑒫𑒩𑒏 𑒥𑒰𑒠 𑒫𑓂𑒨𑓀𑒖𑒢 𑒋𑒪𑒰𑒣𑒩 𑒍 𑒮𑓂𑒫𑒩𑒏𑓂𑒩𑒧𑒮𑒿 𑒠𑒲𑒩𑓂𑒒 𑒂 𑒯𑓂𑒩𑒮𑓂𑒫 𑒦𑓄 𑒖𑒰𑒃𑒋।
𑒢𑒱𑒑𑓂𑒑𑒯𑒲𑒞 𑒮𑒢𑓂𑒡𑒱: 𑒁𑒢𑒳𑒮𑓂𑒫𑒰𑒩 (𑒢𑒱𑒑𑓂𑒑𑒯𑒹𑒞)𑒏 𑒏𑒞𑒾 𑒂𑒑𑒧𑒢 𑒞𑒿 𑒏𑒞𑒾 𑒪𑒼𑒣 𑒦𑓄 𑒖𑒰𑒃𑒋। 𑒖𑒹𑒢𑒰- 𑒞+𑒐𑒝𑒹= 𑒞𑓀𑒐𑒝𑒹 ;𑒂 𑒮𑓀+𑒩𑒰𑒑𑒼= 𑒮𑒰𑒩𑒰𑒑𑒼
𑒣𑒰𑒪𑒱𑒧𑒹 𑒠𑒳𑒃𑒨𑒹𑒙𑒰 𑒫𑒔𑒢 𑒯𑒼𑒃𑒞 𑒁𑒕𑒱- 𑒋𑒏𑒫𑒔𑒢 𑒂 𑒥𑒯𑒳𑒫𑒔𑒢; 𑒂 𑒮𑒰𑒞 𑒙𑒰 𑒫𑒱𑒦𑒏𑓂𑒞𑒱: 𑒣𑒚𑒧𑒰, 𑒠𑒳𑒞𑒱𑒨𑒰, 𑒞𑒞𑒱𑒨𑒰, 𑒔𑒞𑒳𑒞𑓂𑒟𑒲,𑒣𑒘𑓂𑒔𑒧𑒲, 𑒕𑒙𑓂𑒚𑒲, 𑒮𑒞𑓂𑒞𑒧𑒲, 𑒂𑒪𑒣𑒢। 𑓕𑓐𑓐 𑒮𑒿 𑓘𑓐𑓐 𑒡𑒩𑒱 𑒡𑒰𑒞𑒳 𑒢𑒾 𑒑𑒝𑒧𑒹 𑒂𑒚 𑒪𑒏𑒰𑒩 (𑒂𑒬𑒲𑒩𑓂𑒪𑒱𑒓 𑒂 𑒪𑒳𑒙𑓂 𑒪𑒏𑒰𑒩 𑒢𑒻 𑒯𑒼𑒃𑒞 𑒁𑒕𑒱) 𑒯𑒼𑒃𑒞 𑒁𑒕𑒱।
𑒣𑒰𑒪𑒱𑒧𑒹 𑒮𑒧𑒰𑒮 𑒮𑓀𑒮𑓂𑒏𑒵𑒞 𑒮𑒢 𑒯𑒼𑒃𑒞 𑒁𑒕𑒱।
𑒣𑓂𑒩𑒰𑒏𑒵𑒞𑒧𑒹:
𑒍𑒢𑒰 𑒧𑒴𑒪 𑒥𑒰𑒞 𑒨𑒋𑒯 𑒁𑒕𑒱 𑒖𑒹 𑒮𑒦 𑒣𑓂𑒩𑒰𑒏𑒵𑒞 𑒬𑒥𑓂𑒠𑒏 𑒮𑓀𑒮𑓂𑒏𑒵𑒞 𑒩𑒴𑒣 𑒢𑒻 𑒁𑒕𑒱।
𑒮𑒰𑒯𑒱𑒞𑓂𑒨𑒱𑒏 𑒣𑓂𑒩𑒰𑒏𑒵𑒞𑒏 𑒏𑒋𑒏 𑒣𑓂𑒩𑒏𑒰𑒩 𑒯𑒼𑒃𑒞 𑒁𑒕𑒱।
𑒣𑒻𑒬𑒰𑒔𑒲 𑒣𑓂𑒩𑒰𑒏𑒵𑒞𑒧𑒹 “𑒙” 𑒪𑒹𑒪 “𑒞” 𑒂 “𑒪” 𑒪𑒹𑒪”𑒝𑓃”
𑒁𑒩𑓂𑒡𑒧𑒰𑒑𑒡𑒲 𑒣𑓂𑒩𑒰𑒏𑒵𑒞𑒧𑒹 𑒧𑒡𑓂𑒨𑒏 𑒮𑓂𑒫𑒞𑓀𑒞𑓂𑒩 “𑒏” 𑒥𑒠𑒪𑒱 𑒖𑒰𑒃𑒋 “𑒑”, “𑒞” 𑒫𑒰 “𑒨” 𑒧𑒹। 𑒠𑒴 𑒙𑒰 𑒮𑓂𑒫𑒩𑒏 𑒥𑒲𑒔 “𑒣” 𑒥𑒠𑒪𑒱 𑒖𑒰𑒃𑒋 “𑒫” 𑒧𑒹।
𑒬𑒾𑒩𑒮𑒹𑒢𑒲 𑒣𑓂𑒩𑒰𑒏𑒵𑒞𑒧𑒹 𑒠𑒴 𑒙𑒰 𑒮𑓂𑒫𑒩𑒏 𑒥𑒲𑒔𑒏 𑒮𑓂𑒫𑒞𑓀𑒞𑓂𑒩 “𑒞” 𑒥𑒠𑒪𑒱 𑒖𑒰𑒃𑒋 “𑒠” 𑒧𑒹 𑒂 “𑒟” 𑒥𑒠𑒪𑒱 𑒖𑒰𑒃𑒋 “𑒯” 𑒫𑒰 𑒡” 𑒧𑒹।
𑒧𑒰𑒑𑒡𑒲 𑒣𑓂𑒩𑒰𑒏𑒵𑒞𑒧𑒹 “𑒩” 𑒏 𑒮𑓂𑒟𑒰𑒢𑒣𑒩 “𑒪”, “𑒨” 𑒏𑒹𑒩 𑒮𑓂𑒟𑒰𑒢𑒣𑒩 “𑒨𑓂𑒨” 𑒫𑒰 “𑒖𑓂𑒖”, “𑒮” 𑒂 “𑒭” 𑒏 𑒮𑓂𑒟𑒰𑒢𑒣𑒩 “𑒬” 𑒏 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱।
𑒣𑓂𑒩𑒰𑒏𑒵𑒞 𑒧𑒹 𑒯𑓂𑒩𑒮𑓂𑒫 𑒂 𑒠𑒲𑒩𑓂𑒒 “𑒇”, “𑒪𑒵”, “𑒌” 𑒂 “𑒎” 𑒢𑒻 𑒯𑒼𑒃𑒞 𑒁𑒕𑒱। 𑒢 𑒏𑒹𑒩 𑒥𑒠𑒪𑒰 “𑒝” 𑒯𑒼𑒃𑒞 𑒁𑒕𑒱।
𑒇 𑒥𑒠𑒪𑒱 𑒖𑒰𑒃𑒋: 𑒁, 𑒂, 𑒄, 𑒅, 𑒩𑒱
𑒪𑒵 𑒥𑒠𑒪𑒱 𑒖𑒰𑒃𑒋: 𑒃𑒪𑒱
𑒌 𑒥𑒠𑒪𑒱 𑒖𑒰𑒃𑒋: 𑒋
𑒎 𑒥𑒠𑒪𑒱 𑒖𑒰𑒃𑒋: 𑒅
𑒠𑒴 𑒮𑓂𑒫𑒩𑒏 𑒥𑒲𑒔 𑒏, 𑒑, 𑒔, 𑒖, 𑒞, 𑒠, 𑒨, 𑒫 𑒏𑒹𑒩 𑒪𑒼𑒣 𑒯𑒼𑒃𑒞 𑒁𑒕𑒱 𑒖𑒹𑒢𑒰: 𑒪𑒼𑒏=𑒪𑒼𑒁, 𑒪𑒰𑒫𑒝𑓂𑒨= 𑒪𑒰𑒁𑒝𑓂𑒝
𑒐 𑒣𑒩𑒱𑒫𑒩𑓂𑒞𑒱𑒞 𑒦𑓄 𑒖𑒰𑒃𑒋 𑒯 𑒧𑒹: 𑒬𑒰𑒐𑒰= 𑒬𑒰𑒯𑒰
𑒣𑓂𑒩𑒰𑒩𑒧𑓂𑒦𑒏 𑒨 𑒦𑓄 𑒖𑒰𑒃𑒋 𑒖, 𑒖𑒹𑒢𑒰: 𑒨𑒧=𑒖𑒧
𑒬 𑒂 𑒭 𑒦𑓄 𑒖𑒰𑒃𑒋 𑒮; 𑒏𑓂𑒭 𑒦𑓄 𑒖𑒰𑒃𑒋 𑒐 𑒫𑒰 𑒕 𑒫𑒰 𑒗; 𑒖𑓂𑒘 𑒦𑓄 𑒖𑒰𑒃𑒋 𑒝; 𑒞𑓂𑒫 𑒦𑓄 𑒖𑒰𑒃𑒋 𑒔; 𑒟𑓂𑒫 𑒦𑓄 𑒖𑒰𑒃𑒋 𑒕, 𑒠𑓂𑒫 𑒦𑓄 𑒖𑒰𑒃𑒋 𑒖; 𑒡𑓂𑒫 𑒦𑓄 𑒖𑒰𑒃𑒋 𑒗।
𑒮𑒢𑓂𑒡𑒱 𑒮𑓀𑒮𑓂𑒏𑒵𑒞 𑒮𑒢 𑒁𑒕𑒱। 𑒫𑒔𑒢 𑒠𑒴- 𑒋𑒏𑒫𑒔𑒢 𑒂 𑒥𑒯𑒳𑒫𑒔𑒢, 𑒫𑒱𑒦𑒏𑓂𑒞𑒱 𑒮𑒰𑒞। 𑒮𑓀𑒮𑓂𑒏𑒵𑒞 𑒖𑒹𑒏𑒰𑒿 𑒡𑒰𑒞𑒳 𑒠𑒮 𑒑𑒝 𑒧𑒹 𑒩𑒯𑒻𑒞 𑒁𑒕𑒱, 𑒞𑒳𑒠𑒰𑒠𑒱𑒑𑒝𑒏 𑒩𑒴𑒣𑒏 𑒪𑒼𑒣 𑒦𑓄 𑒖𑒰𑒃𑒞 𑒁𑒕𑒱 । 𑒦𑒴𑒞 𑒂 𑒦𑒫𑒱𑒭𑓂𑒨 𑒧𑒹 𑒋𑒏𑓂𑒏𑒹-𑒋𑒏𑓂𑒏𑒹 𑒙𑒰 𑒩𑒴𑒣 𑒯𑒼𑒃𑒞 𑒁𑒕𑒱।
𑒣𑓂𑒩𑒰𑒏𑒵𑒞𑒧𑒹 𑒮𑒧𑒰𑒮 𑒮𑓀𑒮𑓂𑒏𑒵𑒞 𑒮𑒢 𑒯𑒼𑒃𑒞 𑒁𑒕𑒱।
𑓓. 𑒁𑒫𑒯𑒙𑓂𑒙
𑒁𑒣𑒦𑓂𑒩𑓀𑒬 𑒖𑒐𑒢 𑒮𑒧𑒰𑒣𑒢𑒣𑒩 𑒕𑒪 𑒞𑒐𑒢 𑒧𑒼𑒙𑒰𑒧𑒼𑒙𑒲 𑒋𑒑𑒰𑒩𑒯𑒧𑒮𑒿 𑒔𑒾𑒠𑒯𑒧 𑒬𑒞𑒰𑒥𑓂𑒠𑒲 𑒡𑒩𑒱 “𑒁𑒫𑒯𑒙𑓂𑒚” 𑒮𑒰𑒯𑒱𑒞𑓂𑒨𑒱𑒏 𑒦𑒰𑒭𑒰𑒏 𑒩𑒴𑒣𑒧𑒹 𑒅𑒣𑒮𑓂𑒟𑒱𑒞 𑒩𑒯𑒪। 𑒧𑒻𑒟𑒱𑒪𑒲𑒮𑒿 𑒋𑒏𑒩 𑒢𑒱𑒏𑒙𑒞𑒰𑒏 𑒏𑒰𑒩𑒝 𑒋𑒏𑒩𑒰 “𑒧𑒻𑒟𑒱𑒪 𑒁𑒣𑒦𑓂𑒩𑓀𑒬” 𑒮𑒹𑒯𑒼 𑒏𑒯𑒪 𑒑𑒹𑒪 𑒂 𑒄 𑒁𑒣𑒦𑓂𑒩𑓀𑒬𑒏 𑒣𑓂𑒩𑒏𑒰𑒩𑒏 𑒩𑒴𑒣𑒧𑒹 𑒮𑒹𑒯𑒼 𑒧𑒩𑓂𑒨𑒰𑒠𑒱𑒞 𑒩𑒯𑒪।
𑒫𑒱𑒠𑓂𑒨𑒰𑒣𑒞𑒱𑒏 𑒮𑓂𑒫𑒨𑓀 𑒏𑒲𑒩𑓂𑒞𑒱𑒪𑒞𑒰 𑒂 𑒏𑒲𑒩𑓂𑒞𑒱𑒣𑒞𑒰𑒏𑒰𑒏 𑒦𑒰𑒭𑒰𑒏𑒹𑒿 𑒁𑒫𑒯𑒙𑓂𑒚 𑒏𑒯𑒻 𑒕𑒟𑒱 𑒧𑒳𑒠𑒰 𑒞𑒰𑒯𑒴𑒮𑒿 𑒣𑒴𑒩𑓂𑒫 𑒋𑒯𑒱 𑒬𑒥𑓂𑒠𑒏 𑒣𑓂𑒩𑒨𑒼𑒑 𑒦𑒰𑒭𑒰𑒏 𑒮𑒢𑓂𑒠𑒩𑓂𑒦𑒧𑒹 𑒣𑒯𑒩𑒰𑒖 𑒏𑒹𑒢𑒹 𑒕𑒟𑒱 “𑒣𑒰𑒅𑒁𑒏𑒼𑒮”𑒧𑒹। 𑒁𑒠𑓂𑒠𑒯𑒧𑒰𑒝 𑒁𑒣𑒢 𑒏𑒵𑒞𑒱 𑒮𑓀𑒠𑒹𑒬𑒩𑒰𑒮𑒏𑒧𑒹 𑒂 𑒫𑓀𑒬𑒲𑒡𑒩 𑒣𑓂𑒩𑒰𑒏𑒵𑒞 𑒣𑓀𑒑𑒪𑒧𑓂 𑒏 𑒙𑒲𑒏𑒰𑒧𑒹 𑒁𑒫𑒯𑒙𑓂𑒚𑒏 𑒦𑒰𑒭𑒰𑒏 𑒩𑒴𑒣𑒧𑒹 𑒅𑒪𑒲𑒐 𑒏𑒋𑒢𑒹 𑒕𑒟𑒱। 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒫𑒩𑓂𑒝𑒩𑒞𑓂𑒢𑒰𑒏𑒩𑒧𑒹 𑒪𑒱𑒐𑒻 𑒕𑒟𑒱- “𑒣𑒳𑒢𑒳 𑒏𑒃𑒮𑒢 𑒦𑒰𑒙- 𑒮𑓀𑒮𑓂𑒏𑒵𑒞, 𑒣𑒩𑒰𑒏𑒵𑒞, 𑒁𑒥𑒯𑒚, 𑒣𑒻𑒬𑒰𑒔𑒲, 𑒮𑒾𑒩𑒮𑒹𑒢𑒲, 𑒧𑒰𑒑𑒡𑒲 𑒕𑒯𑒳 𑒦𑒰𑒭𑒰𑒏 𑒞𑒞𑓂𑒫𑒖𑓂𑒘”। 𑒁𑒣𑒦𑓂𑒩𑓀𑒬 𑒣𑒩𑒫𑒩𑓂𑒞𑒲 𑒏𑒰𑒪𑒧𑒹 𑒣𑒴𑒩𑓂𑒫𑒲 𑒦𑒰𑒩𑒞𑒧𑒹 𑒁𑒫𑒯𑒙𑓂𑒚𑒏 𑒩𑒴𑒣 𑒪𑒹𑒪𑒏। 𑒧𑒻𑒟𑒱𑒪𑒲𑒏 𑒫𑒱𑒬𑒹𑒭𑒞𑒰 𑒖𑒰𑒯𑒱𑒧𑒹 𑒋𑒏𑒩 𑒮𑒦 𑒬𑒥𑓂𑒠𑒏 𑒮𑓂𑒫𑒩𑒰𑓀𑒞 𑒯𑒼𑒋𑒥, 𑒏𑓂𑒩𑒱𑒨𑒰𑒩𑒼𑒣𑒰𑒏 𑒖𑒙𑒱𑒪 𑒯𑒼𑒋𑒥 (𑒧𑒳𑒠𑒰 𑒞𑒰𑒯𑒱𑒧𑒹 𑒪𑒻𑓀𑒑𑒱𑒏 𑒦𑒹𑒠 𑒢𑒯𑒱 𑒯𑒼𑒋𑒥), 𑒮𑒩𑓂𑒫𑒢𑒰𑒧𑒏 𑒮𑒧𑓂𑒥𑒢𑓂𑒡 𑒏𑒰𑒩𑒏 𑒩𑒴𑒣 𑒂𑒠𑒱𑒏 𑒩𑒴𑒣𑒩𑒹𑒐𑒰 𑒁𑒫𑒯𑒙𑓂𑒚𑒧𑒹 𑒠𑒵𑒭𑓂𑒙𑒱𑒑𑒼𑒔𑒩 𑒯𑒼𑒋𑒥 𑒬𑒳𑒩𑒴 𑒦𑓄 𑒑𑒹𑒪 𑒕𑒪। 𑒐𑒰𑒮 𑒏𑓄 𑒫𑒱𑒠𑓂𑒨𑒰𑒣𑒞𑒱𑒏 𑒁𑒫𑒯𑒙𑓂𑒚𑒧𑒹 𑒧𑒻𑒟𑒱𑒪𑒲 𑒫𑒩𑓂𑒞𑒢𑒲𑒏 𑒃𑒏𑒰𑒩, 𑒍𑒏𑒰𑒩, 𑒂 𑒁𑒢𑒳𑒢𑒰𑒮𑒱𑒏𑒏 𑒥𑒠𑒪𑒰𑒧𑒹 “𑒏𑒔𑒙𑒞𑒣”𑒫𑒩𑓂𑒑𑒏 𑒣𑒰𑒿𑒔𑒧 𑒁𑒢𑒳𑒢𑒰𑒮𑒱𑒏 𑒫𑒩𑓂𑒝𑒏 𑒣𑓂𑒩𑒨𑒼𑒑 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒁𑒕𑒱 𑒧𑒳𑒠𑒰 𑒯𑒳𑒢𑒏𑒩 𑒁𑒫𑒯𑒙𑓂𑒚 𑒦𑒰𑒭𑒰𑒧𑒹 𑒏𑒐𑒢𑒼 𑒏𑒰𑒪 𑒥𑒳𑒗𑒰𑒃𑒞 𑒁𑒕𑒱 𑒖𑒹 𑒄 𑒦𑒰𑒭𑒰 𑒐𑒰𑒿𑒙𑒲 𑒧𑒻𑒟𑒱𑒪𑒲 𑒁𑒕𑒱 𑒞𑒿 𑒏𑒐𑒢𑒼 𑒋𑒯𑒱𑒧𑒹 𑒣𑓂𑒩𑒰𑒏𑒵𑒞, 𑒤𑒰𑒩𑒮𑒲, 𑒑𑒳𑒖𑒩𑒰𑒞𑒲-𑒮𑒾𑒩𑒰𑒭𑓂𑒙𑓂𑒩𑒲 𑒁𑒫𑒡𑒲 𑒂 𑒏𑒼𑒬𑒪𑒲 𑒦𑒰𑒭𑒰𑒏 𑒬𑒥𑓂𑒠𑒰𑒫𑒪𑒲𑒏 𑒥𑒹𑒬𑒲 𑒣𑓂𑒩𑒨𑒼𑒑 𑒦𑒹𑒙𑒻𑒞 𑒁𑒕𑒱। 𑒂 𑒮𑒻𑒯 𑒏𑒰𑒩𑒝 𑒩𑒯𑒪 𑒯𑒼𑒋𑒞 𑒖𑒹 𑒯𑒳𑒢𑒏𑒩 𑒁𑒫𑒯𑒙𑓂𑒚 𑒮𑒩𑓂𑒫𑒠𑒹𑒬𑒲𑒨 (𑒩𑒰𑒖𑒬𑒹𑒐𑒩 𑒏𑒯𑒻 𑒕𑒟𑒱 “𑒫𑒱𑒬𑓂𑒫-𑒏𑒳𑒞𑒳𑒯𑒪𑒲”) 𑒥𑒢𑒱 𑒮𑒏𑒪। 𑒋𑒏𑒩 𑒠𑒴𑒙𑒰 𑒠𑒹𑒫𑒢𑒰𑒑𑒩𑒲 𑒣𑒰𑒝𑓂𑒛𑒳𑒪𑒱𑒣𑒱 𑒠𑒴 𑒚𑒰𑒧𑒮𑒿- 𑒑𑒳𑒖𑒩𑒰𑒞𑒏 𑒮𑓂𑒞𑒧𑓂𑒦𑒞𑒲𑒩𑓂𑒟𑒧𑒹 𑒂 𑒅𑒞𑓂𑒞𑒩 𑒣𑓂𑒩𑒠𑒹𑒬𑒏 𑒤𑒞𑒹𑒯𑒣𑒳𑒩 𑒖𑒱𑒪𑒰𑒏 𑒁𑒮𑒢𑒲 𑒑𑒰𑒧𑒧𑒹 𑒦𑒹𑒙𑒪 𑒂 𑒋𑒏𑒙𑒰 𑒧𑒱𑒟𑒱𑒪𑒰𑒏𑓂𑒭𑒩𑒏 𑒣𑒰𑒝𑓂𑒛𑒳𑒪𑒱𑒣𑒱 𑒢𑒹𑒣𑒰𑒪𑒮𑒿 𑒦𑒹𑒙𑒪। 𑒌𑒞𑒱𑒯𑒰𑒮𑒱𑒏 𑒂𑒡𑒰𑒩𑒣𑒩 𑒦𑒰𑒭𑒰𑒏 𑒣𑒰𑒩𑒱𑒫𑒰𑒩𑒱𑒏 𑒫𑒩𑓂𑒑𑒲𑒏𑒩𑒝𑒧𑒹 𑒁𑒫𑒯𑒙𑓂𑒚 (𑒁𑒫𑒯𑒙𑓂𑒚) 𑒏𑒹𑒿 “𑒧𑒻𑒟𑒱𑒪 𑒁𑒣𑒦𑓂𑒩𑓀𑒬” 𑒞𑒰𑒯𑒱 𑒏𑒰𑒩𑒝𑒮𑒿 𑒏𑒯𑒪 𑒖𑒰𑒃𑒞 𑒁𑒕𑒱 𑒂 𑒧𑒰𑒑𑒡𑒲 𑒣𑓂𑒩𑒰𑒏𑒵𑒞𑒮𑒿 𑒮𑒹𑒯𑒼 𑒋𑒏𑒩 𑒫𑒱𑒏𑒰𑒮 𑒠𑒵𑒭𑓂𑒙𑒱𑒑𑒼𑒔𑒩 𑒯𑒼𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒏 𑒮𑓂𑒟𑒰𑒢 𑒧𑒼𑒙𑒰-𑒧𑒼𑒙𑒲 𑒮𑓀𑒮𑓂𑒏𑒵𑒞, 𑒣𑒰𑒪𑒲, 𑒣𑓂𑒩𑒰𑒏𑒵𑒞, 𑒁𑒣𑒦𑓂𑒩𑓀𑒬 𑒂 𑒁𑒫𑒯𑒙𑓂𑒚𑒏 𑒌𑒞𑒱𑒯𑒰𑒮𑒱𑒏 𑒏𑓂𑒩𑒧𑒧𑒹 𑒁𑒥𑒻𑒞 𑒁𑒕𑒱। 𑒁𑒫𑒯𑒙𑓂𑒚 𑒧𑒻𑒟𑒱𑒪𑒲𑒮𑒿 𑒪𑒑 𑒩𑒯𑒱𑒞𑒼 𑒬𑒾𑒩𑒮𑒹𑒢𑒲 𑒣𑓂𑒩𑒰𑒏𑒵𑒞-𑒁𑒣𑒦𑓂𑒩𑓀𑒬𑒮𑒿 𑒮𑒹𑒯𑒼 𑒪𑒑 𑒁𑒕𑒱, 𑒧𑒳𑒠𑒰 𑒠𑒹𑒬𑒲 𑒬𑒥𑓂𑒠𑒏 𑒣𑓂𑒩𑒨𑒼𑒑𑒮𑒿 𑒋𑒯𑒱𑒧𑒹 𑒁𑒣𑒦𑓂𑒩𑓀𑒬𑒮𑒿 𑒥𑒯𑒳𑒞 𑒩𑒰𑒮 𑒫𑓂𑒨𑒰𑒏𑒩𑒝𑒱𑒏 𑒣𑒩𑒱𑒫𑒩𑓂𑒞𑒢 𑒠𑒹𑒐𑒰 𑒣𑒛𑓃𑒻𑒞 𑒁𑒕𑒱। 𑒫𑒱𑒠𑓂𑒨𑒰𑒣𑒞𑒱𑒏 “𑒏𑒲𑒩𑓂𑒞𑒱𑒪𑒞𑒰” 𑒁𑒫𑒯𑒙𑓂𑒚𑒧𑒹 𑒁𑒕𑒱, 𑒧𑒳𑒠𑒰 “𑒔𑒩𑓂𑒨𑒰 𑒑𑒲𑒞” 𑒂 “𑒫𑒩𑓂𑒝 𑒩𑒞𑓂𑒢𑒰𑒏𑒩” 𑒏𑒲𑒩𑓂𑒞𑒱𑒪𑒞𑒰𑒮𑒿 𑒣𑒴𑒩𑓂𑒫𑒫𑒩𑓂𑒞𑒲 𑒯𑒼𑒋𑒥𑒰𑒏 𑒥𑒰𑒠𑒼 𑒣𑒳𑒩𑒰𑒢 𑒧𑒻𑒟𑒱𑒪𑒲 𑒁𑒕𑒱 𑒂 𑒁𑒫𑒯𑒙𑓂𑒚𑒮𑒿 𑒮𑒹𑒯𑒼 𑒪𑒑 𑒁𑒕𑒱। 𑒠𑒰𑒧𑒼𑒠𑒩 𑒣𑓀𑒛𑒱𑒞𑒏 “𑒅𑒏𑓂𑒞𑒱 𑒫𑓂𑒨𑒏𑓂𑒞𑒱 𑒣𑓂𑒩𑒏𑒩𑒝” 𑒮𑒹𑒯𑒼 𑒏𑒲𑒩𑓂𑒞𑒱𑒪𑒞𑒰𑒮𑒿 𑒣𑒴𑒩𑓂𑒫𑒫𑒩𑓂𑒞𑒲 𑒁𑒕𑒱 𑒧𑒳𑒠𑒰 𑒣𑒳𑒩𑒰𑒢 𑒁𑒫𑒡𑒲 𑒂 𑒣𑒳𑒩𑒰𑒢 𑒏𑒼𑒬𑒪𑒲𑒏 𑒣𑓂𑒩𑒞𑒱𑒧𑒰𑒢 𑒣𑓂𑒩𑒮𑓂𑒞𑒳𑒞 𑒏𑒩𑒻𑒞 𑒁𑒕𑒱 𑒂 𑒁𑒫𑒯𑒙𑓂𑒚𑒮𑒿 𑒪𑒑 𑒁𑒕𑒱। 𑒮𑓀𑒑𑒹 𑒄𑒯𑒼 𑒮𑒞𑓂𑒨 𑒖𑒹 𑒏𑒲𑒩𑓂𑒞𑒱𑒪𑒞𑒰 𑒂 𑒏𑒲𑒩𑓂𑒞𑒱𑒣𑒞𑒰𑒏𑒰𑒧𑒹 𑒫𑒱𑒠𑓂𑒨𑒰𑒣𑒞𑒱 𑒁𑒫𑒯𑒙𑓂𑒚𑒏 𑒏𑒞𑒹𑒏𑒼 𑒣𑓂𑒩𑒏𑒰𑒩𑒮𑒿 𑒣𑓂𑒩𑒨𑒼𑒑 𑒏𑒩𑒻 𑒕𑒟𑒱। 𑒣𑒯𑒱𑒢𑒹 𑒞𑒿 𑒄 𑒁𑒣𑒦𑓂𑒩𑓀𑒬𑒏 𑒣𑒩𑓂𑒨𑒰𑒨𑒏 𑒩𑒴𑒣𑒧𑒹 𑒣𑓂𑒩𑒨𑒳𑒏𑓂𑒞 𑒯𑒼𑒃𑒞 𑒕𑒪 𑒧𑒳𑒠𑒰 𑒖𑒹𑒢𑒰 𑒖𑒹𑒢𑒰 𑒁𑒣𑒦𑓂𑒩𑓀𑒬𑒏 𑒫𑒱𑒬𑒹𑒭𑒞𑒰𑒏𑒹𑒿 𑒄 𑒕𑒼𑒛𑓃𑒻𑒞 𑒑𑒹𑒪 𑒂 𑒂𑒡𑒳𑒢𑒱𑒏 𑒦𑒰𑒩𑒞𑒲𑒨 𑒦𑒰𑒭𑒰𑒏 𑒫𑓂𑒨𑒰𑒏𑒩𑒝𑒱𑒏 𑒫𑒱𑒬𑒹𑒭𑒞𑒰𑒏, 𑒐𑒰𑒮 𑒏𑓄 𑒧𑒻𑒟𑒱𑒪𑒲𑒏 𑒫𑓂𑒨𑒰𑒏𑒩𑒝𑒱𑒏 𑒫𑒱𑒬𑒹𑒭𑒞𑒰𑒏 𑒂𑒡𑒰𑒩 𑒥𑒢𑓄 𑒪𑒰𑒑𑒪 𑒞𑒐𑒢 𑒄 𑒁𑒣𑒦𑓂𑒩𑓀𑒬𑒮𑒿 𑒣𑒵𑒟𑒏𑓂 𑒁𑒫𑒯𑒙𑓂𑒚𑒏 𑒩𑒴𑒣 𑒪𑒹𑒪𑒏। 𑒋𑒏𑒩 𑒣𑓂𑒩𑒧𑒳𑒐 𑒫𑓂𑒨𑒰𑒏𑒩𑒝𑒱𑒏 𑒫𑒱𑒬𑒹𑒭𑒞𑒰 𑒁𑒕𑒱- 𑒮𑓂𑒫𑒩 𑒮𑓀𑒨𑒼𑒑, 𑒏𑓂𑒭𑒞𑒱𑒣𑒴𑒩𑓂𑒞𑒱𑒏 𑒪𑒹𑒪 𑒠𑒲𑒩𑓂𑒒𑒲𑒏𑒩𑒝, 𑒫𑓂𑒨𑓀𑒖𑒢𑒏 𑒁𑒣𑒢 𑒐𑒰𑒮 𑒫𑒱𑒬𑒹𑒭𑒞𑒰, 𑒩𑒴𑒣𑒏 𑒫𑒱𑒔𑒰𑒩 ( 𑒪𑒱𑓀𑒑-𑒫𑒔𑒢), 𑒢𑒱𑒩𑓂𑒫𑒱𑒦𑒏𑓂𑒞𑒱𑒏 𑒣𑓂𑒩𑒨𑒼𑒑, 𑒏𑒰𑒩𑒏-𑒣𑒩𑒮𑒩𑓂𑒑, 𑒏𑒰𑒩𑒏 𑒫𑒱𑒦𑒏𑓂𑒞𑒱, 𑒮𑒩𑓂𑒫𑒢𑒰𑒧, 𑒫𑒱𑒬𑒹𑒭𑒝, 𑒮𑒰𑒩𑓂𑒫𑒢𑒰𑒧𑒱𑒏 𑒫𑒱𑒬𑒹𑒭𑒝, 𑒏𑓂𑒩𑒱𑒨𑒰, 𑒏𑒵𑒠𑒢𑓂𑒞, 𑒂𑒖𑓂𑒘𑒰𑒩𑓂𑒟𑒏, 𑒣𑒴𑒩𑓂𑒫𑒏𑒰𑒪𑒱𑒏, 𑒮𑓀𑒨𑒳𑒏𑓂𑒞 𑒏𑓂𑒩𑒱𑒨𑒰, 𑒏𑓂𑒩𑒱𑒨𑒰 𑒫𑒱𑒬𑒹𑒭𑒝, 𑒬𑒥𑓂𑒠𑒰𑒫𑒪𑒲𑒏 𑒫𑒱𑒬𑒹𑒭𑒞𑒰, 𑒣𑒴𑒩𑓂𑒫 𑒮𑓂𑒫𑒩𑒣𑒩 𑒮𑓂𑒫𑒩𑒰𑒒𑒰𑒞, 𑒮𑓂𑒫𑒩 𑒮𑒰𑒢𑒳𑒢𑒰𑒮𑒱𑒏𑒞𑒰𑒧𑒹 𑒣𑒩𑒱𑒫𑒩𑓂𑒞𑒢, 𑒁𑒏𑒰𑒩𑒝 𑒮𑒰𑒢𑒳𑒢𑒰𑒮𑒱𑒏𑒞𑒰𑒏 𑒣𑓂𑒩𑒫𑒵𑒞𑓂𑒞𑒱, 𑒋𑒏 𑒮𑓀𑒑 𑒁𑒢𑒹𑒏 𑒮𑓂𑒫𑒩𑒏 𑒣𑓂𑒩𑒨𑒼𑒑, 𑒁𑒏𑓂𑒭𑒩 𑒪𑒼𑒣, 𑒣𑒩𑒮𑒩𑓂𑒑𑒏 𑒮𑓂𑒟𑒰𑒢𑒣𑒩 𑒧𑒴𑒪 𑒬𑒥𑓂𑒠, 𑒮𑒩𑓂𑒫𑒢𑒰𑒧𑒏 𑒣𑓂𑒩𑒔𑒳𑒩𑒞𑒰, 𑒏𑓂𑒩𑒱𑒨𑒰𑒣𑒠𑒏 𑒫𑒱𑒏𑒰𑒮 𑒂 𑒫𑒰𑒏𑓂𑒨 𑒩𑒔𑒢𑒰।
𑒁𑒫𑒯𑒙𑓂𑒚 𑒦𑒰𑒭𑒰𑒧𑒹 𑒖𑒻𑒢 𑒡𑒩𑓂𑒧𑒮𑒿 𑒮𑒧𑓂𑒥𑒢𑓂𑒡𑒱𑒞 𑒩𑒔𑒢𑒰 𑒜𑒹𑒩 𑒩𑒰𑒮 𑒁𑒕𑒱 𑒂 𑒍𑒯𑒱𑒧𑒹 𑒬𑒾𑒩𑒮𑒹𑒢𑒲𑒏 𑒣𑓂𑒩𑒦𑒰𑒫 𑒁𑒕𑒱।𑒁𑒫𑒯𑒙𑓂𑒚𑒏 𑒧𑒳𑒐𑓂𑒨 𑒏𑓂𑒭𑒹𑒞𑓂𑒩 𑒕𑒪 𑒧𑒰𑒢𑓂𑒨𑒐𑒹𑒞, 𑒑𑒳𑒖𑒩𑒰𑒞, 𑒥𑓀𑒑𑒰𑒪 𑒂 𑒧𑒱𑒟𑒱𑒪𑒰। 𑒖𑒻𑒢 𑒡𑒩𑓂𑒧𑒮𑒿 𑒮𑒧𑓂𑒥𑒢𑓂𑒡𑒱𑒞 𑒪𑒼𑒏 𑒧𑒳𑒐𑓂𑒨 𑒩𑒴𑒣𑒮𑒿 𑒧𑒰𑒢𑓂𑒨𑒐𑒹𑒞𑒧𑒹 𑒩𑒯𑒟𑒱। “𑒫𑒖𑓂𑒖𑒰𑒪𑒑𑓂𑒑” 𑒬𑓂𑒫𑒹𑒞𑒰𑒧𑓂𑒥𑒩 𑒧𑒳𑒢𑒱 𑒖𑒨𑒫𑒪𑓂𑒪𑒦 𑒠𑓂𑒫𑒰𑒩𑒰 𑒮𑓀𑒏𑒪𑒱𑒞 𑒮𑒳𑒦𑒰𑒭𑒱𑒞𑒏 𑒮𑓀𑒑𑓂𑒩𑒯 𑒕𑒟𑒱𑒖𑒰𑒯𑒱𑒧𑒹 𑒁𑒫𑒯𑒙𑓂𑒚𑒏 𑒣𑓂𑒩𑒦𑒰𑒫 𑒠𑒵𑒭𑓂𑒙𑒱𑒑𑒼𑒔𑒩 𑒯𑒼𑒃𑒞 𑒁𑒕𑒱।𑒬𑒰𑒪𑒱𑒦𑒠𑓂𑒩 𑒮𑒴𑒩𑒲𑒏 “𑒦𑒩𑒞𑒹𑒬𑓂𑒫𑒩 𑒥𑒰𑒯𑒳𑒫𑒪𑒲 𑒩𑒰𑒮”, 𑒋𑒏𑒙𑒰 𑒠𑒼𑒮𑒩 𑒬𑒰𑒪𑒱𑒦𑒠𑓂𑒩 𑒮𑒴𑒩𑒲𑒏 “𑒣𑓀𑒔 𑒣𑒰𑒝𑓂𑒛𑒫 𑒔𑒩𑒱𑒞”, 𑒮𑓂𑒟𑒴𑒪𑒱𑒦𑒠𑓂𑒩 𑒩𑒰𑒮, 𑒖𑒨𑒬𑒹𑒐𑒩 𑒮𑒴𑒩𑒲𑒏 “𑒢𑒹𑒧𑒱𑒢𑒰𑒟 𑒤𑒰𑒑𑒳”, 𑒮𑒏𑒪𑒏𑒲𑒩𑓂𑒞𑒱𑒏 “𑒮𑒼𑒪𑒯 𑒏𑒰𑒩𑒝 𑒩𑒰𑒮”𑒏 𑒁𑒞𑒱𑒩𑒱𑒏𑓂𑒞 𑒧𑒾𑒐𑒱𑒏 𑒏𑒰𑒫𑓂𑒨 𑒖𑒹𑒢𑒰 𑒥𑒻𑒠𑓂𑒡 𑒮𑒱𑒠𑓂𑒡 𑒮𑒰𑒯𑒱𑒞𑓂𑒨, 𑒛𑒰𑒏, 𑒡𑒩𑓂𑒧𑒧𑓀𑒑𑒪 𑒏𑒰𑒫𑓂𑒨, 𑒬𑒴𑒢𑓂𑒨𑒣𑒳𑒩𑒰𑒝, 𑒧𑒰𑒝𑒱𑒏𑒔𑒢𑓂𑒠𑓂𑒩 𑒩𑒰𑒖𑒰𑒩 𑒑𑒰𑒢, 𑒪𑒼𑒩𑒱𑒏𑒰𑒃𑒢 𑒖𑒢𑒏 𑒧𑒡𑓂𑒨 𑒂𑒋𑒪। 𑒁𑒫𑒯𑒙𑓂𑒚𑒏 𑒥𑒰𑒠 𑒥𑓂𑒩𑒖𑒥𑒳𑒪𑒲 𑒠𑓂𑒫𑒰𑒩𑒰 𑒩𑒰𑒨 𑒩𑒧𑒰𑒢𑒢𑓂𑒠, 𑒬𑓀𑒏𑒩𑒠𑒹𑒫 𑒂 𑒔𑒻𑒞𑒢𑓂𑒨𑒠𑒫 𑒪𑒼𑒏𑒦𑒰𑒭𑒰𑒏 𑒧𑒰𑒡𑓂𑒨𑒧𑒮𑒿 𑒖𑒢 𑒡𑒩𑒱 𑒣𑒯𑒳𑒿𑒔𑒪𑒰𑒯। 𑒁𑒫𑒯𑒙𑓂𑒚𑒏 𑒣𑓂𑒩𑒦𑒰𑒫 𑒥𑓂𑒩𑒖𑒥𑒳𑒪𑒲 𑒂 𑒧𑒻𑒟𑒱𑒪𑒲𑒣𑒩 𑒣𑒛𑓃𑒪। 𑒠𑓂𑒫𑒰𑒩𑒰 𑒥𑒰𑒩𑒯𑒧 𑒬𑒞𑒰𑒥𑓂𑒠𑒲𑒏 𑒛𑒰𑒏𑒰𑒩𑓂𑒝𑒫 𑒢𑒹𑒣𑒰𑒪𑒧𑒹 𑒩𑒔𑒱𑒞 𑒁𑒕𑒱 𑒖𑒏𑒩 𑒪𑒱𑒣𑒱 𑒧𑒱𑒟𑒱𑒪𑒰𑒏𑓂𑒭𑒩 𑒂 𑒦𑒰𑒭𑒰 𑒁𑒫𑒯𑒙𑓂𑒚 𑒁𑒕𑒱। 𑒧𑒱𑒟𑒱𑒪𑒰𑒧𑒹 𑒏𑒩𑓂𑒝𑒰𑒙 𑒂 𑒍𑒃𑒢𑒫𑒰𑒩 𑒩𑒰𑒖𑒫𑓀𑒬𑒏 𑒏𑒰𑒪𑒧𑒹 𑒁𑒫𑒯𑒙𑓂𑒚𑒧𑒹 𑒩𑒔𑒢𑒰 𑒏𑒋𑒪 𑒑𑒹𑒪।𑒮𑒱𑒠𑓂𑒡 𑒮𑒰𑒯𑒱𑒞𑓂𑒨, 𑒥𑒾𑒠𑓂𑒡𑒏 𑒠𑒼𑒯𑒰𑒏𑒼𑒬-𑒔𑒩𑓂𑒨𑒰𑒑𑒲𑒞 𑒂 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒫𑒩𑓂𑒝𑒩𑒞𑓂𑒢𑒰𑒏𑒩𑒧𑒹 𑒁𑒫𑒯𑒙𑓂𑒚𑒏 𑒣𑓂𑒩𑒨𑒼𑒑 𑒣𑓂𑒩𑒰𑒩𑒧𑓂𑒦 𑒦𑓄 𑒑𑒹𑒪 𑒕𑒪। 𑒧𑒳𑒢𑒱𑒩𑒰𑒧 𑒮𑒱𑓀𑒯𑒏 𑒣𑒰𑒯𑒳𑒛 𑒠𑒼𑒯𑒰 𑒂 𑒥𑒾𑒠𑓂𑒡 𑒡𑒩𑓂𑒧𑒏 𑒫𑒖𑓂𑒩𑒨𑒰𑒢𑒏 𑒑𑓂𑒩𑒢𑓂𑒟𑒧𑒹 𑒮𑒹𑒯𑒼 𑒁𑒫𑒯𑒙𑓂𑒚𑒏 𑒩𑒴𑒣 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒁𑒕𑒱। 𑒠𑒰𑒧𑒼𑒠𑒩 𑒣𑓀𑒛𑒱𑒞𑒏 𑒅𑒏𑓂𑒞𑒱𑒫𑓂𑒨𑒏𑓂𑒞𑒱𑒣𑓂𑒩𑒏𑒩𑒝 𑒁𑒫𑒯𑒙𑓂𑒚𑒧𑒹 𑒩𑒔𑒱𑒞 𑒁𑒕𑒱, 𑒄 𑒮𑓀𑒮𑓂𑒏𑒵𑒞 𑒮𑒱𑒐𑒹𑒥𑒰𑒏 𑒑𑓂𑒩𑒢𑓂𑒟 𑒁𑒕𑒱। 𑒥𑒰𑒩𑒯𑒧 𑒬𑒞𑒰𑒥𑓂𑒠𑒲𑒏 𑒣𑒴𑒩𑓂𑒫𑒰𑒩𑓂𑒡𑒧𑒹 𑒅𑒠𑓂𑒠𑒯𑒦𑒰𑒝 “𑒮𑓀𑒠𑒹𑒬 𑒩𑒰𑒮𑒨”𑒏 𑒩𑒔𑒢𑒰 𑒏𑒋𑒪𑒢𑓂𑒯𑒱, 𑒩𑒔𑒨𑒱𑒞𑒰 𑒮𑓂𑒫𑒨𑓀 𑒋𑒯𑒱 𑒑𑓂𑒩𑒢𑓂𑒟𑒏 𑒦𑒰𑒭𑒰𑒏𑒹𑒿 𑒁𑒫𑒯𑒙𑓂𑒚 𑒏𑒯𑒻 𑒕𑒟𑒱। 𑒣𑓂𑒩𑒰𑒏𑒵𑒞𑓂 𑒣𑒻𑓀𑒑𑒪𑒧𑓂 -𑒖𑒹 𑒕𑒢𑓂𑒠𑒬𑒰𑒮𑓂𑒞𑓂𑒩𑒏 𑒮𑓀𑒏𑒪𑒢 𑒁𑒕𑒱 𑒂 𑒖𑒏𑒩 𑒮𑓀𑒏𑒪𑒢𑒏𑒩𑓂𑒞𑒰𑒏 𑒢𑒰𑒧 𑒁𑒖𑓂𑒘𑒰𑒞 𑒁𑒕𑒱- 𑒏 𑒙𑒲𑒏𑒰𑒏𑒰𑒩 𑒮𑒹𑒯𑒼 𑒋𑒯𑒱 𑒑𑓂𑒩𑒢𑓂𑒟𑒏 𑒦𑒰𑒭𑒰𑒏𑒹𑒿 𑒁𑒫𑒯𑒙𑓂𑒚 𑒏𑒯𑒱 𑒮𑒧𑓂𑒥𑒼𑒡𑒱𑒞 𑒏𑒋𑒢𑒹 𑒕𑒟𑒱। 𑒫𑒱𑒠𑓂𑒨𑒰𑒣𑒞𑒱𑒏 𑒏𑒲𑒩𑓂𑒞𑒱𑒪𑒞𑒰 𑒂 𑒏𑒲𑒩𑓂𑒞𑒱𑒣𑒞𑒰𑒏𑒰 𑒮𑒹𑒯𑒼 𑒁𑒫𑒯𑒙𑓂𑒚𑒧𑒹 𑒩𑒔𑒱𑒞 𑒦𑒹𑒪।
𑒁𑒫𑒯𑒙𑓂𑒚𑒏 𑒁𑒣𑒦𑓂𑒩𑓀𑒬𑒮𑒿 𑒫𑓂𑒨𑒰𑒏𑒩𑒝𑒱𑒏 𑒦𑒱𑒢𑓂𑒢𑒞𑒰 𑒂 𑒧𑒻𑒟𑒱𑒪𑒲𑒮𑒿 𑒮𑒢𑓂𑒢𑒱𑒏𑒙𑒞𑒰: 𑒠𑒲𑒩𑓂𑒒 𑒧𑒱𑒬𑓂𑒩 𑒮𑓂𑒫𑒩 𑒁𑒕𑒱- 𑒋 𑒌 𑒍 𑒎; 𑒣𑒰𑒝𑒱𑒢𑒱𑒮𑒿 𑒣𑒴𑒩𑓂𑒫𑒏 𑒂𑒔𑒰𑒩𑓂𑒨 𑒋𑒏𑒩𑒰 𑒮𑒢𑓂𑒡𑓂𑒨𑒏𑓂𑒭𑒩 𑒏𑒯𑒻𑒞 𑒕𑒪𑒰𑒯। 𑒮𑓀𑒮𑓂𑒏𑒵𑒞𑒏 𑒌, 𑒎 𑒏𑓂𑒩𑒧𑒮𑒿 𑒁𑒃, 𑒁𑒅 𑒡𑓂𑒫𑒢𑒱 𑒥𑒢𑒱 𑒑𑒹𑒪 𑒂 𑒍𑒯𑒱𑒮𑒿 𑒏𑒱𑒕𑒳 𑒂𑒩 𑒮𑓂𑒫𑒩 𑒥𑒯𑒰𑒩 𑒦𑒹𑒪। 𑒮𑓀𑒮𑓂𑒏𑒵𑒞𑒏 𑒥𑒰𑒠𑒥𑒪𑒰 𑒦𑒰𑒭𑒰 𑒐𑒰𑒮 𑒏𑓄 𑒧𑒡𑓂𑒨𑒏𑒰𑒪𑒱𑒏 𑒦𑒰𑒭𑒰𑒧𑒹 𑒪𑒑𑒰𑒞𑒰𑒩 𑒠𑒴 𑒫𑒰 𑒞𑒲𑒢 𑒮𑓂𑒫𑒩𑒏 𑒣𑓂𑒩𑒨𑒼𑒑𑒮𑒿 𑒡𑓂𑒫𑒢𑒱 𑒂 𑒪𑒹𑒐𑒢 𑒠𑒳𑒢𑒴𑒧𑒹 𑒫𑒱𑒔𑒱𑒞𑓂𑒩𑒞𑒰 𑒂𑒋𑒪। 𑒂𑒡𑒳𑒢𑒱𑒏 𑒦𑒰𑒭𑒰𑒏 𑒪𑒹𑒪 𑒂𑒫𑒬𑓂𑒨𑒏 𑒕𑒪 𑒖𑒹 𑒣𑒳𑒢𑓁 𑒫𑓂𑒨𑓀𑒖𑒢𑒏 𑒥𑒹𑒬𑒲 𑒣𑓂𑒩𑒨𑒼𑒑 𑒏𑓄, 𑒞𑒞𑓂𑒮𑒧𑒏 𑒥𑒹𑒬𑒲 𑒣𑓂𑒩𑒨𑒼𑒑 𑒏𑓄 𑒣𑒴𑒩𑓂𑒫𑒮𑓂𑒟𑒱𑒞𑒱 𑒂𑒢𑒪 𑒖𑒰𑒋, 𑒖𑒰𑒯𑒱𑒮𑒿 𑒅𑒔𑓂𑒔𑒰𑒩𑒝 𑒂 𑒪𑒹𑒐𑒢 𑒮𑒩𑒪 𑒦𑓄 𑒮𑒏𑒋। 𑒏𑓂𑒩𑒱𑒨𑒰𑒏 𑒁𑒢𑓂𑒞𑒧𑒹 𑒂 𑒂𑒢 𑒣𑒠𑒏 𑒮𑒦 𑒮𑓂𑒟𑒰𑒢𑒧𑒹 𑒮𑓂𑒫𑒩𑒏𑒹𑒿 𑒮𑓀𑒨𑒳𑒏𑓂𑒞 𑒏𑒩𑒥 𑒣𑓂𑒩𑒰𑒩𑒧𑓂𑒦 𑒦𑒹𑒪। 𑒋𑒯𑒱𑒧𑒹 “𑒌” 𑒂 “𑒎” 𑒁𑒫𑒯𑒙𑓂𑒚𑒏 𑒫𑒱𑒬𑒹𑒭𑒰𑒞𑒰 𑒩𑒴𑒣𑒧𑒹 𑒣𑒩𑒱𑒑𑒝𑒱𑒞 𑒦𑒹𑒪। 𑒖𑒹𑒢𑒰 𑒙𑒳𑒙𑓂𑒙𑒻=𑒙𑒴𑒙𑒻, 𑒑𑒳𑒝𑓂𑒝𑒃=𑒑𑒳𑒝𑒻, 𑒣𑒃=𑒣𑒻, 𑒩𑒯𑒃=𑒩𑒯𑒻, 𑒏𑒩𑒅=𑒏𑒩𑒾, 𑒔𑒁𑒅𑒩=𑒔𑒾𑒩𑒰, 𑒠𑒳𑒝𑓂𑒝𑒅=𑒠𑒴𑒝𑒾, 𑒞𑒅=𑒞𑒾, 𑒂𑒁𑒅=𑒂𑒎।
𑒇 𑒋𑒯𑒱 𑒞𑒲𑒢 𑒩𑒴𑒣𑒧𑒹 𑒡𑓂𑒫𑒢𑒱𑒞 𑒯𑒼𑒧𑒋 𑒪𑒰𑒑𑒪। 𑒩𑓂+𑒁, 𑒩𑓂+𑒃 , 𑒩𑓂+𑒅 𑒂 𑒧𑒡𑓂𑒨 𑒩𑒴𑒣 𑒧𑒰𑒢𑒹 𑒩𑒱 (𑒩𑓂+𑒃) 𑒋𑒯𑒱 𑒩𑒴𑒣𑒧𑒹 𑒮𑓂𑒟𑒱𑒩 𑒯𑒼𑒧𑒋 𑒪𑒰𑒑𑒪। 𑒖𑒹𑒢𑒰 𑒁𑒧𑒵𑒞= 𑒁𑒧𑒱𑒁 𑒋𑒯𑒱𑒧𑒹 𑒧𑒵=𑒧𑒱 𑒦𑓄 𑒑𑒹𑒪 𑒁𑒕𑒱।
𑒮𑓂𑒫𑒩𑒧𑒹 𑒏𑒱𑒕𑒳 𑒂𑒩 𑒣𑒩𑒱𑒫𑒩𑓂𑒞𑒢 𑒦𑒹𑒪। 𑒬𑒥𑓂𑒠 𑒣𑓂𑒩𑒰𑒩𑒧𑓂𑒦𑒏 𑒮𑓂𑒫𑒩𑒏 𑒠𑒲𑒩𑓂𑒒 𑒯𑒼𑒋𑒥 𑒮𑓂𑒫𑒰𑒦𑒰𑒫𑒱𑒏 𑒪𑒑𑒻𑒞 𑒁𑒕𑒱, 𑒖𑒹𑒢𑒰 𑒂𑒿𑒔𑒪=𑒂𑒿𑒔𑒩। 𑒮𑓂𑒞𑓂𑒩𑒲𑒪𑒱𑓀𑒑𑒧𑒹 𑒁𑒢𑓂𑒞𑒱𑒧 𑒂 𑒪𑒳𑒣𑓂𑒞 𑒯𑒼𑒧𑒋 𑒪𑒰𑒑𑒪 𑒖𑒹𑒢𑒰 𑒦𑒱𑒏𑓂𑒭𑒰=𑒦𑒲𑒐। 𑒮𑓂𑒫𑒩𑒏 𑒥𑒯𑒳𑒪𑒞𑒰𑒥𑒪𑒰 𑒬𑒥𑓂𑒠𑒧𑒹 𑒮𑒢𑓂𑒡𑒱 𑒂 𑒪𑒳𑒣𑓂𑒞𑒲𑒏𑒩𑒝 𑒥𑒜𑓃𑒪, 𑒖𑒹𑒢𑒰 𑒡𑒩𑒱𑒞𑓂𑒩𑒲=𑒡𑒩𑒞𑒲, 𑒅𑒣𑒂𑒮=𑒅𑒣𑒰𑒮।
𑒁𑒣𑒦𑓂𑒩𑓀𑒬𑒏 𑒁𑓀𑒡𑒂𑒩=𑒁𑓀𑒡𑒰𑒩 (𑒮𑓀𑒡𑒱) 𑒥𑒢𑒱 𑒑𑒹𑒪।
𑒏𑒖𑓂𑒖=𑒏𑒰𑒖 𑒥𑒢𑒱 𑒑𑒹𑒪 (𑒠𑒲𑒩𑓂𑒒)
𑒁𑓀𑒔𑒪=𑒂𑒿𑒔𑒩 (𑒁𑒢𑒳𑒢𑒰𑒮𑒱𑒏)
𑒫𑓂𑒨𑓀𑒖𑒢 𑒍𑒯𑒱𑒢𑒰 𑒩𑒯𑒪 𑒧𑒳𑒠𑒰 𑒝 𑒏𑒧 𑒂 𑒘 𑒥𑒹𑒬𑒲 𑒣𑓂𑒩𑒨𑒼𑒑𑒧𑒹 𑒂𑒥𑒋 𑒪𑒰𑒑𑒪 𑒂 𑒛𑓃, 𑒜𑓃 𑒄 𑒠𑒳𑒢𑒴 𑒢𑒫 𑒫𑓂𑒨𑓀𑒖𑒢 𑒂𑒋𑒪। 𑒏𑓂𑒭=𑒏𑓂+𑒭 𑒥𑒠𑒪𑒱 𑒏𑓄 𑒭𑓂𑒐 𑒯𑒼𑒧𑒋 𑒪𑒰𑒑𑒪। 𑒢 𑒂 𑒪 𑒧𑒹 𑒮𑒹𑒯𑒼 𑒣𑒩𑓂𑒨𑒰𑒨 𑒥𑒢𑒪 𑒖𑒹𑒢𑒰 𑒢𑒯𑒱𑒁=𑒪𑒯𑒱𑒁 𑒂𑒃 𑒏𑒰𑒪𑓂𑒯𑒱 𑒮𑒹𑒯𑒼 𑒧𑒻𑒟𑒱𑒪𑒲𑒧𑒹 𑒪𑒼𑒩 𑒂 𑒢𑒼𑒩 𑒠𑒳𑒢𑒴 𑒥𑒰𑒖𑒪 𑒖𑒰𑒃𑒞 𑒁𑒕𑒱।
𑒅 𑒮𑒿 𑒁𑒢𑓂𑒞 𑒯𑒼𑒧𑒋𑒥𑒪𑒰 𑒮𑓀𑒖𑓂𑒘𑒰 𑒩𑒯𑒪 𑒧𑒳𑒠𑒰 𑒁, 𑒂, 𑒃, 𑒄, 𑒆, 𑒌 ,𑒍 𑒮𑒹𑒯𑒼 𑒮𑓀𑒖𑓂𑒘𑒰𑒏 𑒁𑒢𑓂𑒞𑒧𑒹 𑒂𑒥𑒋 𑒪𑒰𑒑𑒪। 𑒢𑓂𑒯𑒱 𑒁𑒢𑓂𑒞𑒱𑒧𑒧𑒹 𑒪𑒑𑒰 𑒏𑓄 𑒥𑒯𑒳𑒫𑒔𑒢 𑒥𑒢𑒹𑒥𑒰𑒏 𑒣𑓂𑒩𑒫𑒵𑒞𑓂𑒞𑒱 𑒥𑒜𑓃𑒪, 𑒖𑒹𑒢𑒰 𑒨𑒳𑒫𑒩𑒰𑒖𑒢𑓂𑒯𑒱। 𑒠𑓂𑒫𑒱𑒫𑒔𑒢 𑒐𑒞𑒧 𑒦𑓄 𑒑𑒹𑒪 𑒂 𑒞𑒏𑒩 𑒥𑒠𑒪𑒰 𑒥𑒯𑒳𑒫𑒔𑒢𑒏 𑒣𑓂𑒩𑒨𑒼𑒑 𑒦𑒹𑒪 𑒂 𑒞𑒰𑒯𑒱 𑒪𑒹𑒪 𑒮𑒫𑓂𑒫𑒅𑓀 (𑒮𑒦)𑒏 𑒣𑓂𑒩𑒨𑒼𑒑 𑒣𑓂𑒩𑒰𑒩𑒧𑓂𑒦 𑒦𑒹𑒪।
𑒪𑒱𑓀𑒑𑒮𑒿 𑒫𑒱𑒬𑒹𑒭𑒝𑒏 𑒩𑒴𑒣 𑒣𑒩𑒱𑒫𑒩𑓂𑒞𑒢 𑒂 𑒪𑒳𑒣𑓂𑒞𑒫𑒱𑒦𑒏𑓂𑒞𑒱-𑒢𑒱𑒩𑓂𑒫𑒱𑒦𑒏𑓂𑒞𑒱𑒏 𑒣𑓂𑒩𑒨𑒼𑒑 𑒥𑒹𑒬𑒲 𑒯𑒼𑒧𑒋 𑒪𑒰𑒑𑒪। 𑒫𑒱𑒬𑒹𑒭𑒝𑒏 𑒩𑒴𑒣 𑒣𑒩𑒱𑒫𑒩𑓂𑒞𑒱𑒞 𑒦𑒹𑒪। 𑒖𑒹𑒢𑒰 𑒁𑒃𑒮, 𑒋𑒞𑓂𑒞𑒹, 𑒏𑒞𑒯𑒳, 𑒣𑒯𑒱𑒪, 𑒔𑒰𑒩𑒳।
𑒏𑒰𑒩𑒏𑒏 𑒫𑒱𑒦𑒏𑓂𑒞𑒱𑒏 𑒮𑓀𑒑 𑒮𑒢, 𑒮𑒅𑓀, 𑒏, 𑒧𑒰𑒗, 𑒏𑒹𑒩, 𑒪𑒰𑒑𑒱 𑒂𑒠𑒱𑒏 𑒣𑓂𑒩𑒨𑒼𑒑 𑒯𑒼𑒧𑒋 𑒪𑒰𑒑𑒪।
𑒣𑒬𑓂𑒔𑒱𑒧𑒲 𑒁𑒫𑒯𑒙𑓂𑒚𑒧𑒹 𑒫𑒱𑒦𑒏𑓂𑒞𑒱𑒏 𑒣𑓂𑒩𑒨𑒼𑒑 𑒒𑒙𑒪 𑒧𑒳𑒠𑒰 𑒣𑒴𑒩𑓂𑒫𑒲 𑒁𑒫𑒯𑒙𑓂𑒚𑒧𑒹 𑒋, 𑒯𑒱 𑒫𑒱𑒦𑒏𑓂𑒞𑒱𑒮𑒿 𑒜𑒹𑒩 𑒩𑒰𑒮 𑒏𑒰𑒖 𑒪𑒹𑒪 𑒑𑒹𑒪।
𑒮𑒩𑓂𑒫𑒢𑒰𑒧 𑒏𑒩𑓂𑒞𑒰 𑒪𑒹𑒪 𑒯𑒾, 𑒞𑒼𑒘, 𑒮𑒼 𑒂 𑒮𑓀𑒥𑓀𑒡 𑒪𑒹𑒪 𑒧𑒼𑒘, 𑒞𑒳𑒧𑓂𑒯, 𑒞𑒱𑒮𑒳 𑒣𑓂𑒩𑒨𑒳𑒏𑓂𑒞 𑒯𑒼𑒧𑒋 𑒪𑒰𑒑𑒪।
𑒏𑓂𑒩𑒱𑒨𑒰𑒧𑒹 𑒏𑒩𑒅𑒿, 𑒏𑒩𑒮𑒱, 𑒏𑒩𑒟𑒱 𑒣𑓂𑒩𑒨𑒳𑒏𑓂𑒞 𑒯𑒼𑒧𑒋 𑒪𑒰𑒑𑒪। 𑒏𑒵𑒠𑒢𑓂𑒞 𑒩𑒴𑒣𑒧𑒹 𑒣𑒜𑓃𑒢𑓂𑒞𑒰, 𑒔𑒪𑒳, 𑒅𑒣𑒖𑒳, 𑒑𑒹𑒪, 𑒦𑒹𑒪, 𑒏𑒯𑒪, 𑒧𑒰𑒩𑒪, 𑒔𑒪𑒪, 𑒏𑒩𑒯𑒳𑓀, 𑒏𑒯𑒮𑒱, 𑒖𑒰𑒯𑒱, 𑒣𑒰𑒫𑒟𑒱 𑒣𑓂𑒩𑒨𑒳𑒏𑓂𑒞 𑒯𑒼𑒧𑒋 𑒪𑒰𑒑𑒪।
𑒮𑓀𑒨𑒳𑒏𑓂𑒞 𑒏𑒰𑒪 𑒖𑒹𑒢𑒰 𑒂𑒫𑒞𑓂𑒞 𑒯𑒳𑒁 𑒣𑓂𑒩𑒨𑒳𑒏𑓂𑒞 𑒯𑒼𑒧𑒋 𑒪𑒰𑒑𑒪।
𑒦𑒫𑒱𑒭𑓂𑒨𑒞𑓂 𑒏𑒰𑒪𑒏 𑒣𑒴𑒩𑓂𑒫𑒲 𑒩𑒴𑒣𑒧𑒹 𑒫 𑒪𑒑𑒻𑒞 𑒕𑒪 𑒂 𑒣𑒕𑒥𑒩𑒱𑒨𑒰 𑒩𑒴𑒣𑒧𑒹 𑒯 𑒪𑒑𑒻𑒞 𑒕𑒪।
𑒏𑓂𑒩𑒱𑒨𑒰𑒫𑒱𑒬𑒹𑒭𑒝𑒧𑒹 𑒖𑒢𑒳, 𑒢𑒯𑒳,𑒥𑒱𑒢𑒳 𑒁𑒥𑒮 𑒣𑓂𑒩𑒨𑒳𑒏𑓂𑒞 𑒯𑒼𑒧𑒋 𑒪𑒰𑒑𑒪।
𑒣𑒴𑒩𑓂𑒫 𑒮𑓂𑒫𑒩𑒣𑒩 𑒮𑓂𑒫𑒩𑒰𑒒𑒰𑒞, 𑒖𑒹𑒢𑒰: 𑒁𑒏𑓂𑒐𑒩= 𑒂𑒐𑒩।
𑒮𑒩𑓂𑒫𑒢𑒰𑒧𑒏 𑒮𑓀𑒐𑓂𑒨𑒰𑒧𑒹 𑒫𑒵𑒠𑓂𑒡𑒱 𑒦𑒹𑒪।
𑒏𑓂𑒩𑒱𑒨𑒰𑒣𑒠𑒧𑒹 𑒫𑒱𑒏𑒰𑒮𑒏 𑒤𑒪𑒮𑓂𑒫𑒩𑒴𑒣 𑒏𑒵𑒠𑒢𑓂𑒞𑒏 𑒣𑓂𑒩𑒨𑒼𑒑 𑒫𑒩𑓂𑒞𑒧𑒰𑒢𑒏𑒰𑒪𑒧𑒹 𑒥𑒹𑒬𑒲 𑒯𑒼𑒧𑒋 𑒪𑒰𑒑𑒪।
𑒂𑒥 𑒫𑒰𑒏𑓂𑒨𑒧𑒹 𑒬𑒥𑓂𑒠𑒏 𑒮𑓂𑒟𑒰𑒢𑒏 𑒢𑒱𑒩𑓂𑒡𑒰𑒩𑒝 𑒂𑒫𑒬𑓂𑒨𑒏 𑒦𑓄 𑒑𑒹𑒪। 𑒧𑒼𑒙𑒰𑒧𑒼𑒙𑒲 𑒏𑒩𑓂𑒞𑒰, 𑒏𑒩𑓂𑒧 𑒂 𑒂𑒐𑒱𑒩𑒲𑒧𑒹 𑒏𑓂𑒩𑒱𑒨𑒰 𑒩𑒰𑒐𑒪 𑒖𑒰𑒋 𑒪𑒰𑒑𑒪।
𑒮𑓀𑒨𑒳𑒏𑓂𑒞 𑒏𑒰𑒪𑒏 𑒣𑓂𑒩𑒨𑒼𑒑 𑒮𑒹𑒯𑒼 𑒂𑒩𑒧𑓂𑒦 𑒦𑒹𑒪।
𑒬𑒥𑓂𑒠𑒏 𑒣𑒯𑒱𑒪 𑒁𑒏𑓂𑒭𑒩𑒏 𑒮𑓂𑒫𑒩𑒏 𑒠𑒲𑒩𑓂𑒒 𑒯𑒼𑒋𑒥𑒰𑒏 𑒣𑓂𑒩𑒫𑒵𑒞𑓂𑒞𑒱 𑒁𑒫𑒯𑒙𑓂𑒚𑒧𑒹 𑒥𑒹𑒬𑒲 𑒁𑒕𑒱, 𑒮𑓂𑒞𑓂𑒩𑒲𑒪𑒱𑓀𑒑 𑒬𑒥𑓂𑒠𑒧𑒹 𑒬𑒥𑓂𑒠𑒏 𑒁𑒢𑓂𑒞𑒱𑒧 𑒁𑒏𑓂𑒭𑒩𑒏 𑒂 𑒪𑒳𑒣𑓂𑒞 𑒯𑒼𑒧𑒋 𑒪𑒰𑒑𑒪। 𑒁𑒢𑒳𑒢𑒰𑒮𑒱𑒏 𑒬𑒥𑓂𑒠𑒏 𑒮𑓀𑒐𑓂𑒨𑒰𑒧𑒹 𑒫𑒵𑒠𑓂𑒡𑒱 𑒦𑒹𑒪। 𑒮𑓀𑒖𑓂𑒘𑒰𑒏 𑒪𑓀𑒑 𑒂 𑒫𑒔𑒢 𑒞𑒿 𑒠𑒳𑒃𑒨𑒹𑒙𑒰 𑒩𑒯𑒪 𑒧𑒳𑒠𑒰 𑒋𑒏𑒫𑒔𑒢𑒏 𑒣𑓂𑒩𑒨𑒼𑒑 𑒥𑒯𑒳𑒫𑒔𑒢𑒧𑒹 𑒯𑒼𑒧𑒋 𑒪𑒰𑒑𑒪।𑒣𑓂𑒩𑒰𑒞𑒱𑒣𑒠𑒱𑒏 𑒁𑒡𑒱𑒏𑒰𑓀𑒬𑒞𑓁 𑒮𑓂𑒫𑒩𑒰𑒢𑓂𑒞 𑒁𑒕𑒱 𑒂 𑒁𑒏𑒰𑒩𑒰𑒢𑓂𑒞 𑒮𑒹𑒯𑒼।𑒫𑒱𑒦𑒏𑓂𑒞𑒱𑒏 𑒥𑒠𑒪𑒰𑒧𑒹 𑒣𑒩𑒮𑒩𑓂𑒑𑒏 𑒣𑓂𑒩𑒨𑒼𑒑 𑒯𑒼𑒧𑒋 𑒪𑒰𑒑𑒪। 𑒁𑒣𑒰𑒠𑒰𑒢 𑒪𑒹𑒪 𑒯𑒳𑓀𑒞𑒹, 𑒮𑒅𑒿 𑒣𑓂𑒩𑒨𑒼𑒑𑒧𑒹 𑒂𑒥𑒋 𑒪𑒰𑒑𑒪 𑒂 𑒁𑒡𑒱𑒏𑒩𑒝 𑒪𑒹𑒪 𑒧𑒰𑒿𑒗, 𑒅𑒣𑓂𑒣𑒩𑒱 𑒂 𑒋𑒯𑒱 𑒠𑒳𑒢𑒴 (𑒁𑒣𑒰𑒠𑒰𑒢 𑒂 𑒁𑒡𑒱𑒏𑒩𑒝) 𑒪𑒹𑒪 𑒏𑒐𑒢𑒼 𑒏𑒰𑒪 𑒔𑒢𑓂𑒠𑓂𑒩𑒥𑒱𑒢𑓂𑒠𑒳 𑒙𑒰𑒮𑒿 𑒏𑒰𑒖 𑒔𑒪𑒱 𑒑𑒹𑒪, “𑒯𑒱𑓀” 𑒫𑒱𑒦𑒏𑓂𑒞𑒱 𑒮𑒹𑒯𑒼 𑒏𑒞𑒹𑒏𑒼 𑒏𑒰𑒩𑒏𑒏 𑒪𑒹𑒪 𑒣𑓂𑒩𑒨𑒳𑒏𑓂𑒞 𑒦𑒹𑒪 𑒂 “𑒋” 𑒫𑒱𑒦𑒏𑓂𑒞𑒱 𑒮𑒿 𑒏𑒩𑓂𑒧, 𑒏𑒩𑒝, 𑒁𑒡𑒱𑒏𑒩𑒝 𑒮𑒦𑒙𑒰𑒏 𑒦𑒰𑒢 𑒯𑒼𑒧𑒋 𑒪𑒰𑒑𑒪। 𑒮𑓀𑒖𑓂𑒘𑒰𑒏 𑒋𑒯𑒱 𑒞𑒩𑒯𑒏 𑒮𑒩𑒪𑒲𑒏𑒩𑒝 𑒮𑒩𑓂𑒫𑒢𑒰𑒧𑒧𑒹 𑒮𑒹𑒯𑒼 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒁𑒕𑒱। 𑒏𑓂𑒩𑒱𑒨𑒰𑒏 𑒢𑒱𑒩𑓂𑒧𑒰𑒝𑒧𑒹 𑒮𑒩𑒪𑒞𑒰 𑒂𑒋𑒪 𑒂 𑒮𑒹 𑒦𑒹𑒪 𑒏𑒵𑒠𑒢𑓂𑒞𑒏 𑒥𑒹𑒬𑒲 𑒣𑓂𑒩𑒨𑒼𑒑𑒮𑒿 𑒂 𑒮𑓀𑒨𑒳𑒏𑓂𑒞 𑒏𑓂𑒩𑒱𑒨𑒰𑒏 𑒥𑒜𑓃𑒼𑒞𑓂𑒞𑒩𑒲𑒮𑒿। 𑒦𑒴𑒞𑒏𑒰𑒪 “𑒪” 𑒪𑒑𑒰 𑒏𑓄 𑒮𑒹𑒯𑒼 𑒥𑒢𑒋 𑒪𑒰𑒑𑒪, 𑒂 𑒦𑒫𑒱𑒭𑓂𑒨𑒞𑓂 𑒏𑒰𑒪 “𑒫” 𑒪𑒑𑒰 𑒏𑓄 𑒮𑒹𑒯𑒼, 𑒖𑒹𑒢𑒰 𑒟𑒰𑒏𑒪, 𑒣𑒜𑓃𑒥 𑒖𑒹 𑒥𑒰𑒠𑒧𑒹 𑒧𑒻𑒟𑒱𑒪𑒲𑒧𑒹 𑒮𑒹𑒯𑒼 𑒂𑒋𑒪।

𑒣𑒴𑒩𑓂𑒫 𑒮𑓂𑒫𑒩𑒣𑒩 𑒮𑓂𑒫𑒩𑒰𑒒𑒰𑒞 𑒂 𑒮𑓂𑒫𑒩𑒏 𑒏𑓂𑒭𑒞𑒱𑒣𑒴𑒩𑒏 𑒠𑒲𑒩𑓂𑒒𑒲𑒏𑒩𑒝 𑒁𑒫𑒯𑒙𑓂𑒚𑒏 𑒧𑒳𑒐𑓂𑒨 𑒫𑒱𑒬𑒹𑒭𑒞𑒰 𑒁𑒕𑒱। 𑒁𑒣𑒦𑓂𑒩𑓀𑒬𑒏 𑒁𑒏𑓂𑒐𑒩, 𑒚𑒏𑓂𑒏𑒳𑒩 𑒂 𑒢𑒔𑓂𑒔𑒃 𑒏𑓂𑒩𑒧𑒮𑒿 𑒂𑒐𑒩, 𑒚𑒰𑒏𑒳𑒩 𑒂 𑒢𑒰𑒔𑒃 𑒦𑓄 𑒑𑒹𑒪। 𑒮𑓂𑒫𑒩𑒏 𑒮𑒰𑒢𑒳𑒢𑒰𑒮𑒱𑒏𑒞𑒰𑒧𑒹 𑒣𑒩𑒱𑒫𑒩𑓂𑒞𑒢 𑒦𑒹𑒪 𑒖𑒰𑒯𑒱𑒮𑒿 𑒣𑒳𑒩𑒰𑒢 𑒢𑒱𑒁𑒧𑒧𑒹 𑒣𑒩𑒱𑒫𑒩𑓂𑒞𑒢 𑒦𑒹𑒪। 𑒣𑒯𑒱𑒢𑒹 𑒮𑓂𑒣𑒩𑓂𑒬 𑒫𑓂𑒨𑓀𑒖𑒢𑒧𑒹 𑒁𑒢𑒳𑒮𑓂𑒫𑒰𑒩𑒏 𑒁𑒦𑒰𑒫 𑒕𑒪 𑒂 𑒏𑒔𑒙𑒞𑒣 𑒏 𑒣𑒰𑒿𑒔𑒧 𑒫𑒩𑓂𑒝 𑒞𑒏𑒩 𑒥𑒠𑒪𑒰𑒧𑒹 𑒮𑓀𑒨𑒳𑒏𑓂𑒞 𑒦𑓄 𑒣𑓂𑒩𑒨𑒳𑒏𑓂𑒞 𑒯𑒼𑒃𑒞 𑒕𑒪। 𑒁𑒣𑒫𑒰𑒠𑒧𑒹 𑒨 𑒮𑒿 𑒯 𑒡𑒩𑒱𑒏 𑒫𑒩𑓂𑒝𑒏 𑒅𑒣𑒮𑓂𑒟𑒱𑒞𑒱𑒁𑒯𑒱𑒧𑒹 𑒁𑒢𑒳𑒮𑓂𑒫𑒰𑒩 𑒪𑒑𑒻𑒞 𑒕𑒪। 𑒣𑒴𑒩𑓂𑒫 𑒮𑓂𑒫𑒩𑒣𑒩 𑒮𑓂𑒫𑒩𑒰𑒒𑒰𑒞 𑒂 𑒏𑓂𑒭𑒞𑒱𑒣𑒴𑒩𑒏 𑒠𑒲𑒩𑓂𑒒𑒲𑒏𑒩𑒝𑒏 𑒁𑒞𑒱𑒩𑒱𑒏𑓂𑒞 𑒨𑒳𑒏𑓂𑒞𑒰𑒏𑓂𑒭𑒩𑒏 𑒣𑒴𑒩𑓂𑒫𑒮𑓂𑒫𑒩𑒣𑒩 𑒮𑓂𑒫𑒩𑒰𑒒𑒰𑒞𑒏 𑒮𑓀𑒑 𑒁𑒢𑒳𑒮𑓂𑒫𑒰𑒩 𑒂𑒥𑒋 𑒪𑒰𑒑𑒪, 𑒖𑒹𑒢𑒰- 𑒆𑒮𑒰𑒮/ 𑒂𑓀𑒑/ 𑒂𑒿𑒏𑒳𑒮/ 𑒂𑒿𑒔𑒩/ 𑒏𑒰𑒿𑒙/ 𑒪𑒰𑒿𑒒𑒱/ 𑒣𑒰𑒿𑒔/ 𑒔𑒰𑒿𑒠/ 𑒂𑒿𑒑𑒢/
𑒏𑓂𑒩𑒧𑒮𑒿
𑒅𑒮𑓂𑒮𑒰𑒮/ 𑒁𑓀𑒑/ 𑒁𑓀𑒏𑒳𑒮/ 𑒁𑓀𑒔𑒪/ 𑒏𑒝𑓂𑒙𑒏/ 𑒪𑒒𑓂/ 𑒣𑓀𑒔/ 𑒔𑒢𑓂𑒠𑓂𑒩/ 𑒁𑓀𑒑𑒝/ 𑒏 𑒥𑒠𑒪𑒰𑒧𑒹 𑒂𑒥𑒱 𑒑𑒹𑒪। 𑒮𑓂𑒫𑒩𑒏 𑒏𑓂𑒭𑒞𑒱𑒣𑒴𑒩𑒏 𑒠𑒲𑒩𑓂𑒒𑒲𑒏𑒩𑒝𑒏 𑒁𑒞𑒱𑒩𑒱𑒏𑓂𑒞 𑒁𑒢𑒳𑒮𑓂𑒫𑒰𑒩𑒏𑒹𑒿 𑒯𑓂𑒩𑒮𑓂𑒫 𑒏𑒋𑒪 𑒖𑒰𑒋 𑒪𑒰𑒑𑒪 𑒂 𑒂𑒡𑒳𑒢𑒱𑒏 𑒧𑒻𑒟𑒱𑒪𑒲𑒏 𑒁𑒏𑒰𑒩𑒝 𑒂𑒢𑒳𑒢𑒰𑒮𑒱𑒏𑒞𑒰𑒏 𑒣𑓂𑒩𑒫𑒵𑒞𑓂𑒞𑒱𑒏 𑒂𑒩𑒧𑓂𑒦 𑒦𑒹𑒪, 𑒖𑒹𑒢𑒰- 𑒏𑒖𑓂𑒖=𑒏𑒰𑒿𑒖, 𑒏𑒔𑓂𑒔𑒳𑓁=𑒏𑒰𑒿𑒔, 𑒦𑒑𑓂𑒑=𑒦𑒰𑒿𑒑, 𑒍𑒭𑓂𑒚=𑒍𑓀𑒠𑒱𑒧।
𑒁𑒏𑓂𑒭𑒩 𑒪𑒼𑒣: 𑒮𑓀𑒏𑒼𑒔 𑒫𑒰 𑒁𑒏𑓂𑒭𑒩 𑒪𑒼𑒣𑒏 𑒏𑒰𑒩𑒝𑒮𑒿 𑒁𑒢𑓂𑒡𑒏𑒰𑒩=𑒁𑒢𑓂𑒯𑒰𑒩, 𑒠𑒹𑒫𑒏𑒳𑒪= 𑒠𑒹𑒅𑒩, 𑒠𑒹𑒫𑒑𑒵𑒯=𑒠𑒹𑒫𑒯𑒰, 𑒏𑒼𑒙𑓂𑒙𑒬𑒲𑒩𑓂𑒭=𑒏𑒼𑒮𑒲𑒮, 𑒅𑒣𑒫𑒰𑒮=𑒅𑒣𑒰𑒮, 𑒅𑒞𑓂𑒞𑒱𑒭𑓂𑒚=𑒅𑒿𑒙, 𑒮𑒯𑒏𑒰𑒩=𑒮𑒯𑒰𑒩, 𑒮𑓂𑒫𑒩𑓂𑒝𑒏𑒰𑒩=𑒮𑒼𑒢𑒰𑒩, 𑒮𑒳𑒢𑓂𑒢𑒰𑒁𑒩=𑒮𑒳𑒢𑓂𑒢𑒰𑒩, 𑒮𑒯𑒨𑒰𑒩=𑒮𑒰𑒯𑒰𑒩 𑒦𑓄 𑒑𑒹𑒪।
𑒣𑒩𑒮𑒩𑓂𑒑𑒏 𑒣𑓂𑒩𑒨𑒼𑒑𑒧𑒹 𑒫𑒵𑒠𑓂𑒡𑒱: 𑒁𑒣𑒦𑓂𑒩𑓀𑒬𑒏 𑒣𑒩𑒮𑒩𑓂𑒑𑒏 𑒣𑓂𑒩𑒨𑒼𑒑𑒧𑒹 𑒁𑒫𑒯𑒙𑓂𑒚 𑒏𑒰𑒪𑒧𑒹 𑒂𑒩 𑒫𑒵𑒠𑓂𑒡𑒱 𑒦𑒹𑒪। 𑒖𑒹𑒢𑒰-
𑒏𑒩𑓂𑒞𑒰- 𑒋𑒢𑓂𑒢𑒹
𑒏𑒩𑒝-𑒮𑒢, 𑒮𑒅𑓀
𑒮𑒧𑓂𑒣𑓂𑒩𑒠𑒰𑒢-𑒪𑒰𑒑𑒱, 𑒪𑒑𑓂𑒑𑒱, 𑒪𑒰𑒑𑒹, 𑒣𑓂𑒩𑒞𑒱, 𑒏𑒰𑒩𑒝
𑒁𑒣𑒰𑒠𑒰𑒢-𑒮𑒍, 𑒯𑒳𑒞, 𑒯𑒳𑒞𑒹, 𑒯𑒳𑓀𑒞𑒱, 𑒮𑒱𑒅
𑒮𑓀𑒥𑓀𑒡- 𑒏𑒹𑒩, 𑒏𑒩, 𑒏𑒹, 𑒏𑒩𑒹𑒅, 𑒏𑒃, 𑒏
𑒁𑒡𑒱𑒏𑒩𑒝- 𑒧𑒰𑒗, 𑒆𑒣𑒩, 𑒧𑒰𑒿𑒗, 𑒦𑒲𑒞𑒩, 𑒧𑒰𑒯𑒱
𑒮𑒩𑓂𑒫𑒢𑒰𑒧𑒏 𑒂𑒡𑒱𑒏𑓂𑒨: 𑒏𑒲𑒩𑓂𑒞𑒱𑒪𑒞𑒰𑒧𑒹 𑒖𑒹𑒢𑓂𑒢𑒹, 𑒂 𑒂𑒢 𑒚𑒰𑒧 𑒧𑒼𑒩, 𑒧𑒹𑒩𑒯𑒳, 𑒞𑒼𑒩𑒰, 𑒞𑒼𑒯𑒰𑒩, 𑒞𑒼𑒯𑒩, 𑒞𑒼𑒩𑒰 𑒂𑒠𑒱 𑒮𑒩𑓂𑒫𑒢𑒰𑒧𑒏 𑒣𑓂𑒩𑒨𑒼𑒑 𑒣𑓂𑒩𑒰𑒩𑒧𑓂𑒦 𑒦𑒹𑒪। 𑒮𑓀𑒥𑒡𑒫𑒰𑒔𑒏 𑒮𑒩𑓂𑒫𑒢𑒰𑒧- 𑒖𑒘𑒼𑒢, 𑒖𑒹𑒢𑓂𑒢𑒹, 𑒖𑒮, 𑒖𑒮𑒳, 𑒖𑒹; 𑒣𑓂𑒩𑒬𑓂𑒢 𑒫𑒰𑒔𑒏- 𑒏𑒹𑒯𑒳, 𑒏𑒼𑒋; 𑒁𑒢𑒱𑒬𑓂𑒔𑒨𑒫𑒰𑒔𑒏- 𑒏𑒼𑒃, 𑒏𑒹𑒯𑒳; 𑒢𑒱𑒖𑒫𑒰𑒔𑒏- 𑒁𑒣𑒢, 𑒁𑒣𑒢𑒹𑒯𑒳, 𑒢𑒱𑒁 𑒂𑒠𑒱𑒏 𑒣𑓂𑒩𑒨𑒼𑒑 𑒯𑒼𑒧𑒋 𑒪𑒰𑒑𑒪।
𑒏𑒵𑒠𑒢𑓂𑒞𑒏 𑒣𑓂𑒩𑒨𑒼𑒑 𑒏𑓂𑒩𑒱𑒨𑒰𑒣𑒠𑒏 𑒫𑒱𑒏𑒮𑒱𑒞 𑒩𑒴𑒣: 𑒂𑒥 𑒏𑒵𑒠𑒢𑓂𑒞𑒏 𑒣𑓂𑒩𑒨𑒼𑒑𑒧𑒹 𑒫𑒵𑒠𑓂𑒡𑒱 𑒦𑒹𑒪 𑒖𑒹𑒢𑒰 𑒦𑒴𑒞𑒏𑒰𑒪𑒏 𑒏𑒵𑒠𑒢𑓂𑒞𑒏 𑒣𑓂𑒩𑒨𑒼𑒑 𑒫𑒩𑓂𑒞𑒧𑒰𑒢 𑒖𑒹𑒏𑒰𑒿 𑒯𑒼𑒋𑒥 𑒂 𑒏𑒐𑒢𑒼 𑒏𑒰𑒪 𑒁𑒣𑒢 𑒣𑒴𑒩𑓂𑒝 𑒩𑒴𑒣𑒧𑒹 𑒮𑒹𑒯𑒼 𑒯𑒼𑒋𑒥।
𑒫𑒩𑓂𑒞𑒧𑒰𑒢 𑒪𑒹𑒪 𑒏𑒵𑒢𑓂𑒞𑒏 𑒣𑓂𑒩𑒨𑒼𑒑 𑒣𑒜𑓃𑒢𑓂𑒞𑒰, 𑒏𑒯𑒢𑓂𑒞𑒰, 𑒂𑒫𑒢𑓂𑒞𑒰; 𑒦𑒫𑒱𑒭𑓂𑒨𑒞𑓂 𑒏𑒰𑒪 𑒪𑒹𑒪 𑒏𑒩𑒯𑒳𑓀, 𑒏𑒩𑒱𑒯𑒱 𑒂 𑒦𑒴𑒞𑒏𑒰𑒪 𑒪𑒹𑒪 𑒏𑒵𑒠𑒢𑓂𑒞𑒏 𑒣𑓂𑒩𑒨𑒼𑒑 𑒖𑒹𑒢𑒰 𑒔𑒪𑒳, 𑒪𑒰𑒑𑒳 𑒏 𑒣𑓂𑒩𑒨𑒼𑒑 𑒦𑒹𑒪।
“𑒁𑒢𑓂𑒞” 𑒮𑒿 𑒂𑒡𑒳𑒢𑒱𑒏 “𑒞𑒰” 𑒢𑒱𑒏𑒪𑒪 𑒁𑒕𑒱 𑒂 “𑒁𑒢𑓂𑒞” 𑒏 𑒣𑓂𑒩𑒨𑒼𑒑 𑒥𑒜𑓃𑒱 𑒑𑒹𑒪। 𑒮𑓀𑒨𑒳𑒏𑓂𑒞 𑒏𑓂𑒩𑒱𑒨𑒰𑒏 𑒣𑓂𑒩𑒨𑒼𑒑 𑒣𑓂𑒩𑒰𑒩𑒧𑓂𑒦 𑒦𑓄 𑒑𑒹𑒪- 𑒖𑒹𑒢𑒰 “𑒪𑒹” 𑒖𑒼𑒛𑓃𑒱 𑒏𑓄 𑒏𑓂𑒩𑒱𑒨𑒰 𑒥𑒢𑒰𑒋𑒥 “𑒐𑒰𑒃𑒪𑒹”; 𑒮𑒰𑒧𑒩𑓂𑒟𑓂𑒨𑒮𑒴𑒔𑒏 𑒣𑒰𑒩 𑒂 𑒂𑒩𑒧𑓂𑒦𑒮𑒴𑒔𑒏 𑒔𑒰𑒯/ 𑒪𑒰𑒑𑒳 𑒏 𑒣𑓂𑒩𑒨𑒼𑒑 𑒂𑒩𑒧𑓂𑒦 𑒦𑒹𑒪।

𑓔.𑒧𑒻𑒟𑒱𑒪𑒲
𑒌𑒞𑒱𑒯𑒰𑒮𑒱𑒏 𑒂𑒡𑒰𑒩𑒣𑒩 𑒦𑒰𑒭𑒰𑒏 𑒣𑒰𑒩𑒱𑒫𑒰𑒩𑒱𑒏 𑒫𑒩𑓂𑒑𑒲𑒏𑒩𑒝𑒧𑒹 𑒁𑒫𑒯𑒙𑓂𑒚𑒏𑒹𑒿 “𑒧𑒻𑒟𑒱𑒪 𑒁𑒣𑒦𑓂𑒩𑓀𑒬” 𑒞𑒰𑒯𑒱 𑒏𑒰𑒩𑒝𑒮𑒿 𑒏𑒯𑒪 𑒖𑒰𑒃𑒞 𑒁𑒕𑒱 𑒂 𑒧𑒰𑒑𑒡𑒲 𑒣𑓂𑒩𑒰𑒏𑒵𑒞𑒮𑒿 𑒮𑒹𑒯𑒼 𑒋𑒏𑒩 𑒫𑒱𑒏𑒰𑒮 𑒠𑒵𑒭𑓂𑒙𑒱𑒑𑒼𑒔𑒩 𑒯𑒼𑒃𑒞 𑒁𑒕𑒱। 𑒁𑒫𑒯𑒙𑓂𑒚 𑒧𑒻𑒟𑒱𑒪𑒲𑒮𑒿 𑒪𑒑 𑒩𑒯𑒱𑒞𑒼 𑒬𑒾𑒩𑒮𑒹𑒢𑒲 𑒣𑓂𑒩𑒰𑒏𑒵𑒞-𑒁𑒣𑒦𑓂𑒩𑓀𑒬𑒮𑒿 𑒮𑒹𑒯𑒼 𑒪𑒑 𑒁𑒕𑒱, 𑒧𑒳𑒠𑒰 𑒠𑒹𑒬𑒲 𑒬𑒥𑓂𑒠𑒏 𑒣𑓂𑒩𑒨𑒼𑒑𑒮𑒿 𑒋𑒯𑒱𑒧𑒹 𑒁𑒣𑒦𑓂𑒩𑓀𑒬𑒮𑒿 𑒥𑒯𑒳𑒞 𑒩𑒰𑒮 𑒫𑓂𑒨𑒰𑒏𑒩𑒝𑒱𑒏 𑒣𑒩𑒱𑒫𑒩𑓂𑒞𑒢 𑒠𑒹𑒐𑒰 𑒣𑒛𑓃𑒻𑒞 𑒁𑒕𑒱। 𑒫𑒱𑒠𑓂𑒨𑒰𑒣𑒞𑒱𑒏 “𑒏𑒲𑒩𑓂𑒞𑒱𑒪𑒞𑒰” 𑒁𑒫𑒯𑒙𑓂𑒚𑒧𑒹 𑒁𑒕𑒱, 𑒧𑒳𑒠𑒰 “𑒔𑒩𑓂𑒨𑒰 𑒑𑒲𑒞” 𑒂 “𑒫𑒩𑓂𑒝 𑒩𑒞𑓂𑒢𑒰𑒏𑒩” 𑒏𑒲𑒩𑓂𑒞𑒱𑒪𑒞𑒰𑒮𑒿 𑒣𑒴𑒩𑓂𑒫𑒫𑒩𑓂𑒞𑒲 𑒯𑒼𑒋𑒥𑒰𑒏 𑒥𑒰𑒠𑒼 𑒣𑒳𑒩𑒰𑒢 𑒧𑒻𑒟𑒱𑒪𑒲 𑒁𑒕𑒱 𑒂 𑒁𑒫𑒯𑒙𑓂𑒚𑒮𑒿 𑒮𑒹𑒯𑒼 𑒪𑒑 𑒁𑒕𑒱। 𑒦𑒰𑒩𑒼𑒣𑒲𑒨 𑒦𑒰𑒭𑒰 𑒣𑒩𑒱𑒫𑒰𑒩𑒧𑒹 𑒧𑒻𑒟𑒱𑒪𑒲𑒏 𑒮𑓂𑒟𑒰𑒢 𑒧𑒼𑒙𑒰-𑒧𑒼𑒙𑒲 𑒮𑓀𑒮𑓂𑒏𑒵𑒞, 𑒣𑒰𑒪𑒲, 𑒣𑓂𑒩𑒰𑒏𑒵𑒞, 𑒁𑒣𑒦𑓂𑒩𑓀𑒬 𑒂 𑒁𑒫𑒯𑒙𑓂𑒚𑒏 𑒌𑒞𑒱𑒯𑒰𑒮𑒱𑒏 𑒏𑓂𑒩𑒧𑒧𑒹 𑒁𑒥𑒻𑒞 𑒁𑒕𑒱।

𑒡𑓂𑒫𑒢𑒱: 𑒠𑒢𑓂𑒞 𑒢 𑒏 𑒅𑒔𑓂𑒔𑒰𑒩𑒝𑒧𑒹 𑒠𑒰𑒿𑒞𑒧𑒹 𑒖𑒲𑒯 𑒮𑒙𑒞- 𑒖𑒹𑒢𑒰 𑒥𑒰𑒖𑒴 𑒢𑒰𑒧 , 𑒧𑒳𑒠𑒰 𑒝 𑒏 𑒅𑒔𑓂𑒔𑒰𑒩𑒝𑒧𑒹 𑒖𑒲𑒯 𑒧𑒴𑒩𑓂𑒡𑒰𑒧𑒹 𑒮𑒙𑒞 (𑒢𑒯𑒱 𑒮𑒙𑒻𑒋 𑒞𑒿 𑒅𑒔𑓂𑒔𑒰𑒩𑒝 𑒠𑒼𑒭 𑒁𑒕𑒱)- 𑒖𑒹𑒢𑒰 𑒥𑒰𑒖𑒴 𑒑𑒝𑒹𑒬। 𑒞𑒰𑒪𑒫𑓂𑒨 𑒬𑒧𑒹 𑒖𑒲𑒯 𑒞𑒰𑒪𑒳𑒮𑒿 , 𑒭𑒧𑒹 𑒧𑒴𑒩𑓂𑒡𑒰𑒮𑒿 𑒂 𑒠𑒢𑓂𑒞 𑒮𑒧𑒹 𑒠𑒰𑒿𑒞𑒮𑒿 𑒮𑒙𑒞। 𑒢𑒱𑒬𑒰𑒿, 𑒮𑒦 𑒂 𑒬𑒼𑒭𑒝 𑒥𑒰𑒖𑒱 𑒏𑓄 𑒠𑒹𑒐𑒴। 𑒧𑒻𑒟𑒱𑒪𑒲𑒧𑒹 𑒭 𑒏𑒹𑒿 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞 𑒖𑒹𑒏𑒰𑒿 𑒐 𑒮𑒹𑒯𑒼 𑒅𑒔𑓂𑒔𑒩𑒱𑒞 𑒏𑒋𑒪 𑒖𑒰𑒃𑒞 𑒁𑒕𑒱, 𑒖𑒹𑒢𑒰 𑒫𑒩𑓂𑒭𑒰, 𑒠𑒼𑒭। 𑒨 𑒁𑒢𑒹𑒏𑒼 𑒮𑓂𑒟𑒰𑒢𑒣𑒩 𑒖 𑒖𑒹𑒏𑒰𑒿 𑒅𑒔𑓂𑒔𑒩𑒱𑒞 𑒯𑒼𑒃𑒞 𑒁𑒕𑒱 𑒂 𑒝 𑒛𑓃 𑒖𑒹𑒏𑒰𑒿 (𑒨𑒟𑒰 𑒮𑓀𑒨𑒼𑒑 𑒂 𑒑𑒝𑒹𑒬 𑒮𑓀𑒖𑒼𑒑 𑒂 𑒑𑒛𑓃𑒹𑒮 𑒅𑒔𑓂𑒔𑒩𑒱𑒞 𑒯𑒼𑒃𑒞 𑒁𑒕𑒱)। 𑒧𑒻𑒟𑒱𑒪𑒲𑒧𑒹 𑒫 𑒏 𑒅𑒔𑓂𑒔𑒰𑒩𑒝 𑒥, 𑒬 𑒏 𑒅𑒔𑓂𑒔𑒰𑒩𑒝 𑒮 𑒂 𑒨 𑒏 𑒅𑒔𑓂𑒔𑒰𑒩𑒝 𑒖 𑒮𑒹𑒯𑒼 𑒯𑒼𑒃𑒞 𑒁𑒕𑒱।
𑒍𑒯𑒱𑒢𑒰 𑒯𑓂𑒩𑒮𑓂𑒫 𑒃 𑒥𑒹𑒬𑒲𑒏𑒰𑒪 𑒧𑒻𑒟𑒱𑒪𑒲𑒧𑒹 𑒣𑒯𑒱𑒢𑒹 𑒥𑒰𑒖𑒪 𑒖𑒰𑒃𑒞 𑒁𑒕𑒱 𑒏𑒰𑒩𑒝 𑒠𑒹𑒫𑒢𑒰𑒑𑒩𑒲𑒧𑒹 𑒂 𑒧𑒱𑒟𑒱𑒪𑒰𑒏𑓂𑒭𑒩𑒧𑒹 𑒯𑓂𑒩𑒮𑓂𑒫 𑒃 𑒁𑒏𑓂𑒭𑒩𑒏 𑒣𑒯𑒱𑒢𑒹 𑒪𑒱𑒐𑒪𑒼 𑒖𑒰𑒃𑒞 𑒂 𑒥𑒰𑒖𑒪𑒼 𑒖𑒋𑒥𑒰𑒏 𑒔𑒰𑒯𑒲। 𑒏𑒰𑒩𑒝 𑒖𑒹 𑒯𑒱𑒢𑓂𑒠𑒲𑒧𑒹 𑒋𑒏𑒩 𑒠𑒼𑒭𑒣𑒴𑒩𑓂𑒝 𑒅𑒔𑓂𑒔𑒰𑒩𑒝 𑒯𑒼𑒃𑒞 𑒁𑒕𑒱 (𑒪𑒱𑒐𑒪 𑒞𑒿 𑒣𑒯𑒱𑒢𑒹 𑒖𑒰𑒃𑒞 𑒁𑒕𑒱 𑒧𑒳𑒠𑒰 𑒥𑒰𑒖𑒪 𑒥𑒰𑒠𑒧𑒹 𑒖𑒰𑒃𑒞 𑒁𑒕𑒱), 𑒮𑒹 𑒬𑒱𑒏𑓂𑒭𑒰 𑒣𑒠𑓂𑒡𑒞𑒱𑒏 𑒠𑒼𑒭𑒏 𑒏𑒰𑒩𑒝 𑒯𑒧 𑒮𑒦 𑒍𑒏𑒩 𑒅𑒔𑓂𑒔𑒰𑒩𑒝 𑒠𑒼𑒭𑒣𑒴𑒩𑓂𑒝 𑒜𑓀𑒑𑒮𑒿 𑒏𑓄 𑒩𑒯𑒪 𑒕𑒲।
𑒣𑒰𑒢𑒱-𑒣𑒰𑒃𑒢-𑒣𑒻𑒢
𑒁𑒕𑒱- 𑒁 𑒃 𑒕 𑒌𑒕
𑒕𑒟𑒱- 𑒕 𑒃 𑒟 – 𑒕𑒻𑒟
𑒣𑒯𑒳𑒿𑒔𑒱- 𑒣 𑒯𑒳𑒿 𑒃 𑒔
𑒞𑒐𑒢 𑒣𑓂𑒩𑒬𑓂𑒢 𑒅𑒚𑒻𑒞 𑒁𑒕𑒱 𑒖𑒹 “𑒕𑒟𑒱” 𑒏𑒹𑒿 𑒕𑒻𑒟 𑒪𑒱𑒐𑒥𑒰𑒧𑒹 𑒏𑒲 𑒯𑒩𑓂𑒖? 𑒯𑒩𑓂𑒖 𑒁𑒕𑒱, 𑒏𑒰𑒩𑒝 𑒧𑒱𑒟𑒱𑒪𑒰𑒏 𑒥𑒯𑒳𑒞𑒼 𑒏𑓂𑒭𑒹𑒞𑓂𑒩𑒧𑒹 𑒕𑒟𑒱, 𑒕𑒟𑒲, 𑒣𑒰𑒢𑒱, 𑒣𑒰𑒢𑒲, 𑒣𑒯𑒳𑒿𑒔𑒱, 𑒣𑒯𑒳𑒿𑒔𑒲 𑒮𑒹𑒯𑒼 𑒥𑒰𑒖𑒪 𑒖𑒰𑒃𑒞 𑒁𑒕𑒱। 𑒮𑒹 𑒣𑒰𑒢𑒱, 𑒩𑒯𑒟𑒱, 𑒣𑒯𑒳𑒿𑒔𑒱 𑒪𑒱𑒐𑒪𑒰𑒮𑒿 𑒮𑒦 𑒏𑓂𑒭𑒹𑒞𑓂𑒩𑒏 𑒣𑓂𑒩𑒞𑒱𑒢𑒱𑒡𑒱𑒞𑓂𑒫 𑒯𑒼𑒃𑒞 𑒁𑒕𑒱।
𑒂𑒥 𑒁 𑒂 𑒃 𑒄 𑒋 𑒌 𑒍 𑒎 𑒁𑓀 𑒁𑓁 𑒇 𑒋𑒯𑒱 𑒮𑒦 𑒪𑒹𑒪 𑒧𑒰𑒞𑓂𑒩𑒰 𑒮𑒹𑒯𑒼 𑒁𑒕𑒱, 𑒧𑒳𑒠𑒰 𑒋𑒯𑒱𑒧𑒹 𑒄 𑒌 𑒍 𑒎 𑒁𑓀 𑒁𑓁 𑒇 𑒏𑒹𑒿 𑒮𑓀𑒨𑒳𑒏𑓂𑒞𑒰𑒏𑓂𑒭𑒩 𑒩𑒴𑒣𑒧𑒹 𑒑𑒪𑒞 𑒩𑒴𑒣𑒧𑒹 𑒣𑓂𑒩𑒨𑒳𑒏𑓂𑒞 𑒂 𑒅𑒔𑓂𑒔𑒩𑒱𑒞 𑒏𑒋𑒪 𑒖𑒰𑒃𑒞 𑒁𑒕𑒱। 𑒖𑒹𑒢𑒰 𑒇 𑒏𑒹𑒿 𑒩𑒲 𑒩𑒴𑒣𑒧𑒹 𑒅𑒔𑓂𑒔𑒩𑒱𑒞 𑒏𑒩𑒥। 𑒂 𑒠𑒹𑒐𑒱𑒨𑒾- 𑒋𑒯𑒱 𑒪𑒹𑒪 𑒠𑒹𑒐𑒱𑒎 𑒏 𑒣𑓂𑒩𑒨𑒼𑒑 𑒁𑒢𑒳𑒔𑒱𑒞। 𑒧𑒳𑒠𑒰 𑒠𑒹𑒐𑒱𑒌 𑒪𑒹𑒪 𑒠𑒹𑒐𑒱𑒨𑒻 𑒁𑒢𑒳𑒔𑒱𑒞। 𑒏𑓂 𑒮𑒿 𑒯𑓂 𑒡𑒩𑒱 𑒁 𑒮𑒧𑓂𑒧𑒱𑒪𑒱𑒞 𑒦𑒹𑒪𑒰𑒮𑒿 𑒏 𑒮𑒿 𑒯 𑒥𑒢𑒻𑒞 𑒁𑒕𑒱, 𑒧𑒳𑒠𑒰 𑒅𑒔𑓂𑒔𑒰𑒩𑒝 𑒏𑒰𑒪 𑒯𑒪𑒢𑓂𑒞 𑒨𑒳𑒏𑓂𑒞 𑒬𑒥𑓂𑒠𑒏 𑒁𑒢𑓂𑒞𑒏 𑒅𑒔𑓂𑒔𑒰𑒩𑒝𑒏 𑒣𑓂𑒩𑒫𑒵𑒞𑓂𑒞𑒱 𑒥𑒜𑓃𑒪 𑒁𑒕𑒱, 𑒧𑒳𑒠𑒰 𑒯𑒧 𑒖𑒐𑒢 𑒧𑒢𑒼𑒖𑒧𑒹 𑒖𑓂 𑒁𑒢𑓂𑒞𑒧𑒹 𑒥𑒖𑒻𑒞 𑒕𑒲, 𑒞𑒐𑒢𑒼 𑒣𑒳𑒩𑒢𑒏𑒰 𑒪𑒼𑒏𑒏𑒹𑒿 𑒥𑒖𑒻𑒞 𑒮𑒳𑒢𑒥𑒢𑓂𑒯𑒱- 𑒧𑒢𑒼𑒖𑓄, 𑒫𑒰𑒮𑓂𑒞𑒫𑒧𑒹 𑒍 𑒁 𑒨𑒳𑒏𑓂𑒞 𑒖𑓂 = 𑒖 𑒥𑒖𑒻 𑒕𑒟𑒱।
𑒤𑒹𑒩 𑒖𑓂𑒘 𑒁𑒕𑒱 𑒖𑓂 𑒂 𑒘 𑒏 𑒮𑓀𑒨𑒳𑒏𑓂𑒞 𑒧𑒳𑒠𑒰 𑒑𑒪𑒞 𑒅𑒔𑓂𑒔𑒰𑒩𑒝 𑒯𑒼𑒃𑒞 𑒁𑒕𑒱- 𑒑𑓂𑒨। 𑒍𑒯𑒱𑒢𑒰 𑒏𑓂𑒭 𑒁𑒕𑒱 𑒏𑓂 𑒂 𑒭 𑒏 𑒮𑓀𑒨𑒳𑒏𑓂𑒞 𑒧𑒳𑒠𑒰 𑒅𑒔𑓂𑒔𑒰𑒩𑒝 𑒯𑒼𑒃𑒞 𑒁𑒕𑒱 𑒕। 𑒤𑒹𑒩 𑒬𑓂 𑒂 𑒩 𑒏 𑒮𑓀𑒨𑒳𑒏𑓂𑒞 𑒁𑒕𑒱 𑒬𑓂𑒩 ( 𑒖𑒹𑒢𑒰 𑒬𑓂𑒩𑒧𑒱𑒏) 𑒂 𑒮𑓂 𑒂 𑒩 𑒏 𑒮𑓀𑒨𑒳𑒏𑓂𑒞 𑒁𑒕𑒱 𑒮𑓂𑒩 (𑒖𑒹𑒢𑒰 𑒧𑒱𑒮𑓂𑒩)। 𑒞𑓂𑒩 𑒦𑒹𑒪 𑒞+𑒩 ।
𑒤𑒹𑒩 𑒏𑒹𑒿 / 𑒮𑒿 / 𑒣𑒩 𑒣𑒴𑒩𑓂𑒫 𑒁𑒏𑓂𑒭𑒩𑒮𑒿 𑒮𑒙𑒰 𑒏𑓄 𑒪𑒱𑒐𑒴 𑒧𑒳𑒠𑒰 𑒞𑒿/ 𑒏𑒹/ 𑒏𑓄 𑒯𑒙𑒰 𑒏𑓄। 𑒋𑒯𑒱𑒧𑒹 𑒮𑒿 𑒧𑒹 𑒣𑒯𑒱𑒪 𑒮𑒙𑒰 𑒏𑓄 𑒪𑒱𑒐𑒴 𑒂 𑒥𑒰𑒠𑒥𑒪𑒰 𑒯𑒙𑒰 𑒏𑓄। 𑒁𑓀𑒏𑒏 𑒥𑒰𑒠 𑒙𑒰 𑒪𑒱𑒐𑒴 𑒮𑒙𑒰 𑒏𑓄 𑒧𑒳𑒠𑒰 𑒁𑒢𑓂𑒨 𑒚𑒰𑒧 𑒙𑒰 𑒪𑒱𑒐𑒴 𑒯𑒙𑒰 𑒏𑓄– 𑒖𑒹𑒢𑒰 𑒕𑒯𑒙𑒰 𑒧𑒳𑒠𑒰 𑒮𑒦 𑒙𑒰। 𑒤𑒹𑒩 𑓖𑒁 𑒧 𑒮𑒰𑒞𑒧 𑒪𑒱𑒐𑒴- 𑒕𑒚𑒧 𑒮𑒰𑒞𑒧 𑒢𑒯𑒱। 𑒒𑒩𑒥𑒪𑒰𑒧𑒹 𑒥𑒪𑒰 𑒧𑒳𑒠𑒰 𑒒𑒩𑒫𑒰𑒪𑒲𑒧𑒹 𑒫𑒰𑒪𑒲 𑒣𑓂𑒩𑒨𑒳𑒏𑓂𑒞 𑒏𑒩𑒴।
𑒩𑒯𑒋- 𑒩𑒯𑒻 𑒧𑒳𑒠𑒰 𑒮𑒏𑒻𑒋 (𑒅𑒔𑓂𑒔𑒰𑒩𑒝 𑒮𑒏𑒻-𑒋)।
𑒧𑒳𑒠𑒰 𑒏𑒐𑒢𑒼 𑒏𑒰𑒪 𑒩𑒯𑒋 𑒂 𑒩𑒯𑒻 𑒧𑒹 𑒁𑒩𑓂𑒟 𑒦𑒱𑒢𑓂𑒢𑒞𑒰 𑒮𑒹𑒯𑒼, 𑒖𑒹𑒢𑒰 𑒮𑒹 𑒏𑒧𑓂𑒧𑒼 𑒖𑒑𑒯𑒧𑒹 𑒣𑒰𑒩𑓂𑒏𑒱𑓀𑒑 𑒏𑒩𑒥𑒰𑒏 𑒁𑒦𑓂𑒨𑒰𑒮 𑒩𑒯𑒻 𑒍𑒏𑒩𑒰। 𑒣𑒳𑒕𑒪𑒰𑒣𑒩 𑒣𑒞𑒰 𑒪𑒰𑒑𑒪 𑒖𑒹 𑒜𑒳𑒢𑒜𑒳𑒢 𑒢𑒰𑒧𑓂𑒢𑒰 𑒄 𑒛𑓂𑒩𑒰𑒃𑒫𑒩 𑒏𑒢𑒰𑒙 𑒣𑓂𑒪𑒹𑒮𑒏 𑒣𑒰𑒩𑓂𑒏𑒱𑓀𑒑𑒧𑒹 𑒏𑒰𑒖 𑒏𑒩𑒻𑒞 𑒩𑒯𑒋।
𑒕𑒪𑒻, 𑒕𑒪𑒋 𑒧𑒹 𑒮𑒹𑒯𑒼 𑒋𑒯𑒱 𑒞𑒩𑒯𑒏 𑒦𑒹𑒪। 𑒕𑒪𑒋 𑒏 𑒅𑒔𑓂𑒔𑒰𑒩𑒝 𑒕𑒪-𑒋 𑒮𑒹𑒯𑒼।
𑒮𑓀𑒨𑒼𑒑𑒢𑒹- (𑒅𑒔𑓂𑒔𑒰𑒩𑒝 𑒮𑓀𑒖𑒼𑒑𑒢𑒹)
𑒏𑒹𑒿/ 𑒏𑒹 / 𑒏𑓄
𑒏𑒹𑒩- 𑒏 (𑒏𑒹𑒩 𑒏 𑒣𑓂𑒩𑒨𑒼𑒑 𑒢𑒯𑒱 𑒏𑒩𑒴 )
𑒏 (𑒖𑒹𑒢𑒰 𑒩𑒰𑒧𑒏) –𑒩𑒰𑒧𑒏 𑒂 𑒮𑓀𑒑𑒹 (𑒅𑒔𑓂𑒔𑒰𑒩𑒝 𑒩𑒰𑒧 𑒏𑒹 / 𑒩𑒰𑒧 𑒏𑓄 𑒮𑒹𑒯𑒼)
𑒮𑒿- 𑒮𑓄
𑒔𑒢𑓂𑒠𑓂𑒩𑒥𑒱𑒢𑓂𑒠𑒳 𑒂 𑒁𑒢𑒳𑒮𑓂𑒫𑒰𑒩- 𑒁𑒢𑒳𑒮𑓂𑒫𑒰𑒩𑒧𑒹 𑒏𑓀𑒚 𑒡𑒩𑒱𑒏 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒔𑒢𑓂𑒠𑓂𑒩𑒥𑒱𑒢𑓂𑒠𑒳𑒧𑒹 𑒢𑒯𑒱। 𑒔𑒢𑓂𑒠𑓂𑒩𑒥𑒱𑒢𑓂𑒠𑒳𑒧𑒹 𑒏𑒢𑒹𑒏 𑒋𑒏𑒰𑒩𑒏 𑒮𑒹𑒯𑒼 𑒅𑒔𑓂𑒔𑒰𑒩𑒝 𑒯𑒼𑒃𑒞 𑒁𑒕𑒱- 𑒖𑒹𑒢𑒰 𑒩𑒰𑒧𑒮𑒿- (𑒅𑒔𑓂𑒔𑒰𑒩𑒝 𑒩𑒰𑒧 𑒮𑓄) 𑒩𑒰𑒧𑒏𑒹𑒿- (𑒅𑒔𑓂𑒔𑒰𑒩𑒝 𑒩𑒰𑒧 𑒏𑓄/ 𑒩𑒰𑒧 𑒏𑒹 𑒮𑒹𑒯𑒼)।
𑒏𑒹𑒿 𑒖𑒹𑒢𑒰 𑒩𑒰𑒧𑒏𑒹𑒿 𑒦𑒹𑒪 𑒯𑒱𑒢𑓂𑒠𑒲𑒏 𑒏𑒼 (𑒩𑒰𑒧 𑒏𑒼)- 𑒩𑒰𑒧 𑒏𑒼= 𑒩𑒰𑒧𑒏𑒹𑒿
𑒏 𑒖𑒹𑒢𑒰 𑒩𑒰𑒧𑒏 𑒦𑒹𑒪 𑒯𑒱𑒢𑓂𑒠𑒲𑒏 𑒏𑒰 ( 𑒩𑒰𑒧 𑒏𑒰) 𑒩𑒰𑒧 𑒏𑒰= 𑒩𑒰𑒧𑒏
𑒏𑓄 𑒖𑒹𑒢𑒰 𑒖𑒰 𑒏𑓄 𑒦𑒹𑒪 𑒯𑒱𑒢𑓂𑒠𑒲𑒏 𑒏𑒩 ( 𑒖𑒰 𑒏𑒩) 𑒖𑒰 𑒏𑒩= 𑒖𑒰 𑒏𑓄
𑒮𑒿 𑒦𑒹𑒪 𑒯𑒱𑒢𑓂𑒠𑒲𑒏 𑒮𑒹 (𑒩𑒰𑒧 𑒮𑒹) 𑒩𑒰𑒧 𑒮𑒹= 𑒩𑒰𑒧𑒮𑒿
𑒮𑓄 𑒞𑓄 𑒞 𑒏𑒹𑒩 𑒋𑒯𑒱 𑒮𑒦𑒏 𑒣𑓂𑒩𑒨𑒼𑒑 𑒁𑒫𑒰𑓀𑒕𑒱𑒞।
𑒏𑒹 𑒠𑒼𑒮𑒩 𑒁𑒩𑓂𑒟𑒹𑒿 𑒣𑓂𑒩𑒨𑒳𑒏𑓂𑒞 𑒦𑓄 𑒮𑒏𑒻𑒋- 𑒖𑒹𑒢𑒰 𑒏𑒹 𑒏𑒯𑒪𑒏?
𑒢𑒘𑒱, 𑒢𑒯𑒱, 𑒢𑒻, 𑒢𑒃, 𑒢𑒿𑒃, 𑒢𑒃𑒿 𑒋𑒯𑒱 𑒮𑒦𑒏 𑒅𑒔𑓂𑒔𑒰𑒩𑒝- 𑒢𑒻
𑒁 𑒏𑒐𑒢𑒼 𑒏𑒰𑒪 𑒍 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒧𑒢=𑒧𑒼𑒢, 𑒫𑒢=𑒥𑒼𑒢 (𑒫𑒩𑓂𑒞𑒳𑒪)
𑒁 𑒏𑒐𑒢𑒼 𑒏𑒰𑒪 𑒂 𑒦𑓄 𑒖𑒰𑒃𑒞 𑒁𑒕𑒱, 𑒖𑒹𑒢𑒰- 𑒤𑓀𑒠𑒰=𑒤𑒰𑒢, 𑒔𑒢𑓂𑒠𑓂𑒩=𑒔𑒰𑒢 (𑒮𑓂𑒫𑒩𑒰𑒒𑒰𑒞)
𑒒𑒩=𑒒𑓄𑒩 (𑒅𑒔𑓂𑒔𑒰𑒩𑒝) (𑒮𑓂𑒫𑒩𑒰𑒒𑒰𑒞)
𑒥𑒳𑒠𑓂𑒡=𑒥𑒳𑒠𑓂𑒡𑓄 (𑒅𑒔𑓂𑒔𑒰𑒩𑒝) (𑒮𑓂𑒫𑒩𑒰𑒒𑒰𑒞)
𑒒𑒧𑒮𑒰𑒢=𑒒𑒧𑓄𑒮𑒰𑒢 (𑒠𑒲𑒩𑓂𑒒𑒏 𑒣𑒯𑒱𑒢𑒹𑒏 𑒯𑓂𑒩𑒮𑓂𑒫 𑒮𑓂𑒣𑒬𑓂𑒙 𑒅𑒔𑓂𑒔𑒩𑒱𑒞- 𑒮𑓂𑒫𑒩𑒰𑒒𑒰𑒞)
“𑒃” 𑒏 𑒣𑒯𑒱𑒢𑒹 “𑒂” 𑒩𑒯𑒪𑒰𑒣𑒩 “𑒌” 𑒅𑒔𑓂𑒔𑒩𑒱𑒞 𑒯𑒼𑒃𑒞 𑒁𑒕𑒱- 𑒖𑒹𑒢𑒰 𑒣𑒰𑒢𑒱=𑒣𑒻𑒢, 𑒧𑒳𑒠𑒰 𑒫𑒱𑒦𑒱𑒢𑓂𑒢 𑒏𑓂𑒭𑒹𑒞𑓂𑒩𑒧𑒹 𑒣𑒰𑒢𑒲, 𑒣𑒰𑒢𑒱 𑒥𑒰𑒖𑒪 𑒖𑒰𑒃𑒞 𑒁𑒕𑒱 𑒞𑒹𑒿 𑒫𑒩𑓂𑒞𑒢𑒲𑒧𑒹 𑒣𑒰𑒢𑒱, 𑒂𑒑𑒱 𑒪𑒱𑒐𑒥 𑒅𑒔𑒱𑒞𑒹 𑒁𑒕𑒱।
𑒂 𑒏𑒐𑒢𑒼 𑒏𑒰𑒪 𑒁 𑒦𑓄 𑒖𑒰𑒃𑒞 𑒁𑒕𑒱, 𑒖𑒹𑒢𑒰 𑒏𑒰𑒏𑒰=𑒏𑒏𑓂𑒏𑒰।
𑒃 𑒏𑒐𑒢𑒼 𑒏𑒰𑒪 𑒍 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒩𑒱𑒫𑒰𑒖=𑒩𑒹𑒥𑒰𑒖।
𑒇 𑒏𑒐𑒢𑒼 𑒏𑒰𑒪 𑒃/ 𑒄/ 𑒆 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒏𑒵𑒭𑓂𑒝=𑒏𑒱𑒮𑒳𑒢, 𑒣𑒵𑒭𑓂𑒚=𑒣𑒲𑒚, 𑒫𑒵𑒠𑓂𑒡=𑒥𑒴𑒜𑓃।
𑒁𑒢𑓂𑒞𑒧𑒹 “𑒄” 𑒏 𑒥𑒠𑒪𑒰𑒧𑒹 𑒃 𑒪𑒱𑒐𑒪 𑒖𑒰𑒃𑒞 𑒁𑒕𑒱।
𑒇 𑒏𑒐𑒢𑒼 𑒏𑒰𑒪 𑒁 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰- 𑒫𑒵𑒭𑒦=𑒥𑒮𑒯𑒰, 𑒁𑒯𑒵𑒠𑒲=𑒁𑒯𑒠𑒲।
𑒅 𑒏𑒐𑒢𑒼 𑒏𑒰𑒪 𑒍 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒠𑒳𑒏𑒰𑒢=𑒠𑒼𑒏𑒰𑒢
𑒆 𑒏𑒐𑒢𑒼 𑒏𑒰𑒪 𑒍 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒧𑒴𑒪𑓂𑒨=𑒧𑒼𑒪।
𑒁𑒋 𑒏𑒐𑒢𑒼 𑒏𑒰𑒪 𑒋 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒏𑒋𑒪𑒢𑒱=𑒏𑒹𑒪𑒢𑒱।
𑒌 𑒏𑒐𑒢𑒼 𑒏𑒰𑒪 𑒁𑒃/ 𑒁𑒋 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒦𑒻𑒨𑒰=𑒦𑒃𑒨𑒰, 𑒣𑒻𑒩=𑒣𑒋𑒩।
𑒂+𑒍 𑒏𑒐𑒢𑒼 𑒏𑒰𑒪 𑒎 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒑𑒧𑒰𑒍𑒪=𑒑𑒧𑒾𑒪।
𑒏 𑒏𑒐𑒢𑒼 𑒏𑒰𑒪 𑒐/ 𑒑 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒣𑒳𑒭𑓂𑒏𑒩𑒱=𑒣𑒼𑒐𑒩𑒱, 𑒦𑒏𑓂𑒞=𑒦𑒑𑒞।
𑒭 𑒏𑒐𑒢𑒼 𑒏𑒰𑒪 𑒬𑒥𑓂𑒠𑒏 𑒣𑓂𑒩𑒰𑒩𑒧𑓂𑒦 𑒫𑒰 𑒁𑒢𑓂𑒞𑒧𑒹 𑒩𑒯𑒪𑒰𑒣𑒩 𑒐 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒭𑒭𑓂𑒚𑒲=𑒐𑒭𑓂𑒚𑒲, 𑒦𑒹𑒭-𑒦𑒴𑒭𑒰=𑒦𑒹𑒐-𑒦𑒴𑒐𑒰।
𑒏𑓂𑒭 𑒏𑒐𑒢𑒼 𑒏𑒰𑒪 𑒐 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒏𑓂𑒭𑒲𑒩=𑒐𑒲𑒩।
𑒖𑓂𑒘 𑒏𑒐𑒢𑒼 𑒏𑒰𑒪 𑒑 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒨𑒖𑓂𑒘=𑒖𑒰𑒑।
𑒑 𑒏𑒐𑒢𑒼 𑒏𑒰𑒪 𑒒 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒑𑒩𑓂𑒑=𑒒𑒰𑒒।
𑒞𑓂𑒨 𑒏𑒐𑒢𑒼 𑒏𑒰𑒪 𑒔 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒮𑒞𑓂𑒨=𑒮𑒰𑒿𑒔।
𑒞𑓂𑒮𑓂𑒨 𑒏𑒐𑒢𑒼 𑒏𑒰𑒪 𑒕 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒧𑒞𑓂𑒮𑓂𑒨=𑒧𑒰𑒿𑒕।
𑒨 𑒏𑒐𑒢𑒼 𑒏𑒰𑒪 𑒬𑒥𑓂𑒠𑒏 𑒣𑓂𑒩𑒰𑒩𑒧𑓂𑒦𑒧𑒹 𑒩𑒯𑒪𑒰𑒣𑒩 𑒖 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒨𑒧=𑒖𑒧।
𑒠𑓂𑒨 𑒏𑒐𑒢𑒼 𑒏𑒰𑒪 𑒖 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒫𑒱𑒠𑓂𑒨𑒳𑒞=𑒥𑒱𑒖𑒳𑒪𑒲।
𑒡𑓂𑒨 𑒏𑒐𑒢𑒼 𑒏𑒰𑒪 𑒗 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒫𑓀𑒡𑓂𑒨𑒰=𑒥𑒰𑒿𑒗।
𑒞 𑒏𑒐𑒢𑒼 𑒏𑒰𑒪 𑒙 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒏𑒩𑓂𑒞𑒢=𑒏𑒰𑒙𑒥।
𑒢𑓂𑒟 𑒏𑒐𑒢𑒼 𑒏𑒰𑒪 𑒚 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒑𑓂𑒩𑒢𑓂𑒟𑒱=𑒑𑒹𑓀𑒚।
𑒠 𑒏𑒐𑒢𑒼 𑒏𑒰𑒪 𑒛 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒠𑒝𑓂𑒛=𑒛𑒰𑒿𑒙।
𑒞 𑒏𑒐𑒢𑒼 𑒏𑒰𑒪 𑒪𑒳𑒣𑓂𑒞 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒖𑒰𑒃𑒞=𑒖𑒰𑒃।
𑒮𑓂𑒞 𑒏𑒐𑒢𑒼 𑒏𑒰𑒪 𑒟 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰𑒣𑓂𑒩𑒮𑓂𑒞𑒩=𑒣𑒰𑒟𑒩।
𑒠 𑒏𑒐𑒢𑒼 𑒏𑒰𑒪 𑒛 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒠𑒰𑒯=𑒛𑒰𑒯।
𑒡 𑒏𑒐𑒢𑒼 𑒏𑒰𑒪 𑒬𑒥𑓂𑒠𑒏 𑒁𑒢𑓂𑒞𑒧𑒹 𑒩𑒯𑒪𑒰𑒣𑒩 𑒠𑒯 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒑𑒡𑒰=𑒑𑒠𑒯𑒰।
𑒪 𑒏𑒐𑒢𑒼 𑒏𑒰𑒪 𑒢 𑒦𑓄 𑒖𑒰𑒃𑒞 𑒁𑒕𑒱 𑒂 𑒢 𑒏𑒐𑒢𑒼 𑒏𑒰𑒪 𑒪 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒢𑒼𑒩=𑒪𑒼𑒩।
𑒣 𑒏𑒐𑒢𑒼 𑒏𑒰𑒪 𑒤 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒣𑒰𑒬=𑒤𑒰𑒿𑒮।
𑒤 𑒏𑒐𑒢𑒼 𑒏𑒰𑒪 “𑒣” 𑒂 “𑒯” 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒥𑒹𑒫𑒏𑒴𑒤=𑒥𑒹𑒏𑒴𑒤।
𑒥 𑒏𑒐𑒢𑒼 𑒏𑒰𑒪 𑒧 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒬𑒻𑒥𑒰𑒪=𑒮𑒹𑒧𑒰𑒩।
𑒧𑓂𑒦 𑒏𑒐𑒢𑒼 𑒏𑒰𑒪 𑒧 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒐𑒧𑓂𑒦𑒰=𑒐𑒧𑒯𑒰।
𑒧𑓂𑒥 𑒏𑒐𑒢𑒼 𑒏𑒰𑒪 𑒧 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒏𑒧𑓂𑒥𑒪=𑒏𑒧𑓂𑒧𑒪।
𑒪 𑒏𑒐𑒢𑒼 𑒏𑒰𑒪 𑒩 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒯𑒪=𑒯𑒩।
𑒫 𑒏𑒐𑒢𑒼 𑒏𑒰𑒪 𑒦 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒫𑒰𑒭𑓂𑒣=𑒦𑒰𑒣।
𑒯 𑒏𑒐𑒢𑒼 𑒏𑒰𑒪 𑒬𑒥𑓂𑒠𑒏 𑒁𑒢𑓂𑒞𑒧𑒹 𑒩𑒯𑒪𑒰𑒣𑒩 𑒪𑒳𑒣𑓂𑒞 𑒦𑓄 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒑𑒹𑒪𑒰𑒯=𑒑𑒹𑒪𑒰।
𑒞𑓂𑒞𑓂𑒫 𑒏 𑒥𑒠𑒪𑒰𑒧𑒹 𑒞𑓂𑒫 𑒖𑒹𑒢𑒰 𑒧𑒯𑒞𑓂𑒫𑒣𑒴𑒩𑓂𑒝 (𑒧𑒯𑒞𑓂𑒞𑓂𑒫𑒣𑒴𑒩𑓂𑒝 𑒢𑒯𑒱) 𑒖𑒞𑒋 𑒁𑒩𑓂𑒟 𑒥𑒠𑒪𑒱 𑒖𑒰𑒋 𑒍𑒞𑒯𑒱 𑒧𑒰𑒞𑓂𑒩 𑒞𑒲𑒢 𑒁𑒏𑓂𑒭𑒩𑒏 𑒮𑓀𑒨𑒳𑒏𑓂𑒞𑒰𑒏𑓂𑒭𑒩𑒏 𑒣𑓂𑒩𑒨𑒼𑒑 𑒅𑒔𑒱𑒞। 𑒮𑒧𑓂𑒣𑒞𑒱- 𑒅𑒔𑓂𑒔𑒰𑒩𑒝 𑒮 𑒧𑓂𑒣 𑒃 𑒞 (𑒮𑒧𑓂𑒣𑒞𑓂𑒞𑒱 𑒢𑒯𑒱- 𑒏𑒰𑒩𑒝 𑒮𑒯𑒲 𑒅𑒔𑓂𑒔𑒰𑒩𑒝 𑒂𑒮𑒰𑒢𑒲𑒮𑒿 𑒮𑒧𑓂𑒦𑒫 𑒢𑒯𑒱)। 𑒧𑒳𑒠𑒰 𑒮𑒩𑓂𑒫𑒼𑒞𑓂𑒞𑒧 (𑒮𑒩𑓂𑒫𑒼𑒞𑒧 𑒢𑒯𑒱)।
𑒧𑒹 𑒏𑒹𑒿 𑒮𑒿 𑒣𑒩 (𑒬𑒥𑓂𑒠𑒮𑒿 𑒮𑒙𑒰 𑒏𑓄) 𑒞𑒿 𑒏𑓄 𑒡𑓄 𑒠𑓄 (𑒬𑒥𑓂𑒠𑒮𑒿 𑒯𑒙𑒰 𑒏𑓄) 𑒧𑒳𑒠𑒰 𑒠𑒴𑒙𑒰 𑒫𑒰 𑒥𑒹𑒬𑒲 𑒫𑒱𑒦𑒏𑓂𑒞𑒱 𑒮𑓀𑒑 𑒩𑒯𑒪𑒰𑒣𑒩 𑒣𑒯𑒱𑒪 𑒫𑒱𑒦𑒏𑓂𑒞𑒱 𑒙𑒰𑒏𑒹𑒿 𑒮𑒙𑒰𑒆।
𑒋𑒏𑒙𑒰 𑒠𑒴𑒙𑒰 (𑒧𑒳𑒠𑒰 𑒏𑒻𑒏 𑒙𑒰)
𑒥𑒱𑒏𑒰𑒩𑒲𑒏 𑒣𑓂𑒩𑒨𑒼𑒑 𑒬𑒥𑓂𑒠𑒏 𑒁𑒢𑓂𑒞𑒧𑒹, 𑒥𑒲𑒔𑒧𑒹 𑒁𑒢𑒰𑒫𑒬𑓂𑒨𑒏 𑒩𑒴𑒣𑒹𑒿 𑒢𑒯𑒱। 𑒂𑒏𑒰𑒩𑒰𑒢𑓂𑒞 𑒂 𑒁𑒢𑓂𑒞𑒧𑒹 𑒁 𑒏 𑒥𑒰𑒠 𑒥𑒱𑒏𑒰𑒩𑒲𑒏 𑒣𑓂𑒩𑒨𑒼𑒑 𑒢𑒯𑒱 (𑒖𑒹𑒢𑒰 𑒠𑒱𑒁, 𑒂 )
𑒁𑒣𑒼𑒮𑓂𑒙𑓂𑒩𑒼𑒤𑒲𑒏 𑒣𑓂𑒩𑒨𑒼𑒑 𑒥𑒱𑒏𑒰𑒩𑒲 (𑓄 -𑒮𑓀𑒮𑓂𑒏𑒵𑒞𑒧𑒹 𑒋𑒏𑒩𑒰 𑒁𑒫𑒑𑓂𑒩𑒯 𑒂 𑒥𑒰𑓀𑒑𑓂𑒪𑒰𑒧𑒹 𑒖𑒤𑒪𑒰 𑒏𑒯𑒪 𑒖𑒰𑒃𑒞 𑒁𑒕𑒱) 𑒏 𑒥𑒠𑒪𑒰𑒧𑒹 𑒏𑒩𑒥 𑒁𑒢𑒳𑒔𑒱𑒞 𑒂 𑒧𑒰𑒞𑓂𑒩 𑒤𑒰𑒢𑓂𑒙𑒏 𑒞𑒏𑒢𑒲𑒏𑒲 𑒢𑓂𑒨𑒴𑒢𑒞𑒰𑒏 𑒣𑒩𑒱𑒔𑒰𑒨𑒏)- 𑒍𑒢𑒰 𑒥𑒱𑒏𑒰𑒩𑒲𑒏 𑒮𑓀𑒮𑓂𑒏𑒵𑒞 𑒩𑒴𑒣 𑓄 𑒁𑒫𑒑𑓂𑒩𑒯 𑒏𑒯𑒪 𑒖𑒰𑒃𑒞 𑒁𑒕𑒱 𑒂 𑒫𑒩𑓂𑒞𑒢𑒲 𑒂 𑒅𑒔𑓂𑒔𑒰𑒩𑒝 𑒠𑒳𑒢𑒴 𑒚𑒰𑒧 𑒋𑒏𑒩 𑒪𑒼𑒣 𑒩𑒯𑒻𑒞 𑒁𑒕𑒱/ 𑒩𑒯𑒱 𑒮𑒏𑒻𑒞 𑒁𑒕𑒱 (𑒅𑒔𑓂𑒔𑒰𑒩𑒝𑒧𑒹 𑒪𑒼𑒣 𑒩𑒯𑒱𑒞𑒹 𑒁𑒕𑒱)। 𑒧𑒳𑒠𑒰 𑒁𑒣𑒼𑒮𑓂𑒙𑓂𑒩𑒼𑒤𑒲 𑒮𑒹𑒯𑒼 𑒁𑓀𑒑𑓂𑒩𑒹𑒖𑒲𑒧𑒹 𑒣𑒮𑒹𑒮𑒱𑒫 𑒏𑒹𑒮𑒧𑒹 𑒯𑒼𑒃𑒞 𑒁𑒕𑒱 𑒂 𑒤𑓂𑒩𑒹𑓀𑒔𑒧𑒹 𑒬𑒥𑓂𑒠𑒧𑒹 𑒖𑒞𑒋 𑒋𑒏𑒩 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱 𑒖𑒹𑒢𑒰 raison d’etre 𑒋𑒞𑒋 𑒮𑒹𑒯𑒼 𑒋𑒏𑒩 𑒅𑒔𑓂𑒔𑒰𑒩𑒝 𑒩𑒻𑒖𑒾𑒢 𑒛𑒹𑒙𑒩 𑒯𑒼𑒃𑒞 𑒁𑒕𑒱, 𑒧𑒰𑒢𑒹 𑒁𑒣𑒼𑒮𑓂𑒙𑓂𑒩𑒰𑒤𑒲 𑒁𑒫𑒏𑒰𑒬 𑒢𑒯𑒱 𑒠𑒻𑒞 𑒁𑒕𑒱 𑒫𑒩𑒢 𑒖𑒼𑒛𑓃𑒻𑒞 𑒁𑒕𑒱, 𑒮𑒹 𑒋𑒏𑒩 𑒣𑓂𑒩𑒨𑒼𑒑 𑒥𑒱𑒏𑒰𑒩𑒲𑒏 𑒥𑒠𑒪𑒰 𑒠𑒹𑒢𑒰𑒃 𑒞𑒏𑒢𑒲𑒏𑒲 𑒩𑒴𑒣𑒹𑒿 𑒮𑒹𑒯𑒼 𑒁𑒢𑒳𑒔𑒱𑒞)।
𑒧𑒻𑒟𑒱𑒪𑒲𑒏 𑒧𑒰𑒞𑓂𑒩𑒰𑒞𑓂𑒧𑒏 𑒂𑒒𑒰𑒞𑒧𑒹 𑒯𑓂𑒩𑒮𑓂𑒫 𑒮𑓂𑒫𑒩𑒣𑒩 𑒂𑒒𑒰𑒞 𑒣𑒛𑓃𑒪𑒰𑒣𑒩 𑒍 𑒠𑒲𑒩𑓂𑒒 𑒦𑓄 𑒖𑒰𑒃𑒞 𑒁𑒕𑒱।𑒬𑒥𑓂𑒠𑒧𑒹 𑒖𑒾𑒿 𑒠𑒲𑒩𑓂𑒒 𑒮𑓂𑒫𑒩 𑒩𑒯𑒞 𑒞𑒿 𑒂𑒒𑒰𑒞 𑒍𑒯𑒱𑒣𑒩, 𑒠𑒲𑒩𑓂𑒒 𑒢𑒯𑒱 𑒩𑒯𑒞 𑒞𑒿 𑒅𑒣𑒰𑒢𑓂𑒞𑓂𑒨 𑒮𑓂𑒫𑒩𑒣𑒩 𑒂 𑒖𑒞𑒋 𑒠𑒴𑒙𑒰 𑒠𑒲𑒩𑓂𑒒 𑒪𑒑𑒰𑒞𑒰𑒩 𑒁𑒕𑒱 𑒍𑒞𑒋 𑒮𑒹𑒯𑒼 𑒅𑒣𑒰𑒢𑓂𑒞𑓂𑒨 𑒠𑒲𑒩𑓂𑒒𑒣𑒩 𑒂𑒒𑒰𑒞 𑒣𑒛𑓃𑒻𑒞 𑒁𑒕𑒱।𑒣𑒰’𑒢𑒱, 𑒍𑒮𑒰’𑒩𑒰। 𑒥𑒪𑒰𑒞𑓂𑒧𑒏 𑒂𑒒𑒰𑒞 𑒮𑒹𑒯𑒼 𑒑𑒣𑒣𑒩 𑒖𑒼𑒩 𑒠𑒹𑒥𑒰 𑒏𑒰𑒪 𑒣𑓂𑒩𑒨𑒳𑒏𑓂𑒞 𑒯𑒼𑒃𑒞 𑒁𑒕𑒱 𑒖𑒹𑒢𑒰- 𑒁𑒣𑒢=𑒁𑒣𑓂𑒣𑒢। 𑒖𑒰𑒯𑒱 𑒮𑓂𑒫𑒩𑒣𑒩 𑒂𑒒𑒰𑒞 𑒣𑒛𑓃𑒞 𑒞𑒏𑒩 𑒣𑒴𑒩𑓂𑒫𑒏 𑒮𑒦 𑒮𑓂𑒫𑒩 𑒯𑓂𑒩𑒮𑓂𑒫 𑒦𑓄 𑒖𑒰𑒃𑒞 𑒁𑒕𑒱।

𑒧𑒻𑒟𑒱𑒪𑒲𑒏 𑒅𑒔𑓂𑒔𑒰𑒩𑒝 𑒂 𑒪𑒹𑒐𑒢𑒏 𑒫𑒱𑒬𑒹𑒭𑒞𑒰:

𑓑.𑒣𑒘𑓂𑒔𑒧𑒰𑒏𑓂𑒭𑒩 𑒂 𑒁𑒢𑒳𑒮𑓂𑒫𑒰𑒩: 𑒣𑒘𑓂𑒔𑒧𑒰𑒏𑓂𑒭𑒩𑒰𑒢𑓂𑒞𑒩𑓂𑒑𑒞 𑒓, 𑒘, 𑒝, 𑒢 𑒋𑒫𑓀 𑒧 𑒁𑒥𑒻𑒞 𑒁𑒕𑒱। 𑒮𑓀𑒮𑓂𑒏𑒵𑒞 𑒦𑒰𑒭𑒰𑒏 𑒁𑒢𑒳𑒮𑒰𑒩 𑒬𑒥𑓂𑒠𑒏 𑒁𑒢𑓂𑒞𑒧𑒹 𑒖𑒰𑒯𑒱 𑒫𑒩𑓂𑒑𑒏 𑒁𑒏𑓂𑒭𑒩 𑒩𑒯𑒻𑒞 𑒁𑒕𑒱 𑒍𑒯𑒲 𑒫𑒩𑓂𑒑𑒏 𑒣𑒘𑓂𑒔𑒧𑒰𑒏𑓂𑒭𑒩 𑒁𑒥𑒻𑒞 𑒁𑒕𑒱। 𑒖𑒹𑒢𑒰-
𑒁𑒓𑓂𑒏 (𑒏 𑒫𑒩𑓂𑒑𑒏 𑒩𑒯𑒥𑒰𑒏 𑒏𑒰𑒩𑒝𑒹 𑒁𑒢𑓂𑒞𑒧𑒹 𑒓𑓂 𑒂𑒋𑒪 𑒁𑒕𑒱।)
𑒣𑒘𑓂𑒔 (𑒔 𑒫𑒩𑓂𑒑𑒏 𑒩𑒯𑒥𑒰𑒏 𑒏𑒰𑒩𑒝𑒹 𑒁𑒢𑓂𑒞𑒧𑒹 𑒘𑓂 𑒂𑒋𑒪 𑒁𑒕𑒱।)
𑒐𑒝𑓂𑒛 (𑒙 𑒫𑒩𑓂𑒑𑒏 𑒩𑒯𑒥𑒰𑒏 𑒏𑒰𑒩𑒝𑒹 𑒁𑒢𑓂𑒞𑒧𑒹 𑒝𑓂 𑒂𑒋𑒪 𑒁𑒕𑒱।)
𑒮𑒢𑓂𑒡𑒱 (𑒞 𑒫𑒩𑓂𑒑𑒏 𑒩𑒯𑒥𑒰𑒏 𑒏𑒰𑒩𑒝𑒹 𑒁𑒢𑓂𑒞𑒧𑒹 𑒢𑓂 𑒂𑒋𑒪 𑒁𑒕𑒱।)
𑒐𑒧𑓂𑒦 (𑒣 𑒫𑒩𑓂𑒑𑒏 𑒩𑒯𑒥𑒰𑒏 𑒏𑒰𑒩𑒝𑒹 𑒁𑒢𑓂𑒞𑒧𑒹 𑒧𑓂 𑒂𑒋𑒪 𑒁𑒕𑒱।)
𑒅𑒣𑒩𑓂𑒨𑒳𑒏𑓂𑒞 𑒥𑒰𑒞 𑒧𑒻𑒟𑒱𑒪𑒲𑒧𑒹 𑒏𑒧 𑒠𑒹𑒐𑒪 𑒖𑒰𑒃𑒞 𑒁𑒕𑒱। 𑒣𑒘𑓂𑒔𑒧𑒰𑒏𑓂𑒭𑒩𑒏 𑒥𑒠𑒪𑒰𑒧𑒹 𑒁𑒡𑒱𑒏𑒰𑓀𑒬 𑒖𑒑𑒯𑒣𑒩 𑒁𑒢𑒳𑒮𑓂𑒫𑒰𑒩𑒏 𑒣𑓂𑒩𑒨𑒼𑒑 𑒠𑒹𑒐𑒪 𑒖𑒰𑒃𑒕। 𑒖𑒹𑒢𑒰- 𑒁𑓀𑒏, 𑒣𑓀𑒔, 𑒐𑓀𑒛, 𑒮𑓀𑒡𑒱, 𑒐𑓀𑒦 𑒂𑒠𑒱। 𑒫𑓂𑒨𑒰𑒏𑒩𑒝𑒫𑒱𑒠 𑒣𑒝𑓂𑒛𑒱𑒞 𑒑𑒼𑒫𑒱𑒢𑓂𑒠 𑒗𑒰𑒏 𑒏𑒯𑒥 𑒕𑒢𑒱 𑒖𑒹 𑒏𑒫𑒩𑓂𑒑, 𑒔𑒫𑒩𑓂𑒑 𑒂 𑒙𑒫𑒩𑓂𑒑𑒮𑒿 𑒣𑒴𑒩𑓂𑒫 𑒁𑒢𑒳𑒮𑓂𑒫𑒰𑒩 𑒪𑒱𑒐𑒪 𑒖𑒰𑒋 𑒞𑒟𑒰 𑒞𑒫𑒩𑓂𑒑 𑒂 𑒣𑒫𑒩𑓂𑒑𑒮𑒿 𑒣𑒴𑒩𑓂𑒫 𑒣𑒘𑓂𑒔𑒧𑒰𑒏𑓂𑒭𑒩𑒹 𑒪𑒱𑒐𑒪 𑒖𑒰𑒋। 𑒖𑒹𑒢𑒰- 𑒁𑓀𑒏, 𑒔𑓀𑒔𑒪, 𑒁𑓀𑒛𑒰, 𑒁𑒢𑓂𑒞 𑒞𑒟𑒰 𑒏𑒧𑓂𑒣𑒢। 𑒧𑒳𑒠𑒰 𑒯𑒱𑒢𑓂𑒠𑒲𑒏 𑒢𑒱𑒏𑒙 𑒩𑒯𑒪 𑒂𑒡𑒳𑒢𑒱𑒏 𑒪𑒹𑒐𑒏 𑒋𑒯𑒱 𑒥𑒰𑒞𑒏𑒹𑒿 𑒢𑒯𑒱 𑒧𑒰𑒢𑒻𑒞 𑒕𑒟𑒱। 𑒍 𑒪𑒼𑒏𑒢𑒱 𑒁𑒢𑓂𑒞 𑒂 𑒏𑒧𑓂𑒣𑒢𑒏 𑒖𑒑𑒯𑒣𑒩 𑒮𑒹𑒯𑒼 𑒁𑓀𑒞 𑒂 𑒏𑓀𑒣𑒢 𑒪𑒱𑒐𑒻𑒞 𑒠𑒹𑒐𑒪 𑒖𑒰𑒃𑒞 𑒕𑒟𑒱।
𑒢𑒫𑒲𑒢 𑒣𑒠𑓂𑒡𑒞𑒱 𑒏𑒱𑒕𑒳 𑒮𑒳𑒫𑒱𑒡𑒰𑒖𑒢𑒏 𑒁𑒫𑒬𑓂𑒨 𑒕𑒻𑒏। 𑒏𑒱𑒋𑒏 𑒞𑒿 𑒋𑒯𑒱𑒧𑒹 𑒮𑒧𑒨 𑒂 𑒮𑓂𑒟𑒰𑒢𑒏 𑒥𑒔𑒞 𑒯𑒼𑒃𑒞 𑒕𑒻𑒏। 𑒧𑒳𑒠𑒰 𑒏𑒞𑒼𑒏 𑒥𑒹𑒩 𑒯𑒮𑓂𑒞𑒪𑒹𑒐𑒢 𑒫𑒰 𑒧𑒳𑒠𑓂𑒩𑒝𑒧𑒹 𑒁𑒢𑒳𑒮𑓂𑒫𑒰𑒩𑒏 𑒕𑒼𑒙 𑒮𑒢 𑒥𑒱𑒢𑓂𑒠𑒳 𑒮𑓂𑒣𑒭𑓂𑒙 𑒢𑒯𑒱 𑒦𑒹𑒪𑒰𑒮𑒿 𑒁𑒩𑓂𑒟𑒏 𑒁𑒢𑒩𑓂𑒟 𑒯𑒼𑒃𑒞 𑒮𑒹𑒯𑒼 𑒠𑒹𑒐𑒪 𑒖𑒰𑒃𑒞 𑒁𑒕𑒱। 𑒁𑒢𑒳𑒮𑓂𑒫𑒰𑒩𑒏 𑒣𑓂𑒩𑒨𑒼𑒑𑒧𑒹 𑒅𑒔𑓂𑒔𑒰𑒩𑒝-𑒠𑒼𑒭𑒏 𑒮𑒧𑓂𑒦𑒰𑒫𑒢𑒰 𑒮𑒹𑒯𑒼 𑒞𑒞𑒥𑒋 𑒠𑒹𑒐𑒪 𑒖𑒰𑒃𑒞 𑒁𑒕𑒱। 𑒋𑒞𑒠𑒩𑓂𑒟 𑒏𑒮𑒿 𑒪𑓄 𑒏𑓄 𑒣𑒫𑒩𑓂𑒑 𑒡𑒩𑒱 𑒣𑒘𑓂𑒔𑒧𑒰𑒏𑓂𑒭𑒩𑒹𑒏 𑒣𑓂𑒩𑒨𑒼𑒑 𑒏𑒩𑒥 𑒅𑒔𑒱𑒞 𑒁𑒕𑒱। 𑒨𑒮𑒿 𑒪𑓄 𑒏𑓄 𑒖𑓂𑒘 𑒡𑒩𑒱𑒏 𑒁𑒏𑓂𑒭𑒩𑒏 𑒮𑒓𑓂𑒑 𑒁𑒢𑒳𑒮𑓂𑒫𑒰𑒩𑒏 𑒣𑓂𑒩𑒨𑒼𑒑 𑒏𑒩𑒥𑒰𑒧𑒹 𑒏𑒞𑒯𑒳 𑒏𑒼𑒢𑒼 𑒫𑒱𑒫𑒰𑒠 𑒢𑒯𑒱 𑒠𑒹𑒐𑒪 𑒖𑒰𑒃𑒕।

𑓒.𑒜 𑒂 𑒜𑓃 : 𑒜𑓃𑒏 𑒅𑒔𑓂𑒔𑒰𑒩𑒝 “𑒩𑓂 𑒯”𑒖𑒏𑒰𑒿 𑒯𑒼𑒃𑒞 𑒁𑒕𑒱। 𑒁𑒞𑓁 𑒖𑒞𑓄 “𑒩𑓂 𑒯”𑒏 𑒅𑒔𑓂𑒔𑒰𑒩𑒝 𑒯𑒼 𑒍𑒞𑓄 𑒧𑒰𑒞𑓂𑒩 𑒜𑓃 𑒪𑒱𑒐𑒪 𑒖𑒰𑒋। 𑒂𑒢 𑒚𑒰𑒧 𑒐𑒰𑒪𑒲 𑒜 𑒪𑒱𑒐𑒪 𑒖𑒋𑒥𑒰𑒏 𑒔𑒰𑒯𑒲। 𑒖𑒹𑒢𑒰-
𑒜 = 𑒜𑒰𑒏𑒲, 𑒜𑒹𑒏𑒲, 𑒜𑒲𑒚, 𑒜𑒹𑒅𑒂, 𑒜𑒓𑓂𑒑, 𑒜𑒹𑒩𑒲, 𑒜𑒰𑒏𑒢𑒱, 𑒜𑒰𑒚 𑒂𑒠𑒱।
𑒜𑓃 = 𑒣𑒜𑓃𑒰𑒃, 𑒥𑒜𑓃𑒥, 𑒑𑒜𑓃𑒥, 𑒧𑒜𑓃𑒥, 𑒥𑒳𑒜𑓃𑒥𑒰, 𑒮𑒰𑒿𑒜𑓃, 𑒑𑒰𑒜𑓃, 𑒩𑒲𑒜𑓃, 𑒔𑒰𑒿𑒜𑓃, 𑒮𑒲𑒜𑓃𑒲, 𑒣𑒲𑒜𑓃𑒲 𑒂𑒠𑒱।
𑒅𑒣𑒩𑓂𑒨𑒳𑒏𑓂𑒞 𑒬𑒥𑓂𑒠 𑒮𑒦𑒏𑒹𑒿 𑒠𑒹𑒐𑒪𑒰𑒮𑒿 𑒄 𑒮𑓂𑒣𑒭𑓂𑒙 𑒯𑒼𑒃𑒞 𑒁𑒕𑒱 𑒖𑒹 𑒮𑒰𑒡𑒰𑒩𑒝𑒞𑒨𑒰 𑒬𑒥𑓂𑒠𑒏 𑒬𑒳𑒩𑒴𑒧𑒹 𑒜 𑒂 𑒧𑒡𑓂𑒨 𑒞𑒟𑒰 𑒁𑒢𑓂𑒞𑒧𑒹 𑒜𑓃 𑒁𑒥𑒻𑒞 𑒁𑒕𑒱। 𑒃𑒋𑒯 𑒢𑒱𑒨𑒧 𑒛 𑒂 𑒛𑓃𑒏 𑒮𑒢𑓂𑒠𑒩𑓂𑒦 𑒮𑒹𑒯𑒼 𑒪𑒰𑒑𑒴 𑒯𑒼𑒃𑒞 𑒁𑒕𑒱।
𑓓.𑒫 𑒂 𑒥 : 𑒧𑒻𑒟𑒱𑒪𑒲𑒧𑒹 “𑒫”𑒏 𑒅𑒔𑓂𑒔𑒰𑒩𑒝 𑒥 𑒏𑒋𑒪 𑒖𑒰𑒃𑒞 𑒁𑒕𑒱, 𑒧𑒳𑒠𑒰 𑒍𑒏𑒩𑒰 𑒥 𑒩𑒴𑒣𑒧𑒹 𑒢𑒯𑒱 𑒪𑒱𑒐𑒪 𑒖𑒋𑒥𑒰𑒏 𑒔𑒰𑒯𑒲। 𑒖𑒹𑒢𑒰- 𑒅𑒔𑓂𑒔𑒰𑒩𑒝 : 𑒥𑒻𑒠𑓂𑒨𑒢𑒰𑒟, 𑒥𑒱𑒠𑓂𑒨𑒰, 𑒢𑒥, 𑒠𑒹𑒥𑒞𑒰, 𑒥𑒱𑒭𑓂𑒝𑒳, 𑒥𑓀𑒬, 𑒥𑒢𑓂𑒠𑒢𑒰 𑒂𑒠𑒱। 𑒋𑒯𑒱 𑒮𑒦𑒏 𑒮𑓂𑒟𑒰𑒢𑒣𑒩 𑒏𑓂𑒩𑒧𑒬𑓁 𑒫𑒻𑒠𑓂𑒨𑒢𑒰𑒟, 𑒫𑒱𑒠𑓂𑒨𑒰, 𑒢𑒫, 𑒠𑒹𑒫𑒞𑒰, 𑒫𑒱𑒭𑓂𑒝𑒳, 𑒫𑓀𑒬, 𑒫𑒢𑓂𑒠𑒢𑒰 𑒪𑒱𑒐𑒥𑒰𑒏 𑒔𑒰𑒯𑒲। 𑒮𑒰𑒧𑒰𑒢𑓂𑒨𑒞𑒨𑒰 𑒫 𑒅𑒔𑓂𑒔𑒰𑒩𑒝𑒏 𑒪𑒹𑒪 𑒍 𑒣𑓂𑒩𑒨𑒼𑒑 𑒏𑒋𑒪 𑒖𑒰𑒃𑒞 𑒁𑒕𑒱। 𑒖𑒹𑒢𑒰- 𑒍𑒏𑒲𑒪, 𑒍𑒖𑒯 𑒂𑒠𑒱।
𑓔.𑒨 𑒂 𑒖 : 𑒏𑒞𑒯𑒳-𑒏𑒞𑒯𑒳 “𑒨”𑒏 𑒅𑒔𑓂𑒔𑒰𑒩𑒝 “𑒖”𑒖𑒏𑒰𑒿 𑒏𑒩𑒻𑒞 𑒠𑒹𑒐𑒪 𑒖𑒰𑒃𑒞 𑒁𑒕𑒱, 𑒧𑒳𑒠𑒰 𑒍𑒏𑒩𑒰 𑒖 𑒢𑒯𑒱 𑒪𑒱𑒐𑒥𑒰𑒏 𑒔𑒰𑒯𑒲। 𑒅𑒔𑓂𑒔𑒰𑒩𑒝𑒧𑒹 𑒨𑒖𑓂𑒘, 𑒖𑒠𑒱, 𑒖𑒧𑒳𑒢𑒰, 𑒖𑒳𑒑, 𑒖𑒰𑒥𑒞, 𑒖𑒼𑒑𑒲, 𑒖𑒠𑒳, 𑒖𑒧 𑒂𑒠𑒱 𑒏𑒯𑒪 𑒖𑒰𑒋𑒥𑒪𑒰 𑒬𑒥𑓂𑒠 𑒮𑒦𑒏𑒹𑒿 𑒏𑓂𑒩𑒧𑒬𑓁 𑒨𑒖𑓂𑒘, 𑒨𑒠𑒱, 𑒨𑒧𑒳𑒢𑒰, 𑒨𑒳𑒑, 𑒨𑒰𑒫𑒞, 𑒨𑒼𑒑𑒲, 𑒨𑒠𑒳, 𑒨𑒧 𑒪𑒱𑒐𑒥𑒰𑒏 𑒔𑒰𑒯𑒲।
𑓕.𑒋 𑒂 𑒨 : 𑒧𑒻𑒟𑒱𑒪𑒲𑒏 𑒫𑒩𑓂𑒞𑒢𑒲𑒧𑒹 𑒋 𑒂 𑒨 𑒠𑒳𑒢𑒴 𑒪𑒱𑒐𑒪 𑒖𑒰𑒃𑒞 𑒁𑒕𑒱।
𑒣𑓂𑒩𑒰𑒔𑒲𑒢 𑒫𑒩𑓂𑒞𑒢𑒲- 𑒏𑒋𑒪, 𑒖𑒰𑒋, 𑒯𑒼𑒋𑒞, 𑒧𑒰𑒋, 𑒦𑒰𑒋, 𑒑𑒰𑒋 𑒂𑒠𑒱।
𑒢𑒫𑒲𑒢 𑒫𑒩𑓂𑒞𑒢𑒲- 𑒏𑒨𑒪, 𑒖𑒰𑒨, 𑒯𑒼𑒨𑒞, 𑒧𑒰𑒨, 𑒦𑒰𑒨, 𑒑𑒰𑒨 𑒂𑒠𑒱।
𑒮𑒰𑒧𑒰𑒢𑓂𑒨𑒞𑒨𑒰 𑒬𑒥𑓂𑒠𑒏 𑒬𑒳𑒩𑒴𑒧𑒹 𑒋 𑒧𑒰𑒞𑓂𑒩 𑒁𑒥𑒻𑒞 𑒁𑒕𑒱। 𑒖𑒹𑒢𑒰 𑒋𑒯𑒱, 𑒋𑒢𑒰, 𑒋𑒏𑒩, 𑒋𑒯𑒢 𑒂𑒠𑒱। 𑒋𑒯𑒱 𑒬𑒥𑓂𑒠 𑒮𑒦𑒏 𑒮𑓂𑒟𑒰𑒢𑒣𑒩 𑒨𑒯𑒱, 𑒨𑒢𑒰, 𑒨𑒏𑒩, 𑒨𑒯𑒢 𑒂𑒠𑒱𑒏 𑒣𑓂𑒩𑒨𑒼𑒑 𑒢𑒯𑒱 𑒏𑒩𑒥𑒰𑒏 𑒔𑒰𑒯𑒲। 𑒨𑒠𑓂𑒨𑒣𑒱 𑒧𑒻𑒟𑒱𑒪𑒲𑒦𑒰𑒭𑒲 𑒟𑒰𑒩𑒴 𑒮𑒯𑒱𑒞 𑒏𑒱𑒕𑒳 𑒖𑒰𑒞𑒱𑒧𑒹 𑒬𑒥𑓂𑒠𑒏 𑒂𑒩𑒧𑓂𑒦𑒼𑒧𑒹 “𑒋”𑒏𑒹𑒿 𑒨 𑒏𑒯𑒱 𑒅𑒔𑓂𑒔𑒰𑒩𑒝 𑒏𑒋𑒪 𑒖𑒰𑒃𑒞 𑒁𑒕𑒱।
𑒋 𑒂 “𑒨”𑒏 𑒣𑓂𑒩𑒨𑒼𑒑𑒏 𑒮𑒢𑓂𑒠𑒩𑓂𑒦𑒧𑒹 𑒣𑓂𑒩𑒰𑒔𑒲𑒢𑒹 𑒣𑒠𑓂𑒡𑒞𑒱𑒏 𑒁𑒢𑒳𑒮𑒩𑒝 𑒏𑒩𑒥 𑒅𑒣𑒨𑒳𑒏𑓂𑒞 𑒧𑒰𑒢𑒱 𑒋𑒯𑒱 𑒣𑒳𑒮𑓂𑒞𑒏𑒧𑒹 𑒍𑒏𑒩𑒹 𑒣𑓂𑒩𑒨𑒼𑒑 𑒏𑒋𑒪 𑒑𑒹𑒪 𑒁𑒕𑒱। 𑒏𑒱𑒋𑒏 𑒞𑒿 𑒠𑒳𑒢𑒴𑒏 𑒪𑒹𑒐𑒢𑒧𑒹 𑒏𑒼𑒢𑒼 𑒮𑒯𑒖𑒞𑒰 𑒂 𑒠𑒳𑒩𑒴𑒯𑒞𑒰𑒏 𑒥𑒰𑒞 𑒢𑒯𑒱 𑒁𑒕𑒱। 𑒂 𑒧𑒻𑒟𑒱𑒪𑒲𑒏 𑒮𑒩𑓂𑒫𑒮𑒰𑒡𑒰𑒩𑒝𑒏 𑒅𑒔𑓂𑒔𑒰𑒩𑒝-𑒬𑒻𑒪𑒲 𑒨𑒏 𑒁𑒣𑒹𑒏𑓂𑒭𑒰 𑒋𑒮𑒿 𑒥𑒹𑒮𑒲 𑒢𑒱𑒏𑒙 𑒕𑒻𑒏। 𑒐𑒰𑒮 𑒏𑓄 𑒏𑒋𑒪, 𑒯𑒋𑒥 𑒂𑒠𑒱 𑒏𑒞𑒱𑒣𑒨 𑒬𑒥𑓂𑒠𑒏𑒹𑒿 𑒏𑒻𑒪, 𑒯𑒻𑒥 𑒂𑒠𑒱 𑒩𑒴𑒣𑒧𑒹 𑒏𑒞𑒯𑒳-𑒏𑒞𑒯𑒳 𑒪𑒱𑒐𑒪 𑒖𑒰𑒋𑒥 𑒮𑒹𑒯𑒼 “𑒋”𑒏 𑒣𑓂𑒩𑒨𑒼𑒑𑒏𑒹𑒿 𑒥𑒹𑒮𑒲 𑒮𑒧𑒲𑒔𑒲𑒢 𑒣𑓂𑒩𑒧𑒰𑒝𑒱𑒞 𑒏𑒩𑒻𑒞 𑒁𑒕𑒱।
𑓖.𑒯𑒱, 𑒯𑒳 𑒞𑒟𑒰 𑒋𑒏𑒰𑒩, 𑒍𑒏𑒰𑒩 : 𑒧𑒻𑒟𑒱𑒪𑒲𑒏 𑒣𑓂𑒩𑒰𑒔𑒲𑒢 𑒪𑒹𑒐𑒢-𑒣𑒩𑒧𑓂𑒣𑒩𑒰𑒧𑒹 𑒏𑒼𑒢𑒼 𑒥𑒰𑒞𑒣𑒩 𑒥𑒪 𑒠𑒻𑒞 𑒏𑒰𑒪 𑒬𑒥𑓂𑒠𑒏 𑒣𑒰𑒕𑒰𑒿 𑒯𑒱, 𑒯𑒳 𑒪𑒑𑒰𑒍𑒪 𑒖𑒰𑒃𑒞 𑒕𑒻𑒏। 𑒖𑒹𑒢𑒰- 𑒯𑒳𑒢𑒏𑒯𑒱, 𑒁𑒣𑒢𑒯𑒳, 𑒍𑒏𑒩𑒯𑒳, 𑒞𑒞𑓂𑒏𑒰𑒪𑒯𑒱, 𑒔𑒼𑒙𑓂𑒙𑒯𑒱, 𑒂𑒢𑒯𑒳 𑒂𑒠𑒱। 𑒧𑒳𑒠𑒰 𑒂𑒡𑒳𑒢𑒱𑒏 𑒪𑒹𑒐𑒢𑒧𑒹 𑒯𑒱𑒏 𑒮𑓂𑒟𑒰𑒢𑒣𑒩 𑒋𑒏𑒰𑒩 𑒋𑒫𑓀 𑒯𑒳𑒏 𑒮𑓂𑒟𑒰𑒢𑒣𑒩 𑒍𑒏𑒰𑒩𑒏 𑒣𑓂𑒩𑒨𑒼𑒑 𑒏𑒩𑒻𑒞 𑒠𑒹𑒐𑒪 𑒖𑒰𑒃𑒞 𑒁𑒕𑒱। 𑒖𑒹𑒢𑒰- 𑒯𑒳𑒢𑒏𑒹, 𑒁𑒣𑒢𑒼, 𑒞𑒞𑓂𑒏𑒰𑒪𑒹, 𑒔𑒼𑒙𑓂𑒙𑒹, 𑒂𑒢𑒼 𑒂𑒠𑒱।

𑓗.𑒭 𑒞𑒟𑒰 𑒐 : 𑒧𑒻𑒟𑒱𑒪𑒲 𑒦𑒰𑒭𑒰𑒧𑒹 𑒁𑒡𑒱𑒏𑒰𑓀𑒬𑒞𑓁 𑒭𑒏 𑒅𑒔𑓂𑒔𑒰𑒩𑒝 𑒐 𑒯𑒼𑒃𑒞 𑒁𑒕𑒱। 𑒖𑒹𑒢𑒰- 𑒭𑒛𑓂𑒨𑒢𑓂𑒞𑓂𑒩 (𑒐𑒛𑓃𑒨𑒢𑓂𑒞𑓂𑒩), 𑒭𑒼𑒛𑒬𑒲 (𑒐𑒼𑒛𑓃𑒬𑒲), 𑒭𑒙𑓂𑒏𑒼𑒝 (𑒐𑒙𑒏𑒼𑒝), 𑒫𑒵𑒭𑒹𑒬 (𑒫𑒵𑒐𑒹𑒬), 𑒮𑒢𑓂𑒞𑒼𑒭 (𑒮𑒢𑓂𑒞𑒼𑒐) 𑒂𑒠𑒱।
𑓘.𑒡𑓂𑒫𑒢𑒱-𑒪𑒼𑒣 : 𑒢𑒱𑒧𑓂𑒢𑒪𑒱𑒐𑒱𑒞 𑒁𑒫𑒮𑓂𑒟𑒰𑒧𑒹 𑒬𑒥𑓂𑒠𑒮𑒿 𑒡𑓂𑒫𑒢𑒱-𑒪𑒼𑒣 𑒦𑓄 𑒖𑒰𑒃𑒞 𑒁𑒕𑒱:
(𑒏) 𑒏𑓂𑒩𑒱𑒨𑒰𑒢𑓂𑒫𑒨𑒲 𑒣𑓂𑒩𑒞𑓂𑒨𑒨 𑒁𑒨𑒧𑒹 𑒨 𑒫𑒰 𑒋 𑒪𑒳𑒣𑓂𑒞 𑒦𑓄 𑒖𑒰𑒃𑒞 𑒁𑒕𑒱। 𑒍𑒯𑒱𑒧𑒹 𑒮𑒿 𑒣𑒯𑒱𑒢𑒹 𑒁𑒏 𑒅𑒔𑓂𑒔𑒰𑒩𑒝 𑒠𑒲𑒩𑓂𑒒 𑒦𑓄 𑒖𑒰𑒃𑒞 𑒁𑒕𑒱। 𑒍𑒏𑒩 𑒂𑒑𑒰𑒿 𑒪𑒼𑒣-𑒮𑒴𑒔𑒏 𑒔𑒱𑒯𑓂𑒢 𑒫𑒰 𑒫𑒱𑒏𑒰𑒩𑒲 (’ / 𑓄) 𑒪𑒑𑒰𑒍𑒪 𑒖𑒰𑒃𑒕। 𑒖𑒹𑒢𑒰-
𑒣𑒴𑒩𑓂𑒝 𑒩𑒴𑒣 : 𑒣𑒜𑓃𑒋 (𑒣𑒜𑓃𑒨) 𑒑𑒹𑒪𑒰𑒯, 𑒏𑒋 (𑒏𑒨) 𑒪𑒹𑒪, 𑒅𑒚𑒋 (𑒅𑒚𑒨) 𑒣𑒛𑓃𑒞𑒾𑒏।
𑒁𑒣𑒴𑒩𑓂𑒝 𑒩𑒴𑒣 : 𑒣𑒜𑓃’ 𑒑𑒹𑒪𑒰𑒯, 𑒏𑓄 𑒪𑒹𑒪, 𑒅𑒚’ 𑒣𑒛𑓃𑒞𑒾𑒏।
𑒣𑒜𑓃𑓄 𑒑𑒹𑒪𑒰𑒯, 𑒏𑓄 𑒪𑒹𑒪, 𑒅𑒚𑓄 𑒣𑒛𑓃𑒞𑒾𑒏।
(𑒐) 𑒣𑒴𑒩𑓂𑒫𑒏𑒰𑒪𑒱𑒏 𑒏𑒵𑒞 𑒂𑒨 (𑒂𑒋) 𑒣𑓂𑒩𑒞𑓂𑒨𑒨𑒧𑒹 𑒨 (𑒋) 𑒪𑒳𑒣𑓂𑒞 𑒦𑓄 𑒖𑒰𑒃𑒕, 𑒧𑒳𑒠𑒰 𑒪𑒼𑒣-𑒮𑒴𑒔𑒏 𑒫𑒱𑒏𑒰𑒩𑒲 𑒢𑒯𑒱 𑒪𑒑𑒰𑒍𑒪 𑒖𑒰𑒃𑒕। 𑒖𑒹𑒢𑒰-
𑒣𑒴𑒩𑓂𑒝 𑒩𑒴𑒣 : 𑒐𑒰𑒋 (𑒨) 𑒑𑒹𑒪, 𑒣𑒚𑒰𑒨 (𑒋) 𑒠𑒹𑒥, 𑒢𑒯𑒰𑒋 (𑒨) 𑒁𑒋𑒪𑒰𑒯।
𑒁𑒣𑒴𑒩𑓂𑒝 𑒩𑒴𑒣 : 𑒐𑒰 𑒑𑒹𑒪, 𑒣𑒚𑒰 𑒠𑒹𑒥, 𑒢𑒯𑒰 𑒁𑒋𑒪𑒰𑒯।
(𑒑) 𑒮𑓂𑒞𑓂𑒩𑒲 𑒣𑓂𑒩𑒞𑓂𑒨𑒨 𑒃𑒏 𑒅𑒔𑓂𑒔𑒰𑒩𑒝 𑒏𑓂𑒩𑒱𑒨𑒰𑒣𑒠, 𑒮𑓀𑒖𑓂𑒘𑒰, 𑒍 𑒫𑒱𑒬𑒹𑒭𑒝 𑒞𑒲𑒢𑒴𑒧𑒹 𑒪𑒳𑒣𑓂𑒞 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰-
𑒣𑒴𑒩𑓂𑒝 𑒩𑒴𑒣 : 𑒠𑒼𑒮𑒩𑒱 𑒧𑒰𑒪𑒱𑒢𑒱 𑒔𑒪𑒱 𑒑𑒹𑒪𑒱।
𑒁𑒣𑒴𑒩𑓂𑒝 𑒩𑒴𑒣 : 𑒠𑒼𑒮𑒩 𑒧𑒰𑒪𑒱𑒢 𑒔𑒪𑒱 𑒑𑒹𑒪।
(𑒒) 𑒫𑒩𑓂𑒞𑒧𑒰𑒢 𑒏𑒵𑒠𑒢𑓂𑒞𑒏 𑒁𑒢𑓂𑒞𑒱𑒧 𑒞 𑒪𑒳𑒣𑓂𑒞 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰-
𑒣𑒴𑒩𑓂𑒝 𑒩𑒴𑒣 : 𑒣𑒜𑓃𑒻𑒞 𑒁𑒕𑒱, 𑒥𑒖𑒻𑒞 𑒁𑒕𑒱, 𑒑𑒥𑒻𑒞 𑒁𑒕𑒱।
𑒁𑒣𑒴𑒩𑓂𑒝 𑒩𑒴𑒣 : 𑒣𑒜𑓃𑒻 𑒁𑒕𑒱, 𑒥𑒖𑒻 𑒁𑒕𑒱, 𑒑𑒥𑒻 𑒁𑒕𑒱।
(𑒓) 𑒏𑓂𑒩𑒱𑒨𑒰𑒣𑒠𑒏 𑒁𑒫𑒮𑒰𑒢 𑒃𑒏, 𑒅𑒏, 𑒌𑒏 𑒞𑒟𑒰 𑒯𑒲𑒏𑒧𑒹 𑒪𑒳𑒣𑓂𑒞 𑒦𑓄 𑒖𑒰𑒃𑒞 𑒁𑒕𑒱। 𑒖𑒹𑒢𑒰-
𑒣𑒴𑒩𑓂𑒝 𑒩𑒴𑒣: 𑒕𑒱𑒨𑒾𑒏, 𑒕𑒱𑒨𑒻𑒏, 𑒕𑒯𑒲𑒏, 𑒕𑒾𑒏, 𑒕𑒻𑒏, 𑒁𑒥𑒱𑒞𑒻𑒏, 𑒯𑒼𑒃𑒏।
𑒁𑒣𑒴𑒩𑓂𑒝 𑒩𑒴𑒣 : 𑒕𑒱𑒨𑒾, 𑒕𑒱𑒨𑒻, 𑒕𑒯𑒲, 𑒕𑒾, 𑒕𑒻, 𑒁𑒥𑒱𑒞𑒻, 𑒯𑒼𑒃।
(𑒔) 𑒏𑓂𑒩𑒱𑒨𑒰𑒣𑒠𑒲𑒨 𑒣𑓂𑒩𑒞𑓂𑒨𑒨 𑒢𑓂𑒯, 𑒯𑒳 𑒞𑒟𑒰 𑒯𑒏𑒰𑒩𑒏 𑒪𑒼𑒣 𑒦𑓄 𑒖𑒰𑒃𑒕। 𑒖𑒹𑒢𑒰-
𑒣𑒴𑒩𑓂𑒝 𑒩𑒴𑒣 : 𑒕𑒢𑓂𑒯𑒱, 𑒏𑒯𑒪𑒢𑓂𑒯𑒱, 𑒏𑒯𑒪𑒯𑒳𑒿, 𑒑𑒹𑒪𑒯, 𑒢𑒯𑒱।
𑒁𑒣𑒴𑒩𑓂𑒝 𑒩𑒴𑒣 : 𑒕𑒢𑒱, 𑒏𑒯𑒪𑒢𑒱, 𑒏𑒯𑒪𑒾𑒿, 𑒑𑒹𑒪𑓄, 𑒢𑒃, 𑒢𑒘𑒱, 𑒢𑒻।

𑓙.𑒡𑓂𑒫𑒢𑒱 𑒮𑓂𑒟𑒰𑒢𑒰𑒢𑓂𑒞𑒩𑒝 : 𑒏𑒼𑒢𑒼-𑒏𑒼𑒢𑒼 𑒮𑓂𑒫𑒩-𑒡𑓂𑒫𑒢𑒱 𑒁𑒣𑒢𑒰 𑒖𑒑𑒯𑒮𑒿 𑒯𑒙𑒱 𑒏𑓄 𑒠𑒼𑒮𑒩 𑒚𑒰𑒧 𑒔𑒪𑒱 𑒖𑒰𑒃𑒞 𑒁𑒕𑒱। 𑒐𑒰𑒮 𑒏𑓄 𑒯𑓂𑒩𑒮𑓂𑒫 𑒃 𑒂 𑒅𑒏 𑒮𑒧𑓂𑒥𑒢𑓂𑒡𑒧𑒹 𑒄 𑒥𑒰𑒞 𑒪𑒰𑒑𑒴 𑒯𑒼𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒏𑒩𑒝 𑒦𑓄 𑒑𑒹𑒪 𑒬𑒥𑓂𑒠𑒏 𑒧𑒡𑓂𑒨 𑒫𑒰 𑒁𑒢𑓂𑒞𑒧𑒹 𑒖𑒿 𑒯𑓂𑒩𑒮𑓂𑒫 𑒃 𑒫𑒰 𑒅 𑒂𑒥𑒋 𑒞𑒿 𑒍𑒏𑒩 𑒡𑓂𑒫𑒢𑒱 𑒮𑓂𑒟𑒰𑒢𑒰𑒢𑓂𑒞𑒩𑒱𑒞 𑒦𑓄 𑒋𑒏 𑒁𑒏𑓂𑒭𑒩 𑒂𑒑𑒰𑒿 𑒂𑒥𑒱 𑒖𑒰𑒃𑒞 𑒁𑒕𑒱। 𑒖𑒹𑒢𑒰- 𑒬𑒢𑒱 (𑒬𑒃𑒢), 𑒣𑒰𑒢𑒱 (𑒣𑒰𑒃𑒢), 𑒠𑒰𑒪𑒱 ( 𑒠𑒰𑒃𑒪), 𑒧𑒰𑒙𑒱 (𑒧𑒰𑒃𑒙), 𑒏𑒰𑒕𑒳 (𑒏𑒰𑒅𑒕), 𑒧𑒰𑒮𑒳 (𑒧𑒰𑒅𑒮) 𑒂𑒠𑒱। 𑒧𑒳𑒠𑒰 𑒞𑒞𑓂𑒮𑒧 𑒬𑒥𑓂𑒠 𑒮𑒦𑒧𑒹 𑒄 𑒢𑒱𑒁𑒧 𑒪𑒰𑒑𑒴 𑒢𑒯𑒱 𑒯𑒼𑒃𑒞 𑒁𑒕𑒱। 𑒖𑒹𑒢𑒰- 𑒩𑒬𑓂𑒧𑒱𑒏𑒹𑒿 𑒩𑒃𑒬𑓂𑒧 𑒂 𑒮𑒳𑒡𑒰𑓀𑒬𑒳𑒏𑒹𑒿 𑒮𑒳𑒡𑒰𑒅𑓀𑒮 𑒢𑒯𑒱 𑒏𑒯𑒪 𑒖𑒰 𑒮𑒏𑒻𑒞 𑒁𑒕𑒱।
𑓑𑓐.𑒯𑒪𑒢𑓂𑒞(𑓂)𑒏 𑒣𑓂𑒩𑒨𑒼𑒑 : 𑒧𑒻𑒟𑒱𑒪𑒲 𑒦𑒰𑒭𑒰𑒧𑒹 𑒮𑒰𑒧𑒰𑒢𑓂𑒨𑒞𑒨𑒰 𑒯𑒪𑒢𑓂𑒞 (𑓂)𑒏 𑒂𑒫𑒬𑓂𑒨𑒏𑒞𑒰 𑒢𑒯𑒱 𑒯𑒼𑒃𑒞 𑒁𑒕𑒱। 𑒏𑒰𑒩𑒝 𑒖𑒹 𑒬𑒥𑓂𑒠𑒏 𑒁𑒢𑓂𑒞𑒧𑒹 𑒁 𑒅𑒔𑓂𑒔𑒰𑒩𑒝 𑒢𑒯𑒱 𑒯𑒼𑒃𑒞 𑒁𑒕𑒱। 𑒧𑒳𑒠𑒰 𑒮𑓀𑒮𑓂𑒏𑒵𑒞 𑒦𑒰𑒭𑒰𑒮𑒿 𑒖𑒯𑒱𑒢𑒰𑒏 𑒞𑒯𑒱𑒢𑒰 𑒧𑒻𑒟𑒱𑒪𑒲𑒧𑒹 𑒂𑒋𑒪 (𑒞𑒞𑓂𑒮𑒧) 𑒬𑒥𑓂𑒠 𑒮𑒦𑒧𑒹 𑒯𑒪𑒢𑓂𑒞 𑒣𑓂𑒩𑒨𑒼𑒑 𑒏𑒋𑒪 𑒖𑒰𑒃𑒞 𑒁𑒕𑒱।
𑓑𑓑. 𑒖𑒹 𑒬𑒥𑓂𑒠 𑒧𑒻𑒟𑒱𑒪𑒲-𑒮𑒰𑒯𑒱𑒞𑓂𑒨𑒏 𑒣𑓂𑒩𑒰𑒔𑒲𑒢 𑒏𑒰𑒪𑒮𑒿 𑒂𑒃 𑒡𑒩𑒱 𑒖𑒰𑒯𑒱 𑒫𑒩𑓂𑒞𑓂𑒞𑒢𑒲𑒧𑒹 𑒣𑓂𑒩𑒔𑒪𑒱𑒞 𑒁𑒕𑒱, 𑒮𑒹 𑒮𑒰𑒧𑒰𑒢𑓂𑒨𑒞𑓁 𑒞𑒰𑒯𑒱 𑒫𑒩𑓂𑒞𑓂𑒞𑒢𑒲𑒧𑒹 𑒪𑒱𑒐𑒪 𑒖𑒰𑒃𑒞 𑒁𑒕𑒱- 𑒅𑒠𑒰𑒯𑒩𑒝𑒰𑒩𑓂𑒟-

𑒑𑓂𑒩𑒰𑒯𑓂𑒨

𑒋𑒐𑒢
𑒚𑒰𑒧
𑒖𑒏𑒩, 𑒞𑒏𑒩
𑒞𑒢𑒱𑒏𑒩
𑒁𑒕𑒱

𑒁𑒑𑓂𑒩𑒰𑒯𑓂𑒨
𑒁𑒐𑒢, 𑒁𑒐𑒢𑒱, 𑒋𑒐𑒹𑒢, 𑒁𑒐𑒢𑒲
𑒚𑒱𑒧𑒰, 𑒚𑒱𑒢𑒰, 𑒚𑒧𑒰
𑒖𑒹𑒏𑒩, 𑒞𑒹𑒏𑒩
𑒞𑒱𑒢𑒏𑒩। (𑒫𑒻𑒏𑒪𑓂𑒣𑒱𑒏 𑒩𑒴𑒣𑒹𑒿 𑒑𑓂𑒩𑒰𑒯𑓂𑒨)
𑒌𑒕, 𑒁𑒯𑒱, 𑒋।

𑓑𑓒. 𑒢𑒱𑒧𑓂𑒢𑒪𑒱𑒐𑒱𑒞 𑒞𑒲𑒢 𑒣𑓂𑒩𑒏𑒰𑒩𑒏 𑒩𑒴𑒣 𑒫𑒻𑒏𑒪𑓂𑒣𑒱𑒏𑒞𑒨𑒰 𑒁𑒣𑒢𑒰𑒍𑒪 𑒖𑒰𑒃𑒞 𑒁𑒕𑒱: 𑒦𑓄 𑒑𑒹𑒪, 𑒦𑒨 𑒑𑒹𑒪 𑒫𑒰 𑒦𑒋 𑒑𑒹𑒪। 𑒖𑒰 𑒩𑒯𑒪 𑒁𑒕𑒱, 𑒖𑒰𑒨 𑒩𑒯𑒪 𑒁𑒕𑒱, 𑒖𑒰𑒋 𑒩𑒯𑒪 𑒁𑒕𑒱। 𑒏𑒩’ 𑒑𑒹𑒪𑒰𑒯, 𑒫𑒰 𑒏𑒩𑒨 𑒑𑒹𑒪𑒰𑒯 𑒫𑒰 𑒏𑒩𑒋 𑒑𑒹𑒪𑒰𑒯।

𑓑𑓓. 𑒣𑓂𑒩𑒰𑒔𑒲𑒢 𑒧𑒻𑒟𑒱𑒪𑒲𑒏 ‘𑒢𑓂𑒯’ 𑒡𑓂𑒫𑒢𑒱𑒏 𑒮𑓂𑒟𑒰𑒢𑒧𑒹 ‘𑒢’ 𑒪𑒱𑒐𑒪 𑒖𑒰𑒃𑒞 𑒁𑒕𑒱 𑒨𑒟𑒰 𑒏𑒯𑒪𑒢𑒱 𑒫𑒰 𑒏𑒯𑒪𑒢𑓂𑒯𑒱।

𑓑𑓔. ‘𑒌’ 𑒞𑒟𑒰 ‘𑒎’ 𑒞𑒞𑒨 𑒪𑒱𑒐𑒪 𑒖𑒰𑒃𑒞 𑒁𑒕𑒱 𑒖𑒞’ 𑒮𑓂𑒣𑒭𑓂𑒙𑒞𑓁 ‘𑒁𑒃’ 𑒞𑒟𑒰 ‘𑒁𑒅’ 𑒮𑒠𑒵𑒬 𑒅𑒔𑓂𑒔𑒰𑒩𑒝 𑒃𑒭𑓂𑒙 𑒯𑒼। 𑒨𑒟𑒰- 𑒠𑒹𑒐𑒻𑒞, 𑒕𑒪𑒻𑒏, 𑒥𑒾𑒂, 𑒕𑒾𑒏 𑒃𑒞𑓂𑒨𑒰𑒠𑒱।

𑓑𑓕. 𑒧𑒻𑒟𑒱𑒪𑒲𑒏 𑒢𑒱𑒧𑓂𑒢𑒪𑒱𑒐𑒱𑒞 𑒬𑒥𑓂𑒠 𑒋𑒯𑒱 𑒩𑒴𑒣𑒹 𑒣𑓂𑒩𑒨𑒳𑒏𑓂𑒞 𑒯𑒼𑒨𑒞: 𑒖𑒻𑒯, 𑒮𑒻𑒯, 𑒃𑒋𑒯, 𑒍𑒌𑒯, 𑒪𑒻𑒯 𑒞𑒟𑒰 𑒠𑒻𑒯।

𑓑𑓖. 𑒯𑓂𑒩𑓂𑒮𑓂𑒫 𑒃𑒏𑒰𑒩𑒰𑓀𑒞 𑒬𑒥𑓂𑒠𑒧𑒹 ‘𑒃’ 𑒏𑒹 𑒪𑒳𑒣𑓂𑒞 𑒏𑒩𑒥 𑒮𑒰𑒧𑒰𑒢𑓂𑒨𑒞𑓁 𑒁𑒑𑓂𑒩𑒰𑒯𑓂𑒨 𑒟𑒱𑒏। 𑒨𑒟𑒰- 𑒑𑓂𑒩𑒰𑒯𑓂𑒨 𑒠𑒹𑒐𑒱 𑒂𑒥𑒯, 𑒧𑒰𑒪𑒱𑒢𑒱 𑒑𑒹𑒪𑒱 (𑒧𑒢𑒳𑒭𑓂𑒨 𑒧𑒰𑒞𑓂𑒩𑒧𑒹)।

𑓑𑓗. 𑒮𑓂𑒫𑒞𑓀𑒞𑓂𑒩 𑒯𑓂𑒩𑒮𑓂𑒫 ‘𑒋’ 𑒫𑒰 ‘𑒨’ 𑒣𑓂𑒩𑒰𑒔𑒲𑒢 𑒧𑒻𑒟𑒱𑒪𑒲𑒏 𑒅𑒠𑓂𑒡𑒩𑒝 𑒂𑒠𑒱𑒧𑒹 𑒞𑒿 𑒨𑒟𑒰𑒫𑒞 𑒩𑒰𑒐𑒪 𑒖𑒰𑒃𑒞 𑒁𑒕𑒱, 𑒏𑒱𑓀𑒞𑒳 𑒂𑒡𑒳𑒢𑒱𑒏 𑒣𑓂𑒩𑒨𑒼𑒑𑒧𑒹 𑒫𑒻𑒏𑒪𑓂𑒣𑒱𑒏 𑒩𑒴𑒣𑒹𑒿 ‘𑒋’ 𑒫𑒰 ‘𑒨’ 𑒪𑒱𑒐𑒪 𑒖𑒰𑒃𑒞 𑒁𑒕𑒱। 𑒨𑒟𑒰:- 𑒏𑒨𑒪 𑒫𑒰 𑒏𑒋𑒪, 𑒁𑒨𑒪𑒰𑒯 𑒫𑒰 𑒁𑒋𑒪𑒰𑒯, 𑒖𑒰𑒨 𑒫𑒰 𑒖𑒰𑒋 𑒃𑒞𑓂𑒨𑒰𑒠𑒱।

𑓑𑓘. 𑒅𑒔𑓂𑒔𑒰𑒩𑒝𑒧𑒹 𑒠𑒴 𑒮𑓂𑒫𑒩𑒏 𑒥𑒲𑒔 𑒖𑒹 ‘𑒨’ 𑒡𑓂𑒫𑒢𑒱 𑒮𑓂𑒫𑒞𑓁 𑒂𑒥𑒱 𑒖𑒰𑒃𑒞 𑒁𑒕𑒱 𑒞𑒏𑒩𑒰 𑒪𑒹𑒐𑒧𑒹 𑒮𑓂𑒟𑒰𑒢 𑒫𑒻𑒏𑒪𑓂𑒣𑒱𑒏 𑒩𑒴𑒣𑒹𑒿 𑒠𑒹𑒪 𑒖𑒰𑒃𑒞 𑒁𑒕𑒱। 𑒨𑒟𑒰- 𑒡𑒲𑒂, 𑒁𑒜𑓃𑒻𑒂, 𑒫𑒱𑒂𑒯, 𑒫𑒰 𑒡𑒲𑒨𑒰, 𑒁𑒜𑓃𑒻𑒨𑒰, 𑒥𑒱𑒨𑒰𑒯।

𑓑𑓙. 𑒮𑒰𑒢𑒳𑒢𑒰𑒮𑒱𑒏 𑒮𑓂𑒫𑒞𑓀𑒞𑓂𑒩 𑒮𑓂𑒫𑒩𑒏 𑒮𑓂𑒟𑒰𑒢 𑒨𑒟𑒰𑒮𑓀𑒦𑒫 ‘𑒘’ 𑒪𑒱𑒐𑒪 𑒖𑒰𑒃𑒞 𑒁𑒕𑒱 𑒫𑒰 𑒮𑒰𑒢𑒳𑒢𑒰𑒮𑒱𑒏 𑒮𑓂𑒫𑒩। 𑒨𑒟𑒰:- 𑒧𑒻𑒘𑒰, 𑒏𑒢𑒱𑒘𑒰, 𑒏𑒱𑒩𑒞𑒢𑒱𑒘𑒰 𑒫𑒰 𑒧𑒻𑒂𑒿, 𑒏𑒢𑒱𑒂𑒿, 𑒏𑒱𑒩𑒞𑒢𑒱𑒂𑒿।

𑓒𑓐. 𑒏𑒰𑒩𑒏𑒏 𑒫𑒱𑒦𑒏𑓂𑒞𑓂𑒞𑒱𑒏 𑒢𑒱𑒧𑓂𑒢𑒪𑒱𑒐𑒱𑒞 𑒩𑒴𑒣 𑒑𑓂𑒩𑒰𑒯𑓂𑒨:- 𑒯𑒰𑒟𑒏𑒹𑒿, 𑒯𑒰𑒟𑒮𑒿, 𑒯𑒰𑒟𑒹𑒿, 𑒯𑒰𑒟𑒏, 𑒯𑒰𑒟𑒧𑒹। ’𑒧𑒹’ 𑒧𑒹 𑒁𑒢𑒳𑒮𑓂𑒫𑒰𑒩 𑒮𑒩𑓂𑒫𑒟𑒰 𑒞𑓂𑒨𑒰𑒖𑓂𑒨 𑒟𑒱𑒏। ‘𑒏𑓄 𑒏 𑒫𑒻𑒏𑒪𑓂𑒣𑒱𑒏 𑒩𑒴𑒣 ‘𑒏𑒹𑒩’ 𑒩𑒰𑒐𑒪 𑒖𑒰 𑒮𑒏𑒻𑒞 𑒁𑒕𑒱।

𑓒𑓑. 𑒣𑒴𑒩𑓂𑒫𑒏𑒰𑒪𑒱𑒏 𑒏𑓂𑒩𑒱𑒨𑒰𑒣𑒠𑒏 𑒥𑒰𑒠 ‘𑒏𑒨’ 𑒫𑒰 ‘𑒏𑒋’ 𑒁𑒫𑓂𑒨𑒨 𑒫𑒻𑒏𑒪𑓂𑒣𑒱𑒏 𑒩𑒴𑒣𑒹𑒿 𑒪𑒑𑒰𑒍𑒪 𑒖𑒰 𑒮𑒏𑒻𑒞 𑒁𑒕𑒱। 𑒨𑒟𑒰:- 𑒠𑒹𑒐𑒱 𑒏𑒨 𑒫𑒰 𑒠𑒹𑒐𑒱 𑒏𑒋।

𑓒𑓒. 𑒧𑒰𑒿𑒑, 𑒦𑒰𑒿𑒑 𑒂𑒠𑒱𑒏 𑒮𑓂𑒟𑒰𑒢𑒧𑒹 𑒧𑒰𑒓, 𑒦𑒰𑒓 𑒃𑒞𑓂𑒨𑒰𑒠𑒱 𑒪𑒱𑒐𑒪 𑒖𑒰𑒃𑒞 𑒁𑒕𑒱।

𑓒𑓓. 𑒁𑒩𑓂𑒠𑓂𑒡 ‘𑒢’ 𑒍 𑒁𑒩𑓂𑒠𑓂𑒡 ‘𑒧’ 𑒏 𑒥𑒠𑒪𑒰 𑒁𑒢𑒳𑒮𑒰𑒩 𑒢𑒯𑒱 𑒪𑒱𑒐𑒪 𑒖𑒰𑒃𑒞 𑒁𑒕𑒱, 𑒏𑒱𑓀𑒞𑒳 𑒕𑒰𑒣𑒰𑒏 𑒮𑒳𑒫𑒱𑒡𑒰𑒩𑓂𑒟 𑒁𑒩𑓂𑒠𑓂𑒡 ‘𑒓’ , ‘𑒘’, 𑒞𑒟𑒰 ‘𑒝’ 𑒏 𑒥𑒠𑒪𑒰 𑒁𑒢𑒳𑒮𑓂𑒫𑒰𑒩𑒼 𑒪𑒱𑒐𑒪 𑒖𑒰 𑒮𑒏𑒻𑒞 𑒁𑒕𑒱। 𑒨𑒟𑒰:- 𑒁𑒓𑓂𑒏, 𑒫𑒰 𑒁𑓀𑒏, 𑒁𑒘𑓂𑒔𑒪 𑒫𑒰 𑒁𑓀𑒔𑒪, 𑒏𑒝𑓂𑒚 𑒫𑒰 𑒏𑓀𑒚।

𑓒𑓔. 𑒯𑒪𑓀𑒞 𑒔𑒱𑒯𑓂𑒢 𑒢𑒱𑒁𑒧𑒞𑓁 𑒪𑒑𑒰𑒍𑒪 𑒖𑒰𑒃𑒞 𑒁𑒕𑒱, 𑒏𑒱𑓀𑒞𑒳 𑒫𑒱𑒦𑒏𑓂𑒞𑒱𑒏 𑒮𑓀𑒑 𑒁𑒏𑒰𑒩𑒰𑓀𑒞 𑒣𑓂𑒩𑒨𑒼𑒑 𑒏𑒋𑒪 𑒖𑒰𑒃𑒞 𑒁𑒕𑒱। 𑒨𑒟𑒰:- 𑒬𑓂𑒩𑒲𑒧𑒰𑒢𑓂, 𑒏𑒱𑓀𑒞𑒳 𑒬𑓂𑒩𑒲𑒧𑒰𑒢𑒏।

𑓒𑓕. 𑒮𑒦 𑒋𑒏𑒪 𑒏𑒰𑒩𑒏 𑒔𑒱𑒯𑓂𑒢 𑒬𑒥𑓂𑒠𑒧𑒹 𑒮𑒙𑒰 𑒏𑓄 𑒪𑒱𑒐𑒪 𑒖𑒰𑒃𑒞 𑒁𑒕𑒱, 𑒯𑒙𑒰 𑒏𑓄 𑒢𑒯𑒱, 𑒮𑓀𑒨𑒳𑒏𑓂𑒞 𑒫𑒱𑒦𑒏𑓂𑒞𑒱𑒏 𑒯𑒹𑒞𑒳 𑒤𑒩𑒰𑒏 𑒪𑒱𑒐𑒪 𑒖𑒰𑒃𑒞 𑒁𑒕𑒱, 𑒨𑒟𑒰 𑒒𑒩 𑒣𑒩𑒏।

𑓒𑓖. 𑒁𑒢𑒳𑒢𑒰𑒮𑒱𑒏𑒏𑒹𑒿 𑒔𑒢𑓂𑒠𑓂𑒩𑒥𑒱𑒢𑓂𑒠𑒳 𑒠𑓂𑒫𑒰𑒩𑒰 𑒫𑓂𑒨𑒏𑓂𑒞 𑒏𑒨𑒪 𑒖𑒰𑒃𑒞 𑒁𑒕𑒱। 𑒣𑒩𑓀𑒞𑒳 𑒧𑒳𑒠𑓂𑒩𑒝𑒏 𑒮𑒳𑒫𑒱𑒡𑒰𑒩𑓂𑒟 𑒯𑒱 𑒮𑒧𑒰𑒢 𑒖𑒙𑒱𑒪 𑒧𑒰𑒞𑓂𑒩𑒰𑒣𑒩 𑒁𑒢𑒳𑒮𑓂𑒫𑒰𑒩𑒏 𑒣𑓂𑒩𑒨𑒼𑒑 𑒔𑒢𑓂𑒠𑓂𑒩𑒥𑒱𑒢𑓂𑒠𑒳𑒏 𑒥𑒠𑒪𑒰 𑒏𑒨𑒪 𑒖𑒰 𑒮𑒏𑒻𑒞 𑒁𑒕𑒱। 𑒨𑒟𑒰- 𑒯𑒱𑒿 𑒏𑒹𑒩 𑒥𑒠𑒪𑒰 𑒯𑒱𑓀।

𑓒𑓗. 𑒣𑒴𑒩𑓂𑒝 𑒫𑒱𑒩𑒰𑒧 𑒣𑒰𑒮𑒲𑒮𑒿 ( । ) 𑒮𑒴𑒔𑒱𑒞 𑒏𑒨𑒪 𑒖𑒰𑒃𑒞 𑒁𑒕𑒱।

𑓒𑓘. 𑒮𑒧𑒮𑓂𑒞 𑒣𑒠 𑒮𑒙𑒰 𑒏𑓄 𑒪𑒱𑒐𑒪 𑒖𑒰𑒃𑒞 𑒁𑒕𑒱, 𑒫𑒰 𑒯𑒰𑒃𑒤𑒹𑒢𑒮𑒿 𑒖𑒼𑒛𑓃𑒱 𑒏𑓄 , 𑒯𑒙𑒰 𑒏𑓄 𑒢𑒯𑒱।

𑓒𑓙. 𑒪𑒱𑒁 𑒞𑒟𑒰 𑒠𑒱𑒁 𑒬𑒥𑓂𑒠𑒧𑒹 𑒥𑒱𑒏𑒰𑒩𑒲 -𑒮𑓀𑒮𑓂𑒏𑒵𑒞𑒧𑒹 𑒋𑒏𑒩𑒰 𑒁𑒫𑒑𑓂𑒩𑒯 𑒂 𑒥𑒰𑓀𑒑𑓂𑒪𑒰𑒧𑒹 𑒖𑒤𑒪𑒰 𑒏𑒯𑒪 𑒖𑒰𑒃𑒞 𑒁𑒕𑒱- (𑓄) 𑒢𑒯𑒱 𑒪𑒑𑒰𑒍𑒪 𑒖𑒰𑒃𑒞 𑒁𑒕𑒱।

𑓓𑓐. 𑒁𑓀𑒏 𑒠𑒹𑒫𑒢𑒰𑒑𑒩𑒲 𑒩𑒴𑒣𑒧𑒹 𑒩𑒰𑒐𑒪 𑒖𑒰𑒃𑒞 𑒁𑒕𑒱।

𑓓𑓑.𑒏𑒱𑒕𑒳 𑒡𑓂𑒫𑒢𑒱𑒏 𑒪𑒹𑒪 𑒢𑒫𑒲𑒢 𑒔𑒱𑒢𑓂𑒯 𑒥𑒢𑒥𑒰𑒍𑒪 𑒖𑒋𑒥𑒰𑒏 𑒔𑒰𑒯𑒲। 𑒖𑒰 𑒄 𑒢𑒯𑒱 𑒥𑒢𑒪 𑒁𑒕𑒱 𑒞𑒰𑒥𑒞 𑒋𑒯𑒱 𑒠𑒳𑒢𑒴 𑒡𑓂𑒫𑒢𑒱𑒏 𑒥𑒠𑒪𑒰 𑒣𑒴𑒩𑓂𑒫𑒫𑒞𑓂 𑒁𑒨/ 𑒂𑒨/ 𑒁𑒋/ 𑒂𑒋/ 𑒂𑒍/ 𑒁𑒍 𑒪𑒱𑒐𑒪 𑒖𑒰𑒃𑒞 𑒁𑒕𑒱। 𑒂𑒏𑒱 𑒁𑒺 𑒫𑒰 𑒁𑒽 𑒮𑒿 𑒫𑓂𑒨𑒏𑓂𑒞 𑒏𑒋𑒪 𑒖𑒰𑒃𑒞 𑒁𑒕𑒱।

𑒧𑒻𑒟𑒱𑒪𑒲 𑒫𑓂𑒨𑒰𑒏𑒩𑒝𑒏 𑒫𑒱𑒬𑒹𑒭𑒞𑒰: 𑒧𑒻𑒟𑒱𑒪𑒲𑒏 𑒫𑒱𑒏𑒰𑒮 𑒥𑒾𑒠𑓂𑒡 𑒮𑒱𑒠𑓂𑒡 𑒂𑒔𑒰𑒩𑓂𑒨, 𑒤𑒹𑒩 𑒏𑒩𑓂𑒝𑒰𑒙 𑒂 𑒍𑒃𑒢𑒫𑒰𑒩 𑒩𑒰𑒖𑒫𑓀𑒬, 𑒧𑒪𑓂𑒪 𑒩𑒰𑒖𑒫𑓀𑒬 𑒂 𑒧𑒡𑓂𑒨𑒏𑒰𑒪𑒏 𑒧𑒻𑒟𑒱𑒪𑒲 𑒂 𑒂𑒡𑒳𑒢𑒱𑒏 𑒧𑒻𑒟𑒱𑒪𑒲𑒏 𑒞𑒟𑒰𑒏𑒟𑒱𑒞 𑒧𑒰𑒢𑒏 𑒂 𑒣𑒴𑒥, 𑒣𑒔𑓂𑒕𑒱𑒧, 𑒅𑒞𑓂𑒞𑒩, 𑒠𑒏𑓂𑒭𑒱𑒝 𑒦𑒱𑒢𑓂𑒢𑒞𑒰𑒏 𑒁𑒢𑒳𑒮𑒰𑒩 𑒣𑒩𑒱𑒫𑒩𑓂𑒞𑒱𑒞 𑒯𑒼𑒃𑒞 𑒩𑒯𑒪 𑒁𑒕𑒱 𑒂 𑒧𑒻𑒟𑒱𑒪𑒲 𑒫𑓂𑒨𑒰𑒏𑒩𑒝 𑒋𑒯𑒱 𑒮𑒦 𑒫𑒱𑒬𑒹𑒭𑒞𑒰𑒏𑒹𑒿 𑒮𑓀𑒑 𑒪𑓄 𑒏𑓄 𑒔𑒪𑒻𑒞 𑒁𑒕𑒱।
𑒧𑒻𑒟𑒱𑒪𑒲𑒧𑒹 𑒮𑒦 𑒬𑒥𑓂𑒠 𑒮𑓂𑒫𑒩𑒰𑓀𑒞, 𑒁 𑒫𑒵𑒞𑓂𑒞𑒰𑒏𑒰𑒩, 𑒋, 𑒨, 𑒌, 𑒨𑒻, 𑒍, 𑒎 𑒄 𑒮𑒦 𑒮𑓂𑒣𑒭𑓂𑒙 𑒅𑒔𑓂𑒔𑒩𑒱𑒞 𑒯𑒼𑒃𑒞 𑒁𑒕𑒱। 𑒮𑒧𑓂𑒥𑒢𑓂𑒡 𑒏𑒰𑒩𑒏 𑒪𑒹𑒪 𑒮𑒿, 𑒏, 𑒏𑒹𑒩 (𑒥𑒹𑒬𑒲 𑒣𑒠𑓂𑒨𑒧𑒹 𑒣𑓂𑒩𑒨𑒳𑒏𑓂𑒞) 𑒣𑓂𑒩𑒨𑒳𑒏𑓂𑒞 𑒯𑒼𑒃𑒞 𑒁𑒕𑒱। 𑒮𑓀𑒖𑓂𑒘𑒰 𑒩𑒴𑒣 𑒏𑒧-𑒮𑒩𑒪 (𑒋𑒏𑒫𑒔𑒢𑒮𑒿 𑒥𑒯𑒳𑒫𑒔𑒢 𑒏𑒩𑒥𑒰 𑒪𑒹𑒪 𑒮𑒦 𑒂𑒠𑒱 𑒖𑒼𑒛𑓃𑒱 𑒠𑒱𑒨𑒾) 𑒧𑒳𑒠𑒰 𑒏𑓂𑒩𑒱𑒨𑒰-𑒡𑒰𑒞𑒳𑒩𑒴𑒣 𑒥𑒹𑒬𑒲 𑒯𑒼𑒃𑒞 𑒁𑒕𑒱। 𑒂𑒠𑒩 𑒂 𑒁𑒢𑒰𑒠𑒩𑒣𑒴𑒩𑓂𑒝 𑒣𑓂𑒩𑒨𑒼𑒑𑒧𑒹 𑒏𑓂𑒩𑒱𑒨𑒰𑒣𑒠𑒧𑒹 𑒣𑒩𑒱𑒫𑒩𑓂𑒞𑒢 𑒯𑒼𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒏𑓂𑒩𑒱𑒨𑒰𑒏 𑒩𑒴𑒣 𑒏𑒩𑓂𑒞𑒰 𑒂 𑒫𑒰𑒏𑓂𑒨𑒏 𑒠𑒼𑒮𑒩 𑒮𑓀𑒖𑓂𑒘𑒰, 𑒮𑒩𑓂𑒫𑒢𑒰𑒧 (𑒏𑒩𑓂𑒞𑒰𑒮𑒿 𑒮𑒧𑓂𑒥𑒠𑓂𑒡) 𑒠𑓂𑒫𑒰𑒩𑒰 𑒢𑒱𑒩𑓂𑒡𑒰𑒩𑒱𑒞 𑒯𑒼𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒏𑓂𑒩𑒱𑒨𑒰 𑒣𑒳𑒩𑒳𑒭-𑒦𑒹𑒠𑒏 𑒁𑒢𑒳𑒩𑒴𑒣 𑒥𑒠𑒪𑒻𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒥 𑒠𑓂𑒫𑒰𑒩𑒰 𑒦𑒫𑒱𑒭𑓂𑒨𑒞𑓂 𑒏𑒰𑒪𑒏 𑒁𑒪𑒰𑒥𑒹 𑒏𑓂𑒩𑒱𑒨𑒰𑒩𑓂𑒟𑒲 𑒮𑓀𑒖𑓂𑒘𑒰 𑒮𑒹𑒯𑒼 𑒥𑒢𑒰𑒍𑒪 𑒖𑒰𑒃𑒞 𑒁𑒕𑒱। 𑒪 𑒣𑓂𑒩𑒨𑒳𑒏𑓂𑒞 𑒏𑒋 𑒏𑒵𑒠𑒢𑓂𑒞 𑒏𑒯𑒪, 𑒑𑒹𑒪 𑒧𑒹 𑒣𑒩𑒱𑒫𑒩𑓂𑒞𑒢 𑒧𑒻𑒟𑒱𑒪𑒲𑒏 𑒫𑒱𑒬𑒱𑒭𑓂𑒙𑒞𑒰 𑒁𑒕𑒱।
𑒧𑒻𑒟𑒱𑒪𑒲𑒧𑒹 𑒬𑒥𑓂𑒠𑒏 𑒦𑒱𑒢𑓂𑒢-𑒦𑒱𑒢𑓂𑒢 𑒫𑒩𑓂𑒝𑒣𑒩 𑒥𑒪𑒰𑒒𑒰𑒞 𑒯𑒼𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒏𑒰𑒩𑒏 𑒫𑒱𑒦𑒏𑓂𑒞𑒱𑒮𑒿 𑒍𑒢𑒰 𑒞𑒿 𑒞𑒱𑒩𑓂𑒨𑒏 𑒩𑒴𑒣 𑒢𑒯𑒱 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒁𑒕𑒱, 𑒖𑒹𑒢𑒰 𑒑𑒰𑒧𑒏, 𑒧𑒳𑒠𑒰 𑒮𑒧𑓂𑒥𑒢𑓂𑒡 𑒏𑒰𑒩𑒏𑒧𑒹 𑒄 𑒁𑒣𑒫𑒰𑒠 𑒁𑒕𑒱, 𑒖𑒹𑒢𑒰 𑒮𑒰𑒿𑒗-𑒮𑒰𑒿𑒗𑒳𑒏। 𑒏𑓂𑒩𑒱𑒨𑒰𑒩𑓂𑒟 𑒮𑓀𑒖𑓂𑒘𑒰 𑒩𑒴𑒣𑒧𑒹 𑒮𑒹𑒯𑒼 𑒞𑒱𑒩𑓂𑒨𑒏 𑒩𑒴𑒣 𑒯𑒼𑒃𑒞 𑒁𑒕𑒱।
𑒮𑓀𑒖𑓂𑒘𑒰:𑒏𑒼𑒢𑒼 𑒫𑒮𑓂𑒞𑒳𑒏 𑒢𑒰𑒧𑒧𑒹 𑒪𑒒𑒳, 𑒑𑒳𑒩𑒳 𑒂 𑒑𑒳𑒩𑒳𑒞𑒩 𑒄 𑒞𑒲𑒢 𑒩𑒴𑒣 𑒯𑒼𑒃𑒞 𑒁𑒕𑒱- 𑒧𑒢𑒼𑒖𑓂, 𑒧𑒢𑒼𑒖, 𑒧𑒢𑒼𑒖𑒥𑒰।
𑒪𑒱𑓀𑒑:𑒪𑒱𑓀𑒑𑒩𑒴𑒣 𑒮𑒩𑒪 𑒁𑒕𑒱। 𑒢𑒱𑒩𑓂𑒖𑒲𑒫𑒏 𑒪𑒱𑓀𑒑 𑒣𑒳𑒪𑓂𑒪𑒱𑓀𑒑 𑒦𑓄 𑒑𑒹𑒪 𑒁𑒕𑒱। 𑒮𑓀𑒖𑓂𑒘𑒰𑒧𑒹 𑒪𑒱𑓀𑒑𑒮𑒿 𑒬𑒥𑓂𑒠𑒏 𑒩𑒴𑒣 𑒣𑒩𑒱𑒫𑒩𑓂𑒞𑒢 𑒢𑒯𑒱 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒫𑒱𑒬𑒹𑒭𑒝 𑒂 𑒏𑓂𑒩𑒱𑒨𑒰𑒧𑒹 𑒯𑒼𑒃𑒞 𑒁𑒕𑒱।
𑒫𑒔𑒢:𑒮𑓀𑒖𑓂𑒘𑒰𑒧𑒹 𑒫𑒔𑒢𑒏 𑒦𑒱𑒢𑓂𑒢𑒞𑒰𑒮𑒿 𑒣𑒩𑒱𑒫𑒩𑓂𑒞𑒢 𑒢𑒯𑒱 𑒯𑒼𑒃𑒞 𑒁𑒕𑒱। 𑒪𑒼𑒏𑒢𑒱, 𑒩𑒰𑒮 𑒂𑒠𑒱 𑒬𑒥𑓂𑒠 𑒖𑒼𑒛𑓃𑒱 𑒏𑓄 𑒞𑒏𑒩 𑒥𑒼𑒡 𑒏𑒩𑒰𑒍𑒪 𑒖𑒰𑒃𑒞 𑒁𑒕𑒱। “𑒯𑒧” 𑒋𑒏𑒫𑒔𑒢 𑒁𑒕𑒱 𑒂 “𑒯𑒧𑒮𑒦” 𑒥𑒯𑒳𑒫𑒔𑒢।
𑒫𑒱𑒦𑒏𑓂𑒞𑒱:𑒏𑒩𑒝 -𑒋- 𑒖𑒹𑒢𑒰 𑒏𑒰𑒖𑒹। 𑒁𑒡𑒱𑒏𑒩𑒝- 𑒂𑒿-𑒯𑒱- 𑒖𑒹𑒢𑒰 𑒣𑒩𑒳𑒏𑒰𑒿, 𑒔𑒼𑒙𑓂𑒙𑒯𑒱 ।
𑒏𑒰𑒩𑒏: 𑒏𑒩𑓂𑒞𑒰- 𑒩𑒱𑒏𑓂𑒞, 𑒏𑒩𑓂𑒧- 𑒏𑒹𑒿, 𑒏𑒩𑒝- 𑒮𑒿, 𑒮𑓀𑒣𑓂𑒩𑒠𑒰𑒢- 𑒪𑒋, 𑒁𑒣𑒰𑒠𑒰𑒢- 𑒮𑒿, 𑒮𑓀𑒥𑓀𑒡-𑒏, 𑒏𑒹𑒩(𑒣𑒠𑓂𑒨𑒧𑒹), 𑒁𑒡𑒱𑒏𑒩𑒝—𑒧𑒹।
𑒮𑒩𑓂𑒫𑒢𑒰𑒧:𑒅𑒞𑓂𑒞𑒧 𑒣𑒳𑒩𑒳𑒭- 𑒯𑒧, 𑒯𑒧𑒹
𑒧𑒡𑓂𑒨𑒧 𑒣𑒳𑒩𑒳𑒭- 𑒞𑒴𑒿, 𑒞𑒼𑒿, 𑒁𑒯𑒰𑒿, 𑒁𑒣𑒢𑒹, 𑒄
𑒁𑒢𑓂𑒨 𑒣𑒳𑒩𑒳𑒭-𑒞𑒰𑒯𑒱, 𑒞𑒏𑒩𑒰, 𑒞𑒏𑒩, 𑒯𑒳𑒢𑒏𑒰, 𑒯𑒳𑒢𑒱, 𑒍𑒏𑒩𑒰, 𑒯𑒳𑒢𑒏𑒩, 𑒍𑒏𑒩, 𑒯𑒱𑒢𑒏𑒰, 𑒋𑒏𑒩, 𑒯𑒱𑒢𑒏𑒩, 𑒖𑒰𑒯𑒱, 𑒖𑒏𑒩𑒰, 𑒖𑒏𑒩, 𑒏𑒹, 𑒏𑒲, 𑒏𑒏𑒩𑒰, 𑒁𑒣𑒢, 𑒏𑒼𑒢, 𑒏𑒱𑒕𑒳, 𑒏𑒹𑒠𑒢, 𑒏𑒹𑒯𑒢𑒠𑒢, 𑒏𑒼𑒢𑒰𑒠𑒢, 𑒋𑒞𑒥𑒰, 𑒏𑒞𑒥𑒰, 𑒞𑒞𑒥𑒰, 𑒞𑒞𑒹𑒏।
𑒏𑓂𑒩𑒱𑒨𑒰𑒫𑒱𑒬𑒹𑒭𑒝: 𑒋𑒞𑒋, 𑒏𑒯𑒰𑒿, 𑒏𑒐𑒢, 𑒖𑒐𑒢, 𑒖𑒰𑒥𑒹, 𑒞𑒰𑒥𑒹, 𑒂𑒥𑒹, 𑒂𑒥, 𑒖𑒯𑒱𑒂, 𑒞𑒯𑒱𑒂, 𑒏𑒯𑒱𑒂, 𑒖𑒹𑒢𑒰, 𑒞𑒹𑒢𑒰, 𑒋𑒧𑓂𑒯𑒩, 𑒍𑒧𑓂𑒯𑒩, 𑒖𑒹𑒧𑓂𑒯𑒩, 𑒞𑒹𑒧𑓂𑒯𑒩, 𑒦𑒩(𑒠𑒏𑓂𑒭𑒱𑒝𑒦𑒩)। 𑒏𑒰𑒪𑒥𑒼𑒡𑒏-𑒂𑒃, 𑒏𑒰𑒪𑓂𑒯𑒱, 𑒣𑒩𑒮𑒴, 𑒪𑒑𑒪𑒹, 𑒣𑒩𑒳𑒏𑒰𑒿; 𑒮𑓂𑒟𑒰𑒢𑒥𑒼𑒡𑒏- 𑒖𑒹𑒢𑒰 𑒂𑒑𑒰𑒿, 𑒣𑒰𑒕𑒰𑒿; 𑒣𑓂𑒩𑒏𑒰𑒩𑒥𑒼𑒡𑒏- 𑒖𑒹𑒢𑒰 𑒦𑒢𑒹, 𑒏𑒢𑒹-𑒧𑒢𑒹; 𑒮𑓀𑒨𑒼𑒖𑒏 𑒖𑒹𑒢𑒰 𑒧𑒳𑒠𑒰, 𑒂𑒩; 𑒮𑒧𑓂𑒥𑒼𑒡𑒢 𑒖𑒹𑒢𑒰 𑒩𑒾, 𑒯𑒾; 𑒮𑒧𑒳𑒔𑓂𑒔𑒨𑒥𑒼𑒡𑒏 𑒖𑒹𑒢𑒰 𑒄𑒯, 𑒕𑒲; 𑒥𑒪𑒠𑓂𑒨𑒼𑒞𑒏 𑒖𑒹𑒢𑒰 –𑒋 ; 𑒢𑒯𑒱, 𑒦𑒩𑒱𑒮𑒏 𑒂𑒠𑒱 𑒫𑒱𑒫𑒱𑒡 𑒏𑓂𑒩𑒱𑒨𑒰𑒫𑒱𑒬𑒹𑒭𑒝 𑒯𑒼𑒃𑒞 𑒁𑒕𑒱।
𑒅𑒣𑒮𑒩𑓂𑒑: 𑒁, 𑒁𑒢, 𑒁𑒡, 𑒁𑒥, 𑒠𑒳, 𑒢𑒱, 𑒦𑒩𑒱, 𑒏𑒧, 𑒥, 𑒥𑒠, 𑒥𑒹, 𑒮𑒩।
𑒣𑓂𑒩𑒞𑓂𑒨𑒨: 𑒁𑒏𑓂𑒏𑒛𑓃, 𑒁𑓀𑒞, 𑒃𑒪, 𑒂𑒃𑒢, 𑒂𑒃,𑒂𑒅, 𑒂𑒏𑒴, 𑒂𑒢, 𑒂𑒢𑒰, 𑒂𑒣, 𑒂𑒨𑒞, 𑒂𑒩, 𑒃𑒢, 𑒥𑒰𑒯, 𑒂𑒩𑒱, 𑒂𑒩𑒲, 𑒂𑒯𑒳, 𑒎𑒢, 𑒃𑒁𑒪, 𑒃𑒂, 𑒄, 𑒑𑒩, 𑒌𑒞, 𑒍𑒛𑓃, 𑒍𑒪𑒰, 𑒎𑒙𑒲, 𑒎𑒞𑒲, 𑒍𑒢𑒰, 𑒎𑒥𑒱𑒪, 𑒏, 𑒞, 𑒎𑒞, 𑒂𑒃, 𑒥𑒰𑒢, 𑒧, 𑒥𑒪𑒰, 𑒯𑒰𑒩, 𑒯𑒰, 𑒄, 𑒏𑒰𑒩, 𑒥𑒰𑒯, 𑒂𑒢𑒲, 𑒐𑒰𑒢𑒰, 𑒐𑒼𑒩, 𑒑𑒩𑒲, 𑒔𑒲, 𑒥𑒰𑒖।
𑒫𑒱𑒬𑒹𑒭𑒝:𑒋𑒯𑒱𑒧𑒹 𑒂𑒠𑒩 𑒂 𑒪𑒱𑓀𑒑𑒏 𑒁𑒢𑒳𑒮𑒰𑒩 𑒣𑒩𑒱𑒫𑒩𑓂𑒞𑒢 𑒯𑒼𑒃𑒞 𑒁𑒕𑒱।𑒮𑒱𑒪𑒹𑒥𑒲, 𑒑𑒼𑒪, 𑒔𑒩𑓂𑒏𑒲 𑒄 𑒑𑒰𑒋-𑒥𑒛𑓃𑒠 𑒪𑒹𑒪 𑒣𑓂𑒩𑒨𑒳𑒏𑓂𑒞 𑒯𑒼𑒃𑒞 𑒁𑒕𑒱 𑒂 𑒫𑒱𑒬𑒹𑒭𑒝𑒮𑒿 𑒣𑓂𑒩𑒰𑒝𑒱𑒏 𑒥𑒼𑒡 𑒦𑓄 𑒖𑒰𑒃𑒞 𑒁𑒕𑒱। 𑒣𑒜𑓃𑒪 (𑒣𑒳𑒪𑓂𑒪𑒱𑓀𑒑) 𑒂 𑒣𑒜𑓃𑒪𑒱 (𑒮𑓂𑒞𑓂𑒩𑒲𑒪𑒱𑓀𑒑), 𑒧𑒗𑒱𑒪𑒰 𑒕𑒾𑒛𑓃𑒰-𑒧𑒰𑒿𑒗𑒱𑒪 𑒦𑒰𑒃(𑒂𑒠𑒩)।
𑒏𑓂𑒩𑒱𑒨𑒰: 𑒫𑒔𑒢 𑒦𑒹𑒠 𑒧𑒻𑒟𑒱𑒪𑒲 𑒏𑓂𑒩𑒱𑒨𑒰𑒧𑒹 𑒢𑒯𑒱 𑒯𑒼𑒃𑒞 𑒁𑒕𑒱।𑒣𑒳𑒩𑒳𑒭𑒏 𑒁𑒢𑒳𑒮𑒰𑒩 𑒏𑓂𑒩𑒱𑒨𑒰𑒧𑒹 𑒦𑒹𑒠 𑒁𑒥𑒻𑒞 𑒁𑒕𑒱। 𑒂𑒠𑒩 𑒣𑓂𑒩𑒠𑒩𑓂𑒬𑒢𑒧𑒹 𑒮𑒹𑒯𑒼 𑒏𑓂𑒩𑒱𑒨𑒰𑒩𑒴𑒣 𑒥𑒠𑒪𑒻𑒞 𑒁𑒕𑒱।𑒞𑒱𑒓𑒢𑓂𑒞 𑒧𑒹 𑒪𑒱𑓀𑒑𑒦𑒹𑒠 𑒢𑒯𑒱 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒏𑒵𑒠𑒢𑓂𑒞𑒧𑒹 𑒪𑒱𑓀𑒑𑒏 𑒁𑒢𑒳𑒮𑒰𑒩 𑒏𑓂𑒩𑒱𑒨𑒰𑒣𑒠 𑒥𑒠𑒪𑒱 𑒖𑒰𑒃𑒞 𑒁𑒕𑒱। 𑒏𑓂𑒩𑒱𑒨𑒰 𑒏𑒰𑒩𑒏𑒏 𑒁𑒢𑒳𑒮𑒰𑒩 𑒥𑒠𑒪𑒻𑒞 𑒁𑒕𑒱। 𑒋𑒯𑒱 𑒣𑓂𑒩𑒏𑒰𑒩𑒮𑒿 𑒏𑓂𑒩𑒱𑒨𑒰 𑒠𑒹𑒐𑒱 𑒏𑓄 𑒧𑒰𑒞𑓂𑒩 𑒄 𑒣𑒞𑒰 𑒪𑒰𑒑𑒞 𑒖𑒹 𑒏𑒩𑓂𑒞𑒰 𑒂𑒠𑒩𑒝𑒲𑒨 𑒁𑒕𑒱 𑒫𑒰 𑒢𑒯𑒱, 𑒏𑓂𑒩𑒱𑒨𑒰𑒏 𑒏𑒩𑓂𑒧 𑒏𑒼𑒢 𑒣𑒳𑒩𑒳𑒭𑒧𑒹 𑒁𑒕𑒱 𑒂 𑒂𑒠𑒩𑒝𑒲𑒨 𑒁𑒕𑒱 𑒫𑒰 𑒢𑒯𑒱। 𑒏𑓂𑒩𑒱𑒨𑒰𑒑 𑒔𑒰𑒩𑒱 𑒩𑒴𑒣 𑒖𑒹𑒢𑒰 𑒮𑓂𑒫𑒨𑓀 𑒧𑒩𑒥 (𑒧𑒩𑒻𑒞 𑒁𑒕𑒱), 𑒧𑒰𑒩𑒥 (𑒧𑒰𑒩𑒻𑒞 𑒁𑒕𑒱), 𑒠𑒼𑒮𑒩𑒰𑒮𑒿 𑒧𑒩𑒥𑒰𑒋𑒥 (𑒧𑒩𑒥𑒻𑒞 𑒁𑒕𑒱) 𑒂 𑒏𑒩𑓂𑒧𑒫𑒰𑒔𑒰𑒢𑒳𑒮𑒰𑒩 𑒏𑒏𑒩𑒼 𑒏𑒯𑒱 𑒏𑓄 𑒧𑒩𑒥𑒰𑒋𑒥 (𑒧𑒩𑒥𑒥𑒻𑒞 𑒁𑒕𑒱)- 𑒯𑒼𑒃𑒞 𑒁𑒕𑒱।
𑒡𑒰𑒞𑒳𑒩𑒴𑒣- 𑒧𑒻𑒟𑒱𑒪𑒲𑒧𑒹 𑒪𑒑𑒦𑒑 𑓑𑓒𑓒𑓕 𑒡𑒰𑒞𑒳𑒩𑒴𑒣 𑒠𑒲𑒢𑒥𑒢𑓂𑒡𑒳 𑒗𑒰 𑒮𑓀𑒏𑒪𑒱𑒞 𑒏𑒋𑒢𑒹 𑒕𑒟𑒱 𑒖𑒹 𑒣𑒰𑒝𑒱𑒢𑒲𑒏 𑓒𑓐𑓐𑓐 𑒡𑒰𑒞𑒳𑒮𑒿 𑒏𑒢𑒱𑒨𑒹 𑒏𑒧 𑒁𑒕𑒱। 𑒂 𑒨𑒻𑒯 𑓑𑓒𑓒𑓕 𑒙𑒰 𑒡𑒰𑒞𑒳 𑒧𑒻𑒟𑒱𑒪𑒲 𑒦𑒰𑒭𑒰𑒏 𑒮𑓂𑒫𑒞𑓀𑒞𑓂𑒩 𑒁𑒮𑓂𑒞𑒱𑒞𑓂𑒫𑒏𑒹𑒿 𑒁𑒮𑒑𑒩𑒹 𑒥𑒢𑒍𑒢𑒹 𑒩𑒐𑒥𑒰 𑒪𑒹𑒪 𑒣𑒩𑓂𑒨𑒰𑒣𑓂𑒞 𑒁𑒕𑒱। 𑒏𑒱𑒕𑒳 𑒅𑒠𑒰𑒯𑒩𑒝:
𑒕𑒏- 𑒁𑒫𑒱𑒩𑒼𑒡𑒣𑒴𑒩𑓂𑒫𑒏 𑒁𑒢𑓂𑒨𑒏𑓂𑒩𑒱𑒨𑒰𑒮𑒿 𑒠𑒥𑒥 𑒁𑒩𑓂𑒟𑒧𑒹- 𑒩𑒴𑒣𑒪𑒰𑒪 𑒤𑒳𑒪 𑒞𑒼𑒛𑓃𑒥𑒰𑒧𑒹 𑒮𑒼𑒢𑒹𑒪𑒰𑒪𑒮𑒿 𑒕𑒏𑒪𑒰𑒯-𑒖𑒲𑒞𑒪 𑒑𑒹𑒪𑒰𑒯।
𑒚𑒏- 𑒣𑒩𑒞𑒰𑒩𑒥, 𑒫𑒘𑓂𑒔𑒢𑒰- 𑒚𑒏 𑒥𑒳𑒛𑓃𑒱𑒥𑒏𑒏𑒹𑒿 𑒚𑒏𑒻𑒞 𑒁𑒕𑒱- 𑒍𑒏𑒩 𑒫𑒮𑓂𑒞𑒳 𑒪𑒋 𑒪𑒹𑒥𑒰𑒏 𑒯𑒹𑒞𑒳 𑒦𑓂𑒩𑒧 𑒅𑒞𑓂𑒣𑒢𑓂𑒢 𑒏𑒩𑒥𑒻𑒞 𑒁𑒕𑒱।
𑒛𑒏- 𑒁𑒣𑒢 𑒅𑒞𑓂𑒏𑒙 𑒑𑒢𑓂𑒡𑒏 𑒣𑓂𑒩𑒮𑒰𑒩𑒝- 𑒯𑒲𑒿𑒑𑒳 𑒛𑒏𑒻𑒞 𑒁𑒕𑒱-𑒁𑒣𑒢 𑒞𑒲𑒫𑓂𑒩 𑒑𑒢𑓂𑒡𑒏 𑒣𑓂𑒩𑒮𑒰𑒩 𑒏𑒩𑒻𑒞 𑒁𑒕𑒱।
𑒜𑒏- 𑒧𑒱𑒟𑓂𑒨𑒰 𑒁𑒣𑒢 𑒁𑒞𑒱𑒣𑓂𑒩𑒬𑓀𑒮𑒰 𑒏𑒩𑒥- 𑒖𑒨𑒪𑒰𑒪 𑒜𑒏𑒻𑒞 𑒕𑒟𑒱-𑒁𑒣𑒢 𑒧𑒱𑒟𑓂𑒨𑒰 𑒁𑒞𑒱 𑒣𑓂𑒩𑒬𑓀𑒮𑒰 𑒥𑒖𑒻𑒞 𑒕𑒟𑒱।
𑒥𑒏- 𑒁𑒬𑓂𑒩𑒫𑓂𑒨 𑒥𑒯𑒳𑒞 𑒥𑒰𑒖𑒥- 𑒖𑒨𑒪𑒰𑒪 𑒥𑒏𑒻𑒞 𑒕𑒟𑒱- 𑒢𑒯𑒱 𑒮𑒳𑒢𑒥𑒰𑒏 𑒨𑒼𑒑𑓂𑒨 𑒏𑒟𑒰 𑒥𑒯𑒳𑒞 𑒥𑒖𑒻𑒞 𑒕𑒟𑒱।
𑒧𑒏- 𑒯𑒩𑓂𑒭𑒮𑒿 𑒧𑒰𑒪𑒏 𑒡𑒰𑒫𑒢𑒏𑓂𑒩𑒲𑒛𑓃𑒰- 𑒥𑒰𑒕𑒰 𑒧𑒏𑒻𑒞 𑒁𑒕𑒱, 𑒪𑒲𑒪𑒮𑒿 𑒋𑒧𑓂𑒯𑒩 𑒍𑒧𑓂𑒯𑒩 𑒠𑒾𑒑𑒱 𑒩𑒯𑒪 𑒁𑒕𑒱।
𑒥𑒰𑒪𑓂𑒧𑒲𑒏𑒱 𑒠𑓂𑒫𑒰𑒩𑒰 𑒮𑒳𑒢𑓂𑒠𑒩𑒏𑒰𑒝𑓂𑒛𑒧𑒹 𑒧𑒰𑒢𑒳𑒭𑒱𑒧𑒱𑒯 𑒮𑓀𑒮𑓂𑒏𑒵𑒞𑒰𑒧𑓂- 𑒮𑓀𑒮𑓂𑒏𑒵𑒞 𑒂 𑒧𑒰𑒢𑒳𑒭𑒲 𑒠𑒳𑒢𑒴 𑒦𑒰𑒭𑒰𑒏 𑒖𑓂𑒘𑒰𑒢 𑒯𑒢𑒳𑒧𑒰𑒢𑒖𑒲𑒮𑒿 𑒏𑒯𑒥𑒰𑒍𑒪 𑒑𑒹𑒪 𑒁𑒕𑒱। 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒫𑒩𑓂𑒝𑒩𑒞𑓂𑒢𑒰𑒏𑒩𑒧𑒹 𑒪𑒱𑒐𑒻 𑒕𑒟𑒱- “𑒣𑒳𑒢𑒳 𑒏𑒃𑒮𑒢 𑒦𑒰𑒙- 𑒮𑓀𑒮𑓂𑒏𑒵𑒞, 𑒣𑒩𑒰𑒏𑒵𑒞, 𑒁𑒥𑒯𑒚, 𑒣𑒻𑒬𑒰𑒔𑒲, 𑒮𑒾𑒩𑒮𑒹𑒢𑒲, 𑒧𑒰𑒑𑒡𑒲 𑒕𑒯𑒳 𑒦𑒰𑒭𑒰𑒏 𑒞𑒞𑓂𑒫𑒖𑓂𑒘” 𑒮𑓀𑒑𑒯𑒱 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒠𑓂𑒫𑒰𑒩𑒰 𑒮𑒰𑒞 “𑒅𑒣𑒦𑒰𑒭𑒏” 𑒔𑒩𑓂𑒔 𑒦𑒹𑒪 𑒁𑒕𑒱। 𑒣𑓂𑒩𑒰𑒏𑒵𑒞𑒏 𑒏𑒻𑒏𑒙𑒰 𑒣𑓂𑒩𑒏𑒰𑒩 𑒕𑒪। 𑒍𑒯𑒱𑒧𑒹 𑒧𑒰𑒑𑒡𑒲 𑒣𑓂𑒩𑒰𑒏𑒵𑒞 𑒧𑒻𑒟𑒱𑒪𑒲 𑒂 𑒁𑒢𑓂𑒨 𑒣𑒴𑒩𑓂𑒫𑒲 𑒦𑒰𑒩𑒞𑒏 𑒦𑒰𑒭𑒰𑒏 𑒫𑒱𑒏𑒰𑒮𑒧𑒹 𑒨𑒼𑒑𑒠𑒰𑒢 𑒠𑒹𑒪𑒏। 𑒁𑒩𑓂𑒡𑒧𑒰𑒑𑒡𑒲𑒧𑒹 𑒖𑒻𑒢 𑒡𑒩𑓂𑒧𑒑𑓂𑒩𑒢𑓂𑒟 𑒂 𑒣𑒰𑒪𑒲𑒧𑒹 𑒥𑒾𑒠𑓂𑒡 𑒡𑒩𑓂𑒧𑒑𑓂𑒩𑒢𑓂𑒟 𑒪𑒱𑒐𑒪 𑒑𑒹𑒪। 𑒏𑒰𑒪𑒱𑒠𑒰𑒮𑒏 𑒮𑓀𑒮𑓂𑒏𑒵𑒞 𑒢𑒰𑒙𑒏𑒧𑒹 𑒮𑓀𑒮𑓂𑒏𑒵𑒞𑒏 𑒁𑒞𑒱𑒩𑒱𑒏𑓂𑒞 𑒁𑒣𑒦𑓂𑒩𑓀𑒬𑒏 𑒣𑓂𑒩𑒨𑒼𑒑 𑒑𑒋𑒩 𑒁𑒦𑒱𑒖𑒰𑒞𑓂𑒨 𑒫𑒩𑓂𑒑𑒏 𑒪𑒹𑒪 𑒣𑓂𑒩𑒨𑒳𑒏𑓂𑒞 𑒦𑒹𑒪 𑒞𑒿 𑒔𑒩𑓂𑒨𑒰𑒣𑒠𑒏 𑒦𑒰𑒭𑒰 𑒮𑒹𑒯𑒼 𑒧𑒰𑒑𑒡𑒲 𑒧𑒱𑒬𑓂𑒩𑒱𑒞 𑒁𑒣𑒦𑓂𑒩𑓀𑒬 𑒕𑒪। 𑒧𑒻𑒟𑒱𑒪𑒲 𑒮𑒯𑒱𑒞 𑒂𑒢 𑒂𑒡𑒳𑒢𑒱𑒏 𑒦𑒰𑒩𑒞𑒲𑒨 𑒂𑒩𑓂𑒨𑒦𑒰𑒭𑒰 𑒠𑒼𑒮𑒩 𑒣𑓂𑒩𑒰𑒏𑒵𑒞𑒮𑒿 𑒫𑒱𑒏𑒮𑒱𑒞 𑒦𑒹𑒪 𑒮𑒹𑒯𑒼 𑒠𑒹𑒐𑒱 𑒣𑒛𑓃𑒻𑒞 𑒁𑒕𑒱। 𑒁𑒣𑒦𑓂𑒩𑓀𑒬 𑒣𑒩𑒫𑒩𑓂𑒞𑒲 𑒏𑒰𑒪𑒧𑒹 𑒣𑒴𑒩𑓂𑒫𑒲 𑒦𑒰𑒩𑒞𑒧𑒹 𑒁𑒫𑒯𑒙𑓂𑒚𑒏 𑒩𑒴𑒣 𑒪𑒹𑒪𑒏। 𑒧𑒻𑒟𑒱𑒪𑒲𑒏 𑒫𑒱𑒬𑒹𑒭𑒞𑒰 𑒖𑒰𑒯𑒱𑒧𑒹 𑒋𑒏𑒩 𑒮𑒦 𑒬𑒥𑓂𑒠𑒏 𑒮𑓂𑒫𑒩𑒰𑓀𑒞 𑒯𑒼𑒋𑒥, 𑒏𑓂𑒩𑒱𑒨𑒰𑒩𑒴𑒣𑒏 𑒖𑒙𑒱𑒪 𑒯𑒼𑒋𑒥 (𑒧𑒳𑒠𑒰 𑒞𑒰𑒯𑒱𑒧𑒹 𑒪𑒻𑓀𑒑𑒱𑒏 𑒦𑒹𑒠 𑒢𑒯𑒱 𑒯𑒼𑒋𑒥), 𑒮𑒩𑓂𑒫𑒢𑒰𑒧𑒏 𑒮𑒧𑓂𑒥𑒢𑓂𑒡 𑒏𑒰𑒩𑒏 𑒩𑒴𑒣 𑒂𑒠𑒱𑒏 𑒩𑒴𑒣𑒩𑒹𑒐𑒰 𑒁𑒫𑒯𑒙𑓂𑒚𑒧𑒹 𑒠𑒵𑒭𑓂𑒙𑒱𑒑𑒼𑒔𑒩 𑒯𑒼𑒋𑒥 𑒬𑒳𑒩𑒴 𑒦𑓄 𑒑𑒹𑒪 𑒕𑒪।












𑒛𑒰. 𑒥𑒰𑒥𑒰𑒮𑒰𑒯𑒹𑒥 𑒂𑒧𑓂𑒥𑒹𑒛𑒏𑒩 (𑓑𑓘𑓙𑓑-𑓑𑓙𑓕𑓖)

𑓑
𑒧𑒯𑒰𑒩𑒰𑒭𑓂𑒙𑓂𑒩𑒏 𑒋𑒏𑒙𑒰 𑒢𑒑𑓂𑒩 𑒩𑒞𑓂𑒢𑒰𑒑𑒱𑒩𑒲। 𑒍𑒃 𑒢𑒑𑓂𑒩 𑒪𑒑 𑒋𑒏𑒙𑒰 𑒑𑒰𑒧 𑒁𑒧𑓂𑒥𑒰𑒫𑒛𑒹।
𑒍𑒃 𑒑𑒰𑒧𑒮𑒿 𑒩𑒰𑒧𑒖𑒲 𑒮𑒣𑒏𑒰𑒝𑓃𑒏 𑒋𑒏𑒙𑒰 𑒣𑒩𑒱𑒫𑒰𑒩 𑒕𑒪, 𑒦𑒰𑒩𑒞𑒲𑒨 𑒮𑒹𑒢𑒰𑒧𑒹 𑒋𑒏𑒙𑒰 𑒮𑓂𑒏𑒴𑒪𑒧𑒹 𑒍 𑒯𑒹𑒛𑒧𑒰𑒮𑓂𑒙𑒩 𑒩𑒯𑒟𑒱। 𑒑𑒾𑒩𑒰𑓀𑒑𑒲 𑒢𑒲𑒪𑒰𑒏𑓂𑒭𑒲 𑒂 𑒦𑒲𑒧𑒰 𑒯𑒳𑒢𑒏𑒩 𑒣𑒞𑓂𑒢𑒲 𑒕𑒪𑒐𑒱𑒢𑓂𑒯। 𑒯𑒳𑒢𑒏𑒩 𑒔𑒾𑒠𑒯𑒧 𑒮𑒢𑓂𑒞𑒰𑒢 𑓑𑓔 𑒁𑒣𑓂𑒩𑒻𑒪 𑓑𑓘𑓙𑓑 𑒄. 𑒏𑒹𑒿 𑒦𑒲𑒧𑒰𑒏 𑒏𑒼𑒐𑒱𑒮𑒿 𑒦𑒹𑒪 𑒂 𑒞𑒏𑒩 𑒢𑒰𑒧 𑒦𑒲𑒧 𑒩𑒰𑒐𑒪 𑒑𑒹𑒪, 𑒞𑒐𑒢 𑒩𑒰𑒧𑒖𑒲 𑒧𑒯𑒴𑒧𑒹 𑒣𑒠𑒮𑓂𑒟𑒰𑒣𑒱𑒞 𑒩𑒯𑒟𑒱।
𑓑𑓘𑓙𑓔 𑒄. 𑒧𑒹 𑒩𑒰𑒧𑒖𑒲 𑒮𑒹𑒫𑒰𑒢𑒱𑒫𑒵𑒞𑓂𑒞 𑒦𑓄 । 𑒦𑒲𑒧 𑒖𑒐𑒢 𑓖 𑒥𑒩𑓂𑒐𑒏 𑒩𑒯𑒟𑒱 𑒞𑒐𑒢𑒹 𑒯𑒳𑒢𑒏𑒩 𑒧𑒰𑒨𑒏 𑒠𑒹𑒯𑒰𑒢𑓂𑒞 𑒦𑓄 𑒑𑒹𑒪𑒢𑓂𑒯𑒱 𑒂 𑒞𑒏𑒩 𑒥𑒰𑒠 𑒯𑒳𑒢𑒏𑒩 𑒣𑒰𑒪𑒢 𑒯𑒳𑒢𑒏𑒩 𑒁𑒣𑓀𑒑 𑒠𑒲𑒠𑒲 𑒏𑒹𑒪𑒐𑒱𑒢𑓂𑒯। 𑒣𑒱𑒞𑒰 𑒤𑒹𑒩𑒮𑒿 𑒫𑒱𑒫𑒰𑒯 𑒏𑒹𑒪𑒐𑒱𑒢𑓂𑒯𑒱 𑒂 𑒢𑒼𑒏𑒩𑒲 𑒪𑒹𑒪 𑒑𑒼𑒩𑒹𑒑𑒰𑒿𑒫 𑒔𑒪𑒱 𑒑𑒹𑒪𑒰𑒯।

𑓒

𑒩𑒰𑒧𑒖𑒲 𑒮𑒣𑒏𑒰𑒪 𑒁𑒮𑓂𑒣𑒵𑒬𑓂𑒨 𑒧𑒯𑒰𑒩 𑒖𑒰𑒞𑒱𑒏 𑒩𑒯𑒟𑒱। 𑒍 𑒏𑒥𑒲𑒩𑒏 𑒠𑒼𑒯𑒰 𑒮𑒳𑒢𑒰 𑒏𑓄 𑒦𑒲𑒧𑒏𑒹𑒿 𑒦𑒼𑒩𑒹-𑒦𑒼𑒩 𑒣𑒜𑓃𑒻𑒪𑒹 𑒅𑒚𑒰 𑒠𑒻 𑒕𑒪𑒰𑒯।
𑒮𑒹𑒫𑒰𑒢𑒱𑒫𑒵𑒞𑓂𑒞𑒱𑒏 𑒥𑒰𑒠 𑒖𑒐𑒢 𑒍 𑒏𑒰𑒣-𑒠𑒣𑒼𑒪𑒲 𑓑𑓘𑓙𑓔 𑒄.𑒧𑒹 𑒋𑒪𑒰𑒯 𑒞𑒐𑒢 𑒛𑒣𑒼𑒪𑒲 𑒢𑒑𑒩𑒣𑒰𑒪𑒱𑒏𑒰 𑒬𑒱𑒏𑓂𑒭𑒰 𑒫𑒱𑒦𑒰𑒑 𑒁𑒣𑒢 𑒮𑓂𑒏𑒴𑒪𑒧𑒹 𑒁𑒮𑓂𑒣𑒵𑒬𑓂𑒨𑒏 𑒢𑒰𑒧𑒰𑓀𑒏𑒢 𑒢𑒻 𑒪𑒹𑒥𑒰𑒏 𑒢𑒱𑒩𑓂𑒝𑒨 𑒏𑓄 𑒪𑒹𑒪𑒏। 𑒁𑒐𑒢 𑒡𑒩𑒱 𑒁𑒮𑓂𑒣𑒵𑒬𑓂𑒨𑒏 𑒥𑒔𑓂𑒔𑒰𑒏 𑒢𑒰𑒧𑒰𑓀𑒏𑒢 𑒍𑒃 𑒮𑓂𑒏𑒴𑒪 𑒮𑒦𑒧𑒹 𑒯𑒼𑒃 𑒕𑒪𑒻। 𑒞𑒐𑒢 𑒩𑒰𑒧𑒖𑒲 𑒧𑒳𑒧𑓂𑒥𑒃 𑒂 𑒤𑒹𑒩 𑒮𑒞𑒰𑒩𑒰 𑒔𑒪𑒱 𑒑𑒹𑒪𑒰𑒯। 𑒦𑒲𑒧𑒏 𑒣𑓂𑒩𑒰𑒩𑒧𑓂𑒦𑒱𑒏 𑒬𑒱𑒏𑓂𑒭𑒰 𑒮𑒞𑒰𑒩𑒰𑒧𑒹 𑒦𑒹𑒪𑒢𑓂𑒯𑒱।
𑒏𑒼𑒢𑒼 𑒢𑒾𑒂 𑒦𑒲𑒧𑒏 𑒏𑒹𑒬 𑒢𑒻 𑒏𑒰𑒙𑒻 𑒕𑒪 𑒮𑒹 𑒦𑒲𑒧𑒏 𑒥𑒯𑒱𑒢 𑒯𑒳𑒢𑒏𑒩 𑒏𑒹𑒬 𑒏𑒰𑒙𑒻 𑒕𑒪𑒲𑒯।
𑒮𑓂𑒏𑒴𑒪𑒧𑒹 𑒯𑒳𑒢𑒏𑒰𑒮𑒿 𑒮𑒙𑒱 𑒏𑓄 𑒏𑒱𑒨𑒼 𑒢𑒻 𑒥𑒻𑒮𑒻 𑒕𑒪।
𑒏𑒙𑒯𑒲 𑒑𑒰𑒛𑓃𑒲𑒥𑒪𑒰 𑒯𑒳𑒢𑒏𑒰 𑒞𑒻 𑒬𑒩𑓂𑒞𑒣𑒩 𑒥𑒻𑒮𑒥𑒻 𑒕𑒪 𑒖𑒹 𑒑𑒰𑒛𑓃𑒲 𑒦𑒲𑒧 𑒔𑒪𑒹𑒞𑒰𑒯 𑒂 𑒍 𑒂𑒩𑒰𑒧𑒮𑒿 𑒥𑒻𑒮𑒞।
𑒣𑒰𑒢𑒱 𑒣𑒲𑒥𑒰𑒏 𑒮𑓀𑒏𑒙, 𑒖𑒪𑒰𑒬𑒨 𑒯𑒳𑒢𑒏𑒰 𑒪𑒹𑒪 𑒢𑒻?
𑒯𑒧 𑒫𑒱𑒠𑓂𑒨𑒰 𑒣𑓂𑒩𑒰𑒣𑓂𑒞 𑒏𑒩𑒥, 𑒞𑒐𑒢 𑒄 𑒮𑒦 𑒦𑒹𑒙𑒞। 𑒮𑓀𑒏𑒪𑓂𑒣 𑒪𑒹𑒪𑒢𑓂𑒯𑒱 𑒦𑒲𑒧।
𑒍𑒞𑒻 𑒫𑒱𑒠𑓂𑒨𑒰𑒪𑒨𑒧𑒹 𑒣𑒹𑓀𑒛𑒮𑒹 𑒂 𑒂𑒧𑓂𑒥𑒹𑒛𑒏𑒩 𑒄 𑒠𑒴𑒙𑒰 𑒬𑒱𑒏𑓂𑒭𑒏 𑒩𑒯𑒟𑒱।
𑒋𑒏 𑒠𑒱𑒢 𑒦𑒲𑒧 𑒁𑒣𑒢𑒰𑒏𑒹𑒿 𑒦𑒱𑒖𑒰 𑒪𑒹𑒪𑒢𑓂𑒯𑒱 𑒖𑒹 𑒮𑓂𑒏𑒴𑒪𑒧𑒹 𑒢𑒻 𑒣𑒜𑓃𑓄 𑒣𑒛𑓃𑒋। 𑒧𑒳𑒠𑒰 𑒣𑒹𑓀𑒛𑒮𑒹 𑒯𑒳𑒢𑒏𑒰 𑒁𑒣𑒢 𑒒𑒩 𑒣𑒚𑒹𑒪𑒢𑓂𑒯𑒱 𑒂 𑒯𑒳𑒢𑒏𑒰 𑒡𑒩𑒱𑒨𑒰 𑒣𑒯𑒱𑒩 𑒏𑓄 𑒮𑓂𑒏𑒴𑒪𑒧𑒹 𑒣𑒜𑓃𑒰𑒃 𑒏𑒩𑓄 𑒣𑒛𑓃𑒪𑒢𑓂𑒯𑒱।
𑒂𑒧𑓂𑒥𑒹𑒛𑒏𑒩𑒏 𑒣𑒩𑒧 𑒣𑓂𑒩𑒱𑒨 𑒬𑒱𑒭𑓂𑒨 𑒥𑒢𑒱 𑒑𑒹𑒪𑒰𑒯 𑒦𑒲𑒧। 𑒂𑒧𑓂𑒥𑒹𑒛𑒏𑒩 𑒥𑓂𑒩𑒰𑒯𑓂𑒧𑒝 𑒩𑒯𑒟𑒱। 𑒋𑒏 𑒠𑒱𑒢𑒳𑒏𑒰 𑒑𑒣 𑒁𑒕𑒱। 𑒦𑒲𑒧 𑒐𑒹𑒢𑒰𑒃 𑒢𑒻 𑒂𑒢𑒢𑒹 𑒩𑒯𑒟𑒱, 𑒁𑒮𑒑𑒩𑒹 𑒦𑒳𑒐𑒪𑒹 𑒣𑒹𑒙𑒹 𑒋𑒏𑒙𑒰 𑒑𑒰𑒕𑒏 𑒕𑒰𑒯 𑒞𑒩 𑒍 𑒥𑒻𑒮𑒪 𑒩𑒯𑒟𑒱।
𑒣𑒳𑒕𑒪𑒢𑓂𑒯𑒱 𑒂𑒧𑓂𑒥𑒹𑒛𑒏𑒩, 𑒦𑒲𑒧 𑒋𑒢𑒰 𑒁𑒮𑒑𑒩𑒹 𑒏𑒱𑒋 𑒥𑒻𑒮𑒪 𑒕𑒲। 𑒦𑒲𑒧 𑒏𑒯𑒪𑒢𑓂𑒯𑒱 𑒖𑒹 𑒂𑒃 𑒯𑒧 𑒐𑒹𑒢𑒰𑒃 𑒢𑒻 𑒂𑒢𑒢𑒹 𑒕𑒲। 𑒏𑒯𑒪𑒢𑓂𑒯𑒱 𑒂𑒧𑓂𑒥𑒹𑒛𑒏𑒩, 𑒞𑒿 𑒏𑒲 𑒦𑒹𑒪, 𑒔𑒪𑒴 𑒂𑒃 𑒠𑒳𑒢𑒴 𑒑𑒳𑒩𑒳 𑒔𑒹𑒪𑒰 𑒩𑒼𑒙𑒲 𑒞𑒩𑒏𑒰𑒩𑒲 𑒮𑓀𑒑𑒹 𑒐𑒰𑒃 𑒕𑒲। 𑒦𑒲𑒧𑒏 𑒣𑓂𑒩𑒞𑒱 𑒋𑒯𑒹𑒢 𑒢𑒲𑒏 𑒂𑒔𑒩𑒝 𑒂𑒃 𑒡𑒩𑒱 𑒏𑒱𑒨𑒼 𑒢𑒻 𑒏𑒹𑒢𑒹 𑒕𑒪। 𑒦𑒲𑒧 𑒣𑓂𑒩𑒮𑒢𑓂𑒢 𑒦𑓄 𑒑𑒹𑒪𑒰𑒯।
𑒏𑒯𑒪𑒢𑓂𑒯𑒱 𑒂𑒧𑓂𑒥𑒹𑒛𑒏𑒩- 𑒦𑒲𑒧, 𑒯𑒧 𑒁𑒯𑒰𑒿𑒏𑒹𑒿 𑒁𑒣𑒢 𑒏𑒳𑒪𑒢𑒰𑒧 𑒠𑒻 𑒕𑒲, 𑒂𑒥 𑒁𑒯𑒰𑒿 𑒂𑒧𑓂𑒥𑒹𑒛𑒏𑒩 𑒏𑒯𑒰𑒋𑒥।
𑓓
𑒩𑒰𑒧𑒖𑒲 𑒧𑒳𑒧𑓂𑒥𑒃 𑒂𑒥𑒱 𑒑𑒹𑒪𑒰𑒯। 𑒋𑒪𑒤𑒱𑓀𑒮𑓂𑒙𑒢 𑒮𑓂𑒏𑒴𑒪𑒧𑒹 𑒍 𑒦𑒩𑓂𑒞𑒲 𑒦𑒹𑒪𑒰𑒯। 𑓑𑓙𑓐𑓗𑒧𑒹 𑒮𑓂𑒏𑒴𑒪𑒏 𑒬𑒱𑒏𑓂𑒭𑒰 𑒍 𑒣𑒴𑒩𑓂𑒝 𑒏𑒹𑒪𑒢𑓂𑒯𑒱। 𑒏𑒹𑒪𑒳𑒮𑓂𑒏𑒩 𑒯𑒳𑒢𑒏𑒰 “𑒥𑒳𑒠𑓂𑒡𑒔𑒩𑒱𑒞𑒧𑓂” 𑒅𑒣𑒯𑒰𑒩𑒧𑒹 𑒠𑒹𑒪𑒢𑓂𑒯𑒱।
𑒦𑒲𑒧𑒏𑒹𑒿 𑒮𑓂𑒏𑒴𑒪𑒧𑒹 𑒮𑓀𑒮𑓂𑒏𑒵𑒞 𑒣𑒜𑓃𑒥𑒰𑒏 𑒥𑒛𑓂𑒛 𑒃𑒔𑓂𑒕𑒰 𑒩𑒯𑒢𑓂𑒯𑒱 𑒧𑒳𑒠𑒰 𑒞𑒏𑒩 𑒁𑒢𑒳𑒧𑒞𑒱 𑒢𑒻 𑒕𑒪।
𑒖𑒐𑒢 𑒦𑒲𑒧 𑓑𑓗 𑒥𑒩𑓂𑒐𑒏 𑒩𑒯𑒟𑒱 𑒞𑒐𑒢 𑓙 𑒥𑒩𑓂𑒐𑒏 𑒩𑒧𑒰𑒮𑒿 𑒯𑒳𑒢𑒏𑒩 𑒥𑒱𑒨𑒰𑒯 𑒦𑒹𑒪𑒢𑓂𑒯𑒱।
𑒏𑒹𑒪𑒳𑒮𑓂𑒏𑒩 𑒧𑒯𑒼𑒠𑒨𑒏 𑒣𑓂𑒩𑒨𑒰𑒮𑒮𑒿 𑒥𑒛𑓃𑒼𑒠𑒰 𑒢𑒩𑒹𑒬𑒏 𑒕𑒰𑒞𑓂𑒩𑒫𑒵𑒞𑓂𑒞𑒱 𑒦𑒲𑒧𑒏𑒹𑒿 𑒣𑓂𑒩𑒰𑒣𑓂𑒞 𑒦𑒹𑒪𑒢𑓂𑒯𑒱 𑒂 𑒍 𑓑𑓙𑓑𑓒 𑒄.𑒧𑒹 𑒥𑒲.𑒋. 𑒣𑒰𑒮 𑒦𑓄 𑒑𑒹𑒪𑒰𑒯।
𑒥𑒛𑓃𑒼𑒠𑒰 𑒮𑒩𑒏𑒰𑒩 𑒯𑒳𑒢𑒏𑒰 𑒪𑒹𑒤𑓂𑒙𑒱𑒢𑒹𑒢𑓂𑒙 𑒣𑒠𑒣𑒩 𑒞𑒻𑒢𑒰𑒞 𑒏𑒹𑒪𑒏।
𑒧𑒳𑒠𑒰 𑒞𑒏𑒩 𑒥𑒰𑒠 𑒣𑒱𑒞𑒰𑒏 𑒧𑒼𑒢 𑒐𑒩𑒰𑒣 𑒦𑓄 𑒑𑒹𑒪𑒢𑒱, 𑒦𑒲𑒧 𑒣𑒱𑒞𑒰𑒮𑒿 𑒦𑒹𑒿𑒙 𑒏𑒩𑒥𑒰𑒪𑒹 𑒋𑒪𑒰𑒯, 𑒣𑒱𑒞𑒰 𑒣𑓂𑒩𑒮𑒢𑓂𑒢 𑒩𑒯𑒟𑒱। 𑒣𑒱𑒞𑒰 𑒁𑒣𑒢 𑒣𑓂𑒩𑒮𑒢𑓂𑒢𑒞𑒰𑒏 𑒮𑓀𑒑𑒹 𑒣𑓂𑒩𑒨𑒰𑒝 𑒏𑒹𑒪𑒢𑓂𑒯𑒱, 𑒧𑒵𑒞𑓂𑒨𑒳𑒏 𑒪𑒲𑒪𑒰, 𑒦𑒲𑒧 𑒖𑒼𑒩-𑒖𑒼𑒩𑒮𑒿 𑒏𑒰𑒢𑒟𑒱।
𑓔
𑒥𑒛𑓃𑒼𑒠𑒰 𑒢𑒩𑒹𑒬𑒏 𑒕𑒰𑒞𑓂𑒩𑒫𑒵𑒞𑓂𑒞𑒱𑒮𑒿 𑒦𑒲𑒧 𑓑𑓙𑓑𑓓 𑒄. 𑒧𑒹 𑒁𑒡𑓂𑒨𑒨𑒢 𑒪𑒹𑒪 𑒢𑓂𑒨𑒴𑒨𑒰𑒩𑓂𑒏 𑒥𑒱𑒠𑒰 𑒦𑒹𑒪𑒰𑒯। 𑒏𑒼𑒪𑒧𑓂𑒥𑒱𑒨𑒰 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨 𑒯𑒳𑒢𑒏𑒩 𑒣𑓂𑒩𑒥𑒢𑓂𑒡 𑒮𑓂𑒫𑒲𑒏𑒵𑒞 𑒏𑒹𑒪𑒏 𑒂 𑒯𑒳𑒢𑒏𑒰 “𑒛𑒰𑒏𑓂𑒙𑒩 𑒂𑒤 𑒤𑒱𑒪𑒼𑒮𑒼𑒤𑒲” 𑒅𑒣𑒰𑒡𑒱 𑒠𑒹𑒪𑒏।
𑒒𑒳𑒩𑒪𑒰𑒯 𑒦𑒲𑒧।
𑒯𑒳𑒢𑒏𑒩 𑒮𑒞𑓂𑒏𑒰𑒩 𑒏𑒋𑒪 𑒖𑒰𑒋, 𑒦𑒫𑓂𑒨 𑒮𑒞𑓂𑒏𑒰𑒩। 𑒮𑒦 𑒯𑒱𑒞-𑒮𑒧𑓂𑒥𑒢𑓂𑒡𑒲 𑒫𑒱𑒔𑒰𑒩𑒪𑒢𑓂𑒯𑒱।
𑒧𑒳𑒠𑒰 𑒍 𑒢𑒻 𑒮𑓂𑒫𑒲𑒏𑒰𑒩 𑒏𑒹𑒪𑒢𑓂𑒯𑒱 𑒁𑒣𑒢 𑒮𑒞𑓂𑒏𑒰𑒩। 𑒯𑒧𑒩 𑒮𑒞𑓂𑒏𑒰𑒩𑒣𑒩 𑒯𑒼𑒧𑒋𑒥𑒪𑒰 𑒐𑒩𑓂𑒔𑒰𑒮𑒿 𑒕𑒰𑒞𑓂𑒩𑒫𑒵𑒞𑓂𑒞𑒱 𑒠𑒱𑒨𑒾, 𑒫𑓀𑒔𑒱𑒞𑒏𑒹𑒿 𑒣𑒜𑓃𑒰𑒅।
𑒥𑒛𑓃𑒼𑒠𑒰 𑒢𑒩𑒹𑒬 𑒯𑒳𑒢𑒏𑒰 𑒥𑒛𑓃𑒼𑒠𑒰 𑒥𑒖𑒹𑒪𑒢𑓂𑒯𑒱। 𑒯𑒳𑒢𑒏𑒩 𑒁𑒫𑒰𑒮-𑒦𑒼𑒖𑒢𑒏 𑒫𑓂𑒨𑒫𑒮𑓂𑒟𑒰 𑒪𑒹𑒪 𑒏𑒯𑒪𑒢𑓂𑒯𑒱।
𑒧𑒳𑒠𑒰 𑒏𑒼𑒢𑒼 𑒦𑒼𑒖𑒢𑒰𑒪𑒨 𑒫𑒰 𑒡𑒩𑓂𑒧𑒬𑒰𑒪𑒰 𑒯𑒳𑒢𑒏𑒰 𑒩𑒐𑒥𑒰 𑒪𑒹𑒪 𑒞𑒻𑒨𑒰𑒩 𑒢𑒻 𑒦𑒹𑒪। 𑒋𑒏𑒙𑒰 𑒣𑒰𑒩𑒮𑒲 𑒦𑒼𑒖𑒢𑒰𑒪𑒨 𑒏𑒱𑒕𑒳 𑒠𑒱𑒢 𑒯𑒳𑒢𑒏𑒰 𑒩𑒐𑒪𑒏 𑒧𑒳𑒠𑒰 𑒤𑒹𑒩 𑒍𑒞𑒻𑒮𑒿 𑒯𑒳𑒢𑒏𑒰 𑒢𑒱𑒏𑒰𑒪𑒱 𑒠𑒹𑒪 𑒑𑒹𑒪।
𑒋𑒏𑒙𑒰 𑒑𑒰𑒕𑒞𑒩 𑒍 𑒏𑒰𑒢𑒋 𑒪𑒑𑒪𑒰𑒯। 𑒬𑒱𑒏𑓂𑒭𑒰 𑒣𑓂𑒩𑒰𑒣𑓂𑒞 𑒏𑒩𑒥 𑒞𑒿 𑒯𑒧𑒩 𑒠𑒼𑒭 𑒠𑒴𑒩 𑒯𑒋𑒞, 𑒮𑒹 𑒮𑒼𑒔𑒢𑒹 𑒩𑒯𑒲। 𑒧𑒳𑒠𑒰 𑒂𑒥 𑒞𑒿 𑒯𑒧 𑒬𑒱𑒏𑓂𑒭𑒰 𑒣𑓂𑒩𑒰𑒣𑓂𑒞 𑒏𑒹𑒢𑒹 𑒕𑒲, 𑒂𑒥 𑒏𑒱𑒋 𑒄 𑒨𑒰𑒞𑒢𑒰 𑒠𑒹𑒪 𑒖𑒰 𑒩𑒯𑒪 𑒁𑒕𑒱 𑒯𑒧𑒩𑒰। 𑒣𑓂𑒩𑒝 𑒏𑒩𑒻 𑒕𑒲 𑒯𑒧 𑒖𑒹 𑒌 𑒫𑓂𑒨𑒫𑒮𑓂𑒟𑒰𑒏𑒹𑒿 𑒞𑒼𑒛𑓃𑒱 𑒠𑒹𑒥, 𑒍𑒏𑒩 𑒖𑒛𑓃𑒱𑒣𑒩 𑒣𑓂𑒩𑒯𑒰𑒩 𑒏𑒩𑒥।
𑓕
𑒦𑒲𑒧 𑒒𑒳𑒩𑒱 𑒋𑒪𑒰𑒯 𑒧𑒳𑒧𑓂𑒥𑒃। 𑒍 𑒬𑒱𑒛𑒹𑒢𑒯𑒧 𑒧𑒯𑒰𑒫𑒱𑒠𑓂𑒨𑒰𑒪𑒨𑒧𑒹 𑒣𑓂𑒩𑒰𑒡𑓂𑒨𑒰𑒣𑒏 𑒥𑒢𑒱 𑒑𑒹𑒪𑒰𑒯।
𑒏𑒼𑒪𑓂𑒯𑒰𑒣𑒳𑒩𑒏 𑒕𑒞𑓂𑒩𑒣𑒞𑒱 𑒮𑒰𑒯𑒴 𑒧𑒯𑒩𑒰𑒖 𑒅𑒣𑒹𑒏𑓂𑒭𑒱𑒞 𑒪𑒼𑒏𑒏 𑒅𑒠𑓂𑒡𑒰𑒩 𑒪𑒹𑒪 𑒏𑒙𑒱𑒥𑒠𑓂𑒡 𑒕𑒪𑒰𑒯। 𑒦𑒲𑒧 𑒍𑒞𑒋 𑒑𑒹𑒪𑒰𑒯, 𑒒𑒼𑒭𑒝𑒰 𑒏𑒹𑒪𑒢𑓂𑒯𑒱 𑒧𑒰𑒝𑒑𑓂𑒩𑒰𑒧𑒧𑒹 𑒮𑒰𑒯𑒴 𑒧𑒯𑒩𑒰𑒖, 𑒯𑒹 𑒅𑒣𑒹𑒏𑓂𑒭𑒱𑒞 𑒖𑒢 𑒂𑒥𑒱 𑒑𑒹𑒪 𑒕𑒟𑒱 𑒁𑒯𑒰𑒿 𑒮𑒦𑒏 𑒅𑒠𑓂𑒡𑒰𑒩𑒏- 𑒛𑒰 𑒂𑒧𑓂𑒥𑒹𑒛𑒏𑒩।
𑒧𑒳𑒠𑒰 𑒋𑒏𑒙𑒰 𑒂𑒩 𑒂𑒒𑒰𑒞, 𑒣𑒳𑒞𑓂𑒩 𑒑𑓀𑒑𑒰𑒡𑒩𑒏 𑒧𑒵𑒞𑓂𑒨𑒳𑒮𑒿 𑒣𑒞𑓂𑒢𑒲 𑒩𑒧𑒰 𑒐𑒱𑒢𑓂𑒢 𑒩𑒯𑒋 𑒪𑒑𑒪𑒲𑒯। 𑒨𑒬𑒫𑒢𑓂𑒞𑒏 𑒣𑒰𑒪𑒢 𑒍 𑒏𑒩𑒻𑒞 𑒩𑒯𑒪𑒲𑒯, 𑒣𑒞𑒱 𑒥𑒛𑓂𑒛 𑒏𑒧 𑒮𑒧𑒋 𑒒𑒩𑒧𑒹 𑒠𑒻 𑒕𑒪𑒐𑒱𑒢𑓂𑒯 𑒧𑒳𑒠𑒰 𑒍 𑒮𑒦𑒙𑒰 𑒮𑒯𑒻𑒞 𑒩𑒯𑒪𑒲𑒯।
𑓖
𑒤𑒹𑒩 𑒁𑒡𑓂𑒨𑒰𑒣𑒢𑒣𑒠 𑒕𑒼𑒛𑓃𑒱 𑒍 “𑒃𑒏𑒼𑒢𑒼𑒧𑒱𑒏 𑒋𑒝𑓂𑒛 𑒣𑒼𑒪𑒱𑒙𑒱𑒏𑒪 𑒮𑒰𑒨𑓀𑒮” 𑒢𑒰𑒧𑓂𑒢𑒰 𑒪𑓀𑒛𑒢 𑒮𑓂𑒟𑒱𑒞 𑒮𑓀𑒮𑓂𑒟𑒰𑒧𑒹 “𑒠 𑒣𑓂𑒩𑒰𑒥𑓂𑒪𑒹𑒧 𑒂𑒤 𑒩𑒳𑒣𑒲” 𑒣𑒩 𑒣𑓂𑒩𑒥𑒢𑓂𑒡 𑒠𑒹𑒪𑒢𑓂𑒯𑒱। 𑒧𑒳𑒠𑒰 𑒯𑒳𑒢𑒏𑒰 𑒏𑓂𑒩𑒰𑒢𑓂𑒞𑒱𑒏𑒰𑒩𑒲 𑒧𑒰𑒢𑒪 𑒑𑒹𑒪, 𑒮𑒹 𑒍 𑒮𑓀𑒮𑓂𑒟𑒰𑒏 𑒧𑒼𑒢𑒧𑒰𑒤𑒱𑒏 𑒮𑓀𑒬𑒼𑒡𑒱𑒞 𑒣𑓂𑒩𑒥𑒢𑓂𑒡 𑒣𑓂𑒩𑒮𑓂𑒞𑒳𑒞 𑒏𑒹𑒪𑒢𑓂𑒯𑒱 𑒂 “𑒛𑒰𑒏𑓂𑒙𑒩 𑒂𑒤 𑒮𑒰𑒨𑓀𑒮” 𑒦𑓄 𑒒𑒳𑒩𑒪𑒰𑒯। 𑒫𑒱𑒡𑒱𑒏 𑒁𑒡𑓂𑒨𑒨𑒢 𑒏𑒹𑒪𑒰𑒏 𑒥𑒰𑒠 𑒍 𑒢𑓂𑒨𑒰𑒨𑒰𑒪𑒨 𑒮𑒹𑒯𑒼 𑒖𑒰𑒃 𑒕𑒪𑒰𑒯।
𑓒𑓐 𑒖𑒳𑒪𑒰𑒃 𑓑𑓙𑓒𑓔 𑒄. 𑒏𑒹𑒿 𑒍 “𑒥𑒯𑒱𑒭𑓂𑒏𑒵𑒞 𑒯𑒱𑒞𑒏𑒰𑒩𑒱𑒝𑒲 𑒮𑒦𑒰” 𑒢𑒰𑒧𑒮𑒿 𑒋𑒏𑒙𑒰 𑒮𑓀𑒮𑓂𑒟𑒰 𑒥𑒢𑒹𑒪𑒢𑓂𑒯𑒱। 𑒏𑒰𑒩𑒝 𑒯𑒳𑒢𑒏𑒩 𑒫𑒱𑒬𑓂𑒫𑒰𑒮 𑒔𑒪𑒢𑒱 𑒖𑒹 𑒁𑒣𑒢 𑒮𑒧𑒮𑓂𑒨𑒰𑒏 𑒮𑒧𑒰𑒡𑒰𑒢 𑒁𑒣𑒢𑒹 𑒏𑒩𑒋 𑒣𑒛𑓃𑒞, 𑒂𑒢 𑒮𑒹 𑒢𑒻 𑒏𑓄 𑒮𑒏𑒞।
𑓒𑓐 𑒧𑒰𑒩𑓂𑒔 𑓑𑓙𑓒𑓗 𑒄. 𑒧𑒯𑒰𑒛𑒧𑒹 𑒖𑒢𑒰𑒢𑓂𑒠𑒼𑒪𑒢𑒏 𑒢𑒹𑒞𑒵𑒞𑓂𑒫 𑒏𑓄 “𑒔𑒫𑒠𑒰𑒩 𑒞𑒝𑓃” 𑒖𑒪𑒰𑒬𑒨𑒮𑒿 𑒮𑒦 𑒣𑒰𑒢𑒱 𑒣𑒲𑒪𑒢𑓂𑒯𑒱।
𑒞𑒏𑒩 𑒥𑒰𑒠 “𑒥𑒯𑒱𑒭𑓂𑒏𑒵𑒞 𑒦𑒰𑒩𑒞” 𑒧𑒰𑒮𑒱𑒏 𑒠𑓂𑒫𑒰𑒩𑒰 𑒫𑒱𑒔𑒰𑒩 𑒣𑓂𑒩𑒮𑒰𑒩𑒱𑒞 𑒏𑒹𑒪𑒢𑓂𑒯𑒱।
𑓒 𑒧𑒰𑒩𑓂𑒔 𑓑𑓙𑓓𑓐 𑒢𑒰𑒬𑒱𑒏 𑒩𑒰𑒧𑒧𑒢𑓂𑒠𑒱𑒩𑒧𑒹 𑒣𑓂𑒩𑒫𑒹𑒬𑒏 𑒣𑓂𑒩𑒨𑒰𑒮𑒏 𑒖𑒢𑒰𑒢𑓂𑒠𑒼𑒪𑒢𑒏 𑒢𑓂𑒩𑒹𑒞𑒵𑒞𑓂𑒫, 𑒧𑒳𑒠𑒰 𑒣𑒳𑒩𑒯𑒱𑒞 𑒠𑓂𑒫𑒰𑒩 𑒥𑒢𑓂𑒠 𑒏𑓄 𑒪𑒹𑒪𑒏, 𑒞𑒐𑒢 𑒮𑒦 𑒩𑒰𑒧 𑒂 𑒪𑒏𑓂𑒭𑓂𑒧𑒝 𑒏𑒳𑒝𑓂𑒛𑒧𑒹 𑒮𑓂𑒢𑒰𑒢 𑒏𑓄 𑒒𑒳𑒩𑒱 𑒑𑒹𑒪𑒰𑒯।
𑒧𑒳𑒠𑒰 𑓑𑓙𑓓𑓓 𑒄 𑒧𑒹 𑒧𑒳𑒧𑓂𑒥𑒃 𑒣𑓂𑒩𑒰𑒢𑓂𑒞𑒧𑒹 𑒮𑒦 𑒅𑒣𑒹𑒏𑓂𑒭𑒱𑒞𑒏 𑒧𑒢𑓂𑒠𑒱𑒩 𑒣𑓂𑒩𑒫𑒹𑒬𑒏 𑒫𑒱𑒡𑒰𑒢 𑒣𑒰𑒮 𑒦𑒹𑒪।
𑓗
𑓑𑓙𑓒𑓗 𑒄. 𑒧𑒹 𑒁𑒣𑒢 𑒬𑒱𑒏𑓂𑒭𑒏 𑒂𑒧𑓂𑒥𑒹𑒛𑒏𑒩𑒮𑒿 𑒯𑒳𑒢𑒏𑒩 𑒦𑒹𑒿𑒙 𑒦𑒹𑒪𑒢𑓂𑒯𑒱। 𑒯𑒳𑒢𑒏𑒩 𑒔𑒱𑒙𑓂𑒚𑒲 𑒦𑒲𑒧 𑒮𑓂𑒢𑒹𑒯𑒮𑒿 𑒩𑒐𑒢𑒹 𑒕𑒪𑒰𑒯। 𑒑𑒳𑒩𑒳-𑒬𑒱𑒭𑓂𑒨 𑒦𑒰𑒫 𑒫𑒱𑒯𑓂𑒫𑒪 𑒦𑓄 𑒑𑒹𑒪𑒰𑒯।
𑒮𑒰𑒃𑒧𑒢 𑒏𑒧𑒲𑒬𑒢𑒏 𑒮𑒧𑒱𑒞𑒱𑒧𑒹 𑒦𑒲𑒧𑒏 𑒔𑒨𑒢 𑒦𑒹𑒪, 𑒫𑒨𑒮𑓂𑒏 𑒧𑒞𑒠𑒰𑒢𑒏 𑒁𑒢𑒳𑒬𑓀𑒮𑒰 𑒦𑒲𑒧𑒏 𑒏𑒋𑒪 𑒕𑒢𑓂𑒯𑒱।
𑒪𑓀𑒛𑒢𑒧𑒹 “𑒩𑒰𑒅𑒝𑓂𑒛 𑒙𑒹𑒥𑒪 𑒏𑒰𑒢𑓂𑒤𑓂𑒩𑒹𑒢𑓂𑒮”𑒧𑒹 𑒞𑒲𑒢 𑒥𑒹𑒩 𑒦𑒰𑒑 𑒪𑓄 𑒏𑓄 𑒠𑒪𑒱𑒞𑒏 𑒮𑒧𑒮𑓂𑒨𑒰 𑒅𑒚𑒹𑒪𑒢𑓂𑒯𑒱 𑒍।
𑒧𑒳𑒠𑒰 𑒤𑒹𑒩 𑒂𑒒𑒰𑒞। 𑒣𑒞𑓂𑒢𑒲 𑒩𑒧𑒰𑒏 𑒧𑒵𑒞𑓂𑒨।
𑓑𑓕 𑒁𑒣𑓂𑒩𑒻𑒪 𑓑𑓙𑓔𑓘 𑒄. 𑒏𑒹𑒿 𑒬𑒰𑒩𑒠𑒰-𑒏𑒥𑒲𑒩 𑒢𑒰𑒧𑓂𑒢𑒰 𑒥𑓂𑒩𑒰𑒯𑓂𑒧𑒝 𑒔𑒱𑒏𑒱𑒞𑓂𑒮𑒱𑒏𑒰𑒮𑒿 𑒫𑒱𑒫𑒰𑒯 𑒏𑒹𑒪𑒢𑓂𑒯𑒱।
𑒮𑒧𑒋 𑒏𑒧 𑒁𑒕𑒱। 𑒮𑓀𑒒𑒩𑓂𑒭 𑒢𑒱𑒭𑓂𑒤𑒪 𑒦𑓄 𑒩𑒯𑒪 𑒁𑒕𑒱। 𑒯𑒱𑒢𑓂𑒠𑒴, 𑒁𑒮𑓂𑒣𑒵𑒬𑓂𑒨 𑒯𑒱𑒢𑓂𑒠𑒴! 𑒢𑒻। 𑒯𑒧 𑒁𑒮𑒤𑒪 𑒢𑒻 𑒯𑒋𑒥। 𑒡𑒩𑓂𑒧𑒰𑒢𑓂𑒞𑒩। 𑒏𑒹𑒪𑒳𑒮𑓂𑒏𑒩𑒏 𑒠𑒹𑒪 𑒥𑒳𑒠𑓂𑒡𑒔𑒩𑒱𑒞𑒧𑓂 𑒮𑒧𑓂𑒥𑒪 𑒥𑒢𑒞।
𑓑𑓔 𑒁𑒏𑓂𑒙𑒴𑒥𑒩 𑓑𑓙𑓕𑓖 𑒄., 𑒠𑒬𑒧𑒲, 𑒢𑒰𑒑𑒣𑒳𑒩 𑓙 𑒥𑒖𑒲 𑒦𑒼𑒩𑒮𑒿 𑓑𑓑 𑒥𑒖𑒹 𑒡𑒩𑒱, 𑒑𑒼𑒩𑒐𑒣𑒳𑒩𑒏 𑒧𑒯𑒰𑒮𑓂𑒟𑒰𑒫𑒱𑒩 𑒔𑒢𑓂𑒠𑓂𑒩𑒧𑒝𑒱 𑒡𑒩𑓂𑒧𑒰𑒢𑓂𑒞𑒩 𑒏𑒩𑒹𑒞𑒰𑒯, 𑒥𑒾𑒠𑓂𑒡 𑒡𑒩𑓂𑒧𑒧𑒹।
𑒍, 𑒯𑒳𑒢𑒏𑒩 𑒠𑒼𑒮𑒩 𑒥𑓂𑒩𑒰𑒯𑓂𑒧𑒝 𑒣𑒞𑓂𑒢𑒲 𑒮𑒫𑒱𑒞𑒰 𑒂 𑒪𑒰𑒐𑒏 𑒪𑒰𑒐 𑒪𑒼𑒏 𑒥𑒾𑒠𑓂𑒡 𑒥𑒢𑒱 𑒑𑒹𑒪𑒰𑒯।
𑒥𑒳𑒠𑓂𑒡𑒏 𑒣𑒠 𑒡𑒴𑒪𑒱 𑒧𑒰𑒟𑒣𑒩 𑒪𑒑𑒰 𑒞𑒲𑒢𑒥𑒹𑒩 𑒫𑒢𑓂𑒠𑒢 𑒏𑒹𑒪𑒢𑓂𑒯𑒱।

𑓘
𑒮𑓂𑒫𑒞𑓀𑒞𑓂𑒩 𑒦𑒰𑒩𑒞𑒏 𑒫𑒱𑒡𑒱 𑒧𑓀𑒞𑓂𑒩𑒲 𑒥𑒢𑒪𑒰𑒯 𑒥𑒰𑒥𑒰𑒮𑒰𑒯𑒹𑒥 𑒂𑒧𑓂𑒥𑒹𑒛𑒏𑒩। 𑒮𑓀𑒮𑓂𑒏𑒵𑒞𑒏 𑒣𑒻𑒒 𑒣𑓂𑒩𑒹𑒧𑒲। 𑒮𑓀𑒮𑓂𑒏𑒵𑒞𑒧𑒹 𑒮𑒧𑓂𑒦𑒰𑒭𑒝 𑒏𑒩𑒻 𑒕𑒪𑒰𑒯 (𑒂𑒖, 𑒯𑒱𑒢𑓂𑒠𑒲 𑒣𑒞𑓂𑒩𑒱𑒏𑒰 𑒮𑒱𑒞𑒧𑓂𑒥𑒩 𑓑𑓕, 𑓑𑓙𑓔𑓙 𑒁𑓀𑒏; 𑒠 𑒪𑒲𑒛𑒩, 𑒃𑒪𑒰𑒯𑒰𑒥𑒰𑒠, 𑓑𑓓 𑒮𑒱𑒞𑒧𑓂𑒥𑒩, 𑓑𑓙𑓔𑓙)। 𑒂𑒪 𑒃𑒝𑓂𑒛𑒱𑒨𑒰 𑒮𑒹𑒛𑓂𑒨𑒴𑒪 𑒏𑒰𑒮𑓂𑒙 𑒤𑒹𑒛𑒹𑒩𑒹𑒬𑒢𑒧𑒹 𑒮𑓀𑒮𑓂𑒏𑒵𑒞 𑒩𑒰𑒖𑒦𑒰𑒭𑒰 𑒯𑒳𑒁𑒋, 𑒄 𑒣𑓂𑒩𑒮𑓂𑒞𑒰𑒫 𑒥𑒰𑒥𑒰𑒮𑒰𑒯𑒹𑒥 𑒩𑒰𑒐𑒪𑒢𑓂𑒯𑒱 𑒧𑒳𑒠𑒰 𑒨𑒳𑒫𑒰 𑒥𑒲.𑒣𑒲. 𑒧𑒾𑒩𑓂𑒨 𑒂𑒠𑒱𑒏 𑒫𑒱𑒩𑒼𑒡 𑒦𑒹𑒪 𑒂 𑒣𑓂𑒩𑒮𑓂𑒞𑒰𑒫 𑒂𑒣𑒮 𑒦𑓄 𑒑𑒹𑒪।
𑒪𑒰𑒐𑒏 𑒪𑒰𑒐 𑒣𑒼𑒟𑒲 𑒯𑒳𑒢𑒏𑒩 𑒢𑒱𑒖𑒲 𑒣𑒳𑒮𑓂𑒞𑒏𑒰𑒪𑒨𑒧𑒹 𑒕𑒪𑒢𑓂𑒯𑒱, 𑒮𑒦𑒙𑒰 𑒣𑒼𑒟𑒲 𑒍 𑒧𑒳𑒧𑓂𑒥𑒃𑒏 𑒮𑒱𑒠𑓂𑒡𑒰𑒩𑓂𑒟 𑒧𑒯𑒰𑒫𑒱𑒠𑓂𑒨𑒰𑒪𑒨𑒏𑒹𑒿 𑒠𑓄 𑒠𑒹𑒪𑒢𑓂𑒯𑒱।
𑒣𑒻𑒒 𑒦𑒹𑒪𑒰𑒏 𑒅𑒣𑒩𑒰𑒢𑓂𑒞𑒼 𑒍 𑒁𑒣𑒢 𑒮𑒰𑒧𑒰𑒖𑒮𑒿 𑒁𑒣𑒢 𑒪𑒼𑒏𑒮𑒿 𑒠𑒴𑒩 𑒢𑒻 𑒑𑒹𑒪𑒰𑒯।
𑓖 𑒠𑒱𑒮𑒧𑓂𑒥𑒩 𑓑𑓙𑓕𑓖 𑒄.𑒏𑒹𑒿 𑒍 𑒢𑒱𑒩𑓂𑒫𑒰𑒝 𑒣𑓂𑒩𑒰𑒣𑓂𑒞 𑒏𑒹𑒪𑒢𑓂𑒯𑒱।








𑒁𑒦𑒱𑒢𑒨 𑒣𑒰𑒚𑒬𑒰𑒪𑒰
[ 𑒁𑒦𑒱𑒢𑒨 𑒣𑒰𑒚𑒬𑒰𑒪𑒰 (𑒩𑓀𑒑𑒧𑓀𑒔 𑒂 𑒤𑒱𑒪𑓂𑒧 𑒪𑒹𑒪)- 𑒫𑒱𑒠𑒹𑒯 𑒢𑒰𑒙𑓂𑒨 (𑒂 𑒤𑒱𑒪𑓂𑒧) 𑒅𑒞𑓂𑒮𑒫 𑓒𑓐𑓑𑓒 𑒏 𑒣𑒴𑒩𑓂𑒫𑒣𑒲𑒚𑒱𑒏𑒰]
(𑒌 𑒂𑒪𑒹𑒐𑒏 𑒂𑒡𑒰𑒩 𑒯𑒧𑒩 𑒞𑒲𑒢 𑒧𑒰𑒮𑒧𑒹 𑒠𑒹𑒪 𑓔𑓐 𑒙𑒰 𑒮𑓀𑒮𑓂𑒏𑒵𑒞𑒧𑒹 𑒁𑒢𑒴𑒠𑒱𑒞 𑒫𑓂𑒨𑒰𑒐𑓂𑒨𑒰𑒢 𑒁𑒕𑒱 𑒖𑒹 𑒯𑒧 𑒬𑓂𑒩𑒲 𑒁𑒩𑒫𑒱𑒢𑓂𑒠 𑒂𑒬𑓂𑒩𑒧𑒧𑒹 𑒍𑒛𑓃𑒲𑒮𑒰𑒏 𑒣𑓂𑒩𑒰𑒃𑒧𑒩𑒲 𑒮𑓂𑒏𑒴𑒪 𑒪𑒹𑒪 𑒔𑒨𑒢𑒱𑒞 𑒬𑒱𑒏𑓂𑒭𑒏-𑒬𑒱𑒏𑓂𑒭𑒱𑒏𑒰 𑒣𑓂𑒩𑒬𑒱𑒏𑓂𑒭𑒳𑒏𑒹𑒿 𑒠𑒹𑒢𑒹 𑒩𑒯𑒲। 𑒯𑒧 𑒖𑒞𑒹𑒏 𑒯𑒳𑒢𑒏𑒰 𑒮𑒦𑒏𑒹𑒿 𑒣𑒜𑓃𑒹𑒪𑒾𑓀, 𑒞𑒃𑒮𑒿 𑒥𑒹𑒮𑒲 𑒯𑒳𑒢𑒏𑒰 𑒮𑒦𑒮𑒿 𑒮𑒱𑒐𑒪𑒾𑓀। 𑒍 𑒮𑒦 𑒂𑒥 𑒍𑒛𑓃𑒲𑒮𑒰𑒏 𑒮𑒳𑒠𑒴𑒩 𑒏𑓂𑒭𑒹𑒞𑓂𑒩𑒧𑒹 𑒣𑒜𑓃𑒰 𑒩𑒯𑒪 𑒕𑒟𑒱। 𑒄 𑒁𑒪𑒹𑒐 𑒯𑒳𑒢𑒏𑒹 𑒪𑒼𑒏𑒢𑒱𑒏𑒹𑒿 𑒮𑒧𑒩𑓂𑒣𑒱𑒞 𑒁𑒕𑒱।-–𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩)
𑓑

𑓒
𑒁𑒦𑒱𑒢𑒨 𑒏𑒲 𑒁𑒕𑒱 ? 𑒥𑒔𑓂𑒔𑒰 𑒮𑒦 𑒁𑒣𑒢 𑒮𑒧𑒰𑒢 𑒣𑒮𑒰𑒩𑒱 𑒏𑒱𑒕𑒳-𑒢𑒹-𑒏𑒱𑒕𑒳 𑒏𑒰𑒖 𑒏𑒩𑒱𑒞𑒹 𑒩𑒯𑒻𑒞 𑒁𑒕𑒱। 𑒯𑒧𑒩 𑒥𑒹𑒙𑒲 𑒤𑒳𑒮𑒱𑒨𑒰𑒯𑒲𑓀𑒏 𑒔𑒰𑒯 𑒥𑒢𑒥𑒻𑒞 𑒁𑒕𑒱 𑒂 𑒯𑒧𑒩𑒰 𑒠𑒻𑒞 𑒁𑒕𑒱। 𑒯𑒧 𑒮𑒹𑒯𑒼 𑒍𑒏𑒩𑒰 𑒤𑒳𑒮𑒱𑒨𑒰𑓀𑒯𑒲𑒏 𑒒𑒳𑒙-𑒒𑒳𑒙 𑒣𑒲 𑒖𑒰𑒃 𑒕𑒲। 𑒧𑒳𑒠𑒰 𑒤𑒹𑒩 𑒍 𑒁𑒮𑒪𑒲 𑒮𑒴𑒣 𑒁𑒢𑒻𑒋, 𑒯𑒧 𑒏𑒰𑒖 𑒏𑓄 𑒩𑒯𑒪 𑒕𑒲, 𑒯𑒧 𑒥𑒱𑒢 𑒧𑒳𑒿𑒯 𑒒𑒳𑒧𑒹𑒢𑒹 𑒒𑒳𑒙-𑒒𑒳𑒙 𑒔𑒰𑒯 𑒣𑒲𑒥𑒰𑒏 𑒁𑒦𑒱𑒢𑒨 𑒏𑒩𑒻 𑒕𑒲, 𑒧𑒳𑒠𑒰 𑒥𑒹𑒙𑒲 𑒏𑒯𑒻𑒋, “𑒄 𑒁𑒮𑒪𑒲 𑒕𑒲”। 𑒯𑒧𑒩 𑒦𑒏 𑒙𑒴𑒙𑒻𑒋 𑒂 𑒯𑒧 𑒁𑒮𑒪𑒲 𑒠𑒳𑒢𑒱𑒨𑒰𑒿𑒧𑒹 𑒂𑒥𑒱 𑒖𑒰𑒃 𑒕𑒲।
𑒥𑒔𑓂𑒔𑒰 𑒢𑒰𑒙𑒏𑒮𑒿 𑒬𑒱𑒏𑓂𑒭𑒰 𑒪𑒻𑒋, 𑒪𑒼𑒏𑒏𑒹𑒿 𑒂 𑒫𑒰𑒞𑒰𑒫𑒩𑒝𑒏𑒹𑒿 𑒥𑒳𑒗𑒥𑒰𑒏 𑒣𑓂𑒩𑒨𑒰𑒮 𑒏𑒩𑒻𑒋।
𑒞𑒐𑒢 𑒧𑒢𑓂𑒠𑒱𑒩𑒏 𑒅𑒞𑓂𑒮𑒫 𑒂 𑒩𑒰𑒖𑒰𑒏 𑒣𑓂𑒩𑒰𑒮𑒰𑒠𑒧𑒹 𑒯𑒼𑒃𑒥𑒪𑒰 𑒢𑒰𑒙𑒏 𑒮𑓂𑒫𑒞𑓀𑒞𑓂𑒩 𑒦𑓄 𑒑𑒹𑒪 𑒂 𑒋𑒏𑒩 𑒅𑒣𑒨𑒼𑒑 𑒫𑒰 𑒁𑒢𑒳𑒣𑓂𑒩𑒨𑒼𑒑 𑒠𑒼𑒮𑒩 𑒫𑒱𑒭𑒨𑒏𑒹𑒿 𑒣𑒜𑓃𑒹𑒥𑒰𑒧𑒹 𑒮𑒹𑒯𑒼 𑒯𑒼𑒧𑒋 𑒪𑒰𑒑𑒪। 𑒠𑒼𑒮𑒩 𑒫𑒱𑒭𑒨𑒏 𑒫𑒱𑒬𑒹𑒭𑒖𑓂𑒘𑒏 𑒮𑒯𑒦𑒰𑒑𑒱𑒞𑒰 𑒂𑒫𑒬𑓂𑒨𑒏 𑒦𑓄 𑒑𑒹𑒪। 𑒮𑓂𑒫𑒞𑓀𑒞𑓂𑒩 𑒩𑒴𑒣𑒹𑒿 𑒮𑒹𑒯𑒼 𑒄 𑒫𑒱𑒭𑒨 𑒁𑒕𑒱 𑒂 𑒋𑒏𑒩 𑒁𑒢𑒳𑒣𑓂𑒩𑒨𑒼𑒑 𑒮𑒹𑒯𑒼 𑒏𑒋𑒪 𑒖𑒰𑒃𑒞 𑒁𑒕𑒱। 𑒣𑒰𑒩𑒧𑓂𑒣𑒩𑒱𑒏 𑒢𑒰𑒙𑒏 𑒣𑒹𑒬𑒹𑒫𑒩 𑒢𑒰𑒙𑒏𑒮𑒿 𑒖𑒳𑒛𑓃𑒞, 𑒅𑒠𑒰𑒯𑒩𑒝 𑒮𑓂𑒫𑒩𑒴𑒣 𑒏𑒋𑒪 𑒑𑒹𑒪 𑒢𑒰𑒙𑒏, 𑒧𑓀𑒔𑒏 𑒮𑒰𑒖𑒮𑒖𑓂𑒖𑒰, 𑒂 𑒁𑒮𑒪 𑒢𑒰𑒙𑒏𑒏 𑒧𑓀𑒔𑒢 𑒩𑓀𑒑𑒧𑓀𑒔𑒏 𑒃𑒞𑒱𑒯𑒰𑒮 𑒥𑒢𑒞। 𑒧𑒳𑒠𑒰 𑒌 𑒮𑒿 𑒣𑒯𑒱𑒢𑒹 𑒩𑓀𑒑𑒧𑓀𑒔𑒏 𑒣𑓂𑒩𑒰𑒩𑒧𑓂𑒦𑒱𑒏 𑒖𑓂𑒘𑒰𑒢𑒏 𑒮𑓀𑒑 𑒢𑒰𑒙𑒏 𑒣𑒜𑓃𑒥𑒰𑒏 𑒂𑒠𑒞𑒱𑒏 𑒫𑒱𑒏𑒮𑒱𑒞 𑒦𑒹𑒢𑒰𑒃 𑒮𑒹𑒯𑒼 𑒂𑒫𑒬𑓂𑒨𑒏 𑒁𑒕𑒱। 𑒂 𑒮𑒹 𑒣𑒜𑓃𑒥𑒰 𑒏𑒰𑒪 𑒋𑒏𑒩 𑒧𑓀𑒔 𑒣𑓂𑒩𑒥𑒢𑓂𑒡𑒢 𑒂 𑒁𑒦𑒱𑒢𑒨𑒏 𑒠𑒵𑒭𑓂𑒙𑒱𑒮𑒿 𑒫𑒱𑒬𑓂𑒪𑒹𑒭𑒝 𑒮𑒹𑒯𑒼 𑒂𑒫𑒬𑓂𑒨𑒏 𑒁𑒕𑒱।
𑒩𑒰𑒖𑒢𑒻𑒞𑒱𑒏, 𑒮𑒰𑒧𑒰𑒖𑒱𑒏 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒒𑒙𑒢𑒰𑒏𑓂𑒩𑒧𑒏 𑒖𑒰𑒢𑒏𑒰𑒩𑒲 𑒮𑒧𑓂𑒥𑒢𑓂𑒡𑒱𑒞 𑒣𑓂𑒩𑒮𑓂𑒞𑒳𑒞𑒱𑒏 𑒮𑒢𑓂𑒠𑒩𑓂𑒦𑒧𑒹 𑒠𑒹𑒥 𑒂𑒫𑒬𑓂𑒨𑒏 𑒯𑒼𑒃𑒞 𑒁𑒕𑒱। 𑒦𑒩𑒞𑒏 𑒢𑒰𑒙𑓂𑒨𑒬𑒰𑒮𑓂𑒞𑓂𑒩𑒏 𑒁𑒞𑒱𑒩𑒱𑒏𑓂𑒞 𑒏𑒰𑒪𑒱𑒠𑒰𑒮, 𑒦𑒰𑒮 𑒂 𑒬𑒴𑒠𑓂𑒩𑒏𑒏 𑒢𑒰𑒙𑒏𑒏 𑒣𑒩𑒱𑒔𑒨 𑒮𑒹𑒯𑒼 𑒂𑒫𑒬𑓂𑒨𑒏।
𑒩𑓀𑒑𑒧𑓀𑒔𑒮𑒿 𑒖𑒳𑒛𑓃𑒪 𑒪𑒼𑒏𑒏𑒹𑒿 𑒪𑒱𑒙𑒪 𑒂 𑒑𑓂𑒩𑒹𑒙 𑒙𑓂𑒩𑒹𑒛𑒱𑒬𑒢, 𑒠𑒳𑒢𑒴𑒏 𑒁𑒢𑒳𑒦𑒫 𑒂 𑒖𑒰𑒢𑒏𑒰𑒩𑒲 𑒯𑒹𑒥𑒰𑒏 𑒔𑒰𑒯𑒲।
𑒥𑒔𑓂𑒔𑒰 𑒢𑒰𑒙𑒏 𑒂 𑒩𑓀𑒑𑒧𑓀𑒔𑒮𑒿 𑒖𑒳𑒛𑓃𑒞 𑒞𑒿 𑒖𑒱𑒧𑓂𑒧𑒹𑒫𑒰𑒩 𑒢𑒰𑒑𑒩𑒱𑒏 𑒥𑒢𑒞, 𑒂𑒩𑓂𑒟𑒱𑒏 𑒩𑒴𑒣𑒹𑒿 𑒂𑒞𑓂𑒧-𑒢𑒱𑒩𑓂𑒦𑒩 𑒥𑒢𑒞 𑒂 𑒮𑒏𑓂𑒩𑒱𑒨 𑒢𑒰𑒑𑒩𑒱𑒏 𑒮𑒹𑒯𑒼 𑒥𑒢𑒞।
𑓒
𑒔𑒻𑒞𑒢𑓂𑒨 𑒧𑒯𑒰𑒣𑓂𑒩𑒦𑒳𑒏𑒹𑒿 𑒖𑒰𑒞𑓂𑒩𑒰𑒏 𑒮𑓀𑒑𑒲𑒞 𑒂 𑒢𑒵𑒞𑓂𑒨 𑒨𑒳𑒏𑓂𑒞 𑒫𑒲𑒟𑒲 𑒧𑓀𑒔𑒢𑒏 𑒣𑓂𑒩𑒨𑒼𑒑 𑒮𑓀𑒠𑒹𑒬𑒏 𑒣𑓂𑒩𑒮𑒰𑒩 𑒪𑒹𑒪 𑒏𑒹𑒪𑒢𑓂𑒯𑒱।
𑒢𑒰𑒙𑓂𑒨 𑒬𑒰𑒮𑓂𑒞𑓂𑒩𑒧𑒹 𑒫𑒩𑓂𑒝𑒢 𑒁𑒕𑒱 𑒖𑒹 𑒢𑒰𑒙𑒏𑒏 𑒅𑒞𑓂𑒣𑒞𑓂𑒞𑒱 𑒃𑒢𑓂𑒠𑓂𑒩𑒏 𑒡𑓂𑒫𑒖𑒰 𑒅𑒞𑓂𑒮𑒫𑒮𑒿 𑒦𑒹𑒪। 𑒢𑒰𑒙𑓂𑒨 𑒬𑒰𑒮𑓂𑒞𑓂𑒩 𑒢𑒰𑒙𑒏𑒏𑒹𑒿 𑒠𑒴 𑒣𑓂𑒩𑒏𑒰𑒩𑒧𑒹 𑓑.𑒁𑒧𑒵𑒞 𑒧𑓀𑒟𑒢 𑒂 𑓒.𑒬𑒱𑒫𑒏 𑒞𑓂𑒩𑒱𑒣𑒳𑒩𑒠𑒰𑒯, 𑒧𑒰𑒢𑒻𑒞 𑒁𑒕𑒱। 𑒋𑒯𑒹𑒢 𑒪𑒑𑒦𑒑 𑒠𑒮 𑒙𑒰 𑒠𑒵𑒬𑓂𑒨 𑒫𑒰 𑒩𑒴𑒣𑒏𑒏 𑒣𑓂𑒩𑒏𑒰𑒩 𑒦𑒩𑒞 𑒪𑒑 𑒕𑒪𑒢𑓂𑒯𑒱 (𑒠𑒬𑒩𑒴𑒣𑒏) 𑒂 𑒍𑒃𑒧𑒹 𑒢𑒵𑒞𑓂𑒨, 𑒮𑓀𑒑𑒲𑒞 𑒂 𑒁𑒦𑒱𑒢𑒨 𑒮𑒧𑓂𑒧𑒱𑒪𑒱𑒞 𑒕𑒪; 𑒂 𑒌 𑒠𑒬𑒩𑒴𑒣𑒏𑒏 𑒁𑒞𑒱𑒩𑒱𑒏𑓂𑒞 𑒬𑓂𑒩𑒫𑓂𑒨 𑒑𑒲𑒞 𑒮𑒦 𑒕𑒪।
𑒣𑒰𑒿𑒔𑒧 𑒬𑒞𑒰𑒥𑓂𑒠𑒲 𑒄. 𑒣𑒴. 𑒧𑒹 𑒣𑒰𑒝𑒱𑒢𑒲 𑒬𑒱𑒪𑒰𑒪𑒱𑒢𑓂 𑒂 𑒏𑒵𑒬𑒰𑒬𑓂𑒫𑒏 𑒔𑒩𑓂𑒔𑒰 𑒏𑒩𑒻 𑒕𑒟𑒱 𑒖𑒹 𑒢𑒙 𑒮𑒴𑒞𑓂𑒩𑒏 𑒮𑓀𑒏𑒪𑒢 𑒏𑒹𑒢𑒹 𑒩𑒯𑒟𑒱। 𑒢𑒙 𑒧𑒰𑒢𑒹 𑒁𑒦𑒱𑒢𑒹𑒞𑒰 𑒂 𑒩𑓀𑒑 𑒧𑒰𑒢𑒹 𑒩𑓀𑒑𑒧𑓀𑒔। 𑒢𑒙𑒏 𑒣𑒩𑓂𑒨𑒰𑒨𑒫𑒰𑒔𑒲 𑒯𑒼𑒃𑒞 𑒁𑒕𑒱, 𑒦𑒩𑒞, 𑒬𑒱𑒪𑒰𑒪𑒱𑒢𑓂 𑒂 𑒏𑒵𑒬𑒰𑒬𑓂𑒫!

𑒧𑒻𑒟𑒱𑒪𑒲 𑒢𑒰𑒙𑒏 𑒖𑒹 𑒂𑒃 𑒡𑒩𑒱 𑒧𑒰𑒞𑓂𑒩 𑒢𑒵𑒞𑓂𑒨-𑒮𑓀𑒑𑒲𑒞𑒮𑒿 𑒥𑒹𑒬𑒲 𑒂 𑒔𑒱𑒞𑓂𑒩𑒏𑒪𑒰 𑒂 𑒠𑒮𑓂𑒞𑒏𑒰𑒩𑒲𑒮𑒿 𑒧𑒰𑒧𑒴𑒪𑒲 𑒩𑒴𑒣𑒮𑒿 𑒖𑒳𑒛𑓃𑒪 𑒕𑒪, 𑒮𑒹 𑒂𑒥 𑒦𑒾𑒞𑒱𑒏𑒲, 𑒖𑒲𑒫 𑒫𑒱𑒖𑓂𑒘𑒰𑒢, 𑒃𑒞𑒱𑒯𑒰𑒮, 𑒦𑒴𑒑𑒼𑒪, 𑒂 𑒮𑒰𑒯𑒱𑒞𑓂𑒨𑒮𑒿 𑒮𑒹𑒯𑒼 𑒖𑒳𑒛𑓃𑒋, 𑒞𑒏𑒩 𑒣𑓂𑒩𑒨𑒰𑒮 𑒯𑒹𑒥𑒰𑒏 𑒔𑒰𑒯𑒲।
𑓓
𑒁𑒦𑒱𑒢𑒨 𑒣𑒰𑒚𑒬𑒰𑒪𑒰:
𑒫𑒱𑒦𑒱𑒢𑓂𑒢 𑒎𑒖𑒰𑒩𑒏𑒹𑒿 𑒣𑒏𑒛𑓃𑒥𑒰𑒏 𑒂 𑒔𑒪𑒹𑒥𑒰𑒏 𑒫𑒱𑒡𑒱: 𑒍𑒏𑒩 𑒑𑓂𑒩𑒲𑒮𑒱𑓀𑒑 𑒂𑒠𑒱 𑒏𑒹𑒢𑒰𑒃, 𑒍𑒏𑒩𑒰 𑒮𑒳𑒩𑒐𑒱𑒞 𑒩𑒐𑒢𑒰𑒃 𑒮𑒱𑒐𑒰𑒅। 𑒒𑒩𑒏𑒹𑒿 𑒏𑒼𑒢𑒰 𑒮𑒰𑒤 𑒩𑒰𑒐𑒲, 𑒮𑒰𑒤 𑒂 𑒁𑒫𑓂𑒨𑒫𑒮𑓂𑒟𑒱𑒞 𑒒𑒩𑒧𑒹 𑒁𑒢𑓂𑒞𑒩, 𑒏𑒼𑒢 𑒔𑒲𑒖𑒏𑒹𑒿 𑒥𑒹𑒩-𑒥𑒹𑒩 𑒮𑒰𑒤 𑒏𑒩𑓄 𑒣𑒛𑓃𑒻𑒋, 𑒏𑒼𑒢𑒏𑒹𑒿 𑒢𑒻 𑒮𑒹 𑒮𑒱𑒐𑒰𑒅। 𑒏𑒢𑒱𑒨𑒰𑒿-𑒣𑒳𑒞𑒩𑒰𑒏 𑒢𑒱𑒩𑓂𑒧𑒰𑒝, 𑒞𑒰𑒩, 𑒤𑒰𑒙𑒪-𑒣𑒳𑒩𑒰𑒢 𑒏𑒣𑒛𑓃𑒰, 𑒙𑒴𑒙𑒪 𑒔𑒴𑒛𑓃𑒲/ 𑒑𑒯𑒢𑒰, 𑒣𑒳𑒩𑒰𑒢 𑒮𑒰𑒛𑓃𑒲, 𑒩𑒳𑒃𑒨𑒰 𑒂𑒠𑒱𑒮𑒿 𑒧𑒳𑒿𑒯, 𑒂𑒿𑒐𑒱 𑒂𑒠𑒱𑒏 𑒔𑒱𑒞𑓂𑒩𑒝 𑒯𑒼𑒃𑒞 𑒁𑒕𑒱। 𑒬𑒩𑒲𑒩𑒏 𑒔𑒧𑒛𑓃𑒰 𑒪𑒹𑒪 𑒣𑓂𑒪𑒰𑒮𑓂𑒙𑒱𑒏 𑒂𑒠𑒱 𑒫𑒰 𑒏𑒣𑒛𑓃𑒰𑒣𑒩 𑒩𑓀𑒑𑒏 𑒣𑒩𑒞 𑒪𑒑𑒰𑒅। 𑒆𑒢 𑒂𑒠𑒱𑒮𑒿 𑒏𑒹𑒮 𑒥𑒢𑒰𑒋𑒥, 𑒫𑒲𑒩, 𑒨𑒼𑒠𑓂𑒡𑒰 𑒂𑒠𑒱 𑒥𑒢𑒥𑒻𑒪𑒹 𑒞𑒪𑒫𑒰𑒩 𑒪𑒹𑒪 𑒏𑒰𑒚𑒲 𑒂 𑒣𑒻𑒒 𑒖𑒳𑒞𑓂𑒞𑒰, 𑒂 𑒤𑒹𑒩 𑒧𑒖𑒠𑒴𑒩 𑒑𑒳𑒛𑓃𑒱𑒨𑒰 𑒂𑒠𑒱 𑒥𑒢𑒹𑒢𑒰𑒃 𑒮𑒱𑒐𑒰𑒅। 𑒧𑒰𑒢𑒹 𑒮𑒦 𑒞𑒩𑒯𑒏 𑒣𑒰𑒞𑓂𑒩𑒏 𑒢𑒱𑒩𑓂𑒧𑒰𑒝।
𑒧𑒫𑒹𑒬𑒲 𑒣𑒢𑓂𑒯𑒹𑒢𑒰𑒃, 𑒠𑒴𑒡 𑒠𑒳𑒯𑒢𑒰𑒃, 𑒪𑒟𑒰𑒩𑒮𑒿 𑒥𑒔𑒥𑒰𑒏 𑒁𑒦𑒱𑒢𑒨, 𑒠𑒯𑒲 𑒣𑒾𑒩𑒢𑒰𑒃, 𑒪𑒮𑓂𑒮𑒲 𑒒𑒼𑒙𑒢𑒰𑒃, 𑒂𑒿𑒐𑒱 𑒂 𑒯𑒰𑒟𑒏 𑒧𑒱𑒪𑒰𑒢 𑒄 𑒮𑒦 𑒏𑒰𑒪𑓂𑒣𑒢𑒱𑒏 𑒩𑒴𑒣𑒹𑒿 𑒮𑒱𑒐𑒰𑒅। 𑒐𑒹𑒪 𑒖𑒹𑒢𑒰 𑒏𑒩𑒱𑒨𑒰 𑒗𑒳𑒧𑓂𑒧𑒩𑒱 𑒂𑒠𑒱𑒏 𑒣𑒩𑒱𑒔𑒨 𑒠𑒱𑒨𑒾।
𑒏𑒰𑒑𑒔𑒏 𑒢𑒰𑒫 𑒂 𑒯𑒫𑒰𑒃 𑒖𑒯𑒰𑒖 𑒥𑒢𑒹𑒢𑒰𑒃 𑒂 𑒩𑒹𑒐𑒰𑒔𑒱𑒞𑓂𑒩 𑒥𑒢𑒹𑒢𑒰𑒃 𑒮𑒱𑒐𑒰𑒅। 𑒪𑒱𑒐𑒪𑒏𑒹𑒿 𑒥𑒳𑒗𑒥𑒰𑒏 𑒂 𑒫𑒱𑒭𑒨𑒏𑒹𑒿 𑒥𑒳𑒗𑒥𑒰𑒏 𑒞𑒩𑒲𑒏𑒰 𑒁𑒕𑒱 𑒩𑓀𑒑𑒧𑓀𑒔।
𑒁𑒦𑒱𑒢𑒨- 𑒔𑒪𑒢𑒰𑒃, 𑒔𑒪𑒢𑒰𑒃 𑒮𑒹𑒯𑒼 𑒏𑒋𑒏 𑒣𑓂𑒩𑒏𑒰𑒩𑒏 𑒯𑒼𑒃𑒞 𑒁𑒕𑒱, 𑒯𑒛𑓃𑒥𑒩𑒰 𑒏𑓄 𑒔𑒪𑒢𑒰𑒃, 𑒏𑒼𑒢𑒼 𑒥𑒼𑒗, 𑒏𑒼𑒠𑒰𑒩𑒱 𑒂𑒠𑒱 𑒅𑒚𑒰 𑒏𑓄 𑒔𑒪𑒢𑒰𑒃, 𑒖𑒼𑒬𑒧𑒹, 𑒠𑒳𑒐𑒧𑒹 𑒔𑒰𑒪𑒱 𑒂 𑒟𑒰𑒏𑒪 𑒚𑒹𑒯𑒱𑒂𑒨𑒪 𑒔𑒰𑒪𑒱, 𑒢𑒹𑒓𑒩𑒰 𑒏𑓄 𑒔𑒪𑒢𑒰𑒃, 𑒦𑒹𑒛𑓃 𑒔𑒰𑒪𑒱, 𑒢𑒰𑒩𑒰 𑒪𑒑𑒥𑒻𑒞 𑒔𑒪𑒥, 𑒠𑒴-𑒞𑒲𑒢 𑒙𑒰 𑒮𑓀𑒑𑒲𑒏 𑒮𑓀𑒑 𑒔𑒪𑒥, 𑒄 𑒮𑒦 𑒥𑒔𑓂𑒔𑒰 𑒫𑒰 𑒣𑓂𑒩𑒾𑒜𑓃 𑒁𑒦𑒱𑒢𑒹𑒞𑒰𑒏𑒹𑒿 𑒢𑒲𑒏 𑒖𑒏𑒰𑒿 𑒮𑒱𑒐𑒰𑒅। 𑒮𑓂𑒣𑒩𑓂𑒬:- 𑒑𑒩𑒧 𑒫𑒮𑓂𑒞𑒳 𑒕𑒴𑒢𑒰𑒃, 𑒚𑓀𑒜𑓃𑒰 𑒕𑒴𑒥, 𑒏𑒛𑓃𑒑𑒩 𑒂 𑒧𑒼𑒪𑒰𑒨𑒧 𑒫𑒮𑓂𑒞𑒳 𑒕𑒴𑒥, 𑒤𑓃𑒹𑒩 𑒞𑒏𑒩 𑒣𑓂𑒩𑒞𑒱𑒏𑓂𑒩𑒱𑒨𑒰, 𑒦𑒨-𑒂𑒮𑒏𑓂𑒞𑒱-𑒞𑒰𑒧𑒮-𑒪𑒰𑒖-𑒢𑒻 𑒏𑒩𑒋 𑒥𑒪𑒰 𑒦𑒰𑒫, 𑒖𑒱𑒠𑓂𑒠, 𑒠𑒳𑓁𑒐, 𑒯𑒿𑒮𑒲 (𑒐𑒲𑒐𑒲𑒮𑒿 𑒧𑒳𑒿𑒯 𑒥𑒢𑓂𑒢 𑒏𑓄 𑒯𑒿𑒮𑒥𑒰 𑒡𑒩𑒱), 𑒠𑒹𑒐𑒢𑒰𑒃 𑒐𑒳𑒬𑒲𑒮𑒿, 𑒂𑒬𑓂𑒔𑒩𑓂𑒨𑒮𑒿, 𑒫𑒱𑒦𑒱𑒢𑓂𑒢 𑒣𑓂𑒩𑒏𑒰𑒩𑒏 𑒠𑒵𑒬𑓂𑒨𑒣𑒩 𑒣𑓂𑒩𑒞𑒱𑒏𑓂𑒩𑒱𑒨𑒰 𑒮𑒹𑒯𑒼 𑒠𑒹𑒐𑒹𑒥𑒰𑒏 𑒂𑒫𑒬𑓂𑒨𑒏𑒞𑒰 𑒁𑒕𑒱। 𑒥𑒖𑒰𑒩, 𑒮𑓂𑒏𑒴𑒪, 𑒒𑒩, 𑒮𑒦𑒰 𑒂𑒠𑒱 𑒏𑒰𑒩𑓂𑒨, 𑒮𑓂𑒧𑒩𑒝 𑒬𑒏𑓂𑒞𑒱, 𑒬𑒥𑓂𑒠𑒰𑒫𑒪𑒲, 𑒡𑓂𑒨𑒰𑒢, 𑒫𑓂𑒨𑒏𑓂𑒞𑒱𑒞𑓂𑒫, 𑒏𑓂𑒭𑒧𑒞𑒰, 𑒫𑒱𑒔𑒰𑒩𑒡𑒰𑒩𑒰, 𑒮𑓂𑒫𑒰𑒦𑒱𑒧𑒰𑒢, 𑒃𑒔𑓂𑒕𑒰, 𑒬𑒰𑒩𑒲𑒩𑒱𑒏 𑒫𑒱𑒬𑓂𑒫𑒰𑒮 𑒣𑓂𑒩𑒠𑒩𑓂𑒬𑒢, 𑒅𑒞𑓂𑒮𑒰𑒯, 𑒮𑓂𑒞𑓂𑒩𑒲-𑒣𑒳𑒩𑒳𑒭 𑒫𑒱𑒧𑒩𑓂𑒬, 𑒧𑒢𑒼𑒫𑒱𑒖𑓂𑒘𑒰𑒢, 𑒏𑒫𑒱𑒞𑒰, 𑒑𑒠𑓂𑒨, 𑒑𑒲𑒞, 𑒏𑒟𑒰 𑒂 𑒣𑓂𑒩𑒯𑒹𑒪𑒱𑒏𑒰𑒏 𑒮𑒧𑒰𑒫𑒹𑒬, 𑒞𑒏𑒩 𑒮𑓂𑒧𑒩𑒝 𑒂 𑒫𑒰𑒔𑒢 𑒌 𑒮𑒦𑒣𑒩 𑒡𑓂𑒨𑒰𑒢 𑒠𑒹𑒥 𑒂𑒫𑒬𑓂𑒨𑒏 𑒁𑒕𑒱। 𑒁𑓀𑒑 𑒣𑓂𑒩𑒔𑒰𑒪𑒢, 𑒢𑒵𑒞𑓂𑒨, 𑒮𑓀𑒑𑒲𑒞, 𑒯𑒮𑓂𑒞 𑒮𑓀𑒔𑒰𑒪𑒢, 𑒏𑒮𑒩𑒞 (𑒮𑒧𑓂𑒧𑒱𑒪𑒱𑒞 𑒩𑒴𑒣𑒹𑒿), 𑒯𑒫𑒰𑒏 𑒗𑒼𑓀𑒏𑒰𑒏 𑒦𑒲𑒞𑒩 𑒂𑒋𑒥, 𑒌 𑒮𑒿 𑒐𑒱𑒛𑓃𑒏𑒲 𑒐𑒳𑒖𑒥 𑒏𑒱𑒕𑒳 𑒧𑒰𑒟𑒣𑒩 𑒐𑒮𑒥 𑒂𑒠𑒱𑒏 𑒏𑒰𑒪𑓂𑒣𑒢𑒱𑒏 𑒁𑒢𑒳𑒦𑒫, 𑒌 𑒮𑒦𑒏 𑒁𑒢𑒳𑒦𑒫 𑒥𑒔𑓂𑒔𑒰 𑒮𑒦𑒏𑒹𑒿 𑒏𑒩𑒰𑒅। 𑒫𑒰𑒞𑒰𑒫𑒩𑒝, 𑒑𑒞𑒱, 𑒩𑒴𑒣, 𑒂𑒏𑒰𑒩-𑒣𑓂𑒩𑒏𑒰𑒩𑒏 𑒁𑒢𑒳𑒦𑒫। 𑒁𑒣𑒢𑒮𑒿 𑒁𑒪𑒑 𑒣𑓂𑒩𑒏𑒰𑒩𑒏 𑒫𑓂𑒨𑒏𑓂𑒞𑒱𑒞𑓂𑒫𑒏 𑒁𑒦𑒱𑒢𑒨, 𑒡𑓂𑒫𑒢𑒱 𑒂 𑒠𑒵𑒬𑓂𑒨𑒏 𑒮𑓀𑒥𑓀𑒡 𑒂 𑒠𑒳𑒢𑒴𑒏 𑒮𑓀𑒑𑒹-𑒮𑓀𑒑 𑒣𑒳𑒢𑒩𑒰𑒫𑒵𑒞𑓂𑒞𑒱, 𑒫𑒰𑒮𑓂𑒞𑒫𑒱𑒏 𑒂 𑒏𑒰𑒪𑓂𑒣𑒢𑒱𑒏 𑒠𑒳𑒢𑒴𑒏 𑒧𑓀𑒔𑒢, 𑒏𑒼𑒢𑒼 𑒫𑒱𑒭𑒨𑒣𑒩 𑒫𑒰𑒩𑓂𑒞𑒰𑒪𑒰𑒣, 𑒏𑒱𑒞𑒰𑒥, 𑒁𑒐𑒥𑒰𑒩, 𑒫𑒵𑒞𑓂𑒞𑒔𑒱𑒞𑓂𑒩𑒏 𑒫𑒱𑒭𑒨, 𑒞𑒰𑒞𑓂𑒏𑒰𑒪𑒱𑒏 𑒫𑒱𑒭𑒨, 𑒖𑒥𑒩𑒠𑒮𑓂𑒞𑒲 𑒨𑒰𑒠𑒱 𑒏𑒩𑒰𑒋𑒥 𑒑𑒪𑒞 𑒧𑒳𑒠𑒰 𑒮𑒳𑒢𑒱-𑒮𑒳𑒢𑒱 𑒏𑓄 𑒧𑒼𑒢 𑒩𑒰𑒐𑒥 𑒢𑒲𑒏। 𑒐𑒹𑒪- 𑒠𑒴𑒙𑒰 𑒠𑒪 𑒥𑒢𑒰 𑒏𑓄 𑒁𑒦𑒱𑒢𑒨, 𑒠𑒪 𑒥𑒢𑒰 𑒏𑓄 𑒮𑒹𑒯𑒼, 𑒋𑒏 𑒠𑒪 𑒮𑒳𑒞𑒞, 𑒠𑒼𑒮𑒩 𑒠𑒪 𑒢𑒜𑓃𑒱𑒨𑒰/ 𑒏𑒾𑒂 𑒥𑒢𑒱 𑒅𑒚𑒰𑒋𑒞,𑒬𑓂𑒪𑒼𑒏 𑒂𑒠𑒱𑒏 𑒮𑒧𑒫𑒹𑒞 𑒣𑒰𑒚, 𑒄 𑒮𑒦 𑒁𑒦𑓂𑒨𑒰𑒮 𑒏𑒩𑒰𑒅।
𑒫𑒩𑓂𑒏𑒬𑒰𑒣𑒧𑒹:- -𑒏𑒱𑒢𑒏𑒼 𑒏𑒼𑒢𑒼 𑒏𑒰𑒖𑒧𑒹 𑒠𑒱𑒏𑓂𑒏𑒞 𑒯𑒼𑒃𑒢𑓂𑒯 𑒞𑒿 𑒠𑒼𑒮𑒩𑒏𑒹𑒿 𑒍𑒏𑒩 𑒮𑒯𑒰𑒨𑒞𑒰 𑒪𑒹𑒪 𑒏𑒯𑒴, -𑒏𑒏𑒩𑒼 𑒮𑒳𑒗𑒰𑒫𑒣𑒩 𑒂𑒣𑒮𑒧𑒹 𑒮𑒪𑒰𑒯 𑒪𑒱𑒁 𑒂 𑒧𑒱𑒪 𑒏𑓄 𑒫𑒱𑒔𑒰𑒩 𑒏𑒩𑒴, 𑒏𑓂𑒭𑒧𑒞𑒰 𑒁𑒢𑒳𑒮𑒰𑒩𑒹 𑒏𑒰𑒖 𑒠𑒱𑒨𑒾, 𑒖𑒹 𑒢𑒲𑒏𑒮𑒿 𑒏𑒰𑒖 𑒏𑒹𑒪𑒢𑒱 𑒞𑒏𑒩𑒰 𑒣𑓂𑒩𑒬𑓀𑒮𑒰 𑒮𑒹𑒯𑒼 𑒦𑒹𑒙𑒥𑒰𑒏 𑒔𑒰𑒯𑒲, 𑒧𑒲𑒚 𑒥𑒰𑒖𑒥 𑒮𑒱𑒐𑒰𑒅, 𑒮𑒯𑒲 𑒥𑒰𑒖𑒥 𑒮𑒱𑒐𑒰𑒅, 𑒥𑒖𑒥𑒰𑒮𑒿 𑒣𑒯𑒱𑒢𑒹 𑒁𑒣𑒢 𑒥𑒹𑒩 𑒁𑒋𑒥𑒰 𑒡𑒩𑒱 𑒩𑒳𑒏𑒴, 𑒢𑒱𑒩𑓂𑒠𑒹𑒬𑒏 𑒣𑒰𑒪𑒢 𑒏𑒩𑒴, 𑒥𑒾𑒮𑓂𑒞𑒳𑒏𑒹𑒿 𑒥𑒰𑒿𑒙𑒱 𑒏𑓄 𑒂 𑒧𑒱𑒪 𑒏𑓄 𑒣𑓂𑒩𑒨𑒼𑒑 𑒏𑒹𑒢𑒰𑒃 𑒮𑒱𑒐𑒰𑒅, 𑒏𑒩𑓂𑒞𑒫𑓂𑒨𑒏 𑒥𑒼𑒡 𑒏𑒩𑒰𑒅, 𑒖𑒱𑒧𑓂𑒧𑒹𑒫𑒰𑒩𑒲 𑒠𑒱𑒨𑒾, 𑒮𑒰𑒧𑒴𑒯𑒱𑒏 𑒏𑒰𑒩𑓂𑒨𑒧𑒹 𑒦𑒰𑒑 𑒪𑒱𑒁, 𑒁𑒢𑓂𑒨 𑒮𑒰𑒧𑒰𑒖𑒱𑒏 𑒫𑓂𑒨𑒫𑒯𑒰𑒩 𑒁𑒣𑒢𑒰𑒅, 𑒁𑒫𑒪𑒼𑒏𑒢 𑒂 𑒬𑓂𑒩𑒫𑒝 𑒠𑓂𑒫𑒰𑒩𑒰 𑒮𑒧𑓂𑒦𑒰𑒭𑒝 𑒂 𑒁𑒦𑒱𑒢𑒨 𑒮𑒱𑒐𑒰𑒅, 𑒁𑒢𑒳𑒏𑒩𑒝 𑒠𑓂𑒫𑒰𑒩𑒰 𑒁𑒦𑒱𑒢𑒨 𑒮𑒱𑒐𑒰𑒅, 𑒏𑒼𑒢𑒼 𑒔𑒲𑒖 𑒠𑒼𑒯𑒩𑒰 𑒏𑓄 𑒁𑒦𑒱𑒢𑒨 𑒮𑒱𑒐𑒰𑒅, 𑒣𑓂𑒩𑒬𑓀𑒮𑒰/ 𑒣𑓂𑒩𑒼𑒞𑓂𑒮𑒰𑒯𑒢𑒮𑒿 𑒮𑒱𑒐𑒰𑒅, 𑒧𑒢𑒼𑒩𑓀𑒖𑒢 𑒂 𑒂𑒢𑒢𑓂𑒠𑒨𑒳𑒏𑓂𑒞 𑒫𑒰𑒞𑒰𑒫𑒩𑒝 𑒥𑒢𑒹𑒢𑒹 𑒩𑒯𑒴, 𑒢𑒧𑒑𑒩 𑒫𑓂𑒨𑒰𑒐𑓂𑒨𑒰𑒢 𑒢𑒻 𑒠𑒱𑒨𑒾, 𑒅𑒠𑒰𑒯𑒩𑒝, 𑒁𑒦𑓂𑒨𑒰𑒮 𑒂 𑒣𑓂𑒩𑒼𑒞𑓂𑒮𑒰𑒯𑒢 𑒥𑒹𑒬𑒲 𑒏𑒰𑒩𑒑𑒩 𑒯𑒋𑒞 (𑒦𑒰𑒭𑒝𑒏 𑒥𑒠𑒪𑒰), 𑒠𑒝𑓂𑒛𑒮𑒿 𑒥𑒔𑒴, 𑒠𑒴 𑒥𑒔𑓂𑒔𑒰𑒏 𑒞𑒳𑒪𑒢𑒰𑒮𑒿 𑒥𑒔𑒴, 𑒏𑒼𑒢𑒼 𑒥𑒔𑓂𑒔𑒰𑒏𑒹𑒿 𑒠𑒼𑒮𑒩 𑒥𑒔𑓂𑒔𑒰𑒏 𑒢𑒖𑒩𑒱𑒧𑒹 𑒢𑒻 𑒐𑒮𑒰𑒅, 𑒥𑒰𑒯𑒩𑒲 𑒪𑒼𑒏𑒮𑒿 𑒥𑒔𑓂𑒔𑒰 𑒮𑒦𑒏 𑒦𑒹𑒿𑒙 𑒏𑒩𑒥𑒰𑒅, 𑒞𑓂𑒨𑒼𑒯𑒰𑒩/ 𑒅𑒞𑓂𑒮𑒫 𑒮𑓀𑒑 𑒧𑒱𑒪 𑒧𑒢𑒰𑒅, 𑒧𑒱𑒪𑒱 𑒖𑒳𑒪𑒱 𑒏𑒞𑒾 𑒒𑒳𑒧𑒻𑒪𑒹 𑒖𑒰𑒅, 𑒮𑓂𑒢𑒹𑒯𑒮𑒿 𑒠𑒹𑒐𑒴/ 𑒧𑒳𑒮𑓂𑒏𑒲 𑒠𑒱𑒨𑒾/ 𑒧𑒰𑒟 𑒯𑒱𑒪𑒰 𑒏𑓄 𑒮𑒧𑒩𑓂𑒟𑒢 𑒏𑒩𑒴/ 𑒣𑒲𑒚 𑒚𑒼𑒏𑒴/ 𑒧𑒰𑒞𑒰-𑒣𑒱𑒞𑒰𑒏𑒹𑒿 𑒍𑒏𑒩 𑒣𑓂𑒩𑒬𑓀𑒮𑒰 𑒏𑒩𑒴/ 𑒧𑒳𑒠𑒰 𑒥𑒹𑒩-𑒥𑒹𑒩 𑒍𑒏𑒩 𑒣𑓂𑒩𑒬𑓀𑒮𑒰 𑒍𑒏𑒩 𑒮𑒼𑒗𑒰𑒿𑒧𑒹 𑒢𑒻 𑒏𑒩𑒴/ 𑒔𑒰𑒏𑒪𑒹𑒙 𑒂𑒠𑒱𑒏 𑒪𑒰𑒪𑒔 𑒢𑒻 𑒠𑒱𑒨𑒾/ 𑒏𑒼𑒢𑒼 𑒋𑒯𑒹𑒢 𑒔𑒲𑒖 𑒢𑒻 𑒑𑒕𑒱 𑒪𑒱𑒁 𑒖𑒹 𑒁𑒯𑒰𑒿 𑒣𑒴𑒩𑓂𑒝 𑒢𑒻 𑒏𑓄 𑒮𑒏𑒲। 𑒣𑒰𑒿𑒔𑒮𑒿 𑒏𑒧 𑒅𑒧𑒹𑒩𑒏 𑒥𑒔𑓂𑒔𑒰𑒏𑒹𑒿 𑒑𑒪𑒞𑒲𑒏 𑒏𑒰𑒩𑒝 𑒢𑒻 𑒥𑒞𑒰𑒅- 𑒍𑒞𑒹𑒏 𑒥𑒳𑒠𑓂𑒡𑒱 𑒍𑒃 𑒅𑒧𑒹𑒩𑒧𑒹 𑒢𑒻 𑒯𑒼𑒃 𑒕𑒻। 𑒧𑒳𑒿𑒯𑒮𑒿/ 𑒃𑒬𑒰𑒩𑒰𑒮𑒿, 𑒂𑒫𑒰𑒖 𑒂 𑒧𑒳𑒿𑒯 𑒯𑒱𑒪𑒰 𑒏𑓄 𑒑𑒪𑒞𑒲 𑒏𑒩𑒥𑒰𑒮𑒿 𑒩𑒼𑒏𑒴, 𑒂𑒫𑒬𑓂𑒨𑒏𑒞𑒰 𑒯𑒳𑒁𑒋 𑒞𑒿 𑒕𑒼𑒙-𑒧𑒼𑒙 𑒠𑒝𑓂𑒛, 𑒣𑒰𑒿𑒔𑒮𑒿 𑒥𑒹𑒬𑒲 𑒅𑒧𑒹𑒩𑒏 𑒥𑒔𑓂𑒔𑒰𑒏𑒹𑒿 𑒠𑒱𑒨𑒾, 𑒧𑒳𑒠𑒰 𑒍𑒏𑒩𑒰 𑒧𑒰𑒩𑒱𑒨𑒾 𑒢𑒻, 𑒪𑒖𑓂𑒖𑒱𑒞 𑒢𑒻 𑒏𑒩𑒱𑒨𑒾/ 𑒬𑒱𑒏𑒰𑒃𑒞 𑒢𑒻 𑒏𑒩𑒱𑒨𑒾, 𑒢𑒱𑒩𑓂𑒝𑒨 𑒪𑒹𑒥𑒰𑒏 𑒂𑒠𑒞𑒱 𑒠𑒱𑒨𑒾, 𑒦𑒰𑒑𑒹𑒠𑒰𑒩𑒲𑒏 𑒮𑒳𑒐𑒏 𑒁𑒢𑒳𑒦𑒫 𑒏𑒩𑒰𑒅, 𑒮𑓂𑒫𑒮𑓂𑒟 𑒣𑓂𑒩𑒞𑒱𑒮𑓂𑒣𑒩𑓂𑒡𑒰 𑒮𑒱𑒐𑒥𑒱𑒨𑒾, 𑒂𑒞𑓂𑒧𑒢𑒱𑒩𑓂𑒦𑒩 𑒦𑒹𑒢𑒰𑒃 𑒮𑒱𑒐𑒥𑒱𑒨𑒾, 𑒮𑓂𑒫𑒦𑒰𑒫𑒏 𑒫𑒱𑒭𑒨𑒧𑒹 𑒥𑒞𑒥𑒱𑒨𑒾, 𑒥𑒰𑒞 𑒏𑒩𑒥𑒰𑒏 𑒏𑒪𑒰, 𑒂𑒣𑒮𑒏 𑒮𑒧𑓂𑒥𑒢𑓂𑒡, 𑒮𑒰𑒩𑓂𑒫𑒖𑒢𑒱𑒏 𑒮𑒧𑓂𑒣𑒞𑓂𑒞𑒱𑒏 𑒂𑒠𑒩 𑒏𑒹𑒢𑒰𑒃 𑒮𑒱𑒐𑒥𑒱𑒨𑒾, 𑒣𑒩𑓂𑒨𑒰𑒫𑒩𑒝𑒏 𑒡𑓂𑒨𑒰𑒢 𑒩𑒐𑒢𑒰𑒃 𑒮𑒱𑒐𑒥𑒱𑒨𑒾, 𑒦𑒰𑒫𑒢𑒰𑒏𑒹𑒿 𑒚𑒹𑒮 𑒢𑒻 𑒣𑒯𑒳𑒿𑒔𑒥𑒱𑒨𑒾, 𑒣𑓂𑒩𑒬𑓂𑒢 𑒏𑒩𑒥𑒰𑒏 𑒏𑒪𑒰 𑒮𑒱𑒐𑒥𑒱𑒨𑒾, 𑒖𑒲𑒫𑒢𑒏 𑒢𑒰𑒨𑒏 𑒏𑒹𑒯𑒹𑒢 𑒯𑒹𑒥𑒰𑒏 𑒔𑒰𑒯𑒲 𑒮𑒹 𑒥𑒞𑒥𑒱𑒨𑒾, 𑒂𑒞𑓂𑒧𑒬𑒏𑓂𑒞𑒱𑒏 𑒬𑒏𑓂𑒞𑒱𑒏 𑒫𑒩𑓂𑒝𑒢 𑒏𑒩𑒴, 𑒁𑒣𑒢 𑒑𑒰𑒧𑒏𑒹𑒿 𑒥𑒴𑒗𑒥 𑒮𑒱𑒐𑒥𑒱𑒨𑒾, 𑒡𑒩𑓂𑒧-𑒩𑒰𑒖𑒢𑒲𑒞𑒱𑒏-𑒖𑒰𑒞𑒱𑒏 𑒑𑒳𑒞𑓂𑒟𑒲 𑒥𑒳𑒗𑒥𑒱𑒨𑒾।
𑒁𑒦𑒱𑒢𑒨𑒏 𑒣𑒰𑒚𑒬𑒰𑒪𑒰𑒏 𑒏𑒰𑒩𑓂𑒨𑒬𑒰𑒪𑒰 𑒪𑒹𑒪 𑒂𑒫𑒬𑓂𑒨𑒏 𑒞𑒞𑓂𑒫:
-𑒬𑒰𑒩𑒲𑒩𑒱𑒏 𑒂 𑒁𑒦𑒱𑒢𑒨 𑒏𑓂𑒭𑒧𑒞𑒰𑒏 𑒫𑒱𑒬𑓂𑒪𑒹𑒭𑒝/ 𑒬𑒩𑒲𑒩 𑒩𑒔𑒢𑒰 𑒬𑒰𑒮𑓂𑒞𑓂𑒩𑒏 𑒖𑓂𑒘𑒰𑒢/ 𑒢𑒰𑒙𑒏𑒏 𑒮𑒧𑒰𑒖𑒬𑒰𑒮𑓂𑒞𑓂𑒩𑒲𑒨 𑒠𑒵𑒭𑓂𑒙𑒱𑒮𑒿 𑒦𑒹𑒠/ 𑒢𑒰𑒙𑓂𑒨 𑒧𑓀𑒔𑒢𑒏 𑒖𑒲𑒥𑒰𑒏 𑒮𑒰𑒡𑒢𑒮𑒿 𑒩𑒯𑒪 𑒖𑒳𑒛𑓃𑒰𑒫 𑒂 𑒣𑓂𑒩𑒦𑒰𑒫/ 𑒮𑒰𑒧𑒰𑒖𑒱𑒏, 𑒂𑒩𑓂𑒟𑒱𑒏, 𑒮𑒰𑓀𑒮𑓂𑒏𑒵𑒞𑒱𑒏 𑒂 𑒩𑒰𑒖𑒢𑒻𑒞𑒱𑒏 𑒫𑒰𑒞𑒰𑒫𑒩𑒝𑒏 𑒁𑒡𑓂𑒨𑒨𑒢𑒏 𑒠𑒵𑒭𑓂𑒙𑒱𑒮𑒿 𑒢𑒰𑒙𑓂𑒨 𑒧𑓀𑒔𑒏 𑒣𑓂𑒩𑒏𑒰𑒩𑒏 𑒮𑒧𑓂𑒥𑒢𑓂𑒡, 𑒮𑒱𑒐𑒥𑒰𑒏 𑒂 𑒥𑒳𑒗𑒥𑒰𑒏 𑒏𑒪𑒰𑒏 𑒫𑒱𑒏𑒰𑒮, 𑒏𑒼𑒢𑒼 𑒁𑒫𑒡𑒰𑒩𑒝𑒰𑒏𑒹𑒿 𑒥𑒢𑒹𑒢𑒰𑒃 𑒂 𑒍𑒏𑒩𑒰 𑒥𑒳𑒗𑒱 𑒏𑓄 𑒧𑓀𑒔𑒢 𑒏𑒹𑒢𑒰𑒃, 𑒁𑒦𑒱𑒢𑒨 𑒪𑒹𑒪 𑒔𑒪𑒥𑒰𑒏 𑒂 𑒥𑒖𑒥𑒰𑒏 𑒁𑒦𑓂𑒨𑒰𑒮 𑒂 𑒢𑒰𑒙𑒏 𑒮𑓀𑒮𑓂𑒏𑒵𑒞𑒱𑒏 𑒁𑓀𑒑 𑒥𑒢𑒱 𑒖𑒰𑒋 𑒞𑒏𑒩 𑒣𑓂𑒩𑒨𑒰𑒮, 𑒃𑒞𑒱𑒯𑒰𑒮𑒏 𑒏𑒰𑒪𑒐𑒝𑓂𑒛 𑒂 𑒍𑒃 𑒏𑒰𑒪𑒐𑒝𑓂𑒛 𑒮𑒦𑒏 𑒢𑒰𑒙𑒏𑒏 𑒣𑒩𑒱𑒔𑒨, 𑒞𑒐𑒳𑒢𑒏𑒰 𑒏𑒰𑒪𑒏𑒹𑒿 𑒧𑓀𑒔𑒣𑒩 𑒮𑓂𑒟𑒰𑒣𑒱𑒞 𑒏𑒩𑒥 𑒂 𑒌 𑒪𑒹𑒪 𑒃𑒞𑒱𑒯𑒰𑒮, 𑒦𑒴𑒑𑒼𑒪 𑒂 𑒮𑒰𑒧𑒰𑒖𑒱𑒏, 𑒮𑒰𑓀𑒮𑓂𑒏𑒵𑒞𑒱𑒏, 𑒩𑒖𑒢𑒻𑒞𑒱𑒏, 𑒂𑒩𑓂𑒟𑒱𑒏 𑒁𑒫𑒮𑓂𑒟𑒰𑒏 𑒣𑒩𑒱𑒔𑒨 𑒏𑒩𑒰𑒅। 𑒣𑒹𑒬𑒰𑒑𑒞 𑒩𑓀𑒑𑒏𑒩𑓂𑒧𑒏 𑒁𑒫𑒪𑒼𑒏𑒢𑒮𑒿 𑒧𑓀𑒔𑒏 𑒣𑒰𑒕𑒰𑒿 𑒯𑒼𑒃𑒥𑒪𑒰 𑒏𑒰𑒖𑒏 𑒫𑒱𑒭𑒨𑒧𑒹 𑒖𑒰𑒢𑒏𑒰𑒩𑒲 𑒦𑒹𑒙𑒞। 𑒢𑒰𑒙𑒏𑒏 𑒏𑒰𑒪𑒐𑒝𑓂𑒛𑒏 𑒁𑒢𑒳𑒩𑒴𑒣 𑒧𑓀𑒔 𑒂 𑒣𑒯𑒱𑒩𑒰𑒥𑒰𑒏 𑒁𑒡𑓂𑒨𑒨𑒢, 𑒫𑒱𑒦𑒱𑒢𑓂𑒢 𑒏𑒰𑒪𑒐𑒝𑓂𑒛𑒏 𑒢𑒰𑒙𑒏𑒏 𑒩𑒹𑒏𑒰𑒩𑓂𑒛𑒱𑓀𑒑 𑒫𑒰 𑒧𑓀𑒔𑒢𑒏𑒹𑒿 𑒖𑒰 𑒏𑓄 𑒠𑒹𑒐𑒥𑒰𑒏 𑒂𑒫𑒬𑓂𑒨𑒏𑒞𑒰 𑒂 𑒍𑒃 𑒏𑒰𑒪𑒏 𑒤𑒼𑒙𑒼, 𑒔𑒱𑒞𑓂𑒩𑒏𑒪𑒰 𑒂 𑒂𑒢 𑒮𑒴𑒔𑒢𑒰𑒏 𑒮𑓀𑒏𑒪𑒢। 𑒮𑓀𑒑𑒲𑒞-𑒢𑒰𑒙𑒏 𑒁𑒏𑒰𑒠𑒹𑒧𑒲, 𑒠𑒱𑒪𑓂𑒪𑒲𑒧𑒹 𑒜𑒹𑒩 𑒩𑒰𑒮 𑒛𑒼𑒏𑓂𑒨𑒴𑒧𑒹𑒢𑓂𑒙𑓂𑒩𑒲 𑒠𑒹𑒐𑒥𑒰 𑒪𑒹𑒪 𑒂 𑒜𑒹𑒩 𑒩𑒰𑒮 𑒮𑒰𑒢𑓂𑒠𑓂𑒩 𑒧𑒳𑒠𑓂𑒩𑒱𑒏𑒰 𑒏𑒱𑒢𑒥𑒰 𑒪𑒹𑒪 𑒅𑒣𑒪𑒥𑓂𑒡 𑒁𑒕𑒱।
𑓔
𑒏𑒼𑒪𑒏𑒰𑒞𑒰𑒧𑒹 𑓑𑓘𑓕𑓐 𑒄.𑒏 𑒂𑒮𑒣𑒰𑒮 𑒂𑒡𑒳𑒢𑒱𑒏 𑒩𑓀𑒑𑒧𑓀𑒔- 𑒥𑓂𑒩𑒱𑒙𑒱𑒬 𑒏𑓂𑒪𑒥𑒧𑒹 𑒬𑒳𑒩𑒴 𑒦𑒹𑒪, 𑒧𑒳𑒠𑒰 𑒥𑒰𑒯𑒩𑒲 𑒪𑒼𑒏𑒏 𑒣𑓂𑒩𑒫𑒹𑒬 𑒍𑒞𑒋 𑒢𑒻 𑒕𑒪𑒻। 𑒖𑒰𑒞𑓂𑒩𑒰 𑒂𑒡𑒰𑒩𑒣𑒩- 𑒫𑒱𑒠𑓂𑒨𑒰𑒮𑒳𑒢𑓂𑒠𑒩 (𑒣𑓂𑒩𑒹𑒧𑒲-𑒣𑓂𑒩𑒹𑒧𑒱𑒏𑒰𑒏 𑒏𑒟𑒰)- 𑒥𑒰𑓀𑒑𑓂𑒪𑒰 𑒐𑒹𑒪𑒰𑒋𑒪 𑒖𑒰𑒃 𑒕𑒪, 𑒦𑒰𑒩𑒞𑒹𑒢𑓂𑒠𑒳 𑒮𑒹𑒯𑒼 𑒩𑒰𑒮𑒪𑒲𑒪𑒰𑒏 𑒂𑒡𑒰𑒩𑒣𑒩 𑒪𑒱𑒐𑒪𑒢𑓂𑒯𑒱। 𑒫𑒱𑒭𑓂𑒝𑒳𑒠𑒰𑒮 𑒦𑒰𑒫𑒹- 𑒮𑒲𑒞𑒰 𑒮𑓂𑒫𑒨𑓀𑒫𑒩 (𑓑𑓘𑓔𑓓𑒄.), 𑒧𑒩𑒰𑒚𑒲𑒧𑒹 𑒨𑒏𑓂𑒭𑒑𑒝 (𑒏𑒩𑓂𑒝𑒰𑒙𑒏)𑒏 𑒂𑒡𑒰𑒩𑒣𑒩 𑒋𑒏𑒙𑒰 𑒣𑓂𑒩𑒨𑒼𑒑 𑒕𑒪। 𑒯𑒥𑒲𑒥 𑒞𑒢𑒫𑒲𑒩- 𑒢𑒖𑒲𑒩 𑒏𑒫𑒱𑒣𑒩- 𑒂𑒑𑒩𑒰 𑒥𑒰𑒖𑒰𑒩 𑒂 𑒧𑒵𑒔𑓂𑒕𑒏𑒙𑒱𑒏𑒧𑓂 (𑒬𑒴𑒠𑓂𑒩𑒏𑒏 𑒮𑓀𑒮𑓂𑒏𑒵𑒞 𑒢𑒰𑒙𑒏𑒏 𑒯𑒱𑒢𑓂𑒠𑒲𑒧𑒹), 𑒬𑒧𑓂𑒦𑒳 𑒧𑒱𑒞𑓂𑒩, 𑒥𑒲.𑒫𑒲.𑒏𑒰𑒩𑒢𑓂𑒟, 𑒏𑒹.𑒋𑒢.𑒣𑒝𑒱𑒏𑓂𑒏𑒩, 𑒩𑒞𑒢 𑒟𑒱𑒨𑒰𑒧 (𑒔𑒏𑓂𑒩𑒨𑒳𑒡- 𑒁𑒦𑒱𑒧𑒢𑓂𑒨𑒳 𑒏𑒟𑒰𑒣𑒩, 𑒑𑒲𑒞-𑒢𑒵𑒞𑓂𑒨 𑒂𑒡𑒰𑒩𑒱𑒞, 𑒏𑒱𑒕𑒳 𑒪𑒼𑒏 𑒋𑒏𑒩𑒰 𑒥𑒻𑒪𑒹 𑒥𑒳𑒗𑒪𑒢𑓂𑒯𑒱।), 𑒣𑒝𑒱𑒏𑓂𑒏𑒩 𑒂 𑒏𑒰𑒩𑒢𑓂𑒟 𑒮𑓂𑒫𑒩 𑒂 𑒥𑒼𑒪𑒏 𑒣𑓂𑒩𑒨𑒼𑒑 𑒏𑒹𑒪𑒢𑓂𑒯𑒱। 𑒏𑒰𑒩𑒢𑓂𑒟-𑒂𑒪𑒰𑒣𑒏 𑒮𑒹𑒯𑒼 𑒣𑓂𑒩𑒨𑒼𑒑 𑒏𑒹𑒪𑒢𑓂𑒯𑒱। 𑓑𑓙𑓕𑓖 𑒄. 𑒮𑓀𑒑𑒲𑒞-𑒢𑒰𑒙𑒏 𑒁𑒏𑒰𑒠𑒹𑒧𑒲 𑒠𑓂𑒫𑒰𑒩𑒰 𑒣𑓂𑒩𑒟𑒧 𑒩𑒰𑒭𑓂𑒙𑓂𑒩𑒲𑒨 𑒢𑒰𑒙𑓂𑒨 𑒅𑒞𑓂𑒮𑒫- 𑒏𑒰𑒪𑒱𑒠𑒰𑒮𑒏 𑒁𑒦𑒱𑒖𑓂𑒘𑒰𑒢 𑒬𑒰𑒏𑒳𑒢𑓂𑒞𑒪𑒧𑓂 (𑒮𑓀𑒮𑓂𑒏𑒵𑒞) 𑒮𑒿 𑒅𑒞𑓂𑒮𑒫𑒏 𑒣𑓂𑒩𑒰𑒩𑒧𑓂𑒦- 𑒑𑒼𑒫𑒰 𑒥𑓂𑒩𑒰𑒯𑓂𑒧𑒝 𑒮𑒦𑒰 𑒠𑓂𑒫𑒰𑒩𑒰। 𑒣𑒝𑒱𑒏𑓂𑒏𑒩𑒏 𑒧𑒡𑓂𑒨𑒧 𑒫𑓂𑒨𑒰𑒨𑒼𑒑- 𑒦𑒰𑒮 (𑒮𑓀𑒮𑓂𑒏𑒵𑒞) 𑒂 𑒟𑒱𑒨𑒰𑒧- 𑒦𑒰𑒮 𑒅𑒩𑒳𑒧𑒳𑒑𑒧 (𑒧𑒝𑒱𑒣𑒳𑒩𑒲) 𑒏𑒹𑒪𑒟𑒱 𑒖𑒃𑒧𑒹 𑒏𑒪𑒰𑒏𑒰𑒩 𑒢𑒵𑒞𑓂𑒨𑒬𑒻𑒪𑒲𑒧𑒹 𑒂𑒮𑓂𑒞𑒹𑒮𑒿 𑒂𑒥𑒟𑒱 𑒂 𑒖𑒰𑒟𑒱।
𑒫𑒱𑒖𑒨 𑒞𑒹𑒢𑓂𑒠𑒳𑒪𑒏𑒩𑒏 𑒒𑒰𑒮𑒲𑒩𑒰𑒧 𑒏𑒼𑒞𑒫𑒰𑒪, 𑒖𑒏𑒩 𑒂𑒡𑒰𑒩 𑒕𑒪 𑒢𑒰𑒢𑒰 𑒤𑒛𑓃𑒝𑒫𑒲𑒮 𑒂 𑒠𑒼𑒮𑒩 𑒣𑒳𑒝𑒹𑒏 𑒦𑓂𑒩𑒭𑓂𑒙 𑒥𑓂𑒩𑒰𑒯𑓂𑒧𑒝 (𑒠𑒬𑒰𑒫𑒞𑒰𑒩 𑒂𑒡𑒰𑒩𑒱𑒞 𑒣𑒰𑒩𑒧𑓂𑒣𑒩𑒱𑒏 𑒬𑒻𑒪𑒲𑒧𑒹),𑒂 𑒬𑒰𑒢𑓂𑒞𑒞- 𑒏𑒼𑒩𑓂𑒙 𑒔𑒰𑒪𑒴 𑒂𑒯𑒹; 𑒑𑒱𑒩𑒲𑒬 𑒏𑒩𑓂𑒝𑒰𑒛𑒏 𑒯𑒨𑒫𑒠𑒢 (𑒏𑒟𑒰𑒮𑒩𑒱𑒞𑓂𑒮𑒰𑒑𑒩- 𑒨𑒏𑓂𑒭𑒑𑒝 𑒂𑒡𑒰𑒩𑒱𑒞); 𑒧𑒼𑒯𑒢 𑒩𑒰𑒏𑒹𑒬𑒏 𑒂𑒭𑒰𑒜𑓃 𑒏𑒰 𑒋𑒏 𑒠𑒱𑒢, 𑒬𑒧𑓂𑒦𑒴 𑒧𑒱𑒞𑓂𑒩- 𑒛𑒰𑒨𑒩𑒹𑒏𑓂𑒙𑒩- 𑒩𑒫𑒲𑒢𑓂𑒠𑓂𑒩𑒢𑒰𑒟, 𑒃𑒥𑓂𑒮𑒹𑒢 (𑒛𑒰𑒪𑓂𑒮 𑒯𑒰𑒅𑒮), 𑒅𑒞𑓂𑒣𑒪 𑒠𑒞𑓂𑒞- 𑒏𑒪𑓂𑒪𑒼𑒪 (𑒞𑒩𑓀𑒑𑒏 𑒡𑓂𑒫𑒢𑒱) 𑒄 𑒮𑒦 𑒂𑒡𑒳𑒢𑒱𑒏 𑒩𑓀𑒑𑒧𑓀𑒔𑒏𑒹𑒿 𑒂𑒑𑒰𑒿 𑒥𑒜𑓃𑒹𑒪𑒢𑓂𑒯𑒱।
𑓕
𑒣𑒰𑒩𑒮𑒲 𑒩𑓀𑒑𑒧𑓀𑒔:- 𑒧𑒳𑒧𑓂𑒥𑒃𑒏 𑒂𑒩𑓂𑒟𑒱𑒏 𑒩𑒴𑒣𑒹𑒿 𑒮𑒧𑓂𑒣𑒢𑓂𑒢 𑒣𑒰𑒩𑒮𑒲 𑒮𑒧𑒳𑒠𑒰𑒨𑒏, 𑒋𑒏𑒩𑒰 𑒯𑒰𑒃𑒥𑓂𑒩𑒱𑒛 (𑒫𑒩𑓂𑒝𑒬𑓀𑒏𑒩 𑒫𑒰 𑒧𑒱𑒬𑓂𑒩) 𑒩𑓀𑒑𑒧𑓀𑒔 𑒏𑒯𑒪 𑒖𑒰𑒃𑒞 𑒁𑒕𑒱। 𑓑𑓘𑓕𑓓 𑒄. 𑒧𑒹 𑒋𑒏𑒩 𑒣𑓂𑒩𑒰𑒩𑒧𑓂𑒦 𑒦𑒹𑒪। 𑓑𑓙𑓔𑓐 𑒄 .𑒡𑒩𑒱 𑒄 𑒢𑒲𑒏-𑒢𑒯𑒰𑒿𑒞𑒱 𑒔𑒪𑒻𑒞 𑒩𑒯𑒪। 𑒮𑒱𑒢𑒹𑒧𑒰𑒏 𑒂𑒑𑒧𑒢𑒏 𑒥𑒰𑒠 𑒋𑒏𑒩 𑒧𑒵𑒞𑓂𑒨𑒳 𑒦𑓄 𑒑𑒹𑒪। 𑒋𑒏𑒩𑒰𑒮𑒿 𑒖𑒳𑒛𑓃𑒪 𑒪𑒼𑒏 𑒮𑒱𑒢𑒹𑒧𑒰𑒏 𑒏𑓂𑒭𑒹𑒞𑓂𑒩𑒧𑒹 𑒔𑒪𑒱 𑒑𑒹𑒪𑒰𑒯। 𑒣𑒰𑒩𑒮𑒲 𑒢𑒰𑒙𑒏𑒏 𑒏𑒱𑒕𑒳 𑒣𑓂𑒩𑒮𑒱𑒠𑓂𑒡 𑒢𑒰𑒙𑒏 𑒖𑒹𑒢𑒰 𑒃𑒢𑓂𑒠𑒩 𑒮𑒦𑒰, 𑒂𑒪𑒧 𑒂𑒩𑒰 𑒂 𑒐𑒼𑒢𑓂𑒢𑒹 𑒢𑒯𑒰𑒏 (𑒮𑒹𑒏𑓂𑒮𑒣𑒱𑒨𑒩𑒏 𑒯𑒹𑒧𑒪𑒹𑒙 𑒂𑒡𑒰𑒩𑒱𑒞) 𑒮𑒱𑒢𑒹𑒧𑒰 𑒥𑒢𑒱 𑒮𑒹𑒯𑒼 𑒣𑓂𑒩𑒮𑓂𑒞𑒳𑒞 𑒦𑒹𑒪।
𑒫𑒱𑒭𑒨 𑒫𑒮𑓂𑒞𑒳: 𑒣𑒰𑒩𑒮𑒲 𑒢𑒰𑒙𑒏𑒏 𑒫𑒱𑒭𑒨-𑒫𑒮𑓂𑒞𑒳 𑒧𑒯𑒰𑒏𑒰𑒫𑓂𑒨 𑒂 𑒣𑒳𑒩𑒰𑒝 𑒂𑒡𑒰𑒩𑒱𑒞 𑒕𑒪। 𑒋𑒏𑒩 𑒫𑒱𑒭𑒨 𑒌𑒞𑒱𑒯𑒰𑒮𑒱𑒏 𑒂 𑒮𑒰𑒧𑒰𑒖𑒱𑒏 𑒕𑒪। 𑒮𑒦 𑒥𑒹𑒩 𑒣𑒩𑓂𑒠𑒰 𑒐𑒮𑒥𑒰𑒏 𑒥𑒰𑒠 𑒯𑒰𑒮𑓂𑒨 𑒏𑒝𑒱𑒏𑒰 𑒐𑒹𑒪𑒰𑒋𑒪 𑒖𑒰𑒃𑒞 𑒕𑒪। 𑒠𑒹𑒬-𑒫𑒱𑒠𑒹𑒬𑒧𑒹 𑒣𑒰𑒩𑒮𑒲 𑒟𑒱𑒨𑒹𑒙𑒩𑒏 𑒣𑓂𑒩𑒠𑒩𑓂𑒬𑒢 𑒯𑒼𑒃𑒞 𑒕𑒪।𑒩𑒼𑒧𑒰𑓀𑒔 𑒂 𑒩𑒯𑒮𑓂𑒨 𑒋𑒏𑒩 𑒧𑒳𑒐𑓂𑒨 𑒁𑓀𑒑 𑒕𑒪। 𑒔𑒱𑒞𑓂𑒩𑒱𑒞 𑒣𑒩𑓂𑒠𑒰𑒏 𑒣𑓂𑒩𑒨𑒼𑒑 𑒯𑒼𑒃 𑒕𑒪। 𑒣𑒩𑓂𑒠𑒰 𑒏𑒼𑒢𑒼 𑒩𑒯𑒮𑓂𑒨 𑒋𑒪𑒰𑒣𑒩 𑒐𑒮𑒻 𑒕𑒪। 𑒠𑒩𑓂𑒬𑒏𑒏 𑒧𑒰𑓀𑒑𑒣𑒩 𑒩𑒱𑒙𑒹𑒏 𑒮𑒹𑒯𑒼 𑒦𑓄 𑒖𑒰𑒃 𑒕𑒪𑒻 𑒂 𑒄 𑒩𑒱𑒙𑒹𑒏 𑒏𑒼𑒢𑒼 𑒠𑒵𑒬𑓂𑒨 𑒫𑒰 𑒏𑒼𑒢𑒼 𑒑𑒲𑒞𑒏 𑒣𑒳𑒢𑓁 𑒣𑓂𑒩𑒮𑓂𑒞𑒳𑒞𑒱𑒏 𑒩𑒴𑒣𑒧𑒹 𑒯𑒼𑒃 𑒕𑒪, 𑒂 𑒞𑒃 𑒪𑒹𑒪 𑒣𑒩𑓂𑒠𑒰 𑒤𑒹𑒩𑒮𑒿 𑒅𑒚𑒱 𑒖𑒰𑒃 𑒕𑒪𑒻। 𑒩𑒰𑒖𑒰 𑒩𑒫𑒱 𑒫𑒩𑓂𑒧𑒰 𑒂 𑒣𑒰𑒩𑒮𑒲 𑒟𑒱𑒨𑒹𑒙𑒩 𑒠𑒳𑒢𑒴 𑒋𑒏 𑒠𑒼𑒮𑒩𑒰𑒮𑒿 𑒣𑓂𑒩𑒦𑒰𑒫𑒱𑒞 𑒕𑒪𑒰𑒯। 𑒣𑒰𑒩𑒮𑒲 𑒟𑒱𑒨𑒹𑒙𑒩𑒏 𑒏𑒪𑒰𑒏𑒰𑒩𑒏 𑒣𑒯𑒱𑒩𑒰𑒥𑒰 𑒂 𑒧𑓀𑒔 𑒮𑒖𑓂𑒖𑒰𑒣𑒩 𑒩𑒰𑒖𑒰 𑒩𑒫𑒱 𑒫𑒩𑓂𑒧𑒰𑒏 𑒔𑒱𑒞𑓂𑒩𑒏𑒪𑒰𑒏 𑒣𑓂𑒩𑒦𑒰𑒫 𑒕𑒪 𑒂 𑒩𑒰𑒖𑒰 𑒩𑒫𑒱 𑒫𑒩𑓂𑒧𑒰 𑒁𑒣𑒢 𑒔𑒱𑒞𑓂𑒩𑒏𑒪𑒰𑒏 𑒫𑒱𑒭𑒨𑒏 𑒣𑓂𑒩𑒹𑒩𑒝𑒰 𑒣𑒰𑒩𑒮𑒲 𑒟𑒱𑒨𑒹𑒙𑒩𑒏 𑒠𑒵𑒬𑓂𑒨𑒮𑒿 𑒑𑓂𑒩𑒯𑒝 𑒏𑒩𑒻𑒞 𑒕𑒪𑒰𑒯।
𑓖
𑒦𑒩𑒞𑒏 𑒢𑒰𑒙𑓂𑒨𑒬𑒰𑒮𑓂𑒞𑓂𑒩:
𑒢𑒰𑒙𑒏 𑒠𑒴 𑒣𑓂𑒩𑒏𑒰𑒩𑒏 𑒪𑒼𑒏𑒡𑒩𑓂𑒧𑒲 𑒂 𑒢𑒰𑒙𑓂𑒨𑒡𑒩𑓂𑒧𑒲, 𑒪𑒼𑒏𑒡𑒩𑓂𑒧𑒲 𑒦𑒹𑒪 𑒑𑓂𑒩𑒰𑒧𑓂𑒨 𑒂 𑒢𑒰𑒙𑓂𑒨𑒡𑒩𑓂𑒧𑒲 𑒦𑒹𑒪 𑒬𑒰𑒮𑓂𑒞𑓂𑒩𑒲𑒨 𑒅𑒏𑓂𑒞𑒱। 𑒑𑓂𑒩𑒰𑒧𑓂𑒨 𑒧𑒰𑒢𑒹 𑒦𑒹𑒪 𑒏𑒵𑒞𑓂𑒩𑒱𑒧𑒞𑒰𑒏 𑒁𑒫𑒯𑒹𑒪𑒢𑒰 𑒧𑒳𑒠𑒰 𑒁𑒖𑓂𑒘𑒰𑒢𑒞𑒰𑒫𑒬 𑒏𑒱𑒕𑒳 𑒑𑒼𑒙𑒹 𑒋𑒏𑒩𑒰 𑒑𑒰𑒧𑒧𑒹 𑒯𑒼𑒃𑒥𑒪𑒰 𑒢𑒰𑒙𑒏 𑒥𑒳𑒗𑒻 𑒕𑒟𑒱। 𑒪𑒼𑒏𑒡𑒩𑓂𑒧𑒲𑒧𑒹 𑒮𑓂𑒫𑒦𑒰𑒫𑒏 𑒁𑒦𑒱𑒢𑒨𑒧𑒹 𑒣𑓂𑒩𑒡𑒰𑒢𑒞𑒰 𑒩𑒯𑒻𑒞 𑒁𑒕𑒱, 𑒪𑒼𑒏𑒏 𑒏𑓂𑒩𑒱𑒨𑒰𑒏 𑒣𑓂𑒩𑒡𑒰𑒢𑒞𑒰 𑒩𑒯𑒻𑒞 𑒁𑒕𑒱, 𑒮𑒩𑒪 𑒂𑓀𑒑𑒱𑒏 𑒣𑓂𑒩𑒠𑒩𑓂𑒬𑒢 𑒯𑒼𑒃𑒞 𑒁𑒕𑒱, 𑒂 𑒌 𑒧𑒹 𑒣𑒰𑒞𑓂𑒩𑒏 𑒮𑒹 𑒍 𑒮𑓂𑒞𑓂𑒩𑒲 𑒯𑒳𑒁𑒋 𑒫𑒰 𑒣𑒳𑒩𑒳𑒭, 𑒞𑒏𑒩 𑒮𑓀𑒐𑓂𑒨𑒰 𑒥𑒛𑓂𑒛 𑒥𑒹𑒮𑒲 𑒩𑒯𑒻𑒞 𑒁𑒕𑒱। 𑒢𑒰𑒙𑓂𑒨𑒡𑒩𑓂𑒧𑒲𑒧𑒹 𑒫𑒰𑒝𑒲 𑒧𑒼𑒢𑒹-𑒧𑒼𑒢, 𑒮𑓀𑒏𑒹𑒞𑒮𑒿, 𑒂𑒏𑒰𑒬𑒫𑒰𑒝𑒲 𑒃𑒞𑓂𑒨𑒰𑒠𑒱; 𑒢𑒵𑒞𑓂𑒨𑒏 𑒮𑒧𑒰𑒫𑒹𑒬, 𑒫𑒰𑒏𑓂𑒨𑒧𑒹 𑒫𑒱𑒪𑒏𑓂𑒭𑒝𑒞𑒰, 𑒩𑒰𑒑𑒥𑒪𑒰 𑒮𑓀𑒑𑒲𑒞, 𑒂 𑒮𑒰𑒡𑒰𑒩𑒝 𑒣𑒰𑒞𑓂𑒩𑒏 𑒁𑒪𑒰𑒥𑒹 𑒠𑒱𑒫𑓂𑒨 𑒣𑒰𑒞𑓂𑒩 𑒮𑒹𑒯𑒼 𑒩𑒯𑒻 𑒕𑒟𑒱। 𑒏𑒼𑒢𑒼 𑒢𑒱𑒩𑓂𑒖𑒲𑒫/ 𑒫𑒰 𑒖𑒢𑓂𑒞𑒳 𑒮𑒹𑒯𑒼 𑒮𑓀𑒫𑒰𑒠 𑒏𑒩𑓄 𑒪𑒑𑒻𑒋, 𑒋𑒏 𑒣𑒰𑒞𑓂𑒩𑒏 𑒛𑒥𑒪-𑒙𑓂𑒩𑒱𑒣𑒪 𑒩𑒼𑒪, 𑒮𑒳𑒐 𑒠𑒳𑒐𑒏 𑒂𑒫𑒹𑒑 𑒮𑓀𑒑𑒲𑒞𑒏 𑒧𑒰𑒡𑓂𑒨𑒧𑒮𑒿 𑒥𑒜𑓃𑒰𑒍𑒪 𑒖𑒰𑒃𑒞 𑒁𑒕𑒱।
𑒢𑒰𑒙𑓂𑒨𑒡𑒩𑓂𑒧𑒏 𑒂𑒡𑒰𑒩 𑒁𑒕𑒱 𑒪𑒼𑒏𑒡𑒩𑓂𑒧। 𑒪𑒼𑒏𑒡𑒩𑓂𑒧𑒲𑒏𑒹𑒿 𑒣𑒩𑒱𑒭𑓂𑒏𑒵𑒞 𑒏𑒩𑒴 𑒂 𑒍 𑒢𑒰𑒙𑓂𑒨𑒡𑒩𑓂𑒧𑒲 𑒦𑓄 𑒖𑒰𑒋𑒞।
𑒪𑒼𑒏𑒡𑒩𑓂𑒧𑒲𑒏 𑒠𑒴 𑒣𑓂𑒩𑒏𑒰𑒩𑒏- 𑒔𑒱𑒞𑓂𑒞𑒫𑒵𑒞𑓂𑒨𑒩𑓂𑒣𑒱𑒏𑒰 (𑒂𑒢𑓂𑒞𑒩𑒱𑒏 𑒮𑒳𑒐-𑒠𑒳𑒐) 𑒂 𑒥𑒰𑒯𑓂𑒨𑒫𑒮𑓂𑒞𑓂𑒫𑒢𑒳𑒏𑒰𑒩𑒱𑒝𑒲 (𑒥𑒰𑒯𑓂𑒨- 𑒣𑒼𑒐𑒩𑒱, 𑒏𑒧𑒪𑒠𑒯)। 𑒢𑒰𑒙𑓂𑒨𑒡𑒩𑓂𑒧𑒲-𑒮𑒹𑒯𑒼 𑒠𑒴 𑒣𑓂𑒩𑒏𑒰𑒩𑒏 𑒏𑒻𑒬𑒱𑒏𑒲 𑒬𑒼𑒦𑒰 (𑒁𑓀𑒑𑒏 𑒣𑓂𑒩𑒠𑒩𑓂𑒬𑒢- 𑒫𑒱𑒪𑒰𑒮𑒱𑒞𑒰 𑒑𑒲𑒞-𑒢𑒵𑒞𑓂𑒨-𑒮𑓀𑒑𑒲𑒞) 𑒂 𑒁𑓀𑒬𑒼𑒣𑒖𑒲𑒫𑒢𑒲 (𑒣𑒳𑒭𑓂𑒣𑒏 𑒫𑒱𑒧𑒰𑒢, 𑒣𑒯𑒰𑒛𑓃 𑒥𑒼𑒢 𑒂𑒠𑒱𑒏 𑒮𑒰𑓀𑒏𑒹𑒞𑒱𑒏 𑒣𑓂𑒩𑒠𑒩𑓂𑒬𑒢)।
𑒮𑒧𑓂𑒣𑒴𑒩𑓂𑒝 𑒁𑒦𑒱𑒢𑒨- 𑒂𑓀𑒑𑒱𑒏 (𑒁𑓀𑒑𑒮𑒿), 𑒫𑒰𑒔𑒱𑒏(𑒫𑒰𑒝𑒲𑒮𑒿), 𑒮𑒰𑒞𑓂𑒫𑒱𑒏(𑒧𑒼𑒢𑒏 𑒦𑒰𑒫𑒮𑒿) 𑒂 𑒂𑒯𑒰𑒩𑓂𑒨 (𑒠𑒵𑒬𑓂𑒨 𑒂𑒠𑒱𑒏 𑒏𑒪𑓂𑒣𑒢𑒰 𑒮𑒰𑒖-𑒮𑒖𑓂𑒖𑒰 𑒂𑒡𑒰𑒩𑒱𑒞)। 𑒂𑓀𑒑𑒱𑒏 𑒁𑒦𑒱𑒢𑒨- 𑒬𑒩𑒲𑒩, 𑒧𑒳𑒐 𑒂 𑒔𑒹𑒭𑓂𑒙𑒰𑒮𑒿; 𑒫𑒰𑒔𑒱𑒏 𑒁𑒦𑒱𑒢𑒨- 𑒠𑒹𑒫, 𑒦𑒴𑒣𑒰𑒪, 𑒁𑒢𑒰𑒩𑓂𑒨 𑒂 𑒖𑒢𑓂𑒞𑒳-𑒔𑒱𑒛𑓃𑒻𑒏 𑒦𑒰𑒭𑒰𑒧𑒹; 𑒮𑒰𑒞𑓂𑒫𑒱𑒏- 𑒮𑓂𑒞𑒧𑓂𑒦(𑒯𑒩𑓂𑒭, 𑒦𑒨, 𑒬𑒼𑒏), 𑒮𑓂𑒫𑒹𑒠 (𑒮𑓂𑒞𑒧𑓂𑒦𑒏 𑒦𑒰𑒫 𑒠𑒥𑒥𑒻𑒪𑒹 𑒧𑒰𑒟 𑒢𑒼𑒔𑓄 𑒪𑒰𑒑𑒥 𑒂𑒠𑒱), 𑒩𑒼𑒧𑓀𑒔 (𑒮𑒰𑒞𑓂𑒫𑒱𑒏𑒏 𑒏𑒰𑒩𑒝 𑒠𑒹𑒯 𑒦𑒳𑒏𑒳𑒙𑒢𑒰𑒃 𑒂𑒠𑒱), 𑒮𑓂𑒫𑒩𑒦𑓀𑒑 ( 𑒫𑒰𑒝𑒲𑒏 𑒦𑒰𑒩𑒲 𑒦𑒹𑒢𑒰𑒃, 𑒂𑒿𑒐𑒱𑒧𑒹 𑒢𑒼𑒩 𑒋𑒢𑒰𑒃), 𑒫𑒹𑒣𑒟𑒳 (𑒠𑒹𑒯 𑒟𑒩𑒟𑒩𑒹𑒢𑒰𑒃 𑒂𑒠𑒱), 𑒫𑒻𑒫𑒩𑓂𑒝𑓂𑒨 (𑒧𑒳𑒿𑒯 𑒣𑒲𑒨𑒩 𑒣𑒛𑓃𑒢𑒰𑒃), 𑒁𑒬𑓂𑒩𑒳 (𑒢𑒼𑒩 𑒜𑓃𑒥-𑒜𑓃𑒥 𑒐𑒮𑒢𑒰𑒃, 𑒥𑒹𑒩-𑒥𑒹𑒩 𑒂𑒠𑒱), 𑒣𑓂𑒩𑒪𑒨 (𑒬𑒫𑒰𑒮𑒢 𑒂𑒠𑒱 𑒠𑓂𑒫𑒰𑒩𑒰); 𑒂 𑒂𑒯𑒰𑒩𑓂𑒨- 𑒣𑒳𑒮𑓂𑒞 (𑒯𑒰𑒟𑒲, 𑒥𑒰𑒒, 𑒣𑒯𑒰𑒛𑓃 𑒂𑒠𑒱𑒏 𑒧𑓀𑒔𑒣𑒩 𑒮𑓂𑒟𑒰𑒣𑒢), 𑒁𑒪𑓀𑒏𑒰𑒩 (𑒫𑒮𑓂𑒞𑓂𑒩-𑒁𑒪𑓀𑒏𑒩𑒝), 𑒁𑓀𑒑𑒩𑒔𑒢𑒰 (𑒩𑓀𑒑, 𑒧𑒼𑓀𑒕, 𑒫𑒹𑒬 𑒂 𑒏𑒹𑒬), 𑒮𑓀𑒖𑒲𑒫 (𑒥𑒱𑒢𑒰 𑒣𑒋𑒩-𑒮𑒰𑒿𑒣, 𑒠𑒴 𑒣𑒋𑒩-𑒧𑒢𑒳𑒏𑓂𑒐 𑒂 𑒔𑒱𑒛𑓃𑒻 𑒂 𑒔𑒰𑒩𑒱 𑒣𑒋𑒩𑒥𑒪𑒰-𑒖𑒢𑓂𑒞𑒳 𑒖𑒲𑒫-𑒖𑒢𑓂𑒞𑒳𑒏 𑒣𑓂𑒩𑒮𑓂𑒞𑒳𑒞𑒱)𑒠𑓂𑒫𑒰𑒩𑒰 𑒯𑒼𑒃𑒞 𑒁𑒕𑒱।
𑒠𑒴𑒙𑒰 𑒂𑒩 𑒁𑒦𑒱𑒢𑒨- 𑒮𑒰𑒧𑒰𑒢𑓂𑒨 (𑒢𑒰𑒙𑓂𑒨𑒬𑒰𑒮𑓂𑒞𑓂𑒩 𑓒𑓒𑒧 𑒁𑒡𑓂𑒨𑒰𑒨) 𑒂 𑒔𑒱𑒞𑓂𑒩𑒰𑒦𑒱𑒢𑒨 (𑒢𑒰𑒙𑓂𑒨𑒬𑒰𑒮𑓂𑒞𑓂𑒩 𑓒𑓒𑒧 𑒁𑒡𑓂𑒨𑒰𑒨): 𑒔𑒞𑒳𑒩𑓂𑒫𑒱𑒡 𑒁𑒦𑒱𑒢𑒨𑒏 𑒥𑒰𑒠 𑒮𑒰𑒧𑒰𑒢𑓂𑒨 𑒁𑒦𑒱𑒢𑒨𑒏 𑒫𑒩𑓂𑒝𑒢, 𑒄 𑒂𑓀𑒑𑒱𑒏, 𑒫𑒰𑒔𑒱𑒏 𑒂 𑒮𑒰𑒞𑓂𑒫𑒱𑒏 𑒁𑒦𑒱𑒢𑒨𑒏 𑒮𑒧𑒢𑓂𑒫𑒱𑒞 𑒩𑒴𑒣 𑒁𑒕𑒱 𑒂 𑒌 𑒧𑒹 𑒮𑒰𑒞𑓂𑒫𑒱𑒏 𑒁𑒦𑒱𑒢𑒨𑒏 𑒣𑓂𑒩𑒡𑒰𑒢𑒞𑒰 𑒩𑒯𑒻𑒞 𑒁𑒕𑒱। 𑒔𑒱𑒞𑓂𑒩𑒰𑒦𑒱𑒢𑒨 𑒂𑓀𑒑𑒱𑒏𑒮𑒿 𑒮𑒧𑓂𑒥𑒠𑓂𑒡- 𑒁𑓀𑒑𑒏 𑒧𑒰𑒡𑓂𑒨𑒮𑒿 𑒔𑒱𑒞𑓂𑒩 𑒥𑒢𑒰 𑒏𑓄 𑒣𑒯𑒰𑒛𑓃, 𑒣𑒼𑒐𑒩𑒱 𑒔𑒱𑒛𑓃𑒻 𑒂𑒠𑒱𑒏 𑒁𑒦𑒱𑒢𑒨 𑒫𑒱𑒡𑒰𑒢।
𑒢𑒰𑒙𑓂𑒨-𑒧𑓀𑒔𑒢 𑒂 𑒁𑒦𑒱𑒢𑒨: 𑒏𑒰𑒪𑒱𑒠𑒰𑒮𑒏 𑒁𑒦𑒱𑒖𑓂𑒘𑒰𑒢 𑒬𑒰𑒏𑒳𑒢𑓂𑒞𑒪𑒧𑓂 𑒢𑒰𑒙𑓂𑒨 𑒢𑒱𑒩𑓂𑒠𑒹𑒬𑒏𑒏 𑒪𑒹𑒪 𑒣𑒚𑒢𑒲𑒨 𑒢𑒰𑒙𑒏 𑒁𑒕𑒱। 𑒩𑓀𑒑𑒧𑓀𑒔 𑒢𑒱𑒩𑓂𑒠𑒹𑒬, 𑒖𑒹𑒢𑒰, 𑒩𑒟 𑒫𑒹𑒑𑓀 𑒢𑒱𑒩𑒴𑒣𑓂𑒨, 𑒮𑒴𑒞 𑒣𑒬𑓂𑒨𑒻𑒢𑓀 𑒫𑓂𑒨𑒰𑒣𑒰𑒠𑓂𑒨𑒧𑒰𑒢𑓀, 𑒃𑒞𑒱 𑒬𑒩𑒮𑓀𑒡𑒰𑒢𑒧𑓂 𑒢𑒰𑒙𑒨𑒞𑒱, 𑒫𑒵𑒏𑓂𑒭 𑒮𑒹𑒔𑒢𑒧𑓂 𑒩𑒳𑒣𑒨𑒞𑒱, 𑒏𑒪𑒬𑒧𑓂 𑒁𑒫𑒩𑒖𑒰𑒨𑒞𑒱, 𑒧𑒳𑒐𑒧𑒮𑓂𑒨𑒰𑓁 𑒮𑒧𑒳𑒢𑓂𑒢𑒧𑒨𑒱𑒞𑒳𑒧𑒱𑒔𑓂𑒕𑒞𑒱, 𑒬𑒏𑒳𑒢𑓂𑒞𑒪𑒰 𑒣𑒩𑒱𑒯𑒩𑒞𑒱 𑒢𑒰𑒙𑓂𑒨𑒹𑒢, 𑒢𑒰𑒙𑓂𑒨𑒹𑒢 𑒣𑓂𑒩𑒮𑒰𑒡𑒨𑒞𑓁, 𑒏𑒯𑒱 𑒏𑓄 𑒫𑒰𑒮𑓂𑒞𑒫𑒱𑒏𑒞𑒰𑒧𑒹 𑒢𑒻 𑒫𑒩𑒢𑓂 𑒁𑒦𑒱𑒢𑒨𑒮𑒿 𑒄 𑒏𑒋𑒪 𑒖𑒰𑒃𑒞 𑒁𑒕𑒱। 𑒢𑒰𑒙𑓂𑒨𑒹𑒢 𑒣𑓂𑒩𑒮𑒰𑒡𑒨𑒞𑓁, 𑒋𑒞𑒋 𑒁𑒢𑒮𑒴𑒨𑒰 𑒂 𑒣𑓂𑒩𑒱𑒨𑒧𑓂𑒫𑒠𑒰 𑒧𑒳𑒠𑓂𑒩𑒰𑒮𑒿 𑒁𑒣𑒢 𑒮𑒐𑒲 𑒬𑒏𑒳𑒢𑓂𑒞𑒪𑒰𑒏 𑒣𑓂𑒩𑒮𑒰𑒡𑒢 𑒏𑒩𑒻 𑒕𑒟𑒱 𑒏𑒰𑒩𑒝 𑒮𑒹 𑒔𑒰𑒯𑒹 𑒞𑒿 𑒅𑒣𑒪𑒥𑓂𑒡 𑒢𑒻 𑒁𑒕𑒱, 𑒔𑒰𑒯𑒹 𑒞𑒿 𑒍𑒞𑒹𑒏 𑒣𑒪𑒐𑒞𑒱 𑒢𑒻 𑒁𑒕𑒱। 𑒞𑒯𑒱𑒢𑒰 𑒫𑒵𑒏𑓂𑒭 𑒮𑒹𑒔𑒢𑒧𑓂 𑒩𑒳𑒣𑒨𑒞𑒱 𑒮𑒿 𑒑𑒰𑒕𑒧𑒹 𑒣𑒰𑒢𑒱 𑒣𑒙𑒹𑒥𑒰𑒏 𑒁𑒦𑒱𑒢𑒨, 𑒏𑒪𑒬𑒧𑓂 𑒁𑒫𑒩𑒖𑒰𑒨𑒞𑒱 𑒮𑒿 𑒏𑒪𑒬 𑒐𑒰𑒪𑒲 𑒏𑒩𑒥𑒰𑒏 𑒏𑒰𑒪𑓂𑒣𑒢𑒱𑒏 𑒢𑒱𑒩𑓂𑒠𑒹𑒬, 𑒩𑒟 𑒫𑒹𑒑𑓀 𑒢𑒱𑒩𑒴𑒣𑓂𑒨 𑒮𑒿 𑒞𑒹𑒖 𑒑𑒞𑒱𑒮𑒿 𑒩𑒟𑒧𑒹 𑒨𑒰𑒞𑓂𑒩𑒰𑒏 𑒁𑒦𑒱𑒢𑒨, 𑒃𑒞𑒱 𑒬𑒩𑒮𑓀𑒡𑒰𑒢𑒧𑓂 𑒢𑒰𑒙𑒨𑒞𑒱 𑒮𑒿 𑒞𑒲𑒩𑒏𑒹𑒿 𑒡𑒢𑒳𑒭𑒣𑒩 𑒔𑒜𑓃𑒹𑒥𑒰𑒏 𑒢𑒱𑒩𑓂𑒝𑒨, 𑒮𑒴𑒞 𑒣𑒬𑓂𑒨𑒻𑒢𑓀 𑒫𑓂𑒨𑒰𑒣𑒰𑒠𑓂𑒨𑒧𑒰𑒢𑓀 𑒮𑒿 𑒯𑒩𑒱𑒝𑒏𑒹𑒿 𑒧𑒰𑒩𑒱 𑒐𑒮𑒹𑒥𑒰𑒏 𑒠𑒵𑒬𑓂𑒨 𑒠𑒹𑒐𑒥𑒰𑒏 𑒢𑒱𑒩𑓂𑒠𑒹𑒬, 𑒧𑒳𑒐𑒧𑒮𑓂𑒨𑒰𑓁 𑒮𑒧𑒳𑒢𑓂𑒢𑒧𑒨𑒱𑒞𑒳𑒧𑒱𑒔𑓂𑒕𑒞𑒱 𑒮𑒿 𑒠𑒳𑒬𑓂𑒨𑒢𑓂𑒞𑒏 𑒬𑒏𑒳𑒢𑓂𑒞𑒪𑒰𑒏 𑒧𑒳𑒿𑒯𑒏𑒹𑒿 𑒅𑒚𑒹𑒥𑒰𑒏 𑒃𑒔𑓂𑒕𑒰, 𑒬𑒏𑒳𑒢𑓂𑒞𑒪𑒰 𑒣𑒩𑒱𑒯𑒩𑒞𑒱 𑒢𑒰𑒙𑓂𑒨𑒹𑒢 𑒮𑒿 𑒬𑒏𑒳𑒢𑓂𑒞𑒪𑒰 𑒠𑓂𑒫𑒰𑒩𑒰 𑒠𑒳𑒬𑓂𑒨𑒢𑓂𑒞𑒏 𑒌 𑒣𑓂𑒩𑒨𑒰𑒮𑒏𑒹𑒿 𑒩𑒼𑒏𑒥𑒰𑒏 𑒁𑒦𑒱𑒢𑒨𑒏 𑒢𑒱𑒩𑓂𑒠𑒹𑒬 𑒯𑒼𑒃𑒞 𑒁𑒕𑒱।
𑒦𑒩𑒞𑒏 𑒩𑓀𑒑𑒧𑓀𑒔: 𑒌 𑒧𑒹 𑒯𑒼𑒃𑒞 𑒁𑒕𑒱- 𑒣𑒰𑒕𑒰𑒿𑒏 𑒣𑒩𑓂𑒠𑒰, 𑒢𑒹𑒣𑒟𑓂𑒨 (𑒧𑒹𑒏𑒣 𑒩𑒴𑒧 𑒥𑒳𑒗𑒴), 𑒂𑒑𑒧𑒢 𑒂 𑒢𑒱𑒩𑓂𑒑𑒧𑒢𑒏 𑒠𑒩𑒥𑒖𑓂𑒖𑒰, 𑒫𑒱𑒬𑒹𑒭 𑒣𑒩𑓂𑒠𑒰 𑒖𑒹 𑒂𑒑𑒧𑒢 𑒂 𑒢𑒱𑒩𑓂𑒑𑒧𑒢 𑒮𑓂𑒟𑒪𑒏𑒹𑒿 𑒗𑒰𑒿𑒣𑒻𑒞 𑒁𑒕𑒱, 𑒫𑒹𑒠𑒱𑒏𑒰- 𑒩𑓀𑒑𑒧𑓀𑒔𑒏 𑒥𑒲𑒔𑒧𑒹 𑒫𑒰𑒠𑒢-𑒠𑒪 𑒪𑒹𑒪 𑒥𑒢𑒰𑒍𑒪 𑒖𑒰𑒃𑒞 𑒁𑒕𑒱, 𑒩𑓀𑒑𑒬𑒲𑒩𑓂𑒭- 𑒣𑒰𑒕𑒰𑒿𑒏 𑒩𑓀𑒑𑒧𑓀𑒔 𑒮𑓂𑒟𑒪; 𑒧𑒞𑓂𑒞𑒫𑒩𑓂𑒝𑒲-𑒂𑒑𑒰𑒿 𑒠𑒱𑒮 𑒠𑒳𑒢𑒴 𑒏𑒼𑒝𑒣𑒩 𑒁𑒦𑒱𑒢𑒨 𑒪𑒹𑒪 𑒯𑒼𑒃𑒞 𑒁𑒕𑒱 𑒂 𑒩𑓀𑒑𑒣𑒲𑒚 𑒁𑒕𑒱 𑒮𑒼𑒗𑒰𑒿𑒏 𑒧𑒳𑒐𑓂𑒨 𑒁𑒦𑒱𑒢𑒨 𑒮𑓂𑒟𑒪।
𑒁𑒦𑒱𑒢𑒨 𑒧𑒴𑒪𑓂𑒨𑒰𑓀𑒏𑒢: 𑒁𑒡𑓂𑒨𑒰𑒨 𑓒𑓗 𑒧𑒹 𑒦𑒩𑒞 𑒮𑒤𑒪𑒞𑒰𑒏𑒹𑒿 𑒪𑒏𑓂𑒭𑓂𑒨 𑒥𑒞𑒥𑒻 𑒕𑒟𑒱, 𑒧𑓀𑒔𑒢 𑒮𑒤𑒪𑒞𑒰𑒮𑒿 𑒣𑒴𑒩𑓂𑒝 𑒯𑒳𑒁𑒋। 𑒠𑒩𑓂𑒬𑒏 𑒏𑒯𑒻𑒋, 𑒯𑒿, 𑒥𑒰𑒯, 𑒏𑒞𑒹𑒏 𑒠𑒳𑒐𑒠 𑒁𑒢𑓂𑒞, 𑒞𑒿 𑒞𑒹𑒯𑒢𑒹 𑒠𑒩𑓂𑒬𑒏 𑒦𑒹𑒪𑒰𑒯 𑒮𑒯𑒵𑒠𑒨, 𑒦𑒩𑒞𑒏 𑒬𑒥𑓂𑒠𑒧𑒹, 𑒮𑒹 𑒍 𑒢𑒰𑒙𑒏𑒏𑒰𑒩 𑒂 𑒍𑒏𑒩 𑒣𑒰𑒞𑓂𑒩𑒏 𑒮𑓀𑒑 𑒋𑒏 𑒦𑓄 𑒖𑒰𑒃𑒞 𑒕𑒟𑒱।
𑒢𑒰𑒙𑓂𑒨 𑒣𑓂𑒩𑒞𑒱𑒨𑒼𑒑𑒱𑒞𑒰 𑒯𑒼𑒃𑒞 𑒕𑒪 𑒂 𑒍𑒞𑒋 𑒢𑒱𑒩𑓂𑒝𑒰𑒨𑒏 𑒪𑒼𑒏𑒢𑒱 𑒣𑒳𑒩𑒮𑓂𑒏𑒰𑒩 𑒮𑒹𑒯𑒼 𑒠𑒻 𑒕𑒪𑒰𑒯।
𑒦𑒩𑒞 𑒢𑒱𑒩𑓂𑒝𑒰𑒨𑒏 𑒪𑒼𑒏𑒢𑒱 𑒠𑓂𑒫𑒰𑒩𑒰 𑒡𑒢𑒰𑒞𑓂𑒧𑒏 𑒂 𑒇𑒝𑒰𑒞𑓂𑒧𑒏 𑒁𑓀𑒏 𑒠𑒹𑒥𑒰𑒏 𑒧𑒰𑒢𑒠𑒝𑓂𑒛𑒏 𑒢𑒱𑒩𑓂𑒡𑒰𑒩𑒝 𑒏𑒩𑒻𑒞 𑒏𑒯𑒻 𑒕𑒟𑒱 𑒖𑒹-
𑓑.𑒡𑓂𑒨𑒰𑒢𑒧𑒹 𑒏𑒧𑒲, 𑓒.𑒠𑒼𑒮𑒩 𑒣𑒰𑒞𑓂𑒩𑒏 𑒮𑒧𑓂𑒫𑒰𑒠 𑒥𑒰𑒖𑒥, 𑓓.𑒣𑒰𑒞𑓂𑒩𑒏 𑒁𑒢𑒳𑒩𑒴𑒣 𑒫𑓂𑒨𑒏𑓂𑒞𑒱𑒞𑓂𑒫 𑒢𑒻 𑒯𑒋𑒥, 𑓔.𑒮𑓂𑒧𑒩𑒝𑒧𑒹 𑒏𑒧𑒲, 𑓕.𑒣𑒰𑒞𑓂𑒩𑒏 𑒁𑒦𑒱𑒢𑒨𑒮𑒿 𑒯𑒙𑒱 𑒏𑓄 𑒠𑒼𑒮𑒩 𑒩𑒴𑒣 𑒡𑓄 𑒪𑒹𑒥, 𑓖.𑒏𑒼𑒢𑒼 𑒫𑒮𑓂𑒞𑒳, 𑒣𑒠𑒰𑒩𑓂𑒟 𑒐𑒮𑒱 𑒣𑒛𑓃𑒥, 𑓗.𑒥𑒖𑒥𑒰 𑒏𑒰𑒪 𑒪𑒙𑒣𑒙𑒰𑒋𑒥, 𑓘.𑒫𑓂𑒨𑒰𑒏𑒩𑒝 𑒫𑒰 𑒂𑒢 𑒠𑒼𑒭, 𑓙.𑒢𑒱𑒭𑓂𑒣𑒰𑒠𑒢𑒧𑒹 𑒏𑒧𑒲, 𑓑𑓐.𑒮𑓀𑒑𑒲𑒞𑒧𑒹 𑒠𑒼𑒭, 𑓑𑓑.𑒫𑒰𑒏𑓂 𑒧𑒹 𑒠𑒼𑒭, 𑓑𑓒.𑒠𑒴𑒩𑒠𑒩𑓂𑒬𑒱𑒞𑒰𑒧𑒹 𑒏𑒧𑒲, 𑓑𑓓.𑒮𑒰𑒧𑒱𑒑𑓂𑒩𑒲𑒧𑒹 𑒏𑒧𑒲, 𑓑𑓔.𑒧𑒹𑒏𑒣 𑒧𑒹 𑒏𑒧𑒲, 𑓑𑓕. 𑒢𑒰𑒙𑒏𑒏𑒰𑒩 𑒫𑒰 𑒢𑒱𑒩𑓂𑒠𑒹𑒬𑒏 𑒠𑓂𑒫𑒰𑒩𑒰 𑒏𑒼𑒢𑒼 𑒠𑒼𑒮𑒩 𑒢𑒰𑒙𑒏𑒏 𑒁𑓀𑒬 𑒒𑒼𑒮𑒱𑒨𑒰𑒋𑒥, 𑓑𑓖.𑒢𑒰𑒙𑒏𑒏 𑒦𑒰𑒭𑒰 𑒮𑒩𑒪 𑒂 𑒮𑒰𑒤 𑒢𑒻 𑒯𑒋𑒥, 𑒄 𑒮𑒦 𑒁𑒦𑒱𑒢𑒨 𑒂 𑒧𑓀𑒔𑒢𑒏 𑒠𑒼𑒭 𑒦𑒹𑒪।
𑒢𑒱𑒩𑓂𑒝𑒰𑒨𑒏 𑒮𑒦 𑒏𑓂𑒭𑒹𑒞𑓂𑒩𑒮𑒿 𑒯𑒼𑒟𑒱, 𑒢𑒱𑒩𑒣𑒹𑒏𑓂𑒭 𑒯𑒼𑒟𑒱। 𑒢𑒰𑒙𑒏𑒏 𑒮𑒧𑓂𑒣𑒴𑒩𑓂𑒝 𑒣𑓂𑒩𑒦𑒰𑒫, 𑒞𑒰𑒩𑒞𑒧𑓂𑒨, 𑒫𑒱𑒦𑒱𑒢𑓂𑒢 𑒑𑒳𑒝𑒏 𑒁𑒢𑒳𑒣𑒰𑒞, 𑒂 𑒦𑒰𑒫𑒢𑒰𑒞𑓂𑒧𑒏 𑒢𑒱𑒩𑒴𑒣𑒝 𑒡𑓂𑒨𑒰𑒢𑒧𑒹 𑒩𑒰𑒐𑒪 𑒖𑒰𑒋।
𑒮𑓂𑒙𑒹𑒖𑒏 𑒧𑒻𑒢𑒹𑒖𑒩- 𑒮𑒴𑒞𑓂𑒩𑒡𑒰𑒩- 𑒂 𑒍𑒏𑒩 𑒮𑒯𑒰𑒨𑒏 –𑒣𑒩𑒱𑒣𑒰𑒩𑓂𑒬𑓂𑒫𑒏- 𑒢𑒰𑒙𑒏𑒏 𑒮𑒦 𑒏𑓂𑒭𑒹𑒞𑓂𑒩𑒏 𑒖𑓂𑒘𑒰𑒞𑒰 𑒯𑒼𑒟𑒱। 𑒧𑒳𑒐𑓂𑒨 𑒁𑒦𑒱𑒢𑒹𑒞𑓂𑒩𑒲 𑒮𑓀𑒑𑒲𑒞 𑒂 𑒢𑒰𑒙𑒏𑒧𑒹 𑒢𑒱𑒣𑒳𑒝 𑒯𑒼𑒟𑒱, 𑒧𑒳𑒐𑓂𑒨 𑒁𑒦𑒱𑒢𑒹𑒞𑒰- 𑒢𑒰𑒨𑒏- 𑒁𑒣𑒢 𑒏𑓂𑒭𑒧𑒞𑒰𑒮𑒿 𑒢𑒰𑒙𑒏𑒏𑒹𑒿 𑒮𑒤𑒪 𑒥𑒢𑒥𑒻 𑒕𑒟𑒱।𑒁𑒦𑒱𑒢𑒹𑒞𑒰- 𑒢𑒙- 𑒏 𑒔𑒨𑒢 𑒋𑒢𑒰 𑒏𑒩𑒴, 𑒖𑒿 𑒕𑒼𑒙 𑒏𑒠𑒏𑒰𑒚𑒲𑒏 𑒕𑒟𑒱 𑒞𑒿 𑒫𑒰𑒝𑒫𑒲𑒩 𑒪𑒹𑒪, 𑒣𑒰𑒞𑒩-𑒠𑒳𑒥𑓂𑒥𑒩 𑒯𑒼𑒟𑒱 𑒞𑒿 𑒢𑒼𑒏𑒩, 𑒥𑒏𑒟𑒼𑒟𑒲𑒧𑒹 𑒧𑒰𑒯𑒱𑒩 𑒯𑒼𑒟𑒱 𑒞𑒿 𑒥𑒱𑒣𑒙𑒰, 𑒌 𑒞𑒩𑒯𑒹𑒿 𑒣𑒰𑒞𑓂𑒩𑒏 𑒁𑒦𑒱𑒢𑒹𑒞𑒰𑒏 𑒢𑒱𑒩𑓂𑒡𑒰𑒩𑒝 𑒏𑒩𑒴। 𑒮𑓀𑒑𑒲𑒞-𑒠𑒪𑒏 𑒧𑒳𑒐𑒱𑒨𑒰- 𑒞𑒾𑒩𑒱𑒏- 𑒏𑒹𑒿 𑒮𑓀𑒑𑒲𑒞𑒏 𑒮𑒦 𑒣𑒏𑓂𑒭𑒏 𑒖𑓂𑒘𑒰𑒢 𑒯𑒹𑒥𑒰𑒏 𑒔𑒰𑒯𑒲 𑒖𑒃𑒮𑒿 𑒍 𑒥𑒰𑒖𑒰 𑒥𑒖𑒹𑒢𑒯𑒰𑒩- 𑒏𑒳𑒬𑒲𑒪𑒫- 𑒏𑒹𑒿 𑒢𑒱𑒩𑓂𑒠𑒹𑒬𑒱𑒞 𑒏𑓄 𑒮𑒏𑒟𑒱।
𑓗
𑒧𑒻𑒟𑒱𑒪𑒲 𑒢𑒰𑒙𑒏: 𑒥𑒛𑓂𑒛 𑒩𑒰𑒮 𑒦𑒰𑒭𑒝 𑒧𑒻𑒟𑒱𑒪𑒲 𑒂 𑒂𑒢 𑒢𑒰𑒙𑒏𑒏 𑒣𑓂𑒩𑒰𑒔𑒲𑒢𑒮𑒿 𑒂𑒡𑒳𑒢𑒱𑒏 𑒏𑒰𑒪 𑒡𑒩𑒱 𑒩𑒯𑒪 𑒞𑒰𑒩𑒞𑒧𑓂𑒨𑒏 𑒫𑒱𑒭𑒨𑒧𑒹 𑒠𑒹𑒪 𑒑𑒹𑒪 𑒁𑒕𑒱। 𑒧𑒳𑒠𑒰 𑒮𑒞𑓂𑒨 𑒨𑒋𑒯 𑒁𑒕𑒱 𑒖𑒹 𑒦𑒰𑒩𑒞 𑒫𑒰 𑒢𑒹𑒣𑒰𑒪𑒏 𑒏𑒼𑒢𑒼 𑒏𑒼𑒝𑒧𑒹 𑒩𑓀𑒑𑒧𑓀𑒔 𑒂 𑒩𑒴𑒣𑒏𑒏 𑒢𑒱𑒩𑓂𑒠𑒹𑒬 𑒦𑒩𑒞𑒏 𑒢𑒰𑒙𑓂𑒨𑒬𑒰𑒮𑓂𑒞𑓂𑒩𑒏 𑒁𑒢𑒳𑒩𑒴𑒣𑒹𑒿 𑒅𑒣𑒪𑒥𑓂𑒡 𑒢𑒻 𑒁𑒕𑒱, 𑒍𑒏𑒩 𑒣𑒳𑒢𑓁 𑒮𑓂𑒟𑒰𑒣𑒢 𑒦𑒩𑒱𑒑𑒩 𑒏𑒰𑒖 𑒞𑒿 𑒁𑒕𑒱𑒨𑒹, 𑒧𑒳𑒠𑒰 𑒣𑓂𑒩𑒨𑒰𑒮 𑒢𑒻 𑒦𑒹𑒪 𑒮𑒹𑒯𑒼 𑒢𑒻 𑒁𑒕𑒱। 𑒥𑒱𑒢𑒳 𑒖𑓂𑒘𑒰𑒢𑒏 𑒏𑒰𑒪𑒱𑒠𑒰𑒮𑒏 𑒢𑒰𑒙𑒏𑒏 𑒪𑒒𑒳𑒩𑒴𑒣 𑒦𑒨𑓀𑒏𑒩 𑒫𑒱𑒫𑒰𑒠 𑒅𑒞𑓂𑒣𑒢𑓂𑒢 𑒏𑒩𑒻𑒞 𑒁𑒕𑒱। 𑒪𑒼𑒏 𑒢𑒰𑒙𑓂𑒨𑒏 𑒢𑒰𑒙𑓂𑒨𑒬𑒰𑒮𑓂𑒞𑓂𑒩𑒏 𑒁𑒢𑒳𑒩𑒴𑒣 𑒢𑒱𑒩𑒴𑒣𑒝 𑒏𑓄 𑒅𑒣𑒩𑒴𑒣𑒏𑒏 𑒧𑓀𑒔𑒢𑒏 𑒮𑒧𑓂𑒦𑒰𑒫𑒢𑒰 𑒧𑒻𑒟𑒱𑒪𑒲𑒧𑒹 𑒁𑒕𑒱। 𑒫𑒱𑒠𑒹𑒯 𑒢𑒰𑒙𑓂𑒨 (𑒂 𑒤𑒱𑒪𑓂𑒧) 𑒅𑒞𑓂𑒮𑒫 𑓒𑓐𑓑𑓒 𑒌 𑒠𑒱𑒬𑒰𑒧𑒹 𑒋𑒏𑒙𑒰 𑒣𑓂𑒩𑒨𑒰𑒮 𑒁𑒕𑒱।















𑒠𑒼𑒯𑒰/ 𑒩𑒼𑒪𑒰/ 𑒏𑒳𑒝𑓂𑒛𑒪𑒱𑒨𑒰
𑒏𑒳𑒝𑓂𑒛𑒪𑒲
𑒕𑒞𑓂𑒞𑒰 𑒒𑒳𑒩𑒕𑒰 𑒣𑒪𑓂𑒪𑒾𑒮𑒿, 𑒦𑒹𑒪 𑒠𑒱𑒢𑒹 𑒁𑒢𑓂𑒯𑒰𑒩।
𑒠𑒱𑒢 𑒥𑒱𑒞𑒪𑒰𑒣𑒩 𑒒𑒩 𑒒𑒳𑒩𑒲, 𑒏𑒰𑒪 𑒦𑒹𑒪 𑒫𑒱𑒏𑒩𑒰𑒪॥
𑒏𑒰𑒪 𑒦𑒹𑒪 𑒫𑒱𑒏𑒩𑒰𑒪, 𑒣𑒼𑒩𑒹-𑒣𑒼𑒩 𑒮𑒱𑒯𑒩𑒻𑒋।
𑒮𑒳𑒢𑒞 𑒏𑒹𑒍 𑒮𑒫𑒰𑒪, 𑒥𑒼𑒪 𑒥𑒑𑒯𑒰 𑒪𑒑𑒥𑒻𑒋।
𑒌𑒩𑒰𑒫𑒞 𑒥𑒹𑒯𑒰𑒪, 𑒥𑒼𑒪 𑒏𑒞𑓄 𑒦𑒹𑒪 𑒢𑒱𑒣𑒞𑓂𑒞𑒰।
𑒒𑒳𑒩𑒱𑒨𑒰𑒋 𑒥𑒢𑒱 𑒏𑒰𑒪, 𑒣𑒻𑒮𑒱 𑒥𑒱𑒔 𑒒𑒼𑒩𑒢 𑒕𑒞𑓂𑒞𑒰॥

𑒠𑒼𑒯𑒰
𑒠𑒼𑒯𑒰 𑒧𑒰𑒞𑓂𑒩𑒱𑒏 𑒕𑒢𑓂𑒠 𑒁𑒕𑒱। 𑒠𑒼𑒯𑒰𑒧𑒹 𑒠𑒴 𑒣𑒰𑒿𑒞𑒲 𑒂 𑒔𑒰𑒩𑒱 𑒔𑒩𑒝 𑒯𑒼𑒃𑒞 𑒁𑒕𑒱। 𑒣𑒯𑒱𑒪 𑒔𑒩𑒝𑒧𑒹 𑓑𑓓,𑒠𑒼𑒮𑒩 𑒔𑒩𑒝𑒧𑒹 𑓑𑓑,𑒞𑒹𑒮𑒩 𑒔𑒩𑒝𑒧𑒹 𑓑𑓓𑒂 𑒔𑒰𑒩𑒱𑒧 𑒔𑒩𑒝𑒧𑒹 𑓑𑓑 𑒧𑒰𑒞𑓂𑒩𑒰 𑒯𑒼𑒃𑒞 𑒁𑒕𑒱। 𑒣𑒯𑒱𑒪 𑒂 𑒞𑒹𑒮𑒩 𑒔𑒩𑒝𑒏 𑒂𑒩𑒧𑓂𑒦 𑒖𑒑𑒝𑒮𑒿 (𑒖𑒑𑒝 U। U) 𑒢𑒻 𑒯𑒋𑒞 𑒂 𑒠𑒼𑒮𑒩 𑒂 𑒔𑒰𑒩𑒱𑒧 𑒔𑒩𑒝 𑒁𑒢𑓂𑒞 𑒯𑒋𑒞 𑒠𑒲𑒩𑓂𑒒-𑒯𑓂𑒩𑒮𑓂𑒫𑒮𑒿।
𑒩𑒼𑒪𑒰
𑒩𑒼𑒪𑒰 𑒮𑒹𑒯𑒼 𑒧𑒰𑒞𑓂𑒩𑒱𑒏 𑒕𑒢𑓂𑒠 𑒁𑒕𑒱। 𑒩𑒼𑒪𑒰𑒧𑒹 𑒔𑒰𑒩𑒱 𑒣𑒰𑒿𑒞𑒲 𑒂 𑒂𑒚 𑒔𑒩𑒝 𑒯𑒼𑒃𑒞 𑒁𑒕𑒱। 𑒣𑒯𑒱𑒪 𑒔𑒩𑒝𑒧𑒹 𑓑𑓑, 𑒠𑒼𑒮𑒩 𑒔𑒩𑒝𑒧𑒹 𑓑𑓓, 𑒞𑒹𑒮𑒩 𑒔𑒩𑒝𑒧𑒹 𑓑𑓑 𑒂 𑒔𑒰𑒩𑒱𑒧 𑒔𑒩𑒝𑒧𑒹 𑓑𑓓 𑒧𑒰𑒞𑓂𑒩𑒰, 𑒣𑒰𑒿𑒔𑒧 𑒔𑒩𑒝𑒧𑒹 𑓑𑓑, 𑒕𑒁𑒧 𑒔𑒩𑒝𑒧𑒹 𑓑𑓓 𑒧𑒰𑒞𑓂𑒩𑒰 𑒯𑒼𑒃𑒞 𑒁𑒕𑒱। 𑒮𑒦 𑒣𑒰𑒿𑒞𑒲𑒏 𑒣𑒯𑒱𑒪 𑒔𑒩𑒝𑒏 𑒁𑒢𑓂𑒞𑒧𑒹 𑒠𑒲𑒩𑓂𑒒-𑒯𑓂𑒩𑒮𑓂𑒫, 𑒫𑒰 𑒯𑓂𑒩𑒮𑓂𑒫-𑒯𑓂𑒩𑒮𑓂𑒫-𑒯𑓂𑒩𑒮𑓂𑒫 𑒯𑒼𑒃𑒞 𑒁𑒕𑒱। 𑒮𑒦 𑒣𑒰𑒿𑒞𑒲𑒏 𑒠𑒼𑒮𑒩 𑒔𑒩𑒝𑒏 𑒁𑒢𑓂𑒞𑒧𑒹 𑒔𑒰𑒩𑒱𑒙𑒰 𑒯𑓂𑒩𑒮𑓂𑒫, 𑒫𑒰 𑒠𑒴𑒙𑒰 𑒠𑒲𑒩𑓂𑒒, 𑒫𑒰 𑒠𑒲𑒩𑓂𑒒-𑒯𑓂𑒩𑒮𑓂𑒫-𑒯𑓂𑒩𑒮𑓂𑒫 (𑒦𑒑𑒝 । U U), 𑒫𑒰 𑒯𑓂𑒩𑒮𑓂𑒫-𑒯𑓂𑒩𑒮𑓂𑒫-𑒠𑒲𑒩𑓂𑒒 (𑒮𑒑𑒝 U U ।) 𑒯𑒼𑒃𑒞 𑒁𑒕𑒱। 𑒩𑒼𑒪𑒰𑒏 𑒣𑓂𑒩𑒰𑒩𑒧𑓂𑒦 𑒯𑓂𑒩𑒮𑓂𑒫-𑒠𑒲𑒩𑓂𑒒-𑒯𑓂𑒩𑒮𑓂𑒫𑒮𑒿 𑒢𑒻 𑒏𑒩𑒴।

𑒏𑒳𑒝𑓂𑒛𑒪𑒱𑒨𑒰
𑒠𑒼𑒯𑒰 𑒂 𑒩𑒼𑒪𑒰𑒏 𑒏𑒳𑒝𑓂𑒛𑒪𑒲 (𑒧𑒱𑒬𑓂𑒩𑒝) 𑒦𑒹𑒪 𑒏𑒳𑒝𑓂𑒛𑒪𑒱𑒨𑒰। 𑒠𑒼𑒯𑒰 𑒪𑒱𑒐 𑒠𑒱𑒨𑒾, 𑒤𑒹𑒩 𑒠𑒼𑒯𑒰𑒏 𑒁𑒢𑓂𑒞𑒱𑒧 𑒔𑒩𑒝𑒏𑒹𑒿 (𑓑𑓑 𑒧𑒰𑒞𑓂𑒩𑒰 𑒥𑒪𑒰) 𑒩𑒼𑒪𑒰𑒏 𑒣𑒯𑒱𑒪 𑒔𑒩𑒝 𑒥𑒢𑒰 𑒠𑒱𑒨𑒾 (𑒣𑒳𑒢𑒩𑒰𑒫𑒵𑒞𑓂𑒞𑒱) 𑒂 𑒤𑒹𑒩 𑒩𑒼𑒪𑒰 𑒖𑒼𑒛𑓃𑒴। 𑒐𑒰𑒪𑒲 𑒄 𑒡𑓂𑒨𑒰𑒢 𑒩𑒰𑒐𑒴 𑒖𑒹 𑒠𑒼𑒯𑒰𑒏 𑒣𑒯𑒱𑒪 𑒔𑒩𑒝𑒏 𑒣𑒯𑒱𑒪 𑒬𑒥𑓂𑒠 𑒂 𑒩𑒼𑒪𑒰𑒏 𑒁𑒢𑓂𑒞𑒱𑒧 𑒔𑒩𑒝𑒏 𑒁𑒢𑓂𑒞𑒱𑒧 𑒬𑒥𑓂𑒠 𑒋𑒏𑓂𑒏𑒹 𑒩𑒯𑒋। 𑒏𑒳𑒝𑓂𑒛𑒪𑒱𑒨𑒰𑒏 𑒣𑒯𑒱𑒪 𑒬𑒥𑓂𑒠 𑒂 𑒁𑒢𑓂𑒞𑒱𑒧 𑒬𑒥𑓂𑒠 𑒋𑒏𑓂𑒏𑒹 𑒯𑒼𑒃𑒋। 𑒏𑒳𑒝𑓂𑒛𑒪𑒱𑒨𑒰𑒏 𑒔𑒰𑒩𑒱𑒧 𑒂 𑒣𑒰𑒿𑒔𑒧 𑒔𑒩𑒝 𑒮𑒹𑒯𑒼 𑒋𑒏𑓂𑒏𑒹 𑒯𑒼𑒃𑒋।

𑒕𑒢𑓂𑒠 𑒫𑒱𑒔𑒰𑒩
𑒮𑒰𑒯𑒱𑒞𑓂𑒨𑒏 𑒠𑒴 𑒫𑒱𑒡𑒰 𑒁𑒕𑒱 𑒑𑒠𑓂𑒨 𑒂 𑒣𑒠𑓂𑒨।𑒕𑒢𑓂𑒠𑒼𑒥𑒠𑓂𑒡 𑒩𑒔𑒢𑒰 𑒣𑒠𑓂𑒨 𑒏𑒯𑒥𑒻𑒞 𑒁𑒕𑒱-𑒁𑒢𑓂𑒨𑒟𑒰 𑒍 𑒑𑒠𑓂𑒨 𑒟𑒲𑒏। 𑒕𑒢𑓂𑒠 𑒧𑒰𑒢𑒹 𑒦𑒹𑒪-𑒋𑒯𑒢 𑒩𑒔𑒢𑒰 𑒖𑒹 𑒂𑒢𑒢𑓂𑒠 𑒣𑓂𑒩𑒠𑒰𑒢 𑒏𑒩𑒋।

𑒕𑒢𑓂𑒠 𑒠𑒴 𑒣𑓂𑒩𑒏𑒰𑒩𑒏 𑒁𑒕𑒱।𑒧𑒰𑒞𑓂𑒩𑒱𑒏 𑒂 𑒫𑒰𑒩𑓂𑒝𑒱𑒏।
𑒧𑒰𑒞𑓂𑒩𑒱𑒏 𑒑𑒝𑒢𑒰
𑒧𑒻𑒟𑒱𑒪𑒲𑒏 𑒅𑒔𑓂𑒔𑒰𑒩𑒝 𑒢𑒱𑒩𑓂𑒠𑒹𑒬 𑒂 𑒯𑓂𑒩𑒮𑓂𑒫-𑒠𑒲𑒩𑓂𑒒 𑒫𑒱𑒔𑒰𑒩𑒣𑒩 𑒂𑒅।
𑒬𑒰𑒮𑓂𑒞𑓂𑒩𑒧𑒹 𑒣𑓂𑒩𑒨𑒳𑒏𑓂𑒞 ‘𑒑𑒳𑒩𑒳’ 𑒂 ‘𑒪𑒒𑒳’ 𑒕𑓀𑒠𑒏 𑒣𑒩𑒱𑒔𑒨 𑒣𑓂𑒩𑒰𑒣𑓂𑒞 𑒏𑒩𑒴।
𑒞𑒹𑒩𑒯 𑒙𑒰 𑒮𑓂𑒫𑒩 𑒫𑒩𑓂𑒝𑒧𑒹 𑒁,𑒃,𑒅,𑒇,𑒪𑒵 - 𑒯𑓂𑒩𑓂𑒮𑓂𑒫 𑒂𑒩 𑒂,𑒄,𑒆,𑒇,𑒋.𑒌,𑒍,𑒎- 𑒠𑒲𑒩𑓂𑒒 𑒮𑓂𑒫𑒩 𑒁𑒕𑒱।

𑒄 𑒮𑓂𑒫𑒩 𑒫𑒩𑓂𑒝 𑒖𑒐𑒢 𑒫𑓂𑒨𑓀𑒖𑒢 𑒫𑒩𑓂𑒝𑒏 𑒮𑓀𑒑 𑒖𑒳𑒛𑓃𑒱 𑒖𑒰𑒃𑒞 𑒁𑒕𑒱 𑒞𑒿 𑒍𑒏𑒩𑒰𑒮𑒿 ‘𑒑𑒳𑒝𑒱𑒞𑒰𑒏𑓂𑒭𑒩’ 𑒥𑒢𑒻𑒞 𑒁𑒕𑒱।

𑒏𑓂+𑒁= 𑒏,

𑒏𑓂+𑒂=𑒏𑒰 ।

𑒋𑒏 𑒮𑓂𑒫𑒩 𑒧𑒰𑒞𑓂𑒩𑒰 𑒂𑒏𑒱 𑒋𑒏 𑒑𑒳𑒝𑒱𑒞𑒰𑒏𑓂𑒭𑒩𑒏𑒹𑒿 𑒋𑒏 ‘𑒁𑒏𑓂𑒭𑒩’ 𑒏𑒯𑒪 𑒖𑒰𑒃𑒞 𑒁𑒕𑒱। 𑒏𑒼𑒢𑒼 𑒫𑓂𑒨𑓀𑒖𑒢 𑒧𑒰𑒞𑓂𑒩𑒏𑒹𑒿 𑒁𑒏𑓂𑒭𑒩 𑒢𑒯𑒱 𑒧𑒰𑒢𑒪 𑒖𑒰𑒃𑒞 𑒁𑒕𑒱- 𑒖𑒹𑒢𑒰 ‘𑒁𑒫𑒰𑒏𑓂’ 𑒬𑒥𑓂𑒠𑒧𑒹 𑒠𑒴 𑒙𑒰 𑒁𑒏𑓂𑒭𑒩 𑒁𑒕𑒱, 𑒁, 𑒫𑒰 ।


𑓑. 𑒮𑒦𑒙𑒰 𑒯𑓂𑒩𑒮𑓂𑒫 𑒮𑓂𑒫𑒩 𑒂 𑒯𑓂𑒩𑒮𑓂𑒫 𑒨𑒳𑒏𑓂𑒞 𑒑𑒳𑒝𑒱𑒞𑒰𑒏𑓂𑒭𑒩 ‘𑒪𑒒𑒳’ 𑒧𑒰𑒢𑒪 𑒖𑒰𑒃𑒞 𑒁𑒕𑒱। 𑒋𑒏𑒩𑒰 𑒆𑒣𑒩 U 𑒪𑒱𑒐𑒱 𑒋𑒏𑒩 𑒮𑓀𑒏𑒹𑒞 𑒠𑒹𑒪 𑒖𑒰𑒃𑒞 𑒁𑒕𑒱।

𑓒. 𑒮𑒦𑒙𑒰 𑒠𑒲𑒩𑓂𑒒 𑒮𑓂𑒫𑒩 𑒂𑒩 𑒠𑒲𑒩𑓂𑒒 𑒮𑓂𑒫𑒩 𑒨𑒳𑒏𑓂𑒞 𑒑𑒳𑒝𑒱𑒞𑒰𑒏𑓂𑒭𑒩 ‘𑒑𑒳𑒩𑒳’ 𑒧𑒰𑒢𑒪 𑒖𑒰𑒃𑒞 𑒁𑒕𑒱, 𑒂 𑒋𑒏𑒩 𑒮𑓀𑒏𑒹𑒞 𑒁𑒕𑒱, 𑒆𑒣𑒩𑒧𑒹 𑒋𑒏𑒙𑒰 𑒕𑒼𑒙 -।

𑓓. 𑒁𑒢𑒳𑒮𑓂𑒫𑒰𑒩 𑒏𑒱𑓀𑒫𑒰 𑒫𑒱𑒮𑒩𑓂𑒑𑒨𑒳𑒏𑓂𑒞 𑒮𑒦 𑒁𑒏𑓂𑒭𑒩 𑒑𑒳𑒩𑒴 𑒧𑒰𑒢𑒪 𑒖𑒰𑒃𑒞 𑒁𑒕𑒱।

𑓔. 𑒏𑒼𑒢𑒼 𑒁𑒏𑓂𑒭𑒩𑒏 𑒥𑒰𑒠 𑒮𑓀𑒨𑒳𑒏𑓂𑒞𑒰𑒏𑓂𑒭𑒩 𑒏𑒱𑓀𑒫𑒰 𑒫𑓂𑒨𑓀𑒖𑒢 𑒧𑒰𑒞𑓂𑒩 𑒩𑒯𑒪𑒰𑒮𑒿 𑒍𑒯𑒱 𑒁𑒏𑓂𑒭𑒩𑒏𑒹𑒿 𑒑𑒳𑒩𑒳 𑒧𑒰𑒢𑒪 𑒖𑒰𑒃𑒞 𑒁𑒕𑒱। 𑒖𑒹𑒢𑒰- 𑒁𑒔𑓂, 𑒮𑒞𑓂𑒨। 𑒋𑒯𑒱𑒧𑒹 𑒁 𑒂 𑒮 𑒠𑒳𑒢𑒴 𑒑𑒳𑒩𑒳 𑒁𑒕𑒱।

𑒖𑒹𑒢𑒰 𑒏𑒯𑒪 𑒑𑒹𑒪 𑒁𑒕𑒱 𑒖𑒹 𑒁𑒢𑒳𑒮𑓂𑒫𑒰𑒩 𑒂 𑒫𑒱𑒮𑒩𑓂𑒑𑒨𑒳𑒏𑓂𑒞 𑒦𑒹𑒪𑒰𑒮𑒿 𑒠𑒲𑒩𑓂𑒒 𑒯𑒼𑒋𑒞 𑒞𑒯𑒱𑒢𑒰 𑒂𑒥 𑒏𑒯𑒪 𑒖𑒰 𑒩𑒯𑒪 𑒁𑒕𑒱 𑒖𑒹 𑒔𑒢𑓂𑒠𑓂𑒩𑒥𑒱𑒢𑓂𑒠𑒳 𑒂 𑒯𑓂𑒩𑒮𑓂𑒫𑒏 𑒧𑒹𑒪 𑒯𑓂𑒩𑒮𑓂𑒫 𑒯𑒼𑒋𑒞।
𑒧𑒰𑒢𑒹 𑒔𑒢𑓂𑒠𑓂𑒩𑒥𑒱𑒢𑓂𑒠𑒳+𑒯𑓂𑒩𑒮𑓂𑒫 𑒮𑓂𑒫𑒩= 𑒋𑒏 𑒧𑒰𑒞𑓂𑒩𑒰

𑒮𑓀𑒨𑒳𑒏𑓂𑒞𑒰𑒏𑓂𑒭𑒩: 𑒋𑒞𑒋 𑒧𑒰𑒞𑓂𑒩𑒰 𑒑𑒰𑒢𑒪 𑒖𑒰𑒋𑒞 𑒋𑒯𑒱 𑒞𑒩𑒯𑒹𑒿:-
𑒏𑓂𑒞𑒱= 𑒏𑓂 + 𑒞𑓂 + 𑒃 = 𑓐+𑓐+𑓑= 𑓑
𑒏𑓂𑒞𑒲= 𑒏𑓂 + 𑒞𑓂 + 𑒄 = 𑓐+𑓐+𑓒= 𑓒
𑒏𑓂𑒭= 𑒏𑓂 + 𑒭= 𑓐+𑓑
𑒞𑓂𑒩= 𑒞𑓂 + 𑒩= 𑓐+𑓑
𑒖𑓂𑒘= 𑒖𑓂 + 𑒘= 𑓐+𑓑
𑒬𑓂𑒩= 𑒬𑓂 + 𑒩= 𑓐+𑓑
𑒮𑓂𑒩= 𑒮𑓂 +𑒩= 𑓐+𑓑
𑒬𑒵 =𑒬𑓂 +𑒇= 𑓐+𑓑
𑒞𑓂𑒫= 𑒞𑓂 +𑒫= 𑓐+𑓑
𑒞𑓂𑒞𑓂𑒫= 𑒞𑓂 + 𑒞𑓂 + 𑒫= 𑓐 + 𑓐 + 𑓑
𑒯𑓂𑒩𑒮𑓂𑒫 + 𑓄 = 𑓑 + 𑓐
𑒁 𑒫𑒰 𑒠𑒲𑒩𑓂𑒒𑒏 𑒥𑒰𑒠 𑒥𑒱𑒏𑒰𑒩𑒲𑒏 𑒣𑓂𑒩𑒨𑒼𑒑 𑒢𑒯𑒱 𑒯𑒼𑒃𑒞 𑒁𑒕𑒱 𑒖𑒹𑒢𑒰 𑒠𑒱𑒁𑓄 𑒂𑓄 𑒍𑓄 (𑒠𑒼𑒭𑒣𑒴𑒩𑓂𑒝 𑒣𑓂𑒩𑒨𑒼𑒑)। 𑒯𑒿 𑒫𑓂𑒨𑓀𑒖𑒢+𑒁 𑒑𑒳𑒝𑒱𑒞𑒰𑒏𑓂𑒭𑒩𑒏 𑒥𑒰𑒠 𑒥𑒱𑒏𑒰𑒩𑒲 𑒠𑓄 𑒮𑒏𑒻 𑒕𑒲।
𑒯𑓂𑒩𑒮𑓂𑒫 + 𑒔𑒢𑓂𑒠𑓂𑒩𑒥𑒱𑒢𑓂𑒠𑒳= 𑓑+𑓐
𑒠𑒲𑒩𑓂𑒒+ 𑒔𑒢𑓂𑒠𑓂𑒩𑒥𑒱𑒢𑓂𑒠𑒳= 𑓒+𑓐
𑒖𑒹𑒢𑒰 𑒯𑒿𑒮𑒪= 𑓑+𑓑+𑓑
𑒮𑒰𑒿𑒮= 𑓒+𑓑
𑒥𑒱𑒏𑒰𑒩𑒲 𑒂 𑒔𑒢𑓂𑒠𑓂𑒩𑒥𑒱𑒢𑓂𑒠𑒳𑒏 𑒑𑒝𑒢𑒰 𑒬𑒴𑒢𑓂𑒨 𑒯𑒼𑒋𑒞।
𑒖𑒰 𑒏𑓄 = 𑓒+𑓑
𑒏𑓂 =𑓐
𑒏= 𑒏𑓂 +𑒁= 𑓐+𑓑
𑒏𑒱𑒋𑒏 𑒞𑒿 𑒏 𑒏𑒹𑒿 𑒏𑓂 𑒣𑒜𑓃𑒥𑒰𑒏 𑒣𑓂𑒩𑒫𑒵𑒞𑓂𑒞𑒱 𑒧𑒻𑒟𑒱𑒪𑒲𑒧𑒹 𑒂𑒥𑒱 𑒑𑒹𑒪 𑒞𑒹𑒿 𑒥𑒱𑒏𑒰𑒩𑒲 𑒠𑒹𑒥𑒰𑒏 𑒂𑒫𑒬𑓂𑒨𑒏𑒞𑒰 𑒣𑒛𑓃𑒪, 𑒠𑒲𑒩𑓂𑒒 𑒮𑓂𑒫𑒩𑒧𑒹 𑒋𑒯𑒢 𑒂𑒫𑒬𑓂𑒨𑒏𑒞𑒰 𑒢𑒯𑒱 𑒁𑒕𑒱।


U- 𑒯𑓂𑒩𑒮𑓂𑒫𑒏 𑒔𑒹𑒢𑓂𑒯
।- 𑒠𑒲𑒩𑓂𑒒𑒏 𑒔𑒹𑒢𑓂𑒯

𑒋𑒏 𑒠𑒲𑒩𑓂𑒒 । =𑒠𑒴𑒙𑒰 𑒯𑓂𑒩𑒮𑓂𑒫 U

𑒫𑒰𑒩𑓂𑒝𑒱𑒏 𑒑𑒝𑒢𑒰
𑒮𑓀𑒨𑒳𑒏𑓂𑒞𑓂𑒞𑒰𑒏𑓂𑒭𑒩𑒏𑒹𑒿 𑒋𑒏 𑒑𑒰𑒢𑒴 𑒂 𑒯𑒪𑒢𑓂𑒞𑒏/ 𑒥𑒱𑒏𑒰𑒩𑒲𑒏/ 𑒃𑒏𑒰𑒩 𑒂𑒏𑒰𑒩 𑒂𑒠𑒱𑒏 𑒑𑒝𑒢𑒰 𑒢𑒯𑒱 𑒏𑒩𑒴। 𑒫𑒰𑒩𑓂𑒝𑒱𑒏 𑒕𑒢𑓂𑒠𑒏 𑒣𑒩𑒱𑒔𑒨 𑒪𑒱𑒁। 𑒋𑒯𑒱𑒧𑒹 𑒁𑒏𑓂𑒭𑒩 𑒑𑒝𑒢𑒰 𑒧𑒰𑒞𑓂𑒩 𑒯𑒼𑒃𑒞 𑒁𑒕𑒱। 𑒯𑒪𑓀𑒞𑒨𑒳𑒏𑓂𑒞 𑒁𑒏𑓂𑒭𑒩𑒏𑒹𑒿 𑒢𑒯𑒱 𑒑𑒰𑒢𑒪 𑒖𑒰𑒃𑒞 𑒁𑒕𑒱। 𑒋𑒏𑒰𑒩 𑒅𑒏𑒰𑒩 𑒃𑒞𑓂𑒨𑒰𑒠𑒱 𑒨𑒳𑒏𑓂𑒞 𑒁𑒏𑓂𑒭𑒩𑒏𑒹𑒿 𑒍𑒯𑒱𑒢𑒰 𑒋𑒏 𑒑𑒰𑒢𑒪 𑒖𑒰𑒃𑒞 𑒁𑒕𑒱 𑒖𑒹𑒢𑒰 𑒮𑓀𑒨𑒳𑒏𑓂𑒞𑒰𑒏𑓂𑒭𑒩𑒏𑒹𑒿। 𑒮𑓀𑒑𑒯𑒱 𑒁 𑒮𑒿 𑒯 𑒏𑒹𑒿 𑒮𑒹𑒯𑒼 𑒋𑒏 𑒑𑒰𑒢𑒪 𑒖𑒰𑒃𑒞 𑒁𑒕𑒱।𑒠𑓂𑒫𑒱𑒧𑒰𑒢𑒏 𑒏𑒼𑒢𑒼 𑒁𑒏𑓂𑒭𑒩 𑒢𑒯𑒱 𑒯𑒼𑒃𑒕।𑒧𑒳𑒐𑓂𑒨 𑒞𑒲𑒢𑒙𑒰 𑒥𑒱𑒢𑓂𑒠𑒳 𑒨𑒰𑒠𑒱 𑒩𑒰𑒐𑒴-

1.𑒯𑒪𑓀𑒞𑒨𑒳𑒏𑓂𑒞𑓂𑒞 𑒁𑒏𑓂𑒭𑒩-0
2.𑒮𑓀𑒨𑒳𑒏𑓂𑒞 𑒁𑒏𑓂𑒭𑒩-1
3.𑒁𑒏𑓂𑒭𑒩 𑒁 𑒮𑒿 𑒯 -1 𑒣𑓂𑒩𑒞𑓂𑒨𑒹𑒏।

𑒂𑒥 𑒣𑒯𑒱𑒪 𑒅𑒠𑒰𑒯𑒩𑒝 𑒠𑒹𑒐𑒴
𑒄 𑒁𑒩𑒠𑒩𑒰𑒏 𑒧𑒹𑒒 𑒢𑒯𑒱 𑒧𑒰𑒢𑒞 𑒩𑒯𑒞 𑒥𑒩𑒮𑒱 𑒏𑒹=1+5+2+2+3+3+1=17 𑒧𑒰𑒞𑓂𑒩𑒰

𑒂𑒥 𑒠𑒼𑒮𑒩 𑒅𑒠𑒰𑒯𑒩𑒝 𑒠𑒹𑒐𑒴
𑒣𑒬𑓂𑒔𑒰𑒞𑓂=2 𑒧𑒰𑒞𑓂𑒩𑒰

𑒂𑒥 𑒞𑒹𑒮𑒩 𑒅𑒠𑒰𑒯𑒩𑒝 𑒠𑒹𑒐𑒴
𑒂𑒥=2 𑒧𑒰𑒞𑓂𑒩𑒰

𑒂𑒥 𑒔𑒰𑒩𑒱𑒧 𑒅𑒠𑒰𑒯𑒩𑒝 𑒠𑒹𑒐𑒴
𑒮𑓂𑒏𑓂𑒩𑒱𑒣𑓂𑒙=2 𑒧𑒰𑒞𑓂𑒩𑒰

𑒧𑒳𑒐𑓂𑒨 𑒫𑒻𑒠𑒱𑒏 𑒕𑒢𑓂𑒠 𑒮𑒰𑒞 𑒁𑒕𑒱-𑒑𑒰𑒨𑒞𑓂𑒩𑒲,𑒅𑒭𑓂𑒝𑒱𑒏𑓂 ,𑒁𑒢𑒳𑒭𑓂𑒙𑒳𑒣𑓂 ,𑒥𑒵𑒯𑒞𑒲,𑒣𑒓𑓂 𑒏𑓂𑒞𑓂𑒞𑒱,𑒞𑓂𑒩𑒱𑒭𑓂𑒙𑒳𑒣𑓂 𑒂 𑒖𑒑𑒞𑒲। 𑒬𑒹𑒭 𑒍𑒏𑒩 𑒦𑒹𑒠 𑒁𑒕𑒱 𑒁𑒞𑒱𑒕𑒢𑓂𑒠 𑒂 𑒫𑒱𑒔𑓂𑒕𑒢𑓂𑒠। 𑒕𑒢𑓂𑒠𑒏𑒹𑒿 𑒁𑒏𑓂𑒭𑒩𑒮𑒿 𑒔𑒱𑒢𑓂𑒯𑒪 𑒖𑒰𑒃𑒞 𑒁𑒕𑒱। 𑒨𑒠𑒱 𑒁𑒏𑓂𑒭𑒩 𑒣𑒴𑒩𑒰 𑒢𑒯𑒱 𑒦𑒹𑒪𑒞𑒿 𑒋𑒏 𑒂𑒏𑒱 𑒠𑒴 𑒁𑒏𑓂𑒭𑒩 𑒣𑓂𑒩𑒞𑓂𑒨𑒹𑒏 𑒣𑒰𑒠𑒧𑒹 𑒥𑒜𑓃𑒰 𑒪𑒹𑒪 𑒖𑒰𑒃𑒞 𑒁𑒕𑒱।𑒨 𑒂
𑒫 𑒏𑒹𑒩 𑒮𑓀𑒨𑒳𑒏𑓂𑒞𑒰𑒏𑓂𑒭𑒩𑒏𑒹𑒿 𑒏𑓂𑒩𑒧𑒬𑓁 𑒃 𑒂 𑒅 𑒪𑒑𑒰 𑒏𑒨 𑒁𑒪𑒑 𑒏𑒹𑒪 𑒖𑒰𑒃𑒞 𑒁𑒕𑒱।𑒖𑒹𑒢𑒰-
𑒫𑒩𑒹𑒝𑓂𑒨𑒧𑓂=𑒫𑒩𑒹𑒝𑒱𑒨𑒧𑓂
𑒮𑓂𑒫𑓁= 𑒮𑒳𑒫𑓁
𑒑𑒳𑒝 𑒂 𑒫𑒵𑒠𑓂𑒡𑒱𑒏𑒹𑒿 𑒁𑒪𑒑 𑒏𑒨𑒏𑒹𑒿 𑒮𑒹𑒯𑒼 𑒁𑒏𑓂𑒭𑒩 𑒣𑒴𑒩 𑒏𑒨 𑒮𑒏𑒻𑒞 𑒕𑒲।
𑒋= 𑒁 + 𑒃
𑒍= 𑒁 + 𑒅
𑒌= 𑒁/𑒂 + 𑒋
𑒎= 𑒁/𑒂 + 𑒍


𑒮𑒩𑒪 𑒫𑒰𑒩𑓂𑒝𑒱𑒏 𑒕𑒢𑓂𑒠𑒧𑒹 𑒯𑓂𑒩𑒮𑓂𑒫 𑒂 𑒠𑒲𑒩𑓂𑒒𑒏 𑒫𑒱𑒔𑒰𑒩 𑒢𑒻 𑒩𑒰𑒐𑒪 𑒖𑒰𑒃𑒋। 𑒧𑒳𑒠𑒰 𑒫𑒰𑒩𑓂𑒝𑒱𑒏 𑒕𑒢𑓂𑒠𑒧𑒹 𑒯𑓂𑒩𑒮𑓂𑒫 𑒂 𑒠𑒲𑒩𑓂𑒒𑒏 𑒫𑒱𑒔𑒰𑒩 𑒩𑒰𑒐𑒪 𑒖𑒰 𑒮𑒏𑒻𑒞 𑒁𑒕𑒱, 𑒏𑒰𑒩𑒝 𑒫𑒻𑒠𑒱𑒏 𑒫𑒩𑓂𑒝𑒫𑒵𑒞𑓂𑒞𑒧𑒹 𑒥𑒰𑒠𑒧𑒹 𑒫𑒰𑒩𑓂𑒝𑒱𑒏 𑒕𑒢𑓂𑒠𑒧𑒹 𑒄 𑒫𑒱𑒔𑒰𑒩 𑒬𑒳𑒩𑒴 𑒦𑓄 𑒑𑒹𑒪 𑒕𑒪:- 𑒖𑒹𑒢𑒰
𑒞𑒏𑒻𑒞 𑒩𑒯𑒻𑒞 𑒕𑒲 𑒌 𑒧𑒹𑒒 𑒠𑒱𑒮
𑒞𑒏𑒻𑒞 (𑒯𑓂𑒩𑒮𑓂𑒫+𑒠𑒲𑒩𑓂𑒒+𑒠𑒲𑒩𑓂𑒒)- 𑒫𑒩𑓂𑒝𑒏 𑒮𑓀𑒐𑓂𑒨𑒰-𑒞𑒲𑒢
𑒩𑒯𑒻𑒞 (𑒯𑓂𑒩𑒮𑓂𑒫+𑒠𑒲𑒩𑓂𑒒+𑒯𑓂𑒩𑒮𑓂𑒫)- 𑒫𑒩𑓂𑒝𑒏 𑒮𑓀𑒐𑓂𑒨𑒰-𑒞𑒲𑒢
𑒕𑒲 (𑒠𑒲𑒩𑓂𑒒) 𑒫𑒩𑓂𑒝𑒏 𑒮𑓀𑒐𑓂𑒨𑒰-𑒋𑒏
𑒌 (𑒠𑒲𑒩𑓂𑒒) 𑒫𑒩𑓂𑒝𑒏 𑒮𑓀𑒐𑓂𑒨𑒰-𑒋𑒏
𑒧𑒹𑒒 (𑒠𑒲𑒩𑓂𑒒+𑒯𑓂𑒩𑒮𑓂𑒫) 𑒫𑒩𑓂𑒝𑒏 𑒮𑓀𑒐𑓂𑒨𑒰-𑒠𑒴
𑒠𑒱𑒮 (𑒯𑓂𑒩𑒮𑓂𑒫+𑒯𑓂𑒩𑒮𑓂𑒫) 𑒫𑒩𑓂𑒝𑒏 𑒮𑓀𑒐𑓂𑒨𑒰-𑒠𑒴

𑒧𑒰𑒞𑓂𑒩𑒱𑒏 𑒕𑒢𑓂𑒠𑒧𑒹 𑒠𑓂𑒫𑒱𑒏𑒪, 𑒞𑓂𑒩𑒱𑒏𑒪, 𑒔𑒞𑒳𑒭𑓂𑒏𑒪, 𑒣𑒘𑓂𑒔𑒏𑒪 𑒂 𑒭𑒙𑒏𑒪 𑒁𑒢𑓂𑒞𑒩𑓂𑒑𑒞 𑒋𑒏 𑒫𑒩𑓂𑒝 (𑒋𑒏𑒙𑒰 𑒠𑒲𑒩𑓂𑒒) 𑒮𑒿 𑒕𑒯 𑒫𑒩𑓂𑒝 (𑒕𑒯𑒙𑒰 𑒯𑓂𑒩𑒮𑓂𑒫) 𑒡𑒩𑒱 𑒦𑓄 𑒮𑒏𑒻𑒋।
𑒠𑓂𑒫𑒱𑒏𑒪𑒧𑒹- 𑒏𑒳𑒪 𑒧𑒰𑒞𑓂𑒩𑒰 𑒠𑒴 𑒯𑒋𑒞, 𑒮𑒹 𑒋𑒏𑒙𑒰 𑒠𑒲𑒩𑓂𑒒 𑒫𑒰 𑒠𑒴𑒙𑒰 𑒯𑓂𑒩𑒮𑓂𑒫 𑒯𑒋𑒞।
𑒞𑓂𑒩𑒱𑒏𑒪𑒧𑒹 𑒏𑒳𑒪 𑒧𑒰𑒞𑓂𑒩𑒰 𑒞𑒲𑒢 𑒯𑒋𑒞- 𑒯𑓂𑒩𑒮𑓂𑒫+𑒠𑒲𑒩𑓂𑒒, 𑒠𑒲𑒩𑓂𑒒+𑒯𑓂𑒩𑒮𑓂𑒫 𑒂 𑒯𑓂𑒩𑒮𑓂𑒫+𑒯𑓂𑒩𑒮𑓂𑒫+𑒯𑓂𑒩𑒮𑓂𑒫; 𑒌 𑒞𑒲𑒢 𑒏𑓂𑒩𑒧𑒧𑒹।
𑒔𑒞𑒳𑒭𑓂𑒏𑒪𑒧𑒹 𑒏𑒳𑒪 𑒧𑒰𑒞𑓂𑒩𑒰 𑒔𑒰𑒩𑒱; 𑒣𑒘𑓂𑒔𑒏𑒪𑒧𑒹 𑒣𑒰𑒿𑒔; 𑒭𑒙𑒏𑒪𑒧𑒹 𑒕𑒯 𑒧𑒰𑒞𑓂𑒩𑒰 𑒯𑒋𑒞।
𑒫𑒰𑒩𑓂𑒝𑒱𑒏 𑒕𑒢𑓂𑒠 𑒞𑒲𑒢-𑒞𑒲𑒢 𑒫𑒩𑓂𑒝𑒏 𑒂𑒚 𑒣𑓂𑒩𑒏𑒰𑒩𑒏 𑒯𑒼𑒃𑒞 𑒁𑒕𑒱 𑒖𑒹 “𑒨𑒧𑒰𑒞𑒰𑒩𑒰𑒖𑒮𑒪𑒑𑒧𑓂” 𑒮𑒴𑒞𑓂𑒩𑒮𑒿 𑒧𑒼𑒢 𑒩𑒰𑒐𑒱 𑒮𑒏𑒻 𑒕𑒲।
𑒂𑒥 𑒏𑒞𑒹𑒏 𑒣𑒰𑒠 𑒂 𑒏𑒞𑓄 𑒨𑒞𑒱,𑒁𑒢𑓂𑒞𑓂𑒨𑒰𑒢𑒳𑒣𑓂𑒩𑒰𑒮 𑒠𑒹𑒥𑒰𑒏 𑒁𑒕𑒱; 𑒏𑒼𑒢 𑒞𑒩𑒯𑒹𑒿 𑒏𑓂𑒩𑒧 𑒥𑒢𑒹𑒥𑒰𑒏 𑒁𑒕𑒱 𑒮𑒹 𑒁𑒯𑒰𑒿 𑒮𑓂𑒫𑒨𑓀 𑒫𑒰𑒩𑓂𑒝𑒱𑒏/ 𑒧𑒰𑒞𑓂𑒩𑒱𑒏 𑒂𑒡𑒰𑒩𑒣𑒩 𑒏𑓄 𑒮𑒏𑒻 𑒕𑒲, 𑒂 𑒫𑒱𑒫𑒱𑒡𑒞𑒰 𑒂𑒢𑒱 𑒮𑒏𑒻 𑒕𑒲।
𑒫𑒩𑓂𑒝 𑒕𑒢𑓂𑒠𑒧𑒹 𑒞𑒲𑒢-𑒞𑒲𑒢 𑒁𑒏𑓂𑒭𑒩𑒏 𑒮𑒧𑒴𑒯𑒏𑒹𑒿 𑒋𑒏 𑒑𑒝 𑒏𑒯𑒪 𑒖𑒰𑒃𑒞 𑒁𑒕𑒱। 𑒄 𑒂𑒚 𑒙𑒰 𑒁𑒕𑒱-
𑒨𑒑𑒝 U॥
𑒩𑒑𑒝 ।U।
𑒞𑒑𑒝 ॥ U
𑒦𑒑𑒝 । U U
𑒖𑒑𑒝 U। U
𑒮𑒑𑒝 U U ।
𑒧𑒑𑒝 ॥।
𑒢𑒑𑒝 U U U

𑒋𑒯𑒱 𑒂𑒚𑒏 𑒁𑒞𑒱𑒩𑒱𑒏𑓂𑒞 𑒠𑒴𑒙𑒰 𑒂𑒩 𑒑𑒝 𑒁𑒕𑒱- 𑒑 / 𑒪
𑒑- 𑒑𑒝 𑒋𑒏𑒪 𑒠𑒲𑒩𑓂𑒒 ।
𑒪- 𑒑𑒝 𑒋𑒏𑒪 𑒯𑓂𑒩𑒮𑓂𑒫 U
𑒋𑒏 𑒮𑒴𑒞𑓂𑒩- 𑒂𑒚𑒼 𑒑𑒝𑒏𑒹𑒿 𑒧𑒼𑒢 𑒩𑒐𑒥𑒰 𑒪𑒹𑒪:-
𑒨𑒧𑒰𑒞𑒰𑒩𑒰𑒖𑒦𑒰𑒢𑒮𑒪𑒑𑒧𑓂
𑒂𑒥 𑒋𑒯𑒱 𑒮𑒴𑒞𑓂𑒩𑒏𑒹𑒿 𑒞𑒼𑒛𑓃𑒴-
𑒨𑒧𑒰𑒞𑒰 U॥ = 𑒨𑒑𑒝
𑒧𑒰𑒞𑒰𑒩𑒰 ॥। = 𑒧𑒑𑒝
𑒞𑒰𑒩𑒰𑒖 ॥ U = 𑒞𑒑𑒝
𑒩𑒰𑒖𑒦𑒰 ।U। = 𑒩𑒑𑒝
𑒖𑒦𑒰𑒢 U। U = 𑒖𑒑𑒝
𑒦𑒰𑒢𑒮 । U U = 𑒦𑒑𑒝
𑒢𑒮𑒪 U U U = 𑒢𑒑𑒝
𑒮𑒪𑒑𑒧𑓂 U U । = 𑒮𑒑𑒝




















𑒩𑒰𑒧𑒪𑒼𑒔𑒢 𑒬𑒩𑒝𑒏 𑒧𑒻𑒟𑒱𑒪𑒲 𑒩𑒰𑒧 𑒔𑒩𑒱𑒞 𑒧𑒰𑒢𑒮

𑒧𑒯𑒰𑒏𑒰𑒫𑓂𑒨 𑒫𑒰 𑒑𑒲𑒞 𑒣𑓂𑒩𑒥𑒢𑓂𑒡: 𑒧𑒯𑒰𑒏𑒰𑒫𑓂𑒨𑒏 𑒫𑒩𑓂𑒝𑒢 𑒖𑒹 𑒄 𑒏𑒞𑒹𑒏 𑒮𑒩𑓂𑒑𑒧𑒹 𑒯𑒳𑒁𑒋, 𑒋𑒏𑒩 𑒢𑒰𑒨𑒏 𑒏𑒹𑒯𑒢 𑒣𑓂𑒩𑒏𑒵𑒞𑒱𑒏 𑒯𑒳𑒁𑒋 𑒂 𑒍 𑒅𑒔𑓂𑒔 𑒏𑒳𑒪 𑒅𑒞𑓂𑒣𑒢𑓂𑒢 𑒯𑒳𑒁𑒋 𑒂𑒠𑒱 𑒂𑒥 𑒥𑒳𑒠𑓂𑒡𑒱𑒫𑒱𑒪𑒰𑒮 𑒧𑒰𑒞𑓂𑒩 𑒏𑒯𑒪 𑒖𑒰𑒋𑒞। 𑒖𑒹𑒢𑒰 𑒑𑒠𑓂𑒨𑒧𑒹 𑒏𑒟𑒰 𑒯𑒼𑒃𑒞 𑒁𑒕𑒱 𑒂 𑒫𑒱𑒮𑓂𑒞𑒰𑒩𑒏 𑒁𑒢𑒳𑒮𑒰𑒩 𑒪𑒒𑒳𑒏𑒟𑒰, 𑒏𑒟𑒰 𑒂 𑒅𑒣𑒢𑓂𑒨𑒰𑒮𑒧𑒹 𑒫𑒱𑒦𑒏𑓂𑒞 𑒏𑒋𑒪 𑒖𑒰𑒃𑒞 𑒁𑒕𑒱 𑒞𑒃 𑒮𑒢𑓂𑒠𑒩𑓂𑒦𑒧𑒹 𑒅𑒣𑒢𑓂𑒨𑒰𑒮 (𑒫𑒰 𑒥𑒲𑒔-𑒥𑒲𑒔𑒧𑒹 𑒢𑒰𑒙𑒏𑒏𑒏) 𑒣𑒠𑓂𑒨 𑒩𑒴𑒣𑒰𑒢𑓂𑒞𑒩𑒝 𑒧𑒯𑒰𑒏𑒰𑒫𑓂𑒨 𑒏𑒯𑒪 𑒖𑒰𑒋𑒞। 𑒖𑒿 𑒇𑒑𑒫𑒻𑒠𑒱𑒏 𑒣𑒩𑒧𑓂𑒣𑒩𑒰𑒧𑒹 𑒖𑒰𑒃 𑒞𑒿 𑒧𑒯𑒰𑒏𑒰𑒫𑓂𑒨𑒏𑒹𑒿 𑒑𑒲𑒞-𑒣𑓂𑒩𑒥𑒢𑓂𑒡 𑒏𑒯𑒪 𑒖𑒋𑒥𑒰𑒏 𑒔𑒰𑒯𑒲।

𑒂𑒔𑒰𑒩𑓂𑒨 𑒩𑒰𑒧𑒪𑒼𑒔𑒢 𑒬𑒩𑒝𑒏 𑒑𑒲𑒞-𑒣𑓂𑒩𑒥𑒢𑓂𑒡 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮: 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏𑒹𑒿 𑒣𑒜𑓃𑒢𑒱𑒯𑒰𑒩𑒏 𑒮𑒧𑒏𑓂𑒭 𑒧𑒻𑒟𑒱𑒪𑒲𑒧𑒹 𑒩𑒰𑒧𑒔𑒩𑒱𑒞 𑒏𑒱𑓀𑒫𑒰 𑒩𑒰𑒧𑒰𑒨𑒝 𑒬𑓂𑒩𑒲 𑒔𑓀𑒠𑒰 𑒗𑒰 𑒏𑒵𑒞 𑒧𑒱𑒟𑒱𑒪𑒰 𑒦𑒰𑒭𑒰 𑒩𑒰𑒧𑒰𑒨𑒝 𑒂 𑒬𑓂𑒩𑒲 𑒪𑒰𑒪𑒠𑒰𑒮𑒏 𑒩𑒧𑒹𑒬𑓂𑒫𑒩 𑒔𑒩𑒱𑒞 𑒧𑒱𑒟𑒱𑒪𑒰 𑒩𑒰𑒧𑒰𑒨𑒝 - 𑒌 𑒠𑒴 𑒑𑒼𑒙 𑒑𑓂𑒩𑓀𑒟𑒏 𑒩𑒴𑒣𑒧𑒹 𑒣𑓂𑒩𑒰𑒣𑓂𑒞 𑒯𑒼𑒃𑒞 𑒁𑒕𑒱। 𑒣𑒰𑒚𑓂𑒨𑒏𑓂𑒩𑒧𑒏 𑒁𑓀𑒞𑒩𑓂𑒑𑒞 𑒮𑓂𑒏𑒴𑒪, 𑒏𑒰𑒪𑒹𑒖-𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨𑒏 𑒧𑒻𑒟𑒱𑒪𑒲 𑒫𑒱𑒭𑒨𑒏 𑒣𑒰𑒚 𑒯𑒼 𑒏𑒱𑓀𑒫𑒰 𑒮𑒰𑒧𑒰𑒢𑓂𑒨 𑒂𑒪𑒼𑒔𑒢𑒰 𑒑𑓂𑒩𑓀𑒟 𑒂𑒏𑒱 𑒣𑒞𑓂𑒩-𑒣𑒞𑓂𑒩𑒱𑒏𑒰𑒧𑒹 𑒕𑒱𑒛𑓃𑒱𑒂𑒨𑒪 𑒪𑒹𑒐 𑒮𑒦, 𑒌 𑒞𑒹𑒮𑒩 𑒩𑒰𑒧𑒰𑒨𑒝𑒏 𑒁𑒮𑓂𑒞𑒱𑒞𑓂𑒫𑒼 𑒡𑒩𑒱 𑒢𑒻 𑒮𑓂𑒫𑒲𑒏𑒰𑒩 𑒏𑒋𑒪 𑒑𑒹𑒪 𑒁𑒕𑒱। 𑒋𑒏𑒩 𑒮𑓀𑒑 𑒄𑒯𑒼 𑒥𑒳𑒗𑒱 𑒪𑒱𑒁 𑒖𑒹 𑒖𑒢𑒧𑒰𑒢𑒮 𑒮𑒧𑒰𑒪𑒼𑒔𑒢𑒰𑒬𑒰𑒮𑓂𑒞𑓂𑒩𑒏 𑒂𑒡𑒰𑒩𑒣𑒩 𑒩𑒰𑒐𑒪 𑒫𑒱𑒔𑒰𑒩𑒏𑒹𑒿 𑒞𑒐𑒢𑒹 𑒮𑓂𑒫𑒲𑒏𑒰𑒩 𑒏𑒩𑒻𑒞 𑒁𑒕𑒱 𑒖𑒐𑒢 𑒍 𑒮𑒞𑓂𑒨𑒞𑒰𑒏 𑒣𑓂𑒩𑒞𑒲𑒏 𑒯𑒼। 𑒂𑒃𑒨𑒼 𑒧𑒱𑒟𑒱𑒪𑒰𑒧𑒹 𑒖𑒹 𑒁𑒐𑓀𑒛 𑒩𑒰𑒧𑒰𑒨𑒝 𑒣𑒰𑒚 𑒯𑒼𑒃𑒞 𑒁𑒕𑒱 𑒮𑒹 𑒥𑒰𑒪𑓂𑒧𑒲𑒏𑒱 𑒩𑒰𑒧𑒰𑒨𑒝𑒏 𑒏𑒱𑓀𑒫𑒰 𑒞𑒳𑒪𑒮𑒲𑒏 𑒩𑒰𑒧𑒔𑒩𑒱𑒞𑒧𑒰𑒢𑒮𑒏। 𑒋𑒏𑒩 𑒏𑒰𑒩𑒝𑒣𑒩 𑒯𑒧 𑒥𑒯𑒳𑒞 𑒠𑒱𑒢 𑒡𑒩𑒱 𑒫𑒱𑒔𑒰𑒩 𑒏𑒩𑒻𑒞 𑒩𑒯𑒪𑒯𑒳𑒿। 𑒏𑒻𑒏𑒙𑒰 𑒔𑒢𑓂𑒠𑓂𑒩 𑒩𑒰𑒧𑒰𑒨𑒝 𑒂 𑒪𑒰𑒪𑒠𑒰𑒮𑒏𑒵𑒞 𑒧𑒱𑒟𑒱𑒪𑒰 𑒩𑒰𑒧𑒰𑒨𑒝, 𑒩𑒰𑒧𑒰𑒨𑒝 𑒁𑒐𑓀𑒛 𑒣𑒰𑒚 𑒏𑒹𑒢𑒱𑒯𑒰𑒩 𑒪𑒼𑒏𑒢𑒱𑒏𑒹𑒿 𑒥𑒿𑒙𑒥𑒼 𑒏𑒋𑒪𑒯𑒳𑒿 𑒧𑒳𑒠𑒰 𑒮𑒥𑒯𑒏 𑒄𑒋𑒯 𑒫𑒱𑒔𑒰𑒩 𑒕𑒪, 𑒖𑒹 𑒄 𑒠𑒳𑒢𑒴 𑒑𑓂𑒩𑓀𑒟 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒁𑒧𑒴𑒪𑓂𑒨 𑒡𑒩𑒼𑒯𑒩 𑒁𑒕𑒱, 𑒧𑒳𑒠𑒰 𑒁𑒐𑓀𑒛 𑒣𑒰𑒚𑒏 𑒮𑒳𑒩 𑒖𑒹 𑒞𑒳𑒪𑒮𑒲𑒏 𑒧𑒰𑒢𑒮𑒧𑒹 𑒁𑒕𑒱 𑒮𑒹 𑒠𑒼𑒮𑒩 𑒦𑒰𑒭𑒰𑒏 𑒩𑒯𑒪𑒰 𑒅𑒞𑓂𑒞𑒩𑒼 𑒮𑓀𑒑𑒲𑒞𑒧𑒨 𑒁𑒕𑒱। 𑒬𑓀𑒏𑒩𑒠𑒹𑒫 𑒁𑒣𑒢 𑒧𑒰𑒞𑒵𑒦𑒰𑒭𑒰 𑒁𑒮𑒧𑒱𑒨𑒰𑒏 𑒥𑒠𑒪𑒰 𑒧𑒻𑒟𑒱𑒪𑒲 𑒦𑒰𑒭𑒰𑒏 𑒣𑓂𑒩𑒨𑒼𑒑 𑒮𑓀𑒑𑒲𑒞𑒧𑒨 𑒦𑒰𑒭𑒰 𑒯𑒼𑒨𑒥𑒰𑒏 𑒠𑓂𑒫𑒰𑒩𑒹 𑒏𑒋𑒪𑒢𑓂𑒯𑒱 𑒞𑒃 𑒦𑒰𑒭𑒰𑒧𑒹 𑒮𑓀𑒑𑒲𑒞𑒧𑒨 𑒩𑒰𑒧𑒰𑒨𑒝𑒏 𑒩𑒔𑒢𑒰 𑒖𑒹 𑒁𑒐𑒝𑓂𑒛 𑒣𑒰𑒚𑒧𑒹 𑒣𑓂𑒩𑒨𑒼𑒑 𑒦𑓄 𑒮𑒏𑒋, 𑒏𑒹𑒩 𑒢𑒱𑒩𑓂𑒧𑒰𑒝 𑒮𑓀𑒦𑒫 𑒢𑒻 𑒦𑓄 𑒮𑒏𑒪 𑒁𑒕𑒱, 𑒮𑒹 𑒯𑒧𑒩 𑒧𑒼𑒢 𑒧𑒰𑒢𑒥𑒰𑒏 𑒯𑒹𑒞𑒳 𑒞𑒻𑒨𑒰𑒩 𑒢𑒻 𑒕𑒪, 𑒬𑓂𑒩𑒲 𑒩𑒰𑒧𑒪𑒼𑒔𑒢𑒬𑒩𑒝-𑒏𑒵𑒞 𑒨𑒟𑒰𑒮𑒧𑓂𑒦𑒫 𑒣𑒴𑒩𑓂𑒝𑒦𑒰𑒫𑒩𑒏𑓂𑒭𑒱𑒞 𑒮𑒧𑒬𑓂𑒪𑒼𑒏𑒲 𑒧𑒻𑒟𑒱𑒪𑒲 𑒬𑓂𑒩𑒲𑒩𑒰𑒧𑒔𑒩𑒱𑒞𑒧𑒰𑒢𑒮 𑒋𑒏𑒩 𑒣𑓂𑒩𑒧𑒰𑒝 𑒁𑒕𑒱। 𑒁𑒣𑒢 𑒮𑒧𑒲𑒏𑓂𑒭𑒏 𑒪𑒼𑒏𑒢𑒱 𑒌 𑒧𑒼𑒞𑒲𑒏𑒹𑒿 𑒔𑒱𑒢𑓂𑒯𑒥𑒰𑒧𑒹 𑒮𑒤𑒪 𑒏𑒱𑒋 𑒢𑒻 𑒦𑓄 𑒮𑒏𑒪𑒰𑒯, 𑒋𑒏𑒩 𑒔𑒩𑓂𑒔𑒼 𑒞𑒏 𑒧𑒻𑒟𑒱𑒪𑒲𑒏 𑒅𑒣𑒩𑒼𑒏𑓂𑒞 𑒠𑒳𑒢𑒴 𑒩𑒰𑒧𑒰𑒨𑒝𑒏 𑒮𑒧𑒏𑓂𑒭 𑒏𑒱𑒋 𑒢𑒻 𑒏𑒋𑒪 𑒖𑒰𑒃𑒞 𑒁𑒕𑒱। 𑒮𑓂𑒫.𑒯𑒩𑒱𑒧𑒼𑒯𑒢 𑒗𑒰𑒏 𑒏𑒼𑒢𑒼 𑒣𑒼𑒟𑒲 𑒧𑒻𑒟𑒱𑒪𑒲 𑒁𑒏𑒰𑒠𑒧𑒲 𑒠𑓂𑒫𑒰𑒩𑒰 𑒯𑒳𑒢𑒏𑒰 𑒖𑒱𑒥𑒻𑒞 𑒣𑓂𑒩𑒏𑒰𑒬𑒱𑒞 𑒢𑒻 𑒦𑒹𑒪 𑒂 𑒮𑒰𑒯𑒱𑒞𑓂𑒨 𑒁𑒏𑒰𑒠𑒧𑒲 𑒣𑒳𑒩𑒮𑓂𑒏𑒰𑒩 𑒮𑒹𑒯𑒼 𑒯𑒳𑒢𑒏𑒰 𑒧𑒵𑒞𑓂𑒨𑒼𑒣𑒩𑒰𑓀𑒞 𑒠𑒹𑒪 𑒑𑒹𑒪𑒢𑓂𑒯𑒱। 𑒂𑒔𑒰𑒩𑓂𑒨 𑒩𑒰𑒧𑒪𑒼𑒔𑒢 𑒬𑒩𑒝 𑒧𑒻𑒟𑒱𑒪𑒲𑒏 𑒮𑒦𑒮𑒿 𑒣𑒻𑒒 𑒧𑒯𑒰𑒏𑒰𑒫𑓂𑒨𑒏 𑒩𑒔𑒨𑒱𑒞𑒰 𑒕𑒟𑒱 𑒂 𑒯𑒧𑒩𑒰 𑒫𑒱𑒔𑒰𑒩𑒹 𑒮𑒦𑒮𑒿 𑒮𑓀𑒣𑒴𑒩𑓂𑒝 𑒧𑒻𑒟𑒱𑒪𑒲 𑒩𑒰𑒧𑒰𑒨𑒝𑒏 𑒮𑒹𑒯𑒼। 𑒖𑒐𑒢 𑒯𑒧 𑒌 𑒧𑒯𑒰𑒏𑒰𑒫𑓂𑒨𑒏 𑒤𑒼𑒙𑒼𑒏𑒰𑒣𑒲 𑒣𑒴𑒩𑓂𑒫𑒰𑒿𑒔𑒪 𑒧𑒱𑒟𑒱𑒪𑒰𑒏 𑒩𑒰𑒧𑒰𑒨𑒝- 𑒁𑒐𑓀𑒛- 𑒣𑒰𑒚𑒏 𑒮𑓀𑒮𑓂𑒟𑒰𑒏𑒹𑒿 𑒠𑒹𑒪𑒯𑒳𑒿, 𑒞𑒿 𑒍 𑒪𑒼𑒏𑒢𑒱 𑒋𑒏𑒩𑒰 𑒠𑒹𑒐 𑒏𑓄 𑒂𑒬𑓂𑒔𑒩𑓂𑒨𑒔𑒏𑒱𑒞 𑒩𑒯𑒱 𑒑𑒹𑒪𑒰𑒯 𑒂 𑒁𑒑𑒱𑒪𑒰 𑒮𑒰𑒪 𑒌 𑒩𑒰𑒧𑒰𑒨𑒝𑒏 𑒁𑒐𑓀𑒛 𑒣𑒰𑒚𑒏 𑒢𑒱𑒩𑓂𑒝𑒨 𑒏𑒋𑒪𑒢𑓂𑒯𑒱। 𑒋𑒏𑒩𑒰 𑒧𑒻𑒟𑒱𑒪𑒲𑒏 𑒮𑒧𑒰𑒪𑒼𑒔𑒢𑒰𑒬𑒰𑒮𑓂𑒞𑓂𑒩𑒏 𑒫𑒱𑒤𑒪𑒞𑒰 𑒧𑒰𑒢𑒪 𑒖𑒰𑒋, 𑒏𑒱𑒋𑒏 𑒞𑒿 𑒄 𑒧𑒯𑒰𑒏𑒰𑒫𑓂𑒨 𑒞𑒿 𑒫𑒱𑒤𑒪 𑒦𑒻𑒨𑒹 𑒢𑒻 𑒮𑒏𑒻𑒞 𑒁𑒕𑒱। 𑒂𑒔𑒰𑒩𑓂𑒨𑒏 𑒧𑒢𑒼𑒯𑒩𑒣𑒼𑒟𑒲𑒏 𑒔𑒩𑓂𑒔𑒰 𑒯𑒧 𑒁𑒣𑒢 𑒥𑒰𑒪𑓂𑒨𑒹𑒫𑒮𑓂𑒟𑒰𑒮𑒿 𑒮𑒳𑒢𑒻𑒞 𑒩𑒯𑒲, 𑒧𑒳𑒠𑒰 𑒌 𑒣𑒼𑒟𑒲𑒏 𑒢𑒻। 𑒧𑒻𑒟𑒱𑒪𑒲𑒏 𑒮𑒦𑒮𑒿 𑒣𑒻𑒒 𑒧𑒯𑒰𑒏𑒰𑒫𑓂𑒨𑒏 𑒔𑒩𑓂𑒔𑒰 𑒧𑒰𑒞𑓂𑒩 𑒮𑒲𑒞𑒰𑒨𑒢𑒣𑒩 𑒂𑒥𑒱 𑒏𑒱𑒋 𑒐𑒞𑒧 𑒦𑓄 𑒖𑒰𑒃𑒞 𑒁𑒕𑒱। 𑒂𑒔𑒰𑒩𑓂𑒨 𑒬𑓂𑒩𑒲 𑒩𑒰𑒧𑒪𑒼𑒔𑒢𑒬𑒩𑒝𑒏 𑒧𑒻𑒟𑒱𑒪𑒲 𑒬𑓂𑒩𑒲 𑒩𑒰𑒧𑒔𑒩𑒱𑒞𑒧𑒰𑒢𑒮 𑒮𑒦𑒮𑒿 𑒣𑒻𑒒 𑒧𑒯𑒰𑒏𑒰𑒫𑓂𑒨 𑒁𑒕𑒱 𑒄 𑒋𑒏𑒙𑒰 𑒞𑒟𑓂𑒨 𑒁𑒕𑒱 𑒂 𑒮𑒹 𑒮𑒧𑒰𑒪𑒼𑒔𑒢𑒰𑒏𑒰𑒩 𑒏𑒱𑓀𑒫𑒰 𑒧𑒻𑒟𑒱𑒪𑒲 𑒦𑒰𑒭𑒰𑒏 𑒃𑒞𑒱𑒯𑒰𑒮𑒏𑒰𑒩 𑒪𑒼𑒏𑒢𑒱𑒏 𑒏𑒵𑒣𑒰𑒏 𑒫𑒬𑒲𑒦𑒴𑒞 𑒢𑒻 𑒁𑒕𑒱। 𑒁𑒣𑒢 𑒑𑓂𑒩𑓀𑒟𑒏 𑒏𑒱𑒘𑓂𑒔𑒱𑒞𑓂 𑒣𑒴𑒩𑓂𑒫𑒫𑒵𑒞𑓂𑒞𑒧𑓂 𑒧𑒹 𑒂𑒔𑒰𑒩𑓂𑒨 𑒪𑒱𑒐𑒻𑒞 𑒕𑒟𑒱- 𑒧𑒱𑒟𑒱𑒪𑒰𑒦𑒰𑒭𑒰𑒨𑒰𑓁 𑒧𑒴𑒩𑓂𑒠𑓂𑒡𑒢𑓂𑒨𑒰 𑒪𑒹𑒐𑒏𑒰𑓁 𑒬𑓂𑒩𑒲𑒯𑒩𑒱𑒧𑒼𑒯𑒢𑒗𑒰𑒧𑒯𑒼𑒠𑒨𑒰 𑒢𑒱𑒬𑒧𑓂𑒨𑒻𑒞𑒠𑓂 𑒫𑒵𑒞𑓂𑒞𑓀 𑒣𑒩𑒧𑒰𑒯𑓂𑒪𑒰𑒠𑓀 𑒑𑒞𑒰 𑒦𑒴𑒨𑒼 𑒦𑒴𑒨𑒬𑓂𑒔 𑒧𑒰𑒧𑒳𑒞𑓂𑒮𑒰𑒯𑒱𑒞𑒫𑒢𑓂𑒞𑓁। 𑒂𑒿𑒑𑒰𑒿 𑒍 𑒪𑒱𑒐𑒻𑒞 𑒕𑒟𑒱-𑒣𑓂𑒩𑒰𑒡𑓂𑒨𑒰𑒣𑒏𑒮𑓂𑒨 𑒬𑓂𑒩𑒲 𑒮𑒳𑒩𑒹𑒢𑓂𑒠𑓂𑒩𑒗𑒰 ‘𑒮𑒳𑒧𑒢’ 𑒞𑒟𑒰 𑒮𑒧𑓂𑒣𑒰𑒠𑒢𑒫𑒱𑒦𑒰𑒑𑒮𑓂𑒟 𑒣𑒝𑓂𑒛𑒱𑒞 𑒬𑓂𑒩𑒲 𑒬𑒱𑒫𑒬𑓀𑒏𑒩𑒗𑒰-𑒧𑒯𑒼𑒠𑒨𑒮𑓂𑒨 𑒯𑒵𑒠𑒨𑒹𑒢𑒰𑒯𑓀 𑒏𑒵𑒞𑒖𑓃𑓂𑒖𑓂𑒘𑒼𑓄𑒮𑓂𑒧𑒱। 𑒮𑒹 𑒮𑒦𑒏𑒹𑒿 𑒄 𑒠𑒹𑒐𑒪 𑒑𑒳𑒢𑒪 𑒮𑒹𑒯𑒼 𑒕𑒪𑒢𑓂𑒯𑒱।

𑒂𑒔𑒰𑒩𑓂𑒨 𑒩𑒰𑒧𑒪𑒼𑒔𑒢 𑒬𑒩𑒝𑒏 𑒑𑒲𑒞-𑒣𑓂𑒩𑒥𑒢𑓂𑒡 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮𑒏 𑒑𑒹𑒨𑒞𑒰: 𑒂𑒔𑒰𑒩𑓂𑒨𑒖𑒲𑒏 𑒮𑒳𑒢𑓂𑒠𑒩𑒏𑒰𑒝𑓂𑒛𑒏 𑒣𑓂𑒩𑒰𑒩𑓀𑒦 𑒠𑒹𑒐𑒴 𑒂 𑒋𑒏𑒩 𑒑𑒹𑒨𑒞𑒰𑒏 𑒞𑒳𑒪𑒢𑒰 𑒔𑒢𑓂𑒠𑒰 𑒗𑒰𑒏 𑒩𑒰𑒧𑒰𑒨𑒝 𑒂 𑒪𑒰𑒪𑒠𑒰𑒮𑒏 𑒩𑒰𑒧𑒨𑒝𑒮𑒿 𑒏𑒩𑒴:-
𑒖𑒰𑒧𑒫𑓀𑒞 𑒏𑒹𑒩 𑒫𑒔𑒢 𑒮𑒼𑒯𑒰𑒍𑒪। 𑒮𑒳𑒢𑒱 𑒯𑒢𑒳𑒧𑓀𑒞 𑒯𑒵𑒠𑒨 𑒁𑒞𑒱 𑒦𑒰𑒍𑒪॥1॥ 𑒞𑒰 𑒡𑒰𑒩𑒱 𑒥𑒰𑒙 𑒠𑒹𑒐𑒥 𑒮𑒯𑒱 𑒮𑒴𑒪𑒹। 𑒐𑒰 𑒏𑒨 𑒥𑓀𑒡𑒳 𑒏𑓀𑒠 𑒤𑒪 𑒧𑒴𑒪𑒹॥2॥
𑒖𑒰𑒡𑒩𑒱 𑒂𑒥𑒲 𑒮𑒲𑒞𑒯𑒱𑒿 𑒠𑒹𑒐𑒲। 𑒯𑒼𑒨𑒞 𑒏𑒰𑒖 𑒧𑒢 𑒯𑒩𑒐 𑒫𑒱𑒮𑒹𑒐𑒲॥3॥ 𑒄 𑒏𑒯𑒱 𑒮𑒥𑒯𑒱𑒿 𑒗𑒳𑒏𑒰𑒏𑒨 𑒧𑒰𑒟𑒹। 𑒔𑒪𑒪 𑒯𑒩𑒭𑒱 𑒯𑒱𑒨 𑒡𑒨 𑒩𑒒𑒳𑒢𑒰𑒟𑒹॥4॥
𑒮𑒱𑓀𑒡𑒳 𑒞𑒲𑒩 𑒋𑒏 𑒮𑒳𑓀𑒠𑒩 𑒦𑒴𑒡𑒩। 𑒏𑒾𑒞𑒳𑒏 𑒏𑒴𑒠𑒱 𑒔𑒜𑓃𑒪 𑒞𑒹𑒯𑒱 𑒆𑒣𑒩॥5॥ 𑒣𑒳𑒢𑒳 𑒣𑒳𑒢𑒱 𑒩𑒒𑒳𑒫𑒲𑒩𑒯𑒱𑒿 𑒅𑒩 𑒡𑒰𑒩𑒲। 𑒤𑒢𑒪𑒰 𑒣𑒫𑒢𑒞𑒢𑒨 𑒥𑒪 𑒦𑒰𑒩𑒲॥6॥ 𑒖𑒯𑒱 𑒑𑒱𑒩𑒱 𑒔𑒩𑒢 𑒠𑒹𑒟𑒱 𑒯𑒢𑒳𑒧𑓀𑒞𑒹। 𑒮𑒹 𑒔𑒪 𑒖𑒰𑒨 𑒣𑒞𑒰𑒪 𑒞𑒳𑒩𑓀𑒞𑒹॥7॥ 𑒮𑒩 𑒁𑒧𑒼𑒒 𑒩𑒒𑒳𑒣𑒞𑒱 𑒏𑒹𑒩 𑒖𑒯𑒱𑒢𑒰। 𑒔𑒪𑒪𑒰 𑒯𑒢𑒴𑒧𑒰𑒢 𑒗𑒙 𑒞𑒯𑒱𑒢𑒰॥8॥ 𑒖𑒪𑒢𑒱𑒡𑒱 𑒩𑒒𑒳𑒣𑒞𑒱 𑒠𑒴𑒞 𑒥𑒱𑒔𑒰𑒩𑒲। 𑒏𑒯 𑒧𑒻𑒢𑒰𑒏 𑒯𑒾 𑒬𑓂𑒩𑒧 𑒦𑒰𑒩𑒲॥9॥


𑒞𑒳𑒪𑒮𑒲 𑒁𑒏𑒥𑒩𑒏 𑒮𑒧𑒏𑒰𑒪𑒲𑒢 𑒕𑒪𑒰𑒯 𑒂 𑒯𑒳𑒢𑒏𑒩 𑒦𑒰𑒭𑒰 𑒂 𑒁𑒐𑒳𑒢𑒏𑒰 𑒦𑒰𑒭𑒰𑒧𑒹 𑒏𑒱𑒕𑒳 𑒁𑓀𑒞𑒩 𑒂𑒥𑒱 𑒑𑒹𑒪 𑒁𑒕𑒱, 𑒧𑒳𑒠𑒰 𑒞𑒳𑒪𑒮𑒲𑒏 𑒑𑒹𑒨𑒞𑒰 𑒍𑒯𑒱𑒢𑒰𑒏 𑒍𑒯𑒱𑒢𑒰 𑒁𑒕𑒱। 𑒂𑒔𑒰𑒩𑓂𑒨𑒖𑒲 𑒞𑒳𑒪𑒮𑒲𑒏 𑒑𑒹𑒨𑒞𑒰 𑒅𑒚𑒍𑒪𑒢𑓂𑒯𑒱 𑒁𑒕𑒱, 𑒂 𑒠𑒳𑒩𑒴𑒯𑒞𑒰 𑒐𑒞𑒧 𑒏𑓄 𑒠𑒹𑒢𑒹 𑒕𑒟𑒱। 𑒮𑒦 𑒏𑒰𑒝𑓂𑒛𑒏 𑒬𑒳𑒩𑒴𑒧𑒹 𑒠𑒹𑒪 𑒮𑓀𑒮𑓂𑒏𑒵𑒞 𑒣𑒠𑓂𑒨 𑒍 𑒞𑒳𑒪𑒮𑒲𑒏 𑒧𑒰𑒢𑒮𑒮𑒿 𑒪𑒹𑒪𑒢𑓂𑒯𑒱 𑒁𑒕𑒱। 𑒂𑒔𑒰𑒩𑓂𑒨𑒖𑒲𑒏 𑒄 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞𑒧𑒰𑒢𑒮 𑒞𑒳𑒪𑒮𑒲𑒏 𑒧𑒰𑒢𑒮𑒏 𑒩𑒴𑒣𑒰𑓀𑒞𑒩 𑒞𑒿 𑒁𑒕𑒱 𑒧𑒳𑒠𑒰 𑒄 𑒧𑒻𑒟𑒱𑒪𑒲𑒏 𑒧𑒴𑒪 𑒧𑒯𑒰𑒏𑒰𑒫𑓂𑒨𑒏 𑒩𑒴𑒣𑒧𑒹 𑒣𑒩𑒱𑒑𑒝𑒱𑒞 𑒯𑒼𑒨𑒥𑒰𑒏 𑒁𑒡𑒱𑒏𑒰𑒩𑒲 𑒁𑒕𑒱 𑒖𑒹𑒢𑒰 𑒏𑓀𑒥𑒢𑒏 𑒞𑒧𑒱𑒪 𑒩𑒰𑒧𑒰𑒨𑒝 𑒂 𑒞𑒳𑒪𑒮𑒲𑒏 𑒧𑒰𑒢𑒮 𑒁𑒣𑒢-𑒁𑒣𑒢 𑒦𑒰𑒭𑒰𑒧𑒹 𑒣𑒩𑒱𑒑𑒝𑒱𑒞 𑒏𑒋𑒪 𑒖𑒰 𑒩𑒯𑒪 𑒁𑒕𑒱। 𑒏𑓀𑒥𑒢 𑒥𑒰𑒪𑓂𑒧𑒲𑒏𑒱 𑒩𑒰𑒧𑒰𑒨𑒝𑒏 𑒩𑒴𑒣𑒰𑓀𑒞𑒩 𑒞𑒧𑒱𑒪𑒧𑒹 𑒏𑓄 𑒩𑒯𑒪 𑒕𑒪𑒰𑒯 𑒞𑒐𑒢 𑒍 𑒥𑒰𑒪𑓂𑒧𑒲𑒏𑒱 𑒩𑒰𑒧𑒰𑒨𑒝𑒏 𑒫𑒱𑒭𑒨𑒧𑒹 𑒏𑒯𑒪𑒢𑓂𑒯𑒱 𑒖𑒹- 𑒄 𑒩𑒰𑒧𑒰𑒨𑒝 𑒋𑒏𑒙𑒰 𑒠𑒴𑒡𑒏 𑒮𑒧𑒳𑒠𑓂𑒩 𑒁𑒕𑒱 𑒂 𑒯𑒧 𑒕𑒲 𑒋𑒏𑒙𑒰 𑒥𑒱𑒪𑒰𑒛𑓃𑒱 𑒖𑒹 𑒧𑒢𑒮𑒴𑒥𑒰 𑒥𑒢𑒰 𑒩𑒯𑒪 𑒁𑒕𑒱 𑒖𑒹 𑒌 𑒮𑒦𑒙𑒰 𑒠𑒴𑒡𑒏𑒹𑒿 𑒋𑒏𑓂𑒏𑒹 𑒥𑒹𑒩𑒧𑒹 𑒣𑒲𑒥𑒱 𑒖𑒰𑒃। 𑒍𑒢𑒰 𑒄𑒯𑒼 𑒮𑒞𑓂𑒨 𑒖𑒹 𑒏𑓀𑒥𑒢 𑒏𑒯𑒱𑒨𑒼 (𑒂𑒔𑒰𑒩𑓂𑒨𑒖𑒲 𑒮𑒹𑒯𑒼 𑒋𑒯𑒱𑒢𑒰 𑒏𑒋𑒪𑒢𑓂𑒯𑒱) 𑒩𑒰𑒧𑒰𑒨𑒝 𑒏𑒹𑒿 𑒁𑒣𑒢 𑒧𑒾𑒪𑒱𑒏 𑒏𑒵𑒞𑒱 𑒢𑒻 𑒏𑒯𑒪𑒢𑓂𑒯𑒱 𑒫𑒩𑒢 𑒥𑒰𑒪𑓂𑒧𑒲𑒏𑒱𑒏 𑒏𑒵𑒞𑒱𑒏 𑒩𑒴𑒣𑒰𑓀𑒞𑒩𑒹 𑒏𑒯𑒪𑒢𑓂𑒯𑒱, 𑒖𑒐𑒢 𑒏𑒱 𑒍 𑒁𑒣𑒢 𑒏𑒵𑒞𑒱𑒧𑒹 𑒩𑒰𑒧𑒏𑒹𑒿 𑒦𑒑𑒫𑒰𑒢 𑒥𑒢𑒰 𑒠𑒹𑒪𑒢𑓂𑒯𑒱। 𑒥𑒰𑒪𑓂𑒧𑒲𑒏𑒱 𑒩𑒰𑒧𑒏𑒹𑒿 𑒧𑒩𑓂𑒨𑒰𑒠𑒰 𑒣𑒳𑒩𑒳𑒭 𑒧𑒰𑒢𑒻𑒞 𑒕𑒪𑒰𑒯। 𑒥𑒰𑒪𑓂𑒧𑒲𑒏𑒱 𑒮𑒳𑒑𑓂𑒩𑒲𑒫𑒏 𑒫𑒱𑒫𑒰𑒯 𑒥𑒰𑒪𑒲𑒏 𑒣𑒞𑓂𑒢𑒲𑒮𑒿 𑒥𑒰𑒪𑒲𑒏 𑒧𑒩𑒥𑒰𑒏 𑒣𑒬𑓂𑒔𑒰𑒞 𑒯𑒼𑒨𑒥𑒰𑒏 𑒫𑒩𑓂𑒝𑒢 𑒏𑒩𑒻𑒞 𑒕𑒟𑒱 𑒧𑒳𑒠𑒰 𑒏𑓀𑒥𑒢 𑒥𑒰𑒪𑒲𑒏 𑒣𑒞𑓂𑒢𑒲𑒏 𑒂𑒖𑒲𑒫𑒢 𑒫𑒻𑒡𑒫𑓂𑒨𑒏 𑒫𑒩𑓂𑒝𑒢 𑒏𑒩𑒻𑒞 𑒕𑒟𑒱। 𑒂𑒔𑒰𑒩𑓂𑒨𑒖𑒲𑒏𑒹𑒿 𑒄 𑒏𑒩𑒥𑒰𑒏 𑒂𑒫𑒬𑓂𑒨𑒏𑒞𑒰 𑒢𑒻 𑒣𑒛𑓃𑒪𑒢𑓂𑒯𑒱 𑒏𑒱𑒋𑒏 𑒞𑒿 𑒪𑒼𑒏𑒏 𑒏𑓀𑒚𑒧𑒹 𑒞𑒳𑒪𑒮𑒲𑒏 𑒧𑒰𑒢𑒮 𑒥𑒮𑒱 𑒑𑒹𑒪 𑒕𑒪, 𑒂 𑒯𑒳𑒢𑒏𑒰 𑒋𑒏𑒩 𑒑𑒹𑒨𑒞𑒰𑒏 𑒢𑒱𑒩𑓂𑒫𑒰𑒯 𑒧𑒰𑒞𑓂𑒩 𑒏𑒩𑒥𑒰𑒏 𑒕𑒪𑒢𑓂𑒯𑒱।

𑒂𑒔𑒰𑒩𑓂𑒨 𑒩𑒰𑒧𑒪𑒼𑒔𑒢 𑒬𑒩𑒝𑒏 𑒑𑒲𑒞-𑒣𑓂𑒩𑒥𑒢𑓂𑒡 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮 𑒂 𑒋𑒏𑒩 𑒢𑒰𑒩𑒲 𑒂 𑒬𑒴𑒠𑓂𑒩-𑒫𑒢𑓂𑒨𑒖𑒰𑒞𑒱 𑒫𑒱𑒩𑒼𑒡 𑒣𑓂𑒩𑒠𑒩𑓂𑒬𑒢: 𑒂𑒥 𑒧𑒰𑒢𑒮𑒏 𑒋𑒏𑒙𑒰 𑒫𑒱𑒫𑒰𑒠𑒰𑒮𑓂𑒣𑒠 𑒣𑒠𑓂𑒨𑒏 𑒔𑒩𑓂𑒔𑒰 𑒏𑒩𑒲। 𑒁𑒩𑓂𑒟𑒏 𑒁𑒢𑒩𑓂𑒟 𑒏𑒼𑒢𑒰 𑒯𑒼𑒃𑒞 𑒁𑒕𑒱 𑒮𑒹 𑒠𑒹𑒐𑒴। 𑒂𑒔𑒰𑒩𑓂𑒨𑒖𑒲 𑒮𑒳𑒢𑓂𑒠𑒩𑒏𑒰𑒝𑓂𑒛𑒏 𑒁𑓀𑒞𑒧𑒹 𑒪𑒱𑒐𑒻𑒞 𑒕𑒟𑒱 𑒖𑒐𑒢 𑒮𑒱𑓀𑒡𑒳 (𑒮𑒧𑒳𑒠𑓂𑒩)𑒩𑒰𑒧𑒏𑒹𑒿 𑒪𑓀𑒏𑒰 𑒖𑒨𑒥𑒰𑒏 𑒩𑒮𑓂𑒞𑒰 𑒢𑒯𑒱 𑒠𑒻𑒞 𑒕𑒟𑒱 𑒞𑒐𑒢 𑒩𑒰𑒧 𑒏𑒯𑒻𑒞 𑒕𑒟𑒱, 𑒪𑒕𑒳𑒧𑒢 𑒥𑒰𑒢 𑒮𑒩𑒰𑒮𑒢 𑒂𑒢𑒴। 𑒮𑒼𑒐𑒥 𑒥𑒰𑒩𑒱𑒡𑒱 𑒥𑒱𑒮𑒱𑒐 𑒏𑒵𑒮𑒰𑒢𑒴॥1॥
𑒞𑒐𑒢 𑒮𑒱𑓀𑒡𑒳 𑒏𑒩 𑒖𑒼𑒩𑒱 𑒥𑒖𑒻𑒞 𑒕𑒟𑒱- 𑒜𑒼𑒪 𑒑𑒧𑒰𑒩 𑒮𑒳𑒠𑓂𑒩 𑒣𑒮𑒳 𑒢𑒰𑒩𑒲। 𑒮𑒥 𑒟𑒱𑒏 𑒞𑒰𑒛𑓃𑒢 𑒏𑒹𑒩 𑒁𑒡𑒱𑒏𑒰𑒩𑒲॥
𑒋𑒏𑒩 𑒁𑒩𑓂𑒟 𑒄 𑒖𑒹 𑒮𑒦 -𑒜𑒼𑒪 𑒑𑒧𑒰𑒩 𑒮𑒳𑒠𑓂𑒩 𑒣𑒮𑒳 𑒢𑒰𑒩𑒲- 𑒄 𑒮𑒦 𑒬𑒱𑒏𑓂𑒭𑒰 𑒏𑒱𑓀𑒫𑒰 𑒮𑒥𑒏 𑒠𑒹𑒥𑒰 𑒨𑒼𑒑𑓂𑒨 𑒁𑒕𑒱, 𑒑𑒧𑒰𑒩 𑒮𑒳𑒠𑓂𑒩 𑒂 𑒢𑒰𑒩𑒲𑒧𑒹 𑒬𑒱𑒏𑓂𑒭𑒰𑒏 𑒁𑒦𑒰𑒫 𑒁𑒕𑒱 𑒞𑒹𑒿 𑒂 𑒣𑒮𑒳𑒧𑒹 𑒧𑒢𑒳𑒭𑓂𑒨𑒏 𑒁𑒣𑒹𑒏𑓂𑒭𑒰 𑒥𑒳𑒠𑓂𑒡𑒱 𑒢𑒻 𑒕𑒻𑒏 𑒞𑒹𑒿, 𑒜𑒼𑒪𑒏 𑒣𑓂𑒩𑒨𑒼𑒑 𑒥𑒱𑒢𑒰 𑒬𑒱𑒏𑓂𑒭𑒰𑒏 𑒏𑒩𑒥 𑒞𑒿 𑒮𑓀𑒑𑒲𑒞 𑒢𑒻 𑒡𑓂𑒫𑒢𑒱 𑒦𑓄 𑒖𑒰𑒋𑒞। 𑒤𑒹𑒩 𑒮𑒧𑒳𑒠𑓂𑒩 𑒍𑒃 𑒮𑓂𑒟𑒱𑒞𑒱𑒧𑒹 𑒐𑒪𑒢𑒰𑒨𑒏 𑒥𑒢𑒱 𑒩𑒯𑒪 𑒕𑒪 𑒂 𑒍𑒏𑒩 𑒫𑒏𑓂𑒞𑓂𑒞𑒫𑓂𑒨 𑒏𑒫𑒱𑒏 𑒂𑒏𑒱 𑒩𑒔𑒢𑒰𑒏𑒰𑒩𑒏 𑒫𑒏𑓂𑒞𑓂𑒞𑒫𑓂𑒨 𑒢𑒻 𑒦𑓄 𑒮𑒏𑒻𑒞 𑒁𑒕𑒱। 𑒩𑒔𑒢𑒰𑒏𑒰𑒩𑒏 𑒩𑒔𑒢𑒰𑒧𑒹 𑒢𑒲𑒏 𑒁𑒡𑒪𑒰𑒯 𑒮𑒦 𑒣𑒰𑒞𑓂𑒩 𑒩𑒯𑒻𑒞 𑒕𑒟𑒱, 𑒂 𑒍𑒃 𑒣𑒰𑒞𑓂𑒩𑒏 𑒧𑒳𑒿𑒯𑒮𑒿 𑒢𑒲𑒏 𑒂 𑒁𑒡𑒪𑒰𑒯 𑒠𑒳𑒢𑒴 𑒑𑒣 𑒢𑒱𑒏𑒪𑒞। 𑒩𑒔𑒢𑒰𑒏𑒰𑒩𑒏 𑒮𑒤𑒪𑒞𑒰 𑒌𑒣𑒩 𑒢𑒱𑒩𑓂𑒦𑒩 𑒏𑒩𑒻𑒞 𑒁𑒕𑒱, 𑒖𑒹 𑒍 𑒁𑒣𑒢𑒰𑒏𑒹𑒿 𑒁𑒣𑒢 𑒣𑒰𑒞𑓂𑒩𑒮𑒿 𑒤𑒩𑒰𑒏 𑒏𑓄 𑒣𑒥𑒻𑒞 𑒁𑒕𑒱 𑒂𑒏𑒱 𑒢𑒻। 𑒧𑒳𑒠𑒰 𑒞𑒳𑒪𑒮𑒲 𑒂 𑒞𑒹𑒿 𑒂𑒔𑒰𑒩𑓂𑒨 𑒩𑒰𑒧𑒪𑒼𑒔𑒢 𑒬𑒩𑒝 𑒮𑒹𑒯𑒼 𑒁𑒣𑒢𑒰𑒏𑒹𑒿 𑒣𑒰𑒞𑓂𑒩𑒮𑒿 𑒥𑒯𑒳𑒞 𑒚𑒰𑒧 𑒤𑒩𑒰𑒏 𑒢𑒻 𑒏𑓄 𑒣𑒥𑒻 𑒕𑒟𑒱। 𑒖𑒐𑒢 𑒦𑒰𑒩𑒞𑒧𑒹 𑒮𑒰𑒧𑒢𑓂𑒞𑒫𑒰𑒠𑒲 𑒮𑒩𑒏𑒰𑒩 𑒕𑒪 𑒞𑒐𑒢 𑒯𑒳𑒢𑒏𑒩 𑒬𑒴𑒠𑓂𑒩 𑒂 𑒑𑒋𑒩 𑒠𑓂𑒫𑒱𑒖 𑒖𑒰𑒞𑒱𑒣𑒩 𑒏𑒋𑒪 𑒙𑒱𑒣𑓂𑒣𑒝𑒲 𑒁𑒢𑒰𑒫𑒬𑓂𑒨𑒏 𑒥𑒳𑒗𑒱 𑒣𑒛𑓃𑒻𑒋। 𑒧𑒱𑒟𑒱𑒪𑒰𑒏 𑒮𑓂𑒧𑒵𑒞𑒱𑒏𑒰𑒩 𑒪𑒼𑒏𑒢𑒱 𑒨𑒋𑒯 𑒣𑒩𑒧𑓂𑒣𑒩𑒰 𑒥𑒰𑒠𑒼𑒧𑒹 𑒩𑒐𑒪𑒢𑓂𑒯𑒱 𑒂 𑒂𑒬𑓂𑒔𑒩𑓂𑒨 𑒞𑒿 𑒞𑒐𑒢 𑒯𑒼𑒃𑒋 𑒖𑒐𑒢 𑒌 𑒞𑒩𑒯𑒏 𑒑𑒋𑒩 𑒖𑒩𑒴𑒩𑒲 𑒙𑒱𑒣𑓂𑒣𑒝𑒲 𑒁𑓀𑒑𑓂𑒩𑒹𑒖𑒲 𑒬𑒰𑒮𑒢𑒏𑒰𑒪𑒧𑒹 𑒣𑓂𑒩𑒝𑒲𑒞 𑒮𑓀𑒮𑓂𑒏𑒵𑒞 𑒑𑓂𑒩𑒢𑓂𑒟 𑒮𑒦𑒧𑒹 𑒧𑒻𑒟𑒱𑒪 𑒪𑒼𑒏𑒢𑒱 𑒠𑓂𑒫𑒰𑒩𑒰 𑒏𑒋𑒪 𑒠𑒹𑒐𑒻 𑒕𑒲, 𑒍𑒃 𑒁𑓀𑒑𑓂𑒩𑒹𑒖𑒲 𑒬𑒰𑒮𑒢𑒧𑒹 𑒧𑒹 𑒥𑓂𑒩𑒰𑒯𑓂𑒧𑒝 𑒂 𑒑𑒋𑒩 𑒥𑓂𑒩𑒰𑒯𑓂𑒧𑒝 𑒮𑒦𑒏𑒹𑒿 𑒥𑓂𑒪𑒻𑒏 𑒃𑒝𑓂𑒛𑒱𑒨𑒢 𑒏𑒯𑒻 𑒕𑒪𑒰𑒯।

𑒞𑒳𑒪𑒮𑒲𑒏 𑒣𑓂𑒩𑒰𑒮𑓀𑒑𑒱𑒏𑒞𑒰 𑒫𑒰 𑒏𑒙𑓂𑒙𑒩𑒞𑒰 𑒢𑒻 𑒫𑒩𑒝 𑒧𑒰𑒞𑓂𑒩 𑒍𑒏𑒩 𑒠𑒳𑒩𑒴𑒯𑒞𑒰𑒏𑒹𑒿 𑒂𑒔𑒰𑒩𑓂𑒨 𑒐𑒞𑒧 𑒏𑒋𑒢𑒹 𑒕𑒟𑒱। 𑒅𑒣𑒩𑒼𑒏𑓂𑒞 𑒫𑒱𑒫𑒰𑒠𑒰𑒮𑓂𑒣𑒠 𑒣𑒠𑒏 𑒁𑒞𑒱𑒩𑒱𑒏𑓂𑒞 𑒂𑒢𑒼𑒚𑒰𑒧 𑒄 𑒖𑒰𑒞𑒱𑒫𑒰𑒠𑒱𑒞𑒰 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒁𑒕𑒱।

𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮 𑒁𑒨𑒼𑒡𑓂𑒨𑒰𑒏𑒰𑒝𑓂𑒛𑒏 𑒠𑒼𑒯𑒰 𑓑𑓒 𑒏 𑒥𑒰𑒠𑒏 𑒞𑒹𑒮𑒩 𑒣𑒠 𑒠𑒹𑒐𑒴:-

𑒏𑒩𑒨 𑒥𑒱𑒔𑒰𑒩 𑒏𑒳𑒥𑒳𑒠𑓂𑒡𑒱 𑒏𑒳𑒖𑒰𑒞𑒲।
𑒯𑒻𑒞 𑒁𑒏𑒰𑒖 𑒏𑒼𑒢 𑒥𑒱𑒡𑒱 𑒩𑒰𑒞𑒲॥𑓓॥


𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮 𑒁𑒨𑒼𑒡𑓂𑒨𑒰𑒏𑒰𑒝𑓂𑒛𑒏 𑒠𑒼𑒯𑒰 𑓕𑓙 𑒏 𑒥𑒰𑒠𑒏 𑒣𑒯𑒱𑒪 𑒣𑒠 𑒠𑒹𑒐𑒴:-

𑒏𑒼𑒪 𑒏𑒱𑒩𑒰𑒞 𑒮𑒳𑒞𑒰 𑒥𑒢 𑒖𑒼𑒑𑒹।
𑒫𑒱𑒡𑒱 𑒩𑒔𑒪𑒢𑒱 𑒥𑓀𑒔𑒱𑒞 𑒮𑒳𑒐 𑒦𑒼𑒑𑒹॥𑓑॥

𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮 𑒁𑒨𑒼𑒡𑓂𑒨𑒰𑒏𑒰𑒝𑓂𑒛𑒏 𑒠𑒼𑒯𑒰 𑓑𑓖𑓑 𑒏 𑒥𑒰𑒠𑒏 𑒔𑒰𑒩𑒱𑒧 𑒣𑒠 𑒠𑒹𑒐𑒴:-

𑒫𑒱𑒡𑒱𑒨𑒼 𑒮𑒏𑒟𑒱 𑒢 𑒞𑒱𑒨 𑒯𑒱𑒨 𑒖𑒰𑒢𑒲।
𑒮𑒏𑒪 𑒏𑒣𑒙 𑒁𑒒 𑒁𑒥𑒑𑒳𑒢 𑒐𑒰𑒢𑒲॥𑓔॥ (𑒮𑓂𑒞𑓂𑒩𑒲𑒏 𑒯𑒵𑒠𑒻𑒏 𑒑𑒞𑒱 𑒫𑒱𑒡𑒰𑒞𑒼 𑒢𑒻 𑒥𑒳𑒗𑒱 𑒮𑒏𑒻 𑒕𑒟𑒱, 𑒄 𑒏𑒣𑒙, 𑒣𑒰𑒣 𑒂 𑒁𑒫𑒑𑒳𑒝𑒮𑒿 𑒅𑒑𑒛𑒳𑒧 𑒁𑒕𑒱!!)

𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮 𑒁𑒨𑒼𑒡𑓂𑒨𑒰𑒏𑒰𑒝𑓂𑒛𑒏 𑒠𑒼𑒯𑒰 𑓑𑓙𑓓 𑒏 𑒥𑒰𑒠𑒏 𑒞𑒹𑒮𑒩 𑒣𑒠 𑒠𑒹𑒐𑒴:-

𑒪𑒼𑒏𑒫𑒹𑒠 𑒮𑒥𑒞𑒩𑒱 𑒖𑒹 𑒢𑒲𑒔𑒹।
𑒕𑒳𑒥𑒱 𑒖𑒮𑒳 𑒕𑒰𑒯 𑒪𑒻𑒕 𑒖𑒪 𑒮𑒲𑒔𑒹𑒿॥𑓓॥


𑒞𑒳𑒪𑒮𑒲 𑒂 𑒞𑒹𑒿 𑒂𑒔𑒰𑒩𑓂𑒨 𑒩𑒰𑒧𑒪𑒼𑒔𑒢 𑒬𑒩𑒝 𑒮𑒹𑒯𑒼 𑒁𑒣𑒢𑒰𑒏𑒹𑒿 𑒣𑒰𑒞𑓂𑒩𑒮𑒿 𑒥𑒯𑒳𑒞 𑒚𑒰𑒧 𑒤𑒩𑒰𑒏 𑒢𑒻 𑒏𑓄 𑒣𑒥𑒻 𑒕𑒟𑒱 (𑒏𑒧𑓂𑒥𑒢 𑒫𑒰𑒪𑓂𑒧𑒲𑒏𑒱𑒏 𑒁𑒢𑒳𑒫𑒰𑒠 𑒏𑒩𑒻𑒞 𑒏𑒰𑒪 𑒥𑒯𑒳𑒞 𑒚𑒰𑒧 𑒢𑒫 𑒨𑒳𑒑𑒏 𑒁𑒢𑒳𑒩𑒴𑒏 𑒁𑒣𑒢𑒰𑒏𑒹𑒿 𑒤𑒩𑒰𑒏 𑒏𑒩𑒻𑒞 𑒕𑒟𑒱) 𑒂 𑒞𑒹𑒿 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮 𑒁𑒨𑒼𑒡𑓂𑒨𑒰𑒏𑒰𑒝𑓂𑒛𑒏 𑒠𑒼𑒯𑒰 𑓒𑓕𑓐 𑒏 𑒥𑒰𑒠𑒏 𑒞𑒹𑒮𑒩 𑒣𑒠𑒧𑒹 𑒫𑒢𑓂𑒨𑒖𑒰𑒞𑒱𑒏 𑒧𑒳𑒿𑒯𑒮𑒿 𑒏𑒯𑒥𑒻 𑒕𑒟𑒱:-


𑒨𑒻𑒯 𑒯𑒧𑒩 𑒁𑒕𑒱 𑒥𑒳𑒗𑒳 𑒥𑒛𑓃 𑒮𑒹𑒥𑒹।
𑒥𑒰𑒮𑒢 𑒥𑒮𑒢 𑒔𑒼𑒩𑒰𑒨 𑒢 𑒪𑒹𑒥𑒹॥𑓓॥


𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮 𑒥𑒰𑒪𑒏𑒰𑒝𑓂𑒛𑒏 𑒠𑒼𑒯𑒰 𑓖𑓒 𑒏 𑒥𑒰𑒠𑒏 𑒮𑒰𑒞𑒧 𑒣𑒠 𑒠𑒹𑒐𑒴:-

𑒖𑒠𑓂𑒨𑒣𑒱 𑒖𑒑 𑒠𑒰𑒩𑒳𑒝 𑒠𑒳𑒐 𑒢𑒰𑒢𑒰।
𑒮𑒥 𑒮𑒾𑒿 𑒏𑒚𑒱𑒢 𑒖𑒰𑒞𑒱 𑒁𑒣𑒧𑒰𑒢𑒰॥𑓗॥


𑒧𑒳𑒠𑒰 𑒖𑒐𑒢 𑒥𑒲𑒮𑒧 𑒬𑒞𑒰𑒥𑓂𑒠𑒲𑒧𑒹 𑒮𑒰𑒯𑒱𑒞𑓂𑒨 𑒁𑒏𑒰𑒠𑒹𑒧𑒲𑒏 𑒣𑒼𑒟𑒲𑒧𑒹 𑒪𑒼𑒩𑒱𑒏𑒣𑒩 𑒧𑒻𑒟𑒱𑒪𑒲 𑒂𑒪𑒹𑒐𑒧𑒹 𑒋𑒏𑒙𑒰 𑒮𑒖𑓂𑒖𑒢 𑒪𑒱𑒐𑒻 𑒕𑒟𑒱 𑒖𑒹 𑒥𑓂𑒩𑒰𑒯𑓂𑒧𑒝𑒣𑒩 𑒏𑒋𑒪 𑒬𑒴𑒠𑓂𑒩𑒏 𑒁𑒞𑓂𑒨𑒰𑒔𑒰𑒩𑒏 𑒫𑒱𑒩𑒳𑒠𑓂𑒡 𑒪𑒼𑒩𑒱𑒏 𑒚𑒰𑒜𑓃 𑒦𑒹𑒪𑒰𑒯 𑒞𑒿 𑒁𑒏𑒥𑒩𑒏𑒰𑒪𑒲𑒢 𑒞𑒳𑒪𑒮𑒲 𑒂 𑒍𑒏𑒩 𑒕𑒢𑓂𑒠𑒼𑒥𑒠𑓂𑒡 𑒁𑒢𑒳𑒫𑒰𑒠𑒏 𑒂𑒔𑒰𑒩𑓂𑒨 𑒩𑒰𑒧𑒪𑒼𑒔𑒢 𑒬𑒩𑒝𑒏𑒹𑒿 𑒏𑒲 𑒠𑒼𑒭 𑒠𑒹𑒪 𑒖𑒰𑒋! 𑒖𑒹𑒢𑒰 𑒫𑒱𑒭𑓂𑒝𑒳 𑒬𑒩𑓂𑒧𑒰 𑒣𑓀𑒔𑒞𑓀𑒞𑓂𑒩𑒏 𑒏𑒟𑒰 𑒏𑒯𑒻𑒞-𑒏𑒯𑒻𑒞 𑒮𑓂𑒞𑓂𑒩𑒲 𑒂 𑒬𑒴𑒠𑓂𑒩𑒏 𑒣𑒰𑒕𑒰𑒿 𑒁𑒏𑒰𑒩𑒝 𑒏𑓂𑒩𑒴𑒩 𑒦𑓄 𑒖𑒰𑒃 𑒕𑒟𑒱 𑒮𑒋𑒯 𑒯𑒰𑒪 𑒩𑒰𑒧 𑒔𑒩𑒱𑒞 𑒧𑒰𑒢𑒮𑒏 𑒁𑒕𑒱।

𑒂𑒔𑒰𑒩𑓂𑒨 𑒩𑒰𑒧𑒪𑒼𑒔𑒢 𑒬𑒩𑒝𑒏 𑒑𑒲𑒞-𑒣𑓂𑒩𑒥𑒢𑓂𑒡 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮𑒏 𑒫𑒱𑒬𑒹𑒭𑒞𑒰: 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮 𑒥𑒰𑒪𑒏𑒰𑒝𑓂𑒛, 𑒁𑒨𑒼𑒡𑓂𑒨𑒰𑒏𑒰𑒝𑓂𑒛, 𑒁𑒩𑒝𑓂𑒨𑓃𑒏𑒰𑒝𑓂𑒛, 𑒏𑒱𑒭𑓂𑒏𑒱𑒢𑓂𑒡𑒰𑒏𑒰𑒝𑓂𑒛, 𑒮𑒳𑒢𑓂𑒠𑒩𑒏𑒰𑒝𑓂𑒛, 𑒪𑓀𑒏𑒰𑒏𑒰𑒝𑓂𑒛 𑒂 𑒅𑒞𑓂𑒞𑒩𑒏𑒰𑒝𑓂𑒛𑒧𑒹 𑒫𑒱𑒦𑒏𑓂𑒞 𑒁𑒕𑒱। 𑒫𑒰𑒪𑓂𑒧𑒲𑒏𑒱 𑒩𑒰𑒧𑒰𑒨𑒝𑒏 𑒮𑒳𑒢𑒱𑒨𑒼𑒖𑒱𑒞 𑒏𑒟𑓂𑒨𑒧𑒹 𑒏𑒱𑒕𑒳 𑒯𑒹𑒩𑒤𑒹𑒩 𑒏𑒋𑒪 𑒑𑒹𑒪 𑒁𑒕𑒱। 𑒋𑒏𑒩 𑒬𑒻𑒪𑒲 𑒂 𑒔𑒩𑒱𑒞𑓂𑒩𑒏 𑒁𑓀𑒏𑒢 𑒅𑒠𑒰𑒞𑓂𑒞 𑒁𑒕𑒱। 𑒬𑓂𑒩𑒵𑓀𑒑𑒰𑒩 𑒩𑒮𑒏 𑒣𑓂𑒩𑒰𑒡𑒰𑒢𑓂𑒨 𑒢𑒻 𑒁𑒕𑒱 𑒧𑒳𑒠𑒰 𑒩𑒰𑒧 𑒮𑒲𑒞𑒰𑒏 𑒮𑒢𑓂𑒠𑒩𑓂𑒦𑒧𑒹 𑒫𑒱𑒨𑒼𑒑 𑒂 𑒮𑓀𑒨𑒼𑒑 𑒠𑒳𑒢𑒴 𑒏𑒰𑒪𑒧𑒹 𑒋𑒏𑒩 𑒣𑓂𑒩𑒨𑒼𑒑 𑒦𑒹𑒪 𑒁𑒕𑒱। 𑒧𑒳𑒐𑓂𑒨 𑒁𑓀𑒑𑒲 𑒩𑒮 𑒁𑒕𑒱 𑒬𑒰𑒢𑓂𑒞𑒱, 𑒍𑒢𑒰 𑒄 𑒮𑒦𑒙𑒰 𑒩𑒰𑒧𑒦𑒏𑓂𑒞𑒱𑒧𑒹 𑒮𑒧𑒰𑒯𑒱𑒞 𑒁𑒕𑒱। 𑒦𑒏𑓂𑒞𑒱𑒏 𑒣𑓂𑒩𑒡𑒰𑒢𑒞𑒰 𑒁𑒕𑒱 𑒧𑒳𑒠𑒰 𑒖𑓂𑒘𑒰𑒢 𑒂 𑒏𑒩𑓂𑒧𑒏 𑒧𑒯𑒞𑓂𑒫 𑒏𑒧 𑒢𑒻 𑒏𑒋𑒪 𑒑𑒹𑒪 𑒁𑒕𑒱, 𑒮𑒑𑒳𑒝𑒏 𑒣𑓂𑒩𑒰𑒡𑒰𑒢𑓂𑒨 𑒩𑒯𑒱𑒞𑒯𑒳𑒿 𑒢𑒱𑒩𑓂𑒑𑒳𑒝 𑒦𑒏𑓂𑒞𑒱𑒏 𑒧𑒯𑒞𑓂𑒫 𑒏𑒧 𑒢𑒻 𑒦𑒹𑒪 𑒁𑒕𑒱, 𑒩𑒰𑒧 𑒥𑓂𑒩𑒯𑓂𑒧 𑒕𑒟𑒱 𑒂 𑒯𑒳𑒢𑒏𑒩 𑒢𑒱𑒩𑓂𑒑𑒳𑒝 𑒂 𑒮𑒑𑒳𑒝 𑒠𑒴 𑒩𑒴𑒣 𑒕𑒢𑓂𑒯𑒱। 𑒖𑒲𑒫 𑒂 𑒥𑓂𑒩𑒯𑓂𑒧 𑒋𑒏𑒯𑒱 𑒁𑒕𑒱। 𑒫𑒔𑒢𑒏 𑒣𑒰𑒪𑒢 𑒯𑒳𑒁𑒋 𑒫𑒰 𑒣𑒱𑒞𑒵𑒦𑒏𑓂𑒞𑒱, 𑒦𑓂𑒩𑒰𑒞𑒵𑒦𑒏𑓂𑒞𑒱 𑒫𑒰 𑒢𑒰𑒩𑒲𑒏 𑒣𑓂𑒩𑒹𑒧 𑒫𑒰 𑒣𑒞𑒱𑒫𑓂𑒩𑒞𑒏 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮 𑒌 𑒮𑒦 𑒂𑒠𑒩𑓂𑒬𑒮𑒿 𑒍𑒞𑒣𑓂𑒩𑒼𑒞 𑒁𑒕𑒱। 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮𑒧𑒹 𑒮𑒦 𑒁𑒪𑓀𑒏𑒰𑒩 𑒣𑓂𑒩𑒨𑒼𑒑𑒧𑒹 𑒁𑒕𑒱 𑒧𑒳𑒠𑒰 𑒧𑒳𑒐𑓂𑒨 𑒩𑒴𑒣𑒹𑒿 𑒩𑒴𑒣𑒏 𑒂 𑒅𑒣𑒧𑒰 𑒣𑓂𑒩𑒨𑒼𑒑𑒧𑒹 𑒁𑒕𑒱। 𑒣𑓂𑒩𑒹𑒧𑒰𑒐𑓂𑒨𑒰𑒢𑒧𑒹 𑒣𑓂𑒩𑒨𑒳𑒏𑓂𑒞 𑒠𑒼𑒯𑒰 𑒂 𑒔𑒾𑒣𑒰𑒃 𑒂𑒡𑒰𑒩𑒱𑒞 𑒣𑓂𑒩𑒥𑒢𑓂𑒡 𑒣𑒠𑓂𑒡𑒞𑒱𑒏 𑒏𑒛𑓃𑒫𑒏 𑒫𑒱𑒡𑒱𑒏 𑒣𑓂𑒩𑒨𑒼𑒑𑒏 𑒥𑒰𑒠𑒼 𑒮𑓀𑒮𑓂𑒏𑒵𑒞 𑒕𑒢𑓂𑒠 𑒮𑒦 𑒣𑓂𑒩𑒨𑒳𑒏𑓂𑒞 𑒦𑒹𑒪 𑒁𑒕𑒱। 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞 𑒧𑒰𑒢𑒮𑒧𑒹 𑒫𑒱𑒠𑓂𑒨𑒰𑒣𑒞𑒱𑒏 𑒑𑒲𑒞-𑒫𑒱𑒡𑒱, 𑒫𑒲𑒩𑒑𑒰𑒟𑒰 𑒮𑒦𑒏 𑒕𑒣𑓂𑒣𑒨 𑒫𑒱𑒡𑒱, 𑒠𑒼𑒯𑒰, 𑒮𑒼𑒩𑒚𑒰, 𑒦𑒰𑒙 𑒮𑒦𑒏 𑒏𑒫𑒱𑒞𑓂𑒞-𑒮𑒫𑒻𑒨𑒰, 𑒢𑒲𑒞𑒱𑒫𑒰𑒏𑓂𑒨𑒏 𑒮𑒴𑒏𑓂𑒞𑒱, 𑒒𑒢𑒰𑒏𑓂𑒭𑒩𑒲, 𑒞𑒼𑒧𑒩, 𑒞𑓂𑒩𑒱𑒦𑓀𑒑𑒲 𑒕𑒢𑓂𑒠𑒏 𑒣𑓂𑒩𑒨𑒼𑒑 𑒦𑒹𑒪 𑒁𑒕𑒱। 𑒧𑒢𑒳𑒏𑓂𑒐𑒏 𑒥𑒯𑒳𑒞 𑒩𑒰𑒮 𑒙𑒼𑒙𑒧𑒰𑒏 𑒮𑒹𑒯𑒼 𑒫𑒩𑓂𑒝𑒢 𑒨𑒞𑓂𑒩-𑒞𑒞𑓂𑒩 𑒦𑒹𑒪 𑒁𑒕𑒱। 𑒋𑒏𑒩 𑒅𑒠𑓂𑒠𑒹𑒬𑓂𑒨 𑒁𑒕𑒱 𑒧𑒼𑒏𑓂𑒭, 𑒪𑒼𑒏𑒏𑒪𑓂𑒨𑒰𑒝 𑒂 𑒩𑒰𑒧𑒩𑒰𑒨𑒏 𑒮𑓂𑒟𑒰𑒣𑒢𑒰। 𑒧𑒳𑒠𑒰 𑒌𑒧𑒹 𑒩𑒰𑒧𑒏 𑒁𑒞𑒱𑒩𑒱𑒏𑓂𑒞 𑒏𑒵𑒭𑓂𑒝, 𑒬𑒱𑒫 (𑒮𑒹𑒞𑒳𑒥𑒢𑓂𑒡 𑒏𑒰𑒪𑒧𑒹 𑒩𑒰𑒧 𑒠𑓂𑒫𑒰𑒩𑒰 𑒬𑒱𑒫𑒏 𑒣𑒴𑒖𑒰) 𑒂 𑒑𑒝𑒹𑒬𑒏 𑒮𑓂𑒞𑒳𑒞𑒱 𑒁𑒕𑒱। 𑒣𑓂𑒩𑒏𑒵𑒞𑒱 𑒂 𑒔𑒩𑒱𑒞𑓂𑒩 𑒠𑒳𑒢𑒴𑒏 𑒔𑒱𑒞𑓂𑒩𑒝𑒧𑒹 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞𑒧𑒰𑒢𑒮 𑒁𑒠𑓂𑒫𑒱𑒞𑒲𑒨 𑒁𑒕𑒱। 𑒏𑒫𑒱 𑒐𑒱𑒮𑓂𑒮𑒰 𑒏𑒯𑒱 𑒩𑒯𑒪 𑒕𑒟𑒱 𑒧𑒳𑒠𑒰 𑒥𑒲𑒔-𑒥𑒲𑒔𑒧𑒹 𑒄 𑒦𑒰𑒩𑒠𑓂𑒫𑒰𑒖-𑒨𑒰𑒖𑓂𑒘𑒫𑒪𑓂𑒏𑓂𑒨 𑒂 𑒑𑒩𑒳𑒛𑓃 𑒏𑒰𑒏𑒦𑒬𑒳𑒝𑓂𑒛𑒲𑒏 𑒮𑒧𑓂𑒫𑒰𑒠𑒏 𑒧𑒰𑒡𑓂𑒨𑒧𑒮𑒿 𑒮𑒹𑒯𑒼 𑒏𑒯𑒪 𑒑𑒹𑒪 𑒁𑒕𑒱। 𑒮𑒧𑓂𑒫𑒰𑒠 𑒬𑒻𑒪𑒲𑒏 𑒣𑓂𑒩𑒨𑒼𑒑 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞𑒧𑒰𑒢𑒮𑒧𑒹 𑒐𑒴𑒥 𑒦𑒹𑒪 𑒁𑒕𑒱। 𑒪𑒏𑓂𑒭𑓂𑒧𑒝-𑒣𑒩𑒬𑒳𑒩𑒰𑒧 𑒮𑒧𑓂𑒫𑒰𑒠 𑒯𑒳𑒁𑒋 𑒫𑒰 𑒧𑓀𑒟𑒩𑒰 𑒂 𑒏𑒻𑒏𑒹𑒨𑒲𑒏 𑒮𑒧𑓂𑒫𑒰𑒠 𑒂𑒏𑒱 𑒩𑒰𑒫𑒝 𑒂 𑒁𑓀𑒑𑒠𑒏 𑒮𑒧𑓂𑒫𑒰𑒠, 𑒮𑒦 𑒚𑒰𑒧 𑒢𑒰𑒙𑒏𑒏 𑒮𑒧𑓂𑒫𑒰𑒠 𑒬𑒻𑒪𑒲 𑒮𑒢 𑒩𑒼𑒔𑒏 𑒣𑒠𑓂𑒨 𑒁𑒯𑒰𑒿𑒏𑒹𑒿 𑒦𑒹𑒙𑒞। 𑒣𑓂𑒩𑒰𑒩𑒧𑓂𑒦𑒏 𑒥𑒰𑒪𑒏𑒰𑒝𑓂𑒛 𑒂 𑒁𑒢𑓂𑒞𑒏 𑒅𑒞𑓂𑒞𑒩𑒏𑒰𑒝𑓂𑒛𑒧𑒹 𑒌 𑒑𑒲𑒞-𑒣𑓂𑒩𑒥𑒢𑓂𑒡𑒏 𑒠𑒴𑒙𑒰 𑒡𑓂𑒩𑒳𑒫 𑒠𑒵𑒭𑓂𑒙𑒱𑒧𑒹 𑒂𑒋𑒞। 𑒅𑒞𑓂𑒞𑒩𑒏𑒰𑒝𑓂𑒛𑒧𑒹 𑒑𑒳𑒩𑒳-𑒬𑒱𑒭𑓂𑒨𑒏 𑒐𑒩𑒰𑒣 𑒯𑒼𑒃𑒞 𑒮𑒧𑓂𑒥𑒢𑓂𑒡 𑒂 𑒥𑓂𑒩𑒰𑒯𑓂𑒧𑒝𑒏 𑒫𑒹𑒠 𑒥𑒹𑒔𑒥𑒰𑒏 𑒂 𑒣𑒞𑒱𑒞 𑒯𑒹𑒥𑒰𑒏 𑒔𑒩𑓂𑒔𑒰 𑒦𑒹𑒙𑒻𑒞 𑒁𑒕𑒱 𑒧𑒳𑒠𑒰 𑒅𑒞𑓂𑒞𑒩𑒏𑒰𑒝𑓂𑒛𑒧𑒹 𑒩𑒰𑒧𑒩𑒰𑒖𑓂𑒨𑒏 𑒩𑒴𑒣𑒩𑒹𑒮𑒹𑒯𑒼 𑒮𑒹𑒯𑒼 𑒦𑒹𑒙𑒻𑒞 𑒁𑒕𑒱।

𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒑𑒲𑒞-𑒣𑓂𑒩𑒥𑒢𑓂𑒡 𑒧𑒡𑓂𑒨 𑒧𑒻𑒟𑒱𑒪𑒲 𑒩𑒰𑒧𑒔𑒩𑒱𑒞𑒧𑒰𑒢𑒮𑒏 𑒮𑓂𑒟𑒰𑒢: 𑒧𑒻𑒟𑒱𑒪𑒲 𑒫𑒰 𑒏𑒼𑒢𑒼 𑒦𑒰𑒭𑒰𑒧𑒹 𑒩𑒰𑒧𑒏 𑒔𑒩𑒱𑒞 𑒫𑒰𑒪𑓂𑒧𑒲𑒏𑒱 𑒩𑒰𑒧𑒰𑒨𑒝𑒮𑒿 𑒣𑓂𑒩𑒦𑒰𑒫𑒱𑒞 𑒦𑒹𑒢𑒹 𑒥𑒱𑒢𑒰 𑒢𑒻 𑒩𑒯𑒱 𑒮𑒏𑒻𑒋। 𑒂𑒔𑒰𑒩𑓂𑒨 𑒩𑒰𑒧𑒪𑒼𑒔𑒢 𑒬𑒩𑒝𑒏 𑒞𑒳𑒪𑒮𑒲𑒏 𑒧𑒰𑒢𑒮𑒏 𑒮𑒧𑒬𑓂𑒪𑒼𑒏𑒲 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠 𑒍𑒃 𑒁𑒩𑓂𑒟𑒹𑒿 𑒂𑒩 𑒫𑒱𑒬𑒱𑒭𑓂𑒙 𑒦𑓄 𑒖𑒰𑒃𑒞 𑒁𑒕𑒱 𑒖𑒹 𑒂𑒔𑒰𑒩𑓂𑒨 𑒩𑒰𑒧𑒪𑒼𑒔𑒢𑒬𑒩𑒝 𑒐𑒰𑒿𑒙𑒲 𑒧𑒻𑒟𑒱𑒪𑒲 𑒞𑒞𑓂𑒫𑒏 𑒏𑒞𑒾 𑒁𑒫𑒯𑒹𑒪𑒢𑒰 𑒢𑒻 𑒏𑒹𑒢𑒹 𑒕𑒟𑒱 𑒂 𑒄 𑒑𑒲𑒞-𑒣𑓂𑒩𑒥𑒢𑓂𑒡 𑒧𑒻𑒟𑒱𑒪𑒲𑒏 𑒁𑒐𑒢 𑒡𑒩𑒱𑒏 𑒂𑒏𑒰𑒩𑒧𑒹 (𑒂 𑒑𑒳𑒝𑒰𑒞𑓂𑒧𑒏 𑒩𑒴𑒣𑒹𑒿 𑒮𑒹𑒯𑒼) 𑒧𑒻𑒟𑒱𑒪𑒲𑒏 𑒮𑒦𑒮𑒿 𑒣𑒻𑒒 𑒑𑒲𑒞-𑒣𑓂𑒩𑒥𑒢𑓂𑒡 (𑒧𑒯𑒰𑒏𑒰𑒫𑓂𑒨) 𑒁𑒕𑒱।










𑒧𑒻𑒟𑒱𑒪𑒲 𑒢𑒰𑒙𑒏 𑒂 𑒤𑒱𑒪𑓂𑒧𑒏 𑒋𑒏𑒙𑒰 𑒮𑒧𑒰𑒢𑒰𑒢𑓂𑒞𑒩 𑒠𑒳𑒢𑒱𑒨𑒰𑒿
𑓑
𑒧𑒻𑒟𑒱𑒪𑒲 𑒢𑒰𑒙𑒏𑒏 𑒋𑒏𑒙𑒰 𑒮𑒧𑒰𑒢𑒰𑒢𑓂𑒞𑒩 𑒠𑒳𑒢𑒱𑒨𑒰𑒿

𑒩𑒰𑒧𑒐𑒹𑒪𑒰𑒫𑒢 𑒧𑓀𑒛𑒰𑒩- 𑒑𑒰𑒧 𑒏𑒙𑒒𑒩𑒰, 𑒣𑓂𑒩𑒐𑒝𑓂𑒛- 𑒬𑒱𑒫𑒰𑒖𑒲𑒢𑒑𑒩, 𑒖𑒱𑒪𑒰 𑒮𑒧𑒮𑓂𑒞𑒲𑒣𑒳𑒩। 𑒯𑒱𑒢𑒏𑒹 𑒮𑓀𑒑 𑒥𑒱𑒢𑓂𑒠𑒹𑒬𑓂𑒫𑒩 𑒧𑓀𑒛𑒪 𑒮𑒹𑒯𑒼 𑒕𑒪𑒰𑒯। 𑒅𑒚𑒻𑒞 𑒧𑒻𑒟𑒱𑒪𑒲 𑒏𑒼𑒩𑒮 𑒂 - 𑒧𑒰𑒿 𑒑𑒻 𑒧𑒰𑒿 𑒞𑒴𑒿 𑒯𑒧𑒩𑒰 𑒥𑓀𑒠𑒴𑒏 𑒧𑒿𑒑𑒰 𑒠𑒹 𑒏𑒱 𑒯𑒧 𑒞𑒿 𑒧𑒰𑒿 𑒮𑒱𑒣𑒰𑒯𑒲 𑒯𑒹𑒥𑒻- 𑒋𑒐𑒢𑒼 𑒪𑒼𑒏𑒏𑒹𑒿 𑒧𑒼𑒢 𑒕𑒢𑓂𑒯𑒱। 𑒋𑒯𑒱 𑒧𑓀𑒛𑒪𑒲 𑒠𑓂𑒫𑒰𑒩𑒰 𑒩𑒹𑒬𑒧𑒰-𑒔𑒴𑒯𑒛𑓃, 𑒬𑒲𑒞-𑒥𑒮𑒢𑓂𑒞, 𑒁𑒪𑓂𑒯𑒰-𑒆𑒠𑒪, 𑒢𑒙𑒳𑒂 𑒠𑒨𑒰𑒪 𑒄 𑒮𑒦 𑒣𑒠𑓂𑒨 𑒢𑒰𑒙𑒱𑒏𑒰 𑒣𑒮𑓂𑒞𑒳𑒞 𑒏𑒋𑒪 𑒖𑒰𑒃𑒞 𑒕𑒪।
𑒧𑒻𑒟𑒱𑒪𑒲-𑒥𑒱𑒠𑒹𑒮𑒱𑒨𑒰- 𑒣𑒱𑒂 𑒠𑒹𑒮𑒰𑒿𑒞𑒩𑒏 𑒙𑒲𑒧 𑒮𑒯𑒩𑒮𑒰-𑒮𑒳𑒣𑒾𑒪-𑒣𑒴𑒩𑓂𑒝𑒱𑒨𑒰𑒿𑒮𑒿 𑒁𑒥𑒻𑒞 𑒕𑒪।

𑒯𑒰𑒮𑒢-𑒯𑒳𑒮𑒢 𑒢𑒰𑒙𑒱𑒏𑒰 𑒯𑒼𑒃𑒞 𑒕𑒪।

𑒩𑒰𑒧𑒩𑒏𑓂𑒭𑒰 𑒔𑒾𑒡𑒩𑒲 𑒢𑒰𑒙𑓂𑒨𑒏𑒪𑒰 𑒣𑒩𑒱𑒭𑒠, 𑒑𑓂𑒩𑒰𑒧- 𑒑𑒰𑒨𑒒𑒰𑒙, 𑒣𑓀𑒔𑒰𑒨𑒞 𑒏𑒩𑒱𑒨𑒢, 𑒣𑒼. 𑒫𑒻𑒠𑓂𑒨𑒢𑒰𑒟𑒣𑒳𑒩, 𑒖𑒱𑒪𑒰- 𑒮𑒧𑒮𑓂𑒞𑒲𑒣𑒳𑒩 𑒫𑒱𑒠𑓂𑒨𑒰𑒣𑒞𑒱 𑒢𑒰𑒙𑒏 𑒑𑒼𑒩𑒐𑒣𑒳𑒩 𑒡𑒩𑒱 𑒖𑒰 𑒏𑓄 𑒐𑒹𑒪𑒰𑒋𑒪 𑒕𑒪। 𑒋𑒯𑒱 𑒧𑓀𑒛𑒪𑒲 𑒠𑓂𑒫𑒰𑒩𑒰 𑒣𑓂𑒩𑒮𑓂𑒞𑒳𑒞 𑒁𑒢𑓂𑒨 𑒢𑒰𑒙𑒏 𑒁𑒕𑒱- 𑒪𑒾𑓀𑒑𑒱𑒨𑒰 𑒧𑒹𑒩𑒔𑒰𑒃, 𑒫𑒱𑒠𑓂𑒨𑒰𑒣𑒞𑒱, 𑒔𑒲𑒢𑒲𑒏 𑒪𑒛𑓂𑒛𑒴 𑒂 𑒥𑒮𑒰𑒞।

𑒧𑒻𑒟𑒱𑒪𑒲 𑒢𑒰𑒙𑒏𑒏 𑒮𑒧𑒰𑒢𑒰𑒢𑓂𑒞𑒩 𑒠𑒳𑒢𑒱𑒨𑒰𑒿𑒏𑒹𑒿 𑒮𑒹𑒯𑒼 𑒁𑒦𑒱𑒪𑒹𑒐𑒱𑒞 𑒂 𑒮𑒧𑓂𑒧𑒰𑒢𑒱𑒞 𑒏𑒋𑒪 𑒖𑒋𑒥𑒰𑒏 𑒣𑓂𑒩𑒨𑒰𑒮 𑒯𑒼𑒋𑒥𑒰𑒏 𑒔𑒰𑒯𑒲।

𑓒
𑒧𑒻𑒟𑒱𑒪𑒲 𑒤𑒱𑒪𑓂𑒧𑒏 𑒋𑒏𑒙𑒰 𑒮𑒧𑒰𑒢𑒰𑒢𑓂𑒞𑒩 𑒠𑒳𑒢𑒱𑒨𑒰𑒿

𑒧𑒻𑒟𑒱𑒪𑒲𑒏 𑒮𑒧𑒰𑒢𑒰𑒢𑓂𑒞𑒩 𑒮𑒱𑒢𑒹𑒧𑒰:
𑒡𑒛𑓃𑒏𑒢 𑒧𑒲𑒛𑒱𑒨𑒰 𑒯𑒰𑒅𑒮 𑒣𑓂𑒩𑒰. 𑒪𑒱., 𑒧𑒱𑒩𑒔𑒻𑒨𑒰, 𑒮𑒱𑒩𑒯𑒰, 𑒢𑒹𑒣𑒰𑒪𑒏 (𑒢𑒢𑓂𑒠𑒪𑒰𑒪 𑒧𑒯𑒞𑒼𑒏 𑒣𑓂𑒩𑒮𑓂𑒞𑒳𑒞𑒱, 𑒕𑒰𑒨𑒰𑓀𑒏𑒢- 𑒋𑒧.𑒮𑒧𑒱𑒩. 𑒢𑒱𑒩𑓂𑒧𑒰𑒞𑒰 𑒏𑒧𑒪 𑒨𑒰𑒠𑒫,𑒪𑒹𑒐𑒏-𑒢𑒱𑒩𑓂𑒠𑒹𑒬𑒏 𑒖𑒱𑒞𑒹𑒢𑓂𑒠𑓂𑒩 𑒮𑒯𑒨𑒼𑒑𑒲) "𑒧𑒰𑒄 𑒏𑒹 𑒧𑒧𑒞𑒰"
𑒧𑒻𑒟𑒱𑒪𑒲 𑒤𑒱𑒪𑓂𑒧𑒏 𑒏𑒪𑒰𑒏𑒰𑒩: 𑒏𑒪𑒰𑒏𑒰𑒩- 𑒁𑒥𑒡𑒹𑒬 𑒏𑒳𑒧𑒰𑒩 𑒑𑒱𑒩𑒲, 𑒣𑓂𑒩𑒱𑒨𑓀𑒏𑒰 𑒬𑒩𑓂𑒧𑒰, 𑒩𑒰𑒖𑒏𑒳𑒧𑒰𑒩 𑒧𑒯𑒞𑒼, 𑒢𑒱𑒩𑓂𑒧𑒪𑒰 𑒧𑒯𑒞𑒼, 𑒁𑒢𑓂𑒖𑒢𑒲 𑒧𑒝𑓂𑒛𑒪, 𑒢𑒢𑓂𑒠𑒢 𑒚𑒰𑒏𑒳𑒩, 𑒡𑒩𑓂𑒧𑒹𑒢𑓂𑒠𑓂𑒩 𑒮𑒰𑒯, 𑒖𑒱𑒞𑒹𑒢𑓂𑒠𑓂𑒩 𑒚𑒰𑒏𑒳𑒩, 𑒩𑒱𑒞𑒰 𑒮𑒯𑒨𑒼𑒑𑒲, 𑒢𑒱𑒩𑓂𑒧𑒪𑒰 𑒧𑒯𑒞𑒼, 𑒮𑒳𑒩𑒖𑒰 𑒧𑒯𑒞𑒼, 𑒣𑓂𑒩𑒫𑒱𑒢 𑒚𑒰𑒏𑒳𑒩, 𑒠𑒱𑒢𑒹𑒬 𑒨𑒰𑒠𑒫, 𑒠𑒱𑒢𑒹𑒬 𑒚𑒰𑒏𑒳𑒩, 𑒣𑓂𑒩𑒹𑒧 𑒏𑒳𑒧𑒰𑒩 𑒮𑒱𑓀𑒯, 𑒣𑓂𑒩𑒹𑒧 𑒏𑒳𑒧𑒰𑒩 𑒧𑒯𑒞𑒼, 𑒁𑒢𑒱𑒪 𑒏𑒳𑒧𑒰𑒩 𑒧𑒯𑒞𑒼, 𑒖𑓂𑒘𑒰𑒢𑒹𑒢𑓂𑒠𑓂𑒩 𑒏𑒳𑒧𑒰𑒩 𑒧𑒯𑒞𑒼, 𑒮𑓀𑒖𑒨 𑒧𑒯𑒞𑒼, 𑒠𑒬𑒩𑒟 𑒧𑒯𑒞𑒼, 𑒥𑒱𑒩𑒹𑒢𑓂𑒠𑓂𑒩 𑒧𑒯𑒞𑒼,𑒔𑒧𑓂𑒣𑒰 𑒠𑒹𑒫𑒲, 𑒧𑒡𑒳𑒠𑒹𑒫𑒲 𑒧𑒯𑒞𑒼, 𑒣𑒳𑒭𑓂𑒣𑒰 𑒏𑒩𑓂𑒝, 𑒑𑒳𑒪𑒖𑒰𑒩 𑒨𑒰𑒠𑒫, 𑒩𑒢𑓂𑒖𑒳 𑒧𑒯𑒞𑒼, 𑒃𑒢𑓂𑒠𑒳 𑒮𑒰𑒯, 𑒧𑒢𑒼𑒖 𑒏𑒳𑒧𑒰𑒩 𑒮𑒱𑓀𑒯, 𑒩𑒰𑒧 𑒏𑒳𑒧𑒰𑒩 𑒮𑒰𑒯, 𑒑𑒝𑒹𑒬 𑒧𑒯𑒞𑒼, 𑒁𑒩𑒳𑒝 𑒔𑒾𑒡𑒩𑒲, 𑒁𑒢𑒱𑒪 𑒏𑒳𑒧𑒰𑒩 𑒮𑒰𑒯, 𑒣𑒫𑒢 𑒨𑒰𑒠, 𑒯𑒹𑒧𑒪𑒰𑒪 𑒨𑒰𑒠𑒫, 𑒮𑒞𑓂𑒨 𑒢𑒰𑒩𑒰𑒨𑒝 𑒧𑒯𑒞𑒼, 𑒑𑓀𑒑𑒰 𑒧𑒯𑒞𑒼, 𑒦𑒩𑒼𑒮𑒲 𑒧𑒯𑒞𑒼, 𑒥𑒻𑒖𑒴 𑒥𑒰𑒫𑒩𑒰, 𑒁𑒐𑓂𑒪𑒹𑒬𑓂𑒫𑒩 𑒧𑒯𑒞𑒼, 𑒡𑓂𑒩𑒳𑒫 𑒏𑒳𑒧𑒰𑒩 𑒧𑒯𑒞𑒼, 𑒁𑒢𑒱𑒪 𑒏𑒳𑒧𑒰𑒩 𑒠𑒰𑒮, 𑒫𑒱𑒢𑒼𑒠 𑒧𑒯𑒞𑒼, 𑒮𑒢𑓂𑒞𑒼𑒭 𑒮𑒰𑒯, 𑒫𑒱𑒣𑒳𑒪 𑒮𑒰𑒯, 𑒣𑓂𑒩𑒠𑒲𑒣 𑒮𑒰𑒯, 𑒩𑒼𑒬𑒢 𑒏𑒳𑒧𑒰𑒩 𑒒𑒱𑒧𑒱𑒩𑒹, 𑒧𑓀𑒔𑒢 𑒧𑒯𑒞𑒼, 𑒖𑒑𑒠𑒲𑒬 𑒨𑒰𑒠𑒫, 𑒫𑒱𑒢𑓂𑒠𑒹𑒬𑓂𑒫𑒩 𑒨𑒰𑒠𑒫, 𑒠𑒹𑒫𑒱𑒢𑓂𑒠𑓂𑒩 𑒨𑒰𑒠𑒫, 𑒥𑓂𑒩𑒯𑓂𑒧𑒠𑒹𑒫 𑒧𑒯𑒞𑒼, 𑒃𑒢𑓂𑒠𑒳 𑒧𑒪𑓂𑒪𑒱𑒏, 𑒅𑒞𑓂𑒞𑒧 𑒧𑒯𑒞𑒼, 𑒮𑒱𑒨𑒰𑒬𑒩𑒝 𑒧𑒯𑒞𑒼, 𑒩𑒰𑒡𑒰 𑒏𑒳𑒧𑒰𑒩𑒲, 𑒮𑒩𑒮𑓂𑒫𑒞𑒲 𑒏𑒳𑒧𑒰𑒩𑒲, 𑒏𑒵𑒭𑓂𑒝𑒰 𑒏𑒳. 𑒧𑒯𑒞𑒼, 𑒂𑒏𑒰𑒬 𑒏𑒳𑒧𑒰𑒩 𑒧𑒯𑒞𑒼, 𑒬𑒱𑒫𑒧 𑒔𑒾𑒡𑒩𑒲, 𑒂𑒬𑒲𑒭 𑒏𑒳𑒧𑒰𑒩 𑒧𑒯𑒞𑒼

𑒫𑒱𑒬𑒹𑒭:𑒩𑒱𑒞𑒰 𑒏𑒳. 𑒏𑒩𑓂𑒝, 𑒧𑒱𑒟𑒪𑒹𑒬 𑒨𑒰𑒠𑒫, 𑒣𑓂𑒩𑒧𑒼𑒠 𑒮𑒰𑒯, 𑒩𑒱𑒢𑒰 𑒨𑒰𑒠𑒫, 𑒩𑒹𑒐𑒰 𑒧𑒯𑒞𑒼, 𑒖𑓂𑒘𑒰𑒢𑒹𑒢𑓂𑒠𑓂𑒩 𑒏𑒳𑒧𑒰𑒩 𑒧𑒯𑒞𑒼, 𑒋𑒧. 𑒮𑒧𑒱𑒩, 𑒁𑒢𑒱𑒪 𑒏𑒳𑒧𑒰𑒩 𑒧𑒯𑒞𑒼, 𑒮𑒳𑒩𑒹𑒬 𑒨𑒰𑒠𑒫, 𑒫𑒱.𑒣𑒲.𑒅𑒠𑒰𑒮𑒲, 𑒮𑒳𑒩𑒹𑒬 𑒧𑒝𑓂𑒛𑒪, 𑒩𑒰𑒧𑒬𑒳𑒦𑒏 𑒧𑒯𑒞𑒼, 𑒠𑒹𑒫 𑒏𑒳𑒧𑒰𑒩 𑒧𑒯𑒞𑒼, 𑒩𑒰𑒧𑒠𑒹𑒫 𑒣𑒝𑓂𑒛𑒱𑒞, 𑒁𑒢𑓂𑒖𑒢𑒲 𑒧𑒝𑓂𑒛𑒪, 𑒧𑒯𑒹𑒬 𑒏𑒳𑒬𑒫𑒰𑒯𑒰, 𑒥𑒱𑒩𑒹𑒢𑓂𑒠𑓂𑒩 𑒏𑒥𑒲𑒩𑒣𑓀𑒟𑒲, 𑒏𑒳𑒧𑒰𑒩 𑒏𑒳𑒬𑒹, 𑒥𑒰𑒥𑒴 𑒩𑒰𑒧 𑒧𑒯𑒞𑒼, 𑒡𑒩𑓂𑒧𑒹𑒢𑓂𑒠𑓂𑒩 𑒮𑒰𑒯, 𑒁𑒢𑒱𑒪 𑒏𑒳𑒧𑒰𑒩 𑒧𑒯𑒞𑒼, 𑒅𑒣𑒹𑒢𑓂𑒠𑓂𑒩 𑒢𑒰𑒩𑒰𑒨𑒝 𑒧𑒯𑒞𑒼, 𑒣𑒫𑒢 𑒧𑒪𑓂𑒪𑒱𑒏, 𑒢𑒢𑓂𑒠𑒢 𑒚𑒰𑒏𑒳𑒩, 𑒠𑒱𑒫𑒰𑒏𑒩 𑒚𑒏𑒳𑒩𑒲।

𑒑𑒲𑒞𑒏𑒰𑒩: 𑒖𑒱𑒞𑒹𑒢𑓂𑒠𑓂𑒩 𑒮𑒯𑒨𑒼𑒑𑒲

𑒮𑓀𑒑𑒲𑒞𑒏𑒰𑒩: 𑒑𑒳𑒩𑒳𑒠𑒹𑒫 𑒏𑒰𑒧𑒞, 𑒏𑒧𑒪 𑒧𑒝𑓂𑒛𑒪, 𑒫𑒱𑒬𑓂𑒫𑒢𑒰𑒟 𑒗𑒰।

𑒑𑒰𑒨𑒏/ 𑒑𑒰𑒨𑒱𑒏𑒰: 𑒑𑒳𑒩𑒳𑒠𑒹𑒫 𑒏𑒰𑒧𑒞, 𑒩𑒰𑒧𑒰 𑒧𑒝𑓂𑒛𑒪, 𑒯𑒩𑒱𑒬𑓀𑒏𑒩 𑒔𑒾𑒡𑒩𑒲, 𑒫𑒱𑒬𑓂𑒫𑒢𑒰𑒟 𑒗𑒰, 𑒮𑒩𑓂𑒧𑒱𑒪𑒰 𑒧𑒯𑒞𑒼, 𑒧𑒡𑒳 𑒑𑒳𑒩𑒳𑓀𑒑।
-"𑒣𑓂𑒩𑒱𑒞 𑒏𑒹 𑒥𑒰𑒖𑒲" 𑒧𑒻𑒟𑒱𑒪𑒲 𑒤𑒱𑒪𑓂𑒧
-𑒖𑒲.𑒣𑓂𑒩.𑒑𑒳𑒣𑓂𑒞𑒰𑒏 𑒤𑓃𑒱𑒪𑓂𑒧
-𑒢𑒱𑒩𑓂𑒠𑒹𑒬𑒏 𑒮𑒴𑒩𑓂𑒨 𑒮𑒰𑒯
-𑒮𑒧𑓂𑒣𑒰𑒠𑒏 𑒖𑒱𑒞𑒳 𑒮𑒱𑓀𑒯
- 𑒕𑒰𑒨𑒰𑓀𑒏𑒢 𑒏𑒳𑓀𑒠𑒢 𑒏𑒳𑒧𑒰𑒩 𑒣𑒣𑓂𑒣𑒴
-𑒢𑒱𑒩𑓂𑒧𑒰𑒞𑒰 𑒖𑒱𑒫𑒕 𑒣𑓂𑒩𑒮𑒰𑒠 𑒑𑒳𑒣𑓂𑒞𑒰
-𑒮𑒯𑒢𑒱𑒩𑓂𑒧𑒰𑒞𑒰 𑒩𑒰𑒖𑒏𑒳𑒧𑒰𑒩 𑒑𑒳𑒣𑓂𑒞𑒰
-𑒏𑒟𑒰 𑒫𑒮𑓂𑒞𑒳 𑒑𑒲𑒞 𑒬𑓂𑒨𑒰𑒧 𑒣𑒰𑒮𑒫𑒰𑒢
-𑒮𑓀𑒑𑒲𑒞 𑒬𑒻𑒪𑒹𑒢𑓂𑒠𑓂𑒩 𑒫𑒱.𑒏.
-𑒑𑒰𑒨𑒏 𑒑𑒰𑒨𑒱𑒏𑒰 𑒖𑒱𑒫𑒕, 𑒩𑒰𑒖𑒏𑒳𑒧𑒰𑒩 , 𑒮𑒳𑒢𑒱𑒞𑒰, 𑒣𑓂𑒩𑒦𑒰
-𑒢𑒵𑒞𑓂𑒨 𑒩𑒰𑒧 𑒚𑒰𑒏𑒳𑒩 , 𑒁𑒖𑒨 𑒚𑒰𑒏𑒳𑒩
-𑒠𑓂𑒫𑒢𑓂𑒠 𑒏𑒻𑒪𑒰𑒬 𑒧𑓀𑒛𑒪

𑒧𑒹𑒧𑒼𑒩𑒲 𑒧𑒱𑒟𑒱𑒪𑒰 𑒤𑒱𑒪𑓂𑒧𑒮 𑒣𑓂𑒩𑒰.𑒪𑒱.𑒏 𑒥𑒻𑒢𑒩𑒣𑒩 𑒥𑒢𑓄 𑒖𑒰𑒩𑒯𑒪 𑒧𑒻𑒟𑒱𑒪𑒲 𑒤𑒱𑒔𑒩 𑒤𑒱𑒪𑓂𑒧 𑒂𑒄 𑒪𑒦 𑒖𑒢𑒏𑒣𑒴𑒩𑒏 𑒬𑒳𑒦 𑒧𑒴𑒯𑒳𑒩𑓂𑒞 𑒋𑒯𑒱 𑒬𑓂𑒩𑒰𑒫𑒝 𑓒𑓕 𑒑𑒞𑒹𑒏𑒹 𑒯𑒼𑒧𑒨 𑒖𑒰𑒩𑒯𑒪 𑒁𑒕𑒱 । 𑒮𑒦 𑒣𑒞𑓂𑒩𑒏𑒰𑒩, 𑒏𑒪𑒰𑒏𑒰𑒩, 𑒮𑒰𑒯𑒱𑒞𑓂𑒨𑒏𑒰𑒩 𑒪𑒑𑒰𑒨𑒞 𑒧𑒻𑒟𑒱𑒪𑒲 𑒏𑒪𑒰𑒣𑓂𑒩𑒹𑒧𑒲 𑒪𑒼𑒏𑒢𑒱 𑒮𑒿 𑒂𑒑𑓂𑒩𑒯 𑒖𑒹 𑒋𑒯𑒱 𑒮𑒧𑒨𑒧𑒹𑓀 𑒅𑒣𑒮𑓂𑒟𑒱𑒞 𑒦𑓄 𑒏𑒰𑒩𑓂𑒨𑒏𑓂𑒩𑒧𑒏𑒹 𑒑𑒩𑒱𑒧𑒰 𑒥𑒜𑒰𑒥𑒲 ।
𑒏𑒟𑒰÷𑒢𑒱𑒩𑓂𑒠𑒹𑒬𑒢
𑒢𑒱𑒩𑒰𑒖𑒢 𑒧𑒹𑒯𑒞𑒰 (𑒧𑒘𑓂𑒖𑒱𑒞)

𑒢𑒱𑒩𑓂𑒧𑒰𑒞𑒰
𑒣𑓂𑒩𑒠𑒱𑒣 𑒩𑒰𑒖÷𑒏𑒧𑒪 𑒧𑒝𑓂𑒛𑒪

𑒮𑓀𑒑𑒲𑒞 𑓁
𑒏𑒧𑒪 𑒧𑒝𑓂𑒛𑒪

𑒑𑒲𑒞 𑓁 𑒫𑒱𑒢𑒲𑒞 𑒚𑒰𑒏𑒳𑒩

𑒮𑓂𑒟𑒰𑒢 𑓁 𑒧𑒡𑒹𑒬 𑒧𑒱𑒛𑒱𑒨𑒰 𑒯𑒰𑒅𑒮
𑒮𑒧𑒨 𑓁 𑒠𑒱𑒢𑒏 𑓑 𑒥𑒖𑒹, 𑒬𑓂𑒩𑒰𑒫𑒝 𑓒𑓕 𑒑𑒞𑒹
𑒯𑒢𑒳𑒧𑒰𑒢 𑒮𑓂𑒟𑒰𑒢, 𑒁𑒢𑒰𑒧𑒢𑒑𑒩,
𑒏𑒰𑒚𑒧𑒰𑒝𑓂𑒛𑒴
𑒧𑒻𑒟𑒱𑒪𑒲 𑒤𑒱𑒪𑓂𑒧 𑒧𑒰𑒄 𑒏𑒹 𑒧𑒧𑒞𑒰 𑒏𑒹 𑒔𑓂𑒨𑒰𑒩𑒱𑒙𑒲 𑒬𑒼 𑒏𑒰𑒚𑒧𑒰𑒛𑒾𑒿 𑒧𑒹,𑒏𑒰𑒢𑓂𑒞𑒱𑒣𑒳𑒩 𑒯𑒪, 𑒮𑒱𑒞𑒰𑒣𑒰𑒃𑒪𑒰, 𑒏𑒰𑒚𑒧𑒰𑒛𑒾𑒿,
-𑒧𑒰𑒄 𑒏𑒹 𑒧𑒧𑒞𑒰𑒏𑒹 𑒪𑒹𑒐𑒏 𑒂 𑒢𑒱𑒩𑓂𑒠𑒹𑒬𑒏 𑒖𑒱𑒞𑒹𑒢𑓂𑒠𑓂𑒩 𑒮𑒯𑒨𑒼𑒑𑒲 ।




𑒔𑒰𑒩𑒱𑒙𑒰 𑒁𑓀𑒑𑓂𑒩𑒹𑒖𑒲 𑒢𑒰𑒙𑒏- 𑒛𑒰𑒏𑓂𑒙𑒩 𑒤𑒰𑒮𑓂𑒙𑒮, 𑒮𑒻𑒧𑒮𑒢 𑒋𑒑𑒼𑒢𑒱𑒮𑓂𑒙𑒹𑒮, 𑒧𑒩𑓂𑒛𑒩 𑒃𑒢 𑒠 𑒏𑒻𑒟𑒹𑒛𑓂𑒩𑒪 𑒂 𑒮𑓂𑒙𑓂𑒩𑒰𑒃𑒤
𑒋𑒯𑒱 𑒢𑒱𑒥𑒢𑓂𑒡𑒏 𑒂𑒡𑒰𑒩 𑒁𑒕𑒱 𑒣𑒩𑒬𑒳𑒩𑒰𑒧 𑒗𑒰𑒏 “𑒛𑒰𑒃𑒧𑒹𑒢𑓂𑒬𑒢𑓂𑒮 𑒂𑒤 𑒣𑒲𑒮 𑒃𑒢 𑒃𑓀𑒑𑓂𑒪𑒱𑒬 𑒛𑓂𑒩𑒰𑒧𑒰- 𑒮𑓂𑒙𑒛𑒲𑒖 𑒃𑒢 𑒛𑒰𑒏𑓂𑒙𑒩 𑒤𑒰𑒮𑓂𑒙𑒮, 𑒮𑒻𑒧𑒮𑒢 𑒁𑒑𑒼𑒢𑒱𑒮𑓂𑒙𑒹𑒮, 𑒧𑒩𑓂𑒛𑒩 𑒃𑒢 𑒠 𑒏𑒻𑒟𑒹𑒛𑓂𑒩𑒪 𑒋𑒝𑓂𑒛 𑒮𑓂𑒙𑓂𑒩𑒰𑒃𑒤”। 𑒣𑒩𑒬𑒳𑒩𑒰𑒧 𑒗𑒰 𑓑𑓙𑓓𑓘- 𑒑𑒰𑒧- 𑒧𑒹𑓀𑒯𑒟 (𑒧𑒡𑒳𑒥𑒢𑒲), 𑒏𑒵𑒞𑒱- 𑒛𑒰𑒃𑒧𑒹𑒢𑓂𑒬𑒢𑓂𑒮 𑒂𑒤 𑒣𑒲𑒮 𑒃𑒢 𑒃𑒢𑓂𑒑𑒪𑒱𑒬 𑒛𑓂𑒩𑒰𑒧𑒰,𑒏𑓂𑒩𑒱𑒬𑓂𑒔𑒱𑒨𑒢 𑒣𑒼𑒋𑒙𑒱𑒏 𑒛𑓂𑒩𑒰𑒧𑒰। 𑒣𑒩𑒬𑒳𑒩𑒰𑒧 𑒗𑒰 𑒁𑓀𑒑𑓂𑒩𑒹𑒖𑒲 𑒮𑒰𑒯𑒱𑒞𑓂𑒨𑒏 𑒂𑒖𑒲𑒫𑒢 𑒁𑒡𑓂𑒨𑒰𑒣𑒢 𑒏𑒹𑒢𑒹 𑒕𑒟𑒱।
𑒛𑒰𑒏𑓂𑒙𑒩 𑒤𑒰𑒮𑓂𑒙𑒮 𑒋𑒪𑒱𑒖𑒰𑒥𑒹𑒟 𑒨𑒳𑒑𑒏, 𑒮𑒻𑒧𑒮𑒢 𑒋𑒑𑒼𑒢𑒱𑒮𑓂𑒙𑒹𑒮 𑒋𑒖 𑒂𑒤 𑒩𑒲𑒖𑒢𑒏, 𑒧𑒩𑓂𑒛𑒩 𑒃𑒢 𑒠 𑒏𑒻𑒟𑒹𑒛𑓂𑒩𑒪 𑒂𑒡𑒳𑒢𑒱𑒏 𑒨𑒳𑒑𑒏 𑒢𑒰𑒙𑒏 𑒁𑒕𑒱। 𑒄 𑒞𑒲𑒢𑒴 𑒧𑒳𑒐𑓂𑒨𑒞𑓁 𑒡𑒰𑒩𑓂𑒧𑒱𑒏 𑒢𑒰𑒙𑒏 𑒁𑒕𑒱। 𑒮𑓂𑒙𑓂𑒩𑒰𑒃𑒤 𑒂𑒡𑒳𑒢𑒱𑒏 𑒡𑒩𑓂𑒧𑒢𑒱𑒩𑒣𑒹𑒏𑓂𑒭 𑒢𑒰𑒙𑒏 𑒁𑒕𑒱, 𑒄 𑒮𑒱𑒠𑓂𑒡 𑒏𑒩𑒻𑒞 𑒁𑒕𑒱 𑒖𑒹 𑒡𑒩𑓂𑒧𑒢𑒱𑒩𑒣𑒹𑒏𑓂𑒭𑒞𑒰 𑒡𑒩𑓂𑒧𑒮𑒿 𑒢𑒱𑒏𑒪𑒪 𑒁𑒕𑒱, 𑒏𑒧𑒮𑒿 𑒏𑒧 𑒡𑒩𑓂𑒧𑒏 𑒢𑒻𑒞𑒱𑒏 𑒮𑒢𑓂𑒠𑒩𑓂𑒦𑒮𑒿।

𑒛𑒰𑒏𑓂𑒙𑒩 𑒤𑒰𑒮𑓂𑒙𑒮 (𑒠 𑒙𑓂𑒩𑒻𑒖𑒱𑒏𑒪 𑒯𑒱𑒮𑓂𑒙𑓂𑒩𑒲 𑒂𑒤 𑒠 𑒪𑒰𑒃𑒤 𑒋𑒝𑓂𑒛 𑒛𑒹𑒟 𑒂𑒤 𑒛𑒰𑒏𑓂𑒙𑒩 𑒤𑒰𑒮𑓂𑒙𑒮) 𑒏𑓂𑒩𑒱𑒮𑓂𑒙𑒼𑒤𑒩 𑒧𑒰𑒩𑒪𑒼𑒫𑒹 (𑓑𑓕𑓖𑓔-𑓑𑓕𑓙𑓓) 𑒪𑒱𑒐𑒱𑒞 𑒁𑒕𑒱। 𑒏𑓂𑒩𑒱𑒮𑓂𑒙𑒼𑒤𑒩 𑒧𑒰𑒩𑒪𑒼𑒫𑒹 𑒮𑒹𑒏𑓂𑒮𑒣𑒱𑒨𑒩(𑓑𑓕𑓖𑓔-𑓑𑓖𑓑𑓖) 𑒏 𑒮𑒧𑒏𑒰𑒪𑒲𑒢 𑒕𑒪𑒰𑒯। 𑒏𑓂𑒩𑒱𑒮𑓂𑒙𑒼𑒤𑒩 𑒧𑒰𑒩𑒪𑒼𑒫𑒹𑒏𑒹𑒿 𑒏𑒼𑒢𑒼 𑒂𑒣𑒞𑓂𑒞𑒱𑒖𑒢𑒏 𑒣𑒰𑒝𑓂𑒛𑒳𑒪𑒱𑒣𑒱 𑒪𑒹𑒪 𑒣𑓂𑒩𑒱𑒫𑒲 𑒏𑒰𑒅𑒢𑓂𑒮𑒱𑒪 𑒠𑓂𑒫𑒰𑒩𑒰 𑒫𑒰𑒩𑒢𑓂𑒙 𑒖𑒰𑒩𑒲 𑒏𑓄 𑒥𑒖𑒰𑒍𑒪 𑒑𑒹𑒪 𑒂 𑒞𑒏𑒩 𑒠𑒮 𑒠𑒱𑒢 𑒥𑒰𑒠 𑒯𑒳𑒢𑒏𑒩 𑒔𑒏𑓂𑒏𑒴 𑒧𑒰𑒩𑒱 𑒯𑒞𑓂𑒨𑒰 𑒏𑓄 𑒠𑒹𑒪 𑒑𑒹𑒪, 𑒖𑒐𑒢 𑒍 𑒧𑒰𑒞𑓂𑒩 𑓒𑓙 𑒥𑒩𑓂𑒐𑒏 𑒕𑒪𑒰𑒯। 𑒍 𑒖𑒿 𑒁𑒣𑒢 𑒮𑒧𑓂𑒣𑒴𑒩𑓂𑒝 𑒖𑒱𑒢𑒑𑒲 𑒖𑒱𑒥𑒱𑒞𑒟𑒱 𑒞𑒿 𑒮𑒹𑒏𑓂𑒮𑒣𑒱𑒨𑒩𑒮𑒿 𑒣𑒻𑒒 𑒢𑒰𑒙𑒏𑒏𑒰𑒩 𑒯𑒼𑒃𑒞𑒟𑒱 𑒫𑒰 𑒢𑒻 𑒮𑒹 𑒃𑒞𑒱𑒯𑒰𑒮𑒏 𑒑𑒩𑓂𑒦𑒧𑒹 𑒢𑒳𑒏𑒰𑒋𑒪 𑒩𑒯𑒱 𑒑𑒹𑒪। 𑒄 𑒢𑒰𑒙𑒏 𑒥𑓂𑒪𑒻𑓀𑒏 𑒫𑒩𑓂𑒮 𑒂 𑒑𑒠𑓂𑒨 𑒧𑒱𑒬𑓂𑒩𑒱𑒞 𑒁𑒕𑒱। 𑒥𑓂𑒪𑒻𑓀𑒏 𑒫𑒩𑓂𑒮𑒧𑒹 𑒧𑒲𑒙𑒩 𑒩𑒯𑒻 𑒕𑒻 𑒧𑒳𑒠𑒰 𑒪𑒨 𑒢𑒻। 𑒧𑒰𑒩𑒪𑒼𑒫𑒹𑒏 𑒖𑒲𑒫𑒢 𑒏𑒰𑒪𑒧𑒹 𑒋𑒏𑒩 𑒧𑓀𑒔𑒢 𑒦𑒹𑒪 𑒧𑒳𑒠𑒰 𑒋𑒏𑒩 𑒣𑓂𑒩𑒏𑒰𑒬𑒢 𑒯𑒳𑒢𑒏𑒩 𑒧𑒵𑒞𑓂𑒨𑒳𑒏 𑒋𑒑𑒰𑒩𑒯 𑒥𑒩𑓂𑒐𑒏 𑒥𑒰𑒠 𑒦𑒹𑒪।
𑒮𑒻𑒧𑒮𑒢 𑒁𑒑𑒼𑒢𑒱𑒮𑓂𑒙𑒹𑒮 (𑒮𑒻𑒧𑒮𑒢, 𑒣𑓂𑒩𑒞𑒱𑒨𑒼𑒑𑒲-𑒨𑒼𑒠𑓂𑒡𑒰)𑒖𑒰𑒢 𑒧𑒱𑒪𑓂𑒙𑒢 (𑓑𑓖𑓐𑓘-𑓑𑓖𑓗𑓔) 𑒪𑒱𑒐𑒱𑒞 𑒠𑒳𑒐𑒰𑒢𑓂𑒞 𑒏𑓂𑒪𑒼𑒖𑒹𑒙 𑒣𑒠𑓂𑒨-𑒢𑒰𑒙𑒏 𑒁𑒕𑒱। 𑒏𑓂𑒪𑒼𑒖𑒹𑒙 𑒢𑒰𑒙𑒏 𑒞𑒏𑒩𑒰 𑒏𑒯𑒪 𑒖𑒰𑒃𑒞 𑒕𑒻 𑒖𑒹 𑒧𑓀𑒔𑒢 𑒪𑒹𑒪 𑒢𑒻 𑒫𑒩𑒢 𑒁𑒮𑒑𑒩 𑒣𑒜𑓃𑒥𑒰 𑒪𑒹𑒪 𑒪𑒱𑒐𑒪 𑒖𑒰𑒃 𑒕𑒻 𑒫𑒰 𑒏𑒱𑒕𑒳 𑒑𑒼𑒙𑒹 𑒮𑓀𑒑𑒹 𑒖𑒼𑒩-𑒖𑒼𑒩𑒮𑒿 𑒣𑒜𑓃𑒱 𑒏𑓄 𑒮𑒳𑒢𑒥𑒰-𑒮𑒳𑒢𑒹𑒥𑒰 𑒪𑒹𑒪।
𑒧𑒩𑓂𑒛𑒩 𑒃𑒢 𑒠 𑒏𑒻𑒟𑒹𑒛𑓂𑒩𑒪 𑒙𑒲.𑒋𑒮. 𑒃𑒪𑒱𑒨𑒙 (𑓑𑓕𑓖𑓔-𑓑𑓕𑓙𑓓) 𑒪𑒱𑒐𑒱𑒞 𑒣𑒠𑓂𑒨-𑒢𑒰𑒙𑒏 𑒁𑒕𑒱।
𑒮𑓂𑒙𑓂𑒩𑒰𑒃𑒤(𑒏𑒙𑒳 𑒮𑓀𑒒𑒩𑓂𑒭) 𑒖𑒰𑒢 𑒑𑒰𑒪𑓂𑒮𑒫𑒩𑓂𑒠𑒲 (𑓑𑓘𑓖𑓗-𑓑𑓙𑓓𑓓) 𑒪𑒱𑒐𑒱𑒞 𑒢𑒰𑒙𑒏 𑒁𑒕𑒱।

𑒛𑒰𑒏𑓂𑒙𑒩 𑒤𑒰𑒮𑓂𑒙𑒮 - 𑒏𑓂𑒩𑒱𑒮𑓂𑒙𑒼𑒤𑒩 𑒧𑒰𑒩𑒪𑒼𑒫𑒹

𑓑𑓕𑓙𑓒 𑒄. 𑒧𑒹 “𑒃𑓀𑒑𑓂𑒪𑒱𑒬 𑒤𑒰𑒅𑒮𑓂𑒙 𑒥𑒳𑒏”𑒧𑒹 𑒏𑒱𑒕𑒳 𑒒𑒙𑒼𑒞𑓂𑒞𑒩𑒲-𑒥𑒜𑓃𑒼𑒞𑓂𑒞𑒩𑒲 𑒏𑓄 “𑒛𑒰𑒏𑓂𑒙𑒩 𑒤𑒰𑒅𑒮𑓂𑒙𑒮” 𑒢𑒰𑒙𑒏 𑒩𑒔𑒱𑒞 𑒦𑒹𑒪, 𑒖𑒹 𑒍𑒯𑒱 𑒨𑒳𑒑𑒏 𑒫𑒰𑒮𑓂𑒞𑒫𑒱𑒏𑒞𑒰𑒏𑒹𑒿 𑒠𑒹𑒐𑒥𑒻𑒞 𑒁𑒕𑒱।
𑒛𑒰𑒏𑓂𑒙𑒩 𑒤𑒰𑒮𑓂𑒙𑒮 “𑒧𑒹𑒛𑒱𑒋𑒫𑒪 𑒧𑒱𑒮𑓂𑒙𑓂𑒩𑒲 𑒣𑓂𑒪𑒹”, 𑒧𑒼𑒩𑒹𑒪𑒱𑒙𑒲 𑒣𑓂𑒪𑒹” 𑒂 “𑒃𑒢𑓂𑒙𑒩𑒪𑓂𑒨𑒴𑒛”𑒮𑒿 𑒮𑒧𑓂𑒥𑒢𑓂𑒡𑒱𑒞 𑒁𑒕𑒱- 𑒏𑒟𑓂𑒨 𑒂 𑒩𑒴𑒣 𑒠𑒳𑒢𑒴𑒧𑒹। 𑒤𑒹𑒩 𑒤𑒰𑒮𑓂𑒙𑒮𑒏 “𑒁𑒮𑒲𑒧𑒱𑒞 𑒖𑓂𑒘𑒰𑒢”, “𑒪𑒾𑒏𑒱𑒏 𑒂𑒢𑒢𑓂𑒠” 𑒂 “𑒬𑒏𑓂𑒞𑒱”𑒏 𑒪𑒹𑒪 𑒁𑒠𑒧𑓂𑒨 𑒪𑒰𑒪𑒮𑒰 𑒋𑒯𑒱 𑒢𑒰𑒙𑒏𑒏𑒹𑒿 𑒣𑒳𑒢𑒩𑓂𑒖𑒰𑒑𑒩𑒝𑒏 𑒂𑒞𑓂𑒧𑒰𑒏 𑒢𑒱𑒏𑒙 𑒪𑓄 𑒖𑒰𑒃𑒞 𑒁𑒕𑒱।
𑒤𑒰𑒮𑓂𑒙𑒮𑒏 𑒣𑒯𑒱𑒪 𑒣𑓂𑒩𑒫𑒹𑒬 𑒍𑒏𑒩𑒰 𑒪𑒹𑒪 𑒠𑒴𑒙𑒰 𑒫𑒱𑒏𑒪𑓂𑒣 𑒪𑓄 𑒁𑒥𑒻𑒞 𑒁𑒕𑒱। 𑒍𑒏𑒩𑒰 𑒂𑒡𑓂𑒨𑒰𑒞𑓂𑒧𑒱𑒏 𑒖𑒲𑒫𑒢 𑒔𑒳𑒢𑒥𑒰𑒏 𑒕𑒻 𑒂𑒏𑒱 𑒪𑒾𑒏𑒱𑒏। 𑒍𑒏𑒩𑒰 𑒢𑒻 𑒐𑒞𑒧 𑒯𑒼𑒁𑒋𑒥𑒪𑒰 𑒂𑒢𑒢𑓂𑒠 𑒔𑒰𑒯𑒲 𑒂𑒏𑒱 𑒂𑒡𑓂𑒨𑒰𑒞𑓂𑒧𑒱𑒏 𑒁𑓀𑒡𑒏𑒴𑒣 𑒂 𑒧𑒳𑒞𑓂𑒨𑒳। 𑒍𑒏𑒩𑒰 𑒁𑒣𑒢 𑒃𑒔𑓂𑒕𑒰𑒏 𑒣𑒰𑒪𑒢 𑒏𑒩𑒥𑒰𑒏 𑒕𑒻 𑒂𑒏𑒱 𑒦𑒑𑒫𑒰𑒢𑒏। 𑒍 𑒖𑓂𑒘𑒰𑒢𑒲 𑒁𑒕𑒱, 𑒋𑒩𑒱𑒮𑓂𑒙𑒼𑒙𑒪𑒏 𑒞𑒩𑓂𑒏 𑒔𑒱𑒢𑓂𑒞𑒢 𑒍 𑒣𑒜𑓃𑒢𑒹 𑒁𑒕𑒱, 𑒩𑒼𑒑-𑒫𑓂𑒨𑒰𑒡𑒱 𑒠𑒴𑒩 𑒏𑒩𑒻𑒥𑒪𑒰 𑒔𑒱𑒏𑒱𑒞𑓂𑒮𑒰𑒬𑒰𑒮𑓂𑒞𑓂𑒩 𑒍 𑒖𑒢𑒻𑒞 𑒁𑒕𑒱। 𑒍 𑒡𑒩𑓂𑒧𑒬𑒰𑒮𑓂𑒞𑓂𑒩𑒧𑒹 𑒛𑒰𑒏𑓂𑒙𑒩𑒹𑒙 𑒁𑒕𑒱। 𑒧𑒳𑒠𑒰 𑒄 𑒮𑒦 𑒖𑓂𑒘𑒰𑒢 𑒍𑒏𑒩𑒰 𑒬𑒰𑒢𑓂𑒞𑒱 𑒂 𑒂𑒢𑒢𑓂𑒠 𑒢𑒻 𑒠𑒻 𑒕𑒻। 𑒧𑒳𑒠𑒰 𑒍 𑒔𑒳𑒢𑒻𑒋 𑒖𑒰𑒠𑒴 𑒂 𑒪𑒾𑒏𑒱𑒏 𑒃𑒔𑓂𑒕𑒰𑒏 𑒞𑒵𑒣𑓂𑒞𑒱𑒏 𑒩𑒮𑓂𑒞𑒰।
𑒋𑒯𑒱 𑒖𑒰𑒠𑒴𑒏 𑒔𑒨𑒢 𑒏𑓄 𑒍 “𑒦𑒩𑒼𑒮”𑒣𑒩 𑒦𑒩𑒼𑒮 𑒕𑒼𑒛𑓃𑒱 𑒠𑒻𑒋।
𑒤𑒰𑒮𑓂𑒙𑒮𑒏 𑒪𑒾𑒏𑒱𑒏 𑒃𑒔𑓂𑒕𑒰 𑒕𑒻 𑒫𑒹𑒮𑓂𑒙 𑒃𑓀𑒛𑒲𑒖𑒏 𑒂 𑒁𑒧𑒹𑒩𑒱𑒏𑒰𑒏 (𑒖𑒹 𑒧𑒰𑒩𑒪𑒼𑒫𑒹𑒏 𑒮𑒧𑒋𑒧𑒹 𑒃𑓀𑒛𑒱𑒨𑒰 𑒏𑒯𑒪 𑒖𑒰𑒃 𑒕𑒪) 𑒮𑒼𑒢𑒰, 𑒣𑒴𑒩𑓂𑒫𑒏 𑒧𑒼𑒞𑒲, 𑒢𑒲𑒏 𑒤𑒪। 𑒍𑒏𑒩 𑒃𑒔𑓂𑒕𑒰𑒏 𑒪𑒹𑒪 𑒖𑒰𑒠𑒴𑒑𑒩 𑒫𑒰𑒪𑓂𑒛𑒹𑒮 𑒂 𑒏𑒰𑒩𑒢𑒹𑒪𑒱𑒨𑒮 𑒕𑒻।
𑒢𑒰𑒙𑒏𑒏 𑒥𑒰𑒠𑒏 𑒦𑒰𑒑𑒧𑒹 𑒧𑒹𑒤𑒱𑒮𑓂𑒙𑒼𑒤𑒱𑒪𑒱𑒮𑒏 𑒂𑒑𑒧𑒢 𑒯𑒼𑒃 𑒕𑒻- 𑒤𑒰𑒮𑓂𑒙𑒮 𑒍𑒏𑒩𑒰𑒮𑒿 𑒏𑒯𑒻𑒞 𑒁𑒕𑒱 𑒖𑒹 𑒍 𑒪𑒴𑒮𑒲𑒤𑒩𑒏𑒹𑒿 𑒮𑒴𑒔𑒱𑒞 𑒏𑒩𑒋 𑒖𑒹 𑒤𑒰𑒮𑓂𑒙𑒮 𑒁𑒣𑒢 𑒂𑒞𑓂𑒧𑒰𑒏 𑒥𑒠𑒪𑒹𑒢 𑒪𑒾𑒏𑒱𑒏 𑒦𑒼𑒑 𑒪𑒹𑒪 𑒏𑒩𑒥𑒰𑒏 𑒪𑒹𑒪 𑒞𑒻𑒨𑒰𑒩 𑒁𑒕𑒱। “𑒢𑒲𑒏 𑒠𑒴𑒞”𑒏 𑒤𑒰𑒮𑓂𑒙𑒮𑒏𑒹𑒿 𑒮𑒳𑒗𑒰𑒫 𑒖𑒹 𑒍 𑒮𑓂𑒫𑒩𑓂𑒑 𑒂 𑒮𑓂𑒫𑒩𑓂𑒑𑒲𑒨 𑒫𑒮𑓂𑒞𑒳𑒏 𑒫𑒱𑒭𑒨𑒧𑒹 𑒮𑒼𑒔𑒋, 𑒤𑒰𑒮𑓂𑒙𑒮 “𑒐𑒩𑒰𑒣 𑒠𑒴𑒞”𑒏 𑒮𑒪𑒰𑒯 𑒧𑒰𑒢𑒱 𑒡𑒢𑒏 𑒃𑒔𑓂𑒕𑒰 𑒏𑒩𑒻𑒋।
𑒁𑒣𑒢 𑒂𑒞𑓂𑒧𑒰𑒏 𑒢𑒱𑒪𑒰𑒧𑒲𑒏 𑒥𑓀𑒡𑒏𑒣𑒞𑓂𑒩 𑒁𑒣𑒢 𑒐𑒴𑒢𑒮𑒿 𑒪𑒱𑒐𑒻𑒞 𑒁𑒕𑒱 𑒤𑒰𑒮𑓂𑒙𑒮। 𑒪𑒴𑒮𑒲𑒤𑒩𑒏𑒹𑒿 𑒁𑒣𑒢 𑒂𑒞𑓂𑒧𑒰 𑒮𑒧𑒩𑓂𑒣𑒱𑒞 𑒏𑓄 𑒠𑒻𑒞 𑒁𑒕𑒱 𑒍। 𑒧𑒹𑒤𑒱𑒮𑓂𑒙𑒼𑒤𑒱𑒪𑒱𑒮 𑒍𑒏𑒩𑒰 𑒢𑒩𑓂𑒏𑒏 𑒫𑒱𑒭𑒨𑒧𑒹 𑒏𑒯𑒻𑒞 𑒁𑒕𑒱 𑒧𑒳𑒠𑒰 𑒍 𑒍𑒯𑒱𑒣𑒩 𑒡𑓂𑒨𑒰𑒢 𑒢𑒻 𑒠𑓄 “𑒮𑒳𑒞𑒢𑒰𑒃”, “𑒐𑒹𑒢𑒰𑒃” 𑒂 “𑒔𑒪𑒢𑒰𑒃”𑒣𑒩 𑒡𑓂𑒨𑒰𑒢 𑒠𑒻𑒞 𑒁𑒕𑒱। 𑒥𑒯𑒮 𑒏𑒹𑒢𑒰𑒃, 𑒖𑓂𑒘𑒰𑒢𑒏 𑒮𑓀𑒔𑒨, 𑒐𑒑𑒼𑒪𑒬𑒰𑒮𑓂𑒞𑓂𑒩 𑒂 𑒫𑒢𑒮𑓂𑒣𑒞𑒱𑒬𑒰𑒮𑓂𑒞𑓂𑒩𑒏 𑒖𑓂𑒘𑒰𑒢 𑒂 𑒮𑒾𑒢𑓂𑒠𑒩𑓂𑒨𑒬𑒰𑒮𑓂𑒞𑓂𑒩 𑒄 𑒮𑒦 𑒧𑒹𑒤𑒱𑒮𑓂𑒙𑒼𑒤𑒱𑒪𑒱𑒮𑒏 𑒮𑒯𑒨𑒼𑒑𑒮𑒿 𑒤𑒰𑒮𑓂𑒙𑒮 𑒣𑓂𑒩𑒰𑒣𑓂𑒞 𑒏𑒩𑒻𑒞 𑒁𑒕𑒱।
𑒤𑒰𑒮𑓂𑒙𑒮𑒏 𑒪𑒻𑓀𑒑𑒱𑒏 𑒃𑒔𑓂𑒕𑒰𑒏 𑒣𑒴𑒩𑓂𑒞𑒱𑒏 𑒣𑒯𑒱𑒢𑒹 𑒧𑒹𑒤𑒱𑒮𑓂𑒙𑒼𑒤𑒱𑒪𑒱𑒮 𑒍𑒏𑒩𑒰 𑒥𑒳𑒗𑒥𑒻𑒞 𑒁𑒕𑒱 𑒧𑒳𑒠𑒰 𑒤𑒹𑒩 𑒋𑒏𑒙𑒰 “𑒐𑒩𑒰𑒣 𑒂𑒞𑓂𑒧𑒰”𑒏𑒹𑒿 𑒮𑓂𑒞𑓂𑒩𑒲 𑒥𑒢𑒰 𑒤𑒰𑒮𑓂𑒙𑒮𑒏 𑒣𑒞𑓂𑒢𑒲𑒏 𑒩𑒴𑒣 𑒠𑒻𑒞 𑒁𑒕𑒱।
“𑒐𑒩𑒰𑒣 𑒂𑒞𑓂𑒧𑒰” 𑒏𑒼𑒢𑒼 𑒧𑒵𑒞 𑒫𑓂𑒨𑒏𑓂𑒞𑒱𑒏 𑒁𑒢𑒳𑒏𑒩𑒝 𑒏𑓄 𑒮𑒏𑒻𑒋 𑒧𑒳𑒠𑒰 𑒮𑓂𑒫𑒨𑓀 𑒖𑒲𑒫𑒱𑒞 𑒢𑒻 𑒦𑓄 𑒮𑒏𑒻𑒋। 𑒮𑒹 𑒞𑒏𑒩 𑒣𑒩𑒱𑒝𑒰𑒧 𑒄 𑒦𑒹𑒪 𑒖𑒹 𑒍𑒏𑒩 𑒚𑒼𑒜𑓃 𑒤𑒰𑒮𑓂𑒙𑒮𑒏 𑒂𑒞𑓂𑒧𑒰𑒏𑒹𑒿 𑒔𑒴𑒮𑒱 𑒪𑒻𑒞 𑒕𑒻। “𑒐𑒩𑒰𑒣 𑒂𑒞𑓂𑒧𑒰”𑒮𑒿 𑒮𑓀𑒮𑒩𑓂𑒑𑒏 𑒣𑒰𑒣 𑒤𑒰𑒮𑓂𑒙𑒮 𑒏𑒩𑒻𑒋 𑒂 𑒣𑒩𑒱𑒝𑒰𑒧 𑒕𑒻 𑒍𑒏𑒩 𑒂𑒡𑓂𑒨𑒰𑒞𑓂𑒧𑒱𑒏 𑒧𑒵𑒞𑓂𑒨𑒳।
𑒍 𑒦𑒑𑒫𑒰𑒢𑒮𑒿 𑒠𑒴𑒩 𑒦𑓄 𑒖𑒰𑒃𑒋 𑒂 𑒍 “𑒐𑒩𑒰𑒣 𑒂𑒞𑓂𑒧𑒰” 𑒮𑓀𑒑𑒹 𑒔𑒾𑒥𑒲𑒮 𑒥𑒩𑓂𑒐 𑒥𑒱𑒞𑒹𑒥𑒰𑒏 𑒪𑒹𑒪 𑒩𑒮-𑒩𑓀𑒑𑒧𑒹 𑒛𑒴𑒧𑒱 𑒖𑒰𑒃𑒋।
𑒧𑒳𑒠𑒰 𑒖𑒐𑒢 𑒍𑒏𑒩 𑒧𑒵𑒞𑓂𑒨𑒳𑒏 𑒥𑒰𑒢𑓂𑒛𑒏 𑒮𑒧𑒋 𑒢𑒱𑒏𑒙 𑒁𑒥𑒻 𑒕𑒻, 𑒍 𑒏𑒯𑒻𑒋- “𑒯𑒧 𑒖𑒹 𑒖𑒱𑒥𑒱𑒞𑒾𑓀 𑒋𑒏𑒩𑒰 𑒮𑒦𑒏 𑒮𑓀𑒑 𑒞𑒿 𑒮𑓂𑒟𑒱𑒩 𑒖𑒲𑒫𑒢 𑒖𑒱𑒥𑒱𑒞𑒾𑓀 𑒧𑒳𑒠𑒰 𑒂𑒥 𑒧𑒩𑒥 𑒞𑒿 𑒮𑒠𑒰 𑒪𑒹𑒪 𑒧𑒩𑒱 𑒖𑒰𑒋𑒥”।
𑒂 𑒍𑒏𑒩 𑒁𑒢𑓂𑒞𑒱𑒧 𑒏𑓂𑒭𑒝- 𑒖𑒐𑒢 𑒍𑒏𑒩 𑒧𑒵𑒞𑓂𑒨𑒳 𑒯𑒼𑒋𑒥𑒰𑒏 𑒕𑒻𑒏 𑒞𑒏𑒩 𑒣𑒴𑒩𑓂𑒫- 𑒥𑒰𑒩𑒯 𑒥𑒖𑒹𑒏 𑒒𑒛𑓃𑒲𑒏 𑒙𑒱𑒏𑒙𑒱𑒏। 𑒍 𑒠𑒳𑒐𑒲 𑒦𑓄 𑒏𑒯𑒻𑒋- “𑒍𑒏𑒩 𑒂𑒞𑓂𑒧𑒰 𑒁𑒐𑒢𑒼 𑒖𑒲𑒥𑒋 𑒢𑒩𑓂𑒏𑒧𑒹 𑒩𑒯𑒥𑒰𑒏 𑒪𑒹𑒪” 𑒧𑒳𑒠𑒰...
𑒍 𑒫𑒱𑒠𑓂𑒫𑒰𑒢𑓂 𑒮𑒦𑒏𑒹𑒿 𑒏𑒯𑒻𑒋- 𑒍 𑒮𑒰𑒿𑒣 𑒖𑒹 𑒄𑒫𑒏𑒹𑒿 𑒣𑓂𑒩𑒪𑒼𑒦𑒱𑒞 𑒏𑒹𑒪𑒏 𑒮𑒹 𑒥𑒔𑒱 𑒮𑒏𑒻𑒋 𑒧𑒳𑒠𑒰 𑒤𑒰𑒮𑓂𑒙𑒮 𑒢𑒻।
𑒍 𑒣𑒬𑓂𑒔𑒰𑒞𑒰𑒣𑒼 𑒢𑒻 𑒏𑓄 𑒮𑒏𑒻𑒋, 𑒍𑒏𑒩𑒰 𑒏𑓂𑒭𑒧𑒰 𑒢𑒻 𑒏𑒋𑒪 𑒖𑒰 𑒮𑒏𑒻 𑒕𑒻, 𑒣𑒫𑒱𑒞𑓂𑒩 𑒢𑒻 𑒏𑒋𑒪 𑒖𑒰 𑒮𑒏𑒻 𑒕𑒻। 𑒍 𑒮𑓂𑒫𑒲𑒏𑒰𑒩 𑒏𑒩𑒻𑒋 𑒖𑒹 𑒍 𑒦𑒑𑒫𑒰𑒢𑒏𑒹𑒿 𑒁𑒣𑒧𑒰𑒢𑒱𑒞 𑒏𑒹𑒢𑒹 𑒁𑒕𑒱।

𑒮𑒻𑒧𑒮𑒢 𑒋𑒑𑒼𑒢𑒱𑒮𑓂𑒙𑒹𑒮- 𑒖𑒰𑒢 𑒧𑒱𑒪𑓂𑒙𑒢
𑒢𑒰𑒙𑒏𑒏 𑒣𑓂𑒩𑒰𑒩𑒧𑓂𑒦𑒧𑒹 𑒮𑒻𑒧𑒮𑒢𑒏𑒹𑒿 𑒂𑒢𑓂𑒯𑒩 𑒏𑓄 𑒑𑒰𑒖𑒰𑒏 𑒖𑒹𑒪𑒧𑒹 𑒬𑓂𑒩𑒧 𑒧𑒖𑒠𑒴𑒩𑒲 𑒪𑒹𑒪 𑒯𑒼𑒋𑒥𑒰𑒏 𑒂 𑒋𑒏 𑒑𑒼𑒙𑒹 𑒠𑓂𑒫𑒰𑒩𑒰 𑒖𑒹𑒪𑒏 𑒮𑒼𑒗𑒰𑒿𑒏 𑒔𑒧𑒏𑒻𑒞 𑒏𑒱𑒢𑒰𑒩𑒣𑒩 𑒪𑓄 𑒖𑒋𑒥𑒰𑒏 𑒠𑒵𑒬𑓂𑒨 𑒁𑒕𑒱। 𑒄 𑒋𑒏𑒙𑒰 𑒕𑒳𑒙𑓂𑒙𑒲𑒏 𑒠𑒱𑒢 𑒕𑒪, 𑒏𑒰𑒩𑒝 𑒕𑒪 𑒤𑒱𑒪𑒱𑒮𑓂𑒞𑒲𑒢𑒏 𑒦𑒑𑒫𑒰𑒢 𑒛𑒹𑒑𑒼𑒢𑒏, 𑒖𑒹 𑒁𑒠𑒯𑒰 𑒧𑒢𑒳𑒏𑓂𑒐 𑒂 𑒁𑒠𑒯𑒰 𑒧𑒰𑒿𑒕 𑒕𑒟𑒱, 𑒦𑒼𑒖 𑒕𑒻। 𑒥𑒮𑒰𑒞 𑒪𑒑𑒪𑒰𑒮𑒿 𑒮𑒻𑒧𑒮𑒢 𑒁𑒣𑒢𑒰𑒧𑒹 𑒆𑒩𑓂𑒖𑒰𑒏 𑒮𑓀𑒔𑒰𑒩 𑒣𑒥𑒻𑒋। 𑒍𑒏𑒩𑒰𑒧𑒹 𑒮𑓂𑒫𑒩𑓂𑒑𑒮𑒿 𑒦𑒹𑒙𑒪 𑒬𑒏𑓂𑒞𑒱 𑒕𑒻 𑒖𑒹 𑒤𑒱𑒪𑒱𑒮𑓂𑒞𑒲𑒢𑒏 𑒣𑒩𑒞𑓀𑒞𑓂𑒩𑒞𑒰𑒮𑒿 𑒃𑒮𑓂𑒩𑒰𑒨𑒪𑒏𑒹𑒿 𑒧𑒳𑒏𑓂𑒞𑒱 𑒠𑒱𑒋𑒥𑒰 𑒪𑒹𑒪 𑒕𑒻। 𑒧𑒳𑒠𑒰 𑒞𑒐𑒢𑒹 𑒍𑒏𑒩𑒰 𑒪𑒑𑒻 𑒕𑒻 𑒖𑒹 𑒦𑒑𑒫𑒰𑒢 𑒍𑒏𑒩𑒰 𑒖𑒞𑒹𑒏 𑒬𑒏𑓂𑒞𑒱 𑒠𑒹𑒪𑒢𑓂𑒯𑒱 𑒞𑒞𑒹𑒏 𑒥𑒳𑒠𑓂𑒡𑒱 𑒢𑒻 𑒠𑒹𑒪𑒢𑓂𑒯𑒱, 𑒢𑒻 𑒞𑒿 𑒍 𑒍𑒞𑒹𑒏 𑒖𑒪𑓂𑒠𑒲 𑒁𑒣𑒢 𑒬𑒏𑓂𑒞𑒱𑒏 𑒩𑒯𑒮𑓂𑒨 𑒛𑒹𑒪𑒱𑒪𑒰𑒏𑒹𑒿 𑒢𑒻 𑒥𑒞𑒥𑒱𑒞𑒻। 𑒧𑒳𑒠𑒰 𑒦𑒑𑒫𑒰𑒢𑒏 𑒥𑒳𑒠𑓂𑒡𑒱𑒣𑒩 𑒍 𑒏𑒼𑒢𑒼 𑒥𑒯𑒮 𑒏𑒼𑒢𑒰 𑒏𑓄 𑒮𑒏𑒻𑒋, 𑒖𑒹 𑒏𑒲 𑒃𑒔𑓂𑒕𑒰 𑒕𑒻 𑒍𑒏𑒩।
𑒍𑒏𑒩 𑒣𑒱𑒞𑒰 𑒧𑒢𑒼𑒂 𑒮𑒻𑒧𑒮𑒢𑒏𑒹𑒿 𑒖𑒹𑒪𑒮𑒿 𑒥𑒰𑒯𑒩 𑒢𑒱𑒏𑒰𑒪𑒥𑒰𑒏 𑒋𑒏𑒙𑒰 𑒨𑒼𑒖𑒢𑒰 𑒪𑓄 𑒁𑒥𑒻𑒞 𑒁𑒕𑒱। 𑒍𑒏𑒩 𑒨𑒼𑒖𑒢𑒰 𑒖𑒹 𑒤𑒱𑒪𑒱𑒮𑓂𑒞𑒲𑒢𑒏 𑒮𑒰𑒧𑒢𑓂𑒞𑒏𑒹𑒿 𑒣𑒰𑒃 𑒠𑓄 𑒮𑒻𑒧𑒮𑒢𑒏𑒹𑒿 𑒕𑒼𑒛𑓃𑒥𑒰𑒥𑒲, 𑒄 𑒮𑒻𑒧𑒮𑒢𑒏𑒹𑒿 𑒢𑒲𑒏 𑒢𑒻 𑒪𑒑𑒻 𑒕𑒻, 𑒢𑒻 𑒧𑒰𑒢𑒻 𑒁𑒕𑒱 𑒍।
𑒧𑒢𑒼𑒂 𑒍𑒏𑒩𑒰 𑒏𑒯𑒻 𑒕𑒻 𑒖𑒹 𑒤𑒱𑒪𑒱𑒮𑓂𑒞𑒲𑒢 𑒮𑒦 𑒦𑒼𑒖𑒏 𑒏𑓂𑒩𑒧𑒧𑒹 𑒛𑒹𑒑𑒢𑒏 𑒣𑓂𑒩𑒬𑓀𑒮𑒰 𑒏𑒩𑒞 𑒂 𑒃𑒮𑓂𑒩𑒰𑒨𑒪𑒏 𑒦𑒑𑒫𑒰𑒢𑒏 𑒁𑒣𑒧𑒰𑒢। 𑒄 𑒮𑒳𑒢𑒱 𑒮𑒻𑒧𑒮𑒢 𑒠𑒳𑒐𑒲 𑒦𑓄 𑒖𑒰𑒃𑒋। 𑒍 𑒧𑒢𑒼𑒂𑒏𑒹𑒿 𑒏𑒯𑒻 𑒁𑒕𑒱 𑒖𑒹 𑒍𑒏𑒩𑒰 𑒏𑒼𑒢𑒼 𑒂𑒬𑓀𑒏𑒰 𑒢𑒻 𑒕𑒻 𑒖𑒹 𑒃𑒮𑓂𑒩𑒰𑒨𑒪𑒏 𑒦𑒑𑒫𑒰𑒢 𑒛𑒹𑒑𑒼𑒢𑒣𑒩 𑒫𑒱𑒖𑒨 𑒏𑒩𑒞। 𑒧𑒢𑒼𑒂𑒏 𑒑𑒹𑒪𑒰𑒣𑒩 𑒍 𑒏𑒼𑒩𑒮𑒧𑒹 𑒧𑒳𑒠𑒰 𑒄 𑒏𑒯𑒻𑒋 𑒖𑒹 𑒧𑒳𑒠𑒰 𑒍 𑒏𑒼𑒢𑒰 𑒦𑒑𑒫𑒰𑒢 𑒪𑒹𑒪 𑒏𑒰𑒖 𑒏𑓄 𑒮𑒏𑒞?
𑒛𑒹𑒪𑒲𑒪𑒰 𑒁𑒥𑒻𑒋 𑒂 𑒮𑒻𑒧𑒮𑒢𑒏𑒹𑒿 𑒏𑒯𑒻𑒞 𑒁𑒕𑒱 𑒖𑒹 𑒍 𑒤𑒱𑒪𑒱𑒮𑓂𑒞𑒲𑒢𑒲 𑒮𑒰𑒧𑒢𑓂𑒞𑒏𑒹𑒿 𑒏𑒯𑒱 𑒍𑒏𑒩𑒰 𑒕𑒼𑒛𑓃𑒥𑒰𑒍𑒞 𑒧𑒳𑒠𑒰 𑒮𑒻𑒧𑒮𑒢 𑒍𑒏𑒩𑒰 𑒩𑒯𑒮𑓂𑒨𑒏𑒹𑒿 𑒐𑒼𑒪𑒻𑒫𑒰𑒪𑒲 𑒏𑒯𑒻𑒋।
𑒯𑒩𑒰𑒤𑒰 𑒮𑒻𑒧𑒮𑒢𑒏𑒹𑒿 𑒏𑒯𑒻𑒞 𑒁𑒕𑒱 𑒖𑒹 𑒦𑒑𑒫𑒰𑒢 𑒮𑒻𑒧𑒮𑒢𑒏𑒹𑒿 𑒕𑒼𑒛𑓃𑒱 𑒠𑒹𑒢𑒹 𑒕𑒟𑒱।
𑒁𑒡𑒱𑒏𑒰𑒩𑒲 𑒁𑒥𑒻𑒞 𑒁𑒕𑒱 𑒂 𑒍 𑒤𑒱𑒪𑒱𑒮𑓂𑒞𑒲𑒢𑒏 𑒮𑒰𑒧𑒢𑓂𑒞𑒏 𑒂𑒠𑒹𑒬 𑒁𑒢𑒻𑒞 𑒁𑒕𑒱 𑒖𑒹 𑒮𑒻𑒧𑒮𑒢𑒏𑒹𑒿 𑒁𑒣𑒢 𑒏𑒩𑒞𑒥 𑒛𑒹𑒑𑒢𑒏 𑒦𑒼𑒖𑒏 𑒁𑒫𑒮𑒩𑒣𑒩 𑒠𑒹𑒐𑒹𑒥𑒰𑒏 𑒕𑒻। 𑒣𑒯𑒱𑒢𑒹 𑒍 𑒧𑒢𑒰 𑒏𑒩𑒻𑒋 𑒤𑒹𑒩 𑒏𑒱𑒕𑒳 𑒮𑒼𑒔𑒱 𑒏𑓄 𑒧𑒰𑒢𑒱 𑒖𑒰𑒃𑒋। 𑒧𑒱𑒪𑓂𑒙𑒢 𑒤𑒱𑒪𑒱𑒮𑓂𑒞𑒲𑒢𑒲𑒏𑒹𑒿 𑒪𑒾𑒏𑒱𑒏 𑒂𑒢𑒢𑓂𑒠𑒧𑒹 𑒐𑒮𑒪 𑒂 𑒛𑒹𑒑𑒢𑒏𑒹𑒿 𑒍𑒯𑒱 𑒪𑒾𑒏𑒱𑒏 𑒂𑒢𑒢𑓂𑒠𑒏 𑒠𑒹𑒫𑒞𑒰𑒏 𑒩𑒴𑒣𑒧𑒹 𑒠𑒹𑒐𑒥𑒻𑒞 𑒕𑒟𑒱। 𑒮𑒻𑒧𑒮𑒢 𑒠𑒴𑒙𑒰 𑒐𑒰𑒧𑓂𑒯𑒏 𑒥𑒲𑒔𑒧𑒹 𑒖𑒰𑒃𑒞 𑒁𑒕𑒱, 𑒣𑓂𑒩𑒰𑒩𑓂𑒟𑒢𑒰 𑒏𑒩𑒻𑒞 𑒁𑒕𑒱 𑒂 𑒦𑒫𑒢𑒏𑒹𑒿 𑒐𑒮𑒰 𑒠𑒻𑒞 𑒁𑒕𑒱।
𑒠𑒴𑒞𑒏 𑒋𑒯𑒱 𑒫𑒩𑓂𑒝𑒢𑒮𑒿 𑒮𑒻𑒧𑒮𑒢𑒏 𑒣𑒱𑒞𑒰𑒧𑒹 𑒬𑒰𑒢𑓂𑒞 𑒣𑓂𑒩𑒞𑒱𑒏𑓂𑒩𑒱𑒨𑒰 𑒯𑒼𑒃𑒞 𑒁𑒕𑒱। 𑒍 𑒏𑒯𑒻𑒞 𑒕𑒟𑒱- 𑒠𑒳𑒐𑒲 𑒯𑒼𑒋𑒥𑒰𑒏 𑒮𑒧𑒋 𑒢𑒻 𑒁𑒕𑒱। 𑒍 𑒁𑒣𑒢 𑒧𑒳𑒞𑓂𑒨𑒳𑒮𑒿 𑒃𑒮𑓂𑒩𑒰𑒨𑒪 𑒪𑒹𑒪 𑒮𑒧𑓂𑒧𑒰𑒢 𑒂 𑒮𑓂𑒫𑒞𑓀𑒞𑓂𑒩𑒞𑒰 𑒁𑒢𑒢𑒹 𑒕𑒟𑒱।

𑒧𑒩𑓂𑒛𑒩 𑒃𑒢 𑒠 𑒏𑒻𑒟𑒹𑒛𑓂𑒩𑒪- 𑒙𑒲.𑒋𑒮. 𑒃𑒪𑒱𑒨𑒙
𑒧𑒩𑓂𑒛𑒩 𑒃𑒢 𑒠 𑒏𑒻𑒟𑒹𑒛𑓂𑒩𑒪 𑒏𑒻𑓀𑒙𑒩𑒥𑒩𑒲𑒏 𑒧𑒯𑒱𑒪𑒰𑒏 𑒏𑒼𑒩𑒮 𑒮𑓂𑒫𑒩𑒮𑒿 𑒣𑓂𑒩𑒰𑒩𑒧𑓂𑒦 𑒯𑒼𑒃𑒞 𑒁𑒕𑒱 𑒖𑒰𑒯𑒱𑒧𑒹 𑒣𑓂𑒩𑒏𑒵𑒞𑒱𑒏 𑒮𑓂𑒫𑒩𑒴𑒣𑒏 𑒯𑒱𑒞𑒏𑒰𑒩𑒲 𑒢𑒻 𑒯𑒼𑒋𑒥 𑒂 𑒮𑒳𑒩𑒹𑒥 𑒢𑒻 𑒯𑒼𑒋𑒥 𑒫𑒩𑓂𑒝𑒱𑒞 𑒁𑒕𑒱।
𑒠𑒴𑒞 𑒂𑒩𑓂𑒏𑒥𑒱𑒬𑒣𑒏 𑒃𑓀𑒑𑓂𑒪𑒻𑓀𑒛 𑒂𑒑𑒧𑒢𑒏 𑒮𑒴𑒔𑒢𑒰 𑒠𑒻𑒞 𑒁𑒕𑒱। 𑒥𑒹𑒏𑒹𑒙 𑒤𑓂𑒩𑒰𑓀𑒮𑒧𑒹 𑒮𑒰𑒞 𑒥𑒩𑓂𑒐 𑒩𑒯𑒪𑒰𑒏 𑒥𑒰𑒠 𑒏𑒻𑓀𑒙𑒩𑒥𑒩𑒲 𑒒𑒳𑒩𑒻𑒞 𑒕𑒟𑒱। 𑒋𑒞𑒋 𑒯𑒳𑒢𑒏𑒰 𑒪𑒹𑒪 𑒥𑒰𑒯𑒩𑒲 𑒂 𑒂𑒢𑓂𑒞𑒩𑒱𑒏 𑒠𑒳𑒢𑒴 𑒮𑓂𑒞𑒩𑒣𑒩 𑒮𑓀𑒒𑒩𑓂𑒭 𑒕𑒻। 𑒩𑒰𑒖𑓂𑒨𑒏 𑒂 𑒡𑒩𑓂𑒧𑒏, 𑒩𑒰𑒖𑒰 𑒂 𑒂𑒩𑓂𑒏𑒥𑒱𑒬𑒣𑒏 𑒮𑓀𑒒𑒩𑓂𑒭 𑒞𑒿 𑒕𑒻𑒯𑒹, 𑒂𑒢𑓂𑒞𑒩𑒱𑒏 𑒮𑓀𑒒𑒩𑓂𑒭 𑒮𑒹𑒯𑒼 𑒕𑒻 𑒖𑒹 𑒦𑒲𑒞𑒩𑒏 𑒃𑒔𑓂𑒕𑒰 𑒕𑒻। 𑒍 𑒁𑒣𑒢 𑒦𑒴𑒞𑒏𑒰𑒪𑒏𑒹𑒿, 𑒖𑒰𑒯𑒱𑒧𑒹 𑒥𑒻𑒩𑒢 𑒮𑒦𑒏 𑒧𑒱𑒞𑓂𑒩𑒞𑒰 𑒂 𑒔𑒰𑒢𑓂𑒮𑒪𑒩𑒬𑒱𑒣 𑒁𑒥𑒻𑒞 𑒁𑒕𑒱, 𑒏𑒹𑒿 “𑒕𑒰𑒯” 𑒏𑒯𑒻 𑒕𑒟𑒱, 𑒋𑒯𑒱𑒮𑒿 𑒮𑒹𑒯𑒼 𑒯𑒳𑒢𑒏𑒰 𑒮𑓀𑒒𑒩𑓂𑒭 𑒏𑒩𑒥𑒰𑒏 𑒕𑒢𑓂𑒯𑒱।
𑒥𑒹𑒏𑒹𑒙𑒏 𑒥𑒰𑒯𑒩𑒲 𑒬𑒞𑓂𑒩𑒳 𑒔𑒰𑒩𑒱𑒙𑒰 “𑒢𑒰𑒃𑒙” 𑒞𑒩𑒳𑒂𑒩𑒱 𑒦𑒿𑒖𑒻𑒞 𑒁𑒥𑒻𑒞 𑒕𑒟𑒱। 𑒥𑒹𑒏𑒹𑒙 𑒞𑒰𑒫𑒞 𑒁𑒣𑒢 𑒂𑒢𑓂𑒞𑒩𑒱𑒏 𑒬𑒞𑓂𑒩𑒳𑒣𑒩 𑒫𑒱𑒖𑒨 𑒣𑓂𑒩𑒰𑒣𑓂𑒞 𑒏𑓄 𑒪𑒹𑒢𑒹 𑒕𑒟𑒱 𑒂 𑒍 𑒬𑒰𑒢𑓂𑒞𑒱𑒮𑒿 “𑒢𑒰𑒃𑒙” 𑒮𑒦𑒏𑒹𑒿 𑒏𑒯𑒻 𑒕𑒟𑒱- “𑒁𑒯𑒰𑒿 𑒮𑒦𑒏 𑒮𑓂𑒫𑒰𑒑𑒞 𑒁𑒕𑒱, 𑒔𑒰𑒯𑒹 𑒁𑒯𑒰𑒿𑒏 𑒅𑒠𑓂𑒠𑒹𑒬𑓂𑒨 𑒖𑒹 𑒯𑒼”।
𑒍 𑒏𑒯𑒻 𑒕𑒟𑒱 𑒖𑒹 𑒯𑒳𑒢𑒏𑒰 𑒏𑒯𑒱𑒨𑒼 𑒃𑒔𑓂𑒕𑒰 𑒢𑒻 𑒦𑒹𑒪𑒢𑓂𑒯𑒱 𑒖𑒹 𑒍 𑒩𑒰𑒖𑒰𑒏 𑒣𑒳𑒞𑓂𑒩𑒏 𑒧𑒳𑒏𑒳𑒙 𑒕𑒲𑒢𑒱 𑒪𑒹𑒟𑒱।
𑒢𑒰𑒃𑒙𑒏 𑒩𑒰𑒖𑒰𑒏 𑒂𑒠𑒹𑒬 𑒮𑒳𑒢𑒹𑒪𑒰𑒣𑒩 𑒖𑒹 𑒍 𑒠𑒹𑒬 𑒕𑒼𑒛𑓃𑒱 𑒠𑒹𑒟𑒱, 𑒥𑒹𑒏𑒹𑒙 𑒏𑒯𑒻 𑒕𑒟𑒱 𑒖𑒹 𑒂𑒥 𑒢𑒻, 𑒮𑒰𑒞 𑒮𑒰𑒪 𑒍 𑒁𑒣𑒢 𑒪𑒼𑒏𑒮𑒿 𑒠𑒴𑒩 𑒩𑒯𑒪𑒰𑒯।
𑒍 𑒁𑒣𑒢 𑒯𑒞𑓂𑒨𑒰 𑒏𑒋𑒪 𑒖𑒋𑒥𑒰𑒮𑒿 𑒣𑒴𑒩𑓂𑒫 𑒢𑒰𑒃𑒙 𑒮𑒦𑒮𑒿 𑒏𑒯𑒻 𑒕𑒟𑒱- “𑒯𑒧𑒩 𑒁𑒯𑒰𑒿 𑒖𑒹 𑒔𑒰𑒯𑒲 𑒏𑒩𑒴 𑒧𑒳𑒠𑒰 𑒯𑒧𑒩 𑒪𑒼𑒏 𑒁𑒯𑒰𑒿𑒏𑒹𑒿 𑒕𑒴𑒥𑒼 𑒢𑒻 𑒏𑒩𑒞𑒰𑒯”।
𑒣𑒳𑒩𑒼𑒯𑒱𑒞 𑒮𑒦 𑒯𑒳𑒢𑒏𑒰 𑒃𑒔𑓂𑒕𑒰𑒏 𑒫𑒱𑒩𑒳𑒠𑓂𑒡 𑒯𑒳𑒢𑒏𑒰 𑒖𑒥𑒩𑒠𑒮𑓂𑒞𑒲 𑒏𑒻𑒟𑒹𑒛𑓂𑒩𑒪𑒏 𑒦𑒲𑒞𑒩 𑒪𑓄 𑒖𑒰𑒃 𑒕𑒟𑒱 𑒂 𑒔𑒩𑓂𑒔 𑒥𑒢𑓂𑒠 𑒏𑓄 𑒠𑒻 𑒕𑒟𑒱। 𑒧𑒳𑒠𑒰 𑒥𑒹𑒏𑒹𑒙 𑒏𑒯𑒻 𑒕𑒟𑒱-
“𑒔𑒩𑓂𑒔 𑒮𑒩𑓂𑒫𑒠𑒰 𑒐𑒳𑒖𑒪 𑒩𑒯𑒥𑒰𑒏 𑒔𑒰𑒯𑒲, 𑒬𑒞𑓂𑒩𑒳𑒏 𑒪𑒹𑒪 𑒮𑒹𑒯𑒼”।
𑒖𑒐𑒢𑒹 𑒔𑒩𑓂𑒔𑒏 𑒠𑒩𑒥𑒖𑓂𑒖𑒰 𑒐𑒳𑒖𑒻𑒞 𑒁𑒕𑒱 𑒧𑒰𑒞𑒪 “𑒢𑒰𑒃𑒙” 𑒮𑒦 𑒥𑒹𑒏𑒹𑒙𑒏 𑒯𑒞𑓂𑒨𑒰𑒏 𑒅𑒠𑓂𑒠𑒹𑒬𑓂𑒨𑒮𑒿 𑒣𑒻𑒮𑒱 𑒖𑒰𑒃 𑒕𑒟𑒱।
𑒥𑒹𑒏𑒹𑒙𑒏 𑒯𑒞𑓂𑒨𑒰 𑒦𑓄 𑒖𑒰𑒃 𑒕𑒢𑓂𑒯𑒱, 𑒣𑒳𑒩𑒯𑒱𑒞 𑒮𑒦 𑒦𑒑𑒫𑒰𑒢𑒏𑒹𑒿 𑒡𑒢𑓂𑒨𑒫𑒰𑒠 𑒠𑒻 𑒕𑒟𑒱 𑒖𑒹 𑒍 𑒏𑒻𑓀𑒙𑒩𑒥𑒩𑒲𑒧𑒹 𑒋𑒏𑒙𑒰 𑒂𑒩 𑒮𑒢𑓂𑒞 𑒠𑒹𑒪𑒢𑓂𑒯𑒱।

𑒮𑓂𑒙𑓂𑒩𑒰𑒃𑒤- 𑒖𑒰𑒢 𑒑𑒰𑒪𑓂𑒮𑒫𑒩𑓂𑒠𑒲
𑒙𑓂𑒩𑒹𑒢𑒰𑒩𑓂𑒟𑒰 𑒙𑒱𑒢 𑒣𑓂𑒪𑒹𑒙 𑒫𑒩𑓂𑒏𑓂𑒮𑒧𑒹 𑒋𑒏𑒙𑒰 𑒎𑒠𑓂𑒨𑒼𑒑𑒱𑒏 𑒫𑒱𑒫𑒰𑒠𑒏 𑒏𑒰𑒩𑒝 𑒁𑒏𑓂𑒙𑒴𑒥𑒩𑒮𑒿 𑒬𑓂𑒩𑒧𑒱𑒏𑒏 𑒯𑒛𑓃𑒞𑒰𑒪 𑒣𑓂𑒩𑒰𑒩𑒧𑓂𑒦 𑒦𑒹𑒪। 𑒔𑒰𑒩𑒱 𑒧𑒰𑒮𑒏 𑒥𑒰𑒠 𑓗 𑒤𑒩𑒥𑒩𑒲𑒏𑒹𑒿 𑒋𑒏𑒙𑒰 𑒫𑒱𑒬𑒹𑒭 𑒥𑒼𑒩𑓂𑒛 𑒧𑒲𑒙𑒱𑓀𑒑 𑒋𑒯𑒱𑒣𑒩 𑒦𑒹𑒪, 𑒧𑒻𑒢𑒹𑒖𑒩 𑒤𑓂𑒩𑒰𑓀𑒮𑒱𑒮 𑒁𑓀𑒛𑒩𑒫𑒳𑒛𑒏, 𑒖𑒹 𑒏𑒧𑓂𑒣𑒢𑒲𑒏 𑒔𑒹𑒨𑒩𑒧𑒹𑒢 𑒖𑒰𑒢 𑒋𑒢𑓂𑒟𑒼𑒢𑒲𑒏 𑒖𑒧𑒰𑒋 𑒕𑒟𑒱, 𑒛𑒰𑒃𑒢𑒱𑓀𑒑 𑒩𑒴𑒧𑒧𑒹। 𑒋𑒯𑒱 𑒧𑒲𑒙𑒱𑓀𑒑𑒧𑒹 𑒛𑒰𑒃𑒩𑒹𑒏𑓂𑒙𑒩 𑒤𑓂𑒩𑒹𑒛𑒩𑒱𑒏 𑒋𑒔. 𑒫𑒰𑒃𑒪𑓂𑒛𑒩, 𑒫𑒱𑒪𑒱𑒨𑒧 𑒮𑓂𑒏𑒻𑓀𑒙𑒪𑒥𑒩𑒲, 𑒍𑒪𑒲𑒫𑒩 𑒫𑒻𑓀𑒏𑒪𑒱𑒢 𑒂 𑒋𑓀𑒟𑒼𑒢𑒲𑒏 𑒕𑒼𑒙 𑒣𑒳𑒞𑓂𑒩 𑒋𑒛𑒑𑒩 𑒮𑒹𑒯𑒼 𑒕𑒟𑒱।
𑒋𑒛𑒑𑒩 𑒬𑓂𑒩𑒧𑒱𑒏𑒏 𑒠𑒬𑒰𑒮𑒿 𑒂𑒯𑒞 𑒕𑒟𑒱। 𑒧𑒳𑒠𑒰 𑒫𑒰𑒃𑒪𑓂𑒛𑒩 𑒅𑒑𑓂𑒩 𑒕𑒟𑒱 𑒏𑒧𑓂𑒣𑒢𑒲𑒏 𑒬𑒹𑒨𑒩 𑒢𑒲𑒔𑒰𑒿 𑒑𑒹𑒪𑒰𑒮𑒿 𑒂 𑒣𑒔𑒰𑒮 𑒯𑒖𑒰𑒩𑒮𑒿 𑒥𑒹𑒬𑒲 𑒒𑒰𑒙𑒰𑒮𑒿 𑒍 𑒔𑒱𑒢𑓂𑒞𑒱𑒞 𑒕𑒟𑒱। 𑒮𑓂𑒏𑒻𑓀𑒙𑒪𑒥𑒩𑒲 𑒁𑒯𑒱𑓀𑒮𑒰𑒏 𑒣𑒟𑒱𑒏 𑒕𑒟𑒱 𑒞𑒿 𑒫𑒻𑓀𑒏𑒪𑒱𑒢 𑒧𑒡𑓂𑒨𑒧𑒰𑒩𑓂𑒑𑒲 𑒕𑒟𑒱।
𑒋𑓀𑒟𑒼𑒢𑒲 𑒧𑒳𑒠𑒰 𑒬𑓂𑒩𑒧𑒱𑒏𑒏 𑒪𑒹𑒪 𑒏𑒼𑒢𑒼 𑒮𑒯𑒰𑒢𑒳𑒦𑒴𑒞𑒱𑒏 𑒫𑒱𑒩𑒳𑒠𑓂𑒡 𑒕𑒟𑒱।
𑒫𑒰𑒃𑒪𑓂𑒛𑒩 𑒮𑒳𑒗𑒰𑒫 𑒠𑒻 𑒕𑒟𑒱 𑒖𑒹 𑒮𑒹𑓀𑒙𑓂𑒩𑒪 𑒨𑒴𑒢𑒱𑒨𑒢𑒏 𑒯𑒰𑒩𑒢𑒹𑒮𑒏𑒹𑒿 𑒫𑒱𑒫𑒰𑒠 𑒠𑒴𑒩 𑒏𑒩𑒥𑒰 𑒪𑒹𑒪 𑒏𑒯𑒪 𑒖𑒰𑒋 𑒧𑒳𑒠𑒰 𑒋𑓀𑒟𑒼𑒢𑒲 𑒧𑒢𑒰 𑒏𑒩𑒻 𑒕𑒟𑒱।
𑒫𑒩𑓂𑒏𑒧𑒹𑒢 𑒏𑒧𑒹𑒙𑒲𑒏 𑒂𑒢 𑒮𑒠𑒮𑓂𑒨𑒏 𑒮𑓀𑒑 𑒕𑒟𑒱 𑒩𑒰𑒥𑒩𑓂𑒙𑓂𑒮, 𑒍 𑒋𑓀𑒟𑒼𑒢𑒲𑒏 𑒫𑒱𑒩𑒼𑒡 𑒏𑒩𑒻 𑒕𑒟𑒱। 𑒯𑒰𑒩𑒢𑒹𑒮𑒏 𑒫𑒱𑒣𑒩𑒲𑒞 𑒍𑒯𑒼 𑒅𑒑𑓂𑒩 𑒕𑒟𑒱।
𑒋𑓀𑒟𑒼𑒢𑒲𑒏 𑒣𑒳𑒞𑓂𑒩𑒲 𑒋𑒢𑒱𑒛 𑒣𑒱𑒞𑒰𑒏 𑒫𑒩𑓂𑒑𑒰𑒢𑓂𑒞𑒩𑒏 𑒫𑒱𑒩𑒳𑒠𑓂𑒡 𑒕𑒟𑒱। 𑒯𑒳𑒢𑒏𑒩 𑒐𑒥𑒰𑒮𑒢𑒲 𑒋𑒢𑒲 𑒩𑒼𑒥𑒩𑓂𑒙𑓂𑒮𑒮𑒿 𑒥𑒱𑒨𑒰𑒯𑒪 𑒕𑒢𑒱, 𑒋𑒢𑒲𑒏 𑒮𑒯𑒰𑒨𑒞𑒰 𑒋𑒢𑒱𑒛 𑒏𑒩𑓄 𑒔𑒰𑒯𑒻 𑒕𑒟𑒱। 𑒋𑒢𑒱𑒛𑒏 𑒦𑒹𑒿𑒙 𑒩𑒰𑒥𑒩𑓂𑒙𑓂𑒮𑒮𑒿 𑒍𑒏𑒩 𑒗𑒼𑒣𑒛𑓃𑒲𑒣𑒩 𑒯𑒼𑒃 𑒕𑒢𑓂𑒯𑒱। 𑒍 𑒍𑒏𑒩𑒰 𑒮𑒧𑒗𑒾𑒞𑒰 𑒪𑒹𑒪 𑒏𑒯𑒻 𑒕𑒟𑒱 𑒧𑒳𑒠𑒰 𑒍 𑒋𑓀𑒟𑒼𑒢𑒲𑒏𑒹𑒿 𑒂𑒞𑒞𑒰𑒨𑒲 𑒏𑒯𑒻 𑒕𑒟𑒱। 𑒏𑒯𑒻 𑒕𑒟𑒱 𑒖𑒹 𑒋𑓀𑒟𑒼𑒢𑒲 𑒧𑒩𑒻𑒞 𑒩𑒯𑒞 𑒂 𑒩𑒰𑒥𑒩𑓂𑒙𑓂𑒮𑒏 𑒯𑒰𑒟 𑒅𑒚𑒹𑒪𑒰𑒮𑒿 𑒖𑒹 𑒍𑒏𑒩 𑒖𑒰𑒢 𑒥𑒔𑒱 𑒖𑒹𑒞𑒻 𑒞𑒿 𑒩𑒰𑒥𑒩𑓂𑒙𑓂𑒮 𑒁𑒣𑒢 𑒏𑓀𑒑𑒳𑒩𑒱𑒨𑒰 𑒂𑒿𑒑𑒳𑒩𑒼 𑒢𑒻 𑒅𑒚𑒰𑒍𑒞।
𑒬𑓂𑒩𑒧𑒱𑒏 𑒧𑒲𑒙𑒱𑓀𑒑𑒧𑒹 𑒩𑒰𑒥𑒩𑓂𑒙𑓂𑒮𑒏 𑒮𑒧𑒩𑓂𑒟𑒏 𑒃𑒫𑒰𑒢𑓂𑒮 𑒂 𑒖𑒰𑒢 𑒥𑒪𑒑𑒱𑒢𑒧𑒹 𑒗𑒑𑒛𑓃𑒰 𑒦𑓄 𑒖𑒰𑒃𑒞 𑒕𑒻। 𑒯𑒹𑒢𑒩𑒲 𑒟𑒰𑒧𑒮 𑒂𑒑𑒴 𑒁𑒥𑒻𑒋 𑒂 𑒏𑒯𑒻𑒋 – “𑒪𑒰𑒖 𑒯𑒼𑒃𑒋 𑒞𑒼𑒯𑒩 ’𑒮𑓂𑒙𑓂𑒩𑒰𑒃𑒤’𑒣𑒩”।
𑒥𑒹𑒩𑒴 𑒣𑒯𑒩𑒏 𑒧𑒲𑒙𑒱𑓀𑒑𑒧𑒹 𑒍 𑒬𑓂𑒩𑒲𑒧𑒞𑒲 𑒩𑒰𑒥𑒩𑓂𑒙𑓂𑒮𑒏 𑒧𑒳𑒞𑓂𑒨𑒳𑒏 𑒮𑒴𑒔𑒢𑒰 𑒠𑒻𑒞 𑒁𑒣𑒢 𑒮𑒠𑒮𑓂𑒨𑒞𑒰𑒮𑒿 𑒃𑒮𑓂𑒞𑒲𑒤𑒰 𑒠𑒹𑒥𑒰𑒏 𑒑𑒣 𑒏𑒩𑒻𑒞 𑒁𑒕𑒱।
𑒧𑒳𑒠𑒰 𑒋𑓀𑒟𑒼𑒢𑒲 𑒏𑒯𑒻𑒋- 𑒨𑒳𑒠𑓂𑒡 𑒞𑒿 𑒨𑒳𑒠𑓂𑒡 𑒯𑒼𑒃 𑒕𑒻।
𑒩𑒰𑒥𑒩𑓂𑒙𑓂𑒮 𑒥𑒼𑒩𑓂𑒛 𑒧𑒲𑒙𑒱𑓀𑒑𑒧𑒹 𑒏𑒢𑒹𑒏 𑒠𑒹𑒩𑒲𑒮𑒿 𑒁𑒥𑒻𑒋, 𑒍𑒏𑒩𑒰 𑒣𑒞𑒰 𑒪𑒑𑒻 𑒕𑒻 𑒖𑒹 𑒍𑒏𑒩 𑒬𑓂𑒩𑒧𑒱𑒏 𑒮𑒦 𑒍𑒏𑒩𑒰 𑒯𑒙𑒰 𑒠𑒹𑒪𑒏𑒻। 𑒂 𑒋𑓀𑒟𑒼𑒢𑒲𑒏𑒹𑒿 𑒮𑒹𑒯𑒼 𑒢𑒱𑒠𑒹𑒬𑒏 𑒮𑒦 𑒯𑒙𑒰 𑒠𑒹𑒪𑒏𑒻।
𑒯𑒰𑒩𑒢𑒹𑒮𑒏 𑒢𑒹𑒞𑒵𑒞𑓂𑒫𑒧𑒹 𑒮𑒧𑒗𑒾𑒞𑒰𑒏 𑒑𑒣 𑒂𑒑𑒰𑒿 𑒥𑒜𑓃𑒻𑒞 𑒕𑒻। 𑒯𑒹𑒢𑒩𑒲 𑒙𑒹𑒏, 𑒏𑓀𑒣𑒢𑒲𑒏 𑒮𑒔𑒱𑒫 𑒮𑓀𑒞𑒳𑒭𑓂𑒙 𑒕𑒟𑒱।








𑒧𑒻𑒟𑒱𑒪𑒲 𑒑𑒠𑓂𑒨 𑒂 𑒣𑒠𑓂𑒨 𑒮𑒰𑒯𑒱𑒞𑓂𑒨𑒏 𑒮𑒧𑒲𑒏𑓂𑒭𑒰𑒬𑒰𑒮𑓂𑒞𑓂𑒩
𑒧𑒻𑒟𑒱𑒪𑒲 𑒪𑒹𑒪 𑒮𑒧𑒲𑒏𑓂𑒭𑒰𑒬𑒰𑒮𑓂𑒞𑓂𑒩𑒏 𑒮𑒱𑒠𑓂𑒡𑒰𑓀𑒞
𑒁𑒢𑓂𑒞𑒩𑓂𑒖𑒰𑒪𑒣𑒩 𑒧𑒻𑒟𑒱𑒪𑒲𑒏 𑒦𑒫𑒱𑒭𑓂𑒨:
𑒖𑒯𑒱𑒨𑒰 𑒣𑓂𑒩𑒹𑒮 𑒂𑒋𑒪 𑒕𑒪 𑒞 𑒍𑒏𑒩𑒰 𑒥𑒳𑒩𑓂𑒖𑒳𑒂 𑒫𑒩𑓂𑒑𑒏 𑒯𑒼𑒋𑒥𑒰𑒏 𑒫𑒱𑒬𑒹𑒭𑒝 𑒦𑒹𑒙𑒪 𑒩𑒯𑒨, 𑒅𑒣𑒢𑓂𑒨𑒰𑒮 𑒮𑒹𑒯𑒼 𑒣𑓂𑒩𑒹𑒮 𑒁𑒋𑒪𑒰𑒣𑒩 𑒂𑒨𑒪 𑒮𑒹 𑒍𑒯𑒼 𑒥𑒳𑒩𑓂𑒖𑒳𑒂 𑒮𑒰𑒯𑒱𑒞𑓂𑒨 𑒩𑒯𑒨 𑒧𑒳𑒠𑒰 𑒂𑒮𑓂𑒞𑒹-𑒂𑒮𑓂𑒞𑒹 𑒍 𑒡𑒰𑒩𑒝𑒰 𑒐𑒞𑓂𑒧 𑒦𑒹𑒪| 𑒁𑓀𑒞𑒩𑓂𑒖𑒰𑒪𑒏 𑒮𑒰𑒯𑒱𑒞𑓂𑒨 𑒮𑒹𑒯𑒼 𑒣𑓂𑒩𑒱𑓀𑒙 𑒮𑒰𑒯𑒱𑒞𑓂𑒨𑒏 𑒣𑒴𑒩𑒏 𑒩𑒯𑒥𑒹 𑒏𑒩𑒞| 𑒖𑒹 𑒪𑒼𑒏 𑒏𑒧𑓂𑒣𑓂𑒨𑒴𑒙𑒩 𑒮𑓂𑒏𑓂𑒩𑒲𑒢𑒣𑒩 𑒢𑒻 𑒠𑒹𑒐𑒞𑒰𑒯 𑒞 𑒣𑓂𑒩𑒱𑓀𑒙 𑒏𑒨 𑒠𑒹𑒐𑒞𑒰𑒯| 𑒂 𑒣𑓂𑒩𑒱𑓀𑒙 𑒍𑒢 𑒛𑒲𑒧𑒰𑓀𑒛𑒏 𑒮𑒳𑒫𑒱𑒡𑒰 𑒮𑒹𑒯𑒼 𑒣𑒼𑒟𑒲 𑒛𑒰𑒙 𑒏𑒰𑒧 𑒂 𑒂𑒢 𑒮𑒰𑒃𑒙/ 𑒣𑓂𑒩𑒏𑒰𑒬𑒏 𑒠𑒨 𑒩𑒯𑒪 𑒕𑒟𑒱|
𑒧𑒻𑒟𑒱𑒪𑒲 𑒪𑒹𑒪 𑒁𑓀𑒞𑒩𑓂𑒖𑒰𑒪 𑒠𑓂𑒫𑒰𑒩𑒰 𑒣𑓂𑒩𑒏𑒰𑒬𑒢𑒏 𑒢𑒱𑒨𑒧𑒱𑒞𑒞𑒰 , 𑒫𑒱𑒞𑒩𑒝𑒏 𑒮𑒧𑒮𑓂𑒨𑒰𑒏 𑒮𑒧𑒰𑒣𑓂𑒞𑒱, 𑒬𑒴𑒢𑓂𑒨 𑒪𑒰𑒑𑒞 𑒂 𑒦𑒾𑒑𑒼𑒪𑒱𑒏 𑒠𑒴𑒩𑒲𑒏 𑒁𑓀𑒞 𑒋𑒏𑒙𑒰 𑒫𑒩𑒠𑒰𑒢 𑒮𑒱𑒠𑓂𑒡 𑒦𑒹𑒪 𑒁𑒕𑒱|
𑒁𑓀𑒞𑒩𑓂𑒖𑒰𑒪𑒣𑒩 𑒮𑒴𑒔𑒢𑒰𑒏 𑒞𑓂𑒫𑒩𑒱𑒞 𑒮𑒧𑓂𑒣𑓂𑒩𑒹𑒭𑒝 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒋𑒏𑒩 𑒅𑒣𑒨𑒼𑒑𑒮𑒿 𑒥𑒹𑒬𑒲 𑒠𑒳𑒩𑒳𑒣𑒨𑒼𑒑𑒏 𑒮𑓀𑒦𑒰𑒫𑒢𑒰 𑒩𑒯𑒻𑒞 𑒁𑒕𑒱, 𑒐𑓃𑒰𑒮 𑒏𑒨 𑒢𑒰𑒧 𑒥𑒠𑒪𑒱 𑒏𑒨 𑒫𑒱𑒦𑒱𑒢𑓂𑒢 𑒂𑒃. 𑒋𑒮.𑒣𑒲. 𑒮𑒿 𑒏𑒧𑒹𑒢𑓂𑒙 𑒂 𑒥𑓂𑒪𑒻𑒏𑒧𑒹𑒪 𑒏𑒹𑒢𑒰𑒃 𑒂𑒠𑒱, 𑒍𑒏𑒩𑒰 𑒅𑒒𑒰𑒩 𑒏𑒩𑒥𑒰𑒏 𑒫𑒱𑒡𑒱 𑒮𑒹𑒯𑒼 𑒁𑒕𑒱 𑒧𑒳𑒠𑒰 𑒮𑒹 𑒆𑒩𑓂𑒖𑒰𑒏 𑒁𑒣𑒫𑓂𑒨𑒨 𑒮𑒹𑒯𑒼 𑒏𑒩𑒥𑒻𑒞 𑒁𑒕𑒱|
𑒣𑒰𑒞𑓂𑒩 𑒣𑒩𑒱𑒔𑒨
𑒏𑒟𑒰: 𑒬𑒱𑒏𑓂𑒭𑒱𑒞 𑒧𑒡𑓂𑒨𑒫𑒩𑓂𑒑𑒧𑒹 𑒧𑒻𑒟𑒱𑒪𑒲 𑒦𑒰𑒭𑒰 𑒢𑒫𑒧 𑒫𑒩𑓂𑒑𑒮𑒿 𑒮𑓂𑒢𑒰𑒞𑒏-𑒮𑓂𑒢𑒰𑒞𑒏𑒼𑒞𑓂𑒞𑒩 𑒡𑒩𑒱 𑒧𑒻𑒟𑒱𑒪𑒲𑒏𑒹𑒿 𑒦𑒰𑒭𑒰 𑒫𑒰 𑒧𑒰𑒞𑒵𑒦𑒰𑒭𑒰𑒏 𑒩𑒴𑒣𑒧𑒹 𑒪𑒹𑒢𑒱𑒯𑒰𑒩 𑒋𑒯𑒱𑒮𑒿 𑒮𑓂𑒢𑒹𑒯 𑒏𑒩𑒻 𑒕𑒟𑒱। 𑒁𑒢𑓂𑒞𑒩𑓂𑒖𑒰𑒪𑒣𑒩 𑒧𑒻𑒟𑒱𑒪𑒲𑒏 𑒂𑒑𑒧𑒢𑒮𑒿 𑒮𑒹𑒯𑒼 𑒧𑒰𑒞𑒵𑒦𑒰𑒭𑒰𑒮𑒿 𑒮𑓂𑒢𑒹𑒯 𑒤𑒹𑒩𑒮𑒿 𑒖𑒰𑒑𑒪। 𑒧𑒻𑒟𑒱𑒪𑒲𑒏 𑒣𑒼𑒟𑒲𑒏 𑒮𑒳𑒑𑒧𑒞𑒰𑒮𑒿 𑒢𑒯𑒱 𑒦𑒹𑒙𑒥 𑒖𑒰𑒯𑒱𑒧𑒹 𑒮𑒩𑒏𑒰𑒩𑒲 𑒮𑓀𑒮𑓂𑒟𑒰𑒏 𑒧𑒻𑒟𑒱𑒪𑒲 𑒣𑒰𑒚𑓂𑒨𑒣𑒳𑒮𑓂𑒞𑒏 𑒮𑒧𑓂𑒧𑒱𑒪𑒱𑒞 𑒁𑒕𑒱। 𑒋𑒯𑒱𑒧𑒹 𑒁𑒢𑓂𑒞𑒩𑓂𑒖𑒰𑒪 𑒠𑓂𑒫𑒰𑒩𑒰 𑒮𑒲𑒧𑒱𑒞 𑒩𑒴𑒣𑒧𑒹 𑒯𑒮𑓂𑒞𑒏𑓂𑒭𑒹𑒣 𑒦𑒹𑒪 𑒁𑒕𑒱। 𑒂 𑒋𑒯𑒱 𑒮𑒦𑒏 𑒣𑒩𑒱𑒝𑒰𑒧𑒏 𑒩𑒴𑒣𑒧𑒹 𑒧𑒻𑒟𑒱𑒪𑒲 𑒪𑒹𑒐𑒏𑒏 𑒦𑒲𑒞𑒩 𑒯𑒲𑒢 𑒦𑒰𑒫𑒢𑒰 (𑒮𑒳𑒣𑒲𑒩𑒱𑒨𑒼𑒩𑒱𑒙𑒲 𑒏𑒰𑒧𑓂𑒣𑓂𑒪𑒹𑒏𑓂𑒮 𑒮𑒹𑒯𑒼 𑒯𑒲𑒢 𑒦𑒰𑒫𑒢𑒰𑒏 𑒩𑒴𑒣 𑒁𑒕𑒱) 𑒣𑒻𑒮𑒱 𑒑𑒹𑒪 𑒂 𑒮𑒰𑒯𑒱𑒞𑓂𑒨 𑒮𑒼𑓀𑒑𑒩𑒣𑒩 𑒚𑒰𑒜𑓃 𑒏𑒋𑒪 𑒖𑒰𑒋 𑒪𑒰𑒑𑒪। 𑒫𑒰𑒠-𑒫𑒱𑒫𑒰𑒠 𑒅𑒞𑓂𑒣𑒢𑓂𑒢 𑒏𑓄 𑒂𑒩𑒼𑒣-𑒣𑓂𑒩𑒞𑓂𑒨𑒰𑒩𑒼𑒣 𑒂𑒡𑒰𑒩𑒱𑒞 𑒮𑒰𑒯𑒱𑒞𑓂𑒨𑒏 𑒔𑒩𑓂𑒔𑒰 𑒣𑓂𑒩𑒰𑒩𑒧𑓂𑒦 𑒦𑒹𑒪। 𑒣𑒞𑒱-𑒣𑒞𑓂𑒢𑒲, 𑒖𑒱𑒪𑒰-𑒖𑒥𑒰𑒩 𑒂 𑒣𑒱𑒞𑒰-𑒣𑒳𑒞𑓂𑒩𑒏 𑒁𑒣𑒢 𑒣𑒏𑓂𑒭𑒧𑒹 𑒫𑒰𑒞𑒰𑒫𑒩𑒝 𑒞𑒻𑒨𑒰𑒩 𑒏𑒩𑒥 𑒂𑒩𑒧𑓂𑒦 𑒦𑒹𑒪। 𑒧𑒰𑒢𑒹 𑒥𑓂𑒪𑒻𑒏𑒧𑒹𑒪𑒱𑓀𑒑 𑒂 𑒥𑓂𑒪𑒻𑒏-𑒧𑒰𑒩𑓂𑒏𑒹𑒙𑒱𑓀𑒑 𑒠𑓂𑒫𑒰𑒩𑒰 𑒏𑒟𑒰-𑒏𑒫𑒱𑒞𑒰𑒏 𑒣𑒳𑒩𑒮𑓂𑒏𑒰𑒩 𑒪𑒹𑒪 𑒪𑒱𑒐𑒪 𑒖𑒰𑒋𑒥। 𑒧𑒳𑒠𑒰 𑒥𑒳𑒏𑒩 𑒂 𑒢𑒼𑒥𑒪 𑒮𑒰𑒯𑒱𑒞𑓂𑒨 𑒣𑒳𑒩𑒮𑓂𑒏𑒰𑒩 𑒣𑓂𑒩𑒰𑒣𑓂𑒞 𑒮𑒰𑒯𑒱𑒞𑓂𑒨 𑒮𑒹𑒯𑒼 𑒏𑒰𑒪𑒰𑒞𑒲𑒞 𑒢𑒯𑒱 𑒩𑒯𑒱 𑒣𑒥𑒻𑒞 𑒁𑒕𑒱, 𑒥𑒯𑒳𑒞 𑒩𑒰𑒮𑒏𑒹𑒿 𑒞𑒿 𑒪𑒼𑒏 𑒧𑒼𑒢 𑒩𑒐𑒻𑒞 𑒁𑒕𑒱 𑒧𑒳𑒠𑒰 𑒜𑒹𑒩 𑒩𑒰𑒮 𑒫𑒱𑒮𑓂𑒧𑒵𑒞 𑒦𑓄 𑒖𑒰𑒃𑒞 𑒕𑒟𑒱 𑒂 𑒣𑒰𑒚𑒏 𑒍𑒏𑒩 𑒧𑒴𑒪𑓂𑒨𑒰𑓀𑒏𑒢 𑒏𑓄 𑒠𑒻𑒞 𑒕𑒟𑒱। 𑒧𑒳𑒠𑒰 𑒧𑒻𑒟𑒱𑒪𑒲𑒧𑒹 𑒐𑒰𑒜𑓃𑒲𑒏-𑒐𑒰𑒜𑓃𑒲 𑒥𑒲𑒞𑒱 𑒖𑒰𑒃𑒞 𑒁𑒕𑒱 𑒧𑒳𑒠𑒰 𑒣𑒰𑒚𑒏𑒏 𑒁𑒦𑒰𑒫𑒧𑒹 𑒣𑒞𑒱-𑒣𑒞𑓂𑒢𑒲, 𑒣𑒱𑒞𑒰-𑒣𑒳𑒞𑓂𑒩, 𑒖𑒱𑒪𑒰-𑒖𑒥𑒰𑒩 𑒂 𑒂𑒥 𑒏𑒟𑒰𑒏𑒰𑒩-𑒏𑒫𑒱𑒏 𑒥𑒢𑒪 𑒑𑒼𑒪 𑒮𑒦 𑒋𑒏𑒩 𑒥𑓂𑒪𑒻𑒏𑒧𑒹𑒪𑒱𑓀𑒑𑒏 𑒂𑒡𑒰𑒩𑒣𑒩 𑒧𑒴𑒪𑓂𑒨𑒰𑓀𑒏𑒢 𑒏𑒩𑒻𑒞 𑒁𑒕𑒱। 𑒁𑒢𑓂𑒞𑒩𑓂𑒖𑒰𑒪𑒏 𑒯𑒮𑓂𑒞𑒏𑓂𑒭𑒹𑒣 𑒮𑒲𑒧𑒱𑒞 𑒩𑒯𑒪𑒰𑒏 𑒏𑒰𑒩𑒝 𑒢𑒲𑒏 𑒮𑒰𑒯𑒱𑒞𑓂𑒨, 𑒮𑒵𑒖𑒢𑒰𑒞𑓂𑒧𑒏 𑒮𑒰𑒯𑒱𑒞𑓂𑒨 𑒂 𑒏𑒪𑓂𑒨𑒰𑒝𑒏𑒰𑒩𑒲 𑒮𑒰𑒯𑒱𑒞𑓂𑒨 𑒮𑒼𑒗𑒰𑒿 𑒢𑒯𑒱 𑒂𑒥𑒱 𑒣𑒰𑒥𑒱 𑒩𑒯𑒪 𑒁𑒕𑒱, 𑒢𑒯𑒱 𑒮𑒵𑒖𑒱𑒞 𑒏𑒋𑒪 𑒖𑒰 𑒩𑒯𑒪 𑒁𑒕𑒱। 𑒫𑒱𑒫𑒰𑒠 𑒏𑓄 𑒮𑒧𑒰𑒔𑒰𑒩𑒧𑒹 𑒩𑒯𑒋𑒥𑒪𑒰 𑒏𑒫𑒱-𑒏𑒟𑒰𑒏𑒰𑒩𑒏𑒹𑒿 𑒁𑒯𑒰𑒿 𑒣𑓂𑒩𑒬𑓂𑒩𑒨 𑒠𑒹𑒥 𑒏𑒰𑒩𑒝 𑒍 𑒥𑓂𑒪𑒻𑒏𑒧𑒹𑒪𑒱𑓀𑒑 𑒏𑓄 𑒩𑒯𑒪 𑒕𑒟𑒱 𑒫𑒰 𑒡𑒴𑒩𑒰-𑒑𑒩𑓂𑒠𑒰𑒧𑒹 𑒩𑒯𑒢𑒱𑒯𑒰𑒩 𑒧𑒰𑒢𑒫𑒞𑒰𑒫𑒰𑒠𑒲 𑒏𑒫𑒱-𑒏𑒟𑒰𑒏𑒰𑒩𑒏𑒹𑒿। 𑒂 𑒖𑒐𑒢 𑒮𑒹 𑒏𑒩𑒥 𑒞𑒐𑒢𑒹 𑒢𑒱𑒩𑒩𑓂𑒟𑒏 𑒠𑒹𑒐𑒰𑒋𑒥𑒪𑒰 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒧𑒹 𑒣𑓂𑒩𑒰𑒝𑒫𑒰𑒨𑒳 𑒦𑒩𑒱 𑒣𑒰𑒋𑒥।

𑒏𑒫𑒱𑒞𑒰: 𑒏𑒫𑒱𑒞𑒰 𑒪𑒼𑒏 𑒏𑒧 𑒣𑒜𑓃𑒻𑒞 𑒁𑒕𑒱। 𑒮𑓀𑒮𑓂𑒏𑒵𑒞𑒮𑒢 𑒦𑒰𑒭𑒰𑒏 𑒣𑓂𑒩𑒔𑒰𑒩-𑒣𑓂𑒩𑒮𑒰𑒩 𑒪𑒹𑒪 𑒏𑒋𑒪 𑒖𑒰 𑒩𑒯𑒪 𑒣𑓂𑒩𑒨𑒰𑒮, 𑒮𑒧𑓂𑒦𑒰𑒭𑒝-𑒬𑒱𑒫𑒱𑒩𑒧𑒹 𑒮𑒩𑒪 𑒮𑓀𑒮𑓂𑒏𑒵𑒞𑒏 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱। 𑒏𑒟𑒰-𑒅𑒣𑒢𑓂𑒨𑒰𑒮𑒏 𑒂𑒡𑒳𑒢𑒱𑒏 𑒦𑒰𑒭𑒰 𑒮𑒦𑒮𑒿 𑒮𑓀𑒮𑓂𑒏𑒵𑒞𑒧𑒹 𑒁𑒢𑒳𑒫𑒰𑒠 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒏𑒫𑒱𑒞𑒰 𑒍𑒯𑒱 𑒣𑓂𑒩𑒏𑓂𑒩𑒱𑒨𑒰𑒧𑒹 𑒥𑒰𑒩𑒪 𑒩𑒯𑒻𑒞 𑒁𑒕𑒱। 𑒏𑒰𑒩𑒝 𑒏𑒫𑒱𑒞𑒰 𑒏𑒱𑒨𑒼 𑒢𑒯𑒱 𑒣𑒜𑓃𑒻𑒞 𑒁𑒕𑒱 𑒂 𑒖𑒰𑒯𑒱 𑒦𑒰𑒭𑒰 𑒪𑒹𑒪 𑒬𑒱𑒫𑒱𑒩 𑒪𑒑𑒹𑒥𑒰𑒏 𑒂𑒫𑒬𑓂𑒨𑒏𑒞𑒰 𑒦𑓄 𑒑𑒹𑒪 𑒁𑒕𑒱, 𑒞𑒰𑒯𑒱 𑒦𑒰𑒭𑒰𑒧𑒹 𑒏𑒫𑒱𑒞𑒰𑒏 𑒁𑒢𑒳𑒫𑒰𑒠 𑒆𑒩𑓂𑒖𑒰𑒏 𑒁𑒢𑒩𑓂𑒑𑒪 𑒣𑓂𑒩𑒨𑒼𑒑 𑒧𑒰𑒢𑒪 𑒖𑒰𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒮𑓂𑒟𑒱𑒞𑒱 𑒋𑒯𑒢 𑒮𑒢 𑒦𑓄 𑒑𑒹𑒪 𑒁𑒕𑒱, 𑒖𑒹 𑒑𑒰𑒧 𑒂𑒃 𑒐𑒞𑒧 𑒦𑓄 𑒖𑒰𑒋 𑒞𑒿 𑒋𑒯𑒱 𑒦𑒰𑒭𑒰𑒏 𑒥𑒰𑒖𑒋𑒥𑒪𑒰𑒏 𑒮𑓀𑒐𑓂𑒨𑒰 𑒥𑒛𑓂𑒛 𑒢𑓂𑒨𑒴𑒢 𑒦𑓄 𑒖𑒰𑒋𑒞। 𑒪𑒼𑒏 𑒮𑒹𑒧𑒲𑒢𑒰𑒩 𑒂 𑒥𑒻𑒮𑒏𑒲𑒧𑒹 𑒧𑒰𑒞𑓂𑒩 𑒧𑒻𑒟𑒱𑒪𑒲𑒧𑒹 𑒥𑒖𑒞𑒰𑒯। 𑒧𑒻𑒟𑒱𑒪𑒲-𑒅𑒔𑓂𑒔𑒰𑒩𑒝 𑒪𑒹𑒪 𑒬𑒱𑒫𑒱𑒩 𑒪𑒑𑒹𑒥𑒰𑒏 𑒂𑒫𑒬𑓂𑒨𑒏𑒞𑒰 𑒞𑒿 𑒁𑒢𑒳𑒦𑒴𑒞 𑒦𑒃𑒋 𑒩𑒯𑒪 𑒁𑒕𑒱। 𑒞𑒿 𑒋𑒯𑒱 𑒮𑓂𑒟𑒱𑒞𑒱𑒧𑒹 𑒧𑒻𑒟𑒱𑒪𑒲𑒧𑒹 𑒏𑒫𑒱𑒞𑒰 𑒪𑒱𑒐𑒥𑒰𑒏 𑒏𑒲 𑒂𑒫𑒬𑓂𑒨𑒏𑒞𑒰 𑒂 𑒎𑒔𑒱𑒞𑓂𑒨 ? 𑒮𑒧𑒨𑒰𑒦𑒰𑒫𑒧𑒹 𑒏𑒫𑒱𑒞𑒰 𑒪𑒱𑒐𑒻 𑒕𑒲, 𑒋𑒯𑒱 𑒑𑒣𑒣𑒩 𑒖𑒼𑒩 𑒠𑒹𑒪𑒰𑒮𑒿 𑒄 𑒮𑓂𑒟𑒱𑒞𑒱 𑒂𑒩 𑒦𑒨𑒰𑒫𑒯 𑒦𑓄 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱। 𑒋𑒯𑒢𑒰 𑒮𑓂𑒟𑒱𑒞𑒱𑒧𑒹 𑒂𑒮-𑒣𑒛𑓃𑒼𑒮𑒏 𑒒𑒙𑒢𑒰𑒏𑓂𑒩𑒧, 𑒫𑓂𑒨𑒏𑓂𑒞𑒱𑒑𑒞 𑒧𑒯𑒞𑓂𑒫𑒰𑒏𑒰𑓀𑒏𑓂𑒭𑒰, 𑒂𑒏𑓂𑒭𑒹𑒣 𑒂 𑒨𑒰𑒞𑓂𑒩𑒰-𑒫𑒱𑒫𑒩𑒝𑒲 𑒨𑒋𑒯 𑒧𑒻𑒟𑒱𑒪𑒲 𑒏𑒫𑒱𑒞𑒰𑒏 𑒫𑒱𑒭𑒨-𑒫𑒮𑓂𑒞𑒳 𑒥𑒢𑒱 𑒑𑒹𑒪 𑒁𑒕𑒱। 𑒧𑒳𑒠𑒰 𑒋𑒯𑒱 𑒮𑒦 𑒪𑒹𑒪 𑒑𑒠𑓂𑒨𑒏 𑒣𑓂𑒩𑒨𑒼𑒑 𑒏𑒱𑒋𑒏 𑒢𑒯𑒱 ? 𑒏𑒟𑒰𑒏 𑒢𑒰𑒙𑓂𑒨-𑒩𑒴𑒣𑒰𑒢𑓂𑒞𑒩𑒝 𑒩𑓀𑒑𑒧𑓀𑒔 𑒪𑒹𑒪 𑒏𑒋𑒪 𑒖𑒰𑒃𑒞 𑒁𑒕𑒱 𑒧𑒳𑒠𑒰 𑒑𑒠𑓂𑒨𑒏 𑒏𑒫𑒱𑒞𑒰𑒧𑒹 𑒩𑒴𑒣𑒰𑒢𑓂𑒞𑒩𑒝 𑒏𑒼𑒢 𑒅𑒠𑓂𑒠𑒹𑒬𑓂𑒨𑒮𑒿। 𑒮𑒧𑒨𑒰𑒦𑒰𑒫𑒧𑒹 𑒪𑒱𑒐𑒪 𑒖𑒰 𑒩𑒯𑒪 𑒋𑒯𑒱 𑒞𑒩𑒯𑒏 𑒏𑒫𑒱𑒞𑒰 𑒮𑒦𑒏 𑒣𑒰𑒚𑒏 𑒕𑒟𑒱 𑒑𑒼𑒪𑒾𑒮𑒲 𑒏𑒹𑒢𑒱𑒯𑒰𑒩 𑒮𑒧𑒲𑒏𑓂𑒭𑒏 𑒪𑒼𑒏𑒢𑒱 𑒂 𑒮𑓂𑒫𑒨𑓀 𑒂𑒧𑒳𑒐𑒏 𑒧𑒰𑒡𑓂𑒨𑒧𑒮𑒿 𑒁𑒣𑒢 𑒏𑒫𑒱𑒞𑒰𑒏 𑒢𑒲𑒏 𑒮𑒧𑒲𑒏𑓂𑒭𑒰 𑒏𑒹𑒢𑒱𑒯𑒰𑒩 𑒑𑒠𑓂𑒨𑒮𑒿 𑒣𑒠𑓂𑒨𑒧𑒹 𑒩𑒴𑒣𑒰𑒢𑓂𑒞𑒩𑒏𑒰𑒩 𑒧𑒯𑒰𑒏𑒫𑒱 𑒪𑒼𑒏𑒢𑒱 ! 𑒣𑒠𑓂𑒨 𑒮𑒩𑓂𑒖𑒢𑒰𑒏 𑒧𑒼𑒪 𑒏𑒹 𑒥𑒴𑒗𑒞 ! 𑒫𑓂𑒨𑒏𑓂𑒞𑒱𑒑𑒞 𑒪𑒾𑒏𑒱𑒏 𑒁𑒢𑒳𑒦𑒫 𑒖𑒹 𑒑𑒯𑒲𑓀𑒩 𑒡𑒩𑒱 𑒢𑒯𑒱 𑒅𑒞𑒩𑒞 𑒞𑒿 𑒮𑒹 𑒞𑒳𑒏𑒰𑒢𑓂𑒞 𑒩𑒯𑒪𑒰 𑒅𑒣𑒩𑒰𑒢𑓂𑒞𑒼 𑒅𑒞𑓂𑒏𑒵𑒭𑓂𑒙 𑒏𑒫𑒱𑒞𑒰 𑒢𑒯𑒱 𑒥𑒢𑒱 𑒮𑒏𑒞। 𑒣𑒰𑒩𑒪𑒾𑒏𑒱𑒏 𑒔𑒱𑒢𑓂𑒞𑒢 𑒏𑒞𑒥𑒼 𑒁𑒧𑒴𑒩𑓂𑒞 𑒩𑒯𑒞 𑒂 𑒖𑒹 𑒍 𑒪𑒾𑒏𑒱𑒏𑒮𑒿 𑒢𑒯𑒱 𑒧𑒱𑒪𑒞 𑒞𑒿 𑒍 𑒮𑒹𑒯𑒼 𑒁𑒞𑒳𑒏𑒰𑒢𑓂𑒞 𑒫𑒰 𑒑𑒼𑒪𑒾𑒮𑒲 𑒂 𑒫𑒰𑒠𑒏 𑒮𑒼𑓀𑒑𑒩𑒏 𑒁𑒕𑒻𑒞𑒯𑒳𑒿 𑒮𑒱𑒯𑒩𑒰 𑒢𑒯𑒱 𑒮𑒏𑒞। 𑒧𑒢𑒳𑒏𑓂𑒐𑒏 𑒂𑒫𑒬𑓂𑒨𑒏 𑒁𑒕𑒱 𑒦𑒼𑒖𑒢, 𑒫𑒮𑓂𑒞𑓂𑒩 𑒂 𑒂𑒫𑒰𑒮। 𑒂 𑒞𑒏𑒩 𑒥𑒰𑒠 𑒣𑒰𑒩𑒪𑒾𑒏𑒱𑒏 𑒔𑒱𑒢𑓂𑒞𑒢। 𑒖𑒐𑒢 𑒥𑒳𑒠𑓂𑒡 𑒄 𑒣𑒳𑒕𑒻 𑒕𑒟𑒱 𑒖𑒹 𑒄 𑒮𑒦 𑒅𑒞𑓂𑒮𑒫𑒧𑒹 𑒦𑒰𑒑 𑒪𑒹𑒢𑒱𑒯𑒰𑒩 𑒮𑒦 𑒮𑒹𑒯𑒼 𑒧𑒵𑒞𑓂𑒨𑒳𑒏 𑒁𑒫𑒬𑓂𑒨𑓀𑒦𑒰𑒫𑒱𑒞𑒰𑒏𑒹𑒿 𑒖𑒢𑒻 𑒕𑒟𑒱? 𑒂 𑒮𑒹 𑒖𑒹 𑒖𑒢𑒻 𑒕𑒟𑒱 𑒞𑒐𑒢 𑒏𑒼𑒢𑒰 𑒅𑒞𑓂𑒮𑒫𑒧𑒹 𑒦𑒰𑒑 𑒪𑓄 𑒩𑒯𑒪 𑒕𑒟𑒱। 𑒮𑒹 𑒂𑒡𑒳𑒢𑒱𑒏 𑒧𑒻𑒟𑒱𑒪𑒲 𑒏𑒫𑒱 𑒖𑒐𑒢 𑒁𑒣𑒢 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱𑒏 𑒂 𑒂𑒩𑓂𑒟𑒱𑒏 𑒂𑒡𑒰𑒩𑒏 𑒂𑒡𑒰𑒩 𑒁𑒣𑒢𑒰 𑒣𑒋𑒩𑒮𑒿 𑒢𑒲𑒔𑒰𑒿𑒮𑒿 𑒫𑒱𑒪𑒳𑒣𑓂𑒞 𑒠𑒹𑒐𑒻 𑒕𑒟𑒱 𑒂 𑒞𑒐𑒢𑒯𑒳 𑒂𑒿𑒐𑒱 𑒧𑒴𑒢𑒱 𑒏𑓄 𑒍𑒯𑒱 𑒮𑒞𑓂𑒨𑒞𑒰𑒏𑒹𑒿 𑒢𑒯𑒱 𑒧𑒰𑒢𑒻𑒞 𑒕𑒟𑒱, 𑒞𑒐𑒢 𑒖𑒹 𑒠𑒹𑒬-𑒫𑒱𑒠𑒹𑒬𑒏 𑒒𑒙𑒢𑒰𑒏𑓂𑒩𑒧𑒏 𑒫𑒰𑒠 𑒏𑒫𑒱𑒞𑒰𑒧𑒹 𑒒𑒼𑒮𑒱𑒨𑒰𑒥𑒋 𑒔𑒰𑒯𑒻 𑒕𑒟𑒱, 𑒠𑒹𑒬𑒖 𑒠𑒪𑒱𑒞 𑒮𑒧𑒰𑒖 𑒪𑒹𑒪 𑒖𑒹 𑒍 𑒅𑒣𑒏𑒩𑒱 𑒏𑓄 𑒪𑒱𑒐𑓄 𑒔𑒰𑒯𑒻 𑒕𑒟𑒱, 𑒅𑒣𑒏𑒰𑒩 𑒏𑒩𑓄 𑒔𑒰𑒯𑒻 𑒕𑒟𑒱, 𑒞𑒿 𑒞𑒰𑒯𑒱𑒧𑒹 𑒡𑒰𑒩 𑒢𑒯𑒱 𑒂𑒥𑒱 𑒣𑒥𑒻 𑒁𑒕𑒱। 𑒧𑒳𑒠𑒰 𑒖𑒐𑒢 𑒩𑒰𑒖𑒠𑒹𑒫 𑒧𑓀𑒛𑒪 𑒏𑒫𑒱𑒞𑒰 𑒪𑒱𑒐𑒻 𑒕𑒟𑒱-
....
𑒙𑒣-𑒙𑒣 𑒔𑒳𑒥𑒻𑒞 𑒐𑒴𑒢𑒏 𑒥𑒴𑒢 𑒮𑒿
𑒡𑒩𑒞𑒲 𑒦𑓄 𑒩𑒯𑒪 𑒮𑓂𑒢𑒰𑒞
𑒣𑒴𑒕𑒱 𑒩𑒯𑒪 𑒁𑒕𑒱 𑒔𑒱𑒛𑓃𑒻
𑒁𑒣𑒢𑒰 𑒧𑒢 𑒮𑒿 𑒄 𑒥𑒰𑒞
𑒂𑒥𑓄 𑒥𑒰𑒪𑒰 𑒄 𑒏𑒰𑒩𑒲 𑒂 𑒦𑒰𑒩𑒲 𑒩𑒰𑒞𑒱
𑒏𑒱 𑒢𑒯𑒱 𑒥𑒰𑒿𑒔𑒞 𑒯𑒧𑒩 𑒖𑒰𑒞𑒱...?
𑒞𑒿 𑒮𑒹 𑒯𑒧𑒩𑒰 𑒮𑒦𑒏𑒹𑒿 𑒮𑒱𑒯𑒩𑒰 𑒠𑒻𑒞 𑒁𑒕𑒱। 𑒏𑒫𑒱𑒏 𑒏𑒫𑒱𑒞𑓂𑒫𑒏 𑒖𑒰𑒞𑒱, 𑒍𑒯𑒱 𑒔𑒱𑒛𑓃𑒻𑒏 𑒖𑒰𑒞𑒱 𑒂𑒏𑒱..। 𑒏𑒼𑒢 𑒑𑒼𑒪𑒾𑒮𑒲 𑒂 𑒂𑒞𑓂𑒧𑒧𑒳𑒑𑓂𑒡 𑒂𑒧𑒳𑒐𑒏 𑒠𑒩𑒏𑒰𑒩 𑒕𑒻 𑒋𑒯𑒱 𑒏𑒫𑒱𑒞𑒰𑒏𑒹𑒿। 𑒏𑒼𑒢 𑒑𑒼𑒪𑒾𑒮𑒲𑒏 𑒂 𑒣𑓀𑒟𑒏 𑒮𑒼𑓀𑒑𑒩 𑒔𑒰𑒯𑒲 𑒋𑒯𑒱 𑒮𑒧𑓂𑒫𑒹𑒠𑒢𑒰𑒏𑒹𑒿। 𑒞𑒿 𑒏𑒫𑒱𑒞𑒰𑒏𑒹𑒿 𑒅𑒞𑓂𑒏𑒵𑒭𑓂𑒙𑒞𑒰 𑒔𑒰𑒯𑒲। 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱𑒏 𑒂𑒡𑒰𑒩 𑒔𑒰𑒯𑒲। 𑒍𑒏𑒩𑒰 𑒐𑒰𑒪𑒲 𑒂𑒨𑒰𑒞𑒱𑒞 𑒫𑒱𑒭𑒨-𑒫𑒮𑓂𑒞𑒳 𑒢𑒯𑒱 𑒔𑒰𑒯𑒲, 𑒖𑒹 𑒍𑒏𑒩𑒰𑒣𑒩 𑒅𑒣𑒏𑒰𑒩 𑒏𑒩𑒥𑒰𑒏 𑒠𑒵𑒭𑓂𑒙𑒱𑒋𑒿 𑒂𑒢𑒪 𑒑𑒹𑒪 𑒕𑒻। 𑒍𑒏𑒩𑒰 𑒂𑒨𑒰𑒞𑒱𑒞 𑒮𑒧𑓂𑒫𑒹𑒠𑒢𑒰 𑒮𑒹𑒯𑒼 𑒢𑒯𑒱 𑒔𑒰𑒯𑒲 𑒖𑒹 𑒍𑒏𑒩 𑒣𑒋𑒩𑒏 𑒢𑒲𑒔𑒰𑒮𑒿 𑒫𑒱𑒪𑒳𑒣𑓂𑒞 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱 𑒂 𑒂𑒩𑓂𑒟𑒱𑒏 𑒂𑒡𑒰𑒩𑒏𑒹𑒿 𑒞𑒏𑒥𑒰𑒏 𑒅𑒣𑒩𑒗𑒣𑒏𑒲 𑒅𑒣𑒏𑒵𑒞 𑒣𑓂𑒩𑒨𑒰𑒮 𑒧𑒰𑒞𑓂𑒩 𑒯𑒼𑒁𑒋। 𑒢𑒲𑒏 𑒏𑒫𑒱𑒞𑒰 𑒏𑒼𑒢𑒼 𑒫𑒱𑒭𑒨𑒣𑒩 𑒪𑒱𑒐𑒪 𑒖𑒰 𑒮𑒏𑒻𑒞 𑒁𑒕𑒱। 𑒥𑒳𑒠𑓂𑒡𑒏 𑒧𑒰𑒢𑒫𑒏 𑒦𑒫𑒱𑒭𑓂𑒨𑒏 𑒔𑒱𑒢𑓂𑒞𑒰𑒏𑒹𑒿 𑒪𑓄 𑒏𑒋, 𑒁𑒮𑒘𑓂𑒖𑒰𑒞𑒱 𑒧𑒢𑒏𑒹𑒿 𑒮𑒧𑓂𑒥𑒪 𑒠𑒹𑒥𑒰 𑒪𑒹𑒪 𑒮𑒹𑒯𑒼, 𑒢𑒯𑒱 𑒞𑒿 𑒪𑒼𑒏 𑒣𑓂𑒩𑒫𑒔𑒢𑒧𑒹 𑒜𑓃𑒼𑓀𑒑𑒲 𑒥𑒰𑒥𑒰 𑒌𑒚𑒰𑒧 𑒖𑒰𑒃𑒞𑒹 𑒩𑒯𑒞𑒰𑒯। 𑒮𑒧𑒰𑒖𑒏 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱 𑒂 𑒂𑒩𑓂𑒟𑒱𑒏 𑒂𑒡𑒰𑒩𑒏 𑒪𑒹𑒪 𑒮𑒹𑒯𑒼, 𑒢𑒯𑒱 𑒞𑒿 𑒧𑒻𑒟𑒱𑒪𑒲 𑒪𑒹𑒪 𑒬𑒱𑒫𑒱𑒩 𑒪𑒑𑒰𑒥𑒋 𑒣𑒛𑓃𑒞। 𑒥𑒱𑒧𑓂𑒥𑒏 𑒮𑓀𑒣𑓂𑒩𑒹𑒭𑒝𑒲𑒨𑒞𑒰 𑒮𑒹𑒯𑒼 𑒂𑒫𑒬𑓂𑒨𑒏, 𑒢𑒯𑒱 𑒞𑒿 𑒏𑒫𑒱 𑒪𑒹𑒪 𑒣𑒯𑒱𑒢𑒹𑒮𑒿 𑒫𑒰𑒞𑒰𑒫𑒩𑒝 𑒥𑒢𑒰𑒥𑒋 𑒣𑒛𑓃𑒞 𑒂 𑒯𑒳𑒢𑒏𑒩 𑒏𑒫𑒱𑒞𑒰𑒏 𑒪𑒹𑒪 𑒧𑓀𑒔𑒏 𑒍𑒩𑒱𑒂𑒍𑒢 𑒏𑒩𑒋 𑒣𑒛𑓃𑒞, 𑒯𑒳𑒢𑒏𑒩 𑒬𑒥𑓂𑒠𑒰𑒫𑒪𑒲 𑒂 𑒫𑒰𑒠𑒏 𑒪𑒹𑒪 𑒬𑒱𑒫𑒱𑒩 𑒪𑒑𑒰 𑒏𑓄 𑒣𑓂𑒩𑒬𑒱𑒏𑓂𑒭𑒝 𑒠𑒹𑒪 𑒖𑒋𑒥𑒰𑒏 𑒂𑒫𑒬𑓂𑒨𑒏𑒞𑒰 𑒁𑒢𑒳𑒦𑒴𑒞 𑒏𑒋𑒪 𑒖𑒋𑒞 𑒂 𑒮𑒹 𑒏𑒫𑒱 𑒪𑒼𑒏𑒢𑒱 𑒏𑒃𑒨𑒼 𑒩𑒯𑒪 𑒕𑒟𑒱 ! 𑒧𑒱𑒟𑒱𑒪𑒰𑒏 𑒦𑒰𑒭𑒰𑒏 𑒏𑒼𑒧𑒪 𑒂𑒩𑒼𑒯-𑒁𑒫𑒩𑒼𑒯, 𑒋𑒞𑒳𑒏𑓂𑒏𑒰 𑒮𑒩𑓂𑒫𑒯𑒰𑒩𑒰 𑒫𑒩𑓂𑒑𑒏 𑒮𑒩𑓂𑒫𑒑𑒳𑒝𑒮𑓀𑒣𑒢𑓂𑒢𑒞𑒰, 𑒮𑓀𑒑𑒯𑒱 𑒋𑒞𑒳𑒏𑓂𑒏𑒰 𑒩𑒯𑒢-𑒮𑒯𑒢 𑒂 𑒮𑓀𑒮𑓂𑒏𑒵𑒞𑒱𑒏 𑒏𑒙𑓂𑒙𑒩𑒞𑒰 𑒂 𑒩𑒰𑒖𑒢𑒲𑒞𑒱, 𑒠𑒱𑒢𑒔𑒩𑓂𑒨𑒰, 𑒮𑒰𑒧𑒰𑒖𑒱𑒏 𑒧𑒰𑒢𑓂𑒨𑒞𑒰, 𑒂𑒩𑓂𑒟𑒱𑒏 𑒮𑓂𑒟𑒱𑒞𑒱, 𑒢𑒻𑒞𑒱𑒏𑒞𑒰, 𑒡𑒩𑓂𑒧 𑒂 𑒠𑒩𑓂𑒬𑒢 𑒮𑒹𑒯𑒼 𑒮𑒰𑒯𑒱𑒞𑓂𑒨𑒧𑒹 𑒁𑒋𑒥𑒰𑒏 𑒔𑒰𑒯𑒲। 𑒂 𑒮𑒹 𑒢𑒯𑒱 𑒦𑒹𑒢𑒹 𑒮𑒰𑒯𑒱𑒞𑓂𑒨 𑒋𑒏𑒦𑒑𑒰𑒯 𑒦𑓄 𑒖𑒋𑒞, 𑒍𑒪𑒛𑓃𑒱 𑒖𑒋𑒞, 𑒤𑓂𑒩𑒹𑒧 𑒪𑒑𑒰 𑒏𑓄 𑒙𑒿𑒑𑒥𑒰 𑒖𑒼𑒑𑒛𑓃 𑒦𑓄 𑒖𑒋𑒞। 𑒏𑒫𑒱𑒞𑒰 𑒩𑒔𑒥 𑒫𑒱𑒫𑒬𑒞𑒰 𑒁𑒕𑒱, 𑒮𑒰𑒯𑒱𑒞𑓂𑒨𑒱𑒏। 𑒖𑒯𑒱𑒨𑒰 𑒧𑒱𑒟𑒱𑒪𑒰𑒏 𑒪𑒼𑒏𑒏𑒹𑒿 𑒧𑒻𑒟𑒱𑒪𑒲 𑒦𑒰𑒭𑒰 𑒮𑒱𑒐𑒹𑒥𑒰 𑒪𑒹𑒪 𑒬𑒱𑒫𑒱𑒩 𑒪𑒑𑒰𑒍𑒪 𑒖𑒋𑒥𑒰𑒏 𑒂𑒫𑒬𑓂𑒨𑒏𑒞𑒰 𑒁𑒢𑒳𑒦𑒴𑒞 𑒯𑒼𑒋𑒞, 𑒞𑒯𑒱𑒨𑒰 𑒏𑒫𑒱𑒞𑒰𑒏 𑒁𑒮𑓂𑒞𑒱𑒞𑓂𑒫𑒣𑒩 𑒣𑓂𑒩𑒬𑓂𑒢 𑒮𑒹𑒯𑒼 𑒚𑒰𑒜𑓃 𑒏𑒋𑒪 𑒖𑒰 𑒮𑒏𑒞। 𑒂 𑒮𑒹 𑒠𑒱𑒢 𑒢𑒯𑒱 𑒂𑒥𑒋 𑒞𑒰𑒯𑒱 𑒪𑒹𑒪 𑒮𑒹𑒯𑒼 𑒏𑒫𑒱𑒏𑒹𑒿 𑒮𑒞𑒩𑓂𑒏 𑒩𑒯𑒋 𑒣𑒛𑓃𑒞𑒢𑓂𑒯𑒱।
𑒧𑒻𑒟𑒱𑒪𑒲 𑒮𑒧𑒲𑒏𑓂𑒭𑒰𑒏 𑒂𑒫𑒬𑓂𑒨𑒏 𑒞𑒞𑓂𑒫-
𑒧𑒻𑒟𑒱𑒪𑒲 𑒏𑒟𑒰-𑒏𑒫𑒱𑒞𑒰𑒏 𑒮𑒧𑒲𑒏𑓂𑒭𑒰𑒏 𑒂𑒫𑒬𑓂𑒨𑒏 𑒞𑒞𑓂𑒫𑒣𑒩 𑒫𑒱𑒔𑒰𑒩 𑒏𑒩𑒋 𑒣𑒛𑓃𑒞।

𑒢𑒫 𑒫𑒰𑒞𑒰𑒫𑒩𑒝𑒧𑒹 𑒁𑒫𑒮𑓂𑒟𑒱𑒞 𑒢𑒫 𑒮𑒧𑒮𑓂𑒨𑒰𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒥,
𑒫𑓂𑒨𑒏𑓂𑒞𑒱𑒑𑒞 𑒁𑒢𑒳𑒦𑒫𑒏𑒹𑒿 𑒮𑒰𑒩𑓂𑒫𑒖𑒢𑒱𑒏 𑒖𑒲𑒫𑒢𑒮𑒿 𑒖𑒼𑒛𑓃𑒥𑒰𑒏 𑒣𑓂𑒩𑒨𑒰𑒮𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒥,
𑒮𑒴𑒞𑓂𑒩𑒥𑒠𑓂𑒡𑒞𑒰 𑒁𑒕𑒱 𑒫𑒰 𑒢𑒯𑒱, 𑒏𑒰𑒩𑒝 𑒫𑒱𑒫𑒰𑒠𑒱𑒞 𑒫𑒮𑓂𑒞𑒳𑒏𑒹𑒿 𑒒𑒼𑒮𑒱𑒂𑒋𑒥, 𑒫𑒰𑒠𑒏 𑒣𑓂𑒩𑒞𑒲𑒏-𑒔𑒱𑒢𑓂𑒯𑒏𑒹𑒿 𑒚𑒴𑒮𑒱 𑒏𑓄 𑒮𑒰𑒯𑒱𑒞𑓂𑒨𑒧𑒹 𑒠𑒹𑒥𑒰𑒏 𑒣𑓂𑒩𑒫𑒵𑒞𑓂𑒞𑒱𑒏 𑒂𑒡𑒰𑒩𑒣𑒩 𑒥𑓂𑒪𑒻𑒏𑒧𑒹𑒪𑒩 𑒮𑒰𑒯𑒱𑒞𑓂𑒨𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒥,
𑒁𑒣𑒢 𑒫𑓂𑒨𑒏𑓂𑒞𑒱𑒑𑒞 𑒣𑓂𑒩𑒬𑓀𑒮𑒰 𑒂 𑒠𑒼𑒮𑒩𑒰𑒏 𑒣𑓂𑒩𑒞𑒱 𑒂𑒏𑓂𑒭𑒹𑒣𑒏 𑒏𑒟𑒰-𑒏𑒫𑒱𑒞𑒰𑒧𑒹 𑒥𑓂𑒪𑒻𑒏𑒧𑒹𑒪𑒩 𑒮𑒰𑒯𑒱𑒞𑓂𑒨𑒏𑒰𑒩 𑒠𑓂𑒫𑒰𑒩𑒰 𑒣𑓂𑒩𑒨𑒼𑒑 𑒏𑒩𑒥𑒰𑒏 𑒑𑒳𑓀𑒖𑒰𑒃𑒬 𑒩𑒯𑒻𑒞 𑒁𑒕𑒱। 𑒧𑒳𑒠𑒰 𑒞𑒟𑓂𑒨𑒣𑒴𑒩𑓂𑒝 𑒧𑒴𑒪𑓂𑒨𑒰𑓀𑒏𑒢 𑒋𑒯𑒱 𑒣𑓂𑒩𑒫𑒵𑒞𑓂𑒞𑒱𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒞।
𑒯𑒲𑒢 𑒦𑒰𑒫𑒢𑒰𑒮𑒿 𑒑𑓂𑒩𑒮𑓂𑒞 𑒮𑒰𑒯𑒱𑒞𑓂𑒨 𑒏𑒪𑓂𑒨𑒰𑒝𑒏𑒰𑒩𑒲 𑒏𑒼𑒢𑒰 𑒦𑓄 𑒮𑒏𑒞?
𑒥𑒠𑒪𑒻𑒞 𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒩𑒰𑒖𑒢𑒻𑒞𑒱𑒏-𑒡𑒰𑒩𑓂𑒧𑒱𑒏 𑒮𑒧𑒲𑒏𑒩𑒝𑒏 𑒣𑒩𑒱𑒣𑓂𑒩𑒹𑒏𑓂𑒭𑓂𑒨𑒧𑒹 𑒋𑒏𑒦𑒑𑓂𑒑𑒴 𑒣𑓂𑒩𑒮𑓂𑒞𑒳𑒞𑒱𑒏 𑒩𑒹𑒐𑒰𑓀𑒏𑒢
𑒏𑒟𑒰𑒏𑒰𑒩-𑒏𑒫𑒱𑒏 𑒫𑓂𑒨𑒏𑓂𑒞𑒱𑒑𑒞 𑒖𑒱𑒢𑒑𑒲𑒏 𑒁𑒠𑒵𑒜𑓃𑒞𑒰, 𑒔𑒰𑒯𑒹 𑒍 𑒫𑒰𑒠𑒏 𑒣𑓂𑒩𑒞𑒱 𑒯𑒼𑒁𑒋 𑒫𑒰 𑒖𑒰𑒞𑒱-𑒡𑒩𑓂𑒧𑒏 𑒣𑓂𑒩𑒞𑒱, 𑒮𑒰𑒯𑒱𑒞𑓂𑒨𑒧𑒹 𑒠𑒹𑒐𑒰𑒩 𑒦𑒃𑒋 𑒖𑒰𑒃𑒞 𑒕𑒻𑒏। 𑒂 𑒋𑒯𑒢𑒹 𑒮𑒰𑒯𑒱𑒞𑓂𑒨 𑒥𑒹𑒩-𑒥𑒹𑒩 𑒁𑒣𑒢𑒰𑒏𑒹𑒿 𑒣𑒩𑒱𑒧𑒰𑒩𑓂𑒖𑒱𑒞-𑒣𑒩𑒱𑒫𑒩𑓂𑒡𑒱𑒞 𑒏𑒩𑒱𑒞𑒼 𑒧𑒴𑒪 𑒠𑒼𑒭𑒮𑒿 𑒠𑒴𑒩 𑒢𑒯𑒱 𑒦𑓄 𑒣𑒥𑒻𑒞 𑒁𑒕𑒱। 𑒖𑒰𑒞𑒱𑒫𑒰𑒠-𑒮𑒰𑓀𑒣𑓂𑒩𑒠𑒰𑒨𑒱𑒏𑒞𑒰𑒫𑒰𑒠 𑒂𑒥𑒱𑒨𑒹 𑒖𑒰𑒃𑒞 𑒕𑒻𑒏, 𑒞𑒏𑒩𑒰 𑒔𑒱𑒢𑓂𑒯𑒱𑒞 𑒏𑒩𑒥।
𑒑𑒣𑒰𑒭𑓂𑒙𑒏 𑒂 𑒮𑒧𑒲𑒏𑓂𑒭𑒰𑒏 𑒁𑓀𑒞𑒩𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒥। 𑒋𑒏𑒩 𑒧𑒳𑒐𑓂𑒨 𑒪𑒏𑓂𑒭𑒝 –
“𑒏𑒱𑒨𑒼 𑒯𑒳𑒢𑒏𑒰 𑒏𑒯𑒱𑒨𑒼 𑒣𑒳𑒕𑒪𑒏𑒢𑓂𑒯𑒱, 𑒮𑒳𑒢𑒻𑒞 𑒕𑒱𑒌 𑒖𑒹 𑒍 𑒄 𑒏𑒩𑒋 𑒔𑒰𑒯𑒻𑒞 𑒩𑒯𑒟𑒱 ..” 𑒂 𑒋𑒯𑒱 𑒞𑒩𑒯𑒏 𑒂𑒩 𑒑𑒣 𑒮𑒦। 𑒮𑓀𑒑𑒯𑒱 𑒯𑒱𑒢𑒏𑒩 𑒩𑒔𑒢𑒰𑒏𑒹𑒿 𑒣𑒰𑒚𑒏 𑒢𑒯𑒱 𑒥𑒴𑒗𑒱 𑒣𑒥𑒻𑒋- 𑒮𑒧𑒲𑒏𑓂𑒭𑒏 𑒮𑒹𑒯𑒼 𑒢𑒯𑒱 𑒥𑒴𑒗𑒱 𑒣𑒥𑒻𑒋- 𑒧𑒳𑒠𑒰 𑒯𑒱𑒢𑒏𑒰𑒧𑒹 𑒁𑒮𑒪𑒲 𑒑𑒣 𑒄 𑒕𑒢𑓂𑒯𑒱। 𑒄 𑒤𑒪𑒢𑒰𑒏 𑒥𑒹𑒙𑒰 𑒕𑒟𑒱 𑒞𑒹𑒿 𑒢𑒲𑒏 𑒂𑒏𑒱 𑒁𑒡𑒪𑒰𑒯 𑒪𑒱𑒐𑒻 𑒕𑒟𑒱, 𑒄 𑒋𑒯𑒱 𑒣𑒠𑒣𑒩 𑒕𑒟𑒱 𑒞𑒹𑒿 𑒢𑒲𑒏 𑒂𑒏𑒱 𑒁𑒡𑒪𑒰𑒯 𑒪𑒱𑒐𑒻 𑒕𑒟𑒱। 𑒄 𑒣𑒰𑒃𑒥𑒪𑒰 𑒕𑒟𑒱, 𑒯𑒼𑒙𑒪 𑒕𑒢𑓂𑒯𑒱 𑒞𑒹𑒿 𑒮𑒰𑒯𑒱𑒞𑓂𑒨𑒏𑒰𑒩 𑒢𑒯𑒱 𑒕𑒟𑒱 𑒂 𑒄 𑒣𑒩𑓂𑒔𑒰 𑒤𑒹𑒏𑒻 𑒕𑒟𑒱, 𑒣𑒞𑓂𑒩𑒏𑒰𑒩 𑒕𑒟𑒱 𑒞𑒹𑒿 𑒧𑒯𑒰𑒢 𑒮𑒰𑒯𑒱𑒞𑓂𑒨𑒏𑒰𑒩 𑒕𑒟𑒱। 𑒄 𑒮𑒯𑒩𑒮𑒰-𑒮𑒳𑒣𑒾𑒪𑒏 𑒕𑒟𑒱 𑒞𑒹𑒿 𑒢𑒲𑒏 𑒂𑒏𑒱 𑒁𑒡𑒪𑒰𑒯 𑒂 𑒄 𑒠𑒩𑒦𑓀𑒑𑒰𑒏 𑒮𑒼𑒞𑒱 𑒂𑒏𑒱 𑒥𑓂𑒩𑒰𑒯𑓂𑒧𑒝-𑒏𑒰𑒨𑒮𑓂𑒟 𑒞𑒹𑒿 𑒢𑒲𑒏 𑒂𑒏𑒱 𑒁𑒡𑒪𑒰𑒯 𑒪𑒱𑒐𑒻 𑒕𑒟𑒱।
𑒋𑒏 𑒣𑒰𑒿𑒞𑒱𑒏 𑒫𑒏𑓂𑒞𑒫𑓂𑒨- 𑒋𑒯𑒱 𑒩𑒔𑒢𑒰𑒏 𑒯𑒧 𑒫𑒱𑒩𑒼𑒡 𑒂𑒏𑒱 𑒮𑒧𑒩𑓂𑒟𑒢 𑒏𑒩𑒻 𑒕𑒲। 𑒄 𑒯𑒧𑒩𑒰 𑒪𑒹𑒪 𑒢𑒲𑒏 𑒪𑒼𑒏 𑒕𑒟𑒱 𑒞𑒹𑒿 𑒢𑒲𑒏 𑒪𑒱𑒐𑒻 𑒕𑒟𑒱। 𑒄 𑒯𑒧𑒩 𑒖𑒰𑒞𑒱𑒏 𑒕𑒟𑒱 𑒫𑒰 𑒯𑒧𑒩𑒰 𑒦𑒫𑒱𑒭𑓂𑒨𑒧𑒹 𑒤𑒰𑒋𑒠𑒰 𑒣𑒯𑒳𑒿𑒔𑒹𑒞𑒰𑒯 𑒞𑒹𑒿 𑒁𑒠𑓂𑒦𑒳𑒞 𑒪𑒱𑒐𑒻 𑒕𑒟𑒱। 𑒯𑒱𑒢𑒏𑒩 𑒯𑒧 𑒣𑓂𑒩𑒬𑓀𑒮𑒰 𑒏𑒩𑒥𑒢𑓂𑒯𑒱 𑒞𑒿 𑒄𑒯𑒼 𑒯𑒧𑒩 𑒣𑓂𑒩𑒬𑓀𑒮𑒰 𑒏𑒩𑒞𑒰𑒯। 𑒋𑒯𑒱 𑒮𑒦 𑒣𑓂𑒩𑒫𑒵𑒞𑓂𑒞𑒱𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒥।
𑒧𑒴𑒪𑓂𑒨𑒰𑓀𑒏𑒢𑒧𑒹 𑒏𑒏𑒩𑒼 𑒣𑓂𑒩𑒞𑒱 𑒣𑒴𑒩𑓂𑒫𑒰𑒑𑓂𑒩𑒯 𑒫𑒰 𑒒𑒵𑒝𑒰 𑒩𑒰𑒐𑒥। 𑒍𑒏𑒩 𑒮𑒧𑓂𑒣𑒴𑒩𑓂𑒝 𑒑𑒣 𑒥𑒳𑒗𑒥𑒰𑒮𑒿 𑒣𑒴𑒩𑓂𑒫𑒹 𑒢𑒱𑒩𑓂𑒝𑒨 𑒮𑒳𑒢𑒰𑒋𑒥। 𑒋𑒯𑒱𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒥।
𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨, 𑒖𑒞𑒋 𑒣𑒰𑒚𑒏𑒏 𑒮𑓀𑒐𑓂𑒨𑒰 𑒬𑒴𑒢𑓂𑒨 𑒕𑒻𑒏, 𑒋𑒏 𑒮𑒰𑒯𑒱𑒞𑓂𑒨𑒏𑒰𑒩 𑒠𑒼𑒮𑒩𑒰𑒏 𑒮𑒧𑒲𑒏𑓂𑒭𑒰 𑒏𑒩𑒻𑒞 𑒁𑒕𑒱 𑒂 𑒋𑒞𑒋 𑒫𑓂𑒨𑒏𑓂𑒞𑒱𑒑𑒞 𑒁𑒯𑒧𑓂 𑒂 𑒥𑓂𑒪𑒻𑒏𑒧𑒹𑒪𑒱𑓀𑒑𑒏 𑒣𑒴𑒩𑓂𑒝 𑒑𑒳𑓀𑒖𑒰𑒃𑒬 𑒕𑒻𑒏। 𑒁𑒯𑒰𑒿 𑒠𑒴-𑒔𑒰𑒩𑒱𑒙𑒰 𑒏𑒫𑒱-𑒏𑒟𑒰𑒏𑒰𑒩 𑒮𑒧𑓂𑒧𑒹𑒪𑒢𑒧𑒹 𑒔𑒪𑒱 𑒖𑒰𑒆, 𑒅𑒠𑓂𑒒𑒼𑒭𑒏𑒏 𑒅𑒠𑓂𑒒𑒼𑒭𑒝𑒰 𑒂 𑒟𑒼𑒣𑒛𑓃𑒲 𑒅𑒠𑓂𑒒𑒼𑒭𑒏𑒏 𑒂 𑒮𑒰𑒯𑒱𑒞𑓂𑒨𑒏𑒰𑒩𑒏 𑒣𑒴𑒩𑓂𑒫𑒰𑒑𑓂𑒩𑒯𑒏𑒹𑒿 𑒔𑒱𑒢𑓂𑒯𑒱𑒞 𑒏𑓄 𑒠𑒹𑒞। 𑒖𑒹𑒢𑒰 𑒑𑒾𑒩𑒲𑒢𑒰𑒟 𑒪𑒱𑒐𑒻 𑒕𑒟𑒱 𑒖𑒹 𑒯𑒱𑒢𑓂𑒠𑒲𑒨𑒼𑒧𑒹 -𑒣𑓂𑒩𑒹𑒧𑒔𑒢𑓂𑒠, 𑒧𑒼𑒯𑒢 𑒩𑒰𑒏𑒹𑒬 𑒂 𑒅𑒞𑓂𑒞𑒩𑒰𑒐𑒝𑓂𑒛𑒲- 𑒋𑒢𑒰 𑒏𑓄 𑒏𑒋 𑒮𑓀𑒑𑓂𑒩𑒯 𑒁𑒥𑒻𑒞 𑒁𑒕𑒱 𑒖𑒹𑒢𑒰 𑒅𑒞𑓂𑒞𑒩𑒰𑒐𑒝𑓂𑒛𑒲 𑒣𑓂𑒩𑒹𑒧𑒔𑒢𑓂𑒠 𑒂 𑒧𑒼𑒯𑒢 𑒩𑒰𑒏𑒹𑒬𑒏 𑒏𑒼𑒙𑒱𑒏 𑒯𑒱𑒟𑒱। 𑒞𑒯𑒱𑒢𑒰 𑒧𑒻𑒟𑒱𑒪𑒲𑒧𑒹 𑒏𑒳𑒪𑒰𑒢𑒢𑓂𑒠 𑒧𑒱𑒬𑓂𑒩-𑒯𑒩𑒹𑒏𑒵𑒭𑓂𑒝 𑒗𑒰 𑒂 𑒄; 𑒫𑒰 𑒨𑒰𑒞𑓂𑒩𑒲-𑒩𑒰𑒖𑒏𑒧𑒪 𑒂 𑒍, 𑒫𑒰 𑒩𑒰𑒖𑒏𑒧𑒪-𑒪𑒪𑒱𑒞 𑒂 𑒄 , 𑒧𑒰𑒞𑓂𑒩 𑒨𑒻𑒯 𑒏𑒫𑒱 𑒏𑒟𑒰𑒏𑒰𑒩 𑒕𑒟𑒱 𑒋𑒯𑒢 𑒮𑒢 𑒫𑒏𑓂𑒞𑒫𑓂𑒨 𑒁𑒥𑒻𑒞 𑒁𑒕𑒱 𑒂 𑒋𑒯𑒱 𑒧𑒹 𑒄 𑒂 𑒍 𑒏 𑒣𑓂𑒩𑒞𑒱 𑒠𑒹𑒐𑒰𑒍𑒪 𑒣𑒴𑒩𑓂𑒫𑒰𑒑𑓂𑒩𑒯𑒏𑒨𑒳𑒏𑓂𑒞 𑒠𑒳𑒙𑒣𑓂𑒣𑒲 𑒔𑒱𑒢𑓂𑒯𑒱𑒞 𑒦𑒋 𑒖𑒰𑒋𑒞। 𑒐𑒴𑒥 𑒮𑒰𑒯𑒱𑒞𑓂𑒨 𑒣𑒜𑓃𑒴- 𑒦𑒰𑒩𑒞𑒏 𑒁 𑒢𑒹𑒣𑒰𑒪𑒏 𑒠𑒳𑒢𑒴 𑒠𑒱𑒮𑒳𑒏𑒰 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨। 𑒂 𑒋𑒯𑒱 𑒏𑓂𑒩𑒧𑒧𑒹 𑒖𑒹 𑒩𑒔𑒢𑒰 𑒂 𑒖𑒹 𑒩𑒔𑒢𑒰𑒏𑒰𑒩 𑒢𑒲𑒏 𑒪𑒰𑒑𑒟𑒱 𑒂 𑒖𑒹 𑒞𑒟𑒰𑒏𑒟𑒱𑒞 𑒮𑓂𑒟𑒰𑒣𑒱𑒞 𑒩𑒔𑒢𑒰𑒏𑒰𑒩 𑒫𑒰 𑒩𑒔𑒢𑒰 𑒁𑒡𑒪𑒰𑒯 𑒪𑒰𑒑𑒋 𑒞𑒏𑒩𑒰 𑒔𑒱𑒢𑓂𑒯𑒱𑒞 𑒏𑒩𑒴, 𑒫𑒱𑒮𑓀𑒑𑒞𑒱𑒏𑒹𑒏𑒹𑒿 𑒮𑒹𑒯𑒼। 𑒂 𑒮𑒹 𑒥𑒱𑒢𑒰 𑒦𑒋𑒏, 𑒏𑒰𑒩𑒝 𑒥𑓂𑒪𑒻𑒏𑒧𑒹𑒪𑒩 𑒂 𑒑𑒼𑒪 𑒥𑒢𑒰 𑒏𑓄 𑒏𑒫𑒱𑒞𑒰-𑒏𑒟𑒰 𑒩𑒔𑒢𑒱𑒯𑒰𑒩𑒏 𑒠𑒱𑒢 𑒐𑒞𑒧 𑒏𑒩𑒥𑒰𑒏 𑒪𑒹𑒪 𑒮𑒰𑒯𑒮 𑒖𑒩𑒴𑒩𑒲 𑒁𑒕𑒱। 𑒥𑒱𑒢𑒰 𑒣𑒰𑒚𑒏𑒏 𑒄 𑒪𑒼𑒏𑒢𑒱 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏𑒹𑒿 𑒮𑒼𑓀𑒑𑒩𑒣𑒩 𑒩𑒐𑒢𑒹 𑒕𑒟𑒱, 𑒋𑒏𑒙𑒰 𑒕𑒠𑓂𑒧 𑒫𑒰𑒞𑒰𑒫𑒩𑒝 𑒥𑒢𑒰 𑒏𑓄।
𑓑𑓒. 𑒮𑓂𑒫𑒞𑓀𑒞𑓂𑒩𑒞𑒰/ 𑒂𑒩𑒏𑓂𑒭𑒝- 𑒋𑒯𑒱 𑒠𑒴𑒙𑒰 𑒣𑒩 𑒒𑒧𑒩𑓂𑒟𑒢। 𑒮𑓂𑒫𑒞𑓀𑒞𑓂𑒩𑒞𑒰 𑒮𑒞𑒯𑒲 𑒕𑒪, 𑒧𑒞𑒠𑒰𑒢 𑒢𑒏𑒪𑒲 𑒁𑒕𑒱 𑒂 𑒂𑒩𑒏𑓂𑒭𑒝 𑒦𑒹𑒠𑒦𑒰𑒫𑒣𑒩 𑒂𑒡𑒰𑒩𑒱𑒞, 𑒄 𑒒𑒧𑒩𑓂𑒟𑒢 𑒏𑒩𑒻𑒞 𑒬𑒼𑒭𑒏 𑒫𑒩𑓂𑒑। 𑒮𑓂𑒫𑒞𑓀𑒞𑓂𑒩𑒞𑒰 𑒧𑒞𑒠𑒰𑒢𑒏𑒹𑒿 𑒖𑒢𑓂𑒧 𑒠𑒹𑒪𑒏 𑒂 𑒣𑒰𑒿𑒔 𑒮𑒰𑒪𑒣𑒩 𑒄 𑒮𑒰𑒧𑒰𑒖𑒱𑒏 𑒣𑒩𑒱𑒫𑒩𑓂𑒞𑒢𑒏 𑒜𑒹𑒩 𑒩𑒰𑒮 𑒢𑒫 𑒮𑒧𑒲𑒏𑒩𑒝𑒏𑒹𑒿 𑒖𑒢𑓂𑒧 𑒠𑒻𑒞 𑒁𑒕𑒱- 𑒮𑒹 𑒬𑒼𑒭𑒱𑒞 𑒫𑒩𑓂𑒑 𑒪𑒹𑒪 𑒯𑒱𑒞𑒏𑒰𑒩𑒲। 𑒁𑒮𑒧𑒰𑒢 𑒮𑒰𑒧𑒰𑒖𑒱𑒏 𑒮𑓂𑒞𑒩𑒏𑒹𑒿 𑒮𑒧𑒰𑒢 𑒁𑒡𑒱𑒏𑒰𑒩 𑒠𑒹𑒥𑒰𑒏 𑒏𑒼𑒢𑒼 𑒧𑒞𑒪𑒥 𑒢𑒯𑒱। 𑒞𑒿 𑒬𑒼𑒭𑒏 𑒫𑒩𑓂𑒑 𑒏𑒯𑒞- 𑒍𑒯𑒴 𑒂𑒩𑒏𑓂𑒭𑒱𑒞 𑒫𑒩𑓂𑒑𑒧𑒹 𑒆𑒿𑒔 𑒢𑒲𑒔𑒏 𑒖𑒢𑓂𑒧 𑒦𑓄 𑒩𑒯𑒪 𑒁𑒕𑒱। 𑒧𑒳𑒠𑒰 𑒮𑒹 𑒖𑒰𑒞𑒱𑒏 𑒂𑒡𑒰𑒩𑒣𑒩 𑒞𑒿 𑒢𑒯𑒱 𑒦𑓄 𑒩𑒯𑒪 𑒁𑒕𑒱 𑒂 𑒣𑒯𑒱𑒢𑒹𑒏 𑒞𑒳𑒪𑒢𑒰𑒧𑒹 𑒏𑒧 𑒦𑓄 𑒩𑒯𑒪 𑒁𑒕𑒱। 𑒖𑒹 𑒬𑒴𑒠𑓂𑒩 𑒇𑒭𑒱 𑒏𑒫𑒭 𑒌𑒪𑒴𑒭 𑒫𑒻𑒠𑒱𑒏 𑒇𑒔𑒰𑒏 𑒠𑓂𑒩𑒭𑓂𑒙𑒰 𑒕𑒟𑒱, 𑒖𑒹 𑒧𑒯𑒱𑒪𑒰 𑒁𑒣𑒰𑒪𑒰 𑒫𑒻𑒠𑒱𑒏 𑒇𑒔𑒰𑒏 𑒠𑓂𑒩𑒭𑓂𑒙𑒰 𑒕𑒟𑒱, 𑒮𑒹 𑒏𑒩𑒼𑒙𑒧𑒹 𑒏𑒱𑒋𑒏 𑒚𑒰𑒜𑓃 𑒩𑒯𑒟𑒱 ? 𑒣𑒳𑒩𑒰𑒞𑒢 𑒫𑓂𑒨𑒫𑒮𑓂𑒟𑒰𑒏 𑒖𑒰𑒞𑒱𑒏 𑒦𑒲𑒞𑒩𑒏 𑒮𑓂𑒞𑒩𑒲𑒏𑒩𑒝, 𑒏𑒩𑓂𑒝𑒏𑒰𑒨𑒮𑓂𑒟 𑒂 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝𑒏 𑒦𑒲𑒞𑒩 𑒣𑒘𑓂𑒖𑒲-𑒣𑓂𑒩𑒟𑒰 𑒠𑓂𑒫𑒰𑒩𑒰 𑒏𑒋𑒪 𑒑𑒹𑒪 𑒮𑓂𑒞𑒩𑒲𑒏𑒩𑒝, 𑒣𑒰𑒃-𑒣𑒻𑒩𑒫𑒲 𑒪𑓄 𑒠𑓄 𑒏𑓄 𑒯𑒼𑒃𑒞 𑒮𑓂𑒞𑒩𑒲𑒏𑒩𑒝𑒏 𑒮𑓂𑒟𑒱𑒞𑒱𑒧𑒹 𑒢𑒲𑒔𑒰𑒿 𑒆𑒣𑒩 𑒏𑒹𑒢𑒰𑒃। 𑒮𑒧𑒰𑒖𑒏 𑒥𑒰𑒪-𑒫𑒱𑒫𑒰𑒯 𑒣𑒏𑓂𑒭 𑒂 𑒫𑒱𑒡𑒫𑒰-𑒫𑒱𑒫𑒰𑒯 𑒫𑒱𑒣𑒏𑓂𑒭 𑒂𑒡𑒰𑒩𑒱𑒞 𑒂 𑒣𑒘𑓂𑒖𑒲 𑒂𑒡𑒰𑒩𑒱𑒞 𑒥𑒞𑒯𑒣𑒢𑒲𑒏 𑒣𑓂𑒩𑒞𑒲𑒏 𑒩𑒴𑒣𑒧𑒹 𑒩𑒯𑒻𑒞 𑒂𑒃 𑒏𑒰𑒪𑓂𑒯𑒱𑒏 𑒫𑓂𑒨𑒫𑒮𑓂𑒟𑒰 𑒮𑒦। 𑒂𑒞𑓂𑒧𑒏𑒹𑒢𑓂𑒠𑓂𑒩𑒱𑒞, 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱 𑒕𑒼𑒛𑓃𑒻𑒞 𑒮𑒧𑒰𑒖- 𑒏𑒰𑒩𑒝 𑒋𑒯𑒱 𑒮𑒦𑒮𑒿 𑒣𑓂𑒩𑒹𑒧 𑒧𑒰𑒞𑓂𑒩 𑒣𑓂𑒩𑒞𑒲𑒏 𑒩𑒴𑒣𑒧𑒹 𑒍 𑒥𑒰𑒪𑓂𑒨𑒏𑒰𑒪𑒮𑒿 𑒠𑒹𑒐𑒢𑒹 𑒁𑒕𑒱। 𑒣𑒜𑓃𑒰𑒃𑒏 𑒩𑒴𑒣 𑒋𑒐𑒢𑒼 𑒁𑒮𑒧𑒰𑒢𑒞𑒰𑒣𑒩 𑒂𑒡𑒰𑒩𑒱𑒞 𑒁𑒕𑒱𑒨𑒹 𑒧𑒳𑒠𑒰 𑒣𑒳𑒩𑒢𑒏𑒰 𑒞𑒳𑒪𑒢𑒰𑒧𑒹 𑒁𑒏𑒰𑒬 𑒣𑒞𑒰𑒪𑒏 𑒁𑓀𑒞𑒩 𑒁𑒕𑒱। 𑒏𑒱𑒨𑒼 𑒣𑒜𑓃𑒱-𑒪𑒱𑒐𑒱 𑒏𑓄 𑒁𑒣𑒢 𑒮𑒧𑒰𑒖𑒧𑒹 𑒅𑒔𑓂𑒔𑒮𑒿 𑒅𑒔𑓂𑒔𑒞𑒧 𑒮𑓂𑒞𑒩 𑒣𑓂𑒩𑒰𑒣𑓂𑒞 𑒏𑓄 𑒮𑒏𑒻𑒞 𑒁𑒕𑒱 𑒂 𑒞𑒐𑒢 𑒢𑒹 𑒍𑒏𑒩𑒰 𑒣𑒰𑒿𑒖𑒱 𑒔𑒰𑒯𑒲 𑒂 𑒢𑒹 𑒏𑒱𑒕𑒳 𑒂𑒩। 𑒤𑒹𑒩 𑒍 𑒑𑓂𑒩𑒰𑒧 𑒣𑓀𑒔𑒰𑒋𑒞𑒮𑒿 𑒪𑓄 𑒏𑓄 𑒮𑓀𑒮𑒠 𑒮𑒠𑒮𑓂𑒨 𑒡𑒩𑒱 𑒣𑒯𑒳𑒿𑒔𑒻𑒞 𑒁𑒕𑒱। 𑒚𑒱𑒏𑒹𑒠𑒰𑒩𑒲 𑒏𑒩𑒥𑒰𑒮𑒿 𑒪𑓄 𑒏𑓄 𑒥𑒮-𑒙𑒹𑒧𑓂𑒣𑒴 𑒡𑒩𑒱 𑒔𑒪𑒰-𑒔𑒪𑒥𑒰 𑒮𑒏𑒻𑒞 𑒁𑒕𑒱। 𑒯𑒧 𑒋𑒯𑒱 𑒠𑓂𑒫𑒰𑒩𑒹 𑒢𑒯𑒱 𑒣𑒜𑓃𑒱 𑒮𑒏𑒪𑒯𑒳𑒿, 𑒏𑒪𑒏𑓂𑒙𑒩 𑒢𑒯𑒱 𑒥𑒢𑒱 𑒮𑒏𑒪𑒯𑒳𑒿 𑒏𑒯𑒪𑒰𑒣𑒩 𑒂𑒥 𑒪𑒼𑒏 𑒏𑒯𑒻𑒞 𑒁𑒕𑒱 𑒖𑒹 𑒞𑒐𑒢 𑒤𑒪𑒢𑒰𑓀𑒏 𑒥𑒹𑒙𑒰 𑒏𑒼𑒢𑒰 𑒮𑒹 𑒥𑒢𑒱 𑒑𑒹𑒪।
𑓑𑓓. 𑒬𑒼𑒭𑒏 𑒠𑓂𑒫𑒰𑒩𑒰 𑒬𑒼𑒭𑒱𑒞𑒣𑒩 𑒏𑒋𑒪 𑒅𑒣𑒏𑒰𑒩 𑒫𑒰 𑒁𑒣𑒩𑒰𑒡𑒥𑒼𑒡𑒏 𑒁𑒢𑓂𑒞𑒩𑓂𑒑𑒞 𑒧𑒩𑒛𑓃𑒣𑒩 𑒪𑒱𑒐𑒪 𑒖𑒰𑒋𑒥𑒪𑒰 𑒏𑒟𑒰-𑒏𑒫𑒱𑒞𑒰𑒧𑒹 𑒖𑒹 𑒣𑒻𑒒𑒞𑓂𑒫𑒏 (𑒖𑒹 𑒯𑒲𑒢 𑒦𑒰𑒫𑒢𑒰𑒏 𑒋𑒏𑒙𑒰 𑒩𑒴𑒣 𑒁𑒕𑒱) 𑒦𑒰𑒫𑒢𑒰 𑒯𑒼𑒃 𑒕𑒻, 𑒞𑒏𑒩𑒰 𑒔𑒱𑒢𑓂𑒯𑒱𑒞 𑒏𑒋𑒪 𑒖𑒰𑒋।
𑓑𑓔. 𑒧𑒹𑒛𑒱𑒨𑒼𑒏𑓂𑒩𑒱𑒙𑒲 𑒔𑒱𑒢𑓂𑒯𑒱𑒞 𑒏𑒩𑒴- 𑒞𑒏𑒱𑒨𑒰 𑒏𑒪𑒰𑒧 𑒂 𑒔𑒰𑒪𑒴 𑒥𑓂𑒩𑒹𑒏𑒱𑓀𑒑 𑒢𑓂𑒨𑒴𑒖- 𑒂𑒡𑒳𑒢𑒱𑒏𑒞𑒰𑒏 𑒢𑒰𑒧𑒣𑒩। 𑒨𑒳𑒑𑒏 𑒣𑓂𑒩𑒧𑒹𑒨𑒏𑒹𑒿 𑒧𑒰𑒙𑒱 𑒠𑒹𑒥𑒰𑒏 𑒫𑒱𑒔𑒰𑒩 𑒋𑒯𑒱𑒧𑒹 𑒢𑒯𑒱 𑒦𑒹𑒙𑒞, 𑒮𑒹 𑒋𑒯𑒱 𑒁𑒢𑓂𑒞𑒩𑓂𑒩𑒰𑒭𑓂𑒙𑓂𑒩𑒲𑒨 𑒣𑒩𑒱𑒠𑒵𑒬𑓂𑒨𑒏, 𑒥𑒳𑒬-𑒮𑒠𑓂𑒠𑒰𑒧𑒏 𑒂𑒪𑒼𑒔𑒢𑒰𑒧𑒹 𑒡𑒰𑒩 𑒍𑒯𑒱 𑒏𑒰𑒩𑒝𑒮𑒿 𑒢𑒯𑒱 𑒂𑒥𑒱 𑒣𑒥𑒻𑒞 𑒁𑒕𑒱। 𑒏𑒼𑒢𑒼 𑒧𑒢𑓂𑒠𑒱𑒩-𑒧𑒮𑓂𑒖𑒱𑒠𑒏𑒹𑒿 𑒖𑒹 𑒍 𑒮𑒧𑒩𑓂𑒟𑒢-𑒫𑒱𑒩𑒼𑒡 𑒏𑒩𑒻𑒞 𑒕𑒟𑒱 𑒫𑒰 𑒏𑒼𑒢𑒼 𑒢𑒢𑓂𑒠𑒲𑒑𑓂𑒩𑒰𑒧-𑒪𑒰𑒪𑒑𑒜𑓃𑒏 𑒮𑒹𑒯𑒼 𑒞𑒿 𑒍𑒯𑒱𑒧𑒹 𑒮𑒹𑒯𑒼 𑒞𑒰𑒯𑒱 𑒞𑒩𑒯𑒏 𑒡𑒰𑒩 𑒢𑒯𑒱 𑒁𑒥𑒻𑒞 𑒁𑒕𑒱। 𑒠𑒰𑒩𑒴 𑒣𑒲𑒥𑒱 𑒧𑒿𑒞𑒪 𑒧𑒰𑒢𑒫𑒫𑒰𑒠, 𑒡𑒩𑓂𑒧𑒢𑒱𑒩𑒣𑒹𑒏𑓂𑒭𑒞𑒰𑒫𑒰𑒠, 𑒫𑒰𑒧𑒣𑓀𑒟 𑒂 𑒠𑒏𑓂𑒭𑒱𑒝𑒣𑓀𑒟𑒣𑒩 𑒯𑒳𑒢𑒏𑒩 𑒫𑒱𑒔𑒰𑒩 𑒪𑒰𑒑𑒞 𑒍𑓀𑒒𑒰𑒋𑒪। 𑒨𑒳𑒑𑒏 𑒮𑒦 𑒬𑒥𑓂𑒠𑒰𑒫𑒪𑒲 𑒦𑒩𑒞𑒰𑒯 𑒂 𑒏𑒫𑒱𑒞𑒰-𑒏𑒟𑒰 𑒞𑒻𑒨𑒰𑒩। 𑒁𑒧𑒹𑒩𑒱𑒏𑒰𑒏 𑒂𑒪𑒼𑒔𑒢𑒰𑒧𑒹 𑒡𑒰𑒩 𑒏𑒼𑒢𑒰 𑒂𑒍𑒞 𑒂 𑒫𑒰𑒧𑒣𑓀𑒟𑒏 𑒣𑒏𑓂𑒭𑒧𑒹 𑒮𑒹𑒯𑒼- 𑒖𑒐𑒢 𑒁𑒣𑒢 𑒂𑒖𑒲𑒫𑒱𑒏𑒰 𑒠𑒏𑓂𑒭𑒱𑒝𑒣𑓀𑒟𑒏 𑒧𑒠𑒞𑒱𑒮𑒿 𑒔𑒪𑒱 𑒩𑒯𑒪 𑒁𑒕𑒱। 𑒮𑓀𑒒𑒩𑓂𑒭𑒏 𑒁𑒦𑒰𑒫 𑒮𑒵𑒖𑒢𑒰𑒞𑓂𑒧𑒏𑒞𑒰𑒏 𑒮𑓂𑒞𑒩𑒏𑒹𑒿 𑒮𑒧𑒋 𑒥𑒜𑓃𑒪𑒰𑒮𑒿 𑒥𑒜𑓃𑒹𑒥𑒰𑒏 𑒥𑒠𑒪𑒰 𑒒𑒙𑒥𑒻𑒞 𑒁𑒕𑒱। 𑒨𑒳𑒑𑒏 𑒁𑒢𑒳𑒩𑒴𑒣 𑒮𑒦 𑒔𑒪𑒻𑒋, 𑒍𑒏𑒩 𑒫𑒱𑒣𑒩𑒲𑒞 𑒔𑒪𑒥 𑒞𑒐𑒢 𑒢𑒹 𑒮𑒵𑒖𑒢𑒰𑒞𑓂𑒧𑒏𑒞𑒰𑒏 𑒮𑓀𑒑 𑒔𑒰𑒯𑒲। 𑒠𑒼𑒮𑒩𑒰𑒏𑒹𑒿 𑒣𑒪𑒰𑒨𑒢𑒫𑒰𑒠𑒲 𑒏𑒯𑒢𑒱𑒯𑒰𑒩 𑒋𑒯𑒱 𑒞𑒩𑒯𑒏 𑒮𑒳𑒫𑒱𑒡𑒰𑒫𑒰𑒠𑒲 𑒞𑒞𑓂𑒫𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒴, 𑒑𑒯𑒲𑓀𑒩 𑒣𑒻𑒮𑒥 𑒖𑒱𑒢𑒏𑒰 𑒪𑒹𑒪 𑒮𑓀𑒦𑒫 𑒢𑒯𑒱। 𑒃𑒞𑒱𑒯𑒰𑒮𑒮𑒿 𑒖𑒳𑒛𑓃𑒰𑒫 𑒌𑒞𑒱𑒯𑒰𑒮𑒱𑒏 𑒧𑒢𑒼𑒦𑒰𑒫𑒢𑒰𑒮𑒿 𑒖𑒼𑒛𑓃𑒱 𑒮𑒏𑒞। 𑒫𑒩𑓂𑒞𑒧𑒰𑒢 𑒮𑒰𑒧𑒰𑒖𑒱𑒏 𑒫𑓂𑒨𑒫𑒮𑓂𑒟𑒰𑒏𑒹𑒿 𑒧𑒰𑒙𑒱 𑒠𑒹𑒥𑒰𑒧𑒹 𑒡𑒰𑒩𑒏 𑒁𑒦𑒰𑒫- 𑒯𑒲𑒢𑒦𑒰𑒫𑒢𑒰𑒑𑓂𑒩𑒮𑓂𑒞 𑒂 𑒁𑒣𑒩𑒰𑒡 𑒦𑒰𑒫𑒮𑒿 𑒦𑒩𑒪 𑒪𑒹𑒐𑒏𑒮𑒿 𑒮𑓀𑒦𑒫 𑒢𑒯𑒱। 𑒢𑓂𑒨𑒰𑒨 𑒫𑒻𑒬𑒹𑒭𑒱𑒏 𑒂 𑒮𑒰𑓀𑒐𑓂𑒨-𑒨𑒼𑒑𑒏 𑒫𑒮𑓂𑒞𑒳𑒫𑒰𑒠, 𑒥𑒰𑒯𑓂𑒨𑒏 𑒨𑒟𑒰𑒩𑓂𑒟 𑒂 𑒧𑒰𑒨𑒰𑒏 𑒫𑒱𑒩𑒼𑒡, 𑒑𑒵𑒯𑒮𑓂𑒟 𑒖𑒲𑒫𑒢, 𑒪𑒼𑒏 𑒯𑒱𑒞। 𑒏𑒪𑒰 𑒂 𑒮𑒰𑒯𑒱𑒞𑓂𑒨𑒏 𑒏𑒵𑒞𑒱, 𑒂𑒞𑓂𑒧𑒰𑒏 𑒦𑒲𑒞𑒩𑒏 𑒖𑓂𑒘𑒰𑒢 𑒣𑓂𑒩𑒖𑓂𑒘𑒰𑒣𑒩 𑒂𑒡𑒰𑒩𑒱𑒞 𑒯𑒼𑒃𑒞 𑒁𑒕𑒱 𑒖𑒹 𑒁𑒐𑒝𑓂𑒛 𑒁𑒕𑒱- 𑒑𑒞𑒱, 𑒮𑓂𑒫𑒞𑓀𑒞𑓂𑒩𑒞𑒰, 𑒮𑒩𑓂𑒖𑒢𑒰𑒞𑓂𑒧𑒏 𑒣𑒩𑒱𑒫𑒩𑓂𑒞𑒢। 𑒃𑒞𑒱𑒯𑒰𑒮 𑒫𑒰 𑒮𑒰𑒯𑒱𑒞𑓂𑒨𑒏 𑒃𑒞𑒱𑒯𑒰𑒮 𑒯𑒧 𑒥𑒠𑒪𑒱 𑒢𑒯𑒱 𑒮𑒏𑒻𑒞 𑒕𑒲 𑒂 𑒋𑒞𑒋 𑒅𑒔𑓂𑒔 𑒂 𑒧𑒡𑓂𑒨𑒫𑒩𑓂𑒑𑒏 𑒮𑓂𑒧𑒵𑒞𑒱 𑒂𑒡𑒰𑒩𑒱𑒞 𑒧𑒱𑒟𑒱𑒪𑒰𑒏 𑒮𑓂𑒫𑒩𑓂𑒝𑒨𑒳𑒑। 𑒧𑒳𑒠𑒰 𑒞𑒏𑒩 𑒧𑒯𑒞𑓂𑒫 𑒠𑒴𑒩𑒠𑒩𑓂𑒬𑒢 𑒂 𑒔𑒪𑒔𑒱𑒞𑓂𑒩 𑒙𑒰𑒧𑒹 𑒦𑓄 𑒮𑒏𑒻𑒞 𑒁𑒕𑒱। 𑒅𑒠𑒰𑒩𑒫𑒰𑒠। 𑒎𑒠𑓂𑒨𑒼𑒑𑒱𑒏𑒩𑒝 𑒂 𑒞𑒏𑒩 𑒂𑒩𑓂𑒟𑒱𑒏 𑒫𑒱𑒏𑒰𑒮𑒏 𑒮𑒤𑒪𑒞𑒰-𑒁𑒮𑒤𑒪𑒞𑒰। 𑒮𑒰𑒧𑒰𑒖𑒱𑒏 𑒩𑒴𑒣𑒧𑒹 𑒮𑒧𑒰𑒖𑒏 𑒣𑒱𑒕𑒛𑓃𑒪 𑒫𑒩𑓂𑒑𑒏 𑒫𑒱𑒩𑒼𑒡𑒏𑒹𑒿 𑒂𑒩𑒏𑓂𑒭𑒝 𑒂 𑒮𑓂𑒫𑒞𑓀𑒞𑓂𑒩𑒞𑒰 𑒣𑒮𑒰𑒩𑒱 𑒠𑒹𑒪𑒏 𑒧𑒳𑒠𑒰 𑒮𑓀𑒑𑒯𑒱 𑒋𑒏𑒩 𑒞𑒲𑒫𑓂𑒩𑒞𑒰 𑒏𑒧 𑒏𑒹𑒪𑒏 𑒮𑒹 𑒔𑒰𑒯𑒹 𑒍 𑒢𑒏𑓂𑒮𑒪𑒫𑒰𑒠 𑒯𑒼𑒁𑒋 𑒫𑒰 𑒧𑒰𑒍𑒫𑒰𑒠 𑒫𑒰 𑒧𑒩𑓂𑒏𑓂𑒮𑒫𑒰𑒠-𑒪𑒹𑒢𑒱𑒢𑒫𑒰𑒠। 𑒥𑒳𑒩𑓂𑒖𑒳𑒂 𑒫𑒩𑓂𑒑𑒏 𑒪𑒹𑒪 𑒄 𑒤𑒰𑒋𑒠𑒰 𑒩𑒯𑒪। 𑒥𑒳𑒩𑓂𑒖𑒳𑒂 𑒫𑒩𑓂𑒑𑒏 𑒩𑒰𑒖𑒢𑒻𑒞𑒱𑒏 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒮𑓀𑒑𑒚𑒢 𑒣𑒮𑒩𑒪 𑒂 𑒮𑒩𑓂𑒫𑒯𑒰𑒩𑒰 𑒫𑒩𑓂𑒑 𑒡𑒩𑒱 𑒣𑒯𑒳𑒿𑒔𑒋 𑒮𑒹 𑒣𑓂𑒩𑒨𑒰𑒮 𑒂 𑒧𑒯𑒱𑒪𑒰 𑒪𑒼𑒏𑒢𑒱𑒏𑒹𑒿 𑒋𑒯𑒱𑒧𑒹 𑒮𑒧𑓂𑒧𑒱𑒪𑒱𑒞 𑒏𑒩𑒥𑒰𑒏 𑒣𑓂𑒩𑒨𑒰𑒮। 𑒣𑒰𑒃 𑒂 𑒮𑒳𑒫𑒱𑒡𑒰 𑒁𑒣𑒢𑒰 𑒮𑓀𑒑 𑒣𑒩𑒧𑓂𑒣𑒩𑒰𑒑𑒞 𑒢𑒻𑒞𑒱𑒏𑒞𑒰𑒏𑒹𑒿 𑒞𑒼𑒛𑓃𑒪𑒏। 𑒏𑒧𑓂𑒣𑒢𑒲 𑒁𑒣𑒢 𑒮𑓂𑒫𑒞𑓀𑒞𑓂𑒩 𑒁𑒮𑓂𑒞𑒱𑒞𑓂𑒫 𑒥𑒢𑒹𑒪𑒏 𑒂 𑒣𑒩𑒱𑒫𑒰𑒩 𑒂 𑒫𑓂𑒨𑒏𑓂𑒞𑒱 𑒋𑒯𑒱 𑒞𑒩𑒯𑒏 𑒏𑒧𑓂𑒣𑒢𑒲𑒏𑒹𑒿 𑒢𑒾𑒏𑒩𑒲𑒣𑒹𑒬𑒰 𑒪𑒼𑒏𑒏 𑒮𑓀𑒑 𑒔𑒪𑒥𑒋 𑒪𑒰𑒑𑒪। 𑒣𑓂𑒩𑒏𑒵𑒞𑒱𑒣𑒩 𑒢𑒱𑒨𑒢𑓂𑒞𑓂𑒩𑒝 𑒂 𑒧𑒰𑒢𑒫𑒲𑒨 𑒫𑓂𑒨𑒫𑒯𑒰𑒩𑒏 𑒁𑒫𑒪𑒼𑒏𑒢। 𑒏𑒰𑒖𑒏 𑒪𑒹𑒪 𑒁𑒢𑓂𑒢 𑒂 𑒏𑒰𑒖𑒏 𑒥𑒠𑒪𑒰 𑒣𑒰𑒃, 𑒩𑒼𑒖𑒑𑒰𑒩 𑒑𑒰𑒩𑒢𑓂𑒙𑒲 𑒏𑒰𑒩𑓂𑒨𑒏𑓂𑒩𑒧, 𑒖𑒢𑒫𑒱𑒞𑒩𑒝 𑒣𑓂𑒩𑒝𑒰𑒪𑒲𑒏 𑒠𑒼𑒏𑒰𑒢। 𑒩𑒼𑒖𑒑𑒰𑒩 𑒪𑒹𑒪 𑒠𑒹𑒬-𑒫𑒱𑒠𑒹𑒬 𑒕𑒼𑒙 𑒯𑒼𑒋𑒥, 𑒣𑒩𑒱𑒫𑒰𑒩𑒏 𑒂𑒡𑒰𑒩𑒣𑒩 𑒂𑒒𑒰𑒞। 𑒣𑒴𑒿𑒖𑒲𑒫𑒰𑒠𑒲 𑒫𑒱𑒬𑓂𑒫 𑒁𑒩𑓂𑒟𑒫𑓂𑒨𑒫𑒮𑓂𑒟𑒰, 𑒣𑒩𑒱𑒫𑒩𑓂𑒞𑒢 𑒂𑒣𑒩𑒴𑒣𑒲 𑒢𑒯𑒱 𑒫𑒩𑒢𑓂 𑒮𑓀𑒒𑒩𑓂𑒭 𑒂 𑒣𑓂𑒩𑒨𑒰𑒮𑒮𑒿 𑒦𑒹𑒙𑒞। 𑒮𑓂𑒫𑒞𑓀𑒞𑓂𑒩 𑒧𑒰𑒢𑒫𑒲𑒨 𑒮𑓀𑒫𑒹𑒠𑒢𑒰 𑒖𑒹 𑒢𑒲𑒏 𑒦𑒫𑒱𑒭𑓂𑒨𑒏 𑒑𑒰𑒩𑓀𑒙𑒲 𑒢𑒯𑒱 𑒠𑒻𑒞 𑒁𑒕𑒱 𑒞𑒿 𑒄 𑒁𑒡𑒪𑒰𑒯𑒏 𑒮𑒹𑒯𑒼 𑒑𑒰𑒩𑓀𑒙𑒲 𑒢𑒯𑒱 𑒠𑒻𑒞 𑒁𑒕𑒱। 𑒯𑒧𑒩𑒰 𑒪𑒑 𑒫𑒱𑒏𑒪𑓂𑒣 𑒁𑒕𑒱 𑒂 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒣𑒳𑒢𑒩𑓂𑒖𑒲𑒫𑒢𑒏 𑒖𑒹 𑒏𑒱𑒕𑒳 𑒣𑓂𑒩𑒧𑒰𑒝 𑒦𑒹𑒙𑒱 𑒩𑒯𑒪 𑒁𑒕𑒱 𑒮𑒹 𑒏𑒧 𑒢𑒯𑒱 𑒁𑒕𑒱। 𑒫𑒱𑒏𑒪𑓂𑒣 𑒯𑒧𑒩𑒰 𑒮𑒦𑒏𑒹𑒿 𑒞𑒏𑒥𑒰𑒏 𑒁𑒕𑒱 𑒖𑒹 𑒮𑒢𑒮𑒢𑒲 𑒣𑒮𑒰𑒩𑒲 𑒂𑒏𑒱 𑒏𑒰𑒩𑓂𑒨 𑒏𑒩𑒲।
𑓑𑓕. 𑒦𑒰𑒩𑒞𑒧𑒹 𑒩𑒰𑒖𑒢𑒲𑒞𑒱𑒏 𑒏𑓂𑒩𑒰𑒢𑓂𑒞𑒱𑒏 𑒥𑒰𑒠 𑒎𑒠𑓂𑒨𑒼𑒑𑒱𑒏 𑒂 𑒮𑒰𑒧𑒰𑒖𑒱𑒏 𑒏𑓂𑒩𑒰𑒢𑓂𑒞𑒱𑒏 𑒮𑓀𑒏𑒪𑓂𑒣 𑒏𑒋𑒪 𑒑𑒹𑒪, 𑒫𑒱𑒏𑒮𑒱𑒞 𑒠𑒹𑒬𑒧𑒹 𑒎𑒠𑓂𑒨𑒼𑒑𑒱𑒏 𑒏𑓂𑒩𑒰𑒢𑓂𑒞𑒱𑒏 𑒣𑒯𑒱𑒢𑒹 𑒮𑒰𑒧𑒰𑒖𑒱𑒏 𑒏𑓂𑒩𑒰𑒢𑓂𑒞𑒱 𑒦𑒹𑒪। 𑒞𑒰𑒯𑒱 𑒏𑒰𑒩𑒝𑒮𑒿 𑒯𑒧𑒩𑒰 𑒮𑒦𑒏𑒹𑒿 𑒏𑒚𑒱𑒢 𑒣𑒩𑒱𑒮𑓂𑒟𑒱𑒞𑒱𑒏 𑒮𑒼𑒗𑒰𑒿 𑒯𑒹𑒥𑓄 𑒣𑒛𑓃𑒪। 𑒪𑒼𑒏𑒰𑒔𑒰𑒩, 𑒔𑒱𑒢𑓂𑒞𑒢 𑒏𑓂𑒩𑒧 𑒂 𑒠𑒵𑒭𑓂𑒙𑒱𑒏𑒼𑒝𑒏 𑒁𑒪𑒰𑒥𑒹 𑒣𑒼𑒭𑒝, 𑒮𑓂𑒫𑒰𑒮𑓂𑒟𑓂𑒨, 𑒮𑒤𑒰𑒃, 𑒔𑒱𑒏𑒱𑒞𑓂𑒮𑒰, 𑒬𑒱𑒏𑓂𑒭𑒰, 𑒂𑒨𑒳-𑒣𑓂𑒩𑒞𑓂𑒨𑒰𑒬𑒰𑒧𑒹 𑒫𑒵𑒠𑓂𑒡𑒱, 𑒧𑒵𑒞𑓂𑒨𑒳𑒠𑒩𑒧𑒹 𑒏𑒧𑒲। 𑒂𑒡𑒳𑒢𑒱𑒏𑒲𑒏𑒩𑒝, 𑒪𑒼𑒏𑒞𑓀𑒞𑓂𑒩𑒲𑒏𑒩𑒝, 𑒩𑒰𑒭𑓂𑒙𑓂𑒩-𑒩𑒰𑒖𑓂𑒨 𑒮𑓀𑒏𑒪𑓂𑒣𑒏 𑒏𑒰𑒩𑓂𑒨𑒰𑒢𑓂𑒫𑒨𑒢, 𑒣𑓂𑒩𑒬𑒰𑒮𑒢𑒱𑒏-𑒫𑒻𑒡𑒰𑒢𑒱𑒏 𑒫𑒱𑒏𑒰𑒮, 𑒖𑒢 𑒮𑒯𑒦𑒰𑒑𑒱𑒞𑒰𑒧𑒹 𑒫𑒵𑒠𑓂𑒡𑒱, 𑒮𑓂𑒟𑒰𑒨𑒱𑒞𑓂𑒫 𑒂 𑒏𑓂𑒩𑒧𑒥𑒠𑓂𑒡 𑒣𑒩𑒱𑒫𑒩𑓂𑒞𑒢𑒏 𑒏𑓂𑒭𑒧𑒞𑒰, 𑒮𑒞𑓂𑒞𑒰𑒏 𑒑𑒞𑒱𑒬𑒲𑒪𑒞𑒰, 𑒅𑒠𑓂𑒨𑒼𑒑𑒲𑒏𑒩𑒝।
𑓑𑓖. 𑒮𑒧𑒰𑒖𑒏 𑒡𑒢𑒰𑒜𑓂𑒨 𑒂 𑒢𑒱𑒩𑓂𑒡𑒢𑒧𑒹 𑒫𑒱𑒦𑒰𑒖𑒢- 𑒠𑒳𑒢𑒴 𑒫𑒩𑓂𑒑𑒏 𑒂𑒏𑒰𑒩, 𑒮𑓂𑒞𑒩 𑒂 𑒥𑒲𑒔𑒏 𑒠𑒴𑒩𑒲।
𑓑𑓗. 𑒮𑓂𑒫𑒞𑓀𑒞𑓂𑒩𑒞𑒰 𑒣𑓂𑒩𑒰𑒣𑓂𑒞𑒱𑒏 𑒥𑒰𑒠 𑒢𑒫𑒲𑒢 𑒩𑒰𑒖𑓂𑒨 𑒩𑒰𑒖𑒢𑒻𑒞𑒱𑒏-𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒮𑒰𑓀𑒮𑓂𑒏𑒵𑒞𑒱𑒏 𑒮𑒧𑒮𑓂𑒨𑒰-𑒣𑒩𑒱𑒫𑒩𑓂𑒞𑒢 𑒂 𑒋𑒏𑒲𑒏𑒩𑒝𑒏 𑒣𑓂𑒩𑒏𑓂𑒩𑒱𑒨𑒰, 𑒏𑒐𑒢𑒼 𑒏𑒰𑒪 𑒣𑒩𑒮𑓂𑒣𑒩 𑒫𑒱𑒩𑒼𑒡𑒲। 𑒧𑒰𑒢𑒫𑒬𑒰𑒮𑓂𑒞𑓂𑒩𑒲𑒨, 𑒖𑒰𑒞𑒲𑒨, 𑒡𑒰𑒩𑓂𑒧𑒱𑒏, 𑒦𑒰𑒭𑒱𑒏- 𑒣𑓂𑒩𑒰𑒟𑒧𑒱𑒏 𑒂 𑒪𑒒𑒳 𑒢𑒱𑒭𑓂𑒚𑒰- 𑒮𑓂𑒟𑒰𑒢𑒱𑒏, 𑒖𑒰𑒞𑒲𑒨, 𑒡𑒰𑒩𑓂𑒧𑒱𑒏-𑒦𑒰𑒭𑒱𑒏 𑒂𑒮𑓂𑒟𑒰। 𑒮𑒰𑒧𑒳𑒠𑒰𑒨𑒱𑒏𑒞𑒰𑒏 𑒫𑒱𑒏𑒰𑒮, 𑒧𑒢𑒼𑒫𑒻𑒖𑓂𑒘𑒰𑒢𑒱𑒏 𑒂 𑒬𑒻𑒏𑓂𑒭𑒱𑒏 𑒣𑓂𑒩𑒏𑓂𑒩𑒱𑒨𑒰।
𑓑𑓘. 𑒂𑒠𑒱𑒫𑒰𑒮𑒲- 𑒮𑒞𑒰𑒩, 𑒑𑒱𑒠𑒩𑒧𑒰𑒩𑒰 𑒂𑒠𑒱 𑒫𑒱𑒫𑒱𑒡𑒞𑒰 𑒂 𑒫𑒱𑒏𑒰𑒮𑒏 𑒮𑓂𑒞𑒩𑒏𑒹𑒿 𑒣𑓂𑒩𑒞𑒱𑒥𑒱𑒧𑓂𑒥𑒱𑒞 𑒏𑒩𑒻𑒞 𑒁𑒕𑒱। 𑒣𑓂𑒩𑒏𑒵𑒞𑒱𑒮𑒿 𑒪𑒑, 𑒣𑓂𑒩𑒏𑒵𑒞𑒱-𑒣𑒴𑒖𑒰, 𑒮𑒩𑒪𑒞𑒰, 𑒢𑒱𑒬𑓂𑒕𑒪𑒞𑒰, 𑒏𑒵𑒞𑒖𑓂𑒘𑒞𑒰। 𑒠𑒱𑒢𑒏𑒩, 𑒮𑒰𑒧𑒰𑒖𑒱𑒏-𑒡𑒰𑒩𑓂𑒧𑒱𑒏 𑒅𑒞𑓂𑒮𑒫, 𑒮𑒴𑒩𑓂𑒨-𑒔𑒢𑓂𑒠𑓂𑒩-𑒫𑒵𑒏𑓂𑒭-𑒣𑒩𑓂𑒫𑒞 𑒣𑒴𑒖𑒰, 𑒣𑒵𑒟𑓂𑒫𑒲 𑒮𑓂𑒞𑒳𑒞𑒱 𑒂 𑒖𑒪𑒰𑒬𑒨 𑒂 𑒢𑒏𑓂𑒭𑒞𑓂𑒩𑒏 𑒣𑓂𑒩𑒞𑒱 𑒂𑒮𑓂𑒟𑒰, 𑒖𑒢𑒏 𑒧𑒰𑒢𑒹 𑒖𑒢 (𑒫𑒱𑒬)𑒮𑒿 𑒢𑒱𑒏𑒪𑒪, 𑒧𑒱𑒟𑒱𑒪𑒰𑒫𑒰𑒮𑒲𑒧𑒹 𑒮𑒹𑒯𑒼 𑒄 𑒂𑒮𑓂𑒟𑒰।
𑓑𑓙. 𑒫𑓂𑒨𑒏𑓂𑒞𑒱𑒏 𑒣𑓂𑒩𑒞𑒱𑒭𑓂𑒚𑒰 𑒮𑓂𑒟𑒰𑒢-𑒖𑒰𑒞𑒱 𑒂𑒡𑒰𑒩𑒱𑒞। 𑒏𑒱𑒕𑒳 𑒣𑓂𑒩𑒞𑒱𑒭𑓂𑒚𑒰 𑒂 𑒫𑒱𑒬𑒹𑒭𑒰𑒡𑒱𑒏𑒰𑒩 𑒣𑓂𑒩𑒰𑒣𑓂𑒞 𑒖𑒰𑒞𑒱। 𑒏𑒱𑒕𑒳𑒏𑒹𑒿 𑒞𑒱𑒩𑒮𑓂𑒏𑒰𑒩 𑒂 𑒯𑒳𑒢𑒏𑒩 𑒖𑒲𑒫𑒢 𑒏𑒚𑒱𑒢। 𑒁𑒢𑒳𑒮𑒴𑒔𑒱𑒞 𑒖𑒰𑒞𑒱 (𑓑𑓑𑓐𑓐, 𑒣𑒯𑒱𑒪 𑒮𑒩𑒏𑒰𑒩𑒲 𑒮𑒴𑒔𑒲) +𑒣𑒱𑒕𑒛𑓃𑒪 𑒖𑒰𑒞𑒱 𑓓𑓗𑓔𑓓 (𑒧𑓀𑒛𑒪 𑒂𑒨𑒼𑒑)= 𑓔𑓘𑓔𑓓. 𑒫𑒩𑓂𑒝-𑒫𑓂𑒨𑒫𑒮𑓂𑒟𑒰 𑒡𑒰𑒩𑓂𑒧𑒱𑒏 𑒢𑒯𑒱 𑒮𑒰𑒧𑒰𑒖𑒱𑒏 𑒣𑓂𑒩𑒟𑒰 𑒖𑒏𑒩 𑒂𑒥 𑒏𑒼𑒢𑒼 𑒅𑒣𑒨𑒼𑒑 𑒢𑒯𑒱। 𑒫𑒱𑒒𑒙𑒢𑒏𑒰𑒩𑒲 𑒞𑒞𑓂𑒫𑒏 𑒩𑒴𑒣𑒧𑒹 𑒫𑒱𑒠𑒹𑒬𑒲 𑒧𑒰𑒢𑒮𑒱𑒏𑒞𑒰 𑒂 𑒖𑒛𑓃 𑒧𑒰𑒢𑒮𑒱𑒏𑒞𑒰 𑒠𑓂𑒫𑒰𑒩𑒰 𑒅𑒣𑒨𑒼𑒑 𑒮𑓀𑒦𑒫।
𑓒𑓐.𑒧𑒯𑒱𑒪𑒰 𑒂 𑒥𑒰𑒪-𑒫𑒱𑒏𑒰𑒮- 𑒧𑒯𑒱𑒪𑒰𑒏𑒹𑒿 𑒁𑒡𑒱𑒏𑒰𑒩, 𑒬𑒱𑒏𑓂𑒭𑒰-𑒣𑓂𑒩𑒝𑒰𑒪𑒲𑒏𑒹𑒿 𑒮𑒏𑓂𑒩𑒱𑒨 𑒏𑒩𑒥, 𑒣𑒰𑒚𑓂𑒨𑒏𑓂𑒩𑒧𑒧𑒹 𑒧𑒯𑒱𑒪𑒰 𑒁𑒡𑓂𑒨𑒨𑒢, 𑒧𑒯𑒱𑒪𑒰𑒏 𑒫𑓂𑒨𑒰𑒫𑒮𑒰𑒨𑒱𑒏 𑒂 𑒞𑒏𑒢𑒲𑒏𑒲 𑒬𑒱𑒏𑓂𑒭𑒰𑒧𑒹 𑒣𑓂𑒩𑒞𑒱𑒬𑒞 𑒥𑒜𑓃𑒰𑒍𑒪 𑒖𑒰𑒋। 𑒑𑒞𑒱𑒬𑒲𑒪 𑒣𑓂𑒩𑒥𑒢𑓂𑒡𑒢, 𑒫𑒱𑒏𑒰𑒮-𑒣𑓂𑒩𑒏𑓂𑒩𑒱𑒨𑒰𑒧𑒹 𑒮𑓂𑒟𑒰𑒢। 𑒮𑓂𑒫𑒞𑓀𑒞𑓂𑒩𑒞𑒰 𑒂𑒢𑓂𑒠𑒼𑒪𑒢 𑒂 𑒣𑒩𑓂𑒨𑒰𑒫𑒩𑒝 𑒂𑒢𑓂𑒠𑒼𑒪𑒢, 𑒠𑒯𑒹𑒖-𑒫𑒱𑒩𑒼𑒡𑒲 𑒂𑒢𑓂𑒠𑒼𑒪𑒢𑒧𑒹 𑒮𑒯𑒦𑒰𑒑𑒱𑒞𑒰, 𑒂𑒩𑓂𑒟𑒱𑒏 𑒮𑒧𑒰𑒢𑒞𑒰 𑒪𑒹𑒪 𑒮𑓀𑒒𑒩𑓂𑒭, 𑒧𑒯𑒱𑒪𑒰 𑒬𑓂𑒩𑒧𑒱𑒏𑒏 𑒥𑒔𑓂𑒔𑒰 𑒪𑒹𑒪 𑒥𑒰𑒪𑒰𑒬𑓂𑒩𑒨-𑒑𑒵𑒯, 𑒥𑒰𑒪𑒫𑒰𑒛𑓃𑒲, 𑒂𑓀𑒑𑒢𑒫𑒰𑒛𑓃𑒲। 𑒣𑓂𑒩𑒞𑒱𑒠𑓂𑒫𑓀𑒠𑒱𑒞𑒰𑒏 𑒏𑒰𑒩𑒝 𑒏𑒧 𑒫𑒹𑒞𑒢, 𑒏𑒰𑒖 𑒏𑒩𑒥𑒰𑒏 𑒠𑒬𑒰 𑒣𑓂𑒩𑒞𑒱𑒏𑒴𑒪, 𑒮𑒰𑒧𑒰𑒖𑒱𑒏-𑒮𑒰𑓀𑒮𑓂𑒏𑒵𑒞𑒱𑒏 𑒠𑒵𑒭𑓂𑒙𑒱𑒮𑒿 𑒧𑒯𑒞𑓂𑒫𑒯𑒲𑒢 𑒮𑓂𑒟𑒰𑒢।
𑓒𑓑. 𑒮𑓂𑒞𑓂𑒩𑒲-𑒮𑓂𑒫𑒰𑒞𑓀𑒞𑓂𑒩𑓂𑒨𑒫𑒰𑒠, 𑒧𑒯𑒱𑒪𑒰 𑒂𑒢𑓂𑒠𑒼𑒪𑒢।
𑓒𑓒. 𑒡𑒩𑓂𑒧𑒢𑒱𑒩𑒣𑒹𑒏𑓂𑒭- 𑒩𑒰𑒖𑒢𑒻𑒞𑒱𑒏 𑒮𑓀𑒮𑓂𑒟𑒰 𑒮𑓀𑒣𑒴𑒩𑓂𑒝 𑒮𑒧𑒳𑒠𑒰𑒨𑒏 𑒂𑒩𑓂𑒟𑒱𑒏 𑒂 𑒮𑒰𑒧𑒰𑒖𑒱𑒏 𑒯𑒱𑒞𑒣𑒩 𑒂𑒡𑒰𑒩𑒱𑒞- 𑒡𑒩𑓂𑒧-𑒢𑒮𑓂𑒪-𑒣𑓀𑒟 𑒦𑒹𑒠 𑒩𑒯𑒱𑒞। 𑒡𑒩𑓂𑒧-𑒂𑒮𑓂𑒟𑒰 𑒫𑒰 𑒮𑒰𑒧𑒰𑒖𑒱𑒏 𑒧𑒴𑒪𑒏 𑒂𑒡𑒰𑒩𑒣𑒩 𑒫𑓂𑒨𑒏𑓂𑒞𑒱 𑒫𑒰 𑒮𑒧𑒴𑒯𑒏 𑒥𑒲𑒔 𑒫𑒱𑒦𑒰𑒖𑒢 𑒁𑒮𑓂𑒫𑒲𑒏𑒰𑒩। 𑒮𑒦 𑒮𑒧𑒳𑒠𑒰𑒨 𑒬𑒏𑓂𑒞𑒱𑒏 𑒅𑒣𑒨𑒼𑒑 𑒅𑒞𑓂𑒞𑒩𑒠𑒰𑒨𑒱𑒞𑓂𑒫 𑒂 𑒏𑒩𑓂𑒞𑒫𑓂𑒨𑒏 𑒢𑒱𑒩𑓂𑒫𑒯𑒢 𑒖𑒹𑒏𑒰𑒿, 𑒧𑒰𑒢𑒹 𑒫𑒱𑒞𑒩𑒝𑒰𑒞𑓂𑒧𑒏 𑒢𑓂𑒨𑒰𑒨। 𑒡𑒩𑓂𑒧-𑒂𑒮𑓂𑒟𑒰𑒏 𑒂𑒡𑒰𑒩𑒣𑒩 𑒏𑒼𑒢𑒼 𑒦𑒹𑒠 𑒢𑒯𑒱 𑒂 𑒩𑒰𑒖𑓂𑒨 𑒡𑒩𑓂𑒧 𑒠𑓂𑒫𑒰𑒩𑒰 𑒢𑒱𑒨𑓀𑒞𑓂𑒩𑒱𑒞 𑒢𑒯𑒱 𑒯𑒼𑒋𑒞।
𑓒𑓓. 𑒙𑒻𑒑𑒼𑒩𑒏 𑒏𑒪𑒰𑒞𑓂𑒧𑒏𑒞𑒰𑒫𑒰𑒠, 𑒑𑒰𑒿𑒡𑒲𑒏 𑒢𑒻𑒞𑒱𑒏𑒞𑒰𑒫𑒰𑒠, 𑒁𑒩𑒫𑒱𑒢𑓂𑒠 𑒒𑒼𑒭𑒏 𑒩𑒯𑒮𑓂𑒨𑒫𑒰𑒠𑒲 𑒂𑒡𑓂𑒨𑒰𑒞𑓂𑒧 𑒠𑒩𑓂𑒬𑒢, 𑒫𑒱𑒫𑒹𑒏𑒰𑒢𑒢𑓂𑒠𑒏 𑒫𑓂𑒨𑒰𑒫𑒯𑒰𑒩𑒱𑒏 𑒫𑒹𑒠𑒰𑒢𑓂𑒞𑒫𑒰𑒠।
𑓒𑓔. 𑒫𑒱𑒏𑒰𑒮 𑒂𑒩𑓂𑒟𑒱𑒏𑒮𑒿 𑒣𑒯𑒱𑒢𑒹 𑒖𑒹 𑒬𑒻𑒏𑓂𑒭𑒱𑒏 𑒯𑒳𑒁𑒋 𑒞𑒿 𑒖𑒢𑒮𑒰𑒧𑒰𑒢𑓂𑒨 𑒍𑒯𑒱 𑒫𑒱𑒏𑒰𑒮𑒧𑒹 𑒮𑒰𑒗𑒲 𑒦𑓄 𑒮𑒏𑒻𑒋। 𑒋𑒯𑒱𑒮𑒿 𑒮𑒩𑓂𑒖𑒢 𑒏𑓂𑒭𑒧𑒞𑒰 𑒥𑒜𑓃𑒻𑒞 𑒁𑒕𑒱 𑒂 𑒪𑒼𑒏𑒧𑒹 𑒅𑒞𑓂𑒞𑒩𑒠𑒰𑒨𑒱𑒞𑓂𑒫𑒏 𑒥𑒼𑒡 𑒯𑒼𑒃𑒞 𑒁𑒕𑒱। 𑒮𑒰𑒧𑒳𑒠𑒰𑒨𑒱𑒏 𑒂 𑒩𑒰𑒭𑓂𑒙𑓂𑒩𑒲𑒨 𑒖𑒲𑒫𑒢।
𑓒𑓕. 𑒫𑒱𑒖𑓂𑒘𑒰𑒢 𑒂 𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒫𑒱𑒏𑒮𑒱𑒞 𑒂 𑒁𑒫𑒱𑒏𑒮𑒱𑒞 𑒩𑒰𑒭𑓂𑒙𑓂𑒩𑒏 𑒥𑒲𑒔𑒏 𑒁𑓀𑒞𑒩𑒏 𑒏𑒰𑒩𑒝 𑒧𑒰𑒢𑒫𑒲𑒨 𑒮𑒧𑒮𑓂𑒨𑒰, 𑒥𑒲𑒧𑒰𑒩𑒲, 𑒁𑒖𑓂𑒘𑒰𑒢𑒞𑒰, 𑒁𑒮𑒳𑒩𑒏𑓂𑒭𑒰𑒏 𑒮𑒧𑒰𑒡𑒰𑒢- 𑒂𑒏𑒰𑓀𑒏𑓂𑒭𑒰, 𑒂𑒬𑒰 𑒮𑒳𑒫𑒱𑒡𑒰𑒏 𑒁𑒮𑒲𑒧𑒱𑒞 𑒫𑒱𑒮𑓂𑒞𑒰𑒩 𑒂 𑒂𑒡𑒰𑒩। 𑒋𑒯𑒱𑒮𑒿 𑒫𑒻𑒨𑒏𑓂𑒞𑒱𑒏 𑒂 𑒩𑒰𑒭𑓂𑒙𑓂𑒩𑒲𑒨 𑒬𑒏𑓂𑒞𑒱𑒏 𑒁𑒦𑒱𑒫𑒵𑒠𑓂𑒡𑒱 𑒯𑒼𑒃𑒞 𑒁𑒕𑒱।
𑓒𑓖. 𑒫𑒱𑒡𑒱-𑒫𑓂𑒨𑒫𑒮𑓂𑒟𑒰𑒏 𑒢𑒱𑒩𑓂𑒡𑒢 𑒂 𑒣𑒱𑒕𑒛𑓃𑒪 𑒫𑒩𑓂𑒑𑒏𑒹𑒿 𑒢𑓂𑒨𑒰𑒨 𑒠𑒱𑒁𑒋𑒥𑒰𑒧𑒹 𑒣𑓂𑒩𑒨𑒼𑒑 𑒯𑒼𑒋𑒥𑒰𑒏 𑒔𑒰𑒯𑒲। 𑒢𑓂𑒨𑒰𑒨 𑒣𑓀𑒔𑒰𑒨𑒞𑒏𑒹𑒿 𑒣𑒳𑒢𑓁𑒖𑒲𑒫𑒢।
𑓒𑓗. 𑒢𑒰𑒑𑒩𑒱𑒏 𑒮𑓂𑒫𑒞𑓀𑒞𑓂𑒩𑒞𑒰- 𑒧𑒰𑒢𑒫𑒏 𑒪𑒼𑒏𑒞𑒰𑓀𑒞𑓂𑒩𑒱𑒏 𑒁𑒡𑒱𑒏𑒰𑒩, 𑒧𑒰𑒢𑒫𑒏 𑒮𑓂𑒫𑒞𑓀𑒞𑓂𑒩 𑒔𑒱𑒢𑓂𑒞𑒢 𑒏𑓂𑒭𑒧𑒞𑒰𑒣𑒴𑒩𑓂𑒝 𑒮𑒧𑒰𑒖𑒏 𑒮𑒵𑒭𑓂𑒙𑒱, 𑒣𑓂𑒩𑒞𑒱𑒥𑒢𑓂𑒡 𑒂 𑒠𑒥𑒰𑒥𑒮𑒿 𑒧𑒳𑒏𑓂𑒞𑒱। 𑒁𑒡𑒱𑒏𑒰𑒩𑒏 𑒅𑒞𑓂𑒣𑒲𑒛𑓃𑒢𑒮𑒿 𑒥𑒔𑒰𑒫।
𑓒𑓘. 𑒣𑓂𑒩𑒹𑒮- 𑒬𑒰𑒮𑒏 𑒂 𑒬𑒰𑒮𑒱𑒞𑒏 𑒄 𑒏𑒛𑓃𑒲- 𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒩𑒰𑒖𑒢𑒻𑒞𑒱𑒏 𑒖𑒲𑒫𑒢𑒧𑒹 𑒦𑒴𑒧𑒱𑒏𑒰, 𑒧𑒳𑒠𑒰 𑒂𑒥 𑒣𑓂𑒩𑒦𑒰𑒫𑒬𑒰𑒪𑒲 𑒫𑒱𑒖𑓂𑒘𑒰𑒣𑒢 𑒋𑒖𑒹𑓀𑒮𑒲 𑒖𑒢𑒧𑒞𑒏𑒹𑒿 𑒣𑓂𑒩𑒦𑒰𑒫𑒱𑒞 𑒏𑒋𑒢𑒱𑒯𑒰𑒩। 𑒫𑓂𑒨𑒫𑒮𑓂𑒟𑒰𑒧𑒹 𑒮𑓂𑒟𑒰𑒨𑒱𑒞𑓂𑒫 𑒂 𑒪𑒼𑒏𑒞𑓀𑒞𑓂𑒩𑒏 𑒣𑓂𑒩𑒯𑒩𑒲 𑒂 𑒮𑓀𑒩𑒏𑓂𑒭𑒏। 𑒅𑒠𑓂𑒨𑒼𑒑𑒣𑒞𑒱 𑒣𑓂𑒩𑒹𑒮𑒏 𑒧𑒰𑒪𑒱𑒏 𑒂 𑒮𑒩𑒏𑒰𑒩 𑒬𑒰𑒮𑒢 𑒮𑓀𑒔𑒰𑒪𑒏- 𑒣𑓂𑒩𑒹𑒮𑒏 𑒮𑓂𑒫𑒞𑓀𑒞𑓂𑒩𑒞𑒰𑒏𑒹𑒿 𑒐𑒞𑒩𑒰। 𑒢𑒹𑒣𑒰𑒪-𑒦𑒰𑒩𑒞 𑒮𑒢 𑒠𑒹𑒬 𑒪𑒹𑒪 𑒄 𑒐𑒞𑒩𑒰 𑒂𑒩 𑒥𑒹𑒬𑒲।
𑓒𑓙. 𑒢𑒫 𑒮𑓀𑒮𑓂𑒟𑒰𑒏 𑒢𑒱𑒩𑓂𑒧𑒰𑒝 𑒫𑒰 𑒫𑒩𑓂𑒞𑒧𑒰𑒢𑒧𑒹 𑒮𑒳𑒡𑒰𑒩, 𑒮𑒰𑒧𑒢𑓂𑒞𑒫𑒰𑒠𑒲, 𑒖𑒢𑒖𑒰𑒞𑒲𑒨, 𑒖𑒰𑒞𑒲𑒨 𑒂 𑒣𑓀𑒟𑒑𑒞 𑒢𑒱𑒭𑓂𑒚𑒰𑒏 𑒫𑒱𑒩𑒳𑒠𑓂𑒡, 𑒪𑒼𑒏𑒞𑓀𑒞𑓂𑒩, 𑒅𑒠𑒰𑒩𑒫𑒰𑒠, 𑒑𑒝𑒞𑓀𑒞𑓂𑒩𑒫𑒰𑒠, 𑒮𑓀𑒫𑒱𑒡𑒰𑒢𑒫𑒰𑒠, 𑒮𑒧𑒰𑒖𑒫𑒰𑒠, 𑒮𑒧𑒞𑒰𑒫𑒰𑒠, 𑒮𑒰𑓀𑒫𑒻𑒡𑒰𑒢𑒱𑒏 𑒁𑒡𑒱𑒏𑒰𑒩𑒏 𑒁𑒮𑓂𑒞𑒱𑒞𑓂𑒫, 𑒮𑒧𑒋𑒥𑒠𑓂𑒡 𑒖𑒢𑒣𑓂𑒩𑒱𑒨 𑒔𑒳𑒢𑒰𑒫, 𑒖𑒢-𑒮𑓀𑒣𑓂𑒩𑒦𑒳𑒞𑒰, 𑒮𑓀𑒒𑒲𑒨 𑒬𑒏𑓂𑒞𑒱 𑒫𑒱𑒦𑒰𑒖𑒢, 𑒖𑒢𑒧𑒞𑒏 𑒧𑒯𑒞𑓂𑒫, 𑒪𑒼𑒏-𑒣𑓂𑒩𑒬𑒰𑒮𑒢𑒱𑒏 𑒣𑓂𑒩𑒏𑓂𑒩𑒱𑒨𑒰-𑒁𑒦𑒱𑒏𑓂𑒩𑒧, 𑒠𑒪𑒲𑒨 𑒯𑒱𑒞-𑒮𑒧𑒴𑒯𑒲𑒏𑒩𑒝, 𑒮𑒩𑓂𑒫𑒼𑒔𑓂𑒔 𑒫𑓂𑒨𑒫𑒮𑓂𑒟𑒰𑒣𑒱𑒏𑒰, 𑒅𑒞𑓂𑒞𑒩𑒠𑒰𑒨𑒲 𑒏𑒰𑒩𑓂𑒨𑒣𑒰𑒪𑒱𑒏𑒰 𑒂 𑒮𑓂𑒫𑒞𑓀𑒞𑓂𑒩 𑒢𑓂𑒨𑒰𑒨𑒣𑒰𑒪𑒱𑒏𑒰।
𑓓𑓐. 𑒖𑒪 𑒟𑒪 𑒫𑒰𑒨𑒳 𑒂 𑒂𑒏𑒰𑒬- 𑒦𑒾𑒞𑒱𑒏 𑒩𑒰𑒮𑒰𑒨𑒢𑒱𑒏 𑒖𑒻𑒫𑒱𑒏 𑒑𑒳𑒝𑒧𑒹 𑒯𑒰𑒢𑒱𑒏𑒰𑒩𑒏 𑒣𑒩𑒱𑒫𑒩𑓂𑒞𑒢 𑒏𑒋 𑒣𑓂𑒩𑒠𑒴𑒭𑒝, 𑒣𑓂𑒩𑒏𑒵𑒞𑒱 𑒁𑒮𑓀𑒞𑒳𑒪𑒢।
𑓓𑓑. 𑒏𑒪𑒰- 𑒋𑒯𑒱 𑒪𑒹𑒪 𑒏𑒼𑒢𑒼 𑒮𑒻𑒠𑓂𑒡𑒰𑓀𑒞𑒱𑒏 𑒣𑓂𑒩𑒨𑒼𑒖𑒢 𑒯𑒼𑒋𑒥𑒰𑒏 𑒔𑒰𑒯𑒲 ? 𑒮𑒰𑒧𑒰𑒖𑒱𑒏 𑒮𑓀𑒫𑒹𑒠𑒢𑒰𑒏 𑒂 𑒧𑒰𑒢𑒫 𑒏𑓂𑒩𑒱𑒨𑒰𑒏 𑒋𑒏𑒙𑒰 𑒩𑒴𑒣 𑒁𑒕𑒱 𑒏𑒪𑒰। 𑒖𑒑𑒞𑒏 𑒮𑒾𑒢𑓂𑒠𑒩𑓂𑒨𑒲𑒏𑒵𑒞 𑒣𑓂𑒩𑒮𑓂𑒞𑒳𑒞𑒱 𑒁𑒕𑒱 𑒏𑒪𑒰। 𑒮𑒾𑓀𑒠𑒩𑓂𑒨𑒏 𑒏𑒪𑒰 𑒅𑒣𑒨𑒼𑒑𑒱𑒞𑒰𑒏 𑒮𑓀𑒑। 𑒏𑒪𑒰𑒣𑒴𑒩𑓂𑒝𑒞𑒰𑒏 𑒏𑒪𑒰𑒏 𑒖𑒲𑒫𑒢 𑒠𑒩𑓂𑒬𑒢- 𑒮𑓀𑒣𑓂𑒩𑒠𑒰𑒨 𑒮𑓀𑒑।
𑓓𑓒. 𑒦𑒰𑒫𑒢𑒰𑒞𑓂𑒧𑒏 𑒫𑒰𑒞𑒰𑒫𑒩𑒝- 𑒮𑒞𑓂𑒨𑒏 𑒂 𑒏𑒪𑒰𑒏 𑒏𑒰𑒩𑓂𑒨𑒏 𑒮𑒾𑓀𑒠𑒩𑓂𑒨𑒲𑒏𑒵𑒞 𑒁𑒫𑒪𑒼𑒏𑒢, 𑒮𑒳𑒢𑓂𑒠𑒩-𑒧𑒴𑒩𑓂𑒞, 𑒁𑒧𑒴𑒩𑓂𑒞। 𑒣𑓂𑒩𑒏𑒵𑒞𑒱 𑒏𑒪𑒰𑒫𑒱𑒬𑒱𑒭𑓂𑒙 𑒣𑓂𑒩𑒦𑒰𑒫𑒬𑒰𑒪𑒲 𑒮𑓂𑒟𑒱𑒞𑒱, 𑒬𑒼𑒏𑒖𑒢𑒏, 𑒯𑒰𑒮𑓂𑒨, 𑒧𑒰𑒢𑒫𑒏 𑒮𑒾𑓀𑒠𑒩𑓂𑒨𑒏 𑒁𑒢𑒳𑒦𑒫 𑒍𑒏𑒩 𑒁𑒢𑒳𑒦𑒫 𑒥𑒱𑒢𑒰 𑒮𑒧𑓂𑒦𑒫 𑒢𑒯𑒱। 𑒋𑒯𑒱𑒮𑒿 𑒮𑒧𑒰𑒖𑒏 𑒮𑒾𑓀𑒠𑒩𑓂𑒨𑒲𑒏𑒩𑒝𑒏 𑒣𑓂𑒩𑒞𑒱 𑒠𑒵𑒭𑓂𑒙𑒱𑒏𑒼𑒝 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱।
𑓓𑓓. 𑒧𑒰𑒢𑒮𑒱𑒏 𑒏𑓂𑒩𑒱𑒨𑒰- 𑒧𑒢𑒳𑒭𑓂𑒨𑓃 𑒮𑒼𑒔𑒻𑒥𑒪𑒰 𑒣𑓂𑒩𑒰𑒝𑒲, 𑒧𑒰𑒢𑒮𑒱𑒏 𑒂 𑒦𑒾𑒞𑒱𑒏 𑒠𑒳𑒢𑒴𑒏 𑒁𑒢𑒳𑒦𑒴𑒞𑒱 𑒏𑒩𑒋𑒥𑒪𑒰 𑒣𑓂𑒩𑒰𑒝𑒲। 𑒬𑒩𑒲𑒩 𑒂 𑒧𑒮𑓂𑒞𑒱𑒭𑓂𑒏, 𑒠𑒱𑒢𑒳𑒏𑒰 𑒏𑒰𑒖 𑒂 𑒩𑒰𑒞𑒳𑒏 𑒮𑓂𑒫𑒣𑓂𑒢।
𑓓𑓔. 𑒫𑒱𑒩𑒼𑒡𑒰𑒦𑒰𑒮 𑒫𑒰 𑒕𑒠𑓂𑒧 𑒂𑒦𑒰𑒮- 𑒁𑒮𑓂𑒣𑒭𑓂𑒙𑒞𑒰। 𑒮𑒻𑒠𑓂𑒡𑒰𑓀𑒞𑒱𑒏 𑒪𑒰𑒦।
𑓓𑓕. 𑒏𑒰𑒝𑓂𑒙𑒏 𑒠𑒩𑓂𑒬𑒢- 𑒧𑒕𑒯𑒩𑒧𑒹 𑒠𑒴 𑒃𑓀𑒔𑒏 𑒁𑒫𑒏𑒰𑒬 𑒥𑒪𑒰 𑒖𑒰𑒪 𑒤𑒹𑒏𑒥 𑒞𑒿 𑒠𑒴 𑒃𑓀𑒔𑒮𑒿 𑒏𑒧𑒥𑒪𑒰 𑒧𑒰𑒿𑒕 𑒢𑒯𑒱 𑒦𑒹𑒙𑒞, 𑒞𑒐𑒢 𑒄 𑒢𑒱𑒩𑓂𑒝𑒨 𑒖𑒹 𑒋𑒯𑒱 𑒣𑒼𑒐𑒩𑒱𑒧𑒹 𑒠𑒴 𑒃𑓀𑒔𑒮𑒿 𑒕𑒼𑒙 𑒧𑒰𑒿𑒕 𑒢𑒯𑒱! 𑒮𑒧𑒲𑒏𑓂𑒭𑒏𑒏 𑒖𑒰𑒪 𑒖𑒞𑒹𑒏 𑒧𑒯𑒲𑒢 𑒯𑒼𑒁𑒋 𑒞𑒞𑒹𑒏 𑒢𑒲𑒏।
𑓓𑓖. 𑒥𑒰𑒪-𑒏𑒱𑒬𑒼𑒩 𑒮𑒰𑒯𑒱𑒞𑓂𑒨- 𑒖𑒹 𑒥𑒔𑓂𑒔𑒰 𑒏𑒱𑒬𑒼𑒩 𑒣𑒜𑓃𑒞 𑒞𑒿 𑒥𑒰𑒠𑒼𑒧𑒹 𑒦𑒰𑒭𑒰𑒏 𑒣𑓂𑒩𑒞𑒱 𑒒𑒳𑒩𑒞- 𑒢𑒼𑒏𑒩𑒲-𑒔𑒰𑒏𑒩𑒲 𑒮𑓂𑒟𑒱𑒩 𑒦𑒹𑒪𑒰𑒏 𑒥𑒰𑒠। 𑒏𑒰𑒩𑒝 𑒮𑓂𑒏𑒴𑒪-𑒏𑒍𑒪𑒹𑒖𑒧𑒹 𑒖𑒏𑒩 𑒫𑒱𑒭𑒋 𑒧𑒻𑒟𑒱𑒪𑒲 𑒢𑒯𑒱 𑒁𑒕𑒱 𑒫𑒰 𑒧𑒻𑒟𑒱𑒪𑒲 𑒥𑒰𑒪 𑒮𑒰𑒯𑒱𑒞𑓂𑒨 𑒢𑒯𑒱 𑒣𑒜𑓃𑒢𑒹 𑒁𑒕𑒱 𑒮𑒹 𑒏𑒱𑒋𑒏 𑒧𑒻𑒟𑒱𑒪𑒲𑒮𑒿 𑒣𑓂𑒩𑒹𑒧 𑒏𑒩𑒞- 𑒁𑒯𑒰𑒿 𑒍𑒏𑒩𑒰 𑒪𑒹𑒪 𑒢𑒯𑒱 𑒞𑒏𑒥𑒻 𑒞𑒿 𑒍𑒯𑒼 𑒢𑒯𑒱 𑒞𑒰𑒏𑒞।
𑓓𑓗. 𑒮𑒑𑒩 𑒩𑒰𑒞𑒱 𑒠𑒲𑒣 𑒖𑒩𑒋 𑒂 𑒧𑒻𑒟𑒱𑒪𑒲 𑒮𑒧𑒲𑒏𑓂𑒭𑒰- 𑒨𑒳𑒠𑓂𑒡𑒏 𑒏𑒰𑒩𑒝- 𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒩𑒰𑒖𑒢𑒻𑒞𑒱𑒏 𑒂 𑒞𑒰𑒞𑓂𑒏𑒰𑒪𑒱𑒏। 𑒧𑒰𑒞𑓂𑒩 𑒞𑒰𑒞𑓂𑒏𑒰𑒪𑒱𑒏 𑒩𑒙𑒱 𑒪𑒱𑒁 𑒂 𑒂𑒩 𑒮𑒦𑒧𑒹 𑒮𑒦𑒙𑒰 𑒐𑒩𑒰𑒣𑒹-𑒐𑒩𑒰𑒣 𑒪𑒱𑒐𑒱 𑒠𑒱𑒨𑒾- 𑒂𑒩𑓂𑒟𑒱𑒏 𑒮𑓂𑒟𑒱𑒞𑒱 𑒐𑒩𑒰𑒣- 𑒮𑒰𑒧𑒰𑒖𑒱𑒏 𑒮𑓂𑒟𑒱𑒞𑒱 𑒐𑒩𑒰𑒣 𑒂𑒠𑒱। 𑒧𑒳𑒠𑒰 𑒖𑒹 𑒤𑓂𑒩𑒰𑓀𑒮𑒲𑒮𑒲 𑒏𑓂𑒩𑒰𑒢𑓂𑒞𑒱𑒧𑒹 𑒮𑒹 𑒪𑒱𑒐𑒱 𑒠𑒹𑒥𑒻 𑒞𑒿 𑒍𑒯𑒱 𑒮𑒧𑒋 𑒍𑒞𑒳𑒏𑓂𑒏𑒰 𑒏𑒱𑒮𑒰𑒢𑒏 𑒂𑒩𑓂𑒟𑒱𑒏 𑒠𑒬𑒰 𑒃𑓀𑒑𑓂𑒪𑒻𑓀𑒛𑒮𑒿 𑒢𑒲𑒏 𑒩𑒯𑒻 𑒂 𑒮𑒻𑒯 𑒤𑓂𑒩𑒰𑓀𑒮𑒏𑒹𑒿 𑒏𑓂𑒩𑒰𑒢𑓂𑒞𑒱 𑒪𑒹𑒪 𑒮𑒏𑓂𑒭𑒧 𑒥𑒢𑒹𑒪𑒏𑒻, 𑒣𑓂𑒩𑒞𑒱𑒏𑒰𑒩 𑒪𑒹𑒪 𑒮𑒏𑓂𑒭𑒧 𑒥𑒢𑒹𑒪𑒏𑒻। 𑒞𑒯𑒱𑒢𑒰 𑒮𑒑𑒩 𑒩𑒰𑒞𑒱 𑒠𑒲𑒣 𑒖𑒩𑒋𑒧𑒹 𑒮𑒧𑒲𑒏𑓂𑒭𑒰 𑒯𑒼𑒃𑒋- 𑒬𑒱𑒪𑓂𑒣 𑒢𑒲𑒏 𑒏𑒟𑓂𑒨 𑒢𑒲𑒏...।
𑓓𑓘. 𑒠𑒪𑒱𑒞 𑒮𑒰𑒯𑒱𑒞𑓂𑒨- 𑒧𑒯𑒹𑒢𑓂𑒠𑓂𑒩 𑒢𑒰𑒩𑒰𑒨𑒝 𑒩𑒰𑒧, 𑒥𑒱𑒪𑒙 𑒣𑒰𑒮𑒫𑒰𑒢 𑒫𑒱𑒯𑓀𑒑𑒧 𑒂𑒠𑒱 𑒏𑒹𑒿 𑒕𑒼𑒛𑓃𑒱 𑒠𑒱𑒨𑒢𑓂𑒯𑒱 𑒞𑒿 𑒧𑒻𑒟𑒱𑒪𑒲𑒧𑒹 𑒠𑒪𑒱𑒞 𑒪𑒹𑒐𑒏 𑒂 𑒠𑒪𑒱𑒞 𑒮𑒰𑒯𑒱𑒞𑓂𑒨 𑒬𑒴𑒢𑓂𑒨 𑒁𑒕𑒱।
𑓓𑓙. 𑒐𑒹𑒮𑒰𑒩𑒲 / 𑒧𑒰𑒒 / 𑒂𑒧 𑒂 𑒬𑒩𑒠 𑒇𑒞𑒳 / 𑒡𑒴𑒧𑒏𑒹𑒞𑒳 𑒧𑒼𑒛𑓃𑒣𑒩 / 𑒨𑒰𑒞𑓂𑒩𑒲𑒏 𑒅𑒣𑒢𑓂𑒨𑒰𑒮𑒧𑒹 𑒂𑒭𑒰𑒜𑓃𑒏 𑒂 𑒠𑒼𑒮𑒩 𑒧𑒰𑒮𑒏 𑒞𑒱𑒟𑒱 𑒠𑒳𑒃𑒨𑒹 𑒣𑒵𑒭𑓂𑒚𑒏 𑒁𑒢𑓂𑒞𑒩𑒣𑒩 / 𑒧𑒼𑒯𑒢 𑒦𑒰𑒩𑒠𑓂𑒫𑒰𑒖 । 𑒏𑒳𑒧𑒰𑒩 𑒣𑒫𑒢
𑒧𑒼𑒛𑓃𑒣𑒩 𑒣𑒵𑒭𑓂𑒚 𑓑- 𑒋𑒏 𑒣𑒰𑒿𑒞𑒲𑒮𑒿 𑒚𑒰𑒜𑓃 𑒂 𑒏𑒞𑒾 𑒁𑒩𑒛𑓃𑒰 𑒏𑓄 𑒍𑒪𑒛𑓃𑒱 𑒑𑒹𑒪 𑒡𑒰𑒢𑒏 𑒮𑒲𑒮- 𑒏𑒼𑒮𑒏 𑒏𑒼𑒮 𑒣𑒮𑒩𑒪 𑒯𑒩𑒱𑒨𑒩 𑒏𑒔𑒼𑒩 𑒐𑒹𑒮𑒰𑒩𑒲𑒏 𑒑𑒠𑓂𑒠𑒰 ( 𑒧𑒰𑒢𑒹 𑒁𑓀𑒞𑒱𑒧 𑒮𑓂𑒟𑒱𑒞𑒱)- 𑒧𑒳𑒠𑒰 𑒐𑒹𑒮𑒰𑒩𑒲 𑒞𑒿 𑒁𑒑𑒯𑒢𑒏 𑒥𑒰𑒠 (𑒡𑒰𑒢𑒏 𑒥𑒰𑒠- 𑒑𑒠𑓂𑒠𑒩𑒱 𑒞𑒿 𑒂𑒩 𑒣𑒯𑒱𑒢𑒹 𑒯𑒼𑒃𑒋) 𑒯𑒼𑒃𑒞 𑒁𑒕𑒱।
𑒨𑒰𑒞𑓂𑒩𑒲 𑒮𑒧𑒑𑓂𑒩-𑒣𑒵.𑓒𑓒𑓐 𑒖𑒹𑒚 𑒮𑒳𑒠𑒲 𑒔𑒞𑒳𑒩𑓂𑒠𑒬𑒲 𑒏𑓄 𑒩𑒯𑒢𑒱 𑒣𑒲𑒮𑒰𑒏 𑒫𑒩𑓂𑒭𑒲। 𑒣𑒯𑒱𑒪𑒹 𑒫𑒩𑓂𑒭𑒲..𑒣𑒵.. 𑓒𑓒𑓒- ..𑒏𑒯𑒰𑒿 𑒖𑒹 𑒋𑒏𑒼 𑒠𑒱𑒢𑒏 𑒐𑒰𑒞𑒱𑒩 𑒖𑒰𑒃, 𑒏𑒩𑓂𑒞𑒰 𑒥𑒢𑒰, 𑒁𑒭𑒰𑒜𑓃 𑒥𑒜𑓃𑒱 𑒞𑒵𑒞𑒱𑒨𑒰𑒏 𑒞𑒱𑒟𑒱𑒣𑒩 𑒣𑒯𑒱𑒪।
𑒥𑒪𑒔𑒢𑒧𑒰𑒏 𑒮𑒧𑒲𑒏𑓂𑒭𑒰𑒧𑒹 𑒧𑒼𑒯𑒢 𑒦𑒰𑒩𑒠𑓂𑒫𑒰𑒖 𑒪𑒱𑒐𑒻 𑒕𑒟𑒱- 𑒏𑓂𑒨𑒼 𑒨𑒰𑒞𑓂𑒩𑒲𑒖𑒲𑒏𑒹𑒿 𑒣𑒳𑒕𑒪𑒏𑒢𑓂𑒯𑒱 𑒖𑒹 𑒥𑒪𑒔𑒢𑒧𑒰𑒏 𑒠𑒼𑒮𑒩 𑒦𑒰𑒑 𑒪𑒱𑒐𑒥𑒰 𑒪𑒹𑒪..𑒨𑒰𑒞𑓂𑒩𑒲 𑒏𑒯𑒪𑒐𑒱𑒢𑓂𑒯 𑒖𑒹 𑒥𑒪𑒔𑒢𑒧𑒰𑒏𑒹𑒿 𑒞𑒿 𑒂𑒥 𑒡𑒼𑒡𑒱 𑒦𑓄 𑒑𑒹𑒪 𑒯𑒼𑒋𑒞𑒻𑒏। 𑒨𑒰𑒞𑓂𑒩𑒲𑒏𑒹𑒿 𑒏𑒹 𑒣𑒳𑒕𑒪𑒏𑒢𑓂𑒯𑒱 (𑒏𑒰𑒪𑓂𑒣𑒢𑒱𑒏 𑒣𑓂𑒩𑒬𑓂𑒢𑒼𑒞𑓂𑒞𑒩𑒲)- 𑒤𑒹𑒩 𑒖𑒹 𑒥𑒪𑒔𑒢𑒧𑒰 𑒣𑒜𑓃𑒢𑒹 𑒕𑒟𑒱 𑒞𑒱𑒢𑒏𑒰 𑒥𑒳𑒗𑒪 𑒕𑒢𑓂𑒯𑒱 𑒖𑒹 𑒥𑒪𑒔𑒢𑒧𑒰𑒏𑒹𑒿 𑒧𑒰𑒩𑒱 𑒏𑓄 𑒣𑒰𑒛𑓃𑒱 𑒠𑒹𑒪 𑒑𑒹𑒪𑒻 𑒮𑒹 𑒧𑒵𑒞 𑒥𑒪𑒔𑒢𑒧𑒰𑒏𑒹𑒿 𑒡𑒼𑒡𑒱 𑒯𑒹𑒞𑒻 𑒮𑒹 𑒨𑒰𑒞𑓂𑒩𑒲𑒖𑒲 𑒍𑒯𑒱 𑒏𑒰𑒪𑓂𑒣𑒢𑒱𑒏 𑒣𑓂𑒩𑒬𑓂𑒢𑒏𑒩𑓂𑒞𑒰𑒏𑒹𑒿 𑒏𑒱𑒋𑒏 𑒏𑒯𑒟𑒱𑒢𑓂𑒯।
𑒏𑒳𑒧𑒰𑒩 𑒣𑒫𑒢𑒏 𑒣𑒃𑒚 𑒮𑒩𑓂𑒫𑒬𑓂𑒩𑒹𑒭𑓂𑒚 𑒧𑒻𑒟𑒱𑒪𑒲 𑒏𑒟𑒰 𑒧𑒳𑒠𑒰 𑒁𑒯𑒴𑒧𑒹 𑒁𑒢𑓂𑒞 𑒠𑒳𑒢𑒴 𑒦𑒰𑒃𑒏 𑒪𑒛𑓃𑒰𑒃 𑒂𑒠𑒱..𑒋𑒏𑒩 𑒥𑒠𑒪𑒰 𑒠𑒼𑒮𑒩 𑒪𑒏𑓂𑒭𑓂𑒨 𑒯𑒼𑒋𑒥𑒰𑒏 𑒔𑒰𑒯𑒲-𑒖𑒹𑒢𑒰 𑒬𑒼𑒭𑒝।

𑒏𑒪𑒰- 𑒋𑒯𑒱 𑒪𑒹𑒪 𑒏𑒼𑒢𑒼 𑒮𑒻𑒠𑓂𑒡𑒰𑓀𑒞𑒱𑒏 𑒣𑓂𑒩𑒨𑒼𑒖𑒢 𑒯𑒼𑒋𑒥𑒰𑒏 𑒔𑒰𑒯𑒲 ?

𑒮𑒰𑒯𑒱𑒞𑓂𑒨𑒏 𑒫𑒱𑒦𑒱𑒢𑓂𑒢 𑒫𑒱𑒡𑒰 𑒖𑒹𑒢𑒰 𑒣𑒠𑓂𑒨, 𑒣𑓂𑒩𑒥𑒢𑓂𑒡, 𑒢𑒱𑒥𑒢𑓂𑒡, 𑒮𑒧𑒰𑒪𑒼𑒔𑒢𑒰, 𑒏𑒟𑒰-𑒑𑒪𑓂𑒣, 𑒅𑒣𑒢𑓂𑒨𑒰𑒮, 𑒣𑒞𑓂𑒩𑒰𑒞𑓂𑒧𑒏 𑒮𑒰𑒯𑒱𑒞𑓂𑒨, 𑒨𑒰𑒞𑓂𑒩𑒰-𑒮𑓀𑒮𑓂𑒧𑒩𑒝, 𑒩𑒱𑒣𑒼𑒩𑓂𑒞𑒰𑒖, 𑒢𑒰𑒙𑒏 𑒂 𑒋𑒏𑒰𑓀𑒏𑒲 𑒧𑒢𑒼𑒩𑓀𑒖𑒢𑒏 𑒪𑒹𑒪 𑒮𑒳𑒢𑒪-𑒮𑒳𑒢𑒰𑒍𑒪-𑒣𑒜𑓃𑒪 𑒖𑒰𑒃𑒞 𑒁𑒕𑒱 𑒫𑒰 𑒧𑓀𑒔𑒱𑒞 𑒏𑒋𑒪 𑒖𑒰𑒃𑒞 𑒁𑒕𑒱। 𑒄 𑒅𑒠𑓂𑒠𑒹𑒬𑓂𑒨𑒣𑒴𑒩𑓂𑒝 𑒦𑓄 𑒮𑒏𑒻𑒞 𑒁𑒕𑒱 𑒫𑒰 𑒋𑒯𑒱𑒧𑒹 𑒢𑒱𑒩𑒳𑒠𑓂𑒠𑒹𑒬𑓂𑒨𑒞𑒰-𑒋𑒥𑒮𑒛𑒱𑒙𑒲 𑒮𑒹𑒯𑒼 𑒩𑒯𑒱 𑒮𑒏𑒻 𑒕𑒻- 𑒏𑒰𑒩𑒝 𑒖𑒱𑒢𑒑𑒲𑒏 𑒅𑒞𑓂𑒟𑒪-𑒡𑒏𑓂𑒏𑒰𑒧𑒹 𑒢𑒱𑒩𑒳𑒠𑓂𑒠𑒹𑒬𑓂𑒨𑒣𑒴𑒩𑓂𑒝 𑒮𑒰𑒯𑒱𑒞𑓂𑒨 𑒮𑒹𑒯𑒼 𑒧𑒢𑒼𑒩𑓀𑒖𑒢 𑒣𑓂𑒩𑒠𑒰𑒢 𑒏𑒩𑒻𑒞 𑒁𑒕𑒱।
𑒣𑓂𑒩𑒰𑒔𑒲𑒢 𑒏𑒰𑒪𑒧𑒹 𑒏𑒪𑒰, 𑒮𑒰𑒯𑒱𑒞𑓂𑒨 𑒂 𑒮𑓀𑒑𑒲𑒞 𑒋𑒏 𑒐𑒰𑒜𑓃𑒲𑒮𑒿 𑒠𑒼𑒮𑒩 𑒐𑒰𑒜𑓃𑒲 𑒧𑒡𑓂𑒨 𑒯𑒮𑓂𑒞𑒰𑓀𑒞𑒩𑒱𑒞 𑒯𑒼𑒃𑒞 𑒕𑒪। 𑒣𑒠𑒣𑒰𑒚, 𑒏𑓂𑒩𑒧𑒣𑒰𑒚, 𑒖𑒙𑒰 𑒣𑒰𑒚, 𑒬𑒱𑒐𑒰𑒣𑒰𑒚, 𑒒𑒢𑒣𑒰𑒚 𑒂𑒠𑒱 𑒮𑓂𑒧𑒵𑒞𑒱𑒏 𑒫𑒻𑒖𑓂𑒘𑒰𑒢𑒱𑒏 𑒣𑒠𑓂𑒡𑒞𑒱 𑒕𑒪। 𑒒𑒩, 𑒫𑒹𑒠𑒲 𑒂 𑒂𑒢 𑒏𑒪𑒰𑒏𑒵𑒞𑒱𑒏 𑒥𑒢𑒹𑒥𑒰𑒏 𑒫𑒱𑒡𑒱𑒏 𑒨𑒖𑒳𑒩𑓂𑒫𑒹𑒠𑒧𑒹 𑒫𑒩𑓂𑒝𑒢 𑒕𑒪 𑒖𑒹 𑒦𑒰𑒭𑓂𑒨 𑒮𑒦𑒧𑒹 𑒂𑒩 𑒫𑒱𑒮𑓂𑒞𑒵𑒞 𑒦𑒹𑒪 𑒂 𑒣𑒳𑒩𑒰𑒞𑒞𑓂𑒫𑒏 𑒣𑓂𑒩𑒰𑒔𑒲𑒢𑒞𑒧 𑒂𑒡𑒰𑒩 𑒮𑒱𑒠𑓂𑒡 𑒦𑒹𑒪। 𑒮𑓀𑒑𑒲𑒞𑒏 𑒣𑒠𑓂𑒡𑒞𑒱 𑒮𑒰𑒧𑒫𑒹𑒠𑒏𑒹𑒿 𑒫𑒱𑒬𑒱𑒭𑓂𑒙 𑒥𑒢𑒹𑒪𑒏। 𑒌 𑒞𑒩𑒯𑒹𑒿 𑒮𑒰𑒯𑒱𑒞𑓂𑒨, 𑒏𑒪𑒰 𑒂 𑒮𑓀𑒑𑒲𑒞𑒏𑒹𑒿 𑒥𑒰𑒢𑓂𑒯𑒥𑒰𑒏 𑒣𑓂𑒩𑒨𑒞𑓂𑒢 𑒦𑒹𑒪, 𑒖𑒃𑒮𑒿 𑒄 𑒫𑒱𑒡𑒰 𑒠𑒼𑒮𑒩𑒼 𑒑𑒼𑒙𑒹 𑒠𑓂𑒫𑒰𑒩𑒰 𑒍𑒯𑒲 𑒞𑒩𑒯𑒹𑒿 𑒁𑒢𑒳𑒏𑒵𑒞 𑒦𑓄 𑒮𑒏𑒋। 𑒂 𑒌 𑒏𑓂𑒩𑒧𑒧𑒹 𑒏𑒪𑒰, 𑒮𑒰𑒯𑒱𑒞𑓂𑒨 𑒂 𑒮𑓀𑒑𑒲𑒞𑒏 𑒮𑒧𑒲𑒏𑓂𑒭𑒰 𑒫𑒰 𑒍𑒏𑒩 𑒑𑒳𑒝𑒏 𑒫𑒱𑒬𑓂𑒪𑒹𑒭𑒝 𑒣𑓂𑒩𑒰𑒩𑒧𑓂𑒦 𑒦𑒹𑒪। 𑒏𑒪𑒰, 𑒮𑒰𑒯𑒱𑒞𑓂𑒨 𑒂 𑒮𑓀𑒑𑒲𑒞𑒏 𑒮𑒧𑒰𑒖 𑒪𑒹𑒪 𑒏𑒼𑒢 𑒣𑓂𑒩𑒨𑒼𑒖𑒢, 𑒋𑒏𑒩 𑒢𑒻𑒞𑒱𑒏 𑒧𑒰𑒢𑒠𑒝𑓂𑒛 𑒏𑒲 𑒯𑒳𑒁𑒋, 𑒌 𑒠𑒱𑒮 𑒮𑒹𑒯𑒼 𑒣𑓂𑒩𑒰𑒔𑓂𑒨 𑒂 𑒣𑒰𑒬𑓂𑒔𑒰𑒞𑓂𑒨 𑒫𑒱𑒔𑒰𑒩𑒏 𑒁𑒣𑒢 𑒫𑒱𑒔𑒰𑒩 𑒩𑒰𑒐𑒪𑒢𑓂𑒯𑒱। 𑒣𑓂𑒪𑒹𑒙𑒼 𑒏𑒯𑒻 𑒕𑒟𑒱 𑒖𑒹 𑒏𑒼𑒢𑒼 𑒏𑒪𑒰 𑒢𑒲𑒏 𑒢𑒻 𑒦𑓄 𑒮𑒏𑒻𑒋 𑒏𑒱𑒋𑒏 𑒞𑒿 𑒄 𑒮𑒦𑒙𑒰 𑒁𑒮𑒞𑓂𑒨 𑒂 𑒁𑒫𑒰𑒮𑓂𑒞𑒫𑒱𑒏 𑒁𑒕𑒱।
𑒧𑒳𑒠𑒰 𑒏𑒪𑒰, 𑒮𑓀𑒑𑒲𑒞 𑒂 𑒮𑒰𑒯𑒱𑒞𑓂𑒨 𑒏𑒐𑒢𑒼 𑒏𑒰𑒪 𑒮𑓂𑒫𑒰𑒢𑓂𑒞𑓁 𑒮𑒳𑒐𑒰𑒨 𑒮𑒹𑒯𑒼 𑒯𑒼𑒃𑒞 𑒁𑒕𑒱, 𑒋𑒏𑒩𑒰 𑒣𑒜𑓃𑒪𑒰, 𑒮𑒳𑒢𑒪𑒰, 𑒠𑒹𑒐𑒪𑒰 𑒂 𑒁𑒢𑒳𑒦𑒫 𑒏𑒹𑒪𑒰𑒮𑒿 𑒣𑓂𑒩𑒮𑒢𑓂𑒢𑒞𑒰 𑒯𑒼𑒃𑒞 𑒕𑒻, 𑒧𑒰𑒢𑒮𑒱𑒏 𑒬𑒰𑒢𑓂𑒞𑒱 𑒦𑒹𑒙𑒻 𑒕𑒻 𑒞𑒿 𑒏𑒐𑒢𑒼 𑒏𑒰𑒪 𑒄 𑒅𑒠𑓂𑒫𑒹𑒪𑒱𑒞 𑒮𑒹𑒯𑒼 𑒏𑒩𑒻𑒞 𑒕𑒻। 𑒋𑒩𑒱𑒮𑓂𑒙𑒼𑒙𑒪 𑒧𑒳𑒠𑒰 𑒏𑒯𑒻 𑒕𑒟𑒱 𑒖𑒹 𑒏𑒪𑒰𑒏𑒰𑒩 𑒖𑓂𑒘𑒰𑒢𑒮𑒿 𑒨𑒳𑒏𑓂𑒞 𑒯𑒼𑒃 𑒕𑒟𑒱 𑒂 𑒫𑒱𑒬𑓂𑒫𑒏𑒹𑒿 𑒥𑒳𑒗𑒥𑒰𑒧𑒹 𑒮𑒯𑒨𑒼𑒑 𑒏𑒩𑒻 𑒕𑒟𑒱।

𑒇𑒏 𑓑,𑓑𑓑𑓕,𑓒 𑒧𑒹 𑒅𑒭𑒰𑒏𑒰𑒪𑒏 𑒮𑒴𑒩𑓂𑒨𑒼𑒠𑒨𑒏 𑒥𑒱𑒧𑓂𑒥 𑒮𑒳𑒢𑓂𑒠𑒩𑒲𑒏 𑒣𑒰𑒕𑒰𑒿 𑒖𑒰𑒃𑒞 𑒨𑒳𑒫𑒏𑒮𑒿 𑒦𑒹𑒪 𑒁𑒕𑒱। 𑒇𑒏 𑓑,𑓑𑓒𑓔,𑓑𑓑 𑒧𑒹 𑒁𑒩𑒳𑒝𑒼𑒠𑒨𑒧𑒹 𑒪𑒰𑒪 𑒂𑒦𑒰 𑒂 𑒥𑒱𑒪𑒰𑒃𑒞 𑒁𑒢𑓂𑒯𑒰𑒩𑒏 𑒮𑓀𑒑, 𑒔𑒴𑒪𑓂𑒯𑒱𑒧𑒹 𑒂𑒑𑒱 𑒫𑒩𑓂𑒝𑒢 𑒁𑒕𑒱 𑒂 𑒥𑒱𑒧𑓂𑒥 𑒁𑒕𑒱- 𑒑𑒰𑒧𑒏 𑒞𑒩𑒳𑒝𑒲 𑒩𑒏𑓂𑒞 𑒫𑒩𑓂𑒝𑒏 𑒑𑒰𑒋𑒏𑒹𑒿 𑒔𑒩𑒥𑒰𑒏 𑒪𑒹𑒪 𑒕𑒼𑒛𑓃𑒻𑒞 𑒕𑒟𑒱। 𑒁𑒟𑒩𑓂𑒫𑒫𑒹𑒠 𑓔,𑓑𑓕,𑓖 𑒧𑒹 𑒮𑒰𑒧𑒴𑒯𑒱𑒏 𑒢𑒰𑒩𑒰𑒏 𑒫𑒩𑓂𑒝𑒢 𑒁𑒕𑒱। 𑒨𑒖𑒳𑒩𑓂𑒫𑒹𑒠 𑓔𑓐,𑓑𑓖 𑒧𑒹 𑒫𑒩𑓂𑒝𑒢 𑒁𑒕𑒱- 𑒮𑒴𑒩𑓂𑒨𑒧𑒝𑓂𑒛𑒪 𑒮𑒳𑒫𑒩𑓂𑒝𑒣𑒰𑒞𑓂𑒩 𑒁𑒕𑒱 𑒖𑒹 𑒮𑒴𑒩𑓂𑒨𑒏𑒹𑒿 𑒂𑒫𑒵𑒞𑓂𑒞 𑒏𑒋𑒢𑒹 𑒁𑒕𑒱। 𑒨𑒖𑒳𑒩𑓂𑒫𑒹𑒠 𑓑𑓗,𑓓𑓘-𑓔𑓑 𑒧𑒹 𑒮𑓀𑒑𑓂𑒩𑒰𑒧 𑒪𑒹𑒪 𑒥𑒰𑒖𑒰 𑒮𑓀𑒑 𑒖𑒰𑒃𑒞 𑒠𑒹𑒫𑒮𑒹𑒢𑒰 𑒂 𑒨𑒖𑒳𑒩𑓂𑒫𑒹𑒠 𑓑𑓗,𑓔𑓙 𑒧𑒹 𑒏𑒫𑒔𑒏 𑒧𑒩𑓂𑒧𑒩 𑒡𑓂𑒫𑒢𑒱 𑒫𑒩𑓂𑒝𑒱𑒞 𑒁𑒕𑒱। 𑒇𑒑𑒫𑒹𑒠 𑓑,𑓑𑓖𑓔,𑓒 𑒂 𑒨𑒰𑒮𑓂𑒏 𑓔,𑓒𑓗 𑒧𑒹 𑒮𑓀𑒫𑒞𑓂𑒮𑒩, 𑒔𑒏𑓂𑒩𑒏 𑒫𑒩𑓂𑒝𑒢 𑒁𑒕𑒱। 𑒫𑒵𑒯𑒠𑒰𑒩𑒝𑓂𑒨𑒏 𑒅𑒣𑒢𑒱𑒭𑒠 𑓒,𑓒,𑓓 𑒧𑒹 𑒮𑒼𑒧𑒩𑒮𑒏 𑒅𑒞𑓂𑒮𑒏 𑒫𑒩𑓂𑒝𑒢 𑒁𑒕𑒱। 𑒫𑒵𑒯𑒠𑒰𑒩𑒝𑓂𑒨𑒏 𑒅𑒣𑒢𑒱𑒭𑒠 𑓒,𑓒,𑓔 𑒍𑒏𑒩 𑒞𑒙𑒣𑒩𑒮𑒰𑒞 𑒇𑒭𑒱 𑒂𑒿𑒐𑒱, 𑒏𑒰𑒢 𑒂𑒠𑒱 𑒁𑒕𑒱। 𑒁𑒟𑒩𑓂𑒫𑒫𑒹𑒠 𑓑𑓐,𑓒,𑓓𑓑 𑒧𑒹 𑒬𑒩𑒲𑒩𑒏𑒹𑒿 𑒁𑒨𑒼𑒡𑓂𑒨𑒰 𑒏𑒯𑒪 𑒑𑒹𑒪 𑒁𑒕𑒱, 𑒑𑒲𑒞𑒰 𑓕,𑓑𑓓 𑒧𑒹 𑒬𑒩𑒲𑒩𑒏𑒹𑒿 𑒣𑒳𑒩 𑒏𑒯𑒪 𑒑𑒹𑒪 𑒁𑒕𑒱।
𑒬𑒥𑓂𑒠𑒼𑒔𑒰𑒩𑒝 𑒂 𑒏𑒪𑒰 𑒢𑒱𑒩𑓂𑒧𑒰𑒝𑒏 𑒥𑒰𑒠 𑒥𑒼𑒡𑓂𑒨 𑒥𑒾𑒮𑓂𑒞𑒳𑒏 𑒅𑒞𑓂𑒣𑒞𑓂𑒞𑒱 𑒯𑒼𑒃 𑒕𑒻। 𑒬𑒥𑓂𑒠 𑒂 𑒡𑓂𑒫𑒢𑒱, 𑒩𑒴𑒣, 𑒩𑒮, 𑒩𑒰𑒑, 𑒕𑒢𑓂𑒠, 𑒂 𑒁𑒪𑓀𑒏𑒰𑒩𑒮𑒿 𑒍𑒏𑒩 𑒎𑒔𑒱𑒞𑓂𑒨 𑒮𑒱𑒠𑓂𑒡 𑒯𑒼𑒃𑒞 𑒕𑒻।
𑒖𑒑𑒞𑒏 𑒮𑒾𑒢𑓂𑒠𑒩𑓂𑒨𑒲𑒏𑒵𑒞 𑒣𑓂𑒩𑒮𑓂𑒞𑒳𑒞𑒱 𑒁𑒕𑒱 𑒏𑒪𑒰। 𑒮𑒾𑓀𑒠𑒩𑓂𑒨𑒏 𑒏𑒪𑒰 𑒅𑒣𑒨𑒼𑒑𑒱𑒞𑒰𑒏 𑒮𑓀𑒑। 𑒏𑒪𑒰𑒣𑒴𑒩𑓂𑒝𑒞𑒰𑒏 𑒏𑒪𑒰𑒏 𑒖𑒲𑒫𑒢 𑒠𑒩𑓂𑒬𑒢- 𑒮𑓀𑒣𑓂𑒩𑒠𑒰𑒨 𑒮𑓀𑒑। 𑒦𑒰𑒫𑒢𑒰𑒞𑓂𑒧𑒏 𑒫𑒰𑒞𑒰𑒫𑒩𑒝- 𑒮𑒞𑓂𑒨𑒏 𑒂 𑒏𑒪𑒰𑒏 𑒏𑒰𑒩𑓂𑒨𑒏 𑒮𑒾𑓀𑒠𑒩𑓂𑒨𑒲𑒏𑒵𑒞 𑒁𑒫𑒪𑒼𑒏𑒢, 𑒮𑒳𑒢𑓂𑒠𑒩-𑒧𑒴𑒩𑓂𑒞, 𑒁𑒧𑒴𑒩𑓂𑒞।
𑒧𑒰𑒢𑒮𑒱𑒏 𑒏𑓂𑒩𑒱𑒨𑒰- 𑒧𑒢𑒳𑒭𑓂𑒨𑓃 𑒮𑒼𑒔𑒻𑒥𑒪𑒰 𑒣𑓂𑒩𑒰𑒝𑒲, 𑒧𑒰𑒢𑒮𑒱𑒏 𑒂 𑒦𑒾𑒞𑒱𑒏 𑒠𑒳𑒢𑒴𑒏 𑒁𑒢𑒳𑒦𑒴𑒞𑒱 𑒏𑒩𑒋𑒥𑒪𑒰 𑒣𑓂𑒩𑒰𑒝𑒲। 𑒫𑒱𑒩𑒼𑒡𑒰𑒦𑒰𑒮 𑒫𑒰 𑒕𑒠𑓂𑒧 𑒂𑒦𑒰𑒮- 𑒁𑒮𑓂𑒣𑒭𑓂𑒙𑒞𑒰। 𑒧𑒰𑒩𑓂𑒏𑓂𑒮𑒫𑒰𑒠 𑒅𑒣𑒢𑓂𑒨𑒰𑒮𑒏 𑒮𑒰𑒧𑒰𑒖𑒱𑒏 𑒨𑒟𑒰𑒩𑓂𑒟𑒏 𑒍𑒏𑒰𑒪𑒞𑒱 𑒏𑒩𑒻𑒞 𑒁𑒕𑒱।
𑒤𑓂𑒩𑒰𑒨𑒛 𑒮𑒦 𑒧𑒢𑒳𑒏𑓂𑒐𑒏𑒹𑒿 𑒩𑒯𑒮𑓂𑒨𑒧𑒨𑒲 𑒧𑒰𑒢𑒻𑒞 𑒕𑒟𑒱। 𑒍 𑒮𑒰𑒯𑒱𑒞𑓂𑒨𑒱𑒏 𑒏𑒵𑒞𑒱𑒏𑒹𑒿 𑒮𑒰𑒯𑒱𑒞𑓂𑒨𑒏𑒰𑒩𑒏 𑒫𑒱𑒬𑓂𑒪𑒹𑒭𑒝 𑒪𑒹𑒪 𑒔𑒳𑒢𑒻𑒞 𑒕𑒟𑒱 𑒞𑒿 𑒢𑒫 𑒤𑓂𑒩𑒰𑒨𑒛𑒫𑒰𑒠 𑒖𑒻𑒫𑒱𑒏𑒏 𑒥𑒠𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒞𑒞𑓂𑒫𑒏 𑒣𑓂𑒩𑒡𑒰𑒢𑒞𑒰𑒣𑒩 𑒖𑒼𑒩 𑒠𑒻𑒞 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒕𑒟𑒱।
𑒢𑒫-𑒮𑒧𑒲𑒏𑓂𑒭𑒰𑒫𑒰𑒠 𑒏𑒵𑒞𑒱𑒏 𑒫𑒱𑒮𑓂𑒞𑒵𑒞 𑒫𑒱𑒫𑒩𑒝𑒣𑒩 𑒂𑒡𑒰𑒩𑒱𑒞 𑒁𑒕𑒱।
𑒅𑒞𑓂𑒞𑒩 𑒂𑒡𑒳𑒢𑒱𑒏, 𑒁𑒮𑓂𑒞𑒱𑒞𑓂𑒫𑒫𑒰𑒠𑒲, 𑒧𑒰𑒢𑒫𑒞𑒰𑒫𑒰𑒠𑒲, 𑒄 𑒮𑒦 𑒫𑒱𑒔𑒰𑒩𑒡𑒰𑒩𑒰 𑒠𑒩𑓂𑒬𑒢𑒬𑒰𑒮𑓂𑒞𑓂𑒩𑒏 𑒫𑒱𑒔𑒰𑒩𑒡𑒰𑒩𑒰 𑒟𑒱𑒏। 𑒣𑒯𑒱𑒢𑒹 𑒠𑒩𑓂𑒬𑒢𑒧𑒹 𑒫𑒱𑒖𑓂𑒘𑒰𑒢, 𑒃𑒞𑒱𑒯𑒰𑒮, 𑒮𑒧𑒰𑒖-𑒩𑒰𑒖𑒢𑒲𑒞𑒱, 𑒁𑒩𑓂𑒟𑒬𑒰𑒮𑓂𑒞𑓂𑒩, 𑒏𑒪𑒰-𑒫𑒱𑒖𑓂𑒘𑒰𑒢 𑒂 𑒦𑒰𑒭𑒰 𑒮𑒧𑓂𑒧𑒱𑒪𑒱𑒞 𑒩𑒯𑒻𑒞 𑒕𑒪। 𑒧𑒳𑒠𑒰 𑒖𑒹𑒢𑒰-𑒖𑒹𑒢𑒰 𑒫𑒱𑒖𑓂𑒘𑒰𑒢 𑒂 𑒏𑒪𑒰𑒏 𑒬𑒰𑒐𑒰 𑒮𑒦 𑒫𑒱𑒬𑒱𑒭𑓂𑒙𑒞𑒰 𑒣𑓂𑒩𑒰𑒣𑓂𑒞 𑒏𑒩𑒻𑒞 𑒑𑒹𑒪, 𑒫𑒱𑒬𑒹𑒭 𑒏𑒋 𑒫𑒱𑒖𑓂𑒘𑒰𑒢, 𑒞𑒿 𑒠𑒩𑓂𑒬𑒢𑒧𑒹 𑒑𑒝𑒱𑒞 𑒂 𑒫𑒱𑒖𑓂𑒘𑒰𑒢 𑒧𑒻𑒟𑒹𑒧𑒹𑒙𑒱𑒏𑒪 𑒪𑒰𑒖𑒱𑒏 𑒡𑒩𑒱 𑒮𑒲𑒧𑒱𑒞 𑒩𑒯𑒱 𑒑𑒹𑒪। 𑒠𑒰𑒩𑓂𑒬𑒢𑒱𑒏 𑒂𑒑𑒧𑒢 𑒂 𑒢𑒱𑒑𑒧𑒢𑒏 𑒁𑒡𑓂𑒨𑒨𑒢 𑒣𑓂𑒩𑒝𑒰𑒪𑒲, 𑒫𑒱𑒬𑓂𑒪𑒹𑒭𑒝𑒰𑒞𑓂𑒧𑒏 𑒣𑓂𑒩𑒝𑒰𑒪𑒲 𑒠𑒱𑒮 𑒥𑒜𑓃𑒪।
𑒧𑒰𑒩𑓂𑒏𑓂𑒮 𑒖𑒹 𑒠𑒳𑒢𑒱𑒨𑒰 𑒦𑒩𑒱𑒏 𑒑𑒩𑒲𑒥𑒏 𑒪𑒹𑒪 𑒋𑒏𑒙𑒰 𑒠𑒻𑒫𑒲𑒨 𑒯𑒮𑓂𑒞𑒏𑓂𑒭𑒹𑒣𑒏 𑒮𑒧𑒰𑒢 𑒕𑒪𑒰𑒯, 𑒠𑓂𑒫𑒢𑓂𑒠𑒰𑒞𑓂𑒧𑒏 𑒣𑓂𑒩𑒝𑒰𑒪𑒲𑒏𑒹𑒿 𑒁𑒣𑒢 𑒫𑓂𑒨𑒰𑒐𑓂𑒨𑒰𑒏 𑒂𑒡𑒰𑒩 𑒥𑒢𑒍𑒪𑒢𑓂𑒯𑒱। 𑒂𑒃-𑒏𑒰𑒪𑓂𑒯𑒱𑒏 “𑒛𑒱𑒮𑒏𑒮𑒢” 𑒫𑒰 𑒠𑓂𑒫𑒢𑓂𑒠 𑒖𑒰𑒯𑒱𑒧𑒹 𑒣𑒏𑓂𑒭-𑒫𑒱𑒣𑒏𑓂𑒭, 𑒠𑒳𑒢𑒴 𑒮𑒧𑓂𑒧𑒱𑒪𑒱𑒞 𑒁𑒕𑒱, 𑒠𑒩𑓂𑒬𑒢𑒏 (𑒫𑒱𑒬𑒹𑒭 𑒏𑒋 𑒭𑒛𑒠𑒩𑓂𑒬𑒢𑒏- 𑒧𑒰𑒡𑒫𑒰𑒔𑒰𑒩𑓂𑒨𑒏 𑒮𑒩𑓂𑒫𑒠𑒩𑓂𑒬𑒢 𑒮𑓀𑒑𑓂𑒩𑒯-𑒠𑓂𑒩𑒭𑓂𑒙𑒫𑓂𑒨) 𑒐𑒝𑓂𑒛𑒢-𑒧𑒝𑓂𑒛𑒢 𑒣𑓂𑒩𑒝𑒰𑒪𑒲𑒧𑒹 𑒣𑒯𑒱𑒢𑒯𑒱𑒮𑒿 𑒫𑒱𑒠𑓂𑒨𑒧𑒰𑒢 𑒕𑒪।
𑒮𑒹 𑒃𑒞𑒱𑒯𑒰𑒮𑒏 𑒁𑒢𑓂𑒞𑒏 𑒒𑒼𑒭𑒝𑒰 𑒏𑒋𑒢𑒱𑒯𑒰𑒩 𑒤𑓂𑒩𑒰𑓀𑒮𑒱𑒮 𑒤𑒳𑒏𑒱𑒨𑒰𑒧𑒰 -𑒖𑒹 𑒏𑒧𑓂𑒨𑒳𑒢𑒱𑒮𑓂𑒙 𑒬𑒰𑒮𑒢𑒏 𑒮𑒧𑒰𑒣𑓂𑒞𑒱𑒣𑒩 𑒄 𑒒𑒼𑒭𑒝𑒰 𑒏𑒋𑒢𑒹 𑒕𑒪𑒰𑒯- 𑒏𑒱𑒕𑒳 𑒠𑒱𑒢 𑒣𑒯𑒱𑒢𑒹 𑒋𑒯𑒱𑒮𑒿 𑒣𑒪𑒙𑒱 𑒑𑒹𑒪𑒰𑒯। 𑒅𑒞𑓂𑒞𑒩-𑒂𑒡𑒳𑒢𑒱𑒏𑒞𑒰𑒫𑒰𑒠 𑒮𑒹𑒯𑒼 𑒁𑒣𑒢 𑒣𑓂𑒩𑒰𑒩𑒧𑓂𑒦𑒱𑒏 𑒅𑒞𑓂𑒮𑒰𑒯𑒏 𑒥𑒰𑒠 𑒚𑒧𑒏𑒱 𑒑𑒹𑒪 𑒁𑒕𑒱।
𑒁𑒮𑓂𑒞𑒱𑒞𑓂𑒫𑒫𑒰𑒠, 𑒧𑒰𑒢𑒫𑒞𑒰𑒫𑒰𑒠, 𑒣𑓂𑒩𑒑𑒞𑒱𑒫𑒰𑒠, 𑒩𑒼𑒧𑒹𑒢𑓂𑒙𑒱𑒮𑒱𑒖𑓂𑒧, 𑒮𑒧𑒰𑒖𑒬𑒰𑒮𑓂𑒞𑓂𑒩𑒲𑒨 𑒫𑒱𑒬𑓂𑒪𑒹𑒭𑒝 𑒄 𑒮𑒦 𑒮𑓀𑒬𑓂𑒪𑒹𑒭𑒝𑒰𑒞𑓂𑒧𑒏 𑒮𑒧𑒲𑒏𑓂𑒭𑒰 𑒣𑓂𑒩𑒝𑒰𑒪𑒲𑒧𑒹 𑒮𑒧𑓂𑒧𑒱𑒪𑒱𑒞 𑒦𑒋 𑒁𑒣𑒢 𑒁𑒮𑓂𑒞𑒱𑒞𑓂𑒫 𑒥𑒔𑒹𑒢𑒹 𑒁𑒕𑒱।
𑒮𑒰𑒃𑒏𑒼-𑒋𑒢𑒹𑒪𑒱𑒮𑒱𑒮 𑒫𑒻𑒖𑓂𑒘𑒰𑒢𑒱𑒏𑒞𑒰𑒣𑒩 𑒂𑒡𑒰𑒩𑒱𑒞 𑒩𑒯𑒥𑒰𑒏 𑒏𑒰𑒩𑒝 𑒠𑓂𑒫𑒢𑓂𑒠𑒰𑒞𑓂𑒧𑒏 𑒣𑓂𑒩𑒝𑒰𑒪𑒲 𑒖𑒹𑒏𑒰𑒿 𑒁𑒣𑒢 𑒁𑒮𑓂𑒞𑒱𑒞𑓂𑒫 𑒥𑒔𑒹𑒢𑒹 𑒩𑒯𑒞।
𑒏𑒼𑒢𑒼 𑒏𑒟𑒰𑒏 𑒂𑒡𑒰𑒩 𑒧𑒢𑒼𑒫𑒱𑒖𑓂𑒘𑒰𑒢 𑒮𑒹𑒯𑒼 𑒯𑒼𑒃𑒞 𑒁𑒕𑒱। 𑒏𑒟𑒰𑒏 𑒅𑒠𑓂𑒠𑒹𑒬𑓂𑒨 𑒮𑒧𑒰𑒖𑒏 𑒂𑒫𑒬𑓂𑒨𑒏𑒞𑒰𑒏 𑒁𑒢𑒳𑒮𑒰𑒩 𑒂 𑒏𑒟𑒰 𑒨𑒰𑒞𑓂𑒩𑒰𑒧𑒹 𑒣𑒩𑒱𑒫𑒩𑓂𑒞𑒢 𑒮𑒧𑒰𑒖𑒧𑒹 𑒦𑒹𑒪 𑒂 𑒯𑒼𑒃𑒞 𑒣𑒩𑒱𑒫𑒩𑓂𑒞𑒢𑒏 𑒁𑒢𑒳𑒩𑒴𑒣𑒹 𑒯𑒼𑒋𑒥𑒰𑒏 𑒔𑒰𑒯𑒲। 𑒧𑒳𑒠𑒰 𑒮𑓀𑒑𑒧𑒹 𑒍𑒯𑒱 𑒮𑒧𑒰𑒖𑒏 𑒮𑓀𑒮𑓂𑒏𑒵𑒞𑒱𑒮𑒿 𑒄 𑒏𑒟𑒰 𑒮𑓂𑒫𑒨𑒧𑒹𑒫 𑒢𑒱𑒨𑒢𑓂𑒞𑓂𑒩𑒱𑒞 𑒯𑒼𑒃𑒞 𑒁𑒕𑒱। 𑒂 𑒋𑒯𑒱𑒧𑒹 𑒍𑒯𑒱 𑒮𑒧𑒰𑒖𑒏 𑒌𑒞𑒱𑒯𑒰𑒮𑒱𑒏 𑒁𑒮𑓂𑒞𑒱𑒞𑓂𑒫 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱। 𑒖𑒹 𑒯𑒧 𑒫𑒻𑒠𑒱𑒏 𑒂𑒐𑓂𑒨𑒰𑒢𑒏 𑒑𑒣 𑒏𑒩𑒲 𑒞𑒿 𑒍 𑒩𑒰𑒭𑓂𑒙𑓂𑒩𑒏 𑒮𑓀𑒑 𑒣𑓂𑒩𑒹𑒧𑒏𑒹𑒿 𑒮𑒼𑒗𑒰𑒿 𑒁𑒢𑒻𑒞 𑒁𑒕𑒱। 𑒂 𑒮𑒧𑒰𑒖𑒏 𑒮𑓀𑒑 𑒧𑒱𑒪𑒱 𑒏𑒋 𑒩𑒯𑒢𑒰𑒃 𑒮𑒱𑒐𑒥𑒻𑒞 𑒁𑒕𑒱। 𑒖𑒰𑒞𑒏 𑒏𑒟𑒰 𑒪𑒼𑒏-𑒦𑒰𑒭𑒰𑒏 𑒣𑓂𑒩𑒮𑒰𑒩𑒏 𑒮𑓀𑒑 𑒥𑒾𑒠𑓂𑒡-𑒡𑒩𑓂𑒧 𑒣𑓂𑒩𑒮𑒰𑒩𑒏 𑒃𑒔𑓂𑒕𑒰 𑒮𑒹𑒯𑒼 𑒩𑒐𑒻𑒞 𑒁𑒕𑒱। 𑒧𑒳𑒮𑓂𑒪𑒱𑒧 𑒖𑒑𑒞𑒏 𑒏𑒟𑒰 𑒖𑒹𑒢𑒰 𑒩𑒴𑒧𑒲𑒏 “𑒧𑒮𑒢𑒫𑒲” 𑒤𑒰𑒩𑒮𑒲 𑒮𑒰𑒯𑒱𑒞𑓂𑒨𑒏 𑒫𑒱𑒬𑒱𑒭𑓂𑒙 𑒑𑓂𑒩𑒢𑓂𑒟 𑒁𑒕𑒱 𑒖𑒹 𑒖𑓂𑒘𑒰𑒢𑒏 𑒧𑒯𑒞𑓂𑒫 𑒂 𑒩𑒰𑒖𑓂𑒨𑒏 𑒅𑒢𑓂𑒢𑒞𑒱𑒏 𑒬𑒱𑒏𑓂𑒭𑒰 𑒠𑒻𑒞 𑒁𑒕𑒱। 𑒂𑒖𑒳𑒏 𑒏𑒟𑒰 𑒋𑒯𑒱 𑒮𑒦 𑒫𑒮𑓂𑒞𑒳𑒏𑒹𑒿 𑒮𑒧𑒹𑒙𑒻𑒞 𑒁𑒕𑒱 𑒂 𑒋𑒏𑒙𑒰 𑒣𑓂𑒩𑒥𑒳𑒠𑓂𑒡 𑒂 𑒧𑒰𑒢𑒫𑒲𑒨 𑒮𑒧𑒰𑒖𑒏 𑒢𑒱𑒩𑓂𑒧𑒰𑒝𑒏 𑒠𑒱𑒮 𑒂𑒑𑒰𑒿 𑒥𑒜𑓃𑒻𑒞 𑒁𑒕𑒱।
𑒏𑒧𑓂𑒨𑒴𑒢𑒱𑒖𑓂𑒧𑒏 𑒮𑒧𑒰𑒣𑓂𑒞𑒱𑒏 𑒥𑒰𑒠 𑒪𑒰𑒑𑒪 𑒖𑒹 𑒃𑒞𑒱𑒯𑒰𑒮, 𑒖𑒹 𑒠𑒴𑒙𑒰 𑒫𑒱𑒔𑒰𑒩𑒡𑒰𑒩𑒰𑒏 𑒮𑓀𑒒𑒩𑓂𑒭 𑒁𑒕𑒱, 𑒋𑒏𑒙𑒰 𑒫𑒱𑒔𑒰𑒩𑒡𑒰𑒩𑒰𑒏 𑒐𑒞𑒧 𑒦𑒹𑒪𑒰𑒏 𑒥𑒰𑒠 𑒮𑒧𑒰𑒣𑓂𑒞 𑒦’ 𑒑𑒹𑒪। 𑒤𑓂𑒩𑒰𑓀𑒮𑒱𑒮 𑒤𑒳𑒏𑒱𑒨𑒰𑒧𑒰 𑒒𑒼𑒭𑒱𑒞 𑒏𑒋𑒪𑒢𑓂𑒯𑒱 𑒖𑒹 𑒫𑒱𑒔𑒰𑒩𑒡𑒰𑒩𑒰𑒏 𑒂𑒣𑒮𑒲 𑒗𑒑𑒛𑓃𑒰𑒮𑒿 𑒮𑒵𑒖𑒱𑒞 𑒃𑒞𑒱𑒯𑒰𑒮𑒏 𑒄 𑒮𑒧𑒰𑒣𑓂𑒞𑒱 𑒁𑒕𑒱 𑒂 𑒂𑒥 𑒧𑒰𑒢𑒫𑒏 𑒯𑒱𑒞𑒏 𑒫𑒱𑒔𑒰𑒩𑒡𑒰𑒩𑒰 𑒧𑒰𑒞𑓂𑒩 𑒂𑒑𑒰𑒿 𑒥𑒜𑓃𑒞। 𑒧𑒳𑒠𑒰 𑒏𑒱𑒕𑒳 𑒠𑒱𑒢 𑒣𑒯𑒱𑒢𑒯𑒱 𑒍 𑒏𑒯𑒪𑒢𑓂𑒯𑒱 𑒖𑒹 𑒮𑒧𑒰𑒖𑒏 𑒦𑒲𑒞𑒩 𑒂 𑒩𑒰𑒭𑓂𑒙𑓂𑒩𑒲𑒨𑒞𑒰𑒏 𑒧𑒡𑓂𑒨 𑒋𑒐𑒢𑒼 𑒥𑒯𑒳𑒞 𑒩𑒰𑒮 𑒦𑒱𑒢𑓂𑒢 𑒫𑒱𑒔𑒰𑒩𑒡𑒰𑒩𑒰 𑒥𑒰𑒿𑒔𑒪 𑒁𑒕𑒱।
𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝-𑒫𑒱𑒖𑓂𑒘𑒰𑒢𑒏 𑒖𑓂𑒘𑒰𑒢𑒏 𑒮𑒧𑓂𑒣𑒴𑒩𑓂𑒝𑒞𑒰𑒣𑒩 𑒙𑒲𑒏𑒰 , 𑒮𑒞𑓂𑒨-𑒁𑒮𑒞𑓂𑒨, 𑒮𑒦𑒏 𑒁𑒣𑒢-𑒁𑒣𑒢 𑒠𑒵𑒭𑓂𑒙𑒱𑒏𑒼𑒝𑒮𑒿 𑒞𑒏𑒩 𑒫𑒩𑓂𑒝𑒢 , 𑒂𑒞𑓂𑒧-𑒏𑒹𑒢𑓂𑒠𑓂𑒩𑒱𑒞 𑒯𑒰𑒮𑓂𑒨𑒣𑒴𑒩𑓂𑒝 𑒂 𑒢𑒲𑒏-𑒐𑒩𑒰𑒥𑒏 𑒦𑒰𑒫𑒢𑒰𑒏 𑒩𑒯𑒱-𑒩𑒯𑒱 𑒐𑒞𑒧 𑒯𑒼𑒋𑒥, 𑒮𑒞𑓂𑒨 𑒏𑒐𑒢 𑒁𑒮𑒞𑓂𑒨 𑒦𑒋 𑒖𑒋𑒞 𑒞𑒏𑒩 𑒏𑒼𑒢𑒼 𑒚𑒹𑒏𑒰𑒢 𑒢𑒯𑒱, 𑒮𑒞𑒯𑒲 𑒔𑒱𑒢𑓂𑒞𑒢, 𑒂𑒬𑒰𑒫𑒰𑒠𑒱𑒞𑒰 𑒞𑒿 𑒢𑒯𑒱𑒋 𑒁𑒕𑒱 𑒧𑒳𑒠𑒰 𑒢𑒱𑒩𑒰𑒬𑒰𑒫𑒰𑒠𑒱𑒞𑒰 𑒮𑒹𑒯𑒼 𑒢𑒯𑒱 , 𑒖𑒹 𑒁𑒕𑒱 𑒞𑒿 𑒮𑒹 𑒁𑒕𑒱 𑒥𑒞𑒯𑒣𑒢𑒲, 𑒏𑒼𑒢𑒼 𑒔𑒲𑒖 𑒋𑒏 𑒞𑒩𑒯𑒹𑒿 𑒢𑒯𑒱 𑒏𑒻𑒏 𑒞𑒩𑒯𑒹𑒿 𑒮𑒼𑒔𑒪 𑒖𑒰 𑒮𑒏𑒻𑒞 𑒁𑒕𑒱- 𑒄 𑒠𑒵𑒭𑓂𑒙𑒱𑒏𑒼𑒝 , 𑒏𑒰𑒩𑒝, 𑒢𑒱𑒨𑒢𑓂𑒞𑓂𑒩𑒝 𑒂 𑒨𑒼𑒖𑒢𑒰𑒏 𑒅𑒞𑓂𑒞𑒩 𑒣𑒩𑒱𑒝𑒰𑒧𑒣𑒩 𑒫𑒱𑒬𑓂𑒫𑒰𑒮 𑒢𑒯𑒱, 𑒫𑒩𑒢 𑒮𑓀𑒨𑒼𑒑𑒏 𑒅𑒞𑓂𑒞𑒩 𑒣𑒩𑒱𑒝𑒰𑒧𑒣𑒩 𑒥𑒹𑒬𑒲 𑒫𑒱𑒬𑓂𑒫𑒰𑒮, 𑒑𑒝𑒞𑒰𑓀𑒞𑓂𑒩𑒱𑒏 𑒂 𑒢𑒰𑒩𑒲𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝 𑒂 𑒪𑒰𑒪 𑒗𑓀𑒛𑒰 𑒂𑒠𑒱𑒏 𑒫𑒱𑒔𑒰𑒩𑒡𑒰𑒩𑒰𑒏 𑒮𑓀𑒑𑒹 𑒣𑓂𑒩𑒞𑒲𑒏𑒏 𑒩𑒴𑒣𑒧𑒹 𑒯𑒰𑒮-𑒣𑒩𑒱𑒯𑒰𑒮, 𑒦𑒴𑒧𑓀𑒛𑒪𑒲𑒏𑒩𑒝𑒏 𑒏𑒰𑒩𑒝𑒮𑒿 𑒧𑒳𑒐𑓂𑒨𑒡𑒰𑒩𑒮𑒿 𑒁𑒪𑒑 𑒦𑒹𑒪 𑒏𑒞𑒹𑒏 𑒮𑒧𑒳𑒠𑒰𑒨𑒏 𑒂 𑒢𑒰𑒩𑒲𑒏 𑒣𑓂𑒩𑒬𑓂𑒢𑒏𑒹𑒿 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰 𑒮𑒼𑒗𑒰𑒿 𑒁𑒢𑒪𑒏। 𑒫𑒱𑒔𑒰𑒩𑒡𑒰𑒩𑒰 𑒂 𑒮𑒰𑒩𑓂𑒫𑒦𑒾𑒧𑒱𑒏 𑒪𑒏𑓂𑒭𑓂𑒨𑒏 𑒫𑒱𑒩𑒼𑒡 𑒏𑒋𑒪𑒏 𑒧𑒳𑒠𑒰 𑒏𑒼𑒢𑒼 𑒅𑒞𑓂𑒞𑒩 𑒢𑒻 𑒠𑓄 𑒮𑒏𑒪।
𑒞𑒯𑒱𑒢𑒰 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰𑒫𑒰𑒠𑒲 𑒫𑒱𑒔𑒰𑒩𑒏 𑒖𑒻𑒏𑓂𑒮 𑒠𑒹𑒩𑒲𑒠𑒰 𑒦𑒰𑒭𑒰𑒏𑒹𑒿 𑒫𑒱𑒐𑒝𑓂𑒛𑒱𑒞 𑒏𑒋 𑒄 𑒮𑒱𑒠𑓂𑒡 𑒏𑒋𑒪𑒢𑓂𑒯𑒱 𑒖𑒹 𑒫𑒱𑒐𑒝𑓂𑒛𑒱𑒞 𑒦𑒰𑒑 𑒜𑒹𑒩 𑒩𑒰𑒮 𑒫𑒱𑒦𑒱𑒢𑓂𑒢 𑒂𑒡𑒰𑒩𑒣𑒩 𑒂𑒬𑓂𑒩𑒱𑒞 𑒁𑒕𑒱 𑒂 𑒥𑒱𑒢𑒰 𑒍𑒏𑒩𑒰 𑒥𑒳𑒗𑒢𑒹 𑒦𑒰𑒭𑒰𑒏 𑒁𑒩𑓂𑒟 𑒯𑒧 𑒢𑒯𑒱 𑒪𑒑𑒰 𑒮𑒏𑒻𑒞 𑒕𑒲।
𑒂 𑒮𑓀𑒫𑒰𑒠𑒏 𑒣𑒳𑒢𑒩𑓂𑒮𑓂𑒟𑒰𑒣𑒢𑒰 𑒪𑒹𑒪 𑒏𑒟𑒰𑒏𑒰𑒩𑒧𑒹 𑒫𑒱𑒬𑓂𑒫𑒰𑒮 𑒯𑒼𑒋𑒥𑒰𑒏 𑒔𑒰𑒯𑒲- 𑒞𑒩𑓂𑒏-𑒣𑒩𑒏 𑒫𑒱𑒬𑓂𑒫𑒰𑒮 𑒂 𑒁𑒢𑒳𑒦𑒫𑒣𑒩𑒏 𑒫𑒱𑒬𑓂𑒫𑒰𑒮 ।
𑒣𑓂𑒩𑒞𑓂𑒨𑒏𑓂𑒭𑒫𑒰𑒠𑒏 𑒫𑒱𑒬𑓂𑒪𑒹𑒭𑒝𑒰𑒞𑓂𑒧𑒏 𑒠𑒩𑓂𑒬𑒢 𑒫𑒮𑓂𑒞𑒳𑒏 𑒢𑒯𑒱, 𑒦𑒰𑒭𑒱𑒏 𑒏𑒟𑒢 𑒂 𑒁𑒫𑒡𑒰𑒩𑒝𑒰𑒏 𑒫𑒱𑒬𑓂𑒪𑒹𑒭𑒝 𑒏𑒩𑒻𑒞 𑒁𑒕𑒱 ।
𑒫𑒱𑒬𑓂𑒪𑒹𑒭𑒝𑒰𑒞𑓂𑒧𑒏 𑒁𑒟𑒫𑒰 𑒞𑒰𑒩𑓂𑒏𑒱𑒏 𑒣𑓂𑒩𑒞𑓂𑒨𑒏𑓂𑒭𑒫𑒰𑒠 𑒂 𑒁𑒮𑓂𑒞𑒱𑒞𑓂𑒫𑒫𑒰𑒠𑒏 𑒖𑒢𑓂𑒧 𑒫𑒱𑒖𑓂𑒘𑒰𑒢𑒏 𑒣𑓂𑒩𑒞𑒱 𑒣𑓂𑒩𑒞𑒱𑒏𑓂𑒩𑒱𑒨𑒰𑒏 𑒩𑒴𑒣𑒧𑒹 𑒦𑒹𑒪। 𑒋𑒯𑒱𑒮𑒿 𑒫𑒱𑒖𑓂𑒘𑒰𑒢𑒏 𑒠𑓂𑒫𑒱𑒁𑒩𑓂𑒟𑒲 𑒫𑒱𑒔𑒰𑒩𑒏𑒹𑒿 𑒮𑓂𑒣𑒭𑓂𑒙 𑒏𑒋𑒪 𑒑𑒹𑒪।
𑒣𑓂𑒩𑒒𑒙𑒢𑒰𑒬𑒰𑒮𑓂𑒞𑓂𑒩𑒧𑒹 𑒔𑒹𑒞𑒢𑒰𑒏 𑒣𑓂𑒩𑒠𑒞𑓂𑒞𑒏 𑒣𑓂𑒩𑒠𑒞𑓂𑒞 𑒩𑒴𑒣𑒧𑒹 𑒁𑒡𑓂𑒨𑒨𑒢 𑒯𑒼𑒃𑒞 𑒁𑒕𑒱। 𑒁𑒢𑒳𑒦𑒴𑒞𑒱 𑒫𑒱𑒬𑒱𑒭𑓂𑒙 𑒧𑒰𑒢𑒮𑒱𑒏 𑒏𑓂𑒩𑒱𑒨𑒰𑒏 𑒞𑒟𑓂𑒨𑒏 𑒢𑒱𑒩𑒲𑒏𑓂𑒭𑒝 𑒁𑒕𑒱। 𑒫𑒮𑓂𑒞𑒳𑒏𑒹𑒿 𑒢𑒱𑒩𑒣𑒹𑒏𑓂𑒭 𑒂 𑒫𑒱𑒬𑒳𑒠𑓂𑒡 𑒩𑒴𑒣𑒧𑒹 𑒠𑒹𑒐𑒥𑒰𑒏 𑒄 𑒧𑒰𑒡𑓂𑒨𑒧 𑒁𑒕𑒱।
𑒁𑒮𑓂𑒞𑒱𑒞𑓂𑒫𑒫𑒰𑒠𑒧𑒹 𑒧𑒢𑒳𑒭𑓂𑒨-𑒁𑒯𑒱 𑒧𑒰𑒞𑓂𑒩 𑒧𑒢𑒳𑒭𑓂𑒨 𑒁𑒕𑒱। 𑒍 𑒖𑒹 𑒏𑒱𑒕𑒳 𑒢𑒱𑒩𑓂𑒧𑒰𑒝 𑒏𑒩𑒻𑒞 𑒁𑒕𑒱 𑒍𑒯𑒱𑒮𑒿 𑒣𑒵𑒟𑒏 𑒍 𑒏𑒱𑒕𑒳 𑒢𑒯𑒱 𑒁𑒕𑒱, 𑒮𑓂𑒫𑒞𑓀𑒞𑓂𑒩 𑒯𑒼𑒋𑒥𑒰 𑒪𑒹𑒪 𑒁𑒦𑒱𑒬𑒣𑓂𑒞 𑒁𑒕𑒱 (𑒮𑒰𑒩𑓂𑒞𑓂𑒩)।
𑒯𑒹𑒑𑒹𑒪𑒏 𑒛𑒰𑒨𑒪𑒹𑒏𑓂𑒙𑒱𑒏𑓂𑒮 𑒠𑓂𑒫𑒰𑒩𑒰 𑒫𑒱𑒬𑓂𑒪𑒹𑒭𑒝 𑒂 𑒮𑓀𑒬𑓂𑒪𑒹𑒭𑒝𑒏 𑒁𑓀𑒞𑒯𑒲𑒢 𑒁𑓀𑒞𑒮𑓂𑒮𑓀𑒥𑓀𑒡 𑒠𑓂𑒫𑒰𑒩𑒰 𑒣𑓂𑒩𑒏𑓂𑒩𑒱𑒨𑒰𑒏 𑒑𑒳𑒝 𑒢𑒱𑒩𑓂𑒝𑒨 𑒂 𑒁𑒮𑓂𑒞𑒱𑒞𑓂𑒫 𑒢𑒱𑒩𑓂𑒝𑒨 𑒏𑒩𑒥𑒰𑒣𑒩 𑒖𑒼𑒩 𑒠𑒹𑒪𑒢𑓂𑒯𑒱। 𑒧𑒴𑒪𑒞𑒞𑓂𑒫 𑒖𑒞𑒹𑒏 𑒑𑒯𑒲𑓀𑒩 𑒯𑒼𑒋𑒞 𑒍𑒞𑒹𑒏 𑒮𑓂𑒫𑒩𑒴𑒣𑒮𑒿 𑒠𑒴𑒩 𑒩𑒯𑒞 𑒂 𑒫𑒰𑒮𑓂𑒞𑒫𑒱𑒏𑒞𑒰𑒮𑒿 𑒪𑒑।
𑒏𑓂𑒫𑒰𑒢𑓂𑒙𑒧 𑒮𑒱𑒠𑓂𑒡𑒰𑒢𑓂𑒞 𑒂 𑒁𑒢𑒮𑒩𑒙𑒹𑒢𑓂𑒙𑒲 𑒣𑓂𑒩𑒱𑒢𑓂𑒮𑒱𑒣𑒪 𑒮𑒹𑒯𑒼 𑒂𑒡𑒳𑒢𑒱𑒏 𑒔𑒱𑒢𑓂𑒞𑒢𑒏𑒹𑒿 𑒣𑓂𑒩𑒦𑒰𑒫𑒱𑒞 𑒏𑒋𑒢𑒹 𑒁𑒕𑒱। 𑒠𑒹𑒐𑒰𑒃 𑒣𑒛𑓃𑒋𑒥𑒪𑒰 𑒫𑒰𑒮𑓂𑒞𑒫𑒱𑒏𑒞𑒰 𑒮𑒿 𑒠𑒴𑒩 𑒦𑒲𑒞𑒩𑒏 𑒂 𑒥𑒰𑒯𑒩𑒏 𑒣𑓂𑒩𑒏𑓂𑒩𑒱𑒨𑒰 𑒮𑒦 𑒬𑒏𑓂𑒞𑒱-𑒆𑒩𑓂𑒖𑒰𑒏 𑒕𑒼𑒙 𑒞𑒞𑓂𑒫𑒏 𑒂𑒠𑒰𑒢-𑒣𑓂𑒩𑒠𑒰𑒢𑒮𑒿 𑒮𑒧𑓂𑒦𑒫 𑒯𑒼𑒃𑒞 𑒁𑒕𑒱। 𑒁𑒢𑒱𑒬𑓂𑒔𑒱𑒞𑒞𑒰𑒏 𑒮𑒱𑒠𑓂𑒡𑒰𑒢𑓂𑒞 𑒠𑓂𑒫𑒰𑒩𑒰 𑒮𑓂𑒟𑒱𑒞𑒱 𑒂 𑒮𑓂𑒫𑒩𑒴𑒣, 𑒁𑒢𑓂𑒠𑒰𑒖𑒮𑒿 𑒢𑒱𑒬𑓂𑒔𑒱𑒞 𑒏𑒩𑒋 𑒣𑒛𑓃𑒻𑒞 𑒁𑒕𑒱।

𑒞𑒲𑒢𑒮𑒿 𑒥𑒹𑒬𑒲 𑒛𑒰𑒃𑒧𑒹𑒢𑓂𑒮𑒢𑒏 𑒫𑒱𑒬𑓂𑒫𑒏 𑒣𑒩𑒱𑒏𑒪𑓂𑒣𑒢𑒰 𑒂 𑒮𑓂𑒙𑒲𑒤𑒢 𑒯𑒰𑒏𑒱𑒢𑓂𑒮𑒏 “𑒁 𑒥𑓂𑒩𑒱𑒤 𑒯𑒱𑒮𑓂𑒙𑓂𑒩𑒲 𑒂𑒤 𑒙𑒰𑒃𑒧” 𑒮𑒼𑒗𑒹-𑒮𑒼𑒗𑒲 𑒦𑒑𑒫𑒰𑒢𑒏 𑒁𑒮𑓂𑒞𑒱𑒞𑓂𑒫𑒏𑒹𑒿 𑒐𑒞𑒧 𑒏𑒋 𑒩𑒯𑒪 𑒁𑒕𑒱 𑒏𑒰𑒩𑒝 𑒋𑒯𑒱𑒮𑒿 𑒦𑒑𑒫𑒰𑒢𑒏 𑒧𑒵𑒞𑓂𑒨𑒳𑒏 𑒁𑒫𑒡𑒰𑒩𑒝𑒰 𑒮𑒹𑒯𑒼 𑒮𑒼𑒗𑒰𑒿 𑒂𑒋𑒪 𑒁𑒕𑒱, 𑒖𑒹 𑒬𑒳𑒩𑒴 𑒦𑒹𑒪 𑒁𑒕𑒱 𑒮𑒹 𑒐𑒞𑒧 𑒯𑒼𑒋𑒞 𑒦𑒪𑒯𑒱 𑒍𑒏𑒩 𑒂𑒨𑒳 𑒥𑒹𑒬𑒲 𑒯𑒼।
𑒖𑒹𑒢𑒰 𑒫𑒩𑓂𑒔𑒳𑒁𑒪 𑒩𑒱𑒁𑒪𑒱𑒙𑒲 𑒫𑒰𑒮𑓂𑒞𑒫𑒱𑒏𑒞𑒰 𑒏𑒹𑒿 𑒏𑒵𑒞𑓂𑒩𑒱𑒧 𑒩𑒴𑒣𑒹𑒿 𑒮𑒼𑒗𑒰𑒿 𑒂𑒢𑒱 𑒔𑒹𑒞𑒢𑒰𑒏𑒹𑒿 𑒍𑒏𑒩𑒰 𑒮𑓀𑒑 𑒋𑒏𑒰𑒏𑒰𑒩 𑒏𑒩𑒻𑒞 𑒁𑒕𑒱 𑒞𑒯𑒱𑒢𑒰 𑒥𑒱𑒢𑒰 𑒞𑒲𑒢𑒮𑒿 𑒥𑒹𑒬𑒲 𑒥𑒲𑒧𑒏 𑒣𑒩𑒱𑒏𑒪𑓂𑒣𑒢𑒰𑒏 𑒯𑒧 𑒣𑓂𑒩𑒏𑒰𑒬𑒏 𑒑𑒞𑒱𑒮𑒿 𑒖𑒹 𑒮𑒱𑒢𑓂𑒡𑒳𑒒𑒰𑒙𑒲 𑒮𑒦𑓂𑒨𑒞𑒰𑒮𑒿 𑒔𑒪𑒲 𑒞𑒿 𑒞𑒃𑒨𑒼 𑒥𑓂𑒩𑒯𑓂𑒧𑒰𑒝𑓂𑒛𑒏 𑒣𑒰𑒩 𑒂𑒃 𑒡𑒩𑒱 𑒢𑒯𑒱 𑒣𑒯𑒳𑒿𑒔𑒱 𑒮𑒏𑒥।
𑒮𑒰𑒯𑒱𑒞𑓂𑒨𑒏 𑒮𑒧𑒏𑓂𑒭 𑒄 𑒮𑒦 𑒫𑒻𑒖𑓂𑒘𑒰𑒢𑒱𑒏 𑒂 𑒠𑒰𑒩𑓂𑒬𑒢𑒱𑒏 𑒞𑒟𑓂𑒨 𑒔𑒳𑒢𑒾𑒞𑒲𑒏 𑒩𑒴𑒣𑒧𑒹 𑒂𑒋𑒪 𑒁𑒕𑒱। 𑒯𑒼𑒪𑒱𑒮𑓂𑒙𑒱𑒏 𑒂𑒏𑒱 𑒮𑒧𑓂𑒣𑒴𑒩𑓂𑒝𑒞𑒰𑒏 𑒮𑒧𑒢𑓂𑒫𑒨 𑒏𑒩𑒋 𑒣𑒛𑓃𑒞 ! 𑒄 𑒠𑒩𑓂𑒬𑒢 𑒠𑒰𑒩𑓂𑒬𑒢𑒱𑒏 𑒮𑒿 𑒫𑒰𑒮𑓂𑒞𑒫𑒱𑒏 𑒞𑒐𑒢𑒹 𑒥𑒢𑒞।
𑒣𑒼𑒮𑓂𑒙𑒮𑓂𑒙𑓂𑒩𑒏𑓂𑒔𑒩𑒪 𑒧𑒹𑒟𑒼𑒛𑒼𑒪𑒼𑒖𑒲 𑒦𑒰𑒭𑒰𑒏 𑒁𑒩𑓂𑒟, 𑒬𑒥𑓂𑒠, 𑒞𑒏𑒩 𑒁𑒩𑓂𑒟, 𑒫𑓂𑒨𑒰𑒏𑒩𑒝𑒏 𑒢𑒱𑒁𑒧 𑒮𑒿 𑒢𑒯𑒱 𑒫𑒩𑒢𑓂 𑒁𑒩𑓂𑒟 𑒢𑒱𑒩𑓂𑒧𑒰𑒝 𑒣𑓂𑒩𑒏𑓂𑒩𑒱𑒨𑒰𑒮𑒿 𑒪𑒑𑒥𑒻𑒞 𑒁𑒕𑒱। 𑒮𑒦 𑒞𑒩𑒯𑒏 𑒫𑓂𑒨𑒏𑓂𑒞𑒱, 𑒮𑒧𑒴𑒯 𑒪𑒹𑒪 𑒄 𑒫𑒱𑒦𑒱𑒢𑓂𑒢 𑒁𑒩𑓂𑒟 𑒡𑒰𑒩𑒝 𑒏𑒩𑒻𑒞 𑒁𑒕𑒱। 𑒦𑒰𑒭𑒰 𑒂 𑒫𑒱𑒬𑓂𑒫𑒧𑒹 𑒏𑒼𑒢𑒼 𑒁𑒢𑓂𑒞𑒱𑒧 𑒮𑒧𑓂𑒥𑒢𑓂𑒡 𑒢𑒯𑒱 𑒯𑒼𑒃𑒞 𑒁𑒕𑒱। 𑒬𑒥𑓂𑒠 𑒂 𑒍𑒏𑒩 𑒣𑒰𑒚 𑒏𑒹𑒩 𑒁𑒢𑓂𑒞𑒱𑒧 𑒁𑒩𑓂𑒟 𑒫𑒰 𑒁𑒣𑒢 𑒫𑒱𑒬𑒱𑒭𑓂𑒙 𑒁𑒩𑓂𑒟 𑒢𑒯𑒱 𑒯𑒼𑒃𑒞 𑒁𑒕𑒱। 𑒂𑒡𑒳𑒢𑒱𑒏 𑒂 𑒅𑒞𑓂𑒞𑒩 𑒂𑒡𑒳𑒢𑒱𑒏 𑒞𑒩𑓂𑒏, 𑒫𑒰𑒮𑓂𑒞𑒫𑒱𑒏𑒞𑒰, 𑒮𑒧𑓂𑒫𑒰𑒠 𑒂 𑒫𑒱𑒔𑒰𑒩𑒏 𑒂𑒠𑒰𑒢-𑒣𑓂𑒩𑒠𑒰𑒢𑒮𑒿 𑒂𑒡𑒳𑒢𑒱𑒏𑒞𑒰𑒏 𑒖𑒢𑓂𑒧 𑒦𑒹𑒪 ।
𑒧𑒳𑒠𑒰 𑒤𑒹𑒩 𑒢𑒫-𑒫𑒰𑒧𑒣𑓀𑒟𑒲 𑒂𑒢𑓂𑒠𑒼𑒪𑒢 𑒤𑓂𑒩𑒰𑓀𑒮𑒧𑒹 𑒂𑒋𑒪 𑒂 𑒮𑒩𑓂𑒫𑒢𑒰𑒬𑒫𑒰𑒠 𑒂 𑒁𑒩𑒰𑒖𑒏𑒞𑒰𑒫𑒰𑒠 𑒂𑒢𑓂𑒠𑒼𑒪𑒢 𑒮𑒢 𑒫𑒱𑒔𑒰𑒩𑒡𑒰𑒩𑒰 𑒮𑒹𑒯𑒼 𑒂𑒋𑒪। 𑒄 𑒮𑒦 𑒂𑒡𑒳𑒢𑒱𑒏 𑒫𑒱𑒔𑒰𑒩-𑒣𑓂𑒩𑒏𑓂𑒩𑒱𑒨𑒰 𑒣𑓂𑒩𑒝𑒰𑒪𑒲 𑒍𑒏𑒩 𑒂𑒮𑓂𑒟𑒰-𑒁𑒫𑒡𑒰𑒩𑒝𑒰𑒮𑒿 𑒥𑒯𑒰𑒩 𑒦𑒹𑒪 𑒁𑒫𑒱𑒬𑓂𑒫𑒰𑒮𑒣𑒩 𑒂𑒡𑒰𑒩𑒱𑒞 𑒕𑒪। 𑒣𑒰𑒚𑒧𑒹 𑒢𑒳𑒏𑒰𑒋𑒪 𑒁𑒩𑓂𑒟𑒏 𑒮𑓂𑒟𑒰𑒢-𑒏𑒰𑒪 𑒮𑓀𑒠𑒩𑓂𑒦𑒏 𑒣𑒩𑒱𑒣𑓂𑒩𑒹𑒏𑓂𑒭𑓂𑒨𑒧𑒹 𑒫𑓂𑒨𑒰𑒐𑓂𑒨𑒰 𑒬𑒳𑒩𑒴 𑒦𑒹𑒪 𑒂 𑒦𑒰𑒭𑒰𑒏𑒹𑒿 𑒐𑒹𑒪𑒏 𑒧𑒰𑒡𑓂𑒨𑒧 𑒥𑒢𑒰𑒍𑒪 𑒑𑒹𑒪- 𑒪𑓀𑒑𑒳𑒋𑒖 𑒑𑒹𑒧। 𑒂 𑒋𑒯𑒱 𑒮𑒦 𑒮𑒞𑓂𑒞𑒰𑒏 𑒂 𑒫𑒻𑒡𑒞𑒰 𑒂 𑒍𑒏𑒩 𑒮𑓂𑒞𑒩𑒲𑒏𑒩𑒝𑒏 𑒂𑒪𑒼𑒔𑒢𑒰𑒏 𑒩𑒴𑒣𑒧𑒹 𑒂𑒋𑒪 𑒣𑒼𑒮𑓂𑒙𑒧𑒰𑒛𑒩𑓂𑒢𑒱𑒖𑓂𑒧।
𑒏𑓀𑒣𑓂𑒨𑒳𑒙𑒩 𑒂 𑒮𑒴𑒔𑒢𑒰 𑒏𑓂𑒩𑒰𑒢𑓂𑒞𑒱 𑒖𑒰𑒯𑒱𑒧𑒹 𑒏𑒼𑒢𑒼 𑒞𑓀𑒞𑓂𑒩𑒰𑓀𑒬𑒏 𑒢𑒱𑒩𑓂𑒧𑒰𑒞𑒰 𑒍𑒏𑒩 𑒢𑒱𑒩𑓂𑒧𑒰𑒝 𑒏𑒋 𑒍𑒏𑒩𑒰 𑒫𑒱𑒬𑓂𑒫𑒫𑓂𑒨𑒰𑒣𑒲 𑒁𑒢𑓂𑒞𑒩𑓂𑒖𑒰𑒪𑒣𑒩 𑒩𑒰𑒐𑒱 𑒠𑒻𑒞 𑒕𑒟𑒱 𑒂 𑒍 𑒞𑓀𑒞𑓂𑒩𑒰𑓀𑒬 𑒁𑒣𑒢 𑒢𑒱𑒩𑓂𑒧𑒰𑒞𑒰𑒮𑒿 𑒮𑓂𑒫𑒞𑓀𑒞𑓂𑒩 𑒁𑒣𑒢 𑒏𑒰𑒖 𑒏𑒩𑒻𑒞 𑒩𑒯𑒻𑒞 𑒁𑒕𑒱, 𑒏𑒱𑒕𑒳 𑒍𑒯𑒢𑒼 𑒏𑒰𑒩𑓂𑒨 𑒖𑒹 𑒋𑒏𑒩 𑒢𑒱𑒩𑓂𑒧𑒰𑒞𑒰 𑒍𑒏𑒩𑒰 𑒪𑒹𑒪 𑒢𑒱𑒩𑓂𑒧𑒱𑒞 𑒢𑒯𑒱 𑒏𑒋𑒢𑒹 𑒕𑒟𑒱। 𑒂 𑒏𑒱𑒕𑒳 𑒯𑒮𑓂𑒞𑒏𑓂𑒭𑒹𑒣-𑒞𑓀𑒞𑓂𑒩𑒰𑓀𑒬 𑒖𑒹𑒢𑒰 𑒫𑒰𑒨𑒩𑒮, 𑒋𑒏𑒩𑒰 𑒧𑒰𑒩𑓂𑒑𑒮𑒿 𑒯𑒙𑒰𑒥𑒻𑒞 𑒁𑒕𑒱, 𑒫𑒱𑒡𑓂𑒫𑓀𑒮𑒏 𑒥𑒢𑒥𑒻𑒞 𑒁𑒕𑒱 𑒞𑒿 𑒋𑒯𑒱 𑒫𑒰𑒨𑒩𑒮𑒏 𑒋𑓀𑒙𑒲 𑒫𑒰𑒨𑒩𑒮 𑒮𑒹𑒯𑒼 𑒋𑒏𑒙𑒰 𑒞𑓀𑒞𑓂𑒩𑒰𑓀𑒬 𑒁𑒕𑒱, 𑒖𑒹 𑒍𑒏𑒩𑒰 𑒚𑒲𑒏 𑒏𑒩𑒻𑒞 𑒁𑒕𑒱 𑒂 𑒖𑒹 𑒍𑒏𑒩𑒼 𑒮𑒿 𑒚𑒲𑒏 𑒢𑒯𑒱 𑒯𑒼𑒃𑒞 𑒁𑒕𑒱 𑒞𑒐𑒢 𑒏𑒧𑓂𑒣𑓂𑒨𑒳𑒙𑒩𑒏 𑒥𑒻𑒏𑒣 𑒪𑒋 𑒍𑒏𑒩𑒰 𑒤𑒰𑒩𑓂𑒧𑒹𑒙 𑒏𑒋 𑒠𑒹𑒪 𑒖𑒰𑒃𑒞 𑒁𑒕𑒱- 𑒏𑓂𑒪𑒲𑒢 𑒮𑓂𑒪𑒹𑒙 !

𑒣𑒴𑒿𑒖𑒲𑒫𑒰𑒠𑒏 𑒖𑒢𑒧 𑒦𑒹𑒪 𑒎𑒠𑓂𑒨𑒼𑒑𑒱𑒏 𑒏𑓂𑒩𑒰𑒢𑓂𑒞𑒱𑒮𑒿 𑒂 𑒂𑒥 𑒣𑒼𑒮𑓂𑒙 𑒃𑒢𑓂𑒛𑒮𑓂𑒙𑓂𑒩𑒱𑒨𑒪 𑒮𑒧𑒰𑒖𑒧𑒹 𑒅𑒞𑓂𑒣𑒰𑒠𑒢𑒏 𑒥𑒠𑒪𑒰 𑒮𑒴𑒔𑒢𑒰 𑒂 𑒮𑓀𑒔𑒰𑒩𑒏 𑒧𑒯𑒞𑓂𑒫 𑒥𑒜𑓃𑒱 𑒑𑒹𑒪 𑒁𑒕𑒱, 𑒮𑓀𑒑𑒝𑒏𑒏 𑒦𑒴𑒧𑒱𑒏𑒰 𑒮𑒧𑒰𑒖𑒧𑒹 𑒥𑒜𑓃𑒱 𑒑𑒹𑒪 𑒁𑒕𑒱। 𑒧𑒼𑒥𑒰𑒃𑒪, 𑒏𑓂𑒩𑒹𑒛𑒱𑒙-𑒏𑒰𑒩𑓂𑒛 𑒂 𑒮𑒦 𑒋𑒯𑒢 𑒫𑒮𑓂𑒞𑒳 𑒔𑒱𑒣𑓂𑒮 𑒂𑒡𑒰𑒩𑒱𑒞 𑒁𑒕𑒱। 𑒛𑒲 𑒏𑒢𑓂𑒮𑒙𑓂𑒩𑒏𑓂𑒬𑒢 𑒂 𑒩𑒲 𑒏𑒢𑓂𑒮𑒙𑓂𑒩𑒏𑓂𑒬𑒢 𑒫𑒱𑒔𑒰𑒩 𑒩𑒔𑒢𑒰 𑒣𑓂𑒩𑒏𑓂𑒩𑒱𑒨𑒰𑒏 𑒣𑒳𑒢𑒩𑓂𑒑𑒚𑒢 𑒏𑒹𑒿 𑒠𑒹𑒐𑒥𑒻𑒞 𑒁𑒕𑒱 𑒖𑒹 𑒅𑒞𑓂𑒞𑒩 𑒎𑒠𑓂𑒨𑒼𑒑𑒱𑒏 𑒏𑒰𑒪𑒧𑒹 𑒔𑒹𑒞𑒢𑒰𑒏 𑒢𑒱𑒩𑓂𑒧𑒰𑒝 𑒢𑒫 𑒩𑒴𑒣𑒧𑒹 𑒦𑓄 𑒩𑒯𑒪 𑒁𑒕𑒱। 𑒃𑒞𑒱𑒯𑒰𑒮 𑒞𑒿 𑒢𑒯𑒱 𑒧𑒳𑒠𑒰 𑒣𑒩𑒧𑓂𑒣𑒩𑒰𑒑𑒞 𑒃𑒞𑒱𑒯𑒰𑒮𑒏 𑒁𑒢𑓂𑒞 𑒦𑓄 𑒑𑒹𑒪 𑒁𑒕𑒱। 𑒩𑒰𑒖𑓂𑒨, 𑒫𑒩𑓂𑒑, 𑒩𑒰𑒭𑓂𑒙𑓂𑒩, 𑒠𑒪, 𑒮𑒧𑒰𑒖, 𑒣𑒩𑒱𑒫𑒰𑒩, 𑒢𑒻𑒞𑒱𑒏𑒞𑒰, 𑒫𑒱𑒫𑒰𑒯 𑒮𑒦 𑒤𑒹𑒩𑒮𑒿 𑒣𑒩𑒱𑒦𑒰𑒭𑒱𑒞 𑒏𑒋𑒪 𑒖𑒰 𑒩𑒯𑒪 𑒁𑒕𑒱। 𑒧𑒰𑒩𑒞𑒹 𑒩𑒰𑒮 𑒣𑒩𑒱𑒫𑒩𑓂𑒞𑒢𑒏 𑒣𑒩𑒱𑒝𑒰𑒧𑒮𑒿, 𑒫𑒱𑒐𑓀𑒛𑒱𑒞 𑒦𑒋 𑒮𑒢𑓂𑒠𑒩𑓂𑒦𑒯𑒲𑒢 𑒦𑓄 𑒑𑒹𑒪 𑒁𑒕𑒱 𑒏𑒞𑒹𑒏 𑒮𑓀𑒮𑓂𑒟𑒰।
𑒃𑒢𑓂𑒤𑒰𑒩𑒧𑒹𑒬𑒢 𑒮𑒼𑒮𑒰𑒃𑒙𑒲 𑒏𑒱𑓀𑒫𑒰 𑒮𑒴𑒔𑒢𑒰-𑒂𑒡𑒰𑒩𑒱𑒞-𑒮𑒧𑒰𑒖 𑒋𑒏𑒙𑒰 𑒍𑒯𑒹𑒢 𑒮𑒧𑒰𑒖 𑒁𑒕𑒱 𑒖𑒰𑒯𑒱𑒧𑒹 𑒮𑒴𑒔𑒢𑒰𑒏 𑒢𑒱𑒩𑓂𑒧𑒰𑒝, 𑒫𑒱𑒞𑒩𑒝, 𑒣𑓂𑒩𑒮𑒰𑒩, 𑒅𑒣𑒨𑒼𑒑, 𑒋𑒏𑒲𑒏𑒩𑒝 𑒂 𑒮𑓀𑒬𑒼𑒡𑒢, 𑒋𑒏𑒙𑒰 𑒧𑒯𑒞𑓂𑒞𑓂𑒫𑒣𑒴𑒩𑓂𑒝 𑒂𑒩𑓂𑒟𑒱𑒏, 𑒩𑒰𑒖𑒢𑒲𑒞𑒱𑒏 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒏𑓂𑒩𑒱𑒨𑒰 𑒯𑒼𑒃𑒞 𑒁𑒕𑒱। 𑒂 𑒋𑒯𑒱 𑒮𑒧𑒰𑒖𑒏 𑒦𑒰𑒑 𑒯𑒼𑒋𑒥𑒰𑒧𑒹 𑒮𑒧𑒩𑓂𑒟 𑒪𑒼𑒏 𑒁𑓀𑒏𑒲𑒨 𑒫𑒰 𑒛𑒱𑒖𑒱𑒙𑒪 𑒢𑒰𑒑𑒩𑒱𑒏 𑒏𑒯𑒪 𑒖𑒰𑒃𑒞 𑒕𑒟𑒱। 𑒋𑒯𑒱 𑒅𑒞𑓂𑒞𑒩 𑒎𑒠𑓂𑒨𑒼𑒑𑒱𑒏 𑒮𑒧𑒰𑒖𑒧𑒹 𑒮𑒴𑒔𑒢𑒰-𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒅𑒞𑓂𑒣𑒰𑒠𑒢, 𑒁𑒩𑓂𑒟𑒫𑓂𑒨𑒫𑒮𑓂𑒟𑒰 𑒂 𑒮𑒧𑒰𑒖𑒏𑒹𑒿 𑒢𑒱𑒩𑓂𑒡𑒰𑒩𑒱𑒞 𑒏𑒩𑒻𑒞 𑒁𑒕𑒱। 𑒅𑒞𑓂𑒞𑒩-𑒂𑒡𑒳𑒢𑒱𑒏 𑒮𑒧𑒰𑒖, 𑒅𑒞𑓂𑒞𑒩 𑒎𑒠𑓂𑒨𑒼𑒑𑒱𑒏 𑒮𑒧𑒰𑒖 𑒂𑒠𑒱 𑒮𑓀𑒏𑒪𑓂𑒣𑒢𑒰 𑒮𑒿 𑒄 𑒢𑒱𑒏𑒙 𑒁𑒕𑒱। 𑒁𑒩𑓂𑒟𑒬𑒰𑒮𑓂𑒞𑓂𑒩𑒲 𑒤𑓂𑒩𑒱𑒙𑓂𑒖 𑒧𑒻𑒔𑒪𑒣 𑒋𑒏𑒩 𑒮𑓀𑒏𑒪𑓂𑒣𑒢𑒰 𑒠𑒹𑒢𑒹 𑒕𑒪𑒰𑒯। 𑒯𑒳𑒢𑒏𑒩 𑒖𑓂𑒘𑒰𑒢-𑒅𑒠𑓂𑒨𑒼𑒑𑒏 𑒡𑒰𑒩𑒝𑒰 𑒬𑒱𑒏𑓂𑒭𑒰, 𑒬𑒼𑒡 𑒂 𑒫𑒱𑒏𑒰𑒮, 𑒧𑒲𑒛𑒱𑒂, 𑒮𑒴𑒔𑒢𑒰 𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒂 𑒮𑒴𑒔𑒢𑒰 𑒮𑒹𑒫𑒰𑒏 𑒣𑒰𑒿𑒔𑒙𑒰 𑒁𑓀𑒑𑒣𑒩 𑒂𑒡𑒰𑒩𑒱𑒞 𑒕𑒪। 𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒂 𑒮𑒴𑒔𑒢𑒰𑒏 𑒮𑒧𑒰𑒖𑒣𑒩 𑒦𑒹𑒪 𑒣𑓂𑒩𑒦𑒰𑒫 𑒋𑒞𑒋 𑒠𑒩𑓂𑒬𑒱𑒞 𑒯𑒼𑒃𑒞 𑒁𑒕𑒱। 𑒁𑓀𑒏𑒲𑒨 𑒫𑒰 𑒛𑒱𑒖𑒱𑒙𑒪 𑒫𑒱𑒦𑒰𑒖𑒢 𑒋𑒏𑒙𑒰 𑒖𑓂𑒘𑒰𑒢𑒏 𑒫𑒱𑒦𑒰𑒖𑒢, 𑒮𑒰𑒧𑒰𑒖𑒱𑒏 𑒫𑒱𑒦𑒰𑒖𑒢 𑒂 𑒂𑒩𑓂𑒟𑒱𑒏 𑒫𑒱𑒦𑒰𑒖𑒢 𑒠𑒹𑒐𑒥𑒻𑒞 𑒁𑒕𑒱 𑒂 𑒥𑒱𑒢𑒰 𑒦𑒹𑒠𑒦𑒰𑒫𑒏 𑒋𑒏𑒙𑒰 𑒮𑒴𑒔𑒢𑒰 𑒮𑒧𑒰𑒖𑒏 𑒢𑒱𑒩𑓂𑒧𑒰𑒝 𑒂𑒫𑒬𑓂𑒨𑒏𑒞𑒰 𑒠𑒹𑒐𑒰𑒥𑒻𑒞 𑒁𑒕𑒱 𑒖𑒰𑒯𑒱𑒮𑒿 𑒮𑒴𑒔𑒢𑒰 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒣𑒩 𑒫𑒱𑒏𑒰𑒮𑒬𑒲𑒪 𑒠𑒹𑒬𑒧𑒹 𑒮𑒰𑒩𑓂𑒫𑒦𑒾𑒧 𑒁𑒡𑒱𑒏𑒰𑒩 𑒩𑒯𑒋। 𑒧𑒰𑒢𑒫𑒰𑒡𑒱𑒏𑒰𑒩 𑒂 𑒮𑒴𑒔𑒢𑒰 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒏 𑒧𑒡𑓂𑒨 𑒫𑓂𑒨𑒏𑓂𑒞𑒱𑒏 𑒋𑒏𑒰𑒢𑓂𑒞𑒏 𑒁𑒡𑒱𑒏𑒰𑒩 𑒮𑒹𑒯𑒼 𑒮𑒰𑒧𑓂𑒧𑒱𑒪𑒱𑒞 𑒁𑒕𑒱। 𑒫𑒱𑒠𑓂𑒫𑒰𑒢, 𑒧𑒰𑒢𑒫𑒰𑒡𑒱𑒏𑒰𑒩 𑒏𑒰𑒩𑓂𑒨𑒏𑒩𑓂𑒞𑒰 𑒂 𑒂𑒢 𑒮𑒦 𑒫𑓂𑒨𑒏𑓂𑒞𑒱𑒏 𑒁𑒦𑒱𑒫𑓂𑒨𑒏𑓂𑒞𑒱𑒏 𑒮𑓂𑒫𑒞𑓀𑒞𑓂𑒩𑒞𑒰, 𑒮𑒴𑒔𑒢𑒰𑒏 𑒁𑒡𑒱𑒏𑒰𑒩, 𑒋𑒏𑒰𑒢𑓂𑒞, 𑒦𑒹𑒠𑒦𑒰𑒫, 𑒮𑓂𑒞𑓂𑒩𑒲-𑒮𑒧𑒰𑒢𑒞𑒰, 𑒣𑓂𑒩𑒖𑓂𑒘𑒰𑒞𑓂𑒧𑒏 𑒮𑓀𑒣𑒞𑓂𑒞𑒱, 𑒩𑒰𑒖𑒢𑒲𑒞𑒱𑒏 𑒦𑒰𑒑𑒲𑒠𑒰𑒩𑒲 𑒂 𑒮𑓀𑒑𑒚𑒢𑒏 𑒧𑒹𑒪𑒏 𑒮𑓀𑒠𑒩𑓂𑒦𑒧𑒹 𑒮𑒴𑒔𑒢𑒰 𑒂 𑒖𑒢𑒮𑓀𑒔𑒰𑒩 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒏 𑒮𑒢𑓂𑒠𑒩𑓂𑒦𑒧𑒹 𑒋𑒯𑒱 𑒑𑒣𑒣𑒩 𑒔𑒩𑒔𑒰 𑒬𑒳𑒩𑒴 𑒦𑒹𑒪 𑒁𑒕𑒱 𑒖𑒹 𑒮𑒴𑒔𑒢𑒰 𑒮𑒧𑒰𑒖 𑒧𑒰𑒢𑒫𑒰𑒡𑒱𑒏𑒰𑒩𑒏𑒹𑒿 𑒥𑒪 𑒠𑒹𑒞 𑒂𑒏𑒱 𑒍𑒏𑒩𑒰 𑒯𑒰𑒢𑒱 𑒣𑒯𑒳𑒿𑒔𑒰𑒍𑒞। 𑒂𑒢𑒪𑒰𑒃𑒢 𑒣𑒞𑓂𑒩𑒰𑒔𑒰𑒩𑒏 𑒑𑒼𑒣𑒢𑒲𑒨𑒞𑒰𑒏 𑒁𑒡𑒱𑒏𑒰𑒩, 𑒁𑒢𑓂𑒞𑒩𑓂𑒖𑒰𑒪𑒏 𑒮𑒰𑒧𑒑𑓂𑒩𑒲𑒏 𑒮𑒰𑓀𑒮𑓂𑒏𑒵𑒞𑒱𑒏 𑒂 𑒦𑒰𑒭𑒰𑒨𑒲 𑒫𑒱𑒫𑒱𑒡𑒞𑒰 𑒂 𑒧𑒲𑒛𑒱𑒨𑒰 𑒬𑒱𑒏𑓂𑒭𑒰। 𑒮𑒴𑒔𑒢𑒰 𑒮𑒧𑒰𑒖𑒏 𑒞𑒏𑒢𑒲𑒏𑒲 𑒁𑒍𑒖𑒰𑒩 𑒍𑒏𑒩 𑒁𑒡𑒱𑒏𑒰𑒩 𑒂 𑒮𑓂𑒫𑒞𑓀𑒞𑓂𑒩𑒞𑒰𑒮𑒿 𑒪𑒰𑒦𑒰𑒢𑓂𑒫𑒱𑒞 𑒯𑒼𑒃𑒞 𑒁𑒕𑒱 𑒂 𑒮𑒧𑒰𑒖𑒏 𑒮𑒧𑒑𑓂𑒩 𑒫𑒱𑒏𑒰𑒮, 𑒁𑒡𑒱𑒏𑒰𑒩 𑒂 𑒮𑓂𑒫𑒞𑓀𑒞𑓂𑒩𑒞𑒰𑒏 𑒮𑒰𑒩𑓂𑒫𑒦𑒾𑒧𑒞𑒰, 𑒁𑒡𑒱𑒏𑒰𑒩𑒏 𑒂𑒣𑒮𑒲 𑒧𑒞𑒦𑒱𑒢𑓂𑒢𑒞𑒰, 𑒮𑓂𑒫𑒞𑓀𑒞𑓂𑒩𑒞𑒰 𑒂 𑒧𑒴𑒪𑓂𑒨 𑒢𑒱𑒩𑒴𑒣𑒝𑒧𑒹 𑒮𑒯𑒦𑒰𑒑𑒲 𑒯𑒼𑒃𑒞 𑒁𑒕𑒱। 𑒋𑒯𑒱𑒮𑒿 𑒮𑒴𑒔𑒢𑒰, 𑒖𑓂𑒘𑒰𑒢 𑒂 𑒮𑓀𑒮𑓂𑒏𑒵𑒞𑒱𑒧𑒹 𑒮𑒩𑒪 𑒣𑒃𑒚𑒏 𑒫𑒰𑒞𑒰𑒫𑒩𑒝 𑒥𑒢𑒻𑒞 𑒁𑒕𑒱 𑒂 𑒄 𑒅𑒣𑒨𑒼𑒑𑒏𑒩𑓂𑒞𑒰𑒏𑒹𑒿 𑒫𑒻𑒬𑓂𑒫𑒱𑒏 𑒮𑒴𑒔𑒢𑒰 𑒮𑒧𑒰𑒖𑒏 𑒁𑒦𑒱𑒢𑒹𑒞𑒰𑒏 𑒩𑒴𑒣𑒧𑒹 𑒣𑒩𑒱𑒝𑒞 𑒏𑒩𑒻𑒞 𑒁𑒕𑒱। 𑒏𑒰𑒩𑒝 𑒄 𑒅𑒣𑒨𑒼𑒑𑒏𑒩𑓂𑒞𑒰𑒏𑒹𑒿 𑒣𑒯𑒱𑒢𑒹𑒮𑒿 𑒥𑒹𑒬𑒲 𑒁𑒦𑒱𑒫𑓂𑒨𑒏𑓂𑒞𑒱𑒏 𑒮𑓂𑒫𑒞𑓀𑒞𑓂𑒩𑒞𑒰 𑒂 𑒢𑒫 𑒮𑒰𑒧𑒑𑓂𑒩𑒲 𑒂 𑒢𑒫 𑒮𑒰𑒧𑒰𑒖𑒱𑒏 𑒢𑓂𑒞𑒩𑓂𑒖𑒰𑒪-𑒞𑓀𑒞𑓂𑒩 𑒢𑒱𑒩𑓂𑒧𑒰𑒝 𑒏𑒩𑒥𑒰𑒏 𑒮𑒰𑒧𑒩𑓂𑒟𑓂𑒨 𑒠𑒻𑒞 𑒁𑒕𑒱। 𑒋𑒯𑒱𑒮𑒿 𑒋𑒏𑒙𑒰 𑒢𑒫 𑒫𑒱𑒡𑒱, 𑒂𑒩𑓂𑒟𑒱𑒏 𑒂 𑒮𑒰𑒧𑒰𑒖𑒱𑒏 𑒧𑒰𑒛𑒹𑒪𑒏 𑒂𑒫𑒬𑓂𑒨𑒏𑒞𑒰 𑒮𑒹𑒯𑒼 𑒁𑒢𑒴𑒦𑒴𑒞 𑒏𑒋𑒪 𑒖𑒰 𑒩𑒯𑒪 𑒁𑒕𑒱 𑒖𑒰𑒯𑒱 𑒧𑒹 𑒮𑒰𑒗𑒲 𑒏𑒩𑓂𑒞𑒫𑓂𑒨, 𑒖𑓂𑒘𑒰𑒢 𑒂 𑒮𑒧𑒗 𑒂𑒡𑒰𑒩 𑒥𑒢𑒞। 𑒥𑒔𑓂𑒔𑒰𑒏 𑒯𑒱𑒞 𑒋𑒏𑒙𑒰 𑒂𑒩 𑒔𑒱𑒢𑓂𑒞𑒰 𑒁𑒕𑒱 𑒖𑒹 𑒣𑒻𑒒𑒏 𑒯𑒱𑒞𑒮𑒿 𑒮𑒩𑓂𑒫𑒠𑒰 𑒆𑒣𑒩 𑒩𑒐𑒥𑒰𑒏 𑒔𑒰𑒯𑒲। 𑒂𑒡𑒳𑒢𑒱𑒏 𑒮𑒧𑒰𑒖𑒏 𑒂𑒩𑓂𑒟𑒱𑒏, 𑒮𑒰𑒧𑒰𑒖𑒱𑒏 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒡𑒢𑒏 𑒋𑒏𑒞𑓂𑒩 𑒏𑒩𑒥𑒰𑒏 𑒣𑓂𑒩𑒫𑒵𑒞𑓂𑒞𑒱 𑒮𑒴𑒔𑒢𑒰 𑒮𑒧𑒰𑒖𑒧𑒹 𑒥𑒜𑓃𑒪 𑒁𑒕𑒱 𑒂 𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒋𑒏𑒙𑒰 𑒂𑒡𑒰𑒩𑒦𑒴𑒞 𑒥𑒹𑒩𑒼𑒖𑒑𑒰𑒩𑒲 𑒁𑒢𑒪𑒏 𑒁𑒕𑒱। 𑒑𑒩𑒲𑒥𑒲, 𑒧𑒖𑒠𑒴𑒩𑒏 𑒁𑒡𑒱𑒏𑒰𑒩 𑒂 𑒏𑒪𑓂𑒨𑒰𑒝𑒏𑒰𑒩𑒲 𑒩𑒰𑒖𑓂𑒨𑒏 𑒮𑓀𑒏𑒪𑓂𑒣𑒢𑒰 𑒪𑒰𑒦-𑒯𑒰𑒢𑒱𑒏 𑒂𑒑𑒰𑒿 𑒏𑒞𑒯𑒳 𑒣𑒰𑒕𑒰𑒿 𑒕𑒴𑒙𑒪 𑒖𑒰 𑒩𑒯𑒪 𑒁𑒕𑒱। 𑒂𑒥 𑒧𑒰𑒞𑓂𑒩 𑒏𑒱𑒕𑒳𑒋 𑒁𑒦𑒱𑒢𑒹𑒞𑒰 𑒔𑒰𑒯𑒲, 𑒣𑓂𑒩𑒏𑒰𑒬𑒏 𑒪𑒼𑒏𑒢𑒱 𑒮𑒹𑒯𑒼 𑒧𑒰𑒞𑓂𑒩 𑒏𑒱𑒕𑒳 𑒥𑒹𑒬𑒲 𑒥𑒱𑒏𑒋𑒥𑒪𑒰 𑒣𑒼𑒟𑒲𑒏 𑒪𑒹𑒐𑒏𑒏 𑒣𑓂𑒩𑒔𑒰𑒩 𑒏𑒩𑒻𑒞 𑒕𑒟𑒱। 𑒨𑒻𑒯 𑒮𑓂𑒟𑒱𑒞𑒱 𑒩𑓀𑒑𑒧𑓀𑒔, 𑒣𑒹𑓀𑒙𑒱𑓀𑒑 , 𑒮𑒱𑒢𑒹𑒧𑒰 𑒂 𑒂𑒢-𑒂𑒢 𑒏𑓂𑒭𑒹𑒞𑓂𑒩𑒧𑒹 𑒮𑒹𑒯𑒼 𑒠𑒵𑒭𑓂𑒙𑒱𑒑𑒼𑒔𑒩 𑒦𑓄 𑒩𑒯𑒪 𑒁𑒕𑒱। 𑒧𑒳𑒠𑒰 𑒮𑒴𑒔𑒢𑒰 𑒮𑒩𑓂𑒫𑒠𑒰 𑒪𑒰𑒦𑒏𑒰𑒩𑒲 𑒢𑒯𑒱 𑒯𑒼𑒃𑒞 𑒁𑒕𑒱। 𑒄 𑒧𑒰𑒞𑓂𑒩 𑒏𑒪𑒰, 𑒑𑓂𑒩𑓀𑒟 𑒡𑒩𑒱 𑒮𑒲𑒧𑒱𑒞 𑒢𑒯𑒱 𑒁𑒕𑒱 𑒫𑒩𑒢 𑒮𑒙𑓂𑒙𑒰 𑒥𑒰𑒖𑒰𑒩 𑒂 𑒣𑓂𑒩𑒰𑒨𑒼𑒖𑒱𑒞 𑒮𑒩𑓂𑒫𑒹𑒏𑓂𑒭𑒝 𑒩𑒣𑒙 𑒮𑒹𑒯𑒼 𑒋𑒯𑒱𑒧𑒹 𑒮𑒧𑓂𑒧𑒱𑒪𑒱𑒞 𑒁𑒕𑒱। 𑒮𑒧𑒨 𑒂 𑒮𑓂𑒟𑒰𑒢𑒏 𑒥𑒲𑒔𑒏 𑒠𑒴𑒩𑒲𑒏𑒹𑒿 𑒄 𑒏𑒧 𑒏𑒩𑒻𑒞 𑒁𑒕𑒱 𑒂 𑒠𑒳𑒢𑒴𑒏 𑒥𑒲𑒔𑒧𑒹 𑒋𑒏𑒙𑒰 𑒮𑒢𑓂𑒞𑒳𑒪𑒢 𑒥𑒢𑒥𑒻𑒞 𑒁𑒕𑒱। 𑒧𑒰𑒢𑒫𑒏 𑒑𑒩𑒱𑒧𑒰 𑒧𑒰𑒢𑒫𑒏 𑒖𑒢𑓂𑒧 𑒂𑒡𑒰𑒩𑒱𑒞 𑒮𑒰𑒧𑒰𑒖𑒱𑒏 𑒮𑓂𑒟𑒰𑒢𑒮𑒿 𑒯𑒙𑒱 𑒏𑓄 𑒧𑒰𑒢𑒫𑒏 𑒑𑒩𑒱𑒧𑒰𑒏 𑒁𑒡𑒱𑒏𑒰𑒩𑒣𑒩 𑒥𑒪 𑒠𑒻𑒞 𑒁𑒕𑒱। 𑒧𑒳𑒏𑓂𑒞𑒱 𑒂 𑒮𑓂𑒞𑓂𑒩𑒲-𑒧𑒳𑒏𑓂𑒞𑒱 𑒂𑒢𑓂𑒠𑒼𑒪𑒢 𑒋𑒯𑒱 𑒠𑒱𑒬𑒰𑒏 𑒣𑓂𑒩𑒨𑒰𑒮 𑒁𑒕𑒱। 𑒠𑒳𑒢𑒴 𑒫𑒱𑒬𑓂𑒫𑒨𑒳𑒠𑓂𑒡 𑒂 𑒤𑒰𑒮𑒱𑒖𑓂𑒧𑒏 𑒔𑒳𑒢𑒾𑒞𑒲𑒏 𑒥𑒰𑒠 𑓑𑓐 𑒠𑒱𑒮𑒧𑓂𑒥𑒩 𑓑𑓙𑓔𑓘 𑒏𑒹𑒿 𑒮𑓀𑒨𑒳𑒏𑓂𑒞 𑒩𑒰𑒭𑓂𑒙𑓂𑒩𑒮𑓀𑒒𑒏 𑒧𑒯𑒰𑒮𑒦𑒰 𑒠𑓂𑒫𑒰𑒩𑒰 𑒧𑒰𑒢𑒫𑒰𑒡𑒱𑒏𑒰𑒩𑒏 𑒮𑒰𑒩𑓂𑒫𑒦𑒾𑒧 𑒒𑒼𑒭𑒝𑒰𑒏 𑒅𑒠𑓂𑒒𑒼𑒭𑒝𑒰 𑒏𑒋𑒪 𑒑𑒹𑒪 𑒂 𑒋𑒏𑒩𑒰 𑒁𑓀𑒑𑒲𑒏𑒰𑒩 𑒏𑒋𑒪 𑒑𑒹𑒪। 𑒄 𑒒𑒼𑒭𑒝𑒰 𑒩𑒰𑒖𑒢𑒲𑒞𑒱𑒏, 𑒂𑒩𑓂𑒟𑒱𑒏, 𑒮𑒰𑓀𑒮𑓂𑒏𑒵𑒞𑒱𑒏 𑒂 𑒡𑒰𑒩𑓂𑒧𑒱𑒏 𑒦𑒹𑒠𑒦𑒰𑒫𑒩𑒯𑒱𑒞 𑒋𑒏𑒙𑒰 𑒮𑒰𑒧𑒰𑒢𑓂𑒨 𑒧𑒰𑒢𑒠𑒝𑓂𑒛 𑒣𑓂𑒩𑒮𑓂𑒞𑒳𑒞 𑒏𑒩𑒻𑒞 𑒁𑒕𑒱 𑒖𑒹 𑒮𑒦 𑒖𑒢-𑒮𑒧𑒰𑒖 𑒂 𑒮𑒦 𑒩𑒰𑒭𑓂𑒙𑓂𑒩 𑒪𑒹𑒪 𑒁𑒕𑒱। 𑒮𑒴𑒔𑒢𑒰𑒏 𑒮𑓂𑒫𑒞𑓀𑒞𑓂𑒩 𑒅𑒣𑒨𑒼𑒑 𑒮𑒲𑒧𑒱𑒞 𑒁𑒕𑒱, 𑒪𑒼𑒏𑒏 𑒋𑒏𑒰𑒢𑓂𑒞 𑒐𑒞𑒧 𑒦𑓄 𑒩𑒯𑒪 𑒁𑒕𑒱। 𑒥𑒱𑒪 𑒑𑒹𑒙𑓂𑒮𑒮𑒿 𑒖𑒐𑒢 𑒯𑒳𑒢𑒏𑒩 𑒦𑒰𑒩𑒞 𑒨𑒰𑒞𑓂𑒩𑒰𑒏 𑒏𑓂𑒩𑒧𑒧𑒹 𑒣𑒴𑒕𑒪 𑒑𑒹𑒪 𑒕𑒪𑒢𑓂𑒯𑒱 𑒖𑒹 𑒧𑒰𑒃𑒏𑓂𑒩𑒼𑒮𑒰𑒤𑓂𑒙𑒏 𑒋𑒏𑓂𑒮-𑒥𑒰𑒏𑓂𑒮 𑒦𑒰𑒩𑒞𑒧𑒹 𑒣𑒰𑒃𑒩𑒹𑒮𑒲𑒏 𑒛𑒩𑒮𑒿 𑒠𑒹𑒩𑒲𑒮𑒿 𑒅𑒞𑒰𑒩𑒪 𑒑𑒹𑒪 𑒞𑒿 𑒍 𑒏𑒯𑒢𑒹 𑒩𑒯𑒟𑒱 𑒖𑒹 𑒧𑒰𑒃𑒏𑓂𑒩𑒼𑒮𑒰𑒤𑓂𑒙 𑒏𑒯𑒱𑒨𑒼 𑒏𑒼𑒢𑒼 𑒅𑒞𑓂𑒣𑒰𑒠 𑒣𑒰𑒃𑒩𑒹𑒮𑒲𑒏 𑒛𑒩𑒮𑒿 𑒠𑒹𑒩𑒲𑒮𑒿 𑒢𑒯𑒱 𑒂𑒢𑒪𑒏। 𑒮𑓂𑒣𑒻𑒧 𑒂 𑒣𑒰𑒃𑒩𑒹𑒮𑒲𑒏 𑒛𑒩 𑒐𑒞𑒧 𑒯𑒼𑒋𑒥𑒰𑒏 𑒔𑒰𑒯𑒲। 𑒮𑒴𑒔𑒢𑒰 𑒮𑒧𑒰𑒖 𑒫𑒻𑒯 𑒮𑒧𑒰𑒖 𑒕𑒲 𑒖𑒏𑒩 𑒥𑒲𑒔𑒧𑒹 𑒯𑒧 𑒮𑒦 𑒩𑒯𑒱 𑒩𑒯𑒪 𑒕𑒲। 𑒪𑒼𑒏𑒞𑓀𑒞𑓂𑒩 𑒂 𑒧𑒰𑒢𑒫𑒰𑒡𑒱𑒏𑒰𑒩𑒏 𑒮𑒧𑓂𑒧𑒰𑒢 𑒮𑒴𑒔𑒢𑒰-𑒮𑒧𑒰𑒖 𑒂 𑒅𑒞𑓂𑒞𑒩 𑒮𑒴𑒔𑒢𑒰-𑒮𑒧𑒰𑒖𑒧𑒹 𑒯𑒼𑒃𑒞 𑒩𑒯𑒞। 𑒁𑒦𑒱𑒫𑓂𑒨𑒏𑓂𑒞𑒱𑒏 𑒮𑓂𑒫𑒞𑓀𑒞𑓂𑒩𑒞𑒰, 𑒋𑒏𑒰𑒢𑓂𑒞𑒏 𑒁𑒡𑒱𑒏𑒰𑒩, 𑒮𑒴𑒔𑒢𑒰 𑒮𑒰𑒗𑒲 𑒏𑒩𑒥𑒰𑒏 𑒁𑒡𑒱𑒏𑒰𑒩 𑒂 𑒮𑒴𑒔𑒢𑒰 𑒡𑒩𑒱 𑒣𑒯𑒳𑒿𑒔𑒏 𑒁𑒡𑒱𑒏𑒰𑒩 𑒖𑒹 𑒮𑒴𑒔𑒢𑒰𑒏 𑒮𑓀𑒔𑒰𑒩𑒮𑒿 𑒮𑒧𑓂𑒥𑒢𑓂𑒡𑒱𑒞 𑒁𑒕𑒱, 𑒄 𑒮𑒦 𑒩𑒰𑒖𑓂𑒨 𑒠𑓂𑒫𑒰𑒩𑒰 𑒂 𑒮𑒴𑒔𑒢𑒰-𑒮𑒧𑒰𑒖𑒏 𑒥𑒰𑒖𑒰𑒩𑒫𑒰𑒠𑒲 𑒗𑒳𑒏𑒰𑒫𑒏 𑒏𑒰𑒩𑒝 𑒐𑒞𑒩𑒰𑒏 𑒁𑒢𑒳𑒦𑒴𑒞𑒱𑒮𑒿 𑒞𑓂𑒩𑒮𑓂𑒞 𑒁𑒕𑒱।
𑒁𑒢𑓂𑒞𑒩𑓂𑒖𑒰𑒪 𑒪𑒼𑒏𑒏 𑒧𑒲𑒛𑒱𑒂 𑒁𑒕𑒱 𑒂 𑒋𑒏𑒙𑒰 𑒋𑒯𑒢 𑒣𑓂𑒩𑒝𑒰𑒪𑒲 𑒁𑒕𑒱 𑒖𑒹 𑒪𑒼𑒏𑒏 𑒥𑒲𑒔 𑒮𑒧𑓂𑒫𑒰𑒠 𑒮𑓂𑒟𑒰𑒣𑒱𑒞 𑒏𑒩𑒻𑒞 𑒁𑒕𑒱। 𑒋𑒯𑒱𑒮𑒿 𑒮𑓀𑒔𑒰𑒩-𑒧𑒰𑒡𑓂𑒨𑒧𑒏 𑒧𑒚𑒰𑒡𑒲𑒬 𑒪𑒼𑒏𑒢𑒱𑒏 𑒑𑒜𑓃 𑒙𑒳𑒙𑒻𑒞 𑒁𑒕𑒱। 𑒁𑒢𑓂𑒞𑒩𑓂𑒖𑒰𑒪𑒧𑒹 𑒏𑒼𑒢𑒼 𑒮𑒧𑓂𑒣𑒰𑒠𑒏 𑒮𑒰𑒧𑒰𑒢𑓂𑒨 𑒩𑒴𑒣𑒮𑒿 𑒢𑒯𑒱 𑒯𑒼𑒃𑒞 𑒕𑒟𑒱। 𑒋𑒞𑒋 𑒪𑒼𑒏 𑒫𑒱𑒭𑒨𑒏 𑒂 𑒮𑒰𑒧𑒑𑓂𑒩𑒲𑒏 𑒢𑒱𑒩𑓂𑒧𑒰𑒝 𑒏𑒋 𑒮𑓂𑒫𑒨𑓀 𑒍𑒏𑒩 𑒮𑓀𑒔𑒰𑒩 𑒏𑒩𑒻𑒞 𑒕𑒟𑒱। 𑒋𑒯𑒱𑒮𑒿 𑒏𑒞𑒹𑒏 𑒩𑒰𑒮 𑒮𑒰𑒧𑒰𑒖𑒱𑒏 𑒮𑒧𑓂𑒫𑒰𑒠𑒏 𑒣𑓂𑒩𑒰𑒩𑒧𑓂𑒦 𑒯𑒼𑒃𑒞 𑒁𑒕𑒱। 𑒧𑒳𑒠𑒰 𑒏𑒞𑒹𑒏 𑒩𑒰𑒮 𑒮𑒧𑒰𑒖-𑒫𑒱𑒩𑒼𑒡𑒲 𑒮𑒰𑒧𑒑𑓂𑒩𑒲 𑒮𑒹𑒯𑒼 𑒁𑒥𑒻𑒞 𑒁𑒕𑒱। 𑒞𑒿 𑒏𑒲 𑒍𑒯𑒱𑒣𑒩 𑒣𑓂𑒩𑒞𑒱𑒥𑒢𑓂𑒡 𑒯𑒼𑒋𑒥𑒰𑒏 𑒔𑒰𑒯𑒲। 𑒧𑒳𑒠𑒰 𑒖𑒹 𑒮𑒰𑒤𑓂𑒙𑒫𑒹𑒨𑒩𑒏 𑒧𑒰𑒡𑓂𑒨𑒧𑒮𑒿 𑒧𑒬𑒲𑒢𑒏𑒹𑒿 𑒮𑒰𑒧𑒑𑓂𑒩𑒲𑒣𑒩 𑒣𑓂𑒩𑒞𑒱𑒥𑒢𑓂𑒡 𑒪𑒑𑒹𑒥𑒰𑒏 𑒁𑒡𑒱𑒏𑒰𑒩 𑒠𑒹𑒥 𑒞𑒐𑒢 𑒄 𑒁𑒦𑒱𑒫𑓂𑒨𑒏𑓂𑒞𑒱𑒏 𑒮𑓂𑒫𑒞𑓀𑒞𑓂𑒩𑒞𑒰𑒣𑒩 𑒣𑒻𑒒 𑒂𑒒𑒰𑒞 𑒯𑒼𑒋𑒞। 𑒥𑒾𑒠𑓂𑒡𑒱𑒏 𑒮𑒧𑓂𑒣𑒠𑒰𑒏 𑒁𑒡𑒱𑒏𑒰𑒩 𑒪𑒹𑒐𑒏𑒏𑒹𑒿 𑒧𑒵𑒞𑓂𑒨𑒳𑒏 𑓖𑓐 𑒥𑒩𑒐 𑒥𑒰𑒠𑒼 𑒣𑓂𑒩𑒏𑒰𑒬𑒢 𑒂 𑒫𑒱𑒞𑒩𑒝𑒏 𑒁𑒡𑒱𑒏𑒰𑒩 𑒠𑒻𑒞 𑒁𑒕𑒱। 𑒁𑒢𑓂𑒞𑒩𑓂𑒖𑒰𑒪𑒧𑒹 𑒮𑒹𑒯𑒼 𑒣𑒰𑒃𑒩𑒹𑒮𑒲𑒏𑒹𑒿 𑒣𑓂𑒩𑒞𑒱𑒥𑒢𑓂𑒡𑒱𑒞 𑒏𑒩𑒋 𑒣𑒛𑓃𑒞 𑒂 𑒏𑒧𑒮𑒿 𑒏𑒧 𑒪𑒹𑒐𑒏𑒏 𑒧𑒵𑒞𑓂𑒨𑒳𑒏 𑓒𑓐 𑒥𑒩𑒐 𑒥𑒰𑒠 𑒡𑒩𑒱 𑒪𑒹𑒐𑒏𑒏 𑒁𑒡𑒱𑒏𑒰𑒩 𑒍𑒏𑒩 𑒮𑒰𑒧𑒑𑓂𑒩𑒲𑒣𑒩 𑒩𑒯𑒋, 𑒮𑒹 𑒫𑓂𑒨𑒫𑒮𑓂𑒟𑒰 𑒏𑒩𑒋 𑒣𑒛𑓃𑒞। 𑒧𑒳𑒠𑒰 𑒣𑒹𑒙𑒹𑒢𑓂𑒙𑒏 𑒥𑒹𑒬𑒲 𑒣𑓂𑒩𑒨𑒼𑒑 𑒫𑒱𑒏𑒰𑒬𑒮𑒲𑒪 𑒠𑒹𑒬𑒏 𑒮𑒴𑒔𑒢𑒰 𑒁𑒦𑒱𑒑𑒧𑒢𑒧𑒹 𑒥𑒰𑒡𑒏 𑒯𑒼𑒋𑒞 𑒂 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒏 𑒫𑒱𑒏𑒰𑒮𑒧𑒹 𑒮𑒹𑒯𑒼 𑒥𑒰𑒡𑒰 𑒣𑒯𑒳𑒿𑒔𑒰𑒍𑒞। 𑒏𑒰𑒣𑒲𑒩𑒰𑒃𑒙𑒮𑒿 𑒮𑒰𑓀𑒮𑓂𑒏𑒵𑒞𑒱𑒏 𑒫𑒱𑒏𑒰𑒮 𑒧𑒳𑒠𑒰 𑒯𑒼𑒋𑒞, 𑒖𑒹𑒢𑒰 𑒮𑓀𑒑𑒲𑒞, 𑒤𑒱𑒪𑓂𑒧, 𑒂 𑒔𑒱𑒞𑓂𑒩-𑒬𑒵𑓀𑒐𑒪𑒰(𑒏𑒰𑒧𑒱𑒏𑓂𑒮)𑒏 𑒫𑒱𑒏𑒰𑒮। 𑒛𑒱𑒖𑒱𑒙𑒪 𑒫𑒰𑒞𑒰𑒫𑒩𑒝𑒧𑒹 𑒣𑓂𑒩𑒞𑒱𑒏𑒵𑒞𑒱𑒏 𑒥𑒱𑒢𑒰 𑒁𑒯𑒰𑒿 𑒁𑒢𑓂𑒞𑒩𑓂𑒖𑒰𑒪𑒣𑒩 𑒮𑒹𑒯𑒼 𑒮𑒰𑒧𑒑𑓂𑒩𑒲 𑒢𑒯𑒱 𑒠𑒹𑒐𑒱 𑒮𑒏𑒥, 𑒮𑒹 𑒂𑒤-𑒪𑒰𑒃𑒢 𑒏𑒰𑒣𑒲𑒩𑒰𑒃𑒙 𑒂 𑒂𑒢𑒪𑒰𑒃𑒢 𑒏𑒰𑒣𑒲𑒩𑒰𑒃𑒙 𑒠𑒳𑒢𑒴 𑒧𑒹 𑒟𑒼𑒛𑓃𑒥𑒹𑒏 𑒁𑒢𑓂𑒞𑒩 𑒁𑒕𑒱। 𑒂𑒢𑒪𑒰𑒃𑒢 𑒏𑒰𑒣𑒲𑒩𑒰𑒃𑒙 𑒣𑓂𑒩𑒞𑒱𑒏𑒵𑒞𑒱𑒏𑒹𑒿 𑒮𑒹𑒯𑒼 𑒣𑓂𑒩𑒞𑒱𑒥𑒢𑓂𑒡𑒱𑒞 𑒏𑒩𑒻𑒞 𑒁𑒕𑒱। 𑒂 𑒣𑓂𑒩𑒞𑒱𑒏𑒵𑒞𑒱 𑒏𑒋𑒪 𑒮𑒰𑒧𑒑𑓂𑒩𑒲𑒏𑒹𑒿 𑒠𑒼𑒮𑒩 𑒫𑒮𑓂𑒞𑒳𑒧𑒹 𑒖𑒼𑒛𑓃𑒥 𑒫𑒰 𑒮𑓀𑒬𑒼𑒡𑒱𑒞 𑒏𑒩𑒥 𑒮𑒹𑒯𑒼 𑒥𑒛𑓂𑒛 𑒮𑒩𑒪 𑒁𑒕𑒱। 𑒮𑒹 𑒢𑒰𑒧 𑒂 𑒔𑒱𑒞𑓂𑒩 𑒥𑒱𑒢𑒰 𑒍𑒏𑒩 𑒢𑒱𑒩𑓂𑒧𑒰𑒞𑒰𑒏 𑒁𑒢𑒳𑒧𑒞𑒱𑒏 𑒢𑒯𑒱 𑒣𑓂𑒩𑒨𑒼𑒑 𑒯𑒼𑒁𑒋, 𑒠𑒼𑒮𑒩𑒰𑒏 𑒫𑓂𑒨𑒏𑓂𑒞𑒱𑒑𑒞 𑒫𑒰𑒩𑓂𑒞𑒰𑒪𑒰𑒣-𑒔𑒻𑒙𑒱𑓀𑒑-𑒧𑒹 𑒯𑒮𑓂𑒞𑒏𑓂𑒭𑒹𑒣 𑒢𑒯𑒱 𑒯𑒼𑒁𑒋 𑒂 𑒠𑒼𑒮𑒩𑒰𑒏 𑒫𑒱𑒩𑒳𑒠𑓂𑒡 𑒏𑒼𑒢𑒼 𑒋𑒯𑒢 𑒥𑒨𑒰𑒢𑒥𑒰𑒖𑒲 𑒢𑒯𑒱 𑒯𑒼𑒁𑒋 𑒖𑒰𑒯𑒱𑒮𑒿 𑒏𑒼𑒢𑒼 𑒫𑓂𑒨𑒏𑓂𑒞𑒱𑒏 𑒫𑒱𑒩𑒳𑒠𑓂𑒡 𑒑𑒪𑒞 𑒡𑒰𑒩𑒝𑒰 𑒥𑒢𑒋।𑒞𑒯𑒱𑒢𑒰 𑒢𑒾𑒏𑒩𑒲-𑒣𑓂𑒩𑒠𑒰𑒞𑒰 𑒠𑓂𑒫𑒰𑒩𑒰 𑒏𑒼𑒢𑒼 𑒣𑓂𑒩𑒏𑒰𑒩𑒏 𑒃𑒪𑒹𑒏𑓂𑒙𑓂𑒩𑒰𑒢𑒱𑒏 𑒅𑒣𑒏𑒩𑒝 𑒁𑒣𑒢 𑒏𑒩𑓂𑒧𑒔𑒰𑒩𑒲𑒏 𑒢𑒱𑒨𑒢𑓂𑒞𑓂𑒩𑒝 𑒪𑒹𑒪 𑒪𑒑𑒥𑒻𑒞 𑒁𑒕𑒱 𑒞𑒿 𑒮𑒹 𑒁𑒢𑓂𑒞𑒩𑓂𑒩𑒰𑒭𑓂𑒙𑓂𑒩𑒲𑒨 𑒬𑓂𑒩𑒧 𑒮𑓀𑒒𑒏 𑒠𑒱𑒬𑒰-𑒢𑒱𑒩𑓂𑒠𑒹𑒬𑒏 𑒁𑒢𑒳𑒩𑒴𑒣 𑒯𑒼𑒋𑒥𑒰𑒏 𑒔𑒰𑒯𑒲। 𑒄-𑒣𑒞𑓂𑒩𑒧𑒹 𑒁𑒢𑒣𑒹𑒏𑓂𑒭𑒱𑒞 𑒮𑒢𑓂𑒠𑒹𑒬 𑒂 𑒔𑒱𑒏𑒱𑒞𑓂𑒮𑒏𑒲𑒨 𑒩𑒱𑒣𑒼𑒩𑓂𑒙𑒏 𑒁𑒢𑒣𑒹𑒏𑓂𑒭𑒱𑒞 𑒮𑓀𑒑𑓂𑒩𑒯 𑒂 𑒅𑒣𑒨𑒼𑒑 𑒮𑒹𑒯𑒼 𑒧𑒰𑒢𑒫𑒰𑒡𑒱𑒏𑒰𑒩𑒏 𑒯𑒢𑒢 𑒁𑒕𑒱। 𑒁𑒢𑓂𑒞𑒩𑓂𑒖𑒰𑒪𑒏 𑒅𑒣𑒨𑒼𑒑 𑒧𑒳𑒠𑒰 𑒮𑒲𑒧𑒱𑒞 𑒁𑒕𑒱 𑒏𑒰𑒩𑒝 𑒥𑒯𑒳𑒞 𑒩𑒰𑒮 𑒮𑒰𑒧𑒑𑓂𑒩𑒲 𑒂 𑒞𑓀𑒞𑓂𑒩𑒰𑓀𑒬 𑒧𑓀𑒑𑒢𑒲𑒧𑒹 𑒅𑒣𑒪𑒥𑓂𑒡 𑒢𑒯𑒱 𑒁𑒕𑒱 𑒂 𑒧𑒯𑒑 𑒁𑒕𑒱, 𑒛𑒱𑒖𑒱𑒙𑒪 𑒫𑒱𑒦𑒰𑒖𑒢 𑒬𑒱𑒏𑓂𑒭𑒰𑒏 𑒮𑓂𑒞𑒩𑒏𑒹𑒿 𑒂𑒩 𑒥𑒹𑒬𑒲 𑒠𑒹𑒐𑒰𑒩 𑒏𑒩𑒻𑒞 𑒁𑒕𑒱। 𑒬𑒰𑒩𑒲𑒩𑒱𑒏 𑒬𑓂𑒩𑒧𑒏 𑒥𑒠𑒪𑒰𑒧𑒹 𑒧𑒰𑒢𑒮𑒱𑒏 𑒬𑓂𑒩𑒧𑒏 𑒋𑒞𑒋 𑒥𑒹𑒬𑒲 𑒅𑒣𑒨𑒼𑒑 𑒯𑒼𑒃𑒞 𑒁𑒕𑒱, 𑒮𑒹 𑒄 𑒂𑒬𑒰 𑒩𑒯𑒋 𑒖𑒹 𑒮𑓂𑒞𑓂𑒩𑒲-𑒁𑒮𑒧𑒰𑒢𑒞𑒰 𑒮𑒴𑒔𑒢𑒰-𑒮𑒧𑒰𑒖𑒧𑒹 𑒒𑒙𑒞 𑒧𑒳𑒠𑒰 𑒮𑒩𑓂𑒫𑒹𑒏𑓂𑒭𑒝 𑒠𑒹𑒐𑒥𑒻𑒞 𑒁𑒕𑒱 𑒖𑒹 𑒧𑒯𑒱𑒪𑒰𑒏 𑒣𑒃𑒚 𑒮𑒴𑒔𑒢𑒰 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒧𑒹 𑒏𑒧 𑒕𑒢𑓂𑒯𑒱। 𑒃𑒪𑒹𑒏𑓂𑒙𑓂𑒩𑒰𑒢𑒱𑒏 𑒪𑒰𑒃𑒥𑓂𑒩𑒹𑒩𑒲 𑒂 𑒥𑓂𑒩𑒹𑒪-𑒃𑒢𑒹𑒥𑒪 𑒏𑒋𑒪/ 𑒡𑓂𑒫𑒢𑒱-𑒃𑒢𑒹𑒥𑒪 𑒏𑒋𑒪 𑒏𑒧𑓂𑒣𑓂𑒨𑒴𑒙𑒩 𑒮𑓂𑒏𑓂𑒩𑒲𑒢/ 𑒃𑒪𑒹𑒏𑓂𑒙𑓂𑒩𑒰𑒢𑒱𑒏 𑒪𑒰𑒃𑒥𑓂𑒩𑒹𑒩𑒲 𑒫𑒱𑒏𑒪𑒰𑓀𑒑 𑒂 𑒁𑒢𑓂𑒡 𑒫𑒱𑒏𑒪𑒰𑓀𑒑 𑒪𑒹𑒪 𑒒𑒩 𑒣𑒩 𑒩𑒯𑒱 𑒄-𑒫𑒰𑒝𑒱𑒖𑓂𑒨 𑒏𑒩𑒥𑒰𑒧𑒹 𑒮𑒯𑒰𑒨𑒞𑒰 𑒠𑒻𑒞। 𑒧𑒳𑒠𑒰 𑒋𑒯𑒱 𑒏𑓂𑒭𑒹𑒞𑓂𑒩𑒧𑒹 𑒏𑒋𑒪 𑒬𑒼𑒡 𑒂 𑒍𑒏𑒩 𑒣𑒩𑒱𑒝𑒰𑒧 𑒧𑒯𑒑 𑒩𑒯𑒥𑒰𑒏 𑒏𑒰𑒩𑒝𑒮𑒿 𑒍𑒞𑒹𑒏 𑒪𑒰𑒦 𑒢𑒯𑒱 𑒠𑓄 𑒮𑒏𑒪 𑒁𑒕𑒱। 𑒥𑒰𑒪, 𑒫𑒵𑒠𑓂𑒡, 𑒫𑒱𑒏𑒪𑒰𑓀𑒑, 𑒮𑓂𑒞𑓂𑒩𑒲, 𑒏𑒰𑒧𑒑𑒰𑒩, 𑒣𑓂𑒩𑒫𑒰𑒮𑒲-𑒏𑒰𑒧𑒑𑒰𑒩 𑒂 𑒠𑒼𑒮𑒩 𑒮𑒰𑒧𑒰𑒖𑒱𑒏 𑒩𑒴𑒣𑒮𑒿 𑒁𑒥𑓂𑒥𑒪 𑒫𑒩𑓂𑒑 𑒮𑒴𑒔𑒢𑒰 𑒮𑒧𑒰𑒖𑒧𑒹 𑒮𑒹𑒯𑒼 𑒁𑒣𑒢𑒰𑒏𑒹𑒿 𑒁𑒥𑓂𑒥𑒪 𑒁𑒢𑒳𑒦𑒫 𑒏𑒩𑒻𑒞 𑒕𑒟𑒱।

𑒢𑒲𑒏 𑒮𑒰𑒯𑒱𑒞𑓂𑒨/𑒏𑒪𑒰 𑒞𑓂𑒫𑒩𑒱𑒞 𑒅𑒣𑒮𑓂𑒟𑒰𑒣𑒢𑒏 𑒂𑒡𑒰𑒩𑒣𑒩 𑒢𑒻 𑒫𑒩𑒢 𑒍𑒯𑒱𑒧𑒹 𑒞𑒲𑒏𑓂𑒭𑓂𑒝𑒞𑒰𑒮𑒿 𑒅𑒣𑒮𑓂𑒟𑒰𑒣𑒱𑒞 𑒧𑒰𑒢𑒫-𑒧𑒴𑒪𑓂𑒨, 𑒮𑒰𑒧𑒰𑒖𑒱𑒏 𑒮𑒧𑒩𑒮𑒞𑒰𑒏 𑒞𑒞𑓂𑒫 𑒂 𑒮𑒧𑒰𑒢𑒞𑒰-𑒢𑓂𑒨𑒰𑒨 𑒂𑒡𑒰𑒩𑒱𑒞 𑒮𑒰𑒧𑒰𑒖𑒱𑒏 𑒧𑒰𑒢𑓂𑒨𑒞𑒰𑒏 𑒮𑒱𑒠𑓂𑒡𑒰𑒢𑓂𑒞 𑒂𑒡𑒰𑒩 𑒥𑒢𑒞। 𑒮𑒧𑒰𑒖 𑒍𑒯𑒱 𑒂𑒡𑒰𑒩𑒣𑒩 𑒏𑒼𑒢𑒰 𑒂𑒑𑒴 𑒥𑒜𑓃𑒋 𑒮𑒹 𑒮𑓀𑒠𑒹𑒬 𑒞𑒲𑒏𑓂𑒭𑓂𑒝𑒞𑒰𑒮𑒿 𑒂𑒥𑒻𑒋 𑒫𑒰 𑒢𑒻 𑒮𑒹 𑒠𑒹𑒐𑒋 𑒣𑒛𑓃𑒞। 𑒣𑒰𑒚𑒏𑒏 𑒧𑒢𑒮𑒱 𑒥𑒢𑓂𑒡𑒢𑒮𑒿 𑒧𑒳𑒏𑓂𑒞 𑒯𑒼𑒃𑒞 𑒁𑒕𑒱 𑒫𑒰 𑒢𑒻, 𑒍𑒯𑒱𑒧𑒹 𑒠𑒼𑒮𑒩𑒰𑒏 𑒢𑒹𑒞𑒵𑒞𑓂𑒫 𑒏𑒩𑒥𑒰𑒏 𑒏𑓂𑒭𑒧𑒞𑒰 𑒂 𑒂𑒞𑓂𑒧𑒥𑒪 𑒁𑒥𑒻 𑒕𑒻 𑒫𑒰 𑒢𑒻, 𑒍𑒏𑒩 𑒔𑒰𑒩𑒱𑒞𑓂𑒩𑒱𑒏 𑒢𑒱𑒩𑓂𑒧𑒰𑒝𑒏 𑒂 𑒬𑓂𑒩𑒧𑒏 𑒣𑓂𑒩𑒞𑒱 𑒮𑒧𑓂𑒧𑒰𑒢𑒏 𑒣𑓂𑒩𑒞𑒱 𑒮𑒢𑓂𑒠𑒹𑒯 𑒠𑒴𑒩 𑒯𑒼𑒃 𑒕𑒻 𑒫𑒰 𑒢𑒻- 𑒄 𑒮𑒦𑒙𑒰 𑒞𑒟𑓂𑒨 𑒪𑒒𑒳𑒏𑒟𑒰𑒏 𑒧𑒰𑒢𑒠𑓀𑒛 𑒥𑒢𑒞। 𑒏𑒰𑒞-𑒏𑒩𑒼𑒙𑒧𑒹 𑒩𑒯𑒢𑒱𑒯𑒰𑒩 𑒞𑒹𑒯𑒢 𑒏𑒰𑒖 𑒏𑓄 𑒖𑒰𑒟𑒱 𑒖𑒹 𑒮𑒳𑒫𑒱𑒡𑒰𑒮𑒧𑓂𑒣𑒢𑓂𑒢 𑒥𑒳𑒞𑒹 𑒢𑒻 𑒮𑒧𑓂𑒦𑒫 𑒁𑒕𑒱, 𑒂 𑒮𑒹 𑒏𑒰𑒞-𑒏𑒩𑒼𑒙𑒧𑒹 𑒩𑒯𑒢𑒱𑒯𑒰𑒩𑒏 𑒂𑒞𑓂𑒧𑒥𑒪 𑒥𑒜𑓃𑒪𑒹𑒮𑒿 𑒯𑒼𑒋𑒞।
𑒯𑒲𑒢 𑒦𑒰𑒫𑒢𑒰𑒮𑒿 𑒑𑓂𑒩𑒮𑓂𑒞 𑒮𑒰𑒯𑒱𑒞𑓂𑒨 𑒏𑒪𑓂𑒨𑒰𑒝𑒏𑒰𑒩𑒲 𑒏𑒼𑒢𑒰 𑒦𑓄 𑒮𑒏𑒞? 𑒥𑒠𑒪𑒻𑒞 𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒩𑒰𑒖𑒢𑒻𑒞𑒱𑒏-𑒡𑒰𑒩𑓂𑒧𑒱𑒏 𑒮𑒧𑒲𑒏𑒩𑒝𑒏 𑒣𑒩𑒱𑒣𑓂𑒩𑒹𑒏𑓂𑒭𑓂𑒨𑒧𑒹 𑒋𑒏𑒦𑒑𑓂𑒑𑒴 𑒣𑓂𑒩𑒮𑓂𑒞𑒳𑒞𑒱𑒏 𑒩𑒹𑒐𑒰𑓀𑒏𑒢, 𑒏𑒟𑒰𑒏𑒰𑒩-𑒏𑒫𑒱𑒏 𑒫𑓂𑒨𑒏𑓂𑒞𑒱𑒑𑒞 𑒖𑒱𑒢𑒑𑒲𑒏 𑒁𑒠𑒵𑒜𑓃𑒞𑒰, 𑒔𑒰𑒯𑒹 𑒍 𑒫𑒰𑒠𑒏 𑒣𑓂𑒩𑒞𑒱 𑒯𑒼𑒁𑒋 𑒫𑒰 𑒖𑒰𑒞𑒱-𑒡𑒩𑓂𑒧𑒏 𑒣𑓂𑒩𑒞𑒱, 𑒮𑒰𑒯𑒱𑒞𑓂𑒨𑒧𑒹 𑒠𑒹𑒐𑒰𑒩 𑒦𑒃𑒋 𑒖𑒰𑒃𑒞 𑒕𑒻𑒏, 𑒬𑒼𑒭𑒏 𑒠𑓂𑒫𑒰𑒩𑒰 𑒬𑒼𑒭𑒱𑒞𑒣𑒩 𑒏𑒋𑒪 𑒅𑒣𑒏𑒰𑒩 𑒫𑒰 𑒁𑒣𑒩𑒰𑒡𑒥𑒼𑒡𑒏 𑒁𑒢𑓂𑒞𑒩𑓂𑒑𑒞 𑒪𑒱𑒐𑒪 𑒖𑒰𑒋𑒥𑒪𑒰 𑒏𑒟𑒰𑒧𑒹 𑒖𑒹 𑒣𑒻𑒒𑒞𑓂𑒫𑒏 (𑒖𑒹 𑒯𑒲𑒢 𑒦𑒰𑒫𑒢𑒰𑒏 𑒋𑒏𑒙𑒰 𑒩𑒴𑒣 𑒁𑒕𑒱) 𑒦𑒰𑒫𑒢𑒰 𑒯𑒼𑒃 𑒕𑒻, 𑒞𑒏𑒩𑒰 𑒔𑒱𑒢𑓂𑒯𑒱𑒞 𑒏𑒋𑒪 𑒖𑒰𑒋।
𑒧𑒹𑒛𑒱𑒨𑒼𑒏𑓂𑒩𑒱𑒙𑒲 𑒔𑒱𑒢𑓂𑒯𑒱𑒞 𑒏𑒩𑒴- 𑒞𑒏𑒱𑒨𑒰 𑒏𑒪𑒰𑒧 𑒂 𑒔𑒰𑒪𑒴 𑒥𑓂𑒩𑒹𑒏𑒱𑓀𑒑 𑒢𑓂𑒨𑒴𑒖- 𑒂𑒡𑒳𑒢𑒱𑒏𑒞𑒰𑒏 𑒢𑒰𑒧𑒣𑒩। 𑒨𑒳𑒑𑒏 𑒣𑓂𑒩𑒧𑒹𑒨𑒏𑒹𑒿 𑒧𑒰𑒙𑒱 𑒠𑒹𑒥𑒰𑒏 𑒫𑒱𑒔𑒰𑒩 𑒋𑒯𑒱𑒧𑒹 𑒢𑒯𑒱 𑒦𑒹𑒙𑒞, 𑒂𑒡𑒳𑒢𑒱𑒏𑒲𑒏𑒩𑒝, 𑒪𑒼𑒏𑒞𑓀𑒞𑓂𑒩𑒲𑒏𑒩𑒝, 𑒩𑒰𑒭𑓂𑒙𑓂𑒩-𑒩𑒰𑒖𑓂𑒨 𑒮𑓀𑒏𑒪𑓂𑒣𑒏 𑒏𑒰𑒩𑓂𑒨𑒰𑒢𑓂𑒫𑒨𑒢, 𑒣𑓂𑒩𑒬𑒰𑒮𑒢𑒱𑒏-𑒫𑒻𑒡𑒰𑒢𑒱𑒏 𑒫𑒱𑒏𑒰𑒮, 𑒖𑒢 𑒮𑒯𑒦𑒰𑒑𑒱𑒞𑒰𑒧𑒹 𑒫𑒵𑒠𑓂𑒡𑒱, 𑒮𑓂𑒟𑒰𑒨𑒱𑒞𑓂𑒫 𑒂 𑒏𑓂𑒩𑒧𑒥𑒠𑓂𑒡 𑒣𑒩𑒱𑒫𑒩𑓂𑒞𑒢𑒏 𑒏𑓂𑒭𑒧𑒞𑒰, 𑒮𑒞𑓂𑒞𑒰𑒏 𑒑𑒞𑒱𑒬𑒲𑒪𑒞𑒰, 𑒅𑒠𑓂𑒨𑒼𑒑𑒲𑒏𑒩𑒝, 𑒮𑓂𑒫𑒞𑓀𑒞𑓂𑒩𑒞𑒰 𑒣𑓂𑒩𑒰𑒣𑓂𑒞𑒱𑒏 𑒥𑒰𑒠 𑒢𑒫𑒲𑒢 𑒩𑒰𑒖𑓂𑒨 𑒩𑒰𑒖𑒢𑒻𑒞𑒱𑒏-𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒮𑒰𑓀𑒮𑓂𑒏𑒵𑒞𑒱𑒏 𑒮𑒧𑒮𑓂𑒨𑒰-𑒣𑒩𑒱𑒫𑒩𑓂𑒞𑒢 𑒂 𑒋𑒏𑒲𑒏𑒩𑒝𑒏 𑒣𑓂𑒩𑒏𑓂𑒩𑒱𑒨𑒰, 𑒏𑒐𑒢𑒼 𑒏𑒰𑒪 𑒣𑒩𑒮𑓂𑒣𑒩 𑒫𑒱𑒩𑒼𑒡𑒲। 𑒮𑒰𑒧𑒳𑒠𑒰𑒨𑒱𑒏𑒞𑒰𑒏 𑒫𑒱𑒏𑒰𑒮, 𑒧𑒢𑒼𑒫𑒻𑒖𑓂𑒘𑒰𑒢𑒱𑒏 𑒂 𑒬𑒻𑒏𑓂𑒭𑒱𑒏 𑒣𑓂𑒩𑒏𑓂𑒩𑒱𑒨𑒰।

𑒂𑒠𑒱𑒫𑒰𑒮𑒲- 𑒮𑒞𑒰𑒩, 𑒑𑒱𑒠𑒩𑒧𑒰𑒩𑒰 𑒂𑒠𑒱 𑒫𑒱𑒫𑒱𑒡𑒞𑒰 𑒂 𑒫𑒱𑒏𑒰𑒮𑒏 𑒮𑓂𑒞𑒩𑒏𑒹𑒿 𑒣𑓂𑒩𑒞𑒱𑒥𑒱𑒧𑓂𑒥𑒱𑒞 𑒏𑒩𑒻𑒞 𑒁𑒕𑒱। 𑒣𑓂𑒩𑒏𑒵𑒞𑒱𑒮𑒿 𑒪𑒑, 𑒣𑓂𑒩𑒏𑒵𑒞𑒱-𑒣𑒴𑒖𑒰, 𑒮𑒩𑒪𑒞𑒰, 𑒢𑒱𑒬𑓂𑒕𑒪𑒞𑒰, 𑒏𑒵𑒞𑒖𑓂𑒘𑒞𑒰। 𑒫𑓂𑒨𑒏𑓂𑒞𑒱𑒏 𑒣𑓂𑒩𑒞𑒱𑒭𑓂𑒚𑒰 𑒮𑓂𑒟𑒰𑒢-𑒖𑒰𑒞𑒱 𑒂𑒡𑒰𑒩𑒱𑒞। 𑒏𑒱𑒕𑒳 𑒣𑓂𑒩𑒞𑒱𑒭𑓂𑒚𑒰 𑒂 𑒫𑒱𑒬𑒹𑒭𑒰𑒡𑒱𑒏𑒰𑒩 𑒣𑓂𑒩𑒰𑒣𑓂𑒞 𑒖𑒰𑒞𑒱। 𑒏𑒱𑒕𑒳𑒏𑒹𑒿 𑒞𑒱𑒩𑒮𑓂𑒏𑒰𑒩 𑒂 𑒯𑒳𑒢𑒏𑒩 𑒖𑒲𑒫𑒢 𑒏𑒚𑒱𑒢।

𑒧𑒯𑒱𑒪𑒰 𑒂 𑒥𑒰𑒪-𑒫𑒱𑒏𑒰𑒮- 𑒧𑒯𑒱𑒪𑒰𑒏𑒹𑒿 𑒁𑒡𑒱𑒏𑒰𑒩, 𑒬𑒱𑒏𑓂𑒭𑒰-𑒣𑓂𑒩𑒝𑒰𑒪𑒲𑒏𑒹𑒿 𑒮𑒏𑓂𑒩𑒱𑒨 𑒏𑒩𑒥, 𑒣𑒰𑒚𑓂𑒨𑒏𑓂𑒩𑒧𑒧𑒹 𑒧𑒯𑒱𑒪𑒰 𑒁𑒡𑓂𑒨𑒨𑒢, 𑒧𑒯𑒱𑒪𑒰𑒏 𑒫𑓂𑒨𑒰𑒫𑒮𑒰𑒨𑒱𑒏 𑒂 𑒞𑒏𑒢𑒲𑒏𑒲 𑒬𑒱𑒏𑓂𑒭𑒰𑒧𑒹 𑒣𑓂𑒩𑒞𑒱𑒬𑒞 𑒥𑒜𑓃𑒰𑒍𑒪 𑒖𑒰𑒋।𑒮𑓂𑒞𑓂𑒩𑒲-𑒮𑓂𑒫𑒰𑒞𑓀𑒞𑓂𑒩𑓂𑒨𑒫𑒰𑒠, 𑒧𑒯𑒱𑒪𑒰 𑒂𑒢𑓂𑒠𑒼𑒪𑒢।𑒡𑒩𑓂𑒧𑒢𑒱𑒩𑒣𑒹𑒏𑓂𑒭- 𑒩𑒰𑒖𑒢𑒻𑒞𑒱𑒏 𑒮𑓀𑒮𑓂𑒟𑒰 𑒮𑓀𑒣𑒴𑒩𑓂𑒝 𑒮𑒧𑒳𑒠𑒰𑒨𑒏 𑒂𑒩𑓂𑒟𑒱𑒏 𑒂 𑒮𑒰𑒧𑒰𑒖𑒱𑒏 𑒯𑒱𑒞𑒣𑒩 𑒂𑒡𑒰𑒩𑒱𑒞- 𑒡𑒩𑓂𑒧-𑒢𑒮𑓂𑒪-𑒣𑓀𑒟 𑒦𑒹𑒠 𑒩𑒯𑒱𑒞। 𑒫𑒱𑒏𑒰𑒮 𑒂𑒩𑓂𑒟𑒱𑒏𑒮𑒿 𑒣𑒯𑒱𑒢𑒹 𑒖𑒹 𑒬𑒻𑒏𑓂𑒭𑒱𑒏 𑒯𑒳𑒁𑒋 𑒞𑒿 𑒖𑒢𑒮𑒰𑒧𑒰𑒢𑓂𑒨 𑒍𑒯𑒱 𑒫𑒱𑒏𑒰𑒮𑒧𑒹 𑒮𑒰𑒗𑒲 𑒦𑓄 𑒮𑒏𑒻𑒋। 𑒋𑒯𑒱𑒮𑒿 𑒮𑒩𑓂𑒖𑒢 𑒏𑓂𑒭𑒧𑒞𑒰 𑒥𑒜𑓃𑒻𑒞 𑒁𑒕𑒱 𑒂 𑒪𑒼𑒏𑒧𑒹 𑒅𑒞𑓂𑒞𑒩𑒠𑒰𑒨𑒱𑒞𑓂𑒫𑒏 𑒥𑒼𑒡 𑒯𑒼𑒃𑒞 𑒁𑒕𑒱।
𑒫𑒱𑒖𑓂𑒘𑒰𑒢 𑒂 𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒫𑒱𑒏𑒮𑒱𑒞 𑒂 𑒁𑒫𑒱𑒏𑒮𑒱𑒞 𑒩𑒰𑒭𑓂𑒙𑓂𑒩𑒏 𑒥𑒲𑒔𑒏 𑒁𑓀𑒞𑒩𑒏 𑒏𑒰𑒩𑒝 𑒧𑒰𑒢𑒫𑒲𑒨 𑒮𑒧𑒮𑓂𑒨𑒰, 𑒥𑒲𑒧𑒰𑒩𑒲, 𑒁𑒖𑓂𑒘𑒰𑒢𑒞𑒰, 𑒁𑒮𑒳𑒩𑒏𑓂𑒭𑒰𑒏 𑒮𑒧𑒰𑒡𑒰𑒢- 𑒂𑒏𑒰𑓀𑒏𑓂𑒭𑒰, 𑒂𑒬𑒰 𑒮𑒳𑒫𑒱𑒡𑒰𑒏 𑒁𑒮𑒲𑒧𑒱𑒞 𑒫𑒱𑒮𑓂𑒞𑒰𑒩 𑒂 𑒂𑒡𑒰𑒩। 𑒫𑒱𑒡𑒱-𑒫𑓂𑒨𑒫𑒮𑓂𑒟𑒰𑒏 𑒢𑒱𑒩𑓂𑒡𑒢 𑒂 𑒣𑒱𑒕𑒛𑓃𑒪 𑒫𑒩𑓂𑒑𑒏𑒹𑒿 𑒢𑓂𑒨𑒰𑒨 𑒠𑒱𑒁𑒋𑒥𑒰𑒧𑒹 𑒣𑓂𑒩𑒨𑒼𑒑 𑒯𑒼𑒋𑒥𑒰𑒏 𑒔𑒰𑒯𑒲। 𑒢𑒰𑒑𑒩𑒱𑒏 𑒮𑓂𑒫𑒞𑓀𑒞𑓂𑒩𑒞𑒰- 𑒧𑒰𑒢𑒫𑒏 𑒪𑒼𑒏𑒞𑒰𑓀𑒞𑓂𑒩𑒱𑒏 𑒁𑒡𑒱𑒏𑒰𑒩, 𑒧𑒰𑒢𑒫𑒏 𑒮𑓂𑒫𑒞𑓀𑒞𑓂𑒩 𑒔𑒱𑒢𑓂𑒞𑒢 𑒏𑓂𑒭𑒧𑒞𑒰𑒣𑒴𑒩𑓂𑒝 𑒮𑒧𑒰𑒖𑒏 𑒮𑒵𑒭𑓂𑒙𑒱, 𑒣𑓂𑒩𑒞𑒱𑒥𑒢𑓂𑒡 𑒂 𑒠𑒥𑒰𑒥𑒮𑒿 𑒧𑒳𑒏𑓂𑒞𑒱। 𑒣𑓂𑒩𑒹𑒮- 𑒬𑒰𑒮𑒏 𑒂 𑒬𑒰𑒮𑒱𑒞𑒏 𑒄 𑒏𑒛𑓃𑒲- 𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒩𑒰𑒖𑒢𑒻𑒞𑒱𑒏 𑒖𑒲𑒫𑒢𑒧𑒹 𑒦𑒴𑒧𑒱𑒏𑒰, 𑒧𑒳𑒠𑒰 𑒂𑒥 𑒣𑓂𑒩𑒦𑒰𑒫𑒬𑒰𑒪𑒲 𑒫𑒱𑒖𑓂𑒘𑒰𑒣𑒢 𑒋𑒖𑒹𑓀𑒮𑒲 𑒖𑒢𑒧𑒞𑒏𑒹𑒿 𑒣𑓂𑒩𑒦𑒰𑒫𑒱𑒞 𑒏𑒋𑒢𑒱𑒯𑒰𑒩। 𑒢𑒫 𑒮𑓀𑒮𑓂𑒟𑒰𑒏 𑒢𑒱𑒩𑓂𑒧𑒰𑒝 𑒫𑒰 𑒫𑒩𑓂𑒞𑒧𑒰𑒢𑒧𑒹 𑒮𑒳𑒡𑒰𑒩, 𑒮𑒰𑒧𑒢𑓂𑒞𑒫𑒰𑒠𑒲, 𑒖𑒢𑒖𑒰𑒞𑒲𑒨, 𑒖𑒰𑒞𑒲𑒨 𑒂 𑒣𑓀𑒟𑒑𑒞 𑒢𑒱𑒭𑓂𑒚𑒰𑒏 𑒫𑒱𑒩𑒳𑒠𑓂𑒡, 𑒪𑒼𑒏𑒞𑓀𑒞𑓂𑒩, 𑒅𑒠𑒰𑒩𑒫𑒰𑒠, 𑒑𑒝𑒞𑓀𑒞𑓂𑒩𑒫𑒰𑒠, 𑒮𑓀𑒫𑒱𑒡𑒰𑒢𑒫𑒰𑒠, 𑒮𑒧𑒰𑒖𑒫𑒰𑒠, 𑒮𑒧𑒞𑒰𑒫𑒰𑒠, 𑒮𑒰𑓀𑒫𑒻𑒡𑒰𑒢𑒱𑒏 𑒁𑒡𑒱𑒏𑒰𑒩𑒏 𑒁𑒮𑓂𑒞𑒱𑒞𑓂𑒫, 𑒮𑒧𑒋𑒥𑒠𑓂𑒡 𑒖𑒢𑒣𑓂𑒩𑒱𑒨 𑒔𑒳𑒢𑒰𑒫, 𑒖𑒢-𑒮𑓀𑒣𑓂𑒩𑒦𑒳𑒞𑒰, 𑒮𑓀𑒒𑒲𑒨 𑒬𑒏𑓂𑒞𑒱 𑒫𑒱𑒦𑒰𑒖𑒢, 𑒖𑒢𑒧𑒞𑒏 𑒧𑒯𑒞𑓂𑒫, 𑒪𑒼𑒏-𑒣𑓂𑒩𑒬𑒰𑒮𑒢𑒱𑒏 𑒣𑓂𑒩𑒏𑓂𑒩𑒱𑒨𑒰-𑒁𑒦𑒱𑒏𑓂𑒩𑒧, 𑒠𑒪𑒲𑒨 𑒯𑒱𑒞-𑒮𑒧𑒴𑒯𑒲𑒏𑒩𑒝, 𑒮𑒩𑓂𑒫𑒼𑒔𑓂𑒔 𑒫𑓂𑒨𑒫𑒮𑓂𑒟𑒰𑒣𑒱𑒏𑒰, 𑒅𑒞𑓂𑒞𑒩𑒠𑒰𑒨𑒲 𑒏𑒰𑒩𑓂𑒨𑒣𑒰𑒪𑒱𑒏𑒰 𑒂 𑒮𑓂𑒫𑒞𑓀𑒞𑓂𑒩 𑒢𑓂𑒨𑒰𑒨𑒣𑒰𑒪𑒱𑒏𑒰। 𑒖𑒪 𑒟𑒪 𑒫𑒰𑒨𑒳 𑒂 𑒂𑒏𑒰𑒬- 𑒦𑒾𑒞𑒱𑒏 𑒩𑒰𑒮𑒰𑒨𑒢𑒱𑒏 𑒖𑒻𑒫𑒱𑒏 𑒑𑒳𑒝𑒧𑒹 𑒯𑒰𑒢𑒱𑒏𑒰𑒩𑒏 𑒣𑒩𑒱𑒫𑒩𑓂𑒞𑒢 𑒏𑒋 𑒣𑓂𑒩𑒠𑒴𑒭𑒝, 𑒣𑓂𑒩𑒏𑒵𑒞𑒱 𑒁𑒮𑓀𑒞𑒳𑒪𑒢। 𑒏𑒪𑒰- 𑒋𑒯𑒱 𑒪𑒹𑒪 𑒏𑒼𑒢𑒼 𑒮𑒻𑒠𑓂𑒡𑒰𑓀𑒞𑒱𑒏 𑒣𑓂𑒩𑒨𑒼𑒖𑒢 𑒯𑒼𑒋𑒥𑒰𑒏 𑒔𑒰𑒯𑒲 ?


𑒧𑒱𑒏𑒹𑒪 𑒤𑒼𑒏𑒾𑒪𑓂𑒙- 𑒖𑓂𑒘𑒰𑒢 𑒂 𑒮𑒞𑓂𑒨 𑒥𑒢𑒰𑒍𑒪 𑒖𑒰𑒃𑒞 𑒁𑒕𑒱।
𑒛𑒹𑒪𑒲𑒨𑒴𑒖 𑒂 𑒑𑒳𑒙𑒰𑒩𑒲 𑒏𑒯𑒻 𑒕𑒟𑒱 𑒖𑒹 𑒯𑒧 𑒮𑒦 𑒃𑒔𑓂𑒕𑒰 𑒌 𑒠𑓂𑒫𑒰𑒩𑒹 𑒏𑒩𑒻 𑒕𑒲 𑒏𑒰𑒩𑒝 𑒯𑒧 𑒮𑒦 𑒃𑒔𑓂𑒕𑒰 𑒧𑒬𑒲𑒢 𑒕𑒲।
𑒧𑒱𑒏𑒰𑒯𑒱𑒪 𑒥𑒐𑒞𑒱𑒢 𑒦𑒰𑒭𑒰𑒏𑒹𑒿 𑒮𑒰𑒧𑒰𑒖𑒱𑒏 𑒏𑓂𑒩𑒱𑒨𑒰𑒏 𑒩𑒴𑒣𑒧𑒹 𑒪𑒻 𑒕𑒟𑒱 𑒂 𑒯𑒳𑒢𑒏𑒩 𑒏𑒰𑒩𑓂𑒨 𑒅𑒣𑒢𑓂𑒨𑒰𑒮𑒣𑒩 𑒁𑒕𑒱।
𑒩𑒴𑒮𑒏 𑒩𑒴𑒣𑒫𑒰𑒠𑒲 𑒮𑒰𑒯𑒱𑒞𑓂𑒨𑒏𑒹𑒿 𑒧𑒰𑒞𑓂𑒩 𑒦𑒰𑒭𑒰𑒏 𑒫𑒱𑒬𑒱𑒭𑓂𑒙 𑒣𑓂𑒩𑒨𑒼𑒑 𑒧𑒰𑒢𑒻 𑒕𑒟𑒱।
𑒖𑒲𑒢 𑒤𑓂𑒩𑒰𑒢𑓂𑒏𑒼𑒃𑒮 𑒪𑒱𑒨𑒼𑒙𑒰𑒩𑓂𑒛-𑒮𑒞𑓂𑒨𑒏 𑒂 𑒃𑒞𑒱𑒯𑒰𑒮𑒏 𑒮𑒞𑓂𑒨𑒞𑒰 𑒧𑒰𑒞𑓂𑒩 𑒂𑒦𑒰𑒮𑒲 𑒁𑒕𑒱। 𑒥𑒾𑒛𑓂𑒩𑒲𑒪𑒰𑒩𑓂𑒛- 𑒫𑒱𑒖𑓂𑒘𑒰𑒣𑒢 𑒂 𑒠𑒴𑒩𑒠𑒩𑓂𑒬𑒢 𑒮𑒞𑓂𑒨 𑒂 𑒂𑒦𑒰𑒮𑒲𑒏 𑒥𑒲𑒔 𑒦𑒹𑒠 𑒧𑒹𑒙𑒰 𑒠𑒹𑒢𑒹 𑒁𑒕𑒱। 𑒠𑒳𑒢𑒴 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰𑒏 𑒧𑒳𑒐𑓂𑒨 𑒫𑒱𑒔𑒰𑒩𑒏 𑒕𑒟𑒱।
𑒪𑒰𑒏𑒰𑒢𑒏 𑒫𑒱𑒬𑒹𑒭𑒞𑒰 𑒕𑒢𑓂𑒯𑒱 𑒖𑒹 𑒍 𑒤𑓂𑒩𑒰𑒨𑒛𑒏 𑒣𑒠𑓂𑒡𑒞𑒱𑒏 𑒦𑒰𑒭𑒱𑒏𑒲 𑒁𑒢𑒳𑒣𑓂𑒩𑒨𑒼𑒑 𑒏𑒹𑒪𑒢𑓂𑒯𑒱 𑒁𑒕𑒱। 𑒍 𑒏𑒯𑒻 𑒕𑒟𑒱 𑒖𑒹 𑒁𑒔𑒹𑒞𑒢𑒞𑒰𑒏 𑒮𑓀𑒩𑒔𑒢𑒰 𑒦𑒰𑒭𑒰 𑒮𑒢 𑒕𑒻। 𑒖𑒐𑒢 𑒥𑒔𑓂𑒔𑒰 𑒦𑒰𑒭𑒰 𑒮𑒲𑒐𑒻𑒋 𑒞𑒐𑒢 𑒍𑒏𑒩𑒰 𑒋𑒏𑒙𑒰 𑒔𑒹𑒢𑓂𑒯 𑒪𑒹𑒪 𑒋𑒏𑒙𑒰 𑒬𑒥𑓂𑒠 𑒮𑒱𑒐𑒰𑒍𑒪 𑒖𑒰𑒃𑒞 𑒕𑒻। 𑒃𑒔𑓂𑒕𑒰, 𑒞𑓂𑒩𑒳𑒙𑒱 𑒂 𑒂𑒢 𑒄 𑒞𑒲𑒢𑒙𑒰 𑒞𑒟𑓂𑒨 𑒪𑒰𑒏𑒰𑒢 𑒢𑒲𑒏 𑒖𑒏𑒰𑒿 𑒩𑒰𑒐𑒻 𑒕𑒟𑒱। 𑒃𑒔𑓂𑒕𑒰 𑒂𑒫𑒬𑓂𑒨𑒏𑒞𑒰 𑒂 𑒧𑒰𑒿𑒑𑒢𑒰𑒃 𑒠𑒳𑒢𑒴 𑒁𑒕𑒱 𑒧𑒳𑒠𑒰 𑒋𑒏𑒩𑒰 𑒌 𑒠𑒴 𑒩𑒴𑒣𑒧𑒹 𑒫𑒱𑒐𑓀𑒛𑒱𑒞 𑒢𑒻 𑒏𑒋𑒪 𑒖𑒰 𑒮𑒏𑒻𑒞 𑒁𑒕𑒱। 𑒂𑒢𑒏 𑒫𑒩𑓂𑒝𑒢𑒧𑒹 𑒞𑓂𑒩𑒳𑒙𑒱 𑒂 𑒩𑒱𑒏𑓂𑒞𑒞𑒰 𑒁𑒥𑒻𑒞 𑒁𑒕𑒱। 𑒫𑒱𑒭𑒨 𑒁𑒩𑓂𑒟𑒏 𑒏𑓂𑒭𑒝𑒱𑒏 𑒣𑓂𑒩𑒦𑒰𑒫 𑒁𑒕𑒱 𑒂 𑒄 𑒂𑒢 𑒮𑒢 𑒯𑒼𑒋𑒞 𑒖𑒐𑒢 𑒄 𑒂𑒦𑒰𑒮𑒲 𑒯𑒼𑒋𑒞 𑒂 𑒞𑓂𑒩𑒳𑒙𑒱𑒏 𑒏𑒰𑒩𑒝 𑒥𑒢𑒞, 𑒖𑒃𑒮𑒿 𑒃𑒔𑓂𑒕𑒰𑒏 𑒅𑒠𑒨 𑒯𑒼𑒋𑒞।
𑒅𑒞𑓂𑒞𑒩 𑒅𑒣𑒢𑒱𑒫𑒹𑒬𑒫𑒰𑒠𑒏 𑒞𑒲𑒢 𑒫𑒱𑒔𑒰𑒩𑒏 𑒕𑒟𑒱- 𑒯𑒼𑒧𑒲 𑒦𑒰𑒦𑒰(𑒤𑒼𑒏𑒾𑒪𑓂𑒙 𑒂 𑒪𑒰𑒏𑒰𑒢𑒮𑒿 𑒪𑒑), 𑒑𑒰𑒨𑒞𑓂𑒩𑒲 𑒮𑓂𑒣𑒲𑒫𑒰𑒏 (𑒤𑒼𑒏𑒾𑒪𑓂𑒙 𑒂 𑒛𑒹𑒩𑒲𑒛𑒰𑒮𑒿 𑒪𑒑) 𑒂 𑒋𑒛𑒫𑒩𑓂𑒛 𑒮𑒄𑒠(𑒤𑒼𑒏𑒾𑒪𑓂𑒙𑒮𑒿 𑒪𑒑) 𑒖𑒹 𑒅𑒣𑒢𑒱𑒫𑒹𑒬𑒫𑒰𑒠𑒲𑒏 𑒣𑒴𑒩𑓂𑒫𑒏 𑒡𑒴𑒩𑓂𑒞𑒞𑒰𑒏, 𑒬𑒱𑒟𑒱𑒪𑒞𑒰 𑒂𑒠𑒱𑒏 𑒡𑒰𑒩𑒝𑒰𑒏 𑒪𑒹𑒪 𑒏𑒋𑒪 𑒑𑒹𑒪 𑒏𑒰𑒩𑓂𑒨 𑒂 𑒮𑒱𑒠𑓂𑒡𑒰𑓀𑒞𑒲𑒏𑒩𑒝𑒏 𑒫𑓂𑒨𑒰𑒐𑓂𑒨𑒰 𑒏𑒩𑒻 𑒕𑒟𑒱।
𑒩𑒹𑒧𑒝𑓂𑒛 𑒫𑒱𑒪𑒱𑒨𑒧𑓂𑒮𑒏 𑒮𑓀𑒮𑓂𑒏𑒵𑒞𑒱𑒏 𑒁𑒡𑓂𑒨𑒨𑒢 𑒮𑒰𑒯𑒱𑒞𑓂𑒨𑒏 𑒂𑒩𑓂𑒟𑒱𑒏 𑒮𑓂𑒟𑒱𑒞𑒱𑒮𑒿 𑒮𑒧𑓂𑒥𑒢𑓂𑒡 𑒠𑒹𑒐𑒥𑒻𑒞 𑒁𑒕𑒱। 𑒢𑒫 𑒃𑒞𑒱𑒯𑒰𑒮𑒫𑒰𑒠 𑒃𑒞𑒱𑒯𑒰𑒮𑒏 𑒬𑒥𑓂𑒠𑒬𑒰𑒮𑓂𑒞𑓂𑒩 𑒂 𑒬𑒥𑓂𑒠𑒬𑒰𑒮𑓂𑒞𑓂𑒩𑒏 𑒌𑒞𑒱𑒯𑒰𑒮𑒱𑒏𑒞𑒰𑒏 𑒞𑒳𑒪𑒢𑒰 𑒏𑒩𑒻𑒞 𑒁𑒕𑒱।
𑒃𑒪𑒰𑒃𑒢 𑒬𑒼𑒂𑒪𑓂𑒙𑒩 𑒧𑒯𑒱𑒪𑒰 𑒪𑒹𑒐𑒢𑒏 𑒧𑒰𑒢𑒮𑒱𑒏, 𑒖𑒻𑒫𑒱𑒏 𑒂 𑒦𑒰𑒭𑒰𑒨𑒲 𑒫𑒱𑒬𑒹𑒭𑒞𑒰𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒻 𑒕𑒟𑒱। 𑒮𑒱𑒧𑒼𑒢 𑒛𑒲. 𑒥𑒹𑒫𑒼𑒃𑒩 𑒢𑒰𑒩𑒲𑒏 𑒢𑒰𑒩𑒲𑒏 𑒣𑓂𑒩𑒞𑒱 𑒣𑓂𑒩𑒞𑒱𑒥𑒠𑓂𑒡𑒞𑒰𑒧𑒹 𑒫𑒩𑓂𑒑 𑒂 𑒖𑒰𑒞𑒱𑒏𑒹𑒿 (𑒖𑒏𑒩 𑒥𑒰𑒠𑒏 𑒢𑒰𑒩𑒲𑒫𑒰𑒠𑒲 𑒮𑒱𑒠𑓂𑒡𑒰𑓀𑒞 𑒫𑒱𑒩𑒼𑒡 𑒏𑒹𑒪𑒏) 𑒥𑒰𑒡𑒏 𑒧𑒰𑒢𑒻 𑒕𑒟𑒱। 𑒫𑒩𑓂𑒖𑒲𑒢𑒱𑒨𑒰 𑒫𑒳𑒪𑓂𑒤 𑒢𑒰𑒩𑒲 𑒪𑒹𑒐𑒏 𑒪𑒹𑒪 𑒂𑒩𑓂𑒟𑒱𑒏 𑒮𑓂𑒫𑒞𑓀𑒞𑓂𑒩𑒞𑒰 𑒂 𑒢𑒱𑒖𑒞𑒰𑒏𑒹𑒿 𑒂𑒫𑒬𑓂𑒨𑒏 𑒧𑒰𑒢𑒻 𑒕𑒟𑒱। 𑒯𑒱𑒢𑒏𑒩 𑒫𑒱𑒔𑒰𑒩𑒏𑒹𑒿 𑒏𑓂𑒩𑒰𑒢𑓂𑒞𑒱𑒏𑒰𑒩𑒲 𑒢𑒻 𑒧𑒰𑒢𑒪 𑒑𑒹𑒪। 𑒧𑒹𑒩𑒲 𑒫𑒼𑒪𑓂𑒮𑓂𑒙𑒼𑒢𑒏𑓂𑒩𑒰𑒤𑓂𑒙 𑒢𑒰𑒩𑒲 𑒬𑒱𑒏𑓂𑒭𑒰𑒧𑒹 𑒏𑓂𑒩𑒰𑒢𑓂𑒞𑒱 𑒂 𑒎𑒔𑒱𑒞𑓂𑒨𑒏 𑒬𑒱𑒏𑓂𑒭𑒰𑒏𑒹𑒿 𑒮𑒧𑓂𑒧𑒱𑒪𑒱𑒞 𑒏𑒩𑒥𑒰𑒣𑒩 𑒖𑒼𑒩 𑒠𑒹𑒪𑒢𑒱।
𑒢𑒫 𑒮𑒧𑒲𑒏𑓂𑒭𑒰- 𑒃𑒪𑒱𑒋𑒙 𑒏𑒫𑒱𑒞𑒰𑒧𑒹 𑒦𑒰𑒫𑒢𑒰𑒏 𑒣𑓂𑒩𑒡𑒰𑒢𑒞𑒰𑒏 𑒫𑒱𑒩𑒼𑒡 𑒏𑒋𑒪 𑒂 𑒋𑒏𑒩𑒰 𑒑𑒋𑒩 𑒫𑒻𑒨𑒏𑓂𑒞𑒱𑒏 𑒥𑒢𑒹𑒥𑒰𑒏 𑒂𑒑𑓂𑒩𑒯 𑒏𑒹𑒪𑒢𑒱। 𑒮𑒧𑒲𑒏𑓂𑒭𑒏𑒏 𑒏𑒰𑒖 𑒪𑒼𑒏𑒏 𑒩𑒳𑒔𑒱𑒧𑒹 𑒮𑒳𑒡𑒰𑒩 𑒏𑒩𑒥 𑒮𑒹𑒯𑒼 𑒁𑒕𑒱। 𑒫𑒱𑒧𑒮𑒻𑒙 𑒂 𑒫𑒩𑓂𑒛𑒮𑓂𑒪𑒹 𑒏𑒯𑒪𑒢𑒱 𑒖𑒹 𑒏𑒫𑒱𑒏 𑒅𑒠𑓂𑒠𑒹𑒬𑓂𑒨 𑒫𑒰 𑒌𑒞𑒱𑒯𑒰𑒮𑒱𑒏 𑒁𑒡𑓂𑒨𑒨𑒢𑒣𑒩 𑒮𑒧𑒲𑒏𑓂𑒭𑒰 𑒂𑒡𑒰𑒩𑒱𑒞 𑒢𑒻 𑒩𑒯𑒞। 𑒄 𑒣𑒰𑒚𑒏𑒣𑒩 𑒣𑒛𑓃𑒪 𑒦𑒰𑒫𑒢𑒰𑒞𑓂𑒧𑒏 𑒣𑓂𑒩𑒦𑒰𑒫𑒣𑒩 𑒮𑒹𑒯𑒼 𑒂𑒡𑒰𑒩𑒱𑒞 𑒢𑒻 𑒩𑒯𑒞 𑒏𑒰𑒩𑒝 𑒮𑒹 𑒮𑒰𑒣𑒹𑒏𑓂𑒭 𑒁𑒕𑒱। 𑒍 𑒂𑒡𑒰𑒩𑒱𑒞 𑒩𑒯𑒞 𑒫𑒰𑒮𑓂𑒞𑒫𑒱𑒏 𑒬𑒥𑓂𑒠𑒬𑒰𑒮𑓂𑒞𑓂𑒩𑒣𑒩।

𑒤𑒱𑒪𑒱𑒣 𑒮𑒱𑒛𑒢𑒲𑒮𑒿 𑒁𑓀𑒑𑓂𑒩𑒹𑒖𑒲 𑒮𑒧𑒲𑒏𑓂𑒭𑒰𑒏 𑒣𑓂𑒩𑒰𑒩𑒧𑓂𑒦 𑒠𑒹𑒐𑒱 𑒮𑒏𑒻 𑒕𑒲- 𑒍 𑒏𑒫𑒱𑒞𑒰𑒏𑒹𑒿 𑒮𑒾𑒢𑓂𑒠𑒩𑓂𑒨, 𑒁𑒩𑓂𑒟 𑒂 𑒧𑒰𑒢𑒫𑒲𑒨 𑒯𑒱𑒞𑒧𑒹 𑒠𑒹𑒐𑒪𑒢𑓂𑒯𑒱।
𑒖𑒰𑒢 𑒛𑓂𑒩𑒰𑒃𑒛𑒢- 𑒣𑓂𑒩𑒰𑒔𑒲𑒢 𑒮𑒰𑒯𑒱𑒞𑓂𑒨𑒧𑒹 𑒢𑒻𑒞𑒱𑒏 𑒣𑓂𑒩𑒫𑒔𑒢𑒣𑒩 𑒂 𑒋𑒏𑒩 𑒪𑒰𑒦𑒯𑒰𑒢𑒱𑒣𑒩 𑒫𑒱𑒔𑒰𑒩 𑒏𑒹𑒪𑒢𑒱।
𑒮𑒻𑒧𑒳𑒁𑒪 𑒖𑒰𑒢𑒮𑒢 𑒮𑒹𑒏𑓂𑒮𑒣𑒱𑒁𑒩𑒏 𑒢𑒰𑒙𑒏𑒧𑒹 𑒯𑒰𑒮𑓂𑒨 𑒂 𑒠𑒳𑒐𑒠 𑒞𑒞𑓂𑒫𑒣𑒩 𑒪𑒱𑒐𑒪𑒢𑓂𑒯𑒱।
𑒩𑒴𑒮𑒼𑒏 𑒩𑒼𑒧𑒰𑓀𑒬𑒫𑒰𑒠 𑒧𑒢𑒳𑒏𑓂𑒐𑒏 𑒢𑒲𑒏 𑒯𑒼𑒋𑒥𑒰𑒣𑒩 𑒬𑓀𑒏𑒰 𑒢𑒻 𑒏𑒩𑒻𑒋 (𑒏𑓂𑒪𑒰𑒮𑒱𑒏𑒪 𑒮𑒧𑒲𑒏𑓂𑒭𑒏 𑒬𑓀𑒏𑒰 𑒏𑒩𑒻 𑒕𑒟𑒱 𑒧𑒳𑒠𑒰 𑒢𑒫-𑒏𑓂𑒪𑒻𑒮𑒱𑒏𑒪 𑒏𑒯𑒻 𑒕𑒟𑒱 𑒖𑒹 𑒧𑒰𑒢𑒫 𑒮𑓂𑒫𑒦𑒰𑒫𑒮𑒿 𑒠𑒴𑒭𑒱𑒞 𑒁𑒕𑒱 𑒧𑒳𑒠𑒰 𑒮𑓀𑒮𑓂𑒟𑒰 𑒍𑒏𑒩𑒰 𑒢𑒲𑒏 𑒥𑒢𑒰 𑒮𑒏𑒻𑒋) 𑒧𑒳𑒠𑒰 𑒮𑓀𑒑𑒹 𑒄 𑒏𑒯𑒻𑒋 𑒖𑒹 𑒮𑓀𑒮𑓂𑒟𑒰 𑒮𑒦 𑒠𑒴𑒭𑒱𑒞 𑒁𑒕𑒱 𑒂 𑒧𑒰𑒞𑓂𑒩 𑒠𑒴𑒭𑒱𑒞 𑒪𑒼𑒏𑒏 𑒧𑒠𑒞𑒱 𑒏𑒩𑒻𑒋। 𑒩𑒼𑒧𑒰𑓀𑒬𑒫𑒰𑒠 𑒏𑒫𑒱𑒞𑒰𑒏 𑒫𑓂𑒨𑒏𑓂𑒞𑒱𑒑𑒞 𑒁𑒢𑒳𑒦𑒫 𑒯𑒼𑒋𑒥𑒰𑒏 𑒏𑒯𑒻𑒋।
𑒂𑒡𑒳𑒢𑒱𑒏 𑒮𑓂𑒟𑒱𑒞𑒱𑒫𑒰𑒠 (𑒮𑒰𑒯𑒱𑒞𑓂𑒨𑒏 𑒁𑒫𑒮𑓂𑒟𑒱𑒞𑒱𑒣𑒩 𑒏𑒼𑒢𑒼 𑒣𑓂𑒩𑒬𑓂𑒢 𑒔𑒱𑒢𑓂𑒯 𑒢𑒻) 𑒣𑒩 𑒮𑓀𑒩𑒔𑒢𑒰𑒫𑒰𑒠 𑒣𑓂𑒩𑒯𑒰𑒩 𑒏𑒹𑒪𑒏 𑒂 𑒞𑒏𑒩𑒰𑒥𑒰𑒠 𑒪𑒹𑒐𑒏 𑒮𑓂𑒫𑒨𑓀 𑒪𑒱𑒐𑒪 𑒙𑒹𑒏𑒮𑓂𑒙𑒏 𑒫𑒱𑒬𑓂𑒪𑒹𑒭𑒝 𑒏𑒩𑒥𑒰𑒏 𑒁𑒡𑒱𑒏𑒰𑒩 𑒑𑒧𑒹𑒪𑒏।
𑒅𑒞𑓂𑒞𑒩 𑒮𑓀𑒩𑒔𑒢𑒰𑒫𑒰𑒠 𑒏𑒯𑒪𑒏 𑒖𑒹 𑒮𑒰𑒯𑒱𑒞𑓂𑒨 𑒍𑒃𑒮𑒿 𑒂𑒑𑒰𑒿𑒏 𑒫𑒮𑓂𑒞𑒳 𑒁𑒕𑒱 𑒖𑒹 𑒮𑓀𑒩𑒔𑒢𑒰𑒫𑒰𑒠 𑒥𑒳𑒗𑒻 𑒁𑒕𑒱। 𑒅𑒞𑓂𑒞𑒩-𑒮𑓀𑒩𑒔𑒢𑒰𑒫𑒰𑒠𑒏 𑒋𑒏𑒙𑒰 𑒣𑓂𑒩𑒏𑒰𑒩 𑒁𑒕𑒱 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰। 𑒅𑒞𑓂𑒞𑒩 𑒮𑓀𑒩𑒔𑒢𑒰𑒫𑒰𑒠 𑒏𑒯𑒪𑒏 𑒖𑒹 𑒮𑒰𑒯𑒱𑒞𑓂𑒨𑒧𑒹 𑒮𑓀𑒩𑒔𑒢𑒰 𑒮𑓀𑒮𑓂𑒏𑒵𑒞𑒱 𑒂 𑒮𑒱𑒠𑓂𑒡𑒰𑒢𑓂𑒞 𑒧𑒡𑓂𑒨 𑒏𑒰𑒩𑓂𑒨 𑒏𑒩𑒻𑒞 𑒁𑒕𑒱 𑒖𑒞𑓂𑒞𑓄 𑒏𑒱𑒕𑒳 𑒦𑒰𑒫 𑒂 𑒮𑒼𑒔 𑒫𑓀𑒔𑒱𑒞 𑒁𑒕𑒱 𑒖𑒹 𑒢𑒱𑒩𑒢𑓂𑒞𑒩𑒞𑒰𑒏 𑒫𑒱𑒩𑒼𑒡 𑒏𑒩𑒻𑒋। 𑒫𑒱𑒐𑒝𑓂𑒛𑒢𑒫𑒰𑒠 𑒂 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰 𑒅𑒞𑓂𑒞𑒩 𑒮𑓀𑒩𑒔𑒢𑒰𑒫𑒰𑒠𑒏 𑒥𑒰𑒠 𑒂𑒋𑒪। 𑒅𑒞𑓂𑒞𑒩 𑒅𑒣𑒢𑒱𑒫𑒹𑒬𑒫𑒰𑒠 𑒅𑒣𑒢𑒱𑒫𑒹𑒬𑒏 𑒢𑒫 𑒩𑒴𑒣𑒏𑒹𑒿 𑒢𑒻 𑒧𑒰𑒢𑒻𑒋 𑒂 𑒁𑒫𑓂𑒨𑒫𑒮𑓂𑒟𑒰𑒏 𑒮𑒱𑒠𑓂𑒡𑒰𑓀𑒞 𑒖𑒹𑒢𑒰 𑒁𑒮𑒤𑒪 𑒅𑒠𑓂𑒠𑒹𑒬𑓂𑒨𑒏𑒹𑒿 𑒅𑒔𑒱𑒞 𑒣𑒩𑒱𑒝𑒰𑒧 𑒢𑒻 𑒦𑒹𑒙𑒥𑒰𑒏 𑒏𑒰𑒩𑒝 𑒧𑒰𑒢𑒻𑒋।
𑒮𑓀𑒩𑒔𑒢𑒰𑒫𑒰𑒠 𑒠𑒧𑒱𑒞 𑒏𑒩𑒻𑒥𑒪𑒰 𑒣𑒰𑒬𑓂𑒔𑒰𑒞𑓂𑒨 𑒫𑓂𑒨𑒫𑒮𑓂𑒟𑒰 𑒂 𑒮𑒧𑒰𑒖𑒣𑒩 𑒔𑒼𑒙 𑒏𑒩𑒻𑒋 𑒂 𑒌 𑒮𑒿 𑒧𑒰𑒩𑓂𑒏𑓂𑒮𑒫𑒰𑒠𑒏𑒹𑒿 𑒥𑒪 𑒦𑒹𑒙𑒪𑒻 (𑒁𑒪𑒟𑒴𑒖𑒩)।
𑒂𑒡𑒳𑒢𑒱𑒏𑒞𑒰𑒫𑒰𑒠𑒲-𑒮𑓂𑒟𑒱𑒫𑒰𑒠𑒲, 𑒢𑒫 𑒮𑒧𑒲𑒏𑓂𑒭𑒰, 𑒮𑓀𑒩𑒔𑒢𑒰𑒫𑒰𑒠 𑒂 𑒅𑒞𑓂𑒞𑒩 𑒮𑓀𑒩𑒔𑒢𑒰𑒫𑒰𑒠𑒏 𑒥𑒰𑒠 𑒫𑒱𑒐𑒝𑓂𑒛𑒢𑒫𑒰𑒠 𑒂 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰𑒫𑒰𑒠 𑒂𑒋𑒪 𑒖𑒏𑒩𑒰 𑒫𑒱𑒪𑒧𑓂𑒥𑒱𑒞 𑒣𑒴𑒿𑒖𑒲𑒫𑒰𑒠 𑒏𑒯𑒪 𑒑𑒹𑒪 (𑒤𑓂𑒩𑒹𑒛𑒩𑒱𑒏 𑒖𑒹𑒢𑒮𑒢)।
𑒁𑒚𑒰𑒩𑒯𑒧 𑒬𑒞𑒰𑒥𑓂𑒠𑒲𑒧𑒹 𑒂𑒡𑒳𑒢𑒱𑒏 𑒧𑒰𑒢𑒹 𑒕𑒪 𑒖𑒛𑓃𑒫𑒱𑒯𑒲𑒢 𑒧𑒳𑒠𑒰 𑒥𑒲𑒮𑒧 𑒬𑒞𑒰𑒥𑓂𑒠𑒲𑒏 𑒣𑓂𑒩𑒰𑒩𑒧𑓂𑒦𑒧𑒹 𑒋𑒏𑒩 𑒁𑒩𑓂𑒟 𑒣𑓂𑒩𑒑𑒞𑒱𑒫𑒰𑒠𑒲 𑒦𑓄 𑒑𑒹𑒪। 𑓑𑓙𑓗𑓐 𑒄.𑒏 𑒥𑒰𑒠 𑒂𑒡𑒳𑒢𑒱𑒏 𑒬𑒥𑓂𑒠 𑒋𑒏𑒙𑒰 𑒮𑒱𑒠𑓂𑒡𑒰𑓀𑒞𑒏 𑒩𑒴𑒣 𑒪𑓄 𑒪𑒹𑒪𑒏 𑒮𑒹 𑒅𑒞𑓂𑒞𑒩-𑒂𑒡𑒳𑒢𑒱𑒏 𑒬𑒥𑓂𑒠 𑒣𑒰𑒩𑒱𑒦𑒰𑒭𑒱𑒏 𑒦𑒹𑒪 𑒖𑒏𑒩 𑒢𑒖𑒩𑒱𑒧𑒹 𑒪𑒾𑒏𑒱𑒏 𑒧𑒯𑒞𑓂𑒫𑒣𑒴𑒩𑓂𑒝 𑒢𑒻 𑒩𑒯𑒪। 𑒂𑒡𑒳𑒢𑒱𑒏 𑒏𑒰𑒪 𑒡𑒩𑒱𑒏 𑒮𑒦 𑒖𑒲𑒫𑒢 𑒂 𑒃𑒞𑒱𑒯𑒰𑒮 𑒁𑒧𑒯𑒞𑓂𑒫𑒣𑒴𑒩𑓂𑒝 𑒦𑒹𑒪 𑒂 𑒐𑒞𑒧 𑒦𑒹𑒪। 𑒄 𑒮𑒱𑒠𑓂𑒡𑒰𑓀𑒞 𑒦𑒹𑒪 𑒃𑒞𑒱𑒯𑒰𑒮𑒼𑒞𑓂𑒞𑒩, 𑒫𑒱𑒏𑒰𑒮𑒼𑒞𑓂𑒞𑒩 𑒂 𑒏𑒰𑒩𑒝𑒼𑒞𑓂𑒞𑒩। 𑒮𑒞𑓂𑒨 𑒂 𑒂𑒣𑒮𑒲 𑒖𑒳𑒛𑓃𑒰𑒫𑒏 𑒧𑒯𑒞𑓂𑒫 𑒐𑒞𑒧 𑒦𑓄 𑒑𑒹𑒪।
𑒖𑒰𑒠𑒳𑒃 𑒫𑒰𑒮𑓂𑒞𑒫𑒱𑒏𑒞𑒰𑒫𑒰𑒠 𑒖𑒃𑒧𑒹 𑒫𑒰𑒮𑓂𑒞𑒫𑒱𑒏 𑒮𑓂𑒟𑒱𑒞𑒱𑒧𑒹 𑒖𑒰𑒠𑒳𑒃 𑒫𑒮𑓂𑒞𑒳𑒖𑒰𑒞 𑒒𑒼𑒮𑒱𑒂𑒍𑒪 𑒖𑒰𑒃𑒞 𑒁𑒕𑒱। 𑒮𑓂𑒣𑒹𑒢𑒱𑒬 𑒅𑒣𑒢𑓂𑒨𑒰𑒮𑒏𑒰𑒩 𑒑𑒻𑒥𑓂𑒩𑒱𑒁𑒪 𑒑𑒰𑒩𑓂𑒮𑒱𑒨𑒰 𑒧𑒰𑒩𑓂𑒏𑓂𑒫𑒱𑒮𑒏 “𑒫𑒢 𑒯𑓀𑒛𑓂𑒩𑒹𑒛 𑒄𑒨𑒩𑓂𑒮 𑒂𑒤 𑒮𑒼𑒪𑒲𑒙𑓂𑒨𑒴𑒛” 𑒂 𑒮𑒪𑒧𑒰𑒢 𑒩𑒳𑒮𑓂𑒛𑒲𑒏 “𑒧𑒱𑒛𑒢𑒰𑒃𑒙𑓂𑒮 𑒔𑒱𑒪𑓂𑒛𑓂𑒩𑒹𑒢” 𑒌 𑒞𑒩𑒯𑒏 𑒅𑒣𑒢𑓂𑒨𑒰𑒮 𑒁𑒕𑒱। 𑒩𑒔𑒢𑒰𑒏𑒰𑒩 𑒌 𑒞𑒩𑒯𑒏 𑒣𑓂𑒩𑒨𑒼𑒑 𑒏’ 𑒫𑒰𑒮𑓂𑒞𑒫𑒱𑒏𑒞𑒰𑒏𑒹𑒿 𑒢𑒲𑒏 𑒖𑒏𑒰𑒿 𑒥𑒳𑒗𑒥𑒰𑒏 𑒣𑓂𑒩𑒨𑒰𑒮 𑒏𑒩𑒻 𑒕𑒟𑒱।
𑒖𑒼𑒮𑒹𑒤 𑒏𑒼𑒢𑒩𑒹𑒛 𑒅𑒣𑒢𑓂𑒨𑒰𑒮𑒏𑒹𑒿 𑒃𑒞𑒱𑒯𑒰𑒮 𑒏𑒯𑒻 𑒕𑒟𑒱। 𑒖𑒼𑒮𑒹𑒤 𑒏𑒼𑒢𑒩𑒹𑒛 𑒣𑒼𑒪𑒱𑒬 𑒦𑒰𑒭𑒲 𑒩𑒯𑒟𑒱 𑒧𑒳𑒠𑒰 𑒁𑓀𑒑𑓂𑒩𑒹𑒖𑒲𑒏 𑒣𑓂𑒩𑒮𑒱𑒠𑓂𑒡 𑒅𑒣𑒢𑓂𑒨𑒰𑒮𑒏𑒰𑒩 𑒕𑒟𑒱 𑒖𑒹 𑒡𑒰𑒩𑒰𑒣𑓂𑒩𑒫𑒰𑒯 𑒁𑓀𑒑𑓂𑒩𑒹𑒖𑒲 𑒢𑒻 𑒥𑒖𑒻𑒞 𑒩𑒯𑒟𑒱। 𑒩𑒼𑒪𑒹𑓀𑒛 𑒥𑒰𑒩𑓂𑒟𑒹𑒖 𑒏𑒯𑒻 𑒕𑒟𑒱 𑒖𑒹 𑒅𑒣𑒢𑓂𑒨𑒰𑒮 𑒃𑒞𑒱𑒯𑒰𑒮 𑒮𑒹𑒯𑒼 𑒕𑒲 𑒂 𑒅𑒣𑒢𑓂𑒨𑒰𑒮 𑒃𑒞𑒱𑒯𑒰𑒮𑒏 𑒫𑒱𑒩𑒼𑒡 𑒮𑒹𑒯𑒼 𑒏𑒩𑒻𑒋। 𑒩𑒼𑒪𑒹𑓀𑒛 𑒥𑒰𑒩𑓂𑒟𑒹𑒖 𑒤𑓂𑒩𑒰𑓀𑒮𑒏 𑒮𑒰𑒯𑒱𑒞𑓂𑒨𑒱𑒏 𑒮𑒱𑒠𑓂𑒡𑒰𑓀𑒏𑒰𑒩 𑒩𑒯𑒟𑒱 𑒂 𑒯𑒱𑒢𑒏𑒩 𑒪𑒹𑒐𑒢𑒲𑒏 𑒣𑓂𑒩𑒦𑒰𑒫 𑒮𑓀𑒩𑒔𑒢𑒰𑒫𑒰𑒠, 𑒧𑒰𑒩𑓂𑒏𑓂𑒮𑒫𑒰𑒠𑒲 𑒂 𑒅𑒞𑓂𑒞𑒩 𑒮𑓀𑒩𑒔𑒢𑒰𑒫𑒰𑒠𑒲 𑒮𑒰𑒯𑒱𑒞𑓂𑒨𑒱𑒏 𑒮𑒱𑒠𑓂𑒡𑒰𑓀𑒞𑒣𑒩 𑒣𑒛𑓃𑒪।
𑒅𑒞𑓂𑒞𑒩 𑒂𑒡𑒳𑒢𑒱𑒏 𑒣𑒰𑒬𑓂𑒔𑒰𑒞𑓂𑒨 𑒥𑒳𑒩𑓂𑒖𑒳𑒂 𑒠𑒵𑒬𑓂𑒨-𑒬𑓂𑒩𑒫𑓂𑒨 𑒧𑒲𑒛𑒱𑒨𑒰𑒏 𑒣𑓂𑒩𑒨𑒼𑒏 𑒏𑓄 𑒁𑒮𑒧𑒞𑒰, 𑒁𑒢𑓂𑒨𑒰𑒨 𑒂 𑒫𑓀𑒔𑒱𑒞𑒏 𑒁𑒫𑒡𑒰𑒩𑒝𑒰𑒏𑒹𑒿 𑒧𑒰𑒞𑓂𑒩 𑒬𑒥𑓂𑒠 𑒏𑒯𑒻 𑒕𑒟𑒱 𑒖𑒹 𑒮𑒧𑒞𑒰, 𑒣𑓂𑒩𑒰𑒣𑓂𑒞𑒱 𑒂 𑒢𑓂𑒨𑒰𑒨𑒏 𑒪𑒑𑒏 𑒬𑒥𑓂𑒠 𑒁𑒕𑒱। 𑒑𑒩𑒲𑒥𑒲 𑒖𑒹 𑒣𑒰𑒬𑓂𑒔𑒰𑒞𑓂𑒨𑒧𑒹 𑒮𑒧𑒮𑓂𑒨𑒰 𑒢𑒻 𑒁𑒕𑒱 𑒮𑒹 𑒂𑒃 𑒦𑒰𑒩𑒞𑒧𑒹 𑒣𑒻𑒒 𑒮𑒧𑒮𑓂𑒨𑒰 𑒁𑒕𑒱। 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰 𑒢𑒰𑒩𑒲𑒫𑒰𑒠𑒏 𑒂 𑒧𑒰𑒩𑓂𑒏𑓂𑒮𑒫𑒰𑒠𑒏 𑒫𑒱𑒩𑒼𑒡𑒧𑒹 𑒁𑒕𑒱 𑒂 𑒋𑒏𑒩 𑒢𑒰𑒩𑒲𑒫𑒰𑒠 𑒂 𑒧𑒰𑒩𑓂𑒏𑓂𑒮𑒫𑒰𑒠 𑒫𑒱𑒩𑒼𑒡 𑒏𑒹𑒪𑒏 𑒁𑒕𑒱। 𑒖𑒹𑒢𑒰 𑒌𑒞𑒱𑒯𑒰𑒮𑒱𑒏 𑒫𑒱𑒬𑓂𑒪𑒹𑒭𑒝𑒏 𑒣𑒏𑓂𑒭𑒧𑒹 𑒧𑒰𑒩𑓂𑒏𑓂𑒮𑒫𑒰𑒠 𑒁𑒕𑒱 𑒂 𑒍𑒃𑒮𑒿 𑒍 𑒁𑒣𑒢 𑒮𑒱𑒠𑓂𑒡𑒰𑓀𑒞 𑒤𑒹𑒩𑒮𑒿 𑒮𑒬𑒏𑓂𑒞 𑒏𑒹𑒪𑒏 𑒁𑒕𑒱, 𑒮𑓀𑒩𑒔𑒢𑒰𑒫𑒰𑒠-𑒅𑒞𑓂𑒞𑒩-𑒮𑓀𑒩𑒔𑒢𑒰𑒫𑒰𑒠 𑒂 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰𑒫𑒰𑒠𑒏 𑒣𑒩𑒱𑒣𑓂𑒩𑒹𑒏𑓂𑒭𑓂𑒨𑒧𑒹। 𑒧𑒰𑒩𑓂𑒏𑓂𑒮𑒫𑒰𑒠 𑒪𑒾𑒏𑒱𑒏 𑒣𑒏𑓂𑒭𑒣𑒩 𑒖𑒼𑒩 𑒠𑒻𑒞 𑒁𑒕𑒱 𑒧𑒳𑒠𑒰 𑒞𑒹𑒿 𑒄 𑒅𑒣𑒨𑒼𑒑𑒱𑒞𑒰𑒫𑒰𑒠 𑒂 𑒔𑒰𑒩𑓂𑒫𑒏 𑒠𑒩𑓂𑒬𑒢𑒏 𑒪𑒑 𑒢𑒻 𑒁𑒕𑒱, 𑒏𑒰𑒩𑒝 𑒅𑒣𑒨𑒼𑒑𑒱𑒞𑒰𑒫𑒰𑒠 𑒂 𑒔𑒰𑒩𑓂𑒫𑒏𑒫𑒰𑒠 𑒧𑒰𑒞𑓂𑒩 𑒬𑒰𑒩𑒲𑒩𑒱𑒏 𑒂𑒫𑒬𑓂𑒨𑒏𑒞𑒰𑒏𑒹𑒿 𑒡𑓂𑒨𑒰𑒢𑒧𑒹 𑒩𑒐𑒻𑒞 𑒁𑒕𑒱। 𑒢𑒰𑒩𑒲𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝 𑒮𑒹𑒯𑒼 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰𑒫𑒰𑒠𑒏 𑒨𑒟𑒰𑒮𑓂𑒟𑒱𑒫𑒰𑒠𑒏 𑒫𑒱𑒩𑒼𑒡 𑒏𑒹𑒪𑒏 𑒁𑒕𑒱 𑒏𑒰𑒩𑒝 𑒨𑒰𑒫𑒞 𑒮𑒹 𑒐𑒞𑒧 𑒢𑒻 𑒯𑒼𑒋𑒞 𑒞𑒰𑒡𑒩𑒱 𑒢𑒰𑒩𑒲𑒏 𑒮𑓂𑒟𑒱𑒞𑒱𑒧𑒹 𑒮𑒳𑒡𑒰𑒩 𑒢𑒻 𑒂𑒍𑒞।

𑒧𑒼𑒯𑒢𑒖𑒼𑒠𑒛𑓃𑒼 𑒮𑒦𑓂𑒨𑒞𑒰𑒮𑒿 𑒣𑓂𑒩𑒰𑒣𑓂𑒞 𑒏𑒰𑓀𑒮𑓂𑒨 𑒣𑓂𑒩𑒞𑒱𑒧𑒰 𑒢𑒵𑒞𑓂𑒨𑒏 𑒧𑒳𑒠𑓂𑒩𑒰𑒏 𑒮𑓀𑒏𑒹𑒞 𑒠𑒻𑒞 𑒁𑒕𑒱, 𑒫𑒩𑓂𑒞𑒧𑒰𑒢 𑒏𑒟𑒏 𑒢𑒵𑒞𑓂𑒨𑒏 𑒚𑒰𑒚 𑒧𑒳𑒠𑓂𑒩𑒰 𑒮𑒠𑒵𑒬। 𑒠𑒯𑒱𑒢 𑒯𑒰𑒟 𑓔𑓕 𑒛𑒱𑒑𑓂𑒩𑒲𑒏 𑒏𑒼𑒝 𑒥𑒢𑒹𑒢𑒹 𑒂 𑒫𑒰𑒧 𑒯𑒰𑒟 𑒫𑒰𑒧 𑒕𑒰𑒥𑒰𑒣𑒩। 𑒮𑓀𑒑𑒯𑒱 𑒫𑒰𑒧 𑒣𑒋𑒩 𑒏𑒱𑒕𑒳 𑒧𑒼𑒩𑒢𑒹। 𑒇𑒑𑒫𑒹𑒠𑒏 𑒬𑒰𑓀𑒐𑒰𑒨𑒢 𑒥𑓂𑒩𑒰𑒯𑓂𑒧𑒝𑒏 𑒁𑒢𑒳𑒮𑒰𑒩 𑒑𑒲𑒞, 𑒫𑒰𑒠𑓂𑒨 𑒂 𑒢𑒵𑒞𑓂𑒨 𑒞𑒲𑒢𑒴𑒏 𑒮𑓀𑒑𑒹-𑒮𑓀𑒑 𑒣𑓂𑒩𑒨𑒼𑒑𑒏 𑒫𑒩𑓂𑒝𑒢 𑒁𑒕𑒱, 𑒌𑒞𑒩𑒹𑒨 𑒥𑓂𑒩𑒰𑒯𑓂𑒧𑒝𑒧𑒹 𑒌 𑒞𑒲𑒢𑒴𑒏 𑒑𑒝𑒢𑒰 𑒠𑒻𑒫𑒲 𑒬𑒱𑒪𑓂𑒣𑒧𑒹 𑒁𑒕𑒱। 𑒇𑒑𑒫𑒹𑒠 𑓑𑓐.𑓗𑓖.𑓖 𑒧𑒹 𑒅𑒭𑒰𑒏 𑒮𑓂𑒫𑒩𑓂𑒝𑒱𑒧 𑒂𑒦𑒰 𑒏𑒫𑒱𑒏𑒹𑒿 𑒮𑒳𑒮𑒖𑓂𑒖𑒱𑒞 𑒇𑒭𑒱𑒏 𑒮𑓂𑒧𑒩𑒝 𑒏𑒩𑒥𑒻𑒞 𑒕𑒢𑓂𑒯𑒱। 𑒇𑒑𑒫𑒹𑒠𑒧𑒹 𑒪𑒼𑒏 𑒢𑒵𑒞𑓂𑒨𑒏 (𑒣𑓂𑒩𑒰𑒢𑓂𑒔𑒼 𑒁𑒑𑒰𑒧 𑒢𑒵𑒞𑒨𑒹) 𑒮𑒹𑒯𑒼 𑒅𑒪𑓂𑒪𑒹𑒐 𑒁𑒕𑒱। 𑒧𑒯𑒰𑒫𑓂𑒩𑒞 𑒢𑒰𑒧𑓂𑒢𑒰 𑒮𑒼𑒧𑒨𑒰𑒑𑒧𑒹 𑒠𑒰𑒮𑒲 𑒮𑒦𑒏 (𑓓-𑓖 𑒠𑒰𑒮𑒲𑒏) 𑒮𑒰𑒧𑒴𑒯𑒱𑒏 𑒢𑒵𑒞𑓂𑒨𑒏 𑒫𑒩𑓂𑒝𑒢 𑒁𑒕𑒱। 𑒬𑒰𑓀𑒐𑒰𑒨𑒢 𑓑.𑓑𑓑.𑓕 𑒧𑒹 𑒫𑒩𑓂𑒝𑒢 𑒁𑒕𑒱 𑒖𑒹 𑒫𑒱𑒫𑒰𑒯𑒧𑒹 𑓔-𑓘 𑒮𑒳𑒯𑒰𑒑𑒱𑒢𑒏𑒹𑒿 𑒮𑒳𑒩𑒰 𑒣𑒱𑒨𑒰𑒍𑒪 𑒖𑒰𑒃𑒞 𑒕𑓂𑒪 𑒂 𑒔𑒞𑒳𑒩𑓂𑒫𑒰𑒩 𑒢𑒵𑒞𑓂𑒨 𑒪𑒹𑒪 𑒣𑓂𑒩𑒹𑒩𑒱𑒞 𑒏𑒋𑒪 𑒖𑒰𑒃𑒞 𑒕𑒪। 𑒫𑒻𑒠𑒱𑒏 𑒮𑒰𑒯𑒱𑒞𑓂𑒨𑒧𑒹 𑒫𑒱𑒫𑒰𑒯 𑒫𑒱𑒡𑒱𑒧𑒹 𑒣𑒞𑓂𑒢𑒲𑒏 𑒑𑒰𑒨𑒢𑒏 𑒅𑒪𑓂𑒪𑒹𑒐 𑒁𑒕𑒱। 𑒮𑒲𑒧𑒢𑓂𑒞𑒼𑒢𑓂𑒢𑒨𑒢 𑒫𑒱𑒡𑒱𑒧𑒹 𑒣𑒞𑒱 𑒫𑒲𑒝𑒰𑒫𑒰𑒠𑒏𑒮𑒿 𑒮𑒼𑒧𑒠𑒹𑒫𑒏 𑒫𑒰𑒠𑒨𑒳𑒏𑓂𑒞 𑒑𑒰𑒢 𑒏𑒩𑒥𑒰𑒏 𑒁𑒢𑒳𑒩𑒼𑒡 𑒏𑒩𑒻𑒞 𑒕𑒟𑒱। 𑒁𑒟𑒩𑓂𑒫𑒫𑒹𑒠𑒧𑒹 𑒫𑒮𑒰 𑒢𑒰𑒧𑓂𑒢𑒰 𑒠𑒹𑒫𑒞𑒰𑒏 𑒢𑒵𑒞𑓂𑒨 𑒇𑒏𑓂, 𑒮𑒰𑒧 𑒂 𑒑𑒰𑒟𑒰𑒮𑒿 𑒮𑒧𑓂𑒥𑒢𑓂𑒡𑒱𑒞 𑒯𑒼𑒋𑒥𑒰𑒏 𑒑𑒣 𑒂𑒋𑒪 𑒁𑒕𑒱, 𑒮𑒼𑒧𑒣𑒰𑒢𑒨𑒳𑒏𑓂𑒞 𑒌 𑒢𑒵𑒞𑓂𑒨𑒧𑒹 𑒑𑒢𑓂𑒡𑒩𑓂𑒫 𑒮𑒹𑒯𑒼 𑒯𑒼𑒃𑒞 𑒕𑒪𑒰𑒯, 𑒮𑒹 𑒫𑒩𑓂𑒝𑒱𑒞 𑒁𑒕𑒱। 𑒁𑒟𑒩𑓂𑒫𑒫𑒹𑒠 𑓑𑓒.𑓑.𑓔𑓑 𑒧𑒹 𑒑𑒲𑒞, 𑒫𑒰𑒠𑒢 𑒂 𑒢𑒵𑒞𑓂𑒨𑒏 𑒮𑒰𑒧𑒴𑒯𑒱𑒏 𑒡𑓂𑒫𑒢𑒱𑒏 𑒫𑒩𑓂𑒝𑒢 𑒁𑒕𑒱। 𑒫𑒻𑒠𑒱𑒏 𑒏𑒰𑒪𑒧𑒹 𑒮𑒰𑒧 𑒮𑓀𑒑𑒲𑒞𑒏 𑒁𑒪𑒰𑒥𑒹 𑒑𑒰𑒟𑒰 𑒂 𑒢𑒰𑒩𑒰𑒬𑓀𑒮𑒲 𑒢𑒰𑒧𑓂𑒢𑒰 𑒪𑒾𑒏𑒱𑒏 𑒮𑓀𑒑𑒲𑒞𑒏 𑒮𑒹𑒯𑒼 𑒣𑓂𑒩𑒔𑒪𑒢 𑒕𑒪।
𑒧𑒯𑒱𑒪𑒰- 𑒇𑒑𑒫𑒹𑒠𑒧𑒹 𑒁𑒣𑒰𑒪𑒰,𑒒𑒼𑒭𑒰, 𑒬𑓂𑒩𑒠𑓂𑒡𑒰, 𑒬𑒔𑒲, 𑒮𑒰𑒩𑓂𑒣𑒩𑒰𑒖𑓂𑒘𑒲, 𑒨𑒧𑒲, 𑒫𑒻𑒫𑒮𑓂𑒫𑒞𑒲, 𑒠𑒹𑒫 𑒖𑒰𑒧𑒨, 𑒃𑒢𑓂𑒠𑓂𑒩𑒰𑒝𑒲, 𑒬𑒬𑓂𑒫𑒞𑒲, 𑒩𑒼𑒧𑒬𑒰, 𑒑𑒼𑒡𑒰, 𑒅𑒩𑓂𑒫𑒬𑒲, 𑒮𑒴𑒩𑓂𑒨𑒰, 𑒁𑒠𑒱𑒞𑒱, 𑒢𑒠𑒲, 𑒪𑒼𑒣𑒰𑒧𑒳𑒠𑓂𑒩𑒰, 𑒫𑒱𑒬𑓂𑒫𑒫𑒰𑒩𑒰, 𑒫𑒰𑒏𑓂 𑒖𑒳𑒯𑒴, 𑒮𑒩𑒧𑒰 𑒂 𑒨𑒧𑒲 𑒌 𑓒𑓑 𑒙𑒰 𑒇𑒭𑒱𑒏𑒰𑒏 𑒫𑒩𑓂𑒝𑒢 𑒁𑒕𑒱। 𑒠𑒹𑒫𑒞𑒰 𑒧𑒰𑒢𑒹 𑒣𑓂𑒩𑒞𑒱𑒣𑒰𑒠𑓂𑒨 𑒫𑒱𑒭𑒨 𑒢𑒻 𑒏𑒱 𑒑𑒰𑒛 (𑒖𑒹𑒢𑒰 𑒑𑓂𑒩𑒱𑒤𑒱𑒟 𑒏𑒹𑒢𑒹 𑒕𑒟𑒱।) 𑒧𑒢𑓂𑒞𑓂𑒩𑒰𑒩𑓂𑒟𑒧𑒹 𑒧𑒯𑒩𑓂𑒭𑒱 𑒣𑒞𑒘𑓂𑒖𑒪𑒱𑒏 𑒫𑒻𑒖𑓂𑒘𑒰𑒢𑒱𑒏 𑒧𑒢𑓂𑒞𑒫𑓂𑒨 “𑒨𑒔𑓂𑒕𑒥𑓂𑒠 𑒂𑒯 𑒞𑒠𑒮𑓂𑒧𑒰𑒏𑓀 𑒣𑓂𑒩𑒧𑒰𑒝𑒧𑓂” 𑒧𑒰𑒢𑒹 𑒖𑒹 𑒬𑒥𑓂𑒠 𑒂𑒏𑒱 𑒧𑓀𑒞𑓂𑒩𑒏 𑒣𑒠 𑒏𑒯𑒻𑒞 𑒁𑒕𑒱 𑒮𑒋𑒯 𑒯𑒧𑒩𑒰 𑒪𑒹𑒪 𑒣𑓂𑒩𑒧𑒰𑒝 𑒁𑒕𑒱- 𑒋𑒏𑒩 𑒁𑒩𑓂𑒟 𑒥𑒰𑒠𑒧𑒹 𑒫𑒹𑒠𑒹 𑒣𑓂𑒩𑒧𑒰𑒝 𑒁𑒕𑒱- 𑒑𑒪𑒞 𑒩𑒴𑒣𑒹𑒿 𑒦𑒹𑒪।

𑒣𑓂𑒪𑒹𑒙𑒼- 𑒣𑓂𑒪𑒹𑒙𑒼 𑒏𑒯𑒻 𑒕𑒟𑒱 𑒖𑒹 𑒏𑒼𑒢𑒼 𑒏𑒪𑒰 𑒢𑒲𑒏 𑒢𑒻 𑒦𑓄 𑒮𑒏𑒻𑒋 𑒏𑒱𑒋𑒏 𑒞𑒿 𑒄 𑒮𑒦𑒙𑒰 𑒁𑒮𑒞𑓂𑒨 𑒂 𑒁𑒫𑒰𑒮𑓂𑒞𑒫𑒱𑒏 𑒁𑒕𑒱। 𑒣𑓂𑒪𑒹𑒙𑒼𑒏 𑒄 𑒫𑒱𑒔𑒰𑒩 𑒮𑓂𑒣𑒰𑒩𑓂𑒙𑒰𑒮𑒿 𑒋𑒟𑒹𑓀𑒮𑒏 𑒮𑒻𑒢𑓂𑒨 𑒮𑓀𑒑𑒚𑒢𑒏 𑒢𑓂𑒨𑒴𑒢𑒞𑒰𑒏𑒹𑒿 𑒠𑒹𑒐𑒻𑒞 𑒠𑒹𑒪 𑒫𑒱𑒔𑒰𑒩𑒏 𑒩𑒴𑒣𑒧𑒹 𑒮𑒹𑒯𑒼 𑒠𑒹𑒐𑒪 𑒖𑒋𑒥𑒰𑒏 𑒔𑒰𑒯𑒲। 𑒏𑒰𑒫𑓂𑒨/ 𑒢𑒰𑒙𑒏𑒏 𑒌 𑒩𑒴𑒣𑒹𑒿 𑒫𑒱𑒩𑒼𑒡 𑒏𑒹𑒪𑒢𑓂𑒯𑒱 𑒖𑒹 𑒮𑒧𑓂𑒫𑒰𑒠𑒏𑒹𑒿 𑒩𑒙𑒱 𑒏𑓄 𑒥𑒰𑒖𑒻𑒮𑒿 𑒪𑒼𑒏 𑒋𑒏𑒙𑒰 𑒏𑒵𑒞𑓂𑒩𑒱𑒧 𑒖𑒲𑒫𑒢 𑒠𑒱𑒮 𑒂𑒏𑒩𑓂𑒭𑒱𑒞 𑒯𑒼𑒋𑒞।
𑒁𑒩𑒱𑒮𑓂𑒙𑒼𑒙𑒪 𑒏𑒫𑒱𑒞𑒰𑒏𑒹𑒿 𑒧𑒰𑒞𑓂𑒩 𑒁𑒢𑒳𑒏𑒵𑒞𑒱 𑒢𑒻 𑒧𑒰𑒢𑒻 𑒕𑒟𑒱, 𑒍 𑒌 𑒧𑒹 𑒠𑒩𑓂𑒬𑒢 𑒂 𑒮𑒰𑒩𑓂𑒫𑒦𑒾𑒧 𑒮𑒞𑓂𑒨 𑒮𑒹𑒯𑒼 𑒠𑒹𑒐𑒻 𑒕𑒟𑒱। 𑒍 𑒢𑒰𑒙𑒏𑒏 𑒠𑒳𑒐𑒰𑒢𑓂𑒞𑒏𑒹𑒿 𑒂 𑒁𑒢𑒳𑒏𑒵𑒞𑒱𑒏𑒹𑒿 𑒢𑒱𑒮𑒰𑒮 𑒕𑒼𑒛𑓃𑒻𑒥𑒪𑒰 𑒏𑒯𑒻 𑒕𑒟𑒱 𑒖𑒹 𑒂𑒢𑒢𑓂𑒠, 𑒠𑒨𑒰 𑒂 𑒦𑒨𑒏 𑒥𑒰𑒠 𑒁𑒥𑒻𑒞 𑒁𑒕𑒱।
𑒮𑒧𑓂𑒫𑒰𑒠 𑒠𑒴 𑒞𑒩𑒹𑒯𑒹𑒿 𑒦𑓄 𑒮𑒏𑒻𑒋- 𑒁𑒦𑒱𑒦𑒰𑒭𑒝 𑒫𑒰 𑒑𑒣 𑒠𑓂𑒫𑒰𑒩𑒰। 𑒑𑒣𑒧𑒹 𑒠𑒰𑒩𑓂𑒬𑒢𑒱𑒏 𑒞𑒞𑓂𑒫 𑒏𑒧 𑒩𑒯𑒞। 𑒣𑓂𑒩𑒰𑒔𑒲𑒢 𑒑𑓂𑒩𑒲𑒮𑒧𑒹 𑒏𑒫𑒱𑒞𑒰 𑒦𑒑𑒫𑒰𑒢𑒏 𑒮𑒢𑒹𑒮 𑒥𑒴𑒗𑒪 𑒖𑒰𑒃𑒞 𑒕𑒪। 𑒋𑒩𑒱𑒮𑓂𑒙𑒼𑒤𑒱𑒢𑒲𑒮 𑒢𑒲𑒏 𑒂 𑒁𑒡𑒪𑒰 𑒌 𑒠𑒴 𑒞𑒩𑒯𑒏 𑒏𑒫𑒱𑒞𑒰 𑒠𑒹𑒐𑒻 𑒕𑒟𑒱 𑒞𑒿 𑒟𑒱𑒨𑒼𑒤𑓂𑒩𑒹𑒮𑓂𑒙𑒮 𑒏𑒚𑒼𑒩, 𑒅𑒞𑓂𑒏𑒵𑒭𑓂𑒙 𑒂 𑒦𑒫𑓂𑒨 𑒌 𑒞𑒲𑒢 𑒞𑒩𑒯𑒹𑒿 𑒏𑒫𑒱𑒞𑒰𑒏𑒹𑒿 𑒠𑒹𑒐𑒻 𑒕𑒟𑒱। 𑒏𑒫𑒱𑒞𑒰 𑒂 𑒮𑓀𑒑𑒲𑒞 𑒁𑒦𑒱𑒢𑓂𑒢 𑒁𑒕𑒱। 𑒧𑒳𑒠𑒰 𑒨𑒴𑒩𑒼𑒣𑒏 𑒮𑒱𑒧𑓂𑒤𑒼𑒢𑒲 𑒖𑒃𑒧𑒹 𑒜𑒹𑒩 𑒩𑒰𑒮 𑒫𑒰𑒠𑒢 𑒋𑒏𑒹 𑒮𑓀𑒑𑒹 𑒫𑒱𑒦𑒱𑒢𑓂𑒢 𑒪𑒨𑒧𑒹 𑒯𑒼𑒃𑒞 𑒁𑒕𑒱, 𑒮𑒱𑒠𑓂𑒡𑒰𑓀𑒞𑒧𑒹 𑒁𑒢𑓂𑒞𑒩 𑒁𑒢𑒪𑒏। 𑒨𑒋𑒯 𑒮𑒦 𑒏𑒱𑒕𑒳 𑒢𑒰𑒙𑒏𑒏 𑒮𑓂𑒙𑒹𑒖 𑒪𑒹𑒪 𑒮𑒹𑒯𑒼 𑒪𑒰𑒑𑒴 𑒦𑒹𑒪।
𑒛𑒹𑒩𑒲𑒛𑒰𑒏 𑒫𑒱𑒐𑒝𑓂𑒛𑒢 𑒣𑒠𑓂𑒡𑒞𑒱 𑒆𑒿𑒔 𑒮𑓂𑒟𑒰𑒢 𑒣𑓂𑒩𑒰𑒣𑓂𑒞 𑒩𑒔𑒢𑒰/ 𑒪𑒹𑒐𑒏 𑒏𑒹𑒿 𑒢𑒲𑒔𑒰𑒿 𑒪𑓄 𑒁𑒢𑒻𑒞 𑒁𑒕𑒱 𑒂 𑒢𑒱𑒔𑒳𑒪𑒏𑒰𑒏𑒹𑒿 𑒆𑒣𑒩। 𑒩𑒼𑒪𑒹𑒝𑓂𑒛 𑒥𑒰𑒩𑓂𑒟𑒹𑒮 𑒪𑒱𑒐𑒻 𑒕𑒟𑒱 𑒖𑒹 𑒖𑒐𑒢 𑒏𑒵𑒞𑒱 𑒩𑒔𑒢𑒰𑒏𑒰𑒩𑒮𑒿 𑒣𑒵𑒟𑒏 𑒦𑓄 𑒖𑒰𑒃𑒋 𑒂 𑒍𑒏𑒩 𑒫𑒱𑒬𑓂𑒪𑒹𑒭𑒝 𑒮𑓂𑒫𑒞𑓀𑒞𑓂𑒩 𑒩𑒴𑒣𑒹𑒿 𑒯𑒼𑒧𑒋 𑒪𑒑𑒻 𑒕𑒻 𑒞𑒐𑒢 𑒏𑒵𑒞𑒱 𑒧𑒯𑒞𑓂𑒫𑒣𑒴𑒩𑓂𑒝 𑒦𑓄 𑒖𑒰𑒃𑒋 𑒖𑒏𑒩𑒰 𑒍 𑒩𑒔𑒢𑒰𑒏𑒰𑒩𑒏 𑒧𑒵𑒞 𑒯𑒼𑒋𑒥 𑒏𑒯𑒻 𑒕𑒟𑒱।
𑒅𑒞𑓂𑒞𑒩-𑒮𑓀𑒩𑒔𑒢𑒰𑒫𑒰𑒠 𑒮𑓀𑒩𑒔𑒢𑒰𑒫𑒰𑒠𑒏 𑒮𑒧𑓂𑒣𑒴𑒩𑓂𑒝 𑒂 𑒮𑒳𑒑𑒚𑒱𑒞 𑒯𑒹𑒥𑒰𑒏 𑒁𑒫𑒡𑒰𑒩𑒝𑒰𑒏𑒹𑒿 𑒧𑒰𑒙𑒱 𑒠𑒹𑒪𑒏। 𑒮𑒾𑒮𑒩𑒏 𑒦𑒰𑒭𑒰 𑒮𑒱𑒠𑓂𑒡𑒰𑒢𑓂𑒞- 𑒥𑒰𑒖𑒥/ 𑒪𑒱𑒐𑒥, 𑒫𑒰𑒮𑓂𑒞𑒫𑒱𑒏 𑒮𑒧𑒋𑒏 𑒮𑒰𑒯𑒱𑒞𑓂𑒨 𑒫𑒰 𑒌𑒞𑒱𑒯𑒰𑒮𑒱𑒏 𑒣𑒩𑒱𑒣𑓂𑒩𑒹𑒏𑓂𑒭𑓂𑒨𑒏 𑒬𑒥𑓂𑒠𑒬𑒰𑒮𑓂𑒞𑓂𑒩, 𑒧𑒯𑒞𑓂𑒫𑒣𑒴𑒩𑓂𑒝 𑒏𑒼𑒢𑒼 𑒏𑒵𑒞𑒱 𑒫𑒰 𑒧𑒢𑒳𑒏𑓂𑒐 𑒁𑒕𑒱/ 𑒧𑒯𑒞𑓂𑒞𑒰 𑒋𑒏𑒙𑒰 𑒦𑒰𑒫 𑒁𑒕𑒱, 𑒫𑒰𑒮𑓂𑒞𑒫𑒱𑒏 𑒮𑒧𑒋𑒧𑒹 𑒦𑒰𑒭𑒰 𑒫𑒰 𑒋𑒏𑒩 𑒌𑒞𑒱𑒯𑒰𑒮𑒱𑒏 𑒣𑒩𑒱𑒣𑓂𑒩𑒹𑒏𑓂𑒭𑓂𑒨; 𑒧𑒳𑒠𑒰 𑒋𑒏𑒩𑒰 𑒮𑒹𑒯𑒼 𑒛𑒹𑒩𑒲𑒛𑒰𑒏 𑒫𑒱𑒐𑒝𑓂𑒛𑒢 𑒮𑒱𑒠𑓂𑒡𑒰𑒢𑓂𑒞 𑒅𑒪𑓂𑒙𑒰-𑒣𑒪𑓂𑒙𑒰 𑒏𑒩𑒋 𑒪𑒰𑒑𑒪।

𑒪𑒱𑓀𑒑 𑒋𑒏𑒙𑒰 𑒖𑒻𑒫 𑒫𑒻𑒖𑓂𑒘𑒰𑒢𑒱𑒏 𑒞𑒟𑓂𑒨 𑒁𑒕𑒱 𑒧𑒳𑒠𑒰 𑒧𑒯𑒱𑒪𑒰/ 𑒣𑒳𑒩𑒳𑒭𑒏 𑒮𑒱𑒠𑓂𑒡𑒰𑒢𑓂𑒞 𑒮𑒰𑒧𑒰𑒖𑒱𑒏𑒞𑒰𑒏 𑒣𑓂𑒩𑒞𑒱𑒤𑒪 𑒁𑒕𑒱। 𑒧𑒯𑒱𑒪𑒰 𑒮𑒰𑒣𑒹𑒏𑓂𑒭 𑒮𑒰𑒯𑒱𑒞𑓂𑒨 𑒏𑒪𑒰 𑒣𑒳𑒩𑒳𑒭 𑒠𑓂𑒫𑒰𑒩𑒰 𑒢𑒱𑒩𑓂𑒧𑒱𑒞 𑒁𑒕𑒱 𑒂 𑒣𑒳𑒩𑒳𑒐𑒏 𑒢𑒖𑒩𑒱𑒮𑒿 𑒧𑒯𑒱𑒪𑒰𑒏𑒹𑒿 𑒠𑒹𑒐𑒻𑒞 𑒁𑒕𑒱। 𑒮𑒰𑒯𑒱𑒞𑓂𑒨𑒏 𑒢𑒰𑒩𑒲𑒫𑒰𑒠𑒲 𑒮𑒱𑒠𑓂𑒡𑒰𑒢𑓂𑒞 𑒌 𑒮𑒧𑒮𑓂𑒨𑒰𑒏 𑒞𑒯𑒧𑒹 𑒖𑒰𑒃𑒋। 𑒧𑒱𑒟𑒱𑒪𑒰𑒏 𑒮𑒢𑓂𑒠𑒩𑓂𑒦𑒧𑒹 𑒧𑒯𑒱𑒪𑒰𑒏 𑒮𑓂𑒟𑒱𑒞𑒱 𑒍𑒞𑒹𑒏 𑒐𑒩𑒰𑒣 𑒢𑒻 𑒕𑒻 𑒧𑒳𑒠𑒰 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒋𑒏𑒦𑒑𑒰𑒯 𑒣𑓂𑒩𑒫𑒵𑒞𑓂𑒞𑒱𑒏 𑒏𑒰𑒩𑒝 𑒅𑒔𑓂𑒔 𑒫𑒩𑓂𑒑𑒏 𑒢𑒰𑒩𑒲𑒏 𑒐𑒩𑒰𑒣 𑒮𑓂𑒟𑒱𑒞𑒱 𑒮𑒰𑒯𑒱𑒞𑓂𑒨𑒧𑒹 𑒂𑒋𑒪। 𑒂𑒡𑒳𑒢𑒱𑒏𑒲𑒏𑒩𑒝 𑒞𑒟𑒰𑒏𑒟𑒱𑒞 𑒮𑒰𑒧𑒰𑒖𑒱𑒏 𑒩𑒴𑒣𑒮𑒿 𑒢𑒱𑒔𑒳𑒪𑒏𑒰 𑒖𑒰𑒞𑒱 𑒮𑒦𑒧𑒹 𑒮𑒹𑒯𑒼 𑒢𑒰𑒩𑒲𑒏 𑒮𑓂𑒟𑒱𑒞𑒱𑒧𑒹 𑒁𑒫𑒢𑒞𑒱 𑒁𑒢𑒪𑒏 𑒁𑒕𑒱। 𑒠𑒼𑒮𑒩 𑒋𑒏𑒙𑒰 𑒂𑒩 𑒑𑒣 𑒁𑒕𑒱 𑒖𑒹 𑒖𑒰𑒞𑒱 𑒂 𑒡𑒩𑓂𑒧 𑒢𑒰𑒩𑒲𑒏 𑒁𑒡𑒱𑒏𑒰𑒩𑒏𑒹𑒿 𑒏𑒻𑒏 𑒯𑒲𑒮𑒧𑒹 𑒥𑒰𑒿𑒙𑒱 𑒠𑒹𑒢𑒹 𑒁𑒕𑒱।

𑒢𑒰𑒩𑒲𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝 𑒮𑒹𑒯𑒼 𑒏𑒯𑒻𑒋 𑒖𑒹 𑒮𑒦𑒙𑒰 𑒮𑒱𑒠𑓂𑒡𑒰𑓀𑒞 𑒣𑒳𑒩𑒳𑒭 𑒠𑓂𑒫𑒰𑒩𑒰 𑒥𑒢𑒰𑒍𑒪 𑒑𑒹𑒪 𑒮𑒹 𑒍 𑒣𑒴𑒩𑓂𑒝 𑒫𑓂𑒨𑒰𑒐𑓂𑒨𑒰 𑒢𑒻 𑒏𑓄 𑒮𑒏𑒻𑒋। 𑒮𑒩𑒪 𑒧𑒰𑒢𑒫𑒞𑒰𑒫𑒰𑒠 𑒮𑒱𑒠𑓂𑒡𑒰𑓀𑒞𑒏 𑒫𑒱𑒩𑒳𑒠𑓂𑒡 𑒂𑒋𑒪 𑒧𑒳𑒠𑒰 𑒄 𑒮𑒹𑒯𑒼 𑒋𑒏𑒙𑒰 𑒮𑒱𑒠𑓂𑒡𑒰𑓀𑒞 𑒥𑒢𑒱 𑒑𑒹𑒪। 𑒮𑒰𑒩𑓂𑒟𑒏 𑒮𑒰𑒯𑒱𑒞𑓂𑒨𑒏 𑒢𑒱𑒩𑓂𑒧𑒰𑒝 𑒋𑒏𑒩 𑒁𑒢𑓂𑒞𑒩𑓂𑒑𑒞 𑒦𑒹𑒪।

𑒣𑒼𑒟𑒲 𑒮𑒧𑒲𑒏𑓂𑒭𑒰𑒧𑒹 𑒁𑒞𑓂𑒨𑒡𑒱𑒏 𑒂𑒪𑒼𑒔𑒢𑒰𑒮𑒿 𑒥𑒔𑒥𑒰𑒏 𑒔𑒰𑒯𑒲। 𑒮𑒧𑒲𑒏𑓂𑒭𑒏𑒏𑒹𑒿 𑒁𑒣𑒢 𑒫𑒱𑒠𑓂𑒫𑒞𑓂𑒞𑒰 𑒣𑓂𑒩𑒠𑒩𑓂𑒬𑒢𑒮𑒿 𑒥𑒔𑒥𑒰𑒏 𑒔𑒰𑒯𑒲। 𑒁𑒞𑓂𑒨𑒡𑒱𑒏 𑒂𑒪𑒼𑒔𑒢𑒰𑒏 𑒏𑓂𑒩𑒧𑒧𑒹 𑒪𑒼𑒏 𑒁𑒣𑒢 𑒫𑒱𑒠𑓂𑒫𑒞𑒰 𑒠𑒹𑒐𑒥𑓄 𑒪𑒑𑒻 𑒕𑒟𑒱। 𑒂𑒪𑒼𑒔𑒢𑒰𑒏 𑒏𑓂𑒩𑒧𑒧𑒹 𑒮𑓀𑒨𑒧 𑒩𑒐𑒥𑒰𑒏 𑒔𑒰𑒯𑒲, 𑒐𑒩𑒰𑒣 𑒬𑒥𑓂𑒠𑒰𑒫𑒪𑒲𑒏 𑒣𑓂𑒩𑒨𑒼𑒑 𑒮𑒧𑒲𑒏𑓂𑒭𑒏𑒏 𑒐𑒩𑒰𑒣 𑒪𑒰𑒪𑒢-𑒣𑒰𑒪𑒢 𑒠𑒹𑒐𑒥𑒻𑒞 𑒁𑒕𑒱। 𑒣𑒼𑒟𑒲𑒏 𑒥𑒱𑒢𑒰 𑒣𑒜𑓃𑒢𑒹 𑒮𑒧𑒲𑒏𑓂𑒭𑒰 𑒁𑒢𑒻𑒞𑒱𑒏 𑒁𑒕𑒱। 𑒅𑒠𑒰𑒯𑒩𑒝𑒮𑓂𑒫𑒩𑒴𑒣 𑒏𑒩𑓂𑒧𑒡𑒰𑒩𑒨𑒧𑒹 𑒡𑒴𑒧𑒏𑒹𑒞𑒳𑒏 𑒫𑒱𑒭𑒨𑒧𑒹 𑒞𑒰𑒩𑒰𑒢𑒢𑓂𑒠 𑒫𑒱𑒨𑒼𑒑𑒲 𑒪𑒱𑒐𑒻 𑒕𑒟𑒱- 𑒧𑒱𑒟𑒱𑒪𑒰𑒏 𑒮𑓀𑒮𑓂𑒏𑒵𑒞𑒱𑒧𑒹 𑒨𑒳𑒑-𑒨𑒳𑒑𑒮𑒿 𑒣𑓂𑒩𑒞𑒱𑒭𑓂𑒚𑒰𑒣𑒱𑒞 𑒮𑒰𑒧𑓂𑒣𑓂𑒩𑒠𑒰𑒨𑒱𑒏 𑒮𑒾𑒯𑒰𑒩𑓂𑒠𑒏𑒹𑒿 𑒩𑒹𑒐𑒰𑓀𑒏𑒱𑒞 𑒏𑒩𑒻𑒞 𑒯𑒱𑒢𑒏 𑒏𑒟𑒰 “𑒢𑒧𑒰𑒖𑒹 𑒬𑒳𑒏𑒩𑒰𑒢𑒰” 𑒥𑒯𑒳𑒞 𑒧𑒯𑒞𑓂𑒫𑒣𑒴𑒩𑓂𑒝 𑒟𑒱𑒏। (𑒏𑒩𑓂𑒧𑒡𑒰𑒩𑒨, 𑒣𑒵. 𑓑𑓒𑓗) (!) 𑒏𑒟𑒰𑒏 𑒬𑒲𑒩𑓂𑒭 𑒠𑒹𑒐𑒱 𑒏𑓄 𑒌 𑒞𑒩𑒯𑒏 𑒮𑒧𑒲𑒏𑓂𑒭𑒰 𑒦𑒹𑒪 𑒁𑒕𑒱 𑒏𑒰𑒩𑒝 𑒌 𑒏𑒟𑒰𑒧𑒹 𑒯𑒰𑒖𑒲 𑒮𑒻𑒯𑒹𑒥𑒏 𑒢𑒧𑒰𑒖𑒏 𑒮𑒧𑒋𑒧𑒹 𑒣𑒱𑓀𑒖𑒩𑒰𑒏 𑒮𑒳𑒑𑓂𑒑𑒰 “𑒮𑒲𑒞𑒰...𑒩𑒰𑒧...।” 𑒥𑒖𑒻𑒋 𑒂 𑒮𑒳𑒑𑓂𑒑𑒰𑒏 𑒣𑒱𑓀𑒖𑒩𑒰𑒏𑒹𑒿 𑒯𑒰𑒖𑒲 𑒮𑒻𑒯𑒹𑒥 𑒞𑒰𑒡𑒩𑒱 𑒧𑒯𑒖𑒱𑒠𑒏 𑒠𑒹𑒥𑒰𑒪𑒣𑒩 𑒣𑒙𑒏𑒻 𑒕𑒟𑒱 𑒖𑒰𑒡𑒩𑒱 𑒮𑒴𑒑𑒰 𑒧𑒩𑒱 𑒢𑒻 𑒖𑒰𑒃𑒋। 𑒮𑒄𑒠𑒰 𑒏𑒰𑒢𑓄 𑒪𑒑𑒻𑒋 𑒂 𑒏𑒟𑒰 𑒐𑒞𑒧 𑒦𑓄 𑒖𑒰𑒃𑒋। 𑒂 𑒄 𑒏𑒟𑒰 𑒮𑒧𑒲𑒏𑓂𑒭𑒏𑒏 𑒧𑒞𑒧𑒹 𑒮𑒰𑒧𑓂𑒣𑓂𑒩𑒠𑒰𑒨𑒱𑒏 𑒮𑒾𑒯𑒰𑒩𑓂𑒠𑒏𑒹𑒿 𑒩𑒹𑒐𑒰𑓀𑒏𑒱𑒞 𑒏𑒩𑒻𑒋!
𑒮𑒧𑒲𑒏𑓂𑒭𑒏𑒏𑒹𑒿 𑒁𑒞𑒱 𑒣𑓂𑒩𑒬𑓀𑒮𑒰𑒮𑒿 𑒮𑒹𑒯𑒼 𑒥𑒔𑒥𑒰𑒏 𑒔𑒰𑒯𑒲। 𑒣𑒼𑒟𑒲𑒏 𑒮𑒧𑒲𑒏𑓂𑒭𑒰𑒧𑒹 𑒄 𑒠𑒹𑒐𑒰𑒍𑒪 𑒖𑒋𑒥𑒰𑒏 𑒔𑒰𑒯𑒲 𑒖𑒹 𑒌 𑒫𑒱𑒭𑒨𑒣𑒩 𑒪𑒱𑒐𑒪 𑒂𑒢 𑒣𑒼𑒟𑒲𑒮𑒿 𑒄 𑒣𑒼𑒟𑒲 𑒏𑒼𑒢 𑒩𑒴𑒣𑒹𑒿 𑒦𑒱𑒢𑓂𑒢 𑒁𑒕𑒱, 𑒏𑒼𑒢𑒰 𑒄 𑒣𑒼𑒟𑒲 𑒩𑒱𑒏𑓂𑒞 𑒮𑓂𑒟𑒪𑒏 𑒣𑒴𑒩𑓂𑒞𑒱 𑒏𑒩𑒻𑒋, 𑒣𑒼𑒟𑒲𑒧𑒹 𑒏𑒲-𑒏𑒲 𑒕𑒻 𑒂 𑒍𑒃 𑒫𑒱𑒭𑒨𑒣𑒩 𑒪𑒱𑒐𑒪 𑒂𑒢 𑒣𑒼𑒟𑒲𑒮𑒿 𑒋𑒏𑒩 𑒞𑒳𑒪𑒢𑒰 𑒯𑒹𑒥𑒰𑒏 𑒔𑒰𑒯𑒲। 𑒣𑒼𑒟𑒲𑒏 𑒫𑒱𑒮𑓂𑒞𑒰𑒩𑒏𑒹𑒿 𑒡𑓂𑒨𑒰𑒢𑒧𑒹 𑒩𑒰𑒐𑒱 𑒮𑒧𑒲𑒏𑓂𑒭𑒰 𑒯𑒖𑒰𑒩𑒮𑒿 𑒠𑒴 𑒯𑒖𑒰𑒩 𑒬𑒥𑓂𑒠𑒧𑒹 𑒯𑒹𑒥𑒰𑒏 𑒔𑒰𑒯𑒲। 𑒮𑒧𑒲𑒏𑓂𑒭𑒰 𑒮𑒧𑓂𑒥𑒢𑓂𑒡𑒱𑒞 𑒣𑒼𑒟𑒲𑒏 𑒯𑒹𑒥𑒰𑒏 𑒔𑒰𑒯𑒲 𑒪𑒹𑒐𑒏𑒏 𑒢𑒻। 𑒪𑒹𑒐𑒏𑒏 𑒠𑒼𑒮𑒩 𑒩𑒔𑒢𑒰𑒏 𑒫𑒱𑒬𑓂𑒪𑒹𑒭𑒝𑒮𑒿 𑒮𑒧𑒲𑒏𑓂𑒭𑒰𑒏𑒹𑒿 𑒦𑒩𑒥 𑒢𑒲𑒏 𑒮𑒧𑒲𑒏𑓂𑒭𑒰 𑒢𑒻, 𑒖𑒹 𑒌 𑒮𑒦 𑒣𑒼𑒟𑒲𑒮𑒿 𑒮𑒧𑒲𑒏𑓂𑒭𑒱𑒞 𑒣𑒼𑒟𑒲𑒏 𑒏𑒼𑒢𑒼 𑒮𑒼𑒗 𑒮𑒧𑓂𑒥𑒢𑓂𑒡 𑒯𑒼 𑒞𑒐𑒢𑒹 𑒍𑒏𑒩 𑒣𑓂𑒩𑒨𑒼𑒑 𑒏𑒩𑒴। 𑒧𑒱𑒟𑒱𑒪𑒰𑒏 𑒫𑒱𑒫𑒱𑒡 𑒮𑓀𑒮𑓂𑒏𑒵𑒞𑒱 𑒂 𑒃𑒞𑒱𑒯𑒰𑒮𑒏𑒹𑒿 𑒠𑒹𑒐𑒻𑒞 –𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒋𑒏𑒦𑒑𑒰𑒯 𑒮𑓂𑒟𑒱𑒞𑒱 𑒫𑒱𑒬𑒹𑒭 𑒩𑒴𑒣𑒧𑒹- 𑒫𑓂𑒨𑒏𑓂𑒞𑒱𑒑𑒞 𑒂𑒏𑓂𑒭𑒹𑒣𑒏 𑒂 𑒖𑒱𑒪𑒰-𑒖𑒥𑒰𑒩𑒏𑒹𑒿 𑒡𑓂𑒨𑒰𑒢𑒧𑒹 𑒩𑒐𑒥𑒰𑒏 𑒮𑒹𑒯𑒼 𑒣𑒩𑒧𑓂𑒣𑒩𑒰 𑒩𑒯𑒪 𑒁𑒕𑒱। 𑒖𑒰𑒞𑒱-𑒡𑒩𑓂𑒧 𑒂 𑒏𑓂𑒭𑒹𑒞𑓂𑒩𑒲𑒨 𑒧𑒻𑒟𑒱𑒪𑒲 𑒦𑒰𑒭𑒰 𑒮𑒧𑒲𑒏𑓂𑒭𑒰𑒧𑒹 𑒏𑒧𑓂𑒧𑒹 𑒁𑒥𑒻𑒋 𑒧𑒳𑒠𑒰 𑒖𑒱𑒪𑒰-𑒖𑒫𑒰𑒩𑒏/ 𑒠𑒼𑒮-𑒧𑒯𑒲𑒧𑒏-𑒣𑒛𑓃𑒼𑒮𑒏 𑒂𑒡𑒰𑒩𑒣𑒩 𑒢𑒲𑒏 𑒫𑒰 𑒁𑒡𑒪𑒰𑒯 𑒮𑒧𑒲𑒏𑓂𑒭𑒰𑒏 𑒣𑓂𑒩𑒫𑒵𑒞𑓂𑒞𑒱 𑒫𑒰 𑒂𑒑𑓂𑒩𑒯𑒏 𑒦𑒨𑓀𑒏𑒩 𑒣𑓂𑒩𑒦𑒰𑒫 𑒮𑒧𑒲𑒏𑓂𑒭𑒏𑒏 𑒧𑒡𑓂𑒨 𑒕𑒢𑓂𑒯𑒱।
𑒏𑒼𑒢𑒼 𑒐𑒰𑒮 𑒮𑒧𑒲𑒏𑓂𑒭𑒰𑒮𑒿 𑒍𑒃 𑒣𑒼𑒟𑒲𑒣𑒩 𑒣𑓂𑒩𑒏𑒰𑒬 𑒣𑒛𑓃𑒻𑒋 𑒫𑒰 𑒢𑒻 𑒮𑒹 𑒠𑒹𑒐𑒴। 𑒄 𑒞𑒿 𑒢𑒻 𑒁𑒕𑒱 𑒖𑒹 𑒍 𑒮𑒧𑒲𑒏𑓂𑒭𑒰 𑒪𑒹𑒐𑒏𑒣𑒩 𑒙𑒱𑒣𑓂𑒣𑒝𑒲 𑒏𑓄 𑒩𑒯𑒪 𑒁𑒕𑒱 𑒫𑒰 𑒪𑒹𑒐𑒏𑒏 𑒂𑒢 𑒩𑒔𑒢𑒰𑒣𑒩- 𑒑𑒯𑒲𑓀𑒩𑒧𑒹 𑒖𑒰𑒋𑒥 𑒞𑒿 𑒥𑒴𑒗𑒱 𑒖𑒰𑒋𑒥 𑒖𑒹 𑒮𑒧𑒲𑒏𑓂𑒭𑒰 𑒣𑒼𑒟𑒲 𑒣𑒜𑓃𑒱 𑒪𑒱𑒐𑒪 𑒑𑒹𑒪 𑒕𑒻 𑒂𑒏𑒱 𑒢𑒻। 𑒂𑒪𑓀𑒏𑒰𑒩𑒱𑒏 𑒦𑒰𑒭𑒰𑒏 𑒠𑒱𑒪 𑒑𑒹𑒪, 𑒬𑒥𑓂𑒠𑒏 𑒮𑒙𑒲𑒏 𑒣𑓂𑒩𑒨𑒼𑒑 𑒏𑒩𑒴, 𑒁𑒢𑒰𑒫𑒬𑓂𑒨𑒏 𑒬𑒥𑓂𑒠 𑒂 𑒣𑒰𑒿𑒞𑒲𑒏𑒹𑒿 𑒢𑒱𑒏𑒰𑒪𑒴। 𑒂𑒞𑓂𑒧𑒏𑒟𑒰𑒞𑓂𑒧𑒏 𑒣𑒼𑒟𑒲𑒏 𑒮𑒧𑒲𑒏𑓂𑒭𑒰 𑒪𑒹𑒪 𑒪𑒹𑒐𑒏𑒏 𑒖𑒱𑒢𑒑𑒲𑒣𑒩 𑒣𑓂𑒩𑒏𑒰𑒬 𑒠𑓄 𑒮𑒏𑒻 𑒕𑒲। 𑒣𑒼𑒟𑒲𑒏 𑒩𑒴𑒣, 𑒩𑓀𑒑 𑒂 𑒂𑒫𑒩𑒝𑒏 𑒤𑒼𑒙𑒼𑒏 𑒮𑒧𑒲𑒏𑓂𑒭𑒰𑒮𑒿 𑒂𑒑𑒰𑒿 𑒥𑒜𑓃𑒴 𑒂 𑒣𑒼𑒟𑒲𑒏 𑒮𑒧𑒲𑒏𑓂𑒭𑒰 𑒏𑒩𑒴। 𑒣𑒼𑒟𑒲𑒧𑒹 𑒧𑒯𑒱𑒪𑒰 𑒫𑒱𑒩𑒼𑒡𑒲 𑒫𑒰 𑒖𑒰𑒞𑒱-𑒏𑓂𑒭𑒹𑒞𑓂𑒩𑒏 𑒥𑒢𑓂𑒯𑒢𑒮𑒿 𑒥𑒰𑒢𑓂𑒯𑒪 𑒧𑒰𑒢𑒮𑒱𑒏𑒞𑒰𑒏𑒹𑒿 𑒠𑒴𑒩 𑒩𑒰𑒐𑒴। 𑒣𑒼𑒟𑒲 𑒪𑒹𑒐𑒏𑒏 𑒢𑒰𑒧𑒏 𑒫𑒰 𑒂𑒫𑒩𑒝𑒏 𑒔𑒱𑒞𑓂𑒩𑒏 𑒁𑒢𑒰𑒫𑒬𑓂𑒨𑒏 𑒢𑓂𑒨𑒴𑒢 𑒫𑒱𑒬𑓂𑒪𑒹𑒭𑒝𑒮𑒿 𑒁𑒣𑒢𑒰𑒏𑒹𑒿 𑒠𑒴𑒩 𑒩𑒰𑒐𑒴।

𑒅𑒣𑒢𑓂𑒨𑒰𑒮𑒏 𑒁𑓀𑒑 𑒁𑒕𑒱 𑒫𑒰𑒞𑒰𑒫𑒩𑒝𑒏 𑒢𑒱𑒩𑓂𑒧𑒰𑒝 𑒖𑒃𑒧𑒹 𑒪𑒹𑒐𑒏 𑒏𑒟𑒰 𑒏𑒯𑒻𑒞 𑒁𑒕𑒱, 𑒍𑒏𑒩 𑒣𑒰𑒞𑓂𑒩 𑒮𑒦𑒏 𑒫𑒱𑒫𑒩𑒝, 𑒏𑒟𑒰𑒏 𑒣𑓂𑒩𑒰𑒩𑒴𑒣 𑒂 𑒞𑒏𑒩𑒰 𑒪𑒹𑒪 𑒪𑒼𑒏𑒏 𑒂 𑒣𑒩𑒱𑒮𑓂𑒟𑒱𑒞𑒱𑒏 𑒫𑒩𑓂𑒝𑒢। 𑒌 𑒧𑒹𑒮𑒿 𑒏𑒼𑒢𑒼 𑒋𑒏 𑒙𑒰 𑒣𑒏𑓂𑒭 𑒪𑓄 𑒏𑓄 𑒁𑒯𑒰𑒿 𑒏𑒟𑒰 𑒪𑒱𑒐 𑒮𑒏𑒻 𑒕𑒲। 𑒢𑒰𑒙𑒏𑒧𑒹 𑒦𑒰𑒫𑒢𑒰𑒣𑒴𑒩𑓂𑒝 𑒮𑒧𑓂𑒫𑒰𑒠 𑒂 𑒏𑓂𑒩𑒱𑒨𑒰𑒏𑒪𑒰𑒣𑒏 𑒨𑒼𑒑 𑒩𑒯𑒞। 𑒣𑒠𑓂𑒨𑒧𑒹 𑒬𑒥𑓂𑒠𑒏 𑒣𑓂𑒩𑒨𑒼𑒑𑒮𑒿 𑒔𑒱𑒞𑓂𑒩𑒏 𑒢𑒱𑒩𑓂𑒧𑒰𑒝 𑒏𑒩𑒋 𑒣𑒛𑓃𑒞 𑒂 𑒪𑒼𑒏𑒏 𑒦𑒰𑒫𑒢𑒰𑒏𑒹𑒿 𑒅𑒠𑓂𑒫𑒹𑒪𑒱𑒞 𑒏𑒩𑒥𑒰 𑒨𑒼𑒑𑓂𑒨 𑒥𑒢𑒥𑒋 𑒣𑒛𑓃𑒞, 𑒌 𑒪𑒹𑒪 𑒏𑒫𑒱𑒏 𑒫𑒰𑒞𑒰𑒫𑒩𑒝𑒧𑒹 𑒯𑒮𑓂𑒞𑒏𑓂𑒭𑒹𑒣𑒨𑒳𑒏𑓂𑒞 𑒮𑒪𑒰𑒯𑒏 𑒎𑒔𑒱𑒞𑓂𑒨 𑒂 𑒡𑓂𑒫𑒢𑒱-𑒫𑒱𑒖𑓂𑒘𑒰𑒢𑒏 𑒨𑒼𑒑 𑒮𑒹𑒯𑒼 𑒔𑒰𑒯𑒲।

𑒏𑒼𑒢𑒼 𑒏𑒵𑒞𑒱 𑒏𑒼𑒢𑒰 𑒅𑒞𑓂𑒏𑒵𑒭𑓂𑒙 𑒁𑒕𑒱 𑒂 𑒍𑒃𑒧𑒹 𑒏𑒲 𑒕𑒳𑒙𑒱 𑒑𑒹𑒪 𑒁𑒕𑒱 𑒮𑒹 𑒮𑒧𑒲𑒏𑓂𑒭𑒏𑒏𑒹𑒿 𑒠𑒹𑒐𑒥𑒰𑒏 𑒔𑒰𑒯𑒲। 𑒍𑒏𑒩 𑒧𑒴𑒪𑓂𑒨𑒰𑓀𑒏𑒢 𑒋𑒏𑒦𑒑𑒰𑒯 𑒢𑒻 𑒯𑒹𑒥𑒰𑒏 𑒔𑒰𑒯𑒲, 𑒍𑒃 𑒩𑒔𑒢𑒰𑒧𑒹 𑒏𑒲 𑒮𑓀𑒠𑒹𑒬 𑒢𑒳𑒏𑒰𑒋𑒪 𑒕𑒻, 𑒪𑒹𑒐𑒏 𑒏𑒼𑒢 𑒠𑒱𑒮 𑒢𑒱𑒩𑓂𑒠𑒹𑒬𑒱𑒞 𑒏𑓄 𑒩𑒯𑒪 𑒁𑒕𑒱 𑒮𑒹 𑒮𑒧𑒲𑒏𑓂𑒭𑒏𑒏𑒹𑒿 𑒥𑒳𑒗𑒥𑒰𑒏 𑒂 𑒪𑒱𑒐𑒥𑒰𑒏 𑒔𑒰𑒯𑒲। 𑒂𑒥 𑒣𑓂𑒩𑒬𑓂𑒢 𑒅𑒚𑒻𑒋 𑒖𑒹 𑒮𑒧𑒲𑒏𑓂𑒭𑒰𑒏 𑒣𑒼𑒟𑒲𑒏 𑒮𑒧𑒲𑒏𑓂𑒭𑒰 𑒏𑒼𑒢 𑒯𑒳𑒁𑒋। 𑒌 𑒧𑒹 𑒮𑒧𑒲𑒏𑓂𑒭𑒏𑒏𑒹𑒿 𑒍𑒃 𑒣𑒼𑒟𑒲𑒏 𑒧𑒳𑒐𑓂𑒨 𑒡𑒰𑒩𑒰𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒥𑒰𑒏 𑒔𑒰𑒯𑒲।
𑒖𑒹 𑒮𑒧𑒲𑒏𑓂𑒭𑒰/ 𑒢𑒱𑒥𑒢𑓂𑒡𑒏 𑒣𑒼𑒟𑒲𑒧𑒹 𑒏𑒋𑒏 𑒞𑒩𑒯𑒏 𑒢𑒱𑒥𑒢𑓂𑒡/ 𑒮𑒧𑒲𑒏𑓂𑒭𑒰 𑒁𑒕𑒱 𑒂 𑒧𑒰𑒩𑒞𑒹 𑒩𑒰𑒮 𑒪𑒹𑒐𑒏𑒏 𑒩𑒔𑒢𑒰 𑒮𑓀𑒏𑒪𑒱𑒞 𑒁𑒕𑒱 𑒞𑒿 𑒮𑒹 𑒮𑒼𑒠𑓂𑒠𑒹𑒬𑓂𑒨 𑒁𑒕𑒱 𑒫𑒰 𑒢𑒱𑒩𑒳𑒠𑓂𑒠𑒹𑒬𑓂𑒨 𑒮𑒹 𑒮𑒧𑒲𑒏𑓂𑒭𑒏𑒏𑒹𑒿 𑒠𑒹𑒐𑒥𑒰𑒏 𑒔𑒰𑒯𑒲।
𑒮𑒧𑒲𑒏𑓂𑒭𑒱𑒞 𑒣𑒼𑒟𑒲𑒏 𑒁𑒞𑒱𑒩𑒱𑒏𑓂𑒞 𑒍𑒃 𑒫𑒱𑒭𑒨𑒣𑒩 𑒂𑒢 𑒣𑒼𑒟𑒲𑒏 𑒮𑒹𑒯𑒼 𑒖𑒞𑓂𑒞𑓄 𑒡𑒩𑒱 𑒮𑒧𑓂𑒦𑒫 𑒯𑒼 𑒔𑒩𑓂𑒔𑒰 𑒯𑒼𑒋𑒥𑒰𑒏 𑒔𑒰𑒯𑒲। 𑒁𑒣𑒢 𑒫𑒱𑒔𑒰𑒩𑒡𑒰𑒩𑒰𑒏𑒹𑒿 𑒮𑒧𑒲𑒏𑓂𑒭𑒱𑒞 𑒣𑒼𑒟𑒲𑒣𑒩 𑒂𑒩𑒼𑒣𑒝 𑒢𑒻 𑒯𑒼𑒋𑒥𑒰𑒏 𑒔𑒰𑒯𑒲। 𑒍𑒃 𑒣𑒼𑒟𑒲𑒏 𑒂𑒖𑒳𑒏 𑒮𑒧𑒨𑒏 𑒮𑒢𑓂𑒠𑒩𑓂𑒦𑒧𑒹 𑒏𑒲 𑒂𑒫𑒬𑓂𑒨𑒏𑒞𑒰 𑒁𑒕𑒱 𑒮𑒹 𑒠𑒹𑒐𑒰𑒆। 𑒍𑒃 𑒣𑒼𑒟𑒲𑒏 𑒧𑒯𑒞𑓂𑒞𑒰 𑒏𑒼𑒢 𑒩𑒼𑒣𑒧𑒹 𑒁𑒕𑒱 𑒮𑒹 𑒠𑒹𑒐𑒰𑒆, 𑒍𑒏𑒩 𑒧𑒳𑒐𑓂𑒨 𑒞𑒞𑓂𑒫 𑒔𑒱𑒢𑓂𑒯𑒱𑒞 𑒏𑒩𑒴। 𑒪𑒹𑒐𑒏𑒏 𑒖𑒲𑒫𑒢 𑒠𑒩𑓂𑒬𑒢, 𑒫𑒰𑒮𑓂𑒞𑒫𑒱𑒏, 𑒏𑒰𑒪𑓂𑒣𑒢𑒱𑒏 𑒂 𑒂𑒠𑒩𑓂𑒬𑒏 𑒮𑒧𑓂𑒥𑒢𑓂𑒡𑒧𑒹 𑒍𑒏𑒩 𑒠𑒵𑒭𑓂𑒙𑒱, 𑒮𑓀𑒠𑒹𑒯𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒴। 𑒪𑒹𑒐𑒏𑒏 𑒪𑒹𑒐𑒢𑒬𑒻𑒪𑒲𑒏 𑒏𑒪𑒰𑒞𑓂𑒧𑒏 𑒣𑒏𑓂𑒭, 𑒍𑒏𑒩 𑒑𑒣 𑒏𑒯𑒥𑒰𑒏 𑒏𑓂𑒭𑒧𑒞𑒰, 𑒩𑒔𑒢𑒰𑒏 𑒜𑒰𑒿𑒔𑒰 𑒂 𑒍𑒏𑒩 𑒫𑒱𑒦𑒱𑒢𑓂𑒢 𑒦𑒰𑒑𑒏𑒹𑒿 𑒖𑒼𑒛𑓃𑒥𑒰𑒏 𑒏𑒪𑒰𑒏 𑒔𑒩𑓂𑒔𑒰 𑒏𑒩𑒴, 𑒖𑒹𑒢𑒰 𑒢𑒲𑒏 𑒏𑒧𑒰𑒩 𑒚𑒼𑒮 𑒂 𑒏𑒪𑒰𑒞𑓂𑒧𑒏 𑒣𑒪𑓀𑒑 𑒥𑒢𑒥𑒻𑒞 𑒁𑒕𑒱, 𑒞𑒿 𑒠𑒼𑒮𑒩 𑒏𑒧𑒰𑒩𑒏 𑒖𑒼𑒩 𑒧𑒰𑒞𑓂𑒩 𑒚𑒼𑒮 𑒯𑒹𑒥𑒰𑒣𑒩 𑒯𑒼𑒃 𑒕𑒻 𑒂 𑒞𑒹𑒮𑒩𑒏 𑒏𑒪𑒰𑒞𑓂𑒧𑒏𑒞𑒰𑒣𑒩, 𑒞𑒯𑒱𑒢𑒰।
𑒮𑒱𑒠𑓂𑒡𑒰𑒢𑓂𑒞𑒏 𑒂𑒫𑒬𑓂𑒨𑒏𑒞𑒰 𑒏𑒲 𑒕𑒻? 𑒮𑒩𑒪 𑒧𑒰𑒢𑒫𑒞𑒰𑒫𑒰𑒠 𑒏𑒯𑒻𑒋 𑒖𑒹 𑒮𑒰𑒯𑒱𑒞𑓂𑒨𑒏 𑒮𑒱𑒠𑓂𑒡𑒰𑒢𑓂𑒞𑒏 𑒥𑒠𑒪𑒰𑒧𑒹 𑒩𑒔𑒢𑒰𑒏 𑒏𑒲 𑒧𑒰𑒢𑒫𑒲𑒨 𑒠𑒵𑒭𑓂𑒙𑒱𑒏𑒼𑒝 𑒕𑒻, 𑒍𑒃𑒧𑒹 𑒮𑒰𑒩𑓂𑒟𑒏𑒞𑒰 𑒕𑒻 𑒂𑒏𑒱 𑒢𑒻 𑒮𑒹 𑒮𑒰𑒧𑒰𑒢𑓂𑒨 𑒥𑒳𑒠𑓂𑒡𑒱𑒮𑒿 𑒏𑒋𑒪 𑒖𑒰 𑒮𑒏𑒻𑒋। 𑒁𑒣𑒢 𑒥𑒳𑒠𑓂𑒡𑒱𑒏 𑒣𑓂𑒩𑒨𑒼𑒑 𑒏𑓄 𑒩𑒔𑒢𑒰𑒏 𑒑𑒳𑒝𑒫𑒞𑓂𑒞𑒰 𑒁𑒯𑒰𑒿 𑒠𑒹𑒐𑒱 𑒮𑒏𑒻 𑒕𑒲, 𑒏𑒼𑒢𑒼 𑒮𑒰𑒯𑒱𑒞𑓂𑒨𑒱𑒏 𑒮𑒱𑒠𑓂𑒡𑒰𑒢𑓂𑒞𑒏 𑒂𑒫𑒬𑓂𑒨𑒏𑒞𑒰 𑒮𑒧𑒲𑒏𑓂𑒭𑒰 𑒪𑒹𑒪 𑒢𑒻 𑒕𑒻। 𑒧𑒳𑒠𑒰 𑒮𑒩𑒪 𑒧𑒰𑒢𑒫𑒞𑒰𑒫𑒰𑒠 𑒮𑓂𑒫𑒨𑓀 𑒋𑒏𑒙𑒰 𑒮𑒱𑒠𑓂𑒡𑒰𑓀𑒞 𑒥𑒢𑒱 𑒑𑒹𑒪।

𑒏𑒰𑒫𑓂𑒨𑒏 𑒦𑒰𑒩𑒞𑒲𑒨 𑒫𑒱𑒔𑒰𑒩: 𑒧𑒼𑒏𑓂𑒭𑒏 𑒪𑒹𑒪 𑒏𑒪𑒰𑒏 𑒁𑒫𑒡𑒰𑒩𑒝𑒰, 𑒖𑒹𑒢𑒰 𑒢𑒙𑒩𑒰𑒖𑒏 𑒧𑒳𑒠𑓂𑒩𑒰 𑒠𑒹𑒐𑒴। 𑒮𑒵𑒖𑒢 𑒂 𑒢𑒰𑒬 𑒠𑒳𑒢𑒴𑒏 𑒪𑒨 𑒠𑒹𑒐𑒰 𑒣𑒛𑓃𑒞। 𑒮𑓂𑒟𑒰𑒨𑒲 𑒦𑒰𑒫𑒏 𑒑𑒰𑒜𑓃 𑒦𑓄 𑒮𑒲𑒗𑒱 𑒏𑓄 𑒩𑒮 𑒥𑒢𑒥- 𑒂 𑒌 𑒮𑒢 𑒏𑒞𑒹𑒏 𑒩𑒮𑒏 𑒮𑒲𑒞𑒰 𑒂 𑒩𑒰𑒧 𑒁𑒢𑒳𑒦𑒫 𑒏𑒹𑒪𑒢𑓂𑒯𑒱 (𑒠𑒹𑒐𑒴 𑒫𑒰𑒪𑓂𑒧𑒲𑒏𑒱 𑒩𑒰𑒧𑒰𑒨𑒝)। 𑒏𑒵𑒭𑓂𑒝 𑒦𑒰𑒩𑒞𑒲𑒨 𑒏𑒩𑓂𑒧𑒫𑒰𑒠𑒏 𑒬𑒱𑒏𑓂𑒭𑒏 𑒕𑒟𑒱 𑒞𑒿 𑒮𑓀𑒑𑒧𑒹 𑒩𑒮𑒱𑒏 𑒮𑒹𑒯𑒼।
𑒏𑒪𑒰𑒏 𑒮𑓂𑒫𑒰𑒠 𑒪𑒹𑒪 𑒩𑒮 𑒮𑒱𑒠𑓂𑒡𑒰𑓀𑒞𑒏 𑒂𑒫𑒬𑓂𑒨𑒏𑒞𑒰 𑒦𑒹𑒪 𑒂 𑒦𑒩𑒞 𑒢𑒰𑒙𑓂𑒨𑒬𑒰𑒮𑓂𑒞𑓂𑒩 𑒪𑒱𑒐𑒪𑒢𑓂𑒯𑒱। 𑒁𑒦𑒱𑒢𑒫𑒑𑒳𑒣𑓂𑒞 𑒂𑒢𑒢𑓂𑒠𑒫𑒩𑓂𑒡𑒢𑒏 𑒡𑓂𑒨𑒢𑓂𑒨𑒰𑒪𑒼𑒏𑒣𑒩 𑒦𑒰𑒭𑓂𑒨 𑒪𑒱𑒐𑒪𑒢𑓂𑒯𑒱। 𑒦𑒰𑒧𑒯 𑓖𑒁𑒧 𑒬𑒞𑒰𑒥𑓂𑒠𑒲, 𑒠𑒝𑓂𑒛𑒲 𑒮𑒰𑒞𑒧 𑒬𑒞𑒰𑒥𑓂𑒠𑒲 𑒂 𑒩𑒳𑒠𑓂𑒩𑒙 𑓙𑒁𑒧 𑒬𑒞𑒰𑒥𑓂𑒠𑒲 𑒋𑒏𑒩𑒰 𑒂𑒑𑒰𑒿 𑒥𑒜𑓃𑒹𑒪𑒢𑓂𑒯𑒱।
𑒩𑒮 𑒮𑒱𑒠𑓂𑒡𑒰𑒢𑓂𑒞:
𑒦𑒩𑒞:- 𑒢𑒰𑒙𑒏𑒏 𑒣𑓂𑒩𑒦𑒰𑒫𑒮𑒿 𑒩𑒮 𑒅𑒞𑓂𑒣𑒞𑓂𑒞𑒱 𑒯𑒼𑒃𑒞 𑒁𑒕𑒱। 𑒢𑒰𑒙𑒏 𑒏𑒟𑒲 𑒪𑒹𑒪? 𑒢𑒰𑒙𑒏 𑒩𑒮𑒏 𑒁𑒦𑒱𑒢𑒨 𑒪𑒹𑒪 𑒂 𑒮𑓀𑒑𑒹 𑒩𑒮𑒏 𑒅𑒞𑓂𑒣𑒞𑓂𑒞𑒱 𑒪𑒹𑒪 𑒮𑒹𑒯𑒼। 𑒩𑒮 𑒏𑒼𑒢𑒰 𑒥𑒯𑒩𑒰𑒃𑒋? 𑒩𑒮 𑒥𑒯𑒩𑒰𑒃𑒋 𑒏𑒰𑒩𑒝 (𑒫𑒱𑒦𑒰𑒫), 𑒣𑒩𑒱𑒝𑒰𑒧 (𑒁𑒢𑒳𑒦𑒰𑒫) 𑒂 𑒮𑓀𑒑 𑒪𑒰𑒑𑒪 𑒂𑒢 𑒫𑒮𑓂𑒞𑒳 (𑒫𑓂𑒨𑒦𑒱𑒔𑒰𑒩𑒲)𑒮𑒿। 𑒮𑓂𑒟𑒰𑒨𑒲𑒦𑒰𑒫 𑒑𑒰𑒜𑓃 𑒦𑓄 𑒮𑒲𑒗𑒱 𑒏𑓄 𑒩𑒮 𑒥𑒢𑒻𑒋, 𑒖𑒏𑒩 𑒮𑓂𑒫𑒰𑒠 𑒯𑒧 𑒪𑓄 𑒮𑒏𑒻 𑒕𑒲।
𑒦𑒙𑓂𑒙 𑒪𑒼𑒪𑒙:- 𑒮𑓂𑒟𑒰𑒨𑒲𑒦𑒰𑒫 𑒏𑒰𑒩𑒝-𑒣𑒩𑒱𑒝𑒰𑒧 𑒠𑓂𑒫𑒰𑒩𑒰 𑒑𑒰𑒜𑓃 𑒦𑓄 𑒩𑒮 𑒥𑒢𑒻𑒞 𑒁𑒕𑒱। 𑒁𑒦𑒱𑒢𑒹𑒞𑒰-𑒁𑒦𑒱𑒢𑒹𑒞𑓂𑒩𑒲 𑒁𑒢𑒳𑒮𑒢𑓂𑒡𑒰𑒢 𑒠𑓂𑒫𑒰𑒩𑒰 𑒂 𑒏𑒪𑓂𑒣𑒢𑒰 𑒠𑓂𑒫𑒰𑒩𑒰 𑒩𑒮𑒏 𑒁𑒢𑒳𑒦𑒫 𑒏𑒩𑒻𑒞 𑒕𑒟𑒱। 𑒪𑒼𑒪𑒙 𑒏𑒫𑒱𑒏𑒹𑒿 𑒂 𑒮𑓀𑒑𑒧𑒹 𑒬𑓂𑒩𑒼𑒞𑒰-𑒠𑒩𑓂𑒬𑒏𑒏𑒹𑒿 𑒧𑒯𑒞𑓂𑒫 𑒢𑒻 𑒠𑒻 𑒕𑒟𑒱।
𑒬𑒾𑒢𑒏:- 𑒬𑒾𑒢𑒏 𑒩𑒮𑒰𑒢𑒳𑒦𑒴𑒞𑒱 𑒪𑒹𑒪 𑒠𑒩𑓂𑒬𑒏𑒏 𑒣𑓂𑒩𑒠𑒩𑓂𑒬𑒢𑒧𑒹 𑒣𑒻𑒮𑒱 𑒏𑓄 𑒩𑒮 𑒪𑒹𑒥 𑒂𑒫𑒬𑓂𑒨𑒏 𑒥𑒳𑒗𑒻 𑒕𑒟𑒱, 𑒒𑒼𑒛𑓃𑒰𑒏 𑒔𑒱𑒞𑓂𑒩𑒏𑒹𑒿 𑒒𑒼𑒛𑓃𑒰 𑒮𑒢 𑒥𑒴𑒗𑒱 𑒩𑒮 𑒪𑒹𑒥𑒰 𑒮𑒢।
𑒦𑒙𑓂𑒙𑒢𑒰𑒨𑒏 𑒏𑒯𑒻 𑒕𑒟𑒱 𑒖𑒹 𑒩𑒮𑒏 𑒣𑓂𑒩𑒦𑒰𑒫 𑒠𑒩𑓂𑒬𑒏𑒣𑒩 𑒯𑒼𑒃𑒞 𑒁𑒕𑒱। 𑒏𑒫𑒱𑒏 𑒦𑒰𑒭𑒰𑒏𑒹𑒿 𑒍 𑒦𑒱𑒢𑓂𑒢 𑒧𑒰𑒢𑒻𑒞 𑒕𑒟𑒱। 𑒩𑒮𑒮𑒿 𑒬𑓂𑒩𑒼𑒞𑒰-𑒠𑒩𑓂𑒬𑒏𑒏 𑒂𑒞𑓂𑒧𑒰 𑒣𑒩𑒧𑒰𑒞𑓂𑒧𑒰𑒮𑒿 𑒧𑒹𑒪 𑒏𑒩𑒻𑒋। 𑒩𑒮𑒏 𑒂𑒢𑒢𑓂𑒠 𑒁𑒕𑒱 𑒮𑓂𑒫𑒩𑒴𑒣𑒰𑒢𑒢𑓂𑒠। 𑒂 𑒌𑒮𑒿 𑒯𑒼𑒃𑒞 𑒁𑒕𑒱 𑒂𑒞𑓂𑒧-𑒮𑒰𑒏𑓂𑒭𑒰𑒞𑓂𑒏𑒰𑒩।
𑒩𑒮 𑒮𑒱𑒠𑓂𑒡𑒰𑒢𑓂𑒞 𑒬𑓂𑒩𑒼𑒞𑒰-𑒠𑒩𑓂𑒬𑒏-𑒣𑒰𑒚𑒏 𑒣𑒩 𑒂𑒡𑒰𑒩𑒱𑒞 𑒁𑒕𑒱। 𑒄 𑒬𑓂𑒩𑒼𑒞𑒰-𑒠𑒩𑓂𑒬𑒏-𑒣𑒰𑒚𑒏𑒣𑒩 𑒖𑒼𑒩 𑒠𑒻𑒞 𑒁𑒕𑒱।
𑒥𑒰𑒩𑓂𑒟𑒹𑒖𑒏 𑒮𑓀𑒩𑒔𑒢𑒰𑒫𑒰𑒠-𑒅𑒞𑓂𑒞𑒩-𑒮𑓀𑒩𑒔𑒢𑒰𑒫𑒰𑒠𑒏 𑒮𑒢𑓂𑒠𑒩𑓂𑒦𑒧𑒹 𑒪𑒹𑒐𑒏𑒏 𑒅𑒠𑓂𑒠𑒹𑒬𑓂𑒨𑒮𑒿 𑒣𑒰𑒚𑒏𑒏 𑒧𑒳𑒏𑓂𑒞𑒱𑒏 𑒪𑒹𑒪 𑒪𑒹𑒐𑒏𑒏 𑒧𑒵𑒞𑓂𑒨𑒳𑒏𑒹𑒿 𑒂𑒫𑒬𑓂𑒨𑒏 𑒧𑒰𑒢𑒻 𑒕𑒟𑒱- 𑒪𑒹𑒐𑒏𑒏 𑒧𑒵𑒞𑓂𑒨𑒳 𑒧𑒰𑒢𑒹 𑒪𑒹𑒐𑒏 𑒩𑒔𑒢𑒰𑒮𑒿 𑒁𑒪𑒑 𑒁𑒕𑒱 𑒂 𑒣𑒰𑒚𑒏 𑒁𑒣𑒢𑒰 𑒪𑒹𑒪 𑒁𑒩𑓂𑒟 𑒞𑒏𑒻𑒞 𑒁𑒕𑒱।
𑒡𑓂𑒫𑒢𑒱 𑒮𑒱𑒠𑓂𑒡𑒰𑒢𑓂𑒞:
𑒂𑒢𑒢𑓂𑒠𑒫𑒩𑓂𑒡𑒢 𑒡𑓂𑒫𑒢𑓂𑒨𑒰𑒪𑒼𑒏 𑒮𑒰𑒯𑒱𑒞𑓂𑒨𑒏 𑒅𑒠𑓂𑒠𑒹𑒬𑓂𑒨 𑒁𑒩𑓂𑒟𑒏𑒹𑒿 𑒣𑒩𑒼𑒏𑓂𑒭 𑒩𑒴𑒣𑒹𑒿 𑒥𑒳𑒗𑒰𑒋𑒥 𑒫𑒰 𑒁𑒩𑓂𑒟 𑒅𑒞𑓂𑒣𑒢𑓂𑒢 𑒏𑒩𑒥 𑒏𑒯𑒻𑒞 𑒕𑒟𑒱। 𑒄 𑒮𑒱𑒠𑓂𑒡𑒰𑒢𑓂𑒞 𑒠𑒻𑒞 𑒁𑒕𑒱 𑒣𑒩𑒼𑒏𑓂𑒭 𑒁𑒩𑓂𑒟𑒏 𑒮𑓀𑒩𑒔𑒢𑒰 𑒂 𑒏𑒰𑒩𑓂𑒨, 𑒩𑒮 𑒧𑒰𑒢𑒹 𑒮𑒾𑒢𑓂𑒠𑒩𑓂𑒨𑒏 𑒁𑒢𑒳𑒦𑒫 𑒂 𑒁𑒪𑓀𑒏𑒰𑒩𑒏 𑒮𑒱𑒠𑓂𑒡𑒰𑒢𑓂𑒞।𑒂𑒢𑒢𑓂𑒠𑒫𑒩𑓂𑒡𑒢 𑒏𑒰𑒫𑓂𑒨𑒏 𑒂𑒞𑓂𑒧𑒰 𑒡𑓂𑒫𑒢𑒱𑒏𑒹𑒿 𑒧𑒰𑒢𑒻𑒞 𑒕𑒟𑒱। 𑒡𑓂𑒫𑒢𑒱 𑒠𑓂𑒫𑒰𑒩𑒰 𑒁𑒩𑓂𑒟 𑒞𑒿 𑒣𑒩𑒼𑒏𑓂𑒭 𑒩𑒴𑒣𑒹𑒿 𑒁𑒥𑒻𑒞 𑒁𑒕𑒱 𑒧𑒳𑒠𑒰 𑒍 𑒁𑒥𑒻𑒞 𑒁𑒕𑒱 𑒮𑒳𑒮𑓀𑒑𑒚𑒱𑒞 𑒩𑒴𑒣𑒧𑒹। 𑒂 𑒌𑒮𑒿 𑒁𑒩𑓂𑒟 𑒂 𑒣𑓂𑒩𑒞𑒲𑒏 𑒠𑒴𑒙𑒰 𑒮𑒱𑒠𑓂𑒡𑒰𑒢𑓂𑒞 𑒥𑒯𑒰𑒩 𑒯𑒼𑒃𑒞 𑒁𑒕𑒱। 𑒌𑒮𑒿 𑒩𑒮𑒏 𑒣𑓂𑒩𑒦𑒰𑒫 𑒅𑒞𑓂𑒣𑒢𑓂𑒢 𑒯𑒼𑒃𑒞 𑒁𑒕𑒱। 𑒌𑒮𑒿 𑒩𑒮 𑒅𑒞𑓂𑒣𑒢𑓂𑒢 𑒯𑒼𑒃𑒞 𑒁𑒕𑒱। 𑒢𑓂𑒨𑒰𑒨 𑒂 𑒧𑒲𑒧𑒰𑓀𑒮𑒰 𑒌 𑒮𑒱𑒠𑓂𑒡𑒰𑒢𑓂𑒞𑒏 𑒫𑒱𑒩𑒼𑒡 𑒏𑒹𑒪𑒏, 𑒄 𑒠𑒳𑒢𑒴 𑒠𑒩𑓂𑒬𑒢 𑒏𑒯𑒻𑒞 𑒁𑒕𑒱 𑒖𑒹 𑒡𑓂𑒫𑒢𑒱𑒏 𑒁𑒮𑓂𑒞𑒱𑒞𑓂𑒫 𑒏𑒞𑒾 𑒢𑒻 𑒁𑒕𑒱, 𑒄 𑒣𑒩𑒱𑒝𑒰𑒧 𑒁𑒕𑒱 𑒁𑒢𑒳𑒧𑒰𑒢𑒏 𑒂 𑒮𑒹 𑒣𑒯𑒱𑒢𑒯𑒱𑒨𑒹𑒮𑒿 𑒪𑒏𑓂𑒭𑒝𑒏 𑒁𑒢𑓂𑒞𑒩𑓂𑒑𑒞 𑒁𑒕𑒱। 𑒂 𑒮𑒹 𑒮𑒦 𑒬𑒥𑓂𑒠 𑒠𑓂𑒫𑒰𑒩𑒰 𑒫𑒩𑓂𑒝𑒱𑒞 𑒯𑒼𑒋𑒥 𑒮𑒧𑓂𑒦𑒫 𑒢𑒻 𑒁𑒕𑒱।

𑒮𑓂𑒤𑒼𑒙 𑒮𑒱𑒠𑓂𑒡𑒰𑓀𑒞:
𑒦𑒩𑓂𑒞𑒵𑒯𑒩𑒲𑒏 𑒫𑒰𑒏𑓂𑒨𑒣𑒠𑒲𑒨 𑒏𑒯𑒻𑒞 𑒁𑒕𑒱 𑒖𑒹 𑒬𑒥𑓂𑒠 𑒂𑒏𑒱 𑒫𑒰𑒏𑓂𑒨𑒏 𑒁𑒩𑓂𑒟 𑒮𑓂𑒤𑒼𑒙 𑒠𑓂𑒫𑒰𑒩𑒰 𑒮𑓀𑒫𑒰𑒯𑒱𑒞 𑒁𑒕𑒱। 𑒫𑒩𑓂𑒝 𑒮𑓂𑒤𑒼𑒙𑒮𑒿 𑒫𑒩𑓂𑒝, 𑒣𑒠 𑒮𑓂𑒤𑒼𑒙𑒮𑒿 𑒬𑒥𑓂𑒠 𑒂 𑒫𑒰𑒏𑓂𑒨 𑒮𑓂𑒤𑒼𑒙𑒮𑒿 𑒫𑒰𑒏𑓂𑒨𑒏 𑒢𑒱𑒩𑓂𑒧𑒰𑒝 𑒯𑒼𑒃𑒞 𑒁𑒕𑒱। 𑒏𑒼𑒢𑒼 𑒖𑓂𑒘𑒰𑒢 𑒥𑒱𑒢𑒳 𑒬𑒥𑓂𑒠𑒏 𑒮𑒧𑓂𑒥𑒢𑓂𑒡𑒏 𑒮𑒧𑓂𑒦𑒫 𑒢𑒻 𑒁𑒕𑒱। 𑒄 𑒦𑒰𑒩𑒞𑒲𑒨 𑒠𑒩𑓂𑒬𑒢𑒏 𑒖𑓂𑒘𑒰𑒢 𑒮𑒱𑒠𑓂𑒡𑒰𑒢𑓂𑒞𑒏 𑒋𑒏𑒙𑒰 𑒦𑒰𑒑 𑒥𑒢𑒱 𑒑𑒹𑒪। 𑒁𑒩𑓂𑒟𑒏 𑒮𑓀𑒣𑓂𑒩𑒹𑒭𑒝 𑒁𑒏𑓂𑒭𑒩, 𑒬𑒥𑓂𑒠 𑒂 𑒫𑒰𑒏𑓂𑒨𑒏 𑒅𑒞𑓂𑒣𑒞𑓂𑒞𑒱 𑒥𑒱𑒢 𑒮𑒧𑓂𑒦𑒫 𑒁𑒕𑒱। 𑒮𑓂𑒤𑒼𑒙 𑒁𑒕𑒱 𑒬𑒥𑓂𑒠𑒥𑓂𑒩𑒯𑓂𑒧 𑒂 𑒮𑒹 𑒁𑒕𑒱 𑒮𑒵𑒖𑒢𑒏 𑒧𑒴𑒪 𑒏𑒰𑒩𑒝। 𑒁𑒏𑓂𑒭𑒩, 𑒬𑒥𑓂𑒠 𑒂 𑒫𑒰𑒏𑓂𑒨 𑒮𑓀𑒑-𑒮𑓀𑒑 𑒢𑒻 𑒩𑒯𑒻𑒋। 𑒥𑒰𑒖𑒪 𑒬𑒥𑓂𑒠𑒏 𑒤𑒩𑒰𑒏 𑒁𑒏𑓂𑒭𑒩 𑒁𑒣𑒢𑒰𑒧𑒹 𑒬𑒥𑓂𑒠𑒏 𑒁𑒩𑓂𑒟 𑒢𑒻 𑒁𑒕𑒱, 𑒬𑒥𑓂𑒠 𑒣𑒴𑒩𑓂𑒝 𑒯𑒼𑒋𑒥𑒰 𑒡𑒩𑒱 𑒋𑒏𑒩 𑒅𑒞𑓂𑒣𑒞𑓂𑒞𑒱 𑒂 𑒫𑒱𑒢𑒰𑒬 𑒯𑒼𑒃𑒞 𑒩𑒯𑒻 𑒕𑒻। 𑒮𑓂𑒤𑒼𑒙𑒧𑒹 𑒁𑒩𑓂𑒟𑒏 𑒮𑓀𑒣𑓂𑒩𑒹𑒭𑒝 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒞𑒐𑒢𑒼 𑒮𑓂𑒤𑒼𑒙𑒧𑒹 𑒣𑓂𑒩𑒰𑒣𑓂𑒞𑒱 𑒮𑒧𑒋 𑒫𑒰 𑒮𑓀𑒔𑒰𑒩𑒏 𑒏𑒰𑒪𑒧𑒹 𑒁𑒏𑓂𑒭𑒩, 𑒬𑒥𑓂𑒠 𑒫𑒰 𑒫𑒰𑒏𑓂𑒨𑒏 𑒁𑒮𑓂𑒞𑒱𑒞𑓂𑒫 𑒢𑒻 𑒦𑒹𑒪 𑒩𑒯𑒻 𑒕𑒻। 𑒬𑒥𑓂𑒠𑒏 𑒣𑒴𑒩𑓂𑒝𑒞𑒰 𑒡𑒩𑒱 𑒋𑒏 𑒁𑒏𑓂𑒭𑒩 𑒂𑒩 𑒢𑒲𑒏 𑒖𑒏𑒰𑒿 𑒏𑓂𑒩𑒧𑒮𑒿 𑒁𑒩𑓂𑒟𑒣𑒴𑒩𑓂𑒝 𑒯𑒼𑒃𑒋 𑒂 𑒫𑒰𑒏𑓂𑒨 𑒣𑒴𑒩𑓂𑒝 𑒯𑒹𑒥𑒰 𑒡𑒩𑒱 𑒬𑒥𑓂𑒠 𑒏𑓂𑒩𑒧𑒮𑒿 𑒁𑒩𑓂𑒟𑒣𑒴𑒩𑓂𑒝 𑒯𑒼𑒃𑒋।𑒮𑒰𑓀𑒐𑓂𑒨, 𑒢𑓂𑒨𑒰𑒨, 𑒫𑒻𑒬𑒹𑒭𑒱𑒏, 𑒧𑒲𑒧𑒰𑓀𑒮𑒰 𑒂 𑒫𑒹𑒠𑒰𑒢𑓂𑒞 𑒄 𑒮𑒦 𑒠𑒩𑓂𑒬𑒢 𑒮𑓂𑒤𑒼𑒙𑒏𑒹𑒿 𑒢𑒻 𑒧𑒰𑒢𑒻𑒞 𑒁𑒕𑒱। 𑒌 𑒮𑒦 𑒠𑒩𑓂𑒬𑒢𑒏 𑒧𑒰𑒢𑒥 𑒁𑒕𑒱 𑒖𑒹 𑒁𑒏𑓂𑒭𑒩 𑒂 𑒍𑒏𑒩 𑒡𑓂𑒫𑒢𑒱 𑒁𑒩𑓂𑒟𑒏𑒹𑒿 𑒢𑒲𑒏 𑒖𑒹𑒏𑒰𑒿 𑒣𑒴𑒩𑓂𑒝 𑒏𑒩𑒻𑒞 𑒁𑒕𑒱। 𑒤𑓂𑒩𑒰𑓀𑒮𑒏 𑒖𑒻𑒏𑓂𑒮 𑒛𑒹𑒩𑒲𑒛𑒰𑒏 𑒫𑒱𑒐𑒝𑓂𑒛𑒢 𑒂 𑒣𑒮𑒩𑒥𑒰𑒏 𑒮𑒱𑒠𑓂𑒡𑒰𑒢𑓂𑒞 𑒮𑓂𑒤𑒼𑒙 𑒮𑒱𑒠𑓂𑒡𑒰𑒢𑓂𑒞𑒏 𑒪𑒑 𑒁𑒕𑒱।
𑒁𑒪𑓀𑒏𑒰𑒩 𑒮𑒱𑒠𑓂𑒡𑒰𑒢𑓂𑒞:
𑒦𑒰𑒧𑒯 𑒁𑒪𑓀𑒏𑒰𑒩𑒏𑒹𑒿 𑒮𑒧𑒰𑒮𑒼𑒏𑓂𑒞𑒱 𑒏𑒯𑒻 𑒕𑒟𑒱 𑒖𑒹 𑒂𑒢𑒢𑓂𑒠𑒏 𑒏𑒰𑒩𑒝 𑒥𑒢𑒻𑒋। 𑒠𑒝𑓂𑒛𑒲 𑒂 𑒅𑒠𑓂𑒦𑒙 𑒮𑒹𑒯𑒼 𑒁𑒪𑓀𑒏𑒰𑒩𑒏 𑒮𑒱𑒠𑓂𑒡𑒰𑒢𑓂𑒞𑒏𑒹𑒿 𑒂𑒑𑒰𑒿 𑒥𑒜𑓃𑒥𑒻 𑒕𑒟𑒱। 𑒁𑒪𑓀𑒏𑒰𑒩𑒏 𑒧𑒴𑒪 𑒩𑒴𑒣𑒮𑒿 𑒠𑒴 𑒣𑓂𑒩𑒏𑒰𑒩 𑒁𑒕𑒱, 𑒬𑒥𑓂𑒠 𑒂 𑒁𑒩𑓂𑒟 𑒂𑒡𑒰𑒩𑒱𑒞 𑒂 𑒂𑒑𑒰𑒿 𑒮𑒰𑒠𑒵𑒬𑓂𑒨-𑒫𑒱𑒩𑒼𑒡, 𑒞𑒩𑓂𑒏𑒢𑓂𑒨𑒰𑒨, 𑒪𑒼𑒏𑒢𑓂𑒨𑒰𑒨, 𑒏𑒰𑒫𑓂𑒨𑒢𑓂𑒨𑒰𑒨 𑒂 𑒑𑒴𑒜𑓃𑒰𑒩𑓂𑒟 𑒣𑓂𑒩𑒞𑒲𑒞𑒱 𑒂𑒡𑒰𑒩𑒣𑒩। 𑒧𑒧𑓂𑒧𑒙 𑓖𑓑 𑒣𑓂𑒩𑒏𑒰𑒩𑒏 𑒁𑒪𑓀𑒏𑒰𑒩𑒏𑒹𑒿 𑓗 𑒦𑒰𑒑𑒧𑒹 𑒥𑒰𑒿𑒙𑒻 𑒕𑒟𑒱, 𑒅𑒣𑒧𑒰 𑒧𑒰𑒢𑒹 𑒅𑒠𑒰𑒯𑒩𑒝, 𑒩𑒴𑒣𑒏 𑒧𑒰𑒢𑒹 𑒏𑒯𑒥𑒲, 𑒁𑒣𑓂𑒩𑒮𑓂𑒞𑒳𑒞 𑒧𑒰𑒢𑒹 𑒁𑒣𑓂𑒩𑒞𑓂𑒨𑒏𑓂𑒭 𑒣𑓂𑒩𑒬𑓀𑒮𑒰, 𑒠𑒲𑒣𑒏 𑒧𑒰𑒢𑒹 𑒫𑒱𑒦𑒰𑒖𑒱𑒞 𑒁𑒪𑓀𑒏𑒩𑒝, 𑒫𑓂𑒨𑒞𑒱𑒩𑒹𑒏 𑒧𑒰𑒢𑒹 𑒁𑒮𑒧𑒰𑒢𑒞𑒰 𑒣𑓂𑒩𑒠𑒩𑓂𑒬𑒢, 𑒫𑒱𑒩𑒼𑒡 𑒂 𑒮𑒧𑒳𑒔𑓂𑒔𑒨 𑒧𑒰𑒢𑒹 𑒮𑓀𑒑𑒥𑒹।
𑒎𑒔𑒱𑒞𑓂𑒨 𑒮𑒱𑒠𑓂𑒡𑒰𑒢𑓂𑒞:
𑒏𑓂𑒭𑒹𑒧𑒹𑒢𑓂𑒠𑓂𑒩 𑒎𑒔𑒱𑒞𑓂𑒨𑒫𑒱𑒔𑒰𑒩𑒔𑒩𑓂𑒔𑒰𑒧𑒹 𑒎𑒔𑒱𑒞𑓂𑒨𑒏𑒹𑒿 𑒮𑒰𑒯𑒱𑒞𑓂𑒨𑒏 𑒧𑒳𑒐𑓂𑒨 𑒞𑒞𑓂𑒫 𑒧𑒰𑒢𑒪𑒢𑓂𑒯𑒱। 𑒂 𑒎𑒔𑒱𑒞𑓂𑒨 𑒏𑒞𑓄 𑒯𑒹𑒥𑒰𑒏 𑒔𑒰𑒯𑒲? 𑒄 𑒯𑒹𑒥𑒰𑒏 𑒔𑒰𑒯𑒲 𑒣𑒠, 𑒫𑒰𑒏𑓂𑒨, 𑒣𑓂𑒩𑒥𑒢𑓂𑒡𑒏 𑒁𑒩𑓂𑒟, 𑒑𑒳𑒝, 𑒁𑒪𑓀𑒏𑒰𑒩, 𑒩𑒮, 𑒏𑒰𑒩𑒏, 𑒏𑓂𑒩𑒱𑒨𑒰, 𑒪𑒱𑓀𑒑, 𑒫𑒔𑒢, 𑒫𑒱𑒬𑒹𑒭𑒝, 𑒅𑒣𑒮𑒩𑓂𑒑, 𑒢𑒱𑒣𑒰𑒞 𑒧𑒰𑒢𑒹 𑒤𑒰𑒖𑒱𑒪, 𑒏𑒰𑒪, 𑒠𑒹𑒬 𑒏𑒳𑒪, 𑒫𑓂𑒩𑒞, 𑒞𑒞𑓂𑒫, 𑒮𑒞𑓂𑒫 𑒧𑒰𑒢𑒹 𑒂𑒢𑓂𑒞𑒩𑒱𑒏 𑒑𑒳𑒝, 𑒁𑒦𑒱𑒣𑓂𑒩𑒰𑒨, 𑒮𑓂𑒫𑒦𑒰𑒫, 𑒮𑒰𑒩-𑒮𑓀𑒑𑓂𑒩𑒯, 𑒣𑓂𑒩𑒞𑒱𑒦𑒰, 𑒁𑒫𑒮𑓂𑒟𑒰, 𑒫𑒱𑒔𑒰𑒩, 𑒢𑒰𑒧 𑒂 𑒂𑒬𑒲𑒩𑓂𑒫𑒰𑒠𑒧𑒹।
𑒏𑓀𑒣𑒰𑒨𑒧𑒰𑒢 𑒁𑒕𑒱 𑒄 𑒥𑓂𑒩𑒯𑓂𑒧𑒰𑒝𑓂𑒛 𑒂 𑒄 𑒁𑒕𑒱 𑒏𑓀𑒣𑒢 𑒧𑒰𑒞𑓂𑒩। 𑒏𑒫𑒱𑒞𑒰 𑒫𑒰𑒔𑒢𑒏 𑒥𑒰𑒠 𑒣𑒮𑒩𑒻𑒞 𑒁𑒕𑒱 𑒬𑒰𑒢𑓂𑒞𑒱, 𑒬𑒰𑒢𑓂𑒞𑒱 𑒮𑒩𑓂𑒫𑒞𑓂𑒩 𑒂 𑒬𑒰𑒢𑓂𑒞𑒱 𑒣𑒮𑒩𑒻𑒞 𑒁𑒕𑒱 𑒧𑒑𑒖𑒧𑒹।
















𑒏𑒟𑒰-𑒪𑒒𑒳𑒏𑒟𑒰 𑒁𑓀𑒑𑓂𑒩𑒹𑒖𑒲𑒏 𑒬𑒰𑒩𑓂𑒙 𑒮𑓂𑒙𑒼𑒩𑒲 𑒂 𑒧𑒻𑒟𑒱𑒪𑒲𑒧𑒹 𑒁𑒢𑓂𑒞𑒩। 𑒋𑒞𑒋 𑒋𑒏 𑒣𑒢𑓂𑒢𑒰𑒮𑒿 𑒕𑒼𑒙 𑒏𑒟𑒰 𑒦𑒹𑒪 𑒪𑒒𑒳 𑒏𑒟𑒰 𑒂 𑒍𑒯𑒱𑒮𑒿 𑒣𑒻𑒒 𑒂 𑓔-𑓕 𑒣𑒢𑓂𑒢𑒰𑒮𑒿 𑓑𑓕-𑓒𑓐 𑒣𑒢𑓂𑒢𑒰 𑒡𑒩𑒱 𑒏𑒟𑒰 𑒂 𑒠𑒲𑒩𑓂𑒒 𑒏𑒟𑒰। 𑒤𑒹𑒩 𑓕𑓐-𑓖𑓐 𑒣𑒢𑓂𑒢𑒰𑒮𑒿 𑒅𑒣𑒢𑓂𑒨𑒰𑒮 𑒬𑒳𑒩𑒴।

𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝 𑒂 𑒏𑒩𑓂𑒝 𑒏𑒰𑒨𑒮𑓂𑒟𑒏 𑒂𑒡𑒰𑒩𑒣𑒩 𑒧𑒻𑒟𑒱𑒪𑒲 𑒮𑒹𑒫𑒲 𑒮𑓀𑒮𑓂𑒟𑒰 𑒮𑒦 𑒖𑒹 𑒫𑒱𑒠𑓂𑒨𑒰𑒣𑒞𑒱 𑒣𑒩𑓂𑒫 𑒂 𑒮𑓀𑒮𑓂𑒟𑒰𑒏 𑒢𑒱𑒩𑓂𑒧𑒰𑒝, 𑒣𑒳𑒩𑒮𑓂𑒏𑒰𑒩 𑒫𑒱𑒞𑒩𑒝 𑒏𑒋 𑒩𑒯𑒪 𑒕𑒟𑒱 𑒍𑒯𑒱𑒧𑒹 𑒑𑒋𑒩 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝 𑒂 𑒏𑒩𑓂𑒝 𑒏𑒰𑒨𑒮𑓂𑒟𑒏 𑒣𑓂𑒩𑒫𑒹𑒬 𑒮𑒲𑒧𑒱𑒞 𑒁𑒕𑒱 𑒧𑒳𑒠𑒰 𑒋𑒧𑓂𑒯𑒩 𑒍 𑒥𑒜𑓃𑒱 𑒩𑒯𑒪 𑒁𑒕𑒱। 𑒂 𑒄 𑒧𑒻𑒟𑒱𑒪𑒲𑒏 𑒪𑒹𑒪 𑒋𑒏𑒙𑒰 𑒬𑒳𑒦 𑒪𑒏𑓂𑒭𑒝 𑒁𑒕𑒱। 𑒮𑒰𑒯𑒱𑒞𑓂𑒨𑒧𑒹 𑒮𑒹𑒯𑒼 𑒑𑒋𑒩 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝 𑒂 𑒏𑒩𑓂𑒝 𑒏𑒰𑒨𑒮𑓂𑒟 𑒪𑒹𑒐𑒏 𑒂 𑒣𑒰𑒚𑒏 𑒥𑒜𑓃𑒪 𑒕𑒟𑒱। 𑒧𑒲𑒛𑒱𑒨𑒰 𑒂 𑒬𑒱𑒏𑓂𑒭𑒰 𑒫𑓂𑒨𑒫𑒮𑓂𑒟𑒰 𑒋𑒯𑒱 𑒂𑒡𑒳𑒢𑒱𑒏 𑒃𑒢𑓂𑒤𑒰𑒩𑒧𑒹𑒬𑒢 𑒮𑒼𑒮𑒰𑒃𑒙𑒲𑒧𑒹 𑒁𑒣𑒢 𑒯𑒮𑓂𑒞𑒏𑓂𑒭𑒹𑒣𑒮𑒿 𑒧𑒻𑒟𑒱𑒪𑒲 𑒦𑒰𑒭𑒰 𑒂 𑒧𑒻𑒟𑒱𑒪 𑒮𑓀𑒮𑓂𑒏𑒵𑒞𑒱 𑒪𑒹𑒪 𑒋𑒏𑒙𑒰 𑒣𑓂𑒩𑒯𑒰𑒩 𑒮𑒢 𑒁𑒕𑒱 𑒧𑒳𑒠𑒰 𑒮𑒾𑒦𑒰𑒑𑓂𑒨 𑒧𑒱𑒟𑒱𑒪𑒰 𑒮𑒢 𑒙𑒲.𑒫𑒲. 𑒔𑒻𑒢𑒪 𑒂 𑒢𑒹𑒣𑒰𑒪𑒏 𑒏𑒰𑒢𑓂𑒞𑒱𑒣𑒳𑒩 𑒋𑒤.𑒋𑒧., 𑒖𑒰𑒢𑒏𑒲 𑒋𑒤.𑒋𑒧. 𑒂 𑒩𑒹𑒛𑒱𑒨𑒼 𑒧𑒱𑒟𑒱𑒪𑒰 𑒮𑒢 𑒩𑒹𑒛𑒱𑒨𑒼 𑒮𑓂𑒙𑒹𑒬𑒢 𑒋𑒯𑒱 𑒣𑓂𑒩𑒯𑒰𑒩𑒏𑒹𑒿 𑒮𑒲𑒧𑒱𑒞 𑒩𑒴𑒣𑒧𑒹 𑒩𑒼𑒏𑒪𑒏 𑒁𑒕𑒱। 𑒥𑒰𑒪 𑒮𑒰𑒯𑒱𑒞𑓂𑒨𑒏 𑒢𑒱𑒩𑓂𑒧𑒰𑒝 𑒮𑒹𑒯𑒼 𑒥𑒜𑓃𑒪 𑒁𑒕𑒱। 𑒁𑒢𑓂𑒞𑒩𑓂𑒖𑒰𑒪 𑒮𑒹𑒯𑒼 𑒋𑒏𑒦𑒑𑒰𑒯 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒧𑒹 𑒯𑒮𑓂𑒞𑒏𑓂𑒭𑒹𑒣 𑒏𑒋𑒪𑒏 𑒁𑒕𑒱।

𑒫𑒱𑒫𑒹𑒔𑒢: 𑒦𑒰𑒩𑒞 𑒂 𑒣𑒰𑒬𑓂𑒔𑒰𑒞𑓂𑒨 𑒢𑒰𑒙𑓂𑒨 𑒮𑒱𑒠𑓂𑒡𑒰𑓀𑒞𑒏 𑒞𑒳𑒪𑒢𑒰𑒞𑓂𑒧𑒏 𑒁𑒡𑓂𑒨𑒨𑒢𑒮𑒿 𑒄 𑒖𑓂𑒘𑒰𑒞 𑒯𑒼𑒃𑒞 𑒁𑒕𑒱 𑒧𑒰𑒢𑒫𑒏 𑒔𑒱𑒢𑓂𑒞𑒢 𑒦𑒾𑒑𑒼𑒪𑒱𑒏 𑒠𑒴𑒩𑒲𑒏𑒏 𑒁𑒕𑒻𑒞 𑒏𑒞𑒹𑒏 𑒮𑒧𑒰𑒢𑒞𑒰 𑒪𑒹𑒢𑒹 𑒩𑒯𑒻𑒞 𑒁𑒕𑒱। 𑒦𑒰𑒩𑒞𑒲𑒨 𑒢𑒰𑒙𑓂𑒨𑒬𑒰𑒮𑓂𑒞𑓂𑒩 𑒧𑒳𑒐𑓂𑒨𑒞𑓁 𑒦𑒩𑒞𑒏 “𑒢𑒰𑒙𑓂𑒨𑒬𑒰𑒮𑓂𑒞𑓂𑒩” 𑒂 𑒡𑒢𑓀𑒖𑒨𑒏 𑒠𑒬𑒩𑒴𑒣𑒏𑒣𑒩 𑒂𑒡𑒰𑒩𑒱𑒞 𑒁𑒕𑒱। 𑒣𑒰𑒬𑓂𑒔𑒰𑒞𑓂𑒨 𑒢𑒰𑒙𑓂𑒨𑒬𑒰𑒮𑓂𑒞𑓂𑒩𑒏 𑒣𑓂𑒩𑒰𑒧𑒰𑒝𑒱𑒏 𑒑𑓂𑒩𑓀𑒟 𑒁𑒕𑒱 𑒁𑒩𑒮𑓂𑒞𑒴𑒏 “𑒏𑒰𑒫𑓂𑒨𑒬𑒰𑒮𑓂𑒞𑓂𑒩”।
𑒦𑒩𑒞 𑒢𑒰𑒙𑓂𑒨𑒏𑒹𑒿 “𑒏𑒵𑒞𑒰𑒢𑒳𑒮𑒰𑒩” “𑒦𑒰𑒫𑒰𑒢𑒳𑒏𑒰𑒩” 𑒏𑒯𑒻𑒞 𑒕𑒟𑒱, 𑒡𑒢𑓀𑒖𑒨 𑒁𑒫𑒮𑓂𑒟𑒰𑒏 𑒁𑒢𑒳𑒏𑒵𑒞𑒱𑒏𑒹𑒿 𑒢𑒰𑒙𑓂𑒨 𑒏𑒯𑒻𑒞 𑒕𑒟𑒱। 𑒦𑒰𑒩𑒞𑒲𑒨 𑒮𑒰𑒯𑒱𑒞𑓂𑒨𑒬𑒰𑒮𑓂𑒞𑓂𑒩𑒧𑒹 𑒁𑒢𑒳𑒏𑒩𑒝 𑒢𑒙 𑒏𑒩𑓂𑒧 𑒁𑒕𑒱, 𑒏𑒫𑒱 𑒏𑒩𑓂𑒧 𑒢𑒯𑒱। 𑒣𑒬𑓂𑒔𑒱𑒧𑒧𑒹 𑒁𑒢𑒳𑒏𑒩𑒝 𑒏𑒩𑓂𑒧 𑒟𑒱𑒏 𑒏𑒫𑒱 𑒏𑒩𑓂𑒧, 𑒢𑒙𑒏 𑒏𑒞𑒯𑒳 𑒔𑒩𑒔𑒰 𑒢𑒯𑒱 𑒁𑒕𑒱।
𑒁𑒩𑒮𑓂𑒞𑒴 𑒢𑒰𑒙𑒏𑒧𑒹 𑒏𑒟𑒰𑒢𑒏𑒣𑒩 𑒫𑒱𑒬𑒹𑒭 𑒥𑒪 𑒠𑒻𑒞 𑒕𑒟𑒱। 𑒙𑓂𑒩𑒹𑒖𑒹𑒛𑒲𑒧𑒹 𑒏𑒟𑒰𑒢𑒏 𑒏𑒹𑒩 𑒮𑓀𑒑 𑒔𑒩𑒱𑒞𑓂𑒩-𑒔𑒱𑒞𑓂𑒩𑒝, 𑒣𑒠-𑒩𑒔𑒢𑒰, 𑒫𑒱𑒔𑒰𑒩 𑒞𑒞𑓂𑒫, 𑒠𑒵𑒬𑓂𑒨 𑒫𑒱𑒡𑒰𑒢 𑒂 𑒑𑒲𑒞 𑒩𑒯𑒻𑒞 𑒁𑒕𑒱। 𑒦𑒩𑒞 𑒏𑒯𑒻𑒞 𑒕𑒟𑒱 𑒖𑒹 𑒢𑒰𑒨𑒏𑒮𑒿 𑒮𑓀𑒥𑓀𑒡𑒱𑒞 𑒏𑒟𑒰𑒫𑒮𑓂𑒞𑒳 𑒂𑒡𑒱𑒏𑒰𑒩𑒱𑒏 𑒂 𑒂𑒡𑒱𑒏𑒰𑒩𑒱𑒏 𑒏𑒟𑒰𑒫𑒮𑓂𑒞𑒳𑒏𑒹𑒿 𑒮𑒯𑒰𑒨𑒞𑒰 𑒣𑒯𑒳𑒿𑒔𑒰𑒥𑒋𑒥𑒪𑒰 𑒏𑒟𑒰 𑒣𑓂𑒩𑒰𑒮𑓀𑒑𑒱𑒏 𑒏𑒯𑒪 𑒖𑒋𑒞। 𑒧𑒳𑒠𑒰 𑒮𑒦 𑒢𑒰𑒙𑒏𑒧𑒹 𑒣𑓂𑒩𑒰𑒮𑓀𑒑𑒱𑒏 𑒏𑒟𑒰𑒫𑒮𑓂𑒞𑒳 𑒯𑒼𑒁𑒋 𑒮𑒹 𑒂𑒫𑒬𑓂𑒨𑒏 𑒢𑒯𑒱, 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒢𑒯𑒱 𑒞𑒿 𑒏𑒼𑒢𑒼 𑒞𑒹𑒯𑒢 𑒂𑒡𑒱𑒏𑒰𑒩𑒱𑒏 𑒏𑒟𑒰𑒫𑒮𑓂𑒞𑒳 𑒁𑒕𑒱 𑒂 𑒢𑒯𑒱𑒋 𑒏𑒼𑒢𑒼 𑒣𑓂𑒩𑒰𑒮𑒰𑓀𑒑𑒱𑒏, 𑒏𑒰𑒩𑒝 𑒋𑒯𑒱𑒧𑒹 𑒢𑒰𑒨𑒏 𑒏𑒼𑒢𑒼 𑒮𑒩𑓂𑒫𑒧𑒰𑒢𑓂𑒨 𑒢𑒰𑒨𑒏 𑒢𑒯𑒱 𑒁𑒕𑒱। 𑒖𑒹 𑒥𑒖𑒰𑒩𑒲 𑒅𑒔𑓂𑒏𑓂𑒏𑒰𑒏𑒹𑒿 𑒏𑒰𑒪𑒩 𑒣𑒏𑒛𑓃𑒻𑒞 𑒕𑒟𑒱 𑒮𑒹 𑒏𑒢𑒹𑒏 𑒏𑒰𑒪𑒏 𑒥𑒰𑒠 𑒑𑒾𑒝 𑒣𑒛𑓃𑒱 𑒖𑒰𑒃𑒞 𑒕𑒟𑒱। 𑒖𑒰𑒯𑒱 𑒅𑒔𑓂𑒏𑓂𑒏𑒰𑒏 𑒮𑒼𑒗𑒰𑒿 𑒔𑒼𑒩 𑒮𑒏𑒠𑒧 𑒩𑒯𑒻𑒞 𑒁𑒕𑒱 𑒮𑒹 𑒏𑒱𑒕𑒳 𑒏𑒰𑒪𑒏 𑒥𑒰𑒠, 𑒏𑒱𑒕𑒳 𑒢𑒫 𑒢𑒯𑒱 𑒯𑒼𑒃𑒕 𑒏𑒹𑒩 𑒠𑒩𑓂𑒬𑒢𑒣𑒩 𑒑𑒣 𑒏𑒩𑒻𑒞 𑒮𑒼𑒗𑒰𑒿 𑒁𑒥𑒻𑒞 𑒕𑒟𑒱। 𑒖𑒹 𑒨𑒧𑒩𑒰𑒖 𑒮𑒦𑒏𑒹𑒿 𑒟𑒩𑓂𑒩𑒹𑒢𑒹 𑒕𑒟𑒱, 𑒮𑒹 𑒮𑓂𑒫𑒨𑓀 𑒢𑒱𑒦𑒰𑒏 𑒮𑒼𑒗𑒰𑒿𑒧𑒹 𑒁𑒣𑒢 𑒞𑒹𑒖 𑒧𑒡𑓂𑒨𑒧 𑒯𑒼𑒃𑒞 𑒠𑒹𑒐𑒻𑒞 𑒕𑒟𑒱। 𑒦𑒱𑒐𑒧𑓀𑒑𑒢𑒲 𑒯𑒳𑒢𑒏𑒰 𑒠𑒻𑒫𑒲 𑒮𑓂𑒫𑒩𑒴𑒣 𑒅𑒞𑒰𑒩𑒢𑒹 𑒠𑒹𑒐𑒻𑒞 𑒯𑒿𑒮𑒻𑒞 𑒕𑒟𑒱 𑒞𑒿 𑒩𑒧𑒝𑒲 𑒧𑒼𑒯𑒢 𑒂 𑒢𑒱𑒦𑒰 𑒮𑒹𑒯𑒼 𑒯𑒳𑒢𑒏𑒰 𑒂 𑒔𑒱𑒞𑓂𑒩𑒑𑒳𑒣𑓂𑒞𑒏𑒹𑒿 𑒁𑒢𑓂𑒞𑒧𑒹 𑒁𑒣𑒬𑒥𑓂𑒠 𑒏𑒯𑒻𑒞 𑒕𑒟𑒱। 𑒫𑒰𑒧𑒣𑓀𑒟𑒲𑒏 𑒂 𑒁𑒦𑒱𑒢𑒹𑒞𑒰𑒏 𑒮𑒋𑒯 𑒯𑒰𑒪 𑒕𑒢𑓂𑒯𑒱। 𑒏𑒼𑒢𑒼 𑒣𑒰𑒞𑓂𑒩 𑒏𑒧𑒖𑒼𑒩 𑒢𑒯𑒱 𑒕𑒟𑒱 𑒂 𑒮𑒧𑒨-𑒣𑒩𑒱𑒮𑓂𑒟𑒱𑒞𑒱𑒣𑒩 𑒩𑒱𑒥𑒰𑒅𑒢𑓂𑒛 𑒏𑒩𑒻𑒞 𑒕𑒟𑒱।
𑒏𑒟𑒰 𑒃𑒞𑒱𑒫𑒵𑒞𑓂𑒞𑒱𑒏 𑒠𑒵𑒭𑓂𑒙𑒱𑒮𑒿 𑒣𑓂𑒩𑒐𑓂𑒨𑒰𑒞, 𑒅𑒞𑓂𑒣𑒰𑒠𑓂𑒨 𑒂 𑒧𑒱𑒬𑓂𑒩 𑒞𑒲𑒢 𑒣𑓂𑒩𑒏𑒰𑒩𑒏 𑒯𑒼𑒃𑒞 𑒁𑒕𑒱। 𑒣𑓂𑒩𑒐𑓂𑒨𑒰𑒞 𑒏𑒟𑒰 𑒃𑒞𑒱𑒯𑒰𑒮 𑒣𑒳𑒩𑒰𑒝𑒮𑒿 𑒪𑒹𑒪 𑒖𑒰𑒃𑒞 𑒁𑒕𑒱 𑒂 𑒅𑒞𑓂𑒣𑒰𑒠𑓂𑒨 𑒏𑒪𑓂𑒣𑒱𑒞 𑒯𑒼𑒃𑒞 𑒁𑒕𑒱। 𑒧𑒱𑒬𑓂𑒩𑒧𑒹 𑒠𑒳𑒢𑒴𑒏 𑒧𑒹𑒪 𑒯𑒼𑒃𑒞 𑒁𑒕𑒱। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒧𑒱𑒬𑓂𑒩 𑒃𑒞𑒱𑒫𑒵𑒞𑓂𑒞𑒱𑒏 𑒯𑒼𑒋𑒥𑒰𑒏 𑒏𑒼𑒢𑒼 𑒙𑒰 𑒑𑒳𑓀𑒖𑒰𑒃𑒬 𑒞𑒐𑒢𑒹 𑒐𑒞𑒧 𑒦𑒋 𑒖𑒰𑒃𑒞 𑒁𑒕𑒱 𑒖𑒐𑒢 𑒔𑒱𑒞𑓂𑒩𑒑𑒳𑒣𑓂𑒞 𑒂 𑒨𑒧𑒩𑒰𑒖 𑒁𑒣𑒢 𑒢𑒏𑒪𑒲 𑒦𑒹𑒭 𑒅𑒞𑒰𑒩𑒻𑒞 𑒕𑒟𑒱 𑒂 𑒦𑒱𑒐𑒧𑓀𑒑𑒢𑒲𑒏 𑒯𑒿𑒮𑒪𑒰𑒣𑒩 𑒦𑒵𑓀𑒑𑒲 𑒏𑒯𑒻𑒞 𑒕𑒟𑒱 𑒖𑒹 𑒄 𑒦𑒱𑒐𑒧𑓀𑒑𑒢𑒲 𑒮𑒹𑒯𑒼 𑒯𑒧𑒩𑒹 𑒮𑒦 𑒖𑒹𑒏𑒰𑒿 𑒏𑒪𑒰𑒏𑒰𑒩 𑒕𑒟𑒱 ! 𑒧𑒰𑒞𑓂𑒩 𑒨𑒧𑒩𑒰𑒖 𑒂 𑒔𑒱𑒞𑓂𑒩𑒑𑒳𑒣𑓂𑒞 𑒢𑒰𑒧𑒮𑒿 𑒏𑒟𑒰 𑒃𑒞𑒱𑒯𑒰𑒮-𑒣𑒳𑒩𑒰𑒝 𑒮𑒧𑓂𑒥𑒠𑓂𑒡 𑒢𑒯𑒱 𑒁𑒕𑒱 𑒂 𑒃𑒞𑒱𑒫𑒵𑒞𑓂𑒞𑒱 𑒣𑒴𑒩𑓂𑒝𑒞𑓁 𑒅𑒞𑓂𑒣𑒰𑒠𑓂𑒨 𑒁𑒕𑒱। 𑒁𑒩𑒮𑓂𑒞𑒴 𑒏𑒟𑒰𑒢𑒏𑒏𑒹𑒿 𑒮𑒩𑒪 𑒂 𑒖𑒙𑒱𑒪 𑒠𑒴 𑒣𑓂𑒩𑒏𑒰𑒩𑒏 𑒧𑒰𑒢𑒻𑒞 𑒕𑒟𑒱। 𑒞𑒰𑒯𑒱 𑒯𑒱𑒮𑒰𑒥𑒮𑒿 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒂𑒏𑒮𑓂𑒧𑒱𑒏 𑒒𑒙𑒢𑒰 𑒖𑒰𑒯𑒱 𑒮𑒩𑒪𑒞𑒰𑒏 𑒮𑓀𑒑 𑒤𑓂𑒪𑒼𑒧𑒹 𑒁𑒥𑒻𑒞 𑒁𑒕𑒱, 𑒮𑒹 𑒄 𑒢𑒰𑒙𑒏 𑒮𑒩𑒪 𑒏𑒟𑒰𑒢𑒏 𑒂𑒡𑒰𑒩𑒱𑒞 𑒏𑒯𑒪 𑒖𑒋𑒞। 𑒤𑒹𑒩 𑒁𑒩𑒮𑓂𑒞𑒴 𑒃𑒞𑒱𑒫𑒵𑒞𑓂𑒞𑒏𑒹𑒿 𑒠𑒢𑓂𑒞𑒏𑒟𑒰, 𑒏𑒪𑓂𑒣𑒢𑒰 𑒂 𑒃𑒞𑒱𑒯𑒰𑒮 𑒋𑒯𑒱 𑒞𑒲𑒢 𑒣𑓂𑒩𑒏𑒰𑒩𑒮𑒿 𑒮𑒧𑓂𑒥𑒢𑓂𑒡𑒱𑒞 𑒧𑒰𑒢𑒻𑒞 𑒕𑒟𑒱। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒏𑒹𑒿 𑒏𑒰𑒪𑓂𑒣𑒢𑒱𑒏 𑒧𑒴𑒪𑒏 𑒬𑓂𑒩𑒹𑒝𑒲𑒧𑒹 𑒋𑒯𑒱 𑒯𑒱𑒮𑒰𑒥𑒮𑒿 𑒩𑒰𑒐𑒪 𑒖𑒋𑒞। 𑒁𑒩𑒮𑓂𑒞𑒴𑒏 𑒙𑓂𑒩𑒹𑒖𑒹𑒛𑒲𑒏 𑒔𑒩𑒱𑒞𑓂𑒩 𑒨𑓃𑒬𑒮𑓂𑒫𑒲 𑒂 𑒏𑒳𑒪𑒲𑒢 𑒕𑒟𑒱- 𑒮𑒞𑓂 𑒁𑒮𑒞𑓂 𑒏𑒹𑒩 𑒧𑒱𑒬𑓂𑒩𑒝। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒖𑒹 𑒔𑒩𑒱𑒞𑓂𑒩 𑒮𑒦 𑒕𑒟𑒱 𑒞𑒰𑒯𑒱𑒧𑒹 𑒮𑒦 𑒔𑒩𑒱𑒞𑓂𑒩𑒧𑒹 𑒮𑒞𑓂 𑒁𑒮𑒞𑓂 𑒏𑒹𑒩 𑒧𑒱𑒬𑓂𑒩𑒝 𑒁𑒕𑒱। 𑒢𑒱𑒦𑒰 𑒅𑒔𑓂𑒔𑒫𑓀𑒬𑒲𑒨 𑒕𑒟𑒱 𑒧𑒳𑒠𑒰 𑒩𑒧𑒝𑒲 𑒧𑒼𑒯𑒢, 𑒖𑒹 𑒥𑒪𑒰𑒞𑓂𑒏𑒰𑒩𑒏 𑒥𑒰𑒠𑒏 𑒦𑒹𑒪 𑒣𑒱𑒙𑒰𑒢𑒏 𑒥𑒰𑒠 𑒧𑒵𑒞 𑒦𑒹𑒪 𑒕𑒟𑒱, 𑒮𑒿 𑒯𑒱𑒪𑒱-𑒧𑒱𑒪𑒱 𑒖𑒰𑒃𑒞 𑒕𑒟𑒱। 𑒦𑒱𑒐𑒧𑓀𑒑𑒢𑒲 𑒧𑒱𑒟𑒱𑒪𑒰 𑒔𑒱𑒞𑓂𑒩𑒏𑒰𑒩 𑒁𑒢𑒮𑒴𑒨𑒰 𑒕𑒟𑒱। 𑒧𑒳𑒠𑒰 𑒠𑒳𑒢𑒴 𑒦𑒠𑓂𑒩𑒣𑒳𑒩𑒳𑒭, 𑒥𑒖𑒰𑒩𑒲 𑒂 𑒔𑒰𑒩𑒴 𑒮𑒻𑒢𑒱𑒏 𑒋𑒯𑒱 𑒣𑓂𑒩𑒏𑒰𑒩𑒹𑒿 𑒥𑒱𑒢 𑒏𑒪𑒳𑒭𑒞𑒰𑒏 𑒮𑒼𑒗𑒰𑒿 𑒁𑒥𑒻𑒞 𑒕𑒟𑒱। 𑒦𑒩𑒞 𑒢𑒵𑒞𑓂𑒨 𑒮𑓀𑒑𑒲𑒞𑒏 𑒣𑓂𑒩𑒹𑒧𑒲𑒏𑒹𑒿 𑒡𑒲𑒩𑒪𑒪𑒱𑒞, 𑒬𑒰𑒢𑓂𑒞 𑒣𑓂𑒩𑒏𑒵𑒞𑒱𑒏𑒹𑒿 𑒡𑒲𑒩𑒣𑓂𑒩𑒬𑒰𑒢𑓂𑒞, 𑒏𑓂𑒭𑒞𑓂𑒩𑒱𑒨 𑒣𑓂𑒩𑒫𑒵𑒞𑓂𑒞𑒱𑒏𑒹𑒿 𑒡𑒲𑒩𑒼𑒠𑒞𑓂𑒞 𑒂 𑒄𑒩𑓂𑒭𑓂𑒨𑒰𑒪𑒴𑒏𑒹𑒿 𑒡𑒲𑒩𑒼𑒠𑓂𑒡𑒞𑓂𑒞 𑒏𑒯𑒻𑒞 𑒕𑒟𑒱। 𑒥𑒖𑒰𑒩𑒲 𑒂 𑒠𑒳𑒢𑒴 𑒦𑒠𑓂𑒩𑒣𑒳𑒩𑒳𑒭 𑒮𑓀𑒑𑒲𑒞𑒏 𑒥𑒹𑒬 𑒣𑓂𑒩𑒹𑒧𑒲 𑒕𑒟𑒱 𑒞𑒿 𑒩𑒧𑒝𑒲 𑒧𑒼𑒯𑒢 𑒣𑓂𑒩𑒹𑒧𑒲-𑒣𑓂𑒩𑒹𑒧𑒱𑒏𑒰𑒏𑒹𑒿 𑒠𑒹𑒐𑒱 𑒏𑒋 𑒄𑒩𑓂𑒭𑓂𑒨𑒰𑒪𑒴। 𑒮𑒻𑒢𑒱𑒏 𑒮𑒦 𑒬𑒰𑒢𑓂𑒞 𑒕𑒟𑒱 𑒏𑓂𑒭𑒞𑓂𑒩𑒱𑒨𑒼𑒔𑒱𑒞 𑒑𑒳𑒝 𑒮𑒹𑒯𑒼 𑒕𑒢𑓂𑒯𑒱 𑒮𑒹 𑒡𑒲𑒩𑒼𑒠𑒞𑓂𑒞 𑒂 𑒡𑒲𑒩𑒣𑓂𑒩𑒬𑒰𑒢𑓂𑒞 𑒠𑒳𑒢𑒴 𑒕𑒟𑒱। 𑒧𑒳𑒠𑒰 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒋𑒯𑒱 𑒣𑓂𑒩𑒏𑒰𑒩𑒏 𑒫𑒱𑒦𑒰𑒖𑒢 𑒣𑒴𑒩𑓂𑒝𑒞𑒨𑒰 𑒮𑒧𑓂𑒦𑒫 𑒢𑒯𑒱 𑒁𑒕𑒱।
𑒦𑒰𑒩𑒞𑒲𑒨 𑒮𑒱𑒠𑓂𑒡𑒰𑓀𑒞 𑒏𑒰𑒩𑓂𑒨𑒏 𑒂𑒩𑒧𑓂𑒦, 𑒣𑓂𑒩𑒨𑒞𑓂𑒢, 𑒣𑓂𑒩𑒰𑒣𑓂𑒞𑓂𑒨𑒰𑒬𑒰, 𑒢𑒱𑒨𑒞𑒰𑒣𑓂𑒞𑒱 𑒂 𑒤𑒪𑒰𑒑𑒧 𑒡𑒩𑒱𑒏 𑒣𑒰𑒿𑒔 𑒙𑒰 𑒁𑒫𑒮𑓂𑒟𑒰𑒏 𑒫𑒩𑓂𑒝𑒢 𑒏𑒩𑒻𑒞 𑒁𑒕𑒱। 𑒣𑓂𑒩𑒰𑒣𑓂𑒞𑓂𑒨𑒰𑒬𑒰𑒧𑒹 𑒤𑒪 𑒣𑓂𑒩𑒰𑒣𑓂𑒞𑒱𑒏 𑒣𑓂𑒩𑒞𑒱 𑒢𑒱𑒩𑒰𑒬𑒰 𑒁𑒥𑒻𑒞 𑒁𑒕𑒱 𑒞𑒿 𑒢𑒱𑒨𑒞𑒰𑒣𑓂𑒞𑒱𑒧𑒹 𑒤𑒪 𑒣𑓂𑒩𑒰𑒣𑓂𑒞𑒱𑒏 𑒂𑒬𑒰 𑒒𑒳𑒩𑒱 𑒁𑒥𑒻𑒞 𑒁𑒕𑒱। 𑒣𑒰𑒬𑓂𑒔𑒰𑒞𑓂𑒨 𑒮𑒱𑒠𑓂𑒡𑒰𑓀𑒞𑒧𑒹 𑒁𑒕𑒱 𑒂𑒩𑒧𑓂𑒦, 𑒏𑒰𑒩𑓂𑒨-𑒫𑒱𑒏𑒰𑒮, 𑒔𑒩𑒧 𑒒𑒙𑒢𑒰, 𑒢𑒱𑒑𑒞𑒱 𑒂 𑒁𑒢𑓂𑒞𑒱𑒧 𑒤𑒪। 𑒣𑓂𑒩𑒟𑒧 𑒞𑒲𑒢 𑒁𑒫𑒮𑓂𑒟𑒰𑒧𑒹 𑒍𑒗𑒩𑒰𑒯𑒙𑒱 𑒁𑒥𑒻𑒞 𑒁𑒕𑒱, 𑒁𑒢𑓂𑒞𑒱𑒧 𑒠𑒴 𑒧𑒹 𑒮𑒼𑒗𑒩𑒰𑒯𑒙𑒱।
𑒏𑒰𑒩𑓂𑒨𑒰𑒫𑒮𑓂𑒟𑒰𑒏 𑒣𑓀𑒔 𑒫𑒱𑒦𑒰𑒖𑒢- 𑒥𑒲𑒨𑒰, 𑒥𑒱𑒢𑓂𑒠𑒳, 𑒣𑒞𑒰𑒏𑒰, 𑒣𑓂𑒩𑒏𑒩𑒲 𑒂 𑒏𑒰𑒩𑓂𑒨 𑒁𑒕𑒱। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒥𑒲𑒨𑒰 𑒁𑒕𑒱 𑒋𑒏𑒙𑒰 𑒠𑓂𑒫𑒢𑓂𑒠 - 𑒧𑒵𑒞𑓂𑒨𑒳𑒏 𑒥𑒰𑒠𑒏 𑒪𑒼𑒏𑒏, 𑒥𑒲𑒧𑒰 𑒋𑒖𑒹𑒢𑓂𑒙 𑒋𑒞𑒋 𑒥𑒱𑒢𑒳 𑒧𑒵𑒞𑓂𑒨𑒳𑒏 𑒣𑒯𑒳𑒿𑒔𑒱 𑒖𑒰𑒃𑒞 𑒕𑒟𑒱। 𑒨𑒧𑒩𑒰𑒖 𑒂 𑒔𑒱𑒞𑓂𑒩𑒑𑒳𑒣𑓂𑒞 𑒧𑒹𑒏𑒣 𑒂𑒩𑓂𑒙𑒱𑒮𑓂𑒙 𑒥𑒯𑒩𑒰𑒃𑒞 𑒕𑒟𑒱। 𑒫𑒱𑒦𑒱𑒢𑓂𑒢 𑒥𑒱𑒢𑓂𑒠𑒳 𑒠𑓂𑒫𑒰𑒩𑒰 𑒋𑒏𑒙𑒰 𑒔𑒩𑒱𑒞𑓂𑒩 𑒆𑒣𑒩 𑒢𑒲𑒔𑒰𑒿 𑒯𑒼𑒃𑒞 𑒩𑒯𑒻𑒞 𑒁𑒕𑒱। 𑒣𑒞𑒰𑒏𑒰 𑒂 𑒣𑓂𑒩𑒏𑒩𑒲 𑒁𑒫𑒰𑒢𑓂𑒞𑒩 𑒏𑒟𑒰𑒧𑒹 𑒯𑒼𑒃𑒞 𑒁𑒕𑒱 𑒮𑒹 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒢𑒯𑒱 𑒁𑒕𑒱। 𑒥𑒲𑒂𑒏 𑒫𑒱𑒏𑒮𑒱𑒞 𑒩𑒴𑒣 𑒏𑒰𑒩𑓂𑒨 𑒁𑒕𑒱 𑒧𑒳𑒠𑒰 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒍 𑒡𑒩𑒝𑒰𑒣𑒩 𑒐𑒞𑒧 𑒦𑒋 𑒖𑒰𑒃𑒞 𑒁𑒕𑒱! 𑒁𑒩𑒮𑓂𑒞𑒴 𑒋𑒏𑒩𑒰 𑒥𑒲𑒂, 𑒧𑒡𑓂𑒨 𑒂 𑒁𑒫𑒮𑒰𑒢 𑒏𑒯𑒻𑒞 𑒕𑒟𑒱। 𑒂𑒥 𑒂𑒆 𑒮𑒢𑓂𑒡𑒱𑒣𑒩, 𑒧𑒳𑒐-𑒮𑒢𑓂𑒡𑒱 𑒦𑒹𑒪 𑒥𑒲𑒖 𑒂 𑒂𑒩𑒧𑓂𑒦𑒏𑒹𑒿 𑒖𑒼𑒛𑓃𑒋𑒥𑒪𑒰, 𑒣𑓂𑒩𑒞𑒱𑒧𑒳𑒐-𑒮𑒢𑓂𑒡𑒱 𑒦𑒹𑒪 𑒥𑒱𑒢𑓂𑒠𑒳 𑒂 𑒣𑓂𑒩𑒨𑒞𑓂𑒢𑒏𑒹𑒿 𑒖𑒼𑒛𑓃𑒋𑒥𑒪𑒰, 𑒑𑒩𑓂𑒦𑒮𑒢𑓂𑒡𑒱 𑒦𑒹𑒪 𑒣𑒞𑒰𑒏𑒰 𑒂 𑒣𑓂𑒩𑒰𑒣𑓂𑒞𑓂𑒨𑒰𑒬𑒰𑒏𑒹𑒿 𑒖𑒼𑒛𑓃𑒋𑒥𑒪𑒰, 𑒫𑒱𑒧𑒩𑓂𑒬 𑒮𑒢𑓂𑒡𑒱 𑒦𑒹𑒪 𑒣𑓂𑒩𑒏𑒩𑒲 𑒂 𑒢𑒱𑒨𑒞𑒰𑒣𑓂𑒞𑒱𑒏𑒹𑒿 𑒖𑒼𑒛𑓃𑒋𑒥𑒪𑒰 𑒂 𑒢𑒱𑒩𑓂𑒫𑒯𑒝 𑒮𑒢𑓂𑒡𑒱 𑒦𑒹𑒪 𑒤𑒪𑒰𑒑𑒧 𑒂 𑒏𑒰𑒩𑓂𑒨𑒏𑒹𑒿 𑒖𑒼𑒛𑓃𑒋𑒥𑒪𑒰। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒧𑒳𑒐/ 𑒣𑓂𑒩𑒞𑒱𑒧𑒳𑒐 𑒂 𑒢𑒱𑒩𑓂𑒫𑒯𑒝 𑒮𑒢𑓂𑒡𑒱 𑒧𑒰𑒞𑓂𑒩 𑒁𑒕𑒱, 𑒬𑒹𑒭 𑒠𑒴 𑒙𑒰 𑒮𑒢𑓂𑒡𑒱 𑒢𑒯𑒱 𑒁𑒕𑒱।
𑒣𑒰𑒬𑓂𑒔𑒰𑒞𑓂𑒨 𑒮𑒱𑒠𑓂𑒡𑒰𑓀𑒞 𑒮𑓂𑒟𑒰𑒢, 𑒮𑒧𑒨 𑒂 𑒏𑒰𑒩𑓂𑒨𑒏 𑒏𑒹𑒢𑓂𑒠𑓂𑒩 𑒞𑒏𑒻𑒞 𑒁𑒕𑒱। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒮𑓂𑒟𑒰𑒢 𑒋𑒏𑒯𑒱 𑒁𑒕𑒱, 𑒮𑒧𑒨 𑒪𑒑𑒰𑒞𑒰𑒩 𑒂 𑒏𑒰𑒩𑓂𑒨 𑒁𑒕𑒱 𑒠𑓂𑒫𑒰𑒩𑒏 𑒦𑒲𑒞𑒩 𑒣𑒻𑒮𑒥𑒰𑒏 𑒂𑒏𑒰𑓀𑒏𑓂𑒭𑒰। 𑒠𑒴 𑒒𑒝𑓂𑒙𑒰𑒏 𑒢𑒰𑒙𑒏𑒧𑒹 𑒠𑒳𑒃𑒨𑒹 𑒒𑒝𑓂𑒙𑒰𑒏 𑒒𑒙𑒢𑒰𑒏𑓂𑒩𑒧 𑒫𑒩𑓂𑒝𑒱𑒞 𑒁𑒕𑒱 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒏𑒰𑒩𑓂𑒨 𑒮𑒹𑒯𑒼 𑒋𑒏𑒹𑒙𑒰 𑒁𑒕𑒱। 𑒁𑒦𑒱𑒢𑒫𑒑𑒳𑒣𑓂𑒞 𑒮𑒹𑒯𑒼 𑒏𑒯𑒻𑒞 𑒕𑒟𑒱 𑒖𑒹 𑒋𑒏 𑒁𑓀𑒏𑒧𑒹 𑒋𑒏 𑒠𑒱𑒢𑒏 𑒏𑒰𑒩𑓂𑒨𑒮𑒿 𑒥𑒹𑒬𑒲𑒏 𑒮𑒧𑒰𑒫𑒹𑒬 𑒢𑒯𑒱 𑒯𑒼𑒁𑒋 𑒂 𑒠𑒴 𑒁𑓀𑒏𑒧𑒹 𑒋𑒏 𑒫𑒩𑓂𑒭𑒮𑒿 𑒥𑒹𑒬𑒲𑒏 𑒒𑒙𑒢𑒰𑒏 𑒮𑒧𑒰𑒫𑒹𑒬 𑒢𑒯𑒱 𑒯𑒼𑒁𑒋। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒏𑒪𑓂𑒪𑒼𑒪𑒏 𑒫𑒱𑒦𑒰𑒖𑒢 𑒒𑒙𑒢𑒰𑒏 𑒢𑒱𑒩𑓂𑒠𑒱𑒭𑓂𑒙 𑒮𑒧𑒨𑒧𑒹 𑒦𑒹𑒪 𑒏𑒰𑒩𑓂𑒨𑒏 𑒂 𑒢𑒫 𑒏𑒰𑒩𑓂𑒨𑒰𑒩𑒧𑓂𑒦𑒧𑒹 𑒦𑒹𑒪 𑒫𑒱𑒪𑒧𑓂𑒥𑒏 𑒏𑒰𑒩𑒝 𑒂𑒢𑒪 𑒑𑒹𑒪 𑒁𑒕𑒱। 𑒧𑒳𑒠𑒰 𑒋𑒯𑒱 𑒞𑓂𑒩𑒱𑒏𑒏 𑒫𑒱𑒩𑒼𑒡 𑒛𑓂𑒩𑒰𑒃𑒛𑒢 𑒏𑒋𑒢𑒹 𑒕𑒪𑒰𑒯 𑒂 𑒬𑒹𑒏𑓂𑒮𑒣𑒱𑒁𑒩𑒏 𑒢𑒰𑒙𑒏𑒏 𑒮𑓂𑒫𑒔𑓂𑒕𑒢𑓂𑒠𑒞𑒰𑒏 𑒍 𑒮𑒧𑒩𑓂𑒟𑒢 𑒏𑒋𑒪𑒢𑓂𑒯𑒱। 𑒧𑒳𑒠𑒰 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒋𑒯𑒱 𑒞𑒩𑒯𑒏 𑒏𑒼𑒢𑒼 𑒮𑒧𑒮𑓂𑒨𑒰 𑒢𑒯𑒱 𑒁𑒥𑒻𑒞 𑒁𑒕𑒱। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒂𑒣𑒮𑒲 𑒑𑒣𑒬𑒣𑒧𑒹- 𑒖𑒏𑒩𑒰 𑒤𑓂𑒪𑒻𑒬𑒥𑒻𑒏 𑒮𑒹𑒯𑒼 𑒏𑒯𑒱 𑒮𑒏𑒻𑒞 𑒕𑒲- 𑒏𑒏𑒩 𑒧𑒵𑒞𑓂𑒨𑒳 𑒏𑒼𑒢𑒰 𑒦𑒹𑒪 𑒮𑒹 𑒢𑒲𑒏 𑒖𑒹𑒏𑒰𑒿 𑒠𑒩𑓂𑒬𑒱𑒞 𑒏𑒋𑒪 𑒑𑒹𑒪 𑒁𑒕𑒱।
𑒦𑒰𑒩𑒞𑒧𑒹 𑒢𑒰𑒙𑒏𑒏 𑒠𑒵𑒬𑓂𑒨𑒞𑓂𑒫𑒏 𑒮𑒧𑒩𑓂𑒟𑒢 𑒏𑒋𑒪 𑒑𑒹𑒪 𑒧𑒳𑒠𑒰 𑒁𑒩𑒮𑓂𑒞𑒴 𑒂 𑒣𑓂𑒪𑒹𑒙𑒼 𑒋𑒏𑒩 𑒫𑒱𑒩𑒼𑒡 𑒏𑒋𑒪𑒢𑓂𑒯𑒱। 𑒧𑒳𑒠𑒰 𑓑𑓖𑒧 𑒬𑒞𑒰𑒥𑓂𑒠𑒲𑒧𑒹 𑒪𑒼𑒛𑒼𑒫𑒱𑒏𑒼 𑒏𑒻𑒮𑓂𑒙𑒹𑒪𑒫𑒹𑒙𑓂𑒩𑒼 𑒠𑒵𑒬𑓂𑒨𑒞𑓂𑒫𑒏 𑒮𑒧𑒩𑓂𑒟𑒢 𑒏𑒋𑒪𑒢𑓂𑒯𑒱। 𑒛𑒱𑒙𑒹𑒙𑒰𑒩𑓂𑒙 𑒮𑒹𑒯𑒼 𑒠𑒵𑒬𑓂𑒨𑒞𑓂𑒫𑒏 𑒮𑒧𑒩𑓂𑒟𑒢 𑒏𑒋𑒪𑒢𑓂𑒯𑒱 𑒞𑒿 𑒛𑓂𑒩𑒰𑒃𑒛𑒖 𑒢𑒰𑒙𑒏𑒏 𑒣𑒚𑒢𑒲𑒨𑒞𑒰𑒏 𑒮𑒧𑒩𑓂𑒟𑒢 𑒏𑒋𑒪𑒢𑓂𑒯𑒱। 𑒠𑒹𑒮𑒱𑒨𑒩 𑒣𑒚𑒢𑒲𑒨𑒞𑒰 𑒂 𑒠𑒵𑒬𑓂𑒨𑒞𑓂𑒫 𑒠𑒳𑒢𑒴𑒏 𑒮𑒧𑒩𑓂𑒟𑒢 𑒏𑒋𑒪𑒢𑓂𑒯𑒱। 𑒁𑒦𑒱𑒢𑒫𑒑𑒳𑒣𑓂𑒞 𑒮𑒹𑒯𑒼 𑒏𑒯𑒢𑒹 𑒕𑒪𑒰𑒯 𑒖𑒹 𑒣𑒴𑒩𑓂𑒝 𑒩𑒮𑒰𑒮𑓂𑒫𑒰𑒠 𑒁𑒦𑒱𑒢𑒲𑒞 𑒦𑒹𑒪𑒰 𑒅𑒞𑓂𑒞𑒩 𑒦𑒹𑒙𑒻𑒞 𑒁𑒕𑒱, 𑒧𑒳𑒠𑒰 𑒣𑒚𑒢𑒮𑒿 𑒮𑒹𑒯𑒼 𑒩𑒮𑒰𑒮𑓂𑒫𑒰𑒠 𑒦𑒹𑒙𑒻𑒞 𑒁𑒕𑒱। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒣𑒯𑒱𑒪 𑒏𑒪𑓂𑒪𑒼𑒪𑒏 𑒣𑓂𑒩𑒰𑒩𑒧𑓂𑒦𑒧𑒹 𑒄 𑒮𑓂𑒣𑒭𑓂𑒙 𑒦𑓄 𑒖𑒰𑒃𑒞 𑒁𑒕𑒱 𑒖𑒹 𑒋𑒞𑒋 𑒠𑒵𑒬𑓂𑒨𑒞𑓂𑒫𑒏𑒹𑒿 𑒣𑓂𑒩𑒡𑒰𑒢𑒞𑒰 𑒠𑒹𑒪 𑒑𑒹𑒪 𑒁𑒕𑒱। 𑒣𑒬𑓂𑒔𑒱𑒧𑒲 𑒩𑓀𑒑𑒧𑓀𑒔𑒏 𑒢𑒰𑒙𑓂𑒨𑒫𑒱𑒡𑒰𑒢 𑒫𑒰𑒮𑓂𑒞𑒫𑒱𑒏 𑒁𑒕𑒱 𑒧𑒳𑒠𑒰 𑒦𑒰𑒩𑒞𑒲𑒨 𑒩𑓀𑒑𑒧𑓀𑒔𑒣𑒩 𑒮𑒰𑓀𑒏𑒹𑒞𑒱𑒏। 𑒖𑒹𑒢𑒰 𑒁𑒦𑒱𑒖𑓂𑒘𑒰𑒢𑒬𑒰𑒏𑒳𑓀𑒞𑒪𑒧𑓂 𑒧𑒹 𑒏𑒰𑒪𑒱𑒠𑒰𑒮 𑒏𑒯𑒻𑒞 𑒕𑒟𑒱- 𑒃𑒞𑒱 𑒬𑒩𑒮𑓀𑒡𑒰𑒢𑓀 𑒢𑒰𑒙𑒨𑒞𑒱। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒦𑒰𑒩𑒞𑒲𑒨 𑒫𑒱𑒡𑒰𑒢𑒏𑒹𑒿 𑒁𑓀𑒑𑒲𑒏𑒵𑒞 𑒏𑒋𑒪 𑒑𑒹𑒪- 𑒖𑒹𑒢𑒰 𑒧𑒵𑒞𑓂𑒨𑒳 𑒣𑓂𑒩𑒰𑒣𑓂𑒞 𑒮𑒦 𑒑𑒼𑒙𑒹 𑒠𑓂𑒫𑒰𑒩𑒰 𑒮𑓂𑒫𑒩𑓂𑒑 𑒣𑓂𑒩𑒫𑒹𑒬 𑒠𑓂𑒫𑒰𑒩𑒏 𑒁𑒠𑒵𑒬𑓂𑒨 𑒠𑒹𑒥𑒰𑒩𑒏 𑒑𑒣𑒬𑒣 𑒂 𑒁𑒦𑒱𑒢𑒨 𑒏𑒾𑒬𑒪 𑒠𑓂𑒫𑒰𑒩𑒰 𑒮𑓂𑒣𑒭𑓂𑒙𑒞𑒰। 𑒁𑓀𑒏𑒱𑒨𑒰 𑒢𑒰𑒙𑒧𑒹 𑒮𑒹𑒯𑒼 𑒣𑓂𑒩𑒠𑒩𑓂𑒬𑒢 𑒞𑒞𑓂𑒫𑒏 𑒣𑓂𑒩𑒡𑒰𑒢𑒞𑒰 𑒕𑒪। 𑒏𑒲𑒩𑓂𑒞𑒢𑒱𑒨𑒰𑒿 𑒋𑒏 𑒞𑒩𑒯𑒹𑒿 𑒮𑓀𑒑𑒲𑒞𑒏 𑒕𑒪 𑒂 𑒋𑒞𑒯𑒳 𑒁𑒦𑒱𑒢𑒨 𑒞𑒞𑓂𑒫𑒏 𑒣𑓂𑒩𑒡𑒰𑒢𑒞𑒰 𑒕𑒪। 𑒁𑓀𑒏𑒲𑒨𑒰 𑒢𑒰𑒙𑒏𑒏 𑒣𑓂𑒩𑒰𑒩𑒧𑓂𑒦 𑒧𑒵𑒠𑓀𑒑 𑒫𑒰𑒠𑒢𑒮𑒿 𑒯𑒼𑒃𑒞 𑒕𑒪। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒻𑒟𑒱𑒪𑒲𑒏 𑒣𑒩𑒧𑓂𑒣𑒩𑒰𑒮𑒿 𑒁𑒣𑒢𑒰𑒏𑒹𑒿 𑒖𑒼𑒛𑓃𑒢𑒹 𑒁𑒕𑒱 𑒧𑒳𑒠𑒰 𑒮𑓀𑒑𑒯𑒱 𑒃𑒞𑒱𑒯𑒰𑒮, 𑒣𑒳𑒩𑒰𑒝 𑒂 𑒮𑒧𑒏𑒰𑒪𑒲𑒢 𑒖𑒲𑒫𑒢𑒔𑒏𑓂𑒩𑒏𑒹𑒿 𑒠𑒹𑒐𑒥𑒰𑒏 𑒋𑒏𑒙𑒰 𑒢𑒫 𑒠𑒵𑒭𑓂𑒙𑒱𑒏𑒼𑒝 𑒪𑒋 𑒂𑒋𑒪 𑒁𑒕𑒱, 𑒮𑒼𑒔𑒥𑒰 𑒪𑒋 𑒋𑒏𑒙𑒰 𑒢𑒫 𑒁𑓀𑒞𑒩𑓂𑒠𑒵𑒭𑓂𑒙𑒱 𑒠𑒻𑒞 𑒁𑒕𑒱।
𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒡𑒴𑒩𑓂𑒞𑒮𑒧𑒰𑒑𑒧, 𑒫𑒱𑒠𑓂𑒨𑒰𑒣𑒞𑒱𑒏 𑒑𑒼𑒩𑒏𑓂𑒭𑒫𑒱𑒖𑒨, 𑒏𑒲𑒩𑓂𑒞𑒢𑒱𑒘𑒰 𑒢𑒰𑒙𑒏, 𑒁𑓀𑒏𑒲𑒨𑒰𑒢𑒰𑒙, 𑒧𑒳𑓀𑒬𑒲 𑒩𑒒𑒳𑒢𑒢𑓂𑒠𑒢 𑒠𑒰𑒮𑒏 𑒧𑒱𑒟𑒱𑒪𑒰 𑒢𑒰𑒙𑒏, 𑒖𑒲𑒫𑒢 𑒗𑒰𑒏 𑒮𑒳𑒢𑓂𑒠𑒩 𑒮𑓀𑒨𑒼𑒑, 𑒄𑒬𑒢𑒰𑒟 𑒗𑒰𑒏 𑒔𑒲𑒢𑒲𑒏 𑒪𑒛𑓂𑒛𑒴, 𑒑𑒼𑒫𑒱𑒢𑓂𑒠 𑒗𑒰𑒏 𑒥𑒮𑒰𑒞, 𑒧𑒝𑒱𑒣𑒠𑓂𑒧𑒏 𑒞𑒹𑒮𑒩 𑒏𑒢𑒱𑒨𑒰𑒿, 𑒢𑒔𑒱𑒏𑒹𑒞𑒰𑒖𑒲𑒏 “𑒢𑒰𑒨𑒏𑒏 𑒢𑒰𑒧 𑒖𑒲𑒫𑒢, 𑒋𑒏 𑒕𑒪 𑒩𑒰𑒖𑒰”, 𑒬𑓂𑒩𑒲𑒬𑒖𑒲𑒏 𑒣𑒳𑒩𑒳𑒭𑒰𑒩𑓂𑒟, 𑒮𑒳𑒡𑒰𑓀𑒬𑒳 𑒬𑒹𑒐𑒩 𑒔𑒾𑒡𑒩𑒲𑒏 𑒦𑒤𑒰𑒃𑒞 𑒔𑒰𑒯𑒏 𑒖𑒱𑒢𑒑𑒲, 𑒧𑒯𑒹𑒢𑓂𑒠𑓂𑒩 𑒧𑒪𑓀𑒑𑒱𑒨𑒰𑒏 𑒏𑒰𑒚𑒏 𑒪𑒼𑒏, 𑒩𑒰𑒧 𑒦𑒩𑒼𑒮 𑒏𑒰𑒣𑒛𑓃𑒱 𑒦𑓂𑒩𑒧𑒩𑒏 𑒧𑒯𑒱𑒭𑒰𑒮𑒳𑒩 𑒧𑒳𑒩𑓂𑒠𑒰𑒥𑒰𑒠, 𑒑𑓀𑒑𑒹𑒬 𑒑𑒳𑓀𑒖𑒢𑒏 𑒥𑒳𑒡𑒱𑒥𑒡𑒱𑒨𑒰 𑒏𑒹𑒩 𑒣𑒩𑒧𑓂𑒣𑒩𑒰𑒏𑒹𑒿 𑒂𑒑𑒰𑒿 𑒥𑒜𑓃𑒥𑒻𑒞 𑒢𑒔𑒱𑒏𑒹𑒞𑒰𑒖𑒲𑒏 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒞𑒰𑒩𑓂𑒏𑒱𑒏𑒞𑒰 𑒂 𑒂𑒡𑒳𑒢𑒱𑒏𑒞𑒰𑒏 𑒫𑒮𑓂𑒞𑒳𑒢𑒱𑒭𑓂𑒙𑒞𑒰𑒏𑒹𑒿 𑒚𑒰𑒧-𑒚𑒰𑒧 𑒢𑒏𑒰𑒩𑒻𑒞 𑒁𑒕𑒱। 𑒫𑒰𑒧𑒣𑓀𑒟𑒲𑒏𑒹𑒿 𑒨𑒧𑒩𑒰𑒖 𑒄𑒯𑒼 𑒏𑒯𑒻𑒞 𑒕𑒟𑒱𑒢𑓂𑒯, 𑒖𑒹 𑒫𑒰𑒧𑒣𑓀𑒟𑒲 𑒠𑒹𑒐𑒱 𑒩𑒯𑒪 𑒕𑒟𑒱 𑒮𑒹 𑒮𑒞𑓂𑒨 𑒢𑒯𑒱, 𑒮𑒣𑒢𑒼 𑒦𑒋 𑒮𑒏𑒻𑒞 𑒁𑒕𑒱। 𑒫𑒱𑒖𑓂𑒘𑒰𑒢𑒏 𑒖𑓂𑒘𑒰𑒢𑒏 𑒮𑒧𑓂𑒣𑒴𑒩𑓂𑒝𑒞𑒰𑒣𑒩 𑒙𑒲𑒏𑒰 𑒁𑒕𑒱 𑒄 𑒢𑒰𑒙𑒏। 𑒮𑒞𑓂𑒨-𑒁𑒮𑒞𑓂𑒨, 𑒮𑒦 𑒁𑒣𑒢-𑒁𑒣𑒢 𑒠𑒵𑒭𑓂𑒙𑒱𑒏𑒼𑒝𑒮𑒿 𑒞𑒏𑒩 𑒫𑒩𑓂𑒝𑒢 𑒏𑒩𑒻𑒞 𑒕𑒟𑒱। 𑒔𑒼𑒩𑒏 𑒁𑒣𑒢 𑒞𑒩𑓂𑒏 𑒕𑒢𑓂𑒯𑒱 𑒂 𑒫𑒰𑒧𑒣𑓀𑒟𑒲 𑒮𑒹𑒯𑒼 𑒏𑒯𑒻𑒞 𑒕𑒟𑒱 𑒖𑒹 𑒔𑒼𑒩 𑒢𑒹𑒞𑒰 𑒢𑒯𑒱 𑒥𑒢𑒱 𑒮𑒏𑒻𑒞 𑒕𑒟𑒱, 𑒧𑒳𑒠𑒰 𑒢𑒹𑒞𑒰𑒏 𑒔𑒼𑒩𑒱𑒣𑒩 𑒅𑒞𑒩𑒱 𑒁𑒋𑒪𑒰𑒮𑒿 𑒔𑒼𑒩𑒏 𑒫𑒵𑒞𑒱 𑒧𑒰𑒩𑒪 𑒖𑒰𑒋 𑒥𑒪𑒰 𑒕𑒢𑓂𑒯𑒱। 𑒢𑒰𑒙𑒏𑒧𑒹 𑒂𑒞𑓂𑒧-𑒏𑒹𑒢𑓂𑒠𑓂𑒩𑒱𑒞 𑒯𑒰𑒮𑓂𑒨𑒣𑒴𑒩𑓂𑒝 𑒂 𑒢𑒲𑒏-𑒐𑒩𑒰𑒥𑒏 𑒦𑒰𑒫𑒢𑒰 𑒩𑒯𑒱-𑒩𑒯𑒱 𑒐𑒞𑒧 𑒯𑒼𑒃𑒞 𑒩𑒯𑒻𑒞 𑒁𑒕𑒱। 𑒨𑒧𑒩𑒰𑒖 𑒂 𑒔𑒱𑒞𑓂𑒩𑒑𑒳𑒣𑓂𑒞 𑒡𑒩𑒱 𑒧𑒳𑒐𑒾𑒙𑒰𑒧𑒹 𑒩𑒯𑒱 𑒖𑒲𑒥𑒱 𑒩𑒯𑒪 𑒕𑒟𑒱। 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰𑒏 𑒄 𑒮𑒦 𑒪𑒏𑓂𑒭𑒝𑒏 𑒮𑓀𑒑 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒋𑒏𑒹 𑒑𑒼𑒙𑒹𑒏 𑒏𑒻𑒏 𑒞𑒩𑒯𑒏 𑒔𑒩𑒱𑒞𑓂𑒩 𑒢𑒱𑒏𑒪𑒱 𑒥𑒰𑒯𑒩 𑒁𑒥𑒻𑒞 𑒁𑒕𑒱, 𑒖𑒹𑒢𑒰 𑒅𑒔𑓂𑒔𑒫𑓀𑒬𑒲𑒨 𑒧𑒯𑒱𑒪𑒰𑒏। 𑒏𑒼𑒢𑒼 𑒒𑒙𑒢𑒰𑒏 𑒮𑒧𑓂𑒣𑒴𑒩𑓂𑒝 𑒁𑒩𑓂𑒟 𑒢𑒯𑒱 𑒪𑒰𑒑𑒱 𑒣𑒥𑒻𑒞 𑒁𑒕𑒱, 𑒮𑒞𑓂𑒨 𑒏𑒐𑒢 𑒁𑒮𑒞𑓂𑒨 𑒦𑒋 𑒖𑒋𑒞 𑒞𑒏𑒩 𑒏𑒼𑒢𑒼 𑒚𑒹𑒏𑒰𑒢 𑒢𑒯𑒱। 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰𑒏 𑒮𑒞𑒯𑒲 𑒔𑒱𑒢𑓂𑒞𑒢 𑒂 𑒞𑒹𑒯𑒢 𑒔𑒩𑒱𑒞𑓂𑒩 𑒮𑒦𑒏 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒦𑒩𑒧𑒰𑒩 𑒪𑒰𑒑𑒪 𑒁𑒕𑒱, 𑒂𑒬𑒰𑒫𑒰𑒠𑒱𑒞𑒰 𑒞𑒿 𑒢𑒯𑒱𑒋 𑒁𑒕𑒱 𑒧𑒳𑒠𑒰 𑒢𑒱𑒩𑒰𑒬𑒰𑒫𑒰𑒠𑒱𑒞𑒰 𑒮𑒹𑒯𑒼 𑒢𑒯𑒱 𑒁𑒕𑒱। 𑒖𑒹 𑒁𑒕𑒱 𑒞𑒿 𑒮𑒹 𑒁𑒕𑒱 𑒥𑒞𑒯𑒣𑒢𑒲, 𑒏𑒼𑒢𑒼 𑒔𑒲𑒖 𑒋𑒏 𑒞𑒩𑒯𑒹𑒿 𑒢𑒯𑒱 𑒏𑒻𑒏 𑒞𑒩𑒯𑒹𑒿 𑒮𑒼𑒔𑒪 𑒖𑒰 𑒮𑒏𑒻𑒞 𑒁𑒕𑒱- 𑒄 𑒠𑒵𑒭𑓂𑒙𑒱𑒏𑒼𑒝 𑒫𑒱𑒠𑓂𑒨𑒧𑒰𑒢 𑒁𑒕𑒱। 𑒏𑒰𑒩𑒝, 𑒢𑒱𑒨𑒢𑓂𑒞𑓂𑒩𑒝 𑒂 𑒨𑒼𑒖𑒢𑒰𑒏 𑒅𑒞𑓂𑒞𑒩 𑒣𑒩𑒱𑒝𑒰𑒧𑒣𑒩 𑒫𑒱𑒬𑓂𑒫𑒰𑒮 𑒢𑒯𑒱, 𑒫𑒩𑒢 𑒮𑓀𑒨𑒼𑒑𑒏 𑒅𑒞𑓂𑒞𑒩 𑒣𑒩𑒱𑒝𑒰𑒧𑒣𑒩 𑒥𑒹𑒬𑒲 𑒫𑒱𑒬𑓂𑒫𑒰𑒮 𑒠𑒩𑓂𑒬𑒰𑒍𑒪 𑒑𑒹𑒪 𑒁𑒕𑒱। 𑒑𑒝𑒞𑒰𑓀𑒞𑓂𑒩𑒱𑒏 𑒂 𑒢𑒰𑒩𑒲𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝 𑒂 𑒪𑒰𑒪 𑒗𑓀𑒛𑒰 𑒂𑒠𑒱𑒏 𑒫𑒱𑒔𑒰𑒩𑒡𑒰𑒩𑒰𑒏 𑒮𑓀𑒑𑒹 𑒣𑓂𑒩𑒞𑒲𑒏𑒏 𑒩𑒴𑒣𑒧𑒹 𑒯𑒰𑒮-𑒣𑒩𑒱𑒯𑒰𑒮 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱।
𑒋𑒯𑒱 𑒞𑒩𑒯𑒹𑒿 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬 𑒧𑒹 𑒅𑒞𑓂𑒞𑒩 𑒂𑒡𑒳𑒢𑒱𑒏 𑒠𑒵𑒭𑓂𑒙𑒱𑒏𑒼𑒝 𑒠𑒩𑓂𑒬𑒱𑒞 𑒯𑒼𑒃𑒞 𑒁𑒕𑒱, 𑒋𑒞𑒋 𑒣𑒰𑒚𑒏 𑒏𑒟𑒰𑒢𑒏𑒏 𑒧𑒡𑓂𑒨 𑒅𑒚𑒰𑒍𑒪 𑒫𑒱𑒦𑒱𑒢𑓂𑒢 𑒮𑒧𑒮𑓂𑒨𑒰𑒮𑒿 𑒁𑒣𑒢𑒰𑒏𑒹𑒿 𑒣𑒩𑒱𑒔𑒱𑒞 𑒣𑒥𑒻𑒞 𑒕𑒟𑒱। 𑒖𑒹 𑒠𑓂𑒫𑒢𑓂𑒠 𑒢𑒰𑒙𑒏𑒏 𑒁𑓀𑒞𑒧𑒹 𑒠𑒩𑓂𑒬𑒱𑒞 𑒦𑒹𑒪 𑒮𑒹 𑒅𑒞𑓂𑒞𑒩-𑒂𑒡𑒳𑒢𑒱𑒏 𑒨𑒳𑒑𑒏 𑒣𑒰𑒚𑒏𑒏𑒹𑒿 𑒂𑒬𑓂𑒔𑒩𑓂𑒨𑒱𑒞 𑒢𑒯𑒱 𑒏𑒩𑒻𑒞 𑒕𑒢𑓂𑒯𑒱, 𑒏𑒱𑒋𑒏 𑒞𑒿 𑒍 𑒠𑒻𑒢𑒱𑒏 𑒖𑒲𑒫𑒢𑒧𑒹 𑒋𑒯𑒱 𑒞𑒩𑒯𑒏 𑒠𑓂𑒫𑒢𑓂𑒠𑒏 𑒢𑒱𑒞𑓂𑒨 𑒮𑒰𑒧𑒢𑒰 𑒏𑒩𑒻𑒞 𑒕𑒟𑒱।
𑒏𑒟𑒰 𑒮𑓀𑒑𑓂𑒩𑒯𑒏 𑒮𑒧𑒲𑒏𑓂𑒭𑒰
𑒮𑒳𑒦𑒰𑒭𑒔𑒢𑓂𑒠𑓂𑒩 𑒨𑒰𑒠𑒫𑒖𑒲𑒏 “𑒥𑒢𑒻𑒞 𑒥𑒱𑒑𑒛𑓃𑒻𑒞” 𑒏𑒟𑒰-𑒮𑓀𑒑𑓂𑒩𑒯𑒏 𑒮𑒦 𑒏𑒟𑒰𑒧𑒹 𑒮𑒿 𑒁𑒡𑒱𑒏𑒰𑓀𑒬𑒧𑒹 𑒄 𑒦𑒹𑒙𑒞 𑒖𑒹 𑒏𑒟𑒰 𑒐𑒱𑒮𑓂𑒮𑒰𑒮𑒿 𑒥𑒹𑒬𑒲 𑒋𑒏𑒙𑒰 𑒟𑒲𑒧 𑒪𑒋 𑒂𑒑𑒰𑒿 𑒥𑒜𑓃𑒪 𑒁𑒕𑒱 𑒂 𑒁𑒣𑒢 𑒏𑒰𑒖 𑒐𑒞𑒧 𑒏𑒩𑒱𑒞𑒯𑒱 𑒁𑒢𑓂𑒞 𑒣𑓂𑒩𑒰𑒣𑓂𑒞 𑒏𑒋𑒢𑒹 𑒁𑒕𑒱। 𑒠𑒼𑒮𑒩 𑒫𑒱𑒬𑒹𑒭𑒞𑒰 𑒁𑒕𑒱 𑒋𑒏𑒩 𑒦𑒰𑒭𑒰। 𑒥𑒪𑒔𑒢𑒧𑒰𑒏 𑒦𑒰𑒭𑒰 𑒍𑒯𑒱 𑒅𑒣𑒢𑓂𑒨𑒰𑒮𑒏 𑒧𑒳𑒐𑓂𑒨 𑒣𑒰𑒞𑓂𑒩𑒏 𑒂𑒞𑓂𑒧𑒏𑒟𑒰𑒞𑓂𑒧𑒏 𑒦𑒰𑒭𑒰 𑒁𑒕𑒱 𑒧𑒳𑒠𑒰 𑒋𑒞𑒋 𑒄 𑒦𑒰𑒭𑒰 𑒏𑒟𑒰𑒏𑒰𑒩𑒏 𑒁𑒣𑒢 𑒕𑒢𑓂𑒯𑒱 𑒂 𑒞𑒰𑒯𑒱 𑒁𑒩𑓂𑒟𑒹𑒿 𑒄 𑒋𑒏𑒙𑒰 𑒫𑒱𑒬𑒱𑒭𑓂𑒙 𑒮𑓂𑒫𑒩𑒴𑒣 𑒪𑒻𑒞 𑒁𑒕𑒱। 𑒋𑒏 𑒠𑒱𑒮 𑒏𑒟𑒰𑒏 𑒅𑒣𑒠𑒹𑒬𑒰𑒞𑓂𑒧𑒏 𑒐𑒱𑒮𑓂𑒮𑒰-𑒣𑒱𑒯𑒰𑒢𑒲 𑒮𑓂𑒫𑒩𑒴𑒣 𑒑𑓂𑒩𑒯𑒝 𑒏𑒩𑒥𑒰𑒏 𑒣𑒩𑒱𑒣𑒰𑒙𑒲𑒏 𑒫𑒱𑒩𑒳𑒠𑓂𑒡 𑒮𑒳𑒦𑒰𑒭𑒖𑒲𑒏 𑒏𑒟𑒰𑒏𑒹𑒿 𑒋𑒏𑒙𑒰 𑒮𑒲𑒧𑒱𑒞 𑒣𑒩𑒱𑒧𑒱𑒞𑒱𑒧𑒹 𑒟𑒲𑒧 𑒪𑓄 𑒏𑒋 𑒔𑒪𑒥𑒰𑒏, 𑒦𑒰𑒭𑒰𑒏 𑒬𑒱𑒪𑓂𑒣 𑒖𑒹 𑒐𑒰𑒿𑒙𑒲 𑒠𑒹𑒬𑒲 𑒁𑒕𑒱 𑒣𑒩 𑒡𑓂𑒨𑒰𑒢 𑒠𑒹𑒥𑒰𑒏 𑒮𑒧𑓂𑒧𑒱𑒪𑒱𑒞 𑒏𑒰𑒩𑒝𑒮𑒿 𑒣𑒰𑒚𑒏𑒏 𑒋𑒏 𑒫𑒩𑓂𑒑𑒏𑒹𑒿 𑒋𑒯𑒱 𑒮𑓀𑒑𑓂𑒩𑒯𑒏 𑒏𑒟𑒰 𑒮𑒦𑒧𑒹 𑒁𑒮𑒲𑒧 𑒂𑒢𑒢𑓂𑒠 𑒦𑒹𑒙𑒞𑒢𑓂𑒯𑒱 𑒞𑒿 𑒮𑓀𑒑𑒹-𑒮𑓀𑒑 𑒐𑒱𑒮𑓂𑒮𑒰-𑒣𑒱𑒯𑒰𑒢𑒲𑒮𑒿 𑒥𑒰𑒯𑒩 𑒢𑒯𑒱 𑒂𑒥𑒱 𑒮𑒏𑒪 𑒣𑒰𑒚𑒏 𑒫𑒩𑓂𑒑𑒏𑒹𑒿 𑒄 𑒏𑒟𑒰 𑒮𑓀𑒑𑓂𑒩𑒯 𑒢𑒱𑒩𑒰𑒬 𑒢𑒯𑒱 𑒏𑒩𑒞 𑒫𑒩𑒢 𑒯𑒳𑒢𑒏𑒩 𑒮𑒦𑒏 𑒩𑒳𑒔𑒱𑒏 𑒣𑒩𑒱𑒭𑓂𑒏𑒩𑒝 𑒏𑒩𑒞।
𑒏𑒱𑒕𑒳 𑒦𑒰𑒭𑒰𑒨𑒲 𑒧𑒰𑒢𑒏𑒲𑒏𑒩𑒝 𑒣𑓂𑒩𑒮𑓀𑒑- 𑒖𑒹𑒢𑒰 𑒌𑒕, 𑒁𑒕𑒱, 𑒁 𑒃 𑒕 । 𑒖𑒰𑒯𑒱 𑒏𑒰𑒪𑒧𑒹 𑒧𑒰𑒢𑒏𑒲𑒏𑒩𑒝 𑒦𑓄 𑒩𑒯𑒪 𑒕𑒪 𑒍𑒯𑒱 𑒮𑒧𑒨 𑒋𑒯𑒱𑒣𑒩 𑒡𑓂𑒨𑒰𑒢 𑒠𑒹𑒥𑒰𑒏 𑒂𑒫𑒬𑓂𑒨𑒏𑒞𑒰 𑒩𑒯𑒋। 𑒖𑒹𑒢𑒰 “𑒖𑒰𑒃𑒞 𑒩𑒯𑒲” 𑒏𑒹𑒿 “𑒖𑒰𑒞𑒱 𑒩𑒯𑒲” 𑒪𑒱𑒐𑒲 𑒂 𑒤𑒹𑒩 𑒖𑒰𑒞𑒱 (𑒖𑒰 𑒃 𑒞) 𑒪𑒹𑒪 𑒣𑓂𑒩𑒼𑒢𑒢𑓂𑒮𑒱𑒋𑒬𑒢𑒏 𑒢𑒱𑒁𑒧 𑒥𑒢𑒰𑒥𑒲 𑒞𑒹𑒯𑒢𑒹 𑒮𑒢 𑒌𑒕 𑒮𑓀𑒑𑒹 𑒁𑒕𑒱। 𑒧𑒳𑒠𑒰 𑒂𑒥 𑒠𑒹𑒩𑒲 𑒦𑓄 𑒑𑒹𑒪 𑒁𑒕𑒱 𑒮𑒹 𑒪𑒹𑒐𑒏𑒼 𑒏𑒢𑒱𑒨𑒰𑒿-𑒣𑒳𑒞𑒩𑒰 𑒧𑒹 𑒋𑒏𑒩 𑒣𑓂𑒩𑒨𑒼𑒑 𑒏𑒋 𑒠𑒱𑒬𑒰 𑒠𑒹𑒐𑒥𑒻𑒞 𑒕𑒟𑒱 𑒧𑒳𑒠𑒰 𑒠𑒼𑒮𑒩 𑒏𑒟𑒰 𑒮𑒦𑒧𑒹 𑒒𑒳𑒩𑒱 𑒖𑒰𑒃𑒞 𑒕𑒟𑒱। 𑒧𑒳𑒠𑒰 𑒋𑒯𑒱𑒮𑒿 𑒄 𑒂𑒫𑒬𑓂𑒨𑒏𑒞𑒰 𑒞𑒿 𑒮𑒱𑒠𑓂𑒡 𑒯𑒼𑒃𑒞𑒹 𑒁𑒕𑒱 𑒖𑒹 𑒋𑒏𑒙𑒰 𑒧𑒰𑒢𑒏 𑒩𑒴𑒣 𑒮𑓂𑒟𑒱𑒩 𑒏𑒋𑒪 𑒖𑒰𑒋 𑒂 “𑒕𑒻” 𑒪𑒱𑒐𑒥𑒰𑒏 𑒁𑒕𑒱 𑒞𑒿 𑒮𑒹𑒯𑒼 𑒚𑒲𑒏 𑒂 “𑒕𑒻𑒏” 𑒪𑒱𑒐𑒥𑒰𑒏 𑒁𑒕𑒱 𑒞𑒿 “𑒁𑒢𑓂𑒞𑒏 ’𑒏’ 𑒮𑒰𑒃𑒪𑒹𑒢𑓂𑒙 𑒁𑒕𑒱” 𑒮𑒹 𑒣𑓂𑒩𑒼𑒢𑒢𑓂𑒮𑒱𑒋𑒬𑒢𑒏 𑒢𑒱𑒁𑒧 𑒥𑒢𑒋। 𑒧𑒳𑒠𑒰 𑒮𑒹 𑒖𑒪𑓂𑒠𑒲 𑒥𑒢𑒋 𑒂 𑒮𑒩𑓂𑒫𑒑𑓂𑒩𑒰𑒯𑓂𑒨 𑒯𑒼𑒁𑒋 𑒞𑒏𑒩 𑒥𑒹𑒑𑒩𑒞𑒰 𑒯𑒧𑒩𑒰 𑒥𑒳𑒗𑒰𑒃𑒞 𑒁𑒕𑒱, 𑒂𑒖𑒳𑒏 𑒪𑒼𑒏𑒏𑒹𑒿 “𑒨” 𑒪𑒱𑒐𑒪 𑒖𑒰𑒋 𑒫𑒰 “𑒋” 𑒋𑒯𑒱𑒣𑒩 𑒦𑒩𑒱 𑒖𑒱𑒢𑒑𑒲 𑒪𑒛𑓃𑒥𑒰𑒏 𑒮𑒧𑒨 𑒢𑒯𑒱 𑒕𑒻, 𑒖𑒹 𑒡𑓂𑒫𑒢𑒱 𑒮𑒱𑒠𑓂𑒡𑒰𑓀𑒞 𑒏𑒯𑒻𑒞 𑒁𑒕𑒱 𑒮𑒹 𑒧𑒰𑒢𑒴, 𑒂 𑒢𑒯𑒱 𑒞𑒿 𑒣𑓂𑒩𑒼𑒢𑒢𑓂𑒮𑒱𑒋𑒬𑒢𑒏 𑒢𑒱𑒁𑒧 𑒥𑒢𑒰𑒆। “𑒢𑒯𑒱” 𑒪𑒹𑒪 “𑒢𑒘𑒱” 𑒪𑒱𑒐𑒥 𑒞𑒿 𑒥𑒳𑒗𑒥𑒰𑒧𑒹 𑒁𑒥𑒻𑒞 𑒁𑒕𑒱 𑒧𑒳𑒠𑒰 𑒢𑒃𑒿 (𑒁𑒢𑓂𑒞𑒱𑒏𑒰), 𑒢𑒃𑓀 (𑒋𑒢.𑒥𑒲.𑒙𑒲.) 𑒂 𑒢𑒿𑒃 (𑒮𑒰𑒏𑒹𑒞𑒰𑒢𑒢𑓂𑒠 - 𑒏𑒰𑒪𑒩𑒰𑒞𑓂𑒩𑒱𑒬𑓂𑒔 𑒠𑒰𑒩𑒳𑒝𑒰) 𑒧𑒹 𑒮𑒿 𑒮𑒰𑒏𑒹𑒞𑒰𑒢𑒢𑓂𑒠𑒖𑒲 𑒥𑒪𑒰 𑒣𑓂𑒩𑒨𑒼𑒑 𑒡𑓂𑒫𑒢𑒱-𑒫𑒱𑒖𑓂𑒘𑒰𑒢 𑒮𑒱𑒠𑓂𑒡𑒰𑓀𑒞𑒮𑒿 𑒥𑒹𑒬𑒲 𑒮𑒧𑒲𑒔𑒲𑒢 𑒮𑒱𑒠𑓂𑒡 𑒯𑒼𑒃𑒞 𑒁𑒕𑒱 𑒂 𑒮𑒹 𑒫𑒱𑒬𑓂𑒫𑒰𑒮 𑒢𑒯𑒱 𑒯𑒼𑒁𑒋 𑒞𑒿 𑒡𑓂𑒫𑒢𑒱 𑒣𑓂𑒩𑒨𑒼𑒑𑒬𑒰𑒪𑒰 𑒮𑒦𑒏 𑒧𑒠𑒞𑒱 𑒪𑒱𑒁।(𑒫𑒻𑒖𑓂𑒘𑒰𑒢𑒱𑒏 𑒂 𑒧𑒰𑒢𑒏 𑒧𑒻𑒟𑒱𑒪𑒲 𑒫𑒩𑓂𑒝𑒧𑒰𑒪𑒰𑒏 𑒂𑒛𑒱𑒨𑒼 𑒤𑒰𑒃𑒪 𑒫𑒱𑒠𑒹𑒯 𑒂𑒩𑓂𑒏𑒰𑒃𑒫𑒏 (http://www.videha.co.in/) 𑒫𑒱𑒠𑒹𑒯 𑒂𑒛𑒱𑒨𑒼 𑒪𑒱𑓀𑒏𑒣𑒩 𑒛𑒰𑒅𑒢𑒪𑒼𑒛/𑒬𑓂𑒩𑒫𑒝 𑒪𑒹𑒪 𑒅𑒣𑒪𑒥𑓂𑒡 𑒁𑒕𑒱।)
“𑒥𑒢𑒻𑒞 𑒥𑒱𑒑𑒛𑓃𑒻𑒞” 𑒣𑒼𑒟𑒲𑒏 𑒄 𑒋𑒏𑒙𑒰 𑒫𑒱𑒬𑒹𑒭𑒞𑒰 𑒁𑒕𑒱 𑒖𑒹 𑒮𑒳𑒦𑒰𑒭𑒔𑒢𑓂𑒠𑓂𑒩 𑒨𑒰𑒠𑒫𑒖𑒲 𑒁𑒣𑒢 𑒫𑒱𑒬𑒱𑒭𑓂𑒙 𑒪𑒹𑒐𑒢-𑒬𑒻𑒪𑒲𑒏 𑒣𑓂𑒩𑒨𑒼𑒑 𑒏𑒋𑒢𑒹 𑒕𑒟𑒱 𑒖𑒹 𑒡𑓂𑒫𑒢𑓂𑒨𑒰𑒞𑓂𑒧𑒏 𑒁𑒕𑒱 𑒂 𑒧𑒰𑒢𑒏𑒲𑒏𑒩𑒝 𑒮𑒧𑓂𑒫𑒰𑒠𑒏𑒹𑒿 𑒂𑒑𑒰𑒿 𑒪𑒋 𑒖𑒋𑒥𑒰𑒧𑒹 𑒮𑒏𑓂𑒭𑒧 𑒁𑒕𑒱।

𑒏𑒟𑒰𑒏 𑒨𑒰𑒞𑓂𑒩𑒰- 𑒫𑒻𑒠𑒱𑒏 𑒂𑒐𑓂𑒨𑒰𑒢, 𑒖𑒰𑒞𑒏 𑒏𑒟𑒰, 𑒌𑒬𑒣 𑒤𑒹𑒥𑒪𑓂𑒮, 𑒣𑓀𑒔𑒞𑓀𑒞𑓂𑒩 𑒂 𑒯𑒱𑒞𑒼𑒣𑒠𑒹𑒬 𑒂 𑒮𑓀𑒑-𑒮𑓀𑒑 𑒔𑒪𑒻𑒞 𑒩𑒯𑒪 𑒪𑒼𑒏𑒑𑒰𑒟𑒰 𑒮𑒦। 𑒮𑒦 𑒚𑒰𑒧 𑒁𑒦𑒱𑒖𑒰𑒞𑓂𑒨 𑒫𑒩𑓂𑒑𑒏 𑒏𑒟𑒰𑒏 𑒮𑓀𑒑 𑒪𑒼𑒏𑒑𑒰𑒟𑒰 𑒩𑒯𑒱𑒞𑒹 𑒁𑒕𑒱।
𑒏𑒟𑒰𑒧𑒹 𑒁𑒮𑒤𑒪𑒞𑒰𑒏 𑒮𑒧𑓂𑒦𑒰𑒫𑒢𑒰 𑒅𑒣𑒢𑓂𑒨𑒰𑒮-𑒧𑒯𑒰𑒏𑒰𑒫𑓂𑒨-𑒂𑒐𑓂𑒨𑒰𑒢 𑒮𑒿 𑒥𑒹𑒬𑒲 𑒯𑒼𑒃𑒞 𑒁𑒕𑒱, 𑒏𑒰𑒩𑒝 𑒅𑒣𑒢𑓂𑒨𑒰𑒮 𑒁𑒕𑒱 “𑒮𑒼𑒣 𑒍𑒣𑒹𑒩𑒰” 𑒖𑒹 𑒧𑒯𑒱𑒢𑒰𑒏-𑒧𑒯𑒱𑒢𑒰 𑒂 𑒮𑒰𑒪𑒏-𑒮𑒰𑒪 𑒡𑒩𑒱 𑒔𑒪𑒻𑒞 𑒁𑒕𑒱 𑒂 𑒮𑒦 𑒋𑒣𑒲𑒮𑒼𑒛𑒏 𑒁𑒢𑓂𑒞𑒧𑒹 𑒋𑒏𑒙𑒰 𑒥𑒱𑒢𑓂𑒠𑒳𑒣𑒩 𑒂𑒥𑒱 𑒐𑒞𑒧 𑒯𑒼𑒃𑒞 𑒁𑒕𑒱। 𑒧𑒰𑒢𑒹 𑒮𑒞𑓂𑒞𑒩𑒱 𑒋𑒣𑒲𑒮𑒼𑒛𑒏 𑒅𑒣𑒢𑓂𑒨𑒰𑒮𑒧𑒹 𑒅𑒢𑓂𑒯𑒞𑓂𑒞𑒩𑒱 𑒋𑒣𑒲𑒮𑒼𑒛 𑒡𑒩𑒱 𑒞𑒿 𑒂𑒬𑒰 𑒥𑒢𑒱𑒞𑒹 𑒁𑒕𑒱 𑒖𑒹 𑒏𑒟𑒰 𑒋𑒏𑒙𑒰 𑒧𑒼𑒛𑓃 𑒪𑒹𑒞 𑒂 𑒁𑒢𑓂𑒞 𑒡𑒩𑒱 𑒖𑒹 𑒏𑒟𑒰𑒏 𑒠𑒱𑒬𑒰 𑒢𑒯𑒱𑒋 𑒥𑒠𑒪𑒪 𑒞𑒿 𑒣𑒳𑒩𑒢𑒏𑒰 𑒮𑒦𑒙𑒰 𑒋𑒣𑒲𑒮𑒼𑒛 𑒯𑒱𑒙 𑒂 𑒧𑒰𑒞𑓂𑒩 𑒁𑒢𑓂𑒞𑒱𑒧 𑒋𑒣𑒲𑒮𑒼𑒛 𑒤𑓂𑒪𑒰𑒣। 𑒧𑒳𑒠𑒰 𑒏𑒟𑒰 𑒋𑒏𑒩 𑒁𑒢𑒳𑒧𑒞𑒱 𑒢𑒯𑒱 𑒠𑒻𑒞 𑒁𑒕𑒱। 𑒄 𑒋𑒏 𑒋𑒣𑒲𑒮𑒼𑒛 𑒥𑒪𑒰 𑒩𑒔𑒢𑒰 𑒕𑒲 𑒂 𑒢𑒲𑒏 𑒞𑒿 𑒐𑒴𑒥𑒹 𑒢𑒲𑒏 𑒂 𑒢𑒯𑒱 𑒞𑒿 𑒐𑒩𑒰𑒣𑒹-𑒐𑒩𑒰𑒣।

𑒏𑒟𑒰-𑒑𑒰𑒟𑒰 𑒮𑒿 𑒥𑒜𑓃𑒱 𑒂𑒑𑒴 𑒖𑒰𑒃 𑒞𑒿 𑒂𑒡𑒳𑒢𑒱𑒏 𑒏𑒟𑒰-𑒑𑒪𑓂𑒣𑒏 𑒃𑒞𑒱𑒯𑒰𑒮 𑒅𑒢𑓂𑒢𑒻𑒮𑒧 𑒬𑒞𑒰𑒥𑓂𑒠𑒲𑒏 𑒁𑒢𑓂𑒞𑒧𑒹 𑒦𑒹𑒪। 𑒋𑒏𑒩𑒰 𑒪𑒒𑒳𑒏𑒟𑒰, 𑒏𑒟𑒰 𑒂 𑒑𑒪𑓂𑒣𑒏 𑒩𑒴𑒣 𑒧𑒰𑒢𑒪 𑒑𑒹𑒪। 𑒍𑒢𑒰 𑒋𑒯𑒱 𑒞𑒲𑒢𑒴𑒏 𑒥𑒲𑒔𑒏 𑒦𑒹𑒠 𑒮𑒹𑒯𑒼 𑒁𑒢𑒰𑒫𑒬𑓂𑒨𑒏 𑒩𑒴𑒣𑒮𑒿 𑒫𑓂𑒨𑒰𑒐𑓂𑒨𑒰𑒨𑒱𑒞 𑒏𑒋𑒪 𑒑𑒹𑒪। 𑒩𑒫𑒲𑒢𑓂𑒠𑓂𑒩𑒢𑒰𑒟 𑒚𑒰𑒏𑒳𑒩𑒮𑒿 𑒬𑒳𑒩𑒳 𑒦𑒹𑒪 𑒄 𑒨𑒰𑒞𑓂𑒩𑒰 𑒦𑒰𑒩𑒞𑒏 𑒋𑒏 𑒏𑒼𑒢𑒮𑒿 𑒠𑒼𑒮𑒩 𑒏𑒼𑒢 𑒡𑒩𑒱 𑒮𑒳𑒡𑒰𑒩𑒫𑒰𑒠 𑒩𑒴𑒣𑒲 𑒂𑒢𑓂𑒠𑒼𑒪𑒢𑒏 𑒣𑒩𑒱𑒝𑒰𑒧𑒮𑓂𑒫𑒩𑒴𑒣 𑒂𑒑𑒰𑒿 𑒥𑒜𑓃𑒪। 𑒁𑒮𑒧𑒱𑒨𑒰𑒏 𑒥𑒹𑒖𑒥𑒩𑒳𑒂, 𑒅𑒛𑓃𑒱𑒨𑒰𑒏 𑒤𑒏𑒲𑒩 𑒧𑒼𑒯𑒢 𑒮𑒹𑒢𑒰𑒣𑒞𑒱, 𑒞𑒹𑒪𑒳𑒑𑒳𑒏 𑒁𑒣𑓂𑒣𑒰𑒩𑒰𑒫, 𑒥𑓀𑒑𑒪𑒰𑒏 𑒏𑒹𑒠𑒰𑒩𑒢𑒰𑒟 𑒥𑒢𑒩𑓂𑒖𑒲 𑒄 𑒮𑒦 𑒑𑒼𑒙𑒹 𑒏𑒐𑒢𑒼 𑒢𑒰𑒩𑒲𑒏 𑒣𑓂𑒩𑒞𑒱 𑒮𑒧𑒩𑓂𑒟𑒢𑒧𑒹 𑒞𑒿 𑒏𑒐𑒢𑒼 𑒮𑒧𑒰𑒖𑒏 𑒮𑒴𑒠𑒐𑒼𑒩𑒏 𑒫𑒱𑒩𑒳𑒠𑓂𑒡 𑒁𑒥𑒻𑒞 𑒑𑒹𑒪𑒰𑒯। 𑒢𑒹𑒣𑒰𑒪𑒲 𑒦𑒰𑒭𑒰𑒧𑒹 “𑒠𑒹𑒫𑒲 𑒏𑒼 𑒥𑒪𑒱” 𑒮𑒴𑒩𑓂𑒨𑒏𑒰𑒢𑓂𑒞 𑒖𑓂𑒘𑒫𑒰𑒪𑒲 𑒠𑓂𑒫𑒰𑒩𑒰 𑒠𑒮𑒯𑒩𑒰𑒏 𑒣𑒬𑒳𑒥𑒪𑒱 𑒣𑓂𑒩𑒟𑒰𑒏 𑒫𑒱𑒩𑒳𑒠𑓂𑒡 𑒪𑒱𑒐𑒪 𑒑𑒹𑒪। 𑒏𑒼𑒢𑒼 𑒏𑒟𑒰 𑒣𑓂𑒩𑒹𑒧𑒏 𑒥𑓀𑒡𑒢𑒏 𑒧𑒡𑓂𑒨 𑒖𑒰𑒞𑒱-𑒡𑒢𑒏 𑒮𑒲𑒧𑒰𑒏 𑒫𑒱𑒩𑒳𑒠𑓂𑒡 𑒞𑒿 𑒏𑒼𑒢𑒼 𑒠𑒪𑒱𑒞 𑒮𑒧𑒰𑒖𑒏 𑒮𑓂𑒟𑒱𑒞𑒱 𑒂 𑒡𑒰𑒩𑓂𑒧𑒱𑒏 𑒁𑓀𑒡𑒫𑒱𑒬𑓂𑒫𑒰𑒮𑒏 𑒫𑒱𑒭𑒨𑒧𑒹 𑒪𑒱𑒐𑒪 𑒑𑒹𑒪। 𑒂 𑒄 𑒮𑒦 𑒏𑒩𑒻𑒞 𑒮𑒩𑓂𑒫𑒠𑒰 𑒏𑒟𑒰𑒏 𑒁𑒢𑓂𑒞 𑒮𑒳𑒐𑒠 𑒯𑒼𑒃𑒞 𑒕𑒪 𑒮𑒹𑒯𑒼 𑒢𑒯𑒱।
𑒫𑒰𑒠: 𑒮𑒰𑒯𑒱𑒞𑓂𑒨: 𑒅𑒞𑓂𑒞𑒩 𑒂𑒡𑒳𑒢𑒱𑒏, 𑒁𑒮𑓂𑒞𑒱𑒞𑓂𑒫𑒫𑒰𑒠𑒲, 𑒧𑒰𑒢𑒫𑒞𑒰𑒫𑒰𑒠𑒲, 𑒄 𑒮𑒦 𑒫𑒱𑒔𑒰𑒩𑒡𑒰𑒩𑒰 𑒠𑒩𑓂𑒬𑒢𑒬𑒰𑒮𑓂𑒞𑓂𑒩𑒏 𑒫𑒱𑒔𑒰𑒩𑒡𑒰𑒩𑒰 𑒟𑒱𑒏। 𑒣𑒯𑒱𑒢𑒹 𑒠𑒩𑓂𑒬𑒢𑒧𑒹 𑒫𑒱𑒖𑓂𑒘𑒰𑒢, 𑒃𑒞𑒱𑒯𑒰𑒮, 𑒮𑒧𑒰𑒖-𑒩𑒰𑒖𑒢𑒲𑒞𑒱, 𑒁𑒩𑓂𑒟𑒬𑒰𑒮𑓂𑒞𑓂𑒩, 𑒏𑒪𑒰-𑒫𑒱𑒖𑓂𑒘𑒰𑒢 𑒂 𑒦𑒰𑒭𑒰 𑒮𑒧𑓂𑒧𑒱𑒪𑒱𑒞 𑒩𑒯𑒻𑒞 𑒕𑒪। 𑒧𑒳𑒠𑒰 𑒖𑒹𑒢𑒰-𑒖𑒹𑒢𑒰 𑒫𑒱𑒖𑓂𑒘𑒰𑒢 𑒂 𑒏𑒪𑒰𑒏 𑒬𑒰𑒐𑒰 𑒮𑒦 𑒫𑒱𑒬𑒱𑒭𑓂𑒙𑒞𑒰 𑒣𑓂𑒩𑒰𑒣𑓂𑒞 𑒏𑒩𑒻𑒞 𑒑𑒹𑒪, 𑒫𑒱𑒬𑒹𑒭 𑒏𑒋 𑒫𑒱𑒖𑓂𑒘𑒰𑒢, 𑒞𑒿 𑒠𑒩𑓂𑒬𑒢𑒧𑒹 𑒑𑒝𑒱𑒞 𑒂 𑒫𑒱𑒖𑓂𑒘𑒰𑒢 𑒧𑒻𑒟𑒹𑒧𑒹𑒙𑒱𑒏𑒪 𑒪𑒰𑒖𑒱𑒏 𑒡𑒩𑒱 𑒮𑒲𑒧𑒱𑒞 𑒩𑒯𑒱 𑒑𑒹𑒪। 𑒠𑒰𑒩𑓂𑒬𑒢𑒱𑒏 𑒂𑒑𑒧𑒢 𑒂 𑒢𑒱𑒑𑒧𑒢𑒏 𑒁𑒡𑓂𑒨𑒨𑒢 𑒣𑓂𑒩𑒝𑒰𑒪𑒲, 𑒫𑒱𑒬𑓂𑒪𑒹𑒭𑒝𑒰𑒞𑓂𑒧𑒏 𑒣𑓂𑒩𑒝𑒰𑒪𑒲 𑒠𑒱𑒮 𑒥𑒜𑓃𑒪। 𑒧𑒰𑒩𑓂𑒏𑓂𑒮 𑒖𑒹 𑒠𑒳𑒢𑒱𑒨𑒰 𑒦𑒩𑒱𑒏 𑒑𑒩𑒲𑒥𑒏 𑒪𑒹𑒪 𑒋𑒏𑒙𑒰 𑒠𑒻𑒫𑒲𑒨 𑒯𑒮𑓂𑒞𑒏𑓂𑒭𑒹𑒣𑒏 𑒮𑒧𑒰𑒢 𑒕𑒪𑒰𑒯, 𑒠𑓂𑒫𑒢𑓂𑒠𑒰𑒞𑓂𑒧𑒏 𑒣𑓂𑒩𑒝𑒰𑒪𑒲𑒏𑒹𑒿 𑒁𑒣𑒢 𑒫𑓂𑒨𑒰𑒐𑓂𑒨𑒰𑒏 𑒂𑒡𑒰𑒩 𑒥𑒢𑒍𑒪𑒢𑓂𑒯𑒱। 𑒂𑒃-𑒏𑒰𑒪𑓂𑒯𑒱𑒏 “𑒛𑒱𑒮𑒏𑒮𑒢” 𑒫𑒰 𑒠𑓂𑒫𑒢𑓂𑒠 𑒖𑒰𑒯𑒱𑒧𑒹 𑒣𑒏𑓂𑒭-𑒫𑒱𑒣𑒏𑓂𑒭, 𑒠𑒳𑒢𑒴 𑒮𑒧𑓂𑒧𑒱𑒪𑒱𑒞 𑒁𑒕𑒱, 𑒠𑒩𑓂𑒬𑒢𑒏 (𑒫𑒱𑒬𑒹𑒭 𑒏𑒋 𑒭𑒛𑒠𑒩𑓂𑒬𑒢𑒏- 𑒧𑒰𑒡𑒫𑒰𑒔𑒰𑒩𑓂𑒨𑒏 𑒮𑒩𑓂𑒫𑒠𑒩𑓂𑒬𑒢 𑒮𑓀𑒑𑓂𑒩𑒯-𑒠𑓂𑒩𑒭𑓂𑒙𑒫𑓂𑒨) 𑒐𑒝𑓂𑒛𑒢-𑒧𑒝𑓂𑒛𑒢 𑒣𑓂𑒩𑒝𑒰𑒪𑒲𑒧𑒹 𑒣𑒯𑒱𑒢𑒯𑒱𑒮𑒿 𑒫𑒱𑒠𑓂𑒨𑒧𑒰𑒢 𑒕𑒪।
𑒮𑒹 𑒃𑒞𑒱𑒯𑒰𑒮𑒏 𑒁𑒢𑓂𑒞𑒏 𑒒𑒼𑒭𑒝𑒰 𑒏𑒋𑒢𑒱𑒯𑒰𑒩 𑒤𑓂𑒩𑒰𑓀𑒮𑒱𑒮 𑒤𑒳𑒏𑒱𑒨𑒰𑒧𑒰 -𑒖𑒹 𑒏𑒧𑓂𑒨𑒳𑒢𑒱𑒮𑓂𑒙 𑒬𑒰𑒮𑒢𑒏 𑒮𑒧𑒰𑒣𑓂𑒞𑒱𑒣𑒩 𑒄 𑒒𑒼𑒭𑒝𑒰 𑒏𑒋𑒢𑒹 𑒕𑒪𑒰𑒯- 𑒏𑒱𑒕𑒳 𑒠𑒱𑒢 𑒣𑒯𑒱𑒢𑒹 𑒋𑒯𑒱𑒮𑒿 𑒣𑒪𑒙𑒱 𑒑𑒹𑒪𑒰𑒯। 𑒅𑒞𑓂𑒞𑒩-𑒂𑒡𑒳𑒢𑒱𑒏𑒞𑒰𑒫𑒰𑒠 𑒮𑒹𑒯𑒼 𑒁𑒣𑒢 𑒣𑓂𑒩𑒰𑒩𑒧𑓂𑒦𑒱𑒏 𑒅𑒞𑓂𑒮𑒰𑒯𑒏 𑒥𑒰𑒠 𑒚𑒧𑒏𑒱 𑒑𑒹𑒪 𑒁𑒕𑒱। 𑒁𑒮𑓂𑒞𑒱𑒞𑓂𑒫𑒫𑒰𑒠, 𑒧𑒰𑒢𑒫𑒞𑒰𑒫𑒰𑒠, 𑒣𑓂𑒩𑒑𑒞𑒱𑒫𑒰𑒠, 𑒩𑒼𑒧𑒹𑒢𑓂𑒙𑒱𑒮𑒱𑒖𑓂𑒧, 𑒮𑒧𑒰𑒖𑒬𑒰𑒮𑓂𑒞𑓂𑒩𑒲𑒨 𑒫𑒱𑒬𑓂𑒪𑒹𑒭𑒝 𑒄 𑒮𑒦 𑒮𑓀𑒬𑓂𑒪𑒹𑒭𑒝𑒰𑒞𑓂𑒧𑒏 𑒮𑒧𑒲𑒏𑓂𑒭𑒰 𑒣𑓂𑒩𑒝𑒰𑒪𑒲𑒧𑒹 𑒮𑒧𑓂𑒧𑒱𑒪𑒱𑒞 𑒦𑒋 𑒁𑒣𑒢 𑒁𑒮𑓂𑒞𑒱𑒞𑓂𑒫 𑒥𑒔𑒹𑒢𑒹 𑒁𑒕𑒱।
𑒮𑒰𑒃𑒏𑒼-𑒋𑒢𑒹𑒪𑒱𑒮𑒱𑒮 𑒫𑒻𑒖𑓂𑒘𑒰𑒢𑒱𑒏𑒞𑒰𑒣𑒩 𑒂𑒡𑒰𑒩𑒱𑒞 𑒩𑒯𑒥𑒰𑒏 𑒏𑒰𑒩𑒝 𑒠𑓂𑒫𑒢𑓂𑒠𑒰𑒞𑓂𑒧𑒏 𑒣𑓂𑒩𑒝𑒰𑒪𑒲 𑒖𑒹𑒏𑒰𑒿 𑒁𑒣𑒢 𑒁𑒮𑓂𑒞𑒱𑒞𑓂𑒫 𑒥𑒔𑒹𑒢𑒹 𑒩𑒯𑒞।
𑒂𑒡𑒳𑒢𑒱𑒏 𑒏𑒟𑒰 𑒁𑒕𑒱 𑒏𑒲? 𑒄 𑒏𑒹𑒯𑒢 𑒯𑒼𑒋𑒥𑒰𑒏 𑒔𑒰𑒯𑒲? 𑒋𑒏𑒩 𑒏𑒱𑒕𑒳 𑒅𑒠𑓂𑒠𑒹𑒬𑓂𑒨 𑒁𑒕𑒱 𑒂𑒏𑒱 𑒯𑒼𑒋𑒥𑒰𑒏 𑒔𑒰𑒯𑒲? 𑒂 𑒞𑒏𑒩 𑒢𑒱𑒩𑓂𑒡𑒰𑒩𑒝 𑒏𑒼𑒢𑒰 𑒏𑒋𑒪 𑒖𑒰𑒋 ?
𑒏𑒼𑒢𑒼 𑒏𑒟𑒰𑒏 𑒂𑒡𑒰𑒩 𑒧𑒢𑒼𑒫𑒱𑒖𑓂𑒘𑒰𑒢 𑒮𑒹𑒯𑒼 𑒯𑒼𑒃𑒞 𑒁𑒕𑒱। 𑒏𑒟𑒰𑒏 𑒅𑒠𑓂𑒠𑒹𑒬𑓂𑒨 𑒮𑒧𑒰𑒖𑒏 𑒂𑒫𑒬𑓂𑒨𑒏𑒞𑒰𑒏 𑒁𑒢𑒳𑒮𑒰𑒩 𑒂 𑒏𑒟𑒰 𑒨𑒰𑒞𑓂𑒩𑒰𑒧𑒹 𑒣𑒩𑒱𑒫𑒩𑓂𑒞𑒢 𑒮𑒧𑒰𑒖𑒧𑒹 𑒦𑒹𑒪 𑒂 𑒯𑒼𑒃𑒞 𑒣𑒩𑒱𑒫𑒩𑓂𑒞𑒢𑒏 𑒁𑒢𑒳𑒩𑒴𑒣𑒹 𑒯𑒼𑒋𑒥𑒰𑒏 𑒔𑒰𑒯𑒲। 𑒧𑒳𑒠𑒰 𑒮𑓀𑒑𑒧𑒹 𑒍𑒯𑒱 𑒮𑒧𑒰𑒖𑒏 𑒮𑓀𑒮𑓂𑒏𑒵𑒞𑒱𑒮𑒿 𑒄 𑒏𑒟𑒰 𑒮𑓂𑒫𑒨𑒧𑒹𑒫 𑒢𑒱𑒨𑒢𑓂𑒞𑓂𑒩𑒱𑒞 𑒯𑒼𑒃𑒞 𑒁𑒕𑒱। 𑒂 𑒋𑒯𑒱𑒧𑒹 𑒍𑒯𑒱 𑒮𑒧𑒰𑒖𑒏 𑒌𑒞𑒱𑒯𑒰𑒮𑒱𑒏 𑒁𑒮𑓂𑒞𑒱𑒞𑓂𑒫 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱।
𑒖𑒹 𑒯𑒧 𑒫𑒻𑒠𑒱𑒏 𑒂𑒐𑓂𑒨𑒰𑒢𑒏 𑒑𑒣 𑒏𑒩𑒲 𑒞𑒿 𑒍 𑒩𑒰𑒭𑓂𑒙𑓂𑒩𑒏 𑒮𑓀𑒑 𑒣𑓂𑒩𑒹𑒧𑒏𑒹𑒿 𑒮𑒼𑒗𑒰𑒿 𑒁𑒢𑒻𑒞 𑒁𑒕𑒱। 𑒂 𑒮𑒧𑒰𑒖𑒏 𑒮𑓀𑒑 𑒧𑒱𑒪𑒱 𑒏𑒋 𑒩𑒯𑒢𑒰𑒃 𑒮𑒱𑒐𑒥𑒻𑒞 𑒁𑒕𑒱।
𑒖𑒰𑒞𑒏 𑒏𑒟𑒰 𑒪𑒼𑒏-𑒦𑒰𑒭𑒰𑒏 𑒣𑓂𑒩𑒮𑒰𑒩𑒏 𑒮𑓀𑒑 𑒥𑒾𑒠𑓂𑒡-𑒡𑒩𑓂𑒧 𑒣𑓂𑒩𑒮𑒰𑒩𑒏 𑒃𑒔𑓂𑒕𑒰 𑒮𑒹𑒯𑒼 𑒩𑒐𑒻𑒞 𑒁𑒕𑒱।
𑒧𑒳𑒮𑓂𑒪𑒱𑒧 𑒖𑒑𑒞𑒏 𑒏𑒟𑒰 𑒖𑒹𑒢𑒰 𑒩𑒴𑒧𑒲𑒏 “𑒧𑒮𑒢𑒫𑒲” 𑒤𑒰𑒩𑒮𑒲 𑒮𑒰𑒯𑒱𑒞𑓂𑒨𑒏 𑒫𑒱𑒬𑒱𑒭𑓂𑒙 𑒑𑓂𑒩𑒢𑓂𑒟 𑒁𑒕𑒱 𑒖𑒹 𑒖𑓂𑒘𑒰𑒢𑒏 𑒧𑒯𑒞𑓂𑒫 𑒂 𑒩𑒰𑒖𑓂𑒨𑒏 𑒅𑒢𑓂𑒢𑒞𑒱𑒏 𑒬𑒱𑒏𑓂𑒭𑒰 𑒠𑒻𑒞 𑒁𑒕𑒱।
𑒂𑒖𑒳𑒏 𑒏𑒟𑒰 𑒋𑒯𑒱 𑒮𑒦 𑒫𑒮𑓂𑒞𑒳𑒏𑒹𑒿 𑒮𑒧𑒹𑒙𑒻𑒞 𑒁𑒕𑒱 𑒂 𑒋𑒏𑒙𑒰 𑒣𑓂𑒩𑒥𑒳𑒠𑓂𑒡 𑒂 𑒧𑒰𑒢𑒫𑒲𑒨 (!) 𑒮𑒧𑒰𑒖𑒏 𑒢𑒱𑒩𑓂𑒧𑒰𑒝𑒏 𑒠𑒱𑒮 𑒂𑒑𑒰𑒿 𑒥𑒜𑓃𑒻𑒞 𑒁𑒕𑒱। 𑒂 𑒖𑒹 𑒮𑒹 𑒢𑒯𑒱 𑒁𑒕𑒱 𑒞𑒿 𑒄 𑒍𑒏𑒩 𑒅𑒠𑓂𑒠𑒹𑒬𑓂𑒨𑒧𑒹 𑒮𑒧𑓂𑒧𑒱𑒪𑒱𑒞 𑒯𑒼𑒋𑒥𑒰𑒏 𑒔𑒰𑒯𑒲। 𑒂 𑒞𑒐𑒢𑒹 𑒏𑒟𑒰𑒏 𑒫𑒱𑒬𑓂𑒪𑒹𑒭𑒝 𑒂 𑒮𑒧𑒰𑒪𑒼𑒔𑒢𑒰 𑒣𑒰𑒚𑒏𑒲𑒨 𑒫𑒱𑒫𑒬𑒞𑒰 𑒥𑒢𑒱 𑒮𑒏𑒞।
𑒏𑒧𑓂𑒨𑒴𑒢𑒱𑒮𑓂𑒙 𑒬𑒰𑒮𑒢𑒏 𑒮𑒧𑒰𑒣𑓂𑒞𑒱 𑒂 𑒥𑒩𑓂𑒪𑒱𑒢𑒏 𑒠𑒹𑒥𑒰𑒪𑒏 𑒐𑒮𑒥𑒰𑒏 𑒥𑒰𑒠 𑒤𑓂𑒩𑒰𑓀𑒮𑒱𑒮 𑒤𑒳𑒏𑒱𑒨𑒰𑒧𑒰 𑒒𑒼𑒭𑒱𑒞 𑒏𑒋𑒪𑒢𑓂𑒯𑒱 𑒖𑒹 𑒫𑒱𑒔𑒰𑒩𑒡𑒰𑒩𑒰𑒏 𑒂𑒣𑒮𑒲 𑒗𑒑𑒛𑓃𑒰𑒮𑒿 𑒮𑒵𑒖𑒱𑒞 𑒃𑒞𑒱𑒯𑒰𑒮𑒏 𑒄 𑒮𑒧𑒰𑒣𑓂𑒞𑒱 𑒁𑒕𑒱 𑒂 𑒂𑒥 𑒧𑒰𑒢𑒫𑒏 𑒯𑒱𑒞𑒏 𑒫𑒱𑒔𑒰𑒩𑒡𑒰𑒩𑒰 𑒧𑒰𑒞𑓂𑒩 𑒂𑒑𑒰𑒿 𑒥𑒜𑓃𑒞। 𑒧𑒳𑒠𑒰 𑒏𑒱𑒕𑒳 𑒠𑒱𑒢 𑒣𑒯𑒱𑒢𑒯𑒱 𑒍 𑒋𑒯𑒱 𑒧𑒞𑒮𑒿 𑒂𑒣𑒮 𑒦𑓄 𑒑𑒹𑒪𑒰𑒯 𑒂 𑒏𑒯𑒪𑒢𑓂𑒯𑒱 𑒖𑒹 𑒮𑒧𑒰𑒖𑒏 𑒦𑒲𑒞𑒩 𑒂 𑒩𑒰𑒭𑓂𑒙𑓂𑒩𑒲𑒨𑒞𑒰𑒏 𑒧𑒡𑓂𑒨 𑒋𑒐𑒢𑒼 𑒥𑒯𑒳𑒞 𑒩𑒰𑒮 𑒦𑒱𑒢𑓂𑒢 𑒫𑒱𑒔𑒰𑒩𑒡𑒰𑒩𑒰 𑒥𑒰𑒿𑒔𑒪 𑒁𑒕𑒱। 𑒞𑒯𑒱𑒢𑒰 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰𑒫𑒰𑒠𑒲 𑒫𑒱𑒔𑒰𑒩𑒏 𑒖𑒻𑒏𑓂𑒮 𑒠𑒹𑒩𑒲𑒠𑒰 𑒦𑒰𑒭𑒰𑒏𑒹𑒿 𑒫𑒱𑒐𑒝𑓂𑒛𑒱𑒞 𑒏𑒋 𑒄 𑒮𑒱𑒠𑓂𑒡 𑒏𑒋𑒪𑒢𑓂𑒯𑒱 𑒖𑒹 𑒫𑒱𑒐𑒝𑓂𑒛𑒱𑒞 𑒦𑒰𑒑 𑒜𑒹𑒩 𑒩𑒰𑒮 𑒫𑒱𑒦𑒱𑒢𑓂𑒢 𑒂𑒡𑒰𑒩𑒣𑒩 𑒂𑒬𑓂𑒩𑒱𑒞 𑒁𑒕𑒱 𑒂 𑒥𑒱𑒢𑒰 𑒍𑒏𑒩𑒰 𑒥𑒳𑒗𑒢𑒹 𑒦𑒰𑒭𑒰𑒏 𑒁𑒩𑓂𑒟 𑒯𑒧 𑒢𑒯𑒱 𑒪𑒑𑒰 𑒮𑒏𑒻𑒞 𑒕𑒲।
𑒧𑒢𑒼𑒫𑒱𑒬𑓂𑒪𑒹𑒭𑒝 𑒂 𑒠𑓂𑒫𑒢𑓂𑒠𑒰𑒞𑓂𑒧𑒏 𑒣𑒠𑓂𑒡𑒞𑒱 𑒖𑒹𑒏𑒰𑒿 𑒤𑒳𑒏𑒱𑒨𑒰𑒧𑒰 𑒂 𑒠𑒹𑒩𑒲𑒠𑒰𑒏 𑒫𑒱𑒬𑓂𑒪𑒹𑒭𑒝 𑒮𑒹𑒯𑒼 𑒮𑓀𑒬𑓂𑒪𑒹𑒭𑒱𑒞 𑒦𑒋 𑒮𑒧𑒲𑒏𑓂𑒭𑒰𑒏 𑒪𑒹𑒪 𑒮𑓂𑒟𑒰𑒨𑒲 𑒣𑓂𑒩𑒞𑒱𑒧𑒰𑒢 𑒥𑒢𑒪 𑒩𑒯𑒞।
𑒮𑒳𑒦𑒰𑒭 𑒔𑒢𑓂𑒠𑓂𑒩 𑒨𑒰𑒠𑒫𑒏 𑒏𑒟𑒰-𑒮𑓀𑒑𑓂𑒩𑒯 𑒥𑒢𑒻𑒞 𑒥𑒱𑒑𑒛𑓃𑒻𑒞:
𑒮𑓂𑒫𑒞𑒢𑓂𑒞𑓂𑒩𑒞𑒰𑒏 𑒥𑒰𑒠𑒏 𑒣𑒲𑒜𑓃𑒲𑒏 𑒏𑒟𑒰𑒏𑒰𑒩 𑒕𑒟𑒱 𑒮𑒳𑒦𑒰𑒭𑒖𑒲। 𑒏𑒟𑒰𑒏 𑒧𑒰𑒡𑓂𑒨𑒧𑒮𑒿 𑒖𑒲𑒫𑒢𑒏𑒹𑒿 𑒩𑒴𑒣 𑒠𑒻𑒞 𑒕𑒟𑒱। 𑒬𑒱𑒪𑓂𑒣 𑒂 𑒏𑒟𑓂𑒨 𑒠𑒳𑒢𑒴𑒮𑒿 𑒏𑒟𑒰𑒏𑒹𑒿 𑒁𑒪𑓀𑒏𑒵𑒞 𑒏𑒋 𑒏𑒟𑒰𑒏𑒹𑒿 𑒮𑒰𑒩𑓂𑒟𑒏 𑒥𑒢𑒥𑒻𑒞 𑒕𑒟𑒱। 𑒁𑒮𑓂𑒞𑒱𑒞𑓂𑒫𑒏 𑒪𑒹𑒪 𑒮𑒰𑒧𑒰𑒢𑓂𑒨 𑒪𑒼𑒏𑒏 𑒮𑓀𑒒𑒩𑓂𑒭 𑒞𑒿 𑒋𑒯𑒱 𑒮𑓂𑒟𑒱𑒞𑒱𑒧𑒹 𑒯𑒱𑒢𑒏𑒩 𑒏𑒟𑒰 𑒮𑒦𑒧𑒹 𑒦𑒹𑒙𑒥 𑒮𑓂𑒫𑒰𑒦𑒰𑒫𑒱𑒏𑒹। 𑒏𑒋𑒏 𑒠𑒬𑒏 𑒣𑒴𑒩𑓂𑒫 𑒪𑒱𑒐𑒪 𑒯𑒱𑒢𑒏 𑒏𑒟𑒰 “𑒏𑒰𑒚𑒏 𑒥𑒢𑒪 𑒪𑒼𑒏” 𑒏 𑒥𑒠𑒩𑒱𑒨𑒰 𑒮𑒰𑒃𑒞𑒹 𑒮𑓀𑒨𑒼𑒑 𑒯𑓀𑒮𑒻𑒞 𑒩𑒯𑒋। 𑒋𑒯𑒳 𑒏𑒟𑒰 𑒮𑓀𑒑𑓂𑒩𑒯𑒏 𑒮𑒦 𑒣𑒰𑒞𑓂𑒩 𑒋𑒯𑒢𑒹 𑒮𑒢 𑒫𑒱𑒬𑒹𑒭𑒞𑒰 𑒪𑒹𑒢𑒹 𑒁𑒕𑒱। 𑒯𑒰𑒮𑓂𑒣𑒲𑒙𑒪𑒧𑒹 𑒏𑒢𑒻𑒞-𑒏𑒢𑒻𑒞 𑒮𑒳𑒞𑒪𑒰𑒏 𑒥𑒰𑒠 𑒅𑒚𑒱 𑒏𑒋 𑒏𑒼𑒢𑒼 𑒣𑒰𑒞𑓂𑒩 𑒤𑒹𑒩𑒮𑒿 𑒏𑒰𑒢𑒋 𑒪𑒑𑒻𑒞 𑒕𑒟𑒱 𑒞𑒿 𑒏𑒼𑒢𑒼 𑒣𑒰𑒞𑓂𑒩 𑒣𑓂𑒩𑒹𑒧𑒧𑒹 𑒣𑒛𑓃𑒪 𑒕𑒟𑒱। 𑒏𑒱𑒢𑒏𑒼𑒧𑒹 𑒥𑒱𑒖𑒢𑒹𑒮 𑒮𑒹𑒢𑓂𑒮 𑒕𑒢𑓂𑒯𑒱 𑒞𑒿 𑒯𑒩𑒱𑒫𑓀𑒬 𑒮𑒢 𑒣𑒰𑒞𑓂𑒩 𑒮𑒹𑒯𑒼 𑒕𑒟𑒱 𑒖𑒹 𑒅𑒣𑒏𑒰𑒩𑒏 𑒥𑒠𑒪𑒰 𑒮𑒱𑒮𑓂𑒙𑒧 𑒤𑒰𑒪𑓂𑒙𑒏 𑒏𑒰𑒩𑒝 𑒁𑒣𑒏𑒰𑒩 𑒏𑒋 𑒖𑒰𑒃𑒞 𑒕𑒟𑒱।
𑒏𑒏𑒩𑒰 𑒪𑒹𑒪 𑒏𑒟𑒰 𑒪𑒱𑒐𑒲? 𑒫𑒰 𑒏𑒯𑒲? 𑒏𑒟𑒰𑒏 𑒫𑒰𑒠: 𑒖𑒱𑒢𑒏𑒰 𑒫𑒱𑒭𑒨𑒧𑒹 𑒪𑒱𑒐𑒥 𑒮𑒹 𑒞𑒿 𑒣𑒜𑓃𑒞𑒰𑒯 𑒢𑒯𑒱। 𑒏𑒟𑒰 𑒣𑒜𑓃𑒱 𑒪𑒼𑒏 𑒣𑓂𑒩𑒥𑒳𑒠𑓂𑒡 𑒦𑓄 𑒖𑒋𑒞 ? 𑒑𑒲𑒞𑒰𑒏 𑒮𑒣𑓂𑒣𑒞 𑒐𑒰 𑒏𑒋 𑒗𑒴𑒚 𑒥𑒖𑒢𑒱𑒯𑒰𑒩𑒏 𑒮𑓀𑒐𑓂𑒨𑒰 𑒏𑒧 𑒢𑒯𑒱। 𑒞𑒹𑒿 𑒏𑒲 𑒋𑒯𑒢 𑒏𑒮𑒾𑒙𑒲𑒣𑒩 𑒩𑒔𑒱𑒞 𑒏𑒟𑒰𑒏 𑒧𑒯𑒞𑓂𑒫 𑒏𑒧 𑒦𑒋 𑒖𑒋𑒞 ?
𑒮𑒦 𑒣𑓂𑒩𑒥𑒳𑒠𑓂𑒡 𑒢𑒯𑒱 𑒯𑒼𑒋𑒞𑒰𑒯 𑒞𑒿 𑒮𑓂𑒫𑒮𑓂𑒟 𑒧𑒢𑒼𑒩𑓀𑒖𑒢 𑒞𑒿 𑒣𑓂𑒩𑒰𑒣𑓂𑒞 𑒏𑓄 𑒮𑒏𑒞𑒰𑒯। 𑒂 𑒖𑒹 𑒋𑒏𑒼𑒙𑒰 𑒫𑓂𑒨𑒏𑓂𑒞𑒱 𑒏𑒟𑒰 𑒣𑒜𑓃𑒱 𑒍𑒯𑒱 𑒠𑒱𑒬𑒰𑒧𑒹 𑒮𑒼𑒔𑒞 𑒞𑒿 𑒏𑒟𑒰𑒏 𑒮𑒰𑒩𑓂𑒟𑒏𑒞𑒰 𑒮𑒱𑒠𑓂𑒡 𑒯𑒼𑒋𑒞। 𑒂 𑒖𑒏𑒩𑒰 𑒪𑒹𑒪 𑒩𑒔𑒱𑒞 𑒁𑒕𑒱 𑒄 𑒏𑒟𑒰 𑒖𑒹 𑒍 𑒢𑒯𑒱, 𑒞𑒿 𑒍𑒏𑒩 𑒍𑒯𑒱 𑒣𑒩𑒱𑒮𑓂𑒟𑒱𑒞𑒱𑒧𑒹 𑒯𑒮𑓂𑒞𑒏𑓂𑒭𑒹𑒣 𑒏𑒩𑒥𑒰𑒧𑒹 𑒮𑒏𑓂𑒭𑒧 𑒫𑓂𑒨𑒏𑓂𑒞𑒱 𑒞𑒿 𑒣𑒜𑓃𑒞𑒰𑒯। 𑒂 𑒖𑒰 𑒄 𑒩𑒯𑒞 𑒞𑒰𑒡𑒩𑒱 𑒋𑒯𑒱 𑒞𑒩𑒯𑒏 𑒏𑒟𑒰 𑒩𑒔𑒱𑒞 𑒏𑒋𑒪 𑒖𑒰𑒃𑒞 𑒩𑒯𑒞।
𑒂 𑒖𑒹 𑒮𑒧𑒰𑒖 𑒥𑒠𑒪𑒞 𑒞𑒿 𑒮𑒰𑒧𑒰𑒖𑒱𑒏 𑒧𑒴𑒪𑓂𑒨 𑒮𑒢𑒰𑒞𑒢 𑒩𑒯𑒞 ? 𑒣𑓂𑒩𑒑𑒞𑒱𑒬𑒲𑒪 𑒏𑒟𑒰𑒧𑒹 𑒁𑒢𑒳𑒦𑒫𑒏 𑒣𑒳𑒢𑒩𑓂𑒢𑒱𑒩𑓂𑒧𑒰𑒝 𑒏𑒩𑒥, 𑒣𑒩𑒱𑒫𑒩𑓂𑒞𑒢𑒬𑒲𑒪 𑒮𑒧𑒰𑒖𑒏 𑒪𑒹𑒪, 𑒖𑒰𑒯𑒱𑒮𑒿 𑒣𑓂𑒩𑒰𑒏𑒵𑒞𑒱𑒏 𑒂 𑒮𑒰𑒧𑒰𑒖𑒱𑒏 𑒨𑒟𑒰𑒩𑓂𑒟𑒏 𑒥𑒲𑒔 𑒮𑒧𑒰𑒨𑒼𑒖𑒢 𑒯𑒼𑒁𑒋। 𑒂𑒏𑒱 𑒋𑒯𑒱 𑒣𑒩𑒱𑒫𑒩𑓂𑒞𑒢𑒬𑒲𑒪 𑒮𑒧𑒨𑒏𑒹𑒿 𑒮𑓂𑒟𑒰𑒨𑒱𑒞𑓂𑒫 𑒠𑒹𑒥𑒰 𑒪𑒹𑒪 𑒣𑒩𑒧𑓂𑒣𑒩𑒰𑒏 𑒮𑓂𑒟𑒰𑒨𑒲 𑒂 𑒧𑒴𑒪 𑒞𑒞𑓂𑒫𑒣𑒩 𑒂𑒡𑒰𑒩𑒱𑒞 𑒏𑒟𑒰𑒏 𑒂𑒫𑒬𑓂𑒨𑒏𑒞𑒰 𑒁𑒕𑒱 ? 𑒫𑓂𑒨𑒏𑓂𑒞𑒱-𑒯𑒱𑒞 𑒂 𑒮𑒧𑒰𑒖-𑒯𑒱𑒞𑒧𑒹 𑒠𑓂𑒫𑒻𑒡 𑒁𑒕𑒱 𑒂 𑒠𑒳𑒢𑒴 𑒣𑒩𑒮𑓂𑒣𑒩 𑒫𑒱𑒩𑒼𑒡𑒲 𑒁𑒕𑒱। 𑒋𑒯𑒱𑒧𑒹 𑒮𑓀𑒨𑒼𑒖𑒢 𑒂𑒫𑒬𑓂𑒨𑒏। 𑒫𑒱𑒬𑓂𑒫 𑒠𑒵𑒭𑓂𑒙𑒱 𑒂𑒫𑒬𑓂𑒨𑒏। 𑒏𑒟𑒰 𑒧𑒰𑒞𑓂𑒩 𑒫𑒱𑒔𑒰𑒩𑒏 𑒅𑒞𑓂𑒣𑒞𑓂𑒞𑒱 𑒢𑒯𑒱 𑒁𑒕𑒱 𑒖𑒹 𑒩𑒼𑒬𑒢𑒰𑒃𑒮𑒿 𑒏𑒰𑒑𑒞𑒣𑒩 𑒖𑒹𑒢𑒰-𑒞𑒹𑒢𑒰 𑒅𑒞𑒰𑒩𑒱 𑒠𑒹𑒪𑒱𑒨𑒻𑒏। 𑒄 𑒮𑒰𑒧𑒰𑒖𑒱𑒏-𑒌𑒞𑒱𑒯𑒰𑒮𑒱𑒏 𑒠𑒬𑒰𑒮𑒿 𑒢𑒱𑒩𑓂𑒠𑒱𑒬𑒱𑒞 𑒯𑒼𑒃𑒞 𑒁𑒕𑒱।
𑒞𑒿 𑒏𑒟𑒰 𑒂𑒠𑒩𑓂𑒬𑒫𑒰𑒠𑒲 𑒯𑒼𑒁𑒋, 𑒣𑓂𑒩𑒏𑒵𑒞𑒱𑒫𑒰𑒠𑒲 𑒯𑒼𑒁𑒋 𑒫𑒰 𑒨𑒟𑒰𑒩𑓂𑒟𑒫𑒰𑒠𑒲 𑒯𑒼𑒁𑒋। 𑒂𑒏𑒱 𑒋𑒯𑒱𑒧𑒹 𑒮𑒿 𑒧𑒰𑒢𑒫𑒞𑒰𑒫𑒰𑒠𑒲, 𑒮𑒰𑒧𑒰𑒖𑒱𑒏𑒞𑒰𑒫𑒰𑒠𑒲 𑒫𑒰 𑒁𑒢𑒳𑒦𑒫𑒏𑒹𑒿 𑒧𑒯𑒞𑓂𑒫 𑒠𑒹𑒧𑒋𑒥𑒪𑒰 𑒖𑓂𑒘𑒰𑒢𑒹𑒢𑓂𑒠𑓂𑒩𑒱𑒨-𑒨𑒟𑒰𑒩𑓂𑒟𑒫𑒰𑒠𑒲 𑒯𑒼𑒁𑒋 ? 𑒂 𑒢𑒯𑒱 𑒞𑒿 𑒏𑒟𑒰 𑒣𑓂𑒩𑒨𑒼𑒖𑒢𑒧𑒴𑒪𑒏 𑒯𑒼𑒁𑒋। 𑒋𑒯𑒱𑒧𑒹 𑒅𑒣𑒨𑒼𑒑𑒱𑒞𑒰𑒫𑒰𑒠, 𑒣𑓂𑒩𑒨𑒼𑒑𑒫𑒰𑒠, 𑒫𑓂𑒨𑒫𑒯𑒰𑒩𑒫𑒰𑒠, 𑒏𑒰𑒩𑒝𑒫𑒰𑒠, 𑒁𑒩𑓂𑒟𑒏𑓂𑒩𑒱𑒨𑒰𑒫𑒰𑒠 𑒂 𑒤𑒪𑒫𑒰𑒠 𑒮𑒦 𑒮𑒧𑓂𑒧𑒱𑒪𑒱𑒞 𑒁𑒕𑒱। 𑒄 𑒮𑒦𑒮𑒿 𑒂𑒡𑒳𑒢𑒱𑒏 𑒠𑒵𑒭𑓂𑒙𑒱𑒏𑒼𑒝 𑒁𑒕𑒱। 𑒁𑒣𑒢𑒰𑒏𑒹𑒿 𑒁𑒦𑒱𑒫𑓂𑒨𑒏𑓂𑒞 𑒏𑒋𑒢𑒰𑒃 𑒧𑒰𑒢𑒫𑒲𑒨 𑒮𑓂𑒫𑒦𑒰𑒫 𑒁𑒕𑒱। 𑒧𑒳𑒠𑒰 𑒍 𑒮𑒰𑒧𑒰𑒖𑒱𑒏 𑒢𑒱𑒁𑒧𑒧𑒹 𑒮𑒲𑒧𑒱𑒞 𑒦𑓄 𑒖𑒰𑒃𑒞 𑒁𑒕𑒱। 𑒣𑒩𑒱𑒮𑓂𑒟𑒱𑒞𑒱𑒮𑒿 𑒣𑓂𑒩𑒦𑒰𑒫𑒱𑒞 𑒦𑓄 𑒖𑒰𑒃𑒞 𑒁𑒕𑒱।
𑒞𑒿 𑒏𑒟𑒰 𑒁𑒢𑒳𑒦𑒫𑒏𑒹𑒿 𑒣𑒳𑒢𑒩𑓂𑒩𑒔𑒱𑒞 𑒏𑒋 𑒑𑒜𑓃𑒪 𑒖𑒋𑒞। 𑒂 𑒫𑓂𑒨𑒏𑓂𑒞𑒱𑒑𑒞 𑒔𑒹𑒞𑒢𑒰 𑒞𑒐𑒢 𑒮𑒰𑒧𑒰𑒖𑒱𑒏 𑒂 𑒮𑒰𑒧𑒴𑒯𑒱𑒏 𑒔𑒹𑒞𑒢𑒰 𑒥𑒢𑒱 𑒂𑒍𑒞। 𑒬𑒼𑒭𑒏𑒏𑒹𑒿 𑒁𑒣𑒢 𑒣𑓂𑒩𑒫𑒵𑒞𑓂𑒞𑒱𑒣𑒩 𑒁𑓀𑒏𑒳𑒬 𑒪𑒑𑒥𑒋 𑒣𑒛𑓃𑒞𑒢𑓂𑒯𑒱। 𑒞𑒿 𑒬𑒼𑒭𑒱𑒞𑒏𑒹𑒿 𑒋𑒏𑒩 𑒫𑒱𑒩𑒼𑒡 𑒧𑒳𑒐𑒩 𑒩𑒴𑒣𑒧𑒹 𑒏𑒩𑒋 𑒣𑒛𑓃𑒞𑒢𑓂𑒯𑒱।
𑒮𑓂𑒫𑒞𑓀𑒞𑓂𑒩𑒞𑒰- 𑒮𑒰𑒧𑒰𑒖𑒱𑒏 𑒣𑒩𑒱𑒫𑒩𑓂𑒞𑒢 । 𑒏𑒟𑒰 𑒞𑒐𑒢 𑒮𑓀𑒣𑓂𑒩𑒹𑒭𑒱𑒞 𑒯𑒼𑒋𑒞, 𑒮𑓀𑒫𑒰𑒠𑒏 𑒧𑒰𑒡𑓂𑒨𑒧 𑒥𑒢𑒞। 𑒏𑒟𑒰 𑒮𑒧𑒰𑒖𑒏 𑒪𑒹𑒪 𑒬𑒮𑓂𑒞𑓂𑒩 𑒞𑒐𑒢𑒹 𑒥𑒢𑒱 𑒮𑒏𑒞, 𑒬𑒏𑓂𑒞𑒱 𑒞𑒐𑒢𑒹 𑒥𑒢𑒱 𑒮𑒏𑒞।
𑒖𑒹 𑒏𑒟𑒰𑒏𑒰𑒩 𑒅𑒣𑒠𑒹𑒬 𑒠𑒹𑒞𑒰𑒯 𑒞𑒿 𑒖𑓂𑒘𑒰𑒢𑒏 𑒯𑒮𑓂𑒞𑒰𑓀𑒞𑒩𑒝 𑒏𑒩𑒞𑒰𑒯, 𑒖𑒏𑒩 𑒂𑒫𑒬𑓂𑒨𑒏𑒞𑒰 𑒂𑒥 𑒢𑒯𑒱 𑒕𑒻। 𑒖𑒐𑒢 𑒏𑒟𑒰𑒏𑒰𑒩 𑒮𑒧𑓂𑒫𑒰𑒠 𑒬𑒳𑒩𑒴 𑒏𑒩𑒞𑒰𑒯 𑒞𑒐𑒢𑒹 𑒧𑒳𑒏𑓂𑒞𑒱𑒏 𑒫𑒰𑒞𑒰𑒫𑒩𑒝 𑒥𑒢𑒞 𑒂 𑒮𑒧𑓂𑒫𑒰𑒠𑒧𑒹 𑒦𑒰𑒑 𑒪𑒹𑒢𑒱𑒯𑒰𑒩 𑒣𑒰𑒚𑒏 𑒖𑒛𑓃𑒞𑒰𑒮𑒿 𑒞𑓂𑒩𑒰𑒝 𑒣𑒍𑒞𑒰𑒯।
𑒏𑒟𑒰 𑒏𑓂𑒩𑒧𑒥𑒠𑓂𑒡 𑒯𑒼𑒁𑒋 𑒂 𑒮𑒳𑒑𑓂𑒩𑒰𑒯𑓂𑒨 𑒯𑒼𑒁𑒋 𑒞𑒐𑒢𑒹 𑒄 𑒅𑒠𑓂𑒠𑒹𑒬𑓂𑒨 𑒣𑓂𑒩𑒰𑒣𑓂𑒞 𑒏𑒩𑒞। 𑒥𑒳𑒠𑓂𑒡𑒱𑒣𑒩𑒏 𑒢𑒯𑒱 𑒫𑓂𑒨𑒫𑒯𑒰𑒩𑒣𑒩𑒏 𑒥𑒢𑒞। 𑒫𑒻𑒠𑒱𑒏 𑒮𑒰𑒯𑒱𑒞𑓂𑒨𑒏 𑒂𑒐𑓂𑒨𑒰𑒢𑒏 𑒅𑒠𑒰𑒩𑒞𑒰 𑒮𑓀𑒫𑒰𑒠𑒏𑒹𑒿 𑒖𑒢𑓂𑒧 𑒠𑒻𑒞 𑒕𑒪 𑒖𑒹 𑒣𑒾𑒩𑒰𑒝𑒱𑒏 𑒮𑒰𑒯𑒱𑒞𑓂𑒨𑒏 𑒩𑒳𑒜𑓃𑒱𑒫𑒰𑒠𑒱𑒞𑒰 𑒐𑒞𑒧 𑒏𑒋 𑒠𑒹𑒪𑒏।
𑒂 𑒮𑓀𑒫𑒰𑒠𑒏 𑒣𑒳𑒢𑒩𑓂𑒮𑓂𑒟𑒰𑒣𑒢𑒰 𑒪𑒹𑒪 𑒏𑒟𑒰𑒏𑒰𑒩𑒧𑒹 𑒫𑒱𑒬𑓂𑒫𑒰𑒮 𑒯𑒼𑒋𑒥𑒰𑒏 𑒔𑒰𑒯𑒲- 𑒞𑒩𑓂𑒏-𑒣𑒩𑒏 𑒫𑒱𑒬𑓂𑒫𑒰𑒮 𑒂 𑒁𑒢𑒳𑒦𑒫𑒣𑒩𑒏 𑒫𑒱𑒬𑓂𑒫𑒰𑒮, 𑒖𑒹 𑒮𑒳𑒦𑒰𑒭𑒔𑒢𑓂𑒠𑓂𑒩 𑒨𑒰𑒠𑒫𑒧𑒹 𑒕𑒢𑓂𑒯𑒱। 𑒣𑓂𑒩𑒞𑓂𑒨𑒏𑓂𑒭𑒫𑒰𑒠𑒏 𑒫𑒱𑒬𑓂𑒪𑒹𑒭𑒝𑒰𑒞𑓂𑒧𑒏 𑒠𑒩𑓂𑒬𑒢 𑒫𑒮𑓂𑒞𑒳𑒏 𑒢𑒯𑒱, 𑒦𑒰𑒭𑒱𑒏 𑒏𑒟𑒢 𑒂 𑒁𑒫𑒡𑒰𑒩𑒝𑒰𑒏 𑒫𑒱𑒬𑓂𑒪𑒹𑒭𑒝 𑒏𑒩𑒻𑒞 𑒁𑒕𑒱 𑒮𑒹 𑒮𑒳𑒦𑒰𑒭𑒖𑒲𑒏 𑒏𑒟𑒰𑒧𑒹 𑒮𑒩𑓂𑒫𑒞𑓂𑒩 𑒠𑒹𑒐𑒥𑒰𑒧𑒹 𑒂𑒍𑒞। 𑒫𑒱𑒬𑓂𑒪𑒹𑒭𑒝𑒰𑒞𑓂𑒧𑒏 𑒁𑒟𑒫𑒰 𑒞𑒰𑒩𑓂𑒏𑒱𑒏 𑒣𑓂𑒩𑒞𑓂𑒨𑒏𑓂𑒭𑒫𑒰𑒠 𑒂 𑒁𑒮𑓂𑒞𑒱𑒞𑓂𑒫𑒫𑒰𑒠𑒏 𑒖𑒢𑓂𑒧 𑒫𑒱𑒖𑓂𑒘𑒰𑒢𑒏 𑒣𑓂𑒩𑒞𑒱 𑒣𑓂𑒩𑒞𑒱𑒏𑓂𑒩𑒱𑒨𑒰𑒏 𑒩𑒴𑒣𑒧𑒹 𑒦𑒹𑒪। 𑒋𑒯𑒱𑒮𑒿 𑒫𑒱𑒖𑓂𑒘𑒰𑒢𑒏 𑒠𑓂𑒫𑒱𑒁𑒩𑓂𑒟𑒲 𑒫𑒱𑒔𑒰𑒩𑒏𑒹𑒿 𑒮𑓂𑒣𑒭𑓂𑒙 𑒏𑒋𑒪 𑒑𑒹𑒪।
𑒣𑓂𑒩𑒒𑒙𑒢𑒰𑒬𑒰𑒮𑓂𑒞𑓂𑒩𑒧𑒹 𑒔𑒹𑒞𑒢𑒰𑒏 𑒣𑓂𑒩𑒠𑒞𑓂𑒞𑒏 𑒣𑓂𑒩𑒠𑒞𑓂𑒞 𑒩𑒴𑒣𑒧𑒹 𑒁𑒡𑓂𑒨𑒨𑒢 𑒯𑒼𑒃𑒞 𑒁𑒕𑒱। 𑒁𑒢𑒳𑒦𑒴𑒞𑒱 𑒫𑒱𑒬𑒱𑒭𑓂𑒙 𑒧𑒰𑒢𑒮𑒱𑒏 𑒏𑓂𑒩𑒱𑒨𑒰𑒏 𑒞𑒟𑓂𑒨𑒏 𑒢𑒱𑒩𑒲𑒏𑓂𑒭𑒝 𑒁𑒕𑒱। 𑒫𑒮𑓂𑒞𑒳𑒏𑒹𑒿 𑒢𑒱𑒩𑒣𑒹𑒏𑓂𑒭 𑒂 𑒫𑒱𑒬𑒳𑒠𑓂𑒡 𑒩𑒴𑒣𑒧𑒹 𑒠𑒹𑒐𑒥𑒰𑒏 𑒄 𑒧𑒰𑒡𑓂𑒨𑒧 𑒁𑒕𑒱। 𑒁𑒮𑓂𑒞𑒱𑒞𑓂𑒫𑒫𑒰𑒠𑒧𑒹 𑒧𑒢𑒳𑒭𑓂𑒨-𑒁𑒯𑒱 𑒧𑒰𑒞𑓂𑒩 𑒧𑒢𑒳𑒭𑓂𑒨 𑒁𑒕𑒱। 𑒍 𑒖𑒹 𑒏𑒱𑒕𑒳 𑒢𑒱𑒩𑓂𑒧𑒰𑒝 𑒏𑒩𑒻𑒞 𑒁𑒕𑒱 𑒍𑒯𑒱𑒮𑒿 𑒣𑒵𑒟𑒏 𑒍 𑒏𑒱𑒕𑒳 𑒢𑒯𑒱 𑒁𑒕𑒱, 𑒮𑓂𑒫𑒞𑓀𑒞𑓂𑒩 𑒯𑒼𑒋𑒥𑒰 𑒪𑒹𑒪 𑒁𑒦𑒱𑒬𑒣𑓂𑒞 𑒁𑒕𑒱 (𑒮𑒰𑒩𑓂𑒞𑓂𑒩)। 𑒯𑒹𑒑𑒹𑒪𑒏 𑒛𑒰𑒨𑒪𑒹𑒏𑓂𑒙𑒱𑒏𑓂𑒮 𑒠𑓂𑒫𑒰𑒩𑒰 𑒫𑒱𑒬𑓂𑒪𑒹𑒭𑒝 𑒂 𑒮𑓀𑒬𑓂𑒪𑒹𑒭𑒝𑒏 𑒁𑓀𑒞𑒯𑒲𑒢 𑒁𑓀𑒞𑒮𑓂𑒮𑓀𑒥𑓀𑒡 𑒠𑓂𑒫𑒰𑒩𑒰 𑒣𑓂𑒩𑒏𑓂𑒩𑒱𑒨𑒰𑒏 𑒑𑒳𑒝 𑒢𑒱𑒩𑓂𑒝𑒨 𑒂 𑒁𑒮𑓂𑒞𑒱𑒞𑓂𑒫 𑒢𑒱𑒩𑓂𑒝𑒨 𑒏𑒩𑒥𑒰𑒣𑒩 𑒖𑒼𑒩 𑒠𑒹𑒪𑒢𑓂𑒯𑒱। 𑒧𑒴𑒪𑒞𑒞𑓂𑒫 𑒖𑒞𑒹𑒏 𑒑𑒯𑒲𑓀𑒩 𑒯𑒼𑒋𑒞 𑒍𑒞𑒹𑒏 𑒮𑓂𑒫𑒩𑒴𑒣𑒮𑒿 𑒠𑒴𑒩 𑒩𑒯𑒞 𑒂 𑒫𑒰𑒮𑓂𑒞𑒫𑒱𑒏𑒞𑒰𑒮𑒿 𑒪𑒑।
𑒏𑓂𑒫𑒰𑒢𑓂𑒙𑒧 𑒮𑒱𑒠𑓂𑒡𑒰𑒢𑓂𑒞 𑒂 𑒁𑒢𑒮𑒩𑒙𑒹𑒢𑓂𑒙𑒲 𑒣𑓂𑒩𑒱𑒢𑓂𑒮𑒱𑒣𑒪 𑒮𑒹𑒯𑒼 𑒂𑒡𑒳𑒢𑒱𑒏 𑒔𑒱𑒢𑓂𑒞𑒢𑒏𑒹𑒿 𑒣𑓂𑒩𑒦𑒰𑒫𑒱𑒞 𑒏𑒋𑒢𑒹 𑒁𑒕𑒱। 𑒠𑒹𑒐𑒰𑒃 𑒣𑒛𑓃𑒋𑒥𑒪𑒰 𑒫𑒰𑒮𑓂𑒞𑒫𑒱𑒏𑒞𑒰 𑒮𑒿 𑒠𑒴𑒩 𑒦𑒲𑒞𑒩𑒏 𑒂 𑒥𑒰𑒯𑒩𑒏 𑒣𑓂𑒩𑒏𑓂𑒩𑒱𑒨𑒰 𑒮𑒦 𑒬𑒏𑓂𑒞𑒱-𑒆𑒩𑓂𑒖𑒰𑒏 𑒕𑒼𑒙 𑒞𑒞𑓂𑒫𑒏 𑒂𑒠𑒰𑒢-𑒣𑓂𑒩𑒠𑒰𑒢𑒮𑒿 𑒮𑒧𑓂𑒦𑒫 𑒯𑒼𑒃𑒞 𑒁𑒕𑒱। 𑒁𑒢𑒱𑒬𑓂𑒔𑒱𑒞𑒞𑒰𑒏 𑒮𑒱𑒠𑓂𑒡𑒰𑒢𑓂𑒞 𑒠𑓂𑒫𑒰𑒩𑒰 𑒮𑓂𑒟𑒱𑒞𑒱 𑒂 𑒮𑓂𑒫𑒩𑒴𑒣, 𑒁𑒢𑓂𑒠𑒰𑒖𑒮𑒿 𑒢𑒱𑒬𑓂𑒔𑒱𑒞 𑒏𑒩𑒋 𑒣𑒛𑓃𑒻𑒞 𑒁𑒕𑒱।
𑒞𑒲𑒢𑒮𑒿 𑒥𑒹𑒬𑒲 𑒛𑒰𑒃𑒧𑒹𑒢𑓂𑒮𑒢𑒏 𑒫𑒱𑒬𑓂𑒫𑒏 𑒣𑒩𑒱𑒏𑒪𑓂𑒣𑒢𑒰 𑒂 𑒮𑓂𑒙𑒲𑒤𑒢 𑒯𑒰𑒏𑒱𑒢𑓂𑒮𑒏 “𑒁 𑒥𑓂𑒩𑒱𑒤 𑒯𑒱𑒮𑓂𑒙𑓂𑒩𑒲 𑒂𑒤 𑒙𑒰𑒃𑒧” 𑒮𑒼𑒗𑒹-𑒮𑒼𑒗𑒲 𑒦𑒑𑒫𑒰𑒢𑒏 𑒁𑒮𑓂𑒞𑒱𑒞𑓂𑒫𑒏𑒹𑒿 𑒐𑒞𑒧 𑒏𑒋 𑒩𑒯𑒪 𑒁𑒕𑒱 𑒏𑒰𑒩𑒝 𑒋𑒯𑒱𑒮𑒿 𑒦𑒑𑒫𑒰𑒢𑒏 𑒧𑒵𑒞𑓂𑒨𑒳𑒏 𑒁𑒫𑒡𑒰𑒩𑒝𑒰 𑒮𑒹𑒯𑒼 𑒮𑒼𑒗𑒰𑒿 𑒂𑒋𑒪 𑒁𑒕𑒱, 𑒮𑒹 𑒋𑒐𑒢 𑒫𑒱𑒬𑓂𑒫𑒏 𑒢𑒱𑒨𑒢𑓂𑒞𑒰𑒏 𑒁𑒮𑓂𑒞𑒱𑒞𑓂𑒫 𑒐𑒞𑒩𑒰𑒧𑒹 𑒣𑒛𑓃𑒪 𑒁𑒕𑒱। 𑒦𑒑𑒫𑒰𑒢𑒏 𑒧𑒵𑒞𑓂𑒨𑒳 𑒂 𑒃𑒞𑒱𑒯𑒰𑒮𑒏 𑒮𑒧𑒰𑒣𑓂𑒞𑒱𑒏 𑒣𑒩𑒱𑒣𑓂𑒩𑒹𑒏𑓂𑒭𑓂𑒨𑒧𑒹 𑒧𑒻𑒟𑒱𑒪𑒲 𑒏𑒟𑒰 𑒏𑒯𑒱𑒨𑒰 𑒡𑒩𑒱 𑒐𑒱𑒮𑓂𑒮𑒰 𑒏𑒯𑒻𑒞 𑒩𑒯𑒞 ? 𑒪𑒒𑒳, 𑒁𑒞𑒱-𑒪𑒒𑒳 𑒏𑒟𑒰, 𑒏𑒟𑒰, 𑒑𑒪𑓂𑒣 𑒂𑒠𑒱𑒏 𑒫𑒱𑒬𑓂𑒪𑒹𑒭𑒝𑒧𑒹 𑒪𑒰𑒑𑒪 𑒩𑒯𑒞?
𑒖𑒹𑒢𑒰 𑒫𑒩𑓂𑒔𑒳𑒁𑒪 𑒩𑒱𑒁𑒪𑒱𑒙𑒲 𑒫𑒰𑒮𑓂𑒞𑒫𑒱𑒏𑒞𑒰 𑒏𑒹𑒿 𑒏𑒵𑒞𑓂𑒩𑒱𑒧 𑒩𑒴𑒣𑒹𑒿 𑒮𑒼𑒗𑒰𑒿 𑒂𑒢𑒱 𑒔𑒹𑒞𑒢𑒰𑒏𑒹𑒿 𑒍𑒏𑒩𑒰 𑒮𑓀𑒑 𑒋𑒏𑒰𑒏𑒰𑒩 𑒏𑒩𑒻𑒞 𑒁𑒕𑒱 𑒞𑒯𑒱𑒢𑒰 𑒥𑒱𑒢𑒰 𑒞𑒲𑒢𑒮𑒿 𑒥𑒹𑒬𑒲 𑒥𑒲𑒧𑒏 𑒣𑒩𑒱𑒏𑒪𑓂𑒣𑒢𑒰𑒏 𑒯𑒧 𑒣𑓂𑒩𑒏𑒰𑒬𑒏 𑒑𑒞𑒱𑒮𑒿 𑒖𑒹 𑒮𑒱𑒢𑓂𑒡𑒳𑒒𑒰𑒙𑒲 𑒮𑒦𑓂𑒨𑒞𑒰𑒮𑒿 𑒔𑒪𑒲 𑒞𑒿 𑒞𑒃𑒨𑒼 𑒥𑓂𑒩𑒯𑓂𑒧𑒰𑒝𑓂𑒛𑒏 𑒣𑒰𑒩 𑒂𑒃 𑒡𑒩𑒱 𑒢𑒯𑒱 𑒣𑒯𑒳𑒿𑒔𑒱 𑒮𑒏𑒥। 𑒄 𑒮𑒴𑒩𑓂𑒨 𑒁𑒩𑒥-𑒐𑒩𑒥 𑒂𑒢 𑒮𑒴𑒩𑓂𑒨𑒧𑒹𑒮𑒿 𑒋𑒏𑒙𑒰 𑒧𑒡𑓂𑒨𑒧 𑒏𑒼𑒙𑒱𑒏 𑒞𑒩𑒹𑒑𑒝- 𑒧𑒹𑒛𑒱𑒍𑒏𑒩 𑒮𑓂𑒙𑒰𑒩- 𑒁𑒕𑒱। 𑒍𑒯𑒱 𑒧𑒹𑒛𑒱𑒍𑒏𑒩 𑒮𑓂𑒙𑒰𑒩𑒏 𑒋𑒏𑒙𑒰 𑒑𑓂𑒩𑒯 𑒣𑒵𑒟𑓂𑒫𑒲 𑒂 𑒍𑒏𑒩 𑒋𑒏𑒙𑒰 𑒢𑒑𑒩-𑒑𑒰𑒧𑒧𑒹 𑒩𑒯𑒢𑒱𑒯𑒰𑒩 𑒯𑒧 𑒮𑒦 𑒁𑒣𑒢 𑒧𑒰𑒟𑒣𑒩 𑒯𑒰𑒟 𑒩𑒰𑒐𑒱 𑒔𑒱𑒢𑓂𑒞𑒱𑒞 𑒕𑒲 𑒖𑒹 𑒯𑒧𑒩 𑒮𑒧𑒮𑓂𑒨𑒰𑒮𑒿 𑒣𑒻𑒒 𑒏𑒏𑒩 𑒮𑒧𑒮𑓂𑒨𑒰 ? 𑒯𑒧𑒩 𑒏𑒟𑒰𑒏 𑒮𑒧𑒏𑓂𑒭 𑒄 𑒮𑒦 𑒫𑒻𑒖𑓂𑒘𑒰𑒢𑒱𑒏 𑒂 𑒠𑒰𑒩𑓂𑒬𑒢𑒱𑒏 𑒞𑒟𑓂𑒨 𑒔𑒳𑒢𑒾𑒞𑒲𑒏 𑒩𑒴𑒣𑒧𑒹 𑒂𑒋𑒪 𑒁𑒕𑒱।
𑒯𑒼𑒪𑒱𑒮𑓂𑒙𑒱𑒏 𑒂𑒏𑒱 𑒮𑒧𑓂𑒣𑒴𑒩𑓂𑒝𑒞𑒰𑒏 𑒮𑒧𑒢𑓂𑒫𑒨 𑒏𑒩𑒋 𑒣𑒛𑓃𑒞 ! 𑒄 𑒠𑒩𑓂𑒬𑒢 𑒠𑒰𑒩𑓂𑒬𑒢𑒱𑒏 𑒮𑒿 𑒫𑒰𑒮𑓂𑒞𑒫𑒱𑒏 𑒞𑒐𑒢𑒹 𑒥𑒢𑒞।
𑒣𑒼𑒮𑓂𑒙𑒮𑓂𑒙𑓂𑒩𑒏𑓂𑒔𑒩𑒪 𑒧𑒹𑒟𑒼𑒛𑒼𑒪𑒼𑒖𑒲 𑒦𑒰𑒭𑒰𑒏 𑒁𑒩𑓂𑒟, 𑒬𑒥𑓂𑒠, 𑒞𑒏𑒩 𑒁𑒩𑓂𑒟, 𑒫𑓂𑒨𑒰𑒏𑒩𑒝𑒏 𑒢𑒱𑒁𑒧 𑒮𑒿 𑒢𑒯𑒱 𑒫𑒩𑒢𑓂 𑒁𑒩𑓂𑒟 𑒢𑒱𑒩𑓂𑒧𑒰𑒝 𑒣𑓂𑒩𑒏𑓂𑒩𑒱𑒨𑒰𑒮𑒿 𑒪𑒑𑒥𑒻𑒞 𑒁𑒕𑒱। 𑒮𑒦 𑒞𑒩𑒯𑒏 𑒫𑓂𑒨𑒏𑓂𑒞𑒱, 𑒮𑒧𑒴𑒯 𑒪𑒹𑒪 𑒄 𑒫𑒱𑒦𑒱𑒢𑓂𑒢 𑒁𑒩𑓂𑒟 𑒡𑒰𑒩𑒝 𑒏𑒩𑒻𑒞 𑒁𑒕𑒱। 𑒦𑒰𑒭𑒰 𑒂 𑒫𑒱𑒬𑓂𑒫𑒧𑒹 𑒏𑒼𑒢𑒼 𑒁𑒢𑓂𑒞𑒱𑒧 𑒮𑒧𑓂𑒥𑒢𑓂𑒡 𑒢𑒯𑒱 𑒯𑒼𑒃𑒞 𑒁𑒕𑒱। 𑒬𑒥𑓂𑒠 𑒂 𑒍𑒏𑒩 𑒣𑒰𑒚 𑒏𑒹𑒩 𑒁𑒢𑓂𑒞𑒱𑒧 𑒁𑒩𑓂𑒟 𑒫𑒰 𑒁𑒣𑒢 𑒫𑒱𑒬𑒱𑒭𑓂𑒙 𑒁𑒩𑓂𑒟 𑒢𑒯𑒱 𑒯𑒼𑒃𑒞 𑒁𑒕𑒱।
𑒂𑒡𑒳𑒢𑒱𑒏 𑒂 𑒅𑒞𑓂𑒞𑒩 𑒂𑒡𑒳𑒢𑒱𑒏 𑒞𑒩𑓂𑒏, 𑒫𑒰𑒮𑓂𑒞𑒫𑒱𑒏𑒞𑒰, 𑒮𑒧𑓂𑒫𑒰𑒠 𑒂 𑒫𑒱𑒔𑒰𑒩𑒏 𑒂𑒠𑒰𑒢-𑒣𑓂𑒩𑒠𑒰𑒢𑒮𑒿 𑒂𑒡𑒳𑒢𑒱𑒏𑒞𑒰𑒏 𑒖𑒢𑓂𑒧 𑒦𑒹𑒪 । 𑒧𑒳𑒠𑒰 𑒤𑒹𑒩 𑒢𑒫-𑒫𑒰𑒧𑒣𑓀𑒟𑒲 𑒂𑒢𑓂𑒠𑒼𑒪𑒢 𑒤𑓂𑒩𑒰𑓀𑒮𑒧𑒹 𑒂𑒋𑒪 𑒂 𑒮𑒩𑓂𑒫𑒢𑒰𑒬𑒫𑒰𑒠 𑒂 𑒁𑒩𑒰𑒖𑒏𑒞𑒰𑒫𑒰𑒠 𑒂𑒢𑓂𑒠𑒼𑒪𑒢 𑒮𑒢 𑒫𑒱𑒔𑒰𑒩𑒡𑒰𑒩𑒰 𑒮𑒹𑒯𑒼 𑒂𑒋𑒪। 𑒄 𑒮𑒦 𑒂𑒡𑒳𑒢𑒱𑒏 𑒫𑒱𑒔𑒰𑒩-𑒣𑓂𑒩𑒏𑓂𑒩𑒱𑒨𑒰 𑒣𑓂𑒩𑒝𑒰𑒪𑒲 𑒍𑒏𑒩 𑒂𑒮𑓂𑒟𑒰-𑒁𑒫𑒡𑒰𑒩𑒝𑒰𑒮𑒿 𑒥𑒯𑒰𑒩 𑒦𑒹𑒪 𑒁𑒫𑒱𑒬𑓂𑒫𑒰𑒮𑒣𑒩 𑒂𑒡𑒰𑒩𑒱𑒞 𑒕𑒪।
𑒣𑒰𑒚𑒧𑒹 𑒢𑒳𑒏𑒰𑒋𑒪 𑒁𑒩𑓂𑒟𑒏 𑒮𑓂𑒟𑒰𑒢-𑒏𑒰𑒪 𑒮𑓀𑒠𑒩𑓂𑒦𑒏 𑒣𑒩𑒱𑒣𑓂𑒩𑒹𑒏𑓂𑒭𑓂𑒨𑒧𑒹 𑒫𑓂𑒨𑒰𑒐𑓂𑒨𑒰 𑒬𑒳𑒩𑒴 𑒦𑒹𑒪 𑒂 𑒦𑒰𑒭𑒰𑒏𑒹𑒿 𑒐𑒹𑒪𑒏 𑒧𑒰𑒡𑓂𑒨𑒧 𑒥𑒢𑒰𑒍𑒪 𑒑𑒹𑒪- 𑒪𑓀𑒑𑒳𑒋𑒖 𑒑𑒹𑒧। 𑒂 𑒋𑒯𑒱 𑒮𑒦 𑒮𑒞𑓂𑒞𑒰𑒏 𑒂 𑒫𑒻𑒡𑒞𑒰 𑒂 𑒍𑒏𑒩 𑒮𑓂𑒞𑒩𑒲𑒏𑒩𑒝𑒏 𑒂𑒪𑒼𑒔𑒢𑒰𑒏 𑒩𑒴𑒣𑒧𑒹 𑒂𑒋𑒪 𑒣𑒼𑒮𑓂𑒙𑒧𑒰𑒛𑒩𑓂𑒢𑒱𑒖𑓂𑒧।
𑒏𑓀𑒣𑓂𑒨𑒳𑒙𑒩 𑒂 𑒮𑒴𑒔𑒢𑒰 𑒏𑓂𑒩𑒰𑒢𑓂𑒞𑒱 𑒖𑒰𑒯𑒱𑒧𑒹 𑒏𑒼𑒢𑒼 𑒞𑓀𑒞𑓂𑒩𑒰𑓀𑒬𑒏 𑒢𑒱𑒩𑓂𑒧𑒰𑒞𑒰 𑒍𑒏𑒩 𑒢𑒱𑒩𑓂𑒧𑒰𑒝 𑒏𑒋 𑒍𑒏𑒩𑒰 𑒫𑒱𑒬𑓂𑒫𑒫𑓂𑒨𑒰𑒣𑒲 𑒁𑒢𑓂𑒞𑒩𑓂𑒖𑒰𑒪𑒣𑒩 𑒩𑒰𑒐𑒱 𑒠𑒻𑒞 𑒕𑒟𑒱 𑒂 𑒍 𑒞𑓀𑒞𑓂𑒩𑒰𑓀𑒬 𑒁𑒣𑒢 𑒢𑒱𑒩𑓂𑒧𑒰𑒞𑒰𑒮𑒿 𑒮𑓂𑒫𑒞𑓀𑒞𑓂𑒩 𑒁𑒣𑒢 𑒏𑒰𑒖 𑒏𑒩𑒻𑒞 𑒩𑒯𑒻𑒞 𑒁𑒕𑒱, 𑒏𑒱𑒕𑒳 𑒍𑒯𑒢𑒼 𑒏𑒰𑒩𑓂𑒨 𑒖𑒹 𑒋𑒏𑒩 𑒢𑒱𑒩𑓂𑒧𑒰𑒞𑒰 𑒍𑒏𑒩𑒰 𑒪𑒹𑒪 𑒢𑒱𑒩𑓂𑒧𑒱𑒞 𑒢𑒯𑒱 𑒏𑒋𑒢𑒹 𑒕𑒟𑒱। 𑒂 𑒏𑒱𑒕𑒳 𑒯𑒮𑓂𑒞𑒏𑓂𑒭𑒹𑒣-𑒞𑓀𑒞𑓂𑒩𑒰𑓀𑒬 𑒖𑒹𑒢𑒰 𑒫𑒰𑒨𑒩𑒮, 𑒋𑒏𑒩𑒰 𑒧𑒰𑒩𑓂𑒑𑒮𑒿 𑒯𑒙𑒰𑒥𑒻𑒞 𑒁𑒕𑒱, 𑒫𑒱𑒡𑓂𑒫𑓀𑒮𑒏 𑒥𑒢𑒥𑒻𑒞 𑒁𑒕𑒱 𑒞𑒿 𑒋𑒯𑒱 𑒫𑒰𑒨𑒩𑒮𑒏 𑒋𑓀𑒙𑒲 𑒫𑒰𑒨𑒩𑒮 𑒮𑒹𑒯𑒼 𑒋𑒏𑒙𑒰 𑒞𑓀𑒞𑓂𑒩𑒰𑓀𑒬 𑒁𑒕𑒱, 𑒖𑒹 𑒍𑒏𑒩𑒰 𑒚𑒲𑒏 𑒏𑒩𑒻𑒞 𑒁𑒕𑒱 𑒂 𑒖𑒹 𑒍𑒏𑒩𑒼 𑒮𑒿 𑒚𑒲𑒏 𑒢𑒯𑒱 𑒯𑒼𑒃𑒞 𑒁𑒕𑒱 𑒞𑒐𑒢 𑒏𑒧𑓂𑒣𑓂𑒨𑒳𑒙𑒩𑒏 𑒥𑒻𑒏𑒣 𑒪𑒋 𑒍𑒏𑒩𑒰 𑒤𑒰𑒩𑓂𑒧𑒹𑒙 𑒏𑒋 𑒠𑒹𑒪 𑒖𑒰𑒃𑒞 𑒁𑒕𑒱- 𑒏𑓂𑒪𑒲𑒢 𑒮𑓂𑒪𑒹𑒙 !
𑒣𑒴𑒿𑒖𑒲𑒫𑒰𑒠𑒏 𑒖𑒢𑒧 𑒦𑒹𑒪 𑒎𑒠𑓂𑒨𑒼𑒑𑒱𑒏 𑒏𑓂𑒩𑒰𑒢𑓂𑒞𑒱𑒮𑒿 𑒂 𑒂𑒥 𑒣𑒼𑒮𑓂𑒙 𑒃𑒢𑓂𑒛𑒮𑓂𑒙𑓂𑒩𑒱𑒨𑒪 𑒮𑒧𑒰𑒖𑒧𑒹 𑒅𑒞𑓂𑒣𑒰𑒠𑒢𑒏 𑒥𑒠𑒪𑒰 𑒮𑒴𑒔𑒢𑒰 𑒂 𑒮𑓀𑒔𑒰𑒩𑒏 𑒧𑒯𑒞𑓂𑒫 𑒥𑒜𑓃𑒱 𑒑𑒹𑒪 𑒁𑒕𑒱, 𑒮𑓀𑒑𑒝𑒏𑒏 𑒦𑒴𑒧𑒱𑒏𑒰 𑒮𑒧𑒰𑒖𑒧𑒹 𑒥𑒜𑓃𑒱 𑒑𑒹𑒪 𑒁𑒕𑒱। 𑒧𑒼𑒥𑒰𑒃𑒪, 𑒏𑓂𑒩𑒹𑒛𑒱𑒙-𑒏𑒰𑒩𑓂𑒛 𑒂 𑒮𑒦 𑒋𑒯𑒢 𑒫𑒮𑓂𑒞𑒳 𑒔𑒱𑒣𑓂𑒮 𑒂𑒡𑒰𑒩𑒱𑒞 𑒁𑒕𑒱। 𑒋𑒯𑒱 𑒥𑒹𑒩𑒳𑒏𑒰 (𑓒𑓐𑓐𑓘) 𑒏𑒼𑒮𑒲𑒏 𑒥𑒰𑒜𑓃𑒱𑒧𑒹 𑒁𑒢𑒪𑒏𑒰𑒢𑓂𑒞𑒖𑒲 𑒑𑒰𑒧𑒧𑒹 𑒤𑒰𑒿𑒮𑒪 𑒕𑒪𑒰𑒯, 𑒦𑒼𑒖𑒢 𑒪𑒹𑒪 𑒧𑒰𑒩𑒱 𑒣𑒛𑓃𑒻𑒞 𑒩𑒯𑒋 𑒧𑒳𑒠𑒰 𑒏𑓂𑒩𑒹𑒛𑒱𑒙 𑒏𑒰𑒩𑓂𑒛𑒮𑒿 𑒋.𑒮𑒲.𑒙𑒱𑒏𑒙 𑒥𑒳𑒏 𑒦𑒋 𑒑𑒹𑒪𑒢𑓂𑒯𑒱। 𑒧𑒱𑒟𑒱𑒪𑒰𑒏 𑒮𑒧𑒰𑒖𑒧𑒹 𑒮𑒴𑒔𑒢𑒰 𑒂 𑒮𑓀𑒑𑒝𑒏𑒏 𑒦𑒴𑒧𑒱𑒏𑒰𑒏 𑒂𑒩 𑒏𑒼𑒢 𑒠𑒼𑒮𑒩 𑒅𑒠𑒰𑒯𑒩𑒝 𑒔𑒰𑒯𑒲?
𑒛𑒲 𑒏𑒢𑓂𑒮𑒙𑓂𑒩𑒏𑓂𑒬𑒢 𑒂 𑒩𑒲 𑒏𑒢𑓂𑒮𑒙𑓂𑒩𑒏𑓂𑒬𑒢 𑒫𑒱𑒔𑒰𑒩 𑒩𑒔𑒢𑒰 𑒣𑓂𑒩𑒏𑓂𑒩𑒱𑒨𑒰𑒏 𑒣𑒳𑒢𑒩𑓂𑒑𑒚𑒢 𑒏𑒹𑒿 𑒠𑒹𑒐𑒥𑒻𑒞 𑒁𑒕𑒱 𑒖𑒹 𑒅𑒞𑓂𑒞𑒩 𑒎𑒠𑓂𑒨𑒼𑒑𑒱𑒏 𑒏𑒰𑒪𑒧𑒹 𑒔𑒹𑒞𑒢𑒰𑒏 𑒢𑒱𑒩𑓂𑒧𑒰𑒝 𑒢𑒫 𑒩𑒴𑒣𑒧𑒹 𑒦𑓄 𑒩𑒯𑒪 𑒁𑒕𑒱। 𑒃𑒞𑒱𑒯𑒰𑒮 𑒞𑒿 𑒢𑒯𑒱 𑒧𑒳𑒠𑒰 𑒣𑒩𑒧𑓂𑒣𑒩𑒰𑒑𑒞 𑒃𑒞𑒱𑒯𑒰𑒮𑒏 𑒁𑒢𑓂𑒞 𑒦𑓄 𑒑𑒹𑒪 𑒁𑒕𑒱। 𑒩𑒰𑒖𑓂𑒨, 𑒫𑒩𑓂𑒑, 𑒩𑒰𑒭𑓂𑒙𑓂𑒩, 𑒠𑒪, 𑒮𑒧𑒰𑒖, 𑒣𑒩𑒱𑒫𑒰𑒩, 𑒢𑒻𑒞𑒱𑒏𑒞𑒰, 𑒫𑒱𑒫𑒰𑒯 𑒮𑒦 𑒤𑒹𑒩𑒮𑒿 𑒣𑒩𑒱𑒦𑒰𑒭𑒱𑒞 𑒏𑒋𑒪 𑒖𑒰 𑒩𑒯𑒪 𑒁𑒕𑒱। 𑒧𑒰𑒩𑒞𑒹 𑒩𑒰𑒮 𑒣𑒩𑒱𑒫𑒩𑓂𑒞𑒢𑒏 𑒣𑒩𑒱𑒝𑒰𑒧𑒮𑒿, 𑒫𑒱𑒐𑓀𑒛𑒱𑒞 𑒦𑒋 𑒮𑒢𑓂𑒠𑒩𑓂𑒦𑒯𑒲𑒢 𑒦𑓄 𑒑𑒹𑒪 𑒁𑒕𑒱 𑒏𑒞𑒹𑒏 𑒮𑓀𑒮𑓂𑒟𑒰।

𑒋𑒯𑒱 𑒣𑒩𑒱𑒣𑓂𑒩𑒹𑒏𑓂𑒭𑓂𑒨𑒧𑒹 𑒧𑒻𑒟𑒱𑒪𑒲 𑒏𑒟𑒰 𑒑𑒰𑒟𑒰𑒣𑒩 𑒮𑒹𑒯𑒼 𑒋𑒏𑒙𑒰 𑒑𑒯𑒱𑓀𑒏𑒲 𑒢𑒖𑒩𑒱 𑒠𑒾𑒑𑒰𑒥𑒲।
𑒩𑒰𑒧𑒠𑒹𑒫 𑒗𑒰 𑒖𑒪𑒡𑒩 𑒗𑒰𑒏 “𑒫𑒱𑒪𑒏𑓂𑒭𑒝 𑒠𑒰𑒧𑓂𑒣𑒞𑓂𑒨” (𑒧𑒻𑒟𑒱𑒪 𑒯𑒱𑒞 𑒮𑒰𑒡𑒢, 𑒖𑒨𑒣𑒳𑒩, 𑓑𑓙𑓐𑓖 𑒄.) 𑒏𑒹𑒿 𑒧𑒻𑒟𑒱𑒪𑒲𑒏 𑒂𑒡𑒳𑒢𑒱𑒏 𑒏𑒟𑒰𑒏 𑒣𑓂𑒩𑒰𑒩𑒧𑓂𑒦 𑒧𑒰𑒢𑒪𑒢𑓂𑒯𑒱 । 𑒣𑒳𑒪𑒏𑒱𑒞 𑒧𑒱𑒬𑓂𑒩𑒏 “𑒧𑒼𑒯𑒱𑒢𑒲 𑒧𑒼𑒯𑒢” (𑓑𑓙𑓐𑓗-𑓐𑓘), 𑒖𑒢𑒮𑒲𑒠𑒢𑒏 “𑒞𑒰𑒩𑒰𑒏 𑒫𑒻𑒡𑒫𑓂𑒨” (𑒧𑒱𑒟𑒱𑒪𑒰 𑒧𑒱𑒯𑒱𑒩, 𑓑𑓙𑓑𑓗 𑒄.), 𑒬𑓂𑒩𑒲𑒏𑒵𑒭𑓂𑒝 𑒚𑒰𑒏𑒳𑒩𑒏 𑒔𑒢𑓂𑒠𑓂𑒩𑒣𑓂𑒩𑒦𑒰, 𑒞𑒳𑒪𑒰𑒣𑒞𑒱 𑒮𑒱𑓀𑒯𑒏 𑒧𑒠𑒢𑒩𑒰𑒖 𑒔𑒩𑒱𑒞, 𑒏𑒰𑒪𑒲 𑒏𑒳𑒧𑒰𑒩 𑒠𑒰𑒮𑒏 𑒁𑒠𑒪𑒰𑒏 𑒥𑒠𑒪𑒰 𑒂 𑒏𑒰𑒧𑒱𑒢𑒲𑒏 𑒖𑒲𑒫𑒢, 𑒬𑓂𑒨𑒰𑒧𑒰𑒢𑒢𑓂𑒠 𑒗𑒰𑒏 𑒁𑒏𑒱𑒘𑓂𑒔𑒢, 𑒬𑓂𑒩𑒲 𑒥𑒪𑓂𑒪𑒦 𑒗𑒰𑒏 𑒫𑒱𑒪𑒰𑒮𑒱𑒞𑒰, 𑒯𑒩𑒱𑒢𑒢𑓂𑒠𑒢 𑒚𑒰𑒏𑒳𑒩 “𑒮𑒩𑒼𑒖”𑒏 𑒄𑒬𑓂𑒫𑒩𑒲𑒨 𑒩𑒏𑓂𑒭𑒰, 𑒬𑒰𑒩𑒠𑒰𑒢𑒢𑓂𑒠 𑒚𑒰𑒏𑒳𑒩 “𑒫𑒱𑒢𑒨”𑒏 𑒞𑒰𑒩𑒰 𑒂 𑒬𑓂𑒨𑒰𑒧 𑒮𑒳𑒢𑓂𑒠𑒩 𑒗𑒰 “𑒧𑒡𑒳𑒣”𑒏 𑒣𑓂𑒩𑒞𑒱𑒖𑓂𑒘𑒰-𑒣𑒞𑓂𑒩, 𑒫𑒻𑒠𑓂𑒨𑒢𑒰𑒟 𑒧𑒱𑒬𑓂𑒩 “𑒫𑒱𑒠𑓂𑒨𑒰𑒮𑒱𑒢𑓂𑒡𑒳”𑒏 𑒑𑒣𑓂𑒣-𑒮𑒣𑓂𑒣𑒏 𑒐𑒩𑒱𑒯𑒰𑒢 𑒂 𑒣𑓂𑒩𑒥𑒼𑒡 𑒢𑒰𑒩𑒰𑒨𑒝 𑒮𑒱𑓀𑒯𑒏 𑒥𑒲𑒕𑒪 𑒤𑒴𑒪 𑒂𑒋𑒪। 𑒯𑒩𑒱𑒧𑒼𑒯𑒢 𑒗𑒰𑒏 𑒏𑒟𑒰 𑒂 𑒨𑒰𑒞𑓂𑒩𑒲𑒏 𑒅𑒣𑒢𑓂𑒨𑒰𑒮𑒱𑒏𑒰, 𑒩𑒰𑒖𑒏𑒧𑒪 𑒔𑒾𑒡𑒩𑒲, 𑒪𑒪𑒱𑒞, 𑒩𑒰𑒧𑒠𑒹𑒫 𑒗𑒰, 𑒥𑒪𑒩𑒰𑒧, 𑒣𑓂𑒩𑒦𑒰𑒮 𑒏𑒳𑒧𑒰𑒩 𑒔𑒾𑒡𑒩𑒲, 𑒡𑒴𑒧𑒏𑒹𑒞𑒳, 𑒩𑒰𑒖𑒧𑒼𑒯𑒢 𑒗𑒰, 𑒮𑒰𑒏𑒹𑒞𑒰𑒢𑒢𑓂𑒠, 𑒫𑒱𑒦𑒴𑒞𑒱 𑒂𑒢𑒢𑓂𑒠, 𑒮𑒳𑒢𑓂𑒠𑒩 𑒗𑒰 “𑒬𑒰𑒮𑓂𑒞𑓂𑒩𑒲”, 𑒡𑒲𑒩𑒹𑒢𑓂𑒠𑓂𑒩, 𑒩𑒰𑒖𑒹𑒢𑓂𑒠𑓂𑒩 𑒏𑒱𑒬𑒼𑒩, 𑒩𑒹𑒫𑒞𑒲 𑒩𑒧𑒝 𑒪𑒰𑒪, 𑒩𑒰𑒖𑒹𑒢𑓂𑒠𑓂𑒩 𑒫𑒱𑒧𑒪, 𑒩𑒰𑒧𑒦𑒠𑓂𑒩, 𑒁𑒬𑒼𑒏, 𑒬𑒱𑒫𑒬𑓀𑒏𑒩 𑒬𑓂𑒩𑒲𑒢𑒱𑒫𑒰𑒮, 𑒣𑓂𑒩𑒠𑒲𑒣 𑒥𑒱𑒯𑒰𑒩𑒲, 𑒩𑒧𑒹𑒬, 𑒧𑒰𑒢𑒹𑒬𑓂𑒫𑒩 𑒧𑒢𑒳𑒖, 𑒬𑓂𑒨𑒰𑒧 𑒠𑒩𑒱𑒯𑒩𑒹, 𑒏𑒳𑒧𑒰𑒩 𑒣𑒫𑒢, 𑒁𑒢𑒧𑒼𑒪 𑒗𑒰, 𑒧𑒱𑒟𑒱𑒪𑒹𑒬 𑒏𑒳𑒧𑒰𑒩 𑒗𑒰, 𑒯𑒩𑒱𑒬𑓂𑒔𑒢𑓂𑒠𑓂𑒩 𑒗𑒰, 𑒅𑒣𑒰𑒡𑓂𑒨𑒰𑒨 𑒦𑒴𑒭𑒝, 𑒩𑒰𑒧𑒦𑒩𑒼𑒮 𑒏𑒰𑒣𑒛𑓃𑒱 “𑒦𑓂𑒩𑒧𑒩”, 𑒦𑒳𑒫𑒢𑒹𑒬𑓂𑒫𑒩 𑒣𑒰𑒟𑒹𑒨, 𑒥𑒠𑒩𑒲 𑒢𑒰𑒩𑒰𑒨𑒝 𑒥𑒩𑓂𑒧𑒰, 𑒁𑒨𑒼𑒡𑓂𑒨𑒰𑒢𑒰𑒟 𑒔𑒾𑒡𑒩𑒲, 𑒩𑒰.𑒢𑒰.𑒮𑒳𑒡𑒰𑒏𑒩, 𑒖𑒲𑒞𑒹𑒢𑓂𑒠𑓂𑒩 𑒖𑒲𑒞, 𑒮𑒳𑒩𑒹𑒢𑓂𑒠𑓂𑒩 𑒪𑒰𑒦, 𑒖𑒨𑒢𑒰𑒩𑒰𑒨𑒝 𑒗𑒰 “𑒖𑒱𑒖𑓂𑒘𑒰𑒮𑒳”, 𑒬𑓂𑒨𑒰𑒧 𑒮𑒳𑒢𑓂𑒠𑒩 “𑒬𑒬𑒱”, 𑒩𑒧𑒹𑒬 𑒩𑒘𑓂𑒖𑒢, 𑒡𑒲𑒩𑒹𑒢𑓂𑒠𑓂𑒩 𑒣𑓂𑒩𑒹𑒧𑒩𑓂𑒭𑒱, 𑒣𑒩𑒧𑒹𑒬𑓂𑒫𑒩 𑒏𑒰𑒣𑒛𑓃𑒱, 𑒞𑒰𑒩𑒰𑒢𑒢𑓂𑒠 𑒫𑒱𑒨𑒼𑒑𑒲, 𑒢𑒰𑒑𑒹𑒢𑓂𑒠𑓂𑒩 𑒏𑒳𑒧𑒩, 𑒁𑒧𑒩𑒢𑒰𑒟, 𑒠𑒹𑒫𑒬𑓀𑒏𑒩 𑒢𑒫𑒲𑒢, 𑒁𑒢𑒪𑒏𑒰𑒢𑓂𑒞, 𑒬𑓂𑒩𑒲𑒡𑒩𑒧, 𑒢𑒲𑒞𑒰 𑒗𑒰, 𑒫𑒱𑒦𑒰 𑒩𑒰𑒢𑒲, 𑒅𑒭𑒰𑒏𑒱𑒩𑒝 𑒐𑒰𑒢, 𑒮𑒳𑒮𑓂𑒧𑒱𑒞𑒰 𑒣𑒰𑒚𑒏, 𑒬𑒹𑒤𑒰𑒪𑒱𑒏𑒰 𑒫𑒩𑓂𑒧𑒰, 𑒖𑓂𑒨𑒼𑒞𑓂𑒮𑒢𑒰 𑒔𑒢𑓂𑒠𑓂𑒩𑒧, 𑒪𑒰𑒪𑒣𑒩𑒲 𑒠𑒹𑒫𑒲 𑒋𑒯𑒱 𑒨𑒰𑒞𑓂𑒩𑒰𑒏𑒹𑒿 𑒂𑒑𑒰𑒿 𑒥𑒜𑓃𑒹𑒪𑒢𑓂𑒯𑒱।
𑒧𑒻𑒟𑒱𑒪𑒲𑒧𑒹 𑒢𑒲𑒏 𑒏𑒟𑒰 𑒢𑒯𑒱, 𑒢𑒲𑒏 𑒢𑒰𑒙𑒏 𑒢𑒯𑒱? 𑒧𑒻𑒟𑒱𑒪𑒲𑒧𑒹 𑒫𑓂𑒨𑒰𑒏𑒩𑒝 𑒢𑒯𑒱? 𑒣𑒢𑒱𑒮𑒼𑒯 𑒂 𑒣𑒢𑒱𑒑𑒩 𑒋𑒯𑒱 𑒞𑒩𑒯𑒏 𑒫𑒱𑒬𑓂𑒪𑒹𑒭𑒝 𑒏𑒞𑒋 𑒁𑒕𑒱 𑒧𑒻𑒟𑒱𑒪𑒲 𑒫𑓂𑒨𑒰𑒏𑒩𑒝 𑒧𑒹, 𑒫𑒻𑒯 𑒁𑒢𑒪, 𑒣𑒰𑒫𑒏 𑒮𑒦 𑒁𑒕𑒱 ! 𑒧𑒳𑒠𑒰 𑒠𑒲𑒢𑒥𑒢𑓂𑒡𑒳 𑒗𑒰𑒏 𑒡𑒰𑒞𑒳 𑒩𑒴𑒣 𑒣𑒼𑒟𑒲𑒧𑒹 𑒖𑒹 𑓑𑓐𑓒𑓕 𑒙𑒰 𑒋𑒯𑒱 𑒞𑒩𑒯𑒏 𑒐𑒰𑒿𑒙𑒲 𑒩𑒴𑒣 𑒁𑒕𑒱, 𑒩𑒧𑒰𑒢𑒟 𑒗𑒰𑒏 𑒧𑒱𑒟𑒱𑒪𑒰𑒦𑒰𑒭𑒰𑒣𑓂𑒩𑒏𑒰𑒬𑒧𑒹 𑒖𑒹 𑒐𑒰𑒿𑒙𑒲 𑒧𑒻𑒟𑒱𑒪𑒲 𑒫𑓂𑒨𑒰𑒏𑒩𑒝 𑒁𑒕𑒱, 𑒄 𑒠𑒳𑒢𑒴 𑒩𑒱𑒮𑒼𑒩𑓂𑒮 𑒥𑒳𑒏 𑒪𑒋 𑒧𑒰𑒢𑒏𑒲𑒏𑒩𑒝 𑒂 𑒫𑓂𑒨𑒰𑒏𑒩𑒝𑒏 𑒢𑒱𑒩𑓂𑒧𑒰𑒝 𑒮𑒩𑓂𑒫𑒟𑒰 𑒮𑓀𑒦𑒫 𑒁𑒕𑒱। 𑒧𑒳𑒠𑒰 𑒦𑓄 𑒩𑒯𑒪 𑒁𑒕𑒱 𑒄 𑒖𑒹 𑒣𑒰𑒢𑒲𑒣𑒞𑒏 𑒣𑒯𑒱𑒪 𑒨𑒳𑒠𑓂𑒡𑒏 𑒫𑒱𑒬𑓂𑒪𑒹𑒭𑒝𑒧𑒹 𑒄 𑒪𑒱𑒐𑒲 𑒖𑒹 𑒣𑒰𑒢𑒲𑒣𑒞 𑒂 𑒥𑒰𑒥𑒩𑒏 𑒥𑒲𑒔𑒧𑒹 𑒨𑒳𑒠𑓂𑒡 𑒦𑒹𑒪। 𑒩𑒰𑒧𑒦𑒠𑓂𑒩𑒏𑒹𑓀 𑒡𑒲𑒩𑒹𑒢𑓂𑒠𑓂𑒩 𑒮𑒩𑓂𑒫𑒬𑓂𑒩𑒹𑒭𑓂𑒚 𑒧𑒻𑒟𑒱𑒪𑒲 𑒏𑒟𑒰𑒏𑒰𑒩𑒏 𑒩𑒴𑒣𑒧𑒹 𑒫𑒩𑓂𑒝𑒱𑒞 𑒏𑒋𑒢𑒹 𑒕𑒟𑒱, 𑒧𑒳𑒠𑒰 𑒋𑒐𑒢 𑒡𑒩𑒱 𑒯𑒳𑒢𑒏𑒩 𑒏𑒋𑒏 𑒙𑒰 𑒏𑒟𑒰𑒏 𑒫𑒱𑒬𑓂𑒪𑒹𑒭𑒝 𑒏𑒋𑒪 𑒑𑒹𑒪 𑒁𑒕𑒱 ? 𑒢𑒔𑒱𑒏𑒹𑒞𑒰𑒏 𑒢𑒰𑒙𑒏 𑒂 𑒧𑒻𑒟𑒱𑒪𑒲𑒏 𑒮𑒹𑒏𑓂𑒮𑒣𑒱𑒁𑒩 𑒧𑒯𑒹𑒢𑓂𑒠𑓂𑒩 𑒧𑒪𑓀𑒑𑒱𑒨𑒰𑒏 𑒏𑒰𑒖𑒏 𑒂 𑒩𑒰𑒧𑒦𑒠𑓂𑒩 𑒂 𑒮𑒳𑒦𑒰𑒭 𑒔𑒢𑓂𑒠𑓂𑒩 𑒨𑒰𑒠𑒫𑒏 𑒏𑒟𑒰 𑒨𑒰𑒞𑓂𑒩𑒰𑒏 𑒮𑒢𑓂𑒠𑒩𑓂𑒦𑒧𑒹 𑒄 𑒑𑒣 𑒏𑒯𑒥 𑒂𑒫𑒬𑓂𑒨𑒏 𑒕𑒪।
𑒖𑒰𑒯𑒱 𑒮𑒧𑒨 𑒧𑒻𑒟𑒱𑒪𑒲𑒏 𑒮𑒧𑒮𑓂𑒨𑒰 𑒒𑒩-𑒒𑒩𑒮𑒿 𑒧𑒻𑒟𑒱𑒪𑒲𑒏 𑒢𑒱𑒭𑓂𑒏𑒰𑒮𑒢 𑒁𑒕𑒱, 𑒖𑒐𑒢 𑒯𑒱𑒢𑓂𑒠𑒲𑒧𑒹 𑒋𑒏 𑒯𑒰𑒟 𑒁𑒖𑒧𑒹𑒪𑒰𑒏 𑒥𑒰𑒠 𑒢𑒰𑒧 𑒢𑒯𑒱 𑒦𑒹𑒪𑒰 𑒅𑒞𑓂𑒞𑒩 𑒪𑒼𑒏 𑒧𑒻𑒟𑒱𑒪𑒲𑒏 𑒏𑒟𑒰-𑒏𑒫𑒱𑒞𑒰 𑒪𑒱𑒐𑒱 𑒂 𑒮𑒧𑓂𑒣𑒰𑒠𑒏-𑒂𑒪𑒼𑒔𑒏 𑒦𑒋, 𑒁𑒣𑒢 𑒧𑒯𑒞𑓂𑒫𑒰𑒏𑒰𑓀𑒏𑓂𑒭𑒰𑒏 𑒦𑒰𑒩𑒮𑒿 𑒧𑒻𑒟𑒱𑒪𑒲 𑒏𑒟𑒰-𑒏𑒫𑒱𑒞𑒰𑒏 𑒫𑒰𑒞𑒰𑒫𑒩𑒝𑒏𑒹𑒿 𑒦𑒩𑒱𑒨𑒰 𑒩𑒯𑒪 𑒕𑒟𑒱, 𑒧𑒰𑒩𑓂𑒏𑓂𑒮𑒫𑒰𑒠, 𑒤𑒹𑒧𑒱𑒢𑒱𑒖𑓂𑒧 𑒂 𑒡𑒩𑓂𑒧𑒢𑒱𑒩𑒣𑒹𑒏𑓂𑒭𑒞𑒰 𑒒𑒼𑒮𑒱𑒨𑒰-𑒒𑒼𑒮𑒱𑒨𑒰 𑒏𑒋 𑒏𑒟𑒰-𑒏𑒫𑒱𑒞𑒰𑒧𑒹 𑒦𑒩𑒪 𑒖𑒰 𑒩𑒯𑒪 𑒁𑒕𑒱, 𑒞𑒐𑒢 𑒮𑓂𑒞𑒩𑒏 𑒢𑒱𑒩𑓂𑒡𑒰𑒩𑒝 𑒮𑒋𑒯 𑒏𑓄 𑒩𑒯𑒪 𑒁𑒕𑒱, 𑒮𑓂𑒞𑒩𑒯𑒲𑒢𑒞𑒰𑒏 𑒥𑒹𑒜𑓃 𑒫𑒰𑒠 𑒥𑒢𑒪 𑒁𑒕𑒱। 𑒖𑒹 𑒑𑒩𑒲𑒥 𑒂 𑒢𑒱𑒧𑓂𑒢 𑒖𑒰𑒞𑒲𑒨𑒏 𑒬𑒼𑒭𑒝 𑒂 𑒍𑒏𑒩𑒰 𑒯𑒞𑒼𑒞𑓂𑒮𑒰𑒯𑒱𑒞 𑒏𑒩𑒥𑒰𑒧𑒹 𑒪𑒰𑒑𑒪 𑒕𑒟𑒱 𑒮𑒹 𑒧𑒰𑒩𑓂𑒏𑓂𑒮𑒫𑒰𑒠𑒏 𑒬𑒩𑒝𑒧𑒹, 𑒖𑒹 𑒧𑒯𑒱𑒪𑒰𑒏𑒹𑒿 𑒁𑒣𑒧𑒰𑒢𑒱𑒞 𑒏𑒹𑒪𑒢𑓂𑒯𑒱 𑒮𑒹 𑒤𑒹𑒧𑒱𑒢𑒱𑒖𑓂𑒧 𑒂 𑒧𑒱𑒟𑒱𑒪𑒰 𑒩𑒰𑒖𑓂𑒨 𑒂 𑒮𑓀𑒒𑒏 𑒬𑒩𑒝𑒧𑒹 𑒂 𑒖𑒹 𑒮𑒰𑒧𑓂𑒣𑓂𑒩𑒠𑒰𑒨𑒱𑒏 𑒕𑒟𑒱 𑒍 𑒡𑒩𑓂𑒧𑒢𑒱𑒩𑒣𑒹𑒏𑓂𑒭𑒞𑒰𑒏 𑒬𑒩𑒝𑒧𑒹 𑒖𑒰𑒃𑒞 𑒕𑒟𑒱। 𑒍𑒢𑒰 𑒮𑒰𑒧𑓂𑒣𑓂𑒩𑒠𑒰𑒨𑒱𑒏 𑒪𑒼𑒏 𑒤𑒹𑒧𑒱𑒢𑒱𑒮𑓂𑒙, 𑒧𑒯𑒱𑒪𑒰 𑒫𑒱𑒩𑒼𑒡𑒲 𑒧𑒰𑒩𑓂𑒏𑓂𑒮𑒱𑒮𑓂𑒙 𑒂 𑒋𑒯𑒱 𑒞𑒩𑒯𑒏 𑒏𑒞𑒹𑒏 𑒑𑒚𑒥𑓀𑒡𑒢 𑒂 𑒧𑒚𑒧𑒹 𑒖𑒰𑒃𑒞 𑒠𑒹𑒐𑒪 𑒑𑒹𑒪 𑒕𑒟𑒱। 𑒏𑓂𑒨𑒼 𑒩𑒰𑒖𑒏𑒧𑒪𑒏 𑒥𑒛𑓃𑒰𑒃𑒧𑒹 𑒪𑒰𑒑𑒪 𑒁𑒕𑒱, 𑒞𑒿 𑒏𑓂𑒨𑒼 𑒨𑒰𑒞𑓂𑒩𑒲𑒏 𑒂 𑒡𑒴𑒧𑒏𑒹𑒞𑒳𑒏 𑒞𑒿 𑒏𑓂𑒨𑒼 𑒮𑒳𑒧𑒢𑒖𑒲𑒏, 𑒂 𑒯𑒳𑒢𑒏𑒰 𑒪𑒼𑒏𑒢𑒱𑒏 𑒞𑒿 𑒏𑒲 𑒣𑒏𑓂𑒭 𑒩𑒰𑒐𑒞 𑒞𑒏𑒩 𑒂𑒩𑒱𑒧𑒹 𑒁𑒣𑒢𑒰𑒏𑒹𑒿 𑒂𑒑𑒰𑒿 𑒩𑒰𑒐𑒱 𑒩𑒯𑒪 𑒁𑒕𑒱। 𑒨𑒰𑒞𑓂𑒩𑒲𑒏 𑒣𑒰𑒩𑒼𑒏𑒹𑒿 𑒂 𑒩𑒰𑒖𑒏𑒧𑒪 𑒂 𑒡𑒴𑒧𑒏𑒹𑒞𑒳𑒏 𑒏𑒟𑒰𑒏𑒹𑒿 𑒂𑒃𑒨𑒼 𑒮𑓂𑒫𑒲𑒏𑒰𑒩 𑒢𑒯𑒱 𑒏𑒋𑒪 𑒑𑒹𑒪 𑒁𑒕𑒱- 𑒋𑒯𑒱 𑒞𑒩𑒯𑒏 𑒁𑒢𑒩𑓂𑒑𑒪 𑒣𑓂𑒩𑒪𑒰𑒣 ! 𑒏𑓂𑒨𑒼 𑒞𑒟𑒰𑒏𑒟𑒱𑒞 𑒫𑒱𑒫𑒰𑒠𑒰𑒮𑓂𑒣𑒠 𑒏𑒟𑒰𑒏 𑒮𑒧𑓂𑒣𑒰𑒠𑒢 𑒏𑒋 𑒮𑓂𑒫𑒨𑓀 𑒫𑒱𑒫𑒰𑒠 𑒅𑒞𑓂𑒣𑒢𑓂𑒢 𑒏𑒋 𑒁𑒣𑒢𑒰𑒏𑒹𑒿 𑒂𑒑𑒰𑒿 𑒩𑒰𑒐𑒱 𑒩𑒯𑒪 𑒕𑒟𑒱। 𑒧𑒰𑒞𑓂𑒩 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝 𑒂 𑒏𑒩𑓂𑒝 𑒏𑒰𑒨𑒮𑓂𑒟𑒏 𑒪𑒹𑒐𑒢𑒏 𑒥𑒲𑒔 𑒮𑒲𑒧𑒱𑒞 𑒣𑓂𑒩𑒞𑒱𑒨𑒼𑒑𑒱𑒞𑒰 𑒖𑒰𑒯𑒱 𑒏𑒫𑒱-𑒏𑒟𑒰𑒏𑒰𑒩𑒏𑒹𑒿 𑒫𑒱𑒔𑒪𑒱𑒞 𑒏𑒋 𑒩𑒯𑒪 𑒕𑒢𑓂𑒯𑒱 𑒂 𑒯𑒱𑒢𑓂𑒠𑒲 𑒕𑒼𑒛𑓃𑒱 𑒧𑒻𑒟𑒱𑒪𑒲𑒧𑒹 𑒁𑒋𑒥𑒰𑒏 𑒥𑒰𑒠 𑒖𑒰𑒯𑒱 𑒑𑒞𑒱𑒮𑒿 𑒍 𑒄 𑒮𑒦 𑒏𑒩𑒞𑒥 𑒏𑒋 𑒩𑒯𑒪 𑒕𑒟𑒱, 𑒞𑒱𑒢𑒏𑒰 𑒧𑒻𑒟𑒱𑒪𑒲𑒏 𑒧𑒳𑒐𑓂𑒨 𑒮𑒧𑒮𑓂𑒨𑒰𑒣𑒩 𑒡𑓂𑒨𑒰𑒢 𑒏𑒯𑒱𑒨𑒰 𑒖𑒋𑒞𑒢𑓂𑒯𑒱 𑒮𑒹 𑒢𑒯𑒱 𑒖𑒰𑒢𑒱 ? 𑒪𑒼𑒏 𑒄𑒯𑒼 𑒥𑒳𑒗𑒻𑒞 𑒕𑒟𑒱 𑒖𑒹 𑒯𑒱𑒢𑓂𑒠𑒲𑒏 𑒥𑒰𑒠 𑒖𑒹 𑒧𑒻𑒟𑒱𑒪𑒲𑒧𑒹 𑒪𑒱𑒐𑒥 , 𑒞𑒿 𑒮𑓂𑒫𑒲𑒏𑒵𑒞𑒱 𑒞𑓂𑒫𑒩𑒱𑒞 𑒑𑒞𑒱𑒋𑒿 𑒦𑒹𑒙𑒞 ? 𑒖𑒹 𑒧𑒻𑒟𑒱𑒪𑒲𑒏 𑒩𑒔𑒢𑒰𑒏𑒰𑒩𑒹𑒿𑒏𑒹𑒿 𑒋𑒯𑒱 𑒞𑒩𑒯𑒏 𑒦𑓂𑒩𑒧 𑒕𑒢𑓂𑒯𑒱 𑒂 𑒂𑒞𑓂𑒧𑒫𑒱𑒬𑓂𑒫𑒰𑒮𑒏 𑒁𑒦𑒰𑒫 𑒕𑒢𑓂𑒯𑒱, 𑒁𑒣𑒢 𑒧𑒰𑒞𑒵𑒦𑒰𑒭𑒰𑒏 𑒮𑓀𑒣𑓂𑒩𑒹𑒭𑒝𑒲𑒨𑒞𑒰𑒣𑒩 𑒁𑒫𑒱𑒬𑓂𑒫𑒰𑒮 (!), 𑒞𑒐𑒢 𑒋𑒯𑒱 𑒦𑒰𑒭𑒰𑒏 𑒦𑒫𑒱𑒭𑓂𑒨 𑒯𑒱𑒢𑒏𑒰 𑒪𑒼𑒏𑒢𑒱𑒏 𑒏𑒰𑒢𑓂𑒯𑒣𑒩 𑒠𑒋 𑒏𑒼𑒢 𑒕𑒠𑓂𑒧 𑒯𑒧 𑒮𑒦 𑒮𑓀𑒖𑒼𑒑𑒱 𑒩𑒯𑒪 𑒕𑒲 ? 𑒮𑒹𑒧𑒲𑒢𑒰𑒩𑒧𑒹 𑒮𑒰𑒯𑒱𑒞𑓂𑒨 𑒁𑒏𑒰𑒠𑒧𑒲 𑒣𑒳𑒩𑒮𑓂𑒏𑒰𑒩 𑒣𑓂𑒩𑒰𑒣𑓂𑒞 𑒋𑒯𑒢 𑒖𑒳𑒗𑒰𑒩𑒴 𑒏𑒟𑒰𑒏𑒰𑒩, 𑒮𑒧𑓂𑒣𑒰𑒠𑒏 𑒂 𑒮𑒧𑒰𑒪𑒼𑒔𑒏 𑒮𑒦𑒏𑒹𑒿 𑒁𑒣𑒢 𑒣𑒳𑒞𑓂𑒩-𑒣𑒳𑒞𑓂𑒩𑒲-𑒣𑒞𑓂𑒢𑒲𑒏 𑒮𑓀𑒑 𑒧𑒻𑒟𑒱𑒪𑒲𑒧𑒹 𑒢𑒯𑒱 𑒫𑒩𑒢𑓂 𑒯𑒱𑒢𑓂𑒠𑒲 𑒧𑒹 (𑒁𑓀𑒑𑓂𑒩𑒹𑒖𑒲 𑒣𑓂𑒩𑒰𑒨𑓁 𑒮𑒰𑒧𑒩𑓂𑒟𑓂𑒨𑒮𑒿 𑒥𑒰𑒯𑒩 𑒕𑒢𑓂𑒯𑒱 𑒞𑒹𑒿) 𑒑𑒣 𑒏𑒩𑒻𑒞 𑒠𑒹𑒐𑒱 𑒯𑒞𑒣𑓂𑒩𑒦 𑒩𑒯𑒱 𑒖𑒰𑒃𑒞 𑒕𑒲। 𑒧𑒻𑒟𑒱𑒪𑒲𑒧𑒹 𑒥𑒲𑒮 𑒙𑒰 𑒪𑒱𑒐𑒢𑒯𑒰𑒩 𑒕𑒪𑒰𑒯 𑒂 𑒣𑒰𑒿𑒔𑒙𑒰 𑒣𑒜𑓃𑒢𑒱𑒯𑒰𑒩, 𑒮𑒹 𑒏𑒼𑒢 𑒫𑒱𑒫𑒰𑒠 𑒅𑒚𑒪 𑒯𑒼𑒋𑒞? 𑒩𑒰𑒖𑒏𑒧𑒪/ 𑒨𑒰𑒞𑓂𑒩𑒲𑒏 𑒧𑒻𑒟𑒱𑒪𑒲𑒏 𑒪𑒹𑒐𑒢 𑒮𑒾𑒧𑓂𑒨 𑒁𑒕𑒱, 𑒮𑒹 𑒯𑒳𑒢𑒏𑒩 𑒮𑒦𑒏 𑒑𑒼𑒙-𑒑𑒼𑒙 𑒩𑒔𑒢𑒰 𑒣𑒜𑓃𑒱 𑒏𑒋 𑒯𑒧 𑒏𑒯𑒱 𑒮𑒏𑒻𑒞 𑒕𑒲। 𑒞𑒰𑒯𑒱 𑒮𑓂𑒟𑒱𑒞𑒱 𑒧𑒹- 𑒄 𑒫𑒱𑒫𑒰𑒠 𑒩𑒯𑒋 𑒋𑒯𑒱 𑒏𑒫𑒱𑒞𑒰𑒧𑒹 𑒂 𑒋𑒯𑒱 𑒏𑒟𑒰𑒧𑒹- 𑒋𑒯𑒱 𑒞𑒩𑒯𑒏 𑒑𑒣 𑒂𑒢𑒱 𑒂 𑒍𑒏𑒩 𑒣𑒏𑓂𑒭𑒧𑒹 𑒁𑒣𑒢 𑒞𑒩𑓂𑒏 𑒠𑒋 𑒁𑒣𑒢 𑒪𑒹𑒐𑒢𑒲 𑒔𑒧𑒏𑒰𑒋𑒥 ? 𑒂 𑒞𑒏𑒩 𑒥𑒰𑒠 𑒨𑒰𑒞𑓂𑒩𑒲𑒏 𑒥𑒰𑒠 𑒣𑒯𑒱𑒪 𑒅𑒣𑒢𑓂𑒨𑒰𑒮𑒏𑒰𑒩 𑒤𑒪𑒢𑒰 𑒂 𑒩𑒰𑒖𑒏𑒧𑒪𑒏 𑒥𑒰𑒠 𑒣𑒯𑒱𑒪 𑒏𑒫𑒱 𑒔𑒱𑒪𑒢𑒰-𑒂𑒥 𑒞𑒿 𑒏𑒟𑒰𑒏𑒰𑒩 𑒂 𑒏𑒫𑒱𑒏 𑒖𑒼𑒛𑓃𑒲 𑒮𑒹𑒯𑒼 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱, 𑒋𑒏 𑒠𑒼𑒮𑒩𑒰𑒏 𑒦𑒏𑓂𑒞𑒱𑒧𑒹 𑒂 𑒂𑒣𑒮𑒲 𑒫𑒰𑒠𑒏𑒹𑒿 𑒂𑒑𑒰𑒿 𑒥𑒜𑓃𑒋𑒥𑒰 𑒪𑒹𑒪। 𑒧𑒻𑒟𑒱𑒪𑒲𑒏 𑒧𑒳𑒐𑓂𑒨 𑒮𑒧𑒮𑓂𑒨𑒰 𑒁𑒕𑒱 𑒖𑒹 𑒄 𑒦𑒰𑒭𑒰 𑒋𑒯𑒱 𑒮𑒲𑒧𑒱𑒞 𑒣𑓂𑒩𑒞𑒱𑒨𑒼𑒑𑒲 (𑒠𑒳𑒩𑓂𑒒𑒩𑓂𑒭!) 𑒮𑒦𑒏 𑒂𑒣𑒮𑒲 𑒧𑒯𑒞𑓂𑒫𑒰𑒏𑒰𑓀𑒏𑓂𑒭𑒰𑒏 𑒧𑒰𑒩𑒱𑒏 𑒥𑒲𑒔 𑒧𑒩𑒱 𑒩𑒯𑒪 𑒁𑒕𑒱। 𑒏𑒫𑒱-𑒏𑒟𑒰𑒏𑒰𑒩 𑒧𑒻𑒟𑒱𑒪𑒲𑒏𑒹𑒿 𑒁𑒣𑒢 𑒏𑒻𑒩𑒱𑒁𑒩 𑒥𑒢𑒰 𑒪𑒹𑒪𑒢𑓂𑒯𑒱, 𑒒𑒩𑒧𑒹 𑒧𑒻𑒟𑒱𑒪𑒲𑒏𑒹𑒿 𑒢𑒱𑒭𑓂𑒏𑒰𑒮𑒱𑒞 𑒏𑒋 𑒮𑒹𑒧𑒲𑒢𑒰𑒩𑒏 𑒫𑒮𑓂𑒞𑒳 𑒥𑒢𑒰 𑒠𑒹𑒪𑒢𑓂𑒯𑒱। 𑒞𑒐𑒢 𑒏𑒞𑒋 𑒣𑒰𑒚𑒏 𑒂 𑒏𑒼𑒢 𑒫𑒱𑒫𑒰𑒠 ! 𑒖𑒹 𑒮𑒧𑒮𑓂𑒨𑒰 𑒯𑒧 𑒠𑒹𑒐𑒱 𑒩𑒯𑒪 𑒕𑒲 𑒖𑒹 𑒥𑒔𑓂𑒔𑒰𑒏𑒹𑒿 𑒧𑒻𑒟𑒱𑒪𑒲𑒏 𑒫𑒰𑒞𑒰𑒫𑒩𑒝 𑒦𑒹𑒙𑒍 𑒂 𑒮𑒦 𑒖𑒰𑒞𑒱𑒏 𑒪𑒼𑒏 𑒋𑒯𑒱 𑒦𑒰𑒭𑒰𑒮𑒿 𑒣𑓂𑒩𑒹𑒧 𑒏𑒩𑒟𑒱 𑒞𑒰𑒯𑒱 𑒪𑒹𑒪 𑒏𑒟𑒰 𑒂 𑒏𑒫𑒱𑒞𑒰 𑒏𑒞𑒋 𑒂𑒑𑒰𑒿 𑒁𑒕𑒱 ? 𑒏𑒋𑒏𑒙𑒰 𑒫𑒱𑒖𑓂𑒘𑒰𑒢 𑒏𑒟𑒰, 𑒥𑒰𑒪-𑒏𑒱𑒬𑒼𑒩 𑒏𑒟𑒰-𑒏𑒫𑒱𑒞𑒰 𑒏𑒻𑒩𑒱𑒨𑒩𑒖𑒲𑒫𑒲 𑒏𑒫𑒱-𑒏𑒟𑒰𑒏𑒰𑒩 𑒪𑒱𑒐𑒱 𑒩𑒯𑒪 𑒕𑒟𑒱। 𑒂 𑒍 𑒒𑒩-𑒒𑒩𑒧𑒹 𑒣𑒯𑒳𑒿𑒔𑒋 𑒞𑒰𑒯𑒱 𑒪𑒹𑒪 𑒏𑒼𑒢 𑒣𑓂𑒩𑒨𑒰𑒮 𑒦𑒋 𑒩𑒯𑒪 𑒁𑒕𑒱 ? 𑒮𑒋-𑒠𑒴 𑒮𑒋 𑒏𑒰𑒣𑒲 𑒣𑒼𑒟𑒲 𑒕𑒣𑒥𑒰 𑒏𑒋 , 𑒞𑒏𑒩 𑒮𑒧𑒲𑒏𑓂𑒭𑒰 𑒏𑒩𑒥𑒰 𑒏𑒋, 𑒮𑒋-𑒠𑒴 𑒮𑒋 𑒏𑒰𑒣𑒲 𑒕𑒣𑒋𑒥𑒪𑒰 𑒣𑒞𑓂𑒩𑒱𑒏𑒰𑒧𑒹 𑒕𑒣𑒥𑒰 𑒏𑒋 , 𑒞𑒏𑒩 𑒤𑒼𑒙𑒼𑒮𑓂𑒙𑒹𑒙 𑒏𑒰𑒣𑒲 𑒤𑒼𑒪𑓂𑒛𑒩 𑒥𑒢𑒰 𑒏𑓄 𑒒𑒩𑒧𑒹 𑒩𑒰𑒐𑒱 𑒣𑒳𑒩𑒮𑓂𑒏𑒰𑒩 𑒪𑒹𑒪 𑒂 𑒮𑒱𑒪𑒹𑒥𑒮𑒧𑒹 𑒏𑒱𑒞𑒰𑒥 𑒪𑒑𑒹𑒥𑒰 𑒪𑒹𑒪 𑒏𑒋𑒪 𑒑𑒹𑒪 𑒞𑒱𑒏𑒛𑓃𑒧𑒏 𑒫𑒰𑒞𑒰𑒫𑒩𑒝𑒧𑒹 𑒯𑒧𑒩 𑒂𑒮 𑒑𑒻𑒩 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝-𑒏𑒩𑓂𑒝 𑒏𑒰𑒨𑒮𑓂𑒟 𑒣𑒰𑒚𑒏 𑒂 𑒪𑒹𑒐𑒏𑒣𑒩 𑒖𑒰𑒋 𑒮𑓂𑒟𑒱𑒩 𑒦𑒋 𑒑𑒹𑒪 𑒁𑒕𑒱।

𑒖𑒹 𑒁𑒣𑒢 𑒒𑒩-𑒣𑒩𑒱𑒫𑒰𑒩 𑒢𑒯𑒱 𑒮𑒧𑓂𑒯𑒰𑒩𑒱 𑒮𑒏𑒪𑒰𑒯 𑒮𑒹 𑒜𑒹𑒩𑒲-𑒜𑒰𑒏𑒲 𑒦𑒰𑒭𑒰𑒨𑒲 𑒣𑒳𑒩𑒮𑓂𑒏𑒰𑒩 𑒪𑒋 𑒥𑒻𑒮𑒪 𑒕𑒟𑒱, 𑒧𑒱𑒟𑒱𑒪𑒰 𑒩𑒰𑒖𑓂𑒨 𑒥𑒢𑒋𑒥𑒰𑒧𑒹 𑒪𑒰𑒑𑒪 𑒕𑒟𑒱 , 𑒣𑒞𑒰 𑒢𑒯𑒱 𑒩𑒰𑒖𑓂𑒨 𑒏𑒼𑒢𑒰 𑒮𑒧𑓂𑒯𑒰𑒩𑒱 𑒮𑒏𑒞𑒰𑒯 𑒂 𑒍𑒏𑒩 𑒫𑒱𑒡𑒰𑒢 𑒮𑒦𑒰𑒧𑒹 𑒏𑒼𑒢 𑒦𑒰𑒭𑒰𑒧𑒹 𑒥𑒖𑒞𑒰𑒯, 𑒖𑒐𑒢 𑒯𑒳𑒢𑒏𑒰 𑒍𑒞𑒋 𑒣𑒳𑒩𑒮𑓂𑒏𑒵𑒞 𑒏𑒋𑒪 𑒖𑒋𑒞𑒢𑓂𑒯𑒱।
𑒖𑒹 𑒒𑒩𑒧𑒹 𑒧𑒻𑒟𑒱𑒪𑒲 𑒢𑒯𑒱 𑒥𑒖𑒻𑒞 𑒕𑒟𑒱 𑒮𑒹 𑒪𑒹𑒐𑒏 𑒂 𑒏𑒫𑒱 𑒥𑒢𑒪 𑒕𑒟𑒱 (𑒯𑒱𑒢𑓂𑒠𑒲-𑒧𑒻𑒟𑒱𑒪𑒲𑒧𑒹 𑒮𑒧𑒰𑒢 𑒁𑒡𑒱𑒏𑒰𑒩𑒮𑒿) 𑒯𑒱𑒢𑓂𑒠𑒲𑒧𑒹 𑒮𑒼𑒔𑒱 𑒪𑒱𑒐𑒻𑒞 𑒕𑒟𑒱 𑒂 𑒞𑒐𑒢 𑒁𑒢𑒳𑒫𑒰𑒠 𑒏𑒋 𑒧𑒾𑒪𑒱𑒏 𑒧𑒻𑒟𑒱𑒪𑒲 𑒪𑒱𑒐𑒻𑒞 𑒕𑒟𑒱 ! 𑒧𑒻𑒟𑒱𑒪𑒲 𑒏𑒟𑒰-𑒏𑒫𑒱𑒞𑒰 𑒏𑒩𑒻𑒞 𑒕𑒟𑒱!!
𑒧𑒩𑒰𑒚𑒲, 𑒅𑒩𑓂𑒠𑒴, 𑒞𑒧𑒱𑒪, 𑒏𑒢𑓂𑒢𑒛𑓃𑒮𑒿 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠 𑒣𑒳𑒩𑒮𑓂𑒏𑒰𑒩 𑒢𑒱𑒩𑓂𑒪𑒖𑓂𑒖𑒞𑒰𑒮𑒿 𑒪𑒻𑒞 𑒕𑒟𑒱 , 𑒫𑒝𑒏𑓂𑒏𑒧 𑒏𑒹𑒩 𑒁𑒩𑓂𑒟 𑒣𑒳𑒕𑒥𑒢𑓂𑒯𑒱 𑒮𑒹 𑒢𑒯𑒱 𑒁𑒥𑒻𑒞 𑒕𑒢𑓂𑒯𑒱, 𑒁𑒪𑒱𑒤-𑒥𑒹-𑒮𑒹 𑒏𑒹𑒩 𑒖𑓂𑒘𑒰𑒢 𑒢𑒯𑒱, 𑒧𑒩𑒰𑒚𑒲𑒧𑒹 𑒏𑒼𑒢𑒼 𑒥𑒔𑓂𑒔𑒰𑒮𑒿 𑒑𑒣 𑒏𑒩𑒥𑒰𑒏 𑒮𑒰𑒧𑒩𑓂𑒟𑓂𑒨 𑒢𑒯𑒱 𑒕𑒢𑓂𑒯𑒱। 𑒂 𑒧𑒻𑒟𑒱𑒪𑒲𑒧𑒹 𑒯𑒳𑒢𑒏𑒩 𑒧𑒰𑒟 𑒤𑒳𑒙𑒥𑒰𑒮𑒿 𑒋𑒯𑒱 𑒠𑓂𑒫𑒰𑒩𑒹 𑒥𑒔𑒱 𑒖𑒰𑒃𑒞 𑒕𑒢𑓂𑒯𑒱 𑒏𑒰𑒩𑒝 𑒁𑒣𑒢𑒹 𑒕𑒣𑒥𑒰 𑒏𑒋 𑒮𑒧𑒲𑒏𑓂𑒭𑒰 𑒏𑒩𑒥𑒻𑒞 𑒕𑒟𑒱, 𑒮𑒹 𑒣𑒰𑒚𑒏 𑒞𑒿 𑒕𑒢𑓂𑒯𑒱 𑒢𑒯𑒱। 𑒣𑒰𑒚𑒏 𑒢𑒯𑒱 𑒩𑒯𑒋𑒧𑒹 𑒯𑒳𑒢𑒏𑒰 𑒪𑒼𑒏𑒢𑒱𑒏𑒹𑒿 𑒤𑒰𑒋𑒠𑒰 𑒕𑒢𑓂𑒯𑒱। 𑒂 𑒋𑒯𑒱 𑒣𑒳𑒩𑒮𑓂𑒏𑒰𑒩 𑒮𑒦𑒧𑒹 𑒖𑒴𑒩𑒲 𑒂 𑒋𑒛𑒫𑒰𑒃𑒖𑒩𑒲 𑒥𑒼𑒩𑓂𑒛 𑒁𑒣𑒢𑒰𑒏𑒹𑒿 𑒂𑒑𑒰𑒿 𑒏𑒩𑒥𑒰𑒧𑒹 𑒖𑒐𑒢 𑒮𑓂𑒫𑒨𑓀 𑒂𑒑𑒰𑒿 𑒁𑒥𑒻𑒞 𑒕𑒟𑒱 𑒞𑒐𑒢 𑒋𑒯𑒱 𑒮𑒲𑒧𑒱𑒞 𑒣𑓂𑒩𑒞𑒱𑒨𑒼𑒑𑒲 𑒪𑒼𑒏𑒢𑒱𑒏 𑒂𑒞𑓂𑒧𑒫𑒱𑒬𑓂𑒫𑒰𑒮 𑒏𑒞𑒹𑒏 𑒠𑒳𑒩𑓂𑒥𑒪 𑒕𑒢𑓂𑒯𑒱 , 𑒮𑒋𑒯 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱 । 𑒮𑒰𑒩𑓀𑒑 𑒏𑒳𑒧𑒰𑒩 𑒕𑒟𑒱, 𑒞𑒿 𑒥𑒪𑒩𑒰𑒧𑒏 𑒔𑒩𑒔𑒰 𑒤𑒹𑒩𑒮𑒿 𑒏𑒟𑒰𑒏𑒰𑒩𑒏 𑒩𑒴𑒣𑒧𑒹 𑒬𑒳𑒩𑒴 𑒦𑒹𑒪 𑒁𑒕𑒱 । 𑒂 𑒖𑒱𑒢𑒏𑒩 𑒮𑒢𑓂𑒞𑒰𑒢 𑒮𑒰𑒯𑒱𑒞𑓂𑒨𑒧𑒹 𑒢𑒯𑒱 𑒁𑒋𑒪𑒰𑒯 𑒯𑒳𑒢𑒏𑒩 𑒔𑒩𑒔𑒰 𑒤𑒹𑒩 𑒏𑒼𑒢𑒰 𑒯𑒼𑒋𑒞, 𑒯𑒳𑒢𑒏𑒩 𑒣𑒏𑓂𑒭 𑒏𑒹 𑒂𑒑𑒰𑒿 𑒩𑒰𑒐𑒞 ? 𑒖𑒲𑒥𑒻𑒞 𑒡𑒩𑒱 𑒢𑒹 𑒮𑒦 𑒁𑒣𑒢 𑒣𑒏𑓂𑒭 𑒮𑓂𑒫𑒨𑓀 𑒂𑒑𑒰𑒿 𑒩𑒰𑒐𑒱 𑒩𑒯𑒪 𑒕𑒟𑒱 ? 𑒧𑒳𑒠𑒰 𑒧𑒳𑒃𑒪𑒰𑒏 𑒥𑒰𑒠 ? 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒋𑒯𑒱 𑒮𑒞𑓂𑒨𑒏𑒹𑒿 𑒠𑒹𑒐𑒰𑒩 𑒏𑒩𑒥𑒰𑒏 𑒂𑒫𑒬𑓂𑒨𑒏𑒞𑒰 𑒁𑒕𑒱 । 𑒂𑒿𑒐𑒱 𑒧𑒳𑒢𑒱 𑒏𑒋 𑒮𑒹𑒯𑒼 𑒋𑒏𑒩 𑒮𑒧𑒰𑒡𑒰𑒢 𑒪𑒼𑒏 𑒧𑒳𑒠𑒰 𑒞𑒰𑒏𑒱𑒨𑒹 𑒩𑒯𑒪 𑒕𑒟𑒱।
𑒧𑒰𑒩𑓂𑒏𑓂𑒮𑒱𑒮𑓂𑒙 𑒂 𑒤𑒹𑒧𑒱𑒢𑒱𑒮𑓂𑒙 𑒥𑒢𑒱 𑒞𑒏𑒩𑒼 𑒫𑓂𑒨𑒰𑒣𑒰𑒩 𑒬𑒳𑒩𑒴 𑒏𑒩𑒥 𑒂 𑒁𑒣𑒢 𑒮𑓂𑒞𑒩𑒏 𑒢𑓂𑒨𑒴𑒢𑒞𑒰𑒏 𑒋𑒯𑒱 𑒞𑒩𑒯𑒹𑒿 𑒣𑒴𑒩𑓂𑒞𑒱 𑒏𑒩𑒥, 𑒮𑒲𑒧𑒱𑒞 𑒣𑓂𑒩𑒞𑒱𑒨𑒼𑒑𑒱𑒞𑒰 𑒧𑒡𑓂𑒨 𑒁𑒪𑓂𑒣 𑒣𑓂𑒩𑒞𑒱𑒦𑒰𑒨𑒳𑒏𑓂𑒞 𑒮𑒰𑒯𑒱𑒞𑓂𑒨𑒏𑒰𑒩𑒏 𑒄 𑒯𑒟𑒱𑒨𑒰𑒩 𑒥𑒢𑒱 𑒑𑒹𑒪 𑒁𑒕𑒱। 𑒖𑒹 𑒧𑒰𑒩𑓂𑒏𑓂𑒮𑒏 𑒂𑒠𑒩 𑒏𑒩𑒞 𑒮𑒹 𑒄 𑒏𑒱𑒋𑒏 𑒏𑒯𑒞 𑒖𑒹 𑒯𑒧 𑒧𑒰𑒩𑓂𑒏𑓂𑒮𑒫𑒰𑒠𑒲 𑒂𑒪𑒼𑒔𑒏 𑒂𑒏𑒱 𑒪𑒹𑒐𑒏 𑒕𑒲 ? 𑒯𑒿 𑒖𑒹 𑒧𑒰𑒩𑓂𑒏𑓂𑒮𑒏 𑒡𑓀𑒡𑒰 𑒏𑒩𑒞 𑒞𑒏𑒩 𑒫𑒱𑒭𑒨𑒧𑒹 𑒏𑒲 𑒏𑒯𑒲, 𑒡𑓀𑒡𑒰 𑒞𑒿 𑒮𑒳𑒧𑒢, 𑒩𑒰𑒖𑒏𑒧𑒪, 𑒨𑒰𑒞𑓂𑒩𑒲, 𑒧𑒝𑒱𑒣𑒠𑓂𑒧, 𑒡𑒴𑒧𑒏𑒹𑒞𑒳......𑒮𑒦𑒏 𑒬𑒳𑒩𑒴 𑒦𑒹𑒪 𑒁𑒕𑒱। 𑒂 𑒞𑒏𑒩 𑒏𑒰𑒩𑒝 𑒮𑒹𑒯𑒼 𑒮𑓂𑒣𑒭𑓂𑒙। 𑒩𑒰𑒭𑓂𑒙𑓂𑒩𑒲𑒨 𑒮𑒩𑓂𑒫𑒹𑒏𑓂𑒭𑒝 𑒄 𑒠𑒹𑒐𑒥𑒻𑒞 𑒁𑒕𑒱 𑒖𑒹 𑒮𑓀𑒮𑓂𑒏𑒵𑒞, 𑒯𑒱𑒢𑓂𑒠𑒲, 𑒧𑒻𑒟𑒱𑒪𑒲 𑒂 𑒂𑒢 𑒮𑒰𑒯𑒱𑒞𑓂𑒨 𑒏𑒰𑒪𑒹𑒖𑒧𑒹 𑒫𑒻𑒯 𑒣𑒜𑓃𑒻𑒞 𑒕𑒟𑒱 𑒖𑒱𑒢𑒏𑒰 𑒠𑒼𑒮𑒩 𑒫𑒱𑒭𑒨𑒧𑒹 𑒢𑒰𑒧𑒰𑓀𑒏𑒢 𑒢𑒯𑒱 𑒦𑒹𑒙𑒻𑒞 𑒕𑒢𑓂𑒯𑒱, 𑒣𑒞𑓂𑒩𑒏𑒰𑒩𑒱𑒞𑒰𑒧𑒹 𑒮𑒹𑒯𑒼 𑒨𑒻𑒯 𑒮𑒦 𑒁𑒥𑒻𑒞 𑒕𑒟𑒱। 𑒣𑓂𑒩𑒞𑒱𑒦𑒰 𑒫𑒱𑒣𑒢𑓂𑒢 𑒋𑒯𑒢𑒹 𑒮𑒰𑒯𑒱𑒞𑓂𑒨𑒮𑒹𑒫𑒲𑒏𑒹𑒿 𑒮𑒰𑒯𑒱𑒞𑓂𑒨𑒏 𑒔𑒬𑓂𑒏𑒰 𑒪𑒰𑒑𑒪 𑒕𑒢𑓂𑒯𑒱 𑒂 𑒯𑒱𑒢𑒏𑒹 𑒯𑒰𑒟𑒧𑒹 𑒧𑒻𑒟𑒱𑒪𑒲 𑒦𑒰𑒭𑒰𑒏 𑒦𑒫𑒱𑒭𑓂𑒨 𑒮𑒳𑒩𑒏𑓂𑒭𑒱𑒞 𑒩𑒯𑒞? 𑒧𑒳𑒠𑒰 𑒋𑒯𑒱 𑒫𑒰𑒮𑓂𑒞𑒫𑒱𑒏𑒞𑒰𑒏 𑒮𑓀𑒑 𑒂𑒑𑒰𑒿𑒏 𑒥𑒰𑒙 𑒯𑒧𑒩𑒰 𑒮𑒦𑒏 𑒣𑓂𑒩𑒞𑒲𑒏𑓂𑒭𑒰𑒧𑒹 𑒁𑒕𑒱। 𑒮𑒳𑒔𑓂𑒔𑒰 𑒧𑒻𑒟𑒱𑒪𑒲 𑒮𑒹𑒫𑒲 𑒏𑒟𑒰𑒏𑒰𑒩 𑒂 𑒣𑒰𑒚𑒏 𑒖𑒹 𑒡𑒴𑒩𑒰-𑒑𑒩𑒠𑒰𑒧𑒹 𑒖𑒋𑒥𑒰 𑒪𑒹𑒪 𑒞𑒻𑒨𑒰𑒩 𑒯𑒼𑒟𑒱, 𑒥𑒔𑓂𑒔𑒰 𑒂 𑒮𑓂𑒞𑓂𑒩𑒲 𑒖𑒢𑒞𑒰𑒏 𑒮𑒰𑒯𑒱𑒞𑓂𑒨 𑒩𑒔𑒟𑒱 𑒂 𑒁𑒣𑒢 𑒆𑒩𑓂𑒖𑒰 𑒧𑒻𑒟𑒱𑒪𑒲𑒏𑒹𑒿 𑒖𑒲𑒫𑒱𑒞 𑒩𑒐𑒥𑒰 𑒧𑒰𑒞𑓂𑒩𑒧𑒹 𑒪𑒑𑒰𑒥𑒟𑒱 𑒍 𑒬𑓂𑒩𑒹𑒝𑒲 𑒞𑒻𑒨𑒰𑒩 𑒯𑒼𑒋𑒥𑒹 𑒙𑒰 𑒏𑒩𑒞।
𑒏𑒟𑒰𑒏𑒰𑒩-𑒏𑒫𑒱𑒏 𑒫𑓂𑒨𑒏𑓂𑒞𑒱𑒑𑒞 𑒖𑒱𑒢𑒑𑒲𑒏 𑒁𑒠𑒵𑒜𑓃𑒞𑒰, 𑒔𑒰𑒯𑒹 𑒍 𑒫𑒰𑒠𑒏 𑒣𑓂𑒩𑒞𑒱 𑒯𑒼𑒁𑒋 𑒫𑒰 𑒖𑒰𑒞𑒱-𑒡𑒩𑓂𑒧𑒏 𑒣𑓂𑒩𑒞𑒱, 𑒮𑒰𑒯𑒱𑒞𑓂𑒨𑒧𑒹 𑒠𑒹𑒐𑒰𑒩 𑒦𑒃𑒋 𑒖𑒰𑒃𑒞 𑒕𑒻𑒏। 𑒂 𑒋𑒯𑒢𑒹 𑒮𑒰𑒯𑒱𑒞𑓂𑒨 𑒥𑒹𑒩-𑒥𑒹𑒩 𑒁𑒣𑒢𑒰𑒏𑒹𑒿 𑒣𑒩𑒱𑒧𑒰𑒩𑓂𑒖𑒱𑒞-𑒣𑒩𑒱𑒫𑒩𑓂𑒡𑒱𑒞 𑒏𑒩𑒱𑒞𑒼 𑒧𑒴𑒪 𑒠𑒼𑒭𑒮𑒿 𑒠𑒴𑒩 𑒢𑒯𑒱 𑒦𑓄 𑒣𑒥𑒻𑒞 𑒁𑒕𑒱, 𑒁𑒣𑒢 𑒫𑓂𑒨𑒏𑓂𑒞𑒱𑒑𑒞 𑒣𑓂𑒩𑒬𑓀𑒮𑒰 𑒂 𑒠𑒼𑒮𑒩𑒰𑒏 𑒣𑓂𑒩𑒞𑒱 𑒂𑒏𑓂𑒭𑒹𑒣𑒏 𑒏𑒟𑒰-𑒏𑒫𑒱𑒞𑒰𑒧𑒹 𑒥𑓂𑒪𑒻𑒏𑒧𑒹𑒪𑒩 𑒮𑒰𑒯𑒱𑒞𑓂𑒨𑒏𑒰𑒩 𑒠𑓂𑒫𑒰𑒩𑒰 𑒣𑓂𑒩𑒨𑒼𑒑 𑒏𑒩𑒥𑒰𑒏 𑒑𑒳𑓀𑒖𑒰𑒃𑒬 𑒩𑒯𑒻𑒞 𑒁𑒕𑒱। 𑒧𑒳𑒠𑒰 𑒞𑒟𑓂𑒨𑒣𑒴𑒩𑓂𑒝 𑒧𑒴𑒪𑓂𑒨𑒰𑓀𑒏𑒢𑒮𑒿 𑒪𑒹𑒐𑒏𑒏 𑒋𑒯𑒱 𑒣𑓂𑒩𑒫𑒵𑒞𑓂𑒞𑒱𑒏𑒹𑒿 𑒣𑓂𑒩𑒹𑒧𑒬𑓀𑒏𑒩 𑒮𑒱𑓀𑒯 𑒔𑒱𑒢𑓂𑒯𑒱𑒞 𑒏𑒩𑒻𑒞 𑒕𑒟𑒱। 𑒖𑒰𑒞𑒱𑒫𑒰𑒠-𑒮𑒰𑓀𑒣𑓂𑒩𑒠𑒰𑒨𑒱𑒏𑒞𑒰𑒫𑒰𑒠 𑒂𑒥𑒱𑒨𑒹 𑒖𑒰𑒃𑒞 𑒕𑒻𑒏, 𑒞𑒏𑒩𑒰 𑒔𑒱𑒢𑓂𑒯𑒱𑒞 𑒏𑒩𑒻𑒞 𑒕𑒟𑒱, 𑒯𑒲𑒢 𑒦𑒰𑒫𑒢𑒰𑒮𑒿 𑒑𑓂𑒩𑒮𑓂𑒞 𑒮𑒰𑒯𑒱𑒞𑓂𑒨 𑒏𑒪𑓂𑒨𑒰𑒝𑒏𑒰𑒩𑒲 𑒏𑒼𑒢𑒰 𑒦𑓄 𑒮𑒏𑒞? 𑒍 𑒄 𑒮𑒹𑒯𑒼 𑒔𑒱𑒢𑓂𑒯𑒱𑒞 𑒏𑒩𑒻𑒞 𑒕𑒟𑒱। 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨, 𑒖𑒞𑒋 𑒣𑒰𑒚𑒏𑒏 𑒮𑓀𑒐𑓂𑒨𑒰 𑒬𑒴𑒢𑓂𑒨 𑒕𑒻𑒏, 𑒋𑒏 𑒮𑒰𑒯𑒱𑒞𑓂𑒨𑒏𑒰𑒩 𑒠𑒼𑒮𑒩𑒰𑒏 𑒮𑒧𑒲𑒏𑓂𑒭𑒰 𑒏𑒩𑒻𑒞 𑒁𑒕𑒱 𑒂 𑒋𑒞𑒋 𑒫𑓂𑒨𑒏𑓂𑒞𑒱𑒑𑒞 𑒁𑒯𑒧𑓂 𑒂 𑒥𑓂𑒪𑒻𑒏𑒧𑒹𑒪𑒱𑓀𑒑𑒏 𑒣𑒴𑒩𑓂𑒝 𑒑𑒳𑓀𑒖𑒰𑒃𑒬 𑒕𑒻𑒏। 𑒁𑒯𑒰𑒿 𑒠𑒴-𑒔𑒰𑒩𑒱𑒙𑒰 𑒏𑒫𑒱-𑒏𑒟𑒰𑒏𑒰𑒩 𑒮𑒧𑓂𑒧𑒹𑒪𑒢𑒧𑒹 𑒔𑒪𑒱 𑒖𑒰𑒆, 𑒅𑒠𑓂𑒒𑒼𑒭𑒏𑒏 𑒅𑒠𑓂𑒒𑒼𑒭𑒝𑒰 𑒂 𑒟𑒼𑒣𑒛𑓃𑒲 𑒅𑒠𑓂𑒒𑒼𑒭𑒏𑒏 𑒂 𑒮𑒰𑒯𑒱𑒞𑓂𑒨𑒏𑒰𑒩𑒏 𑒣𑒴𑒩𑓂𑒫𑒰𑒑𑓂𑒩𑒯𑒏𑒹𑒿 𑒔𑒱𑒢𑓂𑒯𑒱𑒞 𑒏𑓄 𑒠𑒹𑒞। 𑒋𑒯𑒱 𑒮𑒢𑓂𑒠𑒩𑓂𑒦𑒧𑒹 𑒄 𑒮𑓀𑒑𑓂𑒩𑒯 𑒋𑒏𑒙𑒰 𑒢𑒴𑒞𑒢 𑒠𑒵𑒭𑓂𑒙𑒱𑒏𑒼𑒝 𑒅𑒣𑒮𑓂𑒟𑒱𑒞 𑒏𑒩𑒻𑒞 𑒁𑒕𑒱, 𑒥𑒠𑒪𑒻𑒞 𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒩𑒰𑒖𑒢𑒻𑒞𑒱𑒏-𑒡𑒰𑒩𑓂𑒧𑒱𑒏 𑒮𑒧𑒲𑒏𑒩𑒝𑒏 𑒣𑒩𑒱𑒣𑓂𑒩𑒹𑒏𑓂𑒭𑓂𑒨𑒧𑒹 𑒋𑒏𑒦𑒑𑓂𑒑𑒴 𑒣𑓂𑒩𑒮𑓂𑒞𑒳𑒞𑒱𑒏 𑒩𑒹𑒐𑒰𑓀𑒏𑒢 𑒏𑒩𑒻𑒞 𑒁𑒕𑒱 𑒂 𑒑𑒣𑒰𑒭𑓂𑒙𑒏 𑒂 𑒮𑒧𑒲𑒏𑓂𑒭𑒰𑒏 𑒁𑓀𑒞𑒩𑒏𑒹𑒿 𑒔𑒱𑒢𑓂𑒯𑒱𑒞 𑒏𑒩𑒻𑒞 𑒁𑒕𑒱।

𑒖𑒰𑒞𑒱𑒏 𑒦𑒲𑒞𑒩𑒏 𑒮𑓂𑒞𑒩𑒲𑒏𑒩𑒝, 𑒠𑒴 𑒖𑒰𑒞𑒱𑒏 𑒥𑒲𑒔𑒧𑒹 𑒧𑒞𑒦𑒹𑒠, 𑒥𑒯𑒳-𑒫𑒱𑒫𑒰𑒯, 𑒥𑒰𑒪-𑒫𑒱𑒫𑒰𑒯, 𑒥𑒱𑒏𑒾𑒂 𑒫𑒱𑒫𑒰𑒯। 𑒥𑒰𑒪-𑒫𑒱𑒫𑒰𑒯𑒏 𑒫𑒱𑒩𑒼𑒡 𑒂 𑒫𑒱𑒡𑒫𑒰 𑒫𑒱𑒫𑒰𑒯𑒏 𑒣𑒏𑓂𑒭𑒧𑒹 𑒏𑒼𑒢𑒼 𑒮𑒰𑓀𑒏𑒹𑒞𑒱𑒏 𑒂𑒢𑓂𑒠𑒼𑒪𑒢 𑒡𑒩𑒱 𑒢𑒯𑒱 𑒦𑒹𑒪। 𑒬𑒴𑒠𑓂𑒩 𑒏𑒫𑒱 𑒌𑒪𑒴𑒭 𑒫𑒻𑒠𑒱𑒏 𑒇𑒔𑒰 𑒪𑒱𑒐𑒪𑒢𑓂𑒯𑒱 𑒞𑒿 𑒍 𑒮𑒧𑒰𑒖 𑒋𑒞𑒹𑒏 𑒮𑒳𑒠𑒵𑒜𑓃 𑒕𑒪 𑒖𑒹 𑒬𑒳𑒠𑓂𑒠𑒏 𑒑𑒝 𑒠𑓂𑒫𑒰𑒩𑒰 𑒋𑒪𑒹𑒏𑓂𑒖𑒹𑒢𑓂𑒛𑒩𑒏𑒹𑒿 𑒏𑒛𑓃𑒑𑒩 𑒫𑒱𑒩𑒼𑒡 𑒮𑒯𑒋 𑒣𑒛𑓃𑒪𑒻𑒏। 𑒧𑒱𑒟𑒱𑒪𑒰𑒏 𑒮𑒢𑓂𑒠𑒩𑓂𑒦𑒧𑒹 𑒮𑒹𑒯𑒼 𑒖𑒐𑒢 𑒁𑒣𑒢 𑒬𑒱𑒪𑓂𑒣𑒲 𑒪𑒼𑒏𑒢𑒱 𑒂 𑒮𑒦𑒙𑒰 𑒞𑒟𑒰𑒏𑒟𑒱𑒞 𑒮𑒧𑒰𑒖𑒏 𑒢𑒱𑒧𑓂𑒢 𑒮𑓂𑒞𑒩𑒏 𑒪𑒼𑒏 𑒖𑒐𑒢 𑒮𑒳𑒠𑒵𑒜𑓃 𑒕𑒪 𑒞𑒐𑒢 𑒖𑒢𑒏𑒏 𑒢𑒰𑒧𑒏𑒩𑒝 𑒖𑒢 𑒮𑒿 𑒦𑒹𑒪 𑒂 𑒤𑒹𑒩 𑒮𑒱𑒧𑒩𑒾𑒢𑒰𑒑𑒜𑓃, 𑒣𑒖𑒹𑒥𑒰𑒑𑒜𑓃, 𑒥𑒪𑒱𑒩𑒰𑒖𑒣𑒳𑒩 𑒏𑒱𑒪𑒰, 𑒁𑒮𑒳𑒩𑒑𑒜𑓃 𑒏𑒱𑒪𑒰, 𑒖𑒨𑒢𑒑𑒩 𑒏𑒱𑒪𑒰, 𑒢𑒢𑓂𑒠𑒢𑒑𑒜𑓃, 𑒏𑒙𑒩𑒰𑒑𑒜𑓃, 𑒢𑒾𑒪𑒰𑒑𑒜𑓃, 𑒧𑓀𑒑𑒪𑒑𑒜𑓃, 𑒏𑒲𑒔𑒏𑒑𑒜𑓃, 𑒥𑒹𑒢𑒴𑒑𑒜𑓃, 𑒫𑒩𑒱𑒖𑒢𑒑𑒜𑓃, 𑒂𑒠𑒱𑒏 𑒋𑒏𑒙𑒰 𑒬𑒵𑓀𑒐𑒪𑒰 𑒧𑒱𑒟𑒱𑒪𑒰𑒏 𑒮𑓂𑒟𑒰𑒣𑒞𑓂𑒨 𑒏𑒪𑒰𑒏 𑒩𑒴𑒣𑒧𑒹 𑒅𑒠𑓂𑒒𑒰𑒙𑒱𑒞 𑒦𑒹𑒪। 𑒂 𑒄 𑒏𑒱𑒪𑒰 𑒮𑒦 𑒬𑒞𑓂𑒩𑒳𑒏𑒹𑒿 𑒧𑒟𑒋 𑒥𑒪𑒰 𑒧𑒱𑒟𑒱𑒪𑒰𑒏 𑒢𑒰𑒧𑒏𑒩𑒝𑒏 𑒁𑒢𑒳𑒩𑒴𑒣 𑒩𑒯𑒪। 𑒥𑒾𑒠𑓂𑒡 𑒐𑒼𑒯, 𑒞𑒰𑒩𑒰𑒏 𑒧𑒴𑒩𑓂𑒞𑒱 𑒂𑒠𑒱 𑒬𑒱𑒪𑓂𑒣𑒲 𑒏𑒪𑒰𑒏 𑒁𑒢𑓂𑒨 𑒩𑒴𑒣𑒏 𑒔𑒩𑓂𑒔𑒏 𑒩𑒴𑒣𑒧𑒹 𑒮𑒹𑒯𑒼 𑒅𑒣𑒮𑓂𑒟𑒱𑒞 𑒁𑒕𑒱। 𑒧𑒳𑒠𑒰 𑒖𑒹 𑒄 𑒏𑒙𑓂𑒙𑒩𑒞𑒰 𑒥𑒜𑓃𑒻𑒞 𑒑𑒹𑒪 𑒞𑒿 𑒂𑒃 𑒧𑒱𑒟𑒱𑒪𑒰𑒧𑒹 𑒮𑓂𑒟𑒰𑒣𑒞𑓂𑒨𑒏 𑒢𑒰𑒧𑒣𑒩 𑒅𑒣𑒪𑒥𑓂𑒡𑒱 𑒮𑒹𑒯𑒼 𑒬𑒴𑒢𑓂𑒨 𑒦𑓄 𑒑𑒹𑒪। 𑒂𑒩𑓂𑒟𑒱𑒏 𑒮𑓂𑒟𑒱𑒞𑒱 𑒋𑒯𑒢 𑒦𑓄 𑒑𑒹𑒪 𑒖𑒹 𑒋𑒏 𑒮𑒰𑒿𑒗 𑒅𑒣𑒰𑒮 𑒩𑒯𑒋 𑒪𑒰𑒑𑒪। 𑒧𑒰𑒃𑒑𑓂𑒩𑒹𑒬𑒢 𑒦𑒳𑒐𑒧𑒩𑒲 𑒩𑒼𑒏𑒪𑒏 𑒧𑒳𑒠𑒰 𑒏𑒱𑒕𑒳 𑒧𑒴𑒪𑓂𑒨𑒣𑒩। 𑒞𑒯𑒱𑒢𑒰 𑒧𑒻𑒞𑓂𑒩𑒹𑒨𑒲𑒮𑒢 𑒫𑒱𑒠𑒳𑒭𑒲 𑒮𑒯𑒮𑓂𑒩𑒰𑒥𑓂𑒠𑒲 𑒦𑒩𑒱 𑒫𑒱𑒪𑒳𑒣𑓂𑒞 𑒩𑒯𑒪𑒲𑒯 𑒮𑒹 𑒖𑒰𑒞𑒱𑒑𑒞 𑒏𑒙𑓂𑒙𑒩𑒞𑒰 (𑒖𑒰𑒞𑒱 𑒧𑒡𑓂𑒨 𑒂𑒢𑓂𑒞𑒩𑒱𑒏 𑒁𑒞𑒩𑒲𑒏𑒩𑒝 𑒂 𑒠𑒴 𑒖𑒰𑒞𑒱 𑒧𑒡𑓂𑒨- 𑒠𑒳𑒢𑒳 𑒣𑓂𑒩𑒏𑒰𑒩𑒏) 𑒏𑒰𑒩𑒝𑒮𑒿। 𑒬𑒱𑒏𑓂𑒭𑒰𑒏 𑒯𑓂𑒩𑒰𑒮 𑒞𑒿 𑒞𑒹𑒯𑒹𑒢 𑒦𑒹𑒪 𑒖𑒹 𑒭𑒛 𑒠𑒩𑓂𑒬𑒢𑒧𑒹 𑒔𑒰𑒩𑒱 𑒙𑒰 𑒠𑒩𑓂𑒬𑒢 𑒧𑒱𑒟𑒱𑒪𑒰𑒮𑒿 𑒢𑒱𑒏𑒪𑒪 𑒧𑒳𑒠𑒰 𑒂𑒃 𑒑𑒰𑒧𑒏 𑒑𑒰𑒧 𑒧𑒻𑒙𑓂𑒩𑒱𑒏 𑒣𑒩𑒲𑒏𑓂𑒭𑒰𑒧𑒹 𑒣𑒰𑒮 𑒢𑒯𑒱 𑒏𑒹𑒢𑒱𑒯𑒰𑒩𑒮𑒿 𑒦𑒩𑒪 𑒁𑒕𑒱।
𑒮𑒩𑓂𑒫𑒯𑒰𑒩𑒰 𑒧𑒻𑒟𑒱𑒪 𑒮𑓀𑒮𑓂𑒏𑒵𑒞𑒱 𑒋𑒏𑒙𑒰 𑒫𑒱𑒣𑓂𑒪𑒫𑒏 𑒠𑒾𑒩𑒮𑒿 𑒔𑒪𑒱 𑒩𑒯𑒪 𑒁𑒕𑒱। 𑒧𑒰𑒃𑒑𑓂𑒩𑒹𑒬𑒢 𑒋𑒏𑒙𑒰 𑒢𑒲𑒏 𑒑𑒣 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒖𑒰𑒯𑒱 𑒮𑓀𑒮𑓂𑒏𑒵𑒞𑒱𑒧𑒹 𑒋𑒏 𑒣𑒲𑒜𑓃𑒲𑒧𑒹 𑒑𑒰𑒧𑒏 𑒑𑒰𑒧 𑒮𑒳𑒢𑓂𑒢 𑒦𑓄 𑒑𑒹𑒪 𑒍𑒯𑒱𑒧𑒹 𑒧𑒰𑒃𑒑𑓂𑒩𑒹𑒬𑒢 𑒋𑒏𑒙𑒰 𑒁𑒦𑒱𑒬𑒰𑒣 𑒥𑒢𑒱 𑒂𑒋𑒪 𑒁𑒕𑒱। 𑒧𑒻𑒟𑒱𑒪 𑒮𑓀𑒮𑓂𑒏𑒵𑒞𑒱𑒏 𑒥𑒲𑒮 𑒣𑓂𑒩𑒞𑒱𑒬𑒞 𑒦𑒰𑒑 𑒢𑒹𑒣𑒰𑒪𑒧𑒹 𑒂 𑒁𑒮𑓂𑒮𑒲 𑒣𑓂𑒩𑒞𑒱𑒬𑒞 𑒦𑒰𑒑 𑒦𑒰𑒩𑒞𑒧𑒹 𑒣𑒛𑓃𑒻𑒞 𑒁𑒕𑒱। 𑒂 𑒋𑒯𑒱 𑒧𑒰𑒃𑒑𑓂𑒩𑒹𑒮𑒢𑒮𑒿 𑒋𑒞𑒋 𑒂𑒩𑓂𑒟𑒱𑒏, 𑒮𑒰𑒧𑒰𑒖𑒱𑒏, 𑒩𑒰𑒖𑒢𑒻𑒞𑒱𑒏 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒮𑓀𑒏𑒙 𑒅𑒞𑓂𑒣𑒢𑓂𑒢 𑒦𑓄 𑒑𑒹𑒪 𑒁𑒕𑒱।

𑒑𑒠𑓂𑒨𑒏 𑒫𑒱𑒦𑒱𑒢𑓂𑒢 𑒫𑒱𑒡𑒰 𑒖𑒹𑒢𑒰 𑒣𑓂𑒩𑒥𑒢𑓂𑒡, 𑒢𑒱𑒥𑒢𑓂𑒡, 𑒮𑒧𑒰𑒪𑒼𑒔𑒢𑒰, 𑒏𑒟𑒰-𑒑𑒪𑓂𑒣, 𑒅𑒣𑒢𑓂𑒨𑒰𑒮, 𑒣𑒞𑓂𑒩𑒰𑒞𑓂𑒧𑒏 𑒮𑒰𑒯𑒱𑒞𑓂𑒨, 𑒨𑒰𑒞𑓂𑒩𑒰-𑒮𑓀𑒮𑓂𑒧𑒩𑒝, 𑒩𑒱𑒣𑒼𑒩𑓂𑒞𑒰𑒖 𑒂𑒠𑒱𑒏 𑒧𑒡𑓂𑒨 𑒏𑒟𑒰-𑒑𑒪𑓂𑒣, 𑒂𑒐𑓂𑒨𑒰𑒢 𑒂 𑒅𑒣𑒢𑓂𑒨𑒰𑒮 𑒁𑒢𑒳𑒦𑒫 𑒧𑒱𑒬𑓂𑒩𑒱𑒞 𑒏𑒪𑓂𑒣𑒢𑒰𑒣𑒩 𑒫𑒱𑒬𑒹𑒭 𑒩𑒴𑒣𑒮𑒿 𑒂𑒡𑒰𑒩𑒱𑒞 𑒁𑒕𑒱। 𑒖𑒏𑒩𑒰 𑒯𑒧 𑒮𑒦 𑒐𑒱𑒮𑓂𑒮𑒰-𑒣𑒱𑒯𑒰𑒢𑒲 𑒏𑒯𑒻 𑒕𑒱𑒌 𑒞𑒰𑒯𑒱𑒮𑒿 𑒄 𑒮𑒦 𑒪𑒑 𑒁𑒕𑒱। 𑒧𑒡𑓂𑒨 𑒏𑒟𑒰-𑒑𑒪𑓂𑒣, 𑒂𑒐𑓂𑒨𑒰𑒢 𑒂 𑒅𑒣𑒢𑓂𑒨𑒰𑒮 𑒂 𑒏𑒱𑒕𑒳 𑒠𑒴𑒩 𑒡𑒩𑒱 𑒢𑒰𑒙𑒏 𑒂 𑒋𑒏𑒰𑓀𑒏𑒲 𑒧𑒢𑒼𑒩𑓀𑒖𑒢𑒏 𑒪𑒹𑒪 𑒮𑒳𑒢𑒪-𑒮𑒳𑒢𑒰𑒍𑒪-𑒣𑒜𑓃𑒪 𑒖𑒰𑒃𑒞 𑒁𑒕𑒱 𑒫𑒰 𑒧𑓀𑒔𑒱𑒞 𑒏𑒋𑒪 𑒖𑒰𑒃𑒞 𑒁𑒕𑒱। 𑒄 𑒅𑒠𑓂𑒠𑒹𑒬𑓂𑒨𑒣𑒴𑒩𑓂𑒝 𑒦𑓄 𑒮𑒏𑒻𑒞 𑒁𑒕𑒱 𑒫𑒰 𑒋𑒯𑒱𑒧𑒹 𑒢𑒱𑒩𑒳𑒠𑓂𑒠𑒹𑒬𑓂𑒨𑒞𑒰-𑒋𑒥𑒮𑒛𑒱𑒙𑒲 𑒮𑒹𑒯𑒼 𑒩𑒯𑒱 𑒮𑒏𑒻 𑒕𑒻- 𑒏𑒰𑒩𑒝 𑒖𑒱𑒢𑒑𑒲𑒏 𑒦𑒰𑒑𑒠𑒾𑒛𑓃𑒧𑒹 𑒢𑒱𑒩𑒳𑒠𑓂𑒠𑒹𑒬𑓂𑒨𑒣𑒴𑒩𑓂𑒝 𑒮𑒰𑒯𑒱𑒞𑓂𑒨 𑒮𑒹𑒯𑒼 𑒧𑒢𑒼𑒩𑓀𑒖𑒢 𑒣𑓂𑒩𑒠𑒰𑒢 𑒏𑒩𑒻𑒞 𑒁𑒕𑒱।

𑒪𑒒𑒳𑒏𑒟𑒰 𑒏𑒯𑒢𑒹 𑒋𑒏𑒙𑒰 𑒋𑒯𑒹𑒢 𑒫𑒱𑒡𑒰 𑒥𑒢𑒱 𑒮𑒼𑒗𑒰𑒿 𑒂𑒋𑒪 𑒁𑒕𑒱 𑒖𑒹 𑒣𑒯𑒱𑒢𑒹 𑒏𑒟𑒰 𑒟𑒱𑒏 𑒤𑒹𑒩 𑒪𑒒𑒳𑒏𑒟𑒰। 𑒪𑒒𑒳𑒏𑒟𑒰, 𑒏𑒟𑒰, 𑒠𑒲𑒩𑓂𑒒 𑒏𑒟𑒰, 𑒅𑒣𑒢𑓂𑒨𑒰𑒮, 𑒢𑒰𑒙𑒏 𑒂 𑒋𑒏𑒰𑓀𑒏𑒲 𑒋𑒏𑒙𑒰 𑒁𑒢𑒳𑒦𑒫 𑒧𑒱𑒬𑓂𑒩𑒱𑒞 𑒏𑒪𑓂𑒣𑒢𑒰𑒣𑒩 𑒂𑒡𑒰𑒩𑒱𑒞 𑒁𑒕𑒱। 𑒁𑓀𑒑𑓂𑒩𑒹𑒖𑒲𑒧𑒹 𑒮𑒹𑒯𑒼 𑒪𑒧𑓂𑒥𑒰𑒃𑒏 𑒂𑒡𑒰𑒩𑒣𑒩 𑒬𑒰𑒩𑓂𑒙-𑒮𑓂𑒙𑒼𑒩𑒲/ 𑒢𑒼𑒫𑒹𑒪𑒹𑒙/ 𑒢𑒼𑒫𑒹𑒪𑒰/ 𑒢𑒼𑒫𑒹𑒪 𑒏 𑒫𑒱𑒦𑒰𑒖𑒢 𑒏𑒋𑒪 𑒖𑒰𑒃𑒞 𑒁𑒕𑒱 𑒖𑒹 𑒏𑓂𑒩𑒧𑒮𑒿 𑒪𑒒𑒳𑒏𑒟𑒰, 𑒏𑒟𑒰, 𑒠𑒲𑒩𑓂𑒒 𑒏𑒟𑒰 𑒂 𑒅𑒣𑒢𑓂𑒨𑒰𑒮 𑒪𑒹𑒪 𑒣𑓂𑒩𑒨𑒳𑒏𑓂𑒞 𑒏𑒋𑒪 𑒖𑒰 𑒮𑒏𑒻𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒮𑒦 𑒫𑒱𑒡𑒰𑒧𑒹 𑒬𑒥𑓂𑒠 𑒮𑓀𑒐𑓂𑒨𑒰𑒏 𑒒𑒙𑒼𑒞𑓂𑒞𑒩𑒲-𑒥𑒜𑓃𑒼𑒞𑓂𑒞𑒩𑒲 𑒁𑓀𑒑𑓂𑒩𑒹𑒖𑒲 𑒫𑒰 𑒠𑒼𑒮𑒩 𑒨𑒴𑒩𑒼𑒣𑒱𑒨𑒢 𑒦𑒰𑒭𑒰𑒮𑒿 𑒥𑒹𑒬𑒲 𑒯𑒼𑒃𑒞 𑒁𑒕𑒱, 𑒍𑒢𑒰 𑒁𑓀𑒑𑓂𑒩𑒹𑒖𑒲 𑒫𑒰 𑒠𑒼𑒮𑒩 𑒨𑒴𑒩𑒼𑒣𑒱𑒨𑒢 𑒦𑒰𑒭𑒰𑒧𑒹 𑒮𑒹𑒯𑒼 𑒮𑒦 𑒫𑒱𑒡𑒰𑒧𑒹 𑒪𑒹𑒐𑒏𑒏 𑒫𑓂𑒨𑒏𑓂𑒞𑒱𑒑𑒞 𑒩𑒳𑒔𑒱 𑒂 𑒏𑒟𑓂𑒨𑒏 𑒂𑒫𑒬𑓂𑒨𑒏𑒞𑒰𑒏 𑒁𑒢𑒳𑒮𑒰𑒩 𑒒𑒙𑒼𑒞𑓂𑒞𑒩𑒲-𑒥𑒜𑓃𑒼𑒞𑓂𑒞𑒩𑒲 𑒯𑒼𑒃𑒞𑒹 𑒁𑒕𑒱। 𑒞𑒯𑒱𑒢𑒰 𑒫𑒢-𑒋𑒏𑓂𑒙 𑒣𑓂𑒪𑒹 𑒦𑒹𑒪 𑒋𑒏𑒰𑓀𑒏𑒲 𑒂 𑒣𑓂𑒪𑒹 𑒦𑒹𑒪 𑒢𑒰𑒙𑒏।

𑒮𑒹 𑒪𑒒𑒳𑒏𑒟𑒰 𑒏𑒟𑒰 𑒞𑒿 𑒕𑒲𑒯𑒹।

𑒁𑒯𑒰𑒿𑒏 𑒁𑒢𑒳𑒦𑒫𑒧𑒱𑒬𑓂𑒩𑒱𑒞 𑒏𑒪𑓂𑒣𑒢𑒰 𑒁𑒯𑒰𑒿𑒮𑒿 𑒏𑒱𑒕𑒳 𑒏𑒯𑒥𑒰 𑒪𑒹𑒪 𑒏𑒯𑒻𑒞 𑒁𑒕𑒱। 𑒂 𑒄 𑒏𑒟𑓂𑒨 𑒯𑒰𑒮𑓂𑒨-𑒏𑒝𑒱𑒏𑒰 𑒫𑒰 𑒁𑒯𑒰𑒮𑓂𑒨-𑒏𑒝𑒱𑒏𑒰 𑒥𑒢𑒱 𑒮𑒏𑒻𑒞 𑒁𑒕𑒱। 𑒪𑒼𑒏 𑒁𑒯𑒰𑒿𑒏𑒹𑒿 𑒏𑒯𑒱 𑒮𑒏𑒻 𑒕𑒟𑒱 𑒖𑒹 𑒁𑒯𑒰𑒿𑒏𑒹𑒿 𑒑𑒣𑓂𑒣 𑒥𑒛𑓂𑒛 𑒤𑒳𑒩𑒰𑒃𑒋, 𑒁𑒯𑒰𑒿 𑒯𑒰𑒖𑒱𑒩 𑒖𑒫𑒰𑒥 𑒕𑒲। 𑒂 𑒞𑒏𑒩 𑒥𑒰𑒠 𑒁𑒯𑒰𑒿𑒏 𑒯𑒱𑒧𑓂𑒧𑒞 𑒥𑒜𑓃𑒻𑒞 𑒁𑒕𑒱 𑒂 𑒁𑒯𑒰𑒿 𑒍𑒯𑒱 𑒏𑒟𑓂𑒨𑒏𑒹𑒿 𑒬𑒱𑒪𑓂𑒣𑒏 𑒮𑒰𑒿𑒔𑒰𑒧𑒹 𑒜𑒪𑒻𑒨𑓂𑒨𑒰 𑒏𑓄 𑒪𑒒𑒳𑒏𑒟𑒰 𑒥𑒢𑒰 𑒠𑒻 𑒕𑒲।

𑒯𑒰𑒮𑓂𑒨-𑒏𑒝𑒱𑒏𑒰𑒏 𑒮𑓀𑒑 𑒮𑒦𑒮𑒿 𑒧𑒳𑒐𑓂𑒨 𑒁𑒫𑒩𑒼𑒡 𑒕𑒻 𑒖𑒹 𑒁𑒯𑒰𑒿𑒏 𑒮𑒳𑒢𑒰𑒍𑒪 𑒯𑒰𑒮𑓂𑒨-𑒏𑒝𑒱𑒏𑒰 𑒒𑒴𑒧𑒱-𑒤𑒱𑒩𑒱 𑒁𑒯𑒲𑓀 𑒪𑒑 𑒂𑒥𑒱 𑒖𑒰𑒋𑒞, 𑒧𑒰𑒢𑒹 𑒧𑒾𑒪𑒱𑒏𑒞𑒰 𑒏𑒞𑒾 𑒯𑒹𑒩𑒰 𑒖𑒰𑒋𑒞। 𑒯𑒰𑒮𑓂𑒨-𑒏𑒝𑒱𑒏𑒰 𑒮𑒹𑒯𑒼 𑒋𑒏-𑒠𑒴 𑒣𑒰𑒿𑒞𑒲𑒮𑒿 𑒂𑒡-𑒋𑒏 𑒣𑒵𑒭𑓂𑒚 𑒡𑒩𑒱𑒏 𑒯𑒼𑒃𑒞 𑒁𑒕𑒱। 𑒏𑒟𑒰-𑒅𑒣𑒢𑓂𑒨𑒰𑒮𑒧𑒹 𑒋𑒏𑒩 𑒮𑒧𑒰𑒫𑒹𑒬 𑒏𑒋𑒪 𑒖𑒰 𑒮𑒏𑒻𑒞 𑒁𑒕𑒱 𑒧𑒳𑒠𑒰 𑒪𑒒𑒳𑒏𑒟𑒰 𑒋𑒏𑒩 𑒣𑒪𑒐𑒞𑒱 𑒢𑒻 𑒠𑒻𑒞 𑒁𑒕𑒱। 𑒧𑒳𑒠𑒰 𑒏𑒟𑒰-𑒅𑒣𑒢𑓂𑒨𑒰𑒮𑒧𑒹 𑒖𑒹𑒢𑒰 𑒏𑒋𑒪 𑒖𑒰𑒃𑒞 𑒁𑒕𑒱 𑒖𑒹 𑒋𑒏𑒩𑒰 𑒏𑒼𑒢𑒼 𑒣𑒰𑒞𑓂𑒩𑒏 𑒧𑒳𑒿𑒯𑒮𑒿 𑒏𑒯𑒰𑒥𑒲 𑒫𑒰 𑒏𑒼𑒢𑒼 𑒂𑒢 𑒣𑓂𑒩𑒮𑓀𑒑𑒮𑒿 𑒖𑒼𑒛𑓃𑒱 𑒮𑒰𑒩𑓂𑒟𑒏 𑒥𑒢𑒰𑒥𑒲 𑒞𑒿 𑒮𑒹 𑒁𑒯𑒰𑒿 𑒪𑒒𑒳𑒏𑒟𑒰𑒧𑒹 𑒮𑒹𑒯𑒼 𑒏𑓄 𑒮𑒏𑒻 𑒕𑒲। 𑒑𑒪𑓂𑒣 𑒂𑒐𑓂𑒨𑒰𑒢𑒮𑒿 𑒯𑒼𑒃𑒞 𑒁𑒕𑒱 𑒂 𑒢𑒻𑒞𑒱𑒏 𑒬𑒱𑒏𑓂𑒭𑒰, 𑒣𑓂𑒩𑒹𑒩𑒏 𑒏𑒟𑒰 𑒂 𑒧𑒱𑒮𑓂𑒙𑒱𑒏 𑒙𑒹𑒪𑓂𑒮 𑒮𑒹𑒯𑒼 𑒪𑒒𑒳𑒮𑒿 𑒠𑒲𑒩𑓂𑒒 𑒩𑒴𑒣 𑒡𑒩𑒱 𑒯𑒼𑒃𑒞 𑒁𑒕𑒱। 𑒋𑒏𑒩 𑒪𑒒𑒳 𑒩𑒴𑒣 𑒪𑒒𑒳𑒏𑒟𑒰 𑒢𑒻 𑒦𑒹𑒪 𑒮𑒹𑒯𑒼 𑒢𑒻।
𑒪𑒒𑒳𑒏𑒟𑒰𑒧𑒹 𑒖𑒹 𑒞𑓂𑒫𑒩𑒱𑒞 𑒫𑒱𑒔𑒰𑒩𑒏 𑒅𑒣𑒮𑓂𑒟𑒰𑒣𑒢 𑒠𑒹𑒐𑒪 𑒖𑒰𑒃𑒞 𑒁𑒕𑒱 𑒮𑒹 𑒏𑒟𑒰-𑒑𑒪𑓂𑒣 𑒂 𑒅𑒣𑒢𑓂𑒨𑒰𑒮𑒧𑒹 𑒮𑒹𑒯𑒼 𑒩𑒯𑒻𑒞 𑒁𑒕𑒱। 𑒧𑒳𑒠𑒰 𑒖𑒹 𑒞𑓂𑒫𑒩𑒱𑒞 𑒫𑒱𑒔𑒰𑒩𑒏 𑒅𑒣𑒮𑓂𑒟𑒰𑒣𑒢 𑒢𑒻 𑒩𑒯𑒪𑒰𑒮𑒿 𑒍 𑒪𑒒𑒳𑒏𑒟𑒰 𑒢𑒻 𑒩𑒯𑒞 𑒮𑒹𑒯𑒼 𑒑𑒣 𑒢𑒻। 𑒅𑒢𑒙𑒹 𑒖𑒐𑒢 𑒪𑒒𑒳𑒏𑒟𑒰𑒏 𑒮𑒧𑒲𑒏𑓂𑒭𑒰 𑒏𑒩𑒋 𑒪𑒰𑒑𑒥 𑒞𑒐𑒢 𑒮𑒧𑒲𑒏𑓂𑒭𑒏𑒏 𑒡𑓂𑒨𑒰𑒢 𑒮𑓂𑒟𑒰𑒨𑒲 𑒞𑒞𑓂𑒫 𑒠𑒱𑒮 𑒯𑒼𑒋𑒥𑒰𑒏 𑒔𑒰𑒯𑒲 𑒢𑒻 𑒏𑒱 𑒞𑓂𑒫𑒩𑒱𑒞 𑒅𑒣𑒮𑓂𑒟𑒰𑒣𑒢 𑒠𑒱𑒮। 𑒞𑓂𑒫𑒩𑒱𑒞 𑒫𑒱𑒔𑒰𑒩𑒏 𑒅𑒣𑒮𑓂𑒟𑒰𑒣𑒢𑒏 𑒣𑓂𑒩𑒞𑒱 𑒥𑒹𑒮𑒲 𑒗𑒳𑒏𑒰𑒫 𑒍𑒏𑒩𑒰 𑒁𑒯𑒰𑒮𑓂𑒨-𑒏𑒝𑒱𑒏𑒰 𑒥𑒢𑒰 𑒠𑒻𑒞 𑒁𑒕𑒱, 𑒍 𑒪𑒒𑒳𑒏𑒟𑒰 𑒞𑒿 𑒩𑒯𑒞 𑒧𑒳𑒠𑒰 𑒬𑓂𑒩𑒹𑒭𑓂𑒚 𑒪𑒒𑒳𑒏𑒟𑒰 𑒢𑒻 𑒩𑒯𑒞। 𑒪𑒒𑒳𑒏𑒟𑒰 𑒗𑒧𑒰𑒩𑒱 𑒠𑒹𑒞 𑒞𑒿 𑒍 𑒪𑒒𑒳𑒏𑒟𑒰 𑒫𑒰 𑒬𑓂𑒩𑒹𑒭𑓂𑒚 𑒪𑒒𑒳𑒏𑒟𑒰 𑒦𑒹𑒪 𑒂 𑒖𑒹 𑒍 𑒗𑒧𑒰𑒩𑒱 𑒢𑒻 𑒮𑒏𑒞 𑒞𑒿 𑒍 𑒪𑒒𑒳𑒏𑒟𑒰 𑒦𑒹𑒥𑒹 𑒢𑒻 𑒏𑒋𑒪- 𑒄 𑒑𑒣 𑒢𑒻 𑒕𑒻। 𑒏𑒼𑒢𑒼 𑒞𑓂𑒫𑒩𑒱𑒞 𑒫𑒱𑒔𑒰𑒩 𑒂𑒋𑒪, 𑒍𑒏𑒩𑒰 𑒏𑒰𑒑𑒔𑒣𑒩 𑒪𑒱𑒐𑒱 𑒪𑒹𑒪𑒯𑒳𑒿, 𑒋𑒯𑒱 𑒛𑒩𑒮𑒿 𑒖𑒹 𑒏𑒞𑒾 𑒥𑒱𑒮𑒩𑒰 𑒢𑒹 𑒖𑒰𑒋- 𑒋𑒞𑓄 𑒡𑒩𑒱 𑒞𑒿 𑒚𑒲𑒏 𑒁𑒕𑒱। 𑒧𑒳𑒠𑒰 𑒯𑒩𑒥𑒛𑓃𑒰 𑒏𑓄 𑒋𑒏𑒩𑒰 𑒪𑒒𑒳𑒏𑒟𑒰 𑒥𑒢𑒰 𑒠𑒹𑒥𑒰𑒮𑒿 𑒣𑒯𑒱𑒢𑒹 𑒫𑒱𑒔𑒰𑒩𑒏𑒹𑒿 𑒮𑒲𑒗𑓄 𑒠𑒱𑒎। 𑒍𑒯𑒱𑒧𑒹 𑒏𑒲 𑒧𑒱𑒖𑓂𑒗𑒩 𑒏𑒩𑒥 𑒞𑒿 𑒍𑒯𑒱𑒧𑒹 𑒮𑓂𑒟𑒰𑒨𑒲 𑒞𑒞𑓂𑒫 𑒂𑒥𑒱 𑒮𑒏𑒞 𑒞𑒰𑒯𑒱𑒣𑒩 𑒧𑒢𑒢 𑒏𑒩𑒴। 𑒍𑒢𑒰 𑒥𑒱𑒢𑒰 𑒮𑒱𑒗𑒢𑒹 𑒖𑒹 𑒗𑒧𑒰𑒩𑒻𑒥𑒪𑒰 𑒪𑒒𑒳𑒏𑒟𑒰 𑒪𑒱𑒐𑒱 𑒠𑒹𑒪𑒯𑒳𑒿 𑒞𑒿 𑒍 𑒪𑒒𑒳𑒏𑒟𑒰 𑒞𑒿 𑒦𑒹𑒪 𑒧𑒳𑒠𑒰 𑒬𑓂𑒩𑒹𑒭𑓂𑒚 𑒪𑒒𑒳𑒏𑒟𑒰 𑒍 𑒮𑒹𑒯𑒼 𑒦𑓄 𑒮𑒏𑒞 𑒞𑒏𑒩 𑒮𑒧𑓂𑒦𑒰𑒫𑒢𑒰 𑒏𑒧। 𑒄 𑒍𑒯𑒱𑒢𑒰 𑒁𑒕𑒱 𑒖𑒹𑒢𑒰 𑒏𑒼𑒢𑒼 𑒗𑒧𑒏𑒾𑒂 𑒑𑒲𑒞 𑒁𑒣𑒢 𑒣𑓂𑒩𑒦𑒰𑒫 𑒥𑒹𑒮𑒲 𑒠𑒱𑒢 𑒩𑒐𑒥𑒹 𑒏𑒩𑒞 𑒮𑒹 𑒢𑒱𑒬𑓂𑒔𑒱𑒞 𑒢𑒻 𑒁𑒕𑒱 𑒞𑒯𑒱𑒢𑒰 𑒏𑒟𑒰𑒏 𑒄 𑒮𑓂𑒫𑒩𑒴𑒣 𑒙𑓂𑒫𑒹𑓀𑒙𑒲-𑒙𑓂𑒫𑒹𑓀𑒙𑒲 𑒮𑒢 𑒢𑒻 𑒦𑓄 𑒖𑒰𑒋 𑒞𑒰𑒯𑒱𑒣𑒩 𑒫𑒱𑒔𑒰𑒩 𑒏𑒩𑒋 𑒣𑒛𑓃𑒞।

𑒅𑒣𑒢𑓂𑒨𑒰𑒮 𑒞𑒿 𑒋𑒏 𑒅𑒐𑒛𑓃𑒰𑒯𑒰𑒧𑒹 𑒢𑒻 𑒣𑒜𑓃𑒪 𑒖𑒰 𑒮𑒏𑒻𑒋 𑒧𑒳𑒠𑒰 𑒏𑒟𑒰 𑒋𑒏 𑒅𑒐𑒛𑓃𑒰𑒯𑒰𑒧𑒹 𑒣𑒜𑓃𑒪 𑒖𑒰 𑒮𑒏𑒻𑒞 𑒁𑒕𑒱। 𑒋𑒏 𑒅𑒐𑒛𑓃𑒰𑒯𑒰𑒧𑒹 𑒁𑒯𑒰𑒿 𑒏𑒋𑒏𑒙𑒰 𑒪𑒒𑒳𑒏𑒟𑒰 𑒣𑒜𑓃𑒱 𑒮𑒏𑒻 𑒕𑒲। 𑒅𑒣𑒢𑓂𑒨𑒰𑒮𑒧𑒹 𑒪𑒹𑒐𑒏 𑒫𑒰𑒞𑒰𑒫𑒩𑒝𑒏, 𑒣𑓂𑒪𑒰𑒙𑒏, 𑒫𑓂𑒨𑒏𑓂𑒞𑒱𑒏 𑒖𑒰𑒯𑒱 𑒫𑒱𑒬𑒠𑒞𑒰𑒮𑒿 𑒫𑒩𑓂𑒝𑒢 𑒏𑓄 𑒮𑒏𑒻𑒋 𑒮𑒹 𑒏𑒟𑒰𑒧𑒹 𑒮𑒧𑓂𑒦𑒫 𑒢𑒻। 𑒍 𑒋𑒏𑒙𑒰 𑒣𑒏𑓂𑒭𑒣𑒩/ 𑒖𑒾𑒿 𑒏𑒯𑒲 𑒞𑒿 𑒋𑒏𑒙𑒰 𑒒𑒙𑒢𑒰𑒣𑒩 𑒏𑒹𑒢𑓂𑒠𑓂𑒩𑒱𑒞 𑒩𑒯𑒻𑒋 𑒂 𑒋𑒯𑒱 𑒏𑓂𑒩𑒧𑒧𑒹 𑒫𑒰𑒞𑒰𑒫𑒩𑒝 𑒂 𑒫𑓂𑒨𑒏𑓂𑒞𑒱𑒏 𑒖𑒲𑒫𑒢𑒏 𑒋𑒏𑒙𑒰 𑒧𑒼𑒙𑒰𑒧𑒼𑒙𑒲 𑒫𑒱𑒫𑒩𑒝𑒰𑒞𑓂𑒧𑒏 𑒮𑓂𑒏𑒹𑒔 𑒧𑒰𑒞𑓂𑒩 𑒐𑒹𑓀𑒔𑒱 𑒣𑒥𑒻𑒋। 𑒪𑒒𑒳𑒏𑒟𑒰𑒧𑒹 𑒫𑒰𑒞𑒰𑒫𑒩𑒝 𑒂 𑒫𑓂𑒨𑒏𑓂𑒞𑒱𑒏 𑒖𑒲𑒫𑒢𑒏 𑒋𑒏𑒙𑒰 𑒧𑒼𑒙𑒰𑒧𑒼𑒙𑒲 𑒫𑒱𑒫𑒩𑒝𑒰𑒞𑓂𑒧𑒏 𑒮𑓂𑒏𑒹𑒔 𑒮𑒹𑒯𑒼 𑒢𑒻 𑒐𑒹𑓀𑒔𑒱 𑒮𑒏𑒻 𑒕𑒲, 𑒮𑒹 𑒣𑒪𑒐𑒞𑒱 𑒪𑒒𑒳𑒏𑒟𑒰 𑒁𑒯𑒰𑒿𑒏𑒹𑒿 𑒢𑒻 𑒠𑒹𑒞, 𑒯𑒿 𑒞𑒐𑒢 𑒪𑒒𑒳𑒏𑒟𑒰 𑒮𑒹𑒯𑒼 𑒋𑒏𑒙𑒰 𑒣𑒏𑓂𑒭𑒣𑒩 𑒫𑒰 𑒋𑒏𑒙𑒰 𑒒𑒙𑒢𑒰𑒣𑒩 𑒏𑒹𑒢𑓂𑒠𑓂𑒩𑒱𑒞 𑒩𑒯𑒻𑒋। 𑒂 𑒄 𑒣𑒏𑓂𑒭 𑒫𑒰 𑒒𑒙𑒢𑒰 𑒞𑒹𑒯𑒢 𑒩𑒯𑒞 𑒖𑒹 𑒪𑒹𑒐𑒏𑒏𑒹𑒿 𑒪𑒪𑒔𑒥𑒃𑒞 𑒩𑒯𑒞 𑒖𑒹 𑒋𑒏𑒩𑒰 𑒮𑓂𑒫𑒞𑓀𑒞𑓂𑒩 𑒩𑒴𑒣𑒮𑒿 𑒪𑒱𑒐𑒴, 𑒋𑒏𑒩𑒰 𑒏𑒟𑒰 𑒫𑒰 𑒅𑒣𑒢𑓂𑒨𑒰𑒮𑒏 𑒦𑒰𑒑 𑒥𑒢𑒰 𑒏𑓄 𑒋𑒏𑒩 𑒮𑓂𑒫𑒞𑓀𑒞𑓂𑒩𑒞𑒰 𑒢𑒭𑓂𑒙 𑒢𑒻 𑒏𑒩𑒴।

𑒞𑒐𑒢 𑒅𑒣𑒢𑓂𑒨𑒰𑒮𑒏 𑒣𑓂𑒪𑒰𑒙𑒮𑒿 𑒏𑒟𑒰𑒏 𑒣𑓂𑒪𑒰𑒙 𑒮𑒩𑒪 𑒯𑒼𑒋𑒞 𑒂 𑒪𑒒𑒳𑒏𑒟𑒰𑒏 𑒪𑒹𑒪 𑒞𑒿 𑒋𑒏𑒩 𑒂𑒫𑒬𑓂𑒨𑒏𑒞𑒹 𑒢𑒻 𑒁𑒕𑒱, 𑒣𑒏𑓂𑒭 𑒫𑒰 𑒒𑒙𑒢𑒰𑒏 𑒫𑒩𑓂𑒝𑒢 𑒬𑒱𑒪𑓂𑒣𑒏 𑒮𑒰𑒿𑒔𑒰𑒧𑒹 𑒜𑒪𑒻𑒨𑓂𑒨𑒰 𑒏𑒹𑒪𑒯𑒳𑒿 𑒂 𑒣𑒴𑒩𑓂𑒝 𑒪𑒒𑒳𑒏𑒟𑒰 𑒥𑒢𑒱 𑒏𑓄 𑒞𑒻𑒨𑒰𑒩।


𑒪𑒒𑒳𑒏𑒟𑒰𑒏 𑒮𑒧𑒲𑒏𑓂𑒭𑒰𑒬𑒰𑒮𑓂𑒞𑓂𑒩
𑒪𑒒𑒳𑒏𑒟𑒰𑒏 𑒮𑒧𑒲𑒏𑓂𑒭𑒰 𑒏𑒼𑒢𑒰 𑒏𑒩𑒲? 𑒠𑒴-𑒣𑒰𑒿𑒞𑒲𑒮𑒿 𑒛𑒹𑒜𑓃-𑒠𑒴 𑒣𑒢𑓂𑒢𑒰 𑒡𑒩𑒱𑒏 (𑒣𑒰𑒿𑒔 𑒣𑒢𑓂𑒢𑒰 𑒡𑒩𑒱 𑒮𑒹𑒯𑒼) 𑒁𑒢𑒳𑒦𑒫𑒧𑒱𑒬𑓂𑒩𑒱𑒞 𑒏𑒰𑒪𑓂𑒣𑒢𑒱𑒏 𑒐𑒱𑒮𑓂𑒮𑒰 𑒪𑒒𑒳𑒏𑒟𑒰 𑒏𑒯𑒋𑒥𑒰𑒏 𑒁𑒡𑒱𑒏𑒰𑒩𑒲 𑒁𑒕𑒱। 𑒪𑒒𑒳 𑒂𑒏𑒰𑒩𑒏 𑒏𑒟𑒰𑒧𑒹 𑒏𑒼𑒢𑒼 𑒏𑒟𑒰 𑒣𑒴𑒩𑓂𑒝 𑒩𑒴𑒣𑒮𑒿 𑒏𑒯𑒪 𑒑𑒹𑒪 𑒞𑒿 𑒤𑒹𑒩 𑒍 𑒪𑒒𑒳𑒏𑒟𑒰 𑒢𑒻 𑒏𑒯𑒰𑒍𑒞। 𑒯𑒿 𑒖𑒹 𑒍𑒯𑒱𑒧𑒹 𑒋𑒏𑒙𑒰 𑒒𑒙𑒢𑒰𑒏 𑒬𑒵𑓀𑒐𑒪𑒰𑒏 𑒫𑒩𑓂𑒝𑒢 𑒋𑒏𑒙𑒰 𑒏𑒟𑓂𑒨 𑒏𑒯𑒏 𑒪𑒹𑒪 𑒂𑒫𑒬𑓂𑒨𑒏 𑒁𑒕𑒱 𑒞𑒿 𑒬𑒵𑓀𑒐𑒪𑒰 𑒣𑒴𑒩𑓂𑒝 𑒯𑒼𑒋𑒥𑒰𑒏 𑒔𑒰𑒯𑒲। 𑒋𑒯𑒱 𑒬𑒵𑓀𑒐𑒪𑒰𑒏 𑒏𑒛𑓃𑒲 𑒏𑒢𑒹𑒏 𑒢𑒧𑒑𑒩 𑒦𑓄 𑒮𑒏𑒻𑒋। 𑒞𑓂𑒫𑒩𑒱𑒞 𑒅𑒣𑒮𑓂𑒟𑒰𑒣𑒢𑒰𑒏 𑒯𑒩𑒥𑒛𑓃𑒲 𑒋𑒯𑒱 𑒬𑒵𑓀𑒐𑒪𑒰𑒏𑒹𑒿 𑒏𑒧𑒖𑒼𑒩 𑒏𑓄 𑒮𑒏𑒻𑒋। 𑒮𑒠𑒱𑒐𑒢 𑒅𑒪𑓂𑒙𑒰 𑒡𑒰𑒩 𑒥𑒯𑒰𑒥𑒲 𑒂 𑒞𑓂𑒫𑒩𑒱𑒞 𑒅𑒣𑒮𑓂𑒟𑒰𑒣𑒢𑒰 𑒂𑒢𑒲- 𑒄 𑒣𑒠𑓂𑒡𑒞𑒱 𑒏𑒱𑒕𑒳 𑒑𑒝𑒧𑒰𑒢𑓂𑒨 𑒪𑒒𑒳𑒏𑒟𑒰 𑒪𑒹𑒐𑒏𑒏 𑒤𑒰𑒩𑓂𑒧𑒴𑒪𑒰 𑒥𑒢𑒱 𑒑𑒹𑒪 𑒁𑒕𑒱। 𑒋𑒏𑒰𑒡-𑒠𑒴𑒙𑒰 𑒪𑒒𑒳𑒏𑒟𑒰𑒧𑒹 𑒄 𑒮𑒱𑒢𑒹𑒧𑒰𑒏 “𑒂𑒃𑒙𑒧 𑒑𑒲𑒞” 𑒮𑒢 𑒮𑒼𑒯𑒢𑒑𑒩 𑒪𑒑𑒻𑒞 𑒁𑒕𑒱 𑒧𑒳𑒠𑒰 𑒤𑒹𑒩 𑒮𑒧𑒲𑒏𑓂𑒭𑒏𑒏 𑒠𑒵𑒭𑓂𑒙𑒱 𑒋𑒏𑒩𑒰 𑒣𑒏𑒛𑓃𑒱 𑒪𑒻𑒞 𑒁𑒕𑒱, 𑒏𑒰𑒩𑒝 𑒄 𑒣𑓂𑒩𑒼-𑒋𑒏𑓂𑒙𑒱𑒫 𑒯𑒼𑒋𑒥𑒰𑒏 𑒮𑒰𑒞𑒲 𑒩𑒱𑒋𑒏𑓂𑒙𑒱𑒫 𑒥𑒢𑒱 𑒖𑒰𑒃𑒞 𑒁𑒕𑒱। 𑒮𑓂𑒟𑒰𑒨𑒲 𑒣𑓂𑒩𑒦𑒰𑒫 𑒋𑒯𑒱𑒮𑒿 𑒢𑒻 𑒂𑒥𑒱 𑒣𑒥𑒻 𑒕𑒻, 𑒪𑒒𑒳𑒏𑒟𑒰 𑒪𑒹𑒐𑒏𑒏 𑒣𑓂𑒩𑒞𑒱𑒦𑒰𑒏 𑒏𑒧𑒲 𑒋𑒯𑒱𑒧𑒹 𑒣𑓂𑒩𑒞𑒲𑒞 𑒯𑒼𑒃 𑒕𑒻। 𑒪𑒒𑒳𑒏𑒟𑒰 𑒫𑒋𑒯 𑒬𑓂𑒩𑒹𑒭𑓂𑒚 𑒯𑒼𑒋𑒞 𑒖𑒹 𑒋𑒏𑒙𑒰 𑒒𑒙𑒢𑒰𑒏 𑒬𑒵𑓀𑒐𑒪𑒰𑒏 𑒢𑒱𑒩𑓂𑒧𑒰𑒝 𑒏𑒩𑒞 𑒂 𑒁𑒣𑒢 𑒢𑒱𑒩𑓂𑒝𑒨 𑒮𑒳𑒢𑒹𑒥𑒰𑒏 𑒪𑒹𑒪 𑒣𑒰𑒚𑒏𑒏𑒹𑒿 𑒕𑒼𑒛𑓃𑒱 𑒠𑒹𑒞। 𑒤𑒩𑒱𑒕𑒹𑒥𑒰𑒏 𑒣𑒪𑒐𑒞𑒱 𑒪𑒒𑒳𑒏𑒟𑒰𑒏𑒹𑒿 𑒢𑒻 𑒕𑒻, 𑒧𑒳𑒠𑒰 𑒞𑒏𑒩 𑒧𑒰𑒢𑒹 𑒄 𑒢𑒻 𑒖𑒹 𑒠𑒴-𑒔𑒰𑒩𑒱 𑒣𑒰𑒿𑒞𑒲𑒧𑒹 𑒥𑒰𑒞 𑒏𑒋𑒪 𑒖𑒰𑒋। 𑒧𑒳𑒠𑒰 𑒪𑒹𑒐𑒏 𑒖𑒾𑒿 𑒠𑒴-𑒔𑒰𑒩𑒱 𑒣𑒰𑒿𑒞𑒲𑒏 𑒑𑒣𑒏𑒹𑒿 𑒪𑒒𑒳𑒏𑒟𑒰 𑒏𑒯𑒻 𑒕𑒟𑒱 𑒞𑒿 𑒮𑒧𑒲𑒏𑓂𑒭𑒏 𑒍𑒏𑒩𑒰 𑒪𑒒𑒳𑒏𑒟𑒰 𑒧𑒰𑒢𑒥𑒰 𑒪𑒹𑒪 𑒥𑒰𑒡𑓂𑒨 𑒕𑒟𑒱 𑒧𑒳𑒠𑒰 𑒍 𑒬𑓂𑒩𑒹𑒭𑓂𑒚 𑒪𑒒𑒳𑒏𑒟𑒰 𑒯𑒼𑒋𑒞 𑒞𑒏𑒩 𑒮𑒧𑓂𑒦𑒰𑒫𑒢𑒰 𑒒𑒙𑒱 𑒖𑒰𑒃𑒞 𑒁𑒕𑒱।
𑒪𑒒𑒳𑒏𑒟𑒰𑒏 𑒫𑒩𑓂𑒝𑓂𑒨 𑒫𑒱𑒭𑒨 𑒧𑒰𑒞𑓂𑒩 𑒔𑒪𑒻𑒞-𑒤𑒱𑒩𑒻𑒞 𑒒𑒙𑒢𑒰 𑒢𑒻 𑒁𑒕𑒱। 𑒪𑒒𑒳𑒏𑒟𑒰-𑒪𑒹𑒐𑒏𑒏𑒹𑒿 𑒥𑒔𑓂𑒔𑒰𑒏 𑒪𑒹𑒪, 𑒢𑒻𑒞𑒱𑒏 𑒬𑒱𑒏𑓂𑒭𑒰𑒏 𑒪𑒹𑒪 𑒂 𑒡𑒰𑒩𑓂𑒧𑒱𑒏 𑒫𑒱𑒭𑒨𑒣𑒩 𑒮𑒹𑒯𑒼 𑒪𑒒𑒳𑒏𑒟𑒰 𑒪𑒱𑒐𑒥𑒰𑒏 𑒔𑒰𑒯𑒲। 𑒙𑓂𑒩𑒹𑒢𑒧𑒹 𑒥𑒮𑒧𑒹 𑒖𑒰𑒃 𑒕𑒲, 𑒒𑒩𑒧𑒹 𑒠𑒪𑒰𑒢𑒣𑒩 𑒒𑒴𑒩𑒞𑒩 𑒑𑒣 𑒏𑒩𑒻 𑒕𑒲 𑒂 𑒞𑒏𑒩 𑒁𑒢𑒳𑒦𑒫 𑒧𑒰𑒞𑓂𑒩 𑒪𑒒𑒳𑒏𑒟𑒰𑒧𑒹 𑒂𑒥𑒱 𑒩𑒯𑒪 𑒁𑒕𑒱। 𑒮𑒰𑒧𑒰𑒖𑒱𑒏 𑒂 𑒂𑒩𑓂𑒟𑒱𑒏 𑒮𑒧𑒮𑓂𑒨𑒰 𑒮𑒹𑒯𑒼 𑒋𑒏𑒩 𑒮𑓂𑒟𑒰𑒨𑒲 𑒫𑒩𑓂𑒝𑓂𑒨 𑒫𑒱𑒭𑒨 𑒦𑓄 𑒮𑒏𑒻𑒞 𑒁𑒕𑒱। 𑒩𑒰𑒖𑒢𑒻𑒞𑒱𑒏 𑒣𑓂𑒩𑒬𑓂𑒢 𑒂 𑒣𑓂𑒩𑒰𑒏𑒵𑒞𑒱𑒏 𑒂𑒣𑒠𑒰𑒏𑒹𑒿 𑒫𑒩𑓂𑒝𑓂𑒨 𑒫𑒱𑒭𑒨 𑒥𑒢𑒰𑒍𑒪 𑒖𑒰 𑒮𑒏𑒻𑒞 𑒁𑒕𑒱। 𑒪𑒒𑒳𑒏𑒟𑒰 𑒮𑒧𑒲𑒏𑓂𑒭𑒏 𑒮𑒧𑒲𑒏𑓂𑒭𑒰 𑒏𑒩𑒥𑒰 𑒏𑒰𑒪 𑒣𑒾𑒩𑒰𑒝𑒱𑒏 𑒩𑒴𑒣𑒧𑒹 𑒬𑒱𑒫 𑒣𑒳𑒩𑒰𑒝𑒧𑒹 𑒮𑒦𑒮𑒿 𑒣𑒻𑒒 𑒬𑒱𑒫 𑒂 𑒑𑒩𑒳𑒛𑓃 𑒣𑒳𑒩𑒰𑒝𑒧𑒹 𑒮𑒦𑒮𑒿 𑒣𑒻𑒒 𑒑𑒩𑒳𑒛𑓃 𑒋𑒯𑒱 𑒞𑒩𑒯𑒏 𑒮𑒧𑒲𑒏𑓂𑒭𑒰 𑒢𑒻 𑒏𑒩𑒟𑒱। 𑒧𑒰𑒢𑒹 𑒄 𑒢𑒻 𑒯𑒼𑒧𑒋 𑒪𑒰𑒑𑒋 𑒖𑒹, 𑒖𑒹 𑒁𑒕𑒱 𑒮𑒹 𑒪𑒒𑒳𑒏𑒟𑒰। 𑒖𑒹𑒢𑒰 𑒅𑒣𑒢𑓂𑒨𑒰𑒮𑒧𑒹 𑒪𑒹𑒐𑒏𑒏𑒹𑒿 𑒁𑒣𑒢 𑒣𑒴𑒩𑓂𑒝 𑒣𑓂𑒩𑒞𑒱𑒦𑒰 𑒠𑒹𑒐𑒹𑒥𑒰𑒏 𑒪𑒹𑒪 𑒣𑒪𑒐𑒞𑒱𑒏 𑒁𑒦𑒰𑒫 𑒢𑒻 𑒩𑒯𑒻 𑒕𑒻 𑒮𑒹 𑒏𑒟𑒰𑒧𑒹 𑒢𑒻 𑒩𑒯𑒻 𑒕𑒻 𑒂 𑒪𑒒𑒳𑒏𑒟𑒰𑒧𑒹 𑒞𑒿 𑒮𑒹 𑒂𑒩𑒼 𑒏𑒧 𑒩𑒯𑒻 𑒕𑒻। 𑒧𑒳𑒠𑒰 𑒫𑒱𑒭𑒨𑒏 𑒫𑒱𑒮𑓂𑒞𑒰𑒩 𑒏𑓄 𑒣𑒰𑒚𑒏𑒏 𑒧𑒰𑒿𑒑𑒏𑒹𑒿 𑒣𑒴𑒩𑓂𑒝 𑒏𑒋𑒪 𑒖𑒰 𑒮𑒏𑒻𑒞 𑒁𑒕𑒱। 𑒏𑒟𑒼𑒣𑒏𑒟𑒢𑒏 𑒑𑒳𑓀𑒖𑒰𑒃𑒬 𑒏𑒧 𑒩𑒰𑒐𑒱 𑒫𑒰 𑒏𑒼𑒢𑒼 𑒅𑒣𑒮𑓂𑒟𑒰𑒣𑒢𑒰𑒮𑒿 𑒣𑒯𑒱𑒢𑒹 𑒩𑒰𑒐𑒱 𑒪𑒒𑒳𑒏𑒟𑒰 𑒂 𑒏𑒟𑒰𑒏𑒹𑒿 𑒮𑒬𑒏𑓂𑒞 𑒥𑒢𑒰𑒍𑒪 𑒖𑒰 𑒮𑒏𑒻𑒞 𑒁𑒕𑒱, 𑒁𑒢𑓂𑒨𑒟𑒰 𑒍 𑒋𑒏𑒰𑓀𑒏𑒲 𑒫𑒰 𑒢𑒰𑒙𑒏 𑒥𑒢𑒱 𑒖𑒰𑒋𑒞। 𑒪𑒒𑒳𑒏𑒟𑒰𑒏 𑒮𑒧𑒰𑒫𑒹𑒬 𑒏𑒟𑒰-𑒅𑒣𑒢𑓂𑒨𑒰𑒮𑒧𑒹 𑒦𑓄 𑒮𑒏𑒻𑒋 𑒧𑒳𑒠𑒰 𑒪𑒒𑒳𑒏𑒟𑒰𑒧𑒹 𑒯𑒰𑒮𑓂𑒨-𑒏𑒝𑒱𑒏𑒰𑒏 𑒮𑒧𑒰𑒫𑒹𑒬 𑒢𑒻 𑒯𑒳𑒁𑒋 𑒞𑒐𑒢𑒹 𑒍 𑒮𑒧𑒲𑒏𑓂𑒭𑒰𑒏 𑒠𑒵𑒭𑓂𑒙𑒱𑒮𑒿 𑒯𑒼𑒋𑒞, 𑒏𑒰𑒩𑒝 𑒋𑒏 𑒞𑒿 𑒏𑒧 𑒖𑒑𑒯, 𑒞𑒰𑒯𑒱𑒧𑒹 𑒖𑒹 𑒏𑒟𑒼𑒣𑒏𑒟𑒢 𑒂 𑒯𑒰𑒮𑓂𑒨 𑒏𑒝𑒱𑒏𑒰 𑒒𑒼𑒮𑒱𑒨𑒹𑒪𑒯𑒳𑒿 𑒞𑒐𑒢 𑒍𑒏𑒩 𑒣𑓂𑒩𑒦𑒰𑒫 𑒠𑒲𑒩𑓂𑒒𑒖𑒲𑒫𑒲 𑒢𑒻 𑒯𑒼𑒋𑒞।

𑒢𑒲𑒏 𑒪𑒒𑒳𑒏𑒟𑒰 𑒞𑓂𑒫𑒩𑒱𑒞 𑒅𑒣𑒮𑓂𑒟𑒰𑒣𑒢𑒏 𑒂𑒡𑒰𑒩𑒣𑒩 𑒢𑒻 𑒫𑒩𑒢 𑒍𑒯𑒱𑒧𑒹 𑒞𑒲𑒏𑓂𑒭𑓂𑒝𑒞𑒰𑒮𑒿 𑒅𑒣𑒮𑓂𑒟𑒰𑒣𑒱𑒞 𑒧𑒰𑒢𑒫-𑒧𑒴𑒪𑓂𑒨, 𑒮𑒰𑒧𑒰𑒖𑒱𑒏 𑒮𑒧𑒩𑒮𑒞𑒰𑒏 𑒞𑒞𑓂𑒫 𑒂 𑒮𑒧𑒰𑒢𑒞𑒰-𑒢𑓂𑒨𑒰𑒨 𑒂𑒡𑒰𑒩𑒱𑒞 𑒮𑒰𑒧𑒰𑒖𑒱𑒏 𑒧𑒰𑒢𑓂𑒨𑒞𑒰𑒏 𑒮𑒱𑒠𑓂𑒡𑒰𑒢𑓂𑒞 𑒂𑒡𑒰𑒩 𑒥𑒢𑒞। 𑒮𑒧𑒰𑒖 𑒍𑒯𑒱 𑒂𑒡𑒰𑒩𑒣𑒩 𑒏𑒼𑒢𑒰 𑒂𑒑𑒴 𑒥𑒜𑓃𑒋 𑒮𑒹 𑒮𑓀𑒠𑒹𑒬 𑒞𑒲𑒏𑓂𑒭𑓂𑒝𑒞𑒰𑒮𑒿 𑒂𑒥𑒻𑒋 𑒫𑒰 𑒢𑒻 𑒮𑒹 𑒠𑒹𑒐𑒋 𑒣𑒛𑓃𑒞। 𑒣𑒰𑒚𑒏𑒏 𑒧𑒢𑒮𑒱 𑒥𑒢𑓂𑒡𑒢𑒮𑒿 𑒧𑒳𑒏𑓂𑒞 𑒯𑒼𑒃𑒞 𑒁𑒕𑒱 𑒫𑒰 𑒢𑒻, 𑒍𑒯𑒱𑒧𑒹 𑒠𑒼𑒮𑒩𑒰𑒏 𑒢𑒹𑒞𑒵𑒞𑓂𑒫 𑒏𑒩𑒥𑒰𑒏 𑒏𑓂𑒭𑒧𑒞𑒰 𑒂 𑒂𑒞𑓂𑒧𑒥𑒪 𑒁𑒥𑒻 𑒕𑒻 𑒫𑒰 𑒢𑒻, 𑒍𑒏𑒩 𑒔𑒰𑒩𑒱𑒞𑓂𑒩𑒱𑒏 𑒢𑒱𑒩𑓂𑒧𑒰𑒝𑒏 𑒂 𑒬𑓂𑒩𑒧𑒏 𑒣𑓂𑒩𑒞𑒱 𑒮𑒧𑓂𑒧𑒰𑒢𑒏 𑒣𑓂𑒩𑒞𑒱 𑒮𑒢𑓂𑒠𑒹𑒯 𑒠𑒴𑒩 𑒯𑒼𑒃 𑒕𑒻 𑒫𑒰 𑒢𑒻- 𑒄 𑒮𑒦𑒙𑒰 𑒞𑒟𑓂𑒨 𑒪𑒒𑒳𑒏𑒟𑒰𑒏 𑒧𑒰𑒢𑒠𑓀𑒛 𑒥𑒢𑒞। 𑒏𑒰𑒞-𑒏𑒩𑒼𑒙𑒧𑒹 𑒩𑒯𑒢𑒱𑒯𑒰𑒩 𑒞𑒹𑒯𑒢 𑒏𑒰𑒖 𑒏𑓄 𑒖𑒰𑒟𑒱 𑒖𑒹 𑒮𑒳𑒫𑒱𑒡𑒰𑒮𑒧𑓂𑒣𑒢𑓂𑒢 𑒥𑒳𑒞𑒹 𑒢𑒻 𑒮𑒧𑓂𑒦𑒫 𑒁𑒕𑒱, 𑒂 𑒮𑒹 𑒏𑒰𑒞-𑒏𑒩𑒼𑒙𑒧𑒹 𑒩𑒯𑒢𑒱𑒯𑒰𑒩𑒏 𑒂𑒞𑓂𑒧𑒥𑒪 𑒥𑒜𑓃𑒪𑒹𑒮𑒿 𑒯𑒼𑒋𑒞। 𑒯𑒲𑒢 𑒦𑒰𑒫𑒢𑒰𑒮𑒿 𑒑𑓂𑒩𑒮𑓂𑒞 𑒮𑒰𑒯𑒱𑒞𑓂𑒨 𑒏𑒪𑓂𑒨𑒰𑒝𑒏𑒰𑒩𑒲 𑒏𑒼𑒢𑒰 𑒦𑓄 𑒮𑒏𑒞? 𑒥𑒠𑒪𑒻𑒞 𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒩𑒰𑒖𑒢𑒻𑒞𑒱𑒏-𑒡𑒰𑒩𑓂𑒧𑒱𑒏 𑒮𑒧𑒲𑒏𑒩𑒝𑒏 𑒣𑒩𑒱𑒣𑓂𑒩𑒹𑒏𑓂𑒭𑓂𑒨𑒧𑒹 𑒋𑒏𑒦𑒑𑓂𑒑𑒴 𑒣𑓂𑒩𑒮𑓂𑒞𑒳𑒞𑒱𑒏 𑒩𑒹𑒐𑒰𑓀𑒏𑒢, 𑒏𑒟𑒰𑒏𑒰𑒩-𑒏𑒫𑒱𑒏 𑒫𑓂𑒨𑒏𑓂𑒞𑒱𑒑𑒞 𑒖𑒱𑒢𑒑𑒲𑒏 𑒁𑒠𑒵𑒜𑓃𑒞𑒰, 𑒔𑒰𑒯𑒹 𑒍 𑒫𑒰𑒠𑒏 𑒣𑓂𑒩𑒞𑒱 𑒯𑒼𑒁𑒋 𑒫𑒰 𑒖𑒰𑒞𑒱-𑒡𑒩𑓂𑒧𑒏 𑒣𑓂𑒩𑒞𑒱, 𑒮𑒰𑒯𑒱𑒞𑓂𑒨𑒧𑒹 𑒠𑒹𑒐𑒰𑒩 𑒦𑒃𑒋 𑒖𑒰𑒃𑒞 𑒕𑒻𑒏, 𑒬𑒼𑒭𑒏 𑒠𑓂𑒫𑒰𑒩𑒰 𑒬𑒼𑒭𑒱𑒞𑒣𑒩 𑒏𑒋𑒪 𑒅𑒣𑒏𑒰𑒩 𑒫𑒰 𑒁𑒣𑒩𑒰𑒡𑒥𑒼𑒡𑒏 𑒁𑒢𑓂𑒞𑒩𑓂𑒑𑒞 𑒪𑒱𑒐𑒪 𑒖𑒰𑒋𑒥𑒪𑒰 𑒏𑒟𑒰𑒧𑒹 𑒖𑒹 𑒣𑒻𑒒𑒞𑓂𑒫𑒏 (𑒖𑒹 𑒯𑒲𑒢 𑒦𑒰𑒫𑒢𑒰𑒏 𑒋𑒏𑒙𑒰 𑒩𑒴𑒣 𑒁𑒕𑒱) 𑒦𑒰𑒫𑒢𑒰 𑒯𑒼𑒃 𑒕𑒻, 𑒞𑒏𑒩𑒰 𑒔𑒱𑒢𑓂𑒯𑒱𑒞 𑒏𑒋𑒪 𑒖𑒰𑒋। 𑒧𑒹𑒛𑒱𑒨𑒼𑒏𑓂𑒩𑒱𑒙𑒲 𑒔𑒱𑒢𑓂𑒯𑒱𑒞 𑒏𑒩𑒴- 𑒞𑒏𑒱𑒨𑒰 𑒏𑒪𑒰𑒧 𑒂 𑒔𑒰𑒪𑒴 𑒥𑓂𑒩𑒹𑒏𑒱𑓀𑒑 𑒢𑓂𑒨𑒴𑒖- 𑒂𑒡𑒳𑒢𑒱𑒏𑒞𑒰𑒏 𑒢𑒰𑒧𑒣𑒩। 𑒨𑒳𑒑𑒏 𑒣𑓂𑒩𑒧𑒹𑒨𑒏𑒹𑒿 𑒧𑒰𑒙𑒱 𑒠𑒹𑒥𑒰𑒏 𑒫𑒱𑒔𑒰𑒩 𑒋𑒯𑒱𑒧𑒹 𑒢𑒯𑒱 𑒦𑒹𑒙𑒞, 𑒂𑒡𑒳𑒢𑒱𑒏𑒲𑒏𑒩𑒝, 𑒪𑒼𑒏𑒞𑓀𑒞𑓂𑒩𑒲𑒏𑒩𑒝, 𑒩𑒰𑒭𑓂𑒙𑓂𑒩-𑒩𑒰𑒖𑓂𑒨 𑒮𑓀𑒏𑒪𑓂𑒣𑒏 𑒏𑒰𑒩𑓂𑒨𑒰𑒢𑓂𑒫𑒨𑒢, 𑒣𑓂𑒩𑒬𑒰𑒮𑒢𑒱𑒏-𑒫𑒻𑒡𑒰𑒢𑒱𑒏 𑒫𑒱𑒏𑒰𑒮, 𑒖𑒢 𑒮𑒯𑒦𑒰𑒑𑒱𑒞𑒰𑒧𑒹 𑒫𑒵𑒠𑓂𑒡𑒱, 𑒮𑓂𑒟𑒰𑒨𑒱𑒞𑓂𑒫 𑒂 𑒏𑓂𑒩𑒧𑒥𑒠𑓂𑒡 𑒣𑒩𑒱𑒫𑒩𑓂𑒞𑒢𑒏 𑒏𑓂𑒭𑒧𑒞𑒰, 𑒮𑒞𑓂𑒞𑒰𑒏 𑒑𑒞𑒱𑒬𑒲𑒪𑒞𑒰, 𑒅𑒠𑓂𑒨𑒼𑒑𑒲𑒏𑒩𑒝, 𑒮𑓂𑒫𑒞𑓀𑒞𑓂𑒩𑒞𑒰 𑒣𑓂𑒩𑒰𑒣𑓂𑒞𑒱𑒏 𑒥𑒰𑒠 𑒢𑒫𑒲𑒢 𑒩𑒰𑒖𑓂𑒨 𑒩𑒰𑒖𑒢𑒻𑒞𑒱𑒏-𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒮𑒰𑓀𑒮𑓂𑒏𑒵𑒞𑒱𑒏 𑒮𑒧𑒮𑓂𑒨𑒰-𑒣𑒩𑒱𑒫𑒩𑓂𑒞𑒢 𑒂 𑒋𑒏𑒲𑒏𑒩𑒝𑒏 𑒣𑓂𑒩𑒏𑓂𑒩𑒱𑒨𑒰, 𑒏𑒐𑒢𑒼 𑒏𑒰𑒪 𑒣𑒩𑒮𑓂𑒣𑒩 𑒫𑒱𑒩𑒼𑒡𑒲। 𑒮𑒰𑒧𑒳𑒠𑒰𑒨𑒱𑒏𑒞𑒰𑒏 𑒫𑒱𑒏𑒰𑒮, 𑒧𑒢𑒼𑒫𑒻𑒖𑓂𑒘𑒰𑒢𑒱𑒏 𑒂 𑒬𑒻𑒏𑓂𑒭𑒱𑒏 𑒣𑓂𑒩𑒏𑓂𑒩𑒱𑒨𑒰। 𑒂𑒠𑒱𑒫𑒰𑒮𑒲- 𑒮𑒞𑒰𑒩, 𑒑𑒱𑒠𑒩𑒧𑒰𑒩𑒰 𑒂𑒠𑒱 𑒫𑒱𑒫𑒱𑒡𑒞𑒰 𑒂 𑒫𑒱𑒏𑒰𑒮𑒏 𑒮𑓂𑒞𑒩𑒏𑒹𑒿 𑒣𑓂𑒩𑒞𑒱𑒥𑒱𑒧𑓂𑒥𑒱𑒞 𑒏𑒩𑒻𑒞 𑒁𑒕𑒱। 𑒣𑓂𑒩𑒏𑒵𑒞𑒱𑒮𑒿 𑒪𑒑, 𑒣𑓂𑒩𑒏𑒵𑒞𑒱-𑒣𑒴𑒖𑒰, 𑒮𑒩𑒪𑒞𑒰, 𑒢𑒱𑒬𑓂𑒕𑒪𑒞𑒰, 𑒏𑒵𑒞𑒖𑓂𑒘𑒞𑒰। 𑒫𑓂𑒨𑒏𑓂𑒞𑒱𑒏 𑒣𑓂𑒩𑒞𑒱𑒭𑓂𑒚𑒰 𑒮𑓂𑒟𑒰𑒢-𑒖𑒰𑒞𑒱 𑒂𑒡𑒰𑒩𑒱𑒞। 𑒏𑒱𑒕𑒳 𑒣𑓂𑒩𑒞𑒱𑒭𑓂𑒚𑒰 𑒂 𑒫𑒱𑒬𑒹𑒭𑒰𑒡𑒱𑒏𑒰𑒩 𑒣𑓂𑒩𑒰𑒣𑓂𑒞 𑒖𑒰𑒞𑒱। 𑒏𑒱𑒕𑒳𑒏𑒹𑒿 𑒞𑒱𑒩𑒮𑓂𑒏𑒰𑒩 𑒂 𑒯𑒳𑒢𑒏𑒩 𑒖𑒲𑒫𑒢 𑒏𑒚𑒱𑒢। 𑒧𑒯𑒱𑒪𑒰 𑒂 𑒥𑒰𑒪-𑒫𑒱𑒏𑒰𑒮- 𑒧𑒯𑒱𑒪𑒰𑒏𑒹𑒿 𑒁𑒡𑒱𑒏𑒰𑒩, 𑒬𑒱𑒏𑓂𑒭𑒰-𑒣𑓂𑒩𑒝𑒰𑒪𑒲𑒏𑒹𑒿 𑒮𑒏𑓂𑒩𑒱𑒨 𑒏𑒩𑒥, 𑒣𑒰𑒚𑓂𑒨𑒏𑓂𑒩𑒧𑒧𑒹 𑒧𑒯𑒱𑒪𑒰 𑒁𑒡𑓂𑒨𑒨𑒢, 𑒧𑒯𑒱𑒪𑒰𑒏 𑒫𑓂𑒨𑒰𑒫𑒮𑒰𑒨𑒱𑒏 𑒂 𑒞𑒏𑒢𑒲𑒏𑒲 𑒬𑒱𑒏𑓂𑒭𑒰𑒧𑒹 𑒣𑓂𑒩𑒞𑒱𑒬𑒞 𑒥𑒜𑓃𑒰𑒍𑒪 𑒖𑒰𑒋।𑒮𑓂𑒞𑓂𑒩𑒲-𑒮𑓂𑒫𑒰𑒞𑓀𑒞𑓂𑒩𑓂𑒨𑒫𑒰𑒠, 𑒧𑒯𑒱𑒪𑒰 𑒂𑒢𑓂𑒠𑒼𑒪𑒢।𑒡𑒩𑓂𑒧𑒢𑒱𑒩𑒣𑒹𑒏𑓂𑒭- 𑒩𑒰𑒖𑒢𑒻𑒞𑒱𑒏 𑒮𑓀𑒮𑓂𑒟𑒰 𑒮𑓀𑒣𑒴𑒩𑓂𑒝 𑒮𑒧𑒳𑒠𑒰𑒨𑒏 𑒂𑒩𑓂𑒟𑒱𑒏 𑒂 𑒮𑒰𑒧𑒰𑒖𑒱𑒏 𑒯𑒱𑒞𑒣𑒩 𑒂𑒡𑒰𑒩𑒱𑒞- 𑒡𑒩𑓂𑒧-𑒢𑒮𑓂𑒪-𑒣𑓀𑒟 𑒦𑒹𑒠 𑒩𑒯𑒱𑒞। 𑒫𑒱𑒏𑒰𑒮 𑒂𑒩𑓂𑒟𑒱𑒏𑒮𑒿 𑒣𑒯𑒱𑒢𑒹 𑒖𑒹 𑒬𑒻𑒏𑓂𑒭𑒱𑒏 𑒯𑒳𑒁𑒋 𑒞𑒿 𑒖𑒢𑒮𑒰𑒧𑒰𑒢𑓂𑒨 𑒍𑒯𑒱 𑒫𑒱𑒏𑒰𑒮𑒧𑒹 𑒮𑒰𑒗𑒲 𑒦𑓄 𑒮𑒏𑒻𑒋। 𑒋𑒯𑒱𑒮𑒿 𑒮𑒩𑓂𑒖𑒢 𑒏𑓂𑒭𑒧𑒞𑒰 𑒥𑒜𑓃𑒻𑒞 𑒁𑒕𑒱 𑒂 𑒪𑒼𑒏𑒧𑒹 𑒅𑒞𑓂𑒞𑒩𑒠𑒰𑒨𑒱𑒞𑓂𑒫𑒏 𑒥𑒼𑒡 𑒯𑒼𑒃𑒞 𑒁𑒕𑒱। 𑒫𑒱𑒖𑓂𑒘𑒰𑒢 𑒂 𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒫𑒱𑒏𑒮𑒱𑒞 𑒂 𑒁𑒫𑒱𑒏𑒮𑒱𑒞 𑒩𑒰𑒭𑓂𑒙𑓂𑒩𑒏 𑒥𑒲𑒔𑒏 𑒁𑓀𑒞𑒩𑒏 𑒏𑒰𑒩𑒝 𑒧𑒰𑒢𑒫𑒲𑒨 𑒮𑒧𑒮𑓂𑒨𑒰, 𑒥𑒲𑒧𑒰𑒩𑒲, 𑒁𑒖𑓂𑒘𑒰𑒢𑒞𑒰, 𑒁𑒮𑒳𑒩𑒏𑓂𑒭𑒰𑒏 𑒮𑒧𑒰𑒡𑒰𑒢- 𑒂𑒏𑒰𑓀𑒏𑓂𑒭𑒰, 𑒂𑒬𑒰 𑒮𑒳𑒫𑒱𑒡𑒰𑒏 𑒁𑒮𑒲𑒧𑒱𑒞 𑒫𑒱𑒮𑓂𑒞𑒰𑒩 𑒂 𑒂𑒡𑒰𑒩। 𑒫𑒱𑒡𑒱-𑒫𑓂𑒨𑒫𑒮𑓂𑒟𑒰𑒏 𑒢𑒱𑒩𑓂𑒡𑒢 𑒂 𑒣𑒱𑒕𑒛𑓃𑒪 𑒫𑒩𑓂𑒑𑒏𑒹𑒿 𑒢𑓂𑒨𑒰𑒨 𑒠𑒱𑒁𑒋𑒥𑒰𑒧𑒹 𑒣𑓂𑒩𑒨𑒼𑒑 𑒯𑒼𑒋𑒥𑒰𑒏 𑒔𑒰𑒯𑒲। 𑒢𑒰𑒑𑒩𑒱𑒏 𑒮𑓂𑒫𑒞𑓀𑒞𑓂𑒩𑒞𑒰- 𑒧𑒰𑒢𑒫𑒏 𑒪𑒼𑒏𑒞𑒰𑓀𑒞𑓂𑒩𑒱𑒏 𑒁𑒡𑒱𑒏𑒰𑒩, 𑒧𑒰𑒢𑒫𑒏 𑒮𑓂𑒫𑒞𑓀𑒞𑓂𑒩 𑒔𑒱𑒢𑓂𑒞𑒢 𑒏𑓂𑒭𑒧𑒞𑒰𑒣𑒴𑒩𑓂𑒝 𑒮𑒧𑒰𑒖𑒏 𑒮𑒵𑒭𑓂𑒙𑒱, 𑒣𑓂𑒩𑒞𑒱𑒥𑒢𑓂𑒡 𑒂 𑒠𑒥𑒰𑒥𑒮𑒿 𑒧𑒳𑒏𑓂𑒞𑒱। 𑒣𑓂𑒩𑒹𑒮- 𑒬𑒰𑒮𑒏 𑒂 𑒬𑒰𑒮𑒱𑒞𑒏 𑒄 𑒏𑒛𑓃𑒲- 𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒩𑒰𑒖𑒢𑒻𑒞𑒱𑒏 𑒖𑒲𑒫𑒢𑒧𑒹 𑒦𑒴𑒧𑒱𑒏𑒰, 𑒧𑒳𑒠𑒰 𑒂𑒥 𑒣𑓂𑒩𑒦𑒰𑒫𑒬𑒰𑒪𑒲 𑒫𑒱𑒖𑓂𑒘𑒰𑒣𑒢 𑒋𑒖𑒹𑓀𑒮𑒲 𑒖𑒢𑒧𑒞𑒏𑒹𑒿 𑒣𑓂𑒩𑒦𑒰𑒫𑒱𑒞 𑒏𑒋𑒢𑒱𑒯𑒰𑒩। 𑒢𑒫 𑒮𑓀𑒮𑓂𑒟𑒰𑒏 𑒢𑒱𑒩𑓂𑒧𑒰𑒝 𑒫𑒰 𑒫𑒩𑓂𑒞𑒧𑒰𑒢𑒧𑒹 𑒮𑒳𑒡𑒰𑒩, 𑒮𑒰𑒧𑒢𑓂𑒞𑒫𑒰𑒠𑒲, 𑒖𑒢𑒖𑒰𑒞𑒲𑒨, 𑒖𑒰𑒞𑒲𑒨 𑒂 𑒣𑓀𑒟𑒑𑒞 𑒢𑒱𑒭𑓂𑒚𑒰𑒏 𑒫𑒱𑒩𑒳𑒠𑓂𑒡, 𑒪𑒼𑒏𑒞𑓀𑒞𑓂𑒩, 𑒅𑒠𑒰𑒩𑒫𑒰𑒠, 𑒑𑒝𑒞𑓀𑒞𑓂𑒩𑒫𑒰𑒠, 𑒮𑓀𑒫𑒱𑒡𑒰𑒢𑒫𑒰𑒠, 𑒮𑒧𑒰𑒖𑒫𑒰𑒠, 𑒮𑒧𑒞𑒰𑒫𑒰𑒠, 𑒮𑒰𑓀𑒫𑒻𑒡𑒰𑒢𑒱𑒏 𑒁𑒡𑒱𑒏𑒰𑒩𑒏 𑒁𑒮𑓂𑒞𑒱𑒞𑓂𑒫, 𑒮𑒧𑒋𑒥𑒠𑓂𑒡 𑒖𑒢𑒣𑓂𑒩𑒱𑒨 𑒔𑒳𑒢𑒰𑒫, 𑒖𑒢-𑒮𑓀𑒣𑓂𑒩𑒦𑒳𑒞𑒰, 𑒮𑓀𑒒𑒲𑒨 𑒬𑒏𑓂𑒞𑒱 𑒫𑒱𑒦𑒰𑒖𑒢, 𑒖𑒢𑒧𑒞𑒏 𑒧𑒯𑒞𑓂𑒫, 𑒪𑒼𑒏-𑒣𑓂𑒩𑒬𑒰𑒮𑒢𑒱𑒏 𑒣𑓂𑒩𑒏𑓂𑒩𑒱𑒨𑒰-𑒁𑒦𑒱𑒏𑓂𑒩𑒧, 𑒠𑒪𑒲𑒨 𑒯𑒱𑒞-𑒮𑒧𑒴𑒯𑒲𑒏𑒩𑒝, 𑒮𑒩𑓂𑒫𑒼𑒔𑓂𑒔 𑒫𑓂𑒨𑒫𑒮𑓂𑒟𑒰𑒣𑒱𑒏𑒰, 𑒅𑒞𑓂𑒞𑒩𑒠𑒰𑒨𑒲 𑒏𑒰𑒩𑓂𑒨𑒣𑒰𑒪𑒱𑒏𑒰 𑒂 𑒮𑓂𑒫𑒞𑓀𑒞𑓂𑒩 𑒢𑓂𑒨𑒰𑒨𑒣𑒰𑒪𑒱𑒏𑒰। 𑒖𑒪 𑒟𑒪 𑒫𑒰𑒨𑒳 𑒂 𑒂𑒏𑒰𑒬- 𑒦𑒾𑒞𑒱𑒏 𑒩𑒰𑒮𑒰𑒨𑒢𑒱𑒏 𑒖𑒻𑒫𑒱𑒏 𑒑𑒳𑒝𑒧𑒹 𑒯𑒰𑒢𑒱𑒏𑒰𑒩𑒏 𑒣𑒩𑒱𑒫𑒩𑓂𑒞𑒢 𑒏𑒋 𑒣𑓂𑒩𑒠𑒴𑒭𑒝, 𑒣𑓂𑒩𑒏𑒵𑒞𑒱 𑒁𑒮𑓀𑒞𑒳𑒪𑒢। 𑒏𑒪𑒰- 𑒋𑒯𑒱 𑒪𑒹𑒪 𑒏𑒼𑒢𑒼 𑒮𑒻𑒠𑓂𑒡𑒰𑓀𑒞𑒱𑒏 𑒣𑓂𑒩𑒨𑒼𑒖𑒢 𑒯𑒼𑒋𑒥𑒰𑒏 𑒔𑒰𑒯𑒲 ? 𑒖𑒑𑒞𑒏 𑒮𑒾𑒢𑓂𑒠𑒩𑓂𑒨𑒲𑒏𑒵𑒞 𑒣𑓂𑒩𑒮𑓂𑒞𑒳𑒞𑒱 𑒁𑒕𑒱 𑒏𑒪𑒰। 𑒮𑒾𑓀𑒠𑒩𑓂𑒨𑒏 𑒏𑒪𑒰 𑒅𑒣𑒨𑒼𑒑𑒱𑒞𑒰𑒏 𑒮𑓀𑒑। 𑒏𑒪𑒰𑒣𑒴𑒩𑓂𑒝𑒞𑒰𑒏 𑒏𑒪𑒰𑒏 𑒖𑒲𑒫𑒢 𑒠𑒩𑓂𑒬𑒢- 𑒮𑓀𑒣𑓂𑒩𑒠𑒰𑒨 𑒮𑓀𑒑। 𑒦𑒰𑒫𑒢𑒰𑒞𑓂𑒧𑒏 𑒫𑒰𑒞𑒰𑒫𑒩𑒝- 𑒮𑒞𑓂𑒨𑒏 𑒂 𑒏𑒪𑒰𑒏 𑒏𑒰𑒩𑓂𑒨𑒏 𑒮𑒾𑓀𑒠𑒩𑓂𑒨𑒲𑒏𑒵𑒞 𑒁𑒫𑒪𑒼𑒏𑒢, 𑒮𑒳𑒢𑓂𑒠𑒩-𑒧𑒴𑒩𑓂𑒞, 𑒁𑒧𑒴𑒩𑓂𑒞। 𑒧𑒰𑒢𑒮𑒱𑒏 𑒏𑓂𑒩𑒱𑒨𑒰- 𑒧𑒢𑒳𑒭𑓂𑒨𑓃 𑒮𑒼𑒔𑒻𑒥𑒪𑒰 𑒣𑓂𑒩𑒰𑒝𑒲, 𑒧𑒰𑒢𑒮𑒱𑒏 𑒂 𑒦𑒾𑒞𑒱𑒏 𑒠𑒳𑒢𑒴𑒏 𑒁𑒢𑒳𑒦𑒴𑒞𑒱 𑒏𑒩𑒋𑒥𑒪𑒰 𑒣𑓂𑒩𑒰𑒝𑒲। 𑒫𑒱𑒩𑒼𑒡𑒰𑒦𑒰𑒮 𑒫𑒰 𑒕𑒠𑓂𑒧 𑒂𑒦𑒰𑒮- 𑒁𑒮𑓂𑒣𑒭𑓂𑒙𑒞𑒰। 𑒧𑒰𑒩𑓂𑒏𑓂𑒮𑒫𑒰𑒠 𑒅𑒣𑒢𑓂𑒨𑒰𑒮𑒏 𑒮𑒰𑒧𑒰𑒖𑒱𑒏 𑒨𑒟𑒰𑒩𑓂𑒟𑒏 𑒍𑒏𑒰𑒪𑒞𑒱 𑒏𑒩𑒻𑒞 𑒁𑒕𑒱। 𑒤𑓂𑒩𑒰𑒨𑒛 𑒮𑒦 𑒧𑒢𑒳𑒏𑓂𑒐𑒏𑒹𑒿 𑒩𑒯𑒮𑓂𑒨𑒧𑒨𑒲 𑒧𑒰𑒢𑒻𑒞 𑒕𑒟𑒱। 𑒍 𑒮𑒰𑒯𑒱𑒞𑓂𑒨𑒱𑒏 𑒏𑒵𑒞𑒱𑒏𑒹𑒿 𑒮𑒰𑒯𑒱𑒞𑓂𑒨𑒏𑒰𑒩𑒏 𑒫𑒱𑒬𑓂𑒪𑒹𑒭𑒝 𑒪𑒹𑒪 𑒔𑒳𑒢𑒻𑒞 𑒕𑒟𑒱 𑒞𑒿 𑒢𑒫 𑒤𑓂𑒩𑒰𑒨𑒛𑒫𑒰𑒠 𑒖𑒻𑒫𑒱𑒏𑒏 𑒥𑒠𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒞𑒞𑓂𑒫𑒏 𑒣𑓂𑒩𑒡𑒰𑒢𑒞𑒰𑒣𑒩 𑒖𑒼𑒩 𑒠𑒻𑒞 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒕𑒟𑒱। 𑒢𑒫-𑒮𑒧𑒲𑒏𑓂𑒭𑒰𑒫𑒰𑒠 𑒏𑒵𑒞𑒱𑒏 𑒫𑒱𑒮𑓂𑒞𑒵𑒞 𑒫𑒱𑒫𑒩𑒝𑒣𑒩 𑒂𑒡𑒰𑒩𑒱𑒞 𑒁𑒕𑒱। 𑒅𑒞𑓂𑒞𑒩 𑒂𑒡𑒳𑒢𑒱𑒏, 𑒁𑒮𑓂𑒞𑒱𑒞𑓂𑒫𑒫𑒰𑒠𑒲, 𑒧𑒰𑒢𑒫𑒞𑒰𑒫𑒰𑒠𑒲, 𑒄 𑒮𑒦 𑒫𑒱𑒔𑒰𑒩𑒡𑒰𑒩𑒰 𑒠𑒩𑓂𑒬𑒢𑒬𑒰𑒮𑓂𑒞𑓂𑒩𑒏 𑒫𑒱𑒔𑒰𑒩𑒡𑒰𑒩𑒰 𑒟𑒱𑒏। 𑒣𑒯𑒱𑒢𑒹 𑒠𑒩𑓂𑒬𑒢𑒧𑒹 𑒫𑒱𑒖𑓂𑒘𑒰𑒢, 𑒃𑒞𑒱𑒯𑒰𑒮, 𑒮𑒧𑒰𑒖-𑒩𑒰𑒖𑒢𑒲𑒞𑒱, 𑒁𑒩𑓂𑒟𑒬𑒰𑒮𑓂𑒞𑓂𑒩, 𑒏𑒪𑒰-𑒫𑒱𑒖𑓂𑒘𑒰𑒢 𑒂 𑒦𑒰𑒭𑒰 𑒮𑒧𑓂𑒧𑒱𑒪𑒱𑒞 𑒩𑒯𑒻𑒞 𑒕𑒪। 𑒧𑒳𑒠𑒰 𑒖𑒹𑒢𑒰-𑒖𑒹𑒢𑒰 𑒫𑒱𑒖𑓂𑒘𑒰𑒢 𑒂 𑒏𑒪𑒰𑒏 𑒬𑒰𑒐𑒰 𑒮𑒦 𑒫𑒱𑒬𑒱𑒭𑓂𑒙𑒞𑒰 𑒣𑓂𑒩𑒰𑒣𑓂𑒞 𑒏𑒩𑒻𑒞 𑒑𑒹𑒪, 𑒫𑒱𑒬𑒹𑒭 𑒏𑒋 𑒫𑒱𑒖𑓂𑒘𑒰𑒢, 𑒞𑒿 𑒠𑒩𑓂𑒬𑒢𑒧𑒹 𑒑𑒝𑒱𑒞 𑒂 𑒫𑒱𑒖𑓂𑒘𑒰𑒢 𑒧𑒻𑒟𑒹𑒧𑒹𑒙𑒱𑒏𑒪 𑒪𑒰𑒖𑒱𑒏 𑒡𑒩𑒱 𑒮𑒲𑒧𑒱𑒞 𑒩𑒯𑒱 𑒑𑒹𑒪। 𑒠𑒰𑒩𑓂𑒬𑒢𑒱𑒏 𑒂𑒑𑒧𑒢 𑒂 𑒢𑒱𑒑𑒧𑒢𑒏 𑒁𑒡𑓂𑒨𑒨𑒢 𑒣𑓂𑒩𑒝𑒰𑒪𑒲, 𑒫𑒱𑒬𑓂𑒪𑒹𑒭𑒝𑒰𑒞𑓂𑒧𑒏 𑒣𑓂𑒩𑒝𑒰𑒪𑒲 𑒠𑒱𑒮 𑒥𑒜𑓃𑒪। 𑒧𑒰𑒩𑓂𑒏𑓂𑒮 𑒖𑒹 𑒠𑒳𑒢𑒱𑒨𑒰 𑒦𑒩𑒱𑒏 𑒑𑒩𑒲𑒥𑒏 𑒪𑒹𑒪 𑒋𑒏𑒙𑒰 𑒠𑒻𑒫𑒲𑒨 𑒯𑒮𑓂𑒞𑒏𑓂𑒭𑒹𑒣𑒏 𑒮𑒧𑒰𑒢 𑒕𑒪𑒰𑒯, 𑒠𑓂𑒫𑒢𑓂𑒠𑒰𑒞𑓂𑒧𑒏 𑒣𑓂𑒩𑒝𑒰𑒪𑒲𑒏𑒹𑒿 𑒁𑒣𑒢 𑒫𑓂𑒨𑒰𑒐𑓂𑒨𑒰𑒏 𑒂𑒡𑒰𑒩 𑒥𑒢𑒍𑒪𑒢𑓂𑒯𑒱। 𑒂𑒃-𑒏𑒰𑒪𑓂𑒯𑒱𑒏 “𑒛𑒱𑒮𑒏𑒮𑒢” 𑒫𑒰 𑒠𑓂𑒫𑒢𑓂𑒠 𑒖𑒰𑒯𑒱𑒧𑒹 𑒣𑒏𑓂𑒭-𑒫𑒱𑒣𑒏𑓂𑒭, 𑒠𑒳𑒢𑒴 𑒮𑒧𑓂𑒧𑒱𑒪𑒱𑒞 𑒁𑒕𑒱, 𑒠𑒩𑓂𑒬𑒢𑒏 (𑒫𑒱𑒬𑒹𑒭 𑒏𑒋 𑒭𑒛𑒠𑒩𑓂𑒬𑒢𑒏- 𑒧𑒰𑒡𑒫𑒰𑒔𑒰𑒩𑓂𑒨𑒏 𑒮𑒩𑓂𑒫𑒠𑒩𑓂𑒬𑒢 𑒮𑓀𑒑𑓂𑒩𑒯-𑒠𑓂𑒩𑒭𑓂𑒙𑒫𑓂𑒨) 𑒐𑒝𑓂𑒛𑒢-𑒧𑒝𑓂𑒛𑒢 𑒣𑓂𑒩𑒝𑒰𑒪𑒲𑒧𑒹 𑒣𑒯𑒱𑒢𑒯𑒱𑒮𑒿 𑒫𑒱𑒠𑓂𑒨𑒧𑒰𑒢 𑒕𑒪। 𑒮𑒹 𑒃𑒞𑒱𑒯𑒰𑒮𑒏 𑒁𑒢𑓂𑒞𑒏 𑒒𑒼𑒭𑒝𑒰 𑒏𑒋𑒢𑒱𑒯𑒰𑒩 𑒤𑓂𑒩𑒰𑓀𑒮𑒱𑒮 𑒤𑒳𑒏𑒱𑒨𑒰𑒧𑒰 -𑒖𑒹 𑒏𑒧𑓂𑒨𑒳𑒢𑒱𑒮𑓂𑒙 𑒬𑒰𑒮𑒢𑒏 𑒮𑒧𑒰𑒣𑓂𑒞𑒱𑒣𑒩 𑒄 𑒒𑒼𑒭𑒝𑒰 𑒏𑒋𑒢𑒹 𑒕𑒪𑒰𑒯- 𑒏𑒱𑒕𑒳 𑒠𑒱𑒢 𑒣𑒯𑒱𑒢𑒹 𑒋𑒯𑒱𑒮𑒿 𑒣𑒪𑒙𑒱 𑒑𑒹𑒪𑒰𑒯। 𑒅𑒞𑓂𑒞𑒩-𑒂𑒡𑒳𑒢𑒱𑒏𑒞𑒰𑒫𑒰𑒠 𑒮𑒹𑒯𑒼 𑒁𑒣𑒢 𑒣𑓂𑒩𑒰𑒩𑒧𑓂𑒦𑒱𑒏 𑒅𑒞𑓂𑒮𑒰𑒯𑒏 𑒥𑒰𑒠 𑒚𑒧𑒏𑒱 𑒑𑒹𑒪 𑒁𑒕𑒱। 𑒁𑒮𑓂𑒞𑒱𑒞𑓂𑒫𑒫𑒰𑒠, 𑒧𑒰𑒢𑒫𑒞𑒰𑒫𑒰𑒠, 𑒣𑓂𑒩𑒑𑒞𑒱𑒫𑒰𑒠, 𑒩𑒼𑒧𑒹𑒢𑓂𑒙𑒱𑒮𑒱𑒖𑓂𑒧, 𑒮𑒧𑒰𑒖𑒬𑒰𑒮𑓂𑒞𑓂𑒩𑒲𑒨 𑒫𑒱𑒬𑓂𑒪𑒹𑒭𑒝 𑒄 𑒮𑒦 𑒮𑓀𑒬𑓂𑒪𑒹𑒭𑒝𑒰𑒞𑓂𑒧𑒏 𑒮𑒧𑒲𑒏𑓂𑒭𑒰 𑒣𑓂𑒩𑒝𑒰𑒪𑒲𑒧𑒹 𑒮𑒧𑓂𑒧𑒱𑒪𑒱𑒞 𑒦𑒋 𑒁𑒣𑒢 𑒁𑒮𑓂𑒞𑒱𑒞𑓂𑒫 𑒥𑒔𑒹𑒢𑒹 𑒁𑒕𑒱। 𑒮𑒰𑒃𑒏𑒼-𑒋𑒢𑒹𑒪𑒱𑒮𑒱𑒮 𑒫𑒻𑒖𑓂𑒘𑒰𑒢𑒱𑒏𑒞𑒰𑒣𑒩 𑒂𑒡𑒰𑒩𑒱𑒞 𑒩𑒯𑒥𑒰𑒏 𑒏𑒰𑒩𑒝 𑒠𑓂𑒫𑒢𑓂𑒠𑒰𑒞𑓂𑒧𑒏 𑒣𑓂𑒩𑒝𑒰𑒪𑒲 𑒖𑒹𑒏𑒰𑒿 𑒁𑒣𑒢 𑒁𑒮𑓂𑒞𑒱𑒞𑓂𑒫 𑒥𑒔𑒹𑒢𑒹 𑒩𑒯𑒞। 𑒏𑒼𑒢𑒼 𑒏𑒟𑒰𑒏 𑒂𑒡𑒰𑒩 𑒧𑒢𑒼𑒫𑒱𑒖𑓂𑒘𑒰𑒢 𑒮𑒹𑒯𑒼 𑒯𑒼𑒃𑒞 𑒁𑒕𑒱। 𑒏𑒟𑒰𑒏 𑒅𑒠𑓂𑒠𑒹𑒬𑓂𑒨 𑒮𑒧𑒰𑒖𑒏 𑒂𑒫𑒬𑓂𑒨𑒏𑒞𑒰𑒏 𑒁𑒢𑒳𑒮𑒰𑒩 𑒂 𑒏𑒟𑒰 𑒨𑒰𑒞𑓂𑒩𑒰𑒧𑒹 𑒣𑒩𑒱𑒫𑒩𑓂𑒞𑒢 𑒮𑒧𑒰𑒖𑒧𑒹 𑒦𑒹𑒪 𑒂 𑒯𑒼𑒃𑒞 𑒣𑒩𑒱𑒫𑒩𑓂𑒞𑒢𑒏 𑒁𑒢𑒳𑒩𑒴𑒣𑒹 𑒯𑒼𑒋𑒥𑒰𑒏 𑒔𑒰𑒯𑒲। 𑒧𑒳𑒠𑒰 𑒮𑓀𑒑𑒧𑒹 𑒍𑒯𑒱 𑒮𑒧𑒰𑒖𑒏 𑒮𑓀𑒮𑓂𑒏𑒵𑒞𑒱𑒮𑒿 𑒄 𑒏𑒟𑒰 𑒮𑓂𑒫𑒨𑒧𑒹𑒫 𑒢𑒱𑒨𑒢𑓂𑒞𑓂𑒩𑒱𑒞 𑒯𑒼𑒃𑒞 𑒁𑒕𑒱। 𑒂 𑒋𑒯𑒱𑒧𑒹 𑒍𑒯𑒱 𑒮𑒧𑒰𑒖𑒏 𑒌𑒞𑒱𑒯𑒰𑒮𑒱𑒏 𑒁𑒮𑓂𑒞𑒱𑒞𑓂𑒫 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱। 𑒖𑒹 𑒯𑒧 𑒫𑒻𑒠𑒱𑒏 𑒂𑒐𑓂𑒨𑒰𑒢𑒏 𑒑𑒣 𑒏𑒩𑒲 𑒞𑒿 𑒍 𑒩𑒰𑒭𑓂𑒙𑓂𑒩𑒏 𑒮𑓀𑒑 𑒣𑓂𑒩𑒹𑒧𑒏𑒹𑒿 𑒮𑒼𑒗𑒰𑒿 𑒁𑒢𑒻𑒞 𑒁𑒕𑒱। 𑒂 𑒮𑒧𑒰𑒖𑒏 𑒮𑓀𑒑 𑒧𑒱𑒪𑒱 𑒏𑒋 𑒩𑒯𑒢𑒰𑒃 𑒮𑒱𑒐𑒥𑒻𑒞 𑒁𑒕𑒱। 𑒖𑒰𑒞𑒏 𑒏𑒟𑒰 𑒪𑒼𑒏-𑒦𑒰𑒭𑒰𑒏 𑒣𑓂𑒩𑒮𑒰𑒩𑒏 𑒮𑓀𑒑 𑒥𑒾𑒠𑓂𑒡-𑒡𑒩𑓂𑒧 𑒣𑓂𑒩𑒮𑒰𑒩𑒏 𑒃𑒔𑓂𑒕𑒰 𑒮𑒹𑒯𑒼 𑒩𑒐𑒻𑒞 𑒁𑒕𑒱। 𑒧𑒳𑒮𑓂𑒪𑒱𑒧 𑒖𑒑𑒞𑒏 𑒏𑒟𑒰 𑒖𑒹𑒢𑒰 𑒩𑒴𑒧𑒲𑒏 “𑒧𑒮𑒢𑒫𑒲” 𑒤𑒰𑒩𑒮𑒲 𑒮𑒰𑒯𑒱𑒞𑓂𑒨𑒏 𑒫𑒱𑒬𑒱𑒭𑓂𑒙 𑒑𑓂𑒩𑒢𑓂𑒟 𑒁𑒕𑒱 𑒖𑒹 𑒖𑓂𑒘𑒰𑒢𑒏 𑒧𑒯𑒞𑓂𑒫 𑒂 𑒩𑒰𑒖𑓂𑒨𑒏 𑒅𑒢𑓂𑒢𑒞𑒱𑒏 𑒬𑒱𑒏𑓂𑒭𑒰 𑒠𑒻𑒞 𑒁𑒕𑒱। 𑒂𑒖𑒳𑒏 𑒏𑒟𑒰 𑒋𑒯𑒱 𑒮𑒦 𑒫𑒮𑓂𑒞𑒳𑒏𑒹𑒿 𑒮𑒧𑒹𑒙𑒻𑒞 𑒁𑒕𑒱 𑒂 𑒋𑒏𑒙𑒰 𑒣𑓂𑒩𑒥𑒳𑒠𑓂𑒡 𑒂 𑒧𑒰𑒢𑒫𑒲𑒨 𑒮𑒧𑒰𑒖𑒏 𑒢𑒱𑒩𑓂𑒧𑒰𑒝𑒏 𑒠𑒱𑒮 𑒂𑒑𑒰𑒿 𑒥𑒜𑓃𑒻𑒞 𑒁𑒕𑒱। 𑒤𑓂𑒩𑒰𑓀𑒮𑒱𑒮 𑒤𑒳𑒏𑒱𑒨𑒰𑒧𑒰 𑒒𑒼𑒭𑒱𑒞 𑒏𑒋𑒪𑒢𑓂𑒯𑒱 𑒖𑒹 𑒫𑒱𑒔𑒰𑒩𑒡𑒰𑒩𑒰𑒏 𑒂𑒣𑒮𑒲 𑒗𑒑𑒛𑓃𑒰𑒮𑒿 𑒮𑒵𑒖𑒱𑒞 𑒃𑒞𑒱𑒯𑒰𑒮𑒏 𑒄 𑒮𑒧𑒰𑒣𑓂𑒞𑒱 𑒁𑒕𑒱 𑒂 𑒂𑒥 𑒧𑒰𑒢𑒫𑒏 𑒯𑒱𑒞𑒏 𑒫𑒱𑒔𑒰𑒩𑒡𑒰𑒩𑒰 𑒧𑒰𑒞𑓂𑒩 𑒂𑒑𑒰𑒿 𑒥𑒜𑓃𑒞। 𑒧𑒳𑒠𑒰 𑒏𑒱𑒕𑒳 𑒠𑒱𑒢 𑒣𑒯𑒱𑒢𑒯𑒱 𑒍 𑒏𑒯𑒪𑒢𑓂𑒯𑒱 𑒖𑒹 𑒮𑒧𑒰𑒖𑒏 𑒦𑒲𑒞𑒩 𑒂 𑒩𑒰𑒭𑓂𑒙𑓂𑒩𑒲𑒨𑒞𑒰𑒏 𑒧𑒡𑓂𑒨 𑒋𑒐𑒢𑒼 𑒥𑒯𑒳𑒞 𑒩𑒰𑒮 𑒦𑒱𑒢𑓂𑒢 𑒫𑒱𑒔𑒰𑒩𑒡𑒰𑒩𑒰 𑒥𑒰𑒿𑒔𑒪 𑒁𑒕𑒱। 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝-𑒫𑒱𑒖𑓂𑒘𑒰𑒢𑒏 𑒖𑓂𑒘𑒰𑒢𑒏 𑒮𑒧𑓂𑒣𑒴𑒩𑓂𑒝𑒞𑒰𑒣𑒩 𑒙𑒲𑒏𑒰 , 𑒮𑒞𑓂𑒨-𑒁𑒮𑒞𑓂𑒨, 𑒮𑒦𑒏 𑒁𑒣𑒢-𑒁𑒣𑒢 𑒠𑒵𑒭𑓂𑒙𑒱𑒏𑒼𑒝𑒮𑒿 𑒞𑒏𑒩 𑒫𑒩𑓂𑒝𑒢 , 𑒂𑒞𑓂𑒧-𑒏𑒹𑒢𑓂𑒠𑓂𑒩𑒱𑒞 𑒯𑒰𑒮𑓂𑒨𑒣𑒴𑒩𑓂𑒝 𑒂 𑒢𑒲𑒏-𑒐𑒩𑒰𑒥𑒏 𑒦𑒰𑒫𑒢𑒰𑒏 𑒩𑒯𑒱-𑒩𑒯𑒱 𑒐𑒞𑒧 𑒯𑒼𑒋𑒥, 𑒮𑒞𑓂𑒨 𑒏𑒐𑒢 𑒁𑒮𑒞𑓂𑒨 𑒦𑒋 𑒖𑒋𑒞 𑒞𑒏𑒩 𑒏𑒼𑒢𑒼 𑒚𑒹𑒏𑒰𑒢 𑒢𑒯𑒱, 𑒮𑒞𑒯𑒲 𑒔𑒱𑒢𑓂𑒞𑒢, 𑒂𑒬𑒰𑒫𑒰𑒠𑒱𑒞𑒰 𑒞𑒿 𑒢𑒯𑒱𑒋 𑒁𑒕𑒱 𑒧𑒳𑒠𑒰 𑒢𑒱𑒩𑒰𑒬𑒰𑒫𑒰𑒠𑒱𑒞𑒰 𑒮𑒹𑒯𑒼 𑒢𑒯𑒱 , 𑒖𑒹 𑒁𑒕𑒱 𑒞𑒿 𑒮𑒹 𑒁𑒕𑒱 𑒥𑒞𑒯𑒣𑒢𑒲, 𑒏𑒼𑒢𑒼 𑒔𑒲𑒖 𑒋𑒏 𑒞𑒩𑒯𑒹𑒿 𑒢𑒯𑒱 𑒏𑒻𑒏 𑒞𑒩𑒯𑒹𑒿 𑒮𑒼𑒔𑒪 𑒖𑒰 𑒮𑒏𑒻𑒞 𑒁𑒕𑒱- 𑒄 𑒠𑒵𑒭𑓂𑒙𑒱𑒏𑒼𑒝 , 𑒏𑒰𑒩𑒝, 𑒢𑒱𑒨𑒢𑓂𑒞𑓂𑒩𑒝 𑒂 𑒨𑒼𑒖𑒢𑒰𑒏 𑒅𑒞𑓂𑒞𑒩 𑒣𑒩𑒱𑒝𑒰𑒧𑒣𑒩 𑒫𑒱𑒬𑓂𑒫𑒰𑒮 𑒢𑒯𑒱, 𑒫𑒩𑒢 𑒮𑓀𑒨𑒼𑒑𑒏 𑒅𑒞𑓂𑒞𑒩 𑒣𑒩𑒱𑒝𑒰𑒧𑒣𑒩 𑒥𑒹𑒬𑒲 𑒫𑒱𑒬𑓂𑒫𑒰𑒮, 𑒑𑒝𑒞𑒰𑓀𑒞𑓂𑒩𑒱𑒏 𑒂 𑒢𑒰𑒩𑒲𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝 𑒂 𑒪𑒰𑒪 𑒗𑓀𑒛𑒰 𑒂𑒠𑒱𑒏 𑒫𑒱𑒔𑒰𑒩𑒡𑒰𑒩𑒰𑒏 𑒮𑓀𑒑𑒹 𑒣𑓂𑒩𑒞𑒲𑒏𑒏 𑒩𑒴𑒣𑒧𑒹 𑒯𑒰𑒮-𑒣𑒩𑒱𑒯𑒰𑒮, 𑒦𑒴𑒧𑓀𑒛𑒪𑒲𑒏𑒩𑒝𑒏 𑒏𑒰𑒩𑒝𑒮𑒿 𑒧𑒳𑒐𑓂𑒨𑒡𑒰𑒩𑒮𑒿 𑒁𑒪𑒑 𑒦𑒹𑒪 𑒏𑒞𑒹𑒏 𑒮𑒧𑒳𑒠𑒰𑒨𑒏 𑒂 𑒢𑒰𑒩𑒲𑒏 𑒣𑓂𑒩𑒬𑓂𑒢𑒏𑒹𑒿 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰 𑒮𑒼𑒗𑒰𑒿 𑒁𑒢𑒪𑒏। 𑒫𑒱𑒔𑒰𑒩𑒡𑒰𑒩𑒰 𑒂 𑒮𑒰𑒩𑓂𑒫𑒦𑒾𑒧𑒱𑒏 𑒪𑒏𑓂𑒭𑓂𑒨𑒏 𑒫𑒱𑒩𑒼𑒡 𑒏𑒋𑒪𑒏 𑒧𑒳𑒠𑒰 𑒏𑒼𑒢𑒼 𑒅𑒞𑓂𑒞𑒩 𑒢𑒻 𑒠𑓄 𑒮𑒏𑒪। 𑒞𑒯𑒱𑒢𑒰 𑒅𑒞𑓂𑒞𑒩 𑒂𑒡𑒳𑒢𑒱𑒏𑒞𑒰𑒫𑒰𑒠𑒲 𑒫𑒱𑒔𑒰𑒩𑒏 𑒖𑒻𑒏𑓂𑒮 𑒠𑒹𑒩𑒲𑒠𑒰 𑒦𑒰𑒭𑒰𑒏𑒹𑒿 𑒫𑒱𑒐𑒝𑓂𑒛𑒱𑒞 𑒏𑒋 𑒄 𑒮𑒱𑒠𑓂𑒡 𑒏𑒋𑒪𑒢𑓂𑒯𑒱 𑒖𑒹 𑒫𑒱𑒐𑒝𑓂𑒛𑒱𑒞 𑒦𑒰𑒑 𑒜𑒹𑒩 𑒩𑒰𑒮 𑒫𑒱𑒦𑒱𑒢𑓂𑒢 𑒂𑒡𑒰𑒩𑒣𑒩 𑒂𑒬𑓂𑒩𑒱𑒞 𑒁𑒕𑒱 𑒂 𑒥𑒱𑒢𑒰 𑒍𑒏𑒩𑒰 𑒥𑒳𑒗𑒢𑒹 𑒦𑒰𑒭𑒰𑒏 𑒁𑒩𑓂𑒟 𑒯𑒧 𑒢𑒯𑒱 𑒪𑒑𑒰 𑒮𑒏𑒻𑒞 𑒕𑒲। 𑒂 𑒮𑓀𑒫𑒰𑒠𑒏 𑒣𑒳𑒢𑒩𑓂𑒮𑓂𑒟𑒰𑒣𑒢𑒰 𑒪𑒹𑒪 𑒏𑒟𑒰𑒏𑒰𑒩𑒧𑒹 𑒫𑒱𑒬𑓂𑒫𑒰𑒮 𑒯𑒼𑒋𑒥𑒰𑒏 𑒔𑒰𑒯𑒲- 𑒞𑒩𑓂𑒏-𑒣𑒩𑒏 𑒫𑒱𑒬𑓂𑒫𑒰𑒮 𑒂 𑒁𑒢𑒳𑒦𑒫𑒣𑒩𑒏 𑒫𑒱𑒬𑓂𑒫𑒰𑒮 । 𑒣𑓂𑒩𑒞𑓂𑒨𑒏𑓂𑒭𑒫𑒰𑒠𑒏 𑒫𑒱𑒬𑓂𑒪𑒹𑒭𑒝𑒰𑒞𑓂𑒧𑒏 𑒠𑒩𑓂𑒬𑒢 𑒫𑒮𑓂𑒞𑒳𑒏 𑒢𑒯𑒱, 𑒦𑒰𑒭𑒱𑒏 𑒏𑒟𑒢 𑒂 𑒁𑒫𑒡𑒰𑒩𑒝𑒰𑒏 𑒫𑒱𑒬𑓂𑒪𑒹𑒭𑒝 𑒏𑒩𑒻𑒞 𑒁𑒕𑒱 । 𑒫𑒱𑒬𑓂𑒪𑒹𑒭𑒝𑒰𑒞𑓂𑒧𑒏 𑒁𑒟𑒫𑒰 𑒞𑒰𑒩𑓂𑒏𑒱𑒏 𑒣𑓂𑒩𑒞𑓂𑒨𑒏𑓂𑒭𑒫𑒰𑒠 𑒂 𑒁𑒮𑓂𑒞𑒱𑒞𑓂𑒫𑒫𑒰𑒠𑒏 𑒖𑒢𑓂𑒧 𑒫𑒱𑒖𑓂𑒘𑒰𑒢𑒏 𑒣𑓂𑒩𑒞𑒱 𑒣𑓂𑒩𑒞𑒱𑒏𑓂𑒩𑒱𑒨𑒰𑒏 𑒩𑒴𑒣𑒧𑒹 𑒦𑒹𑒪। 𑒋𑒯𑒱𑒮𑒿 𑒫𑒱𑒖𑓂𑒘𑒰𑒢𑒏 𑒠𑓂𑒫𑒱𑒁𑒩𑓂𑒟𑒲 𑒫𑒱𑒔𑒰𑒩𑒏𑒹𑒿 𑒮𑓂𑒣𑒭𑓂𑒙 𑒏𑒋𑒪 𑒑𑒹𑒪। 𑒣𑓂𑒩𑒒𑒙𑒢𑒰𑒬𑒰𑒮𑓂𑒞𑓂𑒩𑒧𑒹 𑒔𑒹𑒞𑒢𑒰𑒏 𑒣𑓂𑒩𑒠𑒞𑓂𑒞𑒏 𑒣𑓂𑒩𑒠𑒞𑓂𑒞 𑒩𑒴𑒣𑒧𑒹 𑒁𑒡𑓂𑒨𑒨𑒢 𑒯𑒼𑒃𑒞 𑒁𑒕𑒱। 𑒁𑒢𑒳𑒦𑒴𑒞𑒱 𑒫𑒱𑒬𑒱𑒭𑓂𑒙 𑒧𑒰𑒢𑒮𑒱𑒏 𑒏𑓂𑒩𑒱𑒨𑒰𑒏 𑒞𑒟𑓂𑒨𑒏 𑒢𑒱𑒩𑒲𑒏𑓂𑒭𑒝 𑒁𑒕𑒱। 𑒫𑒮𑓂𑒞𑒳𑒏𑒹𑒿 𑒢𑒱𑒩𑒣𑒹𑒏𑓂𑒭 𑒂 𑒫𑒱𑒬𑒳𑒠𑓂𑒡 𑒩𑒴𑒣𑒧𑒹 𑒠𑒹𑒐𑒥𑒰𑒏 𑒄 𑒧𑒰𑒡𑓂𑒨𑒧 𑒁𑒕𑒱। 𑒁𑒮𑓂𑒞𑒱𑒞𑓂𑒫𑒫𑒰𑒠𑒧𑒹 𑒧𑒢𑒳𑒭𑓂𑒨-𑒁𑒯𑒱 𑒧𑒰𑒞𑓂𑒩 𑒧𑒢𑒳𑒭𑓂𑒨 𑒁𑒕𑒱। 𑒍 𑒖𑒹 𑒏𑒱𑒕𑒳 𑒢𑒱𑒩𑓂𑒧𑒰𑒝 𑒏𑒩𑒻𑒞 𑒁𑒕𑒱 𑒍𑒯𑒱𑒮𑒿 𑒣𑒵𑒟𑒏 𑒍 𑒏𑒱𑒕𑒳 𑒢𑒯𑒱 𑒁𑒕𑒱, 𑒮𑓂𑒫𑒞𑓀𑒞𑓂𑒩 𑒯𑒼𑒋𑒥𑒰 𑒪𑒹𑒪 𑒁𑒦𑒱𑒬𑒣𑓂𑒞 𑒁𑒕𑒱 (𑒮𑒰𑒩𑓂𑒞𑓂𑒩)। 𑒯𑒹𑒑𑒹𑒪𑒏 𑒛𑒰𑒨𑒪𑒹𑒏𑓂𑒙𑒱𑒏𑓂𑒮 𑒠𑓂𑒫𑒰𑒩𑒰 𑒫𑒱𑒬𑓂𑒪𑒹𑒭𑒝 𑒂 𑒮𑓀𑒬𑓂𑒪𑒹𑒭𑒝𑒏 𑒁𑓀𑒞𑒯𑒲𑒢 𑒁𑓀𑒞𑒮𑓂𑒮𑓀𑒥𑓀𑒡 𑒠𑓂𑒫𑒰𑒩𑒰 𑒣𑓂𑒩𑒏𑓂𑒩𑒱𑒨𑒰𑒏 𑒑𑒳𑒝 𑒢𑒱𑒩𑓂𑒝𑒨 𑒂 𑒁𑒮𑓂𑒞𑒱𑒞𑓂𑒫 𑒢𑒱𑒩𑓂𑒝𑒨 𑒏𑒩𑒥𑒰𑒣𑒩 𑒖𑒼𑒩 𑒠𑒹𑒪𑒢𑓂𑒯𑒱। 𑒧𑒴𑒪𑒞𑒞𑓂𑒫 𑒖𑒞𑒹𑒏 𑒑𑒯𑒲𑓀𑒩 𑒯𑒼𑒋𑒞 𑒍𑒞𑒹𑒏 𑒮𑓂𑒫𑒩𑒴𑒣𑒮𑒿 𑒠𑒴𑒩 𑒩𑒯𑒞 𑒂 𑒫𑒰𑒮𑓂𑒞𑒫𑒱𑒏𑒞𑒰𑒮𑒿 𑒪𑒑। 𑒏𑓂𑒫𑒰𑒢𑓂𑒙𑒧 𑒮𑒱𑒠𑓂𑒡𑒰𑒢𑓂𑒞 𑒂 𑒁𑒢𑒮𑒩𑒙𑒹𑒢𑓂𑒙𑒲 𑒣𑓂𑒩𑒱𑒢𑓂𑒮𑒱𑒣𑒪 𑒮𑒹𑒯𑒼 𑒂𑒡𑒳𑒢𑒱𑒏 𑒔𑒱𑒢𑓂𑒞𑒢𑒏𑒹𑒿 𑒣𑓂𑒩𑒦𑒰𑒫𑒱𑒞 𑒏𑒋𑒢𑒹 𑒁𑒕𑒱। 𑒠𑒹𑒐𑒰𑒃 𑒣𑒛𑓃𑒋𑒥𑒪𑒰 𑒫𑒰𑒮𑓂𑒞𑒫𑒱𑒏𑒞𑒰 𑒮𑒿 𑒠𑒴𑒩 𑒦𑒲𑒞𑒩𑒏 𑒂 𑒥𑒰𑒯𑒩𑒏 𑒣𑓂𑒩𑒏𑓂𑒩𑒱𑒨𑒰 𑒮𑒦 𑒬𑒏𑓂𑒞𑒱-𑒆𑒩𑓂𑒖𑒰𑒏 𑒕𑒼𑒙 𑒞𑒞𑓂𑒫𑒏 𑒂𑒠𑒰𑒢-𑒣𑓂𑒩𑒠𑒰𑒢𑒮𑒿 𑒮𑒧𑓂𑒦𑒫 𑒯𑒼𑒃𑒞 𑒁𑒕𑒱। 𑒁𑒢𑒱𑒬𑓂𑒔𑒱𑒞𑒞𑒰𑒏 𑒮𑒱𑒠𑓂𑒡𑒰𑒢𑓂𑒞 𑒠𑓂𑒫𑒰𑒩𑒰 𑒮𑓂𑒟𑒱𑒞𑒱 𑒂 𑒮𑓂𑒫𑒩𑒴𑒣, 𑒁𑒢𑓂𑒠𑒰𑒖𑒮𑒿 𑒢𑒱𑒬𑓂𑒔𑒱𑒞 𑒏𑒩𑒋 𑒣𑒛𑓃𑒻𑒞 𑒁𑒕𑒱। 𑒞𑒲𑒢𑒮𑒿 𑒥𑒹𑒬𑒲 𑒛𑒰𑒃𑒧𑒹𑒢𑓂𑒮𑒢𑒏 𑒫𑒱𑒬𑓂𑒫𑒏 𑒣𑒩𑒱𑒏𑒪𑓂𑒣𑒢𑒰 𑒂 𑒮𑓂𑒙𑒲𑒤𑒢 𑒯𑒰𑒏𑒱𑒢𑓂𑒮𑒏 “𑒁 𑒥𑓂𑒩𑒱𑒤 𑒯𑒱𑒮𑓂𑒙𑓂𑒩𑒲 𑒂𑒤 𑒙𑒰𑒃𑒧” 𑒮𑒼𑒗𑒹-𑒮𑒼𑒗𑒲 𑒦𑒑𑒫𑒰𑒢𑒏 𑒁𑒮𑓂𑒞𑒱𑒞𑓂𑒫𑒏𑒹𑒿 𑒐𑒞𑒧 𑒏𑒋 𑒩𑒯𑒪 𑒁𑒕𑒱 𑒏𑒰𑒩𑒝 𑒋𑒯𑒱𑒮𑒿 𑒦𑒑𑒫𑒰𑒢𑒏 𑒧𑒵𑒞𑓂𑒨𑒳𑒏 𑒁𑒫𑒡𑒰𑒩𑒝𑒰 𑒮𑒹𑒯𑒼 𑒮𑒼𑒗𑒰𑒿 𑒂𑒋𑒪 𑒁𑒕𑒱।𑒖𑒹𑒢𑒰 𑒫𑒩𑓂𑒔𑒳𑒁𑒪 𑒩𑒱𑒁𑒪𑒱𑒙𑒲 𑒫𑒰𑒮𑓂𑒞𑒫𑒱𑒏𑒞𑒰 𑒏𑒹𑒿 𑒏𑒵𑒞𑓂𑒩𑒱𑒧 𑒩𑒴𑒣𑒹𑒿 𑒮𑒼𑒗𑒰𑒿 𑒂𑒢𑒱 𑒔𑒹𑒞𑒢𑒰𑒏𑒹𑒿 𑒍𑒏𑒩𑒰 𑒮𑓀𑒑 𑒋𑒏𑒰𑒏𑒰𑒩 𑒏𑒩𑒻𑒞 𑒁𑒕𑒱 𑒞𑒯𑒱𑒢𑒰 𑒥𑒱𑒢𑒰 𑒞𑒲𑒢𑒮𑒿 𑒥𑒹𑒬𑒲 𑒥𑒲𑒧𑒏 𑒣𑒩𑒱𑒏𑒪𑓂𑒣𑒢𑒰𑒏 𑒯𑒧 𑒣𑓂𑒩𑒏𑒰𑒬𑒏 𑒑𑒞𑒱𑒮𑒿 𑒖𑒹 𑒮𑒱𑒢𑓂𑒡𑒳𑒒𑒰𑒙𑒲 𑒮𑒦𑓂𑒨𑒞𑒰𑒮𑒿 𑒔𑒪𑒲 𑒞𑒿 𑒞𑒃𑒨𑒼 𑒥𑓂𑒩𑒯𑓂𑒧𑒰𑒝𑓂𑒛𑒏 𑒣𑒰𑒩 𑒂𑒃 𑒡𑒩𑒱 𑒢𑒯𑒱 𑒣𑒯𑒳𑒿𑒔𑒱 𑒮𑒏𑒥। 𑒪𑒒𑒳𑒏𑒟𑒰𑒏 𑒮𑒧𑒏𑓂𑒭 𑒄 𑒮𑒦 𑒫𑒻𑒖𑓂𑒘𑒰𑒢𑒱𑒏 𑒂 𑒠𑒰𑒩𑓂𑒬𑒢𑒱𑒏 𑒞𑒟𑓂𑒨 𑒔𑒳𑒢𑒾𑒞𑒲𑒏 𑒩𑒴𑒣𑒧𑒹 𑒂𑒋𑒪 𑒁𑒕𑒱। 𑒯𑒼𑒪𑒱𑒮𑓂𑒙𑒱𑒏 𑒂𑒏𑒱 𑒮𑒧𑓂𑒣𑒴𑒩𑓂𑒝𑒞𑒰𑒏 𑒮𑒧𑒢𑓂𑒫𑒨 𑒏𑒩𑒋 𑒣𑒛𑓃𑒞 ! 𑒄 𑒠𑒩𑓂𑒬𑒢 𑒠𑒰𑒩𑓂𑒬𑒢𑒱𑒏 𑒮𑒿 𑒫𑒰𑒮𑓂𑒞𑒫𑒱𑒏 𑒞𑒐𑒢𑒹 𑒥𑒢𑒞।𑒣𑒼𑒮𑓂𑒙𑒮𑓂𑒙𑓂𑒩𑒏𑓂𑒔𑒩𑒪 𑒧𑒹𑒟𑒼𑒛𑒼𑒪𑒼𑒖𑒲 𑒦𑒰𑒭𑒰𑒏 𑒁𑒩𑓂𑒟, 𑒬𑒥𑓂𑒠, 𑒞𑒏𑒩 𑒁𑒩𑓂𑒟, 𑒫𑓂𑒨𑒰𑒏𑒩𑒝𑒏 𑒢𑒱𑒁𑒧 𑒮𑒿 𑒢𑒯𑒱 𑒫𑒩𑒢𑓂 𑒁𑒩𑓂𑒟 𑒢𑒱𑒩𑓂𑒧𑒰𑒝 𑒣𑓂𑒩𑒏𑓂𑒩𑒱𑒨𑒰𑒮𑒿 𑒪𑒑𑒥𑒻𑒞 𑒁𑒕𑒱। 𑒮𑒦 𑒞𑒩𑒯𑒏 𑒫𑓂𑒨𑒏𑓂𑒞𑒱, 𑒮𑒧𑒴𑒯 𑒪𑒹𑒪 𑒄 𑒫𑒱𑒦𑒱𑒢𑓂𑒢 𑒁𑒩𑓂𑒟 𑒡𑒰𑒩𑒝 𑒏𑒩𑒻𑒞 𑒁𑒕𑒱। 𑒦𑒰𑒭𑒰 𑒂 𑒫𑒱𑒬𑓂𑒫𑒧𑒹 𑒏𑒼𑒢𑒼 𑒁𑒢𑓂𑒞𑒱𑒧 𑒮𑒧𑓂𑒥𑒢𑓂𑒡 𑒢𑒯𑒱 𑒯𑒼𑒃𑒞 𑒁𑒕𑒱। 𑒬𑒥𑓂𑒠 𑒂 𑒍𑒏𑒩 𑒣𑒰𑒚 𑒏𑒹𑒩 𑒁𑒢𑓂𑒞𑒱𑒧 𑒁𑒩𑓂𑒟 𑒫𑒰 𑒁𑒣𑒢 𑒫𑒱𑒬𑒱𑒭𑓂𑒙 𑒁𑒩𑓂𑒟 𑒢𑒯𑒱 𑒯𑒼𑒃𑒞 𑒁𑒕𑒱।𑒂𑒡𑒳𑒢𑒱𑒏 𑒂 𑒅𑒞𑓂𑒞𑒩 𑒂𑒡𑒳𑒢𑒱𑒏 𑒞𑒩𑓂𑒏, 𑒫𑒰𑒮𑓂𑒞𑒫𑒱𑒏𑒞𑒰, 𑒮𑒧𑓂𑒫𑒰𑒠 𑒂 𑒫𑒱𑒔𑒰𑒩𑒏 𑒂𑒠𑒰𑒢-𑒣𑓂𑒩𑒠𑒰𑒢𑒮𑒿 𑒂𑒡𑒳𑒢𑒱𑒏𑒞𑒰𑒏 𑒖𑒢𑓂𑒧 𑒦𑒹𑒪 । 𑒧𑒳𑒠𑒰 𑒤𑒹𑒩 𑒢𑒫-𑒫𑒰𑒧𑒣𑓀𑒟𑒲 𑒂𑒢𑓂𑒠𑒼𑒪𑒢 𑒤𑓂𑒩𑒰𑓀𑒮𑒧𑒹 𑒂𑒋𑒪 𑒂 𑒮𑒩𑓂𑒫𑒢𑒰𑒬𑒫𑒰𑒠 𑒂 𑒁𑒩𑒰𑒖𑒏𑒞𑒰𑒫𑒰𑒠 𑒂𑒢𑓂𑒠𑒼𑒪𑒢 𑒮𑒢 𑒫𑒱𑒔𑒰𑒩𑒡𑒰𑒩𑒰 𑒮𑒹𑒯𑒼 𑒂𑒋𑒪। 𑒄 𑒮𑒦 𑒂𑒡𑒳𑒢𑒱𑒏 𑒫𑒱𑒔𑒰𑒩-𑒣𑓂𑒩𑒏𑓂𑒩𑒱𑒨𑒰 𑒣𑓂𑒩𑒝𑒰𑒪𑒲 𑒍𑒏𑒩 𑒂𑒮𑓂𑒟𑒰-𑒁𑒫𑒡𑒰𑒩𑒝𑒰𑒮𑒿 𑒥𑒯𑒰𑒩 𑒦𑒹𑒪 𑒁𑒫𑒱𑒬𑓂𑒫𑒰𑒮𑒣𑒩 𑒂𑒡𑒰𑒩𑒱𑒞 𑒕𑒪। 𑒣𑒰𑒚𑒧𑒹 𑒢𑒳𑒏𑒰𑒋𑒪 𑒁𑒩𑓂𑒟𑒏 𑒮𑓂𑒟𑒰𑒢-𑒏𑒰𑒪 𑒮𑓀𑒠𑒩𑓂𑒦𑒏 𑒣𑒩𑒱𑒣𑓂𑒩𑒹𑒏𑓂𑒭𑓂𑒨𑒧𑒹 𑒫𑓂𑒨𑒰𑒐𑓂𑒨𑒰 𑒬𑒳𑒩𑒴 𑒦𑒹𑒪 𑒂 𑒦𑒰𑒭𑒰𑒏𑒹𑒿 𑒐𑒹𑒪𑒏 𑒧𑒰𑒡𑓂𑒨𑒧 𑒥𑒢𑒰𑒍𑒪 𑒑𑒹𑒪- 𑒪𑓀𑒑𑒳𑒋𑒖 𑒑𑒹𑒧। 𑒂 𑒋𑒯𑒱 𑒮𑒦 𑒮𑒞𑓂𑒞𑒰𑒏 𑒂 𑒫𑒻𑒡𑒞𑒰 𑒂 𑒍𑒏𑒩 𑒮𑓂𑒞𑒩𑒲𑒏𑒩𑒝𑒏 𑒂𑒪𑒼𑒔𑒢𑒰𑒏 𑒩𑒴𑒣𑒧𑒹 𑒂𑒋𑒪 𑒣𑒼𑒮𑓂𑒙𑒧𑒰𑒛𑒩𑓂𑒢𑒱𑒖𑓂𑒧।𑒏𑓀𑒣𑓂𑒨𑒳𑒙𑒩 𑒂 𑒮𑒴𑒔𑒢𑒰 𑒏𑓂𑒩𑒰𑒢𑓂𑒞𑒱 𑒖𑒰𑒯𑒱𑒧𑒹 𑒏𑒼𑒢𑒼 𑒞𑓀𑒞𑓂𑒩𑒰𑓀𑒬𑒏 𑒢𑒱𑒩𑓂𑒧𑒰𑒞𑒰 𑒍𑒏𑒩 𑒢𑒱𑒩𑓂𑒧𑒰𑒝 𑒏𑒋 𑒍𑒏𑒩𑒰 𑒫𑒱𑒬𑓂𑒫𑒫𑓂𑒨𑒰𑒣𑒲 𑒁𑒢𑓂𑒞𑒩𑓂𑒖𑒰𑒪𑒣𑒩 𑒩𑒰𑒐𑒱 𑒠𑒻𑒞 𑒕𑒟𑒱 𑒂 𑒍 𑒞𑓀𑒞𑓂𑒩𑒰𑓀𑒬 𑒁𑒣𑒢 𑒢𑒱𑒩𑓂𑒧𑒰𑒞𑒰𑒮𑒿 𑒮𑓂𑒫𑒞𑓀𑒞𑓂𑒩 𑒁𑒣𑒢 𑒏𑒰𑒖 𑒏𑒩𑒻𑒞 𑒩𑒯𑒻𑒞 𑒁𑒕𑒱, 𑒏𑒱𑒕𑒳 𑒍𑒯𑒢𑒼 𑒏𑒰𑒩𑓂𑒨 𑒖𑒹 𑒋𑒏𑒩 𑒢𑒱𑒩𑓂𑒧𑒰𑒞𑒰 𑒍𑒏𑒩𑒰 𑒪𑒹𑒪 𑒢𑒱𑒩𑓂𑒧𑒱𑒞 𑒢𑒯𑒱 𑒏𑒋𑒢𑒹 𑒕𑒟𑒱। 𑒂 𑒏𑒱𑒕𑒳 𑒯𑒮𑓂𑒞𑒏𑓂𑒭𑒹𑒣-𑒞𑓀𑒞𑓂𑒩𑒰𑓀𑒬 𑒖𑒹𑒢𑒰 𑒫𑒰𑒨𑒩𑒮, 𑒋𑒏𑒩𑒰 𑒧𑒰𑒩𑓂𑒑𑒮𑒿 𑒯𑒙𑒰𑒥𑒻𑒞 𑒁𑒕𑒱, 𑒫𑒱𑒡𑓂𑒫𑓀𑒮𑒏 𑒥𑒢𑒥𑒻𑒞 𑒁𑒕𑒱 𑒞𑒿 𑒋𑒯𑒱 𑒫𑒰𑒨𑒩𑒮𑒏 𑒋𑓀𑒙𑒲 𑒫𑒰𑒨𑒩𑒮 𑒮𑒹𑒯𑒼 𑒋𑒏𑒙𑒰 𑒞𑓀𑒞𑓂𑒩𑒰𑓀𑒬 𑒁𑒕𑒱, 𑒖𑒹 𑒍𑒏𑒩𑒰 𑒚𑒲𑒏 𑒏𑒩𑒻𑒞 𑒁𑒕𑒱 𑒂 𑒖𑒹 𑒍𑒏𑒩𑒼 𑒮𑒿 𑒚𑒲𑒏 𑒢𑒯𑒱 𑒯𑒼𑒃𑒞 𑒁𑒕𑒱 𑒞𑒐𑒢 𑒏𑒧𑓂𑒣𑓂𑒨𑒳𑒙𑒩𑒏 𑒥𑒻𑒏𑒣 𑒪𑒋 𑒍𑒏𑒩𑒰 𑒤𑒰𑒩𑓂𑒧𑒹𑒙 𑒏𑒋 𑒠𑒹𑒪 𑒖𑒰𑒃𑒞 𑒁𑒕𑒱- 𑒏𑓂𑒪𑒲𑒢 𑒮𑓂𑒪𑒹𑒙 !𑒣𑒴𑒿𑒖𑒲𑒫𑒰𑒠𑒏 𑒖𑒢𑒧 𑒦𑒹𑒪 𑒎𑒠𑓂𑒨𑒼𑒑𑒱𑒏 𑒏𑓂𑒩𑒰𑒢𑓂𑒞𑒱𑒮𑒿 𑒂 𑒂𑒥 𑒣𑒼𑒮𑓂𑒙 𑒃𑒢𑓂𑒛𑒮𑓂𑒙𑓂𑒩𑒱𑒨𑒪 𑒮𑒧𑒰𑒖𑒧𑒹 𑒅𑒞𑓂𑒣𑒰𑒠𑒢𑒏 𑒥𑒠𑒪𑒰 𑒮𑒴𑒔𑒢𑒰 𑒂 𑒮𑓀𑒔𑒰𑒩𑒏 𑒧𑒯𑒞𑓂𑒫 𑒥𑒜𑓃𑒱 𑒑𑒹𑒪 𑒁𑒕𑒱, 𑒮𑓀𑒑𑒝𑒏𑒏 𑒦𑒴𑒧𑒱𑒏𑒰 𑒮𑒧𑒰𑒖𑒧𑒹 𑒥𑒜𑓃𑒱 𑒑𑒹𑒪 𑒁𑒕𑒱। 𑒧𑒼𑒥𑒰𑒃𑒪, 𑒏𑓂𑒩𑒹𑒛𑒱𑒙-𑒏𑒰𑒩𑓂𑒛 𑒂 𑒮𑒦 𑒋𑒯𑒢 𑒫𑒮𑓂𑒞𑒳 𑒔𑒱𑒣𑓂𑒮 𑒂𑒡𑒰𑒩𑒱𑒞 𑒁𑒕𑒱। 𑒛𑒲 𑒏𑒢𑓂𑒮𑒙𑓂𑒩𑒏𑓂𑒬𑒢 𑒂 𑒩𑒲 𑒏𑒢𑓂𑒮𑒙𑓂𑒩𑒏𑓂𑒬𑒢 𑒫𑒱𑒔𑒰𑒩 𑒩𑒔𑒢𑒰 𑒣𑓂𑒩𑒏𑓂𑒩𑒱𑒨𑒰𑒏 𑒣𑒳𑒢𑒩𑓂𑒑𑒚𑒢 𑒏𑒹𑒿 𑒠𑒹𑒐𑒥𑒻𑒞 𑒁𑒕𑒱 𑒖𑒹 𑒅𑒞𑓂𑒞𑒩 𑒎𑒠𑓂𑒨𑒼𑒑𑒱𑒏 𑒏𑒰𑒪𑒧𑒹 𑒔𑒹𑒞𑒢𑒰𑒏 𑒢𑒱𑒩𑓂𑒧𑒰𑒝 𑒢𑒫 𑒩𑒴𑒣𑒧𑒹 𑒦𑓄 𑒩𑒯𑒪 𑒁𑒕𑒱। 𑒃𑒞𑒱𑒯𑒰𑒮 𑒞𑒿 𑒢𑒯𑒱 𑒧𑒳𑒠𑒰 𑒣𑒩𑒧𑓂𑒣𑒩𑒰𑒑𑒞 𑒃𑒞𑒱𑒯𑒰𑒮𑒏 𑒁𑒢𑓂𑒞 𑒦𑓄 𑒑𑒹𑒪 𑒁𑒕𑒱। 𑒩𑒰𑒖𑓂𑒨, 𑒫𑒩𑓂𑒑, 𑒩𑒰𑒭𑓂𑒙𑓂𑒩, 𑒠𑒪, 𑒮𑒧𑒰𑒖, 𑒣𑒩𑒱𑒫𑒰𑒩, 𑒢𑒻𑒞𑒱𑒏𑒞𑒰, 𑒫𑒱𑒫𑒰𑒯 𑒮𑒦 𑒤𑒹𑒩𑒮𑒿 𑒣𑒩𑒱𑒦𑒰𑒭𑒱𑒞 𑒏𑒋𑒪 𑒖𑒰 𑒩𑒯𑒪 𑒁𑒕𑒱। 𑒧𑒰𑒩𑒞𑒹 𑒩𑒰𑒮 𑒣𑒩𑒱𑒫𑒩𑓂𑒞𑒢𑒏 𑒣𑒩𑒱𑒝𑒰𑒧𑒮𑒿, 𑒫𑒱𑒐𑓀𑒛𑒱𑒞 𑒦𑒋 𑒮𑒢𑓂𑒠𑒩𑓂𑒦𑒯𑒲𑒢 𑒦𑓄 𑒑𑒹𑒪 𑒁𑒕𑒱 𑒏𑒞𑒹𑒏 𑒮𑓀𑒮𑓂𑒟𑒰।

𑒪𑒒𑒳𑒏𑒟𑒰 𑒋𑒏 𑒣𑒏𑓂𑒭 𑒫𑒰 𑒒𑒙𑒢𑒰𑒏 𑒫𑒩𑓂𑒝𑒢 𑒁𑒕𑒱 𑒂 𑒄 𑒂𑒫𑒬𑓂𑒨𑒏 𑒢𑒻 𑒖𑒹 𑒍𑒏𑒩𑒰 𑒋𑒏𑓂𑒏𑒹 𑒣𑒵𑒭𑓂𑒚𑒧𑒹 𑒪𑒱𑒐𑒪 𑒖𑒰𑒋। 𑒁𑒯𑒰𑒿 𑒍𑒯𑒱 𑒒𑒙𑒢𑒰𑒏𑒹𑒿 𑓓-𑓔 𑒣𑒵𑒭𑓂𑒚𑒧𑒹 𑒮𑒹𑒯𑒼 𑒪𑒱𑒐𑒱 𑒮𑒏𑒻 𑒕𑒲 𑒂 𑒍 𑒪𑒒𑒳𑒏𑒟𑒰 𑒩𑒯𑒥𑒹 𑒏𑒩𑒞। 𑒖𑒹𑒧𑓂𑒮 𑒖𑒰𑒨𑒮𑒏 “𑒛𑒥𑓂𑒪𑒰𑒃𑒢𑒩” 𑒪𑒒𑒳-𑒏𑒟𑒰 𑒮𑓀𑒑𑓂𑒩𑒯𑒏 𑒮𑒦 𑒏𑒟𑒰 𑒋𑒏𑒙𑒰 𑒒𑒙𑒢𑒰𑒮𑒿 𑒁𑒢𑒔𑒼𑒏𑒹 𑒏𑒼𑒢𑒼 𑒫𑒮𑓂𑒞𑒳𑒏 𑒞𑓂𑒫𑒩𑒱𑒞 𑒖𑓂𑒘𑒰𑒢 𑒠𑒩𑓂𑒬𑒥𑒻𑒞 𑒁𑒕𑒱। 𑓑𑓕 𑒙𑒰 𑒬𑒰𑒩𑓂𑒙-𑒮𑓂𑒙𑒼𑒩𑒲𑒏 𑒮𑓀𑒑𑓂𑒩𑒯 𑒖𑒹𑒧𑓂𑒮 𑒖𑒰𑒨𑒮𑒏 “𑒛𑒥𑓂𑒪𑒰𑒃𑒢𑒩” 𑓒𑓐𑓐 𑒣𑒵𑒭𑓂𑒚𑒏 𑒁𑒕𑒱 𑒂 𑒧𑒻𑒟𑒱𑒪𑒲 𑒪𑒒𑒳𑒏𑒟𑒰𑒏 𑒮𑒦 𑒫𑒱𑒬𑒹𑒭𑒞𑒰𑒮𑒿 𑒨𑒳𑒏𑓂𑒞 𑒁𑒕𑒱। 𑒞𑒯𑒱𑒢𑒰 𑒐𑒪𑒲𑒪-𑒖𑒱𑒥𑓂𑒩𑒰𑒢 𑒂 𑒋𑓀𑒙𑒢 𑒔𑒹𑒐𑒫𑒏 𑒜𑒹𑒩 𑒩𑒰𑒮 𑒬𑒰𑒩𑓂𑒙-𑒮𑓂𑒙𑒼𑒩𑒲 𑒢𑒧𑒑𑒩 𑒩𑒯𑒱𑒞𑒼 𑒪𑒒𑒳𑒏𑒟𑒰 𑒁𑒕𑒱। 𑒁𑓀𑒑𑓂𑒩𑒹𑒖𑒲𑒧𑒹 𑒫𑒰 𑒨𑒴𑒩𑒼𑒣𑒱𑒨𑒢 𑒮𑒰𑒯𑒱𑒞𑓂𑒨𑒧𑒹 𑒬𑒰𑒩𑓂𑒙-𑒮𑓂𑒙𑒼𑒩𑒲 𑒂 𑒮𑓂𑒙𑒼𑒩𑒲𑒏 𑒣𑓂𑒩𑒨𑒼𑒑 𑒏𑒐𑒢𑒼 𑒣𑒩𑓂𑒨𑒰𑒨𑒫𑒰𑒔𑒲𑒏 𑒩𑒴𑒣𑒧𑒹 𑒯𑒼𑒃𑒞 𑒁𑒕𑒱। 𑒢𑒰𑒫𑒹𑒪 𑒖𑒏𑒩𑒰 𑒥𑒰𑓀𑒑𑓂𑒪𑒰 𑒂 𑒧𑒻𑒟𑒱𑒪𑒲𑒧𑒹 𑒅𑒣𑒢𑓂𑒨𑒰𑒮 𑒂 𑒧𑒩𑒰𑒚𑒲𑒧𑒹 𑒏𑒰𑒠𑒧𑓂𑒥𑒩𑒲 𑒏𑒯𑒻 𑒕𑒱𑒌-𑒏 𑒫𑒱𑒮𑓂𑒞𑒰𑒩 𑒥𑒹𑒬𑒲 𑒯𑒼𑒃 𑒕𑒻। 𑒧𑒻𑒟𑒱𑒪𑒲𑒧𑒹 𑓕𑓐-𑓖𑓐 𑒣𑒵𑒭𑓂𑒚𑒮𑒿 𑒅𑒣𑒢𑓂𑒨𑒰𑒮 𑒬𑒳𑒩𑒴 𑒦𑓄 𑒖𑒰𑒃𑒞 𑒕𑒻 𑒖𑒹 𑒁𑓀𑒑𑓂𑒩𑒹𑒖𑒲𑒏 𑒬𑒰𑒩𑓂𑒙-𑒮𑓂𑒙𑒼𑒩𑒲 / 𑒢𑒼𑒫𑒹𑒪𑒹𑒙/ 𑒢𑒼𑒫𑒹𑒪𑒰/ 𑒋𑒯𑒱 𑒮𑒦𑒏 𑒆𑒣𑒩𑒲 𑒮𑒲𑒧𑒰𑒏𑓂𑒭𑒹𑒞𑓂𑒩𑒧𑒹 𑒁𑒥𑒻𑒞 𑒁𑒕𑒱। 𑒧𑒳𑒠𑒰 𑒧𑒻𑒟𑒱𑒪𑒲𑒏 𑒮𑓂𑒟𑒱𑒞𑒱 𑒁𑓀𑒑𑓂𑒩𑒹𑒖𑒲𑒮𑒿 𑒤𑒩𑒰𑒏 𑒕𑒻। 𑒋𑒯𑒱𑒧𑒹 𑒥𑒰𑒪𑒏𑒟𑒰 𑒏𑒻𑒏 𑒩𑒰𑒞𑒱 𑒡𑒩𑒱 𑒔𑒪𑒻𑒞 𑒁𑒕𑒱 𑒞𑒿 𑒣𑒻𑒒 𑒪𑒼𑒏𑒏 𑒏𑒟𑒰 𑒧𑒱𑒢𑒙𑒧𑒹 𑒮𑒹𑒯𑒼 𑒐𑒞𑒧 𑒦𑓄 𑒖𑒰𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒏 𑒮𑒢𑓂𑒠𑒩𑓂𑒦𑒧𑒹 𑒄 𑒞𑒟𑓂𑒨 𑒂𑒥 𑒮𑒼𑒗𑒰𑒿 𑒂𑒥𑒱 𑒑𑒹𑒪 𑒁𑒕𑒱 𑒖𑒹 𑒪𑒒𑒳𑒏𑒟𑒰𑒏 𑒮𑒲𑒧𑒰 𑒋𑒏 𑒣𑒵𑒭𑓂𑒚, 𑒏𑒟𑒰𑒏 𑒞𑒲𑒢-𑒔𑒰𑒩𑒱 𑒣𑒵𑒭𑓂𑒚, 𑒠𑒲𑒩𑓂𑒒𑒏𑒟𑒰𑒏 𑓑𑓕-𑓒𑓐 𑒣𑒵𑒭𑓂𑒚 𑒂 𑒅𑒣𑒢𑓂𑒨𑒰𑒮𑒏 𑓖𑓐-𑓕𑓐𑓐 𑒣𑒵𑒭𑓂𑒚 𑒁𑒕𑒱। 𑒋𑒯𑒱𑒧𑒹 𑒪𑒒𑒳𑒏𑒟𑒰𑒏 𑒣𑒵𑒭𑓂𑒚 𑒮𑒲𑒧𑒰 𑓑-𑓔 𑒣𑒵𑒭𑓂𑒚 𑒡𑒩𑒱 𑒏𑒩𑒥𑒰𑒏 𑒥𑒹𑒑𑒩𑒞𑒰 𑒯𑒧 𑒥𑒳𑒗𑒻 𑒕𑒲।


𑒬𑒰𑒩𑒠𑒰𑒢𑒑𑒩
𑒠𑒳𑒩𑓂𑒑𑒰 𑒣𑒴𑒖𑒰𑒏 𑒢𑒰𑒙𑒏𑒏 𑒠𑒴 𑒠𑒵𑒬𑓂𑒨𑒏 𑒥𑒲𑒔 𑒢𑒩𑓂𑒞𑒏𑒲𑒏 𑒢𑒰𑒔।
“𑒬𑒰𑒩𑒠𑒰𑒢𑒑𑒩𑒏 𑒜𑒼𑒜𑓃𑒰𑒿𑒃 𑒠𑒮 𑒙𑒰𑒏𑒰 𑒞𑒯𑒹-𑒞𑒯𑒹 𑒠𑒱𑒪𑒮𑒿 𑒠𑒻 𑒕𑒟𑒱”- 𑒢𑒩𑓂𑒞𑒏𑒲 𑒩𑒳𑒐𑒮𑒰𑒢𑒰 𑒥𑒖𑒻 𑒕𑒟𑒱।
“𑒥𑒢𑒰𑒩𑒮𑒏 𑒕𑒻 𑒩𑒾।”
“𑒡𑒳𑒩, 𑒧𑒳𑒖𑒤𑓂𑒤𑒩𑒣𑒳𑒩𑒮𑒿 𑒪𑓄 𑒁𑒢𑒻 𑒕𑒻 𑒂 𑒗𑒳𑒙𑓂𑒚𑒼 𑒥𑒢𑒰𑒩𑒮𑒏..”।
“𑒯𑒾 𑒧𑒳𑒠𑒰 𑒄 𑒬𑒰𑒩𑒠𑒰𑒢𑒑𑒩 𑒏𑒼𑒢 𑒑𑒰𑒧 𑒕𑒻”।
“𑒥𑒳𑒗𑒪𑒯𑒲 𑒢𑒯𑒱। 𑒣𑒙𑓂𑒙𑒲 𑒙𑒼𑒪𑒏 𑒖𑒹 𑒣𑒰𑒃𑒥𑒪𑒰 𑒮𑒦 𑒩𑒯𑒻, 𑒮𑒹 𑒮𑒛𑓃𑒏𑒏 𑒍𑒯𑒱𑒣𑒰𑒩 𑒙𑒼𑒪 𑒥𑒢𑒰 𑒪𑒹𑒪𑒏𑒻 𑒂 𑒪𑒏𑓂𑒭𑓂𑒧𑒲𑒣𑒳𑒩 𑒢𑒰𑒧 𑒩𑒰𑒐𑒱 𑒪𑒹𑒪𑒏𑒻- 𑒖𑒹 𑒣𑒙𑓂𑒙𑒲 𑒙𑒼𑒪𑒏 𑒯𑒧 𑒮𑒦 𑒢𑒯𑒱 𑒕𑒲। 𑒪𑒏𑓂𑒭𑓂𑒧𑒲 𑒂 𑒮𑒩𑒮𑓂𑒫𑒞𑒲𑒏 𑒗𑒑𑒛𑓃𑒰 𑒥𑒳𑒗𑒪 𑒢𑒯𑒱 𑒕𑒾𑒯। 𑒮𑒹 𑒦𑒑𑒫𑒰𑒢𑒏 𑒗𑒑𑒛𑓃𑒰𑒏𑒹𑒿 𑒮𑒼𑒗𑒰𑒿 𑒁𑒢𑒢𑒹 𑒁𑒕𑒱। 𑒣𑒙𑓂𑒙𑒲 𑒙𑒼𑒪 𑒑𑒰𑒧 𑒑𑒩𑒱𑒥𑒯𑒰 𑒮𑒦𑒏 𑒁𑒕𑒱, 𑒮𑒦𑒙𑒰 𑒁𑒕𑒱 𑒧𑒯𑒱𑒮𑒥𑒰𑒩 𑒮𑒦। 𑒧𑒳𑒠𑒰 𑒦𑒑𑒫𑒰𑒢𑒏 𑒗𑒑𑒛𑓃𑒰𑒧𑒹 𑒑𑒰𑒧𑒏 𑒢𑒰𑒧 𑒮𑒩𑒮𑓂𑒫𑒞𑒲𑒏 𑒢𑒰𑒧𑒣𑒩 𑒬𑒰𑒩𑒠𑒰𑒢𑒑𑒩 𑒩𑒰𑒐𑒱 𑒪𑒻 𑒑𑒹𑒪 𑒁𑒕𑒱।”
“ 𑒔𑒪 𑒢𑒩𑓂𑒞𑒏𑒲𑒏𑒹𑒿 𑒞𑒿 𑒁𑒯𑒲 𑒥𑒯𑒢𑓂𑒢𑒹 𑒣𑒰𑒃 𑒠𑒻 𑒖𑒰𑒃 𑒕𑒻”।








𑒥𑒴𑒔 𑒖𑒲𑒏 𑒏𑒫𑒱𑒞𑒰𑒏 -𑒧𑒰𑒩𑓂𑒏𑓂𑒮𑒫𑒰𑒠, 𑒌𑒞𑒱𑒯𑒰𑒮𑒱𑒏 𑒠𑒵𑒭𑓂𑒙𑒱, 𑒮𑓀𑒩𑒔𑒢𑒰𑒫𑒰𑒠, 𑒖𑒰𑒠𑒴-𑒫𑒰𑒮𑓂𑒞𑒫𑒱𑒏𑒞𑒰𑒫𑒰𑒠, 𑒅𑒞𑓂𑒞𑒩-𑒂𑒡𑒳𑒢𑒱𑒏 , 𑒢𑒰𑒩𑒲𑒫𑒰𑒠𑒲 𑒂 𑒫𑒱𑒐𑒝𑓂𑒛𑒢𑒫𑒰𑒠 𑒠𑒵𑒭𑓂𑒙𑒱𑒮𑒿 𑒁𑒡𑓂𑒨𑒨𑒢 𑒮𑓀𑒑𑒧𑒹 𑒦𑒰𑒩𑒞𑒲𑒨 𑒮𑒾𑒢𑓂𑒠𑒩𑓂𑒨𑒬𑒰𑒮𑓂𑒞𑓂𑒩𑒏 𑒠𑒵𑒭𑓂𑒙𑒱𑒮𑒿 𑒮𑒹𑒯𑒼 𑒁𑒡𑓂𑒨𑒨𑒢
𑒖𑒹𑒚𑒲 𑒏𑒩𑒹𑒯:
𑒥𑒴𑒔 𑒖𑒲𑒏 𑒏𑒫𑒱𑒞𑒰 𑒖𑒹𑒚𑒲 𑒏𑒩𑒹𑒯 𑒏𑒫𑒱𑒞𑒰𑒧𑒹 𑒏𑒫𑒱 𑒏𑒯𑒻 𑒕𑒟𑒱 𑒖𑒹 𑒄 𑒦𑒼𑒩𑒧𑒹 𑒅𑒡𑒱𑒂𑒃 𑒁𑒕𑒱, 𑒥𑒩𑓂𑒐𑒰 𑒯𑒹𑒚 𑒦𑒹𑒪𑒼𑒣𑒩 𑒅𑒣𑒪𑒰𑒃𑒞 𑒁𑒕𑒱। 𑒍𑒏𑒩 𑒐𑒞𑒩𑒰𑒏 𑒥𑒱𑒢𑓂𑒠𑒳 𑒥𑒛𑓂𑒛 𑒆𑒣𑒩 𑒕𑒻 𑒞𑒐𑒢 𑒍 𑒏𑒱𑒋 𑒁𑒏𑒳𑒪𑒰𑒃𑒞 𑒁𑒕𑒱। 𑒂 𑒂𑒐𑒱𑒩𑒲𑒧𑒹 𑒏𑒯𑒻 𑒕𑒟𑒱 𑒖𑒹 𑒥𑒰𑒢𑓂𑒯 𑒞𑒼𑒛𑓃𑒱 𑒄 𑒣𑓂𑒩𑒪𑒨 𑒧𑒔𑒰𑒍𑒞 𑒮𑒹 𑒥𑒳𑒗𑒰𑒃𑒞 𑒁𑒕𑒱।𑒄 𑒦𑒹𑒪 𑒌 𑒏𑒫𑒱𑒞𑒰𑒏 𑒮𑒰𑒧𑒰𑒢𑓂𑒨 𑒣𑒰𑒚। 𑒂𑒥 𑒋𑒞𑒋 𑒋𑒏𑒩𑒰 𑒮𑓀𑒩𑒔𑒢𑒰𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝𑒮𑒿 𑒠𑒹𑒐𑒲 𑒞𑒿 𑒪𑒰𑒑𑒞 𑒖𑒹 𑒏𑒩𑒹𑒯 𑒮𑒫𑒹𑒩𑒹 𑒅𑒡𑒱𑒂𑒃 𑒁𑒕𑒱 𑒞𑒿 𑒂𑒬𑒰 𑒏𑒩𑒴 𑒖𑒹 𑒂𑒢 𑒥𑒹𑒩𑒧𑒹 𑒄 𑒢𑒻 𑒅𑒡𑒱𑒂𑒃𑒞 𑒯𑒼𑒋𑒞। 𑒥𑒩𑒐𑒰 𑒯𑒹𑒚 𑒦𑒹𑒢𑒹 𑒅𑒣𑒪𑒰𑒃𑒞 𑒁𑒕𑒱 𑒧𑒳𑒠𑒰 𑒮𑒹 𑒢𑒻 𑒯𑒹𑒥𑒰𑒏 𑒔𑒰𑒯𑒲। 𑒃𑒢𑓂𑒯𑒼𑒩 𑒣𑒰𑒢𑒱𑒏 𑒔𑒧𑒏𑒥, 𑒧𑒼𑒩𑒣𑒩 𑒦𑒾𑒩𑒲 𑒠𑒹𑒥 𑒂 𑒞𑒏𑒩 𑒣𑒩𑒱𑒝𑒰𑒧 𑒖𑒹 𑒛𑒲𑒯𑒏 𑒏𑒩𑒹𑒖𑒏𑒹𑒿 𑒄 𑒁𑒣𑒢𑒰𑒧𑒹 𑒮𑒧𑒰 𑒪𑒻𑒞 𑒁𑒕𑒱।𑒍𑒏𑒩 𑒩𑒹𑒞𑒏 𑒥𑒜𑓃𑒪𑒰𑒮𑒿 𑒏𑒫𑒱𑒏 𑒡𑒻𑒩𑓂𑒨 𑒔𑒯𑒏𑒻 𑒕𑒢𑓂𑒯𑒱। 𑒂𑒥 𑒏𑒢𑒹 𑒮𑓀𑒩𑒔𑒢𑒰𑒫𑒰𑒠𑒮𑒿 𑒯𑒙𑒱 𑒏𑓄 𑒋𑒏𑒩 𑒌𑒞𑒱𑒯𑒰𑒮𑒱𑒏 𑒫𑒱𑒬𑓂𑒪𑒹𑒭𑒝𑒣𑒩 𑒂𑒅। 𑒄 𑒢𑒫 𑒨𑒳𑒑𑒏 𑒪𑒹𑒪 𑒋𑒏𑒙𑒰 𑒢𑒫 𑒁𑒩𑓂𑒟 𑒠𑒹𑒞। 𑒐𑒞𑒩𑒰𑒏 𑒥𑒱𑒢𑓂𑒠𑒳 𑒖𑒹 𑒏𑒫𑒱𑒏 𑒮𑒧𑒋𑒧𑒹 𑒆𑒿𑒔𑒑𑒩 𑒪𑒑𑒻𑒞 𑒯𑒋𑒞 𑒂𑒥 𑒥𑒰𑒢𑓂𑒯𑒏 𑒥𑒲𑒔𑒧𑒹 𑒦𑒹𑒪 𑒖𑒧𑒰 𑒡𑒰𑒩𑒏 𑒧𑒫𑒰𑒠𑒏 𑒔𑒪𑒞𑒹 𑒍𑒞𑒹𑒏 𑒆𑒿𑒔 𑒢𑒻 𑒩𑒯𑒱 𑒑𑒹𑒪। 𑒮𑒹 𑒢𑒫 𑒣𑒲𑒜𑓃𑒲 𑒪𑒹𑒪 𑒏𑒫𑒱𑒏 𑒏𑒫𑒱𑒞𑒰 𑒏𑒫𑒱𑒮𑒿 𑒤𑒩𑒰𑒏 𑒋𑒏𑒙𑒰 𑒢𑒫 𑒮𑓂𑒫𑒩𑒴𑒣 𑒪𑓄 𑒪𑒻𑒞 𑒁𑒕𑒱। 𑒂𑒥 𑒏𑒢𑒹 𑒮𑓀𑒩𑒔𑒢𑒰𑒫𑒰𑒠𑒮𑒿 𑒯𑒙𑒱 𑒏𑓄 𑒫𑒱𑒐𑒝𑓂𑒛𑒢𑒫𑒰𑒠 𑒠𑒱𑒮 𑒂𑒅। 𑒫𑒱𑒐𑒝𑓂𑒛𑒢𑒫𑒰𑒠𑒲 𑒏𑒯𑒞 𑒖𑒹 𑒮𑓀𑒩𑒔𑒢𑒰𑒫𑒰𑒠𑒲𑒏 𑒡𑓂𑒩𑒳𑒫 𑒠𑒰𑒩𑓂𑒬𑒢𑒱𑒏 𑒮𑓂𑒫𑒩𑒴𑒣 𑒪𑒻𑒞 𑒁𑒕𑒱। 𑒥𑒩𑓂𑒐𑒰 𑒯𑒹𑒚 𑒦𑒹𑒪𑒻, 𑒞𑒻𑒨𑒼 𑒅𑒣𑒪𑒰𑒨𑒥, 𑒥𑒰𑒢𑓂𑒯 𑒥𑒢𑒥𑒻𑒥𑒪𑒰 𑒃𑓀𑒖𑒲𑒢𑒱𑒨𑒩𑒏 𑒏𑒩𑒹𑒯𑒏𑒹𑒿 𑒥𑒰𑒢𑓂𑒯𑒥𑒰𑒏 𑒣𑓂𑒩𑒨𑒰𑒮𑒏 𑒥𑒳𑒩𑒥𑒏𑒲𑒏 𑒩𑒴𑒣 𑒪𑒹𑒥 𑒂 𑒏𑒫𑒱𑒏 𑒏𑒩𑒹𑒯 𑒠𑓂𑒫𑒰𑒩𑒰 𑒥𑒰𑒢𑓂𑒯 𑒞𑒼𑒛𑓃𑒱 𑒣𑓂𑒩𑒪𑒨 𑒧𑒔𑒹𑒥𑒰𑒏 𑒦𑒫𑒱𑒭𑓂𑒨𑒫𑒰𑒝𑒲 𑒮𑓂𑒫𑒨𑓀 𑒏𑒫𑒱𑒏 𑒡𑓂𑒩𑒳𑒫𑒲𑒏𑒩𑒝𑒏 𑒮𑓂𑒟𑒰𑒨𑒲 𑒫𑒰 𑒏𑓂𑒭𑒝𑒱𑒏 𑒯𑒼𑒋𑒥𑒰𑒣𑒩 𑒣𑓂𑒩𑒬𑓂𑒢𑒔𑒱𑒢𑓂𑒯 𑒪𑒑𑒹𑒥𑒰𑒏 𑒣𑓂𑒩𑒧𑒰𑒝 𑒁𑒕𑒱। 𑒂𑒥 𑒤𑒹𑒩 𑒏𑒢𑒹 𑒏𑒫𑒱𑒞𑒰𑒏 𑒌𑒞𑒱𑒯𑒰𑒮𑒱𑒏𑒞𑒰𑒣𑒩 𑒖𑒰𑒅। 𑒖𑒰𑒠𑒴-𑒫𑒰𑒮𑓂𑒞𑒫𑒱𑒏𑒞𑒰𑒫𑒰𑒠𑒲 𑒮𑒰𑒯𑒱𑒞𑓂𑒨𑒧𑒹 𑒦𑒴𑒞𑒏𑒰𑒪𑒧𑒹 𑒑𑒹𑒪𑒰𑒣𑒩 𑒯𑒧 𑒠𑒹𑒐𑒻 𑒕𑒲 𑒖𑒹 𑓖𑓐𑒏 𑒠𑒬𑒏𑒧𑒹 𑒥𑒰𑒢𑓂𑒯 𑒥𑒢𑒹𑒥𑒰𑒏 𑒦𑒴𑒞 𑒮𑒫𑒰𑒩 𑒩𑒯𑒻, 𑒥𑒰𑒢𑓂𑒯, 𑒆𑒿𑒔 𑒂 𑒔𑒰𑒏𑒩, 𑒖𑒹 𑒡𑒰𑒩𑒏𑒹𑒿 𑒩𑒼𑒏𑒱 𑒠𑒹𑒞 𑒂 𑒧𑒢𑒳𑒏𑓂𑒐 𑒪𑒹𑒪 𑒏𑒲-𑒏𑒲 𑒤𑒰𑒋𑒠𑒰 𑒢𑒹 𑒏𑒩𑒞। 𑒍𑒃 𑒮𑓂𑒟𑒱𑒞𑒱𑒧𑒹 𑒖𑒰𑒠𑒴-𑒫𑒰𑒮𑓂𑒞𑒫𑒱𑒏𑒞𑒰𑒥𑒪𑒰 𑒮𑒰𑒯𑒱𑒞𑓂𑒨𑒏 𑒣𑒰𑒞𑓂𑒩 𑒪𑒑 𑒄 𑒏𑒫𑒱𑒞𑒰 𑒖𑒰𑒋𑒞 𑒞𑒿 𑒍 𑒌 𑒏𑒫𑒱𑒞𑒰𑒏 𑒞𑒹𑒮𑒩𑒹 𑒁𑒩𑓂𑒟 𑒪𑒑𑒰𑒍𑒞। 𑒏𑒫𑒱𑒏 𑒁𑒮𑓂𑒞𑒱𑒞𑓂𑒫 𑒍𑒞𑒋 𑒐𑒞𑒧 𑒦𑓄 𑒖𑒰𑒋𑒞 𑒂 𑒬𑒥𑓂𑒠𑒬𑒰𑒮𑓂𑒞𑓂𑒩 𑒁𑒣𑒢 𑒐𑒹𑒪 𑒬𑒳𑒩𑒴 𑒏𑒩𑒞। 𑒖𑒰𑒠𑒴-𑒫𑒰𑒮𑓂𑒞𑒫𑒱𑒏𑒞𑒰𑒥𑒪𑒰 𑒮𑒰𑒯𑒱𑒞𑓂𑒨𑒏 𑒍 𑒣𑒰𑒞𑓂𑒩 𑒖𑒹 𑒦𑒫𑒱𑒭𑓂𑒨𑒧𑒹 𑒖𑒲𑒨𑒞 𑒞𑒏𑒩𑒰 𑒪𑒹𑒪 𑒮𑒹𑒯𑒼 𑒄 𑒋𑒏𑒙𑒰 𑒁𑒪𑒑𑒹 𑒁𑒩𑓂𑒟 𑒪𑒹𑒞, 𑒍 𑒡𑒰𑒩𑒏 𑒐𑒞𑒩𑒰𑒏 𑒢𑒱𑒬𑒰𑒢𑒏 𑒆𑒿𑒔 𑒯𑒼𑒧𑒨𑒥𑒪𑒰 𑒑𑒣 𑒥𑒳𑒗𑒥𑒹 𑒢𑒻 𑒏𑒩𑒞 𑒂 𑒏𑒫𑒱𑒏 𑒏𑒫𑒱𑒞𑒰𑒏 𑒦𑒰𑒫𑒏 𑒞𑒰𑒏𑒱𑒧𑒹 𑒩𑒯𑒞। 𑒧𑒳𑒠𑒰 𑒫𑒱𑒐𑒝𑓂𑒛𑒢𑒫𑒰𑒠 𑒞𑒏𑒩𑒰 𑒥𑒰𑒠 𑒁𑒣𑒢𑒹 𑒖𑒰𑒪𑒧𑒹 𑒤𑒿𑒮𑒱 𑒖𑒰𑒋𑒞, 𑒥𑒯𑒳𑒞 𑒩𑒰𑒮 𑒥𑒰𑒞 𑒢𑒻 𑒩𑒯𑒞 𑒧𑒳𑒠𑒰 𑒥𑒯𑒳𑒞 𑒩𑒰𑒮 𑒥𑒰𑒞 𑒩𑒯𑒞। 𑒥𑒩𑒐𑒰 𑒩𑒯𑒞, 𑒡𑒰𑒩 𑒮𑒹𑒯𑒼 𑒣𑒩𑒱𑒫𑒩𑓂𑒞𑒱𑒞 𑒩𑒴𑒣𑒧𑒹 𑒩𑒯𑒥𑒹 𑒏𑒩𑒞, 𑒩𑒾𑒠𑒧𑒹 𑒍𑒏𑒩 𑒣𑒰𑒢𑒱 𑒃𑒢𑓂𑒯𑒼𑒩 𑒯𑒼𑒃𑒞𑒹 𑒩𑒯𑒞।𑒅𑒡𑒱𑒨𑒹𑒢𑒰𑒃 𑒂 𑒅𑒣𑒪𑒹𑒢𑒰𑒃 𑒩𑒯𑒥𑒹 𑒏𑒩𑒞।
𑒮𑓂𑒫𑒰𑒑𑒞 𑒑𑒰𑒢:
𑒮𑓂𑒫𑒰𑒑𑒞 𑒑𑒰𑒢𑒏 𑒮𑒰𑒧𑒰𑒢𑓂𑒨 𑒣𑒰𑒚- 𑒏𑒫𑒱 𑒮𑒦𑒏 𑒮𑓂𑒫𑒰𑒑𑒞 𑒏𑓄 𑒩𑒯𑒪 𑒕𑒟𑒱 𑒧𑒳𑒠𑒰 𑒧𑒱𑒟𑒱𑒪𑒰𑒏 𑒅𑒣𑒙𑒻𑒞 𑒡𑒩𑒞𑒲𑒏 𑒏𑒩𑒳𑒝 𑒏𑓂𑒩𑒢𑓂𑒠𑒢𑒏 𑒥𑒲𑒔 𑒅𑒪𑓂𑒪𑒰𑒮𑒏 𑒑𑒲𑒞 𑒏𑒼𑒢 𑒯𑒼𑒋𑒞। 𑒦𑓂𑒩𑒧𑒩 𑒣𑒱𑒨𑒰𑒮𑒪, 𑒤𑒪𑒏 𑒑𑒰𑒕 𑒧𑒾𑒪𑒰𑒨𑒪 𑒞𑒐𑒢 𑒄 𑒮𑒧𑒰𑒩𑒼𑒯𑒲 𑒑𑒼𑒭𑓂𑒚𑒲𑒮𑒿 𑒏𑒲 𑒯𑒼𑒋𑒞? 𑒏𑒫𑒱𑒞𑒰𑒏 𑒮𑓀𑒑 𑒪𑒰𑒚𑒲 𑒂 𑒩𑒮𑒏 𑒮𑓀𑒑 𑒐𑒼𑒩𑒢𑒰𑒚𑒲 𑒪𑒱𑒁𑒋 𑒣𑒛𑓃𑒞। 𑒏𑒫𑒱𑒞𑒰𑒏 𑒢𑒲𑒔𑒰𑒿𑒧𑒹 𑒮𑒴𑒔𑒢𑒰 𑒁𑒕𑒱- 𑒫𑒱𑒠𑓂𑒨𑒰𑒣𑒞𑒱 𑒮𑓂𑒧𑒵𑒞𑒱 𑒣𑒩𑓂𑒫 𑒮𑒧𑒰𑒩𑒼𑒯 𑓑𑓙𑓘𑓔, 𑒑𑓂𑒩𑒰𑒧-𑒥𑒻𑒠𑓂𑒨𑒢𑒰𑒟𑒣𑒳𑒩, 𑒣𑓂𑒩𑒐𑓀𑒛-𑒩𑒼𑒮𑒛𑓃𑒰, 𑒖𑒱𑒪𑒰-𑒮𑒧𑒮𑓂𑒞𑒲𑒣𑒳𑒩𑒧𑒹 𑒂𑒑𑒞 𑒁𑒞𑒱𑒟𑒱𑒏 𑒮𑓂𑒫𑒰𑒑𑒞। 𑒍 𑒏𑒰𑒪𑒐𑒝𑓂𑒛 𑒧𑒱𑒟𑒱𑒪𑒰𑒮𑒿 𑒣𑒛𑓃𑒰𑒃𑒢𑒏 𑒣𑓂𑒩𑒰𑒩𑒧𑓂𑒦 𑒕𑒪। 𑒯𑒰𑒖𑒲𑒣𑒳𑒩𑒧𑒹 𑒑𑓀𑒑𑒰 𑒣𑒳𑒪 𑒥𑒢𑒱 𑒑𑒹𑒪 𑒕𑒪। 𑒫𑒱𑒏𑒰𑒮𑒏 𑒣𑓂𑒩𑒞𑒱𑒧𑒰𑒢 𑒪𑒰𑒑𑒪 𑒖𑒹𑒢𑒰 𑒫𑒱𑒤𑒪 𑒦𑓄 𑒑𑒹𑒪। 𑒣𑒻𑒒 𑒥𑒰𑒢𑓂𑒯𑒏 𑒣𑓂𑒩𑒞𑒱 𑒧𑒼𑒯𑒦𑓀𑒑 𑒦𑓄 𑒑𑒹𑒪 𑒕𑒪। 𑒏𑒵𑒭𑒱𑒏 𑒂 𑒏𑒵𑒭𑒏𑒏 𑒠𑒳𑒩𑓂𑒠𑒬𑒰𑒏 𑒪𑒹𑒪 𑒥𑒰𑒜𑓃𑒱𑒏 𑒫𑒱𑒦𑒲𑒭𑒱𑒏𑒰 𑒕𑒪 𑒞𑒿 𑒮𑓂𑒟𑒰𑒢𑒲𑒨 𑒤𑒮𑒱𑒪 𑒂𑒡𑒰𑒩𑒱𑒞 𑒎𑒠𑓂𑒨𑒼𑒑𑒲𑒏𑒩𑒝 𑒢𑒱𑒣𑒞𑓂𑒞𑒰 𑒕𑒪 𑒂 𑒬𑒱𑒏𑓂𑒭𑒰𑒏 𑒁𑒦𑒱𑒨𑒰𑒢 𑒏𑒞𑒾 𑒠𑒹𑒐𑒥𑒰𑒧𑒹 𑒢𑒻 𑒂𑒥𑒱 𑒩𑒯𑒪 𑒕𑒪। 𑒂 𑒞𑒰𑒃 𑒮𑓂𑒟𑒱𑒞𑒱𑒧𑒹 𑒮𑒧𑒰𑒩𑒼𑒯𑒲 𑒑𑒼𑒭𑓂𑒚𑒲𑒏 𑒮𑓂𑒫𑒰𑒑𑒞𑒏 𑒦𑒰𑒩 𑒏𑒫𑒱𑒖𑒲 𑒮𑒧𑓂𑒯𑒰𑒩𑒢𑒹 𑒩𑒯𑒟𑒱। 𑒡𑓂𑒫𑒢𑒱 𑒮𑒱𑒠𑓂𑒡𑒰𑒢𑓂𑒞: 𑒂𑒢𑒢𑓂𑒠𑒫𑒩𑓂𑒡𑒢 𑒡𑓂𑒫𑒢𑓂𑒨𑒰𑒪𑒼𑒏𑒧𑒹 𑒮𑒰𑒯𑒱𑒞𑓂𑒨𑒏 𑒅𑒠𑓂𑒠𑒹𑒬𑓂𑒨 𑒁𑒩𑓂𑒟𑒏𑒹𑒿 𑒣𑒩𑒼𑒏𑓂𑒭 𑒩𑒴𑒣𑒹𑒿 𑒥𑒳𑒗𑒰𑒋𑒥 𑒫𑒰 𑒁𑒩𑓂𑒟 𑒅𑒞𑓂𑒣𑒢𑓂𑒢 𑒏𑒩𑒥 𑒏𑒯𑒻𑒞 𑒕𑒟𑒱। 𑒄 𑒮𑒱𑒠𑓂𑒡𑒰𑒢𑓂𑒞 𑒠𑒻𑒞 𑒁𑒕𑒱 𑒣𑒩𑒼𑒏𑓂𑒭 𑒁𑒩𑓂𑒟𑒏 𑒮𑓀𑒩𑒔𑒢𑒰 𑒂 𑒏𑒰𑒩𑓂𑒨, 𑒩𑒮 𑒧𑒰𑒢𑒹 𑒮𑒾𑒢𑓂𑒠𑒩𑓂𑒨𑒏 𑒁𑒢𑒳𑒦𑒫 𑒂 𑒁𑒪𑓀𑒏𑒰𑒩𑒏 𑒮𑒱𑒠𑓂𑒡𑒰𑒢𑓂𑒞।𑒂𑒢𑒢𑓂𑒠𑒫𑒩𑓂𑒡𑒢 𑒏𑒰𑒫𑓂𑒨𑒏 𑒂𑒞𑓂𑒧𑒰 𑒡𑓂𑒫𑒢𑒱𑒏𑒹𑒿 𑒧𑒰𑒢𑒻𑒞 𑒕𑒟𑒱। 𑒡𑓂𑒫𑒢𑒱 𑒠𑓂𑒫𑒰𑒩𑒰 𑒁𑒩𑓂𑒟 𑒞𑒿 𑒣𑒩𑒼𑒏𑓂𑒭 𑒩𑒴𑒣𑒹𑒿 𑒁𑒥𑒻𑒞 𑒁𑒕𑒱 𑒧𑒳𑒠𑒰 𑒍 𑒁𑒥𑒻𑒞 𑒁𑒕𑒱 𑒮𑒳𑒮𑓀𑒑𑒚𑒱𑒞 𑒩𑒴𑒣𑒧𑒹। 𑒂 𑒌𑒮𑒿 𑒁𑒩𑓂𑒟 𑒂 𑒣𑓂𑒩𑒞𑒲𑒏 𑒠𑒴𑒙𑒰 𑒮𑒱𑒠𑓂𑒡𑒰𑒢𑓂𑒞 𑒥𑒯𑒰𑒩 𑒯𑒼𑒃𑒞 𑒁𑒕𑒱। 𑒌𑒮𑒿 𑒩𑒮𑒏 𑒣𑓂𑒩𑒦𑒰𑒫 𑒅𑒞𑓂𑒣𑒢𑓂𑒢 𑒯𑒼𑒃𑒞 𑒁𑒕𑒱। 𑒌𑒮𑒿 𑒩𑒮 𑒅𑒞𑓂𑒣𑒢𑓂𑒢 𑒯𑒼𑒃𑒞 𑒁𑒕𑒱। 𑒢𑓂𑒨𑒰𑒨 𑒂 𑒧𑒲𑒧𑒰𑓀𑒮𑒰 𑒌 𑒮𑒱𑒠𑓂𑒡𑒰𑒢𑓂𑒞𑒏 𑒫𑒱𑒩𑒼𑒡 𑒏𑒹𑒪𑒏, 𑒄 𑒠𑒳𑒢𑒴 𑒠𑒩𑓂𑒬𑒢 𑒏𑒯𑒻𑒞 𑒁𑒕𑒱 𑒖𑒹 𑒡𑓂𑒫𑒢𑒱𑒏 𑒁𑒮𑓂𑒞𑒱𑒞𑓂𑒫 𑒏𑒞𑒾 𑒢𑒻 𑒁𑒕𑒱, 𑒄 𑒣𑒩𑒱𑒝𑒰𑒧 𑒁𑒕𑒱 𑒁𑒢𑒳𑒧𑒰𑒢𑒏 𑒂 𑒮𑒹 𑒣𑒯𑒱𑒢𑒯𑒱𑒨𑒹𑒮𑒿 𑒪𑒏𑓂𑒭𑒝𑒏 𑒁𑒢𑓂𑒞𑒩𑓂𑒑𑒞 𑒁𑒕𑒱। 𑒂 𑒮𑒹 𑒮𑒦 𑒬𑒥𑓂𑒠 𑒠𑓂𑒫𑒰𑒩𑒰 𑒫𑒩𑓂𑒝𑒱𑒞 𑒯𑒼𑒋𑒥 𑒮𑒧𑓂𑒦𑒫 𑒢𑒻 𑒁𑒕𑒱। 𑒮𑓂𑒫𑒰𑒑𑒞 𑒑𑒰𑒢𑒏 𑒡𑓂𑒫𑒢𑒱 𑒮𑒱𑒠𑓂𑒡𑒰𑒢𑓂𑒞𑒏 𑒯𑒱𑒮𑒰𑒥𑒮𑒿 𑒣𑒰𑒚: 𑒫𑒱𑒠𑓂𑒨𑒰𑒣𑒞𑒱 𑒬𑒱𑒫 𑒮𑓂𑒫𑒩𑒴𑒣 𑒧𑒵𑒞𑓂𑒨𑒳𑓀𑒖𑒨 𑒧𑓄𑒩𑒪 𑒕𑒟𑒱 𑒏𑒯𑒱 𑒏𑒫𑒱 𑒁𑒩𑓂𑒟 𑒂 𑒣𑓂𑒩𑒞𑒲𑒏 𑒠𑒳𑒢𑒴 𑒮𑒼𑒗𑒰𑒿 𑒁𑒢𑒻 𑒕𑒟𑒱। 𑒡𑓂𑒫𑒢𑒱 𑒮𑒱𑒠𑓂𑒡𑒰𑒢𑓂𑒞𑒏 𑒢𑓂𑒨𑒰𑒨 𑒠𑒩𑓂𑒬𑒢 𑒫𑒱𑒩𑒼𑒡 𑒏𑒹𑒪𑒏 𑒧𑒳𑒠𑒰 𑒅𑒠𑒨𑒢𑒏 𑒑𑒰𑒧 𑒏𑒩𑒱𑒨𑒢𑒏 𑒏𑒫𑒱 𑒥𑒴𑒔 𑒖𑒲 𑒠𑒰𑒩𑓂𑒬𑒢𑒱𑒏 𑒢𑒻, 𑒏𑒫𑒱 𑒕𑒟𑒱। 𑒍 𑒡𑓂𑒫𑒢𑒱𑒏 𑒖𑒼𑒩𑒑𑒩 𑒮𑓀𑒩𑒔𑒢𑒰 𑒮𑒼𑒗𑒰𑒿 𑒁𑒢𑒻 𑒕𑒟𑒱- 𑒯𑒧𑒩𑒰 𑒮𑒥𑒯𑒏 𑒁𑒦𑒰𑒑 𑒁𑒖𑒩𑒼 𑒦𑓄 𑒖𑓄𑒛𑓃𑒪 𑒕𑒟𑒱, 𑒂 𑒧𑒰𑒞𑓂𑒩 𑒄 𑒮𑒧𑒰𑒩𑒼𑒯𑒲 𑒑𑒼𑒭𑓂𑒚𑒲 𑒮𑒿 𑒏𑒲 𑒯𑒹𑒞𑒻 ? 𑒂𑒑𑒰𑒿 𑒍 𑒏𑒯𑒻 𑒕𑒟𑒱- 𑒏𑒰𑒫𑓂𑒨 𑒣𑒰𑒚 𑒏𑒩𑒴 𑒧𑒳𑒠𑒰 𑒏𑒰𑒢𑓂𑒯 𑒣𑒩 𑒪𑒱𑒁 𑒪𑒰𑒚𑒲, 𑒋𑒏 𑒯𑒰𑒟 𑒩𑒮𑒏 𑒬𑓂𑒩𑒼𑒞 𑒠𑒼𑒮𑒩 𑒧𑒹 𑒐𑒼𑒩 𑒢𑒰𑒚𑒲। 𑒌 𑒣𑓂𑒩𑒞𑒲𑒏 𑒮𑒦𑒮𑒿 𑒦𑒩𑒪 𑒄 𑒏𑒫𑒱𑒞𑒰 𑒮𑒳𑒑𑒚𑒱𑒞 𑒩𑒴𑒣𑒹 𑒂𑒑𑒰𑒿 𑒥𑒜𑓃𑒻𑒞 𑒁𑒕𑒱 𑒂 𑒁𑒦𑓂𑒨𑒰𑒑𑒞𑒏 𑒮𑓂𑒫𑒰𑒑𑒞 𑒏𑒩𑒻𑒞 𑒁𑒕𑒱। 𑒧𑒰𑒩𑓂𑒏𑓂𑒮𑒫𑒰𑒠𑒲 𑒠𑒵𑒙𑒱𑒏𑒼𑒝𑒮𑒿 𑒠𑒹𑒐𑒪𑒰𑒣𑒩 𑒪𑒰𑒑𑒞 𑒖𑒹 𑒏𑒫𑒱𑒏 𑒏𑒰𑒖𑒏𑒹𑒿 𑒌 𑒏𑒫𑒱𑒞𑒰𑒧𑒹 𑒏𑒰𑒫𑓂𑒨𑒣𑒰𑒚𑒮𑒿 𑒂𑒑𑒰𑒿 𑒦𑓄 𑒠𑒹𑒐𑒪 𑒑𑒹𑒪 𑒁𑒕𑒱। 𑒌𑒧𑒹 𑒮𑒏𑒰𑒩𑒥𑒰𑒏 𑒦𑒰𑒫𑒏 𑒮𑓀𑒑 𑒍𑒏𑒩𑒰 𑒤𑒳𑒮𑒱𑒨𑒹𑒥𑒰𑒏, 𑒣𑒳𑒩𑒰𑒢 𑒂 𑒢𑒫; 𑒂 𑒫𑒱𑒏𑒰𑒮 𑒂 𑒧𑒩𑒝 𑒠𑒳𑒢𑒴𑒏 𑒢𑒲𑒏 𑒖𑒏𑒰𑒿 𑒮𑓀𑒨𑒼𑒖𑒢 𑒦𑒹𑒪 𑒁𑒕𑒱। 𑒮𑓂𑒫𑒰𑒑𑒞 𑒑𑒰𑒢 𑒁𑒣𑒢 𑒣𑒩𑒱𑒮𑓂𑒟𑒱𑒞𑒱𑒮𑒿 𑒏𑒙𑒱 𑒏𑓄 𑒂𑒯-𑒥𑒰𑒯 𑒏𑒩𑓄 𑒪𑒑𑒻𑒞 𑒞𑒿 𑒧𑒰𑒩𑓂𑒏𑓂𑒮𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝𑒮𑒿 𑒄 𑒢𑒱𑒧𑓂𑒢 𑒏𑒼𑒙𑒱𑒏 𑒏𑒫𑒱𑒞𑒰 𑒦𑓄 𑒖𑒰𑒃𑒞 (𑒖𑒏𑒩 𑒦𑒩𑒧𑒰𑒩 𑒧𑒻𑒟𑒱𑒪𑒲𑒏 𑒮𑓂𑒫𑒰𑒑𑒞 𑒂 𑒌𑒬𑓂𑒫𑒩𑓂𑒨 𑒑𑒰𑒢 𑒑𑒲𑒞 𑒮𑒦𑒧𑒹 𑒁𑒕𑒱), 𑒧𑒳𑒠𑒰 𑒏𑒫𑒱 𑒋𑒏𑒩𑒰 𑒋𑒏𑒙𑒰 𑒑𑒞𑒱𑒬𑒲𑒪 𑒣𑓂𑒩𑒏𑓂𑒩𑒱𑒨𑒰𑒏 𑒁𑓀𑒑 𑒥𑒢𑒰 𑒠𑒹𑒪𑒢𑓂𑒯𑒱 𑒂 𑒄 𑒧𑒻𑒟𑒱𑒪𑒲𑒏 𑒮𑒩𑓂𑒫𑒬𑓂𑒩𑒹𑒭𑓂𑒚 𑒮𑓂𑒫𑒰𑒑𑒞 𑒑𑒰𑒢 𑒥𑒢𑒱 𑒑𑒹𑒪।
𑒥𑒹𑒙𑒲 𑒥𑒢𑒪𑒱 𑒣𑒯𑒰𑒛𑓃:
𑒥𑒹𑒙𑒲 𑒥𑒢𑒪𑒱 𑒣𑒯𑒰𑒛𑓃 𑒏𑒫𑒱𑒞𑒰𑒏 𑒮𑒰𑒧𑒰𑒢𑓂𑒨 𑒣𑒰𑒚: 𑒠𑒳𑒪𑒩𑒻𑒞𑒱𑒢 𑒥𑒹𑒙𑒲 𑒒𑒹𑓀𑒙𑒏 𑒒𑒻𑒪 𑒥𑒢𑒪 𑒕𑒟𑒱। 𑒥𑒹𑒙𑒲 𑒁𑒋𑒪𑒲𑒯 𑒞𑒿 𑒅𑒛𑓃𑒢𑒐𑒙𑒼𑒪𑒰 𑒔𑒜𑓃𑒱 𑒏𑓄 𑒧𑒳𑒠𑒰 𑒯𑒩𑒱 𑒑𑒩𑒳𑒛𑓃 𑒞𑓂𑒨𑒰𑒑𑒱 𑒏𑒰𑒩 𑒧𑒰𑒿𑒑𑒱 𑒩𑒯𑒪 𑒕𑒟𑒱𑒢𑓂𑒯। 𑒣𑒻𑓀𑒞𑒲𑒮 𑒑𑓂𑒩𑒰𑒧 𑒮𑒼𑒢𑒰 𑒣𑒳𑒛𑓃𑒹𑒪𑒢𑓂𑒯𑒱 𑒧𑒳𑒠𑒰 𑒂𑒥 𑒥𑒱𑒨𑒰𑒯 𑒩𑒰𑒞𑒱𑒏 𑒐𑒩𑓂𑒔𑒰 𑒔𑒰𑒯𑒲 𑒂 𑒥𑒩𑒱𑒨𑒰𑒞𑒲 𑒠𑒮 𑒑𑒰𑒯𑒲 𑒁𑒍𑒞𑒰𑒯; 𑒮𑒾𑒿𑒮𑒹 𑒥𑒪𑓂𑒥 𑒖𑒛𑓃𑒱 𑒩𑒯𑒪 𑒁𑒕𑒱 𑒧𑒳𑒠𑒰 𑒧𑒰𑒗𑒹 𑒚𑒰𑒧 𑒁𑒢𑓂𑒯𑒰𑒩 𑒁𑒕𑒱। 𑒠𑒬𑒩𑒟 𑒋𑒏𑒼 𑒣𑒰𑒃 𑒢𑒻 𑒧𑒿𑒑𑒪𑒢𑓂𑒯𑒱, 𑒩𑒰𑒧𑒼 𑒏𑒱𑒕𑒳 𑒢𑒻 𑒥𑒖𑒪𑒰𑒯। 𑒃𑒞𑒱𑒯𑒰𑒮 𑒞𑒿 𑒏𑒵𑒭𑓂𑒝𑒏 𑒪𑒫 𑒧𑒻𑒩𑒹𑒖𑒏 𑒕𑒪 𑒧𑒳𑒠𑒰 𑒞𑒻𑒮𑒿 𑒏𑒲। 𑒖𑒢𑒏 𑒫𑒩𑓂𑒞𑒧𑒰𑒢𑒧𑒹 𑒯𑒰𑒯𑒰𑒏𑒰𑒩 𑒏𑓄 𑒩𑒯𑒪 𑒕𑒟𑒱। 𑒥𑒹𑒙𑒰𑒏 𑒏𑓀𑒚 𑒥𑒰𑒣 𑒣𑒏𑒛𑓃𑒢𑒹 𑒁𑒕𑒱 𑒂 𑒒𑒩𑒹-𑒒𑒩 𑒥𑒴𑒔𑒛𑓃𑒐𑒰𑒢𑒰 𑒥𑒢𑒪 𑒁𑒕𑒱 𑒂 𑒑𑒰𑒧𑒹-𑒑𑒰𑒧 𑒥𑒖𑒰𑒩 𑒪𑒰𑒑𑒪 𑒁𑒕𑒱। 𑒥𑒹𑒙𑒲 𑒥𑒢𑒪𑒱 𑒣𑒯𑒰𑒛𑓃 𑒏𑒫𑒱𑒞𑒰𑒏 𑒮𑒧𑒰𑒖𑒬𑒰𑒮𑓂𑒞𑓂𑒩𑒲𑒨 𑒮𑒧𑒲𑒏𑓂𑒭𑒰 𑒣𑒠𑓂𑒡𑒞𑒱𑒏 𑒠𑒵𑒭𑓂𑒙𑒱𑒮𑒿 𑒣𑒰𑒚: 𑒄 𑒏𑒫𑒱𑒞𑒰 𑒏𑒰𑒙𑒩 𑒣𑓂𑒩𑒟𑒰𑒏 𑒫𑒱𑒩𑒼𑒡𑒏 𑒏𑒫𑒱𑒞𑒰 𑒁𑒕𑒱। 𑒮𑒧𑒰𑒖𑒧𑒹 𑒍𑒃 𑒏𑒰𑒪𑒧𑒹 (𑒁𑒐𑒢𑒼) 𑒏𑒰𑒙𑒩 𑒣𑓂𑒩𑒟𑒰𑒏 𑒏𑒰𑒩𑒝 𑒅𑒛𑓃𑒢𑒐𑒙𑒼𑒪𑒰𑒣𑒩 𑒔𑒜𑓃𑒱 𑒏𑓄 𑒂𑒨𑒪𑒱 𑒠𑒳𑒪𑒩𑒻𑒞𑒱𑒢 𑒥𑒹𑒙𑒲 𑒥𑒰𑒣 𑒁𑒣𑒮𑓂𑒨𑒰𑓀𑒞 𑒕𑒟𑒱।
𑒏𑒩𑒴𑒝 𑒑𑒲𑒞:
𑒏𑒩𑒴𑒝 𑒑𑒲𑒞 𑒏𑒫𑒱𑒞𑒰𑒏 𑒮𑒰𑒧𑒰𑒢𑓂𑒨 𑒣𑒰𑒚: 𑒏𑒼𑒏𑒱𑒪𑒏 𑒏𑒩𑒳𑒝 𑒑𑒲𑒞 𑒮𑒳𑒢𑒱 𑒬𑓂𑒩𑒫𑒱𑒞 𑒪𑒼𑒔𑒢𑒮𑒿 𑒏𑒳𑒮𑒧𑒱𑒞 𑒏𑒰𑒢𑒢 𑒠𑒹𑒐𑒥! 𑒮𑒳𑒫𑒩𑓂𑒝𑒏 𑒮𑒾𑒩𑓂𑒨 𑒬𑒱𑒐𑒩𑒣𑒩 𑒬𑒰𑒢𑓂𑒞𑒱 𑒮𑒰𑒑𑒩𑒏 𑒮𑒳𑒪𑒦 𑒖𑒲𑒞! 𑒖𑒯𑒱𑒢𑒰 𑒏𑒱𑒕𑒳 𑒂𑒪𑒱𑓀𑒑𑒢 𑒏𑒩𑒻 𑒕𑒲 𑒁𑒢𑒹𑒏𑒼 𑒫𑒏𑓂𑒩𑒬𑒴𑒪 𑒦𑒼𑒏𑒰 𑒖𑒰𑒃𑒞 𑒁𑒕𑒱। 𑒮𑒳𑒭𑒧𑒰 𑒠𑒴 𑒏𑓂𑒭𑒝𑒏 𑒪𑒹𑒪 𑒂𑒨𑒪𑒱, (𑒂 𑒔𑒪𑒱 𑒑𑒹𑒪𑒱!) 𑒣𑓂𑒩𑒹𑒧𑒏 𑒧𑒡𑒳 𑒞𑒲𑒞 𑒦𑓄 𑒑𑒹𑒪। 𑒩𑒖𑒢𑒲𑒏 𑒩𑒳𑒠𑒢 𑒫𑒱𑒑𑒪𑒱𑒞 𑒣𑓂𑒩𑒦𑒰𑒞! 𑒏𑒩𑒴𑒝 𑒑𑒲𑒞 𑒏𑒫𑒱𑒞𑒰𑒏 𑒩𑒴𑒣𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝𑒮𑒿 𑒣𑒰𑒚: 𑒏𑒳𑒮𑒳𑒧𑒱𑒞 𑒏𑒰𑒢𑒢𑒏 𑒬𑓂𑒩𑒫𑒱𑒞 𑒪𑒼𑒔𑒢 𑒠𑓂𑒫𑒰𑒩𑒰 𑒠𑒹𑒐𑒥, 𑒬𑓂𑒩𑒵𑓀𑒑𑒰𑒩 𑒮𑒹𑒖 𑒣𑒩 𑒖𑓂𑒫𑒪𑒱𑒞 𑒧𑒮𑒰𑒢𑒏 𑒩𑒾𑒠𑓂𑒩 𑒩𑒴𑒣𑒏 𑒂𑒋𑒥 𑒂 𑒮𑒳𑒫𑒩𑓂𑒝𑒏 𑒬𑒾𑒩𑓂𑒨 𑒬𑒱𑒐𑒩 𑒣𑒩 - 𑒬𑒰𑓀𑒞𑒱 𑒮𑒰𑒑𑒩𑒏 𑒮𑒳𑒪𑒦 𑒖𑒲𑒞 𑒏𑒹𑒿 𑒠𑒹𑒐𑒴। 𑒦𑒰𑒭𑒰𑒏 𑒁𑒢𑒦𑒳𑒂𑒩 𑒣𑒏𑓂𑒭𑒏𑒹𑒿 𑒏𑒫𑒱 𑒢𑒲𑒏 𑒖𑒏𑒰𑒿 𑒅𑒣𑒨𑒼𑒑 𑒏𑒩𑒻 𑒕𑒟𑒱। 𑒂 𑒁𑒯𑒲𑒮𑒿 𑒯𑒳𑒢𑒏𑒩 𑒏𑒫𑒱𑒞𑒰𑒧𑒹 𑒏𑒫𑒱𑒞𑓂𑒫 𑒂𑒥𑒱 𑒖𑒰𑒃𑒞 𑒁𑒕𑒱। 𑒫𑒱𑒩𑒼𑒡𑒲 𑒬𑒥𑓂𑒠 𑒮𑒦𑒏 𑒥𑒰𑒯𑒳𑒪𑓂𑒨 𑒂 𑒮𑓀𑒨𑒼𑒖𑒢𑒏 𑒁𑒢𑒦𑒳𑒂𑒩 𑒣𑓂𑒩𑒏𑒵𑒞𑒱 𑒬𑒥𑓂𑒠𑒰𑒪𑓀𑒏𑒰𑒩𑒮𑒿 𑒨𑒳𑒏𑓂𑒞 𑒦𑒰𑒭𑒰 𑒌 𑒏𑒫𑒱𑒞𑒰𑒏𑒹𑒿 𑒫𑒱𑒬𑒱𑒭𑓂𑒙 𑒥𑒢𑒥𑒻𑒞 𑒁𑒕𑒱। 𑒤𑒴𑒪𑒏 𑒬𑒴𑒪 𑒮𑒢 𑒜𑒳𑒏𑒥 𑒂 𑒋𑒯𑒢𑒹 𑒂𑒢 𑒮𑓀𑒨𑒼𑒖𑒢 𑒌 𑒏𑒫𑒱𑒞𑒰𑒏𑒹𑒿 𑒩𑒴𑒣𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝𑒮𑒿 𑒬𑓂𑒩𑒹𑒭𑓂𑒚 𑒥𑒢𑒥𑒻𑒞 𑒁𑒕𑒱।
𑒑𑒰𑒧𑒹 𑒧𑒼𑒢 𑒣𑒛𑓃𑒻𑒋:
𑒑𑒰𑒧𑒹 𑒧𑒼𑒢 𑒣𑒛𑓃𑒻𑒋 𑒏𑒥𑒱𑒞𑒰𑒏 𑒮𑒰𑒧𑒰𑒢𑓂𑒨 𑒣𑒰𑒚: 𑒑𑒰𑒧𑒧𑒹 𑒩𑒼𑒙𑒲 𑒋𑒏𑒼𑒝 𑒩𑒯𑒋 𑒂 𑒥𑒟𑒳𑒍 𑒮𑒰𑒑 𑒁𑒢𑒼𑒢 𑒩𑒯𑒋 𑒧𑒳𑒠𑒰 𑒞𑒻𑒨𑒼 𑒏𑒪𑒏𑒞𑓂𑒞𑒰𑒧𑒹 𑒑𑒰𑒧𑒹 𑒧𑒼𑒢 𑒣𑒛𑓃𑒱 𑒩𑒯𑒪 𑒁𑒕𑒱। 𑒏𑒩𑒹𑒯𑒏 𑒣𑒰𑒢𑒱 𑒣𑒙𑒰 𑒏𑓄 𑒧𑒼𑒞𑒲 𑒅𑒣𑒖𑒰𑒋𑒥 𑒞𑒿 𑒥𑒔𑓂𑒔𑒰 𑒮𑒦 𑒥𑒱𑒪𑒙𑒞? 𑒯𑒳𑒑𑒪𑒲𑒏 𑒥𑒰𑒥𑒴 𑒩𑒯𑒥 𑒢𑒲𑒏 𑒂𑒏𑒱 𑒏𑒧𑒪𑒰 𑒏𑒰𑒞𑒏 𑒖𑒼𑒢 𑒩𑒯𑒥? 𑒄𑒛𑒹𑒢 𑒑𑒰𑒩𑓂𑒛𑒢𑒮𑒿 𑒢𑒲𑒏 𑒏𑒧𑒪𑒰 𑒏𑒰𑒞𑒏 𑒥𑒼𑒢 𑒁𑒕𑒱, 𑒣𑒞𑒱 𑒣𑒞𑓂𑒢𑒲𑒏𑒹𑒿 𑒄𑒛𑒹𑒢 𑒑𑒰𑒩𑓂𑒛𑒢𑒧𑒹 𑒧𑒰𑒪𑒰 𑒣𑒯𑒱𑒩𑒰 𑒩𑒯𑒪 𑒕𑒟𑒱 𑒧𑒳𑒠𑒰 𑒏𑒧𑒪𑒰 𑒏𑒰𑒞𑒏 𑒥𑒼𑒢𑒧𑒹 𑒞𑒱𑒩𑒯𑒳𑒞𑒢𑒲 𑒁𑒣𑒢 𑒦𑒼𑒪𑒰 𑒪𑒹𑒪 𑒡𑒞𑒴𑒩 𑒁𑒏𑒼𑒢 𑒞𑒰𑒏𑒱 𑒩𑒯𑒪 𑒕𑒟𑒱! 𑒢𑒰𑒩𑒲𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝𑒮𑒿 𑒑𑒰𑒧𑒹 𑒧𑒼𑒢 𑒣𑒛𑓃𑒻𑒋 𑒏𑒫𑒱𑒞𑒰𑒏 𑒣𑒰𑒚: 𑒣𑓂𑒩𑒫𑒰𑒮𑒏 𑒏𑒫𑒱𑒞𑒰 𑒁𑒕𑒱 𑒄। 𑒞𑒱𑒩𑒯𑒳𑒞𑒢𑒲 𑒁𑒣𑒢 𑒦𑒼𑒪𑒰 𑒪𑒹𑒪 𑒡𑒞𑒴𑒩 𑒁𑒏𑒼𑒢 𑒞𑒰𑒏𑒱 𑒩𑒯𑒪 𑒕𑒟𑒱, 𑒂 𑒦𑒼𑒪𑒰 𑒣𑓂𑒩𑒫𑒰𑒮𑒧𑒹 𑒕𑒟𑒱। 𑒁𑒮𑓂𑒞𑒱𑒞𑓂𑒫𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝𑒮𑒿 𑒠𑒹𑒐𑒲 𑒞𑒿 𑒄 𑒦𑒼𑒪𑒰 𑒁𑒣𑒢 𑒠𑒬𑒰 𑒪𑒹𑒪, 𑒁𑒮𑒑𑒩 𑒖𑒲𑒥𑒰 𑒪𑒹𑒪, 𑒔𑒱𑒢𑓂𑒞𑒰 𑒪𑒹𑒪 𑒁𑒣𑒢𑒹 𑒖𑒱𑒧𑓂𑒧𑒹𑒠𑒰𑒩 𑒕𑒟𑒱।
𑒮𑒼𑒢 𑒠𑒰𑒃:
𑒮𑒼𑒢 𑒠𑒰𑒃 𑒏𑒫𑒱𑒞𑒰𑒏 𑒮𑒰𑒧𑒰𑒢𑓂𑒨 𑒣𑒰𑒚: 𑒮𑒼𑒢 𑒠𑒰𑒃𑒏 𑒖𑒲𑒫𑒢𑒧𑒹 𑒢𑒹 𑒯𑒰𑒮 𑒩𑒯𑒞𑒢𑓂𑒯𑒱 𑒂 𑒢𑒹 𑒫𑒱𑒪𑒰𑒮, 𑒧𑒳𑒠𑒰 𑒮𑒹 𑒏𑒱𑒋𑒏? 𑒥𑒰𑒪 𑒫𑒵𑒢𑓂𑒠 𑒖𑒰 𑒩𑒯𑒪 𑒕𑒟𑒱, 𑒢𑒫 𑒨𑒳𑒫𑒏𑒼 𑒔𑒪𑒪 𑒕𑒟𑒱 𑒂 𑒞𑒏𑒩𑒰 𑒥𑒰𑒠 𑒥𑒴𑒜𑓃-𑒮𑒴𑒜𑓃 𑒑𑒪𑒱 𑒑𑒹𑒪 𑒕𑒟𑒱। 𑒞𑒻𑒨𑒼 𑒏𑒱𑒋 𑒫𑒱𑒬𑓂𑒫𑒰𑒮 𑒕𑒢𑓂𑒯𑒱 𑒮𑒼𑒢 𑒠𑒰𑒃𑒏𑒹𑒿? 𑒌 𑒮𑒦𑒏 𑒅𑒞𑓂𑒞𑒩 𑒂𑒑𑒰𑒿 𑒖𑒰 𑒏𑓄 𑒦𑒹𑒙𑒻𑒞 𑒁𑒕𑒱, 𑒠𑒹𑒮𑒏𑒼𑒮 𑒥𑒱𑒮𑒩𑒱 𑒍 𑒣𑓂𑒩𑒫𑒰𑒮 𑒏𑒰𑒙𑒱 𑒩𑒯𑒪 𑒕𑒟𑒱। 𑒂 𑒖𑒾𑒿-𑒖𑒾𑒿 𑒅𑒧𑒹𑒩 𑒥𑒜𑓃𑒞𑒻 𑒏𑒯𑒱𑒨𑒰 𑒡𑒩𑒱 𑒮𑒼𑒢 𑒠𑒰𑒃𑒏 𑒒𑒩𑒧𑒹 𑒫𑒰𑒮 𑒯𑒹𑒞𑒻।𑒢𑒰𑒩𑒲𑒫𑒰𑒠𑒲 𑒠𑒵𑒭𑓂𑒙𑒱𑒏𑒼𑒝𑒮𑒿 𑒮𑒼𑒢 𑒠𑒰𑒃 𑒏𑒫𑒱𑒞𑒰𑒏 𑒣𑒰𑒚: 𑒢𑒰𑒩𑒲𑒏 𑒪𑒹𑒪 𑒫𑒋𑒯 𑒮𑒱𑒠𑓂𑒡𑒰𑒢𑓂𑒞, 𑒏𑒱𑒋 𑒢𑒹 𑒍 𑒏𑒰𑒫𑓂𑒨𑒹𑒏 𑒮𑒱𑒠𑓂𑒡𑒰𑒢𑓂𑒞 𑒯𑒼𑒋, 𑒖𑒹 𑒣𑒳𑒩𑒳𑒭 𑒏𑒹𑒢𑓂𑒠𑓂𑒩𑒱𑒞 𑒮𑒧𑒰𑒖𑒧𑒹 𑒣𑒳𑒩𑒳𑒭 𑒪𑒼𑒏𑒢𑒱 𑒠𑓂𑒫𑒰𑒩𑒰 𑒥𑒢𑒰𑒍𑒪 𑒑𑒹𑒪 𑒁𑒕𑒱, 𑒮𑒧𑒲𑒔𑒲𑒢 𑒢𑒻 𑒁𑒕𑒱। 𑒮𑒼𑒢 𑒠𑒰𑒃 𑒠𑒹𑒮𑒏𑒼𑒮 𑒥𑒱𑒮𑒩𑒱 𑒏𑒏𑒩𑒰 𑒪𑒹𑒪 𑒣𑓂𑒩𑒫𑒰𑒮 𑒏𑒰𑒙𑒱 𑒩𑒯𑒪 𑒕𑒟𑒱?
𑒁𑒏𑒰𑒪:
𑒁𑒏𑒰𑒪 𑒏𑒫𑒱𑒞𑒰𑒏 𑒮𑒰𑒧𑒰𑒢𑓂𑒨 𑒣𑒰𑒚: 𑒁𑒏𑒰𑒪𑒏 𑒫𑒩𑓂𑒝𑒢𑒧𑒹 𑒏𑒫𑒱 𑒢𑒰𑒓𑒩𑒱𑒧𑒹 𑒦𑒴𑒐𑒏 𑒆𑒏 𑒥𑒰𑒢𑓂𑒯𑒱 𑒍𑒏𑒩 𑒔𑒰𑒩𑒣𑒩 𑒞𑒰𑒪 𑒚𑒼𑒏𑒥𑒰𑒏 𑒫𑒩𑓂𑒝𑒢 𑒏𑒩𑒻𑒞 𑒕𑒟𑒱।𑒁𑒢𑒰𑒫𑒵𑒭𑓂𑒙𑒱𑒮𑒿 𑒁𑒏𑒰𑒪 𑒂 𑒞𑒃𑒮𑒿 𑒧𑒯𑒑𑒲𑒏 𑒂𑒑𑒧𑒢 𑒦𑒹𑒪, 𑒞𑒃𑒮𑒿 𑒖𑒛𑓃𑒻𑒞 𑒑𑒰𑒧𑒏 𑒁𑒏𑒰𑒮 𑒪𑒰𑒪 𑒦𑓄 𑒑𑒹𑒪। 𑒦𑒰𑒩𑒞𑒧𑒹 𑒪𑓀𑒏𑒰 𑒮𑒢 𑒧𑒵𑒞𑓂𑒨𑒳𑒏 𑒞𑒰𑒝𑓂𑒛𑒫 𑒬𑒳𑒩𑒴 𑒦𑒹𑒪 𑒁𑒕𑒱 𑒧𑒳𑒠𑒰 𑒌𑒥𑒹𑒩 𑒫𑒱𑒦𑒲𑒭𑒝𑒏 𑒒𑒩 𑒮𑒹𑒯𑒼 𑒢𑒻 𑒥𑒰𑒿𑒔𑒞 𑒏𑒰𑒩𑒝 𑒍𑒏𑒩 𑒧𑒳𑓀𑒛𑒧𑒰𑒪 𑒛𑒼𑒩𑒲-𑒛𑒼𑒩𑒲𑒮𑒿 𑒥𑒰𑒢𑓂𑒯𑒪 𑒁𑒕𑒱। 𑒧𑒰𑒋 𑒦𑒩𑒱-𑒦𑒩𑒱 𑒣𑒰𑒿𑒖 𑒏𑓄 𑒡𑒩𑒞𑒲 𑒣𑒏𑒛𑓃𑒱 𑒩𑒯𑒪 𑒕𑒟𑒱। 𑒠𑒬𑒰𑒢𑒢 𑒁𑒣𑒢 𑒥𑒲𑒮𑒼 𑒂𑒿𑒐𑒱 𑒍𑒢𑒰𑒩𑒱 𑒧𑒰𑒟 𑒯𑒱𑒪𑒰 𑒩𑒯𑒪 𑒕𑒟𑒱। 𑒎𑒔𑒱𑒞𑓂𑒨 𑒮𑒱𑒠𑓂𑒡𑒰𑒢𑓂𑒞: 𑒏𑓂𑒭𑒹𑒧𑒹𑒢𑓂𑒠𑓂𑒩 𑒎𑒔𑒱𑒞𑓂𑒨𑒫𑒱𑒔𑒰𑒩𑒔𑒩𑓂𑒔𑒰𑒧𑒹 𑒎𑒔𑒱𑒞𑓂𑒨𑒏𑒹𑒿 𑒮𑒰𑒯𑒱𑒞𑓂𑒨𑒏 𑒧𑒳𑒐𑓂𑒨 𑒞𑒞𑓂𑒫 𑒧𑒰𑒢𑒪𑒢𑓂𑒯𑒱। 𑒂 𑒎𑒔𑒱𑒞𑓂𑒨 𑒏𑒞𑓄 𑒯𑒹𑒥𑒰𑒏 𑒔𑒰𑒯𑒲? 𑒄 𑒯𑒹𑒥𑒰𑒏 𑒔𑒰𑒯𑒲 𑒣𑒠, 𑒫𑒰𑒏𑓂𑒨, 𑒣𑓂𑒩𑒥𑒢𑓂𑒡𑒏 𑒁𑒩𑓂𑒟, 𑒑𑒳𑒝, 𑒁𑒪𑓀𑒏𑒰𑒩, 𑒩𑒮, 𑒏𑒰𑒩𑒏, 𑒏𑓂𑒩𑒱𑒨𑒰, 𑒪𑒱𑓀𑒑, 𑒫𑒔𑒢, 𑒫𑒱𑒬𑒹𑒭𑒝, 𑒅𑒣𑒮𑒩𑓂𑒑, 𑒢𑒱𑒣𑒰𑒞 𑒧𑒰𑒢𑒹 𑒤𑒰𑒖𑒱𑒪, 𑒏𑒰𑒪, 𑒠𑒹𑒬 𑒏𑒳𑒪, 𑒫𑓂𑒩𑒞, 𑒞𑒞𑓂𑒫, 𑒮𑒞𑓂𑒫 𑒧𑒰𑒢𑒹 𑒂𑒢𑓂𑒞𑒩𑒱𑒏 𑒑𑒳𑒝, 𑒁𑒦𑒱𑒣𑓂𑒩𑒰𑒨, 𑒮𑓂𑒫𑒦𑒰𑒫, 𑒮𑒰𑒩-𑒮𑓀𑒑𑓂𑒩𑒯, 𑒣𑓂𑒩𑒞𑒱𑒦𑒰, 𑒁𑒫𑒮𑓂𑒟𑒰, 𑒫𑒱𑒔𑒰𑒩, 𑒢𑒰𑒧 𑒂 𑒂𑒬𑒲𑒩𑓂𑒫𑒰𑒠𑒧𑒹। 𑒏𑓀𑒣𑒰𑒨𑒧𑒰𑒢 𑒁𑒕𑒱 𑒄 𑒥𑓂𑒩𑒯𑓂𑒧𑒰𑒝𑓂𑒛 𑒂 𑒄 𑒁𑒕𑒱 𑒏𑓀𑒣𑒢 𑒧𑒰𑒞𑓂𑒩। 𑒏𑒫𑒱𑒞𑒰 𑒫𑒰𑒔𑒢𑒏 𑒥𑒰𑒠 𑒣𑒮𑒩𑒻𑒞 𑒁𑒕𑒱 𑒬𑒰𑒢𑓂𑒞𑒱, 𑒬𑒰𑒢𑓂𑒞𑒱 𑒮𑒩𑓂𑒫𑒞𑓂𑒩 𑒂 𑒬𑒰𑒢𑓂𑒞𑒱 𑒣𑒮𑒩𑒻𑒞 𑒁𑒕𑒱 𑒧𑒑𑒖𑒧𑒹। 𑒁𑒏𑒰𑒪 𑒏𑒫𑒱𑒞𑒰𑒏 𑒎𑒔𑒱𑒞𑓂𑒨 𑒮𑒱𑒠𑓂𑒡𑒰𑒢𑓂𑒞𑒏 𑒯𑒱𑒮𑒰𑒥𑒮𑒿 𑒣𑒰𑒚: 𑒄 𑒁𑒏𑒰𑒪 𑒢𑒯𑒱, 𑒧𑒯𑒰𑒏𑒰𑒪 𑒁𑒕𑒱, 𑒦𑒴𑒐𑒏 𑒆𑒏 𑒥𑒰𑒢𑓂𑒯𑒱 𑒢𑒰𑒛𑓃𑒩𑒱 𑒮𑒿, 𑒔𑒰𑒩𑒹 𑒣𑒩 𑒚𑒼𑒏𑒻𑒞 𑒞𑒰𑒪 𑒁𑒕𑒱 𑒧𑒱𑒟𑒱𑒪𑒰𑒏 𑒏𑒰𑒪-𑒠𑒹𑒬𑒧𑒹 𑒁𑒏𑒰𑒪𑒏 𑒄 𑒫𑒩𑓂𑒝𑒢 𑒏𑒫𑒱𑒏 𑒏𑒫𑒱𑒞𑒰𑒏 𑒎𑒔𑒱𑒞𑓂𑒨 𑒁𑒕𑒱। 𑒩𑒰𑒫𑒝 𑒞𑒿 𑒅𑒣𑒙𑒥𑒹 𑒏𑒩𑒞, 𑒫𑒱𑒦𑒲𑒭𑒝 𑒮𑒹𑒯𑒼 𑒢𑒻 𑒥𑒰𑒿𑒔𑒞।
𑒞𑒼𑒯𑒩 𑒚𑒼𑒩:
𑒞𑒼𑒯𑒩 𑒚𑒼𑒩 𑒏𑒫𑒱𑒞𑒰𑒏 𑒮𑒰𑒧𑒰𑒢𑓂𑒨 𑒣𑒰𑒚: 𑒣𑒰𑒢𑒏 𑒚𑒼𑒩 𑒂 𑒮𑒳𑒢𑓂𑒢𑒩𑒱𑒏 𑒚𑒼𑒩। 𑒮𑒳𑒢𑓂𑒢𑒩𑒱 𑒠𑓂𑒫𑒰𑒩𑒰 𑒥𑒰𑒞𑒏 𑒔𑒴𑒢 𑒪𑒑𑒰𑒋𑒥 𑒂 𑒏𑓄𑒟𑒏 𑒮𑒢 𑒪𑒰𑒪 𑒥𑒳𑒢𑓂𑒢 𑒏𑒣𑒼𑒪 𑒮𑒖𑒰𑒋𑒥। 𑒧𑒳𑒠𑒰 𑒣𑓂𑒩𑒹𑒧𑒏 𑒣𑒳𑓀𑒑𑒲 𑒏𑒞𑒋? 𑒦𑒼𑒩𑒏 𑒪𑒰𑒪𑒲 𑒮𑒳𑒢𑓂𑒢𑒩𑒱𑒏 𑒚𑒼𑒩 𑒮𑒢, 𑒥𑒱𑒢𑒳 𑒮𑒳𑒢𑓂𑒢𑒩𑒱 𑒫𑓂𑒨𑒰𑒏𑒳𑒪 𑒮𑒰𑒿𑒗 𑒖𑒹𑒏𑒰𑒿। 𑒥𑒡𑒱𑒏 𑒖𑒹 𑒥𑒢𑒞 𑒮𑒳𑒢𑓂𑒢𑒩𑒱𑒏 𑒫𑒩 𑒞𑒿 𑒯𑒧 𑒥𑒢𑒥 𑒫𑒱𑒐𑒝𑓂𑒛𑒱𑒞 𑒩𑒰𑒯𑒳। 𑒮𑓂𑒫𑒩𑓂𑒑𑒼𑒧𑒹 𑒮𑒳𑒡𑒰 𑒏𑒧𑓂𑒧𑒹 𑒁𑒕𑒱, 𑒞𑒯𑒱𑒢𑒰 𑒮𑒳𑒢𑓂𑒢𑒩𑒱𑒏 𑒚𑒼𑒩 𑒮𑒹𑒯𑒼 𑒏𑒞𑓄 𑒣𑒰𑒥𑒲। 𑒮𑒏𑒩𑒲 𑒧𑒱𑒪 𑒧𑒯𑒰𑒢 𑒥𑒢𑒞 𑒖𑒹 𑒯𑒧 𑒫𑒱𑒬𑓂𑒫𑒏𑒩𑓂𑒧𑒰𑒮𑒿 𑒫𑒱𑒖𑓂𑒘𑒰𑒢 𑒮𑒲𑒐𑒥। 𑒂 𑒍𑒃 𑒧𑒱𑒪𑒮𑒿 𑒥𑒯𑒰𑒩 𑒯𑒼𑒋𑒞 𑒧𑒰𑒡𑒳𑒩𑓂𑒨। 𑒏𑒳𑒮𑒱𑒨𑒰𑒩𑒏 𑒣𑒰𑒏𑒪 𑒣𑒼𑒩 𑒮𑒢 𑒮𑒳𑒢𑓂𑒢𑒩𑒱𑒏 𑒚𑒼𑒩 𑒁𑒕𑒱। 𑒣𑒳𑒢𑒩𑓂𑒖𑒢𑓂𑒧𑒧𑒹 𑒮𑒹𑒯𑒼 𑒡𑒰𑒢 𑒂 𑒔𑒱𑒭𑓂𑒙𑒰𑒢𑓂𑒢 𑒥𑒢𑒱 𑒮𑒳𑒢𑓂𑒢𑒩𑒱 𑒯𑒧 𑒁𑒯𑒰𑒿𑒏 𑒪𑒑 𑒂𑒋𑒥। 𑒧𑒳𑒠𑒥𑒰 𑒋𑒞𑒥𑒰 𑒥𑒰𑒠𑒼 𑒬𑒥𑓂𑒠𑒮𑒿 𑒅𑒠𑓂𑒠𑒹𑒬𑓂𑒨 𑒏𑒯𑒰𑒿 𑒣𑓂𑒩𑒑𑒙 𑒦𑒹𑒪। 𑒁𑒪𑓀𑒏𑒰𑒩 𑒮𑒱𑒠𑓂𑒡𑒰𑒢𑓂𑒞𑒏 𑒯𑒱𑒮𑒰𑒥𑒮𑒿 𑒞𑒼𑒯𑒩 𑒚𑒼𑒩 𑒏𑒫𑒱𑒞𑒰𑒏 𑒣𑒰𑒚: 𑒦𑒰𑒧𑒯 𑒁𑒪𑓀𑒏𑒰𑒩𑒏𑒹𑒿 𑒮𑒧𑒰𑒮𑒼𑒏𑓂𑒞𑒱 𑒏𑒯𑒻 𑒕𑒟𑒱 𑒖𑒹 𑒂𑒢𑒢𑓂𑒠𑒏 𑒏𑒰𑒩𑒝 𑒥𑒢𑒻𑒋। 𑒠𑒝𑓂𑒛𑒲 𑒂 𑒅𑒠𑓂𑒦𑒙 𑒮𑒹𑒯𑒼 𑒁𑒪𑓀𑒏𑒰𑒩𑒏 𑒮𑒱𑒠𑓂𑒡𑒰𑒢𑓂𑒞𑒏𑒹𑒿 𑒂𑒑𑒰𑒿 𑒥𑒜𑓃𑒥𑒻 𑒕𑒟𑒱। 𑒁𑒪𑓀𑒏𑒰𑒩𑒏 𑒧𑒴𑒪 𑒩𑒴𑒣𑒮𑒿 𑒠𑒴 𑒣𑓂𑒩𑒏𑒰𑒩 𑒁𑒕𑒱, 𑒬𑒥𑓂𑒠 𑒂 𑒁𑒩𑓂𑒟 𑒂𑒡𑒰𑒩𑒱𑒞 𑒂 𑒂𑒑𑒰𑒿 𑒮𑒰𑒠𑒵𑒬𑓂𑒨-𑒫𑒱𑒩𑒼𑒡, 𑒞𑒩𑓂𑒏𑒢𑓂𑒨𑒰𑒨, 𑒪𑒼𑒏𑒢𑓂𑒨𑒰𑒨, 𑒏𑒰𑒫𑓂𑒨𑒢𑓂𑒨𑒰𑒨 𑒂 𑒑𑒴𑒜𑓃𑒰𑒩𑓂𑒟 𑒣𑓂𑒩𑒞𑒲𑒞𑒱 𑒂𑒡𑒰𑒩𑒣𑒩। 𑒧𑒧𑓂𑒧𑒙 𑓖𑓑 𑒣𑓂𑒩𑒏𑒰𑒩𑒏 𑒁𑒪𑓀𑒏𑒰𑒩𑒏𑒹𑒿 𑓗 𑒦𑒰𑒑𑒧𑒹 𑒥𑒰𑒿𑒙𑒻 𑒕𑒟𑒱, 𑒅𑒣𑒧𑒰 𑒧𑒰𑒢𑒹 𑒅𑒠𑒰𑒯𑒩𑒝, 𑒩𑒴𑒣𑒏 𑒧𑒰𑒢𑒹 𑒏𑒯𑒥𑒲, 𑒁𑒣𑓂𑒩𑒮𑓂𑒞𑒳𑒞 𑒧𑒰𑒢𑒹 𑒁𑒣𑓂𑒩𑒞𑓂𑒨𑒏𑓂𑒭 𑒣𑓂𑒩𑒬𑓀𑒮𑒰, 𑒠𑒲𑒣𑒏 𑒧𑒰𑒢𑒹 𑒫𑒱𑒦𑒰𑒖𑒱𑒞 𑒁𑒪𑓀𑒏𑒩𑒝, 𑒫𑓂𑒨𑒞𑒱𑒩𑒹𑒏 𑒧𑒰𑒢𑒹 𑒁𑒮𑒧𑒰𑒢𑒞𑒰 𑒣𑓂𑒩𑒠𑒩𑓂𑒬𑒢, 𑒫𑒱𑒩𑒼𑒡 𑒂 𑒮𑒧𑒳𑒔𑓂𑒔𑒨 𑒧𑒰𑒢𑒹 𑒮𑓀𑒑𑒥𑒹। 𑒥𑒰𑒞𑒏 𑒔𑒴𑒢 𑒪𑒑𑒰𑒋𑒥 𑒁𑒣𑓂𑒩𑒮𑓂𑒞𑒳𑒞, 𑒏𑓄𑒟𑒏 𑒮𑒢 𑒪𑒰𑒪 𑒥𑒳𑒢𑓂𑒢 𑒏𑒣𑒼𑒪, 𑒣𑒰𑒢𑒏 𑒚𑒼𑒩 𑒂 𑒮𑒳𑒢𑓂𑒢𑒩𑒱𑒏 𑒚𑒼𑒩, 𑒦𑒼𑒩𑒏 𑒪𑒰𑒪𑒲 𑒮𑒳𑒢𑓂𑒢𑒩𑒱𑒏 𑒚𑒼𑒩 𑒮𑒢, 𑒏𑒳𑒮𑒱𑒨𑒰𑒩𑒏 𑒣𑒰𑒏𑒪 𑒣𑒼𑒩 𑒮𑒢 𑒮𑒳𑒢𑓂𑒢𑒩𑒱𑒏 𑒚𑒼𑒩 𑒄 𑒮𑒦 𑒅𑒣𑒧𑒰 𑒏𑒫𑒱 𑒠𑓂𑒫𑒰𑒩𑒰 𑒣𑓂𑒩𑒨𑒳𑒏𑓂𑒞 𑒦𑒹𑒪 𑒁𑒕𑒱। 𑒧𑒳𑒠𑒰 𑒏𑒞𑓄 𑒕𑒯 𑒣𑓂𑒩𑒹𑒧𑒏 𑒣𑒳𑓀𑒑𑒲 𑒯𑒴𑒏? 𑒧𑒹 𑒮𑒰𑒠𑒵𑒬𑓂𑒨-𑒫𑒱𑒩𑒼𑒡 𑒁𑒕𑒱। 𑒁𑒯𑒰𑒿 𑒥𑒱𑒢𑒳 𑒫𑓂𑒨𑒰𑒏𑒳𑒪 𑒫𑒰𑒙𑒏 𑒧𑒰𑒿𑒗 𑒧𑒹 𑒩𑒴𑒣𑒏 𑒣𑓂𑒩𑒨𑒳𑒏𑓂𑒞 𑒦𑒹𑒪 𑒁𑒕𑒱। 𑒏𑒰𑒫𑓂𑒨𑒏 𑒦𑒰𑒩𑒞𑒲𑒨 𑒫𑒱𑒔𑒰𑒩: 𑒧𑒼𑒏𑓂𑒭𑒏 𑒪𑒹𑒪 𑒏𑒪𑒰𑒏 𑒁𑒫𑒡𑒰𑒩𑒝𑒰, 𑒖𑒹𑒢𑒰 𑒢𑒙𑒩𑒰𑒖𑒏 𑒧𑒳𑒠𑓂𑒩𑒰 𑒠𑒹𑒐𑒴। 𑒮𑒵𑒖𑒢 𑒂 𑒢𑒰𑒬 𑒠𑒳𑒢𑒴𑒏 𑒪𑒨 𑒠𑒹𑒐𑒰 𑒣𑒛𑓃𑒞। 𑒮𑓂𑒟𑒰𑒨𑒲 𑒦𑒰𑒫𑒏 𑒑𑒰𑒜𑓃 𑒦𑓄 𑒮𑒲𑒗𑒱 𑒏𑓄 𑒩𑒮 𑒥𑒢𑒥- 𑒂 𑒌 𑒮𑒢 𑒏𑒞𑒹𑒏 𑒩𑒮𑒏 𑒮𑒲𑒞𑒰 𑒂 𑒩𑒰𑒧 𑒁𑒢𑒳𑒦𑒫 𑒏𑒹𑒪𑒢𑓂𑒯𑒱 (𑒠𑒹𑒐𑒴 𑒫𑒰𑒪𑓂𑒧𑒲𑒏𑒱 𑒩𑒰𑒧𑒰𑒨𑒝)। 𑒏𑒵𑒭𑓂𑒝 𑒦𑒰𑒩𑒞𑒲𑒨 𑒏𑒩𑓂𑒧𑒫𑒰𑒠𑒏 𑒬𑒱𑒏𑓂𑒭𑒏 𑒕𑒟𑒱 𑒞𑒿 𑒮𑓀𑒑𑒧𑒹 𑒩𑒮𑒱𑒏 𑒮𑒹𑒯𑒼। 𑒏𑒪𑒰𑒏 𑒮𑓂𑒫𑒰𑒠 𑒪𑒹𑒪 𑒩𑒮 𑒮𑒱𑒠𑓂𑒡𑒰𑓀𑒞𑒏 𑒂𑒫𑒬𑓂𑒨𑒏𑒞𑒰 𑒦𑒹𑒪 𑒂 𑒦𑒩𑒞 𑒢𑒰𑒙𑓂𑒨𑒬𑒰𑒮𑓂𑒞𑓂𑒩 𑒪𑒱𑒐𑒪𑒢𑓂𑒯𑒱। 𑒁𑒦𑒱𑒢𑒫𑒑𑒳𑒣𑓂𑒞 𑒂𑒢𑒢𑓂𑒠𑒫𑒩𑓂𑒡𑒢𑒏 𑒡𑓂𑒨𑒢𑓂𑒨𑒰𑒪𑒼𑒏𑒣𑒩 𑒦𑒰𑒭𑓂𑒨 𑒪𑒱𑒐𑒪𑒢𑓂𑒯𑒱। 𑒦𑒰𑒧𑒯 𑓖𑒁𑒧 𑒬𑒞𑒰𑒥𑓂𑒠𑒲, 𑒠𑒝𑓂𑒛𑒲 𑒮𑒰𑒞𑒧 𑒬𑒞𑒰𑒥𑓂𑒠𑒲 𑒂 𑒩𑒳𑒠𑓂𑒩𑒙 𑓙𑒁𑒧 𑒬𑒞𑒰𑒥𑓂𑒠𑒲 𑒋𑒏𑒩𑒰 𑒂𑒑𑒰𑒿 𑒥𑒜𑓃𑒹𑒪𑒢𑓂𑒯𑒱। 𑒩𑒮 𑒮𑒱𑒠𑓂𑒡𑒰𑒢𑓂𑒞𑒏 𑒯𑒱𑒮𑒰𑒥𑒮𑒿 𑒞𑒼𑒯𑒩 𑒚𑒼𑒩 𑒏𑒫𑒱𑒞𑒰𑒏 𑒣𑒰𑒚: 𑒩𑒮 𑒮𑒱𑒠𑓂𑒡𑒰𑒢𑓂𑒞:𑒦𑒩𑒞:- 𑒢𑒰𑒙𑒏𑒏 𑒣𑓂𑒩𑒦𑒰𑒫𑒮𑒿 𑒩𑒮 𑒅𑒞𑓂𑒣𑒞𑓂𑒞𑒱 𑒯𑒼𑒃𑒞 𑒁𑒕𑒱। 𑒢𑒰𑒙𑒏 𑒏𑒟𑒲 𑒪𑒹𑒪? 𑒢𑒰𑒙𑒏 𑒩𑒮𑒏 𑒁𑒦𑒱𑒢𑒨 𑒪𑒹𑒪 𑒂 𑒮𑓀𑒑𑒹 𑒩𑒮𑒏 𑒅𑒞𑓂𑒣𑒞𑓂𑒞𑒱 𑒪𑒹𑒪 𑒮𑒹𑒯𑒼। 𑒩𑒮 𑒏𑒼𑒢𑒰 𑒥𑒯𑒩𑒰𑒃𑒋? 𑒩𑒮 𑒥𑒯𑒩𑒰𑒃𑒋 𑒏𑒰𑒩𑒝 (𑒫𑒱𑒦𑒰𑒫), 𑒣𑒩𑒱𑒝𑒰𑒧 (𑒁𑒢𑒳𑒦𑒰𑒫) 𑒂 𑒮𑓀𑒑 𑒪𑒰𑒑𑒪 𑒂𑒢 𑒫𑒮𑓂𑒞𑒳 (𑒫𑓂𑒨𑒦𑒱𑒔𑒰𑒩𑒲)𑒮𑒿। 𑒮𑓂𑒟𑒰𑒨𑒲𑒦𑒰𑒫 𑒑𑒰𑒜𑓃 𑒦𑓄 𑒮𑒲𑒗𑒱 𑒏𑓄 𑒩𑒮 𑒥𑒢𑒻𑒋, 𑒖𑒏𑒩 𑒮𑓂𑒫𑒰𑒠 𑒯𑒧 𑒪𑓄 𑒮𑒏𑒻 𑒕𑒲।𑒦𑒙𑓂𑒙 𑒪𑒼𑒪𑒙:- 𑒮𑓂𑒟𑒰𑒨𑒲𑒦𑒰𑒫 𑒏𑒰𑒩𑒝-𑒣𑒩𑒱𑒝𑒰𑒧 𑒠𑓂𑒫𑒰𑒩𑒰 𑒑𑒰𑒜𑓃 𑒦𑓄 𑒩𑒮 𑒥𑒢𑒻𑒞 𑒁𑒕𑒱। 𑒁𑒦𑒱𑒢𑒹𑒞𑒰-𑒁𑒦𑒱𑒢𑒹𑒞𑓂𑒩𑒲 𑒁𑒢𑒳𑒮𑒢𑓂𑒡𑒰𑒢 𑒠𑓂𑒫𑒰𑒩𑒰 𑒂 𑒏𑒪𑓂𑒣𑒢𑒰 𑒠𑓂𑒫𑒰𑒩𑒰 𑒩𑒮𑒏 𑒁𑒢𑒳𑒦𑒫 𑒏𑒩𑒻𑒞 𑒕𑒟𑒱। 𑒪𑒼𑒪𑒙 𑒏𑒫𑒱𑒏𑒹𑒿 𑒂 𑒮𑓀𑒑𑒧𑒹 𑒬𑓂𑒩𑒼𑒞𑒰-𑒠𑒩𑓂𑒬𑒏𑒏𑒹𑒿 𑒧𑒯𑒞𑓂𑒫 𑒢𑒻 𑒠𑒻 𑒕𑒟𑒱। 𑒬𑒾𑒢𑒏:- 𑒬𑒾𑒢𑒏 𑒩𑒮𑒰𑒢𑒳𑒦𑒴𑒞𑒱 𑒪𑒹𑒪 𑒠𑒩𑓂𑒬𑒏𑒏 𑒣𑓂𑒩𑒠𑒩𑓂𑒬𑒢𑒧𑒹 𑒣𑒻𑒮𑒱 𑒏𑓄 𑒩𑒮 𑒪𑒹𑒥 𑒂𑒫𑒬𑓂𑒨𑒏 𑒥𑒳𑒗𑒻 𑒕𑒟𑒱, 𑒒𑒼𑒛𑓃𑒰𑒏 𑒔𑒱𑒞𑓂𑒩𑒏𑒹𑒿 𑒒𑒼𑒛𑓃𑒰 𑒮𑒢 𑒥𑒴𑒗𑒱 𑒩𑒮 𑒪𑒹𑒥𑒰 𑒮𑒢। 𑒦𑒙𑓂𑒙𑒢𑒰𑒨𑒏 𑒏𑒯𑒻 𑒕𑒟𑒱 𑒖𑒹 𑒩𑒮𑒏 𑒣𑓂𑒩𑒦𑒰𑒫 𑒠𑒩𑓂𑒬𑒏𑒣𑒩 𑒯𑒼𑒃𑒞 𑒁𑒕𑒱। 𑒏𑒫𑒱𑒏 𑒦𑒰𑒭𑒰𑒏𑒹𑒿 𑒍 𑒦𑒱𑒢𑓂𑒢 𑒧𑒰𑒢𑒻𑒞 𑒕𑒟𑒱। 𑒩𑒮𑒮𑒿 𑒬𑓂𑒩𑒼𑒞𑒰-𑒠𑒩𑓂𑒬𑒏𑒏 𑒂𑒞𑓂𑒧𑒰, 𑒣𑒩𑒧𑒰𑒞𑓂𑒧𑒰𑒮𑒿 𑒧𑒹𑒪 𑒏𑒩𑒻𑒋। 𑒩𑒮𑒏 𑒂𑒢𑒢𑓂𑒠 𑒁𑒕𑒱 𑒮𑓂𑒫𑒩𑒴𑒣𑒰𑒢𑒢𑓂𑒠। 𑒂 𑒌𑒮𑒿 𑒯𑒼𑒃𑒞 𑒁𑒕𑒱 𑒂𑒞𑓂𑒧-𑒮𑒰𑒏𑓂𑒭𑒰𑒞𑓂𑒏𑒰𑒩। 𑒩𑒮 𑒮𑒱𑒠𑓂𑒡𑒰𑒢𑓂𑒞 𑒬𑓂𑒩𑒼𑒞𑒰-𑒠𑒩𑓂𑒬𑒏-𑒣𑒰𑒚𑒏 𑒣𑒩 𑒂𑒡𑒰𑒩𑒱𑒞 𑒁𑒕𑒱। 𑒄 𑒬𑓂𑒩𑒼𑒞𑒰-𑒠𑒩𑓂𑒬𑒏-𑒣𑒰𑒚𑒏𑒣𑒩 𑒖𑒼𑒩 𑒠𑒻𑒞 𑒁𑒕𑒱। 𑒥𑒰𑒩𑓂𑒟𑒹𑒖 𑒮𑓀𑒩𑒔𑒢𑒰𑒫𑒰𑒠-𑒅𑒞𑓂𑒞𑒩-𑒮𑓀𑒩𑒔𑒢𑒰𑒫𑒰𑒠𑒏 𑒮𑒢𑓂𑒠𑒩𑓂𑒦𑒧𑒹 𑒪𑒹𑒐𑒏𑒏 𑒅𑒠𑓂𑒠𑒹𑒬𑓂𑒨𑒮𑒿 𑒣𑒰𑒚𑒏𑒏 𑒧𑒳𑒏𑓂𑒞𑒱𑒏 𑒪𑒹𑒪 𑒪𑒹𑒐𑒏𑒏 𑒧𑒵𑒞𑓂𑒨𑒳𑒏𑒹𑒿 𑒂𑒫𑒬𑓂𑒨𑒏 𑒧𑒰𑒢𑒻 𑒕𑒟𑒱- 𑒪𑒹𑒐𑒏𑒏 𑒧𑒵𑒞𑓂𑒨𑒳 𑒧𑒰𑒢𑒹 𑒪𑒹𑒐𑒏 𑒩𑒔𑒢𑒰𑒮𑒿 𑒁𑒪𑒑 𑒁𑒕𑒱 𑒂 𑒣𑒰𑒚𑒏 𑒁𑒣𑒢𑒰 𑒪𑒹𑒪 𑒁𑒩𑓂𑒟 𑒞𑒏𑒻𑒞 𑒁𑒕𑒱। 𑒪𑒑𑒾𑒪𑒯 𑒥𑒰𑒞𑒏 𑒣𑒰𑒟𑒩 𑒔𑒴𑒢 । 𑒂 𑒮𑒖𑒾𑒪𑒯 𑒏𑓄𑒟 𑒏𑒣𑒼𑒪𑒏 𑒐𑒴𑒢 । 𑒫𑒱𑒦𑒰𑒫 𑒁𑒕𑒱 𑒂 𑒌 𑒏𑒰𑒩𑒝𑒮𑒿 𑒠𑒹𑒐𑒱 𑒏𑓄 𑒪𑒯𑒩𑒪 𑒯𑒧𑒩 𑒏𑒩𑒹𑒖 𑒁𑒢𑒳𑒦𑒰𑒫 𑒧𑒰𑒢𑒹 𑒣𑒩𑒱𑒝𑒰𑒧 𑒥𑒯𑒰𑒩 𑒯𑒼𑒃𑒞 𑒁𑒕𑒱। 𑒮𑓂𑒤𑒼𑒙 𑒮𑒱𑒠𑓂𑒡𑒰𑓀𑒞: 𑒦𑒩𑓂𑒞𑒵𑒯𑒩𑒲𑒏 𑒫𑒰𑒏𑓂𑒨𑒣𑒠𑒲𑒨 𑒏𑒯𑒻𑒞 𑒁𑒕𑒱 𑒖𑒹 𑒬𑒥𑓂𑒠 𑒂𑒏𑒱 𑒫𑒰𑒏𑓂𑒨𑒏 𑒁𑒩𑓂𑒟 𑒮𑓂𑒤𑒼𑒙 𑒠𑓂𑒫𑒰𑒩𑒰 𑒮𑓀𑒫𑒰𑒯𑒱𑒞 𑒁𑒕𑒱। 𑒫𑒩𑓂𑒝 𑒮𑓂𑒤𑒼𑒙𑒮𑒿 𑒫𑒩𑓂𑒝, 𑒣𑒠 𑒮𑓂𑒤𑒼𑒙𑒮𑒿 𑒬𑒥𑓂𑒠 𑒂 𑒫𑒰𑒏𑓂𑒨 𑒮𑓂𑒤𑒼𑒙𑒮𑒿 𑒫𑒰𑒏𑓂𑒨𑒏 𑒢𑒱𑒩𑓂𑒧𑒰𑒝 𑒯𑒼𑒃𑒞 𑒁𑒕𑒱। 𑒏𑒼𑒢𑒼 𑒖𑓂𑒘𑒰𑒢 𑒥𑒱𑒢𑒳 𑒬𑒥𑓂𑒠𑒏 𑒮𑒧𑓂𑒥𑒢𑓂𑒡𑒏 𑒮𑒧𑓂𑒦𑒫 𑒢𑒻 𑒁𑒕𑒱। 𑒄 𑒦𑒰𑒩𑒞𑒲𑒨 𑒠𑒩𑓂𑒬𑒢𑒏 𑒖𑓂𑒘𑒰𑒢 𑒮𑒱𑒠𑓂𑒡𑒰𑒢𑓂𑒞𑒏 𑒋𑒏𑒙𑒰 𑒦𑒰𑒑 𑒥𑒢𑒱 𑒑𑒹𑒪। 𑒁𑒩𑓂𑒟𑒏 𑒮𑓀𑒣𑓂𑒩𑒹𑒭𑒝 𑒁𑒏𑓂𑒭𑒩, 𑒬𑒥𑓂𑒠 𑒂 𑒫𑒰𑒏𑓂𑒨𑒏 𑒅𑒞𑓂𑒣𑒞𑓂𑒞𑒱 𑒥𑒱𑒢 𑒮𑒧𑓂𑒦𑒫 𑒁𑒕𑒱। 𑒮𑓂𑒤𑒼𑒙 𑒁𑒕𑒱 𑒬𑒥𑓂𑒠𑒥𑓂𑒩𑒯𑓂𑒧 𑒂 𑒮𑒹 𑒁𑒕𑒱 𑒮𑒵𑒖𑒢𑒏 𑒧𑒴𑒪 𑒏𑒰𑒩𑒝। 𑒁𑒏𑓂𑒭𑒩, 𑒬𑒥𑓂𑒠 𑒂 𑒫𑒰𑒏𑓂𑒨 𑒮𑓀𑒑-𑒮𑓀𑒑 𑒢𑒻 𑒩𑒯𑒻𑒋। 𑒥𑒰𑒖𑒪 𑒬𑒥𑓂𑒠𑒏 𑒤𑒩𑒰𑒏 𑒁𑒏𑓂𑒭𑒩 𑒁𑒣𑒢𑒰𑒧𑒹 𑒬𑒥𑓂𑒠𑒏 𑒁𑒩𑓂𑒟 𑒢𑒻 𑒁𑒕𑒱, 𑒬𑒥𑓂𑒠 𑒣𑒴𑒩𑓂𑒝 𑒯𑒼𑒋𑒥𑒰 𑒡𑒩𑒱 𑒋𑒏𑒩 𑒅𑒞𑓂𑒣𑒞𑓂𑒞𑒱 𑒂 𑒫𑒱𑒢𑒰𑒬 𑒯𑒼𑒃𑒞 𑒩𑒯𑒻 𑒕𑒻। 𑒮𑓂𑒤𑒼𑒙𑒧𑒹 𑒁𑒩𑓂𑒟𑒏 𑒮𑓀𑒣𑓂𑒩𑒹𑒭𑒝 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒞𑒐𑒢𑒼 𑒮𑓂𑒤𑒼𑒙𑒧𑒹 𑒣𑓂𑒩𑒰𑒣𑓂𑒞𑒱 𑒮𑒧𑒋 𑒫𑒰 𑒮𑓀𑒔𑒰𑒩𑒏 𑒏𑒰𑒪𑒧𑒹 𑒁𑒏𑓂𑒭𑒩, 𑒬𑒥𑓂𑒠 𑒫𑒰 𑒫𑒰𑒏𑓂𑒨𑒏 𑒁𑒮𑓂𑒞𑒱𑒞𑓂𑒫 𑒢𑒻 𑒦𑒹𑒪 𑒩𑒯𑒻 𑒕𑒻। 𑒬𑒥𑓂𑒠𑒏 𑒣𑒴𑒩𑓂𑒝𑒞𑒰 𑒡𑒩𑒱 𑒋𑒏 𑒁𑒏𑓂𑒭𑒩 𑒂𑒩 𑒢𑒲𑒏 𑒖𑒏𑒰𑒿 𑒏𑓂𑒩𑒧𑒮𑒿 𑒁𑒩𑓂𑒟𑒣𑒴𑒩𑓂𑒝 𑒯𑒼𑒃𑒋 𑒂 𑒫𑒰𑒏𑓂𑒨 𑒣𑒴𑒩𑓂𑒝 𑒯𑒹𑒥𑒰 𑒡𑒩𑒱 𑒬𑒥𑓂𑒠 𑒏𑓂𑒩𑒧𑒮𑒿 𑒁𑒩𑓂𑒟𑒣𑒴𑒩𑓂𑒝 𑒯𑒼𑒃𑒋।𑒮𑒰𑓀𑒐𑓂𑒨, 𑒢𑓂𑒨𑒰𑒨, 𑒫𑒻𑒬𑒹𑒭𑒱𑒏, 𑒧𑒲𑒧𑒰𑓀𑒮𑒰 𑒂 𑒫𑒹𑒠𑒰𑒢𑓂𑒞 𑒄 𑒮𑒦 𑒠𑒩𑓂𑒬𑒢 𑒮𑓂𑒤𑒼𑒙𑒏𑒹𑒿 𑒢𑒻 𑒧𑒰𑒢𑒻𑒞 𑒁𑒕𑒱। 𑒌 𑒮𑒦 𑒠𑒩𑓂𑒬𑒢𑒏 𑒧𑒰𑒢𑒥 𑒁𑒕𑒱 𑒖𑒹 𑒁𑒏𑓂𑒭𑒩 𑒂 𑒍𑒏𑒩 𑒡𑓂𑒫𑒢𑒱 𑒁𑒩𑓂𑒟𑒏𑒹𑒿 𑒢𑒲𑒏 𑒖𑒹𑒏𑒰𑒿 𑒣𑒴𑒩𑓂𑒝 𑒏𑒩𑒻𑒞 𑒁𑒕𑒱। 𑒤𑓂𑒩𑒰𑓀𑒮𑒏 𑒖𑒻𑒏𑓂𑒮 𑒛𑒹𑒩𑒲𑒛𑒰𑒏 𑒫𑒱𑒐𑒝𑓂𑒛𑒢 𑒂 𑒣𑒮𑒩𑒥𑒰𑒏 𑒮𑒱𑒠𑓂𑒡𑒰𑒢𑓂𑒞 𑒮𑓂𑒤𑒼𑒙 𑒮𑒱𑒠𑓂𑒡𑒰𑒢𑓂𑒞𑒏 𑒪𑒑 𑒁𑒕𑒱। 𑒮𑓂𑒤𑒼𑒙 𑒮𑒱𑒠𑓂𑒡𑒰𑓀𑒞𑒏 𑒂𑒡𑒰𑒩𑒣𑒩 𑒞𑒼𑒯𑒩 𑒚𑒼𑒩 𑒏𑒫𑒱𑒞𑒰𑒏 𑒣𑒰𑒚: 𑒂𑒥 𑒅𑒠𑒨𑒢𑒏 𑒏𑒩𑒱𑒨𑒢𑒏 𑒡𑒩𑒞𑒲𑒣𑒩 𑒩𑒯𑒥𑒰𑒏 𑒁𑒕𑒻𑒞𑒼 𑒢𑓂𑒨𑒰𑒨 𑒮𑒱𑒠𑓂𑒡𑒰𑒢𑓂𑒞𑒏 𑒮𑓂𑒤𑒼𑒙 𑒮𑒱𑒠𑓂𑒡𑒰𑒢𑓂𑒞𑒏𑒹𑒿 𑒢𑒻 𑒧𑒰𑒢𑒥 𑒏𑒫𑒱𑒏 𑒏𑒫𑒱𑒞𑒰𑒏𑒹𑒿 𑒢𑒻 𑒁𑒩𑒒𑒻 𑒕𑒢𑓂𑒯𑒱। 𑒧𑒢𑒹 𑒧𑒹 𑒩𑒯𑒪 𑒧𑒢𑒏 𑒮𑒥 𑒥𑒰𑒞 𑒏𑒯𑒱 𑒍 𑒁𑒪𑒦𑓂𑒨 𑒔𑒱𑒞 𑒔𑒼𑒩 𑒮𑒿 𑒮𑒳𑒢𑓂𑒢𑒩𑒱𑒏 𑒚𑒼𑒩𑒏 𑒞𑒳𑒪𑒢𑒰 𑒏𑓄 𑒠𑒻 𑒕𑒟𑒱।
𑒅𑒠𑒨𑒢𑒏 𑒑𑒰𑒧𑒏 𑒏𑒫𑒱 𑒥𑒴𑒔 𑒏𑒯𑒻 𑒕𑒟𑒱 𑒦𑓄 𑒩𑒯𑒪 𑒫𑒩𑓂𑒝 - 𑒫𑒩𑓂𑒝 𑒢𑒱𑓁𑒬𑒹𑒭, 𑒬𑒥𑓂𑒠 𑒮𑒿 𑒣𑓂𑒩𑒑𑒙𑒪 𑒢𑒯𑒱 𑒅𑒠𑓂𑒨𑓃𑒹𑒬𑓂𑒨; 𑒋𑒞𑒋 𑒬𑒥𑓂𑒠𑒮𑒿 𑒢𑒻 𑒧𑒳𑒠𑒰 𑒮𑓂𑒤𑒼𑒙𑒮𑒿 𑒁𑒩𑓂𑒟𑒏 𑒮𑓀𑒣𑓂𑒩𑒹𑒭𑒝 𑒏𑒫𑒱 𑒠𑓂𑒫𑒰𑒩𑒰 𑒞𑒼𑒯𑒩 𑒚𑒼𑒩 𑒂 𑒌 𑒮𑓀𑒑𑓂𑒩𑒯𑒏 𑒂𑒢 𑒏𑒫𑒱𑒞𑒰 𑒮𑒦𑒧𑒹 𑒖𑒰𑒃 𑒞𑒩𑒯𑒹𑒿 𑒦𑒹𑒪 𑒁𑒕𑒱, 𑒮𑒹 𑒮𑓀𑒮𑒰𑒩𑒏 𑒮𑒦𑒮𑒿 𑒪𑒨𑒰𑒞𑓂𑒧𑒏 𑒂 𑒧𑒡𑒳𑒩 𑒦𑒰𑒭𑒰 𑒧𑒻𑒟𑒱𑒪𑒲 𑒧𑒹 (𑒨𑒯𑒴𑒠𑒲 𑒧𑒹𑒢𑒳𑒯𑒱𑒢𑒏 𑒬𑒥𑓂𑒠𑒧𑒹) 𑒫𑒱𑒠𑓂𑒨𑒰𑒣𑒞𑒱𑒏 𑒥𑒰𑒠𑒏 𑒮𑒦𑒮𑒿 𑒪𑒨𑒰𑒞𑓂𑒧𑒏 𑒏𑒫𑒱𑒏 𑒩𑒴𑒣𑒧𑒹 𑒥𑒴𑒔𑒖𑒲 𑒏𑒹𑒿 𑒣𑓂𑒩𑒮𑓂𑒞𑒳𑒞 𑒏𑒩𑒻𑒞 𑒁𑒕𑒱 𑒂 𑒧𑒻𑒟𑒱𑒪𑒲 𑒏𑒫𑒱𑒞𑒰𑒏𑒹𑒿 𑒌 𑒩𑒴𑒣𑒧𑒹 𑒤𑒹𑒩𑒮𑒿 𑒣𑒩𑒱𑒦𑒰𑒭𑒱𑒞 𑒏𑒩𑒻𑒞 𑒁𑒕𑒱।




























𑒫𑒱𑒠𑒹𑒬𑒲 𑒣𑒴𑒿𑒖𑒲 𑒢𑒱𑒫𑒹𑒬𑒏 𑒦𑒰𑒭𑒰𑒣𑒩 (𑒧𑒻𑒟𑒱𑒪𑒲 𑒮𑒯𑒱𑒞) 𑒣𑓂𑒩𑒦𑒰𑒫

𑒫𑒱𑒠𑒹𑒬𑒲 𑒣𑒴𑒿𑒖𑒲𑒏 𑒦𑒰𑒩𑒞𑒧𑒹 𑒮𑒼𑒗 𑒢𑒱𑒫𑒹𑒬 𑒠𑒼𑒮𑒩 𑒠𑒹𑒬𑒏 𑒤𑒩𑓂𑒧𑒮𑒿 𑒧𑒱𑒪𑒱 𑒏𑓄 𑒫𑒰 𑒍𑒏𑒩 𑒮𑒧𑓂𑒣𑒞𑓂𑒞𑒱 𑒫𑒰 𑒍𑒏𑒩 𑒮𑓂𑒙𑒰𑒏 𑒏𑒲𑒢𑒱 𑒏𑓄 𑒯𑒼𑒃𑒞 𑒁𑒕𑒱। 𑒍 𑒌 𑒪𑒹𑒪 𑒮𑓂𑒫𑒰𑒙 𑒁𑒢𑒹𑒪𑒱𑒮𑒱𑒮 𑒏𑒩𑒻 𑒕𑒟𑒱 𑒂 𑒁𑒣𑒢 𑒣𑓂𑒩𑒫𑒹𑒬𑒏 𑒪𑒹𑒪 𑒁𑒣𑒢 𑒏𑒧 𑒠𑒰𑒧𑒧𑒹 𑒅𑒞𑓂𑒣𑒰𑒠𑒢 𑒂 𑒮𑒹𑒯𑒼 𑒞𑒲𑒫𑓂𑒩 𑒑𑒞𑒱𑒮𑒿 𑒏𑒋𑒏 𑒞𑒩𑒯𑒏 𑒅𑒣𑒰𑒨 𑒠𑓂𑒫𑒰𑒩𑒰 𑒏𑒩𑒥𑒰𑒏 𑒏𑓂𑒭𑒧𑒞𑒰𑒏𑒹𑒿 𑒠𑒹𑒐𑒻𑒞 𑒏𑒩𑒻 𑒕𑒟𑒱। 𑒏𑒼𑒢 𑒠𑒹𑒬𑒧𑒹 𑒫𑒱𑒠𑒹𑒬𑒲 𑒣𑒴𑒿𑒖𑒲 𑒢𑒱𑒫𑒹𑒬 𑒯𑒼𑒋𑒞 𑒮𑒹 𑒏𑒱𑒕𑒳 𑒑𑒣𑒣𑒩 𑒢𑒱𑒩𑓂𑒦𑒩 𑒏𑒩𑒻𑒞 𑒁𑒕𑒱। 𑒔𑒲𑒢𑒧𑒹 𑒦𑒰𑒩𑒞𑒏 𑒥𑒢𑒱𑒮𑓂𑒣𑒞 𑒥𑒹𑒬𑒲 𑒫𑒱𑒠𑒹𑒬𑒲 𑒣𑒴𑒿𑒖𑒲 𑒂𑒍𑒞 𑒏𑒰𑒩𑒝 𑒦𑒰𑒩𑒞𑒧𑒹 𑒏𑒰𑒩𑓂𑒨 𑒏𑒩𑒥𑒰 𑒪𑒹𑒪 𑒜𑒹𑒩 𑒩𑒰𑒮 𑒪𑒼𑒏𑒞𑓀𑒞𑓂𑒩𑒲𑒨 𑒣𑓂𑒩𑒏𑓂𑒩𑒱𑒨𑒰 𑒮𑒦 𑒕𑒻 𑒖𑒹 𑒅𑒞𑓂𑒣𑒰𑒠 𑒏𑒹𑒩 𑒠𑒰𑒧 𑒥𑒜𑓃𑒥𑒻𑒞 𑒕𑒻। 𑒄 𑒋𑒢𑒰 𑒥𑒴𑒗𑒱 𑒮𑒏𑒻 𑒕𑒲 𑒖𑒰𑒣𑒰𑒢 𑒂 𑒮𑓂𑒫𑒱𑒙𑒖𑒩𑒪𑒻𑒝𑓂𑒛 𑒂𑒠𑒱 𑒠𑒹𑒬𑒧𑒹 𑒫𑒱𑒠𑒹𑒬𑒲 𑒣𑒴𑒿𑒖𑒲 𑒏𑒧 𑒂𑒋𑒪 𑒥𑒢𑒱𑒮𑓂𑒣𑒞 𑒮𑓂𑒣𑒹𑒢𑒏। 𑒂 𑒌 𑒞𑒩𑒯𑒹𑒿 𑒞𑒳𑒪𑒢𑒰 𑒏𑒩𑒲 𑒞𑒿 𑒢𑒹𑒣𑒰𑒪𑒧𑒹 𑒦𑒰𑒩𑒞𑒏 𑒁𑒣𑒹𑒏𑓂𑒭𑒰 𑒞𑒳𑒪𑒢𑒰𑒞𑓂𑒧𑒏 𑒣𑒴𑒿𑒖𑒲 𑒢𑒱𑒫𑒹𑒬 𑒥𑒹𑒬𑒲 𑒂𑒍𑒞। 𑒧𑒻𑒟𑒱𑒪𑒲 𑒂 𑒂𑒢 𑒦𑒰𑒭𑒰𑒧𑒹 𑒫𑒱𑒠𑒹𑒬𑒲 𑒣𑒴𑒿𑒖𑒲 𑒢𑒱𑒫𑒹𑒬𑒏 𑒂𑒑𑒧𑒢𑒏 𑒮𑒧𑓂𑒦𑒰𑒫𑒢𑒰 𑒠𑒹𑒐𑒲 𑒞𑒿 𑒞𑒳𑒪𑒢𑒰𑒞𑓂𑒧𑒏 𑒩𑒴𑒣𑒧𑒹 𑒧𑒻𑒟𑒱𑒪𑒲𑒧𑒹 𑒥𑒹𑒬𑒲 𑒣𑒴𑒿𑒖𑒲 𑒂𑒍𑒞, 𑒢𑒹𑒣𑒰𑒪𑒲 𑒫𑒰 𑒯𑒱𑒢𑓂𑒠𑒲𑒏 𑒞𑒳𑒪𑒢𑒰𑒧𑒹। 𑒂 𑒧𑒻𑒟𑒱𑒪𑒲𑒏 𑒮𑒢𑓂𑒠𑒩𑓂𑒦𑒧𑒹 𑒢𑒹𑒣𑒰𑒪𑒏 𑒧𑒻𑒟𑒱𑒪𑒲𑒏 𑒦𑒫𑒱𑒭𑓂𑒨 𑒦𑒰𑒩𑒞𑒏 𑒧𑒻𑒟𑒱𑒪𑒲𑒏 𑒦𑒫𑒱𑒭𑓂𑒨𑒏 𑒞𑒳𑒪𑒢𑒰𑒧𑒹 𑒥𑒹𑒬𑒲 𑒢𑒲𑒏 𑒥𑒴𑒗𑒱 𑒣𑒛𑓃𑒞 𑒖𑒿 𑒫𑒱𑒠𑒹𑒬𑒲 𑒣𑒴𑒿𑒖𑒲𑒏 𑒑𑒣 𑒂𑒍𑒞।

𑒧𑒳𑒠𑒰 𑒫𑒱𑒠𑒹𑒬𑒲 𑒣𑒴𑒿𑒖𑒲 𑒧𑒰𑒞𑓂𑒩 𑒣𑓂𑒩𑒥𑒢𑓂𑒡𑒢 𑒫𑒰 𑒁𑒩𑓂𑒟𑒬𑒰𑒮𑓂𑒞𑓂𑒩𑒏 𑒅𑒣𑒩𑒼𑒏𑓂𑒞 𑒮𑒻𑒠𑓂𑒡𑒰𑓀𑒞𑒱𑒏 𑒣𑓂𑒩𑒞𑒱𑒤𑒪 𑒙𑒰 𑒢𑒻 𑒁𑒕𑒱। 𑒋𑒞𑒋 𑒯𑒧 𑒩𑒰𑒖𑒢𑒻𑒞𑒱𑒏 𑒮𑓂𑒟𑒱𑒩𑒞𑒰 𑒂 𑒮𑒰𑒧𑒰𑒖𑒱𑒏 𑒮𑓀𑒏𑒙 𑒠𑒳𑒢𑒴𑒏𑒹𑒿 𑒮𑒼𑒗𑒰𑒿 𑒣𑒥𑒻 𑒕𑒲। 𑒦𑒰𑒩𑒞𑒏 𑒦𑒨𑓀𑒏𑒩 𑒪𑒰𑒃𑒮𑒹𑓀𑒮 𑒤𑒲𑒮 𑒖𑒹𑒢𑒰 𑒮𑒴𑒔𑒢𑒰 𑒂 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒏 𑒏𑓂𑒭𑒹𑒞𑓂𑒩𑒧𑒹 𑒧𑒻𑒟𑒱𑒪𑒲𑒏 𑒠𑒳𑒩𑓂𑒠𑒬𑒰𑒏 𑒪𑒹𑒪 𑒖𑒱𑒧𑓂𑒧𑒹𑒠𑓂𑒠𑒰𑒩𑒲 𑒪𑒹𑒪𑒏 𑒮𑒹 𑒢𑒹𑒣𑒰𑒪𑒧𑒹 𑒢𑒻 𑒁𑒕𑒱। 𑒮𑒹 𑒍𑒞𑒋 𑒩𑒹𑒛𑒱𑒨𑒼 𑒂 𑒙𑒲.𑒫𑒲.𑒣𑒩 𑒧𑒻𑒟𑒱𑒪𑒲 𑒢𑒲𑒏 𑒠𑒬𑒰𑒧𑒹 𑒁𑒕𑒱। 𑒧𑒳𑒠𑒰 𑒩𑒰𑒖𑒢𑒻𑒞𑒱𑒏 𑒁𑒮𑓂𑒟𑒱𑒩𑒞𑒰 𑒏𑒐𑒢𑒼 𑒏𑒰𑒪 𑒢𑒹𑒣𑒰𑒪𑒧𑒹 𑒣𑒴𑒿𑒖𑒲 𑒢𑒱𑒫𑒹𑒬𑒧𑒹 𑒥𑒰𑒡𑒏 𑒦𑓄 𑒖𑒰𑒃𑒋। 𑒞𑒯𑒱𑒢𑒰 𑒢𑒹𑒣𑒰𑒪𑒏 𑒧𑒻𑒟𑒱𑒪𑒲𑒏 𑒮𑒰𑒧𑒰𑒖𑒱𑒏 𑒂𑒡𑒰𑒩 𑒫𑒱𑒮𑓂𑒞𑒵𑒞 𑒁𑒕𑒱 𑒧𑒳𑒠𑒰 𑒦𑒰𑒩𑒞𑒏 𑒞𑒹𑒯𑒢 𑒢𑒻 𑒁𑒕𑒱। 𑒮𑒹 𑒦𑒰𑒩𑒞𑒧𑒹 𑒧𑒻𑒟𑒱𑒪𑒲𑒏 𑒪𑒹𑒪 𑒣𑒴𑒿𑒖𑒲 𑒢𑒱𑒫𑒹𑒬𑒏 𑒄 𑒇𑒝𑒰𑒞𑓂𑒧𑒏 𑒑𑒳𑒝𑒏 𑒁𑒕𑒱।
𑒖𑒹𑒢𑒰 𑒆𑒣𑒩 𑒏𑒯𑒢𑒹 𑒕𑒲 𑒖𑒹 𑒏𑒼𑒢𑒼 𑒫𑒱𑒠𑒹𑒬𑒲 𑒣𑒴𑒿𑒖𑒲 𑒢𑒱𑒫𑒹𑒬 𑒯𑒼𑒋𑒞 𑒞𑒿 𑒣𑒰𑒃 𑒪𑒑𑒹𑒢𑒯𑒰𑒩 𑒣𑒯𑒱𑒢𑒹 𑒮𑓂𑒫𑒰𑒙 𑒋𑒢𑒹𑒪𑒱𑒮𑒱𑒮 𑒏𑒩𑒞।
𑒧𑒻𑒟𑒱𑒪𑒲𑒏 𑒮𑒢𑓂𑒠𑒩𑓂𑒦𑒧𑒹 𑒮𑓂𑒫𑒰𑒙 𑒋𑒢𑒹𑒪𑒱𑒮𑒱𑒮:-
𑒧𑒻𑒟𑒱𑒪𑒲𑒏 𑒮𑓂𑒫𑒰𑒙 Strenghth- Weakness- Opportunity- Threat (SWOT) 𑒋𑒢𑒹𑒪𑒹𑒮𑒱𑒮 (𑒯𑒧𑒩 𑒑𑒳𑒩𑒳𑒖𑒲 𑒔𑒧𑒴 𑒏𑒵𑒭𑓂𑒝 𑒬𑒰𑒮𑓂𑒞𑓂𑒩𑒲 𑒖𑒲𑒏 𑒌𑒧𑒹 𑒥𑒛𑓃 𑒣𑒻𑒒 𑒨𑒼𑒑𑒠𑒰𑒢 𑒕𑒢𑓂𑒯𑒱।)

𑒧𑒻𑒢𑒹𑒖𑒧𑒹𑒢𑓂𑒙𑒧𑒹 𑒋𑒏𑒙𑒰 𑒫𑒱𑒭𑒋 𑒕𑒻𑒏 𑒮𑓂𑒫𑒰𑒙 𑒁𑒢𑒹𑒪𑒱𑒮𑒱𑒮। 𑒧𑒻𑒟𑒱𑒪𑒲𑒏𑒹𑒿 𑒌 𑒏𑒮𑒾𑒙𑒲𑒣𑒩 𑒏𑒮𑒻 𑒕𑒲।

S- Strenghth- 𑒬𑒏𑓂𑒞𑒱, 𑒮𑒰𑒧𑒩𑓂𑒟𑓂𑒨, 𑒥𑒪 –
𑒧𑒻𑒟𑒱𑒪𑒲 𑒪𑒹𑒪 𑒯𑒵𑒠𑒋𑒧𑒹 𑒁𑒑𑓂𑒢𑒱 𑒕𑒢𑓂𑒯𑒱, 𑒮𑒹 𑒮𑒦𑒏 𑒯𑒵𑒠𑒋𑒧𑒹, 𑒣𑒩𑒮𑓂𑒣𑒩 𑒋𑒏 𑒠𑒼𑒮𑒩𑒰𑒏 𑒫𑒱𑒩𑒼𑒡𑒲 𑒏𑒱𑒋𑒏 𑒢𑒹 𑒯𑒼𑒟𑒳। 𑒖𑒢𑒏 𑒥𑒲𑒔𑒧𑒹 𑒌 𑒦𑒰𑒭𑒰𑒏 𑒂𑒩𑒼𑒯, 𑒁𑒫𑒩𑒼𑒯 𑒂 𑒦𑒰𑒭𑒱𑒏 𑒫𑒻𑒬𑒱𑒙𑓂𑒨𑒏𑒹𑒿 𑒪𑓄 𑒏𑓄 𑒂𑒠𑒩 𑒁𑒕𑒱 𑒂 𑒌 𑒧𑒹 𑒧𑒻𑒟𑒱𑒪𑒲 𑒢𑒻 𑒥𑒖𑒢𑒱𑒯𑒰𑒩 𑒦𑒰𑒭𑒰𑒫𑒱𑒠𑓂 𑒮𑒧𑓂𑒧𑒱𑒪𑒱𑒞 𑒕𑒟𑒱। 𑒂𑒡𑓂𑒨𑒰𑒞𑓂𑒧𑒱𑒏 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒧𑒯𑒞𑓂𑒫𑒏 𑒏𑒰𑒩𑒝 𑒮𑒹𑒯𑒼 𑒧𑒻𑒟𑒱𑒪𑒲 𑒧𑒯𑒞𑓂𑒫𑒣𑒴𑒩𑓂𑒝 𑒁𑒕𑒱। 𑒌 𑒦𑒰𑒭𑒰𑒧𑒹 𑒋𑒏𑒙𑒰 𑒂𑒢𑓂𑒞𑒩𑒱𑒏 𑒬𑒏𑓂𑒞𑒱 𑒕𑒻। 𑒥𑒯𑒳𑒞 𑒩𑒰𑒮 𑒮𑓀𑒮𑓂𑒟𑒰, 𑒖𑒃𑒧𑒹 𑒏𑒱𑒕𑒳 𑒖𑒰𑒞𑒱𑒫𑒰𑒠𑒲 𑒂 𑒮𑒰𑓀𑒣𑓂𑒩𑒠𑒰𑒨𑒱𑒏 𑒮𑓀𑒮𑓂𑒟𑒰 𑒮𑒹𑒯𑒼 𑒮𑒧𑓂𑒧𑒱𑒪𑒱𑒞 𑒁𑒕𑒱, 𑒋𑒏𑒩 𑒫𑒱𑒏𑒰𑒮 𑒪𑒹𑒪 𑒞𑒞𑓂𑒣𑒩 𑒁𑒕𑒱। 𑒌 𑒦𑒰𑒭𑒰𑒏 𑒖𑒢𑒢𑒱𑒯𑒰𑒩 𑒦𑒰𑒩𑒞 𑒂 𑒢𑒹𑒣𑒰𑒪 𑒠𑒴 𑒠𑒹𑒬𑒧𑒹 𑒞𑒿 𑒩𑒯𑒱𑒞𑒹 𑒕𑒟𑒱 𑒂𑒥 𑒂𑒢-𑒂𑒢 𑒠𑒹𑒬-𑒣𑓂𑒩𑒠𑒹𑒬𑒧𑒹 𑒮𑒹𑒯𑒼 𑒣𑒮𑒩𑒪 𑒕𑒟𑒱।

W- Weakness- 𑒢𑓂𑒨𑒴𑒢𑒞𑒰, 𑒠𑒳𑒩𑓂𑒥𑒪𑒞𑒰, 𑒧𑒴𑒩𑓂𑒐𑒞𑒰 –
𑒣𑓂𑒩𑒬𑓀𑒮𑒰 𑒣𑒩𑒧𑓂𑒣𑒩𑒰 𑒖𑒃𑒧𑒹 𑒠𑒼𑒮𑒩𑒰𑒏 𑒢𑒱𑒢𑓂𑒠𑒰 𑒮𑒹𑒯𑒼 𑒌𑒧𑒹 𑒮𑒧𑓂𑒧𑒱𑒪𑒱𑒞 𑒁𑒕𑒱, 𑒋𑒏𑒩𑒹 𑒁𑒢𑓂𑒞𑒩𑓂𑒑𑒞 𑒁𑒥𑒻𑒞 𑒁𑒕𑒱- 𑒧𑒰𑒢𑒹 𑒂𑒞𑓂𑒧𑒣𑓂𑒩𑒬𑓀𑒮𑒰𑒏।
𑒣𑒩𑒮𑓂𑒣𑒩 𑒣𑓂𑒩𑒬𑓀𑒮𑒰 𑒮𑒹𑒯𑒼 𑒌𑒧𑒹 𑒬𑒰𑒧𑒱𑒪 𑒁𑒕𑒱। 𑒮𑒩𑒏𑒰𑒩𑒣𑒩 𑒂𑒪𑒧𑓂𑒥𑒢, 𑒣𑓂𑒩𑒰𑒟𑒧𑒱𑒏𑒞𑒰𑒏 𑒁𑒖𑓂𑒘𑒰𑒢- 𑒖𑒏𑒩 𑒏𑒰𑒩𑒝𑒮𑒿 𑒧𑒯𑒰𑒏𑒫𑒱 𑒥𑒢𑒥𑒰/ 𑒥𑒢𑒹𑒥𑒰 𑒪𑒹𑒪 𑒏𑒫𑒱 𑒮𑒧𑒲𑒏𑓂𑒭𑒏 𑒖𑒰𑒢 𑒁𑒩𑒼𑒣𑒢𑒹 𑒕𑒟𑒱- 𑒖𑒐𑒢 𑒦𑒰𑒭𑒰 𑒧𑒩𑒱 𑒩𑒯𑒪 𑒁𑒕𑒱। 𑒏𑒰𑒩𑓂𑒨𑒨𑒼𑒖𑒢𑒰𑒏 𑒮𑓂𑒣𑒭𑓂𑒙 𑒁𑒦𑒰𑒫 𑒁𑒕𑒱 𑒂 𑒖𑒹𑒢𑒰-𑒞𑒹𑒢𑒰 𑒏𑒱𑒕𑒳 𑒧𑒻𑒟𑒱𑒪𑒲 𑒪𑒹𑒪 𑒏𑓄 𑒠𑒹𑒥𑒰 𑒪𑒹𑒪 𑒮𑒦 𑒫𑓂𑒨𑒑𑓂𑒩 𑒕𑒟𑒱, 𑒏𑓄 𑒩𑒯𑒪 𑒕𑒟𑒱। 𑒮𑓂𑒫𑒨𑓀 𑒧𑒻𑒟𑒱𑒪𑒲 𑒢𑒻 𑒥𑒰𑒖𑒱 𑒥𑒰𑒪-𑒥𑒔𑓂𑒔𑒰𑒏𑒹𑒿 𑒧𑒻𑒟𑒱𑒪𑒲𑒮𑒿 𑒠𑒴𑒩 𑒩𑒐𑒥𑒰𑒏 𑒖𑒹𑒢𑒰 𑒁𑒦𑒱𑒨𑒰𑒢 𑒔𑒪𑒪 𑒁𑒕𑒱 𑒂 𑒌𑒧𑒹 𑒧𑒲𑒛𑒱𑒨𑒰, 𑒏𑒰𑒩𑓂𑒙𑒴𑒢 𑒂 𑒬𑒱𑒏𑓂𑒭𑒰-𑒣𑓂𑒩𑒝𑒰𑒪𑒲𑒏 𑒮𑓀𑒑 𑒋𑒏𑓂𑒏𑒹 𑒐𑒰𑒜𑓃𑒲𑒧𑒹 𑒦𑒹𑒪 𑒁𑒞𑓂𑒨𑒡𑒱𑒏 𑒣𑓂𑒩𑒫𑒰𑒮 𑒁𑒣𑒢 𑒨𑒼𑒑𑒠𑒰𑒢 𑒠𑒹𑒪𑒏 𑒁𑒕𑒱। 𑒧𑒻𑒟𑒱𑒪𑒲𑒏 𑒏𑒰𑒩𑓂𑒨𑒏𑒩𑓂𑒞𑒰 𑒪𑒼𑒏𑒢𑒱𑒏 𑒏𑒋𑒏 𑒡𑓂𑒩𑒳𑒫𑒧𑒹 𑒥𑒿𑒙𑒪 𑒩𑒯𑒥𑒰𑒏 𑒏𑒰𑒩𑒝 𑒮𑒧𑒩𑓂𑒟𑒢𑒣𑒩𑒏 𑒪𑒰𑒥𑒱𑒃𑓀𑒑 𑒏𑒩𑓂𑒞𑒰𑒏 𑒁𑒦𑒰𑒫 𑒁𑒕𑒱। 𑒧𑒻𑒟𑒱𑒪𑒲𑒏𑒹𑒿 𑒌𑒧𑒹 𑒏𑒲 𑒪𑒰𑒦𑒏 𑒥𑒠𑒪𑒰 𑒁𑒣𑒢/ 𑒁𑒣𑓂𑒣𑒢 𑒪𑒼𑒏𑒏 𑒏𑒲 𑒪𑒰𑒦 𑒌 𑒪𑒹𑒪 𑒪𑒼𑒏 𑒥𑒹𑒬𑒲 𑒔𑒱𑒢𑓂𑒞𑒱𑒞 𑒕𑒟𑒱। 𑒧𑒻𑒟𑒱𑒪𑒲 𑒕𑒰𑒞𑓂𑒩𑒏 𑒮𑓀𑒐𑓂𑒨𑒰𑒏 𑒁𑒦𑒰𑒫। 𑒅𑒞𑓂𑒣𑒰𑒠 𑒅𑒞𑓂𑒞𑒧 𑒩𑒯𑒪𑒰 𑒅𑒞𑓂𑒞𑒩 𑒮𑒹𑒯𑒼 𑒫𑒱𑒏𑓂𑒩𑒨𑒏𑒾𑒬𑒪𑒏 𑒂𑒫𑒬𑓂𑒨𑒏𑒞𑒰 𑒯𑒼𑒃𑒞 𑒕𑒻। 𑒧𑒻𑒟𑒱𑒪𑒲𑒧𑒹 𑒅𑒞𑓂𑒞𑒧 𑒅𑒞𑓂𑒣𑒰𑒠𑒏 𑒁𑒦𑒰𑒫 𑒞𑒿 𑒁𑒕𑒱𑒋, 𑒫𑒱𑒏𑓂𑒩𑒨𑒏𑒾𑒬𑒪𑒏 𑒮𑒹𑒯𑒼 𑒁𑒦𑒰𑒫 𑒁𑒕𑒱।

O- Opportunity- 𑒁𑒫𑒮𑒩, 𑒨𑒼𑒑, 𑒁𑒫𑒏𑒰𑒬 –
𑒫𑒱𑒬𑒱𑒭𑓂𑒙 𑒫𑒱𑒭𑒨𑒏 𑒪𑒹𑒐𑒢𑒏 𑒁𑒦𑒰𑒫, 𑒧𑒰𑒞𑓂𑒩 𑒏𑒟𑒰-𑒏𑒫𑒱𑒞𑒰𑒏 𑒮𑒧𑓂𑒥𑒪। 𑒧𑒻𑒟𑒱𑒪𑒲𑒧𑒹 𑒔𑒱𑒞𑓂𑒩-𑒬𑒵𑓀𑒐𑒪𑒰, 𑒔𑒱𑒞𑓂𑒩𑒏𑒟𑒰, 𑒫𑒱𑒖𑓂𑒘𑒰𑒢, 𑒮𑒧𑒰𑒖 𑒫𑒱𑒖𑓂𑒘𑒰𑒢, 𑒂𑒡𑓂𑒨𑒰𑒞𑓂𑒧, 𑒦𑒾𑒞𑒱𑒏, 𑒩𑒮𑒰𑒨𑒢, 𑒖𑒲𑒫, 𑒮𑓂𑒫𑒰𑒮𑓂𑒟𑓂𑒨 𑒂𑒠𑒱𑒏 𑒣𑒼𑒟𑒲𑒏 𑒁𑒦𑒰𑒫 𑒁𑒕𑒱। 𑒞𑒰𑒛𑓃𑒑𑓂𑒩𑒢𑓂𑒟𑒏 𑒮𑓀𑒑𑒝𑒏𑒏 𑒅𑒣𑒨𑒼𑒑 𑒏𑓄 𑒣𑓂𑒩𑒏𑒰𑒬𑒢 𑒢𑒻 𑒦𑓄 𑒩𑒯𑒪 𑒁𑒕𑒱। 𑒕𑒰𑒞𑓂𑒩 𑒬𑒏𑓂𑒞𑒱𑒏 𑒣𑓂𑒩𑒨𑒼𑒑 𑒢𑓂𑒨𑒴𑒢 𑒁𑒕𑒱। 𑒮𑓀𑒡𑓂𑒨𑒰 𑒫𑒱𑒠𑓂𑒨𑒰𑒪𑒨 𑒂 𑒔𑒱𑒞𑓂𑒩𑒏𑒪𑒰-𑒮𑓀𑒑𑒲𑒞𑒏 𑒧𑒰𑒡𑓂𑒨𑒧𑒮𑒿 𑒬𑒱𑒏𑓂𑒭𑒰 𑒢𑒻 𑒠𑒹𑒪 𑒖𑒰 𑒩𑒯𑒪 𑒁𑒕𑒱। 𑒠𑒴𑒩𑒮𑓂𑒟 𑒬𑒱𑒏𑓂𑒭𑒰𑒏 𑒧𑒰𑒡𑓂𑒨𑒧𑒮𑒿/ 𑒁𑒢𑓂𑒞𑒩𑓂𑒖𑒰𑒪𑒏 𑒧𑒰𑒡𑓂𑒨𑒧𑒮𑒿 𑒧𑒻𑒟𑒱𑒪𑒲𑒏 𑒣𑒜𑓃𑒰𑒃𑒏 𑒁𑒞𑓂𑒨𑒡𑒱𑒏 𑒂𑒫𑒬𑓂𑒨𑒏𑒞𑒰 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒁𑒢𑒳𑒫𑒰𑒠 𑒂 𑒫𑒩𑓂𑒞𑒧𑒰𑒢 𑒫𑒱𑒭𑒨 𑒮𑒦𑒣𑒩 𑒣𑒳𑒮𑓂𑒞𑒏 𑒪𑒹𑒐𑒢 𑒂 𑒁𑒣𑓂𑒩𑒏𑒰𑒬𑒱𑒞 𑒞𑒰𑒛𑓃 𑒑𑓂𑒩𑒢𑓂𑒟 𑒮𑒦𑒏 𑒣𑓂𑒩𑒏𑒰𑒬𑒢𑒏 𑒂𑒫𑒬𑓂𑒨𑒏𑒞𑒰 𑒁𑒕𑒱। 𑒧𑒻𑒟𑒱𑒪𑒲𑒏 𑒧𑒰𑒡𑓂𑒨𑒧𑒮𑒿 𑒣𑓂𑒩𑒰𑒩𑒧𑓂𑒦𑒱𑒏 𑒬𑒱𑒏𑓂𑒭𑒰𑒏 𑒂𑒫𑒬𑓂𑒨𑒏𑒞𑒰 𑒁𑒕𑒱। 𑒣𑓂𑒩𑒫𑒰𑒮𑒲 𑒧𑒻𑒟𑒱𑒪 𑒪𑒹𑒪 𑒦𑒰𑒭𑒰 𑒣𑒰𑒚𑒢-𑒪𑒹𑒐𑒢-𑒮𑒧𑓂𑒣𑒰𑒠𑒢 𑒣𑒰𑒚𑓂𑒨𑒏𑓂𑒩𑒧𑒏 𑒂𑒫𑒬𑓂𑒨𑒏𑒞𑒰 𑒁𑒕𑒱।

T- Threat- 𑒦𑒲𑒭𑒱𑒏𑒰, 𑒮𑒧𑒦𑒰𑒫𑓂𑒨𑒫𑒱𑒣𑒠𑓂 –
𑒯𑒞𑒰𑒬𑒰, 𑒂𑒞𑓂𑒧𑒯𑒲𑒢𑒞𑒰, 𑒬𑒱𑒏𑓂𑒭𑒰𑒮𑒿 𑒢𑒱𑒭𑓂𑒏𑒰𑒮𑒢, 𑒣𑒰𑒩𑒧𑓂𑒣𑒩𑒱𑒏 𑒣𑒰𑒚𑒬𑒰𑒪𑒰𑒧𑒹 𑒬𑒱𑒏𑓂𑒭𑒰𑒏 𑒧𑒰𑒡𑓂𑒨𑒧𑒏 𑒩𑒴𑒣𑒧𑒹 𑒧𑒻𑒟𑒱𑒪𑒲𑒏 𑒁𑒦𑒰𑒫, 𑒫𑒱𑒩𑒪 𑒬𑒰𑒮𑓂𑒞𑓂𑒩𑒖𑓂𑒘, 𑒞𑒰𑒛𑓃𑒣𑒞𑓂𑒩𑒏 𑒅𑒣𑒹𑒏𑓂𑒭𑒰 𑒂 𑒫𑒱𑒠𑒹𑒬𑒧𑒹 𑒥𑒱𑒏𑓂𑒩𑒲, 𑒦𑒰𑒭𑒰 𑒬𑒻𑒟𑒱𑒪𑓂𑒨, 𑒮𑒰𑓀𑒮𑓂𑒏𑒵𑒞𑒱𑒏 𑒣𑓂𑒩𑒠𑒴𑒭𑒝 𑒂 𑒣𑒩𑒱𑒝𑒰𑒧𑒮𑓂𑒫𑒩𑒴𑒣 𑒦𑒰𑒭𑒰 𑒣𑓂𑒩𑒠𑒴𑒭𑒝, 𑒧𑒳𑒐𑓂𑒨𑒡𑒰𑒩𑒰𑒮𑒿 𑒠𑒴𑒩 𑒦𑒹𑒢𑒰𑒃 𑒂 𑒧𑒰𑒞𑓂𑒩 𑒠𑒴 𑒖𑒰𑒞𑒱𑒏 𑒦𑒰𑒭𑒰 𑒦𑒹𑒢𑒰𑒃, 𑒬𑒱𑒏𑓂𑒭𑒏 𑒧𑒡𑓂𑒨 𑒖𑓂𑒘𑒰𑒢 𑒮𑓂𑒞𑒩𑒏 𑒯𑓂𑒩𑒰𑒮, 𑒩𑒰𑒖𑒢𑒻𑒞𑒱𑒏 𑒮𑓂𑒫𑒰𑒩𑓂𑒟𑒫𑒬 𑒧𑒻𑒟𑒱𑒪𑒲𑒏 𑒫𑒱𑒩𑒼𑒡 𑒄 𑒮𑒦 𑒫𑒱𑒣𑒠𑒰 𑒯𑒧𑒩𑒰 𑒮𑒦𑒏 𑒮𑒼𑒗𑒰𑒿 𑒁𑒕𑒱।

𑒄 𑒮𑒦𑒙𑒰 𑒆𑒣𑒩𑒫𑒩𑓂𑒝𑒱𑒞 𑒥𑒱𑒢𑓂𑒠𑒳 𑒣𑓂𑒩𑒥𑒢𑓂𑒡𑒢-𑒫𑒱𑒖𑓂𑒘𑒰𑒢𑒏 𑒏𑒰𑒩𑓂𑒨𑒨𑒼𑒖𑒢𑒰𑒏 𑒫𑒱𑒭𑒨 𑒁𑒕𑒱 𑒂 𑒦𑒰𑒭𑒝𑒏 𑒢𑒻 𑒏𑒰𑒩𑓂𑒨𑒏 𑒂𑒫𑒬𑓂𑒨𑒏𑒞𑒰 𑒁𑒕𑒱। 𑒮𑒧𑓂𑒦𑒰𑒭𑒝, 𑒧𑒻𑒟𑒱𑒪𑒲 𑒧𑒰𑒡𑓂𑒨𑒧𑒮𑒿 𑒣𑒰𑒚𑒢, 𑒢𑒫 𑒮𑒩𑓂𑒫𑒰𑓀𑒑𑒲𑒢 𑒮𑒰𑒯𑒱𑒞𑓂𑒨𑒏 𑒢𑒱𑒩𑓂𑒧𑒰𑒝 𑒪𑒹𑒪 𑒮𑒦𑒏𑒹𑒿 𑒋𑒏𑒧𑒳𑒐𑒲, 𑒋𑒏 𑒮𑓂𑒞𑒩𑒲𑒨 𑒂 𑒋𑒏 𑒨𑒞𑓂𑒢𑒮𑒿 𑒣𑓂𑒩𑒨𑒰𑒮 𑒏𑒩𑒋 𑒣𑒛𑓃𑒞। 𑒡𑒢𑒏 𑒁𑒦𑒰𑒫 𑒞𑒐𑒢𑒹 𑒯𑒼𑒃𑒞 𑒁𑒕𑒱 𑒖𑒐𑒢 𑒮𑒩𑒏𑒰𑒩𑒲 𑒮𑒯𑒰𑒨𑒞𑒰𑒣𑒩 𑒂𑒮 𑒪𑒑𑒹𑒢𑒹 𑒩𑒯𑒥। 𑒮𑒰𑒩𑓂𑒫𑒖𑒢𑒱𑒏 𑒮𑒯𑒰𑒨𑒞𑒰𑒏 𑒁𑒫𑒪𑒧𑓂𑒥 𑒡𑒩𑒴, 𑒠𑒰𑒞𑒰𑒏 𑒁𑒦𑒰𑒫 𑒢𑒻 𑒮𑓂𑒫𑒲𑒏𑒰𑒩𑒏𑒩𑓂𑒞𑒰𑒏 𑒁𑒦𑒰𑒫 𑒁𑒕𑒱।

𑒨𑒴𑒢𑒹𑒮𑓂𑒏𑒼 𑒏𑒯𑒻𑒞 𑒁𑒕𑒱 𑒖𑒹 𑒦𑒰𑒩𑒞 𑒫𑒱𑒬𑓂𑒫𑒏 𑓖𑒚𑒧 𑒮𑒦𑒮𑒿 𑒣𑒻𑒒 𑒣𑒳𑒮𑓂𑒞𑒏 𑒣𑓂𑒩𑒏𑒰𑒬𑒏 𑒁𑒕𑒱 𑒖𑒞𑒋 𑒁𑓀𑒑𑓂𑒩𑒹𑒖𑒲 𑒪𑒑𑒰 𑒏𑓄 𑓒𑓕 𑒧𑒰𑒢𑓂𑒨𑒞𑒰 𑒣𑓂𑒩𑒰𑒣𑓂𑒞 𑒦𑒰𑒭𑒰𑒧𑒹 𑒣𑒼𑒟𑒲 𑒣𑓂𑒩𑒏𑒰𑒬𑒢 𑒯𑒼𑒃 𑒕𑒻। 𑒁𑓀𑒑𑓂𑒩𑒹𑒖𑒲𑒏 𑒣𑒼𑒟𑒲 𑒣𑓂𑒩𑒏𑒰𑒬𑒢𑒧𑒹 𑒦𑒰𑒩𑒞 𑒮𑓀𑒨𑒳𑒏𑓂𑒞 𑒩𑒰𑒖𑓂𑒨 𑒁𑒧𑒹𑒩𑒱𑒏𑒰 𑒂 𑒑𑓂𑒩𑒹𑒙 𑒥𑓂𑒩𑒱𑒙𑒹𑒢𑒏 𑒥𑒰𑒠 𑒞𑒹𑒮𑒩 𑒮𑓂𑒟𑒰𑒢𑒣𑒩 𑒁𑒕𑒱। 𑒧𑒳𑒠𑒰 𑒔𑒾𑒥𑒲𑒮 𑒧𑒳𑒐𑓂𑒨 𑒦𑒰𑒭𑒰𑒧𑒹 𑒮𑒿 𑒨𑒴𑒢𑒹𑒮𑓂𑒏𑒼𑒏 𑒁𑒢𑒳𑒮𑒰𑒩 𑒣𑒳𑒮𑓂𑒞𑒏 𑒣𑓂𑒩𑒏𑒰𑒬𑒢 𑒪𑒹𑒪 𑒧𑒰𑒞𑓂𑒩 𑓑𑓘 𑒦𑒰𑒭𑒰 𑒧𑒯𑒞𑓂𑒫𑒣𑒴𑒩𑓂𑒝 𑒁𑒕𑒱 𑒂 𑒌 𑓑𑓘 𑒦𑒰𑒭𑒰𑒧𑒹 𑒧𑒻𑒟𑒱𑒪𑒲 𑒢𑒻 𑒁𑒕𑒱। 𑒧𑒻𑒟𑒱𑒪𑒲 𑒌 𑓑𑓘 𑒧𑒹 𑒢𑒻 𑒁𑒕𑒱। 𑒤𑒹𑒛𑒩𑒹𑒬𑒢 𑒂𑒤 𑒃𑒝𑓂𑒛𑒱𑒨𑒢 𑒣𑒥𑓂𑒪𑒱𑒬𑒩𑓂𑒮𑒏 𑒁𑒢𑒳𑒮𑒰𑒩 𑒧𑒼𑒙𑒰𑒧𑒼𑒙𑒲 𑒦𑒰𑒩𑒞𑒧𑒹 𑓑𑓖𑓐𑓐𑓐 𑒣𑓂𑒩𑒏𑒰𑒬𑒏 𑒕𑒟𑒱 𑒖𑒹 𑒮𑒰𑒪𑒧𑒹 𑓗𑓐𑓐𑓐𑓐 𑒣𑒼𑒟𑒲 𑒣𑓂𑒩𑒏𑒰𑒬𑒱𑒞 𑒏𑒩𑒻 𑒕𑒟𑒱। 𑒌𑒧𑒹 𑓒𑓑,𑓐𑓐𑓐 𑒣𑒼𑒟𑒲 𑒁𑓀𑒑𑓂𑒩𑒹𑒖𑒲𑒧𑒹 𑒕𑒣𑒻𑒋 𑒂 𑒞𑒯𑒴𑒮𑒿 𑒥𑒹𑒬𑒲 𑒣𑒼𑒟𑒲 𑒯𑒱𑒢𑓂𑒠𑒲𑒧𑒹 𑒕𑒣𑒻𑒋। 𑒦𑒰𑒩𑒞𑒧𑒹 𑒮𑒰𑒏𑓂𑒭𑒩𑒞𑒰𑒏 𑒮𑓂𑒟𑒱𑒞𑒱 𑒖𑒹𑒢𑒰-𑒖𑒹𑒢𑒰 𑒢𑒲𑒏 𑒯𑒹𑒞𑒻, 𑒞𑒹𑒢𑒰-𑒞𑒹𑒢𑒰 𑒣𑒼𑒟𑒲 𑒣𑒜𑓃𑒻𑒥𑒪𑒰𑒏 𑒮𑓀𑒐𑓂𑒨𑒰𑒧𑒹 𑒮𑒹𑒯𑒼 𑒫𑒵𑒠𑓂𑒡𑒱 𑒯𑒹𑒞𑒻𑒏। 𑒢𑒹𑒣𑒰𑒪𑒧𑒹 𑒧𑒳𑒐𑓂𑒨𑒞𑓁 𑒢𑒹𑒣𑒰𑒪𑒲𑒏 𑒣𑒼𑒟𑒲 𑒕𑒰𑒣𑒪 𑒖𑒰𑒃𑒞 𑒁𑒕𑒱। 𑒦𑒰𑒩𑒞 𑒂 𑒢𑒹𑒣𑒰𑒪 𑒠𑒳𑒢𑒴 𑒚𑒰𑒧 𑒧𑒻𑒟𑒱𑒪𑒲 𑒣𑒼𑒟𑒲𑒏 𑒣𑓂𑒩𑒏𑒰𑒬𑒢 𑒑𑒳𑒝 𑒂 𑒮𑓀𑒐𑓂𑒨𑒰 𑒠𑒳𑒢𑒴𑒧𑒹 𑒣𑒕𑒳𑒂𑒋𑒪 𑒁𑒕𑒱।
𑒮𑒩𑒏𑒰𑒩𑒲 𑒮𑓀𑒮𑓂𑒟𑒰𑒏 𑒮𑓀𑒑 𑒫𑒱𑒠𑒹𑒬𑒲 𑒢𑒱𑒫𑒹𑒬𑒏𑒏 𑒮𑒯𑒨𑒼𑒑: 𑒂𑒥 𑒣𑓂𑒩𑒏𑒰𑒬𑒢 𑒅𑒠𑓂𑒨𑒼𑒑𑒮𑒿 𑒂𑒑𑒰𑒿 𑒥𑒜𑓃𑒲 𑒂 𑒮𑒴𑒔𑒢𑒰-𑒣𑓂𑒩𑒮𑒰𑒩 𑒧𑒰𑒡𑓂𑒨𑒧𑒏 𑒂𑒢 𑒏𑓂𑒭𑒹𑒞𑓂𑒩 𑒖𑒹𑒢𑒰 𑒙𑒲.𑒫𑒲., 𑒩𑒹𑒛𑒱𑒨𑒼 𑒂 𑒂𑒢𑒪𑒰𑒃𑒢 𑒦𑒰𑒭𑒰𑒃 𑒅𑒣𑒏𑒩𑒝𑒣𑒩 𑒂𑒅। 𑒋𑒞𑓄 𑒫𑒱𑒠𑒹𑒬𑒲 𑒢𑒱𑒫𑒹𑒬𑒏 𑒯𑒧𑒩𑒰 𑒮𑒦 𑒪𑒹𑒪 𑒛𑒰𑒏𑓂𑒨𑒴𑒧𑒹𑒢𑓂𑒙𑒩𑒲, 𑒧𑒢𑒼𑒩𑓀𑒖𑒢 𑒂 𑒦𑒰𑒭𑒰𑒃 𑒅𑒣𑒏𑒩𑒝𑒏 𑒢𑒱𑒩𑓂𑒧𑒰𑒝𑒧𑒹 𑒮𑒯𑒨𑒼𑒑 𑒠𑓄 𑒮𑒏𑒻 𑒕𑒟𑒱। 𑒮𑒩𑒏𑒰𑒩 𑒧𑒰𑒢𑓂𑒨𑒞𑒰𑒣𑓂𑒩𑒰𑒣𑓂𑒞 𑒦𑒰𑒭𑒰 𑒪𑒹𑒪 𑒥𑒱𑒢𑒰 𑒥𑒖𑒰𑒩𑒏𑒹𑒿 𑒡𑓂𑒨𑒰𑒢𑒧𑒹 𑒩𑒐𑒢𑒹 𑒐𑒰𑒮 𑒏𑓄 𑒧𑒻𑒟𑒱𑒪𑒲 𑒮𑒯𑒱𑒞 𑒍𑒃 𑒕𑒯 𑒦𑒰𑒭𑒰𑒏𑒹𑒿 𑒡𑓂𑒨𑒰𑒢𑒧𑒹 𑒩𑒰𑒐𑒻𑒞 𑒏𑒰𑒖 𑒏𑒩𑒋 𑒞𑒿 𑒥𑒖𑒰𑒩𑒏 𑒠𑒵𑒭𑓂𑒙𑒱𑒮𑒿 𑒖𑒹 𑒮𑒰𑓀𑒮𑓂𑒏𑒵𑒞𑒱𑒏 𑒯𑓂𑒩𑒰𑒮 𑒮𑒴𑒔𑒢𑒰-𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒧𑒡𑓂𑒨 𑒠𑒹𑒐𑒥𑒰𑒧𑒹 𑒂𑒥𑒱 𑒩𑒯𑒪 𑒁𑒕𑒱 𑒮𑒹 𑒧𑒻𑒟𑒱𑒪𑒲𑒧𑒹 𑒢𑒻 𑒂𑒍𑒞। 𑒁𑒩𑒥𑒲 𑒦𑒰𑒭𑒰𑒏𑒹𑒿 𑒤𑓀𑒛𑒏 𑒏𑒼𑒢𑒼 𑒏𑒧𑒲 𑒢𑒻 𑒕𑒻 𑒧𑒳𑒠𑒰 𑒍 𑒦𑒰𑒭 𑒏𑒱𑒋 𑒧𑒩𑒱 𑒩𑒯𑒪 𑒁𑒕𑒱, 𑒖𑒐𑒢 𑒍𑒏𑒩𑒰 𑒣𑒏𑓂𑒭𑒧𑒹 𑒮𑒩𑒏𑒰𑒩𑒲 𑒏𑒰𑒧𑒏𑒰𑒖 𑒕𑒻, 𑒧𑒮𑓂𑒖𑒱𑒠 𑒕𑒻, 𑒬𑒱𑒏𑓂𑒭𑒰 𑒣𑒠𑓂𑒡𑒞𑒱 𑒕𑒻। 𑒪𑒹𑒥𑒢𑒰𑒢, 𑒖𑒼𑒩𑓂𑒛𑒢 𑒂 𑒃𑒖𑒱𑒣𑓂𑒙𑒏 𑒁𑒞𑒱𑒩𑒱𑒏𑓂𑒞 𑒮𑒅𑒠𑒲 𑒁𑒩𑒥 𑒂 𑒂𑒢 𑒑𑒪𑓂𑒤 𑒠𑒹𑒬𑒏 𑒋𑒏𑒩𑒰 𑒮𑓀𑒩𑒏𑓂𑒭𑒝 𑒕𑒻। 𑒧𑒳𑒠𑒰 𑒣𑒰𑒃 𑒋𑒏𑒩𑒰 𑒪𑒹𑒪 𑒂𑒤𑒞 𑒥𑒢𑒪 𑒕𑒻। 𑒮𑒦 𑒬𑒹𑒐 𑒫𑒱𑒠𑒹𑒬𑒮𑒿 𑒣𑒜𑓃𑒱 𑒏𑓄 𑒁𑒥𑒻𑒞 𑒕𑒟𑒱 𑒂 𑒧𑒱𑒬𑓂𑒩𑒱𑒞 𑒁𑒩𑒥𑒲 𑒥𑒖𑒻 𑒕𑒟𑒱 𑒂 𑒞𑒏𑒩𑒰 𑒤𑒻𑒬𑒢 𑒧𑒰𑒢𑒪 𑒖𑒰 𑒩𑒯𑒪 𑒕𑒻। 𑒖𑒻 𑒁𑒩𑒥𑒲𑒧𑒹 𑒏𑒳𑒩𑒰𑒝 𑒪𑒱𑒐𑒪 𑒑𑒹𑒪 𑒂 𑒂𑒃 𑒏𑒰𑒪𑓂𑒯𑒱𑒏 𑒬𑒻𑒏𑓂𑒭𑒱𑒏 “𑒂𑒡𑒳𑒢𑒱𑒏 𑒧𑒰𑒢𑒏𑒲𑒏𑒵𑒞 𑒁𑒩𑒥𑒲- 𑒧𑒰𑒛𑒩𑓂𑒢 𑒮𑓂𑒙𑒻𑒝𑓂𑒛𑒩𑓂𑒛 𑒁𑒩𑒹𑒥𑒱𑒏- (𑒋𑒧.𑒋𑒮.𑒋.)” 𑒧𑒹 𑒥𑒛𑓂𑒛 𑒣𑒻𑒒 𑒦𑒹𑒠 𑒂𑒥𑒱 𑒑𑒹𑒪 𑒕𑒻। 𑒄 “𑒂𑒡𑒳𑒢𑒱𑒏 𑒧𑒰𑒢𑒏𑒲𑒏𑒵𑒞 𑒁𑒩𑒥𑒲” 𑒥𑒰𑒖𑒻 𑒖𑒰𑒋 𑒥𑒪𑒰 𑒁𑒩𑒥𑒲𑒮𑒿 𑒤𑒩𑒰𑒏 𑒦𑓄 𑒑𑒹𑒪 𑒁𑒕𑒱 𑒂 𑒋𑒏𑒩 𑒏𑒰𑒖 𑒧𑒰𑒞𑓂𑒩 𑒮𑒦 𑒁𑒩𑒥 𑒠𑒹𑒬𑒏 𑒥𑒲𑒔 𑒮𑒴𑒞𑓂𑒩𑒥𑒠𑓂𑒡 𑒏𑒩𑒥𑒰 𑒡𑒩𑒱 𑒮𑒲𑒧𑒱𑒞 𑒦𑓄 𑒑𑒹𑒪 𑒕𑒻, 𑒖𑒃𑒮𑒿 𑒮𑒦 𑒋𑒏 𑒠𑒼𑒮𑒩𑒰𑒏𑒹𑒿 𑒥𑒳𑒗𑒱 𑒣𑒰𑒥𑒋। 𑒧𑒳𑒠𑒰 𑒨𑒋𑒯 “𑒂𑒡𑒳𑒢𑒱𑒏 𑒧𑒰𑒢𑒏𑒲𑒏𑒵𑒞 𑒁𑒩𑒥𑒲” 𑒠𑒵𑒬𑓂𑒨-𑒬𑓂𑒩𑒫𑓂𑒨-𑒣𑓂𑒩𑒱𑓀𑒙𑒧𑒹 𑒁𑒕𑒱 𑒖𑒹 𑒏𑒏𑒩𑒼 𑒧𑒰𑒞𑒵𑒦𑒰𑒭 𑒢𑒻 𑒕𑒱𑒌 𑒫𑒩𑒢 𑒫𑓂𑒨𑒰𑒏𑒩𑒝 𑒣𑒜𑓃𑒱 𑒏𑓄 𑒮𑒲𑒐𑒪 𑒖𑒰𑒃 𑒕𑒻। 𑒫𑒱𑒠𑒹𑒬𑒲 𑒢𑒱𑒫𑒹𑒬𑒏𑒏𑒹𑒿 𑒖𑒹 𑒮𑒩𑒏𑒰𑒩 𑒧𑒻𑒟𑒱𑒪𑒲 𑒪𑒹𑒪 𑒧𑒢𑒼𑒩𑓀𑒖𑒏 𑒏𑒰𑒩𑓂𑒨𑒏𑓂𑒩𑒧𑒏𑒹𑒿 𑒧𑒻𑒟𑒱𑒪𑒲𑒧𑒹 𑒛𑒥 𑒏𑒩𑒥𑒰𑒏 𑒪𑒹𑒪 𑒮𑒯𑒰𑒨𑒞𑒰 𑒏𑒩𑒋 𑒞𑒿 𑒏𑒰𑒩𑓂𑒙𑒴𑒢 𑒔𑒻𑒢𑒪 𑒮𑒦𑒏 𑒏𑒰𑒩𑓂𑒨𑒏𑓂𑒩𑒧 𑒂 𑒡𑒰𑒩𑒰𑒫𑒰𑒯𑒱𑒏 𑒮𑒦 𑒧𑒻𑒟𑒱𑒪𑒲𑒧𑒹 𑒣𑓂𑒩𑒮𑒰𑒩𑒱𑒞 𑒦𑓄 𑒮𑒏𑒞 𑒦𑒢𑒹 𑒍𑒏𑒩𑒰 𑒫𑒱𑒖𑓂𑒘𑒰𑒣𑒢 𑒦𑒹𑒙𑒾 𑒫𑒰 𑒢𑒻। 𑒂 𑒋𑒏 𑒥𑒹𑒩 𑒖𑒹 𑒄 𑒣𑒯𑒱𑒨𑒰 𑒒𑒳𑒧𑒞 𑒞𑒿 𑒧𑒻𑒟𑒱𑒪𑒲 𑒖𑒲𑒥𑒱 𑒅𑒚𑒞। 𑒂 𑒄 𑒣𑒯𑒱𑒨𑒰 𑒞𑒐𑒢𑒹 𑒒𑒳𑒧𑒞 𑒖𑒐𑒢 𑒧𑒡𑒳𑒥𑒢𑒲-𑒠𑒩𑒦𑓀𑒑𑒰-𑒮𑒯𑒩𑒮𑒰-𑒮𑒳𑒣𑒾𑒪𑒏 𑒥𑓂𑒩𑒰𑒯𑓂𑒧𑒝-𑒏𑒰𑒨𑒮𑓂𑒟-𑒮𑒫𑒩𑓂𑒝 𑒧𑒻𑒟𑒱𑒪𑒲𑒏𑒹𑒿 𑒖𑒲𑒥𑒱 𑒅𑒚𑓄 𑒠𑒹𑒞𑒰𑒯, 𑒁𑒣𑒢 𑒇𑒝𑒰𑒞𑓂𑒧𑒏 𑒆𑒩𑓂𑒖𑒰𑒏𑒹𑒿 𑒫𑒱𑒩𑒰𑒧 𑒠𑒹𑒞𑒰𑒯, 𑒮𑒧𑒰𑒖𑒏 𑒮𑒦 𑒫𑒩𑓂𑒑 𑒖𑒹 𑒧𑒻𑒟𑒱𑒪𑒲𑒮𑒿 𑒖𑒳𑒛𑓃𑒱 𑒩𑒯𑒪 𑒁𑒕𑒱 𑒍𑒃𑒧𑒹 𑒥𑒰𑒡𑒰 𑒠𑒹𑒥𑒰𑒏 𑒥𑒠𑒪𑒰 𑒮𑒯𑒨𑒼𑒑 𑒏𑒩𑒞𑒰𑒯। 𑒮𑒧𑒰𑒖𑒏 𑒩𑒰𑒏𑓂𑒭𑒮𑒲 𑒣𑓂𑒩𑒞𑒱𑒦𑒰𑒨𑒳𑒏𑓂𑒞 𑒄 𑒮𑒩𑓂𑒫𑒯𑒰𑒩𑒰 𑒫𑒩𑓂𑒑 𑒧𑒻𑒟𑒱𑒪𑒲𑒏 𑒩𑒏𑓂𑒭𑒰 𑒪𑒹𑒪 𑒮𑒧𑒩𑓂𑒣𑒱𑒞 𑒯𑒮𑒹𑒩𑒲 𑒥𑒢𑒞 𑒞𑒐𑒢𑒹 𑒄 𑒦𑒰𑒭𑒰 𑒂𑒥 𑒥𑒔𑒞।
𑒧𑒳𑒐𑓂𑒨 𑒫𑒱𑒠𑒹𑒬𑒲 𑒢𑒱𑒫𑒹𑒬𑒏: 𑒁𑒐𑒢 𑒡𑒩𑒱 𑒯𑒰𑒩𑓂𑒣𑒩 𑒏𑒰𑒪𑒱𑒢𑓂𑒮, 𑒣𑒹𑓀𑒑𑒳𑒃𑒢, 𑒂𑒏𑓂𑒮𑒤𑒼𑒩𑓂𑒛 𑒨𑒴𑒢𑒱𑒫𑒩𑓂𑒮𑒱𑒙𑒲 𑒣𑓂𑒩𑒹𑒮, 𑒧𑒻𑒏𑒧𑒱𑒪𑒢, 𑒩𑒻𑓀𑒛𑒧 𑒯𑒰𑒅𑒮, 𑒣𑒱𑒏𑒰𑒛𑒼𑒩, 𑒯𑒻𑒔𑒹𑒙 𑒂 𑒩𑒳𑒙𑒪𑒹𑒖 𑒯𑒰𑒫𑒩𑓂𑒛 𑒥𑒱𑒖𑒢𑒹𑒮 𑒣𑒥𑓂𑒪𑒱𑒬𑒱𑓀𑒑 𑒁𑒣𑒢 𑒬𑒰𑒐𑒰 𑒫𑒰 𑒦𑒰𑒩𑒞𑒲𑒨 𑒮𑒯𑒨𑒼𑒑𑒲𑒏 𑒧𑒰𑒡𑓂𑒨𑒧𑒮𑒿 𑒦𑒰𑒭𑒰𑒨𑒲 𑒏𑓂𑒭𑒹𑒞𑓂𑒩𑒧𑒹 𑒢𑒱𑒫𑒹𑒬 𑒏𑒹𑒢𑒹 𑒁𑒕𑒱। 𑒧𑒳𑒠𑒰 𑒮𑒹 𑒢𑒱𑒫𑒹𑒬 𑒁𑓀𑒑𑓂𑒩𑒹𑒖𑒲 𑒡𑒩𑒱 𑒮𑒲𑒧𑒱𑒞 𑒦𑓄 𑒑𑒹𑒪 𑒁𑒕𑒱। 𑒦𑒰𑒩𑒞𑒧𑒹 𑒣𑓂𑒩𑒏𑒰𑒬𑒢 𑒅𑒠𑓂𑒨𑒼𑒑𑒧𑒹 𑒫𑒱𑒠𑒹𑒬𑒲 𑒐𑒱𑒪𑒰𑒛𑓃𑒲 𑒁𑒋𑒪𑒰𑒏 𑒥𑒰𑒠 𑒋𑒏𑒙𑒰 𑒣𑒹𑓀𑒑𑒳𑒃𑒢 𑒯𑒱𑒢𑓂𑒠𑒲𑒏𑒹𑒿 𑒕𑒼𑒛𑓃𑒱 𑒠𑒹𑒪 𑒖𑒰𑒋 𑒞𑒿 𑒫𑒱𑒠𑒹𑒬𑒲 𑒢𑒱𑒫𑒹𑒬 𑒦𑒰𑒩𑒞𑒲𑒨 𑒦𑒰𑒭𑒰𑒧𑒹 𑒪𑒑𑒦𑒑 𑒢𑒑𑒝𑓂𑒨 𑒁𑒕𑒱। 𑒋𑒏𑒩 𑒏𑒰𑒩𑒝 𑒮𑒹𑒯𑒼 𑒮𑓂𑒣𑒭𑓂𑒙 𑒁𑒕𑒱। 𑒦𑒰𑒩𑒞𑒲𑒨 𑒦𑒰𑒭𑒰𑒏 𑒣𑓂𑒩𑒏𑒰𑒬𑒏 𑒮𑒩𑒏𑒰𑒩𑒲 𑒐𑒩𑒲𑒠𑒣𑒩 𑒢𑒱𑒩𑓂𑒦𑒩 𑒕𑒟𑒱 𑒂 𑒑𑒋𑒩 𑒮𑒩𑒏𑒰𑒩𑒲 𑒐𑒩𑒲𑒠𑒧𑒹 𑒍 𑒙𑒹𑒏𑓂𑒮𑓂𑒙𑒥𑒳𑒏 𑒕𑒣𑒰𑒃𑒣𑒩 𑒖𑒼𑒩 𑒠𑒻 𑒕𑒟𑒱। 𑒫𑒱𑒠𑒹𑒬𑒲 𑒢𑒱𑒫𑒹𑒬𑒏 𑒮𑒩𑒏𑒰𑒩𑒲 𑒐𑒩𑒲𑒠 𑒂 𑒙𑒹𑒏𑓂𑒮𑓂𑒙𑒥𑒳𑒏 𑒕𑒣𑒰𑒃𑒏 𑒂𑒡𑒰𑒩𑒣𑒩 𑒁𑒣𑒢 𑒢𑒲𑒞𑒱 𑒢𑒱𑒩𑓂𑒡𑒰𑒩𑒱𑒞 𑒢𑒻 𑒏𑒩𑒻 𑒕𑒟𑒱। 𑒧𑒻𑒟𑒱𑒪𑒲𑒏 𑒪𑒹𑒪 𑒄 𑒫𑒩𑒠𑒰𑒢 𑒯𑒼𑒃𑒞𑒋 𑒧𑒳𑒠𑒰 𑒖𑒹 𑒦𑒫𑒱𑒭𑓂𑒨𑒏 𑒮𑒰𑒏𑓂𑒭𑒩𑒞𑒰 𑒫𑒵𑒠𑓂𑒡𑒱𑒏 𑒁𑒢𑒳𑒧𑒰𑒢 𑒪𑒻𑒨𑒼 𑒏𑓄 𑒔𑒪𑒲 𑒞𑒿 𑒢𑒫 𑒮𑒰𑒏𑓂𑒭𑒩 𑒧𑒻𑒟𑒱𑒪𑒲 𑒣𑒜𑓃𑒞𑒰𑒯 𑒞𑒏𑒩 𑒂𑒬𑒰 𑒫𑒩𑓂𑒞𑒧𑒰𑒢 𑒬𑒱𑒏𑓂𑒭𑒰 𑒣𑓂𑒩𑒝𑒰𑒪𑒲𑒧𑒹 𑒧𑒻𑒟𑒱𑒪𑒲𑒏 𑒏𑒞𑒱𑒂𑒋𑒪 𑒮𑓂𑒟𑒱𑒞𑒱𑒏𑒹𑒿 𑒠𑒹𑒐𑒻𑒞 𑒁𑒮𑒧𑓂𑒦𑒫𑒹 𑒥𑒳𑒗𑒰 𑒣𑒛𑓃𑒻𑒞 𑒁𑒕𑒱, 𑒂 𑒧𑒻𑒟𑒱𑒪𑒲𑒧𑒹 𑒢𑒹 𑒮𑒩𑒏𑒰𑒩𑒲 𑒪𑒰𑒃𑒥𑓂𑒩𑒹𑒩𑒲𑒏 𑒐𑒩𑒲𑒠𑒏 𑒂𑒬𑒰 𑒕𑒻 𑒂 𑒢𑒹 𑒙𑒹𑒏𑓂𑒮𑓂𑒙 𑒥𑒳𑒏 𑒕𑒣𑒰𑒃𑒏। 𑒣𑒰𑒚𑒏𑒏 𑒮𑓀𑒐𑓂𑒨𑒰 𑒞𑒐𑒢 𑒃𑒢𑓂𑒙𑒩𑒢𑒹𑒙𑒣𑒩 𑒥𑒜𑓃𑒰𑒥𑒋 𑒣𑒛𑓃𑒞, 𑒂 𑒖𑒹 𑒣𑒰𑒚𑒏 𑒏𑒯𑒱𑒨𑒼 𑒮𑒩𑒏𑒰𑒩𑒲 𑒬𑒱𑒏𑓂𑒭𑒰 𑒣𑓂𑒩𑒝𑒰𑒪𑒲𑒧𑒹 𑒧𑒻𑒟𑒱𑒪𑒲 𑒢𑒻 𑒣𑒜𑓃𑒱 𑒮𑒏𑒪 𑒕𑒟𑒱 𑒞𑒱𑒢𑒏𑒰 𑒣𑓂𑒩𑒰𑒩𑒧𑓂𑒦𑒧𑒹 𑒧𑓀𑒑𑒢𑒲𑒧𑒹 𑒛𑒰𑒅𑒢𑒪𑒼𑒛𑒏 𑒮𑒳𑒫𑒱𑒡𑒰 𑒠𑒹𑒥𑓄 𑒣𑒛𑓃𑒞। 𑒧𑒻𑒟𑒱𑒪𑒲𑒮𑒿 𑒁𑓀𑒑𑓂𑒩𑒹𑒖𑒲 𑒂 𑒮𑓀𑒮𑓂𑒏𑒵𑒞 𑒂 𑒞𑒏𑒩 𑒧𑒰𑒡𑓂𑒨𑒧𑒮𑒿 𑒂𑒢 𑒦𑒰𑒭𑒰𑒧𑒹 𑒁𑒢𑒳𑒫𑒰𑒠 𑒠𑓂𑒫𑒰𑒩𑒰 𑒮𑒩𑒏𑒰𑒩𑒲 𑒂 𑒮𑓀𑒮𑓂𑒟𑒰𑒑𑒞 𑒣𑒳𑒩𑒮𑓂𑒏𑒰𑒩 𑒣𑒠𑓂𑒡𑒞𑒱 𑒠𑓂𑒫𑒰𑒩𑒰 𑒏𑒞𑒱𑒂𑒋𑒪 𑒣𑒼𑒟𑒲 𑒮𑒦𑒏𑒹𑒿 𑒮𑒼𑒗𑒰𑒿 𑒂𑒢𑒋 𑒣𑒛𑓃𑒞 𑒖𑒃𑒮𑒿 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒅𑒞𑓂𑒏𑒵𑒭𑓂𑒙𑒞𑒰 𑒫𑒱𑒠𑒹𑒬𑒲 𑒢𑒱𑒫𑒹𑒬𑒏𑒏 𑒮𑒼𑒗𑒰𑒿 𑒂𑒥𑒋। 𑒂 𑒍𑒧𑓂𑒯𑒩 𑒮𑒩𑒏𑒰𑒩𑒲 𑒮𑓂𑒏𑒴𑒪𑒏 𑒁𑒞𑒱𑒩𑒱𑒏𑓂𑒞 𑒣𑒥𑓂𑒪𑒱𑒏 𑒮𑓂𑒏𑒴𑒪 𑒮𑒦𑒧𑒹 𑒮𑒹𑒯𑒼 𑒧𑒻𑒟𑒱𑒪𑒲𑒏 𑒣𑒜𑒰𑒃 𑒯𑒳𑒁𑒋 𑒞𑒃 𑒪𑒹𑒪 𑒮𑒧𑒩𑓂𑒣𑒱𑒞 𑒯𑒮𑒹𑒩𑒲 𑒞𑒻𑒨𑒰𑒩 𑒏𑒩𑒋 𑒣𑒛𑓃𑒞। 𑒋𑒏 𑒠𑒼𑒮𑒩𑒰𑒣𑒩 𑒣𑓂𑒩𑒞𑓂𑒨𑒰𑒩𑒼𑒣 𑒪𑒑𑒹𑒪𑒰𑒏 𑒥𑒠𑒪𑒰 (𑒏𑒰𑒨𑒮𑓂𑒟 𑒂 𑒥𑓂𑒩𑒰𑒯𑓂𑒧𑒝 𑒠𑓂𑒫𑒰𑒩𑒰 𑒋𑒏 𑒠𑒼𑒮𑒩𑒰𑒣𑒩, 𑒧𑒡𑒳𑒥𑒢𑒲-𑒮𑒯𑒩𑒮𑒰-𑒧𑒡𑒹𑒣𑒳𑒩𑒰-𑒮𑒧𑒮𑓂𑒞𑒲𑒣𑒳𑒩-𑒥𑒹𑒑𑒳𑒮𑒩𑒰𑒨, 𑒣𑒴𑒩𑓂𑒝𑒱𑒨𑒰𑓀𑒏 𑒪𑒼𑒏 𑒠𑓂𑒫𑒰𑒩𑒰 𑒋𑒏 𑒠𑒼𑒮𑒩𑒰𑒣𑒩 𑒂𑒩𑒼𑒣-𑒣𑓂𑒩𑒞𑓂𑒨𑒰𑒩𑒼𑒣 𑒖𑒹 𑒧𑒻𑒟𑒱𑒪𑒲𑒏 𑒠𑒳𑒩𑓂𑒠𑒬𑒰 𑒪𑒹𑒪 𑒯𑒧 𑒢𑒻 𑒍 𑒖𑒱𑒧𑓂𑒧𑒹𑒫𑒰𑒩 𑒕𑒟𑒱- 𑒞𑒃𑒮𑒿 𑒯𑒙𑒱 𑒏𑓄) 𑒋𑒏𑒧𑒳𑒐𑒲, 𑒋𑒏 𑒮𑓂𑒞𑒩𑒲𑒨 𑒂 𑒋𑒏 𑒨𑒞𑓂𑒢𑒮𑒿 𑒣𑓂𑒩𑒨𑒰𑒮 𑒏𑒩𑒋 𑒣𑒛𑓃𑒞। 𑒂 𑒖𑒢𑒞𑒰𑒏𑒹𑒿 𑒖𑒼𑒛𑓃𑒋 𑒣𑒛𑓃𑒞। 𑒯𑒰 𑒣𑒳𑒩𑒮𑓂𑒏𑒰𑒩 𑒏𑒹𑒪𑒰𑒏 𑒥𑒠𑒪𑒰 𑒖𑒢 𑒮𑒰𑒯𑒱𑒞𑓂𑒨𑒏𑒰𑒩𑒏𑒹𑒿 𑒔𑒱𑒢𑓂𑒯𑒥𑒰𑒣𑒩, 𑒖𑒢 𑒢𑒹𑒞𑒰𑒏𑒹𑒿 𑒔𑒱𑒢𑓂𑒯𑒥𑒰𑒣𑒩, 𑒖𑒢 𑒫𑒱𑒏𑓂𑒩𑒹𑒞𑒰𑒏𑒹𑒿 𑒔𑒱𑒢𑓂𑒯𑒥𑒰𑒣𑒩 𑒁𑒣𑒢 𑒖𑒰𑒢-𑒖𑒲 𑒪𑒑𑒰𑒥𑓄 𑒣𑒛𑓃𑒞।
𑒫𑒱𑒠𑒹𑒬𑒲 𑒢𑒱𑒫𑒹𑒬𑒮𑒿 𑒕𑒼𑒛𑓃𑒴 𑒦𑒰𑒩𑒞𑒲𑒨 𑒣𑓂𑒩𑒏𑒰𑒬𑒏 𑒖𑒹 𑒏𑒯𑒱𑒨𑒼 𑒌 𑒏𑓂𑒭𑒹𑒞𑓂𑒩𑒧𑒹 𑒂𑒥𑓄 𑒔𑒰𑒯𑒪𑒏 𑒫𑒰 𑒮𑒩𑒏𑒰𑒩𑒲 𑒐𑒩𑒲𑒠𑒏 𑒧𑒬𑒲𑒢𑒩𑒲 𑒖𑒹 𑒏𑒼𑒢𑒼 𑒧𑒻𑒟𑒱𑒪𑒲𑒏 𑒣𑒼𑒟𑒲 𑒏𑒲𑒢𑓄 𑒔𑒰𑒯𑒪𑒏 𑒫𑒰 𑒁𑒢𑒳𑒫𑒰𑒠 𑒪𑒹𑒪 𑒏𑒼𑒢𑒼 𑒮𑓂𑒫𑒨𑓀𑒮𑒹𑒫𑒲 𑒮𑓀𑒮𑓂𑒟𑒰 𑒧𑒻𑒟𑒱𑒪𑒲 𑒣𑒼𑒟𑒲 𑒮𑒦𑒏 𑒔𑒨𑒢 𑒏𑒩𑓄 𑒔𑒰𑒯𑒪𑒏 𑒞𑒐𑒢𑒼 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒣𑒳𑒩𑒼𑒡𑒰 𑒪𑒼𑒏𑒢𑒱 𑒠𑓂𑒫𑒰𑒩𑒰, 𑒖𑒹 𑒮𑒪𑒰𑒯𑒏𑒰𑒩 𑒥𑒢𑒪𑒰𑒯, 𑒠𑓂𑒫𑒰𑒩𑒰 𑒦𑓂𑒩𑒧𑒱𑒞 𑒮𑒴𑒔𑒲 𑒠𑒹𑒪 𑒑𑒹𑒪, 𑒏𑒞𑒹𑒏 𑒩𑒰𑒮 𑒧𑒱𑒟𑒱𑒪𑒰𑒏𑓂𑒭𑒩𑒏 𑒣𑒰𑒝𑓂𑒛𑒳𑒪𑒱𑒣𑒱 𑒠𑒹𑒬𑒏 𑒥𑒰𑒯𑒩 𑒙𑒣𑒰 𑒠𑒹𑒪 𑒑𑒹𑒪 𑒂 𑒧𑒰𑒩𑒞𑒹 𑒩𑒰𑒮 𑒪𑒼𑒏 𑒠𑓂𑒫𑒰𑒩𑒰 𑒜𑒹𑒩 𑒩𑒰𑒮 𑒥𑒐𑒹𑒩𑒰 𑒚𑒰𑒜𑓃 𑒏𑒋𑒪 𑒑𑒹𑒪। 𑒮𑒹 𑒮𑒦 𑒏𑒱𑒨𑒼 𑒦𑒰𑒑𑒱 𑒑𑒹𑒪𑒰𑒯, 𑒥𑒰𑒯𑒩𑒱𑒨𑒼 𑒂 𑒧𑒻𑒟𑒱𑒪𑒲 𑒮𑒹𑒫𑒲 𑒮𑒹𑒯𑒼। 𑒮𑒩𑒏𑒰𑒩𑒲 𑒐𑒩𑒲𑒠 𑒑𑒳𑒝𑒏 𑒂𑒡𑒰𑒩𑒣𑒩 𑒢𑒻 𑒦𑒹𑒪, 𑒣𑒻𑒩𑒫𑒲-𑒣𑒻𑒑𑒰𑒧 𑒂 𑒜𑒹𑒩 𑒩𑒰𑒮 𑒂𑒢 𑒑𑒳𑒝𑒏𑒏 𑒂𑒡𑒰𑒩𑒣𑒩 𑒦𑒹𑒪। 𑒫𑒱𑒠𑒹𑒬𑒲 𑒢𑒱𑒫𑒹𑒬𑒏𑒏 𑒪𑒑 𑒄 𑒮𑒦 𑒇𑒝𑒰𑒞𑓂𑒧𑒏 𑒣𑒏𑓂𑒭 𑒪𑓄 𑒏𑓄 𑒯𑒧𑒩𑒰 𑒮𑒦 𑒏𑒼𑒢𑒰 𑒖𑒰 𑒮𑒏𑒥।

𑒫𑒱𑒠𑒹𑒬𑒲 𑒢𑒱𑒫𑒹𑒬𑒮𑒿 𑒧𑒻𑒟𑒱𑒪𑒲𑒣𑒩 𑒁𑒣𑓂𑒩𑒞𑓂𑒨𑒏𑓂𑒭 𑒣𑓂𑒩𑒦𑒰𑒫: 𑒧𑒻𑒟𑒱𑒪𑒲𑒣𑒩 𑒫𑒱𑒠𑒹𑒬𑒲 𑒢𑒱𑒫𑒹𑒬𑒏 𑒁𑒣𑓂𑒩𑒞𑓂𑒨𑒏𑓂𑒭 𑒣𑓂𑒩𑒦𑒰𑒫𑒏 𑒩𑒴𑒣𑒧𑒹 𑒧𑒻𑒟𑒱𑒪𑒲 𑒥𑒰𑒖𑒻𑒥𑒪𑒰𑒏 𑒮𑓀𑒐𑓂𑒨𑒰𑒏 𑒒𑒙𑒼𑒞𑓂𑒞𑒩𑒲 𑒂 𑒧𑒻𑒟𑒱𑒪𑒲𑒏 𑒬𑒥𑓂𑒠𑒰𑒫𑒪𑒲𑒏 𑒯𑓂𑒩𑒰𑒮𑒏𑒹𑒿 𑒩𑒰𑒐𑒪 𑒖𑒰𑒃𑒞 𑒁𑒕𑒱। 𑒍𑒢𑒰 𑒄 𑒮𑒦 𑒦𑒰𑒩𑒞 𑒂 𑒢𑒹𑒣𑒰𑒪𑒧𑒹 𑒣𑒻𑒒 𑒢𑒑𑓂𑒩𑒏 𑒁𑒢𑒱𑒨𑒢𑓂𑒞𑓂𑒩𑒱𑒞 𑒫𑒱𑒏𑒰𑒮 𑒂 𑒕𑒼𑒙 𑒢𑒑𑓂𑒩𑒏 𑒥𑒱𑒢𑒰 𑒁𑒣𑒢 𑒂𑒩𑓂𑒟𑒱𑒏 𑒂𑒡𑒰𑒩𑒏 𑒧𑒰𑒞𑓂𑒩 𑒖𑒧𑒲𑒢𑒏 𑒐𑒩𑒲𑒠-𑒥𑒱𑒏𑓂𑒩𑒲𑒏 𑒏𑒰𑒩𑒝𑒮𑒿 𑒫𑒱𑒮𑓂𑒞𑒰𑒩𑒏 𑒏𑒰𑒩𑒝 𑒥𑒹𑒮𑒲 𑒦𑒹𑒪 𑒁𑒕𑒱। 𑒧𑒻𑒟𑒱𑒪𑒲 𑒦𑒰𑒭𑒲𑒏 𑒋𑒏𑒹 𑒐𑒰𑒜𑓃𑒲𑒧𑒹 𑒖𑒞𑒹𑒏 𑒣𑒛𑓃𑒰𑒃𑒢 𑒦𑒹𑒪 𑒁𑒕𑒱 𑒮𑒹 𑒂𑒢 𑒫𑒩𑓂𑒑𑒧𑒹 𑒞𑒲𑒢-𑒔𑒰𑒩𑒱 𑒐𑒰𑒜𑓃𑒲𑒧𑒹 𑒦𑒹𑒪 (𑒖𑒹𑒢𑒰 𑒞𑒧𑒱𑒪 𑒫𑒰 𑒥𑒰𑓀𑒑𑓂𑒪𑒰𑒦𑒰𑒭𑒲𑒏𑒹𑒿 𑒪𑓄 𑒮𑒏𑒻 𑒕𑒲।)। 𑒧𑒳𑒠𑒰 𑒂𑒢𑒼 𑒦𑒰𑒭𑒰-𑒦𑒰𑒭𑒲𑒧𑒹 𑒫𑒱𑒠𑒹𑒬 𑒣𑒛𑓃𑒰𑒃𑒢𑒮𑒿 𑒦𑒰𑒭𑒰𑒏 𑒪𑒼𑒣 𑒦𑒹𑒪 𑒁𑒕𑒱 𑒧𑒳𑒠𑒰 𑒮𑓀𑒮𑓂𑒏𑒵𑒞𑒱𑒏 𑒪𑒼𑒣 𑒢𑒻 𑒞𑒿 𑒂𑒢 𑒫𑒩𑓂𑒑𑒧𑒹 𑒦𑒹𑒪 𑒁𑒕𑒱 𑒂 𑒢𑒹 𑒧𑒻𑒟𑒱𑒪𑒲𑒦𑒰𑒭𑒲 𑒫𑒩𑓂𑒑𑒧𑒹। 𑒧𑒻𑒟𑒱𑒪𑒲 𑒦𑒰𑒭𑒲𑒏𑒹𑒿 𑒪𑓄 𑒏𑓄 𑒠𑒱𑒪𑓂𑒪𑒲𑒧𑒹 𑒄 𑒏𑒯𑒥𑒲 𑒦𑓄 𑒑𑒹𑒪 𑒁𑒕𑒱 𑒖𑒹 𑒂𑒢 𑒫𑒩𑓂𑒑 𑒣𑒰𑒿𑒔 𑒮𑒰𑒪 𑒠𑒱𑒪𑓂𑒪𑒲𑒧𑒹 𑒩𑒯𑒪𑒰𑒣𑒩 𑒣𑓀𑒖𑒰𑒥𑒲 𑒥𑒰𑒖𑓄 𑒪𑒑𑒻 𑒕𑒟𑒱 𑒂 𑒯𑒳𑒢𑒏𑒩 𑒒𑒩𑒏 𑒮𑓂𑒞𑓂𑒩𑒲𑒑𑒝 𑒏𑒩𑒫𑒰-𑒔𑒾𑒟 𑒏𑒩𑓄 𑒪𑒑𑒻 𑒕𑒟𑒱 𑒧𑒳𑒠𑒰 𑒧𑒻𑒟𑒱𑒪𑒲𑒦𑒰𑒭𑒲 𑒢𑒻 𑒞𑒿 𑒣𑓀𑒖𑒰𑒥𑒲 𑒮𑒱𑒐𑒻 𑒕𑒟𑒱 𑒂 𑒢𑒹 𑒯𑒳𑒢𑒏𑒩 𑒒𑒩𑒏 𑒮𑓂𑒞𑓂𑒩𑒲𑒑𑒝 𑒏𑒩𑒫𑒰-𑒔𑒾𑒟 𑒏𑒩𑒻 𑒕𑒟𑒱। 𑒯𑒿 𑒖𑒐𑒢 𑒁𑒯𑒰𑒿 𑒣𑒞𑓂𑒢𑒲𑒮𑒿 𑒧𑒻𑒟𑒱𑒪𑒲𑒧𑒹 𑒢𑒻 𑒥𑒖𑒥𑒻 𑒂 𑒥𑒔𑓂𑒔𑒰𑒏𑒹𑒿 𑒑𑒰𑒧𑒏 𑒠𑒩𑓂𑒬𑒢𑒼 𑒢𑒻 𑒏𑒩𑓄 𑒠𑒹𑒥𑒻 𑒞𑒿 𑒍 𑒧𑒻𑒟𑒱𑒪𑒲 𑒥𑒰𑒖𑒥 𑒕𑒼𑒛𑓃𑒥𑒹 𑒏𑒩𑒞। 𑒫𑒱𑒠𑒹𑒬𑒲 𑒢𑒱𑒫𑒹𑒬 𑒖𑒰𑒃 𑒞𑒩𑒯𑒹𑒿 𑒯𑒱𑒢𑓂𑒠𑒲 𑒂 𑒁𑓀𑒑𑓂𑒩𑒹𑒖𑒲 𑒏𑒰𑒩𑓂𑒙𑒴𑒢 𑒔𑒻𑒢𑒪𑒧𑒹 𑒦𑒹𑒪 𑒁𑒕𑒱, 𑒍𑒃𑒮𑒿 𑒧𑒻𑒟𑒱𑒪𑒲𑒙𑒰 𑒢𑒻 𑒣𑓀𑒖𑒰𑒥𑒲𑒣𑒩 𑒮𑒹𑒯𑒼 𑒮𑓀𑒏𑒙 𑒂𑒥𑒱 𑒑𑒹𑒪 𑒁𑒕𑒱। 𑒧𑒳𑒠𑒰 𑒄 𑒋𑒏𑒙𑒰 𑒤𑒹𑒖 𑒕𑒱𑒌, 𑒂 𑒄 𑒤𑒹𑒖 𑒥𑒲𑒮 𑒥𑒩𑓂𑒐𑒧𑒹 𑒐𑒞𑒧 𑒦𑓄 𑒖𑒰𑒋𑒞। 𑒖𑒹 𑒣𑒩𑒱𑒫𑒰𑒩 𑒌 𑒥𑒲𑒮 𑒥𑒩𑓂𑒐𑒧𑒹 𑒧𑒻𑒟𑒱𑒪𑒲 𑒥𑒰𑒖𑒥 𑒕𑒼𑒛𑓃𑒱 𑒠𑒹𑒞𑒰𑒯 𑒯𑒳𑒢𑒏𑒰 𑒯𑒧 𑒧𑒻𑒟𑒱𑒪𑒲 𑒠𑒱𑒮 𑒮𑒼𑒗 𑒩𑒴𑒣𑒧𑒹 𑒢𑒻 𑒒𑒳𑒩𑒰 𑒮𑒏𑒥। 𑒧𑒳𑒠𑒰 𑒮𑒰𑓀𑒮𑓂𑒏𑒵𑒞𑒱𑒏 𑒮𑒢𑓂𑒢𑒱𑒏𑒙𑒞𑒰𑒏 𑒏𑒰𑒩𑒝𑒮𑒿 𑒧𑒻𑒟𑒱𑒪𑒲𑒏 𑒣𑒩𑒱𑒨𑒼𑒖𑒢𑒰, 𑒁𑒢𑒳𑒫𑒰𑒠, 𑒁𑒽𑒛𑒱𑒨𑒼-𑒫𑒲𑒛𑒱𑒨𑒼 𑒂 𑒮𑓀𑒔𑒰𑒩 𑒣𑒩𑒱𑒨𑒼𑒖𑒢𑒰𑒏𑒹𑒿 𑒍 𑒮𑒧𑒩𑓂𑒟𑒢 𑒏𑒩𑒥𑒹 𑒏𑒩𑒞𑒰𑒯, 𑒞𑒏𑒩𑒰 𑒮𑒧𑓂𑒧𑒰𑒢 𑒠𑒹𑒥𑒹 𑒏𑒩𑒞𑒰𑒯। 𑒂 𑒄 𑒁𑒣𑓂𑒩𑒞𑓂𑒨𑒏𑓂𑒭 𑒩𑒴𑒣𑒧𑒹 𑒧𑒻𑒟𑒱𑒪𑒲 𑒪𑒹𑒪 𑒫𑒩𑒠𑒰𑒢 𑒮𑒱𑒠𑓂𑒡 𑒯𑒋𑒞। 𑒂 𑒋𑒏𑒙𑒰 𑒣𑒳𑒢𑒩𑓂𑒖𑒰𑒑𑒩𑒝𑒏 𑒏𑒰𑒪 𑒁𑒐𑒢 𑒔𑒪𑒱 𑒩𑒯𑒪 𑒁𑒕𑒱 𑒞𑒏𑒩 𑒣𑒳𑒢𑒩𑒰𑒫𑒵𑒞𑓂𑒞𑒱 𑒥𑒲𑒮 𑒥𑒩𑓂𑒐 𑒥𑒰𑒠 𑒯𑒋𑒞। 𑒧𑒻𑒟𑒱𑒪𑒲 𑒨𑒳𑒠𑓂𑒡𑒮𑒿 𑒥𑒯𑒰𑒩 𑒦𑓄 𑒖𑒲𑒫𑒱𑒞 𑒢𑒱𑒏𑒪𑒞 𑒂 𑒮𑒳𑒠𑒵𑒜𑓃 𑒯𑒋𑒞।
𑒫𑒱𑒠𑒹𑒬𑒲 𑒢𑒱𑒫𑒹𑒬𑒏𑒏𑒹𑒿 𑒧𑒻𑒟𑒱𑒪𑒲𑒧𑒹 𑒢𑒱𑒫𑒹𑒬 𑒏𑒹𑒪𑒰𑒮𑒿 𑒪𑒰𑒦: 𑒫𑒱𑒠𑒹𑒬𑒲 𑒢𑒱𑒫𑒹𑒬𑒏 𑒏𑒪𑓂𑒨𑒰𑒝𑒏𑒰𑒩𑒲 𑒏𑒰𑒩𑓂𑒨 𑒮𑒹𑒯𑒼 𑒏𑒩𑒻 𑒕𑒟𑒱। 𑒯𑒳𑒢𑒏𑒰 𑒧𑒻𑒟𑒱𑒪𑒲𑒏 𑒫𑒱𑒬𑒹𑒭𑒞𑒰 𑒥𑒳𑒗𑒰𑒥𑒋 𑒣𑒛𑓃𑒞। 𑒫𑒱𑒬𑓂𑒫 𑒣𑓂𑒩𑒮𑒱𑒠𑓂𑒡 𑒫𑒰𑒨𑒼𑒪𑒱𑒢 𑒫𑒰𑒠𑒏 𑒮𑓂𑒫. 𑒨𑒹𑒯𑒳𑒠𑒲 𑒧𑒹𑒢𑒳𑒯𑒱𑒢 𑒧𑒻𑒟𑒱𑒪𑒲𑒏𑒹𑒿 𑒮𑓀𑒮𑒰𑒩𑒏 𑒮𑒦𑒮𑒿 𑒪𑒨𑒰𑒞𑓂𑒧𑒏 𑒂 𑒧𑒡𑒳𑒩 𑒦𑒰𑒭𑒰 𑒏𑒯𑒢𑒹 𑒕𑒪𑒰𑒯 (𑒥𑒲.𑒥𑒲.𑒮𑒲.𑒣𑒩 𑒫𑒱𑒠𑓂𑒨𑒰𑒣𑒞𑒱 𑒮𑓀𑒑𑒲𑒞 𑒮𑒳𑒢𑒱 𑒏𑓄, 𑒅𑒠𑒨 𑒣𑓂𑒩𑒏𑒰𑒬 𑒠𑓂𑒫𑒰𑒩𑒰 𑒮𑒹𑒯𑒼 𑒏𑒼𑒙 𑒏𑒋𑒪)। 𑒫𑒱𑒠𑒹𑒬𑒲 𑒢𑒱𑒫𑒹𑒬𑒏𑒏 𑒏𑒱𑒕𑒳 𑒢𑒱𑒫𑒹𑒬 𑒨𑒴𑒢𑒹𑒮𑓂𑒏𑒼𑒏 𑒦𑒰𑒭𑒰 𑒮𑒧𑓂𑒥𑒢𑓂𑒡𑒲 𑒢𑒲𑒞𑒱𑒏 𑒂𑒡𑒰𑒩𑒣𑒩 𑒮𑒹𑒯𑒼 𑒏𑒩𑒻𑒞 𑒁𑒕𑒱। 𑒂 𑒄 𑒏𑒪𑓂𑒨𑒰𑒝𑒏𑒰𑒩𑒲 𑒢𑒱𑒫𑒹𑒬 𑒪𑒰𑒦𑒣𑒩 𑒂𑒡𑒰𑒩𑒱𑒞 𑒢𑒻 𑒯𑒼𑒃𑒞 𑒁𑒕𑒱, 𑒮𑒩𑒏𑒰𑒩𑒲 𑒐𑒩𑒲𑒠𑒣𑒩 𑒂𑒡𑒰𑒩𑒱𑒞 𑒢𑒻 𑒯𑒼𑒃𑒞 𑒁𑒕𑒱, 𑒫𑒱𑒖𑓂𑒘𑒰𑒣𑒢𑒣𑒩 𑒂𑒡𑒰𑒩𑒱𑒞 𑒢𑒻 𑒯𑒼𑒃𑒞 𑒁𑒕𑒱। 𑒁𑒢𑓂𑒞𑒩𑓂𑒩𑒰𑒭𑓂𑒙𑓂𑒩𑒲𑒨 𑒮𑒩𑓂𑒙𑒱𑒤𑒱𑒏𑒹𑒬𑒢𑒣𑒩 𑒂𑒡𑒰𑒩𑒱𑒞 𑒑𑒋𑒩 𑒮𑒩𑒏𑒰𑒩𑒲 𑒮𑓀𑒮𑓂𑒟𑒰 𑒮𑒦𑒏 𑒧𑒰𑒡𑓂𑒨𑒧𑒮𑒿 𑒧𑒻𑒟𑒱𑒪𑒲𑒧𑒹 𑒬𑒻𑒏𑓂𑒭𑒱𑒏 𑒣𑒼𑒟𑒲 𑒂 𑒧𑒢𑒼𑒩𑓀𑒖𑒢 𑒂 𑒮𑓂𑒫𑒰𑒮𑓂𑒟𑓂𑒨 𑒂𑒡𑒰𑒩𑒱𑒞 𑒤𑒱𑒪𑓂𑒧 𑒛𑒼𑒏𑓂𑒨𑒴𑒧𑒹𑒢𑓂𑒙𑒩𑒲𑒏 𑒧𑒻𑒟𑒱𑒪𑒲 𑒦𑒰𑒭𑒲 𑒏𑓂𑒭𑒹𑒞𑓂𑒩𑒧𑒹 𑒑𑓂𑒩𑒰𑒧 𑒣𑓀𑒔𑒰𑒨𑒞𑒏 𑒮𑓂𑒏𑒴𑒪 𑒮𑒦𑒏 𑒧𑒰𑒡𑓂𑒨𑒧𑒮𑒿 𑒏𑒋𑒪 𑒖𑒰𑒋 𑒞𑒿 𑒧𑒻𑒟𑒱𑒪𑒲 𑒦𑒰𑒭𑒲 𑒪𑒼𑒏𑒏 𑒯𑒲𑒢 𑒦𑒰𑒫𑒢𑒰𑒧𑒹 𑒏𑒧𑒲 𑒂𑒍𑒞 𑒂 𑒦𑒰𑒭𑒰𑒨𑒲 𑒏𑓂𑒩𑒰𑒢𑓂𑒞𑒱𑒏 𑒮𑓀𑒑𑒹 𑒂𑒩𑓂𑒟𑒱𑒏 𑒏𑓂𑒩𑒰𑒢𑓂𑒞𑒱 𑒮𑒹𑒯𑒼 𑒂𑒋𑒞।














𑒠𑒴𑒭𑒝 𑒣𑓀𑒖𑒲
𑒠𑒴𑒭𑒝 𑒣𑓀𑒖𑒲𑒏 𑒮𑓂𑒏𑒻𑒢 𑒏𑒋𑒪 𑒮𑒱𑓀𑒑𑒪 𑒣𑒲.𑒛𑒲.𑒋𑒤.। 𑒣𑓀𑒖𑒲𑒏 𑒯𑒧𑒩 𑒣𑒼𑒟𑒲𑒧𑒹 𑒍𑒢𑒰 𑒞𑒿 𑓑𑓑𑓐𑓐𑓐 𑒞𑒰𑒪𑒣𑒞𑓂𑒩𑒏 𑒖𑒹.𑒣𑒲.𑒖𑒲.𑒃𑒧𑒹𑒖 𑒏 𑒛𑒲.𑒫𑒲.𑒛𑒲. 𑒮𑒹𑒯𑒼 𑒁𑒪𑒑𑒮𑒿 𑒏𑒱𑒢𑒥𑒰𑒏 𑒫𑓂𑒨𑒫𑒮𑓂𑒟𑒰 𑒩𑒯𑒻 𑒂 𑒍𑒃 𑒛𑒲.𑒫𑒲.𑒛𑒲.𑒏𑒹𑒿 𑒏𑒥𑒱𑒪𑒣𑒳𑒩𑒏 𑒮𑒑𑒩 𑒩𑒰𑒞𑒱 𑒠𑒲𑒣 𑒖𑒩𑒋𑒧𑒹 𑒯𑒧 𑒥𑒰𑒿𑒙𑒢𑒯𑒱𑒨𑒼 𑒩𑒯𑒲, 𑒧𑒳𑒠𑒰 𑒍𑒃𑒧𑒹 𑒖𑒹 𑒠𑒴𑒭𑒝 𑒣𑓀𑒖𑒲 𑒩𑒯𑒻 𑒞𑒏𑒩 𑒏𑒰𑒩𑒝 𑒏𑒞𑒹𑒏 𑒣𑓀𑒔𑒻𑒞𑒲 𑒦𑒹𑒪, 𑒏𑒞𑒹𑒏 𑒑𑒼𑒙𑒹 𑒮𑒼𑒗𑒰𑒿 𑒂 𑒤𑒼𑒢𑒣𑒩 𑒑𑒰𑒩𑒱 𑒣𑒜𑓃𑒪𑒢𑓂𑒯𑒱। 𑒁𑒐𑒢𑒼 𑒥𑒯𑒳𑒞 𑒑𑒼𑒙𑒹 𑒣𑓀𑒖𑒲𑒧𑒹 𑒍𑒏𑒩 𑒔𑒩𑓂𑒔𑒰𑒮𑒿 𑒦𑒱𑒞𑒩𑒹-𑒦𑒱𑒞𑒩𑒹 𑒑𑒳𑒧𑓂𑒯𑒩𑒻𑒞 𑒩𑒯𑒻𑒞 𑒕𑒟𑒱 𑒂 𑒑𑒣𑒧𑒹 𑒞𑒰𑒧𑒮𑒹 𑒯𑒰𑒿𑒤𑓄 𑒪𑒑𑒻 𑒕𑒟𑒱 𑒖𑒹𑒢𑒰 𑒐𑒴𑒢 𑒣𑒲𑒥𑒱 𑒖𑒹𑒞𑒰। 𑒌 𑒠𑒴𑒭𑒝 𑒣𑓀𑒖𑒲𑒧𑒹 𑒥𑓂𑒩𑒰𑒯𑓂𑒧𑒝𑒏 𑒂𑒢 𑒖𑒰𑒞𑒱 𑒐𑒰𑒮 𑒏𑓄 𑒠𑒪𑒱𑒞 𑒂 𑒧𑒳𑒮𑓂𑒪𑒱𑒧𑒏 𑒮𑓀𑒑 𑒫𑒱𑒫𑒰𑒯, 𑒫𑒰 𑒣𑒞𑒱𑒏 𑒧𑒵𑒞𑓂𑒨𑒳𑒏 𑒥𑒰𑒠 𑒫𑒱𑒫𑒰𑒯𑒏 𑒪𑒱𑒐𑒱𑒞 𑒠𑒮𑓂𑒞𑒰𑒫𑒹𑒖 𑒕𑒪। 𑒍𑒏𑒩𑒰𑒧𑒹 𑒯𑒹𑒩-𑒤𑒹𑒩 𑒏𑒹𑒢𑒰𑒃 𑒯𑒧𑒩𑒰𑒮𑒿 𑒮𑒧𑓂𑒦𑒫 𑒢𑒻 𑒕𑒪। 𑒣𑓀𑒖𑒲𑒏 𑒣𑒼𑒟𑒲𑒧𑒹 𑒬𑒥𑓂𑒠𑒬𑓁 𑒋𑒏𑒩 𑒧𑒱𑒟𑒱𑒪𑒰𑒏𑓂𑒭𑒩𑒮𑒿 𑒠𑒹𑒫𑒢𑒰𑒑𑒩𑒲𑒧𑒹 𑒪𑒱𑒣𑓂𑒨𑓀𑒞𑒩𑒝 𑒦𑒹𑒪 𑒁𑒕𑒱। 𑒋𑒞𑒋 𑒯𑒧 𑒧𑒴𑒪 𑒞𑒰𑒛𑓃𑒣𑒞𑓂𑒩 𑒂 𑒥𑒮𑒯𑒰 𑒣𑒞𑓂𑒩𑒣𑒩 𑒪𑒱𑒐𑒪 𑒣𑓀𑒖𑒲𑒏 𑒪𑒱𑓀𑒏 𑒠𑓄 𑒩𑒯𑒪 𑒕𑒲। 𑒮𑓀𑒑𑒧𑒹 𑒣𑓀𑒖𑒲𑒏 𑒪𑒱𑓀𑒏 𑒮𑒹𑒯𑒼। 𑒏𑒱𑒨𑒼 𑒢𑒻 𑒏𑒯𑒱 𑒮𑒏𑒻𑒞 𑒁𑒕𑒱 𑒖𑒹 𑒌 𑒧𑒹 𑒋𑒏𑓂𑒏𑒼 𑒩𑒞𑓂𑒞𑒲 𑒁𑒬𑒳𑒠𑓂𑒡𑒱 𑒁𑒕𑒱। 𑒑𑓀𑒑𑒹𑒬𑒏 𑒖𑒢𑓂𑒧 𑒣𑒱𑒞𑒰𑒏 𑒧𑒵𑒞𑓂𑒨𑒳𑒏 𑓕 𑒥𑒩𑓂𑒐 𑒥𑒰𑒠 𑒂 𑒤𑒹𑒩 𑒯𑒳𑒢𑒏𑒩 𑒔𑒩𑓂𑒧𑒏𑒰𑒩𑒱𑒝𑒲𑒮𑒿 𑒫𑒱𑒫𑒰𑒯 𑒋𑒞𑒋 𑒫𑒩𑓂𑒝𑒱𑒞 𑒦𑒹𑒙𑒞। 𑒄 𑒫𑒋𑒯 𑒢𑒫𑓂𑒨-𑒢𑓂𑒨𑒰𑒨𑒏 𑒖𑒢𑒏 𑒑𑓀𑒑𑒹𑒬 𑒕𑒟𑒱। 𑒂𑒢𑒢𑓂𑒠𑒰 𑒔𑒩𑓂𑒧𑒏𑒰𑒩𑒱𑒝𑒲𑒮𑒿 𑒫𑒱𑒫𑒰𑒯 𑒋𑒞𑒋 𑒮𑒹𑒯𑒼 𑒦𑒹𑒙𑒞 𑒖𑒹 𑒯𑒧𑒩𑒰 𑒠𑓂𑒫𑒰𑒩𑒰 𑒪𑒱𑒐𑒱𑒞 𑒣𑓂𑒩𑒹𑒧𑒏𑒟𑒰 "𑒬𑒥𑓂𑒠𑒬𑒰𑒮𑓂𑒞𑓂𑒩𑒧𑓂"𑒏 𑒂𑒡𑒰𑒩 𑒥𑒢𑒪।
𑒠𑒴𑒭𑒝 𑒣𑓀𑒖𑒲- 𑒧𑒴𑒪 𑒧𑒱𑒟𑒱𑒪𑒰𑒏𑓂𑒭𑒩 𑒪𑒹𑒐- 𑒞𑒰𑒛𑓃𑒣𑒞𑓂𑒩 𑒮𑒱𑓀𑒑𑒪 𑒣𑒲.𑒛𑒲.𑒋𑒤. https://docs.google.com/a/videha.com/viewer?a=v&pid=sites&srcid=dmlkZWhhLmNvbXx2aWRlaGEtcG90aGl8Z3g6ZjFiNTA5NGI2YTVlNGEx
𑒧𑒼𑒠𑒰𑒢𑒢𑓂𑒠 𑒗𑒰 𑒬𑒰𑒐𑒰 𑒣𑓀𑒖𑒲- http://videha123.files.wordpress.com/2011/09/modanand_jha_shakha_panji.pdf
𑒧𑓀𑒛𑒰𑒩- 𑒧𑒩𑒛𑓃𑒹 𑒏𑒬𑓂𑒨𑒣-𑒣𑓂𑒩𑒰𑒔𑒲𑒢- http://videha123.files.wordpress.com/2011/09/mandar_marare_kashyap_prachin_complete.pdf
𑒣𑓂𑒩𑒰𑒔𑒲𑒢 𑒣𑓀𑒖𑒲 (𑒪𑒹𑒧𑒲𑒢𑒹𑒙 𑒏𑒋𑒪)- http://videha123.files.wordpress.com/2011/09/laminatedpanji.pdf
𑒅𑒞𑒹𑒜𑓃 𑒣𑓀𑒖𑒲- http://videha123.files.wordpress.com/2011/09/panji_7_uterh_panji.pdf
𑒣𑒢𑒱𑒔𑒼𑒦𑒹 𑒥𑒲𑒩𑒣𑒳𑒩- https://sites.google.com/a/videha.com/videha-pothi/Home/Panichobhe_Birpur.pdf?attredirects=0
𑒠𑒩𑒦𑓀𑒑𑒰 𑒩𑒰𑒖 𑒂𑒠𑒹𑒬 𑒅𑒞𑒹𑒜 𑒂𑒠𑒱 https://sites.google.com/a/videha.com/videha-pothi/Home/DARBHANGA_RAJ_ORDER_PANJI_PACHHBARI_ORDER_UTEDH.pdf?attredirects=0
𑒕𑒼𑒙𑒲 𑒗𑒰 𑒣𑒳𑒮𑓂𑒞𑒏 𑒢𑒱𑒩𑓂𑒠𑒹𑒬𑒱𑒏𑒰- http://videha123.files.wordpress.com/2011/09/panji_directory_chotijha_shakha_pustak.pdf
𑒣𑒞𑓂𑒩 𑒣𑓀𑒖𑒲 http://videha123.files.wordpress.com/2011/09/patra_panji.pdf
𑒧𑒴𑒪𑒑𑓂𑒩𑒰𑒧 𑒣𑓀𑒖𑒲 http://videha123.files.wordpress.com/2011/09/panji_8_moolgram_panji.pdf
𑒧𑒴𑒪𑒑𑓂𑒩𑒰𑒧 𑒣𑒩𑒑𑒢𑒰 𑒯𑒱𑒮𑒰𑒥𑒹 𑒣𑓀𑒖𑒲 http://videha123.files.wordpress.com/2011/09/panji_9_moolgram_parganawise_panji.pdf
𑒧𑒴𑒪 𑒣𑓀𑒖𑒲-2 http://videha123.files.wordpress.com/2011/09/moolpanji_2.pdf
𑒧𑒴𑒪 𑒣𑓀𑒖𑒲-𑓓- http://videha123.files.wordpress.com/2011/09/mool_panji_3.pdf
𑒧𑒴𑒪 𑒣𑓀𑒖𑒲-𑓔 http://videha123.files.wordpress.com/2011/09/mool_panji_4.pdf
𑒧𑒴𑒪 𑒣𑓀𑒖𑒲-𑓕 http://videha123.files.wordpress.com/2011/09/mool_panji_5.pdf
𑒧𑒴𑒪 𑒣𑓀𑒖𑒲-𑓖 http://videha123.files.wordpress.com/2011/09/moolpanji_6.pdf
𑒧𑒴𑒪 𑒣𑓀𑒖𑒲-𑓗- http://videha123.files.wordpress.com/2011/09/prachin_panji_last.pdf

𑒣𑓀𑒖𑒲-𑒣𑒼𑒟𑒲- http://www.box.net/shared/yx4b9r4kab
𑒋𑒏𑒙𑒰 𑒣𑒼𑒟𑒲 𑒂𑒋𑒪 𑒕𑒪 "𑒧𑒱𑒟𑒱𑒪𑒰 𑒏𑒲 𑒮𑒰𑓀𑒮𑓂𑒏𑒵𑒞𑒱𑒏 𑒪𑒼𑒏𑒔𑒱𑒞𑓂𑒩𑒏𑒪𑒰",𑓑𑓙𑓖𑓒 (𑒪𑒹𑒐𑒏: 𑒔𑒱𑒞𑓂𑒩𑒏𑒰𑒩 𑒬𑓂𑒩𑒲 𑒪𑒏𑓂𑒭𑓂𑒧𑒲𑒢𑒰𑒟 𑒗𑒰), 𑒂 𑒠𑒼𑒮𑒩 𑒣𑒼𑒟𑒲 "𑒖𑒲𑒢𑒼𑒧 𑒧𑒻𑒣𑒱𑓀𑒑: 𑒧𑒱𑒟𑒱𑒪𑒰𑒏 𑒣𑓀𑒖𑒲 𑒣𑓂𑒩𑒥𑒢𑓂𑒡- 𑓔𑓕𑓐 𑒋.𑒛𑒲.𑒮𑒿 𑓒𑓐𑓐𑓙 𑒋.𑒛𑒲.), 𑓒𑓐𑓐𑓙 (𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩, 𑒢𑒰𑒑𑒹𑒢𑓂𑒠𑓂𑒩 𑒏𑒳𑒧𑒰𑒩 𑒗𑒰 , 𑒣𑓀𑒖𑒲𑒏𑒰𑒩 𑒫𑒱𑒠𑓂𑒨𑒰𑒢𑒢𑓂𑒠 𑒗𑒰)"𑒣𑓀𑒖𑒲-𑒣𑒼𑒟𑒲- http://www.box.net/shared/yx4b9r4kab 𑒂 𑒣𑓀𑒖𑒲𑒏 𑒣𑒰𑒞 𑒮𑒦 https://sites.google.com/a/videha.com/videha-pothi/ 𑒣𑒩 𑒅𑒣𑒪𑒥𑓂𑒡 𑒁𑒕𑒱। 𑒂𑒥 𑒌 𑒠𑒳𑒢𑒴 𑒣𑒼𑒟𑒲𑒏 𑒏𑒱𑒕𑒳 𑒦𑒰𑒑 𑒔𑒼𑒩𑒱 𑒏𑓄 𑒠𑒴 𑒑𑒼𑒙𑒹 𑒁𑒣𑒢𑒰 𑒢𑒰𑒧𑒹𑒿 𑒕𑒣𑒥𑒹𑒪𑒢𑓂𑒯𑒱 𑒁𑒕𑒱 𑒂 𑒞𑒃𑒧𑒹 𑒯𑒳𑒢𑒏𑒰 𑒪𑒼𑒏𑒢𑒱𑒏𑒹𑒿 𑒮𑒯𑒨𑒼𑒑 𑒮𑒹𑒯𑒼 𑒦𑒹𑒙𑒪 𑒕𑒢𑓂𑒯𑒱। 𑒮𑒳𑒬𑒲𑒪𑒰 𑒗𑒰 "𑒁𑒩𑒱𑒣𑒢"𑓒𑓐𑓐𑓘 𑒢𑒰𑒧𑒮𑒿 "𑒧𑒱𑒟𑒱𑒪𑒰 𑒏𑒲 𑒮𑒰𑓀𑒮𑓂𑒏𑒵𑒞𑒱𑒏 𑒪𑒼𑒏𑒔𑒱𑒞𑓂𑒩𑒏𑒪𑒰" 𑒣𑒼𑒟𑒲𑒏 𑒁𑒢𑒳𑒫𑒰𑒠 𑒁𑒣𑒢𑒰 𑒢𑒰𑒧𑒹 𑒏𑓄 𑒪𑒹𑒢𑒹 𑒕𑒟𑒱,𑒤𑒼𑒙𑒼 𑒞𑒏 𑒮𑓂𑒏𑒻𑒢 𑒏𑓄 𑒔𑒼𑒩𑒰 𑒪𑒹𑒢𑒹 𑒕𑒟𑒱 𑒂 𑒞𑒏𑒩𑒰 𑒦𑒰𑒩𑒞𑒲𑒨 𑒦𑒰𑒭𑒰 𑒮𑓀𑒮𑓂𑒟𑒰𑒢, 𑒧𑒻𑒮𑒴𑒩 𑒣𑓂𑒩𑒏𑒰𑒬𑒢 𑒁𑒢𑒳𑒠𑒰𑒢 𑒠𑒹𑒢𑒹 𑒁𑒕𑒱, 𑒖𑒹 𑒌 𑒣𑒼𑒟𑒲𑒣𑒩 𑒪𑒱𑒐𑒪 𑒁𑒕𑒱। 𑒛𑒰. 𑒨𑒼𑒑𑒢𑒰𑒟 𑒗𑒰 𑒞𑒿 𑒮𑒠𑓂𑒨𑓁 "𑒖𑒲𑒢𑒼𑒧 𑒧𑒻𑒣𑒱𑓀𑒑: 𑒧𑒱𑒟𑒱𑒪𑒰𑒏 𑒣𑓀𑒖𑒲 𑒣𑓂𑒩𑒥𑒢𑓂𑒡- 𑓔𑓕𑓐 𑒋.𑒛𑒲.𑒮𑒿 𑓒𑓐𑓐𑓙 𑒋.𑒛𑒲.) 𑒏𑒹𑒿 𑒁𑒣𑒢𑒰 𑒢𑒰𑒧𑒹𑒿 𑒣𑓀𑒖𑒲-𑒣𑓂𑒩𑒥𑒢𑓂𑒡 (𑒫𑓀𑒬 𑒣𑒩𑒱𑒔𑒨- 𑒣𑓂𑒩𑒟𑒧𑒦𑒰𑒑, 𑓒𑓐𑓑𑓐) 𑒢𑒰𑒧𑒮𑒿 𑒕𑒣𑒥𑒰 𑒪𑒹𑒪𑒢𑓂𑒯𑒱 𑒂 𑒌 𑒧𑒹 𑒯𑒳𑒢𑒏𑒰 𑒮𑒯𑒨𑒼𑒑 𑒦𑒹𑒙𑒪𑒢𑓂𑒯𑒱 𑒬𑓂𑒩𑒼𑒞𑓂𑒩𑒱𑒨 𑒮𑒧𑒰𑒖𑒏 𑒮𑓀𑒑𑒚𑒢 "𑒧𑒯𑒰𑒩𑒰𑒖𑒰 𑒏𑒰𑒧𑒹𑒬𑓂𑒫𑒩 𑒮𑒱𑓀𑒯 𑒮𑒰𑓀𑒮𑓂𑒏𑒵𑒞𑒱𑒏 𑒫𑒱𑒏𑒰𑒮 𑒧𑓀𑒔"𑒏। 𑒄 𑒬𑓂𑒩𑒼𑒞𑓂𑒩𑒱𑒨 𑒮𑒧𑒰𑒖𑒏 𑒮𑓀𑒑𑒚𑒢 𑒬𑓂𑒩𑒲 𑒪𑒏𑓂𑒭𑓂𑒧𑒲𑒢𑒰𑒟 𑒗𑒰, 𑒖𑒹 𑒬𑓂𑒩𑒼𑒞𑓂𑒩𑒱𑒨 𑒕𑒪𑒰𑒯, 𑒏𑒹𑒩 𑒣𑒼𑒟𑒲𑒏 𑒔𑒼𑒩𑒱𑒏 𑒫𑒱𑒩𑒼𑒡 𑒏𑒼𑒢𑒰 𑒏𑒩𑒞? 𑒆𑒣𑒩𑒧𑒹 𑒮𑓂𑒏𑒻𑒢 𑒏𑒋𑒪 𑒣𑒢𑓂𑒢𑒰 𑒮𑒦 𑒠𑒹𑒐𑒴। 𑒯𑒱𑒢𑒏𑒰 𑒮𑒦𑒏𑒹𑒿 𑒠𑒹𑒐 𑒏𑓄 𑒞𑒿 𑒣𑒳𑒩𑒰𑒢 𑒔𑒼𑒩 𑒣𑓀𑒏𑒖 𑒣𑒩𑒰𑒬𑒩 (http://www.box.net/shared/75xgdy37dr) 𑒮𑒹𑒯𑒼 𑒪𑒖𑒰 𑒖𑒰𑒋𑒞।
𑒧𑒻𑒟𑒱𑒪𑒲 𑒣𑒞𑓂𑒩𑒏𑒰𑒩𑒱𑒞𑒰𑒏 𑒃𑒞𑒱𑒯𑒰𑒮𑒧𑒹 𑒩𑒰𑒧𑒪𑒼𑒔𑒢 𑒚𑒰𑒏𑒳𑒩𑒏 𑒏𑒼𑒪𑒏𑒰𑒞𑒰𑒮𑒿 𑒣𑓂𑒩𑒏𑒰𑒬𑒱𑒞 𑒠𑒹𑒮𑒱𑒪 𑒥𑒨𑒢𑒰𑒏 𑒔𑒩𑓂𑒔𑒰 𑒢𑒻 𑒦𑒹𑒙𑒞 (𑒁𑒣𑒫𑒰𑒠: 𑒩𑒰𑒡𑒰𑒏𑒵𑒭𑓂𑒝 𑒔𑒾𑒡𑒩𑒲𑒏 "𑒁 𑒮𑒩𑓂𑒫𑒹 𑒂𑒤 𑒧𑒻𑒟𑒱𑒪𑒲 𑒪𑒱𑒙𑒹𑒩𑒹𑒔𑒩 " 𑒧𑒹 𑒏𑒼𑒪𑒏𑒰𑒞𑒰 𑒠𑒹𑒮𑒱𑒪 𑒥𑒨𑒢𑒰𑒏 𑒔𑒩𑓂𑒔 𑒕𑒻।)। 𑒠𑒹𑒮𑒱𑒪 𑒥𑒨𑒢𑒰 𑒢𑒰𑒧𑓂𑒢𑒰 𑒣𑒞𑓂𑒩 𑓑𑓙𑓘𑓒 𑒄. 𑒧𑒹 𑒣𑓂𑒩𑒏𑒰𑒬𑒱𑒞 𑒯𑒼𑒃𑒞 𑒩𑒯𑒪 𑒂 𑒋𑒏𑒩 𑓗𑓐 𑒙𑒰 𑒣𑒵𑒭𑓂𑒚 𑒫𑒱𑒠𑒹𑒯 𑒂𑒩𑓂𑒏𑒰𑒃𑒫𑒧𑒹 𑒮𑓂𑒏𑒻𑒢 𑒏𑓄 𑒮𑒱𑓀𑒑𑒪 𑒣𑒲.𑒛𑒲.𑒤.𑒥𑒢𑒰 𑒏𑓄 𑒠𑒹𑒪 𑒑𑒹𑒪 𑒁𑒕𑒱। 𑒥𑒯𑒳𑒞 𑒩𑒰𑒮 𑒁𑒠𑓂𑒦𑒳𑒞 𑒩𑒔𑒢𑒰 𑒂 𑒪𑒹𑒐𑒏𑒏 𑒏𑒵𑒞𑒱 𑒁𑒯𑒰𑒿 𑒌𑒧𑒹 𑒣𑒜𑓃𑒱 𑒮𑒏𑒥।

𑒠𑒹𑒐𑒴 - 𑒠𑒹𑒮𑒱𑒪 𑒥𑒨𑒢𑒰 https://docs.google.com/a/videha.com/viewer?a=v&pid=sites&srcid=dmlkZWhhLmNvbXx2aWRlaGEtcG90aGl8Z3g6Njc3YmM2NmI4ODBkMzRmNQ








𑒩𑒧𑒹𑒬 𑒢𑒰𑒩𑒰𑒨𑒝𑒏 “𑒣𑒰𑒟𑒩𑒏 𑒢𑒰𑒫” 𑓒. 𑒫𑒱𑒢𑒼𑒠 𑒥𑒱𑒯𑒰𑒩𑒲 𑒫𑒩𑓂𑒧𑒰𑒏 “𑒥𑒪𑒰𑒢𑒏 𑒥𑒼𑒢𑒱𑒯𑒰𑒩 𑒍 𑒣𑒪𑓂𑒪𑒫𑒲 (𑒞𑒟𑒰 𑒁𑒢𑓂𑒨 𑒏𑒟𑒰)”
𑒧𑒻𑒟𑒱𑒪𑒲 𑒏𑒟𑒰 𑒮𑓀𑒑𑓂𑒩𑒯 𑒮𑒦𑒧𑒹 𑓑.𑒩𑒧𑒹𑒬 𑒢𑒰𑒩𑒰𑒨𑒝𑒏 “𑒣𑒰𑒟𑒩𑒏 𑒢𑒰𑒫” 𑓒. 𑒫𑒱𑒢𑒼𑒠 𑒥𑒱𑒯𑒰𑒩𑒲 𑒫𑒩𑓂𑒧𑒰𑒏 “𑒥𑒪𑒰𑒢𑒏 𑒥𑒼𑒢𑒱𑒯𑒰𑒩 𑒍 𑒣𑒪𑓂𑒪𑒫𑒲 (𑒞𑒟𑒰 𑒁𑒢𑓂𑒨 𑒏𑒟𑒰)” 𑒄 𑒠𑒳𑒢𑒴 𑒏𑒟𑒰 𑒮𑓀𑒑𑓂𑒩𑒯 𑒁𑒣𑒢 𑒏𑒱𑒕𑒳 𑒐𑒰𑒮 𑒫𑒱𑒬𑒱𑒭𑓂𑒙𑒞𑒰𑒏 𑒏𑒰𑒩𑒝 𑒫𑒱𑒬𑒹𑒭 𑒮𑓂𑒟𑒰𑒢 𑒩𑒐𑒻𑒞 𑒁𑒕𑒱।
𑒩𑒧𑒹𑒬 𑒢𑒰𑒩𑒰𑒨𑒝𑒏 “𑒣𑒰𑒟𑒩𑒏 𑒢𑒰𑒫” 𑓑𑓙𑓗𑓒 𑒄. 𑒧𑒹 𑒅𑒣𑒰𑒮𑒢𑒰 𑒣𑓂𑒩𑒏𑒰𑒬𑒢, 𑓙𑓐, 𑒬𑓂𑒩𑒲𑒏𑒵𑒭𑓂𑒝𑒰𑒢𑒑𑒩, 𑒣𑒙𑒢𑒰-𑓑 𑒮𑒿 𑒕𑒣𑒪। 𑒫𑒱𑒢𑒼𑒠 𑒥𑒱𑒯𑒰𑒩𑒲 𑒫𑒩𑓂𑒧𑒰𑒏 “𑒥𑒪𑒰𑒢𑒏 𑒥𑒼𑒢𑒱𑒯𑒰𑒩 𑒍 𑒣𑒪𑓂𑒪𑒫𑒲 (𑒞𑒟𑒰 𑒁𑒢𑓂𑒨 𑒏𑒟𑒰)” 𑓑𑓙𑓙𑓔 𑒋. 𑒧𑒹 𑒧𑒻𑒟𑒱𑒪𑒲 𑒣𑓂𑒩𑒞𑒱𑒦𑒰. 𑒋𑒪.𑒋𑒤. 𑓑/𑓓, 𑒨𑒳𑒢𑒱𑒙-𑓓, 𑒏𑒼𑒯𑒰𑒅𑒮𑒱𑒓𑓂𑒑 𑒏𑒰𑒪𑒼𑒢𑒲, 𑒦𑒳𑒫𑒢𑒹𑒬𑓂𑒫𑒩-𑓗𑓕𑓑𑓐𑓐𑓑 𑒮𑒿 𑒕𑒣𑒪।
𑒩𑒧𑒹𑒬 𑒢𑒰𑒩𑒰𑒨𑒝𑒏 “𑒣𑒰𑒟𑒩𑒏 𑒢𑒰𑒫”

𑒩𑒧𑒹𑒬 𑒢𑒰𑒩𑒰𑒨𑒝 𑒁𑒣𑒢 𑒏𑒟𑒰-𑒮𑓀𑒑𑓂𑒩𑒯𑒏 𑒮𑒧𑒩𑓂𑒣𑒝 𑒏𑒩𑒻 𑒕𑒟𑒱 ---𑒁𑒟𑒰𑒯𑒼 𑒣𑒰𑒢𑒱𑒧𑒹 𑒌𑒢𑒰 𑒖𑒏𑒰𑒿 𑒗𑒪𑒏𑒻𑒞/ 𑒁𑒣𑒢𑒰 𑒑𑒰𑒧𑒏 𑒍𑒯𑒱 𑒟𑒰𑒪-𑒏𑒰𑒠𑒼𑒏𑒹𑒿,/ 𑒖𑒰𑒯𑒱𑒧𑒹 𑒯𑒧𑒩𑒹 𑒪𑒹𑒪/ 𑒋𑒏 𑒑𑒼𑒙 𑒩𑒏𑓂𑒞𑒏𑒧𑒪/ 𑒖𑒢𑒧𑒱 𑒏𑒋 𑒤𑒳𑒪𑒹𑒥𑒰𑒏 𑒯𑒧𑒩 𑒂𑒮/ 𑒁𑒙𑒏𑒪 𑒁𑒕𑒱.... 𑒂 𑒁𑒣𑒢𑒰 𑒠𑒱𑒮𑒮𑒿 𑒏𑒯𑒻 𑒕𑒟𑒱- 𑒃𑒋𑒯, 𑒖𑒹/ 𑒋𑒯𑒱 𑒮𑓀𑒑𑓂𑒩𑒯𑒏 𑒏𑒞𑒹𑒏𑒼 𑒏𑒟𑒰 𑒂𑒏𑒰𑒬𑒫𑒰𑒝𑒲𑒏 𑒣𑒙𑒢𑒰 𑒏𑒹𑒢𑓂𑒠𑓂𑒩𑒮𑒿 𑒣𑓂𑒩𑒮𑒰𑒩𑒱𑒞 𑒁𑒕𑒱,/ 𑒞𑒻𑓀 𑒂𑒏𑒰𑒬𑒫𑒰𑒝𑒲𑒏 𑒮𑒾𑒖𑒢𑓂𑒨𑒼𑓀 𑒮𑒿।

𑒌 𑒏𑒟𑒰 𑒮𑓀𑒑𑓂𑒩𑒯𑒧𑒹 𑒄 𑒮𑒦 𑒏𑒟𑒰 𑒮𑓀𑒏𑒪𑒱𑒞 𑒁𑒕𑒱:- 𑓑.𑒚𑒹𑒯𑒱𑒨𑒰𑒨𑒪 𑒧𑒼𑒢 𑒒𑒳𑒧𑒰𑒍𑒢 𑒥𑒰𑒙, 𑓒.𑒏𑒰𑒖𑒩𑒏 𑒩𑒹𑒐, 𑓓.𑒂𑒿𑒖𑒳𑒩 𑒦𑒩𑒱 𑒢𑒼𑒩, 𑓓.𑒏𑒰𑒿𑒔 𑒢𑒱𑒢𑓂𑒢 𑒙𑒳𑒙𑒻𑒞 𑒮𑓂𑒫𑒣𑓂𑒢, 𑓔.𑒮𑒃𑒿𑒞𑒪 𑒮𑒹𑒖 𑒢𑒱𑒯𑒳𑒿𑒕𑒪 𑒢𑒱𑒢𑓂𑒢, 𑓕.𑒞𑒹𑒖𑒱 𑒑𑒹𑒪 𑒥𑒱𑒠𑒹𑒮..., 𑓖.𑒏𑒰𑒿𑒙 𑒏𑒳𑒮𑒏 𑒕𑒰𑒯𑒩𑒱, 𑓗.𑒋𑒏 𑒣𑒼𑒮𑓂𑒙𑒏𑒰𑒩𑓂𑒛: 𑒮𑒩𑒼𑒖𑒱𑒢𑒲 𑒂’ 𑒯𑒧 𑓘.𑒔𑒲𑒩𑒪 𑒣𑒢𑓂𑒢𑒰 𑒖𑒼𑒛𑓃𑒪 𑒣𑒰𑒿𑒞𑒲।
𑒫𑒱𑒢𑒼𑒠 𑒥𑒱𑒯𑒰𑒩𑒲 𑒫𑒩𑓂𑒧𑒰𑒏 “𑒥𑒪𑒰𑒢𑒏 𑒥𑒼𑒢𑒱𑒯𑒰𑒩 𑒍 𑒣𑒪𑓂𑒪𑒫𑒲 (𑒞𑒟𑒰 𑒁𑒢𑓂𑒨 𑒏𑒟𑒰)”
𑒫𑒱𑒢𑒼𑒠 𑒥𑒱𑒯𑒰𑒩𑒲 𑒫𑒩𑓂𑒧𑒰 𑒁𑒣𑒢 𑒏𑒟𑒰-𑒮𑓀𑒑𑓂𑒩𑒯𑒏 𑒮𑒧𑒩𑓂𑒣𑒝 𑒏𑒩𑒻 𑒕𑒟𑒱:- 𑒥𑒯𑒳 𑒫𑒱𑒠𑓂𑒨𑒰 𑒫𑒱𑒠𑓂 / 𑒣𑒴𑒖𑓂𑒨 𑒪𑒰𑒪 𑒦𑒰𑒃,/ 𑒛𑒰. 𑒥𑓂𑒩𑒖 𑒏𑒱𑒬𑒼𑒩 𑒫𑒩𑓂𑒧𑒰 “𑒧𑒝𑒱𑒣𑒠𑓂𑒧” 𑒏/ 𑒣𑒳𑒝𑓂𑒨 𑒮𑓂𑒧𑒵𑒞𑒱𑒧𑒹/ 𑒬𑓂𑒩𑒠𑓂𑒡𑒰𑒣𑒴𑒩𑓂𑒫𑒏 𑒮𑒧𑒩𑓂𑒣𑒱𑒞- 𑒫𑒱𑒢𑒼𑒠। 𑒌 𑒮𑓀𑒑𑓂𑒩𑒯𑒧𑒹 𑓑𑓔 𑒙𑒰 𑒏𑒟𑒰 𑒁𑒕𑒱 𑒖𑒃𑒧𑒹 𑒮𑒿 𑓓 𑒙𑒰 𑒏𑒟𑒰 𑒧𑒱𑒟𑒱𑒪𑒰 𑒧𑒱𑒯𑒱𑒩 𑒧𑒹 𑒕𑒣𑒪 𑒕𑒪 𑒂 𑓑𑓑 𑒙𑒰 𑒏𑒟𑒰 𑒫𑒻𑒠𑒹𑒯𑒲 𑒧𑒹। 𑒌 𑒏𑒟𑒰 𑒮𑓀𑒑𑓂𑒩𑒯𑒧𑒹 𑒄 𑒮𑒦 𑒏𑒟𑒰 𑒮𑓀𑒏𑒪𑒱𑒞 𑒁𑒕𑒱:- 𑓑. 𑒥𑒪𑒰𑒢𑒏 𑒥𑒼𑒢𑒱𑒯𑒰𑒩 𑒍 𑒣𑒪𑓂𑒪𑒫𑒲, 𑓒. 𑒏𑒳𑒢𑓂𑒞𑒲, 𑒏𑒩𑓂𑒝 𑒍 𑒣𑒩𑒬𑒳𑒩𑒰𑒧, 𑓓.𑒮𑒳𑒪𑒼𑒔𑒢𑒰𑒏 𑒔𑒙𑒱𑒮𑒰𑒩, 𑓔. 𑒮𑒰𑒯𑒹𑒥, 𑓕. 𑒥𑓂𑒩𑒯𑓂𑒧𑒰-𑒥𑒱𑒮𑒳𑒢-𑒩𑒰𑒞𑒱, 𑓖.𑒯𑒧 𑒣𑒰𑒢 𑒐𑒹𑒪𑒯𑒳𑒿, 𑓗.𑒤𑒴𑒪𑒏 𑒏𑒟𑒰, 𑓘.𑒁𑒢𑓂𑒞𑒩𑓂𑒧𑒳𑒐𑒲 𑒥𑒮𑒳𑒢𑓂𑒡𑒩𑒰, 𑓙. 𑒏𑒰𑒬𑒏 𑒤𑒴𑒪, 𑓑𑓐. 𑒧𑒰𑒕𑒏 𑒣𑒱𑒏𑒢𑒱𑒏, 𑓑𑓑.𑒖𑒲𑒫𑒢-𑒢𑒰𑒍, 𑓑𑓒.𑒏𑒰𑒣𑒳𑒩𑒳𑒭, 𑓑𑓓.𑒑𑒼𑒢𑒾𑒩-𑒥𑒰𑒥𑒴, 𑓑𑓔.𑒂𑒏𑒰𑒬-𑒤𑒴𑒪

















𑒁𑒢𑓂𑒞𑒩𑓂𑒖𑒰𑒪 𑒁𑒣𑒩𑒰𑒡- 𑒂 𑒞𑒏𑒩𑒰 𑒣𑒏𑒛𑓃𑒥𑒰𑒏 𑒫𑒱𑒡𑒱
𑒧𑒻𑒟𑒱𑒪𑒲𑒏 𑒠𑒢𑓂𑒠-𑒤𑒢𑓂𑒠 𑒥𑒪𑒰 𑒮𑒦𑒏 𑒣𑓂𑒩𑒫𑒹𑒬 𑒁𑒢𑓂𑒞𑒩𑓂𑒖𑒰𑒪𑒣𑒩 𑒬𑒳𑒩𑒴 𑒦𑓄 𑒑𑒹𑒪 𑒁𑒕𑒱। 𑒄 𑒪𑒼𑒏𑒢𑒱 𑒣𑒯𑒱𑒢𑒹 𑒣𑒞𑓂𑒩 𑒂 𑒋𑒮.𑒋𑒧.𑒋𑒮. 𑒠𑓂𑒫𑒰𑒩𑒰 𑒥𑓂𑒪𑒻𑒏𑒧𑒹𑒪𑒧𑒹 𑒪𑒰𑒑𑒪 𑒕𑒪𑒰𑒯। 𑒂𑒥 𑒄-𑒣𑒞𑓂𑒩𑒏 𑒣𑓂𑒩𑒨𑒼𑒑 𑒮𑒰𑒡𑒰𑒩𑒝 𑒮𑓀𑒑𑒝𑒏 𑒖𑓂𑒘𑒰𑒢𑒥𑒪𑒰 𑒮𑒹𑒯𑒼 𑒏𑓄 𑒮𑒏𑒻 𑒕𑒟𑒱, 𑒮𑒹 𑒋𑒯𑒱 𑒣𑓂𑒩𑒫𑒵𑒞𑓂𑒞𑒱𑒧𑒹 𑒫𑒵𑒠𑓂𑒡𑒱 𑒂𑒋𑒪 𑒁𑒕𑒱।
𑒁𑒢𑓂𑒞𑒩𑓂𑒖𑒰𑒪 𑒁𑒣𑒩𑒰𑒡𑒏 𑒣𑓂𑒩𑒏𑒰𑒩
𑒑𑒰𑒩𑒱 𑒂 𑒯𑒞𑒼𑒞𑓂𑒮𑒰𑒯𑒱𑒞 𑒏𑒩𑒻𑒥𑒪𑒰 𑒄-𑒧𑒹𑒪: 𑒋𑒯𑒱𑒮𑒿 𑒢𑒰𑒧 𑒥𑒠𑒪𑒱 𑒏𑓄 𑒄-𑒧𑒹𑒪 𑒂 𑒙𑒱𑒣𑓂𑒣𑒝𑒲 𑒠𑒹𑒪 𑒖𑒰𑒃𑒞 𑒁𑒕𑒱। 𑒋𑒯𑒱𑒮𑒿 𑒁𑒣𑒩𑒰𑒡𑒲 𑒁𑒣𑒢 𑒬𑒱𑒏𑒰𑒩𑒏𑒹𑒿 𑒧𑒰𑒢𑒮𑒱𑒏 𑒩𑒴𑒣𑒮𑒿 𑒏𑒭𑓂𑒙 𑒠𑒻𑒞 𑒕𑒻। 𑒏𑒞𑒹𑒏𑒼 𑒥𑒹𑒩 𑒬𑒱𑒏𑒰𑒩 𑒫𑓂𑒨𑒏𑓂𑒞𑒱 𑒁𑒢𑓂𑒞𑒩𑓂𑒖𑒰𑒪 𑒕𑒼𑒛𑓃𑒱 𑒠𑒻𑒞 𑒕𑒟𑒱 𑒂 𑒯𑒳𑒢𑒏𑒩 𑒠𑒻𑒢𑒱𑒏 𑒩𑒔𑒢𑒰𑒞𑓂𑒧𑒏 𑒏𑓂𑒩𑒱𑒨𑒰 𑒣𑓂𑒩𑒦𑒰𑒫𑒱𑒞 𑒯𑒼𑒃𑒞 𑒕𑒢𑓂𑒯𑒱। 𑒏𑒞𑒹𑒏 𑒑𑒼𑒙𑒹 𑒧𑒻𑒟𑒱𑒪𑒲𑒏𑒹𑒿 𑒑𑒳𑒛-𑒥𑒰𑒃 𑒮𑒹𑒯𑒼 𑒏𑒯𑒱 𑒠𑒻 𑒕𑒟𑒱। 𑒏𑒐𑒢𑒼 𑒏𑒰𑒪 𑒁𑒯𑒰𑒿 𑒖𑒰𑒪𑒫𑒵𑒞𑓂𑒞 𑒫𑒰 𑒖𑒰𑒪𑒮𑓂𑒟𑒪𑒣𑒩 𑒣𑒼𑒩𑓂𑒢 𑒮𑒰𑒃𑒙𑒏 𑒪𑒱𑓀𑒏 𑒏𑒱𑒨𑒼 𑒩𑒰𑒐𑒱 𑒠𑒹𑒞, 𑒞𑒿 𑒏𑒐𑒢𑒼 𑒑𑒰𑒩𑒱 𑒣𑒜𑓃𑒱 𑒏𑓄 𑒦𑒰𑒑𑒱 𑒖𑒰𑒋𑒞, 𑒧𑒰𑒢𑒹 𑒄-𑒣𑒞𑓂𑒩, 𑒂𑒢𑒪𑒰𑒃𑒢 𑒫𑒰𑒩𑓂𑒞𑒰𑒪𑒰𑒣, 𑒏𑒧𑒹𑒢𑓂𑒙 𑒥𑒰𑒏𑓂𑒮𑒧𑒹। 𑒏𑒐𑒢𑒼 𑒁𑒯𑒰𑒿𑒏 𑒮𑒰𑒪𑒏 𑒂 𑒧𑒰𑒮𑒏 𑒧𑒹𑒯𑒢𑒞𑒱 𑒮𑒹𑒏𑒹𑒢𑓂𑒛𑒧𑒹 𑒏𑒰𑒣𑒲 𑒣𑒹𑒮𑓂𑒙 𑒏𑓄 𑒁𑒣𑒢𑒰 𑒢𑒰𑒧𑒮𑒿 𑒕𑒣𑒰 𑒪𑒹𑒞। 𑒥𑒯𑒳𑒞 𑒑𑒼𑒙𑒹 𑒯𑒧𑒩𑒰 𑒮𑒰𑒪𑒏 𑒧𑒹𑒯𑒢𑒞𑒱 𑒂𑒢𑒪𑒰𑒃𑒢 𑒧𑒳𑒤𑓂𑒞 𑒅𑒣𑒪𑒥𑓂𑒡 𑒏𑒩𑒹𑒥𑒰 𑒪𑒹𑒪 𑒙𑒼𑒏𑒥𑒼 𑒏𑒋𑒪𑒢𑓂𑒯𑒱। 𑒧𑒳𑒠𑒰 𑒯𑒧𑒩𑒰 𑒋𑒯𑒱 𑒮𑒧𑓂𑒥𑒢𑓂𑒡𑒧𑒹 𑒥𑒱𑒪 𑒑𑒹𑒙𑓂𑒮𑒏 𑒫𑒏𑓂𑒞𑒫𑓂𑒨 𑒧𑒼𑒢 𑒣𑒛𑓃𑒱 𑒖𑒰𑒃𑒞 𑒁𑒕𑒱। 𑒯𑒳𑒢𑒏𑒰𑒮𑒿 𑒋𑒏 𑒥𑒹𑒩 𑒣𑒴𑒕𑒪 𑒑𑒹𑒪𑒢𑓂𑒯𑒱 𑒖𑒹 𑒧𑒰𑒃𑒏𑓂𑒩𑒼𑒮𑒰𑒤𑓂𑒙𑒏 𑒅𑒞𑓂𑒣𑒰𑒠 “𑒋𑒏𑓂𑒮 𑒥𑒰𑒏𑓂𑒮” 𑒦𑒰𑒩𑒞𑒧𑒹 𑒣𑒰𑒃𑒩𑒹𑒮𑒲𑒏 𑒛𑒩𑒮𑒿 𑒫𑒱𑒪𑒧𑓂𑒥𑒮𑒿 𑒅𑒞𑒰𑒩𑒪 𑒑𑒹𑒪, 𑒞𑒿 𑒍 𑒏𑒯𑒢𑒹 𑒕𑒪𑒰𑒯 𑒖𑒹 𑒧𑒰𑒃𑒏𑓂𑒩𑒼𑒮𑒰𑒤𑓂𑒙 𑒏𑒯𑒱𑒨𑒼 𑒣𑒰𑒃𑒩𑒹𑒮𑒲𑒏 𑒛𑒩𑒮𑒿 𑒏𑒼𑒢𑒼 𑒅𑒞𑓂𑒣𑒰𑒠 𑒥𑒖𑒰𑒩𑒧𑒹 𑒁𑒢𑒥𑒰𑒮𑒿 𑒫𑒱𑒪𑒧𑓂𑒥 𑒢𑒯𑒱 𑒏𑒹𑒢𑒹 𑒁𑒕𑒱। 𑒫𑒱𑒠𑒹𑒯 𑒂𑒩𑓂𑒏𑒰𑒃𑒫 𑒮𑒹𑒯𑒼 𑒠𑒱𑒢𑒰𑒢𑒳𑒠𑒱𑒢 𑒮𑒧𑒵𑒠𑓂𑒡 𑒦𑒹𑒪 𑒖𑒰 𑒩𑒰𑒯𑒪 𑒁𑒕𑒱, 𑒮𑒰𑒃𑒥𑒩 𑒁𑒣𑒩𑒰𑒡𑒏 𑒠𑓂𑒫𑒰𑒩𑒹 𑒋𑒯𑒱𑒧𑒹 𑒏𑒼𑒢𑒼 𑒏𑒧𑒲 𑒢𑒯𑒱 𑒂𑒋𑒪 𑒁𑒕𑒱।
𑒛𑒩𑒰𑒥𑒻𑒥𑒪𑒰 𑒄-𑒧𑒹𑒪: 𑒥𑓂𑒪𑒻𑒏𑒧𑒹𑒪𑒩 𑒋𑒯𑒱𑒮𑒿 𑒬𑒱𑒏𑒰𑒩𑒏𑒹𑒿 𑒡𑒧𑒏𑒰𑒥𑒻𑒞 𑒩𑒯𑒻𑒞 𑒁𑒕𑒱। 𑒢𑒰𑒧𑒏 𑒐𑒳𑒪𑒰𑒮𑒰 𑒢𑒯𑒱 𑒦𑒹𑒢𑒹 𑒣𑓂𑒩𑒰𑒣𑓂𑒞𑒏𑒩𑓂𑒞𑒰 𑒥𑒹𑒔𑒰𑒩𑒰 𑒏𑒞𑒹𑒏𑒼 𑒪𑒼𑒏𑒣𑒩 𑒬𑓀𑒏𑒰 𑒏𑒩𑓄 𑒪𑒑𑒻𑒋। 𑒥𑓂𑒪𑒻𑒏𑒧𑒹𑒪𑒩 𑒮𑒹𑒯𑒼 𑒁𑒣𑒢 𑒐𑒝𑓂𑒛𑒱𑒞 𑒫𑓂𑒨𑒏𑓂𑒞𑒱𑒞𑓂𑒫𑒏 𑒣𑓂𑒩𑒠𑒩𑓂𑒬𑒢 𑒏𑒩𑒻𑒞 𑒞𑒳𑒭𑓂𑒙 𑒯𑒼𑒃𑒞 𑒩𑒯𑒻𑒋।
𑒫𑒰𑒨𑒩𑒮 𑒣𑓂𑒩𑒮𑒰𑒩 𑒏𑒩𑒻𑒥𑒪𑒰 𑒄-𑒧𑒹𑒪: 𑒄-𑒣𑒞𑓂𑒩 𑒠𑓂𑒫𑒰𑒩𑒰 𑒏𑒼𑒢𑒼 𑒪𑒱𑓀𑒏 𑒣𑒚𑒰𑒍𑒪 𑒖𑒰𑒃𑒞 𑒕𑒻, 𑒏𑒼𑒢𑒼 𑒁𑒙𑒻𑒔𑒧𑒹𑒢𑓂𑒙 𑒣𑒚𑒰𑒍𑒪 𑒖𑒻𑒞 𑒕𑒻𑒏, 𑒖𑒏𑒩𑒰 𑒏𑓂𑒪𑒱𑒏 𑒏𑒹𑒪𑒯𑒳𑒿 𑒢𑒯𑒱 𑒫𑒰 𑒐𑒼𑒪𑒪𑒯𑒳𑒿 𑒢𑒯𑒱 𑒂𑒏𑒱 𑒁𑒯𑒰𑒿𑒏 𑒏𑒧𑓂𑒣𑓂𑒨𑒴𑒙𑒩 𑒥𑒻𑒮𑒱 𑒑𑒹𑒪। 𑒋𑒯𑒱 𑒞𑒩𑒯𑒏 𑒧𑒻𑒮𑒹𑒖 𑒥𑓂𑒪𑒴𑒙𑒴𑒟 𑒂𑒢 𑒩𑒯𑒪𑒰𑒮𑒿 𑒁𑒯𑒰𑒿𑒏 𑒧𑒼𑒥𑒰𑒃𑒪𑒧𑒹 𑒮𑒹𑒯𑒼 𑒂𑒥𑒱 𑒖𑒰𑒃𑒞 𑒁𑒕𑒱।
𑒤𑒹𑒏𑒧𑒹𑒪: 𑒋𑒏 𑒚𑒰𑒧𑒮𑒿 𑒂𑒥𑒻𑒥𑒪𑒰 𑒄-𑒧𑒹𑒪 𑒕𑒠𑓂𑒧 𑒩𑒴𑒣𑒮𑒿 𑒤𑒹𑒏𑒧𑒹𑒪𑒮𑒿 𑒠𑒼𑒮𑒩𑒰𑒏 𑒄-𑒧𑒹𑒪𑒮𑒿 𑒂𑒋𑒪 𑒥𑒳𑒗𑒱 𑒣𑒛𑓃𑒻𑒋। 𑒋𑒯𑒱𑒮𑒿 𑒥𑓂𑒪𑒻𑒏𑒧𑒹𑒪𑒩 𑒁𑒯𑒰𑒿𑒏 𑒗𑒑𑒛𑓃𑒰 𑒠𑒼𑒮𑒩𑒮𑒿 𑒏𑒩𑒹𑒥𑒰𑒏 𑒣𑓂𑒩𑒨𑒰𑒮 𑒏𑒩𑒻𑒋। 𑒧𑒳𑒠𑒰 𑒋𑒯𑒱 𑒞𑒩𑒯𑒏 𑒧𑒹𑒪𑒏𑒹𑒿 𑒛𑒱𑒪𑒲𑒙 𑒢𑒯𑒱 𑒏𑒩𑒴 𑒂 𑒢𑒯𑒱𑒨𑒹 𑒋𑒯𑒱 𑒞𑒩𑒯𑒏 𑒧𑒹𑒪𑒏 𑒏𑒼𑒢𑒼 𑒅𑒞𑒰𑒩𑒰 𑒠𑒱𑒨𑒾𑒏।
𑒁𑒑𑒱𑒪𑒰 𑒔𑒩𑒝- 𑒫𑒱𑒞𑓂𑒞𑒲𑒨 𑒯𑒰𑒢𑒱: 𑒩𑒔𑒢𑒰𑒞𑓂𑒧𑒏 𑒏𑓂𑒩𑒱𑒨𑒰𑒏 𑒥𑒢𑓂𑒢 𑒦𑒹𑒢𑒹 𑒦𑒢𑒹 𑒮𑒠𑓂𑒨𑓁 𑒫𑒱𑒞𑓂𑒞𑒲𑒨 𑒯𑒰𑒢𑒱 𑒢𑒯𑒱 𑒯𑒼𑒃𑒞 𑒕𑒻𑒏 𑒧𑒳𑒠𑒰 𑒥𑓂𑒪𑒻𑒏𑒧𑒹𑒪𑒩 𑒁𑒑𑒱𑒪𑒰 𑒔𑒩𑒝𑒧𑒹 𑒁𑒯𑒰𑒿𑒏 𑒏𑓂𑒩𑒹𑒛𑒱𑒙 𑒏𑒰𑒩𑓂𑒛 𑒮𑓀𑒐𑓂𑒨𑒰, 𑒣𑒰𑒮𑒫𑒩𑓂𑒛, 𑒥𑒻𑓀𑒏 𑒋𑒏𑒰𑒅𑒢𑓂𑒙 𑒢𑒧𑓂𑒥𑒩 𑒣𑒳𑒕𑒱 𑒮𑒏𑒻𑒋। 𑒪𑒰𑒑𑒞 𑒖𑒹𑒢𑒰 𑒍 𑒄-𑒣𑒞𑓂𑒩 𑒃𑒢𑒏𑒧 𑒙𑒻𑒏𑓂𑒮 𑒩𑒱𑒤𑒢𑓂𑒛 𑒪𑒹𑒪 𑒁𑒕𑒱, 𑒫𑒰 𑒮𑒴𑒛𑒰𑒢𑒏 𑒏𑒼𑒢𑒼 𑒁𑒏𑒰𑒪 𑒣𑒲𑒛𑓃𑒱𑒞𑒏 𑒂𑒩𑓂𑒠𑓂𑒩 𑒣𑒳𑒏𑒰𑒩 𑒁𑒕𑒱। 𑒁𑒯𑒰𑒿 𑒋𑒯𑒱 𑒞𑒩𑒯𑒏 𑒧𑒹𑒪𑒏 𑒖𑒫𑒰𑒥 𑒏𑒱𑒢𑓂𑒢𑒯𑒳𑒿 𑒢𑒯𑒱 𑒠𑒱𑒁 𑒂 𑒄-𑒣𑒞𑓂𑒩𑒏𑒹𑒿 𑒮𑓂𑒣𑒻𑒧𑒧𑒹 𑒡𑓄 𑒠𑒱𑒨𑒾 𑒂 𑒏𑒱𑒕𑒳 𑒣𑓂𑒩𑒞𑒱 𑒮𑒳𑒩𑒏𑓂𑒭𑒱𑒞 𑒩𑒰𑒐𑒱 𑒪𑒱𑒁। 𑒍𑒯𑒱 𑒁𑒣𑒩𑒰𑒡𑒲𑒏𑒹𑒿 𑒣𑒏𑒛𑓃𑒥𑒰𑒏 𑒮𑒰𑒧𑒰𑒢𑓂𑒨 𑒣𑓂𑒩𑒏𑓂𑒩𑒱𑒨𑒰 𑒂𑒑𑒰𑒿𑒏 𑒥𑒱𑒢𑓂𑒠𑒳𑒧𑒹 𑒁𑒕𑒱।
𑒁𑒣𑒩𑒰𑒡𑒲𑒏𑒹𑒿 𑒣𑒏𑒛𑓃𑒥 𑒏𑒼𑒢𑒰: 𑒁𑒣𑒢 𑒮𑒰𑒃𑒙𑒣𑒩 𑒯𑒱𑒙 𑒏𑒰𑒅𑒢𑓂𑒙𑒩 𑒪𑒑𑒰𑒆, 𑒋𑒯𑒱𑒮𑒿 𑒄 𑒤𑒰𑒋𑒠𑒰 𑒯𑒼𑒋𑒞 𑒖𑒹 𑒁𑒯𑒰𑒿𑒏 𑒮𑒰𑒃𑒙𑒣𑒩 𑒙𑒰𑒃𑒧-𑒮𑓂𑒙𑒻𑒧𑓂𑒣 𑒂𑒥𑒱 𑒖𑒰𑒋𑒞। 𑒙𑒱𑒣𑓂𑒣𑒝𑒲𑒏 𑒙𑒰𑒃𑒧 𑒮𑓂𑒙𑒻𑒧𑓂𑒣𑒮𑒿 𑒋𑒏𑒩𑒰 𑒧𑒱𑒪𑒰𑒆 𑒂 𑒔𑒼𑒩𑒏𑒹𑒿 𑒣𑒏𑒛𑓃𑒴। 𑒏𑒧𑓂𑒣𑓂𑒨𑒴𑒙𑒩𑒏𑒹𑒿 𑒏𑒧𑒰𑒢𑓂𑒛 𑒠𑓄 𑒏𑓄 𑒄-𑒧𑒹𑒪𑒏 𑒯𑒹𑒛𑒩 𑒂 𑒍𑒯𑒱𑒮𑒿 𑒮𑒧𑒨 𑒂 𑒮𑓂𑒟𑒰𑒢𑒏 𑒖𑒢𑒞𑒥 𑒪𑒱𑒁। 𑒤𑒹𑒩 𑒍𑒯𑒱 𑒤𑒹𑒏 𑒫𑓂𑒨𑒏𑓂𑒞𑒱𑒏 𑒣𑒞𑒰 𑒂 𑒤𑒼𑒢 𑒢𑒧𑓂𑒥𑒩 (𑒋𑒏𑓂𑒮𑓂𑒙𑒹𑒢𑓂𑒬𑒢 𑒮𑒯𑒱𑒞) 𑒋𑒯𑒱𑒮𑒿 𑒖𑓂𑒘𑒰𑒞 𑒦𑓄 𑒮𑒏𑒻𑒋। 𑒋𑒯𑒢 𑒏𑒼𑒢𑒼 𑒞𑒩𑒯𑒏 𑒄-𑒣𑒞𑓂𑒩𑒏𑒹𑒿 𑒢𑒯𑒱 𑒞𑒿 𑒢𑒭𑓂𑒙 𑒏𑒩𑒴 𑒂 𑒢𑒯𑒱𑒨𑒹 𑒮𑒧𑓂𑒣𑒰𑒠𑒱𑒞 𑒏𑒩𑒴।
𑒁𑒢𑓂𑒞𑒩𑓂𑒖𑒰𑒪𑒏 𑒅𑒣𑒨𑒼𑒑𑒮𑒿 𑒮𑒧𑓂𑒦𑒰𑒫𑒱𑒞 𑒯𑒰𑒢𑒱𑒣𑒩 𑒢𑒱𑒨𑒢𑓂𑒞𑓂𑒩𑒝: 𑒋𑒯𑒱 𑒣𑓂𑒩𑒏𑒰𑒩𑒏 𑒄-𑒣𑒞𑓂𑒩 𑒅𑒣𑒨𑒼𑒑𑒏𑒩𑓂𑒞𑒰 𑒪𑒹𑒪 𑒮𑓀𑒏𑒙 𑒅𑒞𑓂𑒣𑒢𑓂𑒢 𑒏𑒩𑒻𑒞 𑒕𑒻𑒏। 𑒪𑒼𑒏 𑒠𑒳𑒐𑒲 𑒩𑒯𑒋 𑒪𑒑𑒻𑒞 𑒁𑒕𑒱, 𑒏𑒱𑒕𑒳 𑒑𑒼𑒙𑒹 𑒃𑒢𑓂𑒙𑒩𑒢𑒹𑒙𑒏 𑒏𑒢𑒹𑒏𑓂𑒬𑒢 𑒏𑒙𑒥𑒰 𑒪𑒻 𑒕𑒟𑒱। 𑒧𑒳𑒠𑒰 𑒁𑒦𑒠𑓂𑒩 𑒧𑒹𑒪 𑒁𑒋𑒪𑒰𑒣𑒩 𑒁𑒣𑒢𑒰𑒣𑒩 𑒢𑒱𑒨𑒢𑓂𑒞𑓂𑒩𑒝 𑒩𑒰𑒐𑒴 𑒂 𑒛𑒱𑒣𑓂𑒩𑒹𑒬𑒢𑒧𑒹 𑒢𑒯𑒱 𑒖𑒰𑒆। 𑒁𑒢𑓂𑒞𑒩𑓂𑒖𑒰𑒪𑒏 𑒢𑒲𑒏 𑒣𑒏𑓂𑒭𑒏 𑒅𑒣𑒨𑒼𑒑 𑒏𑒩𑒻𑒞 𑒩𑒯𑒴। 𑒏𑒼𑒢𑒼 𑒮𑒰𑒃𑒙𑒣𑒩 𑒪𑒰𑒑 𑒂𑒢 𑒏𑒹𑒢𑒹 𑒕𑒲 𑒞𑒿 𑒞𑒞𑓂𑒏𑒰𑒪 𑒪𑒰𑒑 𑒂𑒅𑒙 𑒦𑓄 𑒖𑒰𑒆।




𑒁𑓀𑒞𑒩𑓂𑒖𑒰𑒪 𑒂 𑒧𑒻𑒟𑒱𑒪𑒲
𑒣𑒴𑒩𑓂𑒫𑒣𑒲𑒚𑒱𑒏𑒰 :
𑒃𑓀𑒙𑒩𑒢𑒹𑒙 𑒣𑒩 𑒄-𑒣𑓂𑒩𑒏𑒰𑒬𑒱𑒞 𑒏𑒩𑒥𑒰𑒏 𑒅𑒠𑓂𑒠𑒹𑒬𑓂𑒨 𑒋𑒏𑒙𑒰 𑒤𑒰𑒩𑒧𑒏 𑒮𑓂𑒟𑒰𑒣𑒢𑒰 𑒯𑒼𑒋𑒥𑒰𑒏 𑒔𑒰𑒯𑒲 𑒖𑒰𑒯𑒱𑒧𑒹 𑒪𑒹𑒐𑒏 𑒂 𑒣𑒰𑒚𑒏𑒏 𑒥𑒲𑒔 𑒋𑒏𑒙𑒰 𑒋𑒯𑒢 𑒧𑒰𑒡𑓂𑒨𑒧 𑒯𑒼𑒁𑒋 𑒖𑒹 𑒏𑒞𑒯𑒳𑒮𑒿 𑒔𑒾𑒥𑒲𑒮𑒼 𑒒𑓀𑒙𑒰 𑒂 𑒮𑒰𑒞𑒼 𑒠𑒱𑒢 𑒅𑒣𑒪𑒥𑓂𑒡 𑒯𑒼𑒁𑒋। 𑒖𑒰𑒯𑒱𑒧𑒹 𑒣𑓂𑒩𑒏𑒰𑒬𑒢𑒏 𑒢𑒱𑒨𑒧𑒱𑒞𑒞𑒰 𑒯𑒼𑒁𑒋 𑒂 𑒖𑒰𑒯𑒱𑒮𑒿 𑒫𑒱𑒞𑒩𑒝𑒏 𑒮𑒧𑒮𑓂𑒨𑒰 𑒂 𑒦𑒾𑒑𑒼𑒪𑒱𑒏 𑒠𑒴𑒩𑒲𑒏 𑒁𑓀𑒞 𑒦𑓄 𑒖𑒰𑒨। 𑒤𑒹𑒩 𑒮𑒴𑒔𑒢𑒰-𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒏 𑒏𑓂𑒭𑒹𑒞𑓂𑒩𑒧𑒹 𑒏𑓂𑒩𑒰𑓀𑒞𑒱𑒏 𑒤𑒪𑒮𑓂𑒫𑒩𑒴𑒣 𑒋𑒏𑒙𑒰 𑒢𑒫 𑒣𑒰𑒚𑒏 𑒂 𑒪𑒹𑒐𑒏 𑒫𑒩𑓂𑒑𑒏 𑒯𑒹𑒞𑒳, 𑒣𑒳𑒩𑒰𑒢 𑒣𑒰𑒚𑒏 𑒂 𑒪𑒹𑒐𑒏𑒏 𑒮𑓀𑒑, 𑒤𑒰𑒩𑒧 𑒣𑓂𑒩𑒠𑒰𑒢 𑒏𑒋𑒢𑒰𑒃 𑒮𑒹𑒯𑒼 𑒋𑒏𑒩 𑒅𑒠𑓂𑒠𑒹𑒬𑓂𑒨 𑒯𑒼𑒋𑒥𑒰𑒏 𑒔𑒰𑒯𑒲 । 𑒃𑓀𑒙𑒩𑒢𑒹𑒙𑒣𑒩 𑒧𑒻𑒟𑒱𑒪𑒲𑒏 𑒣𑓂𑒩𑒰𑒩𑒧𑓂𑒦 𑒯𑒧 𑒏𑒋𑒢𑒹 𑒩𑒯𑒲 2000 𑒄. 𑒧𑒹 𑒨𑒰𑒯𑒴 𑒖𑒱𑒨𑒼𑒮𑒱𑒙𑒲𑒖𑒣𑒩 2000-2001 𑒧𑒹 𑒧𑒳𑒠𑒰 𑒍 𑒮𑒦 𑒮𑒰𑒃𑒙 𑒨𑒰𑒯𑒴 𑒠𑓂𑒫𑒰𑒩𑒰 𑒮𑒹𑒫𑒰 𑒮𑒧𑒰𑒣𑓂𑒞𑒱𑒏 𑒥𑒰𑒠 𑒛𑒱𑒪𑒲𑒙 𑒦𑓄 𑒑𑒹𑒪। 𑓕 𑒖𑒳𑒪𑒰𑒄 𑓒𑓐𑓐𑓔 𑒏𑒹𑒿 𑒥𑒢𑒰𑒍𑒪 “𑒦𑒰𑒪𑒮𑒩𑒱𑒏 𑒑𑒰𑒕” 𑒖𑒹 http://www.videha.com/2004/07/bhalsarik-gachh.html 𑒣𑒩 𑒋𑒐𑒢𑒼 𑒅𑒣𑒪𑒥𑓂𑒡 𑒁𑒕𑒱, 𑒧𑒻𑒟𑒱𑒪𑒲𑒏 𑒃𑓀𑒙𑒩𑒢𑒹𑒙𑒣𑒩 𑒣𑓂𑒩𑒟𑒧 𑒅𑒣𑒮𑓂𑒟𑒱𑒞𑒱𑒏 𑒩𑒴𑒣𑒧𑒹 𑒁𑒐𑒢𑒼 𑒫𑒱𑒠𑓂𑒨𑒧𑒰𑒢 𑒁𑒕𑒱। 𑒬𑒳𑒩𑒴𑒧𑒹 𑒂𑒮𑓂𑒏𑒲 𑒤𑒰𑒝𑓂𑒙 𑒏𑓂𑒩𑒳𑒞𑒠𑒹𑒫, 𑒬𑒳𑒬𑒰 𑒄 𑒮𑒦 𑒤𑒰𑒝𑓂𑒙 𑒮𑒰𑒃𑒙 𑒪𑒹𑒪 𑒣𑓂𑒩𑒨𑒳𑒏𑓂𑒞 𑒯𑒼𑒃𑒞 𑒕𑒪, 𑒣𑒯𑒱𑒢𑒹 𑒄 𑒅𑒣𑒨𑒼𑒑𑒲 𑒕𑒪 𑒧𑒳𑒠𑒰 𑒂𑒥 𑒮𑒩𑓂𑒔 𑒃𑓀𑒖𑒱𑒢𑒧𑒹 𑒨𑒴𑒢𑒱𑒏𑒼𑒛-𑒨𑒴.𑒙𑒲.𑒋𑒤.𑓘 𑒏𑒹𑒩 𑒮𑒩𑓂𑒔 𑒯𑒼𑒃𑒞 𑒕𑒻 𑒂 𑒂𑒮𑓂𑒏𑒲 𑒧𑒹 𑒪𑒱𑒐𑒪 𑒠𑒹𑒫𑒢𑒰𑒑𑒩𑒲𑒏 𑒮𑒩𑓂𑒔 𑒢𑒯𑒱 𑒦𑒋 𑒣𑒥𑒻𑒞 𑒁𑒕𑒱 । 𑒫𑒱𑒢𑓂𑒛𑒼𑒖𑒧𑒹 𑒧𑓀𑒑𑒪 𑒫𑒩𑓂𑒝𑒧𑒳𑒐 (𑒤𑒰𑒢𑓂𑒙) 𑒁𑒥𑒻𑒞 𑒕𑒻 𑒮𑒹 𑒨𑒴𑒢𑒲𑒏𑒼𑒛𑒧𑒹 𑒕𑒻 𑒂 𑒋𑒯𑒱𑒧𑒹 𑒪𑒱𑒐𑒪 𑒠𑒹𑒫𑒢𑒰𑒑𑒩𑒲 𑒮𑒩𑓂𑒔 𑒦𑒋 𑒖𑒰𑒃𑒞 𑒁𑒕𑒱 । 𑒧𑒱𑒟𑒱𑒪𑒰𑒏𑓂𑒭𑒩𑒏 𑒨𑒴𑒢𑒲𑒏𑒼𑒛 𑒩𑒴𑒣𑒏 𑒂𑒫𑒹𑒠𑒢 (𑒁𑓀𑒬𑒳𑒧𑒢 𑒣𑒰𑒝𑓂𑒛𑒹𑒨 𑒠𑓂𑒫𑒰𑒩𑒰 𑒠𑒹𑒪 𑒑𑒹𑒪) 𑒪𑓀𑒥𑒱𑒞 𑒁𑒕𑒱 𑒖𑒰𑒯𑒱𑒧𑒹 𑒥𑒩𑓂𑒏𑒪𑒹 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨𑒏 𑒣𑓂𑒩𑒼𑒤𑒹𑒮𑒩 𑒛𑒹𑒥𑒼𑒩𑒰𑒯 𑒋𑒢𑓂𑒛𑒩𑒮𑒢, Project Leader, Script Encoding Initiative, Dept. of Linguistics, UC Berkeley 𑒏 𑒂𑒑𑓂𑒩𑒯𑒣𑒩 𑒯𑒧𑒯𑒳𑒿 𑒨𑒼𑒑𑒠𑒰𑒢 𑒠𑒹𑒢𑒹 𑒩𑒯𑒲 । 𑒣𑒰𑒚𑒏 𑒂 𑒪𑒹𑒐𑒏 𑒠𑒳𑒢𑒴 𑒏𑒧 𑒩𑒯𑒟𑒱, 𑒧𑒳𑒠𑒰 𑒖𑒹𑒢𑒰 𑒖𑒹𑒢𑒰 𑒨𑒴𑒢𑒲𑒏𑒼𑒛 𑒂𑒡𑒰𑒩𑒱𑒞 𑒁𑒢𑓂𑒫𑒹𑒭𑒝 𑒨𑓀𑒞𑓂𑒩 𑒑𑒴𑒑𑒪, 𑒪𑒰𑒃𑒫 𑒂 𑒂𑒮𑓂𑒏 𑒛𑒰𑒙 𑒏𑒰𑒧 𑒠𑓂𑒫𑒰𑒩𑒰 𑒫𑒱𑒏𑒮𑒱𑒞 𑒦𑒹𑒪 𑒞𑒹𑒢𑒰 𑒞𑒹𑒢𑒰 𑒁𑒢𑓂𑒞𑒩𑓂𑒖𑒰𑒪𑒣𑒩 𑒧𑒻𑒟𑒱𑒪𑒲 𑒣𑒰𑒚𑒏 𑒂 𑒪𑒹𑒐𑒏𑒧𑒹 𑒫𑒵𑒠𑓂𑒡𑒱 𑒯𑒼𑒃𑒞 𑒑𑒹𑒪|
𑒧𑒻𑒟𑒱𑒪𑒲 𑒂 𑒁𑓀𑒞𑒩𑓂𑒖𑒰𑒪 :
𑒋𑒞𑒨 𑒮𑒰𑒯𑒱𑒞𑓂𑒨, 𑒮𑒧𑒰𑒔𑒰𑒩,𑒧𑒻𑒟𑒱𑒪𑒲 𑒂𑒛𑒱𑒨𑒼 , 𑒧𑒻𑒟𑒱𑒪𑒲 𑒫𑒲𑒛𑒱𑒨𑒼, 𑒧𑒱𑒟𑒱𑒪𑒰 𑒔𑒱𑒞𑓂𑒩𑒏𑒪𑒰, 𑒃𑒪𑒹𑒏𑓂𑒙𑓂𑒩𑒼𑒢𑒱𑒏 𑒧𑒻𑒟𑒱𑒪𑒲 𑒣𑒼𑒟𑒲 𑒮𑒦 𑒏𑒱𑒕𑒳 𑒁𑒕𑒱|

𑒧𑒻𑒟𑒱𑒪𑒲𑒧𑒹 𑒖𑒰𑒪𑒮𑓂𑒟𑒪 𑒢𑒱𑒩𑓂𑒧𑒰𑒝:

𑒣𑒯𑒱𑒢𑒹 𑒏𑒼𑒢𑒼 𑒂𑒢𑒪𑒰𑒃𑒢 𑒣𑓂𑒩𑒞𑒱𑒭𑓂𑒚𑒱𑒞 𑒮𑓀𑒮𑓂𑒟𑒰𑒮𑒿 𑒣𑓂𑒩𑒠𑒹𑒬 𑒢𑒰𑒧 (𑒛𑒼𑒧𑒹𑒢 𑒢𑒹𑒧) 𑒏𑒲𑒢𑒴 । 𑒅𑒠𑒰𑒯𑒩𑒝𑒮𑓂𑒫𑒩𑒴𑒣 𑒩𑒱𑒛𑒱𑒤 𑒛𑒰𑒙 𑒏𑒰𑒧 𑒣𑒩 𑒖𑒰𑒆 𑒂 𑒩𑒱𑒛𑒱𑒤 𑒯𑒼𑒮𑓂𑒙𑒱𑓀𑒑𑒣𑒩 𑒏𑓂𑒪𑒱𑒏 𑒏𑒩𑒴 । 𑒍𑒞𑒋 𑒥𑒳𑒏 𑒨𑒴𑒁𑒩 𑒛𑒼𑒧𑒹𑒢 𑒣𑒩 𑒖𑒰 𑒏𑒋 𑒃𑒔𑓂𑒕𑒱𑒞 𑒢𑒰𑒧 𑒙𑒱𑒏 𑒏𑒋 𑒠𑒹𑒐𑒴 𑒖𑒹 𑒍 𑒅𑒣𑒪𑒥𑓂𑒡 𑒁𑒕𑒱 𑒂𑒏𑒱 𑒢𑒯𑒱 । 𑒁𑒯𑒰𑒿 𑒁𑒣𑒢 𑒖𑒰𑒪𑒮𑓂𑒟𑒪𑒏 𑒯𑒹𑒞𑒳 𑒅𑒣𑒨𑒳𑒏𑓂𑒞 𑒛𑒼𑒧𑒹𑒢 𑒢𑒹𑒧 𑒏𑓂𑒩𑒹𑒛𑒱𑒙 𑒏𑒰𑒩𑓂𑒛𑒮𑒿 𑒂𑒢𑒪𑒰𑒃𑒢 𑒏𑒲𑒢𑒱 𑒮𑒏𑒻𑒞 𑒕𑒲 । 𑒄 𑒮𑒮𑓂𑒞𑒰 𑒕𑒻, 𑒠𑒮 𑒛𑒰𑒪𑒩 𑒣𑓂𑒩𑒞𑒱𑒫𑒩𑓂𑒭 𑒋𑒏𑒩 𑒁𑒡𑒱𑒏𑒞𑒧 𑒧𑒴𑒪𑓂𑒨 𑒕𑒻 । 𑒞𑒏𑒩𑒰 𑒥𑒰𑒠 𑒖𑒰𑒪𑒼𑒠𑓂𑒫𑒯𑒢 𑒮𑒹𑒫𑒰 (𑒫𑒹𑒥 𑒯𑒼𑒮𑓂𑒙𑒱𑓀𑒑 𑒮𑒩𑓂𑒫𑒱𑒮) 𑒏 𑒪𑒱𑓀𑒏𑒣𑒩 𑒖𑒰𑒆 । 𑓕 𑒫𑒰 𑒠𑒮 𑒮𑒰𑒪 𑒪𑒹𑒪 𑓑𑓐𑓐 𑒋𑒧.𑒥𑒲. 𑒮𑓂𑒟𑒰𑒢𑒏 𑒮𑓀𑒑 𑒖𑒰𑒪𑒼𑒠𑓂𑒫𑒯𑒢 𑒮𑒹𑒫𑒰 𑒪𑒱𑒁 𑒂 𑒋𑒏𑒩𑒰 𑒮𑓀𑒑 𑒧𑒰𑒨 𑒋𑒮.𑒏𑓂𑒨𑒴.𑒋𑒪. 𑒮𑒹𑒫𑒰 𑒧𑒳𑒤𑓂𑒞 𑒕𑒻 𑒧𑒳𑒠𑒰 𑒍𑒯𑒱𑒧𑒹 𑒪𑒰𑒃𑒢𑒹𑒏𑓂𑒮𑒣𑒩 𑒏𑒰𑒖 𑒏𑒩𑒋 𑒣𑒛𑓃𑒞 𑒖𑒹 𑒏𑒢𑒹𑒏 𑒏𑒚𑒱𑒢𑒰𑒯/ 𑒞𑒏𑒢𑒲𑒏𑒲 𑒦𑒋 𑒮𑒏𑒻𑒞 𑒁𑒕𑒱, 𑒮𑒹 𑒧𑒰𑒃𑒏𑓂𑒩𑒼𑒮𑒰𑒤𑓂𑒙 𑒋𑒮.𑒏𑓂𑒨𑒴.𑒋𑒪. 𑒮𑒹𑒫𑒰 𑒏𑒱𑒕𑒳 𑒂𑒩 𑒣𑒰𑒃 𑒪𑒑𑒰 𑒏𑒋 𑒁𑒯𑒰𑒿 𑒏𑒲𑒢𑒱 𑒮𑒏𑒻𑒞 𑒕𑒲 । 𑒂𑒥 𑒁𑒯𑒰𑒿 𑒪𑒑 𑓒𑓐 𑒋𑒧. 𑒥𑒲. 𑒏𑒹𑒩 𑒋𑒮.𑒏𑓂𑒨𑒴.𑒋𑒪. 𑒠𑒞𑓂𑒞𑒢𑒱𑒡𑒱 (𑒛𑒰𑒙𑒰𑒥𑒹𑒮) 𑒂 𑓘𑓐 𑒋𑒧.𑒥𑒲.𑒏𑒹𑒩 𑒮𑒰𑒃𑒙 𑒪𑒹𑒪 𑒖𑒑𑒯 𑒥𑒰𑒿𑒔𑒞 (𑒧𑒰𑒢𑒹 𑒣𑒴𑒩𑒰 𑓑𑓐𑓐 𑒋𑒧.𑒥𑒲.) 𑒂 𑒮𑒹 𑒣𑒩𑓂𑒨𑒰𑒣𑓂𑒞 𑒁𑒕𑒱। 𑒧𑒰𑒃𑒏𑓂𑒩𑒼𑒮𑒰𑒤𑓂𑒙 𑒋𑒮.𑒏𑓂𑒨𑒴.𑒋𑒪. 𑒮𑒹𑒫𑒰 𑒪𑒹𑒥𑒰𑒏 𑒅𑒣𑒩𑒰𑒢𑓂𑒞 𑒁𑒯𑒰𑒿 𑒁𑒣𑒢 𑒧𑒰𑒃𑒏𑓂𑒩𑒼𑒮𑒰𑒤𑓂𑒙 𑒋𑒏𑓂𑒮𑒹𑒪 𑒮𑒘𑓂𑒔𑒱𑒏𑒰 𑒍𑒞𑒋 𑒔𑒜𑓃𑒰 𑒮𑒏𑒻𑒞 𑒕𑒲 𑒂 𑒞𑒏𑒩 𑒅𑒣𑒨𑒼𑒑 𑒁𑒣𑒢 𑒖𑒰𑒪𑒮𑓂𑒟𑒪𑒣𑒩 𑒋𑒏𑒙𑒰 𑒧𑒡𑓂𑒨𑒮𑓂𑒟 (𑒃𑒢𑓂𑒙𑒩𑒤𑒹𑒮) 𑒥𑒢𑒰 𑒏𑒋 𑒁𑒯𑒰𑒿 𑒏𑒋 𑒮𑒏𑒻𑒞 𑒕𑒲 । 𑒋𑒮.𑒏𑓂𑒨𑒴.𑒋𑒪.𑒂𑒡𑒰𑒩𑒱𑒞 𑒍𑒢𑒪𑒰𑒃𑒢 𑒮𑒩𑓂𑒔𑒹𑒥𑒪 𑒛𑒱𑒏𑓂𑒬𑒢𑒩𑒲 𑒮𑒹𑒯𑒼 𑒁𑓀𑒞𑒩𑓂𑒖𑒰𑒪𑒣𑒩 𑒁𑒕𑒱 (𑒫𑒱𑒠𑒹𑒯 𑒏𑒼𑒭)| 𑒋𑒯𑒱 𑒪𑒹𑒪 𑒁𑒣𑒢 𑒠𑒞𑓂𑒞𑒮𑓀𑒑𑓂𑒩𑒯 𑒏𑒼𑒢𑒼 𑒞𑒢𑓂𑒞𑓂𑒩𑒰𑓀𑒬 𑒖𑒹𑒢𑒰 𑒄.𑒋𑒧.𑒋𑒮. 𑒋𑒮.𑒏𑓂𑒨𑒴.𑒋𑒪.𑒧𑒻𑒢𑒹𑒖𑒩𑒏 𑒧𑒰𑒡𑓂𑒨𑒧𑒮𑒿 𑒁𑒣𑒢 𑒫𑒱𑒞𑒩𑒏𑒣𑒩 𑒔𑒜𑓃𑒰𑒍𑒪 𑒖𑒰𑒃𑒞 𑒁𑒕𑒱 𑒂 𑒁𑒣𑒢 𑒖𑒰𑒪𑒮𑓂𑒟𑒪𑒏 𑒣𑒵𑒭𑓂𑒚𑒣𑒩 𑒧𑒡𑓂𑒨𑒮𑓂𑒟 (𑒃𑓀𑒙𑒩𑒤𑒹𑒮) 𑒠𑒹𑒪 𑒖𑒰𑒃𑒞 𑒁𑒕𑒱|
𑒂𑒥 𑒖𑒰𑒪𑒮𑓂𑒟𑒪 (𑒫𑒹𑒥𑒮𑒰𑒃𑒙) 𑒥𑒢𑒹𑒥𑒰𑒏 𑒫𑒱𑒡𑒱𑒣𑒩 𑒫𑒱𑒔𑒰𑒩 𑒏𑒩𑒲। 𑒧𑒰𑒃𑒏𑓂𑒩𑒼𑒮𑒰𑒤𑓂𑒙 𑒤𑓂𑒩𑒢𑓂𑒙𑒣𑒹𑒖 𑒂𑒤𑒱𑒮 𑒋𑒏𑓂𑒮.𑒣𑒲. 𑒏 𑒮𑓀𑒑 𑒁𑒥𑒻𑒞 𑒁𑒕𑒱 । 𑒂𑒤𑒱𑒮 𑓒𑓐𑓐𑓓 𑒧𑒹 𑒮𑒹𑒯𑒼 𑒄 𑒁𑒪𑒑 𑒮𑒿 𑒅𑒣𑒪𑒥𑓂𑒡 𑒁𑒕𑒱 । 𑒤𑓂𑒩𑒢𑓂𑒙𑒣𑒹𑒖𑒧𑒹 𑒥𑒢𑒪-𑒥𑒢𑒰𑒍𑒪 𑒫𑒹𑒥𑒮𑒰𑒃𑒙 𑒫𑒱𑒖𑒰𑒩𑓂𑒛 𑒔𑒪𑒰𑒆 । 𑒧𑒼𑒙𑒰-𑒧𑒼𑒙𑒲 𑒣𑒰𑒿𑒔 𑒣𑒵𑒭𑓂𑒚𑒏 𑒖𑒰𑒪-𑒮𑓂𑒟𑒪 𑒥𑒢𑒱 𑒖𑒰𑒋𑒞। 𑒋𑒯𑒱𑒧𑒹 𑒫𑒰𑒧 𑒏𑒰𑒞 𑒩𑒰𑒃𑒙 𑒏𑓂𑒪𑒱𑒏 𑒏𑒋 𑒣𑒵𑒭𑓂𑒚𑒏 𑒮𑓀𑒐𑓂𑒨𑒰 𑒥𑒜𑓃𑒰 𑒮𑒏𑒻𑒞 𑒕𑒲 । 𑒆𑒣𑒩𑒧𑒹 𑒮𑓂𑒟𑒱𑒞 𑒟𑒲𑒧𑒮𑒿 𑒁𑒣𑒢 𑒃𑒔𑓂𑒕𑒰 𑒧𑒼𑒞𑒰𑒥𑒱𑒏 𑒥𑒢𑒪-𑒥𑒢𑒰𑒍𑒪 𑒛𑒱𑒖𑒰𑒃𑒢 𑒮𑒹𑒯𑒼 𑒪𑒋 𑒮𑒏𑒻𑒞 𑒕𑒲 । 𑒮𑒰𑒃𑒙𑒏 𑒏𑒼𑒢𑒼 𑒣𑒵𑒭𑓂𑒚𑒏𑒹𑒿 𑒁𑒯𑒰𑒿 𑒤𑒼𑒙𑒼 𑒋𑒪𑒲𑒧𑒹𑒢𑓂𑒙 𑒠𑓂𑒫𑒰𑒩𑒰 𑒤𑒼𑒙𑒼 𑒑𑒻𑒪𑒩𑒲𑒧𑒹 𑒣𑒩𑒱𑒫𑒩𑓂𑒞𑒱𑒞 𑒏𑒋 𑒮𑒏𑒻𑒞 𑒕𑒲 𑒂 𑓓-𑓔-𑓕-𑓖 𑒮𑓂𑒞𑒧𑓂𑒦𑒧𑒹 𑒤𑒼𑒙𑒼 𑒮𑒦 𑒮𑒖𑒰 𑒮𑒏𑒻𑒞 𑒕𑒲 ।
𑒑𑒴𑒑𑒪 𑒂 𑒫𑒩𑓂𑒛𑒣𑓂𑒩𑒹𑒮 𑒠𑓂𑒫𑒰𑒩𑒰 𑒖𑒰𑒪𑒫𑒵𑒞𑓂𑒞 𑒐𑒼𑒪𑒥𑒰𑒏 𑒪𑒹𑒪 𑒥𑒯𑒳𑒞 𑒩𑒰𑒮 𑒥𑒢𑒪 𑒥𑒢𑒰𑒋𑒪 𑒣𑒩𑒱𑒏𑒪𑓂𑒣𑒱𑒞 𑒢𑒧𑒴𑒢𑒰 𑒮𑓂𑒟𑒪 𑒢𑒱𑒩𑓂𑒧𑒰𑒝 𑒪𑒹𑒪 𑒅𑒣𑒪𑒥𑓂𑒡 𑒁𑒕𑒱 𑒂 𑒍𑒞𑒋 𑒪𑒹𑒐𑒢, 𑒮𑓀𑒠𑒹𑒬 𑒂 𑒙𑒱𑒣𑓂𑒣𑒝𑒲𑒏 𑒪𑒹𑒪 𑒁𑒮𑒲𑒧𑒱𑒞 𑒠𑒞𑓂𑒞𑒰𑓀𑒬𑒢𑒱𑒡𑒱 𑒅𑒣𑒪𑒥𑓂𑒡 𑒁𑒕𑒱, 𑒖𑒞𑒋 𑒖𑒰𑒪𑒼𑒠𑓂𑒫𑒯𑒢 𑒧𑒿𑒑𑒢𑒲𑒧𑒹 𑒠𑒹𑒪 𑒖𑒰 𑒩𑒯𑒪 𑒁𑒕𑒱। 𑒄 𑒮𑒦 𑒖𑒰𑒪𑒫𑒵𑒞𑓂𑒞 𑒢𑒱𑒩𑓂𑒧𑒰𑒝 𑒮𑓂𑒟𑒪 𑒅𑒣𑒦𑒼𑒏𑓂𑒞𑒰 𑒏𑒹𑒢𑓂𑒠𑓂𑒩𑒱𑒞 𑒁𑒕𑒱 𑒂 𑒋𑒞𑒋 𑒮𑒩𑒪 𑒪𑒹𑒐𑒢-𑒣𑒠𑓂𑒡𑒞𑒱𑒏 𑒫𑓂𑒨𑒫𑒮𑓂𑒟𑒰 𑒮𑒹𑒯𑒼 𑒏𑒋𑒪 𑒑𑒹𑒪 𑒁𑒕𑒱 ।


𑒪𑒰𑒦-𑒯𑒰𑒢𑒱:
𑒁𑓀𑒞𑒩𑓂𑒖𑒰𑒪𑒣𑒩 𑒮𑒴𑒔𑒢𑒰𑒏 𑒞𑓂𑒫𑒩𑒱𑒞 𑒮𑒧𑓂𑒣𑓂𑒩𑒹𑒭𑒝 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒋𑒏𑒩 𑒅𑒣𑒨𑒼𑒑𑒮𑒿 𑒥𑒹𑒬𑒲 𑒠𑒳𑒩𑒳𑒣𑒨𑒼𑒑𑒏 𑒮𑓀𑒦𑒰𑒫𑒢𑒰 𑒩𑒯𑒻𑒞 𑒁𑒕𑒱, 𑒐𑓃𑒰𑒮 𑒏𑒨 𑒢𑒰𑒧 𑒥𑒠𑒪𑒱 𑒏𑒨 𑒫𑒱𑒦𑒱𑒢𑓂𑒢 𑒂𑒃. 𑒋𑒮.𑒣𑒲. 𑒮𑒿 𑒏𑒧𑒹𑒢𑓂𑒙 𑒂 𑒥𑓂𑒪𑒻𑒏𑒧𑒹𑒪 𑒏𑒹𑒢𑒰𑒃 𑒂𑒠𑒱, 𑒍𑒏𑒩𑒰 𑒅𑒒𑒰𑒩 𑒏𑒩𑒥𑒰𑒏 𑒫𑒱𑒡𑒱 𑒮𑒹𑒯𑒼 𑒁𑒕𑒱 𑒧𑒳𑒠𑒰 𑒮𑒹 𑒆𑒩𑓂𑒖𑒰𑒏 𑒁𑒣𑒫𑓂𑒨𑒨 𑒮𑒹𑒯𑒼 𑒏𑒩𑒥𑒻𑒞 𑒁𑒕𑒱| 𑒖𑒞𑒋 𑒃𑓀𑒙𑒩𑒢𑒹𑒙𑒏 𑒮𑓂𑒣𑒲𑒛 𑒏𑒧 𑒕𑒻𑒏 𑒫𑒰 𑒃𑓀𑒙𑒩𑒢𑒹𑒙 𑒧𑒯𑒑 𑒕𑒻𑒏 𑒍𑒞𑒋 𑒮𑒰𑒧𑒑𑓂𑒩𑒲 pdf 𑒮𑓂𑒫𑒩𑒴𑒣𑒧𑒹 𑒮𑓀𑒑𑓂𑒩𑒯𑒝 𑒏𑒨𑒪 𑒖𑒰 𑒮𑒏𑒻𑒞 𑒁𑒕𑒱, 𑒖𑒏𑒩𑒰 𑒛𑒰𑒅𑒢𑒪𑒼𑒛 𑒏𑒋 𑒣𑒰𑒚𑒏 𑒁𑒣𑒢 𑒏𑓀𑒣𑓂𑒨𑒳𑒙𑒩𑒧𑒹 𑒮𑒳𑒩𑒏𑓂𑒭𑒱𑒞 𑒩𑒰𑒐𑒱 𑒮𑒏𑒻𑒞 𑒕𑒟𑒱 𑒂 𑒁𑒣𑒢𑒰 𑒮𑒳𑒫𑒱𑒡𑒰𑒢𑒳𑒮𑒰𑒩𑒹 𑒋𑒏𑒩𑒰 𑒣𑒜𑓃𑒱 𑒮𑒏𑒻𑒞 𑒕𑒟𑒱। 𑒏𑒼𑒢𑒼 𑒤𑒰𑒃𑒪𑒏𑒹𑒿 𑒣𑒜𑓃𑒥𑒰𑒏 𑒯𑒹𑒞𑒳 𑒏𑓀𑒣𑓂𑒨𑒳𑒙𑒩𑒧𑒹 𑒂𑒫𑒬𑓂𑒨𑒏 𑒤𑒰𑓀𑒙 𑒯𑒼𑒋𑒥 𑒖𑒩𑒴𑒩𑒲 𑒁𑒕𑒱, 𑒢𑒯𑒱 𑒞𑒿 𑒮𑒦𑒮𑒿 𑒮𑒩𑒪 𑒅𑒣𑒰𑒨 𑒁𑒕𑒱 𑒬𑒥𑓂𑒠-𑒮𑓀𑒮𑒰𑒡𑒏𑒧𑒹 𑒥𑒢𑒪 𑒪𑒹𑒐 (𑒫𑒩𑓂𑒛 𑒛𑒼𑒏𑓂𑒨𑒳𑒧𑒹𑓀𑒙) 𑒏𑒹𑒿 𑒣𑒲.𑒛𑒲.𑒋𑒤. 𑒤𑒰𑒃𑒪𑒧𑒹 𑒣𑒩𑒱𑒫𑒩𑓂𑒞𑓂𑒞𑒱𑒞 𑒏𑒩𑒥 । 𑒋𑒯𑒱𑒧𑒹 𑒢𑒤𑒰 𑒢𑒳𑒏𑒮𑒰𑒢 𑒠𑒳𑒢𑒴 𑒁𑒕𑒱 । 𑒢𑒤𑒰 𑒖𑒹 𑒥𑒱𑒢𑒰 𑒏𑒼𑒢𑒼 𑒤𑒰𑓀𑒙𑒏 𑒗𑓀𑒗𑒙𑒱𑒏 𑒣𑒲.𑒛𑒲.𑒋𑒤.𑒤𑒰𑒃𑒪 𑒖𑒰𑒃 𑒏𑒰𑒿𑒙𑒰/ 𑒫𑒩𑓂𑒝𑒧𑒳𑒐/ 𑒪𑒱𑒣𑒱𑒧𑒹 𑒪𑒱𑒐𑒪 𑒑𑒹𑒪 𑒁𑒕𑒱, 𑒞𑒰𑒯𑒱𑒧𑒹 𑒣𑒜𑓃𑒪 𑒖𑒰 𑒮𑒏𑒻𑒞 𑒁𑒕𑒱 । 𑒋𑒏𑒩 𑒢𑒳𑒏𑒮𑒰𑒢 𑒖𑒹 𑒖𑒐𑒢𑒹 𑒤𑒰𑒃𑒪𑒧𑒹 𑒖𑒰 𑒏𑒋 𑒮𑒹𑒫 𑒋𑒖 𑒙𑒹𑒏𑓂𑒮𑓂𑒙 𑒏𑒩𑒥 𑒞𑒿 𑒁𑓀𑒑𑓂𑒩𑒹𑒖𑒲 𑒞𑒿 𑒮𑒹𑒫 𑒦𑒋 𑒖𑒋𑒞 𑒧𑒳𑒠𑒰 𑒠𑒹𑒫𑒢𑒰𑒑𑒩𑒲 𑒞𑒹𑒯𑒢 𑒮𑒹𑒫 𑒯𑒼𑒋𑒞 𑒖𑒹 𑒣𑒜𑓃𑒱 𑒢𑒯𑒱 𑒮𑒏𑒲 ।
𑒁𑓀𑒞𑒩𑓂𑒖𑒰𑒪 𑒣𑓂𑒩𑒫𑒰𑒮𑒲 𑒧𑒻𑒟𑒱𑒪𑒏 𑒪𑒹𑒪 𑒫𑒩𑒠𑒰𑒢 𑒮𑒱𑒠𑓂𑒡 𑒦𑒹𑒪 𑒁𑒕𑒱 𑒂 𑒋𑒯𑒱 𑒧𑒻𑒟𑒱𑒪𑒧𑒹 𑒥𑒔𑓂𑒔𑒰 𑒂 𑒧𑒯𑒱𑒪𑒰𑒏 𑒮𑓀𑒑 𑒖𑒰𑒯𑒱 𑒞𑒩𑒯𑒹𑒿 𑒑𑒻𑒩 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝-𑒏𑒩𑓂𑒝 𑒏𑒰𑒨𑒮𑓂𑒟 𑒣𑒰𑒚𑒏 𑒂 𑒪𑒹𑒐𑒏 𑒖𑒳𑒙𑒪𑒰𑒯 𑒮𑒹 𑒁𑒠𑓂𑒦𑒳𑒞 𑒁𑒕𑒱|
𑒂 𑒋𑒞𑒋 𑒧𑒻𑒟𑒱𑒪𑒲𑒏𑒹𑒿 𑒠𑒹𑒪 𑒮𑓂𑒪𑒼-𑒣𑒼𑒃𑒖𑒢𑒱𑓀𑒑𑒏 𑒫𑒱𑒩𑒳𑒠𑓂𑒡 𑒏𑒰𑒖 𑒯𑒼𑒃𑒞 𑒁𑒕𑒱| 𑒧𑒻𑒟𑒱𑒪𑒲𑒏 𑒢𑒰𑒧𑒣𑒩 𑒏𑒼𑒢𑒼 𑒏𑒧𑓂𑒣𑓂𑒩𑒼𑒧𑒰𑒃𑒖 𑒢𑒯𑒱 𑒦𑒹𑒙𑒞| 𑒮𑒳𑒔𑓂𑒔𑒰 𑒧𑒻𑒟𑒱𑒪𑒲 𑒣𑒰𑒚𑒏, 𑒏𑒼𑒢𑒼 𑒑𑒼𑒪𑒾𑒮𑒲 𑒢𑒃 | 𑒫𑓂𑒨𑒏𑓂𑒞𑒱𑒑𑒞 𑒧𑒯𑒞𑓂𑒫𑒰𑒏𑒰𑓀𑒏𑓂𑒭𑒰𑒧𑒹 𑒏𑒙𑒰𑒅𑒗 𑒏𑒩𑒻𑒞 𑒥𑒱𑒢 𑒣𑒰𑒚𑒏𑒏 𑒣𑒞𑓂𑒩𑒱𑒏𑒰 𑒢𑒻 𑒁𑒕𑒱 𑒄 𑒮𑒦 𑒖𑒹 𑒮𑓂𑒫𑒨𑓀 𑒧𑒩𑒱 𑒩𑒯𑒪 𑒁𑒕𑒱 𑒂 𑒧𑒻𑒟𑒱𑒪𑒲𑒏𑒹𑒿 𑒧𑒰𑒩𑒱 𑒩𑒯𑒪 𑒁𑒕𑒱। 𑒍𑒢𑒰 𑒁𑒢𑓂𑒞𑒩𑓂𑒖𑒰𑒪𑒣𑒩 𑒧𑒻𑒟𑒱𑒪𑒲𑒏 𑒏𑒱𑒕𑒳 𑒖𑒰𑒪𑒫𑒵𑒞𑓂𑒞𑒣𑒩 𑒮𑒹𑒯𑒼 𑒖𑒰𑒞𑒱𑒑𑒞 𑒏𑒙𑒰𑒅𑒗 𑒂 𑒁𑒣𑒬𑒥𑓂𑒠𑒏 𑒣𑓂𑒩𑒨𑒼𑒑 𑒠𑒹𑒐𑒥𑒰𑒧𑒹 𑒂𑒋𑒪 𑒁𑒕𑒱 𑒂 𑒮𑒹 𑒏𑒹𑒢𑒱𑒯𑒰𑒩 𑒫𑓂𑒨𑒏𑓂𑒞𑒱𑒑𑒞 𑒧𑒯𑒞𑓂𑒫𑒰𑒏𑒰𑓀𑒏𑓂𑒭𑒰 𑒥𑒪𑒰 𑒮𑒦 𑒕𑒟𑒱। 𑒁𑒢𑓂𑒞𑒩𑓂𑒖𑒰𑒪𑒣𑒩 𑒄-𑒣𑓂𑒩𑒏𑒰𑒬𑒱𑒞 𑒩𑒔𑒢𑒰𑒏𑒹𑒿 𑒯𑒖𑒰𑒩𑒏-𑒯𑒖𑒰𑒩 𑒣𑒰𑒚𑒏𑒏 𑒮𑓂𑒢𑒹𑒯 𑒂 𑒂𑒢𑒪𑒰𑒃𑒢 𑒏𑒰𑒧𑒹𑒢𑓂𑒙 𑒣𑓂𑒩𑒰𑒣𑓂𑒞 𑒯𑒼𑒃𑒞 𑒁𑒕𑒱| 𑒩𑒰𑒭𑓂𑒙𑓂𑒩𑒲𑒨 𑒮𑒩𑓂𑒫𑒹𑒏𑓂𑒭𑒝 𑒄 𑒠𑒹𑒐𑒥𑒻𑒞 𑒁𑒕𑒱 𑒖𑒹 𑒮𑓀𑒮𑓂𑒏𑒵𑒞, 𑒯𑒱𑒢𑓂𑒠𑒲, 𑒧𑒻𑒟𑒱𑒪𑒲 𑒂 𑒂𑒢 𑒮𑒰𑒯𑒱𑒞𑓂𑒨 𑒏𑒰𑒪𑒹𑒖𑒧𑒹 𑒫𑒻𑒯 𑒣𑒜𑓃𑒻𑒞 𑒕𑒟𑒱 𑒖𑒱𑒢𑒏𑒰 𑒠𑒼𑒮𑒩 𑒫𑒱𑒭𑒨𑒧𑒹 𑒢𑒰𑒧𑒰𑓀𑒏𑒢 𑒢𑒯𑒱 𑒦𑒹𑒙𑒻𑒞 𑒕𑒢𑓂𑒯𑒱, 𑒣𑒞𑓂𑒩𑒏𑒰𑒩𑒱𑒞𑒰𑒧𑒹 𑒮𑒹𑒯𑒼 𑒨𑒻𑒯 𑒮𑒦 𑒁𑒥𑒻𑒞 𑒕𑒟𑒱। 𑒣𑓂𑒩𑒞𑒱𑒦𑒰 𑒫𑒱𑒣𑒢𑓂𑒢 𑒋𑒯𑒢𑒹 𑒮𑒰𑒯𑒱𑒞𑓂𑒨𑒮𑒹𑒫𑒲𑒏𑒹𑒿 𑒮𑒰𑒯𑒱𑒞𑓂𑒨𑒏 𑒔𑒬𑓂𑒏𑒰 𑒪𑒰𑒑𑒪 𑒕𑒢𑓂𑒯𑒱 𑒂 𑒯𑒱𑒢𑒏𑒹 𑒯𑒰𑒟𑒧𑒹 𑒧𑒻𑒟𑒱𑒪𑒲 𑒦𑒰𑒭𑒰𑒏 𑒦𑒫𑒱𑒭𑓂𑒨 𑒮𑒳𑒩𑒏𑓂𑒭𑒱𑒞 𑒩𑒯𑒞? 𑒧𑒻𑒟𑒱𑒪𑒲 𑒖𑒹 𑒮𑒲𑒧𑒱𑒞 𑒣𑓂𑒩𑒞𑒱𑒨𑒼𑒑𑒲 (𑒠𑒳𑒩𑓂𑒖𑒹𑒨!) 𑒮𑒦𑒏 𑒂𑒣𑒮𑒲 𑒧𑒯𑒞𑓂𑒫𑒰𑒏𑒰𑓀𑒏𑓂𑒭𑒰𑒏 𑒧𑒰𑒩𑒱𑒏 𑒥𑒲𑒔 𑒧𑒩𑒱 𑒩𑒯𑒪 𑒕𑒪 𑒞𑒰𑒯𑒱𑒧𑒹 𑒁𑓀𑒞𑒩𑓂𑒖𑒰𑒪 𑒯𑒮𑓂𑒞𑒏𑓂𑒭𑒹𑒣 𑒏𑒨𑒪𑒏 𑒁𑒕𑒱 | 𑒫𑒱𑒖𑓂𑒘𑒰𑒢 𑒏𑒟𑒰, 𑒥𑒰𑒪-𑒏𑒱𑒬𑒼𑒩 𑒏𑒟𑒰-𑒏𑒫𑒱𑒞𑒰𑒏 𑒋𑒞𑒋 𑒁𑒧𑒰𑒩 𑒪𑒰𑒑𑒪 𑒁𑒕𑒱, 𑒧𑒱𑒟𑒱𑒪𑒰𑒏 𑒦𑒰𑒭𑒰𑒏 𑒏𑒼𑒧𑒪 𑒂𑒩𑒼𑒯-𑒁𑒫𑒩𑒼𑒯, 𑒋𑒞𑒳𑒏𑓂𑒏𑒰 𑒮𑒩𑓂𑒫𑒯𑒰𑒩𑒰 𑒫𑒩𑓂𑒑𑒏 𑒮𑒩𑓂𑒫𑒑𑒳𑒝𑒮𑓀𑒣𑒢𑓂𑒢𑒞𑒰, 𑒮𑓀𑒑𑒯𑒱 𑒋𑒞𑒳𑒏𑓂𑒏𑒰 𑒩𑒯𑒢-𑒮𑒯𑒢 𑒂 𑒮𑓀𑒮𑓂𑒏𑒵𑒞𑒱𑒏 𑒏𑒙𑓂𑒙𑒩𑒞𑒰 𑒂 𑒩𑒰𑒖𑒢𑒲𑒞𑒱, 𑒠𑒱𑒢𑒔𑒩𑓂𑒨𑒰, 𑒮𑒰𑒧𑒰𑒖𑒱𑒏 𑒧𑒰𑒢𑓂𑒨𑒞𑒰, 𑒂𑒩𑓂𑒟𑒱𑒏 𑒮𑓂𑒟𑒱𑒞𑒱, 𑒢𑒻𑒞𑒱𑒏𑒞𑒰, 𑒡𑒩𑓂𑒧 𑒂 𑒠𑒩𑓂𑒬𑒢 𑒮𑒦 𑒫𑒮𑓂𑒞𑒳 𑒋𑒞𑒋 𑒁𑒕𑒱 | 𑒧𑒰𑒞𑓂𑒩 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝 𑒢𑒲𑒏 𑒧𑒻𑒟𑒱𑒪𑒲 𑒪𑒱𑒐𑒱 𑒮𑒏𑒨 𑒕𑒟𑒱 𑒮𑒹 𑒞𑒟𑓂𑒨 𑒖𑒰𑒪𑒫𑒵𑒞𑓂𑒞𑒣𑒩 𑒣𑒼𑒮𑓂𑒙 𑒦𑒹𑒪 𑒁𑒮𑓀𑒣𑒰𑒠𑒱𑒞 𑒩𑒔𑒢𑒰 𑒗𑒴𑒚 𑒮𑒱𑒠𑓂𑒡 𑒏𑒩𑒻𑒞 𑒁𑒕𑒱 𑒂 𑒮𑒹 𑒑𑒻𑒩 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝 𑒂 𑒏𑒩𑓂𑒝 𑒏𑒰𑒨𑒮𑓂𑒟 𑒣𑒰𑒚𑒏 𑒂 𑒪𑒹𑒐𑒏𑒏𑒹𑒿 𑒧𑒻𑒟𑒱𑒪 𑒣𑒰𑒚𑒏 𑒂 𑒪𑒹𑒐𑒏𑒏 𑒮𑒼𑒗𑒰 𑒣𑓂𑒩𑒞𑒱𑒧𑒰𑒢 𑒣𑓂𑒩𑒮𑓂𑒞𑒳𑒞 𑒏𑒩𑒻𑒞 𑒁𑒕𑒱 𑒖𑒹 𑒍 𑒑𑒪𑒞 𑒢𑒻 𑒥𑒰𑒖𑒱 𑒩𑒯𑒪 𑒕𑒟𑒱 𑒫𑒩𑒢 𑒧𑒻𑒟𑒱𑒪𑒲 𑒑𑒪𑒞 𑒪𑒱𑒐𑒪 𑒖𑒰 𑒩𑒯𑒪 𑒕𑒪| 𑒂 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨 𑒋𑒏𑒦𑒑𑒰𑒯 𑒦𑓄 𑒖𑒋𑒥𑒰𑒮𑒿 𑒥𑒔𑒱 𑒖𑒰𑒃𑒞 𑒁𑒕𑒱 । 𑒂 𑒁𑓀𑒞𑒩𑓂𑒖𑒰𑒪𑒮𑒿 𑒣𑓂𑒩𑒱𑓀𑒙𑒧𑒹 𑒣𑓂𑒩𑒫𑒹𑒬 𑒮𑒹𑒯𑒼 𑒮𑒩𑒪 𑒁𑒕𑒱 𑒏𑒰𑒩𑒝 𑒣𑓂𑒩𑒏𑒰𑒬𑒏𑒏𑒹𑒿 𑒥𑒢𑒪 𑒥𑒢𑒰𑒍𑒪 𑒮𑒰𑒧𑒑𑓂𑒩𑒲 𑒣𑓂𑒩𑒰𑒣𑓂𑒞 𑒯𑒼𑒃𑒞 𑒕𑒢𑒱, 𑒐𑒩𑓂𑒔𑒰 𑒥𑒔𑒱 𑒖𑒰𑒃 𑒕𑒢𑒱|
𑒁𑒢𑓂𑒞𑒩𑓂𑒖𑒰𑒪𑒣𑒩 𑒧𑒻𑒟𑒱𑒪𑒲𑒏 𑒦𑒫𑒱𑒭𑓂𑒨:
𑒖𑒯𑒱𑒨𑒰 𑒣𑓂𑒩𑒹𑒮 𑒂𑒋𑒪 𑒕𑒪 𑒞 𑒍𑒏𑒩𑒰 𑒥𑒳𑒩𑓂𑒖𑒳𑒂 𑒫𑒩𑓂𑒑𑒏 𑒯𑒼𑒋𑒥𑒰𑒏 𑒫𑒱𑒬𑒹𑒭𑒝 𑒦𑒹𑒙𑒪 𑒩𑒯𑒨, 𑒅𑒣𑒢𑓂𑒨𑒰𑒮 𑒮𑒹𑒯𑒼 𑒣𑓂𑒩𑒹𑒮 𑒁𑒋𑒪𑒰𑒣𑒩 𑒂𑒨𑒪 𑒮𑒹 𑒍𑒯𑒼 𑒥𑒳𑒩𑓂𑒖𑒳𑒂 𑒮𑒰𑒯𑒱𑒞𑓂𑒨 𑒩𑒯𑒨 𑒧𑒳𑒠𑒰 𑒂𑒮𑓂𑒞𑒹-𑒂𑒮𑓂𑒞𑒹 𑒍 𑒡𑒰𑒩𑒝𑒰 𑒐𑒞𑓂𑒧 𑒦𑒹𑒪| 𑒁𑓀𑒞𑒩𑓂𑒖𑒰𑒪𑒏 𑒮𑒰𑒯𑒱𑒞𑓂𑒨 𑒮𑒹𑒯𑒼 𑒣𑓂𑒩𑒱𑓀𑒙 𑒮𑒰𑒯𑒱𑒞𑓂𑒨𑒏 𑒣𑒴𑒩𑒏 𑒩𑒯𑒥𑒹 𑒏𑒩𑒞| 𑒖𑒹 𑒪𑒼𑒏 𑒏𑒧𑓂𑒣𑓂𑒨𑒴𑒙𑒩 𑒮𑓂𑒏𑓂𑒩𑒲𑒢𑒣𑒩 𑒢𑒻 𑒠𑒹𑒐𑒞𑒰𑒯 𑒞 𑒣𑓂𑒩𑒱𑓀𑒙 𑒏𑒨 𑒠𑒹𑒐𑒞𑒰𑒯| 𑒂 𑒣𑓂𑒩𑒱𑓀𑒙 𑒍𑒢 𑒛𑒲𑒧𑒰𑓀𑒛𑒏 𑒮𑒳𑒫𑒱𑒡𑒰 𑒮𑒹𑒯𑒼 𑒣𑒼𑒟𑒲 𑒛𑒰𑒙 𑒏𑒰𑒧 𑒂 𑒂𑒢 𑒮𑒰𑒃𑒙/ 𑒣𑓂𑒩𑒏𑒰𑒬𑒏 𑒠𑒨 𑒩𑒯𑒪 𑒕𑒟𑒱|
𑒧𑒻𑒟𑒱𑒪𑒲 𑒪𑒹𑒪 𑒁𑓀𑒞𑒩𑓂𑒖𑒰𑒪 𑒠𑓂𑒫𑒰𑒩𑒰 𑒣𑓂𑒩𑒏𑒰𑒬𑒢𑒏 𑒢𑒱𑒨𑒧𑒱𑒞𑒞𑒰 , 𑒫𑒱𑒞𑒩𑒝𑒏 𑒮𑒧𑒮𑓂𑒨𑒰𑒏 𑒮𑒧𑒰𑒣𑓂𑒞𑒱, 𑒬𑒴𑒢𑓂𑒨 𑒪𑒰𑒑𑒞 𑒂 𑒦𑒾𑒑𑒼𑒪𑒱𑒏 𑒠𑒴𑒩𑒲𑒏 𑒁𑓀𑒞 𑒋𑒏𑒙𑒰 𑒫𑒩𑒠𑒰𑒢 𑒮𑒱𑒠𑓂𑒡 𑒦𑒹𑒪 𑒁𑒕𑒱|














𑒮𑓂𑒫. 𑒬𑓂𑒩𑒲 𑒯𑒩𑒱𑒧𑒼𑒯𑒢 𑒗𑒰 (𑓑𑓙𑓐𑓘-𑓑𑓙𑓘𑓔)
𑒖𑒢𑓂𑒧 𑓑𑓘 𑒮𑒱𑒞𑒧𑓂𑒥𑒩 𑓑𑓙𑓐𑓘 𑒄. 𑒑𑓂𑒩𑒰𑒧+𑒣𑒼.- 𑒏𑒳𑒧𑒩 𑒥𑒰𑒖𑒱𑒞𑒣𑒳𑒩 , 𑒖𑒱𑒪𑒰- 𑒫𑒻𑒬𑒰𑒪𑒲, 𑒥𑒱𑒯𑒰𑒩, 𑒦𑒰𑒩𑒞। 𑒣𑒱𑒞𑒰- 𑒮𑓂𑒫𑒩𑓂𑒑𑒲𑒨 𑒣𑓀. 𑒖𑒢𑒰𑒩𑓂𑒠𑒢 𑒗𑒰 “𑒖𑒢𑒮𑒲𑒠𑒢” 𑒧𑒻𑒟𑒱𑒪𑒲𑒏 𑒁𑒞𑒱𑒩𑒱𑒏𑓂𑒞 𑒯𑒱𑒢𑓂𑒠𑒲𑒏 𑒪𑒥𑓂𑒡𑒣𑓂𑒩𑒞𑒱𑒭𑓂𑒚 𑒠𑓂𑒫𑒱𑒫𑒹𑒠𑒲𑒨𑒳𑒑𑒲𑒢 𑒏𑒫𑒱-𑒮𑒰𑒯𑒱𑒞𑓂𑒨𑒏𑒰𑒩। 𑒬𑒱𑒏𑓂𑒭𑒰- 𑒠𑒩𑓂𑒬𑒢𑒬𑒰𑒮𑓂𑒞𑓂𑒩𑒧𑒹 𑒋𑒧.𑒋.- 𑓑𑓙𑓓𑓒, 𑒥𑒱𑒯𑒰𑒩-𑒅𑒛𑓃𑒲𑒮𑒰𑒧𑒹 𑒮𑒩𑓂𑒫𑒼𑒔𑓂𑒔 𑒮𑓂𑒟𑒰𑒢 𑒪𑒹𑒪 𑒮𑓂𑒫𑒩𑓂𑒝𑒣𑒠𑒏 𑒣𑓂𑒩𑒰𑒣𑓂𑒞। 𑒮𑒢𑓂 𑓑𑓙𑓓𑓓 𑒮𑒿 𑒥𑒲.𑒋𑒢.𑒏𑒰𑒪𑒹𑒖 𑒣𑒙𑒢𑒰𑒧𑒹 𑒫𑓂𑒨𑒰𑒐𑓂𑒨𑒰𑒞𑒰, 𑒣𑒙𑒢𑒰 𑒏𑒰𑒪𑒹𑒖𑒧𑒹 𑓑𑓙𑓔𑓘 𑒄.𑒮𑒿 𑒣𑓂𑒩𑒰𑒡𑓂𑒨𑒰𑒣𑒏, 𑒮𑒢𑓂 𑓑𑓙𑓕𑓓 𑒮𑒿 𑒣𑒙𑒢𑒰 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨𑒧𑒹 𑒣𑓂𑒩𑒼𑒤𑒹𑒮𑒩 𑒞𑒟𑒰 𑒫𑒱𑒦𑒰𑒑𑒰𑒡𑓂𑒨𑒏𑓂𑒭 𑒂𑓄 𑒮𑒢𑓂 𑓑𑓙𑓗𑓐 𑒮𑒿 𑓑𑓙𑓗𑓕 𑒡𑒩𑒱 𑒨𑒴.𑒖𑒲.𑒮𑒲. 𑒩𑒱𑒮𑒩𑓂𑒔 𑒣𑓂𑒩𑒼𑒤𑒹𑒮𑒩 𑒩𑒯𑒪𑒰𑒯। 𑒯𑒱𑒢𑒏𑒩 𑒧𑒻𑒟𑒱𑒪𑒲 𑒏𑒵𑒞𑒱 𑓑𑓙𑓓𑓓 𑒧𑒹 “𑒏𑒢𑓂𑒨𑒰𑒠𑒰𑒢” (𑒅𑒣𑒢𑓂𑒨𑒰𑒮), 𑓑𑓙𑓔𑓓 𑒧𑒹 “𑒠𑓂𑒫𑒱𑒩𑒰𑒑𑒧𑒢”(𑒅𑒣𑒢𑓂𑒨𑒰𑒮), 𑓑𑓙𑓔𑓕 𑒧𑒹 “𑒣𑓂𑒩𑒝𑒧𑓂𑒨 𑒠𑒹𑒫𑒞𑒰” (𑒏𑒟𑒰-𑒮𑓀𑒑𑓂𑒩𑒯), 𑓑𑓙𑓔𑓙 𑒧𑒹 “𑒩𑓀𑒑𑒬𑒰𑒪𑒰”(𑒏𑒟𑒰-𑒮𑓀𑒑𑓂𑒩𑒯), 𑓑𑓙𑓖𑓐 𑒧𑒹 “𑒔𑒩𑓂𑒔𑒩𑒲”(𑒏𑒟𑒰-𑒮𑓀𑒑𑓂𑒩𑒯) 𑒂𑓄 𑓑𑓙𑓔𑓘 𑒄. 𑒧𑒹 “𑒐𑒙𑓂𑒙𑒩 𑒏𑒏𑒰𑒏 𑒞𑒩𑓀𑒑” (𑒫𑓂𑒨𑓀𑒑𑓂𑒨) 𑒁𑒕𑒱। “𑒋𑒏𑒰𑒠𑒬𑒲” (𑒏𑒟𑒰-𑒮𑓀𑒑𑓂𑒩𑒯)𑒏 𑒠𑒼𑒮𑒩 𑒮𑓀𑒮𑓂𑒏𑒩𑒝 𑓑𑓙𑓘𑓗 𑒋. 𑒧𑒹 𑒂𑒨𑒪 𑒖𑒰𑒯𑒱𑒧𑒹 𑒑𑓂𑒩𑒹𑒖𑒳𑒁𑒙 𑒣𑒳𑒞𑒼𑒯𑒳𑒏 𑒥𑒠𑒪𑒰𑒢𑒹 “𑒠𑓂𑒫𑒰𑒠𑒬 𑒢𑒱𑒠𑒰𑒢” 𑒮𑒧𑓂𑒧𑒱𑒪𑒱𑒞 𑒏𑒋𑒪 𑒑𑒹𑒪 𑒖𑒹 𑒣𑒯𑒱𑒢𑒹 “𑒧𑒱𑒟𑒱𑒪𑒰 𑒧𑒱𑒯𑒱𑒩”𑒧𑒹 𑒕𑒣𑒪 𑒕𑒪 𑒧𑒳𑒠𑒰 𑒣𑒯𑒱𑒪𑒳𑒏𑒰 𑒏𑒼𑒢𑒼 𑒮𑓀𑒑𑓂𑒩𑒯𑒧𑒹 𑒢𑒯𑒱 𑒂𑒋𑒪 𑒕𑒪।𑒬𑓂𑒩𑒲 𑒩𑒧𑒰𑒢𑒟 𑒗𑒰𑒏 𑒁𑒢𑒳𑒩𑒼𑒡𑒣𑒩 𑒪𑒱𑒐𑒪 𑒑𑒹𑒪 “𑒥𑒰𑒥𑒰𑒏 𑒮𑓀𑒮𑓂𑒏𑒰𑒩” 𑒮𑒹𑒯𑒼 𑒋𑒯𑒱 𑒮𑓀𑒑𑓂𑒩𑒯𑒧𑒹 𑒁𑒕𑒱। 𑒂𑓄 𑒯𑒳𑒢𑒏𑒩 “𑒐𑒙𑓂𑒙𑒩 𑒏𑒰𑒏𑒰” 𑒯𑒱𑒢𑓂𑒠𑒲𑒧𑒹 𑒮𑒹𑒯𑒼 𑓑𑓙𑓗𑓑 𑒄. 𑒧𑒹 𑒣𑒳𑒮𑓂𑒞𑒏𑒰𑒏𑒰𑒩 𑒂𑒋𑒪। 𑒋𑒏𑒩 𑒁𑒞𑒱𑒩𑒱𑒏𑓂𑒞 𑒯𑒱𑒢𑒏𑒏 𑒮𑓂𑒤𑒳𑒙 𑒣𑓂𑒩𑒏𑒰𑒬𑒱𑒞-𑒪𑒱𑒐𑒱𑒞 𑒣𑒠𑓂𑒨𑒏 𑒮𑓀𑒑𑓂𑒩𑒏 “𑒯𑒩𑒱𑒧𑒼𑒯𑒢 𑒗𑒰 𑒩𑒔𑒢𑒰𑒫𑒪𑒲 𑒐𑒝𑓂𑒛 𑓔 (𑒏𑒫𑒱𑒞𑒰)” 𑒋𑒯𑒱 𑒢𑒰𑒧𑒮𑒿 𑓑𑓙𑓙𑓙 𑒄.𑒧𑒹 𑒕𑒣𑒪 𑒂𑓄 𑒯𑒱𑒢𑒏𑒩 𑒂𑒞𑓂𑒧𑒔𑒩𑒱𑒞 “𑒖𑒲𑒫𑒢-𑒨𑒰𑒞𑓂𑒩𑒰” 𑓑𑓙𑓘𑓔 𑒄.𑒧𑒹 𑒕𑒣𑒪। 𑒯𑒩𑒱𑒧𑒼𑒯𑒢 𑒥𑒰𑒥𑒴𑒏 “𑒖𑒲𑒫𑒢 𑒨𑒰𑒞𑓂𑒩𑒰” 𑒋𑒏𑒧𑒰𑒞𑓂𑒩 𑒣𑒼𑒟𑒲 𑒕𑒪 𑒖𑒹 𑒧𑒻𑒟𑒱𑒪𑒲 𑒁𑒏𑒰𑒠𑒧𑒲 𑒠𑓂𑒫𑒰𑒩𑒰 𑒣𑓂𑒩𑒏𑒰𑒬𑒱𑒞 𑒦𑒹𑒪 𑒕𑒪 𑒂𑓄 𑒋𑒯𑒱 𑒑𑓂𑒩𑓀𑒟𑒣𑒩 𑒯𑒱𑒢𑒏𑒰 𑒮𑒰𑒯𑒱𑒞𑓂𑒨 𑒁𑒏𑒰𑒠𑒧𑒲 𑒣𑒳𑒩𑒮𑓂𑒏𑒰𑒩 𑓑𑓙𑓘𑓕 𑒄. 𑒧𑒹 𑒧𑒵𑒞𑓂𑒨𑒼𑒣𑒩𑒰𑒢𑓂𑒞 𑒠𑒹𑒪 𑒑𑒹𑒪𑒢𑓂𑒯𑒱। 𑒮𑒰𑒯𑒱𑒞𑓂𑒨 𑒁𑒏𑒰𑒠𑒧𑒲𑒮𑒿 𑓑𑓙𑓙𑓙 𑒄. 𑒧𑒹 “𑒥𑒲𑒕𑒪 𑒏𑒟𑒰” 𑒢𑒰𑒧𑒮𑒿 𑒬𑓂𑒩𑒲 𑒩𑒰𑒖𑒧𑒼𑒯𑒢 𑒗𑒰 𑒂𑓄 𑒬𑓂𑒩𑒲 𑒮𑒳𑒦𑒰𑒭 𑒔𑒢𑓂𑒠𑓂𑒩 𑒨𑒰𑒠𑒫 𑒠𑓂𑒫𑒰𑒩𑒰 𑒔𑒨𑒢𑒱𑒞 𑒯𑒱𑒢𑒏𑒩 𑒏𑒟𑒰 𑒮𑒦𑒏 𑒮𑓀𑒑𑓂𑒩𑒯 𑒣𑓂𑒩𑒏𑒰𑒬𑒱𑒞 𑒏𑒋𑒪 𑒑𑒹𑒪, 𑒋𑒯𑒱 𑒮𑓀𑒑𑓂𑒩𑒯𑒧𑒹 𑒏𑒱𑒕𑒳 𑒏𑒟𑒰 𑒋𑒯𑒢𑒼 𑒁𑒕𑒱 𑒖𑒹 𑒯𑒱𑒢𑒏𑒩 𑒋𑒐𑒢 𑒡𑒩𑒱𑒏 𑒏𑒼𑒢𑒼 𑒣𑒳𑒩𑒰𑒢 𑒮𑓀𑒑𑓂𑒩𑒯𑒧𑒹 𑒮𑒧𑓂𑒧𑒱𑒪𑒱𑒞 𑒢𑒯𑒱 𑒕𑒪। 𑒯𑒱𑒢𑒏𑒩 𑒁𑒢𑒹𑒏 𑒩𑒔𑒢𑒰 𑒯𑒱𑒢𑓂𑒠𑒲, 𑒑𑒳𑒖𑒩𑒰𑒞𑒲, 𑒧𑒩𑒰𑒚𑒲, 𑒏𑒢𑓂𑒢𑒛𑓃, 𑒞𑒹𑒪𑒳𑒑𑒳 𑒂𑒠𑒱 𑒦𑒰𑒭𑒰𑒧𑒹 𑒁𑒢𑒳𑒫𑒰𑒠𑒱𑒞 𑒦𑒹𑒪। 𑒯𑒱𑒢𑓂𑒠𑒲𑒧𑒹 “𑒢𑓂𑒨𑒰𑒨 𑒠𑒩𑓂𑒬𑒢”, “𑒫𑒻𑒬𑒹𑒭𑒱𑒏 𑒠𑒩𑓂𑒬𑒢”, “𑒞𑒩𑓂𑒏𑒬𑒰𑒮𑓂𑒞𑓂𑒩”(𑒢𑒱𑒑𑒧𑒢), 𑒠𑒞𑓂𑒞-𑒔𑒙𑒩𑓂𑒖𑒲𑒏 “𑒦𑒰𑒩𑒞𑒲𑒨 𑒠𑒩𑓂𑒬𑒢𑒏” 𑒁𑓀𑒑𑓂𑒩𑒹𑒖𑒲𑒮𑒿 𑒯𑒱𑒢𑓂𑒠𑒲 𑒁𑒢𑒳𑒫𑒰𑒠𑒏 𑒮𑓀𑒑 𑒯𑒱𑒢𑒏𑒩 𑒮𑒧𑓂𑒣𑒰𑒠𑒱𑒞 “𑒠𑒰𑒩𑓂𑒬𑒢𑒱𑒏 𑒫𑒱𑒫𑒹𑒔𑒢𑒰𑒋𑒿” 𑒂𑒠𑒱 𑒑𑓂𑒩𑒢𑓂𑒟 𑒣𑓂𑒩𑒏𑒰𑒬𑒱𑒞 𑒁𑒕𑒱। 𑒁𑓀𑒑𑓂𑒩𑒹𑒖𑒲𑒧𑒹 𑒯𑒱𑒢𑒏𑒩 𑒬𑒼𑒡 𑒑𑓂𑒩𑓀𑒟 𑒁𑒕𑒱- “𑒙𑓂𑒩𑒹𑒢𑓂𑒛𑓂𑒮 𑒂𑒤 𑒪𑒱𑓀𑒑𑓂𑒫𑒱𑒮𑓂𑒙𑒱𑒏 𑒋𑒢𑒹𑒪𑒱𑒮𑒱𑒮 𑒃𑒢 𑒃𑓀𑒛𑒱𑒨𑒢 𑒤𑒱𑒪𑒼𑒮𑒼𑒤𑒲”।
𑒣𑓂𑒩𑒰𑒔𑒲𑒢 𑒨𑒳𑒑𑒧𑒹 𑒫𑒱𑒠𑓂𑒨𑒰𑒣𑒞𑒱 𑒧𑒻𑒟𑒱𑒪𑒲 𑒏𑒰𑒫𑓂𑒨𑒏𑒹𑒿 𑒅𑒞𑓂𑒏𑒩𑓂𑒭𑒏 𑒖𑒰𑒯𑒱 𑒅𑒔𑓂𑒔 𑒬𑒱𑒐𑒩𑒣𑒩 𑒂𑒮𑒲𑒢 𑒏𑒋𑒪𑒢𑒱, 𑒯𑒩𑒱𑒧𑒼𑒯𑒢 𑒗𑒰 𑒂𑒡𑒳𑒢𑒱𑒏 𑒧𑒻𑒟𑒱𑒪𑒲 𑒑𑒠𑓂𑒨𑒏𑒹𑒿 𑒞𑒰𑒯𑒱 𑒮𑓂𑒟𑒰𑒢𑒣𑒩 𑒣𑒯𑒳𑒿𑒔𑒰 𑒠𑒹𑒪𑒢𑒱। 𑒯𑒰𑒮𑓂𑒨 𑒫𑓂𑒨𑓀𑒑𑓂𑒨𑒣𑒴𑒩𑓂𑒝𑒬𑒻𑒪𑒲𑒧𑒹 𑒮𑒰𑒧𑒰𑒖𑒱𑒏-𑒡𑒰𑒩𑓂𑒧𑒱𑒏 𑒩𑒴𑒜𑓃𑒱, 𑒁𑓀𑒡𑒫𑒱𑒬𑓂𑒫𑒰𑒮 𑒂𑓄 𑒣𑒰𑒐𑒝𑓂𑒛𑒣𑒩 𑒔𑒼𑒙 𑒯𑒱𑒢𑒏𑒩 𑒪𑒹𑒐𑒢𑒏 𑒁𑒢𑓂𑒨𑒞𑒧 𑒫𑒻𑒬𑒱𑒭𑓂𑒙𑓂𑒨 𑒩𑒯𑒪𑒢𑒱। 𑒧𑒻𑒟𑒱𑒪𑒲𑒧𑒹 𑒂𑒃𑒨𑒼 𑒮𑒩𑓂𑒫𑒰𑒡𑒱𑒏 𑒏𑒲𑒢𑒪 𑒂𑓄 𑒣𑒜𑓃𑒪 𑒖𑒰𑒨𑒥𑒪𑒰 𑒣𑒲𑒟𑒲 𑒮𑒦 𑒯𑒱𑒢𑒏𑒯𑒱 𑒕𑒢𑒱।
𑒯𑒩𑒱𑒧𑒼𑒯𑒢 𑒗𑒰 𑒮𑒧𑒑𑓂𑒩

𑒯𑒩𑒱𑒧𑒼𑒯𑒢 𑒗𑒰 𑒖𑒲𑒏 𑒮𑒧𑒑𑓂𑒩 𑒩𑒔𑒢𑒰𑒏 𑒋𑒏 𑒥𑒹𑒩 𑒮𑒱𑓀𑒯𑒰𑒫𑒪𑒼𑒏𑒢 𑒏𑒋𑒪 𑒖𑒰𑒋।
𑒏𑒟𑒰-𑒋𑒏𑒰𑓀𑒏𑒲
𑓑. 𑓑.𑒁𑒨𑒰𑒔𑒲 𑒧𑒱𑒬𑓂𑒩 (𑒋𑒏𑒰𑒓𑓂𑒏𑒲) 𑓒. 𑒧𑓀𑒛𑒢 𑒧𑒱𑒬𑓂𑒩 (𑒋𑒏𑒰𑒓𑓂𑒏𑒲) 𑓓. 𑒧𑒯𑒰𑒩𑒰𑒖 𑒫𑒱𑒖𑒨 (𑒋𑒏𑒰𑒓𑓂𑒏𑒲)𑓔. 𑒥𑒾𑒂𑒏 𑒠𑒰𑒧 (𑒋𑒏𑒰𑒓𑓂𑒏𑒲)𑓕.𑒩𑒹𑒪𑒏 𑒗𑒑𑒛𑓃𑒰 (𑒋𑒏𑒰𑒓𑓂𑒏𑒲) 𑓖. 𑒮𑓀𑒑𑒚𑒢𑒏 𑒮𑒧𑒮𑓂𑒨𑒰- 𑒣𑒞𑓂𑒩 𑒬𑒻𑒪𑒲 𑓗. “𑒩𑒮𑒧𑒨𑒲”𑒏 𑒑𑓂𑒩𑒰𑒯𑒏 – 𑒣𑒞𑓂𑒩-𑒬𑒻𑒪𑒲 𑓘.𑒣𑒰𑒿𑒔 𑒣𑒞𑓂𑒩 –𑒣𑒞𑓂𑒩-𑒬𑒻𑒪𑒲 𑓙. 𑒠𑒪𑒰𑒢𑒣𑒩𑒏 𑒑𑒣𑓂𑒣𑓑𑓐.𑒒𑒴𑒩𑒣𑒩𑒏 𑒑𑒣𑓂𑒣𑓑𑓑.𑒣𑒼𑒐𑒛𑓃𑒱𑒣𑒩𑒏 𑒑𑒣𑓂𑒣 𑓑𑓒. 𑒔𑒾𑒣𑒰𑒛𑓃𑒱𑒣𑒩𑒏 𑒑𑒣𑓂𑒣 𑓑𑓓.𑒡𑒩𑓂𑒧𑒬𑒰𑒮𑓂𑒞𑓂𑒩𑒰𑒔𑒰𑒩𑓂𑒨 𑓑𑓔.𑒖𑓂𑒨𑒼𑒞𑒱𑒭𑒰𑒔𑒰𑒩𑓂𑒨 𑓑𑓕.𑒣𑓀𑒛𑒱𑒞𑒖𑒲
𑓑𑓖.𑒏𑒫𑒱𑒖𑒲 𑓑𑓗.𑒣𑒩𑒱𑒫𑒩𑓂𑒞𑒢 𑓑𑓘.𑒨𑒳𑒑𑒏 𑒡𑒩𑓂𑒧 𑓑𑓙.𑒧𑒯𑒰𑒩𑒰𑒢𑒲𑒏 𑒩𑒯𑒮𑓂𑒨 𑓒𑓐.𑒮𑒰𑒞 𑒩𑓀𑒑𑒏 𑒠𑒹𑒫𑒲 𑓒𑓑.𑒢𑒾 𑒪𑒰𑒐𑒏 𑒑𑒣𑓂𑒣 𑓒𑓒.𑒩𑓀𑒑𑒬𑒰𑒪𑒰 𑓒𑓓.𑒁𑒿𑒔𑒰𑒩𑒏 𑒣𑒰𑒞𑒱𑒪 𑓒𑓔.𑒔𑒱𑒏𑒱𑒞𑓂𑒮𑒰𑒏 𑒔𑒏𑓂𑒩 𑓒𑓕.𑒩𑒹𑒬𑒧𑒲 𑒠𑒼𑒪𑒰𑒃 𑓒𑓖.𑒡𑒼𑒐𑒰 𑓒𑓗.𑒣𑓂𑒩𑒹𑒮𑒏 𑒪𑒲𑒪𑒰 𑓒𑓘.𑒠𑒹𑒫𑒲𑒖𑒲𑒏 𑒮𑓀𑒮𑓂𑒏𑒰𑒩 𑓒𑓙.𑒋𑒯𑒱 𑒥𑒰𑒙𑒹 𑒁𑒥𑒻 𑒕𑒟𑒱 𑒮𑒳𑒩𑒮𑒩𑒱 𑒡𑒰𑒩 𑓓𑓐. 𑒏𑒢𑓂𑒨𑒰𑒏 𑒖𑒲𑒫𑒢 𑓓𑓑. 𑒩𑒹𑒪𑒏 𑒁𑒢𑒳𑒦𑒫 𑓓𑓒. 𑒑𑓂𑒩𑒰𑒧𑒮𑒹𑒫𑒱𑒏𑒰 𑓓𑓓. 𑒧𑒩𑓂𑒨𑒰𑒠𑒰𑒏 𑒦𑓀𑒑 𑓓𑓔. 𑒞𑒱𑒩𑒯𑒳𑒞𑒰𑒧 𑓓𑓕.𑒙𑒼𑒙𑒧𑒰 𑓓𑓖.𑒞𑒲𑒩𑓂𑒟𑒨𑒰𑒞𑓂𑒩𑒰 𑓓𑓗.𑒁𑒪𑓀𑒏𑒰𑒩-𑒬𑒱𑒏𑓂𑒭𑒰 𑓓𑓘.𑒥𑒰𑒥𑒰𑒏 𑒮𑓀𑒮𑓂𑒏𑒰𑒩 𑓓𑓙.𑒠𑓂𑒫𑒰𑒠𑒬 𑒢𑒱𑒠𑒰𑒢 𑓔𑓐.𑒑𑓂𑒩𑒹𑒖𑒳𑒋𑒙 𑒣𑒳𑒞𑒼𑒯𑒳 𑓔𑓑.𑒥𑓂𑒩𑒯𑓂𑒧𑒰𑒏 𑒬𑒰𑒣 𑓔𑓒.𑒂𑒠𑒩𑓂𑒬 𑒦𑒼𑒖𑒢 𑓔𑓓.𑒮𑒰𑒮𑒳𑒩𑒏 𑒔𑒱𑒢𑓂𑒯 𑓔𑓔.𑒏𑒰𑒪𑒲𑒥𑒰𑒛𑓃𑒲𑒏 𑒔𑒼𑒩 𑓔𑓕.𑒏𑒰𑒪𑒰𑒖𑒰𑒩𑒏 𑒅𑒣𑒔𑒰𑒩𑓔𑓖.𑒫𑒱𑒢𑒱𑒧𑒨 𑓔𑓗.𑒠𑒩𑒼𑒑𑒰𑒖𑒲𑒏 𑒧𑒼𑓀𑒕 𑓔𑓘.𑒬𑒰𑒮𑓂𑒞𑓂𑒩𑒰𑒩𑓂𑒟 𑓔𑓙.𑒫𑒱𑒏𑒙 𑒣𑒰𑒯𑒳𑒢 𑓕𑓐.𑒂𑒠𑒩𑓂𑒬 𑒏𑒳𑒙𑒳𑒧𑓂𑒥 𑓕𑓑.𑒮𑒰𑒗𑒲 𑒂𑒬𑓂𑒩𑒧 𑓕𑓒.𑒒𑒩𑒖𑒧𑒰𑒨𑓕𑓓.𑒦𑒠𑒹𑒬𑒏 𑒢𑒧𑒴𑒢𑒰 𑓕𑓔.𑒥𑒲𑒧𑒰𑒏 𑒋𑒖𑒹𑒢𑓂𑒙 𑓕𑓕.𑒁𑓀𑒑𑒩𑒹𑒖𑒱𑒨𑒰 𑒥𑒰𑒥𑒴
𑒣𑒠𑓂𑒨
𑓑.𑒮𑒢𑒰𑒞𑒢𑒲 𑒥𑒰𑒥𑒰 𑒍 𑒏𑒪𑒱𑒨𑒳𑒑𑒲 𑒮𑒳𑒡𑒰𑒩𑒏 𑓒.𑒏𑒢𑓂𑒨𑒰𑒏 𑒢𑒲𑒪𑒰𑒧𑒲 𑒛𑒰𑒏 𑓓.𑒧𑒱𑒟𑒱𑒪𑒰𑒏 𑒧𑒱𑒯𑒱𑒩 𑒮𑒿 𑓔.𑒜𑒰𑒪𑒰 𑒗𑒰
𑓕.𑒙𑒲. 𑒣𑒰𑒩𑓂𑒙𑒲 𑓖.𑒥𑒳𑒔𑒏𑒳𑒢 𑒗𑒰 𑓗.𑒣𑓀𑒛𑒱𑒞 𑒪𑒼𑒏𑒢𑒱 𑒮𑒿 𑓘.𑒢𑒱𑒩𑒮𑒢 𑒧𑒰𑒧𑒰 𑓙.𑒂𑒑𑒱 𑓑𑓐.𑒁𑒓𑒩𑒹𑒖𑒱𑒨𑒰 𑒪𑒛𑓃𑒏𑒲𑒏 𑒮𑒧𑒠𑒰𑒅𑒢𑒱
𑓑𑓑.𑒑𑒩𑒲𑒥𑒢𑒲𑒏 𑒥𑒰𑒩𑒯𑒧𑒰𑒮𑒰 𑓑𑓒.𑒬𑓂𑒩𑒲 𑒨𑒰𑒞𑓂𑒩𑒲𑒖𑒲𑒏 𑒣𑓂𑒩𑒞𑒱 : 𑒧𑒻𑒟𑒱𑒪𑒲𑒏 𑒅𑒏𑓂𑒞𑒱 𑓑𑓓.𑒮𑒾𑒩𑒰𑒚 𑓑𑓔.𑒁𑒪𑒑𑒲 𑓑𑓕.𑒁𑒬𑒼𑒏-𑒫𑒰𑒙𑒱𑒏𑒰𑒧𑒹
𑓑𑓖.𑒣𑒙𑒢𑒰-𑒮𑓂𑒞𑒼𑒞𑓂𑒩 𑓑𑓗.𑒬𑓂𑒩𑒠𑓂𑒡𑒹𑒨 𑒁𑒧𑒩𑒢𑒰𑒟 𑒗𑒰𑒏 𑒣𑓂𑒩𑒞𑒱 𑒬𑓂𑒩𑒠𑓂𑒡𑒰𑓀𑒖𑒪𑒱
𑓑𑓘.𑒯𑒱𑒢𑓂𑒠𑒲 𑒍 𑒧𑒻𑒟𑒱𑒪𑒲 𑓑𑓙.𑒥𑒳𑒔𑒏𑒳𑒢 𑒥𑒰𑒥𑒰𑒏 𑒔𑒱𑒙𑓂𑒚𑒲
𑓒𑓐.𑒖𑒑𑒧𑒑-𑒖𑒑𑒧𑒑 𑒠𑒲𑒣 𑒖𑒩𑒰𑒆 𑓒𑓑.𑒏𑒪𑒏𑒞𑓂𑒞𑒰 𑒑𑒹𑒪𑒰 𑒅𑒞𑓂𑒞𑒩
𑓒𑓒.𑒁𑒏𑒰𑒪 𑓒𑓓.𑒏𑒪𑒏𑒞𑓂𑒞𑒰 𑒯𑒧𑒩𑒰 𑒥𑒛𑓃 𑒣𑒮𑒢𑓂𑒠 𑓒𑓔.𑒮𑒪𑒑𑒧𑒏 𑒐𑒝𑓂𑒛 𑓒𑓕.𑒥𑒴𑒜𑓃𑒰𑒢𑒰𑒟 𑓒𑓖.𑒢𑒫𑒏𑒲 𑒣𑒲𑒜𑓃𑒲𑒮𑒿 𑓒𑓗.𑒣𑓀𑒛𑒱𑒞 𑒍 𑒧𑒹𑒧
𑓒𑓘.𑒣𑓀𑒛𑒱𑒞-𑒫𑒱𑒪𑒰𑒣 𑓒𑓙.𑒑𑓀𑒑𑒰𑒏 𑒒𑒰𑒙𑒣𑒩 𑓓𑓐.𑒮𑒧𑒨𑒏 𑒔𑒏𑓂𑒩
𑓓𑓑.𑒧𑒯𑒑𑒲-𑒧𑒰𑒯𑒰𑒞𑓂𑒧𑓂𑒨 𑓓𑓒.𑒩𑒮-𑒢𑒱𑒧𑒢𑓂𑒞𑓂𑒩𑒝 𑓓𑓓.𑒁𑒏𑒫𑒱𑒞𑒰𑒏 𑒣𑓂𑒩𑒞𑒱 : 𑒏𑒫𑒱𑒞𑒰𑒏 𑒅𑒏𑓂𑒞𑒱 𑓓𑓔.𑒯𑒧 𑒣𑒰𑒯𑒳𑒢 𑒕𑒲 𑓓𑓕.𑒁𑒢𑒰𑒑𑒞 𑒣𑓂𑒩𑒹𑒨𑒮𑒲𑒮𑒿
𑓓𑓖.𑒧𑒞𑓂𑒮𑓂𑒨-𑒞𑒲𑒩𑓂𑒟 𑓓𑓗.𑒧𑒱𑒭𑓂𑒙𑒰𑒢𑓂𑒢 𑓓𑓘.𑒯𑒹 𑒩𑒰𑒖𑒏𑒧𑒪 𑓓𑓙.𑒒𑒙𑒏 𑒮𑒾𑓀 𑓔𑓐.𑒣𑓀𑒛𑒱𑒞𑒖𑒲 𑒮𑒾𑓀 𑓔𑓑.𑒏𑒢𑒱𑒨𑒰𑒿𑒏 𑒮𑒧𑒮𑓂𑒨𑒰 𑓔𑓒.𑒧𑒳𑒏𑓂𑒞𑒏
𑓔𑓓.𑒑𑒖𑒪 𑓔𑓔.𑒧𑒰𑒞𑒵𑒦𑒴𑒧𑒱 𑓔𑓕.𑒢𑒰𑒩𑒲-𑒫𑒢𑓂𑒠𑒢𑒰 𑓔𑓖.𑒯𑒹 𑒠𑒳𑒪𑒯𑒲 𑒏𑒹 𑒧𑒰𑒨 𑓔𑓗.𑒧𑒰𑒞𑓂𑒩𑒴𑒦𑒴𑒧𑒱 𑒫𑒢𑓂𑒠𑒢𑒰 𑓔𑓘.𑒔𑒢𑓂𑒠𑓂𑒩𑒧𑒰𑒏 𑒧𑒵𑒞𑓂𑒨𑒳 𑓔𑓙.𑒧𑒱𑒟𑒱𑒪𑒰 𑒫𑒢𑓂𑒠𑒢𑒰 𑓕𑓐.𑒏𑒫𑒱 𑒯𑒹! 𑒂𑒥 𑒏𑒼𑒠𑒰𑒩𑒱 𑒡𑒩𑒳 𑓕𑓑.𑒧𑒯𑒑𑒲 𑓕𑓒.𑒢𑒫 𑒣𑒩𑒰𑒞𑒲 𑓕𑓓.𑒔𑒰𑒪𑒱𑒮 𑒂 𑒔𑒾𑒯𑒞𑓂𑒞𑒩𑒱
𑓕𑓔.𑒣𑓂𑒩𑒨𑒼𑒑𑒫𑒰𑒠𑒲 𑒏𑒫𑒱𑒞𑒰 𑓕𑓕.𑒮𑓂𑒫. 𑒪𑒪𑒱𑒞 𑒢𑒰𑒩𑒰𑒨𑒝 𑒧𑒱𑒬𑓂𑒩𑒏 𑒮𑓂𑒧𑒵𑒞𑒱𑒧𑒹 𑓕𑓖.𑒅𑒠𑓂𑒑𑒰𑒩 𑓕𑓗.𑒁𑒢𑓂𑒞𑒱𑒧 𑒮𑒞𑓂𑒨 𑓕𑓘.𑒧𑒡𑒳𑒩 𑒦𑒰𑒭𑒰 𑒧𑒻𑒟𑒱𑒪𑒲 𑒕𑒲 𑓕𑓙.𑒕𑒑𑒳𑒢𑓂𑒞𑒰 𑓖𑓐.𑒫𑒱𑒠𑓂𑒨𑒰𑒣𑒞𑒱 𑒣𑒩𑓂𑒫 𑒧𑒯𑒰𑒢 𑒯𑒧𑒩
𑓖𑓑.𑒂𑒚 𑒮𑓀𑒏𑒪𑓂𑒣 𑓖𑓒.𑒒𑒴𑒙𑒩 𑒏𑒰𑒏𑒰 𑓖𑓓.𑒫𑒢𑒑𑒰𑒧-𑒧𑒯𑒱𑒭𑒲 𑒮𑓂𑒧𑒵𑒞𑒱
𑓖𑓔.𑒧𑒻𑒟𑒱𑒪𑒲-𑒫𑒢𑓂𑒠𑒢𑒰 𑓖𑓕.𑒯𑒹 𑒧𑒰𑒞𑒵𑒦𑒴𑒧𑒱 𑒏𑒹𑒩 𑒧𑒰𑒙𑒱
𑓖𑓖.𑒏𑒯𑒴 𑒏𑒲 𑒎 𑒥𑒰𑒥𑒴 𑓖𑓗.𑒏𑒬𑓂𑒧𑒲𑒩 𑒯𑒧𑒩 𑒟𑒲𑒏 𑓖𑓘.𑒧𑓀𑒑𑒪 𑒣𑓂𑒩𑒦𑒰𑒞 𑓖𑓙.𑒥𑒳𑒔𑒏𑒳𑒢 𑒥𑒰𑒥𑒰𑒏 𑒮𑓂𑒫𑒣𑓂𑒢 𑓗𑓐.𑒖𑒨 𑒫𑒱𑒠𑓂𑒨𑒰𑒣𑒞𑒱
𑓗𑓑.𑒬𑒳𑒦𑒰𑓀𑒬𑒮𑒰 𑓗𑓒.𑒣𑒰𑒩𑒱𑒔𑒰𑒩𑒱𑒏𑒰 𑒮𑓂𑒞𑒼𑒞𑓂𑒩 𑓗𑓓.𑒧𑒢𑒔𑒢 𑒥𑒰𑒥𑒰
𑓗𑓔.𑒋𑒯𑒱 𑒥𑒹𑒩𑒏 𑒤𑒑𑒳𑒂 𑓗𑓕.𑒣𑒩𑒞𑒰𑒩𑒳 𑒖𑒳𑒢𑒱 𑓗𑓖.𑒯𑒹 𑒧𑒖𑒴𑒩! 𑒏𑒭𑓂𑒙 𑒪𑒐𑒱 𑒁𑒯𑒰𑒿𑒏 (𑒏𑒫𑒱𑒖𑒲: 𑒣𑓂𑒩𑒝𑒧𑓂𑒨 𑒠𑒹𑒫𑒞𑒰) 𑓗𑓗.𑒯𑒹 𑒯𑒹 𑒧𑒖𑒴𑒩! (𑒏𑒫𑒱𑒖𑒲: 𑒣𑓂𑒩𑒝𑒧𑓂𑒨 𑒠𑒹𑒫𑒞𑒰) 𑓗𑓘.𑒁𑒥𑒱! 𑒁𑒢𑒢𑓂𑒞 𑒏𑒼𑒧𑒪 𑒏𑒩𑒳𑒝𑒹! (𑒏𑒫𑒱𑒖𑒲: 𑒣𑓂𑒩𑒝𑒧𑓂𑒨 𑒠𑒹𑒫𑒞𑒰) 𑓗𑓙.𑒯𑒹 𑒫𑒲𑒩! 𑒯𑒪𑒰𑒨𑒳𑒡 𑒡𑒩 𑒐𑒛𑓂𑒑(𑒏𑒫𑒱𑒖𑒲: 𑒣𑓂𑒩𑒝𑒧𑓂𑒨 𑒠𑒹𑒫𑒞𑒰) 𑓘𑓐.𑒁𑒨𑒱! 𑒣𑓂𑒩𑒔𑓀𑒛 𑒔𑓀𑒛𑒱𑒏𑒹! (𑒏𑒫𑒱𑒖𑒲: 𑒣𑓂𑒩𑒝𑒧𑓂𑒨 𑒠𑒹𑒫𑒞𑒰) 𑓘𑓑.𑒗𑒰𑒿𑒮𑒲𑒏 𑒩𑒰𑒢𑒲(𑒏𑒫𑒱𑒖𑒲: 𑒣𑓂𑒩𑒝𑒧𑓂𑒨 𑒠𑒹𑒫𑒞𑒰)
𑓘𑓒.𑒯𑒹 𑒣𑓂𑒩𑒑𑒞𑒱𑒬𑒲𑒪 𑒧𑒯𑒱𑒪𑒰 𑒮𑒧𑒰𑒖(𑒏𑒫𑒱𑒖𑒲: 𑒣𑓂𑒩𑒝𑒧𑓂𑒨 𑒠𑒹𑒫𑒞𑒰)
𑓘𑓓.𑒣𑓂𑒩𑒱𑒨𑒹! 𑒯𑒧 𑒖𑒰𑒃𑒞 𑒕𑒲 𑒍𑒯𑒱 𑒣𑒰𑒩(𑒏𑒫𑒱𑒖𑒲: 𑒣𑓂𑒩𑒝𑒧𑓂𑒨 𑒠𑒹𑒫𑒞𑒰)
𑓘𑓔.𑒡𑒢𑓂𑒨-𑒡𑒢𑓂𑒨 𑒧𑒰𑒞𑒵𑒦𑒴𑒧𑒱 (𑒁𑒨𑒰𑒔𑒲 𑒧𑒱𑒬𑓂𑒩 : 𑒔𑒩𑓂𑒔𑒩𑒲)
𑓘𑓕.𑒡𑒢𑓂𑒨 𑒄 𑒧𑒱𑒟𑒱𑒪𑒹𑒬𑒏 𑒠𑒩𑒥𑒰𑒩(𑒁𑒨𑒰𑒔𑒲 𑒧𑒱𑒬𑓂𑒩 : 𑒔𑒩𑓂𑒔𑒩𑒲)
𑓘𑓖.𑒯𑒹 𑒛𑒲𑒯! 𑒁𑒧𑒩 𑒏𑒲𑒩𑓂𑒞𑒱𑒏 𑒢𑒱𑒡𑒰𑒢! (𑒁𑒨𑒰𑒔𑒲 𑒧𑒱𑒬𑓂𑒩 : 𑒔𑒩𑓂𑒔𑒩𑒲)
𑓘𑓗.𑒯𑒩𑒱𑒯𑒩 𑒖𑒢𑓂𑒧 𑒏𑒱𑒋𑒏 𑒪𑒹𑒪 (𑒧𑒰𑒕𑒏 𑒧𑒯𑒞𑓂𑒫 : 𑒐𑒙𑓂𑒙𑒩 𑒏𑒏𑒰𑒏 𑒞𑒩𑓀𑒑)
𑓘𑓘.𑒏𑒹𑒯𑒢 𑒦𑒹𑒪 𑒁𑒢𑓂𑒯𑒹𑒩(𑒐𑒙𑓂𑒙𑒩 𑒏𑒏𑒰𑒏 𑒙𑒙𑒏𑒰 𑒑𑒣𑓂𑒣 : 𑒐𑒙𑓂𑒙𑒩 𑒏𑒏𑒰𑒏 𑒞𑒩𑓀𑒑)
𑒐𑒙𑓂𑒙𑒩 𑒏𑒏𑒰𑒏 𑒞𑒩𑓀𑒑 (𑒏𑒟𑒰-𑒫𑓂𑒨𑓀𑒑𑓂𑒨)
𑒏𑒢𑓂𑒨𑒰𑒠𑒰𑒢 (𑒅𑒣𑒢𑓂𑒨𑒰𑒮)
𑒠𑓂𑒫𑒱𑒩𑒰𑒑𑒧𑒢 (𑒅𑒣𑒢𑓂𑒨𑒰𑒮)
𑒖𑒲𑒫𑒢𑒨𑒰𑒞𑓂𑒩𑒰 (𑒂𑒞𑓂𑒧𑒏𑒟𑒰)
𑒏𑒢𑓂𑒨𑒰𑒠𑒰𑒢𑒏 𑒮𑒧𑒩𑓂𑒣𑒝- 𑒖𑒹 𑒮𑒧𑒰𑒖 𑒏𑒢𑓂𑒨𑒰 𑒏𑒻𑓀 𑒖𑒛𑓃 𑒣𑒠𑒰𑒩𑓂𑒟𑒫𑒞𑓂 𑒠𑒰𑒢 𑒏𑒨 𑒠𑒹𑒥𑒰 𑒧𑒹 𑒏𑒳𑓀𑒚𑒱𑒞 𑒢𑒯𑒱 𑒯𑒼𑒃𑒞 𑒕𑒟𑒱, 𑒖𑒰𑒯𑒱 𑒮𑒧𑒰𑒖𑒏 𑒮𑒴𑒞𑓂𑒩𑒡𑒰𑒩 𑒪𑒼𑒏𑒢𑒱 𑒥𑒰𑒪𑒏 𑒏𑒻𑓀 𑒣𑒜𑓃𑒻𑒥𑒰𑒏 𑒣𑒰𑒕𑒰𑒿 𑒯𑒖𑒰𑒩𑒏 𑒯𑒖𑒰𑒩 𑒣𑒰𑒢𑒱 𑒧𑒹 𑒥𑒯𑒥𑒻𑒞 𑒕𑒟𑒱 𑒎𑒩 𑒏𑒢𑓂𑒨𑒰𑒏 𑒯𑒹𑒞𑒳 𑒔𑒰𑒩𑒱 𑒏𑒻𑒘𑓂𑒔𑒰𑒏 𑒮𑒱𑒪𑒹𑒙𑒼 𑒏𑒲𑒢𑒥 𑒂𑒫𑒬𑓂𑒨𑒏 𑒢𑒯𑒱 𑒥𑒳𑒗𑒻𑒞 𑒕𑒟𑒱, 𑒖𑒰𑒯𑒱 𑒮𑒧𑒰𑒖𑒧𑒹 𑒥𑒲.𑒋. 𑒣𑒰𑒮 𑒣𑒞𑒱𑒏 𑒖𑒲𑒫𑒢-𑒮𑓀𑒑𑒱𑒢𑒲 𑒋 𑒥𑒲 𑒣𑒩𑓂𑒨𑒢𑓂𑒞 𑒢𑒯𑒱 𑒖𑒢𑒻𑒞 𑒕𑒟𑒱𑒢𑓂𑒯, 𑒖𑒰𑒯𑒱 𑒮𑒧𑒰𑒖 𑒏𑒻𑓀 𑒠𑒰𑒧𑓂𑒣𑒞𑓂𑒨-𑒖𑒲𑒫𑒢𑒏 𑒑𑒰𑒛𑓃𑒲 𑒧𑒹 𑒮𑒩𑒏𑒮𑒱𑒨𑒰 𑒒𑒼𑒛𑓃𑒰𑒏 𑒮𑓀𑒑 𑒢𑒱𑒩𑒲𑒯 𑒥𑒰𑒕𑒲 𑒏𑒻𑓀 𑒖𑒼𑒞𑒻𑒞 𑒏𑒢𑒹𑒏𑒼 𑒧𑒧𑒞𑒰 𑒢𑒯𑒱 𑒪𑒑𑒻𑒞 𑒕𑒢𑓂𑒯𑒱, 𑒞𑒰𑒯𑒲 𑒮𑒧𑒰𑒖𑒏 𑒧𑒯𑒰𑒩𑒟𑒲 𑒪𑒼𑒏𑒢𑒱𑒏 𑒏𑒩-𑒏𑒳𑒪𑒱𑒬 𑒧𑒹 𑒄 𑒣𑒳𑒮𑓂𑒞𑒏 𑒮𑒫𑒱𑒢𑒨, 𑒮𑒰𑒢𑒳𑒩𑒼𑒡 𑒍 𑒮𑒦𑒨 𑒮𑒧𑒩𑓂𑒣𑒱𑒞।
𑒣𑓂𑒩𑒝𑒧𑓂𑒨 𑒠𑒹𑒫𑒞𑒰𑒏 𑒮𑒧𑒩𑓂𑒣𑒝- 𑒂𑒃 𑒮𑒿 𑒮𑒰𑒞 𑒫𑒩𑓂𑒭 𑒣𑒴𑒩𑓂𑒫 𑒖𑒹 𑒏𑒰𑒩𑓂𑒞𑒱𑒏𑒲 𑒣𑒴𑒩𑓂𑒝𑒱𑒧𑒰𑒏 𑒏𑒩𑒰𑒩 𑒣𑒩 𑒯𑒧𑒩𑒰 𑒮𑒿 𑒣𑒻𑓀𑒔 𑒪𑓄 𑒑𑒹𑒪𑒰𑒯 𑒎𑒩 𑒞𑒯𑒱𑒨𑒰𑒮𑒿 𑒣𑒳𑒢𑓁 𑒏𑒯𑒱𑒨𑒼 𑒠𑒩𑓂𑒬𑒢 𑒠𑒹𑒥𑒰𑒏 𑒏𑒵𑒣𑒰 𑒢𑒯𑒱 𑒏𑒻𑒪𑒢𑓂𑒯𑒱, 𑒖𑒢𑒱𑒏 𑒔𑒱𑒩-𑒮𑓂𑒧𑒩𑒝𑒲𑒨 𑒏𑒲𑒩𑓂𑒞𑒱-𑒏𑒪𑒰𑒣 𑒣𑓂𑒩𑒟𑒧𑒹 𑒏𑒟𑒰 𑒧𑒹 𑒫𑒱𑒬𑒠 𑒩𑒴𑒣 𑒮𑒿 𑒫𑒩𑓂𑒝𑒱𑒞 𑒕𑒻𑒢𑓂𑒯, 𑒖𑒹 “𑒣𑓂𑒩𑒝𑒧𑓂𑒨 𑒠𑒹𑒫𑒞𑒰” 𑒏 𑒧𑒡𑓂𑒨 𑒮𑒩𑓂𑒫𑒬𑓂𑒩𑒹𑒭𑓂𑒚 𑒂𑒮𑒢 𑒣𑒩 𑒁𑒡𑒱𑒏𑒰𑒩 𑒖𑒧𑒰 𑒮𑒏𑒻𑒞 𑒕𑒟𑒱, 𑒖𑒢𑒱𑒏 𑒫𑒢𑓂𑒠𑒢𑒲𑒨 𑒥𑒢𑓂𑒡𑒳𑒫𑒩𑓂𑒑 𑒄 𑒣𑒳𑒮𑓂𑒞𑒏 𑒠𑒹𑒐𑒱 𑒫𑒱𑒢𑒳 𑒧𑒓𑒢𑒯𑒱 𑒁𑒣𑒢 𑒮𑓂𑒫𑒞𑓂𑒫 𑒮𑓂𑒟𑒰𑒣𑒱𑒞 𑒏𑒨 𑒪𑓄 𑒮𑒏𑒻𑒞 𑒕𑒟𑒱, 𑒞𑒹𑒯𑒢 𑒣𑓂𑒩𑒧𑒳𑒐 𑒔𑒩𑒱𑒞-𑒢𑒰𑒨𑒏, 𑒫𑒱𑒏𑒙 𑒣𑒰𑒯𑒳𑒢 𑒦𑒲𑒧𑒹𑒢𑓂𑒠𑓂𑒩𑒢𑒰𑒟 𑒏 𑒮𑒳𑒠𑒵𑒜𑓃 𑒫𑒱𑒬𑒰𑒪 𑒧𑒳𑒭𑓂𑒙𑒱𑒧𑒹 𑒄 𑒫𑒱𑒔𑒱𑒞𑓂𑒩-𑒔𑒩𑒱𑒞𑓂𑒩-𑒣𑒴𑒩𑓂𑒝 𑒣𑒼𑒟𑒲 𑒫𑒱𑒫𑒬𑒞𑒰𑒣𑒴𑒩𑓂𑒫𑒏 𑒁𑒩𑓂𑒣𑒱𑒞 𑒕𑒻𑒢𑓂𑒯!
𑒐𑒙𑓂𑒙𑒩 𑒏𑒏𑒰𑒏 𑒞𑒩𑓀𑒑𑒏 𑒮𑒧𑒩𑓂𑒣𑒝- 𑒖𑒹 𑒦𑓀𑒑𑒏 𑒞𑒩𑓀𑒑𑒧𑒹 𑒏𑒰𑒫𑓂𑒨-𑒬𑒰𑒮𑓂𑒞𑓂𑒩-𑒫𑒱𑒢𑒼𑒠𑒏 𑒡𑒰𑒩𑒰 𑒥𑒯𑒰 𑒠𑒻𑒞 𑒕𑒟𑒱; 𑒖𑒢𑒱𑒏 𑒣𑓂𑒩𑒫𑒰𑒯𑒧𑒹 𑒟𑒼𑒛𑓃𑒹𑒏 𑒏𑒰𑒪𑒏 𑒯𑒹𑒞𑒳 𑒫𑒹𑒠-𑒣𑒳𑒩𑒰𑒝, 𑒡𑒩𑓂𑒧𑒬𑒰𑒮𑓂𑒞𑓂𑒩, 𑒮𑒦𑒙𑒰 𑒦𑒮𑒱𑒨𑒰 𑒖𑒰𑒃𑒞 𑒁𑒕𑒱; 𑒖𑒹 𑒥𑒰𑒞-𑒥𑒰𑒞𑒧𑒹 𑒁𑒠𑓂𑒦𑒳𑒞 𑒩𑒮 𑒍 𑒔𑒧𑒞𑓂𑒏𑒰𑒩𑒏 𑒔𑒰𑒬𑒢𑒲 𑒒𑒼𑒩𑒱 𑒠𑒻𑒞 𑒕𑒟𑒱; 𑒖𑒹 𑒧𑒩𑓂𑒧𑒮𑓂𑒣𑒩𑓂𑒭𑒲 𑒫𑓂𑒨𑓀𑒑𑓂𑒨 𑒠𑓂𑒫𑒰𑒩𑒰 𑒪𑒼𑒏𑒏 𑒁𑒢𑓂𑒞𑒮𑓂𑒞𑒪 𑒧𑒹 𑒣𑒯𑒳𑒿𑒔𑒱 𑒑𑒳𑒠𑒑𑒳𑒠𑒲 𑒪𑒑𑒰 𑒠𑒻𑒞 𑒕𑒟𑒱; 𑒞𑒹𑒯𑒢 𑒔𑒱𑒩 𑒂𑒢𑒢𑓂𑒠𑒧𑒴𑒩𑓂𑒞𑒱, 𑒣𑒩𑒱𑒯𑒰𑒮-𑒣𑓂𑒩𑒱𑒨 𑒐𑒙𑓂𑒙𑒩 𑒏𑒏𑒰 𑒏𑒻𑓀- 𑒞𑓂𑒫𑓂𑒠𑒲𑒨𑓀 𑒫𑒮𑓂𑒞𑒳 𑒣𑒱𑒞𑒵𑒫𑓂𑒨! 𑒞𑒳𑒦𑓂𑒨𑒧𑒹𑒫 𑒮𑒧𑒩𑓂𑒣𑒱𑒞𑒧𑓂।
𑒩𑓀𑒑𑒬𑒰𑒪𑒰𑒏 𑒮𑒧𑒩𑓂𑒣𑒝- 𑒖𑒹 𑒁𑒏𑓂𑒭𑒨𑒨𑒾𑒫𑒢𑒰 𑒢𑒙𑒲 𑒋𑒯𑒱 𑒁𑒢𑒰𑒠𑒱 𑒁𑒢𑒢𑓂𑒞 𑒩𑓀𑒑𑒬𑒰𑒪𑒰𑒏 𑒣𑓂𑒩𑒫𑒩𑓂𑒞𑒱𑒏𑒰 𑒟𑒱𑒏𑒲𑒯, 𑒖𑒹 𑒧𑒢𑒼𑒯𑒩 𑒫𑒲𑒝𑒰-𑒫𑒰𑒠𑒱𑒢𑒲 𑒮𑒧𑓂𑒣𑒴𑒩𑓂𑒝 𑒔𑒩𑒰𑒔𑒩 𑒫𑒱𑒬𑓂𑒫𑒏𑒻𑓀 𑒁𑒣𑒢𑒰 𑒂𑓀𑒑𑒳𑒩𑒏 𑒁𑒑𑓂𑒩𑒦𑒰𑒑 𑒣𑒩 𑒢𑒔𑒰 𑒩𑒯𑒪 𑒕𑒟𑒱, 𑒖𑒹 𑒩𑒯𑒮𑓂𑒨𑒧𑒨𑒲 𑒁𑒣𑒢 𑒧𑒼𑒯𑒱𑒢𑒲 𑒪𑒲𑒪𑒰𑒏 𑒗𑒪𑒏 𑒠𑒹𑒐𑒰𑒨 𑒏𑒏𑒩𑒼 𑒮𑓂𑒣𑒩𑓂𑒬 𑒢𑒯𑒱 𑒏𑒩𑒨 𑒠𑒻𑒞 𑒕𑒟𑒱𑒢𑓂𑒯, 𑒖𑒹 𑒏𑒪𑓂𑒣𑒢𑒰𑒏 𑒩𑓀𑒑𑒲𑒢 𑒣𑒰𑒿𑒐𑒱 𑒣𑒩 𑒂𑒥𑒱 𑒏𑒪𑒰𑒏𑒰𑒩𑒏 𑒏𑒪𑒰𑒧𑒹 𑒩𑒮𑒏 𑒮𑓀𑒔𑒰𑒩 𑒏𑒩𑒻𑒞 𑒕𑒟𑒱𑒢𑓂𑒯, 𑒞𑒹𑒯𑒢 𑒂𑒬𑓂𑒔𑒩𑓂𑒨𑒏𑒰𑒩𑒱𑒝𑒲 𑒔𑒱𑒩𑒮𑒳𑒢𑓂𑒠𑒩𑒲 𑒞𑓂𑒩𑒻𑒪𑒼𑒏𑓂𑒨-𑒫𑒱𑒖𑒨𑒱𑒢𑒲 𑒧𑒰𑒨𑒰 𑒠𑒹𑒫𑒲 𑒏𑒻𑓀।



𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪
𑓑𑓙𑓔𑓒-𑓔𑓓 𑒏 𑒥𑓀𑒑𑒰𑒪𑒏 𑒁𑒏𑒰𑒪𑒏 𑒫𑒱𑒭𑒨𑒧𑒹 𑒁𑒧𑒩𑓂𑒞𑓂𑒨 𑒮𑒹𑒢 𑒪𑒱𑒐𑒻 𑒕𑒟𑒱 𑒖𑒹 𑒋𑒯𑒱 𑒁𑒏𑒰𑒪𑒧𑒹 𑒥𑓀𑒑𑒰𑒪𑒧𑒹 𑒪𑒰𑒐𑒏 𑒪𑒰𑒐 𑒪𑒼𑒏 𑒧𑒳𑒃𑒪𑒰𑒯 (𑒤𑒹𑒧𑒲𑒢 𑒃𑒢𑓂𑒏𑓂𑒫𑒰𑒨𑒩𑒲 𑒏𑒧𑒲𑒬𑒢𑒏 𑒁𑒢𑒳𑒮𑒰𑒩 𑓑𑓕 𑒪𑒰𑒐) 𑒧𑒳𑒠𑒰 𑒁𑒧𑒩𑓂𑒞𑓂𑒨𑒏 𑒋𑒏𑒼𑒙𑒰 𑒮𑒩-𑒮𑒧𑓂𑒥𑒢𑓂𑒡𑒲𑒏 𑒧𑒵𑒞𑓂𑒨𑒳 𑒍𑒯𑒱𑒧𑒹 𑒢𑒯𑒱 𑒦𑒹𑒪। 𑒞𑒯𑒱𑒢𑒰 𑒧𑒱𑒟𑒱𑒪𑒰𑒏 𑓑𑓙𑓖𑓗 𑒄.𑒏 𑒁𑒏𑒰𑒪𑒧𑒹 𑒦𑒰𑒩𑒞𑒏 𑒣𑓂𑒩𑒡𑒰𑒢𑒧𑓀𑒞𑓂𑒩𑒲𑒏𑒹𑒿 𑒠𑒹𑒐𑒰𑒍𑒪 𑒑𑒹𑒪𑒢𑓂𑒯𑒱 𑒖𑒹 𑒏𑒼𑒢𑒰 𑒧𑒳𑒮𑒯𑒩 𑒪𑒼𑒏𑒢𑒱 𑒥𑒱𑒮𑒰𑒿𑒜𑓃 𑒐𑒰 𑒏𑓄 𑒁𑒏𑒰𑒪𑒮𑒿 𑒪𑒛𑓃𑒱 𑒩𑒯𑒪 𑒕𑒟𑒱, 𑒧𑒳𑒠𑒰 𑒋𑒯𑒱𑒣𑒩 𑒏𑒟𑒰 𑒪𑒱𑒐𑒪 𑒑𑒹𑒪 𑓒𑓐𑓐𑓙 𑒄.𑒧𑒹। 𑓒𑓐𑓐𑓙 𑒄. 𑒧𑒹 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑓀𑒛𑒪𑒖𑒲 𑒥𑒱𑒮𑒰𑒿𑒜𑓃𑒣𑒩 𑒧𑒻𑒟𑒱𑒪𑒲𑒧𑒹 𑒏𑒟𑒰 𑒪𑒱𑒐𑒪𑒢𑓂𑒯𑒱। 𑒂 𑒋𑒯𑒱 𑒫𑒱𑒪𑒧𑓂𑒥𑒏 𑒏𑒰𑒩𑒝 𑒮𑒹𑒯𑒼 𑒮𑓂𑒣𑒭𑓂𑒙 𑒁𑒕𑒱। 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒧𑒹 𑒖𑒹 𑒋𑒏𑒦𑒑𑒰𑒯 𑒣𑓂𑒩𑒫𑒵𑒞𑓂𑒞𑒱 𑒩𑒯𑒪 𑒁𑒕𑒱, 𑒞𑒰𑒯𑒱 𑒏𑒰𑒩𑒝𑒮𑒿 𑒁𑒧𑒩𑓂𑒞𑓂𑒨 𑒮𑒹𑒢 𑒖𑒹𑒏𑒰𑒿 𑒯𑒧𑒩𑒼 𑒮𑒰𑒯𑒱𑒞𑓂𑒨𑒏𑒰𑒩 𑒮𑒦 𑒍𑒯𑒱 𑒧𑒯𑒰𑒫𑒱𑒦𑒲𑒭𑒱𑒏𑒰𑒮𑒿 𑒍𑒞𑒹𑒏 𑒣𑓂𑒩𑒦𑒰𑒫𑒱𑒞 𑒢𑒯𑒱 𑒦𑒹𑒪 𑒯𑒼𑒋𑒞𑒰𑒯। 𑒂 𑒋𑒞𑒋 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑓀𑒛𑒪 𑒖𑒲𑒏 𑒏𑒟𑒰 𑒧𑒻𑒟𑒱𑒪𑒲 𑒏𑒟𑒰 𑒡𑒰𑒩𑒰𑒏 𑒨𑒰𑒞𑓂𑒩𑒰𑒏𑒹𑒿 𑒋𑒏𑒦𑒑𑒰𑒯 𑒯𑒼𑒋𑒥𑒰𑒮𑒿 𑒥𑒔𑒰 𑒪𑒻𑒞 𑒁𑒕𑒱। 𑒋𑒯𑒱 𑒮𑓀𑒑𑓂𑒩𑒯𑒏 𑒮𑒦𑒙𑒰 𑒏𑒟𑒰 𑒅𑒞𑓂𑒏𑒵𑒭𑓂𑒙 𑒁𑒕𑒱, 𑒩𑒱𑒏𑓂𑒞 𑒮𑓂𑒟𑒰𑒢𑒏 𑒣𑒴𑒩𑓂𑒞𑒱 𑒏𑒩𑒻𑒞 𑒁𑒕𑒱 𑒂 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒣𑒳𑒢𑒩𑓂𑒖𑒰𑒑𑒩𑒝𑒏 𑒣𑓂𑒩𑒧𑒰𑒝 𑒅𑒣𑒪𑒥𑓂𑒡 𑒏𑒩𑒥𑒻𑒞 𑒁𑒕𑒱।

𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪 𑒬𑒱𑒪𑓂𑒣𑒲 𑒕𑒟𑒱, 𑒏𑒟𑓂𑒨𑒏𑒹𑒿 𑒞𑒹𑒢𑒰 𑒮𑒧𑒹𑒙𑒱 𑒪𑒻𑒞 𑒕𑒟𑒱 𑒖𑒹 𑒣𑒰𑒚𑒏 𑒫𑒱𑒮𑓂𑒧𑒱𑒞 𑒩𑒯𑒱 𑒖𑒰𑒃𑒞 𑒁𑒕𑒱। 𑒧𑒳𑒠𑒰 𑒯𑒱𑒢𑒏𑒰 𑒠𑓂𑒫𑒰𑒩𑒰 𑒏𑒟𑓂𑒨𑒏𑒹𑒿 (𑒏𑒟𑒰, 𑒅𑒣𑒢𑓂𑒨𑒰𑒮, 𑒢𑒰𑒙𑒏, 𑒣𑓂𑒩𑒹𑒩𑒏-𑒏𑒟𑒰 𑒮𑒦𑒧𑒹) 𑒅𑒠𑓂𑒠𑒹𑒬𑓂𑒨𑒣𑒴𑒩𑓂𑒝 𑒥𑒢𑒹𑒥𑒰𑒏 𑒂𑒑𑓂𑒩𑒯 𑒂 𑒏𑓂𑒭𑒧𑒞𑒰 𑒯𑒱𑒢𑒏𑒰 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒧𑒹 𑒍𑒯𑒱 𑒮𑓂𑒟𑒰𑒢𑒣𑒩 𑒮𑓂𑒟𑒰𑒣𑒱𑒞 𑒏𑒩𑒻𑒞 𑒁𑒕𑒱, 𑒖𑒞𑒋𑒮𑒿 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒃𑒞𑒱𑒯𑒰𑒮 “𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒮𑒿 𑒣𑒴𑒩𑓂𑒫” 𑒂 “𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒮𑒿” 𑒋𑒯𑒱 𑒠𑒴 𑒐𑒝𑓂𑒛𑒧𑒹 𑒣𑒰𑒚𑒱𑒞 𑒯𑒼𑒋𑒞। 𑒮𑒧𑒰𑒖𑒏 𑒮𑒦 𑒫𑒩𑓂𑒑 𑒯𑒱𑒢𑒏𑒩 𑒏𑒟𑓂𑒨𑒧𑒹 𑒦𑒹𑒙𑒻𑒞 𑒁𑒕𑒱 𑒂 𑒮𑒹 𑒂𑒪𑓀𑒏𑒰𑒩𑒱𑒏 𑒩𑒴𑒣𑒧𑒹 𑒢𑒯𑒱 𑒫𑒩𑒢𑓂 𑒁𑒢𑒰𑒨𑒰𑒮, 𑒖𑒹 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨 𑒪𑒹𑒪 𑒋𑒏𑒙𑒰 𑒯𑒱𑒪𑒏𑒼𑒩 𑒁𑒋𑒥𑒰𑒏 𑒮𑒧𑒰𑒢 𑒁𑒕𑒱। 𑒯𑒱𑒢𑒏𑒩 𑒏𑒟𑓂𑒨𑒧𑒹 𑒏𑒞𑒯𑒳 𑒁𑒦𑒰𑒫-𑒦𑒰𑒭𑒝 𑒢𑒯𑒱 𑒦𑒹𑒙𑒞, 𑒮𑒦 𑒫𑒩𑓂𑒑𑒏 𑒪𑒼𑒏𑒏 𑒖𑒲𑒫𑒢 𑒬𑒻𑒪𑒲𑒏 𑒣𑓂𑒩𑒞𑒱 𑒖𑒹 𑒂𑒠𑒩 𑒂 𑒑𑒾𑒩𑒫 𑒍 𑒁𑒣𑒢 𑒏𑒟𑓂𑒨𑒧𑒹 𑒩𑒐𑒻𑒞 𑒕𑒟𑒱 𑒮𑒹 𑒁𑒠𑓂𑒦𑒳𑒞। 𑒯𑒱𑒢𑒏𑒩 𑒏𑒟𑓂𑒨𑒧𑒹 𑒢𑒼𑒏𑒩𑒲 𑒂 𑒣𑒪𑒰𑒨𑒢𑒏 𑒫𑒱𑒩𑒳𑒠𑓂𑒡 𑒣𑒰𑒩𑒧𑓂𑒣𑒩𑒱𑒏 𑒂𑒖𑒲𑒫𑒱𑒏𑒰𑒏 𑒑𑒾𑒩𑒫 𑒧𑒯𑒱𑒧𑒰𑒧𑓀𑒛𑒱𑒞 𑒦𑒹𑒙𑒻𑒞 𑒁𑒕𑒱, 𑒂 𑒮𑒹 𑒣𑓂𑒩𑒦𑒰𑒫𑒏𑒰𑒩𑒲 𑒯𑒼𑒃𑒞 𑒁𑒕𑒱 𑒯𑒱𑒢𑒏𑒩 𑒏𑒟𑓂𑒨 𑒂 𑒏𑒩𑓂𑒧𑒏 𑒣𑓂𑒩𑒞𑒱 𑒮𑒧𑒰𑒢 𑒠𑒵𑒭𑓂𑒙𑒱𑒏𑒼𑒝𑒏 𑒏𑒰𑒩𑒝𑒮𑒿 𑒂 𑒮𑒹 𑒁𑒕𑒱 𑒯𑒱𑒢𑒏𑒩 𑒫𑓂𑒨𑒏𑓂𑒞𑒱𑒑𑒞 𑒂 𑒮𑒰𑒧𑒰𑒖𑒱𑒏 𑒖𑒲𑒫𑒢𑒏 𑒬𑓂𑒩𑒹𑒭𑓂𑒚𑒞𑒰𑒏 𑒏𑒰𑒩𑒝𑒮𑒿। 𑒖𑒹 𑒮𑒼𑒔𑒻𑒞 𑒕𑒲, 𑒖𑒹 𑒏𑒩𑒻𑒞 𑒕𑒲 𑒮𑒋𑒯 𑒪𑒱𑒐𑒻𑒞 𑒕𑒲- 𑒞𑒰𑒯𑒱 𑒏𑒰𑒩𑒝𑒮𑒿। 𑒨𑒰𑒞𑓂𑒩𑒲 𑒂 𑒡𑒴𑒧𑒏𑒹𑒞𑒳 𑒮𑒢 𑒅𑒣𑒢𑓂𑒨𑒰𑒮𑒏𑒰𑒩 𑒂 𑒏𑒳𑒧𑒰𑒩 𑒣𑒫𑒢 𑒂 𑒡𑒴𑒧𑒏𑒹𑒞𑒳 𑒮𑒢 𑒏𑒟𑒰-𑒬𑒱𑒪𑓂𑒣𑒲𑒏 𑒁𑒕𑒻𑒞 𑒧𑒻𑒟𑒱𑒪𑒲 𑒦𑒰𑒭𑒰 𑒖𑒢𑒮𑒰𑒧𑒰𑒢𑓂𑒨𑒮𑒿 𑒠𑒴𑒩 𑒩𑒯𑒪। 𑒧𑒻𑒟𑒱𑒪𑒲 𑒦𑒰𑒭𑒰𑒏 𑒂𑒩𑒼𑒯-𑒁𑒫𑒩𑒼𑒯 𑒧𑒱𑒟𑒱𑒪𑒰𑒏 𑒥𑒰𑒯𑒩𑒏 𑒪𑒼𑒏𑒏𑒹𑒿 𑒮𑒹𑒯𑒼 𑒂𑒏𑒩𑓂𑒭𑒱𑒞 𑒏𑒩𑒻𑒞 𑒩𑒯𑒪 𑒂 𑒍𑒯𑒲 𑒦𑒰𑒭𑒰𑒏 𑒂𑒩𑒼𑒯-𑒁𑒫𑒩𑒼𑒯𑒧𑒹 𑒮𑒧𑒰𑒖-𑒮𑓀𑒮𑓂𑒏𑒵𑒞𑒱-𑒦𑒰𑒭𑒰𑒮𑒿 𑒠𑒹𑒐𑒰𑒍𑒪 𑒖𑒑𑒠𑒲𑒬𑒖𑒲𑒏 𑒮𑒩𑒼𑒏𑒰𑒩𑒲 𑒮𑒰𑒯𑒱𑒞𑓂𑒨 𑒧𑒱𑒟𑒱𑒪𑒰𑒏 𑒮𑒰𑒧𑒰𑒖𑒱𑒏 𑒏𑓂𑒭𑒹𑒞𑓂𑒩 𑒙𑒰 𑒧𑒹 𑒢𑒯𑒱 𑒫𑒩𑒢𑓂 𑒂𑒩𑓂𑒟𑒱𑒏 𑒏𑓂𑒭𑒹𑒞𑓂𑒩𑒧𑒹 𑒮𑒹𑒯𑒼 𑒏𑓂𑒩𑒰𑒢𑓂𑒞𑒱 𑒂𑒢𑒞। 𑒫𑒱𑒠𑒹𑒯 𑒧𑒹 𑒯𑒱𑒢𑒏𑒩 𑒣𑒰𑒿𑒔𑒙𑒰 𑒅𑒣𑒢𑓂𑒨𑒰𑒮, 𑒋𑒏𑒙𑒰 𑒢𑒰𑒙𑒏 𑒂 𑒠𑒴 𑒠𑒩𑓂𑒖𑒢𑒮𑒿 𑒥𑒹𑒬𑒲 𑒏𑒟𑒰, 𑒢𑒹𑒢𑒰-𑒦𑒳𑒙𑒏𑒰-𑒏𑒱𑒬𑒼𑒩 𑒪𑒹𑒪 𑒮𑒋𑒮𑒿 𑒆𑒣𑒩 𑒣𑓂𑒩𑒹𑒩𑒏 𑒏𑒟𑒰 𑒄-𑒣𑓂𑒩𑒏𑒰𑒬𑒱𑒞 𑒦𑓄 𑒫𑒱𑒬𑓂𑒫 𑒦𑒩𑒱𑒧𑒹 𑒣𑒮𑒩𑒪 𑒧𑒻𑒟𑒱𑒪𑒲 𑒦𑒰𑒭𑒲𑒏𑒹𑒿 𑒠𑒪𑒧𑒪𑒱𑒞 𑒏𑒩𑒻𑒞 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒋𑒏𑒙𑒰 𑒩𑒱𑒏𑓂𑒞 𑒮𑓂𑒟𑒰𑒢𑒏 𑒣𑒴𑒩𑓂𑒞𑒱 𑒏𑓄 𑒠𑒹𑒢𑒹 𑒁𑒕𑒱।
𑒣𑓂𑒩𑒹𑒧𑒬𑓀𑒏𑒩 𑒮𑒱𑓀𑒯
𑒧𑒻𑒟𑒱𑒪𑒲 𑒦𑒰𑒭𑒰 𑒮𑒰𑒯𑒱𑒞𑓂𑒨 : 𑒥𑒲𑒮𑒧 𑒬𑒞𑒰𑒥𑓂𑒠𑒲 - 𑒣𑓂𑒩𑒹𑒧𑒬𑓀𑒏𑒩 𑒮𑒱𑓀𑒯𑒖𑒲𑒏 𑒋𑒯𑒱 𑒢𑒱𑒥𑒢𑓂𑒡-𑒣𑓂𑒩𑒥𑒢𑓂𑒡-𑒮𑒧𑒰𑒪𑒼𑒔𑒢𑒰 𑒮𑓀𑒑𑓂𑒩𑒯𑒧𑒹 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑓒𑓐𑒧 𑒬𑒞𑒰𑒥𑓂𑒠𑒲 𑒂 𑒋𑒏𑓂𑒏𑒻𑒮𑒧 𑒬𑒞𑒰𑒥𑓂𑒠𑒲𑒏 𑒣𑒯𑒱𑒪 𑒠𑒬𑒏𑒏 𑒫𑒱𑒦𑒱𑒢𑓂𑒢 𑒣𑓂𑒩𑒱𑒨-𑒁𑒣𑓂𑒩𑒱𑒨 𑒣𑒏𑓂𑒭𑒣𑒩 𑒔𑒩𑓂𑒔𑒰 𑒦𑒹𑒪 𑒁𑒕𑒱। 𑒁𑒣𑓂𑒩𑒱𑒨 𑒣𑒏𑓂𑒭 𑒁𑒥𑒻𑒞 𑒁𑒕𑒱 𑒋𑒯𑒱 𑒠𑓂𑒫𑒰𑒩𑒹 𑒖𑒹 𑒩𑒰𑒖𑒢𑒻𑒞𑒱𑒏-𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏-𑒮𑒰𑓀𑒮𑓂𑒏𑒵𑒞𑒱𑒏 𑒮𑒧𑒮𑓂𑒨𑒰-𑒣𑒩𑒱𑒫𑒩𑓂𑒞𑒢 𑒂 𑒋𑒏𑒲𑒏𑒩𑒝𑒏 𑒣𑓂𑒩𑒏𑓂𑒩𑒱𑒨𑒰 𑒏𑒐𑒢𑒼 𑒏𑒰𑒪 𑒣𑒩𑒮𑓂𑒣𑒩 𑒫𑒱𑒩𑒼𑒡𑒲 𑒯𑒼𑒃𑒞 𑒁𑒕𑒱।

𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒣𑒳𑒩𑒰𑒢 𑒮𑒢𑓂𑒠𑒩𑓂𑒦 𑒧𑒻𑒟𑒱𑒪𑒲 𑒦𑒰𑒭𑒰 𑒂 𑒮𑒰𑒯𑒱𑒞𑓂𑒨𑒧𑒹 𑒫𑒩𑓂𑒝𑒱𑒞 𑒁𑒕𑒱। 𑒪𑒼𑒏𑒑𑒰𑒟𑒰 𑒧𑒹 𑒧𑒝𑒱𑒣𑒠𑓂𑒧𑒏 𑒪𑒼𑒏𑒑𑒰𑒟𑒰𑒏 𑒏𑓂𑒭𑒹𑒞𑓂𑒩𑒧𑒹 𑒁𑒫𑒠𑒰𑒢𑒏𑒹𑒿 𑒩𑒹𑒐𑒰𑓀𑒏𑒱𑒞 𑒏𑒩𑒻𑒞 𑒪𑒼𑒏𑒑𑒰𑒟𑒰𑒏 𑒔𑒩𑓂𑒔𑒰 𑒦𑒹𑒪 𑒁𑒕𑒱 । 𑒪𑒼𑒏𑒢𑒰𑒙𑓂𑒨 𑒧𑒹 𑒧𑒻𑒟𑒱𑒪𑒲 𑒪𑒼𑒏𑒢𑒰𑒙𑓂𑒨𑒏 𑒫𑒱𑒮𑓂𑒞𑒵𑒞 𑒅𑒪𑓂𑒪𑒹𑒐 𑒁𑒕𑒱। 𑒥𑒲𑒮𑒧 𑒬𑒞𑒰𑒥𑓂𑒠𑒲- 𑒮𑓂𑒫𑒩𑓂𑒝 𑒨𑒳𑒑𑒧𑒹 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒮𑒋 𑒥𑒩𑓂𑒐𑒏 𑒮𑒩𑓂𑒫𑒹𑒏𑓂𑒭𑒝 𑒁𑒕𑒱। 𑒣𑒰𑒩𑓀𑒣𑒩𑒱𑒏 𑒢𑒰𑒙𑒏 𑒧𑒹 𑒧𑒻𑒟𑒱𑒪𑒲𑒏 𑒂 𑒧𑒻𑒟𑒱𑒪𑒲𑒧𑒹 𑒁𑒢𑒴𑒠𑒱𑒞 𑒣𑒰𑒩𑒧𑓂𑒣𑒩𑒱𑒏 𑒢𑒰𑒙𑒏𑒏 𑒔𑒩𑓂𑒔𑒰 𑒁𑒕𑒱।𑒮𑒰𑒧𑒰𑒖𑒱𑒏 𑒫𑒱𑒫𑒩𑓂𑒞𑒏 𑒖𑒲𑒫𑒢 𑒗𑒰 𑒧𑒻𑒟𑒱𑒪𑒲 𑒢𑒰𑒙𑓂𑒨 𑒮𑒰𑒯𑒱𑒞𑓂𑒨𑒧𑒹 𑒯𑒳𑒢𑒏𑒰 𑒠𑓂𑒫𑒰𑒩𑒰 𑒂𑒢𑒪 𑒢𑒴𑒞𑒢 𑒏𑒟𑓂𑒨-𑒬𑒱𑒪𑓂𑒣𑒏𑒹𑒿 𑒩𑒹𑒐𑒰𑓀𑒏𑒱𑒞 𑒏𑒩𑒻𑒞 𑒁𑒕𑒱। 𑒯𑒩𑒱𑒧𑒼𑒯𑒢 𑒗𑒰𑒏 𑒣𑒩𑒫𑒩𑓂𑒞𑓂𑒞𑒲 𑒩𑒔𑒢𑒰𑒏𑒰𑒩𑒣𑒩 𑒣𑓂𑒩𑒦𑒰𑒫 𑒯𑒩𑒱𑒧𑒼𑒯𑒢 𑒗𑒰 𑒣𑒩 𑒮𑒧𑒲𑒏𑓂𑒭𑒰 𑒁𑒕𑒱। 𑒧𑒻𑒟𑒱𑒪𑒲 𑒂𑒢𑓂𑒠𑒼𑒪𑒢𑒏 𑒮𑒖𑒑 𑒣𑓂𑒩𑒯𑒩𑒲 𑒖𑒨𑒏𑒰𑒢𑓂𑒞 𑒧𑒱𑒬𑓂𑒩𑒏 𑒁𑒫𑒠𑒰𑒢𑒏 𑒂𑒡𑒰𑒩𑒱𑒞 𑒁𑒕𑒱। 𑒮𑓀𑒮𑓂𑒧𑒩𑒝 𑒮𑒰𑒯𑒱𑒞𑓂𑒨 𑒧𑒹 𑒧𑒝𑒱𑒣𑒠𑓂𑒧𑒏 𑒯𑒳𑒢𑒏𑒰𑒮𑒿 𑒦𑒹𑒿𑒙 𑒦𑒹𑒪 𑒕𑒪 𑒏 𑒮𑒢𑓂𑒠𑒩𑓂𑒦𑒧𑒹 𑒮𑓀𑒮𑓂𑒧𑒩𑒝 𑒮𑒰𑒯𑒱𑒞𑓂𑒨𑒣𑒩 𑒔𑒩𑓂𑒔𑒰 𑒦𑒹𑒪 𑒁𑒕𑒱। 𑒁𑒧𑒩𑒏 𑒋𑒏𑒰𑓀𑒏𑒲: 𑒮𑒰𑒧𑒰𑒖𑒱𑒏 𑒨𑒟𑒰𑒩𑓂𑒟 𑒧𑒹 𑒁𑒧𑒩𑒖𑒲𑒏 𑒋𑒯𑒱 𑒫𑒱𑒡𑒰 𑒮𑒦𑒏 𑒞𑒿 𑒧𑒰𑒨𑒰𑒢𑒢𑓂𑒠𑒱𑒏 𑒩𑒹𑒛𑒱𑒨𑒼 𑒬𑒱𑒪𑓂𑒣𑒳 𑒧𑒹 𑒧𑒰𑒨𑒰𑒢𑒢𑓂𑒠 𑒧𑒱𑒬𑓂𑒩𑒏 𑒋𑒯𑒱 𑒫𑒱𑒡𑒰𑒏 𑒮𑒩𑓂𑒫𑒹𑒏𑓂𑒭𑒝 𑒁𑒕𑒱। 𑒔𑒹𑒞𑒢𑒰 𑒮𑒧𑒱𑒞𑒱 𑒍 𑒢𑒰𑒙𑓂𑒨𑒧𑓀𑒔 𑒧𑒹 𑒔𑒹𑒞𑒢𑒰 𑒮𑒧𑒱𑒞𑒱 𑒠𑓂𑒫𑒰𑒩𑒰 𑒏𑒋𑒪 𑒩𑒔𑒢𑒰𑒞𑓂𑒧𑒏 𑒏𑒰𑒩𑓂𑒨𑒏 𑒫𑒱𑒫𑒩𑒝 𑒁𑒕𑒱।

𑒋𑒯𑒱 𑒮𑒦 𑒂𑒪𑒹𑒐𑒧𑒹 𑒮𑒞𑓂𑒨𑒏 𑒂 𑒏𑒪𑒰𑒏 𑒏𑒰𑒩𑓂𑒨𑒏 𑒮𑒾𑓀𑒠𑒩𑓂𑒨𑒲𑒏𑒵𑒞 𑒁𑒫𑒪𑒼𑒏𑒢, 𑒮𑓀𑒮𑓂𑒟𑒰 𑒮𑒦𑒏 𑒢𑒱𑒩𑓂𑒧𑒰𑒝 𑒫𑒰 𑒫𑒩𑓂𑒞𑒧𑒰𑒢𑒧𑒹 𑒮𑓀𑒣𑒴𑒩𑓂𑒝 𑒮𑒧𑒳𑒠𑒰𑒨𑒏 𑒡𑒩𑓂𑒧-𑒢𑒮𑓂𑒪-𑒣𑓀𑒟 𑒦𑒹𑒠 𑒩𑒯𑒱𑒞 𑒂𑒩𑓂𑒟𑒱𑒏 𑒂 𑒮𑒰𑒧𑒰𑒖𑒱𑒏 𑒯𑒱𑒞𑒣𑒩 𑒂𑒡𑒰𑒩𑒱𑒞 𑒮𑒳𑒡𑒰𑒩𑒏 𑒂𑒫𑒬𑓂𑒨𑒏𑒞𑒰, 𑒧𑒯𑒱𑒪𑒰-𑒪𑒹𑒐𑒢 𑒂 𑒥𑒰𑒪-𑒮𑒰𑒯𑒱𑒞𑓂𑒨𑒏 𑒮𑓂𑒟𑒰𑒢-𑒮𑓂𑒟𑒰𑒣𑒩 𑒔𑒩𑓂𑒔𑒰, 𑒨𑒟𑒰𑒮𑓀𑒦𑒫 𑒧𑒹𑒛𑒱𑒨𑒼𑒏𑓂𑒩𑒱𑒙𑒲 𑒔𑒱𑒢𑓂𑒯𑒱𑒞 𑒏𑒩𑒥𑒰𑒏 𑒣𑓂𑒩𑒨𑒰𑒮, 𑒧𑒴𑒪𑓂𑒨𑒰𑓀𑒏𑒢𑒧𑒹 𑒏𑒏𑒩𑒼 𑒣𑓂𑒩𑒞𑒱 𑒣𑒴𑒩𑓂𑒫𑒰𑒑𑓂𑒩𑒯 𑒫𑒰 𑒒𑒵𑒝𑒰 𑒢𑒯𑒱 𑒩𑒰𑒐𑒥- 𑒄 𑒮𑒦𑒙𑒰 𑒮𑒧𑒲𑒏𑓂𑒭𑒰𑒏 𑒂𑒫𑒬𑓂𑒨𑒏 𑒞𑒞𑓂𑒫𑒏 𑒡𑓂𑒨𑒰𑒢 𑒩𑒰𑒐𑒪 𑒑𑒹𑒪 𑒁𑒕𑒱। 𑒋𑒏 𑒣𑒰𑒿𑒞𑒱𑒏 𑒫𑒏𑓂𑒞𑒫𑓂𑒨 𑒏𑒞𑒯𑒳 𑒢𑒯𑒱 𑒦𑒹𑒙𑒞, 𑒣𑒴𑒩𑓂𑒝 𑒫𑒱𑒫𑒹𑒔𑒢 𑒦𑒹𑒙𑒞।













𑒫𑒱𑒠𑒹𑒯: 𑒪𑒼𑒑𑒼:: 𑒫𑒱𑒠𑓂𑒨𑒰𑒣𑒞𑒱:𑒅𑒑𑒢𑒰:𑒧𑒱𑒟𑒱𑒪𑒰:𑒧𑒻𑒟𑒱𑒪𑒲
I.
𑒧𑒯𑒰𑒦𑒰𑒩𑒞𑒧𑒹 𑒅𑒪𑓂𑒪𑒹𑒐 𑒁𑒕𑒱, 𑒖𑒹 𑒃𑒢𑓂𑒠𑓂𑒩-𑒡𑓂𑒫𑒖𑒰 𑒑𑒰𑒜𑓃 𑒢𑒲𑒪 𑒩𑓀𑒑𑒏 𑒯𑒼𑒃𑒞 𑒕𑒪। 𑒩𑒰𑒧𑒏 𑒡𑓂𑒫𑒖𑒰 𑒪𑒰𑒪-𑒑𑒹𑒩𑒳𑒂 𑒩𑓀𑒑𑒏 𑒕𑒪𑒢𑓂𑒯𑒱 𑒂’ 𑒋𑒯𑒱 𑒣𑒩 𑒏𑒳𑒪𑒠𑒹𑒫𑒞𑒰 𑒮𑒴𑒩𑓂𑒨𑒏 𑒔𑒱𑒞𑓂𑒩 𑒁𑓀𑒏𑒱𑒞 𑒕𑒪। 𑒧𑒯𑒰𑒦𑒰𑒩𑒞𑒧𑒹 𑒁𑒩𑓂𑒖𑒳𑒢𑒏 𑒡𑓂𑒫𑒖𑒰 𑒣𑒩 𑒫𑒰𑒢𑒩𑒩𑒰𑒖𑒏 𑒔𑒱𑒞𑓂𑒩 𑒕𑒪। 𑒢𑒏𑒳𑒪𑒏 𑒡𑓂𑒫𑒖𑒰 𑒣𑒩 𑒮𑒩𑒦 𑒣𑒬𑒳𑒏 𑒔𑒱𑒞𑓂𑒩 𑒕𑒪। 𑒁𑒟𑒩𑓂𑒫𑒫𑒹𑒠𑒏 𑒁𑒢𑒳𑒮𑒰𑒩 𑒮𑒩𑒦 𑒣𑒬𑒳 𑒠𑒴 𑒧𑒰𑒟𑒏 , 𑒠𑒴𑒙 𑒮𑒳𑒢𑓂𑒠𑒩 𑒣𑓀𑒐 𑒥𑒪𑒰, 𑒋𑒏𑒙𑒰 𑒢𑒧𑒑𑒩 𑒣𑒳𑒕𑒲 𑒥𑒪𑒰 𑒂’ 𑒮𑒱𑓀𑒯𑒏 𑒮𑒧𑒰𑒢 𑒂𑒚 𑒢𑒼𑒏𑒑𑒩 𑒣𑒻𑒩𑒏 𑒂𑒿𑒑𑒳𑒩 𑒨𑒳𑒏𑓂𑒞𑓂𑒞 𑒯𑒼𑒃𑒞 𑒕𑒪।𑒁𑒦𑒱𑒧𑒢𑓂𑒨𑒳𑒏 𑒠𑓂𑒫𑒖𑒰 𑒣𑒩 𑒮𑒰𑒩𑓀𑒑 𑒣𑒏𑓂𑒭𑒲 𑒕𑒪। 𑒠𑒳𑒩𑓂𑒨𑒼𑒡𑒢𑒏 𑒡𑓂𑒫𑒖𑒰 𑒮𑒩𑓂𑒣𑒡𑓂𑒫𑒖𑒰 𑒕𑒪। 𑒠𑓂𑒩𑒼𑒝𑒏 𑒡𑓂𑒫𑒖𑒰 𑒣𑒩 𑒧𑒵𑒑𑒕𑒰𑒪 𑒂’ 𑒏𑒧𑒝𑓂𑒛𑒪 𑒕𑒪।𑒏𑒩𑓂𑒝𑒏 𑒡𑓂𑒫𑒖𑒰 𑒣𑒩 𑒯𑒰𑒟𑒲𑒏 𑒣𑒻𑒩𑒏 𑒖𑒱𑓀𑒖𑒲𑒩 𑒕𑒪, 𑒂’ 𑒮𑒴𑒩𑓂𑒨 𑒮𑒹𑒯𑒼 𑒕𑒪𑒰𑒯।
𑒦𑒑𑒫𑒰𑒢 𑒫𑒱𑒭𑓂𑒝𑒳𑒏 𑒡𑓂𑒫𑒖𑒰 𑒣𑒩 𑒑𑒩𑒳𑒛𑓃 𑒁𑓀𑒏𑒱𑒞 𑒁𑒕𑒱। 𑒬𑒱𑒫𑒏 𑒡𑓂𑒫𑒖𑒰 𑒣𑒩 𑒢𑓀𑒠𑒲 𑒫𑒵𑒭𑒦 𑒁𑓀𑒏𑒱𑒞 𑒁𑒕𑒱।
𑒠𑒳𑒩𑓂𑒑𑒰 𑒧𑒝𑓂𑒛𑒣𑒧𑒹 𑒬𑒮𑓂𑒞𑓂𑒩,𑒙𑓂𑒏𑓂𑒏𑒰,𑒣𑒙𑒯,𑒧𑒵𑒠𑓀𑒑, 𑒏𑒰𑓀𑒮𑓂𑒨𑒞𑒰𑒪(𑒥𑒰𑒿𑒮𑒳𑒩𑒲𑒏𑒹𑒿 𑒕𑒼𑒛𑓃𑒱), 𑒫𑒰𑒠𑓂𑒨 𑒡𑓂𑒫𑒖,𑒏𑒫𑒔 𑒂’ 𑒡𑒢𑒳𑒭 𑒏𑒹𑒩 𑒣𑒴𑒖𑒢 𑒯𑒼𑒃𑒞 𑒁𑒕𑒱। 𑒋𑒯𑒱𑒧𑒹 𑒮𑒩𑓂𑒫𑒣𑓂𑒩𑒟𑒧 𑒐𑒛𑓂𑒑𑒏 𑒣𑒴𑒖𑒰 𑒯𑒼𑒨𑒥𑒰𑒏 𑒔𑒰𑒯𑒲। 𑒞𑒏𑒩𑒰 𑒥𑒰𑒠 𑒔𑒳𑒩𑒱𑒏𑒰, 𑒏𑒙𑓂𑒙𑒰𑒩𑒏, 𑒡𑒢𑒳𑒭, 𑒏𑒳𑒢𑓂𑒞 𑒂’ 𑒏𑒫𑒔 𑒏𑒹𑒩 𑒣𑒴𑒖𑒰 𑒂’ 𑒤𑒹𑒩 𑒔𑒰𑒧𑒩,𑒕𑒞𑓂𑒩,𑒡𑓂𑒫𑒖,𑒣𑒞𑒰𑒏𑒰,𑒠𑒳𑒢𑓂𑒠𑒳𑒦𑒱,𑒬𑓀𑒐, 𑒮𑒱𑓀𑒯𑒰𑒮𑒢 𑒂’ 𑒁𑒬𑓂𑒫 𑒏𑒹𑒩 𑒣𑒴𑒖𑒰 𑒯𑒼𑒃𑒞 𑒁𑒕𑒱। 𑒯𑒧𑒩𑒰 𑒯𑒱𑒮𑒰𑒥𑒹 𑒧𑒱𑒟𑒱𑒪𑒰𑒏 𑒏𑒼𑒢𑒼 𑒗𑓀𑒛𑒰 𑒥𑒱𑒢𑒰 𑒋𑒯𑒱 𑒮𑒦𑒏 𑒮𑒧𑓂𑒧𑒱𑒪𑒢𑒏 𑒮𑓀𑒣𑒴𑒩𑓂𑒝 𑒢𑒯𑒱 𑒯𑒼𑒨𑒞।


I.
𑒃𑒢𑓂𑒠𑓂𑒩𑒮𑓂𑒨𑒹𑒫 𑒬𑒔𑒲 𑒮𑒧𑒳𑒖𑓂𑒖𑒫𑒪𑒑𑒳𑒝𑒰 𑒑𑒾𑒩𑒲𑒫 𑒑𑒾𑒩𑒲𑒣𑒞𑒹𑓁 𑒏𑒰𑒧𑒮𑓂𑒨𑒹𑒫 𑒩𑒞𑒱𑓁 𑒮𑓂𑒫𑒦𑒰𑒫𑒧𑒡𑒳𑒩𑒰 𑒮𑒲𑒞𑒹𑒫 𑒩𑒰𑒧𑒮𑓂𑒨 𑒨𑒰। 𑒫𑒱𑒭𑓂𑒝𑒼𑓁 𑒬𑓂𑒩𑒲𑒩𑒱𑒫 𑒣𑒠𑓂𑒧𑒮𑒱𑓀𑒯𑒢𑒵𑒣𑒞𑒹𑒩𑒹𑒭𑒰 𑒣𑒩𑒰 𑒣𑓂𑒩𑒹𑒨𑒮𑒲 𑒫𑒱𑒬𑓂𑒫𑒐𑓂𑒨𑒰𑒞𑒢𑒨𑒰 𑒠𑓂𑒫𑒱𑒖𑒹𑒢𑓂𑒠𑓂𑒩𑒞𑒢𑒨𑒰 𑒖𑒰𑒑𑒩𑓂𑒞𑒱 𑒦𑒴𑒧𑒝𑓂𑒛𑒪𑒹॥9॥

𑒅𑒣𑒩𑓂𑒨𑒳𑒏𑓂𑒞 𑒣𑒠𑓂𑒨 𑒫𑒱𑒠𑓂𑒨𑒰𑒣𑒞𑒱𑒏𑒵𑒞 𑒬𑒻𑒫𑒮𑒩𑓂𑒫𑒮𑓂𑒫𑒮𑒰𑒩𑒏 𑒣𑓂𑒩𑒰𑒩𑒧𑓂𑒦𑒏 𑒢𑒫𑒧 𑒬𑓂𑒪𑒼𑒏 𑒕𑒲। 𑒋𑒏𑒩 𑒁𑒩𑓂𑒟 𑒁𑒕𑒱- 𑒅𑒞𑓂𑒏𑒵𑒭𑓂𑒙 𑒑𑒳𑒝𑒫𑒞𑒲, 𑒧𑒡𑒳𑒩 𑒮𑓂𑒫𑒦𑒰𑒫𑒫𑒰𑒪𑒲, 𑒥𑓂𑒩𑒰𑒯𑓂𑒧𑒝-𑒫𑓀𑒬𑒖𑒰, 𑒢𑒲𑒞𑒱-𑒏𑒾𑒬𑒪𑒧𑒹 𑒫𑒱𑒬𑓂𑒫𑒫𑒱𑒐𑓂𑒨𑒰𑒞𑒍’ 𑒧𑒯𑒰𑒩𑒰𑒢𑒲 𑒫𑒱𑒬𑓂𑒫𑒰𑒮𑒠𑒹𑒫𑒲 𑒮𑒧𑓂𑒣𑓂𑒩𑒞𑒱 𑒮𑓀𑒮𑒰𑒩𑒧𑒹 𑒮𑒳𑒬𑒼𑒦𑒱𑒞 𑒕𑒟𑒱, 𑒖𑒹 𑒣𑒵𑒟𑓂𑒫𑒲-𑒣𑒞𑒱 𑒣𑒠𑓂𑒧𑒮𑒱𑓀𑒯𑒏𑒹𑒿 𑒞𑒯𑒱𑒢𑒰 𑒣𑓂𑒩𑒱𑒨 𑒕𑒪𑒲𑒯 𑒖𑒯𑒱𑒢𑒰 𑒃𑒢𑓂𑒠𑓂𑒩𑒏𑒹𑒿 𑒬𑒔𑒲, 𑒬𑒱𑒫𑒏𑒹𑒿 𑒑𑒾𑒩𑒲, 𑒏𑒰𑒧𑒏𑒹𑒿 𑒩𑒞𑒱 , 𑒩𑒰𑒧𑒏𑒹𑒿 𑒮𑒲𑒞𑒰 𑒍’ 𑒫𑒱𑒭𑓂𑒝𑒳𑒏𑒹𑒿 𑒪𑒏𑓂𑒭𑓂𑒧𑒲॥9॥ II.
𑒧𑒡𑒳𑒥𑒢𑒲 𑒖𑒱𑒪𑒰 𑒧𑒳𑒐𑓂𑒨𑒰𑒪𑒨𑒮𑒿 𑒠𑒏𑓂𑒭𑒱𑒝 𑒣𑒝𑓂𑒛𑒾𑒪 𑒩𑒹𑒪𑒫𑒹-𑒮𑓂𑒙𑒹𑒬𑒢𑒏 𑒢𑒱𑒏𑒙 𑒦𑒫𑒰𑒢𑒲𑒣𑒳𑒩 𑒑𑓂𑒩𑒰𑒧 𑒥𑒮𑒪 𑒁𑒕𑒱। 𑒋𑒯𑒱 𑒑𑒰𑒧𑒏 𑒢𑒱𑒏𑒙 𑒕𑒯 𑒤𑒲𑒙 𑒢𑒲𑒔𑒰𑒿 𑒖𑒧𑒲𑒢𑒧𑒹 𑒋𑒏𑒙𑒰 𑒬𑒱𑒫-𑒪𑒱𑓀𑒑 𑒁𑒕𑒱, 𑒖𑒹 𑒅𑒑𑓂𑒩𑒢𑒰𑒟 𑒧𑒯𑒰𑒠𑒹𑒫𑒏 𑒢𑒰𑒧𑒮𑒿 𑒣𑓂𑒩𑒮𑒱𑒠𑓂𑒡 𑒁𑒕𑒱। 𑒋𑒯𑒢 𑒫𑒱𑒬𑓂𑒫𑒰𑒮 𑒪𑒼𑒏𑒧𑒹 𑒕𑒻𑒏 𑒖𑒹 𑒣𑒢𑓂𑒠𑓂𑒩𑒯𑒧 𑒬𑒰𑒥𑓂𑒠𑒲𑒏 𑒂𑒩𑓀𑒦𑒧𑒹 𑒯𑒳𑒢𑒏𑒩 𑒮𑒯𑒔𑒩 𑒅𑒑𑒢𑒰, 𑒖𑒐𑒢 𑒧𑒯𑒰𑒏𑒫𑒱 𑒣𑓂𑒨𑒰𑒮𑒹 𑒁𑒣𑓂𑒮𑓂𑒨𑒰𑒿𑒞 𑒕𑒪𑒰𑒯, 𑒯𑒳𑒢𑒏𑒰 𑒁𑒣𑒢 𑒖𑒙𑒰𑒮𑒿 𑒑𑓀𑒑𑒰𑒖𑒪 𑒢𑒱𑒏𑒰𑒪𑒱 𑒏𑒨 𑒣𑒱𑒨𑒍𑒢𑒹 𑒩𑒯𑒟𑒱। 𑒋𑒯𑒱 𑒣𑒩 𑒏𑒫𑒱𑒏𑒹𑒿 𑒬𑓀𑒏𑒰 𑒦𑒹𑒪𑒢𑓂𑒯𑒱, 𑒂’ 𑒍’ 𑒏𑒫𑒱𑒮𑒿 𑒁𑒮𑒪𑒲 𑒣𑒩𑒱𑒔𑒨 𑒣𑒳𑒕𑒪𑒢𑓂𑒯𑒱। 𑒞𑒏𑒩 𑒥𑒰𑒠 𑒋𑒯𑒱 𑒮𑓂𑒟𑒰𑒢 𑒣𑒩 𑒬𑒱𑒫 𑒯𑒳𑒢𑒏𑒰 𑒁𑒣𑒢 𑒁𑒮𑒪𑒲 𑒩𑒴𑒣𑒏 𑒠𑒩𑓂𑒬𑒢 𑒠𑒹𑒪𑒢𑓂𑒯𑒱।
𑒋𑒯𑒱 𑒏𑒟𑒰 𑒣𑒩 𑒫𑒱𑒬𑓂𑒫𑒰𑒮 𑒞𑒐𑒢𑒹 𑒦’ 𑒮𑒏𑒻𑒞 𑒁𑒕𑒱, 𑒖𑒐𑒢 𑒞𑒩𑓂𑒏 𑒂’ 𑒫𑒱𑒖𑓂𑒘𑒰𑒢𑒏 𑒮𑓀𑒑 𑒬𑓂𑒩𑒠𑓂𑒡𑒰𑒏 𑒧𑒱𑒬𑓂𑒩𑒝 𑒯𑒼𑒨। 𑒬𑓀𑒏𑒩𑒰𑒔𑒰𑒩𑓂𑒨𑒏 𑒫𑒱𑒭𑓂𑒨𑒧𑒹 𑒏𑒯𑒪 𑒑𑒹𑒪 𑒖𑒹 𑒍’ 𑒁𑒣𑒢 𑒏𑒧𑓀𑒛𑒪𑒧𑒹 𑒡𑒰𑒩 𑒦𑒩𑒱 𑒪𑒹𑒪𑒢𑓂𑒯𑒱। 𑒦𑒹𑒪 𑒄 𑒖𑒹 𑒥𑒰𑒜𑓃𑒱𑒧𑒹 𑒥𑒹𑒔𑒹𑒧𑒹 𑒣𑒯𑒰𑒛𑓃 𑒩𑒯𑒪𑒰𑒏 𑒏𑒰𑒩𑒝 𑒋𑒏 𑒠𑒱𑒬𑒱 𑒥𑒰𑒜𑓃𑒱 𑒁𑒥𑒻𑒞 𑒕𑒪 𑒂’ 𑒋𑒏 𑒠𑒱𑒬𑒱 𑒠𑒰𑒯𑒲। 𑒥𑒲𑒔𑒏 𑒑𑒳𑒤𑒰𑒏𑒹𑒿 𑒬𑓀𑒏𑒩 𑒁𑒣𑒢 𑒬𑒱𑒭𑓂𑒨𑒏 𑒮𑒯𑒨𑒼𑒑𑒮𑒿 𑒞𑒼𑒛𑓃𑒱 𑒖𑒐𑒢 𑒏𑒧𑒝𑓂𑒛𑒪 𑒪𑒹𑒢𑒹 𑒥𑒯𑒩𑒍𑒪𑒰𑒯 𑒞𑒿 𑒪𑒼𑒏 𑒠𑒹𑒐𑒪𑒏 𑒖𑒹 𑒠𑒼𑒮𑒩 𑒏𑒰𑒞 𑒣𑒰𑒢𑒱 𑒂𑒥𑒱 𑒩𑒯𑒪 𑒁𑒕𑒱। 𑒮𑒦 𑒬𑓀𑒏𑒩𑒰𑒔𑒰𑒩𑓂𑒨𑒏 𑒮𑓂𑒞𑒳𑒞𑒱 𑒏𑒋𑒪𑒢𑓂𑒯𑒱, 𑒖𑒹 𑒁𑒯𑒰𑒿 𑒁𑒣𑒢 𑒏𑒧𑓂𑒧𑓀𑒛𑒪𑒧𑒹 𑒡𑒰𑒩 𑒂𑒢𑒱 𑒯𑒧𑒩𑒰 𑒮𑒦𑒏𑒹𑒿 𑒠𑒰𑒯𑒲 𑒮𑒿 𑒂’ 𑒠𑒼𑒮𑒩 𑒏𑒰𑒞𑒏 𑒪𑒼𑒏𑒏𑒹𑒿 𑒥𑒰𑒜𑓃𑒱𑒮𑒿 𑒧𑒳𑒏𑓂𑒞𑓂𑒞 𑒏𑒩𑒰𑒍𑒪। 𑒁𑒯𑒰𑒿 𑒏𑒧𑒝𑓂𑒛𑒪𑒧𑒹 𑒣𑒰𑒢𑒱 𑒂’ 𑒡𑒰𑒩 𑒁𑒢𑒪𑒯𑒳𑒿। 𑒥𑒰𑒠𑒧𑒹 𑒁𑒫𑒮𑒩𑒫𑒰𑒠𑒲 𑒪𑒼𑒏𑒢𑒱 𑒋𑒏𑒩𑒰 𑒏𑓂𑒧𑒞𑓂𑒏𑒰𑒩𑒮𑒿 𑒖𑒼𑒛𑓃𑒱 𑒠𑒹𑒪𑒏। 𑒂𑒬𑒰 𑒁𑒕𑒱 𑒖𑒹 𑒁𑒯𑒰𑒿 𑒮𑒹𑒯𑒼 𑒁𑒣𑒢 𑒪𑒹𑒐𑒧𑒹 𑒅𑒑𑒢𑒰𑒏 𑒏𑒟𑒰𑒏 𑒞𑒩𑓂𑒏 𑒂’ 𑒬𑓂𑒩𑒠𑓂𑒡𑒰𑒮𑒿 𑒫𑒱𑒫𑒹𑒔𑒢𑒰 𑒏𑒩𑒥।
𑒥𑒲𑒮 𑒧𑒰𑒩𑓂𑒔𑒏𑒹𑒿 𑓑𑓔 𑒠𑒱𑒢𑒳𑒏𑒰 𑒧𑒱𑒟𑒱𑒪𑒰 𑒏𑓂𑒭𑒹𑒞𑓂𑒩𑒏 𑒑𑒵𑒯𑒲 𑒣𑒩𑒱𑒏𑓂𑒩𑒧𑒰, 𑒂𑒃 𑒏𑒰𑒪𑓂𑒯𑒱 𑒖𑒢𑒏𑒣𑒳𑒩𑒏, 𑒠𑒴 𑒙𑒰 𑒛𑒰𑒪𑒰𑒏 𑒮𑓀𑒑- 𑓑.𑒧𑒱𑒟𑒱𑒪𑒰 𑒥𑒱𑒯𑒰𑒩𑒲 𑒖𑒲 𑒂 𑒏𑒱𑒬𑒼𑒩𑒲𑒖𑒲 𑒂 𑒂𑒩 𑒧𑒰𑒩𑒱𑒞𑒹 𑒩𑒰𑒮 𑒜𑒹𑒩 𑒧𑒢𑓂𑒠𑒱𑒩𑒏/ 𑒦𑒏𑓂𑒞𑒏 𑒛𑒰𑒪𑒰 𑒮𑒦𑒏 𑒮𑓀𑒑 𑒏𑒳𑒂 𑒩𑒰𑒧𑒣𑒳𑒩 𑒠𑓄 𑒏𑓄 𑒖𑒢𑒏𑒣𑒳𑒩𑒧𑒹 𑒣𑓂𑒩𑒫𑒹𑒬 𑒏𑒩𑒻𑒞 𑒕𑒟𑒱। 𑒏𑒞𑒹𑒏 𑒦𑒏𑓂𑒞 𑒞𑒿 𑒁𑒣𑒢 𑒣𑒬𑒳𑒏 𑒮𑓀𑒑𑒹 𑒣𑒩𑒱𑒏𑓂𑒩𑒧𑒰 𑒏𑒩𑒻𑒞 𑒕𑒟𑒱। 𑒄 𑒣𑒩𑒱𑒏𑓂𑒩𑒧𑒰 𑒏𑒔𑒳𑒩𑒲 𑒧𑒚, 𑒡𑒢𑒳𑒭𑒰𑒮𑒿 𑒬𑒳𑒩𑒴 𑒯𑒼𑒃𑒞 𑒁𑒕𑒱 𑒂 𑒁𑒧𑒰𑒫𑒮𑓂𑒨𑒰𑒏 𑒩𑒰𑒞𑒱𑒧𑒹 𑒣𑒯𑒱𑒪 𑒫𑒱𑒬𑓂𑒩𑒰𑒧 𑒯𑒢𑒳𑒧𑒰𑒢 𑒢𑒑𑒩 𑒂 𑒔𑒞𑒳𑒩𑓂𑒠𑒬𑒲 𑒠𑒱𑒢 𑒣𑒢𑓂𑒠𑓂𑒩𑒯𑒧 𑒫𑒱𑒬𑓂𑒩𑒰𑒧 𑒖𑒢𑒏𑒣𑒳𑒩𑒧𑒹 𑒯𑒼𑒃𑒞 𑒁𑒕𑒱। 𑓒𑓑 𑒧𑒰𑒩𑓂𑒔𑒏𑒹𑒿 𑒤𑒰𑒑𑒳𑒢 𑒣𑒩𑒱𑒏𑓂𑒩𑒧𑒰 𑒠𑒱𑒢 𑒄 𑒨𑒰𑒞𑓂𑒩𑒰 𑒖𑒢𑒏𑒣𑒳𑒩 𑒢𑒑𑒩𑒣𑒰𑒪𑒱𑒏𑒰𑒏 𑒣𑒩𑒱𑒏𑓂𑒩𑒧𑒰𑒏 𑒁𑓀𑒞𑒩𑒑𑒵𑒯 𑒣𑒩𑒱𑒏𑓂𑒩𑒧𑒰 (𑒪𑒑𑒦𑒑 8 𑒏𑒱𑒪𑒼𑒧𑒲𑒙𑒩) 𑒏 𑒮𑓀𑒑 𑒯𑒼𑒃𑒞 𑒁𑒕𑒱। 𑓒𑓒 𑒧𑒰𑒩𑓂𑒔𑒏𑒹𑒿 𑒖𑒢𑒏𑒣𑒳𑒩 𑒂 𑒂𑒮𑒣𑒰𑒮𑒧𑒹 𑒯𑒼𑒪𑒲 𑒧𑒢𑒰𑒍𑒪 𑒖𑒰𑒃𑒞 𑒁𑒕𑒱।

𑒖𑒢𑒏𑒣𑒳𑒩 𑒧𑒡𑓂𑒨 𑒣𑒩𑒱𑒏𑓂𑒩𑒧𑒰𑒏 𑓑𑓕 𑒮𑓂𑒟𑒪 𑒂𑓄 𑒍𑒞𑒳𑒏𑓂𑒏𑒰 𑒧𑒳𑒐𑓂𑒨 𑒠𑒹𑒫𑒞𑒰 𑓑. 𑒯𑒢𑒳𑒧𑒰𑒢𑒢𑒑𑒩- 𑒯𑒢𑒳𑒧𑒰𑒢𑒖𑒲 𑓒.𑒏𑒪𑓂𑒨𑒰𑒝𑒹𑒬𑓂𑒫𑒩- 𑒬𑒱𑒫𑒪𑒱𑓀𑒑 𑓓.𑒑𑒱𑒩𑒱𑒖𑒰-𑒮𑓂𑒟𑒰𑒢- 𑒬𑒏𑓂𑒞𑒱 𑓔.𑒧𑒙𑒱𑒯𑒰𑒢𑒲- 𑒫𑒱𑒭𑓂𑒝𑒳 𑒧𑒢𑓂𑒠𑒱𑒩 𑓕.𑒖𑒰𑒪𑒹𑒬𑓂𑒫𑒩- 𑒬𑒱𑒫𑒪𑒱𑓀𑒑 𑓖.𑒧𑒢𑒰𑒄- 𑒧𑒰𑒝𑓂𑒛𑒫 𑒇𑒭𑒱 𑓗. 𑒬𑓂𑒩𑒳𑒫 𑒏𑒳𑒝𑓂𑒛- 𑒡𑓂𑒩𑒳𑒫 𑒧𑒢𑓂𑒠𑒱𑒩 𑓘.𑒏𑓀𑒔𑒢 𑒫𑒢- 𑒏𑒼𑒢𑒼 𑒧𑒢𑓂𑒠𑒱𑒩 𑒢𑒘𑒱 𑒧𑒰𑒞𑓂𑒩 𑒧𑒢𑒼𑒩𑒧 𑒠𑒵𑒬𑓂𑒨 𑓙.𑒣𑒩𑓂𑒫𑒞- 𑒣𑒰𑒿𑒔 𑒙𑒰 𑒣𑒩𑓂𑒫𑒞 𑓑𑓐.𑒡𑒢𑒳𑒭𑒰- 𑒬𑒱𑒫𑒡𑒢𑒳𑒭𑒏 𑒙𑒳𑒏𑒛𑓃𑒲 𑓑𑓑.𑒮𑒞𑒼𑒐𑒛𑓃𑒲- 𑒮𑒣𑓂𑒞𑒩𑓂𑒭𑒱𑒏 𑒮𑒰𑒞 𑒙𑒰 𑒏𑒳𑒝𑓂𑒛 𑓑𑓒.𑒯𑒩𑒳𑒭𑒰𑒯𑒰- 𑒫𑒱𑒧𑒪𑒰𑒑𑓀𑒑𑒰 𑓑𑓓. 𑒏𑒩𑒳𑒝𑒰- 𑒏𑒼𑒢𑒼 𑒧𑒢𑓂𑒠𑒱𑒩 𑒢𑒯𑒱 𑒧𑒰𑒞𑓂𑒩 𑒧𑒢𑒼𑒩𑒧 𑒠𑒵𑒬𑓂𑒨 𑓑𑓔. 𑒥𑒱𑒮𑒾𑒪- 𑒫𑒱𑒬𑓂𑒫𑒰𑒧𑒱𑒞𑓂𑒩 𑒧𑒢𑓂𑒠𑒱𑒩 𑓑𑓕.𑒖𑒢𑒏𑒣𑒳𑒩। 𑒁𑒢𑓂𑒞𑒧𑒹 𑒤𑒹𑒩 𑒖𑒢𑒏𑒣𑒳𑒩𑒧𑒹 𑒐𑒞𑒧 𑒦𑓄 𑒖𑒰𑒃𑒞 𑒁𑒕𑒱। 𑒦𑒏𑓂𑒞 𑒮𑒦 𑒥𑒰𑒩𑒯𑒥𑒲𑒒𑒰 𑒧𑒻𑒠𑒰𑒢 𑒂 𑒡𑒩𑓂𑒧𑒬𑒰𑒪𑒰 𑒮𑒦𑒧𑒹 𑒚𑒯𑒩𑒻𑒞 𑒕𑒟𑒱।
𑒪𑒒𑒳 𑒣𑒩𑒱𑒏𑓂𑒩𑒧𑒰 𑒂𑒚 𑒏𑒱.𑒧𑒲. , 𑒧𑒡𑓂𑒨 𑒣𑒩𑒱𑒏𑓂𑒩𑒧𑒰 40 𑒏𑒼𑒮𑒏 (128 𑒏𑒱.𑒧𑒲.) 𑒂 𑒫𑒵𑒯𑒞 𑒣𑒩𑒱𑒏𑓂𑒩𑒧𑒰 268 𑒏𑒱.𑒧𑒲. 𑒯𑒼𑒃𑒞 𑒁𑒕𑒱।

𑓑.𑒅𑒑𑓂𑒩𑒞𑒰𑒩𑒰 𑒮𑓂𑒟𑒰𑒢- 𑒧𑒝𑓂𑒛𑒢 𑒧𑒱𑒬𑓂𑒩𑒏 𑒏𑒳𑒪𑒠𑒹𑒫𑒲/ 𑒑𑒼𑒮𑒰𑒅𑒢𑒲 𑒧𑒯𑒱𑒭 𑒧𑒩𑓂𑒠𑒱𑒢𑒲 𑒦𑒑𑒫𑒞𑒲, 𑒧𑒯𑒱𑒭𑓂𑒧𑒰𑒞𑒲। 𑓑𑓔𑒧 𑒬𑒞𑒰𑒥𑓂𑒠𑒲𑒧𑒹 𑒩𑒰𑒖𑒰 𑒬𑒱𑒫 𑒮𑒱𑓀𑒯𑒏 𑒖𑓂𑒨𑒹𑒭𑓂𑒚 𑒩𑒰𑒢𑒲 𑒣𑒠𑓂𑒧𑒰𑒫𑒞𑒲 𑒋𑒞𑒋 𑒋𑒏𑒙𑒰 𑒧𑒢𑓂𑒠𑒱𑒩 𑒥𑒢𑒥𑒹𑒪𑒢𑓂𑒯𑒱। 𑒐𑒝𑓂𑒛𑒫𑒪𑒰 𑒩𑒰𑒖𑒫𑓀𑒬 𑒏𑒰𑒪𑒧𑒹 𑒮𑒹𑒯𑒼 𑒋𑒞𑒋 𑒧𑒢𑓂𑒠𑒱𑒩𑒏 𑒩𑒐-𑒩𑒐𑒰𑒫 𑒯𑒼𑒃𑒞 𑒕𑒪 𑒂 𑒩𑒰𑒖𑒰 𑒂𑒮𑒱𑒢 𑒢𑒫𑒩𑒰𑒞𑓂𑒩𑒧𑒹 𑒋𑒞𑒋 𑒣𑒴𑒖𑒰 𑒂 𑒩𑒯𑒥𑒰𑒏 𑒪𑒹𑒪 𑒁𑒥𑒻𑒞 𑒩𑒯𑒟𑒱।
𑒞𑒰𑒩𑒰 𑒦𑒏𑓂𑒞 𑒪𑒼𑒏𑒢𑒱 𑒠𑒳𑒩𑓂𑒑𑒰𑒣𑒴𑒖𑒰𑒏 𑒮𑒧𑒨𑒧𑒹 𑒋𑒞𑒋 𑒐𑒴𑒥 𑒧𑒰𑒞𑓂𑒩𑒰𑒧𑒹 𑒁𑒥𑒻𑒞 𑒕𑒟𑒱 !
𑓒.𑒏𑒣𑒱𑒪𑒹𑒬𑓂𑒫𑒩 𑒮𑓂𑒟𑒰𑒢- 𑒧𑒡𑒳𑒥𑒢𑒲𑒮𑒿 𑒣𑒰𑒿𑒔 𑒏𑒱𑒪𑒼𑒧𑒲𑒙𑒩 𑒣𑒬𑓂𑒔𑒱𑒧 𑒧𑒰𑒡𑒫 𑒧𑒢𑓂𑒠𑒱𑒩 𑒂 𑒣𑒳𑒩𑒰𑒢 𑒬𑒱𑒫𑒪𑒱𑓀𑒑, 𑒮𑒰𑓀𑒐𑓂𑒨 𑒠𑒩𑓂𑒬𑒢𑒏 𑒖𑒢𑒏 𑒏𑒣𑒱𑒪 𑒋𑒞𑒋 𑒧𑒢𑓂𑒠𑒱𑒩𑒏 𑒮𑓂𑒟𑒰𑒣𑒢𑒰 𑒏𑒩𑒥𑒍𑒪𑒢𑓂𑒯𑒱। 𑒋𑒐𑒳𑒢𑒏𑒰 𑒧𑒢𑓂𑒠𑒱𑒩 𑒠𑒩𑒦𑓀𑒑𑒰 𑒧𑒯𑒰𑒩𑒰𑒖 𑒩𑒰𑒒𑒫 𑒮𑒱𑓀𑒯 𑒠𑓂𑒫𑒰𑒩𑒰 𑓒𑓕𑓐 𑒫𑒩𑓂𑒭 𑒣𑒯𑒱𑒢𑒹 𑒥𑒢𑒥𑒰𑒍𑒪 𑒑𑒹𑒪। 𑒣𑓂𑒩𑒰𑒔𑒲𑒢 𑒏𑒰𑒪𑒧𑒹 𑒮𑒧𑒳𑒠𑓂𑒩 𑒯𑒱𑒧𑒰𑒪𑒨 𑒡𑒩𑒱 𑒣𑒮𑒩𑒪 𑒕𑒪 𑒂 𑒤𑒹𑒩 𑒖𑒧𑒲𑒢 𑒣𑒮𑒩𑒪। 𑒖𑒐𑒢 𑒥𑓀𑒑𑒰𑒪𑒏 𑒐𑒰𑒛𑓃𑒲𑒏 𑒢𑒱𑒏𑒙 𑒑𑓀𑒑𑒰𑒮𑒰𑒑𑒩 𑒞𑒲𑒩𑓂𑒟 𑒪𑒑 𑒏𑒣𑒱𑒪 𑒮𑒑𑒩𑒏 𑓖𑓐𑓐𑓐𑓐 𑒣𑒳𑒞𑓂𑒩 / 𑒮𑒻𑒢𑒱𑒏𑒏𑒹𑒿 𑒖𑒩𑒰 𑒠𑒹𑒪𑒢𑓂𑒯𑒱 𑒞𑒐𑒢 𑒍 𑒏𑒣𑒱𑒪𑒹𑒬𑓂𑒫𑒩 𑒁𑒋𑒪𑒰𑒯। 𑒋𑒐𑒢 𑒑𑓀𑒑𑒰𑒮𑒰𑒑𑒩 𑒮𑒹𑒯𑒼 𑒮𑒧𑒳𑒠𑓂𑒩𑒮𑒿 𑒏𑒢𑒹𑒏 𑒯𑒙𑒱 𑒏𑒋 𑒁𑒕𑒱।

𑒖𑒰𑒢𑒏𑒲 𑒢𑒫𑒧𑒲- 𑒫𑒻𑒬𑒰𑒐 𑒬𑒳𑒏𑓂𑒪 𑒢𑒫𑒧𑒲- 𑒧𑒰𑒢𑒳𑒭𑒲। 𑒩𑒰𑒧𑒢𑒫𑒧𑒲- 𑒔𑒻𑒞𑓂𑒩 𑒬𑒳𑒏𑓂𑒪 𑒢𑒫𑒧𑒲। 𑒫𑒱𑒠𑓂𑒨𑒰𑒣𑒞𑒱𑒏 𑒧𑒵𑒞𑓂𑒨𑒳 𑒞𑒱𑒟𑒱 𑒏𑒰𑒩𑓂𑒞𑒱𑒏 𑒡𑒫𑒪 𑒞𑓂𑒩𑒨𑒼𑒠𑒬𑒲-𑒠𑒹𑒮𑒱𑒪 𑒥𑒨𑒢𑒰 ।
𑒫𑒱𑒫𑒰𑒯 𑒣𑓀𑒔𑒧𑒲- 𑒁𑒑𑒯𑒢 𑒬𑒳𑒏𑓂𑒪 𑒣𑓀𑒔𑒧𑒲। 𑒬𑒞𑒰𑒢𑒢𑓂𑒠 𑒣𑒳𑒩𑒯𑒱𑒞-𑒩𑒰𑒧 𑒮𑒲𑒞𑒰𑒏 𑒫𑒱𑒫𑒰𑒯। 𑒧𑒩𑒫𑒰𑒣𑒩 𑒧𑒱𑒟𑒱𑒪𑒰 𑒔𑒱𑒞𑓂𑒩𑒏𑒪𑒰 𑒂 𑒣𑒩𑒱𑒔𑒢, 𑒑𑒼𑒮𑒰𑒅𑒢 𑒑𑒲𑒞 𑒂 𑒢𑒻𑒢𑒰 𑒖𑒼𑒑𑒱𑒢 𑒍𑒯𑒱𑒢𑒰 𑒖𑒹𑒢𑒰 𑒖𑒳𑒑𑒪 𑒮𑒩𑒏𑒰𑒩𑒏 𑒫𑒱𑒫𑒰𑒯𑒧𑒹 𑒦𑒹𑒪 𑒩𑒯𑒋, 𑒂𑒃𑒨𑒼।
𑒧𑒱𑒟𑒱𑒪𑒰 𑒣𑓂𑒩𑒰𑒔𑒲𑒢 𑒏𑒰𑒪𑒧𑒹 𑒧𑒻𑒟𑒱𑒪𑒏 𑒦𑒴𑒧𑒱 𑒫𑒱𑒠𑒹𑒯𑒏 𑒢𑒰𑒧𑒮𑒿- 𑒖𑒏𑒩 𑒩𑒰𑒖𑒡𑒰𑒢𑒲 𑒧𑒱𑒟𑒱𑒪𑒰 𑒩𑒯𑒋- 𑒮𑓂𑒟𑒰𑒣𑒢𑒰 𑒧𑒱𑒟𑒲 (𑒦𑒫𑒱𑒭𑓂𑒨 𑒣𑒳𑒩𑒰𑒝) 𑒠𑓂𑒫𑒰𑒩𑒰। 𑒠𑒼𑒮𑒩 𑒢𑒰𑒧 𑒫𑒱𑒠𑒹𑒯, 𑒧𑒱𑒟𑒱𑒪𑒰, 𑒞𑒲𑒩𑒦𑒳𑒏𑓂𑒞𑒱, 𑒞𑒱𑒩𑒯𑒳𑒞, 𑒞𑒣𑒼𑒦𑒴𑒧𑒱, 𑒮𑒰𑒧𑓂𑒦𑒫𑒲, 𑒮𑒳𑒫𑒩𑓂𑒝𑒏𑒰𑒢𑒢, 𑒧𑒿𑒞𑒱𑒪𑒲। 𑒧𑒱𑒟𑒱𑒪𑒰 𑒧𑒰𑒯𑒰𑒞𑓂𑒧𑓂𑒨 (𑒫𑒵𑒯𑒠 𑒫𑒱𑒭𑓂𑒝𑒳 𑒣𑒳𑒩𑒰𑒝)- 𑒫𑒵𑒯𑒠 𑒣𑒩𑒱𑒏𑓂𑒩𑒧𑒰- 𑒮𑒧𑓂𑒣𑒴𑒩𑓂𑒝 𑒧𑒱𑒟𑒱𑒪𑒰𑒏 𑒣𑒩𑒱𑒏𑓂𑒩𑒧𑒰 𑒋𑒏 𑒮𑒰𑒪𑒧𑒹। 268 𑒏𑒱.𑒧𑒲.। 𑒏𑒾𑒬𑒱𑒏𑒲𑒮𑒿 𑒬𑒳𑒩𑒴 𑒦𑒋 𑒮𑒱𑒒𑒹𑒬𑓂𑒫𑒩 𑒮𑓂𑒟𑒰𑒢, 𑒍𑒞𑒋𑒮𑒿 𑒮𑒱𑒧𑒩𑒱𑒨𑒰𑒒𑒰𑒙, 𑒤𑒹𑒩 𑒯𑒱𑒧𑒰𑒪𑒨𑒏 𑒤𑒳𑒙𑒯𑒱𑒪𑓂𑒮, 𑒤𑒹𑒩 𑒏𑒾𑒬𑒱𑒏𑒲 𑒯𑒼𑒃𑒞 𑒮𑒱𑒿𑒒𑒹𑒬𑓂𑒫𑒩𑒮𑓂𑒟𑒰𑒢। 𑒧𑒡𑓂𑒨 𑒣𑒩𑒱𑒏𑓂𑒩𑒧𑒰- 40 𑒏𑒼𑒮 (128 𑒏𑒱.𑒧𑒲) 5 𑒠𑒱𑒢𑒧𑒹, 𑒧𑒳𑒠𑒰 𑒂𑒃-𑒏𑒰𑒪𑓂𑒯𑒱 15 𑒠𑒱𑒢𑒧𑒹। 𑒤𑒰𑒪𑓂𑒑𑒳𑒢 𑒬𑒳𑒏𑓂𑒪 𑒣𑒏𑓂𑒭𑒏 𑒣𑒯𑒱𑒪 𑒞𑒱𑒟𑒱𑒏𑒹𑒿 (𑒁𑒧𑒰𑒫𑒮𑓂𑒨𑒰) 𑒠𑒱𑒢 𑒬𑒳𑒩𑒴 𑒯𑒼𑒃𑒞 𑒁𑒕𑒱 𑒂 𑒣𑒴𑒩𑓂𑒝𑒱𑒧𑒰 𑒠𑒱𑒢 𑒐𑒞𑒧 𑒯𑒼𑒃𑒞 𑒁𑒕𑒱। 𑒤𑒰𑒑𑒳𑒢𑒏 𑒣𑒩𑒱𑒏𑓂𑒩𑒧𑒰 𑒮𑒦𑒮𑒿 𑒥𑒹𑒬𑒲 𑒣𑓂𑒩𑒮𑒱𑒠𑓂𑒡 𑒁𑒕𑒱 𑒧𑒳𑒠𑒰 𑒣𑒩𑒱𑒏𑓂𑒩𑒧𑒰 𑒏𑒰𑒞𑒱𑒏 𑒂 𑒥𑒻𑒬𑒰𑒐𑒧𑒹 𑒮𑒹𑒯𑒼 𑒏𑒋𑒪 𑒖𑒰 𑒮𑒏𑒻𑒞 𑒁𑒕𑒱।
𑒣𑒰𑒝𑒱𑒢𑒲- 𑒧𑒱𑒟𑒱𑒪𑒰 𑒍 𑒢𑒑𑒩𑒲 𑒕𑒲 𑒖𑒞𑒋 𑒬𑒞𑓂𑒩𑒳𑒏 𑒧𑒩𑓂𑒠𑒢 𑒏𑒋𑒪 𑒖𑒰𑒃𑒞 𑒁𑒕𑒱। 𑒖𑒢𑒏- 𑒖𑒢 (𑒫𑒱𑒬)𑒮𑒿 𑒫𑓂𑒨𑒳𑒞𑓂𑒣𑒞𑓂𑒞𑒱। 𑒢𑒱𑒧𑒲 𑒠𑓂𑒫𑒰𑒩𑒰 𑒫𑒻𑒖𑒨𑓀𑒞𑒲 (𑒖𑒢𑒏𑒣𑒳𑒩) 𑒂 𑒧𑒱𑒟𑒲 𑒠𑓂𑒫𑒰𑒩𑒰 𑒧𑒱𑒟𑒱𑒪𑒰 𑒢𑒑𑒩𑒏 𑒮𑓂𑒟𑒰𑒣𑒢𑒰।
𑒬𑒩𑒦 𑒢𑒏𑒳𑒪𑒏 𑒗𑓀𑒛𑒰𑒣𑒩 𑒩𑒯𑒋, 𑒧𑒱𑒟𑒱𑒏𑒪 𑒖𑒰𑒢𑒫𑒩 𑒖𑒏𑒩𑒰 𑒠𑒴 𑒙𑒰 𑒧𑒰𑒟, 𑒠𑒴 𑒙𑒰 𑒣𑒰𑒿𑒐𑒱, 𑒋𑒏𑒙𑒰 𑒢𑒧𑒑𑒩 𑒣𑒳𑒔𑓂𑒕𑒲, 𑒂 𑒮𑒱𑒿𑒯 𑒖𑒏𑒰𑒿 8 𑒙𑒰 𑒢𑒯 𑒯𑒼𑒃𑒞 𑒁𑒕𑒱। 𑒖𑒐𑒢 𑒦𑒑𑒫𑒢 𑒫𑒱𑒭𑓂𑒝𑒳 𑒢𑒩𑒮𑒱𑓀𑒯 𑒁𑒫𑒞𑒰𑒩 𑒪𑒹𑒪𑒢𑓂𑒯𑒱 𑒞𑒐𑒢 𑒯𑒳𑒢𑒏𑒰 𑒣𑓂𑒩𑒮𑒢𑓂𑒢 𑒏𑒩𑒥𑒰𑒏 𑒪𑒹𑒪 𑒬𑒱𑒫 𑒬𑒩𑒦𑒏 𑒩𑒴𑒣𑒧𑒹 𑒖𑒢𑓂𑒧 𑒪𑒹𑒪𑒢𑓂𑒯𑒱। 𑒧𑒱𑒟𑒱𑒪𑒰 𑒔𑒱𑒞𑓂𑒩𑒏𑒪𑒰𑒏 𑒣𑒰𑒿𑒔 𑒩𑓀𑒑- 𑒏𑓂𑒭𑒱𑒞𑒱, 𑒖𑒪, 𑒣𑒰𑒫𑒏, 𑒑𑒑𑒢, 𑒮𑒧𑒲𑒩𑒏 𑒠𑓂𑒨𑒼𑒞𑒏। 𑒁𑓀𑒏𑒳𑒬- 𑒠𑒴 𑒤𑒹𑒿𑒩𑒏 𑒥𑒩𑒕𑒰- 𑒮𑓂𑒣𑒲𑒨𑒩 𑒖𑒰𑒯𑒱𑒮𑒿 𑒯𑒰𑒟𑒲𑒏𑒹𑒿 𑒢𑒱𑒨𑓀𑒞𑓂𑒩𑒱𑒞 𑒏𑒩𑒻𑒞 𑒕𑒲, 𑒑𑒝𑒹𑒬 𑒖𑒲𑒏 𑒁𑓀𑒏𑒳𑒬 𑒧𑒴𑒮𑒏𑒹𑒿 𑒢𑒱𑒨𑓀𑒞𑓂𑒩𑒱𑒞 𑒏𑒩𑒻𑒞 𑒁𑒕𑒱।

𑒨𑒴𑒢𑒲𑒏𑒼𑒛- 1200 𑒮𑒰𑒪 𑒣𑒳𑒩𑒰𑒢 𑒤𑒱𑒑𑒩𑒰𑒃𑒢 𑒂 500 𑒮𑒰𑒪 𑒣𑒳𑒩𑒰𑒢 𑒣𑒰𑒝𑓂𑒛𑒳𑒪𑒱𑒣𑒱। 𑒮𑓀𑒨𑒳𑒏𑓂𑒞𑒰𑒏𑓂𑒭𑒩- 𑒏𑒼𑒭𑓂𑒚𑒏𑒏 𑒮𑓀𑒐𑓂𑒨𑒰 𑒖𑒹 𑒥𑓀𑒑𑒰𑒪𑒲𑒧𑒹 𑒢𑒯𑒱 𑒁𑒕𑒱 𑒫𑒰 𑒥𑒱𑒪𑓂𑒏𑒳𑒪 𑒁𑒪𑒑 𑒁𑒕𑒱- 𑒏𑒫𑒩𑓂𑒑 (10), 𑒐𑒫𑒩𑓂𑒑 (4), 𑒑𑒫𑒩𑓂𑒑 (8), 𑒒𑒫𑒩𑓂𑒑 (4), 𑒓 𑒫𑒩𑓂𑒑 (4) 𑒔𑒫𑒩𑓂𑒑 (6), 𑒖 𑒫𑒩𑓂𑒑 (5), 𑒗 𑒫𑒩𑓂𑒑 (4) 𑒙 𑒫𑒩𑓂𑒑 (3), 𑒚 𑒫𑒩𑓂𑒑 (2), 𑒛 𑒫𑒩𑓂𑒑 ( 2), 𑒜 𑒫𑒩𑓂𑒑 (3), 𑒝 𑒫𑒩𑓂𑒑 (6), 𑒞 𑒫𑒩𑓂𑒑 (6) , 𑒟 𑒫𑒩𑓂𑒑 (3), 𑒠 𑒫𑒩𑓂𑒑 (8), 𑒡 𑒫𑒩𑓂𑒑 (3), 𑒢 𑒫𑒩𑓂𑒑 (6) 𑒣 𑒫𑒩𑓂𑒑 (8), 𑒤 𑒫𑒩𑓂𑒑 (2), 𑒥 𑒫𑒩𑓂𑒑 (4), 𑒦 𑒫𑒩𑓂𑒑 (3), 𑒧 𑒫𑒩𑓂𑒑 (11) 𑒁𑓀𑒞-𑒮𑓀𑒨𑒳𑒏𑓂𑒞𑒰𑒏𑓂𑒭𑒩 𑒨 𑒫𑒩𑓂𑒑 (2), 𑒩 𑒫𑒩𑓂𑒑 (2), 𑒪 𑒫𑒩𑓂𑒑 (4), 𑒫 𑒫𑒩𑓂𑒑 (4), 𑒬 𑒫𑒩𑓂𑒑 (9), 𑒭 𑒫𑒩𑓂𑒑 (8), 𑒮 𑒫𑒩𑓂𑒑 (8), 𑒯 𑒫𑒩𑓂𑒑 (8) 𑒞𑒲𑒢 𑒫𑒩𑓂𑒝𑒏 𑒮𑓀𑒨𑒳𑒏𑓂𑒞𑒰𑒏𑓂𑒭𑒩- (49) 𑒔𑒰𑒩𑒱 𑒫𑒩𑓂𑒝𑒏 𑒮𑓀𑒨𑒳𑒏𑓂𑒞𑒰𑒏𑓂𑒭𑒩 (1) 𑒥𑒱𑒏𑒰𑒩𑒲 (1), 𑒑𑓂𑒫𑓀𑒑 𑒯𑓂𑒩𑒮𑓂𑒫-𑒠𑒲𑒩𑓂𑒒 (2), 𑒁𑓀𑒖𑒲 𑒋𑒏 𑒙𑒰𑒃𑒣 𑒁𑓀𑒬𑒳𑒧𑒢 𑒣𑒰𑒝𑓂𑒛𑒹 𑒠𑓂𑒫𑒰𑒩𑒰 𑒫𑒩𑓂𑒝𑒱𑒞 (5) 𑒣𑓂𑒩𑒏𑒰𑒩 𑒂𑒩।

𑒮𑓀𑒮𑓂𑒏𑒵𑒞-𑒁𑒫𑒯𑓂𑒚𑒏 𑒫𑒱𑒠𑓂𑒨𑒰𑒣𑒞𑒱𑒏 𑒢𑒹𑒣𑒰𑒪 𑒪𑒐𑒱𑒧𑒰𑒏 𑒮𑓀𑒑 𑒣𑒪𑒰𑒨𑒢- 𑒒𑒳𑒩𑒪𑒰𑒏 𑒥𑒰𑒠 𑒁𑓀𑒞𑒱𑒧 𑒩𑒔𑒢𑒰 𑒠𑒳𑒩𑓂𑒑𑒰 𑒦𑒏𑓂𑒞𑒱 𑒞𑒩𑓀𑒑𑒱𑒝𑒲 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒣𑒴𑒩𑓂𑒫 𑒫𑒱𑒠𑓂𑒨𑒰𑒣𑒞𑒱 𑒗𑒴𑒧𑒩, 𑒢𑒔𑒰𑒩𑒲, 𑒧𑒯𑒹𑒬𑒫𑒰𑒝𑒲, 𑒖𑒼𑒑 𑒅𑒔𑒱𑒞𑒲, 𑒥𑒙𑒑𑒫𑒢𑒲, 𑒣𑒩𑒱𑒕𑒢𑒱, 𑒏𑒼𑒥𑒩, 𑒣𑒩𑒰𑒞𑒲, 𑒥𑒰𑒩𑒯𑒧𑒰𑒮𑒰, 𑒧𑒰𑒢, 𑒞𑒱𑒩𑒯𑒳𑒞, 𑒠𑒵𑒬𑓂𑒨𑒏𑒴𑒙, 𑒬𑒱𑒫, 𑒦𑒑𑒫𑒞𑒲 𑒂 𑒑𑓀𑒑𑒰, 𑒫𑒱𑒭𑓂𑒝𑒳, 𑒬𑒏𑓂𑒞𑒱, 𑒯𑒩-𑒑𑒾𑒩𑒲𑒏 𑒫𑒱𑒭𑒨𑒧𑒹 𑒑𑒲𑒞 𑒪𑒱𑒐𑒪𑒢𑒱|



























𑒧𑒱𑒟𑒱𑒪𑒰 𑒂 𑒮𑓀𑒮𑓂𑒏𑒵𑒞
𑒧𑒱𑒟𑒱𑒪𑒰 𑒂𑓄 𑒮𑓀𑒮𑓂𑒏𑒵𑒞- 𑒏𑒰𑒧𑒹𑒬𑓂𑒫𑒩 𑒮𑒱𑓀𑒯 𑒮𑓀𑒮𑓂𑒏𑒵𑒞 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨𑒏 𑒣𑓂𑒩𑒰𑒮𑒰𑓀𑒑𑒱𑒏𑒞𑒰
𑒧𑒱𑒟𑒱𑒪𑒰 𑒂𑓄 𑒮𑓀𑒮𑓂𑒏𑒵𑒞𑒏 𑒮𑓀𑒥𑓀𑒡 𑒥𑒛𑓂𑒛 𑒣𑒳𑒩𑒰𑒢 𑒁𑒕𑒱। 𑒭𑒛𑓂 𑒠𑒩𑓂𑒬𑒢𑒧𑒹 𑒔𑒰𑒩𑒱 𑒠𑒩𑓂𑒬𑒢𑒏 𑒣𑓂𑒩𑒰𑒩𑓀𑒦 𑒋𑒞𑒨𑒮𑒿 𑒦𑒹𑒪। 𑒫𑒰𑒖𑒮𑒢𑒹𑒨𑒲 𑒂𑓄 𑒕𑒰𑓀𑒠𑒼𑒑𑓂𑒨𑒏 𑒩𑒴𑒣𑒧𑒹 𑒠𑒴 𑒑𑒼𑒙 𑒫𑒻𑒠𑒱𑒏 𑒬𑒰𑒐𑒰 𑒁𑒐𑒢𑒼 𑒍𑒞𑒨 𑒁𑒕𑒱, 𑒧𑒳𑒠𑒰 𑒢𑒰𑒧𑒹 𑒧𑒰𑒞𑓂𑒩𑒹𑒏। 𑒧𑒱𑒟𑒱𑒪𑒰𑒧𑒹 𑒏𑒞𑒼𑒏 𑒪𑒼𑒏 𑒦𑒹𑒙𑒞𑒰𑒯 𑒖𑒹 𑒧𑒰𑒞𑓂𑒩 𑒫𑒱𑒫𑒰𑒯 𑒏𑒰𑒪𑒧𑒹 𑒫𑒰𑒔𑒮𑒢𑒨 𑒂𑓄 𑒕𑓀𑒠𑒼𑒑𑓂𑒨𑒏 𑒢𑒧𑒮𑒿 𑒣𑒩𑒱𑒔𑒨 𑒣𑓂𑒩𑒰𑒣𑓂𑒞 𑒏𑒩𑒻𑒞 𑒕𑒟𑒱। 𑒥𑒲𑒔 𑒩𑒰𑒞𑒱𑒧𑒹 𑒣𑒞𑒰 𑒔𑒪𑒻𑒞 𑒕𑒢𑓂𑒯𑒱 𑒖𑒹 𑒫𑒩 𑒕𑒰𑓀𑒠𑒼𑒑𑓂𑒨 𑒕𑒟𑒱 𑒂𑓄 𑒮𑓂𑒞𑓂𑒩𑒲𑒑𑒝𑒧𑒹 𑒬𑒼𑒩 𑒅𑒚𑒻𑒞 𑒁𑒕𑒱 𑒖𑒹 𑒂𑒥𑒞𑒿 𑒠𑒴 𑒫𑒱𑒫𑒰𑒯 𑒯𑒼𑒨𑒞-𑒥𑒛𑓂𑒛 𑒮𑒧𑒨 𑒪𑒰𑒑𑒞। 𑒫𑒰𑒖𑒮𑒢𑒹𑒨𑒲 𑒂𑓄 𑒕𑒰𑓀𑒠𑒼𑒑𑓂𑒨 𑒏𑓂𑒩𑒧𑒬𑓁 𑒬𑒳𑒏𑓂𑒪 𑒨𑒖𑒳𑒩𑓂𑒫𑒹𑒠 𑒂𑓄 𑒮𑒰𑒧𑒫𑒹𑒠𑒏 𑒬𑒰𑒐𑒰 𑒁𑒕𑒱 𑒮𑒹 𑒯𑒧 𑒮𑒦 𑒥𑒱𑒮𑒩𑒱 𑒑𑒹𑒪 𑒕𑒲। 𑒏𑒰𑒩𑓂𑒨𑒰𑒪𑒨𑒏 𑒏𑒰𑒩𑓂𑒨𑒰𑒫𑒬𑒰𑒞𑓂
𑒯𑒧 𑒃𑓀𑒠𑒱𑒩𑒰 𑒑𑒰𑒿𑒡𑒲 𑒢𑒹𑒬𑒢𑒪 𑒮𑒹𑓀𑒙𑒩 𑒁𑒂𑒤 𑒂𑒩𑓂𑒙𑓂𑒮 𑒑𑒹𑒪𑒯𑒳 𑒞𑒿 𑒫𑒹𑒠 𑒣𑒩 𑒋𑒏 𑒑𑒼𑒙 𑒛𑒲.𑒫𑒲.𑒛𑒲. 𑒠𑒹𑒐𑒥𑒰𑒏 𑒁𑒫𑒮𑒩 𑒣𑓂𑒩𑒰𑒣𑓂𑒞 𑒦𑒹𑒪।𑒁𑒐𑒢𑒼 𑒍𑒛𑓃𑒲𑒮𑒰,𑒧𑒯𑒰𑒩𑒰𑒭𑓂𑒙𑓂𑒩,𑒏𑒹𑒩𑒪,𑒏𑒩𑓂𑒝𑒰𑒙𑒏,𑒂 𑓄 𑒞𑒧𑒱𑒪𑒢𑒰𑒛𑒳𑒧𑒹 𑒫𑒻𑒠𑒱𑒏 𑒬𑒰𑒐𑒰 𑒖𑒲𑒫𑒱𑒞 𑒁𑒕𑒱, 𑒧𑒳𑒠𑒰 𑒁𑒣𑒢𑒰 𑒁𑒯𑒱𑒚𑒰𑒧 𑒬𑒰𑒐𑒰 𑒩𑒯𑒱𑒞𑒯𑒳𑒿 𑒢𑒰𑒧𑒼𑒮𑒿 𑒁𑒩𑓂𑒟𑒼𑒮𑒿 𑒁𑒢𑒦𑒱𑒖𑓂𑒘𑒞𑒰।
𑒏𑒫𑒱𑒏𑒳𑒪𑒑𑒳𑒩𑒳 𑒏𑒰𑒪𑒱𑒠𑒰𑒮 𑒮𑓀𑒮𑓂𑒏𑒵𑒞 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨𑒏 𑒮𑓂𑒟𑒰𑒣𑒢𑒰 𑒣𑓂𑒩𑒡𑒰𑒢𑒧𑓀𑒞𑓂𑒩𑒲 𑒢𑒩𑒮𑒱𑒧𑓂𑒯𑒰 𑒩𑒰𑒫𑒏 𑒣𑓂𑒩𑒨𑒰𑒮𑒹𑒿 𑒩𑒰𑒧𑒙𑒹𑒏,𑒧𑒯𑒰𑒩𑒰𑒭𑓂𑒙𑓂𑒩𑒧𑒹 𑒐𑒳𑒖𑒪। 𑒁𑒪𑓂𑒣𑒰𑒫𑒡𑒱𑒧𑒹 𑒄 𑒫𑒱.𑒫𑒱. 𑒮𑓀𑒣𑒴𑒩𑓂𑒝 𑒧𑒯𑒰𑒩𑒰𑒭𑓂𑒙𑓂𑒩𑒧𑒹 𑒫𑒩𑓂𑒭𑒰𑒫𑒡𑒱 𑒮𑓀𑒮𑓂𑒏𑒵𑒞 𑒮𑓀𑒦𑒰𑒭𑒝 𑒬𑒱𑒫𑒱𑒩 𑒔𑒪𑒰 𑒩𑒯𑒪 𑒁𑒕𑒱। 𑒬𑒱𑒬𑒳𑒏 𑒯𑒹𑒞𑒳 23 𑒐𑓀𑒛𑒧𑒹 𑒏𑒱𑒞𑒰𑒥 𑒕𑒣𑒪𑒏 𑒁𑒕𑒱,𑒖𑒐𑒢 𑒏𑒲 𑒋𑒏𑒩 𑒦𑒫𑒢 𑒁𑒐𑒢 𑒥𑒢𑒱𑒨𑒹 𑒩𑒯𑒪 𑒁𑒕𑒱।
𑒏𑒰.𑒮𑒱.𑒮𑓀𑒮𑓂𑒏𑒵𑒞 𑒫𑒱.𑒫𑒱. 𑒠𑒩𑒱𑒦𑒓𑓂𑒑𑒰 𑒥𑒯𑒳𑒞 𑒩𑒰𑒮 𑒮𑓀𑒮𑓂𑒏𑒵𑒞-𑒧𑒻𑒟𑒱𑒪𑒲 𑒏𑒰𑒫𑓂𑒨𑒏 𑒅𑒠𑓂𑒡𑒰𑒩 𑒏𑒋𑒪𑒏 𑒧𑒳𑒠𑒰 𑒂𑒥 𑒖𑒰 𑒏𑒨 𑒋𑒏𑒩 𑒨𑒼𑒑𑒠𑒰𑒢 𑒮𑒰𑒪𑒧𑒹 𑒋𑒏𑒙𑒰 𑒣𑒞𑒩𑒰 𑒕𑒣𑒥 𑒡𑒩𑒱 𑒮𑒲𑒧𑒱𑒞 𑒦𑒨 𑒑𑒹𑒪 𑒕𑒻𑒏- 𑒂 𑓄 𑒄 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨 𑒣𑓀𑒔𑒰𑓀𑒑 𑒮𑒹𑒯𑒼 𑒁𑒣𑒢 𑒑𑒝𑒢𑒰𑒏 𑒯𑒹𑒞𑒳 𑒫𑒱𑒫𑒰𑒠𑒧𑒹 𑒣𑒛𑓃𑒱 𑒑𑒹𑒪 𑒁𑒕𑒱।
𑒧𑒳𑒠𑒰 𑒋𑒯𑒱 𑒁𑓀𑒏𑒮𑒿 𑒯𑒧 𑒋𑒏𑒩 𑒩𑒔𑒢𑒰𑒞𑓂𑒧𑒏 𑒏𑒋𑒪 𑒑𑒹𑒪 𑒏𑒰𑒩𑓂𑒨𑒏 𑒫𑒱𑒫𑒩𑒝 𑒠𑒹𑒥 𑒣𑓂𑒩𑒰𑒩𑓀𑒦 𑒏𑒋𑒪 𑒕𑒲।

𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨 𑒠𑓂𑒫𑒰𑒩𑒰 20 𑒮𑒰𑒪𑒮𑒿 𑒆𑒣𑒩 𑒦𑒹𑒪 𑒖𑒐𑒢 𑒮𑓀𑒮𑓂𑒏𑒵𑒞-𑒣𑓂𑒩𑒰𑒏𑒵𑒞 𑒠𑒹𑒮𑒱𑒪 𑒥𑒨𑒢𑒰 𑒮𑒿 𑒨𑒳𑒏𑒞 𑒢𑒰𑒙𑒏 𑒮𑒦𑒏 𑒂𑒪𑒼𑒔𑒢𑒰𑒞𑓂𑒧𑒏 𑒮𑓀𑒮𑓂𑒏𑒩𑒝 𑒣𑓂𑒩𑒏𑒰𑒬𑒱𑒞 𑒦𑒹𑒪,𑒖𑒹 𑒦𑒰𑒭𑒰 𑒧𑒱𑒬𑓂𑒩𑒝𑒏 𑒏𑒰𑒩𑒝𑒹𑒿 𑒖𑒯𑒱𑒢𑒰 𑒄 𑒮𑓀𑒮𑓂𑒏𑒵𑒞𑒏 𑒞𑒯𑒱𑒢𑒰 𑒧𑒻𑒟𑒱𑒪𑒲𑒏 𑒩𑒔𑒢𑒰𑒧𑒹 𑒣𑒩𑒱𑒑𑒝𑒱𑒞 𑒯𑒼𑒃𑒞 𑒁𑒕𑒱।𑒦𑒰𑒫𑒼𑒠𑓂𑒩𑒹𑒏𑒏 𑒪𑒹𑒪 𑒑𑒲𑒞𑒩𑒰𑒬𑒱𑒏 𑒩𑒔𑒢𑒰 𑒏𑒼𑒧𑒪𑒏𑒰𑓀𑒞 𑒧𑒱𑒟𑒱𑒪𑒰𑒦𑒰𑒭𑒯𑒱𑒧𑒹 𑒢𑒱𑒥𑒠𑓂𑒡 𑒦𑒹𑒪। 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨 𑒠𑓂𑒫𑒰𑒩𑒰 𑒣𑒯𑒱𑒪 𑒮𑓀𑒣𑒰𑒠𑒱𑒞 𑒑𑓂𑒩𑓀𑒟 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒚𑒰𑒏𑒳𑒩𑒏 𑒡𑒴𑒩𑓂𑒞𑓂𑒞𑒮𑒧𑒰𑒑𑒧 𑒁𑒕𑒱।
𑒡𑒴𑒩𑓂𑒞𑓂𑒞𑒮𑒧𑒰𑒑𑒧 𑒞𑒹𑒩𑒯𑒧 𑒬𑒞𑒰𑒥𑓂𑒠𑒲𑒧𑒹 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒚𑒰𑒏𑒳𑒩 𑒠𑓂𑒫𑒰𑒩𑒰 𑒩𑒔𑒪 𑒑𑒹𑒪। 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒚𑒰𑒏𑒳𑒩 𑒡𑒴𑒩𑓂𑒞𑓂𑒞𑒮𑒧𑒰𑒑𑒧𑒧𑒹 𑒧𑒻𑒟𑒱𑒪𑒲 𑒑𑒲𑒞𑒏 𑒮𑒧𑒰𑒫𑒹𑒬 𑒏𑒋𑒪𑒢𑓂𑒯𑒱। 𑒄 𑒣𑓂𑒩𑒯𑒮𑒢𑒏 𑒏𑒼𑒙𑒱𑒧𑒹 𑒁𑒥𑒻𑒞 𑒁𑒕𑒱।𑒧𑒻𑒟𑒱𑒪𑒲𑒏 𑒁𑒡𑒱𑒏𑒰𑓀𑒬 𑒢𑒰𑒙𑒏-𑒢𑒰𑒙𑒱𑒏𑒰 𑒬𑓂𑒩𑒲𑒏𑒵𑒭𑓂𑒝𑒏 𑒁𑒟𑒫𑒰 𑒯𑒳𑒢𑒏𑒩 𑒫𑓀𑒬𑓂𑒡𑒩𑒏 𑒔𑒩𑒱𑒞 𑒣𑒩 𑒁𑒫𑒪𑓀𑒥𑒱𑒞𑒋𑒫𑓀 𑒯𑒩𑒝 𑒂𑒏𑒱 𑒮𑓂𑒫𑒨𑓀𑒥𑒩 𑒏𑒟𑒰 𑒣𑒩 𑒂𑒡𑒰𑒩𑒱𑒞 𑒕𑒪। 𑒧𑒳𑒠𑒰 𑒡𑒴𑒩𑓂𑒞𑓂𑒞𑒮𑒧𑒰𑒑𑒧𑒧𑒹 𑒮𑒰𑒡𑒳 𑒂𑓄 𑒯𑒳𑒢𑒏𑒩 𑒬𑒱𑒭𑓂𑒨 𑒧𑒳𑒐𑓂𑒨 𑒣𑒰𑒞𑓂𑒩 𑒁𑒕𑒱। 𑒡𑒴𑒩𑓂𑒞𑓂𑒞𑒮𑒧𑒰𑒑𑒧 𑒮𑒦 𑒣𑒰𑒞𑓂𑒩 𑒋𑒏𑒮𑒿-𑒋𑒏 𑒡𑓂𑒯𑒼𑒩𑓂𑒞𑓂𑒞 𑒕𑒟𑒱।𑒞𑒰𑒯𑒱 𑒯𑒹𑒞𑒳 𑒋𑒏𑒩 𑒢𑒰𑒧 𑒡𑒴𑒩𑓂𑒞𑓂𑒞𑒮𑒧𑒰𑒑𑒧 𑒮𑒩𑓂𑒫𑒟𑒰 𑒅𑒣𑒨𑒳𑒏𑓂𑒞 𑒁𑒕𑒱।𑒣𑓂𑒩𑒯𑒮𑒢𑒏𑒹𑒿 𑒮𑓀𑒑𑒲𑒞𑒏 𑒮𑒹𑒯𑒼 𑒏𑒯𑒪 𑒖𑒰𑒃𑒕,𑒞𑒰𑒯𑒱 𑒯𑒹𑒞𑒳 𑒋𑒯𑒱 𑒧𑒹 𑒧𑒻𑒟𑒱𑒪𑒲 𑒑𑒲𑒞𑒏 𑒮𑒧𑒰𑒫𑒹𑒬 𑒮𑒩𑓂𑒫𑒟𑒰 𑒮𑒧𑒲𑒔𑒲𑒢 𑒁𑒕𑒱।𑒋𑒯𑒱𑒧𑒹 𑒮𑒴𑒞𑓂𑒩𑒡𑒰𑒩,𑒢𑒙𑒲 𑒮𑓂𑒢𑒰𑒞𑒏,𑒫𑒱𑒬𑓂𑒫𑒢𑒑𑒩,𑒧𑒵𑒞𑒰𑓀𑒑𑒰𑒩,𑒮𑒳𑒩𑒞𑒣𑓂𑒩𑒱𑒨𑒰,𑒁𑒢𑓀𑒑𑒮𑒹𑒢𑒰,𑒁𑒮𑓂𑒖𑓂𑒖𑒰𑒞𑒱 𑒧𑒱𑒬𑓂𑒩,𑒥𑓀𑒡𑒳𑒫𑓀𑒔𑒏,𑒧𑒴𑒪𑒢𑒰𑒬𑒏 𑒂𑓄 𑒢𑒰𑒑𑒩𑒱𑒏 𑒧𑒳𑒐𑓂𑒨 𑒣𑒰𑒞𑓂𑒩 𑒕𑒟𑒱।𑒮𑒴𑒞𑓂𑒩𑒡𑒰𑒩 𑒏𑒩𑓂𑒝𑒰𑒙 𑒔𑒴𑒛𑓃𑒰𑒧𑒝𑒱 𑒢𑒩𑒮𑒱𑓀𑒯𑒠𑒹𑒫𑒏 𑒣𑓂𑒩𑒬𑒮𑓂𑒞𑒱 𑒏𑒩𑒻𑒞 𑒁𑒕𑒱।𑒤𑒹𑒩 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒣𑓂𑒩𑒬𑒮𑓂𑒞𑒱 𑒯𑒼𑒃𑒞 𑒁𑒕𑒱। 𑒋𑒯𑒱𑒧𑒹 𑒋𑒏 𑒣𑓂𑒩𑒏𑒰𑒩𑒏 𑒋𑒥𑓂𑒮𑒩𑓂𑒛𑒱𑒙𑒲 𑒁𑒕𑒱,𑒖𑒹 𑒢𑒱𑒞𑒰𑓀𑒞 𑒂𑒡𑒳𑒢𑒱𑒏 𑒁𑒕𑒱।𑒖𑒹 𑒪𑒼𑒔 𑒕𑒻𑒏 𑒮𑒹 𑒋𑒏𑒩𑒰 𑒪𑒼𑒏𑒢𑒰𑒙𑓂𑒨 𑒥𑒢𑒥𑒻𑒞 𑒕𑒻𑒏।

𑒫𑒱𑒬𑓂𑒫𑒢𑒑𑒩 𑒮𑓂𑒞𑓂𑒩𑒲𑒏 𑒁𑒦𑒰𑒫𑒧𑒹𑒥𑓂𑒩𑒯𑓂𑒧𑒔𑒰𑒩𑒲 𑒕𑒟𑒱।𑒬𑒱𑒭𑓂𑒨 𑒮𑓂𑒢𑒰𑒞𑒏 𑒮𑓀𑒑 𑒦𑒱𑒏𑓂𑒭𑒰𑒏 𑒯𑒹𑒞𑒳 𑒧𑒵𑒞𑒰𑓀𑒑𑒰𑒩 𑒚𑒰𑒏𑒳𑒩𑒏 𑒒𑒩 𑒖𑒰𑒃𑒞 𑒕𑒟𑒱 𑒞𑒿 𑒁𑒬𑒾𑒔𑒏 𑒥𑒯𑒰𑒢𑒰 𑒦𑒹𑒙𑒻𑒞 𑒕𑒢𑓂𑒯𑒱। 𑒫𑒱𑒬𑓂𑒫𑒢𑒑𑒩 𑒬𑒱𑒭𑓂𑒨 𑒮𑓂𑒢𑒰𑒞𑒏 𑒮𑓀𑒑 𑒦𑒱𑒏𑓂𑒭𑒰𑒏 𑒯𑒹𑒞𑒳 𑒮𑒳𑒩𑒞𑒣𑓂𑒩𑒱𑒨𑒰𑒏 𑒒𑒩 𑒖𑒰𑒃𑒞 𑒕𑒟𑒱। 𑒤𑒹𑒩 𑒁𑒢𑓀𑒑𑒮𑒹𑒢𑒰 𑒢𑒰𑒧𑒏 𑒫𑒻𑒬𑓂𑒨𑒰𑒏𑒹𑒿 𑒪𑒨 𑒏𑒨 𑒑𑒳𑒩𑒳-𑒬𑒱𑒭𑓂𑒨𑒧𑒹 𑒧𑒰𑒩𑒱 𑒥𑒖𑒩𑒱 𑒖𑒰𑒃𑒞 𑒕𑒢𑓂𑒯𑒱। 𑒤𑒹𑒩 𑒑𑒳𑒩𑒳-𑒬𑒱𑒭𑓂𑒨 𑒁𑒢𑓀𑒑𑒮𑒹𑒢𑒰𑒏 𑒮𑓀𑒑 𑒁𑒮𑒖𑓂𑒖𑒰𑒞𑒱 𑒧𑒱𑒬𑓂𑒩𑒏 𑒪𑒑 𑒖𑒰𑒃𑒞 𑒕𑒟𑒱 𑒞𑒿 𑒍𑒞𑒨 𑒧𑒱𑒬𑓂𑒩𑒖𑒲 𑒪𑓀𑒣𑒙 𑒢𑒱𑒏𑒪𑒻𑒞 𑒕𑒟𑒱।...
𑒧𑒱𑒬𑓂𑒩𑒖𑒲 𑒪𑓀𑒣𑒙 𑒢𑒱𑒏𑒪𑒻𑒞 𑒕𑒟𑒱।...𑒖𑒹 𑒖𑒳𑒂 𑒐𑒹𑒪𑒰𑒨𑒥 𑒂’ 𑒣𑒰𑓀𑒑𑒢𑒰 𑒮𑓀𑒑𑒧 𑒄𑒋𑒯 𑒠𑒴𑒙𑒰 𑒏𑒹𑒿 𑒮𑓀𑒮𑒰𑒩𑒏 𑒮𑒰𑒩 𑒥𑒳𑒗𑒻𑒞 𑒕𑒟𑒱। 𑒁𑒮𑒖𑓂𑒖𑒞𑒱 𑒧𑒱𑒬𑓂𑒩 𑒣𑒳𑒕𑒻𑒞 𑒕𑒟𑒱 𑒖𑒹 𑒏𑒹 𑒫𑒰𑒠𑒲 𑒂’ 𑒏𑒹 𑒣𑓂𑒩𑒞𑒱𑒫𑒰𑒠𑒲।𑒮𑓂𑒢𑒰𑒞𑒏 𑒅𑒞𑓂𑒞𑒩 𑒠𑒻𑒞 𑒕𑒟𑒱-𑒖𑒹 𑒁𑒦𑒱𑒨𑒼𑒑 𑒏𑒯𑒥𑒰𑒏 𑒪𑒹𑒪 𑒯𑒧 𑒫𑒰𑒠𑒲 𑒟𑒱𑒏𑒯𑒳𑒿 𑒂’ 𑒬𑒳𑒪𑓂𑒏 𑒠𑒹𑒥𑒰𑒏 𑒯𑒹𑒞𑒳 𑒮𑓀𑒢𑓂𑒨𑒰𑒮𑒲 𑒣𑓂𑒩𑒞𑒱𑒫𑒰𑒠𑒲 𑒟𑒱𑒏𑒰𑒯। 𑒫𑒱𑒬𑓂𑒫𑒢𑒑𑒩 𑒁𑒣𑒢 𑒬𑒳𑒪𑓂𑒏𑒧𑒹 𑒮𑓂𑒢𑒰𑒞𑒏𑒏 𑒑𑒰𑒖𑒰𑒏 𑒣𑒼𑒙𑒩𑒲 𑒣𑓂𑒩𑒮𑓂𑒞𑒳𑒞 𑒏𑒩𑒻𑒞 𑒕𑒟𑒱। 𑒫𑒱𑒠𑒴𑒭𑒏 𑒁𑒮𑒖𑓂𑒖𑒰𑒞𑒱 𑒧𑒱𑒬𑓂𑒩𑒏 𑒏𑒰𑒢𑒧𑒹 𑒁𑒢𑓀𑒑𑒮𑒹𑒢𑒰𑒏 𑒨𑒾𑒢𑒏 𑒣𑓂𑒩𑒬𑓀𑒮𑒰 𑒏𑒩𑒻𑒞 𑒁𑒕𑒱। 𑒁𑒮𑒖𑓂𑒖𑒰𑒞𑒱 𑒧𑒱𑒬𑓂𑒩 𑒁𑒢𑓀𑒑𑒮𑒹𑒢𑒰𑒏𑒹𑒿 𑒥𑒲𑒔𑒧𑒹 𑒩𑒰𑒐𑒱 𑒠𑒳𑒢𑒴𑒏 𑒥𑒠𑒪𑒰 𑒁𑒣𑒢𑒰 𑒣𑒏𑓂𑒭𑒧𑒹 𑒢𑒱𑒩𑓂𑒝𑒨 𑒪𑒻𑒞 𑒁𑒕𑒱। 𑒋𑒧𑓂𑒯𑒩 𑒫𑒱𑒠𑒴𑒭𑒏 𑒁𑒢𑓀𑒑𑒮𑒹𑒢𑒰𑒏 𑒏𑒰𑒢𑒧𑒹 𑒏𑒯𑒻𑒞 𑒁𑒕𑒱, 𑒖𑒹 𑒄 𑒮𑓀𑒢𑓂𑒨𑒰𑒮𑒲 𑒠𑒩𑒱𑒠𑓂𑒩 𑒁𑒕𑒱, 𑒮𑓂𑒢𑒰𑒞𑒏 𑒂𑒫𑒰𑒩𑒰 𑒁𑒕𑒱 𑒂’ 𑒄 𑒧𑒱𑒬𑓂𑒩 𑒧𑒴𑒩𑓂𑒐 𑒞𑒹𑒿 𑒯𑒧𑒩𑒰 𑒮𑓀𑒑 𑒩𑒯𑒴। 𑒁𑒢𑓀𑒑𑒮𑒹𑒢𑒰 𑒔𑒰𑒩𑒴𑒏 𑒠𑒱𑒬𑒱 𑒠𑒹𑒐𑒱 𑒥𑒖𑒻𑒕 , 𑒖𑒹 𑒄 𑒞𑒿 𑒁𑒮𑒪𑒹 𑒡𑒴𑒩𑓂𑒞𑒮𑒧𑒰𑒑𑒧 𑒦𑒨 𑒑𑒹𑒪।

𑒫𑒱𑒬𑓂𑒫𑒢𑒑𑒩 𑒮𑓂𑒢𑒰𑒞𑒏𑒏 𑒮𑓀𑒑 𑒣𑒳𑒢𑓁 𑒮𑒳𑒩𑒞𑒣𑓂𑒩𑒱𑒨𑒰𑒏 𑒒𑒩 𑒠𑒱𑒬𑒱 𑒖𑒰𑒃𑒞 𑒕𑒟𑒱।

𑒋𑒧𑒯𑒩 𑒧𑒴𑒪𑒢𑒰𑒬𑒏 𑒢𑒾𑒂 𑒁𑒢𑓀𑒑𑒮𑒹𑒢𑒰𑒮𑒿 𑒮𑒰𑒪 𑒦𑒩𑒱𑒏 𑒏𑒧𑒻𑒢𑒲 𑒧𑒿𑒑𑒻𑒕। 𑒍’ 𑒯𑒳𑒢𑒏𑒰 𑒁𑒮𑒖𑓂𑒖𑒰𑒞𑒱𑒧𑒱𑒬𑓂𑒩𑒏 𑒪𑒑 𑒣𑒚𑒥𑒻𑒞 𑒁𑒕𑒱। 𑒧𑒴𑒪𑒢𑒰𑒬𑒏 𑒁𑒮𑒖𑓂𑒖𑒰𑒞𑒱𑒧𑒱𑒬𑓂𑒩𑒏𑒹𑒿 𑒁𑒢𑓀𑒮𑒹𑒢𑒰𑒏 𑒫𑒩 𑒥𑒳𑒗𑒻𑒞 𑒁𑒕𑒱। 𑒑𑒰𑒖𑒰 𑒬𑒳𑒪𑓂𑒏𑒧𑒹 𑒪𑒨 𑒁𑒮𑒖𑓂𑒖𑒞𑒱 𑒧𑒱𑒬𑓂𑒩𑒏𑒹𑒿 𑒑𑒞𑒰𑒢𑒱 𑒏𑒋 𑒥𑒰𑒢𑓂𑒯𑒱 𑒞𑒹𑒢𑒰 𑒧𑒰𑒪𑒱𑒬 𑒏𑒩𑒻𑒞 𑒁𑒕𑒱 𑒖𑒹 𑒍’ 𑒥𑒹𑒯𑒼𑒬 𑒦𑒨 𑒖𑒰𑒃𑒞 𑒕𑒟𑒱। 𑒍’ 𑒯𑒳𑒢𑒏𑒰 𑒧𑒳𑒃𑒪 𑒥𑒳𑒗𑒱 𑒏𑒨 𑒦𑒰𑒑𑒱 𑒖𑒰𑒃𑒞 𑒁𑒕𑒱।
𑒫𑒱𑒠𑒴𑒭𑒏 𑒁𑒥𑒻𑒞 𑒁𑒕𑒱, 𑒂’ 𑒯𑒳𑒢𑒏𑒩 𑒥𑓀𑒡𑒢 𑒐𑒼𑒪𑒻𑒞 𑒁𑒕𑒱 𑒂’ 𑒣𑒳𑒕𑒻𑒞 𑒁𑒕𑒱 𑒖𑒹 𑒯𑒧 𑒁𑒯𑒰𑒿𑒏 𑒣𑓂𑒩𑒰𑒝𑒩𑒏𑓂𑒭𑒰 𑒏𑒋𑒪 𑒁𑒕𑒱, 𑒂’ 𑒖𑒹 𑒏𑒱𑒕𑒳 𑒂𑒢 𑒣𑓂𑒩𑒱𑒨 𑒏𑒰𑒩𑓂𑒨 𑒯𑒼𑒨 𑒞𑒿 𑒮𑒹 𑒏𑒯𑒴। 𑒁𑒮𑒖𑓂𑒖𑒰𑒞𑒱 𑒏𑒯𑒪 𑒖𑒹 𑒕𑒪𑒮𑒿 𑒮𑓀𑒣𑒴𑒩𑓂𑒝 𑒠𑒹𑒬𑒏𑒹𑒿 𑒐𑒋𑒪𑒯𑒳𑒿, 𑒡𑒴𑒩𑓂𑒞𑓂𑒞𑒫𑒵𑒞𑓂𑒞𑒱𑒮𑒿 𑒄 𑒣𑓂𑒩𑒱𑒨𑒰 𑒣𑒰𑒍𑒪, 𑒮𑒹𑒯𑒼 𑒁𑒯𑒰𑒿 𑒮𑒢 𑒂𑒖𑓂𑒘𑒰𑒏𑒰𑒩𑒲 𑒬𑒱𑒭𑓂𑒨 𑒣𑒍𑒪𑒏, 𑒋𑒯𑒱𑒮𑒿 𑒣𑓂𑒩𑒱𑒨 𑒂𑒥 𑒏𑒱𑒕𑒳 𑒢𑒯𑒱 𑒁𑒕𑒱। 𑒞𑒟𑒰𑒣𑒱 𑒮𑒩𑓂𑒫𑒞𑓂𑒩 𑒮𑒳𑒐𑒬𑒰𑓀𑒞𑒱 𑒯𑒼 𑒞𑒏𑒩 𑒏𑒰𑒧𑒢𑒰 𑒏𑒩𑒻𑒞 𑒕𑒲।

---------------------------------------------------------------
𑒧𑒱𑒟𑒱𑒪𑒰𑒧𑒹 𑒮𑓀𑒮𑓂𑒏𑒵𑒞𑒏 𑒮𑓂𑒟𑒱𑒞𑒱-
𑒧𑒱𑒟𑒱𑒪𑒰 𑒏𑓂𑒭𑒹𑒞𑓂𑒩𑒧𑒹 𑒢𑒱𑒧𑓂𑒢 𑒮𑓀𑒮𑓂𑒟𑒰𑒢 𑒏𑒫𑒱 𑒑𑒳𑒩𑒳 𑒏𑒰𑒪𑒱𑒠𑒰𑒮 𑒮𑓀𑒮𑓂𑒏𑒵𑒞 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨,𑒩𑒰𑒧𑒙𑒹𑒏𑒮𑒿 𑒧𑒰𑒢𑓂𑒨𑒞𑒰𑒏 𑒂𑒫𑒹𑒠𑒢 𑒏𑒋𑒪 𑒁𑒕𑒱। 𑒖𑒹𑒢𑒰 𑒥𑒱𑒯𑒰𑒩 𑒫𑒱𑒠𑓂𑒨𑒰𑒪𑒨 𑒣𑒩𑒲𑒏𑓂𑒭𑒰 𑒮𑒧𑒱𑒞𑒱𑒏 𑒁𑒮𑓂𑒞𑒫𑓂𑒨𑒮𑓂𑒞𑒞𑒰𑒏 𑒏𑒰𑒩𑒝 𑒏𑒹𑒢𑓂𑒠𑓂𑒩𑒲𑒨 𑒧𑒰𑒡𑓂𑒨𑒧𑒱𑒏 𑒬𑒱𑒏𑓂𑒭𑒰 𑒥𑒼𑒩𑓂𑒛𑒏 𑒧𑒰𑒢𑓂𑒨𑒞𑒰 𑒣𑓂𑒩𑒰𑒣𑓂𑒞 𑒮𑓂𑒏𑒴𑒪𑒏 𑒮𑓀𑒐𑓂𑒨𑒰 𑒥𑒜𑓃𑒪 𑒞𑒯𑒱𑒢𑒰 𑒠𑒩𑒦𑓀𑒑𑒰𑒏 𑒮𑓀𑒮𑓂𑒏𑒵𑒞 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨𑒏 𑒁𑒮𑓂𑒞𑒫𑓂𑒨𑒮𑓂𑒞𑒞𑒰𑒏 𑒏𑒰𑒩𑒝 𑒢𑒲𑒏 𑒮𑓀𑒮𑓂𑒟𑒰𑒢 𑒮𑒦 𑒧𑒰𑒢𑓂𑒨𑒞𑒰𑒏 𑒪𑒹𑒪 𑒥𑒰𑒯𑒩𑒏 𑒠𑒱𑒬𑒱 𑒠𑒹𑒐𑒪𑒏 𑒁𑒕𑒱।
1.J.N.B. Sanskrit Vidyalaya Bihar Post Lagma (R.B.Pur) Via-Lohna Road, Dist. Darbhanga
2.Laxmiharikant Sanskrit Prathamik,Madhyamik Vidyalaya,Post. Jhanjharpur Bazar, Dist.Madhubani,
3.Ajitkumar Mehta Sanskrit Shikshan Sansthan Post Ladora, Dist. Samastipur.
4.Dr.Mandanmishra Sanskrit Mahavidyalaya,Post Sanjat, Dist.Begusarai
5.Saraswati Adarsha Sanskrit Mahavidyalaya,Begusarai
6.Dr.R.M.Adarsha Sanskrit Mahavidyalaya,P.O. Malighat, Mujaffarpur

𑒋𑒏𑒩 𑒁𑒞𑒱𑒩𑒱𑒏𑓂𑒞 𑒩𑒰𑒭𑓂𑒙𑓂𑒩𑒲𑒨 𑒮𑓀𑒮𑓂𑒏𑒵𑒞 𑒮𑓀𑒮𑓂𑒟𑒰𑒢, 𑒢𑒄 𑒠𑒱𑒪𑓂𑒪𑒲 𑒢𑒱𑒧𑓂𑒢 𑒫𑒱𑒠𑓂𑒨𑒰𑒪𑒨 𑒮𑒦𑒏𑒹𑒿 𑒑𑓂𑒩𑒰𑓀𑒙 𑒠𑒨 𑒖𑒲𑒫𑒱𑒞 𑒩𑒐𑒢𑒹 𑒁𑒕𑒱।
1.J.N.B. Adarsh Sanskrit Mahavidyalaya, PO. Lagma, Via - Lohna Road, Distt - Darbhanga.
2.Laxmi Devi Saraf Adarsh Sanskrit Mahavidyalaya, Kali Rekha, Distt- Deoghar.
3.Rajkumari Ganesh Sharma Sanskrit Vidyapeetha, Kolahnta Patori,Distt - Darbhanga
4.Ramji Mehta Adarsh Sanskrit Mahavidyalaya,Malighat, Muzaffarpur.

𑒋𑒯𑒱𑒧𑒹 𑒪𑒑𑒧𑒰𑒏 𑒫𑒱𑒠𑓂𑒨𑒰𑒪𑒨 𑒏𑒫𑒱𑒏𑒳𑒪𑒑𑒳𑒩𑒳 𑒏𑒰𑒪𑒱𑒠𑒰𑒮 𑒮𑓀𑒮𑓂𑒏𑒵𑒞 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨 𑒮𑒿 𑒧𑒰𑒢𑓂𑒨𑒞𑒰 𑒧𑒿𑒑𑒪𑒏 𑒁𑒕𑒱, 𑒏𑒱𑒨𑒹𑒏𑒞𑒿 𑒠𑒩𑒦𑓀𑒑𑒰𑒏 𑒫𑒱.𑒫𑒱. 𑒧𑒹 𑒋𑒯𑒱 𑒞𑒩𑒯𑒏 𑒏𑒼𑒢𑒼 𑒣𑒩𑒱𑒨𑒼𑒖𑒢𑒰𑒏 𑒮𑒩𑓂𑒫𑒟𑒰 𑒁𑒦𑒰𑒫 𑒁𑒕𑒱।

𑒞𑒲𑒮 𑒫𑒩𑓂𑒭 𑒣𑒯𑒱𑒢𑒹 𑒯𑒱𑒢𑓂𑒠𑒲𑒧𑒹 𑒛𑒰. 𑒩𑒰𑒧𑒣𑓂𑒩𑒏𑒰𑒬 𑒬𑒩𑓂𑒧𑓂𑒧𑒰 𑒪𑒱𑒐𑒱𑒞 𑒧𑒱𑒟𑒱𑒪𑒰𑒏 𑒃𑒞𑒱𑒯𑒰𑒮 𑒮𑒹𑒯𑒼 𑒣𑓂𑒩𑒏𑒰𑒬𑒱𑒞 𑒦𑒹𑒪 𑒩𑒯𑒨। 𑒂𑒖𑒳𑒏 𑒠𑒱𑒢 𑒢𑒯𑒱 𑒞𑒿 𑒋𑒏𑒩𑒰 𑒁𑒣𑒢 𑒫𑒹𑒥𑒮𑒰𑒃𑒙 𑒕𑒻𑒏 𑒢𑒯𑒱𑒨𑒹 𑒠𑒴𑒩 𑒬𑒱𑒏𑓂𑒭𑒰𑒏 𑒏𑒼𑒢𑒼 𑒣𑒩𑒱𑒨𑒼𑒖𑒢𑒰।
𑒏𑒰𑒧𑒹𑒬𑓂𑒫𑒩 𑒮𑒱𑓀𑒯 𑒮𑓀𑒮𑓂𑒏𑒵𑒞 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨𑒮𑒿 𑒣𑓂𑒩𑒏𑒰𑒬𑒱𑒞 𑒠𑒼𑒮𑒩 𑒢𑒰𑒙𑒏 𑒁𑒕𑒱- 𑒧𑒯𑒰𑒏𑒫𑒱 𑒫𑒱𑒠𑓂𑒨𑒰𑒣𑒞𑒱𑒏 𑒑𑒼𑒩𑒏𑓂𑒭𑒫𑒱𑒖𑒨 𑒢𑒰𑒙𑒏। 𑒋𑒯𑒱𑒮𑒿 𑒣𑒯𑒱𑒢𑒹 𑒏𑒵𑒭𑓂𑒝 𑒣𑒩 𑒂𑒡𑒰𑒩𑒱𑒞 𑒢𑒰𑒙𑒏 𑒣𑓂𑒩𑒔𑒪 𑒕𑒪। 𑒋𑒯𑒱 𑒁𑒩𑓂𑒟𑒧𑒹 𑒄 𑒋𑒏𑒙𑒰 𑒏𑓂𑒩𑒰𑓀𑒞𑒱𑒏𑒩𑒲 𑒢𑒰𑒙𑒏 𑒏𑒯𑒪 𑒖𑒰𑒨𑒞।
𑒢𑒰𑒟 𑒮𑓀𑒣𑓂𑒩𑒠𑒰𑒨 𑒏𑒱𑓀𑒫𑒰 𑒑𑒼𑒩𑒏𑓂𑒭 𑒮𑓀𑒣𑓂𑒩𑒠𑒰𑒨𑒏 𑒣𑓂𑒩𑒫𑒩𑓂𑒞𑓂𑒞𑒏 𑒨𑒼𑒑𑒲 𑒑𑒼𑒩𑒏𑓂𑒭𑒢𑒰𑒟𑒏 𑒏𑒟𑒰 𑒪’ 𑒏𑒨 𑒋𑒯𑒱 𑒢𑒰𑒙𑒏𑒏 𑒏𑒟𑒰𑒫𑒮𑓂𑒞𑒳 𑒮𑓀𑒑𑒚𑒱𑒞 𑒦𑒹𑒪 𑒁𑒕𑒱।𑒑𑒼𑒩𑒏𑓂𑒭𑒢𑒰𑒟𑒏 𑒑𑒳𑒩𑒳 𑒧𑒞𑓂𑒮𑓂𑒨𑒹𑒢𑓂𑒠𑓂𑒩𑒢𑒰𑒟 𑒨𑒼𑒑 𑒞𑓂𑒨𑒰𑒑𑒱 𑒏𑒠𑒪𑒱𑒣𑒳𑒩𑒧𑒹 𑒩𑒰𑒖𑒰 18 𑒙𑒰 𑒩𑒰𑒢𑒲𑒏 𑒮𑓀𑒑 𑒦𑒋 𑒦𑒼𑒑 𑒏𑒋 𑒩𑒯𑒪 𑒕𑒟𑒱। 𑒑𑒼𑒩𑒏𑓂𑒭 𑒂’ 𑒏𑒰𑒢𑒢𑒲𑒣𑒰𑒠𑒏𑒹𑒿 𑒠𑓂𑒫𑒰𑒩𑒣𑒰𑒪 𑒩𑒼𑒏𑒱 𑒠𑒻𑒞 𑒁𑒕𑒱।𑒧𑓀𑒞𑓂𑒩𑒲 𑒜𑒼𑒪𑒯𑒼 𑒣𑒱𑒙𑒥𑒰 𑒠𑒻𑒞 𑒁𑒕𑒱 𑒖𑒹 𑒨𑒼𑒑𑒲 𑒮𑒦𑒏 𑒣𑓂𑒩𑒫𑒹𑒬 𑒏𑒞𑒯𑒳 𑒢𑒯𑒱 𑒯𑒼 𑒂’ 𑒩𑒰𑒢𑒲 𑒮𑒦𑒏𑒹𑒿 𑒩𑒰𑒖𑒰𑒏 𑒧𑒼𑒢 𑒧𑒼𑒯𑒢𑒹 𑒩𑒯𑒥𑒰𑒏 𑒯𑒹𑒞𑒳 𑒏𑒯𑒪 𑒖𑒰𑒃𑒞 𑒁𑒕𑒱। 𑒑𑒼𑒩𑒏𑓂𑒭 𑒂’ 𑒏𑒰𑒢𑒢𑒣𑒰𑒠 𑒢𑒙𑒳𑒂𑒏 𑒫𑒹𑒭 𑒡𑒩𑒻𑒞 𑒕𑒟𑒱 𑒂’ 𑒧𑒼𑒯𑒏 𑒢𑒵𑒞𑓂𑒨 𑒩𑒰𑒖𑒰𑒏𑒹𑒿 𑒠𑒹𑒐𑒥𑒻𑒞 𑒕𑒟𑒱। 𑒋𑒯𑒱 𑒥𑒲𑒔 𑒩𑒰𑒖𑒰𑒏 𑒋𑒏𑒧𑒰𑒞𑓂𑒩 𑒣𑒳𑒞𑓂𑒩 𑒥𑒾𑒡𑒢𑒰𑒟 𑒐𑒹𑒪𑒰𑒃𑒞-𑒐𑒹𑒪𑒰𑒃𑒞 𑒧𑒩𑒱 𑒖𑒰𑒃𑒞 𑒁𑒕𑒱। 𑒩𑒰𑒖𑒰𑒏 𑒬𑓀𑒏𑒰 𑒢𑒙 𑒣𑒩 𑒖𑒰𑒃𑒞 𑒕𑒻𑒏 𑒞𑒿 𑒍𑒏𑒩𑒰 𑒧𑒰𑒩𑒥𑒰𑒏 𑒂𑒠𑒹𑒬 𑒯𑒼𑒃𑒞 𑒕𑒻𑒏। 𑒢𑒙 𑒥𑒔𑓂𑒔𑒰𑒏𑒹𑒿 𑒖𑒱𑒨𑒰 𑒠𑒻𑒞 𑒕𑒻𑒏। 𑒩𑒰𑒖𑒰 𑒯𑒳𑒢𑒏𑒩 𑒣𑒩𑒱𑒔𑒨 𑒣𑒳𑒕𑒻𑒞 𑒕𑒟𑒱 𑒞𑒐𑒢 𑒍’ 𑒯𑒳𑒢𑒏𑒰 𑒁𑒣𑒢 𑒣𑒴𑒩𑓂𑒫 𑒖𑒢𑓂𑒧𑒏 𑒮𑒦𑒙𑒰 𑒑𑒣 𑒥𑒞𑒰 𑒠𑒻𑒞 𑒕𑒢𑓂𑒯𑒱, 𑒖𑒹 𑒁𑒯𑒰𑒿 𑒞𑒿 𑒖𑒼𑒑𑒲 𑒕𑒲 𑒦𑒼𑒑𑒲 𑒢𑒯𑒱।
𑒋𑒯𑒱 𑒢𑒰𑒙𑒏𑒏 𑒣𑒰𑒞𑓂𑒩𑒧𑒹 𑒧𑒯𑒰𑒧𑒞𑒱(𑒩𑒰𑒖𑒰𑒏 𑒧𑓀𑒞𑓂𑒩𑒲) 𑒂’ 𑒧𑒯𑒰𑒠𑒹𑒫𑒲- 𑒧𑒞𑓂𑒮𑓂𑒨𑒹𑒢𑓂𑒠𑓂𑒩𑒢𑒰𑒟𑒏 𑒖𑓂𑒨𑒹𑒭𑓂𑒚 𑒩𑒰𑒢𑒲 𑒮𑒹𑒯𑒼 𑒕𑒟𑒱। 𑒧𑒞𑓂𑒮𑓂𑒨𑒹𑒢𑓂𑒠𑓂𑒩𑒢𑒰𑒟 𑒏𑒠𑒪𑒲𑒣𑒳𑒩𑒏 𑒩𑒰𑒖𑒰 𑒂’ 𑒣𑒴𑒩𑓂𑒫 𑒖𑒢𑓂𑒧𑒏 𑒨𑒼𑒑𑒲 𑒕𑒟𑒱। 𑒧𑒞𑓂𑒮𑓂𑒨𑒹𑒢𑓂𑒠𑓂𑒩𑒢𑒰𑒟 𑒁𑓀𑒞𑒧𑒹 𑒏𑒯𑒻𑒞 𑒕𑒟𑒱 𑒖𑒹 𑒑𑒼𑒩𑒏𑓂𑒭 𑒖𑒹𑒯𑒢 𑒬𑒱𑒭𑓂𑒨 𑒯𑒼 𑒂’ 𑒧𑒯𑒰𑒠𑒹𑒫𑒲 𑒖𑒹𑒯𑒢 𑒮𑒦 𑒢𑒰𑒩𑒲 𑒯𑒼𑒟𑒳। 𑒏𑒰𑒧𑒹𑒬𑓂𑒫𑒩𑒮𑒱𑓀𑒯 𑒠𑒩𑒦𑒓𑓂𑒑𑒰 𑒮𑓀𑒮𑓂𑒏𑒵𑒞 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨 𑒠𑓂𑒫𑒰𑒩𑒰 𑒞𑓂𑒩𑒻𑒧𑒰𑒮𑒱𑒏𑒲 𑒮𑓀𑒮𑓂𑒏𑒵𑒞 𑒣𑒞𑓂𑒩𑒱𑒏𑒰 ‘ 𑒫𑒱𑒬𑓂𑒫𑒧𑒢𑒲𑒭𑒰’ 𑒢𑒱𑒏𑒪𑒻𑒞 𑒕𑒪। 1975 𑒄. 𑒮𑒿 1994 𑒄. 𑒡𑒩𑒱 𑒄 𑒣𑒞𑓂𑒩𑒱𑒏𑒰 𑒣𑓂𑒩𑒏𑒰𑒬𑒱𑒞 𑒯𑒼𑒃𑒞 𑒩𑒯𑒪, 𑒧𑒳𑒠𑒰 14 𑒫𑒩𑓂𑒭𑒮𑒿 𑒋𑒏𑒩 𑒣𑓂𑒩𑒏𑒰𑒬𑒢 𑒥𑓀𑒠 𑒁𑒕𑒱। 𑒯𑒱𑒢𑓂𑒠𑒲𑒧𑒹 𑒧𑒱𑒟𑒱𑒪𑒰𑒏 𑒃𑒞𑒱𑒯𑒰𑒮𑒏 𑒁𑒞𑒱𑒩𑒱𑒏𑓂𑒞 𑒮𑒰𑒞 𑒐𑒝𑓂𑒛𑒧𑒹 𑒧𑒻𑒟𑒱𑒪𑒲𑒏 𑒣𑒩𑒧𑓂𑒣𑒩𑒰𑒑𑒞 𑒢𑒰𑒙𑒏𑒏 ( 1300 𑒄. 𑒮𑒿 1900𑒄. 𑒡𑒩𑒱𑒏 16 𑒙𑒰 𑒢𑒰𑒙𑒏)𑒣𑓂𑒩𑒏𑒰𑒬𑒢 𑒏𑒋𑒪 𑒑𑒹𑒪 𑒕𑒪। 𑒧𑒻𑒟𑒱𑒪𑒲𑒧𑒹 𑒣𑓀 𑒑𑒼𑒫𑒱𑒢𑓂𑒠 𑒗𑒰 𑒪𑒱𑒐𑒱𑒞 𑒫𑒰𑒞𑒰𑒫𑒩𑒝 𑒢𑒰𑒙𑒏𑒏 𑒮𑓀𑒮𑓂𑒏𑒵𑒞 𑒁𑒢𑒳𑒫𑒰𑒠 𑒬𑓂𑒩𑒲 𑒣𑓀 𑒬𑒬𑒱𑒢𑒰𑒟 𑒗𑒰 𑒏𑒋𑒪𑒢𑓂𑒯𑒱 𑒂’ 𑒞𑒏𑒩𑒰 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨 𑒣𑓂𑒩𑒏𑒰𑒬𑒱𑒞 𑒏𑒋𑒪𑒏। ‘ 𑒮𑓂𑒧𑒵𑒞𑒱-𑒮𑒰𑒯𑒮𑓂𑒩𑒲’ 𑒖𑒹 20𑒧 𑒬𑒞𑒰𑒥𑓂𑒠𑒲𑒏 𑒫𑒱𑒠𑓂𑒫𑒰𑒢𑓂-𑒮𑒰𑒡𑒏𑒏 𑒖𑒲𑒫𑒢 𑒣𑒩 𑒂𑒡𑒰𑒩𑒱𑒞 𑒣𑓂𑒩𑒟𑒧 𑒧𑒻𑒟𑒱𑒪𑒲 𑒧𑒯𑒰𑒏𑒰𑒫𑓂𑒨 𑒁𑒕𑒱, 𑒂’ 𑒖𑒏𑒩 𑒩𑒔𑒨𑒱𑒞𑒰 𑒬𑓂𑒩𑒲 𑒥𑒳𑒠𑓂𑒡𑒱𑒡𑒰𑒩𑒲 𑒮𑒱𑓀𑒯’𑒩𑒧𑒰𑒏𑒩’ 𑒕𑒟𑒱 𑒏𑒹𑒩 𑒣𑓂𑒩𑒏𑒰𑒬𑒢 𑒮𑒹𑒯𑒼 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨 𑒏𑒋𑒢𑒹 𑒁𑒕𑒱। 𑒩𑒴𑒣𑒏 𑒮𑒧𑒳𑒔𑓂𑒔𑒨𑓁 𑒢𑒰𑒧𑒏 𑒣𑒳𑒮𑓂𑒞𑒏𑒧𑒹 𑒔𑒰𑒩𑒱 𑒑𑒼𑒙 𑒩𑒴𑒣𑒏 𑒁𑒕𑒱। 𑒋𑒯𑒱 𑒧𑒹 𑒔𑒰𑒩𑒱𑒧 𑒮𑓀𑒮𑓂𑒏𑒵𑒞 𑒩𑒴𑒣𑒏 𑒧.𑒧.𑒁𑒧𑒩𑒹𑒬𑓂𑒫𑒩 𑒏𑒵𑒞 𑒡𑒴𑒩𑓂𑒞𑓂𑒞𑒫𑒱𑒛𑒧𑓂𑒥𑒢 𑒣𑓂𑒩𑒯𑒮𑒢𑒧𑓂 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠𑒏 𑒮𑓀𑒠𑒹𑒪 𑒑𑒹𑒪 𑒁𑒕𑒱। 𑒧.𑒧. 𑒦𑒫𑒢𑒰𑒟 𑒅𑒣𑒰𑒡𑓂𑒨𑒰𑒨𑒏 𑒩𑒰𑒖𑒢𑒲𑒞𑒱𑒮𑒰𑒩𑓁 𑒮𑒹𑒯𑒼 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠𑒏 𑒮𑓀𑒑 𑒠𑒹𑒪 𑒑𑒹𑒪 𑒁𑒕𑒱।

𑒮𑓀𑒣𑓂𑒩𑒞𑒱 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨𑒏 𑒏𑒰𑒩𑓂𑒨 𑒮𑒰𑒪𑒧𑒹 𑒋𑒏𑒥𑒹𑒩 𑒣𑓀𑒔𑒰𑒓 𑒥𑒢𑒹𑒥𑒰 𑒡𑒩𑒱 𑒮𑒲𑒧𑒱𑒞 𑒥𑒳𑒗𑒰𑒃𑒞 𑒁𑒕𑒱।





𑒖𑒨𑒏𑒰𑒢𑓂𑒞 𑒧𑒱𑒬𑓂𑒩 𑒂 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒭
𑒧𑒻𑒟𑒱𑒪𑒲𑒏 𑒣𑒳𑒩𑒼𑒡𑒰 𑒖𑒨𑒏𑒰𑒢𑓂𑒞 𑒧𑒱𑒬𑓂𑒩 (𑓑𑓙𑓒𑓒-𑓒𑓐𑓐𑓙) 𑒏 𑓓 𑒤𑒩𑒥𑒩𑒲 𑓒𑓐𑓐𑓙 𑒏𑒹𑒿 𑒮𑒰𑒞 𑒥𑒖𑒹 𑒮𑒰𑒿𑒗𑒧𑒹 𑒢𑒱𑒡𑒢 𑒦𑓄 𑒑𑒹𑒪𑒢𑓂𑒯𑒱। 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒋𑒏𑒙𑒰 𑒥𑒛𑓃 𑒣𑒻𑒒 𑒫𑒱𑒠𑓂𑒫𑒰𑒢 𑒛𑒰. 𑒖𑒨𑒏𑒰𑓀𑒞 𑒧𑒱𑒬𑓂𑒩 𑓑𑓙𑓘𑓒 𑒄. 𑒧𑒹 𑒃𑒪𑒰𑒯𑒰𑒥𑒰𑒠 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨𑒏 𑒁𑓀𑒑𑓂𑒩𑒹𑒖𑒲 𑒂 𑒂𑒡𑒳𑒢𑒱𑒏 𑒨𑒴𑒩𑒼𑒣𑒱𑒨𑒢 𑒦𑒰𑒭𑒰 𑒫𑒱𑒦𑒰𑒑𑒏 𑒣𑓂𑒩𑒼𑒤𑒹𑒮𑒩 𑒂 𑒯𑒹𑒛 𑒣𑒠 𑒮𑒿 𑒮𑒹𑒫𑒰 𑒢𑒱𑒫𑒵𑒞𑓂𑒞 𑒦𑒹𑒪 𑒕𑒪𑒰𑒯। 𑒞𑒏𑒩𑒰 𑒥𑒰𑒠 𑒍 𑒔𑒱𑒞𑓂𑒩𑒏𑒴𑒙 𑒑𑓂𑒩𑒰𑒧𑒼𑒠𑒨 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨𑒧𑒹 𑒦𑒰𑒭𑒰 𑒂 𑒮𑒧𑒰𑒖 𑒫𑒱𑒖𑓂𑒘𑒰𑒢𑒏 𑒛𑒲𑒢 𑒩𑒴𑒣𑒧𑒹 𑒏𑒰𑒩𑓂𑒨 𑒏𑒋𑒪𑒢𑓂𑒯𑒱। 𑒮𑓂𑒫. 𑒧𑒱𑒬𑓂𑒩 𑒁𑒐𑒱𑒪 𑒦𑒰𑒩𑒞𑒲𑒨 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨 𑒮𑒧𑒱𑒞𑒱, 𑒃𑒪𑒰𑒯𑒰𑒥𑒰𑒠𑒏 𑒁𑒡𑓂𑒨𑒏𑓂𑒭, 𑒑𑓀𑒑𑒰𑒢𑒰𑒟 𑒩𑒱𑒮𑒩𑓂𑒔 𑒃𑓀𑒮𑓂𑒙𑒲𑒙𑓂𑒨𑒴𑒙, 𑒃𑒪𑒰𑒯𑒰𑒥𑒰𑒠𑒏 𑒁𑒫𑒻𑒞𑒢𑒱𑒏 𑒮𑒔𑒱𑒫 𑒂 𑒮𑒧𑓂𑒣𑒰𑒠𑒏, 𑒯𑒱𑒢𑓂𑒠𑒲 𑒮𑒰𑒯𑒱𑒞𑓂𑒨 𑒮𑒧𑓂𑒧𑒹𑒪𑒢, 𑒣𑓂𑒩𑒨𑒰𑒑𑒏 𑒣𑓂𑒩𑒥𑒢𑓂𑒡 𑒫𑒱𑒦𑒰𑒑𑒏 𑒮𑓀𑒨𑒼𑒖𑒏 𑒂 𑒮𑒰𑒯𑒱𑒞𑓂𑒨 𑒁𑒏𑒰𑒠𑒧𑒲, 𑒢𑒄 𑒠𑒱𑒪𑓂𑒪𑒲𑒏 𑒧𑒻𑒟𑒱𑒪𑒲 𑒣𑓂𑒩𑒞𑒱𑒢𑒱𑒡𑒱 𑒂 𑒦𑒰𑒭𑒰 𑒮𑒧𑓂𑒣𑒰𑒠𑒏 𑒩𑒯𑒪 𑒕𑒪𑒰𑒯। 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒏 𑒃𑒞𑒱𑒯𑒰𑒮, 𑒤𑒼𑒏 𑒪𑒱𑒙𑒹𑒩𑒹𑒔𑒩 𑒂𑒤 𑒧𑒱𑒟𑒱𑒪𑒰, 𑒏𑒲𑒩𑓂𑒞𑒢𑒱𑒨𑒰 𑒛𑓂𑒩𑒰𑒧𑒰 𑒮𑒦𑒏 𑒏𑓂𑒩𑒱𑒙𑒱𑒏𑒪 𑒋𑒛𑒲𑒬𑒢, 𑒪𑒹𑒏𑓂𑒔𑒩𑓂𑒮 𑒂𑒢 𑒟𑒰𑒧𑒮 𑒯𑒰𑒩𑓂𑒛𑒲, 𑒪𑒹𑒏𑓂𑒔𑒩𑓂𑒮 𑒂𑒢 𑒤𑒼𑒩 𑒣𑒼𑒋𑒙𑓂𑒮 𑒂 𑒠 𑒏𑒰𑒧𑓂𑒣𑓂𑒪𑒹𑒏𑓂𑒮 𑒮𑓂𑒙𑒰𑒃𑒪 𑒃𑒢 𑒋𑓀𑒑𑒪𑒱𑒬 𑒣𑒼𑒋𑒙𑓂𑒩𑒲 𑒯𑒱𑒢𑒏 𑒪𑒱𑒐𑒱𑒞 𑒏𑒱𑒕𑒳 𑒑𑓂𑒩𑓀𑒟 𑒁𑒕𑒱। 𑒯𑒱𑒢𑒏𑒩 𑒫𑒵𑒯𑒞 𑒧𑒻𑒟𑒱𑒪𑒲 𑒬𑒥𑓂𑒠 𑒏𑒼𑒭𑒏 𑒧𑒰𑒞𑓂𑒩 𑒠𑒴 𑒐𑒝𑓂𑒛 𑒣𑓂𑒩𑒏𑒰𑒬𑒱𑒞 𑒦𑒋 𑒮𑒏𑒪, 𑒖𑒰𑒯𑒱𑒧𑒹 𑒠𑒹𑒫𑒢𑒰𑒑𑒩𑒲𑒏 𑒮𑓀𑒑 𑒧𑒱𑒟𑒱𑒪𑒰𑒏𑓂𑒭𑒩 𑒂 𑒤𑒼𑒢𑒹𑒙𑒱𑒏 𑒁𑓀𑒑𑓂𑒩𑒹𑒖𑒲𑒧𑒹 𑒮𑒹𑒯𑒼 𑒧𑒻𑒟𑒱𑒪𑒲 𑒬𑒥𑓂𑒠𑒏 𑒢𑒰𑒧 𑒩𑒯𑒋। 𑒄 𑒠𑒳𑒢𑒴 𑒐𑒝𑓂𑒛 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒭 𑒮𑓀𑒏𑒪𑒏 𑒪𑒼𑒏𑒢𑒱𑒏 𑒪𑒹𑒪 𑒮𑒩𑓂𑒫𑒠𑒰 𑒣𑓂𑒩𑒹𑒩𑒝𑒰𑒮𑓂𑒣𑒠 𑒩𑒯𑒞। 𑒫𑒱𑒠𑒹𑒯 𑒛𑒰𑒙𑒰𑒥𑒹𑒮𑒏 𑒂𑒡𑒰𑒩𑒣𑒩 𑒮𑒼𑒪𑒯 𑒐𑒝𑓂𑒛𑒧𑒹 𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩, 𑒢𑒰𑒑𑒹𑒢𑓂𑒠𑓂𑒩 𑒏𑒳𑒧𑒰𑒩 𑒗𑒰 𑒂 𑒣𑒘𑓂𑒖𑒲𑒏𑒰𑒩 𑒫𑒱𑒠𑓂𑒨𑒰𑒢𑒢𑓂𑒠 𑒗𑒰𑒏 𑒧𑒻𑒟𑒱𑒪𑒲 𑒁𑓀𑒑𑓂𑒩𑒹𑒖𑒲 𑒬𑒥𑓂𑒠𑒏𑒼𑒭 𑒖𑒰𑒯𑒱𑒧𑒹 𑒧𑒱𑒟𑒱𑒪𑒰𑒏𑓂𑒭𑒩 𑒂 𑒁𑓀𑒞𑒩𑓂𑒩𑒰𑒭𑓂𑒙𑓂𑒩𑒲𑒨 𑒤𑒼𑒢𑒹𑒙𑒱𑒏 𑒩𑒼𑒧𑒢 𑒂 𑒠𑒹𑒫𑒢𑒰𑒑𑒩𑒲𑒧𑒹 𑒬𑒥𑓂𑒠 𑒂 𑒬𑒥𑓂𑒠𑒰𑒩𑓂𑒟 𑒠𑒹𑒪 𑒑𑒹𑒪 𑒁𑒕𑒱 𑒖𑒨𑒏𑒰𑓀𑒞 𑒧𑒱𑒬𑓂𑒩 , 𑒠𑒲𑒢𑒥𑒢𑓂𑒡𑒳 𑒗𑒰-𑒑𑒼𑒫𑒱𑒢𑓂𑒠 𑒗𑒰, 𑒦𑒫𑒢𑒰𑒟 𑒧𑒱𑒬𑓂𑒩-𑒧𑒞𑒱𑒢𑒰𑒟 𑒧𑒱𑒬𑓂𑒩 ‘𑒧𑒞𑓀𑒑’ 𑒂 𑒨𑒳𑒑𑒪𑒏𑒱𑒬𑒼𑒩 𑒧𑒱𑒬𑓂𑒩𑒏𑒹𑒿 𑒮𑒧𑒩𑓂𑒣𑒱𑒞 𑒏𑒋𑒪 𑒑𑒹𑒪 𑒁𑒕𑒱।

𑒧𑒻𑒟𑒱𑒪𑒲𑒧𑒹 𑒬𑒥𑓂𑒠𑒏𑒼𑒬 𑒢𑒱𑒩𑓂𑒧𑒰𑒝 𑒠𑒹𑒩𑒲𑒮𑒿 𑒬𑒳𑒩𑒴 𑒦𑒹𑒪 𑒂 𑒣𑒯𑒱𑒪 𑒑𑒧𑓂𑒦𑒲𑒩 𑒣𑓂𑒩𑒨𑒰𑒮 𑒠𑒲𑒢𑒥𑒢𑓂𑒡𑒳 𑒗𑒰𑒏 𑒧𑒱𑒟𑒱𑒪𑒰 𑒦𑒰𑒭𑒰 𑒫𑒱𑒠𑓂𑒨𑒼𑒞𑒢𑒧𑒹 𑒅𑒣𑒮𑓂𑒟𑒱𑒞 𑓑𑓑𑓒𑓕 𑒙𑒰 𑒡𑒰𑒞𑒳-𑒩𑒴𑒣 𑒁𑒕𑒱 (𑓑𑓙𑓔𑓖 𑒄.) 𑒂 𑒤𑒹𑒩 𑒯𑒳𑒢𑒏𑒹 𑒠𑓂𑒫𑒰𑒩 𑒮𑓀𑒏𑒪𑒱𑒞 𑒧𑒱𑒟𑒱𑒪𑒰𑒦𑒰𑒭𑒰𑒏𑒼𑒭𑓁 𑒬𑒥𑓂𑒠𑒏𑒼𑒬 (𑓑𑓙𑓕𑓒 𑒄.) 𑒁𑒕𑒱। 𑒋𑒯𑒱𑒮𑒿 𑒣𑒯𑒱𑒢𑒹 𑒦𑒫 𑒢𑒰𑒟 𑒧𑒱𑒬𑓂𑒩𑒏 𑒧𑒱𑒟𑒱𑒪𑒰 𑒬𑒥𑓂𑒠 𑒣𑓂𑒩𑒏𑒰𑒬𑒏 𑒣𑒯𑒱𑒪 𑒐𑒝𑓂𑒛 𑒂𑒋𑒪 (𑓑𑓙𑓑𑓔 𑒄.), 𑒧𑒳𑒠𑒰 𑒍 𑒥𑒛𑓂𑒛 𑒮𑓀𑒏𑓂𑒭𑒱𑒣𑓂𑒞 𑒩𑒯𑒋 𑒂 𑒍𑒏𑒩𑒰 𑒬𑒥𑓂𑒠𑒏𑒼𑒬 𑒢𑒯𑒱 𑒫𑒩𑒢 𑒑𑓂𑒪𑒰𑒮𑒩𑒲 𑒏𑒯𑒱 𑒮𑒏𑒻𑒞 𑒕𑒲। 𑒁𑒪𑒰𑒃𑒮 𑒃𑒩𑒫𑒲𑒢 𑒛𑒹𑒫𑒱𑒮𑒏 𑒥𑒹𑒮𑒱𑒏 𑒏𑒪𑒼𑒏𑓂𑒫𑒱𑒁𑒪 𑒧𑒻𑒟𑒱𑒪𑒲 – 𑒁 𑒧𑒻𑒟𑒱𑒪𑒲-𑒢𑒹𑒣𑒰𑒪𑒲-𑒃𑓀𑒑𑒪𑒱𑒬 𑒫𑒼𑒏𑒰𑒥𑒳𑒪𑒹𑒩𑒲 (𑓑𑓙𑓘𑓔 𑒄.) 𑒮𑒹𑒯𑒼 𑒁𑒞𑒱 𑒮𑓀𑒏𑓂𑒭𑒱𑒣𑓂𑒞 𑒁𑒕𑒱। 𑒧𑒻𑒟𑒱𑒪𑒲 𑒁𑒏𑒰𑒠𑒧𑒲𑒏 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬 (𑓑𑓙𑓙𑓓, 𑒧𑒴𑒪 𑒮𑓀𑒑𑓂𑒩𑒯𑒏𑒩𑓂𑒞𑓂𑒞𑒰-𑒨𑒳𑒑𑒪 𑒏𑒱𑒬𑒼𑒩 𑒧𑒱𑒬𑓂𑒩) 𑒣𑒯𑒱𑒪 𑒥𑒹𑒩 𑒋𑒏𑒙𑒰 𑒫𑒱𑒩𑒰𑒙 𑒮𑓀𑒏𑒪𑓂𑒣𑒏 𑒮𑓀𑒑 𑒮𑒼𑒗𑒰𑒿 𑒂𑒋𑒪, 𑒧𑒳𑒠𑒰 𑒮𑓀𑒨𑒼𑒖𑒏 , 𑒮𑒧𑓂𑒣𑒰𑒠𑒏, 𑒏𑒰𑒩𑓂𑒨𑒏𑒰𑒩𑒲 𑒮𑒧𑓂𑒣𑒰𑒠𑒏, 𑒮𑒧𑓂𑒣𑒰𑒠𑒢 𑒅𑒣𑒮𑒧𑒱𑒞𑒱 𑒂𑒠𑒱-𑒂𑒠𑒱 𑒧𑒡𑓂𑒨 𑒯𑒳𑒢𑒏𑒩 𑒢𑒰𑒧 𑒥𑒲𑒔𑒧𑒹 𑒧𑒴𑒪 𑒮𑓀𑒑𑓂𑒩𑒯𑒏𑒩𑓂𑒞𑒰𑒏 𑒩𑒴𑒣𑒧𑒹 𑒧𑒰𑒞𑓂𑒩 𑒒𑒼𑒮𑒱𑒂𑒋𑒪 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒁𑒕𑒱।
𑒋𑒯𑒱 𑒧𑒡𑓂𑒨 𑒖𑒨𑒏𑒰𑓀𑒞 𑒧𑒱𑒬𑓂𑒩𑒏 𑒥𑒵𑒯𑒞𑓂 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬𑒏 𑒣𑒯𑒱𑒪 𑒐𑒝𑓂𑒛 𑓑𑓙𑓗𑓓 𑒄. 𑒧𑒹 𑒂 𑒠𑒼𑒮𑒩 𑒐𑒝𑓂𑒛 𑓑𑓙𑓙𑓕 𑒄. 𑒧𑒹 𑒂𑒋𑒪। 𑒋𑒯𑒱 𑒠𑒳𑒢𑒴 𑒐𑒝𑓂𑒛𑒧𑒹 𑒮𑓂𑒫𑒩 𑒫𑒩𑓂𑒝𑒧𑒰𑒪𑒰𑒏 𑒁 𑒮𑒿 𑒎 𑒋𑒞𑒥𑒯𑒱 𑒫𑒩𑓂𑒝𑒮𑒿 𑒬𑒳𑒩𑒴 𑒦𑒹𑒪 𑒬𑒥𑓂𑒠𑒏 𑒫𑒩𑓂𑒝𑒢 𑒂𑒥𑒱 𑒮𑒏𑒪 𑒂 𑒏 𑒮𑒿 𑒬𑒳𑒩𑒴 𑒦𑒹𑒪 𑒬𑒥𑓂𑒠𑒏 𑒧𑒰𑒞𑓂𑒩 𑒣𑒯𑒱𑒪 𑒣𑒵𑒭𑓂𑒚 𑒂𑒋𑒪। 𑒖𑒨𑒏𑒰𑓀𑒞 𑒥𑒰𑒥𑒴𑒏 𑒧𑒵𑒞𑓂𑒨𑒳𑒏 𑒮𑓀𑒑 𑒋𑒏𑒩 𑒂𑒑𑒰𑒧𑒲 𑒐𑒝𑓂𑒛 𑒮𑒦𑒏 𑒂𑒋𑒥 𑒂𑒥 𑒮𑒧𑓂𑒦𑒫 𑒢𑒯𑒱 𑒁𑒕𑒱।
𑒦𑒫 𑒢𑒰𑒟 𑒧𑒱𑒬𑓂𑒩𑒏 𑒣𑒳𑒞𑓂𑒩 𑒧𑒞𑒱𑒢𑒰𑒟 𑒧𑒱𑒬𑓂𑒩 ‘𑒧𑒞𑓀𑒑’𑒏 𑒧𑒻𑒟𑒱𑒪𑒲 𑒬𑒥𑓂𑒠 𑒏𑒪𑓂𑒣𑒠𑓂𑒩𑒳𑒧 𑓑𑓙𑓙𑓘 𑒄. 𑒧𑒹 𑒂𑒋𑒪 𑒖𑒹 𑒠𑒼𑒮𑒩 𑒥𑒹𑒩 𑒋𑒏𑒙𑒰 𑒫𑒱𑒩𑒰𑒙 𑒮𑓀𑒏𑒪𑒢𑒏 𑒮𑓀𑒑 (𑒨𑒳𑒑𑒪 𑒏𑒱𑒬𑒼𑒩 𑒧𑒱𑒬𑓂𑒩𑒏 𑒧𑒻𑒟𑒱𑒪𑒲 𑒁𑒏𑒰𑒠𑒧𑒲,𑒣𑒙𑒢𑒰𑒏 𑒏𑒼𑒬𑒏 𑒥𑒰𑒠) 𑒮𑒼𑒗𑒰𑒿 𑒂𑒋𑒪। 𑒋𑒯𑒱𑒧𑒹 𑒦𑒫𑒢𑒰𑒟 𑒧𑒱𑒬𑓂𑒩𑒏 𑒧𑒱𑒟𑒱𑒪𑒰 𑒬𑒥𑓂𑒠 𑒣𑓂𑒩𑒏𑒰𑒬𑒏 𑒣𑒯𑒱𑒪 𑒐𑒝𑓂𑒛 𑒮𑒹𑒯𑒼 𑒣𑓂𑒩𑒰𑒩𑒧𑓂𑒦𑒧𑒹 𑒠𑒹𑒪 𑒑𑒹𑒪 𑒁𑒕𑒱।
𑒠𑒲𑒢𑒥𑒢𑓂𑒡𑒳 𑒗𑒰𑒏 𑒣𑒳𑒞𑓂𑒩 𑒑𑒼𑒫𑒱𑒢𑓂𑒠 𑒗𑒰𑒏 𑒧𑒻𑒟𑒱𑒪𑒲-𑒁𑓀𑒑𑓂𑒩𑒹𑒖𑒲 𑒬𑒥𑓂𑒠 𑒏𑒼𑒬 (𑒏𑒪𑓂𑒨𑒰𑒝𑒲 𑒏𑒼𑒬, 𑓑𑓙𑓙𑓙) 𑒖𑒨𑒏𑒰𑓀𑒞 𑒥𑒰𑒥𑒴𑒏 𑒏𑒼𑒬𑒏 𑒮𑒧𑒰𑒢 𑒠𑓂𑒫𑒱𑒦𑒰𑒭𑒲 𑒕𑒪 𑒖𑒰𑒯𑒱𑒧𑒹 𑒧𑒻𑒟𑒱𑒪𑒲𑒏 𑒮𑓀𑒑 𑒁𑓀𑒑𑓂𑒩𑒹𑒖𑒲𑒧𑒹 𑒬𑒥𑓂𑒠𑒰𑒩𑓂𑒟 𑒁𑒕𑒱। 𑒋𑒧𑓂𑒯𑒩 𑓒𑓐𑓐𑓗 𑒄. 𑒧𑒹 𑒅𑒧𑒹𑒬 𑒔𑒢𑓂𑒠𑓂𑒩 𑒗𑒰𑒏 𑒮𑓀𑒏𑓂𑒭𑒱𑒣𑓂𑒞 𑒔𑒰𑒞𑒳𑒩𑓂𑒦𑒰𑒭𑒱𑒏 𑒬𑒥𑓂𑒠𑒏𑒼𑒬 (𑒧𑒻𑒟𑒱𑒪𑒲, 𑒮𑓀𑒮𑓂𑒏𑒵𑒞, 𑒯𑒱𑒢𑓂𑒠𑒲 𑒋𑒫𑓀 𑒁𑓀𑒑𑒩𑒹𑒖𑒲) 𑒮𑒹𑒯𑒼 𑒂𑒋𑒪 𑒁𑒕𑒱।
𑒋𑒏𑒩 𑒮𑒦𑒏 𑒁𑒞𑒱𑒩𑒱𑒏𑓂𑒞 𑒮𑒰𑒗𑒰 𑒣𑓂𑒩𑒏𑒰𑒬𑒢, 𑒢𑒹𑒣𑒰𑒪 𑒠𑓂𑒫𑒰𑒩𑒰 𑒮𑒹𑒯𑒼 𑒋𑒏𑒙𑒰 𑒥𑒵𑒯𑒞𑓂 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬 𑒣𑓂𑒩𑒮𑓂𑒞𑒰𑒫𑒱𑒞 𑒁𑒕𑒱।
𑒁𑓀𑒑𑓂𑒩𑒹𑒖𑒲 𑒬𑒥𑓂𑒠𑒏𑒼𑒬𑒏 𑒛𑒰𑒙𑒰𑒥𑒹𑒮 𑒂𑒡𑒰𑒩𑒣𑒩 𑒥𑒢𑒪 𑒬𑒥𑓂𑒠𑒏𑒼𑒬 𑒮𑒦:
𑒁𑓀𑒑𑓂𑒩𑒹𑒖𑒲 𑒬𑒥𑓂𑒠𑒏𑒼𑒬𑒏 𑒌𑒞𑒱𑒯𑒰𑒮𑒱𑒏 𑒧𑒯𑒞𑓂𑒞𑓂𑒫𑒏 𑒬𑒥𑓂𑒠𑒏𑒼𑒬𑒏 𑒁𑒞𑒱𑒩𑒱𑒏𑓂𑒞 𑒖𑒹 𑒂𑒡𑒳𑒢𑒱𑒏 𑒮𑒧𑒨𑒧𑒹 𑒛𑒰𑒙𑒰𑒥𑒹𑒮/ 𑒏𑒧𑓂𑒣𑓂𑒨𑒳𑒙𑒩𑒲𑒏𑒵𑒞 𑒪𑒱𑒐𑒱𑒞-𑒧𑒾𑒐𑒱𑒏 𑒏𑒼𑒩𑓂𑒣𑒮 (𑒣𑒞𑓂𑒩-𑒣𑒞𑓂𑒩𑒱𑒏𑒰, 𑒣𑒼𑒟𑒲, 𑒧𑒾𑒐𑒱𑒏 𑒫𑒰𑒩𑓂𑒞𑒰𑒪𑒰𑒣, 𑒩𑒹𑒛𑒱𑒨𑒼-𑒙𑒲.𑒫𑒲. 𑒏𑒰𑒩𑓂𑒨𑒏𑓂𑒩𑒧𑒧𑒹 𑒣𑓂𑒩𑒨𑒳𑒏𑓂𑒞 𑒂 𑒣𑒰𑒝𑓂𑒛𑒳𑒪𑒱𑒣𑒱 𑒂𑒡𑒰𑒩𑒱𑒞 𑒬𑒥𑓂𑒠) 𑒂𑒡𑒰𑒩𑒱𑒞 𑒫𑒻𑒖𑓂𑒘𑒰𑒢𑒱𑒏 𑒮𑒱𑒠𑓂𑒡𑒰𑓀𑒞 𑒂𑒡𑒰𑒩𑒱𑒞 𑒬𑒥𑓂𑒠𑒏𑒼𑒬 𑒂𑒋𑒪 𑒁𑒕𑒱, 𑒍𑒯𑒱𑒧𑒹 𑒞𑒲𑒢 𑒙𑒰 𑒬𑒥𑓂𑒠𑒏𑒼𑒬 𑒅𑒪𑓂𑒪𑒹𑒐 𑒨𑒼𑒑𑓂𑒨 𑒁𑒕𑒱: 𑓑.𑒂𑒏𑓂𑒮𑒤𑒼𑒩𑓂𑒛 𑒋𑒛𑒫𑒰𑒢𑓂𑒮𑓂𑒛 𑒪𑒩𑓂𑒢𑒩𑓂𑒮 𑒛𑒱𑒏𑓂𑒬𑒢𑒩𑒲 (𑓑𑓙𑓔𑓘 𑒣𑓂𑒩𑒟𑒧 𑒮𑓀𑒮𑓂𑒏𑒩𑒝𑒮𑒿 𑒮𑒰𑒞𑒧 𑒮𑓀𑒮𑓂𑒏𑒩𑒝 𑓑𑓙𑓙𑓕),
𑓒.𑒪𑒰𑒢𑓂𑒑𑒧𑒹𑒢 𑒛𑒱𑒏𑓂𑒬𑒢𑒩𑒲 𑒂𑒤 𑒏𑒢𑓂𑒙𑒹𑒧𑒣𑒩𑒼𑒩𑒲 𑒃𑒢𑓂𑒑𑒪𑒱𑒬 (𑓑𑓙𑓗𑓘 𑒣𑓂𑒩𑒟𑒧 𑒮𑓀𑒮𑓂𑒏𑒩𑒝𑒮𑒿 𑒣𑒰𑒿𑒔𑒧 𑒮𑓀𑒮𑓂𑒏𑒩𑒝 𑓒𑓐𑓐𑓙) 𑒂
𑓓.𑒏𑒼𑒪𑒱𑒢𑓂𑒮 𑒏𑒼𑒥𑒱𑒪𑓂𑒛 𑒋𑒛𑒫𑒰𑒢𑓂𑒮𑓂𑒛 𑒪𑒩𑓂𑒢𑒩𑓂𑒮 𑒃𑓀𑒑𑓂𑒪𑒱𑒬 𑒛𑒱𑒏𑓂𑒬𑒢𑒩𑒲 (𑓑𑓙𑓙𑓕 𑒣𑓂𑒩𑒟𑒧 𑒮𑓀𑒮𑓂𑒏𑒩𑒝𑒮𑒿 𑒕𑒚𑒧 𑒮𑓀𑒮𑓂𑒏𑒩𑒝 𑓒𑓐𑓐𑓘)।
𑒋𑒏𑒩 𑒁𑒞𑒱𑒩𑒱𑒏𑓂𑒞 𑒮𑒲.𑒛𑒲.𑒣𑒩 𑒂 𑒂𑒢𑒪𑒰𑒃𑒢 𑒅𑒣𑒪𑒥𑓂𑒡 𑒧𑒰𑒃𑒏𑓂𑒩𑒼𑒮𑒰𑒤𑓂𑒙 𑒋𑒢𑒏𑒰𑒩𑓂𑒙𑒰 𑒛𑒱𑒏𑓂𑒬𑒢𑒩𑒲 𑒅𑒔𑓂𑒔𑒰𑒩𑒝𑒏 𑒡𑓂𑒫𑒢𑒱 𑒩𑒹𑒏𑒰𑒩𑓂𑒛𑒱𑓀𑒑 𑒮𑒹𑒯𑒼 𑒠𑒻𑒞 𑒁𑒕𑒱 (𑒂𑒏𑓂𑒮𑒤𑒼𑒩𑓂𑒛 𑒋𑒛𑒫𑒰𑒢𑓂𑒮𑓂𑒛 𑒪𑒩𑓂𑒢𑒩𑓂𑒮 𑒛𑒱𑒏𑓂𑒬𑒢𑒩𑒲𑒏 𑒂 𑒠𑒼𑒮𑒩𑒼 𑒏𑒼𑒬𑒏 𑒮𑒲.𑒛𑒲.𑒫𑒩𑓂𑒮𑒢 𑒅𑒔𑓂𑒔𑒰𑒩𑒝𑒏 𑒡𑓂𑒫𑒢𑒱 𑒩𑒹𑒏𑒰𑒩𑓂𑒛𑒱𑓀𑒑 𑒠𑒻𑒞 𑒁𑒕𑒱)।
𑒏𑒼𑒢𑒼 𑒏𑒼𑒬𑒏 𑒅𑒞𑓂𑒏𑒭𑓂𑒙𑒞𑒰𑒏 𑒢𑒱𑒩𑓂𑒡𑒰𑒩𑒝 𑒍𑒯𑒱𑒧𑒹 𑒮𑒧𑓂𑒧𑒱𑒪𑒱𑒞 𑒬𑒥𑓂𑒠𑒏 𑒮𑓀𑒏𑒪𑒢𑒮𑒿 𑒪𑒑𑒰𑒍𑒪 𑒖𑒋𑒥𑒰𑒏 𑒔𑒰𑒯𑒲। 𑒣𑒯𑒱𑒪 𑒄 𑒖𑒹 𑒣𑒰𑒚𑒏 𑒖𑒰𑒯𑒱 𑒬𑒥𑓂𑒠𑒏 𑒞𑒰𑒏𑒱𑒧𑒹 𑒕𑒟𑒱 𑒮𑒹 𑒯𑒳𑒢𑒏𑒰 𑒦𑒹𑒙𑒢𑓂𑒯𑒱 𑒂 𑒄 𑒍𑒯𑒱 𑒬𑒥𑓂𑒠𑒏𑒼𑒬𑒏 𑒁𑒠𑓂𑒨𑒞𑒢, 𑒤𑒲𑒪𑓂𑒛𑒫𑒩𑓂𑒏 𑒂𑒡𑒰𑒩𑒱𑒞 (𑒧𑒱𑒟𑒱𑒪𑒰𑒏 𑒮𑒦 𑒏𑓂𑒭𑒹𑒞𑓂𑒩𑒮𑒿 𑒂 𑒣𑓂𑒩𑒫𑒰𑒮𑒲 𑒧𑒻𑒟𑒱𑒪𑒏 𑒢𑒫-𑒢𑒫 𑒣𑓂𑒩𑒨𑒼𑒑𑒮𑒿) 𑒂 𑒢𑒫-𑒢𑒫 𑒫𑒱𑒭𑒨 (𑒖𑒹𑒢𑒰 𑒁𑒢𑓂𑒞𑒩𑓂𑒖𑒰𑒪, 𑒫𑒱𑒖𑓂𑒘𑒰𑒢-𑒏𑒪𑒰-𑒫𑒰𑒝𑒱𑒖𑓂𑒨, 𑒮𑓀𑒑𑒝𑒏 𑒂 𑒢𑒴𑒞𑒢 𑒒𑒙𑒢𑒰𑒏𑓂𑒩𑒧 𑒂𑒡𑒰𑒩𑒱𑒞)𑒏𑒹𑒿 𑒮𑒧𑒰𑒯𑒱𑒞 𑒏𑒋𑒢𑒹 𑒥𑒱𑒢𑒰 𑒮𑒧𑓂𑒦𑒫 𑒢𑒯𑒱। 𑒫𑒱𑒠𑓂𑒫𑒞𑒰𑒏 𑒮𑓀𑒑 𑒞𑒏𑒢𑒲𑒏𑒏 𑒣𑓂𑒩𑒨𑒼𑒑 𑒫𑒱𑒭𑒨 𑒫𑒮𑓂𑒞𑒳 𑒔𑒨𑒢𑒧𑒹 𑒯𑒼𑒋𑒥𑒰𑒏 𑒔𑒰𑒯𑒲, 𑒋𑒯𑒱𑒧𑒹 𑒐𑒹𑒪-𑒡𑒴𑒣, 𑒑𑒣-𑒬𑒣 𑒂 𑒪𑒱𑒐𑒱𑒞 𑒮𑒰𑒯𑒱𑒞𑓂𑒨𑒏 𑒮𑓀𑒑 𑒧𑒾𑒐𑒱𑒏 𑒮𑒰𑒯𑒱𑒞𑓂𑒨 𑒮𑒹𑒯𑒼 𑒩𑒯𑒋। 𑒞𑒐𑒢 𑒞𑒰𑒯𑒱 𑒬𑒥𑓂𑒠𑒏 𑒣𑒩𑒱𑒦𑒰𑒭𑒰 𑒮𑒹𑒯𑒼 𑒞𑒞𑒥𑒹 𑒧𑒯𑒞𑓂𑒫𑒣𑒴𑒩𑓂𑒝- 𑒍𑒯𑒱 𑒔𑒨𑒢𑒱𑒞 𑒬𑒥𑓂𑒠𑒏 𑒦𑒰𑒭𑒰𑒨𑒲 𑒫𑒱𑒬𑓂𑒪𑒹𑒭𑒝 𑒞𑒞𑒹𑒏 𑒮𑒴𑒏𑓂𑒭𑓂𑒧𑒞𑒰𑒮𑒿 𑒯𑒼𑒋𑒥𑒰𑒏 𑒔𑒰𑒯𑒲 𑒖𑒰𑒯𑒱𑒮𑒿 𑒦𑒰𑒭𑒰𑒏 𑒏𑒼𑒢𑒼 𑒮𑒢𑓂𑒠𑒩𑓂𑒦/ 𑒏𑒼𑒢𑒼 𑒁𑒩𑓂𑒟 𑒕𑒴𑒙𑒱 𑒢𑒯𑒱 𑒖𑒰𑒋। 𑒋𑒯𑒱 𑒏𑓂𑒩𑒧𑒧𑒹 𑒄 𑒅𑒪𑓂𑒪𑒹𑒐𑒢𑒲𑒨 𑒁𑒕𑒱 𑒖𑒹 𑒠𑒲𑒢𑒥𑒢𑓂𑒡𑒳 𑒗𑒰𑒏 𑓑𑓑𑓒𑓕 𑒙𑒰 𑒡𑒰𑒞𑒳𑒩𑒴𑒣𑒏𑒹𑒿 𑒖𑒹 𑒂𑒩 𑒏𑒢𑒹𑒏 𑒣𑒩𑒱𑒫𑒩𑓂𑒡𑒱𑒞 𑒂 𑒮𑓀𑒬𑒼𑒡𑒱𑒞 𑒏𑒋 𑒠𑒹𑒪 𑒖𑒰𑒋 𑒂 𑒋𑒏𑒩𑒰 𑒪𑒑𑒦𑒑 𑓒𑓐𑓐𑓐 𑒂𑒡𑒰𑒩𑒦𑒴𑒞 𑒬𑒥𑓂𑒠 𑒡𑒩𑒱 𑒥𑒜𑓃𑒰 𑒠𑒹𑒪 𑒖𑒰𑒋 𑒞𑒿 𑒍 𑒮𑒦 𑒧𑒻𑒟𑒱𑒪𑒲 𑒦𑒰𑒭𑒲, 𑒖𑒱𑒢𑒏𑒰 𑒦𑒰𑒭𑒰𑒣𑒩 𑒢𑒲𑒏 𑒣𑒏𑒛𑓃 𑒢𑒯𑒱 𑒕𑒢𑓂𑒯𑒱, 𑓕𑓐𑓐𑓐𑓐-𑓑𑓐𑓐𑓐𑓐𑓐 𑒬𑒥𑓂𑒠𑒏 𑒧𑒻𑒟𑒱𑒪𑒲 𑒏𑒼𑒬𑒏 𑒮𑒦 𑒬𑒥𑓂𑒠𑒏 𑒁𑒩𑓂𑒟 𑒂 𑒮𑓀𑒠𑒩𑓂𑒦 𑒥𑒳𑒗𑒱 𑒮𑒏𑒞𑒰𑒯।
𑒏𑒼𑒬𑒧𑒹 𑒠𑒹𑒪 𑒬𑒥𑓂𑒠 𑒮𑒦𑒏 𑒁𑒩𑓂𑒟 𑒥𑒹𑒬𑒲 𑒣𑓂𑒩𑒨𑒳𑒏𑓂𑒞𑒮𑒿 𑒏𑒧 𑒣𑓂𑒩𑒨𑒳𑒏𑓂𑒞 𑒁𑒩𑓂𑒟𑒏 𑒏𑓂𑒩𑒧𑒧𑒹 𑒯𑒼𑒋𑒥𑒰𑒏 𑒔𑒰𑒯𑒲। 𑒋𑒞𑒋 𑒧𑒾𑒐𑒱𑒏 𑒅𑒔𑓂𑒔𑒰𑒩𑒝 𑒂 𑒣𑓂𑒩𑒨𑒼𑒑𑒣𑒩 𑒡𑓂𑒨𑒰𑒢 𑒮𑒹𑒯𑒼 𑒂𑒫𑒬𑓂𑒨𑒏 𑒁𑒕𑒱। 𑒣𑒰𑒚𑒏𑒏𑒹𑒿 𑒄𑒯𑒼 𑒥𑒳𑒗𑒰𑒆 𑒖𑒹 𑒏𑒼𑒢 𑒬𑒥𑓂𑒠 𑒥𑒹𑒬𑒲 𑒂 𑒏𑒼𑒢 𑒬𑒥𑓂𑒠 𑒏𑒐𑒢𑒼-𑒏𑒰𑒪 𑒣𑓂𑒩𑒨𑒳𑒏𑓂𑒞 𑒯𑒼𑒃𑒞 𑒁𑒕𑒱। 𑒪𑒼𑒏𑒼𑒏𑓂𑒞𑒱𑒏 𑒣𑓂𑒩𑒨𑒼𑒑 𑒮𑒹𑒯𑒼 𑒅𑒠𑒰𑒯𑒩𑒝 𑒠𑒋 𑒚𑒰𑒧-𑒚𑒰𑒧 𑒯𑒼𑒋𑒥𑒰𑒏 𑒔𑒰𑒯𑒲।
𑒮𑓀𑒨𑒳𑒏𑓂𑒞 𑒬𑒥𑓂𑒠, 𑒪𑒼𑒏𑒼𑒏𑓂𑒞𑒱 𑒂𑒡𑒰𑒩𑒱𑒞 𑒧𑒱𑒬𑓂𑒩𑒱𑒞 𑒮𑓀𑒨𑒳𑒏𑓂𑒞 𑒬𑒥𑓂𑒠, 𑒏𑒼𑒢𑒼 𑒬𑒥𑓂𑒠𑒮𑒿 𑒢𑒱𑒏𑒪𑒪 𑒬𑒥𑓂𑒠, 𑒣𑒩𑓂𑒨𑒰𑒨-𑒫𑒱𑒣𑒩𑓂𑒨𑒰𑒨 𑒋𑒯𑒱 𑒮𑒦𑒏 𑒮𑓀𑒏𑒪𑒢 𑒬𑒥𑓂𑒠𑒏 𑒮𑓀𑒑 𑒂𑒫𑒬𑓂𑒨𑒏। 𑒏𑒼𑒢𑒼 𑒬𑒥𑓂𑒠-𑒧𑒼𑒯𑒰𑒥𑒩𑒰𑒏 𑒮𑓀𑒑 𑒠𑒼𑒮𑒩 𑒬𑒥𑓂𑒠 𑒮𑒦𑒏 𑒖𑒳𑒛𑓃𑒥 𑒂 𑒮𑒧𑒰𑒢 𑒫𑒰 𑒞𑒹𑒯𑒢-𑒮𑒢 𑒁𑒩𑓂𑒟𑒧𑒹 𑒣𑓂𑒩𑒨𑒳𑒏𑓂𑒞 𑒯𑒼𑒋𑒥 𑒮𑒹𑒯𑒼 𑒠𑒹𑒐𑒰𑒋𑒥 𑒂𑒫𑒬𑓂𑒨𑒏।
𑒫𑓂𑒨𑒰𑒏𑒩𑒝𑒲𑒨 𑒫𑒱𑒫𑒹𑒔𑒢-𑒮𑒧𑒰𑒢𑒞𑒰-𑒁𑒮𑒧𑒰𑒢𑒞𑒰 𑒠𑒳𑒢𑒴 𑒠𑒹𑒐𑒥𑒻𑒞, 𑒮𑒹𑒯𑒼 𑒮𑓂𑒟𑒰𑒢-𑒮𑓂𑒟𑒰𑒢𑒣𑒩 𑒏𑒩𑒴। 𑒫𑒰𑒏𑓂𑒨𑒧𑒹 𑒣𑓂𑒩𑒨𑒼𑒑 𑒁𑒢𑒳𑒮𑒰𑒩𑒹𑒿 𑒬𑒥𑓂𑒠𑒏 𑒁𑒩𑓂𑒟𑒧𑒹 𑒣𑒩𑒱𑒫𑒩𑓂𑒞𑒢 𑒠𑒩𑓂𑒬𑒱𑒞 𑒏𑒩𑒴।
𑒏𑒼𑒬 𑒧𑒡𑓂𑒨 𑒥𑒳𑒗𑒹𑒥𑒰𑒏 𑒪𑒹𑒪 𑒔𑒱𑒞𑓂𑒩𑒏 𑒣𑓂𑒩𑒨𑒼𑒑 𑒮𑒹𑒯𑒼 𑒂𑒫𑒬𑓂𑒨𑒏। 𑒂𑒡𑒳𑒢𑒱𑒏 𑒫𑒻𑒖𑓂𑒘𑒰𑒢𑒱𑒏 𑒬𑒥𑓂𑒠𑒏𑒼𑒬𑒧𑒹 𑒅𑒔𑓂𑒔𑒰𑒩𑒝 𑒦𑒱𑒢𑓂𑒢𑒞𑒰𑒏 𑒢𑒱𑒩𑒴𑒣𑒝 𑒮𑒹𑒯𑒼 𑒯𑒼𑒋𑒥𑒰𑒏 𑒔𑒰𑒯𑒲।
𑒧𑒼𑒯𑒰𑒥𑒩𑒰 𑒂 𑒪𑒼𑒏𑒼𑒏𑓂𑒞𑒱𑒏 𑒮𑒰𑒣𑒹𑒏𑓂𑒭 𑒮𑒢𑓂𑒠𑒩𑓂𑒦𑒧𑒹 𑒣𑓂𑒩𑒨𑒼𑒑 (𑒖𑒹𑒢𑒰 𑒥𑓂𑒩𑒰𑒯𑓂𑒧𑒝 𑒏𑒯𑒻𑒞 𑒕𑒟𑒱- 𑒠𑒮 𑒥𑓂𑒩𑒰𑒯𑓂𑒧𑒝 𑒠𑒮 𑒣𑒹𑒙, 𑒠𑒮 𑒩𑒰𑒛𑓃 𑒋𑒏 𑒣𑒹𑒙; 𑒧𑒳𑒠𑒰 𑒞𑒟𑒰𑒏𑒟𑒱𑒞 𑒖𑒰𑒞𑒱-𑒫𑓂𑒨𑒫𑒮𑓂𑒟𑒰𑒏 𑒢𑒱𑒔𑒳𑒪𑒏𑒰 𑒮𑒲𑒜𑓃𑒲𑒏 𑒪𑒼𑒏 𑒏𑒯𑒻𑒞 𑒕𑒟𑒱- 𑒠𑒮 𑒥𑒰𑒦𑒢 𑒋𑒏 𑒣𑒹𑒙, 𑒠𑒮 𑒩𑒰𑒛𑓃 𑒠𑒮 𑒣𑒹𑒙), 𑒨𑒠𑒱 𑒋𑒯𑒢 𑒣𑓂𑒩𑒨𑒼𑒑 𑒅𑒣𑒪𑒥𑓂𑒡 𑒁𑒕𑒱, 𑒮𑒹𑒯𑒼 𑒠𑒩𑓂𑒬𑒱𑒞 𑒏𑒩𑒴।
𑒬𑒥𑓂𑒠𑒏 𑒫𑒰𑒏𑓂𑒨𑒧𑒹 𑒣𑓂𑒩𑒨𑒼𑒑- 𑒁𑒩𑓂𑒟 𑒧𑒰𑒞𑓂𑒩 𑒏𑒱𑒕𑒳 𑒬𑒥𑓂𑒠𑒧𑒹 𑒠𑒹𑒢𑒹 𑒥𑒯𑒳𑒞 𑒩𑒰𑒮 𑒑𑒪𑒞 𑒣𑓂𑒩𑒨𑒼𑒑 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒁𑒕𑒱 𑒂 𑒋𑒏𑒩 𑒢𑒱𑒩𑒰𑒏𑒩𑒝 𑒬𑒥𑓂𑒠 𑒁𑒩𑓂𑒟𑒏 𑒮𑓀𑒑 𑒣𑒴𑒩𑓂𑒝 𑒫𑒰𑒏𑓂𑒨𑒧𑒹 𑒣𑓂𑒩𑒨𑒼𑒑𑒮𑒿 𑒏𑒋𑒪 𑒖𑒰 𑒮𑒏𑒻𑒞 𑒁𑒕𑒱 (𑒏𑒫𑒱𑒞𑒰𑒧𑒹 𑒮𑒹𑒯𑒼 𑒣𑒴𑒩𑓂𑒝 𑒫𑒰𑒏𑓂𑒨𑒏 𑒣𑓂𑒩𑒨𑒼𑒑 𑒏𑒋𑒪 𑒖𑒰 𑒩𑒯𑒪 𑒁𑒕𑒱 𑒮𑒹 𑒍𑒞𑒯𑒳𑒮𑒿 𑒅𑒠𑒰𑒯𑒩𑒝 𑒮𑓀𑒦𑒫)।
𑒞𑓀𑒞𑓂𑒩𑒰𑓀𑒬-𑒬𑒥𑓂𑒠𑒏𑒼𑒬- 𑒮𑒰𑒤𑓂𑒙𑒫𑒹𑒨𑒩 (𑒞𑓀𑒞𑓂𑒩𑒰𑓀𑒬) 𑒂𑒡𑒰𑒩𑒱𑒞 𑒏𑒼𑒬𑒏 𑒫𑒱𑒏𑒰𑒮 𑒯𑒼𑒁𑒋, 𑒖𑒰𑒯𑒱𑒮𑒿 𑒋𑒏𑒩 𑒮𑒲.𑒛𑒲. 𑒫𑒰 𑒁𑒢𑓂𑒞𑒩𑓂𑒖𑒰𑒪𑒣𑒩 𑒢𑒱𑒩𑒴𑒣𑒝 𑒦𑓄 𑒮𑒏𑒋 𑒂 𑒡𑓂𑒫𑒢𑓂𑒨𑒰𑒞𑓂𑒧𑒏-𑒧𑒾𑒐𑒱𑒏 𑒅𑒠𑒰𑒯𑒩𑒝 𑒠𑒹𑒪 𑒖𑒰 𑒮𑒏𑒋।
𑒤𑒼𑒢𑒹𑒙𑒱𑒏 𑒙𑓂𑒩𑒰𑓀𑒮𑒏𑓂𑒩𑒱𑒣𑓂𑒬𑒢- 𑒁𑒢𑓂𑒞𑒩𑓂𑒩𑒰𑒭𑓂𑒙𑓂𑒩𑒲𑒨 𑒡𑓂𑒫𑒢𑓂𑒨𑒰𑒞𑓂𑒧𑒏 𑒫𑒩𑓂𑒝𑒧𑒰𑒪𑒰 -𑒃𑒢𑓂𑒙𑒩𑒢𑒹𑒬𑒢𑒪 𑒤𑒼𑒢𑒹𑒙𑒱𑒏 𑒁𑒪𑓂𑒤𑒰𑒥𑒹𑒙-𑒂𑒃.𑒣𑒲.𑒋.- 𑒮𑒦𑒮𑒿 𑒪𑒼𑒏𑒣𑓂𑒩𑒱𑒨 𑒤𑒼𑒢𑒹𑒙𑒱𑒏 𑒙𑓂𑒩𑒰𑓀𑒮𑒏𑓂𑒩𑒱𑒣𑓂𑒙 𑒪𑒱𑒣𑒱 𑒁𑒕𑒱 𑒂 𑒋𑒏𑒩 𑒣𑓂𑒩𑒨𑒼𑒑 𑒠𑓂𑒫𑒱𑒦𑒰𑒭𑒲 𑒫𑒰 𑒥𑒯𑒳𑒦𑒰𑒭𑒲 𑒬𑒥𑓂𑒠𑒏𑒼𑒬𑒏 𑒮𑓀𑒠𑒩𑓂𑒦𑒧𑒹 𑒏𑒩𑒥 𑒂𑒫𑒬𑓂𑒨𑒏।

𑒖𑒨𑒏𑒰𑒢𑓂𑒞 𑒧𑒱𑒬𑓂𑒩 𑒂 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬:
𑒖𑒨𑒏𑒰𑒢𑓂𑒞 𑒧𑒱𑒬𑓂𑒩𑒏 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬𑒏 𑒣𑓂𑒩𑒟𑒧 𑒐𑒝𑓂𑒛𑒏 𑒂𑒞𑓂𑒧-𑒢𑒱𑒫𑒹𑒠𑒢𑒧𑒹 𑒖𑒨𑒏𑒰𑒢𑓂𑒞 𑒧𑒱𑒬𑓂𑒩 𑒪𑒱𑒐𑒻𑒞 𑒕𑒟𑒱 𑒖𑒹- 𑒧𑒻𑒟𑒱𑒪𑒲𑒏 𑒮𑒩𑓂𑒫𑒬𑓂𑒩𑒹𑒭𑓂𑒚 𑒦𑒰𑒭𑒰𑒫𑒱𑒖𑓂𑒘𑒰𑒢𑒫𑒹𑒞𑓂𑒞𑒰 𑒛𑒰. 𑒮𑒳𑒦𑒠𑓂𑒩 𑒗𑒰 (𑒫𑒰𑒩𑒰𑒝𑒮𑒹𑒨 𑒮𑓀𑒮𑓂𑒏𑒵𑒞 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨𑒏 𑒦𑒴𑒞𑒣𑒴𑒩𑓂𑒫 𑒣𑒳𑒮𑓂𑒞𑒏𑒰𑒪𑒨𑒰𑒡𑓂𑒨𑒏𑓂𑒭) 𑒏𑒼𑒬𑒏 𑒣𑓂𑒩𑒡𑒰𑒢 𑒮𑒧𑓂𑒣𑒰𑒠𑒏𑒏 𑒏𑒰𑒩𑓂𑒨𑒦𑒰𑒩 𑒪𑒹𑒥𑒰𑒮𑒿 𑒞𑒯𑒱𑒢𑒰 𑒫𑒱𑒩𑒏𑓂𑒞𑒱 𑒠𑒹𑒐𑒰𑒍𑒪 𑒖𑒯𑒱𑒢𑒰 𑓑𑓙𑓖𑓕 𑒄. 𑒧𑒹 𑒮𑒰𑒯𑒱𑒞𑓂𑒨 𑒁𑒏𑒰𑒠𑒧𑒲𑒧𑒹 𑒧𑒻𑒟𑒱𑒪𑒲𑒏𑒹𑒿 𑒦𑒰𑒩𑒞𑒏 𑒮𑒞𑓂𑒩𑒯𑒧 𑒮𑒰𑒯𑒱𑒞𑓂𑒨𑒱𑒏 𑒦𑒰𑒭𑒰𑒏 𑒩𑒴𑒣𑒧𑒹 𑒮𑓂𑒟𑒰𑒢 𑒠𑒹𑒂𑒥𑒋 𑒏𑒰𑒪 𑒯𑒳𑒢𑒏𑒰 𑒦𑒹𑒪𑒢𑓂𑒯𑒱। 𑒮𑒳𑒦𑒠𑓂𑒩 𑒗𑒰𑒏 “𑒤𑒰𑒩𑓂𑒧𑒹𑒬𑒢 𑒂𑒤 𑒠 𑒧𑒻𑒟𑒱𑒪𑒲 𑒪𑓀𑒑𑓂𑒫𑒹𑒖” (𑓑𑓙𑓕𑓘 𑒄.) 𑒏 𑒣𑓂𑒩𑒨𑒼𑒑 𑒧𑒻𑒟𑒱𑒪𑒲 𑒬𑒥𑓂𑒠𑒏 𑒫𑓂𑒨𑒳𑒞𑓂𑒣𑒞𑓂𑒞𑒱𑒏 𑒙𑒱𑒣𑓂𑒣𑒝𑒲 𑒠𑒹𑒥𑒰𑒧𑒹 𑒖𑒨𑒏𑒰𑒢𑓂𑒞 𑒧𑒱𑒬𑓂𑒩 𑒣𑓂𑒩𑒨𑒼𑒑 𑒏𑒹𑒢𑒹 𑒕𑒟𑒱- 𑒖𑒹𑒢𑒰 𑒮𑒳𑒢𑒲𑒞𑒱 𑒏𑒳𑒧𑒰𑒩 𑒔𑒰𑒙𑒳𑒩𑓂𑒖𑓂𑒨𑒰 𑒖𑒨𑒏𑒰𑒢𑓂𑒞 𑒧𑒱𑒬𑓂𑒩𑒏 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬𑒏 𑒣𑓂𑒩𑒟𑒧 𑒐𑒝𑓂𑒛𑒏 𑒅𑒣𑒼𑒠𑓂𑒒𑒰𑒞𑒧𑒹 𑒪𑒱𑒐𑒻𑒞 𑒕𑒟𑒱। 𑒖𑒨𑒏𑒰𑒢𑓂𑒞 𑒧𑒱𑒬𑓂𑒩𑒏 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬 𑒂𑒩 𑒥𑒯𑒳𑒞 𑒩𑒰𑒮 𑒏𑒰𑒩𑒝𑒮𑒿 𑒋𑒏𑒙𑒰 𑒏𑒲𑒩𑓂𑒞𑒱𑒧𑒰𑒢 𑒮𑓂𑒟𑒰𑒣𑒱𑒞 𑒏𑒩𑒻𑒞 𑒁𑒕𑒱। 𑒖𑒹𑒢𑒰:-
𑓑.𑒞𑒞𑓂𑒏𑒰𑒪𑒲𑒢 𑒬𑒥𑓂𑒠𑒰𑒫𑒪𑒲𑒏 𑒮𑓀𑒨𑒼𑒖𑒢:- 𑒠𑒲𑒢𑒥𑒢𑓂𑒡𑒳 𑒗𑒰𑒏-𑒧𑒱𑒟𑒱𑒪𑒰𑒦𑒰𑒭𑒰 𑒬𑒥𑓂𑒠𑒏𑒼𑒬, 𑒥𑒠𑒩𑒲𑒢𑒰𑒟 𑒗𑒰𑒏-𑒧𑒻𑒟𑒱𑒪𑒲-𑒮𑓀𑒮𑓂𑒏𑒵𑒞 𑒬𑒥𑓂𑒠𑒏𑒼𑒬, 𑒮𑒩 𑒖𑒰𑒩𑓂𑒖 𑒋.𑒑𑓂𑒩𑒱𑒁𑒩𑓂𑒮𑒢𑒏-𑒥𑒱𑒯𑒰𑒩 𑒣𑒲𑒖𑒹𑒢𑓂𑒙 𑒪𑒰𑒃𑒤 𑒂 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬-𑒧𑒻𑒟𑒱𑒪𑒲 𑒏𑓂𑒩𑒹𑒮𑓂𑒙𑒼𑒧𑒋𑒟𑒲-𑓑𑓘𑓘𑓒, 𑒛𑒰𑒏𑓂𑒙𑒩 𑒬𑓂𑒩𑒲 𑒮𑒳𑒦𑒠𑓂𑒩 𑒗𑒰 𑒮𑒩𑓂𑒫𑒰𑒢𑒢𑓂𑒠𑒏𑒵𑒞 𑒁𑒧𑒩𑒏𑒼𑒬𑒙𑒲𑒏𑒰, 𑒧.𑒧.𑒛𑒰𑒏𑓂𑒙𑒩 𑒅𑒧𑒹𑒬 𑒧𑒱𑒬𑓂𑒩, 𑒩𑒳𑒔𑒱𑒣𑒞𑒱, 𑒖𑒑𑒠𑓂𑒡𑒩, 𑒫𑒱𑒠𑓂𑒨𑒰𑒣𑒞𑒱 𑒬𑒥𑓂𑒠𑒰𑒫𑒪𑒲, 𑒋𑒢.𑒋𑒢.𑒫𑒮𑒳 𑒮𑒧𑓂𑒣𑒰𑒠𑒱𑒞 𑒔𑒩𑓂𑒨𑒰𑒑𑒲𑒞𑒱𑒮𑒿 𑒬𑒥𑓂𑒠𑒰𑒫𑒪𑒲, 𑒮𑒳𑒢𑒲𑒞𑒱 𑒏𑒳𑒧𑒰𑒩 𑒔𑒰𑒙𑒳𑒩𑓂𑒖𑓂𑒨𑒰 𑒂 𑒥𑒥𑒳𑒂𑒖𑒲 𑒧𑒱𑒬𑓂𑒩 𑒮𑒧𑓂𑒣𑒰𑒠𑒱𑒞 𑒫𑒩𑓂𑒝𑒩𑒞𑓂𑒢𑒰𑒏𑒩𑒮𑒿 𑒬𑒥𑓂𑒠𑒰𑒫𑒪𑒲, 𑒐𑒑𑒹𑒢𑓂𑒠𑓂𑒩𑒢𑒰𑒟 𑒧𑒱𑒞𑓂𑒩 𑒍 𑒧𑒖𑒳𑒧𑒠𑒰𑒩 𑒮𑒧𑓂𑒣𑒰𑒠𑒱𑒞 𑒫𑒱𑒠𑓂𑒨𑒰𑒣𑒞𑒱 𑒣𑒠𑒰𑒫𑒪𑒲𑒮𑒿 𑒬𑒥𑓂𑒠𑒰𑒫𑒪𑒲, 𑒮𑒩 𑒖𑒰𑒩𑓂𑒖 𑒑𑓂𑒩𑒱𑒁𑒩𑓂𑒮𑒢 𑒮𑒧𑓂𑒣𑒰𑒠𑒱𑒞 𑒏𑒵𑒭𑓂𑒝𑒖𑒢𑓂𑒧𑒮𑒿 𑒬𑒥𑓂𑒠𑒰𑒫𑒪𑒲, 𑒮𑒳𑒩𑒹𑒢𑓂𑒠𑓂𑒩 𑒗𑒰 “𑒮𑒳𑒧𑒢”, 𑒇𑒠𑓂𑒡𑒱𑒢𑒰𑒟 𑒗𑒰 𑒂 𑒩𑒰𑒧𑒹𑒬𑓂𑒫𑒩 𑒗𑒰 𑒮𑒧𑓂𑒣𑒰𑒠𑒱𑒞 𑒏𑒯𑒥𑒲 𑒮𑓀𑒑𑓂𑒩𑒯।
𑓒.𑒮𑓀𑒠𑒩𑓂𑒦 𑒩𑒴𑒣𑒧𑒹 𑒣𑓂𑒩𑒏𑒰𑒬𑒱𑒞 𑒣𑒼𑒟𑒲 𑒂 𑒣𑓂𑒩𑒏𑒰𑒬𑒱𑒞 𑒯𑒮𑓂𑒞𑒪𑒱𑒐𑒱𑒞 𑒣𑒰𑒝𑓂𑒛𑒳𑒪𑒱𑒣𑒱𑒏 𑒣𑓂𑒩𑒨𑒼𑒑:𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑓑𑓓𑓒𑓔 𑒄.𑒏 𑒧𑒻𑒟𑒱𑒪𑒲 𑒡𑒴𑒩𑓂𑒞𑒮𑒧𑒰𑒑𑒧, 𑒫𑒱𑒠𑓂𑒨𑒰𑒣𑒞𑒱𑒏 𑓑𑓔𑓑𑓕 𑒄.𑒏 𑒑𑒼𑒩𑒏𑓂𑒭𑒫𑒱𑒖𑒨, 𑒏𑒰𑒢𑓂𑒯𑒰𑒩𑒰𑒧𑒏 𑓑𑓘𑓔𑓒 𑒄.𑒏 𑒑𑒾𑒩𑒲 𑒮𑓂𑒫𑒨𑒧𑓂𑒥𑒩, 𑒪𑒼𑒔𑒢, 𑒑𑒼𑒫𑒱𑒢𑓂𑒠𑒠𑒰𑒮, 𑒔𑒢𑓂𑒠𑒰 𑒗𑒰, 𑒯𑒩𑓂𑒭𑒢𑒰𑒟 𑒗𑒰, 𑒪𑒰𑒪𑒠𑒰𑒮, 𑒯𑒩𑒱𑒧𑒼𑒯𑒢 𑒗𑒰, 𑒮𑒳𑒧𑒢, 𑒨𑒰𑒞𑓂𑒩𑒲 𑒂𑒠𑒱।
𑓓.𑒠𑒲𑒩𑓂𑒒𑒰𑒨𑒳 𑒮𑒧𑒮𑓂𑒞 𑒣𑒞𑓂𑒩-𑒣𑒞𑓂𑒩𑒱𑒏𑒰𑒏 𑒮𑓀𑒠𑒩𑓂𑒦 𑒩𑒴𑒣𑒧𑒹 𑒣𑓂𑒩𑒨𑒼𑒑: 𑒧𑒱𑒟𑒱𑒪𑒰 𑒧𑒱𑒯𑒱𑒩, 𑒧𑒱𑒟𑒱𑒪𑒰 𑒧𑒼𑒠, 𑒫𑒻𑒠𑒹𑒯𑒲।
𑓔.𑒡𑓂𑒫𑒢𑒱-𑒏𑒰𑒩𑓂𑒣𑒼𑒩𑒰- 𑒙𑒹𑒣𑒩𑒹𑒏𑒰𑒩𑓂𑒛𑒩𑒮𑒿 𑒬𑒥𑓂𑒠 𑒮𑒦𑒏 𑒫𑒰𑒔𑓂𑒨 𑒫𑒰 𑒅𑒣𑒦𑒰𑒭𑒰𑒏 𑒩𑒴𑒣 𑒮𑒦𑒏 𑒮𑓀𑒑𑓂𑒩𑒯, 𑒐𑒹𑒞𑒲 𑒂 𑒧𑒪𑓂𑒪𑒰𑒯𑒏 𑒬𑒥𑓂𑒠𑒰𑒫𑒪𑒲𑒏 𑒮𑓀𑒑𑓂𑒩𑒯 𑒧𑒳𑒠𑒰 𑒋𑒯𑒱𑒧𑒹 𑒡𑒰𑒢-𑒂𑒧-𑒧𑒴𑒪𑒑𑓂𑒩𑒰𑒧-𑒣𑒰𑒿𑒖𑒱 𑒮𑒦𑒏 𑒬𑒥𑓂𑒠𑒰𑒫𑒪𑒲 𑒕𑒴𑒙𑒱 𑒑𑒹𑒪।
𑓕.𑒬𑒥𑓂𑒠 𑒮𑒦𑒏 𑒣𑓂𑒩𑒟𑒧-𑒣𑓂𑒩𑒨𑒼𑒑𑒏 𑒏𑒰𑒩𑓂𑒣𑒼𑒩𑒰𑒏 𑒂𑒡𑒰𑒩𑒣𑒩 𑒢𑒱𑒩𑓂𑒡𑒰𑒩𑒝 𑒂 𑒞𑒏𑒩 𑒬𑒥𑓂𑒠𑒏𑒼𑒬𑒧𑒹 𑒣𑓂𑒩𑒠𑒩𑓂𑒬𑒢 𑒋𑒯𑒱𑒧𑒹 𑒧𑒱𑒬𑓂𑒩 𑒙𑒼𑒪𑒰𑒏 𑒬𑓂𑒩𑒲 𑒬𑒬𑒱𑒢𑒰𑒟 𑒔𑒾𑒡𑒩𑒲𑒏 𑒨𑒼𑒑𑒠𑒰𑒢 ।
𑓖.𑒩𑒰𑒖𑒰𑒩𑒰𑒧 𑒙𑒰𑒃𑒣 𑒤𑒰𑒅𑒢𑓂𑒛𑓂𑒩𑒲 𑒣𑓂𑒩𑒹𑒮, 𑒏𑒙𑒒𑒩, 𑒃𑒪𑒰𑒯𑒰𑒥𑒰𑒠 𑒠𑓂𑒫𑒰𑒩𑒰 𑒥𑒢𑒰𑒍𑒪 𑒧.𑒧. 𑒛𑒰. 𑒅𑒧𑒹𑒬 𑒧𑒱𑒬𑓂𑒩𑒏 𑒢𑒱𑒩𑓂𑒠𑒹𑒬𑒢𑒧𑒹 𑒞𑒱𑒩𑒯𑒳𑒞𑒰 𑒏𑒰𑒿𑒙𑒰𑒏 𑒣𑓂𑒩𑒨𑒼𑒑 𑒏𑒼𑒬𑒧𑒹 𑒦𑒹𑒪, 𑒮𑓀𑒑𑒯𑒱 𑒩𑒼𑒧𑒢 𑒤𑒼𑒢𑒹𑒙𑒱𑒏 𑒙𑓂𑒩𑒰𑓀𑒮𑒏𑓂𑒩𑒱𑒣𑓂𑒬𑒢𑒏 𑒣𑓂𑒩𑒨𑒼𑒑 𑒅𑒔𑓂𑒔𑒰𑒩𑒝 𑒥𑒼𑒡 𑒪𑒹𑒪 𑒏𑒋𑒪 𑒑𑒹𑒪।
𑓗.𑒖𑒨𑒏𑒰𑒢𑓂𑒞 𑒧𑒱𑒬𑓂𑒩𑒏 𑒏𑒼𑒬𑒧𑒹 𑒛𑒰 𑒮𑒩 𑒑𑓀𑒑𑒰𑒢𑒰𑒟 𑒗𑒰, 𑒛𑒰. 𑒁𑒧𑒩𑒢𑒰𑒟 𑒗𑒰 𑒂 𑒧.𑒧. 𑒛𑒰. 𑒅𑒧𑒹𑒬 𑒧𑒱𑒬𑓂𑒩 𑒑𑓂𑒩𑓀𑒟-𑒣𑒞𑓂𑒩𑒱𑒏𑒰𑒏 𑒮𑓀𑒏𑒪𑒢𑒧𑒹 𑒮𑒯𑒨𑒼𑒑 𑒠𑒹𑒪𑒢𑓂𑒯𑒱। 𑒣𑓂𑒩𑒼. 𑒯𑒩𑒱𑒧𑒼𑒯𑒢 𑒗𑒰, 𑒥𑒰𑒥𑒴 𑒬𑓂𑒩𑒲 𑒪𑒏𑓂𑒭𑓂𑒧𑒲𑒣𑒞𑒱 𑒮𑒱𑓀𑒯, 𑒣𑓂𑒩𑒼. 𑒥𑒳𑒠𑓂𑒡𑒱𑒡𑒰𑒩𑒲 𑒮𑒱𑓀𑒯 𑒩𑒧𑒰𑒏𑒩, 𑒣𑓂𑒩𑒼. 𑒮𑒳𑒩𑒹𑒢𑓂𑒠𑓂𑒩 𑒗𑒰 “𑒮𑒳𑒧𑒢” 𑒂 𑒏𑒰𑒘𑓂𑒔𑒲𑒢𑒰𑒟 𑒗𑒰 “𑒏𑒱𑒩𑒝” 𑒁𑒫𑒻𑒞𑒢𑒱𑒏 𑒣𑒩𑒰𑒧𑒩𑓂𑒬𑒠𑒰𑒞𑒰𑒏 𑒏𑒰𑒩𑓂𑒨 𑒏𑒋𑒪𑒢𑓂𑒯𑒱। 𑒮𑒯𑒰𑒨𑒏 𑒮𑒧𑓂𑒣𑒰𑒠𑒏𑒏 𑒏𑒰𑒩𑓂𑒨 𑒏𑒋𑒪𑒢𑓂𑒯𑒱- 𑒬𑓂𑒩𑒲 𑒩𑒰𑒒𑒫𑒰𑒔𑒰𑒩𑓂𑒨 𑒬𑒰𑒮𑓂𑒞𑓂𑒩𑒲, 𑒛𑒰𑒏𑓂𑒙𑒩 𑒅𑒧𑒰𑒏𑒰𑒢𑓂𑒞 𑒞𑒱𑒫𑒰𑒩𑒲, 𑒬𑓂𑒩𑒲 𑒖𑒨𑒑𑒼𑒫𑒱𑒢𑓂𑒠 𑒧𑒱𑒬𑓂𑒩, 𑒣𑓂𑒩𑒼. 𑒮𑒳𑒬𑒲𑒪 𑒔𑒢𑓂𑒠𑓂𑒩 𑒔𑒾𑒡𑒩𑒲, 𑒬𑓂𑒩𑒲 𑒖𑒲𑒫𑒹𑒬𑓂𑒫𑒩 𑒗𑒰 , 𑒬𑓂𑒩𑒲 𑒨𑒬𑒼𑒡𑒩 𑒗𑒰, 𑒛𑒰𑒏𑓂𑒙𑒩 𑒏𑒱𑒬𑒼𑒩𑒢𑒰𑒟 𑒗𑒰, 𑒣𑓂𑒩𑒼. 𑒩𑒳𑒠𑓂𑒩𑒏𑒰𑒢𑓂𑒞 𑒧𑒱𑒬𑓂𑒩
𑓘.𑒫𑓂𑒨𑒰𑒏𑒩𑒝 𑒫𑒱𑒫𑒹𑒔𑒢: 𑒬𑒥𑓂𑒠𑒏 𑒁𑒩𑓂𑒟𑒏 𑒣𑓂𑒩𑒨𑒼𑒑𑒏 𑒁𑒢𑒳𑒮𑒰𑒩𑒹𑒿 𑓑.𑓒 𑒏𑒋 𑒫𑒱𑒫𑒩𑒝, 𑒫𑓂𑒨𑒰𑒏𑒩𑒝-𑒫𑒱𑒫𑒩𑒝-𑒬𑒥𑓂𑒠𑒏 𑒮𑓂𑒟𑒱𑒞𑒱 𑒪𑒳𑒣𑓂𑒞, 𑒏𑒰𑒫𑓂𑒨 𑒣𑓂𑒩𑒨𑒼𑒑, 𑒬𑒥𑓂𑒠𑒏 𑒠𑒹𑒬𑒖-𑒫𑒱𑒠𑒹𑒬𑒖 𑒫𑓂𑒨𑒳𑒞𑓂𑒣𑒞𑓂𑒞𑒱, 𑒞𑒳𑒪𑒢𑒰𑒞𑓂𑒧𑒏 𑒬𑒥𑓂𑒠-𑒫𑒱𑒪𑒼𑒧-𑒣𑒩𑓂𑒨𑒰𑒨𑒏 𑒚𑒰𑒧-𑒚𑒰𑒧 𑒅𑒠𑒰𑒯𑒩𑒝, 𑒬𑒥𑓂𑒠𑒏 𑒁𑒩𑓂𑒟 𑒢𑒱𑒩𑓂𑒠𑒱𑒭𑓂𑒙 𑒏𑒩𑒥𑒰𑒏 𑒪𑒹𑒪 𑒏𑒰𑒩𑓂𑒣𑒼𑒩𑒰𑒮𑒿 𑒪𑒹𑒪 𑒍𑒯𑒱 𑒬𑒥𑓂𑒠𑒨𑒳𑒏𑓂𑒞 𑒫𑒰𑒏𑓂𑒨-𑒣𑓂𑒩𑒨𑒼𑒑।


𑒠𑒲𑒢𑒥𑒢𑓂𑒡𑒳 𑒗𑒰𑒏 𑒧𑒱𑒟𑒱𑒪𑒰𑒦𑒰𑒭𑒰 𑒫𑒱𑒠𑓂𑒨𑒼𑒞𑒢𑒏 𑒡𑒰𑒞𑒳𑒣𑒰𑒚 𑒧𑒹 𑒁𑒩𑓂𑒟𑒏 𑒫𑓂𑒨𑒳𑒞𑓂𑒣𑒞𑓂𑒞𑒱 𑒥𑒛𑓂𑒛 𑒢𑒲𑒏𑒮𑒿 𑒠𑒹𑒪 𑒑𑒹𑒪 𑒁𑒕𑒱, 𑒖𑒹𑒢𑒰- (𑓑𑓐) 𑒛𑒱𑒏- 𑒁𑒡𑒱𑒏𑒏 𑒁𑒿𑒙𑒏𑒥। 𑒄 𑒖𑒑𑒯 𑒑𑒯𑒲𑒿𑒛𑓃 𑒁𑒕𑒱 𑒞𑒹𑒿 𑒋𑒯𑒱𑒚𑒰𑒧 𑒣𑒰𑒢𑒱 𑒛𑒱𑒏𑒪 𑒁𑒕𑒱- 𑒁𑒡𑒱𑒏 𑒁𑒿𑒙𑒏𑒪 𑒁𑒕𑒱। 𑒧𑒱𑒟𑒱𑒪𑒰 𑒦𑒰𑒭𑒰 𑒫𑒱𑒠𑓂𑒨𑒼𑒞𑒢𑒏 𑒠𑒳𑒢𑒴 𑒐𑒝𑓂𑒛𑒧𑒹 𑒅𑒣𑒮𑓂𑒟𑒱𑒞 𑓔𑓓 𑒙𑒰 𑒮𑒰𑒩𑒝𑒲 𑒧𑒹 𑒧𑒻𑒟𑒱𑒪𑒲 𑒬𑒥𑓂𑒠𑒏 𑒫𑓂𑒨𑒳𑒞𑓂𑒣𑒞𑓂𑒞𑒱 𑒫𑒱𑒮𑓂𑒞𑒵𑒞 𑒩𑒴𑒣𑒧𑒹 𑒠𑒹𑒪 𑒑𑒹𑒪 𑒁𑒕𑒱 𑒠𑒲𑒢𑒥𑒢𑓂𑒡𑒳 𑒗𑒰𑒏 𑒧𑒱𑒟𑒱𑒪𑒰 𑒦𑒰𑒭𑒰 𑒏𑒼𑒭𑒏 𑒦𑒴𑒧𑒱𑒏𑒰𑒧𑒹 𑒮𑒹𑒯𑒼 𑒜𑒹𑒩 𑒩𑒰𑒮 𑒬𑒥𑓂𑒠𑒏 𑒁𑒢𑓂𑒫𑒨, 𑒅𑒔𑓂𑒔𑒰𑒩𑒝, 𑒪𑒱𑒓𑓂𑒑-𑒢𑒱𑒩𑓂𑒝𑒨 𑒂 𑒫𑓂𑒨𑒰𑒏𑒩𑒝𑒏 𑒫𑒱𑒫𑒹𑒔𑒢 𑒏𑒋𑒪 𑒑𑒹𑒪 𑒁𑒕𑒱। 𑒧𑒴𑒪𑒏𑒼𑒭𑒧𑒹 𑒮𑒹𑒯𑒼 𑒮𑒦 𑒬𑒥𑓂𑒠𑒧𑒹 𑒞𑒿 𑒢𑒯𑒱, 𑒧𑒳𑒠𑒰 𑒁𑒡𑒱𑒏𑒰𑓀𑒬𑒧𑒹 𑒬𑒥𑓂𑒠, 𑒍𑒏𑒩 𑒮𑒢𑓂𑒡𑒱-𑒫𑒱𑒔𑓂𑒕𑒹𑒠, 𑒫𑓂𑒨𑒰𑒏𑒩𑒝𑒑𑒞 𑒫𑒱𑒬𑒹𑒭𑒞𑒰 𑒂 𑒁𑒩𑓂𑒟 𑒠𑒹𑒪 𑒑𑒹𑒪 𑒁𑒕𑒱। 𑒨𑒞𑓂𑒩-𑒞𑒞𑓂𑒩 𑒬𑒥𑓂𑒠𑒏 𑒦𑒱𑒢𑓂𑒢-𑒩𑒴𑒣 𑒂 𑒬𑒥𑓂𑒠𑒏 𑒮𑓀𑒑 𑒏𑓂𑒩𑒱𑒨𑒰𑒠𑒱 𑒖𑒳𑒙𑒥𑒰𑒮𑒿 𑒁𑒩𑓂𑒟𑒏 𑒦𑒱𑒢𑓂𑒢𑒞𑒰 𑒮𑒹𑒯𑒼 𑒠𑒹𑒐𑒰𑒍𑒪 𑒑𑒹𑒪 𑒁𑒕𑒱। 𑒧𑒻𑒟𑒱𑒪𑒲 𑒁𑒏𑒰𑒠𑒧𑒲, 𑒣𑒙𑒢𑒰𑒏 𑒨𑒳𑒑𑒪 𑒏𑒱𑒬𑒼𑒩 𑒧𑒱𑒬𑓂𑒩 𑒥𑒪𑒰 𑒬𑒥𑓂𑒠𑒏𑒼𑒬𑒧𑒹 𑒬𑒥𑓂𑒠, 𑒞𑒏𑒩 𑒥𑒰𑒠 𑒫𑓂𑒨𑒰𑒏𑒩𑒝𑒑𑒞 𑒫𑒱𑒬𑒹𑒭𑒞𑒰 𑒂 𑒁𑒩𑓂𑒟 𑒠𑒹𑒪 𑒑𑒹𑒪 𑒁𑒕𑒱। 𑒁𑒪𑒰𑒃𑒮 𑒃𑒩𑒫𑒲𑒢 𑒛𑒹𑒫𑒱𑒮𑒏 𑒥𑒹𑒮𑒱𑒏 𑒏𑒪𑒼𑒏𑓂𑒫𑒱𑒁𑒪 𑒧𑒻𑒟𑒱𑒪𑒲 – 𑒁 𑒧𑒻𑒟𑒱𑒪𑒲-𑒢𑒹𑒣𑒰𑒪𑒲-𑒃𑓀𑒑𑒪𑒱𑒬 𑒫𑒼𑒏𑒰𑒥𑒳𑒪𑒹𑒩𑒲 (𑓑𑓙𑓘𑓔 𑒄.) 𑒧𑒰𑒞𑓂𑒩 𑒩𑒼𑒧𑒢 𑒂 𑒤𑒼𑒢𑒹𑒙𑒱𑒏 𑒩𑒼𑒧𑒢 𑒫𑒩𑓂𑒝𑒧𑒰𑒪𑒰𑒏 𑒣𑓂𑒩𑒨𑒼𑒑 𑒏𑒩𑒻𑒞 𑒁𑒕𑒱 𑒂 𑒧𑒻𑒟𑒱𑒪𑒲 𑒬𑒥𑓂𑒠, 𑒍𑒏𑒩 𑒫𑓂𑒨𑒰𑒏𑒩𑒝𑒑𑒞 𑒫𑒱𑒬𑒹𑒭𑒞𑒰 𑒂 𑒞𑒏𑒩 𑒁𑒩𑓂𑒟 𑒢𑒹𑒣𑒰𑒪𑒲 𑒂 𑒁𑓀𑒑𑓂𑒩𑒹𑒖𑒲𑒧𑒹 𑒠𑒻𑒞 𑒁𑒕𑒱। 𑒞𑒏𑒩 𑒥𑒰𑒠 𑒏𑒱𑒕𑒳 𑒮𑓀𑒩𑒔𑒢𑒰𑒞𑓂𑒧𑒏 𑒙𑒱𑒣𑓂𑒣𑒝𑒲𑒏 𑒥𑒰𑒠 𑒢𑒹𑒣𑒰𑒪𑒲 𑒂 𑒁𑓀𑒑𑓂𑒩𑒹𑒖𑒲 𑒃𑓀𑒛𑒹𑒏𑓂𑒮 𑒠𑒹𑒪 𑒑𑒹𑒪 𑒁𑒕𑒱 𑒖𑒰𑒯𑒱𑒧𑒹 𑒢𑒹𑒣𑒰𑒪𑒲𑒮𑒿 𑒧𑒻𑒟𑒱𑒪𑒲 𑒂 𑒁𑓀𑒑𑓂𑒩𑒹𑒖𑒲𑒮𑒿 𑒧𑒻𑒟𑒱𑒪𑒲 𑒁𑒩𑓂𑒟 𑒠𑒹𑒪 𑒑𑒹𑒪 𑒁𑒕𑒱। 𑒦𑒫𑒢𑒰𑒟 𑒧𑒱𑒬𑓂𑒩𑒏 𑒧𑒱𑒟𑒱𑒪𑒰 𑒬𑒥𑓂𑒠 𑒣𑓂𑒩𑒏𑒰𑒬𑒧𑒹 𑒧𑒱𑒟𑒱𑒪𑒰𑒦𑒰𑒭𑒰𑒧𑒹 𑒬𑒥𑓂𑒠, 𑒤𑒹𑒩 𑒍𑒏𑒩 𑒯𑒱𑒢𑓂𑒠𑒲 𑒂 𑒮𑓀𑒮𑓂𑒏𑒵𑒞𑒧𑒹 𑒁𑒩𑓂𑒟, 𑒞𑒐𑒢 𑒪𑒱𑒓𑓂𑒑 𑒂 𑒁𑒢𑓂𑒞𑒧𑒹 𑒮𑓀𑒮𑓂𑒏𑒵𑒞𑒧𑒹 𑒍𑒏𑒩 𑒣𑓂𑒩𑒧𑒰𑒝 𑒠𑒹𑒪 𑒑𑒹𑒪 𑒁𑒕𑒱। 𑒧𑒞𑒱 𑒢𑒰𑒟 𑒧𑒱𑒬𑓂𑒩 “𑒧𑒞𑓀𑒑”𑒏 𑒧𑒻𑒟𑒱𑒪𑒲 𑒬𑒥𑓂𑒠 𑒏𑒪𑓂𑒣𑒠𑓂𑒩𑒳𑒧𑒧𑒹 𑒧𑒻𑒟𑒱𑒪𑒲 𑒬𑒥𑓂𑒠, 𑒍𑒏𑒩 𑒫𑓂𑒨𑒰𑒏𑒩𑒝𑒑𑒞 𑒫𑒱𑒬𑒹𑒭𑒞𑒰 𑒂 𑒞𑒏𑒩 𑒁𑒩𑓂𑒟 𑒂 𑒁𑒢𑓂𑒞𑒧𑒹 𑒬𑒥𑓂𑒠 𑒧𑒻𑒟𑒱𑒪𑒲, 𑒠𑒹𑒬𑒖, 𑒞𑒞𑓂𑒮𑒧 𑒫𑒰 𑒞𑒠𑓂𑒦𑒫 𑒁𑒕𑒱 𑒞𑒏𑒩 𑒫𑒩𑓂𑒝𑒢 𑒠𑒹𑒪 𑒑𑒹𑒪 𑒁𑒕𑒱। 𑒑𑒼𑒫𑒱𑒢𑓂𑒠 𑒗𑒰𑒏 𑒏𑒪𑓂𑒨𑒰𑒝𑒲 𑒏𑒼𑒬- 𑒁 𑒧𑒻𑒟𑒱𑒪𑒲-𑒃𑓀𑒑𑓂𑒪𑒱𑒬 𑒛𑒱𑒏𑓂𑒬𑒢𑒩𑒲 𑒧𑒹 𑒣𑓂𑒩𑒮𑓂𑒞𑒰𑒫𑒢𑒰𑒧𑒹 𑒠𑒹𑒪 𑒏𑒱𑒕𑒳 𑒮𑓀𑒩𑒔𑒢𑒰 𑒂 𑒅𑒔𑓂𑒔𑒰𑒩𑒝𑒏 𑒫𑒱𑒬𑓂𑒪𑒹𑒭𑒝𑒏 𑒮𑓀𑒑 𑒋𑒣𑒹𑒢𑓂𑒛𑒱𑒏𑓂𑒮𑒧𑒹 𑒏𑓂𑒩𑒱𑒨𑒰𑒣𑒠𑒲𑒨 𑒣𑓂𑒩𑒞𑓂𑒨𑒨, 𑒢𑒰𑒧-𑒣𑓂𑒩𑒞𑓂𑒨𑒨 𑒂 𑒋𑒏𑒏, 𑒮𑒾𑒩𑒧𑒰𑒮 𑒍 𑒢𑒏𑓂𑒭𑒞𑓂𑒩, 𑒔𑒰𑒢𑓂𑒠𑓂𑒩𑒧𑒰𑒮, 𑒫𑒱𑒦𑒱𑒢𑓂𑒢 𑒮𑓀𑒫𑒞, 𑒦𑒰𑒩-𑒧𑒰𑒢, 𑒢𑒣𑒢𑒰, 𑒩𑒻𑒐𑒱𑒏 𑒧𑒰𑒢, 𑒫𑒩𑓂𑒑-𑒧𑒰𑒢, 𑒧𑒳𑒠𑓂𑒩𑒰 𑒂 𑒣𑓂𑒩𑒏𑒲𑒩𑓂𑒝 𑒑𑒝𑒢𑒰𑒏 𑒮𑒰𑒩𑒝𑒲 𑒠𑒹𑒪 𑒑𑒹𑒪 𑒁𑒕𑒱। 𑒧𑒴𑒪 𑒏𑒼𑒬𑒧𑒹 𑒠𑒹𑒫𑒢𑒰𑒑𑒩𑒲𑒧𑒹 𑒧𑒻𑒟𑒱𑒪𑒲 𑒬𑒥𑓂𑒠, 𑒤𑒹𑒩 𑒩𑒼𑒧𑒢 𑒤𑒼𑒢𑒹𑒙𑒱𑒏 𑒫𑒩𑓂𑒝𑒧𑒰𑒪𑒰𑒧𑒹 𑒍𑒏𑒩 𑒙𑓂𑒩𑒰𑓀𑒮𑒏𑓂𑒩𑒱𑒣𑓂𑒬𑒢, 𑒫𑓂𑒨𑒰𑒏𑒩𑒝𑒑𑒞 𑒫𑒱𑒬𑒹𑒭𑒞𑒰 𑒂 𑒧𑒻𑒟𑒱𑒪𑒲 𑒂 𑒁𑓀𑒑𑓂𑒩𑒹𑒖𑒲𑒧𑒹 𑒞𑒏𑒩 𑒁𑒩𑓂𑒟 𑒠𑒹𑒪 𑒑𑒹𑒪 𑒁𑒕𑒱। 𑒨𑒞𑓂𑒩-𑒞𑒞𑓂𑒩 𑒬𑒥𑓂𑒠𑒏 𑒦𑒱𑒢𑓂𑒢 𑒁𑒩𑓂𑒟 𑒂 𑒮𑓀𑒠𑒩𑓂𑒦 𑒮𑒹𑒯𑒼 𑒠𑒹𑒪 𑒑𑒹𑒪 𑒁𑒕𑒱। 𑒅𑒧𑒹𑒬 𑒔𑒢𑓂𑒠𑓂𑒩 𑒗𑒰𑒏 𑒔𑒰𑒞𑒳𑒩𑓂𑒦𑒰𑒭𑒱𑒏 𑒬𑒥𑓂𑒠𑒏𑒼𑒬𑒧𑒹 𑒧𑒻𑒟𑒱𑒪𑒲 𑒬𑒥𑓂𑒠 𑒂 𑒞𑒏𑒩 𑒮𑓀𑒮𑓂𑒏𑒵𑒞, 𑒯𑒱𑒢𑓂𑒠𑒲 𑒂 𑒁𑓀𑒑𑓂𑒩𑒹𑒖𑒲 𑒁𑒩𑓂𑒟 𑒠𑒹𑒪 𑒑𑒹𑒪 𑒁𑒕𑒱। 𑒮𑒲-𑒛𑒻𑒏𑒏 𑒞𑓀𑒞𑓂𑒩𑒰𑓀𑒬-𑒬𑒥𑓂𑒠𑒏𑒼𑒬 𑒧𑒻𑒟𑒱𑒪𑒲-𑒁𑓀𑒑𑓂𑒩𑒹𑒖𑒲 𑒂 𑒁𑓀𑒑𑓂𑒩𑒹𑒖𑒲-𑒧𑒻𑒟𑒱𑒪𑒲 𑒛𑒱𑒏𑓂𑒬𑒢𑒩𑒲𑒧𑒹 𑒧𑒻𑒟𑒱𑒪𑒲 𑒙𑒰𑒃𑒣 𑒏𑒹𑒪𑒰𑒮𑒿 𑒁𑓀𑒑𑓂𑒩𑒹𑒖𑒲𑒧𑒹 𑒁𑒩𑓂𑒟 𑒂 𑒁𑓀𑒑𑓂𑒩𑒹𑒖𑒲 𑒙𑒰𑒃𑒣 𑒏𑒹𑒪𑒰𑒮𑒿 𑒧𑒻𑒟𑒱𑒪𑒲𑒧𑒹 𑒁𑒩𑓂𑒟 𑒁𑒥𑒻𑒞 𑒁𑒕𑒱। 𑒫𑒱𑒠𑒹𑒯 𑒛𑒰𑒙𑒰𑒥𑒹𑒮𑒏 𑒂𑒡𑒰𑒩𑒣𑒩 𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩, 𑒢𑒰𑒑𑒹𑒢𑓂𑒠𑓂𑒩 𑒏𑒳𑒧𑒰𑒩 𑒗𑒰 𑒂 𑒣𑒘𑓂𑒖𑒲𑒏𑒰𑒩 𑒫𑒱𑒠𑓂𑒨𑒰𑒢𑒢𑓂𑒠 𑒗𑒰𑒏 𑒧𑒻𑒟𑒱𑒪𑒲-𑒁𑓀𑒑𑓂𑒩𑒹𑒖𑒲 𑒬𑒥𑓂𑒠𑒏𑒼𑒭 𑒂 𑒁𑓀𑒑𑓂𑒩𑒹𑒖𑒲-𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬 𑒫𑒱𑒠𑒹𑒯-𑒏𑒰𑒩𑓂𑒣𑒼𑒩𑒰𑒏 𑒂𑒡𑒰𑒩𑒣𑒩 𑒥𑒢𑒪 𑒁𑒕𑒱 𑒂 𑒣𑓂𑒩𑒱𑓀𑒙 𑒂 𑒂𑒢𑒪𑒰𑒃𑒢, (http://www.videha.co.in/ 𑒣𑒩) 𑒠𑒳𑒢𑒴 𑒩𑒴𑒣𑒧𑒹 𑒅𑒣𑒪𑒥𑓂𑒡 𑒁𑒕𑒱 𑒂 𑒢𑒱𑒩𑒢𑓂𑒞𑒩 𑒮𑓀𑒫𑒩𑓂𑒡𑒢𑒬𑒲𑒪 𑒁𑒕𑒱। 𑒋𑒯𑒱 𑒏𑒼𑒬𑒧𑒹 𑒁𑒢𑓂𑒞𑒩𑓂𑒖𑒰𑒪, 𑒮𑓀𑒑𑒝𑒏 𑒂 𑒫𑒱𑒖𑓂𑒘𑒰𑒢 𑒬𑒥𑓂𑒠𑒰𑒫𑒪𑒲 𑒂𑒢 𑒂𑒡𑒳𑒢𑒱𑒏 𑒫𑒱𑒭𑒨𑒏 𑒮𑓀𑒑 𑒮𑒧𑓂𑒧𑒱𑒪𑒱𑒞 𑒏𑒋𑒪 𑒑𑒹𑒪 𑒁𑒕𑒱। 𑒋𑒐𑒢 𑒧𑒻𑒟𑒱𑒪𑒲-𑒁𑓀𑒑𑓂𑒩𑒹𑒖𑒲 𑒬𑒥𑓂𑒠𑒏𑒼𑒭𑒧𑒹 𑒁𑒢𑓂𑒞𑒩𑓂𑒩𑒰𑒭𑓂𑒙𑓂𑒩𑒲𑒨 𑒤𑒼𑒢𑒹𑒙𑒱𑒏 𑒁𑒪𑓂𑒤𑒰𑒥𑒹𑒙𑒧𑒹 𑒧𑒻𑒟𑒱𑒪𑒲 𑒬𑒥𑓂𑒠, 𑒤𑒹𑒩 𑒍𑒯𑒱 𑒬𑒥𑓂𑒠𑒏 𑒠𑒹𑒫𑒢𑒰𑒑𑒩𑒲 𑒂 𑒧𑒱𑒟𑒱𑒪𑒰𑒏𑓂𑒭𑒩𑒧𑒹 𑒙𑓂𑒩𑒰𑓀𑒮𑒪𑒱𑒙𑒹𑒩𑒹𑒬𑒢, 𑒤𑒹𑒩 𑒁𑒢𑓂𑒞𑒩𑓂𑒩𑒰𑒭𑓂𑒙𑓂𑒩𑒲𑒨 𑒤𑒼𑒢𑒹𑒙𑒱𑒏 𑒁𑒪𑓂𑒤𑒰𑒥𑒹𑒙, 𑒠𑒹𑒫𑒢𑒰𑒑𑒩𑒲 𑒂 𑒧𑒱𑒟𑒱𑒪𑒰𑒏𑓂𑒭𑒩𑒧𑒹 𑒍𑒏𑒩 𑒁𑒩𑓂𑒟 𑒂 𑒁𑒢𑓂𑒞𑒧𑒹 𑒁𑓀𑒑𑓂𑒩𑒹𑒖𑒲𑒧𑒹 𑒁𑒩𑓂𑒟 𑒂 𑒫𑓂𑒨𑒰𑒏𑒩𑒝𑒑𑒞 𑒫𑒱𑒬𑒹𑒭𑒞𑒰 𑒠𑒹𑒪 𑒑𑒹𑒪 𑒁𑒕𑒱। 𑒫𑒱𑒠𑒹𑒯-𑒏𑒰𑒩𑓂𑒣𑒼𑒩𑒰𑒏 𑒂𑒡𑒰𑒩𑒣𑒩 𑒥𑒢𑒪 𑒁𑓀𑒑𑓂𑒩𑒹𑒖𑒲-𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬𑒧𑒹 𑒁𑓀𑒑𑓂𑒩𑒹𑒖𑒲 𑒬𑒥𑓂𑒠 𑒂 𑒍𑒏𑒩 𑒫𑓂𑒨𑒰𑒏𑒩𑒝𑒑𑒞 𑒫𑒱𑒬𑒹𑒭𑒞𑒰, 𑒤𑒹𑒩 𑒁𑒢𑓂𑒞𑒩𑓂𑒩𑒰𑒭𑓂𑒙𑓂𑒩𑒲𑒨 𑒤𑒼𑒢𑒹𑒙𑒱𑒏 𑒁𑒪𑓂𑒤𑒰𑒥𑒹𑒙, 𑒠𑒹𑒫𑒢𑒰𑒑𑒩𑒲 𑒂 𑒧𑒱𑒟𑒱𑒪𑒰𑒏𑓂𑒭𑒩𑒧𑒹 𑒍𑒏𑒩 𑒁𑒩𑓂𑒟 𑒂 𑒁𑒢𑓂𑒞𑒧𑒹 𑒁𑓀𑒑𑓂𑒩𑒹𑒖𑒲𑒧𑒹 𑒁𑒩𑓂𑒟 𑒠𑒹𑒪 𑒑𑒹𑒪 𑒁𑒕𑒱। 𑒮𑒧𑓂𑒣𑒴𑒩𑓂𑒝 𑒛𑒰𑒙𑒰𑒥𑒹𑒮 𑒣𑓂𑒩𑒱𑓀𑒙 𑒦𑒹𑒪𑒰𑒏 𑒥𑒰𑒠 𑒏𑒼𑒬𑒧𑒹 𑒠𑒹𑒪 𑒬𑒥𑓂𑒠 𑒮𑒦𑒏 𑒁𑒩𑓂𑒟 𑒥𑒹𑒬𑒲 𑒣𑓂𑒩𑒨𑒳𑒏𑓂𑒞𑒮𑒿 𑒏𑒧 𑒣𑓂𑒩𑒨𑒳𑒏𑓂𑒞 𑒁𑒩𑓂𑒟𑒏 𑒏𑓂𑒩𑒧𑒧𑒹, 𑒮𑓀𑒨𑒳𑒏𑓂𑒞 𑒬𑒥𑓂𑒠, 𑒪𑒼𑒏𑒼𑒏𑓂𑒞𑒱 𑒂𑒡𑒰𑒩𑒱𑒞 𑒧𑒱𑒬𑓂𑒩𑒱𑒞 𑒮𑓀𑒨𑒳𑒏𑓂𑒞 𑒬𑒥𑓂𑒠, 𑒏𑒼𑒢𑒼 𑒬𑒥𑓂𑒠𑒮𑒿 𑒢𑒱𑒏𑒪𑒪 𑒬𑒥𑓂𑒠, 𑒣𑒩𑓂𑒨𑒰𑒨-𑒫𑒱𑒣𑒩𑓂𑒨𑒰𑒨 𑒬𑒥𑓂𑒠, 𑒧𑒼𑒯𑒰𑒥𑒩𑒰𑒏 𑒮𑓀𑒑 𑒠𑒼𑒮𑒩 𑒬𑒥𑓂𑒠 𑒮𑒦𑒏 𑒫𑓂𑒨𑒰𑒏𑒩𑒝𑒲𑒨 𑒫𑒱𑒫𑒹𑒔𑒢-𑒮𑒧𑒰𑒢𑒞𑒰-𑒁𑒮𑒧𑒰𑒢𑒞𑒰 𑒠𑒳𑒢𑒴 𑒠𑒹𑒐𑒥𑒻𑒞, 𑒏𑒼𑒬 𑒧𑒡𑓂𑒨 𑒥𑒳𑒗𑒹𑒥𑒰𑒏 𑒪𑒹𑒪 𑒔𑒱𑒞𑓂𑒩𑒏 𑒣𑓂𑒩𑒨𑒼𑒑, 𑒧𑒼𑒯𑒰𑒥𑒩𑒰 𑒂 𑒪𑒼𑒏𑒼𑒏𑓂𑒞𑒱𑒏 𑒮𑒰𑒣𑒹𑒏𑓂𑒭 𑒮𑒢𑓂𑒠𑒩𑓂𑒦𑒧𑒹 𑒣𑓂𑒩𑒨𑒼𑒑, 𑒬𑒥𑓂𑒠𑒏 𑒫𑒰𑒏𑓂𑒨𑒧𑒹 𑒣𑓂𑒩𑒨𑒼𑒑 (𑒫𑒱𑒠𑒹𑒯 𑒏𑒰𑒩𑓂𑒣𑒼𑒩𑒰𑒮𑒿) 𑒏 𑒮𑓀𑒑 𑒠𑒼𑒮𑒩 𑒮𑓀𑒮𑓂𑒏𑒩𑒝𑒧𑒹 𑒞𑓀𑒞𑓂𑒩𑒰𑓀𑒬-𑒬𑒥𑓂𑒠𑒏𑒼𑒬 𑒮𑒲.𑒛𑒲.𑒧𑒹 𑒅𑒣𑒪𑒥𑓂𑒡 𑒏𑒩𑒹𑒥𑒰𑒏 𑒨𑒼𑒖𑒢𑒰 𑒁𑒕𑒱, 𑒖𑒰𑒯𑒱𑒧𑒹 𑒡𑓂𑒫𑒢𑓂𑒨𑒰𑒞𑓂𑒧𑒏 𑒩𑒹𑒏𑒰𑒩𑓂𑒛𑒱𑓀𑒑 𑒩𑒯𑒞। 𑒍𑒢𑒰 http://www.videha.co.in/ 𑒏𑒹𑒩 𑒂𑒩𑓂𑒏𑒰𑒃𑒫𑒧𑒹 𑒅𑒔𑓂𑒔𑒰𑒩𑒝𑒏 𑒂𑒛𑒱𑒨𑒼 𑒤𑒰𑒃𑒪 𑒛𑒰𑒅𑒢𑒪𑒼𑒛/ 𑒬𑓂𑒩𑒫𑒝 𑒪𑒹𑒪 𑒂𑒢𑒪𑒰𑒃𑒢 𑒩𑒰𑒐𑒪 𑒑𑒹𑒪 𑒁𑒕𑒱।

𑒖𑒨𑒏𑒰𑒢𑓂𑒞 𑒧𑒱𑒬𑓂𑒩 𑒂 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬:𑒫𑒱𑒫𑒹𑒔𑒢𑒰:
𑒏𑒼𑒢𑒼 𑒬𑒥𑓂𑒠𑒏𑒼𑒬 𑒪𑒱𑒐𑒪 𑒢𑒯𑒱 𑒖𑒰𑒃𑒞 𑒁𑒕𑒱 𑒫𑒩𑒢 𑒮𑓀𑒑𑓂𑒩𑒲𑒯𑒲𑒞 𑒏𑒋𑒪 𑒖𑒰𑒃𑒞 𑒁𑒕𑒱। 𑒧𑒳𑒠𑒰 𑒖𑒹 𑒫𑒱𑒭𑒨 𑒢𑒫 𑒁𑒕𑒱 𑒞𑒐𑒢 𑒍𑒯𑒱 𑒪𑒹𑒪 𑒧𑒾𑒐𑒱𑒏-𑒮𑒰𑒯𑒱𑒞𑓂𑒨𑒱𑒏 𑒣𑒩𑒧𑓂𑒣𑒩𑒰𑒏𑒹𑒿 𑒠𑒹𑒐𑒻𑒞 𑒬𑒥𑓂𑒠𑒏 𑒢𑒱𑒩𑓂𑒧𑒰𑒝 𑒏𑒩𑒋 𑒣𑒛𑓃𑒞 𑒂 𑒫𑒱𑒠𑒹𑒬𑒖 𑒬𑒥𑓂𑒠𑒏𑒹𑒿 𑒮𑒹𑒯𑒼 𑒚𑒰𑒧-𑒚𑒰𑒧 𑒮𑓂𑒫𑒲𑒏𑒰𑒩 𑒏𑒩𑒋 𑒣𑒛𑓃𑒞। 𑒍𑒢𑒰 𑒬𑒥𑓂𑒠𑒏𑒼𑒬𑒏 𑒪𑒏𑓂𑒭𑓂𑒨 𑒧𑒰𑒞𑓂𑒩 𑒮𑓀𑒑𑓂𑒩𑒯𑒝 𑒁𑒕𑒱 𑒧𑒳𑒠𑒰 𑒄 𑒠𑒹𑒐𑒪 𑒖𑒰𑒃𑒞 𑒁𑒕𑒱 𑒖𑒹 𑒢𑒯𑒱 𑒔𑒰𑒯𑒱𑒨𑒼 𑒏𑓄 𑒄 𑒧𑒰𑒢𑒏𑒲𑒏𑒩𑒝 𑒣𑓂𑒩𑒮𑓀𑒑𑒏𑒹𑒿 𑒂𑒑𑒰𑒿 𑒥𑒜𑓃𑒥𑒻𑒞 𑒁𑒕𑒱 𑒂 𑒪𑒼𑒏-𑒫𑓂𑒨𑒫𑒯𑒰𑒩𑒏𑒹𑒿 𑒣𑓂𑒩𑒦𑒰𑒫𑒱𑒞 𑒏𑒩𑒻𑒞 𑒁𑒕𑒱। 𑒋𑒯𑒱 𑒏𑒰𑒩𑒝𑒮𑒿 𑒏𑒼𑒬𑒏 𑒮𑒧𑓂𑒣𑒰𑒠𑒏𑒏 𑒠𑒰𑒨𑒱𑒞𑓂𑒫 𑒂𑒩 𑒥𑒜𑓃𑒱 𑒖𑒰𑒃𑒞 𑒁𑒕𑒱।

𑒋𑒯𑒱 𑒞𑒩𑒯𑒹𑒿 𑒬𑓂𑒩𑒲 𑒖𑒨𑒏𑒰𑒢𑓂𑒞 𑒧𑒱𑒬𑓂𑒩𑒏 𑒬𑒥𑓂𑒠𑒏𑒼𑒬 𑒂𑒡𑒳𑒢𑒱𑒏 𑒏𑒼𑒢𑒼 𑒬𑒥𑓂𑒠𑒏𑒼𑒬𑒮𑒿 𑒏𑒼𑒢𑒼 𑒞𑒩𑒯𑒹𑒿 𑒢𑓂𑒨𑒴𑒢 𑒢𑒯𑒱 𑒁𑒕𑒱। 𑒄 𑒋𑒏 𑒞𑒩𑒯𑒹𑒿 𑒋𑒏 𑒛𑒹𑒑 𑒂𑒑𑒰𑒿 𑒥𑒜𑓃𑒻𑒞 𑒁𑒕𑒱, 𑒖𑒐𑒢 𑒬𑒥𑓂𑒠𑒏 𑒁𑒩𑓂𑒟 𑒢𑒱𑒩𑓂𑒠𑒱𑒭𑓂𑒙 𑒏𑒩𑒥𑒰𑒏 𑒪𑒹𑒪 𑒏𑒰𑒩𑓂𑒣𑒼𑒩𑒰𑒮𑒿 𑒪𑒹𑒪 𑒍𑒯𑒱 𑒬𑒥𑓂𑒠𑒨𑒳𑒏𑓂𑒞 𑒫𑒰𑒏𑓂𑒨-𑒣𑓂𑒩𑒨𑒼𑒑𑒧𑒹 𑒣𑓂𑒩𑒰𑒔𑒲𑒢(𑓘𑒧 𑒬𑒞𑒰𑒥𑓂𑒠𑒲 𑒮𑒿 𑓑𑓓𑓒𑓔 𑒄.𑒣𑒩𑓂𑒨𑒢𑓂𑒞-𑒔𑒩𑓂𑒨𑒰𑒣𑒠, 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒂𑒠𑒱), 𑒣𑒴𑒩𑓂𑒫𑒏𑒰𑒪𑒲𑒢 𑒧𑒡𑓂𑒨𑒨𑒳𑒑 (𑓑𑓓𑓒𑓔 𑒄-𑓑𑓕𑓐𑓐 𑒄., 𑒫𑒱𑒠𑓂𑒨𑒰𑒣𑒞𑒱 𑒂𑒠𑒱), 𑒧𑒡𑓂𑒨𑒨𑒳𑒑 (𑓑𑓕𑓐𑓐 𑒄-𑓑𑓘𑓖𑓐 𑒄.,𑒪𑒼𑒔𑒢 𑒑𑒼𑒫𑒱𑒢𑓂𑒠𑒠𑒰𑒮 𑒂𑒠𑒱) 𑒂 𑒂𑒡𑒳𑒢𑒱𑒏 𑒧𑒻𑒟𑒱𑒪𑒲 (𑓑𑓘𑓖𑓐 𑒄.-𑓑𑓙𑓖𑓐 𑒄., 𑒔𑒢𑓂𑒠𑒰 𑒗𑒰, 𑒯𑒩𑒱𑒧𑒼𑒯𑒢 𑒗𑒰 𑒂𑒠𑒱) 𑒮𑒿 𑒮𑓀𑒠𑒩𑓂𑒦 𑒮𑒯𑒱𑒞 𑒅𑒠𑒰𑒯𑒩𑒝 𑒠𑒻𑒞 𑒁𑒕𑒱।
𑒖𑒨𑒏𑒰𑒢𑓂𑒞 𑒧𑒱𑒬𑓂𑒩𑒏 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬 𑒂 𑒖𑒨𑒏𑒰𑒢𑓂𑒞 𑒧𑒱𑒬𑓂𑒩 𑒂 𑒧𑒻𑒟𑒱𑒪𑒲 𑒬𑒥𑓂𑒠𑒏𑒼𑒬 𑒋𑒯𑒱 𑒞𑒩𑒯𑒹𑒿 𑒋𑒏 𑒠𑒼𑒮𑒩𑒰𑒏 𑒣𑒴𑒩𑒏 𑒦𑒋 𑒮𑒏𑒞 𑒖𑒐𑒢 𑒯𑒳𑒢𑒏𑒩 𑒏𑒰𑒩𑓂𑒨𑒏𑒹𑒿 𑒂𑒑𑒰𑒿 𑒥𑒜𑓃𑒰𑒍𑒪 𑒖𑒰𑒋 𑒂 𑒣𑒴𑒩𑓂𑒝 𑒏𑒋𑒪 𑒖𑒰𑒋।

















𑒃𑒢𑓂𑒤𑒰𑒩𑒧𑒹𑒬𑒢 𑒮𑒼𑒮𑒰𑒃𑒙𑒲, 𑒮𑒰𑒩𑓂𑒫𑒦𑒾𑒧 𑒧𑒰𑒢𑒫𑒰𑒡𑒱𑒏𑒰𑒩 𑒒𑒼𑒭𑒝𑒰 𑒂 𑒦𑒰𑒩𑒞𑒲𑒨 𑒮𑓀𑒫𑒱𑒡𑒰𑒢
𑒃𑒢𑓂𑒤𑒰𑒩𑒧𑒹𑒬𑒢 𑒮𑒼𑒮𑒰𑒃𑒙𑒲 𑒏𑒱𑓀𑒫𑒰 𑒮𑒴𑒔𑒢𑒰-𑒂𑒡𑒰𑒩𑒱𑒞-𑒮𑒧𑒰𑒖 𑒋𑒏𑒙𑒰 𑒍𑒯𑒹𑒢 𑒮𑒧𑒰𑒖 𑒁𑒕𑒱 𑒖𑒰𑒯𑒱𑒧𑒹 𑒮𑒴𑒔𑒢𑒰𑒏 𑒢𑒱𑒩𑓂𑒧𑒰𑒝, 𑒫𑒱𑒞𑒩𑒝, 𑒣𑓂𑒩𑒮𑒰𑒩, 𑒅𑒣𑒨𑒼𑒑, 𑒋𑒏𑒲𑒏𑒩𑒝 𑒂 𑒮𑓀𑒬𑒼𑒡𑒢, 𑒄 𑒮𑒦 𑒋𑒏𑒙𑒰 𑒧𑒯𑒞𑓂𑒞𑓂𑒫𑒣𑒴𑒩𑓂𑒝 𑒂𑒩𑓂𑒟𑒱𑒏, 𑒩𑒰𑒖𑒢𑒲𑒞𑒱𑒏 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒏𑓂𑒩𑒱𑒨𑒰 𑒯𑒼𑒃𑒞 𑒁𑒕𑒱। 𑒂 𑒋𑒯𑒱 𑒮𑒧𑒰𑒖𑒏 𑒦𑒰𑒑 𑒯𑒼𑒋𑒥𑒰𑒧𑒹 𑒮𑒧𑒩𑓂𑒟 𑒪𑒼𑒏 𑒁𑓀𑒏𑒲𑒨 𑒫𑒰 𑒛𑒱𑒖𑒱𑒙𑒪 𑒢𑒰𑒑𑒩𑒱𑒏 𑒏𑒯𑒪 𑒖𑒰𑒃𑒞 𑒕𑒟𑒱। 𑒋𑒯𑒱 𑒅𑒞𑓂𑒞𑒩 𑒎𑒠𑓂𑒨𑒼𑒑𑒱𑒏 𑒮𑒧𑒰𑒖𑒧𑒹 𑒮𑒴𑒔𑒢𑒰-𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒅𑒞𑓂𑒣𑒰𑒠𑒢, 𑒁𑒩𑓂𑒟𑒫𑓂𑒨𑒫𑒮𑓂𑒟𑒰 𑒂 𑒮𑒧𑒰𑒖𑒏𑒹𑒿 𑒢𑒱𑒩𑓂𑒡𑒰𑒩𑒱𑒞 𑒏𑒩𑒻𑒞 𑒁𑒕𑒱। 𑒅𑒞𑓂𑒞𑒩-𑒂𑒡𑒳𑒢𑒱𑒏 𑒮𑒧𑒰𑒖, 𑒅𑒞𑓂𑒞𑒩 𑒎𑒠𑓂𑒨𑒼𑒑𑒱𑒏 𑒮𑒧𑒰𑒖 𑒂𑒠𑒱 𑒮𑓀𑒏𑒪𑓂𑒣𑒢𑒰 𑒮𑒿 𑒄 𑒢𑒱𑒏𑒙 𑒁𑒕𑒱। 𑒁𑒩𑓂𑒟𑒬𑒰𑒮𑓂𑒞𑓂𑒩𑒲 𑒤𑓂𑒩𑒱𑒙𑓂𑒖 𑒧𑒻𑒔𑒪𑒣 𑒋𑒏𑒩 𑒮𑓀𑒏𑒪𑓂𑒣𑒢𑒰 𑒠𑒹𑒢𑒹 𑒕𑒪𑒰𑒯। 𑒯𑒳𑒢𑒏𑒩 𑒖𑓂𑒘𑒰𑒢-𑒅𑒠𑓂𑒨𑒼𑒑𑒏 𑒡𑒰𑒩𑒝𑒰 𑒬𑒱𑒏𑓂𑒭𑒰, 𑒬𑒼𑒡 𑒂 𑒫𑒱𑒏𑒰𑒮, 𑒧𑒲𑒛𑒱𑒂, 𑒮𑒴𑒔𑒢𑒰 𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒂 𑒮𑒴𑒔𑒢𑒰 𑒮𑒹𑒫𑒰𑒏 𑒣𑒰𑒿𑒔𑒙𑒰 𑒁𑓀𑒑𑒣𑒩 𑒂𑒡𑒰𑒩𑒱𑒞 𑒕𑒪। 𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒂 𑒮𑒴𑒔𑒢𑒰𑒏 𑒮𑒧𑒰𑒖𑒣𑒩 𑒦𑒹𑒪 𑒣𑓂𑒩𑒦𑒰𑒫 𑒋𑒞𑒋 𑒠𑒩𑓂𑒬𑒱𑒞 𑒯𑒼𑒃𑒞 𑒁𑒕𑒱। 𑒄 𑒫𑒋𑒯 𑒮𑒧𑒰𑒖 𑒟𑒱𑒏 𑒖𑒰𑒯𑒱𑒧𑒹 𑒂𑒃-𑒏𑒰𑒪𑓂𑒯𑒱 𑒯𑒧𑒩𑒰 𑒮𑒦 𑒩𑒯𑒲 𑒩𑒯𑒪 𑒕𑒲।
𑒠𑒳𑒢𑒴 𑒫𑒱𑒬𑓂𑒫𑒨𑒳𑒠𑓂𑒡 𑒂 𑒤𑒰𑒮𑒱𑒖𑓂𑒧𑒏 𑒔𑒳𑒢𑒾𑒞𑒲𑒏 𑒥𑒰𑒠 𑓑𑓐 𑒠𑒱𑒮𑒧𑓂𑒥𑒩 𑓑𑓙𑓔𑓘 𑒏𑒹𑒿 𑒮𑓀𑒨𑒳𑒏𑓂𑒞 𑒩𑒰𑒭𑓂𑒙𑓂𑒩𑒮𑓀𑒒𑒏 𑒧𑒯𑒰𑒮𑒦𑒰 𑒠𑓂𑒫𑒰𑒩𑒰 𑒧𑒰𑒢𑒫𑒰𑒡𑒱𑒏𑒰𑒩𑒏 𑒮𑒰𑒩𑓂𑒫𑒦𑒾𑒧 𑒒𑒼𑒭𑒝𑒰𑒏 𑒅𑒠𑓂𑒒𑒼𑒭𑒝𑒰 𑒏𑒋𑒪 𑒑𑒹𑒪 𑒂 𑒋𑒏𑒩𑒰 𑒁𑓀𑒑𑒲𑒏𑒰𑒩 𑒏𑒋𑒪 𑒑𑒹𑒪। 𑒄 𑒒𑒼𑒭𑒝𑒰 𑒩𑒰𑒖𑒢𑒲𑒞𑒱𑒏, 𑒂𑒩𑓂𑒟𑒱𑒏, 𑒮𑒰𑓀𑒮𑓂𑒏𑒵𑒞𑒱𑒏 𑒂 𑒡𑒰𑒩𑓂𑒧𑒱𑒏 𑒦𑒹𑒠𑒦𑒰𑒫𑒩𑒯𑒱𑒞 𑒋𑒏𑒙𑒰 𑒮𑒰𑒧𑒰𑒢𑓂𑒨 𑒧𑒰𑒢𑒠𑒝𑓂𑒛 𑒣𑓂𑒩𑒮𑓂𑒞𑒳𑒞 𑒏𑒩𑒻𑒞 𑒁𑒕𑒱 𑒖𑒹 𑒮𑒦 𑒖𑒢-𑒮𑒧𑒰𑒖 𑒂 𑒮𑒦 𑒩𑒰𑒭𑓂𑒙𑓂𑒩 𑒪𑒹𑒪 𑒁𑒕𑒱।
𑒮𑒴𑒔𑒢𑒰 𑒮𑒧𑒰𑒖𑒣𑒩 𑒣𑒯𑒱𑒪 𑒮𑓀𑒨𑒳𑒏𑓂𑒞 𑒩𑒰𑒭𑓂𑒙𑓂𑒩 𑒫𑒱𑒬𑓂𑒫 𑒮𑒧𑓂𑒧𑒹𑒪𑒢 𑒠𑒴 𑒐𑒹𑒣𑒧𑒹 𑒦𑒹𑒪। 𑒣𑒯𑒱𑒪 𑓑𑓐-𑓑𑓒 𑒠𑒱𑒮𑒧𑓂𑒥𑒩 𑓒𑓐𑓐𑓓 𑒧𑒹 𑒖𑒹𑒢𑒹𑒫𑒰, 𑒮𑓂𑒫𑒱𑒙𑒖𑒩𑒪𑒻𑓀𑒛 𑒧𑒹 𑒂 𑒠𑒼𑒮𑒩 𑒐𑒹𑒣 𑓑𑓖-𑓑𑓘 𑒢𑒫𑒧𑓂𑒥𑒩 𑓒𑓐𑓐𑓕 𑒧𑒹 𑒙𑓂𑒨𑒳𑒢𑒱𑒮, 𑒙𑓂𑒨𑒴𑒢𑒱𑒮𑒱𑒨𑒰𑒧𑒹। 𑒋𑒞𑒋 𑒧𑒰𑒢𑒫𑒰𑒡𑒱𑒏𑒰𑒩 𑒂 𑒮𑒴𑒔𑒢𑒰 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒏 𑒥𑒲𑒔𑒧𑒹 𑒮𑒧𑓂𑒥𑒢𑓂𑒡𑒏𑒹𑒿 𑒧𑒰𑒢𑓂𑒨𑒞𑒰 𑒠𑒹𑒪 𑒑𑒹𑒪 𑒕𑒪।
𑒧𑒰𑒢𑒫𑒰𑒡𑒱𑒏𑒰𑒩𑒏 𑒮𑒰𑒩𑓂𑒫𑒦𑒾𑒧 𑒒𑒼𑒭𑒝𑒰𑒏 𑒢𑒱𑒧𑓂𑒢 𑒥𑒱𑒢𑓂𑒠𑒳 𑒮𑒦 𑒮𑒴𑒔𑒢𑒰𑒏 𑒮𑒧𑒰𑒖𑒮𑒿 𑒮𑒧𑓂𑒥𑒢𑓂𑒡𑒱𑒞 𑒁𑒕𑒱। (𑒧𑒰𑒢𑒫𑒰𑒡𑒱𑒏𑒰𑒩𑒏 𑒮𑒰𑒩𑓂𑒫𑒦𑒾𑒧 𑒒𑒼𑒭𑒝𑒰𑒏 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠 𑒛𑒰. 𑒩𑒧𑒰𑒢𑒢𑓂𑒠 𑒗𑒰 ‘𑒩𑒧𑒝’)
𑒁𑒢𑒳𑒔𑓂𑒕𑒹𑒠 𑓑𑓒
𑒏𑒹𑒍 𑒫𑓂𑒨𑒏𑓂𑒞𑒱 𑒏𑒼𑒢𑒼 𑒂𑒢 𑒫𑓂𑒨𑒏𑓂𑒞𑒱𑒏 𑒋𑒏𑒰𑒢𑓂𑒞𑒞𑒰, 𑒣𑒩𑒱𑒫𑒰𑒩, 𑒢𑒱𑒫𑒰𑒮 𑒫𑒰 𑒮𑓀𑒪𑒰𑒣 (𑒣𑒞𑓂𑒩𑒰𑒔𑒰𑒩𑒰𑒠𑒱) 𑒧𑒹 𑒮𑓂𑒫𑒹𑒔𑓂𑒕𑒨𑒰 𑒯𑒮𑓂𑒞𑒏𑓂𑒭𑒹𑒣 𑒢𑒯𑒱 𑒏𑒩𑒞 𑒂𑒢𑒹 𑒍𑒏𑒩 𑒣𑓂𑒩𑒞𑒱𑒭𑓂𑒚𑒰 𑒂 𑒐𑓂𑒨𑒰𑒞𑒱 𑒣𑒩 𑒣𑓂𑒩𑒯𑒰𑒩 𑒏𑒩𑒞। 𑒣𑓂𑒩𑒞𑓂𑒨𑒹𑒏 𑒫𑓂𑒨𑒏𑓂𑒞𑒱𑒏𑒹𑒿 𑒋𑒯𑒢 𑒯𑒮𑓂𑒞𑒏𑓂𑒭𑒹𑒣 𑒫𑒰 𑒣𑓂𑒩𑒯𑒰𑒩𑒮𑒿 𑒏𑒰𑒢𑒴𑒢𑒲 𑒩𑒏𑓂𑒭𑒰 𑒣𑒋𑒥𑒰𑒏 𑒁𑒡𑒱𑒏𑒰𑒩 𑒕𑒻𑒏।

𑒁𑒢𑒳𑒔𑓂𑒕𑒹𑒠 𑓑𑓘
𑒣𑓂𑒩𑒞𑓂𑒨𑒹𑒏 𑒫𑓂𑒨𑒏𑓂𑒞𑒱𑒏𑒹𑒿 𑒫𑒱𑒔𑒰𑒩, 𑒫𑒱𑒫𑒹𑒏 𑒂 𑒡𑒩𑓂𑒧 𑒩𑒐𑒥𑒰𑒏 𑒁𑒡𑒱𑒏𑒰𑒩 𑒕𑒻𑒏। 𑒋𑒯𑒱 𑒁𑒡𑒱𑒏𑒰𑒩𑒧𑒹 𑒮𑒧𑒰𑒫𑒱𑒭𑓂𑒙 𑒁𑒕𑒱 𑒡𑒩𑓂𑒧 𑒂 𑒫𑒱𑒬𑓂𑒫𑒰𑒮𑒏 𑒣𑒩𑒱𑒩𑓂𑒫𑒞𑒢𑒏 𑒮𑓂𑒫𑒞𑒢𑓂𑒞𑓂𑒩𑒞𑒰, 𑒋𑒏𑒮𑒩 𑒫𑒰 𑒠𑒼𑒮𑒩𑒰𑒏 𑒮𑓀𑒑 𑒧𑒱𑒪𑒱 𑒣𑓂𑒩𑒏𑒙𑒞𑓁 𑒫𑒰 𑒋𑒏𑒰𑒢𑓂𑒞𑒧𑒹 𑒬𑒱𑒏𑓂𑒭𑒝, 𑒁𑒦𑓂𑒨𑒰𑒮, 𑒣𑓂𑒩𑒰𑒩𑓂𑒟𑒢𑒰 𑒂 𑒁𑒢𑒳𑒭𑓂𑒚𑒰𑒢𑒏 𑒮𑓂𑒫𑒞𑒢𑓂𑒞𑓂𑒩𑒞𑒰।
𑒁𑒢𑒳𑒔𑓂𑒕𑒹𑒠 𑓑𑓙
𑒣𑓂𑒩𑒞𑓂𑒨𑒹𑒏 𑒫𑓂𑒨𑒏𑓂𑒞𑒱𑒏𑒹𑒿 𑒁𑒦𑒱𑒧𑒞 𑒋𑒫𑓀 𑒁𑒦𑒱𑒫𑓂𑒨𑒏𑓂𑒞𑒱𑒏 𑒮𑓂𑒫𑒞𑒢𑓂𑒞𑓂𑒩𑒞𑒰𑒏 𑒁𑒡𑒱𑒏𑒰𑒩 𑒕𑒻𑒏, 𑒖𑒰𑒯𑒱𑒧𑒹 𑒮𑒧𑒰𑒫𑒱𑒭𑓂𑒙 𑒁𑒕𑒱 𑒥𑒱𑒢𑒰 𑒯𑒮𑓂𑒞𑒏𑓂𑒭𑒹𑒣𑒏 𑒁𑒦𑒱𑒧𑒞 𑒡𑒰𑒩𑒝 𑒏𑒩𑒥, 𑒖𑒰𑒯𑒱 𑒏𑒼𑒢𑒯𑒳 𑒏𑓂𑒭𑒹𑒞𑓂𑒩𑒮𑒿 𑒏𑒼𑒢𑒯𑒳 𑒧𑒰𑒡𑓂𑒨𑒧𑒹𑒿 𑒮𑒴𑒔𑒢𑒰 𑒂 𑒫𑒱𑒔𑒰𑒩𑒏 𑒨𑒰𑒔𑒢𑒰, 𑒂𑒠𑒰𑒢 𑒣𑓂𑒩𑒠𑒰𑒢 𑒏𑒩𑒥।
𑒁𑒢𑒳𑒔𑓂𑒕𑒹𑒠 𑓒𑓗
𑓑. 𑒣𑓂𑒩𑒞𑓂𑒨𑒹𑒏 𑒫𑓂𑒨𑒏𑓂𑒞𑒱𑒏𑒹𑒿 𑒮𑒧𑒰𑒖𑒏 𑒮𑒰𑓀𑒮𑓂𑒏𑒵𑒞𑒱𑒏 𑒖𑒲𑒫𑒢𑒧𑒹 𑒁𑒥𑒰𑒡 𑒩𑒴𑒣𑒹𑒿 𑒦𑒰𑒑 𑒪𑒹𑒥𑒰𑒏, 𑒏𑒪𑒰𑒏 𑒂𑒢𑒢𑓂𑒠 𑒪𑒹𑒥𑒰𑒏
𑒞𑒟𑒰 𑒫𑒻𑒖𑓂𑒘𑒰𑒢𑒱𑒏 𑒫𑒱𑒏𑒰𑒮𑒧𑒹 𑒂 𑒞𑒏𑒩 𑒪𑒰𑒦𑒧𑒹 𑒁𑓀𑒬 𑒣𑒋𑒥𑒰𑒏 𑒁𑒡𑒱𑒏𑒰𑒩 𑒕𑒻𑒏।
𑓒. 𑒣𑓂𑒩𑒞𑓂𑒨𑒹𑒏 𑒫𑓂𑒨𑒏𑓂𑒞𑒱𑒏𑒹𑒿 𑒁𑒣𑒢 𑒮𑒵𑒖𑒱𑒞 𑒏𑒼𑒢𑒯𑒳 𑒫𑒻𑒖𑓂𑒘𑒰𑒢𑒱𑒏, 𑒮𑒰𑒯𑒱𑒞𑓂𑒨𑒱𑒏 𑒁𑒟𑒫𑒰 𑒏𑒪𑒰𑒞𑓂𑒧𑒏 𑒏𑒵𑒞𑒱𑒮𑒿 𑒅𑒞𑓂𑒣𑒢𑓂𑒢,
𑒦𑒰𑒫𑒢𑒰𑒞𑓂𑒧𑒏 𑒫𑒰 𑒦𑒾𑒞𑒱𑒏 𑒯𑒱𑒞𑒏 𑒩𑒏𑓂𑒭𑒰𑒏 𑒁𑒡𑒱𑒏𑒰𑒩 𑒕𑒻𑒏।
𑒁𑒢𑒳𑒔𑓂𑒕𑒹𑒠𑓒𑓑
𑓑. 𑒣𑓂𑒩𑒞𑓂𑒨𑒹𑒏 𑒫𑓂𑒨𑒏𑓂𑒞𑒱𑒏𑒹𑒿 𑒁𑒣𑒢 𑒠𑒹𑒬𑒏 𑒬𑒰𑒮𑒢𑒧𑒹 𑒣𑓂𑒩𑒞𑓂𑒨𑒏𑓂𑒭𑒞𑓁 𑒦𑒰𑒑 𑒪𑒹𑒥𑒰𑒏 𑒁𑒟𑒫𑒰 𑒮𑓂𑒫𑒞𑒢𑓂𑒞𑓂𑒩 𑒩𑒴𑒣𑒹𑒿 𑒢𑒱𑒩𑓂𑒫𑒰𑒔𑒱𑒞
𑒁𑒣𑒢 𑒣𑓂𑒩𑒞𑒱𑒢𑒱𑒡𑒱 𑒠𑓂𑒫𑒰𑒩𑒰 𑒦𑒰𑒑 𑒪𑒹𑒥𑒰𑒏 𑒁𑒡𑒱𑒏𑒰𑒩 𑒕𑒻𑒏।
𑓒. 𑒣𑓂𑒩𑒞𑓂𑒨𑒹𑒏 𑒫𑓂𑒨𑒏𑓂𑒞𑒱𑒏𑒹𑒿 𑒁𑒣𑒢𑒰 𑒠𑒹𑒬𑒏 𑒪𑒼𑒏-𑒮𑒹𑒫𑒰𑒧𑒹 𑒮𑒧𑒰𑒢 𑒁𑒫𑒮𑒩 𑒣𑒋𑒥𑒰𑒏 𑒁𑒡𑒱𑒏𑒰𑒩 𑒕𑒻𑒏।
𑓓. 𑒖𑒢𑒞𑒰𑒏 𑒃𑒔𑓂𑒕𑒰 𑒬𑒰𑒮𑒏𑒲𑒨 𑒣𑓂𑒩𑒰𑒡𑒱𑒏𑒰𑒩𑒏 𑒂𑒡𑒰𑒩 𑒯𑒼𑒋𑒞। 𑒄 𑒃𑒔𑓂𑒕𑒰 𑒂𑒫𑒡𑒱𑒏 𑒂 𑒢𑒱𑒩𑓂𑒥𑒰𑒡 𑒢𑒱𑒩𑓂𑒫𑒰𑒔𑒢𑒧𑒹
𑒫𑓂𑒨𑒏𑓂𑒞 𑒏𑒋𑒪 𑒖𑒰𑒋𑒞 𑒂𑒍𑒩 𑒄 𑒢𑒱𑒩𑓂𑒫𑒰𑒔𑒢 𑒮𑒰𑒩𑓂𑒫𑒦𑒾𑒧 𑒋𑒫𑓀 𑒮𑒧𑒰𑒢 𑒧𑒞𑒰𑒡𑒱𑒏𑒰𑒩 𑒠𑓂𑒫𑒰𑒩𑒰 𑒑𑒳𑒣𑓂𑒞 𑒧𑒞𑒠𑒰𑒢𑒮𑒿
𑒯𑒼𑒋𑒞 𑒁𑒟𑒫𑒰 𑒮𑒧𑒞𑒳𑒪𑓂𑒨 𑒧𑒳𑒏𑓂𑒞 𑒧𑒞𑒠𑒰𑒢 𑒣𑓂𑒩𑒏𑓂𑒩𑒱𑒨𑒰𑒮𑒿।
𑒁𑓀𑒏𑒲𑒨 𑒫𑒰 𑒛𑒱𑒖𑒱𑒙𑒪 𑒫𑒱𑒦𑒰𑒖𑒢 𑒋𑒏𑒙𑒰 𑒖𑓂𑒘𑒰𑒢𑒏 𑒫𑒱𑒦𑒰𑒖𑒢, 𑒮𑒰𑒧𑒰𑒖𑒱𑒏 𑒫𑒱𑒦𑒰𑒖𑒢 𑒂 𑒂𑒩𑓂𑒟𑒱𑒏 𑒫𑒱𑒦𑒰𑒖𑒢 𑒠𑒹𑒐𑒥𑒻𑒞 𑒁𑒕𑒱 𑒂 𑒥𑒱𑒢𑒰 𑒦𑒹𑒠𑒦𑒰𑒫𑒏 𑒋𑒏𑒙𑒰 𑒮𑒴𑒔𑒢𑒰 𑒮𑒧𑒰𑒖𑒏 𑒢𑒱𑒩𑓂𑒧𑒰𑒝𑒏 𑒂𑒫𑒬𑓂𑒨𑒏𑒞𑒰 𑒠𑒹𑒐𑒰𑒥𑒻𑒞 𑒁𑒕𑒱, 𑒖𑒰𑒯𑒱𑒮𑒿 𑒮𑒴𑒔𑒢𑒰 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒣𑒩 𑒫𑒱𑒏𑒰𑒮𑒬𑒲𑒪 𑒠𑒹𑒬𑒏 𑒮𑒰𑒩𑓂𑒫𑒦𑒾𑒧 𑒁𑒡𑒱𑒏𑒰𑒩 𑒩𑒯𑒋।
𑒧𑒰𑒢𑒫𑒰𑒡𑒱𑒏𑒰𑒩 𑒂 𑒮𑒴𑒔𑒢𑒰 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒏 𑒧𑒡𑓂𑒨 𑒫𑓂𑒨𑒏𑓂𑒞𑒱𑒏 𑒋𑒏𑒰𑒢𑓂𑒞𑒏 𑒁𑒡𑒱𑒏𑒰𑒩 𑒮𑒹𑒯𑒼 𑒮𑒧𑓂𑒧𑒱𑒪𑒱𑒞 𑒁𑒕𑒱। 𑒫𑒱𑒠𑓂𑒫𑒰𑒢, 𑒧𑒰𑒢𑒫𑒰𑒡𑒱𑒏𑒰𑒩 𑒏𑒰𑒩𑓂𑒨𑒏𑒩𑓂𑒞𑒰 𑒂 𑒂𑒢 𑒮𑒦 𑒫𑓂𑒨𑒏𑓂𑒞𑒱 𑒠𑓂𑒫𑒰𑒩𑒰 𑒁𑒦𑒱𑒫𑓂𑒨𑒏𑓂𑒞𑒱𑒏 𑒮𑓂𑒫𑒞𑓀𑒞𑓂𑒩𑒞𑒰, 𑒮𑒴𑒔𑒢𑒰𑒏 𑒁𑒡𑒱𑒏𑒰𑒩, 𑒋𑒏𑒰𑒢𑓂𑒞𑒞𑒰, 𑒦𑒹𑒠𑒦𑒰𑒫-𑒩𑒯𑒱𑒞, 𑒮𑓂𑒞𑓂𑒩𑒲-𑒮𑒧𑒰𑒢𑒞𑒰, 𑒣𑓂𑒩𑒖𑓂𑒘𑒰𑒞𑓂𑒧𑒏 𑒮𑓀𑒣𑒞𑓂𑒞𑒱, 𑒩𑒰𑒖𑒢𑒲𑒞𑒱𑒏 𑒦𑒰𑒑𑒲𑒠𑒰𑒩𑒲 𑒂 𑒮𑓀𑒑𑒚𑒢𑒏 𑒧𑒹𑒪𑒏 𑒮𑓀𑒠𑒩𑓂𑒦𑒧𑒹 𑒂 𑒮𑒴𑒔𑒢𑒰 𑒂 𑒖𑒢𑒮𑓀𑒔𑒰𑒩 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒏 𑒮𑒢𑓂𑒠𑒩𑓂𑒦𑒧𑒹 𑒋𑒯𑒱 𑒑𑒣𑒣𑒩 𑒔𑒩𑒔𑒰 𑒬𑒳𑒩𑒴 𑒦𑒹𑒪 𑒁𑒕𑒱, 𑒖𑒹 𑒮𑒴𑒔𑒢𑒰-𑒮𑒧𑒰𑒖𑒧𑒹 𑒧𑒰𑒢𑒫𑒰𑒡𑒱𑒏𑒰𑒩𑒏𑒹𑒿 𑒥𑒪 𑒠𑒹𑒞 𑒂𑒏𑒱 𑒍𑒏𑒩𑒰 𑒯𑒰𑒢𑒱 𑒣𑒯𑒳𑒿𑒔𑒰𑒍𑒞।
𑒂𑒢𑒪𑒰𑒃𑒢 𑒣𑒞𑓂𑒩𑒰𑒔𑒰𑒩𑒏 𑒑𑒼𑒣𑒢𑒲𑒨𑒞𑒰𑒏 𑒁𑒡𑒱𑒏𑒰𑒩, 𑒁𑒢𑓂𑒞𑒩𑓂𑒖𑒰𑒪𑒏 𑒮𑒰𑒧𑒑𑓂𑒩𑒲𑒏 𑒮𑒰𑓀𑒮𑓂𑒏𑒵𑒞𑒱𑒏 𑒂 𑒦𑒰𑒭𑒰𑒨𑒲 𑒫𑒱𑒫𑒱𑒡𑒞𑒰 𑒂 𑒧𑒲𑒛𑒱𑒨𑒰 𑒬𑒱𑒏𑓂𑒭𑒰। 𑒮𑒴𑒔𑒢𑒰 𑒮𑒧𑒰𑒖𑒏 𑒞𑒏𑒢𑒲𑒏𑒲 𑒁𑒍𑒖𑒰𑒩 𑒍𑒏𑒩 𑒁𑒡𑒱𑒏𑒰𑒩 𑒂 𑒮𑓂𑒫𑒞𑓀𑒞𑓂𑒩𑒞𑒰𑒮𑒿 𑒪𑒰𑒦𑒰𑒢𑓂𑒫𑒱𑒞 𑒯𑒼𑒃𑒞 𑒁𑒕𑒱 𑒂 𑒮𑒧𑒰𑒖𑒏 𑒮𑒧𑒑𑓂𑒩 𑒫𑒱𑒏𑒰𑒮, 𑒁𑒡𑒱𑒏𑒰𑒩 𑒂 𑒮𑓂𑒫𑒞𑓀𑒞𑓂𑒩𑒞𑒰𑒏 𑒮𑒰𑒩𑓂𑒫𑒦𑒾𑒧𑒞𑒰, 𑒁𑒡𑒱𑒏𑒰𑒩𑒏 𑒂𑒣𑒮𑒲 𑒧𑒞𑒦𑒱𑒢𑓂𑒢𑒞𑒰, 𑒮𑓂𑒫𑒞𑓀𑒞𑓂𑒩𑒞𑒰 𑒂 𑒧𑒴𑒪𑓂𑒨 𑒢𑒱𑒩𑒴𑒣𑒝𑒧𑒹 𑒮𑒯𑒦𑒰𑒑𑒲 𑒯𑒼𑒃𑒞 𑒁𑒕𑒱।

𑒋𑒯𑒱𑒮𑒿 𑒮𑒴𑒔𑒢𑒰, 𑒖𑓂𑒘𑒰𑒢 𑒂 𑒮𑓀𑒮𑓂𑒏𑒵𑒞𑒱𑒧𑒹 𑒮𑒩𑒪 𑒣𑒃𑒚𑒏 𑒫𑒰𑒞𑒰𑒫𑒩𑒝 𑒥𑒢𑒻𑒞 𑒁𑒕𑒱 𑒂 𑒄 𑒅𑒣𑒨𑒼𑒑𑒏𑒩𑓂𑒞𑒰𑒏𑒹𑒿 𑒫𑒻𑒬𑓂𑒫𑒱𑒏 𑒮𑒴𑒔𑒢𑒰 𑒮𑒧𑒰𑒖𑒏 𑒁𑒦𑒱𑒢𑒹𑒞𑒰𑒏 𑒩𑒴𑒣𑒧𑒹 𑒣𑒩𑒱𑒝𑒞 𑒏𑒩𑒻𑒞 𑒁𑒕𑒱। 𑒏𑒰𑒩𑒝 𑒄 𑒅𑒣𑒨𑒼𑒑𑒏𑒩𑓂𑒞𑒰𑒏𑒹𑒿 𑒣𑒯𑒱𑒢𑒹𑒮𑒿 𑒥𑒹𑒬𑒲 𑒁𑒦𑒱𑒫𑓂𑒨𑒏𑓂𑒞𑒱𑒏 𑒮𑓂𑒫𑒞𑓀𑒞𑓂𑒩𑒞𑒰 𑒂 𑒢𑒫 𑒮𑒰𑒧𑒑𑓂𑒩𑒲 𑒂 𑒢𑒫 𑒮𑒰𑒧𑒰𑒖𑒱𑒏 𑒁𑒢𑓂𑒞𑒩𑓂𑒖𑒰𑒪-𑒞𑓀𑒞𑓂𑒩 𑒢𑒱𑒩𑓂𑒧𑒰𑒝 𑒏𑒩𑒥𑒰𑒏 𑒮𑒰𑒧𑒩𑓂𑒟𑓂𑒨 𑒠𑒻𑒞 𑒁𑒕𑒱। 𑒋𑒯𑒱𑒮𑒿 𑒋𑒏𑒙𑒰 𑒢𑒫 𑒫𑒱𑒡𑒱, 𑒂𑒩𑓂𑒟𑒱𑒏 𑒂 𑒮𑒰𑒧𑒰𑒖𑒱𑒏 𑒧𑒰𑒛𑒹𑒪𑒏 𑒂𑒫𑒬𑓂𑒨𑒏𑒞𑒰 𑒮𑒹𑒯𑒼 𑒁𑒢𑒴𑒦𑒴𑒞 𑒏𑒋𑒪 𑒖𑒰 𑒩𑒯𑒪 𑒁𑒕𑒱 𑒖𑒰𑒯𑒱 𑒧𑒹 𑒮𑒰𑒗𑒲 𑒏𑒩𑓂𑒞𑒫𑓂𑒨, 𑒖𑓂𑒘𑒰𑒢 𑒂 𑒮𑒧𑒗 𑒂𑒡𑒰𑒩 𑒥𑒢𑒞। 𑒥𑒔𑓂𑒔𑒰𑒏 𑒯𑒱𑒞 𑒋𑒏𑒙𑒰 𑒂𑒩 𑒔𑒱𑒢𑓂𑒞𑒰 𑒁𑒕𑒱 𑒖𑒹 𑒣𑒻𑒒𑒏 𑒯𑒱𑒞𑒮𑒿 𑒮𑒩𑓂𑒫𑒠𑒰 𑒆𑒣𑒩 𑒩𑒐𑒥𑒰𑒏 𑒔𑒰𑒯𑒲।
𑒂𑒡𑒳𑒢𑒱𑒏 𑒮𑒧𑒰𑒖𑒏 𑒂𑒩𑓂𑒟𑒱𑒏, 𑒮𑒰𑒧𑒰𑒖𑒱𑒏 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒡𑒢 𑒋𑒏𑒞𑓂𑒩 𑒏𑒩𑒥𑒰𑒏 𑒣𑓂𑒩𑒫𑒵𑒞𑓂𑒞𑒱 𑒮𑒴𑒔𑒢𑒰 𑒮𑒧𑒰𑒖𑒧𑒹 𑒥𑒜𑓃𑒪 𑒁𑒕𑒱 𑒂 𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒋𑒏𑒙𑒰 𑒂𑒡𑒰𑒩𑒦𑒴𑒞 𑒥𑒹𑒩𑒼𑒖𑒑𑒰𑒩𑒲 𑒁𑒢𑒪𑒏 𑒁𑒕𑒱।
𑒑𑒩𑒲𑒥𑒲, 𑒧𑒖𑒠𑒴𑒩𑒏 𑒁𑒡𑒱𑒏𑒰𑒩 𑒂 𑒏𑒪𑓂𑒨𑒰𑒝𑒏𑒰𑒩𑒲 𑒩𑒰𑒖𑓂𑒨𑒏 𑒮𑓀𑒏𑒪𑓂𑒣𑒢𑒰, 𑒪𑒰𑒦-𑒯𑒰𑒢𑒱𑒏 𑒂𑒑𑒰𑒿 𑒏𑒞𑒯𑒳 𑒣𑒰𑒕𑒰𑒿 𑒕𑒴𑒙𑒪 𑒖𑒰 𑒩𑒯𑒪 𑒁𑒕𑒱। 𑒂𑒥 𑒧𑒰𑒞𑓂𑒩 𑒏𑒱𑒕𑒳𑒋 𑒁𑒦𑒱𑒢𑒹𑒞𑒰 𑒔𑒰𑒯𑒲, 𑒣𑓂𑒩𑒏𑒰𑒬𑒏 𑒪𑒼𑒏𑒢𑒱 𑒮𑒹𑒯𑒼 𑒧𑒰𑒞𑓂𑒩 𑒏𑒱𑒕𑒳 𑒥𑒹𑒬𑒲 𑒥𑒱𑒏𑒋𑒥𑒪𑒰 𑒣𑒼𑒟𑒲𑒏 𑒪𑒹𑒐𑒏𑒏 𑒣𑓂𑒩𑒔𑒰𑒩 𑒏𑒩𑒻𑒞 𑒕𑒟𑒱। 𑒨𑒻𑒯 𑒮𑓂𑒟𑒱𑒞𑒱 𑒩𑓀𑒑𑒧𑓀𑒔, 𑒣𑒹𑓀𑒙𑒱𑓀𑒑 , 𑒮𑒱𑒢𑒹𑒧𑒰 𑒂 𑒂𑒢-𑒂𑒢 𑒏𑓂𑒭𑒹𑒞𑓂𑒩𑒧𑒹 𑒮𑒹𑒯𑒼 𑒠𑒵𑒭𑓂𑒙𑒱𑒑𑒼𑒔𑒩 𑒦𑓄 𑒩𑒯𑒪 𑒁𑒕𑒱। 𑒮𑒴𑒔𑒢𑒰 𑒮𑒩𑓂𑒫𑒠𑒰 𑒪𑒰𑒦𑒏𑒰𑒩𑒲 𑒢𑒯𑒱 𑒯𑒼𑒃𑒞 𑒁𑒕𑒱। 𑒄 𑒧𑒰𑒞𑓂𑒩 𑒏𑒪𑒰, 𑒑𑓂𑒩𑓀𑒟 𑒡𑒩𑒱 𑒮𑒲𑒧𑒱𑒞 𑒢𑒯𑒱 𑒁𑒕𑒱 𑒫𑒩𑒢 𑒮𑒙𑓂𑒙𑒰 𑒥𑒰𑒖𑒰𑒩 𑒂 𑒣𑓂𑒩𑒰𑒨𑒼𑒖𑒱𑒞 𑒮𑒩𑓂𑒫𑒹𑒏𑓂𑒭𑒝 𑒩𑒣𑒙 𑒮𑒹𑒯𑒼 𑒋𑒯𑒱𑒧𑒹 𑒮𑒧𑓂𑒧𑒱𑒪𑒱𑒞 𑒁𑒕𑒱। 𑒮𑒧𑒨 𑒂 𑒮𑓂𑒟𑒰𑒢𑒏 𑒥𑒲𑒔𑒏 𑒠𑒴𑒩𑒲𑒏𑒹𑒿 𑒄 𑒏𑒧 𑒏𑒩𑒻𑒞 𑒁𑒕𑒱 𑒂 𑒠𑒳𑒢𑒴𑒏 𑒥𑒲𑒔𑒧𑒹 𑒋𑒏𑒙𑒰 𑒮𑒢𑓂𑒞𑒳𑒪𑒢 𑒥𑒢𑒥𑒻𑒞 𑒁𑒕𑒱।
𑒧𑒰𑒢𑒫𑒏 𑒑𑒩𑒱𑒧𑒰 𑒧𑒰𑒢𑒫𑒏 𑒖𑒢𑓂𑒧 𑒂𑒡𑒰𑒩𑒱𑒞 𑒮𑒰𑒧𑒰𑒖𑒱𑒏 𑒮𑓂𑒟𑒰𑒢𑒮𑒿 𑒯𑒙𑒱 𑒏𑓄 𑒧𑒰𑒢𑒫𑒏 𑒑𑒩𑒱𑒧𑒰𑒏 𑒁𑒡𑒱𑒏𑒰𑒩𑒣𑒩 𑒥𑒪 𑒠𑒻𑒞 𑒁𑒕𑒱। 𑒧𑒳𑒏𑓂𑒞𑒱 𑒂 𑒮𑓂𑒞𑓂𑒩𑒲-𑒧𑒳𑒏𑓂𑒞𑒱 𑒂𑒢𑓂𑒠𑒼𑒪𑒢 𑒋𑒯𑒱 𑒠𑒱𑒬𑒰𑒏 𑒣𑓂𑒩𑒨𑒰𑒮 𑒁𑒕𑒱।
𑒮𑒴𑒔𑒢𑒰𑒏 𑒮𑓂𑒫𑒞𑓀𑒞𑓂𑒩 𑒅𑒣𑒨𑒼𑒑 𑒮𑒲𑒧𑒱𑒞 𑒁𑒕𑒱, 𑒪𑒼𑒏𑒏 𑒋𑒏𑒰𑒢𑓂𑒞 𑒐𑒞𑒧 𑒦𑓄 𑒩𑒯𑒪 𑒁𑒕𑒱। 𑒥𑒱𑒪 𑒑𑒹𑒙𑓂𑒮𑒮𑒿 𑒖𑒐𑒢 𑒯𑒳𑒢𑒏𑒩 𑒦𑒰𑒩𑒞 𑒨𑒰𑒞𑓂𑒩𑒰𑒏 𑒏𑓂𑒩𑒧𑒧𑒹 𑒣𑒴𑒕𑒪 𑒑𑒹𑒪 𑒕𑒪𑒢𑓂𑒯𑒱 𑒖𑒹 𑒧𑒰𑒃𑒏𑓂𑒩𑒼𑒮𑒰𑒤𑓂𑒙𑒏 𑒋𑒏𑓂𑒮-𑒥𑒰𑒏𑓂𑒮 𑒦𑒰𑒩𑒞𑒧𑒹 𑒣𑒰𑒃𑒩𑒹𑒮𑒲𑒏 𑒛𑒩𑒮𑒿 𑒠𑒹𑒩𑒲𑒮𑒿 𑒅𑒞𑒰𑒩𑒪 𑒑𑒹𑒪 𑒞𑒿 𑒍 𑒏𑒯𑒢𑒹 𑒩𑒯𑒟𑒱 𑒖𑒹 𑒧𑒰𑒃𑒏𑓂𑒩𑒼𑒮𑒰𑒤𑓂𑒙 𑒏𑒯𑒱𑒨𑒼 𑒏𑒼𑒢𑒼 𑒅𑒞𑓂𑒣𑒰𑒠 𑒣𑒰𑒃𑒩𑒹𑒮𑒲𑒏 𑒛𑒩𑒮𑒿 𑒠𑒹𑒩𑒲𑒮𑒿 𑒢𑒯𑒱 𑒂𑒢𑒪𑒏। 𑒮𑓂𑒣𑒻𑒧 𑒂 𑒣𑒰𑒃𑒩𑒹𑒮𑒲𑒏 𑒛𑒩 𑒐𑒞𑒧 𑒯𑒼𑒋𑒥𑒰𑒏 𑒔𑒰𑒯𑒲।
𑒮𑒴𑒔𑒢𑒰 𑒮𑒧𑒰𑒖 𑒫𑒻𑒯 𑒮𑒧𑒰𑒖 𑒕𑒲 𑒖𑒏𑒩 𑒥𑒲𑒔𑒧𑒹 𑒯𑒧 𑒮𑒦 𑒩𑒯𑒱 𑒩𑒯𑒪 𑒕𑒲। 𑒪𑒼𑒏𑒞𑓀𑒞𑓂𑒩 𑒂 𑒧𑒰𑒢𑒫𑒰𑒡𑒱𑒏𑒰𑒩𑒏 𑒮𑒧𑓂𑒧𑒰𑒢 𑒮𑒴𑒔𑒢𑒰-𑒮𑒧𑒰𑒖 𑒂 𑒅𑒞𑓂𑒞𑒩 𑒮𑒴𑒔𑒢𑒰-𑒮𑒧𑒰𑒖𑒧𑒹 𑒯𑒼𑒃𑒞 𑒩𑒯𑒞। 𑒁𑒦𑒱𑒫𑓂𑒨𑒏𑓂𑒞𑒱𑒏 𑒮𑓂𑒫𑒞𑓀𑒞𑓂𑒩𑒞𑒰, 𑒋𑒏𑒰𑒢𑓂𑒞𑒏 𑒁𑒡𑒱𑒏𑒰𑒩, 𑒮𑒴𑒔𑒢𑒰 𑒮𑒰𑒗𑒲 𑒏𑒩𑒥𑒰𑒏 𑒁𑒡𑒱𑒏𑒰𑒩 𑒂 𑒮𑒴𑒔𑒢𑒰 𑒡𑒩𑒱 𑒣𑒯𑒳𑒿𑒔𑒏 𑒁𑒡𑒱𑒏𑒰𑒩 𑒖𑒹 𑒮𑒴𑒔𑒢𑒰𑒏 𑒮𑓀𑒔𑒰𑒩𑒮𑒿 𑒮𑒧𑓂𑒥𑒢𑓂𑒡𑒱𑒞 𑒁𑒕𑒱, 𑒄 𑒮𑒦 𑒩𑒰𑒖𑓂𑒨 𑒠𑓂𑒫𑒰𑒩𑒰 𑒂 𑒮𑒴𑒔𑒢𑒰-𑒮𑒧𑒰𑒖𑒏 𑒥𑒰𑒖𑒰𑒩𑒫𑒰𑒠𑒲 𑒗𑒳𑒏𑒰𑒫𑒏 𑒏𑒰𑒩𑒝 𑒐𑒞𑒩𑒰𑒏 𑒁𑒢𑒳𑒦𑒴𑒞𑒱𑒮𑒿 𑒞𑓂𑒩𑒮𑓂𑒞 𑒁𑒕𑒱।
𑒁𑒢𑓂𑒞𑒩𑓂𑒖𑒰𑒪 𑒪𑒼𑒏𑒏 𑒧𑒲𑒛𑒱𑒂 𑒁𑒕𑒱 𑒂 𑒋𑒏𑒙𑒰 𑒋𑒯𑒢 𑒣𑓂𑒩𑒝𑒰𑒪𑒲 𑒁𑒕𑒱 𑒖𑒹 𑒪𑒼𑒏𑒏 𑒥𑒲𑒔 𑒮𑒧𑓂𑒫𑒰𑒠 𑒮𑓂𑒟𑒰𑒣𑒱𑒞 𑒏𑒩𑒻𑒞 𑒁𑒕𑒱। 𑒋𑒯𑒱𑒮𑒿 𑒮𑓀𑒔𑒰𑒩-𑒧𑒰𑒡𑓂𑒨𑒧𑒏 𑒧𑒚𑒰𑒡𑒲𑒬 𑒪𑒼𑒏𑒢𑒱𑒏 𑒑𑒜𑓃 𑒙𑒳𑒙𑒻𑒞 𑒁𑒕𑒱।
𑒁𑒢𑓂𑒞𑒩𑓂𑒖𑒰𑒪𑒧𑒹 𑒮𑒰𑒧𑒰𑒢𑓂𑒨 𑒩𑒴𑒣𑒮𑒿 𑒮𑒧𑓂𑒣𑒰𑒠𑒏 𑒢𑒯𑒱 𑒯𑒼𑒃𑒞 𑒕𑒟𑒱। 𑒋𑒞𑒋 𑒪𑒼𑒏 𑒫𑒱𑒭𑒨𑒏 𑒂 𑒮𑒰𑒧𑒑𑓂𑒩𑒲𑒏 𑒢𑒱𑒩𑓂𑒧𑒰𑒝 𑒏𑒋 𑒮𑓂𑒫𑒨𑓀 𑒍𑒏𑒩 𑒮𑓀𑒔𑒰𑒩 𑒏𑒩𑒻𑒞 𑒕𑒟𑒱। 𑒋𑒯𑒱𑒮𑒿 𑒏𑒞𑒹𑒏 𑒩𑒰𑒮 𑒮𑒰𑒧𑒰𑒖𑒱𑒏 𑒮𑒧𑓂𑒫𑒰𑒠𑒏 𑒣𑓂𑒩𑒰𑒩𑒧𑓂𑒦 𑒯𑒼𑒃𑒞 𑒁𑒕𑒱। 𑒧𑒳𑒠𑒰 𑒏𑒞𑒹𑒏 𑒩𑒰𑒮 𑒮𑒧𑒰𑒖-𑒫𑒱𑒩𑒼𑒡𑒲 𑒮𑒰𑒧𑒑𑓂𑒩𑒲 𑒮𑒹𑒯𑒼 𑒁𑒥𑒻𑒞 𑒁𑒕𑒱। 𑒞𑒿 𑒏𑒲 𑒍𑒯𑒱𑒣𑒩 𑒣𑓂𑒩𑒞𑒱𑒥𑒢𑓂𑒡 𑒯𑒼𑒋𑒥𑒰𑒏 𑒔𑒰𑒯𑒲। 𑒧𑒳𑒠𑒰 𑒖𑒹 𑒮𑒰𑒤𑓂𑒙𑒫𑒹𑒨𑒩𑒏 𑒧𑒰𑒡𑓂𑒨𑒧𑒮𑒿 𑒧𑒬𑒲𑒢𑒏𑒹𑒿 𑒮𑒰𑒧𑒑𑓂𑒩𑒲𑒣𑒩 𑒣𑓂𑒩𑒞𑒱𑒥𑒢𑓂𑒡 𑒪𑒑𑒹𑒥𑒰𑒏 𑒁𑒡𑒱𑒏𑒰𑒩 𑒠𑒹𑒥, 𑒞𑒐𑒢 𑒄 𑒁𑒦𑒱𑒫𑓂𑒨𑒏𑓂𑒞𑒱𑒏 𑒮𑓂𑒫𑒞𑓀𑒞𑓂𑒩𑒞𑒰𑒣𑒩 𑒣𑒻𑒒 𑒂𑒒𑒰𑒞 𑒯𑒼𑒋𑒞।
𑒥𑒾𑒠𑓂𑒡𑒱𑒏 𑒮𑒧𑓂𑒣𑒠𑒰𑒏 𑒁𑒡𑒱𑒏𑒰𑒩 𑒪𑒹𑒐𑒏𑒏𑒹𑒿 𑒧𑒵𑒞𑓂𑒨𑒳𑒏 𑓖𑓐 𑒥𑒩𑒐 𑒥𑒰𑒠𑒼 𑒣𑓂𑒩𑒏𑒰𑒬𑒢 𑒂 𑒫𑒱𑒞𑒩𑒝𑒏 𑒁𑒡𑒱𑒏𑒰𑒩 𑒠𑒻𑒞 𑒁𑒕𑒱। 𑒁𑒢𑓂𑒞𑒩𑓂𑒖𑒰𑒪𑒧𑒹 𑒮𑒹𑒯𑒼 𑒣𑒰𑒃𑒩𑒹𑒮𑒲𑒏𑒹𑒿 𑒣𑓂𑒩𑒞𑒱𑒥𑒢𑓂𑒡𑒱𑒞 𑒏𑒩𑒋 𑒣𑒛𑓃𑒞 𑒂 𑒏𑒧𑒮𑒿 𑒏𑒧 𑒪𑒹𑒐𑒏𑒏 𑒧𑒵𑒞𑓂𑒨𑒳𑒏 𑓒𑓐 𑒥𑒩𑒐 𑒥𑒰𑒠 𑒡𑒩𑒱 𑒪𑒹𑒐𑒏𑒏 𑒁𑒡𑒱𑒏𑒰𑒩 𑒍𑒏𑒩 𑒮𑒰𑒧𑒑𑓂𑒩𑒲𑒣𑒩 𑒩𑒯𑒋, 𑒮𑒹 𑒫𑓂𑒨𑒫𑒮𑓂𑒟𑒰 𑒏𑒩𑒋 𑒣𑒛𑓃𑒞। 𑒧𑒳𑒠𑒰 𑒣𑒹𑒙𑒹𑒢𑓂𑒙𑒏 𑒥𑒹𑒬𑒲 𑒣𑓂𑒩𑒨𑒼𑒑 𑒫𑒱𑒏𑒰𑒬𑒮𑒲𑒪 𑒠𑒹𑒬𑒏 𑒮𑒴𑒔𑒢𑒰 𑒁𑒦𑒱𑒑𑒧𑒢𑒧𑒹 𑒥𑒰𑒡𑒏 𑒯𑒼𑒋𑒞 𑒂 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒏 𑒫𑒱𑒏𑒰𑒮𑒧𑒹 𑒮𑒹𑒯𑒼 𑒥𑒰𑒡𑒰 𑒣𑒯𑒳𑒿𑒔𑒰𑒍𑒞।
𑒏𑒰𑒣𑒲𑒩𑒰𑒃𑒙𑒮𑒿 𑒮𑒰𑓀𑒮𑓂𑒏𑒵𑒞𑒱𑒏 𑒫𑒱𑒏𑒰𑒮 𑒧𑒳𑒠𑒰 𑒯𑒼𑒋𑒞, 𑒖𑒹𑒢𑒰 𑒮𑓀𑒑𑒲𑒞, 𑒤𑒱𑒪𑓂𑒧, 𑒂 𑒔𑒱𑒞𑓂𑒩-𑒬𑒵𑓀𑒐𑒪𑒰(𑒏𑒰𑒧𑒱𑒏𑓂𑒮)𑒏 𑒫𑒱𑒏𑒰𑒮। 𑒛𑒱𑒖𑒱𑒙𑒪 𑒫𑒰𑒞𑒰𑒫𑒩𑒝𑒧𑒹 𑒣𑓂𑒩𑒞𑒱𑒏𑒵𑒞𑒱𑒏 𑒥𑒱𑒢𑒰 𑒁𑒯𑒰𑒿 𑒁𑒢𑓂𑒞𑒩𑓂𑒖𑒰𑒪𑒣𑒩 𑒮𑒹𑒯𑒼 𑒮𑒰𑒧𑒑𑓂𑒩𑒲 𑒢𑒯𑒱 𑒠𑒹𑒐𑒱 𑒮𑒏𑒥, 𑒮𑒹 𑒂𑒤-𑒪𑒰𑒃𑒢 𑒏𑒰𑒣𑒲𑒩𑒰𑒃𑒙 𑒂 𑒂𑒢𑒪𑒰𑒃𑒢 𑒏𑒰𑒣𑒲𑒩𑒰𑒃𑒙 𑒠𑒳𑒢𑒴 𑒧𑒹 𑒟𑒼𑒛𑓃𑒥𑒹𑒏 𑒁𑒢𑓂𑒞𑒩 𑒁𑒕𑒱। 𑒂𑒢𑒪𑒰𑒃𑒢 𑒏𑒰𑒣𑒲𑒩𑒰𑒃𑒙 𑒣𑓂𑒩𑒞𑒱𑒏𑒵𑒞𑒱𑒏𑒹𑒿 𑒮𑒹𑒯𑒼 𑒣𑓂𑒩𑒞𑒱𑒥𑒢𑓂𑒡𑒱𑒞 𑒏𑒩𑒻𑒞 𑒁𑒕𑒱। 𑒂 𑒣𑓂𑒩𑒞𑒱𑒏𑒵𑒞𑒱 𑒏𑒋𑒪 𑒮𑒰𑒧𑒑𑓂𑒩𑒲𑒏𑒹𑒿 𑒠𑒼𑒮𑒩 𑒫𑒮𑓂𑒞𑒳𑒧𑒹 𑒖𑒼𑒛𑓃𑒥 𑒫𑒰 𑒮𑓀𑒬𑒼𑒡𑒱𑒞 𑒏𑒩𑒥 𑒮𑒹𑒯𑒼 𑒥𑒛𑓂𑒛 𑒮𑒩𑒪 𑒁𑒕𑒱। 𑒮𑒹 𑒢𑒰𑒧 𑒂 𑒔𑒱𑒞𑓂𑒩 𑒥𑒱𑒢𑒰 𑒍𑒏𑒩 𑒢𑒱𑒩𑓂𑒧𑒰𑒞𑒰𑒏 𑒁𑒢𑒳𑒧𑒞𑒱𑒏 𑒢𑒯𑒱 𑒣𑓂𑒩𑒨𑒼𑒑 𑒯𑒼𑒁𑒋, 𑒠𑒼𑒮𑒩𑒰𑒏 𑒫𑓂𑒨𑒏𑓂𑒞𑒱𑒑𑒞 𑒫𑒰𑒩𑓂𑒞𑒰𑒪𑒰𑒣-𑒔𑒻𑒙𑒱𑓀𑒑-𑒧𑒹 𑒯𑒮𑓂𑒞𑒏𑓂𑒭𑒹𑒣 𑒢𑒯𑒱 𑒯𑒼𑒁𑒋 𑒂 𑒠𑒼𑒮𑒩𑒰𑒏 𑒫𑒱𑒩𑒳𑒠𑓂𑒡 𑒏𑒼𑒢𑒼 𑒋𑒯𑒢 𑒥𑒨𑒰𑒢𑒥𑒰𑒖𑒲 𑒢𑒯𑒱 𑒯𑒼𑒁𑒋 𑒖𑒰𑒯𑒱𑒮𑒿 𑒏𑒼𑒢𑒼 𑒫𑓂𑒨𑒏𑓂𑒞𑒱𑒏 𑒫𑒱𑒩𑒳𑒠𑓂𑒡 𑒑𑒪𑒞 𑒡𑒰𑒩𑒝𑒰 𑒥𑒢𑒋। 𑒞𑒯𑒱𑒢𑒰 𑒢𑒾𑒏𑒩𑒲-𑒣𑓂𑒩𑒠𑒰𑒞𑒰 𑒏𑒼𑒢𑒼 𑒣𑓂𑒩𑒏𑒰𑒩𑒏 𑒃𑒪𑒹𑒏𑓂𑒙𑓂𑒩𑒰𑒢𑒱𑒏 𑒅𑒣𑒏𑒩𑒝 𑒁𑒣𑒢 𑒏𑒩𑓂𑒧𑒔𑒰𑒩𑒲𑒏 𑒢𑒱𑒨𑒢𑓂𑒞𑓂𑒩𑒝 𑒪𑒹𑒪 𑒪𑒑𑒥𑒻𑒞 𑒁𑒕𑒱 𑒞𑒿 𑒮𑒹 𑒁𑒢𑓂𑒞𑒩𑓂𑒩𑒰𑒭𑓂𑒙𑓂𑒩𑒲𑒨 𑒬𑓂𑒩𑒧 𑒮𑓀𑒒𑒏 𑒠𑒱𑒬𑒰-𑒢𑒱𑒩𑓂𑒠𑒹𑒬𑒏 𑒁𑒢𑒳𑒩𑒴𑒣 𑒯𑒼𑒋𑒥𑒰𑒏 𑒔𑒰𑒯𑒲। 𑒄-𑒣𑒞𑓂𑒩𑒧𑒹 𑒁𑒢𑒣𑒹𑒏𑓂𑒭𑒱𑒞 𑒮𑒢𑓂𑒠𑒹𑒬 𑒂 𑒔𑒱𑒏𑒱𑒞𑓂𑒮𑒏𑒲𑒨 𑒩𑒱𑒣𑒼𑒩𑓂𑒙𑒏 𑒁𑒢𑒣𑒹𑒏𑓂𑒭𑒱𑒞 𑒮𑓀𑒑𑓂𑒩𑒯 𑒂 𑒅𑒣𑒨𑒼𑒑 𑒮𑒹𑒯𑒼 𑒧𑒰𑒢𑒫𑒰𑒡𑒱𑒏𑒰𑒩𑒏 𑒯𑒢𑒢 𑒁𑒕𑒱।
𑒁𑒢𑓂𑒞𑒩𑓂𑒖𑒰𑒪𑒏 𑒅𑒣𑒨𑒼𑒑 𑒧𑒳𑒠𑒰 𑒮𑒲𑒧𑒱𑒞 𑒁𑒕𑒱, 𑒏𑒰𑒩𑒝 𑒥𑒯𑒳𑒞 𑒩𑒰𑒮 𑒮𑒰𑒧𑒑𑓂𑒩𑒲 𑒂 𑒞𑓀𑒞𑓂𑒩𑒰𑓀𑒬 𑒧𑓀𑒑𑒢𑒲𑒧𑒹 𑒅𑒣𑒪𑒥𑓂𑒡 𑒢𑒯𑒱 𑒁𑒕𑒱 𑒂 𑒧𑒯𑒑 𑒁𑒕𑒱, 𑒛𑒱𑒖𑒱𑒙𑒪 𑒫𑒱𑒦𑒰𑒖𑒢 𑒬𑒱𑒏𑓂𑒭𑒰𑒏 𑒮𑓂𑒞𑒩𑒏𑒹𑒿 𑒂𑒩 𑒥𑒹𑒬𑒲 𑒠𑒹𑒐𑒰𑒩 𑒏𑒩𑒻𑒞 𑒁𑒕𑒱। 𑒬𑒰𑒩𑒲𑒩𑒱𑒏 𑒬𑓂𑒩𑒧𑒏 𑒥𑒠𑒪𑒰𑒧𑒹 𑒧𑒰𑒢𑒮𑒱𑒏 𑒬𑓂𑒩𑒧𑒏 𑒋𑒞𑒋 𑒥𑒹𑒬𑒲 𑒅𑒣𑒨𑒼𑒑 𑒯𑒼𑒃𑒞 𑒁𑒕𑒱, 𑒮𑒹 𑒄 𑒂𑒬𑒰 𑒩𑒯𑒋 𑒖𑒹 𑒮𑓂𑒞𑓂𑒩𑒲-𑒁𑒮𑒧𑒰𑒢𑒞𑒰 𑒮𑒴𑒔𑒢𑒰-𑒮𑒧𑒰𑒖𑒧𑒹 𑒒𑒙𑒞। 𑒧𑒳𑒠𑒰 𑒮𑒩𑓂𑒫𑒹𑒏𑓂𑒭𑒝 𑒠𑒹𑒐𑒥𑒻𑒞 𑒁𑒕𑒱 𑒖𑒹 𑒧𑒯𑒱𑒪𑒰𑒏 𑒣𑒃𑒚 𑒮𑒴𑒔𑒢𑒰 𑒣𑓂𑒩𑒾𑒠𑓂𑒨𑒼𑒑𑒱𑒏𑒲𑒧𑒹 𑒏𑒧 𑒕𑒢𑓂𑒯𑒱।
𑒃𑒪𑒹𑒏𑓂𑒙𑓂𑒩𑒰𑒢𑒱𑒏 𑒪𑒰𑒃𑒥𑓂𑒩𑒹𑒩𑒲 𑒂 𑒥𑓂𑒩𑒹𑒪-𑒃𑒢𑒹𑒥𑒪 𑒏𑒋𑒪/ 𑒡𑓂𑒫𑒢𑒱-𑒃𑒢𑒹𑒥𑒪 𑒏𑒋𑒪 𑒏𑒧𑓂𑒣𑓂𑒨𑒴𑒙𑒩 𑒮𑓂𑒏𑓂𑒩𑒲𑒢/ 𑒃𑒪𑒹𑒏𑓂𑒙𑓂𑒩𑒰𑒢𑒱𑒏 𑒪𑒰𑒃𑒥𑓂𑒩𑒹𑒩𑒲 𑒫𑒱𑒏𑒪𑒰𑓀𑒑 𑒂 𑒁𑒢𑓂𑒡 𑒫𑒱𑒏𑒪𑒰𑓀𑒑 𑒪𑒹𑒪 𑒒𑒩 𑒣𑒩 𑒩𑒯𑒱 𑒄-𑒫𑒰𑒝𑒱𑒖𑓂𑒨 𑒏𑒩𑒥𑒰𑒧𑒹 𑒮𑒯𑒰𑒨𑒞𑒰 𑒠𑒻𑒞, 𑒧𑒳𑒠𑒰 𑒋𑒯𑒱 𑒏𑓂𑒭𑒹𑒞𑓂𑒩𑒧𑒹 𑒏𑒋𑒪 𑒬𑒼𑒡 𑒂 𑒍𑒏𑒩 𑒣𑒩𑒱𑒝𑒰𑒧 𑒧𑒯𑒑 𑒩𑒯𑒥𑒰𑒏 𑒏𑒰𑒩𑒝𑒮𑒿 𑒍𑒞𑒹𑒏 𑒪𑒰𑒦 𑒢𑒯𑒱 𑒠𑓄 𑒮𑒏𑒪 𑒁𑒕𑒱।
𑒥𑒰𑒪, 𑒫𑒵𑒠𑓂𑒡, 𑒫𑒱𑒏𑒪𑒰𑓀𑒑, 𑒮𑓂𑒞𑓂𑒩𑒲, 𑒏𑒰𑒧𑒑𑒰𑒩, 𑒣𑓂𑒩𑒫𑒰𑒮𑒲-𑒏𑒰𑒧𑒑𑒰𑒩 𑒂 𑒠𑒼𑒮𑒩 𑒮𑒰𑒧𑒰𑒖𑒱𑒏 𑒩𑒴𑒣𑒮𑒿 𑒁𑒥𑓂𑒥𑒪 𑒫𑒩𑓂𑒑 𑒮𑒴𑒔𑒢𑒰 𑒮𑒧𑒰𑒖𑒧𑒹 𑒮𑒹𑒯𑒼 𑒁𑒣𑒢𑒰𑒏𑒹𑒿 𑒁𑒥𑓂𑒥𑒪 𑒁𑒢𑒳𑒦𑒫 𑒏𑒩𑒻𑒞 𑒕𑒟𑒱।

𑒮𑒰𑒩𑓂𑒫𑒦𑒾𑒧 𑒧𑒰𑒢𑒫𑒰𑒡𑒱𑒏𑒰𑒩 𑒒𑒼𑒭𑒝𑒰𑒏 𑒁𑒢𑒳𑒔𑓂𑒕𑒹𑒠 𑓑𑓒 𑒋𑒏𑒰𑒢𑓂𑒞𑒞𑒰 [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒁𑒢𑓂𑒞𑒩𑓂𑒑𑒞𑒰 𑒣𑒰𑒮 𑒏𑒋𑒪 𑒏𑒼𑒢𑒼 𑒫𑒱𑒡𑒱 𑒖𑒹 𑒮𑓀𑒮𑒠 𑒠𑓂𑒫𑒰𑒩𑒰 𑒣𑒰𑒩𑒱𑒞 𑒯𑒼𑒃𑒞 𑒁𑒕𑒱, 𑒠𑓂𑒫𑒰𑒩𑒰 𑒮𑒦 𑒩𑒏𑓂𑒭𑒱𑒞 𑒁𑒕𑒱], 𑒁𑒢𑒳𑒔𑓂𑒕𑒹𑒠 𑓑𑓘 𑒋𑒏𑒰𑒢𑓂𑒞𑒧𑒹 𑒬𑒱𑒏𑓂𑒭𑒝 𑒂 𑒫𑒱𑒔𑒰𑒩𑒏 𑒮𑓂𑒫𑒞𑓀𑒞𑓂𑒩𑒞𑒰 [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓒𑓕(𑓑)], 𑒁𑒢𑒳𑒔𑓂𑒕𑒹𑒠 𑓑𑓙 𑒏𑒼𑒢𑒯𑒳 𑒏𑓂𑒭𑒹𑒞𑓂𑒩𑒮𑒿 𑒏𑒼𑒢𑒯𑒳 𑒧𑒰𑒡𑓂𑒨𑒧𑒹𑒿 𑒮𑒴𑒔𑒢𑒰 𑒂 𑒫𑒱𑒔𑒰𑒩𑒏 𑒨𑒰𑒔𑒢𑒰, 𑒂𑒠𑒰𑒢 𑒣𑓂𑒩𑒠𑒰𑒢 𑒏𑒩𑒥𑒰𑒏 𑒁𑒡𑒱𑒏𑒰𑒩 [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓑𑓙 (a)], 𑒂 𑒁𑒢𑒳𑒔𑓂𑒕𑒹𑒠 𑓒𑓑 (𑓑) [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓓𑓒𑓕], 𑒁𑒢𑒳𑒔𑓂𑒕𑒹𑒠 𑓒𑓑 (𑓒) [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓓𑓒𑓖] 𑒂 𑒁𑒢𑒳𑒔𑓂𑒕𑒹𑒠 𑓒𑓑(𑓓) [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓑𑓖(𑓑) 𑒂 𑓑𑓖(𑓒)], 𑒁𑒢𑒳𑒔𑓂𑒕𑒹𑒠 𑓒𑓗 [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓕𑓑(a)],
𑒫𑒻𑒖𑓂𑒘𑒰𑒢𑒱𑒏 𑒫𑒱𑒏𑒰𑒮𑒧𑒹 𑒂 𑒞𑒏𑒩 𑒪𑒰𑒦𑒧𑒹 𑒁𑓀𑒬 𑒣𑒋𑒥𑒰𑒏 𑒁𑒡𑒱𑒏𑒰𑒩 𑒠𑒻𑒞 𑒁𑒕𑒱, 𑒮𑓀𑒑𑒹 𑒣𑓂𑒩𑒞𑓂𑒨𑒹𑒏 𑒫𑓂𑒨𑒏𑓂𑒞𑒱𑒏𑒹𑒿 𑒁𑒣𑒢 𑒮𑒵𑒖𑒱𑒞 𑒏𑒼𑒢𑒯𑒳 𑒫𑒻𑒖𑓂𑒘𑒰𑒢𑒱𑒏, 𑒮𑒰𑒯𑒱𑒞𑓂𑒨𑒱𑒏 𑒁𑒟𑒫𑒰 𑒏𑒪𑒰𑒞𑓂𑒧𑒏 𑒏𑒵𑒞𑒱𑒮𑒿 𑒅𑒞𑓂𑒣𑒢𑓂𑒢, 𑒦𑒰𑒫𑒢𑒰𑒞𑓂𑒧𑒏 𑒫𑒰 𑒦𑒾𑒞𑒱𑒏 𑒯𑒱𑒞𑒏 𑒩𑒏𑓂𑒭𑒰𑒏 𑒁𑒡𑒱𑒏𑒰𑒩 𑒮𑒹𑒯𑒼 𑒠𑒻𑒞 𑒁𑒕𑒱। 𑒋𑒯𑒱 𑒂𑒡𑒰𑒩𑒣𑒩 𑒮𑒴𑒔𑒢𑒰-𑒮𑒧𑒰𑒖𑒧𑒹 𑒧𑒰𑒢𑒫𑒰𑒡𑒱𑒏𑒰𑒩 𑒏𑒹𑒿 𑒠𑒹𑒐𑒻𑒞 𑒮𑒴𑒔𑒢𑒰 𑒂 𑒣𑓂𑒩𑒮𑒰𑒩𑒝 𑒣𑓂𑒩𑒾𑒠𑓂𑒨𑒼𑒑𑒱𑒏𑒲 𑒠𑓂𑒫𑒰𑒩𑒰 𑒮𑒰𑒧𑒑𑓂𑒩𑒲 𑒢𑒱𑒩𑓂𑒧𑒰𑒝 𑒞𑒹𑒢𑒰 𑒯𑒼𑒋𑒥𑒰𑒏 𑒔𑒰𑒯𑒲 𑒂 𑒏𑒰𑒣𑒲𑒩𑒰𑒃𑒙 𑒂 𑒥𑒾𑒠𑓂𑒡𑒱𑒏 𑒮𑒧𑓂𑒣𑒠𑒰 𑒁𑒡𑒱𑒏𑒰𑒩 𑒮𑒹𑒯𑒼 𑒞𑒰𑒯𑒱 𑒞𑒩𑒯𑒹𑒿 𑒯𑒼𑒁𑒋 𑒖𑒹 𑒍𑒯𑒱𑒮𑒿 𑒮𑒰𑒩𑓂𑒫𑒦𑒾𑒧 𑒧𑒰𑒢𑒫𑒰𑒡𑒱𑒏𑒰𑒩 𑒒𑒼𑒭𑒝𑒰𑒏 𑒥𑒱𑒢𑓂𑒠𑒳 𑒮𑒦𑒏 𑒁𑒫𑒯𑒹𑒪𑒢𑒰 𑒢𑒯𑒱 𑒯𑒼𑒁𑒋 𑒫𑒩𑒢 𑒍𑒏𑒩 𑒂𑒠𑒩 𑒯𑒼𑒁𑒋।
𑒮𑒰𑒩𑓂𑒫𑒦𑒾𑒧 𑒧𑒰𑒢𑒫𑒰𑒡𑒱𑒏𑒰𑒩 𑒒𑒼𑒭𑒝𑒰𑒏 𑒁𑒢𑒳𑒔𑓂𑒕𑒹𑒠 𑓑𑓒 𑒋𑒏𑒰𑒢𑓂𑒞𑒞𑒰 [𑒦𑒰𑒩𑒞𑒲𑒨 𑒮𑓀𑒫𑒱𑒡𑒰𑒢𑒏 𑒁𑒢𑓂𑒞𑒩𑓂𑒑𑒞𑒰 𑒣𑒰𑒮 𑒏𑒋𑒪 𑒏𑒼𑒢𑒼 𑒫𑒱𑒡𑒱 𑒖𑒹 𑒮𑓀𑒮𑒠 𑒠𑓂𑒫𑒰𑒩𑒰 𑒣𑒰𑒩𑒱𑒞 𑒯𑒼𑒃𑒞 𑒁𑒕𑒱, 𑒠𑓂𑒫𑒰𑒩𑒰 𑒮𑒦 𑒩𑒏𑓂𑒭𑒱𑒞 𑒁𑒕𑒱], 𑒁𑒢𑒳𑒔𑓂𑒕𑒹𑒠 𑓑𑓘 𑒋𑒏𑒰𑒢𑓂𑒞𑒧𑒹 𑒬𑒱𑒏𑓂𑒭𑒝 𑒂 𑒫𑒱𑒔𑒰𑒩𑒏 𑒮𑓂𑒫𑒞𑓀𑒞𑓂𑒩𑒞𑒰 [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓒𑓕(𑓑)], 𑒁𑒢𑒳𑒔𑓂𑒕𑒹𑒠 𑓑𑓙 𑒏𑒼𑒢𑒯𑒳 𑒏𑓂𑒭𑒹𑒞𑓂𑒩𑒮𑒿 𑒏𑒼𑒢𑒯𑒳 𑒧𑒰𑒡𑓂𑒨𑒧𑒹𑒿 𑒮𑒴𑒔𑒢𑒰 𑒂 𑒫𑒱𑒔𑒰𑒩𑒏 𑒨𑒰𑒔𑒢𑒰, 𑒂𑒠𑒰𑒢 𑒣𑓂𑒩𑒠𑒰𑒢 𑒏𑒩𑒥𑒰𑒏 𑒁𑒡𑒱𑒏𑒰𑒩 [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓑𑓙 (a)], 𑒂 𑒁𑒢𑒳𑒔𑓂𑒕𑒹𑒠 𑓒𑓑 (𑓑) [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓓𑓒𑓕], 𑒁𑒢𑒳𑒔𑓂𑒕𑒹𑒠 𑓒𑓑 (𑓒) [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓓𑓒𑓖] 𑒂 𑒁𑒢𑒳𑒔𑓂𑒕𑒹𑒠 𑓒𑓑(𑓓) [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓑𑓖(𑓑) 𑒂 𑓑𑓖(𑓒)] :-
𑒁𑒢𑒳𑒔𑓂𑒕𑒹𑒠 𑓒𑓗 [𑒦𑒰𑒩𑒞𑒲 𑒮𑓀𑒫𑒱𑒡𑒰𑒢𑒏 𑒡𑒰𑒩𑒰 𑓕𑓑(a)]












𑒁𑒢𑓂𑒯𑒰𑒩𑒏 𑒫𑒱𑒩𑒼𑒡𑒧𑒹 𑒯𑒰𑒟𑒲 𑒔𑒪𑒋 𑒥𑒖𑒰𑒩 -𑒁𑒩𑒫𑒱𑒢𑓂𑒠 𑒚𑒰𑒏𑒳𑒩 𑒂 𑒠𑒹𑒫𑒬𑓀𑒏𑒩 𑒢𑒫𑒲𑒢
𑒁𑒩𑒫𑒱𑒢𑓂𑒠 𑒚𑒰𑒏𑒳𑒩 𑒂 𑒠𑒹𑒫𑒬𑓀𑒏𑒩 𑒢𑒫𑒲𑒢 : 𑒁𑒩𑒫𑒱𑒢𑓂𑒠 𑒚𑒰𑒏𑒳𑒩(𑓑𑓙𑓕𑓔- ) 𑒂 𑒠𑒹𑒫𑒬𑓀𑒏𑒩 𑒢𑒫𑒲𑒢 (𑓑𑓙𑓖𑓒- ) 𑒠𑒴 𑒙𑒰 𑒋𑒯𑒢 𑒏𑒟𑒰𑒏𑒰𑒩 𑒕𑒟𑒱 𑒖𑒹 𑒏𑒢𑒱𑒨𑒰𑒿 𑒏𑒰𑒏𑒲 𑒂 𑒥𑒳𑒔𑓂𑒔𑒲 𑒠𑒰𑒃𑒮𑒿 𑒯𑒙𑒱 𑒏𑓄 𑒧𑒻𑒟𑒱𑒪𑒲 𑒏𑒟𑒰 𑒪𑒱𑒐𑒻 𑒕𑒟𑒱, 𑒧𑒳𑒠𑒰 𑒏𑒧 𑒪𑒱𑒐𑒻 𑒕𑒟𑒱, 𑒁𑒩𑒫𑒱𑒢𑓂𑒠 𑒚𑒰𑒏𑒳𑒩 𑒞𑒿 𑒥𑒯𑒳𑒞𑒹 𑒏𑒧, 𑒏𑒰𑒩𑒝 𑒋𑒏𑒯𑒏𑒹 𑒙𑒰𑒏 𑒏𑒟𑒰 𑒮𑓀𑒑𑓂𑒩𑒯 𑒂𑒃-𑒡𑒩𑒱 𑒂𑒋𑒪 𑒕𑒢𑓂𑒯𑒱, 𑒁𑒢𑓂𑒯𑒰𑒩𑒏 𑒫𑒱𑒩𑒼𑒡𑒧𑒹- 𑒁𑒩𑒫𑒱𑒢𑓂𑒠 𑒚𑒰𑒏𑒳𑒩𑒏 𑒂 𑒯𑒰𑒟𑒲 𑒔𑒪𑒋 𑒥𑒖𑒰𑒩 - 𑒠𑒹𑒫𑒬𑓀𑒏𑒩 𑒢𑒫𑒲𑒢𑒏 । 𑒁𑒩𑒫𑒱𑒢𑓂𑒠 𑒚𑒰𑒏𑒳𑒩𑒏 𑒮𑒬𑒏𑓂𑒞 𑒣𑒏𑓂𑒭 𑒕𑒢𑓂𑒯𑒱 𑒩𑒰𑒖𑒢𑒻𑒞𑒱𑒏-𑒂𑒩𑓂𑒟𑒱𑒏 𑒏𑒟𑒰 𑒮𑒦 𑒞𑒿 𑒠𑒹𑒫𑒬𑓀𑒏𑒩 𑒢𑒫𑒲𑒢 𑒁𑒣𑒢 𑒦𑒰𑒭𑒱𑒏 𑒬𑒥𑓂𑒠𑒏𑒼𑒬𑒏 𑒫𑒱𑒬𑒰𑒪𑒞𑒰 𑒪𑒹𑒢𑒹 𑒮𑒼𑒗𑒰𑒿 𑒁𑒥𑒻 𑒕𑒟𑒱। 𑒧𑒻𑒟𑒱𑒪𑒲 𑒏𑒟𑒰𑒏 𑒖𑒛𑓃𑒞𑒰 𑒏𑒧 𑒞𑒿 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒥𑒯𑒳𑒞 𑒩𑒰𑒮 𑒂𑒫𑒬𑓂𑒨𑒏 𑒣𑒏𑓂𑒭 𑒏𑒧 𑒪𑒱𑒐𑒥𑒰𑒏 𑒂 𑒑𑒥𑒠𑒲 𑒧𑒰𑒩𑒢𑒹 (𑒧𑒻𑒟𑒱𑒪 𑒑𑒥𑒠𑒲 ) 𑒩𑒯𑒥𑒰𑒏 𑒏𑒰𑒩𑒝 𑒕𑒳𑒙𑒱 𑒖𑒰𑒃𑒞 𑒁𑒕𑒱। 𑒠𑒹𑒫𑒬𑓀𑒏𑒩 𑒢𑒫𑒲𑒢 𑒋𑒏𑓂𑒏𑒹 𑒣𑓂𑒪𑒰𑒙 𑒥𑒹𑒩-𑒥𑒹𑒩 𑒮𑒼𑒗𑒰𑒿 𑒁𑒢𑒻𑒞 𑒕𑒟𑒱, 𑒖𑒹𑒢𑒰 𑒇𑒝𑒐𑒾𑒏 𑒂 𑒃𑒖𑒼𑒞𑒧𑒹 𑒣𑒳𑒞𑒼𑒯𑒳𑒏 𑒮𑒮𑒳𑒩𑒏𑒹𑒿 𑒧𑒰𑒩𑒥𑒰𑒏 𑒔𑒩𑓂𑒔 𑒂 𑒋𑒯𑒱 𑒞𑒩𑒯𑒏 𑒂𑒢𑒼 𑒏𑓂𑒩𑒧, 𑒖𑒹 𑒂𑒦𑒰𑒮 𑒠𑒻𑒞 𑒁𑒕𑒱 𑒖𑒹 𑒋𑒏𑒹𑒙𑒰 𑒏𑒟𑒰𑒏 𑒣𑓂𑒪𑒰𑒙𑒮𑒿 𑒏𑒻𑒏 𑒙𑒰 𑒏𑒟𑒰 𑒥𑒢𑒪 𑒁𑒕𑒱, 𑒞𑒿 𑒅𑒮𑓂𑒮𑒩 𑒖𑒧𑒲𑒢𑒏 𑒅𑒞𑓂𑒞𑒩𑒰𑒩𑓂𑒡𑒏 𑒣𑓂𑒪𑒰𑒙, 𑒖𑒏𑒩𑒰 𑒏𑒟𑒰𑒏𑒰𑒩 𑒢𑒲𑒏 𑒖𑒹𑒏𑒰𑒿 𑒅𑒣𑒨𑒼𑒑 𑒢𑒯𑒱 𑒏𑓄 𑒮𑒏𑒪𑒰𑒯। 𑒅𑒞𑓂𑒞𑒩𑒰𑒩𑓂𑒡𑒏 𑒣𑓂𑒪𑒰𑒙𑒏 𑒯𑒧 𑒋𑒯𑒱 𑒠𑓂𑒫𑒰𑒩𑒹 𑒔𑒩𑓂𑒔𑒰 𑒏𑒋𑒪𑒯𑒳𑒿 𑒏𑒰𑒩𑒝 𑒍𑒯𑒱 𑒣𑓂𑒪𑒰𑒙𑒏 𑒁𑒢𑒳𑒦𑒫 𑒮𑒦 𑒧𑒻𑒟𑒱𑒪𑒏𑒹𑒿 𑒕𑒢𑓂𑒯𑒱 𑒂 𑒍𑒯𑒱 𑒂𑒡𑒰𑒩𑒣𑒩 𑒏𑒳𑒧𑒰𑒩 𑒣𑒫𑒢 𑒋𑒏𑒙𑒰 𑒁𑒫𑒱𑒮𑓂𑒧𑒩𑒝𑒲𑒨 𑒏𑒟𑒰 𑒣𑒃𑒚 (𑒁𑓀𑒞𑒱𑒏𑒰𑒧𑒹 𑒣𑓂𑒩𑒏𑒰𑒬𑒱𑒞) 𑒪𑒱𑒐𑒱 𑒠𑒻𑒞 𑒕𑒟𑒱 𑒖𑒹 𑒯𑒳𑒢𑒏𑒩 𑒨𑒬 𑒋𑒏𑒧𑒰𑒞𑓂𑒩 𑒁𑒯𑒲 𑒏𑒟𑒰𑒏 𑒏𑒰𑒩𑒝 𑒁𑒏𑓂𑒭𑒨 𑒩𑒐𑒥𑒰𑒧𑒹 𑒮𑒧𑒩𑓂𑒟 𑒁𑒕𑒱 𑒖𑒹𑒢𑒰 𑒔𑒢𑓂𑒠𑓂𑒩𑒡𑒩 𑒬𑒩𑓂𑒧𑒰 “𑒑𑒳𑒪𑒹𑒩𑒲” 𑒏𑒹𑒿 𑒅𑒮𑒢𑒹 𑒏𑒯𑒰 𑒟𑒰 𑒏𑒟𑒰 𑒩𑒐𑒪𑒏𑒢𑓂𑒯𑒱। 𑒁𑒩𑒫𑒱𑒢𑓂𑒠 𑒚𑒰𑒏𑒳𑒩 𑒏𑒟𑒰 𑒪𑒱𑒐𑒻 𑒕𑒟𑒱 𑒂 𑒖𑒹 𑒪𑒱𑒐𑒻 𑒕𑒟𑒱 𑒮𑒹 𑒮𑒰𑒧𑒰𑒖𑒱𑒏-𑒩𑒰𑒖𑒢𑒻𑒞𑒱𑒏-𑒂𑒩𑓂𑒟𑒱𑒏𑒏𑒹𑒿 𑒞𑒹𑒢𑒰𑒏𑒹𑒿 𑒖𑒼𑒛𑓃𑒱 𑒏𑓄 𑒖𑒹 𑒧𑒻𑒟𑒱𑒪𑒲 𑒏𑒟𑒰𑒏 𑒋𑒏𑒙𑒰 𑒩𑒱𑒏𑓂𑒞𑒞𑒰𑒏 𑒣𑒴𑒩𑓂𑒞𑒱𑒏 𑒣𑓂𑒩𑒨𑒰𑒮 𑒏𑒩𑒻𑒞 𑒁𑒕𑒱, 𑒧𑒳𑒠𑒰 𑒥𑒛𑓂𑒛 𑒏𑒧 𑒪𑒱𑒐𑒻 𑒕𑒟𑒱 𑒮𑒹 𑒣𑒰𑒚𑒏 𑒣𑒱𑒨𑒰𑒮𑒪 𑒩𑒯𑒱𑒨𑒹 𑒖𑒰𑒃𑒞 𑒁𑒕𑒱, 𑒒𑒙 𑒁𑒣𑒴𑒩𑓂𑒝𑒹 𑒩𑒯𑒻𑒞 𑒁𑒕𑒱।
𑒁𑒢𑓂𑒯𑒰𑒩𑒏 𑒫𑒱𑒩𑒼𑒡𑒧𑒹- 𑒐𑒱𑒮𑓂𑒮𑒰 𑒮𑒱𑒨𑒰𑒩-𑒨𑒰𑒩- 𑒩𑒰𑒧𑒢𑒰𑒩𑒰𑒨𑒝 𑒧𑒯𑒩𑒰𑒖-𑒋𑒏𑓂𑒮 𑒋𑒧.𑒋𑒪.𑒋. 𑒂 𑒦𑒴𑒞𑒣𑒴𑒩𑓂𑒫 𑒔𑒹𑒨𑒩𑒧𑒻𑒢 𑒮𑒩𑒏𑒰𑒩𑒲 𑒣𑓂𑒩𑒏𑒰𑒬𑒢 𑒏𑒧𑒱𑒙𑒲, 𑒞𑒯𑒱𑒨𑒰 𑒏𑒼𑒢𑒼 𑒒𑒼𑒙𑒰𑒪𑒰𑒧𑒹 𑒧𑒳𑒐𑓂𑒨𑒧𑓀𑒞𑓂𑒩𑒲𑒏 𑒦𑒰𑒃 𑒩𑒰𑒧𑒰𑒡𑒰𑒩 𑒣𑒰𑓀𑒛𑒹,𑒋𑒧.𑒋𑒪.𑒋. 𑒯𑒱𑒢𑒏𑒰 𑒥𑒔𑒹𑒢𑒹 𑒩𑒯𑒟𑒱𑒢𑓂𑒯। 𑒑𑒩𑒲𑒥𑒠𑒰𑒮 𑒂𑒖𑒰𑒠 𑒖𑒱𑒪𑒰 𑒏𑒧𑒱𑒙𑒲𑒏 𑒧𑒯𑒰𑒧𑓀𑒞𑓂𑒩𑒲, 𑒁𑒢𑒹𑒏 𑒥𑒩𑓂𑒐 𑒡𑒩𑒱 𑒮𑒼𑒬𑒪𑒱𑒮𑓂𑒙 𑒂 𑒂𑒥 𑒧𑒯𑒰𑒮𑒦𑒰 𑒣𑒰𑒩𑓂𑒙𑒲𑒧𑒹, 𑒥𑒹𑒙𑒰 𑒮𑒹𑒯𑒼 𑒙𑓂𑒩𑒹𑒢𑒧𑒹 𑒛𑒏𑒻𑒞𑒲 𑒡𑒩𑒱 𑒏𑒩𑒋 𑒪𑒰𑒑𑒪 𑒕𑒢𑓂𑒯𑒱। 𑒬𑒰𑒪𑒱𑒑𑒩𑒰𑒧 𑒩𑒰𑒨 𑒂 𑒪𑒐𑒢 𑒨𑒰𑒠𑒫- 𑒧𑒢𑒥𑒜𑓃𑒴 𑒮𑒦। 𑒧𑒲𑒙𑒱𑓀𑒑। 𑒩𑒰𑒖𑒢𑒰𑒟 𑒗𑒰 𑒂 𑒖𑒲𑒥𑒕 𑒧𑓀𑒛𑒪𑒏 𑒧𑒳𑒿𑒯𑒹 𑒩𑒰𑒖𑒢𑒲𑒞𑒱𑒣𑒩 𑒏𑒱𑒕𑒳 𑒣𑒻𑒩𑒰𑒑𑓂𑒩𑒰𑒤 𑒁𑒥𑒻𑒞 𑒁𑒕𑒱।𑒮𑒠𑒰𑒢𑒢𑓂𑒠 𑒫𑒱𑒠𑓂𑒩𑒼𑒯𑒲 𑒧𑒯𑒰𑒮𑒦𑒰𑒣𑒰𑒩𑓂𑒙𑒲𑒏 𑒫𑒱𑒩𑒼𑒡𑒲 𑒠𑒪𑒏 𑒮𑓂𑒫𑒨𑓀𑒦𑒴 𑒢𑒹𑒞𑒰 𑒞𑒼𑒤𑒰𑒢 𑒮𑒱𑓀𑒯𑒏 𑒬𑒰𑒑𑒱𑒩𑓂𑒠 𑒂 𑒯𑒳𑒢𑒏𑒰 𑒮𑓀𑒑 𑒋𑒏𑒙𑒰 𑒥𑒧 𑒫𑒱𑒮𑓂𑒤𑒼𑒙𑒧𑒹 𑒠𑒯𑒱𑒢𑒰 𑒯𑒰𑒟 𑒑𑒧𑒹𑒢𑒹 𑒋𑒏𑒙𑒰 𑒖𑒳𑒂𑒢।𑒯𑒳𑒢𑒏𑒩 𑒁𑒤𑒮𑒼𑒔 𑒏𑒩𑒥, 𑒩𑒒𑒳𑒥𑓀𑒬 𑒧𑓀𑒛𑒪𑒏 𑒖𑒱𑒪𑒰 𑒏𑒧𑒱𑒙𑒲𑒏 𑒦𑒰𑒃𑒮 𑒣𑓂𑒩𑒹𑒮𑒱𑒛𑒹𑒢𑓂𑒙 𑒥𑒢𑒥𑒰𑒧𑒹 𑒣𑒰𑓀𑒛𑒹𑒖𑒲𑒏 𑒠𑒰𑒿𑒫- 𑒥𑒻𑒏𑒫𑒰𑒩𑓂𑒛𑒏𑒹𑒿 𑒖𑒑𑒯 𑒦𑒹𑒙𑒥𑒰𑒏 𑒔𑒰𑒯𑒲, 𑒂 𑒔𑒾𑒡𑒩𑒲𑒖𑒲𑒏 𑒣𑓂𑒩𑒞𑒱𑒭𑓂𑒚𑒰𑒏𑒹𑒿 𑒠𑒹𑒐𑒱 𑒯𑒳𑒢𑒏𑒩 𑒔𑒳𑒣 𑒦𑒋 𑒖𑒰𑒋𑒥! 𑒩𑒰𑒖𑒧𑓀𑒑𑒪 𑒬𑓂𑒩𑒲𑒫𑒰𑒮𑓂𑒞𑒫 𑒂 𑒮𑒞𑒲𑒬 𑒮𑒱𑓀𑒯 𑒣𑒩𑒧𑒰𑒩 (𑒕𑒞𑓂𑒞𑒲𑒮 𑒥𑒰𑒥𑒴 𑒕𑒞𑓂𑒩𑒲- 𑒧𑒢𑒥𑒜𑓃𑒴 𑒬𑒥𑓂𑒠𑒰𑒫𑒪𑒲 )। 𑒋𑒏𑒰𑒫𑒢 𑒑𑒼𑒙 𑒧𑒹𑒧𑓂𑒥𑒩𑒥𑒪𑒰 𑒮𑓀𑒮𑓂𑒟𑒰 𑒡𑒹𑒪𑒰 𑒏𑒧𑒱𑒙𑒲𑒏 𑒮𑒩𑓂𑒫𑒹𑒮𑒩𑓂𑒫𑒰 𑒣𑒩𑒧𑒰𑒩𑒖𑒲।𑒬𑓂𑒩𑒲𑒫𑒰𑒮𑓂𑒞𑒫 𑒂 𑒣𑒩𑒧𑒰𑒩𑒏 𑒖𑒼𑒛𑓃𑒲 𑒏𑒳𑒐𑓂𑒨𑒰𑒞- 𑒁𑒪𑒑-𑒁𑒪𑒑 𑒩𑒯𑒪𑒰𑒣𑒩 𑒠𑒳𑒯𑒴 𑒑𑒼𑒙𑒹 𑒋𑒏 𑒠𑒼𑒮𑒩𑒰𑒏𑒹𑒿 𑒑𑒰𑒩𑒱 𑒣𑒜𑓃𑒻𑒞 𑒕𑒟𑒱 𑒧𑒳𑒠𑒰 𑒩𑒯𑒻 𑒕𑒟𑒱 𑒮𑓀𑒑𑒹।𑒣𑒴𑒩𑓂𑒫 𑒣𑓂𑒩𑒐𑒝𑓂𑒛 𑒁𑒡𑓂𑒨𑒏𑓂𑒭 𑒬𑒢𑒱𑒔𑒩 “𑒬𑒢𑒱”-𑒑𑒰𑒖𑒰 𑒂𑒠𑒱𑒏 𑒁𑒢𑒫𑒩𑒞 𑒮𑒹𑒫𑒲 𑒂 𑒫𑒩𑓂𑒞𑒧𑒰𑒢 𑒨𑒳𑒫𑒰 𑒁𑒡𑓂𑒨𑒏𑓂𑒭 𑒑𑒝𑒹𑒬 𑒑𑒳𑒩𑒧𑒻𑒞𑒰-𑒣𑒹𑒙𑒲𑒬𑒢𑒥𑒰𑒖। 𑒔𑒙𑒩𑓂𑒖𑒲 𑒠𑒰- 𑒣𑒙𑒢𑒰𑒮𑒿 𑒤𑒼𑒢𑒣𑒩 𑒩𑒯𑒻 𑒕𑒟𑒱- 𑒔𑒾𑒡𑒩𑒲𑒖𑒲 𑒂 𑒣𑒰𑓀𑒛𑒹𑒖𑒲𑒏 𑒫𑒱𑒩𑒼𑒡𑒧𑒹 𑒔𑒾𑒥𑒹𑒖𑒲𑒏 𑒮𑓀𑒑𑒹 𑒤𑓂𑒩𑓀𑒙𑒏 𑒢𑒱𑒨𑒰𑒩 𑒕𑒢𑒱। 𑒬𑒢𑒱-𑒑𑒳𑒩𑒧𑒻𑒞𑒰𑒏𑒹𑒿 𑒣𑒩𑒧𑒰𑒩 𑒑𑒣𑒧𑒹 𑒍𑒗𑒩𑒰 𑒪𑒻𑒞 𑒕𑒢𑓂𑒯𑒱 𑒞𑒿 𑒏𑓂𑒨𑒼 𑒑𑒼𑒙𑒹 𑒠𑒳𑒢𑒴 𑒑𑒼𑒙𑒹𑒏𑒹𑒿 𑒤𑒳𑒮𑒱𑒨𑒰𑒯𑒲𑓀 𑒏𑓄 𑒮𑒼𑒩 𑒏𑒩𑒻 𑒕𑒢𑓂𑒯𑒱 𑒂 𑒞𑓂𑒩𑒰𑒝 𑒠𑒱𑒨𑒰𑒥𑒻 𑒕𑒢𑓂𑒯𑒱। 𑒖𑒙𑒰𑒬𑓀𑒏𑒩 𑒧𑒪𑒱𑒏 𑒣𑓂𑒩𑒮𑒱𑒠𑓂𑒡 𑒧𑒰𑒐𑒢 𑒥𑒰𑒥𑒴 (𑒮𑒦 𑒢𑒙 𑒫𑒼𑒪𑓂𑒙𑒣𑒩 𑒤𑒱𑒙 𑒯𑒼𑒁𑒋𑒥𑒪𑒰 𑒮𑒪𑒰𑒃-𑒩𑒱𑓀𑒔- 𑒧𑒢𑒥𑒜𑓃𑒴 𑒬𑒥𑓂𑒠𑒰𑒫𑒪𑒲 )।𑒁𑒣𑒢𑒰𑒣𑒩 𑒡𑓂𑒨𑒰𑒢 𑒂𑒏𑒩𑓂𑒭𑒱𑒞 𑒏𑒩𑒥𑒰 𑒪𑒹𑒪 𑒣𑒰𑒩𑒮𑒧𑒝𑒱 𑒔𑒾𑒡𑒩𑒲𑒏𑒹𑒿 𑒮𑒼𑒩 𑒏𑒩𑒻 𑒕𑒟𑒱 𑒂 𑒯𑒳𑒢𑒏𑒩 𑒣𑓂𑒩𑒝𑒰𑒧𑒏 𑒅𑒞𑓂𑒞𑒩 𑒞𑒲𑒢 𑒣𑓂𑒩𑒝𑒰𑒧𑒮𑒿 𑒠𑒻 𑒕𑒟𑒱। 𑒯𑒳𑒢𑒏𑒩 𑒏𑒰𑒩 𑒥𑒹𑒙𑒰 𑒥𑒾𑒏𑒰 𑒥𑒰𑒥𑒴 (𑒮𑒧𑓂𑒣𑓂𑒩𑒠𑒰𑒨𑒫𑒰𑒠𑒲 𑒣𑒰𑒩𑓂𑒙𑒲𑒏 𑒧𑒹𑒧𑓂𑒥𑒩) 𑒪𑓄 𑒑𑒹𑒪 𑒕𑒢𑓂𑒯𑒱 𑒂 𑒖𑒲𑒣 𑒐𑒩𑒰𑒣 𑒕𑒢𑓂𑒯𑒱- 𑒠𑒳𑒮𑒡𑒙𑒼𑒪𑒲 𑒥𑒪𑒰𑒏 𑒣𑓀𑒔𑒻𑒞𑒲 𑒏𑒩𑒥𑒰𑒏 𑒕𑒪𑒢𑓂𑒯𑒱 𑒮𑒹 𑒩𑒱𑒏𑓂𑒬𑒰 𑒧𑒿𑒑𑒥𑒰𑒥𑒋 𑒣𑒛𑓃𑒪𑒢𑓂𑒯𑒱।𑒔𑓂𑒨𑒫𑒢𑒣𑓂𑒩𑒰𑒬 𑒐𑒰𑒃𑒞𑒹 𑒩𑒯𑒻 𑒕𑒟𑒱- 𑒩𑒰𑒒𑒼𑒣𑒳𑒩𑒮𑒿 𑒯𑒼𑒧𑒱𑒨𑒼𑒣𑒻𑒟𑒱𑒏 𑒃𑒪𑒰𑒖 𑒏𑒩𑒹𑒢𑒹 𑒕𑒟𑒱।𑒮𑒲𑒞𑒰 𑒥𑒰𑒥𑒴 𑒧𑒯𑒰𑒮𑒦𑒰 𑒣𑒰𑒩𑓂𑒙𑒲𑒏 𑒣𑓂𑒩𑒐𑒝𑓂𑒛 𑒁𑒡𑓂𑒨𑒏𑓂𑒭 (𑒧𑒰𑒐𑒢 𑒥𑒰𑒥𑒴𑒏 𑒥𑒯𑒳- 𑒧𑒢𑒥𑒜𑓃𑒴 𑒬𑒥𑓂𑒠𑒰𑒫𑒪𑒲)।𑒮𑒳𑒥𑒼𑒡𑒢𑒰𑒩𑒰𑒨𑒝 𑒮𑒱𑓀𑒯 𑒣𑓂𑒩𑒮𑒱𑒠𑓂𑒡 𑒮𑒳𑒥𑒼𑒡𑒖𑒲।𑒋𑒏𑓂𑒮.𑒋𑒧.𑒋𑒪.𑒋. 𑒂 𑒋𑒏𑓂𑒮 𑒁𑒡𑓂𑒨𑒏𑓂𑒭 𑒖𑒱𑒪𑒰 𑒧𑒯𑒰𑒮𑒦𑒰 𑒣𑒰𑒩𑓂𑒙𑒲 (𑒮𑒧𑒩𑓂𑒟𑒏 𑒬𑒥𑓂𑒠𑒰𑒫𑒪𑒲- 𑒖𑒱𑒪𑒰𑒏 𑒑𑒰𑒿𑒡𑒲, 𑒫𑒱𑒩𑒼𑒡𑒲 𑒬𑒥𑓂𑒠𑒰𑒫𑒪𑒲- 𑒢𑒙𑒫𑒩𑒪𑒰𑒪 𑒂 𑒧𑒢𑒥𑒜𑓃𑒴 𑒬𑒥𑓂𑒠𑒰𑒫𑒪𑒲- 𑒧𑒳𑒿𑒯𑒠𑒳𑒥𑒩𑒰)।𑒮𑒰𑒠𑒑𑒲 𑒩𑒯𑒢-𑒮𑒯𑒢, 𑒫𑒱𑒢𑒧𑓂𑒩।𑒩𑒰𑒧𑒰𑒡𑒰𑒩 𑒣𑒰𑓀𑒛𑒹𑒖𑒲𑒏 𑒦𑒰𑒋 𑒧𑒳𑒐𑓂𑒨𑒧𑓀𑒞𑓂𑒩𑒲 𑒬𑒱𑒫𑒰𑒡𑒰𑒩 𑒣𑒰𑓀𑒛𑒹𑒏 𑒣𑓂𑒩𑒞𑒱 𑒮𑒧𑒩𑓂𑒣𑒱𑒞। 𑒧𑒳𑒠𑒰 𑒔𑒾𑒡𑒩𑒲𑒖𑒲𑒮𑒿 𑒥𑒹𑒮𑒲 𑒮𑒙𑒥𑒰𑒏 𑒮𑒖𑒰 𑒧𑒳𑒠𑒰 𑒬𑒱𑒫𑒰𑒡𑒰𑒩𑒖𑒲 𑒯𑒱𑒢𑒏𑒰 𑒣𑒰𑒩𑓂𑒙𑒲𑒏 𑒅𑒧𑓂𑒧𑒲𑒠𑒥𑒰𑒩𑒲 𑒫𑒰𑒣𑒮 𑒪𑒹𑒥𑒰 𑒪𑒹𑒪 𑒏𑒯𑒱 𑒏𑓄 𑒠𑒹𑒪𑒐𑒱𑒢𑓂𑒯। 𑒩𑒰𑒖𑒲𑒫 𑒬𑒩𑓂𑒧𑒰-𑒑𑒪𑒞𑒤𑒯𑒧𑒲𑒏 𑒬𑒱𑒏𑒰𑒩- 𑒖𑒹 𑒕𑒪-𑒣𑓂𑒩𑒣𑓀𑒔, 𑒤𑒴𑒮𑒱 𑒂 𑒫𑒱𑒬𑓂𑒫𑒰𑒮𑒒𑒰𑒞𑒏 𑒥𑒱𑒢𑒯𑒳 𑒩𑒰𑒖𑒢𑒲𑒞𑒱 𑒏𑒋𑒪 𑒖𑒰 𑒮𑒏𑒻𑒞 𑒁𑒕𑒱। 𑒚𑒰𑒿𑒯𑒱-𑒣𑒚𑒰𑒿𑒯𑒱 𑒥𑒖𑒻 𑒕𑒟𑒱 𑒂 𑒮𑒹 𑒧𑒢𑒥𑒜𑓃𑒴 𑒮𑒦 𑒏𑒙𑒰𑒯 𑒏𑒯𑒻 𑒕𑒢𑓂𑒯𑒱। 𑒮𑒳𑒥𑒼𑒡𑒖𑒲𑒏 𑒏𑒯𑒪𑒰𑒣𑒩 𑒖𑒹 𑒬𑒱𑒫𑒰𑒡𑒰𑒩 𑒥𑒰𑒥𑒴𑒏 𑒤𑒼𑒢 𑒁𑒋𑒪𑒢𑓂𑒯𑒱 𑒞𑒹𑒿 𑒯𑒳𑒢𑒏𑒰 𑒢𑒰𑒧 𑒂𑒣𑒱𑒮 𑒏𑒩𑒋 𑒣𑒛𑓃𑒪𑒢𑓂𑒯𑒱, 𑒍 𑒏𑒯𑒻 𑒕𑒟𑒱 𑒖𑒹 𑒋𑒯𑒱 𑒪𑒳𑒔𑓂𑒔𑒰-𑒪𑒤𑓀𑒑𑒰 𑒮𑒦𑒏 𑒮𑒩𑒠𑒩𑒥𑒰𑒏 𑒑𑒼𑒪𑓂𑒯𑒛𑓃𑒲 𑒗𑒰𑒛𑓃𑒱 𑒠𑒹𑒥𑒢𑒱 𑒯𑒧𑒩𑒰𑒮𑒦। 𑒍𑒞𑒯𑒱 𑒩𑒰𑒧𑒮𑒼𑒑𑒰𑒩𑒟 𑒧𑓀𑒛𑒪 𑒮𑒹𑒯𑒼 𑒕𑒟𑒱, 𑒮𑓂𑒫𑒞𑓀𑒞𑓂𑒩𑒞𑒰 𑒮𑒹𑒢𑒰𑒢𑒲 𑒧𑒳𑒠𑒰 𑒮𑒧𑓂𑒧𑒰𑒢-𑒣𑒹𑓀𑒬𑒢 𑒁𑒮𑓂𑒫𑒲𑒏𑒰𑒩 𑒏𑓄 𑒔𑒳𑒏𑒪 𑒕𑒟𑒱। 𑒏𑒱𑒨𑒼 𑒏𑒯𑒻 𑒕𑒢𑓂𑒯𑒱 𑒞𑒿 𑒏𑒯𑒻 𑒕𑒟𑒱𑒢𑓂𑒯 𑒖𑒹 𑒖𑒰𑒆 𑒥𑒰𑒆 𑒖𑒰𑒆, 𑒄 𑒑𑒣 𑒮𑒳𑒢𑓂𑒢𑒩 𑒚𑒰𑒏𑒳𑒩𑒏𑒹𑒿 𑒮𑒱𑒐𑒹𑒥𑒢𑓂𑒯𑒱 𑒖𑒹 𑒧𑒳𑒢𑒱𑒮𑓂𑒙𑒩 𑒮𑒦𑒏 𑒏𑒹𑒬-𑒠𑒰𑒜𑓃𑒲 𑒥𑒢𑒥𑒻𑒞 𑒮𑒳𑒩𑒰𑒖𑒲 𑒣𑒹𑓀𑒬𑒢 𑒯𑒟𑒱𑒂𑒋 𑒢𑒹𑒢𑒹-𑒋। 𑒂 𑒞𑒐𑒢𑒹 𑒁𑒢𑒒𑒼𑒪, 𑒤𑒹𑒩 𑒥𑒰𑒖𑒲 𑒧𑒰𑒩𑒱 𑒪𑒹𑒪𑒢𑓂𑒯𑒱 𑒔𑒧𑒼𑒏𑓂𑒏𑒢𑒱! 𑒂 𑒧𑒰𑒐𑒢 𑒥𑒰𑒥𑒴 𑒥𑒛𑓃𑒏𑒰 𑒑𑒰𑒛𑓃𑒲𑒮𑒿 𑒅𑒞𑒩𑒻𑒞 𑒩𑒰𑒧𑒰𑒡𑒰𑒩 𑒣𑒰𑓀𑒛𑒹𑒏 𑒑𑒩𑒰𑒧𑒹 𑒧𑒰𑒪𑒰 𑒣𑒯𑒱𑒩𑒰 𑒠𑒻 𑒕𑒟𑒱। 𑒤𑒹𑒩 𑒋𑒏𑒰𑒋𑒏𑒲 𑒧𑒰𑒪𑒰 𑒣𑒯𑒱𑒩𑒹𑒥𑒰𑒏 𑒔𑒪𑒢 𑒂 𑒤𑒹𑒩 𑒋𑒏𑒰𑒋𑒏𑒲 𑒦𑒰𑒭𑒝-𑒦𑒰𑒐। 𑒂 𑒍𑒧𑓂𑒯𑒩 𑒩𑒰𑒧𑒮𑒼𑒑𑒰𑒩𑒟 𑒧𑓀𑒛𑒪𑒏 𑒮𑒣𑒢𑒰𑒧𑒹 𑒏𑒰𑒩𑒲-𑒏𑒰𑒩𑒲 𑒦𑒨𑒰𑒫𑒯 𑒂𑒏𑒵𑒞𑒱 𑒮𑒼𑒢𑒯𑒳𑒪𑒰 𑒮𑒣𑒢𑒰𑒏𑒹𑒿 𑒔𑒰𑒩𑒴 𑒏𑒰𑒞𑒮𑒿 𑒒𑒹𑒩𑒱 𑒪𑒻𑒞 𑒕𑒢𑓂𑒯𑒱। 𑒣𑒱𑒨𑒰𑒮𑒪 𑒣𑒰𑒢𑒱- 𑒩𑒰𑒧𑒔𑒩𑒢𑒏 𑒐𑒹𑒞𑒲 𑒏𑒩𑒥, 𑒂𑒥 𑒯𑒩𑒥𑒰𑒯𑒲 𑒧𑒳𑒠𑒰 𑒍𑒏𑒩 𑒥𑒹𑒙𑒰 𑒪𑒐𑒢𑒰𑒏 𑒧𑒰𑒟𑒣𑒩 𑒕𑒻𑒏 𑒂 𑒞𑒐𑒢𑒹 𑒍𑒏𑒩 𑒑𑒾𑒢𑒰 𑒯𑒼𑒃 𑒕𑒻 𑒂 𑒁𑒥𑒻𑒋 𑒢𑒰𑒩𑒰𑒨𑒝𑒣𑒳𑒩𑒥𑒰𑒪𑒲। 𑒪𑒹𑒐𑒏 𑒫𑒰 𑒏𑒟𑒰𑒏 𑒮𑒴𑒞𑓂𑒩𑒡𑒰𑒩 𑒏𑒢𑒱𑒨𑒰𑒿𑒏 𑒧𑒳𑒿𑒯𑒠𑒹𑒐𑒰𑒃 𑒪𑒹𑒪 𑒖𑒰𑒃𑒞 𑒕𑒟𑒱 𑒂 𑒠𑒹𑒐𑒻 𑒕𑒟𑒱 𑒍𑒏𑒩 𑒁𑒣𑒰𑒩 𑒩𑒴𑒣-𑒩𑒰𑒬𑒱। 𑒪𑒐𑒢𑒰𑒏 𑒏𑒰𑒏𑒲 𑒥𑒹𑒩𑒱𑒨𑒰𑒥𑒰𑒪𑒲 𑒚𑒙𑓂𑒚𑒰 𑒏𑒩𑒻 𑒕𑒢𑓂𑒯𑒱 𑒂 𑒍 𑒥𑒯𑒰𑒩 𑒦𑓄 𑒖𑒰𑒃 𑒕𑒟𑒱। 𑒢𑒰𑒩𑒰𑒨𑒝𑒣𑒳𑒩𑒥𑒰𑒪𑒲 𑒋𑒏 𑒠𑒱𑒢 𑒮𑒴𑒞𑓂𑒩𑒡𑒰𑒩𑒏 𑒣𑒋𑒩 𑒖𑒰𑒿𑒞𑓄 𑒪𑒑𑒻 𑒕𑒟𑒱। 𑒩𑒼𑒣𑒢𑒲, 𑒛𑒼𑒦𑒢𑒲, 𑒏𑒙𑒢𑒲 𑒂 𑒏𑒧𑒾𑒢𑒲, 𑒏𑒼𑒢𑒼 𑒏𑒰𑒖𑒧𑒹 𑒢𑒰𑒩𑒰𑒨𑒝𑒣𑒳𑒩𑒥𑒰𑒪𑒲𑒏 𑒖𑒼𑒛𑓃 𑒢𑒯𑒱। 𑒋𑒏 𑒠𑒱𑒢 𑒁𑒢𑓂𑒯𑒩𑒑𑒩𑒹 𑒮𑒴𑒞𑓂𑒩𑒡𑒰𑒩 𑒐𑒹𑒞𑒧𑒹 𑒏𑒙𑒢𑒲 𑒏𑒩𑒥𑒋 𑒥𑒱𑒠𑒰 𑒯𑒼𑒃 𑒕𑒟𑒱 𑒞𑒿 𑒂𑒧𑒏 𑒏𑒪𑒧 𑒪𑒑 𑒢𑒰𑒩𑒰𑒨𑒝𑒣𑒳𑒩𑒥𑒰𑒪𑒲𑒏 𑒂𑒞𑒳𑒩 𑒚𑒼𑒩 𑒯𑒳𑒢𑒏𑒩 𑒑𑒰𑒪, 𑒧𑒰𑒟 𑒂 𑒏𑓀𑒚𑒣𑒩 𑒢𑒱𑒬𑒰𑒢 𑒕𑒼𑒛𑓃𑒱 𑒠𑒻 𑒕𑒢𑓂𑒯𑒱। 𑒧𑒳𑒠𑒰 𑒞𑒐𑒢𑒹 𑒒𑒩𑒻𑒨𑒰 𑒢𑒼𑒏𑒩 𑒮𑒩𑒖𑒳𑒑𑒥𑒰𑒏 𑒁𑒥𑒰𑒖 𑒁𑒢𑓂𑒯𑒰𑒩𑒮𑒿 𑒁𑒥𑒻 𑒁𑒕𑒱 𑒂 𑒥𑒖𑓂𑒖𑒩 𑒐𑒮𑒰𑒥𑒟𑒳𑒢 𑒦𑒑𑒫𑒰𑒢 𑒋𑒯𑒱 𑒠𑒳𑒮𑒧𑒢𑒧𑒰𑒣𑒩- 𑒏𑒯𑒻𑒞 𑒢𑒱𑒩𑒰𑒬𑒰, 𑒪𑒰𑒪𑒮𑒰 𑒂 𑒒𑒵𑒝𑒰𑒮𑒿 𑒏𑒳𑓀𑒛𑒰𑒥𑒼𑒩 𑒢𑒰𑒩𑒰𑒨𑒝𑒣𑒳𑒩𑒥𑒰𑒪𑒲 𑒂𑒑𑒰𑒿 𑒥𑒜𑓃𑒱 𑒖𑒰𑒃 𑒕𑒟𑒱। 𑒍𑒧𑓂𑒯𑒩 𑒢𑒰𑒩𑒰𑒨𑒝𑒣𑒳𑒩𑒥𑒰𑒪𑒲𑒣𑒩 𑒛𑒰𑒏𑒢𑒲 𑒮𑒫𑒰𑒩 𑒕𑒻 𑒮𑒹 𑒒𑒼𑒪 𑒯𑒼𑒃𑒋, 𑒠𑒹𑒯𑒣𑒩𑒏 𑒏𑒣𑒛𑓃𑒰-𑒥𑒮𑓂𑒞𑒩 𑒍 𑒤𑒹𑒏𑒱 𑒪𑒻𑒋। 𑒧𑒼𑒞𑒱𑒨𑒰 𑒠𑒳𑒮𑒰𑒡 𑒠𑒰𑒩𑒴 𑒣𑒱𑒥𑒻𑒋, 𑒥𑒩𑒯𑒧 𑒥𑒰𑒥𑒰𑒏 𑒣𑒩𑒮𑒰𑒠𑒲 𑒂 𑒤𑒹𑒩 𑒦𑒑𑒞𑒰 𑒥𑒢𑒱 𑒮𑒰𑒞 𑒙𑒰 𑒏𑒰𑒿𑒔 𑒏𑒩𑒔𑒲 𑒢𑒰𑒩𑒰𑒨𑒝𑒣𑒳𑒩𑒥𑒰𑒪𑒲𑒏 𑒠𑒹𑒯𑒣𑒩 𑒞𑒼𑒛𑓃𑒱 𑒠𑒻𑒞 𑒁𑒕𑒱। 𑒂 𑒛𑒰𑒏𑒢𑒲𑒏𑒹𑒿 𑒯𑒩𑒠𑒳𑒂𑒩𑒏 𑒬𑓂𑒧𑒬𑒰𑒢 𑒣𑒲𑒣𑒩 𑒑𑒰𑒕𑒣𑒩 𑒦𑒑𑒰 𑒠𑒻𑒞 𑒁𑒕𑒱! 𑒦𑒰𑒑𑒱 𑒖𑒰𑒃𑒋 𑒢𑒰𑒩𑒰𑒨𑒝𑒣𑒳𑒩𑒥𑒰𑒪𑒲। 𑒠𑒼𑒮𑒩 𑒥𑒹𑒩 𑒪𑒐𑒢𑒰𑒏 𑒥𑒱𑒨𑒰𑒯 𑒯𑒼𑒃 𑒕𑒻 𑒧𑒳𑒠𑒰 𑒋𑒯𑒱 𑒥𑒹𑒩 𑒮𑒴𑒞𑓂𑒩𑒡𑒰𑒩 𑒋𑒑𑒰𑒩𑒯 𑒑𑒼 𑒙𑒏𑒰 𑒁𑒢𑒏𑒰 𑒠𑒱𑒨𑒰 𑒣𑒚𑒰 𑒠𑒻 𑒕𑒟𑒱। 𑒏𑒢𑒱𑒨𑒰𑒿𑒏 𑒯𑒼𑒢𑒯𑒰𑒩𑒱𑒏 𑒐𑒥𑒩𑒱 𑒮𑒳𑒢𑒱 𑒩𑒰𑒧𑒔𑒩𑒢 𑒣𑓂𑒩𑒮𑒢𑓂𑒢 𑒦𑒹𑒪 𑒧𑒳𑒠𑒰 𑒪𑒐𑒢𑒰 𑒁𑒣𑒢 𑒏𑒣𑒰𑒩 𑒤𑒼𑒛𑓃𑒱 𑒪𑒻𑒞 𑒁𑒕𑒱, 𑒏𑒰𑒩𑒝 𑒍 𑒢𑒰𑒧𑒩𑒠 𑒁𑒕𑒱। 𑒢𑒰𑒩𑒰𑒨𑒝𑒣𑒳𑒩𑒥𑒰𑒪𑒲...𑒪𑒕𑒧𑒲 𑒕𑒪𑒻, 𑒥𑒹𑒏𑒮𑒴𑒩, 𑒥𑒹𑒔𑒰𑒩𑒲, 𑒁𑒦𑒰𑒑𑒪𑒱। 𑒁𑒢𑓂𑒯𑒰𑒩𑒏 𑒫𑒱𑒩𑒼𑒡𑒧𑒹- 𑒯𑒼 𑒯𑒪𑓂𑒪𑒰। 𑒏𑒟𑒰𑒏𑒩 𑒫𑒰 𑒮𑒴𑒞𑓂𑒩𑒡𑒰𑒩 𑒥𑒯𑒩𑒰𑒃 𑒕𑒟𑒱 𑒂 𑒣𑒯𑒳𑒿𑒔𑒻 𑒕𑒟𑒱 𑒁𑒪𑒰𑒅𑒠𑓂𑒠𑒲𑒢 𑒪𑒑। 𑒏𑒯𑒻 𑒕𑒢𑒱 𑒁𑒪𑒰𑒅𑒠𑓂𑒠𑒲𑒢, 𑒧𑒳𑒮𑒪𑒧𑒰𑒢 𑒏𑒳𑒖𑒛𑓃𑒰। 𑒖𑒢𑒰𑒩𑒠𑒢 𑒔𑒾𑒡𑒩𑒲 𑒍𑒏𑒩 𑒨𑒰𑒩। 𑒍𑒏𑒩𑒹 𑒙𑒼𑒪𑒧𑒹 𑒥𑒱𑒏𑒳𑒂 𑒍𑒏𑒩 𑒋𑒯𑒱 𑒨𑒰𑒩𑒏 𑒦𑒰𑒃𑒏𑒹𑒿 𑒑𑒰𑒩𑒱 𑒣𑒜𑓃𑒪𑒏𑒻। 𑒍𑒏𑒩 𑒥𑒹𑒯𑒳𑒠𑒣𑒢𑒲𑒏 𑒬𑒱𑒏𑒰𑒃𑒞 𑒪𑓄 𑒏𑓄 𑒖𑒢𑒰𑒩𑒠𑒢𑒏 𑒦𑒰𑒃𑒏 𑒂𑒋𑒥, 𑒦𑒻𑒨𑒰 𑒏𑒯𑒱 𑒮𑒼𑒩 𑒣𑒰𑒩𑒥, 𑒧𑒳𑒠𑒰 𑒞𑒐𑒢𑒹 𑒥𑒱𑒏𑒳𑒂𑒏 𑒧𑒰𑒩𑒥 𑒂 𑒞𑒐𑒢𑒹 𑒍𑒏𑒩 𑒒𑒩𑒏 𑒧𑒾𑒑𑒲 𑒮𑒦𑒏 𑒍𑒏𑒩𑒰 𑒑𑒰𑒩𑒱 𑒣𑒜𑓃𑒥 𑒬𑒳𑒩𑒴 𑒦𑒹𑒪𑒻। 𑒂 𑒅𑒢𑒙𑒹 𑒯𑒱𑒢𑓂𑒠𑒴-𑒧𑒳𑒮𑒪𑒧𑒰𑒢𑒏 𑒬𑒑𑒴𑒤𑒰 𑒮𑒹𑒯𑒼 𑒕𑒼𑒛𑓃𑒻 𑒩𑒯𑒻। 𑒏𑒼𑒢 𑒃𑒖𑓂𑒖𑒞𑒱 𑒩𑒯𑒱 𑒑𑒹𑒪𑒻 𑒋𑒯𑒱 𑒙𑒼𑒪𑒏। 𑒂𑒏𑒱 𑒞𑒐𑒢𑒹, 𑒔𑒰𑒩𑒴 𑒠𑒱𑒮 𑒁𑒣𑒢 𑒛𑒩𑒰𑒍𑒢 𑒕𑒰𑒿𑒯 𑒣𑒮𑒰𑒩𑒢𑒹 𑒁𑒢𑓂𑒯𑒰𑒩𑒏 𑒕𑒰𑒞𑒲𑒏𑒹𑒿 𑒔𑒲𑒩𑒻𑒞 𑒥𑒱𑒖𑒪𑒲𑒏 𑒖𑒑𑒧𑒑 𑒃𑒖𑒼𑒞 𑒠𑒴𑒩-𑒠𑒴𑒩 𑒡𑒩𑒱 𑒣𑒮𑒩𑒱 𑒑𑒹𑒪।𑒜𑒰𑒿𑒔𑒰-𑓑𑓙𑓙𑓒- 𑒏𑒟𑒰𑒏 𑒮𑒴𑒞𑓂𑒩𑒡𑒰𑒩𑒏 𑒔𑒱𑒙𑓂𑒚𑒲। 𑒮𑓂𑒫𑒲𑒏𑒰𑒩𑒼𑒏𑓂𑒞𑒱 𑒖𑒹 𑒖𑒹 𑒏𑒱𑒕𑒳 𑒪𑒱𑒐𑒰 𑒑𑒹𑒪 𑒕𑒢𑓂𑒯𑒱 𑒮𑒹 𑒫𑒰𑒞𑒰𑒫𑒩𑒝𑒏 𑒠𑒥𑒰𑒥𑒧𑒹। 𑒯𑒰𑒪𑒯𑒱𑒧𑒹 𑒖𑒰𑒢𑓂𑒛𑒱𑒮 𑒦𑒹𑒪 𑒕𑒪𑒢𑓂𑒯𑒱, 𑒖𑒲𑒯𑒏𑒹𑒿 𑒩𑒰𑒮 𑒪𑒑𑒰 𑒏𑓄 𑒣𑒛𑓃𑒪 𑒕𑒪𑒰𑒯। 𑒩𑒾𑒠, 𑒑𑒩𑒠𑒰 𑒂 𑒡𑒳𑒿𑒂𑒮𑒿 𑒁𑒏𑒔𑓂𑒕 𑒕𑒟𑒱। 𑒋𑒏𑒙𑒰 𑒂𑒩 𑒫𑒱𑒔𑒱𑒞𑓂𑒩 𑒥𑒹𑒧𑒰𑒩𑒲, 𑒠𑒹𑒯𑒧𑒹 𑒞𑒹𑒖 𑒯𑒅𑒯𑒙𑒱 𑒂 𑒔𑒧𑒛𑓃𑒰𑒣𑒩 𑒢𑒯𑒳𑒿-𑒢𑒯𑒳𑒿 𑒔𑒏𑒞𑓂𑒞𑒰 𑒅𑒦𑒩𑓄 𑒪𑒑𑒻 𑒕𑒢𑓂𑒯𑒱। 𑒋𑒏 𑒠𑒱𑒢 𑒮𑒯𑒩𑒮𑒰𑒮𑒿 𑒒𑒳𑒩𑒻 𑒕𑒪𑒰𑒯 𑒂𑒏𑒱 𑒮𑓂𑒏𑒴𑒙𑒩 𑒐𑒩𑒰𑒣 𑒦𑓄 𑒑𑒹𑒪𑒢𑓂𑒯𑒱। 𑒧𑒱𑒮𑓂𑒞𑒩𑒲 𑒂𑒡𑒰 𑒒𑓀𑒙𑒰𑒧𑒹 𑒮𑓂𑒏𑒴𑒙𑒩 𑒚𑒲𑒏 𑒏𑒩𑒥𑒰𑒏 𑒑𑒣 𑒏𑒯𑒪𑒢𑓂𑒯𑒱 𑒧𑒳𑒠𑒰 𑒣𑒰𑒙-𑒣𑒳𑒩𑒖𑒰 𑒐𑒼𑒪𑒱 𑒏𑓄 𑒕𑒱𑒛𑓃𑒱𑒨𑒰 𑒠𑒹𑒪𑒏𑒢𑓂𑒯𑒱 𑒂 𑒔𑒰𑒩𑒱 𑒒𑓀𑒙𑒰 𑒪𑒑𑒪𑒢𑓂𑒯𑒱। 𑒮𑒳𑒣𑒾𑒪 𑒒𑒳𑒩𑒱 𑒛𑒰. 𑒠𑒰𑒮𑒏 𑒏𑓂𑒪𑒱𑒢𑒱𑒏 𑒑𑒹𑒪𑒰𑒯, 𑒯𑒼𑒧𑒱𑒨𑒼𑒣𑒻𑒟𑒱𑒏 𑒠𑒫𑒰𑒃𑒏 𑒥𑒳𑒢𑓂𑒢 𑒁𑒮𑒩𑒱 𑒏𑒹𑒪𑒏𑒢𑓂𑒯𑒱 𑒧𑒳𑒠𑒰 𑒒𑓀𑒙𑒰 𑒪𑒰𑒑𑒱 𑒑𑒹𑒪𑒢𑓂𑒯𑒱। 𑒋𑒏 𑒥𑒹𑒩 𑒮𑒰𑒮𑒳𑒩𑒮𑒿 𑒒𑒳𑒩𑒻𑒞 𑒏𑒰𑒪 𑒮𑒹𑒯𑒼 𑒋𑒯𑒱𑒢𑒰 𑒦𑒹𑒪𑒢𑓂𑒯𑒱। 𑒋𑒏 𑒞𑒿 𑒣𑒞𑓂𑒢𑒲𑒮𑒿 𑒥𑒱𑒕𑒼𑒯 𑒂 𑒠𑒼𑒮𑒩 𑒯𑒰𑒛𑓃 𑒏𑓀𑒣𑒏𑒣𑒰𑒥𑒨 𑒥𑒪𑒰 𑒚𑒰𑒩 𑒂 𑒮𑒱𑒯𑒏𑒻𑒞 𑒯𑒥𑒰 ! 𑒑𑒼𑒭𑓂𑒚𑒲, 𑒣𑓂𑒩𑒼. 𑒩𑒰𑒖𑒹𑒢𑓂𑒠𑓂𑒩, 𑒛𑒰 𑒧𑒳𑒐𑒩𑓂𑒖𑒲 𑒂 𑒏𑒹.𑒏𑒹.𑒃𑒢𑓂𑒮𑓂𑒙𑒲𑒙𑓂𑒨𑒴𑒙 𑒂𑒤 𑒧𑒻𑒛𑒼𑒪𑒰𑒖𑒲𑒏 𑒣𑓂𑒩𑒱𑓀𑒮𑒱𑒣𑒪 𑒗𑒰। 𑒣𑓂𑒩𑒼. 𑒩𑒰𑒖𑒹𑒢𑓂𑒠𑓂𑒩𑒏 𑒛𑒰 𑒧𑒳𑒐𑒩𑓂𑒖𑒲𑒮𑒿 𑒏𑒯𑒪𑒰𑒣𑒩 𑒖𑒹 𑒃𑒪𑒰𑒖𑒏 𑒤𑒲𑒮 𑒣𑒰𑒿𑒔 𑒙𑒏𑒰 𑒞𑒿 𑒠𑓄 𑒠𑒹𑒥 𑒧𑒳𑒠𑒰 𑒠𑒥𑒰𑒃 𑒠𑒹𑒥𑒋 𑒣𑒛𑓃𑒞 𑒧𑒳𑒤𑓂𑒞𑒱𑒨𑒰, 𑒤𑒱𑒖𑒱𑒬𑒱𑒨𑒢 𑒮𑒻𑒧𑓂𑒣𑒪। 𑒞𑒰𑒯𑒱 𑒣𑒩 𑒧𑒳𑒐𑒩𑓂𑒖𑒲𑒏 𑒏𑒯𑒥 𑒖𑒹 𑒧𑒹𑒛𑒱𑒏𑒪 𑒩𑒱𑒣𑓂𑒩𑒹𑒮𑒹𑒢𑓂𑒙𑒹𑒙𑒱𑒫 𑒮𑒦 𑒯𑒳𑒢𑒏𑒰 𑒒𑒰𑒮𑒼 𑒢𑒯𑒱 𑒠𑒻 𑒕𑒢𑓂𑒯𑒱 𑒂 𑒋𑒯𑒱 𑒪𑒹𑒪 𑒞𑒿 𑒛𑒰. 𑒠𑒰𑒮 𑒪𑒑 𑒖𑒰𑒋 𑒣𑒛𑓃𑒞। 𑒤𑒹𑒩 𑒁𑒨𑒼𑒡𑓂𑒨𑒰𑒧𑒹 𑒥𑒰𑒥𑒩𑒲 𑒧𑒮𑓂𑒖𑒱𑒠𑒏 𑒜𑓃𑒰𑒿𑒔𑒰𑒏 𑒡𑓂𑒫𑒮𑓂𑒞 𑒯𑒋𑒥। 𑒮𑒴𑒞𑓂𑒩𑒡𑒰𑒩𑒏 𑒠𑒹𑒯𑒏 𑒏𑒿𑒣𑒏𑒿𑒣𑒲, 𑒯𑒅𑒯𑒙𑒱, 𑒔𑒏𑒞𑒰 𑒂 𑒮𑒴𑒖𑒢 𑒤𑒹𑒩𑒮𑒿। 𑒏𑒼𑒢𑒼 𑒣𑓂𑒩𑒞𑓂𑒨𑒏𑓂𑒭 𑒏𑒰𑒩𑒝 𑒢𑒯𑒱 𑒩𑒯𑒋 𑒋𑒏𑒩, 𑒧𑒳𑒠𑒰 𑒞𑒻𑒨𑒼 𑒯𑒳𑒢𑒏𑒩 𑒠𑒹𑒯 𑒋𑒏𑒩𑒰 𑒦𑒼𑒑𑒢𑒹 𑒕𑒪𑒢𑓂𑒯𑒱।𑒧𑒴𑒮- 𑒍 𑒂 𑒍𑒏𑒩 𑒠𑒥𑒰𑒃𑒏 𑒠𑒼𑒏𑒰𑒢। 𑒢𑒥𑒏𑒰 𑒛𑓂𑒩𑒑 𑒃𑓀𑒮𑓂𑒣𑒹𑒏𑓂𑒙𑒩 𑒋𑒯𑒱 𑒠𑒳𑒩𑓂𑒑𑒰 𑒣𑒴𑒖𑒰𑒧𑒹 𑒣𑒰𑒿𑒔 𑒮𑒋 𑒙𑒰𑒏𑒰 𑒮𑒪𑒰𑒧𑒲 𑒪𑓄 𑒑𑒹𑒪𑒻। 𑒠𑒼𑒏𑒰𑒢 𑒟𑒮𑒹 𑒖𑒹𑒏𑒰𑒿 𑒪𑒹𑒢𑒹 𑒕𑒻। 𑒁𑒢𑒳𑒖 𑒥𑒻𑒮𑒻 𑒕𑒻 𑒠𑒼𑒏𑒰𑒢𑒣𑒩। 𑒦𑒳𑒧𑒱𑒯𑒰𑒩 𑒣𑒹𑓀𑒔 𑒦𑒱𑒛𑓃𑒰𑒍𑒞 𑒂𑒏𑒱 𑒠𑒼𑒏𑒰𑒢 𑒏𑒩𑒞 ! 𑒥𑒻𑓀𑒏𑒏 𑒣𑒳𑒩𑒢𑒰 𑒪𑒼𑒢, 𑒒𑒩𑒏 𑒣𑒰𑒿𑒔 𑒮𑒰𑒪𑒏 𑒥𑒱𑒖𑒪𑒲𑒏 𑒥𑒱𑒪।..𑒖𑒹𑒚𑒏𑒰 𑒮𑒰𑒩 𑒢𑒰𑒑𑒣𑒳𑒩𑒧𑒹 𑒋𑒏𑒰𑒅𑒢𑓂𑒙𑒹𑒢𑓂𑒙 𑒕𑒻, 𑒮𑒢𑒑𑒩 𑒢𑒼𑒏𑒩𑒲 𑒂 𑒮𑒹𑒯𑒢𑓂𑒞𑒑𑒩 𑒏𑒢𑒱𑒨𑒰𑒿 𑒕𑒻। 𑒖𑒹 𑒍 𑒖𑒰𑒠𑒴𑒑𑒩 𑒩𑒯𑒻𑒞 𑒂 𑒞𑒐𑒢 𑒑𑒱𑒪𑒲-𑒑𑒱𑒪𑒲 𑒤𑒴 𑒂 𑒁𑒪𑒰𑒅𑒠𑓂𑒠𑒲𑒢𑒏 𑒔𑒱𑒩𑒰𑒑 𑒖𑒹 𑒩𑒯𑒱𑒞𑒻 𑒍𑒏𑒩𑒰 𑒯𑒰𑒟𑒧𑒹 𑒞𑒐𑒢 ! 𑒧𑒳𑒮𑒥𑒰 𑒞𑒿 𑒣𑒩𑒹𑒬𑒰𑒢 𑒏𑒹𑒢𑒹 𑒕𑒻, 𑒐𑒰𑒃𑒞𑒼 𑒏𑒰𑒪, 𑒧𑒳𑒠𑒰 𑒋𑒐𑒢 𑒍𑒏𑒩𑒰 𑒋𑒏𑓂𑒏𑒼 𑒩𑒞𑓂𑒞𑒲 𑒞𑒰𑒧𑒮 𑒢𑒯𑒱 𑒅𑒚𑒻 𑒕𑒻।𑒄 𑒬𑒯𑒩 𑒁𑒢𑒳𑒧𑒝𑓂𑒛𑒪𑒮𑒿 𑒖𑒱𑒪𑒰 𑒧𑒳𑒐𑓂𑒨𑒰𑒪𑒨 𑒦𑓄 𑒑𑒹𑒪 𑒕𑒻, 𑒖𑒧𑒲𑒢𑒏 𑒠𑒰𑒧 𑒥𑒜𑓃𑒱 𑒑𑒹𑒪 𑒕𑒻। 𑒖𑒧𑒲𑒢 𑒥𑒹𑒔𑒱 𑒮𑒦𑒙𑒰 𑒏𑒩𑓂𑒖𑒰-𑒥𑒩𑓂𑒖𑒰 𑒮𑒡𑒰 𑒠𑒹𑒞। 𑒢𑒱𑒢𑓂𑒢𑒏 𑒥𑒠𑒪𑒰𑒧𑒹 𑒣𑒰𑒩𑒠𑒩𑓂𑒬𑒲 𑒥𑒳𑒢𑒥𑒳𑒢𑒰 𑒂 𑒫𑒱𑒦𑒱𑒢𑓂𑒢 𑒂𑒏𑒵𑒞𑒱𑒏 𑒂 𑒩𑒴𑒣𑒏 𑒧𑒴𑒮 , 𑒏𑒳𑒞𑒩𑒻𑒞, 𑒪𑒛𑓃𑒻𑒞 , 𑒢𑒔𑒻𑒞, 𑒣𑓂𑒩𑒹𑒧 𑒏𑒩𑒻𑒞, 𑒣𑒼𑒟𑒲 𑒣𑒜𑓃𑒻𑒞 𑒂 𑒩𑒧𑓂𑒧𑒲 𑒐𑒹𑒪𑒰𑒃𑒞 𑒧𑒴𑒮। 𑒠𑒼𑒮𑒩 𑒥𑒹𑒩 𑒥𑒛𑓃𑒏𑒰 𑒙𑒰 𑒥𑒳𑒢𑒥𑒳𑒢𑓂𑒢𑒰, 𑒧𑒴𑒮𑒏 𑒏𑒰𑒩𑒝𑒮𑒿 𑒣𑓂𑒪𑒹𑒑। 𑒧𑒹𑒯𑒢𑒞𑒏𑒬 𑒧𑒴𑒮 𑒥𑒱𑒯𑒩𑒱 𑒥𑒢𑒥𑒻𑒞 𑒁𑒕𑒱 𑒧𑒳𑒠𑒰 𑒮𑒰𑒿𑒣 𑒍𑒯𑒱𑒧𑒹 𑒩𑒯𑒻𑒞 𑒁𑒕𑒱। 𑒁𑒔𑒏𑒔𑒰𑒏𑓄 𑒍 𑒅𑒚𑒱 𑒑𑒹𑒪। 𑒮𑓂𑒫𑒩𑓂𑒑𑒲𑒨 𑒣𑒱𑒞𑒰𑒏 𑒔𑒱𑒞𑓂𑒩 𑒠𑒹𑒐𑒻𑒞 𑒁𑒕𑒱। 𑒣𑒴𑒩𑓂𑒫𑒖𑒏 𑒁𑒩𑓂𑒖𑒱𑒞 𑒮𑒧𑓂𑒣𑒞𑓂𑒞𑒱𑒏 𑒅𑒣𑒨𑒼𑒑 𑒮𑒰𑒿𑒣𑒹 𑒖𑒹𑒏𑒰𑒿 𑒏𑒩𑒞? 𑒏𑒹𑒂𑒩𑒲𑒧𑒹 𑒁𑒢𑒹𑒩𑒳𑒂 𑒒𑒰𑒮-𑒣𑒰𑒞 𑒐𑒳𑒩𑒣𑒲𑒮𑒿 𑒮𑒰𑒤 𑒏𑒩𑓄 𑒪𑒰𑒑𑒪। 𑒣𑓂𑒩𑒖𑒰𑒞𑓀𑒞𑓂𑒩 𑒣𑒩𑒱𑒏𑒟𑒰- 𑒋𑒏𑒙𑒰 𑒯𑒞𑓂𑒨𑒰 𑒂 𑒠𑒴 𑒙𑒰 𑒒𑒩𑒧𑒹 𑒛𑒏𑒻𑒞𑒲। 𑒏𑒧𑒪 𑒏𑒳𑒧𑒰𑒩 𑒬𑒩𑓂𑒧𑒰 𑒋𑒯𑒱 𑒐𑒥𑒩𑒱𑒏𑒹𑒿 𑒠𑒹𑒐𑒻𑒞 𑒁𑒕𑒱, 𑒮𑒹𑒢𑓂𑒮𑒩𑓂𑒛 𑒮𑒢 𑒐𑒥𑒩𑒱। 𑒄 𑒑𑒣𑒏 𑒔𑒩𑓂𑒔𑒰 𑒢𑒯𑒱 𑒖𑒹 𑒍 𑒛𑒰𑒏𑓂𑒙𑒩 𑒏𑒹.𑒣𑒲.𑒦𑒑𑒞 𑒮𑒹𑒫𑒰𑒢𑒱𑒫𑒵𑒞𑓂𑒞 𑒕𑒪 𑒂 𑒧𑒰𑒧𑒴𑒪𑒲 𑒤𑒲𑒮 𑒪𑒻 𑒕𑒪। 𑒍𑒏𑒩 𑒒𑒩𑒧𑒹 𑒛𑒏𑒻𑒞 𑒮𑒦 𑒑𑒩𑒲𑒥 𑒧𑒩𑒲𑒖 𑒂 𑒍𑒏𑒩 𑒣𑒩𑒱𑒖𑒢 𑒥𑒢𑒱 𑒣𑒻𑒮𑒪 𑒕𑒪। 𑒍𑒯𑒱 𑒣𑒞𑓂𑒩𑒏𑒰𑒩𑒣𑒩 𑒏𑒰𑒪𑒰𑒥𑒰𑒖𑒰𑒩𑒲 𑒂 𑒧𑒱𑒪𑒰𑒫𑒙𑒏 𑒏𑒹𑒮 𑒋𑒐𑒢𑒼 𑒪𑒙𑒏𑒪 𑒁𑒕𑒱 𑒮𑒹 𑒍 𑒏𑒼𑒢𑒰 𑒪𑒱𑒐𑒱𑒞𑒋 𑒖𑒹 𑒍𑒯𑒱 𑒒𑒩𑒮𑒿 𑒣𑒳𑒪𑒱𑒮 𑒟𑒰𑒢𑒰 𑒁𑒑𑒥𑒹 𑒋𑒏 𑒮𑒨 𑒛𑒹𑒑𑒣𑒩 𑒂 𑒂𑒩𑒏𑓂𑒭𑒲 𑒧𑒯𑒼𑒠𑒨𑒏 𑒢𑒱𑒫𑒰𑒮 𑒁𑒑𑒥𑒹 𑒮𑒰𑒚𑒱-𑒮𑒞𑓂𑒞𑒩𑒱 𑒛𑒹𑒑𑒏 𑒠𑒴𑒩𑒲𑒣𑒩 𑒕𑒪𑒻। 𑒤𑒹𑒩 𑒛𑒰𑒏𑓂𑒙𑒩 𑒍𑒯𑒱𑒚𑒰𑒧𑒮𑒿 𑒍 𑒮𑒦 𑒩𑒰𑒭𑓂𑒙𑓂𑒩𑒣𑒞𑒱 𑒣𑒠𑒏 𑒣𑓂𑒩𑒰𑒣𑓂𑒞 𑒯𑒰𑒪𑒯𑒱𑒧𑒹 𑒩𑒱𑒙𑒰𑒨𑒩 𑒦𑒹𑒪 𑒬𑒱𑒏𑓂𑒭𑒏 𑒫𑒱𑒏𑓂𑒩𑒧 𑒣𑓂𑒩𑒮𑒰𑒠 𑒫𑒩𑓂𑒧𑒰𑒏 𑒒𑒩 𑒣𑒯𑒳𑒿𑒔𑒱 𑒑𑒹𑒪, 𑒛𑒏𑒻𑒞𑒲 𑒮𑒹𑒯𑒼 𑒏𑒹𑒪𑒏 𑒂 𑒐𑒹𑒢𑒰𑒃 𑒥𑒢𑒥𑒰𑒏𑒹𑒿 𑒮𑒹𑒯𑒼 𑒐𑒋𑒪𑒏। 𑒫𑒱𑒏𑓂𑒩𑒧 𑒥𑒰𑒥𑒴𑒏 𑒦𑒰𑒃 𑒑𑒖𑒰𑒢𑒢 𑒥𑒰𑒥𑒴 𑒂𑒩𑒏𑓂𑒭𑒲 𑒁𑒡𑒲𑒏𑓂𑒭𑒏𑒏 𑒍𑒯𑒱𑒚𑒰𑒧 𑒢𑒖𑒩𑒱 𑒥𑒔𑒰 𑒏𑓄 𑒣𑒯𑒳𑒿𑒔𑒱 𑒑𑒹𑒪𑒰𑒯। 𑒧𑒳𑒠𑒰 𑒞𑒻𑒨𑒼 𑒏𑒱𑒕𑒳 𑒢𑒯𑒱 𑒦𑒹𑒪। 𑒁𑒮𑓂𑒣𑒞𑒰𑒪𑒏 𑒯𑒰𑒞𑒰𑒏 𑒧𑒳𑒐𑓂𑒨𑒠𑓂𑒫𑒰𑒩𑒣𑒩 𑒪𑒼𑒏 𑒮𑒦 𑒖𑒳𑒙𑒱 𑒑𑒹𑒪। 𑒧𑒡𑒳𑒩𑒹𑒬 𑒏𑒱𑒬𑒼𑒩 𑒠𑓂𑒫𑒱𑒫𑒹𑒠𑒲𑒏 𑒏𑒹𑒧𑒱𑒮𑓂𑒙 𑒂 𑒛𑓂𑒩𑒑𑒱𑒮𑓂𑒙 𑒋𑒮𑒼𑒬𑒱𑒨𑒹𑒬𑒢 𑒋𑒏𑒩𑒰 𑒢𑒹𑒞𑒵𑒞𑓂𑒫 𑒠𑓄 𑒩𑒯𑒪 𑒕𑒪𑒻। 𑒮𑓂𑒏𑒴𑒪𑒮𑒿 𑒒𑒳𑒩𑒻𑒞 𑒥𑒹𑒠𑒩𑒰 𑒮𑒦𑒏𑒹𑒿 𑒏𑒱𑒕𑒳 𑒦𑓄 𑒖𑒰𑒨..। 𑒫𑒏𑓂𑒞𑒰 𑒮𑒦 𑒬𑒳𑒩𑒴- 𑒠𑒪𑒰𑒪 𑒄𑒬𑓂𑒫𑒩 𑒔𑒾𑒡𑒩𑒲, 𑒦𑒛𑓃𑒳𑒂 𑒧𑒳𑒩𑒪𑒲𑒡𑒩 𑒁𑒑𑓂𑒩𑒫𑒰𑒪, 𑒧𑒙𑒱𑒨𑒰 𑒞𑒹𑒪 𑒤𑒹𑓀𑒙𑒱 𑒏𑓄 𑒣𑒹𑒙𑓂𑒩𑒼𑒪 𑒥𑒹𑒔𑒱𑒢𑒱𑒯𑒰𑒩 𑒣𑒞𑓂𑒩𑒏𑒰𑒩,𑒔𑒼𑒩𑒱𑒏 𑒧𑒰𑒪 𑒐𑒩𑒲𑒠-𑒥𑒱𑒏𑓂𑒩𑒲 𑒏𑒹𑒢𑒱𑒯𑒰𑒩 𑒢𑒑𑒩𑒣𑒰𑒪𑒱𑒏𑒰 𑒔𑒹𑒨𑒩𑒧𑒻𑒢 𑒥𑒳𑒔𑒢𑒴 𑒥𑒰𑒥𑒴, 𑒧𑒳𑒢𑒲𑒧𑒏 𑒏𑒵𑒣𑒰𑒮𑒿 𑒔𑒰𑒩𑒱𑒙𑒰 𑒮𑓀𑒞𑒰𑒢𑒏 𑒥𑒰𑒣 𑒣𑒔𑒲𑒮 𑒫𑒩𑓂𑒭𑒲𑒨 𑒮𑒹𑒚𑒰𑒢𑒲𑒏 𑒮𑒰𑒚𑒱 𑒫𑒩𑓂𑒭𑒲𑒨 𑒣𑒞𑒱 𑒏𑒰𑒪𑒰𑒥𑒖𑒩𑒱𑒨𑒰 𑒮𑒹𑒚 𑒏𑒢𑒏𑒡𑒰𑒩𑒲𑒧𑒪- 𑒡𑓂𑒫𑒢𑒱 𑒫𑒱𑒮𑓂𑒞𑒰𑒩𑒏 𑒨𑓀𑒞𑓂𑒩𑒣𑒩 𑒍𑒏𑒩 𑒯𑒿𑒤𑒮𑒥𑒰𑒏 𑒮𑓂𑒫𑒩 𑒕𑒼𑒙-𑒧𑒼𑒙 𑒁𑒢𑓂𑒯𑒛𑓃𑒏 𑒦𑓂𑒩𑒧 𑒠𑒻𑒞 𑒕𑒪। 𑒥𑒰𑒩 𑒋𑒬𑒼𑒮𑒱𑒋𑒬𑒢𑒏 𑒁𑒡𑓂𑒨𑒏𑓂𑒭 𑒖𑓂𑒘𑒰𑒢𑒢𑒰𑒟 𑒮𑒱𑓀𑒯 𑒖𑒹 𑒐𑒴𑒢𑒲 𑒂 𑒛𑒏𑒻𑒞 𑒮𑒦 𑒣𑒻𑒩𑒫𑒲 𑒏𑒩𑒻 𑒕𑒟𑒱, 𑒥𑒰𑒜𑓃𑒱 𑒣𑓂𑒩𑒦𑒰𑒫𑒱𑒞 𑒃𑒪𑒰𑒏𑒰𑒏𑒹𑒿 𑒛𑒱𑒖𑒢𑒲𑒪𑒻𑒝𑓂𑒛𑒧𑒹 𑒣𑒩𑒱𑒫𑒩𑓂𑒞𑒱𑒞 𑒏𑒩𑒥𑒰𑒏 𑒧𑒳𑒤𑓂𑒞 𑒨𑒼𑒖𑒢𑒰 𑒣𑓂𑒩𑒮𑓂𑒞𑒳𑒞 𑒏𑒩𑒋𑒥𑒪𑒰 𑒑𑓀𑒖𑒹𑒛𑓃𑒲 𑒕𑒳𑒙𑒦𑒻𑒨𑒰 𑒏𑒵𑒭𑓂𑒝𑒰𑒢𑒢𑓂𑒠 𑒞𑒱𑒫𑒰𑒩𑒲..𑒑𑒼𑒩𑒏𑒰 𑒛𑒰𑒏𑓂𑒙𑒩 𑒡𑒩𑒧𑒔𑒢𑓂𑒠 𑒮𑒯𑒰𑒨 𑒖𑒏𑒩𑒰 𑒥𑒳𑒗𑒢𑒳𑒏 𑒪𑒼𑒏 𑒮𑒦 𑒛𑒲.𑒮𑒲.𑒋𑒮. 𑒧𑒰𑒢𑒹 𑒠𑒰𑒩𑒴, 𑒕𑒾𑒛𑓃𑒲, 𑒮𑒰𑒩 𑒥𑒯𑒰𑒢𑒔𑒼 𑒏𑒯𑒻 𑒕𑒟𑒱..𑒍𑒏𑒩 𑒡𑒲𑒣𑒪-𑒞𑒥𑒡𑒪 𑒬𑒥𑓂𑒠 𑒮𑒦। 𑒤𑒹𑒩 𑒦𑒲𑒛𑓃𑒏 𑒢𑒹𑒞𑒵𑒞𑓂𑒫𑒯𑒲𑒢 𑒯𑒼𑒋𑒥, 𑒣𑓂𑒩𑒞𑒱𑒢𑒱𑒡𑒱𑒧𑓀𑒛𑒪 𑒢𑒯𑒱 𑒖𑒢-𑒮𑒧𑒴𑒯 𑒠𑓂𑒫𑒰𑒩𑒰 𑒛𑒰𑒃𑒩𑒹𑒏𑓂𑒙 𑒫𑒰𑒩𑓂𑒞𑒰 𑒏𑒩𑒥𑒰𑒏 𑒑𑒣, 𑒂 𑒋𑒯𑒱𑒢𑒰𑒧𑒹 𑒙𑒻𑒩𑒹𑒮𑒣𑒩 𑒍𑒪𑓂𑒛 𑒤𑒰𑒏𑓂𑒮𑒏 𑒁𑒢𑓂𑒞𑒩𑓂𑒩𑒰𑒭𑓂𑒙𑓂𑒩𑒱𑒨 𑒮𑒧𑒮𑓂𑒨𑒰 𑒮𑒦𑒣𑒩 𑒥𑒏𑒟𑒼𑒟𑒲। 𑒞𑒐𑒢𑒹 𑒧𑒼𑒙𑒩𑒮𑒰𑒃𑒏𑒱𑒪𑒏 𑒋𑒏𑒙𑒰 𑒮𑒫𑒰𑒩 𑒦𑒲𑒛𑓃𑒏𑒹𑒿 𑒢𑒱𑒨𑓀𑒞𑓂𑒩𑒝𑒧𑒹 𑒪𑒹𑒧𑒋 𑒔𑒰𑒯𑒻𑒞 𑒁𑒕𑒱, 𑒍 𑒥𑓀𑒠𑒰 𑒋𑒏𑒙𑒰 𑒮𑓀𑒣𑓂𑒩𑒠𑒰𑒨𑒫𑒰𑒠𑒲 𑒠𑒪𑒏 𑒢𑒫𑓂𑒨𑒞𑒧 𑒩𑓀𑒑𑒩𑒴𑒙 𑒕𑒪। 𑒧𑒡𑒳𑒩𑒹𑒬𑒖𑒲 𑒮𑒰𑒫𑒡𑒰𑒢𑒲 𑒥𑒩𑒞𑒻 𑒕𑒟𑒱। 𑒋𑒏𑒙𑒰 𑒡𑒑𑓂𑒑𑒩 𑒂 𑒙𑒙𑒏𑒰 𑒖𑒢𑒧𑒪 𑒢𑒰𑒩𑒰 𑒏𑒧𑒪 𑒂 𑒁𑒢𑒏𑒩 𑒡𑓂𑒨𑒰𑒢 𑒂𑒏𑒵𑒭𑓂𑒙 𑒏𑒩𑒻𑒞 𑒕𑒢𑓂𑒯𑒱। 𑒤𑒹𑒩 𑒁𑒥𑒻 𑒕𑒟𑒱 𑒣𑓂𑒩𑒠𑒲𑒣 𑒏𑓂𑒩𑒰𑒢𑓂𑒞𑒱𑒏𑒰𑒩𑒲 𑒖𑒹 𑒮𑒧𑒰𑒖𑒮𑒹𑒫𑒰𑒏 𑒫𑒬𑒲𑒦𑒴𑒞 𑒁𑒦𑒱𑒨𑒢𑓂𑒞𑓂𑒩𑒝𑒏 𑒣𑒜𑓃𑒰𑒃 𑒕𑒼𑒛𑓃𑒢𑒹 𑒕𑒟𑒱 𑒫𑒰 𑒢𑒱𑒬𑒰𑒥𑒰𑒖𑒲 𑒂 𑒥𑒪𑒰𑒞𑓂𑒏𑒰𑒩𑒏 𑒏𑒰𑒩𑒝 𑒢𑒱𑒭𑓂𑒏𑒰𑒮𑒱𑒞 𑒏𑒋𑒪 𑒑𑒹𑒪 𑒕𑒟𑒱।𑒁𑒢𑒳𑒧𑓀𑒛𑒪𑒰𑒡𑒱𑒏𑒰𑒩𑒲𑒏 𑒖𑒲𑒣𑒣𑒩 𑒂𑒏𑓂𑒩𑒧𑒝 𑒯𑒼𑒃𑒞 𑒁𑒕𑒱। 𑒣𑓂𑒩𑒠𑒲𑒣 𑒏𑓂𑒩𑒰𑓀𑒞𑒱𑒏𑒰𑒩𑒲 𑒏𑒯𑒻𑒞 𑒁𑒕𑒱- 𑒏𑒼𑒨𑒪𑒰 𑒪𑒨𑒮𑒹𑓀𑒮𑒧𑒹 𑒮𑒰𑒞 𑒯𑒖𑒰𑒩 𑒙𑒏𑒰 𑒔𑒰𑒯𑒲 𑒯𑒩𑒰𑒧𑒖𑒠𑒰𑒏𑒹𑒿। 𑒠𑒹𑒐𑒪𑒯𑒏 𑒞𑒴𑒤𑒰𑒢। 𑒧𑒡𑒳𑒩𑒹𑒬𑒖𑒲 𑒏𑒱𑒕𑒳 𑒂𑒩 𑒑𑒼𑒙𑒹𑒏𑒹𑒿 𑒮𑓀𑒑𑒧𑒹 𑒪𑓄 𑒪𑒹𑒢𑒹 𑒕𑒪𑒰𑒯 𑒖𑒹𑒢𑒰 𑒑𑒖𑒹𑒢𑓂𑒠𑓂𑒩𑒖𑒲- 𑒮𑓂𑒟𑒰𑒢𑒲𑒨 𑒏𑒰𑒪𑒹𑒖𑒏 𑒫𑓂𑒨𑒰𑒐𑓂𑒨𑒰𑒞𑒰 𑒂 𑒫𑓂𑒨𑒰𑒣𑒰𑒩𑒲 𑒮𑓀𑒑𑒚𑒢𑒏 𑒧𑒰𑒡𑒫𑒖𑒲 𑒂 𑒏𑒵𑒭𑓂𑒝𑒧𑒼𑒯𑒢𑒖𑒲। 𑒥𑒱𑒢𑒰 𑒁𑒣𑓂𑒩𑒱𑒨 𑒒𑒙𑒢𑒰𑒏 𑒦𑒲𑒛𑓃 𑒑𑒰𑒿𑒡𑒲 𑒔𑒾𑒏 𑒂 𑒖𑒨𑒣𑓂𑒩𑒏𑒰𑒬 𑒔𑒾𑒏 𑒣𑒯𑒳𑒿𑒔𑒪। 𑒞𑒐𑒢𑒹 𑒧𑒱𑒚𑒰𑒃 𑒠𑒼𑒏𑒰𑒢𑒣𑒩 𑒥𑒻𑒮𑒋𑒥𑒪𑒰 𑒑𑒼𑒪𑓂𑒛𑒱𑒨𑒰 𑒖𑒹 𑒏𑓂𑒩𑒱𑒏𑒹𑒙 𑒮𑒹𑒯𑒼 𑒐𑒹𑒪𑒰𑒃 𑒕𑒪 𑒂 𑒞𑒯𑒴𑒧𑒹 𑒥𑒰𑒪𑒏 𑒮𑒳𑒫𑒱𑒡𑒰𑒏 𑒡𑓂𑒨𑒰𑒢 𑒩𑒐𑒻 𑒕𑒪..𑒥𑒻𑒙𑒣𑒩 𑒂𑒥𑒱 𑒑𑒹𑒪𑒻 𑒞𑒿 𑒕𑒏𑓂𑒏𑒰 𑒂 𑒢𑒯𑒱 𑒞𑒿 𑒏𑓂𑒪𑒲𑒢 𑒥𑒼𑒪𑓂𑒛... 𑒮𑒹 𑒮𑒩𑒏𑒰𑒩𑒲 𑒑𑒰𑒛𑓃𑒲𑒏𑒹𑒿 𑒠𑒹𑒐𑒱 𑒧𑒰𑒩..𑒂𑒑𑒱 𑒪𑒑𑒰 𑒠𑒹.. 𑒥𑒰𑒖𑒱 𑒅𑒚𑒪। 𑒏𑒱𑒕𑒳 𑒪𑒼𑒏 𑒑𑒰𑒛𑓃𑒲 𑒠𑒱𑒮 𑒠𑒩𑒥𑒩 𑒧𑒰𑒩𑒪𑒏, 𑒧𑒳𑒠𑒰 𑒑𑒰𑒛𑓃𑒲𑒏 𑒔𑒰𑒪𑒏 𑒑𑒰𑒛𑓃𑒲 𑒦𑒑𑒾𑒪𑒏। 𑒢𑓂𑒨𑒰𑒨 𑒔𑒾𑒏 𑒫𑒰 𑒢𑒥𑒰𑒥 𑒔𑒾𑒏 𑒣𑒩 𑒫𑒱𑒬𑓂𑒫 𑒯𑒱𑒢𑓂𑒠𑒴 𑒮𑒹𑒢𑒰𑒏 𑒮𑒹𑒢𑒰𑒢𑒲 𑒮𑒦 𑒥𑒖𑒩𑓀𑒑𑒥𑒪𑒲𑒏 𑒮𑓂𑒟𑒰𑒣𑒢𑒰 𑒏𑓄 𑒠𑒹𑒢𑒹 𑒕𑒪 𑒏𑒰𑒩𑒝 𑒞𑒩𑒰𑒖𑒴 𑒂 𑒂𑒿𑒐𑒱𑒣𑒩 𑒣𑒙𑓂𑒙𑒲 𑒥𑒪𑒰 𑒧𑒴𑒩𑓂𑒞𑒱 𑒢𑒯𑒱 𑒪𑒰𑒑𑒱 𑒮𑒏𑒪 𑒩𑒯𑒋। 𑒥𑒖𑒩𑓀𑒑 𑒔𑒾𑒏𑒏 𑒥𑒼𑒩𑓂𑒛 𑒪𑒰𑒑𑒱 𑒑𑒹𑒪 𑒩𑒯𑒋। 𑒣𑓂𑒩𑒬𑒰𑒮𑒢𑒧𑒹 𑒍𑒯𑒱 𑒮𑒧𑒋 𑒠𑒪𑒱𑒞 𑒁𑒡𑒱𑒏𑒰𑒩𑒲 𑒮𑒦𑒏 𑒥𑒰𑒯𑒳𑒪𑓂𑒨 𑒕𑒪𑒻 𑒂 𑒍 𑒮𑒦 𑒔𑒾𑒏𑒏 𑒢𑒰𑒧 𑒁𑒧𑓂𑒥𑒹𑒠𑒏𑒩 𑒔𑒾𑒏 𑒏𑒩𑒋 𑒔𑒰𑒯𑒻 𑒕𑒪𑒰𑒯 𑒮𑒹 𑒍 𑒮𑒦 𑒥𑒖𑒩𑓀𑒑𑒥𑒪𑒲𑒏𑒹𑒿 𑒑𑒱𑒩𑒤𑓂𑒞𑒰𑒩 𑒏𑓄 𑒟𑒰𑒢𑒰 𑒪𑓄 𑒑𑒹𑒪𑒰𑒯 𑒖𑒞𑒋 𑒮𑒳𑒢𑒻 𑒕𑒱𑒨𑒻 𑒂𑒃𑒨𑒼 𑒯𑒳𑒢𑒏𑒩 𑒣𑒴𑒖𑒰 𑒏𑒋𑒪 𑒖𑒰𑒃𑒞 𑒕𑒢𑓂𑒯𑒱। 𑒮𑒹 𑒄 𑒔𑒾𑒏 𑒢𑒑𑒩𑒣𑒰𑒪𑒱𑒏𑒰𑒏 𑒣𑒰𑒩𑓂𑒬𑓂𑒫𑒧𑒹 𑒩𑒯𑒪𑒰𑒮𑒿 𑒂𑒥 𑒢𑒑𑒩𑒣𑒰𑒪𑒱𑒏𑒰 𑒔𑒾𑒏 𑒏𑒯𑒰𑒃𑒞 𑒁𑒕𑒱। 𑒁𑒢𑒳𑒧𑓀𑒛𑒪𑒰𑒡𑒱𑒏𑒰𑒩𑒲 𑒤𑒼𑒩𑓂𑒮 𑒪𑓄 𑒏𑓄 𑒋𑒞𑒋 𑒂𑒥𑒱 𑒑𑒹𑒪 𑒂 𑒮𑒦 𑒧𑒱𑒪𑒱 𑒪𑒰𑒚𑒲 𑒦𑒰𑓀𑒖 𑒪𑒰𑒑𑒪। 𑒣𑒳𑒪𑒱𑒮𑒥𑒪𑒰 𑒮𑒦 𑒠𑒴𑒩 𑒡𑒩𑒱 𑒠𑒩𑒥𑒩 𑒧𑒰𑒩𑒱 𑒩𑒯𑒪 𑒕𑒪। 𑒧𑒳𑒠𑒰 𑒤𑒹𑒩 𑒪𑒼𑒏 𑒮𑒦 𑒑𑒩 𑒡𑓄 𑒏𑓄 𑒩𑒼𑒛𑓃𑒰 𑒤𑒹𑒏𑒥 𑒣𑓂𑒩𑒰𑒩𑒧𑓂𑒦 𑒏𑒋𑒪𑒏। 𑒣𑒳𑒪𑒱𑒮 𑒁𑒮𑒥𑒰𑒩 𑒦𑒋 𑒦𑒰𑒑𑒪..𑒋𑒏𑒙𑒰 𑒯𑒱𑒙𑒪𑒩 𑒏𑒙 𑒧𑒼𑒿𑒕𑒥𑒪𑒰 𑒃𑓀𑒮𑓂𑒣𑒹𑒏𑓂𑒙𑒩 𑒂𑒋𑒪.. 𑒥𑒩𑒑𑒰𑒿𑒯𑒲 𑒮𑒦 𑒍𑒏𑒩 𑒑𑒰𑒛𑓃𑒲 𑒪𑓄 𑒦𑒰𑒑𑒪 𑒩𑒯𑒻 ! 𑒁𑒢𑒳𑒧𑓀𑒛𑒪𑒰𑒡𑒱𑒏𑒰𑒩𑒲 𑒂 𑒠𑒼𑒮𑒩 𑒮𑒦 𑒯𑒰𑒿𑒃-𑒯𑒰𑒿𑒃 𑒖𑒲𑒣𑒧𑒹 𑒥𑒻𑒮𑒱𑒏𑓄 𑒣𑒞𑒢𑒳𑒏𑒰𑒢 𑒪𑓄 𑒪𑒹𑒢𑒹 𑒕𑒪।𑒏𑒧𑒪 𑒢𑒖𑒩𑒱 𑒐𑒱𑒩𑒍𑒢𑒹 𑒕𑒪। 𑒑𑒼𑒪𑓂𑒛𑒲 𑒍𑒏𑒩𑒰𑒮𑒿 𑒥𑒯𑒮 𑒏𑒹𑒪𑒏𑒻 𑒞𑒿 𑒁𑒧𑒖𑒠 𑒁𑒪𑒲 𑒏𑒧𑒪𑒏 𑒥𑒰𑒿𑒯𑒱 𑒑𑒮𑒱𑒁𑒨𑒢𑒹 ...𑒏𑓂𑒩𑒳𑒠𑓂𑒡 𑒔𑒲𑒞𑒰 𑒂 𑒏𑒴𑒜𑓃𑒧𑒑𑒖 𑒧𑒯𑒱𑒭𑒏 𑒥𑒲𑒔 𑒠𑒩𑓂𑒖𑒢 𑒦𑒩𑒱 𑒪𑒼𑒏..। 𑒩𑒰𑒖𑒻𑒞𑒱𑒏 𑒂 𑒮𑒰𑒧𑒰𑒖𑒱𑒏 𑒑𑒳𑒙𑒥𑒢𑓂𑒠𑒲𑒮𑒿 𑒥𑒰𑒯𑒩𑒏 𑒪𑒼𑒏 𑒚𑒏𑒳𑒩𑒮𑒼𑒯𑒰𑒞𑒲 𑒢𑒯𑒱 𑒖𑒢𑒻 𑒕𑒪𑒰𑒯। 𑒢𑒹 𑒕𑒪..𑒏𑒟𑒲 𑒪𑒹𑒪 𑒋𑒏𑒩 𑒮𑒦𑒏 𑒧𑒳𑒿𑒯 𑒪𑒰𑒑𑒻 𑒕𑒲। 𑒠𑒴 𑒑𑒼𑒙 𑒑𑒱𑒩𑒤𑓂𑒞𑒰𑒩 𑒮𑓀𑒑𑒲𑒏 𑒩𑒱𑒯𑒰 𑒏𑒩𑒥𑒰𑒏 𑒧𑒰𑒿𑒑..𑒧𑒳𑒠𑒰 𑒁𑒡𑒱𑒏𑒰𑒩𑒲 𑒮𑒦 𑒁𑒣𑒢 𑒩𑒏𑓂𑒭𑒰𑒩𑓂𑒟 𑒞𑒰𑒯𑒱 𑒪𑒹𑒪 𑒞𑒻𑒨𑒰𑒩 𑒢𑒯𑒱 𑒕𑒪𑒰𑒯। 𑒪𑒼𑒤𑒩𑒏𑒙 𑒛𑒲.𑒋𑒮.𑒣𑒲.𑒏 𑒧𑒥𑒰𑒪𑒲𑒏𑒙 𑒁𑒬𑒱𑒭𑓂𑒙 𑒥𑒼𑒪𑒲..। 𑒧𑒡𑒳𑒩𑒹𑒬𑒖𑒲 𑒥𑒖𑒪𑒰𑒯- 𑒁𑒯𑒰𑒿 𑒮𑒦𑒏𑒹𑒿 𑒢𑒱𑒐𑒞𑓂𑒞𑒩 𑒖𑒨𑒥𑒰𑒏 𑒮𑒱𑒯𑒢𑓂𑒞𑒰 𑒯𑒼𑒁𑒨 𑒂𑒏𑒱 𑒢𑒱𑒕𑒏𑓂𑒏 𑒖𑒨𑒣𑓀𑒟𑒲-𑒋 𑒒𑒹𑒩𑒢𑒹 𑒯𑒼𑒁𑒨 𑒞𑒿..। 𑒥𑒢𑓂𑒯𑒏𑒏𑒹𑒿 𑒕𑒼𑒛𑓃𑒥𑒰𑒣𑒩 𑒮𑒯𑒧𑒞𑒱 𑒦𑒹𑒪। 𑒧𑒢𑒳𑒏𑓂𑒐𑒏 𑒏𑒼𑒢 𑒏𑒟𑒰 𑒏𑒼𑒢𑒼 𑒏𑒰𑒑𑒣𑓀𑒕𑒲 𑒢𑒯𑒱 𑒠𑒹𑒐𑒰𑒃𑒞 𑒕𑒪𑒻..𑒧𑒯𑒰𑒦𑒰𑒩𑒞 𑒮𑒧𑒰𑒣𑓂𑒞 𑒦𑒹𑒪𑒰𑒣𑒩 𑒏𑒲 𑒏𑒳𑒩𑒳𑒏𑓂𑒭𑒹𑒞𑓂𑒩𑒼 𑒋𑒯𑒱𑒢𑒰 𑒢𑒱𑒮𑒥𑒡 𑒦𑒹𑒪 𑒯𑒼𑒨𑒞𑒻𑒏। 𑒥𑒹𑒠𑒩𑒰 𑒮𑒦𑒏 𑒋𑒏𑒙𑒰 𑒑𑒼𑒪 𑒏𑓂𑒩𑒱𑒏𑒹𑒙 𑒐𑒹𑒪𑒹𑒥𑒰𑒏 𑒪𑒹𑒪 𑒧𑒻𑒠𑒰𑒢𑒧𑒹 𑒣𑓂𑒩𑒫𑒹𑒬 𑒏𑓄 𑒩𑒯𑒪 𑒕𑒪।𑒁𑒟 𑒑𑒱𑒩𑒑𑒱𑒙 𑒏𑒟𑒰- 𑒧𑒳𑒏𑓂𑒏𑒢 𑒥𑒰𑒥𑒴 𑒧𑒰𑒢𑒹 𑒧𑒳𑒏𑒳𑒢𑓂𑒠 𑒖𑒰𑒨𑒮𑒫𑒰𑒪- 𑒖𑒢𑒫𑒱𑒞𑒩𑒝 𑒣𑓂𑒩𑒝𑒰𑒪𑒲𑒏 𑒠𑒼𑒏𑒰𑒢𑒏 𑒋𑒏𑒙𑒰 𑒛𑒲𑒪𑒩। 𑒋𑒯𑒱 𑒢𑒰𑒧𑒏 𑒋𑒏𑒙𑒰 𑒠𑒩𑒼𑒑𑒰 𑒮𑒹𑒯𑒼 𑒂𑒨𑒪 𑒕𑒪 𑒂 𑒐𑒴𑒥 𑒯𑒿𑒮𑒼𑒟𑒱 𑒏𑓄 𑒑𑒹𑒪 𑒕𑒪। 𑒩𑒰𑒧𑒪𑒐𑒢 𑒣𑒼𑒠𑓂𑒠𑒰𑒩, 𑒥𑒲.𑒋𑒮.𑒮𑒲. 𑒂𑒢𑒩𑓂𑒮, 𑒫𑒪𑓂𑒠 𑒏𑒱𑒬𑒢 𑒣𑒼𑒠𑓂𑒠𑒰𑒩, 𑒔𑒰𑒯-𑒣𑒰𑒢 𑒥𑒹𑒔𑒨𑒥𑒪𑒰, 𑒙𑒰𑒣𑒩 𑒧𑒳𑒠𑒰 𑒢𑒼𑒏𑒩𑒲 𑒪𑒹𑒪 𑒖𑒳𑒞𑓂𑒞𑒰 𑒐𑒱𑒨𑒰𑒨 𑒑𑒹𑒪𑒻। 𑒢𑒑𑒩-𑒯𑒥𑒰𑒏 𑒢𑒰𑒣𑒥𑒰𑒏 𑒨𑓀𑒞𑓂𑒩- 𑒏𑒰𑒨𑒩𑒰𑒢𑒰 𑒦𑒠𑓂𑒩𑒞𑒰𑒏 𑒣𑒔𑒯𑒞𑓂𑒞𑒩𑒱 𑒣𑓂𑒩𑒞𑒱𑒬𑒞, 𑒮𑓂𑒫𑒰𑒩𑓂𑒟𑒰𑒢𑒰 𑒨𑒰𑒩𑒲𑒏 𑒥𑒲𑒮 𑒣𑓂𑒩𑒞𑒱𑒬𑒞 𑒂𑒩 𑒧𑒱𑒮𑒪𑒹𑒢𑒱𑒨𑒮 𑒫𑒰𑒃𑒩𑒮 𑒣𑒰𑒿𑒔 𑒣𑓂𑒩𑒞𑒱𑒬𑒞 𑒁𑒢𑒳𑒣𑒰𑒞𑒧𑒹 𑒅𑒣𑒮𑓂𑒟𑒱𑒞 𑒩𑒯𑒞। 𑒋𑒏𑒙𑒰 𑒑𑒼𑒠𑒰𑒧 𑒮𑒢 𑒧𑒏𑒰𑒢𑒧𑒹 𑒁𑒕𑒱 𑒣𑒳𑒪𑒱𑒮 𑒤𑒰𑒿𑒛𑓃𑒲 𑒂 𑒞𑒏𑒩𑒹 𑒮𑒙𑒪 𑒠𑒰𑒩𑒴𑒏 𑒦𑒙𑓂𑒚𑒲! 𑒋𑒏 𑒠𑒱𑒢 𑒁𑒢𑒰𑒨𑒰𑒮𑒹 𑒠𑒳𑒢𑒴𑒏 𑒁𑒯𑓀 𑒮𑒼𑒗𑒰𑒿-𑒮𑒼𑒗𑒲 𑒯𑒼𑒃𑒞 𑒕𑒢𑓂𑒯𑒱 𑒖𑒐𑒢 𑒧𑒳𑒏𑒳𑒢𑓂𑒠 𑒣𑒳𑒪𑒱𑒮 𑒤𑒰𑓀𑒛𑓃𑒲𑒮𑒿 𑒤𑒩𑒰𑒏𑒻𑒞 𑒦𑓄 𑒢𑒱𑒏𑒪𑒻 𑒕𑒟𑒱 𑒂 𑒩𑒰𑒧𑒪𑒐𑒢 𑒦𑒙𑓂𑒚𑒲𑒮𑒿। 𑒗𑒑𑒛𑓃𑒰𑒏 𑒥𑒰𑒠 𑒣𑒳𑒪𑒱𑒮𑒥𑒪𑒰 𑒮𑒦𑒏 𑒮𑒯𑒰𑒢𑒳𑒦𑒴𑒞𑒱 𑒧𑒳𑒏𑒳𑒢𑓂𑒠𑒏 𑒣𑓂𑒩𑒞𑒱 𑒩𑒯𑒋 𑒂 𑒦𑒙𑓂𑒚𑒰𑒮𑒿 𑒥𑒯𑒩𑒰𑒋 𑒥𑒪𑒰 𑒮𑒦𑒏 𑒣𑒼𑒠𑓂𑒠𑒰𑒩𑒏 𑒣𑒏𑓂𑒭𑒧𑒹। 𑒩𑒰𑒧𑒪𑒐𑒢 𑒣𑒼𑒠𑓂𑒠𑒰𑒩 𑒑𑒱𑒩𑒤𑓂𑒞𑒰𑒩 𑒦𑓄 𑒑𑒹𑒪 𑒂 𑒦𑒼𑒩𑒧𑒹 𑒍𑒏𑒩 𑒥𑒰𑒣 𑒣𑒳𑒪𑒱𑒮𑒥𑒪𑒰𑒏𑒹𑒿 𑒤𑒴𑒪-𑒣𑒞𑓂𑒞𑒲 𑒔𑒜𑓃𑒰 𑒏𑓄 𑒍𑒏𑒩𑒰 𑒕𑒼𑒛𑓃𑒍𑒪𑒏। 𑒤𑒹𑒩 𑒧𑒳𑒏𑓂𑒏𑒢 𑒥𑒰𑒥𑒴 𑒋𑒏 𑒮𑒼𑒛𑓃𑒯 𑒪𑒼𑒏 𑒪𑓄 𑒢𑒬𑒰 𑒫𑒱𑒩𑒼𑒡𑒲 𑒢𑒰𑒑𑒩𑒱𑒏 𑒧𑓀𑒔 𑒥𑒢𑒹𑒪𑒢𑓂𑒯𑒱 𑒂 𑒦𑒙𑓂𑒚𑒲𑒣𑒩 𑒡𑒩𑒢𑒰 𑒠𑒹𑒪𑒢𑓂𑒯𑒱। 𑒄 𑒮𑒼𑒪𑒯 𑒑𑒼𑒙𑒹 𑒕𑒪𑒰𑒯 𑒮𑒰𑒞 𑒑𑒼𑒙 𑒣𑒱𑒞𑒱𑒎𑒞-𑒧𑒧𑒱𑒎𑒞-𑒣𑒱𑒮𑒱𑒎𑒞-𑒧𑒮𑒱𑒎𑒞, 𑒠𑒴 𑒙𑒰 𑒯𑒩𑒥𑒰𑒯𑒰, 𑒡𑒢𑒏𑒳𑒙𑓂𑒙𑒰 𑒧𑒬𑒲𑒢𑒏 𑒂𑒣𑒩𑒹𑒙𑒩, 𑒞𑒲𑒢 𑒏𑒳𑒐𑓂𑒨𑒰𑒞 𑒧𑒱𑒞𑓂𑒩 𑒂 𑒏𑒳𑒪𑒣𑒳𑒩𑒼𑒯𑒱𑒞𑒏 𑒠𑒴 𑒙𑒰 𑒪𑒤𑓀𑒑𑒰 𑒣𑒳𑒞𑓂𑒩। 𑒧𑒳𑒠𑒰 𑒋𑒧𑓂𑒯𑒩 𑒣𑒼𑒠𑓂𑒠𑒰𑒩𑒖𑒲 𑒁𑒡𑒱𑒏𑒰𑒩 𑒮𑒳𑒩𑒏𑓂𑒭𑒰 𑒯𑒹𑒞𑒳 𑓓𑓖 𑒑𑒼𑒙𑒹𑒏 𑒮𑓀𑒑𑒹 𑒂𑒥𑒱 𑒑𑒹𑒪𑒰𑒯। 𑒢𑒬𑒰 𑒫𑒱𑒩𑒼𑒡𑒲 𑒢𑒰𑒑𑒩𑒱𑒏 𑒧𑓀𑒔𑒏 𑒮𑒹𑒢𑒰𑒣𑒞𑒱 𑒪𑓀𑒏 𑒪𑓄 𑒣𑒛𑓃𑒋𑒪𑒰𑒯 𑒞𑒿 𑒬𑒹𑒭𑒏𑒹𑒿 𑒡𑒩𑒣𑒙𑒰𑓀𑒑 𑒅𑒚𑒰 𑒠𑒹𑒪𑒏𑒢𑓂𑒯𑒱। 𑒤𑒹𑒩 𑒧𑒰𑒩𑒱-𑒣𑒲𑒙𑒏 𑒏𑓂𑒩𑒧 𑒬𑒳𑒩𑒴 𑒦𑒹𑒪। 𑒩𑓀𑒑𑒥𑒰𑒖𑒲 𑒮𑓂𑒣𑒹𑒬𑒪𑒱𑒮𑓂𑒙 𑒮𑒳𑒥𑓂𑒩𑒞 𑒧𑒳𑒐𑒩𑓂𑒖𑒲 𑒋𑒏𑒩𑒰 𑒑𑒻𑓀𑒑𑒫𑒰𑒩 𑒏𑒯𑒻𑒞 𑒕𑒟𑒱। 𑒧𑒳𑒠𑒰 𑒞𑒐𑒢𑒹 𑒢𑒑𑒩𑒣𑒰𑒪𑒱𑒏𑒰𑒏 𑒔𑒳𑒢𑒰𑒫𑒏 𑒒𑒼𑒭𑒝𑒰 𑒦𑒹𑒪। 𑒮𑓂𑒫𑒰𑒩𑓂𑒟𑒰𑒢𑒰 𑒨𑒰𑒩𑒲𑒏 𑒫𑒰𑒃𑒩𑒮 𑒬𑒲𑒫𑒰𑒖 𑒩𑒲𑒑𑒪𑒏 𑒮𑒼𑒗𑒰𑒿 𑒩𑓀𑒑 𑒡𑒹𑒪𑒏। 𑒧𑒳𑒏𑓂𑒏𑒢 𑒥𑒰𑒥𑒴 𑒔𑒹𑒨𑒩𑒧𑒻𑒢 𑒕𑒟𑒱, 𑒣𑒼𑒠𑓂𑒠𑒰𑒩𑒖𑒲 𑒫𑒰𑒃𑒮-𑒔𑒹𑒨𑒩𑒧𑒻𑒢। 𑒢𑒑𑒩𑒧𑒹 𑒬𑒰𑒢𑓂𑒞𑒱 𑒁𑒕𑒱।𑒁𑒨𑓂𑒨𑒰𑒮𑒲- 𑒠𑒼𑒮𑒩𑒰𑒏 𑒮𑓀𑒑 𑒥𑒻𑒮𑒪𑒧𑒹 𑒧𑒾𑒖 𑒧𑒳𑒠𑒰 𑒣𑒞𑓂𑒢𑒲𑒏 𑒥𑒼𑒪- 𑒞𑒩𑒏𑒰𑒩𑒲 𑒪𑒹𑒪 𑒠𑒮𑒙𑒏𑒯𑒲..𑒏𑒱𑒩𑒰𑒢𑒰 𑒮𑒧𑒰𑒢 𑒏𑒰𑒪𑓂𑒯𑒱𑒨𑒼-𑒣𑒩𑒮𑒴 𑒖𑒹 𑒂𑒥𑒱 𑒖𑒰𑒨। 𑒠𑒼𑒮𑒏 𑒍𑒞𑒨 𑒥𑒱𑒠𑒰 𑒦𑒹𑒪, 𑒥𑒹𑒙𑒰𑒏 𑒑𑒣 𑒢𑒯𑒱 𑒮𑒳𑒢𑓄 𑒔𑒰𑒯𑒪𑒏। 𑒣𑒙𑒹𑒪 𑒔𑒾𑒏.... 𑒧𑒯𑒰𑒞𑓂𑒧𑒰 𑒑𑒰𑒿𑒡𑒲 𑒔𑒾𑒏 𑒣𑒯𑒳𑒿𑒔𑒪।𑒮𑓀𑒑𑒧𑒹 𑒥𑒱𑒮𑒙𑒏𑒯𑒲।𑒩𑒱𑒏𑓂𑒬𑒰𑒥𑒪𑒰 𑒁𑒣𑒢 𑒙𑒼𑒣𑒩 𑒞𑒰𑒢𑒱 𑒏𑓄 𑒮𑒳𑒮𑓂𑒞𑒰𑒃𑒞 𑒩𑒯𑒋। 𑒩𑒱𑒏𑓂𑒬𑒰𑒣𑒩 𑒥𑒻𑒮𑒪, 𑒩𑒮𑓂𑒞𑒰𑒧𑒹 𑒠𑒼𑒮 𑒪𑒹𑒪 𑒠𑒴 𑒙𑒰𑒏𑒰𑒏 𑒮𑒱𑒏𑒩𑒹𑒙 𑒪𑒹𑒪𑒏, 𑒁𑒣𑒢 𑒤𑒹𑒫𑒩𑒱𑒙 𑒣𑒞𑓂𑒩𑒱𑒏𑒰 𑒧𑒼𑒩 𑒥𑒰𑒩𑒯 𑒙𑒰𑒏𑒰𑒧𑒹 𑒂 𑒔𑒰𑒩𑒱 𑒙𑒰𑒏𑒰 𑒩𑒱𑒏𑓂𑒬𑒰𑒥𑒪𑒰𑒏𑒹𑒿 𑒠𑒹𑒪𑒏। 𑒠𑒼𑒮𑒏 𑒒𑒩𑒧𑒹 𑒣𑓀𑒐𑒰𑒏 𑒯𑒥𑒰𑒮𑒿 𑒏𑒱𑒕𑒳 𑒂𑒤𑒱𑒨𑒞 𑒁𑒢𑒳𑒦𑒫 𑒦𑒹𑒪𑒻। 𑒥𑒔𑒪 𑒠𑒴 𑒙𑒰𑒏𑒰 𑒍𑒏𑒩𑒰 𑒧𑒳𑒿𑒯 𑒠𑒳𑒮𑒪𑒏𑒻, 𑒒𑒩𑒏 𑒞𑒩𑒏𑒰𑒩𑒲 𑒂 𑒥𑒹𑒙𑒰𑒏 𑒏𑒱𑒞𑒰𑒥-𑒏𑒰𑒣𑒲.. 𑒒𑒩 𑒒𑒳𑒩𑒪 𑒠𑒹𑒯 𑒒𑒰𑒧𑒮𑒿 𑒏𑒳𑓀𑒛𑒰𑒥𑒼𑒩। 𑒣𑒞𑓂𑒢𑒲𑒏 𑒤𑒳𑒪𑒪-𑒪𑒰𑒪 𑒂𑒿𑒐𑒱 𑒠𑒹𑒐𑒱 𑒪𑒑𑒪𑒻 𑒖𑒹 𑒁𑒨𑓂𑒨𑒰𑒮𑒲 𑒏𑓄 𑒒𑒳𑒩𑒪 𑒯𑒼𑒁𑒋।𑒥𑒻𑒏𑒥𑒰-𑒤𑒼𑒛𑓃𑒥𑒰- 𑒧𑒴𑒪 𑒮𑒧𑒰𑒔𑒰𑒩- 𑒧𑒞𑒰𑒨𑒪 𑒯𑒥𑒰𑒏 𑒣𑒹𑒙𑓂𑒩𑒼𑒪𑒏𑒹𑒿 𑒮𑓂𑒫𑒰𑒩𑓂𑒟𑒏 𑒮𑒪𑒰𑒃 𑒠𑒹𑒐𑒾𑒢𑒹 𑒕𑒪। 𑒒𑒙𑒢𑒰- 𑒣𑓂𑒩𑒏𑒰𑒬 𑒁𑒑𑒩𑒫𑒰𑒪𑒏 𑒤𑒩𑓂𑒧 “𑒫𑒵𑒠𑓂𑒡𑒱𑒔𑒢𑓂𑒠 𑒦𑒿𑒫𑒩𑒪𑒰𑒪 𑒫𑒮𑓂𑒞𑓂𑒩 𑒦𑓀𑒛𑒰𑒩”- 𑒅𑒡𑒰𑒩𑒲𑒏 𑒩𑒏𑒧 𑒪𑒰𑒐 𑒚𑒹𑒏𑒱 𑒑𑒹𑒪𑒻 𑒞𑒿 𑒮𑓂𑒫𑒩𑒑𑒲𑒨 𑒩𑒒𑒳𑒢𑒰𑒟 𑒗𑒰𑒏 𑒣𑒳𑒞𑓂𑒩 𑒁𑒚𑒧𑒰 𑒤𑒹𑒪 𑒧𑒰𑒞𑒵𑒫𑒱𑒯𑒲𑒢 𑒁𑒥𑓀𑒛 𑒮𑒱𑒏𑒢𑓂𑒠𑒩 𑒗𑒰𑒏𑒹𑒿 𑒫𑒮𑒴𑒪𑒲 𑒪𑒹𑒪 𑒩𑒰𑒐𑒪𑒏। 𑒋𑒯𑒱 𑒏𑓂𑒩𑒧𑒧𑒹 𑒍 𑒣𑒯𑒳𑒿𑒔𑒪 𑒋𑒏 𑒠𑒱𑒢 𑒩𑒰𑒧𑒔𑒢𑓂𑒠 𑒧𑒛𑓃𑒩 𑒪𑒑, 𑒍𑒏𑒩 𑒥𑒹𑒙𑒰 𑒏𑒰𑒪𑒹𑒬𑓂𑒫𑒩 𑒧𑒛𑓃𑒩 𑒖𑒹 𑒂𑒥 𑒢𑒰𑒧𑒧𑒹 𑒨𑒰𑒠𑒫 𑒪𑒱𑒐𑒻 𑒕𑒪 𑒔𑒰𑒩𑒱 𑒥𑒩𑒐 𑒣𑒯𑒱𑒢𑒹 𑒞𑒲𑒢 𑒯𑒖𑒰𑒩𑒏 𑒟𑓂𑒩𑒲-𑒣𑒲𑒮 𑒮𑒴𑒙 𑒥𑒢𑒥𑒹𑒢𑒹 𑒕𑒪। 𑒧𑒳𑒠𑒰 𑒥𑒰𑒣 𑒍𑒏𑒩 𑒇𑒝𑒏 𑒧𑒰𑒠𑒹𑒿 𑒧𑒢𑒰 𑒏𑓄 𑒠𑒹𑒪𑒏𑒻। 𑒩𑒮𑓂𑒞𑒹𑒧𑒹 𑒣𑒰𑒢 𑒐𑒋𑒥𑒰𑒏 𑒏𑓂𑒩𑒧𑒧𑒹 𑒧𑒳𑒢𑓂𑒢𑒰 𑒚𑒰𑒏𑒳𑒩𑒏 𑒠𑒼𑒏𑒰𑒢𑒣𑒩 𑒏𑒰𑒪𑒹𑒬𑓂𑒫𑒩 𑒨𑒰𑒠𑒫𑒮𑒿 𑒍𑒏𑒩𑒰 𑒦𑒹𑒿𑒙 𑒦𑒹𑒪𑒻, 𑒏𑒰𑒪𑒹𑒬𑓂𑒫𑒩 𑒮𑓀𑒑𑒹 𑒣𑒩𑒱𑒫𑒰𑒩𑒏 𑒪𑒼𑒏 𑒂 𑒏𑒳𑒙𑒳𑒧𑓂𑒥 𑒮𑒹𑒯𑒼 𑒕𑒪𑒻। 𑒣𑒯𑒱𑒢𑒹 𑒮𑒱𑒏𑒢𑓂𑒠𑒩 𑒖𑒹 𑒤𑒱𑒩𑓀𑒙𑒑𑒱𑒩𑒲 𑒏𑒩𑒻 𑒕𑒪 𑒮𑒻𑒯 𑒂𑒃 𑒏𑒰𑒪𑓂𑒯𑒱 𑒏𑒰𑒪𑒹𑒬𑓂𑒫𑒩 𑒏𑒩𑒻 𑒕𑒪 𑒮𑒹 𑒞𑒑𑒹𑒠𑒰𑒣𑒩 𑒧𑒰𑒩𑒱 𑒥𑒖𑒛𑓃𑒱 𑒑𑒹𑒪। 𑒮𑒱𑒏𑒢𑓂𑒠𑒩 𑒍𑒏𑒩𑒰 𑒕𑒰𑒞𑒲𑒣𑒩 𑒔𑒜𑓃𑒱 𑒑𑒹𑒪। 𑒮𑒱𑒏𑒢𑓂𑒠𑒩𑒏 𑒣𑒳𑒩𑒢𑒏𑒰 𑒮𑓀𑒑𑒲 𑒮𑒦 𑒖𑒳𑒙𑒱 𑒑𑒹𑒪 𑒂 𑒏𑒰𑒪𑒹𑒬𑓂𑒫𑒩𑒏 𑒏𑒳𑒙𑒳𑒧𑓂𑒥 𑒮𑒦𑒏𑒹𑒿 𑒡𑒼𑒣𑒪𑒏। 𑒤𑒹𑒩 𑒠𑒼𑒮𑒩 𑒠𑒱𑒢 𑒣𑒱𑒕𑒛𑓃𑒰 𑒋𑒏𑒞𑒰𑒏 𑒖𑒳𑒪𑒳𑒮 𑒢𑒱𑒏𑒪𑒪 𑒂 𑒫𑒮𑓂𑒞𑓂𑒩 𑒦𑓀𑒛𑒰𑒩𑒏 𑒬𑒲𑒮𑒰 𑒤𑒼𑒛𑓃𑒪𑒏। 𑒧𑒳𑒠𑒰 𑒪𑒚𑒻𑒞 𑒮𑒦 𑒂𑒥𑒱 𑒪𑒰𑒚𑒲 𑒥𑒩𑒮𑒰𑒥𑓄 𑒪𑒰𑒑𑒪। 𑒖𑒏𑒩 𑒖𑒹𑒢𑒹 𑒮𑒱𑓀𑒑 𑒁𑓀𑒙𑒪𑒻, 𑒍𑒧𑓂𑒯𑒩𑒹 𑒣𑒛𑓃𑒰𑒨𑒪। 𑒪𑒴𑒙, 𑒁𑒩𑒰𑒖𑒏𑒞𑒰..𑒣𑒮𑒩𑒱 𑒑𑒹𑒪। 𑒗𑒪𑒏𑒲- 𑒠𑒵𑒬𑓂𑒨 𑒋𑒏:𑒖𑒱𑒪𑒰𑒡𑓂𑒨𑒏𑓂𑒭 𑒣𑒳𑒇𑒭𑒼𑒞𑓂𑒞𑒧 𑒧𑓀𑒛𑒪𑒏 𑒮𑓂𑒫𑒩, 𑒁𑒚𑒰𑒩𑒯 𑒏𑒼𑒚𑒪𑒲 𑒂 𑒠𑒴 𑒙𑒰 𑒥𑒛𑓃𑒏𑒰-𑒥𑒛𑓃𑒏𑒰 𑒯𑒰𑒪 𑒥𑒪𑒰 𑒩𑒰𑒖𑒢𑒲𑒞𑒱𑒏 𑒠𑒪𑒏 𑒏𑒰𑒩𑓂𑒨𑒰𑒪𑒨𑒧𑒹। 𑒮𑒠𑓂𑒦𑒰𑒫𑒢𑒰 𑒖𑒳𑒪𑒳𑒮 𑒢𑒱𑒏𑒪𑒞..𑒬𑒱𑒭𑓂𑒨 𑒔𑒱𑒩𑓀𑒖𑒲𑒫 𑒮𑒱𑓀𑒯, 𑒣𑒰𑒩𑓂𑒙𑒲𑒏 𑒨𑒳𑒫𑒰 𑒧𑓀𑒔𑒏 𑒁𑒡𑓂𑒨𑒏𑓂𑒭 𑒂 𑒧𑓀𑒛𑒪𑒖𑒲𑒏 𑒒𑒼𑒩 𑒮𑒧𑒩𑓂𑒟𑒏। 𑒧𑒳𑒠𑒰 𑒍 𑒞𑒰𑒧𑒮𑒹 𑒒𑒼𑒩 𑒦𑓄 𑒖𑒰𑒃𑒞 𑒁𑒕𑒱- 𑒁𑒯𑒰𑒿 𑒮𑒹𑒯𑒼 𑒕𑒼𑒙 𑒖𑒰𑒞𑒱𑒏 𑒕𑒲 𑒮𑒹 𑒍𑒏𑒩𑒰 𑒮𑒦𑒏 𑒣𑒏𑓂𑒭 𑒪𑒹𑒥𑒹 𑒏𑒩𑒥𑒻। 𑒥𑒯𑒩𑒰 𑒖𑒰𑒃𑒞 𑒁𑒕𑒱। 𑒠𑒵𑒬𑓂𑒨 𑒠𑒴: 𑒤𑒴𑒮𑒏 𑒒𑒩। 𑒡𑒢𑒲𑒪𑒰𑒪, 𑒩𑒰𑒧𑒢𑒰𑒩𑒰𑒨𑒝। 𑒥𑒻𑒏𑒥𑒰-𑒤𑒼𑒛𑓃𑒥𑒰 𑒏𑒲 𑒯𑒼𑒃 𑒕𑒻। 𑒧𑒙𑒩𑒴 𑒏𑒲 𑒖𑒰𑒢𑒨। 𑒏𑒱𑒕𑒳 𑒏𑒰𑒪 𑒔𑒳𑒣 𑒩𑒯𑒪𑒰𑒏 𑒥𑒰𑒠 𑒂𑒪𑓂𑒯𑒰 𑒙𑒹𑒩 𑒠𑒹𑒢𑒹 𑒁𑒕𑒱। 𑒠𑒵𑒬𑓂𑒨 𑒞𑒲𑒢:𑒏𑒰𑒧𑒩𑒹𑒛 𑒩𑒰𑒧𑒮𑒹𑒫𑒏 𑒮𑒰𑒯𑒳𑒏 𑒔𑒰𑒯-𑒢𑒰𑒬𑓂𑒞𑒰𑒏 𑒠𑒼𑒏𑒰𑒢। 𑒥𑒯𑒮..𑒫𑒱𑒠𑓂𑒨𑒰𑒢𑒱𑒫𑒰𑒮𑒖𑒲𑒏 𑒦𑒰𑒭𑒝, 𑒖𑒰𑒞𑒱 𑒢𑒰𑒧𑒏 𑒏𑒼𑒢𑒼 𑒫𑒮𑓂𑒞𑒳 𑒢𑒯𑒱। 𑒯𑒳𑒢𑒏𑒰 𑒣𑒰𑒑𑒪 𑒏𑒯𑒱 𑒏𑓂𑒨𑒼 𑒕𑒾𑒛𑓃𑒰 𑒥𑒯𑒩𑒰 𑒖𑒰𑒃𑒞 𑒁𑒕𑒱। 𑒠𑒵𑒬𑓂𑒨 𑒔𑒰𑒩𑒱: 𑒙𑒱𑒤𑒱𑒢𑒧𑒹 𑒥𑒔𑓂𑒔𑒰 𑒮𑒦𑒏 𑒐𑒹𑒪: 𑒒𑒰𑒮-𑒤𑒴𑒮 𑒥𑒪𑒰 𑒒𑒩 𑒯𑒧𑒩 𑒂 𑒯𑒧 𑒥𑒢𑒥 𑒖𑒰𑒠𑒥। 𑒠𑒼𑒏𑒰𑒢 𑒥𑒱𑒩𑒖𑒴𑒏 𑒂 𑒍 𑒥𑒢𑒞 𑒥𑒰𑒦𑒢। 𑒠𑒳𑒢𑒴𑒧𑒹 𑒗𑒑𑒛𑓃𑒰 𑒯𑒼𑒋𑒞 𑒂 𑒪𑒪𑓂𑒪𑒴, 𑒧𑒼𑒯𑒢, 𑒢𑒩𑒹𑒢 𑒂 𑒥𑒥𑒪𑒴 𑒂𑒍𑒞 𑒂 𑒯𑒧𑒩 𑒒𑒩𑒧𑒹 𑒂𑒑𑒱 𑒪𑒑𑒰 𑒠𑒹𑒞। 𑒞𑒐𑒢 𑒮𑒳𑒩𑒹𑒬 𑒥𑒢𑒞 𑒢𑒹𑒞𑒰 𑒂 𑒫𑒱𑒢𑒼𑒠 𑒥𑒢𑒞 𑒠𑒩𑒼𑒑𑒰। 𑒮𑒳𑒩𑒹𑒬 𑒠𑒩𑒼𑒑𑒰𑒏𑒹𑒿 𑒏𑒯𑒞 𑒖𑒹 𑒋𑒏𑒩𑒰 𑒠𑒳𑒢𑒴𑒏 𑒒𑒩-𑒠𑒼𑒏𑒰𑒢 𑒥𑒢𑒥𑒰 𑒠𑒱𑒨𑒾𑒏 𑒂 𑒣𑒏𑒛𑓃𑒱 𑒏𑓄 𑒪𑒰𑒆। 𑒮𑒳𑒩𑒹𑒬 𑒠𑒳𑒢𑒳𑒏 𑒯𑒰𑒟 𑒧𑒱𑒪𑒥𑒰𑒏𑓄 𑒠𑒼𑒮𑓂𑒞𑒲 𑒏𑒩𑒰𑒍𑒞। 𑒥𑒻𑒏𑒥𑒰-𑒤𑒼𑒛𑓃𑒥𑒰 𑒐𑒹𑒪 𑒦𑒩𑒱 𑒙𑒱𑒤𑒱𑒢 𑒔𑒪𑒻𑒞 𑒩𑒯𑒪। 𑒫𑒱𑒭-𑒣𑒰𑒢- 𑒫𑒏𑒰𑒪𑒞𑒐𑒰𑒢𑒰𑒏 𑒏𑒳𑒩𑓂𑒮𑒲𑒣𑒩 𑒥𑒻𑒮𑒪 𑒑𑒼𑒣𑒰𑒪𑒖𑒲 𑒏𑒕𑒧𑒕𑒰𑒃𑒞 𑒕𑒟𑒱। 𑒏𑒔𑒯𑒩𑒲𑒏 𑒠𑓂𑒫𑒰𑒩𑒣𑒩 𑒮𑒳𑒑𑓂𑒑𑒰𑒥𑒪𑒰 𑒖𑒼𑒞𑒐𑒲 𑒥𑒻𑒮𑒪 𑒕𑒟𑒱। 𑒍𑒞𑒯𑒱 𑒋𑒏𑒙𑒰 𑒥𑒻𑒢𑒩 𑒮𑒹𑒯𑒼 𑒁𑒕𑒱 𑒂𑒿𑒐𑒱𑒏 𑒩𑒼𑒬𑒢𑒲 𑒥𑒜𑓃𑒥𑒋 𑒥𑒪𑒰 𑒧𑒧𑒲𑒩𑒰 𑒮𑒳𑒩𑒧𑒰। 𑒁𑒠𑒰𑒪𑒞𑒱𑒏 𑒥𑒩𑓀𑒛𑒰𑒣𑒩𑒮𑒿 𑒁𑒩𑓂𑒠𑒪𑒲 𑒩𑒰𑒧𑒹𑒮𑒩 𑒧𑓀𑒛𑒪 𑒥𑒪𑓂𑒠 𑒖𑒰𑒑𑒹𑒮𑒩 𑒧𑓀𑒛𑒪 𑒏𑒹𑒿 𑒔𑒱𑒏𑒩𑒻𑒞 𑒁𑒕𑒱, 𑒧𑒼𑒏𑒲𑒪 𑒫𑒏𑒲𑒪𑒏𑒹𑒿 𑒁𑒑𑒱𑒪𑒰 𑒞𑒰𑒩𑒲𑒐𑒣𑒩 𑒥𑒰𑒿𑒏𑒲-𑒥𑒏𑒱𑒨𑒾𑒞𑒰 𑒠𑒹𑒥𑒰𑒏 𑒑𑒣 𑒏𑒯𑒻 𑒕𑒢𑓂𑒯𑒱 𑒧𑒳𑒠𑒰 𑒍 𑒏𑒪𑒧𑒏 𑒅𑒢𑒙𑒰 𑒕𑒼𑒩𑒮𑒿 𑒏𑒰𑒢 𑒐𑒼𑒠𑒻𑒞 𑒩𑒯𑒻𑒞 𑒕𑒟𑒱। 𑒑𑒼𑒣𑒰𑒪 𑒮𑒳𑒢𑒻 𑒕𑒟𑒱। 𑒑𑒼𑒣𑒰𑒪, 𑒋𑒏 𑒠𑒱𑒢 𑒣𑒰𑒢𑒥𑒪𑒰 𑒠𑒼𑒏𑒰𑒢𑒣𑒩 𑒔𑒞𑒳𑒩𑒰𑒢𑒢 𑒪𑒰𑒚𑒲 𑒪𑒹𑒢𑒹 𑒂𑒨𑒪 𑒂 𑒥𑒩𑒮𑒰𑒥𑒨 𑒪𑒰𑒑𑒪। 𑒍 𑒐𑒮𑒱 𑒣𑒛𑓃𑒪𑒰𑒯। 𑒥𑒰𑒥𑒴𑒖𑒲𑒏 𑒣𑒳𑒩𑒰𑒢 𑒢𑒼𑒏𑒩 𑒢𑒹𑒢𑒱𑒨𑒰 𑒂𑒥𑒱 𑒔𑒞𑒳𑒩𑒰𑒢𑒢𑒏𑒹𑒿 𑒥𑒖𑒰𑒛𑓃𑒱 𑒠𑒻𑒞 𑒁𑒕𑒱 𑒧𑒳𑒠𑒰 𑒍 𑒧𑒾𑒏𑒰 𑒠𑒹𑒐𑒱 𑒦𑒰𑒑𑒱 𑒖𑒰𑒃𑒞 𑒁𑒕𑒱। 𑒩𑒰𑒧𑒣𑓂𑒩𑒮𑒰𑒠𑒏 𑒮𑒰𑒚𑒱 𑒫𑒩𑓂𑒭𑒲𑒨 𑒧𑒰𑒨 𑒧𑒩𑒾𑒢𑒰𑒫𑒰𑒪𑒲 𑒮𑒦𑒮𑒿 𑒣𑒯𑒱𑒢𑒹 𑒑𑒼𑒣𑒰𑒪𑒏 𑒮𑒳𑒡𑒱 𑒪𑒹𑒪𑒏। 𑒤𑒹𑒩 𑒑𑒼𑒣𑒰𑒪 𑒁𑒮𑓂𑒣𑒞𑒰𑒪 𑒂𑒢𑒪 𑒑𑒹𑒪। 𑒔𑒞𑒳𑒩𑒰𑒢𑒢 𑒮𑒹𑒯𑒼 𑒍𑒞𑒨 𑒂𑒨𑒪 𑒩𑒯𑒨 𑒃𑒪𑒰𑒖 𑒂 𑒃𑒢𑓂𑒖𑒩𑒲 𑒩𑒱𑒣𑒼𑒩𑓂𑒙 𑒪𑒹𑒪, 𑒧𑒳𑒠𑒰 𑒏𑓂𑒨𑒼 𑒔𑒲𑒢𑓂𑒯𑒱 𑒑𑒹𑒪𑒻 𑒂 𑒖𑒩𑒢𑒰𑒏 𑒔𑒹𑒩𑒰𑒮𑒿 𑒍𑒏𑒩𑒰 𑒧𑒰𑒩𑒱 𑒏𑓄 𑒦𑒑𑒰 𑒠𑒹𑒪𑒏𑒻। 𑒔𑒞𑒳𑒩𑒰𑒢𑒢𑒏𑒹𑒿 𑒮𑒦 𑒂𑒠𑒱 𑒁𑒣𑒩𑒰𑒡𑒲 𑒏𑒯𑒻 𑒕𑒪 𑒧𑒳𑒠𑒰 𑒑𑒼𑒣𑒰𑒪 𑒍𑒏𑒩𑒰 𑒮𑒳𑒡𑒰𑒩𑒻𑒏 𑒪𑒹𑒪 𑒣𑓂𑒩𑒨𑒰𑒮𑒩𑒞 𑒕𑒪𑒰𑒯। 𑒮𑒹 𑒂𑒥 𑒍 𑒦𑒮𑓂𑒧𑒰𑒮𑒳𑒩 𑒥𑒢𑒱 𑒑𑒹𑒪। 𑒣𑒳𑒪𑒱𑒮 𑒔𑒞𑒳𑒩𑒰𑒢𑒢𑒮𑒿 𑒣𑒰𑒃 𑒁𑒮𑒴𑒪𑒪𑒏 𑒂 𑒍 𑒒𑒩𑒯𑒱𑒧𑒹 𑒩𑒯𑒻 𑒕𑒪। 𑒣𑓂𑒩𑒑𑒞𑒱𑒏 𑒞𑒰𑒩𑒲𑒐 𑒏𑒹𑒮𑒧𑒹 𑒣𑒛𑓃𑒻𑒞 𑒩𑒯𑒪𑒢𑓂𑒯𑒱 𑒂 𑒯𑒳𑒢𑒏𑒩 𑒋𑒏𑓂𑒮-𑒩𑒹 𑒣𑓂𑒪𑒹𑒙 𑒮𑒹𑒯𑒼 𑒁𑒮𑓂𑒣𑒞𑒰𑒪𑒮𑒿 𑒢𑒱𑒣𑒞𑓂𑒞𑒰 𑒦𑓄 𑒑𑒹𑒪। 𑒞𑒲𑒢 𑒥𑒩𑓂𑒐𑒏 𑒥𑒰𑒠 𑒑𑒥𑒰𑒯𑒲 𑒬𑒳𑒩𑒴 𑒦𑒹𑒪 𑒂 𑒤𑒹𑒩 𑒬𑒳𑒩𑒴 𑒦𑒹𑒪 𑒖𑒱𑒩𑒯, 𑒍𑒯𑒱 𑒠𑒱𑒢 𑒦𑒩𑒱 𑒥𑒰𑒿𑒯𑒳𑒏 𑒏𑒧𑒲𑒖 𑒣𑒯𑒱𑒩𑒢𑒹 𑒕𑒪𑒰𑒯, 𑒏𑒰𑒪𑒩 𑒂 𑒖𑒹𑒥𑒲 𑒩𑒯𑒻 𑒫𑒰 𑒢𑒯𑒱, 𑒩𑓀𑒑..। 𑒖𑒹 𑒪𑒰𑒚𑒲 𑒥𑒖𑒩𑒪𑒢𑓂𑒯𑒱 𑒞𑒏𑒩 𑒪𑒧𑓂𑒥𑒰𑒃, 𑒥𑒢𑒰𑒫𑒙𑒱..। 𑒫𑒏𑒲𑒪 𑒧𑒱𑒞𑓂𑒩..𑒧𑒳𑒠𑒰 𑒋𑒏 𑒠𑒱𑒢 𑒮𑓂𑒫𑒩𑒏 𑒞𑒳𑒩𑓂𑒬𑒲 𑒢𑒳𑒏𑒰𑒨𑒪 𑒢𑒯𑒱 𑒩𑒯𑒪𑒻.𑒠𑒹𑒐𑒻 𑒕𑒱𑒨𑒻 𑒧𑒼𑒏𑒲𑒪 𑒮𑒦𑒏𑒹𑒿 𑒂𑒐𑒱𑒩 𑒣𑒰𑒃 𑒠𑒹𑒢𑒹 𑒁𑒕𑒱 𑒞𑒿 𑒍𑒏𑒩 𑒮𑒦𑒏 𑒏𑒰𑒖𑒏𑒹𑒿 𑒣𑓂𑒩𑒰𑒟𑒧𑒱𑒏𑒞𑒰 𑒞𑒿 𑒠𑒹𑒥𑒯𑒱 𑒣𑒛𑓃𑒞। 𑒂 𑒍𑒯𑒱 𑒠𑒱𑒢 𑒑𑒫𑒰𑒯𑒲 𑒢𑒯𑒱 𑒑𑒳𑒖𑒩𑒱 𑒮𑒏𑒪..𑒤𑒰𑒃𑒪𑒣𑒩 𑒯𑒰𑒏𑒱𑒧 𑒫𑒱𑒣𑒩𑒲𑒞 𑒙𑒱𑒣𑓂𑒣𑒝𑒲 𑒏𑓄 𑒠𑒹𑒪𑒢𑓂𑒯𑒱। 𑒔𑒞𑒳𑒩𑒰𑒢𑒢 𑒞𑒲𑒢 𑒯𑒖𑒰𑒩𑒧𑒹 𑒑𑒣 𑒤𑒱𑒙 𑒏𑒋𑒪𑒏 𑒖𑒹 𑒍𑒯𑒱𑒮𑒿 𑒥𑒹𑒬𑒲 𑒁𑒯𑒰𑒿 𑒠𑓄 𑒮𑒏𑒲 𑒞𑒿..। 𑒋𑓀𑒙𑒲-𑒣𑒰𑒩𑓂𑒙𑒲𑒏 𑒫𑒏𑒲𑒪𑒏 𑒧𑒰𑒩𑓂𑒤𑒞 𑒫𑒏𑒲𑒪-𑒧𑒱𑒞𑓂𑒩 𑒪𑒑 𑒂𑒤𑒩 𑒮𑒹𑒯𑒼 𑒂𑒨𑒪 𑒕𑒪𑒢𑓂𑒯𑒱। 𑒧𑒳𑒠𑒰 𑒑𑒼𑒣𑒰𑒪𑒏 𑒏𑒯𑒪𑒰𑒣𑒩 𑒏𑒼𑒩𑓂𑒙 𑒙𑓂𑒩𑒰𑓀𑒮𑒤𑒩 𑒏𑒩𑒹𑒥𑒰𑒏 𑒣𑓂𑒩𑒏𑓂𑒩𑒱𑒨𑒰 𑒬𑒳𑒩𑒴 𑒦𑒹𑒪। 𑒧𑒳𑒠𑒰 𑒏𑒼𑒩𑓂𑒙 𑒙𑓂𑒩𑒰𑓀𑒮𑒤𑒩 𑒦𑒹𑒪 𑒬𑒲𑒪𑒦𑒠𑓂𑒩 𑒗𑒰𑒏 𑒏𑒳𑒙𑒧𑒻𑒞𑒲𑒧𑒹 𑒖𑒹 𑒑𑒼𑒣𑒰𑒪𑒖𑒲𑒏 𑒩𑒰𑒖𑒢𑒻𑒞𑒱𑒏 𑒣𑓂𑒩𑒞𑒱𑒠𑓂𑒫𑒢𑓂𑒠𑒲 𑒕𑒪𑒰𑒯 𑒂 𑒔𑒞𑒳𑒩𑒰𑒢𑒢 𑒂𑒃-𑒏𑒰𑒪𑓂𑒯𑒱 𑒯𑒳𑒢𑒏𑒹 𑒕𑒞𑓂𑒩-𑒕𑒰𑒨𑒰𑒧𑒹 𑒕𑒪।𑒧𑒹𑒪 𑒣𑒹𑒙𑒲𑒬𑒢𑒣𑒩 𑒑𑒼𑒣𑒰𑒪 𑒠𑒮𑒐𑒞 𑒏𑓄 𑒠𑒻 𑒕𑒟𑒱, 𑒂𑒞𑓂𑒧𑒮𑒧𑒩𑓂𑒣𑒝 𑒖𑒹𑒢𑒰 𑒦𑒰𑒩𑒞-𑒣𑒰𑒏 𑒨𑒳𑒠𑓂𑒡𑒧𑒹 𑒋𑒏 𑒪𑒰𑒐 𑒮𑒹𑒢𑒰𑒏 𑒮𑓀𑒑 𑒖𑒢𑒩𑒪 𑒢𑒱𑒨𑒰𑒖𑒲 𑒏𑒋𑒢𑒹 𑒕𑒪।

𑒯𑒰𑒟𑒲 𑒔𑒪𑒋 𑒥𑒖𑒰𑒩: 𑒏𑒟𑒰 𑒮𑓀𑒑𑓂𑒩𑒯 𑒞𑒲𑒢 𑒐𑒝𑓂𑒛𑒧𑒹 𑒁𑒕𑒱, 𑒧𑒴𑒪𑒡𑒢𑒧𑒹 𑒮𑒰𑒧𑒰𑒢𑓂𑒨 𑒪𑒧𑓂𑒥𑒰𑒃𑒏 𑒏𑒟𑒰 𑒮𑒦 𑒁𑒕𑒱, 𑒧𑒼𑒙𑒰-𑒧𑒼𑒙𑒲 𑓒𑓐𑓐𑓐 𑒬𑒥𑓂𑒠𑒏, 𑒖𑒏𑒩𑒰 𑒁𑓀𑒑𑓂𑒩𑒹𑒖𑒲𑒧𑒹 𑒬𑒰𑒩𑓂𑒙 𑒮𑓂𑒙𑒼𑒩𑒲 𑒏𑒯𑒪 𑒖𑒰𑒃 𑒕𑒻। 𑒧𑒳𑒠𑒰 𑒧𑒻𑒟𑒱𑒪𑒲𑒏 𑒬𑒰𑒩𑓂𑒙 𑒮𑓂𑒙𑒼𑒩𑒲 (𑒪𑒒𑒳 𑒏𑒟𑒰) 𑒋𑒏 𑒣𑒢𑓂𑒢𑒰𑒏 𑒦𑒲𑒞𑒩 𑒪𑒱𑒐𑒪 𑒖𑒰𑒃𑒞 𑒁𑒕𑒱 𑒂 𑒞𑒏𑒩 𑒮𑓀𑒑𑓂𑒩𑒯 𑒥𑓂𑒨𑒰𑒖𑒏 𑒁𑒢𑓂𑒞𑒩𑓂𑒑𑒞 𑒠𑒼𑒮𑒩 𑒐𑒝𑓂𑒛𑒧𑒹 𑒏𑒋𑒪 𑒑𑒹𑒪 𑒁𑒕𑒱। 𑒁𑒢𑓂𑒞𑒱𑒧 𑒐𑒝𑓂𑒛 𑒪𑒼𑒩𑒯𑒰-𑒥𑒱𑒔𑓂𑒕𑒰𑒧𑒹 𑒏𑒟𑒰𑒏𑒰𑒩 𑒕𑒼𑒙-𑒣𑒻𑒒 𑒍𑒯𑒱 𑒮𑒦 𑒏𑒟𑒰𑒏𑒹𑒿 𑒮𑓀𑒏𑒪𑒱𑒞 𑒏𑒋𑒢𑒹 𑒕𑒟𑒱, 𑒖𑒹 𑒯𑒳𑒢𑒏𑒰 𑒠𑒵𑒭𑓂𑒙𑒱𑒋𑒿 𑒏𑒢𑒹𑒏 𑒠𑒥 𑒏𑒟𑒰 𑒁𑒕𑒱- 𑒧𑒳𑒠𑒰 𑒣𑒜𑓃𑒪𑒰 𑒅𑒞𑓂𑒞𑒩 𑒋𑒯𑒱𑒧𑒹𑒮𑒿 𑒥𑒯𑒳𑒞 𑒩𑒰𑒮 𑒏𑒟𑒰 𑒧𑒴𑒪𑒡𑒢 𑒂 𑒥𑓂𑒨𑒰𑒖 𑒏 𑒁𑒢𑓂𑒞𑒩𑓂𑒑𑒞 𑒮𑓀𑒏𑒪𑒱𑒞 𑒯𑒼𑒋𑒥𑒰 𑒨𑒼𑒑𑓂𑒨 𑒁𑒕𑒱, 𑒮𑓀𑒑𑒯𑒱 𑒧𑒴𑒪𑒡𑒢 𑒂 𑒥𑓂𑒨𑒰𑒖𑒏 𑒥𑒯𑒳𑒞 𑒩𑒰𑒮 𑒏𑒟𑒰 𑒪𑒼𑒩𑒯𑒰-𑒥𑒱𑒔𑓂𑒕𑒰 𑒐𑒝𑓂𑒛𑒧𑒹 𑒖𑒰𑒃 𑒖𑒼𑒑𑒩 𑒁𑒕𑒱।
𑒧𑒴𑒪𑒡𑒢: 𑒁𑒢𑓂𑒯𑒰𑒩- 𑒪𑒾𑒯𑒰𑒩 𑒑𑒰𑒧 𑒥𑒰𑒙𑒹 𑒖𑒰𑒃𑒥𑒪𑒰 𑒮𑒛𑓃𑒏 𑒣𑒏𑓂𑒏𑒲 𑒦𑒹𑒪 𑒕𑒻, 𑒮𑒩𑒏𑒰𑒩𑒲 𑒖𑒲𑒣 𑒮𑒦, 𑒧𑒯𑒱𑒭𑒲 𑒅𑒑𑓂𑒩𑒞𑒰𑒩𑒰 𑒪𑒑 𑒥𑒪𑒱𑒣𑓂𑒩𑒠𑒰𑒢 𑒠𑒹𑒥𑓄 𑒪𑒹𑒪 𑒐𑒠𑒥𑒠-𑒏𑒩𑒻𑒞 𑒖𑒰𑒃𑒞 𑒕𑒰𑒑𑒩-𑒣𑒰𑒩𑒰 𑒮𑒦। 𑒍𑒪𑒞𑒲𑒮𑒿 𑒍𑒪𑒞𑒲 𑒮𑒙𑒪 𑒑𑒯𑒴𑒧𑒏 𑒢𑒰𑒩𑒲𑒮𑒿 𑒕𑒰𑒛𑓃𑒪 𑒒𑒩𑒮𑒿 𑒥𑒯𑒩𑒰𑒃𑒞 𑒢𑒹𑒢𑒰 𑒮𑒦। 𑒞𑒹𑒞𑒩 𑒧𑒳𑒮𑒯𑒩। 𑒮𑒩𑒾𑒢𑒲 𑒑𑒰𑒧𑒏 𑒑𑒵𑒯𑒮𑓂𑒟 𑒪𑒑 𑒯𑒩𑒥𑒰𑒯𑒲 𑒏𑒩𑒻𑒞 𑒕𑒪 𑒂 𑒩𑒧𑒰𑒢𑒢𑓂𑒠 𑒮𑒱𑓀𑒯𑒏 𑒮𑒳𑒞𑒩𑒲 𑒏𑒰𑒙𑒱 𑒩𑒯𑒪 𑒕𑒪। 𑒏𑒳𑒪𑒥𑒢𑓂𑒞 𑒮𑒱𑓀𑒯𑒏 𑒙𑓂𑒩𑒏𑒏 𑒣𑒯𑒱𑒂 𑒍𑒏𑒩 𑒕𑒾𑒛𑓃𑒰𑒣𑒩 𑒔𑒜𑓃𑒱 𑒑𑒹𑒪𑒻। 𑒧𑒳𑒐𑒱𑒨𑒰𑒖𑒲𑒏 𑒂𑒑𑒧𑒢। 𑒕𑒯 𑒯𑒖𑒰𑒩 𑒮𑒩𑒠𑒰𑒩 𑒏𑒳𑒪𑒫𑒢𑓂𑒞 𑒮𑒱𑓀𑒯𑒮𑒿 𑒪𑒹𑒪𑒢𑓂𑒯𑒱 𑒂 𑒠𑒴 𑒯𑒖𑒰𑒩 𑒞𑒹𑒞𑒩𑒰𑒏𑒹𑒿 𑒠𑒋𑒥𑒰𑒏 𑒑𑒣 𑒏𑒹𑒪𑒢𑓂𑒯𑒱। 𑒞𑒹𑒞𑒩𑒰𑒏 𑒮𑒾𑓀𑒮𑒹 𑒠𑒹𑒯 𑒗𑒢𑒏𑒱 𑒅𑒚𑒪𑒻𑒏, 𑒑𑒢𑒞 𑒏𑒼𑒢𑒰 𑒏𑓄..𑒏𑒞𑒹𑒏 𑒣𑓀𑒔𑒙𑒏𑒱𑒨𑒰 𑒯𑒹𑒞𑒻। 𑒏𑒢𑒱𑒨𑒰𑒿 𑒥𑒪𑒳𑒂𑒯𑒰𑒥𑒰𑒪𑒲𑒏𑒹𑒿 𑒥𑒳𑒗𑒥𑒻𑒞 𑒁𑒕𑒱, 𑒯𑒧𑒩-𑒞𑒼𑒯𑒩 𑒖𑒱𑒢𑒑𑒲 𑒩𑒯𑒞 𑒞𑒿 𑒥𑒰𑒪-𑒥𑒔𑓂𑒔𑒰 𑒤𑒹𑒩 𑒢𑒘𑒱 𑒯𑒹𑒞𑒻𑒏? 𑒙𑒻𑒏𑓂𑒮 𑒤𑓂𑒩𑒲- 𑒔𑒪𑒱𑒞𑓂𑒞𑒩 𑒔𑒱𑒧𑒢𑒲𑒣𑒩 𑒏𑒰𑒖 𑒏𑒩𑒻𑒋। 𑒮𑒰𑒜𑓃𑒹 𑒕𑒯 𑒙𑒰𑒏𑒰𑒏 𑒥𑒠𑒪𑒰 𑒣𑒰𑒿𑒔 𑒙𑒏𑒰 𑒦𑒹𑒙𑒻 𑒕𑒻। 𑒛𑒹𑒜𑓃 𑒙𑒰𑒏𑒰 𑒧𑒳𑓀𑒬𑒲 𑒧𑒰𑒩𑒱 𑒪𑒻 𑒕𑒻। 𑒧𑒳𑒠𑒰 𑒏𑒰𑒪𑓂𑒯𑒱𑒨𑒹 𑒥𑒖𑒙 𑒣𑒰𑒮 𑒦𑒹𑒪 𑒕𑒻 𑒂 𑒖𑒹 𑒫𑒮𑓂𑒞𑒳 𑒣𑒾𑒢𑒹 𑒣𑒰𑓀𑒔 𑒙𑒏𑒰𑒧𑒹 𑒦𑒹𑒙𑒻𑒞 𑒩𑒯𑒋 𑒮𑒹 𑒂𑒥 𑒮𑒰𑒞 𑒙𑒰𑒏𑒰 𑒮𑒞𑓂𑒞𑒩𑒱 𑒣𑒰𑒃𑒧𑒹 𑒦𑒹𑒙𑒞𑒻। 𑒖𑒏𑒩𑒰 𑒍 𑒦𑒼𑒙 𑒠𑒹𑒢𑒹 𑒕𑒪 𑒮𑒹 𑒛𑒰𑒏 𑒥𑓀𑒑𑒪𑒰𑒣𑒩 𑒂𑒨𑒪 𑒕𑒻, 𑒔𑒪𑒱𑒞𑓂𑒞𑒩 𑒍𑒞𑒋 𑒖𑒰𑒃𑒨𑒹। 𑒏𑒯𑒻𑒞 𑒁𑒕𑒱 𑒖𑒹 𑒦𑒼𑒙𑒮𑒿 𑒣𑒴𑒩𑓂𑒫 𑒖𑒞𑒹𑒏 𑒁𑒡𑒣𑒹𑒙𑒰 𑒦𑒹𑒙𑒻𑒞 𑒕𑒪 𑒮𑒹𑒯𑒼 𑒂𑒥 𑒢𑒯𑒱 𑒦𑒹𑒙𑒻𑒋। 𑒧𑒳𑒠𑒰 𑒍 𑒧𑓀𑒞𑓂𑒩𑒲 𑒥𑒢𑒪 𑒢𑒹𑒞𑒰 𑒠𑒳𑒞𑓂𑒏𑒰𑒩𑒱 𑒠𑒻𑒞 𑒕𑒢𑓂𑒯𑒱, 𑒏𑒞𑒹𑒏 𑒢𑒳𑒂-𑒤𑒙𑓂𑒙𑒰 𑒠𑒱𑒨𑒾𑒪𑒱𑒨𑒻, 𑒙𑒹𑒪𑒲𑒫𑒱𑒖𑒢, 𑒦𑒲.𑒛𑒲.𑒍. 𑒙𑒻𑒏𑓂𑒮 𑒤𑓂𑒩𑒲 𑒏𑒩𑒥𑒹𑒪𑒱𑒨𑒻, 𑒞𑒻𑒨𑒼 𑒖𑒮 𑒠𑒹𑒢𑒱𑒯𑒰𑒩 𑒏𑒱𑒨𑒼 𑒢𑒯𑒱। 𑒔𑒪𑒱𑒞𑓂𑒞𑒩𑒏𑒹𑒿 𑒣𑒳𑒪𑒱𑒮 𑒥𑒰𑒯𑒩 𑒏𑓄 𑒠𑒻 𑒕𑒻। 𑒒𑒳𑒮𑓂𑒮𑒰, 𑒟𑒰𑒣𑒩, 𑒔𑒧𑒹𑒙𑒰 𑒮𑒹𑒯𑒼 𑒪𑒑𑒻 𑒕𑒻। 𑒍 𑒏𑒏𑒩𑒰𑒮𑒿 𑒙𑒻𑒏𑓂𑒮 𑒤𑓂𑒩𑒲𑒏 𑒁𑒩𑓂𑒟 𑒥𑒳𑒗𑒞? 𑒥𑒥𑒴𑒩- 𑒩𑒾𑒠𑒲 𑒧𑒩𑒛𑓃𑒏 𑒧𑒯𑒰𑒨𑒰𑒞𑓂𑒩𑒰। 𑒍𑒏𑒩 𑒋𑒏𑓂𑒏𑒹𑒙𑒰 𑒥𑒹𑒙𑒰 𑒅𑒠𑒥𑒰। 𑒑𑒰𑒧𑒏 𑒥𑒰𑒥𑒴 𑒦𑒻𑒨𑒰𑒮𑒿 𑒥𑒰𑒆𑒏𑒹𑒿 𑒥𑒛𑓃 𑒪𑒰𑒑𑒱 𑒩𑒯𑒻। 𑒥𑒱𑒠𑒰 𑒦𑒹𑒪 𑒥𑒦𑒢𑒙𑒼𑒪𑒲 𑒠𑒱𑒮। 𑒋𑒏𑒯𑒏𑒼 𑒙𑒰𑒏 𑒚𑒰𑒜𑓃𑒱 𑒠𑒹𑒞𑒻 𑒞𑒿 𑒜𑒹𑒩𑒲 𑒦𑓄 𑒖𑒋𑒞𑒻𑒏। 𑒧𑒳𑒠𑒰 𑒍𑒏𑒩𑒰 𑒮𑒳𑒢𑒋 𑒣𑒛𑓃𑒪𑒻- 𑒣𑒳𑒩𑒐𑒰-𑒣𑒰𑒞𑒱𑒏 𑒧𑒰𑓀𑒮𑒳 𑒞𑒿 𑒏𑒳𑒏𑒳𑒩 𑒏𑒾𑒂 𑒐𑒹𑒪𑒏𑒢𑒱 𑒂 𑒩𑒾𑒠𑒱𑒨𑒰𑒏𑒹𑒿 𑒖𑒛𑓃𑒥𑒻 𑒪𑒹𑒪 𑒑𑒰𑒕 𑒔𑒰𑒯𑒱𑒨𑒢𑒱। 𑒅𑒠𑒥𑒰 𑒮𑒧𑒰𑒠 𑒣𑒚𑒥𑒻𑒞 𑒁𑒕𑒱, 𑒪𑒯𑒰𑒮𑒏𑒹𑒿 𑒪𑓄 𑒏𑓄 𑒥𑒰𑒢𑓂𑒯𑒣𑒩 𑒂। 𑒞𑒰𑒥𑒞 𑒍 𑒮𑒩𑒏𑒰𑒩𑒲 𑒖𑒧𑒲𑒢𑒣𑒩 𑒮𑒩𑒏𑒰𑒩𑒲 𑒥𑒥𑒴𑒩 𑒏𑒰𑒙𑒱-𑒔𑒲𑒩𑒱 𑒏𑒋 𑒔𑒱𑒞𑒰 𑒮𑒖𑒰 𑒠𑒻𑒞 𑒁𑒕𑒱। 𑒅𑒠𑒥𑒰 𑒂𑒑𑒱 𑒤𑒴𑒏𑒱 𑒠𑒹𑒪𑒏। 𑒣𑓀𑒛𑒲𑒖𑒲 𑒁𑒋𑒪𑒰𑒯 𑒂 𑒣𑓀𑒛𑒲𑒖𑒲𑒏 𑒄 𑒏𑒯𑒪𑒰𑒣𑒩 𑒖𑒹 𑒥𑒥𑒴𑒩𑒏 𑒪𑒏𑒛𑓃𑒲𑒣𑒩 𑒔𑒱𑒞𑒰 𑒏𑒹𑒯𑒢 𑒯𑒼𑒃 𑒕𑒻, 𑒧𑒳𑒿𑒯𑒧𑒹 𑒆𑒏 𑒠𑓄 𑒏𑓄 𑒡𑒰𑒩𑒧𑒹 𑒦𑒮𑒱𑒨𑒰 𑒠𑒱𑒞𑒯𑒲, 𑒅𑒠𑒥𑒰 𑒯𑒳𑒢𑒏𑒩 𑒣𑒞𑒩𑒰 𑒕𑒲𑒢𑒱 𑒪𑒻𑒞 𑒁𑒕𑒱 𑒂 𑒍𑒯𑒲 𑒔𑒱𑒞𑒰𑒧𑒹 𑒤𑒹𑒏𑒱 𑒠𑒻𑒞 𑒁𑒕𑒱। 𑒅𑒠𑒥𑒰 𑒣𑒱𑒞𑓂𑒞𑒲𑒮𑒿 𑒥𑒖𑒻𑒞 𑒁𑒕𑒱- 𑒞𑒼𑒩𑒰 𑒂𑒆𑒩𑒏 𑒔𑒰𑒢𑒢 𑒄𑒋𑒯 𑒥𑒥𑒴𑒩 𑒕𑒱𑒁𑒯।𑒮𑓀𑒥𑓀𑒡- 𑒮𑒳𑒑𑒱𑒨𑒰 𑒂 𑒍𑒏𑒩 𑒒𑒩𑒥𑒪𑒰 𑒖𑒲𑒥𑒕। 𑒖𑒲𑒥𑒕𑒏 𑒒𑒩 𑒋𑒯𑒲 𑒔𑒾𑒏𑒏 𑒏𑒰𑒞𑒧𑒹 𑒕𑒻। 𑒗𑒱𑒪𑓂𑒪𑒲 𑒧𑒳𑒩𑒯𑒲 𑒂 𑒔𑒲𑒢𑒲𑒣𑒰𑒏 𑒧𑒱𑒚𑒰𑒃, 𑒥𑒞𑒰𑒮𑒰𑒏 𑒅𑒚𑒪𑓂𑒪𑒴 𑒠𑒼𑒏𑒰𑒢।𑒩𑒞𑒳𑒏𑒰 𑒐𑒰𑒃𑒏 𑒂 𑒢𑒲𑒢𑒮𑒿 𑒮𑒳𑒞𑒻𑒏 𑒥𑒱𑒔𑒪𑒰 𑒁𑒫𑒡𑒱𑒧𑒹 𑒠𑒳𑒢𑒴 𑒋𑒏 𑒠𑒼𑒮𑒩𑒰𑒏 𑒥𑒰𑒿𑒯𑒱𑒧𑒹 𑒣𑒛𑓃𑒪 𑒏𑒱𑒕𑒳 𑒑𑒣𑓂𑒣 𑒏𑒩𑒋। 𑒥𑒳𑒜𑓃𑒱𑒨𑒰 𑒖𑒹 𑒋𑒯𑒱 𑒥𑒩𑒐 𑒙𑒰 𑒖𑒲𑒥𑒻𑒞 𑒩𑒯𑒱𑒞𑒋 𑒞𑒿 𑒍𑒏𑒩 𑒮𑒐 𑒮𑓀𑒑 𑒪𑒰𑒑𑒪 𑒢𑒯𑒱 𑒖𑒃𑒞𑒻..। 𑒮𑒳𑒑𑒱𑒨𑒰 𑒑𑒩𑓂𑒦𑒫𑒞𑒲 𑒕𑒪। 𑒂𑒃 𑒦𑒰𑒞-𑒣𑒩𑒼𑒛𑓃 𑒐𑒰𑒃𑒞 𑒃𑒞𑒱𑒨𑒾𑒞-𑒣𑒱𑒞𑒱𑒨𑒾𑒞 𑒮𑒦𑒏 𑒥𑒰𑒣𑒏𑒹𑒿 𑒏𑓀𑒚 𑒠𑒰𑒥𑒱 𑒧𑒰𑒩𑒥𑒰𑒏 𑒡𑓂𑒫𑒢𑒱 𑒮𑒳𑒢𑒪𑒏। 𑒍 𑒡𑒩𑒯𑒛𑓃𑒱𑒧𑒹 𑒑𑒹𑒪 𑒧𑒳𑒠𑒰 𑒍 𑒮𑒦 𑒍𑒏𑒩𑒹𑒣𑒩 𑒤𑒩𑒮𑒰 𑒔𑒪𑒰 𑒠𑒹𑒪𑒏𑒻। 𑒤𑒹𑒩 𑒟𑒰𑒢𑒰..। 𑒍𑒞𑒋 𑒠𑒩𑒼𑒑𑒰𑒖𑒲 𑒙𑒹𑒏𑓂𑒙𑒩𑒥𑒪𑒰𑒮𑒿 𑒮𑒪𑒙𑒱 𑒩𑒯𑒪 𑒕𑒪𑒰𑒯। 𑒤𑒹𑒩 𑒍 𑒮𑒳𑒑𑒱𑒨𑒰𑒮𑒿 𑒏𑒹𑒮𑒏 𑒤𑒲𑒮 𑒠𑒴 𑒮𑒋 𑒙𑒰𑒏𑒰 𑒧𑒿𑒑𑒪𑒢𑓂𑒯𑒱। 𑒖𑒲𑒥𑒕𑒏 𑒏𑒧𑒲𑒖𑒏 𑒖𑒹𑒥𑒲𑒧𑒹 𑒧𑒰𑒞𑓂𑒩 𑒮𑒰𑒚𑒱 𑒙𑒰𑒏𑒰 𑒩𑒯𑒻। 𑒥𑒰𑒪𑒰 𑒂 𑒯𑓀𑒮𑒳𑒪𑒲 𑒥𑒹𑒔𑒋 𑒪𑒹𑒪 𑒮𑒼𑒢𑒰𑒩 𑒪𑒑 𑒑𑒹𑒪, 𑒍𑒯𑒼 𑒧𑒾𑒏𑒰 𑒠𑒹𑒐𑒱 𑒏𑒧 𑒣𑒰𑒃 𑒪𑒑𑒹𑒪𑒏। 𑒙𑒰𑒏𑒰𑒏 𑒖𑒼𑒑𑒰𑒩 𑒦𑒹𑒪𑒻 𑒧𑒳𑒠𑒰 𑒞𑒰𑒫𑒞 𑒖𑒲𑒥𑒕 𑒜𑒢𑒧𑒢𑒰 𑒑𑒹𑒪𑒻। 𑒠𑒩𑒼𑒑𑒰𑒖𑒲 𑒏𑒯𑒪𑒐𑒱𑒢𑓂𑒯 𑒖𑒹 𑒄 𑒥𑒱𑒢𑒰 𑒏𑒳𑒕 𑒥𑒖𑒢𑒹 𑒧𑒩𑒱 𑒑𑒹𑒪। 𑒦𑓄 𑒮𑒏𑒻𑒋 𑒞𑒼𑒿 𑒠𑒼𑒮𑒩 𑒧𑒩𑓂𑒠𑒏 𑒮𑓀𑒑 𑒮𑓀𑒥𑓀𑒡 𑒩𑒐𑒢𑒹 𑒕𑒿𑒯 𑒂 𑒋𑒏𑒩 𑒐𑒴𑒢 𑒑𑒳𑓀𑒛𑒰𑒮𑒿 𑒏𑒩𑒥𑒹𑒢𑒹 𑒯𑒹𑒥𑒯𑒲𑓀। 𑒠𑒩𑒼𑒑𑒰𑒖𑒲 𑒍𑒏𑒩𑒰 𑒯𑒰𑒖𑒞𑒱𑒧𑒹 𑒥𑒢𑓂𑒢 𑒏𑓄 𑒠𑒹𑒪𑒐𑒱𑒢 𑒂 𑒁𑒣𑒢 𑒛𑒹𑒩𑒰𑒧𑒹 𑒮𑒧𑒰𑒠 𑒠𑓄 𑒠𑒹𑒪𑒐𑒱𑒢𑓂𑒯 𑒖𑒹 𑒍 𑒂𑒃 𑒩𑒰𑒞𑒱 𑒛𑒹𑒩𑒰 𑒢𑒯𑒱 𑒂𑒥𑒱 𑒮𑒏𑒞𑒰𑒯।𑒁𑓀𑒞𑒱𑒧 𑒥𑒹𑒯𑒼𑒬𑒲- 𑒏𑒟𑒰𑒏 𑒮𑒴𑒞𑓂𑒩𑒡𑒰𑒩 𑒫𑒰 𑒏𑒟𑒰𑒏𑒰𑒩𑒏 𑒦𑒾𑒖𑒲- 𑒧𑒰𑒢𑒹 𑒪𑒪𑒱𑒞𑒰 𑒧𑒱𑒬𑓂𑒩, 𑒣𑓂𑒩𑒼𑒤𑒹𑒮𑒩 𑒮𑒧𑒩𑒹𑒬 𑒧𑒱𑒬𑓂𑒩, 𑒫𑒱𑒦𑒰𑒑𑒰𑒡𑓂𑒨𑒏𑓂𑒭, 𑒩𑒮𑒰𑒨𑒢 𑒬𑒰𑒮𑓂𑒞𑓂𑒩 𑒫𑒱𑒦𑒰𑒑𑒏 𑒡𑒩𑓂𑒧𑒣𑒞𑓂𑒢𑒲। 𑒠𑒳𑒢𑒳 𑒣𑒯𑒱𑒢𑒹 𑒣𑓂𑒩𑒼𑒤𑒹𑒮𑒩 𑒂 𑒬𑒱𑒭𑓂𑒨𑒰 𑒩𑒯𑒟𑒱, 𑒤𑒹𑒩 𑒣𑓂𑒩𑒹𑒧𑒲-𑒣𑓂𑒩𑒹𑒧𑒱𑒏𑒰 𑒦𑒹𑒪𑒰𑒯 𑒂 𑒞𑒐𑒢 𑒣𑒞𑒱-𑒣𑒞𑓂𑒢𑒲। 𑒅𑒧𑒩𑒱𑒧𑒹 𑒏𑒧𑒮𑒿 𑒏𑒧 𑒠𑒮 𑒥𑒩𑓂𑒐𑒏 𑒁𑓀𑒞𑒩 𑒯𑒼𑒋𑒞𑒢𑓂𑒯𑒱। 𑒞𑒲𑒢 𑒙𑒰 𑒥𑒔𑓂𑒔𑒰 𑒠𑒴 𑒙𑒰 𑒥𑒹𑒙𑒲 𑒔𑒾𑒠𑒯 𑒥𑒩𑓂𑒐𑒏 𑒮𑒳𑒭𑒧𑒰 𑒂 𑒥𑒰𑒩𑒯 𑒥𑒩𑓂𑒐𑒏 𑒧𑒰𑒡𑒳𑒩𑒲 𑒂 𑒋𑒏 𑒙𑒰 𑒥𑒹𑒙𑒰 𑒬𑓂𑒫𑒹𑒞𑒰𑒦 𑒠𑒮 𑒥𑒩𑓂𑒐𑒏। 𑒦𑒾𑒖𑒲𑒏 𑒄 𑒔𑒰𑒩𑒱𑒧 𑒑𑒩𑓂𑒦𑒰𑒡𑒰𑒢। 𑒏𑒰𑒩𑒝 𑒖𑒰𑓀𑒒𑒏 𑒦𑒴𑒐 𑒣𑓂𑒩𑒥𑒪। 𑒧𑒳𑒠𑒰 𑒥𑒹𑒙𑒲𑒮𑒦𑒏𑒹𑒿 𑒮𑓂𑒏𑒴𑒪𑒧𑒹 𑒪𑒼𑒏 𑒅𑒣𑒯𑒰𑒮 𑒏𑒩𑒋 𑒪𑒑𑒪𑒻 𑒂 𑒍 𑒮𑒦 𑒧𑒰𑒃𑒏𑒹𑒿 𑒏𑒯𑒪𑒏 𑒖𑒹 𑒯𑒧𑒩𑒰 𑒮𑒦𑒏 𑒅𑒣𑒯𑒰𑒮𑒮𑒿 𑒧𑒰𑒟 𑒤𑒙𑒻𑒋 𑒂 𑒞𑒼𑒩𑒰 𑒥𑒱𑒂𑒃𑒮𑒿 𑒕𑒳𑒙𑓂𑒙𑒲𑒋 𑒢𑒯𑒱 𑒕𑒾। 𑒦𑒾𑒖𑒲 𑒑𑒩𑓂𑒦𑒣𑒰𑒞𑒏 𑒣𑓂𑒩𑒨𑒰𑒮 𑒏𑒋𑒪𑒢𑓂𑒯𑒱 𑒧𑒳𑒠𑒰 𑒮𑒧𑒩𑒹𑒬 𑒦𑒰𑒃𑒏 𑒏𑒼𑒢𑒼 𑒧𑒠𑒞𑒱 𑒢𑒯𑒱 𑒦𑒹𑒙𑒪𑒢𑓂𑒯𑒱। 𑒥𑒹𑒙𑒲 𑒮𑒦𑒏 𑒑𑒣..𑒣𑒹𑒙 𑒅𑒢𑒰𑒩𑒢𑒹 𑒥𑒻𑒮𑒪 𑒁𑒕𑒱..𑒥𑒹𑒪𑒢𑒰𑒏 𑒯𑒴𑒛𑓃𑒮𑒿 𑒤𑒼𑒛𑓃𑒱 𑒢𑒹 𑒠𑒹 𑒣𑒹𑒙 𑒏𑒋। 𑒦𑒾𑒖𑒲 𑒧𑒴𑒩𑓂𑒕𑒱𑒞 𑒦𑓄 𑒑𑒹𑒪𑒲𑒯। 𑒦𑒾𑒖𑒲 𑒣𑒯𑒱𑒪 𑒥𑒔𑓂𑒔𑒰 𑒦𑒹𑒪𑒰𑒏 𑒥𑒰𑒠 𑒖𑒹 𑒔𑒾𑒠𑒯 𑒥𑒩𑓂𑒐𑒏 𑒥𑒰𑒠 𑒑𑒩𑓂𑒦𑒫𑒞𑒲 𑒯𑒼𑒃𑒞𑒲𑒯 𑒞𑒿 𑒏𑒲 𑒯𑒳𑒢𑒏𑒩 𑒥𑒹𑒙𑒲, 𑒍𑒯𑒼 𑒬𑒱𑒣𑓂𑒩𑒰 𑒖𑒹𑒏𑒰𑒿 𑒠𑒹𑒫𑒲-𑒠𑒹𑒫𑒞𑒰𑒏 𑒣𑒴𑒖𑒰 𑒢𑒯𑒱 𑒏𑒩𑒱𑒞𑒋। 𑒬𑒱𑒣𑓂𑒩𑒰 𑒮𑒴𑒞𑓂𑒩𑒡𑒰𑒩𑒏 𑒏𑒰𑒪𑒹𑒖𑒧𑒹 𑒕𑒰𑒞𑓂𑒩𑒰, 𑒮𑒞𑒩𑒯 𑒥𑒩𑓂𑒐𑒏 𑒥𑒰𑒠 𑒍𑒏𑒩𑒰 𑒋𑒏𑒙𑒰 𑒦𑒰𑒃 𑒦𑒹𑒪 𑒕𑒪𑒻। 𑒥𑒛𑓃 𑒣𑓂𑒩𑒮𑒢𑓂𑒢 𑒕𑒪𑒱। 𑒛𑒰𑒏𑓂𑒙𑒩𑒢𑒲𑒏 𑒧𑒼𑒢 𑒅𑒕𑒞𑒑𑒩 𑒢𑒯𑒱 𑒥𑒳𑒗𑒱 𑒣𑒛𑓃𑒪𑒢𑓂𑒯𑒱। 𑒦𑒾𑒖𑒲𑒏 𑒬𑒱𑒬𑒳 𑒮𑒴𑒞𑓂𑒩𑒡𑒰𑒩𑒏 𑒏𑒼𑒩𑒰𑒧𑒹 𑒕𑒢𑓂𑒯𑒱। 𑒦𑒾𑒖𑒲 𑒔𑒪𑒱 𑒑𑒹𑒪𑒲𑒯, 𑒣𑓂𑒩𑒣𑓀𑒔𑒏𑒹𑒿 𑒕𑒼𑒛𑓃𑒱। 𑒕𑒥𑓂𑒥𑒲𑒮 𑒒𑓀𑒙𑒰𑒏 𑒥𑒔𑓂𑒔𑒰𑒏𑒹𑒿 𑒪𑓄 𑒏𑓄 𑒮𑒴𑒞𑓂𑒩𑒡𑒰𑒩 𑒮𑒧𑒩𑒹𑒬 𑒦𑒰𑒃𑒏 𑒛𑒹𑒩𑒰 𑒜𑒳𑒏𑒻𑒞 𑒕𑒟𑒱। 𑒦𑒾𑒖𑒲𑒏 𑒠𑒮 𑒥𑒩𑓂𑒐𑒏 𑒥𑒹𑒙𑒰 𑒐𑒳𑒬𑒲𑒮𑒿 𑒍𑒏𑒩𑒰 𑒮𑓀𑒑 𑒋𑒏𑒞𑒩𑒤𑒰 𑒥𑒞𑒏𑒯𑒲 𑒏𑓄 𑒩𑒯𑒪 𑒕𑒪। 𑒦𑒾𑒖𑒲𑒏𑒹𑒿 𑒁𑓀𑒞𑒱𑒧 𑒥𑒹𑒩 𑒯𑒼𑒬 𑒂𑒨𑒪 𑒕𑒪𑒢𑓂𑒯𑒱 𑒞𑒿 𑒄 𑒮𑒧𑒰𑒠 𑒏𑒯𑒥𑒰 𑒪𑒹𑒪। 𑒠𑒳𑒢𑒴 𑒥𑒯𑒱𑒢𑒏𑒹𑒿 𑒁𑓀𑒑𑓂𑒩𑒹𑒖𑒲 𑒮𑓂𑒏𑒴𑒪 𑒔𑓀𑒛𑒲 𑒥𑒢𑒰 𑒠𑒹𑒢𑒹 𑒕𑒻। 𑒍 𑒮𑒦 𑒋𑒏𑒩𑒰 𑒢𑒯𑒱 𑒖𑒲𑒥𑓄 𑒠𑒹𑒞𑒻। 𑒂𑒥 𑒁𑒯𑒲𑓀 𑒋𑒏𑒩 𑒧𑒰𑒋 𑒂 𑒥𑒰𑒣। 𑒏𑒟𑒰𑒏𑒰𑒩 𑒮𑒼𑒔𑒧𑒹 𑒕𑒟𑒱। 𑒠𑒳𑒢𑒴 𑒥𑒯𑒱𑒢 𑒮𑓂𑒏𑒴𑒪 𑒑𑒹𑒪 𑒕𑒪। 𑒏𑒼𑒢𑒰 𑒦𑒾𑒖𑒲𑒏 𑒠𑒮 𑒫𑒩𑓂𑒭𑒲𑒨 𑒥𑒹𑒙𑒰𑒏𑒹𑒿 𑒅𑒞𑒩𑒲 𑒣𑒯𑒱𑒩𑒹𑒞𑒰𑒯।𑒅𑒮𑓂𑒮𑒩 𑒖𑒧𑒲𑒢:𑒞𑒹𑒖𑒼 𑒥𑒰𑒥𑒴। 𑒏𑒟𑒰𑒏 𑒮𑒴𑒞𑓂𑒩𑒡𑒰𑒩𑒏 𑒠𑒱𑒨𑒰𑒠𑒲 𑒣𑒱𑒞𑓂𑒞𑒲। 𑒐𑒩𑒯𑒴 𑒮𑒦 𑒤𑒴𑒪 𑒏𑒏𑒰 𑒏𑒯𑒻 𑒕𑒢𑓂𑒯𑒱। 𑒮𑒧𑒩𑓂𑒟𑒰𑒃𑒧𑒹 𑒐𑒹𑒞-𑒣𑒟𑒰𑒩𑒧𑒹 𑒏𑒰𑒖 𑒏𑒩𑒻𑒥𑒰𑒪𑒲 𑒥𑒼𑒢𑒱𑒯𑒰𑒩𑒱𑒢𑒮𑒿 𑒩𑒰𑒖𑒲 𑒫𑒰 𑒖𑒥𑒩𑒠𑒮𑓂𑒞𑒲 𑒫𑒰𑒮𑒢𑒰𑒏 𑒣𑒴𑒩𑓂𑒞𑒱 𑒏𑒩𑒟𑒱। 𑒂𑒥 𑒠𑒴-𑒠𑒴 𑒣𑒳𑒞𑒼𑒯𑒳 𑒂 𑒋𑒏𑒙𑒰 𑒖𑒧𑒰𑒋𑒏 𑒮𑒮𑒳𑒩 𑒦𑒹𑒪𑒰𑒯। 𑒤𑒴𑒪 𑒏𑒏𑒰 𑒮𑒴𑒞𑓂𑒩𑒡𑒰𑒩𑒏 𑒙𑒹𑒜𑓃 𑒂𑒿𑒐𑒱𑒏 𑒢𑒏𑒪 𑒏𑒩𑒟𑒱 𑒂 𑒮𑒹 𑒏𑒩𑒻𑒞-𑒏𑒩𑒻𑒞 𑒂𑒃 𑒯𑒳𑒢𑒏𑒩 𑒠𑒯𑒱𑒢𑒰 𑒂𑒿𑒐𑒱𑒏 𑒛𑒲𑒧 𑒅𑒣𑒩𑒏𑒰 𑒣𑒪𑒧𑒹 𑒜𑒳𑒏𑒱 𑒑𑒹𑒪𑒢𑒱 𑒁𑒕𑒱। 𑒂𑒥 𑒁𑒣𑒢 𑒣𑒼𑒞𑒰-𑒣𑒼𑒞𑒲𑒏 𑒐𑒰𑒣𑒛𑓃𑒱𑒏 𑒣𑒹𑒢 𑒮𑒢 𑒧𑒳𑒿𑒯, 𑒥𑒳𑒜𑓃𑒥𑒰 𑒣𑒩𑒼𑒩 𑒮𑒢 𑒚𑒼𑒩, 𑒁𑒪𑓂𑒪𑒴 𑒮𑒢-𑒮𑒢 𑒢𑒰𑒏, 𑒥𑒱𑒪𑒰𑒛𑓃𑒱 𑒮𑒢-𑒮𑒢 𑒂𑒿𑒐𑒱 𑒂 𑒤𑒑𑒳𑒂𑒏 𑒣𑒴 𑒮𑒢 𑒑𑒰𑒪 𑒠𑒹𑒐𑒻 𑒕𑒟𑒱 𑒞𑒿 𑒣𑒬𑓂𑒔𑒰𑒞𑒰𑒣 𑒏𑒩𑒻 𑒕𑒟𑒱। 𑒯𑒳𑒢𑒏𑒩 𑒩𑒰𑒧 𑒂 𑒪𑒕𑒧𑒢 𑒥𑒹𑒙𑒰𑒏 𑒦𑒱𑒢𑒰𑒅𑒖 𑒪𑒹𑒪 𑒣𑓀𑒔 𑒥𑒻𑒮𑒪 𑒁𑒕𑒱 𑒏𑒰𑒩𑒝 𑒩𑒰𑒧 𑒥𑒹𑒙𑒲𑒏 𑒥𑒰𑒣 𑒕𑒟𑒱 𑒂 𑒥𑒹𑒙𑒲𑒏 𑒥𑒰𑒣 𑒣𑒯𑒱𑒢𑒯𑒱𑒨𑒹 𑒥𑒳𑒜𑓃𑒰 𑒖𑒰𑒃𑒞 𑒁𑒕𑒱- 𑒂 𑒪𑒕𑒧𑒢 𑒥𑒹𑒙𑒰𑒏 𑒥𑒰𑒣 𑒕𑒟𑒱 । 𑒮𑒹 𑒪𑒕𑒧𑒢𑒏 𑒏𑒢𑒱𑒨𑒰𑒿 𑒮𑒱𑒧𑒩𑒰𑒯𑒰 𑒥𑒰𑒪𑒲 𑒮𑒼𑒔𑒪𑒢𑓂𑒯𑒱 𑒖𑒹 𑒖𑒹𑒚 𑒖𑒢𑒏𑒹𑒿 𑒣𑒩𑒳𑒏𑒰𑒿 𑒋𑒏𑒙𑒰 𑒏𑒢𑓂𑒨𑒰𑒠𑒰𑒢 𑒯𑒹𑒞𑒢𑓂𑒯𑒱 𑒂 𑒠𑒼𑒮𑒩𑒼 𑒪𑒰𑒑𑒪𑒹 𑒕𑒢𑓂𑒯𑒱 𑒮𑒹 𑒤𑒴𑒙 𑒦𑓄 𑒖𑒰𑒃 𑒂 𑒋𑒯𑒱 𑒪𑒹𑒪 𑒅𑒛𑓃𑒏𑒳𑒢 𑒞𑒏𑒪𑒢𑓂𑒯𑒱। 𑒣𑓀𑒔, 𑒁𑒧𑒲𑒢 𑒂 𑒁𑒢𑓂𑒢 𑒖𑒼𑒐𑒥𑒰 𑒪𑒹𑒪 𑒣𑒪𑓂𑒪𑒹𑒠𑒰𑒩 𑒂𑒨𑒪। 𑒖𑒹 𑒤𑒴𑒪 𑒏𑒏𑒰 𑒁𑒢𑒏𑒰 𑒒𑒩𑒧𑒹 𑒣𑓀𑒔𑒻𑒞𑒲 𑒏𑒩𑒻 𑒕𑒪𑒰𑒯, 𑒯𑒳𑒢𑒏𑒰 𑒒𑒩𑒧𑒹 𑒣𑓀𑒔𑒻𑒞𑒲। 𑒮𑒦 𑒫𑒮𑓂𑒞𑒳𑒏 𑒯𑒱𑒮𑓂𑒮𑒰 𑒦𑒹𑒪 𑒧𑒳𑒠 𑒪𑒰𑒠𑒱 𑒃𑒢𑒰𑒩 𑒋𑒏𑓂𑒏𑒹𑒙𑒰। 𑒮𑒹 𑒪𑒰𑒠𑒱 𑒤𑒼𑒛𑓃𑒱 𑒠𑒹𑒪 𑒑𑒹𑒪 𑒂 𑒃𑒢𑒰𑒩 𑒦𑒟𑒱 𑒠𑒹𑒪 𑒑𑒹𑒪। 𑒧𑒳𑒠𑒰 𑒧𑒰𑒋-𑒥𑒰𑒣𑒏𑒹𑒿 𑒏𑒼𑒢𑒰 𑒤𑒼𑒛𑓃𑒥 𑒂𑒏𑒱 𑒦𑒟𑒥? 𑒮𑒹 𑒩𑒰𑒧𑒏 𑒮𑓀𑒑 𑒥𑒳𑒩𑒯𑒰 𑒂 𑒪𑒕𑒧𑒢𑒏 𑒮𑓀𑒑 𑒥𑒳𑒩𑒯𑒲 𑒑𑒹𑒪𑒲𑒯। 𑒢𑒴𑒩-𑒑𑒼𑒥𑒩𑒾𑒩 𑒖𑒹𑒏𑒰𑒿 𑒠𑒳𑒢𑒴 𑒑𑒼𑒙𑒹 𑒣𑒛𑓃𑒪 𑒕𑒟𑒱। 𑒏𑒰𑒩𑒝 𑒮𑒱𑒧𑒩𑒰𑒯𑒲𑒥𑒰𑒪𑒲 𑒮𑒧𑒰𑒩𑒰𑒖𑒮𑒿 𑒠𑒴 𑒥𑒲𑒒𑒰 𑒖𑒧𑒲𑒢 𑒥𑒳𑒩𑒯𑒰-𑒥𑒳𑒩𑒯𑒲𑒏𑒹𑒿 𑒠𑒹𑒥𑒰𑒧𑒹 𑒢𑒼𑒏𑒮𑒰𑒢 𑒠𑒹𑒐𑒪𑒢𑓂𑒯𑒱। 𑒖𑒹 𑒕𑒼𑒙𑒏𑒰𑒏 𑒒𑒩𑒧𑒹 𑒞𑒮𑓂𑒧𑒻 𑒥𑒢𑒻 𑒞𑒿 𑒥𑒳𑒜𑓃𑒲𑒏 𑒣𑒰𑒞𑒼𑒣𑒩 𑒋𑒏𑒰𑒡 𑒔𑒧𑓂𑒧𑒔 𑒐𑒮𑒻। 𑒧𑒳𑒠𑒰 𑒁𑒮𑒑𑒩𑒹 𑒐𑒰𑒃𑒧𑒹 𑒯𑒳𑒢𑒏𑒩 𑒯𑒲𑒨𑒰 𑒮𑒰𑒪𑒋 𑒪𑒰𑒑𑒢𑒱। 𑒂𑒥 𑒤𑒴𑒪 𑒏𑒰𑒏𑒰 𑒠𑒰𑒩𑓂𑒬𑒢𑒱𑒏 𑒥𑒢𑒱 𑒑𑒹𑒪 𑒕𑒟𑒱। 𑒥𑒰𑓀𑒗 𑒑𑒰𑒋, 𑒅𑒮𑓂𑒮𑒩 𑒖𑒧𑒲𑒢 𑒂 𑒏𑒼𑒜𑓃𑒱 𑒥𑒩𑒠 𑒮𑒹𑒫𑒰-𑒥𑒩𑒠𑒰𑒮𑒱𑒏 𑒂𑒬 𑒏𑒱𑒌 𑒩𑒐𑒻𑒋? 𑒣𑒫𑒢 𑒣𑒳𑒪- 𑒏𑒟𑒰𑒏 𑒮𑒴𑒞𑓂𑒩𑒡𑒰𑒩𑒏 𑒂𑒃.𑒋𑒮.𑒮𑒲.𑒏 𑒣𑒩𑒲𑒏𑓂𑒭𑒰 𑒦𑒹𑒪 𑒕𑒢𑓂𑒯𑒱 , 𑒣𑓂𑒩𑒻𑒏𑓂𑒙𑒱𑒏𑒪 𑒣𑒩𑒲𑒏𑓂𑒭𑒰 𑒥𑒰𑒿𑒔𑒪 𑒕𑒢𑓂𑒯𑒱 𑒂 𑒍 𑒍𑒯𑒱 𑒁𑒫𑒡𑒱𑒧𑒹 𑒑𑒰𑒧 𑒑𑒹𑒪 𑒕𑒟𑒱, 𑒏𑒰𑒩𑒝 𑒁𑒪𑓂𑒣𑒫𑒹𑒞𑒢𑒦𑒼𑒑𑒲 𑒣𑒱𑒞𑒰𑒏 𑒆𑒣𑒩 𑒥𑒹𑒮𑒲 𑒖𑒼𑒩 𑒢𑒯𑒱 𑒠𑒹𑒧𑒋 𑒔𑒰𑒯𑒻𑒞 𑒩𑒯𑒟𑒱। 𑒧𑒰𑒞𑓂𑒩 𑒞𑒲𑒢 𑒠𑒱𑒢 𑒣𑒯𑒱𑒢𑒹 𑒮𑒯𑒩𑒮𑒰 𑒑𑒹𑒪 𑒕𑒟𑒱। 𑒑𑒰𑒧𑒧𑒹 𑒧𑒵𑒞𑓂𑒨𑒳 𑒮𑒨𑓂𑒨𑒰𑒣𑒩 𑒮𑒴𑒞𑓂𑒩𑒡𑒰𑒩𑒏 𑒁𑒢𑒳𑒖𑒰 𑒮𑒩𑒼𑒖 𑒣𑒛𑓃𑒪𑒱 𑒕𑒟𑒱। 𑒞𑒲𑒢𑒴 𑒁𑒢𑒳𑒖𑒰𑒧𑒹 𑒮𑒦𑒮𑒿 𑒣𑒻𑒒 𑒧𑒳𑒠𑒰 𑒮𑒴𑒞𑓂𑒩𑒡𑒰𑒩𑒮𑒿 𑒞𑒲𑒢 𑒥𑒩𑓂𑒐 𑒕𑒼𑒙, 𑒖𑒏𑒩 𑒠𑒮 𑒥𑒩𑓂𑒐𑒏 𑒥𑒋𑒮𑒧𑒹 𑒫𑒱𑒫𑒰𑒯 𑒦𑒹𑒪𑒻 𑒂 𑒞𑒹𑒩𑒯 𑒥𑒩𑓂𑒐𑒏 𑒥𑒋𑒮𑒧𑒹 𑒠𑓂𑒫𑒱𑒩𑒰𑒑𑒧𑒢। 𑒮𑒰𑒮𑒳𑒩 𑒑𑒹𑒪𑒰𑒏 𑒕𑒯 𑒧𑒰𑒮𑒧𑒹 𑒍𑒏𑒩𑒰 𑒙𑒰𑒿𑒑𑒱 𑒏𑒋 𑒢𑒻𑒯𑒩 𑒂𑒢𑒪 𑒑𑒹𑒪𑒻। 𑒯𑒳𑒢𑒏𑒩 𑒣𑒞𑒱 𑒁𑒖𑓂𑒘𑒰𑒢𑒲-𑒪𑒤𑓀𑒑𑒰 𑒕𑒪𑒐𑒱𑒢𑓂𑒯, 𑒖𑒱𑒢𑒏𑒰 𑒮𑒴𑒞𑓂𑒩𑒡𑒰𑒩 𑒏𑒯𑒟𑒱𑒢𑓂𑒯 𑒖𑒹 𑒂𑒙𑒼𑒧𑒹𑒙𑒱𑒏 𑒒𑒛𑓃𑒲𑒏 𑒯𑓂𑒩𑒱𑒖𑒋 𑒂 𑒃𑓀𑒑𑓂𑒪𑒱𑒬 𑒩𑒹𑒪𑒹 𑒮𑒰𑒃𑒏𑒱𑒪𑒏 𑒢𑒱𑒩𑓂𑒧𑒰𑒝𑒏 𑒞𑒱𑒟𑒱 𑒥𑒞𑒰𑒆, 𑒖𑒹 𑒄 𑒠𑒳𑒢𑒴 𑒔𑒲𑒖 𑒔𑒰𑒯𑒲। 𑒂 𑒋𑒯𑒱 𑒯𑒿𑒮𑒲 𑒪𑒹𑒪 𑒮𑒹𑒯𑒼 𑒮𑒩𑒼𑒖𑒏𑒹𑒿 𑒞𑒰𑒩𑒝𑒰 𑒦𑒹𑒙𑒪𑒢𑓂𑒯𑒱। 𑒮𑒴𑒞𑓂𑒩𑒡𑒰𑒩 𑒣𑓂𑒩𑒻𑒏𑓂𑒙𑒱𑒏𑒪 𑒣𑒩𑒲𑒏𑓂𑒭𑒰𑒧𑒹 𑒅𑒞𑓂𑒞𑒪 𑒞𑒰𑒪𑒏 𑒫𑒏𑓂𑒩𑒞𑒰 𑒢𑒯𑒱 𑒢𑒰𑒣𑒱 𑒮𑒏𑒪𑒰𑒯 𑒧𑒳𑒠𑒰 𑒣𑓂𑒩𑒰𑒞 𑒦𑒹𑒢𑒹 𑒮𑒩𑒼𑒖 𑒍𑒯𑒱 𑒫𑒏𑓂𑒩 𑒮𑒲𑒧𑒰𑒮𑒿 𑒧𑒳𑒏𑓂𑒞 𑒦𑓄 𑒑𑒹𑒪𑒲𑒯। 𑒮𑒗𑒱𑒪𑒰 𑒣𑒱𑒞𑓂𑒞𑒲, 𑒖𑒱𑒢𑒏𑒰 𑒮𑒴𑒞𑓂𑒩𑒡𑒰𑒩 𑒥𑒰𑒥𑒴 𑒏𑒯𑒻 𑒕𑒟𑒱, 𑒮𑒴𑒞𑓂𑒩𑒡𑒰𑒩 𑒂 𑒮𑒩𑒼𑒖𑒏𑒹𑒿 𑒖𑒰𑒢𑒮𑒿 𑒥𑒹𑒬𑒲 𑒧𑒰𑒢𑒻𑒞 𑒕𑒟𑒱। 𑒮𑒧𑒰𑒖𑒏 𑒪𑒼𑒏𑒏 𑒪𑒯𑒰𑒮 𑒅𑒚𑒥𑒻 𑒪𑒹𑒪 𑒢𑒯𑒱 𑒂𑒋𑒥। 𑒮𑒴𑒞𑓂𑒩𑒡𑒰𑒩𑒏 𑒏𑒰𑒏𑒲𑒏 𑒄 𑒮𑒴𑒔𑒱𑒞 𑒏𑒩𑒥 𑒖𑒹 𑒁𑒣𑒢𑒯𑒱 𑒥𑒻𑒮𑒱 𑒔𑒰𑒩𑒴 𑒠𑒱𑒂𑒠𑒢𑒲 𑒏𑒰𑒢𑒲 𑒂 𑒔𑒰𑒩𑒴-𑒔𑒰𑒩𑒴𑒏𑒹𑒿 𑒔𑒳𑒣 𑒏𑒩𑒲 𑒂 𑒏𑒼𑒢𑒙𑒲-𑒤𑒙𑒏𑒲𑒮𑒿 𑒁𑒥𑒰𑒖, 𑒖𑒹 𑒕𑒾𑒛𑓃𑒲 𑒮𑒧𑒩𑓂𑒟 𑒯𑒼𑒃𑒞-𑒯𑒼𑒃𑒞 𑒧𑒩𑒪𑒻𑒋, 𑒞𑒹𑒯𑒹𑒢 𑒛𑒰𑒏𑒱𑒢 𑒯𑒹𑒞𑒻𑒏 𑒖𑒹 𑒙𑒼𑒪𑒧𑒹 𑒦𑒩𑒱-𑒦𑒩𑒱 𑒩𑒰𑒞𑒱 𑒒𑒼𑒛𑓃𑒠𑒾𑒩 𑒏𑒩𑒞𑒻। 𑒧𑒳𑒠𑒰 𑒦𑒼𑒖 𑒏𑒰𑒪𑒧𑒹 𑒩𑓀𑒑𑒢𑒰𑒟 𑒧𑒱𑒬𑓂𑒩𑒏 𑒏𑒯𑒥, 𑒖𑒹 𑒣𑒯𑒱𑒪 𑒏𑒩 𑒏𑒹 𑒅𑒚𑒰𑒍𑒞, 𑒧𑒰𑒞𑓂𑒩 𑒋𑒏𑓂𑒏𑒻𑒮 𑒥𑓂𑒩𑒰𑒯𑓂𑒧𑒝 𑒕𑒟𑒱 𑒥𑒰𑒃𑒮𑒮𑒿 𑒋𑒏 𑒏𑒧। 𑒮𑒴𑒞𑓂𑒩𑒡𑒰𑒩𑒏 𑒕𑒼𑒙 𑒣𑒱𑒞𑓂𑒞𑒲 𑒁𑒣𑒢𑒹 𑒥𑒻𑒮𑒱 𑒖𑒰𑒃 𑒕𑒟𑒱। 𑒮𑒴𑒞𑓂𑒩𑒡𑒰𑒩 𑒩𑓀𑒑𑒢𑒰𑒟 𑒧𑒱𑒬𑓂𑒩𑒏𑒹𑒿 𑒥𑒰𑒿𑒯𑒱 𑒣𑒏𑒛𑓃𑒱 𑒅𑒚𑒥𑒻𑒞 𑒕𑒟𑒱..𑒢𑒱𑒏𑒪𑒱 𑒖𑒰𑒅 𑒖𑒪𑓂𑒠𑒲, 𑒁𑒢𑓂𑒨𑒟𑒰 𑒋𑒏𑓂𑒏𑒼 𑒖𑒳𑒞𑓂𑒞𑒰 𑒢𑒲𑒔𑒰𑒿 𑒢𑒘𑒱 𑒐𑒮𑒋 𑒠𑒹𑒥..। 𑒖𑒹 𑒏𑒮𑒰𑒃 𑒕𑒟𑒱, 𑒞𑒱𑒢𑒏𑒰 𑒖𑒰𑒋 𑒠𑒱𑒁𑒢𑒳। 𑒯𑒳𑒢𑒏𑒩 𑒣𑒰𑒞 𑒦𑒱𑒐𑒼 𑒛𑒼𑒧𑒏 𑒮𑒴𑒑𑒩𑒏𑒹𑒿 𑒐𑒼𑒂 𑒠𑒱𑒁𑒢𑒳..। 𑒔𑒩𑒱𑒞𑓂𑒩- 𑒒𑒼𑒩 𑒏𑒧𑓂𑒨𑒳𑒢𑒱𑒮𑓂𑒙 𑒑𑒾𑒞𑒧𑒖𑒲। 𑒖𑒰𑒞𑒱𑒋𑒿 𑒏𑒩𑓂𑒝 𑒏𑒰𑒨𑒮𑓂𑒟 𑒕𑒟𑒱- 𑒥𑒲𑒛𑓃𑒲 𑒣𑒲𑒥𑒱 (𑒞𑒰𑒯𑒱𑒮𑒿 𑒮𑒩𑓂𑒫𑒯𑒰𑒩𑒰 𑒕𑒫𑒱 𑒥𑒢𑒥𑒻𑒧𑒹 𑒮𑒳𑒫𑒱𑒡𑒰 𑒕𑒢𑓂𑒯𑒱) 𑒧𑒼𑓀𑒕𑒏 𑒙𑒳𑒩𑒢𑒲 𑒏𑒻𑒪 𑒦𑓄 𑒑𑒹𑒪 𑒕𑒢𑒱। 𑒏𑒪𑒏𑒞𑓂𑒞𑒰𑒧𑒹 𑒥𑒮𑒪 𑒧𑒻𑒟𑒱𑒪। 𑒞𑒲𑒢 𑒙𑒰 𑒥𑒹𑒙𑒲। 𑒥𑒹𑒙𑒲 𑒫𑒱𑒫𑒰𑒯 𑒏𑒰𑒪𑒧𑒹 𑒁𑒣𑒢 𑒣𑓂𑒩𑒹𑒧𑒱𑒏𑒰 𑒮𑓀𑒑𑒹 𑒪𑒛𑓃𑒏𑒰 𑒠𑒹𑒐𑒋 𑒪𑒹𑒪 𑒖𑒰𑒃𑒞 𑒕𑒟𑒱। 𑒍𑒞𑒋 𑒋𑒏 𑒚𑒰𑒧 𑒁𑒧𑓂𑒥𑒭𑓂𑒚 𑒏𑒰𑒨𑒮𑓂𑒟 𑒩𑒯𑒪𑒰𑒏 𑒏𑒰𑒩𑒝 𑒂 𑒠𑒼𑒮𑒩 𑒚𑒰𑒧 𑒪𑒛𑓃𑒏𑒰𑒏 𑒣𑒱𑒞𑒰 𑒏𑒩𑓂𑒝𑒖𑒲𑒏 𑒠𑒼𑒮𑒩 𑒣𑒞𑓂𑒢𑒲𑒏 𑒏𑓂𑒩𑒱𑒬𑓂𑒔𑒱𑒨𑒢 𑒫𑒱𑒡𑒫𑒰 𑒩𑒯𑒪𑒰𑒏 𑒏𑒰𑒩𑒝 𑒍 𑒏𑒟𑒰 𑒮𑒦 𑒯𑒳𑒢𑒏𑒰 𑒮𑒴𑒙 𑒢𑒯𑒱 𑒏𑒩𑒻 𑒕𑒢𑓂𑒯𑒱। 𑒋𑒛𑒪𑒱𑒢𑒰𑒏 𑒏𑒟𑒰 𑒥𑒲𑒔𑒧𑒹 𑒂𑒥𑒱 𑒖𑒰𑒃𑒋..𑒋𑒯𑒱 𑒏𑓂𑒩𑒧𑒧𑒹 𑒣𑓂𑒩𑒡𑒰𑒢𑒰𑒡𑓂𑒨𑒰𑒣𑒏𑒏 𑒋𑒛𑓂𑒪𑒲𑒢𑒰𑒏 𑒮𑒧𑓂𑒥𑒢𑓂𑒡𑒧𑒹 𑒙𑒱𑒣𑓂𑒣𑒝𑒲𑒣𑒩 𑒋𑒏𑒙𑒰 𑒢𑒫𑒢𑒱𑒨𑒳𑒏𑓂𑒞 𑒬𑒱𑒏𑓂𑒭𑒏𑒏 𑒙𑒱𑒣𑓂𑒣𑒝𑒲- 𑒋𑒛𑒪𑒲𑒢𑒰 𑒁𑒯𑒰𑒿𑒏 𑒕𑒼𑒙𑒏𑒲 𑒥𑒹𑒙𑒲𑒮𑒿 𑒠𑒳𑒃𑒋-𑒞𑒲𑒢 𑒥𑒩𑓂𑒐 𑒖𑒹𑒚 𑒯𑒼𑒋𑒞𑒲𑒯..𑒯𑒳𑒢𑒏𑒰 𑒪𑒹𑒮𑒱 𑒠𑒻 𑒕𑒢𑓂𑒯𑒱। 𑒁𑒮𑓂𑒞𑒳, 𑒏𑒟𑒰𑒏 𑒁𑒢𑓂𑒞 𑒑𑒾𑒞𑒧 𑒖𑒲𑒏 𑒧𑒰𑒗𑒱𑒪 𑒥𑒹𑒙𑒲𑒏 𑒣𑒱𑒞𑒰𑒏𑒹𑒿 𑒠𑒹𑒪 𑒩𑒣𑒙𑒰𑒢𑒏 𑒮𑓀𑒑 𑒐𑒞𑒧 𑒯𑒼𑒃𑒞 𑒁𑒕𑒱।𑒃𑒖𑒼𑒞- 𑒧𑒡𑒳𑒏𑒩𑒖𑒲𑒏 𑒮𑓀𑒑 𑒏𑒟𑒰𑒏 𑒮𑒴𑒞𑓂𑒩𑒡𑒰𑒩𑒏 𑒬𑒞𑒩𑓀𑒖𑒏 𑒐𑒹𑒪 𑒔𑒪𑒱 𑒩𑒯𑒪 𑒕𑒢𑓂𑒯𑒱। 𑒬𑒞𑒩𑓀𑒖𑒏 𑒐𑒹𑒪𑒏 𑒮𑓀𑒑 𑒮𑒴𑒞𑓂𑒩𑒡𑒰𑒩 𑒧𑒡𑒳𑒏𑒩𑒖𑒲𑒏 𑒬𑒞𑒩𑓀𑒖𑒏 𑒮𑓀𑒑 𑒖𑒲𑒫𑒢𑒧𑒹 𑒏𑒋𑒪 𑒥𑒹𑒃𑒧𑒰𑒢𑒲𑒏 𑒮𑓀𑒑𑒹-𑒮𑓀𑒑𑒹 𑒔𑒩𑒔𑒰 𑒏𑒩𑒻 𑒕𑒟𑒱। 𑒯𑒳𑒢𑒏𑒰 𑒠𑓂𑒫𑒰𑒩𑒰 𑒧𑒡𑒳𑒏𑒩 𑒖𑒲𑒏𑒹𑒿 𑒣𑒰𑒞𑒏𑒲 𑒑𑒳𑒩𑒳𑒏 𑒔𑒹𑒪𑒰 𑒏𑒯𑒪𑒰𑒣𑒩 𑒧𑒡𑒳𑒏𑒩𑒖𑒲 𑒥𑒱𑒑𑒛𑓃𑒱 𑒖𑒰𑒃 𑒕𑒟𑒱, 𑒏𑒯𑒻 𑒕𑒟𑒱 𑒖𑒹 ..𑒯𑒧𑒯𑒲𑓀 𑒁𑒯𑒰𑓀𑒏 𑒒𑒩𑒫𑒰𑒪𑒲𑒏𑒹𑒿 𑒮𑒱𑒐𑒥𑒻 𑒕𑒲 𑒖𑒹 𑒁𑒯𑒰𑒿𑒏 𑒧𑒰𑒋-𑒥𑒰𑒣𑒏𑒹𑒿 𑒧𑒰𑒩𑒋, 𑒁𑒯𑒰𑒿𑒏 𑒒𑒩𑒏 𑒤𑒖𑒯𑒞𑒱 𑒏𑒩𑒋, 𑒁𑒯𑒰𑒿𑒏 𑒮𑒮𑒳𑒩𑒥𑒰𑒮𑒱 𑒥𑒯𑒱𑒢𑒏𑒹𑒿 𑒒𑒩𑒧𑒹 𑒢𑒯𑒱 𑒩𑒯𑒋 𑒠𑒱𑒁𑒋। 𑒧𑒡𑒳𑒏𑒩𑒖𑒲𑒏 𑒫𑒱𑒬𑒹𑒭𑒞𑒰𑒏 𑒬𑒞𑒩𑓀𑒖𑒏 𑒥𑒱𑒮𑒰𑒞𑒣𑒩 𑒔𑒩𑓂𑒔 𑒯𑒼𑒃𑒞 𑒁𑒕𑒱- 𑒥𑒱𑒨𑒰𑒯𑒧𑒹 𑒦𑒰𑒿𑒑𑒚 𑒏𑒩𑒥, 𑒋𑒏𑒪𑒫𑓂𑒨 𑒖𑒹𑒏𑒰𑒿 𑒡𑒢𑒳𑒩𑓂𑒫𑒱𑒠𑓂𑒨𑒰𑒏 𑒣𑓂𑒩𑒨𑒼𑒑 𑒏𑒳𑒏𑒳𑒩𑒏 𑒧𑒳𑒿𑒯 𑒥𑒢𑓂𑒠 𑒏𑒩𑒥𑒰𑒧𑒹 𑒏𑒩𑒥, 𑒮𑒴𑒞𑓂𑒩𑒡𑒰𑒩𑒏 𑒏𑒢𑒱𑒨𑒰𑒿𑒏𑒹𑒿 𑒁𑒢𑒙-𑒥𑒢𑒙 𑒣𑒜𑓃𑒰𑒋𑒥। 𑒮𑒴𑒞𑓂𑒩𑒡𑒰𑒩𑒏 𑒥𑒯𑒱𑒢𑒱𑒏 𑒮𑒰𑒮𑒳-𑒮𑒮𑒳𑒩𑒏𑒹𑒿 𑒍 𑒏𑒯𑒱 𑒂𑒋𑒪 𑒕𑒟𑒱𑒢𑓂𑒯- 𑒠𑒱𑒪𑓂𑒪𑒲𑒧𑒹 𑒖𑒑𑒯 𑒏𑒱𑒢𑒥𑒰 𑒪𑒹𑒪 𑒣𑒰𑒃 𑒕𑒻 𑒂 𑒥𑒯𑒱𑒢 𑒥𑒯𑒢𑒼𑒃𑒏𑒹𑒿 𑒠𑒹𑒥𑒰 𑒪𑒹𑒪 𑒣𑒰𑒃 𑒢𑒯𑒱 𑒕𑒻? 𑒮𑒴𑒞𑓂𑒩𑒡𑒰𑒩𑒏 𑒣𑒞𑓂𑒢𑒲 𑒮𑒰𑒮𑒳-𑒮𑒮𑒳𑒩𑒏𑒹𑒿 𑒣𑒰𑒿𑒔 𑒥𑒰𑒜𑓃𑒢𑒱-𑒣𑒰𑒿𑒔 𑒮𑒳𑒣𑒰𑒚 𑒔𑒪𑒥𑒱𑒞𑒹 𑒕𑒪𑒐𑒱𑒢𑓂𑒯 𑒂𑒥 𑒥𑒯𑒱𑒢 𑒪𑒹𑒪 𑒣𑒰𑒿𑒔 𑒥𑒰𑒜𑓃𑒢𑒱-𑒮𑒳𑒣𑒰𑒚𑒏 𑒏𑒰𑒖 𑒂𑒍𑒩 𑒥𑒜𑓃𑒱 𑒑𑒹𑒪𑒢𑓂𑒯𑒱..𑒥𑒹𑒔𑒰𑒩𑒲 𑒣𑒩𑒪𑒼𑒏 𑒑𑒹𑒪𑒲𑒯। 𑒁𑒢𑓂𑒞𑒧𑒹 𑒮𑒴𑒞𑓂𑒩𑒡𑒰𑒩 𑒧𑒡𑒳𑒏𑒩 𑒖𑒲𑒏 𑒒𑒼𑒛𑓃𑒰 𑒅𑒚𑒰 𑒏𑒋 𑒣𑒳𑒩𑒢𑒰 𑒖𑒑𑒯𑒣𑒩 𑒩𑒰𑒐𑒱 𑒠𑒻 𑒕𑒟𑒱, 𑒂 𑒔𑒰𑒪𑒱𑒧𑒹 𑒃𑒧𑒰𑒢𑒠𑒰𑒩𑒲 𑒁𑒢𑒥𑒰𑒏 𑒪𑒹𑒪 𑒏𑒯𑒻 𑒕𑒟𑒱।𑒯𑒰𑒟𑒲 𑒔𑒪𑒋 𑒥𑒖𑒰𑒩- 𑒦𑒫𑒰𑒢𑒲 𑒠𑒰𑒃! 𑒥𑒰𑒣𑒏 𑒠𑒳𑒪𑒰𑒩𑒱। 𑒧𑒰𑒋𑒏 𑒧𑒵𑒞𑓂𑒨𑒳𑒏 𑒥𑒰𑒠 𑒪𑒰𑒪𑒢-𑒣𑒰𑒪𑒢 𑒂 𑒫𑒱𑒫𑒰𑒯। 𑒤𑒹𑒩 𑒏𑒪𑓂𑒨𑒰𑒝𑒏 𑒨𑒼𑒑𑓂𑒨𑒞𑒰 𑒦𑒹𑒪𑒢𑓂𑒯𑒱 𑒞𑒿 𑒄 𑒮𑒧𑒰𑒔𑒰𑒩 𑒮𑒳𑒢𑒱 𑒣𑒱𑒞𑒰𑒏 𑒧𑒵𑒞𑓂𑒨𑒳 𑒦𑓄 𑒑𑒹𑒪𑒢𑓂𑒯𑒱, 𑒐𑒳𑒬𑒲𑒮𑒿 । 𑒤𑒹𑒩 𑒦𑒫𑒰𑒢𑒲 𑒠𑒰𑒃𑒏𑒹𑒿 𑒣𑒳𑒞𑓂𑒩 𑒦𑒹𑒪𑒢𑓂𑒯𑒱 𑒂 𑒤𑒹𑒩 𑒯𑒳𑒢𑒏𑒩 𑒣𑒞𑒱𑒏 𑒧𑒵𑒞𑓂𑒨𑒳। 𑒤𑒹𑒩 𑒃𑒢𑒬𑓂𑒨𑒼𑒩𑒹𑒢𑓂𑒮 𑒂 𑒁𑒢𑒳𑒏𑒧𑓂𑒣𑒰𑒏 𑒢𑒼𑒏𑒩𑒲 𑒪𑒹𑒪 𑒯𑒳𑒢𑒏𑒰 𑒠𑒴 𑒞𑒩𑒯𑒏 𑒁𑒢𑒳𑒦𑒫 𑒦𑒹𑒪𑒢𑓂𑒯𑒱। 𑒃𑒢𑒬𑓂𑒨𑒼𑒩𑒹𑒢𑓂𑒮 𑒏𑒧𑓂𑒣𑒢𑒲𑒏 𑒧𑒢𑒹𑒖𑒩 𑒏𑒧 𑒅𑒧𑒩𑒱𑒏 𑒪𑒹𑒐𑒏, 𑒦𑒠𑓂𑒩। 𑒮𑒦𑒙𑒰 𑒏𑒰𑒖 𑒧𑒱𑒢𑒙𑒧𑒹 𑒦𑓄 𑒑𑒹𑒪𑒢𑓂𑒯𑒱। 𑒧𑒳𑒠𑒰 𑒣𑒞𑒱𑒏 𑒏𑒰𑒩𑓂𑒨𑒰𑒪𑒨𑒏 𑒯𑒰𑒏𑒱𑒧 𑒣𑒞𑒱𑒞। 𑒏𑒟𑒰𑒏 𑒁𑒢𑓂𑒞 𑒯𑒰𑒏𑒱𑒧𑒏 𑒥𑒹𑒙𑒲 𑒑𑒲𑒞𑒰𑒏 𑒣𑒱𑒞𑒰𑒏𑒹𑒿 𑒠𑒹𑒪 𑒠𑒳𑒞𑓂𑒏𑒰𑒩𑒱𑒮𑒿 𑒯𑒼𑒃𑒞 𑒁𑒕𑒱।𑒕𑒑𑒳𑒢𑓂𑒞𑒰- 𑒥𑒻𑒩𑒰𑒑𑒲𑒖𑒲, 𑒩𑒰𑒧𑒰𑒡𑒲𑒢 𑒣𑒰𑒝𑓂𑒛𑒹𑒨 “𑒥𑒻𑒩𑒰𑒑𑒲”, 𑒯𑒳𑒢𑒏𑒩 𑒥𑒹𑒙𑒰 𑒏𑒍𑒪𑒹𑒖𑒧𑒹 𑒣𑓂𑒩𑒼𑒤𑒹𑒮𑒩 𑒦𑓄 𑒑𑒹𑒪𑒐𑒱𑒢𑓂𑒯। 𑒯𑒳𑒢𑒏𑒩 𑒥𑒹𑒙𑒰𑒏 𑒁𑒣𑒯𑒩𑒝𑒮𑒿 𑒏𑒟𑒰𑒧𑒹 𑒞𑒹𑒖𑒲 𑒁𑒥𑒻𑒞 𑒁𑒕𑒱। 𑒣𑒔𑒲𑒮 𑒯𑒖𑒰𑒩 𑒦𑒫𑒱𑒭𑓂𑒨 𑒢𑒱𑒡𑒱𑒮𑒿 𑒢𑒱𑒏𑒰𑒪𑒱 𑒏𑓄 𑒩𑒐𑒪𑒟𑒱 𑒂 𑒮𑒹𑒯𑒼 𑒑𑒰𑒋𑒥 𑒕𑒢𑓂𑒯𑒱। 𑒯𑒳𑒢𑒏𑒩 𑒖𑒹𑒚 𑒥𑒹𑒙𑒰 𑒁𑒩𑒳𑒝 𑒮𑒹𑒯𑒼 𑒢𑒱𑒣𑒞𑓂𑒞𑒰 𑒕𑒟𑒱। 𑒤𑒹𑒩 𑒏𑒟𑒰𑒧𑒹 𑒠𑒳𑒐𑒧𑒼𑒔𑒢𑒏 𑒔𑒩𑓂𑒔 𑒁𑒕𑒱 𑒖𑒹 𑒮𑓂𑒫𑒞𑓀𑒞𑓂𑒩𑒞𑒰 𑒮𑒹𑒢𑒰𑒢𑒲- 𑒖𑒹 𑒣𑒹𑓀𑒬𑒢 𑒪𑒹𑒥𑒰𑒮𑒿 𑒧𑒢𑒰 𑒏𑓄 𑒠𑒹𑒪𑒢𑓂𑒯𑒱- 𑒏 𑒣𑒳𑒞𑓂𑒩 𑒕𑒟𑒱। 𑒧𑒳𑒠𑒰 𑒁𑒣𑒩𑒰𑒡𑒲 𑒔𑒩𑒱𑒞𑓂𑒩𑒏, 𑒯𑒰𑒃 𑒮𑓂𑒏𑒴𑒪𑒹𑒮𑒿 𑒁𑒣𑒢 𑒦𑒫𑒱𑒭𑓂𑒨𑒏 𑒣𑒩𑒱𑒔𑒨 𑒠𑒹𑒧𑒋 𑒪𑒑𑒪𑒰𑒯, 𑒖𑒐𑒢 𑒖𑒰𑒞𑒱 𑒂 𑒁𑒩𑓂𑒟𑒹𑓀 𑒯𑒲𑒢 𑒣𑒛𑓃𑒼𑒮𑒱𑒨𑒰𑒏 𑒥𑒹𑒙𑒲𑒣𑒩 𑒯𑒰𑒟 𑒮𑒰𑒤 𑒏𑓄 𑒪𑒹𑒪𑒢𑒱। 𑒤𑒹𑒩 𑒥𑒙𑒧𑒰𑒩𑒲, 𑒕𑒲𑒢𑒰 𑒗𑒣𑒙𑒲...𑒢𑒱𑒧𑓂𑒢 𑒖𑒰𑒞𑒲𑒨 𑒋𑒧.𑒋𑒪.𑒋. 𑒦𑒑𑒞 𑒖𑒲𑒏 𑒢𑒹𑒞𑒵𑒞𑓂𑒫 𑒣𑒮𑒱𑒢𑓂𑒢 𑒢𑒯𑒱 𑒣𑒛𑓃𑒪𑒢𑓂𑒯𑒱 𑒞𑒿 𑒍 𑒏𑒹𑒮𑒧𑒹 𑒤𑒮𑒰 𑒠𑒹𑒪𑒐𑒱𑒢𑓂𑒯 𑒂 𑒂𑒥 𑒍 𑒤𑒩𑒰𑒩𑒲 𑒩𑒰𑒖𑒢𑒲𑒞𑒱𑒖𑓂𑒘 𑒦𑓄 𑒑𑒹𑒪𑒰𑒯, 𑒁𑒣𑒢 𑒖𑒰𑒞𑒱𑒏 𑒪𑒼𑒏𑒏 𑒧𑒠𑒞𑒱 𑒮𑒹𑒯𑒼 𑒦𑒹𑒙𑒪𑒢𑓂𑒯𑒱। 𑒤𑒹𑒩 𑒯𑒳𑒢𑒏𑒩 𑒤𑒪𑓂𑒪𑒰𑓀 𑒠𑒱𑒢 𑒂𑒞𑓂𑒧-𑒮𑒧𑒩𑓂𑒣𑒝 𑒂 𑒬𑒏𑓂𑒞𑒱 𑒣𑓂𑒩𑒠𑒩𑓂𑒬𑒢 𑒯𑒋𑒞। 𑒢𑒱𑒕𑒏𑓂𑒏𑒰 𑒮𑓂𑒫𑒖𑒰𑒞𑒱, 𑒋𑒏𑒫𑒩𑓂𑒝𑒰 𑒑𑒯𑒴𑒧 𑒖𑒹𑒏𑒰𑒿। 𑒂𑒥𑒰𑒪𑒫𑒵𑒠𑓂𑒡𑒫𑒢𑒱𑒞𑒰। 𑒠𑒳𑒐𑒧𑒼𑒔𑒢 𑒣𑒻𑒒 𑒪𑒼𑒏 𑒦𑓄 𑒑𑒹𑒪𑒰𑒯। 𑒞𑒯𑒲 𑒠𑒳𑒐𑒧𑒼𑒔𑒢𑒮𑒿 𑒁𑒩𑒳𑒝𑒏 𑒡𑒩𑓂𑒧𑒨𑒳𑒠𑓂𑒡। 𑒧𑒳𑒠𑒰 𑒠𑒳𑒐𑒧𑒼𑒔𑒢 𑒖𑒲𑒏 𑒔𑒲𑒪𑒩-𑒔𑒧𑒼𑒏𑒢𑒱 𑒮𑒦 𑒁𑒩𑒳𑒝 𑒠𑓂𑒫𑒰𑒩𑒰 𑒫𑒡 𑒦𑓄 𑒩𑒯𑒪 𑒕𑒪𑒰𑒯 𑒂 𑒍 𑒠𑒱𑒪𑓂𑒪𑒲-𑒣𑒙𑒢𑒰𑒧𑒹 𑒧𑒾𑒖 𑒏𑒩𑒻 𑒕𑒟𑒱।𑒑𑒞𑒱- 𑒖𑒑𑒞 𑒗𑒰, 𑒑𑒰𑒧𑒏 𑒥𑒱𑒪𑒰𑒛𑓃𑒱। 𑒑𑒰𑒧 𑒧𑒼𑒯𑒢𑒣𑒳𑒩। 𑒦𑒳𑒧𑒱𑒯𑒰𑒩 𑒂 𑒛𑒼𑒧𑒏 𑒁𑒞𑒱𑒩𑒱𑒏𑓂𑒞 𑒮𑒦 𑒖𑒰𑒞𑒱𑒏 𑒪𑒼𑒏, 𑒦𑒳𑒧𑒱𑒯𑒰𑒩𑒏 𑒮𑒰𑒧𑒰𑒖𑒱𑒏 𑒪𑒼𑒏𑒰𑒔𑒰𑒩𑒧𑒹 𑒏𑒼𑒢𑒼 𑒣𑓂𑒩𑒨𑒼𑒖𑒢 𑒢𑒯𑒱, 𑒧𑒳𑒠𑒰 𑒛𑒼𑒧𑒏 𑒯𑒼𑒃 𑒕𑒻, 𑒮𑒹 𑒍 𑒁𑒥𑒻𑒞 𑒁𑒕𑒱 𑒔𑒢𑓂𑒠𑓂𑒩𑒰𑒨𑒝𑒮𑒿। 𑒠𑒳 𑒥𑒩𑒐 𑒠𑒮𑒻𑓀𑒨𑒰 𑒣𑒰𑒮𑒲 𑒪𑒑 𑒥𑒢𑓂𑒯𑒏𑒲 𑒪𑒑𑒪𑒰𑒏 𑒥𑒰𑒠 𑒤𑒹𑒩𑒮𑒿 𑒧𑒼𑒯𑒢𑒣𑒳𑒩 𑒦𑒱𑒐𑒼 𑒛𑒼𑒧𑒏 𑒯𑒱𑒮𑓂𑒮𑒰𑒧𑒹 𑒂𑒥𑒱 𑒑𑒹𑒪 𑒁𑒕𑒱। 𑒑𑒰𑒧𑒧𑒹 𑒧𑒢𑒼𑒯𑒩 𑒡𑒰𑒢𑒳𑒏𑒏 𑒥𑒹𑒙𑒲 𑒔𑒢𑒩𑒧𑒰। 𑒥𑒦𑒢𑒰𑒏 𑒢𑒹𑒞 𑒐𑒴𑒥 𑒥𑒳𑒗𑒻 𑒕𑒪। 𑒥𑒱𑒂𑒯𑒏 𑒥𑒰𑒠 𑒮𑒰𑒮𑒳𑒩 𑒥𑒏𑒾𑒩𑒮𑒿 𑒮𑒰𑓀𑒃𑒏𑒹𑒿 𑒛𑒹𑒢𑒱𑒁𑒋𑒢𑒹 𑒔𑒪𑒱 𑒁𑒋𑒪। 𑒏𑒰𑒩𑒝 𑒥𑒏𑒾𑒩𑒏 𑒩𑒰𑒕𑒕 𑒮𑒦𑒏𑒹𑒿 𑒍𑒏𑒩𑒰 𑒢𑒯𑒱 𑒔𑒲𑒢𑓂𑒯𑒪 𑒕𑒪𑒻 𑒧𑒳𑒠𑒰 𑒧𑒼𑒯𑒢𑒣𑒳𑒩𑒏 𑒮𑒦𑒙𑒰 𑒏𑒳𑒏𑒳𑒩 𑒍𑒏𑒩𑒰 𑒔𑒲𑒢𑓂𑒯𑒪 𑒕𑒪𑒻। 𑒤𑒹𑒩 𑒔𑒰𑒩𑒱𑒙𑒰 𑒥𑒹𑒙𑒲 𑒦𑒹𑒪𑒻। 𑒖𑒑𑒞 𑒗𑒰 𑒞𑒩𑒥𑒢𑓂𑒢𑒲𑒮𑒿 𑒁𑒥𑒻𑒞 𑒁𑒢𑒱𑒪 𑒮𑒱𑓀𑒯𑒏𑒹𑒿 𑒔𑒢𑒱𑒨𑒰 𑒍𑒏𑒩 𑒣𑒰𑒃 𑒠𑒹𑒪𑒏𑒻 𑒫𑒰 𑒢𑒯𑒱 𑒣𑒴𑒕𑒱 𑒦𑒛𑓃𑒏𑒥𑒻𑒞 𑒕𑒟𑒱। 𑒙𑒲.𑒙𑒲.𑒏 𑒥𑒹𑒙𑒰 𑒁𑒢𑒱𑒪 𑒮𑒱𑓀𑒯। 𑒤𑒹𑒩 𑒧𑒰𑒩𑒱-𑒣𑒲𑒙 𑒂 𑒣𑒳𑒪𑒱𑒮-𑒤𑒾𑒠𑒰𑒩𑒲। 𑒧𑒳𑒠𑒰 𑒤𑒹𑒩 𑒖𑒐𑒢 𑒠𑒳𑒢𑒴 𑒣𑒏𑓂𑒭𑒏𑒹𑒿 𑒖𑒑𑒞 𑒥𑒰𑒥𑒴𑒏 𑒁𑒮𑒪𑒱𑒨𑒞 𑒥𑒳𑒗𑒥𑒰𑒧𑒹 𑒁𑒥𑒻 𑒕𑒢𑓂𑒯𑒱 𑒞𑒿 𑒤𑒹𑒩 𑒠𑒳𑒢𑒴 𑒣𑒏𑓂𑒭 𑒧𑒱𑒪𑒱 𑒏𑓄..। 𑒧𑒡𑓂𑒨𑒰𑓀𑒞𑒩- 𑒖𑒑𑒞𑒰𑒩𑒝𑒱 𑒂 𑒁𑒪𑒏𑒰𑒠𑒹𑒫𑒲- 𑒠𑒳𑒢𑒴 𑒮𑒾𑒞𑒢𑒱 𑒧𑒳𑒠𑒰 𑒮𑒾𑒞𑒱𑒨𑒰 𑒛𑒰𑒯𑒏 𑒏𑒞𑒯𑒳 𑒪𑒹𑒬𑒼 𑒢𑒯𑒱। 𑒁𑒪𑒏𑒰 𑒠𑒹𑒫𑒲𑒏 𑒠𑒴 𑒙𑒰 𑒮𑒢𑓂𑒞𑒰𑒢। 𑒞𑒰𑒩𑒰𑒢𑒢𑓂𑒠 𑒢𑒱𑒩𑓂𑒡𑒢 𑒣𑒩𑒱𑒫𑒰𑒩𑒏 𑒂 𑒁𑒪𑒏𑒰 - 𑒮𑒳𑒐𑒲 𑒮𑒧𑓂𑒣𑒢𑓂𑒢 𑒣𑒩𑒱𑒫𑒰𑒩𑒏- 𑒋𑒏𑓂𑒏𑒹 𑒮𑓀𑒑𑒹 𑒣𑒜𑓃𑒻𑒞 𑒩𑒯𑒟𑒱। 𑒞𑒰𑒩𑒰𑒢𑒢𑓂𑒠 𑒪𑒼𑒏 𑒮𑒹𑒫𑒰 𑒂𑒨𑒼𑒑𑒏 𑒣𑒩𑒲𑒏𑓂𑒭𑒰 𑒣𑒰𑒮 𑒏𑒹𑒪𑒢𑓂𑒯𑒱 𑒞𑒿 𑒥𑒱𑒨𑒰𑒯 𑒖𑒑𑒞𑒰𑒩𑒝𑒱- 𑒏𑒩𑒱𑒨𑒰 𑒣𑒰𑒟𑒩𑒏 𑒥𑒢𑒪 𑒧𑒳𑒩𑒳𑒞 𑒧𑒳𑒠𑒰 𑒫𑓂𑒨𑒫𑒯𑒰𑒩𑒮𑒿 𑒮𑒳𑒢𑓂𑒠𑒩- 𑒮𑒿 𑒠𑒯𑒹𑒖 𑒣𑓂𑒩𑒟𑒰𑒏 𑒏𑒰𑒩𑒝 𑒦𑓄 𑒑𑒹𑒪𑒢𑓂𑒯𑒱। 𑒤𑒹𑒩 𑒏𑒳𑒩𑒳𑒣 𑒖𑒑𑒞𑒰𑒩𑒝𑒱𑒏 𑒣𑓂𑒩𑒨𑒰𑒮𑒮𑒿 𑒁𑒪𑒏𑒰 𑒮𑒹𑒯𑒼 𑒒𑒩 𑒂𑒥𑒱 𑒑𑒹𑒪𑒲𑒯। 𑒤𑒹𑒩 𑒖𑒑𑒞𑒰𑒩𑒝𑒱𑒏 𑒠𑒴𑒩𑒏 𑒮𑓀𑒥𑓀𑒡𑒏 𑒠𑒲𑒁𑒩 𑒧𑒢𑒼𑒯𑒩𑒏 𑒣𑒞𑓂𑒢𑒲 𑒖𑒰𑒯𑒱𑒪 𑒧𑒲𑒩𑒰𑒏 𑒂𑒑𑒧𑒢 𑒯𑒼𑒃𑒞 𑒁𑒕𑒱। 𑒤𑒹𑒩 𑒧𑒲𑒩𑒰𑒏 𑒠𑒰𑒧𑒣𑒞𑓂𑒨 𑒖𑒲𑒫𑒢𑒏 𑒮𑒴𑒞𑓂𑒩𑒏 𑒏𑒧𑒖𑒼𑒩 𑒯𑒼𑒋𑒥 𑒂 𑒫𑒏𑒲𑒪𑒏 𑒂𑒑𑒧𑒢। 𑒧𑒲𑒩𑒰 𑒏𑒹𑒮 𑒖𑒲𑒞𑒱 𑒖𑒰𑒃𑒞 𑒕𑒟𑒱 𑒧𑒳𑒠𑒰 𑒧𑒢𑒼𑒯𑒩𑒏 𑒍𑒏𑒲𑒪, 𑒂 𑒧𑒲𑒩𑒰𑒏 𑒍𑒏𑒲𑒪 𑒯𑒳𑒢𑒏𑒰 𑒮𑓀𑒑𑒹 𑒑𑒪𑒞 𑒏𑒩𑓂𑒧 𑒏𑒩𑒻𑒞 𑒁𑒕𑒱..। 𑒤𑒹𑒩 𑒖𑒑𑒞𑒰𑒩𑒝𑒱 𑒠𑓂𑒫𑒰𑒩𑒰 𑒧𑒲𑒩𑒰𑒏𑒹𑒿 𑒦𑒼𑒪 𑒦𑒩𑒼𑒮 𑒠𑒹𑒪 𑒖𑒰𑒋𑒥।
𑒥𑓂𑒨𑒰𑒖: 𑒏𑒱𑒩𑒰𑒨𑒰- 𑒣𑒴𑒩𑓂𑒝𑒱𑒨𑒰𑒿 𑒑𑒳𑒪𑒰𑒥𑒥𑒰𑒑, 𑒠𑒹𑒯 𑒫𑓂𑒨𑒰𑒣𑒰𑒩𑒏 𑒁𑒛𑓂𑒛𑒰। ..𑒏𑒞𑒹𑒏𑒼 𑒏𑒼𑒜𑓃𑒲𑒏𑒹𑒿 𑒩𑒑𑒛𑓃𑒱 𑒏𑒋 𑒤𑒳𑒪𑒰 𑒠𑒹𑒪 𑒑𑒹𑒪 𑒕𑒪। 𑒂..𑒠𑒮 𑒙𑒰𑒏𑒰𑒧𑒹 𑒯𑒼𑒃 𑒕𑒾 𑒁𑒣𑒢𑒼 𑒮𑒰𑒞𑒲 𑒂 𑒥𑒰𑒣𑒼𑒏 𑒮𑒰𑒞𑒲..𑒋𑒯𑒢 𑒮𑒢 𑒁𑒥𑒰𑒖𑒏 𑒥𑒲𑒔 𑒏𑒟𑒰𑒏 𑒮𑒴𑒞𑓂𑒩𑒡𑒰𑒩𑒏 𑒣𑓂𑒩𑒞𑒱 𑒬𑒥𑓂𑒠..𑒮𑓂𑒮𑒰𑒪𑒹𑒏𑒹𑒿 𑒢𑒹 𑒖𑒹𑒥𑒲𑒧𑒹 𑒠𑒧 𑒩𑒯𑒻, 𑒢𑒹 𑒛𑒰𑓀𑒛𑓃𑒧𑒹। 𑒣𑒞𑒢- 𑒥𑒰𑒜𑓃𑒱𑒏 𑒏𑒕𑒰𑒕𑒼𑒣 𑒣𑒰𑒢𑒱𑒧𑒹 𑒔𑒢𑒧𑒰 𑒠𑓂𑒫𑒰𑒩𑒰 𑒗𑒼𑒪𑒲 𑒧𑒱𑒮𑒩𑒏 𑒮𑒢𑓂𑒠𑒴𑒏𑒏 𑒫𑒮𑓂𑒞𑒳-𑒖𑒰𑒞 𑒢𑒱𑒏𑒰𑒪𑒥𑒰𑒏 𑒣𑓂𑒩𑒨𑒰𑒮 𑒂 𑒮𑒰𑒿𑒣𑒏 𑒤𑒹𑓀𑒔 𑒞𑒰𑒢𑒱 𑒚𑒰𑒜𑓃 𑒯𑒼𑒋𑒥, 𑒖𑒹𑒢𑒰 𑒏𑒯𑒱 𑒩𑒯𑒪 𑒯𑒼- 𑒯𑒧 𑒞𑒼𑒩𑒰𑒮𑒿 𑒥𑒹𑒮𑒲 𑒥𑒱𑒐𑒰𑒯 𑒢𑒯𑒱 𑒕𑒲। 𑒅𑒮𑒰𑓀𑒮- 𑒫𑒱𑒡𑒫𑒰 𑒟𑒰𑒢𑒰𑒥𑒰𑒪𑒲, 𑒍𑒏𑒩 𑒥𑒹𑒙𑒲 𑒛𑒼𑒪𑒲 𑒥𑒹𑒩𑒰𑒧 𑒩𑒯𑒻। 𑒯𑒫𑒹𑒪𑒲 𑒑𑒹𑒢𑒰𑒃 𑒢𑒰𑒑𑒰 𑒏𑓄 𑒠𑒹𑒪𑒏। 𑒧𑒰𑒪𑒱𑒏 𑒠𑒮 𑒮𑒙𑒏𑒰 𑒒𑒻𑓀𑒔 𑒠𑒹𑒪𑒏𑒻। 𑒤𑒹𑒩 𑒧𑒰𑒋 𑒩𑒼𑒯𑒳𑒂 𑒥𑒳𑒂𑒩𑒏 𑒧𑒼𑒢𑒱𑒧𑒹 𑒁𑒞𑓂𑒨𑒰𑒔𑒰𑒩 𑒂 𑒏𑒥𑓂𑒥𑒻 𑒠𑓂𑒫𑒰𑒩𑒰 𑒍𑒏𑒩 𑒏𑓀𑒚𑒧𑒹 𑒏𑒰𑒿𑒙 𑒣𑒮𑒰𑒩𑒱 𑒍𑒏𑒩𑒰 𑒧𑒰𑒩𑒥𑒰𑒏 𑒐𑒱𑒮𑓂𑒮𑒰 𑒛𑒼𑒪𑒲𑒏𑒹𑒿 𑒮𑒳𑒢𑒥𑒻 𑒕𑒻। 𑒛𑒼𑒪𑒲 𑒏𑒯𑒻 𑒕𑒻, 𑒌 𑒧𑒰𑒪𑒱𑒏 𑒪𑒹𑒪 𑒏𑒼𑒢𑒼 𑒏𑒥𑓂𑒥𑒻 𑒢𑒯𑒱 𑒕𑒻? 𑒍𑒙𑒒𑒢- 𑒧𑒰𑒪𑒱𑒏-𑒧𑒪𑒏𑒰𑒃𑒢 𑒂 𑒧𑒳𑒮𑒥𑒰, 𑒖𑒱𑒞𑒱𑒨𑒰 𑒣𑒰𑒥𑒢𑒱𑒧𑒹 𑒧𑒳𑒮𑒥𑒰𑒏𑒹𑒿 𑒕𑒳𑒙𑓂𑒙𑒲 𑒢𑒯𑒱 𑒦𑒹𑒙𑒪𑒻𑒏। 𑒖𑒱𑒞𑒥𑒰𑒯𑒢𑒏 𑒞𑒹𑒪, 𑒧𑒪𑒏𑒰𑒃𑒢𑒏 𑒥𑒔𑓂𑒔𑒰𑒏𑒹𑒿 𑒧𑒰𑒟𑒧𑒹 𑒪𑒚-𑒪𑒚 𑒏𑒩𑒻𑒞 𑒪𑒰𑒑𑒋 𑒂 𑒧𑒳𑒮𑒥𑒰 𑒍𑒯𑒱 𑒞𑒹𑒪𑒏 𑒋𑒏 𑒚𑒼𑒣𑒏 𑒂𑒮 𑒪𑒑𑒹𑒢𑒹 𑒩𑒯𑒋। 𑒂 𑒮𑒣𑒢𑒰𑒧𑒹 𑒖𑒐𑒢 𑒍𑒏𑒩𑒰 𑒧𑒰𑒋 𑒏𑒯𑒻 𑒕𑒻 𑒖𑒹 𑒏𑒱𑒋 𑒋𑒪𑒹𑓀, 𑒍𑒞𑒋 𑒧𑒪𑒏𑒰𑒃𑒢 𑒮𑒳𑒔𑓂𑒔𑒰 𑒠𑒴𑒡𑒏 𑒣𑒾𑒩𑒪 𑒠𑒯𑒲𑒮𑒿 𑒎𑒙𑒒𑒢 𑒏𑒩𑒥𑒱𑒞𑒾, 𑒞𑒿 𑒍 𑒏𑒯𑒻𑒋 𑒖𑒹 𑒔𑒜𑓃𑒾𑒂 𑒞𑒹𑒪 𑒞𑒿 𑒍𑒯𑒱 𑒮𑒱𑒧𑒥𑒏𑓂𑒬𑒲𑒏 𑒯𑒰𑒟𑒮𑒿 𑒥𑒯𑒩𑒋𑒥𑒹 𑒢𑒯𑒱 𑒏𑒋𑒪𑒻𑒏 𑒂 𑒍𑒙𑒒𑒢 𑒍 𑒏𑒲 𑒏𑒩𑒰𑒍𑒞? 𑒖𑒰𑒑𑒵𑒞𑒱- 𑒋𑒏𑒙𑒰 𑒏𑒾𑒂 𑒩𑒰𑒖𑒣𑒟𑒏 𑒠𑒳𑒤𑒹𑒩𑒰𑒣𑒩 𑒥𑒻𑒮𑒱 𑒩𑒯𑒪, 𑒮𑒼𑒗𑒰𑒿 𑒠𑒴𑒡𑒮𑒿 𑒢𑒯𑒰𑒋𑒪 𑒮𑓀𑒮𑒠 𑒦𑒫𑒢, 𑒠𑒴𑒡𑒮𑒿 𑒢𑒯𑒰𑒋𑒪 𑒢𑒫𑒨𑒳𑒫𑒞𑒲 𑒖𑒹𑒏𑒰𑒿 𑒔𑒧𑒏𑒻𑒞। 𑒂 𑒣𑒰𑒩𑒧𑓂𑒣𑒩𑒱𑒏 𑒏𑒟𑒰- 𑒏𑒳𑒏𑒳𑒩𑒏 𑒏𑒾𑒂𑒮𑒿 𑒑𑒲𑒞 𑒑𑒋𑒥𑒰 𑒪𑒹𑒪 𑒏𑒯𑒥 𑒖𑒹 𑒍 𑒩𑒼𑒙𑒲 𑒍𑒏𑒩𑒰 𑒐𑒋𑒥𑒰𑒏 𑒧𑒾𑒏𑒰 𑒦𑒹𑒙𑒋। 𑒧𑒳𑒠𑒰 𑒏𑒾𑒂 𑒩𑒼𑒙𑒲𑒏𑒹𑒿 𑒔𑒰𑓀𑒑𑒳𑒩𑒧𑒹 𑒩𑒰𑒐𑒱 𑒏𑒋 𑒥𑒖𑒻𑒞 𑒁𑒕𑒱 𑒖𑒹 𑒐𑒼𑒯𑒧𑒹 𑒩𑒯𑒱 𑒥𑒰𑒯𑒩𑒲 𑒠𑒳𑒢𑒱𑒨𑒰𑒿𑒏 𑒑𑒲𑒞 𑒏𑒼𑒢𑒰 𑒮𑒳𑒢𑒥𑒯। 𑒖𑒰𑒞𑒱- 𑒏𑒰𑒧𑒹𑒬𑓂𑒫𑒩 𑒥𑒰𑒥𑒴 𑒂 𑒮𑒳𑒑𑒢𑒲 𑒯𑒳𑒢𑒏𑒩 𑒒𑒩𑒧𑒹 𑒏𑒰𑒖 𑒏𑒩𑒋𑒥𑒰𑒪𑒲। 𑒬𑒰𑒩𑒲𑒩𑒱𑒏 𑒮𑓀𑒥𑓀𑒡 𑒠𑒳𑒢𑒴𑒧𑒹। 𑒧𑒳𑒠𑒰 𑒥𑒯𑒳𑒞 𑒠𑒱𑒢𑒳𑒏𑒰 𑒥𑒰𑒠 𑒍𑒏𑒩 𑒥𑒹𑒙𑒲 𑒮𑒩𑒼𑒮𑒞𑒱𑒨𑒰𑒏𑒹𑒿 𑒏𑒰𑒧𑒹𑒬𑓂𑒫𑒩 𑒥𑒰𑒥𑒴 𑒏𑒰𑒧𑒫𑒬𑒲𑒦𑒴𑒞 𑒠𑒹𑒐𑒻 𑒕𑒟𑒱 𑒂 𑒣𑒳𑒕𑒻 𑒕𑒟𑒱 𑒞𑒿 𑒮𑒳𑒑𑒢𑒲 𑒏𑒯𑒻 𑒕𑒢𑓂𑒯𑒱 𑒖𑒹 𑒯𑒿 𑒖𑒳𑒂𑒢 𑒞𑒿 𑒄 𑒦𑒃𑒋 𑒑𑒹𑒪 𑒁𑒕𑒱, 𑒧𑒳𑒠𑒰 𑒮𑒼𑒔𑒻 𑒕𑒲 𑒖𑒹 𑒏𑒼𑒢 𑒖𑒰𑒞𑒱𑒏 𑒪𑒛𑓃𑒏𑒰 𑒋𑒏𑒩𑒰 𑒪𑒹𑒪 𑒞𑒰𑒏𑒲, 𑒁𑒣𑒢𑒰 𑒖𑒰𑒞𑒱𑒏 𑒫𑒰 𑒁𑒯𑒰𑒿𑒏 𑒖𑒰𑒞𑒱𑒏। 𑒧𑒯𑒰𑒧𑓀𑒞𑓂𑒩𑒲- 𑒁𑒩𑓂𑒟𑒬𑒰𑒮𑓂𑒞𑓂𑒩𑒧𑒹 𑒋𑒧.𑒋.𑒣𑒰𑒮 𑒫𑒱𑒢𑒼𑒠𑒏 𑒏𑒵𑒭𑒱 𑒩𑒰𑒖𑓂𑒨 𑒧𑓀𑒞𑓂𑒩𑒲 𑒣𑒰𑒝𑓂𑒛𑒹𑒨𑒖𑒲𑒏 𑒔𑒏𑓂𑒩𑒔𑒰𑒪𑒱𑒧𑒹 𑒤𑒿𑒮𑒱 𑒁𑒣𑒢 𑒡𑒢𑒏𑒳𑒙𑒱𑒨𑒰𑒏 𑒡𑓀𑒡𑒰 𑒐𑒩𑒰𑒣 𑒏𑒩𑒥 𑒂 𑒣𑒰𑒝𑓂𑒛𑒹𑒨𑒖𑒲 𑒠𑓂𑒫𑒰𑒩𑒰 𑒂𑒥𑓀𑒙𑒱𑒞 𑒩𑒰𑒬𑒱𑒏𑒹𑒿 𑒆𑒣𑒩𑒹-𑒆𑒣𑒩 𑒯𑒿𑒮𑒼𑒟𑒱 𑒖𑒋𑒥𑒰𑒏 𑒐𑒱𑒮𑓂𑒮𑒰। 𑒋𑒏𑒼𑒠𑒱𑒭𑓂𑒙- 𑒧𑒰𑒪𑒱𑒏 𑒥𑒰𑒥𑒰𑒏 𑒋𑒏𑒼𑒠𑒱𑒭𑓂𑒙। 𑒯𑒳𑒢𑒏𑒩 𑒖𑒹𑒚 𑒥𑒹𑒙𑒰 𑒧𑒡𑒳 𑒦𑒰𑒃 (𑒞𑒰𑒧𑒮𑒹 𑒧𑒡𑒳𑒏𑓀𑒞𑒰 𑒏𑒯𑒻 𑒕𑒟𑒱)𑒏 𑒢𑒼𑒞𑒣𑒩 𑒢𑒯𑒱 𑒁𑒋𑒪𑒰𑒣𑒩 𑒞𑒰𑒧𑒮𑒹 𑒥𑒱𑒐 𑒕𑒟𑒱, 𑒯𑒳𑒢𑒏𑒩 𑒏𑒰𑒩𑓂𑒨𑒰𑒪𑒨𑒏 𑒫𑓂𑒨𑒮𑓂𑒞𑒞𑒰𑒮𑒿 𑒯𑒳𑒢𑒏𑒰 𑒏𑒼𑒢𑒼 𑒧𑒞𑒪𑒥 𑒢𑒯𑒱 𑒕𑒢𑓂𑒯𑒱 𑒂 𑒏𑒯𑒻 𑒕𑒟𑒱 𑒖𑒹 𑒮𑒳𑒢𑒩𑒰𑒏𑒹𑓀 𑒋𑒏𑒩 𑒥𑒠𑒪𑒰 𑒢𑒼𑒞 𑒏𑒱𑒋𑒏 𑒢𑒯𑒱 𑒠𑒹𑒪 𑒑𑒹𑒪। 𑒡𑒩𑒤𑒛𑓃𑒰𑒃𑒞 𑒁𑒥𑒻𑒞 𑒧𑒡𑒳 𑒦𑒰𑒃 𑒄 𑒮𑒳𑒢𑒱 𑒪𑒻 𑒕𑒟𑒱...। 𑒦𑒰𑒩𑒞- 𑒑𑒰𑒿𑒡𑒲𑒖𑒲𑒏 𑒧𑒴𑒩𑓂𑒞𑒱𑒏 𑒐𑒮𑒥 𑒂 𑒮𑒦𑒏 𑒍𑒏𑒩𑒰 𑒬𑓂𑒩𑒠𑓂𑒡𑒰𑒮𑒿 𑒢𑒧𑒢 𑒏𑒋 𑒥𑒜𑓃𑒱 𑒖𑒋𑒥 𑒧𑒳𑒠𑒰 𑒅𑒚𑒹𑒥𑒰𑒏 𑒣𑒪𑒐𑒞𑒱 𑒏𑒏𑒩𑒼 𑒢𑒯𑒱। 𑒋𑒏𑒙𑒰 𑒦𑒱𑒐𑒧𑓀𑒑𑒰𑒏 𑒍𑒞𑒋 𑒏𑒧 𑒦𑒲𑒐 𑒦𑒹𑒙𑒪𑒰𑒏 𑒥𑒰𑒠𑒼 𑒍𑒞𑒯𑒱 𑒦𑒲𑒐 𑒧𑒰𑒿𑒑𑒥, 𑒋𑒯𑒱 𑒂𑒬𑒰𑒧𑒹 𑒖𑒹 𑒑𑒰𑒿𑒡𑒲𑒥𑒰𑒥𑒰 𑒅𑒚𑒞𑒰𑒯 𑒞𑒿 𑒠𑒹𑒬𑒏 𑒠𑒬𑒰 𑒏𑒯𑒥𑒢𑓂𑒯𑒱। 𑒏𑒵𑒞𑒖𑓂𑒘𑒞𑒰- 𑒮𑒳𑒮𑓂𑒧𑒱𑒞, 𑒁𑒏𑓂𑒭𑒨𑒫𑒙 𑒂 𑒩𑒰𑒏𑒹𑒬 𑒖𑒰𑒃𑒞 𑒩𑒯𑒋 𑒑𑒣 𑒏𑒩𑒻𑒞। 𑒩𑒰𑒧𑒢𑒰𑒩𑒰𑒨𑒝 𑒮𑒱𑓀𑒯 𑒣𑓂𑒩𑒼𑒤𑒹𑒮𑒩𑒏 𑒏𑒵𑒣𑒰𑒮𑒿 𑒢𑒲𑒏 𑒁𑓀𑒏 𑒦𑒹𑒙𑒪 𑒩𑒯𑒻। 𑒤𑒹𑒩 𑒣𑓂𑒩𑒼𑒤𑒹𑒮𑒩 𑒮𑒰𑒯𑒹𑒥 𑒮𑒹𑒯𑒼 𑒮𑒴𑒞𑓂𑒩𑒡𑒰𑒩𑒏𑒹𑒿 𑒦𑒹𑒙𑒻 𑒕𑒟𑒱𑒢𑓂𑒯 𑒂 𑒤𑒹𑒩 𑒢𑒲𑒏 𑒕𑒞𑓂𑒞𑒰𑒏 𑒅𑒣𑒯𑒰𑒩𑒏 𑒥𑒠𑒪𑒰 𑒠𑒹𑒪 𑒁𑓀𑒏𑒏 𑒦𑒹𑒠 𑒐𑒳𑒖𑒻𑒋। 𑒫𑒱𑒮𑓀𑒑𑒞𑒱- 𑒮𑒴𑒞𑓂𑒩𑒡𑒰𑒩 𑒧𑒹𑒛𑒱𑒏𑒪 𑒩𑒱𑒣𑓂𑒩𑒹𑒮𑒹𑒢𑓂𑒙𑒹𑒙𑒱𑒫 𑒕𑒟𑒱, 𑒢𑒰𑒟𑒼 𑒥𑒯𑒱𑒢𑒏𑒹𑒿 𑒣𑒹𑒙 𑒠𑒩𑓂𑒠, 𑒞𑒹𑒖𑒼 𑒏𑒰𑒏𑒰𑒏𑒹𑒿 𑒞𑒱𑒪𑒏𑒻𑒞 𑒏𑒹𑒮𑒏 𑒃𑒪𑒰𑒖 𑒂 𑒁𑒫𑒡𑒹𑒬 𑒦𑒰𑒃 𑒪𑒹𑒪 𑒦𑒴𑒐𑒏 𑒑𑒼𑒙𑒲.. 𑒧𑒳𑒠𑒰 𑒮𑒴𑒥𑒹𑒪𑒰𑒪 𑒯𑒩𑒥𑒰𑒯, 𑒖𑒏𑒩 𑒥𑒹𑒙𑒰 𑒮𑒴𑒞𑓂𑒩𑒡𑒰𑒩𑒮𑒿 𑒣𑒰𑒿𑒔 𑒥𑒩𑓂𑒐 𑒖𑒹𑒚 𑒕𑒟𑒱𑒢𑓂𑒯, 𑒮𑒴𑒞𑓂𑒩𑒡𑒰𑒩𑒏𑒹𑒿 𑒧𑒰𑒪𑒱𑒏 𑒏𑒯𑒻 𑒕𑒟𑒱𑒢𑓂𑒯। 𑒣𑒹𑒙 𑒐𑒩𑒰𑒣𑒏 𑒠𑒥𑒰𑒃 𑒑𑒼𑒙𑒲 𑒯𑒳𑒢𑒏𑒰 𑒧𑒳𑒠𑒰 𑒢𑒯𑒱 𑒔𑒰𑒯𑒲, 𑒏𑒰𑒩𑒝 𑒖𑒞𑒹𑒏 𑒁𑒢𑓂𑒢 𑒣𑒔𑒹𑒥𑒰𑒏 𑒞𑒰𑒑𑒞𑒱 𑒕𑒢𑓂𑒯𑒱 𑒞𑒞𑒹𑒏 𑒞𑒿 𑒁𑒢𑓂𑒢𑒼 𑒢𑒯𑒱 𑒖𑒳𑒛𑓃𑒻 𑒕𑒢𑓂𑒯𑒱, 𑒦𑒴𑒐 𑒏𑒧 𑒏𑒩𑒥𑒰𑒏 𑒖𑒹 𑒏𑒼𑒢𑒼 𑒠𑒥𑒰𑒃 𑒯𑒼𑒃 𑒞𑒿 𑒮𑒹 𑒧𑒿𑒑𑒻 𑒕𑒟𑒱। 𑒥𑒼𑒃𑒢- 𑒖𑒳𑒑𑒼 𑒧𑒩𑒩, 𑒍𑒏𑒩 𑒏𑒢𑒱𑒨𑒰𑒿 𑒡𑒼𑒩𑒋𑒥𑒰𑒪𑒲 𑒥𑒱𑒢 𑒥𑒼𑒃𑒢𑒏 𑒐𑒹𑒩𑒯𑒲 𑒛𑒹𑓀𑒑𑒰𑒥𑒋 𑒏𑒱𑓀𑒏𑒩 𑒥𑒰𑒥𑒴𑒏 𑒁𑓀𑒑𑒢𑒰𑒧𑒹, 𑒥𑒹𑒙𑒰 𑒪𑒰𑒪𑒧𑒼𑒯𑒩𑒰 𑒮𑒹𑒯𑒼 𑒣𑒹𑒙𑒹𑒣𑒩 𑒍𑒯𑒱 𑒁𑓀𑒑𑒢𑒰𑒧𑒹 𑒏𑒰𑒖 𑒏𑒩𑒋। 𑒮𑒴𑒞𑓂𑒩𑒡𑒰𑒩𑒏 𑒧𑒠𑒞𑒱𑒮𑒿 𑒫𑒵𑒠𑓂𑒡𑒰 𑒣𑒹𑓀𑒬𑒢 𑒦𑒹𑒙𑒪𑒻, 𑒧𑒳𑒠𑒰 𑒖𑒹𑒏𑒩𑒰 𑒍𑒞𑒋 𑒍 𑒏𑒰𑒖 𑒏𑒩𑒻𑒋 𑒍 𑒖𑒹 𑒠𑒴 𑒠𑒱𑒢 𑒍𑒏𑒩𑒰 𑒏𑒰𑒖𑒮𑒿 𑒠𑒾𑒑𑒞, 𑒮𑒹 𑒠𑒴 𑒠𑒱𑒢𑒳𑒏𑒰 𑒥𑒼𑒃𑒢 𑒢𑒯𑒱 𑒠𑒹𑒞। 𑒤𑒹𑒩 𑒥𑓂𑒪𑒰𑒏𑒧𑒹 𑒖𑒐𑒢 𑒍𑒏𑒩𑒰𑒮𑒿 𑒥𑒱𑒢𑒳 𑒣𑒰𑒃 𑒪𑒹𑒢𑒹 𑒯𑒰𑒏𑒱𑒧 𑒏𑒰𑒑𑒔 𑒩𑒰𑒐𑒱 𑒪𑒻 𑒕𑒟𑒱 𑒞𑒿 𑒍𑒏𑒩𑒰 𑒯𑒼𑒃 𑒕𑒻 𑒖𑒹 𑒏𑒰𑒖 𑒢𑒯𑒱 𑒦𑒹𑒪 𑒏𑒰𑒩𑒝 𑒥𑒱𑒢 𑒥𑒼𑒃𑒢𑒏 𑒞𑒿 𑒑𑒩𑒲𑒥𑒹-𑒑𑒳𑒩𑒥𑒰 𑒮𑒦 𑒢𑒹 𑒏𑒰𑒖 𑒏𑓄 𑒮𑒏𑒻𑒋। 𑒣𑒯𑒱𑒔𑒰𑒢- 𑒫𑒵𑒐𑒼𑒞𑓂𑒮𑒩𑓂𑒑 𑒬𑓂𑒩𑒰𑒠𑓂𑒡𑒏 𑒏𑓂𑒩𑒧𑒧𑒹 𑒠𑒑𑒪𑒰𑒮𑒿 𑒥𑒰𑒕𑒲𑒏 𑒧𑒵𑒞𑓂𑒨𑒳। 𑒁𑒢𑒳𑒞𑓂𑒞𑒩𑒱𑒞- 𑒠𑒲𑒢𑒰 𑒥𑒰𑒥𑒴𑒏 𑒏𑒰𑒧 𑒪𑒱𑒣𑓂𑒮𑒰 𑒂 𑒯𑒳𑒢𑒏𑒩 𑒯𑒩𑒥𑒰𑒯𑒏 𑒥𑒹𑒙𑒲 𑒥𑒳𑒡𑒢𑒲𑒏 𑒏𑒯𑒥 𑒖𑒹 𑒄 𑒮𑒪𑒫𑒰𑒩 𑒤𑒩𑒰𑒏 𑒣𑒯𑒱𑒩𑒢𑒹 𑒯𑒧 𑒯𑒳𑒢𑒏𑒩 𑒥𑒛𑓃𑒏𑒲 𑒠𑒻𑒨𑒰 𑒮𑒢 𑒪𑒑𑒻 𑒕𑒱𑒁𑒃 ? 𑒨𑒼𑒑𑓂𑒨𑒞𑒰- 𑒩𑒤𑒲𑒏 𑒮𑒰𑒯𑒹𑒥𑒏 𑒮𑓂𑒏𑒴𑒪 𑒐𑒼𑒪𑒥 𑒂 𑒨𑒼𑒑𑓂𑒨𑒞𑒰𑒧𑒹 𑒨𑒳𑒫𑒞𑒲𑒏 𑒅𑒧𑒩𑒱 𑒣𑒴𑒕𑒥। 𑒏𑒟𑒰 𑒮𑒬𑒏𑓂𑒞 𑒢𑒯𑒱। 𑒅𑒠𑓂𑒠𑒹𑒬𑓂𑒨- 𑒧𑒳𑒐𑓂𑒨𑒧𑓀𑒞𑓂𑒩𑒲 𑒠𑓂𑒫𑒰𑒩𑒰 𑒬𑒱𑒏𑓂𑒭𑒰𑒧𑓀𑒞𑓂𑒩𑒲𑒣𑒩 𑒣𑒩𑒲𑒏𑓂𑒭𑒰𑒧𑒹 𑒔𑒼𑒩𑒱𑒣𑒩 𑒣𑓂𑒩𑒞𑒱𑒥𑒢𑓂𑒡𑒏 𑒑𑒣 𑒂 𑒞𑓂𑒨𑒰𑒑𑒣𑒞𑓂𑒩 𑒧𑒰𑒿𑒑𑒥। 𑒥𑒼𑒡- 𑒩𑒰𑒖𑒰𑒏 𑒢𑒰𑒑𑒩𑒰𑒖𑒏 𑒣𑒞𑓂𑒢𑒲𑒏 𑒜𑒼𑒜𑓃𑒱𑒨𑒰 𑒮𑓀𑒑 𑒮𑓀𑒦𑒼𑒑 𑒠𑒹𑒐𑒥 𑒂 𑒢𑒰𑒑𑒩𑒰𑒖𑒏 𑒣𑒞𑓂𑒢𑒲𑒏 𑒏𑒯𑒥, 𑒧𑒱𑒮𑒱𑒨𑒰 𑒦𑒩𑒱 𑒣𑒳𑓀𑒮𑒞𑓂𑒫, 𑒣𑒯𑒰𑒛𑓃 𑒦𑒩𑒱 𑒏𑒳𑒪𑒬𑒲𑒪𑒮𑒿 𑒣𑒻𑒒 𑒯𑒼𑒃𑒞 𑒕𑒻𑒏? 𑒧𑒼𑒪-𑒖𑒼𑒪- 𑒣𑒰𑓀𑒏𑒲 𑒩𑒼𑒛 𑒛𑒰𑒪𑒙𑒢𑒑𑓀𑒖𑒧𑒹 𑒦𑒩𑒞 𑒥𑒰𑒥𑒴𑒏 𑒧𑒰𑒃𑒏 𑒬𑓂𑒩𑒰𑒠𑓂𑒡 𑒂 𑒠𑒴𑒡-𑒞𑒹𑒪 𑒑𑒱𑒩𑒻 𑒪𑒹𑒪 𑒏𑓀𑒙𑒰𑒯𑒰 𑒥𑓂𑒩𑒰𑒯𑓂𑒧𑒝 𑒠𑓂𑒫𑒰𑒩𑒰 𑒋𑒏 𑒮𑒋 𑒋𑒏𑒰𑒫𑒢 𑒂 𑒤𑒹𑒩 𑒂𑒩 𑒣𑒔𑒰𑒮 𑒙𑒰𑒏𑒰 𑒦𑒹𑒙𑒪𑒼𑒣𑒩 𑒧𑒼𑒢 𑒅𑒕𑒱𑒞𑒑𑒩 𑒢𑒯𑒱 𑒯𑒼𑒋𑒥𑒰𑒏 𑒥𑒰𑒠 𑒋𑒏𑒙𑒰 𑒥𑓂𑒩𑒰𑒯𑓂𑒧𑒝 𑒦𑒱𑒐𑒧𑓀𑒑𑒰 𑒠𑓂𑒫𑒰𑒩𑒰 𑒍𑒯𑒱 𑒙𑒰𑒏𑒰𑒏 𑒥𑒠𑒪𑒰 𑒠𑒴𑒡-𑒞𑒱𑒪 𑒣𑒲𑒥𑒰𑒏 𑒂𑒤𑒩। 𑒧𑒴𑒪𑓂𑒨- 𑒪𑒐𑒢 𑒥𑒰𑒥𑒴𑒏 𑒢𑒱𑒩𑓂𑒠𑒹𑒬𑒢𑒧𑒹 𑒧𑒢𑒼𑒩𑒧𑒰𑒏 𑒣𑒲.𑒋𑒔.𑒛𑒲. 𑒏𑒩𑒥 𑒂 𑒪𑒐𑒢 𑒥𑒰𑒥𑒴𑒏 𑒣𑓂𑒩𑒝𑒨 𑒢𑒱𑒫𑒹𑒠𑒢𑒣𑒩 𑒅𑒞𑓂𑒞𑒩, 𑒖𑒹 𑒖𑒰𑒯𑒱 𑒂𑒿𑒐𑒱𑒋 𑒁𑒯𑒰𑒿𑒏 𑒋𑒞𑒹𑒏 𑒧𑒯𑒰𑒢 𑒕𑒫𑒱 𑒠𑒹𑒐𑒢𑒹 𑒕𑒲, 𑒞𑒰𑒯𑒱 𑒂𑒿𑒐𑒱𑒋 𑒁𑒯𑒰𑒿𑒏𑒹𑒿 𑒢𑒰𑓀𑒑𑒙 𑒏𑒼𑒢𑒰 𑒠𑒹𑒐𑒥? 𑒂𑒮𑓂𑒟𑒰- 𑒑𑒼𑒠𑒰𑒢𑒏 𑒥𑒠𑒪𑒰𑒧𑒹 𑒣𑓀𑒛𑒱𑒞𑒖𑒲𑒏 𑒠𑓂𑒫𑒰𑒩𑒰 𑒂𑒣𑒞𑒧𑒹 𑒋𑒑𑒰𑒩𑒯 𑒙𑒰𑒏𑒰 𑒠𑒋 𑒞𑒱𑒪-𑒏𑒳𑒬-𑒖𑒾-𑒁𑒏𑓂𑒭𑒞𑒮𑒿 𑒅𑒮𑒑𑒩𑒥𑒰𑒏 𑒑𑒣𑒣𑒩 𑒮𑒴𑒞𑓂𑒩𑒡𑒰𑒩 𑒠𑓂𑒫𑒰𑒩𑒰 𑒂𑒬𑓀𑒏𑒰 𑒏𑒩𑒥𑒰𑒣𑒩 𑒏𑒯𑒥 𑒖𑒹 𑒍 𑒏𑒼𑒢𑒼 𑒧𑒢𑒳𑒏𑓂𑒐 𑒟𑒱𑒏𑒻... 𑒖𑒰𑒢𑒫𑒩 𑒟𑒱𑒏𑒻, 𑒖𑒰𑒢𑒫𑒩। 𑒁𑓀𑒞𑒱𑒧 𑒁𑒦𑒱𑒪𑒰𑒭- 𑒧𑒠𑒩 𑒠𑒰𑒮𑒏 𑒁𑓀𑒞𑒱𑒧 𑒃𑒔𑓂𑒕𑒰 𑒣𑒳𑒕𑒪𑒰𑒣𑒩 𑒍𑒏𑒩 𑒏𑒯𑒥 𑒧𑒼𑒢 𑒏𑒩𑒻𑒋.. 𑒖𑒹 𑒁𑒪𑓂𑒪𑒴 𑒠𑒧 𑒂 𑒦𑒰𑒞 𑒐𑒰𑒃। 𑒮𑒩𑒼𑒏𑒰𑒩- 𑒤𑒴𑒪𑒥𑒰𑒥𑒴𑒏 𑒧𑒵𑒞𑓂𑒨𑒳 𑒂 𑒞𑒐𑒢𑒹 𑒁𑒧𑒹𑒩𑒱𑒏𑒰𑒧𑒹 𑒕𑒣𑒪 𑒏𑒫𑒱𑒞𑒰𑒏 𑒋𑒫𑒖𑒧𑒹 𑒛𑒰𑒪𑒩𑒧𑒹 𑒣𑒰𑒃 𑒂𑒋𑒥 𑒂 𑒧𑒠𑒢𑒹𑒬𑓂𑒫𑒩 𑒥𑒰𑒥𑒴𑒏 𑒣𑒴𑒕𑒥- 𑒋𑒏𑒩 𑒏𑒞𑒹𑒏 𑒙𑒰𑒏𑒰 𑒦𑒰𑒩𑒞𑒧𑒹 𑒦𑒹𑒙𑒞𑒻𑒏? 𑒣𑓂𑒩𑒞𑒱𑒥𑒠𑓂𑒡𑒞𑒰- 𑒩𑒰𑒧𑒬𑒩𑒝𑒖𑒲𑒏 𑒦𑒰𑒩𑒞𑒏 𑒑𑒩𑒲𑒥𑒲 𑒂 𑒢𑒰𑒩𑒲-𑒬𑒼𑒭𑒝𑒏 𑒖𑓂𑒘𑒰𑒢 𑒫𑒱𑒠𑒹𑒬𑒲 𑒪𑒹𑒐𑒏𑒏 𑒏𑒱𑒞𑒰𑒥 𑒣𑒜𑓃𑒪𑒰𑒮𑒿 𑒋𑒞𑒹𑒏 𑒤𑒩𑒱𑒔𑓂𑒕 𑒕𑒢𑒱। 𑒪𑒪𑒱𑒞𑒰 𑒋𑒏 𑒧𑒰𑒮𑒮𑒿 𑒯𑒳𑒢𑒏𑒩 𑒏𑒰𑒧𑒏 𑒫𑒬𑒲𑒦𑒴𑒞 𑒁𑒕𑒱, 𑒧𑒳𑒠𑒰 𑒤𑒹𑒧𑒱𑒢𑒱𑒖𑓂𑒧 𑒪𑒋 𑒏𑓄 𑒍𑒯𑒱 𑒠𑒱𑒢 𑒖𑒐𑒢 𑒫𑒰𑒩𑓂𑒞𑒰𑒧𑒹 𑒦𑒹𑒠 𑒐𑒳𑒖𑒻𑒋 𑒞𑒿 𑒍𑒏𑒩 𑒠𑒳𑒞𑓂𑒏𑒰𑒩𑒪𑒰𑒣𑒩 𑒩𑒰𑒧𑒬𑒩𑒝𑒖𑒲 𑒤𑒹𑒧𑒱𑒢𑒱𑒖𑓂𑒧𑒏𑒹𑒿 𑒁𑒪𑓂𑒯𑒛𑓃 𑒕𑒾𑒛𑓃𑒲𑒏𑒹𑒿 𑒩𑒰𑒑𑒞𑒩 𑒠𑒰𑒥𑓄 𑒫𑒪𑒰 𑒯𑒟𑒱𑒨𑒰𑒩 𑒏𑒯𑒻 𑒕𑒟𑒱। 𑒖𑒼𑒑𑒰𑒛𑓃- 𑒏𑒳𑒧𑒰𑒩 𑒑𑓀𑒡𑒩𑓂𑒫𑒏 𑒮𑓂𑒫𑒩𑓂𑒑𑒫𑒰𑒮𑒣𑒩 𑒖𑒹.𑒋𑒢.𑒨𑒴. 𑒏𑒰𑒫𑒹𑒩𑒲 𑒯𑒰𑒮𑓂𑒙𑒪𑒏 𑒠𑒴 𑒙𑒰 𑒁𑒐𑒥𑒰𑒩𑒲 𑒮𑒧𑒲𑒏𑓂𑒭𑒏𑒏 𑒫𑒱𑒫𑒰𑒠- 𑒍𑒯𑒱𑒧𑒹𑒮𑒿 𑒋𑒏𑒙𑒰 𑒞𑒯𑒱𑒋 𑒮𑒿 𑒂𑒪𑒹𑒐 𑒪𑒱𑒐𑒱 𑒩𑒯𑒪 𑒕𑒪 𑒖𑒯𑒱𑒨𑒰𑒮𑒿 𑒑𑓀𑒡𑒩𑓂𑒫 𑒠𑒳𑒐𑒱𑒞 𑒦𑒹𑒪 𑒕𑒪𑒰𑒯, 𑒮𑒹 𑒍 𑒠𑒼𑒮𑒩𑒏𑒹𑒿 𑒏𑒫𑒱𑒞𑒰 𑒪𑒱𑒐𑒥𑒰 𑒪𑒹𑒪 𑒏𑒯𑒻 𑒕𑒢𑓂𑒯𑒱। 𑒣𑒱𑓀𑒛𑒠𑒰𑒢- 𑒔𑒏𑓂𑒩𑒡𑒩 𑒥𑒰𑒥𑒴𑒏 𑒗𑒱𑓀𑒑𑒳𑒩 𑒗𑒰𑒏 𑒧𑒰𑒃𑒏 𑒧𑒵𑒞𑓂𑒨𑒳𑒏 𑒥𑒰𑒠 𑒖𑒧𑒲𑒢 𑒪𑒹𑒢𑒹 𑒥𑒱𑒢𑒰 𑒣𑒰𑒃 𑒢𑒯𑒱 𑒠𑒹𑒥𑒰𑒏 𑒢𑒱𑒩𑓂𑒝𑒨 𑒂 𑒁𑒣𑒢 𑒣𑒱𑒞𑒩𑒏 𑒣𑒱𑓀𑒛𑒠𑒰𑒢 𑒪𑒹𑒪 𑒑𑒨𑒰 𑒖𑒋𑒥𑒰𑒏 𑒦𑒼𑒩𑒏 𑒩𑒰𑒞𑒱𑒏 𑒮𑓂𑒫𑒣𑓂𑒢- 𑒖𑒲𑒥𑒻𑒞𑒏𑒹𑒿 𑒢𑒯𑒱 𑒅𑒖𑒰𑒛𑓃, 𑒧𑒩𑒪 𑒪𑒼𑒏 𑒞𑒿 𑒁𑒣𑒢𑒯𑒱 𑒥𑒮𑒱 𑒖𑒰𑒋𑒞।
𑒪𑒼𑒩𑒯𑒰-𑒥𑒱𑒔𑓂𑒕𑒰: 𑒦𑒴𑒐- 𑒮𑒴𑒞𑓂𑒩𑒡𑒰𑒩𑒏 𑒥𑒰𑒪𑓂𑒨𑒏𑒰𑒪𑒏 𑒮𑓀𑒑𑒲 𑒩𑒧𑒏𑒱𑒮𑒢𑒰। 𑒧𑒳𑒠𑒰 𑒂𑒥 𑒍 𑒔𑒩𑒥𑒰𑒯𑒲 𑒏𑒩𑒻𑒞 𑒁𑒕𑒱 𑒂 𑒮𑒴𑒞𑓂𑒩𑒡𑒰𑒩 𑒕𑒟𑒱 𑒣𑓂𑒩𑒼𑒤𑒹𑒮𑒩। 𑒯𑒼𑒪𑒲𑒏 𑒠𑒱𑒢 𑒮𑒴𑒞𑓂𑒩𑒡𑒰𑒩 𑒠𑓂𑒫𑒰𑒩𑒰 𑒩𑓀𑒑 𑒠𑒹𑒥𑒰𑒏 𑒣𑓂𑒩𑒨𑒰𑒮𑒣𑒩 𑒍𑒏𑒩 𑒏𑒯𑒥- 𑒧𑒻𑒪-𑒏𑒳𑒔𑒻𑒪𑒧𑒹 𑒩𑓀𑒑 𑒣𑒏𑒛𑓃𑒥𑒹 𑒢𑒯𑒱 𑒏𑒩𑒞। 𑒣𑒹𑒙𑒏 𑒔𑒰𑒧 𑒔𑒰𑒩𑒱 𑒠𑒱𑒢𑒮𑒿 𑒖𑒩𑒱 𑒩𑒯𑒪 𑒕𑒻 𑒍𑒏𑒩। 𑒧𑒯𑒑𑒲 𑒅𑒢𑓂𑒧𑒴𑒪𑒢- 𑒧𑒝𑒲𑒢𑓂𑒠𑓂𑒩 𑒁𑒣𑒢 𑒣𑒱𑒞𑒰 𑒂 𑒣𑒩𑒱𑒫𑒰𑒩 𑒮𑓀𑒑𑒹 𑒣𑒙𑒱𑒨𑒰𑒪𑒰𑒏 𑒮𑒛𑓃𑒏𑒣𑒩 𑒖𑒰 𑒩𑒯𑒪 𑒁𑒕𑒱- 𑒋𑒏 𑒦𑒰𑒭𑒰-𑒦𑒰𑒭𑒲𑒏𑒹𑒿 𑒕𑒼𑒛𑓃𑒱 𑒏𑓄 𑒮𑒦𑒏𑒹𑒿 𑒧𑒳𑒛𑓃𑒻-𑒦𑒰𑒙𑒰 𑒖𑒹𑒏𑒰𑒿 𑒏𑒰𑒙𑒱 𑒠𑒹𑒪 𑒖𑒰𑒃𑒞 𑒁𑒕𑒱। 𑒧𑒝𑒲𑒢𑓂𑒠𑓂𑒩 𑒥𑒔𑒱 𑒖𑒰𑒃𑒞 𑒁𑒕𑒱, 𑒤𑒹𑒩 𑒤𑒰𑒑𑒳𑒧𑒹 𑒧𑒯𑒰𑒧𑒯𑒱𑒧 𑒪𑒑 𑒪𑒰𑒬𑒏 𑒩𑓀𑒑𑒏 𑒥𑒠𑒪𑒰 𑒠𑒳𑒩𑓂𑒑𑒢𑓂𑒡𑒨𑒳𑒏𑓂𑒞 𑒣𑒰𑒢𑒱𑒮𑒿 𑒯𑒼𑒪𑒲 𑒐𑒹𑒪𑒰𑒋 𑒣𑒯𑒳𑒿𑒔𑒻𑒞 𑒁𑒕𑒱, 𑒏𑒰𑒩𑒝 𑒄 𑒥𑒹𑒬𑒲 𑒮𑒮𑓂𑒞𑒰 𑒕𑒻। 𑒏𑒮𑒰𑒃- 𑒥𑒱𑒪𑒙 𑒮𑒱𑓀𑒯𑒏 𑒖𑒧𑒲𑒢 𑒔𑒾𑒏𑒼𑒛𑓃 𑒯𑒹𑒥𑒰𑒧𑒹 𑒮𑒳𑒩𑒹𑒢𑒧𑒰𑒏 𑒖𑒧𑒲𑒢 𑒣𑒛𑓃𑒻 𑒕𑒻 𑒧𑒳𑒠𑒰 𑒍 𑒞𑒻𑒨𑒰𑒩 𑒢𑒯𑒱 𑒁𑒕𑒱।𑒧𑒰𑒩𑒱 𑒣𑒛𑓃𑒻 𑒕𑒻। 𑒠𑒩𑒼𑒑𑒰 𑒣𑒰𑒃 𑒧𑒿𑒑𑒻 𑒕𑒻 𑒧𑒳𑒠𑒰 𑒋𑒮.𑒣𑒲.𑒏 𑒍𑒯𑒱𑒚𑒰𑒧 𑒏𑒯𑒪𑒰𑒏 𑒥𑒰𑒠𑒼 𑒏𑒰𑒖 𑒢𑒯𑒱 𑒯𑒼𑒃 𑒕𑒻, 𑒏𑒰𑒩𑒝 𑒠𑒩𑒼𑒑𑒰 𑒍𑒏𑒩𑒰 𑒣𑒰𑒃 𑒠𑓄 𑒏𑓄 𑒥𑒯𑒰𑒪 𑒦𑒹𑒪 𑒁𑒕𑒱। 𑒠𑒯𑒹𑒖- 𑒕𑒼𑒙 𑒥𑒯𑒱𑒢𑒏 𑒠𑓂𑒫𑒱𑒩𑒰𑒑𑒧𑒢 𑒂 𑒍𑒏𑒩𑒰 𑒠𑓂𑒫𑒰𑒩𑒰 𑒋𑒏𑒙𑒰 𑒮𑒪𑒰𑒃 𑒂 𑒋𑒏 𑒙𑒲𑒢 𑒧𑒙𑒱𑒨𑒰 𑒞𑒹𑒪 𑒪𑒹𑒢𑒹 𑒥𑒱𑒢𑒰 𑒮𑒰𑒮𑒳𑒩 𑒢𑒯𑒱 𑒖𑒋𑒥𑒰𑒏 𑒑𑒣।𑒣𑒲𑒜𑓃𑒲𑒏 𑒠𑓂𑒫𑒢𑓂𑒠- 𑒢𑒱𑒨𑒞𑒱𑒏 𑒔𑒏𑓂𑒩 𑒂 𑒮𑒰𑒯𑒹𑒥 𑒩𑒰𑒨 𑒂 𑒩𑒰𑒧𑒠𑒹𑒫 𑒩𑒰𑒨𑒧𑒹 𑒧𑒞𑒦𑒱𑒢𑓂𑒢𑒞𑒰 𑒂 𑒣𑒱𑒞𑒰𑒏 𑒢𑒰𑒧 𑒩𑒰𑒧𑒠𑒹𑒫𑒮𑒿 𑒔𑒞𑒳𑒩𑓂𑒦𑒳𑒖 𑒩𑒰𑒨 𑒏𑒩𑒰𑒋𑒥। 𑒣𑒯𑒱𑒢𑒹, 𑒂𑒃, 𑒂 𑒏𑒰𑒪𑓂𑒯𑒱- 𑒑𑒼𑒢𑒴 𑒥𑒰𑒥𑒰𑒮𑒿 𑒮𑒴𑒞𑓂𑒩𑒡𑒰𑒩𑒏 𑒣𑓂𑒩𑒬𑓂𑒢 𑒂 𑒍 𑒪𑒰𑒅𑒩 , 𑒔𑒰𑒅𑒩 𑒂 𑒩𑒱𑒦𑒪𑒥𑒰𑒪 𑒪𑒹𑒪 𑒦𑒴𑒞, 𑒫𑒩𑓂𑒞𑒧𑒰𑒢 𑒂 𑒦𑒫𑒱𑒭𑓂𑒨𑒧𑒹 𑒪𑒼𑒏 𑒏𑒰𑒢𑒞 𑒮𑒹 𑒑𑒣 𑒏𑒯𑒻 𑒕𑒟𑒱। 𑒣𑓂𑒩𑒞𑒱𑒤𑒪- 𑒫𑒱𑒖𑓂𑒘𑒰𑒢𑒏 𑒦𑒰𑒩𑒞𑒲-𑒬𑒩𑒞 𑒮𑒱𑒠𑓂𑒡𑒰𑓀𑒞𑒏 𑒣𑓂𑒩𑒞𑒱𑒤𑒪। 𑒥𑒹𑒙𑒰 𑒏𑒼𑒢𑒰 𑒯𑒼𑒁𑒋, 𑒮𑒹 𑒥𑒹𑒙𑒲𑒏 𑒮𑓀𑒐𑓂𑒨𑒰𑒧𑒹 𑒏𑒧𑒲 𑒦𑒹𑒪। 𑒂 𑒂𑒥 𑒮𑓂𑒞𑓂𑒩𑒲 𑒪𑒹𑒪 𑒨𑒳𑒠𑓂𑒡। 𑒅𑒣𑒩𑒰𑒑- 𑒏𑒰𑒧𑒼 𑒗𑒰𑒏 𑒣𑒯𑒱𑒪 𑒣𑒞𑓂𑒢𑒲 𑒠𑒱𑒥𑒛𑓃𑒰𑒫𑒰𑒪𑒲 𑒂 𑒠𑒼𑒮𑒩 𑒧𑒳𑒩𑒪𑒲𑒫𑒰𑒪𑒲। 𑒧𑒳𑒩𑒪𑒲𑒫𑒰𑒪𑒲𑒏𑒹𑒿 𑒋𑒏 𑒥𑒹𑒙𑒰 𑒂 𑒞𑒲𑒢 𑒥𑒹𑒙𑒲। 𑒍𑒏𑒩 𑒥𑒹𑒙𑒰 𑒢𑒱𑒩𑓀𑒖𑒢𑒏𑒹𑒿 𑒮𑒰𑒿𑒣 𑒛𑒮𑒱 𑒪𑒹𑒪𑒏𑒻, 𑒮𑒹 𑒬𑒱𑒫𑒪𑒱𑓀𑒑𑒏𑒹𑒿 𑒕𑒴𑒥𑒱 𑒏𑓄 𑒣𑒴𑒖𑒰 𑒏𑒹𑒪𑒰𑒮𑒿 𑒂𑒏𑒱 𑒮𑒾𑒞𑒱𑒢𑒏 𑒯𑒏𑓂𑒏𑒪𑒱 𑒛𑒃𑒢𑒣𑒢𑒰𑒮𑒿। 𑒏𑒰𑒧𑒼𑒏 𑒣𑒱𑒞𑒰 𑒧𑒳𑒮𑒰𑒃 𑒗𑒰𑒏 𑒣𑒳𑒞𑒼𑒯𑒳 𑒠𑒱𑒥𑒛𑓃𑒰𑒫𑒰𑒪𑒲𑒮𑒿 𑒁𑒫𑒻𑒡 𑒮𑓀𑒥𑓀𑒡। 𑒧𑒳𑒩𑒪𑒲𑒥𑒰𑒪𑒲𑒏 𑒧𑒵𑒞𑓂𑒨𑒳𑒣𑒩 𑒍𑒏𑒩 𑒂𑒑𑒱 𑒠𑒹𑒥𑒰 𑒪𑒹𑒪 𑒍𑒏𑒩 𑒥𑒹𑒙𑒰 𑒃𑒢𑓂𑒠𑓂𑒩𑒠𑒹𑒫𑒏𑒹𑒿 𑒪𑒼𑒏𑒮𑒦𑒏 𑒏𑒯𑒪𑒰𑒣𑒩 𑒧𑒳𑒩𑒪𑒲𑒥𑒰𑒪𑒲 𑒩𑒯𑒮𑓂𑒨 𑒐𑒼𑒪𑒻 𑒕𑒟𑒱 𑒖𑒹 𑒁𑒯𑒰𑒿 𑒯𑒳𑒢𑒏𑒩 𑒥𑒹𑒙𑒰 𑒢𑒯𑒱 𑒕𑒱𑒁𑒢𑒱 𑒫𑒩𑒢 𑒕𑒱𑒁𑒢𑓂𑒯𑒱 𑒠𑒲...𑒠𑒲𑒁𑒩! 𑒏𑒼𑒅 𑒏𑒰𑒯𑒴 𑒧𑒑𑒢- 𑒮𑒴𑒞𑓂𑒩𑒡𑒰𑒩 𑒂 𑒮𑓀𑒑𑒥𑒋 𑒪𑒼𑒏𑒢𑒱 𑒙𑒯𑒪𑒻𑒞 𑒕𑒟𑒱, 𑒞𑒐𑒢𑒹 𑒋𑒏𑒙𑒰 𑒠𑒮𑒙𑒏𑒯𑒲 𑒮𑒛𑓃𑒏𑒣𑒩 𑒔𑒾𑒡𑒩𑒲𑒖𑒲𑒏𑒹𑒿 𑒦𑒹𑒙𑒻 𑒕𑒢𑓂𑒯𑒱, 𑒏𑒏𑒩 𑒄 𑒣𑒰𑒃 𑒯𑒋𑒞-𑒋𑒏 𑒚𑒰𑒧 𑒐𑒰𑒡𑒱 𑒏𑒋𑒪𑒹𑒣𑒩 𑒠𑒼𑒮𑒩 𑒚𑒰𑒧 𑒆𑒿𑒔 𑒯𑒹𑒞𑒻𑒏 𑒢𑒹 ? 𑒇𑒝𑒐𑒾𑒏- 𑒢𑒲𑒪𑒹𑒬 𑒑𑒩𑒲𑒥 𑒣𑒩𑒱𑒫𑒰𑒩𑒏, 𑒤𑒹𑒩 𑒣𑒜𑓃𑒪𑒏-𑒪𑒱𑒐𑒪𑒏 𑒞𑒿 𑒑𑒰𑒧𑒏 𑒪𑒼𑒏 𑒮𑒦 𑒣𑒱𑒞𑒰𑒏𑒹𑒿 𑒠𑒫𑒰𑒥𑒧𑒹 𑒠𑓄 𑒫𑒱𑒫𑒰𑒯 𑒏𑒩𑒰 𑒠𑒹𑒪𑒢𑓂𑒯𑒱- 𑒏𑒢𑒱𑒨𑒰𑒿 𑒞𑒹𑒯𑒢 𑒖𑒹 𑒣𑒱𑒞𑒰𑒏𑒹𑒿 𑒧𑒰𑒩𑒻 𑒕𑒪। 𑒤𑒹𑒩 𑒢𑒲𑒪𑒹𑒬𑒏 𑒠𑒼𑒮𑒩 𑒖𑒰𑒞𑒱𑒧𑒹 𑒫𑒱𑒫𑒰𑒯 𑒏𑒩𑒥𑒰𑒏 𑒢𑒱𑒩𑓂𑒝𑒨 𑒂 𑒣𑒛𑓃𑒼𑒮𑒲𑒏 𑒏𑒯𑒥- 𑒄 𑒇𑒝𑒐𑒾𑒏 𑒁𑒕𑒱, 𑒣𑒱𑒞𑒵𑒇𑒝 𑒥𑒱𑒢𑒰 𑒅𑒞𑒰𑒩𑒢𑒯𑒱 𑒧𑒩𑒞।

𑒏𑒟𑒰: 𑒬𑒱𑒏𑓂𑒭𑒱𑒞 𑒧𑒡𑓂𑒨𑒫𑒩𑓂𑒑𑒧𑒹 𑒧𑒻𑒟𑒱𑒪𑒲 𑒦𑒰𑒭𑒰 𑒢𑒫𑒧 𑒫𑒩𑓂𑒑𑒮𑒿 𑒮𑓂𑒢𑒰𑒞𑒏-𑒮𑓂𑒢𑒰𑒞𑒏𑒼𑒞𑓂𑒞𑒩 𑒡𑒩𑒱 𑒧𑒻𑒟𑒱𑒪𑒲𑒏𑒹𑒿 𑒦𑒰𑒭𑒰 𑒫𑒰 𑒧𑒰𑒞𑒵𑒦𑒰𑒭𑒰𑒏 𑒩𑒴𑒣𑒧𑒹 𑒪𑒹𑒢𑒱𑒯𑒰𑒩 𑒋𑒯𑒱𑒮𑒿 𑒮𑓂𑒢𑒹𑒯 𑒏𑒩𑒻 𑒕𑒟𑒱। 𑒁𑒢𑓂𑒞𑒩𑓂𑒖𑒰𑒪𑒣𑒩 𑒧𑒻𑒟𑒱𑒪𑒲𑒏 𑒂𑒑𑒧𑒢𑒮𑒿 𑒮𑒹𑒯𑒼 𑒧𑒰𑒞𑒵𑒦𑒰𑒭𑒰𑒮𑒿 𑒮𑓂𑒢𑒹𑒯 𑒤𑒹𑒩𑒮𑒿 𑒖𑒰𑒑𑒪। 𑒧𑒻𑒟𑒱𑒪𑒲𑒏 𑒣𑒼𑒟𑒲𑒏 𑒮𑒳𑒑𑒧𑒞𑒰𑒮𑒿 𑒢𑒯𑒱 𑒦𑒹𑒙𑒥 𑒖𑒰𑒯𑒱𑒧𑒹 𑒮𑒩𑒏𑒰𑒩𑒲 𑒮𑓀𑒮𑓂𑒟𑒰𑒏 𑒧𑒻𑒟𑒱𑒪𑒲 𑒣𑒰𑒚𑓂𑒨𑒣𑒳𑒮𑓂𑒞𑒏 𑒮𑒧𑓂𑒧𑒱𑒪𑒱𑒞 𑒁𑒕𑒱। 𑒋𑒯𑒱𑒧𑒹 𑒁𑒢𑓂𑒞𑒩𑓂𑒖𑒰𑒪 𑒠𑓂𑒫𑒰𑒩𑒰 𑒮𑒲𑒧𑒱𑒞 𑒩𑒴𑒣𑒧𑒹 𑒯𑒮𑓂𑒞𑒏𑓂𑒭𑒹𑒣 𑒦𑒹𑒪 𑒁𑒕𑒱। 𑒂 𑒋𑒯𑒱 𑒮𑒦𑒏 𑒣𑒩𑒱𑒝𑒰𑒧𑒏 𑒩𑒴𑒣𑒧𑒹 𑒧𑒻𑒟𑒱𑒪𑒲 𑒪𑒹𑒐𑒏𑒏 𑒦𑒲𑒞𑒩 𑒯𑒲𑒢 𑒦𑒰𑒫𑒢𑒰 (𑒮𑒳𑒣𑒲𑒩𑒱𑒨𑒼𑒩𑒱𑒙𑒲 𑒏𑒰𑒧𑓂𑒣𑓂𑒪𑒹𑒏𑓂𑒮 𑒮𑒹𑒯𑒼 𑒯𑒲𑒢 𑒦𑒰𑒫𑒢𑒰𑒏 𑒩𑒴𑒣 𑒁𑒕𑒱) 𑒣𑒻𑒮𑒱 𑒑𑒹𑒪 𑒂 𑒮𑒰𑒯𑒱𑒞𑓂𑒨 𑒮𑒼𑓀𑒑𑒩𑒣𑒩 𑒚𑒰𑒜𑓃 𑒏𑒋𑒪 𑒖𑒰𑒋 𑒪𑒰𑒑𑒪। 𑒫𑒰𑒠-𑒫𑒱𑒫𑒰𑒠 𑒅𑒞𑓂𑒣𑒢𑓂𑒢 𑒏𑓄 𑒂𑒩𑒼𑒣-𑒣𑓂𑒩𑒞𑓂𑒨𑒰𑒩𑒼𑒣 𑒂𑒡𑒰𑒩𑒱𑒞 𑒮𑒰𑒯𑒱𑒞𑓂𑒨𑒏 𑒔𑒩𑓂𑒔𑒰 𑒣𑓂𑒩𑒰𑒩𑒧𑓂𑒦 𑒦𑒹𑒪। 𑒣𑒞𑒱-𑒣𑒞𑓂𑒢𑒲, 𑒖𑒱𑒪𑒰-𑒖𑒥𑒰𑒩 𑒂 𑒣𑒱𑒞𑒰-𑒣𑒳𑒞𑓂𑒩𑒏 𑒁𑒣𑒢 𑒣𑒏𑓂𑒭𑒧𑒹 𑒫𑒰𑒞𑒰𑒫𑒩𑒝 𑒞𑒻𑒨𑒰𑒩 𑒏𑒩𑒥 𑒂𑒩𑒧𑓂𑒦 𑒦𑒹𑒪। 𑒧𑒰𑒢𑒹 𑒥𑓂𑒪𑒻𑒏𑒧𑒹𑒪𑒱𑓀𑒑 𑒂 𑒥𑓂𑒪𑒻𑒏-𑒧𑒰𑒩𑓂𑒏𑒹𑒙𑒱𑓀𑒑 𑒠𑓂𑒫𑒰𑒩𑒰 𑒏𑒟𑒰-𑒏𑒫𑒱𑒞𑒰𑒏 𑒣𑒳𑒩𑒮𑓂𑒏𑒰𑒩 𑒪𑒹𑒪 𑒪𑒱𑒐𑒪 𑒖𑒰𑒋𑒥। 𑒧𑒳𑒠𑒰 𑒥𑒳𑒏𑒩 𑒂 𑒢𑒼𑒥𑒪 𑒮𑒰𑒯𑒱𑒞𑓂𑒨 𑒣𑒳𑒩𑒮𑓂𑒏𑒰𑒩 𑒣𑓂𑒩𑒰𑒣𑓂𑒞 𑒮𑒰𑒯𑒱𑒞𑓂𑒨 𑒮𑒹𑒯𑒼 𑒏𑒰𑒪𑒰𑒞𑒲𑒞 𑒢𑒯𑒱 𑒩𑒯𑒱 𑒣𑒥𑒻𑒞 𑒁𑒕𑒱, 𑒥𑒯𑒳𑒞 𑒩𑒰𑒮𑒏𑒹𑒿 𑒞𑒿 𑒪𑒼𑒏 𑒧𑒼𑒢 𑒩𑒐𑒻𑒞 𑒁𑒕𑒱 𑒧𑒳𑒠𑒰 𑒜𑒹𑒩 𑒩𑒰𑒮 𑒫𑒱𑒮𑓂𑒧𑒵𑒞 𑒦𑓄 𑒖𑒰𑒃𑒞 𑒕𑒟𑒱 𑒂 𑒣𑒰𑒚𑒏 𑒍𑒏𑒩 𑒧𑒴𑒪𑓂𑒨𑒰𑓀𑒏𑒢 𑒏𑓄 𑒠𑒻𑒞 𑒕𑒟𑒱। 𑒧𑒳𑒠𑒰 𑒧𑒻𑒟𑒱𑒪𑒲𑒧𑒹 𑒐𑒰𑒜𑓃𑒲𑒏-𑒐𑒰𑒜𑓃𑒲 𑒥𑒲𑒞𑒱 𑒖𑒰𑒃𑒞 𑒁𑒕𑒱 𑒧𑒳𑒠𑒰 𑒣𑒰𑒚𑒏𑒏 𑒁𑒦𑒰𑒫𑒧𑒹 𑒣𑒞𑒱-𑒣𑒞𑓂𑒢𑒲, 𑒣𑒱𑒞𑒰-𑒣𑒳𑒞𑓂𑒩, 𑒖𑒱𑒪𑒰-𑒖𑒥𑒰𑒩 𑒂 𑒂𑒥 𑒏𑒟𑒰𑒏𑒰𑒩-𑒏𑒫𑒱𑒏 𑒥𑒢𑒪 𑒑𑒼𑒪 𑒮𑒦 𑒋𑒏𑒩 𑒥𑓂𑒪𑒻𑒏𑒧𑒹𑒪𑒱𑓀𑒑𑒏 𑒂𑒡𑒰𑒩𑒣𑒩 𑒧𑒴𑒪𑓂𑒨𑒰𑓀𑒏𑒢 𑒏𑒩𑒻𑒞 𑒁𑒕𑒱। 𑒁𑒢𑓂𑒞𑒩𑓂𑒖𑒰𑒪𑒏 𑒯𑒮𑓂𑒞𑒏𑓂𑒭𑒹𑒣 𑒮𑒲𑒧𑒱𑒞 𑒩𑒯𑒪𑒰𑒏 𑒏𑒰𑒩𑒝 𑒢𑒲𑒏 𑒮𑒰𑒯𑒱𑒞𑓂𑒨, 𑒮𑒵𑒖𑒢𑒰𑒞𑓂𑒧𑒏 𑒮𑒰𑒯𑒱𑒞𑓂𑒨 𑒂 𑒏𑒪𑓂𑒨𑒰𑒝𑒏𑒰𑒩𑒲 𑒮𑒰𑒯𑒱𑒞𑓂𑒨 𑒮𑒼𑒗𑒰𑒿 𑒢𑒯𑒱 𑒂𑒥𑒱 𑒣𑒰𑒥𑒱 𑒩𑒯𑒪 𑒁𑒕𑒱, 𑒢𑒯𑒱 𑒮𑒵𑒖𑒱𑒞 𑒏𑒋𑒪 𑒖𑒰 𑒩𑒯𑒪 𑒁𑒕𑒱। 𑒫𑒱𑒫𑒰𑒠 𑒏𑓄 𑒮𑒧𑒰𑒔𑒰𑒩𑒧𑒹 𑒩𑒯𑒋𑒥𑒪𑒰 𑒏𑒫𑒱-𑒏𑒟𑒰𑒏𑒰𑒩𑒏𑒹𑒿 𑒁𑒯𑒰𑒿 𑒣𑓂𑒩𑒬𑓂𑒩𑒨 𑒠𑒹𑒥 𑒏𑒰𑒩𑒝 𑒍 𑒥𑓂𑒪𑒻𑒏𑒧𑒹𑒪𑒱𑓀𑒑 𑒏𑓄 𑒩𑒯𑒪 𑒕𑒟𑒱 𑒫𑒰 𑒡𑒴𑒩𑒰-𑒑𑒩𑓂𑒠𑒰𑒧𑒹 𑒩𑒯𑒢𑒱𑒯𑒰𑒩 𑒧𑒰𑒢𑒫𑒞𑒰𑒫𑒰𑒠𑒲 𑒏𑒫𑒱-𑒏𑒟𑒰𑒏𑒰𑒩𑒏𑒹𑒿। 𑒂 𑒖𑒐𑒢 𑒮𑒹 𑒏𑒩𑒥 𑒞𑒐𑒢𑒹 𑒢𑒱𑒩𑒩𑓂𑒟𑒏 𑒠𑒹𑒐𑒰𑒋𑒥𑒪𑒰 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒧𑒹 𑒣𑓂𑒩𑒰𑒝𑒫𑒰𑒨𑒳 𑒦𑒩𑒱 𑒣𑒰𑒋𑒥।

























𑒢𑒔𑒱𑒏𑒹𑒞𑒰𑒏 𑒧𑒡𑓂𑒨𑒧𑒣𑒳𑒩𑒳𑒭 𑒋𑒏𑒫𑒔𑒢

𑒑𑒠𑓂𑒨𑒮𑒿 𑒣𑒠𑓂𑒨 𑒋𑒯𑒱 𑒁𑒩𑓂𑒟𑒹 𑒤𑒩𑒰𑒏 𑒯𑒼𑒃𑒞 𑒁𑒕𑒱 𑒖𑒹 𑒋𑒯𑒱𑒧𑒹 𑒥𑒱𑒧𑓂𑒥𑒏 𑒧𑒰𑒡𑓂𑒨𑒧𑒮𑒿 𑒏𑒧 𑒬𑒥𑓂𑒠𑒧𑒹 𑒥𑒹𑒬𑒲 𑒑𑒣 𑒏𑒯𑒪 𑒖𑒋𑒥𑒰𑒏 𑒑𑒳𑓀𑒖𑒰𑒋𑒬 𑒩𑒯𑒻𑒞 𑒁𑒕𑒱। 𑒞𑒹𑒿 𑒣𑒠𑓂𑒨𑒏𑒹𑒿 𑒮𑒧𑒨𑒰𑒦𑒰𑒫𑒧𑒹 𑒬𑒳𑒩𑒴 𑒏𑒋𑒪 𑒑𑒠𑓂𑒨𑒏 𑒫𑒱𑒏𑒪𑓂𑒣𑒏 𑒩𑒴𑒣𑒧𑒹 𑒠𑒹𑒐𑒥 𑒮𑒧𑓂𑒦𑒫 𑒢𑒯𑒱, 𑒍𑒢𑒰 𑒞𑒹𑒯𑒢𑒼 𑒅𑒠𑒰𑒯𑒩𑒝 𑒦𑒹𑒙𑒞। 𑒣𑒠𑓂𑒨 𑒕𑒢𑓂𑒠𑒥𑒠𑓂𑒡 𑒯𑒼𑒁𑒋 𑒫𑒰 𑒕𑒢𑓂𑒠-𑒪𑒨 𑒫𑒱𑒯𑒲𑒢, 𑒖𑒹 𑒍𑒯𑒱𑒧𑒹 𑒑𑒳𑒝𑒫𑒞𑓂𑒞𑒰 𑒁𑒕𑒱 𑒞𑒿 𑒣𑓂𑒩𑒦𑒰𑒫𑒱𑒞 𑒏𑒩𑒥𑒹 𑒙𑒰 𑒏𑒩𑒞। 𑒮𑒲𑒪𑒱𑓀𑒑𑒮𑒿 𑒖𑒧𑒲𑒢 𑒥𑒔𑒹𑒥𑒰 𑒪𑒹𑒪 𑒫𑒰𑒧𑒣𑓀𑒟 𑒫𑒰 𑒠𑒏𑓂𑒭𑒱𑒝𑒣𑓀𑒟𑒏 𑒣𑓂𑒩𑒨𑒼𑒑 𑒪𑒼𑒏 𑒠𑓂𑒫𑒰𑒩𑒰 𑒯𑒼𑒃𑒞 𑒁𑒕𑒱। 𑒧𑒳𑒠𑒰 𑒮𑒲𑒪𑒱𑓀𑒑𑒧𑒹 𑒣𑒛𑓃𑒪 𑒮𑒰𑒯𑒱𑒞𑓂𑒨𑒏 𑒪𑒹𑒪 𑒫𑒰𑒧𑒣𑓀𑒟 𑒫𑒰 𑒠𑒏𑓂𑒭𑒱𑒝𑒣𑓀𑒟𑒏 𑒣𑓂𑒩𑒨𑒼𑒑, 𑒕𑓀𑒠𑒥𑒠𑓂𑒡𑒞𑒰-𑒪𑒨𑒥𑒠𑓂𑒡𑒞𑒰𑒏 𑒂𑒑𑓂𑒩𑒯 𑒫𑒰 𑒁𑒢𑒰𑒑𑓂𑒩𑒯 𑒑𑒼𑒪𑒾𑒮𑒲𑒏 𑒫𑒱𑒮𑓂𑒞𑒰𑒩 𑒧𑒰𑒞𑓂𑒩 𑒁𑒕𑒱। 𑒂 𑒋𑒯𑒱 𑒧𑒡𑓂𑒨 𑒢𑒔𑒱𑒏𑒹𑒞𑒰𑒏 𑒞𑒻𑓀𑒞𑒲𑒮 𑒙𑒰 𑒏𑒫𑒱𑒞𑒰𑒏 𑒮𑓀𑒏𑒪𑒢 𑒁𑒕𑒱 𑒧𑒡𑓂𑒨𑒧𑒣𑒳𑒩𑒳𑒭 𑒋𑒏𑒫𑒔𑒢। 𑒋𑒯𑒱𑒧𑒹 𑒏𑒫𑒱 𑒖𑒐𑒢 𑒫𑒱𑒩𑒼𑒡 𑒮𑒧𑒳𑒠𑓂𑒩𑒮𑒿 𑒧𑒹 𑒞𑒼𑒯𑒩 𑒂 𑒯𑒧𑒩 𑒥𑒲𑒔𑒧𑒹 𑒖𑒹 𑒮𑒧𑒳𑒠𑓂𑒩 𑒁𑒕𑒱, 𑒖𑒏𑒩 𑒞𑒙𑒣𑒩, 𑒍𑒏𑒩 𑒣𑒩𑒱𑒝𑒰𑒧𑒣𑒩 𑒏𑓂𑒨𑒼 𑒏𑒰𑒢𑒱 𑒩𑒯𑒪 𑒁𑒕𑒱, 𑒥𑒲𑒔𑒧𑒹 𑒧𑒰𑒕 𑒂 𑒔𑒲𑒪𑒏 𑒗𑒳𑒝𑓂𑒛 𑒂 𑒋𑒯𑒱 𑒧𑒡𑓂𑒨 𑒖𑓂𑒫𑒰𑒩 𑒮𑒦𑒏 𑒙𑒲𑒏𑒏𑒹𑒿 𑒡𑒹𑒢𑒹 𑒕𑒟𑒱 𑒫𑒩𑒳𑒝𑒠𑒹𑒫, 𑒮𑒼𑒔𑒻𑒞 𑒖𑒹 𑒣𑓂𑒩𑒹𑒧𑒏𑒹𑒿 𑒖𑒲𑒞𑒋 𑒠𑒹𑒞𑒰𑒯 𑒂𑒏𑒱 𑒮𑒧𑒳𑒠𑓂𑒩𑒏𑒹𑒿, 𑒏𑒯𑒻 𑒕𑒟𑒱 𑒂 𑒤𑒹𑒩 𑒫𑒩𑒳𑒝𑒠𑒹𑒫𑒏 𑒖𑓂𑒫𑒰𑒩𑒏 𑒙𑒲𑒏𑒏𑒹𑒿 𑒡𑒩𑒥, 𑒔𑒱𑒞𑓂𑒩 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱। 𑒇𑒞𑒳-𑒫𑒱𑒬𑒹𑒭 𑒣𑒵𑒟𑓂𑒫𑒲𑒣𑒩- 𑒧𑒹 𑒣𑓂𑒩𑒹𑒧𑒏 𑒇𑒞𑒳 𑒫𑒱𑒬𑒹𑒭, 𑒖𑒏𑒩 𑒣𑓂𑒩𑒰𑒩𑒧𑓂𑒦𑒹𑒧𑒹 𑒥𑒩𑒐𑒰 𑒧𑒰𑒮𑒏 𑒥𑒳𑒢𑓂𑒢 𑒮𑒳𑒐𑒰𑒋 𑒪𑒑𑒻𑒞 𑒁𑒕𑒱। 𑒬𑒥𑓂𑒠 𑒪𑒹𑒪 𑒖𑒰𑒪 𑒪𑒹𑒢𑒹 𑒂 𑒬𑒥𑓂𑒠 𑒏𑒩𑒻𑒞 𑒁𑒕𑒱 𑒂𑒞𑓂𑒧𑒮𑒧𑒩𑓂𑒣𑒝 𑒏𑒫𑒱𑒞𑒰𑒏 𑒮𑓀𑒢𑓂𑒨𑒰𑒮𑒧𑒹। 𑒂 𑒤𑒹𑒩 𑒒𑒳𑒩𑒻𑒞 𑒢𑒠𑒲 𑒏𑒕𑒹𑒩- 𑒦𑒼𑒩𑒳𑒏𑒰 𑒧𑓀𑒞𑓂𑒩𑒏 𑒅𑒔𑓂𑒔𑒰𑒩𑒝 𑒪𑒹𑒪 𑒖𑒹 𑒖𑒪𑒏𑒹𑒿 𑒥𑒢𑒥𑒻𑒞 𑒁𑒕𑒱 𑒁𑒏𑒰𑒮। 𑒥𑓀𑒖𑒩 𑒠𑒹𑒬𑒏 𑒥𑒩𑒮𑒰𑒞𑒱𑒏 𑒠𑒹𑒫 𑒖𑒹 𑒁𑒏𑒰𑒮𑒼𑒏𑒹𑒿 𑒏𑒢𑒰 𑒮𑒏𑒻 𑒕𑒻 𑒥𑒹𑒯𑒱𑒮𑒰𑒥। 𑒦𑒴𑒞𑒏 𑒢𑒰𑒔𑒥 𑒪𑒰𑒚𑒲 𑒥𑒖𑒰𑒩𑒱-𑒥𑒖𑒰𑒩𑒱 𑒂 𑒞𑒩𑒳𑒝 𑒩𑒰𑒖𑒏𑒳𑒧𑒰𑒩𑒏 𑒠𑒹𑒐𑒥 𑒮𑒰𑒧𑓂𑒨𑒫𑒰𑒠𑒏 𑒮𑓂𑒫𑒣𑓂𑒢-𑒤𑒳𑒏𑓂𑒏𑒰 𑒅𑒛𑓃𑒰𑒨 𑒁𑒏𑒰𑒮𑒧𑒹। 𑒬𑒥𑓂𑒠𑒮𑒿 𑒮𑒧𑒗𑒾𑒞𑒰 𑒂 𑒮𑒦 𑒂𑒯𑒏 𑒛𑒴𑒧𑒥 𑒬𑒥𑓂𑒠𑒏 𑒔𑒲𑒞𑓂𑒏𑒰𑒩𑒧𑒹। 𑒤𑒹𑒩 𑒂𑒯𑓂𑒫𑒰𑒢 𑒁𑒏𑒰𑒮𑒮𑒿, 𑒏𑒰𑒢𑒴 𑒦𑒼𑒏𑒰𑒩𑒱 𑒣𑒰𑒩𑒱, 𑒖𑒰𑒯𑒱 𑒫𑒖𑓂𑒩𑒣𑒰𑒞𑒏 𑒬𑒥𑓂𑒠𑒮𑒿 𑒫𑒱𑒬𑓂𑒫𑒰𑒮 𑒯𑒋𑒞 𑒖𑒹 𑒮𑒰𑒍𑒢 𑒁𑒋𑒪 𑒁𑒕𑒱 𑒣𑒵𑒟𑓂𑒫𑒲𑒣𑒩। 𑒂 𑒂𑒏𑒰𑓀𑒏𑓂𑒭𑒰, 𑒕𑒴𑒥𑒱 𑒏𑒣𑒰𑒩𑒏 𑒙𑒣𑒏𑒻𑒞 𑒥𑒳𑒢𑓂𑒢𑒏 𑒮𑒓𑒹 𑒂 𑒁𑒣𑒢 𑒪𑒱𑒐𑒪 𑒣𑒰𑒿𑒞𑒱 𑒣𑒜𑓃𑒥𑒰𑒏। 𑒣𑒕𑒱𑒪𑒰 𑒥𑒹𑒩𑒏 𑒯𑒳𑒢𑒏𑒩 𑒁𑒣𑒴𑒩𑓂𑒝 𑒏𑒋𑒪 𑒏𑒰𑒩𑓂𑒨। 𑒂 𑒨𑒻𑒯 𑒕𑒲 𑒇𑒞𑒳𑒫𑒱𑒬𑒹𑒭- 𑒧𑒼𑒢 𑒣𑒰𑒛𑓃𑒥 𑒯𑒳𑒢𑒏𑒰। 𑒞𑒼𑓀- 𑒧𑒹 𑒫𑒰𑒏𑓂𑒨𑒏 𑒯𑒏𑒧𑒻𑒞 𑒣𑒻𑒮𑒥, 𑒡𑒲𑒣𑒪 𑒯𑒰𑒟𑒏 𑒡𑒩𑒥, 𑒡𑒡𑒏𑒪 𑒂𑒑𑒱 𑒯𑒧𑒩, 𑒋𑒯𑒱𑒧𑒹 𑒯𑒧 𑒞𑒼𑒿, 𑒏𑒪𑓂𑒣𑒞𑒩𑒳𑒏 𑒛𑒰𑒩𑒱, 𑒥𑒰𑒏𑒲 𑒮𑒦 𑒕𑒳𑒔𑓂𑒕 𑒂 𑒥𑒳𑒜𑓃𑒱𑒨𑒰 𑒢𑒰𑒢𑒲𑒏 𑒏𑒼𑒢𑒼 𑒐𑒱𑒮𑓂𑒮𑒰। 𑒂 𑒠𑒬𑒼𑒠𑒱𑒬𑒰 𑒣𑒏𑒻𑒞 𑒞𑒰𑒯𑒱𑒧𑒹- 𑒦𑓂𑒩𑒰𑒢𑓂𑒞𑒱-𑒣𑒟(𑒦𑓂𑒩𑒧𑒱𑒞!)। 𑒢𑒾 𑒧𑒰𑒮𑒏 𑒑𑒩𑓂𑒫𑒏, 𑒑𑒩𑓂𑒦𑒏 𑒠𑒲𑒩𑓂𑒒𑒣𑓂𑒩𑒯𑒩। 𑒣𑒰𑒿𑒔𑒧 𑒇𑒞𑒳 (!) 𑒕𑒚𑒧 𑒩𑒱𑒣𑒳(!)- 𑒩𑒰𑒑 𑒮𑒹𑒯𑒼 𑒫𑒱𑒪𑒧𑓂𑒥𑒱𑒞, 𑒠𑓂𑒩𑒳𑒞 𑒞𑒰𑒪 (𑒞𑓂𑒩𑒮𑓂𑒞) 𑒂 𑒦𑒰𑒢𑒳 𑒁𑒮𑓂𑒞𑒧𑒱𑒞। 𑒩𑒰𑒞𑒳𑒏 𑒂 𑒠𑒱𑒢𑒏 𑒏𑒟𑒰- 𑒧𑒹 𑒮𑒴𑒞𑒪 𑒠𑒳𑒢𑒱𑒨𑒰𑒿 𑒏𑒹𑒿 𑒕𑒼𑒛𑓃𑒱 𑒥𑒳𑒠𑓂𑒡 𑒥𑒯𑒰𑒩 𑒯𑒼𑒃𑒞 𑒕𑒟𑒱 𑒒𑒩𑒮𑒿 𑒧𑒳𑒠𑒰 𑒏𑒫𑒱𑒏 𑒣𑓂𑒩𑒨𑒰𑒝 𑒏𑒫𑒱𑒞𑒰𑒏 𑒦𑒲𑒞𑒩- 𑒏𑒰𑒢𑒴𑒢𑒲 𑒁𑒢𑒳𑒥𑒢𑓂𑒡𑒏 𑒁𑒢𑓂𑒞𑒩𑓂𑒑𑒞 𑒥𑒰𑒢𑓂𑒯𑒪 𑒫𑒱𑒫𑒰𑒯- 𑒫𑒱𑒡𑒱-𑒣𑓂𑒩𑒮𑒫 𑒫𑒹𑒠𑒢𑒰𑒏 𑒥𑒰𑒯𑒩। 𑒏𑒫𑒱𑒞𑒰𑒏 𑒦𑒲𑒞𑒩 𑒕𑓀𑒠𑒯𑒲𑒢, 𑒫𑒩𑓂𑒝𑒯𑒲𑒢 𑒦𑒰𑒿𑒑𑒪 𑒑𑓂𑒩𑓀𑒟𑒱, 𑒅𑒒𑒩𑒪 𑒮𑒱𑒪𑒰𑒃, 𑒮𑒴𑒔𑒲𑒏𑒩𑓂𑒧, 𑒧𑒩𑓂𑒧𑒧𑒹 𑒗𑒩𑒻𑒞 𑒥𑒱𑒢𑓂𑒠𑒳 𑒂 𑒋𑒏𑒙𑒰 𑒧𑒻𑒪 𑒧𑒼𑒙𑒱𑒨𑒰 𑒞𑒾𑒢𑒲 𑒖𑒏𑒰𑒿 𑒏𑒩𑒻𑒞 𑒁𑒕𑒱 𑒗𑒿𑒣𑒥𑒰𑒏 𑒣𑓂𑒩𑒨𑒞𑓂𑒢 𑒯𑒧𑒩 𑒬𑒩𑒲𑒩𑒏𑒹𑒿 (𑒦𑒲𑒞𑒩𑒮𑒿 𑒅𑒑𑒻𑒞 𑒁𑒮𑓂𑒟𑒱𑒩𑒞𑒰) 𑒁𑒫𑓂𑒨𑒫𑒯𑒵𑒞 𑒂 𑒖𑒐𑒢 𑒦𑒴𑒐, 𑒫𑓂𑒨𑒟𑒰-𑒫𑒱𑒔𑓂𑒕𑒹𑒠𑒏 𑒏𑒟𑒰। 𑒚𑒰𑒜𑓃 𑒯𑒼𑒃𑒞 𑒠𑒹𑒐𑒥𑒰 𑒪𑒹𑒪 𑒨𑒾𑒢𑒞𑒰 𑒣𑒩𑒮𑒻𑒞 𑒖𑒋𑒞 𑒖𑒐𑒢, 𑒥𑒢𑒱 𑒮𑒒𑒢 𑒕𑒞𑓂𑒞𑒲𑒮𑒼 𑒫𑓂𑒨𑓀𑒖𑒢 𑒞𑒼𑒯𑒩 𑒦𑒰𑒢𑒮𑒧𑒹। 𑒧𑒳𑒠𑒰 𑒯𑒧𑒩 𑒮𑒏- 𑒧𑒰𑒞𑓂𑒩 𑒏𑒫𑒱𑒞𑒹𑒏 𑒦𑒲𑒞𑒩𑒏 𑒮𑓀𑒡𑒰𑒢, 𑒠𑓂𑒫𑒨𑒩𑓂𑒟𑒥𑒼𑒡 𑒣𑒴𑒩𑓂𑒝 𑒁𑒕𑒱 𑒖𑒹, 𑒮𑒴𑒏𑓂𑒭𑓂𑒧 𑒞𑒩𑓂𑒏 𑒞𑒏𑒩, 𑒞𑒰𑒪-𑒪𑒨𑒮𑒿 𑒑𑒪𑒪। 𑒣𑓂𑒩𑒰𑒏𑒵𑒞-𑒨𑒏𑒵𑒞𑒧𑒹 𑒚𑒴𑒮𑒪, 𑒧𑒯𑒰𑒨𑒼𑒢𑒱-𑒪𑒱𑓀𑒑𑒥𑒼𑒡 𑒪𑒠𑒢𑒹 𑒖𑒰𑒯𑒱 𑒬𑒩𑒲𑒩𑒣𑒩। 𑒨𑒻𑒯 𑒙𑒰 𑒮𑒲𑒐𑒪 𑒅𑒣𑒰𑒨- 𑒞𑒼𑒯𑒩 𑒮𑒣𑒢𑒰 𑒠𑒹𑒐𑒻𑒞 𑒩𑒯𑒥 𑒁𑒢𑒳𑒐𑒢। 𑒂 𑒠𑒳𑒢𑒱𑒨𑒰𑒿𑒏 𑒖𑒑𑒪𑒰𑒣𑒩 𑒮𑒴𑒞𑒥 𑒞𑒼𑒯𑒩 𑒮𑓀𑒑- 𑒯𑒧𑒩 𑒯𑒹 𑒏𑒫𑒱𑒞𑒰 𑒏𑒰𑒪𑒩𑒰𑒞𑓂𑒩𑒱 𑒏𑒩𑒥𑒹𑒙𑒰 𑒏𑒩𑒞, 𑒠𑒴𑒩 𑒏𑒩𑒯 𑒫𑓂𑒨𑒟𑒰-𑒫𑒱𑒔𑓂𑒕𑒹𑒠, 𑒦𑒴𑒐-𑒦𑒨। 𑒋𑒐𑒢𑒹 𑒗𑒪𑒏𑒱 𑒅𑒚𑒪 𑒅𑒐𑒰-𑒏𑒱𑒩𑒝 𑒞𑒹𑒿, 𑒂𑒏𑒰𑓀𑒏𑓂𑒭𑒰𑒏 𑒂𑒬𑒰 𑒮𑒢। 𑒔𑒏𑓂𑒩𑒰𑒢𑓂𑒞- 𑒧𑒹 𑒁𑒏𑒰𑒮𑒧𑒹 𑒯𑒹𑒪𑒻𑒞 𑒁𑒏𑓂𑒭𑒩𑒏 𑒧𑒱𑒖𑒰𑒖-𑒞𑒱𑒏𑓂𑒞 𑒪𑒯𑒩𑒰𑒥𑒻𑒞 𑒂𑒑𑒱𑒏 𑒣𑓂𑒩𑒫𑒰𑒯, 𑒍𑒏𑒩𑒰 𑒥𑒳𑒗𑒰𑒍𑒞 𑒏𑒫𑒱𑒏 𑒠𑒼𑒐 𑒢𑒯𑒱। 𑒠𑒳𑒢𑒱𑒨𑒰𑒿𑒏 𑒔𑒏𑓂𑒩𑒏 𑒁𑒢𑓂𑒞। 𑒧𑒰𑒞𑓂𑒩𑒰𑒏 𑒯𑒳𑒢𑒏𑒰 𑒪𑒑 𑒁𑒋𑒥𑒰𑒏 𑒏𑒼𑒢𑒼 𑒂𑒮-! 𑒢𑒹 𑒯𑒳𑒢𑒏 𑒏𑒫𑒱𑒞𑒰 𑒮𑒖𑒱 𑒮𑒏𑒞𑒲 𑒬𑒥𑓂𑒠 𑒥𑒢𑒱 𑒥𑒩𑒮𑒥𑒰𑒏 𑒪𑒹𑒪 𑒣𑒯𑒱𑒢𑒯𑒱 𑒖𑒹𑒏𑒰𑒿। 𑒠𑒧𑒨𑓀𑒞𑒲𑒏𑒹𑒿 𑒅𑒣𑒠𑒹𑒬- 𑒧𑒹 𑒞𑒲𑒩 𑒪𑒑 𑒪𑒼𑒏𑒏 𑒣𑒟𑒩𑒪 (!) 𑒣𑒛𑓃𑒪 𑒩𑒯𑒥। - 𑒥𑒱𑒢𑒰 𑒁𑓀𑒑𑒏- 𑒁𑒬𑒏𑓂𑒞 𑒪𑒼𑒏। 𑒒𑒰𑒮 𑒣𑒰𑒞 𑒞𑒏𑒩𑒰 𑒮𑒦𑒏𑒹𑒿 𑒡𑒹𑒢𑒹 𑒂 𑒮𑒹𑒧𑒰𑒩𑒧𑒹 𑒮𑒢𑓂𑒯𑒱𑒂𑒨𑒪-𑒍𑒗𑒩𑒰𑒨𑒪 𑒞𑒏𑓂𑒭𑒏। 𑒥𑒮𑒰𑒞𑒧𑒹 𑒛𑒼𑒪𑒥 𑒂 𑒗𑒼𑓀𑒗𑒧𑒹 𑒗𑒼𑓀𑒏𑒰𑒯 𑒂𑒑𑒱𑒏 𑒮𑒳𑒢𑒑𑒥। 𑒠𑒧𑒨𑒢𑓂𑒞𑒲, 𑒠𑒧𑒨𑒢𑓂𑒞𑒲 -𑒮𑒳𑒢𑓂𑒢 𑒥𑒼𑒢। 𑒤𑒴𑒪-𑒣𑒰𑒞𑒏 𑒥𑒲𑒔𑒧𑒹 𑒙𑒳𑒁𑒩 𑒮𑒳𑒩𑒳𑒖(!), 𑒙𑒳𑒒𑒛𑓃𑒻𑒞 𑒂 𑒮𑒰𑒫𑒡𑒰𑒢𑒲𑒮𑒿 𑒔𑒱𑒩𑒻𑒞 𑒯𑒱𑒩𑒝𑓂𑒨𑒏 𑒣𑒹𑒙, 𑒞𑒻𑓀𑒞𑒲𑒮 𑒙𑒰 𑒧𑒴𑒯, 𑒏𑒳𑒩𑒳𑒣, 𑒑𑒰𑒕 𑒮𑒦𑒏 𑒋𑒧𑓂𑒯𑒩 𑒖𑒰𑒆𑒏 𑒅𑒣𑒠𑒹𑒬। 𑒠𑒧𑒨𑒢𑓂𑒞𑒲, 𑒖𑓀𑒑𑒪𑒣𑒰𑒩 𑒢𑒯𑒱 𑒯𑒼𑒆। 𑒁𑒢𑓂𑒯𑒰𑒩𑒧𑒹 𑒄𑒬𑒰𑒢 𑒠𑒱𑒬𑒰𑒧𑒹 𑒠𑒹𑒯𑒏 𑒠𑒪𑒰𑒪 𑒣𑓂𑒩𑒞𑒲𑒏𑓂𑒭𑒰𑒩𑒞। 𑒠𑒧𑒨𑒢𑓂𑒞𑒲, 𑒮𑒧𑒨। 𑒢𑒻𑒇𑒞 𑒏𑒼𑒝𑒧𑒹 𑒢𑒳𑒏𑒋𑒪 𑒢𑒪𑒠𑒹𑒫। 𑒑𑒰𑒕-𑒥𑒱𑒩𑒲𑒕𑒏 𑒖𑒰𑒢𑒥-𑒏𑒫𑒱𑒞𑒰𑒏 𑒂𑒑𑒧𑒢 𑒏𑒼𑒢𑒰 𑒯𑒼𑒃𑒞 𑒁𑒕𑒱। 𑒖𑒰𑒢𑒪𑒏 𑒃𑒞𑒱𑒯𑒰𑒮, 𑒧𑒢𑒳𑒏𑓂𑒐𑒏 𑒢𑒱𑒭𑓂𑒚𑒳𑒩𑒞𑒰। 𑒏𑒼𑒢𑒰 𑒧𑒯𑒰𑒫𑒢 𑒢𑒱𑒩𑓂𑒫𑒱𑒔𑒰𑒩, 𑒅𑒖𑒰𑒩, 𑒅𑒔𑓂𑒕𑒢𑓂𑒢 𑒦𑒹𑒪। 𑒣𑒼𑒮𑒳𑒂 (!) 𑒑𑒰𑒕 𑒥𑒱𑒮𑒩𑒪 𑒦𑒰𑒭𑒰। 𑒠𑒧𑒨𑒢𑓂𑒞𑒲𑒏𑒹𑒿 𑒔𑒹𑒞𑒾𑒢𑒲-𑒧𑒢𑒳𑒭𑓂𑒨𑒣𑒩 𑒫𑒱𑒬𑓂𑒫𑒰𑒮 𑒢𑒯𑒱 𑒏𑒩𑒴, 𑒏𑒟𑒰-𑒏𑒫𑒱𑒞𑒰-𑒁𑒤𑒫𑒰𑒯𑒮𑒿 𑒥𑒰𑒢𑓂𑒯𑒞 𑒍। 𑒢𑒯𑒱 𑒣𑒰𑒩 𑒏𑒩𑒴 𑒥𑒼𑒢। 𑒂 𑒮𑒹 𑒦𑒹𑒢𑒹 𑒮𑒦 𑒙𑒰 𑒑𑒰𑒕 𑒪𑒱𑒐𑒞 𑒠𑒧𑒨𑒢𑓂𑒞𑒲𑒏𑒹𑒿 𑒪𑓄 𑒏𑓄 𑒣𑒯𑒱𑒪 𑒏𑒫𑒱𑒞𑒰। 𑒣𑓂𑒩𑒬𑓂𑒢𑒰𑒫𑒪𑒲- 𑒧𑒹 𑒁𑒔𑒪 𑒁𑒢𑓂𑒞𑒱𑒧 𑒩𑒰𑒞𑒱 𑒨𑒻𑒯? 𑒑𑒲𑒞𑒏 𑒁𑓀𑒞𑒱𑒧 𑒣𑒰𑒿𑒞𑒱 𑒨𑒻𑒯? 𑒂 𑒯𑒧𑒩 𑒏𑒫𑒱𑒞𑒰 𑒣𑒜𑓃𑒱 𑒮𑒏𑒻 𑒕𑒲? 𑒯𑒧𑒩 𑒁𑓀𑒞𑒱𑒧 𑒠𑒱𑒫𑒮 𑒨𑒻𑒯? 𑒏𑒱𑒕𑒳 𑒏𑒩𑒥𑒰𑒏 𑒂𑒥 𑒫𑒱𑒫𑒬𑒞𑒰 (!) 𑒞𑒢 𑒦𑓂𑒩𑒧𑒱𑒞, 𑒏𑒼𑒢 𑒠𑒩𑒱𑒠𑓂𑒩 (𑒞𑒞𑓂𑒏𑓂𑒭𑒝 𑒁𑒢𑒳𑒦𑒴𑒞𑒱) 𑒏𑒲? 𑒮𑒴𑒞𑒱 𑒮𑒯𑒪 𑒩𑒯𑒪 𑒏𑒲? 𑒯𑒧𑒩 𑒂𑒐𑒩𑒏 𑒦𑒫𑒱𑒞𑒫𑓂𑒨? 𑒁𑒬𑒰𑒢𑓂𑒞 𑒦𑓂𑒩𑒧𑒩 𑒧𑒢𑒏 𑒫𑒱𑒯𑓀𑒑𑒧, 𑒁𑒖𑒩 𑒣𑓂𑒩𑒹𑒧𑒏 𑒡𑒰𑒩 𑒮𑒢। 𑒦𑒲𑒞𑒩 𑒅𑒑𑒻𑒞 𑒬𑒥𑓂𑒠- 𑒧𑒹 𑒬𑒥𑓂𑒠𑒏 𑒡𑓂𑒫𑒢𑒱 𑒞𑒹𑒯𑒢 𑒮𑒢 𑒖𑒹𑒢𑒰 𑒑𑒳𑒤𑒰𑒧𑒹 𑒥𑒻𑒮𑒱 𑒏𑒹𑒍 𑒏𑒰𑒢𑒱 𑒩𑒯𑒪। 𑒣𑒯𑒰𑒛𑓃𑒏 𑒬𑒱𑒐𑒩𑒏 𑒚𑒯𑒰𑒏𑒰। 𑒠𑒥𑒪𑒹 𑒣𑒋𑒩 𑒁𑒋𑒥𑒰𑒏 𑒂𑒯𑒙𑒱, 𑒪𑒱𑒤𑒰𑒤 𑒐𑒼𑒪𑒥𑒰𑒏 𑒁𑒥𑒰𑒖। 𑒣𑒞𑓂𑒩𑒏 𑒮𑒦𑒙𑒰 𑒣𑒰𑒿𑒞𑒱𑒮𑒿 𑒐𑒠𑒥𑒠 𑒏𑒩𑒻𑒞 𑒬𑒥𑓂𑒠। 𑒂 𑒥𑒯𑒱𑒢𑒏 𑒥𑒯𑒻𑒞 𑒢𑒼𑒩 𑒠𑒹𑒩𑒲𑒮𑒿 𑒥𑒴𑒗𑒥। 𑒫𑒰𑒏𑓂𑒨𑒏 𑒦𑒮𑒱𑒨𑒰𑒨𑒥, 𑒬𑒹𑒭 𑒂𑒏𑒱 𑒮𑒧𑒰𑒮 𑒢𑒯𑒱 𑒥𑒢𑒥, 𑒧𑒼𑒬𑒏𑒱𑒪𑒮𑒿 𑒥𑒴𑒗𑒥 𑒙𑒴𑒙𑒪 𑒩𑒲𑒜𑓃𑒏 𑒯𑒛𑓂𑒛𑒲𑒏 𑒧𑒩𑓂𑒧𑒩 𑒧𑒳𑒠𑒰 𑒏𑒚𑒳𑒂𑒋𑒪 𑒏𑒫𑒱𑒏𑒹𑒿 𑒒𑒱𑒮𑒱𑒁𑒥𑒻𑒞 𑒏𑓀𑒚 𑒣𑒏𑒛𑓃𑒱। 𑒏𑒫𑒱𑒞𑒰𑒧𑒹 𑒧𑒳𑒠𑒰 𑒮𑒳𑒢𑒪-𑒑𑒧𑒪-𑒥𑒳𑒗𑒪 𑒫𑒮𑓂𑒞𑒳𑒏 𑒂𑒦𑒰𑒭 𑒥𑒢𑒱 𑒁𑒋𑒥। 𑒁𑒣𑒢𑒯𑒱 𑒦𑒲𑒞𑒩𑒮𑒿 𑒥𑒯𑒩𑒋𑒪 𑒧𑒳𑒠𑒰 𑒋𑒯𑒱 𑒬𑒥𑓂𑒠 𑒮𑒦𑒏𑒹𑒿 𑒣𑒩𑒱𑒫𑒩𑓂𑒞𑒢 𑒏𑒩𑒥𑒰𑒏 𑒁𑒡𑒱𑒏𑒰𑒩 𑒏𑒫𑒱𑒏𑒹𑒿 𑒮𑒹𑒯𑒼 𑒢𑒯𑒱। 𑒧𑒰𑒞𑓂𑒩 𑒔𑒳𑒧𑓂𑒥𑒢 𑒣𑓂𑒩𑒹𑒧𑒏 𑒧𑒻𑒟𑒳𑒢𑒏 𑒁𑒡𑒱𑒏𑒰𑒩। 𑒧𑒳𑒠𑒰 𑒧𑒢𑓂𑒟𑒢 𑒑𑓂𑒩𑒢𑓂𑒟𑒢𑒏 𑒂 𑒢𑒯𑒱 𑒏𑒼𑒢𑒼 𑒒𑒵𑒝𑒰 𑒏𑓂𑒩𑒼𑒡𑒏 𑒁𑒡𑒱𑒏𑒰𑒩। 𑒂 𑒞𑒏𑒩𑒰 𑒮𑒖𑒰 𑒮𑒏𑒻𑒞 𑒕𑒲 𑒤𑒴𑒪-𑒣𑒰𑒞𑒮𑒿, 𑒫𑒹𑒝𑒲 𑒑𑒴𑒯𑒱 𑒮𑒏𑒻 𑒕𑒲 𑒩𑒰𑒞𑒳𑒏 𑒣𑒯𑒩। 𑒮𑒹𑒅𑓀𑒟 𑒔𑒧𑒏𑒰 𑒮𑒏𑒻 𑒕𑒲 𑒣𑒯𑒱𑒪 𑒮𑒳𑒩𑒳𑒖𑒏 𑒪𑒰𑒪𑒲𑒮𑒿, 𑒑𑒩𑒰𑒏 𑒮𑒱𑒓𑒩𑒯𑒰𑒩, 𑒅𑒭𑓂𑒧 𑒫𑒵𑒏𑓂𑒭𑒏 𑒫𑒪𑓂𑒏𑒪 𑒬𑒥𑓂𑒠 𑒬𑒩𑒲𑒩𑒣𑒩 𑒒𑒙𑒱𑒞 𑒦𑒹𑒪 𑒞𑒟𑓂𑒨𑒏 𑒮𑒢𑓂𑒧𑒰𑒢।–𑒄 𑒏𑒫𑒱𑒞𑒰 𑒏𑒫𑒱 𑒃𑒪𑒰𑒩𑒰𑒢𑒲 𑒮𑒱𑓀𑒯𑒏𑒹𑒿 𑒏𑒫𑒱 𑒠𑓂𑒫𑒰𑒩𑒰 𑒮𑒧𑒩𑓂𑒣𑒱𑒞 𑒕𑒢𑓂𑒯𑒱। 𑒖𑒰𑒢𑒪-𑒣𑒯𑒱𑒔𑒰𑒢𑒪- 𑒧𑒹 𑒬𑒩𑒲𑒩𑒏𑒹𑒿 𑒣𑒢𑓂𑒢𑒰𑒏-𑒣𑒢𑓂𑒢𑒰 𑒣𑒜𑓃𑒥 𑒂 𑒖𑒲𑒫𑒢𑒏 𑒪𑒰𑒑𑒥 𑒖𑒰𑒢𑒪 𑒣𑒯𑒱𑒔𑒰𑒢𑒪। 𑒞𑒯 𑒂 𑒑𑒯𑓂𑒫𑒩𑒏 𑒑𑒲𑒞 𑒂 𑒏𑒫𑒱 𑒠𑓂𑒫𑒰𑒩𑒲𑒋 𑒏𑒯𑒥 - 𑒯𑒳𑒢𑒏𑒩 𑒫𑒱𑒬𑓂𑒫𑒰𑒮 𑒯𑒧𑒩 𑒬𑒥𑓂𑒠𑒣𑒩 𑒮𑒿 𑒯𑒙𑒥। 𑒂 𑒧𑒰𑒞𑓂𑒩 𑒮𑓂𑒣𑒩𑓂𑒬𑒏 𑒦𑒰𑒭𑒰- 𑒋𑒏𑒙𑒰 𑒑𑓂𑒩𑒰𑒧𑒲𑒝 𑒁𑒢𑒳𑒦𑒴𑒞𑒱 𑒫𑓂𑒨𑒳𑒞𑓂𑒣𑒞𑓂𑒞𑒱 𑒢𑒯𑒱 𑒠𑓄 𑒮𑒏𑒻𑒞 𑒁𑒕𑒱 𑒏𑒹𑒍, 𑒞𑒏𑒩𑒰 𑒖𑒲𑒥𑒻 𑒕𑒲। 𑒮𑒧𑒰𑒩𑓂𑒟𑒣𑒠- 𑒮𑒣𑒢𑒰𑒏 𑒢𑒯𑒱 𑒥𑒰𑒖𑒥, 𑒥𑒖𑒻𑒞 𑒞𑒿 𑒁𑒯𑒰𑒿𑒏 𑒮𑒦𑒙𑒰 𑒢𑒰𑒧 𑒮𑒳𑒢𑒥𑒻𑒞, 𑒏𑒫𑒱𑒏 𑒁𑒢𑒳𑒧𑒰𑒢। 𑒬𑒥𑓂𑒠-𑒢𑒹 𑒡𑒰𑒞𑒳𑒧𑒹 𑒠𑒳𑒩𑓂𑒥𑒪𑒞𑒰 𑒢𑒹 𑒅𑒣𑒮𑒩𑓂𑒑-𑒣𑓂𑒩𑒞𑓂𑒨𑒨𑒏 𑒁𑒦𑒰𑒫। 𑒢𑒯𑒱 𑒞𑒿 𑒅𑒔𑒩𑒱 𑒮𑒏𑒻𑒞 𑒣𑓂𑒩𑒞𑒱𑒬𑒥𑓂𑒠 (𑒔𑒪𑒱 𑒑𑒹𑒪 𑒕𑒟𑒱 𑒁𑒬𑓂𑒫𑒐𑒳𑒩𑒏 𑒮𑓀𑒑𑒹 𑒁𑒬𑓂𑒩𑒫𑓂𑒨 𑒠𑒩𑓂𑒬𑒢𑒏 𑒦𑒰𑒭𑒰 𑒁𑒕𑒱 𑒞𑒏𑒩)। 𑒂 𑒞𑒰𑒯𑒱 𑒪𑒹𑒪 𑒢𑒫 𑒁𑒧𑒩𑒏𑒼𑒭, 𑒢𑒫 𑒏𑒫𑒱𑒞𑒰 𑒪𑒱𑒐𑒋 𑒣𑒛𑓃𑒞। 𑒁𑓀𑒏𑒳𑒩- 𑒔𑒰𑒩𑒱 𑒙𑒰 𑒏𑒫𑒱𑒞𑒰𑒏 𑒥𑒲𑒂𑒏 𑒧𑒼𑒢𑒧𑒹 𑒅𑒑𑒥 𑒂 𑒞𑒰𑒯𑒱𑒧𑒹 𑒣𑓂𑒩𑒹𑒧𑒏 𑒬𑒥𑓂𑒠𑒏 𑒪𑒱𑒐𑒥। 𑒂 𑒍𑒏𑒩𑒰 𑒞𑒹𑒯𑒢 𑒣𑓂𑒩𑒬𑓂𑒢𑒧𑒹 𑒢𑒹 𑒍𑒗𑒩𑒰 𑒠𑒱𑒨𑒾𑒏 𑒖𑒏𑒩 𑒅𑒞𑓂𑒞𑒩 𑒯𑒧𑒩𑒼 𑒥𑒴𑒗𑒪 𑒢𑒯𑒱 𑒁𑒕𑒱। 𑒮𑒳𑒢𑒻𑒞 𑒑𑒣𑓂𑒣 𑒁𑒣𑒢𑒯𑒱 𑒋𑒏𑓂𑒏𑒹 𑒮𑓀𑒑 𑒔𑒰𑒩𑒱-𑒔𑒰𑒩𑒱 𑒙𑒰 𑒏𑒫𑒱𑒏𑒹𑒿 𑒥𑒰𑒿𑒙𑒱 𑒠𑒹𑒢𑒹 𑒬𑒥𑓂𑒠 𑒮𑒧𑓂𑒣𑒠𑒰। 𑒂 𑒞𑒻𑒨𑒼 𑒋𑒯𑒱 𑒔𑒰𑒩𑒴𑒏𑒹𑒿 𑒧𑒱𑒪𑒰𑒏𑓄 𑒑𑒰𑒋𑒥 𑒂 𑒣𑓂𑒩𑒹𑒧𑒏 𑒂𑓀𑒏𑒳𑒩𑒏 𑒅𑒑𑒥। 𑒏𑒞𑓂𑒞𑒹 𑒥𑒩𑒮𑒏 𑒥𑒰𑒠- 𑒧𑒹 𑒚𑒰𑒜𑓃 𑒁𑒯𑒰𑒿 𑒮𑒥𑒯𑒏 𑒁𑓀𑒑𑒢𑒰𑒣𑒩 𑒋𑒏𑒙𑒰 𑒏𑒫𑒱𑒞𑒰 𑒣𑒜𑓃𑓄 𑒠𑒹𑒥, 𑒢𑒹𑒢𑒣𑒢𑒹𑒧𑒹 𑒦𑒑𑒰 𑒠𑒹𑒢𑒹 𑒕𑒪𑒯𑒳𑒿, 𑒕𑓀𑒠𑒦𑓀𑒑𑒏 𑒖𑒳𑒩𑓂𑒧𑒰𑒢𑒰 (!) 𑒕𑒪। 𑒂 𑒞𑒰𑒯𑒱𑒧𑒹 𑒂𑒢 𑒔𑒲𑒖𑒏 𑒮𑓀𑒑 𑒩𑒯𑒟𑒱 𑒠𑒳𑒐𑒲 𑒠𑒰𑒃, 𑒕𑒚𑒱𑒏 𑒢𑒯𑒱 𑒏𑒼𑒢𑒼 𑒖𑒼𑒑𑒰𑒩, 𑒮𑒰𑒪𑒏 𑒧𑒰𑒞𑓂𑒩 𑒔𑒰𑒩𑒱𑒙𑒰 𑒧𑒰𑒮𑒏 𑒁𑒢𑓂𑒢-𑒦𑒳𑒙𑒏𑒪 𑒁𑒢𑒼𑒢 𑒁𑒪𑓂𑒯𑒳𑒂 𑒞𑓂𑒩𑒰𑒞𑒰। 𑒯𑒧𑒩𑒰 𑒋𑒑𑒼 𑒏𑒫𑒱𑒞𑒰 𑒣𑒜𑓃𑓄 𑒠𑒹𑒥। 𑒏𑒱𑒌 𑒢𑒯𑒱 𑒪𑒱𑒐𑒻 𑒕𑒲?- 𑒣𑒴𑒩𑓂𑒝 𑒫𑒱𑒩𑒰𑒧। 𑒢𑒯𑒱 𑒂𑒥 𑒋𑒏𑒼 𑒣𑒰𑒿𑒞𑒱 𑒁𑒯𑒰𑒿𑒏 𑒢𑒰𑒧। 𑒏𑒟𑒲 𑒪𑒹 𑒄 𑒖𑒱𑒠𑓂𑒠 𑒖𑒹 𑒪𑒱𑒐𑒥𑒹 𑒏𑒩𑒲 𑒣𑓂𑒩𑒹𑒧 𑒣𑒞𑓂𑒩, 𑒁𑒢𑒏𑒩 𑒥𑒢𑒰𑒨𑒪 𑒁𑒏𑓂𑒭𑒩𑒧𑒹। 𑒔𑒜𑓃𑒰 𑒏𑓄 𑒩𑓀𑒑, 𑒁𑒩𑓂𑒟, 𑒫𑒮𑓂𑒞𑓂𑒩, 𑒫𑓂𑒨𑒰𑒏𑒳𑒪𑒞𑒰। 𑒮𑒳𑒐𑒰𑒃𑒞 𑒚𑒼𑒩, 𑒞𑒩𑒥𑒰𑒣𑒩 𑒐𑒹𑒪𑒰𑒃𑒞 𑒂𑓀𑒑𑒳𑒩𑒏 𑒦𑒰𑒭𑒰, 𑒁𑒠𑓂𑒦𑒳𑒞 𑒁𑒢𑓂𑒞𑒩𑓂𑒠𑒹𑒬𑒲 𑒬𑒥𑓂𑒠 𑒮𑒦 𑒂 𑒞𑒏𑒩 𑒫𑒱𑒢𑓂𑒨𑒰𑒮। 𑒞𑒐𑒢 𑒣𑒞𑓂𑒩 𑒢𑒯𑒱 𑒪𑒱𑒐𑒥𑒰𑒏 𑒢𑒯𑒱 𑒠𑒹𑒥 𑒅𑒣𑒩𑒰𑒑। 𑒩𑒰𑒖𑒯𑓀𑒮- 𑒏𑒫𑒱𑒞𑒰𑒏 𑒩𑒰𑒖𑒯𑓀𑒮, 𑒬𑒩𑒲𑒩𑒮𑒿 𑒁𑒯𑒰𑒿𑒏 𑒠𑒴𑒩 𑒔𑒪𑒱 𑒪𑒻𑒏 𑒠𑒴 𑒛𑒹𑒑। 𑒅𑒪𑓂𑒏𑒰𑒣𑒰𑒞 𑒂𑒠𑒱𑒏 𑒠𑓂𑒫𑒰𑒩𑒹 𑒁𑒫𑒏𑒰𑒮 𑒢𑒯𑒱 𑒦𑒹𑒙𑒪 𑒁𑒕𑒱 𑒍𑒏𑒩𑒰। 𑒂 𑒬𑒩𑒲𑒩𑒼 𑒞𑒼𑒯𑒩 𑒥𑒹𑒥𑒯𑒰𑒩 𑒢𑒯𑒱 𑒦𑒹𑒪 𑒕𑒾𑒏। 𑒍𑒏𑒩𑒰 𑒏𑒯𑒥𑒻 𑒋𑒏 𑒥𑒹𑒩 𑒅𑒛𑓃𑒥𑒰 𑒪𑒹𑒪 𑒞𑒼𑒩𑒰 𑒮𑓀𑒑। 𑒖𑒰𑒡𑒩𑒱 𑒮𑒯𑒱 𑒮𑒏𑒞 𑒞𑒼𑒯𑒩 𑒍𑒖𑒢। 𑒢𑒼𑒩𑒏 𑒥𑒳𑒢𑓂𑒢 𑒏𑒫𑒱𑒏 𑒅𑒣𑒧𑒰 𑒢𑒳𑒏𑒰𑒨𑒪 𑒖𑒹 𑒂𑒿𑒔𑒩 𑒞𑒩 𑒞𑒩𑒥𑒰𑒣𑒩 𑒏𑒯𑒥𑒻 𑒩𑒰𑒖𑒯𑓀𑒮𑒏𑒹𑒿 𑒩𑒰𑒐𑒱 𑒠𑒻 𑒖𑒱𑒖𑓂𑒘𑒰𑒮𑒰 𑒨𑒳𑒫𑒞𑒲 𑒖𑒹 𑒥𑒢𑒱 𑒑𑒹𑒪𑒻। 𑒁𑒢𑓂𑒯𑒹𑒩- 𑒔𑒱𑒛𑓃𑒻 𑒏𑒯𑒪𑒏𑒢𑓂𑒯𑒱, 𑒢𑒯𑒱 𑒥𑒰𑒖𑒴 𑒏𑒱𑒕𑒳𑒍 𑒑𑒼𑒣𑒢𑒲𑒨, 𑒢𑒯𑒱 𑒞𑒿 𑒁𑒢𑓂𑒯𑒹𑒩 𑒦𑓄 𑒖𑒋𑒞। 𑒏𑒰𑒪𑓂𑒯𑒱 𑒩𑒰𑒞𑒳𑒏 𑒣𑒯𑒩 𑒏𑒫𑒱𑒞𑒰 𑒂𑒨𑒪 𑒕𑒪𑒲 𑒂 𑒯𑒹𑒩𑒰 𑒑𑒹𑒪𑒲 𑒑𑒠𑓂𑒨𑒏 𑒦𑒲𑒛𑓃𑒧𑒹। 𑒂 𑒑𑒼𑒣𑒢𑒲𑒨 𑒃𑒞𑒱𑒯𑒰𑒮 𑒣𑒰𑒣 𑒣𑓂𑒩𑒝𑒨𑒮𑒿 𑒣𑒩𑒱𑒝𑒨 𑒡𑒩𑒱𑒏 𑒠𑒴𑒩𑒲 𑒂 𑒋𑒯𑒢𑒹 𑒮𑒢। 𑒏𑒱𑒌𑒏 𑒒𑒥𑒛𑓃𑒰𑒃𑒞 𑒕𑒲। 𑒏𑓂𑒨𑒼 𑒢𑒯𑒱 𑒣𑒴𑒕𑒞 𑒁𑒯𑒰𑒿𑒏 𑒢𑒰𑒧। 𑒢𑒯𑒱 𑒣𑒴𑒕𑒞, 𑒔𑒱𑒛𑓃𑒻 𑒥𑒞𑒰 𑒏𑒲 𑒖𑒢𑒻 𑒕𑒪𑒹𑒿 𑒏𑒫𑒱 𑒠𑓄 𑒖𑒏𑒩 𑒏𑒥𑒩 𑒋𑒐𑒢𑒯𑒱 𑒐𑒼𑒡𑒪 𑒑𑒹𑒪 𑒁𑒕𑒱। 𑒋𑒏 𑒁𑒯𑒲𑓀 𑒕𑒲- 𑒏𑒋𑒏 𑒥𑒹𑒩 𑒁𑒯𑒰𑒿𑒏𑒹𑒿 𑒥𑒖𑒰 𑒏𑓄 𑒠𑒹𑒐𑒢𑒹 𑒕𑒲 𑒏𑒫𑒱𑒞𑒰𑒧𑒹। 𑒧𑒳𑒠𑒰 𑒒𑒳𑒩𑒱𑒨𑒼 𑒏𑓄 𑒢𑒯𑒱 𑒠𑒹𑒐𑒻 𑒕𑒲 𑒁𑒯𑒰𑒿। 𑒧𑒰𑒧𑒴𑒪𑒲 𑒣𑓂𑒩𑒹𑒧𑒏 𑒠𑒮𑓂𑒞𑒰𑒫𑒹𑒖 𑒢𑒯𑒱 𑒖𑒰𑒯𑒱𑒧𑒹 𑒪𑒰𑒦-𑒯𑒰𑒢𑒱𑒏 𑒯𑒱𑒮𑒰𑒥 𑒩𑒯𑒞 𑒪𑒱𑒐𑒪। 𑒢𑒹 𑒮𑒰𑒡𑒰𑒩𑒝 𑒢𑒱𑒧𑓀𑒞𑓂𑒩𑒝 𑒢𑒹 𑒧𑒰𑒧𑒴𑒪𑒲 𑒪𑒼𑒏𑒏 𑒦𑒼𑒖𑓂𑒨 𑒫𑒮𑓂𑒞𑒳। 𑒁𑒯𑒰𑒿𑒏𑒹𑒿 𑒏𑒫𑒱𑒞𑒰𑒧𑒹 𑒋𑒏𑒙𑒰 𑒢𑒰𑒧 𑒠𑒹𑒢𑒹 𑒕𑒲 𑒖𑒹 𑒔𑒱𑒛𑓃𑒻 𑒔𑒳𑒢𑒧𑒳𑒢 𑒅𑒔𑒩𑒱 𑒮𑒏𑒻 𑒕𑒪। 𑒋𑒯𑒢 𑒢𑒯𑒱 𑒖𑒏𑒩𑒰𑒣𑒩 𑒮𑒢𑒮𑒢𑒰𑒃𑒞 𑒏𑒟𑒰 𑒥𑒢𑒱 𑒮𑒏𑒞। 𑒧𑒳𑒠𑒰 𑒁𑒯𑒰𑒿 𑒏𑒱𑒕𑒳 𑒥𑒖𑒱𑒞𑒹 𑒢𑒹 𑒕𑒲। 𑒣𑒳𑒩𑒰𑒞𑒢 𑒣𑓂𑒩𑒹𑒧- 𑒧𑒰𑒿𑒑𑒱 𑒩𑒯𑒪 𑒑𑒲𑒞𑒏 𑒠𑒰𑒧। 𑒏𑒩𑒻𑒞 𑒣𑓂𑒩𑒬𑓂𑒢-𑒅𑒞𑓂𑒞𑒩 (𑒧𑒳𑒠𑒰 𑒣𑓂𑒩𑒏𑒵𑒞𑒱𑒏 𑒣𑒰𑒚𑒬𑒰𑒪𑒰𑒧𑒹 𑒏𑒞𑓂𑒞𑓄 𑒞𑒏𑒩 𑒑𑒳𑓀𑒖𑒰𑒃𑒬?) 𑒮𑒲𑒧𑒱𑒞 𑒣𑒳𑒩𑒰𑒞𑒢 𑒣𑓂𑒩𑒹𑒧, 𑒣𑒰𑒚𑓂𑒨𑒣𑒳𑒮𑓂𑒞𑒏𑒮𑒿 𑒃𑒞𑒱𑒯𑒰𑒮𑒏 𑒣𑒰𑒚 𑒡𑒩𑒱। 𑒣𑒳𑒕𑒻𑒋 𑒣𑓂𑒩𑒬𑓂𑒢-𑒣𑒳𑒩𑒢𑒏𑒰 𑒬𑒥𑓂𑒠𑒏 𑒫𑒰𑒏𑓂𑒨𑒧𑒹 𑒣𑓂𑒩𑒨𑒼𑒑। 𑒮𑒦𑒙𑒰 𑒫𑒰𑒏𑓂𑒨 𑒮𑒞𑓂𑒨 𑒁𑒕𑒱 𑒫𑒰 𑒤𑒴𑒮𑒱। 𑒦𑒰𑒫𑒰𑒩𑓂𑒟 𑒏𑒯𑒴...। 𑒧𑒳𑒠𑒰 𑒂𑒥 𑒯𑒧 𑒦𑒹𑒪𑒯𑒳𑒿 𑒔𑒪𑒰𑒏।..𑒣𑒜𑓃𑒱 𑒮𑒏𑒻 𑒕𑒲 𑒧𑒢𑓂𑒠𑒰𑒏𑓂𑒩𑒰𑒢𑓂𑒞𑒰 𑒕𑒢𑓂𑒠𑒏 𑒫𑓂𑒨𑒟𑒰। 𑒢𑒰𑒣𑒱 𑒮𑒏𑒻 𑒕𑒲 𑒬𑒳𑒠𑓂𑒡 𑒡𑒻𑒫𑒞𑓂 𑒏 𑒣𑒰𑒞𑒱𑒫𑓂𑒩𑒞𑓂𑒨। 𑒯𑒧𑒩 𑒬𑒼𑒝𑒱𑒞 𑒔𑒲𑒢𑓂𑒯𑒱 𑒑𑒹𑒪 𑒁𑒕𑒱 𑒖𑒲𑒫𑒢-𑒑𑒝𑒱𑒞𑒏 𑒥𑒩𑓂𑒥𑒩𑒞𑒰𑒏𑒹𑒿 𑒚𑒲𑒏𑒹। 𑒏𑒧 𑒥𑒖𑒻 𑒕𑒲, 𑒥𑒖𑒥𑒼 𑒏𑒩𑒻 𑒕𑒲 𑒞𑒿 𑒦𑒴𑒞𑒏𑒰𑒪 𑒠𑓄 𑒢𑒯𑒱 𑒁𑒢𑒰𑒯𑒞-𑒁𑒢𑒰𑒑𑒞 𑒣𑓂𑒩𑒹𑒞𑒏𑒰𑒪 𑒠𑒱𑒮। 𑒁𑒏𑒟𑒱𑒞-𑒁𑒢𑒴𑒠𑒱𑒞 𑒁𑒢𑒳𑒦𑒴𑒞𑒱 𑒠𑒱𑒮 𑒥𑒜𑓃𑒻𑒞 𑒠𑒩𑓂𑒬𑒢 𑒯𑒧𑒩। 𑒧𑒪𑒱𑒕𑒰𑒯 𑒏𑓄 𑒠𑒹𑒪𑒏, 𑒏𑒹𑒞𑒰𑒩𑒲 𑒐𑒹𑒞𑒏 𑒁𑒜𑓃, 𑒦𑒳𑒞𑒱𑒂𑒋𑒪 𑒧𑒰𑒪-𑒖𑒰𑒪 𑒂 𑒣𑒳𑒩𑒢𑒏𑒰 𑒣𑓂𑒩𑒹𑒧। 𑒔𑒰𑒯- 𑒖𑒹 𑒯𑒧𑒩𑒰 𑒏𑒱𑒕𑒳 𑒔𑒰𑒯𑒲, 𑒂 𑒯𑒧𑒩𑒰 𑒔𑒰𑒯𑒥𑒹 𑒏𑒲 𑒏𑒩𑒲। 𑒁𑒯𑒰𑒿 𑒁𑒢𑒢𑓂𑒞, 𑒫𑒱𑒬𑒹𑒭𑒝𑒮𑒿 𑒯𑒙𑒱𑒏𑓄, 𑒯𑒧𑒩 𑒧𑒼𑒢𑒏 𑒑𑒣 𑒣𑒴𑒩 𑒏𑒩𑒥 𑒞𑒞𑓂𑒏𑓂𑒭𑒝। 𑒂 𑒖𑒹 𑒯𑒧 𑒔𑒰𑒯𑒥 𑒞𑒰𑒫𑒞𑓂 𑒣𑓂𑒩𑒞𑓂𑒨𑒨 𑒋𑒯𑒱 𑒣𑓂𑒩𑒣𑓀𑒔𑒏, 𑒯𑒧𑒩 𑒖𑒱𑒢𑒑𑒲 𑒮𑒳𑒣𑓂𑒞𑒱𑒓𑒢𑓂𑒞𑒧𑓂, 𑒂 𑒥𑒰𑒢𑓂𑒯𑒪 𑒣𑒠𑒥𑒢𑓂𑒡 , 𑒒𑒙𑒪 𑒢𑒱𑒒𑒝𑓂𑒙𑒳। 𑒠𑓄 𑒮𑒏𑒻 𑒕𑒲 𑒯𑓂𑒩𑒮𑓂𑒫, 𑒁𑒞𑒱 𑒯𑓂𑒩𑒮𑓂𑒫, 𑒍𑓀𑒏𑒰𑒩 𑒇𑒔𑒰 𑒂𑒏𑒰𑒩। 𑒯𑒧𑒩 𑒕𑒼𑒙 𑒧𑒼𑒙 𑒂𑒏𑒰𑓀𑒏𑓂𑒭𑒰, 𑒦𑒰𑒭𑒰 𑒦𑒰𑒫𑒢𑒰 𑒫𑒹𑒠𑒢𑒰 𑒁𑒢𑒱𑒨𑒧𑒱𑒞, 𑒃𑒧𑒢-𑒏𑒪𑓂𑒨𑒰𑒝𑒏 𑒑𑒧𑒏 𑒢𑒱𑒨𑓀𑒞𑓂𑒩𑒱𑒞। 𑒯𑒧𑒩 𑒣𑒞𑒱𑒏 𑒪𑒹𑒪-𑓑- 𑒁𑒯𑒰𑒿𑒏 𑒒𑒩𑒏 𑒔𑒰𑒩𑒧𑒹 𑒦𑒹𑒪 𑒦𑒴𑒩, 𑒏𑒚𑒼𑒩 𑒮𑒩𑓂𑒠 𑒫𑒰𑒨𑒳 𑒮𑒹𑒩𑒰 𑒠𑒹𑒪𑒏 𑒧𑒰𑒛𑓃 𑒂 𑒁𑒏𑒰𑒮𑒲 𑒢𑒼𑒩 𑒯𑒧𑒩 𑒁𑒪𑓂𑒯𑒳𑒂𑒏𑒹𑒿 𑒗𑒼𑒩𑒰 𑒠𑒹𑒪𑒏। 𑒦𑒲𑒖𑒪 𑒍𑒕𑒻𑒢, 𑒁𑒯𑒰𑒿 𑒢𑒱𑒮𑓂𑒥𑒠𑓂𑒡, 𑒄 𑒦𑒴𑒩 𑒏𑒩𑒞 𑒐𑒞𑒧 𑒁𑒯𑒰𑒿𑒏𑒹𑒿। 𑒂 𑒞𑒰𑒯𑒱 𑒫𑒱𑒢𑒰𑒬𑒏 𑒑𑒲𑒞𑒼 𑒞𑒿 𑒪𑒱𑒐𑒴 𑒁𑒣𑒢 𑒯𑒰𑒟𑒹𑒿। 𑒯𑒧𑒩 𑒣𑒞𑒱𑒏 𑒪𑒹𑒪-𑓒- 𑒍 𑒏𑒯𑒻 𑒕𑒟𑒱 𑒯𑒧𑒩 𑒮𑓂𑒟𑒰𑒢 𑒯𑒳𑒢𑒏𑒩 𑒧𑒰𑒟𑒣𑒩, 𑒧𑒳𑒠𑒰 𑒢𑒯𑒱 𑒩𑒯𑒥 𑒯𑒞𑒏𑒹𑒬𑒲 𑒬𑒱𑒐𑒰 𑒮𑓀𑒑। 𑒯𑒵𑒠𑒨𑒧𑒹, 𑒢𑒯𑒱 𑒩𑒯𑒥𑒰𑒏 𑒬𑓂𑒫𑒰𑒮𑒨𑓀𑒞𑓂𑒩 𑒮𑓀𑒑𑒹। 𑒂𑒿𑒐𑒱𑒧𑒹, 𑒢𑒯𑒱 𑒩𑒯𑒥𑒰𑒏 𑒔𑒬𑓂𑒧𑒰𑒏 𑒞𑒩𑒏 𑒢𑒼𑒩𑒏 𑒮𑓀𑒑। 𑒚𑒼𑒜𑓃𑒣𑒩, 𑒢𑒯𑒱 𑒥𑒢𑒥𑒰𑒏 𑒣𑒴𑒖𑒰𑒏 𑒖𑒣 𑒧𑒼𑒞𑒲। 𑒖𑒲𑒯𑒣𑒩 (𑒦𑒰𑒢𑒮𑒏 𑒮𑓂𑒫𑒰𑒠 𑒠𑓂𑒫𑒰𑒩𑒹!), 𑒯𑒿 𑒚𑒲𑒏𑒹, 𑒧𑒳𑒠𑒰 𑒋𑒯𑒱𑒮𑒿 𑒥𑒯𑒰𑒩 𑒯𑒼𑒋𑒥𑒰𑒏 𑒑𑒩। 𑒣𑒋𑒩𑒏 𑒖𑒳𑒞𑓂𑒞𑒰 𑒞𑒩, 𑒣𑒵𑒟𑓂𑒫𑒲𑒣𑒩, 𑒩𑒰𑒖𑒢𑒲𑒞𑒱 𑒥𑒳𑒗𑒻 𑒕𑒲। 𑒏𑒼𑒢𑒰 𑒖𑒳𑒞𑓂𑒞𑒰 𑒣𑒋𑒩 𑒞𑒩𑒮𑒿 𑒔𑒜𑓃𑒱 𑒁𑒥𑒻 𑒕𑒻 𑒧𑒰𑒟𑒣𑒩। 𑒮𑒹 𑒖𑒯𑒱𑒨𑒰 𑒥𑒳𑒗𑒱 𑒖𑒋𑒥 𑒞𑒿 𑒦𑒹𑒙𑒱 𑒖𑒋𑒞 𑒣𑓂𑒩𑒞𑒱𑒫𑒰𑒠𑒏 𑒣𑒯𑒱𑒪 𑒮𑒥𑒏। 𑒯𑒧𑒩 𑒣𑒞𑒱𑒏 𑒪𑒹𑒪-𑓓- 𑒢𑒯𑒱 𑒣𑒳𑒕𑒴 𑒫𑓂𑒨𑒰𑒏𑒩𑒝𑒏, 𑒪𑒱𑒣𑒱𑒏 𑒧𑒰𑒠𑒹𑒿। 𑒋𑒯𑒱 𑒏𑒫𑒱𑒞𑒰𑒏 ! 𑒏𑒲 𑒏𑒩𑒴 𑒂𑒑𑒱𑒧𑒹 𑒤𑒹𑒏𑒱 𑒠𑒲 𑒯𑒧, 𑒢𑒯𑒱 𑒏𑒯𑒴 𑒄 𑒮𑒦। 𑒢𑒱𑒩𑒏𑓂𑒭𑒩 𑒕𑒲 𑒞𑒹𑒿 𑒏𑒲। 𑒖𑒰𑒠𑒴-𑒕𑒛𑓃𑒲 𑒕𑒲 𑒒𑒳𑒧𑒰 𑒮𑒏𑒻𑒞। 𑒯𑒧𑒩𑒰𑒣𑒩 𑒖𑒹 𑒏𑒱𑒨𑒼 𑒪𑒱𑒐𑒞 𑒏𑒫𑒱𑒞𑒰 𑒂 𑒯𑒧𑒩 𑒔𑒱𑒞𑓂𑒞𑒣𑒩 𑒫𑓂𑒨𑒰𑒏𑒩𑒝 𑒞𑒿 𑒏𑒼𑒢 𑒂𑒬𑓂𑒔𑒩𑓂𑒨? 𑒢𑒯𑒱 𑒏𑒯𑒥 𑒋𑒏𑒩𑒰 𑒕𑒠𑓂𑒧𑒰𑒛𑓀𑒥𑒩! 𑒯𑒱𑒮𑒰𑒥- 𑒣𑒰𑒿𑒔 𑒙𑒰 𑒬𑒥𑓂𑒠 𑒯𑒱𑒩𑒱𑒨𑒰 𑒠𑒻 𑒕𑒻 𑒗𑒾𑒪𑒲𑒏𑒹𑒿 𑒦𑒼𑒩𑒧𑒹 𑒥𑒰𑒅𑒑 𑒏𑒩𑓄 𑒖𑒰𑒃𑒞 𑒏𑒰𑒪। 𑒁𑒢𑒼𑒢 𑒁𑒪𑓂𑒯𑒳𑒂 𑒮𑓀𑒑 𑒐𑒰𑒃𑒞 𑒋𑒏𑒙𑒰 𑒑𑒹𑒪, 𑒂𑒡 𑒙𑒰 𑒐𑒩𑓂𑒔 𑒦𑒹𑒪 𑒖𑒐𑒢 𑒦𑒳𑒮𑒯𑒳 𑒥𑒰𑒥𑒴 𑒥𑒩𑒐𑒰𑒧𑒹 𑒣𑒲𑒣𑒩𑒞𑒩 𑒠𑒹𑒯 𑒥𑒔𑒥𑒻𑒞 𑒍𑒏𑒩𑒰 𑒞𑒲𑒢 𑒪𑒰𑒞 𑒠𑒻𑒞 𑒕𑒟𑒱। 𑒥𑒔𑒪 𑒛𑒹𑒜𑓃, 𑒂 𑒛𑒹𑒜𑓃 𑒙𑒰 𑒥𑒰𑒢𑓂𑒯𑒪 𑒁𑒕𑒱 𑒩𑒰𑒐𑒪 𑒔𑒧𑒩𑒙𑒼𑒪𑒲𑒧𑒹 𑒔𑒳𑒯𑒛𑓃𑒰𑒏 𑒚𑒹𑒏𑒰𑒣𑒩 𑒅𑒡𑒰𑒩𑒏 𑒧𑒰𑒪 𑒣𑒲𑒥𑒰𑒏 𑒏𑒰𑒪। 𑒂 𑒬𑒹𑒭 𑒬𑒥𑓂𑒠 (𑒮𑒰𑒞 𑒑𑒳𑒢𑒰 𑒔𑒾𑒠𑒯 𑒑𑒼 𑒬𑒥𑓂𑒠!) 𑒍 𑒩𑒰𑒐𑒻𑒋 𑒯𑒰𑒙𑒧𑒹 𑒫𑒮𑓂𑒞𑒳𑒖𑒰𑒞 𑒏𑒱𑒢𑒥𑒰𑒏 𑒪𑒹𑒪। 𑒮𑒰𑒿𑒗 𑒡𑒩𑒱 𑒥𑒔𑒪𑒻 𑒢𑒯𑒱 𑒋𑒏𑒼𑒙𑒰 𑒬𑒥𑓂𑒠 𑒯𑒱𑒩𑒱𑒨𑒰𑒏 𑒏𑒩𑒹𑒖𑒣𑒩 𑒩𑒐𑒥𑒰 𑒪𑒹𑒪 𑒂 𑒞𑒐𑒢 𑒥𑒱𑒢𑒳 𑒬𑒥𑓂𑒠𑒏 𑒯𑒱𑒩𑒱𑒨𑒰 𑒏𑒼𑒢𑒰 𑒐𑒼𑒪𑒞 𑒏𑒩𑒹𑒖, 𑒩𑒯𑒱 𑒖𑒰𑒃𑒞 𑒁𑒕𑒱 𑒚𑒰𑒜𑓃 𑒍𑒮 𑒞𑒩, 𑒦𑒩𑒱 𑒩𑒰𑒞𑒱, 𑒁𑒓𑒢𑒹𑒧𑒹। 𑒂𑒞𑓂𑒧𑒏𑒟𑒢- 𑒁𑒯𑒰𑒿𑒏𑒹𑒿 𑒁𑒣𑒢 𑒧𑒼𑒢𑒏 𑒫𑒱𑒭𑒨𑒧𑒹 𑒏𑒱𑒕𑒳 𑒥𑒞𑒰𑒥𑒲, 𑒏𑒣𑒰𑒪𑒏𑒳𑓀𑒛𑒪। 𑒧𑒳𑒠𑒰 𑒯𑒛𑓃𑒞𑒰𑒪𑒲 𑒥𑒼𑒢𑒱𑒯𑒰𑒩 𑒖𑒢-𑒢𑒹𑒞𑒰𑒏 𑒪𑒹𑒪 𑒚𑒰𑒜𑓃 𑒏𑒋𑒪 𑒑𑒹𑒪𑒱 𑒑𑒱𑒞𑒯𑒰𑒩𑒱..। 𑒧𑒠𑒰𑒩𑒲 𑒣𑒜𑓃𑒻𑒞 𑒯𑒧𑒩𑒹 𑒏𑒫𑒱𑒞𑒰 𑒂 𑒯𑒧 𑒤𑒩𑒰𑒏 𑒛𑒰𑒿𑒛𑓃𑒧𑒹 𑒩𑒮𑓂𑒮𑒲 𑒣𑒯𑒱𑒩𑒢𑒹। 𑒞𑒐𑒢 𑒏𑒫𑒱𑒞𑒰𑒏 𑒁𑒞𑒱𑒩𑒱𑒏𑓂𑒞 𑒏𑒱𑒕𑒳 𑒑𑒣 𑒏𑒩𑒲। 𑒧𑒳𑒠𑒰 𑒢𑒹 𑒏𑒼𑒢𑒼 𑒩𑒮, 𑒢𑒹 𑒬𑒥𑓂𑒠, 𑒢𑒹 𑒣𑓂𑒩𑒯𑒰𑒩 𑒏𑒼𑒢𑒼 𑒥𑒔𑒪। 𑒢𑒹 𑒯𑒧𑒩 𑒏𑒼𑒢𑒼 𑒋𑒯𑒢 𑒢𑒰𑒧𑒹, 𑒥𑒛𑓂𑒛 𑒑𑒠𑓂𑒨𑒧𑒨 𑒖𑒲𑒫𑒢! 𑒔𑒪𑒴 𑒑𑒠𑓂𑒨𑒏 𑒔𑒯𑒩𑒠𑒹𑒥𑒰𑒩𑒲𑒏 𑒥𑒰𑒯𑒩𑒏 𑒏𑒱𑒕𑒳 𑒣𑓂𑒩𑒬𑓂𑒢- 𑒏𑒼𑒢 𑒣𑒳𑒩𑒳𑒭𑒏 𑒫𑒔𑒢𑒧𑒹 𑒍𑒗𑒩𑒰𑒋𑒪, 𑒏𑒰𑒪-𑒏𑒰𑒩𑒏𑒧𑒹 𑒍𑒗𑒩𑒪 𑒁𑒩𑒝𑓂𑒨𑒧𑒹। 𑒁𑒫𑓂𑒨𑒨𑒏 𑒫𑒱𑒢𑒰𑒬, 𑒫𑒱𑒬𑒹𑒭𑒝𑒏 𑒅𑒒𑒰𑒩𑒥 𑒣𑒩𑒱𑒡𑒹𑒨 𑒂 𑒫𑒱𑒬𑒹𑒭𑓂𑒨𑒏 𑒮𑒱𑓀𑒯𑒰𑒮𑒢𑒮𑒿 𑒅𑒞𑒰𑒩𑒥। 𑒅𑒣𑒮𑒩𑓂𑒑 𑒠𑒹𑒐𑒱 𑒧𑒢𑒏 𑒦𑒰𑒫 𑒥𑒳𑒗𑒥𑒰𑒏 𑒮𑒰𑒧𑒩𑓂𑒟𑓂𑒨 𑒥𑒪𑒰 𑒁𑒕𑒱 𑒏𑒱𑒨𑒼 ? 𑒥𑒰𑒢𑓂𑒯𑒪 𑒣𑒾𑒩𑒳𑒭𑒏 𑒖𑒙𑒰𑒖𑒰𑒪𑒧𑒹 𑒣𑒰𑒝𑒱𑒢𑒲 𑒁𑒯𑒰𑒿𑒏 𑒣𑒰𑒝𑒱। 𑒂 𑒏𑒩𑒞𑒰𑒯 𑒔𑒱𑒞𑓂𑒏𑒰𑒩 𑒧𑒯𑒹𑒬𑓂𑒫𑒩 𑒮𑒴𑒞𑓂𑒩𑒧𑒹 𑒖𑒹 𑒯𑒧 𑒁𑒯𑒰𑒿𑒮𑒿 𑒏𑒱𑒕𑒳 𑒥𑒰𑒖𑒲। 𑒂 𑒣𑒞𑓀𑒖𑒪𑒱 𑒂 𑒯𑒹𑒧𑒔𑒢𑓂𑒠𑓂𑒩 𑒠𑓂𑒫𑒰𑒩𑒰 𑒏𑒫𑒱𑒏𑒹𑒿 𑒠𑒥𑒰𑒩𑒥 𑒥𑒳𑒗𑒰𑒋𑒥 𑒧𑒡𑓂𑒨𑒧𑒣𑒳𑒩𑒳𑒭 𑒋𑒏𑒫𑒔𑒢 । 𑒞𑓂𑒫𑒧𑓂, 𑒞𑓂𑒫𑒰𑒧𑓂, 𑒞𑓂𑒫𑒨𑒰, 𑒞𑒳𑒦𑓂𑒨𑒧𑓂, 𑒞𑓂𑒫𑒞𑓂, 𑒞𑒫, 𑒞𑓂𑒫𑒨𑒱 । 𑒏𑒣𑒰𑒪𑒏𑒳𑓀𑒛𑒪𑒹, 𑒧𑒢𑒮𑒱𑒮𑒿 𑒖𑒞𑒋𑒮𑒿 𑒮𑒦 𑒢𑒱𑒁𑒧/ 𑒫𑒩𑓂𑒑/ 𑒪𑒏𑓂𑒭𑓂𑒨 𑒫𑒱𑒯𑒲𑒢 𑒂 𑒁𑒯𑒰𑒿 𑒧𑒡𑓂𑒨𑒧𑒹 𑒧𑒰𑒞𑓂𑒩 𑒋𑒏𑒫𑒔𑒢। 𑒁𑒯𑒲𑓀 𑒮𑒿 𑒣𑓂𑒩𑒹𑒧, 𑒒𑒵𑒝𑒰 𑒁𑒯𑒲𑓀 𑒮𑒿- 𑒁𑒯𑒲𑓀 𑒮𑒿 𑒣𑓂𑒩𑒹𑒧, 𑒒𑒵𑒝𑒰 (𑒁𑒯𑒲𑓀) 𑒮𑒿- 𑒁𑒢𑓂𑒞𑒱𑒧 𑒮𑒞𑓂𑒨𑒏 𑒠𑒱𑒢, 𑒠𑒱𑒁 𑒤𑒰𑒿𑒮𑒲 𑒞𑒐𑒢 𑒢𑒯𑒱 𑒮𑒳𑒢𑒱 𑒮𑒏𑒥 𑒯𑒧𑒩𑒰। 𑒯𑒧𑒩𑒰 𑒑𑒲𑒩𑒱 𑒪𑒹𑒥 𑒞𑒰𑒯𑒱𑒮𑒿 𑒣𑒯𑒱𑒢𑒹 𑒤𑒹𑒏𑒱 𑒠𑒹𑒥 𑒁𑒯𑒰𑒿𑒏𑒹𑒿। 𑒠𑒲𑒣 𑒮𑒦 𑒁𑒯𑒰𑒿 𑒪𑒑𑒮𑒿 𑒯𑒙𑒰 𑒠𑒹𑒢𑒹 𑒕𑒲। 𑒣𑓂𑒩𑒹𑒧 𑒏𑒩𑒻 𑒕𑒲, 𑒧𑒳𑒠𑒰 𑒒𑒵𑒝𑒰 𑒂𑒩 𑒥𑒹𑒬𑒲। 𑒂𑒿𑒐𑒱, 𑒯𑒰𑒟, 𑒠𑒳𑒢𑒳 𑒚𑒼𑒩𑒏 𑒁𑒢𑓂𑒞 𑒏𑒋𑒪। 𑒧𑒳𑒠 𑒞𑒻𑒨𑒼 𑒁𑒯𑒰𑒿𑒏 𑒯𑒿𑒮𑒲 𑒁𑒢𑒵𑒞 𑒬𑒥𑓂𑒠 𑒥𑒢𑒹𑒪𑒏 𑒥𑒩𑒤 𑒯𑒧𑒩 𑒠𑒩𑓂𑒬𑒢𑒏𑒹𑒿, 𑒂 𑒤𑒹𑒩𑒮𑒿 𑒢𑒮-𑒢𑒮 𑒔𑒪𑒥 𑒯𑒳𑒢𑒏𑒩। 𑒏𑒢𑒲 𑒙𑒰 𑒖𑒑𑒯 𑒕𑒼𑒛𑓃𑒱 𑒠𑒱𑒨𑒯- 𑒋𑒯𑒱 𑒏𑒼𑒢𑒧𑒹 𑒕𑒼𑒛𑓃𑒱 𑒠𑒱𑒁, 𑒂𑒐𑒩𑒏 𑒜𑒹𑒩𑒏 𑒢𑒲𑒔𑒰𑒿 𑒯𑒧𑒩 𑒁𑒦𑒱𑒪𑒰𑒭𑒰। 𑒯𑒧𑒩𑒹 𑒪𑒱𑒐𑒢𑒹 𑒕𑒪𑒱𑒨𑒻, 𑒁𑒯𑒲𑓀𑒏𑒹𑒿 𑒪𑓄 𑒏𑓄 𑒏𑒩𑓄 𑒪𑒹𑒪 𑒏𑒫𑒱𑒞𑒰 ! 𑒖𑒑𑒯 𑒔𑒰𑒯𑒲, 𑒏𑒰𑒩𑒝 𑒞𑒲𑒢𑒙𑒰 𑒣𑒋𑒩 𑒏𑒫𑒱𑒏, 𑒋𑒏𑒏𑒹𑒿 𑒣𑒬𑒳𑒞𑒰𑒮𑒿 𑒧𑒜𑓃𑒢𑒹 𑒕𑒲, 𑒠𑒼𑒮𑒩𑒏𑒰𑒏 𑒢𑒼𑒏𑒧𑒹 𑒁𑒕𑒱 𑒩𑒼𑒬𑒢𑒰𑒃 𑒮𑒳𑒐𑒰𑒋𑒪 𑒂 𑒞𑒹𑒮𑒩 𑒢𑒏𑒪𑒲 𑒯𑒵𑒠𑒨। 𑒖𑒹 𑒔𑒰𑒯𑒲 𑒯𑒧𑒩𑒹 𑒮𑒢 𑒏𑒫𑒱 𑒞𑒿 𑒏𑒢𑒹𑒏 𑒖𑒑𑒯 𑒕𑒼𑒛𑓃𑒱 𑒠𑒱𑒁। 𑒦𑒨-𑓑- 𑒁𑒟𑒩𑓂𑒫 𑒏𑒫𑒱। 𑒣𑒼𑒟𑒲 𑒢𑒹 𑒔𑒼𑒩𑒱 𑒦𑓄 𑒖𑒰𑒋। 𑒞𑒐𑒢 𑒦𑒩𑒱𑒮𑒏 𑒏𑒫𑒱𑒞𑒰 𑒞𑒿 𑒠𑒼𑒮𑒩𑒰𑒏 𑒢𑒰𑒧𑒹 𑒩𑒯𑒱 𑒖𑒰𑒋 𑒧𑒳𑒠𑒰 𑒏𑒫𑒱 𑒕𑒴𑒙𑒱 𑒖𑒋𑒞 𑒃𑒞𑒱𑒯𑒰𑒮𑒮𑒿। 𑒯𑒧𑒩𑒰 𑒣𑒼𑒮𑒥𑒰 𑒪𑒹𑒪 𑒮𑒹𑒯𑒼 𑒐𑒩𑒔𑒰, 𑒯𑒧𑒩 𑒔𑒱𑒞𑒰 𑒮𑒖𑒹𑒥𑒰 𑒪𑒹𑒪 𑒮𑒹𑒯𑒼 𑒞𑒩𑒠𑓂𑒠𑒳𑒞 (𑒑𑒯𑒢 𑒧𑓀𑒞𑓂𑒩𑒮𑒿 𑒮𑒖𑒾𑒪𑒯𑒳𑒿), 𑒯𑒧𑒩 𑒏𑒫𑒱𑒞𑒰 𑒏𑒳𑒣𑒱𑒞𑒰𑒣𑒩 𑒪𑒱𑒐𑒋 𑒣𑒛𑓃𑒪 𑒯𑒻𑒞 𑒏𑒞𑓂𑒞𑒹 𑒙𑒰 𑒃𑒞𑒱𑒯𑒰𑒮! 𑒦𑒨-𑓒- 𑒂𑒥𑒱 𑒑𑒹𑒪 𑒔𑒪𑒏 𑒌𑒥, 𑒂𑒥 𑒏𑒏𑒩𑒯𑒳𑒿𑒮𑒿 𑒛𑒩 𑒢𑒯𑒱। 𑒏𑒰𑒩𑒝 𑒥𑒳𑒗𑒪 𑒦𑓄 𑒑𑒹𑒪 𑒯𑒹𑒪𑒥𑒰𑒏 𑒂 𑒁𑒡𑒧𑒞𑒧 𑒯𑒼𑒋𑒥𑒰𑒏 𑒏𑒪𑒰 ! 𑒁𑒬𑓂𑒩𑒫𑓂𑒨 𑒬𑒥𑓂𑒠𑒮𑒿 𑒬𑒬𑒏 𑒅𑒪𑒴𑒏𑒏 𑒖𑒰𑒑𑒥 𑒂 𑒁𑒮𑓂𑒣𑒵𑒬𑓂𑒨 𑒥𑒰𑒪𑒰𑒏 𑒮𑓂𑒣𑒩𑓂𑒬𑒮𑒿 𑒦𑒴𑒐𑒏 𑒖𑒰𑒑𑒥? 𑒂 𑒥𑒳𑒗𑒱 𑒑𑒹𑒪 𑒕𑒲 𑒫𑒱𑒢𑒭𑓂𑒙 𑒯𑒼𑒋𑒥𑒰𑒏 𑒏𑒪𑒰! 𑒂𑒥 𑒁𑒠𑒢𑓂𑒞 𑒢𑒯𑒱 𑒩𑒯𑒪𑒯𑒳𑒿- 𑒠𑒰𑒿𑒞𑒏 𑒖𑒼𑒛𑓃𑒰 𑒂𑒥𑒱 𑒑𑒹𑒪 𑒁𑒕𑒱! 𑒏𑒚𑒱𑒢 𑒬𑒥𑓂𑒠, 𑒬𑒲𑒞𑒪 𑒮𑓂𑒞𑒢, 𑒥𑒵𑒯𑒞𑓂 𑒫𑒰𑒏𑓂𑒨, 𑒏𑒼𑒧𑒪 𑒩𑒔𑒢𑒰, 𑒫𑒱𑒦𑒲𑒭𑒝 𑒦𑒰𑒭𑓂𑒨 𑒂 𑒥𑒱𑒐𑒩𑒪 𑒣𑒰𑒚, 𑒁𑒩𑓂𑒟 𑒁𑒢𑒩𑓂𑒟𑒏 𑒦𑒰𑒫𑒹𑒿 𑒫𑒱𑒯𑓂𑒫𑒪। 𑒢𑒰𑒧𑒏𑒩𑒝- 𑒔𑒰𑒢𑒏𑒹𑒿 𑒔𑒢𑓂𑒠𑓂𑒩𑒧𑒰, 𑒞𑒩𑒹𑒑𑒝𑒏𑒹𑒿 𑒢𑒱𑒯𑒰𑒩𑒱𑒏𑒰 𑒢𑒰𑒧 𑒠𑒋 𑒩𑒰𑒞𑒳𑒏 𑒁𑒩𑓂𑒟𑒹 𑒥𑒠𑒪𑒱 𑒑𑒹𑒪! 𑒃𑒖𑒼𑒞𑒏𑒹𑒿 𑒣𑓂𑒩𑒞𑓂𑒨𑒳𑒭 𑒂 𑒮𑒳𑒩𑒳𑒖𑒏𑒹𑒿 𑒧𑒰𑒩𑓂𑒞𑒝𑓂𑒛𑓂𑒨 𑒏𑒯𑒥𑒰𑒮𑒿 𑒂𑒿𑒐𑒱𑒏 𑒔𑒼𑒢𑓂𑒯𑒱𑒂𑒨𑒥। 𑒖𑓀𑒑𑒪𑒏𑒹𑒿 𑒅𑒣𑒫𑒢 𑒂 𑒒𑒰𑒮-𑒤𑒴𑒮𑒏𑒹𑒿 𑒠𑒴𑒩𑓂𑒫𑒰𑒏𑓂𑒭𑒞 𑒏𑒯𑒢𑒹 𑒂𑒥𑒱 𑒑𑒹𑒪 𑒧𑓀𑒞𑓂𑒩𑒏 𑒅𑒔𑓂𑒔𑒰𑒩𑒝 𑒁𑒣𑒢𑒯𑒱। 𑒁𑒟𑒏 𑒐𑒙𑒢𑒲𑒏𑒹𑒿 𑒢𑒱𑒩𑒪𑒮 𑒣𑓂𑒩𑒨𑒰𑒮 𑒂 𑒥𑒹𑒖𑒼𑒛𑓃 𑒬𑒥𑓂𑒠𑒏 𑒖𑒼𑒛𑓃𑒲𑒏𑒹𑒿 𑒮𑒧𑒰𑒮 𑒏𑒯𑒢𑒹 𑒙𑒴𑒙𑒪 𑒦𑒰𑒓𑒪 𑒏𑒩𑒹𑒖 𑒮𑒹𑒩𑒰𑒨 𑒑𑒹𑒪! 𑒖𑒲𑒫𑒢 𑒧𑒰𑒞𑓂𑒩 𑒖𑒲𑒫𑒱𑒞𑒏, 𑒂 𑒧𑒰𑒞𑓂𑒩 𑒯𑒧𑒩 𑒁𑒯𑒰𑒿𑒏 𑒖𑒹 𑒏𑒹𑒍 𑒩𑒴𑒣 𑒥𑒠𑒪𑒱 𑒏𑓄 𑒖𑒲 𑒩𑒯𑒪 𑒕𑒲, 𑒣𑓂𑒩𑒞𑒱𑒣𑒠𑒰-𑒣𑓂𑒩𑒞𑒱𑒣𑒠𑒰𑒏 𑒥𑒠𑒪𑒻𑒞 𑒩𑒰𑒬𑒱𑒤𑒪 𑒂 𑒑𑒝𑒱𑒞𑒏 𑒦𑒩𑒼𑒮𑒹। 𑒢𑒰𑒧 𑒯𑒧𑒩 𑒠𑒳𑒭𑓂𑒨𑒢𑓂𑒞 𑒂 𑒁𑒯𑒰𑒿𑒏 𑒬𑒏𑒳𑒢𑓂𑒞𑒪𑒰 𑒦𑒹𑒢𑒹 𑒏𑒝𑓂𑒫 𑒂 𑒧𑒵𑒑𑒬𑒱𑒬𑒳𑒏 𑒤𑒱𑒏𑒱𑒩 𑒪𑒰𑒑𑒪 𑒩𑒯𑒞। 𑒂𑒖𑒳𑒏 𑒏𑒫𑒱, 𑒥𑒛𑓃 𑒅𑒔𑓂𑒕𑒵𑓀𑒐𑒪 𑒏𑒫𑒱- 𑒂𑒢𑓂𑒯𑒪 𑒥𑒰𑒢𑓂𑒯𑒪, 𑒕𑓀𑒠 𑒢𑒱𑒬𑓂𑒕𑓀𑒠𑒏 𑒛𑒼𑒩𑒲𑒧𑒹, 𑒤𑓀𑒮𑒪 𑒤𑒿𑒮𑒪, 𑒒𑒰𑒨𑒪 𑒂 𑒒𑒮𑒪, 𑒁𑒪𑓀𑒏𑒰𑒩𑒏 𑒫𑓂𑒨𑓀𑒖𑒢𑒧𑒹 𑒩𑒯𑒴 𑒠𑒯𑒴, 𑒣𑒏𑒻𑒞 𑒜𑒏𑒻𑒞, 𑒖𑒳𑒢𑒱 𑒙𑒣𑒴 𑒣𑒯𑒰𑒛𑓃 𑒠𑒯𑒰𑒛𑓃। 𑒡𑒻𑒫𑒞 𑒩𑒯𑒴 𑒑𑒥𑒻𑒞। 𑒏𑒫𑒱। 𑒁𑒣𑒢 𑒣𑓀𑒏𑓂𑒞𑒱 𑒦𑓄, 𑒖𑒰𑒃𑒏 𑒣𑒰𑒩! 𑒏𑒫𑒱𑒨𑒰𑒩𑒏 𑒛𑓂𑒨𑒼𑒜𑓃𑒲𑒧𑒹। 𑒂𑒥𑒱 𑒩𑒯𑒪 𑒕𑒟𑒱 𑒏𑒫𑒱𑓁 𑒏𑒫𑒲 𑒏𑒫𑒨𑓁- 𑒡𑒳𑒢 𑒂𑒡𑒳𑒢𑒱𑒏। 𑒏𑒫𑒱𑒞𑒰 𑒏𑒹𑒿 𑒖𑒹 𑒏𑒩𑒞𑒰 𑒕𑓀𑒠𑒱𑒞 𑒥𑓀𑒡𑒱𑒞 𑒂 𑒫𑓀𑒠𑒱𑒞 𑒮𑒼𑒔𑒏 𑒂𑒪𑒼𑒔𑒏। 𑒩𑒯𑒋 𑒠𑒹𑒞𑒰 𑒏𑒫𑒱𑒞𑒰𑒏𑒹𑒿 𑒂𑒡𑒰 𑒏𑒫𑒱𑒞𑒰 𑒁𑒩𑓂𑒠𑓂𑒡-𑒁𑒏𑒫𑒱𑒞𑒰, 𑒁𑒩𑓂𑒠𑓂𑒡𑒢𑒰𑒩𑒲𑒬𑓂𑒫𑒩 𑒁𑒩𑓂𑒡-𑒣𑒳𑒩𑒳𑒭𑒣𑒩। 𑒥𑒛𑓃 𑒅𑒔𑓂𑒕𑒵𑓀𑒐𑒪 𑒄 𑒂𑒖𑒳𑒏 𑒏𑒫𑒱𑒫𑒩 𑒯𑒞𑒢𑒰𑒩𑒲𑒬𑓂𑒫𑒩! 𑒁𑒯𑒰𑒿 𑒢𑒯𑒱 𑒥𑒖𑒪𑒯𑒳𑒿 𑒏𑒱𑒕𑒳- 𑒢𑒯𑒱 𑒥𑒖𑒪𑒯𑒳𑒿 𑒂𑒃 𑒡𑒩𑒱, 𑒠𑒥𑒰 𑒏𑓄 𑒩𑒐𑒢𑒹 𑒕𑒲 𑒬𑒥𑓂𑒠-𑒮𑓀𑒣𑒠𑒰 𑒖𑒧𑒲𑒢 𑒞𑒩। 𑒧𑒳𑒠𑒰 𑒖𑒧𑒲𑒢𑒏 𑒞𑒩 𑒞𑒿 𑒑𑒰𑒛𑓃𑒪 𑒖𑒰𑒃𑒕 𑒧𑒳𑒩𑓂𑒠𑒰। 𑒧𑒳𑒠𑒰 𑒯𑒧 𑒞𑒿 𑒡𑒩𑓂𑒧𑒼𑒢𑓂𑒧𑒰𑒠 𑒯𑒱𑒢𑓂𑒠𑒴 𑒣𑓂𑒩𑒹𑒧𑒲 𑒕𑒲, 𑒧𑒩𑒱𑒨𑒼 𑒏𑓄 𑒖𑒧𑒲𑒢 𑒞𑒩 𑒢𑒯𑒱 𑒖𑒋𑒥, 𑒖𑒩𑒥 𑒗𑒩𑒏𑒥 𑒂 𑒂𑒑𑒱𑒧𑒹 𑒦𑒝𑒥 𑒁𑒣𑒢 𑒑𑒲𑒞। 𑒢𑒯 𑒏𑒹𑒬 𑒯𑒻𑒞 𑒫𑒱𑒪𑒲𑒢, 𑒏𑒼𑒢 𑒁𑒢𑒳𑒬𑒰𑒮𑒢 𑒬𑒰𑒮𑓂𑒞𑓂𑒩 𑒮𑒱𑒐𑒹𑒢𑒹 𑒁𑒕𑒱 𑒁𑒢𑒳𑒦𑒴𑒞𑒱𑒣𑒩 𑒪𑒑𑒰𑒧 𑒪𑒑𑒰𑒨𑒥- 𑒠𑒹𑒯 𑒩𑒯𑒴 𑒗𑒿𑒣𑒢𑒹 𑒁𑒯𑓀𑒏𑒰𑒩 𑒁𑒪𑓀𑒏𑒰𑒩 𑒞𑒩, 𑒪𑒑𑒰 𑒠𑒱𑒨𑒾 𑒞𑒰𑒪𑒰 𑒑𑒩𑒰𑒣𑒩 𑒖𑒹 𑒏𑒼𑒢𑒼 𑒡𑓂𑒫𑒢𑒱 𑒢𑒯𑒱 𑒥𑒖𑒰 𑒖𑒰𑒃𑒏। 𑒧𑒳𑒠𑒰 𑒯𑒧 𑒮𑒴𑒩𑓂𑒨𑒫𑓀𑒬𑒲 𑒩𑒰𑒖𑒣𑒴𑒞, 𑒯𑒧𑒩 𑒁𑒮𑓂𑒞𑓂𑒩 𑒁𑒕𑒱 𑒬𑒥𑓂𑒠 𑒁𑒩𑓂𑒟 𑒮𑓂𑒫𑒩 𑒪𑒱𑒣𑒱। 𑒞𑒩𑓂𑒏𑒧𑒹 𑒯𑒰𑒩𑒱 𑒖𑒿 𑒖𑒰𑒃 𑒞𑒿 𑒏𑒩𑒥 𑒂𑒞𑓂𑒧𑒮𑒧𑒩𑓂𑒣𑒝! 𑒧𑒳𑒠𑒰 𑒯𑒰𑒩𑒲 𑒫𑒰 𑒖𑒲𑒞𑒲, 𑒥𑒰𑒖𑒥 𑒁𑒫𑒬𑓂𑒨𑒹। 𑒂𑒪𑒼𑒏𑒏 𑒨𑓀𑒞𑓂𑒩 𑒥𑒹𑒏𑒪 𑒣𑒛𑓃𑒪, 𑒪𑒰𑒪-𑒯𑒩𑒱𑒨𑒩-𑒣𑒲𑒨𑒩𑒏 𑒮𑓀𑒏𑒹𑒞 𑒧𑒴𑒏। 𑒧𑒼𑒢𑒧𑒹 𑒯𑒳𑒪𑒏𑒲 𑒠𑓄 𑒠𑒹𑒐𑒱 𑒩𑒯𑒪 𑒕𑒲 𑒁𑒯𑒰𑒿𑒏 𑒨𑒼𑒖𑒢𑒰, 𑒫𑒮𑓂𑒞𑓂𑒩-𑒁𑒮𑓂𑒞𑓂𑒩 𑒯𑒩𑒥𑒰𑒏, 𑒁𑒩𑓂𑒠𑓂𑒡𑒮𑒞𑓂𑒨𑒮𑒿 𑒁𑒢𑒵𑒞 𑒥𑒖𑒋𑒥𑒰𑒏, 𑒣𑒰𑒿𑒞𑒱𑒧𑒹 𑒥𑒻𑒮𑒱 𑒁𑒧𑒵𑒞 𑒔𑒼𑒩𑒋𑒥𑒰𑒏; 𑒠𑓂𑒨𑒼𑒞𑒏 𑒠𑒰𑒫𑒧𑒹 𑒔𑒜𑓃𑒪 𑒖𑒱𑒢𑒑𑒲 𑒬𑒫 𑒬𑒥𑓂𑒠! 𑒧𑒳𑒠𑒰 𑒋𑒐𑒢𑒼 𑒦𑒩𑒼𑒮 𑒖𑒹 𑒁𑒯𑒰𑒿 𑒥𑒰𑒖𑒥 𑒏𑒱𑒕𑒳 𑒢𑒯𑒱 𑒞𑒿 𑒑𑒰𑒥𑒱𑒨𑒹 𑒅𑒚𑒥 𑒯𑒧𑒩𑒹 𑒏𑒼𑒢𑒼 𑒑𑒲𑒞। 𑒁𑒣𑒢 𑒏𑒫𑒱𑒞𑒰 𑒮𑒳𑒢𑒰𑒅 !- 𑒁𑒯𑒰𑒿 𑒁𑒣𑒢 𑒣𑒳𑒩𑒰𑒞𑒢 𑒣𑓂𑒩𑒹𑒧𑒲 𑒧𑒰𑒢𑒹 𑒯𑒧𑒩𑒰 𑒪𑓄 𑒑𑒹𑒪𑒯𑒳𑒿 𑒍𑒯𑒱 𑒢𑒫𑒏𑒰 𑒧𑒏𑒰𑒢𑒧𑒹 𑒣𑒯𑒰𑒛𑓃𑒏 𑒬𑒱𑒐𑒩𑒣𑒩! 𑒁𑒯𑒰𑒿𑒏 𑒥𑒰𑒙 𑒣𑒴𑒕𑒥 𑒧𑒹𑒒𑒮𑒿 𑒍𑒯𑒱 𑒚𑒰𑒧𑒏, 𑒂 𑒍𑒏𑒩 𑒫𑓀𑒏𑒱𑒧 𑒧𑒳𑒮𑓂𑒏𑒰𑒢, 𑒁𑒯𑒰𑒿 𑒮𑒓𑒹 𑒯𑒧𑒩𑒰 𑒠𑒹𑒐𑒱! 𑒧𑒳𑒠𑒰 𑒢𑒹 𑒧𑒹𑒒𑒏, 𑒢𑒹 𑒞𑒩𑒹𑒑𑒝𑒏, 𑒢𑒹 𑒩𑒰𑒬𑒱-𑒪𑒑𑓂𑒢-𑒁𑒏𑒰𑒮𑒲 𑒖𑓂𑒨𑒰𑒧𑒱𑒞𑒱 𑒂 𑒢𑒹 𑒦𑒰𑒑𑓂𑒨𑒏 𑒑𑒝𑒱𑒞𑒏 𑒮𑓀𑒏𑓂𑒩𑒧𑒝𑒏 𑒏𑒼𑒢𑒼 𑒑𑒪𑒞𑒲, 𑒖𑒹 𑒮𑒦 𑒧𑒱𑒪𑒱 𑒏𑒋𑒢𑒹 𑒩𑒯𑒋 𑒫𑒱𑒔𑓂𑒕𑒹𑒠𑒏 𑒮𑓀𑒏𑓂𑒩𑒧𑒝 ! 𑒁𑓀𑒞𑒱𑒧 𑒧𑒱𑒪𑒢 𑒖𑒹 𑒦𑒹𑒪 𑒕𑒪 𑒔𑒰𑒢𑒏 𑒑𑒯𑓂𑒫𑒩𑒧𑒹। 𑒢𑒹 𑒣𑒰𑒟𑒩𑒏 𑒠𑒼𑒭 𑒂 𑒢𑒹 𑒁𑒢𑓂𑒯𑒰𑒩𑒏 𑒦𑒴𑒑𑒼𑒪𑒏। 𑒮𑒴𑒩𑓂𑒨 𑒂 𑒣𑒵𑒟𑓂𑒫𑒲𑒏 𑒮𑓀𑒏𑒹𑒞, 𑒞𑒩𑒹𑒑𑒝𑒏 𑒯𑒮𑓂𑒞𑒰𑒏𑓂𑒭𑒩 𑒫𑒱𑒔𑓂𑒕𑒹𑒠𑒏 𑒦𑒋𑒏𑒹𑒿 𑒧𑒱𑒪𑒱 𑒏𑓄 𑒏𑒋𑒪𑒏 𑒔𑒏𑓂𑒩𑒰𑒢𑓂𑒞। 𑒖𑒰𑒯𑒱𑒮𑒿 𑒯𑒧 𑒮𑒦 𑒢𑒯𑒱 𑒥𑒰𑒖𑒱 𑒮𑒏𑒲 𑒏𑒼𑒢𑒼 𑒮𑓂𑒧𑒩𑒝𑒲𑒨 𑒣𑒰𑒿𑒞𑒱-𑒬𑒥𑓂𑒠 𑒮𑒦 !-𑒠𑒳𑒢𑒴 𑒑𑒼𑒙𑒹। 𑒑𑒩𑒰 𑒠𑒥𑒥𑒻𑒞 𑒢𑒱𑓁𑒬𑒥𑓂𑒠𑒞𑒰। 𑒧𑒳𑒠𑒰 𑒠𑒼𑒭 𑒢𑒹 𑒢𑒱𑓁𑒬𑒥𑓂𑒠𑒞𑒰𑒏 𑒂 𑒢𑒹 𑒠𑒹𑒥𑒰𑒩𑒣𑒩 𑒪𑒱𑒐𑒪 𑒬𑒱𑒪𑒰𑒪𑒹𑒐𑒏, 𑒖𑒏𑒩 𑒫𑒱𑒖𑒰𑒞𑒲𑒨 𑒁𑒏𑓂𑒭𑒩 𑒮𑒦 𑒯𑒧 𑒣𑒜𑓃𑓄 𑒮𑒱𑒐𑒢𑒯𑒱 𑒢𑒯𑒱 𑒕𑒪𑒯𑒳𑒿। 𑒑𑒯𑓂𑒫𑒩 𑒦𑒩𑒱 𑒑𑒹𑒪 𑒁𑒯𑒰𑒿𑒏 𑒏𑒫𑒱𑒞𑒰𑒮𑒿, 𑒆𑒣𑒩 𑒅𑒚𑒻𑒞 𑒏𑒫𑒱𑒞𑒰𑒏 𑒣𑒰𑒿𑒞𑒲 𑒮𑒦 𑒖𑒏𑒩 𑒬𑒱𑒐𑒩𑒣𑒩 𑒔𑒜𑓃𑒥𑒰𑒏 𑒁𑒮𑒤𑒪 𑒣𑓂𑒩𑒨𑒰𑒮। 𑒍𑒯𑒱 𑒣𑒰𑒿𑒞𑒲 𑒮𑒦𑒏𑒹𑒿 𑒠𑒼𑒭𑒻 𑒢𑒯𑒱 𑒕𑒲। 𑒫𑒱𑒬𑓂𑒫𑒰𑒮𑒒𑒰𑒞𑒣𑒩 𑒁𑒯𑒲𑓀 𑒙𑒰𑒏 𑒁𑒡𑒱𑒏𑒰𑒩 𑒢𑒯𑒱। 𑒂𑒥 𑒮𑒲𑒐𑒱 𑒑𑒹𑒪 𑒕𑒲 𑒁𑒯𑒲𑓀𑒏 𑒦𑒰𑒭𑒰, 𑒏𑒰𑒧𑒢𑒰𑒮𑒿 𑒡𑒡𑒏𑒻𑒞 𑒣𑒯𑒰𑒛𑓃𑒣𑒩 𑒔𑒜𑓃𑒥𑒰 𑒪𑒹𑒪, 𑒣𑒜𑓃𑒻 𑒪𑒹𑒪 𑒮𑒦𑒙𑒰 𑒣𑒰𑒿𑒞𑒱, 𑒏𑒫𑒱𑒞𑒰 𑒂 𑒬𑒱𑒪𑒰𑒪𑒹𑒐! 𑒯𑒧 𑒮𑒲𑒐𑒱 𑒑𑒹𑒪 𑒕𑒲 𑒁𑒯𑒰𑒿𑒏 𑒯𑒮𑓂𑒞𑒰𑒏𑓂𑒭𑒩 𑒣𑒜𑓃𑒥। 𑒧𑒳𑒠𑒰 𑒋𑒯𑒱 𑒬𑒱𑒪𑒰𑒪𑒹𑒐𑒣𑒩 𑒁𑒯𑒰𑒿 𑒠𑒹𑒐𑒰 𑒩𑒯𑒪 𑒕𑒲 𑒣𑒖𑒹𑒥𑒰, 𑒏𑒰𑒚, 𑒥𑒰𑒪𑒳 𑒂 𑒮𑒲𑒧𑒹𑓀𑒙𑒏 𑒩𑒰𑒬𑒱, 𑒠𑒩𑒥𑒖𑓂𑒖𑒰, 𑒏𑒥𑓂𑒖𑒰 𑒂 𑒤𑒩𑓂𑒬 𑒮𑒦! 𑒧𑒳𑒠𑒰 𑒯𑒧 𑒮𑒳𑒢𑓄 𑒔𑒰𑒯𑒻 𑒕𑒲 𑒏𑒻𑒏 𑒙𑒰 𑒏𑒫𑒱𑒞𑒰, 𑒁𑒯𑒰𑒿𑒮𑒿 𑒁𑒯𑒰𑒿𑒏 𑒦𑒰𑒭𑒰𑒧𑒹, 𑒖𑒹 𑒋𑒐𑒢 𑒯𑒧𑒩𑒯𑒳 𑒦𑒰𑒭𑒰 𑒁𑒕𑒱। 𑒖𑒲𑒫𑒢𑒲- 𑒕𑒰𑒫𑒢𑒲𑒏 𑒠𑓂𑒩𑒼𑒯, 𑒞𑒰𑓀𑒞𑒱𑒨𑒰 𑒙𑒼𑒣𑒹, 𑒫𑒱𑒏𑓂𑒙𑒼𑒩𑒱𑒨𑒰, 𑒮𑒩𑒏𑒰𑒩𑒲 𑒏𑒫𑒱 𑒩𑒫𑒲𑒢𑓂𑒠𑓂𑒩𑒢𑒰𑒟𑒏 𑒖𑒢𑓂𑒧 𑒂 𑒫𑒱𑒡𑒫𑒰 𑒫𑒱𑒫𑒰𑒯𑒏 𑒔𑒩𑓂𑒔? 𑒩𑓀𑒑𑒧𑓀𑒔𑒏 𑒣𑒯𑒱𑒪 𑒣𑒵𑒭𑓂𑒚, 𑒯𑒹𑒩𑒰𑒬𑒱𑒧 𑒪𑒹𑒥𑒹𑒛𑒤𑒣𑒩 𑒋𑒏𑒙𑒰 𑒣𑒴𑒩𑒰 𑒣𑒢𑓂𑒢𑒰 𑒏𑒲𑒛𑓃𑒰 𑒔𑒰𑒙𑒱 𑒪𑒹𑒪𑒏? 𑒧𑒳𑒠𑒰 𑒂𑒖𑒳𑒏 𑒩𑓀𑒑𑒧𑓀𑒔𑒏 𑒣𑒳𑒩𑒼𑒡𑒰𑒏 𑒪𑒹𑒪 𑒖𑒹 𑒍 𑒣𑒵𑒭𑓂𑒚 𑒢𑒯𑒱𑒨𑒼 𑒦𑒹𑒙𑒻 𑒞𑒿 𑒯𑒩𑓂𑒖 𑒢𑒯𑒱। 𑒍𑒏𑒩 𑒠𑒼𑒮𑒩 𑒠𑒱𑒮𑒳𑒏𑒰 𑒣𑒵𑒭𑓂𑒚𑒣𑒩 𑒧𑒰𑒃𑒏𑒪 𑒧𑒡𑒳𑒮𑒴𑒠𑒢𑒣𑒩 𑒋𑒏𑒙𑒰 𑒪𑒹𑒐 𑒂 𑒂𑒡𑒳𑒢𑒱𑒏 𑒏𑒫𑒱𑒞𑒰𑒏 𑒬𑓂𑒩𑒲𑒑𑒝𑒹𑒬𑒣𑒩 𑒮𑒹𑒯𑒼, 𑒧𑒳𑒠𑒰 𑓑𑓙𑓙𑓐 𑒄.𑒏 𑒥𑒰𑒠𑒏 𑒁𑒢𑒣𑒜𑓃 𑒏𑒫𑒱 𑒏𑒼𑒢𑒰 𑒖𑒢𑒥𑒻 𑒑𑓄! 𑒂 𑒞𑒹𑒿 𑒢𑒹 𑒣𑒙𑒱 𑒖𑒰𑒃 𑒕𑒲 𑒯𑒧𑒩𑒰 𑒮𑒢 𑒥𑒯𑒳𑒩𑒳𑒣𑒱𑒨𑒰𑒮𑒿। 𑒂 𑓑𑓙𑓕𑓑 𑒄.𑒋𑒯𑒱 𑒬𑒞𑒰𑒥𑓂𑒠𑒲𑒏 𑒮𑒩𑒏𑒰𑒩𑒲 𑒏𑒫𑒱𑒏 𑒖𑒢𑓂𑒧, 𑒢𑒹𑒢𑒣𑒢𑒏 𑒠𑒪𑒱𑒠𑓂𑒠𑒩 𑒠𑒬𑒰, 𑒁𑒫𑒯𑒹𑒪𑒢𑒰 𑒬𑒱𑒬𑒳𑒏𑒰𑒪𑒏, 𑒫𑒱𑒫𑒹𑒏𑒰𑒢𑒢𑓂𑒠𑒏 𑒤𑒴𑒮𑒱-𑒏𑒟𑒰 𑒂 𑒮𑓂𑒞𑒼𑒏𑒫𑒰𑒝𑒲? 𑒯𑒧𑒩 𑒏𑒟𑒰𑒮𑒿 𑒣𑒯𑒱𑒢𑒹 𑒑𑒱𑒩𑒲𑒬 𑒒𑒼𑒭, 𑒮𑒩 𑒂𑒬𑒳𑒞𑒼𑒭 𑒂 𑒢𑒹𑒞𑒰𑒖𑒲𑒏 𑒣𑒪𑒰𑒨𑒢 𑒂 𑒧𑒯𑒰𑒞𑓂𑒧𑒰𑒏 𑒏𑒰𑒩𑒰𑒫𑒰𑒮 𑒁𑒋𑒥𑒰𑒏 𑒔𑒰𑒯𑒲 ? 𑒤𑒴𑒮𑒱। 𑒏𑒰𑒩𑒝 𑒃𑒞𑒱𑒯𑒰𑒮 𑒬𑒳𑒩𑒴 𑒯𑒼𑒃𑒕 𑒑𑒼𑒛𑒮𑒹𑒏 𑒂𑒫𑒱𑒩𑓂𑒦𑒰𑒫 𑒂 𑒯𑒧𑒩 𑒖𑒢𑓂𑒧𑒏 𑒥𑒰𑒠𑒹? 𑒂 𑒞𑒐𑒢 𑒙𑒴𑒙𑒪 𑒦𑒰𑒓𑒪 𑒦𑒴𑒑𑒼𑒪, 𑒯𑒛𑓃𑒣𑒏 𑒑𑒝𑒱𑒞 𑒂 𑒬𑒰𑒮𑓂𑒞𑓂𑒩𑒲𑒨 𑒫𑒩𑓂𑒝𑒦𑒹𑒠, “𑒫𑒹𑒠𑒝𑒰𑒏” 𑒧𑒴𑒩𑓂𑒡𑒰। 𑒯𑓂𑒩𑒱𑒖𑒨 𑒚𑒲𑒏 𑒏𑒩𑒴? –𑒁𑒯𑒰𑒿 𑒯𑒧𑒩 𑒮𑒩𑒏𑒰𑒩𑒲 𑒖𑒲𑒫𑒢𑒲𑒏𑒰𑒩 ! 𑒁𑒯𑒰𑒿𑒏 𑒪𑒹𑒪 𑒁𑒡𑓂𑒨𑒰𑒨𑒏 𑒁𑒡𑓂𑒨𑒰𑒨 𑒣𑓂𑒩𑒰𑒩𑒧𑓂𑒦 𑒯𑒼𑒋𑒥𑒰𑒏 𑒔𑒰𑒯𑒲 𑓑𑓙𑓕𑓑 𑒄.𑒮𑒿। 𑒯𑒧𑒩 𑒫𑒱𑒧𑒰𑒞𑒰 𑒏𑒳𑒪 𑒣𑒱𑒞𑒰𑒧𑒯𑒲। 𑒧𑒢𑒑𑒜𑓃𑓀𑒞 𑒏𑒟𑒰, 𑒠𑒰𑒠𑒲-𑒧𑒰𑒿 𑒠𑓄, 𑒖𑒹 𑒦𑓄 𑒖𑒰𑒃 𑒕𑒪𑒲 𑒮𑒼𑒢𑒥𑒩𑒮𑒰𑒏 𑒩𑒰𑒖𑒏𑒢𑓂𑒨𑒰। 𑒏𑒼𑒢𑒰 𑒏𑒫𑒱𑒞𑒰 𑒁𑒋𑒪𑒲𑒯 𑒂 𑒯𑒧𑒩 𑒖𑒲𑒫𑒢𑒧𑒹 𑒂𑒨𑒪𑒱 𑒩𑒧𑒝𑒲𑒏 𑒧𑒰𑒠𑒹𑒿? 𑒞𑓂𑒨𑒰𑒑𑒱 𑒩𑒯𑒪 𑒕𑒲, 𑒞𑒰𑒏𑒴 𑒂𑒢𑒹 𑒏𑒏𑒩𑒯𑒳। 𑒁𑒖𑒢𑓂𑒧𑒰 𑒫𑒰 𑒁𑒖𑓂𑒘𑒰𑒞𑓂 𑒁𑒢𑒰𑒧𑒰 𑒏𑓂𑒨𑒼 𑒏𑒫𑒱। 𑒞𑒰𑒫𑒞𑓂 𑒏𑒫𑒱𑒞𑒹 𑒯𑒧𑒩 𑒡𑓂𑒨𑒰𑒢 𑒩𑒐𑒞𑒲, 𑒥𑒞𑒍𑒞𑒲𑒯 𑒖𑒲𑒫𑒢-𑒏𑒟𑒰 𑒯𑒧𑒩! 𑒧𑒡𑓂𑒨𑒧𑒣𑒳𑒩𑒳𑒭 𑒋𑒏𑒫𑒔𑒢- 𑒁𑒯𑒰𑒿𑒏𑒹𑒿 𑒕𑒼𑒛𑓃𑒱 𑒁𑒢𑒏𑒹 𑒠𑓄 𑒮𑒼𑒔𑒲 -𑒋𑒯𑒢 𑒂𑒠𑒹𑒬 ! 𑒧𑒳𑒠𑒰 𑒑𑒰𑒕-𑒥𑒵𑒔𑓂𑒕, 𑒤𑒴𑒪 𑒣𑒰𑒟𑒩𑒏 𑒫𑓀𑒔𑒏𑒞𑒰, 𑒫𑒱𑒬𑓂𑒫𑒰𑒮𑒒𑒰𑒞𑒲 𑒫𑓂𑒨𑒰𑒏𑒩𑒝 𑒡𑒩𑒱 𑒖𑒰𑒪 𑒣𑒮𑒰𑒩𑒢𑒹 ! 𑒧𑒡𑓂𑒨𑒧𑒣𑒳𑒩𑒳𑒭 𑒋𑒏𑒫𑒔𑒢 𑒁𑒯𑒰𑒿 𑒞𑒿 𑒕𑒲! 𑒩𑒰𑒖𑒢𑒲𑒞𑒱, 𑒠𑒹𑒬𑒏 𑒇𑒝𑒏 𑒣𑒯𑒰𑒛𑓃, 𑒦𑓂𑒩𑒭𑓂𑒙 𑒢𑒱𑒨𑒳𑒏𑓂𑒞𑒱.. 𑒧𑒡𑓂𑒨𑒧𑒣𑒳𑒩𑒳𑒭 𑒋𑒏𑒫𑒔𑒢 𑒁𑒯𑒰𑒿 𑒞𑒿 𑒕𑒲 𑒧𑒳𑒠𑒰..𑒪𑒱𑒐𑒴 𑒢𑒫𑓂𑒨𑒢𑓂𑒨𑒰𑒨-𑒁𑒢𑓂𑒨𑒰𑒨, 𑒪𑒱𑒐𑒴 𑒫𑒻𑒬𑒹𑒭𑒱𑒏𑒏 𑒜𑒹𑒩𑒲, 𑒥𑒱𑒮𑒩𑒴 𑒡𑒢-𑒫𑓂𑒨𑒰𑒏𑒩𑒝, 𑒧𑒡𑓂𑒨𑒧𑒣𑒳𑒩𑒳𑒭 𑒋𑒏𑒫𑒔𑒢 𑒁𑒯𑒲𑓀 𑒞𑒿 𑒕𑒲 𑒧𑒳𑒠𑒰..𑒥𑒹𑒏𑒰𑒩 𑒬𑒵𑓀𑒑𑒰𑒩 𑒩𑒮 𑒞𑒞𑓂𑒞𑓂𑒫 𑒡𑓂𑒫𑒢𑒱𑒏, 𑒧𑒰𑒞𑓂𑒩 𑒏𑓂𑒭𑒝𑒱𑒏। 𑒂𑒨𑒳 𑒪𑓄 𑒖𑒙𑒰𑒨𑒳 𑒡𑒩𑒱, 𑒥𑒔𑒥𑒻 𑒪𑒹𑒪 𑒁𑒢𑒏𑒩 𑒮𑒲𑒞𑒰, 𑒑𑒲𑒞𑒰 । 𑒔𑒪𑒞𑒱 𑒔𑒪𑒞𑓁 𑒔𑒪𑓀𑒞𑒲 𑒏𑒫𑒱𑒞𑒰 𑒇𑒞𑒰 𑒫𑒰𑒑𑓂𑒡𑒰𑒩𑒰 𑒮𑒢 𑒫𑓂𑒨𑒰𑒏𑒩𑒝 𑒧𑒡𑓂𑒨𑒧𑒣𑒳𑒩𑒳𑒭 𑒋𑒏𑒫𑒔𑒢 𑒁𑒯𑒰𑒿 𑒞𑒿 𑒕𑒲 𑒧𑒳𑒠𑒰... 𑒏𑒼𑒢𑒰 𑒏𑒱𑒕𑒳 𑒮𑒼𑒔𑒱 𑒮𑒏𑒻 𑒕𑒲 𑒁𑒯𑒰𑒿𑒏𑒹𑒿 𑒕𑒼𑒛𑓃𑒱?
𑒏𑒫𑒱𑒞𑒰: 𑒏𑒫𑒱𑒞𑒰 𑒪𑒼𑒏 𑒏𑒧 𑒣𑒜𑓃𑒻𑒞 𑒁𑒕𑒱। 𑒮𑓀𑒮𑓂𑒏𑒵𑒞𑒮𑒢 𑒦𑒰𑒭𑒰𑒏 𑒣𑓂𑒩𑒔𑒰𑒩-𑒣𑓂𑒩𑒮𑒰𑒩 𑒪𑒹𑒪 𑒏𑒋𑒪 𑒖𑒰 𑒩𑒯𑒪 𑒣𑓂𑒩𑒨𑒰𑒮, 𑒮𑒧𑓂𑒦𑒰𑒭𑒝-𑒬𑒱𑒫𑒱𑒩𑒧𑒹 𑒮𑒩𑒪 𑒮𑓀𑒮𑓂𑒏𑒵𑒞𑒏 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱। 𑒏𑒟𑒰-𑒅𑒣𑒢𑓂𑒨𑒰𑒮𑒏 𑒂𑒡𑒳𑒢𑒱𑒏 𑒦𑒰𑒭𑒰 𑒮𑒦𑒮𑒿 𑒮𑓀𑒮𑓂𑒏𑒵𑒞𑒧𑒹 𑒁𑒢𑒳𑒫𑒰𑒠 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒏𑒫𑒱𑒞𑒰 𑒍𑒯𑒱 𑒣𑓂𑒩𑒏𑓂𑒩𑒱𑒨𑒰𑒧𑒹 𑒥𑒰𑒩𑒪 𑒩𑒯𑒻𑒞 𑒁𑒕𑒱। 𑒏𑒰𑒩𑒝 𑒏𑒫𑒱𑒞𑒰 𑒏𑒱𑒨𑒼 𑒢𑒯𑒱 𑒣𑒜𑓃𑒻𑒞 𑒁𑒕𑒱 𑒂 𑒖𑒰𑒯𑒱 𑒦𑒰𑒭𑒰 𑒪𑒹𑒪 𑒬𑒱𑒫𑒱𑒩 𑒪𑒑𑒹𑒥𑒰𑒏 𑒂𑒫𑒬𑓂𑒨𑒏𑒞𑒰 𑒦𑓄 𑒑𑒹𑒪 𑒁𑒕𑒱, 𑒞𑒰𑒯𑒱 𑒦𑒰𑒭𑒰𑒧𑒹 𑒏𑒫𑒱𑒞𑒰𑒏 𑒁𑒢𑒳𑒫𑒰𑒠 𑒆𑒩𑓂𑒖𑒰𑒏 𑒁𑒢𑒩𑓂𑒑𑒪 𑒣𑓂𑒩𑒨𑒼𑒑 𑒧𑒰𑒢𑒪 𑒖𑒰𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑒮𑓂𑒟𑒱𑒞𑒱 𑒋𑒯𑒢 𑒮𑒢 𑒦𑓄 𑒑𑒹𑒪 𑒁𑒕𑒱, 𑒖𑒹 𑒑𑒰𑒧 𑒂𑒃 𑒐𑒞𑒧 𑒦𑓄 𑒖𑒰𑒋 𑒞𑒿 𑒋𑒯𑒱 𑒦𑒰𑒭𑒰𑒏 𑒥𑒰𑒖𑒋𑒥𑒪𑒰𑒏 𑒮𑓀𑒐𑓂𑒨𑒰 𑒥𑒛𑓂𑒛 𑒢𑓂𑒨𑒴𑒢 𑒦𑓄 𑒖𑒋𑒞। 𑒪𑒼𑒏 𑒮𑒹𑒧𑒲𑒢𑒰𑒩 𑒂 𑒥𑒻𑒮𑒏𑒲𑒧𑒹 𑒧𑒰𑒞𑓂𑒩 𑒧𑒻𑒟𑒱𑒪𑒲𑒧𑒹 𑒥𑒖𑒞𑒰𑒯। 𑒧𑒻𑒟𑒱𑒪𑒲-𑒅𑒔𑓂𑒔𑒰𑒩𑒝 𑒪𑒹𑒪 𑒬𑒱𑒫𑒱𑒩 𑒪𑒑𑒹𑒥𑒰𑒏 𑒂𑒫𑒬𑓂𑒨𑒏𑒞𑒰 𑒞𑒿 𑒁𑒢𑒳𑒦𑒴𑒞 𑒦𑒃𑒋 𑒩𑒯𑒪 𑒁𑒕𑒱। 𑒞𑒿 𑒋𑒯𑒱 𑒮𑓂𑒟𑒱𑒞𑒱𑒧𑒹 𑒧𑒻𑒟𑒱𑒪𑒲𑒧𑒹 𑒏𑒫𑒱𑒞𑒰 𑒪𑒱𑒐𑒥𑒰𑒏 𑒏𑒲 𑒂𑒫𑒬𑓂𑒨𑒏𑒞𑒰 𑒂 𑒎𑒔𑒱𑒞𑓂𑒨 ? 𑒮𑒧𑒨𑒰𑒦𑒰𑒫𑒧𑒹 𑒏𑒫𑒱𑒞𑒰 𑒪𑒱𑒐𑒻 𑒕𑒲, 𑒋𑒯𑒱 𑒑𑒣𑒣𑒩 𑒖𑒼𑒩 𑒠𑒹𑒪𑒰𑒮𑒿 𑒄 𑒮𑓂𑒟𑒱𑒞𑒱 𑒂𑒩 𑒦𑒨𑒰𑒫𑒯 𑒦𑓄 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱। 𑒋𑒯𑒢𑒰 𑒮𑓂𑒟𑒱𑒞𑒱𑒧𑒹 𑒂𑒮-𑒣𑒛𑓃𑒼𑒮𑒏 𑒒𑒙𑒢𑒰𑒏𑓂𑒩𑒧, 𑒫𑓂𑒨𑒏𑓂𑒞𑒱𑒑𑒞 𑒧𑒯𑒞𑓂𑒫𑒰𑒏𑒰𑓀𑒏𑓂𑒭𑒰, 𑒂𑒏𑓂𑒭𑒹𑒣 𑒂 𑒨𑒰𑒞𑓂𑒩𑒰-𑒫𑒱𑒫𑒩𑒝𑒲 𑒨𑒻𑒯 𑒧𑒻𑒟𑒱𑒪𑒲 𑒏𑒫𑒱𑒞𑒰𑒏 𑒫𑒱𑒭𑒨-𑒫𑒮𑓂𑒞𑒳 𑒥𑒢𑒱 𑒑𑒹𑒪 𑒁𑒕𑒱। 𑒧𑒳𑒠𑒰 𑒋𑒯𑒱 𑒮𑒦 𑒪𑒹𑒪 𑒑𑒠𑓂𑒨𑒏 𑒣𑓂𑒩𑒨𑒼𑒑 𑒏𑒱𑒋𑒏 𑒢𑒯𑒱 ? 𑒏𑒟𑒰𑒏 𑒢𑒰𑒙𑓂𑒨-𑒩𑒴𑒣𑒰𑒢𑓂𑒞𑒩𑒝 𑒩𑓀𑒑𑒧𑓀𑒔 𑒪𑒹𑒪 𑒏𑒋𑒪 𑒖𑒰𑒃𑒞 𑒁𑒕𑒱 𑒧𑒳𑒠𑒰 𑒑𑒠𑓂𑒨𑒏 𑒏𑒫𑒱𑒞𑒰𑒧𑒹 𑒩𑒴𑒣𑒰𑒢𑓂𑒞𑒩𑒝 𑒏𑒼𑒢 𑒅𑒠𑓂𑒠𑒹𑒬𑓂𑒨𑒮𑒿। 𑒮𑒧𑒨𑒰𑒦𑒰𑒫𑒧𑒹 𑒪𑒱𑒐𑒪 𑒖𑒰 𑒩𑒯𑒪 𑒋𑒯𑒱 𑒞𑒩𑒯𑒏 𑒏𑒫𑒱𑒞𑒰 𑒮𑒦𑒏 𑒣𑒰𑒚𑒏 𑒕𑒟𑒱 𑒑𑒼𑒪𑒾𑒮𑒲 𑒏𑒹𑒢𑒱𑒯𑒰𑒩 𑒮𑒧𑒲𑒏𑓂𑒭𑒏 𑒪𑒼𑒏𑒢𑒱 𑒂 𑒮𑓂𑒫𑒨𑓀 𑒂𑒧𑒳𑒐𑒏 𑒧𑒰𑒡𑓂𑒨𑒧𑒮𑒿 𑒁𑒣𑒢 𑒏𑒫𑒱𑒞𑒰𑒏 𑒢𑒲𑒏 𑒮𑒧𑒲𑒏𑓂𑒭𑒰 𑒏𑒹𑒢𑒱𑒯𑒰𑒩 𑒑𑒠𑓂𑒨𑒮𑒿 𑒣𑒠𑓂𑒨𑒧𑒹 𑒩𑒴𑒣𑒰𑒢𑓂𑒞𑒩𑒏𑒰𑒩 𑒧𑒯𑒰𑒏𑒫𑒱 𑒪𑒼𑒏𑒢𑒱 ! 𑒣𑒠𑓂𑒨 𑒮𑒩𑓂𑒖𑒢𑒰𑒏 𑒧𑒼𑒪 𑒏𑒹 𑒥𑒴𑒗𑒞 ! 𑒫𑓂𑒨𑒏𑓂𑒞𑒱𑒑𑒞 𑒪𑒾𑒏𑒱𑒏 𑒁𑒢𑒳𑒦𑒫 𑒖𑒹 𑒑𑒯𑒲𑓀𑒩 𑒡𑒩𑒱 𑒢𑒯𑒱 𑒅𑒞𑒩𑒞 𑒞𑒿 𑒮𑒹 𑒞𑒳𑒏𑒰𑒢𑓂𑒞 𑒩𑒯𑒪𑒰 𑒅𑒣𑒩𑒰𑒢𑓂𑒞𑒼 𑒅𑒞𑓂𑒏𑒵𑒭𑓂𑒙 𑒏𑒫𑒱𑒞𑒰 𑒢𑒯𑒱 𑒥𑒢𑒱 𑒮𑒏𑒞। 𑒣𑒰𑒩𑒪𑒾𑒏𑒱𑒏 𑒔𑒱𑒢𑓂𑒞𑒢 𑒏𑒞𑒥𑒼 𑒁𑒧𑒴𑒩𑓂𑒞 𑒩𑒯𑒞 𑒂 𑒖𑒹 𑒍 𑒪𑒾𑒏𑒱𑒏𑒮𑒿 𑒢𑒯𑒱 𑒧𑒱𑒪𑒞 𑒞𑒿 𑒍 𑒮𑒹𑒯𑒼 𑒁𑒞𑒳𑒏𑒰𑒢𑓂𑒞 𑒫𑒰 𑒑𑒼𑒪𑒾𑒮𑒲 𑒂 𑒫𑒰𑒠𑒏 𑒮𑒼𑓀𑒑𑒩𑒏 𑒁𑒕𑒻𑒞𑒯𑒳𑒿 𑒮𑒱𑒯𑒩𑒰 𑒢𑒯𑒱 𑒮𑒏𑒞। 𑒧𑒢𑒳𑒏𑓂𑒐𑒏 𑒂𑒫𑒬𑓂𑒨𑒏 𑒁𑒕𑒱 𑒦𑒼𑒖𑒢, 𑒫𑒮𑓂𑒞𑓂𑒩 𑒂 𑒂𑒫𑒰𑒮। 𑒂 𑒞𑒏𑒩 𑒥𑒰𑒠 𑒣𑒰𑒩𑒪𑒾𑒏𑒱𑒏 𑒔𑒱𑒢𑓂𑒞𑒢। 𑒖𑒐𑒢 𑒥𑒳𑒠𑓂𑒡 𑒄 𑒣𑒳𑒕𑒻 𑒕𑒟𑒱 𑒖𑒹 𑒄 𑒮𑒦 𑒅𑒞𑓂𑒮𑒫𑒧𑒹 𑒦𑒰𑒑 𑒪𑒹𑒢𑒱𑒯𑒰𑒩 𑒮𑒦 𑒮𑒹𑒯𑒼 𑒧𑒵𑒞𑓂𑒨𑒳𑒏 𑒁𑒫𑒬𑓂𑒨𑓀𑒦𑒰𑒫𑒱𑒞𑒰𑒏𑒹𑒿 𑒖𑒢𑒻 𑒕𑒟𑒱? 𑒂 𑒮𑒹 𑒖𑒹 𑒖𑒢𑒻 𑒕𑒟𑒱 𑒞𑒐𑒢 𑒏𑒼𑒢𑒰 𑒅𑒞𑓂𑒮𑒫𑒧𑒹 𑒦𑒰𑒑 𑒪𑓄 𑒩𑒯𑒪 𑒕𑒟𑒱। 𑒮𑒹 𑒂𑒡𑒳𑒢𑒱𑒏 𑒧𑒻𑒟𑒱𑒪𑒲 𑒏𑒫𑒱 𑒖𑒐𑒢 𑒁𑒣𑒢 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱𑒏 𑒂 𑒂𑒩𑓂𑒟𑒱𑒏 𑒂𑒡𑒰𑒩𑒏 𑒂𑒡𑒰𑒩 𑒁𑒣𑒢𑒰 𑒣𑒋𑒩𑒮𑒿 𑒢𑒲𑒔𑒰𑒿𑒮𑒿 𑒫𑒱𑒪𑒳𑒣𑓂𑒞 𑒠𑒹𑒐𑒻 𑒕𑒟𑒱 𑒂 𑒞𑒐𑒢𑒯𑒳 𑒂𑒿𑒐𑒱 𑒧𑒴𑒢𑒱 𑒏𑓄 𑒍𑒯𑒱 𑒮𑒞𑓂𑒨𑒞𑒰𑒏𑒹𑒿 𑒢𑒯𑒱 𑒧𑒰𑒢𑒻𑒞 𑒕𑒟𑒱, 𑒞𑒐𑒢 𑒖𑒹 𑒠𑒹𑒬-𑒫𑒱𑒠𑒹𑒬𑒏 𑒒𑒙𑒢𑒰𑒏𑓂𑒩𑒧𑒏 𑒫𑒰𑒠 𑒏𑒫𑒱𑒞𑒰𑒧𑒹 𑒒𑒼𑒮𑒱𑒨𑒰𑒥𑒋 𑒔𑒰𑒯𑒻 𑒕𑒟𑒱, 𑒠𑒹𑒬𑒖 𑒠𑒪𑒱𑒞 𑒮𑒧𑒰𑒖 𑒪𑒹𑒪 𑒖𑒹 𑒍 𑒅𑒣𑒏𑒩𑒱 𑒏𑓄 𑒪𑒱𑒐𑓄 𑒔𑒰𑒯𑒻 𑒕𑒟𑒱, 𑒅𑒣𑒏𑒰𑒩 𑒏𑒩𑓄 𑒔𑒰𑒯𑒻 𑒕𑒟𑒱, 𑒞𑒿 𑒞𑒰𑒯𑒱𑒧𑒹 𑒡𑒰𑒩 𑒢𑒯𑒱 𑒂𑒥𑒱 𑒣𑒥𑒻 𑒁𑒕𑒱। 𑒧𑒳𑒠𑒰 𑒖𑒐𑒢 𑒩𑒰𑒖𑒠𑒹𑒫 𑒧𑓀𑒛𑒪 𑒏𑒫𑒱𑒞𑒰 𑒪𑒱𑒐𑒻 𑒕𑒟𑒱-
....
𑒙𑒣-𑒙𑒣 𑒔𑒳𑒥𑒻𑒞 𑒐𑒴𑒢𑒏 𑒥𑒴𑒢 𑒮𑒿
𑒡𑒩𑒞𑒲 𑒦𑓄 𑒩𑒯𑒪 𑒮𑓂𑒢𑒰𑒞
𑒣𑒴𑒕𑒱 𑒩𑒯𑒪 𑒁𑒕𑒱 𑒔𑒱𑒛𑓃𑒻
𑒁𑒣𑒢𑒰 𑒧𑒢 𑒮𑒿 𑒄 𑒥𑒰𑒞
𑒂𑒥𑓄 𑒥𑒰𑒪𑒰 𑒄 𑒏𑒰𑒩𑒲 𑒂 𑒦𑒰𑒩𑒲 𑒩𑒰𑒞𑒱
𑒏𑒱 𑒢𑒯𑒱 𑒥𑒰𑒿𑒔𑒞 𑒯𑒧𑒩 𑒖𑒰𑒞𑒱...?
𑒞𑒿 𑒮𑒹 𑒯𑒧𑒩𑒰 𑒮𑒦𑒏𑒹𑒿 𑒮𑒱𑒯𑒩𑒰 𑒠𑒻𑒞 𑒁𑒕𑒱। 𑒏𑒫𑒱𑒏 𑒏𑒫𑒱𑒞𑓂𑒫𑒏 𑒖𑒰𑒞𑒱, 𑒍𑒯𑒱 𑒔𑒱𑒛𑓃𑒻𑒏 𑒖𑒰𑒞𑒱 𑒂𑒏𑒱..। 𑒏𑒼𑒢 𑒑𑒼𑒪𑒾𑒮𑒲 𑒂 𑒂𑒞𑓂𑒧𑒧𑒳𑒑𑓂𑒡 𑒂𑒧𑒳𑒐𑒏 𑒠𑒩𑒏𑒰𑒩 𑒕𑒻 𑒋𑒯𑒱 𑒏𑒫𑒱𑒞𑒰𑒏𑒹𑒿। 𑒏𑒼𑒢 𑒑𑒼𑒪𑒾𑒮𑒲𑒏 𑒂 𑒣𑓀𑒟𑒏 𑒮𑒼𑓀𑒑𑒩 𑒔𑒰𑒯𑒲 𑒋𑒯𑒱 𑒮𑒧𑓂𑒫𑒹𑒠𑒢𑒰𑒏𑒹𑒿। 𑒞𑒿 𑒏𑒫𑒱𑒞𑒰𑒏𑒹𑒿 𑒅𑒞𑓂𑒏𑒵𑒭𑓂𑒙𑒞𑒰 𑒔𑒰𑒯𑒲। 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱𑒏 𑒂𑒡𑒰𑒩 𑒔𑒰𑒯𑒲। 𑒍𑒏𑒩𑒰 𑒐𑒰𑒪𑒲 𑒂𑒨𑒰𑒞𑒱𑒞 𑒫𑒱𑒭𑒨-𑒫𑒮𑓂𑒞𑒳 𑒢𑒯𑒱 𑒔𑒰𑒯𑒲, 𑒖𑒹 𑒍𑒏𑒩𑒰𑒣𑒩 𑒅𑒣𑒏𑒰𑒩 𑒏𑒩𑒥𑒰𑒏 𑒠𑒵𑒭𑓂𑒙𑒱𑒋𑒿 𑒂𑒢𑒪 𑒑𑒹𑒪 𑒕𑒻। 𑒍𑒏𑒩𑒰 𑒂𑒨𑒰𑒞𑒱𑒞 𑒮𑒧𑓂𑒫𑒹𑒠𑒢𑒰 𑒮𑒹𑒯𑒼 𑒢𑒯𑒱 𑒔𑒰𑒯𑒲 𑒖𑒹 𑒍𑒏𑒩 𑒣𑒋𑒩𑒏 𑒢𑒲𑒔𑒰𑒮𑒿 𑒫𑒱𑒪𑒳𑒣𑓂𑒞 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱 𑒂 𑒂𑒩𑓂𑒟𑒱𑒏 𑒂𑒡𑒰𑒩𑒏𑒹𑒿 𑒞𑒏𑒥𑒰𑒏 𑒅𑒣𑒩𑒗𑒣𑒏𑒲 𑒅𑒣𑒏𑒵𑒞 𑒣𑓂𑒩𑒨𑒰𑒮 𑒧𑒰𑒞𑓂𑒩 𑒯𑒼𑒁𑒋। 𑒢𑒲𑒏 𑒏𑒫𑒱𑒞𑒰 𑒏𑒼𑒢𑒼 𑒫𑒱𑒭𑒨𑒣𑒩 𑒪𑒱𑒐𑒪 𑒖𑒰 𑒮𑒏𑒻𑒞 𑒁𑒕𑒱। 𑒥𑒳𑒠𑓂𑒡𑒏 𑒧𑒰𑒢𑒫𑒏 𑒦𑒫𑒱𑒭𑓂𑒨𑒏 𑒔𑒱𑒢𑓂𑒞𑒰𑒏𑒹𑒿 𑒪𑓄 𑒏𑒋, 𑒁𑒮𑒘𑓂𑒖𑒰𑒞𑒱 𑒧𑒢𑒏𑒹𑒿 𑒮𑒧𑓂𑒥𑒪 𑒠𑒹𑒥𑒰 𑒪𑒹𑒪 𑒮𑒹𑒯𑒼, 𑒢𑒯𑒱 𑒞𑒿 𑒪𑒼𑒏 𑒣𑓂𑒩𑒫𑒔𑒢𑒧𑒹 𑒜𑓃𑒼𑓀𑒑𑒲 𑒥𑒰𑒥𑒰 𑒪𑒹𑒪 𑒖𑒰𑒃𑒞𑒹 𑒩𑒯𑒞𑒰𑒯। 𑒮𑒧𑒰𑒖𑒏 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱 𑒂 𑒂𑒩𑓂𑒟𑒱𑒏 𑒂𑒡𑒰𑒩𑒏 𑒪𑒹𑒪 𑒮𑒹𑒯𑒼, 𑒢𑒯𑒱 𑒞𑒿 𑒧𑒻𑒟𑒱𑒪𑒲 𑒪𑒹𑒪 𑒬𑒱𑒫𑒱𑒩 𑒪𑒑𑒰𑒥𑒋 𑒣𑒛𑓃𑒞। 𑒥𑒱𑒧𑓂𑒥𑒏 𑒮𑓀𑒣𑓂𑒩𑒹𑒭𑒝𑒲𑒨𑒞𑒰 𑒮𑒹𑒯𑒼 𑒂𑒫𑒬𑓂𑒨𑒏, 𑒢𑒯𑒱 𑒞𑒿 𑒏𑒫𑒱 𑒪𑒹𑒪 𑒣𑒯𑒱𑒢𑒹𑒮𑒿 𑒫𑒰𑒞𑒰𑒫𑒩𑒝 𑒥𑒢𑒰𑒥𑒋 𑒣𑒛𑓃𑒞 𑒂 𑒯𑒳𑒢𑒏𑒩 𑒏𑒫𑒱𑒞𑒰𑒏 𑒪𑒹𑒪 𑒧𑓀𑒔𑒏 𑒍𑒩𑒱𑒂𑒍𑒢 𑒏𑒩𑒋 𑒣𑒛𑓃𑒞, 𑒯𑒳𑒢𑒏𑒩 𑒬𑒥𑓂𑒠𑒰𑒫𑒪𑒲 𑒂 𑒫𑒰𑒠𑒏 𑒪𑒹𑒪 𑒬𑒱𑒫𑒱𑒩 𑒪𑒑𑒰 𑒏𑓄 𑒣𑓂𑒩𑒬𑒱𑒏𑓂𑒭𑒝 𑒠𑒹𑒪 𑒖𑒋𑒥𑒰𑒏 𑒂𑒫𑒬𑓂𑒨𑒏𑒞𑒰 𑒁𑒢𑒳𑒦𑒴𑒞 𑒏𑒋𑒪 𑒖𑒋𑒞 𑒂 𑒮𑒹 𑒏𑒫𑒱 𑒪𑒼𑒏𑒢𑒱 𑒏𑒃𑒨𑒼 𑒩𑒯𑒪 𑒕𑒟𑒱 ! 𑒧𑒱𑒟𑒱𑒪𑒰𑒏 𑒦𑒰𑒭𑒰𑒏 𑒏𑒼𑒧𑒪 𑒂𑒩𑒼𑒯-𑒁𑒫𑒩𑒼𑒯, 𑒋𑒞𑒳𑒏𑓂𑒏𑒰 𑒮𑒩𑓂𑒫𑒯𑒰𑒩𑒰 𑒫𑒩𑓂𑒑𑒏 𑒮𑒩𑓂𑒫𑒑𑒳𑒝𑒮𑓀𑒣𑒢𑓂𑒢𑒞𑒰, 𑒮𑓀𑒑𑒯𑒱 𑒋𑒞𑒳𑒏𑓂𑒏𑒰 𑒩𑒯𑒢-𑒮𑒯𑒢 𑒂 𑒮𑓀𑒮𑓂𑒏𑒵𑒞𑒱𑒏 𑒏𑒙𑓂𑒙𑒩𑒞𑒰 𑒂 𑒩𑒰𑒖𑒢𑒲𑒞𑒱, 𑒠𑒱𑒢𑒔𑒩𑓂𑒨𑒰, 𑒮𑒰𑒧𑒰𑒖𑒱𑒏 𑒧𑒰𑒢𑓂𑒨𑒞𑒰, 𑒂𑒩𑓂𑒟𑒱𑒏 𑒮𑓂𑒟𑒱𑒞𑒱, 𑒢𑒻𑒞𑒱𑒏𑒞𑒰, 𑒡𑒩𑓂𑒧 𑒂 𑒠𑒩𑓂𑒬𑒢 𑒮𑒹𑒯𑒼 𑒮𑒰𑒯𑒱𑒞𑓂𑒨𑒧𑒹 𑒁𑒋𑒥𑒰𑒏 𑒔𑒰𑒯𑒲। 𑒂 𑒮𑒹 𑒢𑒯𑒱 𑒦𑒹𑒢𑒹 𑒮𑒰𑒯𑒱𑒞𑓂𑒨 𑒋𑒏𑒦𑒑𑒰𑒯 𑒦𑓄 𑒖𑒋𑒞, 𑒍𑒪𑒛𑓃𑒱 𑒖𑒋𑒞, 𑒤𑓂𑒩𑒹𑒧 𑒪𑒑𑒰 𑒏𑓄 𑒙𑒿𑒑𑒥𑒰 𑒖𑒼𑒑𑒛𑓃 𑒦𑓄 𑒖𑒋𑒞। 𑒏𑒫𑒱𑒞𑒰 𑒩𑒔𑒥 𑒫𑒱𑒫𑒬𑒞𑒰 𑒁𑒕𑒱, 𑒮𑒰𑒯𑒱𑒞𑓂𑒨𑒱𑒏। 𑒖𑒯𑒱𑒨𑒰 𑒧𑒱𑒟𑒱𑒪𑒰𑒏 𑒪𑒼𑒏𑒏𑒹𑒿 𑒧𑒻𑒟𑒱𑒪𑒲 𑒦𑒰𑒭𑒰 𑒮𑒱𑒐𑒹𑒥𑒰 𑒪𑒹𑒪 𑒬𑒱𑒫𑒱𑒩 𑒪𑒑𑒰𑒍𑒪 𑒖𑒋𑒥𑒰𑒏 𑒂𑒫𑒬𑓂𑒨𑒏𑒞𑒰 𑒁𑒢𑒳𑒦𑒴𑒞 𑒯𑒼𑒋𑒞, 𑒞𑒯𑒱𑒨𑒰 𑒏𑒫𑒱𑒞𑒰𑒏 𑒁𑒮𑓂𑒞𑒱𑒞𑓂𑒫𑒣𑒩 𑒣𑓂𑒩𑒬𑓂𑒢 𑒮𑒹𑒯𑒼 𑒚𑒰𑒜𑓃 𑒏𑒋𑒪 𑒖𑒰 𑒮𑒏𑒞। 𑒂 𑒮𑒹 𑒠𑒱𑒢 𑒢𑒯𑒱 𑒂𑒥𑒋 𑒞𑒰𑒯𑒱 𑒪𑒹𑒪 𑒮𑒹𑒯𑒼 𑒏𑒫𑒱𑒏𑒹𑒿 𑒮𑒞𑒩𑓂𑒏 𑒩𑒯𑒋 𑒣𑒛𑓃𑒞𑒢𑓂𑒯𑒱। 𑒂 𑒍𑒞𑒋 𑒞𑓂𑒫𑒧𑓂, 𑒞𑓂𑒫𑒰𑒧𑓂, 𑒞𑓂𑒫𑒨𑒰, 𑒞𑒳𑒦𑓂𑒨𑒧𑓂, 𑒞𑓂𑒫𑒞𑓂, 𑒞𑒫, 𑒞𑓂𑒫𑒨𑒱-𑒢𑒔𑒱𑒏𑒹𑒞𑒰𑒏 𑒧𑒡𑓂𑒨𑒧𑒣𑒳𑒩𑒳𑒭 𑒋𑒏𑒫𑒔𑒢-𑒁𑒯𑒧𑓂, 𑒧𑒰𑒧𑓂, 𑒧𑒨𑒰, 𑒧𑒯𑓂𑒨𑒧𑓂, 𑒧𑒞𑓂, 𑒧𑒧, 𑒧𑒨𑒱 𑒮𑒿 𑒤𑒩𑒰𑒏 𑒩𑒴𑒣𑒧𑒹 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱।























𑒧𑒻𑒟𑒱𑒪𑒏 𑒫𑒩𑓂𑒞𑒧𑒰𑒢 𑒮𑒧𑒮𑓂𑒨𑒰
𑒮𑒩𑓂𑒫𑒯𑒰𑒩𑒰 𑒧𑒻𑒟𑒱𑒪 𑒮𑓀𑒮𑓂𑒏𑒵𑒞𑒱 𑒋𑒏𑒙𑒰 𑒫𑒱𑒣𑓂𑒪𑒫𑒏 𑒠𑒾𑒩𑒮𑒿 𑒔𑒪𑒱 𑒩𑒯𑒪 𑒁𑒕𑒱। 𑒧𑒰𑒃𑒑𑓂𑒩𑒹𑒬𑒢 𑒋𑒏𑒙𑒰 𑒢𑒲𑒏 𑒑𑒣 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒖𑒰𑒯𑒱 𑒮𑓀𑒮𑓂𑒏𑒵𑒞𑒱𑒧𑒹 𑒋𑒏 𑒣𑒲𑒜𑓃𑒲𑒧𑒹 𑒑𑒰𑒧𑒏 𑒑𑒰𑒧 𑒮𑒳𑒢𑓂𑒢 𑒦𑓄 𑒑𑒹𑒪 𑒍𑒯𑒱𑒧𑒹 𑒧𑒰𑒃𑒑𑓂𑒩𑒹𑒬𑒢 𑒋𑒏𑒙𑒰 𑒁𑒦𑒱𑒬𑒰𑒣 𑒥𑒢𑒱 𑒂𑒋𑒪 𑒁𑒕𑒱। 𑒧𑒻𑒟𑒱𑒪 𑒮𑓀𑒮𑓂𑒏𑒵𑒞𑒱𑒏 𑒥𑒲𑒮 𑒣𑓂𑒩𑒞𑒱𑒬𑒞 𑒦𑒰𑒑 𑒢𑒹𑒣𑒰𑒪𑒧𑒹 𑒂 𑒁𑒮𑓂𑒮𑒲 𑒣𑓂𑒩𑒞𑒱𑒬𑒞 𑒦𑒰𑒑 𑒦𑒰𑒩𑒞𑒧𑒹 𑒣𑒛𑓃𑒻𑒞 𑒁𑒕𑒱। 𑒂 𑒋𑒯𑒱 𑒧𑒰𑒃𑒑𑓂𑒩𑒹𑒮𑒢𑒮𑒿 𑒋𑒞𑒋 𑒂𑒩𑓂𑒟𑒱𑒏, 𑒮𑒰𑒧𑒰𑒖𑒱𑒏, 𑒩𑒰𑒖𑒢𑒻𑒞𑒱𑒏 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒮𑓀𑒏𑒙 𑒅𑒞𑓂𑒣𑒢𑓂𑒢 𑒦𑓄 𑒑𑒹𑒪 𑒁𑒕𑒱।
𑒏𑒰𑒩𑒝: 𑓑𑓙𑓖𑓗 𑒄. 𑒏 𑒁𑒏𑒰𑒪 𑒂 𑒞𑒏𑒩 𑒥𑒰𑒠𑒏 𑒏𑒋𑒏 𑒮𑒰𑒪𑒏 𑒬𑒱𑒟𑒱𑒪 𑒣𑓂𑒩𑒬𑒰𑒮𑒢 𑒂 𑒤𑒹𑒩 𑓑𑓙𑓘𑓗 𑒄.𑒏 𑒥𑒰𑒜𑓃𑒱 𑒂 𑒞𑒏𑒩 𑒥𑒰𑒠𑒏 𑒏𑒋𑒏 𑒮𑒰𑒪𑒏 𑒬𑒱𑒟𑒱𑒪 𑒣𑓂𑒩𑒬𑒰𑒮𑒢 𑒄 𑒮𑒦 𑒧𑒱𑒪𑒱 𑒏𑓄 𑒋𑒏𑒙𑒰 𑒂𑒩𑓂𑒟𑒱𑒏 𑒮𑓀𑒏𑒙 𑒅𑒞𑓂𑒣𑒢𑓂𑒢 𑒏𑒋𑒪 𑒖𑒰𑒯𑒱𑒮𑒿 𑒧𑒰𑒃𑒑𑓂𑒩𑒹𑒬𑒢 𑒁𑒣𑒢 𑒫𑒱𑒏𑒙 𑒩𑒴𑒣𑒧𑒹 𑒮𑒼𑒗𑒰𑒿 𑒂𑒋𑒪 𑒂 𑒋𑒏𑒙𑒰 𑒮𑒰𑓀𑒮𑓂𑒏𑒵𑒞𑒱𑒏 𑒮𑓀𑒏𑒙 𑒅𑒞𑓂𑒣𑒢𑓂𑒢 𑒦𑒹𑒪। 𑒂𑒩𑓂𑒟𑒱𑒏 𑒮𑓂𑒟𑒱𑒞𑒱 𑒐𑒩𑒰𑒣 𑒦𑒹𑒢𑒹 𑒖𑒰𑒞𑒱𑒑𑒞 𑒏𑒙𑓂𑒙𑒩𑒞𑒰 𑒥𑒜𑓃𑒱𑒞𑒹 𑒁𑒕𑒱।𑒂 𑒋𑒯𑒱 𑒮𑓀𑒏𑒙 𑒪𑒹𑒪 𑒂 𑒋𑒏𑒩𑒰𑒮𑒿 𑒢𑒱𑒏𑒪𑒥𑒰𑒏 𑒪𑒹𑒪 𑒧𑒱𑒟𑒱𑒪𑒰𑒏 𑒮𑓀𑒮𑓂𑒏𑒵𑒞𑒱𑒧𑒹 𑒥𑒯𑒳𑒞 𑒩𑒰𑒮 𑒮𑒯𑒰𑒨𑒏 𑒂 𑒫𑒱𑒩𑒼𑒡𑒲 𑒞𑒞𑓂𑒫 𑒮𑒹𑒯𑒼 𑒅𑒣𑒪𑒥𑓂𑒡 𑒁𑒕𑒱। 𑒋𑒞𑒳𑒏𑓂𑒏𑒰 𑒦𑒰𑒭𑒰𑒏 𑒏𑒼𑒧𑒪 𑒂𑒩𑒼𑒯-𑒁𑒫𑒩𑒼𑒯, 𑒋𑒞𑒳𑒏𑓂𑒏𑒰 𑒮𑒩𑓂𑒫𑒯𑒰𑒩𑒰 𑒫𑒩𑓂𑒑𑒏 𑒮𑒩𑓂𑒫𑒑𑒳𑒝𑒮𑓀𑒣𑒢𑓂𑒢𑒞𑒰, 𑒮𑓀𑒑𑒯𑒱 𑒋𑒞𑒳𑒏𑓂𑒏𑒰 𑒩𑒯𑒢-𑒮𑒯𑒢 𑒂 𑒮𑓀𑒮𑓂𑒏𑒵𑒞𑒱𑒏 𑒏𑒙𑓂𑒙𑒩𑒞𑒰, 𑒄 𑒮𑒦𑒙𑒰 𑒧𑒱𑒟𑒱𑒪𑒰𑒏 𑒃𑒞𑒱𑒯𑒰𑒮𑒏 𑒁𑓀𑒑 𑒁𑒕𑒱। 𑒋𑒯𑒱𑒧𑒹 𑒩𑒰𑒖𑒢𑒲𑒞𑒱, 𑒠𑒱𑒢𑒔𑒩𑓂𑒨𑒰, 𑒮𑒰𑒧𑒰𑒖𑒱𑒏 𑒧𑒰𑒢𑓂𑒨𑒞𑒰, 𑒂𑒩𑓂𑒟𑒱𑒏 𑒮𑓂𑒟𑒱𑒞𑒱, 𑒢𑒻𑒞𑒱𑒏𑒞𑒰, 𑒡𑒩𑓂𑒧, 𑒠𑒩𑓂𑒬𑒢 𑒂 𑒮𑒰𑒯𑒱𑒞𑓂𑒨 𑒮𑒹𑒯𑒼 𑒮𑒧𑓂𑒧𑒱𑒪𑒱𑒞 𑒁𑒕𑒱 । 𑒋𑒞𑒋 𑒫𑒱𑒠𑓂𑒨𑒰𑒣𑒞𑒱 𑒮𑒢 𑒪𑒼𑒏 𑒦𑒹𑒪𑒰𑒯 𑒖𑒹 𑒮𑒧𑒰𑒖𑒏 𑒫𑒱𑒦𑒱𑒢𑓂𑒢 𑒫𑒩𑓂𑒑𑒏𑒹𑒿 𑒮𑒧𑒹𑒙𑒱 𑒏𑓄 𑒩𑒰𑒐𑒪𑒢𑓂𑒯𑒱 𑒞𑒿 𑒮𑓀𑒑𑒯𑒱 𑒋𑒞𑒋 𑒏𑒙𑓂𑒙𑒩 𑒞𑒞𑓂𑒫 𑒮𑒹𑒯𑒼 𑒩𑒯𑒪।
𑒬𑒱𑒏𑓂𑒭𑒰, 𑒖𑒰𑒞𑒱-𑒣𑒰𑒞𑒱 𑒂 𑒮𑓂𑒞𑓂𑒩𑒲𑒏 𑒠𑒬𑒰: 𑒖𑒰𑒞𑒱𑒏 𑒦𑒲𑒞𑒩𑒏 𑒮𑓂𑒞𑒩𑒲𑒏𑒩𑒝, 𑒠𑒴 𑒖𑒰𑒞𑒱𑒏 𑒥𑒲𑒔𑒧𑒹 𑒧𑒞𑒦𑒹𑒠, 𑒥𑒯𑒳-𑒫𑒱𑒫𑒰𑒯, 𑒥𑒰𑒪-𑒫𑒱𑒫𑒰𑒯, 𑒥𑒱𑒏𑒾𑒂 𑒫𑒱𑒫𑒰𑒯। 𑒥𑒰𑒪-𑒫𑒱𑒫𑒰𑒯𑒏 𑒫𑒱𑒩𑒼𑒡 𑒂 𑒫𑒱𑒡𑒫𑒰 𑒫𑒱𑒫𑒰𑒯𑒏 𑒣𑒏𑓂𑒭𑒧𑒹 𑒏𑒼𑒢𑒼 𑒮𑒰𑓀𑒏𑒹𑒞𑒱𑒏 𑒂𑒢𑓂𑒠𑒼𑒪𑒢 𑒡𑒩𑒱 𑒢𑒯𑒱 𑒦𑒹𑒪। 𑒬𑒴𑒠𑓂𑒩 𑒏𑒫𑒱 𑒌𑒪𑒴𑒭 𑒫𑒻𑒠𑒱𑒏 𑒇𑒔𑒰 𑒪𑒱𑒐𑒪𑒢𑓂𑒯𑒱 𑒞𑒿 𑒍 𑒮𑒧𑒰𑒖 𑒋𑒞𑒹𑒏 𑒮𑒳𑒠𑒵𑒜𑓃 𑒕𑒪 𑒖𑒹 𑒬𑒳𑒠𑓂𑒠𑒏 𑒑𑒝 𑒠𑓂𑒫𑒰𑒩𑒰 𑒋𑒪𑒹𑒏𑓂𑒖𑒹𑒢𑓂𑒛𑒩𑒏𑒹𑒿 𑒏𑒛𑓃𑒑𑒩 𑒫𑒱𑒩𑒼𑒡 𑒮𑒯𑒋 𑒣𑒛𑓃𑒪𑒻𑒏। 𑒧𑒱𑒟𑒱𑒪𑒰𑒏 𑒮𑒢𑓂𑒠𑒩𑓂𑒦𑒧𑒹 𑒮𑒹𑒯𑒼 𑒖𑒐𑒢 𑒁𑒣𑒢 𑒬𑒱𑒪𑓂𑒣𑒲 𑒪𑒼𑒏𑒢𑒱 𑒂 𑒮𑒦𑒙𑒰 𑒞𑒟𑒰𑒏𑒟𑒱𑒞 𑒮𑒧𑒰𑒖𑒏 𑒢𑒱𑒧𑓂𑒢 𑒮𑓂𑒞𑒩𑒏 𑒪𑒼𑒏 𑒖𑒐𑒢 𑒮𑒳𑒠𑒵𑒜𑓃 𑒕𑒪 𑒞𑒐𑒢 𑒖𑒢𑒏𑒏 𑒢𑒰𑒧𑒏𑒩𑒝 𑒖𑒢 𑒮𑒿 𑒦𑒹𑒪 𑒂 𑒤𑒹𑒩 𑒮𑒱𑒧𑒩𑒾𑒢𑒰𑒑𑒜𑓃, 𑒣𑒖𑒹𑒥𑒰𑒑𑒜𑓃, 𑒥𑒪𑒱𑒩𑒰𑒖𑒣𑒳𑒩 𑒏𑒱𑒪𑒰, 𑒁𑒮𑒳𑒩𑒑𑒜𑓃 𑒏𑒱𑒪𑒰, 𑒖𑒨𑒢𑒑𑒩 𑒏𑒱𑒪𑒰, 𑒢𑒢𑓂𑒠𑒢𑒑𑒜𑓃, 𑒏𑒙𑒩𑒰𑒑𑒜𑓃, 𑒢𑒾𑒪𑒰𑒑𑒜𑓃, 𑒧𑓀𑒑𑒪𑒑𑒜𑓃, 𑒏𑒲𑒔𑒏𑒑𑒜𑓃, 𑒥𑒹𑒢𑒴𑒑𑒜𑓃, 𑒫𑒩𑒱𑒖𑒢𑒑𑒜𑓃, 𑒂𑒠𑒱𑒏 𑒋𑒏𑒙𑒰 𑒬𑒵𑓀𑒐𑒪𑒰 𑒧𑒱𑒟𑒱𑒪𑒰𑒏 𑒮𑓂𑒟𑒰𑒣𑒞𑓂𑒨 𑒏𑒪𑒰𑒏 𑒩𑒴𑒣𑒧𑒹 𑒅𑒠𑓂𑒒𑒰𑒙𑒱𑒞 𑒦𑒹𑒪। 𑒂 𑒄 𑒏𑒱𑒪𑒰 𑒮𑒦 𑒬𑒞𑓂𑒩𑒳𑒏𑒹𑒿 𑒧𑒟𑒋 𑒥𑒪𑒰 𑒧𑒱𑒟𑒱𑒪𑒰𑒏 𑒢𑒰𑒧𑒏𑒩𑒝𑒏 𑒁𑒢𑒳𑒩𑒴𑒣 𑒩𑒯𑒪। 𑒥𑒾𑒠𑓂𑒡 𑒐𑒼𑒯, 𑒞𑒰𑒩𑒰𑒏 𑒧𑒴𑒩𑓂𑒞𑒱 𑒂𑒠𑒱 𑒬𑒱𑒪𑓂𑒣𑒲 𑒏𑒪𑒰𑒏 𑒁𑒢𑓂𑒨 𑒩𑒴𑒣𑒏 𑒔𑒩𑓂𑒔𑒏 𑒩𑒴𑒣𑒧𑒹 𑒮𑒹𑒯𑒼 𑒅𑒣𑒮𑓂𑒟𑒱𑒞 𑒁𑒕𑒱। 𑒧𑒳𑒠𑒰 𑒖𑒹 𑒄 𑒏𑒙𑓂𑒙𑒩𑒞𑒰 𑒥𑒜𑓃𑒻𑒞 𑒑𑒹𑒪 𑒞𑒿 𑒂𑒃 𑒧𑒱𑒟𑒱𑒪𑒰𑒧𑒹 𑒮𑓂𑒟𑒰𑒣𑒞𑓂𑒨𑒏 𑒢𑒰𑒧𑒣𑒩 𑒅𑒣𑒪𑒥𑓂𑒡𑒱 𑒮𑒹𑒯𑒼 𑒬𑒴𑒢𑓂𑒨 𑒦𑓄 𑒑𑒹𑒪। 𑒂𑒩𑓂𑒟𑒱𑒏 𑒮𑓂𑒟𑒱𑒞𑒱 𑒋𑒯𑒢 𑒦𑓄 𑒑𑒹𑒪 𑒖𑒹 𑒋𑒏 𑒮𑒰𑒿𑒗 𑒅𑒣𑒰𑒮 𑒩𑒯𑒋 𑒪𑒰𑒑𑒪। 𑒧𑒰𑒃𑒑𑓂𑒩𑒹𑒬𑒢 𑒦𑒳𑒐𑒧𑒩𑒲 𑒩𑒼𑒏𑒪𑒏 𑒧𑒳𑒠𑒰 𑒏𑒱𑒕𑒳 𑒧𑒴𑒪𑓂𑒨𑒣𑒩। 𑒞𑒯𑒱𑒢𑒰 𑒧𑒻𑒞𑓂𑒩𑒹𑒨𑒲𑒮𑒢 𑒫𑒱𑒠𑒳𑒭𑒲 𑒮𑒯𑒮𑓂𑒩𑒰𑒥𑓂𑒠𑒲 𑒦𑒩𑒱 𑒫𑒱𑒪𑒳𑒣𑓂𑒞 𑒩𑒯𑒪𑒲𑒯 𑒮𑒹 𑒖𑒰𑒞𑒱𑒑𑒞 𑒏𑒙𑓂𑒙𑒩𑒞𑒰 (𑒖𑒰𑒞𑒱 𑒧𑒡𑓂𑒨 𑒂𑒢𑓂𑒞𑒩𑒱𑒏 𑒁𑒞𑒩𑒲𑒏𑒩𑒝 𑒂 𑒠𑒴 𑒖𑒰𑒞𑒱 𑒧𑒡𑓂𑒨- 𑒠𑒳𑒢𑒳 𑒣𑓂𑒩𑒏𑒰𑒩𑒏) 𑒏𑒰𑒩𑒝𑒮𑒿। 𑒬𑒱𑒏𑓂𑒭𑒰𑒏 𑒯𑓂𑒩𑒰𑒮 𑒞𑒿 𑒞𑒹𑒯𑒹𑒢 𑒦𑒹𑒪 𑒖𑒹 𑒭𑒛 𑒠𑒩𑓂𑒬𑒢𑒧𑒹 𑒔𑒰𑒩𑒱 𑒙𑒰 𑒠𑒩𑓂𑒬𑒢 𑒧𑒱𑒟𑒱𑒪𑒰𑒮𑒿 𑒢𑒱𑒏𑒪𑒪 𑒧𑒳𑒠𑒰 𑒂𑒃 𑒑𑒰𑒧𑒏 𑒑𑒰𑒧 𑒧𑒻𑒙𑓂𑒩𑒱𑒏 𑒣𑒩𑒲𑒏𑓂𑒭𑒰𑒧𑒹 𑒣𑒰𑒮 𑒢𑒯𑒱 𑒏𑒹𑒢𑒱𑒯𑒰𑒩𑒮𑒿 𑒦𑒩𑒪 𑒁𑒕𑒱।
𑒥𑒰𑒜𑓃𑒱 𑒂 𑒁𑒩𑓂𑒟𑒫𑓂𑒨𑒫𑒮𑓂𑒟𑒰: 𑒧𑒱𑒟𑒱𑒪𑒰𑒏 𑒡𑒩𑒞𑒲 𑒥𑒰𑒜𑓃𑒱𑒏 𑒫𑒱𑒦𑒲𑒭𑒱𑒏𑒰𑒮𑒿 𑒮𑒹𑒯𑒼 𑒖𑒳𑒗𑒻𑒞 𑒩𑒯𑒪 𑒁𑒕𑒱। 𑒏𑒳𑒬𑒹𑒬𑓂𑒫𑒩𑒮𑓂𑒟𑒰𑒢 𑒠𑒱𑒮𑒳𑒏𑒰 𑒏𑓂𑒭𑒹𑒞𑓂𑒩 𑒞𑒿 𑒥𑒱𑒢 𑒥𑒰𑒜𑓃𑒱𑒏, 𑒥𑒩𑒐𑒰𑒏 𑒮𑒧𑒨𑒧𑒨𑒹 𑒛𑒴𑒧𑒪 𑒩𑒯𑒻𑒞 𑒁𑒕𑒱। 𑒧𑒳𑒠𑒰 𑒄 𑒮𑓂𑒟𑒱𑒞𑒱 𑓑𑓙𑓗𑓘-𑓗𑓙 𑒏 𑒥𑒰𑒠𑒏 𑒕𑒲। 𑒣𑒯𑒱𑒢𑒹 𑒍 𑒏𑓂𑒭𑒹𑒞𑓂𑒩 𑒣𑒴𑒩𑓂𑒝 𑒩𑒴𑒣𑒮𑒿 𑒅𑒣𑒖𑒰𑒆 𑒕𑒪, 𑒧𑒳𑒠𑒰 𑒦𑒰𑒩𑒞𑒧𑒹 𑒞𑒙𑒥𑒢𑓂𑒡𑒏 𑒁𑒢𑒱𑒨𑒢𑓂𑒞𑓂𑒩𑒱𑒞 𑒢𑒱𑒩𑓂𑒧𑒰𑒝𑒏 𑒮𑓀𑒑 𑒣𑒰𑒢𑒱𑒏 𑒖𑒧𑒰𑒫 𑒍𑒞𑒋 𑒬𑒳𑒩𑒴 𑒦𑓄 𑒑𑒹𑒪। 𑒧𑒳𑒠𑒰 𑒍𑒯𑒱 𑒏𑓂𑒭𑒹𑒞𑓂𑒩𑒏 𑒥𑒰𑒜𑓃𑒱𑒏 𑒏𑒼𑒢𑒼 𑒮𑒧𑒰𑒔𑒰𑒩 𑒏𑒯𑒱𑒨𑒼 𑒢𑒯𑒱 𑒁𑒥𑒻𑒞 𑒁𑒕𑒱, 𑒏𑒯𑒱𑒨𑒼 𑒁𑒥𑒱𑒞𑒼 𑒩𑒯𑒋 𑒞𑒿 𑒧𑒰𑒞𑓂𑒩 𑒄 𑒠𑒳𑒭𑓂𑒣𑓂𑒩𑒔𑒰𑒩 𑒖𑒹 𑒄 𑒮𑒦𑒙𑒰 𑒣𑒰𑒢𑒱 𑒢𑒹𑒣𑒰𑒪𑒮𑒿 𑒕𑒼𑒛𑓃𑒪 𑒑𑒹𑒪 𑒣𑒰𑒢𑒱𑒏 𑒖𑒧𑒰𑒫 𑒁𑒕𑒱। 𑒏𑒳𑒬𑒹𑒬𑓂𑒫𑒩𑒮𑓂𑒟𑒰𑒢 𑒠𑒱𑒮𑒳𑒏𑒰 𑒪𑒼𑒏 𑒋𑒯𑒱 𑒢𑒫 𑒮𑓀𑒏𑒙𑒮𑒿 𑒪𑒛𑓃𑒥𑒰𑒏 𑒏𑒪𑒰 𑒮𑒲𑒐𑒱 𑒑𑒹𑒪𑒰𑒯। 𑒯𑒧𑒩𑒰 𑒧𑒼𑒢 𑒁𑒕𑒱 𑒍 𑒠𑒵𑒬𑓂𑒨 𑒖𑒐𑒢 𑒏𑒳𑒬𑒹𑒬𑓂𑒫𑒩𑒮𑓂𑒟𑒰𑒢𑒮𑒿 𑒧𑒯𑒱𑒭𑒲 𑒅𑒑𑓂𑒩𑒞𑒰𑒩𑒰𑒮𑓂𑒟𑒰𑒢 𑒖𑒋𑒥𑒰𑒏 𑒪𑒹𑒪 𑒯𑒧𑒩𑒰 𑒥𑒰𑒜𑓃𑒱𑒏 𑒮𑒧𑒨𑒧𑒹 𑒁𑒋𑒥𑒰𑒏 𑒪𑒹𑒪 𑒏𑒯𑒪 𑒑𑒹𑒪 𑒕𑒪 𑒏𑒰𑒩𑒝 𑒍𑒯𑒱 𑒮𑒧𑒨𑒧𑒹 𑒢𑒰𑒍𑒮𑒿 𑒑𑒹𑒢𑒰𑒃 𑒮𑒩𑒪 𑒁𑒕𑒱, 𑒄 𑒏𑒯𑒪 𑒑𑒹𑒪। 𑒩𑒳𑒐 𑒮𑒧𑒨𑒧𑒹 𑒐𑒞𑓂𑒞𑒰-𑒔𑒦𑒔𑓂𑒔𑒰𑒧𑒹 𑒢𑒰𑒍 𑒢𑒯𑒱 𑒔𑒪𑒱 𑒣𑒥𑒻𑒞 𑒁𑒕𑒱 𑒂 𑒮𑒛𑓃𑒏𑒏 𑒯𑒰𑒪 𑒞𑒿 𑒣𑒳𑒕𑒴 𑒖𑒳𑒢𑒱। 𑒤𑒮𑒱𑒪𑒏 𑒮𑓂𑒫𑒩𑒴𑒣𑒧𑒹 𑒣𑒩𑒱𑒫𑒩𑓂𑒞𑒢 𑒦𑒹𑒪, 𑒧𑒞𑓂𑒮𑓂𑒨-𑒣𑒰𑒪𑒢 𑒖𑒹𑒢𑒰 𑒞𑒹𑒢𑒰 𑒏𑓄 𑒏𑒋 𑒄 𑒏𑓂𑒭𑒹𑒞𑓂𑒩 𑒖𑒥𑒩𑒠𑒮𑓂𑒞𑒲𑒏 𑒋𑒏𑒙𑒰 𑒖𑒲𑒫𑒢-𑒏𑒪𑒰 𑒮𑒱𑒐𑒪𑒏। 𑒏𑒾𑒬𑒱𑒏𑒲 𑒧𑒯𑒰𑒩𑒰𑒢𑒲𑒏 𑓒𑓐𑓐𑓘 𑒄.𑒏 𑒣𑓂𑒩𑒏𑒼𑒣 𑒮𑒼𑒗𑒰𑒿 𑒂𑒋𑒪। 𑒏𑒼𑒬𑒲 𑒂 𑒑𑓀𑒛𑒏𑒣𑒩 𑒖𑒹 𑒠𑒴 𑒙𑒰 𑒥𑒻𑒩𑒰𑒖 𑒢𑒹𑒣𑒰𑒪𑒧𑒹 𑒁𑒕𑒱 𑒍𑒏𑒩 𑒢𑒱𑒨𑒢𑓂𑒞𑓂𑒩𑒝 𑒥𑒱𑒯𑒰𑒩 𑒮𑒩𑒏𑒰𑒩𑒏 𑒖𑒪 𑒮𑓀𑒮𑒰𑒡𑒢 𑒫𑒱𑒦𑒰𑒑𑒏 𑒪𑒑 𑒁𑒕𑒱 𑒂 𑒋𑒞𑒋 𑒥𑒱𑒯𑒰𑒩 𑒮𑒩𑒏𑒰𑒩𑒏 𑒁𑒦𑒱𑒨𑒢𑓂𑒞𑒰𑒑𑒝𑒏 𑒢𑒱𑒨𑒢𑓂𑒞𑓂𑒩𑒝 𑒕𑒢𑓂𑒯𑒱। 𑒣𑒰𑒢𑒱 𑒕𑒼𑒛𑓃𑒥𑒰𑒏 𑒢𑒱𑒩𑓂𑒝𑒨 𑒥𑒱𑒯𑒰𑒩 𑒮𑒩𑒏𑒰𑒩𑒏 𑒖𑒪 𑒮𑓀𑒮𑒰𑒡𑒢 𑒫𑒱𑒦𑒰𑒑𑒏 𑒯𑒰𑒟𑒧𑒹 𑒁𑒕𑒱। 𑒢𑒹𑒣𑒰𑒪𑒏 𑒯𑒰𑒟𑒧𑒹 𑒣𑒰𑒢𑒱 𑒕𑒼𑒛𑓃𑒥𑒰𑒏 𑒁𑒡𑒱𑒏𑒰𑒩 𑒞𑒐𑒢 𑒁𑒋𑒞 𑒖𑒐𑒢 𑒍𑒞𑒳𑒏𑓂𑒏𑒰 𑒂𑒢 𑒡𑒰𑒩 𑒣𑒩 𑒥𑒰𑒢𑓂𑒯/ 𑒕𑒯𑒩 𑒥𑒢𑒞, 𑒧𑒳𑒠𑒰 𑒮𑒹 𑓕𑓐 𑒮𑒰𑒪𑒮𑒿 𑒆𑒣𑒩 𑒦𑒹𑒪𑒰𑒏 𑒥𑒰𑒠𑒼 𑒠𑒳𑒢𑒴 𑒠𑒹𑒬𑒏 𑒥𑒲𑒔𑒧𑒹 𑒏𑒼𑒢𑒼 𑒮𑒯𑒧𑒞𑒱𑒏 𑒁𑒕𑒻𑒞 𑒮𑒧𑓂𑒦𑒫 𑒢𑒯𑒱 𑒦𑒋 𑒮𑒏𑒪। 𑒏𑒼𑒬𑒲𑒣𑒩 𑒦𑒲𑒧𑒢𑒑𑒩 𑒥𑒻𑒩𑒹𑒖 𑒏𑒳𑒬𑒯𑒰, 𑒢𑒹𑒣𑒰𑒪𑒧𑒹 𑒁𑒕𑒱। 𑓑𑓙𑓕𑓘 𑒧𑒹 𑒥𑒢𑒪 𑒋𑒯𑒱 𑒕𑒯𑒩𑒏 𑒖𑒲𑒫𑒢 𑓓𑓐 𑒥𑒩𑒐 𑒢𑒱𑒩𑓂𑒡𑒰𑒩𑒱𑒞 𑒕𑒪, 𑒖𑒹 𑓑𑓙𑓘𑓘 𑒧𑒹 𑒥𑒲𑒞𑒱 𑒑𑒹𑒪। 𑒠𑒳𑒢𑒴 𑒠𑒹𑒬𑒏 𑒥𑒲𑒔𑒧𑒹 𑒏𑒼𑒢𑒼 𑒮𑒯𑒧𑒞𑒱 𑒏𑒱𑒋𑒏 𑒢𑒯𑒱 𑒥𑒢𑒱 𑒣𑒰𑒍𑒪 ? 𑒕𑒯𑒩𑒏 𑒥𑒲𑒔𑒧𑒹 𑒖𑒹 𑒩𑒹𑒞 𑒖𑒧𑒰 𑒦𑓄 𑒖𑒰𑒃𑒞 𑒁𑒕𑒱, 𑒞𑒏𑒩𑒰 𑒮𑒦 𑒮𑒰𑒪 𑒯𑒙𑒰𑒍𑒪 𑒖𑒰𑒃𑒞 𑒁𑒕𑒱। 𑒏𑒰𑒩𑒝 𑒄 𑒢𑒯𑒱 𑒏𑒋𑒪𑒰𑒮𑒿 𑒍𑒏𑒩 𑒥𑒲𑒔𑒧𑒹 𑒆𑓀𑒔𑒰𑒄 𑒥𑒜𑓃𑒻𑒞 𑒖𑒰𑒋𑒞, 𑒞𑒐𑒢 𑒮𑒦 𑒮𑒰𑒪 𑒥𑒰𑒢𑓂𑒯𑒏 𑒆𑒿𑒔𑒰𑒄 𑒥𑒜𑓃𑒰𑒥𑒋 𑒣𑒛𑓃𑒞। 𑒏𑒼𑒬𑒲 𑒁𑒣𑒢 𑒧𑒳𑒐𑓂𑒨 𑒡𑒰𑒩𑒮𑒿 𑒯𑒙𑒱 𑒏𑒋 𑒋𑒏𑒙𑒰 𑒢𑒫 𑒡𑒰𑒩 𑒣𑒏𑒛𑓃𑒻𑒞 𑒁𑒕𑒱 𑒂 𑒢𑒹𑒣𑒰𑒪𑒏 𑒧𑒱𑒟𑒱𑒪𑒰𑓀𑒔𑒪𑒏 𑒮𑓀𑒑 𑒥𑒱𑒯𑒰𑒩𑒏 𑒧𑒱𑒟𑒱𑒪𑒰𑓀𑒔𑒪𑒏𑒹𑒿 𑒞𑒯𑒮 𑒢𑒯𑒮 𑒏𑒩𑒻𑒞 𑒁𑒕𑒱।
𑒧𑒻𑒟𑒱𑒪𑒲 𑒦𑒰𑒭𑒰: 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝 𑒂 𑒏𑒩𑓂𑒝 𑒏𑒰𑒨𑒮𑓂𑒟𑒏 𑒂𑒡𑒰𑒩𑒣𑒩 𑒧𑒻𑒟𑒱𑒪𑒲 𑒮𑒹𑒫𑒲 𑒮𑓀𑒮𑓂𑒟𑒰 𑒮𑒦 𑒖𑒹 𑒫𑒱𑒠𑓂𑒨𑒰𑒣𑒞𑒱 𑒣𑒩𑓂𑒫 𑒂 𑒮𑓀𑒮𑓂𑒟𑒰𑒏 𑒢𑒱𑒩𑓂𑒧𑒰𑒝, 𑒣𑒳𑒩𑒮𑓂𑒏𑒰𑒩 𑒫𑒱𑒞𑒩𑒝 𑒏𑒋 𑒩𑒯𑒪 𑒕𑒟𑒱 𑒍𑒯𑒱𑒧𑒹 𑒑𑒋𑒩 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝 𑒂 𑒏𑒩𑓂𑒝 𑒏𑒰𑒨𑒮𑓂𑒟𑒏 𑒣𑓂𑒩𑒫𑒹𑒬 𑒮𑒲𑒧𑒱𑒞 𑒁𑒕𑒱 𑒧𑒳𑒠𑒰 𑒋𑒧𑓂𑒯𑒩 𑒍 𑒥𑒜𑓃𑒱 𑒩𑒯𑒪 𑒁𑒕𑒱। 𑒂 𑒄 𑒧𑒻𑒟𑒱𑒪𑒲𑒏 𑒪𑒹𑒪 𑒋𑒏𑒙𑒰 𑒬𑒳𑒦 𑒪𑒏𑓂𑒭𑒝 𑒁𑒕𑒱। 𑒮𑒰𑒯𑒱𑒞𑓂𑒨𑒧𑒹 𑒮𑒹𑒯𑒼 𑒑𑒋𑒩 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝 𑒂 𑒏𑒩𑓂𑒝 𑒏𑒰𑒨𑒮𑓂𑒟 𑒪𑒹𑒐𑒏 𑒂 𑒣𑒰𑒚𑒏 𑒥𑒜𑓃𑒪 𑒕𑒟𑒱। 𑒧𑒲𑒛𑒱𑒨𑒰 𑒂 𑒬𑒱𑒏𑓂𑒭𑒰 𑒫𑓂𑒨𑒫𑒮𑓂𑒟𑒰 𑒋𑒯𑒱 𑒂𑒡𑒳𑒢𑒱𑒏 𑒃𑒢𑓂𑒤𑒰𑒩𑒧𑒹𑒬𑒢 𑒮𑒼𑒮𑒰𑒃𑒙𑒲𑒧𑒹 𑒁𑒣𑒢 𑒯𑒮𑓂𑒞𑒏𑓂𑒭𑒹𑒣𑒮𑒿 𑒧𑒻𑒟𑒱𑒪𑒲 𑒦𑒰𑒭𑒰 𑒂 𑒧𑒻𑒟𑒱𑒪 𑒮𑓀𑒮𑓂𑒏𑒵𑒞𑒱 𑒪𑒹𑒪 𑒋𑒏𑒙𑒰 𑒣𑓂𑒩𑒯𑒰𑒩 𑒮𑒢 𑒁𑒕𑒱 𑒧𑒳𑒠𑒰 𑒮𑒾𑒦𑒰𑒑𑓂𑒨 𑒧𑒱𑒟𑒱𑒪𑒰 𑒮𑒢 𑒙𑒲.𑒫𑒲. 𑒔𑒻𑒢𑒪 𑒂 𑒢𑒹𑒣𑒰𑒪𑒏 𑒏𑒰𑒢𑓂𑒞𑒱𑒣𑒳𑒩 𑒋𑒤.𑒋𑒧., 𑒖𑒰𑒢𑒏𑒲 𑒋𑒤.𑒋𑒧. 𑒂 𑒩𑒹𑒛𑒱𑒨𑒼 𑒧𑒱𑒟𑒱𑒪𑒰 𑒮𑒢 𑒩𑒹𑒛𑒱𑒨𑒼 𑒮𑓂𑒙𑒹𑒬𑒢 𑒋𑒯𑒱 𑒣𑓂𑒩𑒯𑒰𑒩𑒏𑒹𑒿 𑒮𑒲𑒧𑒱𑒞 𑒩𑒴𑒣𑒧𑒹 𑒩𑒼𑒏𑒪𑒏 𑒁𑒕𑒱। 𑒥𑒰𑒪 𑒮𑒰𑒯𑒱𑒞𑓂𑒨𑒏 𑒢𑒱𑒩𑓂𑒧𑒰𑒝 𑒮𑒹𑒯𑒼 𑒥𑒜𑓃𑒪 𑒁𑒕𑒱। 𑒁𑒢𑓂𑒞𑒩𑓂𑒖𑒰𑒪 𑒮𑒹𑒯𑒼 𑒋𑒏𑒦𑒑𑒰𑒯 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒧𑒹 𑒯𑒮𑓂𑒞𑒏𑓂𑒭𑒹𑒣 𑒏𑒋𑒪𑒏 𑒁𑒕𑒱।
𑒅𑒣𑒰𑒨 𑒏𑒲 𑒯𑒼𑒁𑒋 ? 𑒮𑓂𑒟𑒰𑒢𑒱𑒏 𑒫𑒱𑒬𑒹𑒭𑒞𑒰𑒏 𑒂𑒡𑒰𑒩𑒣𑒩 𑒮𑓂𑒞𑓂𑒩𑒲-𑒬𑒱𑒏𑓂𑒭𑒰, 𑒮𑓀𑒑𑒝𑒏 𑒬𑒱𑒏𑓂𑒭𑒰 𑒂 𑒫𑓂𑒨𑒫𑒮𑒰𑒨 𑒂𑒡𑒰𑒩𑒱𑒞 𑒬𑒱𑒏𑓂𑒭𑒰 𑒠𑒹𑒪 𑒖𑒰𑒋। 𑒣𑓂𑒩𑒰𑒟𑒧𑒱𑒏 𑒬𑒱𑒏𑓂𑒭𑒰𑒏 𑒧𑒰𑒡𑓂𑒨𑒧 𑒧𑒱𑒟𑒱𑒪𑒰 𑒦𑒩𑒱𑒧𑒹 𑒧𑒻𑒟𑒱𑒪𑒲 𑒦𑒰𑒭𑒰 𑒠𑓂𑒫𑒰𑒩𑒰 𑒠𑒹𑒪 𑒖𑒰𑒋। 𑒥𑒰𑒜𑒱𑒏 𑒮𑒧𑒮𑓂𑒨𑒰𑒏 𑒮𑒧𑒰𑒡𑒰𑒢 𑒯𑒼𑒁𑒋। 𑒠𑒰𑒧𑒼𑒠𑒩 𑒒𑒰𑒙𑒲𑒏 𑒂 𑒧𑒨𑒴𑒩𑒏𑓂𑒭𑒲 𑒣𑒩𑒱𑒨𑒼𑒖𑒢𑒰 𑒖𑒹𑒏𑒰𑒿 𑒏𑒰𑒩𑓂𑒨 𑒏𑒼𑒬𑒲, 𑒏𑒧𑒪𑒰, 𑒦𑒳𑒞𑒯𑒲 𑒥𑒪𑒰𑒢, 𑒑𑓀𑒛𑒏, 𑒥𑒴𑒜𑓃𑒲 𑒑𑓀𑒛𑒏 𑒂 𑒥𑒰𑒑𑒧𑒞𑒲𑒣𑒩 𑒏𑒱𑒋𑒏 𑒮𑒧𑓂𑒦𑒫 𑒢𑒯𑒱 𑒦𑒹𑒪 ? 𑒫𑒱𑒬𑓂𑒫𑒹𑒬𑓂𑒫𑒩𑒻𑒨𑓂𑒨𑒰𑒏 𑒫𑒵𑒢𑓂𑒠𑒰𑒫𑒢 𑒛𑒻𑒧 𑒏𑒱𑒋𑒏 𑒮𑒤𑒪 𑒁𑒕𑒱 ? 𑒢𑒹𑒣𑒰𑒪 𑒮𑒩𑒏𑒰𑒩𑒣𑒩 𑒠𑒼𑒭𑒰𑒩𑒼𑒣𑒝 𑒏𑒋 𑒯𑒧𑒩𑒰 𑒮𑒦 𑒏𑒯𑒱𑒨𑒰 𑒡𑒩𑒱 𑒖𑒢𑒞𑒰𑒏𑒹𑒿 𑒚𑒏𑒻𑒞 𑒩𑒯𑒥 ? 𑒋𑒏𑒩 𑒋𑒏𑒧𑒰𑒞𑓂𑒩 𑒅𑒣𑒰𑒋 𑒁𑒕𑒱 𑒥𑒛𑓃𑒏𑒰 𑒨𑓀𑒞𑓂𑒩𑒮𑒿 𑒏𑒧𑒪𑒰-𑒥𑒪𑒰𑒢 𑒂𑒠𑒱𑒏 𑒆𑒣𑒩 𑒖𑒹 𑒧𑒰𑒙𑒱𑒏 𑒥𑒰𑒢𑓂𑒯 𑒥𑒰𑒢𑓂𑒯𑒪 𑒑𑒹𑒪 𑒁𑒕𑒱 𑒞𑒏𑒩𑒰 𑒞𑒼𑒛𑓃𑒱 𑒏𑒋 𑒯𑒙𑒰𑒋𑒥 𑒂 𑒏𑒔𑓂𑒔𑒰 𑒢𑒯𑒩𑒱𑒏 𑒥𑒠𑒪𑒰 𑒣𑒏𑓂𑒏𑒰 𑒢𑒯𑒩𑒱𑒏 𑒢𑒱𑒩𑓂𑒧𑒰𑒝। 𑒢𑒹𑒣𑒰𑒪 𑒮𑒩𑒏𑒰𑒩𑒮𑒿 𑒫𑒰𑒩𑓂𑒞𑒰 𑒂 𑒞𑓂𑒫𑒩𑒱𑒞 𑒮𑒧𑒰𑒡𑒢। 𑒂 𑒖𑒰 𑒡𑒩𑒱 𑒄 𑒢𑒯𑒱 𑒯𑒼𑒃𑒞 𑒁𑒕𑒱 𑒞𑒰𑒫𑒞 𑒖𑒹 𑒁𑒪𑓂𑒣𑒏𑒰𑒪𑒱𑒏 𑒅𑒣𑒰𑒨 𑒁𑒕𑒱 𑒮𑒹 𑒏𑒩𑒥, 𑒖𑒹𑒢𑒰 𑒥𑒩𑒐𑒰 𑒂𑒥𑒋𑒮𑒿 𑒣𑒯𑒱𑒢𑒹 𑒥𑒰𑒢𑓂𑒯𑒏 𑒥𑒲𑒔𑒏 𑒩𑒹𑒞𑒏𑒹𑒿 𑒯𑒙𑒰𑒋𑒥, 𑒥𑒩𑒐𑒰𑒏 𑒁𑒋𑒥𑒰𑒏 𑒥𑒰𑒙 𑒞𑒏𑒥𑒰𑒏 𑒥𑒠𑒪𑒰 𑒏𑒱𑒕𑒳 𑒣𑒯𑒱𑒢𑒯𑒱 𑒥𑒰𑒢𑓂𑒯𑒏 𑒧𑒩𑒧𑓂𑒧𑒞𑒱𑒏 𑒏𑒰𑒩𑓂𑒨 𑒏𑒩𑒥, 𑒂 𑒋𑒯𑒱 𑒮𑒦𑒧𑒹 𑒩𑒰𑒖𑒢𑒲𑒞𑒱𑒏 𑒧𑒯𑒞𑓂𑒫𑒰𑒏𑒰𑓀𑒏𑓂𑒭𑒰𑒏𑒹𑒿 𑒠𑒴𑒩 𑒩𑒰𑒐𑒥। 𑒏𑒧𑒪𑒰 𑒢𑒠𑒲𑒣𑒩 𑓑𑓙𑓖𑓐 𑒄. 𑒧𑒹 𑒖𑒨𑒢𑒑𑒩𑒮𑒿 𑒗𑓀𑒗𑒰𑒩𑒣𑒳𑒩 𑒡𑒩𑒱 𑒕𑒯𑒩𑒏 𑒢𑒱𑒩𑓂𑒧𑒰𑒝 𑒦𑒹𑒪 𑒂 𑒋𑒯𑒱𑒮𑒿 𑒮𑒧𑓂𑒣𑒴𑒩𑓂𑒝 𑒏𑓂𑒭𑒹𑒞𑓂𑒩𑒏 𑒫𑒱𑒢𑒰𑒬𑒪𑒲𑒪𑒰𑒏 𑒣𑓂𑒩𑒰𑒩𑒧𑓂𑒦 𑒮𑒹𑒯𑒼 𑒦𑒋 𑒑𑒹𑒪। 𑒗𑓀𑒗𑒰𑒩𑒣𑒳𑒩𑒮𑒿 𑒂𑒑𑒰𑒿𑒏 𑒏𑓂𑒭𑒹𑒞𑓂𑒩𑒏 𑒏𑒲 𑒯𑒰𑒪 𑒦𑒹𑒪 𑒮𑒹 𑒞𑒿 𑒯𑒧 𑒏𑒳𑒬𑒹𑒬𑓂𑒫𑒩𑒏 𑒫𑒩𑓂𑒝𑒢 𑒏𑒋 𑒠𑒋 𑒔𑒳𑒏𑒪 𑒕𑒲। 𑒧𑒡𑒹𑒣𑒳𑒩, 𑒒𑒢𑒬𑓂𑒨𑒰𑒧𑒣𑒳𑒩, 𑒮𑒱𑓀𑒒𑒱𑒨𑒰 𑒋𑒯𑒱 𑒮𑒦𑒏 𑒐𑒱𑒮𑓂𑒮𑒰 𑒏𑒳𑒬𑒹𑒬𑓂𑒫𑒩𑒮𑒿 𑒦𑒱𑒢𑓂𑒢 𑒢𑒯𑒱 𑒁𑒕𑒱। 𑒏𑒧𑒪𑒰-𑒥𑒪𑒰𑒢𑒏 𑒠𑒳𑒢𑒴 𑒕𑒯𑒩𑒏 𑒥𑒲𑒔 𑒖𑒹𑒢𑒰-𑒖𑒹𑒢𑒰 𑒩𑒹𑒞 𑒦𑒩𑒻𑒞 𑒑𑒹𑒪, 𑒞𑒰𑒯𑒱 𑒏𑒰𑒩𑒝𑒹𑒿 𑒋𑒯𑒱 𑒞𑒙𑒥𑒢𑓂𑒡𑒏 𑒢𑒱𑒩𑓂𑒧𑒰𑒝𑒏 𑒥𑒲𑒮 𑒮𑒰𑒪𑒏 𑒦𑒲𑒞𑒩 𑒮𑒦 𑒏𑒱𑒕𑒳 𑒞𑒯𑒮-𑒢𑒯𑒮 𑒦𑓄 𑒑𑒹𑒪। 𑒏𑒧𑒪𑒰 𑒡𑒰𑒩𑒏 𑒯𑒰𑒪 𑒄 𑒁𑒕𑒱 𑒖𑒹 𑒠𑒮 𑒒𑒝𑓂𑒙𑒰𑒧𑒹 𑒣𑒰𑒢𑒱𑒏 𑒖𑒪𑒮𑓂𑒞𑒩 𑒋𑒯𑒱 𑒡𑒰𑒩𑒧𑒹 𑓒 𑒧𑒲𑒙𑒩𑒮𑒿 𑒥𑒹𑒬𑒲 𑒡𑒩𑒱 𑒥𑒜𑓃𑒱 𑒖𑒰𑒃𑒞 𑒁𑒕𑒱। 𑓑𑓙𑓖𑓕 𑒄.𑒮𑒿 𑒥𑒰𑒢𑓂𑒯/ 𑒕𑒯𑒩𑒏 𑒥𑒲𑒔𑒧𑒹 𑒩𑒹𑒞 𑒋𑒞𑒹𑒏 𑒦𑒩𑒱 𑒑𑒹𑒪 𑒖𑒹 𑒋𑒏𑒩 𑒆𑒿𑒔𑒰𑒃 𑒥𑒜𑓃𑒹𑒥𑒰𑒏 𑒂𑒫𑒬𑓂𑒨𑒏𑒞𑒰 𑒦𑒋 𑒑𑒹𑒪 𑒂 𑒄 𑒧𑒰𑒿𑒑 𑒬𑒳𑒩𑒴 𑒦𑒋 𑒑𑒹𑒪 𑒖𑒹 𑒥𑒰𑒢𑓂𑒯/ 𑒕𑒯𑒩𑒏𑒹𑒿 𑒞𑒼𑒛𑓃𑒱 𑒠𑒹𑒪 𑒖𑒰𑒋 ! 𑒋𑒞𑒋 𑒫𑒱𑒬𑓂𑒫𑒹𑒬𑓂𑒫𑒩𑒻𑒨𑓂𑒨𑒰 𑒧𑒼𑒢 𑒣𑒛𑓃𑒻𑒞 𑒕𑒟𑒱। 𑒯𑒻𑒠𑒩𑒰𑒥𑒰𑒠𑒮𑒿 𑓘𑓒 𑒧𑒰𑒃𑒪 𑒠𑒴𑒩 𑒧𑒴𑒮𑒲 𑒂 𑒄𑒮𑒲 𑒡𑒰𑒩𑒣𑒩 𑒥𑒰𑒢𑓂𑒯 𑒥𑒢𑒰𑒍𑒪 𑒑𑒹𑒪 𑒂 𑒢𑒑𑒩𑒮𑒿 𑓖.𑓕 𑒧𑒰𑒃𑒪𑒏 𑒠𑒴𑒩𑒲𑒣𑒩 𑒧𑒴𑒮𑒲 𑒡𑒰𑒩𑒏 𑒅𑒣𑒡𑒰𑒩𑒰 𑒥𑒢𑒰𑒍𑒪 𑒑𑒹𑒪। 𑒮𑓀𑒑𑒯𑒱 𑒡𑒰𑒩𑒏 𑒠𑒳𑒢𑒴 𑒠𑒱𑒮 𑒢𑒑𑒩𑒧𑒹 𑒞𑒙𑒥𑒢𑓂𑒡 𑒥𑒢𑒰𑒍𑒪 𑒑𑒹𑒪। 𑒏𑒵𑒭𑓂𑒝𑒩𑒰𑒖 𑒮𑒰𑒑𑒩 𑒥𑒰𑒢𑓂𑒯, 𑒯𑒳𑒢𑒏𑒩 𑒣𑓂𑒩𑒮𑓂𑒞𑒰𑒫𑒱𑒞 𑓑𑓓𑓐 𑒤𑒳𑒙 𑒆𑒿𑒔 𑒥𑒢𑒹𑒥𑒰𑒏 𑒨𑒼𑒖𑒢𑒰 𑒧𑒻𑒮𑒴𑒩 𑒩𑒰𑒖𑓂𑒨 𑒠𑓂𑒫𑒰𑒩𑒰 𑒁𑓀𑒑𑓂𑒩𑒹𑒖𑒏𑒹𑒿 𑒣𑒚𑒰𑒍𑒪 𑒑𑒹𑒪 𑒞𑒿 𑒫𑒰𑒨𑒮𑒩𑒰𑒨 𑒯𑒰𑒩𑓂𑒛𑒱𑓀𑒖 𑒍𑒏𑒩𑒰 𑒒𑒙𑒰 𑒏𑒋 𑓘𑓐 𑒤𑒲𑒙 𑒏𑒋 𑒠𑒹𑒪𑒢𑓂𑒯𑒱। 𑒫𑒱𑒬𑓂𑒫𑒹𑒬𑓂𑒫𑒩𑒻𑒨𑓂𑒨𑒰 𑒢𑒱𑒔𑒳𑒪𑒏𑒰 𑒦𑒰𑒑𑒏 𑒔𑒾𑒛𑓃𑒰𑒄 𑒥𑒜𑓃𑒰 𑒏𑒋 𑒄 𑒏𑒧𑒲 𑒣𑒴𑒩𑒰 𑒏𑒋 𑒪𑒹𑒪𑒢𑓂𑒯𑒱। 𑒥𑒲𑒔𑒹𑒧𑒹 𑒥𑒰𑒜𑓃𑒱 𑒂𑒥𑒱 𑒑𑒹𑒪 𑒞𑒿 𑒁𑒞𑒱𑒩𑒱𑒏𑓂𑒞 𑒧𑒖𑒠𑒴𑒩 𑒪𑒑𑒰 𑒏𑒋 𑒂 𑒧𑒪𑒹𑒩𑒱𑒨𑒰𑒑𑓂𑒩𑒮𑓂𑒞 𑒂 𑒂𑒢 𑒩𑒼𑒑𑒑𑓂𑒩𑒮𑓂𑒞 𑒧𑒖𑒠𑒴𑒩𑒏 𑒃𑒪𑒰𑒖 𑒪𑒋 𑒛𑒰𑒏𑓂𑒙𑒩 𑒥𑒯𑒰𑒪𑒲 𑒏𑒋, 𑒩𑒰𑒞𑒱𑒧𑒹 𑒫𑒰𑒬𑒱𑓀𑒑𑒙𑒢 𑒪𑒻𑒧𑓂𑒣 𑒪𑒑𑒰 𑒏𑒋 𑒂 𑒫𑓂𑒨𑒏𑓂𑒞𑒱𑒑𑒞 𑒢𑒱𑒑𑒩𑒰𑒢𑒲 𑒠𑓂𑒫𑒰𑒩𑒰 𑒮𑒧𑒨𑒏 𑒏𑓂𑒭𑒞𑒱𑒣𑒴𑒩𑓂𑒞𑒱 𑒏𑒹𑒪𑒢𑓂𑒯𑒱। 𑒠𑒹𑒬𑒦𑒏𑓂𑒞 𑒞𑒹𑒯𑒢 𑒕𑒪𑒰𑒯 𑒖𑒹 𑒮𑒲𑒧𑒹𑒢𑓂𑒙 𑒂𑒨𑒰𑒞 𑒢𑒯𑒱 𑒏𑒹𑒪𑒢𑓂𑒯𑒱 𑒫𑒩𑒢𑓂 𑒥𑒰𑒪𑒳, 𑒏𑒻𑒪𑓂𑒮𑒱𑒨𑒧, 𑒣𑒰𑒟𑒩 𑒂 𑒣𑒰𑒏𑒪 𑒄𑒙𑒰𑒏 𑒥𑒳𑒏𑒢𑒲 𑒧𑒱𑒪𑒰 𑒏𑒋 𑒢𑒱𑒩𑓂𑒧𑒱𑒞 𑒮𑒳𑒩𑒐𑒲𑒮𑒿 , 𑒋𑒯𑒱 𑒥𑒰𑒢𑓂𑒯𑒏 𑒢𑒱𑒩𑓂𑒧𑒰𑒝 𑒏𑒋𑒪𑒢𑓂𑒯𑒱। 𑒥𑒰𑒢𑓂𑒯 𑒢𑒱𑒩𑓂𑒧𑒰𑒝𑒮𑒿 𑒣𑒯𑒱𑒢𑒯𑒱 𑒠𑓂𑒫𑒱𑒮𑓂𑒞𑒩𑒲𑒨 𑒢𑒯𑒩𑒱𑒏 𑒢𑒱𑒩𑓂𑒧𑒰𑒝 𑒏𑒋 𑒪𑒹𑒪 𑒑𑒹𑒪।
𑒠𑒱𑒪𑓂𑒪𑒲 𑒁𑒕𑒱 𑒠𑒴𑒩 𑒋𑒐𑒢𑒼 ! 𑒢𑒱𑒧𑓂𑒢 𑒥𑒱𑒢𑓂𑒠𑒳𑒣𑒩 𑒠𑒱𑒪𑓂𑒪𑒲𑒧𑒹 𑒏𑒹𑒢𑓂𑒠𑓂𑒩 𑒮𑒩𑒏𑒰𑒩𑒣𑒩 𑒠𑒫𑒰𑒥 𑒥𑒢𑒰𑒋𑒥। 𑒮𑓂𑒏𑒴𑒪 𑒏𑒰𑒪𑒹𑒖𑒧𑒹 𑒑𑒩𑓂𑒧𑒲 𑒞𑒰𑒞𑒱𑒪𑒏 𑒥𑒠𑒪𑒰𑒧𑒹 𑒥𑒰𑒜𑓃𑒱𑒏 𑒮𑒧𑒋 𑒕𑒳𑒙𑓂𑒙𑒲 𑒠𑒹𑒥𑒰𑒧𑒹 𑒏𑒼𑒢 𑒯𑒩𑓂𑒖 𑒁𑒕𑒱, 𑒄 𑒢𑒱𑒩𑓂𑒝𑒨 𑒏𑒼𑒢 𑒞𑒩𑒯𑒹𑒿 𑒏𑒚𑒱𑒢 𑒁𑒕𑒱? 𑒮𑒲.𑒥𑒲 𑒋𑒮.𑒄 𑒂 𑒂𑒃.𑒮𑒲.𑒋𑒮.𑒄. 𑒞𑒿 𑒕𑒼𑒛𑓃𑒴 𑒥𑒱𑒯𑒰𑒩 𑒥𑒼𑒩𑓂𑒛 𑒡𑒩𑒱 𑒄 𑒢𑒯𑒱 𑒏𑒋 𑒮𑒏𑒪 𑒁𑒕𑒱। 𑒮𑓂𑒟𑒰𑒢𑒱𑒏 𑒫𑒱𑒬𑒹𑒭𑒞𑒰𑒏 𑒂𑒡𑒰𑒩𑒣𑒩 𑒮𑓂𑒞𑓂𑒩𑒲-𑒬𑒱𑒏𑓂𑒭𑒰, 𑒮𑓀𑒑𑒝𑒏 𑒬𑒱𑒏𑓂𑒭𑒰 𑒂 𑒫𑓂𑒨𑒫𑒮𑒰𑒨 𑒂𑒡𑒰𑒩𑒱𑒞 𑒬𑒱𑒏𑓂𑒭𑒰 𑒂 𑒣𑓂𑒩𑒰𑒟𑒧𑒱𑒏 𑒬𑒱𑒏𑓂𑒭𑒰𑒏 𑒧𑒰𑒡𑓂𑒨𑒧 𑒧𑒱𑒟𑒱𑒪𑒰 𑒦𑒩𑒱𑒧𑒹 𑒧𑒻𑒟𑒱𑒪𑒲 𑒦𑒰𑒭𑒰 𑒠𑓂𑒫𑒰𑒩𑒰 𑒠𑒹𑒪 𑒖𑒰𑒋। 𑒥𑒻𑒩𑒹𑒖 𑒥𑒢𑒥𑒰𑒏 𑒏𑒰𑒪𑒫𑒡𑒱𑒨𑒹𑒧𑒹 𑒣𑒏𑓂𑒏𑒲 𑒢𑒯𑒩𑒱 𑒡𑒩𑒰𑒞𑒪𑒏 𑒮𑓂𑒪𑒼𑒣𑒏 𑒁𑒢𑒳𑒮𑒰𑒩𑒹 𑒥𑒢𑒰𑒍𑒪 𑒖𑒰𑒋। 𑒏𑒔𑓂𑒔𑒲 𑒥𑒰𑒢𑓂𑒯 𑒮𑒦𑒏𑒹𑒿 𑒞𑒼𑒛𑓃𑒱 𑒏𑒋 𑒯𑒙𑒰 𑒠𑒹𑒪 𑒖𑒰𑒋 𑒂 𑒣𑒏𑓂𑒏𑒲 𑒥𑒰𑒢𑓂𑒯𑒏𑒹𑒿 𑒧𑒼𑒙𑒼𑒩𑒹𑒥𑒪 𑒥𑒢𑒰𑒍𑒪 𑒖𑒰𑒋, 𑒥𑒰𑒢𑓂𑒯𑒏 𑒠𑒳𑒢𑒴 𑒏𑒰𑒞 𑒣𑒩𑓂𑒨𑒰𑒣𑓂𑒞 𑒑𑒰𑒕-𑒫𑒵𑒏𑓂𑒭 𑒪𑒑𑒰𑒍𑒪 𑒖𑒰𑒋। 𑒥𑒱𑒯𑒰𑒩𑒧𑒹 𑒮𑒛𑓃𑒏 𑒣𑒩𑒱𑒨𑒼𑒖𑒢𑒰 𑒖𑒹𑒢𑒰 𑒮𑓂𑒫𑒣𑓂𑒢𑒏 𑒮𑒞𑓂𑒨 𑒯𑒼𑒁𑒋 𑒖𑒹𑒢𑒰 𑒠𑒹𑒐𑒰 𑒣𑒛𑓃𑒱 𑒩𑒯𑒪 𑒁𑒕𑒱, 𑒞𑒯𑒱𑒢𑒰 𑒮𑒦 𑒫𑒱𑒒𑓂𑒢-𑒥𑒰𑒡𑒰 𑒯𑒙𑒰 𑒏𑒋, 𑒨𑒳𑒠𑓂𑒡-𑒮𑓂𑒞𑒩𑒣𑒩 𑒋𑒯𑒱 𑒮𑒦𑒣𑒩 𑒏𑒰𑒖 𑒬𑒳𑒩𑒴 𑒏𑒋𑒪 𑒖𑒰𑒋।






























𑒧𑒱𑒟𑒱𑒪𑒰𑒮𑒿 𑒣𑒪𑒰𑒨𑒢
𑒧𑒱𑒟𑒱𑒪𑒰𑒧𑒹 𑒥𑒰𑒯𑒩𑒲 𑒪𑒼𑒏𑒏 𑒂𑒑𑒧𑒢 𑒂 𑒧𑒱𑒟𑒱𑒪𑒰𑒮𑒿 𑒠𑒴𑒩 𑒠𑒹𑒬𑒧𑒹 𑒣𑒪𑒰𑒨𑒢, 𑒄 𑒠𑒳𑒢𑒴 𑒒𑒙𑒢𑒰 𑒢𑒱𑒩𑓀𑒞𑒩 𑒯𑒼𑒃𑒞 𑒩𑒯𑒪 𑒁𑒕𑒱। 𑒧𑒳𑒠𑒰 𑒂𑒃 𑒏𑒰𑒪𑒱𑒏 𑒣𑒪𑒰𑒨𑒢 𑒋𑒯𑒱 𑒁𑒩𑓂𑒟𑒹𑓀 𑒫𑒱𑒏𑒙 𑒩𑒴𑒣 𑒪𑓄 𑒪𑒹𑒢𑒹 𑒁𑒕𑒱 𑒏𑒰𑒩𑒝 𑒫𑒱𑒑𑒞 𑒞𑒲𑒮 𑒮𑒰𑒪𑒏 𑒁𑒫𑒡𑒱𑒧𑒹 𑒦𑒹𑒪 𑒣𑒪𑒰𑒨𑒢 𑒧𑒱𑒟𑒱𑒪𑒰 𑒑𑒰𑒧𑒏𑒹𑒿 𑒐𑒰𑒪𑒲 𑒏𑓄 𑒠𑒹𑒪𑒏।
1981 𑒄. 𑒧𑒹 𑒣𑒙𑒢𑒰𑒣𑒩 𑒥𑒢𑒪 𑒧𑒯𑒰𑒞𑓂𑒧𑒰 𑒑𑒰𑒿𑒡𑒲 𑒮𑒹𑒞𑒳 𑒂 𑒣𑒙𑒢𑒰 𑒠𑒩𑒦𑓀𑒑𑒰 𑒛𑒲𑒪𑒏𑓂𑒮 𑒏𑒼𑒔 𑒮𑒦𑒏 𑒣𑒰𑒿𑒞𑒲 𑒧𑒱𑒟𑒱𑒪𑒰𑒫𑒰𑒮𑒲𑒏 𑒯𑒹𑒿𑒖𑒏–𑒯𑒹𑒿𑒖 𑒥𑒰𑒯𑒩 𑒥𑒯𑒩𑒋𑒫𑒰𑒧𑒹 𑒨𑒼𑒑𑒠𑒰𑒢 𑒏𑒹𑒪𑒏। 𑒞𑒞𑓂𑒏𑒰𑒪𑒲𑒢 𑒮𑒩𑒏𑒰𑒩 𑒮𑒦𑒏 𑒩𑒰𑒖𑒢𑒻𑒞𑒱𑒏 𑒂𑒩𑓂𑒟𑒱𑒏 𑒬𑒻𑒏𑓂𑒭𑒱𑒏 𑒮𑒰𑒧𑒰𑒖𑒱𑒏 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒋𑒯𑒱 𑒮𑒦 𑒏𑓂𑒭𑒹𑒞𑓂𑒩𑒧𑒹 𑒫𑒱𑒤𑒪𑒞𑒰 𑒋𑒏𑒙𑒰 𑒂𑒡𑒰𑒩 𑒞𑒿 𑒥𑒢𑒥𑒹 𑒏𑒋𑒪, 𑒮𑓂𑒫𑒞𑓀𑒞𑓂𑒩𑒞𑒰𑒏 𑒥𑒰𑒠𑒏 𑒞𑒲𑒮 𑒮𑒰𑒪 𑒥𑒱𑒯𑒰𑒩 𑒮𑓂𑒟𑒱𑒞 𑒧𑒱𑒟𑒱𑒪𑒰 𑒂 𑒢𑒹𑒣𑒰𑒪 𑒮𑓂𑒟𑒱𑒞 𑒧𑒻𑒟𑒱𑒪𑒲 𑒦𑒰𑒭𑒲 𑒏𑓂𑒭𑒹𑒞𑓂𑒩𑒏 𑒥𑒲𑒔𑒧𑒹 𑒋𑒏𑒙𑒰 𑒫𑒱𑒦𑒰𑒖𑒏 𑒩𑒹𑒐𑒰 𑒮𑒹𑒯𑒼 𑒐𑒲𑓀𑒔𑒱 𑒠𑒹𑒪𑒏। 1960 𑒄. 𑒧𑒹 𑒥𑒢𑒪 𑒏𑒧𑒪𑒰 𑒥𑒰𑒢𑓂𑒯 𑒂 𑒋𑒐𑒢 𑒡𑒩𑒱 𑒁𑒣𑒴𑒩𑓂𑒝 𑒏𑒼𑒮𑒲 𑒣𑒩𑒱𑒨𑒼𑒖𑒢𑒰 𑒧𑒱𑒟𑒱𑒪𑒰𑒏 𑒑𑓂𑒩𑒰𑒧𑒲𑒝 𑒂𑒩𑓂𑒟𑒱𑒏 𑒂𑒡𑒰𑒩𑒏𑒹𑒿 𑒞𑒼𑒛𑓃𑒱 𑒏𑓄 𑒩𑒰𑒐𑒱 𑒠𑒹𑒪𑒏। 𑒣𑓂𑒩𑒰𑒔𑒲𑒢 𑒏𑒰𑒪𑒏 𑒣𑒪𑒰𑒨𑒢 𑒂 𑒂𑒃 𑒏𑒰𑒪𑓂𑒯𑒱𑒏 𑒣𑒪𑒰𑒨𑒢 𑒧𑒡𑓂𑒨 𑒋𑒏𑒙𑒰 𑒧𑒴𑒪 𑒁𑓀𑒞𑒩 𑒮𑒹𑒯𑒼 𑒁𑒕𑒱। 𑒧𑒱𑒟𑒱𑒪𑒰𑒏 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝 𑒂 𑒏𑒩𑓂𑒝 𑒏𑒰𑒋𑒮𑓂𑒟 𑒁𑒣𑒢 𑒫𑒱𑒠𑓂𑒫𑒞𑓂𑒞𑒰𑒏 𑒣𑓂𑒩𑒠𑒩𑓂𑒬𑒢, 𑒣𑒚𑒢 𑒣𑒰𑒚𑒢 𑒂 𑒠𑒼𑒮𑒩 𑒩𑒰𑒖𑒰𑒏 𑒠𑒩𑒥𑒰𑒩𑒧𑒹 𑒖𑒲𑒫𑒱𑒏𑒼𑒣𑒰𑒩𑓂𑒖𑒢 𑒢𑒱𑒧𑒱𑒞𑓂𑒞 𑒣𑓂𑒩𑒰𑒔𑒲𑒢 𑒏𑒰𑒪𑒯𑒱 𑒮𑒿 𑒖𑒰𑒃𑒞 𑒕𑒪𑒰𑒯, 𑒞𑒿 𑒑𑒋𑒩 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝–𑒏𑒩𑓂𑒝 𑒏𑒰𑒨𑒮𑓂𑒟 𑒖𑒰𑒞𑒱 𑒫𑒰𑒝𑒱𑒖𑓂𑒨, 𑒁𑓀𑒑𑒩𑒏𑓂𑒭𑒏 𑒂𑒠𑒱𑒏 𑒏𑒰𑒩𑓂𑒨 𑒪𑒹𑒪 𑒠𑒴𑒩 𑒠𑒹𑒬𑒏 𑒨𑒰𑒞𑓂𑒩𑒰 𑒏𑒩𑒻𑒞 𑒕𑓂𑒪𑒰𑒯। 𑒣𑓂𑒩𑒰𑒔𑒲𑒢 𑒏𑒰𑒪𑒧𑒹 𑒧𑒼𑒩𑓀𑒑 𑒂 𑒣𑒕𑒰𑒞𑒱 𑒦𑒠𑒼𑒯𑒲 𑒧𑒱𑒟𑒱𑒪𑒰𑒏 𑒥𑒼𑒢𑒱𑒯𑒰𑒩𑒏 𑒬𑓂𑒩𑒧 𑒏𑒱𑒢𑒥𑒰𑒏 𑒏𑒹𑒢𑓂𑒠𑓂𑒩 𑒥𑒢𑒪, 𑒧𑒳𑒠𑒰 𑒋𑒯𑒱𑒧𑒹 𑒧𑒼𑒩𑓀𑒑 𑒢𑒹𑒣𑒰𑒪𑒏 𑒧𑒱𑒟𑒱𑒪𑒰𑒘𑓂𑒔𑒪𑒧𑒹 𑒣𑒛𑓃𑒻𑒞 𑒁𑒕𑒱 𑒧𑒳𑒠𑒰 𑒋𑒏𑒩𑒰 𑒣𑓂𑒩𑒫𑒰𑒮 𑒋𑒯𑒱 𑒪𑒹𑒪 𑒏𑒯𑒪 𑒖𑒰𑒋 𑒪𑒰𑒑𑒪 𑒏𑒰𑒩𑒝 𑒍𑒞𑒳𑒏𑓂𑒏𑒰 𑒬𑒰𑒮𑒏 𑒑𑒋𑒩 𑒧𑒻𑒟𑒱𑒪 𑒑𑒼𑒩𑒐𑒰 𑒦𑓄 𑒑𑒹𑒪 𑒕𑒪𑒰𑒯।

𑒣𑒪𑒰𑒨𑒢𑒏 𑒫𑒱𑒦𑒱𑒢𑓂𑒢 𑒮𑓂𑒫𑒩𑒴𑒣𑓁- 𑒣𑒪𑒰𑒨𑒢 𑒋𑒏𑒙𑒰 𑒌𑒞𑒱𑒯𑒰𑒮𑒱𑒏 𑒣𑓂𑒩𑒏𑓂𑒩𑒱𑒨𑒰𑒏 𑒁𑓀𑒑 𑒁𑒕𑒱। 𑒁𑒯𑒰𑒿𑒏 𑒏𑓂𑒭𑒹𑒞𑓂𑒩𑒏 𑒦𑒾𑒑𑒼𑒪𑒱𑒏 𑒮𑓂𑒟𑒱𑒞𑒱 𑒏𑒼𑒢 𑒠𑒹𑒬𑒧𑒹 𑒁𑒯𑒰𑒿𑒏𑒹𑒿 𑒣𑒙𑒏𑒱 𑒠𑒹𑒢𑒹 𑒁𑒕𑒱 𑒞𑒰𑒯𑒱𑒣𑒩 𑒮𑒹𑒯𑒼। 𑒮𑒹 𑒧𑒼𑒩𑓀𑒑 𑒪𑒑 𑒩𑒯𑒪𑒼𑒮𑒿 𑒦𑒰𑒩𑒞𑒏 𑒧𑒱𑒟𑒱𑒪𑒰𑒘𑓂𑒔𑒪𑒏 𑒫𑒰𑒮𑒲𑒏 𑒪𑒹𑒪 𑒣𑒕𑒰𑒞𑒱 𑒏𑒧 𑒪𑒼𑒏𑒣𑓂𑒩𑒱𑒨 𑒦𑒹𑒪 𑒏𑒰𑒩𑒝 𑒍 𑒠𑒼𑒮𑒩 𑒠𑒹𑒬𑒧𑒹 𑒁𑒫𑒮𑓂𑒟𑒱𑒞 𑒦𑒹𑒪𑒰𑒏 𑒏𑒰𑒩𑒝 𑒫𑒱𑒦𑒱𑒢𑓂𑒢 𑒏𑒰𑒩𑒝𑒮𑒿 𑒣𑒪𑒰𑒨𑒢𑒏 𑒪𑒹𑒪 𑒁𑒢𑒳𑒣𑒨𑒳𑒏𑓂𑒞 𑒦𑓄 𑒑𑒹𑒪। 𑒏𑒼𑒪𑒏𑒰𑒞𑒰 𑒮𑓂𑒫𑒞𑓀𑒞𑓂𑒩𑒞𑒰𑒏 𑒥𑒰𑒠 𑒢𑒱𑒏𑒙𑒫𑒩𑓂𑒞𑓂𑒞𑒲 𑒧𑒹𑒙𑓂𑒩𑒼 𑒢𑒑𑒩 𑒩𑒯𑒋 𑒮𑒹 𑒪𑒼𑒏 𑒍𑒯𑒱 𑒢𑒑𑒩𑒧𑒹 𑒐𑒴𑒥 𑒣𑒪𑒰𑒨𑒢 𑒏𑒹𑒪𑒢𑓂𑒯𑒱 𑒧𑒳𑒠𑒰 𑒖𑒐𑒢 𑒫𑒱𑒦𑒱𑒢𑓂𑒢 𑒩𑒰𑒖𑒢𑒻𑒞𑒱𑒏–𑒂𑒩𑓂𑒟𑒱𑒏 𑒢𑒲𑒞𑒱𑒏 𑒮𑓀𑒏𑒲𑒩𑓂𑒝𑒞𑒰𑒏 𑒏𑒰𑒩𑒝𑒮𑒿 𑒥𑓀𑒑𑒰𑒪𑒏 𑒅𑒠𑓂𑒨𑒼𑒑–𑒡𑓀𑒡𑒰 𑒔𑒾𑒣𑒙 𑒦𑓄 𑒑𑒹𑒪, 𑒬𑒻𑒏𑓂𑒭𑒱𑒏 𑒏𑒹𑒢𑓂𑒠𑓂𑒩𑒏 𑒩𑒴𑒣𑒧𑒹 𑒍𑒏𑒩 𑒧𑒯𑒞𑓂𑒫 𑒏𑒧 𑒦𑒹𑒪 𑒞𑒐𑒢 𑒣𑒪𑒰𑒨𑒢𑒏 𑒏𑒹𑒢𑓂𑒠𑓂𑒩 𑒧𑒳𑒧𑓂𑒥𑒃 𑒂 𑒠𑒱𑒪𑓂𑒪𑒲 𑒦𑓄 𑒑𑒹𑒪। 𑒥𑒼𑒢𑒱𑒯𑒰𑒩 𑒂𑒥 𑒦𑒠𑒼𑒯𑒲 𑒂 𑒧𑒼𑒩𑓀𑒑 𑒢𑒘𑒱 𑒫𑒩𑒢 𑒣𑓀𑒖𑒰𑒥–𑒯𑒩𑒱𑒨𑒰𑒝𑒰 𑒂 𑒣𑒬𑓂𑒔𑒱𑒧𑒲 𑒅𑒞𑓂𑒞𑒩𑒣𑓂𑒩𑒠𑒹𑒬 𑒖𑒰𑒃𑒞 𑒕𑒟𑒱 𑒂 𑒥𑒢𑒱𑒖𑒰𑒩 𑒥𑒰𑒯𑒩𑒮𑒿 𑒧𑒱𑒟𑒱𑒪𑒰𑒧𑒹 𑒦𑒩𑒱 𑒑𑒹𑒪 𑒕𑒟𑒱। 𑒠𑒩𑒦𑓀𑒑𑒰 𑒩𑒰𑒖𑒏 𑒑𑒪𑒞 𑒂𑒩𑓂𑒟𑒱𑒏 𑒢𑒲𑒞𑒱𑒏 𑒏𑒰𑒩𑒝 𑒂𑒩𑒰 𑒕𑒣𑒩𑒰𑒏 𑒪𑒼𑒏 𑒮𑒦 𑒦𑒴𑒧𑒱 𑒂 𑒏𑒰𑒧𑒞𑒏 𑒁𑒡𑒱𑒣𑒞𑒱 𑒏𑒼𑒢𑒰 𑒦𑓄 𑒑𑒹𑒪𑒰𑒯 𑒮𑒹 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪 𑒖𑒲𑒏 𑒮𑒰𑒯𑒱𑒞𑓂𑒨𑒧𑒹 𑒣𑒴𑒩𑓂𑒝 𑒩𑒴𑒣𑒮𑒿 𑒠𑒹𑒐𑒰𑒩 𑒦𑒹𑒪 𑒁𑒕𑒱। 1936-37𑒧𑒹 𑒥𑒩𑓂𑒧𑒰𑒮𑒿 𑒮𑒹𑒯𑒼 𑒦𑒼𑒖𑒣𑒳𑒩 𑒥𑒏𑓂𑒮𑒩𑒏 𑒪𑒼𑒏 𑒣𑒴𑒩𑓂𑒝𑒱𑒨𑒰𑒿, 𑒁𑒩𑒩𑒱𑒨𑒰𑒧𑒹 𑒦𑒰𑒑𑒱 𑒏𑓄 𑒋𑒪𑒰𑒯, 𑒛𑒳𑒧𑒩𑒰𑒿𑒫𑒏 𑒯𑒩𑒱 𑒥𑒰𑒥𑒴 𑒯𑒱𑒢𑒏𑒰 𑒮𑒦𑒏𑒹𑒿 𑒥𑒩𑓂𑒧𑒰𑒧𑒹 𑒥𑒮𑒹𑒢𑒹 𑒕𑒪𑒰𑒯 𑒂 𑒥𑒩𑓂𑒧𑒰𑒏 𑒦𑒰𑒩𑒞𑒮𑒿 𑒁𑒪𑒑 𑒦𑒹𑒪𑒰𑒏 𑒥𑒰𑒠 𑒄 𑒪𑒼𑒏𑒢𑒱 𑒬𑒩𑒝𑒰𑒩𑓂𑒟𑒲 𑒥𑒢𑒱 𑒋𑒯𑒱 𑒏𑓂𑒭𑒹𑒞𑓂𑒩𑒧𑒹 𑒂𑒥𑒱 𑒑𑒹𑒪𑒰𑒯। 𑒏𑒞𑒹𑒏𑒼 𑒥𑒩𑓂𑒧𑒰 𑒙𑒼𑒪 𑒋𑒯𑒱 𑒏𑓂𑒭𑒹𑒞𑓂𑒩 𑒮𑒦𑒧𑒹 𑒁𑒯𑒰𑒿𑒏𑒹𑒿 𑒦𑒹𑒙𑒱 𑒖𑒰𑒋𑒞। 𑒋𑒯𑒱 𑒏𑓂𑒭𑒹𑒞𑓂𑒩𑒧𑒹 𑒏𑒵𑒭𑒱–𑒫𑒰𑒝𑒱𑒖𑓂𑒨𑒣𑒩 𑒯𑒱𑒢𑒏𑒼 𑒮𑒦𑒏 𑒠𑒐𑒪 𑒦𑒹𑒪𑒢𑓂𑒯𑒱। 𑒧𑒱𑒟𑒱𑒪𑒰𑒧𑒹 𑒦𑒹𑒪 𑒣𑒪𑒰𑒨𑒢𑒧𑒹 1971 𑒄. 𑒧𑒹 𑒥𑒰𑓀𑒑𑓂𑒪𑒰𑒠𑒹𑒬𑒏 𑒢𑒱𑒩𑓂𑒧𑒰𑒝𑒏 𑒪𑒑𑒰𑒞𑒱 𑒍𑒞𑒳𑒏𑓂𑒏𑒰 𑒯𑒱𑒢𑓂𑒠𑒴𑒏 𑒏𑒱𑒬𑒢𑒑𑓀𑒖𑒧𑒹 𑒂 𑒥𑒰𑒠𑒧𑒹 𑒍𑒞𑒳𑒏𑓂𑒏𑒰 𑒧𑒳𑒮𑓂𑒪𑒱𑒧𑒏 𑒣𑒴𑒩𑓂𑒝𑒱𑒨𑒰𑒿 𑒏𑒱𑒬𑒢𑒑𑓀𑒖𑒧𑒹 𑒂𑒑𑒧𑒢 𑒦𑒹𑒪। 𑒥𑒰𑒯𑒩 𑒦𑒹𑒪 𑒣𑒪𑒰𑒨𑒢𑒏 𑒫𑒱𑒩𑒴𑒠𑓂𑒡 𑒦𑒲𑒞𑒩 𑒂𑒋𑒪 𑒄 𑒣𑒪𑒰𑒨𑒢 𑒧𑒱𑒟𑒱𑒪𑒰𑒏 𑒥𑒼𑒪𑒲–𑒫𑒰𑒝𑒲 𑒮𑒦 𑒫𑒮𑓂𑒞𑒳𑒏𑒹𑒿 𑒣𑓂𑒩𑒦𑒰𑒫𑒱𑒞 𑒏𑒋𑒪𑒏। 𑒖𑒰𑒞𑒱–𑒡𑒩𑓂𑒧 𑒂𑒡𑒰𑒩𑒱𑒞 𑒫𑒱𑒫𑒰𑒯 𑒧𑒳𑒮𑓂𑒪𑒱𑒧, 𑒩𑒰𑒖𑒣𑒴𑒞 𑒂 𑒦𑒴𑒧𑒱𑒯𑒰𑒩 𑒧𑒡𑓂𑒨 𑒧𑒱𑒟𑒱𑒪𑒰𑒏 𑒦𑒾𑒑𑒼𑒪𑒱𑒏 𑒣𑒩𑒱𑒡𑒱𑒮𑒿 𑒥𑒰𑒯𑒩 𑒯𑒳𑒁𑒋 𑒪𑒰𑒑𑒪 𑒞𑒰𑒯𑒱𑒮𑒿 𑒮𑒹𑒯𑒼 𑒥𑒼𑒪𑒲–𑒫𑒰𑒝𑒲𑒏 𑒁𑓀𑒞𑒩 𑒠𑒵𑒭𑓂𑒙𑒱𑒑𑒼𑒔𑒩 𑒦𑒹𑒪।

𑒣𑒪𑒰𑒨𑒢 𑒢𑒲𑒏 𑒂𑒏𑒱 𑒁𑒡𑒪𑒰𑒯𑓁- 𑒣𑒪𑒰𑒨𑒢 𑒖𑒹 𑒥𑒰𑒯𑒩 𑒖𑒰𑒃 𑒫𑒪𑒰 𑒂 𑒦𑒲𑒞𑒩 𑒂𑒥𑒻 𑒫𑒪𑒰 𑒠𑒳𑒢𑒴 𑒞𑒩𑒯𑒏 𑒁𑒕𑒱 𑒏𑒹𑒿 𑒁𑒯𑒰𑒿 𑒏𑒼𑒢𑒼 𑒞𑒩𑒯𑒹𑒿 𑒢𑒯𑒱 𑒩𑒼𑒏𑒱 𑒮𑒏𑒻 𑒕𑒲। 𑒧𑒳𑒠𑒰 𑒋𑒏 𑒐𑒰𑒠𑒲 𑒧𑒡𑓂𑒨 𑒦𑒹𑒪 𑒄 𑒫𑒱𑒏𑒙 𑒣𑒪𑒰𑒨𑒢 𑒧𑒴𑒪 𑒧𑒻𑒟𑒱𑒪 𑒥𑒼𑒪𑒲–𑒫𑒰𑒝𑒲𑒏 𑒣𑒪𑒰𑒨𑒢 𑒫𑒱𑒏𑒙 𑒮𑒧𑒮𑓂𑒨𑒰𑒏𑒹𑒿 𑒖𑒢𑓂𑒧 𑒠𑒹𑒪𑒏। 𑒦𑒳𑒐𑒧𑒩𑒲 𑒖𑒹 𑒫𑒰𑒠𑒱-𑒁𑒏𑒰𑒪 𑒂𑒢𑒪𑒏, 𑒞𑒏𑒩𑒰𑒮𑒿 𑒞𑒿 𑒧𑒳𑒏𑓂𑒞𑒱 𑒦𑒹𑒙𑒪 𑒧𑒳𑒠𑒰 𑒮𑒰𑓀𑒮𑓂𑒏𑒵𑒞𑒱𑒏 𑒁𑒏𑒰𑒪 𑒮𑒹𑒯𑒼 𑒄 𑒂𑒢𑒪𑒏। 𑒑𑒰𑒧𑒣𑒩 𑒥𑒼𑒗 𑒒𑒙𑒪, 𑒪𑒼𑒏𑒏𑒹𑒿 𑒥𑒙𑒰𑒃 𑒪𑒹𑒪 𑒖𑒧𑒲𑒢 𑒢𑒻 𑒦𑒹𑒙𑒻 𑒕𑒪𑒻, 𑒂𑒥 𑒮𑒹 𑒥𑒻 𑒕𑒻, 𑒧𑒳𑒠𑒰 𑒞𑒏𑒩 𑒫𑒱𑒣𑒩𑒲𑒞 𑒧𑒱𑒟𑒱𑒪𑒰𑒏 𑒦𑒲𑒞𑒩 𑒬𑒻𑒏𑓂𑒭𑒱𑒏 𑒏𑒹𑒢𑓂𑒠𑓂𑒩𑒏 𑒣𑒴𑒩𑓂𑒝 𑒮𑒧𑒰𑒣𑒢 𑒦𑓄 𑒑𑒹𑒪, 𑒥𑒰𑒯𑒩𑒲 𑒥𑒢𑒱𑒖𑒰𑒩 𑒋𑒞𑒳𑒏𑓂𑒏𑒰 𑒂𑒩𑓂𑒟𑒱𑒏 𑒥𑒰𑒖𑒰𑒩𑒣𑒩 𑒏𑒥𑓂𑒖𑒰 𑒏𑓄 𑒪𑒹𑒪𑒢𑓂𑒯𑒱। 𑒫𑒱𑒬𑒰𑒪𑒏𑒰𑒨 𑒮𑒛𑓃𑒏 𑒣𑒩𑒱𑒨𑒼𑒖𑒢𑒰, 𑒂 𑒮𑒴𑒔𑒢𑒰 𑒣𑓂𑒩𑒾𑒠𑓂𑒨𑒼𑒑𑒱𑒏𑒲, 𑒙𑒹𑒪𑒲𑒫𑒱𑒖𑒢, 𑒁𑒐𑒥𑒰𑒩, 𑒣𑒞𑓂𑒩𑒱𑒏𑒰 𑒂𑒠𑒱 𑒞𑒞𑒹𑒏 𑒣𑒴𑒿𑒖𑒲 𑒏𑒹𑒢𑓂𑒠𑓂𑒩𑒱𑒞 𑒦𑓄 𑒑𑒹𑒪 𑒖𑒹 𑒄 𑒮𑓂𑒟𑒰𑒢𑒲𑒨 𑒫𑒝𑒱𑒏𑒏 𑒎𑒏𑒰𑒞𑒱𑒏 𑒥𑒰𑒯𑒩𑒏 𑒫𑒮𑓂𑒞𑒳 𑒦𑓄 𑒑𑒹𑒪। 𑒏𑓂𑒭𑒹𑒞𑓂𑒩𑒏 𑒩𑒰𑒖𑓂𑒨–𑒮𑒦𑒰 𑒂 𑒫𑒱𑒡𑒰𑒢 𑒣𑒩𑒱𑒭𑒠𑒧𑒹 𑒖𑒐𑒢 𑒥𑒰𑒯𑒩𑒲 𑒣𑒴𑒿𑒖𑒲𑒣𑒞𑒱 𑒣𑓂𑒩𑒫𑒹𑒬 𑒏𑓄 𑒑𑒹𑒪 𑒕𑒟𑒱 𑒞𑒐𑒢 𑒂𑒩 𑒏𑒟𑒴𑒏 𑒔𑒩𑓂𑒔 𑒏𑒲 𑒏𑒩𑒲?

𑒣𑒪𑒰𑒨𑒢𑒏 𑒢𑒱𑒠𑒰𑒢𑓁- 𑒯𑒰 𑒣𑒪𑒰𑒨𑒢 𑒏𑒹𑒢𑒹 𑒏𑒰𑒖 𑒢𑒻 𑒔𑒪𑒞। 𑒖𑒹𑒢𑒰 𑒃𑒮𑓂𑒩𑒰𑒨𑒪𑒏 𑒣𑓂𑒩𑒫𑒰𑒮𑒲 𑒍𑒏𑒩 𑒬𑒏𑓂𑒞𑒱–𑒮𑒱𑒠𑓂𑒡 𑒦𑒹𑒪 𑒕𑒟𑒱 𑒞𑒯𑒱𑒢𑒰 𑒧𑒻𑒟𑒱𑒪 𑒣𑓂𑒩𑒫𑒰𑒮𑒲 𑒮𑒹𑒯𑒼 𑒧𑒱𑒟𑒱𑒪𑒰𑒏 𑒪𑒹𑒪 𑒍𑒞𑒳𑒏𑓂𑒏𑒰 𑒦𑒰𑒭𑒰–𑒮𑓀𑒮𑓂𑒏𑒵𑒞𑒱–𑒮𑒰𑒯𑒱𑒞𑓂𑒨 𑒂 𑒁𑒩𑓂𑒟𑒢𑒲𑒞𑒱𑒏 𑒪𑒹𑒪 𑒮𑒯𑒰𑒨𑒏 𑒮𑒱𑒠𑓂𑒡 𑒯𑒹𑒞𑒰𑒯 𑒧𑒱𑒟𑒱𑒪𑒰 𑒩𑒰𑒖𑓂𑒨𑒏 𑒧𑒰𑓀𑒑𑒧𑒹 𑒥𑒲𑒔𑒏 𑒮𑓂𑒟𑒱𑒞𑒱 𑒖𑒹𑒢𑒰 𑒥𑒱𑒯𑒰𑒩𑒏 𑒁𑓀𑒞𑒩𑓂𑒑𑒞 𑒧𑒻𑒟𑒱𑒪𑒲 𑒦𑒰𑒭𑒲 𑒏𑓂𑒭𑒹𑒞𑓂𑒩𑒧𑒹 𑒣𑓂𑒩𑒰𑒟𑒧𑒱𑒏 𑒬𑒱𑒏𑓂𑒭𑒰𑒏 𑒧𑒰𑒡𑓂𑒨𑒧 𑒧𑒻𑒟𑒱𑒪𑒲 𑒯𑒼, 𑒧𑒻𑒟𑒱𑒪𑒲𑒏 𑒩𑒹𑒛𑒱𑒨𑒼 𑒮𑓂𑒙𑒹𑒬𑒢, 𑒙𑒲.𑒫𑒲, 𑒔𑒻𑒢𑒪 𑒪𑒹𑒪 𑒏𑒧 𑒪𑒰𑒃𑒮𑒹𑓀𑒮 𑒤𑒲𑒮 𑒩𑒰𑒐𑒪 𑒖𑒰𑒋, 𑒃 𑒧𑒻𑒟𑒱𑒪𑒲 𑒣𑒞𑓂𑒩–𑒣𑒞𑓂𑒩𑒱𑒏𑒰𑒏𑒹𑒿 𑒮𑒩𑒏𑒰𑒩𑒲 𑒫𑒱𑒖𑓂𑒘𑒰𑒣𑒢 𑒦𑒹𑒙𑒋 𑒂𑒠𑒱 𑒧𑒰𑓀𑒑–𑒂𑒠𑒱 𑒮𑒹𑒯𑒼 𑒡𑒼𑓀𑒮𑒱𑒨𑒹𑒥𑒰𑒏 𑒔𑒰𑒯𑒲। 𑒩𑒰𑒖𑓂𑒨 𑒖𑒯𑒱𑒨𑒰 𑒦𑒹𑒙𑒞 𑒞𑒯𑒱𑒨𑒰 𑒦𑒹𑒙𑒞 𑒅𑒣𑒩𑒏𑒰 2-3 𑒥𑒱𑒢𑓂𑒠𑒳 𑒖𑒹 𑒦𑒹𑒙𑒱 𑒖𑒰𑒋𑒞 𑒞𑒿 𑒋𑒏𑒙𑒰 𑒅𑒣𑒪𑒥𑓂𑒡𑒱 𑒯𑒼𑒋𑒞 𑒂 𑒪𑒼𑒏𑒧𑒹 𑒞𑒐𑒢𑒹 𑒖𑒰𑒑𑒵𑒞𑒱 𑒂𑒋𑒞 𑒞𑒐𑒢𑒹 𑒍 𑒧𑒱𑒟𑒱𑒪𑒰 𑒩𑒰𑒖𑓂𑒨 𑒋𑒏𑒩 𑒂𑒩𑓂𑒟𑒱𑒏–𑒬𑒻𑒏𑓂𑒭𑒱𑒏 𑒩𑒰𑒖𑒢𑒻𑒞𑒱𑒏 𑒮𑓂𑒟𑒱𑒞𑒱𑒣𑒩 𑒍 𑒫𑒱𑒔𑒰𑒩 𑒏𑓄 𑒮𑒏𑒞𑒰𑒯 𑒂 𑒂𑓀𑒠𑒼𑒪𑒢𑒏 𑒦𑒰𑒑 𑒥𑒢𑒱 𑒮𑒏𑒞𑒰𑒯।














𑒣𑒘𑓂𑒖𑒲-𑒣𑓂𑒩𑒥𑒢𑓂𑒡𑒧𑒹 𑒅𑒣𑒪𑒥𑓂𑒡 𑒏𑒱𑒕𑒳 𑒂𑒡𑒱𑒏𑒰𑒩𑒱𑒏 𑒂 𑒮𑒰𑒧𑒰𑒖𑒱𑒏 𑒬𑒥𑓂𑒠𑒰𑒫𑒪𑒲
𑒣𑒘𑓂𑒖𑒲-𑒣𑓂𑒩𑒥𑒢𑓂𑒡𑒧𑒹 𑒅𑒣𑒪𑒥𑓂𑒡 𑒏𑒱𑒕𑒳 𑒂𑒡𑒱𑒏𑒰𑒩𑒱𑒏 𑒂 𑒮𑒰𑒧𑒰𑒖𑒱𑒏 𑒬𑒥𑓂𑒠𑒰𑒫𑒪𑒲𑒏 𑒫𑒱𑒫𑒩𑒝 11000 𑒣𑓀𑒖𑒲 𑒞𑒰𑒪𑒣𑒞𑓂𑒩𑒏 𑒖𑒹.𑒣𑒲.𑒖𑒲. 𑒃𑒧𑒹𑒖𑒏 𑒁𑓀𑒫𑒹𑒭𑒝𑒏 𑒥𑒰𑒠 𑒮𑓀𑒏𑒪𑒱𑒞 𑒏𑒋𑒪 𑒑𑒹𑒪 𑒁𑒕𑒱 𑒖𑒹 𑒢𑒲𑒔𑒰𑒿 𑒫𑒩𑓂𑒝𑒱𑒞 𑒁𑒕𑒱।
𑒮𑒰𑓀𑒡𑒱𑒫𑒱𑒑𑓂𑒩𑒯𑒱𑒏,𑒡𑒩𑓂𑒧𑒰𑒡𑓂𑒨𑒏𑓂𑒭𑒏,𑒔𑒞𑒳𑒩𑓂𑒫𑒹𑒠𑒰𑒡𑓂𑒨𑒰𑒨𑒲,𑒨𑒰𑒖𑓂𑒘𑒱𑒏,𑒣𑒰𑒩𑓂𑒝𑒰𑒑𑒰𑒩𑒱𑒏,𑒫𑒰𑒩𑓂𑒞𑒱𑒏,𑒧𑒯𑒰𑒧𑒞𑓂𑒞𑒏,𑒦𑒰𑒝𑓂𑒛𑒰𑒑𑒰𑒩𑒱𑒏,𑒮𑓂𑒟𑒰𑒢𑒰𑒢𑓂𑒞𑒩𑒱𑒏,𑒩𑒰𑒖𑒫𑒪𑓂𑒪𑒦𑒩𑒰𑒖𑒫𑒪𑓂𑒪𑒦,𑒮𑓂𑒟𑒰𑒢𑒰𑒢𑓂𑒞𑒩𑒱𑒏,𑒩𑒰𑒅𑒪, 𑒐𑒢𑒞𑒩𑒲, 𑒏𑒰𑒣𑒢𑒱, 𑒤𑒴𑒪𑒯𑒩,𑒮𑒢𑓂𑒡𑒱 𑒥𑒱𑒑𑓂𑒩𑒯𑒱𑒏,𑒣𑒳𑒩𑒼𑒯𑒱𑒞,𑒏𑒳𑒪 𑒕𑒹𑒞𑓂𑒩𑒼𑒣𑒰𑒩𑓂𑒨𑒏,𑒂𑒫𑒮𑓂𑒟𑒱𑒏,𑒏𑒢𑓂𑒙𑒏𑒼𑒠𑓂𑒡𑒰𑒩𑓂𑒏𑒰𑒩𑒏,𑒖𑓂𑒨𑒼𑒞𑒱𑒫𑒱𑒩𑓂𑒫𑒠,𑒣𑒠𑒰𑓀𑒏𑒱𑒞,𑒣𑒝𑓂𑒛𑒱𑒞 𑒩𑒰𑒖 𑒣𑒠𑒰𑓀𑒏𑒱𑒞,𑒅𑒣𑒰𑒨 𑒏𑒰𑒩𑒏,𑒋𑒏𑒰𑒢𑓂𑒞𑒩𑒱𑒏,𑒧𑒰𑒝𑓂𑒛𑒩 𑒮𑒿 𑒫𑒻𑒠𑒱𑒏 𑒫𑒱𑒬𑓂𑒫𑒧𑓂𑒦𑒩, 𑒮𑒱𑒯𑒾𑒪𑒲 𑒧𑒰𑒝𑓂𑒛𑒩𑒮𑒿 𑒣𑒳𑒩𑒢𑓂𑒠𑒩 𑒮𑒳𑒞 𑒫𑒻𑒠𑒱𑒏 𑒑𑒼𑒢𑒴 𑒗𑒰, 𑒢𑒩 𑒫𑒪𑒱. 𑒮𑒿 𑒒𑒢𑒬𑓂𑒨𑒰𑒧 𑒮𑒳𑒞 𑒫𑒻𑒠𑒱𑒏 𑒑𑒝𑒣𑒞𑒱 𑒧𑒱𑒬𑓂𑒩, 𑒐𑒾𑒂𑒪𑒮𑒿 𑒏𑒧𑒪 𑒮𑒳𑒞 𑒧. 𑒑𑒳𑒝𑒰𑒏𑒩 𑒫𑒻𑒠𑒱𑒏 𑒣𑒱𑒞𑒰𑒧𑓂𑒥𑒩, 𑒮𑒱𑓀𑒯𑒾𑒪𑒱 𑒧𑒰𑒝𑓂𑒛𑒩𑒮𑒿 𑒫𑒻𑒠𑒱𑒏 𑒫𑒱𑒬𑓂𑒫𑒧𑓂𑒦𑒩 𑒮𑒳𑒞 𑒧. 𑒏𑒳𑒪𑒣𑒞𑒱 𑒧.𑒔𑒞𑒳𑒩𑓂𑒦𑒳𑒖, 𑒠𑒩𑒱𑒯𑒩𑒰𑒮𑒿 𑒩𑒒𑒳𑒢𑒰𑒟 𑒮𑒳𑒞 𑒧. 𑒧𑒰𑒡𑒫 𑒫𑒻𑒠𑒱𑒏 𑒫𑒱𑒩𑒹𑒬𑓂𑒫𑒩, 𑒠𑒩𑒱𑒯𑒩𑒰𑒮𑒿 𑒧. 𑒧𑒰𑒡𑒫 𑒮𑒳𑒞 𑒫𑒻𑒠𑒱𑒏 𑒦𑒑𑒲𑒩𑒟, 𑒠𑒩𑒱𑒯𑒩𑒰𑒮𑒿 𑒏𑒲𑒩𑓂𑒞𑒱𑒢𑒰𑒟 𑒮𑒳𑒞 𑒫𑒻𑒠𑒱𑒏 𑒡𑒢𑒢𑒰𑒟, 𑒠𑒩𑒱𑒯𑒩𑒰𑒮𑒿 𑒩𑒰𑒧𑒮𑒳𑒞 𑒫𑒻𑒠𑒱𑒏 𑒦𑒑𑒲𑒩𑒟, 𑒮𑒏𑒩𑒰𑒜𑓃𑒲𑒮𑒿 𑒢𑒏𑒙𑒴 𑒮𑒳𑒞 𑒫𑒻𑒠𑒱𑒏 𑒔𑒢𑓂𑒠𑒩𑒏𑓂𑒞, 𑒧𑒰𑒝𑓂𑒛𑒩 𑒮𑒿 𑒫𑒻. 𑒁𑒔𑓂𑒕𑒣𑒞𑒱 𑒮𑒳𑒞 𑒫𑒻𑒠𑒱𑒏 𑒖𑒲𑒫𑒣𑒞𑒱, 𑒮𑒼𑒠𑒩𑒣𑒳𑒩𑒮𑒿 𑒫𑒻𑒠𑒱𑒏 𑒯𑒼𑒩𑒲, 𑒠𑒩𑒱𑒯𑒩𑒰 𑒮𑒿 𑒩𑒰𑒧 𑒠𑓂𑒠𑒾o 𑒫𑒱𑒦𑒰𑒏𑒩 𑒮𑒳𑒞𑒾 𑒫𑒻𑒠𑒱𑒏 𑒫𑒱𑒬𑓂𑒫𑒧𑓂𑒦𑒩, 𑒮𑒏𑒩𑒰𑒜𑓃𑒲𑒮𑒏𑒩𑒰𑒜𑓃𑒲 𑒮𑒿 𑒯𑒩𑒱𑒬𑓂𑒫𑒩 𑒠𑓂𑒠𑒾o 𑒫𑒻𑒠𑒱𑒏:𑒫𑒱𑒬𑓂𑒫𑒧𑓂𑒦𑒩, 𑒧𑒰𑒝𑓂𑒛𑒩 𑒮𑒿 𑒫𑒻𑒠𑒱𑒏 𑒫𑒱𑒬𑓂𑒫𑒧𑓂𑒦𑒩, 𑒏𑒧𑒪 𑒮𑒳𑒞𑒼 𑒏𑒵𑒭𑓂𑒝𑒠𑒹𑒫 𑒧𑒯𑒼 𑒑𑒳𑒝𑒰𑒏𑒩𑒾 (𑓑𑓐𑓙//𑓐𑓔) 𑒫𑒻𑒠𑒱𑒏 (𑓑𑓐𑓙/𑓐𑓔) 𑒣𑒲𑒞𑒰𑒧𑓂𑒥𑒩𑒰:, 𑒧𑒰𑒝𑓂𑒛𑒩𑒮𑒿 𑒧𑒰𑒝𑓂𑒛𑒩𑒮𑒿 𑒦𑒻𑒩𑒫 𑒠𑓂𑒠𑒾o 𑒫𑒻𑒠𑒱𑒏 𑒫𑒱𑒡𑒴𑒣𑓂𑒩o, 𑒫𑒻𑒠𑒱𑒏 𑒨𑒳𑒠𑒢𑒰𑒟:, 𑒫𑒻𑒠𑒱𑒏𑒫𑒻𑒠𑒱𑒏 𑒫𑒱𑒩𑒹𑒬𑓂𑒫𑒩, 𑒫𑒻𑒠𑒱𑒏𑒫𑒻𑒠𑒱𑒏 𑒦𑒑𑒲𑒩𑒟, 𑒫𑒻𑒠𑒱𑒏 𑒫𑒱𑒬𑓂𑒢𑒰𑒟, 𑒫𑒻𑒠𑒱𑒏 𑒒𑒢𑒢𑒰𑒟, 𑒫𑒻𑒠𑒱𑒏 𑒔𑒢𑓂𑒠𑓂𑒩𑒠𑒞𑓂𑒞, 𑒠𑒩𑒱𑒯𑒩𑒰 𑒮𑒿 𑒫𑒻𑒠𑒱𑒏 𑒖𑒲𑒫𑒢𑒰𑒟, 𑒫𑒻𑒠𑒱𑒏 𑒁𑒔𑓂𑒕𑒣𑒞𑒱, 𑒫𑒻𑒠𑒱𑒏𑒫𑒻𑒠𑒱𑒏 𑒥𑒪𑒠𑒹𑒫, 𑒠𑒩𑒱𑒯𑒩𑒰 𑒮𑒿 𑒫𑒻𑒠𑒱𑒏 𑒖𑒲𑒫𑒢𑒰𑒟 𑒠𑒾𑒯𑒱𑒞𑓂𑒩 𑒠𑒾, 𑒫𑒻𑒠𑒱𑒏𑒫𑒻𑒠𑒱𑒏 𑒏𑒪𑒰𑒒𑒩, 𑒠𑒩𑒱𑒯𑒩𑒰 𑒮𑒿 𑒩𑒰𑒧 𑒮𑒳𑒞 𑒫𑒻𑒠𑒱𑒏 𑒦𑒑𑒲𑒩𑒟 𑒠𑒾, 𑒫𑒻𑒠𑒱𑒏 𑒩𑒰𑒖𑒰 𑒧𑒯𑒼 𑒑𑒼𑒬𑒰𑒄, 𑒫𑒻𑒠𑒱𑒏 𑒧𑒳𑒏𑒳𑒢𑓂𑒠, 𑒥𑒹𑒔𑒴 𑒮𑒳𑒞𑒼 𑒫𑒻𑒨𑒰𑒏𑒩𑒝 𑒡𑒩𑒢𑒲𑒒𑒩 𑒫𑒻𑒠𑒱𑒏 𑒫𑒢𑒐𑒝𑓂𑒛𑒲𑒏𑒾, 𑒫𑒻𑒠𑒱𑒏 𑒢𑒱𑒞𑓂𑒨𑒰𑒢𑒢𑓂𑒠, 𑒫𑒻𑒠𑒱𑒏 𑒮𑒼𑒢𑒲, 𑒫𑒻𑒠𑒱𑒏 𑒥𑒠𑓂𑒩𑒲𑒢𑒰𑒟, 𑒫𑒻𑒠𑒱𑒏𑒫𑒻𑒠𑒱𑒏 𑒫𑒱𑒡𑒳, 𑒯𑒩𑒱𑒁𑒧 𑒮𑒿 𑒧𑒳𑒏𑓂𑒞𑒱𑒢𑒰𑒟 𑒠𑓂𑒠𑒾o𑒫𑒻𑒠𑒱𑒏 𑒞𑒳𑒪𑒰𑒢𑒢𑓂𑒠, 𑒫𑒻𑒠𑒱𑒏 𑒔𑒢𑓂𑒠𑓂𑒩𑒠𑒞𑓂𑒞 𑒣𑓂𑒩𑒹𑒧𑒠𑒞𑓂𑒞, 𑒮𑒼𑒠𑒩𑒣𑒳𑒩𑒮𑒼𑒠𑒩𑒣𑒳𑒩 𑒮𑒿 𑒔𑒱𑒞𑓂𑒩𑒡𑒩 𑒠𑓂𑒠𑒾o 𑒫𑒻𑒠𑒱𑒏 𑒡𑒢𑒢𑒰𑒟, 𑒫𑒻𑒠𑒱𑒏𑒫𑒻𑒠𑒱𑒏 𑒁𑒧𑒼𑒠𑒨𑒰𑒢𑒰𑒟, 𑒫𑒻𑒠𑒱𑒏 𑒯𑒹𑒧𑒰𑒑𑓀𑒠, 𑒫𑒻𑒠𑒱𑒏 𑒑𑒝𑒣𑒞𑒱 𑒫𑒻𑒠𑒱𑒏 𑒏𑒳𑒪𑒣𑒞𑒱𑒏𑒼, 𑒥𑒻𑒠𑒱𑒏 𑒑𑒳𑒝𑒣𑒞𑒱 𑒮𑒳𑒞𑒰 𑒂𑒿𑒐𑒲 𑒫𑒻𑒠𑒱𑒏 𑒏𑒪𑒰𑒒𑒩, 𑒁𑒣𑒩𑒰 𑒫𑒻𑒠𑒱𑒏 𑒏𑒳𑒪𑒧𑒝𑒱, 𑒫𑒻𑒠𑒱𑒏𑒫𑒻𑒠𑒱𑒏 𑒂𑒠𑒱𑒢𑒰𑒟, 𑒫𑒻𑒠𑒱𑒏 𑒏𑒳𑒪𑒣𑒞𑒱, 𑒖𑓂𑒨𑒼., 𑒫𑒻𑒨𑒰𑒏𑒩𑒝𑒫𑒻𑒨𑒰𑒏𑒩𑒝 𑒦𑒻𑒩𑒫𑒠𑒞𑓂𑒞𑒾, 𑒫𑒻𑒨𑒰𑒏𑒩𑒝 𑒁𑒧𑒵𑒞𑒢𑒰𑒟 𑒥𑒳𑒠𑓂𑒡𑒱𑒢𑒰𑒟 𑒠𑒹𑒫𑒢𑒰𑒟, 𑒫𑒻𑒨𑒰𑒏𑒩𑒝 𑒩𑒰𑒧:, 𑒫𑒻𑒨𑒰𑒏𑒩𑒝𑒫𑒻𑒨𑒰𑒏𑒩𑒝 𑒩𑒰𑒡𑒢𑒰𑒟, 𑒫𑒻𑒨𑒰𑒏𑒩𑒝 𑒣𑒩𑒧𑒹𑒬𑓂𑒫𑒩, 𑒮𑒩𑒱𑒮𑒥𑒮𑒩𑒱𑒮𑒥 𑒮𑒿 𑒗𑒼𑒙𑒯 𑒠𑓂𑒠𑒾o𑒫𑒻𑒨𑒰𑒏𑒩𑒝 𑒢𑒢𑓂𑒠𑒲𑒣𑒞𑒱, 𑒫𑒻𑒨𑒰𑒏𑒩𑒝 𑒑𑒾𑒩𑒲𑒬𑓀𑒏𑒩, 𑒫𑒻𑒨𑒰𑒏𑒩𑒝𑒫𑒻𑒨𑒰𑒏𑒩𑒝 𑒩𑒖𑓂𑒖𑒹, 𑒐𑒝𑓂𑒛𑒥𑒪𑒰 𑒮𑒿 𑒦𑒑𑒲𑒩𑒟 𑒠𑓂𑒠𑒾. 𑒧𑒯𑒰 𑒫𑒻𑒨𑒰𑒏𑒩𑒝 𑒠𑒱𑒢𑒥𑒢𑓂𑒡𑒳 𑒮𑒳𑒞𑒰 𑒫𑒻𑒨𑒰. 𑒖𑒲𑒫𑒢𑒰𑒟, 𑒫𑒻𑒨𑒰𑒏𑒩𑒝𑒫𑒻𑒨𑒰𑒏𑒩𑒝 𑒧𑒞𑒱𑒢𑒰𑒟, 𑒮𑒏𑒳𑒩𑒲𑒣𑒰𑒪𑒲 𑒮𑒿 𑒫𑒻𑒨𑒰𑒏𑒩𑒝 𑒬𑓂𑒩𑒲𑒠𑒞𑓂𑒞 𑒮𑒳𑒞 𑒫𑒻. 𑒧𑒢𑒦𑒩𑒢 𑒠𑒾, 𑒫𑒻𑒨𑒰𑒏𑒩𑒝 𑒩𑒴𑒣𑒢𑒰𑒟, 𑒫𑒻𑒨𑒰𑒏𑒩𑒝𑒫𑒻𑒨𑒰𑒏𑒩𑒝 𑒧𑒞𑒱𑒢𑒰𑒟𑒰:, 𑒏𑒫𑒱𑒏𑒫𑒱 𑒯𑒹𑒧𑒢𑒰𑒟 𑒮𑒳𑒞𑒰 𑒫𑒻𑒨𑒰𑒏𑒩𑒝 𑒧𑒯𑒱𑒢𑒰𑒟, 𑒫𑒻𑒨𑒰𑒏𑒩𑒝 𑒩𑒰𑒧𑒢𑒰𑒟 𑒅𑒿𑒧𑒰𑒢𑒰𑒟:, 𑒫𑒻𑒨𑒰𑒏𑒩𑒝𑒫𑒻𑒨𑒰𑒏𑒩𑒝 𑒐𑒳𑒬𑒱𑒯𑒰𑒪, 𑒫𑒻𑒨𑒰𑒏𑒩𑒝 𑒦𑒫𑒰𑒢𑒲𑒠𑒞𑓂𑒞 𑒠𑒹𑒫𑒲𑒠𑒞𑓂𑒞𑒰, 𑒫𑒻𑒨𑒰𑒏𑒩𑒝 𑒯𑒹𑒧𑒢𑒰𑒟 𑒠𑒾, 𑒫𑒻𑒨𑒰𑒏𑒩𑒝 𑒯𑒩𑒱𑒢𑒰𑒟𑒰:, 𑒫𑒻𑒨𑒰𑒏𑒩𑒝𑒫𑒻𑒨𑒰𑒏𑒩𑒝 𑒇𑒠𑓂𑒡𑒱, 𑒕𑒏𑓂𑒏𑒢𑒕𑒏𑓂𑒏𑒢 𑒫𑒻𑒨𑒰𑒏𑒩𑒝, 𑒧𑒯𑒼 𑒔𑒝𑓂𑒛𑒹𑒬𑓂𑒫𑒩 𑒮𑒳𑒞𑒼 𑒫𑒻𑒨𑒰𑒏𑒩𑒝 (𑓒𑓗𑓖//𑓐𑓗) 𑒬𑒱𑒫𑒹𑒬𑓂𑒫𑒩:, 𑒐𑒾𑒂𑒪 𑒮𑒿 𑒫𑒻𑒨𑒰𑒏𑒩𑒝 𑒧𑒼𑒠𑒢𑒰𑒟 𑒠𑒾, 𑒫𑒻𑒨𑒰𑒏𑒩𑒝 (𑓒𑓐𑓑/𑓐𑓔) 𑒧𑒼𑒠𑒢𑒰𑒟, 𑒫𑒻𑒨𑒰𑒏𑒩𑒝 𑒑𑒼𑒣𑒰𑒪𑒰:, 𑒫𑒻𑒨𑒰𑒏𑒩𑒝𑒫𑒻𑒨𑒰𑒏𑒩𑒝 𑒧𑒹𑒒𑒢𑒰𑒠𑒾, 𑒫𑒻𑒨𑒰𑒏𑒩𑒝 𑒔𑓀𑒪𑒪:, 𑒫𑒻𑒨𑒰𑒏𑒩𑒝 𑒄𑒬𑓂𑒫𑒩𑒲𑒠𑒞𑓂𑒞 𑒮𑒳𑒞𑒼, 𑒫𑒻𑒨𑒰𑒏𑒩𑒝𑒫𑒻𑒨𑒰𑒏𑒩𑒝 𑒯𑒩𑓂𑒭𑒢𑒰𑒟 𑒠𑒾, 𑒫𑒻𑒨𑒰𑒏𑒩𑒝 (𑓐𑓔/𑓐𑓖) 𑒥𑓂𑒩𑒖𑒑𑒼𑒣𑒰𑒪 𑒖𑒨𑒑𑒼𑒣𑒰𑒪 𑒫𑒻𑒨𑒰𑒏𑒩𑒝 𑒣𑓂𑒩𑒰𑒡𑓂𑒨𑒰𑒣𑒏 (Calcutta university Maithily Deptt.) 𑒐𑒴𑒠𑓂𑒠𑒲𑒏𑒰 𑒧𑒯𑒱𑒭𑒲 𑒣𑒰𑒪𑒲 𑒮𑒿 𑒠𑒱𑒢𑒰𑒢𑒰𑒟 𑒮𑒳𑒞 𑒬𑒏𑓂𑒞𑒱𑒢𑒰𑒟 𑒠𑒾, 𑒫𑒻𑒨𑒰𑒏𑒩𑒝𑒫𑒻𑒨𑒰𑒏𑒩𑒝 𑒧𑒯𑒰𑒫𑒲𑒩, 𑒫𑒻𑒨𑒰𑒏𑒩𑒝 𑒯𑒩𑒱𑒢𑒰𑒩𑒰𑒨𑒝𑒰, 𑒫𑒻𑒨𑒰𑒏𑒩𑒝 𑒢𑒢𑓂𑒠𑒲𑒣𑒞𑒱, 𑒫𑒻𑒨𑒰𑒏𑒩𑒝 𑒋𑒏𑒢𑒰𑒟, 𑒏𑒳𑒖𑒾𑒪𑒲 𑒮𑒿 𑒑𑓀𑒑𑒰𑒠𑒞 𑒠𑒾 𑒫𑒻𑒨𑒰𑒏𑒩𑒝 𑒩𑒒𑒳𑒢𑒰𑒟, 𑒯𑒩𑒱𑒁𑒧 𑒮𑒿 𑒞𑒳𑒪𑒮𑒲𑒠𑒞𑓂𑒞 𑒠𑓂𑒠𑒾 𑒫𑒻𑒨𑒰𑒏𑒩𑒝 𑒐𑒳𑒠𑓂𑒠𑒲, 𑒁𑒣𑒩𑒰𑒫𑒻𑒨𑒰𑒏𑒩𑒝 𑒮𑒳𑒞𑒰 𑒫𑒻𑒨𑒰𑒏𑒩𑒝 𑒦𑒻𑒨𑒹 𑒮𑒳𑒑𑓂𑒑𑒹, 𑒫𑒻𑒨𑒰𑒏𑒩𑒝 𑒔𑒱𑒢𑓂𑒞𑒰𑒧𑒢𑒱, 𑒠𑒹𑒨𑒰𑒧 𑒮𑒿 𑒫𑒻𑒨𑒰𑒏𑒩𑒝 𑒧𑒡𑒳𑒏𑒩, 𑒣𑒱𑒞𑒰𑒧𑓂𑒥𑒩 𑒮𑒳𑒞𑒼 𑒫𑒻𑒨𑒰𑒏𑒩𑒝 𑒣𑒠𑓂𑒧𑒢𑒰𑒧:, 𑒫𑒻𑒨𑒰𑒏𑒩𑒝𑒫𑒻𑒨𑒰𑒏𑒩𑒝 𑒩𑒫𑒴𑒠𑒲𑒏𑒰, 𑒯𑒩𑒱𑒁𑒧 𑒮𑒿 𑒯𑒱𑓀𑒑𑒳 𑒠𑓂𑒠𑒾 𑒫𑒻𑒠𑒱𑒏 𑒮𑒼𑒢𑒲 𑒮𑒳𑒞𑒰 𑒫𑒻𑒠𑒱𑒏 𑒏𑒳𑒪𑒧𑒝𑒱 𑒫𑒻𑒠𑒱𑒏 𑒫𑓀𑒬𑒧𑒝𑒱 𑒏𑒧𑒪𑒧𑒝𑒱 𑒣𑒩𑒬𑒧𑒝𑒱 (𑓒𑓘𑓐/𑓐𑓑) 𑒯𑒩𑓂𑒭𑒧𑒝𑒱𑒏𑒰: 𑒠𑒩𑒱𑒯𑒩𑒰 𑒮𑒿 𑒫𑒻𑒠𑒱𑒏 𑒖𑒲𑒫𑒢𑒰𑒟 𑒠𑒾, 𑒣𑒰𑒪𑒲 𑒮𑒿 𑒬𑓂𑒩𑒲𑒢𑒰𑒟 𑒠𑓂𑒠𑒾 𑒣𑒳𑒩𑒢𑓂𑒠𑒩 𑒮𑒳𑒞𑒼 𑒫𑒻𑒠𑒱𑒏 𑒑𑒼𑒢𑒴 𑒫𑒻𑒠𑒱𑒏 𑒯𑒹𑒧𑒰𑒛𑓂𑒑𑒠𑒼, 𑒫𑒻𑒠𑒱𑒏 𑒒𑒢𑒬𑓂𑒨𑒰𑒧, 𑒐𑒾𑒂𑒪𑒮𑒿 𑒏𑒰𑒬𑒲𑒣𑒞𑒱 𑒠𑓂𑒠𑒾 𑒫𑒻𑒠𑒱𑒏 𑒒𑒢𑒬𑓂𑒨𑒨𑒰𑒧 (𑓑𑓖𑓐/𑓐𑓕) 𑒮𑒳𑒞𑒼 𑒫𑒻𑒠𑒱𑒏 𑒑𑒝𑒣𑒞𑒱 𑒫𑒻𑒠𑒱𑒏 𑒥., 𑒫𑒻𑒠𑒱𑒏 𑒑𑒝𑒣𑒞𑒱 𑒮𑒳𑒞𑒰 𑒂𑓀𑒐𑒲 𑒫𑒻𑒠𑒱𑒏 𑒏𑒪𑒰𑒡𑒩 (𑓒𑓖𑓘/𑓐𑓙) 𑒩𑒏𑒢𑒲 𑒏𑒫𑒱𑒦𑒰𑒢𑒳 𑒫𑒻𑒠𑒱𑒏 , 𑒫𑒻𑒠𑒱𑒏 𑒏𑒹𑒬𑒫, 𑒫𑒻𑒠𑒱𑒏 𑒑𑒼𑒬𑒰𑒃𑒏𑒰:, 𑒫𑒻𑒠𑒱𑒏𑒫𑒻𑒠𑒱𑒏 𑒑𑒼𑒬𑒰𑒿𑒄, 𑒮𑒩𑒱𑒮𑒥 𑒮𑒿 𑒔𑒞𑒳𑒩𑓂𑒦𑒴𑒖 𑒠𑓂𑒠𑒾o 𑒫𑒻𑒠𑒱𑒏 𑒑𑒱𑒩𑒡𑒰𑒩𑒲, 𑒂𑒠𑒱𑒢𑒰𑒟𑒰: 𑒥., 𑒧𑒰𑒝𑓂𑒛𑒩𑒮𑒿𑒫𑒻𑒠𑒱𑒏𑒫𑒱𑒬𑓂𑒫𑒧𑓂𑒧𑒩, 𑒂𑒑𑒧𑒰𑒔𑒰𑒩𑓂𑒨𑒏 𑒧o 𑒧o 𑒅𑒣𑒰o (𑓙𑓖//𑓐𑓔) 𑒠𑒹𑒫𑒢𑒰𑒟, 𑒂𑒑𑒧𑒰𑒔𑒰𑒩𑓂𑒨𑒏 𑒠𑒹𑒫𑒢𑒰𑒟, 𑒋𑒏𑒯𑒩𑒰 𑒮𑒿 𑒂𑒑𑒧𑒰𑒔𑒰𑒩𑓂𑒨𑒏 𑒧𑒯𑒼 𑒧𑒳𑒏𑒳𑒢𑓂𑒠, 𑒏𑒢𑓂𑒙𑒏𑒼𑒠𑓂𑒡𑒰𑒩𑓂𑒏𑒰𑒩𑒏 𑒧ō𑒧ō 𑒧𑒡𑒳𑒮𑒴𑒠𑒢, 𑒞𑒩𑓂𑒏 𑒣𑒞𑓂𑒩𑓂𑒔𑒰𑒢𑒢 𑒧o 𑒧o 𑒅𑒣𑒰o 𑒑𑒼𑒣𑒲𑒢𑒰𑒟, 𑒫𑒱𑒩𑒹𑒬𑓂𑒫𑒩 𑒏𑒫𑒱𑒬𑒹𑒐𑒩 𑒃𑒞𑒱 𑒣𑓂𑒩𑒮𑒱𑒠𑓂𑒫, 𑒏𑒙𑒰𑒃 𑒮𑒿 𑒏𑒫𑒱 𑒏𑒹𑒬𑒩𑒲 𑒧ō𑒧ō 𑒦𑒲𑒧, 𑒧𑒰𑒝𑓂𑒛𑒩 𑒮𑒿 𑒏𑒫𑒱𑒩𑒰𑒖 𑒬𑒳𑒦𑓀𑒏𑒩, 𑒫𑒪𑒱𑒨𑒰𑒮 𑒮𑒿 𑒏𑒫𑒱𑒬𑒹𑒐𑒩 𑒣𑒠𑒰𑓀𑒏𑒱𑒞 𑒔𑒢𑓂𑒠𑓂𑒩𑒢𑒰𑒟, 𑒮𑒼𑒠𑒩𑒣𑒳𑒩𑒮𑒼𑒠𑒩𑒣𑒳𑒩 𑒮𑒿 𑒜𑒰𑒏𑒰 𑒏𑒫𑒱 𑒧𑒯𑒰𑒧𑒯𑒼 𑒑𑒝𑒣𑒞𑒱, 𑒏𑒳𑒖𑒾𑒪𑒲 𑒮𑒿 𑒧𑒯𑒼 𑒏𑒵𑒭𑓂𑒝 𑒠𑒰𑒬𑒮𑒳𑒞 𑒏𑒫𑒱 𑒑𑓀𑒑𑒰𑒠𑒰𑒬, 𑒏𑒩𑒧𑒯𑒰 𑒮𑒿 𑒏𑒫𑒱𑒢𑓂𑒠𑓂𑒩 𑒣𑒠𑒰𑓀𑒏𑒱𑒞 𑒩𑒞𑒱 𑒠𑒹𑒫, 𑒠𑒩𑒱𑒯𑒩𑒰 𑒮𑒿 𑒏𑒫𑒱𑒩𑒰𑒖 𑒫𑒱𑒮𑒫, 𑒏𑒩𑒧𑒯𑒰 𑒮𑒿 𑒏𑒫𑒱𑒢𑓂𑒠𑓂𑒩 𑒣𑒠𑒰𑓀𑒏𑒱𑒞 𑒩𑒞𑒱𑒠𑒹𑒫, 𑒙𑒏𑒫𑒰𑒪 𑒮𑒿 𑒏𑒫𑒱𑒩𑒰𑒖 𑒪𑒏𑓂𑒭𑓂𑒧𑒲𑒣𑒰𑒝𑒱, 𑒣𑒰𑒪𑒲 𑒮𑒿 𑒏𑒫𑒱𑒬𑒹𑒐𑒩 𑒣𑒠𑒰𑓀𑒏𑒱𑒞 𑒨𑒠𑒳𑒢𑒰𑒟, 𑒫𑒱𑒮𑓂𑒤𑒲 𑒮𑒿 𑒏𑒫𑒱 𑒦𑒴𑒣𑒞𑒱 𑒣𑒠𑒰𑓀𑒏𑒱𑒞 𑒮𑒼𑒧𑒹𑒬𑓂𑒫𑒩, 𑒧𑒰𑒝𑓂𑒛𑒩 𑒮𑒿 𑒏𑒫𑒱𑒬𑒹𑒐𑒩 𑒣𑒠𑒰𑓀𑒏𑒱𑒞 𑒧𑒯𑒼 𑒨𑒬𑒼𑒡𑒩, 𑒖𑒑𑒞𑒱 𑒮𑒿 𑒧𑒯𑒰𑒧𑒯𑒼𑒏𑒫𑒱 𑒩𑒞𑓂𑒢 𑒣𑒠𑒰𑓀. 𑒯𑒼𑒩𑒹, 𑒣𑒰𑒪𑒲 𑒮𑒿 𑒒𑒾𑒒𑒹 𑒮𑒳𑒞 𑒏𑒫𑒱𑒩𑒰𑒖 𑒏𑒵𑒭𑓂𑒝𑒣𑒞𑒱, 𑒫𑒪𑒱𑒨𑒰𑒮 𑒮𑒿 𑒏𑒫𑒱𑒬𑒹𑒐𑒩 𑒣𑒠𑒰𑓀𑒏𑒱𑒞 𑒔𑒢𑓂𑒠𑓂𑒩𑒢𑒰𑒟, 𑒫𑒪𑒱𑒨𑒰𑒮 𑒮𑒿 𑒏𑒫𑒱 𑒧𑒝𑒱 𑒣𑒠𑒰𑓀𑒏𑒱𑒞 𑒣𑒬𑒳𑒣𑒞𑒱, 𑒑𑓀𑒑𑒼𑒪𑒲 𑒮𑒿 𑒏𑒫𑒱𑒩𑒰𑒖 𑒑𑒨𑒢, 𑒋 𑒮𑒳𑒞𑒼 𑒧𑒯𑒰𑒧𑒯𑒼 𑒫𑒱𑒠𑓂𑒨𑒰𑒣𑒞𑒱 𑒑𑓀𑒑𑒼𑒪𑒲 𑒮𑒿 𑒧𑒰𑒢𑒏𑒳𑒜𑓃 𑒫𑒰𑒮𑒲 𑒏𑒫𑒱𑒩𑒰𑒖 𑒑𑒝𑒹𑒬𑓂𑒫𑒩, 𑒮𑒼𑒠𑒩𑒣𑒳𑒩𑒮𑒿 𑒏𑒫𑒱𑒩𑒰𑒖 𑒧𑒯𑒼 𑒦𑒰𑒢𑒳𑒠𑒞𑓂𑒞, 𑒮𑒼𑒠𑒩𑒣𑒳𑒩𑒮𑒼𑒠𑒩𑒣𑒳𑒩 𑒮𑒿 𑒏𑒫𑒱 𑒖𑒨𑒩𑒰𑒧, 𑒞𑒣𑒼𑒫𑒢 𑒮𑒿 𑒏𑒫𑒱 𑒡𑒢𑒹𑒬𑓂𑒫𑒩, 𑒁𑒪𑒨 𑒮𑒿 𑒬𑒰𑒢𑓂𑒞𑒱𑒏𑒩𑒝𑒲𑒏 𑒩𑒴𑒠, 𑒢𑒩𑒫𑒰𑒪 𑒮𑒿 𑒬𑒰𑒢𑓂𑒞𑒱𑒏𑒩𑒝𑒲𑒏 𑒧𑒡𑒳𑒏𑒩, 𑒏𑒪𑒱𑒑𑒰𑒧 𑒮𑒿 𑒬𑒰𑒢𑓂𑒞𑒱𑒏𑒩𑒝𑒲𑒏 𑒦𑒼𑒑𑒲𑒬𑓂𑒫𑒩, 𑒧𑒰𑒝𑓂𑒛𑒩𑒮𑒿 𑒬𑒰𑒢𑓂𑒞𑒱𑒏𑒩𑒝𑒲𑒏 𑒣𑒰𑒿𑒐𑒴, 𑒠𑒰𑒢𑒰𑒡𑒱𑒏𑒰𑒩𑒲 𑒧𑒼𑒠𑒲 𑒯𑒪𑓂𑒪𑒹𑒬𑓂𑒫𑒩, 𑒖𑒑𑒞𑒱𑒮𑒿 𑒧𑒱𑒧𑒰𑓀𑒬𑒏 𑒧.𑒧. 𑒧𑒱𑒩𑒳𑒮, (𑒧𑒱𑒧𑒰𑓀𑒬𑒏) 𑒯𑒩𑒱 𑒠𑒹𑒫𑒡𑒩𑒰𑒣𑒞𑓂𑒨-𑒮𑒱𑓀𑒒𑒱𑒨𑒰, 𑒧𑒱𑒬𑓂𑒩𑒰 (𑒧𑒱𑒧𑒰𑓀𑒬𑒏) 𑒮𑒳𑒡𑒰𑒡𑒩𑒣𑒞𑓂𑒨 𑒅𑒮𑒩𑒾𑒪𑒲, 𑒧𑒱𑒬𑓂𑒩 (𑒧𑒱𑒧𑒰𑓀𑒬𑒏) 𑒪𑒰𑒐𑒴 𑒦𑒴𑒛𑓃𑒲 𑒑𑒝𑒹𑒬𑓂𑒫𑒩-𑒣𑒩𑒧𑒑𑒜𑓃, 𑒧𑒱𑒧𑒰𑓀𑒬𑒏 𑒫𑒱𑒦𑒴, 𑒧𑒱𑒧𑒰𑓀𑒬𑒏 𑒧𑒰𑒡𑒫, 𑒦𑒫𑒹𑒬𑓂𑒫𑒩 𑒮𑒳𑒞𑒰 𑒧𑒱𑒧𑒰𑓀𑒬𑒏 𑒩𑒴𑒠, 𑒢𑒼𑒢𑒹 𑒮𑒳𑒞𑒰 𑒧𑒱𑒧𑒰𑓀𑒬𑒏 𑒧𑒱𑒮𑒩𑒴, 𑒩𑒰𑒧 𑒮𑒳𑒞𑒼 𑒧𑒱𑒧𑒰𑓀𑒬𑒏 𑒨𑒼𑒑𑒠𑒞𑓂𑒞:, 𑒧𑒱𑒧𑒰𑓀𑒬𑒏 𑒧𑒹𑒒𑒰𑒢𑒰𑒟, 𑒧𑒱𑒧𑒰𑓀𑒬𑒏 𑒧𑒝𑒱, 𑒧𑒱𑒧𑒰𑓀𑒬𑒏 𑒖𑒨𑒠𑒹𑒫, 𑒧𑒱𑒧𑒰𑓀𑒬𑒏 𑒡𑒩𑒢𑒲, 𑒧𑒱𑒧𑒰𑓀𑒬𑒏 𑒨𑒼𑒑𑒠𑒞𑓂𑒞:, 𑒏𑒩𑒧𑒯𑒰 𑒮𑒿 𑒧𑒱𑒧𑒰𑓀𑒬𑒏 𑒨𑒼𑒑𑒠𑒞𑓂𑒞, 𑒖𑒑𑒞𑒱𑒮𑒿 𑒧𑒱𑒧𑒰𑓀𑒬𑒏 𑒧.𑒧. 𑒧𑒱𑒩𑒳𑒮, 𑒖𑒢𑒰𑒩𑓂𑒠𑒢 𑒮𑒳𑒞 𑒢𑒻𑒨𑒰𑒨𑒱𑒏 𑒠𑒳𑒩𑓂𑒑𑒰𑒒𑒩, 𑒢𑒻𑒨𑒰𑒨𑒱𑒏 𑒧𑒯𑒾 𑒠𑒳𑒩𑓂𑒑𑒰𑒡𑒩, 𑒭𑒙𑓂𑒬𑒰𑒮𑓂𑒞𑓂𑒩𑒲 𑒢𑒻𑒨𑒰𑒨𑒱𑒏 𑒠𑒩𑓂𑒬𑒢𑒬𑒰𑒮𑓂𑒞𑓂𑒩𑒖𑓂𑒘 𑒅𑒠𑒨𑒏𑒰𑒢𑓂𑒞𑒼, 𑒠𑒱𑒒𑒼 𑒮𑒿 𑒠𑒹𑒫𑒰𑒑𑒰𑒩𑒱𑒏 𑒥𑒰𑒙𑒹, 𑒠𑒱𑒒𑒼 𑒮𑒿 𑒠𑒹𑒫𑒰𑒑𑒰𑒩𑒱𑒏 𑒥𑒙𑒹𑒬𑓂𑒫𑒩, 𑒣𑒰𑒩𑓂𑒝𑒰𑒑𑒰𑒩𑒱𑒏 𑒫𑒱𑒩𑒹𑒬𑓂𑒫𑒩, 𑒠𑒱𑒒𑒼𑒨𑒮𑒿 𑒣𑒰𑒩𑓂𑒝𑒰𑒑𑒰𑒩𑒱𑒏 𑒖𑒰𑒢𑒴 𑒠𑒞𑓂𑒞, 𑒣𑒰𑒩𑓂𑒝𑒰 𑒑𑒰𑒩𑒱𑒏 𑒮𑓂𑒟𑒱𑒞𑒱𑒠𑒞𑓂𑒞, 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒖𑒰𑒢𑒳𑒠𑒞𑓂𑒞, 𑒣𑒥𑒾𑒪𑒲 𑒮𑒿 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒩𑒴𑒠, 𑒑𑓀𑒑𑒼𑒪𑒲 𑒮𑒿 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒖𑒰𑒢𑓂𑒯𑒫, 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒧𑒯𑒰𑒧𑒯𑒼 𑒢𑒩𑒯𑒩𑒱, 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒑𑒠𑒰𑒡𑒩, 𑒮𑒳𑒩𑒑𑒢 𑒮𑒿 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒦𑒰𑒮𑓂𑒏𑒩, 𑒏𑒩𑒱𑒁𑒧𑒮𑒿 𑒧.𑒧. 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒧𑒩𑒟, 𑒐𑒾𑒂𑒪𑒮𑒿 𑒬𑒩𑓂𑒧𑓂𑒧𑒰 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒧.𑒧. 𑒅.𑒯𑒩𑒱𑒬𑒩𑓂𑒧𑓂𑒧𑒰, 𑒠𑒱𑒒𑒼𑒨𑒮𑒿 𑒖𑒨𑒠𑒞𑓂𑒞 𑒮𑒳𑒞 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒦𑒙𑓂𑒙𑒖𑒲𑒫𑒹, 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒧.𑒧. (𑓒𑓓/𑓐𑓑𑓐) 𑒢𑒩𑒮𑒱𑓀𑒯, 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒧𑒯𑒼𑒧𑒯𑒼𑒣𑒰𑒡𑓂𑒨𑒰𑒨 𑒑𑒠𑒰𑒒𑒩, 𑒡𑒩𑓂𑒧𑒰𑒡𑒱𑒏𑒩𑒝𑒱𑒏 𑒫𑒰𑒙𑒴, 𑒢𑒻𑒫𑓀𑒡𑒱𑒏- 𑒢𑒻𑒫𑓀𑒡𑒱𑒏 𑒫𑒲𑒩𑒹𑒬𑓂𑒫𑒩, 𑒢𑒻𑒫𑓀𑒡𑒱𑒏𑒡𑒲𑒩𑒹𑒬𑓂𑒫𑒩, 𑒧𑒳𑒠𑓂𑒩𑒰𑒯𑒮𑓂𑒞𑒏 𑒑𑒳𑒝𑒲𑒬𑓂𑒫𑒩, 𑒮𑒳𑒞 𑒧.𑒧. 𑒂𑒦𑒼 𑒋𑒮𑒳𑒞, 𑒧𑒳𑒠𑓂𑒩𑒰𑒯𑒮𑓂𑒞𑒏 𑒏𑒳𑒪 𑒕𑒹𑒞𑓂𑒩𑒼𑒣𑒰𑒩𑓂𑒨𑒏 𑒩𑒰𑒅𑒪, 𑒑𑒜𑓃𑒥𑒹𑒪𑒅𑒿𑒔 𑒮𑒿 𑒧𑒳𑒠𑓂𑒩𑒰𑒯𑒮𑓂𑒞𑒏 𑒑𑒳𑒝𑒲𑒬𑓂𑒫𑒩, 𑒧𑒳𑒠𑓂𑒩𑒰𑒯𑒮𑓂𑒞𑒏 𑒪𑒏𑓂𑒭𑒣𑒞𑒱, 𑒧𑒳𑒠𑓂𑒩𑒰𑒯𑒮𑓂𑒞𑒏 𑒪𑒏𑓂𑒭𑓂𑒧𑒲𑒠𑒞𑓂𑒞
𑒂𑒩𑓂𑒨𑒦𑒙𑓂𑒙 𑒫𑒻𑒖𑓂𑒘𑒰𑒢𑒱𑒏 476-550
𑒣𑒘𑓂𑒖𑒲𑒧𑒹 𑒂𑒩𑓂𑒨𑒦𑒙𑓂𑒙𑒏 𑒫𑒱𑒫𑒩𑒝- (𑓒𑓗) (𑓓𑓔/𑓐𑓘) 𑒧𑒯𑒱𑒣𑒞𑒱𑒨: 𑒧𑓀𑒑𑒩𑒾𑒢𑒲 𑒧𑒰𑒝𑓂𑒛𑒻𑒩 𑒮𑒻 𑒣𑒲𑒞𑒰𑒧𑓂𑒥 𑒩 𑒮𑒳𑒞 𑒠𑒰𑒧𑒴 𑒠𑒾 𑒧𑒰𑒝𑓂𑒛𑓂𑒩 𑒮𑒻 𑒫𑒲𑒖𑒲 𑒞𑓂𑒩𑒱𑒢𑒨𑒢𑒦𑒙𑓂𑒙: 𑒋 𑒮𑒳𑒞𑒼 𑒂𑒩𑓂𑒨𑒦𑒙𑓂𑒙: 𑒋 𑒮𑒳𑒞𑒼 𑒅𑒠𑒨𑒦𑒙𑓂𑒙: 𑒋 𑒮𑒳𑒞𑒼 𑒫𑒱𑒖𑒨𑒦𑒙𑓂𑒙 𑒋 𑒮𑒳𑒞𑒼 𑒮𑒳𑒪𑒼𑒔𑒢𑒦𑒙 (𑒮𑒳𑒢𑒨𑒢𑒦𑒙𑓂𑒙) 𑒋 𑒮𑒳𑒞𑒼 𑒦𑒙𑓂𑒙 𑒋 𑒮𑒳𑒞𑒼 𑒡𑒩𑓂𑒧𑒖𑒙𑒲𑒧𑒱𑒬𑓂𑒩 𑒋 𑒮𑒳𑒞𑒼 𑒡𑒰𑒩𑒰𑒖𑒙𑒲 𑒧𑒱𑒬𑓂𑒩 𑒋 𑒮𑒳𑒞𑒼𑒥𑓂𑒩𑒯𑓂𑒧𑒖𑒩𑒲 𑒧𑒱𑒬𑓂𑒩 𑒋 𑒮𑒳𑒞𑒼 𑒞𑓂𑒩𑒱𑒣𑒳𑒩𑒖𑒙𑒲 𑒧𑒱𑒬𑓂𑒩 𑒋 𑒮𑒳𑒞 𑒫𑒱𑒒𑒳𑒖𑒙𑒲 𑒧𑒱𑒬𑓂𑒩 𑒋 𑒮𑒳𑒞𑒼 𑒁𑒖𑒨𑒮𑒱𑓀𑒯: 𑒋 𑒮𑒳𑒞𑒼 𑒫𑒱𑒖𑒨𑒮𑒱𑓀𑒯: 𑒋 𑒮𑒳𑒞𑒼 𑒋 𑒮𑒳𑒞𑒼 𑒂𑒠𑒱𑒫𑒩𑒰𑒯: 𑒋 𑒮𑒳𑒞𑒼 𑒧𑒯𑒼𑒫𑒩𑒰𑒯: 𑒋 𑒮𑒳𑒞𑒼 𑒠𑒳𑒩𑓂𑒨𑒼𑒡𑒢 𑒮𑒱𑓀𑒯: 𑒋 𑒮𑒳𑒞𑒼 𑒮𑒼𑒜𑓃𑒩 𑒖𑒨𑒮𑒱𑓀𑒯𑒩𑓂𑒏𑒰𑒔𑒰𑒩𑓂𑒨𑒰𑒮𑓂𑒞𑓂𑒩𑒮 𑒧𑒯𑒰𑒮𑓂𑒞𑓂𑒩 𑒫𑒱𑒠𑓂𑒨𑒰 𑒣𑒰𑒩𑒓𑒑𑒞 𑒧𑒯𑒰𑒧𑒯𑒼𑒣𑒰𑒡𑓂𑒨𑒰 𑒨: 𑒢𑒩𑒮𑒱𑓀𑒯:॥ 𑒞𑒰𑒪𑒣𑒞𑓂𑒩 𑒁𑒮𑓂𑒣𑒭𑓂𑒙 𑒁𑒕𑒱 𑒂 𑒂𑒠𑒱𑒦𑒙𑓂𑒙𑓁 𑒮𑒹𑒯𑒼 𑒣𑒜𑓃𑒪 𑒖𑒰 𑒮𑒏𑒻𑒋, 𑒂𑒩𑓂𑒨𑒦𑒙𑓂𑒙𑒏 𑒁𑒣𑒢 𑒩𑒔𑒢𑒰𑒧𑒹 𑒧𑒰𑒞𑓂𑒩 𑒋𑒞𑒥𑒹 𑒔𑒩𑓂𑒔𑒰 𑒦𑒹𑒙𑒻𑒞 𑒁𑒕𑒱 𑒖𑒹 𑒍 𑒏𑒳𑒮𑒳𑒧𑒣𑒳𑒩 (𑒣𑒙𑒢𑒰)𑒧𑒹 𑒖𑓂𑒘𑒰𑒢𑒏 𑒫𑒩𑓂𑒝𑒢 𑒏𑓄 𑒩𑒯𑒪 𑒕𑒟𑒱, 𑒁𑒩𑓂𑒨𑒦𑒙𑓂𑒙𑒏 𑒂𑒩𑓂𑒨𑒦𑒙𑒲𑒨𑒏 𑒁𑒡𑒱𑒏𑒰𑓀𑒬 𑒣𑒰𑒝𑓂𑒛𑒳𑒪𑒱𑒣𑒱 𑒏𑒹𑒩𑒪𑒧𑒹 𑒦𑒹𑒙𑒪 𑒁𑒕𑒱। 𑒧𑒳𑒠𑒰 𑒏𑒰𑒪𑒏 𑒮𑒧𑒰𑒢𑒞𑒰 𑒣𑒘𑓂𑒖𑒲𑒏 𑒂𑒠𑒱𑒦𑒙𑓂𑒙/ 𑒂𑒩𑓂𑒨𑒦𑒙𑓂𑒙 𑒏𑒹𑒿 𑒂𑒩𑓂𑒨𑒦𑒙𑒲𑒨𑒏 𑒂𑒩𑓂𑒨𑒦𑒙𑒮𑒿 𑒧𑒹𑒪 𑒏𑒩𑒥𑒻𑒞 𑒁𑒕𑒱।
𑒧.𑒧.𑒑𑒼𑒢𑒴 𑒗𑒰 1050-1150
𑒏𑒩𑒧𑒯𑒹 𑒮𑒼𑒢𑒏𑒩𑒱𑒨𑒰𑒧 𑒑𑒼𑒢𑒴 𑒗𑒰𑒏 𑒫𑒩𑓂𑒝𑒢 𑒣𑒘𑓂𑒖𑒲𑒧𑒹 𑒁𑒕𑒱- 𑒧𑒯𑒰𑒧𑒯𑒼𑒣𑒰𑒡𑓂𑒨𑒰𑒨 𑒡𑒴𑒩𑓂𑒞𑒩𑒰𑒖 𑒑𑒼𑒢𑒴। 𑒣𑒘𑓂𑒖𑒲𑒏 𑒁𑒢𑒳𑒮𑒰𑒩 𑒣𑒲𑒜𑓃𑒲𑒏 𑒑𑒝𑒢𑒰 𑒏𑒋𑒪𑒰𑒮𑒿 𑒑𑒼𑒢𑒴𑒏 𑒖𑒢𑓂𑒧 (𑒑𑒼𑒢𑒴𑒏 𑒮𑒼𑒢𑒏𑒩𑒱𑒨𑒰𑒧 𑒏𑒩𑒧𑒯𑒹-𑒫𑒞𑓂𑒮𑒧𑒹 𑓒𑓔𑒧 𑒣𑒲𑒜𑓃𑒲 𑒔𑒪𑒱 𑒩𑒯𑒪 𑒁𑒕𑒱) 𑒂𑒩𑓂𑒨𑒦𑒙𑓂𑒙𑒏 𑒥𑒰𑒠 (𑒂𑒩𑓂𑒨𑒦𑒙𑓂𑒙𑒏 𑒧𑒰𑒝𑓂𑒛𑒩-𑒏𑒰𑒬𑓂𑒨𑒣𑒧𑒹 𑓓𑓙 𑒧 𑒣𑒲𑒜𑓃𑒲 𑒔𑒪𑒱 𑒩𑒯𑒪 𑒁𑒕𑒱) 𑒂 𑒫𑒱𑒠𑓂𑒨𑒰𑒣𑒞𑒱𑒏 𑒣𑒯𑒱𑒢𑒹 (𑒫𑒱𑒠𑓂𑒨𑒰𑒣𑒞𑒱𑒏 𑒫𑒱𑒭𑒋𑒫𑒰𑒩 𑒥𑒱𑒮𑓂𑒤𑒲-𑒏𑒰𑒬𑓂𑒨𑒣𑒧𑒹 𑓑𑓔𑒧 𑒣𑒲𑒜𑓃𑒲 𑒔𑒪𑒱 𑒩𑒯𑒪 𑒁𑒕𑒱) 𑒪𑒑𑒦𑒑 𑓑𑓐𑓕𑓐 𑒄.𑒧𑒹 𑒮𑒱𑒠𑓂𑒡 𑒯𑒼𑒃𑒞 𑒁𑒕𑒱। 𑒏𑒰𑒩𑒝 𑒋𑒯𑒱 𑒞𑒩𑒯𑒹𑒿 𑒋𑒏 𑒣𑒲𑒜𑓃𑒲𑒏𑒹𑒿 𑓔𑓐 𑒮𑒿 𑒑𑒳𑒝𑒰 𑒏𑒹𑒪𑒰 𑒮𑒿 𑒂𑒩𑓂𑒨𑒦𑒙𑓂𑒙𑒏 𑒖𑒢𑓂𑒧 𑒪𑒑𑒦𑒑 𑓔𑓗𑓖 𑒄. 𑒂 𑒫𑒱𑒠𑓂𑒨𑒰𑒣𑒞𑒱𑒏 𑒖𑒢𑓂𑒧 𑒪𑒑𑒦𑒑 𑓑𑓓𑓕𑓐 𑒄. 𑒁𑒥𑒻𑒞 𑒁𑒕𑒱 𑒖𑒹 𑒃𑒞𑒱𑒯𑒰𑒮𑒮𑒧𑓂𑒧𑒞 𑒁𑒕𑒱।𑒑𑒼𑒢𑒴 𑒗𑒰𑒏 𑒑𑒰𑒧 𑒦𑒩𑒾𑒛𑓃𑒰𑒏 𑒩𑒰𑒖𑒏𑒳𑒧𑒰𑒩, "𑒥𑒯𑒳𑒩𑒰 𑒑𑒼𑒜𑒱𑒢 𑒢𑒙𑒳𑒂 𑒠𑒨𑒰𑒪" 𑒪𑒼𑒏𑒏𑒟𑒰𑒏 𑒧𑒪𑒰𑒯 𑒏𑒟𑒰𑒢𑒰𑒨𑒏। 𑒦𑒩𑒾𑒛𑓃𑒰𑒧𑒹 𑒋𑒐𑒢𑒼 𑒯𑒱𑒢𑒏𑒩 𑒑𑒯𑒥𑒩 𑒕𑒢𑓂𑒯𑒱।
𑒧𑒯𑒰𑒩𑒰𑒖 𑒯𑒩𑒮𑒱𑓀𑒯𑒠𑒹𑒫 : 𑒧𑒱𑒟𑒱𑒪𑒰𑒏 𑒏𑒩𑓂𑒝𑒰𑒙 𑒫𑓀𑒬𑒏। 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒚𑒰𑒏𑒳𑒩𑒏 𑒫𑒩𑓂𑒝-𑒩𑒞𑓂𑒢𑒰𑒏𑒩𑒧𑒹 𑒯𑒩𑒮𑒱𑓀𑒯𑒠𑒹𑒫 𑒢𑒰𑒨𑒏 𑒂𑒏𑒱 𑒩𑒰𑒖𑒰 𑒕𑒪𑒰𑒯। 1294 𑒄. 𑒧𑒹 𑒖𑒢𑓂𑒧 𑒂 1307 𑒄. 𑒧𑒹 𑒩𑒰𑒖𑒮𑒱𑓀𑒯𑒰𑒮𑒢। 𑒒𑒱𑒨𑒰𑒮𑒳𑒠𑓂𑒠𑒲𑒢 𑒞𑒳𑒑𑒪𑒏𑒮𑒿 1324-25 𑒄. 𑒧𑒹 𑒯𑒰𑒩𑒱𑒏 𑒥𑒰𑒠 𑒢𑒹𑒣𑒰𑒪 𑒣𑒪𑒰𑒨𑒢। 𑒧𑒱𑒟𑒱𑒪𑒰𑒏 𑒣𑒘𑓂𑒖𑒲-𑒣𑓂𑒩𑒥𑒢𑓂𑒡𑒏 𑒥𑓂𑒩𑒰𑒯𑓂𑒧𑒝, 𑒏𑒰𑒨𑒮𑓂𑒟 𑒂 𑒏𑓂𑒭𑒞𑓂𑒩𑒱𑒨 𑒧𑒡𑓂𑒨 𑒂𑒡𑒱𑒏𑒰𑒩𑒱𑒏 𑒮𑓂𑒟𑒰𑒣𑒏, 𑒧𑒻𑒟𑒱𑒪 𑒥𑓂𑒩𑒰𑒯𑓂𑒧𑒝𑒏 𑒯𑒹𑒞𑒳 𑒑𑒳𑒝𑒰𑒏𑒩 𑒗𑒰, 𑒏𑒩𑓂𑒝 𑒏𑒰𑒨𑒮𑓂𑒟𑒏 𑒪𑒹𑒪 𑒬𑓀𑒏𑒩𑒠𑒞𑓂𑒞, 𑒂 𑒏𑓂𑒭𑒞𑓂𑒩𑒱𑒨𑒏 𑒯𑒹𑒞𑒳 𑒫𑒱𑒖𑒨𑒠𑒞𑓂𑒞 𑒋𑒯𑒱 𑒯𑒹𑒞𑒳 𑒣𑓂𑒩𑒟𑒧𑒞𑒨𑒰 𑒢𑒱𑒨𑒳𑒏𑓂𑒞𑓂𑒞 𑒦𑒹𑒪𑒰𑒯। 𑒯𑒩𑒮𑒱𑓀𑒯𑒠𑒹𑒫𑒏 𑒣𑓂𑒩𑒹𑒩𑒝𑒰𑒮𑒿- 𑒂 𑒄 𑒯𑒩𑒮𑒱𑓀𑒯𑒠𑒹𑒫 𑒢𑒰𑒢𑓂𑒨𑒠𑒹𑒫𑒏 𑒫𑓀𑒬𑒖 𑒕𑒪𑒰𑒯, 𑒖𑒹 𑒢𑒰𑒢𑓂𑒨𑒠𑒹𑒫 𑒏𑒰𑒩𑓂𑒝𑒰𑒙 𑒫𑓀𑒬𑒏 𑓑𑓐𑓐𑓙 𑒬𑒰𑒏𑒹𑒧𑒹 𑒮𑓂𑒟𑒰𑒣𑒢𑒰 𑒏𑒹𑒢𑒹 𑒩𑒯𑒟𑒱- 𑒢𑒢𑓂𑒠𑒻𑒠 𑒬𑒳𑒢𑓂𑒨𑓀 𑒬𑒬𑒱 𑒬𑒰𑒏 𑒫𑒩𑓂𑒭𑒹 (𑓑𑓐𑓑𑓙 𑒬𑒰𑒏𑒹)... 𑒧𑒱𑒟𑒱𑒪𑒰𑒏 𑒣𑒝𑓂𑒛𑒱𑒞 𑒪𑒼𑒏𑒢𑒱 𑒬𑒰𑒏𑒹 𑓑𑓒𑓔𑓘 𑒞𑒠𑒢𑒳𑒮𑒰𑒩 𑓑𑓓𑓒𑓖 𑒄. 𑒧𑒹 𑒣𑒘𑓂𑒖𑒲-𑒣𑓂𑒩𑒥𑒢𑓂𑒡𑒏 𑒫𑒩𑓂𑒞𑒧𑒰𑒢 𑒮𑓂𑒫𑒩𑒴𑒣𑒏 𑒣𑓂𑒩𑒰𑒩𑒧𑓂𑒦𑒏 𑒢𑒱𑒩𑓂𑒝𑒨 𑒏𑒋𑒪𑒢𑓂𑒯𑒱। 𑒣𑒳𑒢𑓁 𑒫𑒩𑓂𑒞𑒧𑒰𑒢 𑒮𑓂𑒫𑒩𑒴𑒣𑒧𑒹 𑒟𑒼𑒛𑒹 𑒥𑒳𑒠𑓂𑒡𑒱 𑒫𑒱𑒪𑒰𑒮𑒲 𑒪𑒼𑒏𑒢𑒱 𑒧𑒱𑒟𑒱𑒪𑒹𑒬 𑒧𑒯𑒰𑒩𑒰𑒖 𑒧𑒰𑒡𑒫 𑒮𑒱𑓀𑒯𑒮𑒿 𑓑𑓗𑓖𑓐 𑒄. 𑒧𑒹 𑒂𑒠𑒹𑒬 𑒏𑒩𑒥𑒰𑒋 𑒣𑒘𑓂𑒖𑒲𑒏𑒰𑒩𑒮𑒿 𑒬𑒰𑒐𑒰 𑒣𑒳𑒮𑓂𑒞𑒏𑒏 𑒣𑓂𑒩𑒝𑒨𑒢 𑒏𑒩𑒥𑒍𑒪𑒢𑓂𑒯𑒱। 𑒍𑒏𑒩 𑒥𑒰𑒠 𑒣𑒰𑒿𑒖𑒱𑒧𑒹 (𑒏𑒐𑒢𑒼 𑒏𑒰𑒪 𑒫𑒩𑓂𑒝𑒱𑒞 𑓑𑓖𑓐𑓐 𑒬𑒰𑒏𑒹 𑒧𑒰𑒢𑒹 𑓑𑓖𑓗𑓘 𑒄. 𑒫𑒰𑒮𑓂𑒞𑒫𑒧𑒹 𑒧𑒰𑒡𑒫 𑒮𑒱𑓀𑒯𑒏 𑒥𑒰𑒠𑒧𑒹 𑓑𑓘𑓐𑓐 𑒄.𑒏 𑒂𑒮𑒣𑒰𑒮) 𑒬𑓂𑒩𑒼𑒞𑓂𑒩𑒱𑒨 𑒢𑒰𑒧𑒏 𑒋𑒏𑒙𑒰 𑒢𑒫 𑒥𑓂𑒩𑒰𑒯𑓂𑒧𑒝 𑒅𑒣𑒖𑒰𑒞𑒱𑒏 𑒧𑒱𑒟𑒱𑒪𑒰𑒧𑒹 𑒅𑒞𑓂𑒣𑒞𑓂𑒞𑒱 𑒦𑒹𑒪।
𑒧𑓀𑒞𑓂𑒩𑒲 𑒑𑒝𑒹𑒬𑓂𑒫𑒩: 𑒧𑒱𑒟𑒱𑒪𑒰𑒏 𑒏𑒩𑓂𑒝𑒰𑒙 𑒫𑓀𑒬𑒏 𑒢𑒩𑒹𑒬 𑒯𑒩𑒮𑒱𑓀𑒯𑒠𑒹𑒫𑒏 𑒧𑓀𑒞𑓂𑒩𑒲। 𑒮𑒳𑒑𑒞𑒱𑒮𑒼𑒣𑒰𑒢𑒧𑒹 𑒧𑒱𑒟𑒱𑒪𑒰𑒏 𑒮𑒰𑓀𑒫𑒻𑒡𑒰𑒢𑒱𑒏 𑒃𑒞𑒱𑒯𑒰𑒮𑒏 𑒫𑒩𑓂𑒝𑒢
𑒧𑒯𑒰𑒩𑒰𑒖 𑒢𑒰𑒢𑓂𑒨𑒠𑒹𑒫𑒧𑒱𑒟𑒱𑒪𑒰𑒏 𑒏𑒩𑓂𑒝𑒰𑒙 𑒫𑓀𑒬𑒏 1097 𑒄. 𑒧𑒹 𑒮𑓂𑒟𑒰𑒣𑒢𑒰। 1147 𑒄. 𑒧𑒹 𑒧𑒵𑒞𑓂𑒨𑒳। 𑒧𑒪𑓂𑒪𑒠𑒹𑒫 𑒧𑒱𑒟𑒱𑒪𑒰𑒏 𑒏𑒩𑓂𑒝𑒰𑒙 𑒫𑓀𑒬𑒏 𑒮𑓀𑒮𑓂𑒟𑒰𑒣𑒏 𑒢𑒰𑒢𑓂𑒨𑒠𑒹𑒫𑒏 𑒣𑒳𑒞𑓂𑒩। 𑒧𑒱𑒟𑒱𑒪𑒰𑒏 𑒑𑓀𑒡𑒫𑒩𑒱𑒨𑒰 𑒩𑒰𑒖𑒣𑒴𑒞 𑒧𑒪𑓂𑒪𑒠𑒹𑒫𑒏𑒹𑒿 𑒁𑒣𑒢 𑒥𑒲𑒖𑒲𑒣𑒳𑒩𑒳𑒭 𑒧𑒰𑒢𑒻𑒞 𑒕𑒟𑒱।
𑒧𑒰𑒪𑒠𑓂𑒫𑒰𑒩 – 𑒣𑓀𑒔𑒣𑓂𑒩𑒫𑒩- 𑒏𑒩𑒧𑒯𑒹 𑒢𑒩𑒳𑒂𑒩 𑒫𑒞𑓂𑒮𑒑𑒼𑒞𑓂𑒩𑒲, 𑒩𑒰𑒖𑒰 𑒩𑒰𑒧𑒪𑒼𑒔𑒢 𑒔𑒾𑒡𑒩𑒲-𑒧𑒰𑒪𑒠𑓂𑒫𑒰𑒩- 𑓒𑓕𑓐𑓐 𑒫𑒩𑓂𑒭 𑒣𑒴𑒩𑓂𑒫- 𑒩𑒰𑒖𑒰 𑒠𑒳𑒩𑓂𑒑𑒰 𑒣𑓂𑒩𑒮𑒰𑒠 𑒔𑒾𑒡𑒩𑒲-
-𑒩𑒰𑒖𑒰 𑒥𑒳𑒠𑓂𑒡𑒱𑒢𑒰𑒟 𑒔𑒾𑒡𑒩𑒲(𑒧𑒰𑒪𑒠𑓂𑒫𑒰𑒩)-𑒏𑒳𑒧𑒰𑒩 𑒫𑒻𑒠𑓂𑒨𑒢𑒰𑒟 𑒔𑒾𑒡𑒩𑒲
- 𑒕𑒞𑓂𑒩𑒢𑒰𑒟 𑒔𑒾𑒡𑒩𑒲 (𑒠𑒳𑒩𑓂𑒑𑒰𑒑𑓀𑒖)-𑒙𑓀𑒏𑒢𑒰𑒁𑒟 𑒔𑒾𑒡𑒩𑒲-𑒏𑒩𑓂𑒧𑒢𑒰𑒟/ 𑒬𑒹𑒭𑒢𑒰𑒟/ 𑒩𑒳𑒠𑓂𑒩𑒢𑒰𑒟
𑒋𑒏 𑒕𑒪𑒱 𑒧𑒯𑒰𑒩𑒰𑒢𑒲- 𑒛𑒰. 𑒧𑒠𑒢𑒹𑒬𑓂𑒫𑒩 𑒧𑒱𑒬𑓂𑒩
𑒮𑒳𑒩𑒑𑒝𑒹 𑒪𑒾𑒂𑒧- 𑒑𑒼𑒞𑓂𑒩 𑒣𑒩𑒰𑒬𑒩
𑒪𑒾𑒂𑒧 𑒑𑒰𑒧 𑒧𑒴𑒪𑒞𑓁 𑒥𑒮𑒻𑒚𑒲𑒮𑒿 𑒣𑒴𑒩𑓂𑒝𑒱𑒨𑒰𑒿𑒏 𑒥𑒲𑒔𑒧𑒹- 𑒂𑒥 𑒢𑒯𑒱 𑒕𑒻𑒏।
𑒞𑒱𑒪𑒻𑒥𑒰𑒩 𑒧𑒴𑒪𑒏 𑒬𑒰𑒝𑓂𑒛𑒱𑒪𑓂𑒨 𑒑𑒼𑒞𑓂𑒩𑒲
𑒥𑒢𑒻𑒪𑒲 𑒑𑒰𑒧- 𑒁𑒑𑒩𑒴 𑒩𑒰𑒨- 𑒯𑒱𑒢𑒏𑒩 𑒖𑒧𑒰𑒋 𑒮𑒳𑒩𑒑𑒝𑒹 𑒪𑒾𑒂𑒧 𑒧𑒴𑒪𑒏 𑒣𑓂𑒩𑒰𑒝𑒣𑒞𑒱- 𑒯𑒱𑒢𑒏 𑒥𑒰𑒪𑒏 𑒮𑒧𑒩 𑒗𑒰
𑓑𑓕𑓗𑓕-𑓑𑓖𑓒𑓕 (𑒪𑒑𑒦𑒑 𑓑𑓖𑒧 𑒬𑒞𑒰𑒥𑓂𑒠𑒲), 𑒠𑒱𑒪𑓂𑒪𑒲 𑒮𑒪𑓂𑒞𑒢𑒞𑒮𑒿 𑒖𑒧𑒲𑒢𑓂𑒠𑒰𑒩𑒲 𑒏𑒱𑒢𑒪𑒢𑓂𑒯𑒱 𑒂 𑒮𑒧𑒩 𑒔𑒾𑒡𑒩𑒲 𑒦𑓄 𑒑𑒹𑒪𑒰𑒯, 𑒧𑒯𑒰𑒩𑒰𑒖 𑒦𑓄 𑒑𑒹𑒪𑒰𑒯।
𑒪𑒾𑒂𑒧𑒏 𑒠𑒴 𑒬𑒰𑒐𑒰
-𑒧𑒯𑒰𑒩𑒰𑒖 𑒏𑒵𑒭𑓂𑒝𑒠𑒹𑒫 (𑒣𑒯𑒮𑒩𑒰 𑒥𑒮𑒻𑒙𑒲)
-𑒧𑒯𑒰𑒩𑒰𑒖 𑒦𑒑𑒲𑒩𑒟- 𑒮𑒾𑒩𑒱𑒨𑒰 (𑒏𑒙𑒱𑒯𑒰𑒩-𑒮𑒼𑒢𑒰𑒪𑒲𑒏 𑒥𑒲𑒔𑒧𑒹)- 𑒋𑒏𑒙𑒰 𑒮𑓂𑒟𑒰𑒢 𑒠𑒝𑓂𑒛𑒐𑒼𑒛𑓃- 𑒋𑒞𑒋 𑒁𑒣𑒩𑒰𑒡𑒲𑒏𑒹𑒿 𑒮𑒖𑒰 𑒠𑒹𑒪 𑒖𑒰𑒃𑒞 𑒕𑒪 (𑒮𑒾𑒩𑒱𑒨𑒰 𑒬𑒰𑒐𑒰 𑒠𑓂𑒫𑒰𑒩𑒰)।

𑒣𑒰𑒿𑒔 𑒫𑓀𑒬 𑒥𑒰𑒠 𑒣𑒯𑒮𑒩𑒰 𑒥𑒮𑒻𑒙𑒲- 𑒏𑒵𑒭𑓂𑒝𑒠𑒹𑒫-𑒠𑒹𑒫𑒢𑒰𑒩𑒰𑒨𑒝-𑒫𑒲𑒩𑒢𑒰𑒩𑒰𑒨𑒝-𑒩𑒰𑒧𑒔𑒢𑓂𑒠𑓂𑒩 𑒢𑒰𑒩𑒰𑒨𑒝 (𑒖𑒰𑒢 𑒥𑒳𑒏𑒰𑒢𑒢 𑒣𑒴𑒩𑓂𑒝𑒱𑒨𑒰𑒿 𑒑𑒖𑒹𑒙𑒱𑒨𑒩𑒧𑒹 𑒯𑒳𑒢𑒏𑒩 𑒫𑒩𑓂𑒝𑒢 𑒏𑒱𑓀𑒑 𑒂𑒤 𑒣𑒴𑒩𑓂𑒝𑒱𑒨𑒰𑒿𑒏 𑒩𑒴𑒣𑒧𑒹 𑒏𑒋𑒢𑒹 𑒕𑒟𑒱)- 𑒃𑒢𑓂𑒠𑓂𑒩𑒢𑒰𑒩𑒰𑒨𑒝 (𑒥𑒱𑒢𑒰 𑒮𑒢𑓂𑒞𑒰𑒢) 𑒩𑒰𑒢𑒲 𑒃𑒢𑓂𑒠𑓂𑒩𑒰𑒫𑒞𑒲(𑒮𑒰𑒮𑒳𑒩𑒏 𑒢𑒰𑒧- 𑒁𑒮𑒪 𑒢𑒰𑒧 𑒪𑒲𑒪𑒰𑒫𑒞𑒲) 𑒯𑒱𑒢𑒏𑒩 𑒧𑒵𑒞𑓂𑒨𑒳𑒞𑒱𑒟𑒱 𑓑𑓕-𑓑𑓑-𑓑𑓘𑓐𑓓 𑒧𑒵𑒞𑓂𑒨𑒳𑒮𑓂𑒟𑒰𑒢 𑒣𑒴𑒩𑓂𑒝𑒱𑒨𑒰𑒿, 𑒮𑒧𑒋- 𑒧𑒡𑓂𑒨𑒰𑒯𑓂𑒝 𑒏𑒰𑒪, 𑒬𑓂𑒩𑒰𑒠𑓂𑒡 𑒐𑒩𑓂𑒔𑒏 𑒯𑒹𑒞𑒳 𑒣𑒴𑒩𑓂𑒝𑒱𑒨𑒰𑒿 𑒖𑒖𑒮𑒿 𑒣𑓂𑒩𑒰𑒣𑓂𑒞𑒱- 𑒩𑒳.𑓕𑓐𑓐𑓐/- 𑒧𑒰𑒿𑒑 𑒩𑒳.𑓑𑓕,𑓖𑓗𑓐/-( 𑒥𑒼𑒩𑓂𑒛 𑒂𑒤 𑒩𑒹𑒫𑒹𑒢𑓂𑒨𑒳, 𑒤𑒼𑒩𑓂𑒙 𑒫𑒱𑒪𑒱𑒨𑒧𑒧𑒹 𑓒𑓙.𑓑𑓑.𑓑𑓘𑓐𑓓 𑒄. 𑒏𑒹𑒿 𑒏𑒰𑒩𑓂𑒨𑒫𑒰𑒯𑒲)। 𑒃𑒢𑓂𑒠𑓂𑒩𑒢𑒰𑒩𑒰𑒨𑒝𑒏 𑒮𑒧𑒏𑒰𑒪𑒲𑒢 𑒮𑒾𑒩𑒱𑒨𑒰 𑒠𑒱𑒬 𑒩𑒰𑒖𑒰 𑒩𑒰𑒖𑒹𑒢𑓂𑒠𑓂𑒩𑒢𑒰𑒩𑒰𑒨𑒝 𑒂 𑒩𑒰𑒖𑒰 𑒧𑒯𑒹𑒢𑓂𑒠𑓂𑒩𑒢𑒰𑒩𑒰𑒨𑒝। 𑒧𑒯𑒰𑒩𑒰𑒖 𑒃𑒢𑓂𑒠𑓂𑒩𑒢𑒰𑒩𑒰𑒨𑒝𑒏 𑒧𑒵𑒞𑓂𑒨𑒳 𑓑𑓗𑓗𑓖 𑒄. 𑒧𑒹, 𑒞𑒏𑒩 𑒥𑒰𑒠 𑓒𑓗 𑒥𑒩𑓂𑒐 𑒡𑒩𑒱 𑒩𑒰𑒢𑒲 𑒃𑒢𑓂𑒠𑓂𑒩𑒰𑒫𑒞𑒲 𑒩𑒰𑒖 𑒏𑒋𑒪𑒢𑓂𑒯𑒱।
𑒩𑒰𑒖 𑒥𑒢𑒻𑒪𑒲- 𑒩𑒰𑒧𑒢𑒑𑒩/ 𑒬𑓂𑒩𑒲𑒢𑒑𑒩/ 𑒑𑒜𑓃𑒥𑒢𑒻𑒪𑒲/ 𑒮𑒳𑒪𑓂𑒞𑒰𑒢𑒑𑓀𑒖/ 𑒔𑓀𑒣𑒰𑒢𑒑𑒩।
𑒬𑓂𑒨𑒰𑒧𑒰 𑒧𑒢𑓂𑒠𑒱𑒩 𑒥𑒢𑒰𑒩𑒮𑒧𑒹 𑒮𑓀𑒮𑓂𑒏𑒵𑒞 𑒣𑒜𑓃𑒥𑒰𑒏 𑒫𑒵𑒞𑓂𑒞𑒱- 𑒩𑒰𑒢𑒲 𑒔𑒢𑓂𑒠𑓂𑒩𑒰𑒫𑒞𑒲- 𑒏𑒼𑒃𑒪𑒐 (𑒩𑒰𑒖𑒰 𑒣𑒠𑓂𑒧𑒰𑒢𑒢𑓂𑒠 𑒮𑒱𑓀𑒯, 𑒣𑒳𑒞𑒼𑒯𑒳-𑒏𑒳𑒧𑒰𑒩 𑒔𑒢𑓂𑒠𑓂𑒩𑒰𑒢𑒢𑓂𑒠 𑒮𑒱𑓀𑒯𑒏 𑒣𑒞𑓂𑒢𑒲)- 𑒩𑒰𑒧𑒢𑒑𑒩।
𑒫𑒱𑒬𑒹𑒬𑓂𑒫𑒩 𑒗𑒰 𑒥𑒻𑒑𑒢𑒲 𑒢𑒫𑒰𑒠𑒰𑒮𑒿 𑒣𑒯𑒮𑒩𑒰 𑒢𑒼𑒏𑒩𑒲 𑒏𑒩𑒥𑒰 𑒪𑒹𑒪 𑒁𑒋𑒪𑒰𑒯। 𑒯𑒱𑒢𑒏𑒩 𑒥𑒹𑒙𑒰 𑒠𑒲𑒫𑒰𑒢 𑒠𑒹𑒫𑒰𑒢𑒢𑓂𑒠 𑒤𑒹𑒩 𑒔𑒰𑒞𑒳𑒩𑓂𑒡𑒩𑒱𑒏 𑒧𑒢𑒮𑒥𑒠𑒰𑒩 𑒣𑒩𑒧𑒰𑒢𑒢𑓂𑒠- 𑒮𑓀𑒡𑓂𑒨𑒰𑒑𑒰𑒨𑒞𑓂𑒩𑒲𑒮𑒿 𑒪𑒼𑒣 𑒥𑒢𑒻𑒪𑒲 𑒮𑒧𑒩 𑒮𑒱𑓀𑒯𑒏𑒹𑒿 𑒧𑒰𑒢𑒱 𑒪𑒹𑒪𑒢𑓂𑒯𑒱। 𑒠𑒳𑒪𑒰𑒩 𑒔𑒾𑒡𑒩𑒲/ 𑒤𑒹𑒩 𑒮𑒱𑓀𑒯 (𑒥𑒢𑒻𑒪𑒲 𑒩𑒰𑒖), 𑒥𑒳𑒏𑒰𑒢𑒢 𑒯𑒱𑒢𑒏𑒰 𑒔𑒾𑒡𑒩𑒲 𑒏𑒯𑒱 𑒮𑒧𑓂𑒥𑒼𑒡𑒱𑒞 𑒏𑒩𑒻𑒞 𑒕𑒟𑒱, 𑒧𑒰𑒞𑓂𑒩 𑒋𑒏 𑒥𑒹𑒩 𑒮𑒱𑓀𑒯 𑒏𑒯𑒻 𑒕𑒟𑒱।
𑓑𑓖𑓘𑓐-𑓑𑓗𑓐𑓐 𑒄.-𑒠𑒩𑒦𑓀𑒑𑒰 𑒩𑒰𑒖, 𑒏𑒢𑓂𑒠𑒩𑓂𑒣𑒲𑒒𑒰𑒙𑒏 𑒪𑒛𑓃𑒰𑒄, 𑒩𑒰𑒖𑒰 𑒢𑒩𑒹𑒢𑓂𑒠𑓂𑒩 𑒮𑒱𑓀𑒯- 𑒠𑒱𑒪𑓂𑒪𑒲 𑒮𑒪𑓂𑒞𑒢𑒞 𑒂 𑒖𑒢𑒞𑒰𑒏 𑒥𑒲𑒔𑒧𑒹, 𑒥𑒰𑒑𑒧𑒞𑒲 𑒞𑒙𑒣𑒩 𑒮𑒧𑒮𑓂𑒞𑒲𑒣𑒳𑒩 𑒥𑓂𑒩𑒯𑓂𑒧𑒯𑒞𑓂𑒨𑒰𑒏 𑒂𑒩𑒼𑒣𑒲 𑒢𑒩𑒹𑒢𑓂𑒠𑓂𑒩 𑒮𑒱𑓀𑒯𑒏𑒹𑒿 𑒥𑒰𑒩𑒱 𑒥𑓂𑒩𑒰𑒯𑓂𑒧𑒝 𑒮𑒦 𑒣𑒴𑒩𑓂𑒝𑒱𑒨𑒰𑒿 𑒮𑒳𑒩𑒑𑒝𑒹 𑒪𑒾𑒂𑒧 𑒧𑒯𑒰𑒩𑒰𑒖 𑒮𑒧𑒩 𑒮𑒱𑓀𑒯 𑒮𑒢𑓂𑒞𑒞𑒱 𑒧𑒯𑒰𑒩𑒰𑒖 𑒢𑒩𑒢𑒰𑒩𑒰𑒨𑒝, 𑒣𑒯𑒮𑒩𑒰 𑒥𑒮𑒻𑒙𑒲 (𑒏𑒼𑒬𑒲𑒏 𑒣𑒴𑒩𑓂𑒫)- 𑒤𑒰𑒩𑒥𑒱𑒮𑒑𑓀𑒖𑒮𑒿 𑒠𑒝𑓂𑒛𑒐𑒼𑒛𑓃𑒰 𑒏𑒙𑒱𑒯𑒰𑒩 𑒞𑒏 𑒥𑒮𑒰𑒍𑒪 𑒑𑒹𑒪𑒰𑒯। 𑒤𑒹𑒩 𑒧𑒰𑒡𑒫 𑒮𑒱𑓀𑒯𑒏 𑒮𑒧𑒋𑒧𑒹 𑒠𑒩𑒦𑓀𑒑𑒰 𑒂𑒣𑒮 𑒦𑒹𑒪𑒰𑒯।
𑒐𑒳𑒠𑓂𑒠𑒲 𑒗𑒰/ 𑒣𑒩𑒧𑒹𑒬𑓂𑒫𑒩 𑒗𑒰𑒏𑒹𑒿 𑒂𑒬𑒳𑒞𑒼𑒭 𑒧𑒳𑒐𑒩𑓂𑒖𑒲𑒏 𑒮𑒧𑒋 𑒠𑒩𑒧𑒰𑒯𑒰 𑒩𑒰𑒖 𑒥𑒢𑒻𑒪𑒲 𑒠𑒹𑒪𑒏𑒻𑒏।
𑒣𑒘𑓂𑒖𑒲𑒧𑒹 𑒠𑒩𑒦𑓀𑒑𑒰 𑒩𑒰𑒖𑒏 𑒫𑒱𑒩𑒳𑒠𑓂- 𑒫𑒱𑒫𑒱𑒡 𑒫𑒱𑒩𑒳𑒠𑒰𑒫𑒪𑒲 𑒫𑒱𑒩𑒰𑒖𑒧𑒰𑒢𑓂 𑒧𑒰𑒢𑒼𑒢𑓂𑒢𑒞𑒧𑒰𑒢𑓂 𑒣𑓂𑒩𑒞𑒱𑒖𑓂𑒘𑒰𑒣𑒠𑒩𑓂𑒨𑒼𑒡𑒱𑒏 𑒣𑒩𑒬𑒳𑒩𑒰𑒧 𑒮𑒧𑒮𑓂𑒞 𑒣𑓂𑒩𑒏𑓂𑒩𑒱𑒨𑒰 𑒫𑒱𑒩𑒰𑒖𑒧𑒰𑒢𑓂 𑒢𑒵𑒣𑒩𑒰𑒖 𑒧𑒯𑒼𑒑𑓂𑒩𑒣𑓂𑒩𑒞𑒰𑒣 𑒧𑒱𑒟𑒱𑒪𑒰𑒓𑓂𑒏𑒰𑒩 𑒧𑒯𑒰𑒩𑒰𑒖𑒰𑒡𑒱𑒩𑒰𑒖 𑒧𑒰𑒡𑒫 𑒮𑒱𑓀𑒯 𑒥𑒯𑒰𑒠𑒳𑒩 𑒏𑒰𑒧𑒹𑒬𑓂𑒫𑒩 𑒮𑒱𑓀𑒯।
𑒡𑒏𑒖𑒩𑒲𑒏 𑒢𑒫𑒪𑒏𑓂𑒭𑒰𑒡𑒱𑒣𑒞𑒱 𑒪𑒏𑓂𑒭𑓂𑒧𑒲𑒣𑒞𑒱 𑒧𑒱𑒬𑓂𑒩 𑒏𑒼𑒠𑒩𑒱𑒨𑒹 𑒧𑒴𑒪 𑒬𑒰𑒝𑓂𑒛𑒱𑒪𑓂𑒨 𑒣𑒰𑒘𑓂𑒖𑒱 𑒦𑒹𑒙𑒱 𑒑𑒹𑒪𑒢𑓂𑒯𑒱, 𑒩𑒧𑒹𑒬𑓂𑒫𑒩 𑒮𑒱𑓀𑒯𑒏𑒹𑒿 𑓑 𑓑/𑓒 𑒪𑒰𑒐 𑒙𑒰𑒏𑒰𑒏 𑒔𑒢𑓂𑒠𑒰 𑒠𑒹𑒪𑒢𑓂𑒯𑒱, 𑒣𑒱𑒝𑓂𑒛𑒰𑒩𑒳𑒕𑒏 𑒔𑒾𑒡𑒩𑒲 𑒮𑒦𑒏𑒹𑒿 𑒮𑒹𑒯𑒼 𑒣𑒰𑒿𑒖𑒱 𑒦𑒹𑒙𑒪𑒢𑓂𑒯𑒱 (𑒢𑒱𑒞𑓂𑒨𑒰𑒢𑒢𑓂𑒠 𑒔𑒾𑒡𑒩𑒲)।

𑒑𑒳𑒝𑒰𑒏𑒩 𑒗𑒰 –𑒯𑒩𑒮𑒱𑓀𑒯𑒠𑒹𑒫𑒏 𑒮𑒧𑒏𑒰𑒪𑒲𑒢 𑒄.𑓑𑓓𑓒𑓖 𑒞𑒞𑒻𑒪 𑒑𑓂𑒩𑒰𑒧- 𑓑𑓐 𑒐𑒰𑒜𑓃𑒲 𑒣𑒰𑒕𑒰𑒿 𑒏𑒏𑒩𑒾𑒛𑓃 𑒑𑒰𑒧-𑒖𑒱𑒪𑒰 𑒧𑒡𑒳𑒥𑒢𑒲 𑒩𑒒𑒳𑒠𑒹𑒫 𑒗𑒰- 𑒂𑒢𑒢𑓂𑒠 𑒗𑒰- 𑒠𑒹𑒫𑒰𑒢𑒢𑓂𑒠 𑒣𑓂𑒩𑒮𑒱𑒠𑓂𑒡 𑒕𑒼𑒙𑒲 𑒗𑒰 𑒠𑒩𑒦𑓀𑒑𑒰 𑒢𑒩𑒹𑒬 𑒧𑒰𑒡𑒫 𑒮𑒱𑓀𑒯𑒏 (𑒬𑒰𑒐𑒰 𑒣𑒳𑒮𑓂𑒞𑒏𑒏 𑒣𑓂𑒩𑒝𑒨𑒢 𑒂𑒠𑒹𑒬) 𑒮𑒧𑒏𑒰𑒪𑒲𑒢 𑓑𑓖𑓕𑓐 𑒄.𑒏 𑒂𑒮𑒣𑒰𑒮- 𑒧𑒱𑒞𑓂𑒩𑒰𑒢𑒢𑓂𑒠 𑒣𑓂𑒩𑒮𑒱𑒠𑓂𑒡 𑒗𑒼𑓀𑒙𑒲 𑒗𑒰- 𑒑𑒼𑒣𑒲𑒢𑒰𑒟 𑒗𑒰 𑒣𑓂𑒩𑒮𑒱𑒠𑓂𑒡 𑒯𑒼𑒩𑒱𑒪 𑒗𑒰- 𑒯𑒩𑒐𑒰𑒢𑒢𑓂𑒠 𑒣𑓂𑒩𑒮𑒱𑒠𑓂𑒡 𑒯𑒩𑒐𑒲 𑒗𑒰- 𑒋𑒐𑒮𑒿 𑓑𑓕𑓙 𑒫𑒩𑓂𑒐 𑒣𑒴𑒩𑓂𑒏 𑒠𑒱𑒢𑒏𑒩 𑒙𑒱𑒣𑒝𑒲 (𑒖𑒢𑓂𑒧) 𑒩𑒮𑒰𑒜𑓃 𑒣𑒴𑒩𑓂𑒝𑒱𑒨𑒰𑒿 𑒥𑒢𑒧𑒢𑒐𑒲 𑒪𑒑- 𑒬𑓂𑒩𑒲 𑒦𑒼𑒪𑒰𑒢𑒰𑒟 𑒣𑓂𑒩𑒮𑒱𑒠𑓂𑒡 𑒦𑒱𑒐𑒱𑒨𑒰 𑒗𑒰- 𑒬𑓂𑒩𑒲 𑒧𑒼𑒠𑒰𑒢𑒢𑓂𑒠 𑒗𑒰- 𑒣𑒘𑓂𑒖𑒲𑒏𑒰𑒩 𑒫𑒱𑒠𑓂𑒨𑒰𑒢𑒢𑓂𑒠 𑒗𑒰 𑒣𑓂𑒩𑒮𑒱𑒠𑓂𑒡 𑒧𑒼𑒯𑒢𑒖𑒲- 𑒧𑒴𑒪 𑒣𑒛𑓃𑒳𑒂(𑒣𑒝𑓂𑒛𑒳𑒂) 𑒧𑒯𑒱𑒢𑓂𑒠𑓂𑒩𑒣𑒳𑒩, 𑒑𑒼𑒞𑓂𑒩 𑒏𑒰𑒬𑓂𑒨𑒣 𑒞𑓂𑒩𑒱𑒣𑓂𑒩𑒫𑒩।
𑒐𑒰𑒿- 𑒏𑒳𑒖𑒱𑒪𑒫𑒰𑒩 𑒅𑒪𑓂𑒪𑒴- 𑒏𑒰𑒞𑓂𑒨𑒰𑒨𑒢 𑒑𑒼𑒞𑓂𑒩
𑒅𑒞𑒹𑒜𑓃- 𑒮𑒱𑒠𑓂𑒡𑒰𑓀𑒞 𑒪𑒱𑒐𑒥𑒰𑒏 𑒣𑒯𑒱𑒢𑒹 𑒫𑒩 𑒍 𑒏𑒢𑓂𑒨𑒰 𑒣𑒏𑓂𑒭𑒏 𑒁𑒡𑒱𑒏𑒰𑒩 𑒞𑒰𑒏𑒪 𑒖𑒰𑒃𑒞 𑒕𑒻𑒏 𑒂 𑒄 𑒧𑒰𑒞𑓂𑒩 𑒧𑒴𑒪𑒏 𑒂𑒡𑒰𑒩𑒣𑒩 𑒥𑒢𑒰𑒍𑒪 𑒖𑒰𑒃𑒞 𑒁𑒕𑒱 𑒂 𑒮𑒧𑒑𑒼𑒞𑓂𑒩𑒲 𑒫𑒱𑒫𑒰𑒯 𑒢𑒯𑒱 𑒯𑒼𑒁𑒋 𑒞𑒰𑒯𑒱 𑒪𑒹𑒪 𑒑𑒼𑒞𑓂𑒩 𑒂 𑒣𑓂𑒩𑒫𑒩 𑒮𑒹𑒯𑒼 𑒠𑒹𑒐𑒪 𑒖𑒰𑒃𑒞 𑒁𑒕𑒱। 𑒧𑒴𑒪𑒮𑒿 𑒑𑒼𑒞𑓂𑒩 𑒮𑒰𑒧𑒰𑒢𑓂𑒨𑒞𑓁 𑒣𑒞𑒰 𑒔𑒪𑒱 𑒖𑒰𑒃𑒞 𑒁𑒕𑒱, 𑒏𑒱𑒕𑒳 𑒁𑒣𑒫𑒰𑒠𑒼 𑒕𑒻𑒏। 𑒖𑒹𑒢𑒰 𑒥𑓂𑒩𑒯𑓂𑒧𑒣𑒳𑒩𑒰 𑒧𑒴𑒪- 𑒏𑒰𑒬𑓂𑒨𑒣/ 𑒑𑒾𑒞𑒧/ 𑒫𑒞𑓂𑒮/ 𑒫𑒬𑒱𑒭𑓂𑒚 (𑒮𑒰𑒞 𑒙𑒰), 𑒏𑒩𑒧𑒯𑒰- 𑒬𑒰𑒝𑓂𑒛𑒱𑒪𑓂𑒨 (𑒑𑒾𑒪 𑒬𑒰𑒐𑒰)/ 𑒥𑒰𑒏𑒲 𑒮𑒦 𑒫𑒞𑓂𑒮𑒑𑒼𑒞𑓂𑒩𑒲, 𑒠𑒳𑒢𑒳 𑒏𑒩𑒧𑒯𑒰𑒧𑒹 𑒫𑒱𑒫𑒰𑒯 𑒮𑓀𑒦𑒫।
𑒔𑒢𑓂𑒠𑒰 𑒗𑒰- 𑒧𑒰𑒝𑓂𑒛𑒩 𑒩𑒖𑒾𑒩𑒰
𑒩𑒰𑒧𑒼𑓄𑒫𑒹𑒞𑓂𑒞𑒱 𑒢𑒪𑒼𑓄𑒫𑒹𑒞𑓂𑒞𑒱 𑒫𑒹𑒞𑓂𑒞𑒱 𑒩𑒰𑒖𑒰 𑒣𑒳𑒩𑒳𑒩𑒫𑒰।
𑒁𑒪𑒩𑓂𑒏𑒮𑓂𑒨 𑒡𑒢𑓀 𑒣𑓂𑒩𑒰𑒣𑓂𑒨 𑒢𑒰𑒢𑓂𑒨𑒠𑒹𑒫𑒼𑒢𑒵𑒣 𑒦𑒫𑒱𑒭𑓂𑒨𑒞𑒱॥
𑒢𑒰𑒢𑓂𑒨𑒠𑒹𑒫 𑒒𑒼𑒛𑓃𑒰𑒣𑒩 𑒔𑒜𑓃𑒪 𑒯𑒏𑒰𑒮𑒪-𑒣𑒱𑒨𑒰𑒮𑒪 𑒁𑒋𑒪𑒰𑒯, 𑒑𑒰𑒕𑒞𑒩𑒧𑒹 𑒒𑒼𑒛𑓃𑒰 𑒥𑒰𑒢𑓂𑒯𑒪𑒢𑓂𑒯𑒱, 𑒒𑒼𑒛𑓃𑒰 𑒪𑒹𑒪 𑒐𑒰𑒠𑓂𑒨 𑒕𑒲𑒪𑒋 𑒪𑒑𑒪𑒰𑒯 𑒞𑒿 𑒤𑒢 𑒏𑒰𑒜𑓃𑒱 𑒮𑒰𑒿𑒣 𑒢𑒰𑒑 𑒂𑒋𑒪, 𑒏𑒱𑒕𑒳 𑒪𑒱𑒐𑒪 𑒖𑒹 𑒢𑒰𑒢𑓂𑒨𑒠𑒹𑒫 𑒧𑒱𑒟𑒱𑒪𑒰𑒏 𑒦𑒰𑒭𑒰 𑒢𑒯𑒱 𑒣𑒜𑓃𑒱 𑒮𑒏𑒪𑒰𑒯। 𑒏𑒰𑒧𑒹𑒬𑓂𑒫𑒩 𑒚𑒰𑒏𑒳𑒩 𑒖𑒹 𑒑𑒰𑒧𑒧𑒹 𑒩𑒯𑒟𑒱 𑒣𑒜𑓃𑒱 𑒥𑒞𑒍𑒪𑒢𑓂𑒯𑒱 𑒖𑒹 𑒁𑒯𑒰𑒿 𑒧𑒱𑒟𑒱𑒪𑒰 𑒩𑒰𑒖𑒰 𑒢𑒰𑒢𑓂𑒨𑒠𑒹𑒫 𑒕𑒲।
𑒏𑒰𑒧𑒹𑒬𑓂𑒫𑒩 𑒚𑒰𑒏𑒳𑒩 𑒮𑓀𑒞𑒞𑒱 𑒔𑒝𑓂𑒛𑒹𑒬𑓂𑒫𑒩𑒏𑒹𑒿 𑒯𑒩𑒮𑒱𑓀𑒯𑒠𑒹𑒫 𑒩𑒰𑒖 𑒪𑒱𑒐𑒱𑒞𑒧𑒹 𑒮𑒾𑓀𑒣𑒱 𑒣𑒪𑒰𑒋𑒢 𑒏𑒋𑒪। 𑒔𑒝𑓂𑒛𑒹𑒬𑓂𑒫𑒩𑒏 𑒣𑒰𑒕𑒰𑒿 𑒮𑒱𑒣𑒰𑒯𑒲 𑒂𑒋𑒪। 𑒋𑒏𑒩𑒰𑒣𑒩 𑒖𑒪 𑒤𑒹𑓀𑒏𑒱 𑒚𑒰𑒜𑓃 𑒦𑓄 𑒑𑒹𑒪, 𑒠𑒼𑒮𑒩 𑒐𑒹𑒯𑒰𑒩𑒪𑒏, 𑒍𑒏𑒩𑒰𑒣𑒩 𑒖𑒪 𑒤𑒹𑒏𑒪𑒢𑓂𑒯𑒱 𑒍 𑒂𑒢𑓂𑒯𑒩 𑒦𑓄 𑒑𑒹𑒪 (𑒁𑒢𑓂𑒯𑒩𑒰 𑒚𑒰𑒜𑓃𑒲)।
𑒫𑒩𑓂𑒭𑒏𑒵𑒞𑓂𑒨- 𑒁𑒨𑒪𑒲𑒯 𑒥𑒱𑒯𑒳𑒪𑒰 𑒠𑒹𑒪𑒢𑓂𑒯𑒱 𑒣𑒮𑒰𑒩𑒱,
𑒑𑒹𑒪𑒲𑒯 𑒮𑒰𑒧𑒰 𑒪𑒹𑒪𑒢𑓂𑒯𑒱 𑒍𑒮𑒰𑒩𑒱।
𑒣𑒘𑓂𑒖𑒲- 𑒁𑒡𑒱𑒏𑒰𑒩𑒏 𑒢𑒱𑒨𑒧𑒰𑒫𑒪𑒲- 𑒣𑒘𑓂𑒖𑒲 𑒁𑒨𑒰𑒔𑒲 𑒧𑒱𑒬𑓂𑒩𑒏 𑒣𑒾𑒞𑓂𑒩 𑒜𑒰𑒏𑒰 𑒏𑒫𑒱- 𑒜𑒰𑒏𑒰𑒧𑒹 𑒖𑒰𑒑𑒲𑒩 𑒦𑒹𑒙𑒪𑒢𑓂𑒯𑒱। 𑒯𑒪𑓂𑒪𑒲 𑒗𑒰 𑒞𑒰𑓀𑒞𑓂𑒩𑒱𑒏 𑒂 𑒬𑒱𑒫 𑒏𑒳𑒧𑒰𑒩 𑒬𑒰𑒮𑓂𑒞𑓂𑒩𑒲𑒏 𑒥𑒲𑒔 𑒬𑒰𑒮𑓂𑒞𑓂𑒩𑒰𑒩𑓂𑒟- 𑒣𑓂𑒩𑒞𑓂𑒨𑒰𑒯𑒰𑒩 𑒫𑒰𑒏 𑒞𑓀𑒞𑓂𑒩 𑒠𑓂𑒫𑒰𑒩𑒰 𑒯𑒪𑓂𑒪𑒲 𑒬𑒱𑒫𑒏𑒳𑒧𑒰𑒩 𑒬𑒰𑒮𑓂𑒞𑓂𑒩𑒲𑒏 𑒫𑒰𑒏𑓂 𑒥𑒢𑓂𑒢 𑒏𑒋 𑒠𑒹𑒪𑒢𑓂𑒯𑒱।
𑒞𑒮𑓂𑒏𑒩 𑒏𑒹𑒬𑒫, 𑒧𑓀𑒑𑒩𑒾𑒢𑒲 𑒢𑒩𑒾𑒢𑒹 𑒮𑒳𑒪𑓂𑒯𑒢𑒲- 𑒣𑒩𑒰𑒬𑒩 𑒑𑒼𑒞𑓂𑒩 𑒧𑒰𑒝𑓂𑒛𑒩 𑒮𑒱𑒯𑒾𑒪 𑒧𑒴𑒪𑒏 𑒏𑒰𑒬𑓂𑒨𑒣 𑒑𑒼𑒞𑓂𑒩𑒲 𑒐𑒑𑒢𑒰𑒟 𑒗𑒰- 𑒑𑒰𑒧 𑒖𑒧𑒮𑒧। 𑒧𑒯𑒰𑒩𑒰𑒖 𑒪𑒏𑓂𑒭𑓂𑒧𑒲𑒬𑓂𑒫𑒩 𑒮𑒱𑓀𑒯 𑒪𑒹𑒪 𑒪𑒛𑓃𑒏𑒲 𑒢𑒱𑒯𑒳𑒕𑒪 𑒑𑒹𑒪, 𑒑𑒰𑒧𑒧𑒹 𑒣𑒼𑒐𑒩𑒱 𑒐𑒳𑒢𑒰𑒍𑒪, 𑒧𑒢𑓂𑒠𑒱𑒩 𑒥𑒢𑒪 𑒖𑒹 𑒩𑒰𑒖𑒰 𑒠𑒼𑒮𑒩𑒰𑒏 𑒧𑒢𑓂𑒠𑒱𑒩𑒧𑒹 𑒏𑒼𑒢𑒰 𑒣𑒴𑒖𑒰 𑒏𑒩𑒞𑒰𑒯। 𑒏𑒹𑒬𑒫 𑒗𑒰 𑒪𑒛𑓃𑒏𑒲𑒏𑒹𑒿 𑒪𑒋 𑒑𑒰𑒧 𑒂𑒥𑒱 𑒑𑒹𑒪𑒰𑒯। 𑒡𑒼𑒞𑒲 𑒩𑓀𑒑𑒰𑒃𑒞 𑒕𑒪। 𑒣𑒞𑒰 𑒏𑒹𑒢𑒱𑒯𑒰𑒩 𑒖𑒹 𑒂𑒋𑒪 𑒞𑒏𑒩𑒰 𑒣𑒏𑒛𑓃𑒱 𑒏𑒢𑓂𑒨𑒰𑒠𑒰𑒢 𑒏𑒩𑒥𑒰𑒍𑒪। 𑒞𑒏𑒩 𑒥𑒰𑒠 𑒩𑒰𑒖𑒰 𑒏𑒲 𑒏𑒩𑒞𑒰𑒯, 𑒣𑒘𑓂𑒖𑒲𑒏𑒰𑒩𑒏𑒹𑒿 𑒥𑒖𑒰 𑒏𑓄 𑒍𑒏𑒩 𑒢𑒰𑒧𑒧𑒹 𑒞𑒮𑓂𑒏𑒩 𑒅𑒣𑒰𑒡𑒱 𑒪𑒑𑒥𑒰𑒍𑒪। 𑒐𑒑𑒢𑒰𑒟 𑒗𑒰- 𑒬𑓂𑒩𑒲𑒏𑒰𑒢𑓂𑒞 𑒗𑒰 𑒣𑒰𑒿𑒖𑒱, 𑒞𑒮𑓂𑒏𑒩 𑒏𑒹𑒬𑒫 𑒬𑓂𑒩𑒼𑒞𑓂𑒩𑒱𑒨 𑒍𑒯𑒱𑒚𑒰𑒧 𑒫𑒱𑒫𑒰𑒯 𑒏𑒋𑒪𑒰𑒣𑒩 𑒬𑓂𑒩𑒼𑒞𑓂𑒩𑒱𑒨 𑒬𑓂𑒩𑒹𑒝𑒲 𑒫𑒱𑒩𑒰𑒖𑒧𑒰𑒢 𑒩𑒯𑒱𑒞𑒢𑓂𑒯𑒱। 𑒣𑒰𑒘𑓂𑒖𑒱 𑒂 𑒣𑒰𑒢𑒱 𑒁𑒡𑒼𑒑𑒰𑒧𑒲, 𑒣𑒕𑒥𑒰𑒩𑒱 𑒣𑒰𑒩𑒏 𑒣𑓂𑒩𑒟𑒧 𑒬𑓂𑒩𑒹𑒝𑒲 𑒂𑒥 𑒢𑒯𑒱 𑒁𑒕𑒱।
𑒬𑒰𑒝𑓂𑒛𑒱𑒪𑓂𑒨- 𑓔𑓓 𑒧𑒴𑒪, 𑒫𑒞𑓂𑒮-𑓔𑓐 𑒧𑒴𑒪, 𑒏𑒰𑒬𑓂𑒨𑒣-𑓒𑓗 𑒧𑒴𑒪, 𑒮𑒰𑒫𑒩𑓂𑒝- 𑓗 𑒧𑒴𑒪, 𑒏𑒰𑒞𑓂𑒨𑒰𑒨𑒢- 𑓕 𑒧𑒴𑒪, 𑒣𑒩𑒰𑒬𑒩- 𑓗 𑒧𑒴𑒪, 𑒦𑒰𑒩𑒠𑓂𑒫𑒰𑒖- 𑓕 𑒧𑒴𑒪, 𑒑𑒩𑓂𑒑- 𑓓 𑒧𑒴𑒪
𑒮𑒴𑒩𑓂𑒨- 𑒮𑒱𑓀𑒯 𑒩𑒰𑒬𑒱𑒧𑒹 (𑓑𑓖 𑒁𑒑𑒮𑓂𑒞 𑒮𑒿 𑓑𑓖 𑒮𑒱𑒞𑒧𑓂𑒥𑒩), 𑒏𑒱𑒕𑒳 𑒮𑒳𑒐𑒹𑒥𑒰𑒏 𑒯𑒼𑒁𑒋 𑒞𑒿 𑒮𑒦𑒮𑒿 𑒏𑒛𑓃𑒰 𑒩𑒾𑒠।
𑒣𑒰𑒿 𑒩𑒒𑒳𑒠𑒹𑒫 𑒗𑒰𑒏 𑒪𑒱𑒐𑒪 𑒧𑒰𑒝𑓂𑒛𑒩 𑒧𑒴𑒪𑒏 𑒣𑒼𑒟𑒲- 𑒁𑓀𑒏𑒱𑒞 𑒞𑒱𑒟𑒱- 𑓑𑓗𑒧 𑒬𑒞𑒰𑒥𑓂𑒠𑒲𑒏 𑒁𑒢𑓂𑒞𑒱𑒧 𑒠𑒬𑒏 𑒂 𑓑𑓘𑒧 𑒬𑒞𑒰𑒥𑓂𑒠𑒲𑒏 𑒣𑒯𑒱𑒪 𑒠𑒬𑒏, 𑒯𑒳𑒢𑒏𑒩 𑒣𑒾𑒞𑓂𑒩 𑒣𑒰𑒿 𑒕𑒼𑒙𑒲 𑒣𑓂𑒩𑒮𑒱𑒠𑓂𑒡 𑒠𑒹𑒫𑒰𑒢𑒢𑓂𑒠 𑒗𑒰𑒏 𑒪𑒱𑒐𑒪 𑒬𑒰𑒐𑒰 𑒣𑒳𑒮𑓂𑒞𑒏 𑓑𑓗𑓖𑓐-𑓑𑓗𑓗𑓖𑒄.। 𑒞𑒰𑒪 𑒣𑒞𑓂𑒩𑒣𑒩।
𑒣𑒰𑒿 𑒦𑒱𑒐𑒱𑒨𑒰 𑒗𑒰 𑒬𑒰𑒐𑒰 𑒣𑒳𑒮𑓂𑒞𑒏 𑒏𑓂𑒫𑒻𑒪𑒐 𑒫𑒰𑒮𑒲 𑒯𑒩𑒱𑒁𑒧𑓂𑒥 𑒧𑒴𑒪𑒏 𑒣𑒰𑒿 𑒛𑒼𑒧𑒰𑒄 𑒧𑒱𑒬𑓂𑒩𑒏 𑒪𑒱𑒐𑒪 । 𑒣𑒰𑒿 𑒯𑒩𑓂𑒭𑒰𑒢𑒢𑓂𑒠 𑒗𑒰 𑒥𑒪𑒰 𑒬𑒰𑒐𑒰 𑒣𑒳𑒮𑓂𑒞𑒏 𑒖𑒹 𑒣𑒰𑒿 𑒗𑒼𑓀𑒙𑒲 𑒗𑒰 𑒣𑓂𑒩𑒮𑒱𑒠𑓂𑒡 𑒧𑒱𑒞𑓂𑒩𑒰𑒢𑒢𑓂𑒠 𑒗𑒰𑒏 𑒪𑒱𑒐𑒪 𑒁𑒕𑒱। 𑒣𑒰𑒿. 𑒗𑒴𑒪𑒰𑒢𑒢𑓂𑒠 𑒗𑒰 (𑒣𑒰𑒿 𑒦𑒱𑒐𑒱𑒨𑒰 𑒗𑒰𑒏 𑒦𑓂𑒩𑒰𑒞𑒰) 𑒥𑒪𑒰 𑒬𑒰𑒐𑒰 𑒣𑒳𑒮𑓂𑒞𑒏, 𑒣𑒰𑒿 𑒧𑒼𑒠𑒰𑒢𑒢𑓂𑒠 𑒗𑒰𑒏 𑒬𑒰𑒐𑒰 𑒣𑒳𑒮𑓂𑒞𑒏 𑒖𑒹 𑒯𑒳𑒢𑒏𑒩 𑒧𑒾𑒮𑒰 𑒣𑒰𑒿 𑒪𑒴𑒙𑒢 𑒗𑒰 𑒂 𑒧𑒮𑒱𑒨𑒾𑒞 𑒣𑒰𑒿 𑒢𑒱𑒩𑒮𑒴 𑒗𑒰 𑒥𑒪𑒰 𑒬𑒰𑒐𑒰 𑒣𑒳𑒮𑓂𑒞𑒏 𑒖𑒹 𑓑𑓙𑓒𑓕 𑒄.𑒮𑒿 𑓑𑓙𑓓𑓕 𑒄. 𑒡𑒩𑒱 𑒮𑒾𑒩𑒰𑒚𑒧𑒹 𑒪𑒱𑒐𑒪 𑒑𑒹𑒪। 𑒋𑒯𑒱 𑒮𑒦 𑒬𑒰𑒐𑒰 𑒣𑒳𑒮𑓂𑒞𑒏𑒏, 𑒑𑒼𑒞𑓂𑒩 𑒣𑒘𑓂𑒖𑒲 𑒖𑒰𑒯𑒱 𑒧𑒡𑓂𑒨 𑒑𑒼𑒞𑓂𑒩 𑒍 𑒧𑒴𑒪𑒏 𑒫𑒱𑒫𑒩𑒝, 𑒣𑒞𑓂𑒩 𑒣𑒘𑓂𑒖𑒲 𑒖𑒰𑒯𑒱 𑒧𑒡𑓂𑒨 𑒁𑒣𑒞𑓂𑒨𑒏 𑒖𑓂𑒘𑒰𑒢 𑒍 𑒧𑒴𑒪𑒑𑓂𑒩𑒰𑒧𑒏 𑒫𑒱𑒫𑒩𑒝 𑒦𑒹𑒙𑒻𑒞 𑒁𑒕𑒱, 𑒖𑒰𑒯𑒱𑒮𑒿 𑒫𑒰𑒮𑒮𑓂𑒟𑒰𑒢 𑒣𑒩𑒱𑒫𑒩𑓂𑒞𑒢𑒏 𑒖𑓂𑒘𑒰𑒢 𑒯𑒼𑒃𑒞 𑒁𑒕𑒱, 𑒠𑒴𑒭𑒝 𑒣𑒘𑓂𑒖𑒲 𑒖𑒰𑒯𑒱𑒮𑒿 𑒫𑓀𑒬𑒧𑒹 𑒂𑒋𑒪 𑒏𑒟𑒱𑒞 𑒠𑒼𑒭𑒏- 𑒏𑒙𑓂𑒙𑒩𑒞𑒰𑒏 𑒫𑒱𑒩𑒳𑒠𑓂𑒡 𑒣𑓂𑒩𑒧𑒰𑒝 𑒮𑒹𑒯𑒼- 𑒖𑓂𑒘𑒰𑒢 𑒯𑒼𑒃𑒞 𑒁𑒕𑒱। 𑒞𑒞𑓂𑒞𑒞 𑒣𑒳𑒮𑓂𑒞𑒏𑒧𑒹 𑒫𑒩𑓂𑒝𑒱𑒞 𑒞𑒞𑓂𑒏𑒰𑒪𑒲𑒢 𑒣𑓂𑒩𑒔𑒪𑒱𑒞 𑒅𑒣𑒰𑒡𑒱𑒏 𑒖𑓂𑒘𑒰𑒢 𑒯𑒼𑒃𑒞 𑒁𑒕𑒱।
𑒣𑒰𑒩𑒱𑒦𑒰𑒭𑒱𑒏 𑒬𑒥𑓂𑒠𑒰𑒫𑒪𑒲:- 𑒏𑒼𑒢𑒼 𑒫𑓀𑒬𑒏 𑒅𑒪𑓂𑒪𑒹𑒐𑒮𑒿 𑒣𑒴𑒩𑓂𑒫 𑒍𑒯𑒱 𑒫𑓀𑒬𑒏 𑒧𑒴𑒪𑒏 𑒅𑒪𑓂𑒪𑒹𑒐 𑒖𑒰𑒯𑒱 𑒬𑒥𑓂𑒠𑒏 𑒥𑒰𑒠𑒮𑒿 𑒪𑒰𑒑𑒪 𑒯𑒼 𑒍 𑒦𑒹𑒪 𑒧𑒴𑒪- 𑒞𑒏𑒩 𑒥𑒰𑒠 𑒫𑓂𑒨𑒏𑓂𑒞𑒱𑒏 𑒢𑒰𑒧 𑒞𑒐𑒢 𑒍𑒯𑒱 𑒫𑓂𑒨𑒏𑓂𑒞𑒱𑒏 𑒣𑒳𑓀𑒣𑒞𑓂𑒨𑒏 𑒅𑒪𑓂𑒪𑒹𑒐- 𑒮𑒹 𑒮𑒳𑒞𑓁 𑒫𑒰 𑒮𑒳𑒞𑒾 𑒫𑒰 𑒮𑒳𑒞𑒰𑓁 𑒪𑒱𑒐𑒪 𑒑𑒹𑒪 𑒦𑓄 𑒮𑒏𑒻𑒋। 𑒍𑒯𑒱 𑒫𑓂𑒨𑒏𑓂𑒞𑒱𑒏 𑒋𑒏𑒼𑒙𑒰 𑒣𑒳𑒞𑓂𑒩 𑒢𑒯𑒱 𑒣𑒩𑒘𑓂𑒔 𑒣𑒳𑒞𑓂𑒩𑒲 𑒞𑒿 𑒮𑒳𑒞𑒰 𑒫𑒰 𑒮𑒳𑒞𑒰𑒬𑓂𑒔 𑒪𑒱𑒐𑒪 𑒦𑒹𑒙𑒞- 𑒮𑒳𑒞𑓁 𑒮𑒳𑒞𑒾 𑒮𑒳𑒞𑒰𑒏 𑒥𑒰𑒠 𑒣𑒳𑒞𑓂𑒩𑒏 𑒢𑒰𑒧 𑒞𑒐𑒢 𑒍𑒯𑒱 𑒫𑓂𑒨𑒏𑓂𑒞𑒱𑒏 𑒬𑓂𑒫𑒮𑒳𑒩𑒏 𑒧𑒴𑒪 𑒑𑓂𑒩𑒰𑒧𑒏 𑒮𑓀𑒑𑒹 𑒧𑒴𑒪𑒏 𑒅𑒪𑓂𑒪𑒹𑒐। 𑒏𑒞𑒯𑒳-𑒏𑒞𑒯𑒳 𑒧𑒴𑒪𑒑𑓂𑒩𑒰𑒧 𑒢𑒯𑒱𑒨𑒼 𑒪𑒱𑒐𑒪 𑒦𑒹𑒙𑒞, 𑒣𑒳𑒮𑓂𑒞𑒏𑒧𑒹 𑒂𑒑𑒰𑒿 𑒥𑒜𑓃𑒪𑒰𑒣𑒩 𑒧𑒴𑒪𑒏 𑒮𑓀𑒏𑒹𑒞𑒰𑒏𑓂𑒭𑒩 𑒥𑒱𑒢𑓂𑒠𑒳 𑒮𑒯𑒱𑒞 𑒖𑒏𑒩 𑒂𑒑𑒰𑒿 “𑒮𑒿” 𑒢𑒯𑒱 𑒦𑒹𑒙𑒞 𑒣𑒩𑒘𑓂𑒔 𑒣𑒜𑓃𑒻𑒞-𑒣𑒜𑓃𑒻𑒞 𑒣𑒰𑒚𑒏 𑒧𑒴𑒪𑒮𑒿 𑒣𑒩𑒱𑒔𑒱𑒞 𑒦𑓄 𑒑𑒹𑒪 𑒩𑒯𑒞𑒰𑒯। 𑒬𑓂𑒫𑒮𑒳𑒩𑒏 𑒢𑒰𑒧𑒏 𑒣𑒯𑒱𑒢𑒹 𑒫𑒱𑒬𑒹𑒭 𑒚𑒰𑒧 𑒬𑓂𑒫𑒮𑒳𑒩𑒏 𑒣𑒱𑒞𑒰𑒏 𑒢𑒰𑒧, 𑒏𑒞𑓂𑒞𑒯𑒳-𑒏𑒞𑓂𑒞𑒯𑒳 𑒣𑒱𑒞𑒰𑒧𑒯𑒏 𑒢𑒰𑒧 𑒮𑒹𑒯𑒼, 𑒬𑓂𑒫𑒮𑒳𑒩𑒏 𑒢𑒰𑒧𑒏 𑒥𑒰𑒠 𑒠𑒾 𑒪𑒱𑒐𑒪 𑒦𑒹𑒙𑒞 𑒁𑒩𑓂𑒟𑒰𑒞𑓂 𑒁𑒩𑓂𑒟 𑒦𑒹𑒪 𑒖𑒢𑒱𑒏 𑒢𑒰𑒧𑒏 𑒂𑒑𑒰𑒿 𑒠𑒾. 𑒪𑒱𑒐𑒪 𑒁𑒕𑒱 𑒞𑒰𑒯𑒱 𑒫𑓂𑒨𑒏𑓂𑒞𑒱𑒏 𑒠𑒾𑒯𑒱𑒞𑓂𑒩 𑒦𑒹𑒪𑒰𑒯 𑒮𑒳𑒞𑓁 𑒮𑒳𑒞𑒾 𑒮𑒳𑒞𑒰𑒏 𑒅𑒪𑓂𑒪𑒹𑒐𑒏 𑒥𑒰𑒠 𑒪𑒱𑒐𑒪 𑒢𑒰𑒧 𑒁𑒩𑓂𑒟𑒰𑒞𑓂 𑒮𑒳𑒞𑒰𑒠𑒱𑒏 𑒧𑒰𑒞𑒰𑒧𑒯 𑒦𑒹𑒪𑒰𑒯 𑒠𑒾. 𑒪𑒱𑒐𑒪𑒮𑒿 𑒣𑒴𑒩𑓂𑒫 𑒢𑒰𑒧- 𑒞𑒠𑒳𑒣𑒩𑒰𑒢𑓂𑒞 𑒬𑓂𑒫𑒮𑒳𑒩𑒏 𑒅𑒪𑓂𑒪𑒹𑒐 𑒧𑒴𑒪 𑒮𑒯𑒱𑒞 𑒦𑒹𑒙𑒞 𑒂 𑒢𑒰𑒧𑒏 𑒥𑒰𑒠 𑒬𑒥𑓂𑒠 𑒦𑒹𑒙𑒞 𑒠𑒾𑒯𑒱𑒞𑓂𑒩 𑒠𑒾𑒯𑒱𑒞𑓂𑒩 𑒖𑒹 𑒮𑓀𑒏𑒹𑒞𑒰𑒏𑓂𑒭𑒩𑒧𑒹 𑒠𑓂𑒠𑒾. 𑒩𑒯𑒞, 𑒣𑒩𑒘𑓂𑒔 𑒄 𑒥𑒳𑒗𑒥 𑒂𑒫𑒬𑓂𑒨𑒏 𑒖𑒹 𑒬𑒰𑒐𑒰 𑒣𑒳𑒮𑓂𑒞𑒏𑒏 𑒏𑒼𑒢𑒼 𑒣𑒵𑒟𑒏 𑒫𑒱𑒭𑒨 𑒮𑒴𑒔𑒲 𑒢𑒯𑒱 𑒩𑒯𑒱 𑒫𑒱𑒭𑒨-𑒁𑒢𑒳𑒏𑓂𑒩𑒧𑒝𑒱𑒏𑒰 𑒮𑓀𑒑𑒹 𑒩𑒯𑒻 𑒕𑒻।


























𑒧𑒻𑒟𑒱𑒪𑒲 𑒅𑒣𑒢𑓂𑒨𑒰𑒮𑒣𑒩 𑒁𑓀𑒑𑓂𑒩𑒹𑒖𑒲 𑒮𑒰𑒯𑒱𑒞𑓂𑒨𑒏 𑒣𑓂𑒩𑒦𑒰𑒫
𑒅𑒣𑒢𑓂𑒨𑒰𑒮𑒏 𑒂𑒩𑒧𑓂𑒦: 𑒫𑒰𑒝𑒦𑒙𑓂𑒙𑒏 𑒏𑒰𑒠𑒧𑓂𑒥𑒩𑒲 𑒩𑒰𑒖𑒰 𑒬𑒴𑒠𑓂𑒩𑒏𑒏 𑒫𑒱𑒠𑒱𑒬𑒰𑒢𑒑𑒩𑒲𑒏 𑒫𑒩𑓂𑒝𑒢𑒮𑒿 𑒣𑓂𑒩𑒰𑒩𑒧𑓂𑒦 𑒯𑒼𑒃𑒞 𑒁𑒕𑒱। 𑒋𑒏𑒙𑒰 𑒔𑒰𑒝𑓂𑒛𑒰𑒪 𑒁𑒞𑒲𑒫 𑒮𑒳𑒢𑓂𑒠𑒩𑒲 𑒏𑒢𑓂𑒨𑒰 𑒫𑒻𑒬𑒧𑓂𑒣𑒰𑒨𑒢 𑒢𑒰𑒧𑓂𑒢𑒰 𑒖𑓂𑒘𑒰𑒢𑒲 𑒮𑒳𑒑𑓂𑒑𑒰𑒏𑒹𑒿 𑒪𑒹𑒢𑒹 𑒠𑒩𑒥𑒰𑒩 𑒁𑒥𑒻𑒞 𑒁𑒕𑒱 𑒂 𑒣𑓂𑒩𑒰𑒩𑒧𑓂𑒦 𑒯𑒼𑒃𑒞 𑒁𑒕𑒱 𑒮𑒳𑒑𑓂𑒑𑒰𑒏 𑒐𑒱𑒮𑓂𑒮𑒰। 𑒔𑒰𑓀𑒛𑒰𑒪𑒏 𑒥𑒮𑓂𑒞𑒲 𑒣𑒏𑓂𑒏𑒝𑒧𑒹 𑒏𑒱𑒨𑒼 𑒦𑒱𑒐𑒧𑓀𑒑𑒰 𑒢𑒻, 𑒏𑒱𑒨𑒼 𑒔𑒼𑒩 𑒢𑒻, 𑒍𑒞𑒳𑒏𑓂𑒏𑒰 𑒩𑒰𑒖𑒰 𑒫𑓂𑒨𑒰𑒒𑓂𑒩𑒠𑒹𑒫 𑒮𑓂𑒫𑒨𑓀 𑒩𑒮𑓂𑒮𑒲 𑒥𑒿𑒙𑒻𑒞 𑒕𑒟𑒱। 𑒮𑓀𑒮𑓂𑒏𑒵𑒞𑒏 𑒋𑒯𑒱 𑒅𑒣𑒢𑓂𑒨𑒰𑒮 𑒢𑒰𑒧𑒮𑒿 𑒧𑒩𑒰𑒚𑒲𑒧𑒹 𑒅𑒣𑒢𑓂𑒨𑒰𑒮𑒏𑒹𑒿 𑒏𑒰𑒠𑒧𑓂𑒥𑒩𑒲 𑒏𑒯𑒪 𑒖𑒰𑒃𑒞 𑒁𑒕𑒱। 𑒅𑒣𑒢𑓂𑒨𑒰𑒮𑒏 𑒥𑒳𑒩𑓂𑒖𑒳𑒂 𑒣𑓂𑒩𑒰𑒩𑒧𑓂𑒦𑒏 𑒁𑒕𑒻𑒞 𑒋𑒯𑒱𑒧𑒹 𑒋𑒞𑒹𑒏 𑒖𑒙𑒱𑒪𑒞𑒰 𑒯𑒼𑒃𑒞 𑒁𑒕𑒱 𑒖𑒹 𑒋𑒯𑒱𑒧𑒹 𑒣𑓂𑒩𑒞𑒱𑒦𑒰𑒏 𑒢𑒲𑒏 𑒖𑒏𑒰𑒿 𑒣𑒩𑒲𑒏𑓂𑒭𑒝 𑒯𑒼𑒃𑒞 𑒁𑒕𑒱। 𑒅𑒣𑒢𑓂𑒨𑒰𑒮 𑒫𑒱𑒡𑒰𑒏 𑒥𑒳𑒩𑓂𑒖𑒳𑒂 𑒂𑒩𑒧𑓂𑒦𑒏 𑒏𑒰𑒩𑒝 𑒮𑒩𑓂𑒫𑒰𑓀𑒞𑒲𑒖𑒏 “𑒛𑒰𑒢 𑒏𑓂𑒫𑒱𑒏𑓂𑒖𑒼𑒙”, 𑒖𑒹 𑒮𑒞𑓂𑒩𑒯𑒧 𑒬𑒞𑒰𑒥𑓂𑒠𑒲𑒏 𑒣𑓂𑒩𑒰𑒩𑒧𑓂𑒦𑒧𑒹 𑒂𑒥𑒱 𑒑𑒹𑒪 𑒩𑒯𑒋, 𑒏𑒹𑒩 𑒁𑒕𑒻𑒞 𑒅𑒣𑒢𑓂𑒨𑒰𑒮 𑒫𑒱𑒡𑒰 𑒅𑒢𑓂𑒢𑒻𑒮𑒧 𑒬𑒞𑒰𑒥𑓂𑒠𑒲𑒏 𑒂𑒑𑒧𑒢𑒮𑒿 𑒧𑒰𑒞𑓂𑒩 𑒏𑒱𑒕𑒳 𑒮𑒧𑒨 𑒣𑒴𑒩𑓂𑒫 𑒑𑒧𑓂𑒦𑒲𑒩 𑒮𑓂𑒫𑒩𑒴𑒣 𑒣𑓂𑒩𑒰𑒣𑓂𑒞 𑒏𑓄 𑒮𑒏𑒪। 𑒅𑒣𑒢𑓂𑒨𑒰𑒮𑒧𑒹 𑒫𑒰𑒠-𑒫𑒱𑒫𑒰𑒠-𑒮𑒧𑓂𑒫𑒰𑒠𑒮𑒿 𑒅𑒞𑓂𑒣𑒢𑓂𑒢 𑒯𑒼𑒃𑒞 𑒁𑒕𑒱 𑒢𑒱𑒥𑒢𑓂𑒡, 𑒨𑒳𑒫𑒏-𑒨𑒳𑒫𑒞𑒲𑒏 𑒔𑒩𑒱𑒞𑓂𑒩 𑒁𑒢𑒻𑒞 𑒁𑒕𑒱 𑒣𑓂𑒩𑒹𑒧𑒰𑒐𑓂𑒨𑒰𑒢, 𑒪𑒼𑒏 𑒂 𑒦𑒴𑒑𑒼𑒪 𑒠𑒻𑒞 𑒁𑒕𑒱 𑒫𑒩𑓂𑒝𑒢 𑒃𑒞𑒱𑒯𑒰𑒮𑒏, 𑒂 𑒞𑒐𑒢 𑒢𑒲𑒏- 𑒐𑒩𑒰𑒣 𑒔𑒩𑒱𑒞𑓂𑒩𑒏 𑒏𑒟𑒰 𑒮𑒼𑒗𑒰𑒿 𑒁𑒥𑒻𑒞 𑒁𑒕𑒱। 𑒏𑒐𑒢𑒼 𑒣𑒰𑒚𑒏𑒏𑒹𑒿 𑒄 𑒯𑒿𑒮𑒥𑒻𑒞 𑒁𑒕𑒱, 𑒏𑒐𑒢𑒼 𑒍𑒏𑒩𑒰 𑒅𑒣𑒠𑒹𑒬 𑒠𑒻𑒞 𑒁𑒕𑒱। 𑒧𑒰𑒩𑓂𑒏𑓂𑒮𑒫𑒰𑒠 𑒅𑒣𑒢𑓂𑒨𑒰𑒮𑒏 𑒮𑒰𑒧𑒰𑒖𑒱𑒏 𑒨𑒟𑒰𑒩𑓂𑒟𑒏 𑒍𑒏𑒰𑒪𑒞𑒱 𑒏𑒩𑒻𑒞 𑒁𑒕𑒱। 𑒤𑓂𑒩𑒰𑒨𑒛 𑒮𑒦 𑒧𑒢𑒳𑒏𑓂𑒐𑒏𑒹𑒿 𑒩𑒯𑒮𑓂𑒨𑒧𑒨𑒲 𑒧𑒰𑒢𑒻𑒞 𑒕𑒟𑒱। 𑒍 𑒮𑒰𑒯𑒱𑒞𑓂𑒨𑒱𑒏 𑒏𑒵𑒞𑒱𑒏𑒹𑒿 𑒮𑒰𑒯𑒱𑒞𑓂𑒨𑒏𑒰𑒩𑒏 𑒫𑒱𑒬𑓂𑒪𑒹𑒭𑒝 𑒪𑒹𑒪 𑒔𑒳𑒢𑒻𑒞 𑒕𑒟𑒱 𑒞𑒿 𑒢𑒫 𑒤𑓂𑒩𑒰𑒨𑒛𑒫𑒰𑒠 𑒖𑒻𑒫𑒱𑒏𑒏 𑒥𑒠𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒞𑒞𑓂𑒫𑒏 𑒣𑓂𑒩𑒡𑒰𑒢𑒞𑒰𑒣𑒩 𑒖𑒼𑒩 𑒠𑒻𑒞 𑒠𑒹𑒐𑒥𑒰𑒧𑒹 𑒁𑒥𑒻𑒞 𑒕𑒟𑒱। 𑒢𑒫-𑒮𑒧𑒲𑒏𑓂𑒭𑒰𑒫𑒰𑒠 𑒏𑒵𑒞𑒱𑒏 𑒫𑒱𑒮𑓂𑒞𑒵𑒞 𑒫𑒱𑒫𑒩𑒝𑒣𑒩 𑒂𑒡𑒰𑒩𑒱𑒞 𑒁𑒕𑒱। 𑒋𑒯𑒱 𑒮𑒦𑒏 𑒮𑓀𑒑 𑒖𑒲𑒫𑒢𑒰𑒢𑒳𑒦𑒫 𑒮𑒹𑒯𑒼 𑒋𑒏 𑒣𑒏𑓂𑒭𑒏 𑒯𑒼𑒃𑒞 𑒁𑒕𑒱 𑒂 𑒞𑒐𑒢 𑒋𑒞𑒋 𑒠𑒥𑒰𑒋𑒪 𑒃𑒔𑓂𑒕𑒰𑒏 𑒞𑒵𑒣𑓂𑒞𑒱𑒏 𑒪𑒹𑒪 𑒪𑒹𑒐𑒏 𑒋𑒏𑒙𑒰 𑒮𑓀𑒮𑒰𑒩𑒏 𑒩𑒔𑒢𑒰 𑒏𑒋𑒪𑒢𑓂𑒯𑒱 𑒖𑒰𑒯𑒱𑒧𑒹 𑒣𑒰𑒚𑒏 𑒨𑒟𑒰𑒩𑓂𑒟 𑒂 𑒏𑒰𑒪𑓂𑒣𑒢𑒱𑒏𑒞𑒰𑒏 𑒥𑒲𑒔𑒏 𑒂𑒛𑓃𑒱-𑒡𑒴𑒩𑒣𑒩 𑒔𑒪𑒻𑒞 𑒁𑒕𑒱।
𑒁𑓀𑒑𑓂𑒩𑒹𑒖𑒲 𑒅𑒣𑒢𑓂𑒨𑒰𑒮𑒏 𑒫𑒰𑒠: 𑒅𑒞𑓂𑒞𑒩 𑒂𑒡𑒳𑒢𑒱𑒏, 𑒁𑒮𑓂𑒞𑒱𑒞𑓂𑒫𑒫𑒰𑒠𑒲, 𑒧𑒰𑒢𑒫𑒞𑒰𑒫𑒰𑒠𑒲, 𑒄 𑒮𑒦 𑒫𑒱𑒔𑒰𑒩𑒡𑒰𑒩𑒰 𑒠𑒩𑓂𑒬𑒢𑒬𑒰𑒮𑓂𑒞𑓂𑒩𑒏 𑒫𑒱𑒔𑒰𑒩𑒡𑒰𑒩𑒰 𑒟𑒱𑒏। 𑒣𑒯𑒱𑒢𑒹 𑒠𑒩𑓂𑒬𑒢𑒧𑒹 𑒫𑒱𑒖𑓂𑒘𑒰𑒢, 𑒃𑒞𑒱𑒯𑒰𑒮, 𑒮𑒧𑒰𑒖-𑒩𑒰𑒖𑒢𑒲𑒞𑒱, 𑒁𑒩𑓂𑒟𑒬𑒰𑒮𑓂𑒞𑓂𑒩, 𑒏𑒪𑒰-𑒫𑒱𑒖𑓂𑒘𑒰𑒢 𑒂 𑒦𑒰𑒭𑒰 𑒮𑒧𑓂𑒧𑒱𑒪𑒱𑒞 𑒩𑒯𑒻𑒞 𑒕𑒪। 𑒧𑒳𑒠𑒰 𑒖𑒹𑒢𑒰-𑒖𑒹𑒢𑒰 𑒫𑒱𑒖𑓂𑒘𑒰𑒢 𑒂 𑒏𑒪𑒰𑒏 𑒬𑒰𑒐𑒰 𑒮𑒦 𑒫𑒱𑒬𑒱𑒭𑓂𑒙𑒞𑒰 𑒣𑓂𑒩𑒰𑒣𑓂𑒞 𑒏𑒩𑒻𑒞 𑒑𑒹𑒪, 𑒫𑒱𑒬𑒹𑒭 𑒏𑒋 𑒫𑒱𑒖𑓂𑒘𑒰𑒢, 𑒞𑒿 𑒠𑒩𑓂𑒬𑒢𑒧𑒹 𑒑𑒝𑒱𑒞 𑒂 𑒫𑒱𑒖𑓂𑒘𑒰𑒢 𑒧𑒻𑒟𑒹𑒧𑒹𑒙𑒱𑒏𑒪 𑒪𑒰𑒖𑒱𑒏 𑒡𑒩𑒱 𑒮𑒲𑒧𑒱𑒞 𑒩𑒯𑒱 𑒑𑒹𑒪। 𑒠𑒰𑒩𑓂𑒬𑒢𑒱𑒏 𑒂𑒑𑒧𑒢 𑒂 𑒢𑒱𑒑𑒧𑒢𑒏 𑒁𑒡𑓂𑒨𑒨𑒢 𑒣𑓂𑒩𑒝𑒰𑒪𑒲, 𑒫𑒱𑒬𑓂𑒪𑒹𑒭𑒝𑒰𑒞𑓂𑒧𑒏 𑒣𑓂𑒩𑒝𑒰𑒪𑒲 𑒠𑒱𑒮 𑒥𑒜𑓃𑒪। 𑒧𑒰𑒩𑓂𑒏𑓂𑒮 𑒖𑒹 𑒠𑒳𑒢𑒱𑒨𑒰 𑒦𑒩𑒱𑒏 𑒑𑒩𑒲𑒥𑒏 𑒪𑒹𑒪 𑒋𑒏𑒙𑒰 𑒠𑒻𑒫𑒲𑒨 𑒯𑒮𑓂𑒞𑒏𑓂𑒭𑒹𑒣𑒏 𑒮𑒧𑒰𑒢 𑒕𑒪𑒰𑒯, 𑒠𑓂𑒫𑒢𑓂𑒠𑒰𑒞𑓂𑒧𑒏 𑒣𑓂𑒩𑒝𑒰𑒪𑒲𑒏𑒹𑒿 𑒁𑒣𑒢 𑒫𑓂𑒨𑒰𑒐𑓂𑒨𑒰𑒏 𑒂𑒡𑒰𑒩 𑒥𑒢𑒍𑒪𑒢𑓂𑒯𑒱।

𑒁𑓀𑒑𑒹𑒖𑒲 𑒅𑒣𑒢𑓂𑒨𑒰𑒮𑒏 𑒂𑒩𑒧𑓂𑒦 𑒂 𑒫𑒱𑒏𑒰𑒮: 𑒁𑓀𑒑𑓂𑒩𑒹𑒖𑒲 𑒅𑒣𑒢𑓂𑒨𑒰𑒮 𑒣𑒱𑒪𑓂𑒑𑓂𑒩𑒱𑒧𑓂𑒮 𑒣𑓂𑒩𑒼𑒑𑓂𑒩𑒹𑒮- 𑒪𑒹𑒐𑒏 𑒏𑒟𑒰𑒏 𑒧𑒳𑒐𑓂𑒨𑒣𑒰𑒞𑓂𑒩𑒏 𑒨𑒰𑒞𑓂𑒩𑒰𑒏 𑒂 𑒍𑒃 𑒨𑒰𑒞𑓂𑒩𑒰 𑒧𑒡𑓂𑒨 𑒂𑒍𑒪 𑒮𑓀𑒒𑒩𑓂𑒭 𑒂 𑒅𑒞𑓂𑒮𑒰𑒯𑒏 𑒫𑒩𑓂𑒝𑒢 𑒏𑒩𑒻𑒞 𑒕𑒟𑒱।
𑒛𑒹𑒢𑒱𑒨𑒪 𑒛𑒱𑒤𑓃𑒼 𑒁𑒣𑒢 𑒩𑒽𑒥𑒱𑒢𑓂𑒮𑒢 𑒏𑓂𑒩𑒴𑒮𑒼 𑒅𑒣𑒢𑓂𑒨𑒰𑒮𑒧𑒹 𑒧𑒳𑒐𑓂𑒨𑒣𑒰𑒞𑓂𑒩𑒏 𑒮𑒰𑒯𑒮𑒱𑒏 𑒮𑒧𑒳𑒠𑓂𑒩 𑒨𑒰𑒞𑓂𑒩𑒰𑒏 𑒫𑒩𑓂𑒝𑒢 𑒏𑒩𑒻𑒞 𑒕𑒟𑒱।
𑒮𑒻𑒧𑒳𑒁𑒪 𑒩𑒱𑒔𑒩𑓂𑒛𑒮𑒢𑒏 𑒣𑒹𑒧𑒹𑒪𑒰 𑒁𑓀𑒑𑓂𑒩𑒹𑒖𑒲 𑒅𑒣𑒢𑓂𑒨𑒰𑒮𑒏𑒹𑒿 𑒣𑒰𑒩𑒱𑒦𑒰𑒭𑒱𑒏 𑒮𑓂𑒫𑒩𑒴𑒣 𑒠𑒹𑒪𑒏।
𑒋𑒤𑓃𑓂𑒩𑒰 𑒥𑒹𑒢𑒏 𑒍𑒩𑒴𑒢𑒼𑒏𑒼 𑒅𑒣𑒢𑓂𑒨𑒰𑒮𑒏 𑒢𑒰𑒨𑒏 𑒏𑒰𑒩𑒲 𑒩𑓀𑒑𑒏 𑒠𑒰𑒮 𑒁𑒕𑒱 𑒞𑒿 𑒯𑒳𑒢𑒏 ’𑒪𑒫 𑒪𑒻𑒙𑒩𑓂𑒮 𑒥𑒱𑒙𑒫𑒲𑒢 𑒋 𑒢𑒼𑒥𑒪 𑒧𑒻𑒢 𑒋𑓀𑒛 𑒯𑒱𑒖 𑒮𑒱𑒮𑓂𑒙𑒩’ 𑒧𑒹 𑒮𑒰𑒧𑓀𑒞𑒏 𑒣𑓂𑒩𑒹𑒧 𑒏𑒟𑒰𑒏 𑒫𑒩𑓂𑒝𑒢 𑒁𑒕𑒱।
𑒯𑒻𑒢𑒩𑒲 𑒤𑓃𑒱𑒪𑓂𑒛𑒱𑓀𑒑 ’𑒙𑒰𑒧 𑒖𑒼𑒢𑓂𑒮’ 𑒧𑒹 𑒮𑒰𑒧𑓀𑒞𑒫𑒰𑒠𑒏 𑒂𑒪𑒼𑒔𑒢𑒰 𑒏𑒹𑒢𑒹 𑒕𑒟𑒱 𑒮𑒧𑒰𑒖𑒏 𑒫𑒱𑒏𑒵𑒞𑒱𑒏 𑒔𑒱𑒞𑓂𑒩𑒝 𑒏𑒹𑒢𑒹 𑒕𑒟𑒱।
𑒯𑒹𑒢𑒩𑒲 𑒖𑒹𑒧𑓂𑒮 “𑒠 𑒣𑒼𑒙𑓂𑒩𑒹𑒙 𑒂𑒤 𑒋 𑒪𑒹𑒛𑒲” 𑒧𑒹 𑒏𑒪𑒰𑒞𑓂𑒧𑒏 𑒣𑓂𑒩𑒮𑓂𑒞𑒳𑒞𑒱 𑒪𑒹𑒪 𑒖𑒱𑒢𑒑𑒲𑒏 𑒅𑒣𑒹𑒏𑓂𑒭𑒰 𑒏𑒩𑒻 𑒕𑒟𑒱।
𑒩𑒱𑒔𑒩𑓂𑒛𑒮𑒢 ’𑒏𑒪𑒻𑒩𑒱𑒮’ 𑒧𑒹 𑒧𑒢𑒳𑒭𑓂𑒨𑒏 𑒧𑒢𑒼𑒫𑒱𑒖𑓂𑒘𑒰𑒢𑒏 𑒞𑒯𑒧𑒹 𑒖𑒰𑒃 𑒕𑒟𑒱।
𑒖𑒼𑒖𑒤 𑒏𑒼𑒢𑒩𑒹𑒛𑒏 ’𑒠 𑒬𑒻𑒛𑒼𑒪𑒰𑒃𑒢’ 𑒏 𑒣𑒰𑒞𑓂𑒩 𑒮𑒧𑒰𑒖 𑒂 𑒖𑒲𑒫𑒢𑒏 𑒣𑓂𑒩𑒞𑒱 𑒠𑒵𑒭𑓂𑒙𑒱𑒏𑒼𑒝𑒏 𑒋𑒏𑓂𑒠 𑒣𑒏𑓂𑒭𑒲𑒨 𑒯𑒼𑒋𑒥𑒰𑒣𑒩 𑒮𑒼𑒔𑒻 𑒕𑒟𑒱।
𑒛𑒲.𑒋𑒔.𑒪𑒰𑒩𑒹𑒢𑓂𑒮 “𑒪𑒹𑒛𑒲 𑒔𑒻𑒙𑒩𑓂𑒪𑒲𑒖 𑒪𑒫𑒩” 𑒏 𑒣𑒰𑒞𑓂𑒩 𑒫𑒱𑒏𑒵𑒞𑒱 𑒪𑒹𑒪 𑒮𑓀𑒮𑓂𑒏𑒵𑒞𑒱 𑒂𑒡𑒰𑒩𑒱𑒞 𑒮𑒦𑓂𑒨𑒞𑒰𑒏𑒹𑒿 𑒠𑒼𑒭𑒲 𑒏𑒯𑒻 𑒕𑒟𑒱।
𑒩𑒳𑒛𑒨𑒰𑒩𑓂𑒛 𑒏𑒱𑒣𑒪𑒱𑓀𑒑𑒏 𑒅𑒣𑒢𑓂𑒨𑒰𑒮 “𑒏𑒱𑒧” 𑒨𑒴𑒩𑒼𑒣𑒲 𑒮𑒰𑒧𑓂𑒩𑒰𑒖𑓂𑒨𑒫𑒰𑒠𑒏 𑒪𑒹𑒪 𑒋𑒏𑒙𑒰 𑒥𑒯𑒢𑓂𑒢𑒰 𑒞𑒰𑒏𑒱 𑒩𑒯𑒪 𑒁𑒕𑒱, 𑒨𑒴𑒩𑒼𑒣𑒲 𑒮𑒦𑓂𑒨𑒞𑒰𑒏𑒹𑒿 𑒍 𑒅𑒔𑓂𑒔 𑒧𑒰𑒢𑒻 𑒕𑒟𑒱।
𑒄.𑒋𑒧.𑒤𑒼𑒩𑓂𑒮𑓂𑒙𑒩𑒏 “𑒋 𑒣𑒻𑒮𑒹𑒖 𑒙𑒴 𑒃𑓀𑒛𑒱𑒨𑒰”𑒧𑒳𑒠𑒰 𑒬𑒰𑒮𑒏 𑒂 𑒬𑒰𑒮𑒱𑒞𑒏 𑒮𑒧𑓂𑒥𑒢𑓂𑒡𑒏𑒹𑒿 𑒫𑓂𑒨𑒰𑒐𑓂𑒨𑒰𑒨𑒱𑒞 𑒏𑒩𑒻𑒞 𑒁𑒕𑒱।
𑒧𑒻𑒟𑒱𑒪𑒲 𑒅𑒣𑒢𑓂𑒨𑒰𑒮𑒏 𑒂𑒩𑒧𑓂𑒦 𑒂 𑒫𑒱𑒏𑒰𑒮: 𑒯𑒩𑒱𑒧𑒼𑒯𑒢 𑒗𑒰𑒏 𑒏𑒢𑓂𑒨𑒰𑒠𑒰𑒢 𑒂 𑒠𑓂𑒫𑒱𑒩𑒰𑒑𑒧𑒢 𑒧𑒱𑒟𑒱𑒪𑒰𑒏 𑒥𑒯𑒳𑒞 𑒩𑒰𑒮 𑒮𑒰𑒧𑒰𑒖𑒱𑒏 𑒫𑓂𑒨𑒫𑒮𑓂𑒟𑒰𑒏𑒹𑒿 𑒮𑒼𑒗𑒰𑒿 𑒁𑒢𑒻𑒞 𑒁𑒕𑒱, 𑒧𑒯𑒱𑒪𑒰 𑒬𑒱𑒏𑓂𑒭𑒰 𑒂 𑒁𑓀𑒡-𑒣𑒰𑒬𑓂𑒔𑒰𑒞𑓂𑒨𑒏𑒩𑒝𑒏 𑒮𑒹𑒯𑒼 𑒯𑒰𑒮𑓂𑒨 𑒩𑒮𑒧𑒹 𑒔𑒱𑒞𑓂𑒩𑒝 𑒂𑒡𑒳𑒢𑒱𑒏 𑒁𑓀𑒑𑓂𑒩𑒹𑒖𑒲 𑒅𑒣𑒢𑓂𑒨𑒰𑒮𑒏 𑒩𑒲𑒞𑒱𑒋𑒿 𑒏𑒩𑒻𑒞 𑒕𑒟𑒱।
𑒨𑒰𑒞𑓂𑒩𑒲𑒏 𑒥𑒪𑒔𑒢𑒧𑒰 𑒨𑒰𑒠𑒫 𑒖𑒰𑒞𑒱𑒏 𑒥𑒪𑒔𑒢𑒧𑒰𑒏 𑒂𑒞𑓂𑒧𑒏𑒟𑓂𑒨𑒏 𑒩𑒴𑒣𑒧𑒹 𑒁𑒕𑒱। 𑒂𑒩𑓂𑒟𑒱𑒏 𑒮𑒧𑒮𑓂𑒨𑒰 𑒋𑒏𑒩 𑒧𑒴𑒪 𑒫𑒱𑒭𑒋 𑒕𑒻𑒏। 𑒥𑒪𑒔𑒢𑒧𑒰 𑒏𑒼𑒢𑒰 𑒋𑒏𑒙𑒰 𑒙𑒯𑒪 𑒏𑒩𑒻𑒥𑒪𑒰𑒮𑒿 𑒂𑒑𑒴 𑒖𑒰𑒃𑒞 𑒏𑒱𑒮𑒰𑒢𑒏 𑒯𑒏 𑒪𑒹𑒪 𑒖𑒰𑒢 𑒠𑒻𑒞 𑒁𑒕𑒱 𑒞𑒰𑒡𑒩𑒱𑒏 𑒏𑒟𑒰। 𑒏𑒰𑓀𑒑𑓂𑒩𑒹𑒮 𑒂𑒠𑒱 𑒣𑒰𑒩𑓂𑒙𑒲𑒏 𑒫𑒱𑒩𑒳𑒠𑓂𑒡 𑒏𑒧𑓂𑒨𑒴𑒢𑒱𑒮𑓂𑒙 𑒣𑒰𑒩𑓂𑒙𑒲𑒏 𑒣𑓂𑒩𑒞𑒱 𑒮𑓂𑒣𑒭𑓂𑒙 𑒗𑒳𑒏𑒰𑒫 𑒨𑒰𑒞𑓂𑒩𑒲𑒖𑒲𑒏 𑒩𑒯𑒪 𑒕𑒢𑓂𑒯𑒱। 𑒂 𑒣𑒰𑒩𑒼 𑒥𑒪𑒔𑒢𑒧𑒰𑒏 𑒂𑒩𑓂𑒟𑒱𑒏 𑒮𑒧𑒮𑓂𑒨𑒰𑒏 𑒫𑒱𑒣𑒩𑒲𑒞 𑒮𑒰𑒧𑒰𑒖𑒱𑒏 𑒪𑒏𑓂𑒭𑓂𑒨 𑒞𑒏𑒻𑒞 𑒁𑒕𑒱। 𑒏𑒱𑒕𑒳 𑒠𑒱𑒢𑒳𑒏𑒰 𑒥𑒰𑒠 𑒋𑒯𑒱 𑒅𑒣𑒢𑓂𑒨𑒰𑒮𑒏𑒹𑒿 𑒪𑒼𑒏 𑒁𑒮𑒪𑒲 𑒤𑒱𑒏𑓂𑒬𑒢𑒏 𑒩𑒴𑒣𑒧𑒹 𑒪𑒹𑒞𑒰𑒯 𑒏𑒰𑒩𑒝 𑒁𑒑𑒱𑒪𑒰 𑒣𑒲𑒜𑓃𑒲𑒏𑒹𑒿 𑒫𑒱𑒬𑓂𑒫𑒰𑒮 𑒢𑒻 𑒯𑒹𑒞𑒻 𑒖𑒹 𑒋𑒯𑒢𑒼 𑒏𑒼𑒢𑒼 𑒏𑓂𑒩𑒴𑒩 𑒫𑓂𑒨𑒫𑒮𑓂𑒟𑒰 𑒮𑒦 𑒧𑒰𑒢𑒫𑒖𑒰𑒞𑒱𑒏 𑒧𑒡𑓂𑒨 𑒯𑒼𑒃𑒞 𑒯𑒹𑒞𑒻। 𑒂 𑒞𑒻𑒿 𑒋𑒏𑒩 𑒧𑒯𑒞𑓂𑒫 𑒂𑒩 𑒥𑒜𑓃𑒱 𑒖𑒰𑒃𑒞 𑒁𑒕𑒱- 𑒍𑒯𑒱 𑒮𑒦 𑒫𑓂𑒨𑒫𑒮𑓂𑒟𑒰 𑒮𑒦𑒏𑒹𑒿 𑒣𑒹𑒙𑒰𑒩𑒧𑒹 𑒮𑒳𑒩𑒏𑓂𑒭𑒱𑒞 𑒩𑒐𑒥𑒰𑒏 𑒖𑒱𑒧𑓂𑒧𑒹𑒠𑒰𑒩𑒲। 𑒧𑒳𑒠𑒰 𑒖𑒯𑒱𑒨𑒰 𑒨𑒰𑒞𑓂𑒩𑒲𑒖𑒲 𑒍𑒯𑒱 𑒮𑒧𑒮𑓂𑒨𑒰𑒣𑒩 𑒪𑒱𑒐𑒢𑒹 𑒕𑒪𑒰𑒯 𑒞𑒯𑒱𑒨𑒰𑒮𑒿 𑒍 𑒮𑒧𑒮𑓂𑒨𑒰 𑒩𑒯𑒻 𑒂 𑒄 𑒅𑒣𑒢𑓂𑒨𑒰𑒮 𑒍𑒯𑒱𑒧𑒹 𑒮𑒰𑒩𑓂𑒟𑒏 𑒯𑒮𑓂𑒞𑒏𑓂𑒭𑒹𑒣 𑒏𑒋𑒢𑒹 𑒕𑒪।
𑒩𑒧𑒰𑒢𑒢𑓂𑒠 𑒩𑒹𑒝𑒳𑒏 𑒠𑒴𑒡-𑒤𑒴𑒪 𑒅𑒣𑒢𑓂𑒨𑒰𑒮 𑒮𑒧𑒰𑒖𑒏 𑒅𑒣𑒹𑒏𑓂𑒭𑒱𑒞 𑒫𑒩𑓂𑒑𑒏𑒹𑒿 𑒮𑒼𑒗𑒰𑒿𑒧𑒹 𑒩𑒐𑒻𑒞 𑒁𑒕𑒱 𑒂 𑒏𑒪𑒰𑒞𑓂𑒧𑒏 𑒅𑒣𑒮𑓂𑒟𑒰𑒣𑒢 𑒏𑒩𑒻𑒞 𑒁𑒕𑒱।
𑒪𑒪𑒱𑒞𑒏 𑒣𑒵𑒟𑓂𑒫𑒲𑒣𑒳𑒞𑓂𑒩 𑒮𑒹𑒯𑒼 𑒮𑒧𑒰𑒖𑒏 𑒅𑒣𑒹𑒏𑓂𑒭𑒱𑒞 𑒫𑒩𑓂𑒑𑒏𑒹𑒿 𑒮𑒼𑒗𑒰𑒿𑒧𑒹 𑒩𑒐𑒻𑒞 𑒁𑒕𑒱। 𑒄 𑒅𑒣𑒢𑓂𑒨𑒰𑒮 𑒏𑒵𑒭𑒏 𑒖𑒲𑒫𑒢𑒏 𑒂𑒩𑓂𑒟𑒱𑒏 𑒮𑒧𑒮𑓂𑒨𑒰𑒣𑒩 𑒮𑒹𑒯𑒼 𑒂𑓀𑒑𑒳𑒩 𑒡𑒩𑒻𑒞 𑒁𑒕𑒱।
𑒪𑒱𑒪𑒲 𑒩𑒹 𑒏 𑒣𑒙𑒰𑒏𑓂𑒭𑒹𑒣 𑒫𑒰𑒧𑒣𑓀𑒟𑒏 𑒫𑒩𑓂𑒑-𑒮𑓀𑒒𑒩𑓂𑒭𑒏 𑒅𑒞𑓂𑒟𑒰𑒢 𑒂 𑒤𑒹𑒩 𑒍𑒏𑒩 𑒠𑒧𑒢𑒏 𑒏𑒟𑒰 𑒏𑒯𑒻𑒞 𑒁𑒕𑒱 𑒂 𑒠𑒹𑒬𑒏 𑒮𑒧𑒮𑓂𑒨𑒰𑒮𑒿 𑒮𑒰𑒯𑒱𑒞𑓂𑒨𑒏𑒰𑒩 𑒠𑓂𑒫𑒰𑒩𑒰 𑒮𑓂𑒫𑒨𑓀𑒏𑒹𑒿 𑒞𑒞𑓂𑒏𑒰𑒪 𑒖𑒼𑒛𑓃𑒥𑒰𑒏 𑒧𑒰𑒩𑓂𑒑 𑒣𑓂𑒩𑒬𑒮𑓂𑒞 𑒏𑒩𑒻𑒞 𑒁𑒕𑒱।
𑒡𑒴𑒧𑒏𑒹𑒞𑒳𑒏 𑒧𑒼𑒛𑓃 𑒣𑒩 𑒮𑒹𑒯𑒼 𑒫𑒰𑒧𑒣𑓀𑒟𑒲 𑒫𑒱𑒔𑒰𑒩𑒏 𑒂𑒪𑒼𑒏𑒧𑒹 𑒮𑒰𑒧𑒰𑒖𑒱𑒏-𑒂𑒩𑓂𑒟𑒱𑒏 𑒮𑒧𑒮𑓂𑒨𑒰𑒏 𑒏𑒟𑒰 𑒥𑒻𑒏𑒤𑓂𑒪𑒻𑒬𑒧𑒹 𑒏𑒯𑒻𑒞 𑒁𑒕𑒱।
𑒮𑒰𑒏𑒹𑒞𑒰𑒢𑒢𑓂𑒠𑒏 𑒮𑒩𑓂𑒫𑒮𑓂𑒫𑒰𑒢𑓂𑒞 𑒥𑒰𑒜𑓃𑒱𑒏 𑒂 𑒮𑒩𑒏𑒰𑒩𑒲 𑒢𑒲𑒞𑒱 𑒂 𑒩𑒰𑒯𑒞𑒏 𑒏𑒟𑒰 𑒁𑒕𑒱।
𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪𑒏 𑒧𑒾𑒪𑒰𑒃𑒪 𑒑𑒰𑒕𑒏 𑒤𑒴𑒪 𑒑𑒰𑒧𑒏, 𑒑𑒰𑒧𑒮𑒿 𑒣𑒪𑒰𑒨𑒢𑒏 𑒂 𑒑𑒪𑒪 𑒫𑓂𑒨𑒫𑒮𑓂𑒟𑒰𑒏 𑒣𑒳𑒢𑒩𑓂𑒖𑒲𑒫𑒢𑒏 𑒪𑒹𑒪 𑒮𑒧𑒰𑒡𑒰𑒢𑒏 𑒅𑒣𑒢𑓂𑒨𑒰𑒮 𑒁𑒕𑒱।
𑒔𑒞𑒳𑒩𑒰𑒢𑒢 𑒧𑒱𑒬𑓂𑒩𑒏 𑒏𑒪𑒰 𑒏𑒪𑒰𑒠𑒰𑒃𑒏 𑒧𑒰𑒡𑓂𑒨𑒧𑒹𑒿 𑒑𑒪𑒪 𑒮𑒰𑒧𑒰𑒖𑒱𑒏 𑒫𑓂𑒨𑒫𑒮𑓂𑒟𑒰𑒣𑒩 𑒣𑓂𑒩𑒯𑒰𑒩 𑒁𑒕𑒱।
𑒬𑒹𑒤𑒰𑒪𑒱𑒏𑒰 𑒫𑒩𑓂𑒧𑒰𑒏 𑒢𑒰𑒑𑒤𑒰𑒿𑒮 𑒁𑓀𑒑𑓂𑒩𑒹𑒖𑒏 𑒡𑒩𑒞𑒲𑒣𑒩 𑒫𑒱𑒔𑒩𑒝 𑒏𑒩𑒻𑒞 𑒁𑒕𑒱। 𑒡𑒰𑒩𑒰 𑒂 𑒮𑒲𑒧𑒰𑓀𑒞𑒏 𑒧𑒱𑒪𑒢 𑒋𑒯𑒱 𑒖𑒱𑒢𑒑𑒲𑒧𑒹 𑒏𑒯𑒱𑒨𑒼 𑒯𑒹𑒞𑒻, 𑒏𑒼𑒢𑒼 𑒖𑒰𑒠𑒴 𑒯𑒹𑒞𑒻 𑒏𑒲?

𑒂 𑒁𑒢𑓂𑒞𑒧𑒹 : 𑒮𑒹 𑒖𑒾𑒿 𑒑𑒯𑒲𑓀𑒩 𑒢𑒖𑒩𑒱𑒮𑒿 𑒠𑒹𑒐𑒥 𑒞𑒿 𑒪𑒰𑒑𑒞 𑒖𑒹 𑒁𑓀𑒑𑓂𑒩𑒹𑒖𑒲 𑒅𑒣𑒢𑓂𑒨𑒰𑒮𑒏𑒰𑒩𑒏 𑒏𑒵𑒞𑒱 𑒍𑒯𑒱 𑒮𑒧𑒋𑒏 𑒫𑒰𑒠 𑒂 𑒠𑒵𑒭𑓂𑒙𑒱𑒏𑒼𑒝𑒏𑒹𑒿 𑒮𑓀𑒑 𑒪𑓄 𑒏𑓄 𑒔𑒪𑒥𑒰𑒏 𑒣𑓂𑒩𑒨𑒰𑒮 𑒁𑒕𑒱। 𑒧𑒳𑒠𑒰 𑒮𑒱𑒠𑓂𑒡𑒰𑒢𑓂𑒞𑒮𑒿 𑒣𑓂𑒩𑒨𑒼𑒑𑒏 𑒏𑓂𑒩𑒧𑒧𑒹 𑒏𑒱𑒕𑒳 𑒫𑒱𑒬𑒹𑒭𑒞𑒰 𑒮𑓂𑒫𑒨𑒧𑒹𑒫 𑒂𑒥𑒱 𑒖𑒰𑒃 𑒕𑒻। 𑒞𑒯𑒱𑒢𑒰 𑒧𑒻𑒟𑒱𑒪𑒲 𑒅𑒣𑒢𑓂𑒨𑒰𑒮𑒏 𑒮𑒹𑒯𑒼 𑒮𑓂𑒟𑒱𑒞𑒱 𑒁𑒕𑒱। 𑒩𑒧𑒰𑒢𑒢𑓂𑒠 𑒩𑒹𑒝𑒳𑒏 𑒅𑒣𑒢𑓂𑒨𑒰𑒮 𑒯𑒼𑒁𑒋 𑒫𑒰 𑒬𑒹𑒤𑒰𑒪𑒱𑒏𑒰 𑒫𑒩𑓂𑒧𑒰𑒏, 𑒄 𑒞𑒟𑓂𑒨 𑒬𑒱𑒪𑓂𑒣𑒧𑒹 𑒮𑓂𑒣𑒭𑓂𑒙 𑒩𑒴𑒣𑒮𑒿 𑒠𑒹𑒐𑒱 𑒮𑒏𑒻 𑒕𑒲। 𑒪𑒱𑒪𑒲 𑒩𑒹 𑒁𑒣𑒢 𑒏𑒪𑒧𑒏 𑒡𑒰𑒩𑒮𑒿 𑒖𑒹𑒢𑒰 𑒁𑒣𑒢 𑒪𑒑-𑒣𑒰𑒮𑒏 𑒒𑒙𑒢𑒰𑒏, 𑒮𑒧𑒰𑒖𑒏, 𑒩𑒰𑒖𑒢𑒲𑒞𑒱𑒏 𑒫𑒩𑓂𑒝𑒢 𑒏𑒩𑒻 𑒕𑒟𑒱 𑒮𑒹 𑒁𑒠𑓂𑒦𑒳𑒞 𑒞𑒿 𑒁𑒕𑒱𑒨𑒹 𑒁𑓀𑒑𑓂𑒩𑒹𑒖𑒲 𑒅𑒣𑒢𑓂𑒨𑒰𑒮 𑒮𑒦𑒮𑒿 𑒋𑒏 𑒛𑒹𑒑 𑒂𑒑𑒰𑒿 𑒖𑒰𑒃𑒞 𑒁𑒕𑒱। 𑒪𑒪𑒱𑒞, 𑒨𑒰𑒞𑓂𑒩𑒲 𑒂 𑒡𑒴𑒧𑒏𑒹𑒞𑒳 𑒂𑒩𑓂𑒟𑒱𑒏 𑒂 𑒮𑒰𑒧𑒰𑒖𑒱𑒏 𑒮𑒧𑒮𑓂𑒨𑒰𑒏𑒹𑒿 𑒮𑒼𑒗𑒰𑒿 𑒩𑒐𑒻𑒞 𑒕𑒟𑒱, 𑒂 𑒍𑒯𑒱 𑒏𑓂𑒩𑒧𑒧𑒹 𑒏𑒼𑒢𑒼 𑒞𑒟𑓂𑒨𑒏𑒹𑒿 𑒏𑒼𑒢𑒼 𑒩𑒴𑒣𑒹𑒿 𑒢𑒳𑒏𑒥𑒻𑒞 𑒢𑒻 𑒕𑒟𑒱। 𑒮𑒰𑒏𑒹𑒞𑒰𑒢𑒢𑓂𑒠 𑒥𑒰𑒜𑓃𑒱𑒏 𑒮𑒧𑒮𑓂𑒨𑒰𑒏𑒹𑒿 𑒮𑒼𑒗𑒰𑒿 𑒩𑒐𑒻 𑒕𑒟𑒱। 𑒯𑒩𑒱𑒧𑒼𑒯𑒢 𑒗𑒰 𑒁𑒣𑒢 𑒬𑒻𑒪𑒲𑒧𑒹 𑒁𑓀𑒑𑓂𑒩𑒹𑒖𑒲 𑒮𑒰𑒯𑒱𑒞𑓂𑒨𑒏 𑒡𑒰𑒩𑒏𑒹𑒿 𑒥𑒯𑒥𑒻𑒞 𑒕𑒟𑒱 𑒂 𑒢𑒰𑒨𑒏 𑒠𑓂𑒫𑒰𑒩𑒰 𑒢𑒰𑒨𑒱𑒏𑒰𑒏𑒹𑒿 𑒠𑒹𑒪 𑒣𑒜𑒰𑒃𑒏 𑒮𑒱𑒪𑒹𑒥𑒮𑒧𑒹 𑒮𑒹𑒯𑒼 𑒄 𑒞𑒟𑓂𑒨 𑒮𑒼𑒗𑒰𑒿 𑒁𑒢𑒻𑒞 𑒕𑒟𑒱। 𑒔𑒞𑒳𑒩𑒰𑒢𑒢 𑒧𑒱𑒬𑓂𑒩 𑒂 𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑓀𑒛𑒪 𑒏𑒧𑓂𑒨𑒴𑒢𑒱𑒮𑓂𑒙 𑒂𑒢𑓂𑒠𑒼𑒪𑒢𑒮𑒿 𑒖𑒳𑒛𑓃𑒪 𑒕𑒟𑒱, 𑒣𑓂𑒩𑒰𑒨𑒼𑒑𑒱𑒏 𑒩𑒴𑒣𑒧𑒹, 𑒣𑒰𑒩𑓂𑒙𑒲 𑒮𑓂𑒞𑒩𑒣𑒩, 𑒧𑒳𑒠𑒰 𑒯𑒱𑒢𑒏𑒩 𑒠𑒳𑒢𑒴 𑒑𑒼𑒙𑒹𑒏 𑒅𑒣𑒢𑓂𑒨𑒰𑒮 𑒠𑒹𑒐𑒪𑒰 𑒅𑒞𑓂𑒞𑒩 𑒯𑒧𑒩𑒰 𑒄 𑒏𑒯𑒥𑒰𑒧𑒹 𑒏𑒢𑒹𑒏𑒼 𑒏𑒭𑓂𑒙 𑒢𑒻 𑒯𑒼𑒃𑒞 𑒁𑒕𑒱 𑒖𑒹 𑒖𑒰𑒯𑒱 𑒩𑒴𑒣𑒧𑒹 𑒨𑒰𑒞𑓂𑒩𑒲 𑒂 𑒡𑒴𑒧𑒏𑒹𑒞𑒳 𑒧𑒰𑒩𑓂𑒏𑓂𑒮𑒫𑒰𑒠𑒏 𑒥𑒻𑒬𑒰𑒐𑒲 𑒪𑓄 𑒅𑒣𑒢𑓂𑒨𑒰𑒮𑒏𑒹𑒿 𑒚𑒰𑒜𑓃 𑒏𑒩𑒻 𑒕𑒟𑒱 𑒞𑒏𑒩 𑒥𑒹𑒑𑒩𑒞𑒰 𑒋𑒯𑒱 𑒠𑒳𑒢𑒴 𑒅𑒣𑒢𑓂𑒨𑒰𑒮𑒏𑒰𑒩𑒏𑒹𑒿 𑒢𑒻 𑒥𑒳𑒗𑒢𑒰 𑒖𑒰𑒃𑒞 𑒕𑒢𑓂𑒯𑒱। 𑒧𑒰𑒩𑓂𑒏𑓂𑒮𑒫𑒰𑒠𑒏 𑒁𑒮𑒪 𑒁𑒩𑓂𑒟 𑒯𑒱𑒢𑒏𑒹 𑒠𑒳𑒢𑒴𑒏 𑒩𑒔𑒢𑒰𑒧𑒹 𑒦𑒹𑒙𑒞। 𑒏𑒞𑒾 𑒣𑒰𑒩𑓂𑒙𑒲𑒏 𑒢𑒰𑒧 𑒫𑒰 𑒫𑒱𑒔𑒰𑒩𑒡𑒰𑒩𑒰𑒏 𑒔𑒩𑓂𑒔 𑒢𑒻 𑒧𑒳𑒠𑒰 𑒖𑒹 𑒁𑒮𑒪 𑒛𑒰𑒨𑒪𑒹𑒏𑓂𑒙𑒱𑒏𑒪 𑒧𑒻𑒙𑒹𑒩𑒱𑒨𑒪𑒱𑒖𑓂𑒧 𑒕𑒻𑒏 𑒞𑒏𑒩 𑒣𑒯𑒱𑒔𑒰𑒢, 𑒖𑒱𑒢𑒑𑒲𑒏 𑒧𑒯𑒞𑓂𑒫𑒣𑒩 𑒫𑒱𑒬𑓂𑒫𑒰𑒮, 𑒠𑓂𑒫𑒢𑓂𑒠𑒰𑒞𑓂𑒧𑒏 𑒣𑒠𑓂𑒡𑒞𑒱𑒏 𑒣𑓂𑒩𑒨𑒼𑒑 𑒂 𑒄 𑒞𑒐𑒢𑒹 𑒮𑒧𑓂𑒦𑒫 𑒯𑒼𑒋𑒞 𑒖𑒐𑒢 𑒪𑒹𑒐𑒏 𑒠𑒰𑒮 𑒏𑒻𑒣𑒱𑒙𑒪 𑒮𑒯𑒱𑒞 𑒧𑒰𑒩𑓂𑒏𑓂𑒮𑒫𑒰𑒠𑒏 𑒑𑒯𑒢 𑒁𑒡𑓂𑒨𑒨𑒢 𑒏𑒩𑒞।

𑒧𑒻𑒟𑒱𑒪𑒲 𑒅𑒣𑒢𑓂𑒨𑒰𑒮𑒏 𑒦𑒫𑒱𑒭𑓂𑒨 : 𑒮𑒦 𑒖𑒲𑒫𑒱𑒞 𑒦𑒰𑒭𑒰𑒧𑒹 𑒮𑒦𑒮𑒿 𑒥𑒹𑒮𑒲 𑒩𑒔𑒢𑒰 𑒅𑒣𑒢𑓂𑒨𑒰𑒮𑒏 𑒯𑒼𑒃𑒞 𑒕𑒻 𑒧𑒳𑒠𑒰 𑒧𑒻𑒟𑒱𑒪𑒲𑒧𑒹 𑒮𑒦𑒮𑒿 𑒏𑒧 𑒅𑒣𑒢𑓂𑒨𑒰𑒮 𑒪𑒱𑒐𑒪 𑒖𑒰𑒃𑒞 𑒁𑒕𑒱। 𑒖𑒰𑒯𑒱 𑒩𑒴𑒣𑒧𑒹 𑒁𑓀𑒑𑓂𑒩𑒹𑒖𑒲 𑒬𑒱𑒏𑓂𑒭𑒰 𑒂 𑒮𑒰𑒯𑒱𑒞𑓂𑒨𑒏 𑒁𑒡𑓂𑒨𑒨𑒢 𑒏𑓄 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨𑒧𑒹 𑒂𑒍𑒪 𑒢𑒫 𑒣𑒲𑒜𑓃𑒲𑒏 𑒮𑓀𑒐𑓂𑒨𑒰 𑒥𑒜𑓃𑒞, 𑒧𑒻𑒟𑒱𑒪𑒲 𑒮𑒰𑒯𑒱𑒞𑓂𑒨 𑒁𑒣𑒢 𑒮𑒰𑒧𑒰𑒖𑒱𑒏- 𑒂𑒩𑓂𑒟𑒱𑒏- 𑒩𑒰𑒖𑒢𑒻𑒞𑒱𑒏 𑒂 𑒮𑒰𑓀𑒮𑓂𑒏𑒵𑒞𑒱𑒏 𑒁𑓀𑒞𑒩𑓂𑒠𑒵𑒭𑓂𑒙𑒱𑒏 𑒫𑒱𑒏𑒰𑒮 𑒏𑓄 𑒮𑒏𑒞। 𑒫𑒲𑒝𑒰 𑒚𑒰𑒏𑒳𑒩𑒏 𑒦𑒰𑒩𑒞𑒲, 𑒂𑒬𑒰 𑒧𑒱𑒬𑓂𑒩𑒏 𑒅𑒔𑒰𑒙 𑒂 𑒏𑒹𑒠𑒰𑒩𑒢𑒰𑒟 𑒔𑒾𑒡𑒩𑒲𑒏 𑒔𑒧𑒹𑒪𑒲 𑒩𑒰𑒢𑒲-𑒧𑒰𑒯𑒳𑒩 𑒂 𑒏𑒩𑒰𑒩 𑒯𑒧𑒩 𑒋𑒯𑒱 𑒠𑒵𑒭𑓂𑒙𑒱𑒏𑒼𑒝𑒏 𑒣𑒳𑒭𑓂𑒙𑒱 𑒏𑒩𑒻𑒞 𑒁𑒕𑒱।








𑒬𑒥𑓂𑒠 𑒫𑒱𑒔𑒰𑒩: 𑒮𑒱𑒠𑓂𑒡 𑒮𑒩𑒯𑒣𑒰𑒠 𑒂 𑒞𑒱𑒥𑓂𑒥𑒞𑒲 𑒪𑒱𑒣𑒱: 𑒏𑒧𑓂𑒣𑓂𑒨𑒴𑒙𑒩 𑒂 𑒧𑒻𑒟𑒱𑒪𑒲

𑒠𑒹𑒫𑒢𑒰𑒑𑒩𑒲𑒏 𑒁𑒞𑒱𑒩𑒱𑒏𑓂𑒞𑓂𑒞 𑒮𑒧𑒮𑓂𑒞 𑒅𑒞𑓂𑒞𑒩𑒦𑒰𑒩𑒞𑒲𑒨 𑒦𑒰𑒭𑒰 𑒢𑒹𑒣𑒰𑒪 𑒂 𑒠𑒏𑓂𑒭𑒱𑒝𑒧𑒹 (𑒞𑒧𑒱𑒪𑒏𑒹𑒿 𑒕𑒼𑒛𑓃𑒱) 𑒮𑒦 𑒦𑒰𑒭𑒰 𑒫𑒩𑓂𑒝𑒧𑒰𑒪𑒰𑒏 𑒩𑒴𑒣𑒧𑒹 𑒮𑓂𑒫𑒩 𑒂 𑒏𑒔𑒙𑒞𑒣 𑒂 𑒨, 𑒩 𑒪 𑒫, 𑒬, 𑒮, 𑒯 𑒏𑒹𑒩 𑒫𑒩𑓂𑒝𑒧𑒰𑒪𑒰𑒏 𑒅𑒣𑒨𑒼𑒑 𑒏𑒩𑒻𑒞 𑒁𑒕𑒱। 𑒑𑓂𑒫𑒰𑒓 𑒏𑒹𑒩 𑒯𑒹𑒞𑒳 𑒮𑓀𑒮𑓂𑒏𑒵𑒞𑒧𑒹 𑒠𑒼𑒮𑒩 𑒫𑒩𑓂𑒝 𑒕𑒻𑒏 (𑒕𑒰𑒢𑓂𑒠𑒼𑒑𑓂𑒨 𑒋𑒏𑒩 𑒅𑒔𑓂𑒔𑒰𑒩𑒝 𑒢𑒯𑒱 𑒏𑒩𑒻𑒞 𑒕𑒟𑒱 𑒧𑒳𑒠𑒰 𑒫𑒰𑒖𑒮𑒢𑒹𑒨𑒲 𑒐𑒴𑒥 𑒏𑒩𑒻𑒞 𑒕𑒟𑒱-𑒖𑒹𑒢𑒰 𑒕𑒰𑒢𑓂𑒠𑒼𑒑𑓂𑒨 𑒏𑒯𑒞𑒰𑒯 𑒮𑒦𑒴𑒧𑒱 𑒞𑒿 𑒫𑒰𑒖𑒮𑒢𑒹𑒨𑒲 𑒏𑒯𑒞𑒰𑒯 𑒮𑒦𑒴𑒧𑒲𑒑𑓂𑒫𑓀𑒓),𑒄 𑒯𑓂𑒩𑒮𑓂𑒫 𑒠𑒲𑒩𑓂𑒒 𑒠𑒳𑒢𑒴 𑒯𑒼𑒃𑒞 𑒁𑒕𑒱। 𑒮𑒱𑒠𑓂𑒡𑒱𑒩𑒮𑓂𑒞𑒳 𑒪𑒹𑒪 𑒮𑒹𑒯𑒼 𑒏𑒧𑒮𑒿 𑒏𑒧 𑒕𑒯 𑒣𑓂𑒩𑒏𑒰𑒩𑒏 𑒫𑒩𑓂𑒝 𑒧𑒱𑒟𑒱𑒪𑒰𑒏𑓂𑒭𑒩𑒧𑒹 𑒣𑓂𑒩𑒨𑒳𑒏𑓂𑒞 𑒯𑒼𑒃𑒞 𑒁𑒕𑒱। 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒧𑒹 𑒅𑒠𑒰𑒞𑓂𑒞, 𑒁𑒢𑒳𑒠𑒰𑒞𑓂𑒞 𑒂 𑒮𑓂𑒫𑒩𑒱𑒞 (𑒏𑓂𑒩𑒧𑒬𑓁 𑒏↑ 𑒏↓ 𑒏॓) 𑒅𑒣𑒨𑒼𑒑 𑒞𑒿 𑒧𑒩𑒰𑒚𑒲𑒧𑒹 𑒝𑓃 𑒂 𑒁𑒩𑓂𑒠𑓂𑒡 𑒩𑓂 𑒏𑒹𑒩 𑒮𑒹𑒯𑒼 𑒣𑓂𑒩𑒨𑒼𑒑 𑒯𑒼𑒃𑒞 𑒁𑒕𑒱। 𑒧𑒻𑒟𑒱𑒪𑒲𑒧𑒹 𑓄 (𑒥𑒱𑒏𑒰𑒩𑒲 𑒫𑒰 𑒁𑒫𑒑𑓂𑒩𑒯) 𑒏𑒹𑒩 𑒣𑓂𑒩𑒨𑒼𑒑 𑒮𑓀𑒮𑓂𑒏𑒵𑒞 𑒖𑒏𑒰𑒿 𑒯𑒼𑒃𑒞 𑒁𑒕𑒱 𑒂 𑒂𑒃 𑒏𑒰𑒪𑓂𑒯𑒱 𑒋𑒏𑒩 𑒥𑒠𑒪𑒰𑒧𑒹 𑒙𑒰𑒃𑒣𑒏 𑒮𑒳𑒫𑒱𑒡𑒰𑒢𑒳𑒮𑒰𑒩𑒹 𑒠’ (𑒠𑓄 𑒏𑒹𑒩 𑒥𑒠𑒪𑒰𑒧𑒹) 𑒋𑒯𑒢 𑒣𑓂𑒩𑒨𑒼𑒑 𑒮𑒹𑒯𑒼 𑒯𑒼𑒃𑒞 𑒁𑒕𑒱 𑒧𑒳𑒠𑒰 𑒄 𑒣𑓂𑒩𑒨𑒼𑒑 𑒍𑒯𑒱 𑒤𑒰𑓀𑒙𑒧𑒹 𑒋𑒏𑒙𑒰 𑒞𑒏𑒢𑒲𑒏𑒲 𑒢𑓂𑒨𑒴𑒢𑒞𑒰𑒏 𑒣𑒩𑒱𑒔𑒰𑒨𑒏 𑒁𑒕𑒱। 𑒧𑒳𑒠𑒰 𑒂𑒏𑒰𑒩 𑒏𑒹𑒩 𑒥𑒰𑒠 𑒥𑒱𑒏𑒰𑒩𑒲𑒏 𑒂𑒫𑒬𑓂𑒨𑒏𑒞𑒰 𑒢𑒯𑒱 𑒁𑒕𑒱।
𑒖𑒹𑒢𑒰 𑒤𑒰𑒩𑒮𑒲𑒧𑒹 𑒁𑒪𑒱𑒤 𑒥𑒹 𑒮𑒹 𑒂 𑒩𑒼𑒧𑒢𑒧𑒹 𑒋 𑒥𑒲 𑒮𑒲 𑒯𑒼𑒃𑒞 𑒁𑒕𑒱 𑒞𑒯𑒱𑒢𑒰 𑒧𑒼𑒙𑒰-𑒧𑒼𑒙𑒲 𑒮𑒦 𑒦𑒰𑒩𑒞𑒲𑒨 𑒦𑒰𑒭𑒰𑒧𑒹 𑒪𑒱𑒣𑒱𑒏 𑒦𑒱𑒢𑓂𑒢𑒞𑒰𑒏 𑒁𑒕𑒻𑒞 𑒫𑒩𑓂𑒝𑒧𑒰𑒪𑒰𑒏 𑒮𑓂𑒫𑒩𑒴𑒣 𑒋𑒏𑒹 𑒩𑒓 𑒁𑒕𑒱।
𑒫𑒩𑓂𑒝𑒧𑒰𑒪𑒰𑒧𑒹 𑒠𑒴 𑒣𑓂𑒩𑒏𑒰𑒩𑒏 𑒫𑒩𑓂𑒝 𑒁𑒕𑒱- 𑒮𑓂𑒫𑒩 𑒂 𑒫𑓂𑒨𑓀𑒖𑒢। 𑒫𑒩𑓂𑒝𑒏 𑒮𑓀𑒐𑓂𑒨𑒰 𑒁𑒕𑒱 𑓖𑓔 𑒖𑒰𑒯𑒱𑒧𑒹 𑓒𑓒 𑒙𑒰 𑒮𑓂𑒫𑒩 𑒂 𑓔𑓒 𑒙𑒰 𑒫𑓂𑒨𑒘𑓂𑒖𑒢 𑒁𑒕𑒱।
𑒣𑒯𑒱𑒢𑒹 𑒮𑓂𑒫𑒩𑒏 𑒫𑒩𑓂𑒝𑒢 𑒠𑒻𑒞 𑒕𑒲- 𑒖𑒰𑒯𑒱 𑒫𑒩𑓂𑒝𑒏 𑒅𑒔𑓂𑒔𑒰𑒩𑒝𑒧𑒹 𑒠𑒼𑒮𑒩 𑒫𑒩𑓂𑒝𑒏 𑒅𑒔𑓂𑒔𑒰𑒩𑒝𑒏 𑒁𑒣𑒹𑒏𑓂𑒭𑒰 𑒢𑒯𑒱 𑒩𑒯𑒻𑒞 𑒁𑒕𑒱, 𑒮𑒹 𑒦𑒹𑒪 𑒮𑓂𑒫𑒩।
𑒮𑓂𑒫𑒩𑒏 𑒞𑒲𑒢 𑒙𑒰 𑒦𑒹𑒠 𑒁𑒕𑒱- 𑒯𑓂𑒩𑒮𑓂𑒫, 𑒠𑒲𑒩𑓂𑒒 𑒂 𑒣𑓂𑒪𑒳𑒞। 𑒖𑒰𑒯𑒱𑒧𑒹 𑒥𑒰𑒖𑒨𑒧𑒹 𑒋𑒏 𑒧𑒰𑒞𑓂𑒩𑒰𑒏 𑒮𑒧𑒨 𑒪𑒰𑒑𑒨 𑒮𑒹 𑒦𑒹𑒪 𑒯𑓂𑒩𑒮𑓂𑒫, 𑒖𑒰𑒯𑒱𑒧𑒹 𑒠𑒴 𑒧𑒰𑒞𑓂𑒩𑒰 𑒮𑒧𑒨 𑒪𑒰𑒑𑒪 𑒮𑒹 𑒦𑒹𑒪 𑒠𑒲𑒩𑓂𑒒 𑒂 𑒖𑒰𑒯𑒱𑒧𑒹 𑒞𑒲𑒢 𑒧𑒰𑒞𑓂𑒩𑒰𑒏 𑒮𑒧𑒨 𑒪𑒰𑒑𑒪 𑒮𑒹 𑒦𑒹𑒪 𑒣𑓂𑒪𑒳𑒞।

𑒧𑒴𑒪𑒦𑒴𑒞 𑒮𑓂𑒫𑒩 𑒁𑒕𑒱- 𑒁 𑒃 𑒅 𑒇 𑒪𑒵
𑒣𑒰𑒝𑒱𑒢𑒱𑒮𑒿 𑒣𑒴𑒩𑓂𑒫𑒏 𑒂𑒔𑒰𑒩𑓂𑒨 𑒋𑒏𑒩𑒰 𑒮𑒧𑒰𑒢𑒰𑒏𑓂𑒭𑒩 𑒏𑒯𑒻𑒞 𑒕𑒪𑒰𑒯।
𑒠𑒲𑒩𑓂𑒒 𑒧𑒱𑒬𑓂𑒩 𑒮𑓂𑒫𑒩 𑒁𑒕𑒱- 𑒋 𑒌 𑒍 𑒎
𑒣𑒰𑒝𑒱𑒢𑒱𑒮𑒿 𑒣𑒴𑒩𑓂𑒫𑒏 𑒂𑒔𑒰𑒩𑓂𑒨 𑒋𑒏𑒩𑒰 𑒮𑒢𑓂𑒡𑓂𑒨𑒏𑓂𑒭𑒩 𑒏𑒯𑒻𑒞 𑒕𑒪𑒰𑒯।
𑒪𑒵 𑒠𑒲𑒩𑓂𑒒 𑒢𑒯𑒱 𑒯𑒼𑒃𑒞 𑒁𑒕𑒱 𑒂 𑒮𑒢𑓂𑒡𑓂𑒨𑒏𑓂𑒭𑒩 𑒯𑓂𑒩𑒮𑓂𑒫 𑒢𑒯𑒱 𑒯𑒼𑒃𑒞 𑒁𑒕𑒱।
𑒁 𑒃 𑒅 𑒇 𑒋𑒯𑒱 𑒮𑒦𑒏 𑒯𑓂𑒩𑒮𑓂𑒫, 𑒠𑒲𑒩𑓂𑒒 (𑒂 𑒄 𑒆 𑒈) 𑒂 𑒣𑓂𑒪𑒳𑒞 (𑒂𑓓 𑒄𑓓 𑒆𑓓 𑒈𑓓) 𑒮𑒦 𑒧𑒱𑒪𑒰 𑒏𑒋 𑓑𑓒 𑒫𑒩𑓂𑒝 𑒦𑒹𑒪। 𑒪𑒵 𑒏𑒹𑒩 𑒯𑓂𑒩𑒮𑓂𑒫 𑒂 𑒣𑓂𑒪𑒳𑒞 𑒠𑒴 𑒦𑒹𑒠 𑒁𑒕𑒱 (𑒪𑒶𑓓) 𑒞𑒿 𑓒 𑒙𑒰 𑒄 𑒦𑒹𑒪। 𑒋 𑒌 𑒍 𑒎 𑒄 𑒔𑒰𑒩𑒴 𑒠𑒲𑒩𑓂𑒒 𑒧𑒱𑒬𑓂𑒩𑒱𑒞 𑒮𑓂𑒫𑒩 𑒁𑒕𑒱 𑒂 𑒋𑒯𑒱 𑒔𑒰𑒩𑒴𑒏 𑒣𑓂𑒪𑒳𑒞 𑒩𑒴𑒣 𑒮𑒹𑒯𑒼 (𑒋𑓓 𑒌𑓓 𑒍𑓓 𑒎𑓓) 𑒯𑒼𑒃𑒞 𑒁𑒕𑒱, 𑒞𑒿 𑓘 𑒙𑒰 𑒄 𑒮𑒹𑒯𑒼 𑒦𑒹𑒪। 𑒦𑓄 𑒑𑒹𑒪 𑒮𑒦𑒙𑒰 𑒧𑒱𑒪𑒰 𑒏𑒋 𑓒𑓒 𑒙𑒰 𑒮𑓂𑒫𑒩।

𑒋𑒯𑒱 𑒮𑒦𑒙𑒰 𑓒𑓒 𑒮𑓂𑒫𑒩𑒏 𑒫𑒻𑒠𑒱𑒏 𑒩𑒴𑒣 𑒞𑒲𑒢 𑒞𑒩𑒯𑒏 𑒯𑒼𑒃𑒞 𑒁𑒕𑒱, 𑒅𑒠𑒰𑒞𑓂𑒞, 𑒁𑒢𑒳𑒠𑒰𑒞𑓂𑒞 𑒂 𑒮𑓂𑒫𑒩𑒱𑒞।
𑒆𑒿𑒔 𑒦𑒰𑒑 𑒖𑒹𑒢𑒰 𑒞𑒰𑒪𑒳𑒮𑒿 𑒅𑒞𑓂𑒣𑒢𑓂𑒢 𑒁𑒏𑒰𑒩𑒰𑒠𑒱 𑒫𑒩𑓂𑒝 𑒅𑒠𑒰𑒞𑓂𑒞 𑒑𑒳𑒝𑒏 𑒯𑒼𑒃𑒞 𑒁𑒕𑒱 𑒂 𑒞𑒹𑒿 𑒅𑒠𑒰𑒞𑓂𑒞 𑒏𑒯𑒪 𑒖𑒰𑒃𑒞 𑒁𑒕𑒱।
𑒢𑒲𑒔𑒰𑒿 𑒦𑒰𑒑𑒮𑒿 𑒅𑒞𑓂𑒣𑒢𑓂𑒢 𑒮𑓂𑒫𑒩 𑒁𑒢𑒳𑒠𑒰𑒞𑓂𑒞 𑒂 𑒖𑒰𑒯𑒱 𑒁𑒏𑒰𑒩𑒰𑒠𑒱 𑒮𑓂𑒫𑒩𑒏 𑒣𑓂𑒩𑒟𑒧 𑒦𑒰𑒑𑒏 𑒅𑒔𑓂𑒔𑒰𑒩𑒝 𑒅𑒠𑒰𑒞𑓂𑒞 𑒂 𑒠𑒼𑒮𑒩 𑒦𑒰𑒑𑒏 𑒅𑒔𑓂𑒔𑒰𑒩𑒝 𑒁𑒢𑒳𑒠𑒰𑒞𑓂𑒞 𑒩𑒴𑒣𑒹𑒿 𑒯𑒼𑒃𑒞 𑒁𑒕𑒱 𑒮𑒹 𑒦𑒹𑒪 𑒮𑓂𑒫𑒩𑒱𑒞।
𑒮𑓂𑒫𑒩𑒏 𑒠𑒴 𑒣𑓂𑒩𑒏𑒰𑒩 𑒂𑒩 𑒁𑒕𑒱, 𑒮𑒰𑒢𑒳𑒢𑒰𑒮𑒱𑒏 𑒖𑒹𑒢𑒰 𑒁𑒿 𑒂 𑒢𑒱𑒩𑒢𑒳𑒢𑒰𑒮𑒱𑒏 𑒖𑒹𑒢𑒰 𑒁।
𑒠𑒞𑓂𑒞𑒹𑒢 𑒢𑒱𑒩𑓂𑒫𑒵𑒞𑓂𑒞𑓁 𑒏𑒴𑒣𑒼 𑒠𑒰𑒞𑓂𑒞𑓁। 𑒠𑒞𑓂𑒞 𑒢𑒰𑒧𑓂𑒢𑒰 𑒣𑒳𑒩𑒳𑒭 𑒠𑓂𑒫𑒰𑒩𑒰 𑒫𑒱𑒣𑒰𑒙𑓂- 𑒥𑓂𑒨𑒰𑒮 𑒡𑒰𑒩𑒏 𑒅𑒞𑒩𑒥𑒩𑒱𑒨𑒰 𑒞𑒙 𑒣𑒩 𑒥𑒢𑒥𑒰𑒍𑒪, 𑒋𑒞𑒋 𑒃𑒢𑒰𑒩 𑒦𑒹𑒪 𑒠𑒰𑒞𑓂𑒞। 𑒁𑒘 𑒣𑓂𑒩𑒞𑓂𑒨𑒰𑒢𑓂𑒞 𑒦𑒹𑒪𑒰𑒮𑒿 ’𑒠𑒰𑒞𑓂𑒞’ 𑒂𑒠𑓂𑒨𑒳𑒠𑒰𑒞𑓂𑒞 𑒦𑒹𑒪, 𑒁𑒝𑓂 𑒣𑓂𑒩𑒞𑓂𑒨𑒰𑒨𑒰𑒢𑓂𑒞 𑒯𑒼𑒃𑒞 𑒞𑒿 𑒣𑓂𑒩𑒞𑓂𑒨𑒨 𑒮𑓂𑒫𑒩𑒮𑒿 𑒁𑒢𑓂𑒞𑒼𑒠𑒰𑒞𑓂𑒞 𑒯𑒼𑒃𑒞। 𑒩𑒴𑒣𑒧𑒹 𑒦𑒹𑒠 𑒢𑒯𑒱 𑒦𑒹𑒪𑒼 𑒣𑒩 𑒮𑓂𑒫𑒩𑒧𑒹 𑒦𑒹𑒠 𑒁𑒕𑒱। 𑒋𑒯𑒱𑒮𑒿 𑒮𑒱𑒠𑓂𑒡 𑒦𑒹𑒪 𑒖𑒹 𑒮𑒰𑒧𑒰𑒢𑓂𑒨 𑒏𑒵𑒭𑒏 𑒫𑒩𑓂𑒑 𑒮𑒹𑒯𑒼 𑒬𑒥𑓂𑒠𑒏 𑒮𑒮𑓂𑒫𑒩 𑒅𑒔𑓂𑒔𑒰𑒩𑒝 𑒏𑒩𑒻𑒞 𑒕𑒪𑒰𑒯।
𑒮𑓂𑒫𑒩𑒱𑒞𑒏𑒹𑒿 𑒠𑒼𑒮𑒩𑒼 𑒩𑒴𑒣𑒧𑒹 𑒥𑒳𑒗𑒱 𑒮𑒏𑒻𑒞 𑒕𑒲- 𑒖𑒹𑒢𑒰 𑒋𑒯𑒱𑒧𑒹 𑒁𑒢𑓂𑒞𑒱𑒧 𑒮𑓂𑒫𑒩𑒏 𑒞𑒲𑒫𑓂𑒩𑒮𑓂𑒫𑒩𑒧𑒹 𑒣𑒳𑒢𑒩𑒳𑒔𑓂𑒔𑒰𑒩𑒝 𑒯𑒼𑒃𑒞 𑒁𑒕𑒱।
𑒂𑒥 𑒫𑓂𑒨𑒘𑓂𑒖𑒢 𑒣𑒩 𑒂𑒆।
𑒫𑓂𑒨𑒘𑓂𑒖𑒢 𑓔𑓒 𑒙𑒰 𑒁𑒕𑒱।
𑒏𑓂 𑒐𑓂 𑒑𑓂 𑒒𑓂 𑒓𑓂
𑒔𑓂 𑒕𑓂 𑒖𑓂 𑒗𑓂 𑒘𑓂
𑒙𑓂 𑒚𑓂 𑒛𑓂 𑒜𑓂 𑒝𑓂
𑒞𑓂 𑒟𑓂 𑒠𑓂 𑒡𑓂 𑒢𑓂
𑒣𑓂 𑒤𑓂 𑒥𑓂 𑒦𑓂 𑒧𑓂
𑒨𑓂 𑒩𑓂 𑒪𑓂 𑒫𑓂
𑒬𑓂 𑒭𑓂 𑒮𑓂
𑒯𑓂
𑒨𑓂 𑒫𑓂 𑒪𑓂 𑒮𑒰𑒢𑒳𑒢𑒰𑒮𑒱𑒏 𑒮𑒹𑒯𑒼 𑒯𑒼𑒃𑒞 𑒁𑒕𑒱, 𑒨𑒿 𑒫𑒿 𑒪𑒿 𑒂 𑒢𑒱𑒩𑒳𑒢𑒰𑒮𑒱𑒏 𑒮𑒹𑒯𑒼।
𑒋𑒏𑒩 𑒁𑒞𑒱𑒩𑒱𑒏𑓂𑒞𑓂𑒞 𑒠𑒴 𑒙𑒰 𑒂𑒩 𑒫𑓂𑒨𑒘𑓂𑒖𑒢 𑒁𑒕𑒱- 𑒁𑒢𑒳𑒮𑓂𑒫𑒰𑒩 𑒂 𑒫𑒱𑒮𑒩𑓂𑒖𑒢𑒲𑒨 𑒫𑒰 𑒫𑒱𑒮𑒩𑓂𑒑।
𑒄 𑒠𑒳𑒢𑒴𑒙𑒰 𑒮𑓂𑒫𑒩𑒏 𑒁𑒢𑒢𑓂𑒞𑒩 𑒣𑓂𑒩𑒨𑒳𑒏𑓂𑒞𑓂𑒞 𑒯𑒼𑒃𑒞 𑒁𑒕𑒱।
𑒫𑒱𑒮𑒩𑓂𑒖𑒢𑒲𑒨 𑒧𑒴𑒪 𑒫𑒩𑓂𑒝 𑒢𑒯𑒱 𑒁𑒕𑒱, 𑒫𑒩𑒢𑓂 𑒮𑓂 𑒫𑒰 𑒩𑓂 𑒏𑒹𑒩 𑒫𑒱𑒏𑒰𑒩 𑒟𑒲𑒏। 𑒫𑒱𑒮𑒩𑓂𑒖𑒢𑒲𑒨 𑒏𑒱𑒕𑒳 𑒡𑓂𑒫𑒢𑒱 𑒦𑒹𑒠 𑒂 𑒏𑒱𑒕𑒳 𑒩𑒴𑒣𑒦𑒹𑒠𑒮𑒿 𑒠𑒴 𑒣𑓂𑒩𑒏𑒰𑒩𑒏 𑒁𑒕𑒱- 𑒖𑒱𑒯𑓂𑒫𑒰𑒧𑒴𑒪𑒲𑒨 𑒂 𑒅𑒣𑒡𑓂𑒧𑒰𑒢𑒲𑒨। 𑒖𑒱𑒯𑓂𑒫𑒰𑒧𑒴𑒪𑒲𑒨 𑒧𑒰𑒞𑓂𑒩 𑒏 𑒂 𑒐 𑒮𑒿 𑒣𑒴𑒩𑓂𑒫 𑒣𑓂𑒩𑒨𑒳𑒏𑓂𑒞𑓂𑒞 𑒯𑒼𑒃𑒞 𑒁𑒕𑒱, 𑒠𑒼𑒮𑒩 𑒧𑒰𑒞𑓂𑒩 𑒣 𑒂 𑒤 𑒮𑒿 𑒣𑒴𑒩𑓂𑒫।
𑒁𑒢𑒳𑒮𑓂𑒫𑒰𑒩, 𑒫𑒱𑒮𑒩𑓂𑒖𑒢𑒲𑒨, 𑒖𑒱𑒯𑓂𑒫𑒰𑒧𑒴𑒪𑒲𑒨 𑒂 𑒅𑒣𑒡𑓂𑒧𑒰𑒢𑒲𑒨𑒏𑒹𑒿 𑒁𑒨𑒼𑒑𑒫𑒰𑒯 𑒏𑒯𑒪 𑒖𑒰𑒃𑒞 𑒁𑒕𑒱।
𑒅𑒣𑒩𑒼𑒏𑓂𑒞𑓂𑒞 𑒫𑒩𑓂𑒝 𑒮𑒦𑒏𑒹𑒿 𑒕𑒼𑒛𑓃𑒱 𑓔 𑒙𑒰 𑒂𑒩 𑒫𑒩𑓂𑒝 𑒁𑒕𑒱, 𑒖𑒏𑒩𑒰 𑒨𑒧 𑒏𑒯𑒪 𑒑𑒹𑒪 𑒁𑒕𑒱।
𑒏𑒳𑒿 𑒐𑒳𑒿 𑒑𑒳𑒿 𑒒𑒳𑒿 (𑒨𑒟𑒰- 𑒣𑒪𑒱𑒏𑓂 𑒏𑓂𑒢𑒲, 𑒔𑒐 𑒐𑓂𑒢𑓂𑒢𑒳𑒞𑓁, 𑒁𑒑𑓂 𑒑𑓂𑒢𑒱𑓁, 𑒒𑓂 𑒒𑓂𑒢𑒢𑓂𑒞𑒱)
𑒣𑒘𑓂𑒔𑒧 𑒫𑒩𑓂𑒝 𑒂𑒑𑒰𑒿 𑒩𑒯𑒪𑒰 𑒣𑒩 𑒣𑒴𑒩𑓂𑒫 𑒫𑒩𑓂𑒝 𑒮𑒠𑒵𑒬 𑒖𑒹 𑒫𑒩𑓂𑒝 𑒥𑒲𑒔𑒧𑒹 𑒅𑒔𑓂𑒔𑒰𑒩𑒱𑒞 𑒯𑒼𑒃𑒞 𑒁𑒕𑒱 𑒮𑒹 𑒨𑒧 𑒦𑒹𑒪।
𑒨𑒧 𑒮𑒹𑒯𑒼 𑒁𑒨𑒼𑒑𑒫𑒰𑒯 𑒯𑒼𑒃𑒞 𑒁𑒕𑒱।
𑒁 𑒂 𑒏𑒫𑒩𑓂𑒑 𑒯 (𑒁𑒮𑓀𑒨𑒳𑒏𑓂𑒞𑓂𑒞) 𑒂 𑒫𑒱𑒮𑒩𑓂𑒖𑒢𑒲𑒨 𑒏𑒹𑒩 𑒅𑒔𑓂𑒔𑒰𑒩𑒝 𑒏𑒝𑓂𑒚𑒧𑒹 𑒯𑒼𑒃𑒞 𑒁𑒕𑒱।
𑒃 𑒄 𑒔𑒫𑒩𑓂𑒑 𑒨 𑒬 𑒏𑒹𑒩 𑒅𑒔𑓂𑒔𑒰𑒩𑒝 𑒞𑒰𑒪𑒳𑒧𑒹 𑒯𑒼𑒃𑒞 𑒁𑒕𑒱।
𑒇 𑒈 𑒙𑒫𑒩𑓂𑒑 𑒩 𑒭 𑒏𑒹𑒩 𑒅𑒔𑓂𑒔𑒰𑒩𑒝 𑒧𑒴𑒩𑓂𑒡𑒰𑒧𑒹 𑒯𑒼𑒃𑒞 𑒁𑒕𑒱।
𑒪𑒵 𑒞𑒫𑒩𑓂𑒑 𑒪 𑒮 𑒏𑒹𑒩 𑒅𑒔𑓂𑒔𑒰𑒩𑒝 𑒠𑒰𑒿𑒞𑒮𑒿 𑒯𑒼𑒃𑒞 𑒁𑒕𑒱।
𑒅 𑒆 𑒣𑒫𑒩𑓂𑒑 𑒂 𑒅𑒣𑒡𑓂𑒧𑒰𑒢𑒲𑒨 𑒏𑒹𑒩 𑒅𑒔𑓂𑒔𑒰𑒩𑒝 𑒍𑒭𑓂𑒚𑒮𑒿 𑒯𑒼𑒃𑒞 𑒁𑒕𑒱।
𑒫 𑒏𑒹𑒩 𑒅𑒔𑓂𑒔𑒰𑒩𑒝 𑒅𑒣𑒩𑒏𑒰 𑒠𑒰𑒿𑒞𑒮𑒿 𑒁𑒡𑒩 𑒍𑒭𑓂𑒚 𑒏𑒹𑒩 𑒮𑒯𑒰𑒨𑒞𑒰𑒮𑒿 𑒯𑒼𑒃𑒞 𑒁𑒕𑒱।
𑒋 𑒌 𑒏𑒹𑒩 𑒅𑒔𑓂𑒔𑒰𑒩𑒝 𑒏𑒝𑓂𑒚 𑒂 𑒞𑒰𑒪𑒳𑒮𑒿 𑒯𑒼𑒃𑒞 𑒁𑒕𑒱।
𑒍 𑒎 𑒏𑒹𑒩 𑒅𑒔𑓂𑒔𑒰𑒩𑒝 𑒏𑒝𑓂𑒚 𑒂 𑒍𑒭𑓂𑒚𑒮𑒿 𑒯𑒼𑒃𑒞 𑒁𑒕𑒱।
𑒨 𑒩 𑒪 𑒫 𑒁𑒢𑓂𑒨 𑒫𑓂𑒨𑒘𑓂𑒖𑒢 𑒖𑒹𑒏𑒰𑒿 𑒅𑒔𑓂𑒔𑒰𑒩𑒝𑒧𑒹 𑒖𑒱𑒯𑓂𑒫𑒰𑒏 𑒁𑒑𑓂𑒩𑒰𑒠𑒱 𑒦𑒰𑒑 𑒞𑒰𑒪𑓂𑒫𑒰𑒠𑒱 𑒮𑓂𑒟𑒰𑒢𑒏𑒹𑒿 𑒣𑒴𑒩𑓂𑒝𑒞𑒨𑒰 𑒮𑓂𑒣𑒩𑓂𑒬 𑒢𑒯𑒱 𑒏𑒩𑒻𑒞 𑒁𑒕𑒱। 𑒬𑓂 𑒭𑓂 𑒮𑓂 𑒯𑓂 𑒖𑒏𑒰𑒿 𑒋𑒯𑒱𑒧𑒹 𑒞𑒰𑒪𑒳 𑒂𑒠𑒱 𑒮𑓂𑒟𑒰𑒢𑒮𑒿 𑒒𑒩𑓂𑒭𑒝 𑒮𑒹𑒯𑒼 𑒢𑒯𑒱 𑒯𑒼𑒃𑒞 𑒁𑒕𑒱।
𑒏 𑒮𑒿 𑒧 𑒡𑒩𑒱 𑒮𑓂𑒣𑒩𑓂𑒬 (𑒫𑒰 𑒮𑓂𑒤𑒼𑒙𑒏 𑒏𑒰𑒩𑒝 𑒖𑒱𑒯𑓂𑒫𑒰𑒏 𑒁𑒑𑓂𑒩 𑒠𑓂𑒫𑒰𑒩𑒰 𑒫𑒰𑒨𑒳 𑒣𑓂𑒩𑒫𑒰𑒯 𑒩𑒼𑒏𑒱 𑒏𑒋 𑒕𑒼𑒛𑓃𑒪 𑒖𑒰𑒃𑒞 𑒁𑒕𑒱) 𑒫𑒩𑓂𑒝 𑒩 𑒮𑒿 𑒫 𑒁𑒢𑓂𑒞𑓁𑒮𑓂𑒟 𑒂 𑒭 𑒮𑒿 𑒯 𑒒𑒩𑓂𑒭𑒏 𑒫𑒩𑓂𑒝 𑒦𑒹𑒪।
𑒮𑒦 𑒫𑒩𑓂𑒑𑒏 𑒣𑒰𑒿𑒔𑒧 𑒫𑒩𑓂𑒝 𑒁𑒢𑒳𑒢𑒰𑒮𑒱𑒏 𑒏𑒯𑒥𑒻𑒞 𑒁𑒕𑒱 𑒏𑒰𑒩𑒝 𑒂𑒢 𑒮𑓂𑒟𑒰𑒢 𑒮𑒧𑒰𑒢 𑒩𑒯𑒱𑒞𑒼 𑒋𑒏𑒩 𑒮𑒦𑒏 𑒢𑒰𑒮𑒱𑒏𑒰𑒧𑒹 𑒮𑒹𑒯𑒼 𑒅𑒔𑓂𑒔𑒰𑒩𑒝 𑒯𑒼𑒃𑒞 𑒁𑒕𑒱- 𑒅𑒔𑓂𑒔𑒰𑒩𑒝𑒧𑒹 𑒫𑒰𑒨𑒳 𑒢𑒰𑒮𑒱𑒏𑒰 𑒂 𑒧𑒳𑒿𑒯 𑒥𑒰𑒙𑒹 𑒥𑒯𑒰𑒩 𑒯𑒼𑒃𑒞 𑒁𑒕𑒱।
𑒁𑒢𑒳𑒮𑓂𑒫𑒰𑒩 𑒂 𑒨𑒧 𑒏𑒹𑒩 𑒅𑒔𑓂𑒔𑒰𑒩𑒝 𑒧𑒰𑒞𑓂𑒩 𑒢𑒰𑒮𑒱𑒏𑒰𑒧𑒹 𑒯𑒼𑒃𑒞 𑒁𑒕𑒱- 𑒂 𑒄 𑒮𑒦 𑒢𑒰𑒮𑒱𑒏𑓂𑒨 𑒏𑒯𑒥𑒻𑒞 𑒁𑒕𑒱- 𑒏𑒰𑒩𑒝 𑒋𑒯𑒱 𑒮𑒦𑒧𑒹 𑒧𑒳𑒐𑒠𑓂𑒫𑒰𑒩 𑒥𑒢𑓂𑒠 𑒩𑒯𑒻𑒞 𑒁𑒕𑒱 𑒂 𑒢𑒰𑒮𑒱𑒏𑒰𑒮𑒿 𑒫𑒰𑒨𑒳 𑒥𑒯𑒰𑒩 𑒯𑒼𑒃𑒞 𑒁𑒕𑒱। 𑒁𑒢𑒳𑒮𑓂𑒫𑒰𑒩𑒏 𑒮𑓂𑒟𑒰𑒢 𑒣𑒩 𑒢𑓂 𑒫𑒰 𑒧𑓂 𑒏𑒹𑒩 𑒅𑒔𑓂𑒔𑒰𑒩𑒝 𑒢𑒯𑒱 𑒯𑒼𑒨𑒥𑒰𑒏 𑒔𑒰𑒯𑒲।
𑒖𑒐𑒢 𑒯𑒧𑒩𑒰 𑒮𑒦𑒏𑒹𑒿 𑒑𑒣 𑒏𑒩𑒥𑒰𑒏 𑒃𑒔𑓂𑒕𑒰 𑒯𑒼𑒃𑒞 𑒁𑒕𑒱, 𑒞𑒐𑒢 𑒮𑓀𑒏𑒪𑓂𑒣𑒮𑒿 𑒖𑒚𑒩𑒰𑒑𑓂𑒢𑒱 𑒣𑓂𑒩𑒹𑒩𑒱𑒞 𑒯𑒼𑒃𑒞 𑒁𑒕𑒱। 𑒢𑒰𑒦𑒱 𑒪𑒑𑒏 𑒫𑒰𑒨𑒳 𑒫𑒹𑒑𑒮𑒿 𑒅𑒚𑒻𑒞 𑒧𑒴𑒩𑓂𑒡𑒰 𑒡𑒩𑒱 𑒣𑒯𑒳𑒿𑒔𑒱, 𑒖𑒱𑒯𑓂𑒫𑒰𑒏 𑒁𑒑𑓂𑒩𑒰𑒠𑒱 𑒦𑒰𑒑 𑒠𑓂𑒫𑒰𑒩𑒰 𑒢𑒱𑒩𑒼𑒡 𑒦𑒹𑒪𑒰𑒏 𑒁𑒢𑒢𑓂𑒞𑒩 𑒧𑒳𑒐𑒏 𑒞𑒰𑒪𑒳 𑒂𑒠𑒱 𑒦𑒰𑒑𑒮𑒿 𑒒𑒩𑓂𑒭𑒱𑒞 𑒯𑒼𑒃𑒞 𑒁𑒕𑒱 𑒂 𑒞𑒐𑒢 𑒫𑒩𑓂𑒝𑒏 𑒅𑒞𑓂𑒣𑒞𑓂𑒞𑒱 𑒯𑒼𑒃𑒞 𑒁𑒕𑒱। 𑒏𑒧𑓂𑒣𑒢 𑒦𑒹𑒪𑒰𑒮𑒿 𑒫𑒰𑒨𑒳 𑒢𑒰𑒠𑒫𑒰𑒢 𑒂 𑒨𑒻𑒯 𑒑𑒴𑒿𑒖𑒱𑒞 𑒯𑒼𑒃𑒞 𑒣𑒯𑒳𑒿𑒔𑒻𑒞 𑒁𑒕𑒱 𑒧𑒳𑒿𑒯𑒧𑒹 𑒂 𑒍𑒏𑒩𑒰 𑒏𑒯𑒪 𑒖𑒰𑒃𑒞 𑒁𑒕𑒱 𑒒𑒼𑒭𑒫𑒰𑒢, 𑒢𑒰𑒠𑒩𑒯𑒱𑒞 𑒦𑒋 𑒣𑒯𑒳𑒿𑒔𑒻𑒞 𑒁𑒕𑒱 𑒬𑓂𑒫𑒰𑒮𑒧𑒹 𑒂 𑒍𑒏𑒩𑒰 𑒏𑒯𑒪 𑒖𑒰𑒃𑒞 𑒁𑒕𑒱 𑒁𑒒𑒼𑒭𑒫𑒰𑒢𑓂।
𑒬𑓂𑒫𑒰𑒮 𑒣𑓂𑒩𑒏𑒵𑒞𑒱𑒏 𑒫𑒩𑓂𑒝 𑒦𑒹𑒪 “𑒁𑒒𑒼𑒭” , 𑒂 𑒢𑒰𑒠 𑒣𑓂𑒩𑒏𑒵𑒞𑒱𑒏 𑒦𑒹𑒪 “𑒒𑒼𑒭𑒫𑒰𑒢𑓂”। 𑒖𑒰𑒯𑒱 𑒫𑒩𑓂𑒝𑒏 𑒅𑒞𑓂𑒣𑒞𑓂𑒞𑒱𑒧𑒹 𑒣𑓂𑒩𑒰𑒝𑒫𑒰𑒨𑒳𑒏 𑒁𑒪𑓂𑒣𑒞𑒰 𑒯𑒼𑒃𑒞 𑒁𑒕𑒱 𑒮𑒹 𑒁𑒕𑒱 “𑒁𑒪𑓂𑒣𑒣𑓂𑒩𑒰𑒝” 𑒂 𑒖𑒏𑒩 𑒅𑒞𑓂𑒣𑒞𑓂𑒞𑒱𑒧𑒹 𑒣𑓂𑒩𑒰𑒝𑒫𑒰𑒨𑒳𑒏 𑒥𑒯𑒳𑒪𑒞𑒰 𑒯𑒼𑒃𑒞 𑒁𑒕𑒱, 𑒮𑒹 𑒦𑒹𑒪 “𑒧𑒯𑒰𑒣𑓂𑒩𑒰𑒝”।
𑒏𑒔𑒙𑒞𑒣 𑒏𑒹𑒩 𑒣𑒯𑒱𑒪, 𑒞𑒹𑒮𑒩 𑒂 𑒣𑒰𑒿𑒔𑒧 𑒫𑒩𑓂𑒝 𑒦𑒹𑒪 𑒁𑒪𑓂𑒣𑒣𑓂𑒩𑒰𑒝 𑒂 𑒠𑒼𑒮𑒩 𑒂 𑒔𑒰𑒩𑒱𑒧 𑒫𑒩𑓂𑒝 𑒦𑒹𑒪 𑒧𑒯𑒰𑒣𑓂𑒩𑒰𑒝। 𑒮𑓀𑒑𑒯𑒱 𑒏𑒔𑒙𑒞𑒣 𑒏𑒹𑒩 𑒣𑒯𑒱𑒪 𑒂 𑒠𑒼𑒮𑒩 𑒦𑒹𑒪 𑒁𑒒𑒼𑒭 𑒂 𑒞𑒹𑒮𑒩, 𑒔𑒰𑒩𑒱𑒧 𑒂 𑒣𑒰𑒿𑒔𑒧 𑒦𑒹𑒪 𑒒𑒼𑒭𑒫𑒰𑒢𑓂। 𑒨 𑒩 𑒪 𑒫 𑒦𑒹𑒪 𑒁𑒪𑓂𑒣𑒣𑓂𑒩𑒰𑒝 𑒒𑒼𑒭। 𑒬 𑒭 𑒮 𑒦𑒹𑒪 𑒧𑒯𑒰𑒣𑓂𑒩𑒰𑒝 𑒁𑒒𑒼𑒭 𑒂 𑒯 𑒦𑒹𑒪 𑒧𑒯𑒰𑒣𑓂𑒩𑒰𑒝 𑒒𑒼𑒭।𑒮𑓂𑒫𑒩 𑒯𑒼𑒃𑒕 𑒁𑒪𑓂𑒣𑒣𑓂𑒩𑒰𑒝, 𑒅𑒠𑒰𑒞𑓂𑒞, 𑒁𑒢𑒳𑒠𑒰𑒞𑓂𑒞 𑒂 𑒮𑓂𑒫𑒩𑒱𑒞।





𑒮𑒱𑒠𑓂𑒡 𑒮𑒩𑒯𑒣𑒰𑒠 𑒂 𑒞𑒱𑒥𑓂𑒥𑒞𑒲 𑒪𑒱𑒣𑒱: 𑒩𑒰𑒡𑒰𑒏𑒵𑒭𑓂𑒝 𑒔𑒾𑒡𑒩𑒲𑒖𑒲𑒏 𑒣𑒼𑒟𑒲𑒏 𑒛𑒱𑒖𑒰𑒃𑒢𑒧𑒹 𑒯𑒧 𑒖𑒐𑒢 𑒮𑒱𑒠𑓂𑒡 𑒮𑒩𑒯𑒣𑒰𑒠𑒏 𑒤𑒼𑒙𑒼 𑒠𑒹𑒪𑒾𑓀 𑒞𑒿 𑒍𑒏𑒩 𑒢𑒲𑒔𑒰𑒿𑒧𑒹 𑒪𑒱𑒐𑒪 𑒞𑒱𑒥𑓂𑒥𑒞𑒲 𑒪𑒱𑒣𑒱, 𑒖𑒹 𑒔𑒲𑒢𑒲 𑒪𑒱𑒣𑒱𑒮𑒿 𑒋𑒏𑒠𑒧𑓂𑒧𑒹 𑒤𑒩𑒰𑒏 𑒁𑒕𑒱 𑒂 𑒮𑒱𑒏𑓂𑒏𑒱𑒧𑒏 𑒪𑒹𑒣𑒔𑒰 𑒂 𑒪𑒱𑒧𑓂𑒥𑒴 (𑒮𑒳𑒥𑓂𑒥𑒰𑒦𑒰𑒭𑒰) 𑒮𑒿 𑒪𑒑, 𑒠𑒱𑒬𑒱 𑒁𑒢𑒰𑒨𑒰𑒮 𑒡𑓂𑒨𑒰𑒢 𑒂𑒏𑒵𑒭𑓂𑒙 𑒦𑒹𑒪। 𑒮𑒱𑒏𑓂𑒏𑒱𑒧𑒏 𑒩𑒰𑒖𑒰 𑒔𑒼𑒑𑓂𑒨𑒰𑒪 𑒥𑒾𑒠𑓂𑒡 𑒕𑒪𑒰𑒯, 𑒍 𑒮𑒦 𑒂 𑒯𑒳𑒢𑒏𑒩 𑒫𑓀𑒬𑒖 𑒮𑒦 𑒮𑒱𑒏𑓂𑒏𑒱𑒧𑒲 𑒏𑒯𑒪 𑒖𑒰𑒃 𑒕𑒟𑒱, 𑒖𑒹𑒢𑒰 𑒛𑒹𑒧𑓂𑒖𑒼𑓀𑒑𑒣𑒰, 𑒍 𑒮𑒦 𑒦𑒳𑒙𑒱𑒨𑒰 𑒦𑒰𑒭𑒰 𑒥𑒖𑒻 𑒕𑒟𑒱, 𑒧𑒳𑒠𑒰 𑒖𑒐𑒢 𑒦𑒴𑒙𑒰𑒢 𑒞𑒱𑒥𑓂𑒥𑒞 𑒂𑒠𑒱𑒮𑒿 𑒩𑒰𑒖𑒰 𑒪𑒑 𑒦𑒳𑒙𑒱𑒨𑒰 𑒦𑒰𑒭𑒲 𑒮𑒦 𑒋𑒪𑒰𑒯 𑒞𑒿 𑒠𑒳𑒢𑒴𑒧𑒹 𑒁𑒢𑓂𑒞𑒩 𑒠𑒹𑒐𑒰𑒥𑒋 𑒪𑒹𑒪 𑒮𑒱𑒏𑓂𑒏𑒱𑒧𑒲 𑒂 𑒦𑒳𑒙𑒱𑒨𑒰 𑒄 𑒠𑒴 𑒦𑒹𑒠 𑒦𑒹𑒪। 𑒧𑒼𑒙𑒰-𑒧𑒼𑒙𑒲 𑒮𑒱𑒏𑓂𑒏𑒱𑒧𑒏 𑒪𑒼𑒏𑒮𑒿 𑒑𑒣 𑒏𑒩𑒥 𑒞𑒿 𑒍 𑒞𑒱𑒥𑓂𑒥𑒞𑒲 𑒂𑒠𑒱 𑒮𑒦 𑒦𑒰𑒭𑒰 𑒖𑒹 𑒢𑒹𑒣𑒰𑒪𑒲𑒏 𑒁𑒞𑒱𑒩𑒱𑒏𑓂𑒞 𑒁𑒕𑒱, 𑒏𑒹𑒿 𑒦𑒳𑒙𑒱𑒨𑒰 𑒏𑒯𑒱 𑒠𑒻 𑒕𑒟𑒱।
𑒑𑓀𑒑𑒙𑒼𑒏𑒧𑒹 𑒦𑒩𑒞 𑒮𑒳𑒥𑓂𑒥𑒰 𑒏𑒯𑒻 𑒕𑒟𑒱 𑒖𑒹 𑒍 𑒬𑒳𑒠𑓂𑒡 𑒢𑒹𑒣𑒰𑒪𑒲 𑒕𑒟𑒱 𑒂 𑒮𑒳𑒥𑓂𑒥𑒰𑒦𑒰𑒭𑒰 (𑒪𑒱𑒧𑓂𑒥𑒴) 𑒪𑒱𑒣𑒱 𑒕𑒲, 𑒁𑒣𑒢 𑒠𑒰𑒠𑒰𑒏𑒹𑒿 𑒍 𑒣𑒜𑓃𑒻𑒞 𑒠𑒹𑒐𑒢𑒹 𑒕𑒟𑒱 𑒧𑒳𑒠𑒰 𑒯𑒳𑒢𑒏𑒰 𑒄 𑒦𑒰𑒭𑒰 𑒢𑒻 𑒁𑒥𑒻 𑒕𑒢𑓂𑒯𑒱। 𑒪𑒹𑒣𑒔𑒰𑒏 𑒧𑒳𑒠𑒰 𑒦𑒰𑒭𑒰 𑒂 𑒪𑒱𑒣𑒱 𑒠𑒳𑒢𑒴 𑒁𑒪𑒑 𑒁𑒕𑒱।
𑒠𑒱𑒢𑒹𑒬 𑒐𑒩𑒏𑒰 𑒢𑒹𑒣𑒰𑒪𑒲 𑒥𑓂𑒩𑒰𑒯𑓂𑒧𑒝 𑒕𑒟𑒱, 𑒍 𑒏𑒯𑒻 𑒕𑒟𑒱 𑒖𑒹 𑒮𑒱𑒏𑓂𑒏𑒱𑒧𑒧𑒹 𑒢𑒹𑒣𑒰𑒪𑒲 𑒣𑒜𑓃𑒴, 𑒦𑒳𑒙𑒱𑒨𑒰 𑒣𑒜𑓃𑒴 𑒫𑒰 𑒪𑒹𑒣𑒔𑒰 𑒣𑒜𑓃𑒴, 𑒏𑒼𑒢𑒼 𑒩𑒼𑒏 𑒢𑒻 𑒕𑒻। 𑒪𑒹𑒣𑒔𑒰 𑒋𑒞𑒳𑒏𑓂𑒏𑒰 𑒂𑒠𑒱𑒫𑒰𑒮𑒲 𑒕𑒟𑒱। 𑒦𑒳𑒙𑒱𑒨𑒰 𑒣𑒜𑓃𑒪𑒰𑒮𑒿 𑒣𑒩𑓂𑒨𑒙𑒢 𑒫𑒱𑒦𑒰𑒑𑒧𑒹 𑒢𑒼𑒏𑒩𑒲 𑒦𑒹𑒙𑒥𑒰𑒧𑒹 𑒂𑒮𑒰𑒢𑒲 𑒯𑒼𑒃 𑒕𑒻। 𑒍 𑒏𑒯𑒻 𑒕𑒟𑒱 𑒖𑒹 𑒢𑒹𑒣𑒰𑒪𑒏 𑒢𑒹𑒣𑒰𑒪𑒲 𑒂 𑒋𑒞𑒳𑒏𑓂𑒏𑒰 𑒢𑒹𑒣𑒰𑒪𑒲𑒧𑒹 𑒮𑒹𑒯𑒼 𑒁𑒢𑓂𑒞𑒩 𑒕𑒻। 𑒪𑒛𑓃𑒏𑒰-𑒪𑒛𑓃𑒏𑒲 𑒯𑒧 𑒮𑒦 𑒏𑒯𑒻 𑒕𑒲 𑒧𑒳𑒠𑒰 𑒢𑒹𑒣𑒰𑒪𑒧𑒹 𑒪𑒛𑓃𑒏𑒰𑒏𑒹𑒿 𑒥𑒰𑒥𑒴 𑒂 𑒪𑒛𑓃𑒏𑒲𑒏𑒹𑒿 𑒢𑒰𑒢𑒲 𑒏𑒯𑒪 𑒖𑒰𑒃𑒞 𑒁𑒕𑒱। 𑒏𑒰𑒢𑓂𑒕𑒰-𑒏𑒰𑒢𑓂𑒕𑒲 𑒒𑒩𑒏 𑒮𑒦𑒮𑒿 𑒕𑒼𑒙 𑒪𑒛𑓃𑒏𑒰-𑒪𑒛𑓃𑒏𑒲𑒏𑒹𑒿 (𑒥𑒰𑒥𑒴-𑒢𑒰𑒢𑒲𑒏𑒹𑒿) 𑒏𑒯𑒪 𑒖𑒰𑒃𑒞 𑒁𑒕𑒱। 𑒅𑒩𑒑𑒹𑒢 𑒦𑒳𑒙𑒱𑒨𑒰𑒏 𑒧𑒰𑒞𑒰 𑒢𑒹𑒣𑒰𑒪𑒲 𑒕𑒟𑒱𑒢𑓂𑒯 𑒮𑒹 𑒯𑒳𑒢𑒏𑒰 𑒦𑒳𑒙𑒱𑒨𑒰 𑒢𑒲𑒏 𑒖𑒏𑒰𑒿 𑒢𑒻 𑒁𑒥𑒻 𑒕𑒢𑓂𑒯𑒱, 𑒍 𑒮𑒱𑒏𑓂𑒏𑒱𑒧𑒧𑒹 𑒢𑒻 𑒩𑒯𑒻 𑒕𑒟𑒱, 𑒠𑒰𑒩𑓂𑒖𑒱𑒪𑒱𑓀𑒑𑒧𑒹 𑒩𑒯𑒻 𑒕𑒟𑒱 𑒖𑒹 𑒣𑒬𑓂𑒔𑒱𑒧 𑒥𑓀𑒑𑒰𑒪𑒧𑒹 𑒕𑒻, 𑒮𑒹 𑒍𑒞𑒳𑒏𑓂𑒏𑒰 𑒬𑒱𑒏𑓂𑒭𑒰 𑒫𑓂𑒨𑒫𑒮𑓂𑒟𑒰 𑒥𑒰𑓀𑒑𑓂𑒪𑒰 𑒂 𑒢𑒹𑒣𑒰𑒪𑒲𑒏 𑒁𑒞𑒱𑒩𑒱𑒏𑓂𑒞 𑒠𑒼𑒮𑒩 𑒦𑒰𑒭𑒰𑒏 𑒫𑒱𑒭𑒨𑒧𑒹 𑒁𑒢𑒳𑒠𑒰𑒩 𑒁𑒕𑒱, 𑒥𑒱𑒯𑒰𑒩𑒹 𑒮𑒦 𑒖𑒹𑒏𑒰𑒿 𑒖𑒏𑒩 𑒬𑒱𑒏𑓂𑒭𑒰 𑒫𑓂𑒨𑒫𑒮𑓂𑒟𑒰 𑒯𑒱𑒢𑓂𑒠𑒲𑒏 𑒁𑒞𑒱𑒩𑒱𑒏𑓂𑒞 𑒠𑒼𑒮𑒩 𑒦𑒰𑒭𑒰𑒏 𑒣𑓂𑒩𑒞𑒱 𑒁𑒮𑒯𑒢𑒬𑒲𑒪 𑒁𑒕𑒱, 𑒮𑒹 𑒦𑒳𑒙𑒱𑒨𑒰 𑒦𑒰𑒭𑒰 𑒋𑒞𑒋 𑒐𑒞𑒧𑒹 𑒥𑒳𑒗𑒴। 𑒮𑒱𑒏𑓂𑒏𑒱𑒧 𑒧𑒳𑒠𑒰 𑒌 𑒧𑒰𑒧𑒱𑒪𑒰𑒧𑒹 𑒅𑒠𑒰𑒩 𑒁𑒕𑒱।
𑒕𑒱𑒩𑒱𑓀𑒑 𑒣𑒯𑒱𑒢𑒹 𑒯𑒧𑒩𑒰 𑒏𑒯𑒻 𑒕𑒟𑒱 𑒖𑒹 𑒍 𑒦𑒳𑒙𑒱𑒨𑒰 (𑒖𑒏𑒩𑒰 𑒍 𑒞𑒱𑒥𑓂𑒥𑒞𑒲 𑒏𑒯𑒻 𑒕𑒟𑒱) 𑒥𑒖𑒻 𑒕𑒟𑒱, 𑒤𑒹𑒩 𑒅𑒞𑓂𑒞𑒩 𑒮𑒱𑒏𑓂𑒏𑒱𑒧𑒏 𑒪𑒰𑒔𑒳𑓀𑒑𑒏 𑒩𑒮𑓂𑒞𑒰𑒧𑒹 𑒐𑒹𑒢𑒰𑒃 𑒐𑒰𑒃𑒪𑒹 𑒋𑒏𑒚𑒰𑒧 𑒍 𑒩𑒳𑒏𑒻 𑒕𑒟𑒱, 𑒧𑒯𑒱𑒪𑒰 𑒏𑒯𑒻 𑒕𑒟𑒱 𑒖𑒹 𑒍 𑒞𑒱𑒥𑓂𑒥𑒞𑒲 𑒕𑒟𑒱। 𑒯𑒳𑒢𑒏𑒰 𑒪𑒑 𑒠𑒹𑒯𑒩𑒰𑒠𑒴𑒢𑒮𑒿 𑒋𑒏𑒙𑒰 𑒪𑒰𑒧𑒰 𑒂𑒋𑒪 𑒕𑒟𑒱𑒢𑓂𑒯 𑒖𑒹 𑒯𑒧𑒩𑒰 𑒞𑒱𑒥𑓂𑒥𑒞𑒲 𑒪𑒱𑒣𑒱 𑒮𑒱𑒐𑒥𑒻 𑒕𑒟𑒱। 𑒪𑒰𑒔𑒳𑓀𑒑𑒏 𑒥𑒑𑒪𑒧𑒹 𑒕𑒻 𑒪𑒰𑒔𑒹𑒢। 𑒂𑒥 𑒕𑒹𑒩𑒱𑓀𑒑 𑒨𑒰𑒏𑒏𑒹𑒿 𑒠𑒹𑒐𑒱 𑒏𑓄 𑒁𑒮𑒪 𑒦𑒹𑒠 𑒐𑒼𑒪𑒻 𑒕𑒟𑒱। 𑒍 𑒏𑒯𑒻 𑒕𑒟𑒱 𑒖𑒹 𑒦𑒹𑒛𑓃𑒣𑒰𑒪𑒏𑒏𑒹𑒿 𑒛𑒼𑓀𑒑𑒣𑒰 𑒏𑒯𑒪 𑒖𑒰𑒃 𑒕𑒻। 𑒪𑒰𑒔𑒳𑓀𑒑𑒏 𑒖𑒹 𑒪𑒼𑒏 𑒁𑒕𑒱 𑒮𑒹 𑒪𑒰𑒔𑒳𑓀𑒑𑒣𑒰 𑒅𑒣𑒰𑒡𑒱 𑒩𑒰𑒐𑒻 𑒕𑒟𑒱 𑒂 𑒍 𑒥𑒑𑒪𑒏 𑒪𑒰𑒔𑒹𑒢𑒏 𑒕𑒟𑒱 𑒂 𑒞𑒹𑒿 𑒯𑒳𑒢𑒏𑒩 𑒢𑒰𑒧 𑒕𑒢𑓂𑒯𑒱 𑒕𑒹𑒩𑒱𑓀𑒑 𑒪𑒰𑒔𑒹𑒢𑒣𑒰। 𑒮𑒦 𑒪𑒰𑒔𑒳𑓀𑒑𑒣𑒰 𑒛𑒼𑓀𑒑𑒣𑒰 𑒢𑒻 𑒕𑒟𑒱 𑒧𑒳𑒠𑒰 𑒥𑒹𑒮𑒲 𑒛𑒼𑓀𑒑𑒣𑒰 𑒪𑒰𑒔𑒳𑓀𑒑𑒣𑒰 𑒅𑒣𑒰𑒡𑒱𑒥𑒪𑒰 𑒕𑒟𑒱। 𑒛𑒹𑓀𑒑𑒖𑒼𑓀𑒑𑒣𑒰 𑒪𑒼𑒏𑒢𑒱 𑒑𑓀𑒑𑒙𑒼𑒏𑒧𑒹 𑒩𑒯𑒻 𑒕𑒟𑒱, 𑒫𑓂𑒨𑒰𑒣𑒰𑒩 𑒏𑒩𑒻 𑒕𑒟𑒱। 𑒙𑒼𑒏 𑒧𑒰𑒢𑒹 𑒆𑒿𑒔𑒣𑒩, 𑒖𑒹𑒢𑒰 𑒋𑒏𑒙𑒰 𑒖𑒑𑒯 𑒕𑒻 𑒑𑒝𑒹𑒬 𑒙𑒼𑒏। 𑒍 𑒏𑒯𑒻 𑒕𑒟𑒱 𑒖𑒹 𑒦𑒳𑒙𑒱𑒨𑒰 𑒦𑒰𑒭𑒰𑒮𑒿 𑒪𑒰𑒔𑒹𑒢𑒣𑒰 𑒂 𑒪𑒰𑒔𑒳𑓀𑒑𑒣𑒰𑒏 𑒦𑒰𑒭𑒰 𑒁𑒪𑒑 𑒯𑒼𑒃𑒞 𑒁𑒕𑒱। 𑒍 𑒥𑒾𑒠𑓂𑒡 𑒕𑒟𑒱। 𑒪𑒰𑒔𑒳𑓀𑒑𑒣𑒰 𑒂 𑒪𑒰𑒔𑒹𑒢𑒣𑒰 𑒦𑒰𑒭𑒰𑒧𑒹 𑒬𑒰𑒩𑓂𑒙𑒏𑒙/ 𑒪𑒰𑒢𑓂𑒑𑒏𑒙𑒏 𑒁𑒢𑓂𑒞𑒩 𑒁𑒕𑒱। 𑒪𑒰𑒔𑒳𑓀𑒑𑒮𑒿 𑒂𑒑𑒰𑒿 𑒖𑒲𑒩𑒼 𑒡𑒩𑒱 𑒮𑒛𑓃𑒏 𑒕𑒻 𑒖𑒞𑒋 𑒑𑒰𑒕-𑒥𑒵𑒔𑓂𑒕 𑒐𑒞𑒧 𑒦𑓄 𑒖𑒰𑒃 𑒕𑒻 𑒂 𑒂𑒏𑓂𑒮𑒲𑒖𑒢𑒏 𑒏𑒧𑒲 𑒦𑓄 𑒖𑒰𑒃 𑒕𑒻, 𑒧𑒳𑒠𑒰 𑒋𑒞𑒋 𑒧𑒄- 𑒂𑒩𑒧𑓂𑒦𑒏 𑒖𑒴𑒢 𑒧𑒰𑒮 𑒡𑒩𑒱 𑒥𑒩𑒤 𑒠𑒹𑒐𑒥𑒰𑒧𑒹 𑒂𑒍𑒞। 𑒩𑒮𑓂𑒞𑒰𑒧𑒹 𑒂 𑒧𑒼𑒢𑒹𑒮𑓂𑒙𑒩𑒲 𑒪𑒑 𑒮𑒦 𑒚𑒰𑒧 𑒞𑒱𑒥𑓂𑒥𑒞𑒲 𑒦𑒰𑒭𑒰𑒧𑒹 𑒧𑓀𑒞𑓂𑒩 𑒪𑒱𑒐𑒪 “𑒣𑓂𑒩𑒹𑒨𑒩 𑒯𑓂𑒫𑒲𑒪” 𑒠𑒹𑒐𑒥𑒰𑒧𑒹 𑒂𑒋𑒞। 𑒧𑒼𑒢𑒹𑒮𑓂𑒙𑒩𑒲 𑒖𑒹𑒥𑒰 𑒏𑒰𑒪 𑒋𑒏𑒙𑒰 𑒥𑒰𑒪 𑒦𑒱𑒏𑓂𑒭𑒳 𑒣𑓂𑒩𑒹𑒨𑒩 𑒯𑓂𑒫𑒲𑒪 𑒒𑒳𑒧𑒹𑒥𑒰𑒮𑒿 𑒧𑒢𑒰 𑒏𑒩𑒻 𑒕𑒟𑒱 𑒂 𑒏𑒯𑒻 𑒕𑒟𑒱 𑒖𑒹 𑒒𑒳𑒩𑒥𑒰 𑒏𑒰𑒪 𑒋𑒏𑒩𑒰 𑒒𑒳𑒧𑒰𑒋𑒪 𑒖𑒰𑒃 𑒕𑒻 𑒂 𑒮𑒹𑒯𑒼 𑒒𑒛𑓃𑒲𑒏 𑒮𑒳𑒃𑒨𑒰𑒏 𑒠𑒱𑒬𑒰𑒧𑒹। 𑒩𑒮𑓂𑒞𑒰 𑒮𑒦𑒧𑒹 𑓑𑓐𑓘 𑒙𑒰 𑒗𑒝𑓂𑒛𑒰𑒧𑒹 𑒞𑒱𑒥𑓂𑒥𑒞𑒲 𑒦𑒰𑒭𑒰𑒧𑒹 𑒧𑓀𑒞𑓂𑒩 𑒪𑒱𑒐𑒪𑒦𑒹𑒙𑒞। 𑒖𑒿 𑒄 𑒮𑒦𑒙𑒰 𑒅𑒖𑓂𑒖𑒩 𑒩𑓀𑒑𑒏 𑒁𑒕𑒱 𑒞𑒿 𑒏𑒼𑒢𑒼 𑒧𑒵𑒞𑒏𑒏 𑒮𑓂𑒧𑒵𑒞𑒱𑒧𑒹 𑒯𑒳𑒢𑒏𑒩 𑒣𑒩𑒱𑒖𑒢 𑒪𑒑𑒹𑒢𑒹 𑒕𑒟𑒱 𑒂 𑒖𑒿 𑒄 𑒮𑒦 𑒫𑒱𑒦𑒱𑒢𑓂𑒢 𑒩𑓀𑒑𑒏 𑒁𑒕𑒱 𑒞𑒿 𑒥𑒳𑒗𑒴 𑒖𑒹 𑒑𑓂𑒩𑒯 𑒬𑒰𑒢𑓂𑒞𑒱 𑒪𑒹𑒪 𑒄 𑒤𑒯𑒩𑒰𑒋𑒪 𑒑𑒹𑒪 𑒁𑒕𑒱। 𑒕𑒱𑒩𑒱𑓀𑒑 𑒏𑒯𑒻 𑒕𑒟𑒱 𑒖𑒹 𑒖𑒰𑒫𑒞 𑒗𑒝𑓂𑒛𑒰𑒧𑒹 𑒪𑒱𑒐𑒪 𑒧𑓀𑒞𑓂𑒩 𑒢𑒻 𑒧𑒹𑒙𑒰𑒃𑒞 𑒁𑒕𑒱 𑒞𑒰𑒫𑒞 𑒯𑒫𑒰 𑒋𑒏𑒩𑒰 𑒢𑒻 𑒐𑒮𑒰 𑒮𑒏𑒻𑒋, 𑒖𑒐𑒢 𑒄 𑒧𑒪𑒱𑒔𑓂𑒕 𑒣𑒛𑓃𑒱 𑒖𑒰𑒃𑒋 𑒞𑒐𑒢𑒹 𑒯𑒫𑒰 𑒋𑒏𑒩𑒰 𑒅𑒛𑓃𑒰 𑒮𑒏𑒻𑒋।

𑒮𑒰𑓀𑒑𑒴 𑒗𑒲𑒪 𑒖𑒹 𑒢𑒰𑒟𑒴𑒪𑒰 (𑒁𑒏𑒰𑒢𑒻𑒥𑒪𑒰 𑒏𑒰𑒢𑒏 𑒠𑒩𑓂𑒩𑒰) 𑒏 𑒩𑒮𑓂𑒞𑒰𑒧𑒹 𑒁𑒕𑒱 (𑒣𑒴𑒩𑓂𑒫 𑒮𑒱𑒏𑓂𑒏𑒱𑒧), 𑒍𑒞𑒋 𑒣𑓂𑒩𑒠𑒲𑒣 𑒞𑒧𑒰𑓀𑒑 𑒨𑒰𑒏𑒏 𑒮𑓀𑒑 𑒦𑒹𑒙𑒻 𑒕𑒟𑒱, 𑒣𑒯𑒰𑒛𑓃𑒏 𑒣𑒰𑒕𑒰𑒿 𑒯𑒳𑒢𑒏𑒩 𑒑𑒰𑒧 𑒕𑒢𑓂𑒯𑒱। 𑒍 𑒏𑒯𑒻 𑒕𑒟𑒱 𑒖𑒹 𑒞𑒱𑒥𑓂𑒥𑒞𑒲 𑒂 𑒦𑒳𑒙𑒱𑒨𑒰 𑒦𑒰𑒭𑒰𑒧𑒹 𑒁𑒢𑓂𑒞𑒩 𑒕𑒻, 𑒧𑒳𑒠𑒰 𑒮𑒧𑒰𑒢𑒞𑒼 𑒕𑒻। 𑒢𑒰𑒟𑒴𑒪𑒰 𑒔𑒾𑒠𑒯 𑒯𑒖𑒰𑒩 𑒤𑒲𑒙𑒣𑒩 𑒁𑒕𑒱 𑒂 𑒣𑓂𑒩𑒰𑒔𑒲𑒢 𑒏𑒰𑒪𑒮𑒿 𑒦𑒰𑒩𑒞-𑒞𑒱𑒥𑓂𑒥𑒞𑒏 𑒥𑒲𑒔 𑒫𑓂𑒨𑒰𑒣𑒰𑒩 𑒪𑒹𑒪 𑒌 𑒠𑒩𑓂𑒩𑒰𑒏 𑒅𑒣𑒨𑒼𑒑 𑒯𑒼𑒃𑒞 𑒩𑒯𑒪 𑒁𑒕𑒱। 𑒋𑒞𑒾 𑒖𑒲𑒩𑒼 𑒖𑒏𑒰𑒿 𑒂𑒏𑓂𑒮𑒲𑒖𑒢𑒏 𑒏𑒧𑒲 𑒁𑒯𑒰𑒿𑒏𑒹𑒿 𑒥𑒳𑒗𑒰 𑒣𑒛𑓃𑒞। 𑒌 𑒠𑒩𑓂𑒩𑒰𑒮𑒿 𑒂𑒃𑒨𑒼 𑒞𑒱𑒥𑓂𑒥𑒞𑒲 𑒫𑓂𑒨𑒰𑒣𑒰𑒩𑒲 𑒩𑒹𑒬𑒧 𑒪𑓄 𑒏𑓄 𑒬𑒹𑒩𑒰𑒟𑒰𑓀𑒑 𑒑𑒰𑒧𑒏 𑒬𑒹𑒛 𑒪𑒰𑒑𑒪 𑒯𑒰𑒙-𑒥𑒖𑒰𑒩 𑒁𑒥𑒻 𑒕𑒟𑒱 𑒂 𑒋𑒞𑒋𑒮𑒿 𑒥𑒠𑒪𑒰𑒧𑒹 𑒥𑒱𑒮𑓂𑒏𑒳𑒙 𑒂 𑒛𑒪𑒛𑒰 𑒪𑓄 𑒖𑒰𑒃 𑒕𑒟𑒱।
𑒠𑒱𑒢𑒹𑒬 𑒞𑒧𑒰𑓀𑒑 𑒑𑓀𑒑𑒙𑒼𑒏𑒧𑒹 𑒏𑒯𑒻 𑒕𑒟𑒱 𑒖𑒹 𑒍 𑒢𑒹𑒣𑒰𑒪𑒲 𑒥𑒾𑒠𑓂𑒡 𑒕𑒟𑒱। 𑒧𑒳𑒠𑒰 𑒥𑓀𑒑𑒰𑒪𑒧𑒹 𑒖𑒢𑓂𑒧 𑒕𑒢𑓂𑒯𑒱। 𑒑𑒼𑒩𑒐𑒰𑒪𑒻𑒝𑓂𑒛𑒏 𑒧𑒰𑓀𑒑 𑒢𑒻 𑒧𑒰𑒢𑒪 𑒖𑒰𑒋𑒞 𑒮𑒹 𑒯𑒳𑒢𑒏𑒩 𑒏𑒯𑒥 𑒕𑒢𑓂𑒯𑒱 𑒏𑒰𑒩𑒝 𑒮𑒹 𑒧𑒰𑒢𑒪𑒰𑒮𑒿 𑒖𑒪𑒣𑒰𑒃𑒑𑒳𑒩𑒲𑒏 𑒏𑒰𑒢𑓂𑒞𑒰𑒣𑒳𑒩𑒲 (𑒏𑒰𑒧𑒞𑒰𑒣𑒳𑒩𑒲) 𑒂 𑒏𑒴𑒔 𑒥𑒱𑒯𑒰𑒩𑒏 𑒁𑒪𑒑 𑒣𑓂𑒩𑒰𑒢𑓂𑒞𑒏 𑒧𑒰𑓀𑒑 𑒮𑒹𑒯𑒼 𑒧𑒰𑒢𑒋 𑒣𑒛𑓃𑒞𑒻, 𑒍 𑒌 𑒠𑒳𑒢𑒴 𑒖𑒑𑒯𑒏 𑒦𑒰𑒭𑒰𑒏𑒹𑒿 𑒥𑒰𑓀𑒑𑓂𑒪𑒰𑒮𑒿 𑒁𑒪𑒑 𑒏𑒯𑒻 𑒕𑒟𑒱 𑒂 𑒍𑒏𑒩𑒰 “𑒫𑒰𑒨𑒰 𑒥𑓀𑒑𑒰𑒪𑒲” (𑒥𑒰𑒯𑒹 𑒥𑓀𑒑𑒰𑒪𑒲- 𑒥𑓀𑒑𑒰𑒪𑒲 𑒂 𑒥𑒰𑒯𑒹 𑒥𑓀𑒑𑒰𑒪𑒲𑒧𑒹 𑒦𑒰𑒭𑒰𑒏 𑒁𑒞𑒱𑒩𑒱𑒏𑓂𑒞 𑒬𑒰𑒩𑒲𑒩𑒱𑒏 𑒑𑒚𑒢 𑒮𑒹𑒯𑒼 𑒥𑓀𑒑𑒰𑒪𑒲𑒮𑒿 𑒦𑒱𑒢𑓂𑒢 𑒍 𑒏𑒯𑒪𑒢𑓂𑒯𑒱, 𑒠𑒼𑒮𑒩 𑒍 𑒄𑒯𑒼 𑒏𑒯𑒪𑒢𑓂𑒯𑒱 𑒖𑒹 𑒮𑒞𑓂𑒨 𑒣𑒴𑒕𑒲 𑒞𑒿 𑒨𑒋𑒯 𑒥𑒰𑒯𑒹 𑒥𑓀𑒑𑒰𑒪𑒲 𑒁𑒮𑒪𑒲 𑒣𑓂𑒩𑒰𑒩𑒧𑓂𑒦𑒱𑒏 𑒥𑓀𑒑𑒰𑒪𑒲 𑒕𑒪) 𑒏𑒯𑒻 𑒕𑒟𑒱।

𑒮𑓀𑒪𑒑𑓂𑒢 𑒔𑒱𑒞𑓂𑒩𑒧𑒹 𑒞𑒱𑒥𑓂𑒥𑒞𑒲 𑒪𑒱𑒣𑒱 𑒮𑒱𑒐𑒥𑒰𑒏 𑒫𑒱𑒡𑒱 𑒠𑓄 𑒩𑒯𑒪 𑒕𑒲।







𑒏𑒧𑓂𑒣𑓂𑒨𑒴𑒙𑒩 𑒂 𑒧𑒻𑒟𑒱𑒪𑒲
𑒑𑒴𑒑𑒪 𑒙𑓂𑒩𑒰𑓀𑒮𑒪𑒹𑒙𑒩 𑒙𑒴𑒪𑒏𑒱𑒙 𑒂𑒥 𑒮𑒼𑒩𑓂𑒮 𑒂 𑒙𑒰𑒩𑓂𑒑𑒹𑒙 𑒠𑒳𑒢𑒴 𑒦𑒰𑒭𑒰𑒏 𑒩𑒴𑒣𑒧𑒹 𑒧𑒻𑒟𑒱𑒪𑒲𑒏𑒹𑓀 𑒮𑓂𑒟𑒰𑒢 𑒠𑒹𑒪𑒏 . 𑒠𑒹𑒐𑒴http://support.google.com/translate/toolkit/bin/answer.py?hl=en&answer=147837

𑒂 http://translate.google.com/toolkit/list?hl=en#translations/active

𑒫𑒱𑒠𑒹𑒯𑒏 𑒫𑒱𑒩𑒼𑒡𑒏 𑒥𑒰𑒠 𑒑𑒴𑒑𑒪 𑒥𑒱𑒯𑒰𑒩𑒲 𑒢𑒰𑒧𑓂𑒢𑒰 𑒏𑒼𑒢𑒼 𑒦𑒰𑒭𑒰 𑒢𑒻 𑒯𑒹𑒥𑒰𑒏 𑒑𑒣 𑒧𑒰𑒢𑒱 𑒪𑒹𑒢𑒹 𑒁𑒕𑒱, "𑒫𑒱𑒏𑒲𑒣𑒲𑒛𑒱𑒨𑒰 𑒧𑒻𑒟𑒱𑒪𑒲 "𑒏 𑒮𑓂𑒟𑒰𑒣𑒢𑒰 𑒣𑒯𑒱𑒢𑒯𑒱𑒨𑒹 𑒫𑒱𑒠𑒹𑒯 𑒠𑓂𑒫𑒰𑒩𑒰 𑒏𑒻𑒪 𑒑𑒹𑒪 𑒂 𑒣𑒯𑒱𑒢𑒯𑒱𑒨𑒹 𑒥𑒱𑒯𑒰𑒩𑒲 𑒢𑒰𑒧𑓂𑒢𑒰 𑒏𑒼𑒢𑒼 𑒦𑒰𑒭𑒰 𑒢𑒻 𑒯𑒹𑒥𑒰𑒏 𑒑𑒣 𑒫𑒱𑒏𑒲𑒣𑒲𑒛𑒱𑒨𑒰 𑒧𑒰𑒢𑒱 𑒪𑒹𑒢𑒹 𑒕𑒪 |


𑒑𑒴𑒑𑒪 𑒧𑒻𑒟𑒱𑒪𑒲: 𑒑𑒴𑒑𑒪 𑒪𑒻𑓀𑒑𑒳𑒋𑒖 𑒙𑒴𑒪-
http://www.google.com/transconsole/giyl/chooseProject
𑒁𑒣𑒢 𑒨𑒼𑒑𑒠𑒰𑒢 𑒑𑒴𑒑𑒪 𑒙𑓂𑒩𑒰𑓀𑒮𑒪𑒹𑒙 𑒪𑒹𑒪 𑒏𑒩𑒴, 𑒂 𑒏𑒋𑒪 𑒮𑒧𑓂𑒣𑒰𑒠𑒢 𑒥𑒠𑒪𑒥𑒰 𑒏𑒰𑒪 𑒏𑒰𑒩𑒝 𑒧𑒹 (𑒁𑓀𑒑𑓂𑒩𑒹𑒖𑒲𑒧𑒹) "𑒥𑒱𑒯𑒰𑒩𑒲" 𑒢𑒰𑒧𑓂𑒢𑒰 𑒏𑒼𑒢𑒼 𑒦𑒰𑒭𑒰 𑒢𑒻 𑒯𑒹𑒥𑒰𑒏 𑒔𑒩𑓂𑒔𑒰 𑒏𑒩𑒴। 𑒌 𑒪𑒱𑓀𑒏𑒣𑒩 𑒁𑒢𑒳𑒫𑒰𑒠 𑒏𑒩𑒴; 𑒑𑒴𑒑𑒪 𑒋𑒏𑒰𑒅𑓀𑒙 𑒮𑒿 𑒪𑒰𑒑 𑒃𑒢 𑒏𑒹𑒪𑒰𑒏 𑒥𑒰𑒠 ।
http://www.google.com/transconsole/giyl/chooseActivity?project=gws&langcode=bh
𑒌 𑒪𑒱𑓀𑒏 http://www.google.co.in/language_tools?hl=en 𑒏𑒹𑒿 𑒧𑒻𑒟𑒱𑒪𑒲𑒏 𑒅𑒣𑒪𑒥𑓂𑒡𑒞𑒰 𑒪𑒹𑒪 𑒔𑒹𑒏 𑒏𑒩𑒻𑒞 𑒩𑒯𑒴।


[𑒮𑒴𑒔𑒢𑒰: 𑓑. 𑒏𑒻𑒟𑒲 𑒂 𑒧𑒱𑒟𑒱𑒪𑒰𑒏𑓂𑒭𑒩 𑒠𑒳𑒢𑒴 𑒪𑒱𑒣𑒱𑒏𑒹𑒿 𑒨𑒴𑒢𑒲𑒫𑒩𑓂𑒮𑒪 𑒏𑒻𑒩𑒹𑒏𑓂𑒙𑒩 𑒮𑒹𑒙 (𑒨𑒴𑒢𑒲𑒏𑒼𑒛) 𑒧𑒹 𑒋𑒢𑒏𑒼𑒛 𑒏𑒩𑒥𑒰𑒏 𑒁𑓀𑒬𑒳𑒧𑒢 𑒣𑒰𑒝𑓂𑒛𑒹𑒨 𑒠𑓂𑒫𑒰𑒩𑒰 𑒠𑒹𑒪 𑒂𑒫𑒹𑒠𑒢 𑒮𑓂𑒫𑒲𑒏𑒵𑒞 𑒦ಽ 𑒑𑒹𑒪 𑒁𑒕𑒱। 𑒂𑒥 𑒄 𑒠𑒳𑒢𑒴 𑒪𑒱𑒣𑒱𑒏 𑒨𑒴𑒢𑒲𑒏𑒼𑒛 𑒤𑒰𑒢𑓂𑒙 𑒥𑒢𑒹𑒥𑒰𑒏 𑒏𑓂𑒩𑒱𑒨𑒰 𑒏𑓂𑒨𑒴𑒧𑒹 𑒪𑒰𑒑𑒱 𑒑𑒹𑒪 𑒁𑒕𑒱 𑒂 𑒖𑒐𑒢 𑒋𑒏𑒩 𑒮𑒦𑒏 𑒥𑒹𑒩 𑒋𑒞𑒻 𑒌 𑒠𑒳𑒢𑒴 𑒪𑒱𑒣𑒱𑒏 𑒂𑒡𑒰𑒩𑒦𑒴𑒞 𑒤𑒰𑒢𑓂𑒙 𑒥𑒢𑒹𑒥𑒰𑒏 𑒏𑓂𑒩𑒱𑒨𑒰 𑒬𑒳𑒩𑒴 𑒦𑓄 𑒖𑒰𑒋𑒞। 𑒧𑒱𑒟𑒱𑒪𑒰𑒏𑓂𑒭𑒩𑒏 𑒂𑒡𑒰𑒩𑒦𑒴𑒞 𑒤𑒰𑒢𑓂𑒙𑒏 𑒢𑒰𑒧 𑒞𑒱𑒩𑒯𑒳𑒞𑒰 𑒩𑒯𑒞 (𑒖𑒹𑒢𑒰 𑒠𑒹𑒫𑒢𑒰𑒑𑒩𑒲𑒏 𑒂𑒡𑒰𑒩𑒦𑒴𑒞 𑒤𑒰𑒢𑓂𑒙𑒏 𑒢𑒰𑒧 𑒧𑓀𑒑𑒪 𑒂 𑒥𑒰𑓀𑒑𑓂𑒪𑒰𑒏 𑒂𑒡𑒰𑒩𑒦𑒴𑒞 𑒤𑒰𑒢𑓂𑒙𑒏 𑒢𑒰𑒧 𑒫𑒵𑒢𑓂𑒠𑒰 𑒁𑒕𑒱)। 𑒧𑒱𑒟𑒱𑒪𑒰𑒏𑓂𑒭𑒩𑒏 𑒤𑒰𑒢𑓂𑒙 𑒪𑒹𑒪 𑒞𑒹𑒮𑒩 𑒥𑒹𑒩 𑒮𑓀𑒬𑒼𑒡𑒱𑒞 𑒂𑒫𑒹𑒠𑒢 𑒠𑒹𑒪 𑒑𑒹𑒪 𑒩𑒯𑒋, 𑒠𑒼𑒮𑒩 𑒂 𑒞𑒹𑒮𑒩 𑒂𑒫𑒹𑒠𑒢𑒧𑒹 𑒫𑒱𑒠𑒹𑒯𑒏 𑒨𑒼𑒑𑒠𑒰𑒢𑒏 𑒫𑒱𑒮𑓂𑒞𑒵𑒞 𑒔𑒩𑓂𑒔𑒰 𑒦𑒹𑒪 𑒁𑒕𑒱, 𑒨𑒟𑒰- [Figure 11: Excerpt from a Maithili e-journal published as PDF (from Videha 2011: 22; Videha: A fortnightly Maithili e-journal. Issue 80 (April 15, 2011), Gajendra Thakur [ed]. http://www.videha.co.in/ ."Gajendra Thakur of New Delhi graciously met with me and corresponded at length about Maithili, offered valuable specimens of Maithili manuscripts, printed books, and other records, and provided feedback regarding requirements for the encoding of Maithili in the UCS."-Anshuman Pandey.] ।
𑒮𑒴𑒔𑒢𑒰: 𑓒. 𑒑𑒴𑒑𑒪 𑒧𑒻𑒟𑒱𑒪𑒲: 𑒑𑒴𑒑𑒪 𑒪𑒻𑓀𑒑𑒳𑒋𑒖 𑒙𑒴𑒪-
http://www.google.com/transconsole/giyl/chooseProject
𑒁𑒣𑒢 𑒨𑒼𑒑𑒠𑒰𑒢 𑒑𑒴𑒑𑒪 𑒙𑓂𑒩𑒰𑓀𑒮𑒪𑒹𑒙 𑒪𑒹𑒪 𑒏𑒩𑒴, 𑒂 𑒏𑒋𑒪 𑒮𑒧𑓂𑒣𑒰𑒠𑒢 𑒥𑒠𑒪𑒥𑒰 𑒏𑒰𑒪 𑒏𑒰𑒩𑒝 𑒧𑒹 (𑒁𑓀𑒑𑓂𑒩𑒹𑒖𑒲𑒧𑒹) "𑒥𑒱𑒯𑒰𑒩𑒲" 𑒢𑒰𑒧𑓂𑒢𑒰 𑒏𑒼𑒢𑒼 𑒦𑒰𑒭𑒰 𑒢𑒻 𑒯𑒹𑒥𑒰𑒏 𑒔𑒩𑓂𑒔𑒰 𑒏𑒩𑒴। 𑒌 𑒪𑒱𑓀𑒏𑒣𑒩 𑒁𑒢𑒳𑒫𑒰𑒠 𑒏𑒩𑒴; 𑒑𑒴𑒑𑒪 𑒋𑒏𑒰𑒅𑓀𑒙 𑒮𑒿 𑒪𑒰𑒑 𑒃𑒢 𑒏𑒹𑒪𑒰𑒏 𑒥𑒰𑒠 ।
http://www.google.com/transconsole/giyl/chooseActivity?project=gws&langcode=bh
𑒌 𑒪𑒱𑓀𑒏 http://www.google.co.in/language_tools?hl=en 𑒏𑒹𑒿 𑒧𑒻𑒟𑒱𑒪𑒲𑒏 𑒅𑒣𑒪𑒥𑓂𑒡𑒞𑒰 𑒪𑒹𑒪 𑒔𑒹𑒏 𑒏𑒩𑒻𑒞 𑒩𑒯𑒴।

𑒮𑒴𑒔𑒢𑒰: 𑓓.𑒫𑒱𑒏𑒲𑒣𑒲𑒛𑒱𑒨𑒰 𑒧𑒻𑒟𑒱𑒪𑒲:
𑒧𑒲𑒛𑒱𑒨𑒰𑒫𑒱𑒏𑒲𑒏 𑓒𑓖𑓐𑓐 𑒮𑓀𑒠𑒹𑒬 𑒁𑓀𑒑𑓂𑒩𑒹𑒖𑒲𑒮𑒿 𑒧𑒻𑒟𑒱𑒪𑒲𑒧𑒹 𑒫𑒱𑒠𑒹𑒯𑒏 𑒮𑒠𑒮𑓂𑒨𑒑𑒝 𑒠𑓂𑒫𑒰𑒩𑒰 𑒁𑒢𑒴𑒠𑒱𑒞 𑒏𑓄 𑒠𑒹𑒪 𑒑𑒹𑒪 𑒁𑒕𑒱। 𑒂𑒥 http://translatewiki.net/wiki/Special:Translate?task=untranslated&group=core-mostused&limit=2000&language=mai 𑒌 𑒪𑒱𑓀𑒏𑒣𑒩 Group 𑒧𑒹 𑒖𑒰 𑒏𑓄 𑒛𑓂𑒩𑒰𑒣𑒛𑒰𑒅𑒢 𑒧𑒹𑒢𑒴𑒮𑒿 𑒁-𑒁𑒢𑒴𑒠𑒱𑒞 𑒧𑒻𑒮𑒹𑒖 𑒁𑒢𑒴𑒠𑒱𑒞 𑒏𑒩𑒴। 𑒖𑒿 𑒁𑒯𑒰𑒿 𑒫𑒱𑒏𑒲𑒣𑒲𑒛𑒱𑒨𑒰𑒏 𑒙𑓂𑒩𑒰𑒢𑓂𑒮𑒪𑒹𑒙𑒩 𑒢𑒻 𑒕𑒲 𑒞𑒿 http://translatewiki.net/wiki/Project:Translator 𑒌 𑒪𑒱𑓀𑒏𑒣𑒩 𑒧𑒻𑒟𑒱𑒪𑒲𑒧𑒹 𑒙𑓂𑒩𑒰𑒢𑓂𑒮𑒪𑒹𑒙 𑒏𑒩𑒥𑒰𑒏 𑒁𑒢𑒳𑒧𑒞𑒱𑒏 𑒪𑒹𑒪 𑒁𑒢𑒳𑒩𑒼𑒡 𑒠𑒱𑒨𑒾, 𑒌 𑒮𑒿 𑒣𑒯𑒱𑒢𑒹 𑒍𑒞𑒻 𑒆𑒣𑒩𑒧𑒹 𑒠𑒯𑒱𑒢𑒰 𑒏𑒰𑒞 𑒪𑒰𑒑-𑒃𑒢 (𑒖𑒿 𑒐𑒰𑒞𑒰 𑒢𑒻 𑒁𑒕𑒱 𑒞𑒿 𑒏𑓂𑒩𑒱𑒋𑒙 𑒁𑒏𑒰𑒅𑒢𑓂𑒙) 𑒏𑓄 𑒂 𑒣𑓂𑒩𑒹𑒤𑒩𑒹𑒢𑓂𑒮𑒧𑒹 𑒦𑒰𑒭𑒰 𑒧𑒻𑒟𑒱𑒪𑒲 𑒪𑓄 𑒁𑒣𑒢 𑒣𑓂𑒩𑒨𑒼𑒏𑓂𑒞𑒰 𑒐𑒰𑒞𑒰𑒏 𑒪𑒱𑓀𑒏𑒏𑒹𑒿 𑒏𑓂𑒪𑒱𑒏 𑒏𑓄 𑒁𑒣𑒢 𑒣𑓂𑒩𑒨𑒼𑒏𑓂𑒞𑒰 𑒐𑒰𑒞 𑒣𑒢𑓂𑒢𑒰 𑒥𑒢𑒰𑒅। 𑒏𑒱𑒕𑒳 𑒏𑒰𑒪𑒧𑒹 𑒁𑒯𑒰𑒿𑒏𑒹𑒿 𑒙𑓂𑒩𑒰𑒢𑓂𑒮𑒪𑒹𑒙 𑒏𑒩𑒥𑒰𑒏 𑒁𑒢𑒳𑒧𑒞𑒱 𑒦𑒹𑒙 𑒖𑒰𑒋𑒞। 𑒞𑒏𑒩𑒰 𑒥𑒰𑒠 𑒁𑒢𑒳𑒫𑒰𑒠 𑒣𑓂𑒩𑒰𑒩𑒧𑓂𑒦 𑒏𑒩𑒴।
http://translatewiki.net/wiki/Project:Translator

http://meta.wikimedia.org/wiki/Requests_for_new_languages/Wikipedia_Maithili


http://translatewiki.net/wiki/Special:Translate?task=untranslated&group=core-mostused&limit=2000&language=mai

http://incubator.wikimedia.org/wiki/Wp/mai

http://translatewiki.net/wiki/MediaWiki:Mainpage/mai
𑒫𑒱𑒠𑒹𑒯𑒏 𑒞𑒹𑒮𑒩 𑒁𑓀𑒏 (𑓑 𑒤𑒩𑒥𑒩𑒲 𑓒𑓐𑓐𑓘)𑒧𑒹 𑒯𑒧 𑒮𑒴𑒔𑒱𑒞 𑒏𑒹𑒢𑒹 𑒩𑒯𑒲- “𑒫𑒱𑒏𑒲𑒣𑒲𑒛𑒱𑒨𑒰𑒣𑒩 𑒧𑒻𑒟𑒱𑒪𑒲𑒣𑒩 𑒪𑒹𑒐 𑒞𑒿 𑒕𑒪 𑒧𑒳𑒠𑒰 𑒧𑒻𑒟𑒱𑒪𑒲𑒧𑒹 𑒪𑒹𑒐 𑒢𑒯𑒱 𑒕𑒪,𑒏𑒰𑒩𑒝 𑒧𑒻𑒟𑒱𑒪𑒲𑒏 𑒫𑒱𑒏𑒲𑒣𑒲𑒛𑒱𑒨𑒰𑒏𑒹𑒿 𑒮𑓂𑒫𑒲𑒏𑒵𑒞𑒱 𑒢𑒯𑒱 𑒦𑒹𑒙𑒪 𑒕𑒪। 𑒯𑒧 𑒥𑒯𑒳𑒞 𑒠𑒱𑒢𑒮𑒿 𑒋𑒯𑒱𑒧𑒹 𑒪𑒰𑒑𑒪 𑒩𑒯𑒲 𑒂 𑒮𑒴𑒔𑒱𑒞 𑒏𑒩𑒻𑒞 𑒯𑒩𑓂𑒭𑒱𑒞 𑒕𑒲 𑒖𑒹 𑓒𑓗.𑓐𑓑.𑓒𑓐𑓐𑓘 𑒏𑒹𑒿 (𑒧𑒻𑒟𑒱𑒪𑒲) 𑒦𑒰𑒭𑒰𑒏𑒹𑒿 𑒫𑒱𑒏𑒲 𑒬𑒳𑒩𑒴 𑒏𑒩𑒥𑒰𑒏 𑒯𑒹𑒞𑒳 𑒮𑓂𑒫𑒲𑒏𑒵𑒞𑒱 𑒦𑒹𑒙𑒪 𑒕𑒻𑒏, 𑒧𑒳𑒠𑒰 𑒋𑒯𑒱 𑒯𑒹𑒞𑒳 𑒏𑒧𑒮𑒿 𑒏𑒧 𑒣𑒰𑒿𑒔 𑒑𑒼𑒙𑒹, 𑒫𑒱𑒦𑒱𑒢𑓂𑒢 𑒖𑒑𑒯𑒮𑒿 𑒋𑒏𑒩 𑒋𑒛𑒱𑒙𑒩𑒏 𑒩𑒴𑒣𑒧𑒹 𑒢𑒱𑒨𑒧𑒱𑒞 𑒩𑒴𑒣𑒹𑒿 𑒏𑒰𑒩𑓂𑒨 𑒏𑒩𑒟𑒱 𑒞𑒐𑒢𑒹 𑒨𑒼𑒖𑒢𑒰𑒏𑒹𑒿 𑒣𑒴𑒩𑓂𑒝 𑒮𑓂𑒫𑒲𑒏𑒵𑒞𑒱 𑒦𑒹𑒙𑒞𑒻𑒏।” 𑒂 𑒂𑒥 𑒖𑒐𑒢 𑒞𑒲𑒢 𑒮𑒰𑒪𑒮𑒿 𑒥𑒹𑒬𑒲 𑒥𑒲𑒞𑒱 𑒑𑒹𑒪 𑒁𑒕𑒱 𑒂 𑒧𑒻𑒟𑒱𑒪𑒲 𑒫𑒱𑒏𑒲𑒣𑒲𑒛𑒱𑒨𑒰 𑒪𑒹𑒪 𑒣𑓂𑒩𑒰𑒩𑒧𑓂𑒦𑒱𑒏 𑒮𑒦𑒙𑒰 𑒂𑒫𑒬𑓂𑒨𑒏𑒞𑒰 𑒣𑒴𑒩𑓂𑒝 𑒏𑓄 𑒪𑒹𑒪 𑒑𑒹𑒪 𑒁𑒕𑒱 𑒫𑒱𑒏𑒲𑒣𑒲𑒛𑒱𑒨𑒰𑒏 “𑒪𑒻𑓀𑒑𑒳𑒋𑒖 𑒏𑒧𑒹𑒙𑒲” 𑒂𑒥 𑒥𑒳𑒗𑒱 𑒑𑒹𑒪 𑒁𑒕𑒱 𑒖𑒹 𑒧𑒻𑒟𑒱𑒪𑒲 “𑒥𑒱𑒯𑒰𑒩𑒲 𑒢𑒰𑒧𑒮𑒿 𑒥𑒳𑒗𑒪 𑒖𑒰𑒋𑒥𑒪𑒰” 𑒦𑒰𑒭𑒰 𑒢𑒻 𑒁𑒕𑒱 𑒂 𑒌 𑒪𑒹𑒪 𑒁𑒪𑒑 𑒫𑒱𑒏𑒲𑒣𑒲𑒛𑒱𑒨𑒰𑒏 𑒖𑒩𑒴𑒩𑒞 𑒁𑒕𑒱। 𑒫𑒱𑒏𑒲𑒣𑒲𑒛𑒱𑒨𑒰𑒏 𑒑𑒹𑒩𑒰𑒩𑓂𑒛 𑒋𑒧. 𑒪𑒱𑒐𑒻 𑒕𑒟𑒱 ( http://ultimategerardm.blogspot.com/2011/05/bihari-wikipedia-is-actually-written-in.html )
-“𑒄 𑒮𑒴𑒔𑒢𑒰 𑒧𑒻𑒟𑒱𑒪𑒲 𑒂 𑒧𑒻𑒟𑒱𑒪𑒲𑒏 𑒥𑒱𑒯𑒰𑒩𑒲 𑒦𑒰𑒭𑒰𑒮𑒧𑒴𑒯𑒮𑒿 𑒮𑒧𑓂𑒥𑒢𑓂𑒡𑒏 𑒫𑒱𑒭𑒨𑒧𑒹 𑒅𑒧𑒹𑒬 𑒧𑓀𑒛𑒪 𑒠𑓂𑒫𑒰𑒩𑒰 𑒠𑒹𑒪 𑒑𑒹𑒪 𑒁𑒕𑒱- 𑒅𑒧𑒹𑒬 𑒫𑒱𑒏𑒲𑒣𑒲𑒛𑒱𑒨𑒰𑒣𑒩 𑒧𑒻𑒟𑒱𑒪𑒲𑒏 𑒮𑓂𑒟𑒰𑒢𑒲𑒨𑒏𑒩𑒝𑒏 𑒣𑒩𑒱𑒨𑒼𑒖𑒢𑒰𑒧𑒹 𑒏𑒰𑒖 𑒏𑓄 𑒩𑒯𑒪 𑒕𑒟𑒱, ...𑒪𑒻𑓀𑒑𑒳𑒋𑒖 𑒏𑒧𑒹𑒙𑒲 𑒄 𑒥𑒳𑒗𑒥𑒰𑒏 𑒣𑓂𑒩𑒨𑒰𑒮 𑒏𑓄 𑒩𑒯𑒪 𑒁𑒕𑒱 𑒖𑒹 𑒏𑒲 𑒧𑒻𑒟𑒱𑒪𑒲𑒏 𑒮𑓂𑒟𑒰𑒢 𑒥𑒱𑒯𑒰𑒩𑒲 𑒦𑒰𑒭𑒰 𑒮𑒧𑒴𑒯𑒏 𑒁𑒢𑓂𑒞𑒩𑓂𑒑𑒞 𑒩𑒰𑒐𑒪 𑒖𑒰 𑒮𑒏𑒻𑒋 ?..𑒧𑒳𑒠𑒰 𑒂𑒥 𑒅𑒧𑒹𑒬 𑒖𑒲𑒏 𑒅𑒞𑓂𑒞𑒩𑒮𑒿 𑒣𑒴𑒩𑓂𑒝 𑒮𑓂𑒣𑒭𑓂𑒙 𑒦𑓄 𑒑𑒹𑒪 𑒁𑒕𑒱 𑒖𑒹 “𑒢𑒻”। ”
𑒩𑒰𑒧𑒫𑒱𑒪𑒰𑒮 𑒬𑒩𑓂𑒧𑒰𑒏 𑒪𑒹𑒐 (𑒧𑒻𑒟𑒱𑒪𑒲 𑒎𑒩 𑒯𑒱𑒢𑓂𑒠𑒲, 𑒯𑒱𑒢𑓂𑒠𑒲 𑒧𑒰𑒮𑒱𑒏 𑒣𑒰𑒙𑒪, 𑒮𑒧𑓂𑒣𑒰𑒠𑒏 𑒩𑒰𑒧𑒠𑒨𑒰𑒪 𑒣𑒰𑓀𑒛𑒹𑒨) 𑒖𑒃𑒧𑒹 𑒧𑒻𑒟𑒱𑒪𑒲𑒏𑒹𑒿 𑒯𑒱𑒢𑓂𑒠𑒲𑒏 𑒥𑒼𑒪𑒲 𑒥𑒢𑒹𑒥𑒰𑒏 𑒣𑓂𑒩𑒨𑒰𑒮 𑒦𑒹𑒪 𑒕𑒪𑒻 𑒞𑒏𑒩 𑒫𑒱𑒩𑒼𑒡 𑒨𑒰𑒞𑓂𑒩𑒲𑒖𑒲 𑒁𑒣𑒢 𑒯𑒱𑒢𑓂𑒠𑒲 𑒪𑒹𑒐 𑒠𑓂𑒫𑒰𑒩𑒰 𑒏𑒹𑒢𑒹 𑒕𑒪𑒰𑒯 , 𑒖𑒐𑒢 𑒯𑒳𑒢𑒏𑒩 𑒅𑒧𑒹𑒩 𑓔𑓓 𑒥𑒩𑓂𑒐 𑒕𑒪𑒢𑓂𑒯𑒱 (𑒂𑒩𑓂𑒨𑒰𑒫𑒩𑓂𑒞 𑓑𑓔/ 𑓒𑓑 𑒤𑒩𑒥𑒩𑒲 𑓑𑓙𑓕𑓔), 𑒖𑒏𑒩 𑒩𑒰𑒖𑒧𑒼𑒯𑒢 𑒗𑒰 𑒠𑓂𑒫𑒰𑒩𑒰 𑒏𑒋𑒪 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠 𑒂𑒩𑒧𑓂𑒦𑒏 𑒠𑒼𑒮𑒩 𑒁𑓀𑒏𑒧𑒹 𑒕𑒣𑒪 𑒕𑒪। 𑒅𑒧𑒹𑒬 𑒧𑓀𑒛𑒪𑒏 𑒄 𑒮𑒤𑒪 𑒣𑓂𑒩𑒨𑒰𑒮 𑒌 𑒁𑒩𑓂𑒟𑒹𑒿 𑒂𑒩 𑒫𑒱𑒬𑒱𑒭𑓂𑒙𑒞𑒰 𑒣𑓂𑒩𑒰𑒣𑓂𑒞 𑒏𑒹𑒢𑒹 𑒁𑒕𑒱 𑒏𑒰𑒩𑒝 𑒯𑒳𑒢𑒏𑒩 𑒅𑒧𑒹𑒩 𑒁𑒐𑒢 𑒧𑒰𑒞𑓂𑒩 𑓓𑓐 𑒥𑒩𑓂𑒐 𑒕𑒢𑓂𑒯𑒱। 𑒖𑒐𑒢 𑒧𑒻𑒟𑒱𑒪 𑒮𑒦 𑒯𑒻𑒠𑒩𑒰𑒥𑒰𑒠, 𑒥𑓀𑒑𑒪𑒼𑒩 𑒂 𑒮𑒱𑒋𑒙𑒪 𑒡𑒩𑒱 𑒏𑒧𑓂𑒣𑓂𑒨𑒴𑒙𑒩 𑒮𑒰𑒃𑓀𑒮𑒏 𑒏𑓂𑒭𑒹𑒞𑓂𑒩𑒧𑒹 𑒩𑒯𑒱 𑒏𑒰𑒖 𑒏𑓄 𑒩𑒯𑒪 𑒕𑒟𑒱, 𑒄 𑒫𑒱𑒩𑒼𑒡 𑒫𑒰 𑒏𑒩𑒹𑒏𑓂𑒬𑒢 𑒯𑒳𑒢𑒏𑒰 𑒪𑒼𑒏𑒢𑒱 𑒠𑓂𑒫𑒰𑒩𑒰 𑒢𑒻 𑒫𑒩𑒢 𑒧𑒱𑒟𑒱𑒪𑒰𑒏 𑒮𑒳𑒠𑒴𑒩 𑒏𑓂𑒭𑒹𑒞𑓂𑒩𑒧𑒹 𑒩𑒯𑒢𑒱𑒯𑒰𑒩 𑒌 𑒧𑒻𑒟𑒱𑒪𑒲 𑒣𑓂𑒩𑒹𑒧𑒲 𑒨𑒳𑒫𑒰 𑒠𑓂𑒫𑒰𑒩𑒰 𑒦𑒹𑒪 𑒮𑒹 𑒏𑒲 𑒠𑒹𑒐𑒥𑒻𑒞 𑒁𑒕𑒱?
𑒅𑒧𑒹𑒬 𑒧𑓀𑒛𑒪 𑒧𑒱𑒟𑒱𑒪𑒰𑒏 𑒮𑒦 𑒖𑒰𑒞𑒱 𑒂 𑒡𑒩𑓂𑒧𑒏 𑒪𑒼𑒏𑒏 𑒏𑒝𑓂𑒚𑒏 𑒑𑒲𑒞𑒏𑒹𑒿 𑒤𑒲𑒪𑓂𑒛𑒫𑒩𑓂𑒏 𑒠𑓂𑒫𑒰𑒩𑒰 𑒂𑒛𑒱𑒨𑒼 𑒂 𑒫𑒲𑒛𑒱𑒨𑒼𑒧𑒹 𑒛𑒱𑒖𑒱𑒙𑒪𑒰𑒃𑒖 𑒮𑒹𑒯𑒼 𑒏𑒋𑒢𑒹 𑒕𑒟𑒱 𑒖𑒹 𑒫𑒱𑒠𑒹𑒯 𑒂𑒩𑓂𑒏𑒰𑒃𑒫𑒧𑒹 𑒅𑒣𑒪𑒥𑓂𑒡 𑒁𑒕𑒱।

𑒯𑒱𑒢𑓂𑒠𑒲𑒏 𑒮𑓀𑒑 𑒮𑒧𑒮𑓂𑒨𑒰 𑒮𑒹𑒯𑒼 𑒕𑒻, 𑒧𑒴𑒪𑒩𑒴𑒣𑒮𑒿 𑒥𑒖𑒰𑒩 (𑒅𑒩𑓂𑒠𑒴 𑒥𑒖𑒰𑒩)𑒧𑒹 𑒥𑒰𑒖𑒪 𑒖𑒰𑒋𑒥𑒪𑒰 𑒦𑒰𑒭𑒰 𑒤𑒰𑒩𑒮𑒲 𑒪𑒱𑒣𑒱𑒧𑒹 𑒪𑒱𑒐𑒪 𑒅𑒩𑓂𑒠𑒴 𑒦𑒹𑒪 𑒂 𑒠𑒹𑒫𑒢𑒰𑒑𑒩𑒲𑒧𑒹 𑒪𑒱𑒐𑒪 𑒯𑒱𑒢𑓂𑒠𑒲। 𑒯𑒱𑒢𑓂𑒠𑒲𑒏 𑒌𑒞𑒱𑒯𑒰𑒮𑒱𑒏 𑒅𑒪𑓂𑒪𑒹𑒐 𑒞𑒹𑒿 𑒥𑒰𑒠𑒧𑒹 𑒦𑒹𑒪, 𑒂 𑒮𑒹 𑒠𑒹𑒐𑒥𑒻 𑒞𑒿 𑒯𑒱𑒢𑓂𑒠𑒲𑒏 𑒁𑒣𑒢 𑒋𑒏𑓂𑒏𑒼 𑒡𑒴𑒩 𑒖𑒧𑒲𑒢 𑒢𑒻 𑒕𑒪𑒻। 𑒧𑒳𑒠𑒰 𑒫𑒻𑒠𑒱𑒏 𑒮𑓀𑒮𑓂𑒏𑒵𑒞𑒮𑒿 𑒂𑒑𑒰𑒿 𑒥𑒜𑓃𑒥 𑒞𑒿 𑒯𑒱𑒢𑓂𑒠𑒲 𑒡𑒩𑒱 𑒋𑒥𑒰 𑒪𑒹𑒪 𑒖𑒿 𑒍 𑒢𑒹 𑒥𑓂𑒩𑒖𑒏𑒹𑒿 𑒁𑒣𑒢 𑒣𑒳𑒩𑒰𑒢 𑒧𑒰𑒢𑒞 𑒢𑒹 𑒁𑒫𑒡𑒲𑒏𑒹𑒿 𑒂 𑒢𑒹 𑒧𑒻𑒟𑒱𑒪𑒲𑒏𑒹𑒿 𑒞𑒿 𑒍𑒏𑒩 𑒣𑒳𑒩𑒰𑒢𑒮𑒰𑒯𑒱𑒞𑓂𑒨 𑒏𑒼𑒢 𑒯𑒋𑒞? 𑒞𑒹𑒿 𑒫𑒱𑒠𑓂𑒨𑒰𑒣𑒞𑒱- 𑒧𑒲𑒩𑒰, 𑒏𑒥𑒲𑒩-𑒞𑒳𑒪𑒮𑒲𑒏 𑒣𑒜𑓃𑒰𑒃 𑒯𑒱𑒢𑓂𑒠𑒲𑒏 𑒣𑒳𑒩𑒰𑒢 𑒮𑒰𑒯𑒱𑒞𑓂𑒨𑒧𑒹 𑒯𑒹𑒥𑒰𑒮𑒿 𑒁𑒯𑒰𑒿 𑒢𑒻 𑒩𑒼𑒏𑒱 𑒮𑒏𑒻 𑒕𑒱𑒌, 𑒂 𑒢𑒹 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒯𑒱𑒢𑓂𑒠𑒲 𑒏𑒫𑒱 𑒏𑒯𑒪𑒰𑒣𑒩 𑒥𑒐𑒹𑒩𑒰𑒏 𑒏𑒼𑒢𑒼 𑒂𑒫𑒬𑓂𑒨𑒏𑒞𑒰 𑒁𑒕𑒱। 𑒁𑒣𑒢 𑒒𑒩𑒧𑒹 𑒧𑒻𑒟𑒱𑒪𑒲 𑒮𑒬𑒏𑓂𑒞 𑒯𑒋𑒞 𑒞𑒐𑒢𑒹 𑒍𑒏𑒩 𑒁𑒮𑓂𑒞𑒱𑒞𑓂𑒫 𑒩𑒯𑒞𑒻...𑒯𑒱𑒢𑓂𑒠𑒲𑒏 𑒪𑒼𑒏 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒧𑒻𑒟𑒱𑒪𑒲 𑒏𑒫𑒱𑒏 𑒩𑒴𑒣𑒧𑒹 𑒧𑒰𑒢𑓂𑒨𑒞𑒰 𑒠𑒻𑒞 𑒁𑒕𑒱, 𑒂 𑒖𑒹 𑒥𑓂𑒩𑒖 𑒂 𑒁𑒫𑒡𑒲 𑒯𑒱𑒢𑓂𑒠𑒲𑒮𑒿 𑒣𑒯𑒱𑒢𑒹𑒮𑒿 𑒮𑒰𑒯𑒱𑒞𑓂𑒨𑒱𑒏 𑒦𑒰𑒭𑒰 𑒁𑒕𑒱 𑒂𑒃 𑒯𑒱𑒢𑓂𑒠𑒲𑒏 𑒥𑒼𑒪𑒲 𑒥𑒢𑒱 𑒑𑒹𑒪 𑒁𑒕𑒱, 𑒍𑒃𑒧𑒹 𑒂𑒥 𑒮𑒰𑒯𑒱𑒞𑓂𑒨𑒱𑒏 𑒩𑒔𑒢𑒰 𑒢𑒻 𑒯𑒼𑒃 𑒕𑒻।

𑒧𑒻𑒟𑒱𑒪𑒲 𑒥𑒰𑒖𑒻𑒥𑒪𑒰 𑒌 𑒦𑒰𑒭𑒰𑒏𑒹𑒿 𑒢𑒻 𑒧𑒩𑓄 𑒠𑒹𑒞𑒻, 𑒂 𑒢𑒹𑒙𑒱𑒫 𑒮𑓂𑒣𑒲𑒏𑒩𑒮𑒿 𑒖𑒹 𑒐𑒰𑒿𑒙𑒲 𑒪𑒹𑒐𑒏 𑒥𑒯𑒩𑒰 𑒩𑒯𑒪 𑒕𑒟𑒱,𑒯𑒳𑒢𑒏𑒩 𑒐𑒰𑒿𑒙𑒲 𑒧𑒻𑒟𑒱𑒪𑒲 𑒧𑒻𑒟𑒱𑒪𑒲𑒏 𑒮𑓂𑒫𑒞𑓀𑒞𑓂𑒩 𑒁𑒮𑓂𑒞𑒱𑒞𑓂𑒫 𑒦𑒰𑒭𑒰𑒏𑒩𑒴𑒣𑒧𑒹 𑒮𑒳𑒩𑒏𑓂𑒭𑒱𑒞 𑒩𑒰𑒐𑒞𑒰𑒯। 𑒧𑒳𑒠𑒰 𑒛𑒩 𑒁𑒕𑒱 𑒦𑒰𑒭𑒰-𑒮𑓀𑒮𑓂𑒏𑒵𑒞𑒱 𑒂 𑒐𑒰𑒿𑒙𑒲 𑒬𑒥𑓂𑒠𑒰𑒫𑒪𑒲𑒮𑒿 𑒣𑒩𑒯𑒹𑒖 𑒩𑒰𑒐𑒻𑒥𑒪𑒰 𑒣𑒳𑒩𑒮𑓂𑒏𑒰𑒩 𑒪𑒹𑒥𑒰 𑒪𑒹𑒪 𑒪𑒱𑒐𑒥𑒰 𑒪𑒹𑒪 𑒁𑒣𑒮𑓂𑒨𑒰𑒿𑒞 𑒫𑒩𑓂𑒑𑒮𑒿, 𑒖𑒹 𑒮𑒰𑒧𑒰𑒢𑓂𑒨 𑒪𑒼𑒏 𑒂 𑒍𑒏𑒩 𑒮𑓀𑒮𑓂𑒏𑒵𑒞𑒱𑒮𑒿 𑒠𑒴𑒩 𑒁𑒕𑒱, 𑒧𑒳𑒠𑒰 𑒮𑒩𑒏𑒰𑒩𑒲 𑒮𑒰𑒯𑒱𑒞𑓂𑒨 𑒞𑓀𑒞𑓂𑒩𑒏𑒹𑒿 𑒑𑒕𑒰𑒩𑒱 𑒏𑓄 𑒩𑒐𑒢𑒹 𑒁𑒕𑒱।

TIRHUTA UNICODE
See the final UNICODE Mithilakshara Application (May 5, 2011) by Sh. Anshuman pandey http://std.dkuug.dk/JTC1/SC2/WG2/docs/n4035.pdf at Page 23 the Videha 80th issue (Tirhuta version) is attached"Figure 11: Excerpt from a Maithili e-journal published as PDF (from Videha 2011: 22" and at Page 12 Videha is included in References Videha: A fortnightly Maithili e-journal. Issue 80 (April 15, 2011), Gajendra Thakur [ed]. http://www.videha.co.in/. and role of Videha's editor is acknowledged on Page 12 "Gajendra Thakur of New Delhi graciously met with me and corresponded at length about Maithili, offered
valuable specimens of Maithili manuscripts, printed books, and other records, and provided feedback regarding requirements for the encoding of Maithili in the UCS." ]























𑒧𑒻𑒟𑒱𑒪𑒲 𑒢𑒰𑒙𑒏 𑒂 𑒂𑒡𑒳𑒢𑒱𑒏 𑒩𑓀𑒑𑒧𑓀𑒔
𑒢𑒰𑒙𑓂𑒨 𑒬𑒰𑒮𑓂𑒞𑓂𑒩𑒧𑒹 𑒫𑒩𑓂𑒝𑒢 𑒁𑒕𑒱 𑒖𑒹 𑒢𑒰𑒙𑒏𑒏 𑒅𑒞𑓂𑒣𑒞𑓂𑒞𑒱 𑒃𑒢𑓂𑒠𑓂𑒩𑒏 𑒡𑓂𑒫𑒖𑒰 𑒅𑒞𑓂𑒮𑒫𑒮𑒿 𑒦𑒹𑒪।
𑒧𑒻𑒟𑒱𑒪𑒲 𑒢𑒰𑒙𑒏 𑒂 𑒩𑓀𑒑𑒧𑓀𑒔𑒏 𑒃𑒞𑒱𑒯𑒰𑒮 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒡𑒴𑒩𑓂𑒞 𑒮𑒧𑒰𑒑𑒧 𑒂 𑒁𑓀𑒏𑒱𑒨𑒰 𑒢𑒰𑒙𑒮𑒿 𑒣𑓂𑒩𑒰𑒩𑒧𑓂𑒦 𑒯𑒼𑒃𑒞 𑒁𑒕𑒱।
𑒏𑒼𑒪𑒏𑒰𑒞𑒰𑒧𑒹 𑓑𑓘𑓕𑓐 𑒄.𑒏 𑒂𑒮𑒣𑒰𑒮 𑒂𑒡𑒳𑒢𑒱𑒏 𑒩𑓀𑒑𑒧𑓀𑒔- 𑒥𑓂𑒩𑒱𑒙𑒱𑒬 𑒏𑓂𑒪𑒥𑒧𑒹 𑒬𑒳𑒩𑒴 𑒦𑒹𑒪, 𑒧𑒳𑒠𑒰 𑒥𑒰𑒯𑒩𑒲 𑒪𑒼𑒏𑒏 𑒣𑓂𑒩𑒫𑒹𑒬 𑒍𑒞𑒋 𑒢𑒻 𑒕𑒪।
𑒣𑒴𑒩𑓂𑒫 𑒣𑒲𑒚𑒱𑒏𑒰:
𑒁𑓀𑒏𑒱𑒨𑒰 𑒢𑒰𑒙𑒧𑒹 𑒮𑒹𑒯𑒼 𑒣𑓂𑒩𑒠𑒩𑓂𑒬𑒢 𑒞𑒞𑓂𑒫𑒏 𑒣𑓂𑒩𑒡𑒰𑒢𑒞𑒰 𑒕𑒪। 𑒏𑒲𑒩𑓂𑒞𑒢𑒱𑒨𑒰𑒿 𑒋𑒏 𑒞𑒩𑒯𑒹𑒿 𑒮𑓀𑒑𑒲𑒞𑒏 𑒕𑒪 𑒂 𑒋𑒞𑒯𑒳 𑒁𑒦𑒱𑒢𑒨 𑒞𑒞𑓂𑒫𑒏 𑒣𑓂𑒩𑒡𑒰𑒢𑒞𑒰 𑒕𑒪। 𑒁𑓀𑒏𑒲𑒨𑒰 𑒢𑒰𑒙𑒏𑒏 𑒣𑓂𑒩𑒰𑒩𑒧𑓂𑒦 𑒧𑒵𑒠𑓀𑒑 𑒫𑒰𑒠𑒢𑒮𑒿 𑒯𑒼𑒃𑒞 𑒕𑒪।
𑒬𑒰𑒮𑓂𑒞𑓂𑒩𑒲𑒨 𑒂𑒡𑒰𑒩:
𑒧𑒼𑒯𑒢𑒖𑒼𑒠𑒛𑓃𑒼 𑒮𑒦𑓂𑒨𑒞𑒰𑒮𑒿 𑒣𑓂𑒩𑒰𑒣𑓂𑒞 𑒏𑒰𑓀𑒮𑓂𑒨 𑒣𑓂𑒩𑒞𑒱𑒧𑒰 𑒢𑒵𑒞𑓂𑒨𑒏 𑒧𑒳𑒠𑓂𑒩𑒰𑒏 𑒮𑓀𑒏𑒹𑒞 𑒠𑒻𑒞 𑒁𑒕𑒱, 𑒫𑒩𑓂𑒞𑒧𑒰𑒢 𑒏𑒟𑒏 𑒢𑒵𑒞𑓂𑒨𑒏 𑒚𑒰𑒚 𑒧𑒳𑒠𑓂𑒩𑒰 𑒮𑒠𑒵𑒬, 𑒠𑒯𑒱𑒢 𑒯𑒰𑒟 𑓔𑓕 𑒛𑒱𑒑𑓂𑒩𑒲𑒏 𑒏𑒼𑒝 𑒥𑒢𑒹𑒢𑒹 𑒂 𑒫𑒰𑒧 𑒯𑒰𑒟 𑒫𑒰𑒧 𑒕𑒰𑒥𑒰𑒣𑒩, 𑒮𑓀𑒑𑒯𑒱 𑒫𑒰𑒧 𑒣𑒋𑒩 𑒏𑒱𑒕𑒳 𑒧𑒼𑒛𑓃𑒢𑒹। 𑒇𑒑𑒫𑒹𑒠𑒏 𑒬𑒰𑓀𑒐𑒰𑒨𑒢 𑒥𑓂𑒩𑒰𑒯𑓂𑒧𑒝𑒧𑒹 𑒑𑒲𑒞, 𑒫𑒰𑒠𑓂𑒨 𑒂 𑒢𑒵𑒞𑓂𑒨 𑒞𑒲𑒢𑒴𑒏 𑒮𑓀𑒑𑒹-𑒮𑓀𑒑 𑒣𑓂𑒩𑒨𑒼𑒑𑒏 𑒫𑒩𑓂𑒝𑒢 𑒁𑒕𑒱, 𑒌𑒞𑒩𑒹𑒨 𑒥𑓂𑒩𑒰𑒯𑓂𑒧𑒝𑒧𑒹 𑒌 𑒞𑒲𑒢𑒴𑒏 𑒑𑒝𑒢𑒰 𑒠𑒻𑒫𑒲 𑒬𑒱𑒪𑓂𑒣𑒧𑒹 𑒁𑒕𑒱। 𑒇𑒑𑒫𑒹𑒠 𑓑𑓐.𑓗𑓖.𑓖 𑒧𑒹 𑒅𑒭𑒰𑒏 𑒮𑓂𑒫𑒩𑓂𑒝𑒱𑒧 𑒂𑒦𑒰 𑒏𑒫𑒱𑒏𑒹𑒿 𑒮𑒳𑒮𑒖𑓂𑒖𑒱𑒞 𑒇𑒭𑒱𑒏 𑒮𑓂𑒧𑒩𑒝 𑒏𑒩𑒥𑒻𑒞 𑒕𑒢𑓂𑒯𑒱। 𑒇𑒑𑒫𑒹𑒠𑒧𑒹 𑒪𑒼𑒏 𑒢𑒵𑒞𑓂𑒨𑒏 (𑒣𑓂𑒩𑒰𑒢𑓂𑒔𑒼 𑒁𑒑𑒰𑒧 𑒢𑒵𑒞𑒨𑒹) 𑒮𑒹𑒯𑒼 𑒅𑒪𑓂𑒪𑒹𑒐 𑒁𑒕𑒱। 𑒧𑒯𑒰𑒫𑓂𑒩𑒞 𑒢𑒰𑒧𑓂𑒢𑒰 𑒮𑒼𑒧𑒨𑒰𑒑𑒧𑒹 𑒠𑒰𑒮𑒲 𑒮𑒦𑒏 (𑓓-𑓖 𑒠𑒰𑒮𑒲𑒏) 𑒮𑒰𑒧𑒴𑒯𑒱𑒏 𑒢𑒵𑒞𑓂𑒨𑒏 𑒫𑒩𑓂𑒝𑒢 𑒁𑒕𑒱। 𑒬𑒰𑓀𑒐𑒰𑒨𑒢 𑓑.𑓑𑓑.𑓕 𑒧𑒹 𑒫𑒩𑓂𑒝𑒢 𑒁𑒕𑒱 𑒖𑒹 𑒫𑒱𑒫𑒰𑒯𑒧𑒹 𑓔-𑓘 𑒮𑒳𑒯𑒰𑒑𑒱𑒢𑒏𑒹𑒿 𑒮𑒳𑒩𑒰 𑒣𑒱𑒨𑒰𑒍𑒪 𑒖𑒰𑒃𑒞 𑒕𑓂𑒪 𑒂 𑒔𑒞𑒳𑒩𑓂𑒫𑒰𑒩 𑒢𑒵𑒞𑓂𑒨 𑒪𑒹𑒪 𑒣𑓂𑒩𑒹𑒩𑒱𑒞 𑒏𑒋𑒪 𑒖𑒰𑒃𑒞 𑒕𑒪। 𑒫𑒻𑒠𑒱𑒏 𑒮𑒰𑒯𑒱𑒞𑓂𑒨𑒧𑒹 𑒫𑒱𑒫𑒰𑒯 𑒫𑒱𑒡𑒱𑒧𑒹 𑒣𑒞𑓂𑒢𑒲𑒏 𑒑𑒰𑒨𑒢𑒏 𑒅𑒪𑓂𑒪𑒹𑒐 𑒁𑒕𑒱। 𑒮𑒲𑒧𑒢𑓂𑒞𑒼𑒢𑓂𑒢𑒨𑒢 𑒫𑒱𑒡𑒱𑒧𑒹 𑒣𑒞𑒱 𑒫𑒲𑒝𑒰𑒫𑒰𑒠𑒏𑒮𑒿 𑒮𑒼𑒧𑒠𑒹𑒫𑒏 𑒫𑒰𑒠𑒨𑒳𑒏𑓂𑒞 𑒑𑒰𑒢 𑒏𑒩𑒥𑒰𑒏 𑒁𑒢𑒳𑒩𑒼𑒡 𑒏𑒩𑒻𑒞 𑒕𑒟𑒱। 𑒁𑒟𑒩𑓂𑒫𑒫𑒹𑒠𑒧𑒹 𑒫𑒮𑒰 𑒢𑒰𑒧𑓂𑒢𑒰 𑒠𑒹𑒫𑒞𑒰𑒏 𑒢𑒵𑒞𑓂𑒨 𑒇𑒏𑓂, 𑒮𑒰𑒧 𑒂 𑒑𑒰𑒟𑒰𑒮𑒿 𑒮𑒧𑓂𑒥𑒢𑓂𑒡𑒱𑒞 𑒯𑒼𑒋𑒥𑒰𑒏 𑒑𑒣 𑒂𑒋𑒪 𑒁𑒕𑒱, 𑒮𑒼𑒧𑒣𑒰𑒢𑒨𑒳𑒏𑓂𑒞 𑒌 𑒢𑒵𑒞𑓂𑒨𑒧𑒹 𑒑𑒢𑓂𑒡𑒩𑓂𑒫 𑒮𑒹𑒯𑒼 𑒯𑒼𑒃𑒞 𑒕𑒪𑒰𑒯, 𑒮𑒹 𑒫𑒩𑓂𑒝𑒱𑒞 𑒁𑒕𑒱। 𑒁𑒟𑒩𑓂𑒫𑒫𑒹𑒠 𑓑𑓒.𑓑.𑓔𑓑 𑒧𑒹 𑒑𑒲𑒞, 𑒫𑒰𑒠𑒢 𑒂 𑒢𑒵𑒞𑓂𑒨𑒏 𑒮𑒰𑒧𑒴𑒯𑒱𑒏 𑒡𑓂𑒫𑒢𑒱𑒏 𑒫𑒩𑓂𑒝𑒢 𑒁𑒕𑒱। 𑒫𑒻𑒠𑒱𑒏 𑒏𑒰𑒪𑒧𑒹 𑒮𑒰𑒧 𑒮𑓀𑒑𑒲𑒞𑒏 𑒁𑒪𑒰𑒥𑒹 𑒑𑒰𑒟𑒰 𑒂 𑒢𑒰𑒩𑒰𑒬𑓀𑒮𑒲 𑒢𑒰𑒧𑓂𑒢𑒰 𑒪𑒾𑒏𑒱𑒏 𑒑𑒰𑒟𑒰-𑒮𑓀𑒑𑒲𑒞𑒏 𑒮𑒹𑒯𑒼 𑒣𑓂𑒩𑒔𑒪𑒢 𑒕𑒪। 𑒇𑒏 𑓑,𑓑𑓑𑓕,𑓒 𑒧𑒹 𑒅𑒭𑒰𑒏𑒰𑒪𑒏 𑒮𑒴𑒩𑓂𑒨𑒼𑒠𑒨𑒏 𑒥𑒱𑒧𑓂𑒥 𑒮𑒳𑒢𑓂𑒠𑒩𑒲𑒏 𑒣𑒰𑒕𑒰𑒿 𑒖𑒰𑒃𑒞 𑒨𑒳𑒫𑒏𑒮𑒿 𑒦𑒹𑒪 𑒁𑒕𑒱। 𑒇𑒏 𑓑,𑓑𑓒𑓔,𑓑𑓑 𑒧𑒹 𑒁𑒩𑒳𑒝𑒼𑒠𑒨𑒧𑒹 𑒪𑒰𑒪 𑒂𑒦𑒰 𑒂 𑒥𑒱𑒪𑒰𑒃𑒞 𑒁𑒢𑓂𑒯𑒰𑒩𑒏 𑒮𑓀𑒑, 𑒔𑒴𑒪𑓂𑒯𑒱𑒧𑒹 𑒂𑒑𑒱 𑒫𑒩𑓂𑒝𑒢 𑒁𑒕𑒱 𑒂 𑒥𑒱𑒧𑓂𑒥 𑒁𑒕𑒱- 𑒑𑒰𑒧𑒏 𑒞𑒩𑒳𑒝𑒲 𑒩𑒏𑓂𑒞 𑒫𑒩𑓂𑒝𑒏 𑒑𑒰𑒋𑒏𑒹𑒿 𑒔𑒩𑒥𑒰𑒏 𑒪𑒹𑒪 𑒕𑒼𑒛𑓃𑒻𑒞 𑒕𑒟𑒱। 𑒁𑒟𑒩𑓂𑒫𑒫𑒹𑒠 𑓔,𑓑𑓕,𑓖 𑒧𑒹 𑒮𑒰𑒧𑒴𑒯𑒱𑒏 𑒢𑒰𑒩𑒰𑒏 𑒫𑒩𑓂𑒝𑒢 𑒁𑒕𑒱। 𑒨𑒖𑒳𑒩𑓂𑒫𑒹𑒠 𑓔𑓐,𑓑𑓖 𑒧𑒹 𑒫𑒩𑓂𑒝𑒢 𑒁𑒕𑒱- 𑒮𑒴𑒩𑓂𑒨𑒧𑒝𑓂𑒛𑒪 𑒮𑒳𑒫𑒩𑓂𑒝𑒣𑒰𑒞𑓂𑒩 𑒁𑒕𑒱 𑒖𑒹 𑒮𑒴𑒩𑓂𑒨𑒏𑒹𑒿 𑒂𑒫𑒵𑒞𑓂𑒞 𑒏𑒋𑒢𑒹 𑒁𑒕𑒱। 𑒨𑒖𑒳𑒩𑓂𑒫𑒹𑒠 𑓑𑓗,𑓓𑓘-𑓔𑓑 𑒧𑒹 𑒮𑓀𑒑𑓂𑒩𑒰𑒧 𑒪𑒹𑒪 𑒥𑒰𑒖𑒰 𑒮𑓀𑒑 𑒖𑒰𑒃𑒞 𑒠𑒹𑒫𑒮𑒹𑒢𑒰 𑒂 𑒨𑒖𑒳𑒩𑓂𑒫𑒹𑒠 𑓑𑓗,𑓔𑓙 𑒧𑒹 𑒏𑒫𑒔𑒏 𑒧𑒩𑓂𑒧𑒩 𑒡𑓂𑒫𑒢𑒱 𑒫𑒩𑓂𑒝𑒱𑒞 𑒁𑒕𑒱। 𑒇𑒑𑒫𑒹𑒠 𑓑,𑓑𑓖𑓔,𑓒 𑒂 𑒨𑒰𑒮𑓂𑒏 𑓔,𑓒𑓗 𑒧𑒹 𑒮𑓀𑒫𑒞𑓂𑒮𑒩, 𑒔𑒏𑓂𑒩𑒏 𑒫𑒩𑓂𑒝𑒢 𑒁𑒕𑒱। 𑒫𑒵𑒯𑒠𑒰𑒩𑒝𑓂𑒨𑒏 𑒅𑒣𑒢𑒱𑒭𑒠 𑓒,𑓒,𑓓 𑒧𑒹 𑒮𑒼𑒧𑒩𑒮𑒏 𑒅𑒞𑓂𑒮𑒏 𑒫𑒩𑓂𑒝𑒢 𑒁𑒕𑒱। 𑒫𑒵𑒯𑒠𑒰𑒩𑒝𑓂𑒨𑒏 𑒅𑒣𑒢𑒱𑒭𑒠 𑓒,𑓒,𑓔 𑒍𑒏𑒩 𑒞𑒙𑒣𑒩𑒮𑒰𑒞 𑒇𑒭𑒱 𑒂𑒿𑒐𑒱, 𑒏𑒰𑒢 𑒂𑒠𑒱 𑒁𑒕𑒱। 𑒁𑒟𑒩𑓂𑒫𑒫𑒹𑒠 𑓑𑓐,𑓒,𑓓𑓑 𑒧𑒹 𑒬𑒩𑒲𑒩𑒏𑒹𑒿 𑒁𑒨𑒼𑒡𑓂𑒨𑒰 𑒏𑒯𑒪 𑒑𑒹𑒪 𑒁𑒕𑒱, 𑒑𑒲𑒞𑒰 𑓕,𑓑𑓓 𑒧𑒹 𑒬𑒩𑒲𑒩𑒏𑒹𑒿 𑒣𑒳𑒩 𑒏𑒯𑒪 𑒑𑒹𑒪 𑒁𑒕𑒱।
𑒨𑒖𑒳𑒩𑓂𑒫𑒹𑒠𑒧𑒹 𑒢𑒰𑒙𑓂𑒨: 𑒨𑒖𑒳𑒩𑓂𑒫𑒹𑒠𑒧𑒹 𑒏𑒱𑒕𑒳 𑒣𑒰𑒩𑒱𑒦𑒰𑒭𑒱𑒏 𑒬𑒥𑓂𑒠𑒏 𑒫𑒱𑒫𑒩𑒝 𑒁𑒕𑒱 𑒖𑒹𑒢𑒰 𑒮𑒴𑒞, 𑒬𑒻𑒪𑒴𑒭, 𑒔𑒱𑒞𑓂𑒩𑒏𑒰𑒩𑒱𑒝𑒲, 𑒌𑒮𑒿 𑒪𑒑𑒻𑒞 𑒁𑒕𑒱 𑒖𑒹 𑒢𑒰𑒙𑓂𑒨𑒧𑓀𑒛𑒣𑒏 𑒏𑒪𑓂𑒣𑒢𑒰 𑒕𑒪।
𑒏𑒪𑒰, 𑒮𑒰𑒯𑒱𑒞𑓂𑒨 𑒂 𑒮𑓀𑒑𑒲𑒞𑒏 𑒮𑒧𑒰𑒖 𑒪𑒹𑒪 𑒏𑒼𑒢 𑒣𑓂𑒩𑒨𑒼𑒖𑒢, 𑒋𑒏𑒩 𑒢𑒻𑒞𑒱𑒏 𑒧𑒰𑒢𑒠𑒝𑓂𑒛 𑒏𑒲 𑒯𑒳𑒁𑒋, 𑒌 𑒠𑒱𑒮 𑒮𑒹𑒯𑒼 𑒣𑓂𑒩𑒰𑒔𑓂𑒨 𑒂 𑒣𑒰𑒬𑓂𑒔𑒰𑒞𑓂𑒨 𑒫𑒱𑒔𑒰𑒩𑒏 𑒁𑒣𑒢 𑒫𑒱𑒔𑒰𑒩 𑒩𑒰𑒐𑒪𑒢𑓂𑒯𑒱। 𑒣𑓂𑒪𑒹𑒙𑒼 𑒏𑒯𑒻 𑒕𑒟𑒱 𑒖𑒹 𑒏𑒼𑒢𑒼 𑒏𑒪𑒰 𑒢𑒲𑒏 𑒢𑒻 𑒦𑓄 𑒮𑒏𑒻𑒋 𑒏𑒱𑒋𑒏 𑒞𑒿 𑒄 𑒮𑒦𑒙𑒰 𑒁𑒮𑒞𑓂𑒨 𑒂 𑒁𑒫𑒰𑒮𑓂𑒞𑒫𑒱𑒏 𑒁𑒕𑒱। 𑒧𑒳𑒠𑒰 𑒏𑒪𑒰, 𑒮𑓀𑒑𑒲𑒞 𑒂 𑒮𑒰𑒯𑒱𑒞𑓂𑒨 𑒏𑒐𑒢𑒼 𑒏𑒰𑒪 𑒮𑓂𑒫𑒰𑒢𑓂𑒞𑓁 𑒮𑒳𑒐𑒰𑒨 𑒮𑒹𑒯𑒼 𑒯𑒼𑒃𑒞 𑒁𑒕𑒱, 𑒋𑒏𑒩𑒰 𑒣𑒜𑓃𑒪𑒰, 𑒮𑒳𑒢𑒪𑒰, 𑒠𑒹𑒐𑒪𑒰 𑒂 𑒁𑒢𑒳𑒦𑒫 𑒏𑒹𑒪𑒰𑒮𑒿 𑒣𑓂𑒩𑒮𑒢𑓂𑒢𑒞𑒰 𑒯𑒼𑒃𑒞 𑒕𑒻, 𑒧𑒰𑒢𑒮𑒱𑒏 𑒬𑒰𑒢𑓂𑒞𑒱 𑒦𑒹𑒙𑒻 𑒕𑒻 𑒞𑒿 𑒏𑒐𑒢𑒼 𑒏𑒰𑒪 𑒄 𑒅𑒠𑓂𑒫𑒹𑒪𑒱𑒞 𑒮𑒹𑒯𑒼 𑒏𑒩𑒻𑒞 𑒕𑒻। 𑒋𑒩𑒱𑒮𑓂𑒙𑒼𑒙𑒪 𑒧𑒳𑒠𑒰 𑒏𑒯𑒻 𑒕𑒟𑒱 𑒖𑒹 𑒏𑒪𑒰𑒏𑒰𑒩 𑒖𑓂𑒘𑒰𑒢𑒮𑒿 𑒨𑒳𑒏𑓂𑒞 𑒯𑒼𑒃 𑒕𑒟𑒱 𑒂 𑒫𑒱𑒬𑓂𑒫𑒏𑒹𑒿 𑒥𑒳𑒗𑒥𑒰𑒧𑒹 𑒮𑒯𑒨𑒼𑒑 𑒏𑒩𑒻 𑒕𑒟𑒱। 𑒬𑒥𑓂𑒠𑒼𑒔𑒰𑒩𑒝 𑒂 𑒏𑒪𑒰 𑒢𑒱𑒩𑓂𑒧𑒰𑒝𑒏 𑒥𑒰𑒠 𑒥𑒼𑒡𑓂𑒨 𑒥𑒾𑒮𑓂𑒞𑒳𑒏 𑒅𑒞𑓂𑒣𑒞𑓂𑒞𑒱 𑒯𑒼𑒃 𑒕𑒻। 𑒬𑒥𑓂𑒠 𑒂 𑒡𑓂𑒫𑒢𑒱, 𑒩𑒴𑒣, 𑒩𑒮, 𑒩𑒰𑒑, 𑒕𑒢𑓂𑒠, 𑒂 𑒁𑒪𑓀𑒏𑒰𑒩𑒮𑒿 𑒍𑒏𑒩 𑒎𑒔𑒱𑒞𑓂𑒨 𑒮𑒱𑒠𑓂𑒡 𑒯𑒼𑒃𑒞 𑒕𑒻।
𑒞𑒐𑒢 𑒧𑒢𑓂𑒠𑒱𑒩𑒏 𑒅𑒞𑓂𑒮𑒫 𑒂 𑒩𑒰𑒖𑒰𑒏 𑒣𑓂𑒩𑒰𑒮𑒰𑒠𑒧𑒹 𑒯𑒼𑒃𑒥𑒪𑒰 𑒢𑒰𑒙𑒏 𑒮𑓂𑒫𑒞𑓀𑒞𑓂𑒩 𑒦𑓄 𑒑𑒹𑒪 𑒂 𑒋𑒏𑒩 𑒅𑒣𑒨𑒼𑒑 𑒫𑒰 𑒁𑒢𑒳𑒣𑓂𑒩𑒨𑒼𑒑 𑒠𑒼𑒮𑒩 𑒫𑒱𑒭𑒨𑒏𑒹𑒿 𑒣𑒜𑓃𑒹𑒥𑒰𑒧𑒹 𑒮𑒹𑒯𑒼 𑒯𑒼𑒧𑒋 𑒪𑒰𑒑𑒪।

𑒦𑒩𑒞𑒏 𑒢𑒰𑒙𑓂𑒨𑒬𑒰𑒮𑓂𑒞𑓂𑒩:
𑒢𑒰𑒙𑒏 𑒠𑒴 𑒣𑓂𑒩𑒏𑒰𑒩𑒏 𑒪𑒼𑒏𑒡𑒩𑓂𑒧𑒲 𑒂 𑒢𑒰𑒙𑓂𑒨𑒡𑒩𑓂𑒧𑒲, 𑒪𑒼𑒏𑒡𑒩𑓂𑒧𑒲 𑒦𑒹𑒪 𑒑𑓂𑒩𑒰𑒧𑓂𑒨 𑒂 𑒢𑒰𑒙𑓂𑒨𑒡𑒩𑓂𑒧𑒲 𑒦𑒹𑒪 𑒬𑒰𑒮𑓂𑒞𑓂𑒩𑒲𑒨 𑒅𑒏𑓂𑒞𑒱। 𑒑𑓂𑒩𑒰𑒧𑓂𑒨 𑒧𑒰𑒢𑒹 𑒦𑒹𑒪 𑒏𑒵𑒞𑓂𑒩𑒱𑒧𑒞𑒰𑒏 𑒁𑒫𑒯𑒹𑒪𑒢𑒰 𑒧𑒳𑒠𑒰 𑒁𑒖𑓂𑒘𑒰𑒢𑒞𑒰𑒫𑒬 𑒏𑒱𑒕𑒳 𑒑𑒼𑒙𑒹 𑒋𑒏𑒩𑒰 𑒑𑒰𑒧𑒧𑒹 𑒯𑒼𑒃𑒥𑒪𑒰 𑒢𑒰𑒙𑒏 𑒥𑒳𑒗𑒻 𑒕𑒟𑒱। 𑒪𑒼𑒏𑒡𑒩𑓂𑒧𑒲𑒧𑒹 𑒮𑓂𑒫𑒦𑒰𑒫𑒏 𑒁𑒦𑒱𑒢𑒨𑒧𑒹 𑒣𑓂𑒩𑒡𑒰𑒢𑒞𑒰 𑒩𑒯𑒻𑒞 𑒁𑒕𑒱, 𑒪𑒼𑒏𑒏 𑒏𑓂𑒩𑒱𑒨𑒰𑒏 𑒣𑓂𑒩𑒡𑒰𑒢𑒞𑒰 𑒩𑒯𑒻𑒞 𑒁𑒕𑒱, 𑒮𑒩𑒪 𑒂𑓀𑒑𑒱𑒏 𑒣𑓂𑒩𑒠𑒩𑓂𑒬𑒢 𑒯𑒼𑒃𑒞 𑒁𑒕𑒱, 𑒂 𑒌 𑒧𑒹 𑒣𑒰𑒞𑓂𑒩𑒏 𑒮𑒹 𑒍 𑒮𑓂𑒞𑓂𑒩𑒲 𑒯𑒳𑒁𑒋 𑒫𑒰 𑒣𑒳𑒩𑒳𑒭, 𑒞𑒏𑒩 𑒮𑓀𑒐𑓂𑒨𑒰 𑒥𑒛𑓂𑒛 𑒥𑒹𑒮𑒲 𑒩𑒯𑒻𑒞 𑒁𑒕𑒱। 𑒢𑒰𑒙𑓂𑒨𑒡𑒩𑓂𑒧𑒲𑒧𑒹 𑒫𑒰𑒝𑒲 𑒧𑒼𑒢𑒹-𑒧𑒼𑒢, 𑒮𑓀𑒏𑒹𑒞𑒮𑒿, 𑒂𑒏𑒰𑒬𑒫𑒰𑒝𑒲 𑒃𑒞𑓂𑒨𑒰𑒠𑒱; 𑒢𑒵𑒞𑓂𑒨𑒏 𑒮𑒧𑒰𑒫𑒹𑒬, 𑒫𑒰𑒏𑓂𑒨𑒧𑒹 𑒫𑒱𑒪𑒏𑓂𑒭𑒝𑒞𑒰, 𑒩𑒰𑒑𑒥𑒪𑒰 𑒮𑓀𑒑𑒲𑒞, 𑒂 𑒮𑒰𑒡𑒰𑒩𑒝 𑒣𑒰𑒞𑓂𑒩𑒏 𑒁𑒪𑒰𑒥𑒹 𑒠𑒱𑒫𑓂𑒨 𑒣𑒰𑒞𑓂𑒩 𑒮𑒹𑒯𑒼 𑒩𑒯𑒻 𑒕𑒟𑒱। 𑒏𑒼𑒢𑒼 𑒢𑒱𑒩𑓂𑒖𑒲𑒫/ 𑒫𑒰 𑒖𑒢𑓂𑒞𑒳 𑒮𑒹𑒯𑒼 𑒮𑓀𑒫𑒰𑒠 𑒏𑒩𑓄 𑒪𑒑𑒻𑒋, 𑒋𑒏 𑒣𑒰𑒞𑓂𑒩𑒏 𑒛𑒥𑒪-𑒙𑓂𑒩𑒱𑒣𑒪 𑒩𑒼𑒪, 𑒮𑒳𑒐 𑒠𑒳𑒐𑒏 𑒂𑒫𑒹𑒑 𑒮𑓀𑒑𑒲𑒞𑒏 𑒧𑒰𑒡𑓂𑒨𑒧𑒮𑒿 𑒥𑒜𑓃𑒰𑒍𑒪 𑒖𑒰𑒃𑒞 𑒁𑒕𑒱।
𑒢𑒰𑒙𑓂𑒨𑒡𑒩𑓂𑒧𑒏 𑒂𑒡𑒰𑒩 𑒁𑒕𑒱 𑒪𑒼𑒏𑒡𑒩𑓂𑒧। 𑒪𑒼𑒏𑒡𑒩𑓂𑒧𑒲𑒏𑒹𑒿 𑒣𑒩𑒱𑒭𑓂𑒏𑒵𑒞 𑒏𑒩𑒴 𑒂 𑒍 𑒢𑒰𑒙𑓂𑒨𑒡𑒩𑓂𑒧𑒲 𑒦𑓄 𑒖𑒰𑒋𑒞।
𑒪𑒼𑒏𑒡𑒩𑓂𑒧𑒲𑒏 𑒠𑒴 𑒣𑓂𑒩𑒏𑒰𑒩𑒏- 𑒔𑒱𑒞𑓂𑒞𑒫𑒵𑒞𑓂𑒨𑒩𑓂𑒣𑒱𑒏𑒰 (𑒂𑒢𑓂𑒞𑒩𑒱𑒏 𑒮𑒳𑒐-𑒠𑒳𑒐) 𑒂 𑒥𑒰𑒯𑓂𑒨𑒫𑒮𑓂𑒞𑓂𑒫𑒢𑒳𑒏𑒰𑒩𑒱𑒝𑒲 (𑒥𑒰𑒯𑓂𑒨- 𑒣𑒼𑒐𑒩𑒱, 𑒏𑒧𑒪𑒠𑒯)। 𑒢𑒰𑒙𑓂𑒨𑒡𑒩𑓂𑒧𑒲-𑒮𑒹𑒯𑒼 𑒠𑒴 𑒣𑓂𑒩𑒏𑒰𑒩𑒏 𑒏𑒻𑒬𑒱𑒏𑒲 𑒬𑒼𑒦𑒰 (𑒁𑓀𑒑𑒏 𑒣𑓂𑒩𑒠𑒩𑓂𑒬𑒢- 𑒫𑒱𑒪𑒰𑒮𑒱𑒞𑒰 𑒑𑒲𑒞-𑒢𑒵𑒞𑓂𑒨-𑒮𑓀𑒑𑒲𑒞) 𑒂 𑒁𑓀𑒬𑒼𑒣𑒖𑒲𑒫𑒢𑒲 (𑒣𑒳𑒭𑓂𑒣𑒏 𑒫𑒱𑒧𑒰𑒢, 𑒣𑒯𑒰𑒛𑓃 𑒥𑒼𑒢 𑒂𑒠𑒱𑒏 𑒮𑒰𑓀𑒏𑒹𑒞𑒱𑒏 𑒣𑓂𑒩𑒠𑒩𑓂𑒬𑒢)।
𑒮𑒧𑓂𑒣𑒴𑒩𑓂𑒝 𑒁𑒦𑒱𑒢𑒨- 𑒂𑓀𑒑𑒱𑒏 (𑒁𑓀𑒑𑒮𑒿), 𑒫𑒰𑒔𑒱𑒏(𑒫𑒰𑒝𑒲𑒮𑒿), 𑒮𑒰𑒞𑓂𑒫𑒱𑒏(𑒧𑒼𑒢𑒏 𑒦𑒰𑒫𑒮𑒿) 𑒂 𑒂𑒯𑒰𑒩𑓂𑒨 (𑒠𑒵𑒬𑓂𑒨 𑒂𑒠𑒱𑒏 𑒏𑒪𑓂𑒣𑒢𑒰 𑒮𑒰𑒖-𑒮𑒖𑓂𑒖𑒰 𑒂𑒡𑒰𑒩𑒱𑒞)। 𑒂𑓀𑒑𑒱𑒏 𑒁𑒦𑒱𑒢𑒨- 𑒬𑒩𑒲𑒩, 𑒧𑒳𑒐 𑒂 𑒔𑒹𑒭𑓂𑒙𑒰𑒮𑒿; 𑒫𑒰𑒔𑒱𑒏 𑒁𑒦𑒱𑒢𑒨- 𑒠𑒹𑒫, 𑒦𑒴𑒣𑒰𑒪, 𑒁𑒢𑒰𑒩𑓂𑒨 𑒂 𑒖𑒢𑓂𑒞𑒳-𑒔𑒱𑒛𑓃𑒻𑒏 𑒦𑒰𑒭𑒰𑒧𑒹; 𑒮𑒰𑒞𑓂𑒫𑒱𑒏- 𑒮𑓂𑒞𑒧𑓂𑒦(𑒯𑒩𑓂𑒭, 𑒦𑒨, 𑒬𑒼𑒏), 𑒮𑓂𑒫𑒹𑒠 (𑒮𑓂𑒞𑒧𑓂𑒦𑒏 𑒦𑒰𑒫 𑒠𑒥𑒥𑒻𑒪𑒹 𑒧𑒰𑒟 𑒢𑒼𑒔𑓄 𑒪𑒰𑒑𑒥 𑒂𑒠𑒱), 𑒩𑒼𑒧𑓀𑒔 (𑒮𑒰𑒞𑓂𑒫𑒱𑒏𑒏 𑒏𑒰𑒩𑒝 𑒠𑒹𑒯 𑒦𑒳𑒏𑒳𑒙𑒢𑒰𑒃 𑒂𑒠𑒱), 𑒮𑓂𑒫𑒩𑒦𑓀𑒑 ( 𑒫𑒰𑒝𑒲𑒏 𑒦𑒰𑒩𑒲 𑒦𑒹𑒢𑒰𑒃, 𑒂𑒿𑒐𑒱𑒧𑒹 𑒢𑒼𑒩 𑒋𑒢𑒰𑒃), 𑒫𑒹𑒣𑒟𑒳 (𑒠𑒹𑒯 𑒟𑒩𑒟𑒩𑒹𑒢𑒰𑒃 𑒂𑒠𑒱), 𑒫𑒻𑒫𑒩𑓂𑒝𑓂𑒨 (𑒧𑒳𑒿𑒯 𑒣𑒲𑒨𑒩 𑒣𑒛𑓃𑒢𑒰𑒃), 𑒁𑒬𑓂𑒩𑒳 (𑒢𑒼𑒩 𑒜𑓃𑒥-𑒜𑓃𑒥 𑒐𑒮𑒢𑒰𑒃, 𑒥𑒹𑒩-𑒥𑒹𑒩 𑒂𑒠𑒱), 𑒣𑓂𑒩𑒪𑒨 (𑒬𑒫𑒰𑒮𑒢 𑒂𑒠𑒱 𑒠𑓂𑒫𑒰𑒩𑒰); 𑒂 𑒂𑒯𑒰𑒩𑓂𑒨- 𑒣𑒳𑒮𑓂𑒞 (𑒯𑒰𑒟𑒲, 𑒥𑒰𑒒, 𑒣𑒯𑒰𑒛𑓃 𑒂𑒠𑒱𑒏 𑒧𑓀𑒔𑒣𑒩 𑒮𑓂𑒟𑒰𑒣𑒢), 𑒁𑒪𑓀𑒏𑒰𑒩 (𑒫𑒮𑓂𑒞𑓂𑒩-𑒁𑒪𑓀𑒏𑒩𑒝), 𑒁𑓀𑒑𑒩𑒔𑒢𑒰 (𑒩𑓀𑒑, 𑒧𑒼𑓀𑒕, 𑒫𑒹𑒬 𑒂 𑒏𑒹𑒬), 𑒮𑓀𑒖𑒲𑒫 (𑒥𑒱𑒢𑒰 𑒣𑒋𑒩-𑒮𑒰𑒿𑒣, 𑒠𑒴 𑒣𑒋𑒩-𑒧𑒢𑒳𑒏𑓂𑒐 𑒂 𑒔𑒱𑒛𑓃𑒻 𑒂 𑒔𑒰𑒩𑒱 𑒣𑒋𑒩𑒥𑒪𑒰-𑒖𑒢𑓂𑒞𑒳 𑒖𑒲𑒫-𑒖𑒢𑓂𑒞𑒳𑒏 𑒣𑓂𑒩𑒮𑓂𑒞𑒳𑒞𑒱)𑒠𑓂𑒫𑒰𑒩𑒰 𑒯𑒼𑒃𑒞 𑒁𑒕𑒱।
𑒠𑒴𑒙𑒰 𑒂𑒩 𑒁𑒦𑒱𑒢𑒨- 𑒮𑒰𑒧𑒰𑒢𑓂𑒨 (𑒢𑒰𑒙𑓂𑒨𑒬𑒰𑒮𑓂𑒞𑓂𑒩 𑓒𑓒𑒧 𑒁𑒡𑓂𑒨𑒰𑒨) 𑒂 𑒔𑒱𑒞𑓂𑒩𑒰𑒦𑒱𑒢𑒨 (𑒢𑒰𑒙𑓂𑒨𑒬𑒰𑒮𑓂𑒞𑓂𑒩 𑓒𑓒𑒧 𑒁𑒡𑓂𑒨𑒰𑒨): 𑒔𑒞𑒳𑒩𑓂𑒫𑒱𑒡 𑒁𑒦𑒱𑒢𑒨𑒏 𑒥𑒰𑒠 𑒮𑒰𑒧𑒰𑒢𑓂𑒨 𑒁𑒦𑒱𑒢𑒨𑒏 𑒫𑒩𑓂𑒝𑒢, 𑒄 𑒂𑓀𑒑𑒱𑒏, 𑒫𑒰𑒔𑒱𑒏 𑒂 𑒮𑒰𑒞𑓂𑒫𑒱𑒏 𑒁𑒦𑒱𑒢𑒨𑒏 𑒮𑒧𑒢𑓂𑒫𑒱𑒞 𑒩𑒴𑒣 𑒁𑒕𑒱 𑒂 𑒌 𑒧𑒹 𑒮𑒰𑒞𑓂𑒫𑒱𑒏 𑒁𑒦𑒱𑒢𑒨𑒏 𑒣𑓂𑒩𑒡𑒰𑒢𑒞𑒰 𑒩𑒯𑒻𑒞 𑒁𑒕𑒱। 𑒔𑒱𑒞𑓂𑒩𑒰𑒦𑒱𑒢𑒨 𑒂𑓀𑒑𑒱𑒏𑒮𑒿 𑒮𑒧𑓂𑒥𑒠𑓂𑒡- 𑒁𑓀𑒑𑒏 𑒧𑒰𑒡𑓂𑒨𑒮𑒿 𑒔𑒱𑒞𑓂𑒩 𑒥𑒢𑒰 𑒏𑓄 𑒣𑒯𑒰𑒛𑓃, 𑒣𑒼𑒐𑒩𑒱 𑒔𑒱𑒛𑓃𑒻 𑒂𑒠𑒱𑒏 𑒁𑒦𑒱𑒢𑒨 𑒫𑒱𑒡𑒰𑒢।
𑒢𑒰𑒙𑓂𑒨-𑒧𑓀𑒔𑒢 𑒂 𑒁𑒦𑒱𑒢𑒨: 𑒏𑒰𑒪𑒱𑒠𑒰𑒮𑒏 𑒁𑒦𑒱𑒖𑓂𑒘𑒰𑒢 𑒬𑒰𑒏𑒳𑒢𑓂𑒞𑒪𑒧𑓂 𑒢𑒰𑒙𑓂𑒨 𑒢𑒱𑒩𑓂𑒠𑒹𑒬𑒏𑒏 𑒪𑒹𑒪 𑒣𑒚𑒢𑒲𑒨 𑒢𑒰𑒙𑒏 𑒁𑒕𑒱। 𑒩𑓀𑒑𑒧𑓀𑒔 𑒢𑒱𑒩𑓂𑒠𑒹𑒬, 𑒖𑒹𑒢𑒰, 𑒩𑒟 𑒫𑒹𑒑𑓀 𑒢𑒱𑒩𑒴𑒣𑓂𑒨, 𑒮𑒴𑒞 𑒣𑒬𑓂𑒨𑒻𑒢𑓀 𑒫𑓂𑒨𑒰𑒣𑒰𑒠𑓂𑒨𑒧𑒰𑒢𑓀, 𑒃𑒞𑒱 𑒬𑒩𑒮𑓀𑒡𑒰𑒢𑒧𑓂 𑒢𑒰𑒙𑒨𑒞𑒱, 𑒫𑒵𑒏𑓂𑒭 𑒮𑒹𑒔𑒢𑒧𑓂 𑒩𑒳𑒣𑒨𑒞𑒱, 𑒏𑒪𑒬𑒧𑓂 𑒁𑒫𑒩𑒖𑒰𑒨𑒞𑒱, 𑒧𑒳𑒐𑒧𑒮𑓂𑒨𑒰𑓁 𑒮𑒧𑒳𑒢𑓂𑒢𑒧𑒨𑒱𑒞𑒳𑒧𑒱𑒔𑓂𑒕𑒞𑒱, 𑒬𑒏𑒳𑒢𑓂𑒞𑒪𑒰 𑒣𑒩𑒱𑒯𑒩𑒞𑒱 𑒢𑒰𑒙𑓂𑒨𑒹𑒢, 𑒢𑒰𑒙𑓂𑒨𑒹𑒢 𑒣𑓂𑒩𑒮𑒰𑒡𑒨𑒞𑓁, 𑒏𑒯𑒱 𑒏𑓄 𑒫𑒰𑒮𑓂𑒞𑒫𑒱𑒏𑒞𑒰𑒧𑒹 𑒢𑒻 𑒫𑒩𑒢𑓂 𑒁𑒦𑒱𑒢𑒨𑒮𑒿 𑒄 𑒏𑒋𑒪 𑒖𑒰𑒃𑒞 𑒁𑒕𑒱। 𑒢𑒰𑒙𑓂𑒨𑒹𑒢 𑒣𑓂𑒩𑒮𑒰𑒡𑒨𑒞𑓁, 𑒋𑒞𑒋 𑒁𑒢𑒮𑒴𑒨𑒰 𑒂 𑒣𑓂𑒩𑒱𑒨𑒧𑓂𑒫𑒠𑒰 𑒧𑒳𑒠𑓂𑒩𑒰𑒮𑒿 𑒁𑒣𑒢 𑒮𑒐𑒲 𑒬𑒏𑒳𑒢𑓂𑒞𑒪𑒰𑒏 𑒣𑓂𑒩𑒮𑒰𑒡𑒢 𑒏𑒩𑒻 𑒕𑒟𑒱 𑒏𑒰𑒩𑒝 𑒮𑒹 𑒔𑒰𑒯𑒹 𑒞𑒿 𑒅𑒣𑒪𑒥𑓂𑒡 𑒢𑒻 𑒁𑒕𑒱, 𑒔𑒰𑒯𑒹 𑒞𑒿 𑒍𑒞𑒹𑒏 𑒣𑒪𑒐𑒞𑒱 𑒢𑒻 𑒁𑒕𑒱। 𑒞𑒯𑒱𑒢𑒰 𑒫𑒵𑒏𑓂𑒭 𑒮𑒹𑒔𑒢𑒧𑓂 𑒩𑒳𑒣𑒨𑒞𑒱 𑒮𑒿 𑒑𑒰𑒕𑒧𑒹 𑒣𑒰𑒢𑒱 𑒣𑒙𑒹𑒥𑒰𑒏 𑒁𑒦𑒱𑒢𑒨, 𑒏𑒪𑒬𑒧𑓂 𑒁𑒫𑒩𑒖𑒰𑒨𑒞𑒱 𑒮𑒿 𑒏𑒪𑒬 𑒐𑒰𑒪𑒲 𑒏𑒩𑒥𑒰𑒏 𑒏𑒰𑒪𑓂𑒣𑒢𑒱𑒏 𑒢𑒱𑒩𑓂𑒠𑒹𑒬, 𑒩𑒟 𑒫𑒹𑒑𑓀 𑒢𑒱𑒩𑒴𑒣𑓂𑒨 𑒮𑒿 𑒞𑒹𑒖 𑒑𑒞𑒱𑒮𑒿 𑒩𑒟𑒧𑒹 𑒨𑒰𑒞𑓂𑒩𑒰𑒏 𑒁𑒦𑒱𑒢𑒨, 𑒃𑒞𑒱 𑒬𑒩𑒮𑓀𑒡𑒰𑒢𑒧𑓂 𑒢𑒰𑒙𑒨𑒞𑒱 𑒮𑒿 𑒞𑒲𑒩𑒏𑒹𑒿 𑒡𑒢𑒳𑒭𑒣𑒩 𑒔𑒜𑓃𑒹𑒥𑒰𑒏 𑒢𑒱𑒩𑓂𑒝𑒨, 𑒮𑒴𑒞 𑒣𑒬𑓂𑒨𑒻𑒢𑓀 𑒫𑓂𑒨𑒰𑒣𑒰𑒠𑓂𑒨𑒧𑒰𑒢𑓀 𑒮𑒿 𑒯𑒩𑒱𑒝𑒏𑒹𑒿 𑒧𑒰𑒩𑒱 𑒐𑒮𑒹𑒥𑒰𑒏 𑒠𑒵𑒬𑓂𑒨 𑒠𑒹𑒐𑒥𑒰𑒏 𑒢𑒱𑒩𑓂𑒠𑒹𑒬, 𑒧𑒳𑒐𑒧𑒮𑓂𑒨𑒰𑓁 𑒮𑒧𑒳𑒢𑓂𑒢𑒧𑒨𑒱𑒞𑒳𑒧𑒱𑒔𑓂𑒕𑒞𑒱 𑒮𑒿 𑒠𑒳𑒬𑓂𑒨𑒢𑓂𑒞𑒏 𑒬𑒏𑒳𑒢𑓂𑒞𑒪𑒰𑒏 𑒧𑒳𑒿𑒯𑒏𑒹𑒿 𑒅𑒚𑒹𑒥𑒰𑒏 𑒃𑒔𑓂𑒕𑒰, 𑒬𑒏𑒳𑒢𑓂𑒞𑒪𑒰 𑒣𑒩𑒱𑒯𑒩𑒞𑒱 𑒢𑒰𑒙𑓂𑒨𑒹𑒢 𑒮𑒿 𑒬𑒏𑒳𑒢𑓂𑒞𑒪𑒰 𑒠𑓂𑒫𑒰𑒩𑒰 𑒠𑒳𑒬𑓂𑒨𑒢𑓂𑒞𑒏 𑒌 𑒣𑓂𑒩𑒨𑒰𑒮𑒏𑒹𑒿 𑒩𑒼𑒏𑒥𑒰𑒏 𑒁𑒦𑒱𑒢𑒨𑒏 𑒢𑒱𑒩𑓂𑒠𑒹𑒬 𑒯𑒼𑒃𑒞 𑒁𑒕𑒱।
𑒦𑒩𑒞𑒏 𑒩𑓀𑒑𑒧𑓀𑒔: 𑒌 𑒧𑒹 𑒯𑒼𑒃𑒞 𑒁𑒕𑒱- 𑒣𑒰𑒕𑒰𑒿𑒏 𑒣𑒩𑓂𑒠𑒰, 𑒢𑒹𑒣𑒟𑓂𑒨 (𑒧𑒹𑒏𑒣 𑒩𑒴𑒧 𑒥𑒳𑒗𑒴), 𑒂𑒑𑒧𑒢 𑒂 𑒢𑒱𑒩𑓂𑒑𑒧𑒢𑒏 𑒠𑒩𑒥𑒖𑓂𑒖𑒰, 𑒫𑒱𑒬𑒹𑒭 𑒣𑒩𑓂𑒠𑒰 𑒖𑒹 𑒂𑒑𑒧𑒢 𑒂 𑒢𑒱𑒩𑓂𑒑𑒧𑒢 𑒮𑓂𑒟𑒪𑒏𑒹𑒿 𑒗𑒰𑒿𑒣𑒻𑒞 𑒁𑒕𑒱, 𑒫𑒹𑒠𑒱𑒏𑒰- 𑒩𑓀𑒑𑒧𑓀𑒔𑒏 𑒥𑒲𑒔𑒧𑒹 𑒫𑒰𑒠𑒢-𑒠𑒪 𑒪𑒹𑒪 𑒥𑒢𑒰𑒍𑒪 𑒖𑒰𑒃𑒞 𑒁𑒕𑒱, 𑒩𑓀𑒑𑒬𑒲𑒩𑓂𑒭- 𑒣𑒰𑒕𑒰𑒿𑒏 𑒩𑓀𑒑𑒧𑓀𑒔 𑒮𑓂𑒟𑒪; 𑒧𑒞𑓂𑒞𑒫𑒩𑓂𑒝𑒲-𑒂𑒑𑒰𑒿 𑒠𑒱𑒮 𑒠𑒳𑒢𑒴 𑒏𑒼𑒝𑒣𑒩 𑒁𑒦𑒱𑒢𑒨 𑒪𑒹𑒪 𑒯𑒼𑒃𑒞 𑒁𑒕𑒱 𑒂 𑒩𑓀𑒑𑒣𑒲𑒚 𑒁𑒕𑒱 𑒮𑒼𑒗𑒰𑒿𑒏 𑒧𑒳𑒐𑓂𑒨 𑒁𑒦𑒱𑒢𑒨 𑒮𑓂𑒟𑒪।
𑒁𑒦𑒱𑒢𑒨 𑒧𑒴𑒪𑓂𑒨𑒰𑓀𑒏𑒢: 𑒁𑒡𑓂𑒨𑒰𑒨 𑓒𑓗 𑒧𑒹 𑒦𑒩𑒞 𑒮𑒤𑒪𑒞𑒰𑒏𑒹𑒿 𑒪𑒏𑓂𑒭𑓂𑒨 𑒥𑒞𑒥𑒻 𑒕𑒟𑒱, 𑒧𑓀𑒔𑒢 𑒮𑒤𑒪𑒞𑒰𑒮𑒿 𑒣𑒴𑒩𑓂𑒝 𑒯𑒳𑒁𑒋। 𑒠𑒩𑓂𑒬𑒏 𑒏𑒯𑒻𑒋, 𑒯𑒿, 𑒥𑒰𑒯, 𑒏𑒞𑒹𑒏 𑒠𑒳𑒐𑒠 𑒁𑒢𑓂𑒞, 𑒞𑒿 𑒞𑒹𑒯𑒢𑒹 𑒠𑒩𑓂𑒬𑒏 𑒦𑒹𑒪𑒰𑒯 𑒮𑒯𑒵𑒠𑒨, 𑒦𑒩𑒞𑒏 𑒬𑒥𑓂𑒠𑒧𑒹, 𑒮𑒹 𑒍 𑒢𑒰𑒙𑒏𑒏𑒰𑒩 𑒂 𑒍𑒏𑒩 𑒣𑒰𑒞𑓂𑒩𑒏 𑒮𑓀𑒑 𑒋𑒏 𑒦𑓄 𑒖𑒰𑒃𑒞 𑒕𑒟𑒱।
𑒢𑒰𑒙𑓂𑒨 𑒣𑓂𑒩𑒞𑒱𑒨𑒼𑒑𑒱𑒞𑒰 𑒯𑒼𑒃𑒞 𑒕𑒪 𑒂 𑒍𑒞𑒋 𑒢𑒱𑒩𑓂𑒝𑒰𑒨𑒏 𑒪𑒼𑒏𑒢𑒱 𑒣𑒳𑒩𑒮𑓂𑒏𑒰𑒩 𑒮𑒹𑒯𑒼 𑒠𑒻 𑒕𑒪𑒰𑒯।
𑒦𑒩𑒞 𑒢𑒱𑒩𑓂𑒝𑒰𑒨𑒏 𑒪𑒼𑒏𑒢𑒱 𑒠𑓂𑒫𑒰𑒩𑒰 𑒡𑒢𑒰𑒞𑓂𑒧𑒏 𑒂 𑒇𑒝𑒰𑒞𑓂𑒧𑒏 𑒁𑓀𑒏 𑒠𑒹𑒥𑒰𑒏 𑒧𑒰𑒢𑒠𑒝𑓂𑒛𑒏 𑒢𑒱𑒩𑓂𑒡𑒰𑒩𑒝 𑒏𑒩𑒻𑒞 𑒏𑒯𑒻 𑒕𑒟𑒱 𑒖𑒹-
𑓑.𑒡𑓂𑒨𑒰𑒢𑒧𑒹 𑒏𑒧𑒲, 𑓒.𑒠𑒼𑒮𑒩 𑒣𑒰𑒞𑓂𑒩𑒏 𑒮𑒧𑓂𑒫𑒰𑒠 𑒥𑒰𑒖𑒥, 𑓓.𑒣𑒰𑒞𑓂𑒩𑒏 𑒁𑒢𑒳𑒩𑒴𑒣 𑒫𑓂𑒨𑒏𑓂𑒞𑒱𑒞𑓂𑒫 𑒢𑒻 𑒯𑒋𑒥, 𑓔.𑒮𑓂𑒧𑒩𑒝𑒧𑒹 𑒏𑒧𑒲, 𑓕.𑒣𑒰𑒞𑓂𑒩𑒏 𑒁𑒦𑒱𑒢𑒨𑒮𑒿 𑒯𑒙𑒱 𑒏𑓄 𑒠𑒼𑒮𑒩 𑒩𑒴𑒣 𑒡𑓄 𑒪𑒹𑒥, 𑓖.𑒏𑒼𑒢𑒼 𑒫𑒮𑓂𑒞𑒳, 𑒣𑒠𑒰𑒩𑓂𑒟 𑒐𑒮𑒱 𑒣𑒛𑓃𑒥, 𑓗.𑒥𑒖𑒥𑒰 𑒏𑒰𑒪 𑒪𑒙𑒣𑒙𑒰𑒋𑒥, 𑓘.𑒫𑓂𑒨𑒰𑒏𑒩𑒝 𑒫𑒰 𑒂𑒢 𑒠𑒼𑒭, 𑓙.𑒢𑒱𑒭𑓂𑒣𑒰𑒠𑒢𑒧𑒹 𑒏𑒧𑒲, 𑓑𑓐.𑒮𑓀𑒑𑒲𑒞𑒧𑒹 𑒠𑒼𑒭, 𑓑𑓑.𑒫𑒰𑒏𑓂 𑒧𑒹 𑒠𑒼𑒭, 𑓑𑓒.𑒠𑒴𑒩𑒠𑒩𑓂𑒬𑒱𑒞𑒰𑒧𑒹 𑒏𑒧𑒲, 𑓑𑓓.𑒮𑒰𑒧𑒱𑒑𑓂𑒩𑒲𑒧𑒹 𑒏𑒧𑒲, 𑓑𑓔.𑒧𑒹𑒏𑒣 𑒧𑒹 𑒏𑒧𑒲, 𑓑𑓕. 𑒢𑒰𑒙𑒏𑒏𑒰𑒩 𑒫𑒰 𑒢𑒱𑒩𑓂𑒠𑒹𑒬𑒏 𑒠𑓂𑒫𑒰𑒩𑒰 𑒏𑒼𑒢𑒼 𑒠𑒼𑒮𑒩 𑒢𑒰𑒙𑒏𑒏 𑒁𑓀𑒬 𑒒𑒼𑒮𑒱𑒨𑒰𑒋𑒥, 𑓑𑓖.𑒢𑒰𑒙𑒏𑒏 𑒦𑒰𑒭𑒰 𑒮𑒩𑒪 𑒂 𑒮𑒰𑒤 𑒢𑒻 𑒯𑒋𑒥, 𑒄 𑒮𑒦 𑒁𑒦𑒱𑒢𑒨 𑒂 𑒧𑓀𑒔𑒢𑒏 𑒠𑒼𑒭 𑒦𑒹𑒪।
𑒢𑒱𑒩𑓂𑒝𑒰𑒨𑒏 𑒮𑒦 𑒏𑓂𑒭𑒹𑒞𑓂𑒩𑒮𑒿 𑒯𑒼𑒟𑒱, 𑒢𑒱𑒩𑒣𑒹𑒏𑓂𑒭 𑒯𑒼𑒟𑒱। 𑒢𑒰𑒙𑒏𑒏 𑒮𑒧𑓂𑒣𑒴𑒩𑓂𑒝 𑒣𑓂𑒩𑒦𑒰𑒫, 𑒞𑒰𑒩𑒞𑒧𑓂𑒨, 𑒫𑒱𑒦𑒱𑒢𑓂𑒢 𑒑𑒳𑒝𑒏 𑒁𑒢𑒳𑒣𑒰𑒞, 𑒂 𑒦𑒰𑒫𑒢𑒰𑒞𑓂𑒧𑒏 𑒢𑒱𑒩𑒴𑒣𑒝 𑒡𑓂𑒨𑒰𑒢𑒧𑒹 𑒩𑒰𑒐𑒪 𑒖𑒰𑒋।
𑒮𑓂𑒙𑒹𑒖𑒏 𑒧𑒻𑒢𑒹𑒖𑒩- 𑒮𑒴𑒞𑓂𑒩𑒡𑒰𑒩- 𑒂 𑒍𑒏𑒩 𑒮𑒯𑒰𑒨𑒏 –𑒣𑒩𑒱𑒣𑒰𑒩𑓂𑒬𑓂𑒫𑒏- 𑒢𑒰𑒙𑒏𑒏 𑒮𑒦 𑒏𑓂𑒭𑒹𑒞𑓂𑒩𑒏 𑒖𑓂𑒘𑒰𑒞𑒰 𑒯𑒼𑒟𑒱। 𑒧𑒳𑒐𑓂𑒨 𑒁𑒦𑒱𑒢𑒹𑒞𑓂𑒩𑒲 𑒮𑓀𑒑𑒲𑒞 𑒂 𑒢𑒰𑒙𑒏𑒧𑒹 𑒢𑒱𑒣𑒳𑒝 𑒯𑒼𑒟𑒱, 𑒧𑒳𑒐𑓂𑒨 𑒁𑒦𑒱𑒢𑒹𑒞𑒰- 𑒢𑒰𑒨𑒏- 𑒁𑒣𑒢 𑒏𑓂𑒭𑒧𑒞𑒰𑒮𑒿 𑒢𑒰𑒙𑒏𑒏𑒹𑒿 𑒮𑒤𑒪 𑒥𑒢𑒥𑒻 𑒕𑒟𑒱।𑒁𑒦𑒱𑒢𑒹𑒞𑒰- 𑒢𑒙- 𑒏 𑒔𑒨𑒢 𑒋𑒢𑒰 𑒏𑒩𑒴, 𑒖𑒿 𑒕𑒼𑒙 𑒏𑒠𑒏𑒰𑒚𑒲𑒏 𑒕𑒟𑒱 𑒞𑒿 𑒫𑒰𑒝𑒫𑒲𑒩 𑒪𑒹𑒪, 𑒣𑒰𑒞𑒩-𑒠𑒳𑒥𑓂𑒥𑒩 𑒯𑒼𑒟𑒱 𑒞𑒿 𑒢𑒼𑒏𑒩, 𑒥𑒏𑒟𑒼𑒟𑒲𑒧𑒹 𑒧𑒰𑒯𑒱𑒩 𑒯𑒼𑒟𑒱 𑒞𑒿 𑒥𑒱𑒣𑒙𑒰, 𑒌 𑒞𑒩𑒯𑒹𑒿 𑒣𑒰𑒞𑓂𑒩𑒏 𑒁𑒦𑒱𑒢𑒹𑒞𑒰𑒏 𑒢𑒱𑒩𑓂𑒡𑒰𑒩𑒝 𑒏𑒩𑒴। 𑒮𑓀𑒑𑒲𑒞-𑒠𑒪𑒏 𑒧𑒳𑒐𑒱𑒨𑒰- 𑒞𑒾𑒩𑒱𑒏- 𑒏𑒹𑒿 𑒮𑓀𑒑𑒲𑒞𑒏 𑒮𑒦 𑒣𑒏𑓂𑒭𑒏 𑒖𑓂𑒘𑒰𑒢 𑒯𑒹𑒥𑒰𑒏 𑒔𑒰𑒯𑒲 𑒖𑒃𑒮𑒿 𑒍 𑒥𑒰𑒖𑒰 𑒥𑒖𑒹𑒢𑒯𑒰𑒩- 𑒏𑒳𑒬𑒲𑒪𑒫- 𑒏𑒹𑒿 𑒢𑒱𑒩𑓂𑒠𑒹𑒬𑒱𑒞 𑒏𑓄 𑒮𑒏𑒟𑒱।
𑒢𑒰𑒙𑓂𑒨-𑒧𑓀𑒔𑒢 𑒂 𑒁𑒦𑒱𑒢𑒨
𑒏𑒰𑒪𑒱𑒠𑒰𑒮𑒏 𑒁𑒦𑒱𑒖𑓂𑒘𑒰𑒢 𑒬𑒰𑒏𑒳𑒢𑓂𑒞𑒪𑒧𑓂 𑒢𑒰𑒙𑓂𑒨 𑒢𑒱𑒩𑓂𑒠𑒹𑒬𑒏𑒏 𑒪𑒹𑒪 𑒣𑒚𑒢𑒲𑒨 𑒢𑒰𑒙𑒏 𑒁𑒕𑒱। 𑒩𑓀𑒑𑒧𑓀𑒔 𑒢𑒱𑒩𑓂𑒠𑒹𑒬, 𑒖𑒹𑒢𑒰, 𑒩𑒟 𑒫𑒹𑒑𑓀 𑒢𑒱𑒩𑒴𑒣𑓂𑒨, 𑒮𑒴𑒞 𑒣𑒬𑓂𑒨𑒻𑒢𑓀 𑒫𑓂𑒨𑒰𑒣𑒰𑒠𑓂𑒨𑒧𑒰𑒢𑓀, 𑒃𑒞𑒱 𑒬𑒩𑒮𑓀𑒡𑒰𑒢𑒧𑓂 𑒢𑒰𑒙𑒨𑒞𑒱, 𑒫𑒵𑒏𑓂𑒭 𑒮𑒹𑒔𑒢𑒧𑓂 𑒩𑒳𑒣𑒨𑒞𑒱, 𑒏𑒪𑒬𑒧𑓂 𑒁𑒫𑒩𑒖𑒰𑒨𑒞𑒱, 𑒧𑒳𑒐𑒧𑒮𑓂𑒨𑒰𑓁 𑒮𑒧𑒳𑒢𑓂𑒢𑒧𑒨𑒱𑒞𑒳𑒧𑒱𑒔𑓂𑒕𑒞𑒱, 𑒬𑒏𑒳𑒢𑓂𑒞𑒪𑒰 𑒣𑒩𑒱𑒯𑒩𑒞𑒱 𑒢𑒰𑒙𑓂𑒨𑒹𑒢, 𑒢𑒰𑒙𑓂𑒨𑒹𑒢 𑒣𑓂𑒩𑒮𑒰𑒡𑒨𑒞𑓁, 𑒏𑒯𑒱 𑒏𑓄 𑒫𑒰𑒮𑓂𑒞𑒫𑒱𑒏𑒞𑒰𑒧𑒹 𑒢𑒻 𑒫𑒩𑒢𑓂 𑒁𑒦𑒱𑒢𑒨𑒮𑒿 𑒄 𑒏𑒋𑒪 𑒖𑒰𑒃𑒞 𑒁𑒕𑒱। 𑒢𑒰𑒙𑓂𑒨𑒹𑒢 𑒣𑓂𑒩𑒮𑒰𑒡𑒨𑒞𑓁, 𑒋𑒞𑒋 𑒁𑒢𑒮𑒴𑒨𑒰 𑒂 𑒣𑓂𑒩𑒱𑒨𑒧𑓂𑒫𑒠𑒰 𑒧𑒳𑒠𑓂𑒩𑒰𑒮𑒿 𑒁𑒣𑒢 𑒮𑒐𑒲 𑒬𑒏𑒳𑒢𑓂𑒞𑒪𑒰𑒏 𑒣𑓂𑒩𑒮𑒰𑒡𑒢 𑒏𑒩𑒻 𑒕𑒟𑒱 𑒏𑒰𑒩𑒝 𑒮𑒹 𑒔𑒰𑒯𑒹 𑒞𑒿 𑒅𑒣𑒪𑒥𑓂𑒡 𑒢𑒻 𑒁𑒕𑒱, 𑒔𑒰𑒯𑒹 𑒞𑒿 𑒍𑒞𑒹𑒏 𑒣𑒪𑒐𑒞𑒱 𑒢𑒻 𑒁𑒕𑒱। 𑒞𑒯𑒱𑒢𑒰 𑒫𑒵𑒏𑓂𑒭 𑒮𑒹𑒔𑒢𑒧𑓂 𑒩𑒳𑒣𑒨𑒞𑒱 𑒮𑒿 𑒑𑒰𑒕𑒧𑒹 𑒣𑒰𑒢𑒱 𑒣𑒙𑒹𑒥𑒰𑒏 𑒁𑒦𑒱𑒢𑒨, 𑒏𑒪𑒬𑒧𑓂 𑒁𑒫𑒩𑒖𑒰𑒨𑒞𑒱 𑒮𑒿 𑒏𑒪𑒬 𑒐𑒰𑒪𑒲 𑒏𑒩𑒥𑒰𑒏 𑒏𑒰𑒪𑓂𑒣𑒢𑒱𑒏 𑒢𑒱𑒩𑓂𑒠𑒹𑒬, 𑒩𑒟 𑒫𑒹𑒑𑓀 𑒢𑒱𑒩𑒴𑒣𑓂𑒨 𑒮𑒿 𑒞𑒹𑒖 𑒑𑒞𑒱𑒮𑒿 𑒩𑒟𑒧𑒹 𑒨𑒰𑒞𑓂𑒩𑒰𑒏 𑒁𑒦𑒱𑒢𑒨, 𑒃𑒞𑒱 𑒬𑒩𑒮𑓀𑒡𑒰𑒢𑒧𑓂 𑒢𑒰𑒙𑒨𑒞𑒱 𑒮𑒿 𑒞𑒲𑒩𑒏𑒹𑒿 𑒡𑒢𑒳𑒭𑒣𑒩 𑒔𑒜𑓃𑒹𑒥𑒰𑒏 𑒢𑒱𑒩𑓂𑒝𑒨, 𑒮𑒴𑒞 𑒣𑒬𑓂𑒨𑒻𑒢𑓀 𑒫𑓂𑒨𑒰𑒣𑒰𑒠𑓂𑒨𑒧𑒰𑒢𑓀 𑒮𑒿 𑒯𑒩𑒱𑒝𑒏𑒹𑒿 𑒧𑒰𑒩𑒱 𑒐𑒮𑒹𑒥𑒰𑒏 𑒠𑒵𑒬𑓂𑒨 𑒠𑒹𑒐𑒥𑒰𑒏 𑒢𑒱𑒩𑓂𑒠𑒹𑒬, 𑒧𑒳𑒐𑒧𑒮𑓂𑒨𑒰𑓁 𑒮𑒧𑒳𑒢𑓂𑒢𑒧𑒨𑒱𑒞𑒳𑒧𑒱𑒔𑓂𑒕𑒞𑒱 𑒮𑒿 𑒠𑒳𑒬𑓂𑒨𑒢𑓂𑒞𑒏 𑒬𑒏𑒳𑒢𑓂𑒞𑒪𑒰𑒏 𑒧𑒳𑒿𑒯𑒏𑒹𑒿 𑒅𑒚𑒹𑒥𑒰𑒏 𑒃𑒔𑓂𑒕𑒰, 𑒬𑒏𑒳𑒢𑓂𑒞𑒪𑒰 𑒣𑒩𑒱𑒯𑒩𑒞𑒱 𑒢𑒰𑒙𑓂𑒨𑒹𑒢 𑒮𑒿 𑒬𑒏𑒳𑒢𑓂𑒞𑒪𑒰 𑒠𑓂𑒫𑒰𑒩𑒰 𑒠𑒳𑒬𑓂𑒨𑒢𑓂𑒞𑒏 𑒌 𑒣𑓂𑒩𑒨𑒰𑒮𑒏𑒹𑒿 𑒩𑒼𑒏𑒥𑒰𑒏 𑒁𑒦𑒱𑒢𑒨𑒏 𑒢𑒱𑒩𑓂𑒠𑒹𑒬 𑒯𑒼𑒃𑒞 𑒁𑒕𑒱। 𑒦𑒰𑒩𑒞 𑒂 𑒣𑒰𑒬𑓂𑒔𑒰𑒞𑓂𑒨 𑒢𑒰𑒙𑓂𑒨 𑒮𑒱𑒠𑓂𑒡𑒰𑓀𑒞𑒏 𑒁𑒡𑓂𑒨𑒨𑒢𑒮𑒿 𑒄 𑒖𑓂𑒘𑒰𑒞 𑒯𑒼𑒃𑒞 𑒁𑒕𑒱 𑒖𑒹 𑒧𑒰𑒢𑒫𑒏 𑒔𑒱𑒢𑓂𑒞𑒢 𑒦𑒾𑒑𑒼𑒪𑒱𑒏 𑒠𑒴𑒩𑒲𑒏𑒏 𑒁𑒕𑒻𑒞 𑒏𑒞𑒹𑒏 𑒮𑒧𑒰𑒢𑒞𑒰 𑒪𑒹𑒢𑒹 𑒩𑒯𑒻𑒞 𑒁𑒕𑒱। 𑒦𑒰𑒩𑒞𑒲𑒨 𑒢𑒰𑒙𑓂𑒨𑒬𑒰𑒮𑓂𑒞𑓂𑒩 𑒧𑒳𑒐𑓂𑒨𑒞𑓁 𑒦𑒩𑒞𑒏 “𑒢𑒰𑒙𑓂𑒨𑒬𑒰𑒮𑓂𑒞𑓂𑒩” 𑒂 𑒡𑒢𑓀𑒖𑒨𑒏 𑒠𑒬𑒩𑒴𑒣𑒏𑒣𑒩 𑒂𑒡𑒰𑒩𑒱𑒞 𑒁𑒕𑒱। 𑒣𑒰𑒬𑓂𑒔𑒰𑒞𑓂𑒨 𑒢𑒰𑒙𑓂𑒨𑒬𑒰𑒮𑓂𑒞𑓂𑒩𑒏 𑒣𑓂𑒩𑒰𑒧𑒰𑒝𑒱𑒏 𑒑𑓂𑒩𑓀𑒟 𑒁𑒕𑒱 𑒁𑒩𑒮𑓂𑒞𑒴𑒏 “𑒏𑒰𑒫𑓂𑒨𑒬𑒰𑒮𑓂𑒞𑓂𑒩”। 𑒦𑒩𑒞 𑒢𑒰𑒙𑓂𑒨𑒏𑒹𑒿 “𑒏𑒵𑒞𑒰𑒢𑒳𑒮𑒰𑒩” “𑒦𑒰𑒫𑒰𑒢𑒳𑒏𑒰𑒩” 𑒏𑒯𑒻𑒞 𑒕𑒟𑒱, 𑒡𑒢𑓀𑒖𑒨 𑒁𑒫𑒮𑓂𑒟𑒰𑒏 𑒁𑒢𑒳𑒏𑒵𑒞𑒱𑒏𑒹𑒿 𑒢𑒰𑒙𑓂𑒨 𑒏𑒯𑒻𑒞 𑒕𑒟𑒱। 𑒦𑒰𑒩𑒞𑒲𑒨 𑒮𑒰𑒯𑒱𑒞𑓂𑒨𑒬𑒰𑒮𑓂𑒞𑓂𑒩𑒧𑒹 𑒁𑒢𑒳𑒏𑒩𑒝 𑒢𑒙 𑒏𑒩𑓂𑒧 𑒁𑒕𑒱, 𑒏𑒫𑒱 𑒏𑒩𑓂𑒧 𑒢𑒯𑒱। 𑒣𑒬𑓂𑒔𑒱𑒧𑒧𑒹 𑒁𑒢𑒳𑒏𑒩𑒝 𑒏𑒩𑓂𑒧 𑒟𑒱𑒏 𑒏𑒫𑒱 𑒏𑒩𑓂𑒧, 𑒢𑒙𑒏 𑒏𑒞𑒯𑒳 𑒔𑒩𑒔𑒰 𑒢𑒯𑒱 𑒁𑒕𑒱। 𑒁𑒩𑒮𑓂𑒞𑒴 𑒢𑒰𑒙𑒏𑒧𑒹 𑒏𑒟𑒰𑒢𑒏𑒣𑒩 𑒫𑒱𑒬𑒹𑒭 𑒥𑒪 𑒠𑒻𑒞 𑒕𑒟𑒱। 𑒙𑓂𑒩𑒹𑒖𑒹𑒛𑒲𑒧𑒹 𑒏𑒟𑒰𑒢𑒏 𑒏𑒹𑒩 𑒮𑓀𑒑 𑒔𑒩𑒱𑒞𑓂𑒩-𑒔𑒱𑒞𑓂𑒩𑒝, 𑒣𑒠-𑒩𑒔𑒢𑒰, 𑒫𑒱𑒔𑒰𑒩 𑒞𑒞𑓂𑒫, 𑒠𑒵𑒬𑓂𑒨 𑒫𑒱𑒡𑒰𑒢 𑒂 𑒑𑒲𑒞 𑒩𑒯𑒻𑒞 𑒁𑒕𑒱। 𑒦𑒩𑒞 𑒏𑒯𑒻𑒞 𑒕𑒟𑒱 𑒖𑒹 𑒢𑒰𑒨𑒏𑒮𑒿 𑒮𑓀𑒥𑓀𑒡𑒱𑒞 𑒏𑒟𑒰𑒫𑒮𑓂𑒞𑒳 𑒂𑒡𑒱𑒏𑒰𑒩𑒱𑒏 𑒂 𑒂𑒡𑒱𑒏𑒰𑒩𑒱𑒏 𑒏𑒟𑒰𑒫𑒮𑓂𑒞𑒳𑒏𑒹𑒿 𑒮𑒯𑒰𑒨𑒞𑒰 𑒣𑒯𑒳𑒿𑒔𑒰𑒥𑒋𑒥𑒪𑒰 𑒏𑒟𑒰 𑒣𑓂𑒩𑒰𑒮𑓀𑒑𑒱𑒏 𑒏𑒯𑒪 𑒖𑒋𑒞। 𑒧𑒳𑒠𑒰 𑒮𑒦 𑒢𑒰𑒙𑒏𑒧𑒹 𑒣𑓂𑒩𑒰𑒮𑓀𑒑𑒱𑒏 𑒏𑒟𑒰𑒫𑒮𑓂𑒞𑒳 𑒯𑒼𑒁𑒋 𑒮𑒹 𑒂𑒫𑒬𑓂𑒨𑒏 𑒢𑒯𑒱, 𑒣𑒬𑓂𑒔𑒱𑒧𑒲 𑒩𑓀𑒑𑒧𑓀𑒔𑒏 𑒢𑒰𑒙𑓂𑒨𑒫𑒱𑒡𑒰𑒢 𑒫𑒰𑒮𑓂𑒞𑒫𑒱𑒏 𑒁𑒕𑒱 𑒧𑒳𑒠𑒰 𑒦𑒰𑒩𑒞𑒲𑒨 𑒩𑓀𑒑𑒧𑓀𑒔𑒣𑒩 𑒮𑒰𑓀𑒏𑒹𑒞𑒱𑒏। 𑒖𑒹𑒢𑒰 𑒁𑒦𑒱𑒖𑓂𑒘𑒰𑒢𑒬𑒰𑒏𑒳𑓀𑒞𑒪𑒧𑓂 𑒧𑒹 𑒏𑒰𑒪𑒱𑒠𑒰𑒮 𑒏𑒯𑒻𑒞 𑒕𑒟𑒱- 𑒃𑒞𑒱 𑒬𑒩𑒮𑓀𑒡𑒰𑒢𑓀 𑒢𑒰𑒙𑒨𑒞𑒱। 𑒦𑒩𑒞:- 𑒢𑒰𑒙𑒏𑒏 𑒣𑓂𑒩𑒦𑒰𑒫𑒮𑒿 𑒩𑒮 𑒅𑒞𑓂𑒣𑒞𑓂𑒞𑒱 𑒯𑒼𑒃𑒞 𑒁𑒕𑒱। 𑒢𑒰𑒙𑒏 𑒏𑒟𑒲 𑒪𑒹𑒪? 𑒢𑒰𑒙𑒏 𑒩𑒮𑒏 𑒁𑒦𑒱𑒢𑒨 𑒪𑒹𑒪 𑒂 𑒮𑓀𑒑𑒹 𑒩𑒮𑒏 𑒅𑒞𑓂𑒣𑒞𑓂𑒞𑒱 𑒪𑒹𑒪 𑒮𑒹𑒯𑒼। 𑒩𑒮 𑒏𑒼𑒢𑒰 𑒥𑒯𑒩𑒰𑒃𑒋? 𑒩𑒮 𑒥𑒯𑒩𑒰𑒃𑒋 𑒏𑒰𑒩𑒝 (𑒫𑒱𑒦𑒰𑒫), 𑒣𑒩𑒱𑒝𑒰𑒧 (𑒁𑒢𑒳𑒦𑒰𑒫) 𑒂 𑒮𑓀𑒑 𑒪𑒰𑒑𑒪 𑒂𑒢 𑒫𑒮𑓂𑒞𑒳 (𑒫𑓂𑒨𑒦𑒱𑒔𑒰𑒩𑒲)𑒮𑒿। 𑒮𑓂𑒟𑒰𑒨𑒲𑒦𑒰𑒫 𑒑𑒰𑒜𑓃 𑒦𑓄 𑒮𑒲𑒗𑒱 𑒏𑓄 𑒩𑒮 𑒥𑒢𑒻𑒋, 𑒖𑒏𑒩 𑒮𑓂𑒫𑒰𑒠 𑒯𑒧 𑒪𑓄 𑒮𑒏𑒻 𑒕𑒲

𑒥𑒾𑒠𑓂𑒡 𑒔𑒩𑓂𑒨𑒰𑒑𑒲𑒞𑒏 𑒥𑒰𑒠 𑒧𑒯𑒰𑒩𑒰𑒖 𑒢𑒰𑒢𑓂𑒨𑒠𑒹𑒫 𑒮𑒩𑒮𑓂𑒫𑒞𑒲 𑒯𑒵𑒠𑒨𑒰𑒪𑓀𑒏𑒰𑒩 𑒤𑒹𑒩 𑒫𑒱𑒠𑓂𑒨𑒰𑒣𑒞𑒱 𑒂 𑒮𑓀𑒑𑒲𑒞𑒖𑓂𑒘 𑒖𑒨𑒞𑒏 𑒬𑒱𑒫 𑒮𑒱𑓀𑒯𑒏 𑒠𑒩𑒥𑒰𑒩𑒧𑒹 𑒯𑒹𑒥𑒰𑒏 𑒪𑒼𑒏𑒼𑒏𑓂𑒞𑒱। 𑒫𑒱𑒠𑓂𑒨𑒰𑒣𑒞𑒱𑒏 𑒣𑒳𑒩𑒳𑒭 𑒣𑒩𑒲𑒏𑓂𑒭𑒰𑒏 𑒏𑒟𑒰 𑒮𑒦𑒧𑒹 𑒣𑒳𑒩𑒳𑒭𑒏 𑒏𑒪𑒰 𑒮𑓀𑒑𑒲𑒞𑒏 𑒣𑓂𑒩𑒹𑒧 𑒍𑒏𑒩 𑒣𑒳𑒩𑒳𑒭𑒰𑒩𑓂𑒟 𑒮𑒢 𑒧𑒯𑒞𑓂𑒫𑒣𑒴𑒩𑓂𑒝 𑒧𑒰𑒢𑒪 𑒑𑒹𑒪 𑒁𑒕𑒱। 𑒬𑒳𑒦𑒓𑓂𑒏𑒩 𑒚𑒰𑒏𑒳𑒩𑒏 𑒬𑓂𑒩𑒲𑒯𑒮𑓂𑒞𑒧𑒳𑒏𑓂𑒞𑒰𑒫𑒪𑒲 𑒮𑒹𑒯𑒼 𑒧𑒱𑒟𑒱𑒪𑒰𑒏 𑒑𑓂𑒩𑒢𑓂𑒟 𑒧𑒰𑒢𑒪 𑒖𑒰𑒃𑒞 𑒁𑒕𑒱 𑒍𑒢𑒰 𑒣𑒰𑒝𑓂𑒛𑒳𑒪𑒱𑒣𑒱𑒏 𑒅𑒣𑒪𑒥𑓂𑒡𑒞𑒰𑒏 𑒂𑒡𑒰𑒩𑒣𑒩 𑒏𑒱𑒕𑒳 𑒫𑒱𑒠𑓂𑒫𑒰𑒢 𑒋𑒏𑒩𑒰 𑒁𑒮𑒧𑒏 𑒩𑒔𑒢𑒰 𑒧𑒰𑒢𑒻𑒞 𑒕𑒟𑒱। 𑒌 𑒑𑓂𑒩𑒢𑓂𑒟𑒧𑒹 𑒁𑒦𑒱𑒢𑒨𑒮𑒿 𑒮𑒧𑓂𑒥𑒢𑓂𑒡𑒱𑒞 𑒯𑒮𑓂𑒞 𑒣𑒩𑒱𑒔𑒰𑒪𑒢𑒏 𑒫𑒱𑒭𑒠 𑒫𑒱𑒫𑒩𑒝 𑒅𑒣𑒪𑒥𑓂𑒡 𑒁𑒕𑒱। 𑒂𑒃𑒢𑒹 𑒁𑒏𑒥𑒩𑒲𑒧𑒹 𑒫𑒱𑒠𑓂𑒨𑒰𑒣𑒞𑒱𑒏 𑒢𑒔𑒰𑒩𑒲𑒏 𑒔𑒩𑓂𑒔।
𑒫𑒱𑒠𑒹𑒯 𑒢𑒰𑒙𑓂𑒨 𑒅𑒞𑓂𑒮𑒫 𑓒𑓐𑓑𑓒 𑒧𑒹 𑒦𑒩𑒞 𑒢𑒰𑒙𑓂𑒨 𑒬𑒰𑒮𑓂𑒞𑓂𑒩 𑒂𑒡𑒰𑒩𑒱𑒞 𑒢𑒰𑒙𑒏 𑒩𑓀𑒑𑒧𑓀𑒔 𑒮𑓀𑒏𑒪𑓂𑒣𑒢𑒰 𑒂𑒡𑒰𑒩𑒱𑒞 𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩 𑒪𑒱𑒐𑒱𑒞 𑒂 𑒬𑓂𑒩𑒲 𑒥𑒹𑒔𑒢 𑒚𑒰𑒏𑒳𑒩 𑒢𑒱𑒩𑓂𑒠𑒹𑒬𑒱𑒞 “𑒅𑒪𑓂𑒏𑒰𑒧𑒳𑒐” 𑒧𑓀𑒔𑒱𑒞 𑒏𑒋𑒪 𑒑𑒹𑒪, 𑒖𑒹 𑒧𑒻𑒟𑒱𑒪𑒲𑒧𑒹 𑒌 𑒞𑒩𑒯𑒏 𑒣𑒯𑒱𑒪 𑒣𑓂𑒩𑒨𑒰𑒮 𑒕𑒪, 𑒌𑒧𑒹 𑒣𑒹𑒝 𑒁𑒦𑒱𑒢𑒹𑒞𑓂𑒩𑒲 𑒪𑒼𑒏𑒢𑒱𑒏 𑒧𑒰𑒡𑓂𑒨𑒧𑒮𑒿 𑒢𑒰𑒙𑒏 𑒧𑓀𑒔𑒢 𑒦𑒹𑒪, 𑒌𑒧𑒹 𑒣𑒳𑒩𑒳𑒐 𑒣𑒰𑒞𑓂𑒩𑒏 𑒁𑒦𑒱𑒢𑒨 𑒮𑒹𑒯𑒼 𑒧𑒯𑒱𑒪𑒰 𑒏𑒪𑒰𑒏𑒰𑒩 𑒠𑓂𑒫𑒰𑒩𑒰 𑒦𑒹𑒪। 𑒦𑒩𑒞 𑒢𑒰𑒙𑓂𑒨𑒬𑒰𑒮𑓂𑒞𑓂𑒩𑒏 𑒂𑒡𑒰𑒩𑒣𑒩 𑒩𑓀𑒑𑒧𑓀𑒔𑒏 𑒛𑓂𑒩𑒰𑒃𑓀𑒑 𑒬𑓂𑒩𑒲𑒧𑒞𑒲 𑒋𑒮.𑒋𑒮.𑒖𑒰𑒢𑒏𑒲𑒏 𑒕𑒪। 𑒌 𑒞𑒩𑒯𑒏 𑒋𑒏𑒙𑒰 𑒣𑓂𑒩𑒨𑒰𑒮 𑒮𑓀𑒮𑓂𑒏𑒵𑒞 𑒩𑓀𑒑𑒧𑓀𑒔𑒣𑒩 𑒔𑒹𑒢𑓂𑒢𑒻𑒧𑒹 𑒏𑒋𑒪 𑒑𑒹𑒪 𑒕𑒪।



𑒧𑒻𑒟𑒱𑒪𑒲 𑒢𑒰𑒙𑒏𑒏 𑒋𑒏𑒙𑒰 𑒮𑒧𑒰𑒢𑒰𑒢𑓂𑒞𑒩 𑒠𑒳𑒢𑒱𑒨𑒰𑒿
𑒩𑒰𑒧𑒐𑒹𑒪𑒰𑒫𑒢 𑒧𑓀𑒛𑒰𑒩- 𑒑𑒰𑒧 𑒏𑒙𑒒𑒩𑒰, 𑒣𑓂𑒩𑒐𑒝𑓂𑒛- 𑒬𑒱𑒫𑒰𑒖𑒲𑒢𑒑𑒩, 𑒖𑒱𑒪𑒰 𑒮𑒧𑒮𑓂𑒞𑒲𑒣𑒳𑒩। 𑒯𑒱𑒢𑒏𑒹 𑒮𑓀𑒑 𑒥𑒱𑒢𑓂𑒠𑒹𑒬𑓂𑒫𑒩 𑒧𑓀𑒛𑒪 𑒮𑒹𑒯𑒼 𑒕𑒪𑒰𑒯। 𑒅𑒚𑒻𑒞 𑒧𑒻𑒟𑒱𑒪𑒲 𑒏𑒼𑒩𑒮 𑒂 - 𑒧𑒰𑒿 𑒑𑒻 𑒧𑒰𑒿 𑒞𑒴𑒿 𑒯𑒧𑒩𑒰 𑒥𑓀𑒠𑒴𑒏 𑒧𑒿𑒑𑒰 𑒠𑒹 𑒏𑒱 𑒯𑒧 𑒞𑒿 𑒧𑒰𑒿 𑒮𑒱𑒣𑒰𑒯𑒲 𑒯𑒹𑒥𑒻- 𑒋𑒐𑒢𑒼 𑒪𑒼𑒏𑒏𑒹𑒿 𑒧𑒼𑒢 𑒕𑒢𑓂𑒯𑒱। 𑒋𑒯𑒱 𑒧𑓀𑒛𑒪𑒲 𑒠𑓂𑒫𑒰𑒩𑒰 𑒩𑒹𑒬𑒧𑒰-𑒔𑒴𑒯𑒛𑓃, 𑒬𑒲𑒞-𑒥𑒮𑒢𑓂𑒞, 𑒁𑒪𑓂𑒯𑒰-𑒆𑒠𑒪, 𑒢𑒙𑒳𑒂 𑒠𑒨𑒰𑒪 𑒄 𑒮𑒦 𑒣𑒠𑓂𑒨 𑒢𑒰𑒙𑒱𑒏𑒰 𑒣𑒮𑓂𑒞𑒳𑒞 𑒏𑒋𑒪 𑒖𑒰𑒃𑒞 𑒕𑒪।
𑒧𑒻𑒟𑒱𑒪𑒲-𑒥𑒱𑒠𑒹𑒮𑒱𑒨𑒰- 𑒣𑒱𑒂 𑒠𑒹𑒮𑒰𑒿𑒞𑒩𑒏 𑒙𑒲𑒧 𑒮𑒯𑒩𑒮𑒰-𑒮𑒳𑒣𑒾𑒪-𑒣𑒴𑒩𑓂𑒝𑒱𑒨𑒰𑒿𑒮𑒿 𑒁𑒥𑒻𑒞 𑒕𑒪।
𑒯𑒰𑒮𑒢-𑒯𑒳𑒮𑒢 𑒢𑒰𑒙𑒱𑒏𑒰 𑒯𑒼𑒃𑒞 𑒕𑒪।
𑒩𑒰𑒧𑒩𑒏𑓂𑒭𑒰 𑒔𑒾𑒡𑒩𑒲 𑒢𑒰𑒙𑓂𑒨𑒏𑒪𑒰 𑒣𑒩𑒱𑒭𑒠, 𑒑𑓂𑒩𑒰𑒧- 𑒑𑒰𑒨𑒒𑒰𑒙, 𑒣𑓀𑒔𑒰𑒨𑒞 𑒏𑒩𑒱𑒨𑒢, 𑒣𑒼. 𑒫𑒻𑒠𑓂𑒨𑒢𑒰𑒟𑒣𑒳𑒩, 𑒖𑒱𑒪𑒰- 𑒮𑒧𑒮𑓂𑒞𑒲𑒣𑒳𑒩 𑒫𑒱𑒠𑓂𑒨𑒰𑒣𑒞𑒱 𑒢𑒰𑒙𑒏 𑒑𑒼𑒩𑒐𑒣𑒳𑒩 𑒡𑒩𑒱 𑒖𑒰 𑒏𑓄 𑒐𑒹𑒪𑒰𑒋𑒪 𑒕𑒪। 𑒋𑒯𑒱 𑒧𑓀𑒛𑒪𑒲 𑒠𑓂𑒫𑒰𑒩𑒰 𑒣𑓂𑒩𑒮𑓂𑒞𑒳𑒞 𑒁𑒢𑓂𑒨 𑒢𑒰𑒙𑒏 𑒁𑒕𑒱- 𑒪𑒾𑓀𑒑𑒱𑒨𑒰 𑒧𑒹𑒩𑒔𑒰𑒃, 𑒫𑒱𑒠𑓂𑒨𑒰𑒣𑒞𑒱, 𑒔𑒲𑒢𑒲𑒏 𑒪𑒛𑓂𑒛𑒴 𑒂 𑒥𑒮𑒰𑒞।
𑒧𑒻𑒟𑒱𑒪𑒲 𑒢𑒰𑒙𑒏𑒏 𑒮𑒧𑒰𑒢𑒰𑒢𑓂𑒞𑒩 𑒠𑒳𑒢𑒱𑒨𑒰𑒿𑒏𑒹𑒿 𑒮𑒹𑒯𑒼 𑒁𑒦𑒱𑒪𑒹𑒐𑒱𑒞 𑒂 𑒮𑒧𑓂𑒧𑒰𑒢𑒱𑒞 𑒏𑒋𑒪 𑒖𑒋𑒥𑒰𑒏 𑒣𑓂𑒩𑒨𑒰𑒮 𑒯𑒼𑒋𑒥𑒰𑒏 𑒔𑒰𑒯𑒲।
𑒢𑒰𑒙𑓂𑒨 𑒩𑓀𑒑𑒧𑓀𑒔 𑒮𑒧𑒱𑒞𑒱 𑒮𑒦
𑒦𑓀𑒑𑒱𑒧𑒰, 𑒣𑒙𑒢𑒰 ; 𑒔𑒹𑒞𑒢𑒰 𑒮𑒧𑒱𑒞𑒱, 𑒣𑒙𑒢𑒰, 𑒖𑒧𑒒𑒙-, 𑒧𑒡𑒳𑒥𑒢𑒲; 𑒧𑒱𑒟𑒱𑒪𑒰 𑒫𑒱𑒏𑒰𑒮 𑒣𑒩𑒱𑒭𑒠, 𑒏𑒼𑒪𑒏𑒰𑒞𑒰; 𑒁𑒐𑒱𑒪 𑒦𑒰𑒩𑒞𑒲𑒨 𑒧𑒱𑒟𑒱𑒪𑒰 𑒮𑓀𑒒, 𑒏𑒼𑒪𑒏𑒰𑒞𑒰; 𑒧𑒱𑒟𑒱𑒪𑒰 𑒏𑒪𑒰 𑒏𑒹𑒢𑓂𑒠𑓂𑒩, 𑒏𑒼𑒪𑒏𑒰𑒞𑒰; 𑒧𑒻𑒟𑒱𑒪𑒲 𑒩𑓀𑒑𑒧𑓀𑒔, 𑒏𑒼𑒪𑒏𑒰𑒞𑒰; 𑒏𑒳𑒩𑓂𑒧𑒲-𑒏𑓂𑒭𑒞𑓂𑒩𑒱𑒨 𑒕𑒰𑒞𑓂𑒩𑒫𑒵𑒞𑓂𑒞𑒱 𑒏𑒼𑒭, 𑒏𑒼𑒪𑒏𑒰𑒞𑒰; 𑒂𑒪 𑒃𑒝𑓂𑒛𑒱𑒨𑒰 𑒧𑒻𑒟𑒱𑒪 𑒮𑓀𑒒, 𑒏𑒼𑒪𑒏𑒰𑒞𑒰; 𑒏𑒩𑓂𑒝 𑒑𑒼𑒭𑓂𑒚𑒲:𑒖𑒨𑒢𑓂𑒞 𑒪𑒼𑒏𑒧𑓀𑒔, 𑒏𑒼𑒪𑒏𑒰𑒞𑒰; 𑒧𑒱𑒟𑒱𑒪𑒰 𑒮𑒹𑒫𑒰 𑒮𑓀𑒮𑓂𑒟𑒰𑒢, 𑒏𑒼𑒪𑒏𑒰𑒞𑒰; 𑒧𑒱𑒟𑒱 𑒨𑒰𑒞𑓂𑒩𑒱𑒏, 𑒏𑒼𑒪𑒏𑒰𑒞𑒰; 𑒫𑒻𑒠𑒹𑒯𑒲 𑒏𑒪𑒰 𑒧𑓀𑒔, 𑒏𑒼𑒪𑒏𑒰𑒞𑒰; 𑒏𑒼𑒏𑒱𑒪 𑒧𑓀𑒔, 𑒏𑒼𑒪𑒏𑒰𑒞𑒰; 𑒧𑒱𑒟𑒱𑒪𑒰 𑒏𑒪𑓂𑒨𑒰𑒝 𑒣𑒩𑒱𑒭𑒠, 𑒩𑒱𑒮𑒩𑒰, 𑒏𑒼𑒪𑒏𑒰𑒞𑒰 (𑒢𑒱𑒩𑓂𑒠𑒹𑒬𑒢 𑒧𑒳𑒐𑓂𑒨 𑒩𑒴𑒣𑒮𑒿 𑒬𑓂𑒩𑒲 𑒠𑒨𑒰𑒢𑒰𑒟 𑒗𑒰 𑒠𑓂𑒫𑒰𑒩𑒰 𑓑𑓙𑓘𑓒 𑒄.𑒮𑒿। 𑒮𑒧𑓂𑒣𑓂𑒩𑒞𑒱 𑒬𑓂𑒩𑒲 𑒩𑒝𑓂𑒖𑒲𑒞 𑒏𑒳𑒧𑒰𑒩 𑒗𑒰 𑒢𑒱𑒩𑓂𑒠𑒹𑒬𑒢 𑒏𑓄 𑒩𑒯𑒪 𑒕𑒟𑒱, 𑓐𑓘.𑓐𑓑.𑓒𑓐𑓑𑓒 𑒏𑒹𑒿 𑒯𑒳𑒢𑒏𑒩 𑒢𑒱𑒩𑓂𑒠𑒹𑒬𑒢𑒧𑒹 𑒞𑓀𑒞𑓂𑒩𑒢𑒰𑒟 𑒗𑒰 𑒪𑒱𑒐𑒱𑒞 “𑒅𑒣𑒢𑒨𑒢𑒏 𑒦𑒼𑒖” 𑒧𑓀𑒔𑒱𑒞 𑒦𑒹𑒪।) ; 𑒗𑓀𑒏𑒰𑒩, 𑒏𑒼𑒪𑒏𑒰𑒞𑒰; 𑒧𑒱𑒟𑒱𑒪𑒰 𑒮𑒹𑒫𑒰 𑒮𑒧𑒱𑒞𑒱 𑒥𑒹𑒪𑒳𑒩, 𑒏𑒼𑒪𑒏𑒰𑒞𑒰; 𑒅𑒠𑒨 𑒣𑒟, 𑒏𑒼𑒪𑒏𑒰𑒞𑒰। 𑒧𑒱𑒟𑒱𑒪𑒰 𑒢𑒰𑒙𑓂𑒨 𑒣𑒩𑒱𑒭𑒠 (𑒧𑒱𑒢𑒰𑒣), 𑒖𑒢𑒏𑒣𑒳𑒩; 𑒩𑒰𑒧𑒰𑒢𑒢𑓂𑒠 𑒨𑒳𑒫𑒰 𑒏𑓂𑒪𑒥, 𑒖𑒢𑒏𑒣𑒳𑒩𑒡𑒰𑒧; 𑒨𑒳𑒫𑒰 𑒢𑒰𑒙𑓂𑒨 𑒏𑒪𑒰 𑒣𑒩𑒱𑒭𑒠 (𑒨𑒳𑒢𑒰𑒣), 𑒣𑒩𑒫𑒰𑒯𑒰, 𑒡𑒢𑒳𑒭𑒰; 𑒂𑒏𑒵𑒞𑒱 (𑒅𑒣𑒹𑒢𑓂𑒠𑓂𑒩 𑒦𑒑𑒞 𑒢𑒰𑒑𑒫𑓀𑒬𑒲), 𑒖𑒢𑒏𑒣𑒳𑒩; 𑒩𑓀𑒑 𑒫𑒰𑒙𑒱𑒏𑒰, 𑒢𑒹𑒣𑒰𑒪; 𑒔𑒥𑒴𑒞𑒩𑒰, 𑒬𑒱𑒩𑒼𑒧𑒝𑒱 𑒧𑒻𑒟𑒱𑒪𑒲 𑒨𑒳𑒥𑒰 𑒏𑓂𑒪𑒥, 𑒑𑒰𑓀𑒑𑒳𑒪𑒲, 𑒦𑒻𑒩𑒥, 𑒧𑒻𑒟𑒱𑒪𑒲 𑒮𑒰𑓀𑒮𑓂𑒏𑒵𑒞𑒱𑒏 𑒨𑒳𑒥𑒰 𑒏𑓂𑒪𑒥, 𑒥𑒾𑒯𑒩𑒥𑒰, 𑒬𑓂𑒩𑒲 𑒮𑒩𑒮𑓂𑒫𑒞𑒲 𑒮𑒰𑓀𑒮𑓂𑒏𑒵𑒞𑒱𑒏 𑒢𑒰𑒙𑓂𑒨 𑒏𑒪𑒰 𑒣𑒩𑒱𑒭𑒠, 𑒑𑒰𑒧 𑒞𑒱𑒪𑒰𑒚𑒲 (𑒮𑒣𑓂𑒞𑒩𑒲, 𑒢𑒹𑒣𑒰𑒪); 𑒁𑒩𑒳𑒝𑒼𑒠𑒨 𑒢𑒰𑒙𑓂𑒨 𑒧𑓀𑒔, 𑒩𑒰𑒖𑒥𑒱𑒩𑒰𑒖; 𑒮𑒩𑒮𑓂𑒫𑒞𑒲 𑒢𑒰𑒙𑓂𑒨 𑒏𑒪𑒰 𑒣𑒩𑒱𑒭𑒠, 𑒧𑒹𑓀𑒯𑒟, 𑒧𑒡𑒳𑒥𑒢𑒲; 𑒧𑒻𑒟𑒱𑒪𑒲 𑒪𑒼𑒏𑒩𑓀𑒑 (𑒧𑒻𑒪𑒼𑒩𑓀𑒑), 𑒠𑒱𑒪𑓂𑒪𑒲; 𑒧𑒱𑒟𑒱𑒪𑒰𑓀𑒑𑒢, 𑒠𑒱𑒪𑓂𑒪𑒲। 𑒧𑒡𑒳𑒥𑒢𑒲𑒏 𑒣𑒖𑒳𑒂𑒩𑒱𑒛𑒲𑒯 𑒙𑒼𑒪𑒧𑒹 𑒬𑓂𑒩𑒲𑒏𑒵𑒭𑓂𑒝 𑒢𑒰𑒙𑓂𑒨 𑒮𑒧𑒱𑒞𑒱 𑒬𑓂𑒩𑒲 𑒏𑒵𑒭𑓂𑒝𑒔𑒢𑓂𑒠𑓂𑒩 𑒗𑒰 𑒩𑒮𑒱𑒏, 𑒬𑒱𑒫𑒢𑒰𑒟 𑒗𑒰 𑒂 𑒑𑓀𑒑𑒰 𑒗𑒰𑒏 𑒢𑒱𑒩𑓂𑒠𑒹𑒬𑒢𑒧𑒹 𑒧𑒻𑒟𑒱𑒪𑒲 𑒢𑒰𑒙𑒏 𑒧𑓀𑒔𑒱𑒞 𑒯𑒼𑒃𑒞 𑒩𑒯𑒪 𑒁𑒕𑒱। 𑒮𑒰𑓀𑒮𑓂𑒏𑒵𑒞𑒱𑒏 𑒧𑓀𑒔, 𑒪𑒼𑒯𑒱𑒨𑒰𑒢𑒑𑒩, 𑒣𑒙𑒢𑒰; 𑒔𑒱𑒞𑓂𑒩𑒑𑒳𑒣𑓂𑒞 𑒮𑒰𑓀𑒮𑓂𑒏𑒵𑒞𑒱𑒏 𑒏𑒹𑒢𑓂𑒠𑓂𑒩, 𑒖𑒢𑒏𑒣𑒳𑒩; 𑒑𑒩𑓂𑒠𑒢𑒲𑒥𑒰𑒑 𑒏𑒪𑒰 𑒮𑒧𑒱𑒞𑒱, 𑒣𑒙𑒢𑒰; 𑒧𑒱𑒟𑒱𑒪𑒰𑒏𑓂𑒭𑒩, 𑒖𑒧𑒬𑒹𑒠𑒣𑒳𑒩; 𑒧𑒻𑒟𑒱𑒪𑒲 𑒏𑒪𑒰 𑒧𑓀𑒔, 𑒥𑒼𑒏𑒰𑒩𑒼; 𑒅𑒑𑒢𑒰 𑒫𑒱𑒠𑓂𑒨𑒰𑒣𑒞𑒱 𑒣𑒩𑒱𑒭𑒠, 𑒥𑒹𑒑𑒴𑒮𑒩𑒰𑒨; 𑒧𑒱𑒟𑒱𑒪𑒰 𑒮𑒰𑓀𑒮𑓂𑒏𑒵𑒞𑒱𑒏 𑒣𑒩𑒱𑒭𑒠, 𑒥𑒼𑒏𑒰𑒩𑒼 𑒮𑓂𑒙𑒲𑒪 𑒮𑒱𑒙𑒲; 𑒦𑒰𑒢𑒳𑒏𑒪𑒰 𑒏𑒹𑒢𑓂𑒠𑓂𑒩, 𑒫𑒱𑒩𑒰𑒙𑒢𑒑𑒩; 𑒂𑓀𑒑𑒢, 𑒣𑒙𑒢𑒰; 𑒢𑒫𑒞𑒩𑓀𑒑, 𑒥𑒹𑒑𑒴𑒮𑒩𑒰𑒨; 𑒦𑒰𑒩𑒞𑒲𑒨 𑒩𑓀𑒑𑒧𑓀𑒔, 𑒠𑒩𑒦𑓀𑒑𑒰; 𑒦𑒠𑓂𑒩𑒏𑒰𑒪𑒲 𑒢𑒰𑒙𑓂𑒨 𑒣𑒩𑒱𑒭𑒠, 𑒏𑒼𑒃𑒪𑒐, 𑒧𑒱𑒟𑒱𑒪𑒰 𑒁𑒢𑒳𑒦𑒴𑒞𑒱 𑒠𑒩𑒦𑓀𑒑𑒰, 𑒫𑒱𑒠𑒹𑒯 𑒁𑓀𑒞𑒩𑓂𑒩𑒰𑒭𑓂𑒙𑓂𑒩𑒲𑒨 𑒄-𑒖𑒩𑓂𑒢𑒪𑒏 𑒢𑒰𑒙𑓂𑒨 𑒅𑒞𑓂𑒮𑒫, 𑒢𑒫 𑒖𑓂𑒨𑒼𑒞𑒱 𑒛𑓂𑒩𑒰𑒧𑒹𑒙𑒱𑒏 𑒏𑓂𑒪𑒥, 𑒪𑒾𑒏𑒯𑒲 (𑓑𑓙𑓙𑓒 𑒧𑒹 𑒬𑒧𑓂𑒦𑒳 𑒬𑓀𑒏𑒩 𑒂𑒠𑒱 𑒥𑓂𑒩𑒯𑓂𑒧𑒮𑓂𑒟𑒰𑒢 𑒂 𑒅𑒑𑒢𑒰 𑒢𑒰𑒙𑒏 𑒐𑒹𑒪𑒹𑒪𑒰)।
𑒢𑒱𑒩𑓂𑒠𑒹𑒬𑒢: 𑒏𑒰𑒪𑒲𑒏𑒰𑒢𑓂𑒞 𑒗𑒰 "𑒥𑒴𑒔", 𑒏𑒰𑒧𑒠𑒹𑒫 𑒣𑒰𑒚𑒏, 𑒬𑓂𑒩𑒲 𑒏𑒧𑒪 𑒢𑒰𑒩𑒰𑒨𑒝 𑒏𑒩𑓂𑒝 (𑒔𑒲𑒢𑒲𑒏 𑒪𑒛𑓂𑒛𑒴-𑒄𑒬𑒢𑒰𑒟 𑒗𑒰/ 𑒔𑒰𑒩𑒱𑒣𑒯𑒩- 𑒧𑒴𑒪 𑒥𑒰𑓀𑒑𑓂𑒪𑒰 𑒏𑒱𑒩𑒝 𑒧𑒻𑒞𑓂𑒩, 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠- 𑒢𑒱𑒩𑒮𑒢 𑒪𑒰𑒦), 𑒬𑓂𑒩𑒲 𑒬𑓂𑒩𑒲𑒏𑒰𑒢𑓂𑒞 𑒧𑒝𑓂𑒛𑒪 (𑒔𑒢𑓂𑒠𑓂𑒩𑒑𑒳𑒣𑓂𑒞 𑒧𑒴𑒪 𑒥𑒰𑓀𑒑𑓂𑒪𑒰 𑒛𑒲.𑒋𑒪.𑒩𑒰𑒨, 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠- 𑒥𑒰𑒥𑒴 𑒮𑒰𑒯𑒹𑒥 𑒔𑒾𑒡𑒩𑒲/ 𑒣𑒰𑒟𑒹𑒨- 𑒑𑒳𑒝𑒢𑒰𑒟 𑒗𑒰/ 𑒢𑒰𑒨𑒏𑒏 𑒢𑒰𑒧 𑒖𑒲𑒫𑒢- 𑒢𑒔𑒱𑒏𑒹𑒞𑒰); 𑒬𑓂𑒩𑒲 𑒫𑒱𑒭𑓂𑒝𑒳 𑒔𑒙𑒩𑓂𑒖𑒲 𑒂 𑒬𑓂𑒩𑒲 𑒬𑓂𑒩𑒲𑒏𑒰𑒢𑓂𑒞 𑒧𑒝𑓂𑒛𑒪 (𑒢𑒱𑒭𑓂𑒏𑒪𑓀𑒏- 𑒖𑒢𑒰𑒩𑓂𑒠𑒢 𑒗𑒰); 𑒣𑓂𑒩𑒫𑒲𑒩 𑒧𑒳𑒐𑒼𑒣𑒰𑒡𑓂𑒨𑒰𑒨; 𑒫𑒲𑒝𑒰 𑒩𑒰𑒨, 𑒧𑒼𑒯𑒢 𑒔𑒾𑒡𑒩𑒲, 𑒥𑒰𑒥𑒴 𑒩𑒰𑒧 𑒮𑒱𑓀𑒯, 𑒑𑒼𑒣𑒰𑒪 𑒠𑒰𑒮, 𑒏𑒳𑒝𑒰𑒪, 𑒩𑒫𑒱 𑒠𑒹𑒫, 𑒠𑒨𑒰𑒢𑒰𑒟 𑒗𑒰, 𑒞𑓂𑒩𑒱𑒪𑒼𑒔𑒢 𑒗𑒰, 𑒬𑒧𑓂𑒦𑒴𑒢𑒰𑒟 𑒧𑒱𑒬𑓂𑒩, 𑒏𑒰𑒬𑒲 𑒗𑒰, 𑒁𑒬𑒼𑒏 𑒗𑒰, 𑒑𑓀𑒑𑒰 𑒗𑒰, 𑒑𑒝𑒹𑒬 𑒣𑓂𑒩𑒮𑒰𑒠 𑒮𑒱𑒢𑓂𑒯𑒰, 𑒢𑒫𑒲𑒢 𑒔𑒢𑓂𑒠𑓂𑒩 𑒧𑒱𑒬𑓂𑒩, 𑒖𑒢𑒰𑒩𑓂𑒠𑒢 𑒩𑒰𑒨, 𑒬𑓂𑒩𑒲 𑒏𑒵𑒭𑓂𑒝𑒔𑒢𑓂𑒠𑓂𑒩 𑒗𑒰 𑒩𑒮𑒱𑒏, 𑒬𑒱𑒫𑒢𑒰𑒟 𑒗𑒰, 𑒩𑒫𑒲𑒢𑓂𑒠𑓂𑒩𑒢𑒰𑒟 𑒚𑒰𑒏𑒳𑒩, 𑒁𑒐𑒱𑒪𑒹𑒬𑓂𑒫𑒩, 𑒮𑒔𑓂𑒔𑒱𑒠𑒰𑒢𑒢𑓂𑒠, 𑒩𑒧𑒹𑒬 𑒩𑒰𑒖𑒯𑓀𑒮, 𑒧𑒼𑒠𑒢𑒰𑒟 𑒗𑒰, 𑒫𑒱𑒦𑒴𑒞𑒱 𑒂𑒢𑒢𑓂𑒠, 𑒖𑒰𑒫𑒹𑒠 𑒁𑒐𑓂𑒞𑒩 𑒐𑒰𑒿, 𑒏𑒾𑒬𑒪 𑒏𑒱𑒬𑒼𑒩 𑒠𑒰𑒮, 𑒣𑓂𑒩𑒬𑒰𑒢𑓂𑒞 𑒏𑒰𑒢𑓂𑒞, 𑒁𑒩𑒫𑒱𑒢𑓂𑒠 𑒩𑓀𑒖𑒢 𑒠𑒰𑒮, 𑒧𑒢𑒼𑒖 𑒧𑒢𑒳, 𑒩𑒼𑒯𑒱𑒝𑒲 𑒩𑒧𑒝 𑒗𑒰, 𑒦𑒫𑒢𑒰𑒟 𑒗𑒰, 𑒅𑒧𑒰𑒏𑒰𑒢𑓂𑒞 𑒗𑒰, 𑒪𑒪𑓂𑒪𑒢 𑒣𑓂𑒩𑒮𑒰𑒠 𑒚𑒰𑒏𑒳𑒩, 𑒩𑒒𑒳𑒢𑒰𑒟 𑒗𑒰 𑒏𑒱𑒩𑒝, 𑒧𑒯𑒹𑒢𑓂𑒠𑓂𑒩 𑒧𑒪𑓀𑒑𑒱𑒨𑒰, 𑒏𑒳𑒧𑒰𑒩 𑒬𑒻𑒪𑒹𑒢𑓂𑒠𑓂𑒩, 𑒫𑒱𑒢𑒲𑒞 𑒗𑒰, 𑒏𑒱𑒬𑒼𑒩 𑒏𑒳𑒧𑒰𑒩 𑒗𑒰, 𑒏𑒳𑒧𑒰𑒩 𑒑𑒑𑒢, 𑒫𑒱𑒢𑒼𑒠 𑒏𑒳𑒧𑒰𑒩 𑒗𑒰, 𑒏𑒹.𑒁𑒖𑒨, 𑒕𑒞𑓂𑒩𑒰𑒢𑒢𑓂𑒠 𑒮𑒱𑓀𑒯 𑒗𑒰, 𑒢𑒲𑒪𑒧 𑒔𑒾𑒡𑒩𑒲, 𑒏𑒰𑒖𑒪, 𑒧𑒢𑒼𑒖 𑒏𑒳𑒧𑒰𑒩 𑒣𑒰𑒚𑒏, 𑒂𑒬𑒢𑒰𑒩𑒰𑒨𑒝 𑒧𑒱𑒬𑓂𑒩, 𑒬𑓂𑒩𑒲 𑒬𑓂𑒩𑒲𑒢𑒰𑒩𑒰𑒨𑒝 𑒗𑒰, 𑒣𑓂𑒩𑒧𑒱𑒪𑒰 𑒗𑒰, 𑒞𑒢𑒳𑒖𑒰 𑒬𑓀𑒏𑒩, 𑒏𑒹𑒬𑒫 𑒢𑒢𑓂𑒠𑒢, 𑒥𑓂𑒩𑒯𑓂𑒧𑒰𑒢𑒢𑓂𑒠 𑒗𑒰, 𑒮𑓀𑒖𑒲𑒫 𑒞𑒧𑒢𑓂𑒢𑒰, 𑒏𑒱𑒮𑒪𑒨 𑒏𑒵𑒭𑓂𑒝, 𑒣𑓂𑒩𑒏𑒰𑒬 𑒗𑒰, 𑒧𑒳𑒢𑓂𑒢𑒰𑒖𑒲 𑒮𑓀𑒖𑒨 𑒏𑒳𑒧𑒰𑒩 𑒔𑒾𑒡𑒩𑒲, 𑒏𑒧𑒪 𑒧𑒼𑒯𑒢 𑒔𑒳𑒢𑓂𑒢𑒴, 𑒁𑓀𑒬𑒳𑒧𑒰𑒢 𑒮𑒞𑓂𑒨𑒏𑒹𑒞𑒳, 𑒬𑓂𑒨𑒰𑒧 𑒦𑒰𑒮𑓂𑒏𑒩, 𑒣𑓂𑒩𑒹𑒧 𑒏𑒳𑒧𑒰𑒩, 𑒮𑓀𑒑𑒧 𑒏𑒳𑒧𑒰𑒩 𑒚𑒰𑒏𑒳𑒩, 𑒋𑒪.𑒂𑒩.𑒋𑒧. 𑒩𑒰𑒖𑒢, 𑒦𑒰𑒮𑓂𑒏𑒩𑒰𑒢𑒢𑓂𑒠 𑒗𑒰, 𑒂𑒬𑒳𑒞𑒼𑒭 𑒏𑒳𑒧𑒰𑒩 𑒧𑒱𑒬𑓂𑒩, 𑒂𑒢𑒢𑓂𑒠 𑒏𑒳𑒧𑒰𑒩 𑒗𑒰, 𑒧𑒢𑒼𑒖 𑒧𑒢𑒳𑒖, 𑒮𑓀𑒖𑒲𑒫 𑒧𑒱𑒬𑓂𑒩, 𑒮𑓂𑒫𑒰𑒞𑒱 𑒮𑒱𑓀𑒯, 𑒮𑓂𑒫𑒩𑓂𑒝𑒱𑒧, 𑒂𑒬𑒳𑒞𑒼𑒭 𑒨𑒰𑒠𑒫 𑒁𑒦𑒱𑒖𑓂𑒘, 𑒁𑒬𑒼𑒏 𑒁𑒬𑓂𑒏, 𑒠𑒱𑒪𑒲𑒣 𑒫𑒞𑓂𑒮, 𑒞𑒩𑒳𑒝 𑒣𑓂𑒩𑒦𑒰𑒞, 𑒧𑒰𑒡𑒫 𑒂𑒢𑒢𑓂𑒠, 𑒢𑒩𑒹𑒢𑓂𑒠𑓂𑒩 𑒧𑒱𑒬𑓂𑒩, 𑒦𑒰𑒩𑒞 𑒦𑒴𑒭𑒝 𑒗𑒰, 𑒏𑒱𑒬𑒼𑒩 𑒏𑒹𑒬𑒫, 𑒥𑒹𑒔𑒢 𑒚𑒰𑒏𑒳𑒩, 𑒅𑒣𑒹𑒢𑓂𑒠𑓂𑒩 𑒦𑒑𑒞 𑒢𑒰𑒑𑒫𑓀𑒬𑒲, 𑒁𑒢𑒱𑒪 𑒔𑒢𑓂𑒠𑓂𑒩 𑒗𑒰, 𑒁𑓀𑒬𑒳𑒧𑒰𑒢 𑒮𑒞𑓂𑒨𑒏𑒹𑒞𑒳, 𑒂𑒢𑓀𑒠 𑒏𑒳𑒧𑒰𑒩 𑒗𑒰, 𑒯𑒹𑒧𑒢𑒰𑒩𑒰𑒨𑒝 𑒮𑒰𑒯𑒴, 𑒩𑒰𑒧𑒏𑒵𑒭𑓂𑒝 𑒧𑓀𑒛𑒪 𑒕𑒼𑒙𑒴, 𑒡𑒲𑒩𑒹𑒢𑓂𑒠𑓂𑒩 𑒏𑒳𑒧𑒰𑒩,𑒅𑒞𑓂𑒣𑒪 𑒗𑒰, 𑒁𑒦𑒱𑒭𑒹𑒏 𑒏𑒹. 𑒢𑒰𑒩𑒰𑒨𑒝, 𑒔𑒢𑓂𑒠𑓂𑒩𑒱𑒏𑒰 𑒣𑓂𑒩𑒮𑒰𑒠।
𑒢𑒰𑒙𑒏: 𑒢𑒰𑒙𑒏𑒏𑒰𑒩
𑒡𑒴𑒩𑓂𑒞𑓂𑒞𑒮𑒧𑒰𑒑𑒧 𑒞𑒹𑒩𑒯𑒧 𑒬𑒞𑒰𑒥𑓂𑒠𑒲𑒧𑒹 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒚𑒰𑒏𑒳𑒩 𑒠𑓂𑒫𑒰𑒩𑒰 𑒩𑒔𑒪 𑒑𑒹𑒪। 𑒖𑓂𑒨𑒼𑒞𑒱𑒩𑒲𑒬𑓂𑒫𑒩 𑒚𑒰𑒏𑒳𑒩 𑒡𑒴𑒩𑓂𑒞𑓂𑒞𑒮𑒧𑒰𑒑𑒧𑒧𑒹 𑒧𑒻𑒟𑒱𑒪𑒲 𑒑𑒲𑒞𑒏 𑒮𑒧𑒰𑒫𑒹𑒬 𑒏𑒋𑒪𑒢𑓂𑒯𑒱। 𑒄 𑒣𑓂𑒩𑒯𑒮𑒢𑒏 𑒏𑒼𑒙𑒱𑒧𑒹 𑒁𑒥𑒻𑒞 𑒁𑒕𑒱।𑒧𑒻𑒟𑒱𑒪𑒲𑒏 𑒁𑒡𑒱𑒏𑒰𑓀𑒬 𑒢𑒰𑒙𑒏-𑒢𑒰𑒙𑒱𑒏𑒰 𑒬𑓂𑒩𑒲𑒏𑒵𑒭𑓂𑒝𑒏 𑒁𑒟𑒫𑒰 𑒯𑒳𑒢𑒏𑒩 𑒫𑓀𑒬𑒡𑒩𑒏 𑒔𑒩𑒱𑒞 𑒣𑒩 𑒁𑒫𑒪𑓀𑒥𑒱𑒞 𑒋𑒫𑓀 𑒯𑒩𑒝 𑒂𑒏𑒱 𑒮𑓂𑒫𑒨𑓀𑒥𑒩 𑒏𑒟𑒰𑒣𑒩 𑒂𑒡𑒰𑒩𑒱𑒞 𑒕𑒪। 𑒧𑒳𑒠𑒰 𑒡𑒴𑒩𑓂𑒞𑓂𑒞𑒮𑒧𑒰𑒑𑒧𑒧𑒹 𑒮𑒰𑒡𑒳 𑒂 𑒯𑒳𑒢𑒏𑒩 𑒬𑒱𑒭𑓂𑒨 𑒧𑒳𑒐𑓂𑒨 𑒣𑒰𑒞𑓂𑒩 𑒁𑒕𑒱। 𑒡𑒴𑒩𑓂𑒞𑓂𑒞𑒮𑒧𑒰𑒑𑒧 𑒮𑒦 𑒣𑒰𑒞𑓂𑒩 𑒋𑒏𑒮𑒿-𑒋𑒏 𑒡𑓂𑒯𑒼𑒩𑓂𑒞𑓂𑒞 𑒕𑒟𑒱।𑒞𑒰𑒯𑒱 𑒯𑒹𑒞𑒳 𑒋𑒏𑒩 𑒢𑒰𑒧 𑒡𑒴𑒩𑓂𑒞𑓂𑒞𑒮𑒧𑒰𑒑𑒧 𑒮𑒩𑓂𑒫𑒟𑒰 𑒅𑒣𑒨𑒳𑒏𑓂𑒞 𑒁𑒕𑒱।𑒣𑓂𑒩𑒯𑒮𑒢𑒏𑒹𑒿 𑒮𑓀𑒑𑒲𑒞𑒏 𑒮𑒹𑒯𑒼 𑒏𑒯𑒪 𑒖𑒰𑒃𑒕,𑒞𑒰𑒯𑒱 𑒯𑒹𑒞𑒳 𑒋𑒯𑒱 𑒧𑒹 𑒧𑒻𑒟𑒱𑒪𑒲 𑒑𑒲𑒞𑒏 𑒮𑒧𑒰𑒫𑒹𑒬 𑒮𑒩𑓂𑒫𑒟𑒰 𑒮𑒧𑒲𑒔𑒲𑒢 𑒁𑒕𑒱।𑒋𑒯𑒱𑒧𑒹 𑒮𑒴𑒞𑓂𑒩𑒡𑒰𑒩,𑒢𑒙𑒲 𑒮𑓂𑒢𑒰𑒞𑒏,𑒫𑒱𑒬𑓂𑒫𑒢𑒑𑒩,𑒧𑒵𑒞𑒰𑓀𑒑𑒰𑒩,𑒮𑒳𑒩𑒞𑒣𑓂𑒩𑒱𑒨𑒰,𑒁𑒢𑓀𑒑𑒮𑒹𑒢𑒰,𑒁𑒮𑓂𑒖𑓂𑒖𑒰𑒞𑒱 𑒧𑒱𑒬𑓂𑒩,𑒥𑓀𑒡𑒳𑒫𑓀𑒔𑒏,𑒧𑒴𑒪𑒢𑒰𑒬𑒏 𑒂𑓄 𑒢𑒰𑒑𑒩𑒱𑒏 𑒧𑒳𑒐𑓂𑒨 𑒣𑒰𑒞𑓂𑒩 𑒕𑒟𑒱।𑒮𑒴𑒞𑓂𑒩𑒡𑒰𑒩 𑒏𑒩𑓂𑒝𑒰𑒙 𑒔𑒴𑒛𑓃𑒰𑒧𑒝𑒱 𑒢𑒩𑒮𑒱𑓀𑒯𑒠𑒹𑒫𑒏 𑒣𑓂𑒩𑒬𑒮𑓂𑒞𑒱 𑒏𑒩𑒻𑒞 𑒁𑒕𑒱।𑒤𑒹𑒩 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒣𑓂𑒩𑒬𑒮𑓂𑒞𑒱 𑒯𑒼𑒃𑒞 𑒁𑒕𑒱। 𑒋𑒯𑒱𑒧𑒹 𑒋𑒏 𑒣𑓂𑒩𑒏𑒰𑒩𑒏 𑒋𑒥𑓂𑒮𑒩𑓂𑒛𑒱𑒙𑒲 𑒁𑒕𑒱,𑒖𑒹 𑒢𑒱𑒞𑒰𑓀𑒞 𑒂𑒡𑒳𑒢𑒱𑒏 𑒁𑒕𑒱।𑒖𑒹 𑒪𑒼𑒔 𑒕𑒻𑒏 𑒮𑒹 𑒋𑒏𑒩𑒰 𑒪𑒼𑒏𑒢𑒰𑒙𑓂𑒨 𑒥𑒢𑒥𑒻𑒞 𑒕𑒻𑒏। 𑒫𑒱𑒬𑓂𑒫𑒢𑒑𑒩 𑒮𑓂𑒞𑓂𑒩𑒲𑒏 𑒁𑒦𑒰𑒫𑒧𑒹𑒥𑓂𑒩𑒯𑓂𑒧𑒔𑒰𑒩𑒲 𑒕𑒟𑒱।𑒬𑒱𑒭𑓂𑒨 𑒮𑓂𑒢𑒰𑒞𑒏 𑒮𑓀𑒑 𑒦𑒱𑒏𑓂𑒭𑒰𑒏 𑒯𑒹𑒞𑒳 𑒧𑒵𑒞𑒰𑓀𑒑𑒰𑒩 𑒚𑒰𑒏𑒳𑒩𑒏 𑒒𑒩 𑒖𑒰𑒃𑒞 𑒕𑒟𑒱 𑒞𑒿 𑒁𑒬𑒾𑒔𑒏 𑒥𑒯𑒰𑒢𑒰 𑒦𑒹𑒙𑒻𑒞 𑒕𑒢𑓂𑒯𑒱। 𑒫𑒱𑒬𑓂𑒫𑒢𑒑𑒩 𑒬𑒱𑒭𑓂𑒨 𑒮𑓂𑒢𑒰𑒞𑒏 𑒮𑓀𑒑 𑒦𑒱𑒏𑓂𑒭𑒰𑒏 𑒯𑒹𑒞𑒳 𑒮𑒳𑒩𑒞𑒣𑓂𑒩𑒱𑒨𑒰𑒏 𑒒𑒩 𑒖𑒰𑒃𑒞 𑒕𑒟𑒱। 𑒤𑒹𑒩 𑒁𑒢𑓀𑒑𑒮𑒹𑒢𑒰 𑒢𑒰𑒧𑒏 𑒫𑒻𑒬𑓂𑒨𑒰𑒏𑒹𑒿 𑒪𑒨 𑒏𑒨 𑒑𑒳𑒩𑒳-𑒬𑒱𑒭𑓂𑒨𑒧𑒹 𑒧𑒰𑒩𑒱 𑒥𑒖𑒩𑒱 𑒖𑒰𑒃𑒞 𑒕𑒢𑓂𑒯𑒱। 𑒤𑒹𑒩 𑒑𑒳𑒩𑒳-𑒬𑒱𑒭𑓂𑒨 𑒁𑒢𑓀𑒑𑒮𑒹𑒢𑒰𑒏 𑒮𑓀𑒑 𑒁𑒮𑒖𑓂𑒖𑒰𑒞𑒱 𑒧𑒱𑒬𑓂𑒩𑒏 𑒪𑒑 𑒖𑒰𑒃𑒞 𑒕𑒟𑒱 𑒞𑒿 𑒍𑒞𑒨 𑒧𑒱𑒬𑓂𑒩𑒖𑒲 𑒪𑓀𑒣𑒙 𑒢𑒱𑒏𑒪𑒻𑒞 𑒕𑒟𑒱।... 𑒧𑒱𑒬𑓂𑒩𑒖𑒲 𑒪𑓀𑒣𑒙 𑒢𑒱𑒏𑒪𑒻𑒞 𑒕𑒟𑒱।...𑒖𑒹 𑒖𑒳𑒂 𑒐𑒹𑒪𑒰𑒨𑒥 𑒂’ 𑒣𑒰𑓀𑒑𑒢𑒰 𑒮𑓀𑒑𑒧 𑒄𑒋𑒯 𑒠𑒴𑒙𑒰 𑒏𑒹𑒿 𑒮𑓀𑒮𑒰𑒩𑒏 𑒮𑒰𑒩 𑒥𑒳𑒗𑒻𑒞 𑒕𑒟𑒱। 𑒁𑒮𑒖𑓂𑒖𑒞𑒱 𑒧𑒱𑒬𑓂𑒩 𑒣𑒳𑒕𑒻𑒞 𑒕𑒟𑒱 𑒖𑒹 𑒏𑒹 𑒫𑒰𑒠𑒲 𑒂’ 𑒏𑒹 𑒣𑓂𑒩𑒞𑒱𑒫𑒰𑒠𑒲।𑒮𑓂𑒢𑒰𑒞𑒏 𑒅𑒞𑓂𑒞𑒩 𑒠𑒻𑒞 𑒕𑒟𑒱-𑒖𑒹 𑒁𑒦𑒱𑒨𑒼𑒑 𑒏𑒯𑒥𑒰𑒏 𑒪𑒹𑒪 𑒯𑒧 𑒫𑒰𑒠𑒲 𑒟𑒱𑒏𑒯𑒳𑒿 𑒂’ 𑒬𑒳𑒪𑓂𑒏 𑒠𑒹𑒥𑒰𑒏 𑒯𑒹𑒞𑒳 𑒮𑓀𑒢𑓂𑒨𑒰𑒮𑒲 𑒣𑓂𑒩𑒞𑒱𑒫𑒰𑒠𑒲 𑒟𑒱𑒏𑒰𑒯। 𑒫𑒱𑒬𑓂𑒫𑒢𑒑𑒩 𑒁𑒣𑒢 𑒬𑒳𑒪𑓂𑒏𑒧𑒹 𑒮𑓂𑒢𑒰𑒞𑒏𑒏 𑒑𑒰𑒖𑒰𑒏 𑒣𑒼𑒙𑒩𑒲 𑒣𑓂𑒩𑒮𑓂𑒞𑒳𑒞 𑒏𑒩𑒻𑒞 𑒕𑒟𑒱। 𑒫𑒱𑒠𑒴𑒭𑒏 𑒁𑒮𑒖𑓂𑒖𑒰𑒞𑒱 𑒧𑒱𑒬𑓂𑒩𑒏 𑒏𑒰𑒢𑒧𑒹 𑒁𑒢𑓀𑒑𑒮𑒹𑒢𑒰𑒏 𑒨𑒾𑒢𑒏 𑒣𑓂𑒩𑒬𑓀𑒮𑒰 𑒏𑒩𑒻𑒞 𑒁𑒕𑒱। 𑒁𑒮𑒖𑓂𑒖𑒰𑒞𑒱 𑒧𑒱𑒬𑓂𑒩 𑒁𑒢𑓀𑒑𑒮𑒹𑒢𑒰𑒏𑒹𑒿 𑒥𑒲𑒔𑒧𑒹 𑒩𑒰𑒐𑒱 𑒠𑒳𑒢𑒴𑒏 𑒥𑒠𑒪𑒰 𑒁𑒣𑒢𑒰 𑒣𑒏𑓂𑒭𑒧𑒹 𑒢𑒱𑒩𑓂𑒝𑒨 𑒪𑒻𑒞 𑒁𑒕𑒱। 𑒋𑒧𑓂𑒯𑒩 𑒫𑒱𑒠𑒴𑒭𑒏 𑒁𑒢𑓀𑒑𑒮𑒹𑒢𑒰𑒏 𑒏𑒰𑒢𑒧𑒹 𑒏𑒯𑒻𑒞 𑒁𑒕𑒱, 𑒖𑒹 𑒄 𑒮𑓀𑒢𑓂𑒨𑒰𑒮𑒲 𑒠𑒩𑒱𑒠𑓂𑒩 𑒁𑒕𑒱, 𑒮𑓂𑒢𑒰𑒞𑒏 𑒂𑒫𑒰𑒩𑒰 𑒁𑒕𑒱 𑒂’ 𑒄 𑒧𑒱𑒬𑓂𑒩 𑒧𑒴𑒩𑓂𑒐 𑒞𑒹𑒿 𑒯𑒧𑒩𑒰 𑒮𑓀𑒑 𑒩𑒯𑒴। 𑒁𑒢𑓀𑒑𑒮𑒹𑒢𑒰 𑒔𑒰𑒩𑒴𑒏 𑒠𑒱𑒬𑒱 𑒠𑒹𑒐𑒱 𑒥𑒖𑒻𑒕 , 𑒖𑒹 𑒄 𑒞𑒿 𑒁𑒮𑒪𑒹 𑒡𑒴𑒩𑓂𑒞𑒮𑒧𑒰𑒑𑒧 𑒦𑒨 𑒑𑒹𑒪।
𑒫𑒱𑒬𑓂𑒫𑒢𑒑𑒩 𑒮𑓂𑒢𑒰𑒞𑒏𑒏 𑒮𑓀𑒑 𑒣𑒳𑒢𑓁 𑒮𑒳𑒩𑒞𑒣𑓂𑒩𑒱𑒨𑒰𑒏 𑒒𑒩 𑒠𑒱𑒬𑒱 𑒖𑒰𑒃𑒞 𑒕𑒟𑒱। 𑒋𑒧𑒯𑒩 𑒧𑒴𑒪𑒢𑒰𑒬𑒏 𑒢𑒾𑒂 𑒁𑒢𑓀𑒑𑒮𑒹𑒢𑒰𑒮𑒿 𑒮𑒰𑒪 𑒦𑒩𑒱𑒏 𑒏𑒧𑒻𑒢𑒲 𑒧𑒿𑒑𑒻𑒕। 𑒍’ 𑒯𑒳𑒢𑒏𑒰 𑒁𑒮𑒖𑓂𑒖𑒰𑒞𑒱𑒧𑒱𑒬𑓂𑒩𑒏 𑒪𑒑 𑒣𑒚𑒥𑒻𑒞 𑒁𑒕𑒱। 𑒧𑒴𑒪𑒢𑒰𑒬𑒏 𑒁𑒮𑒖𑓂𑒖𑒰𑒞𑒱𑒧𑒱𑒬𑓂𑒩𑒏𑒹𑒿 𑒁𑒢𑓀𑒮𑒹𑒢𑒰𑒏 𑒫𑒩 𑒥𑒳𑒗𑒻𑒞 𑒁𑒕𑒱। 𑒑𑒰𑒖𑒰 𑒬𑒳𑒪𑓂𑒏𑒧𑒹 𑒪𑒨 𑒁𑒮𑒖𑓂𑒖𑒞𑒱 𑒧𑒱𑒬𑓂𑒩𑒏𑒹𑒿 𑒑𑒞𑒰𑒢𑒱 𑒏𑒋 𑒥𑒰𑒢𑓂𑒯𑒱 𑒞𑒹𑒢𑒰 𑒧𑒰𑒪𑒱𑒬 𑒏𑒩𑒻𑒞 𑒁𑒕𑒱 𑒖𑒹 𑒍’ 𑒥𑒹𑒯𑒼𑒬 𑒦𑒨 𑒖𑒰𑒃𑒞 𑒕𑒟𑒱। 𑒍’ 𑒯𑒳𑒢𑒏𑒰 𑒧𑒳𑒃𑒪 𑒥𑒳𑒗𑒱 𑒏𑒨 𑒦𑒰𑒑𑒱 𑒖𑒰𑒃𑒞 𑒁𑒕𑒱। 𑒫𑒱𑒠𑒴𑒭𑒏 𑒁𑒥𑒻𑒞 𑒁𑒕𑒱, 𑒂’ 𑒯𑒳𑒢𑒏𑒩 𑒥𑓀𑒡𑒢 𑒐𑒼𑒪𑒻𑒞 𑒁𑒕𑒱 𑒂’ 𑒣𑒳𑒕𑒻𑒞 𑒁𑒕𑒱 𑒖𑒹 𑒯𑒧 𑒁𑒯𑒰𑒿𑒏 𑒣𑓂𑒩𑒰𑒝𑒩𑒏𑓂𑒭𑒰 𑒏𑒋𑒪 𑒁𑒕𑒱, 𑒂’ 𑒖𑒹 𑒏𑒱𑒕𑒳 𑒂𑒢 𑒣𑓂𑒩𑒱𑒨 𑒏𑒰𑒩𑓂𑒨 𑒯𑒼𑒨 𑒞𑒿 𑒮𑒹 𑒏𑒯𑒴। 𑒁𑒮𑒖𑓂𑒖𑒰𑒞𑒱 𑒏𑒯𑒪 𑒖𑒹 𑒕𑒪𑒮𑒿 𑒮𑓀𑒣𑒴𑒩𑓂𑒝 𑒠𑒹𑒬𑒏𑒹𑒿 𑒐𑒋𑒪𑒯𑒳𑒿, 𑒡𑒴𑒩𑓂𑒞𑓂𑒞𑒫𑒵𑒞𑓂𑒞𑒱𑒮𑒿 𑒄 𑒣𑓂𑒩𑒱𑒨𑒰 𑒣𑒰𑒍𑒪, 𑒮𑒹𑒯𑒼 𑒁𑒯𑒰𑒿 𑒮𑒢 𑒂𑒖𑓂𑒘𑒰𑒏𑒰𑒩𑒲 𑒬𑒱𑒭𑓂𑒨 𑒣𑒍𑒪𑒏, 𑒋𑒯𑒱𑒮𑒿 𑒣𑓂𑒩𑒱𑒨 𑒂𑒥 𑒏𑒱𑒕𑒳 𑒢𑒯𑒱 𑒁𑒕𑒱। 𑒞𑒟𑒰𑒣𑒱 𑒮𑒩𑓂𑒫𑒞𑓂𑒩 𑒮𑒳𑒐𑒬𑒰𑓀𑒞𑒱 𑒯𑒼 𑒞𑒏𑒩 𑒏𑒰𑒧𑒢𑒰 𑒏𑒩𑒻𑒞 𑒕𑒲।
𑒖𑒲𑒫𑒢 𑒗𑒰
𑒖𑒲𑒫𑒢 𑒗𑒰 𑒪𑒱𑒐𑒱𑒞 𑒢𑒰𑒙𑒏 𑒮𑒳𑒢𑓂𑒠𑒩 𑒮𑓀𑒨𑒼𑒑, (1904), 𑒧𑒻𑒟𑒱𑒪𑒲 𑒮𑒙𑓂𑒙𑒏 (1906), 𑒢𑒩𑓂𑒧𑒠𑒰 𑒮𑒰𑒑𑒩 𑒮𑒙𑓂𑒙𑒏 (1906) 𑒂 𑒮𑒰𑒧𑒫𑒞𑒲 𑒣𑒳𑒢𑒩𑓂𑒖𑒢𑓂𑒧 (1908)।
𑒌 𑒔𑒰𑒩𑒴 𑒢𑒰𑒙𑒏𑒏 𑒮𑒰𑒧𑒫𑒹𑒠 𑒫𑒱𑒠𑓂𑒨𑒰𑒪𑒨 𑒏𑒰𑒬𑒲𑒧𑒹 𑒏𑒋𑒏 𑒥𑒹𑒩 𑒧𑓀𑒔𑒢 𑓑𑓙𑓒𑓐 𑒄.𑒮𑒿 𑒣𑒯𑒱𑒢𑒯𑒱𑒨𑒹 𑒦𑓄 𑒔𑒳𑒏𑒪 𑒁𑒕𑒱,"𑒮𑒳𑒢𑓂𑒠𑒩 𑒮𑓀𑒨𑒼𑒑" 𑒋𑒞𑒻𑒮𑒿 𑒣𑓂𑒩𑒏𑒰𑒬𑒱𑒞 𑒮𑒹𑒯𑒼 𑒦𑒹𑒪।
𑒮𑒳𑒢𑓂𑒠𑒩 𑒮𑓀𑒨𑒼𑒑𑒏 𑒏𑒱𑒕𑒳 𑒂𑒩 𑒧𑓀𑒔𑒢:
𑓑𑓙𑓗𑓔 𑒄. 𑒧𑒰𑒪𑒲 𑒧𑒼𑒛𑓃𑒞𑒩 (𑒯𑒮𑒢𑒣𑒳𑒩 𑒔𑒲𑒢𑒲𑒧𑒱𑒪𑒏 𑒥𑒑𑒪𑒧𑒹), 𑒪𑒏𑓂𑒭𑓂𑒧𑒲𑒢𑒰𑒩𑒰𑒨𑒝 𑒅𑒔𑓂𑒔 𑒫𑒱𑒠𑓂𑒨𑒰𑒪𑒨 𑒣𑒩𑒱𑒮𑒩𑒧𑒹- 𑒢𑒱𑒩𑓂𑒠𑒹𑒬𑒏 𑒬𑓂𑒩𑒲 𑒏𑒰𑒪𑒲𑒏𑒰𑒢𑓂𑒞 𑒗𑒰 "𑒥𑒴𑒔", 𑒧𑒳𑒐𑓂𑒨 𑒁𑒞𑒱𑒟𑒱 𑒬𑓂𑒩𑒲 𑒤𑒖𑒪𑒳𑒩 𑒩𑒯𑒧𑒰𑒢 𑒯𑒰𑒮𑒧𑒲। 𑒠𑒳𑒩𑓂𑒑𑒰𑒣𑒴𑒖𑒰𑒧𑒹। 𑒂𑒨𑒼𑒖𑒏 𑒠𑒹𑒫𑒢𑒢𑓂𑒠𑒢 𑒣𑒰𑒚𑒏 𑒔𑒲𑒤 𑒃𑒢𑓂𑒖𑒲𑒢𑒱𑒨𑒩, 𑒂 𑒏𑒹𑒬𑒢𑒢𑓂𑒠𑒢 𑒣𑒰𑒚𑒏 (𑒂𑒛𑒲𑒙𑒩 𑒙𑒲𑒏𑒰 𑒥𑒰𑒥𑒴), 𑒅𑒠𑓂𑒒𑒰𑒙𑒢: 𑒅𑒠𑒱𑒞 𑒩𑒰𑒨 𑒧𑒳𑒐𑒱𑒨𑒰।
𑓑𑓙𑓗𑓖: 𑒏𑒩𑒱𑒨𑒢, 𑒮𑒧𑒮𑓂𑒞𑒲𑒣𑒳𑒩। 𑒢𑒱𑒩𑓂𑒠𑒹𑒬𑒏: 𑒏𑒰𑒧𑒠𑒹𑒫 𑒣𑒰𑒚𑒏।
𑓑𑓙𑓘𑓑: 𑒣𑒝𑓂𑒛𑒱𑒞 𑒙𑒼𑒪, 𑒙𑒦𑒏𑒰 (𑒠𑒪𑒮𑒱𑓀𑒯𑒮𑒩𑒰𑒨𑒏 𑒥𑒑𑒪𑒧𑒹): 𑒮𑓀𑒨𑒼𑒖𑒏 𑒛𑒰 𑒅𑒧𑒹𑒢𑓂𑒠𑓂𑒩 𑒗𑒰 "𑒫𑒱𑒧𑒪", 𑒣𑒴𑒩𑓂𑒫 𑒣𑓂𑒩𑒼. 𑒦𑒰𑒃𑒮 𑒔𑒰𑒢𑓂𑒮𑒪𑒩, 𑒏𑒰.𑒮𑒱. 𑒮𑓀𑒮𑓂𑒏𑒵𑒞 𑒫𑒱.𑒫𑒱.; 𑒂 𑒧.𑒧. 𑒔𑒱𑒞𑓂𑒩𑒡𑒩 𑒧𑒱𑒬𑓂𑒩 𑒖𑒹 𑒠𑒩𑒦𑓀𑒑𑒰 𑒏𑒱𑒪𑒰𑒏 𑒦𑒲𑒞𑒩𑒏 𑒬𑓀𑒏𑒩 𑒧𑒢𑓂𑒠𑒱𑒩𑒏 𑒁𑒡𑒱𑒭𑓂𑒚𑒰𑒞𑒰 𑒩𑒯𑒟𑒱 𑒂 𑒧.𑒧. 𑒅𑒧𑒹𑒬 𑒧𑒱𑒬𑓂𑒩 𑒂 𑒧.𑒧. 𑒑𑓀𑒑𑒰𑒢𑒰𑒟 𑒗𑒰 𑒯𑒱𑒢𑒏𑒩 𑒬𑒱𑒭𑓂𑒨 𑒩𑒯𑒟𑒱𑒢𑓂𑒯।
𑓑𑓙𑓘𑓓:𑒧𑒅 𑒥𑒰𑒖𑒱𑒞𑒣𑒳𑒩 (𑒫𑒱𑒠𑓂𑒨𑒰𑒣𑒞𑒱 𑒢𑒑𑒩𑒏 𑒥𑒑𑒪𑒧𑒹)
𑒮𑓀𑒮𑓂𑒏𑒵𑒞 𑒣𑒩𑒧𑓂𑒣𑒩𑒰 𑒂 𑒣𑒰𑒩𑒮𑒲 𑒟𑒱𑒨𑒹𑒙𑒩𑒏 𑒑𑒳𑒝𑒮𑒿 𑒍𑒞𑒣𑓂𑒩𑒼𑒞 𑒌 𑒢𑒰𑒙𑒏 𑒮𑒦𑒏 𑒁𑒢𑓂𑒨𑒰𑒢𑓂𑒨𑒼 𑒚𑒰𑒧 𑒧𑓀𑒔𑒢 𑒦𑒹𑒪 𑒁𑒕𑒱।
𑒄𑒬𑒢𑒰𑒟 𑒗𑒰
𑒅𑒑𑒢𑒰: 𑒄 𑒢𑒰𑒙𑒏 𑒮𑒦 𑒧𑒯𑒰𑒬𑒱𑒫𑒩𑒰𑒞𑓂𑒩𑒱𑒏𑒹𑒿 𑒑𑒾𑒩𑒲𑒬𑓀𑒏𑒩 𑒮𑓂𑒟𑒰𑒢, 𑒖𑒧𑒟𑒳𑒩𑒱𑒧𑒹 𑒐𑒹𑒪𑒰𑒋𑒪 𑒖𑒰𑒃𑒞 𑒁𑒕𑒱। 𑒫𑒱𑒠𑓂𑒨𑒰𑒣𑒞𑒱 𑒬𑒱𑒫-𑒦𑒏𑓂𑒞, 𑒯𑒳𑒢𑒏𑒩 𑒑𑒲𑒞-𑒢𑒔𑒰𑒩𑒲 𑒮𑒳𑒢𑒥𑒰 𑒪𑒹𑒪 𑒮𑒱𑒫 𑒫𑒱𑒠𑓂𑒨𑒰𑒣𑒞𑒱𑒏 𑒒𑒩𑒧𑒹 𑒅𑒑𑒢𑒰 𑒢𑒼𑒏𑒩 𑒥𑒢𑒱 𑒂𑒥𑒱 𑒑𑒹𑒪𑒰। 𑒋𑒏 𑒥𑒹𑒩 𑒫𑒱𑒠𑓂𑒨𑒰𑒣𑒞𑒱 𑒨𑒰𑒞𑓂𑒩𑒰𑒣𑒩 𑒕𑒪𑒰 𑒂 𑒅𑒑𑒢𑒰 𑒮𑓀𑒑𑒧𑒹 𑒕𑒪𑒢𑓂𑒯𑒱। 𑒩𑒮𑓂𑒞𑒰𑒧𑒹 𑒣𑒱𑒨𑒰𑒮 𑒪𑒑𑒪𑒰𑒣𑒩 𑒅𑒑𑒢𑒰 𑒖𑒙𑒰𑒏 𑒑𑓀𑒑𑒡𑒰𑒩𑒮𑒿 𑒣𑒰𑒢𑒱 𑒢𑒱𑒏𑒰𑒪𑒱 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒣𑒱𑒨𑒹𑒪𑒢𑓂𑒯𑒱 𑒧𑒳𑒠𑒰 𑒫𑒱𑒠𑓂𑒨𑒰𑒣𑒞𑒱𑒏𑒹𑒿 𑒍𑒃𑒧𑒹 𑒑𑓀𑒑𑒰𑒖𑒪𑒏 𑒮𑓂𑒫𑒰𑒠 𑒦𑒹𑒙𑒪𑒢𑓂𑒯𑒱 𑒂 𑒍 𑒅𑒑𑒢𑒰𑒏 𑒏𑒹𑒬 𑒦𑒲𑒖𑒪 𑒠𑒹𑒐𑒱 𑒮𑒦𑒙𑒰 𑒥𑒳𑒗𑒱 𑒑𑒹𑒪𑒰𑒯। 𑒅𑒑𑒢𑒰 𑒁𑒣𑒢 𑒁𑒮𑒪 𑒩𑒴𑒣𑒧𑒹 𑒋𑒪𑒰𑒯। 𑒧𑒳𑒠𑒰 𑒅𑒑𑒢𑒰 𑒏𑒯𑒪𑒐𑒱𑒢𑓂𑒯 𑒖𑒹 𑒫𑒱𑒠𑓂𑒨𑒰𑒣𑒞𑒱 𑒄 𑒑𑒣 𑒏𑒏𑒩𑒼 𑒢𑒻 𑒏𑒯𑒞𑒰𑒯 𑒢𑒻 𑒞𑒿 𑒍 𑒁𑒢𑓂𑒞𑒩𑓂𑒡𑒰𑒢 𑒦𑓄 𑒖𑒹𑒞𑒰𑒯। 𑒣𑒰𑒩𑓂𑒫𑒞𑒲 𑒔𑒰𑒪𑒱 𑒔𑒪𑒢𑓂𑒯𑒱, 𑒫𑒱𑒠𑓂𑒨𑒰𑒣𑒞𑒱𑒏 𑒣𑒞𑓂𑒢𑒲 𑒅𑒑𑒢𑒰𑒏𑒹𑒿 𑒥𑒹𑒪𑒣𑒞𑓂𑒩 𑒁𑒢𑒥𑒰 𑒪𑒹𑒪 𑒣𑒚𑒹𑒪𑒢𑓂𑒯𑒱 𑒂 𑒠𑒹𑒩𑒲 𑒦𑒹𑒪𑒰𑒣𑒩 𑒍 𑒅𑒑𑒢𑒰𑒣𑒩 𑒥𑒰𑒜𑒢𑒱 𑒅𑒮𑒰𑒯𑒪𑒢𑓂𑒯𑒱, 𑒫𑒱𑒠𑓂𑒨𑒰𑒣𑒟𑒱 𑒦𑒹𑒠 𑒐𑒼𑒪𑒱 𑒠𑒹𑒪𑒢𑓂𑒯𑒱 𑒂 𑒅𑒑𑒢𑒰 𑒥𑒱𑒪𑒰 𑒑𑒹𑒪𑒰𑒯.. 𑒔𑒲𑒢𑒲𑒏 𑒪𑒛𑓂𑒛𑒴: 𑒮𑒳𑒡𑒰𑒏𑒰𑓀𑒞-𑒣𑓂𑒩𑒹𑒧𑒏𑒰𑓀𑒞𑒏 𑒣𑒱𑒞𑒰 𑒑𑒳𑒖𑒩𑒱 𑒖𑒰𑒃 𑒕𑒟𑒱 𑒂 𑒮𑒹 𑒠𑒹𑒐𑒦𑒰𑒪 𑒧𑒰𑒧𑒰 𑒡𑒩𑓂𑒧𑒰𑒢𑒢𑓂𑒠 𑒙𑓂𑒩𑒮𑓂𑒙𑒲 𑒖𑒏𑒰𑒿 𑒏𑒩𑒻 𑒕𑒟𑒱 𑒂 𑒯𑒳𑒢𑒏𑒩 𑒮𑒦𑒏 𑒮𑒧𑒩𑓂𑒟 𑒦𑒹𑒪𑒰𑒏 𑒥𑒰𑒠 𑒮𑒳𑒡𑒰𑒏𑒰𑓀𑒞𑒏𑒹𑒿 𑒦𑒰𑒩 𑒠𑓄 𑒒𑒳𑒩𑒱 𑒖𑒰𑒃 𑒕𑒟𑒱। 𑒮𑒳𑒡𑒰𑒏𑒰𑓀𑒞𑒏 𑒧𑒳𑓀𑒬𑒲 𑒥𑒙𑒳𑒂 𑒠𑒰𑒮 𑒣𑓂𑒩𑒹𑒧𑒏𑒰𑓀𑒞𑒏 𑒣𑒞𑓂𑒢𑒲 𑒔𑒝𑓂𑒛𑒱𑒏𑒰 𑒂 𑒐𑒥𑒰𑒮𑒢𑒲 𑒕𑒳𑒪𑒯𑒲𑒏 𑒮𑒯𑒨𑒼𑒑𑒮𑒿 𑒥𑒐𑒩𑒰 𑒏𑒩𑒥𑒰 𑒠𑒻 𑒕𑒟𑒱, 𑒮𑒳𑒡𑒰𑒏𑒰𑒢𑓂𑒞 𑒁𑒣𑒢𑒼 𑒯𑒱𑒮𑓂𑒮𑒰 𑒣𑓂𑒩𑒹𑒧𑒏𑒰𑒢𑓂𑒞𑒏𑒹𑒿 𑒠𑓄 𑒠𑒻 𑒕𑒟𑒱। 𑒮𑒳𑒡𑒰𑒏𑒰𑓀𑒞, 𑒣𑒞𑓂𑒢𑒲 𑒮𑒳𑒬𑒲𑒪𑒰 𑒂 𑒥𑒹𑒙𑒰 𑒮𑒳𑒏𑒧𑒰𑒩 𑒒𑒩𑒮𑒿 𑒥𑒰𑒯𑒩 𑒏𑓄 𑒠𑒹𑒪 𑒖𑒰𑒃 𑒕𑒟𑒱। 𑒮𑒳𑒡𑒰𑒏𑒰𑓀𑒞𑒏𑒹𑒿 𑒙𑒲.𑒥𑒲. 𑒩𑒼𑒑 𑒧𑒰𑒩𑒱 𑒠𑒻 𑒕𑒢𑓂𑒯𑒱। 𑒥𑒙𑒳𑒂 𑒠𑒰𑒮𑒏 𑒮𑓀𑒑𑒞𑒱 𑒣𑓂𑒩𑒹𑒧𑒏𑒰𑓀𑒞𑒏𑒹𑒿 𑒮𑒹𑒯𑒼 𑒠𑒩𑒱𑒠𑓂𑒩 𑒏𑓄 𑒠𑒻𑒞 𑒁𑒕𑒱। 𑒧𑒰𑒧 𑒡𑒩𑓂𑒧𑒰𑒢𑒢𑓂𑒠 𑒮𑒳𑒏𑒧𑒰𑒩𑒏𑒹𑒿 𑒁𑒣𑒢 𑒮𑒧𑓂𑒣𑒞𑒱 𑒪𑒱𑒐𑒱 𑒠𑒻 𑒕𑒟𑒱 𑒏𑒰𑒩𑒝 𑒯𑒳𑒢𑒏𑒰 𑒮𑒢𑓂𑒞𑒰𑒢 𑒢𑒻 𑒕𑒢𑓂𑒯𑒱। 𑒣𑓂𑒩𑒹𑒧𑒏𑒰𑓀𑒞 𑒂 𑒥𑒙𑒳𑒂 𑒠𑒰𑒮 𑒮𑒳𑒏𑒳𑒧𑒰𑒩𑒏𑒹𑒿 𑒧𑒰𑒩𑒥𑒰𑒏 𑒣𑓂𑒩𑒨𑒞𑓂𑒢𑒧𑒹 𑒥𑒱𑒐 𑒧𑒱𑒪𑒰 𑒏𑓄 𑒔𑒲𑒢𑒲𑒏 𑒪𑒛𑓂𑒛𑒴 𑒮𑒢𑒹𑒮𑒧𑒹 𑒮𑒳𑒏𑒧𑒰𑒩𑒏𑒹𑒿 𑒠𑒻 𑒕𑒟𑒱 𑒧𑒳𑒠𑒰 𑒍𑒃𑒮𑒿 𑒥𑒙𑒳𑒂 𑒠𑒰𑒮 𑒧𑒩𑒱 𑒖𑒰𑒃𑒋, 𑒂 𑒦𑒹𑒠 𑒐𑒳𑒖𑒻𑒋।
𑒅𑒠𑒨𑒢𑒰𑒩𑒰𑒨𑒝 𑒮𑒱𑓀𑒯 𑒢𑒔𑒱𑒏𑒹𑒞𑒰
𑒢𑒰𑒨𑒏𑒏 𑒢𑒰𑒧 𑒖𑒲𑒫𑒢 : 𑒢𑒫𑒪 𑒢𑒫 𑒫𑒱𑒔𑒰𑒩𑒏 𑒁𑒕𑒱, 𑒬𑒏𑓂𑒞𑒱𑒩𑒰𑒨 𑒡𑒢𑒱𑒏, 𑒏𑒪𑒳𑒭𑒱𑒞 𑒁𑒕𑒱 𑒂 𑒁𑒣𑒢 𑒮𑒯𑒨𑒼𑒑𑒲 𑒫𑒱𑒢𑒨𑒣𑒩 𑒔𑒼𑒩𑒱𑒏 𑒂𑒩𑒼𑒣 𑒪𑒑𑒰 𑒍𑒏𑒩 𑒥𑒹𑒙𑒲𑒏 𑒁𑒣𑒯𑒩𑒝 𑒂 𑒥𑒪𑒰𑒞𑓂𑒏𑒰𑒩 𑒏𑒩𑒥𑒻𑒋। 𑒫𑒱𑒢𑒨 𑒂𑒞𑓂𑒧𑒯𑒞𑓂𑒨𑒰 𑒏𑓄 𑒪𑒻𑒋। 𑒢𑒫𑒪 𑒂 𑒍𑒏𑒩 𑒧𑒱𑒞𑓂𑒩 𑒣𑓂𑒩𑒏𑒰𑒬 𑒂 𑒠𑒲𑒣𑒏 𑒮𑒦𑒙𑒰 𑒦𑒹𑒠 𑒐𑒼𑒪𑒻𑒋। 𑒍𑒏𑒩 𑒣𑓂𑒩𑒹𑒧𑒱𑒏𑒰 𑒥𑒪𑒰𑒞𑓂𑒏𑒰𑒩𑒏 𑒣𑒩𑒱𑒝𑒰𑒧𑒮𑓂𑒫𑒩𑒴𑒣 𑒂𑒞𑓂𑒧𑒯𑒞𑓂𑒨𑒰 𑒏𑒩𑒻𑒋। 𑒢𑒫𑒪 𑒫𑒱𑒏𑓂𑒭𑒱𑒣𑓂𑒞 𑒦𑓄 𑒖𑒰𑒃𑒋। 𑒋𑒏 𑒕𑒪 𑒩𑒰𑒖𑒰: 𑒋𑒏𑒙𑒰 𑒩𑒰𑒖𑒰 𑒁𑒦𑒱𑒧𑒰𑒢 𑒏𑒳𑒧𑒰𑒩 𑒠𑒹𑒫𑒏 𑒠𑒱𑒢 𑒧𑒠𑒱𑒩𑒰 𑒂 𑒫𑒻𑒬𑓂𑒨𑒰𑒏 𑒣𑒰𑒕𑒰𑒿 𑒐𑒩𑒰𑒣 𑒦𑒹𑒪𑒻। 𑒍𑒏𑒩𑒰 𑒋𑒏𑓂𑒏𑒹𑒙𑒰 𑒥𑒹𑒙𑒲 𑒧𑒼𑒯𑒱𑒢𑒲 𑒕𑒻, 𑒙𑒏𑒰𑒏 𑒁𑒦𑒰𑒫𑒧𑒹 𑒍𑒏𑒩 𑒥𑒱𑒨𑒰𑒯 𑒢𑒻 𑒦𑓂𑒯𑓄 𑒣𑒰𑒥𑒱 𑒩𑒯𑒪 𑒕𑒻। 𑒧𑒳𑓀𑒬𑒲 𑒫𑒱𑒩𑓀𑒔𑒲, 𑒮𑒹𑒫𑒏 𑒔𑒞𑒳𑒩𑒪𑒰𑒪 𑒂 𑒡𑒩𑓂𑒧𑒏𑒩𑓂𑒧𑒫𑒰𑒪𑒲 𑒣𑒞𑓂𑒢𑒲 𑒮𑓀𑒑𑒹 𑒢𑒰𑒙𑒏 𑒂𑒑𑒰𑒿 𑒥𑒜𑓃𑒻𑒋। 𑒧𑒼𑒯𑒱𑒢𑒲 𑒂 𑒬𑒱𑒏𑓂𑒭𑒏 𑒬𑒳𑒦𑓀𑒏𑒩𑒏 𑒥𑒲𑒔 𑒣𑓂𑒩𑒹𑒧 𑒯𑒼𑒃 𑒕𑒻। 𑒢𑒼 𑒋𑒝𑓂𑒙𑓂𑒩𑒲: 𑒧𑒰 𑒣𑓂𑒩𑒫𑒱𑒬: 𑒣𑒼𑒮𑓂𑒙𑒧𑒼𑒛𑒩𑓂𑒢 𑒛𑓂𑒩𑒰𑒧𑒰, 𑒖𑒏𑒩 𑒋𑒥𑒮𑒩𑓂𑒛𑒱𑒙𑒲 𑒋𑒏𑒩𑒰 𑒖𑓂𑒨𑒼𑒞𑒱𑒩𑒲𑒬𑓂𑒫𑒩𑒏 𑒡𑒴𑒩𑓂𑒞 𑒮𑒧𑒰𑒑𑒧 𑒪𑒑 𑒒𑒳𑒩𑒥𑒻 𑒕𑒻। 𑒮𑓂𑒫𑒩𑓂𑒑 𑒂𑒏𑒱 𑒢𑒩𑓂𑒏𑒏 𑒠𑓂𑒫𑒰𑒩𑒣𑒩 𑒧𑒳𑒃𑒪 𑒮𑒦 𑒁𑒥𑒻 𑒕𑒟𑒱 𑒂 𑒐𑒱𑒮𑓂𑒮𑒰-𑒐𑒹𑒩𑒯𑒰 𑒮𑒳𑒢𑒥𑒻 𑒕𑒟𑒱, 𑒥𑒰𑒠𑒧𑒹 𑒣𑒞𑒰 𑒔𑒪𑒻𑒋 𑒖𑒹 𑒔𑒱𑒞𑓂𑒩𑒑𑒳𑒣𑓂𑒞/ 𑒡𑒩𑓂𑒧𑒩𑒰𑒖 𑒮𑒦 𑒢𑒏𑒪𑒲 𑒕𑒟𑒱 𑒂 𑒠𑓂𑒫𑒰𑒩𑒣𑒩 𑒪𑒰𑒑𑒪 𑒁𑒕𑒱 𑒞𑒰𑒪𑒰, 𑒢𑒼 𑒋𑒝𑓂𑒙𑓂𑒩𑒲।
𑒑𑒼𑒫𑒱𑒢𑓂𑒠 𑒗𑒰
𑒥𑒮𑒰𑒞: 𑒏𑒵𑒭𑓂𑒝𑒏𑒰𑓀𑒞 𑒣𑒱𑒞𑒰 𑒠𑓂𑒫𑒰𑒩𑒰 𑒚𑒲𑒏 𑒏𑒋𑒪 𑒨𑒳𑒫𑒞𑒲 𑒣𑒳𑒭𑓂𑒣𑒰 𑒮𑓀𑒑 𑒫𑒱𑒫𑒰𑒯 𑒢𑒻 𑒏𑒩𑒻 𑒕𑒟𑒱, 𑒍 𑒬𑒱𑒏𑓂𑒭𑒱𑒞𑒮𑒿 𑒫𑒱𑒫𑒰𑒯 𑒏𑒩𑓄 𑒔𑒰𑒯𑒻 𑒕𑒟𑒱, 𑒪𑒱𑒪𑒲𑒮𑒿 𑒣𑓂𑒩𑒹𑒧 𑒏𑒩𑒻 𑒕𑒟𑒱। 𑒯𑒳𑒢𑒏𑒩 𑒣𑒱𑒞𑒰 𑒒𑒩 𑒞𑓂𑒨𑒰𑒑𑒱 𑒠𑒻 𑒕𑒟𑒱। 𑒣𑒳𑒭𑓂𑒣𑒰 𑒒𑒩 𑒕𑒼𑒛𑓃𑒱 𑒧𑒯𑒱𑒪𑒰 𑒖𑒰𑒑𑒩𑒝𑒧𑒹 𑒪𑒰𑒑𑒱 𑒑𑒹𑒪𑒟𑒱। 𑒣𑒱𑒞𑒰𑒏𑒹𑒿 𑒞𑒰𑒏𑒻𑒧𑒹 𑒏𑒵𑒭𑓂𑒝𑒏𑒰𑒢𑓂𑒞 𑒁𑒮𑒤𑒪 𑒯𑒼𑒃 𑒕𑒟𑒱, 𑒪𑒱𑒪𑒲𑒏𑒹𑒿 𑒕𑒼𑒛𑓃𑒱 𑒩𑒹𑒪𑒑𑒰𑒛𑓃𑒲𑒮𑒿 𑒏𑒙𑓄 𑒔𑒰𑒯𑒻 𑒕𑒟𑒱, 𑒂𑒬𑓂𑒩𑒧𑒏 𑒪𑒼𑒏 𑒯𑒳𑒢𑒏𑒰 𑒥𑒔𑒰 𑒪𑒻 𑒕𑒢𑓂𑒯𑒱, 𑒍𑒞𑒋 𑒣𑒱𑒞𑒰, 𑒣𑒳𑒭𑓂𑒣𑒰 𑒮𑒦𑒮𑒿 𑒦𑒹𑒿𑒙 𑒯𑒼𑒃 𑒕𑒢𑓂𑒯𑒱, 𑒪𑒱𑒪𑒲 𑒮𑒹𑒯𑒼 𑒥𑒞𑒰𑒯𑒱 𑒦𑒹𑒪𑒱 𑒍𑒞𑓄 𑒂𑒥𑒱 𑒖𑒰𑒃 𑒕𑒟𑒱।
𑒑𑒳𑒝𑒢𑒰𑒟 𑒗𑒰
"𑒪𑒼𑒏 𑒧𑒘𑓂𑒔" 𑒧𑒻𑒟𑒱𑒪𑒲 𑒢𑒰𑒙𑓂𑒨 𑒣𑒞𑓂𑒩𑒱𑒏𑒰𑒏 𑒮𑓀𑒔𑒰𑒪𑒢- 𑒮𑒧𑓂𑒣𑒰𑒠𑒢 𑒏𑒹𑒢𑒹 𑒕𑒟𑒱। 𑒧𑒻𑒟𑒱𑒪𑒲𑒧𑒹 𑒂𑒡𑒳𑒢𑒱𑒏 𑒢𑒰𑒙𑒏𑒏 𑒣𑓂𑒩𑒝𑒨𑒢। 𑒯𑒳𑒢𑒏𑒩 𑒢𑒰𑒙𑒏 𑒏𑒢𑒱𑒨𑒰𑒿-𑒣𑒳𑒞𑒩𑒰, 𑒣𑒰𑒟𑒹𑒨, 𑒍 𑒧𑒡𑒳𑒨𑒰𑒧𑒱𑒢𑒲, 𑒮𑒰𑒞𑒧 𑒔𑒩𑒱𑒞𑓂𑒩, 𑒬𑒹𑒭 𑒢𑒘𑒱, 𑒂𑒖𑒳𑒏 𑒪𑒼𑒏 𑒂 𑒖𑒨 𑒧𑒻𑒟𑒱𑒪𑒲 𑒮𑒦𑒏 𑒥𑒹𑒩-𑒥𑒹𑒩 𑒧𑓀𑒔𑒢 𑒦𑒹𑒪 𑒁𑒕𑒱। 𑒥𑒰𑒓𑓂𑒑𑒪𑒰 𑒋𑒏𑒰𑒓𑓂𑒏𑒲 𑒢𑒰𑒙𑓂𑒨-𑒮𑓀𑒑𑓂𑒩𑒯
𑒌𑒧𑒹 𑒥𑒰𑓀𑒑𑓂𑒪𑒰𑒏 𑓒𑓔 𑒙𑒰 𑒢𑒰𑒙𑒏𑒏𑒰𑒩𑒏 𑓒𑓔 𑒙𑒰 𑒢𑒰𑒙𑒏𑒏 𑒮𑓀𑒏𑒪𑒢 𑒍 𑒮𑒧𑓂𑒣𑒰𑒠𑒢 𑒁𑒖𑒱𑒞 𑒏𑒳𑒧𑒰𑒩 𑒒𑒼𑒭 𑒏𑒹𑒢𑒹 𑒕𑒟𑒱 𑒂 𑒞𑒏𑒩 𑒥𑒰𑓀𑒑𑓂𑒪𑒰𑒮𑒿 𑒧𑒻𑒟𑒱𑒪𑒲 𑒁𑒢𑒳𑒫𑒰𑒠 𑒬𑓂𑒩𑒲 𑒑𑒳𑒝𑒢𑒰𑒟 𑒗𑒰 𑒠𑓂𑒫𑒰𑒩𑒰 𑒦𑒹𑒪 𑒁𑒕𑒱।
𑒏𑒢𑒱𑒨𑒰𑒿-𑒣𑒳𑒞𑒩𑒰- 𑒑𑒳𑒝𑒢𑒰𑒟 𑒗𑒰 𑒖𑒲𑒏 𑒄 𑒣𑒯𑒱𑒪 𑒣𑒴𑒩𑓂𑒝𑒰𑒓𑓂𑒏 𑒢𑒰𑒙𑒏 𑒟𑒱𑒏। 𑒢𑒰𑒙𑒏 𑒥𑒯𑒳𑒠𑒵𑒬𑓂𑒨 𑒮𑒧𑒢𑓂𑒫𑒱𑒞 𑒏𑒩𑒻𑒥𑒪𑒰 𑒒𑒴𑒩𑓂𑒝𑒲𑒨 𑒧𑒘𑓂𑒔𑒼𑒣𑒨𑒳𑒏𑓂𑒞 𑒁𑒕𑒱। 𑒏𑒟𑒰 𑒏𑒰𑒙𑒩 𑒣𑓂𑒩𑒟𑒰𑒣𑒩 𑒂𑒡𑒰𑒩𑒱𑒞 𑒁𑒕𑒱 𑒂 𑒞𑒏𑒩 𑒣𑒩𑒱𑒝𑒰𑒧𑒮𑒿 𑒧𑒳𑒐𑓂𑒨 𑒁𑒦𑒱𑒢𑒹𑒞𑒰 𑒂 𑒧𑒳𑒐𑓂𑒨 𑒁𑒦𑒱𑒢𑒹𑒞𑓂𑒩𑒲 𑒧𑒢𑒼𑒫𑒱𑒏𑒰𑒩𑒨𑒳𑒏𑓂𑒞 𑒦𑓄 𑒖𑒰𑒃𑒞 𑒕𑒟𑒱, 𑒞𑒃 𑒧𑒢𑒼𑒠𑒬𑒰𑒏 𑒮𑒙𑒲𑒏 𑒔𑒱𑒞𑓂𑒩𑒝 𑒂 𑒫𑒱𑒬𑓂𑒪𑒹𑒭𑒝 𑒦𑒹𑒪 𑒁𑒕𑒱।
𑒧𑒡𑒳𑒨𑒰𑒧𑒱𑒢𑒲: 𑒋𑒏𑒰𑒓𑓂𑒏 𑒢𑒰𑒙𑓂𑒨 𑒬𑒻𑒪𑒲𑒧𑒹 𑒠𑒴𑒙𑒰 𑒣𑒰𑒞𑓂𑒩, 𑒣𑒳𑒩𑒳𑒭 𑒮𑓀𑒨𑒳𑒏𑓂𑒞 𑒣𑒩𑒱𑒫𑒰𑒩𑒏 𑒣𑒏𑓂𑒭 𑒪𑒹𑒢𑒱𑒯𑒰𑒩 𑒂 𑒮𑓂𑒞𑓂𑒩𑒲 𑒞𑒏𑒩 𑒫𑒱𑒩𑒼𑒡𑒲। 𑒮𑓀𑒨𑒳𑒏𑓂𑒞 𑒣𑒩𑒱𑒫𑒰𑒩𑒏 𑒣𑒏𑓂𑒭 𑒪𑒹𑒢𑒱𑒯𑒰𑒩𑒏 𑒮𑒰𑒧𑓀𑒖𑒮𑓂𑒨𑒣𑒴𑒩𑓂𑒝 𑒫𑒱𑒖𑒨 𑒯𑒼𑒃𑒞 𑒁𑒕𑒱। "𑒪𑒼𑒏 𑒧𑒘𑓂𑒔" 𑒧𑒻𑒟𑒱𑒪𑒲 𑒢𑒰𑒙𑓂𑒨 𑒣𑒞𑓂𑒩𑒱𑒏𑒰𑒧𑒹 𑒣𑓂𑒩𑒏𑒰𑒬𑒱𑒞।
𑒣𑒰𑒟𑒹𑒨: 𑒋𑒏𑒰𑒓𑓂𑒏 𑒢𑒰𑒙𑓂𑒨 𑒬𑒻𑒪𑒲𑒧𑒹 𑒩𑒔𑒱𑒞, 𑒧𑒳𑒠𑒰 𑒣𑒴𑒩𑓂𑒝𑒰𑒓𑓂𑒏𑒏 𑒮𑒦 𑒫𑒱𑒬𑒹𑒭𑒞𑒰 𑒌𑒧𑒹 𑒦𑒹𑒙𑒞। 𑒧𑒳𑒐𑓂𑒨 𑒁𑒦𑒱𑒢𑒹𑒞𑒰 𑒧𑒱𑒟𑒱𑒪𑒰𑒏 𑒁𑒡𑒼𑒑𑒞𑒱𑒮𑒿 𑒠𑒳𑒐𑒲 𑒦𑓄 𑒑𑒰𑒧𑒏𑒹𑒿 𑒏𑒩𑓂𑒧𑒮𑓂𑒟𑒪𑒲 𑒥𑒢𑒥𑒻𑒞 𑒕𑒟𑒱, 𑒮𑓂𑒫𑒖𑒢 𑒫𑒱𑒩𑒼𑒡 𑒏𑒩𑒻 𑒕𑒟𑒱। 𑒧𑒳𑒠𑒰 𑒥𑒰𑒠𑒧𑒹 𑒣𑒞𑓂𑒢𑒲 𑒯𑒳𑒢𑒏𑒩 𑒮𑓀𑒑 𑒂𑒥𑒱 𑒖𑒰𑒃 𑒕𑒟𑒱𑒢𑓂𑒯। 𑒦𑒰𑒭𑒰 𑒧𑒡𑒳𑒩 𑒂 𑒔𑒪𑒰𑒨𑒧𑒰𑒢 𑒁𑒕𑒱।
𑒪𑒰𑒪-𑒥𑒳𑒗𑒏𑓂𑒏𑒩: 𑒋𑒏𑒰𑒓𑓂𑒏 𑒢𑒰𑒙𑓂𑒨 𑒬𑒻𑒪𑒲𑒧𑒹 𑒩𑒔𑒱𑒞। 𑒠𑒰𑒯𑒲 𑒩𑒾𑒠𑒲𑒮𑒿 𑒗𑒧𑒰𑒩𑒪 𑒢𑒱𑒧𑓂𑒢 𑒂 𑒧𑒡𑓂𑒨-𑒢𑒱𑒧𑓂𑒢 𑒫𑒩𑓂𑒑 𑒮𑓂𑒫𑒞𑓀𑒞𑓂𑒩𑒞𑒰𑒏 𑒣𑒯𑒱𑒢𑒯𑒱𑒨𑒼 𑒂 𑒥𑒰𑒠𑒼 𑒖𑒲𑒫𑒱𑒏𑒼𑒣𑒰𑒩𑓂𑒖𑒢 𑒪𑒹𑒪 𑒣𑓂𑒩𑒫𑒰𑒮 𑒏𑒩𑒥𑒰 𑒪𑒹𑒪 𑒁𑒦𑒱𑒬𑒣𑓂𑒞 𑒕𑒟𑒱। 𑒧𑒰𑒞𑒰-𑒣𑒱𑒞𑒰 𑒫𑒱𑒯𑒲𑒢 𑒪𑒰𑒪 𑒥𑒳𑒗𑒏𑓂𑒏𑒩𑒖𑒲 𑒏𑒢𑒱𑒨𑒰𑒿𑒏𑒹𑒿 𑒢𑒻𑒯𑒩𑒧𑒹 𑒥𑒻𑒮𑒰 𑒏𑓄 𑒂 𑒮𑒢𑓂𑒞𑒰𑒢𑒯𑒲𑒢 𑒣𑒱𑒞𑓂𑒞𑒲 𑒣𑒱𑒞𑒱𑒨𑒻𑒢𑒏𑒹𑒿 𑒕𑒼𑒛𑓃𑒱 𑒢𑒑𑓂𑒩 𑒣𑓂𑒩𑒫𑒰𑒮 𑒏𑒩𑒻 𑒕𑒟𑒱।
𑒮𑒰𑒞𑒧 𑒔𑒩𑒱𑒞𑓂𑒩: 𑒋𑒏𑒰𑒓𑓂𑒏 𑒢𑒰𑒙𑓂𑒨 𑒬𑒻𑒪𑒲𑒧𑒹 𑒩𑒔𑒱𑒞। 𑒧𑒻𑒟𑒱𑒪𑒲 𑒩𑓀𑒑𑒧𑓀𑒔𑒣𑒩 𑒧𑒯𑒱𑒪𑒰 𑒁𑒦𑒱𑒢𑒹𑒞𑓂𑒩𑒲𑒏 𑒁𑒦𑒰𑒫, 𑒮𑒰𑒞𑒧 𑒔𑒩𑒱𑒞𑓂𑒩𑒏 𑒣𑓂𑒩𑒞𑒲𑒏𑓂𑒭𑒰𑒧𑒹 𑒣𑒴𑒩𑓂𑒫𑒰𑒦𑓂𑒨𑒰𑒮 𑒐𑒞𑒧 𑒦𑓄 𑒖𑒰𑒃𑒞 𑒁𑒕𑒱। "𑒪𑒼𑒏 𑒧𑒘𑓂𑒔" 𑒧𑒻𑒟𑒱𑒪𑒲 𑒢𑒰𑒙𑓂𑒨 𑒣𑒞𑓂𑒩𑒱𑒏𑒰𑒧𑒹 𑒣𑓂𑒩𑒏𑒰𑒬𑒱𑒞।
𑒬𑒹𑒭 𑒢𑒘𑒱: 𑒂𑒡𑒳𑒢𑒱𑒏 𑒮𑒰𑒧𑒰𑒖𑒱𑒏 𑒣𑒴𑒩𑓂𑒝𑒰𑒓𑓂𑒏 𑒢𑒰𑒙𑒏। 𑒣𑒱𑒞𑒰-𑒧𑒰𑒞𑒰𑒏 𑒧𑒵𑒞𑓂𑒨𑒳𑒏 𑒥𑒰𑒠 𑒁𑒑𑓂𑒩𑒖𑒏 𑒁𑒢𑒳𑒖𑒏 𑒣𑓂𑒩𑒞𑒱 𑒣𑒱𑒞𑒵𑒫𑒞 𑒫𑓂𑒨𑒫𑒯𑒰𑒩। 𑒁𑒢𑒳𑒖 𑒔𑒰𑒏𑒩𑒲 𑒏𑒩𑒻 𑒕𑒟𑒱, 𑒣𑒩𑒱𑒫𑒩𑓂𑒞𑒢𑒬𑒲𑒪 𑒮𑒰𑒧𑒰𑒖𑒱𑒏 𑒣𑒩𑒱𑒮𑓂𑒟𑒱𑒞𑒱𑒏 𑒬𑒱𑒏𑒰𑒩 𑒦𑓄 𑒁𑒔𑒱𑒢𑓂𑒞𑒢𑒲𑒨 𑒏𑒰𑒩𑓂𑒨𑒏𑒪𑒰𑒣 𑒏𑒩𑒻 𑒕𑒟𑒱 𑒂 𑒁𑒑𑓂𑒩𑒖 𑒣𑓂𑒩𑒞𑒰𑒩𑒱𑒞 𑒯𑒼𑒃 𑒕𑒟𑒱। 𑒧𑒳𑒠𑒰 𑒁𑒑𑓂𑒩𑒖 𑒧𑒩𑒝𑒰𑒮𑒢𑓂𑒢 𑒣𑒞𑓂𑒢𑒲𑒏 𑒣𑓂𑒩𑒰𑒝𑒩𑒏𑓂𑒭𑒰𑒩𑓂𑒟 𑒮𑒰𑒯𑒮𑒣𑒴𑒩𑓂𑒝 𑒛𑒹𑒑 𑒅𑒚𑒰 𑒪𑒻𑒞 𑒕𑒟𑒱।
𑒂𑒖𑒳𑒏 𑒪𑒼𑒏: 𑒣𑒴𑒩𑓂𑒝𑒰𑒓𑓂𑒏 𑒢𑒰𑒙𑒏। 𑒫𑒱𑒭𑒨 𑒢𑒱𑒧𑓂𑒢𑒧𑒡𑓂𑒨𑒫𑒩𑓂𑒑𑒲𑒨 𑒥𑒹𑒩𑒼𑒖𑒑𑒰𑒩𑒲 𑒂 𑒥𑒱𑒨𑒰𑒯𑒏 𑒠𑒰𑒨𑒱𑒞𑓂𑒫𑒏 𑒥𑒼𑒗।
𑒖𑒨 𑒧𑒻𑒟𑒱𑒪𑒲: 𑒣𑒴𑒩𑓂𑒝𑒰𑒓𑓂𑒏 𑒢𑒰𑒙𑒏। 𑒧𑒱𑒟𑒱𑒪𑒰𑒏 𑒦𑒰𑒭𑒱𑒏-𑒮𑒰𑓀𑒮𑓂𑒏𑒵𑒞𑒱𑒏 𑒮𑒧𑒮𑓂𑒨𑒰 𑒋𑒏𑒩 𑒏𑒟𑒰𑒫𑒮𑓂𑒞𑒳 𑒁𑒕𑒱।
𑒧𑒯𑒰𑒏𑒫𑒱 𑒫𑒱𑒠𑓂𑒨𑒰𑒣𑒞𑒱: 𑒫𑒱𑒠𑓂𑒨𑒰𑒣𑒞𑒱𑒏 𑒢𑒫 𑒫𑒱𑒬𑓂𑒪𑒹𑒭𑒝।

𑒧𑒯𑒹𑒢𑓂𑒠𑓂𑒩 𑒧𑒪𑓀𑒑𑒱𑒨𑒰
𑒋𑒏 𑒏𑒧𑒪 𑒢𑒼𑒩𑒧𑒹: 𑒧𑒰𑒪𑒰 𑒣𑒞𑒱 𑒩𑒰𑒖𑒹𑒬𑒏𑒹𑒿 𑒮𑒢𑓂𑒞𑒰𑒢 𑒪𑒹𑒪 𑒠𑒼𑒮𑒩 𑒥𑒱𑒨𑒰𑒯 𑒪𑒹𑒪 𑒂𑒑𑓂𑒩𑒯 𑒏𑒩𑒻𑒋, 𑒧𑒳𑒠𑒰 𑒣𑒞𑒱 𑒧𑒢𑒰 𑒏𑒩𑒻 𑒕𑒻, 𑒍𑒏𑒩 𑒮𑒰𑒮𑒳 𑒖𑓂𑒨𑒼𑒞𑒱𑒭𑒏 𑒮𑓀𑒑 𑒧𑒱𑒪𑒱 𑒧𑒰𑒪𑒰𑒏 𑒠𑒼𑒮𑒩𑒰𑒏 𑒮𑓀𑒑 𑒥𑒹𑒯𑒼𑒬𑒲𑒧𑒹 𑒁𑒬𑓂𑒪𑒲𑒪 𑒤𑒼𑒙𑒼 𑒪𑒻𑒋 𑒂 𑒩𑒰𑒖𑒹𑒬𑒏𑒹𑒿 𑒠𑒹𑒐𑒥𑒻𑒋। 𑒩𑒰𑒖𑒹𑒬 𑒧𑒰𑒪𑒰𑒏𑒹𑒿 𑒒𑒩𑒮𑒿 𑒥𑒯𑒰𑒩 𑒏𑓄 𑒠𑒻𑒋 𑒂 𑒖𑓂𑒨𑒼𑒞𑒱𑒭𑒲𑒏 𑒣𑒳𑒞𑓂𑒩𑒲𑒏 𑒥𑒱𑒨𑒰𑒯 𑒩𑒰𑒖𑒹𑒬𑒮𑒿 𑒦𑓄 𑒖𑒰𑒃 𑒕𑒻। 𑒧𑒰𑒪𑒰 𑒂𑒞𑓂𑒧𑒯𑒞𑓂𑒨𑒰 𑒏𑒩𑒻𑒋। 𑒖𑒳𑒂𑒨𑒪 𑒏𑒢𑒏𑒢𑒲: 𑒖𑒲𑒥𑒴 𑒁𑒣𑒢 𑒧𑒰𑒞𑒰-𑒣𑒱𑒞𑒰 𑒠𑓂𑒫𑒰𑒩𑒰 𑒂𑒞𑓂𑒧𑒯𑒞𑓂𑒨𑒰 𑒪𑒹𑒪 𑒏𑒰𑒏𑒲𑒏𑒹𑒿 𑒠𑒼𑒭𑒲 𑒧𑒰𑒢𑒻𑒋 𑒧𑒳𑒠𑒰 𑒥𑒰𑒠𑒧𑒹 𑒖𑒐𑒢 𑒍 𑒥𑒳𑒗𑒻𑒋 𑒖𑒹 𑒥𑒻𑒖𑒴 𑒍𑒏𑒩 𑒥𑒯𑒱𑒢𑒏 𑒬𑒲𑒪 𑒦𑓀𑒑 𑒏𑒹𑒪𑒏। 𑒤𑒹𑒩 𑒥𑒠𑒪𑒰 𑒂 𑒣𑒬𑓂𑒔𑒰𑒞𑒰𑒣। 𑒍𑒏𑒩𑒰 𑒂𑒿𑒑𑒢𑒏 𑒥𑒰𑒩𑒯𑒧𑒰𑒮𑒰: 𑒥𑒰𑒩𑒯 𑒧𑒰𑒮𑒧𑒹 𑒥𑒼𑒢𑒱𑒯𑒰𑒩𑒏𑒏 𑒖𑒱𑒢𑒑𑒲𑒏 𑒫𑒱𑒫𑒩𑒝। 𑒕𑒳𑒞𑒯𑒩/ 𑒕𑒳𑒞𑒯𑒩 𑒒𑒻𑒪/ 𑒕𑒳𑒞𑒯𑒰 𑒒𑒻𑒪
𑒕𑒳𑒞𑒯𑒰 𑒒𑒻𑒪 𑒧𑒯𑒹𑒢𑓂𑒠𑓂𑒩 𑒧𑒪𑓀𑒑𑒱𑒨𑒰𑒏 𑒢𑒫𑒲𑒢 𑒢𑒰𑒙𑒏𑒏 𑒢𑒰𑒧 𑒕𑒢𑓂𑒯𑒱। 𑒌 𑒕𑒼𑒙𑒮𑒢 𑒢𑒰𑒙𑒏𑒏 𑒦𑒴𑒧𑒱𑒏𑒰 𑒍 𑒠𑒮 𑒣𑒢𑓂𑒢𑒰𑒧𑒹 𑒪𑒱𑒐𑒢𑒹 𑒕𑒟𑒱।
𑒣𑒯𑒱𑒢𑒹 𑒌 𑒦𑒴𑒧𑒱𑒏𑒰𑒣𑒩 𑒂𑒅। 𑒯𑒳𑒢𑒏𑒰 𑒏𑒭𑓂𑒙 𑒕𑒢𑓂𑒯𑒱 𑒖𑒹 𑒩𑒧𑒰𑒢𑒢𑓂𑒠 𑒗𑒰 “𑒩𑒧𑒝” 𑒯𑒳𑒢𑒏𑒰 𑒮𑒳𑒗𑒰𑒫 𑒠𑒹𑒪𑒐𑒱𑒢𑓂𑒯 𑒖𑒹 “𑒕𑒳𑒞𑒯𑒩 𑒒𑒻𑒪”𑒏𑒹𑒿 𑒧𑒰𑒞𑓂𑒩 “𑒕𑒳𑒞𑒯𑒩” 𑒏𑒯𑒪 𑒖𑒰𑒃 𑒕𑒻। 𑒮𑒹 𑒍 𑒞𑒲𑒢 𑒙𑒰 𑒑𑒣 𑒅𑒚𑒹𑒪𑒢𑓂𑒯𑒱- 𑒣𑒯𑒱𑒪-
“𑒞𑒼𑓀 𑒏𑒯𑒱𑒨𑒼 𑒣𑒼𑒟𑒲 𑒏𑒹 𑒪𑒹𑒐𑒲,
𑒯𑒧 𑒏𑒯𑒱𑒨𑒼 𑒁𑒿𑒐𑒱𑒨𑒢 𑒏𑒹 𑒠𑒹𑒐𑒲।”
𑒠𑒼𑒮𑒩- 𑒨𑒰𑒞𑓂𑒩𑒲 𑒖𑒲𑒏 𑒫𑒱𑒪𑒰𑒣 𑒏𑒫𑒱𑒞𑒰-
“𑒏𑒰𑒞𑒹 𑒩𑒯𑒻 𑒕𑒲 𑒖𑒢𑒳 𑒒𑒻𑒪 𑒕𑒳𑒞𑒯𑒩
𑒂𑒯𑒱 𑒩𑒹 𑒯𑒧 𑒁𑒦𑒰𑒑𑒪𑒱 𑒏𑒞 𑒥𑒛𑓃।”
𑒂 𑒏𑒯𑒻 𑒕𑒟𑒱 𑒖𑒹 𑒍𑒃 𑒏𑒫𑒱𑒞𑒰𑒏 𑒫𑒱𑒡𑒫𑒰 𑒂 𑒌 𑒢𑒰𑒙𑒏𑒏 𑒏𑒥𑒴𑒞𑒩𑒲 𑒠𑒹𑒫𑒲𑒏𑒹𑒿 𑒬𑒱𑒫𑒏 𑒧𑒯𑒹𑒬𑓂𑒫𑒩𑒼 𑒮𑒴𑒞𑓂𑒩 𑒂 𑒣𑒰𑒝𑒱𑒢𑒲𑒏 𑒠𑒬 𑒪𑒏𑒰𑒩𑒮𑒿 (𑒫𑒻𑒠𑒱𑒏 𑒮𑓀𑒮𑓂𑒏𑒵𑒞 𑒪𑒹𑒪 𑒣𑒰𑒝𑒱𑒢𑒲 𑓑𑓒 𑒪𑒏𑒰𑒩 𑒂 𑒪𑒾𑒏𑒱𑒏 𑒮𑓀𑒮𑓂𑒏𑒵𑒞 𑒪𑒹𑒪 𑒠𑒮 𑒪𑒏𑒰𑒩 𑒢𑒱𑒩𑓂𑒡𑒰𑒩𑒱𑒞 𑒏𑒋𑒢𑒹 𑒕𑒟𑒱..𑒐𑒋𑒩…) 𑒏𑒼𑒢 𑒧𑒞𑒪𑒥 𑒕𑒻?
𑒞𑒹𑒮𑒩 𑒍 𑒁𑒣𑒢 𑒮𑓂𑒟𑒱𑒞𑒱𑒏𑒹𑒿 𑒏𑒰𑒣𑒩𑒢𑒱𑒏𑒮 𑒮𑒢 𑒦𑒹𑒪 𑒏𑒯𑒻𑒞 𑒕𑒟𑒱, 𑒖𑒹 𑒪𑒼𑒏𑒏 𑒏𑒯𑒪𑒰𑒮𑒿 𑒏𑒲 𑒯𑒹𑒞𑒻 𑒂 𑒑𑒰𑒧-𑒒𑒩𑒧𑒹 𑒪𑒼𑒏 “𑒕𑒳𑒞𑒯𑒩 𑒒𑒻𑒪” 𑒥𑒖𑒱𑒞𑒹 𑒕𑒻𑒏!!
𑒧𑒳𑒠𑒰 𑒌 𑒞𑒲𑒢𑒴 𑒥𑒱𑒢𑓂𑒠𑒳𑒣𑒩 𑒞𑒲𑒢𑒴 𑒞𑒩𑓂𑒏 𑒧𑒪𑓀𑒑𑒱𑒨𑒰𑒖𑒲𑒏 𑒫𑒱𑒩𑒳𑒠𑓂𑒡 𑒖𑒰𑒃 𑒕𑒢𑓂𑒯𑒱। “𑒁𑒿𑒐𑒱𑒨𑒢 𑒠𑒹𑒐𑒲” 𑒂 𑒪𑒼𑒏𑒫𑓂𑒨𑒫𑒯𑒰𑒩 “𑒕𑒳𑒞𑒯𑒩” 𑒧𑒰𑒞𑓂𑒩 𑒏𑒯𑒪 𑒖𑒰𑒃𑒞 𑒠𑒹𑒐𑒪𑒏 𑒂 𑒮𑒳𑒢𑒪𑒏 𑒁𑒕𑒱, 𑒒𑒻𑒪𑒔𑒲𑒣𑒩 𑒕𑒳𑒞𑒯𑒩𑒏𑒹𑒿 𑒁𑒯𑒰𑒿 𑒩𑒰𑒐𑒱 𑒮𑒏𑒻 𑒕𑒲? 𑒪𑒼𑒃𑒙𑒮𑒿 𑒥𑒛𑓃𑒻𑒥𑒧𑒹 𑒣𑒰𑒢 𑒣𑒙𑒰𑒍𑒪 𑒖𑒰𑒃 𑒕𑒻 𑒞𑒐𑒢 𑒧𑒪𑓀𑒑𑒱𑒨𑒰𑒖𑒲𑒏 𑒯𑒱𑒮𑒰𑒥𑒹 𑒍𑒏𑒩𑒰 “𑒪𑒼𑒃𑒙 𑒒𑒻𑒪” 𑒏𑒯𑒥𑒻। 𑒒𑒻𑒪, 𑒮𑒳𑒩𑒰𑒯𑒲, 𑒏𑒼𑒯𑒰, 𑒞𑒾𑒪𑒰, 𑒕𑒳𑒞𑒯𑒩, 𑒪𑒼𑒃𑒙, 𑒐𑒰𑒣𑒛𑓃𑒱, 𑒏𑒳𑒛𑓃𑒢𑒲, 𑒏𑒳𑒩𑒫𑒰𑒛𑓃, 𑒏𑒼𑒮𑒱𑒨𑒰, 𑒮𑒩𑒥𑒰, 𑒮𑒼𑒥𑒩𑒢𑒰 𑒌 𑒮𑒦 𑒥𑒾𑒮𑓂𑒞𑒳𑒏 𑒁𑒪𑒑 𑒢𑒰𑒧𑒏𑒩𑒝 𑒕𑒻। 𑒤𑒴𑒪𑒔𑒢𑓂𑒠𑓂𑒩 𑒧𑒱𑒬𑓂𑒩 “𑒩𑒧𑒝” (𑒣𑓂𑒩𑒰𑒨𑓁 𑒤𑒴𑒪𑒔𑒢𑓂𑒠𑓂𑒩𑒖𑒲 “𑒕𑒳𑒞𑒯𑒰 𑒒𑒻𑒪” 𑒬𑒥𑓂𑒠𑒏 𑒮𑒳𑒗𑒰𑒫 𑒯𑒿𑒮𑒲𑒧𑒹 𑒠𑒹𑒢𑒹 𑒯𑒹𑒟𑒱𑒢𑓂𑒯, 𑒂 𑒖𑒿 𑒢𑒻 𑒞𑒿 𑒄 𑒋𑒏𑒙𑒰 𑒢𑒫 𑒦𑒰𑒭𑒰𑒏 𑒢𑒫 𑒬𑒥𑓂𑒠 𑒁𑒕𑒱!!)𑒏 𑒮𑒳𑒗𑒰𑒫 𑒧𑒰𑒢𑒻𑒞 𑒧𑒪𑓀𑒑𑒱𑒨𑒰 𑒖𑒲 “𑒕𑒳𑒞𑒯𑒩 𑒒𑒻𑒪” 𑒏𑒹𑒿 “𑒕𑒳𑒞𑒯𑒰 𑒒𑒻𑒪” 𑒏𑓄 𑒠𑒹𑒪𑒢𑓂𑒯𑒱, 𑒄 𑒌 𑒑𑒣𑒏 𑒠𑓂𑒨𑒼𑒞𑒏 𑒖𑒹 𑒯𑒳𑒢𑒏𑒰 𑒑𑒪𑒞𑒲𑒏 𑒁𑒢𑒳𑒦𑒫 𑒦𑓄 𑒑𑒹𑒪𑒢𑓂𑒯𑒱 𑒧𑒳𑒠𑒰 𑒩𑒧𑒰𑒢𑒢𑓂𑒠 𑒗𑒰 “𑒩𑒧𑒝”𑒏 𑒑𑒣 𑒧𑒰𑒢𑒱 𑒪𑒹𑒢𑒹 𑒕𑒼𑒙 𑒦𑓄 𑒖𑒃𑒞𑒟𑒱 𑒮𑒹 𑒐𑒳𑒙𑓂𑒙𑒰 𑒁𑒣𑒢𑒰 𑒯𑒱𑒮𑒰𑒥𑒹 𑒑𑒰𑒛𑓃𑒱 𑒠𑒹𑒪𑒢𑓂𑒯𑒱। 𑒂 𑒥𑒰𑒠𑒧𑒹 𑒩𑒧𑒰𑒢𑒢𑓂𑒠 𑒗𑒰 “𑒩𑒧𑒝” 𑒔𑒹𑒞𑒢𑒰 𑒮𑒧𑒱𑒞𑒱𑒮𑒿 𑒍𑒃 𑒣𑒼𑒟𑒲𑒏𑒹𑒿 𑒕𑒣𑒹𑒥𑒰𑒏 𑒂𑒑𑓂𑒩𑒯 𑒏𑒹𑒪𑒐𑒱𑒢𑓂𑒯 𑒂, 𑒔𑒹𑒞𑒢𑒰 𑒮𑒧𑒱𑒞𑒱 𑒧𑒰𑒞𑓂𑒩 𑓒𑓕𑒙𑒰 𑒣𑓂𑒩𑒞𑒱 𑒠𑒻𑒞𑒢𑓂𑒯𑒱 𑒞𑒹𑒿 𑒍 𑒁𑒣𑒢 𑒮𑓀𑒮𑓂𑒟𑒰𑒮𑒿 𑒋𑒏𑒩𑒰 𑒕𑒣𑒥𑒹𑒪𑒢𑓂𑒯𑒱, 𑒌 𑒮𑒦𑒮𑒿 𑒣𑒚𑒏𑒏𑒹𑒿 𑒏𑒼𑒢 𑒮𑒩𑒼𑒏𑒰𑒩? 𑒂𑒥 𑒂𑒅 𑒨𑒰𑒞𑓂𑒩𑒲𑒖𑒲𑒏 𑒑𑒣𑒣𑒩, 𑒨𑒰𑒞𑓂𑒩𑒲𑒖𑒲𑒏𑒹𑒿 𑒯𑒱𑒢𑓂𑒠𑒲 𑒣𑒰𑒚𑒏𑒏 𑒮𑒹𑒯𑒼 𑒡𑓂𑒨𑒰𑒢 𑒩𑒰𑒐𑓄 𑒣𑒛𑓃𑒻 𑒕𑒪𑒢𑓂𑒯𑒱, 𑒯𑒳𑒢𑒏𑒰 𑒧𑒼𑒢𑒼 𑒢𑒻 𑒩𑒯𑒻 𑒕𑒪𑒢𑓂𑒯𑒱 𑒖𑒹 𑒏𑒼𑒢 𑒏𑒫𑒱𑒞𑒰 𑒯𑒱𑒢𑓂𑒠𑒲𑒧𑒹 𑒕𑒢𑓂𑒯𑒱, 𑒏𑒼𑒢 𑒧𑒻𑒟𑒱𑒪𑒲𑒧𑒹 𑒂 𑒏𑒼𑒢 𑒠𑒳𑒢𑒴𑒧𑒹, 𑒮𑒹 𑒍 𑒕𑒳𑒞𑒯𑒩 𑒒𑒻𑒪 𑒪𑒱𑒐𑒱 𑒠𑒹𑒪𑒢𑓂𑒯𑒱, 𑒋𑒏𑒩 𑒏𑒰𑒩𑒝 𑒨𑒰𑒞𑓂𑒩𑒲𑒖𑒲𑒏 𑒞𑒳𑒏𑒥𑒢𑓂𑒠𑒲 𑒧𑒱𑒪𑒹𑒥𑒰𑒏 𑒂𑒑𑓂𑒩𑒯𑒧𑒹 𑒮𑒹𑒯𑒼 𑒠𑒹𑒐𑒱 𑒮𑒏𑒻 𑒕𑒲। 𑒂 𑒤𑒹𑒩 𑒂𑒅 𑒏𑒰𑒣𑒩𑒢𑒱𑒏𑒮𑒣𑒩, 𑒖𑒿 𑒨𑒰𑒞𑓂𑒩𑒲 𑒖𑒲 𑒫𑒰 𑒧𑒪𑓀𑒑𑒱𑒨𑒰 𑒖𑒲 “𑒒𑒻𑒪 𑒕𑒳𑒞𑒯𑒩”, “𑒕𑒳𑒞𑒯𑒩 𑒒𑒻𑒪” 𑒫𑒰 “𑒕𑒳𑒞𑒯𑒰 𑒒𑒻𑒪” 𑒪𑒱𑒐𑒱𑒨𑒹 𑒠𑒹𑒪𑒢𑓂𑒯𑒱 𑒞𑒿 𑒏𑒲 𑒢𑒹𑒙𑒱𑒫 𑒧𑒻𑒟𑒱𑒪𑒲 𑒦𑒰𑒭𑒲 𑒕𑒳𑒞𑒯𑒩𑒏𑒹𑒿 “𑒒𑒻𑒪 𑒕𑒳𑒞𑒯𑒩”, “𑒕𑒳𑒞𑒯𑒩 𑒒𑒻𑒪” 𑒫𑒰 “𑒕𑒳𑒞𑒯𑒰 𑒒𑒻𑒪” 𑒥𑒰𑒖𑒥 𑒬𑒳𑒩𑒴 𑒏𑓄 𑒠𑒹𑒞। 𑒮𑒹 𑒏𑒰𑒣𑒩𑒢𑒱𑒏𑒮 𑒮𑒹𑒯𑒼 𑒧𑒪𑓀𑒑𑒱𑒨𑒰𑒖𑒲𑒏 𑒫𑒱𑒩𑒳𑒠𑓂𑒡 𑒕𑒟𑒱𑒢𑓂𑒯।
𑒏𑒰𑒣𑒩𑒢𑒱𑒏𑒮𑒏 𑒏𑒱𑓀𑒫𑒠𑒢𑓂𑒞𑒲𑒏 𑒮𑒙𑒲𑒏 𑒣𑓂𑒩𑒨𑒼𑒑 𑒧𑒪𑓀𑒑𑒱𑒨𑒰𑒖𑒲 𑒢𑒻 𑒏𑓄 𑒮𑒏𑒪𑒰𑒯, 𑒣𑓂𑒩𑒰𑒨𑓁 𑒍 𑒑𑒻𑒪𑒱𑒪𑒲𑒨𑒼 𑒮𑒿 𑒏𑒰𑒣𑒩𑒢𑒱𑒏𑒮𑒏𑒹𑒿 𑒏𑒢𑓂𑒤𑓂𑒨𑒴𑒖 𑒏𑓄 𑒩𑒯𑒪 𑒕𑒟𑒱, 𑒏𑒰𑒣𑒩𑒢𑒱𑒏𑒮𑒏 𑒮𑒱𑒠𑓂𑒡𑒰𑒢𑓂𑒞𑒏 𑒮𑒧𑒩𑓂𑒟𑒢 𑒣𑒼𑒣 𑒠𑓂𑒫𑒰𑒩𑒰 𑒦𑒹𑒪 𑒕𑒪 𑒂 𑒏𑒰𑒣𑒩𑒢𑒱𑒏𑒮 𑒣𑒼𑒣 𑒣𑒰𑒪-𑓓 𑒏𑒹𑒿 𑒁𑒣𑒢 𑒯𑒹𑒪𑒱𑒨𑒼𑒮𑒹𑒢𑓂𑒙𑓂𑒩𑒱𑒏 𑒮𑒱𑒠𑓂𑒡𑒰𑒢𑓂𑒞𑒏 𑒔𑒰𑒪𑒲𑒮 𑒣𑒢𑓂𑒢𑒰𑒏 𑒣𑒰𑒝𑓂𑒛𑒳𑒪𑒱𑒣𑒱 𑒮𑒧𑒩𑓂𑒣𑒱𑒞 𑒏𑒹𑒢𑒹 𑒩𑒯𑒟𑒱। 𑒐𑒋𑒩 𑒧𑒪𑓀𑒑𑒱𑒨𑒰𑒖𑒲𑒏 𑒫𑒱𑒖𑓂𑒘𑒰𑒢𑒏 𑒣𑓂𑒩𑒞𑒱 𑒁𑒢𑒦𑒱𑒖𑓂𑒘𑒞𑒰 𑒂 𑒫𑒱𑒖𑓂𑒘𑒰𑒢𑒏 𑒮𑒱𑒠𑓂𑒡𑒰𑒢𑓂𑒞𑒏𑒹𑒿 𑒏𑒱𑒫𑒠𑒢𑓂𑒞𑒲𑒮𑒿 𑒖𑒼𑒛𑓃𑒥𑒰𑒏 𑒮𑒼𑒔𑒣𑒩 𑒁𑒯𑒰𑒿𑒏𑒹𑒿 𑒂𑒬𑓂𑒔𑒩𑓂𑒨 𑒢𑒻 𑒯𑒋𑒞 𑒖𑒐𑒢 𑒁𑒯𑒰𑒿 𑒯𑒳𑒢𑒏𑒩 𑒐𑒰𑒿𑒙𑒲 𑒪𑒼𑒏𑒏𑒟𑒰 𑒮𑒦𑒏 𑒁𑒖𑓂𑒘𑒰𑒢𑒞𑒰𑒏𑒹𑒿 𑒁𑒯𑒲 𑒦𑒴𑒧𑒱𑒏𑒰𑒧𑒹 𑒠𑒹𑒐𑒥।
“𑒁𑒪𑒲 𑒥𑒰𑒥𑒰 𑒂 𑒔𑒰𑒪𑒲𑒮 𑒔𑒼𑒩”- 𑒮𑒧𑓂𑒣𑒴𑒩𑓂𑒝 𑒠𑒳𑒢𑒱𑒨𑒰𑒿𑒏𑒹𑒿 𑒥𑒳𑒗𑒪 𑒕𑒻 𑒖𑒹 𑒄 𑒧𑒡𑓂𑒨𑒏𑒰𑒪𑒲𑒢 𑒁𑒩𑒥𑒲 𑒪𑒼𑒏𑒏𑒟𑒰 𑒁𑒕𑒱 𑒖𑒹 “𑒁𑒩𑒹𑒥𑒱𑒨𑒢 𑒢𑒰𑒃𑒙𑓂𑒮 (𑓑𑓐𑓐𑓑 𑒏𑒟𑒰)” 𑒧𑒹 𑒮𑓀𑒏𑒪𑒱𑒞 𑒁𑒕𑒱 𑒂 𑒍𑒃𑒧𑒹 𑒫𑒱𑒫𑒰𑒠 𑒁𑒕𑒱 𑒖𑒹 𑒄 𑒁𑒩𑒹𑒥𑒱𑒨𑒢 𑒢𑒰𑒃𑒙𑓂𑒮𑒧𑒹 𑒥𑒰𑒠𑒧𑒹 𑒒𑒼𑒮𑒱𑒨𑒰𑒋𑒪 𑒑𑒹𑒪 𑒫𑒰 𑒢𑒻, 𑒧𑒳𑒠𑒰 𑒄 𑒧𑒡𑓂𑒨𑒏𑒰𑒪𑒲𑒢 𑒁𑒩𑒥𑒲 𑒪𑒼𑒏𑒏𑒟𑒰 𑒁𑒕𑒱, 𑒌 𑒧𑒹 𑒏𑒼𑒢𑒼 𑒫𑒱𑒫𑒰𑒠 𑒢𑒻 𑒁𑒕𑒱। 𑒥𑒪𑒥𑒢𑒏 𑒁𑒞𑓂𑒨𑒰𑒔𑒰𑒩 𑒂𑒠𑒱𑒏 𑒏𑒲 𑒏𑒲 𑒑𑒣 𑒮𑒰𑒧𑓂𑒣𑓂𑒩𑒠𑒰𑒨𑒱𑒏 𑒧𑒰𑒢𑒮𑒱𑒏𑒞𑒰 𑒪𑓄 𑒏𑓄 𑒧𑒪𑓀𑒑𑒱𑒨𑒰 𑒖𑒲 𑒏𑒯𑒱 𑒖𑒰𑒃 𑒕𑒟𑒱 𑒮𑒹 𑒯𑒳𑒢𑒏𑒩 𑒪𑒼𑒏𑒏𑒟𑒰𑒏 𑒣𑓂𑒩𑒞𑒱 𑒮𑒞𑒯𑒲 𑒪𑒑𑒰𑒫 𑒧𑒰𑒞𑓂𑒩𑒏𑒿𑒝 𑒠𑒹𑒐𑒰𑒩 𑒏𑒩𑒻𑒞 𑒁𑒕𑒱। “𑒧𑒱𑒟𑒱𑒪𑒰 𑒞𑒞𑓂𑒫 𑒫𑒱𑒧𑒩𑓂𑒬” 𑒫𑒰 “𑒩𑒧𑒰𑒢𑒰𑒟 𑒗𑒰”𑒏 𑒣𑓀𑒖𑒲𑒏 𑒮𑒞𑒯𑒲 𑒖𑓂𑒘𑒰𑒢 𑒥𑒯𑒳𑒞 𑒣𑒯𑒱𑒢𑒯𑒱𑒨𑒹 𑒐𑒞𑒧 𑒏𑓄 𑒠𑒹𑒪 𑒑𑒹𑒪 𑒁𑒕𑒱, 𑒂 𑒞𑒹𑒿 𑒄 𑒪𑒱𑒐𑒱𑒞 𑒩𑒴𑒣𑒮𑒿 𑒯𑒧𑒩𑒰 𑒮𑒦𑒏 𑒣𑓀𑒖𑒲 𑒣𑒼𑒟𑒲𑒧𑒹 𑒫𑒩𑓂𑒝𑒱𑒞 𑒁𑒕𑒱। 𑒑𑒼𑒢𑒴 𑒗𑒰 𑒫𑒱𑒠𑓂𑒨𑒰𑒣𑒞𑒱 𑒮𑒿 𑓓𑓐𑓐 𑒥𑒩𑓂𑒐 𑒣𑒯𑒱𑒢𑒹 𑒦𑒹𑒪𑒰𑒯, 𑒧𑒳𑒠𑒰 𑒧𑒪𑓀𑒑𑒱𑒨𑒰𑒖𑒲 𑓕𑓐 𑒮𑒰𑒪 𑒣𑒳𑒩𑒰𑒢 𑒑𑒣-𑒮𑒩𑒏𑓂𑒏𑒰𑒏 𑒂𑒡𑒰𑒩𑒣𑒩 𑒂𑒑𑒰𑒿 𑒥𑒜𑓃𑒻 𑒕𑒟𑒱। 𑒯𑒳𑒢𑒏𑒰 𑒥𑒳𑒗𑒪 𑒕𑒢𑓂𑒯𑒱 𑒖𑒹 𑒑𑒼𑒢𑒴𑒏𑒹𑒿 𑒡𑒴𑒩𑓂𑒞𑒰𑒔𑒰𑒩𑓂𑒨 𑒏𑒯𑒪 𑒑𑒹𑒪 𑒕𑒢𑓂𑒯𑒱 𑒧𑒳𑒠𑒰 𑒮𑓀𑒑𑒹 𑒑𑒼𑒢𑒴𑒏𑒹𑒿 𑒧𑒯𑒰𑒧𑒯𑒼𑒣𑒰𑒡𑓂𑒨𑒰𑒨 𑒮𑒹𑒯𑒼 𑒏𑒯𑒪 𑒑𑒹𑒪 𑒕𑒢𑓂𑒯𑒱 𑒮𑒹 𑒯𑒳𑒢𑒏𑒰 𑒢𑒻 𑒥𑒳𑒗𑒪 𑒕𑒢𑓂𑒯𑒱!! 𑒑𑒼𑒢𑒴 𑒗𑒰𑒏 𑒮𑒧𑒨𑒧𑒹 𑒧𑒳𑒮𑓂𑒪𑒱𑒧 𑒧𑒱𑒟𑒱𑒪𑒰𑒧𑒹 𑒩𑒯𑒥𑒹 𑒢𑒻 𑒏𑒩𑒟𑒱 𑒞𑒐𑒢 “𑒞𑒯𑒮𑒲𑒪𑒠𑒰𑒩𑒏 𑒠𑒰𑒜𑓃𑒲” 𑒏𑒞𑓄 𑒮𑒿 𑒂𑒍𑒞। 𑒪𑒼𑒏𑒏 𑒏𑒝𑓂𑒚𑒧𑒹 𑒕𑒳𑒞𑒯𑒩 𑒕𑒻 𑒍𑒏𑒩𑒰 “𑒕𑒳𑒞𑒯𑒰 𑒒𑒻𑒪” 𑒏𑓄 𑒠𑒱𑒨𑒾, 𑒪𑒼𑒏𑒏 𑒏𑒝𑓂𑒚𑒧𑒹 “𑒏𑒩 𑒍𑒮𑒴𑒪𑒲”𑒏𑒩𑒻𑒥𑒪𑒰𑒏 𑒠𑒰𑒜𑓃𑒲 𑒕𑒻 𑒍𑒏𑒩𑒰 “𑒞𑒯𑒮𑒲𑒪𑒠𑒰𑒩”𑒏 𑒠𑒰𑒜𑓃𑒲 𑒏𑒯𑒱 𑒮𑒰𑒧𑓂𑒣𑓂𑒩𑒠𑒰𑒨𑒱𑒏 𑒂𑒡𑒰𑒩𑒣𑒩 𑒧𑒳𑒮𑓂𑒪𑒱𑒧𑒏𑒹𑒿 𑒁𑒞𑓂𑒨𑒰𑒔𑒰𑒩𑒲 𑒏𑒩𑒰𑒩 𑒏𑓄 𑒠𑒱𑒨𑒾, 𑒂 𑒞𑒹𑒯𑒹𑒢 𑒦𑒴𑒧𑒱𑒏𑒰 𑒪𑒱𑒐𑒱 𑒠𑒱𑒨𑒾 𑒖𑒹 𑒩𑒧𑒰𑒢𑒢𑓂𑒠 𑒗𑒰 “𑒩𑒧𑒝” 𑒂 𑒂𑒢 𑒑𑒼𑒙𑒹 𑒛𑒩𑒹 𑒮𑒧𑒲𑒏𑓂𑒭𑒰 𑒢𑒻 𑒏𑒩𑒞𑒰𑒯। 𑒋𑒏𑒙𑒰 𑒣𑒻𑒠𑒪 𑒮𑒻𑒢𑒱𑒏 𑒂 𑒋𑒏𑒙𑒰 𑒮𑒞𑒢𑒰𑒧𑒲 (𑒠𑒪𑒱𑒞-𑒣𑒱𑒕𑒛𑓃𑒪 𑒫𑒩𑓂𑒑 𑒠𑓂𑒫𑒰𑒩𑒰 𑒬𑒳𑒩𑒴 𑒏𑒋𑒪 𑒋𑒏𑒙𑒰 𑒣𑓂𑒩𑒑𑒞𑒱𑒫𑒰𑒠𑒲 𑒮𑒧𑓂𑒣𑓂𑒩𑒠𑒰𑒨)𑒏 𑒗𑒑𑒛𑓃𑒰𑒮𑒿 𑒬𑒳𑒩𑒴 𑒦𑒹𑒪 𑒮𑒞𑒢𑒰𑒧𑒲 𑒫𑒱𑒠𑓂𑒩𑒼𑒯 𑒎𑒩𑓀𑒑𑒖𑒹𑒥𑒏 𑒢𑒲𑒞𑒱𑒏 𑒫𑒱𑒩𑒼𑒡𑒧𑒹 𑒕𑒪 𑒂 𑒍𑒃𑒧𑒹 𑒧𑒮𑓂𑒖𑒱𑒠𑒏𑒹𑒿 𑒮𑒹𑒯𑒼 𑒖𑒩𑒰𑒍𑒪 𑒑𑒹𑒪𑒻, 𑒧𑒳𑒠𑒰 𑒑𑒼𑒢𑒴 𑒗𑒰𑒏 𑒏𑒩 𑒍𑒮𑒴𑒪𑒲 𑒁𑒡𑒱𑒏𑒰𑒩𑒲 𑒧𑒳𑒮𑓂𑒪𑒱𑒧 𑒢𑒻 𑒩𑒯𑒟𑒱, 𑒪𑒼𑒏𑒏𑒟𑒰𑒧𑒹 𑒄 𑒑𑒣 𑒢𑒻 𑒕𑒻, 𑒯𑒿 𑒖𑒿 𑒮𑒰𑒧𑓂𑒣𑓂𑒩𑒠𑒰𑒨𑒱𑒏 𑒪𑒼𑒏𑒏𑒟𑒰𑒏𑒰𑒩 𑒏𑒯𑒪 𑒏𑒟𑒰𑒧𑒹 𑒁𑒣𑒢 𑒫𑒰𑒠 𑒒𑒼𑒮𑒱𑒨𑒹𑒪𑒏 𑒂 𑒪𑒱𑒐𑒻 𑒏𑒰𑒪 𑒥𑒹𑒃𑒧𑒰𑒢𑒲 𑒏𑒹𑒪𑒏 𑒞𑒿 𑒞𑒃𑒮𑒿 𑒧𑒻𑒟𑒱𑒪𑒲 𑒪𑒼𑒏𑒏𑒟𑒰𑒏𑒹𑒿 𑒏𑒼𑒢 𑒮𑒩𑒼𑒏𑒰𑒩? 𑒤𑒲𑒪𑓂𑒛𑒫𑒩𑓂𑒏𑒏 𑒂𑒡𑒰𑒩𑒣𑒩 𑒖𑒿 𑒪𑒼𑒏𑒏𑒟𑒰𑒏 𑒮𑓀𑒏𑒪𑒢 𑒢𑒻 𑒏𑒩𑒥 𑒞𑒿 𑒁𑒯𑒱𑒢𑒰 𑒯𑒋𑒞।
𑒧𑒯𑒹𑒢𑓂𑒠𑓂𑒩 𑒢𑒰𑒩𑒰𑒨𑒝 𑒩𑒰𑒧 𑒪𑒱𑒐𑒻 𑒕𑒟𑒱 𑒖𑒹 𑒪𑒼𑒏𑒏𑒟𑒰𑒧𑒹 𑒖𑒰𑒞𑒱𑒞-𑒣𑒰𑒃𑒞 𑒢𑒻 𑒯𑒼𑒃 𑒕𑒻, 𑒧𑒳𑒠𑒰 𑒧𑒪𑓀𑒑𑒱𑒨𑒰𑒖𑒲 𑒮𑒹 𑒏𑒼𑒢𑒰 𑒧𑒰𑒢𑒞𑒰𑒯। 𑒦𑒑𑒞𑒰 𑒮𑒹𑒯𑒼 𑒯𑒳𑒢𑒏𑒩 𑒏𑒟𑒰𑒧𑒹 𑒋𑒥𑒹 𑒏𑒩𑒻 𑒕𑒢𑓂𑒯𑒱। 𑒂 𑒁𑒮𑒪 𑒏𑒰𑒩𑒝 𑒖𑒃 𑒏𑒰𑒩𑒝𑒮𑒿 𑒄 𑒧𑒪𑓀𑒑𑒱𑒨𑒰 𑒖𑒲𑒏 𑒢𑒰𑒙𑒏𑒏 𑒁𑒦𑒱𑒢𑓂𑒢 𑒁𑓀𑒑 𑒥𑒢𑒱 𑒖𑒰𑒃𑒞 𑒁𑒕𑒱 𑒮𑒹 𑒁𑒕𑒱 𑒯𑒳𑒢𑒏𑒩 𑒂𑒢𑒳𑒫𑓀𑒬𑒱𑒏 𑒖𑒰𑒞𑒲𑒨 𑒬𑓂𑒩𑒹𑒭𑓂𑒚𑒞𑒰 𑒂𑒡𑒰𑒩𑒱𑒞 𑒮𑒼𑒔। 𑒯𑒳𑒢𑒏𑒩 𑒢𑒰𑒙𑒏𑒧𑒹 𑒧𑒼𑒙𑒰-𑒧𑒼𑒙𑒲 𑒁𑒜𑓃𑒰𑒃-𑒁𑒜𑓃𑒰𑒃 𑒣𑒢𑓂𑒢𑒰𑒏 𑒒𑒲𑒔 𑒞𑒲𑒩𑒱 𑒏𑓄 𑒮𑒞𑓂𑒩𑒯𑒙𑒰 𑒠𑒵𑒬𑓂𑒨 𑒁𑒕𑒱, 𑒖𑒃𑒧𑒹 𑒣𑒢𑓂𑒠𑓂𑒩𑒯𑒧 𑒠𑒵𑒬𑓂𑒨 𑒡𑒩𑒱 𑒍 𑒕𑒼𑒙𑒏𑒰 𑒖𑒰𑒃𑒞𑒏 (𑒧𑒪𑓀𑒑𑒱𑒨𑒰𑒖𑒲𑒏 𑒁𑒣𑒢 𑒃𑒖𑒰𑒠 𑒏𑒋𑒪 𑒦𑒰𑒭𑒰 𑒠𑓂𑒫𑒰𑒩𑒰) 𑒏𑒟𑒱𑒞 𑒦𑒰𑒭𑒰𑒣𑒩 𑒮𑒫𑒩𑓂𑒝 𑒠𑒩𑓂𑒬𑒏𑒏 𑒯𑒿𑒮𑒥𑒰𑒏, 𑒂 𑒦𑒑𑒞𑒰𑒏 𑒦𑓂𑒩𑒭𑓂𑒙-𑒯𑒱𑒢𑓂𑒠𑒲𑒏 𑒧𑒰𑒡𑓂𑒨𑒧𑒮𑒿 𑒕𑒠𑓂𑒧 𑒯𑒰𑒮𑓂𑒨 𑒅𑒞𑓂𑒣𑒢𑓂𑒢 𑒏𑒩𑒥𑒰𑒏 𑒁𑒣𑒢 𑒣𑒳𑒩𑒰𑒢 𑒣𑒠𑓂𑒡𑒞𑒱𑒏 𑒁𑒢𑒳𑒮𑒩𑒝 𑒏𑒩𑒻 𑒕𑒟𑒱। 𑒏𑒟𑒰𑒏𑒹𑒿 𑒅𑒠𑓂𑒠𑒹𑒬𑓂𑒨𑒣𑒴𑒩𑓂𑒝 𑒥𑒢𑒹𑒥𑒰𑒏 𑒂𑒑𑓂𑒩𑒯 𑒍 𑒮𑒼𑒪𑒯𑒧 𑒠𑒵𑒬𑓂𑒨𑒮𑒿 𑒏𑒩𑒻 𑒕𑒟𑒱 𑒧𑒳𑒠𑒰 𑒥𑒰𑒖𑒲 𑒞𑒰𑒫𑒞 𑒯𑒳𑒢𑒏𑒰 𑒯𑒰𑒟𑒮𑒿 𑒢𑒱𑒏𑒪𑒱 𑒖𑒰𑒃 𑒕𑒢𑓂𑒯𑒱। 𑒂𑒃 𑒖𑒐𑒢 𑒮𑓀𑒮𑓂𑒏𑒵𑒞 𑒢𑒰𑒙𑒏𑒼𑒧𑒹 𑒣𑓂𑒩𑒰𑒏𑒵𑒞 𑒫𑒰 𑒏𑒼𑒢𑒼 𑒠𑒼𑒮𑒩 𑒦𑒰𑒭𑒰𑒏 𑒣𑓂𑒩𑒨𑒼𑒑 𑒢𑒻 𑒯𑒼𑒃𑒞 𑒁𑒕𑒱, 𑒧𑒪𑓀𑒑𑒱𑒨𑒰𑒖𑒲𑒏 𑒦𑒩𑒞𑒏𑒹𑒿 𑒑𑒪𑒞 𑒮𑒢𑓂𑒠𑒩𑓂𑒦𑒧𑒹 𑒮𑒼𑒗𑒰𑒿 𑒂𑒢𑒥 𑒮𑓀𑒮𑓂𑒏𑒵𑒞𑒮𑒿 𑒯𑒳𑒢𑒏𑒩 𑒁𑒢𑒦𑒱𑒖𑓂𑒘𑒞𑒰𑒏𑒹𑒿 𑒠𑒹𑒐𑒰𑒩 𑒏𑒩𑒻𑒞 𑒁𑒕𑒱 𑒂 𑒦𑒩𑒞 𑒢𑒰𑒙𑓂𑒨𑒬𑒰𑒮𑓂𑒞𑓂𑒩𑒣𑒩 𑒯𑒱𑒢𑓂𑒠𑒲𑒧𑒹 𑒖𑒹 𑒮𑒹𑒏𑒹𑒝𑓂𑒛𑒩𑒲 𑒮𑒼𑒩𑓂𑒮𑒏 𑒂𑒡𑒰𑒩𑒣𑒩 𑒪𑒼𑒏 𑒮𑒦 𑒣𑒼𑒟𑒲 𑒪𑒱𑒐𑒢𑒹 𑒕𑒟𑒱, 𑒞𑒏𑒩𑒹 𑒏𑒋𑒪 𑒁𑒡𑓂𑒨𑒨𑒢 𑒮𑒱𑒠𑓂𑒡 𑒏𑒩𑒻𑒞 𑒁𑒕𑒱।
𑒧𑒪𑓀𑒑𑒱𑒨𑒰𑒖𑒲𑒏 𑒄 𑒏𑒯𑒥 𑒁𑒕𑒱 𑒖𑒹 𑒢𑒰𑒙𑒏 𑒖𑒿 𑒣𑒜𑓃𑒥𑒰𑒧𑒹 𑒢𑒲𑒏 𑒁𑒕𑒱 𑒞𑒿 𑒧𑓀𑒔𑒢 𑒨𑒼𑒑𑓂𑒨 𑒢𑒻 𑒯𑒋𑒞, 𑒫𑒰 𑒧𑓀𑒔𑒢 𑒪𑒹𑒪 𑒪𑒱𑒐𑒪 𑒢𑒰𑒙𑒏 𑒣𑒜𑓃𑒥𑒰𑒧𑒹 𑒢𑒲𑒏 𑒢𑒻 𑒪𑒰𑒑𑒞? 𑒯𑒳𑒢𑒏𑒩 𑒮𑓀𑒮𑓂𑒏𑒵𑒞 𑒣𑒰𑒿𑒞𑒲𑒏𑒹𑒿 𑒅𑒠𑓂𑒒𑒵𑒞 𑒏𑒩𑒥𑒰𑒮𑒿 𑒞𑒿 𑒨𑒋𑒯 𑒪𑒑𑒻𑒞 𑒁𑒕𑒱। 𑒖𑒿 𑒢𑒰𑒙𑒏 𑒣𑒜𑓃𑒥𑒰𑒧𑒹 𑒅𑒠𑓂𑒫𑒹𑒪𑒱𑒞 𑒢𑒻 𑒏𑒩𑒞 𑒞𑒿 𑒢𑒱𑒩𑓂𑒠𑒹𑒬𑒏 𑒍𑒏𑒩 𑒧𑓀𑒔𑒢𑒏 𑒢𑒱𑒩𑓂𑒝𑒨 𑒏𑒼𑒢𑒰 𑒪𑒹𑒞? 𑒂 𑒧𑓀𑒔𑒲𑒨 𑒑𑒳𑒝 𑒏𑒲 𑒯𑒼𑒃 𑒕𑒻, 𑒁𑒜𑓃𑒰𑒃-𑒁𑒜𑓃𑒰𑒃 𑒣𑒢𑓂𑒢𑒰𑒏 𑒮𑒞𑓂𑒩𑒯𑒙𑒰 𑒠𑒵𑒬𑓂𑒨, 𑒞𑒟𑒰𑒏𑒟𑒱𑒞 𑒢𑒱𑒧𑓂𑒢 𑒫𑒩𑓂𑒑𑒏𑒹𑒿 𑒁𑒣𑒧𑒰𑒢𑒱𑒞 𑒏𑒩𑒻𑒥𑒪𑒰 𑒖𑒰𑒞𑒱𑒫𑒰𑒠𑒲 𑒦𑒰𑒭𑒰, 𑒦𑒑𑒞𑒰𑒏 “𑒥𑒳𑒗𑒞𑒰 𑒯𑒻 𑒏𑒱 𑒢𑒯𑒲𑓀?” 𑒥𑒪𑒰 𑒯𑒱𑒢𑓂𑒠𑒲 𑒂 𑒌 𑒮𑒦𑒏 𑒮𑒧𑓂𑒧𑒱𑒪𑒢𑒏 𑒄 “𑒮𑓂𑒪𑒻𑒣𑒮𑓂𑒙𑒱𑒏 𑒯𑓂𑒨𑒴𑒧𑒩”? 𑒂 𑒖𑒹 𑒋𑒏𑒩 𑒫𑒱𑒩𑒼𑒡 𑒏𑓄 𑒧𑒻𑒟𑒱𑒪𑒲𑒏 𑒮𑒧𑒰𑒢𑒰𑒢𑓂𑒞𑒩 𑒩𑓀𑒑𑒧𑓀𑒔𑒏 𑒣𑒩𑒱𑒏𑒪𑓂𑒣𑒢𑒰 𑒣𑓂𑒩𑒮𑓂𑒞𑒳𑒞 𑒏𑒩𑒞 𑒮𑒹 𑒦𑓄 𑒑𑒹𑒪 𑒢𑒰𑒙𑒏𑒏 𑒣𑒚𑒢𑒲𑒨 𑒞𑒞𑓂𑒞𑓂𑒫𑒏 𑒂𑒑𑓂𑒩𑒯𑒲 𑒂 𑒖𑒹 𑒣𑒳𑒩𑒰𑒞𑒢𑒣𑓀𑒟𑒲 𑒖𑒰𑒞𑒱𑒫𑒰𑒠𑒲 𑒁𑒕𑒱 𑒮𑒹 𑒦𑒹𑒪 𑒢𑒰𑒙𑒏𑒏 𑒧𑓀𑒔𑒲𑒨 𑒞𑒞𑓂𑒫𑒏 𑒂𑒑𑓂𑒩𑒯𑒲!! 𑒏𑒲 𑓒𑓑𑒧 𑒬𑒞𑒰𑒥𑓂𑒠𑒲𑒧𑒹 𑒧𑒪𑓀𑒑𑒱𑒨𑒰𑒖𑒲𑒏 𑒖𑒰𑒞𑒱 𑒂𑒡𑒰𑒩𑒱𑒞 𑒫𑒰𑒏𑓂𑒨 𑒮𑓀𑒩𑒔𑒢𑒰 𑒮𑓀𑒮𑓂𑒏𑒵𑒞, 𑒯𑒱𑒢𑓂𑒠𑒲 𑒫𑒰 𑒏𑒼𑒢𑒼 𑒂𑒡𑒳𑒢𑒱𑒏 𑒦𑒰𑒩𑒞𑒲𑒨 𑒦𑒰𑒭𑒰𑒏 𑒢𑒰𑒙𑒏𑒧𑒹 (𑒧𑒻𑒟𑒱𑒪𑒲𑒏𑒹𑒿 𑒕𑒼𑒛𑓃𑒱) 𑒮𑓂𑒫𑒲𑒏𑒰𑒩𑓂𑒨 𑒦𑓄 𑒮𑒏𑒞? 𑒂 𑒖𑒿 𑒢𑒻 𑒞𑒿 𑒌 𑒬𑒥𑓂𑒠𑒰𑒫𑒪𑒲 𑒪𑒹𑒪 𑓑𑓘𑓐𑓐 𑒥𑒩𑓂𑒭 𑒣𑒳𑒩𑒢𑒏𑒰 𑒮𑓀𑒮𑓂𑒏𑒵𑒞 𑒢𑒰𑒙𑒏𑒏 𑒑𑒋𑒩 𑒮𑒢𑓂𑒠𑒩𑓂𑒦𑒱𑒞 𑒞𑒟𑓂𑒨𑒏𑒹𑒿, 𑒧𑒴𑒪 𑒮𑓀𑒮𑓂𑒏𑒵𑒞 𑒦𑒩𑒞 𑒢𑒰𑒙𑓂𑒨𑒬𑒰𑒮𑓂𑒞𑓂𑒩 𑒢𑒻 𑒣𑒜𑓃𑒻𑒥𑒪𑒰 𑒢𑒰𑒙𑒏𑒏𑒰𑒩 𑒠𑓂𑒫𑒰𑒩𑒰, 𑒥𑒹𑒩-𑒥𑒹𑒩 𑒜𑒰𑒪𑒏 𑒩𑒴𑒣𑒧𑒹 𑒏𑒱𑒋 𑒣𑓂𑒩𑒨𑒳𑒏𑓂𑒞 𑒏𑒋𑒪 𑒖𑒰𑒃𑒋? 𑒧𑒰𑒟𑒣𑒩 𑒕𑒱𑒙𑓂𑒙𑒰 𑒂 𑒏𑒰𑒿𑒐𑒧𑒹 𑒥𑒔𑓂𑒔𑒰 𑒖𑒿 𑒏𑒱𑒨𑒼 𑒪𑒹𑒢𑒹 𑒁𑒕𑒱 𑒞𑒿 𑒍 𑒢𑒱𑒧𑓂𑒢 𑒫𑒩𑓂𑒑𑒏 𑒁𑒕𑒱? 𑒍𑒏𑒩 𑒂𑓀𑒑𑒢𑒏 𑒥𑒰𑒩𑒯𑒧𑒰𑒮𑒰𑒧𑒹 𑒍 𑒌 𑒢𑒱𑒧𑓂𑒢 𑒫𑒩𑓂𑒑𑒏𑒹𑒿 𑒩𑒰𑒛𑓃 𑒏𑒯𑒻 𑒕𑒟𑒱, 𑒏𑒋𑒏 𑒠𑒬𑒏 𑒥𑒰𑒠 𑒄 𑒡𑒩𑒱 𑒮𑒳𑒡𑒰𑒩 𑒂𑒋𑒪 𑒕𑒢𑓂𑒯𑒱 𑒖𑒹 𑒍 𑒂𑒥 𑒍𑒃 𑒫𑒩𑓂𑒑𑒏𑒹𑒿 𑒢𑒱𑒧𑓂𑒢 𑒫𑒩𑓂𑒑 𑒏𑒯𑒱 𑒩𑒯𑒪 𑒕𑒟𑒱, 𑒄 𑒮𑒳𑒡𑒰𑒩 𑒮𑓂𑒫𑒰𑒑𑒞 𑒨𑒼𑒑𑓂𑒨 𑒧𑒳𑒠𑒰 𑒌 𑒠𑒲𑒩𑓂𑒒 𑒁𑒫𑒡𑒱 𑒪𑒹𑒪 𑒥𑒛𑓂𑒛 𑒏𑒧 𑒁𑒕𑒱। 𑒥𑒥𑒰𑒖𑒲 𑒏𑒼𑒢𑒰 𑒏𑒟𑒰𑒧𑒹 𑒋𑒪𑒻 𑒂 𑒑𑒰𑒖𑒰 𑒏𑒼𑒢𑒰 𑒋𑒪𑒻 𑒂 𑒍𑒃𑒮𑒿 𑒥𑒑𑒱𑒨𑒰𑒏 𑒑𑒰𑒕𑒏 𑒥𑒑𑒱𑒨𑒰𑒏 𑒏𑒼𑒢 𑒮𑒧𑓂𑒥𑒢𑓂𑒡 𑒕𑒻? 𑒧𑒪𑓀𑒑𑒱𑒨𑒰𑒖𑒲 𑒁𑒣𑒢 𑒖𑒰𑒞𑒱-𑒂𑒡𑒰𑒩𑒱𑒞 𑒫𑒰𑒏𑓂𑒨 𑒮𑓀𑒩𑒔𑒢𑒰, 𑒂 𑒦𑓂𑒩𑒭𑓂𑒙-𑒯𑒱𑒢𑓂𑒠𑒲 𑒧𑒱𑒬𑓂𑒩𑒱𑒞 𑒫𑒰𑒏𑓂𑒨 𑒩𑒔𑒢𑒰 𑒏𑒼𑒢𑒰 𑒒𑒼𑒮𑒱𑒨𑒰 𑒮𑒏𑒱𑒞𑒟𑒱 𑒖𑒿 𑒦𑒑𑒞𑒰 𑒂 𑒢𑒱𑒧𑓂𑒢 𑒫𑒩𑓂𑒑𑒏 𑒕𑒠𑓂𑒧 𑒮𑓀𑒏𑒪𑓂𑒣𑒢𑒰 𑒢𑒻 𑒁𑒢𑒱𑒞𑒟𑒱, 𑒄 𑒞𑒟𑓂𑒨 𑒍 𑒥𑒛𑓂𑒛 𑒔𑒞𑒳𑒩𑒰𑒃𑒮𑒿 𑒢𑒳𑒏𑒹𑒥𑒰𑒏 𑒣𑓂𑒩𑒨𑒰𑒮 𑒏𑒩𑒻 𑒕𑒟𑒱, 𑒂 𑒞𑒹𑒿 𑒍 𑒧𑒹𑒛𑒱𑒨𑒼𑒏𑓂𑒩𑒱𑒙𑒲𑒮𑒿 𑒂𑒑𑒰𑒿 𑒢𑒻 𑒥𑒜𑓃𑒱 𑒣𑒥𑒻 𑒕𑒟𑒱। 𑒂 𑒞𑒹𑒿 𑒯𑒳𑒢𑒏𑒰𑒧𑒹 𑒌 𑒢𑒰𑒙𑓂𑒨-𑒏𑒟𑒰𑒏𑒹𑒿 𑒅𑒠𑓂𑒠𑒹𑒬𑓂𑒨𑒣𑒴𑒩𑓂𑒝 𑒥𑒢𑒹𑒥𑒰𑒏 𑒂𑒑𑓂𑒩𑒯 𑒞𑒿 𑒕𑒢𑓂𑒯𑒱 𑒧𑒳𑒠𑒰 𑒮𑒰𑒧𑒩𑓂𑒟𑓂𑒨 𑒢𑒻 𑒂𑒥𑒱 𑒣𑒥𑒻 𑒕𑒢𑓂𑒯𑒱।
𑒮𑒳𑒡𑒰𑓀𑒬𑒳 𑒬𑒹𑒐𑒩 𑒔𑒾𑒡𑒩𑒲
𑒦𑒤𑒰𑒃𑒞 𑒔𑒰𑒯𑒏 𑒖𑒱𑒢𑒑𑒲: 𑒧𑒯𑒹𑒬 𑒥𑒹𑒩𑒼𑒖𑒑𑒰𑒩 𑒁𑒕𑒱, 𑒍 𑒔𑒰𑒯 𑒠𑒼𑒏𑒰𑒢 𑒐𑒼𑒪𑒻𑒋 𑒍 𑒏𑒫𑒱 𑒮𑒹𑒯𑒼 𑒁𑒕𑒱।𑒃𑓀𑒖𑒲𑒢𑒱𑒨𑒩 𑒅𑒧𑒰𑒢𑒰𑒟𑒏 𑒣𑒞𑓂𑒢𑒲 𑒔𑒢𑓂𑒠𑓂𑒩𑒧𑒰 𑒠𑒼𑒏𑒰𑒢𑒣𑒩 𑒠𑒹𑒐𑒪𑒢𑓂𑒯𑒱 𑒖𑒹 𑒣𑒳𑒏𑒰𑒩 𑒧𑒯𑒹𑒬 𑒏𑒫𑒱𑒞𑒰 𑒣𑒰𑒚 𑒪𑒹𑒪 𑒖𑒰𑒃𑒋, 𑒔𑒢𑓂𑒠𑓂𑒩𑒧𑒰 𑒔𑒰𑒯 𑒥𑒹𑒔𑓄 𑒪𑒑𑒻 𑒕𑒟𑒱, 𑒅𑒧𑒰𑒢𑒰𑒟 𑒞𑒧𑒮𑒰 𑒖𑒰𑒃 𑒕𑒟𑒱। 𑒧𑒯𑒹𑒬𑒏 𑒮𑓀𑒑𑒲 𑒮𑒩𑒱𑒞𑒰, 𑒖𑒹 𑒂𑒃.𑒋.𑒋𑒮.𑒏 𑒣𑒞𑓂𑒢𑒲 𑒕𑒟𑒱, 𑒂𑒥𑒻 𑒕𑒟𑒱। 𑒪𑒹𑒙𑒰𑒃𑒞 𑒂𑒿𑒔𑒩: 𑒠𑒲𑒢𑒰𑒢𑒰𑒟𑒏 𑒋𑒏𑒹𑒙𑒰 𑒧𑒰𑒞𑓂𑒩 𑒣𑒳𑒞𑓂𑒩𑒲 𑒧𑒧𑒞𑒰𑒏𑒹𑒿 𑒣𑒞𑒱 𑒏𑒰𑒙𑒩𑒏 𑒏𑒰𑒩𑒝𑒮𑒿 𑒕𑒼𑒛𑓃𑒱 𑒠𑒻 𑒕𑒢𑓂𑒯𑒱। 𑒧𑒳𑒠𑒰 𑒣𑒳𑒞𑓂𑒩 𑒧𑒼𑒠𑒢𑒰𑒟𑒏 𑒫𑒱𑒫𑒰𑒯𑒧𑒹 𑒠𑒯𑒹𑒖 𑒪𑒹𑒥𑒰𑒏 𑒣𑓂𑒩𑒨𑒞𑓂𑒢𑒣𑒩 𑒣𑒳𑒞𑓂𑒩 𑒯𑒳𑒢𑒏𑒰 𑒩𑒼𑒏𑒻 𑒕𑒢𑓂𑒯𑒱।
𑒖𑒑𑒠𑒲𑒬 𑒣𑓂𑒩𑒮𑒰𑒠 𑒧𑒝𑓂𑒛𑒪
𑒧𑒱𑒟𑒱𑒪𑒰𑒏 𑒥𑒹𑒙𑒲-𑒣𑓂𑒩𑒟𑒧 𑒠𑒵𑒬𑓂𑒨- 𑒧𑒯𑒑𑒲𑒏 𑒫𑒱𑒩𑒼𑒡𑒧𑒹 𑒏𑒩𑓂𑒧𑒔𑒰𑒩𑒲𑒏 𑒯𑒛𑓃𑒞𑒰𑒪। 𑒧𑒯𑒑𑒲𑒏 𑒏𑒰𑒩𑒝- 𑒢𑒼𑒏𑒩𑒲 𑒠𑒱𑒮 𑒗𑒳𑒏𑒢𑒹, 𑒐𑒹𑒞𑒲𑒏 𑒯𑓂𑒩𑒰𑒮। 𑒦𑒴-𑒮𑒧𑓂𑒣𑒞𑓂𑒞𑒱𑒏 𑒯𑓂𑒩𑒰𑒮, 𑒠𑒰𑒢 𑒠𑒯𑒹𑒖 𑒗𑒩-𑒗𑓀𑒗𑒙𑒏 𑒥𑒜𑓃𑒼𑒞𑒩𑒲। 𑒫𑒱𑒨𑒰𑒯𑒏 𑒪𑒰𑒧-𑒗𑒰𑒧। 𑒣𑒻𑒮𑒰𑒏 𑒠𑒳𑒩𑒴𑒣𑒨𑒼𑒑। 𑒏𑒪𑒰 𑒣𑓂𑒩𑒹𑒧𑒲 𑒡𑒢 𑒮𑒧𑓂𑒣𑒞𑓂𑒞𑒱𑒏𑒹𑒿 𑒞𑒳𑒔𑓂𑒕 𑒥𑒳𑒗𑒻𑒞। 𑒏𑒾𑒩𑒢𑒹𑒙𑒱𑒨𑒰𑒏 𑒮𑓀𑒑 𑒏𑒍𑒪𑒹𑒖𑒏 𑒪𑒛𑓃𑒏𑒲, 𑒖𑒹 𑒢𑒰𑒔-𑒑𑒰𑒢 𑒮𑒱𑒐𑒻𑒞, 𑒔𑒪𑒱 𑒑𑒹𑒪𑒱। 𑒗𑒩-𑒗𑓀𑒗𑒙𑒧𑒹 𑒣𑒼𑒏𑒹𑒙𑒧𑒰𑒩𑒲 𑒮𑒹𑒯𑒼।𑒮𑒩𑒏𑒰𑒩𑒲 𑒣𑒠𑒰𑒡𑒱𑒏𑒰𑒩𑒲𑒏𑒹𑒿 𑒥𑒰𑒖𑒻𑒣𑒩 𑒩𑒼𑒏। 𑒁𑒣𑒯𑒩𑒝𑒏 𑒥𑒜𑓃𑒼𑒞𑓂𑒞𑒩𑒲, 𑒩𑓀𑒑-𑒫𑒱𑒩𑓀𑒑𑒏 𑒁𑒣𑒯𑒩𑒝𑒼𑒏 𑒏𑒰𑒩𑒝 𑒱𑒮𑒩𑓂𑒤 𑒣𑒰𑒃𑒨𑒹 𑒢𑒻 𑒖𑒰𑒢𑒼𑒏 𑒐𑒹𑒪𑒫𑒰𑒛𑓃। 𑒮𑒩𑒏𑒰𑒩𑒲 𑒁𑒤𑒮𑒩𑒏 𑒢𑒻𑒞𑒱𑒏 𑒯𑓂𑒩𑒰𑒮। 𑒔𑒧𑓂𑒧𑒕𑒏 𑒒𑒙𑒢𑒰। 𑒮𑒩𑒏𑒰𑒩𑒲 𑒞𑓀𑒞𑓂𑒩 𑒏𑒧𑒖𑒼𑒩 𑒦𑒹𑒢𑒹 𑒁𑒮𑒳𑒩𑒏𑓂𑒭𑒰𑒏 𑒫𑒵𑒠𑓂𑒡𑒱।𑒮𑒧𑒰𑒖𑒏 𑒫𑒱𑒒𑒙𑒢𑒧𑒹 𑒖𑒰𑒞𑒱, 𑒮𑒧𑓂𑒣𑓂𑒩𑒠𑒰𑒨 𑒃𑒞𑓂𑒨𑒰𑒠𑒱𑒏 𑒨𑒼𑒑𑒠𑒰𑒢, 𑒖𑒃𑒮𑒿 𑒃𑒖𑓂𑒖𑒞-𑒂𑒫𑒩𑒴 𑒡𑒩𑒱 𑒐𑒞𑒩𑒰𑒧𑒹।𑒮𑒱𑒢𑒹𑒧𑒰, 𑒐𑒹𑒪-𑒏𑒴𑒠𑒏 𑒣𑓂𑒩𑒦𑒰𑒫𑒮𑒿 𑒢𑒫 𑒣𑒲𑒜𑓃𑒲 𑒁𑒣𑒢 𑒮𑒦 𑒏𑒱𑒕𑒳- 𑒏𑒳𑒪, 𑒐𑒢𑒠𑒰𑒢, 𑒫𑒹𑒫𑒯𑒰𑒩, 𑒕𑒼𑒛𑓃𑒱, 𑒫𑒰𑒯𑒩𑒲 𑒯𑒫𑒰𑒏 𑒁𑒢𑒳𑒏𑒩𑒝𑒧𑒹 𑒣𑒑𑒪𑒰 𑒩𑒯𑒪 𑒁𑒕𑒱। 𑒜𑒯𑒻𑒞 𑒮𑒰𑒧𑓀𑒞𑒧𑒹 𑒮𑓀𑒮𑓂𑒏𑒰𑒩𑒏 𑒕𑒰𑒣। 𑒃𑒢𑒰𑒩-𑒣𑒼𑒐𑒩𑒱 𑒮𑓂𑒞𑓂𑒩𑒲𑒑𑒝𑒏 𑒗𑒑𑒛𑓃𑒰𑒏 𑒁𑒛𑓂𑒛𑒰। 𑒧𑒱𑒟𑒱𑒪𑒰 𑒢𑒰𑒩𑒲 𑒬𑒏𑓂𑒞𑒱𑒏 𑒣𑓂𑒩𑒞𑒲𑒏 𑒮𑒲𑒞𑒰। 𑒠𑒯𑒹𑒖𑒏 𑒧𑒰𑒩𑒱𑒧𑒹 𑒖𑒰𑒞𑒱-𑒣𑒰𑒿𑒞𑒱𑒏 𑒢𑒰𑒮। 𑒡𑒢-𑒮𑒧𑓂𑒣𑒞𑓂𑒞𑒱 𑒂𑒔𑒰𑒩-𑒫𑒱𑒔𑒰𑒩 𑒢𑒭𑓂𑒙 𑒏𑒩𑒻𑒞 𑒏𑒼𑒙-𑒏𑒔𑒯𑒩𑒲𑒏 𑒔𑒣𑒹𑒙𑒧𑒹 𑒮𑒧𑒰𑒖, 𑒂𑒣𑒮𑒲 𑒗𑒑𑒛𑓃𑒰𑒏 𑒏𑒳𑒣𑓂𑒩𑒦𑒰𑒫। 𑒢𑒫𑒨𑒳𑒫𑒏𑒧𑒹 𑒂𑒞𑓂𑒧𑒫𑒪𑒏 𑒁𑒦𑒰𑒫 𑒢𑒰𑒩𑒲𑒏 𑒥𑒲𑒔 𑒁𑒮𑒲𑒧 𑒡𑒻𑒩𑓂𑒨-𑒫𑒰𑒪-𑒫𑒱𑒡𑒫𑒰 𑒧𑒢𑒳𑒭𑓂𑒨𑒣𑒩 𑒮𑒧𑒰𑒖𑒏 𑒣𑓂𑒩𑒦𑒰𑒫। 𑒣𑒜𑓃𑒪𑒼-𑒱𑒪𑒐𑒪 𑒏𑒰𑒩𑒑𑒩𑒼 𑒪𑒛𑓃𑒏𑒲𑒏 𑒧𑒼𑒪 𑒠𑒯𑒹𑒖𑒏 𑒂𑒑𑒴 𑒔𑒾𑒣𑒙 𑒁𑒕𑒱। 𑒍𑒢𑒰 𑒣𑒳𑒩𑒴𑒭𑒏 𑒁𑒣𑒹𑒏𑓂𑒭𑒰 𑒢𑒰𑒩𑒲𑒏 𑒧𑒯𑒞𑓂𑒫, 𑒣𑒳𑒩𑒴𑒭 𑒣𑓂𑒩𑒡𑒰𑒢 𑒫𑓂𑒨𑒫𑒮𑓂𑒟𑒰𑒧𑒹 𑒏𑒧 𑒩𑒯𑒪 𑒑𑒯𑒢𑒰-𑒖𑒹𑒥𑒩 𑒮𑒹𑒯𑒼 𑒁𑒯𑒱𑒞𑒏𑒩। 𑒢𑒫 𑒣𑒲𑒜𑓃𑒲𑒏 𑒢𑒰𑒩𑒲𑒧𑒹 𑒢𑒫 𑒅𑒞𑓂𑒮𑒰𑒯𑒏 𑒖𑒩𑒴𑒩𑒞। 𑒢𑒫-𑒢𑒫 𑒏𑒰𑒖 𑒮𑒱𑒐𑒻𑒏 𑒯𑒳𑒢𑒩। 𑒠𑒼𑒮𑒩 𑒁𑓀𑒏- 𑒮𑒰𑒧𑓀𑒞𑒲 𑒫𑓂𑒨𑒮𑒢- 𑒦𑒰𑒿𑒑। 𑒢𑒫 𑒣𑒲𑒜𑓃𑒲 𑒮𑒹𑒯𑒼 𑒣𑓂𑒩𑒦𑒰𑒫𑒱𑒞। 𑒬𑓂𑒩𑒧 𑒔𑒼𑒩 𑒧𑒱𑒯𑒢𑒞𑒮𑒿 𑒧𑒳𑒿𑒯 𑒔𑒼𑒩𑒰𑒋𑒥। 𑒦𑒰𑒑𑓂𑒨-𑒦𑒩𑒼𑒮𑒣𑒩 𑒫𑒱𑒮𑒫𑒰𑒮। 𑒡𑒢𑒏 𑒣𑓂𑒩𑒦𑒰𑒫𑒮𑒿 𑒣𑒩𑒱𑒫𑒰𑒩𑒏 𑒫𑒱𑒐𑒩𑒥। 𑒣𑒱𑒞𑒰-𑒣𑒳𑒞𑓂𑒩𑒏 𑒥𑒲𑒔 𑒧𑒞𑒦𑒹𑒠 𑒥𑒪𑒖𑒼𑒩𑒲 𑒫𑒰 𑒤𑒳𑒮𑒪𑒰 𑒏𑓄 𑒪𑒛𑓃𑒏𑒰-𑒪𑒛𑓃𑒏𑒲 𑒫𑒱𑒨𑒰𑒯...। 𑒐𑒹𑒞𑒏 𑒪𑒹𑒢-𑒠𑒹𑒢𑒧𑒹 𑒒𑒼𑒐𑒰𑒡𑒛𑓃𑒲। 𑒖𑒥𑒴𑒩𑒱𑒨𑒰, 𑒠𑒼𑒯𑒩𑒲 𑒩𑒖𑒱𑒮𑓂𑒙𑓂𑒩𑒲। 𑒒𑒳𑒮𑒐𑒼𑒩𑒲 𑒏𑒧𑒰𑒃 𑒣𑓂𑒩𑒞𑒱𑒭𑓂𑒚𑒰। 𑒧𑒰𑒃𑒨𑒼-𑒫𑒰𑒣𑒏 𑒃𑒔𑓂𑒕𑒰 𑒩𑒯𑒻𑒞 𑒖𑒹 𑒥𑒹𑒙𑒰 𑒒𑒳𑒮 𑒪𑒱𑒁𑒋। 𑒢𑒼𑒏𑒩𑒲𑒏 𑒫𑒱𑒩𑒼𑒡... 𑒣𑒳𑒩𑒴𑒭 𑒣𑓂𑒩𑒡𑒰𑒢 𑒫𑓂𑒨𑒫𑒮𑓂𑒟𑒰𑒧𑒹 𑒢𑒰𑒩𑒲𑒏 𑒩𑓀𑒑-𑒫𑒱𑒩𑓀𑒑𑒏 𑒬𑒼𑒭𑒝। 𑒣𑒜𑓃𑒾𑒢𑒹 𑒂𑒩𑒼 𑒮𑒧𑒮𑓂𑒨𑒰। 𑒞𑒹𑒮𑒩 𑒁𑓀𑒏 - 𑒥𑒯𑒳𑒩𑒰𑒭𑓂𑒙𑓂𑒩𑒲𑒨 𑒏𑒧𑓂𑒣𑒢𑒲𑒏 𑒏𑒵𑒭𑒱𑒣𑒩 𑒠𑒳𑒭𑓂𑒣𑓂𑒩𑒦𑒰𑒫, 𑒠𑒹𑒬𑒲 𑒅𑒞𑓂𑒣𑒰𑒠𑒢𑒏 𑒁𑒦𑒰𑒫। 𑒠𑒯𑒹𑒖 𑒮𑒧𑒩𑓂𑒟𑒏 𑒮𑒧𑒰𑒖 𑒂 𑒠𑒯𑒹𑒖 𑒫𑒱𑒩𑒼𑒡𑒲 𑒮𑒧𑒰𑒖 𑒠𑒴 𑒞𑒩𑒯𑒏 𑒮𑒧𑒰𑒖। 𑒣𑒩𑒧𑓂𑒣𑒩𑒰 𑒂 𑒣𑒩𑒧𑓂𑒣𑒩𑒰 𑒫𑒱𑒩𑒼𑒡𑒲 𑒢𑒫 𑒖𑒰𑒑𑓂𑒩𑒞 𑒮𑒧𑒰𑒖। 𑒐𑒝𑓂𑒛-𑒣𑒐𑒝𑓂𑒛𑒧𑒹 𑒮𑒧𑒰𑒖 𑒙𑒴𑒙𑒪। 𑒢𑒫 𑒧𑒢𑒳𑒭𑓂𑒨𑒏 𑒮𑒵𑒖𑒢 𑒢𑒫 𑒞𑒏𑒢𑒲𑒏 𑒢𑒫 𑒮𑒼𑒔 𑒂 𑒢𑒫 𑒏𑒰𑒖 𑒣𑒏𑒛𑓃𑒢𑒹 𑒥𑒯𑒳𑒩𑒰𑒭𑓂𑒙𑓂𑒩𑒲𑒨 𑒣𑓂𑒩𑒦𑒰𑒫𑒮𑒿 𑒣𑒩𑒱𑒫𑒰𑒩, 𑒮𑒧𑒰𑒖 𑒂 𑒏𑒪𑒰 𑒮𑓀𑒮𑓂𑒏𑒵𑒞𑒱𑒣𑒩 𑒠𑒳𑒭𑓂𑒣𑓂𑒩𑒦𑒰𑒫, 𑒥𑒹𑒥𑒮𑓂𑒟𑒰 𑒥𑒠𑒪𑒢𑒹 𑒮𑒧𑒰𑒖 𑒥𑒠𑒪𑒞। 𑒔𑒰𑒩𑒱𑒧 𑒁𑓀𑒏- 𑒣𑒰𑒃 𑒦𑒹𑒢𑒹 𑒫𑒱𑒔𑒰𑒩𑒼𑒧𑒹 𑒥𑒠𑒪𑒰𑒫। 𑒖𑒰𑒯𑒱𑒮𑒿 𑒢𑒫 𑒮𑒧𑒰𑒖𑒏 𑒮𑒴𑒞𑓂𑒩 𑒣𑒰𑒞-𑒖𑒢𑓂𑒧 𑒮𑒹𑒯𑒼 𑒯𑒼𑒃𑒞। 𑒩𑒰𑒧𑒫𑒱𑒪𑒰𑒮 (𑒧𑒱𑒮𑓂𑒞𑓂𑒩𑒲) 𑒧𑒢𑒳𑒭𑓂𑒨𑒏 𑒧𑒯𑒞𑓂𑒫 𑒠𑒻𑒞 𑒖𑒃𑒮𑒿 𑒠𑒯𑒹𑒖𑒏𑒹𑒿 𑒡𑒏𑓂𑒏𑒰 𑒪𑒑𑒻𑒞। 𑒣𑒯𑒱𑒢𑒹𑒮𑒿 𑒧𑒱𑒟𑒱𑒪𑒰𑓀𑒔𑒪𑒏 𑒪𑒼𑒏 𑒫𑓀𑒑𑒪, 𑒁𑒮𑒰𑒧, 𑒢𑒹𑒣𑒰𑒪, 𑒜𑒰𑒏𑒰, 𑒡𑒩𑒱 𑒡𑓂𑒢 𑒏𑒙𑒢𑒲, 𑒣𑒙𑒳𑒂 𑒏𑒙𑒢𑒲𑒏 𑒪𑒹𑒪 𑒖𑒰𑒃𑒞 𑒕𑒪। 𑒬𑒱𑒏𑓂𑒭𑒰𑒏 𑒫𑒱𑒮𑓀𑒑𑒞𑒱। 𑒍𑒏𑒩𑒰 𑒧𑒹𑒙𑒰𑒋𑒥। 𑒣𑒰𑒿𑒔𑒧 𑒁𑓀𑒏- 𑒂𑒠𑒩𑓂𑒬 𑒫𑒱𑒨𑒰𑒯। 𑒢𑒫 𑒔𑒹𑒞𑒢𑒰𑒏 𑒖𑒰𑒑𑒩𑒝 𑒖𑒹 𑒥𑒹𑒥𑒮𑓂𑒟𑒰 𑒥𑒠𑒪𑒞।
𑒏𑒧𑓂𑒣𑓂𑒩𑒼𑒧𑒰𑒃𑒖- 𑒮𑒰𑒧𑓀𑒞𑒲 𑒮𑒧𑒰𑒖𑒧𑒹 𑒙𑒳𑒙𑒻𑒞 𑒏𑒵𑒭𑒱 𑒂 𑒏𑒱𑒮𑒰𑒢𑒲 𑒖𑒲𑒫𑒢, 𑒢𑒥 𑒣𑒴𑒿𑒖𑒲𑒫𑒰𑒠𑒲 𑒮𑒧𑒰𑒖𑒧𑒹 𑒏𑒵𑒭𑒱𑒏𑒹𑒿 𑒣𑒴𑒿𑒖𑒲 𑒥𑒢𑒹𑒥𑒰𑒏 𑒥𑒹𑒥𑒮𑓂𑒟𑒰, 𑒥𑒳𑒠𑓂𑒡𑒱𑒖𑒱𑒫𑒲 𑒂 𑒬𑓂𑒩𑒧𑒱𑒏𑒏 𑒣𑒪𑒰𑒨𑒢𑒮𑒿 𑒑𑒰𑒧𑒏 𑒥𑒱𑒑𑒛𑓃𑒻𑒞 𑒠𑒬𑒰, 𑒮𑒧𑒢𑓂𑒫𑒨𑒫𑒰𑒠𑒲 𑒫𑒱𑒔𑒰𑒩-𑒠𑒩𑓂𑒬𑒢।
𑒗𑒧𑒹𑒪𑒱𑒨𑒰 𑒥𑒱𑒂𑒯- 𑒧𑒱𑒟𑒱𑒪𑒰𑒏 𑒮𑒧𑒰𑒖𑒧𑒹 𑒁𑒥𑒻𑒞 𑒥𑒱𑒂𑒯-𑒮𑓀𑒮𑓂𑒏𑒰𑒩𑒏 𑒣𑓂𑒩𑒏𑓂𑒩𑒱𑒨𑒰𑒧𑒹 𑒩𑓀𑒑-𑒥𑒱𑒩𑓀𑒑𑒏 𑒥𑒰𑒯𑒩𑒲 𑒣𑓂𑒩𑒦𑒰𑒫, 𑒥𑒰𑒯𑒩𑒲 𑒣𑓂𑒩𑒦𑒰𑒫𑒮𑒿 𑒩𑓀𑒑-𑒥𑒱𑒩𑓀𑒑𑒏 𑒫𑒱𑒫𑒰𑒠, 𑒗𑒧𑒹𑒪𑒏 𑒖𑒢𑓂𑒧, 𑒗𑒧𑒹𑒪𑒱𑒨𑒰𑒏 𑒩𑒴𑒣𑒧𑒹 𑒥𑒱𑒂𑒯 𑒣𑓂𑒩𑒏𑓂𑒩𑒱𑒨𑒰𑒧𑒹 𑒯𑒼𑒃𑒞 𑒫𑒱𑒫𑒰𑒠𑒏 𑒫𑒱𑒭𑒠 𑒔𑒩𑓂𑒔।
𑒥𑒱𑒩𑒰𑓀𑒑𑒢𑒰- 𑒑𑓂𑒩𑒰𑒧𑒲𑒝 𑒖𑒲𑒫𑒢𑒏 𑒥𑒖𑒰𑒩𑒼𑒢𑓂𑒧𑒳𑒐 𑒯𑒋𑒥, 𑒮𑒮𑓂𑒞𑒰 𑒬𑓂𑒩𑒧-𑒬𑒏𑓂𑒞𑒱 𑒦𑒹𑒙𑒪𑒰𑒮𑒿 𑒣𑒴𑒿𑒖𑒲𑒣𑒞𑒱 𑒫𑒩𑓂𑒑 𑒠𑓂𑒫𑒰𑒩𑒰 𑒬𑒼𑒭𑒝, 𑒬𑓂𑒩𑒧𑒏 𑒪𑒴𑒙𑒮𑒿 𑒑𑓂𑒩𑒰𑒧𑒲𑒝 𑒪𑒼𑒏 𑒖𑒰𑒢𑒫𑒩𑒼𑒮𑒿 𑒥𑒞𑓂𑒞𑒩 𑒖𑒱𑒢𑒑𑒲 𑒖𑒲𑒥𑒋 𑒪𑒹𑒪 𑒧𑒖𑒥𑒴𑒩, 𑒩𑒴𑒣𑒻𑒨𑒰𑒏 𑒪𑒰𑒪𑒔𑒧𑒹 𑒢𑒲𑒔-𑒮𑒿-𑒢𑒲𑒔 𑒏𑒰𑒖 𑒏𑒩𑒥𑒰𑒏 𑒪𑒹𑒪 𑒞𑒻𑒨𑒰𑒩 𑒪𑒼𑒏।
𑒞𑒰𑒧𑒏 𑒞𑒧𑒒𑒻𑒪- 𑒜𑒯𑒻𑒞 𑒮𑒰𑒧𑓀𑒞𑒲 𑒮𑒧𑒰𑒖𑒧𑒹 𑒕𑒱𑒢𑓂𑒢-𑒦𑒱𑒢𑓂𑒢 𑒯𑒼𑒃𑒞 𑒣𑒩𑒱𑒫𑒰𑒩, 𑒩𑒲𑒞𑒱-𑒢𑒲𑒞𑒱 𑒋𑒫𑓀 𑒣𑒩𑒱𑒫𑒰𑒩𑒱𑒏 𑒮𑒧𑓂𑒥𑒢𑓂𑒡, 𑒕𑒱𑒢𑓂𑒢-𑒦𑒱𑒢𑓂𑒢 𑒯𑒼𑒃𑒞 𑒣𑒩𑒱𑒫𑒰𑒩𑒏 𑒂𑒩𑓂𑒟𑒱𑒏 𑒂𑒡𑒰𑒩।
𑒮𑒞𑒧𑒰𑒋- 𑒏𑒼𑒢𑒼 𑒮𑓀𑒥𑓀𑒡 𑒠𑒼𑒭𑒣𑒴𑒩𑓂𑒝 𑒢𑒻 𑒯𑒼𑒃𑒞 𑒕𑒻 𑒥𑒪𑓂𑒏𑒱 𑒧𑒢𑒳𑒭𑓂𑒨𑒏 𑒥𑒹𑒥𑒯𑒰𑒩 𑒂 𑒫𑒱𑒔𑒰𑒩𑒧𑒹 𑒠𑒼𑒭 𑒯𑒼𑒃𑒞 𑒕𑒻𑒏 𑒞𑒯𑒲 𑒥𑒹𑒥𑒯𑒰𑒩 𑒂 𑒫𑒱𑒔𑒰𑒩𑒏 𑒮𑒧𑓂𑒨𑒏 𑒔𑒩𑓂𑒔 𑒏𑒩𑒻𑒞 ‘𑒮𑒞𑒧𑒰𑒋’𑒏 𑒂𑒠𑒩𑓂𑒬𑒩𑒴𑒣 𑒣𑓂𑒩𑒮𑓂𑒞𑒳𑒞 𑒏𑒋𑒪 𑒑𑒹𑒪 𑒁𑒕𑒱।
𑒏𑒪𑓂𑒨𑒰𑒝𑒲- 𑒠𑒱𑒢-𑒠𑒹𑒐𑒰𑒩𑒹 𑒯𑒼𑒃𑒞 𑒁𑒢𑓂𑒨𑒰𑒨𑒏 𑒣𑓂𑒩𑒞𑒱 𑒮𑒖𑒑𑒞𑒰𑒏 𑒅𑒪𑓂𑒪𑒹𑒐 𑒏𑒩𑒻𑒞 𑒢𑒰𑒩𑒲 𑒖𑒰𑒑𑒩𑒝𑒏 𑒔𑒱𑒞𑓂𑒩𑒝, 𑒥𑒳𑒢𑒱𑒨𑒰𑒠𑒲 𑒮𑒧𑒮𑓂𑒨𑒰 𑒠𑒱𑒮 𑒃𑒬𑒰𑒩𑒰 𑒏𑒩𑒻𑒞 𑒮𑒧𑒮𑓂𑒨𑒰𑒏 𑒮𑒧𑒰𑒡𑒰𑒢 𑒯𑒹𑒞𑒳 𑒣𑒻𑒒-𑒮𑒿-𑒣𑒻𑒒 𑒠𑒰𑒧 𑒔𑒳𑒏𑒥𑒋 𑒣𑒛𑓃𑒻𑒞 𑒁𑒕𑒱, 𑒞𑒹𑒏𑒩 𑒔𑒱𑒞𑓂𑒩𑒝।
𑒮𑒧𑒗𑒾𑒞𑒰- 𑒮𑒧𑒰𑒖𑒧𑒹 𑒏𑒵𑒭𑒱𑒏𑒹𑒿 𑒣𑒴𑒿𑒖𑒲 𑒥𑒢𑒹𑒥𑒰𑒏 𑒪𑒹𑒪 𑒙𑒳𑒙𑒻𑒞 𑒏𑒵𑒭𑒱 𑒮𑓀𑒮𑓂𑒏𑒵𑒞𑒱𑒏 𑒥𑒳𑒢𑒱𑒨𑒰𑒠𑒲 𑒮𑒧𑒮𑓂𑒨𑒰𑒏 𑒫𑒩𑓂𑒝𑒢 𑒂 𑒞𑒏𑒩 𑒢𑒱𑒠𑒰𑒢 𑒪𑒹𑒪 𑒮𑒧𑒗𑒾𑒞𑒰 𑒯𑒹𑒞𑒳 𑒮𑒧𑓂𑒨𑒏 𑒮𑒼𑒔𑒏 𑒖𑒩𑒴𑒩𑒞𑒱𑒣𑒩 𑒣𑓂𑒩𑒏𑒰𑒬 𑒠𑒻𑒞 𑒍𑒏𑒩 𑒧𑒯𑒞𑓂𑒫 𑒍 𑒂𑒫𑒬𑓂𑒨𑒏𑒞𑒰𑒏 𑒫𑒩𑓂𑒝𑒢।

𑒂𑒢𑓀𑒠 𑒏𑒳𑒧𑒰𑒩 𑒗𑒰
𑒙𑒰𑒙𑒰𑒏 𑒧𑒼𑒪 : 𑒏𑒰𑒙𑒩 𑒣𑓂𑒩𑒟𑒰𑒣𑒩 𑒂𑒡𑒰𑒩𑒱𑒞 𑒢𑒰𑒙𑒏। 𑒑𑒩𑒲𑒥𑒢𑒰𑒟 𑒂 𑒮𑒳𑒧𑒱𑒞𑓂𑒩𑒰𑒏 '𑒣𑒳𑒞𑓂𑒩 𑒏𑒰𑒧𑒢𑒰𑒩𑓂𑒟' 𑒣𑒰𑒔 𑒑𑒼𑒙 𑒏𑒢𑓂𑒨𑒰। 𑒣𑒯𑒱𑒪𑒹 𑒥𑒹𑒙𑒲𑒏 𑒫𑒱𑒫𑒰𑒯𑒧𑒹 𑒯𑒳𑒢𑒏𑒩 𑒥𑒯𑒳𑒞 𑒐𑒹𑒞 𑒥𑒱𑒏𑒰 𑒑𑒹𑒪𑒢𑒱। 𑒠𑒼𑒮𑒩 𑒥𑒹𑒙𑒲𑒏 𑒏𑒢𑓂𑒨𑒰𑒠𑒰𑒢𑒏 𑒪𑒹𑒪 𑒧𑒰𑒞𑓂𑒩 𑒥𑒰𑒩𑒯 𑒏𑒙𑓂𑒚𑒰 𑒖𑒧𑒲𑒢 𑒥𑒰𑒔𑒪 𑒕𑒢𑓂𑒯𑒱। 𑒥𑒹𑒙𑒲 𑒣𑓂𑒩𑒦𑒰 𑒏𑒰𑒪𑒹𑒖𑒧𑒹 𑒣𑒜𑓃𑒻𑒞 𑒕𑒟𑒱, 𑒁𑒣𑒢 𑒥𑒯𑒱𑒢𑒏 𑒠𑒹𑒍𑒩 𑒣𑓂𑒩𑒦𑒰𑒏𑒩𑒮𑒿 𑒮𑒱𑒢𑒹𑒯 𑒏𑒩𑒻 𑒕𑒟𑒱, 𑒕𑒼𑒙 𑒧𑒰𑓀𑒑𑒪-𑒔𑒰𑓀𑒑𑒪 𑒦𑒰𑒋 𑒧𑒯𑒲𑒮 𑒔𑒩𑒥𑒻𑒞 𑒕𑒢𑓂𑒯𑒱।
𑒏𑒪𑒯 : 𑒂𑒏𑒰𑒬 𑒥𑒹𑒩𑒼𑒖𑒑𑒰𑒩 𑒕𑒟𑒱। 𑒫𑒱𑒦𑒰𑒞𑒰 𑒮𑒳𑒧𑒱𑒞𑓂𑒩𑒰 𑒁𑒣𑒢 𑒣𑒳𑒞𑓂𑒩 𑒩𑒰𑒖𑒲𑒫 𑒪𑒹𑒪 𑒖𑓂𑒨𑒹𑒭𑓂𑒚 𑒣𑒳𑒞𑓂𑒩𑒏 𑒮𑓀𑒑 𑒨𑒰𑒞𑒢𑒰 𑒠𑒻𑒞 𑒕𑒟𑒱। 𑒋𑒏𑒙𑒰 𑒁𑒥𑒼𑒡 𑒢𑒹𑒢𑒰𑒏 𑒖𑒢𑓂𑒧 𑒦𑒹𑒪.....।
𑒥𑒠𑒪𑒻𑒞 𑒮𑒧𑒰𑒖 : 𑒋𑒏𑒙𑒰 𑒥𑓂𑒪𑒛 𑒏𑒻𑓀𑒮𑒩 𑒣𑒲𑒛𑓃𑒱𑒞 𑒒𑒴𑒩𑒢 𑒖𑒲 𑒁𑒣𑒢 𑒥𑒲𑒧𑒰𑒩 𑒣𑒳𑒞𑓂𑒩𑒏 𑒫𑒱𑒂𑒯 𑒏𑒩𑒰 𑒠𑒻𑒞 𑒕𑒟𑒱। 𑒯𑒳𑒢𑒏𑒰 𑒍𑒢𑒰 𑒥𑒴𑒗𑒪 𑒢𑒯𑒱 𑒕𑒪𑒢𑒱 𑒖𑒹 𑒣𑒳𑒞𑓂𑒩 𑒁𑒫𑒡𑒹𑒬 𑒥𑓂𑒪𑒛-𑒏𑒻𑓀𑒮𑒩𑒮𑒿 𑒣𑒲𑒛𑓃𑒱𑒞 𑒁𑒕𑒱। 𑒦𑒖𑒹𑒢𑓂𑒠𑓂𑒩 𑒧𑒳𑒐𑒱𑒨𑒰𑒏 𑒣𑒳𑒞𑓂𑒩 𑒁𑒫𑒡𑒹𑒬𑒏 𑒧𑒵𑒞𑓂𑒨𑒳𑒏 𑒦𑓄 𑒑𑒹𑒪𑒢𑒱। 𑒁𑓀𑒞𑒧𑒹 𑒫𑒱𑒡𑒫𑒰 𑒬𑒼𑒦𑒰𑒏 𑒋𑒏𑒙𑒰 𑒮𑒔𑓂𑒔𑒩𑒱𑒞𑓂𑒩 𑒨𑒳𑒫𑒏 𑒫𑒲𑒖𑒹𑒢𑓂𑒠𑓂𑒩𑒮𑒿 𑒣𑒳𑒩𑓂𑒢𑒫𑒱𑒫𑒰𑒯𑒏 𑒏𑒪𑓂𑒣𑒢𑒰 𑒏𑒋𑒪 𑒑𑒹𑒪।
𑒡𑒡𑒰𑒃𑒞 𑒢𑒫𑒏𑒲 𑒏𑒢𑒱𑒨𑒰𑒹𑒏 𑒪𑒯𑒰𑒮 : 𑒏𑒱𑒕𑒳 𑒑𑒯𑒢𑒰𑒏 𑒐𑒰𑒞𑒱𑒩 𑒬𑒱𑒐𑒰𑒏 𑒂𑒞𑓂𑒧𑒯𑒞𑓂𑒨𑒰𑒏 𑒣𑓂𑒩𑒨𑒰𑒮।
𑒯𑒚𑒰𑒞𑓂 𑒣𑒩𑒱𑒫𑒩𑓂𑒞𑓂𑒞𑒢 : 𑒠𑒹𑒬𑒦𑒏𑓂𑒞𑒱 𑒢𑒰𑒙𑒏।

𑒑𑒖𑒹𑒢𑓂𑒠𑓂𑒩 𑒚𑒰𑒏𑒳𑒩
𑒅𑒪𑓂𑒏𑒰𑒧𑒳𑒐: 𑒣𑒯𑒱𑒪 𑒧𑓀𑒔𑒢𑒏 𑒢𑒱𑒩𑓂𑒠𑒹𑒬𑒏 𑒩𑒯𑒟𑒱 𑒥𑒹𑒔𑒢 𑒚𑒰𑒏𑒳𑒩। 𑒖𑒰𑒠𑒴 𑒫𑒰𑒮𑓂𑒞𑒫𑒱𑒞𑒰𑒫𑒰𑒠𑒲 𑒌 𑒢𑒰𑒙𑒏𑒧𑒹 𑒃𑒞𑒱𑒯𑒰𑒮𑒏 𑒋𑒏𑒙𑒰 𑒭𑒛𑒨𑓀𑒞𑓂𑒩𑒏𑒹𑒿 𑒅𑒒𑒰𑒩𑒪 𑒑𑒹𑒪 𑒁𑒕𑒱 , 𑒧𑓀𑒔 𑒣𑒩𑒱𑒏𑒪𑓂𑒣𑒢𑒰 𑒩𑒯𑒋 𑒦𑒩𑒞𑒏 𑒢𑒰𑒙𑓂𑒨𑒬𑒰𑒮𑓂𑒞𑓂𑒩𑒏 𑒁𑒢𑒳𑒮𑒰𑒩। 𑒂𑒔𑒰𑒩𑓂𑒨 𑒫𑓂𑒨𑒰𑒒𑓂𑒩, 𑒂𑒔𑒰𑒩𑓂𑒨 𑒮𑒱𑓀𑒯, 𑒂𑒔𑒰𑒩𑓂𑒨 𑒮𑒩𑒦, 𑒬𑒱𑒭𑓂𑒨 𑒮𑒰𑒯𑒲, 𑒬𑒱𑒭𑓂𑒨 𑒐𑒱𑒐𑒱𑒩, 𑒬𑒱𑒭𑓂𑒨 𑒢𑒜𑓃𑒱𑒨𑒰, 𑒬𑒱𑒭𑓂𑒨 𑒥𑒱𑒖𑓂𑒖𑒲 𑒌 𑒧𑒹 𑒣𑒰𑒞𑓂𑒩 𑒕𑒟𑒱। 𑒣𑒯𑒱𑒪𑒮𑒿 𑒔𑒰𑒩𑒱𑒧 𑒏𑒪𑓂𑒪𑒼𑒪 𑒡𑒩𑒱𑒏 𑒣𑒰𑒞𑓂𑒩 𑒥𑒠𑒪𑒱 𑒖𑒰𑒃 𑒕𑒟𑒱, 𑒠𑒼𑒮𑒩 𑒩𑒴𑒣𑒧𑒹 𑒣𑒰𑒿𑒔𑒧 𑒏𑒪𑓂𑒪𑒼𑒪𑒮𑒿 𑓔 𑒙𑒰 𑒮𑓂𑒞𑓂𑒩𑒲 𑒣𑒰𑒞𑓂𑒩 𑒥𑒜𑓃𑒱 𑒖𑒰𑒃 𑒕𑒟𑒱: 𑒩𑒳𑒠𑓂𑒩𑒧𑒞𑒱 (𑒧𑒰𑒡𑒫𑒏 𑒧𑒰𑒋) 𑒮𑒼𑒯𑒰𑒑𑒼 (𑒑𑓀𑒑𑒰𑒡𑒩𑒏 𑒧𑒰𑒞𑒰), 𑒂𑒢𑒢𑓂𑒠𑒰 (𑒑𑓀𑒑𑒰𑒡𑒩𑒏 𑒥𑒯𑒱𑒢), 𑒧𑒹𑒡𑒰 (𑒯𑒩𑒱𑒏𑒩- 𑒮𑒹𑒢𑒰𑒣𑒞𑒱𑒏 𑒥𑒹𑒙𑒲)। 𑒑𑓀𑒑𑒹𑒬 𑒂 𑒫𑒪𑓂𑒪𑒦𑒰𑒏 𑒣𑓂𑒩𑒹𑒧 𑒌 𑒢𑒰𑒙𑒏𑒏 𑒫𑒱𑒭𑒨 𑒁𑒕𑒱। 𑒧𑒳𑒠𑒰 𑒣𑒯𑒱𑒪 𑒠𑒴 𑒁𑓀𑒏𑒏 𑒥𑒰𑒠 𑒞𑒹𑒮𑒩 𑒂 𑒔𑒰𑒩𑒱𑒧 𑒁𑓀𑒏 𑒖𑒰𑒠𑒴 𑒫𑒰𑒮𑓂𑒞𑒫𑒱𑒏𑒞𑒰𑒫𑒰𑒠𑒏 𑒅𑒠𑒰𑒯𑒩𑒝 𑒥𑒢𑒱 𑒖𑒰𑒃𑒋। 𑒂 𑒂𑒥𑒱 𑒖𑒰𑒃 𑒕𑒟𑒱 𑒮𑒼𑒗𑒰𑒿 𑒅𑒠𑒨𑒢, 𑒠𑒲𑒢𑒰, 𑒦𑒠𑒩𑒲, 𑒂𑒔𑒰𑒩𑓂𑒨 𑒫𑓂𑒨𑒰𑒒𑓂𑒩, 𑒂𑒔𑒰𑒩𑓂𑒨 𑒮𑒱𑓀𑒯, 𑒂𑒔𑒰𑒩𑓂𑒨 𑒮𑒩𑒦, 𑒬𑒱𑒭𑓂𑒨 𑒮𑒰𑒯𑒲, 𑒬𑒱𑒭𑓂𑒨 𑒐𑒱𑒐𑒱𑒩, 𑒬𑒱𑒭𑓂𑒨 𑒢𑒜𑓃𑒱𑒨𑒰, 𑒬𑒱𑒭𑓂𑒨 𑒥𑒱𑒖𑓂𑒖𑒲। 𑒂 𑒬𑒳𑒩𑒴 𑒦𑓄 𑒖𑒰𑒃𑒋 𑒃𑒞𑒱𑒯𑒰𑒮𑒏 𑒋𑒏𑒙𑒰 𑒭𑒛𑒨𑓀𑒞𑓂𑒩𑒏 𑒁𑒢𑒳𑒣𑒰𑒪𑒢। 𑒧𑒳𑒠𑒰 𑒔𑒰𑒩𑒱𑒧 𑒏𑒪𑓂𑒪𑒼𑒪𑒏 𑒁𑒢𑓂𑒞𑒧𑒹 𑒦𑒑𑒞𑒰 𑒏𑒯𑒱 𑒠𑒻 𑒕𑒟𑒱 𑒁𑒣𑒢 𑒬𑒱𑒭𑓂𑒨𑒏𑒹𑒿 𑒋𑒏𑒙𑒰 𑒩𑒯𑒮𑓂𑒨.......𑒖𑒹 𑒫𑒱𑒮𑓂𑒧𑒩𑒝𑒏 𑒥𑒰𑒠𑒼 𑒂𑒥𑒱 𑒖𑒰𑒋𑒞 𑒮𑓂𑒧𑒩𑒝𑒧𑒹।...𑒥𑒢𑒱 𑒅𑒪𑓂𑒏𑒰𑒧𑒳𑒐... - 𑒣𑒰𑒿𑒔𑒧 𑒏𑒪𑓂𑒪𑒼𑒪𑒮𑒿 𑒮𑓀𑒏𑒹𑒞𑒏 𑒥𑒠𑒪𑒰 𑒫𑒰𑒮𑓂𑒞𑒫𑒱𑒏𑒞𑒰, 𑒏𑒪𑓂𑒣𑒢𑒰𑒏 𑒥𑒠𑒪𑒰 𑒮𑒞𑓂𑒨... -𑒣𑒯𑒱𑒪𑒮𑒿 𑒔𑒰𑒩𑒱𑒧 𑒏𑒪𑓂𑒪𑒼𑒪 𑒡𑒩𑒱 𑒧𑓀𑒔𑒣𑒩 𑒬𑒞𑒩𑓀𑒖𑒏 𑒛𑒱𑒖𑒰𑒃𑒢 𑒥𑒢𑒰𑒋𑒪 𑒒𑒢 𑒩𑒰𑒐𑒪 𑒩𑒯𑒞, 𑒣𑒰𑒿𑒔𑒧 𑒏𑒪𑓂𑒪𑒼𑒪𑒮𑒿 𑒦𑒴𑒞 𑒂 𑒏𑒪𑓂𑒣𑒢𑒰𑒏 𑒣𑓂𑒩𑒞𑒲𑒏 𑒍𑒃 𑒮𑓀𑒏𑒹𑒞𑒏 𑒥𑒠𑒪𑒰 𑒫𑒰𑒮𑓂𑒞𑒫𑒱𑒏𑒞𑒰𑒏 𑒣𑓂𑒩𑒞𑒲𑒏 𑒑𑒼𑒪𑒰 𑒩𑒰𑒐𑒪 𑒩𑒯𑒞। 𑒑𑓀𑒑𑒹𑒬𑒏 𑒞𑒞𑓂𑒞𑓂𑒫𑒔𑒱𑒢𑓂𑒞𑒰𑒧𑒝𑒱𑒣𑒩 𑒜𑒹𑒩 𑒩𑒰𑒮 𑒙𑒲𑒏𑒰 𑒅𑒣𑒪𑒥𑓂𑒡 𑒁𑒕𑒱, 𑒑𑓀𑒑𑒹𑒬𑒏𑒹𑒿 𑒏𑒯𑒪 𑒖𑒰𑒃 𑒕𑒢𑓂𑒯𑒱 𑒞𑒞𑓂𑒫𑒔𑒱𑒞𑒰𑒧𑒝𑒱𑒏𑒰𑒩𑒏 𑒑𑓀𑒑𑒹𑒬; 𑒧𑒳𑒠𑒰 𑒯𑒳𑒢𑒏𑒩 𑒏𑒫𑒱𑒞𑒰 𑒦𑓄 𑒑𑒹𑒪 𑒕𑒢𑓂𑒯𑒱 "𑒅𑒪𑓂𑒏𑒰𑒧𑒳𑒐"!!!
𑒮𑓀𑒏𑒩𑓂𑒭𑒝: 𑒌 𑒢𑒰𑒙𑒏𑒧𑒹 𑒋𑒏𑒙𑒰 𑒣𑒰𑒞𑓂𑒩, 𑒖𑒹 𑒑𑒰𑒧𑒧𑒹 𑒏𑒯𑒥𑒻𑒏𑒰 𑒂 𑒠𑒳𑒭𑓂𑒙-𑒔𑒪𑒰𑒏 𑒣𑓂𑒩𑒫𑒵𑒞𑓂𑒞𑒱𑒏 𑒧𑒰𑒢𑒪 𑒖𑒰𑒃𑒞 𑒁𑒕𑒱, 𑒠𑒱𑒪𑓂𑒪𑒲 𑒋𑒪𑒰𑒣𑒩 (𑒩𑒮𑓂𑒞𑒹 𑒮𑒿 𑒍𑒏𑒩 𑒥𑒳𑒠𑓂𑒡𑒱 𑒯𑒹𑒩𑒹𑒢𑒰𑒃 𑒬𑒳𑒩𑒴 𑒯𑒼𑒃 𑒕𑒻) 𑒁𑒣𑒢𑒰𑒏𑒹𑒿 𑒧𑒴𑒩𑓂𑒐 𑒥𑒳𑒗𑒻𑒞 𑒁𑒕𑒱- 𑒥𑒲𑒔𑒧𑒹 𑒦𑒰𑒩𑒞𑒏 𑒯𑒩𑒱𑒨𑒰𑒝𑒰𑒏 𑒋𑒏𑒙𑒰 𑒏𑒳𑒏𑒳𑒩𑒮𑒿 𑒮𑒧𑓂𑒥𑒢𑓂𑒡𑒱𑒞 𑒪𑒼𑒏𑒏𑒟𑒰 𑒮𑒹𑒯𑒼 𑒮𑒧𑒰𑒯𑒱𑒞 𑒁𑒕𑒱।
𑒦𑓄 𑒖𑒰𑒋𑒥 𑒕𑒴- (𑒥𑒰𑒪 𑒔𑒾𑒥𑒙𑒱𑒨𑒰-𑒮𑒛𑓃𑒏 𑒢𑒰𑒙𑒏)- 𑒣𑒩𑓂𑒨𑒰𑒫𑒩𑒝 𑒂 𑒫𑒱𑒖𑓂𑒘𑒰𑒢𑒏𑒹𑒿 𑒮𑒛𑒏 𑒢𑒰𑒙𑒏𑒏 𑒧𑒰𑒡𑓂𑒨𑒧𑒮𑒿 𑒣𑒮𑒰𑒩𑒥𑒰𑒏 𑒁𑒦𑒱𑒨𑒰𑒢।

𑒥𑒹𑒔𑒢 𑒚𑒰𑒏𑒳𑒩
𑒥𑒹𑒙𑒲𑒏 𑒁𑒣𑒧𑒰𑒢 𑒂 𑒕𑒲𑒢𑒩𑒠𑒹𑒫𑒲: 𑒦𑓂𑒩𑒴𑒝 𑒯𑒞𑓂𑒨𑒰, 𑒧𑒯𑒱𑒪𑒰 𑒁𑒡𑒱𑒏𑒰𑒩 𑒂 𑒁𑒢𑓂𑒡𑒫𑒱𑒬𑓂𑒫𑒰𑒮𑒣𑒩 𑒂𑒡𑒰𑒩𑒱𑒞 𑒠𑒳𑒢𑒴 𑒢𑒰𑒙𑒏 𑒧𑒻𑒟𑒱𑒪𑒲 𑒢𑒰𑒙𑒏𑒏𑒹𑒿 𑒢𑒫 𑒠𑒱𑒬𑒰 𑒠𑒻𑒞 𑒁𑒕𑒱।
𑒁𑒡𑒱𑒏𑒰𑒩: 𑒃𑒢𑓂𑒠𑒱𑒩𑒰 𑒂𑒫𑒰𑒮 𑒨𑒼𑒖𑒢𑒰𑒏 𑒁𑒢𑒱𑒨𑒧𑒱𑒞𑒞𑒰𑒏𑒹𑒿 𑒂𑒩.𑒙𑒲.𑒂𑒃.(𑒮𑒴𑒔𑒢𑒰𑒏 𑒁𑒡𑒱𑒏𑒰𑒩) 𑒮𑒿 𑒠𑒹𑒐𑒰𑒩 𑒏𑒩𑒻𑒥𑒪𑒰 𑒂 𑒩𑒱𑒏𑓂𑒬𑒰𑒮𑒿 𑒗𑓀𑒗𑒰𑒩𑒣𑒳𑒩𑒮𑒿 𑒠𑒱𑒪𑓂𑒪𑒲 𑒖𑒰𑒃𑒥𑒪𑒰 𑒁𑒮𑒪𑒲 𑒔𑒩𑒱𑒞𑓂𑒩 𑒧𑓀𑒖𑒴𑒩𑒏 𑒏𑒟𑒰 𑒁𑒕𑒱।
𑒫𑒱𑒬𑓂𑒫𑒰𑒮𑒒𑒰𑒞: 𑒢𑒹𑒬𑒢𑒪 𑒯𑒰𑒃𑒫𑒹𑒏 𑒖𑒧𑒲𑒢𑒏 𑒧𑒳𑒂𑒫𑒖𑒰𑒧𑒹 𑒜𑒹𑒩 𑒩𑒰𑒮 𑒣𑒰𑒃 𑒠𑒹𑒪 𑒖𑒰𑒃 𑒕𑒻 𑒂 𑒍𑒏𑒩𑒰 𑒯𑒛𑓃𑒣𑒻 𑒪𑒹𑒪 𑒣𑒰𑒩𑒱𑒫𑒰𑒩𑒱𑒏 𑒮𑒧𑓂𑒥𑒢𑓂𑒡𑒏 𑒥𑒪𑒱 𑒔𑒜𑓃𑒱 𑒖𑒰𑒃 𑒕𑒻।







𑒮𑓀𑒠𑒩𑓂𑒦
(𑒏𑒳𑒩𑒳𑒏𑓂𑒭𑒹𑒞𑓂𑒩𑒧𑓂 𑒁𑒢𑓂𑒞𑒩𑓂𑒧𑒢𑒏 𑒂 𑒏𑒳𑒩𑒳𑒏𑓂𑒭𑒹𑒞𑓂𑒩𑒧𑓂 𑒁𑒢𑓂𑒞𑒩𑓂𑒧𑒢𑒏 𑒦𑒰𑒑-𑓒) 𑒐𑒝𑓂𑒛 𑓑-𑓘
𑒩𑒰𑒧𑒫𑒱𑒪𑒰𑒮 𑒬𑒩𑓂𑒧𑒰𑒏 𑒃𑒞𑒱𑒯𑒰𑒮𑒥𑒼𑒡 𑒮𑒧𑓂𑒥𑒢𑓂𑒡𑒲 𑒮𑒦𑒙𑒰 𑒣𑒼𑒟𑒲- 𑒠𑒱𑒪𑓂𑒪𑒲 𑒫𑒱𑒬𑓂𑒫𑒫𑒱𑒠𑓂𑒨𑒰𑒪𑒨। 𑒂𑒩𑓂𑒨𑒦𑒙/ 𑒬𑓀𑒏𑒩𑒰𑒔𑒰𑒩𑓂𑒨/ 𑒥𑒰𑒮𑒫𑒰𑒔𑒰𑒩𑓂𑒨/ 𑒁𑒧𑓂𑒥𑒹𑒠𑒏𑒩𑒣𑒩 𑒂 𑒂𑒢 𑒫𑓂𑒨𑒏𑓂𑒞𑒱𑒣𑒩 𑒂 𑒮𑓀𑒮𑓂𑒏𑒵𑒞𑒱𑒣𑒩 𑒣𑒩- 𑒣𑓂𑒩𑒏𑒰𑒬𑒢 𑒫𑒱𑒦𑒰𑒑/ 𑒢𑒹.𑒥𑒳.𑒙./ 𑒮𑒰𑒯𑒱𑒞𑓂𑒨 𑒁𑒏𑒰𑒠𑒹𑒧𑒲/ 𑒏𑒫𑒱𑒏𑒳𑒪𑒑𑒳𑒩𑒳 𑒏𑒰𑒪𑒱𑒠𑒰𑒮 𑒮𑓀𑒮𑓂𑒏𑒵𑒞 𑒫𑒱.𑒫𑒱./ 𑒧𑒱𑒟𑒱𑒪𑒰 𑒩𑒱𑒮𑒩𑓂𑒔 𑒃𑓀𑒮𑓂𑒙𑒲𑒙𑓂𑒨𑒴𑒙/ 𑒏𑒰.𑒮𑒱. 𑒮𑓀𑒮𑓂𑒏𑒵𑒞 𑒫𑒱.𑒫𑒱./ 𑒠𑒱𑒪𑓂𑒪𑒲 𑒫𑒱.𑒫𑒱./ 𑒮𑓀𑒮𑓂𑒏𑒵𑒞 𑒦𑒰𑒩𑒞𑒲/ 𑒁𑒩𑒫𑒱𑒢𑓂𑒠 𑒂𑒬𑓂𑒩𑒧/ 𑒔𑒾𑒐𑒧𑓂𑒥𑒰/ 𑒧𑒼𑒞𑒲𑒪𑒰𑒪 𑒥𑒢𑒰𑒩𑒮𑒲𑒠𑒰𑒮/ 𑒩𑒰𑒭𑓂𑒙𑓂𑒩𑒱𑒨 𑒮𑓀𑒮𑓂𑒏𑒵𑒞 𑒮𑓀𑒮𑓂𑒟𑒰𑒢𑒏 𑒁𑒢𑒹𑒏 𑒣𑒼𑒟𑒲। 𑒥𑒪𑒠𑒹𑒫 𑒅𑒣𑒰𑒡𑓂𑒨𑒰𑒨, 𑒏𑒣𑒱𑒪𑒠𑒹𑒫 𑒠𑓂𑒫𑒱𑒫𑒹𑒠𑒲, 𑒦𑒰𑒩𑒞𑒹𑒢𑓂𑒠𑒳 𑒠𑓂𑒫𑒱𑒫𑒹𑒠𑒲, 𑒩𑒰𑒡𑒰𑒫𑒪𑓂𑒪𑒦 𑒞𑓂𑒩𑒱𑒣𑒰𑒚𑒲𑒏 𑒮𑓀𑒮𑓂𑒏𑒵𑒞 𑒂 𑒮𑓀𑒮𑓂𑒏𑒵𑒞𑒱 𑒮𑒧𑓂𑒥𑒢𑓂𑒡𑒲 𑒮𑒦𑒙𑒰 𑒣𑒼𑒟𑒲। 𑒔𑒰𑒩𑒳𑒠𑒹𑒫 𑒬𑒰𑒮𑓂𑒞𑓂𑒩𑒲𑒏 𑒮𑓀𑒮𑓂𑒏𑒵𑒞 𑒮𑒧𑓂𑒥𑒢𑓂𑒡𑒲 𑒣𑒼𑒟𑒲। 𑒏𑒱𑒬𑒼𑒩 𑒏𑒳𑒝𑒰𑒪, 𑒥𑒔𑓂𑒔𑒰 𑒨𑒰𑒠𑒫, 𑒩𑒫𑒲𑒢𑓂𑒠𑓂𑒩 𑒦𑒰𑒩𑒞𑒲, 𑒧𑒝𑒱𑒣𑒠𑓂𑒧, 𑒫𑒲𑒩𑒹𑒢𑓂𑒠𑓂𑒩 𑒗𑒰, 𑒧𑒢𑒼𑒖 𑒏𑒳𑒧𑒰𑒩 𑒧𑒱𑒬𑓂𑒩, 𑒧𑒰𑒐𑒢 𑒗𑒰, 𑒍𑒧𑒣𑓂𑒩𑒏𑒰𑒬 𑒦𑒰𑒩𑒞𑒲, 𑒫𑒱𑒬𑒹𑒬𑓂𑒫𑒩 𑒧𑒱𑒬𑓂𑒩, 𑒧𑒯𑒹𑒢𑓂𑒠𑓂𑒩 𑒢𑒰𑒩𑒰𑒨𑒝 𑒩𑒰𑒧, 𑒥𑒳𑒔𑒩𑒴 𑒣𑒰𑒮𑒫𑒰𑒢 𑒂𑒠𑒱𑒏 𑒪𑒼𑒏𑒑𑒰𑒟𑒰/ 𑒮𑓀𑒮𑓂𑒏𑒵𑒞𑒱 𑒮𑒧𑓂𑒥𑒢𑓂𑒡𑒲 𑒂𑒪𑒹𑒐/ 𑒣𑒼𑒟𑒲/ 𑒦𑒰𑒩𑒞-𑒢𑒹𑒣𑒰𑒪𑒏 𑒪𑒼𑒏𑒏𑒟𑒰-𑒑𑒰𑒟𑒰 𑒂 𑒧𑒱𑒮𑓂𑒙𑒱𑒏 𑒏𑒟𑒰 (𑒖𑒹𑒢𑒰 𑒮𑓀𑒏𑒩𑓂𑒭𑒝 𑒢𑒰𑒙𑒏 𑒪𑒹𑒪 𑒯𑒩𑒱𑒨𑒰𑒝𑒰𑒏 𑒋𑒏𑒙𑒰 𑒏𑒰𑒩𑒲 𑒏𑒳𑒏𑒳𑒩𑒥𑒪𑒰 𑒪𑒼𑒏𑒏𑒟𑒰)/ 𑒦𑒩𑒞 𑒢𑒰𑒙𑓂𑒨 𑒬𑒰𑒮𑓂𑒞𑓂𑒩, 𑒫𑒱𑒬𑓂𑒫𑒱𑒠𑓂𑒨𑒰𑒪𑒨 𑒣𑓂𑒩𑒏𑒰𑒬𑒢, 𑒫𑒰𑒩𑒰𑒝𑒮𑒲 𑒂 𑒫𑒱𑒬𑓂𑒫𑒦𑒰𑒩𑒞𑒲 𑒁𑒢𑒳𑒮𑒢𑓂𑒡𑒰𑒢 𑒣𑒩𑒱𑒭𑒠 𑒖𑓂𑒘𑒰𑒢𑒣𑒳𑒩 (𑒫𑒰𑒩𑒰𑒝𑒮𑒲) 𑒂𑒠𑒱𑒏 𑒣𑒼𑒟𑒲 𑒮𑒦।
Author acknowledges: Kapileshwar Raut, Kapileshwar Sahu, Hemnarayan Sahu, Madan Prasad Sahu, Rajdeo Mandal, Durganand Mandal, Yoganand Jha, Smt. Kamla Chaudhary, Smt. Lalita Jha, Umesh Mandal, Umesh Paswan, Jagdish Prasad Mandal, Mahendra Narayan Ram, Om Prakash Bharati, Shiv Kumar Jha, Manoj Kumar Karn (Munnaji), Poonam Mandal, Priyanka Jha, Bechan Thakur, Nand Vilas Roy, Jagdish Mallik, Ram Vilas Sahu, Jhameli Mukhiya, Lakshmi Das, Indrakant Mishra (Bauwa Kakka), Direndra Kumar, Shashikant Jha, Shiv Kumar Mishra, Ramdeo Prasad Mandal ‘Jharudar’, Bacheshwar Jha, Bahadur Ram, Yadunandan Pandit, Bulan Raut, Parmanand Thakur, Manoj Kumar Mandal, Jitendra Yadav, Mohammed Gul Hasan, Umesh Kumar Mahto, Keshav Mahto, Sanjay Kumar Mandal, Sanjeev Kumar Shama, Mihir Jha, Phulo Paswan, Om Prakash Jha, Chandan Jha, Amit Mishra, Sandeep Kumar Safi, Anand Kumar Jha, Kashyap Kamal, Dinesh Mishra, Preeti Thakur, Laxmi Thakur, Swastika Thakur, Madhulika Chaudhary, Buchru Paswan, Tulika Choudhary, Neelima Choudhary, Shreemohan Choudhary, Dukhiya (Durganand) Chaudhary, Panjikar Vidyanand Jha, Vinit Utpal, Jyoti Sunit Chaudhary and others whose oral/ written collections of Maithili Folk Tales/ music/ cultural diaspora; and the discussions held with some of them and many others helped author understand the economy, society and culture of Mithila in detail. The author acknowledges the contribution of folktellers like Jayram Thakur, Saryug Thakur, Currant Lal, Vishnudev Paswan, Bindeshwar Paswan, Ramdev Ram, Shivan Paswan, Shivchandra Paswan, Beli Roy, Anil Sada, Rajo Sada, Suresh Sada, Rajendra Sada, Jagdish Sada, Chhotelal Sada, Nirmal Sada, Pawan Singh Paswan, Jage Mahto, Jage Raut, Yogendra Yadav, Ganga Ram Mallick, Rambabu Paswan, Ghuran Paswan, Bablu, Shrawan, Dinesh, Lalu, Shanti Devi and numerous other unsung personalities/ philosophy books/ authors who are the real torch bearers of Mithila’s rich tradition; and; Bihar Rashtrabhasha Parishad journal/ books, national and international news magazines/ newspapers/ ancient Samskrit Literature, the kuntapa hymns, Vedas, Upanishads, Brahmins, and Rg Vedic, Later Vedic, Post-Vedic and Jaina and Buddhist Literature. Books on Philosophy and Religion by Y. Masih/ Motilal Banarasi Dass/ Chaukhambha Orientalia and other publishers/ IGNOU/IIM/ Bihar State Textbook publishing Corporation/ Bihar/ Uttar Pradesh/ Mafhya Pradesh/ Rajasthan Hindi Granth akademi/ Bihar Samskrit Akademi/ Faculty courseware/ NBT/ CIIL books regarding literature/ society/ labour/ business studies/ international relations/ humanities/ Text books of India and Nepal; Audio-video-books archive of Sangeet Natak Akademi, Delhi and IGNCA, books on music by Ramashraya Jha Ramrang..